TITUS
Vetus testamentum iberice: Canticum (red. G)
Part No. 3
Previous part

Chapter: 3 
3


Verse: 1  Link to oskijerLink to mcatLink to bakaratLink to sept   მე სარეცელთა ჩემთა ზედა ვეძიებდ ღამე, რომელი უყუარდა სულსა ჩემსა, ვეძიებდი მას და ვპოვე იგი, ვხადოდე მას და არასადა ჴმა-მცა მე.

Verse: 2  Link to oskijerLink to mcatLink to bakaratLink to sept   
აღვდგე და მოვლო ყოველი ქალაქები, სავაჭრონი და უბანნი და ვიძიო, რომლისა-იგი ტრფიალ არს სული ჩემი, ვეძიებდი ას და არა ვპოვე იგი, ვხადოდე მას და არასადა ჴმა-მცა მე.

Verse: 3  Link to oskijerLink to mcatLink to bakaratLink to sept   
მპოვეს მე მჴუმილთა, რომელ სცვიდეს ქალაქსა. ნუ იხილეთა სატრფიალოჲ სულისაჲ?

Verse: 4  Link to oskijerLink to mcatLink to bakaratLink to sept   
ვითარ კნინოდენ წარვლე მათგან, ვიდრემდის ვპოვე, რომელი უყუარდა სულსა ჩემსა. შევიპყარ იგი და არა განუტევე, ვიდრემდის სახიდ დედისა შევიყვანე და საუნჯეთა მშობლისა ჩემისათა.

Verse: 5  Link to oskijerLink to mcatLink to bakaratLink to sept   
გაფუცებ თქუენ აწ, იერუსალიმისა ასულნო, ძალთა მიმართ და სიმტკიცეთა აგარაკთასა, უკუეთუ აღადგინოთ და განაღჳძოთ სურვილი, ვითარ სთნდეს.

Verse: 6  Link to oskijerLink to mcatLink to bakaratLink to sept   
ვინ არს უდაბნოჲთ რტოებრ აღმომავალი და საკუმეველთა კუამლი? გუნდრუკთა მური ზოგად მტუერთაგან მენელსაცხებელთაჲსა?

Verse: 7  Link to oskijerLink to mcatLink to bakaratLink to sept   
აჰა, ესერა, სოლომონისა ცხედარი, გარემოჲს მისსა სამეოცნი ძლიერნი ძლიერთა მათგან ისრაჱლისათა.

Verse: 8  Link to oskijerLink to mcatLink to bakaratLink to sept   
და წუდილნი მახჳლნი უპყრიან ყოველთავე, წურთილნი ბრძოლასა, კაცი და ჴრმალი მისი შებმულად წელთა შიშნეულებისათა და განკრთომისა შიშითა ღამესა შინა.

Verse: 9  Link to oskijerLink to mcatLink to bakaratLink to sept   
იქმნა მეფემან სოლომონ გავალაკნი დაულპოლველთა ლიბანისა ძელთაგან.

Verse: 10  Link to oskijerLink to mcatLink to bakaratLink to sept   
სუეტნი ქანდაკნა ვეცხლისა წმიდისანი და კამარები მისი ოქრო დრეკილ-ყო, პორფირისფერი შეუქმნა აღსავალი, და იატაკი მისი ქვამოფენილ-ყო, სურვილი ასულთაგან სიონისათა.

Verse: 11  Link to oskijerLink to mcatLink to bakaratLink to sept   
გამოვედით აწ, იერუსალიმისა ასულნო, რაჲთა იხილოთ თქუენ სოლომონ მეფე, შემკული გჳრგჳნითა, რომლითა გჳრგჳნოსან-ყო იგი დედამან მისმან დღესა სიძობისა მისისა, სიხარულისა გულისა მისისასა.


Verse: 3V    
მჴმილთა A.
Verse: 6V    
უდაბნოთ A.
Verse: 7V    
სულომონის A.
Verse: 11V    
იხილთ A; დღესა + მისსა A.





Next part



This text is part of the TITUS edition of Vetus testamentum iberice: Canticum (red. G).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.