TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 43

Previous part

Chapter: 15

Isus Rimen täyini bašči P̣ilaṭi be͑ś
İsus Rimen təyini başçi P'ilat'i běš

(Maṭ. 27:1-2,11-26

Link to udntn

; Luḳ. 23:1-25

Link to udntn

; Ioan. 18:28-19:16

Link to udntn

)
(Mat'. 27:1-2,11-26

Link to udntn

; Luk'. 23:1-25

Link to udntn

; İoan. 18:28-19:16

Link to udntn

)

Verse: 1

Link to udint

Link to armnt

Link to ntkpl

Savaxṭan üšenen samǯi be͑yinśxon, aġsaq̇q̇alxon, ḳanun zombalxon saal Kala Šurin bütüm üzviġon maslaatbiṭuxun oša Isusi kula ġać̣ṗi P̣ilaṭi ṭo͑ġo͑l tašeri šoṭo täslimṭunbi.
Savaxt'an üşenen samci běyinšxon, ağsaq'q'alxon, k'anun zombalxon saal Kala Şurin bütüm üzviğon maslaatbit'uxun oşa İsusi kula ğač'p'i P'ilat'i t'ǒğǒl taşeri şot'o təslimt'unbi.

Verse: 2

Link to udint

Link to armnt

Link to ntkpl

P̣ilaṭen Šoṭoxun xavare haq̇i: "Iudeyxoy padčaġ hunnu?" Isusen ǯoġabe tadi: "Hunen metär nex".
P'ilat'en Şot'oxun xavare haq'i: "İudeyxoy padçağ hunnu?" İsusen coğabe tadi: "Hunen metər nex".

Verse: 3

Link to udint

Link to armnt

Link to ntkpl

Samǯi be͑yinśxon Šoṭo gele äšurxosṭaṭun taxsərkär č̣evḳsa burqi.
Samci běyinšxon Şot'o gele əşurxost'at'un taxsırkər c'evk'sa burqi.

Verse: 4

Link to udint

Link to armnt

Link to ntkpl

Ṭe vädä P̣ilaṭen Šoṭoxun ṗurumal xavare haq̇i: "Sal ǯoġab ten tadal? Axəri va mema äšläsṭa taxsərkärṭun č̣evḳsa!"
T'e vədə P'ilat'en Şot'oxun p'urumal xavare haq'i: "Sal coğab ten tadal? Axıri va mema əşləst'a taxsırkərt'un c'evk'sa!"

Verse: 5

Link to udint

Link to armnt

Link to ntkpl

Ama Isusen ṗurumal šoṭo ǯoġab tene tadi, P̣ilaṭal moṭo lap määṭṭäle mandi.
Ama İsusen p'urumal şot'o coğab tene tadi, P'ilat'al mot'o lap məət't'əle mandi.

Verse: 6

Link to udint

Link to armnt

Link to ntkpl

Här Č̣ovaksuni axsibayasṭa P̣ilaṭen sa ädät ḳinäḳ biq̇eciṭoġoy bošṭan amdarxoy čureġalṭoġoxun sunṭu tärebsay.
Hər C'ovaksuni axsibayast'a P'ilat'en sa ədət k'inək' biq'eśit'oğoy boşt'an amdarxoy çureğalt'oğoxun sunt'u tərebsay.

Verse: 7

Link to udint

Link to armnt

Link to ntkpl

Hame vädine biq̇eciṭoġoy arane ölkinä gärgürǯuluġ sakiṭoġoxun sagala amdar besṗi, iz c̣i Barabba bakala sa amdare buy.
Hame vədine biq'eśit'oğoy arane ölkinə gərgürculuğ sakit'oğoxun sagala amdar besp'i, iz s'i Barabba bakala sa amdare buy.

Verse: 8

Link to udint

Link to armnt

Link to ntkpl

Ǯamaatenal P̣ilaṭi ṭo͑ġo͑l hari šoṭoxun isääl iz här usen balṭu bsunane xaišbi.
Camaatenal P'ilat'i t'ǒğǒl hari şot'oxun isəəl iz hər usen balt'u bsunane xaişbi.

Verse: 9

Link to udint

Link to armnt

Link to ntkpl

P̣ilaṭen šoṭoġo pine: "Čurnansa, vä͑ynaḳ iudeyxoy padčaġa tärbaz?"
P'ilat'en şot'oğo pine: "Çurnansa, və̌ynak' iudeyxoy padçağa tərbaz?"

Verse: 10

Link to udint

Link to armnt

Link to ntkpl

Šoṭin avaney ki, samǯi be͑yinśxon Isusa paxəlluġaxunṭun kiyel tasṭun čuresa.
Şot'in avaney ki, samci běyinšxon İsusa paxılluğaxunt'un kiyel tast'un çuresa.

Verse: 11

Link to udint

Link to armnt

Link to ntkpl

Ama samǯi be͑yinśxon amdarxo galṭundi ki, Isusa tää, Barabbin tärbsunaq̇aṭun čureci.
Ama samci běyinšxon amdarxo galt'undi ki, İsusa təə, Barabbin tərbsunaq'at'un çureśi.

Verse: 12

Link to udint

Link to armnt

Link to ntkpl

P̣ilaṭen ṗurumal šoṭoġoxun xavare haq̇i: "P̣oy ḳänan čuresa? Vä͑n iudeyxoy padčaġ uḳala me amdara ḳä baz?"
P'ilat'en p'urumal şot'oğoxun xavare haq'i: "P'oy k'ənan çuresa? Və̌n iudeyxoy padçağ uk'ala me amdara k'ə baz?"

Verse: 13

Link to udint

Link to armnt

Link to ntkpl

Šoṭoġonal harayṭunpi: "Koṭo xače loxol ṭä͑q̇ṭa!"
Şot'oğonal harayt'unpi: "Kot'o xaçe loxol t'ə̌q't'a!"

Verse: 14

Link to udint

Link to armnt

Link to ntkpl

P̣ilaṭen xavare haq̇i: "Axəri koṭin ḳä pisluġa be?" Šoṭoġon isä "koṭo xače loxol ṭä͑q̇ṭa!" uḳa samalal osṭaarṭun haraypi.
P'ilat'en xavare haq'i: "Axıri kot'in k'ə pisluğa be?" Şot'oğon isə "kot'o xaçe loxol t'ə̌q't'a!" uk'a samalal ost'aart'un haraypi.

Verse: 15

Link to udint

Link to armnt

Link to ntkpl

P̣ilaṭenal ǯamaati säs boṭbakeq̇an pi šoṭoġoynaḳ Barabbina tärebi. Isusa isä tatarlayinšesṭiṭuxun oša xače loxol ṭä͑q̇sṭeynaḳ äsḳärxoy kiyele tadi.
P'ilat'enal camaati səs bot'bakeq'an pi şot'oğoynak' Barabbina tərebi. İsusa isə tatarlayinşest'it'uxun oşa xaçe loxol t'ə̌q'st'eynak' əsk'ərxoy kiyele tadi.

Äsḳärxoy Isusa laġa haq̇sun
Əsk'ərxoy İsusa lağa haq'sun

(Maṭ. 27:27-31

Link to udntn

; Ioan. 19:2-3

Link to udntn

)
(Mat'. 27:27-31

Link to udntn

; İoan. 19:2-3

Link to udntn

)

Verse: 16

Link to udint

Link to armnt

Link to ntkpl

Äsḳärxon Isusa bašči P̣ilaṭi sarayin määlnexun bona tašeri ičoġoy bütüm däsṭinä topṭunbi.
Əsk'ərxon İsusa başçi P'ilat'i sarayin məəlnexun bona taşeri içoğoy bütüm dəst'inə topt'unbi.

Verse: 17

Link to udint

Link to armnt

Link to ntkpl

Šoṭo tünd ć̣oć̣a sa xälät lapesṭi, oša cacaxun taǯ ä͑ldi Iz belṭun laxi.
Şot'o tünd č'oč'a sa xələt lapest'i, oşa śaśaxun tac ə̌ldi İz belt'un laxi.

Verse: 18

Link to udint

Link to armnt

Link to ntkpl

Šoṭoġon Isusa "iudeyxoy padčaġ dirisṭq̇an baki!" pi laġaṭun haq̇say.
Şot'oğon İsusa "iudeyxoy padçağ dirist'q'an baki!" pi lağat'un haq'say.

Verse: 19

Link to udint

Link to armnt

Link to ntkpl

Šoṭay bel ge͑śen duṭunġsay, Iz loxol ćuṭunney, Iz be͑ś čökṭi bulṭun ḳoc̣bsay.
Şot'ay bel gěšen dut'unğsay, İz loxol ç̌ut'unney, İz běš çökt'i bult'un k'os'bsay.

Verse: 20

Link to udint

Link to armnt

Link to ntkpl

Boššamin laġa haq̇i axśumpiṭuxun oša, Šoṭay loxolxun tünd ć̣oć̣a xälätä č̣eq̇i Iz paltara lapesṭi Šoṭo xače loxol ṭä͑q̇sṭeynaḳṭun tašeri.
Boşşamin lağa haq'i axšumpit'uxun oşa, Şot'ay loxolxun tünd č'oč'a xələtə c'eq'i İz paltara lapest'i Şot'o xaçe loxol t'ə̌q'st'eynak't'un taşeri.

Isusi xače loxol ṭä͑q̇ṭesun
İsusi xaçe loxol t'ə̌q't'esun

(Maṭ. 27:32-44

Link to udntn

; Luḳ. 23:26-43

Link to udntn

; Ioan. 19:17-25

Link to udntn

)
(Mat'. 27:32-44

Link to udntn

; Luk'. 23:26-43

Link to udntn

; İoan. 19:17-25

Link to udntn

)

Verse: 21

Link to udint

Link to armnt

Link to ntkpl

Hame vädine ayizexun eġala Simon c̣iyen sa Ḳirenalu haṭe yaq̇ene č̣ovaksay. Šo Aleksandri q̇a Rufusi bavaney. Äsḳärxon Šoṭo biq̇i Isusi xača tašṭunaṭun mäǯburbi. ^*
Hame vədine ayizexun eğala Simon s'iyen sa K'irenalu hat'e yaq'ene c'ovaksay. Şo Aleksandri q'a Rufusi bavaney. Əsk'ərxon Şot'o biq'i İsusi xaça taşt'unat'un məcburbi. ^*

Verse: 22

Link to udint

Link to armnt

Link to ntkpl

Isusa Ḳolgoṭa uḳala galaṭun ečeri. "Ḳolgoṭa" - "Källin ga" upsune.
İsusa K'olgot'a uk'ala galat'un eçeri. "K'olgot'a" - "Kəllin ga" upsune.

Verse: 23

Link to udint

Link to armnt

Link to ntkpl

Šoṭo q̇ać̣ boṭala därmän gärbi fi tasṭunṭun čureci, ama Šoṭin tene u͑ġi.
Şot'o q'ač' bot'ala dərmən gərbi fi tast'unt'un çureśi, ama Şot'in tene ǔği.

Verse: 24

Link to udint

Link to armnt

Link to ntkpl

Šoṭoġon Isusa xače loxol ṭä͑q̇ṭundi. Iz paltara isä "šu hiḳä kofedo-kofedo" pi čöp bosi ičoġoy \ arane ǯöyṭunbi. ^*
Şot'oğon İsusa xaçe loxol t'ə̌q't'undi. İz paltara isə "şu hik'ə kofedo-kofedo" pi çöp bosi içoğoy \ arane cöyt'unbi. ^*

Verse: 25

Link to udint

Link to armnt

Link to ntkpl

Šoṭo xače loxol ṭä͑q̇ṭaṭan xibimǯi saadey. ^*
Şot'o xaçe loxol t'ə̌q't'at'an xibimci saadey. ^*

Verse: 26

Link to udint

Link to armnt

Link to ntkpl

Šoṭay besṭa Iz taxsəra aḳesṭala metär came buy: IUDEYXOY PADČAĠ.
Şot'ay best'a İz taxsıra ak'est'ala metər śame buy: İUDEYXOY PADÇAĞ.

Verse: 27

Link to udint

Link to armnt

Link to ntkpl

Šoṭoxun sagala amdar fu͑q̇suni loxol biq̇eci ṗä͑ tanal xače loxol ṭä͑q̇ṭundi. Sunṭu Iz yön täräf, ṭe sunṭu isä Iz tärs täräf.
Şot'oxun sagala amdar fǔq'suni loxol biq'eśi p'ə̌ tanal xaçe loxol t'ə̌q't'undi. Sunt'u İz yön tərəf, t'e sunt'u isə İz tərs tərəf.

Verse: 28 ^*

Verse: 29

Link to udint

Link to armnt

Link to ntkpl

Eġal-taġalxon ičoġoy bula źə͑ḳṗsun Šoṭo laġaṭun haq̇say, "ḳä baki, ay xrama carpi xib ġiin biq̇alo!
Eğal-tağalxon içoğoy bula ǰı̌k'p'sun Şot'o lağat'un haq'say, "k'ə baki, ay xrama śarpi xib ğiin biq'alo!

Verse: 30

Link to udint

Link to armnt

Link to ntkpl

Isä va čarḳesṭa, xačaxun ciki!" nexṭuniy. ^*
İsə va çark'est'a, xaçaxun śiki!" next'uniy. ^*

Verse: 31

Link to udint

Link to armnt

Link to ntkpl

Samǯi be͑yinśxon q̇a ḳanun zombalxonal Šoṭo laġa haq̇i nexṭuniy: "Ṭə͑yämiṭoġone čarḳesṭay, ama iču čarḳesṭes tene baksa!
Samci běyinšxon q'a k'anun zombalxonal Şot'o lağa haq'i next'uniy: "T'ı̌yəmit'oğone çark'est'ay, ama içu çark'est'es tene baksa!

Verse: 32

Link to udint

Link to armnt

Link to ntkpl

Barta isä "Israili padčaġ" bakala me "xrisṭos" xačaxun cireq̇an, yanal aḳen ve͑baken!" Isusaxun sagala xače loxol ṭä͑q̇ṭeciṭoġonal Šoṭo tähḳirṭunbsay.
Barta isə "İsraili padçağ" bakala me "xrist'os" xaçaxun śireq'an, yanal ak'en věbaken!" İsusaxun sagala xaçe loxol t'ə̌q't'eśit'oğonal Şot'o təhk'irt'unbsay.

Isusi bisun
İsusi bisun

(Maṭ. 27:45-56

Link to udntn

; Luḳ. 23:44-49

Link to udntn

; Ioan. 19:25-30

Link to udntn

)
(Mat'. 27:45-56

Link to udntn

; Luk'. 23:44-49

Link to udntn

; İoan. 19:25-30

Link to udntn

)

Verse: 33

Link to udint

Link to armnt

Link to ntkpl

U͑qu͑mǯi saadaxun ^* vuyumǯi \ saadal ciriḳ ^* dirisṭ oćali ćoyel bayinq̇luġe baki.
Ǔqǔmci saadaxun ^* vuyumci \ saadal śirik' ^* dirist' oç̌ali ç̌oyel bayinq'luğe baki.

Verse: 34

Link to udint

Link to armnt

Link to ntkpl

Vuyumǯi saadasṭa Isusen osṭaar säsen harayepi:
   Vuyumci saadast'a İsusen ost'aar səsen harayepi:
    "Elohi, Elohi, lema sabaxṭani?" ^*
    "Elohi, Elohi, lema sabaxt'ani?" ^*
    Mo "ay Bez Buxaʒ́ux, Bez Buxaʒ́ux, heṭaynaḳen ä͑xilbaki Zaxun?" upsune.
    Mo "ay Bez Buxačux, Bez Buxačux, het'aynak'en ə̌xilbaki Zaxun?" upsune.

Verse: 35

Link to udint

Link to armnt

Link to ntkpl

Ṭeṭiya čurpiṭoġoy bäziṭoġon moṭo ibaki piṭun: "Inanbaksa, Ilyane ḳale!"
T'et'iya çurpit'oğoy bəzit'oğon mot'o ibaki pit'un: "İnanbaksa, İlyane k'ale!"

Verse: 36

Link to udint

Link to armnt

Link to ntkpl

Sa amdaren ṭiṭeri bisinä fine oq̇oyen šäyinbi šoṭo sa q̇arġuni bel č̣ovakesṭi Isusane tadi ki, u͑ġä͑ne. Šoṭin pine: "Isä be͑ġen be͑yn Ilyan hari koṭo xače loxolxun civaḳsa?" ^*
Sa amdaren t'it'eri bisinə fine oq'oyen şəyinbi şot'o sa q'arğuni bel c'ovakest'i İsusane tadi ki, ǔğə̌ne. Şot'in pine: "İsə běğen běyn İlyan hari kot'o xaçe loxolxun śivak'sa?" ^*

Verse: 37

Link to udint

Link to armnt

Link to ntkpl

Isusen osṭaar haraypi elmuxe tadi.
İsusen ost'aar haraypi elmuxe tadi.

Verse: 38

Link to udint

Link to armnt

Link to ntkpl

Haṭe dayġa xrame pärdä alaxun oq̇al ciriḳ ṗä͑ gala zəġebaki. ^*
Hat'e dayğa xrame pərdə alaxun oq'al śirik' p'ə̌ gala zığebaki. ^*

Verse: 39

Link to udint

Link to armnt

Link to ntkpl

Isusi be͑ś čurpi q̇ošuni baćtani kalaṭin Šoṭay axərənǯi näfäsä metär tasṭuna aḳaṭan "seriyal, me Amdar Buxaʒ́uġoy Ġarey" pine.
İsusi běš çurpi q'oşuni baç̌tani kalat'in Şot'ay axırınci nəfəsə metər tast'una ak'at'an "seriyal, me Amdar Buxačuğoy Ğarey" pine.

Verse: 40

Link to udint

Link to armnt

Link to ntkpl

Ṭeṭiya ä͑xiläxun be͑ġala čupuxal buney. Šoṭoġoy arane magdallu Mariya, Iosifi q̇a mic̣iḳ Iaḳovi nana Mariya saal Salomiṭe buy.
T'et'iya ə̌xiləxun běğala çupuxal buney. Şot'oğoy arane magdallu Mariya, İosifi q'a mis'ik' İak'ovi nana Mariya saal Salomit'e buy.

Verse: 41

Link to udint

Link to armnt

Link to ntkpl

Isus hälä Galileyina bakaṭan me čupux Iz bać̣anexun hari Iču q̇ulluġṭunbsay. Ṭeṭiya Šoṭoxun Yerusalima hari q̇eräzäl gele čupuxe buy. ^*
İsus hələ Galileyina bakat'an me çupux İz bač'anexun hari İçu q'ulluğt'unbsay. T'et'iya Şot'oxun Yerusalima hari q'erəzəl gele çupuxe buy. ^*

Isusa gärämzinä laxsun
İsusa gərəmzinə laxsun

(Maṭ. 27:57-61

Link to udntn

; Luḳ. 23:50-56

Link to udntn

; Ioan. 19:38-42

Link to udntn

)
(Mat'. 27:57-61

Link to udntn

; Luk'. 23:50-56

Link to udntn

; İoan. 19:38-42

Link to udntn

)

Verse: 42

Link to udint

Link to armnt

Link to ntkpl

Ene biyäne baksay. Ṭe ġi Č̣ovaksuni axsibayeynaḳ häzirluġ be͑ġala ġiney, yäni Šamaṭ ġine be͑śin ġi.
Ene biyəne baksay. T'e ği C'ovaksuni axsibayeynak' həzirluğ běğala ğiney, yəni Şamat' ğine běšin ği.

Verse: 43

Link to udint

Link to armnt

Link to ntkpl

Kala Šurin hörmätlü amdarxoxun soġo bakala, Buxaʒ́uġoy padčaġluġa yaq̇be͑ġala Arimaṭeyalu Iosif P̣ilaṭi ṭo͑ġo͑le hari. Šoṭin iz üḳä ćaxṗi Isusi meyidäne šoṭoxun čureci.
Kala Şurin hörmətlü amdarxoxun soğo bakala, Buxačuğoy padçağluğa yaq'běğala Arimat'eyalu İosif P'ilat'i t'ǒğǒle hari. Şot'in iz ük'ə ç̌axp'i İsusi meyidəne şot'oxun çureśi.

Verse: 44

Link to udint

Link to armnt

Link to ntkpl

P̣ilaṭen Isusi metär usum bisuna ibaki määṭṭäle mandi, baćtani kalaṭu iz ṭo͑ġo͑l ḳalpi xavare haq̇i: "Šo ene ṗurene?"
P'ilat'en İsusi metər usum bisuna ibaki məət't'əle mandi, baç̌tani kalat'u iz t'ǒğǒl k'alpi xavare haq'i: "Şo ene p'urene?"

Verse: 45

Link to udint

Link to armnt

Link to ntkpl

Baćtani kalaṭin "hoo" piṭuxun oša šoṭin Iosifa meyidä exsṭuna iǯazane tadi.
Baç̌tani kalat'in "hoo" pit'uxun oşa şot'in İosifa meyidə exst'una icazane tadi.

Verse: 46

Link to udint

Link to armnt

Link to ntkpl

Iosifen taci kätani parčane haq̇i, šoṭin meyidä xačaxun civḳi me parčina bäč̣ürpi, tašeri q̇ayani boš kaśeci maġarinane laxi. Šoṭin maġarin źomo sa źe͑yal ṭəḳəredi.
İosifen taśi kətani parçane haq'i, şot'in meyidə xaçaxun śivk'i me parçina bəc'ürpi, taşeri q'ayani boş kašeśi mağarinane laxi. Şot'in mağarin ǰomo sa ǰěyal t'ık'ıredi.

Verse: 47

Link to udint

Link to armnt

Link to ntkpl

Magdallu Mariyan q̇a Iosifi nana Mariyanal meyidi maya laxsuna aṭunḳi.
Magdallu Mariyan q'a İosifi nana Mariyanal meyidi maya laxsuna at'unk'i.

Next part

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.