; Mrḳ. 1:16-20)
; Mrk'. 1:16-20)
Sa ġi Isus Ginesar göle ṭo͑ġo͑l čurpeney. Ǯamaaten Šoṭay härrämine čurpi Buxaʒ́uġoy äyitäne u͑mu͑xlaxsay.
Isusen göle ṭo͑ġo͑l čurpi ṗä͑ dänä lodḳane aḳi. Mo čälibiq̇alxoy lodḳooxey, šoṭoġon samal ṭo͑o͑x ičoġoy torurxoṭun oc̣ksay.
Isusen Simoni lodḳina arci šoṭoxun q̇ariluġaxun samal ä͑xilbaksunane xaišbi. Oša isä arci ǯamaata lodḳin bošṭane zombsa burqi. *
Šoṭin Iz äyitä čarḳiṭuxun oša Simona pine: "Lodḳina bä͑ġä͑loyluġa tašeri čäli biq̇ala torurxo xena bosa".
Simonen ǯoġabe tadi: "Määlim, yan üše käybakamin äšyanbe, ama hiḳḳal biq̇es teyan baki. Ama Hun metär upsuna görä zu saal bosoz". *
Hametäräl biṭun. Šoṭoġon ṭeq̇ädär čäliṭun biq̇i ki, ičoġoy \ torurxo zəġebaksay. *
Šoṭaynaḳal ṭə͑yä͑mi lodḳina bakala yoldašxo ḳalṭunpi ki, hari ičoġo kömäybaṭun. Šoṭoġonal hari lodḳoġoy ṗrannal čälinen ṭetärṭun buybi ki, lodḳoox batksane burqi.
Simon P̣eṭeren moṭo aḳi Isusi turin oq̇a biti metäre pi: "Ay Q̣onʒ́ux, zaxun ä͑xil baka, axəri zu günaxkär sa amdarzu".
Šoṭaynaḳ ki, šo ičal, iz ṭo͑ġo͑l bakaloroxal ičoġoy meq̇ädär gele čäli biq̇suna mat mandeṭuniy.
Simonaxun ortaġ bakala Zavdayi ġarmux Iaḳov q̇a Ioanal me äšlin loxol määṭṭäl mandeṭuniy. Ama Isusen Simona pine: "Ma q̇ə͑ba, isä ene čälin gala amdar biq̇alnu".
Metärluġen, šoṭoġon lodḳoġo q̇ariluġa č̣evḳiṭuxun oša bitova ṭiya boseri Isusi bać̣anexunṭun taci.
; Mrḳ. 1:40-45)
; Mrk'. 1:40-45)
Sa ġi šähärmoġoy sunṭusṭa Isus dirisṭ iz bädän yara bafṭi * sa amdarane iräsṭhari. Me amdaren Isusa aḳi ćooq̇a pasṭeci xoyinśebi: "Ay Q̣onʒ́ux, čureġayin za tämizbes bankon".
Isusen Iz kula boxodi šoṭo lafṭi pine: "Čurezsa, tämizbaka!" Haṭe saadal me amdar ǯuzamaxun tämize baki.
Isusen šoṭo tapšurebi ki, šuḳḳala me barada sa äyit maq̇an exlätpi. \ Oša pine: "Ama taki, va be͑yinśa aḳesṭa. Vi ǯuzamaxun tämizbaksuna görä Moiseyen bürüši q̇urbanxoval eča. Barta amdarxon vi q̇olaybaksuna avabakeq̇aṭun". *
Ama Isusi barada samalal geleṭun exlätpsay. Amdarxo däsṭinen Šoṭo u͑mu͑xlaxsa hamal ičoġoy azarxoxun q̇olaybakseynakṭun eysay.
Isus isä gele vädä šuḳḳal nu bakala ganxo taci afərənney.
; Mrḳ. 2:1-12)
; Mrk'. 2:1-12)
Sa ġi Isusen zomebsay. Galileyay q̇a Iudeyin bito ayizmoġoxun saal Yerusalimaxun bakala fariseyxo q̇a ḳanun zombalxoval Iz ṭo͑ġo͑l arceṭuniy. Azariṭoġo q̇olaybseynaḳ Isusasṭa Q̣onʒ́uġoy zore buy.
Me vädä sa hema tanen nasilḳin boš basḳi sa ṗaraličen duġi amdara ečeri bona Isusi be͑ś laxsunṭun čureci.
Ama amdar gele baksuna görä, bona bayes teṭun baksay. Ṭe vädä šoṭoġon ḳožin bel bakala ḳirämiṭä ṭaṭapi ṗaraličen duġi amdara nasilḳin boš alaxun oq̇a Isusi be͑ś civṭunḳi.
Isusen šoṭoġoy ve͑luġa aḳi pine: "Ay bez viči, vi günaxxo baġəšlayinšebaki".
Ḳanun zombalxon q̇a fariseyxon ičoġoy üḳe boš metärṭun fikirbi: "Buxaʒ́uġoy tärsinä äyitḳala me amdar šuva ki? Buxaʒ́uġoxun bašq̇a šina günaxxo baġəšlayinšes bakon?"
Isusen šoṭoġoy ḳä fikirbsuna q̇amišaki ǯoġabe tadi: "Heṭaynaḳnan ef üḳe boš metär fikirbsa?
Manu hasanda? "Vi günaxxo baġəšlayinšebaki" upsun, yoxsa "hayza, tarapa" upsun?
Ama vä͑n avabakanan ki, Amdari Ġare oćali ćoyel günaxxo baġəšlayinšala exṭiyäre bu". \ Oša isä ṗaraličen duġi amdarane pi: "Isä va nexzu: hayza, vi nasilḳina exṭa, vi ḳoya taki!"
Azariyal haṭe saad bitoṭay piin be͑ś turele hayzeri, iz nasilḳina exṭi Buxaʒ́uġo alxəšpsun iz ḳoyane taci.
Bito määṭṭäl mandi, Buxaʒ́uġoṭun alxəšpsay. Šoṭoġon kala q̇ə͑ya bafṭi metärṭun nexey: "Ġe nu aḳeci äšurxoyan aḳi!"
; Mrḳ. 2:13-17)
; Mrk'. 2:13-17)
Moṭoxun oša Isusen č̣eri Levi * c̣iyen sa naloggirbalane aḳi. Šo nalog gireġala gala arceney. Isusen šoṭo pine: "Bez bać̣anexun eki".
Šoval hayzeri bitova bosi, Isusi bać̣anexune taci.
Oša Levinen iz ḳoya Isusa kala sa q̇onaxluġe tadi. Sulfin bel šoṭoġoxun sagala gele naloggirbalxo q̇a q̇eräz amdarxoval buney.
Fariseyxon q̇a ḳanun zombalxon nairäziluġbsaṭun burqi. Šoṭoġon Isusi šagirdxo piṭun: "Heṭu göränän naloggirbalxoxun q̇a \ günaxkärxoxun sagala käyi-u͑ġsa?" *
Ama Isusen šoṭoġo metäre ǯoġab tadi: "Azari nu bakalṭoġoy tää, azariṭoġoy doxṭura ehṭiyäǯe bu.
Zu düzgün amdarxo tää, günaxkärxo toobabsuna ḳalpsaz hare".
; Mrḳ. 2:18-22)
; Mrk'. 2:18-22)
Ṭe vädä šoṭoġon Isusa piṭun: "Ioani q̇a farisexoy šagirdxon usum-usum ġuruxṭun efsa, afərəṭunne, viṭoġon isä käyi-u͑ṭunġsa".
Isusen šoṭoġo ǯoġabe tadi: "Laśḳoybakala bäye ṭo͑ġo͑l arci yoldašxo ġurux efsuna mäǯburbes banekon?
Ama sa ġi eġale, laśḳoybakala bäyä ičoġoy aranexun tašalṭun, ṭe vädäl šoṭoġon ġurux efalṭun".
Isusen šoṭoġoynaḳ sa mäsäläl enečeri: "Šuḳḳalen täzä paltaraxun sa ḳoṭor čuki bisi paltara yamaluq̇ tene duġon, tene, ham täzä paltare zəġbakon, hamal täzä yamaluq̇ bisi paltara tene yarayinšon.
Šuḳḳalen täzä fina bisi tuluġxoy boš batenekon. Šoṭaynaḳ ki, täzä finen tuluġxo ṭo͑pe͑ve͑ḳon, ṭe vädä ham fine baron, hamal tuluġxone xarab bakon.
Täzä fi täzä tuluġxone bayeġon.
Šuḳḳalen bisi fina u͑ġiṭuxun oša täzäṭu čurteneġon. Šoṭaynaḳ ki, "bisiyo šaaṭe" uneḳon".
