; Luḳ. 20:9-19)
; Luk'. 20:9-19)
Ṭe vädä Isusen šoṭoġoxun mäsäloġon exlätpsane burqi: "Sa amdaren ṭulluġe lasaksa, šoṭay \ härräminä čäpärebsa, bona ga kaśṗi ṭulq̇ać̣ḳale düzbsa, näzärätbseynaḳ alloy sa q̇alane biq̇sa. Oša isä ṭe ṭulluġa baġbanxo kirinä tadi ič q̇eräz ölkinäne taysa. *
Ṭule vädä hari ṗaṗaṭan, me amdaren baġbanxoy ṭo͑ġo͑l iz sa nökärä yaq̇anebsa ki, iču ṗaṗala paya exṭane.
Ama baġbanxon ṭe nökärä biq̇i ṭaṗṭunne, šoṭo kulamc̣i yaq̇aṭunbsa.
Ṭulluġi q̇onʒ́uġon šoṭoġoy ṭo͑ġo͑l ṗurumal sa nökär yaq̇anebsa. Ama šoṭayal bula duġi qə͑ṭunbsa, ičuval biyaburbi šäṗṭunsa.
Q̣eräzone yaq̇absa, šoṭo isä besṭunbsa. Metärluġen, šoṭin gele nökäre yaq̇absa, ama baġbanxon šoṭoġoy bäziṭoġo ṭaṗṭunne, bäziṭoġo isä besṭunbsa.
Ṭe vädä yaq̇abseynaḳ ṭulluġi q̇onʒ́uġoy ṭo͑ġo͑l ene šuḳḳal tene mansṭa, sayǯä izi gele čureġala, bakal nu bakal sa ġaraxun bašq̇a. Šoṭinal axərda "bez ġaraq̇a bakayin hörmätṭunbon" pi šoṭo baġbanxoy ṭo͑ġo͑le yaq̇absa.
Baġbanxon isä ičoġoy arane nexṭun: "Mo varise! Ekinan koṭo besṗen, ṭe vädä ṭulluġ yax mandale".
Hametär, šoṭo biq̇i besṭunbsa, ṭulluġaxun č̣evḳi boṭunsṭa.
Isä ef zänden me ṭulluġi q̇onʒ́uġon hari ḳä bale? Yäni šoṭin hari me ṭulluġa äšṗesṭalṭoġo tene äfčibal, ṭulluġal q̇eräzṭoġo tene tadal ki?
Yäni me ω͑vel Cama sal
Mo Q̣onʒ́uġoy äše,
Samǯi be͑yinśxon, ḳanun zombalxon saal aġsaq̇q̇alxon aḳaṭan ki, Isusen me mäsälinä exlätpsunen ičoġone lafsṭa, Šoṭo biq̇sunṭun čureci, ama ǯamaataxun q̇ə͑ṭunbi. Koṭo göräl Šoṭo barti taṭunci.
; Luḳ. 20:20-26)
; Luk'. 20:20-26)
Ṭe vädä šoṭoġon Isusa Iz äyitmoġoy loxol biq̇seynaḳ fariseyxoxun q̇a Irodi täräf bakalṭoġoxun bäziṭoġo Šoṭay ṭo͑ġo͑lṭun yaq̇abi.
Šoṭoġon hari Isusa piṭun: "Määlim, yan avayan ki, Hun düzgün amdarnu, šuḳḳaleynaḳal täräfkäšluġ tenbsa. Šoṭaynaḳ ki, bitoṭay loxol sa piinen be͑ġsa, Buxaʒ́uġoy yaq̇aal düzen zombsa. Upa be͑yn, beši imṗeraṭora nalog tasṭun düzgüne? Yan nalog tadalayan, yoxsa tää?"
Šoṭoġoy ṗä͑ćolaluġa avabakala Isusen pine: "Za Bez äyitmoġoy loxol biq̇sunnan čuresa? Zaynaḳ sa dinar ečanan, be͑ġaz".
Šoṭoġonal eṭunčeri. Isusen xavare haq̇i: "Tängin loxol bakala šikil saal c̣i šiya?" Šoṭoġon ǯoġabṭun tadi: "Imṗeraṭori".
Isusen šoṭoġo pine: \ "Ṭe vädä imṗeraṭoreynaḳ bakalṭu imṗeraṭora, Buxaʒ́uġoynaḳ bakalṭu Buxaʒ́uġo tadanan". Šorox Isusi me ǯoġabi loxol määṭṭälṭun mandi
; Luḳ. 20:27-40)
; Luk'. 20:27-40)
Be͑yinbaksun tene bu uḳala saduḳeyxoy * bäziyorox Isusi ṭo͑ġo͑l hari Šoṭoxun xavarṭun haq̇i:
"Määlim, Moiseyen yaynaḳ metäre campe: "Ägär sa amdari viči ṗurenesa, šoṭay čuuxal äyelsuze süpür mandesa, šoṭin iz ṗuri vičey čuġo haq̇eq̇an ki, šoṭay c̣i maq̇an aći". *
Vu͑ġ vičine baksa. Samǯiṭin sa čuuxe haq̇sa, ama izi äyel bakinuṭ bisane.
Ṭe vädä me čuġo ṗä͑mǯi vičene haq̇sa, šoṭinal ičuxun oša äyel bartinuṭ bisane. Xibimǯiṭinal, biṗimǯiṭinal,
lap vu͑ġu͑mǯiṭuval ciriḳ metäre baksa, šorox bütüm äyel bakinuṭ bisaṭun. Bitoṭuxun oša me čuuxal bisane.
Isä axərənǯi ġine ṗuriyorox be͑yinbakaṭan me čuux šoṭoġoy maṭay čuux bakale? Axəri vu͑ġ vičey vu͑ġä͑ranal me čuġo haq̇eney".
Isusen šoṭoġo metäre ǯoġab tadi: \ "Vä͑n ω͑vel Camurxo saal Buxaʒ́uġoy zora nu avabaksuna göränän särfbaksa!
Be͑yinbakiyorox nä laśḳoy teṭun bakal, nä išq̇ara teṭun taġal. Šorox göynul bakala angelxo ḳinäḳ bakalṭun.
P̣uriṭoġoy be͑yinbaksuna mandaṭan isä Moiseyi girke boš Buxaʒ́uġon šoṭo boḳala cace bošṭan "Zu Avrahami Buxaʒ́uxzu, Isaaḳi Buxaʒ́uxzu, Iaḳovi Buxaʒ́uxzu" upsuna tenan ḳalpe ki? *
Buxaʒ́ux isä ṗuriṭoġoy tää, dirisṭṭoġoy Buxaʒ́uxe. Metärluġen, vä͑n gele särfnanbaksa".
Ičoġoy ṭo͑ġo͑l bakala ḳanun zombalxoxun sunṭin me exlätä inebaki. Šoṭin Isusi hetär šaaṭ ǯoġab tasṭuna aḳi Šoṭoxun xavare haq̇i: "Buxaʒ́uġoy ämirxoxun än äsäso manuva?"
Isusen ǯoġabe tadi: "Ämirxoy än äsäso mone: "Ibaka, ay Israil! Täk beš Buxaʒ́ux bakala Q̣onʒ́uxe - Q̣onʒ́ux.
Q̣onʒ́uġo, vi Buxaʒ́uġo vi bütüm üḳen, vi bütüm elmuġen, vi bütüm haq̇əlen saal vi bütüm zoren čureki". *
P̣ä͑mǯiyoval mone: "Vi ə͑śaṭu hun va čureġalṭullariḳ čureki". * Moṭoġoxun vaǯib ämir butene".
Ḳanun zombalen Šoṭo pine: "Määlim, Hun "täk beš Buxaʒ́uxe, \ Šoṭoxun q̇eräzo tene bu" upsunen serinan pi. *
Šoṭo bütüm üḳen, bütüm haq̇əlen saal bütüm zoren čuresun, ə͑śaṭu hun va čureġalṭullariḳ čuresunal bütüm boḳosṗakala q̇a q̇eräz q̇urbanxoxun be͑śe".
Ṭe amdari metär bä͑ġä͑loy ǯoġab tasṭuna aḳala Isusen šoṭo pine: "Hun Buxaʒ́uġoy padčaġluġaxun ä͑xil tenu". \ Moṭoxun oša šuḳḳalen Isusaxun sa šey xavar haq̇suna üḳ tene bi.
Isusen xrama zombaṭan metäre pi: "Heṭaynaḳṭun ḳanun zombalxon Xrisṭosa "Davidi ġar" nexe?
Axəri ω͑vel Urufen Davida iču metäre pesṭey:
Daviden ičin Šoṭo "Q̣onʒ́ux" pine ḳale, poy metäresa Šo hetäre Davidi ġar bakes bakon?" \ Ǯamaatenal Šoṭo mu͑q-mu͑q u͑mu͑xelaxsay
; Luḳ. 20:45-47)
; Luk'. 20:45-47)
Isusen zombsun pine: "Ḳanun zombalxoxun vä͑x be͑ġanan. Šoṭoġon č̣äḳeseynaḳ boxoy paltar lapi tarapsuna, bazarin meydanxo ičoġo \ ṗä͑ kiin kul-kiye biq̇i "xeyirq̇an baki" upsuna,
sinagogxo, q̇onaxluġxo besṭa arsṭunaṭun čuresa.
Šoṭoġon süpür čupuġoy ḳožurxo, oćalxoy mähsula käyi carṭunne, oša isä ičoġo aḳesṭeynaḳ gele boxoy afərəṭunne. Me amdarxoy ǯaza lap bə͑hi bakale"
)
)
Isus xrame määlne bakala näziri q̇utiġoxun sunṭu ə͑śa arceney. Šoṭin ṭeṭiya amdarxoy hetär tängä laxsunane be͑ġsay. Dövlätlü amdarxoxun geleṭin ṭiya kala tängäṭun laxsay.
Sa käsib süpür čuġon isä hari ṗä͑ leṗṭon, än xuri tängäne laxi.
Isusen Iz šagirdxo Iz ṭo͑ġo͑l ḳalpi šoṭoġo pine: "Vä͑x düzinäz nex: me käsib süpür čuġon näziri q̇utina bitoṭuxun gelene laxi.
Šoṭaynaḳ ki, bitoṭin ičoġoy bakala ganuxunṭun laxi, me čuġon isä iz käsib ganuxun, iz xašluġeynaḳ kiyel bakalṭune tadi".
