; Luḳ. 21:5-24)
; Luk'. 21:5-24)
Isus xrame määlnexun č̣eġaṭan Iz šagirdxoy sunṭin pine: "Määlim, be͑ġa he gözäl źe͑yurxo, he gözäl binooxe!"
Isusen šoṭo pine: "Me kala binoġon nexe? Šoṭoġoxun hiḳḳal tene mandal, bito careġale".
Oša Isus xramaxun ćobaćo bakala Zeytun buruġoy bel arci vädine P̣eṭeren, Iaḳoven, Ioanen saal Andreyen Šoṭoxun täk mandaṭan xavarṭun haq̇i:
"Yax upa, me Vi piyorox hevaxṭ bakale? Me äšurxoy usumluġen bex ṗaṗsuna hetär avabakalyan? Mani niśanxo bakale?"
Isusen šoṭoġo pine: "Be͑ġanan ki, vä͑x šuḳḳalen maq̇an feretṭi!
Bez c̣iyen geleṭin hari "Zu Šozu" pi, amdarxo fereṭṭale.
Davoġoy q̇a davin xavarxoy barada ibakaṭan ma q̇ə͑banan: morox bakalane. Ama mo hälä axər tene.
Šoṭaynaḳ ki, millät milläti, padčaġluġ padčaġluġi loxol e͑qeġale. Gele ganxo oćal galbsun q̇a busaluġ bakale. Morox hetär ki äyel bakala čuġoy q̇ać̣urxoy burqesune.
Vä͑n isä ayəġ bakanan. Amdarxon vä͑x divanbi sinagogxoy boš tatarlayinšalṭun. Vä͑n Za görä baščiġoy q̇a padčaġxoy be͑ś čurpi šahidluġbalnan.
Ama axər eġalṭuxun be͑ś bütüm millätxo Mu͑q Xavar karoozbakalane.
Vä͑x tašeri divanbaṭan isä, ef ḳä upsuni ä͑mxun saturbe͑ś fikirmabanan, šoṭaynaḳ ki, haṭe vädä ḳä upsun lazəm bakalṭu vä͑x ω͑vel Urufen avabakesṭale. Šoṭaynaḳ ki, äyitḳalo vä͑n tää, Šo bakale. *
Vičen vičä, bavan äylä toydale. Äylux bava-nanay äleyinä č̣eri šoṭoġo besṗesṭalṭun.
Za görä bitoṭin vä͑x nifrätbalṭun. Ama axəral \ ciriḳ portbalo čarḳeġale. *
Väränluġ ečala iriṭṗun sa šey iz nu lazəm bakala gala laxesuna * vä͑n aḳala vädine - barta ḳalḳalṭin moṭo q̇amišakeq̇an - Iudeyina bakalorox buruxmoġoq̇aṭun ṭiṭeri. *
Ḳožin bel * bakalo ḳoyaxun ḳänesa exsṭeynaḳ oq̇a ciri iz ḳoya maq̇an baci.
Čölö bakalo iz xälätä exsṭeynaḳ ḳoya maq̇an taci. *
Ṭe ġimxo bə͑hi čupuġoy q̇a äylä döš tadalṭoġoy vay hala!
Afərəpanan ki, me äšurxo ə͑źena maq̇an baki.
Šoṭaynaḳ ki, ṭe ġimxo ṭetär dähšätlü bakale ki, Buxaʒ́uġon yaratmiši me dünyäni burqesunaxun häysäṭinäl ciriḳ metär bakitene, bakalaltene. *
Ägär Q̣onʒ́uġon ṭe ġimxoxun nu boṭiniy, sal sa amdar čarḳeces batenekoy. Ama Q̣onʒ́uġon \ č̣äḳeciṭoġo görä - Ičin č̣äḳṗi amdarxo görä - ṭe ġimxoxun boneṭi.
Ägär šinesa vä͑x ṭe ġimxo uḳayin ki, "be͑ġa, Xrisṭos memiyane" nääl ki, "be͑ġa, ṭeṭiyane", ma ve͑bakanan. *
Šoṭaynaḳ ki, äfči xrisṭosxo q̇a äfči xavarečalxo ämälä eġale. Šoṭoġon niśanxo saal möǯüzoox aḳesṭalṭun ki, ägär baǯarbayṭun č̣äḳeciṭoġoval fereṭṭaṭun.
Vä͑n isä ayəġ bakanan! Be͑ġanan, Zu vä͑x här šeya saturbe͑ś exlätezbi".
"Ama ṭe ġimxo, ṭe dähšätaxun oša
Muć̣uliyox göynuxun barale,
Ṭe vädä Amdari Ġare asoyxoy loxol kala zoren q̇a tamtaraġen eysuna aḳalṭun. *
Šoṭin Iz angelxo yaq̇abale, šoṭoġonal oćali ćoyexun göye axəral ciriḳ, dünyäni biṗ ṭo͑o͑xun Iz č̣äḳṗiṭoġo topbalṭun.
Inǯilnä xoda be͑ġanan: šo ṭuṗullayinšaki xazallayinšakaṭan avananbaksa ki, yäy ene ə͑śane.
Haketär vä͑nal, me äšurxoy burqesuna aḳaṭan avabakanan ki, Amdari Ġar ene ə͑śane, lap ćomosṭane.
Vä͑x düzinäz nex: morox bito hälä me näsil iz ömüri \ axəra ṗaṗinuṭ bakale.
Oćal q̇a göy aći taneġon, ama Bez äyitmux tene aćon!"
; Luḳ. 12:39-48)
; Luk'. 12:39-48)
"Ama ṭe ġine nääl ṭe saadi hevaxṭ eysuni barada šuḳḳalen tene ava: nä göye angelxon, nä Ġaren - sayǯä Bavane ava. *
Ayəġ bakanan, neṗax ma mandanan, šoṭaynaḳ ki, tenan ava ṭe ġi hevaxṭ eġale.
Häysä ef piin be͑ś ä͑xil yaq̇ č̣eġala sa amdara ečanan. Šo ḳoyaxun č̣eri iz ḳoža ḳulurxone tapšurbsa, šoṭoġoy här sunṭu sa äše tasṭa. Q̣aroolčinal iz q̇aroolasṭa pula nu q̇ič̣bsunane ämirbsa. *
Vä͑xal šoṭo göräz nexe, ayəġ bakanan, nepax ma mandanan! Šoṭaynaḳ ki, ḳožin q̇onʒ́uġoy he vaxṭ eysuna - biyäsin, šüneyarine, dadalxon elḳaṭan yoxsa savaxṭan - tenan ava. *
Barta šoṭin bürdän hari vä͑x neṗax maq̇an aḳi.
Häysä vä͑x uḳalṭoġo isä bütümäz nex: ayəġ bakanan!"
