)
)
Haṭe ġimxo ṗurumal gele ǯamaate gireci. Šoṭoġoy ičoġoxun ukun buteṭuxiy, Isusenal šagirdxo Iz ṭo͑ġo͑l ḳalpi pine:
"Me amdarxo Bez goroxe eysa. Šorox xib ġine ki, Bez ṭo͑ġo͑lṭun, ičoġoxun ukala šeyal buteṭux.
Moṭoġo häysä ičoġoy ḳožurxo yaq̇abadayiz, yaq̇a halnuxun bitalṭun, axəri bäziyorox lap ä͑xiläxunṭun hare".
Šagirdxon Šoṭo ǯoġabṭun tadi: "Meq̇ädär amdara boševḳseynaḳ me čölö mayina śum bä͑ġä͑bes bakon?"
Isusen šoṭoġoxun xavare haq̇i: "Hema śumyax bu?" Šoṭoġon piṭun: "Vu͑ġ".
Ṭe vädä Isusen ǯamaata pine ki, oq̇a arceq̇aṭun. Šoṭin vu͑ġ śuma exṭi šükürebi, oša ǯöybi Iz šagirdxone tadi ki, ǯamaata paybaṭun. Šoṭoġon śuma payṭunbi.
Šoṭoġosṭa sa hema dänä mic̣iḳ čäliyal buney, Isusen šükürbala afərəna biṭuxun oša moṭoġoval paybsunane ämirbi. Šagirdxonal ǯamaata payṭunbi.
Amdarxon käyi boṭunši. Avuzin mandi ḳoṭorxo girbaṭan isä vu͑ġ zänbile buybaki.
Ṭeṭiya biṗ hazar tana ə͑śa amdare buy. \ Isusen šoṭoġo yaq̇anebadi,
Ič isä Iz šagirdxoxun sagala lodḳina laci Dalmanuta oćalane taci
; 16:1-12)
; 16:1-12)
Fariseyxo Isusi ṭo͑ġo͑l hari Šoṭoxun höǯätbsaṭun burqi. Šoṭo sinäyinšbseynaḳ čurṭunsay ki, göynuxun eġala sa möǯüzälü niśanq̇an aḳesṭi. *
Šoṭin bä͑ġä͑loy sa mindäfä saki pine: "Heṭaynaḳe me näsilen möǯüzälü niśan qä͑vesa? Vä͑x düzinäz nex: me näsilä sal sa niśan tene tadeġal". *
; 16:1-12)
; 16:1-12)
Oša šoṭoġoxun ǯöybaki ṗurumal lodḳina laci göle ṭe soġo täräfe č̣ovaki.
Iz šagirdxon śum exsṭuna eyexun č̣evḳeṭuniy. Lodḳina šoṭoġoy täk sa dänä śume buy.
Isusen šoṭoġo tapšurbi pine: "Ehṭiyäṭlü bakanan, fariseyxoy ä͑yinäxun q̇a Irodi ä͑yinäxun vä͑x be͑ġanan". *
Šagirdxon isä ičoġoy arane exlätṗi nexṭuniy: "Moṭo beši śum nu baksuna göräne nex".
Isusen moṭo avabaki šoṭoġo pine: "Heṭaynaḳ śume nu baksunaxunnan äyite? Yäni hälä q̇amišaki bex baftenansṭa? Heṭaynaḳ ef üḳ meq̇ädär inadkäre?
Ef pulmux baksun-baksun tenan aksa? Ef u͑mu͑xxo baksun-baksun tenan ibaksa? Ef eyexun he usuma č̣eri!
Zu qo \ śuma qo hazar tane arane ǯöybi paybaṭan be͑śṭan mandi ḳoṭorxoxun hema zänbilnän buybi?" Šoṭoġon piṭun: "P̣ac̣c̣e". *
"P̣oy vu͑ġ śuma biṗ hazar tane arane ǯöybi paybaṭan ḳoṭorxoxun hema zänbilnän buybi?" Šoṭoġon piṭun: "Vu͑ġ".
Isusen šoṭoġo pine: "Ama vä͑n häläl q̇amištenanbaki!"
Šorox Beṭsaydaṭun hari. Miya Isusi ṭo͑ġo͑l sa ḳać̣i amdarṭun ečeri, Šoṭoxun me amdari loxol Iz kula laxsunaṭun xoyinśbi.
Isusen ḳać̣in kiyexun biq̇i šoṭo ayizaxun ṭo͑o͑xe tašeri. Oša šoṭay pulmoġo ćupunen šäyinbi, Iz kulmoġo šoṭay loxol laxi xavare haq̇i: "Sa šey anksa?"
Ḳać̣inen be͑ġi pine: "Amdarxoz aksa, xodurxoṭun ošq̇ar, ama taraṭunne".
Ṭe vädä Isusen Iz kulmoġo ṗurumal me amdari pulmoġoy loxole laxi, ḳać̣i amdari piyelal išiġe hari. Šo q̇olayebaki, här šeyal qay aksane burqi.
Isusen šoṭo ḳoya yaq̇abi pine: "Be͑ġa, sal ayize ma baki".
; Luḳ. 9:18-21)
; Luk'. 9:18-21)
Isus Iz šagirdxoxun sagala Filiṗa bakala Ḳeysariin ayizmoġone yaq̇a bafṭi. Yaq̇a Iz šagirdxoxun xavare \ haq̇i: "Amdarxoy upsuna görä Zu šuzu?"
Iz šagirdxon Šoṭo metärṭun ǯoġab tadi: "Bäziṭoġon nexṭun ki, Ḳunuḳbal Ioan, ṭə͑yä͑miṭoġon Ilya, bäziṭoġon isä nexṭun ki, xavarečalxoxun soġonu". *
Isusen šoṭoġoxun xavare haq̇i: "P̣oy vä͑n Za šunan hesabbsa"? P̣eṭeren Šoṭo ǯoġabe tadi: "Hun Xrisṭosnu". *
Isusen Iz šagirdxo tapšurebi ki, Izi Xrisṭos baksuni barada šuḳḳala nu exlätṗaṭun.
; Luḳ. 9:22)
; Luk'. 9:22)
Moṭo piṭuxun oša Isusen šoṭoġo zombsane burqi. Šoṭin pine ki, Amdari Ġaren gele äzyät zaṗḳalane. Aġsaq̇q̇alxon, samǯi be͑yinśxon q̇a ḳanun zombalxon Šoṭo teṭun čalxal, Šoṭo besṗesṭalṭun, ama xib ġinaxun oša Šo be͑yinbakale.
Isusen me äyitmoġo qaye nexey. P̣eṭeren isä Šoṭo ṭo͑o͑x zapi Šoṭay äyite boneṭi.
Ama Isusen fərəpi Iz šagirdxoy loxol be͑ġi P̣eṭera pine: "Aća Bezi piin be͑śṭan, Šeytan! Hun Buxaʒ́ux ḳinäḳ tää, amdar ḳinäḳen fikirbsa".
; Luḳ. 9:23-27)
; Luk'. 9:23-27)
Isusen Iz šagirdxo q̇a ǯamaata Iz ṭo͑ġo͑l ḳalpi metäre pi: "Ägär šunesa Bez bać̣anexun eysun čuresasa, \ ičuxun kulhaq̇eq̇an, iz xačal exṭi Bez bać̣anexunq̇an hari. *
Šiin iz elmoġo čarḳesṭun čuresasa, šoṭo aćesṗale, ama šiin Zaxun baki Mu͑q Xavari c̣iyal iz elmoġo aćesṗayin, šoṭo čarḳesṭale. *
Amdareynaḳ bütüm dünyänä q̇azayinši iz elmoġo aćespsunaxun ḳä xeyirä bu?
Amdaren iz elmoġoy äväze ḳä teya tadon?
Me exṭibärsuz saal günaxkär näsili arane šiin Zaxun q̇a Bez äyitmoġoxun oṭṗayin, Amdari Ġarenal Iz Bavay tamtaraġen ə͑vel angelxoxun sagala eġaṭan ṭe amdaraxun oṭṗale".
