TITUS
Epistulae Pauli georgice (CD)
Part No. 74
Previous part

Book: Heb. 
პავლე მოციქულისა წიგნი ებრაელთა მიმართ

Chapter: 1 
1
Part: 1 
(ა̂)


Verse: 1   Link to pavleni Link to gnt   მრავლით კერძო და მრავლით სახით მაშინვე ღმერთი ეტყოდა მამათა წინაჲსწარმეტყუელთა მიერ, უკუანაჲსკნელთა ამათ დღეთა მეტყოდა ჩუენ ძისა მიერ თჳსისა,

Verse: 1V     მრავლით სახით მაშინვე ] მრავალ სახედ ძუელ სადმე TIK.


Verse: 2   Link to pavleni Link to gnt   რომელი-იგი დაადგინა მკჳდრად ყოველთა, რომლისაგანცა შეიქმნნეს საუკუნენი.


Verse: 3   Link to pavleni Link to gnt   რომელი-იგი არს ბრწყინვალებაჲ დიდებისაჲ და ხატი ძლიერებისა მისისაჲ, უტჳრთვან ყოველნივე სიტყჳთა მით ძლიერებისა მისისაჲთა, თაჳსა მიერ თჳსა განწმედაჲ ცოდვათა ჩუენთაჲ ყო; და დაჯდა იგი მარჯუენით სიმდიდრესა მისსა მაღალთა შინა;

Verse: 3V     უტჳრთვან ] მოაქუს IK, ყოველნი ZFT, ყოველი IK, მით ] -- IK, მისისაჲთა ] თჳსისაჲთა IK, იგი ] -- Z, სიმდიდრისა მისისა T.


Verse: 4   Link to pavleni Link to gnt   ესოდენ უმჯობეს იყო ანგელოზთა, რაოდენცა უმჯობესი მათსა დაიმკჳდრა სახელი.

Verse: 4V     იყო ] იქმნა TIK, რავდენცა Z, რაოდენ TIK.


Part: 2 
(ბ̂)


Verse: 5   Link to pavleni Link to gnt   რამეთუ ოდეს სადა ვის ჰრქუა ანგელოზთაგანსა: ძე ჩემი ხარი შენ,(1) და მე დღეს მიშობიე შენ? და მერმე იტყჳს: მე ვიყო მისა მამა, და იგი იყოს ჩემდა ძე.(2)

Verse: 5-1Q     Link to psa Ps. 2,7

Verse: 5-2Q     Link to mcat Reg.II 7 14

Verse: 5V     ვიყავ T, მისსა TI.


Verse: 6   Link to pavleni Link to gnt   და ოდეს კუალად შემოჰყავს პირმშოჲ იგი სოფლად, იტყჳს: და თაყუანის-სცემდენ მას ყოველნი ანგელოზნი ღმრთისანი.(3)

Verse: 6-3Q     Link to psa Ps. 96,7 (ხელნაწერში მითითებულია ႨႨ შჯულთა)

Verse: 6V     შემოჰყჳს V, და (2) ] -- TIK.


Verse: 7   Link to pavleni Link to gnt   ხოლო ანგელოზთათჳს იტყჳს: რომელმან შექმნნა ანგელოზნი მისნი სულად და მსახურნი მისნი ალად ცეცხლისა.(4)

Verse: 7-4Q     Link to psa Ps. 103,4


Verse: 8   Link to pavleni Link to gnt   ხოლო ძისათჳს იტყჳს: საყდარი შენი, ღმერთო, უკუნითი უკუნისამდე; კუერთხი განგებისაჲ და კუერთხი სუფევისა შენისაჲ.

Verse: 8V     განგებისა T.


Verse: 9   Link to pavleni Link to gnt   შეიყუარე სიმართლე და მოიძულე უშჯულოებაჲ. ამისთჳს გცხოს შენ ღმერთმან, ღმერთმან შენმან საცხებელი სიხარულისაჲ უმეტეს მოყუასთა შენთა.(1)

Verse: 9-1Q     Link to psa Ps. 44,7

Verse: 9V     უსჯულოებაჲ FTIK, გცხო ZT.


Verse: 10   Link to pavleni Link to gnt   და: შენ დასაბამსა, უფალო, ქუეყანაჲ დააფუძნე, და ქმნულნი ჴელთა შენთანი ცანი არიან;


Verse: 11   Link to pavleni Link to gnt   იგინი წარჴდენ, ხოლო შენ ეგო უკუნისამდე; და ყოველნი ვითარცა სამოსელნი დაძუელდენ,

Verse: 11V     წარჴდებიან TIK, ჰგიე TIK, უკუნისამდე ] -- TI.


Verse: 12   Link to pavleni Link to gnt   და ვითარცა შესამოსელნი სცვალნე იგინი, და იცვალნენ. ხოლო შენ თავადი იგივე ხარ, და წელიწადთა შენთა არა მოაკლდეს.(2)

Verse: 12-2Q     Link to psa Ps. 101,26, Link to psa 28

Verse: 12V     მოაკლდენ IK.


Verse: 13   Link to pavleni Link to gnt   ვის ანგელოზთაგანსა ჰრქუა სადამე: დაჯედ მარჯუენით ჩემსა, ვიდრემდის დავსხნე მტერნი შენნი ქუეშე ფერჴთა შენთა?(3)

Verse: 13-3Q     Link to psa Ps. 109,1

Verse: 13V     ანგელოზთაგანსა ] -- იკ, ჰრქუა ანგელოზთაგანსა თ, სადამე] -- თ.


Verse: 14   Link to pavleni Link to gnt   ანუ არა ყოველნივე არიანა მოხარკე სულებ, მსახურად მოვლინებულ მათთჳს, რომელთა-იგი დამკჳდრებად არს ცხორებაჲ?

Verse: 14V     მოხარკე ] სამსახურო IK, ცულებ... ცხორებაჲ ] სულ, მსახურებად წარსავლინებელ მნებებელთა მიმართ ცხორებისა მკჳდრ ყოფისათა TIK, დამკჳდრებად V.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.