; Luḳ. 19:28-40; Ioan. 12:12-19)
; Luk'. 19:28-40; İoan. 12:12-19)
Šorox Yerusalima ə͑śalayinšaki Zeytun buruġoy döše bakala Beṭfagena q̇a Beṭanyina eġala vädine Isusen Iz šagirdxoxun ṗranna be͑ś yaq̇abi
šoṭoġo pine: "Ef be͑ś bakala ayize takinan. Ṭiya baġala ḳinäḳ hälä šuḳḳal nu laci, ġać sa elemi bala aḳalnan. Šoṭo šadbi miya ečanan.
Šiin vä͑xun xavar haq̇ayin ki, "moṭo heṭaynaḳnan bsa?", šoṭo upanan "me elemi bala Q̣onʒ́uġone lazəm, šoṭo usumluġen qaydale".
Šorox taṭunci. Sa ḳožin darvazin ṭo͑ġo͑l ġać elemi bala aḳi, šoṭo šadṭunbi.
Ṭeṭiya čurpi amdarxon šoṭoġoxun xavarṭun haq̇i: "Ḳänan bsa? Me elemi balina heṭaynaḳnan šadbsa?".
Šagirdxon Isusen pi ḳinäḳ šoṭoġo ǯoġab tadaṭan ṭe amdarxon šagirdxo iǯaza taṭundi.
Šoṭoġon elemi balina Isusi ṭo͑ġo͑l ečeri ičoġoy xälätxo elemi balin loxolṭun pasṭi. Isus me elemi balin loxol areci.
Geleṭin ičoġoy xälätxo, bäziṭoġon q̇oruġa bakala xodurxoxun boṭeci tayurxo yaq̇a pasṭunsṭay.
Isusaxun be͑ś taġalṭoġon q̇a bać̣anexun eġalṭoġon metärṭun harayey: \ "Hosanna! * Q̣onʒ́uġoy c̣iyen Eġalṭu xeyir-bäräkätq̇an baki! *
Beš bava Davida äyit tadeci padčaġluġ xeyir-bäräkätluq̇an baki! \ Än alloyluġxo hosanna!"
Isus Yerusalima hariṭuxun oša xramane baci. Ṭiya här šeya Iz piyexun č̣ovakesedi. Ama ene biyäney, šoṭo göräl Iz ṗac̣c̣e šagirdaxun sagala Beṭanyinane qaybaki.
; Luḳ. 13:6-9)
; Luk'. 13:6-9)
Äyč̣indäri šorox Beṭanyinaxun č̣eġaṭan Isus busanebaki.
Ä͑xil sa xazalla inǯilnä xod aḳi šoṭay ṭo͑ġo͑le taci ki, be͑ġane be͑yn šoṭosṭa meyvä bune yoxsa tää. Ama šoṭo ə͑śalayinšakaṭan xodal xazalaxun bašq̇a inǯilä ošq̇ardala hiḳḳal tene bä͑ġä͑bi. Inǯili vädäl teney.
Ṭe vädä Isusen xoda pine: "Barta vaxun ene šuḳḳalen meyvä čuki maq̇an käyi!" Moṭo Iz šagirdxonal iṭunbaki.
; Luḳ. 19:45-48; Ioan. 2:13-22)
; Luk'. 19:45-48; İoan. 2:13-22)
Šorox Yerusalima hari ṗaṭunṗi. Isus ṗurum xrame määlne baci ṭeṭiya bakala haq̇i-toydalxo šäṗesane burqi. Tängä badalbalṭoġoy isṭolxo q̇a q̇urbanluġ göyärčinxo toydalṭoġoy arcala ganxo taranedi,
yük zaṗḳalṭoġoxunal šuḳḳala xrame määlinexun č̣ovaksa barteneti.
Šoṭoġo metär zombsun pine: "Tene camece ki,
Samǯi be͑yinśxon q̇a ḳanun zombalxon moṭo ibaki Isusa \ bespseynaḳ yaq̇ qä͑vesaṭun burqi. Šoṭaynaḳ ki, amdarxo Šoṭay zombsuna määṭṭäl mansṭuna görä Šoṭoxun q̇ə͑ṭunbsay.
Biyäbakaṭan isä Isus q̇a Iz šagirdxo šähärexun č̣erṭun.
)
)
Savaxṭan üšenen šorox inǯilnä xode ṭo͑o͑xun č̣ovakaṭan aṭunḳi ki, inǯilnä xod tumexun q̇aribakene.
P̣eṭeren sa ġi be͑ś bakiṭu eyex badi Isusa pine: "Määlim, be͑ġa! Vi läänätbi inǯilnä xod q̇aribakene".
Isusen ǯoġab tadi šoṭoġo pine: "Buxaʒ́uġo ef ve͑baksunq̇an baki!
Vä͑x düzinäz nex: šiin me buruġo "hayza, va dänizä bosa!" uḳayin, iz üḳe bošal šüpineynaḳ ga efinuṭ iz uḳalṭay bex ṗapsuna ve͑bakayin, šo bakale. *
Moṭo göräl vä͑x nexzu: afərəḳaṭan hiḳḳä čureġaynan ve͑bakanan ki, šoṭo ene haq̇enan, ef čureġaloval vä͑ynaḳ bakale.
Afərəḳaṭan šuxun ef nairäziluġ bunesa, šoṭo baġəšlayinšanan ki, göynul bakala ef Bavanal ef günaxxo baġəšlayinšane. *
Ägär vä͑n nu baġəšlayinšaynan, göynul bakala ef Bavanal ef taxsərxo tene baġəšlayinšal". *
; Luḳ. 20:1-8)
; Luk'. 20:1-8)
Šorox ṗurum Yerusalimaṭun hari. Isus xrame määlne taranney. \ Me vädine samǯi be͑yinśxo, ḳanun zombalxo saal aġsaq̇q̇alxo Šoṭo ə͑śalayinšaki
piṭun: "Hun me äšurxo mani exṭiyärenen bsa? Me äšurxo bseynaḳ Va me exṭiyärä šine tade?"
Isusen šoṭoġo metäre ǯoġab tadi: "Zuval vä͑xun sa šey xavar haq̇oz, šoṭo ǯoġab tadaynan, Zuval moṭoġo mani exṭiyären bsuna vä͑x uḳoz.
Ioani ḳunuḳbsun göynuxuney * yoxsa amdarxoxun? Za ǯoġab tadanan!"
Šoṭoġon isä ičoġoy arane metärṭun maslaatbi: "ägär uḳayan 'göynuxun', 'ṗoy heṭaynaḳ šoṭo tenan ve͑baki?' uḳale".
Ama 'amdarxoxun' upsunal q̇ə͑ṭunbsay, šoṭaynaḳ ki, bitoṭin Ioana seri xavarečale hesabbsay.
Šoṭaynaḳal Isusa metärṭun ǯoġab tadi: "Avateyan". Isusenal "moṭoġo mani exṭiyären bsuna Zuval vä͑x tez uḳal" pine.
