TITUS
Codex Marianus
Part No. 83
Previous part

Chapter: 14 

Verse: 1  Link to gnt Link to asseman Link to zograph Link to savvina Link to rnt
   Да не съмѫштаатъ сѧ ваше срд҃це · вѣроуите въ б҃а и въ мѧ вѣроуите ·
   
Ⰴⰰ ⱀⰵ ⱄⱏⰿⱘⱎⱅⰰⰰⱅⱏ ⱄⱔ ⰲⰰⱎⰵ ⱄⱃⰴ҃ⱌⰵ · ⰲⱑⱃⱆⰻⱅⰵ ⰲⱏ ⰱ҃ⰰ ⰻ ⰲⱏ ⰿⱔ ⰲⱑⱃⱆⰻⱅⰵ ·


Verse: 2  Link to gnt Link to asseman Link to zograph Link to savvina Link to rnt
   
въ домоу от҃ца моего обитѣли мъногы сѫтъ · аште ли жени реклъ бимъ вамъ · ѣко идѫ оуготовати мѣсто вамъ ·
   
ⰲⱏ ⰴⱁⰿⱆ ⱁⱅ҃ⱌⰰ ⰿⱁⰵⰳⱁ ⱁⰱⰻⱅⱑⰾⰻ ⰿⱏⱀⱁⰳⱏⰹ ⱄⱘⱅⱏ · ⰰⱎⱅⰵ ⰾⰻ ⰶⰵⱀⰻ ⱃⰵⰽⰾⱏ ⰱⰻⰿⱏ ⰲⰰⰿⱏ · ⱑⰽⱁ ⰻⰴⱘ ⱆⰳⱁⱅⱁⰲⰰⱅⰻ ⰿⱑⱄⱅⱁ ⰲⰰⰿⱏ ·


Verse: 3  Link to gnt Link to asseman Link to zograph Link to savvina Link to rnt
   
и ѣште идѫ оуготоваѭ мѣсто вамъ · пакы придѫ и поимѫ вы къ себѣ · да идеже есмъ азъ и вы бѫдете ·
   
ⰻ ⱑⱎⱅⰵ ⰻⰴⱘ ⱆⰳⱁⱅⱁⰲⰰⱙ ⰿⱑⱄⱅⱁ ⰲⰰⰿⱏ · ⱂⰰⰽⱏⰹ ⱂⱃⰻⰴⱘ ⰻ ⱂⱁⰻⰿⱘ ⰲⱏⰹ ⰽⱏ ⱄⰵⰱⱑ · ⰴⰰ ⰻⰴⰵⰶⰵ ⰵⱄⰿⱏ ⰰⰸⱏ ⰻ ⰲⱏⰹ ⰱⱘⰴⰵⱅⰵ ·


Verse: 4  Link to gnt Link to asseman Link to zograph Link to savvina Link to rnt
   
и ѣможе азъ идѫ вѣсте · и пѫть вѣсте ·
   
ⰻ ⱑⰿⱁⰶⰵ ⰰⰸⱏ ⰻⰴⱘ ⰲⱑⱄⱅⰵ · ⰻ ⱂⱘⱅⱐ ⰲⱑⱄⱅⰵ ·


Verse: 5  Link to gnt Link to asseman Link to zograph Link to savvina Link to rnt
   
гл҃а емоу тома г҃и не вѣмь камо идеши ·ꙇ како пѫтъ можемъ вѣдѣти ·
   
ⰳⰾ҃ⰰ ⰵⰿⱆ ⱅⱁⰿⰰ ⰳ҃ⰻ ⱀⰵ ⰲⱑⰿⱐ ⰽⰰⰿⱁ ⰻⰴⰵⱎⰻ ·ⰺ ⰽⰰⰽⱁ ⱂⱘⱅⱏ ⰿⱁⰶⰵⰿⱏ ⰲⱑⰴⱑⱅⰻ ·


Verse: 6  Link to gnt Link to asseman Link to zograph Link to savvina Link to rnt
   
гл҃а емоу ис҃ · азъ есмъ пѫть и истина и животъ ·никтоже придетъ къ отьцю тъкъмо мъноѭ ·
   
ⰳⰾ҃ⰰ ⰵⰿⱆ ⰻⱄ҃ · ⰰⰸⱏ ⰵⱄⰿⱏ ⱂⱘⱅⱐ ⰻ ⰻⱄⱅⰻⱀⰰ ⰻ ⰶⰻⰲⱁⱅⱏ ·ⱀⰻⰽⱅⱁⰶⰵ ⱂⱃⰻⰴⰵⱅⱏ ⰽⱏ ⱁⱅⱐⱌⱓ ⱅⱏⰽⱏⰿⱁ ⰿⱏⱀⱁⱙ ·


Verse: 7  Link to gnt Link to asseman Link to zograph Link to savvina Link to rnt
   
аште мѧ бисте знали и отъца моего знали бисте оубо ·и отъ селѣ познаате и и оувѣдѣсте и ·
   
ⰰⱎⱅⰵ ⰿⱔ ⰱⰻⱄⱅⰵ ⰸⱀⰰⰾⰻ ⰻ ⱁⱅⱏⱌⰰ ⰿⱁⰵⰳⱁ ⰸⱀⰰⰾⰻ ⰱⰻⱄⱅⰵ ⱆⰱⱁ ·ⰻ ⱁⱅⱏ ⱄⰵⰾⱑ ⱂⱁⰸⱀⰰⰰⱅⰵ ⰻ ⰻ ⱆⰲⱑⰴⱑⱄⱅⰵ ⰻ ·


Verse: 8  Link to gnt Link to asseman Link to zograph Link to savvina Link to rnt
   
гл҃а емоу филипъ · г҃и покажи намъ отъца и довьлетъ намъ ·
   
ⰳⰾ҃ⰰ ⰵⰿⱆ ⱇⰻⰾⰻⱂⱏ · ⰳ҃ⰻ ⱂⱁⰽⰰⰶⰻ ⱀⰰⰿⱏ ⱁⱅⱏⱌⰰ ⰻ ⰴⱁⰲⱐⰾⰵⱅⱏ ⱀⰰⰿⱏ ·


Verse: 9  Link to gnt Link to asseman Link to zograph Link to savvina Link to rnt
   
гл҃а емоу ис҃ · толико ли врѣмѧ съ вами есмъ и не познали мене филипе · видѣвы мѧ видѣ отъца ·и како ты гл҃еши покажи намъ от҃ца ·
   
ⰳⰾ҃ⰰ ⰵⰿⱆ ⰻⱄ҃ · ⱅⱁⰾⰻⰽⱁ ⰾⰻ ⰲⱃⱑⰿⱔ ⱄⱏ ⰲⰰⰿⰻ ⰵⱄⰿⱏ ⰻ ⱀⰵ ⱂⱁⰸⱀⰰⰾⰻ ⰿⰵⱀⰵ ⱇⰻⰾⰻⱂⰵ · ⰲⰻⰴⱑⰲⱏⰹ ⰿⱔ ⰲⰻⰴⱑ ⱁⱅⱏⱌⰰ ·ⰻ ⰽⰰⰽⱁ ⱅⱏⰹ ⰳⰾ҃ⰵⱎⰻ ⱂⱁⰽⰰⰶⰻ ⱀⰰⰿⱏ ⱁⱅ҃ⱌⰰ ·


Verse: 10  Link to gnt Link to asseman Link to zograph Link to savvina Link to rnt
   
не вѣроуеши ли ѣко азъ въ от҃ци и отецъ вь мнѣ естъ ··Гл҃ы ѩже азъ гл҃ѭ вамъ о себѣ не гл҃ѭ ·от҃цъ же прѣбываѩи въ мьнѣ тъ творитъ дѣла ·
   
ⱀⰵ ⰲⱑⱃⱆⰵⱎⰻ ⰾⰻ ⱑⰽⱁ ⰰⰸⱏ ⰲⱏ ⱁⱅ҃ⱌⰻ ⰻ ⱁⱅⰵⱌⱏ ⰲⱐ ⰿⱀⱑ ⰵⱄⱅⱏ ··Ⰳⰾ҃ⱏⰹ ⱗⰶⰵ ⰰⰸⱏ ⰳⰾ҃ⱙ ⰲⰰⰿⱏ ⱁ ⱄⰵⰱⱑ ⱀⰵ ⰳⰾ҃ⱙ ·ⱁⱅ҃ⱌⱏ ⰶⰵ ⱂⱃⱑⰱⱏⰹⰲⰰⱗⰻ ⰲⱏ ⰿⱐⱀⱑ ⱅⱏ ⱅⰲⱁⱃⰻⱅⱏ ⰴⱑⰾⰰ ·


Verse: 11  Link to gnt Link to asseman Link to zograph Link to savvina Link to rnt
   
вѣрѫ имѣте мьнѣ ѣко азъ въ отьци и отъцъ въ мьнѣ ·аште ли же ни за та дѣла вѣрѫ емљете ми ·
   
ⰲⱑⱃⱘ ⰻⰿⱑⱅⰵ ⰿⱐⱀⱑ ⱑⰽⱁ ⰰⰸⱏ ⰲⱏ ⱁⱅⱐⱌⰻ ⰻ ⱁⱅⱏⱌⱏ ⰲⱏ ⰿⱐⱀⱑ ·ⰰⱎⱅⰵ ⰾⰻ ⰶⰵ ⱀⰻ ⰸⰰ ⱅⰰ ⰴⱑⰾⰰ ⰲⱑⱃⱘ ⰵⰿⰾ҄ⰵⱅⰵ ⰿⰻ ·


Verse: 12  Link to gnt Link to asseman Link to zograph Link to savvina Link to rnt
   
амин · амин гл҃ѭ вамъ · вѣроуѩи въ мѧ дѣла ѣже азъ творѭ · и тъ сътворитъ · и больша сътворитъ сихъ ·ѣко азъ къ отьцю грѧдѫ ·
   
ⰰⰿⰻⱀ · ⰰⰿⰻⱀ ⰳⰾ҃ⱙ ⰲⰰⰿⱏ · ⰲⱑⱃⱆⱗⰻ ⰲⱏ ⰿⱔ ⰴⱑⰾⰰ ⱑⰶⰵ ⰰⰸⱏ ⱅⰲⱁⱃⱙ · ⰻ ⱅⱏ ⱄⱏⱅⰲⱁⱃⰻⱅⱏ · ⰻ ⰱⱁⰾⱐⱎⰰ ⱄⱏⱅⰲⱁⱃⰻⱅⱏ ⱄⰻⱈⱏ ·ⱑⰽⱁ ⰰⰸⱏ ⰽⱏ ⱁⱅⱐⱌⱓ ⰳⱃⱔⰴⱘ ·


Verse: 13  Link to gnt Link to asseman Link to zograph Link to savvina Link to rnt
   
῾ꙇ егоже колижъдо просите въ імѧ мое · то сътворѭ ·да прославитъ сѧ оц҃ъ о сн҃ѣ ·
   
῾ⰺ ⰵⰳⱁⰶⰵ ⰽⱁⰾⰻⰶⱏⰴⱁ ⱂⱃⱁⱄⰻⱅⰵ ⰲⱏ ⰹⰿⱔ ⰿⱁⰵ · ⱅⱁ ⱄⱏⱅⰲⱁⱃⱙ ·ⰴⰰ ⱂⱃⱁⱄⰾⰰⰲⰻⱅⱏ ⱄⱔ ⱁⱌ҃ⱏ ⱁ ⱄⱀ҃ⱑ ·


Verse: 14  Link to gnt Link to asseman Link to zograph Link to savvina Link to rnt
   
аште чесо просите въ імѧ мое азъ сътворѭ ·
   
ⰺ ⰰⱎⱅⰵ ⱍⰵⱄⱁ ⱂⱃⱁⱄⰻⱅⰵ ⰲⱏ ⰹⰿⱔ ⰿⱁⰵ ⰰⰸⱏ ⱄⱏⱅⰲⱁⱃⱙ ·


Verse: 15  Link to gnt Link to asseman Link to zograph Link to savvina Link to rnt
   
аште любите мѧ заповѣди моѩ съблюдѣте ·
   
ⰰⱎⱅⰵ ⰾⱓⰱⰻⱅⰵ ⰿⱔ ⰸⰰⱂⱁⰲⱑⰴⰻ ⰿⱁⱗ ⱄⱏⰱⰾⱓⰴⱑⱅⰵ ·


Verse: 16  Link to gnt Link to asseman Link to zograph Link to savvina Link to rnt
   
азъ оумолѭ от҃ца · иного параклита дастъ вамъ ·да бѫдетъ съ вами вь вѣкъ ·
   
ⰺ ⰰⰸⱏ ⱆⰿⱁⰾⱙ ⱁⱅ҃ⱌⰰ · ⰺ ⰻⱀⱁⰳⱁ ⱂⰰⱃⰰⰽⰾⰻⱅⰰ ⰴⰰⱄⱅⱏ ⰲⰰⰿⱏ ·ⰴⰰ ⰱⱘⰴⰵⱅⱏ ⱄⱏ ⰲⰰⰿⰻ ⰲⱐ ⰲⱑⰽⱏ ·


Verse: 17  Link to gnt Link to asseman Link to zograph Link to savvina Link to rnt
   
дх҃ъ истинъны · егоже миръ не можетъ приѩти · ѣко невидитъ его ни знаатъ его · вы же знаате и · ѣко въ васъ прѣбываатъ · и въ васъ бѫдетъ
   
ⰴⱈ҃ⱏ ⰻⱄⱅⰻⱀⱏⱀⱏⰹ · ⰵⰳⱁⰶⰵ ⰿⰻⱃⱏ ⱀⰵ ⰿⱁⰶⰵⱅⱏ ⱂⱃⰻⱗⱅⰻ · ⱑⰽⱁ ⱀⰵⰲⰻⰴⰻⱅⱏ ⰵⰳⱁ ⱀⰻ ⰸⱀⰰⰰⱅⱏ ⰵⰳⱁ · ⰲⱏⰹ ⰶⰵ ⰸⱀⰰⰰⱅⰵ ⰻ · ⱑⰽⱁ ⰲⱏ ⰲⰰⱄⱏ ⱂⱃⱑⰱⱏⰹⰲⰰⰰⱅⱏ · ⰻ ⰲⱏ ⰲⰰⱄⱏ ⰱⱘⰴⰵⱅⱏ


Verse: 18  Link to gnt Link to asseman Link to zograph Link to savvina Link to rnt
   
не оставлѭ васъ сиръ · придѫ къ вамъ ·
   
ⱀⰵ ⱁⱄⱅⰰⰲⰾⱙ ⰲⰰⱄⱏ ⱄⰻⱃⱏ · ⱂⱃⰻⰴⱘ ⰽⱏ ⰲⰰⰿⱏ ·


Verse: 19  Link to gnt Link to asseman Link to zograph Link to savvina Link to rnt
   
еште мало и миръ к томоу {не} не видитъ мене · вы же видите мѧ · ѣко азъ живѫ и вы живи бѫдете ·
   
ⰵⱎⱅⰵ ⰿⰰⰾⱁ ⰻ ⰿⰻⱃⱏ ⰽ ⱅⱁⰿⱆ {ⱀⰵ} ⱀⰵ ⰲⰻⰴⰻⱅⱏ ⰿⰵⱀⰵ · ⰲⱏⰹ ⰶⰵ ⰲⰻⰴⰻⱅⰵ ⰿⱔ · ⱑⰽⱁ ⰰⰸⱏ ⰶⰻⰲⱘ ⰻ ⰲⱏⰹ ⰶⰻⰲⰻ ⰱⱘⰴⰵⱅⰵ ·


Verse: 20  Link to gnt Link to asseman Link to zograph Link to savvina Link to rnt
   
въ тъ день разоумѣате ѣко азъ въ от҃ци · моемь ·ꙇ вы въ мьнѣ и азъ въ васъ ·
   
ⰲⱏ ⱅⱏ ⰴⰵⱀⱐ ⱃⰰⰸⱆⰿⱑⰰⱅⰵ ⱑⰽⱁ ⰰⰸⱏ ⰲⱏ ⱁⱅ҃ⱌⰻ · ⰿⱁⰵⰿⱐ ·ⰺ ⰲⱏⰹ ⰲⱏ ⰿⱐⱀⱑ ⰻ ⰰⰸⱏ ⰲⱏ ⰲⰰⱄⱏ ·


Verse: 21  Link to gnt Link to asseman Link to zograph Link to savvina Link to rnt
   
ꙇмѣѩи заповѣди моѩ и съблюдаѩ ѩ · тъ естъ любѧи мѧ · а любѧи мѧ вьзлюбљенъ бѫдетъ отц҃мъ моимь · и азъ възлюблю и · ѣвлѭ̑ сѧ емоу самъ ·· кц̑ ·
   
ⰺⰿⱑⱗⰻ ⰸⰰⱂⱁⰲⱑⰴⰻ ⰿⱁⱗ ⰻ ⱄⱏⰱⰾⱓⰴⰰⱗ ⱗ · ⱅⱏ ⰵⱄⱅⱏ ⰾⱓⰱⱔⰻ ⰿⱔ · ⰰ ⰾⱓⰱⱔⰻ ⰿⱔ ⰲⱐⰸⰾⱓⰱⰾ҄ⰵⱀⱏ ⰱⱘⰴⰵⱅⱏ ⱁⱅⱌ҃ⰿⱏ ⰿⱁⰻⰿⱐ · ⰻ ⰰⰸⱏ ⰲⱏⰸⰾⱓⰱⰾⱓ ⰻ · ⰺ ⱑⰲⰾⱙ̑ ⱄⱔ ⰵⰿⱆ ⱄⰰⰿⱏ ·· ⰽⱌ̑ ·


Verse: 22  Link to gnt Link to asseman Link to zograph Link to savvina Link to rnt
   
гл҃а емоу июда не искариотъскы · г҃и и что быстъ ѣко намъ хоштеши сѧ авити · а не вьсемоу мироу ·
   
ⰳⰾ҃ⰰ ⰵⰿⱆ ⰻⱓⰴⰰ ⱀⰵ ⰻⱄⰽⰰⱃⰻⱁⱅⱏⱄⰽⱏⰹ · ⰳ҃ⰻ ⰻ ⱍⱅⱁ ⰱⱏⰹⱄⱅⱏ ⱑⰽⱁ ⱀⰰⰿⱏ ⱈⱁⱎⱅⰵⱎⰻ ⱄⱔ ⰰⰲⰻⱅⰻ · ⰰ ⱀⰵ ⰲⱐⱄⰵⰿⱆ ⰿⰻⱃⱆ ·


Verse: 23  Link to gnt Link to asseman Link to zograph Link to savvina Link to rnt
   
отъвѣща ис҃ и рече емоу · аште кто любитъ мѧ · слово мое съблюдетъ · отц҃ъ мои вьзлюбитъ і · къ немоу идевѣ · обитѣль оу него сътворивѣ ·
   
ⱁⱅⱏⰲⱑⱎⱅⰰ ⰻⱄ҃ ⰻ ⱃⰵⱍⰵ ⰵⰿⱆ · ⰰⱎⱅⰵ ⰽⱅⱁ ⰾⱓⰱⰻⱅⱏ ⰿⱔ · ⱄⰾⱁⰲⱁ ⰿⱁⰵ ⱄⱏⰱⰾⱓⰴⰵⱅⱏ · ⰺ ⱁⱅⱌ҃ⱏ ⰿⱁⰻ ⰲⱐⰸⰾⱓⰱⰻⱅⱏ ⰹ · ⰺ ⰽⱏ ⱀⰵⰿⱆ ⰻⰴⰵⰲⱑ · ⰺ ⱁⰱⰻⱅⱑⰾⱐ ⱆ ⱀⰵⰳⱁ ⱄⱏⱅⰲⱁⱃⰻⰲⱑ ·


Verse: 24  Link to gnt Link to asseman Link to zograph Link to savvina Link to rnt
   
не любѧи мене словесъ моихъ не съблюдаетъ · слово еже слышите · нѣстъ мое нъ посълавъшааго мѧ от҃ца ·
   
ⱀⰵ ⰾⱓⰱⱔⰻ ⰿⰵⱀⰵ ⱄⰾⱁⰲⰵⱄⱏ ⰿⱁⰻⱈⱏ ⱀⰵ ⱄⱏⰱⰾⱓⰴⰰⰵⱅⱏ · ⰺ ⱄⰾⱁⰲⱁ ⰵⰶⰵ ⱄⰾⱏⰹⱎⰻⱅⰵ · ⱀⱑⱄⱅⱏ ⰿⱁⰵ ⱀⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ ⱁⱅ҃ⱌⰰ ·


Verse: 25  Link to gnt Link to asseman Link to zograph Link to savvina Link to rnt
   
си гл҃ахъ вамъ въ васъ сы ·
   
ⱄⰻ ⰳⰾ҃ⰰⱈⱏ ⰲⰰⰿⱏ ⰲⱏ ⰲⰰⱄⱏ ⱄⱏⰹ ·


Verse: 26  Link to gnt Link to asseman Link to zograph Link to savvina Link to rnt
   
параклитъ же дх҃ъ ст҃ы егоже посьлетъ оц҃ъ въ імѧ мое · тъ вы наоучтъ вьсемоу · вьспомѣнетъ вамъ вьсѣ еликоже рѣхъ вамъ ·
   
ⱂⰰⱃⰰⰽⰾⰻⱅⱏ ⰶⰵ ⰴⱈ҃ⱏ ⱄⱅ҃ⱏⰹ ⰵⰳⱁⰶⰵ ⱂⱁⱄⱐⰾⰵⱅⱏ ⱁⱌ҃ⱏ ⰲⱏ ⰹⰿⱔ ⰿⱁⰵ · ⱅⱏ ⰲⱏⰹ ⱀⰰⱆⱅⱏ ⰲⱐⱄⰵⰿⱆ · ⰺ ⰲⱐⱄⱂⱁⰿⱑⱀⰵⱅⱏ ⰲⰰⰿⱏ ⰲⱐⱄⱑ ⰵⰾⰻⰽⱁⰶⰵ ⱃⱑⱈⱏ ⰲⰰⰿⱏ ·


Verse: 27  Link to gnt Link to asseman Link to zograph Link to savvina Link to rnt
   
миръ оставлѣѭ вамъ · миръ мои даѭ вамъ · не ѣкоже вьсь миръ даатъ · азъ даѭ вамь · ·· Да не съмѫштаатъ сѧваше ср҃дце ни оустрашаатъ ·
   
ⰿⰻⱃⱏ ⱁⱄⱅⰰⰲⰾⱑⱙ ⰲⰰⰿⱏ · ⰿⰻⱃⱏ ⰿⱁⰻ ⰴⰰⱙ ⰲⰰⰿⱏ · ⱀⰵ ⱑⰽⱁⰶⰵ ⰲⱐⱄⱐ ⰿⰻⱃⱏ ⰴⰰⰰⱅⱏ · ⰰⰸⱏ ⰴⰰⱙ ⰲⰰⰿⱐ · ·· Ⰴⰰ ⱀⰵ ⱄⱏⰿⱘⱎⱅⰰⰰⱅⱏ ⱄⱔⰲⰰⱎⰵ ⱄⱃ҃ⰴⱌⰵ ⱀⰻ ⱆⱄⱅⱃⰰⱎⰰⰰⱅⱏ ·


Verse: 28  Link to gnt Link to asseman Link to zograph Link to savvina Link to rnt
   
слышасте ѣко азъ рѣхъ вамъ · идѫ и придѫ къ вамъ ·аште бисте любили мѧ · въздрадовали сѧ бисте оубо · ѣко рѣхъ идѫ къ от҃цю · ѣко отецъ мои болии мене естъ ·
   
ⱄⰾⱏⰹⱎⰰⱄⱅⰵ ⱑⰽⱁ ⰰⰸⱏ ⱃⱑⱈⱏ ⰲⰰⰿⱏ · ⰻⰴⱘ ⰻ ⱂⱃⰻⰴⱘ ⰽⱏ ⰲⰰⰿⱏ ·ⰰⱎⱅⰵ ⰱⰻⱄⱅⰵ ⰾⱓⰱⰻⰾⰻ ⰿⱔ · ⰲⱏⰸⰴⱃⰰⰴⱁⰲⰰⰾⰻ ⱄⱔ ⰱⰻⱄⱅⰵ ⱆⰱⱁ · ⱑⰽⱁ ⱃⱑⱈⱏ ⰻⰴⱘ ⰽⱏ ⱁⱅ҃ⱌⱓ · ⱑⰽⱁ ⱁⱅⰵⱌⱏ ⰿⱁⰻ ⰱⱁⰾⰻⰻ ⰿⰵⱀⰵ ⰵⱄⱅⱏ ·


Verse: 29  Link to gnt Link to asseman Link to zograph Link to savvina Link to rnt
   
нынѣ рѣхъ вамъ · прѣжде даже не бѫдетъ ·да егда бѫдетъ вѣрѫ имете ··
   
ⰺ ⱀⱏⰹⱀⱑ ⱃⱑⱈⱏ ⰲⰰⰿⱏ · ⱂⱃⱑⰶⰴⰵ ⰴⰰⰶⰵ ⱀⰵ ⰱⱘⰴⰵⱅⱏ ·ⰴⰰ ⰵⰳⰴⰰ ⰱⱘⰴⰵⱅⱏ ⰲⱑⱃⱘ ⰻⰿⰵⱅⰵ ··


Verse: 30  Link to gnt Link to asseman Link to zograph Link to savvina Link to rnt
   
῾Юже не мъного гл҃ѭ съ вами · грѧдетъ бо се[го] мира кънѧѕъ · вь мьнѣ не иматъ ничесоже ·
   
῾Ⱓⰶⰵ ⱀⰵ ⰿⱏⱀⱁⰳⱁ ⰳⰾ҃ⱙ ⱄⱏ ⰲⰰⰿⰻ · ⰳⱃⱔⰴⰵⱅⱏ ⰱⱁ ⱄⰵ[ⰳⱁ] ⰿⰻⱃⰰ ⰽⱏⱀⱔⰷⱏ · ⰺ ⰲⱐ ⰿⱐⱀⱑ ⱀⰵ ⰻⰿⰰⱅⱏ ⱀⰻⱍⰵⱄⱁⰶⰵ ·


Verse: 31  Link to gnt Link to asseman Link to zograph Link to savvina Link to rnt
   
нъ да разоумѣатъ миръ ѣко люблю от҃ца · ῾и ѣкоже запо[вѣ]дѣ мьнѣ от҃цъ · тако творѭ ·въстанѣте идѣмъ отъ сѫдоу ··
   
ⱀⱏ ⰴⰰ ⱃⰰⰸⱆⰿⱑⰰⱅⱏ ⰿⰻⱃⱏ ⱑⰽⱁ ⰾⱓⰱⰾⱓ ⱁⱅ҃ⱌⰰ · ῾ⰻ ⱑⰽⱁⰶⰵ ⰸⰰⱂⱁ[ⰲⱑ]ⰴⱑ ⰿⱐⱀⱑ ⱁⱅ҃ⱌⱏ · ⱅⰰⰽⱁ ⱅⰲⱁⱃⱙ ·ⰲⱏⱄⱅⰰⱀⱑⱅⰵ ⰻⰴⱑⰿⱏ ⱁⱅⱏ ⱄⱘⰴⱆ ··

Next part



This text is part of the TITUS edition of Codex Marianus.

Copyright TITUS Project, Frankfurt a/M, 1.6.2018. No parts of this document may be republished in any form without prior permission by the copyright holder.