Page of ms. P: 332r ესრე იტყჳს უფალი: იხარებდინ იაკობი, გიხაროდენ და იხარებდ თავსა ზედა წარმართასა, სასმენელ-ყავთ და აქებდით, თქუთ: აცხოვნა უფალმან ერი თჳსი, ნეშტი ისრაჱლისაჲ.
აჰა, ესერა, მოიყვანნე იგინი ქუეყანით ჩრდილოჲთ და შეჰკრიბნე იგინი დასასრულით ქუეყანისაჲთ დღესასწაულსა პასექისასა და შვილ-ისხნენ ერი მრავალი მათ შორის, ბრმაჲ და მკელობელი, მიდგომილი და მშობელი, ერთბამად კრებული, და მოიქცენ აქა.
ტირილით განვიდეს და ნუგეშინის-სცეს მათ, მოაქცინეს იგინი, იქცეოდის ჴევნებსა წყალთასა და გზასა მართალსა და არა სცთებოდიან მას ზედა, რამეთუ ვექმენ ისრაჱლსა [მამად], და ეფრემ პირმშოჲ ჩემი არს.
ისმინეთ სიტყუაჲ უფლისაჲ წარმართთა და უთხართ ჭალაკთა შორიელთა, რამეთუ, რომელმან განაბნია ისრაჱლი, მანვე შეკრიბოს და დაიცვეს იგი ვითარცა მწყემსმან სამწყსოჲ.
რამეთუ იჴსნა უფალმან იაკობი და განარინა იგი ჴელთაგან უძრიელჱსისა მისისათა.
მოვიდენ და იხარებდენ და მხიარულ იყვნენ მთასა სიონსა და მოვიდენ კეთილითა უფლისაჲთა ქუეყანასა იფქლისასა და ღჳნისასა, ნაყოფთა საცხოვართასა და ზროხათასა. და იყო სული მათი ვითარცა ძჱ ნაყოფიერი, და არღარა შიოდის.
იხარებდენ ქალწულნი შესაკრებელსა და მოხუცებულნი იხარებდენ, და მოვაქციო გლოაჲ მათი მხიარულებად, და იყვნენ იგინი სახარულევან მწუხარე\ბისაგან Page of ms. P: 332v მათისა.
და განვადიდო და დავათრო სული მღდელთაჲ ძეთა ლევისთაჲ სიპოხითა და ერი ჩემი აღვავსო კეთილითა, თქუა უფალან.
Page of ms. P: 215v ესრე იტყჳს უფალი: მაშინ იხარებდენ ქალწულნი შორის კრებულსა ჭაბუკთასა და მოხუცებულნი მხია\რულ Page of ms. P: 216r იყვნენ ერთბამად; და გარდავაქციო გლოაჲ მათი სიხარულად და ნუგეშინის-ცემად და ვყვნე იგინი სახარულევან და ვახარო მათ ჭუვილისაგან მათისა.
განვადიდნე იგინი და დავათრო სული მღდელთა ძეთა ლევისთაჲ, და ერი ჩემი კეთილითა ჩემითა განძღეს, იტყჳს უფალი.
ესრე იტყჳს უფალი: ჴმაჲ ჰრამაჲთ ისმა ტირილისა და გლოისა და გოდებისაჲ: რაქელ სტიროდა ძეთა თჳსთა და არა უნდა ნუგრშინის-ცემის, რამეთუ არა არიან.
ესრე იტყჳს უფალი: დასცხერინ ჴმაჲ შენი ტირილისაგან და თუალნი შენნი ცრემლთაგან, რამეთუ არს სასყიდელი შენი საქმეთა შენთათჳს, თქუა უფალმან, და მოიქცენ ქუეყანით მტერთაჲთ.
და იყოს სასოება აღსასრულსა შინა თქუენსა, თქუა უფალმან, მოიქცენ შვილნი შენნი საზღვართა მათთა.
სმენით მესმა ეფრემის გოდებაჲ: განმსწავლე მე და განვისწავლო; ვითარცა სამწყული უმწყი ვერ დავიმწყე. მომაქციე მე, და მოვიქცე, რამეთუ შენ უფალი ღმერთი ჩემი ხარი.
და შემდგომად ტყუეობისა მის ჩემისა შევინანე და შემდგომად გულისხმის-ყოფისა ვკუნესოდე დღეთა ზედა სირცხჳლისა ჩემისათა, და შევიკდიმე და დაგემორჩილე და მოვიღე ყუედრებაჲ სიჭაბუკით ჩემითგან.
ძე ხარ საყუარელი ჩემი, ეფრემ, და ყრმაჲ განცხრომისაჲ შობასა, რამეთუ, ვინაჲთგან სიტყუანი ჩემნი მის თანა არიან, ჴსენებით მოვიჴსენო მის მიერ; ამისთჳს მოვიძიე იგი და წყალობით შევიწყალო, იტყჳს უფალი.
Page of ms. P: 16v ესრე თქუა უფალმან ძალთამან, ღმერთმან ისრაჱლისამან: მერმე თქუანღა სიტყუაჲ ქუეყანასა იუდაჲსსა და ქალაქებსა მისსა, რაჟამს მოვაქციო ტყუჱ მათი: კურთხეულ არს უფალი მთასა ზედა მართალსა წმიდასა მისსა,
დამკჳდრებული მუნ იუდა და ყოველი ქალაქები მისი ერთბამად მოქმედითურთ ქუეყანისაჲთ, და განიშუან სამწყსოჲთურთ მათით.
რამეთუ დავათრვე ყოველი სული წყურიელი და ყოველი სული მშიერი განვაძღე კეთილითა.
ამისთჳს განვიღჳძე და ვიხილე და ძილი ჩემი ტკბილ-მეყო მე.
ესერა, დღენი მოვლენან, იტყჳს უფალი, და დავსთესო სახლი ისრაჱლისაჲ და სახლი იუდაჲსი თესლითა კაცთაჲთა და თესლითა საცხოვართაჲთა.
და იყოს, ვითარცა-იგი განვიღჳძე მე მათ ზედა აფ\ხურად Page of ms. P: 17r და დარღუევად და დამჴუებად და ბოროტებად და წარწყმედად, ეგრევე განვიღჳძო მე მათ ზედა აღშჱნებად და დანერგვა[დ], იტყჳს უფალი.
Page of ms. P: 332v ესრე იტყჳს უფალი ძალთაჲ, ღმერთი ისრაჱლისაჲ, რამეთუ თქოდიან სიტყუაჲ ესე ქუეყანასა იუდაჲსსა და ქალაქსა მისსა, რაჟამს მოვიქციო ტყუჱ მისი: კურთხეულ არს უფალი მთასა წმიდასა მისსა,
დამკჳდრებულნი მუნ იუდა და ყოველი ქალაქები მისი ერთბამად მოქმედითურთ მისით, და განიშუან სამწყსოჲთურთ.
რამეთუ დავათრვე ყოველი სული წყურიელი და ყოველი სული მშიერი განვაძღე კეთილითა.
ამისთჳს განვიღჳძე და ვიხილე და ძილი ჩემი ტკბილ მეყო მე.
ესერა, დღენი მოვლენან, იტყჳს უფალი, და დავსთესო სახლი იუდაჲსი და სახლი ისრაჱლისაჲ თესლითა კაცთაჲთა და თესლითა საცხოართაჲთა.
და იყოს, ვითარცა განვიღჳძე მათ ზედა აფხურად და დარღუევად, დამჴუებად და ბოროტებად და წარწყმედად, ეგრევე განვიზრახო მე მათ ზედა აღშჱნებად და დანერგვად, იტყჳს უფალი.
Page of ms. P: _ Page of ms. L: 322V აჰა, ესერა, დღენი მოვლენან, _ იტყჳს უფალი, _ და აღვასრულო სახლსა ზედა ისრაჱლისასა აღთქუმაჲ საუკუნოი.
[არა] რომელ აღუთქუ მამათა მათთა დღესა მისებრ, რომელსა უპყარ ჴელი მათი გამოყვანებად მათა ქუეყანით ეგუიპტით, Page of ms. L: 323R რამეთუ იგინი არა დაადგრეს აღთქუმასა ჩემსა და მე შეურაცხ-ვყვნე იგინი, _ თქუა უფალმან.
რამეთუ ესე არს აღთქუმაჲ ჩემი, რომელ აღუთქუ სახლსა ისრაჱლისასა და სახლსა იუდაჲსსა შემდგომად დღეთა მათ, _ თქუა უფალმან, _ მივსცნე რჩეულნი ჩემნი გონებათა მათთა და გამოვწერნე იგინი [მკერდსა ზედა გულთა მათთასა], და ვიყო მე მათა ღმრთად და იგინი იყვნენ ჩემდა ერად.
და არღარა ასწავებდეს კაცად-კაცადი ძმასა თუისსა და ჰრქუას: იცანთ უფალი, რამეთუ ყოველთა მიცოდიან მე, მცირითგან დიდამდე მათა, რამეთუ ულხინო მე სიცრუეთა მათთა და უშჯულოებანი მათნი არღარა მოვიჴსენნე.
