) დღეს დამოეკიდების
ნეტარ არს კაცი რომელი არა მი{ვიდა}:
] [Act_8_32 ] ვითარცა ცხოვარი
რად აღიძრნეს წარ{მართნი}:
) ესრეთ ეტყოდე
უფალო რად განმრავლდეს:
] შიშისათჳს ჰურიათაჲ;
ხადილსა ჩემსა ესმა.
Ms. page: P186V და იცვნეს ქანანელთა მათ საცხოვარნი მათნი დამარხულნი, რამეთუ სიტყუაჲ უფლისა მიერ არს.
და ვარქუ მათ: კეთილ თუ გინდეს თუალთა თქუენთა, მომეცით სასყიდელი ჩემი; უკუეთუ არა, განმიჩინეთ; აცადეთ და აღმითქუთ მე სასყიდელად ჩემდა ოც და ათი იგი ვეცხლი.
და მრქუა მე უფალმან: შესთხიე ვეცხლი ეგე ბრძმედთა განმადნობელთა და იხილე. წმიდა თუ იყოს, ვითარცა მე გამოვიცადები მას ზედა. და მოვიღე ოც და ათი იგი ვეცხლი და შევსთხიე იგი სახლსა უფლისასა ბრძმედთა საჴუმილისათა.
და მიეაგდე კუერთხი იგი მეორისა მის ნაწილისაჲ განბნევად აღთქუმისა, რომელი-იგი არს შორის იუდაჲსა და შორის ისრაჱლისა.
ხოლო
Ms. page: P186V ხოლო ჩემდა ნუ იყოფინ სიქადულ, გარნა ჯუარითა უფლისა ჩუენისა იესუ ქრისტჱსითა, რომლისათჳს სოფელი ჩემდამო ჯუარცუმულ არს და მე სოფლისა.
ამიერითგან არცა წინადაცუეთილებაჲ რაჲ არს და არცა წინადაუცუეთილებაჲ, არამედ ახალი დაბადებული.
და რომელნი წესსა მას ზედა ეგნენ, მშჳდობაჲ მათ ზედა და წყალობაჲ ისრაჱლსა ზედა ღმრთისასა.
ამიერითგან, ძმანო, შრომასა ნუვინ შემამთხუევთ, რამეთუ მე ვნებანი იგი უფლისა ჩუენისა იესუ ქრისტჱსნი ჴორ\ცთა Ms. page: P187R შინა ჩემთა მიტჳრთვან.
მადლი უფლისა ჩუენისა იესუ ქრისტჱსი სულისა თქუენისა თანა იყავნ, ძმანო, ამენ.
) ურჩულოთა შენთა შემ{პყრობელთა}:
სიტყუათა ჩემთა ის{მინე}:
Ms. page: P187R ... ვაჲ სულისა მათისათჳს, რამეთუ ზრახეს ზრახვაჲ ბოროტი,
და თქუეს: შევკრათ მართალი იგი, რამეთუ განმაძნელებელ ჩუენდა არს. აწ უკუე ნაყოფსა საქმეთა მათთასა ჭამდენ.
ვაჲ ურჩულოსა მას, რამეთუ ბოროტი შეემთხჳოს მას საქმეთა მათთაჲ.
ერო ჩემო, ხარკის მომჴდელნი თქუენნი მოგკუფხლვიდენ თქუენ და, რომელნი მიგჴდიან, იგინივე უფლებდენ თქუენ ზედა; ერო ჩემო, რომელნი გნატრიან თქუენ, იგინივე გაცთუნებენ და კუალსა ფერჴთა თქუენთასა შეგირყევენ.
და აწ დადგეს სასჯელად უფალი და წარმოგიდგინოს სასჯელად ერი თჳსი.
რაჲსათჳს მოსწჳთ ვენაჴი ჩემი, და ნატაცები გლახაკთაჲ არს სახლთა შინა თქუენთა?
თქუენ რაჲსათჳს ავნებთ ერსა ჩემსა და პირსა გლახაკთასა არცხუენთ? ამას იტყჳს უფალი ძალთაჲ.
ესე
Ms. page: P187R ესე ზრახვაჲ იზრახებოდენ თქუენ შორის, რომელიცა-იგი ქრისტე იესუს მიერ.
რომელი-იგი ხატი ღმრთისაჲ იყო, ნატაცებად შეირაცხა თავისა თჳსისა სწორებად ღმრთისა,
არამედ თავი თჳსი დაიმდაბლა და ხატი მონებისაჲ მოიღო და მსგავს კაცთა იქმნა და ხატითა იპოვა ვითარცა კაცი.
დაიმდაბლა თავი თჳსი და იქმნა მორჩილ ვიდრე სიკუდილდმდე და სიკუდილითაღა ჯუარისაჲთა.
უმეტჱსად აღამაღლა იგი ღმერთმან და მიანიჭა მას სახელი, რომელი ზეჟთა არს ყოველთა სახელთა,
რაჲთა სახელისა მიმართ იესუ ქრისტჱსისა ყოველი მუჴლი მოდრკეს ზეცისათანი და ქუეყანისათანი და ქუესკნელთა[ნი.
და ყოველმან ენამან] Ms. page: P187V აღუაროს ღმერთსა უფალი იესუ ქირტე სადიდებელად ღმრთისა მამისა. ამენ.
გულმან მისმან შეიკრიბის:
ნეტარ არს რომელმან გულ{ისხმა-ყო}:.
) რჩულის-მდებელნო
უფალო ნუ გულისწყრომითა:
Ms. page: P187V უფალმან მცეს ენაჲ სწავლულებისაჲ ცნობად, რაჟამს ჯერ-არს თქუმად სიტყჳსა. დამდვეს მე განთიად და შესძინა ყურიმლის სმენად.
და სწავლამან უფლისამან განაღო ყური ჩემი; ხოლო მე არა ურჩ ვექმენ და არცა სიტყუაჲ მიუგე.
ზურგი ჩემი ვეც გუემასა და ღაწჳ ჩემი ყურიმლის-ცემასა და პირი ჩემი არა გარემივიქციე სირცხჳლისაგან ნერწყუვისა.
და უფალი შემწე მეყო მე, და მისთჳსცა არა მრცხუენა, არამედ ვყავ პირი ჩემი ვითარცა მყარი კლდჱ და გულისხმა-ვყავ, რამეთუ არა მრცხუენა.
რამეთუ მოახლებულ არს განმამართლებელი ჩემი ... [ჩე]მი წინააღმიდეგინ მე; და ვინ განმკითხველი ჩემი? მომეახლენინ.
აჰა, ესერა, უფალი შემეწია მე, და ვინ არს ბოროტისმყოფელი ჩემდა?
რაჲმეთუ
რამეთუ ქრისტე, ვიდრე ჩუენ უძლურღა ვიყვენით, ჟამსა ოდენ უღმრთოთათჳს მოკუდა.
რამეთუ ძნიად ვინმე მართლისათჳს მოკუდის; ხოლო კეთილისათჳს, ვინ უწყის, იკადროს სიკუდილი.
ხოლო გამოაჩინა ღმერთმან თჳსი იგი სიყუარული ჩუენდა მომართ, რამეთუ ვიდრე-იგი უღმრთო ვიყვენით, ქრისტე ჩუენთჳს მოკუდა.
რაოდენ უფროჲს განვმართლდით სისხლითა მისითა, განვერენით ჩუენ მის მიერ რისხვისაგან.
უკუეთუ ვიდრე-იგი მტერღა ვიყვენით და დავეგენით ღმერთსა სიკუდილითა ძისა მისისაჲთა, რაოდენ უფროჲს და-რაჲ-ესე-ვეგენით, ვცხონდით მაცხოვარებითა მისითა.
არა ხოლო ესოდენ, არამედ ვიქა[დითცა ღმრთისა] უფლისა ჩუენისა იესუ ქრისტჱსა, რომლისაგან აწ დაგებაჲ ესე მოვიღეთ.
რაჲმეთუ მე გუემად განმზადე{ბულ}.
უფალო ნუ გულის-წყრომითა: ვიდრე ჴელი
) საშინელ იყო ხილვაჲ ცათაჲ:
უფალო ღმერთო ჩემო შენ გესავ მაცხ{ოვნე}:
Ms. page: P188R და იყოს, მას დღესა შინა, იტყჳს უფალი, დაჰჴდეს მზჱ შუასამხრის და დაბნელდეს ქუეყანასა ზედა, და მოაკლდელს მას დღესა შინა ნათელი.
და გარდავაქცინე დღესასწაულნი თქუენნი გლოვად და ყოველნი გალობანი თქუენნი -- გოდებად, და შევარტყა ყოველისა წელთა ძაძაჲ და ყოველსა თავსა სიმტიერჱ; და დავდვა იგი ვითარცა გლოაჲ საყუარელისაჲ და მისთანანი იგი ვითარცა დღჱ სალმობისაჲ.
აჰა, ესერა, დღენი მოვლენან, იტყჳს უფალი, და გამოვავლინო სიყმილი ქუეყანასა ზედა, არა სიყმილი პურისაჲ, არცა წყურილი წყლისაჲ, არამედ სიყმილი სმენად სიტყუაჲ ღმრთისაჲ.
და აღიძრნენ წყალნი ზღუადმდე და ჩრდილოჲთგან ვიდრე აღმოსავალადმდე და მიმორბიოდიან და ეძიებდენ სიტყუასა ღმრთისასა და არა ჰპოვებდენ.
რაჲმეთუ
Ms. page: P188R რამეთუ სიტყუაჲ იგი ჯუარისაჲ წარწყმედულთა მათთჳს სიცოფე არს, ხოლო ცხორებულთა მათთჳს ძალ ღმრთისა არს.
რამეთუ წერილ არს: წარწვწყმიდო სიბრძნჱ იგი ბრძენთაჲ და მეცნიერებაჲ იგი მეცნიერთაჲ შეურაცხ-ვყო.
სადა არს ბრძენი? სადა არს მწიგნობარი? ანუ სადა არს გამომეძიებელი იგი ამის სოფლისაჲ? გან-რაჲმე-აცოფა ღმერთმან სიბრძნჱ იგი ამის სოფლისაჲ?
რამეთუ სიბრძნითა თჳსითა ვერ იცნა სოფელმან ღმერთი, ჯერ-უჩნდა ღმერთსა ქადაგებითა მით სისულელისაჲთა ცხორებაჲ მორწმუნეთაჲ მათ.
რამეთუ ჰურიანი სასწაულსა ითხოვენ, და Ms. page: P188V წარმართნი სიბრძნესა ეძიებენ.
ხოლო ჩუენ ვქადაგებთ ქრისტესა ჯუარცუმულსა: ჰურიათა სამე საცთურ და წარმართთა სისულელე,
ხოლო მათვე ჩინებულთა ჰურიათა ქრისტჱ ღმრთისა ძალ არს და ღმრთისა სიბრძნე,
რამეთუ სულელი იგი ღმრთისაჲ უბრძნჱს კაცთა არს და უძრული იგი ღმრთისაჲ უძრიელჱს კაცთა არს.
ვიქმენ მე ვითარცა კაცი შეუ{წევნელი}:
უფალო ღმერთო ცხორებისა.
) ოდეს ჯუარსა შემსჭუალეს
უფალო უფალო ჩუენო ვითარ საკჳრველ:
Ms. page: P188V აჰა, ესერა, გულისხმა-ყოს მონამან ჩემმან და აღმაღლდეს და იდიდოს.
ვითარცა-იგი უკჳრდეს მრავალთა შენ ზედა, ეგრჱთ უდიდებულჱს იყოს კაცთაგან ხილვაჲ შენი და დიდებაჲ შენი ძეთა კაცთაჲსა.
ესრჱთ უკჳრდეს თესლებსა მრავალსა მის ზედა, და დაეყვნენ მეფეთა პირნი მათნი, რამეთუ, რომელთა არა თხრობილ არს მისთჳს, იხილონ, და, რომელთა არა ესმინოს, გულისხმა-ყონ.
უფალო, ვისმინე ჰრწმენა სასმენელი შენი, და მკლავი უფლისაჲ ვის გამოეცხადა?
და მიუთხრათ ესე წინაშე მისსა ვითარცა ყრმაჲ და ძირი ქუეყანასა წყურიელსა. არა არს ხილვაჲ მისი, არცა სიკეთჱ, არამედ ხილვაჲ მისი მოკლებულ უფროჲს ყოველთა კაცთა.
კაცი გუემასა შინა იყო, და იცის მან დათმენაჲ სალმობათაჲ, რამეთუ არა გარემიიქცია პირი მისი, იგინა და არა შეირაცხა.
ამან ცოდვანი ჩუენნი იტჳრთნეს და ჩუენთჳს ივნოს და ჩუენ შეგჳრაცხოს სალმობათა შინა და წყლულებათა და განბოროტებათა.
ხოლო იგი იწყლა ურჩულოებათა ჩუენთათჳს და იგუემა ცოდვათა ჩუენთათჳს; სწავლებაჲ მშჳდობისა ჩუენისაჲ მისა მიმართ, წყლულებითა მისითა ჩუენ განვიკურნენით.
ყოველნი ვითარცა ცხოვარნი შევს\ცეთით; Ms. page: P189R კაცი გზასა თჳსსა შესცთა. და უფალმან მისცა იგი ცოდვათა ჩუენთათჳს;
და იგი განბოროტებისა მისისათჳს არა აღაღებს პირსა მისსა. ვითარცა ცხოვარი კლვად მიიგუარა და ვითარცა ტარიგი წინაშე მრისუველისა უჴმობელად დგას, ესრჱთ არა აღაღებს პირსა თჳსსა.
სიმდაბლითა თჳსითა სასჯელი მისი მიეღოს. და ნათესავი მისი ვინმე მიუთხრას? რამეთუ აღებულ არს ქუეყანით ცხოვრებაჲ მისი, და ურჩულოებისათჳს ერისა თჳსისა მიეცა იგი სიკუდილდ.
მოვსცნე უკეთურნი სიკუდილისა მისისა წილ და მდიდარნი დაფლვისა მისისა წილ. რამეთუ უსჯულოებაჲ მან არა ქმნა, არცა იპოვა ზაკუვაჲ პირსა მისსა.
და უფალსა ჰნებავს განწმედაჲ ცოდვათაგან. უკუეთუ მიეცნეთ ცოდვათათჳს, სულმან თქუენმან [იხილოს] ნათესავი იგი, მყოვარჟამ ცხოვრებული. და უფალსა ჰნებავს
მოსპოლვად სალმობაჲ სულისაგან მისისა, ჩუენებად მისა ნათელი და დადებად მისა გულისხმის-ყოფით და განმართლებად მართალი მონა, კეთილ-ყოფილ მრავალ, და ცოდვანი მათნი მან თავს-ისხნეს.
ამისთჳსცა მან თავადმან დაიმკჳდრნეს მრავალნი და ძრიელთა განუყოს ნატყუენავი. ამისთჳს მისცა სული თჳსი სიკუდიდ და უსჯულოთა თანა შეირაცხა; და მან ცოდვანი მრავალთანი აჴოცნა და ურჩულოებათა მათთათჳს მიეცა.
რაჲმეთუ
Ms. page: P189R რამეთუ განმწმედელი იგი და განწმედულნი ერთისაგან არიან ყოველნი, რომლისაგან არა სირცხჳლ-უჩნდა ძმად წოდებაჲ მათი და იტყჳს:
მიუთხრა სახელი შენი ძმათა ჩემთა და შორის კრებულსა გიგალობდე შენ.
და მერმე იტყჳს: Ms. page: P189V ვიყო მისა მოსავ. და კუალად: აჰა, ესერა, მე და ყრმანი, რომელნი მომცნა მე ღმერთმან.
რამეთუ ყრმათაცა ეზიარა სისხლითა და ჴორცითა, და თავადმან მოიღო მსგავსად მათი[ვე], რაჲთა სიკუდილითა მისითა განაქარვოს, რომელსა-იგი ჴელმწიფებაჲ აქუნდა სიკუდილისაჲ, ესე იგი არს ეშმაკი,
და განათავისუფლნეს ესენი, რაოდენნი-იგი შიშითა სიკუდილისაჲთა მარადის ცხოვრებასა მას თანამდებ იყვნეს კირთებასა.
რამეთუ არასადაჲთ ანგელოზთაჲ იწყო, არამედ ნათესავისაგან აბრაჰამისა იწყო.
ამისთჳს ჯერ-იყო მისა ყოველითავე ძმათა მსგავსებაჲ, რაჲთა მოწყალე ექმნეს და სარწმუნო მღდელთმოძღუარ ღმრთისა მიმართ, რაჲთა ულხინებდეს ცოდვათა ერისათა.
ვინაჲთგან ივნო თავადმან და გამოიცადა, ძალ-უც, რომელი-იგი გამოიცადებოდიან, მათდაცა შეწევნაჲ.
) უპირატჱს
აგიარო შენ უფალო ყოვლითა გ{ულითა}:
განიყვეს სამოსელი.
უფალო ღმერთო ცხორებისა.
მაშინ ვითარცა
Ms. page: P189V მაშინ ვითარცა იხილა იუდა მიმცემელმან, რამეთუ დაისაჯა, შეინანა, მიაქცია ვეცხლი იგი მღდელთ-მოძღუართა და მოხუცებულთა
და ჰრქუა მათ: ვცოდე, რამეთუ მიგეც სისხლი მართალი, ხოლო მათ ჰრქუეს: ჩუენდა რაჲ? შენ უწყი!
და დააგდო ვეცხლი იგი ტაძარსა მას შინა და წარვიდა და შიშთვილ-იბა.
ხოლო მღდელთ-მოძღუართა მათ მოიღეს ვეცხლი იგი და თქუეს: არა ჯერ-არს ვეცხლი ესე დადებად საფასესა, რამეთუ სასყიდელი სისხლისაჲ არს.
ზრახვა-ყვეს და მოიყიდეს მითა აგარაკი მეკეცისაჲ საფლავად უცხოთა,
რომლისათჳს ეწოდა აგარაკსა მას აგარაკი სისხლისაჲ, Ms. page: P190R ვიდრე დღენდელად დღედმდე.
მაშინ აღესრულა თქუმული იგი იერემია წინაწარმეტყუელისაჲ, რომელსა იტყოდა: მოვიღე ოც და ათი იგი ვეცხლი, სასყიდელი იგი განსყიდულისაჲ მის, რომელი-იგი მოიყიდეს ძეთაგან ისრაჱლისათა.
და მივეც იგი აგარაკისა მისთჳს მეკეცისა, ვითარცა მიბრძანა მე უფალმან.
ხოლო იესუ დგა წინაშე მთავრისა მის. ჰკითხა მას მთავარმან მან და ჰრქუა: შენ ხარა მეუფჱ ჰურიათაჲ? ხოლო იესუ ჰრქუა მას: შენ სთქუ.
და შესმენასა მას მისსა მღდელთ-მოძღუართაგან და მოხუცებულთა არას მიუგებდა.
მაშინ ჰრქუა მას პილატე: არა გესმის, რაოდენსა-ესე შეგასმენენ შენ?
და არარაჲ მიუგო მან ერთიცა სიტყუაჲ, ვიდრემდის უკჳრდა მთავარსა მას ფრიად.
ხოლო დღესასწაულსა ჩვეულ იყო მთავარი იგი განტევებად ერთისა პყრობილისა, რომელიცა უნებნ ერსა მას.
ხოლო იყო ვინმე პყრობილ მაშინ, რომელსა სახელი ერქუა ბარაბა.
და ვითარ შეკრებულ იყვნეს იგინი, ჰრქუა მათ პილატე: ვინ გნებავს ორთაგან ერთი, მიგიტეო თქუენ: ისუ ბარაბა ანუ იესუ, რომელსა ჰქჳან ქრისტე?
რამეთუ უწყოდა, ვითარმედ შურით მისცეს იგი.
და ვითარ ჯდა იგი საყდართა ზედა, მიუვლინა მას ცოლმან მისმან და ჰრქუა: რაჲ არს შენი და მართლისაჲ მაგის? რამეთუ ფრიად მევნო ჩუენებით მისთჳს,
ხოლო მღდელთ-მოძღუართა მათ და მოხუცებულთა არწმუნეს ერსა მას, რაჲთა გამოითხოონ ბარაბა, ხოლო იესუ წარწყმიდონ.
მიუგო მთავარმან მან და ჰრქუა: ვინ გნებავს ორთაგანი, მიგიტეო თქუენ? ღაღად-ყვეს და თქუეს ერთბამად: ბარაბა.
ჰრქუა მათ პილატე: და რაჲ [ვ]ყო იესუ, რომელსა ჰრქჳან ქრისტე? და მათ ყოველთა Ms. page: P190V თქუეს: ჯუარს-ეცჳნ.
ვითარცა იხილა პილატე, რამეთუ არას არგებდა, არამედ უფროჲსიღა შფოთი იქმნების, მაშინ მოითხოვა წყალი და დაიბანა ჴელნი წინაშე ყოველთასა და თქუა: უბრალომცა ვარ სისხლისა ამისგან, თქუენ იხილეთ.
მიუგო ყოველმან ერმან და თქუა: სისხლი მაგისი ჩუენ ზედა და შვილთა ჩუენთა ზედა.
მაშინ მიუტევა ბარაბა, ხოლო იესუს შოლტით სცა და მისცა მათ, რაჲთა ჯუარს-აცუან.
მაშინ ერისა კაცთა მათ წარიყვანეს იესუ და მიიყვანეს ტაძარსა მას და შეკრბეს მის ზედა ყოველნი ნათესავნი.
და განძუარცეს იგი და ქლამინდი მეწამული შეჰმოსეს მას.
და შეთხზეს გჳრგჳნი ეკალთაგან და დაადგეს თავსა მისსა და მისცეს ლერწამი ჴელსა მისსა მარჯუენესა და მუჴლ-დადგმით მის წინაშე ემღერდეს მას და ეტყოდეს: გიხაროდენ, მეუფეო ჰურიათაო!
[და ჰნერწყუვიდეს მას] და მოუღეს ლერწამი იგი და სცემდეს თავსა მისსა.
და ოდეს განკიცხეს იგი, განსძუარცეს ქლამინდი იგი და შეჰმოსეს თჳსივე იგი სამოსელი და წარიყვანეს იგი ჯუარ-ცუმად.
და პოვეს კაცი კჳრინელი, სახელით სჳმონ, ესე წარიქციეს პაჰრაკად, რაჲთა აღიღოს ჯუარი მისი.
და მოვიდეს ადგილსა მას, რომელსა ჰრქჳან გოლგოთაჲ, რომელ არს თხემისა ადგილი.
და მოუპყრეს მას ღვნოჲ ნავღლითა შეზავებული. და გემოჲ იხილა და არა ინება სუმად
და ვითარცა ჯუარს-აცუეს იგი, განიყვეს სამოსელი მისი და განიგდეს წილი, რაჲთა აღესრულოს თქუმული იგი წინაწარმეტყუელისაჲ, ვითარმედ: განიყვეს სამოსელი ჩემი მათ შორის და კუართსა ჩემსა ზედა განიგდეს წილი.
სცვიდეს მას მუნ.
და დასდვეს თავსა Ms. page: P191R მისსა ბრალი და დაწერეს ფიცარი: ესე არს მეუფჱ ჰურიათაჲ.
მაშინ ჯუარს-აცუნეს მის თანა ორნი ავაზაკნი: ერთი მარჯუენით და ერთი მარცხენით.
ხოლო თანა-წარმავალნი იგი ჰგმობდეს და ყრიდეს თავთა მათთა
და იტყოდეს: აჰა რომელი დაარღუევდა ტაძარსა ამას და მესამესა დღესა აღაშჱნებდა, იჴსენინ თავი თჳსი; უკუეთუ ხარ ძჱ ღმრთისაჲ, გარდაჴედინ მაგიერ ჯუარით!
ეგრევე მღდელთ-მოძღუარნი იგი მწიგნობართა თანა და მოხუცებულნი ემღერდეს და იტყოდეს:
სხუანი აცხოვნნა, თავი თჳსი ვერ ძალ-უც ცხოვნებად. უკუეთუ მეუფჱ არს ისრაჱლისაჲ, გარდამოჴედინ მაგიერ ჯუარით, რაჲთა გურწმენეს მაგისი,
რამეთუ თქუა, ვითარმედ: ძჱ ღმრთისაჲ ვარი მე.
ეგრევე ავაზაკნი იგი, რომელნი მის თანა ჯუარ-ცუმულ იყვნეს, აყუედრებდეს მას.
და მეექუსით ჟამითგან დაბნელდა ყოველსა ქუეყანასა, ვიდრე მეცხრედ ჟამადმდე.
ხოლო მეცხრესა ჟამსა ღაღად-ყო იესუ ჴმითა დიდითა და თქუა: ჱლი, ჱლი, ლამა საბაქთანი? ესე არს: ღმერთო, ღმერთო ჩემო, რაჲსათჳს დამიტევებ მე?
რომელთამე მუნ მდგომარეთა ესმა და იტყოდეს: ელიას უჴმობს ესე.
და მეყსეულად მირბოდა ერთი მათგანი და მოიღო ღრუბელი და აღავსო ძმრითა და დაადგა ლერწამი და ასუმიდა მას.
ხოლო სხუანი იტყოდეს: აცადეთ და ვიხილოთ, უკუეთუ მოვიდეს ელია განჴსნად მისა.
ხოლო იესუ ღაღად-ყო ჴმითა დიდითა და განუტევა სული.
და აჰა კრეტსაბმელი იგი ტაძრისაჲ მის განიპო ორად ზჱთგან, ვიდრე ქუემდე, და ქუეყანაჲ შეიძრა, და კლდენი განსთქდეს;
და საფ\ლავნი Ms. page: P191V აღეხუნეს, და მრავალნი გუამნი შესუენებულთა წმიდათანი აღდგეს.
და გამოვიდეს საფლავთაგან და, შემდგომად აღდგომისა მისისა, შევიდეს წმიდასა ქალაქსა და გამოეცხადნეს მრავალთა.
ხოლო ასისთავმან მან და მისთანათა, რომელნი სცვიდეს იესუს, იხილეს რაჲ ძრვაჲ იგი და რაჲ-იგი იქმნა, შეეშინა ფრიად და იტყოდეს: ჭეშმარიტად ძჱ ღმრთისაჲ იყო კაცი ესე.
იყვნეს მუნ დედანიცა მრავალნი, რომელნი შორით ხედვიდეს იესუს, რომელნი შეუდგეს მას გალილეაჲთ და მსახურებდეს მას.
რომელთა თანა იყო მარიამ მაგდალანელი და მარიამ იაკობისი და დედაჲ ძეთა მათ ზებედჱსთაჲ.
Ms. page: P191V ვინ არს ესე, რომელი მოვალს ედომით, სამეწამულჱ სამოსლისა მისისაჲ ბოსორით? ესე შუენიერ არს სამოსლითა ძრიელ ძრიელებითა; მეტყჳს სიმართლესა და სასჯელსა ცხოვრებისასა.
რაჲსათჳს მეწამულ არს სამოსელი შენი ვითარცა მწნეხართაჲ ესრჱთ დათრგუნვილებითა?
და წარმართთაგანი კაცი არავინ არს მათ თანა, და დავთრგუნნე იგინი ვითარცა მიწაჲ და გარდავადინო სისხლი მათი ვითარცა წყალი.
რამეთუ დღჱ მისაგებელისა მათისაჲ მოიწია მათ ზედა, და წელიწადი ჴსნისაჲ მოწევნულ არს.
და მე ვიხილე და არავინ იყო მწე, განვიცადე და არავინ შემე[წეოდა მე]. და იჴსნა იგი მკლავმან ჩემმან, და გულისწყრომაჲ ჩემი მოიწია მათ ზედა,
და დავთრგუნნე იგინი რისხვითა ჩემითა და დავსთხიო სისხლი მათი ქუეყანასა ზედა.
ხოლო
Ms. page: P191V ხოლო ქრისტე მოვიდა, მღდელთმოძღუარი იგი მერმეთა მათ კეთილთაჲ, უფროჲსითა მით და უსრულჱსითა კარვითა ჴელით\უქმნელითა, Ms. page: P192R ესე იგი არს, არა მისი დაბადებულისაჲთა,
არა სისხლითა ზუარაკთაჲთა, არამედ თჳსითა სისხლითა შევიდა სიწმიდესა მას და საუკუნოჲ [გამოჴსნაჲ] პოვა.
უკუეთუ სისხლი იგი ზუარაკთაჲ და ვაცთაჲ და ნაცარი იგი დეაკეულთაჲ, რომელი ეპკურებოდა შეგინებულთა და განსწმედდა ჴორცთა მათ განწმედისაებრ,
რაოდენ უფროჲს სისხლი იგი ქრისტჱსი, რომელმან-იგი სულითა წმიდითა თავი თჳსი შეწირა უბიწოდ ღმრთისა, რომელ განწმიდოს გონებაჲ მკუდართაგან საქმეთა მსახურებად ღმრთისა ცხოველისა.
და ამისთჳს ახლისა შჯულისა შუამდგომელ არს, რაჲთა სიკუდილი მოიწიოს გამოჴსნად პირველისა შჯულისა, აღთქუმაჲ იგი მოიღონ ჩინებულთა მათ საუკუნოჲსა მის მკჳდრობისათა.
)
Ms. page: S194V სადა-იგი წიგნისა წერაჲ არს, სიკუდილი უნებლიაჲთ ზედა-აც წიგნის მწერალსა მას.
რამეთუ ყოველი წიგნი დაწერილი შემდგომად მკუდართა მტკიცე არნ. უკუეთუ არა, ვერსადა მტკიცე არნ, ვიდრე ცოცხალღა არნ წიგნის მწერალი იგი,
რომლისაგან არცა პირველი იგი თჳნიერ სისხლისა განახლდებოდა.
რამეთუ ითქუნეს ყოველნი იგი მცნებანი მსგავსად შჯულისა მოსჱს მიერ ყოვლისა მიმართ ერისა, ვითარმედ მოიღის სისხლი იგი ზუარაკთაჲ და ვაცთაჲ წყალსა თანა მატყლითა მეწამულითა და უსუპითა, მას წიგნსა და ყოველსა ერსა აპკურის
და თქჳს: ესე სისხლი აღთქ\უმისაჲ, Ms. page: S195R რომელი გამცნო თქუენ ღმერთმან.
თჳთ მას კარავსა და ყოველსა ჭურჭელსა სამსახურებელისასა ეგრევე მსგავსად სისხლი ასხურის.
და ყოველივე იგი სისხლითა განწმდებოდა მსგავსად შჯულისა მის, და თჳნიერ სისხლისა დათხევისა არა იყო მოტევებაჲ.
აწ უკუე სახენი იგი ზეცისათანი ამით განწმდებიან, არამედ იგი ზეცისანი უმჯობჱსითა მსხუერპლითა არიან მათსა.
რამეთუ არა ჴელითქმნულთა სიწმიდეთა შევიდა ქრისტჱ სახედ ჭეშმარიტთა მათ : არამედ თჳთ მათ ცათა აწვე შევიდა ჩუენებად პირსა ღმრთისასა ჩუენთჳს :
არა თუ რაჲთა მრავალგზის შეწიროს თავი თჳსი : ვითარცა-იგი Ms. page: S195V მღდელთმოძღუარი შევიდის წელიწადსა ერთგზის სიწმიდესა მას სისხლითა სხჳსაჲთა :
უკუე ჯერ-ვიდრემე-იყო მისა ვნებაჲ მრავალგზის სოფლის დაბადებითგან : ხოლო აწ ერთგზის აღსასრულსა ჟამთასა შეურაცხ-ყოფად ცოდვათა მსხუერპლითა თჳსითა გამოჩნდა :
და ვითარცა-იგი წინაუც კაცთა ერთგზის სიკუდილი და მისა შემდგომად სასჯელი :
ეგრეცა ქრისტჱ ერთგზის შეიწირა მრავალთათჳს აღსაჴოცელად ცოდვათათჳს : ხოლო მეორედ თჳნიერ ცოდვისა გამოეცხადოს რომელნი მოელიან მას მაცხოვრად სარწმუნოებით :
) მოვედით ქრისტჱს შემოსილნო.
უფალსა ვესავ ვითარ{ცა}.
მცეს მე საჭმლად ჩემ{და} ვიდრე ძმარი:
მაცხოვნე მე ღმერთო რაჲმეთუ შევ{იდეს}:
ხოლო.
Ms. page: P192R ხოლო ერისაგანთა მათ შეიყვანეს იესუ შინაგან ეზოსა მას, რომელ არს ტაძარი, და შეკრბეს ყოველი თესლები.
და შეჰმოსეს ქლამინდი მეწამული და დაადგეს გჳრგჳნი ეკალთაგან.
და იწყეს მოკითხვად მისა და ეტყოდეს: გიხაროდენ, მეუფეო ჰურიათაო!
და სცემდეს თავსა მისსა ლერწმითა და ჰნერწყუვიდეს მას და დაიდგნიან მუჴლნი და თაყუანის-სცემედ.
და ოდეს განკიცხეს იგი, განსძუარცეს ქლამინდი მეწამული და შეჰმოსეს მას თჳსივე იგი სამოსელი და გამოიყვანეს იგი, რაჲთა ჯუარს-აცუან.
და პაჰრაკად წარიქციეს სჳმონ კჳრინელი თანა-წარმავალი; Ms. page: P192V მომავალი ველით, მამაჲ ალექსანდრჱსი და რუფჱსი, რაჲთა აღიღოს ჯუარი იგი მისი.
და მოიყვანეს გოლგოთისა ადგილსა, რომელ არს თხემისა ადგილი თარგმანებით.
და მისცემდეს მას მურითა აღზავებულსა ღჳნოსა, ხოლო მან არა მიიღო.
და ვითარცა ჯუარს-აცუეს იგი, განიყვეს სამოსელი მისი და განიგდეს წილი მის ზედა, ვინ-ძი რაჲ აღიღოს.
იყო ჟამი მესამჱ, და ჯუარს-აცუეს.
და იყო ზედა-წერილი ბრალისა მისისათჳს, რომელსა წერილ იყო: მეუფჱ ჰურიათაჲ.
და მის თანა ჯუარს-აცუნეს ორნი ავაზაკნი: ერთი მარჯუენით და ერთი მარცხენით.
და აღესრულა წერილი, რომელი იტყჳს, ვითარმედ: უსჯულოთა თანა შეირაცხა.
და თანა-წარმავალნი იგი ჰგმობდეს მას და ყრიდეს თავთა მათთა და იტყოდეს: ჵ, რომელი დაარღუევდა ტაძარსა ამას და მესამესა დღესა აღაშჱნებდა,
იცხოვნენ თავი თჳსი და გარდამოჴედინ მაგიერ ჯუარით.
ეგრევე მღდელთ-მოძღუარნი იგი ემღერდეს მწიგნობართა თანა და იტყოდეს: სხუანი აცხოვნნა, თავი თჳსი ვერ ძალ-უც ცხოვნებად.
ქრისტე თუ არს, მეუფჱ ჰურიათაჲ, გარდამოჴედინ მაგიერ ჯუარით, რაჲთა ვიხილოთ და გურწმენეს მაგისი. და მის თანა ჯუარ-ცუმულნი იგი აყუედრებდეს მას.
და ვითარცა იყო ჟამი მეექუსჱ, დაბნელდა ყოველსა ქუეყანასა ვიდრე მეცხრედ ჟამადმდე.
და მეცხრესა ჟამსა ღაღად-ყო იესუ და თქუა: ჱლი, ჱლი, ლაბა საბაქთანი? რომელ არს თარგმანებით: ღმერთო, ღმერთო ჩემო, რაჲსათჳს დამიტევებ მე?
რომელთამე მუნ მდგომარეთა ესმა და იტყოდეს: ჱლიას უჴმობს ესე.
და მირბიოდა ერთი მათგანი და აღავსო ღრუბელი ძმრითა და დაადგა ლერწამი Ms. page: P193R და ასუმიდა მას. ხოლო სხუანი იტყოდეს: აცადეთ, და ვიხილოთ, უკუეთუ მოვიდეს ელია განჴსნად მაგისა.
ხოლო იესუ ჴმა-ყო ჴმითა დიდითა და განუტევა სული.
და კრეტსაბმელი ტაძრისაჲ მის განიპო ზჱთგან ვიდრე ქუემდე.
ვითარცა იხილა ასისთავმან მან, რომელი წინაშე დგა მისა, რამეთუ ღაღად-ყო და განუტევა სული, თქუა: ჭეშმარიტად კაცი ესე ძჱ ღმრთისაჲ იყო.
და იყვნეს ვინმე დედანიცა, რომელნი შორით ხედვიდეს მას, [რომელთა თანა] იყო მარიამ მაგდალანელი და მარიამ იაკობისი მცირისაჲ და იოსტოსის დედაჲ და სალომე,
რომელნი-იგი, იყო რაჲ იესუ გალილეას, შეუდგეს მას და მსახურებდეს მას, და სხუანიცა დედანი მრავალნი, რომელნი მის თანა აღმოსრულ იყვნეს გალილეაჲთ იერუსალჱმდ.
Ms. page: P193R უფალო, მაუწყე მე და ვცნა, რამეთუ მაშინ ვიხილენ ზრახვანი მათნი.
მე ვითარცა კრავმან უმანკომან მიგურასა ჩემსა [დაკლვად] არა ვაგრძენ, ჩემ ზედა იზრახეს ზრახვაჲ ბოროტი და თქუეს: მოვედით და შეურიოთ ძელი პურსა მისსა და შევმუსროთ იგი ქუეყანით ცხოველთაჲთ, და სახელი მისი არღარა მოვიჴსენეთ მერმე.
უფალო, მსაჯულო სიმართლისაო, გამომცდელო გულისაო და თირკუმელთაო, მიხილავსმცა შურის-გებაჲ შენ მიერ მათდა, რამეთუ შენ მიერ განვაცხადენ სამართალნი ჩემნი.
Ms. page: S199R ამისთჳს ესრე იტყჳს უფალი კაცთა ზედა ანათოთელთა, მეძიებელთა სულისა ჩემისათა, რომელნი იტყჳან: არა წინაწარმეტყუელებდე სახელითა უფლისაჲთა, არა თუ, _ მოჰკუდე ჴელთა შინა ჩუენთა.
ამისთჳს ესრე იტყჳს უფალი ძალთაჲ: აჰა, ესერა, მე ძიება ვყო მათ ზედა, ჭაბუკნი მათნი მახჳლითა მოისრნენ, Ms. page: S199V ძენი და ასულნი მათნი სიყმილითა აღესრულნენ.
და არა იყოს მათი ნეშტი, რამეთუ მოვავლინო ძჳრი მკჳდრთა ზედა ანათოთისათა, წელსა მას ძიებისა მათისასა.
მართალ ხარ შენ, უფალო, და მე მიგიგო შენ, ხოლო სამართალივე ვთქუა შენდამი. რაჲსათჳს გზაჲ უღმრთოთაჲ წარემართის, განიშორეს ყოველთა, რომელნი გეცრუვნეს შენ სიცრუვით.
დაჰნერგენ იგინი და დაამტკიცენ ძირნი.
დაუტევე სახლი ჩემი და დავაცადე სამკჳდრებელი ჩემი, მივეც საყუარელი სული ჩემი ჴელთა მტერთა მისთასა.
იქმნა სამკჳდრებელი ჩემი ჩემდა, ვითარცა ლომი მაღნარსა შინა. გამოსცა ჴმაჲ მისი [ჩემ ზედა; ამისთჳს მოვიძულე იგი].
გუაქუს
Ms. page: P193R გუაქუს უკუე, ძმანო, კადნიერებაჲ შესლვად სიწმიდესა მას სისხლითა იესუჲსითა, რომელი
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
და მღდელთმოძღუარი დიდი სახლსა შინა ღმრთისასა,
მოუჴდეთ მას Ms. page: P193V ჭეშმარიტითა გულითა და განსრულებულითა სარწმუნოებითა, სხურებულნი გულითა იჭჳსაგან ბოროტისა
და განბანილნი გუამითა წყლითა წმიდითა, შევიკრძალოთ აღსარებაჲ იგი სასოებისაჲ მართლ, რამეთუ სარწმუნო არს, რომელმან-იგი აღმითქუა.
და განვიცდიდეთ ურთიერთას აღბაძვებად სიყუარულსა და კეთილთა საქმეთა.
ნუ დაუტევებთ შესაკრებელსა თჳსსა, ვითარცა-იგი ჩუეულებაჲ არს ვიეთმე, არამედ ნუგეშინის-სცემდით და უფროჲს ესოდენ, ვითარცა-იგი ხედავთ მოახლებულსა მას დღესა.
)
Ms. page: S200V რამეთუ ნეფსით შეცოდებათა მათთათჳს, შემდგომად მოღებისა ჭეშმარიტისა მეცნიერებისა, არღარა ცოდვათათჳს მოაკლდების მსხუერპლი.
არამედ საშინელი რაჲმე მოლოდებაჲ საშჯელისაჲ და ცეცხლისაჲ შური შეშჭამდეს კადნიერთა მათ.
და რომელმან შეურაცხ-ყოს შჯული მოსჱსი, თჳნიერ წყალობისა, ორითა ანუ სამითა მოწამითა, Ms. page: S201R მოკუდეს,
რავდენ უძჳრჱსისა ტანჯვისა ღირს [არს], რომელმან ძჱ ღმრთისაჲ შეურაცხ-ყოს და სისხლი იგი აღთქუმისაჲ არა ღირსად შეჰრაცხოს, რომლითა-იგი განწმედილ იყო, და სული იგი მადლისაჲ აგინა?
რამეთუ ვიცით, რომელმან-იგი თქუა: ჩემი არს შურის-გებაჲ და მე მივაგო, იტყჳს უფალი, და მერმე იტყჳს, რამეთუ: განიკითხოს უფალმან ერი თჳსი.
საშინელ არს შევრდომაჲ ჴელთა ღმრთისა ცხოველისათა.
) დღეს ტაძრისა იგი კ{რეთსაბმელი}:
მაცხოვნე მე ღმერთო რაჲმეთუ მოაკ{ლდა}:. {!}
და მოჰყვანდეს
Ms. page: P193V და მოჰყვანდეს სხუანიცა ორნი ავაზაკნი მოკლვად მის თანა.
და ოდეს მოიყვანნეს ადგილსა, რომელსა ჰრქჳან გოლგოთა, რომელ არს თხემისა ადგილი, მუნ ჯუარს-აცუნეს [იგი] და ძჳრის-მოქმედნი იგი, ერთი მარჯუენით და ერთი მარცხენით ჯუარს-აცუნეს.
ხოლო იესუ იტყოდა: მამაო, მიუტევენ ამათ, რამეთუ არა იციან, რასა იქმან. და განიყვეს სამოსელი მისი და წილ იგდეს.
და დგა ერი იგი და ხედვიდა. შეურაცხ-ჰყოფდეს მას მთავარნიცა იგი და იტყოდეს: სხუანი აცხოვნნა, იცხოვნენ თავი თჳსი, უკუეთუ ეგე არს რჩეული ღმრთისაჲ.
ეკიცხევდეს ერისაგანნიცა იგი, მოუჴდიან მას და ძმარი მიუპყრიან
და ეტყჳედ: უკუეთუ შენ ხარ მეუფჱ ჰურიათაჲ, იჴსენ თავი შენი.
და იყო მას ზედა წერილი წიგნითა ბერძნულითა, ჰრომაელებრითა და ებრაელებრითა: მეუფჱ Ms. page: P194R ჰურიათაჲ არს ესე.
ხოლო ერთი იგი ძჳრის-მოქმედთაგანი ზე-დამოკიდებული ჰგმობდა მას და ეტყოდა: უკუეთუ შენ ხარ ძჱ ღმრთისაჲ, იჴსენ თავი შენი და ჩუენცა.
მიუგო მოყუასმან მან, შეჰრისხნა და ჰრქუა მას: არცა გეშინის ღმრთისაგან, რამეთუ მასვე სასჯელსა შინა ხარ?
ჩუენ სამართლად მოგუეგების, რაჲ-იგი ვქმენით, ხოლო ამას არაჲ უქმნიეს უსჯულოებაჲ.
და თქუა: მომიჴსენე მე, უფალო, ოდეს მოხჳდე სუფევითა შენითა.
ჰრქუა მას იესუ: ამენ გეტყჳ შენ: დღეს ჩემ თანა იყო სამოთხესა.
და იყო ჟამი მეექუსჱ, და დაბნელდა ყოველსა ქუეყანასა ვიდრე მეცხრედ ჟამამდე.
... და განიპო კრეტსაბმელი ტაძრისაჲ მის ორგან.
და ღაღად-ყო იესუ ჴმითა დიდითა და თქუა: მამაო, ჴელთა შენთა შევჰვედრებ სულსა ჩემსა. და ვითარცა ესე თქუა, აღმოუტევა სული.
მაშინ ვითარცა იხილა ასისთავმან მან საქმჱ ესე, ადიდებდა ღმერთსა და იტყოდა: ნანდჳლვე კაცი ესე მართალი იყო.
და ყოველნი, რომელნი ხედვიდეს ხილვასა მას და რაჲ-იგი იქმმნა, იცემდეს მკერდსა და წარვიდოდეს.
ხოლო დგეს ყოველნი მეცნიერნი მისნი შორს; და დედანიცა რომელნი მოსდევდეს გალილეაჲთ, იხილეს ესე ყოველი.
Ms. page: P194R და მოვიდეს უფალი ღმერთი ჩემი და ყოველნი წმიდანი მისნი მის თანა.
მას დღესა შინა არა იყოს ნათელი.
და ნათელი იყოს ერთსა მას დღესა შინა. და ღამჱ იგი საცნაურ ყოს უფლისა. არცა დღჱ იყოს და არცა ღამჱ და მიმწუხრი იყოს ნათელი.
მას დღესა შინა გამოვიდეს წყალი [ცხოველი] იერუსალჱმით, ზოგი მისი ზღუასა მას პირველსა და ზოგი მისი ზღუასა მას უკანაჲსკნელსა; ზაფ\ხულისა Ms. page: P194V არესა იყოს ესე.
და იყოს უფალი მეუფჱ ყოველსა ქუეყანასა ზედა.
Ms. page: S203V იქცეოდის ყოველსა ქუეყანასა ზედა; დაიცვეს ყოველი ქუეყანაჲ, უდაბნოჲ და შჱნი, გალადითგან რემონდმდე; სამხრით კერძო იერუსალჱმისა ამ\აღლდეს; Ms. page: S204R და მუნთქუესვე ადგილი დაიპყრას ბჭეთა მათგან ბენიამენისთა მიბჭედმდე პირველთა; და ბჭეთა მათგან კიდისათა და ბჭედმდე ანამელთასა; და საწნეხელ ტაგრადმდე შარავანდედთა მათ.
და დაიმკჳდრონ მას შინა და წყევაჲ მერმე არღარა იყოს; და დაიმკჳდროს იერუსალჱმმან მშჳდობით და სასოებით.
გამცნებ
Ms. page: P194V გამცნებ შენ წინაშე ღმრთისა, რომელმან-იგი ცხოველ ყვნის ყოველნი, და ქრისტე იესუჲსა, რომელი იწამა პონტოელისა პილატჱს ზე კეთილი აღსაარებაჲ,
დამარხვად შენდა მცნებაჲ ესე უბიწოდ და შეუგინებელად ვიდრე გამოჩინებადმდე უფლისა ჩუენისა იესუ ქრისტჱსა,
რომელი-იგი ჟამსა თჳსსა აჩუენოს ნეტარმან მან მხოლომან ძრიელმან მეუფემან და უფალმან უფლებათამან,
მხოლოსა, რომელსა აქუს უკუდავებაჲ და ნათელსა შინა მყოფ არს მიუწდომელსა, რომელი კაცთაგანმან არავინ იხილა და არცა ხილვად ჴელ-ეწიფების, რომლისაჲ არს დიდებაჲ და პატივი და ძალი უკუნითი უკუნისამდე. ამენ.
) მოსლვასა {!} შენსა ჯ{უარად}:
ვიდრემდის უფალო დამივიწყებ:
ჴელთა შენთა შევ{ჰვედრებ}:
შენ უფალო გესავ ნუმ{ცა}:
ხოლო
Ms. page: P194V ხოლო ერისაგანთა მათ წარიყვანეს იესუ.
და ეკიდა მას თჳსი იგი ჯუარი, და განვიდეს იგინი ადგილსა მას თხემისასა, რომელსა ჰქჳან ებრაელებრ გოლგოთაჲ.
და მუნ ჯუარს-აცუეს იგი, და მის თანა ჯუარს-აცუნეს ორნი ავაზაკნი იმიერ და ამიერ და შორის იესუ.
და დაწერა ფიცარი პილატე და დადვა ჯუარსა მას ზედა. და იყო წერილი: იესუ ნაზარეველი, მეუფჱ ჰურიათაჲ.
ესე ფიცარი მრავალთა ჰურიათა აღმოიკითხეს, რამეთუ მახლობელ იყო ქალაქსა ადგილი იგი, სადა-იგი ჯუარს-ეცუა იესუ. და იყო წერილი ებრაელებრ, ჰრომაელებრ და ბერძლ.
ეტყოდეს პილატეს მღდელთ-მოძღუარნი იგი ჰურიათანი: ნუ დასწერ მეუფედ ჰურიათა, [არამედ] რამეთუ იტყოდა: მე ვარ მეუფჱ ჰურიათაჲ. Ms. page: P195R
ჰრქუა მათ პილატე: რომელი დავწერე, დავწერე.
ხოლო ერისაგანთა მათ, [რომელთა] ჯუარს-აცუეს იესუ, მოიღეს სამოსელი მისი და განიყვეს ოთხად ნაწილად, თითოეულმან ერისაგანმან ნაწილი. ხოლო კუართი იგი იყო უკერველ, ზეგარდამო ქსოვილ ყოვლად.
თქუეს ერისაგანთა მათ ურთიერთას: არა განვხიოთ ესე, არამედ წილი განვიგდოთ მაგას ზედა, ვისცა ხუდეს, რაჲთა წერილი აღესრულოს: განიყვეს სამოსელი ჩემი მათ შორის და კუართსა ჩემსა ზედა წილი განიგდეს. ერისაგანნი იგი ესრჱთ ჰყოფდეს.
დგეს წინაშე ჯუარსა მას დედაჲ მისი და დაჲ დედისა მისისაჲ, მარიამ კლეოპაჲსი და მარიამ მაგდალანელი.
ხოლო იესუ ვითარცა იხილა დედაჲ მისი და მოწაფჱ იგი წინაშე მდგომარჱ, რომელი უყვარდა, ჰრქუა დედასა თჳსსა: დედაკაცო, აჰა ძჱ შენი!
მერმე ჰრქუა მოწაფესა მას: აჰა დედაჲ შენი! მიერითგან წარიყვანა მოწაფემან თჳსთა თანა.
ამისა შემდგომად იხილა რაჲ იესუ, რამეთუ ყოველივე აღსრულებულ არს, რაჲთა აღესრულოს წერილი, თქუა: მწყურის.
დგა მუნ ჭურჭელი, სავსჱ ძმრითა. და ღრუბელი აღავსეს [უს]უპსა თანა და დაადგეს ლერწამი და მიუპყრეს პირსა მისსა.
და ვითარცა მიიღო ძმარი იგი, თქუა: ყოველივე აღსრულებულ არს. მიიდრიკა თავი და აღმოუტევა სული.
ხოლო ჰურიათა მათ, რამეთუ იყო პარასკევი, რაჲთა არა დაადგრეს გუამი მისი ჯუარსა ზედა შაბათადმდე, ჰკითხეს პილატეს, რაჲთა განუტეხნენ წჳვნი მისნი.
მოვიდეს ერისაგანნი იგი და პირველისანი მის განუტეხნეს წჳვნი და მეორისანი ეგრევე, რომელნი მის თანა ჯუარ-ცუმულ იყვნეს Ms. page: P195V .
ხოლო იესუჲსა რაჲ მოვიდეს [და იხილეს,] რამეთუ აღსრულებულ იყო, არა შეეხნეს წჳვთა,
არამედ ერთმან ერისაგანმან ლახურითა უგუმირა გუერდსა მისსა, და მეყსეულად გამოჴდა სისხლი და წყალი.
და რომელმან იხილა, წამა, და ჭეშმარიტ არს წამებაჲ მისი, და მან იცის, რამეთუ ჭეშმარიტსა იტყჳს, და თქუენცა გრწმენინ.
რომელი ქმნა, რაჲთა წერილი აღესრულოს, ვითარმედ: ძუალი მისი არა შეიმუსროს.
და მერმე სხუაჲ წინაწარმეტყუელი იტყჳს: მიხედეთ და იხილეთ, რომელსა-იგი უგუმირეთ ქრისტესა.
Ms. page: K185A ამისა შემდგომად ჰკითხა პილატეს იოსებ, რომელი იყო არიმათიაჲთ, რამეთუ იყო იგიცა მოწაფე იესუჲსა ფარულად, შიშისათჳს ჰურიათაჲსა, რაჲთა აღიღოს გუამი იგი იესუჲსი, და უბრძანა მას პილატე, [მივიდეს და აღიღეს გუამი მისი].
მოვიდა ნიკოდიმოსცა, რომელი-იგი მოსრულ იყო მისა Ms. page: K185B ღამე პირველ; და მოიღო აღრეული მურისაჲ და ალოჲსაჲ ვითარ ასი ლიტრაჲ.
და გარდამოიღეს გუამი იგი იესუჲსი ჯუარისა მისგან და შეგრაგნეს იგი არდაგებითა სულნელთა მათ თანა, ვითარცა არს ჩუელებაჲ ჰურიათა დაფლვისაჲ.
ხოლო იყო ადგილსა მას, სადა-იგი ჯუარს-აცუეს იესუ, მტილი, და მტილსა მას შინა საფლავი ახალი.
და მუნ დადვეს გუამი იესუჲსი პარასკევისა მისთჳს ჰურიათაჲსა, რამეთუ მახლობელ იყო საფლავი იგი.
უფალო: ღაღადყავი:
) აზნაურებაჲ ესე ჩუენი უფლი{სა}:
Ms. page: P195V იხილეთ, ვითარ წარწყმდა მართალი იგი, და არავინ მოელის გულითა, და კაცნი მართალნი აღიღებიან, და არავინ განიცადის, რამეთუ პირისაგან სიცრუვისა აღებულ არს სამართალი.
და იყოს მშჳდობით საფლავი მისი, რამეთუ აღებულ არს შორის.
ხოლო თქუენ მოიყვანეთ აქა, ძენო უსჯულონო, ნაშობნო მემრუშეთანო და მეძავთანო.
რომლითა-იგი იშუებდით? ვის ზედა აღაღეთ პირი თქუენი და განსძართ ენაჲ თქუენი და ზრახეთ ძჳრი თქუენი?
და ვითარცა იხილა ესე ღმერთმან. არა სთნდა. რაჲმეთუ
Ms. page: P195V ... და ვითარცა იხილა ესე ღმერთმან, არა სთნდა, რამეთუ არა იყო სამართალი.
მიხედა და არავინ იყო შემწე; და სძლო მათ მკლავითა თჳსითა და დააყენა მოწყალებაჲ თჳსი.
და შეიმოსა სიმართლჱ ვითარცა ჯაჭჳ და დაიდგა თავსა ვითარცა ჩაფხუთი მაცხოვარებაჲ მისი და შეიმოსა სამოსელი შურის-გებისაჲ,
რომლითა მიგებითა მიაგოს ყუედრებაჲ მტერთა მისთა.
და ეშინოდის მზისდასავალისათა სახელისათჳს უფლისა და მზისაღმოსავალისათა სახელისათჳს მი\სისა Ms. page: P196R დიდისა, რამეთუ წარმოეცა ვითარცა მდინარჱ სასტიკი სახელი უფლისაჲ, და მოიწიოს იგი გულისწყრომით.
და მოვიდეს სიონით მჴსნელი და გარეწარიქციოს უღმრთოებაჲ იაკობისგან, თქუა უფალმან:
და ესე არს ჩემმიერი აღთქუმაჲ მათა მიმართ, იტყჳს უფალი ყოვლისა მპყრობელი; სული ჩემი, რომელ არს შენ ზედა, და სიტყუანი ჩემნი, რომელ მიგცენ პირსა შენსა, თქუა უფალმან, ამიერითგან უკუნისამდე.
Ms. page: P196R ნადირობით მომნადირეს მე მტერთა ჩემთა ვითარცა სირი ცუდად,
და მოაკუდინეს მღჳმესა შინა ცხორებაჲ ჩემი, დამდვეს ჩემ ზედა ქვაჲ.
და გარდაეცა წყალი თავსა ჩემსა, და ვთქუ: გან-მე-გდებულ ვარა?
ვხადე სახელსა შენსა, უფალო, მღჳმით ქუესკნელით.
გესმა ჴმაჲ ჩემი, და აწცა ნუ დაიმძიმებ ყურთა შენთა, მოყავ ჩემდა
დღესა, რომელსა გხადოდი შენ, და ვარქუ: ნუ გეშინინ.
საჯენ, უფალო, სასჯელნი სულიერნი და იჴსენ ცხორებაჲ ჩემი.
იხილენ, უფალო, ყოველნი შურის-გებანი მათნი და ყოველნი ზრახვანი ჩემ ზედა.
იხილენ ყოველნი შერყევანი მათნი ჩემ ზედა და განამრავლენ სასჯელნი ჩემნი.
გესმა ყუედრებაჲ მათი, უფალო, ყოველნი სიტყუანი მათნი,
ჴდომაჲ ბაგეთა მათთაჲ და ზრახვანი მათნი მარადღე,
დაჯდომასა მათსა და აღდგომასა მათსა. მოხედე, რამეთუ ვიქმენ სასიტყუელ მათა.
მიაგე მისაგებელი მათი, უფალო, მახჱ გულისა მათისაჲ.
საქმეთა ჴელთა მათთაებრ მიაგე მათ, შეწევნაჲ გულისა მათისაჲ იყავნ მათა შრომა.
დევნენ იგინი რისხვითა შენითა, უფალო, და მოასრულენ იგინი ცასა ქუეშე.
დამდვეს მე მღჳმესა ქუ{ესკნელსა}:
უფალო ღმერთო ცხორებისა.
და ვითარცა
Ms. page: P196R და ვითარცა შემწუხრდა, მოვიდა კაცი მდიდარი არიმათიაჲთ, რომლისა სახელი Ms. page: P196V იოსებ, რომელიცა-იგი მოწაფე ყოფილ იყო იესუსა.
ესე მოვიდა პილატჱსა და გამოითხოვა გუამი იესუჲსი. მაშინ პილატე უბრძანა მიცემად გუამი მისი.
და მოიღო გუამი იგი მისი იოსებ და შეჰგრაგნა არდაგი წმიდაჲ.
და დადვა იგი ახალსა მისსა საფლავსა, რომელი-იგი გამოეკუეთა კლდისაგან, და მიაგორვა ლოდი კარსა საფლავისასა და წარვიდა.
)
Ms. page: S210V მუნ იყო მარიამ მაგდანელი და სხუაჲ იგი მარიამ; სხდეს იგინი წინაშე საფლავსა მას.
) მოითხოვა იოსებ გუამი:
) მოედით მორწმუნენო დღეს:
) წყაროჲ ცხორებისაჲ:
) მოედით მორწმუნენო და ვისწ{აოთ}:
