TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 26

Chapter: 26

Isusa bespseynaḳ äyitä sabsun
İsusa bespseynak' əyitə sabsun

(Mrḳ. 14:1-2

; Luḳ. 22:1-2

; Ioan. 11:45-53

)
(Mrk'. 14:1-2

; Luk'. 22:1-2

; İoan. 11:45-53

)

Verse: 1

Isusen Iz exlätä čarḳiṭuxun oša Iz šagirdxo pine:
İsusen İz exlətə çark'it'uxun oşa İz şagirdxo pine:

Verse: 2

"P̣ä͑ ġi oša Č̣ovaksuni axsibay ^* baksuna avanan. Amdari Ġara kiyel tadi xače loxol ṭä͑q̇ṭalṭun".
"P'ə̌ ği oşa C'ovaksuni axsibay ^* baksuna avanan. Amdari Ğara kiyel tadi xaçe loxol t'ə̌q't'alt'un".

Verse: 3

Hame vädä samǯi be͑yinśxo saal Israil azuḳi aġsaq̇q̇alxo Ḳayafa c̣ila samǯi be͑yinśxoy kalaṭay määline gireci
Hame vədə samci běyinšxo saal İsrail azuk'i ağsaq'q'alxo K'ayafa s'ila samci běyinšxoy kalat'ay məəline gireśi

Verse: 4

Isusa č̣äṗḳin biq̇i bespseynaḳ äyitä saṭunbi.
İsusa c'əp'k'in biq'i bespseynak' əyitə sat'unbi.

Verse: 5

Ama šoṭoġon nexṭuniy: "Moṭo axsibayasṭa ma ben, tene amdarxoy arane gärgürčiluġe bafṭo".
Ama şot'oğon next'uniy: "Mot'o axsibayast'a ma ben, tene amdarxoy arane gərgürçiluğe baft'o".

Beṭanyana sa čuġon Isusa lä͑ä͑mesṭa
Bet'anyana sa çuğon İsusa lə̌ə̌mest'a

(Mrḳ. 14:3-9

; Ioan. 12:1-8

)
(Mrk'. 14:3-9

; İoan. 12:1-8

)

Verse: 6

Isus Beṭanyana ǯuzamaxun \ q̇olaybaki Simoni ḳoya bakaṭan
İsus Bet'anyana cuzamaxun \ q'olaybaki Simoni k'oya bakat'an

Verse: 7

śum ukala vädine Šoṭay ṭo͑ġo͑l sa čuuxe hari, čuġoy kiyel iz boš gele toyexlu šaaṭ adeġala č̣äyin bakala alabasṭer źe͑naxun düzbaki q̇ave buy. Čuġon č̣äyinä Šoṭay bele lapi. ^*
šum ukala vədine Şot'ay t'ǒğǒl sa çuuxe hari, çuğoy kiyel iz boş gele toyexlu şaat' adeğala c'əyin bakala alabast'er ǰěnaxun düzbaki q'ave buy. Çuğon c'əyinə Şot'ay bele lapi. ^*

Verse: 8

Šagirdxon moṭo aḳaṭan äǯuġläyinšäki piṭun: "Č̣äyinä metär xärdängbsun heṭuva lazəm?
Şagirdxon mot'o ak'at'an əcuğləyinşəki pit'un: "C'əyinə metər xərdəngbsun het'uva lazım?

Verse: 9

Axər me č̣äyinä toyex toydi tänginä käsibxo tadese bakoy".
Axır me c'əyinə toyex toydi tənginə kəsibxo tadese bakoy".

Verse: 10

Isusen šoṭoġoy nairäziluġa aḳi pine: "Heṭaynaḳnan čuġo inǯitmišbsa? Me čuġon Zaynaḳ šaaṭ sa äše biq̇i!
İsusen şot'oğoy nairəziluğa ak'i pine: "Het'aynak'nan çuğo incitmişbsa? Me çuğon Zaynak' şaat' sa əşe biq'i!

Verse: 11

Käsibxo hämišä ef ṭo͑ġo͑l bakalṭun, Zu isä hämišä ef ṭo͑ġo͑l tez bakal. ^*
Kəsibxo həmişə ef t'ǒğǒl bakalt'un, Zu isə həmişə ef t'ǒğǒl tez bakal. ^*

Verse: 12

Čuġon me č̣äyinen Bez bädänä oćalaxbsunane häzirbi.
Çuğon me c'əyinen Bez bədənə oç̌alaxbsunane həzirbi.

Verse: 13

Vä͑x düzinäz nex: dünyäni mani gala Mu͑q Xavar karooz bakalesa, me čuġo eyex badi iz biq̇i äšlin barada exlätṗalṭun".
Və̌x düzinəz nex: dünyəni mani gala Mǔq Xavar karooz bakalesa, me çuğo eyex badi iz biq'i əşlin barada exlətp'alt'un".

Iuday Isusa kiyel tasṭuna täklifbsun
İuday İsusa kiyel tast'una təklifbsun

(Mrḳ. 14:10-11

; Luḳ. 22:3-6

; Ioan. 13:18-30

)
(Mrk'. 14:10-11

; Luk'. 22:3-6

; İoan. 13:18-30

)

Verse: 14

Ṭe vädä ṗac̣c̣e šagirdaxun Iuda Isḳarioṭ c̣ila soġo samǯi be͑yinśxoy ṭo͑ġo͑l taci pine:
T'e vədə p'as's'e şagirdaxun İuda İsk'ariot' s'ila soğo samci běyinšxoy t'ǒğǒl taśi pine:

Verse: 15

"Šoṭo ef kiyel tadayiz za ḳänan tado?" Šoṭoġon Iudaynaḳ otuz gümüš tängäṭun bo͑q̇ä͑lpi.
"Şot'o ef kiyel tadayiz za k'ənan tado?" Şot'oğon İudaynak' otuz gümüş təngət'un bǒq'ə̌lpi.

Verse: 16

Ṭe vädinäxun Iudan Isusa kiyel tasṭeynaḳ fürsät qä͑vesane burqi.
T'e vədinəxun İudan İsusa kiyel tast'eynak' fürsət qə̌vesane burqi.

Isusi axərənǯi käräm Č̣ovaksuni axsibayi ukuna uksun
İsusi axırınci kərəm C'ovaksuni axsibayi ukuna uksun

(Mrḳ. 14:12-26

; Luḳ. 22:7-23

; Ioan. 13:21-30

; 1 Ḳor. 11:23-25)
(Mrk'. 14:12-26

; Luk'. 22:7-23

; İoan. 13:21-30

; 1 K'or. 11:23-25)

Verse: 17

Ä͑yinsuz Šume axsibayi ^* samǯi ġine šagirdxo Isusi ṭo͑ġo͑l hari piṭun: "Vaynaḳ Č̣ovaksuni axsibayi ukuneynaḳ yan maya häzirluġ be͑ġen?"
Ə̌yinsuz Şume axsibayi ^* samci ğine şagirdxo İsusi t'ǒğǒl hari pit'un: "Vaynak' C'ovaksuni axsibayi ukuneynak' yan maya həzirluğ běğen?"

Verse: 18

Šoṭin ǯoġabe tadi: "Šähäre baci flankäsi ṭo͑ġo͑l taci šoṭo upanan: "Määlimen nexe: "Bez vaxṭ ə͑śalayinše baki, Bez šagirdxoxun sagala Č̣ovaksuni axsibaya vi ḳoya č̣ovakesṭoz".
Şot'in coğabe tadi: "Şəhəre baśi flankəsi t'ǒğǒl taśi şot'o upanan: "Məəlimen nexe: "Bez vaxt' ı̌šalayinşe baki, Bez şagirdxoxun sagala C'ovaksuni axsibaya vi k'oya c'ovakest'oz".

Verse: 19

Šagirdxon Isusi ämirä bex ṗaṗesṗi Č̣ovaksuni axsibayi q̇uzina häzirṭunbi.
Şagirdxon İsusi əmirə bex p'ap'esp'i C'ovaksuni axsibayi q'uzina həzirt'unbi.

Verse: 20

Biyäsin Isus Iz ṗac̣c̣e šagirdaxun sagala sulfin bel areci.
Biyəsin İsus İz p'as's'e şagirdaxun sagala sulfin bel areśi.

Verse: 21

Šoṭoġon ukun ukaṭan Isusen pine: "Vä͑x düzinäz nex: vä͑xun sunṭin Za xäyanätbale".
Şot'oğon ukun ukat'an İsusen pine: "Və̌x düzinəz nex: və̌xun sunt'in Za xəyanətbale".

Verse: 22

Šoṭoġo kala därdene haq̇i, ošal sunay bać̣anexun Šoṭoxun xavar haq̇saṭun burqi: "Ay Q̣onʒ́ux, zu tezu ki?"
Şot'oğo kala dərdene haq'i, oşal sunay bač'anexun Şot'oxun xavar haq'sat'un burqi: "Ay Q'ončux, zu tezu ki?"

Verse: 23

Šoṭin isä šoṭoġo pine: "Zaxun sagala iz kula q̇ava boxodalṭin Za xäyanätbale. ^*
Şot'in isə şot'oğo pine: "Zaxun sagala iz kula q'ava boxodalt'in Za xəyanətbale. ^*

Verse: 24

Amdari Ġar Iz barada cameci ḳinäḳe taysa. Ama vay ṭe amdari hala ki, Amdari Ġara xäyanätebsa! Ṭe amdar sal nanaxun nu bakiniy \ šaaṭey".
Amdari Ğar İz barada śameśi k'inək'e taysa. Ama vay t'e amdari hala ki, Amdari Ğara xəyanətebsa! T'e amdar sal nanaxun nu bakiniy \ şaat'ey".

Verse: 25

Ṭe vädä xäyanätbala Iudan Šoṭoxun xavare haq̇i: "Määlim, zu tezu ki?" Isusen šoṭo ǯoġabe tadi: "Koṭo hunǯän pi!"
T'e vədə xəyanətbala İudan Şot'oxun xavare haq'i: "Məəlim, zu tezu ki?" İsusen şot'o coğabe tadi: "Kot'o huncən pi!"

Verse: 26

Šoṭoġon ukaṭan Isusen śuma exṭi šükürbala afərəna pi, oša šoṭo ǯöybi šagirdxo tadi pine: "Exṭanan, ukanan! Mo Bez bädäne".
Şot'oğon ukat'an İsusen šuma ext'i şükürbala afırına pi, oşa şot'o cöybi şagirdxo tadi pine: "Ext'anan, ukanan! Mo Bez bədəne".

Verse: 27

Oša sa ǯam exṭi šükürbala afərəna pi, šoṭo šagirdxo tadi pine:
Oşa sa cam ext'i şükürbala afırına pi, şot'o şagirdxo tadi pine:

Verse: 28

"Me ǯamaxun bitoṭin u͑ġä͑nan, mo Bez ṗine, amdarxoy günaxxo baġəšlayinšakseynaḳ geleṭay därden barala ṗine. ^*
"Me camaxun bitot'in ǔğə̌nan, mo Bez p'ine, amdarxoy günaxxo bağışlayinşakseynak' gelet'ay dərden barala p'ine. ^*

Verse: 29

Zu vä͑x nexzu: Bez Bavay padčaġluġa täzädän vä͑xun sagala fi u͑ġä͑lä ġinal ciriḳ fi tez u͑ġä͑l".
Zu və̌x nexzu: Bez Bavay padçağluğa təzədən və̌xun sagala fi ǔğə̌lə ğinal śirik' fi tez ǔğə̌l".

Verse: 30

Šoṭoġon Buxaʒ́uġo alxəšṗala mä͑ġä͑ mä͑ġpiṭuxun oša č̣eri Zeytun buruġoṭun taci.
Şot'oğon Buxačuğo alxışp'ala mə̌ğə̌ mə̌ğpit'uxun oşa c'eri Zeytun buruğot'un taśi.

P̣eṭeri danmišaksuna Isusi saturbe͑ś avabakesṭun
P'et'eri danmişaksuna İsusi saturběš avabakest'un

(Mrḳ. 14:27-31

; Luḳ. 22:31-34

; Ioan. 13:36-38

)
(Mrk'. 14:27-31

; Luk'. 22:31-34

; İoan. 13:36-38

)

Verse: 31

Ṭe vädä Isusen Iz šagirdxo pine: "Me üše vä͑n bitoṭin zaxun ćo taradalnan, hetär ki ω͑vel Came boš camecene:
   T'e vədə İsusen İz şagirdxo pine: "Me üşe və̌n bitot'in zaxun ç̌o taradalnan, hetər ki Ǐvel Śame boş śameśene:
    "Čobana duġoz,
    "Çobana duğoz,
    Sürün eġelxo pärän-pärän bakale". ^*
    Sürün eğelxo pərən-pərən bakale". ^*

Verse: 32

Ama Zu be͑yinbakiṭuxun oša vä͑n Za Galileyina aḳalnan". ^*
Ama Zu běyinbakit'uxun oşa və̌n Za Galileyina ak'alnan". ^*

Verse: 33

P̣eṭeren isä \ Šoṭo pine: "Lap bitoṭinal Vaxun ćo taradayin, zu sal sa vädä Vaxun ćo tez taradal".
P'et'eren isə \ Şot'o pine: "Lap bitot'inal Vaxun ç̌o taradayin, zu sal sa vədə Vaxun ç̌o tez taradal".

Verse: 34

Isusen šoṭo pine: "Va düzinäz nex: hame üše dadalen elḳalṭuxun be͑ś hun xib käräm Zaxun danmišakalnu".
İsusen şot'o pine: "Va düzinəz nex: hame üşe dadalen elk'alt'uxun běš hun xib kərəm Zaxun danmişakalnu".

Verse: 35

P̣eṭeren pine: "Ägär Vaxun sagala lap bisunal lazəm bakayin, Vaxun tez danmišakal". Ṭə͑yä͑mi šagirdxonal hametärṭun pi
P'et'eren pine: "Əgər Vaxun sagala lap bisunal lazım bakayin, Vaxun tez danmişakal". T'ı̌yə̌mi şagirdxonal hametərt'un pi

Isusi Geṭsemani ganu afərəpsun
İsusi Get'semani ganu afırıpsun

(Mrḳ. 14:32-42

; Luḳ. 22:39-46

)
(Mrk'. 14:32-42

; Luk'. 22:39-46

)

Verse: 36

Oša Isus Iz šagirdxoxun sagala Geṭsemani c̣ila sa gala hari šoṭoġo pine: "Vä͑n memiya arcanan, Zu isä samal ä͑xilbaki afərəḳoz".
Oşa İsus İz şagirdxoxun sagala Get'semani s'ila sa gala hari şot'oğo pine: "Və̌n memiya arśanan, Zu isə samal ə̌xilbaki afırık'oz".

Verse: 37

Šoṭin P̣eṭera q̇a Zavday ṗä͑ ġara Ičuxune tašeri. Isusa kala därden q̇a narahatčiluġene haq̇i.
Şot'in P'et'era q'a Zavday p'ə̌ ğara İçuxune taşeri. İsusa kala dərden q'a narahatçiluğene haq'i.

Verse: 38

Ṭe vädä šoṭoġo metäre pi: "Za kala därdene haq̇e. Memiya bakanan, Zaxun sagala muġur mandanan".
T'e vədə şot'oğo metəre pi: "Za kala dərdene haq'e. Memiya bakanan, Zaxun sagala muğur mandanan".

Verse: 39

Isus samal be͑ś taci ćooq̇a biti afərəpsane burqi: "Ay Bez Bava, ägär mümkünesa, me ǯama ^* Zaxun ä͑xilba. Ama Zu čureġala ḳinäḳ maq̇an baki, Vi čureġala ḳinäḳq̇an baki".
İsus samal běš taśi ç̌ooq'a biti afırıpsane burqi: "Ay Bez Bava, əgər mümkünesa, me cama ^* Zaxun ə̌xilba. Ama Zu çureğala k'inək' maq'an baki, Vi çureğala k'inək'q'an baki".

Verse: 40

Isus šagirdxoy ṭo͑ġo͑l qaybaki aneḳi ki, šorox neṗaxṭun. Šoṭin P̣eṭera pine: "Zaxun sagala sayǯä saadal muġur mandes tenan baki?
İsus şagirdxoy t'ǒğǒl qaybaki anek'i ki, şorox nep'axt'un. Şot'in P'et'era pine: "Zaxun sagala saycə saadal muğur mandes tenan baki?

Verse: 41

Muġur mandi afərəpanan ki, sinäyinšbaksunasṭa portṗes bakanan. Uruf zorbane, bädän isä zorsuze".
Muğur mandi afırıpanan ki, sinəyinşbaksunast'a portp'es bakanan. Uruf zorbane, bədən isə zorsuze".

Verse: 42

Isusen \ ṗurumal, ṗä͑mǯi käräm ä͑xilbaki afərəpsane burqi: "Ay Bava, ägär Zaxun me ǯama ä͑xilbsun mümkün tenesa, Zuval šoṭo u͑ġiz buq̇onsa, barta Vi čureġalo bakeq̇an".
İsusen \ p'urumal, p'ə̌mci kərəm ə̌xilbaki afırıpsane burqi: "Ay Bava, əgər Zaxun me cama ə̌xilbsun mümkün tenesa, Zuval şot'o ǔğiz buq'onsa, barta Vi çureğalo bakeq'an".

Verse: 43

Isusen qaybakaṭan aneḳi ki, šorox ṗurum neṗaxṭun: šoṭoġoy pulmux q̇ič̣esay.
İsusen qaybakat'an anek'i ki, şorox p'urum nep'axt'un: şot'oğoy pulmux q'ic'esay.

Verse: 44

Šoṭoġo barti täzädän ä͑xilebaki, ṗurum haṭe äyitmoġon xibimǯi käräm afərənepi.
Şot'oğo barti təzədən ə̌xilebaki, p'urum hat'e əyitmoğon xibimci kərəm afırınepi.

Verse: 45

Oša Isus šagirdxoy ṭo͑ġo͑l qaybaki šoṭoġo pine: "Häläl basḳi dinǯäyinšnanbaksa? Vaxṭ ṗaṗene: mone, Amdari Ġara günaxkärxoy kiyelṭun tasṭa.
Oşa İsus şagirdxoy t'ǒğǒl qaybaki şot'oğo pine: "Hələl bask'i dincəyinşnanbaksa? Vaxt' p'ap'ene: mone, Amdari Ğara günaxkərxoy kiyelt'un tast'a.

Verse: 46

Hayzanan taġen! Be͑ġanan, Za xäyanätbalo ə͑śane".
Hayzanan tağen! Běğanan, Za xəyanətbalo ı̌šane".

Isusi biq̇esun
İsusi biq'esun

(Mrḳ. 14:43-50

; Luḳ. 22:47-53

; Ioan. 18:3-12

)
(Mrk'. 14:43-50

; Luk'. 22:47-53

; İoan. 18:3-12

)

Verse: 47

Isusen hälä äyiteney, ṗac̣c̣e šagirdxoy soġo bakala Iuda hare. Šoṭay ṭo͑ġo͑l samǯi be͑yinśxon saal azuḳi aġsaq̇q̇alxon yaq̇abi xančalla saal maqla kala sa däsṭä amdare buy.
İsusen hələ əyiteney, p'as's'e şagirdxoy soğo bakala İuda hare. Şot'ay t'ǒğǒl samci běyinšxon saal azuk'i ağsaq'q'alxon yaq'abi xançalla saal maqla kala sa dəst'ə amdare buy.

Verse: 48

Isusa xäyanätbala Iudan šoṭoġo saturbe͑ś peney: "Šu mučḳayiz, Isus Šone, Šoṭo biq̇anan".
İsusa xəyanətbala İudan şot'oğo saturběš peney: "Şu muçk'ayiz, İsus Şone, Şot'o biq'anan".

Verse: 49

Šo Isusa ə͑śalayinšaki "Xeyirq̇an baki, Määlim!" pi, Šoṭo mučepi.
Şo İsusa ı̌šalayinşaki "Xeyirq'an baki, Məəlim!" pi, Şot'o muçepi.

Verse: 50

Isusen šoṭo pine: "Hakoṭaynaḳen harey, ay dosṭ?" Haṭe vädä Isusa biṭunq̇i.
İsusen şot'o pine: "Hakot'aynak'en harey, ay dost'?" Hat'e vədə İsusa bit'unq'i.

Verse: 51

Isusi šagirdxoy sunṭin ǯäld iz xančala č̣evḳi samǯi be͑yinśi ḳule u͑mo͑ġo duġi čuneki.
İsusi şagirdxoy sunt'in cəld iz xançala c'evk'i samci běyinši k'ule ǔmǒğo duği çuneki.

Verse: 52

Isusen šoṭo pine: "Vi xančala iz gala laxa, šoṭaynaḳ ki, iz kiyel q̇ələnǯ exṭalo q̇ələnǯaxunal biyale.
İsusen şot'o pine: "Vi xançala iz gala laxa, şot'aynak' ki, iz kiyel q'ılınc ext'alo q'ılıncaxunal biyale.

Verse: 53

Yoxsa ṭetären fikirbsa ki, Bez Bavaxun kömäy čureces tez bako? Šoṭin haṭe saad Zaynaḳ ṗac̣c̣e q̇ošunaxun gele angelxone yaq̇abo!
Yoxsa t'etəren fikirbsa ki, Bez Bavaxun köməy çureśes tez bako? Şot'in hat'e saad Zaynak' p'as's'e q'oşunaxun gele angelxone yaq'abo!

Verse: 54

Ama metär bakayin, ω͑vel Camurxo hetärq̇an bex ṗaṗi? Axər morox bito bakine buq̇on!"
Ama metər bakayin, Ǐvel Śamurxo hetərq'an bex p'ap'i? Axır morox bito bakine buq'on!"

Verse: 55

Ṭe vädä Isusen amdarxo pine: "Zu amdarfu͑q̇ḳalzu ki, Za xančalen q̇a maqennan biq̇sa hare? Här ġi xrama arci zomezbsay, vä͑n isä Za bitenanq̇i. ^*
T'e vədə İsusen amdarxo pine: "Zu amdarfǔq'k'alzu ki, Za xançalen q'a maqennan biq'sa hare? Hər ği xrama arśi zomezbsay, və̌n isə Za bitenanq'i. ^*

Verse: 56

Ama morox bito xavarečalxoy camurxo bex ṗaṗseynaḳe baki". \ Ṭe vädä šagirdxon bitoṭin Isusa bosi ṭiṭunṭeri.
Ama morox bito xavareçalxoy śamurxo bex p'ap'seynak'e baki". \ T'e vədə şagirdxon bitot'in İsusa bosi t'it'unt'eri.

Isus Kala Šurin be͑ś
İsus Kala Şurin běš

(Mrḳ. 14:53-65

; Luḳ. 22:54-55,63-71

; Ioan. 18:13-24

)
(Mrk'. 14:53-65

; Luk'. 22:54-55,63-71

; İoan. 18:13-24

)

Verse: 57

Isusa biq̇i amdarxon Šoṭo samǯi be͑yinśxoy kalo Ḳayafay ṭo͑ġo͑lṭun ečeri. Ḳanun zombalxo q̇a aġsaq̇q̇alxo saturbe͑ś ṭeṭiya topbakeṭuniy.
İsusa biq'i amdarxon Şot'o samci běyinšxoy kalo K'ayafay t'ǒğǒlt'un eçeri. K'anun zombalxo q'a ağsaq'q'alxo saturběš t'et'iya topbaket'uniy.

Verse: 58

P̣eṭer isä be͑yinśxoy kalaṭay määlinäl ciriḳ Isusi bać̣anexun taneci, me äšlin axəra aḳseynaḳ bona baci q̇aroolčiġoxun sagala areci.
P'et'er isə běyinšxoy kalat'ay məəlinəl śirik' İsusi bač'anexun taneśi, me əşlin axıra ak'seynak' bona baśi q'aroolçiğoxun sagala areśi.

Verse: 59

Samǯi be͑yinśxon saal Kala Šurin amdarxon bitoṭin Isusa bespsuni q̇ärar č̣evkseynaḳ Šoṭay äleyinä äfči šahidluġṭun qä͑vesay.
Samci běyinšxon saal Kala Şurin amdarxon bitot'in İsusa bespsuni q'ərar c'evkseynak' Şot'ay əleyinə əfçi şahidluğt'un qə̌vesay.

Verse: 60

Gele äfči šahidxone hari äyitṗi, ama teṭun \ baǯarbi. Axərda ṗä͑ šahid hari
Gele əfçi şahidxone hari əyitp'i, ama tet'un \ bacarbi. Axırda p'ə̌ şahid hari

Verse: 61

piṭun: "Me amdaren pene: "Zu xrama carpi xib ġinen biq̇es basko". ^*
pit'un: "Me amdaren pene: "Zu xrama śarpi xib ğinen biq'es basko". ^*

Verse: 62

Be͑yinśxoy kalaṭin turel hayzeri Isusa pine: "Vi sal ǯoġab butene? Šoṭoġon Vi barada mo he äyitmuxa nexṭun?"
Běyinšxoy kalat'in turel hayzeri İsusa pine: "Vi sal coğab butene? Şot'oğon Vi barada mo he əyitmuxa next'un?"

Verse: 63

Ama Isus šiṗ čurpeney. Be͑yinśxoy kalaṭin isä Šoṭo pine: "Va Dirisṭ bakala Buxaʒ́uġo elasez tadesṭa, yax upa, Buxaʒ́uġoy Ġar Xrisṭos Hunnu?"
Ama İsus şip' çurpeney. Běyinšxoy kalat'in isə Şot'o pine: "Va Dirist' bakala Buxačuğo elasez tadest'a, yax upa, Buxačuğoy Ğar Xrist'os Hunnu?"

Verse: 64

Isusenal šoṭo pine: "Hun pi ḳinäḳe. Lap moṭoxun avuzṭuval vä͑x nexzu: Amdari Ġare Zorba Bakalṭay yön täräf arsṭuna saal göye asoyxoy loxol eysunal aḳalnan". ^*
İsusenal şot'o pine: "Hun pi k'inək'e. Lap mot'oxun avuzt'uval və̌x nexzu: Amdari Ğare Zorba Bakalt'ay yön tərəf arst'una saal göye asoyxoy loxol eysunal ak'alnan". ^*

Verse: 65

Ṭe vädä be͑yinśxoy kalaṭin iz loxol bakala paltara zəġbi ^* pine: "Koṭin Buxaʒ́uġoy äleyinäne äyitṗi! Ene šahidxo ḳä ehṭiyäǯäbu? Häysä koṭay Buxaʒ́uġoy äleyinä äyitpsuna inanbaki!
T'e vədə běyinšxoy kalat'in iz loxol bakala paltara zığbi ^* pine: "Kot'in Buxačuğoy əleyinəne əyitp'i! Ene şahidxo k'ə eht'iyəcəbu? Həysə kot'ay Buxačuğoy əleyinə əyitpsuna inanbaki!

Verse: 66

P̣oy moṭo ḳänan nex?" Šoṭoġon ǯoġab tadi piṭun: "Ko bisuna layiġe". ^*
P'oy mot'o k'ənan nex?" Şot'oğon coğab tadi pit'un: "Ko bisuna layiğe". ^*

Verse: 67

Oša Isusi ćoyel ćupsa yumburuġ duġsaṭun burqi. Bäziṭoġonal Šoṭo sillä duġsun
Oşa İsusi ç̌oyel ç̌upsa yumburuğ duğsat'un burqi. Bəzit'oğonal Şot'o sillə duğsun

Verse: 68

nexṭuniy: "Ay Xrisṭos, xavarečalluġba be͑yn, Va duġalo šuva?" ^*
next'uniy: "Ay Xrist'os, xavareçalluğba běyn, Va duğalo şuva?" ^*

P̣eṭeri Isusaxun danmišaksun
P'et'eri İsusaxun danmişaksun

(Mrḳ. 14:66-72

; Luḳ. 22:56-62

; Ioan. 18:15-18,25-27

)
(Mrk'. 14:66-72

; Luk'. 22:56-62

; İoan. 18:15-18,25-27

)

Verse: 69

P̣eṭer isä č̣öš, määlne arceney. Sa čuux nökär šoṭo ə͑śalayinšaki pine: "Hunal Galileyalu Isusaxun sagalanuy".
P'et'er isə c'öş, məəlne arśeney. Sa çuux nökər şot'o ı̌šalayinşaki pine: "Hunal Galileyalu İsusaxun sagalanuy".

Verse: 70

Ama P̣eṭeren bitoṭay ṭo͑ġo͑l elasbsun danmišaki pine: "Tez ava, hun ḳän äyite".
Ama P'et'eren bitot'ay t'ǒğǒl elasbsun danmişaki pine: "Tez ava, hun k'ən əyite".

Verse: 71

Oša P̣eṭer darvazinač taġaṭan q̇eräz sa čuux nökären šoṭo aḳi ṭeṭiya bakalṭoġo pine: "Me amdar Nazareṭlu Isusaxun sagalaney".
Oşa P'et'er darvazinaç tağat'an q'erəz sa çuux nökəren şot'o ak'i t'et'iya bakalt'oğo pine: "Me amdar Nazaret'lu İsusaxun sagalaney".

Verse: 72

P̣eṭer ṗurumal elasbsun danmišaki pine: "Zu ke amdara tez čalxsa".
P'et'er p'urumal elasbsun danmişaki pine: "Zu ke amdara tez çalxsa".

Verse: 73

Samal oša ṭeṭiya čurpiṭoġon hari P̣eṭera piṭun: "Hägigiyal, hun šoṭoġoxunnu, vi äyitpsunaxun q̇amišakes baneksa".
Samal oşa t'et'iya çurpit'oğon hari P'et'era pit'un: "Həgigiyal, hun şot'oğoxunnu, vi əyitpsunaxun q'amişakes baneksa".

Verse: 74

P̣eṭeren isä ṗurum elasṗi pine: "Ke amdara tez čalxsa". Hame vädä dadalen elepi.
P'et'eren isə p'urum elasp'i pine: "Ke amdara tez çalxsa". Hame vədə dadalen elepi.

Verse: 75

P̣eṭeren Isusi "dadalen elḳalṭuxun be͑ś hun xib käräm Zaxun danmišakalnu" pi äyitä iz eyexe badi. Šoṭin ṭeṭiin č̣eri hönkür-hönkür o͑no͑nepi.
P'et'eren İsusi "dadalen elk'alt'uxun běš hun xib kərəm Zaxun danmişakalnu" pi əyitə iz eyexe badi. Şot'in t'et'iin c'eri hönkür-hönkür ǒnǒnepi.

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.