; Mrḳ. 1:12-13)
; Mrk'. 1:12-13)
Iordan oqaxun qaybakiṭuxun oša ω͑vel Uruf Isusi loxoley. Šoṭin Isusa amc̣i oćalane tašeri.
Ṭeṭiya iblisen Isusa q̇ərx ġi sinäyinšebi. Me q̇ərx ġinasṭa Isusen hiḳḳal tene käyi, ama axərda busane baki.
Ṭe vädä iblisen Šoṭo pine: "Ägär Hun Buxaʒ́uġoy Ġarnusa, me źe͑na ämirba ki, śumq̇an baki".
Ama Isusen šoṭo metäre ǯoġab tadi: "Amdar täkč̣ä śumen tene yäšäyinšon", pine camece". *
Oša iblisen Isusa alloy sa galane tašeri, Šoṭo sa dayġinen dünyäni bito padčaġluġxo aḳesedi.
Iblisen Isusa pine: "Zu dirisṭ moṭoġoy kalaluġa q̇a tamtaraġa Va tadoz! Morox zane tadece, zuval šu čureġayiz, šoṭo tades bazkon!
Be͑ġa, ägär Hun za bul ḳoc̣bayin, morox bito Vi bakale".
Isusen isä metäre ǯoġab tadi: "Vi Q̣onʒ́ux bakala Buxaʒ́uġo bul ḳoc̣ba, täkč̣ä Šoṭo q̇ulluġba" pine camece". *
Moṭoxun oša iblisen Isusa Yerusalimane ečeri, Šoṭo xrame bel \ sa gala efi pine: "Ägär Hun Buxaʒ́uġoy Ġarnusa, Va memiin oq̇a bosa.
Axəri
Va ičoġoy kiyel tašaṭun,
Ama Isusen šoṭo metäre ǯoġab tadi: "Vi Q̣onʒ́ux bakala Buxaʒ́uġo sinäyinšmaba" pine camece". *
Iblisen Isusa här ǯürä sinäyinšiṭuxun oša samal vädä Šoṭoxun kule haq̇i.
; Mrḳ. 1:14-15)
; Mrk'. 1:14-15)
Isus Urufi zoren Galileyinane qaybaki. Šoṭay barada xavar bito ṭe gala yäymiše baki.
Šoṭin ṭiyani sinagogxo zomebsay, bitoṭinal Iču tärifläyinšebsay.
; Mrḳ. 6:1-6)
; Mrk'. 6:1-6)
Sa ġi Isus Iz kalabaki Nazareṭ šähärene hari, Šamaṭ ġi eġaṭanal hämišänin ḳinäḳ sinagogane taci. Ṭiya Šo ω͑vel Camurxoxun ḳalpseynaḳ turele hayzeri.
Šoṭo Isaya xavarečali girkäṭun tadi. Isusen girkä qaypi me äyitmux cameci ganune bä͑ġä͑bi:
"Q̣onʒ́uġoy Uruf Bez loxole,
Q̣onʒ́uġoy üḳ boḳospsuni vaxṭ hari ṗaṗsuna bayanbseynaḳe yaq̇abe". *
Oša Isusen girkä buṭeḳi, šoṭo q̇ulluġčina tadi areci. Sinagoga bakalṭoġoy bitoṭin Šoṭay loxolṭun be͑ġsay.
"Vä͑n ibaki me ω͑vel Cam ġe bex ṗaneṗi" pi Isusen iz exlätäne burqi.
Me vädinä bitoṭin Šoṭay barada šaaṭṭun fikirbsay, Iz źomoxun č̣eġala šaaṭ äyitmoġo määṭṭälṭun mansṭay, sunaxun "Mo yäni Iosifi ġar tene ki?" pi xavarṭun haq̇say.
Isusen isä davamebsay: "Düze, vä͑n häysä "doxṭurnusa, süfṭä va q̇olayba!" mäsälinä Bez eyex badalnan. "Ḳefernauma biṭoġoy barada ibakeyan. Isä memiya, Vi yurdnuval haṭe äšurxo ba!" uḳalnan.
Vä͑x düzinäz nex: sal sa xavarečal iz yurdnu q̇abul tene baksa. *
Be͑ġanan, Ilyay vädine, xibinq̇ə͑ usen \ aġala nu hari vädine, dirisṭ ölkinä kala busaluġ bakaṭanal, Israila süpür čupux geleney. *
Ama Buxaʒ́uġon Ilya šoṭoġoy sayǯäṭay ṭo͑ġo͑l tää, Sidoni Sarfat šähäre bakala sa süpür čuġoy ṭo͑ġo͑le yaq̇abi. *
Eliša xavarečali vädineyal Israila ǯuzamlu amdar geleney. Ama šoṭoġoy sayǯo tää, Siriyalu Naamane tämizbaki". *
Sinagoga bakala amdarxo bito me äyitmoġo ibaki äǯuġläyinšṭunbaki.
Šoṭoġon hayzeri Isusa šäṗṭunci. Šoṭo šähär čurpi buruġoy bel ečeri ṭeṭiin oq̇a bosṭunṭun čuresay,
ama Isus šoṭoġoy aranexun č̣eri taneci.
)
)
Isus Galileyin Ḳefernaum šähärene hari. Ṭiya Šoṭin Šamaṭ ġine amdarxone zombsay.
Bütüm Šoṭay zombsuna haq̇eci mansṭunsṭay, šoṭaynaḳ ki, Šoṭin Buxaʒ́uġon exṭiyär tadi sa amdar ḳinäḳe zombsay. *
Sinagoga isä me vädine ičusṭa murdar uruf bakala sa amdare buy. Bürdän šoṭin osṭaar harayepi:
"Ay Nazareṭlu Isus, yaxun ḳän čuresa? Yax äfčibsan hare? Zu avazu Hun šunu: Buxaʒ́uġoy ω͑velonu!"
Ama \ Isusen šoṭo q̇adaġanbi pine: "Šiṗ čurpa! Me amdaraxun č̣eki!" Murdar urufen me amdara bitoṭay be͑ś oq̇a saki sal sa zäräl tadinuṭ šoṭoxun č̣ere.
Bito määṭṭäl mandi suna piṭun: "Mo hiḳä? Me amdaren murdar urufxo kalaluġen q̇a zorene ämirbsa, šoroxal č̣eṭunsa!"
Isusi barada bakala me exlät ṭe oćali här gala yäymišebaki.
; Mrḳ. 1:29-34)
; Mrk'. 1:29-34)
Isus sinagogaxun č̣eri Simoni ḳoyane taci. Ḳoya Simoni q̇aynako q̇əzdərmin boš boneksay, šoṭaynaḳal Isusaxun me čuġoynaḳ kömäyṭun čureci.
Isus šoṭo ə͑śalayinšaki q̇əzdərmina q̇adaġanebi, čuġoy q̇əzdərmal cire. Čuux haṭe saad hayzeri ičoġo q̇ulluġbsane burqi.
Be͑ġ batḳaṭan isä amdarxon ičoġoy ǯürbäǯür azariġo Isusi ṭo͑ġo͑l ešṭaṭun burqi, Šoṭinal Iz kula ṭe azariġoy här sunṭay loxol laxi šoṭoġo q̇olayebsay.
Geleṭoġoxun "Hun Buxaʒ́uġoy Ġarnu!" harayḳa murdar urufxone č̣eysay. Amma Isusen šoṭoġo q̇adaġanbi šipebsay, axəri šoṭoġon Isusi Xrisṭos baksuna avaṭuniy.
Käybakaṭan Isus č̣eri amdar nu bakala sa galane taci. Amdarxon Šoṭo qä͑vesaṭun burqi, bä͑ġä͑bi isä ičoġo barti maq̇an taci pi tärbsun teṭun čuresay.
Ama Isusen šoṭoġo pine: "Zu ṭə͑yä͑mi šähärmoġoval Buxaʒ́uġoy padčaġluġi eysuni Mu͑q Xavara yäymišiz buq̇on, šoṭaynaḳ ki, Zu koṭaynaḳez hare".
Metärluġen, Isusen Iudeyani sinagogxo karoozebsay.
