)
)
Isus ṭeṭiin č̣eri Iudeyina, Iordan oqe ṭe täräfe taci. P̣urumal amdarxo Šoṭay bel giresay, Šoṭinal hämišänin ḳinäḳ šoṭoġo zomebsay.
Sa hema farisey Isusi ṭo͑ġo͑l hari Šoṭo Iz äyitin loxol biq̇seynaḳ metär sa sualṭun tadi: "Moiseyi ḳanunen išq̇ari iz čuġo č̣evksuna iǯaza bune?"
Isusen šoṭoġo pine: "Moiseyen vä͑x ḳä ämirbe?"
Šoṭoġon ǯoġabṭun tadi: "Moiseyi ḳanunen išq̇aren iz čuġo ǯöybaksuni kaġəz tadi č̣evḳayin, iǯaza bune". *
Isusen šoṭoġo metäre pi: "Šoṭin ke ämirä ef inadkär baksuna göräne tade.
Ama \ burqesunasṭa Buxaʒ́uġon "šoṭoġo išq̇ar saal čuuxe yaratmiši". *
"Koṭo göräl išq̇ar iz bava-nanaxun ǯöybaki iz čuġo ġaćeġale,
me ṗo͑ġo͑ sa bädän bakale". Ene šorox ṗä͑ tan tää, sa tane. *
Moṭaynaḳal, barta Buxaʒ́uġon čütṭäyinšiṭoġo amdaren maq̇an ǯöybi".
Šorox ḳoya bakaṭan šagirdxon Isusaxun me barada ṗurum xavarṭun haq̇i.
Isusen šoṭoġo metäre ǯoġab tadi: "Iz čuġo č̣evḳi q̇eräzṭuxun laśḳoybakalṭin äxlagsuzluġebsa.
Iz išq̇araxun č̣eri q̇eräzṭu taġala čuġonal äxlagsuzluġebsa". *
; Luḳ. 18:15-17)
; Luk'. 18:15-17)
Amdarxon Isusi ṭo͑ġo͑l ičoġoy äyloġoṭun ešṭay ki, Šoṭin Iz kula šoṭoġoy loxol laxi xeyir-bäräkät tadane. Šagirdxon isä šoṭoġo teṭun barey.
Moṭo aḳala Isusen äǯuġläyinšäki pine: "Bartanan äylux Bez ṭo͑ġo͑l hareq̇aṭun! Šoṭoġo galmadanan! Šoṭaynaḳ ki, Buxaʒ́uġoy padčaġluġ metärṭoġoye.
Vä͑x düzinäz nex: šiin Buxaʒ́uġoy padčaġluġa sa äyel ḳinäḳ nu q̇abulbayin, ṭeṭiya sal sa vädä bayes tene bakon". *
Oša äyloġo q̇užbi Iz kulmoġo šoṭoġoy loxol laxi \ xeyir-bäräkäte tadi
; Luḳ. 18:18-30)
; Luk'. 18:18-30)
Isus yaq̇ č̣eġaṭan sa amdar ṭisṭun Šoṭay ṭo͑ġo͑le hari. Iz be͑ś čökṭi xavare haq̇i: "Ay šaaṭ määlim, zu ḳä šaaṭluġ baz ki, hämišäluġ yäšäyinšä baġaz?"
Isusen šoṭo pine: "Za heṭaynaḳen šaaṭ nexe? Buxaʒ́uġoxun bašq̇a šuḳḳal šaaṭ tene.
Šoṭay ämirxo avanu: "Besmaba. Äxlagsuzluġmaba. Bašmaq̇a. Šuḳḳali äleyinä äfčidän šahidluġmaba. Šuḳḳala fereṭmada. Vi bava-nana hörmätba". *
Me amdaren isä Isusa pine: "Määlim, moṭoġo bitova äyelluġaxun ämälezbsa".
Isusen šoṭay loxol be͑neġi, šo Iz üḳel baseḳi. Isusen pine: "Vi sa šey kame: taki hiḳḳä buvaxsa, toydi käsibxo payba. Ṭe vädä göynul vi xäzinä bakale. Oša qaybaka, * Bez bać̣anexun eki".
Moṭo ibakala ṭe amdar pärt baki pe͑śman taneci, šoṭaynaḳ ki, iz var-dövlät geleney.
Isusen Iz härrämine bakalṭoġoy loxol be͑ġi Iz šagirdxo pine: "Var-dövlät bakalṭoġoynaḳ Buxaʒ́uġoy padčaġluġa baysun heq̇ädär čätine!"
Šagirdxo Šoṭay äyitmoġoxun määṭṭälṭun mandi. \ Ama Isusen ṗurumal šoṭoġo pine: "Bez ġarmux, Buxaʒ́uġoy padčaġluġa baysun * heq̇ädär čätine!
Buše be͑ke dešiyexun č̣ovaksun dövlätlü amdari Buxaʒ́uġoy padčaġluġa baysunaxun hasande".
Šorox lap määṭṭäl mandi sun-suna piṭun: "Ketäresa, šuva čarḳeces bakon?"
Isusen šoṭoġoy loxol be͑ġi pine: "Mo amdarxoynaḳ mümkün tene, Buxaʒ́uġoynaḳ isä mümküne. Šoṭaynaḳ ki, Buxaʒ́uġoynaḳ här šey mümküne".
Ṭe vädä P̣eṭeren Šoṭo metäre pi: "Ama yax be͑ġa, yan bitova bosi Vi bać̣anexunyan hare".
Isusen ǯoġabe tadi: "Vä͑x düzinäz nex: ṭetär sa amdar teno ki, Zaynaḳ q̇a Mu͑q Xavareynaḳ iz ḳoža, vičimoġo, xunčimoġo, iz nana, iz bava, iz äyloġo, iz äkinxo bosane,
oša isä me dünyäni koruġxoy boš moṭoxun sabać q̇at avuzin ḳožurxo, vičimux, xunčimux, nanoox, bavoox, äylux, äkinxo, gäläǯäye isä hämišäluġ yäšäyinš nu haq̇an.
Ama häysä samǯi bakalṭoġoy gelo axərənǯi, axərənǯi bakalorox isä samǯi bakalṭun". *
; Luḳ. 18:31-34)
; Luk'. 18:31-34)
Be͑ś Isuse taysay. Šorox Yerusalimaṭun taysay, Isusi šagirdxonal ičoġo naraatṭun hisbsay. Šoṭoġoy bać̣anexun taġalorox isä q̇ə͑ye bošṭuniy. Isusen ṗac̣c̣e šagirdä sa ṭo͑o͑x zapi šoṭoġoynaḳ oša Iz bel eġala äšurxoy ä͑mxun exlätpsane burqi:
"Mone, yan häysä Yerusalimayan laysa. Ṭiya Amdari Ġara samǯi be͑yinśxoy q̇a ḳanun zombalxoy kiyel tadalṭun, Šoṭaynaḳ bisuni q̇ärar č̣evḳi Šoṭo Buxaʒ́uġo nu čalxalxoy kiyel tadalṭun.
Šoṭoġon Amdari Ġara laġa haq̇alṭun, Šoṭay loxol ćuḳalṭun, tatarlayinši oša besṗalṭun. Ama Šo xib ġinaxun oša be͑yinbakale".
Zavdayi ġarmux Iaḳov q̇a Ioan Isusa ə͑śalayinšaki piṭun: "Määlim, Vaxun sa xaišyax bu, čuryansa ki, šo ämälbavax".
Isusen šoṭoġoxun xavare haq̇i: "Ḳänan čuresa vä͑ynaḳ baz?"
Šoṭoġon Isusa piṭun: "Vi padčaġluġ tamtaraġen eġaṭan, barta yaxun soġo Vi yön täräf, ṭe soġo isä tärs täräfq̇an arci".
Ama Isusen šoṭoġo pine: "Ef ḳä čuresuna sal vä͑nal tenan q̇amiš. Bez u͑ġä͑lä ǯamaxun * u͑ġe͑s banankon? Zu ḳunuḳbaki ḳinäḳ vä͑nal ḳunuḳbakes banankon?" *
Šoṭoġon ǯoġabṭun tadi: "Bayankon". Isusen šoṭoġo pine: "Bez u͑ġä͑lä ǯamaxun vä͑nal u͑ġä͑lnan, Zu ḳunuḳbaki ḳinäḳ vä͑nal ḳunuḳbakalnan.
Ama Bez yön nääl tärs täräf ši arsṭuna iǯaza tasṭun Bez exṭiyäre tene. Ṭe ga šineynaḳ häzir bakenesa, šoṭoġo tadeġale".
Moṭo ibakala mandi vic̣ šagirdi Iaḳovi q̇a Ioani loxol äǯuġone biq̇i.
Ṭe vädä Isusen šagirdxo Iz ṭo͑ġo͑l ḳalpi pine: "Vä͑n avanan ki, me dünyäne amdarxoy loxol padčaġxon q̇a kalaluġbalxonṭun aġaluġbsa.
Ef arane isä barta metär maq̇an baki. Barta ef bošṭan kalo baksun čureġalo ef q̇ulluġčiq̇an baki,
ef arane samǯi baksun čureġalo bitoṭay nökärq̇an baki. *
Axəri Amdari Ġaral Iču q̇ulluġbaṭun pi tene hare, harene ki, Ičin q̇ulluġbi geleṭu Iz elmoġoy toyen čarḳesṭane".
; Luḳ. 18:35-43)
; Luk'. 18:35-43)
Šorox Yerixoyaṭun hari. Oša Isus Iz šagirdxoxun q̇a Iz bać̣anexun eġala ǯamaataxun sagala Yerixoyaxun č̣eġaṭan Barṭimay c̣iyen sa ḳać̣i \ paygirbal yaq̇e ṭo͑ġo͑l arceney. (Barṭimay c̣i Ṭimayi ġar upsune.)
Šoṭin ibakaṭan ki, Nazareṭlu Isuse ṭeṭiin č̣ovaksa, harayepi: "Ay Davidi Ġar Isus! Za gorox eki!"
Geleṭine šoṭo šiṗsun čureci, ama šoṭin samalal osṭaar haraypsane burqi: "Ay Davidi Ġar! Za gorox eki!"
Isusen čurpi pine: "Koṭo miya ḳalpanan". Šoṭoġonal ḳać̣i amdara ḳalpi piṭun: "Usum baka, hayza, Šoṭin vane ḳale".
Barṭimayen iz xälätä iz loxolxun č̣eq̇i bosi, iz ganuxun ǯupi Isusi ṭo͑ġo͑le taci.
Isusen šoṭoxun xavare haq̇i: "Ḳän čuresa vaynaḳ baz?" Ḳać̣i amdaren Šoṭo ǯoġabe tadi: "Ay bez Määlim, bez pulmoġon aḳeq̇an!".
Isusen šoṭo pine: "Tayes bankon, vi ve͑baksunen va q̇olayebi". Me amdarenal haṭe saad aksane burqi, šo Isusi bać̣anexune taci.
