ესე არს დღე რომელ ქმნა:.
უფალო მაცხოვნე მე:
Ms. page: L338B მას დღესა შინა იხილა ეფრემ სენი თუისი და იუდა _ სალმობაჲ თუისი; და წარვიდა ეფრემ ასურასტანელთა მათ და მოუვლინა მოციქული მეფესა იარემისასა, და მან ვერ უძლო ჴსნად თქუენდა და არა დასცხრეს თქუენგან Ms. page: L339A სალმობაჲ,
რამეთუ მე ვარ, ვითარცა ვეფხვი [სახლ]სა ზედა ეფრემისსა და ვითარცა ლომი სახლსა ზედა იუდაისსა და მე მოვიტაცო; და წარვიდე და მოვიღო და არავინ იყოს განმარინებელ.
წარვიდე და მოვიქცე ადგილსავე ჩემსა, ვიდრემდის განირყუნენ, ეძიებდენ პირსა ჩემსა.
ჭირსა შინა მათსა აღიმსთონ ჩემდამო და იტყოდიან: მოვედით და მოვიქცეთ უფლისა ღმრთისა ჩუენისა,
რამეთუ მან მიიტაცა და განმკურნეს ჩუენ, მწყლნეს და დამილბუნოს ჩუენ;
განმაცხოელნეს ჩუენ შემდგომად ორისა დღისა [და] მესამესა დღესა აღვდგეთ და ვცხონდეთ წინაშე მისსა. და ვცნათ და ვსდევდეთ ცნობად უფალსა, და ვითარცა ცისკარი და მზჱ, ვპოოთ იგი.
Ms. page: L339A დავამჴუნე ამპარტა\ვანებანი, Ms. page: L339B განირყუნენ [ყურნი] მათნი, მოაოჴრნა გზანი მისნი ყოვლადვე, რაჲთა არა ვიდოდის კაცი, მოაკლდეს ქალაქნი მათნი ამისთუის, რამეთუ არავინ არს, რომელმანმცა დაიმკუიდრა.
გარნა გეშინოდეს ჩემდა და მიიღეთ სწავლაჲ; და არა მოისრას თუალთაგან მისთა იგი ყოველი, რომელი შურ-ვიგე მისგან; განემზადე, აღიმსთუე, რამეთუ განრყუნილ არს ყოველი საყურძენი მათი.
ამისთჳს დამითმე, _ იტყუის უფალი, _ დღედმდე აღდგომისა ჩემისა; საწამებელად არს, რამეთუ საშჯელი ჩემი შესაკრებელსა წარმართთასა _ შემოყვანებად მეფეთა და მიფენად მათ ზედა [რისხვაჲ ჩემი].
რამეთუ მაშინ მივაქცინე ერთა მიმართ ენანი Ms. page: L340A ნათესავთა, რაჲთა, ხადოდიან ყოველნი სახელსა უფლისასა მონებად მისა უღელსა ქუეშე ერთსა.
კიდითგან მდინარისა ჰინდოეთისაჲთ შევიწყალე განთესულთა შორის ჩემთა, მომართუმიდენ მსხუერპლთა ჩემთა.
მას დღესა შინა არა გრცხუენეს ყოველთაგან საქმეთა შენთა, რომელ უღმრთოებაჲ ჰქმენ ჩემდა მომართ, რამეთუ მაშინ მოგისპო შენ სიცრუეჲ გონებისა შენისაჲ და არღარა შესძინო ქედმაღლობად მთასა ზედა [ჩემსა].
დაუტეო შენ შორის ერი მშუიდი და მდაბალი და ეშინოდის სახელისათუის უფლისა
ნეშტთა მათ ისრაჱლისათა და არა ქმნენ სიცრუეჲ და არა ვიდო\დიან Ms. page: L340B სიცრუესა, არცა იპოოს პირსა მათსა [ენაჲ] მზაკუარი, რამეთუ იგინი ძოვდენ და არავინ იყოს მაშინებელ მათა.
)
ამაღლებასა:.
Ms. page: L340B პირველად ესე სიტყუაჲ ვყავ ყოვლისა მისთუის. ჵ, ღმრთისმოყუარეო, რომლითა იწყო იესუ ყოფად და სწავლად.
ვიდრე დღედ, რომელადმდე ამცნებდა მოციქულთა სულითა წმიდითა, რომელნი გამოირჩინა, და აღმაღლდა.
რომელთაცა წარუდგინა თავი თუისი ცხოელი შემდგომად ვნებისა მისისა მრავლითა სახითა, ორმეოცთა დღეთა ეჩუენებოდა მათ და ეტყოდა სასუფეველისათუის [ღმრთისა].
და თანაექცეოდა მათ და ამცნებდა: იერუსალჱმით ნუ განეშორებით, არამედ მოელოდეთ აღთქმასა სულისა წმიდისასა, რომელი გესმა ჩემგან.
რამეთუ იოვანე ნათელ-სცემდა წყლითა, ხოლო თქუენ ნათელ-იღოთ სულითა წმიდითა Ms. page: S265V არა მრავალთა ამათ დღეთა შემდგომად.
Ms. page: S266R ხოლო რომელნი-იგი შეკრებულ იყვნეს, ჰკითხვიდეს მას და ეტყოდეს: უფალო, უკუეთუ ამათ ჟამთა კუალად მოაგო სასუფეველი ისრაჱლსა?
ხოლო მან ჰრქუა მათ: არა თქუენი არს ცნობად ჟამთა და წელთაჲ, რომელ-იგი მამამან დადვა თჳსითა ჴელმწიფებითა.
არამედ შეიმოსოთ ძალი მოსლვასა სულისა წმიდისასა თქუენ ზედა; და იყვნეთ თქუენ ჩემდა მოწამე იერუსალჱმს და ყოველსა ჰურიასტანსა და სამარიასა. და ვიდრე დასასრულადმდე ქუეყანისა.
აღდეგინ ღმერთი და განიბნინენ:
შენ უფალო ასდეგ და შეიწყალე სი{ონი} : სხუაჲ Ps_101_20-22 უფალმან ზეცით
უფალი
აღდეგინ ღმერთი და განიბ{ნინედ}
და ვითარცა გარდახდა
Ms. page: L340B და ვითარცა გარდაჴდა შაბათი იგი, მარიამ მაგდანელმან, მარიამ იაკობისმან და სალომე იყიდეს ნელსაცხებელი, რაჲთა მივიდენ და სცხონ მას.
და ნიად განთიადსა ერთშაბათისასა მოვიდეს საფლავსა მას ზედა მერმე აღმოსლვასა ოდენ მზისასა,
იტყოდეს ურთიერთას: ვინ გარდაგუიგორვოს ჩუენ ლოდი იგი კარისა მისგან საფლავისა?
მიხედეს და იხილეს, რამეთუ გარდაგორვებულ იყო ლოდი იგი, რომელ იყო დიდ ფრიად.
Ms. page: L341A შე-რაჲ-ვიდეს საფლავსა მას, იხილეს ჭაბუკი, მჯდომარეჲ მარჯუენით კერძო, შემოსილი სამოსლითა სპეტაკითა, და განკრთეს.
ხოლო მან ჰრქუა მათ: ნუ განჰკრთებით! იესუს ეძიებთ ნაზარეველსა, ჯუარცმულსა; არა არს [აქა], არამედ აღდგა. აჰა, ადგილი, სადა დადვეს იგი.
არამედ წარვედით და უთხართ მოწაფეთა მისთა და პეტრეს, ვითარმედ: აღდგა; აჰა, ეგერა, წინაგიძღუის თქუენ გალილეას, მუნ იხილოთ იგი, ვითარცა გრქუა თქუენ.
და მათ ვითარცა ესმა ესე, გამოვიდეს და ივლტოდეს მიერ საფლავით, რამეთუ შეძრწუნებულ იყვნეს და დაკუირვებულ და არარაჲ ვის უთხრეს, რამეთუ ეშინოდა.
) ცხოველ-მყოფელსა
ვინ არს ვითარ უფალი:
აუარებდით
) აღდგომითა უფლისაჲთა ჯოჯოხეთი შე{იმუსრა}:
შენ გშვენის გალობაჲ ღმერთო
შეგესემინ ლოცვაჲ ჩემი:.
) და აჰა ორნი
(!) წინაჲთ ოთხშაბათსა:
შენ გშვენის
) მოციქულთა კრებულმან:.
) უფალო და ვითარ გამოხვედ დაბეჭდუ{ლისა}:.
უგალობდით უფალსა გალო{ბითა}:.
იხარებდ იერუსალჱმ:
და ვითარცა შემწუხრდა
Ms. page: L341B და ვითარცა შემწუხრდა დღჱ იგი ერთშაბათისაჲ მის, და კარნი დაჴშულ იყვნეს, სადა Ms. page: L342A იყვნეს მოწაფენი დამალულ შიშისათუის ჰურიათაჲსა, მოვიდა იესუ, დადგა შორის მათსა და ჰრქუა მათ: მშუიდობაჲ თქუენ თანა!
და ესე ვითარცა თქუა, უჩუენნა მათ ჴელნიცა და გუერდიცა თუისი; და განიხარეს მოწაფეთა, იხილეს რაჲ უფალი.
და ჰრქუა მათ მეორედ: მშუიდობაჲ ჩემი თქუენ თანა! ვითარცა მომავლინა მე მამამან, მეცა წარგავლინებ თქუენ.
და ესე რაჲ თქუა, შთაჰბერა და ჰრქუა: მიიღეთ სული წმიდაჲ.
უკუეთუ ვიეთმე მიუტევნეთ ცოდვანი, მიეტევნენ მათ; უკუეთუ რომელნი შეიპყრნენ, შეპყრობილ იყვნენ.
ხოლო თომა, ერთი ათორმეტთაგანი, რომელსა ერქუა მარჩბივ, არა იყო მათ თანა, რაჟამს-\იგი Ms. page: L342B მოვიდა იესუ.
უთხრობდეს სხუანი იგი მოწაფენი, ვითარმედ: ვიხილეთ ჩუენ უფალი. ხოლო მან ჰრქუა მათ: უკუეთუ არა ვიხილო ჴელთა მისთა სახეჲ იგი სამშჭუალთაჲ, [არა] დავასხნე თითნი ჩემნი ადგილსა მას სამშჭუალთასა და [არა] დავსდვა ჴელი ჩემი გუერდსა მისსა, არასადა მრწმენეს.
