; Mrḳ. 16:1-8; Luḳ. 24:1-12)
; Mrk'. 16:1-8; Luk'. 24:1-12)
*Šamaṭi samǯi ġine * üšenen, hälä bayinq̇ vädine magdallu Mariya Isus laxeci *maġarinane hari. Šoṭin aneḳi ki, *maġarin źomoxun ṭä͑ṗä͑ḳ źe͑ ṭəḳərecene.
Šoṭaynaḳal ṭiṭeri Simon P̣eṭeri saal Isusi än gele čureġala ṭe soġo šagirdi ṭo͑ġo͑l hari pine: "*Q̣onʒ́uġo *maġarinaxun tašereṭun, mayaṭun laxe teyan ava".
P̣eṭer saal ṭe soġo šagird *maġarinaṭun taci.
Šorox sagala ṭiṭunsṭay, ama ṭe soġo šagird P̣eṭeraxun yeyine ṭisṭay, šoṭo göräl *maġarina süfṭä šone ṗaṗi.
Šoṭin ḳoc̣baki aneḳi ki, kätani bäzurxo ṭiya bitene, ama bona tene baci.
Šoṭay bać̣anexun Simon P̣eṭeral hari ṗaneṗi, šo *maġarin boš baci biti kätan bäzurxo
saal Isusi bula bäč̣ürpi däsmärä aneḳi. Däsmär kätan bäzürxoy ṭo͑ġo͑l tää, q̇eräz sa gala ǯöyǯä bäč̣ür mandeney.
Ṭe vädä *maġarina süfṭä ṗaṗi ṭe soġo šagirdal bona baci moṭoġo aḳi ve͑ne baki.
Ama šoṭoġon Isus ṗuri ganuxun be͑yinbakalane uḳala ω͑vel Cama hälä teṭun q̇amišaksay.
; Mrḳ. 16:9-11)
; Mrk'. 16:9-11)
Hametär, šagirdxo ṗurum ičoġoy mandala galaṭun qaybaki.
Mariya isä o͑no͑ḳa *maġarin čölin täräf čurpeney. Šoṭin o͑no͑ḳa-o͑no͑ḳa ḳoc̣baki *maġarin bonane be͑ġi.
Ṭeṭiya mac̣i paltar lapi ṗä͑ angele aḳi: soġo Isusi meyidä laxi gane besṭa, ṭe soġo isä turmoġosṭa arceney.
Šoṭoġon Mariyaxun "ay čuux, heṭaynaḳen o͑no͑ne?" pi xavarṭun haq̇i. Mariyanal šoṭoġo pine: "Bezi *Q̣onʒ́uġo tašereṭun, maya laxsunal tez ava".
Moṭo piṭuxun oša bać̣ane fərəpi Isusi ṭeṭiya čurpsuna aneḳi, ama Šo Isus baksuna tene avabaki.
Isusen šoṭoxun xavare haq̇i: "Ay čuux, heṭaynaḳen o͑no͑ne? Šun qä͑vesa?" Mariyan Šoṭay baġban baksuna zändbi pine: "*Aġa, ägär Šoṭo hunen tašeresa, maya laxsuna za upa, zu Šoṭo exṭoz".
Ṭe vädä Isusen šoṭo pine: "Mariya!" Mariyanal fərəpi Isusa äbrani muzin "Ravvuni!" pine. ("Ravvuni" määlim upsune).
Isusen šoṭo pine: "Za ma biq̇i efa, šoṭaynaḳ ki, Zu hälä Bavay ṭo͑ġo͑l tez e͑qece. Ama Bezi vičimoġoy ṭo͑ġo͑l taki, šoṭoġo upa ki, Bezi Bava bakala ḳinäḳ efiyal Bava bakalṭay, Bezi Buxaʒ́ux bakala ḳinäḳ efiyal Buxaʒ́ux bakalṭay ṭo͑ġo͑lez e͑qesa".
Magdallu Mariya šagirdxoy ṭo͑ġo͑le hari, šoṭoġo "*Q̣onʒ́uġo azḳi!" pine. Oša Isusen iču piṭoġo bitova šoṭoġo avabakesedi.
; Mrḳ. 16:14-18; Luḳ. 24:36-49)
; Mrk'. 16:14-18; Luk'. 24:36-49)
Haṭe ġi - *šamaṭi samǯi ġine biyäsćoye šagirdxo ṗurum sagalaṭuniy. Šoṭoġon iudeyxoy kalaṭoġoy q̇ə͑yexun ičoġoy bakala ḳožin ćomo kiritṗeṭuniy. Ama Isus bona baci šoṭoġoy boš čurpi pine: "Vä͑ynaḳ xeyirq̇an baki!"
Moṭo pi šoṭoġo iz kulmoġo saal börinäne aḳesṭi. Šagirdxon *Q̣onʒ́uġo aḳi gele mu͑qṭun baki.
Isusen šoṭoġo ṗurum pine: "Vä͑ynaḳ xeyirq̇an baki! Bavan Za yaq̇abi ḳinäḳ Zuval vä͑xez yaq̇absa".
Moṭo piṭuxun oša šoṭoġoy loxol fupi pine: "ω͑vel Urufa haq̇anan!
Vä͑n ši günaxxo baġəšlayinšaynan, šo baġəšlayinšakale, ši günaxxo nu baġəšlayinšaynan, šo baġəšlayinšakinut mandale". *
Ama ṗac̣c̣e šagirdaxun soġo, "Äkiz" ḳaleġala Ṭomas, Isus Iz šagirdxo aḳeġaṭan šoṭoġoy ṭo͑ġo͑l tene buy.
Ṭe soġo šagirdxonal Ṭomasa "*Q̣onʒ́uġo ayanḳi" uḳaṭan šoṭoġo pine: "Ägär Šoṭay kiyel misṗaren qaypi yaroġo nu aḳayiz, \ misṗari ganxo bezi kul nu lafṭayin, Izi börineyal kula nu laxayiz, zu moṭo ve͑tezbakon".
Muġ ġinaxun oša Isusi šagirdxo ṗurum ḳoya gireġaṭan Ṭomasal šoṭoġoy ṭo͑ġo͑ley. Ćomxo kirit baalkayin, Isus bonane baci. Šoṭoġoy arane čurpi pine: "Vä͑ynaḳ xeyirq̇an baki!"
Moṭoxun oša Ṭomasane pi: "Vi ḳäšinä miya laxa, Bezi kulmoġo be͑ġa, vi kula boxoda, Bezi börine laxa. Ma süpäläyinšaka, ve͑ baka!"
Ṭe vädä Ṭomasen pine: "Hun bezi *Q̣onʒ́uxnu, bezi Buxaʒ́uxnu!"
Isusen isä šoṭo ǯoġabe tadi: "Hun Za anḳi pin ve͑ baki? Aḳinuṭ ve͑ bakalorox isä he bäxṭävärṭun!" \ Ioanen campi girke mäksäd
Isusen Iz šagirdxoy piin be͑ś q̇eräzäl gele möǯüzälü niśanxone aḳesṭey, manu ki, me girke boš tene camece.
Ama memiya bakalorox šoṭaynaḳe camece ki, vä͑n Isusi Xrisṭos, Buxaʒ́uġoy Ġar baksuna ve͑bakanan, ve͑ bakiyal Šoṭay c̣iyen yäšäyinš haq̇anan.
