)
)
Isusen Iz äyitä čarḳiṭuxun oša Galileyinaxun č̣eri Iordan oqe ṭe täräf bakala Iudeyin oćalane taci.
Isusi bać̣anexun gele amdare taci, Šoṭinal šoṭoġo q̇olayebi.
Fariseyxo Isusi ṭo͑ġo͑l hari Šoṭo sinäyinšbseynaḳ metär sa sualṭun tadi: "Amdara iz čuġo här sa säbäbä görä č̣evksuna ḳanunen iǯaza bune?"
Isusen ǯoġabe tadi: "Tenan ḳalpe ki, Yaratmišalen šoṭoġo burqesunaxun "išq̇ar q̇a čuuxe yaratmiši"? *
Moṭo göräl "išq̇ar iz bava-nanaxun ǯöybaki iz čuġo ġaćeġale, ṗo͑ġo͑ sa bädän bakale. *
Ene šorox ṗä͑ tää, sa bädän * ḳinäḳṭun". Moṭo göräl barta Buxaʒ́uġon čütṭäyinšiṭoġo amdaren maq̇an ǯöybi".
Fariseyxon Isusa piṭun: "P̣oy Moiseyen heṭaynaḳa ämirbey ki, iz čuġo č̣evḳalṭin šoṭo ǯöybaksuni barada kaġəz tadane?" *
Isusen šoṭoġo pine: "Ef inadkär baksuna göräne Moiseyen vä͑x čuux č̣evksuna iǯaza tadi. Ama burqesunaxun metär teney.
Zu isä vä͑x nexzu ki, äxlagsuzluġaxun bašq̇a q̇eräz sa säbäbä görä iz čuġo č̣evḳi q̇eräzṭuxun laśḳoybakala amdaren xäyanätebsa. Išq̇araxun č̣eri čuġoxun laśḳoybakalṭinal xäyanätebsa". * *
Iz šagirdxon Isusa piṭun: "Ägär išq̇ar-čuġoy arane bakala äšurxo metär bakalanesa, nu laśḳoybaksun šaaṭe".
Ama Isusen šoṭoġo pine: "Här amdaren Bez piṭoġo q̇abulbes tene bako, täk me q̇amišaksun tadeci amdarxone q̇abulbes bako.
Šoṭaynaḳ ki, ṭetär amdarxonebu ki, laśḳoybakes teṭun baksa, šoṭaynaḳ ki, nanaxun bakaṭan metärṭun nanaxun bake. Ṭetäroroxo ki, amdarxone šoṭoġo ketärbe, ṭetär amdarxoval bune ki, Buxaʒ́uġo \ samalal šaaṭ q̇ulluġbseynaḳ teṭun laśḳoybaksa. Moṭo q̇abulbes bakalṭin q̇abulbeq̇an"
; Luḳ. 18:15-17)
; Luk'. 18:15-17)
Ṭe vädä Isusi ṭo͑ġo͑l äyloxṭun ečeri ki, Isusen xeyir-bäräkät tasṭeynaḳ Iz kula šoṭoġoy loxol laxane. Šagirdxon isä šoṭoġo teṭun barti.
Ama Isusen pine: "Äyloġo bartanan Bez ṭo͑ġo͑lq̇aṭun hari! Šoṭoġo mane ma bakanan! Šoṭaynaḳ ki, Göye padčaġluġ ketärṭoġoye".
Isusen šoṭoġoy loxol Iz kula laxi ṭeṭiin taneci.
; Luḳ. 18:18-30)
; Luk'. 18:18-30)
Sa amdar Isusi ṭo͑ġo͑l hari pine: "Määlim, zu ḳä šaaṭluġbaz ki, hämišäluġ yäšäyinšä haq̇az?"
Isusen šoṭo pine: "Heṭaynaḳen Zaxun šaaṭluġi barada xavar haq̇sa? Šaaṭ bakalo täk Soġone. Ägär hun hämišäluġ yäšäyinšä haq̇sun čurensasa, Šoṭay ämirxon taki".
Ṭe amdaren Isusaxun xavare haq̇i: "Mani ämirxon?" Isusenal ǯoġabe tadi: "Ma besṗa, äxlagsuzluġ maba, oġriluġ maba, äfči šahidluġ maba,
bava-nana hörmätba" hamal "vi ə͑śaṭu hun va čureġala ḳinäḳ čureki". *
Ṭe ǯäyil amdaren Isusa pine: "Moṭoġo bitova ämälbez, ene ḳä tene ṗoyesa za?"
Isusen šoṭo pine: "Ägär kamil baksun čurensasa, taki vi var-dövlätä toyda käsibxo payba. Ṭe vädä göynul vi xäzinä bakale. Oša qaybaka, Bez bać̣anexun eki".
Ama ǯäyil amdaren me äyitä ibaki pe͑śman baki taneci, šoṭaynaḳ ki, iz var-dövlät geleney.
Isusen Iz šagirdxo pine: "Vä͑x düzinäz nex: dövlätlü amdareynaḳ Göye padčaġluġa baysun čätine.
P̣urum vä͑x nexzu ki, buše be͑ke dešiyexun č̣ovaksun dövlätlü amdari Göye padčaġluġa baysunaxun hasande".
Moṭo ibakala šagirdxon gele määṭṭäl mandi piṭun: "Ketäre isä, šuva čarḳeces bako?"
Isusen šoṭoġoy loxol be͑ġi pine: "Mo amdarxoynaḳ mümkün tene, ama Buxaʒ́uġoynaḳ här šey mümküne".
Moṭoxun oša P̣eṭeren Šoṭo pine: "Be͑ġa, yan här šeya bosi Vi bać̣anexunyan hari, moṭay äväzä beš ḳä bakala?"
Isusen šoṭoġo pine: "Vä͑x düzinäz nex: här šey täzäläyinšakaṭan, Amdari Ġar Iz tamtaraġlu taxṭa arcaṭan, vä͑nal - Bez bać̣anexun eġalorox - Israili ṗac̣c̣e tayfina divanbseynaḳ ṗac̣c̣e taxṭe loxol arcalnan. *
Bez därden iz ḳožurxo, iz vičimoġo, iz xunčimoġo, iz bava, iz nana, iz čuġo, iz äyloġo, nääl ki iz q̇oruġxo bosala här sa amdaren \ moṭoxun sabać q̇at avuz haq̇ale, hämišäluġ yäšäyinšäl miras ḳinäḳ haq̇ale.
Ama samǯi bakalṭoġoy gelo axərənǯi, axərənǯi bakalorox isä samǯi bakalṭun. *
