TITUS
Biblia Udica, Versio Nizhensis: Novum Testamentum
Part No. 76
Previous part

Chapter: 8 

Isus saal äxlagsuzluġi loxol biq̇eci čuux
İsus saal əxlagsuzluği loxol biq'eśi çuux


Verse: 1  Link to udintLink to armntLink to ntkpl Isus isä Zeytun buruġone taci.
   İsus isə Zeytun buruğone taśi.

Verse: 2  Link to udintLink to armntLink to ntkpl Savaxṭan üšenen Šo ṗurum *xramane hari. Bütüm ǯamaat Šoṭay ṭo͑ġo͑le gireci, Šoṭinal arci zombsane burqi.
   Savaxt'an üşenen Şo p'urum *xramane hari. Bütüm camaat Şot'ay t'ǒğǒle gireśi, Şot'inal arśi zombsane burqi.

Verse: 3  Link to udintLink to armntLink to ntkpl Me vädine *ḳanun zombalxon q̇a *fariseyxon äxlagsuzluġi loxol biq̇eci sa čuġoṭun ṭeṭiya ečeri. Šoṭo bə͑yex č̣evḳi
   Me vədine *k'anun zombalxon q'a *fariseyxon əxlagsuzluği loxol biq'eśi sa çuğot'un t'et'iya eçeri. Şot'o bı̌yex c'evk'i

Verse: 4  Link to udintLink to armntLink to ntkpl Isusa piṭun: "Määlim, me čuux äxlagsuzluġbaṭane biq̇ece.
   İsusa pit'un: "Məəlim, me çuux əxlagsuzluğbat'ane biq'eśe.

Verse: 5  Link to udintLink to armntLink to ntkpl Moiseyen iz ḳanuni boš yax ämirbene ki, metärṭoġo źe͑layinšen. P̣oy hun ḳän nex?" *
   Moiseyen iz k'anuni boş yax əmirbene ki, metərt'oğo ǰělayinşen. P'oy hun k'ən nex?" *

Verse: 6  Link to udintLink to armntLink to ntkpl Moṭo Isusa sinäyinšbseynaḳṭun nexey, Šoṭo taxsərkär č̣evkseynaḳ sa määnäṭun qä͑vesay. Ama Isusen ḳoc̣baki ḳäšinen oćali loxol campsane burqi.
   Mot'o İsusa sinəyinşbseynak't'un nexey, Şot'o taxsırkər c'evkseynak' sa məənət'un qə̌vesay. Ama İsusen k'os'baki k'əşinen oç̌ali loxol śampsane burqi.

Verse: 7  Link to udintLink to armntLink to ntkpl Šoṭoxun saal xavar haq̇aṭan tikbaki šoṭoġo pine: "Ef boš šu günaxsuzesa, barta me čuġo samǯiq̇an źe͑ bosi".
   Şot'oxun saal xavar haq'at'an tikbaki şot'oğo pine: "Ef boş şu günaxsuzesa, barta me çuğo samciq'an ǰě bosi".

Verse: 8  Link to udintLink to armntLink to ntkpl Oša ṗurum ḳoc̣baki oćali loxol camsane burqi.
   Oşa p'urum k'os'baki oç̌ali loxol śamsane burqi.

Verse: 9  Link to udintLink to armntLink to ntkpl Me äyitmoġoxun oša, aġsaq̇q̇alxoxun burqi soġo-soġo ṭeṭiin ä͑xilṭunbaki. Isus täke mandi, čuux isä hälä ṭeṭiyaney.
   Me əyitmoğoxun oşa, ağsaq'q'alxoxun burqi soğo-soğo t'et'iin ə̌xilt'unbaki. İsus təke mandi, çuux isə hələ t'et'iyaney.

Verse: 10  Link to udintLink to armntLink to ntkpl Isusen \ tikbaki šoṭo pine: "Ay čuux, morox horṭun baki? P̣oy šuḳḳalen vaynaḳ q̇ärar tene č̣evḳi?"
   İsusen \ tikbaki şot'o pine: "Ay çuux, morox hort'un baki? P'oy şuk'k'alen vaynak' q'ərar tene c'evk'i?"

Verse: 11  Link to udintLink to armntLink to ntkpl Čuġon "šuḳḳalen, bezi *aġa" pine. Ṭe vädä Isusen pine: "Zuval va tez taxsərkärbsa. Taki, eneyal günax ma ba"
   Çuğon "şuk'k'alen, bezi *ağa" pine. T'e vədə İsusen pine: "Zuval va tez taxsırkərbsa. Taki, eneyal günax ma ba"



Isus dünyäni išiġe
İsus dünyəni işiğe


Verse: 12  Link to udintLink to armntLink to ntkpl Isusen saal ǯamaataxun äyitḳaṭan pine: "Zu - dünyäni išiġzu. Bezi bać̣anexun eġalo sal sa vädä bayinq̇luġa tene taraḳal, šoṭosṭa yäšäyinšesṭala išiġ bakale". *
   İsusen saal camaataxun əyitk'at'an pine: "Zu - dünyəni işiğzu. Bezi bač'anexun eğalo sal sa vədə bayinq'luğa tene tarak'al, şot'ost'a yəşəyinşest'ala işiğ bakale". *

Verse: 13  Link to udintLink to armntLink to ntkpl *Fariseyxon isä Šoṭo piṭun: "Vi barada Hunen šahidluġbi baksa, šoṭo göräl vi šahidluġ exṭibärlu tene". *
   *Fariseyxon isə Şot'o pit'un: "Vi barada Hunen şahidluğbi baksa, şot'o görəl vi şahidluğ ext'ibərlu tene". *

Verse: 14  Link to udintLink to armntLink to ntkpl Isusen šoṭoġo ǯoġabe tadi: "Bezi barada Zu šahidluġbiyal bakayiz, Bezi šahidluġ exṭibärlune, šoṭaynaḳ ki, Zu Bezi mayin hari maya taysuna avazu. Vä͑n isä Bezi mayin hari maya taysuna tenan ava.
   İsusen şot'oğo coğabe tadi: "Bezi barada Zu şahidluğbiyal bakayiz, Bezi şahidluğ ext'ibərlune, şot'aynak' ki, Zu Bezi mayin hari maya taysuna avazu. Və̌n isə Bezi mayin hari maya taysuna tenan ava.

Verse: 15  Link to udintLink to armntLink to ntkpl Vä͑n amdarxoy q̇aydoġonnan divanbsa, Zu isä šuḳḳala divantezbsa.
   Və̌n amdarxoy q'aydoğonnan divanbsa, Zu isə şuk'k'ala divantezbsa.

Verse: 16  Link to udintLink to armntLink to ntkpl Divanbayizal, Bezi č̣evḳala q̇ärar serine, šoṭaynaḳ ki, täk tezu, Za yaq̇abi Baval Zaxune.
   Divanbayizal, Bezi c'evk'ala q'ərar serine, şot'aynak' ki, tək tezu, Za yaq'abi Baval Zaxune.

Verse: 17  Link to udintLink to armntLink to ntkpl Ef ḳanunal camecene ki, ṗä͑ tani šahidluġ exṭibärlune. *
   Ef k'anunal śameśene ki, p'ə̌ tani şahidluğ ext'ibərlune. *

Verse: 18  Link to udintLink to armntLink to ntkpl Bezi barada šahidluġbalo Zu saal Za yaq̇abi Bez Bavane".
   Bezi barada şahidluğbalo Zu saal Za yaq'abi Bez Bavane".

Verse: 19  Link to udintLink to armntLink to ntkpl Ṭe vädä Isusaxun xavarṭun haq̇i: "P̣oy maya vi bava?" Isusen ǯoġabe tadi: "Vä͑n nä Za, nä \ Bez Bava tenan čalxsa. Ägär Za čalxinaniy, Bez Baval čalnanxoy".
   T'e vədə İsusaxun xavart'un haq'i: "P'oy maya vi bava?" İsusen coğabe tadi: "Və̌n nə Za, nə \ Bez Bava tenan çalxsa. Əgər Za çalxinaniy, Bez Baval çalnanxoy".

Verse: 20  Link to udintLink to armntLink to ntkpl Isusen me äyitmoġo *xrama, *näziri q̇uti bakala gala zombaṭane pi. Ama šuḳḳalen Šoṭo biteneq̇i, šoṭaynaḳ ki, Šoṭay vaxṭ hälä tene ṗaṗey.
   İsusen me əyitmoğo *xrama, *nəziri q'uti bakala gala zombat'ane pi. Ama şuk'k'alen Şot'o biteneq'i, şot'aynak' ki, Şot'ay vaxt' hələ tene p'ap'ey.



Isusi me dünyänexun nu baksun
İsusi me dünyənexun nu baksun


Verse: 21  Link to udintLink to armntLink to ntkpl Oša Isusen šoṭoġo ṗurum pine: "Zu č̣eri tazsa, vä͑n isä Za qä͑veci ef günaxi boš biyalnan. Bezi taġala galal vä͑n eyes tenan bakal".
   Oşa İsusen şot'oğo p'urum pine: "Zu c'eri tazsa, və̌n isə Za qə̌veśi ef günaxi boş biyalnan. Bezi tağala galal və̌n eyes tenan bakal".

Verse: 22  Link to udintLink to armntLink to ntkpl Ṭe vädä iudeyxon piṭun: "Koṭin Iču besṗale ki, "vä͑n Bezi taġala gala eyes tenan bakal" nexe?"
   T'e vədə iudeyxon pit'un: "Kot'in İçu besp'ale ki, "və̌n Bezi tağala gala eyes tenan bakal" nexe?"

Verse: 23  Link to udintLink to armntLink to ntkpl Isusen šoṭoġo pine: "Vä͑n oq̇a bakala dünyänexunnan, Zu isä ala bakala. Vä͑n me dünyänexunnan, Zu isä me dünyänexun tezu.
   İsusen şot'oğo pine: "Və̌n oq'a bakala dünyənexunnan, Zu isə ala bakala. Və̌n me dünyənexunnan, Zu isə me dünyənexun tezu.

Verse: 24  Link to udintLink to armntLink to ntkpl Koṭo göräz vä͑x "ef günaxxoy boš biyalnan" pi. Ägär Bezi "Zu Šozu" baksuna tenan ve͑ baksasa, ef günaxxoy boš biyalnan".
   Kot'o görəz və̌x "ef günaxxoy boş biyalnan" pi. Əgər Bezi "Zu Şozu" baksuna tenan vě baksasa, ef günaxxoy boş biyalnan".

Verse: 25  Link to udintLink to armntLink to ntkpl Ṭe vädä "ṗoy hun šunu?" pi Isusaxun xavarṭun haq̇i. Isusen šoṭoġo pine: "Ṭe belxun Bezi Šu baksuna pezuysa, Šozu.
   T'e vədə "p'oy hun şunu?" pi İsusaxun xavart'un haq'i. İsusen şot'oğo pine: "T'e belxun Bezi Şu baksuna pezuysa, Şozu.

Verse: 26  Link to udintLink to armntLink to ntkpl Bezi ef taxsəra ćoyel č̣evḳi ef barada uḳala gele äyitmuxzax bu. Ama Za Yaq̇abiyo düzinä uḳalone, Zuval Šoṭoxun ibakiṭoġoz dünyänä exlätpsa".
   Bezi ef taxsıra ç̌oyel c'evk'i ef barada uk'ala gele əyitmuxzax bu. Ama Za Yaq'abiyo düzinə uk'alone, Zuval Şot'oxun ibakit'oğoz dünyənə exlətpsa".

Verse: 27  Link to udintLink to armntLink to ntkpl Šoṭoġon Isusen ičoġoxun Bavay barada äyitpsuna teṭun q̇amišaki.
   Şot'oğon İsusen içoğoxun Bavay barada əyitpsuna tet'un q'amişaki.

Verse: 28  Link to udintLink to armntLink to ntkpl Ṭe vädä Isusen pine: "Vä͑n *Amdari Ġara ala e͑qevḳaṭan * avabakalnan ki, Zu Šozu, Zaxun č̣evḳiyal sa šey tezbsa, sayǯä Bavan Za hetär zombenesa, ṭetäräl exlätezbsa.
   T'e vədə İsusen pine: "Və̌n *Amdari Ğara ala ěqevk'at'an * avabakalnan ki, Zu Şozu, Zaxun c'evk'iyal sa şey tezbsa, saycə Bavan Za hetər zombenesa, t'etərəl exlətezbsa.

Verse: 29  Link to udintLink to armntLink to ntkpl Za Yaq̇abiyo Zaxune. Šoṭin Za täk tene bare, šoṭaynaḳ ki, Zu hämišä Šoṭay xošel eġalṭuz bsa".
   Za Yaq'abiyo Zaxune. Şot'in Za tək tene bare, şot'aynak' ki, Zu həmişə Şot'ay xoşel eğalt'uz bsa".

Verse: 30  Link to udintLink to armntLink to ntkpl Isusen me äyitmoġo uḳaṭan amdarxoy gelo Šoṭo ve͑ne baki.
   İsusen me əyitmoğo uk'at'an amdarxoy gelo Şot'o věne baki.



Serinen amdarxo čarḳesṭun
Serinen amdarxo çark'est'un


Verse: 31  Link to udintLink to armntLink to ntkpl Isusen Iču ve͑ iudeyxo pine: "Ägär vä͑n Bezi äyiten taġaynan, hägigiyal, Bezi šagirdxonan.
   İsusen İçu vě iudeyxo pine: "Əgər və̌n Bezi əyiten tağaynan, həgigiyal, Bezi şagirdxonan.

Verse: 32  Link to udintLink to armntLink to ntkpl Ṭe vädä vä͑n seri ḳä baksuna avabakalnan, serinenal vä͑x čarḳesṭale".
   T'e vədə və̌n seri k'ə baksuna avabakalnan, serinenal və̌x çark'est'ale".

Verse: 33  Link to udintLink to armntLink to ntkpl Iudeyxon Isusa ǯoġabṭun tadi: "Yan Avrahami näsiläxunyan, sal sa vädäl šuḳḳali ḳul teyan bake. "Vä͑n čarḳeġalnan" ḳä upsuna?" *
   İudeyxon İsusa coğabt'un tadi: "Yan Avrahami nəsiləxunyan, sal sa vədəl şuk'k'ali k'ul teyan bake. "Və̌n çark'eğalnan" k'ə upsuna?" *

Verse: 34  Link to udintLink to armntLink to ntkpl Isusen šoṭoġo pine: "Serina, serinaz vä͑x nex: günax äšṗesṭala amdar iz günaxi *ḳule.
   İsusen şot'oğo pine: "Serina, serinaz və̌x nex: günax əşp'est'ala amdar iz günaxi *k'ule.

Verse: 35  Link to udintLink to armntLink to ntkpl Ḳul ailin boš hämišä tene yäšäyinšbsa, ġar isä hämišä ailin boše.
   K'ul ailin boş həmişə tene yəşəyinşbsa, ğar isə həmişə ailin boşe.

Verse: 36  Link to udintLink to armntLink to ntkpl Vä͑x čarḳesṭalo Ġaresa, ṭe vädä vä͑n hägigiyal čarḳeġalnan.
   Və̌x çark'est'alo Ğaresa, t'e vədə və̌n həgigiyal çark'eğalnan.

Verse: 37  Link to udintLink to armntLink to ntkpl Vä͑n Avrahami näsiläxun baksuna avazu, ama ṗurumal Za bespsunnan čuresa šoṭo görä ki, Bez äyit vä͑x ṗateneṗsa.
   Və̌n Avrahami nəsiləxun baksuna avazu, ama p'urumal Za bespsunnan çuresa şot'o görə ki, Bez əyit və̌x p'atenep'sa.

Verse: 38  Link to udintLink to armntLink to ntkpl Zu Bez Bavay ṭo͑ġo͑l aḳiṭoġoz exlätpsa, vä͑n isä ef bavaxun ibakiṭoġonan bsa".
   Zu Bez Bavay t'ǒğǒl ak'it'oğoz exlətpsa, və̌n isə ef bavaxun ibakit'oğonan bsa".

Verse: 39  Link to udintLink to armntLink to ntkpl Šoṭoġon Isusa ǯoġabṭun tadi: "Beši bava Avrahame". Isusen \ šoṭoġo pine: "Avrahami näsiläxun bakiynaniy, Avrahamallariḳ Buxaʒ́uġoy čureġalṭoġonan ämälboy.
   Şot'oğon İsusa coğabt'un tadi: "Beşi bava Avrahame". İsusen \ şot'oğo pine: "Avrahami nəsiləxun bakiynaniy, Avrahamallarik' Buxačuğoy çureğalt'oğonan əməlboy.

Verse: 40  Link to udintLink to armntLink to ntkpl Vä͑n isä Za - Buxaʒ́uġoxun ibaki serina vä͑x uḳala Amdara bespsunnan čuresa. Avrahamen metär äšurxo tene biq̇e.
   Və̌n isə Za - Buxačuğoxun ibaki serina və̌x uk'ala Amdara bespsunnan çuresa. Avrahamen metər əşurxo tene biq'e.

Verse: 41  Link to udintLink to armntLink to ntkpl Vä͑n efi bavay biq̇i äšurxonan bsa". \ Šoṭoġon äǯoġon biq̇i "yan nanaxun bič̣ baki äylux teyan, beši sa Bavane bu, Šoval Buxaʒ́uxe" piṭun.
   Və̌n efi bavay biq'i əşurxonan bsa". \ Şot'oğon əcoğon biq'i "yan nanaxun bic' baki əylux teyan, beşi sa Bavane bu, Şoval Buxačuxe" pit'un.

Verse: 42  Link to udintLink to armntLink to ntkpl Isusen šoṭoġo pine: "Ägär ef Bava Buxaʒ́ux bakiniy, Za čurnanġoy, šoṭaynaḳ ki, Za Buxaʒ́uġone dünyäne yaq̇abe, häysäl memiyazu. Zu Bez exṭiyären tez hare, Šoṭine Za yaq̇abe.
   İsusen şot'oğo pine: "Əgər ef Bava Buxačux bakiniy, Za çurnanğoy, şot'aynak' ki, Za Buxačuğone dünyəne yaq'abe, həysəl memiyazu. Zu Bez ext'iyəren tez hare, Şot'ine Za yaq'abe.

Verse: 43  Link to udintLink to armntLink to ntkpl Bezi uḳalṭoġo heṭaynaḳ tenan q̇amišaksa? Šoṭaynaḳ ki, Bezi äyitmoġo u͑mu͑xlaxsun čurtenansa.
   Bezi uk'alt'oğo het'aynak' tenan q'amişaksa? Şot'aynak' ki, Bezi əyitmoğo ǔmǔxlaxsun çurtenansa.

Verse: 44  Link to udintLink to armntLink to ntkpl Vä͑n ef bava iblisaxunnan, ef bavay čureġalṭoġoval bsunnan čuresa. Šo burqesunaxun * amdar besṗale, seri bakala här šeyal šoṭoxun ä͑xile, šoṭaynaḳ ki, šoṭosṭa seri uḳala hiḳḳal butene. Äfči äyitpsuna šaaṭe bašarbsa, šoṭaynaḳ ki, äfčiduġale hamal äfčiduġalxoy kalone.
   Və̌n ef bava iblisaxunnan, ef bavay çureğalt'oğoval bsunnan çuresa. Şo burqesunaxun * amdar besp'ale, seri bakala hər şeyal şot'oxun ə̌xile, şot'aynak' ki, şot'ost'a seri uk'ala hik'k'al butene. Əfçi əyitpsuna şaat'e başarbsa, şot'aynak' ki, əfçiduğale hamal əfçiduğalxoy kalone.

Verse: 45  Link to udintLink to armntLink to ntkpl Zu isä düzinä exlätpsuna görä vä͑n Za ve͑tenanbaksa.
   Zu isə düzinə exlətpsuna görə və̌n Za větenanbaksa.

Verse: 46  Link to udintLink to armntLink to ntkpl Vä͑xun šina subutbes bakon ki, Zu hevaxṭesa sa günax äšez biq̇e? P̣oy düzinäz äyitesa, heṭaynaḳ Za tenan ve͑baksa?
   Və̌xun şina subutbes bakon ki, Zu hevaxt'esa sa günax əşez biq'e? P'oy düzinəz əyitesa, het'aynak' Za tenan věbaksa?

Verse: 47  Link to udintLink to armntLink to ntkpl Buxaʒ́uġoxun bakala amdaren Buxaʒ́uġoy äyitä inebakon. Vä͑n isä tenan ibaksa, šoṭaynaḳ ki, \ Buxaʒ́uġoxun tenan".
   Buxačuğoxun bakala amdaren Buxačuğoy əyitə inebakon. Və̌n isə tenan ibaksa, şot'aynak' ki, \ Buxačuğoxun tenan".



Isusi Izi hämišä baksuni barada äyitpsun
İsusi İzi həmişə baksuni barada əyitpsun


Verse: 48  Link to udintLink to armntLink to ntkpl Ṭe vädä iudeyxon piṭun: "Hun hägigiyal sa *samariyalunu, * vasṭaal murdar urufe bu".
   T'e vədə iudeyxon pit'un: "Hun həgigiyal sa *samariyalunu, * vast'aal murdar urufe bu".

Verse: 49  Link to udintLink to armntLink to ntkpl Isusen ǯoġabe tadi: "Zasṭa murdar uruf tene bu, Zu Bezi Bavaz hörmätbsa, vä͑n isä Za hörmätäxun sananksa.
   İsusen coğabe tadi: "Zast'a murdar uruf tene bu, Zu Bezi Bavaz hörmətbsa, və̌n isə Za hörmətəxun sananksa.

Verse: 50  Link to udintLink to armntLink to ntkpl Zu Zaynaḳ c̣i tez q̇azayinšbsa, Zaynaḳ c̣i q̇azayinšesṭalo Divanbalone.
   Zu Zaynak' s'i tez q'azayinşbsa, Zaynak' s'i q'azayinşest'alo Divanbalone.

Verse: 51  Link to udintLink to armntLink to ntkpl Serina, serinaz vä͑x nex: "Šiin Bezi äyitä ämälbayin, sal sa vädä bisun tene aḳal".
   Serina, serinaz və̌x nex: "Şiin Bezi əyitə əməlbayin, sal sa vədə bisun tene ak'al".

Verse: 52  Link to udintLink to armntLink to ntkpl Iudeyxon Šoṭo piṭun: "Häysä hägigiyal avayanbaki ki, vasṭa murdar urufe bu. Avrahamal ṗurene, *xavarečalxoval. Ama Hun "šiin Bezi äyitä ämälbayin, sal sa vädä tene biyal" nexnu.
   İudeyxon Şot'o pit'un: "Həysə həgigiyal avayanbaki ki, vast'a murdar urufe bu. Avrahamal p'urene, *xavareçalxoval. Ama Hun "şiin Bezi əyitə əməlbayin, sal sa vədə tene biyal" nexnu.

Verse: 53  Link to udintLink to armntLink to ntkpl Hun beši bava Avrahamaxunal kalanu? Šoval ṗurene, *xavarečalxoval. Axəri Hun Va šun hesabsa?"
   Hun beşi bava Avrahamaxunal kalanu? Şoval p'urene, *xavareçalxoval. Axıri Hun Va şun hesabsa?"

Verse: 54  Link to udintLink to armntLink to ntkpl Isusen šoṭoġo metäre ǯoġab tadi: "Ägär Zuz Zaynaḳ c̣i q̇azayinšbsasa, Bezi c̣i hiḳḳale, ama Zaynaḳ c̣i q̇azayinšesṭalo Bezi Bavane. Vä͑n Šoṭo "beši Buxaʒ́ux" pinan ḳale.
   İsusen şot'oğo metəre coğab tadi: "Əgər Zuz Zaynak' s'i q'azayinşbsasa, Bezi s'i hik'k'ale, ama Zaynak' s'i q'azayinşest'alo Bezi Bavane. Və̌n Şot'o "beşi Buxačux" pinan k'ale.

Verse: 55  Link to udintLink to armntLink to ntkpl Ama Šoṭo tenan čalxi. Zu isä Šoṭo čalezxsa. Ägär "Šoṭo tez čalxsa" pizuy, vä͑llariḳ äfčiduġal bakalzuy. Ama Zu Šoṭo čalezxsa, Iz \ äyitäl ämälezbsa.
   Ama Şot'o tenan çalxi. Zu isə Şot'o çalezxsa. Əgər "Şot'o tez çalxsa" pizuy, və̌llarik' əfçiduğal bakalzuy. Ama Zu Şot'o çalezxsa, İz \ əyitəl əməlezbsa.

Verse: 56  Link to udintLink to armntLink to ntkpl Ef bava Avrahamen Bezi eysuna gelene yaq̇be͑ġsay. Bezi eysuna aḳiyal gele mu͑qey".
   Ef bava Avrahamen Bezi eysuna gelene yaq'běğsay. Bezi eysuna ak'iyal gele mǔqey".

Verse: 57  Link to udintLink to armntLink to ntkpl Ṭe vädä iudeyxon Šoṭo piṭun: "Vi sal älli yäš tene bu, Avrahamen va hetäre aḳi?"
   T'e vədə iudeyxon Şot'o pit'un: "Vi sal əlli yəş tene bu, Avrahamen va hetəre ak'i?"

Verse: 58  Link to udintLink to armntLink to ntkpl Isusen šoṭoġo pine: "Serina, serinaz vä͑x nex: Avraham nanaxun bakalṭuxun be͑ś Zu Bakalozu". *
   İsusen şot'oğo pine: "Serina, serinaz və̌x nex: Avraham nanaxun bakalt'uxun běš Zu Bakalozu". *

Verse: 59  Link to udintLink to armntLink to ntkpl Me äyitmoġo görä Isusa źe͑layinšbseynaḳ źe͑ṭun exṭi, ama Isus amdarxoy piyexun aći *xramaxun č̣ere.
   Me əyitmoğo görə İsusa ǰělayinşbseynak' ǰět'un ext'i, ama İsus amdarxoy piyexun aç̌i *xramaxun c'ere.



Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.