TITUS
Text collection: VT 
Vetus Testamentum armeniace

from the so-called Zohrab Bible


On the basis of the Bible edition by
Hovhannēs Zōhrapean,
Astowacašownčՙ matean hin ew nor ktakaranacՙ,
Venetik 1805
(the so-called Zohrab-Bible)
entered by H. Palanǰian, J. Gippert, D. Čitunašvili, N. Čanṭlaʒe
München 1991-1992 / Frankfurt 2003-2004 / Tbilisi 2004-2006;
TITUS version by J. Gippert,
Frankfurt a/M, November 1996 / 1998 / 2000 / 2002 / 2004 / 2005 / 28.10.2007 / 9.12.2008 / 31.12.2020


[Complete edition of the canonical OT texts as printed in the Zohrab-Bibel. Apocryphal OT texts are still missing. J.G.]
[Restitutions of abbreviations by J.G.]




Book: Gen. 
Genesis

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ԾՆՈՒՆԴՔ

Chapter: 1 
ԳԼ(ՈՒԽ) Ա՜.


Verse: 1  Link to sept   Ի ՍԿԶԲԱՆԷ արար ա(ստուա)ծ զերկին եւ զերկիր։

Verse: 2  Link to sept   Եւ երկիր է́ր աներեւոյթ եւ անպատրաստ. եւ խաւա́ր ՛ի վերայ անդնդոց. եւ հոգի ա(ստուծո)յ շրջէ́ր ՛ի վերայ ջուրց։

Verse: 3  Link to sept   Եւ ասաց ա(ստուա)ծ, եղիցի́ լոյս. եւ եղե́ւ լոյս։

Verse: 4  Link to sept   եւ ետես ա(ստուա)ծ զլոյսն զի բարի́ է։ եւ մեկնեաց ա(ստուա)ծ ՛ի մէջ լուսոյն եւ ՛ի մէջ խաւարին։

Verse: 5  Link to sept   եւ կոչեաց ա(ստուա)ծ զլոյսն տիւ, եւ զխաւարն կոչեաց գիշե́ր։ եւ եղեւ երեկոյ՝ եւ եղեւ վաղորդայն՝ օ́ր մի։

Verse: 6  Link to sept   Եւ ասաց ա(ստուա)ծ. եղիցի́ հաստատութի(ւն) ՛ի մէջ ջրոցդ, եւ եղիցի մեկնե́լ ջուրցդ եւ ջուրց։ եւ եղեւ այնպէս։

Verse: 7  Link to sept   Եւ արար ա(ստուա)ծ զհաստատութի(ւն)ն։ եւ անջրպետեաց ա(ստուա)ծ ՛ի մէջ ջրոյն որ ՛ի ներքոյ հաստատութե(ա)ն, եւ ՛ի մէջ ջրոյն որ ՛ի վերոյ հաստատութե(ա)ն։

Verse: 8  Link to sept   եւ կոչեաց ա(ստուա)ծ զհաստատու(թ)ի(ւն)ն երկին։ եւ ետես ա(ստուա)ծ զի բարի է։ եւ եղեւ երեկոյ, եւ եղեւ վաղորդայն, օ́ր երկրորդ։

Verse: 9  Link to sept   Եւ ասաց ա(ստուա)ծ. ժողովեսցի́ն ջուրքդ որ ՛ի ներքոյ երկնից ՛ի ժողով մի, եւ երեւեսցի ցամաքն։ եւ եղեւ այնպէս. եւ ժողովեցան ջուրքն, որ ՛ի ներքոյ երկնից ՛ի ժողովս իւրեանց. եւ երեւեցաւ ցամաքն։

Verse: 10  Link to sept   Եւ կոչեաց ա(ստուա)ծ զցամաքն երկիր. եւ ժողովս ջուրցն կոչեաց ծովս։ եւ ետես ա(ստուա)ծ զի բարի է։

Verse: 11  Link to sept   Եւ ասաց ա(ստուա)ծ. բղխեսցէ́ երկիր բանջար խոտոյ. սերմանել սերմն ըստ ազգի եւ ըստ նմանութե(ան). եւ ծառ պտղաբեր՝ առնել պտուղ ըստ ազգի իւրում. որոյ սերմն իւր ՛ի նմին ըստ ազգի ՛ի նմանութի(ւն) ՛ի վ(ե)ր(այ) երկրի։ եւ եղեւ այնպէս։

Verse: 12  Link to sept   Եւ եհան երկիր բանջար խոտոյ, սերմանել սերմն որ է ՛ի վ(ե)ր(այ) ա(մենայ)ն երկրի. եւ փայտ պտղաբեր առնել պտուղ՝ որոյ սերմն իւր ՛ի նմին ըստ ազգի ՛ի վերայ երկրի։ եւ ետես ա(ստուա)ծ զի բարի է։

Verse: 13  Link to sept   եւ եղեւ երեկոյ, եւ եղեւ վաղորդայն, օ́ր երրորդ։

Verse: 14  Link to sept   Եւ ասաց ա(ստուա)ծ՝ եղիցին լուսաւորք ՛ի հաստատութե(ան) երկնից, ՛ի լուսաւորու(թ)ի(ւն) ՛ի վ(ե)ր(այ) երկրի. եւ մեկնել ՛ի մէջ տուընջեան եւ ՛ի մէջ գիշերոյ. եւ եղիցին ՛ի նշանս, եւ ՛ի ժամանակս, եւ յաւուրս, եւ ՛ի տարիս։

Verse: 15  Link to sept   եւ եղիցին ՛ի լուսաւորութի(ւն) ՛ի հաստատութե(ան) երկնից ծագել յերկիր. եւ եղեւ ա́յնպէս։

Verse: 16  Link to sept   Եւ արար ա(ստուա)ծ զերկուս լուսաւորսն զմեծամեծս. զլուսաւորն մեծ յիշխանութի(ւն) տուընջեան, եւ զլուսաւորն փոքր յիշխանութի(ւն) գիշերոյ. եւ զաստեղս։

Verse: 17  Link to sept   եւ ե́դ զնոսա ա(ստուա)ծ ՛ի հաստատութե(ան) երկնից լուսատո́ւ լինել յերկիր։

Verse: 18  Link to sept   եւ իշխել տուընջեան եւ գիշերոյ, եւ մեկնել ՛ի մէջ լուսոյն եւ ՛ի մէջ խաւարին։ եւ ետես ա(ստուա)ծ զի բարի է։

Verse: 19  Link to sept   եւ եղեւ երեկոյ, եւ եղեւ վաղորդայն, օ́ր չորրորդ։

Verse: 20  Link to sept   Եւ ասա́ց ա(ստուա)ծ. հանցե́ն ջուրք զեռունս շնչոց կենդանեաց, եւ թռչունս թեւաւո́րս ՛ի վ(ե)ր(այ) երկրի ըստ հաստատութե(ան) երկնից։ եւ եղեւ այնպէս։

Verse: 21  Link to sept   Եւ արա́ր ա(ստուա)ծ կէտս մեծամեծս, եւ զա(մենայ)ն շունչ զեռնոց կենդանեաց, զոր հանին ջուրք ըստ ազգի իւրեանց. եւ զա(մենայ)ն թռչունս թեւաւորս ըստ ազգի։ եւ ետես ա(ստուա)ծ զի բարի́ են։

Verse: 22  Link to sept   Եւ օրհնեաց զնոսա ա(ստուա)ծ եւ ասէ. աճեցէ́ք եւ բազմացարուք, եւ լցէ́ք զջուրսդ որ ՛ի ծովս. եւ թռչունքդ բազմասցի́ն ՛ի վ(ե)ր(այ) երկրի։

Verse: 23  Link to sept   եւ եղեւ երեկոյ, եւ եղեւ վաղորդայն, օր հինգերորդ։

Verse: 24  Link to sept   Եւ ասաց ա(ստուա)ծ. հանցէ́ երկիր շունչ կենդանի ըստ ազգի չորքոտանի, եւ սաղունս, եւ գազանս երկրի ըստ ազգի։ եւ եղեւ այնպէս։

Verse: 25  Link to sept   Եւ արա́ր ա(ստուա)ծ զգազանս երկրի ըստ ազգի, եւ զանասունս ըստ ազգի, եւ զա(մենայ)ն սողունս երկրի ըստ ազգի իւրեանց· եւ ետես ա(ստուա)ծ զի բարի́ են։

Verse: 26  Link to sept   Եւ ասաց ա(ստուա)ծ. արասցո́ւք մարդ ըստ պատկերի մերում եւ ըստ նմանութե(ան), եւ իշխեսցեն ձկա́նց ծովու. եւ թռչնոց երկնից, եւ անասնոց, եւ ամենայն երկրի, եւ ամենայն սողնոց որ սողին ՛ի վերայ երկրի։

Verse: 27  Link to sept   Եւ արար ա(ստուա)ծ զմարդն ՛ի պատկեր իւր. ըստ պատկերի ա(ստուծո)յ արար զնա. արու եւ էդ արար զն(ո)ս(ա)։

Verse: 28  Link to sept   Եւ օրհնեաց զն(ո)ս(ա) ա(ստուա)ծ՝ եւ ասէ. աճեցէ́ք եւ բազմացարո́ւք՝ եւ լցէ́ք զերկիր. եւ տիրեցէ́ք դմա. եւ իշխեցէ́ք ձկանց ծովու, եւ թռչնոց երկնից, եւ ա(մենայ)ն անասնոց. եւ ա(մենայ)ն երկրի, եւ ա(մենայ)ն սողնոց որ սողին ՛ի վ(ե)ր(այ) երկրի։

Verse: 29  Link to sept   Եւ ասաց ա(ստուա)ծ. ահաւադիկ ետո́ւ ձեզ զա(մենայ)ն խոտ սերմանելի՝ սրմանել սերմն ըստ ազգի եւ ըստ նմանութե(ան), որ է ՛ի վերայ ա(մենայ)ն երկրի. եւ ա(մենայ)ն փայտ որ ունիցի յինքեան պտուղ սերման սերմանելոյ, ձե́զ լիցի ՛ի կերակուր։

Verse: 30  Link to sept   եւ ա(մենայ)ն գազանաց երկրի. եւ ա(մենայ)ն թռչնոց երկնից. եւ ա(մենայ)ն սողնոց որ սողին ՛ի վ(ե)ր(այ) երկրի՝ որ ունիցի շունչ կենդանի. եւ ա(մենայ)ն խոտ դալա́ր ՛ի կերակուր։ եւ եղեւ ա́յնպէս։

Verse: 31  Link to sept   Եւ ետես ա(ստուա)ծ զա(մենայ)ն զոր արար, եւ ահա բարի́ են յոյժ։ եւ եղեւ երեկոյ, եւ եղեւ վաղորդայն, օր վեցերորդ։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ կատարեցան երկինք եւ երկիր եւ ա(մենայ)ն զարդ ն(ո)ց(ա)։

Verse: 2  Link to sept   եւ կատարեաց ա(ստուա)ծ յաւուրն վեցերորդի զա(մենայ)ն զգործս իւր՝ զոր արար։ Եւ հանգեա́ւ յաւուրն եւթներորդի յա(մենայ)ն գործոց իւրոց՝ զոր արար։

Verse: 3  Link to sept   եւ օրհնեաց ա(ստուա)ծ զօրն եւթներորդ, եւ սրբեաց զնա. զի ՛ի նմա́ հանգեաւ յա(մենայ)ն գործոց իւրոց՝ զոր սկսաւ առնել ա(ստուա)ծ։

Verse: 4  Link to sept   Ա́յս է գիր արարածոց երկնի եւ երկրի, յաւուր յորում արա́ր ա(ստուա)ծ զերկինս եւ զերկիր։

Verse: 5  Link to sept   եւ զա(մենայ)ն բանջար վայրի՝ մինչչե́ւ լեալէր ՛ի վ(ե)ր(այ) երկրի, եւ զա(մենայ)ն խոտ վայրի մինչչե́ւ բուսեալէր, զի չե́ւեւս էր տեղացեալ* տ(եառ)ն ա(ստուծո)յ ՛ի վ(ե)ր(այ) երկրի. եւ մարդ չէ́ր՝ որ գործէր զերկիր։

Verse: 6  Link to sept   Բայց աղբիւր ելանէր յերկրէ՝ եւ ոռոգանէր զա(մենայ)ն երեսս երկրի։

Verse: 7  Link to sept   Եւ ստեղծ * տ(է)ր ա(ստուա)ծ զմարդն հող յերկրէ. եւ փչեաց յերեսս ն(ո)ր(ա) շո́ւնչ կենդանի, եւ եղեւ մարդն յոգի կենդանի։

Verse: 8  Link to sept   Եւ տնկեաց ա(ստուա)ծ զդրախտն յեդեմ ընդ արեւելս, եւ եդ անդ զմարդն զոր ստեղծ։

Verse: 9  Link to sept   Եւ բուսոյց եւս տ(է)ր ա(ստուա)ծ յերկրէ զա(մենայ)ն ծառ գեղեցիկ ՛ի տեսանել, եւ քաղցր ՛ի կերակուր. եւ զծառն կենաց ՛ի մէջ դրախտին, եւ զծառն գիտելոյ զգիտութի(ւն) բարւոյ եւ չարի։

Verse: 10  Link to sept   Եւ գե́տ ելանէր յեդեմայ ոռոգանել զդրախտն. եւ անտի բաժանի ՛ի չո́րս առաջս։

Verse: 11  Link to sept   Անուն միումն փիսովն. նա́ է որ պատէ զա(մենայ)ն երկիրն եւ իլատայ, ա́նդ ուր ոսկին է.

Verse: 12  Link to sept   եւ ոսկի երկրին այնորիկ ազնիւ. եւ անդ է սուտակն եւ ակն գահանակ։

Verse: 13  Link to sept   Եւ անուն գետոյն երկրորդի գեհովն. նա́ պատէ զա(մենայ)ն երկիրն եթովպացւոց։

Verse: 14  Link to sept   Եւ գետն երրորդ՝ տիգրիս, նա́ է որ երթայ յանդիման ասորեստանի։ Եւ գետն չորրորդ եփրատէս։

Verse: 15  Link to sept   Եւ ա́ռ տ(է)ր ա(ստուա)ծ զմարդն զոր արար, եւ եդ զնա ՛ի դրախտին փափկու(թ)ե(ան) գործե́լ զնա եւ պահել։

Verse: 16  Link to sept   Եւ պատուիրեաց տ(է)ր ա(ստուա)ծ ադամայ՝ եւ ասէ։ յամ ծառոց որ է ՛ի դրախտիդ՝ ուտելով կերիցե́ս։

Verse: 17  Link to sept   բայց ՛ի ծառոյն գիտութե(ան) բարւոյ եւ չարի՝ մի́ ուտիցէք, զի յորում աւուր ուտիցէք ՛ի նմանէ՝ մահո́ւ մեռանիցիք։

Verse: 18  Link to sept   Եւ ասաց տ(է)ր ա(ստուա)ծ. ո́չ է բարւոք մարդոյդ միայն լինել, արասցուք դմա օգնակա́ն ըստ դմա։

Verse: 19  Link to sept   Եւ ստե́ղծ եւս տ(է)ր ա(ստուա)ծ զա(մենայ)ն գազանս վայրի, եւ զա(մենայ)ն թռչունս երկնից. եւ ա́ծ զնոսա առ ադամ տեսանել զինչ կոչեսցէ զն(ո)ս(ա)։ եւ ա(մենայ)ն շնչոյ կենդանւոյ զինչ եւ անուանեաց ադամ, ա́յն անուն է ն(ո)ր(ա)։

Verse: 20  Link to sept   Եւ կոչեաց ադամ անուանս ա(մենայ)ն անասնոց, եւ ա(մենայ)ն թռչնո́ց երկնից, եւ ա(մենայ)ն գազանա́ց վայրի. բայց ադամայ ո́չ գտաւ օգնական նման նմա։

Verse: 21  Link to sept   Եւ արկ տ(է)ր ա(ստուա)ծ թմբրու(թ)ի(ւն) ՛ի վ(ե)ր(այ) ադամայ, եւ ննջեաց. եւ ա́ռ մի ՛ի կողից ն(ո)ր(ա)՝ եւ ելից ընդ այնր մարմին։

Verse: 22  Link to sept   եւ շինեաց տ(է)ր ա(ստուա)ծ զկողն զոր ա́ռ յադամայ ՛ի կին, եւ ած զնա առ ադամ։

Verse: 23  Link to sept   Եւ ասէ ադամ. ա՞յս ա́յժմիկ ոսկր յոսկերաց իմոց, եւ մարմին ՛ի մարմնոյ իմոյ. սա՝ կոչեսցի կին, զի յառնէ́ իւրմէ առաւ։

Verse: 24  Link to sept   Վ(ա)ս(ն) այնորիկ թողցէ այր զհայր իւր՝ եւ զմայր իւր, եւ երթիցէ́ զհետ կնոջ իւրոյ։

Verse: 25  Link to sept   եւ եղիցին երկուքն ՛ի մարմին մի։ Եւ էին երկոքեան մերկ՝ ադա́մ եւ կին իւր, եւ ո́չ ամաչէին։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ օ́ձն էր իմաստնագոյն քան զա(մենայ)ն գազանս որ ՛ի վ(ե)ր(այ) երկրի զոր արա́ր տ(է)ր ա(ստուա)ծ։ եւ ասէ օձն ցկինն. զի՞ է զի ասաց ա(ստուա)ծ թէ յա(մենայ)ն ծառոց որ իցեն ՛ի ներքս ՛ի դրախտի այդր՝ մի́ ուտիցէք։

Verse: 2  Link to sept   Եւ ասէ կինն ցօձն. ՛ի պտղոյ ծառոց դրախտիդ կերիցո́ւք։

Verse: 3  Link to sept   բայց ՛ի պտղոյ ծառոյն, որ է ՛ի մէջ դրախտին, ասաց ա(ստուա)ծ՝ մի́ ուտիցէք ՛ի նմանէ, եւ մի́ հուպ լինիցիք՝ զի մի́ մեռանիցիք։

Verse: 4  Link to sept   Եւ ասէ օձն ցկինն. ո́չ եթէ մահու մեռանիցիք։

Verse: 5  Link to sept   զի գիտէ́ր ա(ստուա)ծ թէ յորում աւուր ուտիցէք ՛ի նմանէ, բանայցեն աչք ձեր, եւ լինիցիք իբրեւ զաստուածս, ճանաչել զբարի́ եւ զչար։

Verse: 6  Link to sept   Եւ ետես կինն՝ զի բարի́ էր ծառն ՛ի կերակուր, եւ հաճո́յ աչաց հայելոյ, եւ գեղեցի́կ ՛ի տեսանել։ եւ ա́ռ ՛ի պտղոյ ն(ո)ր(ա), եկեր. եւ ետ առն իւրում ընդ իւր, եւ կերան։

Verse: 7  Link to sept   եւ բացան ա́չք երկոցունց, եւ գիտացին զի մերկ էին. եւ կարեցին տերեւս թզենւոյ, եւ արարին իւրեանց սփածանելիս։

Verse: 8  Link to sept   Եւ լուան զձայն զգնալոյ տ(եառ)ն ա(ստուծո)յ ՛ի դրախտի անդ՝ ընդ երեկս, եւ թաքեա́ն ադամ եւ կին իւր յերեսաց տ(եառ)ն ա(ստուծո)յ՝ ՛ի մէջ ծառոց դրախտին։

Verse: 9  Link to sept   Եւ կոչեաց տ(է)ր ա(ստուա)ծ զադամ, եւ ասէ ցնա. ո՞ւր ես։

Verse: 10  Link to sept   եւ ասէ. լուա́յ զձայն քո ՛ի դրախտի աստ՝ եւ երկեայ. քանզի մե́րկ էի՝ եւ թաքեայ։

Verse: 11  Link to sept   Եւ ասէ ցնա. ո՞ պատմեաց քեզ թէ մերկ ես. բայց եթէ ՛ի ծառոյն յորմէ պատուիրեցի քեզ՝ անտի եւ եթ չուտել, կերա՞ր արդեւք ՛ի նմանէ։

Verse: 12  Link to sept   Եւ ասէ ադամ. կինս զոր ետուր ընդ իս՝ սա́ ետ ինձ ՛ի ծառոյ անտի եւ կերայ։

Verse: 13  Link to sept   Եւ ասէ տ(է)ր ա(ստուա)ծ ցկինն. * զի՞նչ գործեցեր զայդ։ եւ ասէ կինն. օձն խաբեաց զիս, եւ կերայ։

Verse: 14  Link to sept   Եւ ասէ տ(է)ր ա(ստուա)ծ ցօձն. փոխանակ զի արարեր դու զայն, անիծեալ լիջիր դու յամենայն անասնոց եւ յա(մենայ)ն գազանաց երկրի. ՛ի վերայ լանջաց եւ որովայնի քոյ գնասցես, եւ հո́ղ կերիցես զա(մենայ)ն աւուրս կենաց քոց։

Verse: 15  Link to sept   եւ եդից թշնամութի(ւն) ՛ի մէջ քո եւ ՛ի մէջ կնոջդ, եւ ՛ի մէջ զաւակի քոյ եւ ՛ի մէջ զաւակի դորա. նա սպասեսցէ քո́ւմ գլխոյ, եւ դու սպասեսցես նորա́ գարշապարի։

Verse: 16  Link to sept   Եւ ցկինն ասէ. բազմացուցանելո́վ բազմացուցից զտրտմութի(ւն)ս քո եւ զհեծութի(ւն)ս քո. տրտմութ(եամ)բ ծնցես որդիս. եւ առ այր քո դարձ քո, եւ նա́ տիրեսցէ քեզ։

Verse: 17  Link to sept   Եւ ցադամ ասէ. փոխանակ զի լուար ձայնի կնոջդ քոյ, եւ կերար ՛ի ծառոյ անտի, յորմէ պատուիրեցի քեզ անտի միա́յն չուտել, եւ կերար ՛ի նմանէ, անիծեա́լ լիցի երկիր ՛ի գործս քո. տրտմութ(եամ)բ կերիցես զնա զա(մենայ)ն աւուրս կենաց քոց։

Verse: 18  Link to sept   փո́ւշ եւ տատասկ բուսուսցէ́ քեզ. եւ կերիցես զբանջար վայրի։

Verse: 19  Link to sept   քրտամբք երեսաց քոց կերիցես զհաց քո, մինչեւ դարձցիս յերկիր ուստի առար. զի հող էիր եւ ՛ի հո́ղ դարձցիս։

Verse: 20  Link to sept   Եւ կոչեաց ադամ զանուն կնոջ իւրոյ կեանս. զի նա́ է մայր ա(մենայ)ն կենդանեաց։

Verse: 21  Link to sept   Եւ արա́ր տ(է)ր ա(ստուա)ծ ադամայ եւ կնոջ ն(ո)ր(ա) հանդերձս մաշկեղէնս, եւ զգեցո́յց զն(ո)ս(ա).

Verse: 22  Link to sept   Եւ ասէ տ(է)ր ա(ստուա)ծ. ահա ադամ եղեւ իբրեւ զմի ՛ի մէնջ՝ գիտել զբարի եւ զչար։ եւ արդ գուցէ ձգիցէ զձեռն եւ առնուցու ՛ի ծառոյն կենաց, ուտիցէ եւ կեցցէ յաւիտեան։

Verse: 23  Link to sept   Եւ եհան արձակեաց զնա տ(է)ր ա(ստուա)ծ ՛ի դրախտէ անտի փափկութե(ան)՝ գործե́լ զերկիր ուստի առաւ։

Verse: 24  Link to sept   եւ եհան զադամ, եւ բնակեցո́յց յանդիման դրախտին փափկութե(ան). եւ հրամայեաց քերոբէից եւ բոցեղէն սրոյ շուրջանակաւ պահել զճանապարհս ծառոյն կենաց։



Chapter: 4 
ԳԼ(ՈՒԽ) Դ՜.


Verse: 1  Link to sept   Եմո́ւտ ադամ առ եւայ կին իւր, եւ յղացաւ եւ ծնաւ զկային. եւ ասէ. ստացա́յ մարդ ա(ստուծո)վ։

Verse: 2  Link to sept   Եւ յաւել ծնանել զեղբայր ն(ո)ր(ա) զհաբէլ։ եւ եղեւ հաբէլ հովիւ խաշանց, եւ կային գործէր զերկիր։

Verse: 3  Link to sept   Եւ եղեւ յետ աւուրց՝ եբեր կային ՛ի պտղոյ երկրի պատարա́գ ա(ստուծո)յ.

Verse: 4  Link to sept   ա́ծ եւ հաբէլ յանդրանկաց խաշանց իւրոց եւ ՛ի պարարտաց ն(ո)ց(ա)։ եւ հայեցաւ ա(ստուա)ծ յաբէլ եւ ՛ի պատարագս ն(ո)ր(ա)։

Verse: 5  Link to sept   եւ ՛ի կային եւ ՛ի զոհս ն(ո)ր(ա) ո́չ նայեցաւ։ եւ տրտմեցաւ կային յոյժ, եւ խոնարհեցան անկան երեսք իւր։

Verse: 6  Link to sept   Եւ ասէ տ(է)ր ա(ստուա)ծ ցկային. ընդէ՞ր տրտմեցար, կամ ընդէ՞ր խոնարհեցան անկան երեսք քո։

Verse: 7  Link to sept   ո́չ ապաքէն եթէ ուղի́ղ մատուցանես, եւ ուղիղ ո́չ բաժանես՝ մեղա́ր. լո́ւռ լեր, առ քե́զ լիցի դա́րձ ն(ո)ր(ա), եւ դո́ւ տիրեսցես նմա։

Verse: 8  Link to sept   Եւ ասէ կային ցհաբէլ եղբայր իւր, ե́կ երթիցուք ՛ի դաշտ։ եւ եղեւ իբրեւ չոգան ՛ի դաշտ անդր, յարեաւ կային ՛ի վերայ աբիլի եղբօր իւրոյ եւ սպա́ն զնա։

Verse: 9  Link to sept   Եւ ասէ տ(է)ր ա(ստուա)ծ ցկային. ո՞ւր է հաբէլ եղբայր քո. եւ նա ասէ՝ չգիտե́մ. միթէ պահապա՞ն իցեմ եղբօրն իմոյ։

Verse: 10  Link to sept   Եւ ասէ ա(ստուա)ծ. զի՞նչ գործեցեր զայդ. գոչումն արեան եղբօր քո բողոքէ́ առիս յերկրէ։

Verse: 11  Link to sept   եւ արդ՝ անիծեա́լ լիջիր դու ՛ի վ(ե)ր(այ) երկրի, որ եբաց զբերան իւր ընդունել զարիւն եղբօր քոյ ՛ի ձեռաց քոց։

Verse: 12  Link to sept   զի գործիցես զերկիր՝ եւ ոչ յաւելցէ տալ քեզ զզօրութի(ւն) իւր. երերեա́լ եւ տատանեալ եղիցես ՛ի վ(ե)ր(այ) երկրի։

Verse: 13  Link to sept   Եւ ասէ կային ցտ(է)ր ա(ստուա)ծ. մե́ծ է պարիժ իմ քան զթողուլդ զիս։

Verse: 14  Link to sept   եթէ հանէս զիս այսօր յերեսաց երկրէ, եւ յերեսաց քոց թաքեայց. եւ լինիցիմ երերեալ եւ տատանեալ յերկրի. եւ եղիցի ա(մենայ)ն որ գտանիցէ զիս՝ սպանցէ́ զիս։

Verse: 15  Link to sept   Եւ ասէ ցնա տ(է)ր ա(ստուա)ծ. ո́չ այդպէս։ ա(մենայ)ն որ սպանանէ զկային, եւթն վրէժս լուծցէ։ եւ եդ տ(է)ր ա(ստուա)ծ նշա́ն ՛ի կային՝ չսպանանել զնա ա(մենայ)նի որ գտանիցէ զնա։

Verse: 16  Link to sept   Եւ ե́լ կային յերեսաց ա(ստուծո)յ. եւ բնակեցաւ յերկրին նայիդ յանդիման եդեմայ։

Verse: 17  Link to sept   Եմո́ւտ կային առ կին իւր, եւ յղացաւ եւ ծնաւ զենոք։ եւ շինէր քաղաք, եւ դնէ́ր անուն քաղաքին յանուն որդւոյ իւրոյ ենոքայ։

Verse: 18  Link to sept   Եւ եղեւ որդի ենոքայ գայերիդադ։ եւ գայերիդադ ծնաւ զմայիէլ։ եւ մայիէլ ծնաւ զմաթուսաղա։ եւ մաթուսաղա ծնաւ զղամէք։

Verse: 19  Link to sept   Եւ ա́ռ իւր ղամէք երկուս կանայս. անուն միումն ադդա, եւ անուն երկրորդին սէլլա։

Verse: 20  Link to sept   Եւ ծնաւ ադդա զյովբէլ. նա́ է հայր այնոցիկ որ բնակեալեն ՛ի վրանս խաշնարածաց։

Verse: 21  Link to sept   եւ անուն եղբօր ն(ո)ր(ա) յովբաղ։ նա́ է հայր՝ որ եցոյց զերգս եւ զքնարս։

Verse: 22  Link to sept   Եւ սէլլա ծնաւ զթոբէլ, եւ էր ճարտարապետ դարբին՝ պղնձոյ եւ երկաթոյ. եւ քոյր թովբելայ նոյեմա։

Verse: 23  Link to sept   Եւ ասէ ղամէք ցկանայս իւր ցադդա եւ ցսէլլա. լուարո́ւք ձայնի իմում կանայք ղամեքայ, եւ ո́ւնկնդիք բանից իմոց. զի այր սպանի ՛ի վէ́րս ինձ, եւ երիտասարդ՝ ՛ի հարուածս ինձ։

Verse: 24  Link to sept   զի թէ եւթն անգամ վրէժք խնդրիցին ՛ի կայենէ. ապա եւ ՛ի ղամեքայ եւթանասնեկին եւթն։

Verse: 25  Link to sept   Եմո́ւտ ադամ առ եւայ կին իւր, եւ յղացաւ եւ ծնաւ որդի. եւ անուանեաց զանուն ն(ո)ր(ա) սէթ *. ասէ։ զի յարոյց ինձ ա(ստուա)ծ զաւակ ա́յլ փոխանակ հաբիլի զոր սպանն կային։

Verse: 26  Link to sept   Եւ սեթայ եղեւ որդի, եւ անուանեաց զանուն ն(ո)ր(ա) էնո́վս. նա յուսացաւ կոչել զանուն տ(եառ)ն ա(ստուծո)յ։



Chapter: 5 
ԳԼ(ՈՒԽ) Ե՜.


Verse: 1  Link to sept   Ա́յս է գիր արարածոց մարդկան. յաւուր յորում արար ա(ստուա)ծ զադամ. ըստ պատկերի́ ա(ստուծո)յ ստեղծ զնա.

Verse: 2  Link to sept   արու եւ է́գ արար զն(ո)ս(ա), եւ օրհնեաց զն(ո)ս(ա). եւ անուանեաց զանուն ն(ո)ց(ա) ադամ, յաւո́ւր յորում արար զն(ո)ս(ա)։

Verse: 3  Link to sept   Եկեա́ց ադամ ամս երկերի́ւր եւ երեսուն. եւ ծնաւ ըստ կերպարանաց իւրոց եւ ըստ պատկերի իւրում. եւ անուանեաց զանուն ն(ո)ր(ա) սէթ։

Verse: 4  Link to sept   Եւ եղեն աւուրք ադամայ յետ ծնանելոյ ն(ո)ր(ա) զսէթ՝ ամք եւթնհարեւր. եւ ծնաւ ուստերս եւ դստերս։

Verse: 5  Link to sept   Եւ եղեն ա(մենայ)ն աւուրք ադամայ զորս եկեաց, ամք ինն հարեւր եւ երեսուն, եւ մեռաւ։

Verse: 6  Link to sept   Եւ եկեաց սէթ ամս երկերի́ւր եւ հինգ, եւ ծնաւ զենովս։

Verse: 7  Link to sept   եւ եկեաց սէթ յետ ծնանելոյ ն(ո)ր(ա) զենովս՝ ամս եւթնհարեւր եւ եւթն. եւ ծնաւ ուստերս եւ դստերս։

Verse: 8  Link to sept   եւ եղեն ա(մենայ)ն աւուրք սէթայ, ամք ինն հարեւր եւ երկոտասան, եւ մեռաւ։

Verse: 9  Link to sept   Եւ եկեաց ենովս ամս հարեւր եւ իննըսուն, եւ ծնաւ զկայնայն։

Verse: 10  Link to sept   եւ եկեաց ենովս յետ ծնանելոյ նորա զկայնայն՝ ամս եւթնհարեւր եւ տասն եւ հինգ, եւ ծնաւ ուստերս եւ դստերս։

Verse: 11  Link to sept   եւ եղեն ա(մենայ)ն աւուրք ենովսայ՝ ամք ինն հարեւր եւ հինգ, եւ մեռաւ։

Verse: 12  Link to sept   Եւ եկեաց կայնայն ամս հարեւր եւ եւթանասուն, եւ ծնաւ զմաղաղայէլ։

Verse: 13  Link to sept   եւ եկեաց կայնայն յետ ծնանելոյ ն(ո)ր(ա) զմաղաղայէլ, ամս եւթնհարեւր եւ քառասուն, եւ ծնաւ ուստերս եւ դստերս։

Verse: 14  Link to sept   եւ եղեն ա(մենայ)ն աւուրք կայնայնայ՝ ամք ինն հարեւր եւ տասն, եւ մեռաւ։

Verse: 15  Link to sept   Եւ եկեաց մաղաղայէլ ամս հարեւր եւ վաթսո́ւն եւ հինգ, եւ ծնաւ զյարէդ։

Verse: 16  Link to sept   եւ եկեաց մաղաղայէլ յետ ծնանելոյ ն(ո)ր(ա) զյարէդ՝ ամս եւթնհարեւր եւ երեսուն. եւ ծնաւ ուստերս եւ դստերս։

Verse: 17  Link to sept   եւ եղեն ա(մենայ)ն աւուրք մաղաղայելի՝ ամք ութ հարեւր եւ իննսուն եւ հինգ, եւ մեռաւ։

Verse: 18  Link to sept   Եւ եկեաց յարէդ ամս հարեւր եւ վաթսուն եւ երկու, եւ ծնաւ զենոք։

Verse: 19  Link to sept   եւ եկեաց յարէդ յետ ծնանելոյ ն(ո)ր(ա) զենոք՝ ամս ութ հարեւր. եւ ծնաւ ուստերս եւ դստերս։

Verse: 20  Link to sept   եւ եղեն ա(մենայ)ն աւուրք յարեդի՝ ամք ինն հարեւր վաթսուն եւ երկուք, եւ մեռաւ։

Verse: 21  Link to sept   Եւ եկեաց ենոք ամս հարեւր վաթսուն եւ հինգ, եւ ծնաւ զմաթուսաղա։

Verse: 22  Link to sept   Եւ հաճո́յ եղեւ ենոք ա(ստուծո)յ յետ ծնանելոյ նորա զմաթուսաղա՝ ամս երկերիւր։ եւ ծնաւ ուստերս եւ դստերս։

Verse: 23  Link to sept   եւ եղեն ա(մենայ)ն աւուրք ենոքայ՝ ամք երեք հարեւր եւ վաթսուն եւ հինգ։

Verse: 24  Link to sept   եւ հաճո́յ եղեւ ենոք ա(ստուծո)յ.

Verse: 25  Link to sept   եւ ո́չ ուրեք գտանէր, զի փախեա́ց զնա ա(ստուա)ծ։

Verse: 26  Link to sept   Եւ եկեաց մաթուսաղա ամս հարիւր ութսուն եւ եւթն, եւ ծնաւ զղամէք։

Verse: 27  Link to sept   եւ եկեաց մաթուսաղա յետ ծնանելոյ ն(ո)ր(ա) զղամէք՝ ամս եւթնհարեւր ութսուն եւ երկու. եւ ծնաւ ուստերս եւ դստերս։

Verse: 28  Link to sept   եւ եղեն ա(մենայ)ն աւուրք մաթուսաղայի զորս եկեաց, ամք իննհարեւր վաթսուն եւ ինն, եւ մեռաւ։

Verse: 29  Link to sept   Եւ եկեաց ղամէք ամս հարեւր ութսուն եւ ութ. եւ ծնաւ որդի. եւ անուանեաց զանուն ն(ո)ր(ա) նո́յ. ասէ՝ սա́ հանգուսցէ զմեզ ՛ի գործոց մերոց եւ ՛ի տրտմութե(ան)ց ձեռաց մերոց, եւ յերկրէ զոր անէծ տ(է)ր ա(ստուա)ծ։

Verse: 30  Link to sept   եւ եկեաց ղամէք յետ ծնանելոյ նորա զնոյ՝ ամս հինգհարեւր եւ վաթսուն եւ հինգ, եւ ծնաւ ուստերս եւ դստերս։

Verse: 31  Link to sept   եւ եղեն ա(մենայ)ն աւուրք ղամեքայ՝ ամք եւթն հարիւր յիսուն եւ երեք, եւ մեռաւ։

Verse: 32  Link to sept   Եւ էր նոյ ամաց հինգ հարիւրից, եւ ծնաւ նոյ երիս որդիս. զսէմ, զքամ, եւ զյաբէթ։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ եղեւ իբրեւ սկսաւ մարդիկն բազմանալ ՛ի վերայ երկրի. եւ դստերք ծնան ն(ո)ց(ա)։

Verse: 2  Link to sept   տեսեալ որդւոցն ա(ստուծո)յ զդստերսն մարդկան զի գեղեցի́կ էին, առին իւրեանց կանայս յամենեցունց զոր ընտրեցին։

Verse: 3  Link to sept   Եւ ասէ տ(է)ր ա(ստուա)ծ. մի́ մնասցէ որդի իմ ՛ի մարդկա́նդ յայդմիկ յաւիտեան. վ(ա)ս(ն) լինելոյ դոցա մարմին։ եւ եղիցին աւո́ւրք դոցա ամք հարիւր քսան։

Verse: 4  Link to sept   Եւ սկա́յք էին ՛ի վերայ երկրի յաւո́ւրսն յայնոսիկ։ եւ այնորիկ իբրեւ մտանէին որդիքն ա(ստուծո)յ առ դստերսն մարդկան, եւ ծնա́ն իւրեանց որդիս. նոքա էին սկայքն որ յաւիտենից ա́րք անուանիք։

Verse: 5  Link to sept   Եւ իբրեւ ետես տ(է)ր ա(ստուա)ծ եթէ բազմացան չարիք մարդկան ՛ի վ(ե)ր(այ) երկրի. եւ ա(մենայ)ն ոք խորհէր ՛ի սրտի իւրում խնամով ՛ի չարիս զա(մենայ)ն աւուրս։

Verse: 6  Link to sept   Եւ ստրջացա́ւ ա(ստուա)ծ զի արար զմարդն ՛ի վ(ե)ր(այ) երկրի. եւ մտախո́հ եղեւ ՛ի սրտի իւրում։

Verse: 7  Link to sept   եւ ասէ տ(է)ր ա(ստուա)ծ. ջնջեցի́ց զա(մենայ)ն մարմին զոր արարի յերեսաց երկրի, ՛ի մարդոյ մինչեւ յանասուն. եւ ՛ի սողնոց մինչեւ ՛ի թռչունս երկնից. զի բարկացա́յ զի արարի զն(ո)ս(ա)։

Verse: 8  Link to sept   Բայց նոյ եգիտ շնորհս առաջի տ(եառ)ն ա(ստուծո)յ։

Verse: 9  Link to sept   Եւ ա́յս են ծնունդք նոյ։ նոյ՝ ա́յր արդար կատարեալ էր յազգի անդ իւրում. եւ հաճո́յ եղեւ նոյի ա(ստուծո)յ։

Verse: 10  Link to sept   եւ ծնաւ նոյ երիս որդիս. զսէմ, զքամ, զյաբէթ։

Verse: 11  Link to sept   Եւ ապականեցա́ւ երկիր առաջի ա(ստուծո)յ, եւ լցա́ւ երկիր անիրաւութ(եամ)բք։

Verse: 12  Link to sept   եւ ետես տ(է)ր ա(ստուա)ծ զերկիր, եւ էր ապականեալ. զի ապականեա́ց ա(մենայ)ն մարմին զճանապարհս իւր ՛ի վ(ե)ր(այ) երկրի։

Verse: 13  Link to sept   Եւ ասէ տ(է)ր ա(ստուա)ծ ցնոյ. ժամանակ ա(մենայ)ն մարդոյ հասեա́լ է առաջի իմ. զի լցա́ւ երկիր անիրաւու(թեամ)բք ՛ի նոցանէ. եւ ահա ես ապականեցի́ց զն(ո)ս(ա)՝ եւ զերկիր։

Verse: 14  Link to sept   Արդ՝ արա́ դու քեզ տապան ՛ի չորեքկուսի փայտից, խո́րշս խորշս գործեսցես զտապանն. եւ նաւթի́ւ ծեփեսցես զնա ներքոյ եւ արտաքոյ։

Verse: 15  Link to sept   Եւ այսպէս արասցես զտապանն։ յերեքհարեւր կանգնոյ զերկայնութի(ւն) տապանին, եւ ՛ի յիսուն կանգնոյ զլայնութի(ւն)ն, եւ յերեսուն կանգնոյ զբարձրութի(ւն)ն։

Verse: 16  Link to sept   քաղելո́վ գործեսցես զտապանն, եւ ՛ի մի́ կանգուն կատարեսցես զնա ՛ի վերուստ. եւ զդուրս տապանին ՛ի կողմանէ́ արասցես։ ներքնատունս, եւ միջնատո́ւնս. եւ վերնատո́ւնս գործեսցես ՛ի նմա։

Verse: 17  Link to sept   Եւ ահա ես ածից ջրհեղեղ ջրոյ ՛ի վ(ե)ր(այ) երկրի, ապականե́լ զա(մենայ)ն մարմին յորում է շունչ կենդանի ՛ի ներքոյ երկնից. եւ ինչ որ իցէ ՛ի վ(ե)ր(այ) երկրի՝ սատակեսցի։

Verse: 18  Link to sept   Եւ եդից զուխտ իմ ընդ քեզ. եւ մտցես ՛ի տապանն. դո́ւ եւ որդիք քո, եւ կին քո, եւ կանայք որդւոց քոց ընդ քեզ։

Verse: 19  Link to sept   եւ յա(մենայ)ն անասնոց եւ յա(մենայ)ն գազանաց եւ յա(մենայ)ն մարմնոյ. երկու երկու յա(մենայ)նէ մուծցես ՛ի տապանն բուծանել ընդ քեզ. արու եւ է́գ լինիցին։

Verse: 20  Link to sept   Յա(մենայ)ն հաւուց թռչնոց ըստ ազգի, եւ յա(մենայ)ն անասնոց ը(ս)տ ազգի. եւ յա(մենայ)ն սողնոց երկրի ը(ս)տ ազգի իւրեանց. երկո́ւ երկու յա(մենայ)նէ մտանիցեն առ քեզ կերակրել ընդ քեզ արո́ւ եւ էգ։

Verse: 21  Link to sept   Եւ դու առնուցուս քեզ յա(մենայ)ն կերակրոց զոր ուտիցէք, եւ ժողովեսցես դու առ քեզ. եւ եղիցի քե́զ եւ ն(ո)ց(ա) կերակուր։

Verse: 22  Link to sept   Եւ արար նոյ զա(մենայ)ն զոր պատուիրեաց նմա տ(է)ր ա(ստուա)ծ. նո́յնպէս եւ արար։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ ասէ տ(է)ր ա(ստուա)ծ ցնոյ մո́ւտ դու եւ ա(մենայ)ն տուն քո ՛ի տապանդ. զի զքե́զ տեսի արդար առաջի իմ յազգիդ յայդմիկ*։

Verse: 2  Link to sept   եւ յա(մենայ)ն անասնոց սրբոց մո́յծ ընդ քեզ եւթն եւթն արո́ւ եւ էգ, եւ յա(մենայ)ն անասնոց որ ո́չ են ս(ուր)բ, երկո́ւս երկուս արու եւ էգ։

Verse: 3  Link to sept   եւ ՛ի թռչնոց երկնից սրբոց՝ եւթն եւթն արու եւ էգ. եւ ՛ի թռչնոց որ ո́չ ս(ուր)բ են՝ երկու երկու արու եւ էգ, բուծանել զաւակ ՛ի վ(ե)ր(այ) ա(մենայ)ն երկրի։

Verse: 4  Link to sept   Եւ ա́յլեւս եւթն օր, եւ ածից ես անձրեւ ՛ի վ(ե)ր(այ) երկրի զքառասուն տիւ եւ զքառասուն գիշեր, եւ ջնջեցի́ց զա(մենայ)ն հասակ զոր արարի յերեսա́ց երկրի։

Verse: 5  Link to sept   Եւ արա́ր նոյ զա(մենայ)ն, զոր միանգամ պատուիրեաց նմա տ(է)ր ա(ստուա)ծ։

Verse: 6  Link to sept   Նո́յ էր ամաց վեց հարիւրոց, եւ ջրհեղեղ ջուրցն եղեւ ՛ի վ(ե)ր(այ) երկրի։

Verse: 7  Link to sept   եւ եմուտ նոյ եւ որդիք իւր, եւ կին ն(ո)ր(ա), եւ կանայք որդւոց ն(ո)ր(ա) ընդ նմա ՛ի տապանն վ(ա)ս(ն) ջո́ւրցն հեղեղի։

Verse: 8  Link to sept   Եւ ՛ի թռչնոց սրբոց, եւ ՛ի թռչնոց որ ոչ ս(ուր)բ էին. եւ յա(մենայ)ն սողնոց որ սողին ՛ի վ(ե)ր(այ) երկրի,

Verse: 9  Link to sept   երկու երկու մտին առ նոյ ՛ի տապան անդր՝ արու եւ էգ, ո(ր)պ(էս) պատուիրեաց նմա տ(է)ր ա(ստուա)ծ։

Verse: 10  Link to sept   Եւ եղեւ յետ եւթն աւուր, եւ ջուր ջրհեղեղին եղեւ ՛ի վ(ե)ր(այ) երկրի։

Verse: 11  Link to sept   Յամին վեցհարիւրորդի կենացն նոյ. յեւթներորդում ամսեանն ՛ի քսան եւ եւթն ամսոյն։ եւ պատառեցան ա(մենայ)ն աղբիւրք անդնդոց* բազմաց. եւ սահանք երկնից բացան։

Verse: 12  Link to sept   եւ եղեւ անձրեւ ՛ի վ(ե)ր(այ) երկրի զքառասուն տիւ, եւ զքառասուն գիշեր։

Verse: 13  Link to sept   Յաւուր յայնմիկ եմուտ նոյ. սէմ, քամ, յաբէթ. որդիք նոյ, եւ կին նոյի, եւ երեք կանայք որդւոց ն(ո)ր(ա) ընդ նմա ՛ի տապան անդր։

Verse: 14  Link to sept   նոքա եւ ա(մենայ)ն գազանք ըստ ազգի, եւ ա(մենայ)ն անասուն ըստ ազգի իւրեանց, եւ ա(մենայ)ն սողուն շարժուն ՛ի վ(ե)ր(այ) երկրի ըստ ազգի իւրեանց։ եւ ա(մենայ)ն հաւ թռչուն ըստ ազգի իւրում,

Verse: 15  Link to sept   մտին առ նոյ ՛ի տապան անդր երկու երկու յա(մենայ)ն մարմնոյ յորում է շունչ կենդանի։

Verse: 16  Link to sept   եւ որ մտանէինն՝ արու եւ էգ յա(մենայ)ն մարմնոյ մտանէին, ո(ր)պ(էս) պատուիրեա́ց ա(ստուա)ծ նոյի։

Verse: 17  Link to sept   Եւ փակեա́ց տ(է)ր ա(ստուա)ծ արտաքոյ ն(ո)ր(ա) զտապանն։ եւ եղեւ ջրհեղեղ զքառասուն տիւ եւ զքառասուն գիշեր ՛ի վ(ե)ր(այ) երկրի։ եւ բազմացա́ւ ջուրն եւ վերացոյց զտապանն. եւ բարձրացաւ յերկրէ։

Verse: 18  Link to sept   եւ զօրանայր ջուրն եւ բազմանայր յոյժ ՛ի վ(ե)ր(այ) երկրի։ եւ շրջէր տապանն ՛ի վ(ե)ր(այ) ջրոց։

Verse: 19  Link to sept   Եւ սաստկանայր ջուրն յոյժ յո́յժ ՛ի վ(ե)ր(այ) երկրի եւ ծածկէր զա(մենայ)ն լերինս բարձունս որ էին ՛ի ներքոյ երկնից։

Verse: 20  Link to sept   հնգետասան կանգուն բարձրացաւ ջուրն ՛ի վեր։ եւ ծածկեաց զա(մենայ)ն լերինս։

Verse: 21  Link to sept   Եւ մեռա́ւ ա(մենայ)ն մարմին շարժուն ՛ի վ(ե)ր(այ) երկրի, թռչնոց եւ անասնոց եւ գազանաց. եւ ա(մենայ)ն սողուն զեռուն ՛ի վ(ե)ր(այ) երկրի, եւ ա(մենայ)ն մարդ։

Verse: 22  Link to sept   եւ ա(մենայ)ն որ ունէր շունչ կենդանի յըռնգունս իւր. եւ ա(մենայ)ն որ ինչ էր ՛ի վ(ե)ր(այ) ցամաքի մեռա́ւ։

Verse: 23  Link to sept   Եւ ջնջեա́ց զա(մենայ)ն հասակ որ էր ՛ի վ(ե)ր(այ) երեսաց երկրի, ՛ի մարդոյ մինչեւ յանասուն. ՛ի սողնոց մինչեւ ՛ի թռչունս երկնից. եւ ջնջեցան յերկրէ։ եւ մնաց միայն նո́յ եւ որ ընդ նմա էին ՛ի տապանի անդ։

Verse: 24  Link to sept   Եւ բարձրացա́ւ ջուրն ՛ի վերայ երկրի աւուրս հարիւր եւ յիսուն։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ յիշեաց ա(ստուա)ծ զնոյ եւ զա(մենայ)ն գազանս, եւ զա(մենայ)ն անասունս, եւ զա(մենայ)ն թռչունս որ էին ընդ նմա ՛ի տապանի անդ. եւ ած ա(ստուա)ծ հողմ ՛ի վ(ե)ր(այ) երկրի, եւ դադարեաց ջուրն։

Verse: 2  Link to sept   եւ խցան աղբիւրք անդընդոց, եւ սահանք երկնից. եւ արգելա́ւ անձրեւ յերկնից։

Verse: 3  Link to sept   եւ զիջանէր տակաւ, երթայր ջուրն եւ թուլանա́յր յերկրէ եւ նուազէր ջուրն յետ հարիւր եւ յիսուն սւուր։

Verse: 4  Link to sept   Եւ նստա́ւ տապանն յեւթներորդում ամսեանն ՛ի քսանեւեւթն ամսոյն ՛ի լերինս արարատայ։

Verse: 5  Link to sept   եւ ջուրն երթայր եւ նուազէր մինչեւ ՛ի տասներորդ ամիսն։ իսկ յամսեանն մետասաներորդի, որ օր առաջին էր ամսոյն՝ երեւեցա́ն գլուխք լերանց։

Verse: 6  Link to sept   Եւ եղեւ յետ քառասուն աւուր եբա́ց նոյ զպատուհան տապանին զոր արար։

Verse: 7  Link to sept   եւ արձակեաց զագռաւն, եւ ել. եւ անդրէն ո́չ դարձաւ մինչեւ ցամաքել ջրոյն յերկրէ։

Verse: 8  Link to sept   Եւ արձակեաց զաղաւնին զհետ ն(ո)ր(ա) տեսանել թէ ցածուցեա՞լ իցէ ջուրն յերեսաց երկրի։

Verse: 9  Link to sept   եւ չգտեալ աղաւնոյն հանգիստ ոտից իւրոց՝ դարձա́ւ անդրէն առ նա ՛ի տապան անդր. զի ջո́ւր դեռ ունէր զա(մենայ)ն երեսս երկրի։ եւ ձգեաց զձեռն եւ ընկալաւ զնա, եւ առ զնա անդրէն առ ի́ւր ՛ի տապան անդր։

Verse: 10  Link to sept   Եւ դադարեաց եւս աւուրս եւթն, եւ դարձաւ արձակեաց զաղաւնին ՛ի տապանէ անտի։

Verse: 11  Link to sept   եւ դարձաւ առ նա աղաւնին ընդ երեկս, եւ ունէր տերեւ ձիթենւոյ շի́ղ ՛ի բերան իւրում. եւ գիտա́ց նոյ, թէ ցածուցեալ են ջուրքն յերկրէ։

Verse: 12  Link to sept   Եւ դադարեաց աւուրս եւթն եւս, եւ դարձեալ արձակեա́ց զաղաւնին։ եւ ո́չ եւս յաւելաւ դառնալ առ նա։

Verse: 13  Link to sept   Եւ եղեւ ՛ի վեցհարիւրորդի եւ ՛ի մի́ում ամի կենաց նոյի, յամսեանն առաջնում որ օր մի էր ամսոյն, նուազեա́ց ջուրն յերեսաց երկրի։ Եւ եբա́ց նոյ զձեղուն տապանին զոր արար *։ եւ ետես զի նուազեալ էր ջուրն յերեսաց երկրի։

Verse: 14  Link to sept   իսկ յամսեանն եւթներորդի, որ օր քսան եւ եւթն էր ամսոյն՝ ցամաքեցա́ւ երկիր։

Verse: 15  Link to sept   Եւ խԷսեցաւ տ(է)ր ա(ստուա)ծ ընդ նոյի եւ ասէ.

Verse: 16  Link to sept   ե́լ ՛ի տապանէ այտի, դու եւ կին քո, եւ որդիք քո, եւ կանայք որդւոց քոց ընդ քեզ։

Verse: 17  Link to sept   եւ ա(մենայ)ն գազանք որ են ընդ քեզ, եւ ա(մենայ)ն մարմին ՛ի թռչնոց մինչեւ ցանասունս։ եւ զա(մենայ)ն սողո́ւն զեռուն երկրի հա́ն ընդ քեզ, եւ զեռասցեն ՛ի վ(ե)ր(այ) երկրի։ եւ աճեցէ́ք եւ բազմացարուք ՛ի վ(ե)ր(այ) երկրի։

Verse: 18  Link to sept   Եւ ե́լ նոյ. եւ կին ն(ո)ր(ա) եւ որդիք ն(ո)ր(ա), եւ կանայք որդւոց ն(ո)ր(ա) ընդ նմա։

Verse: 19  Link to sept   եւ ա(մենայ)ն գազան, եւ ա(մենայ)ն սողո́ւն շարժուն, եւ ա(մենայ)ն թռչուն յերկրէ ըստ ազգի իւրեանց, ելին ՛ի տապանէ անտի։

Verse: 20  Link to sept   Եւ շինեաց նոյ սեղան ա(ստուծո)յ։ եւ առ յա(մենայ)ն անասնոց սրբոց, եւ յա(մենայ)ն թռչնոց սրբոց, եւ եհան ողջակէզ ՛ի վ(ե)ր(այ) սեղանոյն։

Verse: 21  Link to sept   եւ հոտոտեցաւ տ(է)ր ա(ստուա)ծ ՛ի հոտ անուշից։ Եւ ասէ տ(է)ր ա(ստուա)ծ, ածեալ զմտաւ, ո́չ եւս յաւելից անիծանել զերկիր վ(ա)ս(ն) գործոց մարդկան։ զի միտք մարդկան հաստատեա́լ են ՛ի խնամս չարի ՛ի մանկութ(են)է իւրոմէ։ Արդ՝ ո́չ եւս յաւելից հարկանել զա(մենայ)ն մարմին կենդանի որպէս արարի։

Verse: 22  Link to sept   այսուհետեւ զա(մենայ)ն աւուրս երկրի՝ սե́րմն եւ հունձք, ցո́ւրտ եւ տօթ, ամա́ռն եւ գարուն. զտիւ եւ զգիշեր մի́ դադարեսցեն։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ օրհնեա́ց ա(ստուա)ծ զնոյ եւ զորդիս ն(ո)ր(ա). եւ ասէ ցն(ո)ս(ա), աճեցէ́ք եւ բազմացարո́ւք եւ լցէ́ք զերկիր եւ տիրեցէ́ք դմա։

Verse: 2  Link to sept   եւ ա́հ եւ երկիւղ ձեր եղիցի ՛ի վ(ե)ր(այ) ա(մենայ)ն գազանաց երկրի. եւ ՛ի վ(ե)ր(այ) ա(մենայ)ն թռչնոց երկնից, եւ ՛ի վ(ե)ր(այ) ա(մենայ)ն զեռնոց երկրի, եւ ՛ի վերայ ա(մենայ)ն ձկանց ծովու. զորս ընդ ձեռա́մբ ձերով ետու։

Verse: 3  Link to sept   Եւ ա(մենայ)ն զեռուն որ է կենդանի, ձե́զ լիցի ՛ի կերակուր. իբրեւ զբանջար խոտոյ ետո́ւ ձեզ զա(մենայ)ն։

Verse: 4  Link to sept   Բայց զմիս արեամբ շնչոյ մի́ ուտիցէք։

Verse: 5  Link to sept   ք(ան)զի եւ զձե́ր արիւն շնչոյ խնդրեցից, ՛ի ձեռաց ա(մենայ)ն գազանաց խնդրեցից զնա, եւ ՛ի ձեռաց մարդոյ. ՛ի ձեռաց առն զշունչ արեան եղբօր իւրոյ խնդրեցից։

Verse: 6  Link to sept   Որ հեղու զարիւն մարդոյ, փոխանակ արեան ն(ո)ր(ա) հեղցի́ արիւն ն(ո)ր(ա)։ զի ՛ի պատկեր ա(ստուծո)յ արարի ես զմարդն։

Verse: 7  Link to sept   այլ դուք աճեցէ́ք եւ բազմացարուք՝ եւ լցէք զերկիր, եւ բազմացարո́ւք ՛ի վ(ե)ր(այ) դորա։

Verse: 8  Link to sept   Եւ խօսեցաւ տ(է)ր ա(ստուա)ծ ընդ նոյի, եւ ընդ որդիս ն(ո)ր(ա) որ ընդ նմա էին՝ եւ ասէ.

Verse: 9  Link to sept   եւ ահաւասիկ ես հաստատե́մ զուխտ իմ ընդ ձեզ, եւ ընդ զաւակի ձերում յետ ձեր։

Verse: 10  Link to sept   եւ ընդ ա(մենայ)ն շնչոյ կենդանւոյ որ ընդ ձե́զ են, ՛ի թռչնոց եւ յանասնոց եւ յա(մենայ)ն գազանաց երկրի* որ ընդ ձեզ. եւ յամենեցունց որ ելին ՛ի տապանէ անտի, եւ ա(մենայ)ն անասնոց երկրի։

Verse: 11  Link to sept   եւ հաստատեցի́ց զուխտ իմ ընդ ձեզ. եւ ո́չ եւս մեռանիցի ա(մենայ)ն մարմին ՛ի ջրհեղեղէ. եւ ո́չ եւս եղիցի ջրհեղեղ ջուրց ապականել զա(մենայ)ն երկիր։

Verse: 12  Link to sept   Եւ ասէ տ(է)ր ա(ստուա)ծ ցնոյ. ա́յս է նշան ուխտին ցոր ես տաց ընդ իս եւ ընդ ձեզ, եւ ՛ի մէջ ա(մենայ)ն շնչոյ կենդանւոյ որ է́ ընդ ձեզ, յազգս յաւիտենից։

Verse: 13  Link to sept   Զաղեղն իմ եդից յամպս, եւ եղիցի ՛ի նշանակ յաւիտենական ուխտին ընդիս եւ ընդ ամենայն երկիր։

Verse: 14  Link to sept   Եւ եղիցի ՛ի գումարել ինձ զամպս ՛ի վ(ե)ր(այ) երկրի, երեւեսցի աղեղն իմ յամպս։

Verse: 15  Link to sept   եւ յիշեցից զուխտ իմ որ ընդ իս եւ ընդ ձեզ, եւ ՛ի մէջ ա(մենայ)ն շնչոյ կենդանւոյ յա(մենայ)ն մարմին. եւ ո́չ եւս եղիցի ջրհեղեղ ՛ի սատակել զա(մենայ)ն մարմին։

Verse: 16  Link to sept   Եւ եղիցի աղեղն իմ յամպս. եւ տեսից, յիշե́լ զուխտն յաւիտենական ՛ի մէջ իմ եւ ՛ի մէջ ա(մենայ)ն շնչոյ կենդանւոյ յա(մենայ)ն մարմնի որ է ՛ի վ(ե)ր(այ) երկրի։

Verse: 17  Link to sept   Եւ ասէ ա(ստուա)ծ ցնոյ. ա́յս է նշան ուխտին զոր ուխտեցի ես ընդ իս եւ ընդ ձեզ, եւ ՛ի մէջ ա(մենայ)ն մարմնոյ որ է ՛ի վ(ե)ր(այ) երկրի։

Verse: 18  Link to sept   Եւ էին որդիք նոյի որ ելին ՛ի տապանէ անտի. սէմ, քամ, յաբեթ. քամ էր հա́յր քանանու։

Verse: 19  Link to sept   երեք սոքա էին որդիք նոյի, եւ ՛ի նոցանէ́ սփռեցան ընդ ա(մենայ)ն երկիր։

Verse: 20  Link to sept   Եւ սկսաւ նոյ, այր հողագործ զերկիր գործել. եւ տնկեաց այգի́։

Verse: 21  Link to sept   եւ արբ ՛ի գինւոյն եւ արբեցաւ. եւ մերկացա́ւ ՛ի տան իւրում։

Verse: 22  Link to sept   Եւ ետե́ս քամ հայր քանանու զմերկութի(ւն) հօր իւրոյ, եւ ել պատմեաց երկուց եղբարց իւրոց արտաքոյ։

Verse: 23  Link to sept   Եւ առեալ սեմա́յ եւ յաբեթի հանդերձ, եդին ՛ի վերայ թիկանց երկոցուն, եւ գնացին յե́տս յետս, եւ ծածկեցին զմերկու(թ)ի(ւն) հօտն իւրեանց. եւ զերեսս իւրեանց յե́տս ընդդէ́մ ունէին, եւ զմերկու(թ)ի(ւն) հօրն իւրեանց ո́չ տեսին։

Verse: 24  Link to sept   Եւ սթափեցա́ւ նոյ ՛ի գինւոյ անտի իւրմէ, եւ գիտա́ց զինչ արար ընդ նա որդին իւր կրտսեր։

Verse: 25  Link to sept   եւ ասէ. անիծեալ քանան մանուկ, եւ եղիցի ծառա́յ եղբարց իւրոց։

Verse: 26  Link to sept   Եւ ասէ օրհնեալ տ(է)ր ա(ստուա)ծ, ա(ստուա)ծ սեմայ, եւ եղիցիքանան ծառա́յ ն(ո)ր(ա)։

Verse: 27  Link to sept   ընդարձակեսցէ́ ա(ստուա)ծ յաբեթի, եւ բնակեսցէ ՛ի տան սեմայ. եւ եղիցի քանան ծառա́յ ն(ո)ց(ա)։

Verse: 28  Link to sept   Եւ եկեաց նոյ յետ ջրհեղեղին՝ ամս երեքհարիւր յիսուն։

Verse: 29  Link to sept   Եւ եղեն ամենայն աւուրք նոյի, ամք իննհարեւր եւ յիսուն. եւ մեռաւ։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ ա́յս են ծնունդք որդւոցն նոյի.սէ́մ, քամ, յաբեթ. եւ ծնան ն(ո)ց(ա) որդիք յետ ջրհեղեղին։

Verse: 2  Link to sept   Որդիք յաբեթի. գամեր, եւ մագովգ, եւ մագա, եւ յաւան, եւ ելիսա, եւ թոբէլ, եւ մոսոք, եւ թիրաս։

Verse: 3  Link to sept   Եւ որդիք գամերայ՝ ասքանազ. եւ րիփաթ, եւ թորգոմա։

Verse: 4  Link to sept   Եւ որդիք յաւանայ՝ եղիսա, եւ թարսիս. կիտացիք, եւ ռոդացիք։

Verse: 5  Link to sept   եւ ՛ի սոցանէ́ մեկնեցան կղզիք ազգաց յերկրի իւրեանց. իւրաքանչի́ւր ըստ լեզուս յա́զգս իւրեանց եւ ՛ի տոհմս իւրեանց։

Verse: 6  Link to sept   Եւ որդիք քամայ՝ քո́ւշ, եւ մեսարեմ, փո́ւդ, եւ քանան։

Verse: 7  Link to sept   Եւ որդիք քուշայ՝ սաբա, եւ եւիլա, եւ սաբաթա, եւ ռեգմա, եւ սաբակաթա։ եւ որդիք ռեգմայ, սաբա եւ յուդադան։

Verse: 8  Link to sept   Եւ քուշ ծնաւ զնեբրովթ. նա́ սկսաւ լինել հսկայ ՛ի վ(ե)ր(այ) երկրի։

Verse: 9  Link to sept   եւ նա էր սկայ որսո́րդ առաջի տ(եառ)ն ա(ստուծո)յ. վ(ա)ս(ն) այնորիկ ասեն, իբրեւ զնեբրովթ սկայ առաջի տ(եառ)ն ա(ստուծո)յ։

Verse: 10  Link to sept   Եւ եղեւ սկիզբն թագաւորութե(ան) ն(ո)ր(ա) բաբելովն. եւ որէդ, եւ աքադ. եւ քաղանէ յերկրին սենայար։

Verse: 11  Link to sept   Յերկրէն յայնմանէ ե́լ ասուր, եւ շինեաց զնինուէ, եւ զռոբովթ քաղաք. եւ զքաղան.

Verse: 12  Link to sept   եւ զդասեման ՛ի մէջ նինուէի́ եւ ՛ի մէջ քաղանայ, ա́յն է քաղաք մեծ։

Verse: 13  Link to sept   Եւ մեստրեմ ծնաւ զլուդիիմացիս, եւ զսենիիմացիս եւ զսաղբիիմացիս. եւ զհեփթաղիիմացիս.

Verse: 14  Link to sept   եւ զպատրոսոնիիմացիս, եւ զքաղսոնիիմացիս, ուստի ելին փղշտացիք. եւ զկափթոորիմացիս։

Verse: 15  Link to sept   Եւ քանան ծնաւ զսիդոն զանդրանիկ իւր, եւ զքետացին։

Verse: 16  Link to sept   եւ զյեբուսացին, եւ զամովրհացին, եւ զգերգեսացին,

Verse: 17  Link to sept   եւ զխեւացին. եւ զարուակացին, եւ զամինացին,

Verse: 18  Link to sept   եւ զարադիոնացին, եւ զսամարացին, եւ զամաթացին։ Եւ յետ այնորիկ սփռեցան ազգք քանանացւոց։

Verse: 19  Link to sept   եւ եղեն սահմանք քանանացւոց, ՛ի սիդոնէ մինչեւ ՛ի գա́լ ՛ի գերարա եւ ՛ի գազա. մինչեւ ՛ի գա́լ ՛ի սոդոմ եւ ՛ի գոմոր, եւ յադամա́ եւ ՛ի սեբոյիմ մինչեւ ՛ի լասա։

Verse: 20  Link to sept   Սոքա́ են որդիք քամայ յազգս իւրեանց, ըստ լեզո́ւս իւրեանց, յաշխարհս իւրեանց, եւ ՛ի տոհմս իւրեանց։

Verse: 21  Link to sept   Եւ սեմայ ծնան որդիք եւ ն(ո)ր(ա), հօրն ա(մենայ)ն որդւոցն եբերայ, եղբօրն յաբեթի երիցու։

Verse: 22  Link to sept   Որդիք սեմայ. էլամ եւ ասուր, արփաքսադ եւ լուդ, եւ արամ։

Verse: 23  Link to sept   եւ որդիք արամայ. հուս, եւ էմուղ, եւ գադեր, եւ մոսոք։

Verse: 24  Link to sept   եւ արփաքսադ ծնաւ զսաղա. եւ սաղա ծնաւ զեբեր։

Verse: 25  Link to sept   Եւ եբերայ ծնան երկու որդիք. անուն միոյն փաղէկ. զի յաւուրս ն(ո)ր(ա) բաժանեցաւ երկիր։ եւ անուն եղբօր ն(ո)ր(ա) յեկտան։

Verse: 26  Link to sept   Եւ յեկտան ծնաւ զէլմովդադ, եւ զսաղէք, եւ զասարմովդ, եւ զյարաք։

Verse: 27  Link to sept   եւ զյոդորամ, եւ զեզէլ, եւ զդէկլա,

Verse: 28  Link to sept   եւ զգեբաղ, եւ զաբիմէէլ, եւ զսաբեի,

Verse: 29  Link to sept   եւ զուփիր, եւ զեւիղա, եւ զյոբաբ։ Ամենեքեան սոքա որդիք յեկտանայ։

Verse: 30  Link to sept   եւ եղեւ բնակութի(ւն) ն(ո)ց(ա) ՛ի մասեաց մինչեւ ՛ի գալ ՛ի սովփերա լեառնն արեւելեայց։

Verse: 31  Link to sept   Սոքա́ են որդիք սեմայ յազգս իւրեանց, ըստ լեզուս իւրեանց, յաշխարհս իւրեանց եւ ՛ի տոհմս իւրեանց։

Verse: 32  Link to sept   Ա́յս են ազգք որդւոց նոյի ըստ ծնունդս իւրեանց ըստ տոհմս իւրեանց։ եւ ՛ի սոցանէ սփռեցան կղզիք ազգաց ՛ի վ(ե)ր(այ) երկրի յե́տ ջրհեղեղին։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ էր ա(մենայ)ն երկիր՝ լեզու մի́, եւ բարբառ մի́ ամենեցուն։

Verse: 2  Link to sept   Եւ եղեւ ՛ի խաղալն ն(ո)ց(ա) յարեւելից, գտին դա́շտ մի յերկիրն սէնաար, եւ բնակեցան անդ։

Verse: 3  Link to sept   եւ ասեն այր ցընկեր իւր, եկա́յք արկցուք աղիւս, եւ թրծեսցո́ւք զայն հրով. եւ եղեւ ն(ո)ց(ա) աղիւսն ՛ի տեղի́ քարի, եւ կուպր ՛ի տեղի́ շաղախոյ։

Verse: 4  Link to sept   Եւ ասեն եկա́յք շինեսցուք մեզ քաղաք եւ աշտարակ, որոյ լինիցի գլուխն մինչեւ յերկինս. եւ արասցուք մեզ անուն յառա́ջ քան զսփռել ՛ի վ(ե)ր(այ) երեսաց ա(մենայ)ն երկրի։

Verse: 5  Link to sept   Եւ էջ տ(է)ր տեսանե́լ զքաղաքն եւ զաշտարակն զոր շինէին որդիք մարդկան։

Verse: 6  Link to sept   եւ ասէ տ(է)ր. ահա́ ազգ մի́ եւ լեզու մի́ ամենեցուն, եւ զայդ սկսան գործել։ եւ արդ՝ ո́չինչ պակասի ՛ի նոցանէ, զա(մենայ)ն զոր ինչ յօժարեսցին գործել։

Verse: 7  Link to sept   եկա́յք իջցուք եւ խառնակեսցո́ւք անդ զլեզուս ն(ո)ց(ա), զի մի́ լսիցեն իւրաքանչիւր բարբառոյ ընկերի իւրոյ։

Verse: 8  Link to sept   Եւ սփռեա́ց զնոսա տ(է)ր ա(ստուա)ծ անտի ընդ երեսս ա(մենայ)ն երկրի, եւ դադարեցին ՛ի շինելոյ զքաղաքն եւ զաշտարակն։

Verse: 9  Link to sept   վ(ա)ս(ն) այնորիկ կոչեցաւ անուն ն(ո)ր(ա) խառնակու(թ)ի(ւն). զի ա́նդ խառնակեաց տ(է)ր ա(ստուա)ծ զլեզուս ա(մենայ)ն երկրի. եւ անտի ցրուեաց զն(ո)ս(ա) տ(է)ր ա(ստուա)ծ ընդ երեսս ա(մենայ)ն երկրի։

Verse: 10  Link to sept   Եւ ա́յս են ծնունդք սեմայ։ սէմ որդի հարիւրեմեա́ն էր յորժամ ծնաւ զարփաքսադ յերկրորդում ամի յետ ջրհեղեղին։

Verse: 11  Link to sept   Եւ եկեաց սէմ յետ ծնանելոյ ն(ո)ր(ա) զարփաքսադ՝ ամս հինգհարիւր. եւ ծնաւ ուստերս եւ դստերս, եւ մեռաւ։

Verse: 12  Link to sept   Եւ արփաքսադ եկեաց ամս հարիւր երեսուն եւ հինգ, եւ ծնաւ զսաղա։

Verse: 13  Link to sept   եւ եկեաց արփաքսադ յետ ծնանելոյ նորա զսաղա ամս երեքհարեւր եւ երեսուն. եւ ծնաւ ուստերս եւ դստերս, եւ մեռաւ։

Verse: 14  Link to sept   Եւ եկեաց սաղա ամս հարիւր երեսուն, եւ ծնաւ զեբեր։

Verse: 15  Link to sept   եւ եկեաց սաղա յետ ծնանելոյ ն(ո)ր(ա) զեբեր ամս երեքհարիւր երեսուն. եւ ծնաւ ուստերս եւ դստերս, եւ մեռաւ։

Verse: 16  Link to sept   Եւ եկեաց եբեր ամս հարիւր երեսուն եւ չորս, եւ ծնաւ զփաղէկ։

Verse: 17  Link to sept   եւ եկեաց եբեր յետ ծնանելոյ ն(ո)ր(ա) զփաղէկ, ամս երկերիւր եւ եւթանասուն. եւ ծնաւ ուստերս եւ դստերս, եւ մեռաւ։

Verse: 18  Link to sept   Եւ եկեաց փաղէկ ամս հարիւր երեսուն եւ չորս։. եւ ծնաւ զռագաւ։

Verse: 19  Link to sept   եւ եկեաց փաղէկ յետ ծնանելոյ ն(ո)ր(ա) զռագաւ՝ ամս երկերիւր ինն. եւ ծնաւ ուստերս եւ դստերս, եւ մեռաւ։

Verse: 20  Link to sept   Եւ եկեաց ռագաւ ամս հարիւր երեսուն եւ երկու. եւ ծնաւ զսերուք։

Verse: 21  Link to sept   եւ եկեաց ռագաւ յետ ծնանելոյ ն(ո)ր(ա) զսերուք՝ ամս երկերիւր եւթն. եւ ծնաւ ուստերս եւ դստերս, եւ մեռաւ։

Verse: 22  Link to sept   Եւ եկեաց սերուք ամս հարիւր երեսուն, եւ ծնաւ զնաքովր։

Verse: 23  Link to sept   եւ եկեաց սերուք յետ ծնանելոյ ն(ո)ր(ա) զնաքովր՝ ամս երկերիւր, եւ ծնաւ ուստերս եւ դստերս, եւ մեռաւ։

Verse: 24  Link to sept   Եւ եկեաց նաքովր ամս եւթանասուն եւ ինն, եւ ծնաւ զթարա։

Verse: 25  Link to sept   եւ եկեաց նաքովր յետ ծնանելոյ ն(ո)ր(ա) զթարա՝ ամս հարիւր քսան եւ երկու. եւ ծնաւ ուստերս եւ դստերս, եւ մեռաւ։

Verse: 26  Link to sept   Եւ եկեաց թարա ամս եւթանասուն, եւ ծնաւ զաբրա́մ, եւ զնաքովր, եւ զառան։

Verse: 27  Link to sept   Ա́յս են ծնունդք թարայի։ թարա ծնաւ զաբրամ, եւ զնաքովր, եւ զառան։ եւ առան ծնաւ զղովտ։

Verse: 28  Link to sept   եւ մեռա́ւ առան առաջի թարայի հօր իւրոյ, յերկրին յորում ծնաւ, յաշխարհին քաղդեացւոց։

Verse: 29  Link to sept   Եւ առին աբրամ եւ նաքովր իւրեանց կանայս. անուն կնոջն աբրամու՝ սարա, եւ անուն կնոջն նաքովրայ՝ մեղքայ, դուստր առանայ, հօր մեղքայ, եւ հօր՝ յէսքայ։

Verse: 30  Link to sept   Եւ էր սարա ամուլ եւ ո́չ ծնանէր։

Verse: 31  Link to sept   Եւ ա́ռ տարա զաբրամ զորդի իւր, եւ զնաքովր զորդի իւր, եւ զղովտ որդի առանայ որդւոյ իւրոյ. եւ զսարա զնո́ւ իւր զկին աբրամու որդւոյ իւրոյ, եւ եհան զն(ո)ս(ա) յաշխարհէն քաղդեացւոց երթալ յերկիրն քանանացւոց. եւ եկին մինչեւ զխառան, եւ բնակեցին անդ։

Verse: 32  Link to sept   Եւ եղեն ա(մենայ)ն աւուրք թարայի ՛ի խառան, ամք երկերեւր եւ հինգ. եւ մեռա́ւ թարա ՛ի խառան։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ ասէ ա(ստուա)ծ ցաբրամ. ե́լ դու յերկրէ քումմէ եւ յազգէ քումմէ եւ ՛ի տանէ հօր քոյ, յերկի́ր զոր ցուցից քեզ։

Verse: 2  Link to sept   եւ արարից զքեզ յազգ մեծ. եւ օրհնեցից զքեզ, եւ մեծացուցից զանուն քո. եւ եղիցես օրհնեա́լ։

Verse: 3  Link to sept   եւ օրհնեցից զօրհնիչս քո, եւ զանիծիչս քո անիծից. եւ օրհնեսցին ՛ի քեզ ա(մենայ)ն ազգք երկրի։

Verse: 4  Link to sept   Եւ գնաց աբրամ ո(ր)պ(էս) եւ խօսեցաւ ընդ նմա ա(ստուա)ծ. երթա́յր ընդ նմա եւ ղովտ։ եւ աբրամ էր ամաց եւթանասուն եւ հնգից յորժամ ել ՛ի խառանէ։

Verse: 5  Link to sept   Եւ ա́ռ աբրամ զսարա զկին իւր, եւ զղովտ զեղբօրորդի իւր, եւ զա(մենայ)ն զինչս իւրեանց զոր ստացան, եւ զա(մենայ)ն ոգիս զոր ստացան ՛ի խառան. եւ ելին գնա́լ յերկիրն քանանացւոց. եւ եկին յերկիրն քանանու։

Verse: 6  Link to sept   Եւ շրջեցաւ աբրամ յերկիրն ընդ երկայնու(թ)ի(ւն) ն(ո)ր(ա) մինչեւ ՛ի տեղին ՛ի սիւքէմ, ՛ի կաղնին բարձր. բայց քանանացիք բնակեալ էին յայնժամ յերկրին։

Verse: 7  Link to sept   Եւ երեւեցաւ տ(է)ր աբրամու, եւ ասէ ցնա. զաւակի́ քում տաց զերկիրս զայս։ եւ շինեաց անդ աբրամ սեղան տ(եառ)ն որ երեւեցաւ նմա։

Verse: 8  Link to sept   Եւ մեկնեցա́ւ անտի ՛ի լեառն ընդ արեւելս ՛ի բեթէլ. եւ եհար անդ զխորան իւր ՛ի բեթէլ, յանդիման ծովուն՝ եւ անգէի ընդ արեւելս։ եւ շինեաց անդ սեղան տ(եառ)ն, եւ կոչեաց յանուն տ(եառ)ն։

Verse: 9  Link to sept   չուեաց աբրամ, եւ գնաց բնակեցաւ յանապատի։

Verse: 10  Link to sept   Եւ եղեւ սո́վ յերկրին, եւ էջ աբրամ յեգիպտոս բնակել անդ պանդխտու(թեամ)բ, զի զօրացա́ւ սով յերկրին։

Verse: 11  Link to sept   Եւ եղեւ իբրեւ մերձեցաւ աբրամ մտանել յեգիպտոս, եւ ասէ ցսարա ցկին իւր. գիտեմ զի կին գեղեցի́կ ես դու։

Verse: 12  Link to sept   արդ եղիցի եթէ տեսանիցեն եգիպտացիքն, եւ ասիցեն թէ կին նորա́ է սա. եւ սպանանիցեն զիս, եւ զքեզ ապրեցուցանիցեն։

Verse: 13  Link to sept   ասասցես եթէ քո́յր ն(ո)ր(ա) եմ. զի բարի́ լիցի ինձ վ(ա)ս(ն) քո, եւ կեցցէ́ անձն իմ յաղագս քո։

Verse: 14  Link to sept   Եւ եղեւ իբրեւ եմուտ աբրամ յեգիպտոս, եւ տեսեալ եգիպտացւոցն զկինն զի գեղեցիկ էր յոյժ։

Verse: 15  Link to sept   տեսին զնա եւ իշխանք փարաւոնի, եւ գովեցին զնա առաջի փառաւոնի. եւ տարան զնա ՛ի տո́ւն փարաւոնի։

Verse: 16  Link to sept   Եւ աբրամու բարի́ս առնէին վ(ա)ս(ն) ն(ո)ր(ա). եւ եղեն ն(ո)ր(ա) խաշինք, անգեայք, եւ էշք. ծառայք, եւ աղախնայք. ջորիք, եւ ուղտք։

Verse: 17  Link to sept   Եւ պատժեա́ց ա(ստուա)ծ զփարաւովն պատժօք մեծամեծօք եւ չարօք, եւ զտուն ն(ո)ր(ա), վ(ա)ս(ն) սարայի կնոջն աբրամու։

Verse: 18  Link to sept   Կոչեաց փարաւովն զաբրամ եւ ասէ ցնա. զի՞նչ գործեցեր զայդ ընդիս, զի ո́չ պատմեցեր եթէ կին քո է։

Verse: 19  Link to sept   ընդէ՞ր ասացեր թէ քոյր իմ է, եւ առի զդա ինձ կնութե(ան). եւ արդ աւանիկ կին քո առաջի քո. ա́ռ եւ գնա ՛ի բաց։

Verse: 20  Link to sept   Եւ պատուէր ետ արանց վ(ա)ս(ն) աբրամու, յուղարկե́լ զնա եւ զկին նորա, եւ զա(մենայ)ն որ ինչ է́ր ն(ո)ր(ա). եւ զղովտ ընդ նմա։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ ե́լ աբրամ յեգիպտոսէ, ինքն եւ կի́ն իւր եւ ա(մենայ)ն որ ինչ էր ն(ո)ր(ա), եւ ղովտ ընդ նմա յանապատն։

Verse: 2  Link to sept   Եւ աբրամ էր մեծատուն յոյժ, անասնով եւ արծաթով եւ ոսկւով։

Verse: 3  Link to sept   եւ գնաց անդրէն ուստի եկն յանապատն մինչեւ ցբեթէլ, մինչեւ ցտեղին ուր էր խորան ն(ո)ր(ա) զառաջինն, ընդ բեթէլ եւ ընդ անգէէ́

Verse: 4  Link to sept   ՛ի տեղի սեղանոյն, զոր արար անդ զառաջինն. եւ կարդա́ց անդ աբրամ զանուն տ(եառ)ն ա(ստուծո)յ։

Verse: 5  Link to sept   Եւ ղովտայ որ երթեա́լն էր ընդ աբրամու, էր արջառ եւ ոչխար եւ անասուն։

Verse: 6  Link to sept   եւ ո́չ բաւէր նոցա երկիրն բնակելոյ ՛ի միասին. զի էին նոցա ստացուածք բազումք, եւ ո́չ կարէին բնակել ՛ի միասին։

Verse: 7  Link to sept   Եւ եղեւ մա́րտ ՛ի մէջ հովուաց խաշանցն աբրամու. եւ ՛ի մէջ հովուաց խաշանցն ղովտայ։ եւ քանանացիքն եւ փերեզացիքն յայնժամ բնակեալ էին յերկրին։

Verse: 8  Link to sept   Ասէ աբրամ ցղովտ. մի́ լիցի կռիւ ընդ իս եւ ընդ քեզ, եւ ընդ հովիւս իմ եւ ընդ հովիւս քո. զի արք եղբա́րք եմք մեք.

Verse: 9  Link to sept   ո՞չ աւադիկ երկիրդ ա(մենայ)ն առաջի քո է, մեկնեա́ց յինէն. եթէ դու յահեակ ես յա́ջ. եթէ դու յաջ՝ ես յահեա́կ։

Verse: 10  Link to sept   Ամբա́րձ ղովտ զաչս իւր եւ ետես զա(մենայ)ն կողմանս յորդանանու, զի ա(մենայ)ն յուռթի́ էր. մինչչեւ կործանեալ էր ա(ստուծո)յ զսոդոմ եւ զգոմոր, իբրեւ զդրախտ ա(ստուծո)յ էր, եւ իբրեւ զերկիրն եգիպտացւոց՝ մինչեւ ՛ի գա́լ ՛ի զոորա։

Verse: 11  Link to sept   Եւ ընտրեաց իւր ղովտ զա(մենայ)ն կողմանս յորդանանու. եւ չուեաց ղովտ յարեւելից եւ մեկնեցան իւրաքանչիւր յեղբօրէ իւրմէ։

Verse: 12  Link to sept   Եւ աբրամ պանդխտեցաւ յերկրին քանանացւոց. եւ ղովտ նստաւ ՛ի քաղաքի միում կողմանցն, եւ բնակեցաւ ՛ի սոդոմ։

Verse: 13  Link to sept   եւ մարդիկն սոդոմացւոց չա́րք եւ մեղաւորք էին առաջի ա(ստուծո)յ յոյժ։

Verse: 14  Link to sept   Եւ ասէ́ ա(ստուա)ծ ցաբրամ յետ մեկնելոյն ղովտայ ՛ի նմանէ. հայեա́ց աչօք քովք եւ տե́ս ՛ի տեղւոջէ յայդմանէ յորում դո́ւ ես, ՛ի կողմանէ հիւսւսոյ եւ հարաւոյ, յարեւելից եւ ՛ի ծովու.

Verse: 15  Link to sept   զի զա(մենայ)ն երկիրդ զոր տեսանել դու, քե́զ տաց զդա եւ զաւակի քում մինչեւ յաւիտեան։

Verse: 16  Link to sept   Եւ արարից զզաւակ քո իբրեւ զաւազ երկրի. եթէ կարիցէ՞ ոք թուել զաւազ երկրի՝ ապա եւ քո́ զաւակ ընդ թիւ մտցէ։

Verse: 17  Link to sept   եւ արդ՝ արի շրջեա́ց ընդ երկիրդ յերկայնութի(ւն) դորա եւ ՛ի լայնութի(ւն) դորա*, զի քեզ տաց զդա։

Verse: 18  Link to sept   Եւ չո́ւ արարեալ աբրամու, եկն բնակեցաւ առ կաղնւոջն մամբրէի, որ է́ ՛ի քեբրոն։ եւ շինեաց անդ սեղան տ(եառ)ն ա(ստուծո)յ։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ եղեւ ՛ի թագաւորութե(ա)ն ամարփաղայ արքայի սէնարայ, արիովք արքայ սեղղասարայ, եւ քոդոլագոմոր արքայ ելամայ, եւ թարգաղ արքայ ազգաց.

Verse: 2  Link to sept   ետուն պատերազմ ընդ բաղակայ արքայի սոդոմացւոց. եւ ընդ բարսայ արքայ գոմորացւոց, եւ ընդ սենայ արքայի ադամաացւոց. եւ ընդ սիմոբորայ արքայի սեբոյիմացւոց. եւ ընդ թագաւորին բաղակայ, ա́յն ինքն է սեգովր։

Verse: 3  Link to sept   Ամենեքեան սոքա՝ գումարեցան ՛ի ձորն աղի, որ է՝ ծո́վ ազտից։

Verse: 4  Link to sept   Զերկոտասա́ն ամ ՛ի ծառայութե(ան) կացեալ եին քոդողգոմորայ. եւ յերեքտասաերորդում ամին ապստամբեցին։

Verse: 5  Link to sept   եւ յամին չորեքտասաներորդի՝ եկն քոդողագոմոր եւ թագաւորքն որ ը(նդ) նմա, եւ կոտորեցին զսկայսն որ յաստարովթ կառնայի́մ էին, եւ զազգս հզօրս որ ընդ նոսա. եւ զսովմացիսն ՛ի շաւէ քաղաքին ն(ո)ց(ա)։

Verse: 6  Link to sept   եւ զքոռացիսն որ ՛ի լերինս սէիրայ, մինչեւ ցբեւեկնի́ ձորոյն որ է յանապատի անդ։

Verse: 7  Link to sept   Եւ դարձան եկին յաղբեւրն դատաստանի. ա́յն ինքն է՝ կադէս, եւ կոտորեցին զա(մենայ)ն իշխանս ամաղեկայ. եւ զամովրհացին զբնակեալն յասասանթամար։

Verse: 8  Link to sept   Եւ ե́լ արքայ սոդոմացւոց եւ արքայ գոմորացւոց, եւ արքայ ադամաացւոց, եւ արքայ սեբոյիմացւոց, եւ արքայ բաղակայ որ է սեգովր, եւ ճակատեցան ընդ նոսա ՛ի պատերազմ ՛ի ձորն աղտից։

Verse: 9  Link to sept   ընդ քոդողագոմորայ արքայի ելամայ, եւ ընդ թարգաղայ՝ արքայի ազգաց, եւ ամարփաղայ արքայի սենարայ, եւ արիովքայ արքայի սեղղասարայ. չո́րք թագաւորք՝ ընդ հնգից։

Verse: 10  Link to sept   եւ ՛ի ձորն աղտից ջրհորք, ջրհորք նաւթի։ Եւ փախեաւ արքայ սոդոմացւոց եւ արքայ գոմորացւոց, եւ անկա́ն անդր. եւ մնացեալքն փախեան ՛ի լեռնակողմնն։

Verse: 11  Link to sept   Եւ առին զա(մենայ)ն աւար սոդոմացւոց եւ գոմորացւոց, եւ զա(մենայ)ն համբարս ն(ո)ց(ա)՝ եւ գնացին։

Verse: 12  Link to sept   առին եւ զղովտ զեղբօրորդին աբրամու, եւ զինչս նորա, եւ երթային. քանզի բնակելաէր ՛ի սոդոմ։

Verse: 13  Link to sept   Եւ եհա́ս ոմն ՛ի զերծելոց անտի, եւ պատմեաց աբրամու յայնկոյս կացելոյ. եւ նա էր բնակեալ առ կողմնեաւն բամբրէի ամովրհացւոյն՝ եղբօրն էսքողայ՝ եւ եղբօրն աւնանայ, որ էին դաշնաւորք աբրամու։

Verse: 14  Link to sept   Եւ իբրեւ լուաւ աբրամ թէ գերի́ վարեցաւ եղբայրն իւր ղովտ. համարեցաւ զընդոյծինսն իւր երեքհարիւր եւ ութ եւ տասն։

Verse: 15  Link to sept   եւ պնդեցաւ զկնի ն(ո)ց(ա) գիշերի, ինքն եւ ծառայք իւր. եւ եհար զնոսա մինչեւ ցքոբաղ, որ է ՛ի ձախմէ դամասկոսի։

Verse: 16  Link to sept   Եւ դարձո́յց զա(մենայ)ն աւարն սոդոմացւոց. եւ զղովտ զեղբայր իւր, եւ զա(մենայ)ն ստացուածս ն(ո)ր(ա) դարձոյց. եւ զկանայս եւ զժողովուրդն։

Verse: 17  Link to sept   Եւ ել արքայ սոդոմացւոց ընդ առաջ ն(ո)ր(ա)՝ յետ դառնալոյ ն(ո)ր(ա) ՛ի կոտորածէ քոդողգոմորայ, եւ թագաւորացն որ ընդ նմա էին ՛ի ձորն շաւէ՝ ա́յն ինքն է դաշտ թագաւորաց։

Verse: 18  Link to sept   Եւ մելքիսեդեկ արքայ շաղեմայ եհան հա́ց եւ գինի. քանզի քահանա́յ էր ա(ստուծո)յ բարձրելոյ։

Verse: 19  Link to sept   եւ օրհնեա́ց զաբրամ եւ ասէ։

Verse: 20  Link to sept   Օրհնեա́լ է աբրամ յա(ստուծո)յ բարձրելոյ որ արար զերկինս եւ զերկիր. օրհնեա́լէ ա(ստուա)ծ բարձրեալ որ մատնեաց ՛ի ձեռս քո զթշնամիս քո։ եւ ետ նմա տասանորդս յա(մենայ)նէ։

Verse: 21  Link to sept   Եւ ասէ արքայ սոդոմացւոց ցաբրամ. տո́ւր ցիս ցմարդիկդ, եւ զաւարդ քե́զ առ։

Verse: 22  Link to sept   Եւ ասէ աբրամ ցարքայն սոդոմացւոց։ ձդեմ զձեռն իմ առ ա(ստուա)ծ բարձրեալ որ արար զերկինս եւ զերկիր,

Verse: 23  Link to sept   եթէ ՛ի շաղամաթէ միոջէ մինչեւ ՛ի խրացս մի կօշկաց առից ես յա(մենայ)նէ որ ինչ քո́ իցէ. զի մի́ ասիցես թէ ես մեծացուցի զաբրամ։

Verse: 24  Link to sept   Բայց որչափ ինչ կերան մանկտիդ. եւ մասն արանցդ որ եկին ընդիս. աւնան եւ եսքող, եւ մամբրէ. նոքա առցեն զբաժին իւրեանց։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Յետ բանիցս այսոցիկ եղեւ բան տ(եառ)ն առ աբրամ ՛ի տեսլեան գիշերի, եւ ասէ. մի́ երկնչիր աբրամ, ե́ս վերակացու եղէց քեզ. եւ վարձք քո բազո́ւմ եղիցին յոյժ։

Verse: 2  Link to sept   Եւ ասէ աբրամ. տ(է)ր՝ տ(է)ր, զի՞նչ արասցես ինձ, զի ես կորնչի́մ անորդի։ եւ որդի մասեկայ ընտոծնի իմոյ. ա́յն է եղիազար դամասկացի։

Verse: 3  Link to sept   Եւ ասէ աբրամ. որովհետեւ ինձ ո́չ ետուր զաւակ, ընտոծինն իմ ժառանգեսցէ զիս։

Verse: 4  Link to sept   Եւ վաղվաղակի ձայն ա(ստուծո)յ եղեւ առ նա եւ ասէ. ո́չ ժառանգեսցէ զքեզ դա, այլ որ ելանէն ՛ի քէն՝ նա́ ժառանգեսցէ զքեզ։

Verse: 5  Link to sept   Եւ եհան զնա արտաքս՝ եւ ասէ ցնա. հայեա́ց ընդ երկինս, եւ թուեա́ զաստեղս, եթէ կարիցե՞ս թուել զնոսա։ եւ ասէ ցնա. ա́յնպէս եղիցի զաւակ քո։

Verse: 6  Link to sept   Եւ հաւատաց աբրամ ա(ստուծո)յ, եւ համարեցաւ նմա յարդարու(թ)ի(ւն)։

Verse: 7  Link to sept   Եւ ասէ ցնա. ե́ս եմ տ(է)ր ա(ստուա)ծ քո, որ հանի զքեզ յաշխարհէն քաղդեացւոց, տալ քեզ զերկիրդ զայդ ՛ի ժառանգութի(ւն)։

Verse: 8  Link to sept   Եւ ասէ աբրամ. տ(է)ր տ(է)ր՝ ի՞ւ գիտացից եթէ ժառանգիցեմ զսա։

Verse: 9  Link to sept   Եւ ասէ ցնա. ա́ռ դու ինձ երինջ երեմեան, եւ քօշ երեմեան, եւ խոյ երեմեան, եւ տատրակ, եւ աղաւնի։

Verse: 10  Link to sept   Եւ ա́ռ զա(մենայ)ն զայն, եւ յօշեա́ց զնոսա ընդ մէջ, եւ եդ զնոսա դէմ ընդ դէ́մ միմեանց. եւ զթռչունսն ո́չ յօշեաց։

Verse: 11  Link to sept   եւ իջանէին թռչունք ՛ի վ(ե)ր(այ) յօշելոյ անդամաթուին ն(ո)ց(ա)։ եւ նստէր առ նոքօք աբրամ։

Verse: 12  Link to sept   Եւ մօտ ընդ մուտս արեւուն թըմբրու(թ)ի(ւն) անկանէր ՛ի վ(ե)ր(այ) աբրամու. եւ ահա՝ ա́հ խաւարին հասանէր ՛ի վ(ե)ր(այ) ն(ո)ր(ա)։

Verse: 13  Link to sept   եւ ասացա́ւ առ աբրամ. Գիտելո́վ գիտասջի́ր. զի պանդո́ւխտ եղիցի զաւակ քո յերկիր որ ո́չ իւր իցէ. եւ ծառայեցուսցեն զնոսա եւ չարչարեսցեն, եւ տառապեցուսցեն զն(ո)ս(ա) ամս չորեքհարեւր։

Verse: 14  Link to sept   բայց զազգն որում ծառայեսցեն՝ դատեցայց ես։ եւ յետ այնորիկ ելցեն ա́յսր բազում ստացուածովք։

Verse: 15  Link to sept   Եւ դու երթիցես առ հարս քո խաղաղութ(եամ)բ, սնեա́լ ՛ի բարւոք ծերութե(ան)։

Verse: 16  Link to sept   եւ ՛ի չորրորդում ազգի դարձցին այսրէն. քանզի չե́ւեւս լցեալ է մեղք ամովրհացւոցն մինչեւ ցայժմ։

Verse: 17  Link to sept   Եւ իբրեւ արեւն ՛ի մուտս լինէր, բո́ցք հատանէին, եւ ահա հնո́ց ծխեալ. եւ ճառագայթք հրոյ անցանէին ընդ մէջ անդամո́ցն յօշելոյ։

Verse: 18  Link to sept   Յաւուր յայնմիկ եդ տ(է)ր ո́ւխտ ընդ աբրամու, եւ ասէ. զաւակի́ քում տաց զերկիրդ զայդ, ՛ի գետոյն եգիպտացւոց մինչեւ ՛ի գետն մեծ եփրատ։

Verse: 19  Link to sept   Զկինեցիս, եւ զկենեզացիս, եւ զկեդմոնացիս,

Verse: 20  Link to sept   եւ զքետացիս, եւ զփերեղացիս, եւ զռափիմացիս,

Verse: 21  Link to sept   եւ զամովրհացիս, եւ զքանանացիս, եւ զգերգեսացիս, եւ զյեբուսացիս։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ սարա կին աբրամու ո́չ ծնանէր նմա։ եւ էր ն(ո)ր(ա) աղջիկ մի եգիպտացի որոյ անուն էր ագար։

Verse: 2  Link to sept   Եւ ասէ սարա ցաբրամ յերկիրն քանանացւոց. որովհետեւ արգել զիս տ(է)ր ՛ի ծնանելոյ, արդ՝ մուտ առ աղջիկդ իմ զի արարից ինձ որդի́ ՛ի դմանէ։ եւ ունկնդի́ր եղեւ աբրամ ձայնի սարայի։

Verse: 3  Link to sept   Եւ ա́ռ սարա կին աբրամու զագար եգիպտացի զաղախին իւր, յետ տասն ամի բնակելոյ աբրամու յերկիրն քանանացւոց, եւ ետ զնա աբրամու առն իւրում կնութե(ան)։

Verse: 4  Link to sept   Եւ եմուտ առ ագար, եւ յղացաւ։ իբրեւ ետես թէ յղի է՝ արհամարհեցա́ւ տիկինն իւր * յաչս ն(ո)ր(ա)։

Verse: 5  Link to sept   Եւ ասէ սարա ցաբրամ, բո́ւռն է ինձ ՛ի քէն. ես ետու զաղախինն իմ ՛ի գիրկս քո։ եւ արդ՝ իբրեւ ետես թէ յղացաւ, արհամարհեցա́յ ես յաչս ն(ո)ր(ա). դա́տ արասցէ ա(ստուա)ծ ընդ իս եւ ընդ քեզ։

Verse: 6  Link to sept   Եւ ասէ աբրամ ցսարա. ահաւանիկ աղախին քո ՛ի ձեռս քո, արա́ նմա զինչ հաճոյ է առաջի աչաց քոց։ եւ չարչարեաց զնա սարա. եւ փախեա́ւ յերեսաց ն(ո)ր(ա)։

Verse: 7  Link to sept   Եգիտ զնա հրեշտակ տ(եառ)ն յաղբեւր ջուրց յանապատի անդ. յաղբեւրն որ ՛ի ճանապարհին սուրայ է։

Verse: 8  Link to sept   եւ ասէ ցնա հրեշտակ տ(եառ)ն. ագար՝ աղախին սարայի, ուստի՞ գաս կամ յո՞ երթաս։ եւ ասէ՝ յերեսաց սարայի տիկնոջ իմոյ փախուցեալ եմ ես։

Verse: 9  Link to sept   Ասէ ցնա հրեշտակն տ(եառ)ն. դարձի́ր առ տիկին քո՝ եւ հնազա́նդ լեր ընդ ձեռամբ նորա։

Verse: 10  Link to sept   եւ ասէ ցնա հրեշտակն տ(եառ)ն, բազմացուցանելո́վ բազմացուցից զզաւա́կ քո, եւ անթի́ւ լիցի ՛ի բազմութ(են)է։ Եւ ասէ ցնա հրեշտակն տ(եառ)ն

Verse: 11  Link to sept   ահաւադիկ դու յղի́ իսկ ես. եւ ծնցես որդի, եւ կոչեսցես զանուն ն(ո)ր(ա) իսմայէլ. զի լուաւ տ(է)ր տառապանաց քոց։

Verse: 12  Link to sept   եւ նա եղիցի այր վայրա́գ. ձեռք ն(ո)ր(ա) յամենեսին, եւ ձեռք ամենեցուն ՛ի նա. եւ յանդիման ա(մենայ)ն եղբարց իւրոց բնակեսցէ։

Verse: 13  Link to sept   Եւ կարդա́ց ագար զանուն տ(եառ)ն որ խօսեցաւ ընդ նմա, եւ ասէ. դո́ւ ես ա(ստուա)ծ որ հայեցար յիս։ քանզի ասաց եթէ յանդիման իսկ տեսի զայն, որ երեւեցաւն ինձ։

Verse: 14  Link to sept   վ(ա)ս(ն) այնորիկ կոչեաց զջրհո́րն՝ ջրհո́ր այնորիկ զոր յանդիմանն տեսի. եւ ահա է́ այն ընդ կադէս եւ ընդ բարադ։

Verse: 15  Link to sept   Եւ ծնաւ ագար աբրամու որդի,եւ կոչեաց զանուն որդւոյն իւրոյ որ ծնաւ նմա ագար՝ իսմայէլ։

Verse: 16  Link to sept   Եւ աբրամ էր ամաց ութսուն եւ վեցի́ց, յորժամ ծնաւ նմա ագար զիսմայէլ։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ եղեւ աբրամ ամաց իննըսուն եւ ինունց։ եւ երեւեցաւ տ(է)ր ա(ստուա)ծ աբրամու եւ ասէ ցնա, ե́ս եմ ա(ստուա)ծ քո, հաճո́յ լեր առաջի իմ, եւ լեր անարատ։

Verse: 2  Link to sept   եւ եդից զուխտ իմ ընդիս եւ ը(նդ) քեզ, եւ բազմացուցից զքեզ յո́յժ յոյժ։

Verse: 3  Link to sept   Եւ անկա́ւ աբրամ ՛ի վ(ե)ր(այ) երեսաց իւրոց։ եւ խօսեցաւ ընդ նմա ա(ստուա)ծ

Verse: 4  Link to sept   եւ ասէ, եւ իմ ահաւադիկ ուխտ ընդ քեզ. եւ եղիցես հայր բազմութե(ան) ազգաց։

Verse: 5  Link to sept   եւ ո́չ կոչեսցի այսուհետեւ անուն քո աբրամ, այլ եղիցի անուն քո աբրաա́մ. զի հայր ազգա́ց բազմաց եդի զքեզ։

Verse: 6  Link to sept   Եւ աճեցուցից զքեզ յոյժ, եւ եդից զքեզ յազգս. եւ թագաւորք ՛ի քէն ելցեն։

Verse: 7  Link to sept   եւ հաստատեցից զուխտ իմ ընդ իս եւ ընդ քեզ, եւ ՛ի մէջ զաւակի քոյ յետ քո յազգս իւրեանց յուխտ յաւիտենական լինել քեզ ա(ստուա)ծ եւ զաւակի քում յետ քո։

Verse: 8  Link to sept   Եւ տաց քե́զ եւ զաւակի քում զերկիրս զայս, յորում բնակես պանդխտու(թեամ)բ. զա(մենայ)ն երկիրդ քանանացւոց ՛ի ժառանգու(թ)ի(ւն) յաւիտենական. եւ եղէց ն(ո)ց(ա) ա(ստուա)ծ։

Verse: 9  Link to sept   Բայց դու զուխտ իմ պահեսցե́ս, եւ զաւակ քո յետ քո յազգս իւրեանց։

Verse: 10  Link to sept   Եւ ա́յս է ուխտ իմ, զոր պահեսցես ընդ իս եւ ընդ քեզ, եւ ՛ի մէջ զաւակի քո յետ քո յազգս իւրեանց։

Verse: 11  Link to sept   Թլփատեսցի́ ձեր ա(մենայ)ն արու, եւ թլփատեսջիք զմարմին անթլփատութե(ան) ձերոյ. եւ եղիցի նշանա́կ ուխտին ընդիս եւ ընդ ձեզ։

Verse: 12  Link to sept   Եւ մանուկ՝ ութօրեա́յ թլփատեսցի ձեր, ա(մենայ)ն արու յազգս ձեր. ընտոծինն եւ արծաթագինն, եւ յա(մենայ)ն օտարածնէ որ ո́չ իցէ ՛ի զաւակէ քումմէ, թլփատելով թլփատեսցի ընտոծին տան քոյ եւ արծաթագին քո։

Verse: 13  Link to sept   եւ եղիցի ուխտ իմ ՛ի վ(ե)ր(այ) մարմնոյ ձերոյ յուխտ յաւիտենական։

Verse: 14  Link to sept   Արուն անթլփատ՝ որ ո́չ թլփատեսցէ զմարմին անթլփատու(թ)ե(ան) իւրոյ յաւուր ութերորդի, սատակեսցի́ անձնն այն յազգէ իւրմէ. զի ցրեա́ց զուխտ իմ։

Verse: 15  Link to sept   Եւ ասէ ա(ստուա)ծ ցաբրաամ. եւ սարայի կնոջ քո ո́չ կոչեսցի անուն ն(ո)ր(ա) սարա, այլ սարրա́ եղիցի անուն ն(ո)ր(ա)։

Verse: 16  Link to sept   եւ օրհնեցից զնա. եւ տաց քեզ ՛ի նմանէ որդի́, եւ օրհնեցից զնա, եւ եղիցի յազգս, եւ թագաւորք ազգաց ՛ի նմանէ եղիցին։

Verse: 17  Link to sept   Անկա́ւ աբրաամ ՛ի վ(ե)ր(այ) երեսաց իւրոց եւ ծիծաղեցաւ. եւ խօսեցաւ ՛ի սրտի իւրում եւ ասէ. թէ հարիւրամենի՝ որդի՞ լինիցի. եւ սարրա՝ իննըսնամեայ ծնանիցի՞։

Verse: 18  Link to sept   Եւ ասէ աբրաամ ցա(ստուա)ծ. իսմայէլս այս կեցցէ́ առաջի քո։

Verse: 19  Link to sept   Եւ ասէ ա(ստուա)ծ ցաբրաամ. այո́։ ահա սարրա կին քո ծնցի քեզ որդի. եւ հաստատեցից զուխտ իմ ընդ նմ(ա) ուխտ յաւիտենական, եւ ընդ զաւակի ն(ո)ր(ա) յետ ն(ո)ր(ա)։

Verse: 20  Link to sept   Եւ վ(ա)ս(ն) իսմայելի ահա լուա́յ քեզ. եւ օրհնեցից զնա, եւ աճեցուցից զնա եւ բազմացուցից զնա յոյժ. եւ երկոտասա́ն ազգ ծնցի, եւ տաց զնա յա́զգ մեծ։

Verse: 21  Link to sept   բայց զուխտ իմ հաստատեցի́ց ընդ սահակայ, զոր ծնցի քեզ սարրա ՛ի ժամանակի յայսմիկ ՛ի միւսում տարւոջ։

Verse: 22  Link to sept   Եւ վախճանեաց զխօսելն ընդ նմա. եւ վերացաւ ա(ստուա)ծ յաբրաամէ։

Verse: 23  Link to sept   Եւ ա́ռ աբրաամ զիսմայէլ զորդի իւր, եւ զա(մենայ)ն ընտոծինս իւր, եւ զա(մենայ)ն զարծաթագինս իւր, եւ զա(մենայ)ն արու արանց որ էին ՛ի տան աբրաամու. եւ թլփատեաց զմարմին անթլփատու(թ)ե(ան) ն(ո)ց(ա) ՛ի ժամանակի աւուրն այնորիկ, ո(ր)պ(էս) խօսեցաւ ընդ նմա ա(ստուա)ծ։

Verse: 24  Link to sept   Եւ աբրաամ էր ամաց իննսուն եւ ինունց ՛ի ժամանակի յորում թլփատեաց զմարմին անթլփատութե(ան) իւրոյ։

Verse: 25  Link to sept   եւ իսմայէլ որդի ն(ո)ր(ա) երեքտասանամեա́յ էր՝ յորժամ թլփատեաց զմարմին անթլփատութե(ան) իւրոյ։

Verse: 26  Link to sept   ՛Ի ժամանակի աւուրն այնորիկ թլփատեցաւ աբրաա́մ եւ իսմայէլ որդի ն(ո)ր(ա).

Verse: 27  Link to sept   եւ ա(մենայ)ն արք տան ն(ո)ր(ա)։ եւ ընտոծինք եւ արծաթագինք որ էին յազգաց օտարաց՝ թլփատեա́ց զնոսա։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ երեւեցաւ նմա ա(ստուա)ծ առ կաղնեաւն մամբրէի, մինչդեռ նստէր առ դուրս խորանի́ իւրոյ ՛ի մէջօրէի։

Verse: 2  Link to sept   ամբարձեալ զաչս իւր եւ ետես. եւ ահա արք երեք կային ՛ի վերոյ քան զնա։ Եւ իբրեւ ետես՝ ընթացա́ւ ընդ առաջ ն(ո)ց(ա) ՛ի դրանէ խորանին իւրոյ. եւ երկիր եպագ ՛ի վերայ երկրի եւ ասէ։

Verse: 3  Link to sept   Տ(է)ր՝ եթէ գտի շնորհս առաջի քո՝ մի́ զանց առներ ՛ի ծառայէ քումմէ։

Verse: 4  Link to sept   այլ առից սակաւ մի ջուր, եւ լուասցե́ն զոտս ձեր, եւ զովասջիք ընդ ծառովս։

Verse: 5  Link to sept   եւ առից հաց՝ եւ կերիջիք, եւ ապա երթիջիք զճանապարհս ձեր. փոխանակ զի դարձարուք առ ծառայ ձեր։ եւ ասէ՝ այդպէս արա́, ո(ր)պ(էս) ասացերդ։

Verse: 6  Link to sept   Եւ պնդեցաւ աբրաամ ՛ի խորանն առ սարրա, եւ ասէ ցնա. փութա́ թրեա́ գրիւս երիս ալեր նաշհոյ, եւ արա́ նկանս։

Verse: 7  Link to sept   Եւ յանգեայ ընթացաւ աբրաամ, եւ ա́ռ որթ մի մատաղ եւ բարի, եւ ետ ցպատանին, եւ փութացո́յց վաղվաղակի հասուցանել։

Verse: 8  Link to sept   Եւ ա́ռ կոգի եւ կաթն, եւ զորթն զոր հասոյց, եւ եդ առաջի ն(ո)ց(ա), եւ կերան. եւ նա կայր առաջի ն(ո)ց(ա) ընդ ծառովն։

Verse: 9  Link to sept   Եւ ասէ ցնա, ո՞ւր է սառա կին քո։ նա պատասխանի ետ եւ ասէ. ահաւանիկ ՛ի խորանի́ անդ է։

Verse: 10  Link to sept   Եւ ասէ. դարձեալ եկից առ քեզ ՛ի ժ(ա)մկի յայսմիկ ՛ի սո́յն աւուրս, եւ ունիցի որդի սառա կին քո։ եւ սարրա՝ ո́ւնկն դնէր առ դրան խորանին. քանզի յետոյ ն(ո)ր(ա) կայր։

Verse: 11  Link to sept   Եւ աբրաամ եւ սարրա ծերացեալք էին եւ անցեալք զաւուրբք։ եւ պակասեալ էր ՛ի սառայէ լինել ՛ի կանանց օրինի։

Verse: 12  Link to sept   Ծիծաղեցա́ւ սառա ը(նդ) միտս՝ եւ ասէ. որ ինչ ցայժմ ո́չ եղեւ ինձ, ա՞րդ լինիցի. եւ տէր իմ ծերացեալէ։

Verse: 13  Link to sept   Եւ ասէ տ(է)ր ցաբրաամ. զի՞ է զի ծիծաղեցաւ սառա ընդ միտս իւր՝ եւ ասէ. թէ արդարեւ ծնանիցի՞մ. զի ահա ես պառաւեա́լեմ։

Verse: 14  Link to sept   Միթէ տկարանայցէ́ առ ՛ի յա(ստուծո)յ բան։ ՛ի ժամանակի յասմիկ դարձայց առ քեզ ՛ի սոյն աւուրս, եւ եղիցի սառայի որդի́։

Verse: 15  Link to sept   Ժխտեաց սառա եւ ասէ, թէ ո́չ ծիծաղեցայ. քանզի երկեա́ւ։ եւ ասէ. ո́չ այդպէս. այլ ծիծաղեցար։

Verse: 16  Link to sept   Եւ յարուցեալ անտի արանցն յայեցան ընդ երեսս սոդոմացւոց եւ գոմորացւոց։ եւ աբրաամ երթա́յր ընդ ն(ո)ս(ա) յուղարկել զն(ո)ս(ա)։

Verse: 17  Link to sept   Եւ ասէ տ(է)ր. մի թէ թաքո՞ւստ ինչ իցէ յաբրաամէ ծառայէ իմմէ զորինչ գործելոց եմ։

Verse: 18  Link to sept   այլ աբրաամ լինելով լինիցի յա́զգ մեծ եւ ՛ի բազում. եւ օրհնեսցին ՛ի նա ա(մենայ)ն ազգք երկրի։

Verse: 19  Link to sept   ք(ան)զի գիտէի եթէ պատուիրեսցէ որդւոց իւրոց եւ տան իւրոյ յետ իւր, պահե́լ զճանապարհս տ(եառ)ն, եւ առնե́լ զարդարութի(ւն) եւ զիրաւունս։ եւ ածցէ́ տ(է)ր ա(ստուա)ծ ՛ի վերայ աբրաամու զամենայն զոր խօսեցաւ ընդ նմա։

Verse: 20  Link to sept   Եւ ասէ տ(է)ր. աղաղակ սոդոմացւոց եւ գոմորացւոց յաճախեա́ց, եւ մեղք ն(ո)ց(ա) մեծացա́ն յոյժ։

Verse: 21  Link to sept   արդ իջեալ տեսից եթէ ըստ աղաղկին ն(ո)ց(ա) որ յիսն հասանէ՝ վճարիցե՞ն. ապա թէ ոչ զի գիտացից։

Verse: 22  Link to sept   Եւ դարձեալ անտի արանցն եկին ՛ի սոդոմ։ եւ աբրաամ կա́յր առաջի տ(եառ)ն։

Verse: 23  Link to sept   Եւ մատուցեալ աբրաամ ասէր. միթէ կորուսանիցէ՞ս զարդարն ընդ ամպարշտին, եւ լինիցի արդարն իբրեւ զամպարիշտն։

Verse: 24  Link to sept   Եթէ իցեն յիսուն արդար ՛ի քաղաքի, կորուսանիցե՞ս զնոսա. եւ ո՞չ ներեսցես ա(մենայ)ն տեղեացն վ(ա)ս(ն) յիսուն արդարոյն եթէ իցեն ՛ի նմա։

Verse: 25  Link to sept   քա́ւ լիցի քեզ առնել զայն բան, սպանանել զարդարն ընդ ամպարշտի, եւ լինիցի արդարն իբրեւ զամպարիշտն։ քա́ւ լիցի քեզ որ դատիս զա(մենայ)ն երկիր, մի́ արասցես զայն դատաստան։

Verse: 26  Link to sept   Եւ ասէ տ(է)ր, եթէ գտցի ՛ի սոդոմ յիսուն արդար ՛ի քաղաքի անդ, թողացուցի́ց ա(մենայ)ն տեղեացն վասն ն(ո)ց(ա)։

Verse: 27  Link to sept   Պատասխանի ետ աբրաամ եւ ասէ. այժմ սկսայ խօսել ընդ տ(եառ)ն. բայց ես հո́ղ եմ եւ մոխիր։

Verse: 28  Link to sept   եթէ պակա́ս իցեն քան զյիսուն արդար հնգի́ւ չափ, կորուսանիցե՞ս վ(ա)ս(ն) հնգիցն զա(մենայ)ն քաղաքն։ եւ ասէ՝ ո́չ կորուսից՝ եթէ գտցի անդ քառասուն եւ հինգ։

Verse: 29  Link to sept   Եւ յաւե́լ եւս խօսել ընդ նմա՝ եւ ասէ. իսկ եթէ գտցի անդ քառասուն։ եւ ասէ՝ ո́չ կորուսից վ(ա)ս(ն) քառասնիցն։

Verse: 30  Link to sept   Եւ ասէ՝ մի թէ իցէ՞ինչ տ(է)ր եթէ խօսիցիմ. իսկ եթէ գտցի անդ երեսո՞ւն։ եւ ասէ, ո́չ կորուսից՝ եթէ գտցի անդ երեսուն։

Verse: 31  Link to sept   Եւ ասէ. որովհետեւ կալայ խօսել ընդ տ(եառ)ն, թէ գտցի անդ քսա՞ն. եւ ասէ՝ ո́չ կորուսից վ(ա)ս(ն) քսանիցն։

Verse: 32  Link to sept   Եւ ասէ, միթէ իցէ՞ ինչ տ(է)ր եթէ խօսեցայց եւս մի́ւս անգամ։ եթէ գտցի անդ՝ տա՞սն եւ ասէ, ո́չ կորուսից վ(ա)ս(ն) տասանցն։

Verse: 33  Link to sept   Եւ գնա́ց տ(է)ր իբրեւ լռեաց ՛ի խօսելոյ անտի ընդ աբրաամու. եւ աբրաամ դարձա́ւ ՛ի տեղի իւր։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ եկին երկու հրեշտակքն ՛ի սոդոմ ընդ երեկս. եւ ղովտ նստէր առ դրան սոդոմացւոցն։ իբրեւ ետես ղովտ՝ յարեաւ ընդ առաջ ն(ո)ց(ա), եւ երկիր եպագ ՛ի վ(ե)ր(այ) երեսաց իւրոց յերկիր՝ եւ ասէ.

Verse: 2  Link to sept   ահաւասիկ ես՝ տեա́րք, եկա́յք ՛ի տուն ծառայի ձերոյ, հանգերո́ւք, եւ լուացից զորս ձեր, եւ կանխեալ ընդ առաւօտս երթիջիք զճանապարհ ձեր։ Եւ ասեն, ո́չ. այլ ՛ի քաղաքամիջի աստ ագցուք։

Verse: 3  Link to sept   եւ բռնադատեաց զնոսա յոյժ. եւ խոտորեցան առ նա, եւ մտին ՛ի տուն ն(ո)ր(ա). եւ արար ն(ո)ց(ա) ընթրիս։ եւ բաղա́րջ եփեաց ն(ո)ց(ա)՝ եւ կերան։

Verse: 4  Link to sept   Մինչ չե́ւ ՛ի քուն մտեալէր ն(ո)ց(ա), եւ արք քաղաքին սոդոմացւոց պատեցին զտունն յերիտասարդաց մինչեւ ցծերս,ա(մենայ)ն ժողովրդոցն ՛ի միասին։

Verse: 5  Link to sept   եւ կոչէին արտաքս զղովտ, եւ ասեն ցնա. ո՞ւր են արքն որ մտին առ քեզ գիշերի. ա́ծ զն(ո)ս(ա) առ մեզ զի գիտասցուք զն(ո)ս(ա)։

Verse: 6  Link to sept   Եւ ել առ նոսա ղովտ՝ արտաքոյ դրանն, եւ զդուռն ձգեաց զկնի իւր։

Verse: 7  Link to sept   եւ ասէ ցն(ո)ս(ա). քա́ւ լիցի ձեզ ե́ղբարք, մի́ գործէք զայդ չարիս։

Verse: 8  Link to sept   են իմ երկու դստերք որ զայր ո́չ գիտեն, հանից զն(ո)ս(ա) առ ձեզ, եւ արարէք ընդ նոսա ո(ր)պ(էս) հաճոյ իցէ ձեզ, բայց միայն արանցդ այդոցիկ մի́ ինչ մե́զ առնիցէք. որովհետեւ մտին ընդ յարկաւ գերանաց իմոց։

Verse: 9  Link to sept   Եւ ասեն, ՛ի բա́ց կաց. մտեր բնակել պանդխտութ(եամ)բ. միթէ եւ դատաստա՞ն եւս դատել։ այժմ եւ զքե́զ եւս չարչարեսցուք առաւել քան զն(ո)ս(ա)։ եւ բռնադատէին զայրն զղովտ յոյժ, եւ մերձ էին զդուռն խորտակել։

Verse: 10  Link to sept   Եւ ձգեալ արանցն զձեռս իւրեանց կորզեցին յինքեանս զղովտ ՛ի տուն անդր, եւ զդուրս տանն փակեցին։

Verse: 11  Link to sept   եւ զարսն որ առ դուրս տանն կային հարին կուրութ(եամ)բ ՛ի փոքուէ մինչեւ ցմեծն. եւ լքա́ն խնդրել զդուրսն։

Verse: 12  Link to sept   Եւ ասեն արքն ցղովտ. է՞ ոք քո աստ փեսայ կամ որդիք կամ դստերք, կամ այլ ոք քո՝ իցէ՞ ՛ի քաղաքի աստ. հա́ն զնոսա ՛ի տեղոջէ յայսմանէ։

Verse: 13  Link to sept   զի կործանելոց եմք զքաղաքս զայս. զի բարձրացա́ւ աղաղակ սոցա առաջի տ(եառ)ն, եւ առաքեաց զմեզ տ(է)ր սատակե́լ զսա։

Verse: 14  Link to sept   Ել ղովտ եւ խօսեցաւ ընդ փեսայս իւր որ առնլոց էին զդստերս ն(ո)ր(ա). եւ ասէ, արի́ք՝ ելէ́ք ՛ի տեղւոջէ աստի յայսմանէ, զի սատակէ́ տ(է)ր զքաղաքս։ եւ թուէր ծաղր առնել յաչս փեսայից իւրոց։

Verse: 15  Link to sept   Եւ իբրեւ եղեւ առաւօտ, փութացուցանէին հրեշտակքն զղովտ՝ եւ ասէին. արի́ առ զկին քո եւ զերկուս դստերս քո զոր ունիս, եւ ե́լ աստի, զի մի́ եւ դո́ւ կորնչիցիս ընդ անօրէնութի(ւն) քաղաքիդ։

Verse: 16  Link to sept   Եւ նոքա խռովեցա́ն։ եւ կալան հրեշտակքն զձեռանէ ն(ո)ր(ա), եւ զձեռանէ կնոջ ն(ո)ր(ա), եւ զձեռանէ երկուց դստերաց ն(ո)ր(ա). զի խնայեաց տ(է)ր ՛ի նա։ եւ հանին զնա, եւ եդին արտաքոյ քաղաքին։

Verse: 17  Link to sept   Եւ եղեւ իբրեւ հանին զնոսա արտաքս, ասեն՝ ապրեցո́ զանձն քո, մի́ դառնայցես յետս, եւ մի́ կայցես յա(մենայ)ն կողմանս աշխարհիդ. զերծի́ր ՛ի լեառն, գուցէ՝ ընդ ն(ո)ս(ա) ըմբռնիցիս։

Verse: 18  Link to sept   Եւ ասէ ղովտ ցն(ո)ս(ա). աղաչեմ տէր,

Verse: 19  Link to sept   որովհետեւ եգիտ ծառայ քո ողորմութի(ւն) առաջի քո, եւ մե́ծ արարեր զարդարու(թ)ի(ւն) քո, զոր առնես յիս ապրել անձին իմոյ. եւ արդ ես ո́չ կարեմ զերծանել ՛ի լեառն, գուցէ հասանիցեն ինձ չարիքն, եւ մեռանիցիմ։

Verse: 20  Link to sept   ահա քաղաքս այս մե́րձ է անկանել ՛ի նա, որ է փոքրիկ, ա́դ ապրեցայց, եւ չէ́ փոքր, եւ կեցցէ անձն իմ վ(ա)ս(ն) քո։

Verse: 21  Link to sept   Եւ ասէ ցնա՝ ահաւասիկ արարի մեծարա́նս երեսաց քոց. եւ ՛ի բանիդ յայդմիկ չկործանել զքաղաքն վ(ա)ս(ն) որոյ խօսեցար։

Verse: 22  Link to sept   Եւ արդ՝ փութա́ զերծանել ՛ի նա. զի ոչ կարեմ առնել իրս իչ մինչեւ անկանիցի́ս անդր. վ(ա)ս(ն) այնորիկ կոչեաց զանուն քաղաքին այնորիկ սեգովր։

Verse: 23  Link to sept   Արեգակն ծագեաց յերկիր, եւ ղովտ եմուտ ՛ի սեգովր։

Verse: 24  Link to sept   եւ տ(է)ր տեղաց ՛ի սոդոմ եւ ՛ի գոմոր ծըծումբ եւ հուր ՛ի տ(եառն)է յերկնից.

Verse: 25  Link to sept   եւ կործանեաց զքաղաքսն զայնոսիկ, եւ զա(մենայ)ն կողմանսն, եւ զա(մենայ)ն բնակիչս քաղաքացն, եւ զա(մենայ)ն բոյս երկրին։

Verse: 26  Link to sept   եւ դարձաւ կինն ղովտայ յետս, եւ եղեւ արձա́ն աղի։

Verse: 27  Link to sept   Եւ կանխեալ աբրաամ ընդ առաւօտն ՛ի տեղին ուր կայր առաջի տ(եառ)ն.

Verse: 28  Link to sept   եւ հայեցաւ յերեսս սոդոմացւոց եւ գոմորացւոց, եւ յա(մենայ)ն երեսս երկրի գաւառին. եւ ետես եւ ահա ելանէր բոց երկրին իբրեւ մրրիկ հնոցի։

Verse: 29  Link to sept   Եւ եղեւ ՛ի սատակել տ(եառ)ն զա(մենայ)ն զքաղաքսն զայնոսիկ շուրջ զբնակութ(եամ)բն, յիշեա́ց ա(ստուա)ծ զաբրաամ, եւ եհան արձակեաց զղովտ ՛ի միջոյ կործանմանն, ՛ի կործանել տ(եառ)ն զքաղաքսն յորս բնակեալէր ՛ի նոսա ղովտ։

Verse: 30  Link to sept   Եւ ե́լ ղովտ ՛ի սեգովրայ, եւ նստէր ՛ի լերինն, եւ երկոքին դստերք ն(ո)ր(ա) ընդ նմա. քանզի երկեա́ւ բնակել ՛ի սեգովր. եւ բնակեաց յայրի անդ, ի́նքն եւ երկոքին դստերք ն(ո)ր(ա) ընդ նմա։

Verse: 31  Link to sept   Եւ ասէ երէցն ցկրցերն. հայր մեր ծերացեալ է, եւ չի́ք ոք յերկրի որ մտանիցէ առ մեզ, ո(ր)պ(էս) օրէն է ա(մենայ)ն երկրի։

Verse: 32  Link to sept   ե́կ արբուսցո́ւք հօր մերում գինի, եւ ննջեսցո́ւք ընդ նմա, եւ յարուսցուք ՛ի հօրէ մերմէ զաւակ։

Verse: 33  Link to sept   Եւ արբուցին հօրն իւրեանց գինի ՛ի գիշերին յայնմիկ. եւ եմուտ երէցն ննջեաց ընդ հօրն իւրում զգիշերն զայն. եւ ո́չ գիտէր ՛ի ննջելն ն(ո)ր(ա) եւ ՛ի յառնել։

Verse: 34  Link to sept   Եւ եղեւ ՛ի վաղիւ անդր, եւ ասէ երէցն ցկրտսերն. ահա ննջեցի ես երեկ ընդ հօր իմում, արբուսցո́ւք նմա գինի եւ ՛ի գիշերիս յայսմիկ. եւ մուտ ննջեա́ ընդ նմա. եւ յարուսցո́ւք զաւակ ՛ի հօրէ մերմէ։

Verse: 35  Link to sept   Եւ արբուցին՝ եւ յա́յնմ գիշերի գինի հօրն իւրեանց. եւ եմուտ կրտսերն եւ ննջեաց ընդ հօրն իւրում. եւ ո́չ գիտէր ՛ի ննջելն ն(ո)ր(ա) եւ ՛ի յառնել։

Verse: 36  Link to sept   Եւ յղացան երկոքին դստերքն ղովտայ ՛ի հօրէն իւրեանց։

Verse: 37  Link to sept   Եւ ծնաւ երէցն որդի, եւ կոչեաց զանուն նորա մովա́բ. ասէ, ՛ի հօրէ իմմէ. նա́ է հայր մովաբացւոց մինչեւ ցայսօր ժամանակի։

Verse: 38  Link to sept   Ծնաւ եւ կրցերն որդի՝ եւ կոչեաց զանուն նորա ամման. ասէ, որդի ազգի իմոյ. նա́ է հայր ամոնացւոց մինչեւ ցայս օր ժամանակի։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ չուեա́ց անտի աբրաամ յերկիրն հարաւոյ, եւ բնակեցա́ւ ընդ կադէս եւ ընդ սուր. եւ պանդխտեցաւ ՛ի գերարայ։

Verse: 2  Link to sept   եւ ասա́ց աբրաամ վ(ա)ս(ն) սառայի կնոջ իւրոյ թէ քոյր իմ է։ եւ առաքեաց աբիմելէք արքայ գերեարացւոց, եւ ա́ռ զսարրա։

Verse: 3  Link to sept   Եւ եկն ա(ստուա)ծ առ աբիմելէք ՛ի տեսլեան * գիշերոյ, եւ ասէ. ահա մեռանի́ս վ(ա)ս(ն) կնոջդ զոր առեր, զի կին՝ առնակին է։

Verse: 4  Link to sept   Բայց աբիմելէք ո́չ մերձեցաւ ՛ի նա։ եւ ասէ՝ տ(է)ր, զազգ մի զանգէ́տ եւ զարդար՝ կորուսանիցե՞ս։

Verse: 5  Link to sept   ոչ ապաքէն նա́ ասաց ցիս քոյր իմ է, եւ սա՝ ասաց ցիս եղբա́յր իմ է, եւ ես սրբութ(եամ)բ սրտի՝ եւ արդարութ(եամ)բ ձեռաց արարի զայս։

Verse: 6  Link to sept   Եւ ասէ ցնա ա(ստուա)ծ ՛ի տեսլեանն. ես գիտացի́ զի սրբութ(եամ)բ սրտի արարեր դու զայդ, եւ խնայեցի ես ՛ի քեզ չմեղանչել քեզ յիս. վ(ա)ս(ն) այնորիկ ո́չ ետու թոյլ քեզ մերձենալ ՛ի դա։

Verse: 7  Link to sept   բայց արձակեա́ զկինդ յա́յր իւր. զի այր մարգարէ է, եւ արասցէ աղօթս վ(ա)ս(ն) քո եւ կեցցես։ ապաթէ ո́չ տացես, գիտեա́ զի մեռանի́ս դու եւ ա(մենայ)ն որ ինչ քո է։

Verse: 8  Link to sept   Եւ կանխեաց աբիմելէք ը(նդ) առաւօտն՝ եւ կոչեաց զա(մենայ)ն զծառայս իւր, եւ խօսեցաւ զա(մենայ)ն բանս զայսոսիկ յականջս ն(ո)ց(ա)։ եւ զահի́ հարան ա(մենայ)ն մարդիկն յոյժ։

Verse: 9  Link to sept   Եւ կոչեաց աբիմելէք զաբրաամ, եւ ասէ ցնա. զի՞նչ գործեցեր դու զայդ ընդ մեզ. միթէ մեղա՞ք ինչ քեզ՝ զի ածեր ՛ի վ(ե)ր(այ) իմ եւ ՛ի վ(ե)ր(այ) թագաւորու(թ)ե(ան) իմոյ մեղս մեծամեծս. գործ զոր ո́չ ոք գործէ՝ գործեցեր ընդիս։

Verse: 10  Link to sept   եւ ասէ աբիմելէք ցաբրաամ. զի՞նչ տեսեալ արարեր զբանդ զայդ։

Verse: 11  Link to sept   Եւ ասէ աբրաամ. զի ասացի՝ թէ գուցէ ո́չ գուցէ ա(ստուա)ծպաշտու(թ)ի(ւն) ՛ի տեղւոջս յայսմիկ. եւ զիս սպանանիցեն վ(ա)ս(ն) կնոջդ իմոյ։

Verse: 12  Link to sept   բայց արդարեւ՝ քո́յր իմ է ՛ի հօրէ եւ ո́չ ՛ի մօրէ. եւ եղեւ ինձ կին։

Verse: 13  Link to sept   Եւ եղեւ յորժամ եհան զիս ա(ստուա)ծ ՛ի տանէ հօր իմոյ, եւ ես ասացի ցդա. զա́յս արդարու(թ)ի(ւն) արասցես ընդիս. յա(մենայ)ն տեղիս ուր եւ երթիցուք, ասասջիր զինէն թէ եղբա́յր իմ է։

Verse: 14  Link to sept   Եւ ա́ռ աբիմելէք հազար սատեր, եւ արջառ եւ ոչխար, ծառայս եւ աղախնայս, եւ ետ աբրաամու. եւ ետ ցնա զսառա զկին իւր։

Verse: 15  Link to sept   եւ ասէ աբիմելէք ցաբրաամ, ահաւասիկ երկիրդ իմ առաջի քո, ուր հաճոյ իցէ քեզ բնակեա́ց։

Verse: 16  Link to sept   Եւ ցսառա ասէ. ահա ետու հազա́ր սատեր եղբօր քում, այն եղիցի քեզ ՛ի պատի́ւ երեսաց քոց, եւ ա(մենայ)ն կանանց որ ընդ քեզ են. եւ զա(մենայ)ն արդա́ր խօսեսցիս։

Verse: 17  Link to sept   Եւ եկաց յաղօթս աբրաամ առ ա(ստուա)ծ. եւ բժշկեաց զաբիմելէք եւ զկին ն(ո)ր(ա), եւ զաղախնայս ն(ո)ր(ա), եւ ծնանէին։

Verse: 18  Link to sept   զի փակելով փակեաց տ(է)ր արտաքուստ զա(մենայ)ն արգանդ ՛ի տան աբիմելեքայ վ(ա)ս(ն) սառայի կնոջ աբրաամու։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ տ(է)ր յա́յց ել սառայի որպէս եւ ասաց. եւ արա́ր տ(է)ր սառայի՝ ո(ր)պ(էս) եւ խօսեցաւ։

Verse: 2  Link to sept   Եւ յղեցա́ւ ծնաւ սառա աբրաամու որդի ծերութե(ան). ըստ ժամանակին որպէս եւ խօսեցաւ ընդ նմա ա(ստուա)ծ։

Verse: 3  Link to sept   Եւ կոչեաց աբրաամ զանուն որդւոյ իւրոյ զոր ծնաւ նմա սառա՝ իսահա́կ։

Verse: 4  Link to sept   եւ թլփատեա́ց աբրաամ զիսահակ զորդի իւր յաւուր ութերորդի, որպէս եւ պատուիրեաց նմա տ(է)ր ա(ստուա)ծ։

Verse: 5  Link to sept   Եւ աբրաամ հարեւրամեա́ն էր յորժամ եղեւ նմա իսահակ որդի իւր։

Verse: 6  Link to sept   Եւ ասէ սառա, ծա́ղր արար զիս ա(ստուա)ծ. զի որ եւ լսիցէ՝ ուրա́խ լինիցի ընդիս։

Verse: 7  Link to sept   Եւ ասէ. ո́վ պատմեսցէ աբրաամու եթէ սնուցանիցէ մանուկ՝ սառա. զի ծնայ որդի́ ՛ի ծերութե(ան) իմում։

Verse: 8  Link to sept   Եւ աճեաց մանուկն, եւ հատուցա́ւ ՛ի ստենէ. եւ արար աբրաամ ուրախու(թ)ի́(ւն) մեծ յաւուր յորում հատուցա́ւ ՛ի ստենէ իսահակ որդի իւր։

Verse: 9  Link to sept   Եւ տեսեալ սառայի զորդին ագարայ եգիպտացւոյ՝ որ եղեւ աբրաամու, զի խաղա́յր ընդ իսահակայ որդւոյ իւրում, եւ ասէ ցաբրաամ։

Verse: 10  Link to sept   ՛ի բա́ց հան զաղախինդ եւ զորդի դորա. զի մի́ ժառանգեսցէ որդի աղախնոյդ ընդ որդւոյ իմում իսահակայ։

Verse: 11  Link to sept   Եւ խի́ստ թուեցաւ բանն առաջի աբրաամու վասն որդւոյ նորա։

Verse: 12  Link to sept   Եւ ասէ ա(ստուա)ծ ցաբրաամ. մի́ ինչ խիստ թուեսցի առաջի քո վ(ա)ս(ն) մանկանն եւ վ(ա)ս(ն) աղախնոյն։ զա(մենայ)ն զոր զինչ ասիցէ քեզ սառա՝ լո́ւր ձայնի ն(ո)ր(ա). զի սահակա́ւ կոչեսցի քեզ զաւակ։

Verse: 13  Link to sept   բայց զորդի աղախնոյդ արարից յա́զգ մեծ, զի սերմն քո́ է։

Verse: 14  Link to sept   Յարեաւ աբրաամ ընդ առաւօտն՝ եւ ա́ռ հաց եւ տիկ ջրոյ եւ ետ ցագար, եւ ե́դ յուս ն(ո)ր(ա) զմանուկն, եւ արձակեա́ց զնա։ եւ երթեալ մոլորեալ շրջէ́ր յանապատի անդ առ ջրհորովն երդման։

Verse: 15  Link to sept   Եւ նուաղեա́ց ջուր ՛ի տկէ անտի. եւ ընկէց զմնուկն ՛ի ներքոյ միոյ եղեւին ծառոյ։

Verse: 16  Link to sept   եւ երթեալ նստաւ յանդիման ն(ո)ր(ա) ՛ի բացեայ իբրեւ վտաւանա́ւ. զի ասէր՝ թէ ո́չ տեսից զմահ որդւոյն իմոյ. եւ նստէր յանդիման ն(ո)ր(ա)։ ձա́յն բարձեալ մանկանն լայր։

Verse: 17  Link to sept   Եւ լուա́ւ ա(ստուա)ծ ձայնի մանկանն ՛ի տեղւոջէն ուր էր։ եւ կոչեաց ա(ստուա)ծ զագար յերկնից՝ եւ ասէ ցնա. զի՞նչ է այդ ագար, մի́ երկնչիր. զի լուա́ւ ա(ստուա)ծ ձայնի որդւոյ քոյ ՛ի տեղւոջէ այտի ուր է։

Verse: 18  Link to sept   արի ա́ռ զմանուկն քո, եւ զօրացո́ զնա ձեռամբ. զի յազգ մե́ծ արարից զնա։

Verse: 19  Link to sept   Եւ եբա́ց ա(ստուա)ծ զաչս ն(ո)ր(ա), եւ ետես ջրհոր ջրոյ կենդանւոյ. եւ չոգաւ ելից զտիկն ջրով եւ արբոյց մանկանն։ Եւ էր ա(ստուա)ծ ընդ մանկանն.

Verse: 20  Link to sept   եւ աճեաց, եւ եղեւ աղեղնաւոր։

Verse: 21  Link to sept   եւ բնակէր յանապատին փառանու. եւ ա́ռ նմա մայր ն(ո)ր(ա) կին յերկրէն եգիպտացւոց։

Verse: 22  Link to sept   Եւ եղեւ ՛ի ժամանակին յայնմիկ խօսեցաւ աբիմելէք, եւ ոքոզաթ տաճարապետ ն(ո)ր(ա), եւ փիքաւղ սպարապետ զօրաց ն(ո)ր(ա). եւ ասեն ցաբրաամ. ա(ստուա)ծ ընդ քե́զ է յա(մենայ)նի զինչ եւ գործես։

Verse: 23  Link to sept   Արդ՝ երդուի́ր ինձ յա(ստուա)ծ չմեղանչել ինձ, եւ մի́ զաւակի իմում, եւ անուան իմոյ. այլ ըստ արդարու(թ)ե(ա)ն զոր արարի ընդ քեզ՝ արասցես ընդ իս, եւ երկրիս յորում բնակեալ ես ՛ի սմա։

Verse: 24  Link to sept   եւ ասէ աբրաամ. ե́ս երդնում։

Verse: 25  Link to sept   Եւ յանդիմանեա́ց աբրաամ զաբիմելէք՝ վ(ա)ս(ն) ջրհորոյն ջրոց զորս հանին ծառայքն աբիմելեքայ։

Verse: 26  Link to sept   Եւ ասէ ցնա աբիմելէք. ո́չ գիտացի ո́ արար զայն իրս, եւ դու ո́չ պատմեցեր ինձ. եւ իմ ո́չ էր լուեալ՝ բայց այսօր։

Verse: 27  Link to sept   Եւ ա́ռ աբրաամ արջառս եւ ոչխարս՝ եւ ետ աբիմելէքայ. եւ եդին երկոքին ուխտ ընդ միմեանս.

Verse: 28  Link to sept   եւ կացոյց աբրաամ եւթն որոջ ոչխարաց միայն։

Verse: 29  Link to sept   Եւ ասէ աբիմելէք ցաբրաամ. զի՞նչ են այս եւթն որոջք ոչխարաց զորս կացուցեր միայն։

Verse: 30  Link to sept   Եւ ասէ՝ զայդ եւթն որոջս առցես յինէն, զի եղիցի ինձ ՛ի վկայութի(ւն), թէ ե́ս փորեցի զջրհորդ զայդ։

Verse: 31  Link to sept   վ(ա)ս(ն) այնորիկ անուանեաց զանուն տեղւոյն այնորիկ ջրհո́ր երդման.

Verse: 32  Link to sept   զի ա́նդ երդուան երկոքին միմեանց, եւ անդ եդին ուխտ առ ջրհորին երդման։ Յարեաւ աբիմելէք եւ ոքոզաթ տաճարապետ ն(ո)ր(ա), եւ փիգաւղ սպարապետ զօրաց ն(ո)ր(ա). եւ դարձան անդրէն յերկիրն փղշտացւոց։

Verse: 33  Link to sept   Եւ տնկեաց աբրաամ տունկ առ ջրհորովն երդման. եւ կարդաց անդ զանուն տ(եառ)ն, ա(ստուա)ծ յաւիտենական։

Verse: 34  Link to sept   Եւ պանդխտեցա́ւ աբրաամ յերկրին փղշտացւոց աւուրս բազումս։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Եւ եղեւ յետ բանիցս այսոցիկ, փորձեա́ց ա(ստուա)ծ զաբրաամ՝ եւ ասէ ցնա. աբրաա́մ. եւ նա́ ասէ աւասի́կ եմ։

Verse: 2  Link to sept   Եւ ասէ ցնա. ա́ռ դու զորդիդ քո սիրելի զոր սիրեցեր զիսահակ, եւ գնա́ դու յերկիր բարձր, եւ հանցես զդա անդ յողջակէզ ՛ի վ(ե)ր(այ) միոյ լերանց յորոց ասացից քեզ։

Verse: 3  Link to sept   Եւ յարեաւ աբրաամ ընդ առաւօտն, համետեաց զէշ իւր. եւ ա́ռ ընդ իւր երկուս ծառայս. եւ զիսահակ զորդի իւր. եւ պատառեաց փայտ յողջակէզ՝ եւ յարեաւ գնա́ց. եւ եկն ՛ի տեղին զոր ասաց նմա ա(ստուա)ծ։

Verse: 4  Link to sept   եւ յաւուրն երրորդի համբարձ զաբրաամ զաչս իւր * եւ ետես զտեղին ՛ի հեռաստանէ։

Verse: 5  Link to sept   Եւ ասէ աբրաամ ցպատանիս իւր. նստարո́ւք դուք այդր հանդերձ իշովդ. եւ ես եւ պատանեակդ երթիցուք մինչեւ ցանդր, եւ երկի́ր պագցուք եւ դարձցուք առ ձեզ։

Verse: 6  Link to sept   Եւ ա́ռ աբրաամ զփայտ ողջակիզին, եւ եդ ՛ի վ(ե)ր(այ) իսահակայ որդւոյ իւրոյ. եւ առ ՛ի ձեռն զսուրն եւ զհուրն. եւ գնացին երկոքեան՛ի միասին։

Verse: 7  Link to sept   Եւ ասէ իսահակ ցաբրաամ հայր իւր, հա́յր. եւ նա ասէ, զի՞ է ո́րդեակ։ եւ նա ասէ, ահա հուր՝ եւ ահա փայտ. ո՞ւր է ոչխար յողջակէզ։

Verse: 8  Link to sept   եւ նա ասէ. ա(ստուա)ծ տեսցէ իւր ոչխար յողջակէզ ո́րդեակ։ գնացին երկոքեան ՛ի միասին,

Verse: 9  Link to sept   եւ եկին ՛ի տեղին զոր ասաց նմա ա(ստուա)ծ։ Անդ շինեաց սեղան աբրաամ. եւ ե́դ ՛ի վերայ զփայտն։ եւ կապեաց զիսահակ զորդի իւր, եւ եդ զնա ՛ի սեղան ՛ի վ(ե)ր(այ) փայտին։

Verse: 10  Link to sept   եւ ձգեաց աբրաամ զձեռն առնուլ զսուրն եւ զենուլ զորդին իւր։

Verse: 11  Link to sept   Եւ կոչեաց զնա հրեշտակ տ(եառ)ն յերկնից՝ եւ ասէ. աբրաա́մ աբրաամ։ եւ նա ասէ ցնա. ա́ւասիկ եմ։

Verse: 12  Link to sept   եւ ասէ, մի́ մխեր զձեռն քո ՛ի պատանեակդ, եւ մի́ ինչ առներ դմա. զի այժմ գիտացի թէ երկիւղա́ծ ես դու յա(ստուծո)յ, եւ ո́չ խնայեցեր յորդիդ քո սիրելի վ(ա)ս(ն) իմ։

Verse: 13  Link to sept   Համբա́րձ աբրաամ զաչս իւր եւ ետես, եւ ահա խոյ մի կախեա́լ կայր զծառոյն սաբեկայ զեղջերաց։ եւ գնա́ց աբրաամ ա́ռ զխոյն, եւ եհան զնա յողջակէզ փոխանակ իսահակայ որդւոյ իւրոյ։

Verse: 14  Link to sept   Եւ կոչեաց աբրաամ զանուն տեղւոյն այնորիկ տ(է)ր ետես. զի ասիցեն ցա́յսօր ՛ի լերինս յայսմիկ տ(է)ր երեւեցաւ։

Verse: 15  Link to sept   Եւ կոչեաց հրեշտակ տ(եառ)ն զաբրաամ երկիցս անգամ յերկնից՝ եւ ասէ։

Verse: 16  Link to sept   Յա́նձն իմ երդուայ՝ ասէ տ(է)ր, փոխանակ զի արարե́ր դու զբանդ զայդ, եւ ոչ խնայեցեր յորդիդ քո սիրելի վ(ա)ս(ն) իմ.

Verse: 17  Link to sept   այո́ օրհնելով օրհնեցից զքեզ, եւ բազմացուցանելով բազմացուցից զզաւակ քո ո(ր)պ(էս) զաստեղս երկնից բազմու(թեամ)բ. եւ ո(ր)պ(էս) զաւազ առ ափն ծովու. եւ ժառանգեսցէ́ զաւակ քո զքաղաքս հակառակորդաց իւրոց։

Verse: 18  Link to sept   եւ օրհնեսցի́ն ՛ի զաւակի քում ա(մենայ)ն ազգք երկրի. փոխանակ զի լուա́ր ձայնի իմում։

Verse: 19  Link to sept   Դարձաւ աբրաամ առ պատանիսն իւր, եւ յարուցեալ գնացին ՛ի միասին ՛ի ջրհորն երդման. եւ բնակեցաւ աբրաամ առ ջրհորովն երդման։

Verse: 20  Link to sept   Եւ եղեւ յետ բանիցս այսոցիկ, պատմեցաւ աբրաամու, թէ ահա ծնաւ մեղքա եւ նա́ որդիս նաքովրայ եղբօր քում։

Verse: 21  Link to sept   ովք զանդրանիկն ն(ո)ր(ա), եւ զբաւ զեղբայր ն(ո)ր(ա), եւ զկամուէլ հայր ասորւոց,

Verse: 22  Link to sept   եւ զքասադ, եւ զազաւ, եւ զփաղդաս, եւ զյետդափ, եւ զբաթուէլ.

Verse: 23  Link to sept   եւ բաթուէլ ծնաւ զռեբեկա։ ո́ւթ սոքա որդիք՝ զորս ծնաւ մեղքա նաքովրայ եղբօր աբրաամու։

Verse: 24  Link to sept   Եւ հա́րճն նորին որոյ անուն էր ռեմա, ծնաւ եւ նա զտաբեկ, եւ զգաամ, եւ զտոքոս, եւ զմովքա։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ եղեն կեանք սառայի հարիւր եւ քսան եւ եւթն ամ։

Verse: 2  Link to sept   եւ մեռաւ սառա ՛ի քաղաքի արբոկա ՛ի ձորն, ա́յն ինքն է քեբրոն յերկրին քանանացւոց։ եւ եկն աբրաամ կոծե́լ զսառա եւ սո́ւգ առնուլ։

Verse: 3  Link to sept   Եւ յարեաւ աբրաամ ՛ի մեռելոյն իւրմէ, եւ խօսեցաւ ընդ որդիսն քետեայ՝ եւ ասէ։

Verse: 4  Link to sept   Պանդո́ւխտ եւ նժդեհ եմ ես ՛ի միջի ձերում. արդ՝ տո́ւք ինձ ստացուած գերեզմանի ընդ ձեզ եւ թաղեցից զմեռեալս իմ։

Verse: 5  Link to sept   Պատասխանի ետուն որդիքն քետայ աբրաամու՝ եւ ասեն.

Verse: 6  Link to sept   ո́ւնկն դիր մեզ տէր, թագաւո́ր յա(ստուծո)յ ես ՛ի միջի մերում, յընտիր շիրմաց մերոց թաղեա́ զմառեալն. զի ո́չ ոք ՛ի մէնջ արգելու ՛ի քէն զշիրիմս։

Verse: 7  Link to sept   Յարեա́ւ աբրաամ երկիր եպագ ժողովրդեան երկրին որդւոցն քետայ։

Verse: 8  Link to sept   եւ խօսեցաւ ընդ նոսա աբրաամ՝ եւ ասէ. եթէ յօժա́ր իցէք ՛ի մտի ձերում թաղել զմեռեալդ իմ յերեսաց իմոց, ո́ւնկն դիք ինձ, եւ խօսեցարո́ւք վ(ա)ս(ն) իմ ընդ եփրոնի որդւոյ սահառայ,

Verse: 9  Link to sept   եւ տացէ ինձ զայրն կրկին, որ է ՛ի վիճակի ագարակի իւրոյ, արծաթոյ՝ որչափ եւ արժան իցէ. տացէ́ զնա ինձ ՛ի միջի ձերում ՛ի ստացուած բնակաց։

Verse: 10  Link to sept   եւ եփրոն նստէր ՛ի մէջ որդւոցն քետայ։ Պատասխանի ետ եփրոն քետացի աբրաամու՝ եւ ասէ, լո́ւ ՛ի լու որդւոցն քետայ, եւ ամենեցուն որ մտանէին ընդ դուռն քաղաքի ն(ո)ր(ա)։

Verse: 11  Link to sept   եւ ասէ. յի́ս դարձ տէր. եւ ունկն դիր ինձ. զագարակն ետու քեզ, եւ զայրն որ ՛ի նմա տա́ց քեզ առաջի ա(մենայ)ն քաղաքակցաց իմոց ետու քեզ թաղե́լ զմեռեալն քո։

Verse: 12  Link to sept   Ես երկիր եպագ աբրաամ առաջի ա(մենայ)ն ժողովրդեան երկրին.

Verse: 13  Link to sept   եւ խօսեցաւ ընդ եփրոնի յականջս ժողովրդեան երկրին, եւ ասէ. որով հետեւ անսացեր ինձ, ո́ւնկն դիր ինձ. տա́ց քեզ արծաթ ընդ ագարակին, ա́ռ յինէն եւ թաղեցից անդ զմեռեալս։

Verse: 14  Link to sept   Պատասխանի ետ եփրոն աբրաամու՝ եւ ասէ ցնա.

Verse: 15  Link to sept   ո́չ տէր իմ. լուայ թէ գետինն չորեքհարեւր սատեր արծաթոյ է, ընդ իս եւ ընդ քեզ զի՞նչ է այն. բայց դու թաղեա́ զմեռեալն քո։

Verse: 16  Link to sept   Եւ իբրեւ լուաւ աբրաամ յեփրոնէ, կշռեա́ց զարծաթն եփրոնի, զոր խօսեցաւն յականջս որդւոցն քետայ, չորեքհարիւր սատեր արծաթոյ ընտրոյ վաճառականաց։

Verse: 17  Link to sept   Եւ հաստատեցա́ւ ագարակն եփրոնի, որ է́ առ կրկնով այրիւն յանդիման մամբրէի, ագարակն եւ այրն որ է ՛ի նմա. եւ ա(մենայ)ն ծառատունկ որ է յագարակի անդ, շուրջ յա(մենայ)ն սահմանս ն(ո)ր(ա),

Verse: 18  Link to sept   ՛ի ստացուածս աբրաամու առաջի որդւոցն քետայ, եւ որ մտանէին ընդ դուռն քաղաքի ն(ո)ր(ա)։

Verse: 19  Link to sept   Եւ յետ այնորիկ թաղեաց աբրաամ զսառա զկին իւր ՛ի կրկնումն այրի ագարակին, որ է յանդիման մամբրէի. ա́յն է քեբրոն յերկրին քանանացւոց։

Verse: 20  Link to sept   եւ հաստատեցաւ ագարակն եւ այրն որ է ՛ի նմա՝ աբրաամու, ՛ի ստացուածս շիրմաց յորդւոցն քետայ։



Chapter: 24 
ԳԼ(ՈՒԽ) Ի՜Դ


Verse: 1  Link to sept   Եւ աբրաամ ծերացեալ էր եւ անցեալ զաւուրբք. եւ տ(է)ր օրհնեաց զաբրաամ ամենայնիւ։

Verse: 2  Link to sept   Եւ ասէ աբրաամ ցծառայն իւր ցերէց տան իւրոյ, ցիշխան ա(մենայ)ն ընչից ն(ո)ր(ա). դի́ր զձեռն քո ը(նդ) երանօք իմովք։

Verse: 3  Link to sept   եւ երդմնեցուցից զքեզ ՛ի տ(է)ր, յա(ստուա)ծ երկնից, եւ յա(ստուա)ծ երկրի, զի մի́ առցես կին որդւոյ իմում իսահակայ ՛ի դստերաց քանանացւոց յորոց միջի ե́ս բնակեմ։

Verse: 4  Link to sept   այլ յերկիրն իմ ուստի ելեալեմ երթիցես, եւ ՛ի տուն իմ. եւ առցես դու անտի́ կին որդւոյ իմում իսահակայ։

Verse: 5  Link to sept   Ասէ ցնա ծառայն. գուցէ՝ կինն ո́չ կամիցի գալ ընդիս յերկիրս յայս, դարձուցանելով դարձուցի՞ց զորդի քո յերկիրն ուստի ելեր։

Verse: 6  Link to sept   Եւ ասէ աբրաամ. զգո́յշ լեր, մի́ դարձուցանիցես զորդի իմ անդր։

Verse: 7  Link to sept   Տ(է)ր ա(ստուա)ծ երկնից, եւ ա(ստուա)ծ երկրի, որ ա́ռ զիս ՛ի տանէ հօր իմոյ, եւ յերկրէն ուստի ծնեալ էի, որ խօսեցա́ւն ընդ իս՝ եւ երդուաւ ինձ եւ ասէ. զաւակի́ քում տաց զերկիրդ զայդ. նա́ առաքեսցէ զհրեշտակ իւր առաջի քո. եւ առցե́ս անտի կին որդւոյ իմում իսահակայ։

Verse: 8  Link to sept   Ապաթէ ոչ կամիցի կինն գալ ընդ քեզ յերկիրս յայս, քաւեա́լ լիջիր դու յերդմանէդ յայդմանէ։ բայց միայն զորդեակդ իմ մի́ դարձուցանիցես անդր։

Verse: 9  Link to sept   Եւ ե́դ ծառայն աբրաամու զձեռն իւր ընդ երանօք տեառն իւրոյ՝ եւ երդուա́ւ նմա վ(ա)ս(ն) բանիս այսորիկ։

Verse: 10  Link to sept   Եւ ա́ռ ծառայն տասն ուղտ յուղտուց տեառն իւրոյ՝ եւ գնա́ց։ եւ յա(մենայ)ն բարութե(ան)ց տեառն իւրոյ ընդ իւր։ եւ յարեաւ գնա́ց ՛ի միջագետս ՛ի քաղաքն նաքովրայ.

Verse: 11  Link to sept   եւ նստոյց զուղտսն արտաքոյ քաղաքին առ ջրհորոյ ջրոցն ը(նդ) երեկս յորժամ ջրուորն ելանէր։ Եւ ասէ.

Verse: 12  Link to sept   տ(է)ր ա(ստուա)ծ տեառն իմոյ աբրաամու՝ յաջողեա́ առաջի իմ այսօր. եւ արա́ ողորմութի(ւն) ընդ տեառն իմում աբրաամու։

Verse: 13  Link to sept   Աւասիկ ես կամ ՛ի վ(ե)ր(այ) աղբեր ջրոյս, եւ դստերք բնակչաց քաղաքիս ելանեն հանել ջուր։

Verse: 14  Link to sept   եւ եղիցի կոյս մի որում ես ասացից, թէ խոնարհեցո́ զսափորդ քո զի արբից, եւ ասէ ցիս՝ ա́րբ, եւ ուղտուցդ քոց ե́ւս արբուցից մինչեւ դադարեսցին յըմպելոյ, զա́յն պատրաստեցեր ծառային քում իսահակայ. եւ այնո́ւ գիտացից թէ արարեր ողորմութի(ւն) տեառն իմում աբրաամու։

Verse: 15  Link to sept   Եւ եղեւ մինչչե́ւ կատարեալ էր ն(ո)ր(ա) զխօսսն ՛ի մտի իւրում, եւ ահա ռեբեկա եկն ել, որ ծնեալն էր բաթուելի որդւոյ մեղքեայ կնոջ նաքովրայ եղբօր աբրաամու. եւ ունէր սափոր յուս իւր։

Verse: 16  Link to sept   եւ էր կոյսն գեղեցիկ երեսօք յոյժ։ կոյս՝ զոր այր ո́չ գիտէր։ էջ յաղբեւրն, եւ ելից զսափորն իւր եւ ել։

Verse: 17  Link to sept   Ընթացա́ւ ծառայն ընդ առաջ ն(ո)ր(ա)՝ եւ ասէ. արբո́ ինձ սակաւ մի ջուր ՛ի սափորոյ այտի։

Verse: 18  Link to sept   Եւ նա ասէ. ա́րբ տէր։ եւ փութացաւ իջո́յց զսափորն ՛ի վ(ե)ր(այ) բազկաց իւրոց. եւ արբոյց նմա՝

Verse: 19  Link to sept   մինչեւ դադարեաց յըմպելոյ։ եւ ասէ՝ եւ ուղտուց քոց հանից ջուր մինչեւ ամենեքեան արբցեն։

Verse: 20  Link to sept   Եւ փութացաւ թափեաց զսափորն յաւազանն, եւ ընթացաւ դարձեալ ՛ի ջրհորն հանել. եւ եհան ջուր ա(մենայ)ն ուղտուց ն(ո)ր(ա)։

Verse: 21  Link to sept   Եւ այրն մի́տ դնէր նմա, եւ լո́ւռ կայր ՛ի միտ առնուլ. եթէ աջողեա՞ց տ(է)ր զճանապարհ ն(ո)ր(ա)՝ եւ թէ ոչ։

Verse: 22  Link to sept   Եւ եղեւ իբրեւ դադարեցին ա(մենայ)ն ուղտքն յըմպելոյ, եւ առ այրն գինդս ոսկիս մի մի ըստ դահեկանի ձուղոյ, եւ երկուս ապարանջանս ՛ի ձեռս ն(ո)ր(ա). ՛ի տասն դահեկանէ ձոյլ նոցա։

Verse: 23  Link to sept   Եւ եհարց զնա՝ եւ ասէ. ո՞յր դուստր ես դու, պատմեա́ ինձ թէ իցէ՞ ՛ի տան քում մեզ տեղի յիջավանաց։

Verse: 24  Link to sept   Եւ ասէ ցնա. դուստր բաթուելի́ եմ ես որդւոյ մեղքեայ զոր ծնաւ նաքովրայ։

Verse: 25  Link to sept   եւ ասէ ցնա. եւ յարդ եւ խոտ շա́տ է մեր, եւ տեղի իջավանաց։

Verse: 26  Link to sept   Խնդա́ց այրն, եւ երկիր եպագ ա(ստուծո)յ,

Verse: 27  Link to sept   եւ ասէ. օրհնեալ տ(է)ր ա(ստուա)ծ տեառն իմոյ աբրաամու. որ ո́չ վրիպեցոյց զարդարութի(ւն) իւր եւ զճշմարտութի(ւն) ՛ի տեառնէ իմմէ. եւ ինձ յաջողեաց տ(է)ր ՛ի տան եղբօր տեառն իմոյ։

Verse: 28  Link to sept   Եւ ընթացաւ աղջիկն պատմեաց ՛ի տան մօր իւրոյ ըստ բանիցն այնոցիկ։

Verse: 29  Link to sept   Եւ ռեբեկայ՝ է́ր եղբայր որում անուն էր ղաբան։ եւ ընթացաւ ղաբան առ այրն արտաքս յաղբեւրն,

Verse: 30  Link to sept   իբրեւ ետես զգինդսն եւ զապարանջանսն ՛ի ձեռսն քեռ իւրոյ. եւ զի լուա́ւ զբանսն յռեբեկայ քեռէ իւրմէ՝ որ ասէր, թէ այսպէս ինչ խօսեցաւ ընդիս այրն։ եւ եկն առ այրն, մինչ կայր ՛ի վ(ե)ր(այ) ուղտուց իւրոց առ աղբերն.

Verse: 31  Link to sept   եւ ասէ ցնա. ե́կ մուտ ՛ի տուն օրհնեա́լ տ(եառ)ն. զի՞ կաս արտաքոյ, զի ես պատրաստեցի տուն եւ տեղի ուղտուցդ։

Verse: 32  Link to sept   Եմո́ւտ այրն ՛ի տուն անդր, եւ իջոյց ուղտուցն։ եւ ետուն յարդ եւ խոտ ուղտուցն, եւ ջուր լուանալոյ ոտից ն(ո)ր(ա), եւ ոտից ն(ո)ց(ա) որ ընդ նմայն էին։

Verse: 33  Link to sept   Եւ եդին հա́ց առաջի ն(ո)ց(ա) ուտել։ եւ նա ասէ. ո́չ կերայց մինչեւ խօսեցայց զբանս իմ։ եւ ասեն՝ խօսեա́ց։

Verse: 34  Link to sept   Եւ ասէ. ծառայ աբրաամու եմ ես.

Verse: 35  Link to sept   եւ տ(է)ր օրհնեաց զտէր իմ յոյժ, եւ բարձրացա́ւ. եւ ետ նմա արջառ եւ ոչխար, եւ արծաթ եւ ոսկի, ծառայս եւ աղախնայս, ուղտս եւ էշս։

Verse: 36  Link to sept   եւ ծնաւ սառա՝ կին տեառն իմոյ որդի մի տեառն իմում յետ ծերու(թ)ե(ան) իւրոյ. եւ նմա́ ետ զա(մենայ)ն ինչ որ է́ր ն(ո)ր(ա)։

Verse: 37  Link to sept   Եւ երդմնեցոյց զիս տէր իմ՝ եւ ասէ. ո́չ առցես կին որդւոյ իմում իսահակայ ՛ի դստերաց աստի քանանացւոց, յորոց միջի ե́ս պանդխտեալս եմ յերկրի սոցա։

Verse: 38  Link to sept   այլ ՛ի տուն հօր իմոյ երթիցես եւ ՛ի տոհմ իմ, եւ առցես անտի́ կին որդւոյ իմում։

Verse: 39  Link to sept   Եւ ես ասացի ցտէրն իմ. գուցէ՝ ո́չ գայցէ կինն ընդիս։

Verse: 40  Link to sept   եւ ասէ ցիս. տ(է)ր ա(ստուա)ծ իմ որում հաճոյ եղէ առաջի ն(ո)ր(ա), նա́ առաքեսցէ զհրեշտակ իւր ընդ քեզ, եւ յաջողեսցէ́ զճանապարհս քո. եւ առցես կին որդւոյ իմում յազգէ իմմէ, եւ ՛ի տանէ հօր իմոյ։

Verse: 41  Link to sept   եւ յայնժամ քաւեա́լ լիցիս ՛ի նզովից աստի իմոց. յորժամ երթիցես ՛ի տոհմ իմ՝ եւ ո́չ տացեն, քաւեա́լ լիցես յերդմանէ աստի իմմէ։

Verse: 42  Link to sept   Եւ իբրեւ եկի այսօր յաղբեւրն՝ ասեմ. տ(է)ր ա(ստուա)ծ տեառն իմոյ աբրաամու, եթէ յաջողեցեր ինձ զճանապարհս իմ, զոր ե́ս այժմիկ եկեալ եմ.

Verse: 43  Link to sept   ահաւասիկ ես հասեալ կամ ՛ի վ(ե)ր(այ) աղբե́ր ջրոյս, եւ դստերք մարդկան քաղաքիս ելանեն տանել ջուր. եւ եղիցի կոյս ցոր ես ասացից՝ թէ արբո́ ինձ սակաւ մի ջուր ՛ի սափորոյդ քումմէ,

Verse: 44  Link to sept   եւ ասասցէ ցիս՝ թէ ա́րբ, եւ ուղտուցդ եւս քոց հանից ջուր, ա́յն է կին զոր պատրաստեաց տ(է)ր ծառայի իւրում իսահակայ. եւ այնո́ւ գիտացից թէ արարեր զողորմու(թ)ի(ւն) ընդ տեառն իմում աբրաամու։

Verse: 45  Link to sept   Եւ եղեւ մինչչե́ւ իմ կատարեալ էր զխօսս ՛ի մտի իմում, անդէն վաղվաղակի ելանէ́ր ռեբեկա՝ եւ ունէր սափոր յո́ւս իւր. էջ յաղբեւրն՝ եւ եհան ջուր։ եւ ասեմ ցնա արբո́ ինձ։

Verse: 46  Link to sept   եւ փութացեալ իջոյց զսափորն յինքենէ՝ եւ ասէ. ա́րբ դու, եւ ուղտուցդ եւս քոց արբուցից։ եւ արբի. եւ ուղտուցն իմոց արբոյց։

Verse: 47  Link to sept   Եւ հարցի ցնա՝ եւ ասեմ, ո՞յր դուստր ես դու՝ պատմեա́ ինձ. եւ նա ասէ, դուստր բաթուելի́ եմ ես՝ որդւոյ նաքովրայ զոր ծնաւ նմա մեղքա։ եւ եդի գի́նդս յականջս ն(ո)ր(ա), եւ ապարանջանս ՛ի ձեռս ն(ո)ր(ա). եւ խնդացի́.

Verse: 48  Link to sept   եւ երկի́ր պագի տ(եառ)ն. եւ օրհնեցի զտ(է)ր ա(ստուա)ծ տեառն իմոյ աբրաամու. որ յաջողեաց ինձ ՛ի ճանապարհի աստ ճշմարտութե(ան). առնուլ զդուստր եղբօր տեառն իմոյ որդւոյ ն(ո)ր(ա)։

Verse: 49  Link to sept   Արդ՝ եթէ առնէք դուք շնո́րհս եւ արդարութի(ւն) առ տէրն իմ, պատմեցէ́ք ինձ. ապա թէ ոչ՝ ցուցէ́ք ինձ զի դարձայց յա́ջ կամ յահեակ։

Verse: 50  Link to sept   Պատասխանի ետուն ղաբան եւ բաթուէլ՝ եւ ասեն. ՛ի տ(եառն)է́ ել իրդ այդ. եւ մեք ո́չ կարեմք հակառակ ինչ չա́ր ասել բարւոյ.

Verse: 51  Link to sept   ահաւադիկ ռեբեկա առաջի քոյ, ա́ռ եւ գնա. եւ եղիցի կին որդւոյ տեառն քոյ՝ ո(ր)պ(էս) եւ խօսեցաւ տ(է)ր։

Verse: 52  Link to sept   Եւ եղեւ իբրեւ լուաւ ծառայն աբրաամու զբանս նոցա, երկիր եպագ տ(եառ)ն։

Verse: 53  Link to sept   եւ եհան ծառայն անօթս ոսկւոյ եւ անօթս արծաթոյ, եւ հանդերձս, եւ ետ ռեբեկայ. եւ ետ ընծայս եղբարց ն(ո)ր(ա) եւ մօրն։

Verse: 54  Link to sept   Կերան եւ արբին նա́, եւ արքն որ ընդ նմա էին. եւ ննջեցին։ եւ յարուցեալ ՛ի վաղորդայն անդր՝ ասէ. արձակեցէ́ք զիս զի երթայց առ տէր իմ։

Verse: 55  Link to sept   Եւ ասեն եղբարք ն(ո)ր(ա) եւ մայրն. կացցէ́ կոյսն առ մեզ իբրեւ աւուրս տասն, եւ ապա́ երթիցէ։

Verse: 56  Link to sept   Եւ նա ասէ ցն(ո)ս(ա). մի́ խափանէք զիս. զի տ(է)ր աջողեաց զճանապարհս իմ. արձակեցէ́ք զիս զի երթայց առ տէրն իմ։

Verse: 57  Link to sept   եւ ասեն եղբարք ն(ո)ր(ա). կոչեսցուք զաղջիկն, եւ հարցցո́ւք ՛ի բերանոյ ն(ո)ր(ա)։

Verse: 58  Link to sept   Կոչեցին զռեբեկա՝ եւ ասեն ցնա. երթա՞ս ընդ առնս ընդ այսմիկ. եւ նա ասէ՝ երթամ։

Verse: 59  Link to sept   Եւ յուղարկեցին զռեբեկա զքոյրն իւրեանց, եւ զինչս ն(ո)ր(ա). եւ զծառայն աբրաամու, եւ որ ընդ նմա́յն էին։

Verse: 60  Link to sept   եւ օրհնեցին զռեբեկա՝ եւ ասեն ցնա. քոյր մեր եղիցես ՛ի հազա́րս եւ ՛ի բեւրս. եւ ժառանգեսցէ զաւակ քո զքաղաքս թշնամեաց քոց։

Verse: 61  Link to sept   Յարուցեալ ռեբեկա եւ նաժիշտք իւր, ելին յուղտսն եւ գնացին ընդ առն։ եւ առեալ ծառային զռեբեկա՝ գնա́ց։

Verse: 62  Link to sept   Եւ իսահակ յանապատի անդ առ ջրհորովն տեսլեան բնակէր յերկրին ՛ի կողմ հարաւոյ։

Verse: 63  Link to sept   եւ ել իսահակ զբօսանել ՛ի դաշտին ընդ երեկս. ամբարձ զաչս իւր՝ եւ ետես՝ զի գային ուղտք տասն։

Verse: 64  Link to sept   Ամբարձեալ զաչս իւր եւ ռեբեկա ետես զիսահակ, է́ջ վաղվաղակի յուղտուէ անտի.

Verse: 65  Link to sept   եւ ասէ ցծառայն. ո՞վ է այրն որ գայ ՛ի դաշտին ընդ առաջ մեր։ եւ ասէ ծառայն, նա́ է տէրն իմ։ եւ ն(ո)ր(ա) առեալ ձորձս արկա́ւ զիւրեւ։

Verse: 66  Link to sept   Եւ պատմեաց ծառայն, իսահակայ զա(մենայ)ն զխօսսն զոր արար։

Verse: 67  Link to sept   Եւ եմուտ իսահակ ՛ի տուն սառայի մօր իւրոյ, եւ ա́ռ զռեբեկա, եւ եղեւ ն(ո)ր(ա) կին. եւ սիրեաց զնա. եւ մխիթարեցա́ւ իսահակ վ(ա)ս(ն) սառայի մօր իւրոյ։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Եւ յաւե́լ աբրաամ առնուլ կին որում անուն էր քետտուրա։

Verse: 2  Link to sept   եւ ծնաւ նմա զէրման, եւ յեկտան, եւ զմադան, եւ զմադիան, եւ զեսբոկ, եւ զսովիւէ։

Verse: 3  Link to sept   Եւ յեկտան ծնաւ զսաբա, եւ զթեման, եւ զդադան։ եւ եղեն որդիք դադանայ, ռագուէլ, եւ նաբդեէլ, եւ ասուրիիմ, եւ ղատուսիիմ. եւ ղովոմիմ։

Verse: 4  Link to sept   Եւ որդիք մադիամու, գեփար, եւ ափեր, եւ ենոք, եւ աբիդա, եւ եդրագա։ ամենեքեան սոքա էին որդիք քետուրայ։

Verse: 5  Link to sept   Եւ ե́տ աբրաամ զա(մենայ)ն ինչս իւր իսահակայ որդւոյ իւրում։

Verse: 6  Link to sept   եւ որդւոց հարճիցն իւրոց որ էին աբրաամու, ե́տ աբրաամ պարգե́ւս. եւ արձակեա́ց զնոսա յիսահակայ որդւոյ իւրոյ մինչդեռ ինքն կենդանի էր՝ ընդ արեւելս յերկիրն արեւելից։

Verse: 7  Link to sept   Եւ ա́յս են ամք աւուրց կենացն աբրաամու զորս եկեաց, հարիւր եւթանասուն եւ հինգ ամ։

Verse: 8  Link to sept   եւ պակասեալ աբրաամու մեռա́ւ ՛ի բարւոք ծերութե(ան), ալեւորեալ եւ լի́ աւուրբք. եւ յաւելաւ առ ժողովուրդ իւր։

Verse: 9  Link to sept   Եւ թաղեցին զնա իսահակ եւ իսմայէլ որդիք ն(ո)ր(ա), յայրի́ անդ ՛ի կրկնում յագարակին եփրոնի որդւոյ սահառայ քետացւոյ. որ է յանդիման մամբրէին.

Verse: 10  Link to sept   ագարա́կն եւ այրն զոր ստացաւ աբրաամ յորդւոցն քետայ։ անդ թաղեցին զաբրաամ եւ զսառա կին ն(ո)ր(ա)։

Verse: 11  Link to sept   Եւ եղեւ յետ մահուանն աբրաամու, օրհնեա́ց ա(ստուա)ծ զիսահակ զորդի ն(ո)ր(ա)։ եւ բնակեցաւ իսահակ առ ջրհորի́ տեսլեանն։

Verse: 12  Link to sept   Եւ ա́յս են ծնունդք իսմայելի որդւոյ աբրաամու, զոր ծնաւ ագա́ր եգիպտացի աբրաամու՝ աղախինն սառայի։

Verse: 13  Link to sept   Եւ ա́յս են անուանք որդւոցն իսմայելի. ըստ անուանց ազգացն ն(ո)ր(ա)։ Անդրանիկն իսմայելի նաբեովթ եւ կեդար, եւ աբդեէլ, եւ մաբսամ,

Verse: 14  Link to sept   եւ մասմա, եւ իդումա, եւ մասէ,

Verse: 15  Link to sept   եւ քողդադ, եւ թեմա, եւ յետուր, եւ նափէս, եւ կեդմա։

Verse: 16  Link to sept   Սոքա են որդիք իսմյելի, եւ ա́յս են անուանք ն(ո)ց(ա) ՛ի հանգրուանս իւրեանց, եւ ՛ի խորանս իւրեանց, երկոտասան իշխանք ն(ո)ց(ա) ըստ ազգաց իւրեանց։

Verse: 17  Link to sept   Եւ ա́յս են ամք կենաց իսմայելի, հարիւր երեսուն եւ եւթն ամ. եւ պակասեալ մեռաւ, եւ յաւելաւ յազգ իւր։

Verse: 18  Link to sept   եւ բնակեցաւ յեւիլայ մինչեւ ցսուր որ է յանդիման եգիպտոսի, մինչեւ ՛ի գալ յասորեստանեայս. յանդիման ամենայն եղբարց իւրոց բնակեցաւ։

Verse: 19  Link to sept   Եւ ա́յս են ծնունդք իսահակայ որդւոյ աբրաամու. աբրաամ ծնաւ զիսահակ։

Verse: 20  Link to sept   եւ էր իսահակ ամաց քառասնից յորժամ ա́ռ զռեբեկա զդուստր բաթուելի ասորւոյ, որ էր ՛ի միջագետաց ասորւոց, զքոյր լաբանու ասորւոյ ի́ւր ՛ի կնութե(ան)։

Verse: 21  Link to sept   Եւ աղաչէր իսահակ զտ(է)ր վ(ա)ս(ն) ռեբեկայ կնոջ իւրոյ՝ զի ամո́ւլ էր։ եւ լուա́ւ նմա ա(ստուա)ծ. եւ յղեցաւ ռեբեկա կին ն(ո)ր(ա)։

Verse: 22  Link to sept   եւ խաղային մանկունք ՛ի նմա։ եւ ասէ՝ եթէ այսպէս լինիցի ինձ, ընդէ՞ր իցէ ինձ այս։ եւ գնա́ց հարցանել ՛ի տ(եառն)է։

Verse: 23  Link to sept   Եւ ասէ ցնա տ(է)ր. երկո́ւ ազգք են յարգանդի քում, եւ երկո́ւ ժողովուրդք յորովայնէ քումմէ զատցին. եւ ժողովուրդ զժողովրդեամբ ելեւե́լ առնիցէ, եւ երէցն կրտսերո́յն ծառայեսցէ։

Verse: 24  Link to sept   Եւ իբրեւ լցան ն(ո)ր(ա) աւուրք ծնանելոյ. եւ էին երկո́ւ որդիք յորովայնի նորա։

Verse: 25  Link to sept   Եւ եկն ե́լ որդին անդրանիկ շառագոյն ամենեւին՝ իբրեւ զմորթ թա́ւ, եւ անուանեաց զանուն ն(ո)ր(ա) եսա́ւ. եւ ապա ե́լ եղբայր ն(ո)ր(ա), եւ ձեռն ն(ո)ր(ա) ունէր զգարշապարէ եսաւայ. եւ կոչեաց զանուն ն(ո)ր(ա) յակո́բ։

Verse: 26  Link to sept   Եւ իսահակ էր ամաց վաթսնից՝ յորժամ ծնաւ զն(ո)ս(ա) ռեբեկա։ եւ աճեցին մանկունք։

Verse: 27  Link to sept   եւ էր եսաւ՝ այր հմո́ւտ որսոյ վայրա́գ։ եւ յակոբ՝ այր առանց պաճուճանաց ընտասուն։

Verse: 28  Link to sept   Եւ սիրեաց իսահակ զեսաւ, զի որս նորա կերակո́ւր էր նմա. եւ ռեբեկա սիրէր զյակոբ։

Verse: 29  Link to sept   Եւ էր եփեալ յակոբայ թա́ն. եւ եկն եսաւ ՛ի դաշտէ՝ նքթեալ։

Verse: 30  Link to sept   եւ ասէ եսաւ ցյակոբ. տո́ւր ինձ ճաշակել ՛ի շիկաթանէ́դ յայդմանէ, զի նքթեա́լ եմ։ վ(ա)ս(ն) այնորիկ կոչեցաւ անուն ն(ո)ր(ա) եդոմ։

Verse: 31  Link to sept   Եւ ասէ յակոբ ցեսաւ. վաճառեա́ ինձ այսօր զանդրանկութի(ւն)ս քո։

Verse: 32  Link to sept   Եւ ասէ եսաւ՝ ահաւասիկ ես երթա́մ ՛ի վախճանել, եւ առիմէ՞ իցեն ինձ այն անդրանկութի(ւն)ք։

Verse: 33  Link to sept   եւ ասէ ցնա յակոբ. երդուի́ր ինձ այսօր։ եւ երդուա́ւ նմա։ Եւ վաճառեաց եսաւ զանդրանկութի(ւն)ս իւր յակոբայ։

Verse: 34  Link to sept   եւ յակոբ ետ եսաւայ հա́ց եւ թան ոսպնեայ. կերա́ւ եւ արբ, եւ յարեաւ գնա́ց։ եւ անարգեա́ց եսաւ զանդրանկութի(ւն)ն։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Եւ եղեւ սով յերկրին. թո́ղ զառաջին սովն որ եղեւ ՛ի ժամանակս աբրաամու։ եւ չոգաւ իսահակ առ աբիմելէք արքայ փղշտացւոց ՛ի գերարա։

Verse: 2  Link to sept   Եւ երեւեցաւ նմա տ(է)ր՝ եւ ասէ. մի́ իջաներ յեգիպտոս, այլ բնակեա́ դու յերկիրդ յորում ասացի քեզ։

Verse: 3  Link to sept   եւ պանդխտեա́ց յերկրիս յայսմիկ. եւ եղէց ընդ քեզ, եւ օրհնեցից զքեզ. զի քեզ եւ զաւակի́ քում տաց զա(մենայ)ն զերկիրս զայս. եւ հաստատեցից զերդումն իմ զոր երդուայ աբրաամու հօր քո։

Verse: 4  Link to sept   Եւ բազմացուցի́ց զզաւակ քո իբրեւ զաստեղս երկնից. եւ տա́ց զաւակի քում զա(մենայ)ն զերկիրս զայս. եւ օրհնեսցի́ն ՛ի զաւակի քում ա(մենայ)ն ազգք երկրի։

Verse: 5  Link to sept   փոխանակ զի լուաւ աբրաամ հայր քո ձայնի իմում, եւ պահեաց զհրամանս իմ եւ զպատուիրանս իմ, եւ զիրաւունս իմ, եւ զօրէնս իմ։

Verse: 6  Link to sept   Եւ բնակեցաւ իսահակ ՛ի մէջ գերերացւոց։

Verse: 7  Link to sept   եւ հարցին արք տեղւոյն զռեբեկայ կնոջէ ն(ո)ր(ա). եւ ասէ՝ քո́յր իմ է, քանզի երկեա́ւ ասել թէ կին իմ է. թէ գուցէ սպանանիցեն զնա արք տեղւոյն վ(ա)ս(ն) ռեբեկայ. զի գեղեցի́կ էր երեսօք։

Verse: 8  Link to sept   եւ եղեւ անդ բ(ա)զ(ու)մ ժամանակս։ Եւ կարկառա́ւ աբիմելէք արքայ փղշտացւոց ընդ պատուհան, եւ ետես զիսահակ զի խաղայր ընդ ռեբեկայ կնոջ իւրում։

Verse: 9  Link to sept   կոչեաց աբիմելէք զիսահակ՝ եւ ասէ ցնա. ուրեմն կի́ն քո էր, եւ ընդէ՞ր ասացեր թէ քո́յր իմ է։ ասէ ցնա իսահակ, քանզի ասացի՝ թէ գուցէ մեռանիցիմ վ(ա)ս(ն) ն(ո)ր(ա)։

Verse: 10  Link to sept   Ասէ ցնա աբիմելէք. ընդէ՞ր արարեր զայդ ընդ մեզ. սակաւիկ մի́ւսեւս մտեալէր ուրումն յազգէ իմմէ առ կին քո. եւ ածէիր ՛ի վ(ե)ր(այ) մեր անգիտութի(ւն)։ Եւ պատուիրեաց աբիմելէք ա(մենայ)ն ժողովրդեան իւրում եւ ասէ.

Verse: 11  Link to sept   ամենայն որ հարկանիցի ընդ ա́յրդ ընդ այդ, կամ ընդ կին դորա՝ մահու պարտակա́ն լիցի։

Verse: 12  Link to sept   Եւ սերմանեաց սերմ իսահակ յերկրին յայնմիկ, եւ եգիտ ՛ի տարւոջն յայնմիկ հարիւրաւո́ր զգարին։ եւ օրհնեա́ց զնա տ(է)ր։

Verse: 13  Link to sept   եւ բարձրացա́ւ այրն. եւ երթայր յառաջադէմ եւ մեծանայր, մինչեւ եղեւ մե́ծ յոյժ։

Verse: 14  Link to sept   եւ եղեւ ն(ո)ր(ա) անասուն ոչխարի եւ արջառոյ, եւ արմտիք բազում։ եւ նախանձեցան ընդ նմա փղշտացիքն։

Verse: 15  Link to sept   եւ զա(մենայ)ն ջրհորս զոր փորեցին ծառայք ն(ո)ր(ա) ՛ի ժամանակսն աբրաամու հօր ն(ո)ր(ա), խցին փղշտացիքն եւ լցին զն(ո)ս(ա) հողով։

Verse: 16  Link to sept   Եւ ասէ աբիմելէք ցիսահակ. ե́րթ գնա ՛ի մէնջ, զի կարի զօրաւորագոյն քան զմեզ եղեր։

Verse: 17  Link to sept   եւ գնաց անտի իսահակ, եւ բնակեցաւ ՛ի ձորն գերերացւոց. եւ անդ բնակեաց։

Verse: 18  Link to sept   Եւ դարձեալ իսահակ փորեա́ց զջրհորսն ջրոց, զոր փորեցին ծառայքն աբրաամու հօր ն(ո)ր(ա), եւ խցին զայն փղշտացիքն յետ մահուանն աբրաամու հօր ն(ո)ր(ա). եւ եդ ն(ո)ց(ա) անուանս ըստ անուա́նցն զոր անուանեաց ն(ո)ց(ա) աբրաամ հայր իւր։

Verse: 19  Link to sept   Եւ փորեցին ծառայքն իսահակայ ՛ի ձորն գերերացւոց, եւ գտին անդ ջրհոր ջրո́յ կենդանւոյ։

Verse: 20  Link to sept   Եւ մարտնչէին հովիւքն գերերացւոց ընդ հովիւսն իսահակայ. եւ ասէին՝ եթէ իւրեանց իցէ ջրհորն. եւ կոչեաց զանուն ջրհորոյն զրկո́ւմն. քանզի զրկէին զնա։

Verse: 21  Link to sept   Չուեա́ց անտի եւ փորեաց մի́ւս եւս ջրհոր ջրոյ. հակառակէին եւ վ(ա)ս(ն) ա́յնորիկ եւս։ եւ կոչեաց զանուն ն(ո)ր(ա) թշնամութի(ւն)։

Verse: 22  Link to sept   Չուեա́ց անտի եւ փորեաց ա́յլ ջրհոր, եւ ո́չ մարտնչէին վ(ա)ս(ն) այնր. եւ կոչեաց զանուն ն(ո)ր(ա) անդորրութի(ւն). ասէ՝ զի ա́յժմ ընդարձակեաց մեզ տ(է)ր, եւ աճեցոյց զմեզ յերկրի։

Verse: 23  Link to sept   Եւել անտի ՛ի ջրհորն երդման։

Verse: 24  Link to sept   եւ երեւեցաւ նմա տ(է)ր ՛ի գիշերին յայնմիկ՝ եւ ասէ։ ես եմ ա(ստուա)ծ հօր քոյ, մի́ երկնչիր. զի ընդ քե́զ եմ, եւ օրհնեցից զքեզ, եւ բազմացուցից զզաւակ քո վ(ա)ս(ն) աբրաամու հօր քոյ։

Verse: 25  Link to sept   Եւ շինեաց անդ սեղան. եւ կարդա́ց անդ զանուն տ(եառ)ն։ եւ եհար անդ զխորան իւր։ փորեցին ծառայքն իսահակայ անդ ջրհոր։

Verse: 26  Link to sept   Եւ աբիմելէք չոգաւ առ նա ՛ի գերարա, եւ ոքոզաթ տաճարապետ ն(ո)ր(ա), եւ փիքաւղ սպարապետ զօրաց ն(ո)ր(ա)։

Verse: 27  Link to sept   Եւ ասէ ցնոսա իսահակ. զի՞ եկիք առիս, զի դուք ատեցէք զիս՝ եւ հալածեցէք ՛ի ձէնջ։

Verse: 28  Link to sept   Եւ ասեն. տեսանելո́վ տեսաք՝ զի էր տ(է)ր ընդ քեզ. եւ ասեմք՝ եղիցի դա́շն ընդ միմեանս, ընդ մեզ եւ ընդ քեզ. եւ դիցուք ընդ քեզ ուխտ

Verse: 29  Link to sept   չառնե́լ ինչ մեզ չար. ո(ր)պ(էս) եւ մեք ո́չինչ մեղաք քեզ. եւ զոր օրինակ արարաք քեզ բարի՝ եւ արձակեցա́ք զքեզ խաղաղութ(եամ)բ. եւ արդ դու օրհնեա́լ ՛ի տ(եառն)է ես։

Verse: 30  Link to sept   Եւ արա́ր ն(ո)ց(ա) խրախութի(ւն). կերան եւ արբին։

Verse: 31  Link to sept   եւ յարուցեալ ՛ի վաղիւ անդր երդուան այր ընկերի իւրում. եւ արձակեա́ց զնոսա իսահակ, եւ գնացին ՛ի նմանէ ողջութ(եամ)բ։

Verse: 32  Link to sept   Եւ եղեւ յաւուր յայնմիկ եկին ծառայքն իսահակայ՝ եւ պատմեցին նմա վ(ա)ս(ն) ջրհորոյն զոր փորեցին, թէ ոչ գտաք ջուր։

Verse: 33  Link to sept   եւ կոչեաց զնա երդումն։ վ(ա)ս(ն) այնորիկ է անուն քաղաքին այնմիկ ջրհոր երդման՝ մինչեւ ցայսօր ժամանակի։

Verse: 34  Link to sept   Եւ է́ր եսաւ ամաց քառասնից, եւ առ իւր կին զյուդիթ դուստր բէերայ քետացւոյց, եւ զմասեմայ դուստր ելովմայ խեւացւոյ։

Verse: 35  Link to sept   եւ դառնացուցանէին զիսահակ եւ զռեբեկա։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Եւ եղեւ իբրեւ ծերացա́ւ իսահակ, եւ վատեցին աչք ն(ո)ր(ա) ՛ի տեսանելոյ. կոչեաց զեսաւ զորդի իւր զերէց՝ եւ ասէ ցնա. ո́րդեակ իմ։ եւ նա ասէ ցնա, ահաւասիկ ե́ս։

Verse: 2  Link to sept   Եւ նա ասէ ցնա. ահաւասիկ ես ծերացեալ եմ, եւ ո́չ գիտեմ զօր վախճանի իմոյ։

Verse: 3  Link to sept   արդ՝ ա́ռ դու զգործի քո զաղեղն եւ զկապարճս, եւ ե́լ ՛ի դաշտ. եւ որսա́ ինձ որս.

Verse: 4  Link to sept   եւ արա́ ինձ խորտիկս ո(ր)պ(էս) եւ ե́ս սիրեմ. եւ բե́ր մատո́ ինձ՝ զի կերայց. եւ օրհնեսցէ́ զքեզ անձն իմ մինչ չեւ մեռեալ իցեմ։

Verse: 5  Link to sept   Եւ լուաւ ռեբեկա զի խօսէր իսահակ ընդ որդւոյ իւրում։ գնաց եսաւ ՛ի դաշտ որսա́լ հօր իւրում։

Verse: 6  Link to sept   Եւ խօսեցաւ ռեբեկա ընդ յակոբայ որդւոյ իւրում՝ եւ ասէ. ահա լուա́յ ես ՛ի հօրէ քումմէ զի խօսէր ընդ եղբօր քում՝ եւ ասէր.

Verse: 7  Link to sept   բե́ր ինձ որս եւ արա ինձ խորտիկս զի կերայց եւ օրհնեցից զքեզ առաջի տ(եառ)ն՝ մինչ չե́ւ մեռեալ իցեմ։

Verse: 8  Link to sept   Եւ արդ՝ որդեակ իմ լո́ւր ինձ՝ ո(ր)պ(էս) ե́ս պատուիրեմ քեզ։

Verse: 9  Link to sept   գնա́ դու ՛ի դաշտն, եւ ա́ռ ինձ անտի երկուս ուլս փափուկս եւ ընտիրս, եւ արարից զն(ո)ս(ա) խորտի́կս հօրքում ո(ր)պ(էս) եւ սիրէ։

Verse: 10  Link to sept   եւ մատուսցես հօր քում եւ կերիցէ. զի օրհնեսցէ զքեզ հայր քո՝ մինչչե́ւ մեռեալ իցէ·

Verse: 11  Link to sept   Եւ ասէ յակոբ ցռեբեկայ մայր իւր. եղբայր իմ եսաւ, այր՝ թա́ւ է, եւ ես լե́րկ.

Verse: 12  Link to sept   գուցէ́ շօշափիցէ́ զիս հայր իմ. եւ լինիցիմ առաջի ն(ո)ր(ա) իբրեւ արհամարհոտ, եւ ածիցեմ ՛ի վ(ե)ր(այ) իմ անէծս եւ ո́չ օրհնութի(ւն)։

Verse: 13  Link to sept   Եւ ասէ ցնա մայրն իւր. յի́մ վերայ անէծք այն ո́րդեակ. բայց միայն լո́ւր ձայնի իմում եւ ե́րթ ա́ծ ինձ։

Verse: 14  Link to sept   Գնա́ց՝ եւ ա́ռ ած մօր իւրում։ եւ արար խորտիկս՝ ո(ր)պ(էս) եւ սիրէ́ր հայր նորա։

Verse: 15  Link to sept   Եւ առեալ ռեբեկայ զպատմուճանն ազնիւ որդւոյ իւրոյ երիցու որ կայր առ նմա ՛ի տան, զգեցոյց յակոբայ որդւոյ իւրում կրցերոյ։

Verse: 16  Link to sept   եւ զուլենիսն ագոյց ՛ի բազուկս ն(ո)ր(ա), եւ ՛ի վերայ մերկոյ պարանոցի ն(ո)ր(ա)։

Verse: 17  Link to sept   Եւ ետ զխորտիկն եւ զհացն զոր արար ՛ի ձեռս յակոբայ որդւոյ իւրոյ։

Verse: 18  Link to sept   եւ տարաւ հօր իւրում եւ ասէ՝ հայր իմ։ եւ նա ասէ՝ աւասիկ եմ։ եւ ասէ. ո՞վ ես դու ո́րդեակ։

Verse: 19  Link to sept   Եւ ասէ յակոբ ցհայրն. ե́ս եմ եսաւ անդրանիկ քո, արարի́ որպէս եւ խօսեցար ընդիս, արի́ նիստ եւ կե́ր յորսոյ իմմէ. զի օրհնեսցէ զիս անձն քո։

Verse: 20  Link to sept   Եւ ասէ իսահակ ցորդին իւր. զի՞է զի վաղվաղակի գտեր ո́րդեակ։ եւ նա ասէ, որպէս պատրաստեաց տ(է)ր ա(ստուա)ծ առաջի իմ։

Verse: 21  Link to sept   Եւ ասէ իսահակ ցյակոբ. մօ́տ եկ՝ եւ շօշափեցից զքեզ որդեակ, եթէ դո́ւ իցես որդի իմ եսաւ՝ թէ ոչ։

Verse: 22  Link to sept   Մատեա́ւ յակոբ առ իսահակ հայր իւր, եւ շօշափեա́ց զնա՝ եւ ասէ. ձայնդ՝ ձա́յն յակոբայ, եւ ձեռքդ՝ ձե́ռք իսաւայ։

Verse: 23  Link to sept   եւ ո́չ ծանեաւ զնա. զի էին ձեռք ն(ո)ր(ա) իբրեւ զձեռսն իսաւայ եղբօր իւրոյ թա́ւ։ Եւ օրհնեա́ց զնա

Verse: 24  Link to sept   եւ ասէ. դո́ւ ես որդի իմ եսաւ։ եւ նա ասէ՝ ե́ս եմ։

Verse: 25  Link to sept   եւ ասէ մատո́ ինձ՝ եւ կերայց յորսոյ քումմէ ո́րդեակ, զի օրհնեսցէ զքեզ անձն իմ։ ա́ռ մատոյց նմա՝ եւ կերաւ. եւ եբեր նմա գինի՝ եւ ա́րբ։

Verse: 26  Link to sept   Եւ ասէ ցնա իսահակ հայր իւր. մօտ եկ եւ համբուրեա́ զիս որդեակ։

Verse: 27  Link to sept   Եւ մատեաւ համբուրեա́ց զնա։ եւ ա́ռ զհոտ հանդերձից ն(ո)ր(ա). եւ օրհնեա́ց զնա՝ եւ ասէ. Ահա́ հոտ որդւոյ իմոյ իբրեւ զհո́տ անդոյ լիո́յ զոր օրհնեաց տ(է)ր։

Verse: 28  Link to sept   եւ տացէ քեզ ա(ստուա)ծ ՛ի ցօղոյ երկնից՝ եւ ՛ի պարարտու(թեն)է երկրի, եւ բազմու(թ)ի(ւն) ցորենոյ եւ գինւոյ։

Verse: 29  Link to sept   եւ ծառայեսցեն քեզ ազգք. եւ երկի́ր պագցեն քեզ իշխանք. եւ եղիցես տէ́ր եղբօր քում, եւ երկիր պագցեն քեզ որդիք հօր քոյ. որ անիծանիցէ զքեզ՝ անիծեա́լ լիցի. եւ որ օրհնեսցէ զքեզ՝ օրհնեա́լ։

Verse: 30  Link to sept   Եւ եղեւ յետ դադարելոյն իսահակայ յօրհնելոյ անտի զյակոբ զորդի իւր. իբրեւ ե́լ յակոբ յերեսաց իսահակայ հօր իւրոյ։ եւ եկն եսաւ եղբայր ն(ո)ր(ա) յորսոյ։

Verse: 31  Link to sept   արար եւ նա́ խորտիկս, եւ մատոյց հօր իւրում. եւ ասէ ցհայր իւր. յարիցէ́ հայր իմ, եւ կերիցէ յորսոյ որդւոյ իւրոյ՝ զի օրհնեսցէ́ զիս անձն քո։

Verse: 32  Link to sept   Եւ ասէ ցնա իսահակ հայր իւր, ո՞վ ես դու։ եւ նա ասէ, ե́ս եմ որդին քո անդրանիկ եսաւ։

Verse: 33  Link to sept   Եւ զարմացաւ իսահակ զարմացումն մեծ յոյժ. եւ ասէ, իսկ այն ո՞վ էր որ որսացաւ ինձ որս՝ եւ եբեր մատոյց. եւ կերայ յամենայնէ մինչչե́ւ քո եկեալ էր. եւ օրհնեցի զնա եւ եղիցի օրհնեա́լ։

Verse: 34  Link to sept   Եւ եղեւ իբրեւ լուաւ եսաւ զբանսն ասհակայ հօր իւրոյ. աղաղակեաց ՛ի ձայն մեծ դառնացեա́լ յոյժ. եւ ասէ ցհայրն իւր, օրհնեա́ արդ՝ եւ զի́ս հայր։

Verse: 35  Link to sept   Եւ ասէ ցնա. եկն եղբայր քո նենգութ(եամ)բ եւ ա́չ զօրհնու(թ)ի(ւն)ս քո։

Verse: 36  Link to sept   Եւ նա ասէ. յիրաւի́ կոչեցաւ անուն ն(ո)ր(ա) Յակոբ. զի այս երկիցս խաբեաց զիս. ա́ռ զանդրակութի(ւն)ն իմ, եւ արդ՝ ա́ռ զօրհնու(թ)ի(ւն)ս իմ։ եւ ասէ եսաւ ցհայր իւր. եւ ո́չ մի՞ ինչ օրհնութի(ւն) թողեր ինձ հայր։

Verse: 37  Link to sept   Պատասխանի ետ իսահակ՝ եւ ասէ ցեսաւ. որովհետեւ տէ́ր արարի զնա քեզ. եւ զա(մենայ)ն եղբարս քո արարի նմա ծառա́յս. ցորենով եւ գինւով հաստատեցի զնա. քեզ զի՞նչ արարից որդեակ։

Verse: 38  Link to sept   Ասէ եսաւ ցհայրն իւր, միթէ՝ մի՞ օրհնու(թ)ի(ւն) իցէ քո́ հայր. օրհնեա́ եւ զիս հայր։ եւ իբրեւ ստրջացաւ իսահակ. ամբա́րձ զձայն իւր եսաւ եւ ելա́ց։

Verse: 39  Link to sept   Պատասխանի ետ իսահակ հայր ն(ո)ր(ա) եւ ասէ ցնա. ահա՝ ՛ի պարարտու(թեն)է երկրի եղիցի բնակու(թ)ի(ւն) քո, եւ ՛ի ցօղոյ երկնից ՛ի վերուստ։

Verse: 40  Link to sept   եւ սրո́վ քով կեցցես. եւ եղբօր քում ծառայեսցես. եւ եղիցի յորժամ քակեսցես եւ լուծցես զլուծ ն(ո)ր(ա) ՛ի պարանոցէ քումմէ։

Verse: 41  Link to sept   Եւ պահէր եսաւ ո́խս յակոբայ վ(ա)ս(ն) օրհնու(թ)ե(ան)ցն զոր օրհնեաց զնա հայր իւր. եւ ասէր եսաւ ՛ի մտի * իւրում. մերձեսցին աւուրք կարեաց հօր իմոյ, զի սպանից զյակոբ զեղբայր իմ։

Verse: 42  Link to sept   Ա́զգ եղեւ ռեբեկայ բանքն եսաւայ որդւոյ իւրոյ երիցու. եւ յղեաց կոչեաց զորդի իւր զկրտսեր զյակոբ՝ եւ ասէ ցնա. ահա եսաւ եղբայր քո սպառնայ սպանանե́լ քեզ։

Verse: 43  Link to sept   արդ՝ լո́ւր որդեակ ձայնի իմում, եւ արի գնա́ ՛ի միջագետս առ ղաբան եղբայր իմ ՛ի խառան։

Verse: 44  Link to sept   եւ բնակեսցե́ս ընդ նմա աւուրս բազումս, մինչեւ անցցէ́ սրտմտութի(ւն) բարկութե(ան) եղբօր քո ՛ի քէն։

Verse: 45  Link to sept   եւ մոռասցի́ զոր ինչ արարեր նմա. եւ ապա առաքեցից կոչեցից զքեզ անտի. գուցէ՝ անզաւակիցի́մ յերկոցունց ՛ի ձէնջ ՛ի միում աւուր։

Verse: 46  Link to sept   Եւ ասէ ռեբեկա ցիսահակ. ձանձրացեա́լ է անձն իմ ՛ի դստերաց որդւոց քետայ. եթէ առնուցու յակոբ կին ՛ի * դստերաց անտի քետայ, ՛ի դստերաց երկրիս այսորիկ. ընդէ՞ր իցէ ինձ կեալ։



Chapter: 28 
ԳԼ(ՈՒԽ) Ի՜Ը.


Verse: 1  Link to sept   Կոչեաց առ ինքն իսահակ զյակոբ. օրհնեաց զնա, եւ պատուիրեաց նմ(ա) եւ ասէ. մի́ առնուցուս կին ՛ի դստերաց աստի քանանացւոց։

Verse: 2  Link to sept   Այլ արի գնա́ ՛ի միջագ ետս ասորւոց, ՛ի տուն բաթուելի հօր մօր քո. եւ ա́ռ անտի քեզ կին ՛ի դստերաց ղաբանու եղբօր մօր քոյ։

Verse: 3  Link to sept   Եւ ա(ստուա)ծ իմ օրհնեսցէ́ զքեզ, եւ աճեցուսցէ́ զքեզ, եւ բազմացուսցէ́ զքեզ, եւ եղիցես ՛ի ժողովս ազգաց։

Verse: 4  Link to sept   եւ տացէ քեզ զօրհնութի(ւն)ն աբրաամու հօր իմոյ, քեզ եւ զաւակի քում յետ քո. ժառանգել քեզ զերկիր պանդխտու(թ)ե(ան) քոյ՝ զոր ե́տ ա(ստուա)ծ աբրաամու։

Verse: 5  Link to sept   Եւ արձակեաց իսահակ զյակոբ, եւ գնաց ՛ի միջջագետս ասորւոց առ լաբան որդի բաթուելի ասորւոյ, եղբայր ռեբեկայ, մօր յակոբայ եւ եսաւայ։

Verse: 6  Link to sept   Եւ իբրեւ ետես եսաւ եթէ օրհնեաց իսահակ զյակոբ, եւ գնաց ՛ի միջագետս ասորւոց առնուլ իւր անտի կին. եւ յօրհնելն զնա պատուիրեա́ց եւ ասէ. մի́ առնուցուս կին ՛ի դստերաց աստի քանանացւոց.

Verse: 7  Link to sept   եւ ունկնդի́ր եղեւ յակոբ հօր եւ մօր իւրում. եւ գնաց ՛ի միջագետս ասորւոց։

Verse: 8  Link to sept   Եւ ետե́ս եսաւ եթէ չա́ր թուին դստերք քանանացւոցն առաջի սահակայ հօր իւրոյ.

Verse: 9  Link to sept   գնա́ց եսաւ առ իսմայէլ եւ առ զմայելէթ դուստր իսմայելի որդւոյ աբրաամու՝ զքոյր նաբեութայ ՛ի վ(ե)ր(այ) այլո́ց կանանց իւրոց՝ իւր կնու(թ)ե(ան)։

Verse: 10  Link to sept   Եւ ե́լ յակոբ ՛ի ջրհորոյ անտի երդման, եւ գնաց ՛ի խառան։

Verse: 11  Link to sept   եւ հասեալ ՛ի տեղի մի՝ եւ ննջեաց անդ. քանզի արեւն ՛ի մուտս էր, եւ ա́ռ ՛ի քարանց տեղւոյն եւ ե́դ ընդ սնարս իւր, եւ ննջեաց ՛ի տեղւոջն յայնմ։

Verse: 12  Link to sept   Եւ ետես տեսի́լ։ եւ ահա սանդուղք, հաստատեալ յերկրի, որոյ գլո́ւխ իւր հասանէր մինչեւ յերկինս։ եւ հրեշտակք ա(ստուծո)յ ելանէին եւ իջանէին ընդ նա։

Verse: 13  Link to sept   եւ տ(է)ր հաստատեա́լ կայր ՛ի նմա։ Եւ ասէ. ե́ս եմ տ(է)ր ա(ստուա)ծ աբրաամու հօր քոյ, եւ ա(ստուա)ծ սահակայ. մի́ երկնչիր. զի զերկիրդ յորում դո́ւդ ննջեցեր, քե́զ տաց զդա եւ զաւակի քում։

Verse: 14  Link to sept   Եւ եղիցի զաւակ քո իբրեւ զաւա́զ երկրի։ եւ ընդարձակեսցի ՛ի ծովակողմն եւ ընդ արեւելս. եւ ը(նդ) հիւսւսի եւ ընդ հարաւ։ եւ օրհնեսցին ՛ի քեզ ա(մենայ)ն ազգք երկրի՝ եւ ՛ի զաւակի քում։

Verse: 15  Link to sept   Եւ ես ահաւասիկ ընդ քե́զ եմ պահել զքեզ յա(մենայ)ն ճանապարհս քո՝ յորեւ գնասցես։ եւ դարձուցից զքեզ յերկիրս յայս. զի ո́չ թողից զքեզ մինչեւ արարից զա(մենայ)ն ինչ զոր խօսեցայ ընդ քեզ։

Verse: 16  Link to sept   Եւ զարթեա́ւ յակոբ ՛ի քնոյ անտի իւրմէ՝ եւ ասէ. տ(է)ր է ՛ի տեղւոջս յայսմիկ, եւե ս ո́չ գիտէի։

Verse: 17  Link to sept   Զահի́ հարաւ՝ եւ ասէ. ահե́ղ իմն է տեղիս այս. եւ ո́չ է սա՝ եթէ ոչ տուն ա(ստուծո)յ. եւ ա́յս է դուռն երկնից։

Verse: 18  Link to sept   Եւ յարեաւ յակոբ ընդ առաւօտն, եւ ա́ռ զվէմն զոր եդ ընդ սնարս իւր. եւ կանգնեաց զնա արձան. եւ արկ եւղ ՛ի գլուխ ն(ո)ր(ա)։

Verse: 19  Link to sept   եւ կոչեաց յակոբ զանուն տեղւոյն այնորիկ տո́ւն ա(ստուծո)յ. եւ յառաջ անուն էր քաղաքին այնորիկ ուլմաւուս։

Verse: 20  Link to sept   Եւ ուխտեաց յակոբ ուխտ՝ եւ ասէ. եթէ եղիցի տ(է)ր ա(ստուա)ծ ընդիս, եւ ապրեցուսցէ զիս ՛ի ճանապարհիս յայսմիկ զոր ես երթամ, եւ տացէ ինձ հա́ց ուտելոյ եւ հանդերձ զգենլոյ,

Verse: 21  Link to sept   եւ դարձուսցէ զիս ողջութ(եամ)բ ՛ի տուն հօր իմոյ, եւ եղիցի ինձ տ(է)ր յա(ստուա)ծ.

Verse: 22  Link to sept   եւ վէմս զոր կանգնեցի արձան, եղիցի ինձ տո́ւն ա(ստուծո)յ. եւ յա(մենայ)նէ զոր տացես ինձ, տա́ց քեզ տասանորդս։



Chapter: 29 
ԳԼ(ՈՒԽ) Ի՜Թ.


Verse: 1  Link to sept   Եւ զոտս իւր ամբարձեալ յակոբայ գնա́լ յերկիրն արեւելից, առ լաբան որդի բաթուելի ասորւոյ, եղբայր ռեբեկայ՝ մօր յակոբայ եւ եսաւայ.

Verse: 2  Link to sept   Եւ հայեցաւ եւ ահա ջրհո́ր մի ՛ի դաշտի անդ. եւ էին անդ երեք հօտք խաշանց մակաղեալք ՛ի նմա, եւ ՛ի ջրհորոյն յայնմանէ́ արբուցանէին զխաշինսն։ եւ վէմ մի մեծ կայր ՛ի վ(ե)ր(այ) բերանոյ ջրհորոյն։

Verse: 3  Link to sept   եւ ա́նդր ժողովէին ա(մենայ)ն հօտք, եւ տապալէին զվէմն ՛ի բերանո́յ ջրհորոյն, եւ տային ջուր խաշանցն. եւ կափուցանէին զվէմն ՛ի բերան ջրհորոյն՝ անդրէն ՛ի տեղի իւր։

Verse: 4  Link to sept   Եւ ասէ ցն(ո)ս(ա) յակոբ. եղբարք՝ ուստի՞ էք դուք։ եւ նոքա ասեն. ՛ի խառանէ́ եմք։

Verse: 5  Link to sept   ասէ ցն(ո)ս(ա). գիտէ՞ք դուք զլաբան զորդի նաքովրայ։ եւ նոքա ասեն՝ գիտեմք։

Verse: 6  Link to sept   ասէ ցնոսա. ո՞ղջ իցէ։ եւ նոքա ասեն՝ ո́ղջ է։ եւ ահա ռաքել դո́ւստր ն(ո)ր(ա) գայր ընդ խաշինսն։

Verse: 7  Link to sept   Եւ ասէ յակոբ. դեռ աւուր շա́տ կայ. չե́ւեւս է ժամ խաշանցդ ժողովելոյ. արբուցէ́ք խաշանցդ, եւ երթա́յք արածեցէք։

Verse: 8  Link to sept   Եւ նոքա ասեն. չէ́ հնար՝ թէ մինչ ո́չ ժողովեսցին ա(մենայ)ն հովիւք, եւ տապալեսցեն զվէմդ ՛ի բերանոյ ջրհորոյդ. եւ արբուցանիցեմք խաշանցս։

Verse: 9  Link to sept   Մինչդեռ նա ընդ նոսա խօսէր, ահա ռաքէլ դուստր լաբանու գայր ընդ խաշինս հօր իւրոյ. քանզի նա́ արածէր զխաշինս հօր իւրոյ։

Verse: 10  Link to sept   Եւ եղեւ իբրեւ ետես յակոբ զռաքել դուստր լաբանայ եղբօր մօր իւրոյ*. եւ զխաշինս ղաբանայ եղբօր մօր իւրոյ։ եւ մատուցեալ յակոբ տապալեցոյց զվէմն ՛ի բերանոյ ջրհորոյն, եւ արբոյց խաշանցն ղաբանու եղբօր մօր իւրոյ։

Verse: 11  Link to sept   Եւ համբուրեաց յակոբ զհռաքէլ. եւ ձա́յն եբարձ եւ ելաց։

Verse: 12  Link to sept   եւ պատմեաց յակոբ ռաքելայ թէ եղբայր հօր ն(ո)ր(ա) է, եւ որդի ռեբեկայ։ եւ ընթացաւ պատմեաց հօր իւրում ըստ բանիցս այսոցիկ։

Verse: 13  Link to sept   Եւ եղեւ իբրեւ լուաւ լաբան զանուն յակոբայ որդւոյ քեռ իւրոյ, ընթացա́ւ ընդառաջ ն(ո)ր(ա), գի́րկս արկ եւ համբուրեաց զնա. եւ տարաւ զնա ՛ի տուն իւր։ եւ պատմեաց լաբանու զա(մենայ)ն զբանս զայսոսիկ։

Verse: 14  Link to sept   Եւ ասէ ցնա լաբան. յոսկերա́ցս իմոց, եւ ՛ի մարմնոցս իմոց ես դու։ եւ է́ր ընդ նմա ամսօրեայ մի ժամանակ։

Verse: 15  Link to sept   Եւ ասէ լաբան ցյակոբ. զի եղբա́յր իմ ես դու, ո́չ ծառայեսցես նձ ձրի. յա́յտ արա ինձ զինչ իցեն վարձք քո։*

Verse: 16  Link to sept   Եւ լաբանայ էին երկու դստերք. անուն երիցուն լիա, եւ անուն կրտսերոյն ռաքէլ։

Verse: 17  Link to sept   եւ աչք լիայ՝ գիջագոյնք. բայց ռաքէլ բարի́ էր տեսլեամբ եւ գեղեցիկ երեսօք։

Verse: 18  Link to sept   եւ սիրեաց յակոբ զռաքէլ։ Եւ ասէ՝ ծառայեցից քեզ եւթն ամ վ(ա)ս(ն) ռաքելայ դստեր քոյ կրտսերոյ։

Verse: 19  Link to sept   Եւ ասէ ցնա լաբան. լա́ւ իցէ քե́զ տալ զնա, քան տալ զնա առն օտարի. բնակեա́ դու ընդիս։

Verse: 20  Link to sept   Եւ ծառայեաց յակոբ վ(ա)ս(ն) ռաքելայ ամս եւթն. եւ էին յաչս ն(ո)ր(ա) իբրեւ աւուրք սակա́ւք, քանզի սիրէր զնա։

Verse: 21  Link to sept   եւ ասէ յակոբ ցլաբան. տո́ւր ինձ զկին իմ, լցեալ են աւուրք, զի մտից առ նա։

Verse: 22  Link to sept   Եւ ժողովեաց լաբան զա(մենայ)ն արս տեղւոյն, եւ արար հարսանի́ս։

Verse: 23  Link to sept   եւ եղեւ երեկո́յ՝ առեալ լաբանու զլիա դուստր իւր տարաւ առ յակոբ. եւ եմուտ առ նա յակոբ։

Verse: 24  Link to sept   Եւ ետ լաբան զզելփա զաղախին իւր նաժի́շտ դստեր իւրում լիայ։ եւ իբրեւ այդ եղեւ, եւ ահա լիա էր։

Verse: 25  Link to sept   Եւ ասէ յակոբ ցլաբան. ընդէ՞ր գործեցեր զայս. ո՞չ վ(ա)ս(ն) ռաքելի ծառայեցի քեզ. ընդէ՞ր խաբեցեր զիս։

Verse: 26  Link to sept   Ասէ լաբան. չե́ն օրէնք աշխարհի մերում տալ նախ զկրտսերն քան զերէց։

Verse: 27  Link to sept   արդ կատարեա́ եւթն եւս ամ ընդ ն(ո)ր(ա). եւ տաց քեզ եւ զնա՝ փոխանակ վաստակոցն զոր վաստակեսցես ինձ զեւթն ամ եւս այլ։

Verse: 28  Link to sept   Արա́ր այնպէս յակոբ. եւ կատարեաց եւթն եւս ամ ընդ ն(ո)ր(ա)։ եւ ետ նմա լաբան զռաքէլ դուստր իւր կնութե(ան)։

Verse: 29  Link to sept   եւ ետ լաբան ռաքելի դստեր իւրում զբալլայ զաղախին իւր նաժիշտ։

Verse: 30  Link to sept   Եւ եմուտ առ ռաքէլ, եւ սիրեաց զռաքէլ քան զլիա. եւ ծառայեաց նմա ա́յլեւս եւթն ամ։

Verse: 31  Link to sept   Իբրեւ ետես տ(է)ր եթէ ատելի́ է լիա, եբա́ց զարգանդ ն(ո)ր(ա). բայց ռաքէլ ամուլ էր։

Verse: 32  Link to sept   Եւ յղացաւ լիա, եւ ծնաւ որդի յակոբայ. եւ կոչեաց զանուն ն(ո)ր(ա) ռոբէն. ասէ՝ զի ետես տ(է)ր զտառապանս իմ. արդ՝ սիրեսցէ́ զիս այր իմ։

Verse: 33  Link to sept   Յղացաւ դարձեալ լիա՝ եւ ծնաւ երկրորդ որդի յակոբայ եւ ասէ՝ զի լուաւ տ(է)ր եթէ ատեցեալ եմ, եւ յաւել ինձ զսա. եւ կոչեաց զանուն նորա շմաւոն։

Verse: 34  Link to sept   Եւ յղացաւ՝ եւ ծնաւ որդի. եւ ասէ, արդ առի́ս եղիցի այր իմ, զի ծնայ երիս որդիս. վ(ա)ս(ն) այնորիկ կոչեաց զանուն ն(ո)ր(ա) ղեւի։

Verse: 35  Link to sept   Եւ յղացաւ դարձեալ, ծնաւ որդի. եւ ասէ, զայս միւսանգամ գոհացայց զտ(եառն)է. եւ կոչեաց զանուն ն(ո)ր(ա) յուդա։ եւ եկա́ց ՛ի ծննդոց։



Chapter: 30 
ԳԼ(ՈՒԽ) Լ՜.


Verse: 1  Link to sept   Իբրեւ ետես ռաքէլ եթէ ո́չ ծնաւ որդի յակոբայ, նախանձեցաւ ռաքէլ ընդ քեռն իւրում, եւ ասէ ցյակոբ. տո́ւր ինձ որդիս, ապաթէ ոչ՝ մեռանի́մ։

Verse: 2  Link to sept   Բարկացա́ւ յակոբ ռաքելայ՝ եւ ասէ ցնա. միթէ փոխանակ ա(ստուծո)յ՞ իցեմ ես, որ արգել զպտուղ որովայնի քոյ։

Verse: 3  Link to sept   Եւ ասէ ռաքէլ ցյակոբ. իսկ ա́ւանիկ աղախինն իմ բալլա, մո́ւտ առ նա՝ եւ ծնցի ՛ի վերայ ծնդաց իմոց. եւ արարից եւ ե́ս որդիս ՛ի նմանէ։

Verse: 4  Link to sept   եւ ետ նմա զբալլա զաղախին իւր կնութե(ան)։ Եւ եմուտ առ նա յակոբ։

Verse: 5  Link to sept   եւ յղացաւ բալլա նաժիշտն ռաքելայ, եւ ծնաւ որդի յակոբայ։

Verse: 6  Link to sept   Եւ ասէ ռաքէլ. իրա́ւ արար ինձ ա(ստուա)ծ. եւ լուա́ւ ձայնի իմում, եւ ետ ինձ որդի. վ(ա)ս(ն) այնորիկ կոչեաց զանուն ն(ո)ր(ա) դան։

Verse: 7  Link to sept   Եւ յղացաւ դարձեալ բալլա նաժիշտն ռաքելայ. եւ ծնաւ որդի երկրո́րդ յակոբայ։

Verse: 8  Link to sept   եւ ասէ ռաքէլ. օգնեաց ինձ ա(ստուա)ծ, զի գումարեցայ ընդ քե́ռն իմում եւ յաղթեցի. եւ կոչեաց զանուն ն(ո)ր(ա) նեփթաղիմ։

Verse: 9  Link to sept   Իբրեւ ետես լիա եթէ եկա́ց ՛ի ծննդենէ, առ զզելփա զնաժիշտ իւր եւ ետ յակոբայ կնու(թ)ե(ան)։

Verse: 10  Link to sept   Յղացաւ զելփա նաժիշտն լիայ, եւ ծնաւ որդի յակոբա́յ։

Verse: 11  Link to sept   եւ ասէ լիա, առ ի́ս բախտ իմ. եւ անուանեաց զանուն ն(ո)ր(ա) գադ։

Verse: 12  Link to sept   Յղացաւ զելփա նաժիշտն լիայ, եւ ծնաւ որդի երկրորդ յակոբայ։

Verse: 13  Link to sept   եւ ասէ լիա. երանելի́ եմ ես. զի երանիցեն ինձ կանայք. եւ կոչեաց զանուն նորա ասեր, մեծութի(ւն)։

Verse: 14  Link to sept   Գնա́ց ռոբէն յաւուրս հնձոց ցորենոյ, եւ եգիտ խնձոր մանրագորաց յանդի, եւ եբեր զայն առ լիա մայր իւր. ասէ ռաքէլ ցլիա քոյր իւր, տո́ւր ինձ ՛ի մանրագորաց որդւոյ քոյ։

Verse: 15  Link to sept   Եւ ասէ լիա. ո՞չ իցէ քեզ շատ զի առեր զայրն իմ. միթէ եւ զմանրագո՞րս որդւոյ իմոյ առնուցուս։ եւ ասէ ռաքէլ՝ ո́չ այդպէս է. ննջեսցէ́ ընդ քեզ զայս գիշեր փոխանակ մանրագորաց որդւոյ քոյ։

Verse: 16  Link to sept   Եւ իբրեւ եմուտ յակոբ յանդէ ընդ երեկս. ել լիա ընդ առաջ ն(ո)ր(ա) եւ ասէ՝ առ ի́ս մտցես այսօր. քանզի ՛ի վարձո́ւ կալայ զքեզ՝ փոխանակ մանրագորաց որդւոյ իմոյ։ եւ ննջեաց ընդ նմա զայն գիշեր։

Verse: 17  Link to sept   եւ լուաւ ա(ստուա)ծ լիայ։ Յղացաւ՝ եւ ծան յակոբայ որդի հինգերորդ։

Verse: 18  Link to sept   եւ ասէ լիա. ետ ինձ ա(ստուա)ծ զվարձս իմ, փոխանակ զի ետու զաղախինն իմ առն իմում. եւ կոչեաց զանուն ն(ո)ր(ա) իսաքար, որ է վարձ։

Verse: 19  Link to sept   Եւ յղացաւ մի́ւսանգամ լիա. եւ ծնաւ որդի վեցերորդ յակոբայ։

Verse: 20  Link to sept   եւ ասէ լիա. պարգեւեաց ինձ ա(ստուա)ծ պարգեւ բարի. յայսմհետէ սիրեսցէ́ զիս այր իմ. զի ծնայ նմա որդիս վեց. եւ անուանեաց զանուն ն(ո)ր(ա) զաբողոն։

Verse: 21  Link to sept   Եւ յետ այսորիկ ծնաւ դուստր. եւ կոչեաց զանուն նորա դինա։

Verse: 22  Link to sept   Եւ յիշեաց ա(ստուա)ծ զռաքել. եւ լուաւ նմա ա(ստուա)ծ, եւ եբաց զարգանդ ն(ո)ր(ա)։

Verse: 23  Link to sept   եւ յղացաւ՝ եւ ծնաւ որդի յակոբայ. եւ ասէ ռաքէլ, եհա́ն յինէն ա(ստուա)ծ զնախատինս իմ։

Verse: 24  Link to sept   եւ կոչեաց զանուն ն(ո)ր(ա) յովսէփ. ասէ՝ յաւելցէ ինձ ա(ստուա)ծ որդի́ մեւս եւս։

Verse: 25  Link to sept   Եւ եղեւ իբրեւ ծնաւ ռաքէլ զյուսէփ, Ասէ յակոբ ցլաբան. արձակեա́ զիս զի երթա́յց ՛ի տեղի իմ եւ յերկիր իմ։

Verse: 26  Link to sept   եւ տո́ւր ցկանայս եւ ցմանկունս իմ, վ(ա)ս(ն) որոց ծառայեցի քեզ՝ զի գնացի́ց. զի դու ինքնի́ն իսկ գիտես զծառայու(թ)ի(ւն)ն զոր ծառայեցի քեզ։

Verse: 27  Link to sept   Ասէ ցնա ղաբան. եթէ գտի շնորհս առաջի քո. հմայեցի զո օրհնեաց զիս ա(ստուա)ծ յոտին քում։

Verse: 28  Link to sept   եւ ասէ լաբան. յա́յտ արա ինձ զվարձս քո յինէն՝ եւ տա́ց։

Verse: 29  Link to sept   Ասէ ցնա յակոբ. դու գիտե́ս որչափ ինչ ծառայեցի քեզ. եւ ո՞րչափ խաշն էր քո առ իս. սակաւի́կ ինչ էր յառաջ քան զիս,

Verse: 30  Link to sept   եւ աճեաց ՛ի բազմութի(ւն). եւ օրհնեաց զքեզ տ(է)ր ա(ստուա)ծ յոտին իմում. եւ արդ ես ե՞րբ առնիցեմ ինձ տուն։

Verse: 31  Link to sept   Եւ ասէ ցնա լաբան. զի՞նչ տաց քեզ։ եւ ասէ ցնա յակոբ, մի́ ինչ տար ինձ, բայց զա́յս եւ եթ բանս արասցես ինձ։ Դարձեալ արածեցից զխաշինս քո՝ եւ պահեցից։

Verse: 32  Link to sept   եւ անցցեն այսօր ա(մենայ)ն խաշինքդ առաջի քո. եւ զատո́ ՛ի միմեանց զա(մենայ)ն ոչխար զխայտախարի́ւ եւ զգորշ. եւ զա(մենայ)ն արօտական զհամակ յօգեաց։ Եւ ա(մենայ)ն խայտախարիւն յօգեաց եւ սպիակն յայծեաց եղիցին վարձք։

Verse: 33  Link to sept   եւ երեւեսցի արդարութի(ւն) իմ ՛ի վաղիւ օր՝ թէ գոն իմ վարձք առաջի քո։ ա(մենայ)ն որ ոչ իցէ խայտ եւ պիսակ յայծեաց. եւ գորշախայտ յօգեաց, ՛ի գողօնս համարեալ լիցի ինձ։

Verse: 34  Link to sept   եւ ասէ ցնա լաբան՝ եղիցի́ ըստ բանի քում։

Verse: 35  Link to sept   Եւ զատո́յց յաւուր յայնմիկ զքաղս կապոյտս եւ զպիսակս, եւ զա(մենայ)ն այծս կապոյտս եւ զպիսակս, եւ զա(մենայ)ն սպիտակս ՛ի նոցանէ, եւ զա(մենայ)ն համակս յօգեաց, ետ ՛ի ձեռն որդւոցն իւրոց.

Verse: 36  Link to sept   եւ մեկնեցոյց ճանապարհ երից աւուրց՝ ընդ մէջ ն(ո)ց(ա) եւ ընդ մէջ յակոբայ. եւ յակոբ արածէր զխաշինսն լաբանու զմնացեալս։

Verse: 37  Link to sept   Եւ ա́ռ յակոբ գաւազան՝ շէ́ր դալար եւ ընգուզի եւ սաւսւոյ, եւ կեղեւեաց զն(ո)ս(ա) յակոբ, եւ եղեւ սպիտակ. եւ էքերծ զդալարն ՛ի գաւազանացն. եւ երեւէր ՛ի գաւազանսն սպիտակն զոր քերծոյր՝ նկարէն։

Verse: 38  Link to sept   Եւ դնէր զգաւազանսն զոր քերծոյր՝ յաւազանս ջրարբից ջրոյն. զի իբրեւ գայցեն խաշինքն ըմպել ջուր՝ հանդէ́պ գաւազանացն զկծիցին յորժամ գայցեն ըմպել ջուր։

Verse: 39  Link to sept   Եւ զկծէին խաշինքն ՛ի գաւազանսն, եւ ծնանէին խաշինքն գորշախայտս եւ պիսակս եւ խայտախարիւս։

Verse: 40  Link to sept   եւ զորոջսն ուրո́յն զատանէր յակոբ, եւ կացուցանէր յանդիման մաքեացն. եւ զխոյ կապոյտ, եւ զա(մենայ)ն գորշախայտն յօգեաց. եւ զատանէր իւր հօտս առանձինն. եւ ո́չ խառնէր զն(ո)ս(ա) ՛ի խաշինս լաբանու։

Verse: 41  Link to sept   Եւ լինէր յորժամ զկծէին խաշինքն ՛ի խառնսն, եւ յղենային, դնէր յակոբ զգաւազանսն յանդիման խաշանցն յաւազանսն, առ ՛ի զկծելոյ ն(ո)ց(ա) ըստ գաւազանացն։

Verse: 42  Link to sept   եւ յորժամ ծնանէին խաշինքն՝ ո́չ դնէր։ Եւ լիներ աննշանն լաբանու, եւ նշանաւորն յակոբայ։

Verse: 43  Link to sept   եւ մեծացա́ւ այրն յոյժ յո́յժ, եւ եղեւ ն(ո)ր(ա) ոչխար եւ արջար յոյժ, ծառայք եւ աղախնայք, ուղտք եւ էշք։



Chapter: 31 
ԳԼ(ՈՒԽ) Լ՜Ա.


Verse: 1  Link to sept   Եւ լուաւ յակոբ զբանս որդւոցն լաբանու՝ զի ասէին, եթէ ա́չռ յակոբ զա(մենայ)ն ինչս հօր մերոյ. եւ ՛ի հօր մերոյ ընչից արար իւր զայն ա(մենայ)ն փառս։

Verse: 2  Link to sept   եւ ետես յակոբ զերեսս լաբանու, եւ ահա՝ ո́չ էին ընդ նմա ո(ր)պ(էս) յերեկն եւ յեռանդ։

Verse: 3  Link to sept   Եւ ասէ տ(է)ր ա(ստուա)ծ ցյակոբ. դարձի́ր յերկիր հօր քոյ եւ յազգ քո. եւ եղէց ընդ քեզ։

Verse: 4  Link to sept   Եւ յղեաց յակոբ, եւ կոչեաց զռաքէլ եւ զլիա ՛ի դաշտ անդր՝ ուր էին խաշինքն։

Verse: 5  Link to sept   եւ ասէ ցնոսա. տեսանեմ ես զերեսս հօր ձերոյ, զի ո́չ են ընդիս ո(ր)պ(էս) յերեկն եւ յեռանդ։ եւ ա(ստուա)ծ հօր իմոյ է́ր ընդ իս։

Verse: 6  Link to sept   Եւ դուք ինքնի́ն գիտէք զի յա(մենայ)ն զօրութ(են)է իմմէ ծառայեցի հօր ձերում։

Verse: 7  Link to sept   եւ հայր ձեր ընդհարաւ ընդ իս, եւ փոխեաց զվարձս իմ զտասն բծացդ. եւ ո́չ ետ նմա ա(ստուա)ծ առնել ինձ չար։

Verse: 8  Link to sept   եթէ ասիցէ, նկարէ́նքդ եղիցին քո վարձք, ա(մենայ)ն խաշինքս նկարէնս ծնանին։ եւ եթէ ասիցէ թէ սպիտակքդ եղիցին քո վարձք, ա(մենայ)ն խաշինքս սպիտակս ծնանի́ն։

Verse: 9  Link to sept   եւ եհան ա(ստուա)ծ զա(մենայ)ն խաշինս հօր ձերոյ՝ եւ ետ ինձ։

Verse: 10  Link to sept   Եւ լինէր յորժամ զկծէին խաշինքն, տեսանէի աչօք իմովք յերազի, եւ ահա քա́ղք եւ խոյք ելանէին ՛ի վ(ե)ր(այ) մաքեաց եւ այծից. պիսակք եւ խայտախարիւք եւ գորշախայտք։

Verse: 11  Link to sept   Եւ ասէ ցիս հրեշտակ ա(ստուծո)յ ՛ի տեսլեան. յակո́բ։ եւ ես ասեմ. զի՞ է։

Verse: 12  Link to sept   եւ ասէ՝ հայեա́ց աչօք քովք, եւ տե́ս զքաղսն եւ զխոյս որ ելանեն ՛ի մաքիսն եւ յայծս. զիա́րդ պիսակք եւ գորշախայտք եւ խայտախարիւք են։ քանզի տեսի որչափ ինչ առնէր ընդ քեզ լաբան։

Verse: 13  Link to sept   Ե́ս եմ ա(ստուա)ծ որ երեւեցայ քեզ ՛ի տեղւոջն ա(ստուծո)յ. ուր օծեր ինձ զարձանն, եւ եդիր ուխտս։ եւ արդ՝ արի́ ե́լ յերկրէս յայսմանէ, եւ ե́րթ յերկիր ծննդեան քոյ, եւ եղէց ընդ քեզ։

Verse: 14  Link to sept   Պատասխանի ետուն ռաքէլ եւ լիա՝ եւ ասեն ցնա, միթէ գո՞յ եւս մեր այսուհետեւ բաժի́ն եւ ժառանգութի(ւն) ՛ի տան հօր մերոյ։

Verse: 15  Link to sept   ո՞չ ապաքէն իբրւե զօտարոտիս համարեալ եմք նմա. զի վաճառեաց զմեզ՝ եւ եկեր ուտելով զարծաթ մեր։

Verse: 16  Link to sept   ա(մենայ)ն մեծութի(ւն) եւ փառք զոր եհան ա(ստուա)ծ ՛ի հօրէ մերմէ, մե́զ եղիցի՝ եւ որդւոց մերոց։ արդ զոր ինչ ասաց քեզ ա(ստուա)ծ՝ արա́։

Verse: 17  Link to sept   Յարեաւ յակոբ՝ ա́ռ զկանայս իւր եւ զմանկունս իւր, եւ եհան զնոսա յուղտս։

Verse: 18  Link to sept   եւ խաղացոյց զա(մենայ)ն զինչս իւր եւ զա(մենայ)ն ստացուածս իւր զոր արար ՛ի միջագետս ասորւոց՝ երթալ առ սահակ հայր իւր յերկիրն քանանացւոց։

Verse: 19  Link to sept   Եւ լաբան երթեալ էր ՛ի կտուրս խաշանց իւրոց։ եւ գողացաւ ռաքէլ զկուռս հօր իւրոյ.

Verse: 20  Link to sept   եւ գողացաւ յակոբ զսիրտ լաբանու աներոյ իւրոյ՝ չպատմե́լ նմա թէ գնայցէ։

Verse: 21  Link to sept   եւ գնաց ինքն եւ ա(մենայ)ն որ ինչ ի́ւր էր։ եւ յարուցեալ անց ընդ գետ՝ եւ դիմեաց ՛ի լեառն գաղաադու։

Verse: 22  Link to sept   Ա́զդ եղեւ լաբանու ասորւոյ յաւուրն երրորդի, եթէ գնաց յակոբ։

Verse: 23  Link to sept   եւ առեալ զեղբարս իւր ընդ իւր, պնդեցաւ զկնի ն(ո)ր(ա) ճանապարհ զեւթն աւուր, եւ եհաս նմա ՛ի լերինն գաղաադու։

Verse: 24  Link to sept   Եւ եկն ա(ստուա)ծ առ լաբան ասորի ՛ի տեսլեան գիշերոյ՝ եւ ասէ ցնա. զգո́յշ լեր անձին քում, գուցէ խօսիցիս ընդ յակոբայ անզգամու(թեամ)բ։ եւ եհաս լաբան յակոբայ։

Verse: 25  Link to sept   Եւ յակոբ եհար զխորան իւր ՛ի լերինն։ եւ լաբան կացոյց զեղբարս իւր ՛ի լերինն գաղաադու։

Verse: 26  Link to sept   Եւ ասէ լաբան ցյակոբ. ընդէ՞ր արարեր զայդ, ընդէ՞ր գաղտագնաց եղեր յինէն, եւ գողացա́ր զիս. եւ վարեցեր զդստերս իմ իբրեւ զգերեալս սրոյ։

Verse: 27  Link to sept   եւ եթէ ազդ արարեալ էր ինձ, առաքէի զքեզ ուրախու(թեամ)բ, եւ արուեստականօք թմբկաց եւ քնարաց։

Verse: 28  Link to sept   եւ չէի՞ արդեւք արժանի համբուրել զորդեակս իմ՝ եւ զդստերս իմ։ եւ արդ՝ անմտու(թեամ)բ արարեր։

Verse: 29  Link to sept   Եւ այժմ ձեռնհա́ս էի առնել քեզ չար, բայց ա(ստուա)ծ հօր քոյ երեկ ասաց ցիս. զգո́յշ լեր գուցէ խօսիցիս ընդ յակոբայ անզգամութ(եամ)բ։

Verse: 30  Link to sept   եւ արդ՝ գնացեալ երթաս, զի ցանկանալով ցանկացեալ ես երթալ ՛ի տուն հօր քոյ։ եւ ընդէ՞ր գողացար զաստուածսն իմ։

Verse: 31  Link to sept   Պատասխանի ետ յակոբ՝ եւ ասէ ցլաբան, քանզի երկեա́յ։ ասացի թէ գուցէ հանիցես զդստերս քո յինէն, եւ զա(մենայ)ն ինչ զիմ.

Verse: 32  Link to sept   Եւ ասէ յակոբ. առ որում գտցես զաստուածսն քո, մի́ կեցցէ առաջի եղբարցս մերոց։ եւ արդ՝ ծանի́ր ինչ ՛ի քոց ընչից առիս, եւ առցես. եւ ոչ ծանեաւ առ նմա եւ ո́չ ինչ։ եւ ո́չ գիտէր յակոբ՝ թէ ռաքելայ կնոջ իւրոյ գողացեալէր զն(ո)ս(ա)։

Verse: 33  Link to sept   Եւ մտեալ լաբան յուզէր ՛ի տան յակոբայ. * եւ ՛ի տան լիայ, եւ ՛ի տան երկոցուն հարճիցն, եւ ո́չ գտանէր. եւ ելեալ ՛ի տանէ անտի լիայ՝ եմուտ ՛ի տուն ռաքելի։

Verse: 34  Link to sept   Իսկ ռաքէլ առեալ զկուռսն եդ ընդ ուղտու պատատաւ, եւ նստա́ւ ՛ի վերայ ն(ո)ց(ա)։ եւ յուղեա́ց լաբան զա(մենայ)ն տաղաւարն եւ ո́չ եգիտ։

Verse: 35  Link to sept   եւ նա ասէ ցհայր իւր. մի́ ինչ ծանր թուեսցի քեզ տէր. ո́չ կարեմ յոտն յառնել առաջի քո, քանզի ՛ի կանա́նց օրէնս եմ։ եւ յուզեաց լաբան զա(մենայ)ն տուն՝ եւ ո́չ եգիտ զկուռսն։

Verse: 36  Link to sept   Բարկացաւ յակոբ եւ կագէր ընդ լաբանու։ պատասխանի ետ յակոբ եւ ասէ ցլաբան. զի՞նչ վնա́ս է իմ, կամ զի՞նչ յանցանք են եմ, զի պնդեցար զհետ իմ,

Verse: 37  Link to sept   եւ յուզեցեր զա(մենայ)ն զինչս իմ. զի՞նչ գտեր յա(մենայ)ն ընչից քոց ՛ի տան իմում։ դի́ր առաջի եղբարցս իմոց՝ եւ եղբարց քոց, եւ յանդիմանեսցեն ՛ի մէջ մեր երկոցունց։

Verse: 38  Link to sept   Այս քսա́ն ամ է զի էի́ ընդ քեզ. ոչխարք քո եւ այծիք՝ ո́չ ստերջացան. եւ զխոյս մաքեաց քոց ո́չ կերայ։

Verse: 39  Link to sept   զգազանաբեկն ո́չ բերի առ քեզ, այլ ե́ս յանձնէ տուժէի. զգողունի տըւնջեան, եւ զգողօնի գիշերոյ։

Verse: 40  Link to sept   զցերեկ այրեալ լինէի ՛ի տօթոյ, եւ զցայգ ՛ի ցրտոյ. հատեա́լ էր քուն յաչաց իմոց։

Verse: 41  Link to sept   Այս քսա́ն ամ է ՛ի տան քում էի. զչորեքտասան ամ փոխանակ դստերաց քոց վաստակեցի, եւ զվեց ամ ՛ի խաշինս քո. եւ խաբեցեր զիս ՛ի վարձս տասն բծացս։

Verse: 42  Link to sept   Եւ թէ ոչ ա(ստուա)ծ հօր իմոյ ա(ստուա)ծ աբրաամու, եւ երկեւղն իսահակայ է́ր ընդիս, այժմ թերեւս ունա́յն իսկ արձակէիր զիս։ այլ զտառապանս իմ եւ զվաստակս ձեռաց իմոց ետես ա(ստուա)ծ, եւ յանդիմանեաց զքեզ երէկ։

Verse: 43  Link to sept   Պատասխանի ետ լաբան՝ եւ ասէ ցյակոբ. դստերքդ՝ դստե́րք իմ են, եւ ուստերքդ՝ ուստե́րք իմ են, եւ խաշինքդ՝ խաշի́նք իմ են. եւ ա(մենայ)ն ինչ զոր դու տեսանես՝ իմ է եւ դստերացդ իմոց։ եւ արդ զի՞նչ արարից դոցա այսօր՝ կամ որդւոց դոցա զոր ես ծնայ։

Verse: 44  Link to sept   Բայց արդ՝ ե́կ ո́ւխտ դիցուք ես եւ դու. եւ եղիցի ՛ի վկայու(թ)ի(ւն) ընդիս եւ ը(նդ) քեզ։ եւ ասէ ցնա. ահա ո́չ ոք է ՛ի միջի մերում. բայց ա(ստուա)ծ վկայ ընդիս եւ ընդ քեզ։

Verse: 45  Link to sept   Եւ առեալ յակոբայ վէմ, կանգնեաց արձան։

Verse: 46  Link to sept   եւ ասէ ցեղբարսն իւր. կուտեցէ́ք քարինս։ եւ կուտեցին քարինս եւ արարին բլուր, եւ կերան եւ արբի́ն անդ ՛ի վ(ե)ր(այ) բլրոյն։

Verse: 47  Link to sept   Եւ կոչեաց զնա լաբան կարկա́ռ վկայութե(ան). եւ յակոբ կոչեաց զնա կարկա́ռ վկայ։

Verse: 48  Link to sept   եւ ասէ ցնա լաբան. բլուրս այս վկա́յ ընդիս եւ ընդ քեզ այսօր։ եւ կոչեաց զնա լաբան բլուր վկայու(թ)ե(ան), եւ յակոբ կոչեաց զնա բլուր վկայ։ Եւ ասէ լաբան ցյակոբ. բլուրս այս եւ արձանս այս՝ զոր կանգնեցի ընդ իս եւ ընդ քեզ. վկա́յ է բլուրս այս, վկա́յ է արձանս այս։ վ(ա)ս(ն) այնորիկ կոչեցաւ անուն բլրոյն վկայութի(ւն)։

Verse: 49  Link to sept   Եւ տեսիլն զորմէ ասաց՝ թէ տեսցէ ա(ստուա)ծ ընդիս եւ ընդ քեզ. զի մեկնիմք ընկեր՝ յընկերէ́։

Verse: 50  Link to sept   եթէ վշտացուսցես զդստերս իմ. եթէ առցես կանայս առ դստերօք իմովք։ զգո́յշ լեր զի ոչոք է ընդ մեզ որ տիսանէ. * ա(ստուա)ծ լիցի վկայ ընդիս եւ ընդ քեզ։

Verse: 51  Link to sept   Եւ ասէ լաբան ցյակոբ. ահա կարկառս այս՝ եւ ահա արձանս, զոր հաստատեցաք, ընդիս եւ ընդ քեզ

Verse: 52  Link to sept   եղիցի վկայ կարկառս, եւ վկա́յ արձանս. զի ո́չ ես անցից ըստ կարկառս, եւ մի́ դու անցանիցես ըստ բլուրս՝ եւ ըստ արձանս ըստ այս՝ չարութ(եամ)բ։

Verse: 53  Link to sept   ա(ստուա)ծ աբրաամու եւ աստուած նաքովրայ եղիցի դատաւոր ՛ի միջի մերում, ա(ստուա)ծ հարց ն(ո)ց(ա)։ Եւ երդուա́ւ յակոբ յերկեւղ հօր իւրոյ իսահակայ։

Verse: 54  Link to sept   եւ եղեն յակոբ զենլիս ՛ի լերինն, եւ կոչեաց զեղբարս իւր ուտել հաց. կերան եւ արբին, եւ ագա́ն ՛ի լերին անդ։

Verse: 55  Link to sept   Եւ յարուցեալ լաբան ՛ի վաղիւ անդր համբուրեաց զորդիս իւր եւ զդստերս իւր, եւ օրհնեաց զնոսա, եւ գնա́ց. դա́րձ արարեալ լաբանայ ՛ի տեղի իւր։



Chapter: 32 
ԳԼ(ՈՒԽ) Լ՜Բ.


Verse: 1  Link to sept   Եւ յակոբ գնաց զճանապարհս իւր։
   Եւ հայեցեալ ետես զբանակ ա(ստուծո)յ բանակեալ. եւ ընդ առա́ջ եղեն նմա հրեշտակք ա(ստուծո)յ։

Verse: 2  Link to sept   եւ ասէ յակոբ իբրեւ ետես զն(ո)ս(ա). այս բանակ ա(ստուծո)յ է։ եւ կոչեաց զանուն տեղւոյն այնորիկ բանա́կս։

Verse: 3  Link to sept   Եւ առաքեաց յակոբ հրեշտակս յառաջ քան զինքն առ եսա́ւ եղբայր իւր յերկիրն ՛ի սէիր, յաշխարհն եդոմայ,

Verse: 4  Link to sept   պատուէր ետ ն(ո)ց(ա) եւ ասէ. ա́յսպէս ասասջիք տեառն իմում եսաւայ. թէ ա́յսպէս ասէ ծառայ քո յակոբ։ ընդ լաբանայ կեցի եւ յամեցի մինչեւ ցայժմ։

Verse: 5  Link to sept   եւ եղեն իմ արջառ եւ ոչխար եւ էշք, ծառայք եւ աղախնայք. եւ առաքեցի պատմել տեառն իմում եսաւայ՝ զի գտցէ ծառայ քո շնո́րհ առաջի քո։

Verse: 6  Link to sept   Եւ դարձեալ հրեշտակացն առ յակոբ՝ ասեն. չոգա́ք առ եսաւ եղբայր քո. եւ գա́յ ընդ առաջ քո, եւ չորք հարիւր այր ը(նդ) նմա։

Verse: 7  Link to sept   Զահի́ հարաւ յակոբ. եւ տարակուսեալ էր. եւ զատոյց զժողովուրդն որ ընդ նմա էր. եւ զարջառ եւ զոչխար եւ զուղտս՝ յերկուս բանակս։

Verse: 8  Link to sept   եւ ասէ յակոբ. եթէ եկեսցէ եսաւ յառաջին բանակն եւ հարցէ զնա, ապրեսցի́ երկրորդ բանակն։

Verse: 9  Link to sept   Եւ ասէ յակոբ. ա(ստուա)ծ հօր իմոյ աբրաամու, եւ ա(ստուա)ծ հօր իմոյ իսահակայ, տ(է)ր որ ասացեր ցիս թէ ե́րթ յերկիր ծննդեան քո՝ եւ բարի́ արարից քեզ։

Verse: 10  Link to sept   չե́մ բաւական ա(մենայ)ն արդարու(թ)ե(ան)՝ եւ ճշմարտութե(ան)ն զոր արարեր ընդ ծառայի քում. զի ցուպ ՛ի ձեռն անցի ընդ այս յորդանան. եւ արդ՝ աւասիկ եղէ յերկո́ւս բանակս։

Verse: 11  Link to sept   Եւ արդ՝ ապրեցո́ զիս ՛ի ձեռաց եղբօր իմոյ եսաւայ. զի զահի հարեալ եմ ես ՛ի նմանէ. գուցէ՝ եկեալ հարկանիցէ́ զիս մայր առ մանկան։

Verse: 12  Link to sept   եւ դու ասացեր՝ թէ բարի արարից քեզ, եւ եդից զզաւակ քո իբրեւ զաւազ ծովու որ ո́չ թուեսցի ՛ի բազմութ(են)է։

Verse: 13  Link to sept   եւ ննջեա́ց անդ զանյ գիշեր։ Եւ ա́ռ յորոց ածէրն ձեռամբ իւրով պատարագս։ եւ առաքեաց եսաւայ եղբօր իւրում.

Verse: 14  Link to sept   այծս երկերիւր, քաղս քսան, մաքիս երկերիւր, խոյս՝ քսան.

Verse: 15  Link to sept   ուղտս ծնեալս կոզռա́մբք հանդերձ՝ երեսուն. կովս քառասուն, ցուլս տասն էշս քսան, եւ մտրուկս տասն։

Verse: 16  Link to sept   Եւ ետ ՛ի ձեռս ծառայից իւրոց. հօ́տս հօ́տս առանձինն։ եւ ասէ ցծառայսն իւր. երթա́յք դուք յառաջ քան զիս, եւ բացագո́յնս ՛ի միմեանց տանիցիք հօտս ՛ի հօտից։

Verse: 17  Link to sept   Պատուիրեաց առաջնոյն՝ եւ ասէ. եթէ պատահիցէ քեզ եսաւ եղբայր իմ, եւ հարցանիցէ թէ ո՞յր ես՝ եւ յո՞ երթաս, եւ ո՞յր է այդ որ առաջի քո երթայ։

Verse: 18  Link to sept   եւ ասասցես, թէ ծառայի́ քոյ յակոբայ պատարագք են, զոր առաքեաց տեառն իւրում եսաւայ. եւ ինքն զկնի́ մեր գայ։

Verse: 19  Link to sept   Պատուիրեաց առաջնումն եւ երկրորդին եւ երրորդի. եւ ամենեցուն որ երթային յառաջ զհետ խաշանցն, ասէր՝ ըստ բանիս ըստ ա́յսմիկ խօսեսջիք ընդ եսաւայ, յորժամ գտանիցէք զնա։

Verse: 20  Link to sept   եւ ասասջիք, ահա ծառայ քո յակոբ գա́յ զհետ մեր։ քանզի ասաց՝ թէ ցածուցի́ց զերեսս ն(ո)ր(ա) պատարագօքդ որ երթան առաջի. եւ ապա տեսից զերեսս նորա, թերեւս արասցէ́ մեծարանս երեսաց իմոց։

Verse: 21  Link to sept   Եւ երթային յառաջ ընծայքն քան զնա. եւ ինքն ննջեաց զայն գիշեր անդէն ՛ի բանակին։

Verse: 22  Link to sept   եւ յարուցեալ ՛ի նմին գիշերի՝ ա́ռ զերկուս կանայսն, եւ զերկուս աղախնայսն, եւ զմետասան որդիս իւր, եւ անց ընդ հունն յոբոկայ։

Verse: 23  Link to sept   եւ ա́ռ անցոյց զն(ո)ս(ա) ընդ ձորն, եւ զա(մենայ)ն ինչ որ ի́ւր էր։

Verse: 24  Link to sept   Եւ մնա́ց յակոբ միայն։ եւ մարտեաւ այր մի ընդ նմա մինչեւ ցառաւօտ։

Verse: 25  Link to sept   եւ իբրեւ ետես թէ ոչ յաղթէ նմա, բո́ւռն եհար զամոլաջլէ զըստի ն(ո)ր(ա) եւ ընդարմացոյց զամոլաջիլ զըստին յակոբայ ՛ի կռուելն իւրում ընդ նմա։

Verse: 26  Link to sept   Եւ ասէ ցնա. արձակեա́ զիս քանզի ա́յգ եղեւ։ եւ նա ասէ. ո́չ արձակեցից զքեզ՝ եթէ ոչ օրհնեսցես զիս։

Verse: 27  Link to sept   Եւ նա ասէ ցսա, զի՞նչ անուն է քո։ եւ սա ասէ ցնա, յակոբ։

Verse: 28  Link to sept   Եւ ասէ ցսա. յայսմ հետէ ո́չ կոչեսցեն զանուն քո յակոբ, այլ ի(սրա)էղ եղիցի անուն քո. զի ժուժկալեցեր ընդ ա(ստուծո)յ. եւ ընդ մարդկան զօրաւո́ր լիջիր։

Verse: 29  Link to sept   Եհա́րց յակոբ՝ եւ ասէ. պատմեա́ ինձ զանուն քո։ եւ ասէ՝ զի՞ հարցանես զանուանէ իմմէ։ եւ օրհնեաց զնա անդ։

Verse: 30  Link to sept   Եւ կոչեաց յակոբ զանուն տեղւոյն այնորիկ՝ տեսիլ ա(ստուծո)յ. զի տեսի զա(ստուա)ծ դէմ յանդիման, եւ ապրեցաւ անձն իմ։

Verse: 31  Link to sept   Եւ ծագեաց նմա արե́ւ իբրեւ անց տեսիլն ա(ստուծո)յ։ եւ նա կաղայր երթայր ՛ի զըստէ անտի։

Verse: 32  Link to sept   վ(ա)ս(ն) այնորիկ ո́չ ուտեն որդիքն ի(սրաէ)լի զամոլաջիլն՝ զոր ընդարմացոյց, որ է ՛ի վ(ե)ր(այ) տախտակի զըստին, մինչեւ ցայսօր։ զի բո́ւռն եհար զտախտակէ զըստին յակոբայ, եւ ընդարմացո́յց զամոլաջիլ ն(ո)ր(ա)։



Chapter: 33 
ԳԼ(ՈՒԽ) Լ՜Գ.


Verse: 1  Link to sept   Զաչս իւր ՛ի վե́ր եբարձ յակոբ եւ ետես, եւ ահա եսա́ւ եղբայր իւր գայր, եւ ընդ նմա արք չորեքհարիւր։ եւ բաշխեաց յակոբ զմանկունսն ՛ի լիա՝ եւ յռաքէլ, եւ յերկուս աղախնայս։

Verse: 2  Link to sept   Եւ արար զերկուս աղախնայսն եւ զորդիս ն(ո)ց(ա) առաջի, եւ զլիա եւ զորդիս ն(ո)ր(ա) զկնի, եւ զռաքէլ եւ զյովսէփ հո́ւսկ յետոյ։

Verse: 3  Link to sept   եւ ինքն անց յառաջ քան զնոսա, եւ երկիր եպագ եւթն անգամ ՛ի վերայ երկրի՝ մինչեւ մերձենալ առ եղբայրն իւր։

Verse: 4  Link to sept   Եւ ընթացա́ւ եսաւ ընդ առաջ նորա. գի́րկս արկ նմա եւ համբուրեաց, եւ անկաւ ՛ի վ(ե)ր(այ) պարանոցի ն(ո)ր(ա) եւ համբուրեաց զնա. եւ լացին երկոքեան։

Verse: 5  Link to sept   Եւ հայեցեալ ՛ի վեր ետես զկանայսն եւ զմանկունս, եւ ասէ. դոքա՝ զի՞նչ են քո։ եւ նա ասէ. մանկունք իմ են, որովք ողորմեցա́ւ ա(ստուա)ծ ծառայի քում։

Verse: 6  Link to sept   Եւ մատեան աղախնայքն եւ որդիք ն(ո)ց(ա), եւ երկի́ր պագին նմա։

Verse: 7  Link to sept   եւ մատեաւ լիա եւ որդիք իւր՝ եւ երկի́ր պագին նմա. յետոյ մատեաւ յովսէփ եւ ռաքէլ՝ եւ երկիր պագին նմա։

Verse: 8  Link to sept   Եւ ասէ՝ զի՞նչ էր այն ա(մենայ)ն չու՝ որ ինձ դիպեցաւ։ եւ նա ասէ. զի գտցէ ծառայ քո շնորհս առաջի քո։

Verse: 9  Link to sept   եւ ասէ եսաւ. կա́յ եւ իմ շատ՝ եղբայր՝ քե́զ լիցի քոյդ։

Verse: 10  Link to sept   Եւ ասէ յակոբ. մի́ այդպէս. եթէ գտի շնորհս առաջի քո՝ ընկա́լ զընծայսն ՛ի ձեռաց իմոց. քանզի ա́յնպէս տեսի զերեսս քո՝ որպէս ոք տեսանիցէ զերեսս ա(ստուծո)յ։ եւ զուարթասցի́ս ընդիս։

Verse: 11  Link to sept   եւ ա́ռ զօրհնութի(ւն)ս իմ, զոր մատուցի քեզ. զի ողորմեցաւ ինձ ա(ստուա)ծ. եւ է́ իմ ա(մենայ)ն ինչ։ եւ բռնադատեաց զնա։ եւ ա́ռ։

Verse: 12  Link to sept   Եւ ասէ՝ չուեսցո́ւք գնասցուք՝ եւ երթիցուք զուղորդն։

Verse: 13  Link to sept   Եւ ասէ ցնա. տէր իմ ինքնին գիտէ, զի մանկունքս մատա́ղ են. եւ ոչխարի, եւ արջառոյ ծնունդ արձակեալ է. եւ եթէ մի օր ստիպեմ զդոսա, մեռանին ա(մենայ)ն խաշինքդ։

Verse: 14  Link to sept   Այլ յառաջեսցէ́ տէր իմ քան զծառայ իւր. եւ ես ըստ կարի́ եւ ըստ պարապոյ ճանապարհդ առաջի իմ, եւ ըստ կազդուրել մանկանց իմոց խաղացից, մինչեւ եկից առ տէր իմ ի սէիր։

Verse: 15  Link to sept   Եւ ասէ եսաւ. իսկ թողից առ քեզ ՛ի ժողովրդենէ աստի՝ որ ընդիս են։ եւ նա ասէ. ընդէ՞ր է ինձ այդ. շա́տ է զի գտի շնորհս առաջի քո տէր։

Verse: 16  Link to sept   Եւ դարձաւ յաւուր յայնմիկ եսաւ ընդ ճանապարհս իւր ՛ի սէիր։

Verse: 17  Link to sept   Եւ յակոբ չուեա́ց ՛ի խորանս եւ արար իւր անդ տունս, եւ խաշանց իւրոց արար դադարս. վ(ա)ս(ն) այնորիկ կոչեաց զանուն տեղւոյն այնորիկ խորանս։

Verse: 18  Link to sept   Եւ եկն յակոբ ՛ի սաղէմ քաղաք սիկիմացւոց, որ է յերկրին քանանացւոց՝ իբրեւ եկն ՛ի միջագետաց ասորւոց, եւ բնակեցաւ յանդիման քաղաքին։

Verse: 19  Link to sept   Եւ ստացա́ւ զվիճակ անդին ուր եհար զխորան իւր՝ յեմովրայ հօրէ սիւքեմայ հարիւր ոչխարի։

Verse: 20  Link to sept   Եւ շինեաց անդ սեղան, եւ կարդաց զԱ(ստուա)ծ ի(սրաէ)լի։



Chapter: 34 
ԳԼ(ՈՒԽ) Լ՜Դ.


Verse: 1  Link to sept   Եւ ե́լ դինա դուստր լիայ՝ զոր ծնաւ յակոբայ, ՛ի զնի́ն դստերաց աշխարհին։

Verse: 2  Link to sept   եւ ետես զնա սիւքեմ որդի եմովրայ քոռեցի, որ իշխանն էր երկրին. եւ ա́ռ զնա, եւ ննջեաց ընդ նմա. եւ տառապեցո́յց զնա։

Verse: 3  Link to sept   եւ ո́ւշ եդեալ դինայի դստերն յակոբայ՝ սիրեաց զկոյսն, եւ խօսեցաւ ըստ մտաց կուսին։

Verse: 4  Link to sept   Եւ խօսեցաւ սիւքեմ ընդ եմովրայ հօր իւրոյ՝ եւ ասէ. ա́ռ դու ինձ զաղջիկս զայս կնութե(ան)։

Verse: 5  Link to sept   Եւ լուաւ յակոբ եթէ պղծեաց որդի եմովրայ զդինա զդուստր իւր։ եւ որդիք ն(ո)ր(ա) էին ՛ի խաշինս ՛ի դաշտի. լո́ւռ եղեւ յակոբ մինչեւ եկին նոքա։

Verse: 6  Link to sept   Եւ ե́լ եմովր հայր սիւքեմայ առ յակոբ խօսել ընդ նմա։

Verse: 7  Link to sept   եկին եւ որդիքն յակոբայ ՛ի դաշտէ։ իբրեւ լուան ստրջացա́ն արքն, եւ տրտմու(թ)ի(ւն) էր ն(ո)ց(ա) յոյժ. զի խայտառակու(թ)ի(ւն) արար յի(սրաէ)լի, մտանելով առ դուստրն յակոբայ. եւ ո́չ այնպէս վճարիցի։

Verse: 8  Link to sept   Եւ խօսեցաւ ընդ նոսա եմովր՝ եւ ասէ. սիւքեմ որդի իմ սիրեաց ոգւով չափ զդուստրն ձեր. արդ՝ տո́ւք զնա նմա կնութե(ան),

Verse: 9  Link to sept   եւ արարէ́ք ընդ մեզ խնամութի(ւն). զդստերս ձեր տո́ւք մեզ, եւ զդստերս մեր առէ́ք որդւոց ձերոց։

Verse: 10  Link to sept   եւ բնակեցէ́ք ՛ի միջի մերում. եւ երկիրդ ահա ընդարձա́կ է առաջի ձեր, եւ բնակեցէ́ք՝ եւ շահեցարո́ւք ՛ի դմա. եւ ստացարուք ստացուա́ծս ՛ի դմա։

Verse: 11  Link to sept   Եւ ասէ սիւքեմ ցհայր ն(ո)ր(ա) եւ ցեղբարս ն(ո)ր(ա). գտի́ց շնորհս առաջի ձեր. եւ զոր ինչ ասիցէ́ք՝ տացո́ւք։

Verse: 12  Link to sept   յաճախեցէ́ք յոյժ զվարձանս եւ զօժիտս. եւ տա́ց՝ որչափ եւ ասիցէք. եւ տո́ւք ինձ զաղջիկն զայն կնութե(ան)։

Verse: 13  Link to sept   Պատասխանի ետուն որդիքն յակոբայ՝ սիւքեմայ եւ եմովրայ հօր ն(ո)ր(ա) նենգու(թեամ)բ՝ եւ ասե́ն ցն(ո)ս(ա). վ(ա)ս(ն) զի պղծեցին զդինա քոյր ն(ո)ց(ա)։ եւ ասեն շմաւոն եւ ղեւի եղբարք դինայ՝ որդիքն լիայ։

Verse: 14  Link to sept   Ո́չ կարեմք առնել զայդ բան. տալ զքոյր մեր ա́ռն անթլփատի. ք(ան)զի նախատինք են մեզ.

Verse: 15  Link to sept   բայց այսո́ւ նմանեսցուք ձեզ, եւ բնակեսցուք ՛ի միջի ձերում, եթէ լինիցիք եւ դո́ւք իբրեւ զմեզ՝ ՛ի թլփատել ձեզ զա(մենայ)ն արու։

Verse: 16  Link to sept   եւ տացուք զդստերս մեր ձեզ, եւ ՛ի դստերաց ձերոց առցուք մեզ կանայս. եւ բնակեսցո́ւք առ ձեզ, եւ եղիցուք իբրեւ ազգ մի։

Verse: 17  Link to sept   ապա թէ ո́չ լսիցէք մեզ թլփատել, առեալ զդստերս մեր ՛ի բա́ց գնասցուք։

Verse: 18  Link to sept   Եւ հաճո́յ թուեցաւ բանքն առաջի եմովրայ, եւ առաջի սիւքեմայ որդւոյ եմովրայ։

Verse: 19  Link to sept   եւ ո́չ յամեաց պատանին առնել զբանն. զի յո́յժ հարեալ էր ՛ի սէր դստերն յակոբայ։ եւ նա́ էր պատուականագոյն քան զամենեսեան՝ որ ՛ի տան հօր ն(ո)ր(ա) էին։

Verse: 20  Link to sept   Եւ եկին եմովր եւ սիւքեմ որդի ն(ո)ր(ա) ՛ի դուռն քաղաքին իւրեանց. եւ խօսեցան ընդ ա́րս քաղաքին իւրեանց՝ եւ ասեն.

Verse: 21  Link to sept   որեա́րն այն խաղաղութ(եամ)բ են ընդ մեզ. արդ բնակեսցեն յերկրիս, եւ շահեսցին ՛ի սմա. զի երկիրս ընդարձա́կ է առաջի ն(ո)ց(ա). զդստերս ն(ո)ց(ա) առցուք մե́զ կանայս, եւ զդստերս մեր տացուք ն(ո)ց(ա)։

Verse: 22  Link to sept   Բայց միայն՝ այսո́ւ նմանեսցեն մեզ որեարն՝ բնակել ընդ մեզ լինել ազգ մի. ՛ի թլփատել մեզ զա(մենայ)ն արու, ո(ր)պ(էս) նոքա́յն թլփատեալ են։

Verse: 23  Link to sept   եւ ինչք ն(ո)ց(ա) եւ անասուն ն(ո)ց(ա) եւ չորքոտանի ն(ո)ց(ա) ո՞չ ապաքէն մեր լինիցի. բայց այնու եւ եթ նմանեսցուք ն(ո)ց(ա). եւ բնակեսցեն ՛ի միջի մերում։

Verse: 24  Link to sept   Եւ լուան եմովրայ եւ սիւքեմայ որդւոյ ն(ո)ր(ա) ամենեքին որ ելանէին ընդ դուռն քաղաքին իւրեանց. եւ թլփատեցին զմարմին անթլփատու(թ)ե(ան) իւրեանց ա(մենայ)ն արու, ամենեքին որ ելանէի ընդ դուռն քաղաքի ն(ո)ր(ա)։

Verse: 25  Link to sept   Եւ եղեւ յաւուրն երրորդի մինչ դեռ էին նոքա ՛ի ցաւսն, առին երկու որդիքն յակոբայ, շմաւոն եւ ղեւի եղբարք դինայ՝ իւրաքանչիւր զսուր իւր, եւ մտին ՛ի քաղաքն կազմութ(եամ)բ, եւ կոտորեցին զա(մենայ)ն արու։

Verse: 26  Link to sept   եւ զեմովր եւ զսիւքեմ զորդի ն(ո)ր(ա) սպանին ՛ի սուր սուսերի, եւ առին զդինա ՛ի տանէ սիւքեմայ՝ եւ ելին։

Verse: 27  Link to sept   Եւ որդիքն յակոբայ մտին ՛ի վ(ե)ր(այ) վիրաւորացն, եւ առին աւա́ր զքաղաքն, յորում պղծեցին զդինա զքոյրն ն(ո)ց(ա)։

Verse: 28  Link to sept   զարջառ եւ զոչխար եւ զէշ նոցա՝ որ էին ՛ի քաղաքին, եւ որ ինչ ՛ի բացի էր՝ առին։

Verse: 29  Link to sept   եւ զա(մենայ)ն մարդագերի ն(ո)ց(ա), եւ զա(մենայ)ն զկահ եւ զկարասի նոցա. եւ զկանայս ն(ո)ց(ա) գերեցին։ եւ յափշտակեցին որ ինչ էր ՛ի քաղաքին՝ եւ որ ինչ ՛ի տունս։

Verse: 30  Link to sept   Եւ ասէ յակոբ ցշմաւոն եւ ցղեւի, ատելի́ արարէք զիս, երեւել անզգամ ա(մենայ)ն բնակչաց երկրիս ՛ի մէջ քանանացւոց եւ փերեզացւոց. եւ ես սակաւաւո́ր եմ թուով. արդ՝ եթէ ժողովիցին ՛ի վ(ե)ր(այ) իմ եւ հարկանիցեն զիս, սատակելով սատակիցի՞մ եւ ես, եւ տուն իմ։

Verse: 31  Link to sept   Եւ ասեն, իսկ զիա՞րդ. զի իբրեւ զբո́զ մի քարշեցին զքոյրն մեր։



Chapter: 35 
ԳԼ(ՈՒԽ) Լ՜Ե.


Verse: 1  Link to sept   Եւ ասէ ա(ստուա)ծ ցյակոբ. արի ա́նց ՛ի տեղին ՛ի բեթէլ. եւ անդ բնակեսցես. եւ արասցես անդ սեղան ա(ստուծո)յ որ երեւեցաւն քեզ ՛ի փախչելն քո յերեսաց եսաւայ եղբօր քոյ։

Verse: 2  Link to sept   Եւ ասէ յակոբ ցընտանիսն իւր, եւ ցամենեսին որ ընդ նմա էին. ՛ի բա́ց առէք զաստուածսդ օտարոտիս որ ընդ ձե́զ են ՛ի միջոյ ձերմէ, եւ սրբեցարո́ւք. եւ փոխեցէ́ք զպատմուճանս ձեր։

Verse: 3  Link to sept   եւ յարուցեալ ելցո́ւք ՛ի բեթէլ, եւ արասցուք անդ սեղան ա(ստուծո)յ. որ լուաւ ինձ յաւուր նեղութե(ան), որ էր ընդիս. եւ ապրեցոյց զիս ՛ի ճանապարհին՝ զոր գնացի։

Verse: 4  Link to sept   Եւ ետուն ցյակոբ զաստուածսն օտարոտիս որ էին ՛ի ձեռս ն(ո)ց(ա), եւ զգինդս որ յականջս իւրեանց։ եւ ծածկեաց զն(ո)ս(ա) յակոբ ՛ի ներքոյ բեւեկնոյն ՛ի սիկիմ, * եւ կորոյս զն(ո)ս(ա) մինչեւ ցայսօր ժամանակի։

Verse: 5  Link to sept   Եւ չուեաց ի(սրա)էլ ՛ի սիկիմայ. եւ եղեւ ա́հ ա(ստուծո)յ ՛ի վ(ե)ր(այ) քաղաքացն որ շուրջ զնովաւ. եւ ո́չ ելին զհետ որդւոցն ի(սրաէ)լի։

Verse: 6  Link to sept   Եւ եկն յակոբ ՛ի լուղ՝ որ է յերկրին քանանացւոց, այն ինքն է բեթէլ, ինքն եւ ա(մենայ)ն ժողովուրդն որ ընդ նմա։

Verse: 7  Link to sept   եւ շինեաց անդ սեղան. եւ կոչեաց զանուն տեղւոյն այնորիկ բեթէլ. զի ա́նդ երեւեցաւ նմա ա(ստուա)ծ ՛ի փախչել նորա յերեսաց եսաւայ եղբօր իւրոյ։

Verse: 8  Link to sept   Եւ մեռաւ դէբովրա դայեկն ռեբեկայ, եւ թաղեցաւ ՛ի ներքոյ բեթելայ ընդ կաղնեաւն. եւ կոչեաց զանուն ն(ո)ր(ա) կաղնի́ ոգոյ։

Verse: 9  Link to sept   Եւ երեւեցաւ ա(ստուա)ծ յակոբայ՝ մինչդեռ ա́նդ էր ՛ի լուղ յորժամ եկն ՛ի միջագետաց ասորոց։ եւ օրհնեաց զնա ա(ստուա)ծ։

Verse: 10  Link to sept   եւ ասէ ցնա ա(ստուա)ծ. անուն քո յակոբ՝ ո́չ եւս կոչեսցի յակոբ, այլ ի(սրա)էլ եղիցի անուն քո. եւ կոչեաց զանուն ն(ո)ր(ա) ի(սրա)էլ։

Verse: 11  Link to sept   Եւ ասէ ցան ա(ստուա)ծ՝ ե́ս եմ ա(ստուա)ծ քո բաւական. աճեսջի́ր եւ բազմասջի́ր. ազգք եւ ժողովուրդք ազգաց եղիցին ՛ի քէն, եւ թագաւո́րք յերանաց քոց ելցեն։

Verse: 12  Link to sept   եւ զերկիրդ զոր ետու աբրաամու եւ սահակայ՝ քե́զ տաց զդա, քե́զ եղիցի, եւ զաւակի քում յետ քո տաց զերկիրդ զայդ։

Verse: 13  Link to sept   Եւ վերացաւ ՛ի նմանէ ա(ստուա)ծ ՛ի տեղւոջէն՝ ուր խօսեցաւ ընդ նմա։

Verse: 14  Link to sept   Եւ կանգնեաց յակոբ արձա́ն ՛ի տեղւոջն ուր խօսեցաւ ը(նդ) նմա, արձա́ն քարեղէն. եւ նուիրեաց ՛ի նմա նուէ́րս. եւ արկ ՛ի վերայ ն(ո)ր(ա) եւղ։

Verse: 15  Link to sept   եւ կոչեաց զանուն տեղւոյն ուր խօսեցաւ ընդ նմա ա(ստուա)ծ՝ բեթէ́լ։

Verse: 16  Link to sept   Եւ չուեաց ՛ի բեթելայ։ եւ եղեւ իբրեւ մերձեցաւ ՛ի քաբրաթա երկիր, մտանել յեփրաթա, ծնաւ ռաքէլ։

Verse: 17  Link to sept   եւ դժուարածին եղեւ ՛ի ծննդեան. եւ եղեւ ՛ի վշտանալն ն(ո)ր(ա) ՛ի ծննդեան, եւ ասէ ցնա ծնուցիչն՝ քաջալերեա́ց, զի եւ ա́յդ եւս քո ո́ւստր է։

Verse: 18  Link to sept   Եւ եղեւ ընդ հանել ոգւոցն, քանզի մեռաւ, կոչեաց զանուն ն(ո)ր(ա) որդի վշտաց իմոց. եւ հայրն կոչեաց զնա բենիամին։

Verse: 19  Link to sept   Մեռա́ւ ռաքէլ՝ եւ թաղեցաւ ՛ի ճանապարհին եփրաթայ. ա́յն իսկ է բեթղահէմ։

Verse: 20  Link to sept   եւ կանգնեաց յակոբ արձա́ն ՛ի վերայ շիրմին նորա, ա́յն է արձան շիրմի ռաքելայ մինչեւ ցայսօր ժամանակի։

Verse: 21  Link to sept   Եւ չուեա́ց ի(սրա)էլ՝ եւ եհար զխորան իւր յայնկոյս աշտարակին գադերայ։

Verse: 22  Link to sept   Եւ եղեւ իբրեւ բնակեաց ի(սրա)էլ յերկրին յայնմիկ. գնաց ռոբէն՝ եւ ննջեաց ընդ բալլայ հարճի հօր իւրոյ. լուաւ ի(սրա)էլ՝ եւ չար թուեցաւ առաջի ն(ո)ր(ա)։ Եւ էին որդիք յակոբայ երկոտասանք։

Verse: 23  Link to sept   Որդիք լիայ՝ անդրանիկ յակոբայ՝ ռոբէն. շմաւոն. ղեւի. յուդայ. իսաքար. զաբողոն։

Verse: 24  Link to sept   Եւ որդիք բալլայ նաժշտի ռաքելայ՝ դան, եւե նեփթաղիմ։

Verse: 25  Link to sept   Եւ որդիք զելփա նաժշտին լիայ՝ գադ եւ ասեր։

Verse: 26  Link to sept   Եւ որդիք ռաքելի՝ յովսէփ եւ բենիամին։ Ա́յս են որդիք յակոբայ. որ եղեն նմա ՛ի միջագետս ասորւոց։

Verse: 27  Link to sept   Եւ եկն յակոբ առ իսահակ հայր իւր ՛ի մամբրէ՝ ՛ի քաղաք դաշտին. ա́յն է քեբրոն, յերկրին քանանացւոց, ուր պանդխտեցան աբրաամ եւ իսահակ։

Verse: 28  Link to sept   Եւ եղեն ա(մենայ)ն աւուրք իսահակայ՝ զոր եկեաց. ամք հարիւր ութսուն։

Verse: 29  Link to sept   եւ պակասեալ իսահակայ մեռա́ւ, եւ յաւելաւ յազգ իւր. ծերացեալ եւ լի́ աւուրբք։ եւ թաղեցին զնա եսաւ եւ յակոբ որդիք իւր։



Chapter: 36 
ԳԼ(ՈՒԽ) Լ՜Զ.


Verse: 1  Link to sept   Եւ ա́յս են ծնունդք եսաւայ. նա́ է եդոմ։

Verse: 2  Link to sept   եւ ա́ռ իւր եսաւ կանայս ՛ի դստերաց քանանացւոց. զադդա զդուստր ելոնայ քետացւոյ։ եւ զոլիբամա դուստր անայի՝ որդւոյ սեբեգոնի խեւացւոյ։

Verse: 3  Link to sept   եւ զբասեմաթ զդուստր իսմայելի՝ զքոյր նաբեութայ։

Verse: 4  Link to sept   Եւ ծնաւ ադդա եսաւայ զեղիփազ։ եւ բաս եմաթ ծնաւ զռագուէլ։

Verse: 5  Link to sept   եւ ողիբամա ծնաւ զյէուս, եւ զեգղոմ, եւ զկորխ։ սոքա են որդիք եսաւայ, որ եղեն նմա յերկրին քանանացւոց։

Verse: 6  Link to sept   Եւ ա́ռ եսաւ զկանայս իւր, եւ զուստերս եւ զդստերս իւր, եւ զա(մենայ)ն մարդիկ տան իւրոյ, եւ զա(մենայ)ն ինչս եւ զանասուն. եւ զա(մենայ)ն ինչ զոր ստացաւ՝ եւ զոր արար յերկրին քանանացւոց. եւ գնա́ց յերկրէն քանանացւոց յերեսաց յակոբայ եղբօր իւրոյ։

Verse: 7  Link to sept   Զի էին բազո́ւմ ինչք նոցա ՛ի միասին բնակելոյ. եւ ո́չ կարէր երկիրն պանդխտու(թ)ե(ան) հանդարտել ն(ո)ց(ա) ՛ի բազմութ(են)է ընչից իւրեանց։

Verse: 8  Link to sept   եւ բնակեցաւ եսաւ ՛ի լերինն սէիր։ եսաւ՝ որ նա́ ինքն է եդոմ։

Verse: 9  Link to sept   Եւ ա́յս են ծնունդք եսաւայ՝ հօրն եդոմայեցւոց, ՛ի լերինն սէիր։

Verse: 10  Link to sept   եւ ա́յս են անուանք որդւոցն եսաւայ. եղիփազ որդի ադդայի կնոջ եսաւայ։ եւ ռագուէլ՝ որդի բասեմաթայ կնոջ եսաւայ։

Verse: 11  Link to sept   Եւ եղեն որդիք եղիփազայ, թեման, ովմար, սովփար, գոթամ, եւ կենէզ։

Verse: 12  Link to sept   Եւ թամար եր հարճ եղիփազու որդւոյ եսաւայ. եւ ծնաւ եղիփազու զամաղէկ։ սոքա են որդիք ադդայի կնոջ եսաւայ։

Verse: 13  Link to sept   Եւ ա́յս են որդիք ռագուէլի, նաքովթ, զարեհ, ամմա, եւ մեզա, սոքա́ են որդիք բասեմաթայ կնոջ եսաւայ։

Verse: 14  Link to sept   Եւ այս են որդիք ողիբամայ դստեր անայի որդւոյ սեբեգոնի կնոջ եսաւայ։ եւ ծնաւ եսաւայ զյէուս, եւ զեգղոմ, եւ զկորխ։

Verse: 15  Link to sept   Սոքա են իշխանք՝ որդիք եսաւայ։ Որդիք եղիփազու անդրանկանն եսաւայ. իշխան թեման, իշխան ովմար, իշխան սովփար, իշխան կենէզ,

Verse: 16  Link to sept   իշխան կորխ, իշխան գոթամ, իշխան ամաղէկ։ սոքա են իշխանք եղիփազու յերկրին եդոմայեցւոց. ս(ուրբ)ք են որդիք ադդայի։

Verse: 17  Link to sept   Եւ ա́յս են որդիք ռագուելի որդւոյ եսաւայ. իշխան նաքովթ, իշխան զարեհ, իշխան ամմա, իշխան մողէ։ ա́յս են իշխանք ռագուելի յերկրին եդովմայ։ սոքա են որդիք բասեմաթայ կնոջ եսաւայ։

Verse: 18  Link to sept   Եւ ա́յս են որդիք ողիբամայ կնոջ եսաւայ. իշխան յէուս. իշխան յեգղոմ. իշխան կորխ։ ա́յս են իշխանք ողիբամայ դստեր անայի կնոջ եսաւայ։

Verse: 19  Link to sept   եւ ա́յս են իշխանք ն(ո)ց(ա). եւ ա́յս են որդիք եդոմայ։

Verse: 20  Link to sept   Եւ ա́յս են որդիք սէիրայ քոռացւոյ որ բակեալ էր ՛ի սէիր. ղովտան. սեբաղ, սեբեգոն, անա,

Verse: 21  Link to sept   դեսոն. եւ ասեր՝ եւ ռիսոն։ ս(ուրբ)ք են իշխանք քոռեցւոյն, որդւոյ սէիրայ յերկրին եդոմայ։

Verse: 22  Link to sept   Եւ եղեն որդիք ղովատնայ. քոռի, եւ եմման. եւ քոյր ղովատնայ՝ թամնա։

Verse: 23  Link to sept   Եւ սոքա են որդիք սոբողայ. գաղոմ, եւ մանաքաթ, եւ գեբաղ, եւ սովփար, եւ աւնան.

Verse: 24  Link to sept   Եւ ա́յս են որդիք սեբեգոնի. այիէ, եւ աւնան. ա́յս աւնան է որ եգիտ զաղբիւրն յանապատի՝ մինչ արածէր զէշսն սեբեգոնի հօր իւրոյ։

Verse: 25  Link to sept   Եւ ա́յս են որդիք անայի՝ գեսոն, եւ ողիբամա դուստր անայի։

Verse: 26  Link to sept   Եւ ա́յս են որդիք գեսոնայ. ամադան, եւ եսբան, եւ յեթրան, եւ քառան։

Verse: 27  Link to sept   Եւ ա́յս են որդիք ասերայ. բաղղան, եւ զուկան. ոսնիկան, եւ ուկամ։

Verse: 28  Link to sept   Եւ ա́յս են որդիք ռիսոնի. ովս, եւ առան։

Verse: 29  Link to sept   Եւ այս են իշխանք քոռայ. իշխան ղովտան, իշխան սովբաղ, իշխան սեբեգոն, իշխան անա.

Verse: 30  Link to sept   իշխան դեսոն. իշխան ասեր. իշխան ռիսոն։ ա́յս են իշխանք քոռայ. ՛ի պետու(թ)ի(ւն)ս իւրեանց յերկրին յեդոմայ։

Verse: 31  Link to sept   Եւ ա́յս են թագաւորք որ թագաւորեցին յերկրին եդոմայեցւոց, մինչ չե́ւ թագաւորեալ էր թագաւոր յի(սրաէ)լի։

Verse: 32  Link to sept   Եւ թագաւորեաց յեդոմ բաղակ որդի սեպփովրայ. եւ անուն քաղաքի ն(ո)ր(ա) դէննաբա։

Verse: 33  Link to sept   եւ մեռաւ բաղակ։ Եւ թագաւորեաց ընդ ն(ո)ր(ա) յոբաբ որդի զարեհի ՛ի բոսորայ։

Verse: 34  Link to sept   եւ մեռաւ յոբաբ։ Եւ թագաւորեաց ընդ ն(ո)ր(ա) ասոմ յերկրի թամանացւոց։

Verse: 35  Link to sept   եւ մեռաւ ասոմ։ Եւ թագաւորեաց ընդ նորա ադադ որդի բարագայ, որ կոտորեաց զմադիամ ՛ի դաշտին մովաբացւոց. եւ անուն քաղաքի ն(ո)ր(ա) գեթէմ։

Verse: 36  Link to sept   եւ մեռաւ ադադ։ Եւ թագաւորեաց ընդ ն(ո)ր(ա) սամաղա մասեկկայ։

Verse: 37  Link to sept   եւ մեռաւ սամաղա։ Եւ թագաւորեաց ընդ ն(ո)ր(ա) սաւուղ յռաբաւթայ՝ որ առ գետեզերն։

Verse: 38  Link to sept   եւ մեռաւ սաւուղ։ Եւ թագաւորեաց ընդ ն(ո)ր(ա) բաղղայենոն որդի ոքոբորայ։

Verse: 39  Link to sept   եւ մեռաւ բաղղայենոն որդի ոքոբորայ։ Եւ թագաւորեաց ընդ նորա ադադ որդի բարադայ. եւ անուն քաղաքի ն(ո)ր(ա) փոգով. եւ անուն կնոջ ն(ո)ր(ա) մետաբէէլ դուստր մատեթայ, որդւոյ մազովբայ։

Verse: 40  Link to sept   Ա́յս են անուանք որդւոցն եսաւայ, եւ իշխանացն եսաւայ յազգս իւրեանց. ըստ տեղիս իւրեանց յաշխարհս իւրեանց, եւ ՛ի տոհմս իւրեանց ըստ անուանց ն(ո)ց(ա)։ Իշխան թամանա, իշխան ղովտան, իշխան յեթաթ,

Verse: 41  Link to sept   իշխան ողիբամասա, իշխան հեղայ, իշխան փենոն,

Verse: 42  Link to sept   իշխան կենէզ, իշխան թեման. իշխան մազար։

Verse: 43  Link to sept   իշխան մագեդէլ. իշխան զաբոյին։ Սոքա́ են իշխանք եդոմացւոց ըստ բնակութե(ան) յերկրի ստացուածոց իւրեանց։ եւ ա́յս է եսաւ հայր եդոմայ։



Chapter: 37 
ԳԼ(ՈՒԽ) Լ՜Է.


Verse: 1  Link to sept   Եւ բնակէր յակոբ յերկրի ուր պանդխտեցաւ հայր ն(ո)ր(ա), յերկրին քանանացւոց։

Verse: 2  Link to sept   Եւ ա́յս են ծնունդք յակոբայ։ Յովսէփ եւթնուտասնամեայ էր, մինչ արածէր եղբարբքն հանդերձ խաշինս. եւ էր կրտսեր ընդ որդիսն բալլայ, եւ ընդ որդիսն զելփայ կանանց հօր իւրոյ։ Եւ բերէին համբաւ չա́ր զյովսեփայ առ ի(սրա)էլ հայրն իւրեանց։

Verse: 3  Link to sept   Բայց ի(սրա)էլ սիրէր զյովսեփ առաւել քան զա(մենայ)ն որդիսն իւր. քանզի որդի ծերութե(ան) ն(ո)ր(ա) էր։ եւ արար նմա պատմուճան ծաղկեայ։

Verse: 4  Link to sept   Իբրեւ տեսին եղբարքն ն(ո)ր(ա) թէ սիրէ զնա հայրն քան զա(մենայ)ն որդիս իւր, ատեցի́ն զնա. եւ ո́չ կարէին խօսել ինչ ընդ նմա խաղաղութ(եամ)բ։

Verse: 5  Link to sept   Եւ ետես երազ յովսէփ՝ եւ պատմեաց եղբարց իւրոց. եւ յաւելին եւս ատել զնա։

Verse: 6  Link to sept   Եւ ասէ ցն(ո)ս(ա). լուարո́ւք զերազն զոր տեսի։

Verse: 7  Link to sept   թուէր եթէ որա́յ կապէաք ՛ի դաշտի միում։ եւ կանգնեցաւ որայն իմ, եկաց ուղղո́րդ. եւ դարձա́ն որայքն ձեր, եւ պագին երկիր իմում որայոյն։

Verse: 8  Link to sept   Եւ ասեն ցնա եղբարքն իւր. միթէ թագաւորելո՞վ թագաւորեսցե՞ս ՛ի վ(ե)ր(այ) մեր, կամ տիրելո՞վ տիրեսցե՞ս մեզ. եւ յաւելին ե́ւս ատել զնա վ(ա)ս(ն) երազոցն ն(ո)ր(ա). եւ վ(ա)ս(ն) բանիցն ն(ո)ր(ա)։

Verse: 9  Link to sept   Եւ ետես մե́ւս եւս երազ. եւ պատմեաց հօր իւրում եւ եղբարց իւրոց։ եւ ասէ. ահա տեսանէի մե́ւս եւս ա́յլ երազ։ որպէս թէ արեգակնդ եւ լուսի́ն՝ եւ մետասան աստեղք երկիր պագանէին ինձ։

Verse: 10  Link to sept   Սաստեա́ց նմա հայրն իւր՝ եւ ասէ. զի՞նչ է երազն զոր տեսեր։ արդ՝ գալով գայցեմք ե́ս եւ մայր քո՝ եւ եղբարք քո, եւ երկի՞ր պագանիցեմք քեզ։

Verse: 11  Link to sept   Եւ նախանձեցան ընդ նմա եղբարքն իւր. բայց հայրն պահէ́ր զբանսն։

Verse: 12  Link to sept   Եւ գնացին եղբարք ն(ո)ր(ա) արածել զխաշինս հօրն իւրեանց ՛ի սիւքէմ։

Verse: 13  Link to sept   Եւ ասէ ի(սրա)էլ ցյովսէփ. ո՞չ աւանիկ եղբարք քո արածեն զխաշինսն ՛ի սիւքէմ. ե́կ առաքեցից զքեզ առ նոսա։

Verse: 14  Link to sept   եւ ասէ ցնա. ահաւասիկ ե́ս։ ասէ ցնա ի(սրա)էլ. ե́րթ տես եթէ ո՞ղջ իցեն եղբարքն քո՝ եւ խաշինք, եւ բե́ր ինձ զրոյց։ Եւ առաքեաց զնա ՛ի ծործորոյն քեբրոնի. եկն ՛ի սիւքէմ։

Verse: 15  Link to sept   եւ եգիտ զնա այր մի մոլորեալ ՛ի դաշտին։ եհարց ցնա այրն՝ եւ ասէ. զի՞նչ խնդրես։

Verse: 16  Link to sept   եւ նա ասէ. զեղբա́րսն իմ խնդրեմ. պատմեա́ ինձ ո́ւր արածիցեն։

Verse: 17  Link to sept   եւ ասէ ցնա այրն. բարձին աստի. եւ լուայ զի ասէին, երթիցուք ՛ի գովթայիմ։ եւ գնա́ց յովսէփ զհետ եղբարց իւրոց. եւ եգիտ զնոսա ՛ի գովթայիմ։

Verse: 18  Link to sept   Տեսին զնա եղբարքն յառաջագոյն ՛ի հեռաստանէ, մինչ չե́ւ մօտ եկեալ էր առ նոսա. խորհո́ւրդ վատ ՛ի մէջ առին սպանանել զնա։

Verse: 19  Link to sept   Եւ ասեն իւրաքանչիւր ցեղբայր իւր. ահա երազատեսն գա́յ.

Verse: 20  Link to sept   եկա́յք սպանցուք զնա, եւ ընկեսցո́ւք ՛ի մի ՛ի գբոց աստի, եւ ասասցուք եթէ գազան չա́ր եկեր զնա. եւ տեսցուք զի՞նչ լինիցին երազքն ն(ո)ր(ա)։

Verse: 21  Link to sept   Իբրեւ լուաւ ռոբէն, կորզեաց զնա ՛ի ձեռաց ն(ո)ց(ա),

Verse: 22  Link to sept   եւ ասէ. մի́ հարցուք զդա յոգի։ եւ ասէ ցնոսա ռոբէն. մի́ հեղցուք արիւն. այլ արկէք զդա ՛ի գուբ մի յանապատի աստ. եւ ձեռն մի́ արկանէք ՛ի նա։ Զի թափիցէ զնա ՛ի ձեռաց ն(ո)ց(ա), եւ հասուցանիցէ զնա առ հայր իւր։

Verse: 23  Link to sept   Եւ եղեւ իբրեւ եկն յովսէփ առ եղբարսն իւր, մերկացին զպատմուճանն նորա ծաղկեայ ՛ի նմանէ։

Verse: 24  Link to sept   եւ առին ընկեցին զնա ՛ի գուբն։ եւ գուբն ունա́յն էր. եւ ջուր ո́չ գոյր ՛ի նմա։

Verse: 25  Link to sept   եւ նստան ուտել զհացն։ Զաչս ՛ի վեր բարձեալ տեսին, եւ ահա ճանապարհորդք իսմայելացիք գային ՛ի գաղաադէ. եւ ուղտք նոցա լի́ էին խնկովք ստաշխամբ եւ ռետնիւ. եւ երթային իջուցանել յեգիպտոս։

Verse: 26  Link to sept   Եւ ասէ յուդա ցեղբարսն իւր. զի՞նչ օգուտ է եթէ սպանանիցեմք զեղբայրն մեր. եւ թաքուցանիցեմք զարիւն ն(ո)ր(ա).

Verse: 27  Link to sept   եկա́յք վաճառեսցո́ւք զնա իսմայելացւոցն. եւ ձեռք մեր մի́ շաղախեսցին ՛ի նմա. զի եղբայր եւ մարմին մեր է։ եւ լուան նմա եղբարքն իւր։

Verse: 28  Link to sept   Եւ անցանէին արք մադիանացիք՝ վաճառականք։ Եւ ձգեցին հանին զյովսէփ ՛ի գբոյ անտի, եւ վաճառեցին զյովսէփ իսմայելացւոցն քսա́ն դահեկանի։

Verse: 29  Link to sept   եւ իջուցին զյովսէփ յեգիպտոս։ Դարձաւ ռոբէն ՛ի գուբն. եւ ո́չ եգիտ զյովսէփ ՛ի գբի անդ։

Verse: 30  Link to sept   պատառեաց զհանդերձս իւր. եւ դարձաւ առ եղբարսն իւր՝ եւ ասէ. պատանեակն չէ́ անդ, եւ ես արդ՝ յո՞ երթայց։

Verse: 31  Link to sept   Եւ առեալ զպատմուճանն յովսեփայ՝ զենին ուլ այծեաց, եւ թաթաւեցին զպատմուճանն յարեանն։

Verse: 32  Link to sept   եւ առաքեցին զպատմուճանն ծաղկեայ տանե́լ առ հայրն իւրեանց, եւ ասեն. զայդ գտա́ք. ծանի́ր թէ որդւո՞յ քոյ իցէ պատմուճանդ եթէ ոչ։

Verse: 33  Link to sept   Եւ ծանեաւ զնա՝ եւ ասէ. պատմուճանս որդւոյ իմոյ է. գազան չա́ր եկեր զնա. գազա́ն յափշտակեաց զյովսէփ։

Verse: 34  Link to sept   Եւ պատառեաց զհանդերձս իւր, եւ քո́ւրձ զգեցաւ ՛ի վերայ միջոյ իւրոյ. եւ սո́ւգ ունէր ՛ի վերայ որդւոյն իւրոյ աւուրս բազումս։

Verse: 35  Link to sept   Եւ ժողովեցան ա(մենայ)ն ուստերք ն(ո)ր(ա)՝ եւ * ա(մենայ)ն դստերք ն(ո)ր(ա). եւ եկին մխիթարել զնա, եւ ո́չ կամէր մխիթարել. ասէ՝ զի իջի́ցես սովին սգով առ որդի իմ ՛ի դժոխս. եւ ելա́ց զնա հայրն իւր։

Verse: 36  Link to sept   Իսկ մադիանացիքն վաճառեցին զյովսէփ յեգիպտոս պետափրեայ ներքինւոյ դահճապետի փարաւոնի։



Chapter: 38 
ԳԼ(ՈՒԽ) Լ՜Ը.


Verse: 1  Link to sept   Եւ եղեւ ՛ի ժամանակի յայնմիկ, էջ յուդա յեղբարց իւրոց, եւ չոգաւ առ ոմն ոդողոմացի որում անուն էր իրաս։

Verse: 2  Link to sept   Եւ ետես անդ յուդա զդոսւստր առն քանանացւոյ, որում անուն էր շաւա. եւ ա́ռ զնա իւր կին. եւ եմուտ առ նա։

Verse: 3  Link to sept   յղացաւ եւ ծնաւ որդի. եւ կոչեաց զանուն ն(ո)ր(ա)՝ էր։

Verse: 4  Link to sept   յղացաւ դարձեալ եւ ծնաւ որդի. եւ կոչեաց զանուն նորա աւնան։

Verse: 5  Link to sept   եւ յաւել դարձեալ ծնաւ որդի. եւ կոչեաց զանուն ն(ո)ր(ա) սելովմ. եւ նա էր ՛ի քասբի յորժամ ծնաւ զնոսա։

Verse: 6  Link to sept   Եւ ա́ռ յուդա կին էրա́յ անդրանկին իւրում, որում անուն էր թամար։

Verse: 7  Link to sept   Եւ եղեւ է́ր՝ անդրանիկն յուդայ՝ չար առաջի տ(եառ)ն. եւ սպան զնա ա(ստուա)ծ։

Verse: 8  Link to sept   Եւ ասէ յուդա ցաւնան. մո́ւտ առ կին եղբօր քոյ, եւ ամուսնասցի́ս ընդ նմա. եւ յարուսցես զաւակ եղբօր քում։

Verse: 9  Link to sept   իբրեւ գիտաց աւնան թէ ո́չ լինի նմա զաւակն. լինէր յորժամ մտանէր առ կին եղբօր իւրոյ, հեղոյր զսերմն յերկիր, չտա́լ զաւակ եղբօրն իւրում։

Verse: 10  Link to sept   եւ չա́ր թուեցաւ առաջի ա(ստուծո)յ գործն զոր արար, եւ սպան եւ զնա եւս։

Verse: 11  Link to sept   Եւ ասէ յուդա ցթամար նու իւր. նի́ստ այրի ՛ի տան հօր քոյ՝ մինչեւ եղիցի մեծ սելովմ որդի իմ. զի ասէր՝ թէ գուցէ եւ նա եւս մեռանիցի որպէս եւ եղբարքն ն(ո)ր(ա)։ Գնաց թամար՝ եւ նստաւ ՛ի տան հօր իւրոյ։

Verse: 12  Link to sept   Բազմացա́ն աւուրքն. եւ մեռաւ դուստրն շաւայ՝ կին յուդայ։ մխիթարեցաւ յուդա՝ եւ գնաց ՛ի կտուրս խանց իւրոց, ինքն եւ իրաս հովիւ իւր ոդողոմացի ՛ի թամնա։

Verse: 13  Link to sept   Ա́զդ եղեւ թամարայ նուոյ ն(ո)ր(ա)՝ եւ ասեն. ահա սկեսրայր քո ելանէ ՛ի թամնա՝ կտրել զխաշինս իւր։

Verse: 14  Link to sept   Եւ եհան զհանդերձս այրու(թ)ե(ան) իւրոյ յինքենէ. արկաւ տեռ՝ եւ զարդարեցաւ. եւ նստաւ առ դրան ենանու յանցս թամնայ։ զի ետես եթէ մե́ծ եղեւ սելովմ. եւ նա ո́չ տայր զնա նմա կին։

Verse: 15  Link to sept   Իբրեւ ետես զնա յուդա՝ համարեցաւ թէ բո́զ իցէ. քանզի ծածկեալէր զերեսս իւր՝ եւ ո́չ ծանեաւ զնա։

Verse: 16  Link to sept   խոտորեցաւ առ նա ՛ի ճանապարհէ անտի՝ եւ ասէ. թո́յլ տուր ինձ մտանել առ քեզ. զի ո́չ ծանեաւ թէ նուն ն(ո)ր(ա) իցէ։ եւ նա ասէ. զի՞նչ տացես ինձ եթէ մտանիցես առիս։

Verse: 17  Link to sept   Եւ ասէ՝ ես տաց ածել քեզ ուլ այծեաց ՛ի խաշանց իմոց։ եւ նա ասէ. թէ տաս գրաւական մինչեւ տացես ածել։

Verse: 18  Link to sept   եւ նա ասէ՝ զի՞նչ գրաւական տաց քեզ. եւ ասէ՝ զմատանիդ եւ զգինդդ, եւ զգաւազանդ որ ՛ի ձեռին քում։ եւ եմուտ առ նա. եւ յղացաւ ՛ի նմանէ,

Verse: 19  Link to sept   եւ յարեաւ գնաց։ եւ եհան ՛ի բաց զձորձն իւր յինքենէ. եւ զգեցաւ զհանդերձն այրութե(ան) իւրոյ։

Verse: 20  Link to sept   Եւ առաքեաց յուդա ուլ այծեաց ՛ի ձեռն հովուին իւրոյ ոդողոմացւոյ առնուլ զգրաւականն ՛ի կնոջէ անտի, եւ ո́չ եգիտ զնա։

Verse: 21  Link to sept   եհարց զարս տեղւոյն եւ ասէ ցն(ո)ս(ա). ո՞ւր է բոզն որ էր յենան ՛ի վ(ե)ր(այ) ճանապարհիս։

Verse: 22  Link to sept   եւ ասեն. չէ́ր աստ ուրեք բոզ։ եւ դարձաւ առ յուդա, եւ ասէ՝ ո́չ գտի։ եւ արք տեղւոյն ասեն՝ թէ չի́ք աստ բոզ։

Verse: 23  Link to sept   Ասէ յուդա. նմա́ լիցի այն. այլ զի մի́ ծաղր կացցուք, եւ ետու տանել զուլդ, եւ դու ո́չ գտեր։

Verse: 24  Link to sept   Եւ եղեւ յետ երից ամսոց, ա́զդ եղեւ յուդայ եւ ասեն. պոռնկեցա́ւ նու քո թամար, եւ ահա յղի է ՛ի պոռնկութ(են)է։ եւ ասէ յուդա. հանէ́ք զնա արտաքս, եւ այրեսցի։

Verse: 25  Link to sept   Եւ մինչդեռ տանէին զնա, առաքեաց առ սկեսրայրն իւր՝ եւ ասէ. յառնէ՝ ոյր այդ գրաւականք են՝ յղի եմ ես։ եւ ասէ՝ ծանիր, ո՞յր իցէ մատանիդ՝ գինդդ՝ եւ գաւազանդ։

Verse: 26  Link to sept   ծանեաւ յուդա՝ եւ ասէ. արդարացեալ է նա քան զիս. զի ոչ ետու զնա որդւոյ իմում սելոմայ։ եւ ո́չ եւս յաւել գիտել զնա։

Verse: 27  Link to sept   Եւ եղեւ իբրեւ ծնանէր. եւ էին երկու որդիք յորովայնի ն(ո)ր(ա)։ Եւ եղեւ ՛ի ժամանակի ծննդեան ն(ո)ր(ա), մին յառաջագոյն եհան զձեռն իւր. եւ ա́ռ ծնուցիչն՝ կապեաց կարմիր ՛ի ձեռին ն(ո)ր(ա).

Verse: 28  Link to sept   եւ ասէ, նախ սա́ եկեսցէ։

Verse: 29  Link to sept   Իբրեւ ամփոփեաց զձեռն անդրէն. եկն՝ ե́լ վաղվաղակի եղբայր ն(ո)ր(ա)։ եւ նա ասէ. զի՞ է զի խրամատեցաւ վ(ա)ս(ն) քո ցանգ. եւ կոչեաց զանուն ն(ո)ր(ա) փարէ́ս։

Verse: 30  Link to sept   Եւ յետոյ ե́կն ել ղբայր ն(ո)ր(ա), յորոյ ձեռին կապեալ էր զկարմիրն։ եւ կոչեաց զանուն ն(ո)ր(ա)՝ զարա́։



Chapter: 39 
ԳԼ(ՈՒԽ) Լ՜Թ.


Verse: 1  Link to sept   Եւ զյովսէփ իջուցին յեգիպտոս, եւ գնեաց զնա պետափրէ́ս ներքինի́ փարաւոնի դահճապետ, այր եգիպտացի ՛ի ձեռաց իսմայելացւոցն, որք իջուցին զնա անդր։

Verse: 2  Link to sept   Եւ էր տ(է)ր ընդ յովսեփայ. եւ էր այր աջողակ։ եւ եղեւ ՛ի տան տեառն իւրոյ յեգիպտոս։

Verse: 3  Link to sept   Իբրեւ գիտաց տէրն ն(ո)ր(ա)՝ թէ տ(է)ր ընդ նմա́ է. եւ զա(մենայ)ն զինչ եւ առնէր՝ տ(է)ր յաջողէ́ր ՛ի ձեռս ն(ո)ր(ա)։

Verse: 4  Link to sept   եւ եգիտ յովսէփ շնորհս առաջի տեառն իւրոյ. զի հաճո́յ էր նմա։ Եւ կացոյց զնա ՛ի վ(ե)ր(այ) տան իւրոյ. եւ զա(մենայ)ն ինչ որ ի́ւր էր՝ ետ ՛ի ձեռս յովսեփայ։ եւ եղեւ յետ կացուցանելոյ զնա ՛ի վ(ե)ր(այ) տան իւրոյ՝ եւ ՛ի վ(ե)ր(այ) ա(մենայ)ն իրիք որ ինչ էր ն(ո)ր(ա)։

Verse: 5  Link to sept   եւ օրհնեաց տ(է)ր զտուն եգիպտացւոյն վ(ա)ս(ն) յովսեփայ։ եւ եղեւ օրհնութի(ւն) տ(եառ)ն ՛ի վ(ե)ր(այ) ա(մենայ)ն ընչից ն(ո)ր(ա) ՛ի տան եւ յանդի։ եւ եթող զա(մենայ)ն որ ինչ իւր էր՝ ՛ի ձեռս յովսեփայ։

Verse: 6  Link to sept   եւ ո́չ գիտէր զա(մենայ)ն որ ինչ կայր ՛ի տան իւրում, բայց միայն զհացն զոր ուտէր։ Եւ էր յովսէփ ազնիւ երեսօք, եւ գեղեցիկ տեսլեամբ յոյժ։

Verse: 7  Link to sept   Եւ եղեւ յետ բանիցս այսոցիկ, եւ արկ կին տեառն իւրոյ զաչս իւր ՛ի վերայ յովսեփայ. եւ ասէ ցնա՝ քունեա́ ընդիս։

Verse: 8  Link to sept   Եւ նա ո́չ կամեցաւ։ եւ ասէ ցկին տեառն իւրոյ. զի եթէ տէր իմ ո́չ ճանաչէ ինչ ՛ի տան իւրում վ(ա)ս(ն) իմ.

Verse: 9  Link to sept   եւ զա(մենայ)ն ինչ ետ ՛ի ձեռս իմ. եւ չի́ք ինչ ՛ի տան աստ որ մե́ծ է քան զիս. եւ չի́ք ինչ զատեալ յինէն բա́ց ՛ի քէն՝ զի տիկին ն(ո)ր(ա) ես. եւ զի՞արդ առնիցեմ զբանդ զայդ զչա́ր եւ զմեծ, եւ մեղանչիցե́մ առաջի ա(ստուծո)յ։

Verse: 10  Link to sept   Եւ եղեւ իբրեւ խօսեր ընդ յովսեփայ օրըեստ օրէ, եւ ո́չ անսայր քունել ընդ նմա, եւ ո́չ հուպ լինել։

Verse: 11  Link to sept   եւ եղեւ օր ինչ այնպիսի. մտեալ յովսէփ ՛ի տուն գործել զգործ ինչ իւր. եւ ո́չ ոք էր անդ յընտանեաց անտի ՛ի ներքս.

Verse: 12  Link to sept   բո́ւռն եհար զձորձոց նորա եւ ասէ. ննջեա́ ընդիս. եւ ն(ո)ր(ա) թողեալ զձորձս իւր ՛ի ձեռս ն(ո)ր(ա), եւ փախեա́ւ ել արտաքս։

Verse: 13  Link to sept   Եւ եղեւ իբրեւ ետես եթէ եթող զձորձս իւր ՛ի ձեռս ն(ո)ր(ա) եւ փախեաւ ել արտաքս.

Verse: 14  Link to sept   կոչեաց զընտանիս տանն՝ եւ ասէ. տեսէ́ք, զի ած մեզ ծառայ եբրայեցի, խա́ղ առնել զմեզ. եմուտ առիս եւ ասէ, ննջեա́ ընդիս. եւ ես աղաղակեցի ՛ի ձայն բարձր։

Verse: 15  Link to sept   եւ իբրեւ լուաւ թէ մեծաբարբա́ռ աղաղակեցի, եթող զձորձս իւր առիս՝ եւ փախեաւ ել արտաքս։

Verse: 16  Link to sept   Եւ եդ զձորձսն առ իւր՝ մինչեւ եկն տէրն ՛ի տուն իւր. եւ խօսեցաւ ընդ նմա ըստ բանիցս այսոցիկ,

Verse: 17  Link to sept   եւ ասէ. եմուտ առիս ծառայն եբրայեցի զոր ածեր մեզ՝ խա́ղ առնել զիս. եւ ասէ ցիս՝ ննջեա́ ընդիս։

Verse: 18  Link to sept   իսկ իբրեւ լուաւ թէ բարձրացուցի́ զբարբառ իմ եւ աղա·ակեցի. եթող զձորձս իւր յիս, եւ փախեաւ ել արտաքս։

Verse: 19  Link to sept   Եւ եղեւ իբրեւ լուաւ տէրն ն(ո)ր(ա) զբանս կնոջն իւրոյ՝ զոր խօսեցաւ ընդ նմա եւ ասէ, թէ ա́յսպէս արար ընդ իս ծառայն քո, բարկացաւ սրտմտու(թեամ)բ։

Verse: 20  Link to sept   Եւ ա́ռ տէրն յովսեփայ՝ արկ զնա ՛ի բանտ. ՛ի տեղի ուր կալանաւորքն արքունի կապեալ կային ՛ի բանտին։

Verse: 21  Link to sept   Եւ էր տ(է)ր ընդ յովսեփայ, եւ արկ զնովաւ ողորմութի(ւն), եւ ետ նմա շնո́րհս առաջի բանտապետին։

Verse: 22  Link to sept   եւ ետ բանտապետն զբանտն ՛ի ձեռս յովսեփայ, եւ զա(մենայ)ն կալանաւորսն որ էին ՛ի բանտի անդ. եւ զա(մենայ)ն որ ինչ գործէին անդ, նա́ էր որ գործէր։

Verse: 23  Link to sept   Եւ ո́չ ինչ գիտէր բանտապետն զբանտին վ(ա)ս(ն) ն(ո)ր(ա). զի ա(մենայ)ն ՛ի ձեռս յովսեփայ էր. քանզի տ(է)ր էր ը(նդ) նմա. եւ զոր ինչ գրոծեր նա՝ տ(է)ր յաջողէր ՛ի ձեռս ն(ո)ր(ա)։



Chapter: 40 
ԳԼ(ՈՒԽ) Խ՜.


Verse: 1  Link to sept   Եւ եղեւ յետ բանիցս այսոցիկ, յանցեա́ւ տակառապետ արքային եգիպտացւոց, եւ մատակարար տեառն ն(ո)ց(ա) արքային եգիպտացւոց։

Verse: 2  Link to sept   Եւ բարկացաւ փարաւոն ՛ի վ(ե)ր(այ) երկոցուն ներքինեաց իւրոց. եւ ՛ի վ(ե)ր(այ) տակառապետին, եւ ՛ի վ(ե)ր(այ) մատակարարին։

Verse: 3  Link to sept   եւ եդ զնոսա ՛ի բանտի առ դահճապետին. յայնմ բանտի տեղւոջ ուր յովսէփն կայր։

Verse: 4  Link to sept   եւ յանձն արար զնոսա դահճապետն յովսեփայ. եւ կայր ն(ո)ց(ա) ՛ի սպասու։ եւ էին աւուրս ինչ ՛ի բանտի անդ։

Verse: 5  Link to sept   Եւ տեսին երազ երկոքին. զիւրաքանչի́ւր երազ ՛ի միում գիշերի։ տեսիլ երազոյ տակառապետին եւ մատակարարին որ էին արքային եգիպտացւոց, մինչ էին ՛ի բանտի անդ։

Verse: 6  Link to sept   Եմո́ւտ առ նոսա յովսէփ ընդ առաւօտն. եւ ետես զնոսա՝ եւ էին խռովեալք։

Verse: 7  Link to sept   եհարց ցներքինիսն փարաւոնի որ էին ընդ նմա ՛ի բանտի անդ առ տեառն ն(ո)ր(ա)՝ եւ ասէ, ընդէ՞ր տրտում են երեսք ձեր այսօր։

Verse: 8  Link to sept   Եւ նոքա ասեն ցնա. երա́զ տեսաք, եւ ո́չոք իցէ որ մեկնիցէ զնա։ եւ ասէ ցնոսա յովսէփ. ոչ ապաքէն ՛ի ձեռս ա(ստուծո)յ իցէ մեկնու(թ)ի(ւն) ն(ո)ց(ա). պատմեցէ́ք ինձ։

Verse: 9  Link to sept   Եւ պատմեա́ց տակառապետն զերազն իւր յովսեփայ՝ եւ ասէ. թուէր ինձ ՛ի տեսլեան իմում, ո́րթ մի առաջի իմ։

Verse: 10  Link to sept   եւ յորթն երե́ք ուռք՝ կանա́չք յոյժ. եւ ունէր երիս ողկոյզս հասեալս ողկո́յզ խաղողոյ։

Verse: 11  Link to sept   եւ բաժակն փարաւոնի ՛ի ձեռին իմում։ առնուի́ զխաղողն, եւ ճմլէի ՛ի բաժակն * փարաւոնի, եւ տայի զբաժակն ՛ի ձեռս փարաւոնի։

Verse: 12  Link to sept   Եւ ասէ ցնա յովսէփ. ա́յս է մեկնութի(ւն) նորա։ երեք ուռքն, երե́ք աւուրք են։

Verse: 13  Link to sept   ա́յլ եւս երեք աւուրք, եւ յիշեսցէ փարաւոն զիշխանու(թ)ի(ւն)ն քո, եւ անդէն ՛ի նմին տակառապետու(թ)ե(ան) քում կացուսցէ զքեզ. եւ տացես զբաժակն փարաւոնի ՛ի ձեռս ն(ո)ր(ա), ըստ առաջնոյ իշխանութե(ա)ն քո՝ որպէս եւ էի́ր տակառապետ։

Verse: 14  Link to sept   Այլ զիս յիշեսջի́ր յորժամ բարի լինիցի քեզ. եւ արասցե́ս ինձ ողորմութի(ւն). եւ յիշեսցե́ս զիս առաջի փարաւոնի. եւ հանցես զիս ՛ի բանտէ աստի յայսմանէ։

Verse: 15  Link to sept   զի գողանալո́վ գողացան զիս յերկրէն եբրայեցւոց. եւ աստ՝ ինչ ոչ արարի. եւ արկին զիս ՛ի տուն գբոյս այսորիկ։

Verse: 16  Link to sept   Իբրեւ ետես մատակարարն թէ ուղի́ղ մեկնեաց, ասէ ցյովսէփ. եւ ես տեսանէի յերազի, թուէր ինձ թէ երիս խանս նաշհւոյ ունէի ՛ի գլուխ իմում։

Verse: 17  Link to sept   եւ ՛ի վերնում խանին յա(մենայ)նէ զոր ուտէր արքայ փարաւոն՝ գո́րծ մատակարարաց. եւ թռչունք ուտէին զնա ՛ի խանէ անտի՝ որ էր ՛ի վ(ե)ր(այ) գլխո́յ իմոյ։

Verse: 18  Link to sept   Պատասխանի ետ յովսէփ՝ եւ ասէ ցնա. ա́յս է մեկնութի(ւն) ն(ո)ր(ա)։ երեք խանքն՝ երեք աւուրք են։

Verse: 19  Link to sept   յետ երից աւուրց բարձցէ́ փարաւոն զգլուխ քո ՛ի քէն, եւ կախեսցէ́ զքեզ զփայտէ. եւ կերիցեն թռչունք երկնից զմարմին քո ՛ի քէն։

Verse: 20  Link to sept   Եւ եղեւ յաւուրն երրորդի, օր ծննդո́ց էր փարաւոնի, եւ առնէր ուրախութի(ւն) ա(մենայ)ն ծառայից իւրոց։ եւ յիշեաց զիշխանութի(ւն) տակառապետին, եւ զիշխանութի(ւն) մատակարարին ՛ի մէջ ծառայից իւրոց։

Verse: 21  Link to sept   Եւ կացոյց զտակառապետն անդէն յիշխանութե(ան) իւրում. եւ ե́տ զբաժակն ՛ի ձեռս փարաւոնի։

Verse: 22  Link to sept   եւ զմատակարարն կախեաց զփայտէ, որպէս եւ մեկնեացն յովսէփ։

Verse: 23  Link to sept   Եւ ո́չ յիշեաց տակառապետն զյովսէփ, այլ մոռացաւ զնա։



Chapter: 41 
ԳԼ(ՈՒԽ) Խ՜Ա.


Verse: 1  Link to sept   Եւ եղեւ յետ երկուց ամաց աւուրց, ետես փարաւոն երա́զ։ թուէր թէ կայցէ յեզր գետոյ·

Verse: 2  Link to sept   եւ ահա ո(ր)պ(էս) թէ ՛ի գետոյ անտի ելանէին եւթն երինջք գեղեցիկ տեսանելով, եւ ընտիրք մարմնով, եւ արածէին ՛ի խաղի անդ։

Verse: 3  Link to sept   Եւ ա́յլ եւս եւթն երինջք ելանէին յետ նոցա ՛ի գետոյ անտի. զազիրք տեսանելով. եւ վատիտք մարմնով. եւ արածէին առ այլ երնջովքն առ եզեր գետոյն։

Verse: 4  Link to sept   Եւ ուտէին եւթն երինջքն զազիրք տեսլեամբ եւ վտիտք մարմնովք, զեւթն երինջս գեղեցիկս տեսլեամբ եւ զընտիրս։ Զարթեաւ փարաւոն.

Verse: 5  Link to sept   եւ անդրէն ՛ի քուն եմուտ։ եւ ետես երազ երկրորդ. եւ ահա եւթն հասկ ելանէին ՛ի միում փնջի՝ ընտիրք եւ գեղեցիկք։

Verse: 6  Link to sept   Եւ ահա եւթն այլ հասկք սինք եւ խորշակահարք ելանէին յետ նոցա։

Verse: 7  Link to sept   եւ կլանէին եւթն հասկքն սինք եւ խորշակահարք զեւթն հասկսն՝ զընտիրս եւ զատոքս։ Զարթեաւ փարաւոն, եւ էր երազ։

Verse: 8  Link to sept   եւ եղեւ առաւօտ, եւ խռովեցաւ անձն ն(ո)ր(ա)։ Եւ առաքեաց կոչեաց զա(մենայ)ն երազահանսն եգիպտոսի, եւ զա(մենայ)ն իմաստունս նորա, եւ պատմեաց փարաւոն զերազն իւր։ եւ ո́չոք էր որ մեկնէր զերազն փարաւոնի։

Verse: 9  Link to sept   Եւ խօսեցաւ տակառապետն առաջի փարաւոնի՝ եւ ասէ. զյանցանս իմ յիշեցուցանեմ այսօր։

Verse: 10  Link to sept   Բարկացա́ւ փարաւոն ծառայից իւրոց. եւ եդ զմեզ ՛ի բանտի ՛ի տա́ն դահճապետին. զիս՝ եւ զմատակարարն։

Verse: 11  Link to sept   եւ տեսաք երկոքին երազ ՛ի միում գիշերի՝ ե́ս եւ նա. եւ իւրաքանչիւր ըստ երազոյ իւրում տեսանէաք։

Verse: 12  Link to sept   Եւ էր անդ ընդ մեզ պատանի մի մանուկ՝ եբրայեցի, ծառայ դահճապետին. եւ պատմեցաք նմա։

Verse: 13  Link to sept   եւ մեկնեաց մեզ զերազսն մեր * առն ըստ իւրաքանչիւր երազոյ մեկնեաց։ եւ եղեւ ո(ր)պ(էս) մեկնեացն մեզ, նո́յնպէս եւ պատահեաց. ինձ գալ հասանել յիշխանութի(ւն). եւ նմա՝ կախել զփայտէ։

Verse: 14  Link to sept   Առաքեաց փարաւոն եւ կոչեաց զյովսէփ։ եւ հանին զնա ՛ի բանտէ անտի. եւ փոքրեցին զհերս ն(ո)ր(ա), եւ փոխեցին զպատմուճան ն(ո)ր(ա). եւ եկն առաջի փարաւոնի։

Verse: 15  Link to sept   Եւ ասէ փարաւոն ցյովսէփ, երա́զ տեսի՝ եւ չի́ք ոք որ մեկնէ զնա. բայց ես լուայ զքէն, ասեն՝ եթէ լսել զերազս՝ մեկնե́ս։

Verse: 16  Link to sept   Պատասխանի ետ յովսէփ՝ եւ ասէ ցփարաւոն։ առանց ա(ստուծո)յ ո́չ լինի պատասխանի փրկոթե(ան) փարաւոնի։

Verse: 17  Link to sept   Խօսեցա́ւ փարաւոն ընդ յովսեփայ՝ եւ ասէ. թուէր ՛ի տեսլեան իմում, եթէ կայի յեզեր գետոյ.

Verse: 18  Link to sept   եւ որպէս թէ ՛ի գետոյ անտի ելանէին եւթն երինջք ընտիրք մարմնովք եւ գեղեցիկ տեսանելով, եւ արածէին ՛ի խազի անդ։

Verse: 19  Link to sept   Եւ ահա ա́յլ եւս եւթն երինջք ելանէին զկնի ն(ո)ց(ա) ՛ի գետոյ անտի, դժընդա́կք եւ զազիրք տեսանելով յոյժ, եւ վտիտք մարմնովք. որպիսի ո́չ տեսի յա(մենայ)ն երկրիս եգիպտացւոց զազրագոյնս քան զնոսա։

Verse: 20  Link to sept   Եւ ուտէին եւթն երինջքն վտիտք եւ զազիրք զեւթն երինջսն զառաջինս՝ զգղեցիկսն եւ զընտիրս։

Verse: 21  Link to sept   եւ մտանէին յորովայն ն(ո)ց(ա), եւ ո́չ երեւէին. եւ երեսք ն(ո)ց(ա) զազիրք իբրեւ զառաջինն։ Զարթեա́յ, եւ դարձեալ ննջեցի։

Verse: 22  Link to sept   եւ տեսանէի մի́ւսանգամ յերազի։ ո(ր)պ(էս) թէ եւթն հասկ ելանէին ՛ի միում փընջի՝ լիք եւ գեղեցիկ։

Verse: 23  Link to sept   եւ ա́յլ եւթն հասկ * ապականեալք, ազազունք եւ խորշակահարք, ելանէին մօտ առ նոսա։

Verse: 24  Link to sept   եւ կլանէին եւթն հասկքն ազազունք եւ խորշակահարք՝ զեւթն հասկսն զգեղեցիկս եւ զատոքս։ Եւ պատմեցի երազահանացն, եւ ո́չոք էր որ մեկնէր ինձ։

Verse: 25  Link to sept   Եւ ասէ յովսէփ ցփարաւոն. երազն փարաւոնի մի է. զոր ինչ ա(ստուա)ծ առնելոց է՝ եցոյց փարաւոնի։

Verse: 26  Link to sept   Եւթն երինջքն գեղեցիկք՝ եւթն ամ են. եւ եւթն հասկն գեղեցիկք՝ եւթն ամ են։ երազն փարաւոնի մի́ է։

Verse: 27  Link to sept   եւ եւթն երինջքն տգեղք եւ վտիտք որ ելանէին զհետ ն(ո)ց(ա), եւթն ամ են. եւ եւթն հասկքն ոսինք եւ խորշակահարք. լիցի զեւթն ամ սով։

Verse: 28  Link to sept   բանն զոր ասացի փարաւոնի՝ ա́յն է. զոր ինչ ա(ստուա)ծ առնելոց է, եցո́յց փարաւոնի։

Verse: 29  Link to sept   Ահա ամք եւթն եկեսցեն բազո́ւմ լիութե(ան) յա(մենայ)ն երկիրս եգիպտացւոց։

Verse: 30  Link to sept   Եւ յետ այնորիկ եկեսցէ եւթն ամ սովոյ, եւ մոռասցին զլիութի(ւն)ն յա(մենայ)ն երկիրս եգիպտացւոց. եւ սպառեսցէ́ սովն զերկիր։

Verse: 31  Link to sept   եւ ո́չ ծանիցի լիութի(ւն)ն յերեսաց սովոյն որ գայցէ յետ այնորիկ. քանզի սաստի́կ լինիցի յոյժ։

Verse: 32  Link to sept   Այլ վ(ա)ս(ն) կրկնելոյ երազոյն փարաւոնի երկիցս անգամ. զի ճշմարի́տ է բանն առ ՛ի յա(ստուծո)յ, եւ փութասցի ա(ստուա)ծ առնել զնա։

Verse: 33  Link to sept   Եւ արդ՝ տե́ս. խնդրեա́ այր մի իմաստո́ւն եւ խորհրդական փարաւոնի. եւ կացուսցես զնա ՛ի վ(ե)ր(այ) երկրիս եգիպտացւոց։

Verse: 34  Link to sept   Եւ արասցէ́, եւ կացուսցէ գործակալս փարաւոնի ՛ի վերայ երկրիս։ եւ հինգերորդեսցե́ն զարմտիս երկրիս եգիպտացւոց զեւթն ամացն լիութե(ան)։

Verse: 35  Link to sept   եւ ժողովեսցեն զա(մենայ)ն կերակուրս զեւթն ամացն բարեաց եկելոց։ եւ ժողովեսցի́ ցորեան ընդ ձեռամբ փարաւոնի. եւ կերակո́ւրք ՛ի քաղաքս պահեսցին։

Verse: 36  Link to sept   Եւ եղիցի կերակուրքն պահեալ երկրիս յեւթն ամս սովոյն որ լինիցին յերկրիս եգիպտացւոց. եւ մի́ սատակեսցի երկիրս ՛ի սովոյ։

Verse: 37  Link to sept   Եւ հաճո́յ թուեցաւ բանքն առաջի փարաւոնի, եւ առաջի ա(մենայ)ն ծառայից իւրոց։

Verse: 38  Link to sept   եւ ասէ փարաւոն ցա(մենայ)ն ծառայս իւր. միթէ գտանիցե՞մք այր այնպիսի՝ որ ունիցի զոգի ա(ստուծո)յ յանձին իւրում։

Verse: 39  Link to sept   Եւ ասէ փառաւոն ցյովսէփ. որովհետեւ եցոյց քեզ ա(ստուա)ծ զայդ ա(մենայ)ն. չի́ք այր իմաստնագոյն եւ խորհրդական քան զքեզ։

Verse: 40  Link to sept   դո́ւ լիցիս ՛ի վ(ե)ր(այ) տան իմոյ. եւ բերանո́յ քում հնազա́նդ լիցի ա(մենայ)ն ժողովուրդ իմ. բայց միայն աթոռո́վս ՛ի վերոյ եղէց ե́ս քան զքեզ։

Verse: 41  Link to sept   Եւ ասէ փարաւոն ցյովսէփ. ահաւսիկ կացուցի զքեզ այսօր ՛ի վ(ե)ր(այ) երկրիս եգիպտացւոց։

Verse: 42  Link to sept   Եւ հանեալ փարաւոնի զմատանին իւր ՛ի ձեռանէ իւրմէ՝ եդ ՛ի ձեռին յովսեփայ. եւ զգեցոյց նմա պատմուճան բեհեղայ, եւ ա́րկ մանեակ ոսկի ՛ի պարանոց ն(ո)ր(ա)։

Verse: 43  Link to sept   եւ եհան զնա յերկրո́րդ կառս իւր. եւ քարո́զ կարդայր առաջի ն(ո)ր(ա)։ եւ կացոյց զնա ՛ի վ(ե)ր(այ) երկրին եգիպտացւոց։

Verse: 44  Link to sept   Եւ ասէ փարաւոն ցյովսէփ. ահաւասիկ ես փարաւոն. առանց քո ո́չոք համբարձցէ զձեռս իւր եւ զոտս իւր ՛ի վ(ե)ր(այ) ա(մենայ)ն երկրիս եգիպտացւոց։

Verse: 45  Link to sept   Եւ կոչեաց փարաւոն զանուն յովսեփայ՝ փսոմփթոմփանէ։ եւ ետ նմա զասանէթ դուստր պետափրեայ քրմի արեգ քաղաքի կնութե(ան)։ Ե ե́լ յովսէփ յերեսաց փարաւոնի։

Verse: 46  Link to sept   եւ էր յովսէփ ամա́ց երեսնից յորժամ ընծայեցաւ առաջի փարաւոնի արքային եգիպտացւոց։ ե́լ յովսէփ յերեսաց փարաւոնի, եւ շրջեցաւ ընդ ա(մենայ)ն եգիպտոս։

Verse: 47  Link to sept   Եւ արար երկիրն յեւթն ամս լիու(թ)ե(ա)ն արդի́ւնս։

Verse: 48  Link to sept   եւ ժողովեաց զա(մենայ)ն կերակուրս ամացն իւթանց, յորս է́ր լիութի(ւն)ն յերկրին եգիպտացւոց։ եւ համբարեաց կերակուրս ՛ի քաղաքս. զկերակուր դաշտաց քաղաքին որ շուրջ զնուավ։

Verse: 49  Link to sept   եւ համբարեաց ՛ի նմա։ եւ ժողովեաց յովսէփ զցորեան իբրեւ զաւազ ծովու բազում յոյժ. մինչեւ ո́չ կարէր համարել. քանզի ո́չ գոյր թիւ։

Verse: 50  Link to sept   Եւ եղեն յովսեփու երկու որդիք մինչ չե́ւ եկեալէր եւթն ամացն սովոյ. զորս ծնաւ նմա ասանէթ դուստր պետափրեայ քրմի արեգ քաղաքի։

Verse: 51  Link to sept   եւ կոչեաց յովսէփ զանուն անդրանկանն մանասէ. զի ասէ՝ թէ մոռացո́յց ինձ ա(ստուա)ծ զա(մենայ)ն զվիշտս իմ, եւ զա(մենայ)ն վիշտս հօր իմոյ։

Verse: 52  Link to sept   եւ զանուն երկրորդին կոչեաց եփրե́մ, զի ասէ՝ թէ աճեցոյց զիս ա(ստուա)ծ յերկրի տառապանաց իմոց։

Verse: 53  Link to sept   Եւ անցին եւթն ամք լիու(թ)ե(ա)ն, որ եղեն յերկրին եգիպտացւոց։

Verse: 54  Link to sept   եւ սկսան գալ եւթն ամք սովոյն. որպէս ասա́ց յովսէփ։ Եւ եղեւ սով յա(մենայ)ն երկրին. զի յա(մենայ)ն երկրին եգիպտացւոց ո́չ գտանէր հաց։

Verse: 55  Link to sept   եւ սովեցաւ ա(մենայ)ն երկիրն եգիպտացւոց։ եւ աղաղակեաց ա(մենայ)ն ժողովուրդն առ փարաւոն վ(ա)ս(ն) հացի։ եւ ասէ փարաւոն ցա(մենայ)ն եգիպտացիսն, երթա́յք առ յովսէփ, եւ զոր ինչ ասիցէ ձեզ արասջի́ք։

Verse: 56  Link to sept   Եւ էր սո́վ ՛ի վ(ե)ր(այ) երեսաց ա(մենայ)ն երկրի։ եւ եբաց յովսէփ զա(մենայ)ն շտեմարանս ցորենոյ. եւ վաճառէր ա(մենայ)ն եգիպտացւոցն։ Եւ սաստկացաւ սովն յա(մենայ)ն երկիրն եգիպտացւոց։

Verse: 57  Link to sept   եւ ա(մենայ)ն աշխարհք գային յեգիպտոս գնե́լ ՛ի յովսեփայ. զի զօրանայր սովն ընդ ա(մենայ)ն երկիր։



Chapter: 42 
ԳԼ(ՈՒԽ) Խ՜Բ.


Verse: 1  Link to sept   Եւ ետես յակոբ եթէ գո́յ վաճառ յերկրին եգիպտացւոց, ասէ յակոբ ցորդիսն իւր. ընդէ՞ր հեղգայք։

Verse: 2  Link to sept   ահա լսեմ թէ գո́յ ցորեան յեգիպտոս. իջէ́ք անդր, եւ գնեցէ́ք մեզ սակաւ մի կերակուր, զի կեցցուք՝ եւ մի́ մեռցուք։

Verse: 3  Link to sept   Եւ իջին եղբարքն յովսեփու տասնեքին՝ գնե́լ ցորեան յեգիպտոս։

Verse: 4  Link to sept   եւ զբենիամին զեղբայրն յովսեփայ ո́չ արձակեաց * յակոբ ընդ եղբարսն. քանզի ասէր թէ գուցէ պատահիցէ նմա հիւանդութի(ւն)։

Verse: 5  Link to sept   Եւ եկին որդիքն ի(սրաէ)լի գնել ընդ ա́յլ երթեւեկսն. քանզի էր սո́վ յերկրին քանանացւոց։

Verse: 6  Link to sept   եւ յովսէփ էր իշխան երկրին. եւ նա́ վաճառէր ա(մենայ)ն ժողովրդեան երկրին։ Եւ եկեալ եղբարքն յովսեփայ երկի́ր պագանէին ՛ի վ(ե)ր(այ) երեսաց խոնարհ յերկիր։

Verse: 7  Link to sept   եւ իբրեւ ետես յովսէփ զեղբարսն իւր, ծանեա́ւ. եւ օտարանայր ՛ի նոցանէ, եւ խօսեցաւ ընդ նոսա խստագոյնս. եւ ասէ, ուստի՞ գայք։ եւ նոքա ասեն՝ յերկրէն քանանացւոց գնել կերակուրս։

Verse: 8  Link to sept   Ծանեա́ւ յովսէփ զեղբարսն իւր, եւ նոքա ո́չ ծանեան զնա։

Verse: 9  Link to sept   եւ յիշեա́ց յովսէփ զերազն իւր զոր ետես։ եւ ասէ ցնոսա. լրտե́սք էք դուք, եւ գիտե́լ զել եւ զմուտ աշխարհիս եկեալէք։

Verse: 10  Link to sept   Եւ նոքա ասեն, ո́չ տէր։ ծառայք քո եկեալ եմք գնել կերակուրս։

Verse: 11  Link to sept   ամենեքին մեք որդիք եմք ա́ռն միոյ. արք խաղաղութե(ան) եմք, եւ չե́ն ծառայք քո լրտեսք։

Verse: 12  Link to sept   Ասէ ցն(ո)ս(ա)՝ ո́չ. այլ զել եւ զմուտ երկրիս եկեալ էք տեսանել։

Verse: 13  Link to sept   Եւ նոքա ասեն. երկոտասան եղբայր եմք ծառայք քո՝ որդիք ա́ռն միոյ յերկրին քանանացւոց. եւ կրտսերն առ հօր իւրում է այսօր. եւ մեւսն չէ́ ՛ի միջի։

Verse: 14  Link to sept   Ասէ ցնոսա յովսէփ. ա́յդ իսկ է զոր ասացի, թէ լրտե́սք էք։

Verse: 15  Link to sept   եւ դովին յա́յտ արարէք։ երդուեալ յարեւն փարաւոնի, ո́չ ելանէք աստի՝ եթէ ոչ եկեսցէ եղբայրն ձեր կրտսեր այսր։

Verse: 16  Link to sept   Արդ՝ առաքեցէ́ զմի ոք ՛ի ձէնջ եւ ածցէ զեղբայրն ձեր. եւ դուք կացէ́ք ՛ի դիպահոջ մինչեւ յայտնի լիցին բանք ձեր եթէ արդա́ր խօսիցիք եւ թէ ոչ. ապա թէ ոչ՝ երդուեալ յարեւն փարաւոնի թէ ոչ լրտե́սք էք դուք։

Verse: 17  Link to sept   եւ եդ զնոսա ՛ի բանտի զերիս աւուրս։

Verse: 18  Link to sept   Եւ ասէ ցնոսա յովսէփ յաւուրն երրորդի։ զա́յս արարէք՝ եւ ապրէք. զի եւ ե́ս յա(ստուծո)յ երկիւղա́ծ եմ։

Verse: 19  Link to sept   եթէ արք խաղաղութե(ան) էք՝ եղբայր մի ՛ի ձէնջ ա́ստ մնասցէ ՛ի բանտի. եւ դուք տարա́յք զվաճառ ցորենոյդ ձերոյ։

Verse: 20  Link to sept   եւ զեղբայրն ձեր կրտսեր ածէք առիս. եւ հաւատարի́մ լինիցին բանք ձեր. ապա թէ ոչ՝ մեռանիք։ Արարին այնպէս։

Verse: 21  Link to sept   եւ ասէ իւրաքանչիւր ցեղբայր իւր։ այո́, քանզի ՛ի մեղս եմք վ(ա)ս(ն) եղբօր մերոյ. զի արհամարհեցաք զնեղութի(ւն) ոգւոց ն(ո)ր(ա) յորժամ աղաչէրն զմեզ, եւ ոչ լուաք նմա. վ(ա)ս(ն) այնորիկ եկն ՛ի վ(ե)ր(այ) մեր այս նեղութի(ւն)։

Verse: 22  Link to sept   Պատասխանի ետ ռոբէն՝ եւ ասէ ցնոսա. ո՞չ խօսեցայ ընդ ձեզ՝ եւ ասեմ, թէ մի́ մեղանչէք մանկանդ. եւ ոչ լուարուք ինձ. եւ ահա՝ արիւն ն(ո)ր(ա) խնդրի́։

Verse: 23  Link to sept   Եւ նոքա ո́չ գիտէին թէ լսէր յովսէփ. զի թարգմա́ն կայր ՛ի միջի։

Verse: 24  Link to sept   եւ անցեալ մեկուսի ՛ի նոցանէ՝ ելա́ց յովսէփ։ Եւ եկն միւսանգամ առ նոսա, եւ խօսեցա́ւ ընդ նոսա։

Verse: 25  Link to sept   եւ ա́ռ ՛ի նոցանէ զշմաւոն, կապեաց առաջի ն(ո)ց(ա)։ Եւ ետ հրաման յովսէփ լնուլ զամանս ն(ո)ց(ա) ցորենով. եւ դնել զարծաթն իւրաքանչիւր ՛ի քրձի իւրում. եւ տալ ն(ո)ց(ա) պաշա́ր ՛ի ճանապարհ. եւ եղեւ ն(ո)ց(ա) այնպէս։

Verse: 26  Link to sept   եւ նոցա բարձեալ իւրաքանչիւր իշոյ՝ գնացին անտի։

Verse: 27  Link to sept   Եւ լուծեալ միոյ զքուրձ իւր տալ կերակո́ւր գրաստու իւրում * յիջավանին, եւ ետես զծրար արծաթոյն իւրոյ զի կայր ՛ի բերան քրձի իւրոյ։

Verse: 28  Link to sept   ասէ ցեղբարսն իւր, դարձուցա́ւ ինձ այսրէն արծաթն, եւ ահա աստէ́ն կայ ՛ի քրձի իմում։ եւ զարմացա́ն միտք ն(ո)ց(ա). եւ խռովեցան ընդ միմեանս՝ եւ ասեն. զի՞նչ է այս զոր արար ընդ մեզ ա(ստուա)ծ։

Verse: 29  Link to sept   Եւ եկին առ յակոբ հայրն իւրեանց յերկիրն քանանու. եւ պատմեցին նմա զա(մենայ)ն ինչ որ անց ընդ նոսա՝ եւ ասեն։

Verse: 30  Link to sept   խօսեցաւ այրն տէր երկրին ընդ մեզ խստագո́յնս, եւ եդ զմեզ ՛ի բանտի իբրեւ զլրտե́ս երկրին։

Verse: 31  Link to sept   Եւ ասեմք ցնա, արք խաղաղութե(ան) եմք. եւ չեմք լրտեսք։

Verse: 32  Link to sept   երկոտասան եղբայր եմք որդիք հօր միոյ. մին՝ չէ́ ՛ի միջի, եւ կրտսերն այժմ ընդ հօր մերում է յերկրին քանանացւոց։

Verse: 33  Link to sept   Ասէ ցմեզ այրն տէր երկրին. այսո́ւ գիտացից թէ արք խաղաղութե(ան) էք. եթէ զեղբայր մի ձեր ա́ստ առիս թողուցուք, եւ զվաճառս ցորենոյդ ՛ի տունս ձեր առեալ տանիցիք։

Verse: 34  Link to sept   եւ զեղբայրն ձեր կրտսեր ածիցէ́ք առիս. եւ գիտացից եթէ չէ́իք լրտեսք, այլ ա́րք խաղաղութե(ան) էք. եւ զայս եւս եղբայր տա́ց ձեզ. եւ յերկրի աստ առնիցէք վաճառ։

Verse: 35  Link to sept   Եւ եղեւ ՛ի թափելն ն(ո)ց(ա) զքուրձս իւրեանց, եւ կայր իւրաքանչի́ւր ուրուք ծրար արծաթոյ ՛ի քրձի իւրեանց։ եւ իբրեւ տեսին զծրար արծաթոյ իւրեանց, ինքեա́նք եւ հայրն իւրեանց, երկեան յոյժ։

Verse: 36  Link to sept   Եւ ասէ ցնոսա յակոբ հայրն իւրեանց. զիս՝ անորդի́ արարէք. յովսէփ չէ́ ՛ի միջի. շմաւոն՝ չէ́ ՛ի միջի. եւ զբենիամի՞ն եւս առնուցուք։ յի՞մ վ(ե)ր(այ) եկն այս ա(մենայ)ն։

Verse: 37  Link to sept   Խօսեցաւ ռոբէն ընդ հօր իւրում եւ ասէ. զերկոսին զորդիսն իմ սպանջի́ր, եթէ ոչ ածից զդա առ քեզ. տո́ւր զդա յիմ ձեռն. եւ ե́ս ածից զդա առ քեզ։

Verse: 38  Link to sept   Եւ նա ասէ. ո́չ իջանէ որդի իմ ընդ ձեզ. զի եղբայր սորա մեռաւ. եւ սա միա́յն մնացեալ է. եւ դէ́պ լինիցի սմա հիւանդանալ ՛ի ճանապարհին զոր երթայցէք. եւ իջուցանիցէք զծերութի(ւն)ս իմ տրտմութ(եամ)բ ՛ի դժոխս։



Chapter: 43 
ԳԼ(ՈՒԽ) Խ՜Գ.


Verse: 1  Link to sept   Եւ սո́վն ե́ւս սաստկանայր ՛ի վերայ երկրին։

Verse: 2  Link to sept   Եւ եղեւ իբրեւ սպառեցին ուտել զցորեանն զոր բերին յերկրէն եգիպտացւոց, ասէ ցն(ո)ս(ա) հայրն իւրեանց. դարձեալ երթա́յք գնեցէ́ք սակաւ մի կերակուր։

Verse: 3  Link to sept   Խօսեցաւ ընդ նմա յուդա՝ եւ ասէ. վկայու(թեամ)բ եդ ընդ մեզ վկայու(թ)ի(ւն) այրն՝ եւ ասէ. մի́ տեսանիցէք՝ զերեսս իմ, եթէ ոչ եղբայրն ձեր կրտսեր ը(նդ) ձեզ իցէ։

Verse: 4  Link to sept   արդ՝ եթէ արձակես զեղբայրդ մեր ընդ մեզ՝ իջցո́ւք եւ գնեսցուք կերակուրս։

Verse: 5  Link to sept   ապա թէ ոչ արձակես զեղբայրդ մեր ընդ մեզ, ո́չ երթիցուք. զի այրն խօսեցաւ ընդ մեզ՝ եւ ասէ, մի́ տեսանիցէք զերեսս իմ՝ եթէ ոչ եղբայրն ձեր կրտսեր ընդ ձեզ իցէ։

Verse: 6  Link to sept   Եւ ասէ ի(սրա)էլ. զի՞նչ չարիս հասուցէք ՛ի վ(ե)ր(այ) իմ. զի՞ պատմեցէք առնն թէ գուցէ ձեր եղբայր։

Verse: 7  Link to sept   Եւ նոքա ասեն՝ հարցանելո́վ եհարց զմէնջ այրն, եւ զազգէ մերմէ, եւ թէ տակաւին կենդանի՞ իցէ հայրն ձեր, եւ եթէ իցէ՞ ձեր եղբայր. եւ պատմեցաք նմա ըստ հարցանելո́յն ն(ո)ր(ա). մի թէ գիտէա՞ք թէ ասելոց է ցմեզ՝ ածէք զեղբայրն ձեր։

Verse: 8  Link to sept   Ասէ յուդա ցի(սրա)էլ հայրն իւր. արձակեա́ ը(նդ) իս զպատանեակդ, եւ յարուցեալ գնասցուք. զի կեցցուք եւ մի́ մեռցուք, եւ մեք եւ դու, եւ ստացուածք մեր։

Verse: 9  Link to sept   ես առնում զդա յերաշխի. ՛ի ձեռաց իմոց խնդրեսջիր զդա. եթէ ոչ ածից զդա եւ կացուցից առաջի քո, յանցաւո́ր եղէց զա(մենայ)ն աւուրս։

Verse: 10  Link to sept   զի եթէ ո́չ էաք յամեալ, արդ՝ երկի́ցս իսկ դարձեալ էր այսրէն։

Verse: 11  Link to sept   Ասէ ցնոսա ի(սրա)էլ հայրն իւրեանց. եթէ ա́յդպէս իցէ, արարէ́ք զայդ։ առէ́ք ՛ի պտղոյ երկրիս յամանս ձեր, եւ տարա́յք առնն պատարագս. ռետին, եւ մեղր, եւ խունկ, եւ ստաշխն, եւ բեւեկն, եւ ընկոյզ։

Verse: 12  Link to sept   եւ արծաթ կրկի́ն առէք ՛ի ձեռս ձեր. զարծաթն որ դարձաւ յամանս ձեր՝ տարա́յք ընդ ձեզ. գուցէ ընդ խաբո́ ինչ իցէ։

Verse: 13  Link to sept   եւ զեղբայրդ ձեր առէ́ք, եւ արի́ք իջէ́ք առ այրն։

Verse: 14  Link to sept   եւ ա(ստուա)ծ իմ տացէ ձեզ շնորհս առաջի առնն, եւ արձակեսցէ ընդ ձեզ զեղբայրն ձեր զմեւս, եւ զբենիամին։ բայց ես՝ ո(ր)պ(էս) անզաւակեցայ անզաւակեցայ։

Verse: 15  Link to sept   Եւ առեալ արանցն զպատարագսն, եւ արծաթ կրկին ՛ի ձեռս իւրեանց, եւ զբենիամին. յարուցեալ իջին յեգիպտոս, եւ կացին յանդիման յովսեփայ։

Verse: 16  Link to sept   Իբրեւ ետես զն(ո)ս(ա) յովսէփ, եւ զբենիամին եղբայր իւր, ասէ ցհազարապետ տանն իւրոյ. տա́ր զարսդ ՛ի տուն, եւ զեն զենլիս եւ պատրաստեա́. զի ընդի́ս ուտելոց են արքդ այդոքիկ ՛ի միջօրէի։

Verse: 17  Link to sept   եւ արար այրն որպէս եւ ասաց յովսէփ. եւ տարա́ւ զարսն ՛ի տուն յովսեփայ։

Verse: 18  Link to sept   Եւ տեսեալ արանցն եթէ տարան զնոսա ՛ի տուն յովսեփայ, ասեն. վ(ա)ս(ն) արծաթոյն որ դարձաւ յամանս մեր զառաջինն, մատնեմք անդր, առ ՛ի խուզելո́յ զմեզ. արկանե́լ ՛ի վ(ե)ր(այ) մեր, եւ առնուլ զմեզ ՛ի ծառայս, եւ զէշս մեր։

Verse: 19  Link to sept   Մատուցեալ առ այրն՝ վերակացո́ւ տանն յովսեփայ,

Verse: 20  Link to sept   խօսեցան առ դրանն՝ եւ ասեն. աղաչեմք զքեզ տէ́ր. իջաք զառաջինն գնել կերակուրս։

Verse: 21  Link to sept   եւ եղեւ իբրեւ հասաք յիջավանս, եւ բացաք զամանս մեր. եւ արծաթ իւրաքնչիւր յամանի́ իւրում էր. արդ՝ զարծաթն այսրէն կշռով դարձուցաք, եւ աւասիկ ՛ի ձեռին մերում է։

Verse: 22  Link to sept   եւ ա́յլ արծաթ բերաք ընդ մեզ, գնել կերակուրս. եւ ո́չ գիտեմք ո́վ եդ զարծաթն յամանս մեր։

Verse: 23  Link to sept   Ասէ ցնոսա. խաղաղութի(ւն) ընդ ձեզ՝ մի́ երկնչիք։ ա(ստուա)ծն ձեր եւ հարցն ձերոց՝ եդ ձեզ զգանձս յամանս ձեր. այլ իմ զձեր արծաթն առեալ, եւ հաճեալ եմ։ եւ եհան առ նոսա զշմաւոն։

Verse: 24  Link to sept   Եւ տարաւ ՛ի ներքս այրն զորեարն ՛ի տուն յովսեփայ, եւ բերին ջուր լուանա́լ զոտս ն(ո)ց(ա). եւ ետ կերակուր գրաստուց ն(ո)ց(ա)։

Verse: 25  Link to sept   Եւ նոքա պատրաստեցին զպատարագսն մինչ չե́ւ եկեալ էր յովսէփ ՛ի միջօրէին. քանզի լուան թէ ա́նդ ճաշակելոց է։

Verse: 26  Link to sept   Եմո́ւտ յովսէփ ՛ի տուն. եւ մատուցին նմա զընծայսն զոր ունէին ՛ի ձեռս իւրեանց՝ ՛ի տան անդ. եւ երկիր պագին նմա ՛ի վերայ երեսաց իւրեանց յերկիր։

Verse: 27  Link to sept   եհա́րց զն(ո)ս(ա) եւ ասէ, զիա՞րդ կայք։ եւ ասէ ցնոսա, թէ ո՞ղջ իցէ հայրն ձեր ծերունի, զորմէ ասացէք թէ տակաւին կենդանի́ է։

Verse: 28  Link to sept   Եւ նոքա ասեն՝ ո́ղջ է ծառայ քո հայր մեր, տակաւին կենդանի́ է։ եւ ասէ՝ օրհնեա́լ է այրն այն յա(ստուծո)յ։ եւ խոնարհեցան երկիր պագին նմա։

Verse: 29  Link to sept   Ամբարձ զաչս իւր՝ եւ ետես զբենիամին զեղբայր իւր զհամամայր՝ եւ ասէ. ա՞յդ է եղբայրն ձեր կրտսեր՝ զորմէ ասացէք ածել առիս։ եւ ասէ, ա(ստուա́)ծ ողորմեսցի քեզ որդեակ։

Verse: 30  Link to sept   Եւ խռովեցա́ւ յովսէփ՝ եւ գալարէին աղիք ն(ո)ր(ա) ՛ի վերայ եղբօրն իւրոյ. եւ խնդրէր լա́լ։ մտեալ ՛ի սենեակ անդր ելաց.

Verse: 31  Link to sept   եւ լուացեալ զերեսս իւր՝ ե́լ. պնդեաց զանձն, եւ ասէ՝ արկէ́ք հաց։

Verse: 32  Link to sept   Եւ արկին նմա́ միայնոյ՝ եւ ն(ո)ց(ա) իւրաքանչի́ւրումեք, եւ եգիպտացւոցն որ ճաշէին ը(նդ) նմա՝ իւրաքնչի́ւր առանճինն. զի ո́չ կարէին եգիպտացիքն ուտել հաց ընդ եբրայեցիսն, քանզի գարշելի́ էին եգիպտացւոցն։

Verse: 33  Link to sept   Նստաւ առաջի ն(ո)ր(ա) անդրանիկն՝ ըստ երիցութե(ան) իւրում, եւ կրտսերն՝ ըստ կրտսերութե(ան) իւրում. եւ զարմացեալ էին արքն իւրաքնչիւր ընդ եղբօր իւրում։

Verse: 34  Link to sept   եւ առին իւրեանց մասունս ՛ի նմանէ. եւ մեծացաւ մասն բենիամինի քան զմասունս ամենեցուն հինգպատիկ քան զնոցայն։ արբին՝ եւ արբեցա́ն ընդ նմա։



Chapter: 44 
ԳԼ(ՈՒԽ) Խ՜Դ.


Verse: 1  Link to sept   Եւ հրամա́ն ետ յովսէփ հազարապետին իւրում՝ եւ ասէ. լցէ́ք զամանս արանցն կերակրով որչափ եւ կարիցեն բառնալ. եւ դի́ք զարծաթն իւրաքանչիւր ՛ի բերան ամանոյ իւրոյ։

Verse: 2  Link to sept   եւ զսկիհն իմ արծաթի դիջիք յամանի́ կրտսերոյն, եւ զգինս ցորենոյ ն(ո)ր(ա)։ եւ եղեւ ըստ բանին յովսեփայ՝ ո(ր)պ(էս) եւ ասաց։

Verse: 3  Link to sept   Եւ իբրեւ առաւօտ եղեւ՝ արձակեցա́ն արքն, ինքեանք եւ է́շք իւրեանց։

Verse: 4  Link to sept   եւ իբրեւ ելին ըստ քաղաքն, եւ չէի́ն մեկնեալ ՛ի բաց, ասէ յովսէփ ցհազարապետն իւր, արի́ պնդեաց զհետ արանցն, եւ հասցե́ս ն(ո)ց(ա)։ եւ ասասցես. զի՞ է զի հատուցէք չար փոխանակ բարեաց.

Verse: 5  Link to sept   ընդէ՞ր գողացայք զսկիհն արծաթի. ո՞չ այն էր որով ըմպէր տէրն իմ, եւ նովա́ւ ինքն հմայելով հմայէր. արդ՝ չա́ր գործեցէք՝ զոր արարէքդ։

Verse: 6  Link to sept   Եւ իբրեւ եգիտ զնոսա, ասէ́ ըստ բանիցս այսոցիկ։

Verse: 7  Link to sept   Եւ նոքա ասեն ցնա. ընդէ՞ր խօսիցի տէր այդպիսի բանս. քա́ւ լԷցի ծառայից քոց առնել ըստ բանիդ այդմիկ։

Verse: 8  Link to sept   զի եթէ զարծա́թն զոր գտաք յամանս մեր՝ դարձուցաք առ ձեզ յերկրէն քանանացւոց. զիա՞րդ գողանայաք ՛ի տանէ տեառն քոյ արծաթ կամ ոսկի։

Verse: 9  Link to sept   Եւ արդ՝ առ որում գտցի ՛ի ծառայից քոց սկիհն՝ մեռցի́. եւ մեք եղիցուք տեառն մերում ծառա́յք։

Verse: 10  Link to sept   Եւ նա ասէ՝ ա́յդպէս եղիցի ո(ր)պ(էս) ասացէքդ. առ որում գտցի սկիհն՝ եղիցի իմ ծառա́յ. եւ դուք անպա́րտք լինիցիք։

Verse: 11  Link to sept   Եւ փութացան իջուցին զբեռն իւրաքանչիւր ՛ի գետին. եւ բացին իւրաքանչիւր զաման իւր։

Verse: 12  Link to sept   եւ յուզեաց, սկսեալ յերիցուէն մինչեւ եկն կատարեաց ՛ի կրտսերն. եւ եգիտ զսկիհն յամանի բենիամինի։

Verse: 13  Link to sept   Եւ պատառեցի́ն զհանդերձս իւրեանց. եւ եդին իւրաքանչիւր զբեռն իւր ՛ի վերայ իշո́յ իւրոյ, եւ դարձան ՛ի քաղաքն։

Verse: 14  Link to sept   Եւ եմուտ յուդա եւ եղբարք իւր առ յովսէփ, մինչդեռ անդէ́ն էր. եւ անկա́ւ առաջի ն(ո)ր(ա) ՛ի վերայ երկրի։

Verse: 15  Link to sept   Ասէ ցնոսա յովսէփ. զի՞նչ են իրքդ զոր արարէք. ո́չ գիտէք թէ հմայելով հմայէ́ այր որ իբրեւ զիս է։

Verse: 16  Link to sept   Ասէ յուդա. զի՞նչ տացուք պատասխանի տեառն՝ կամ զի՞նչ խօսիցիմք, կամ զո́ր իրաւունս ցուցանիցեմք։ եգի́տ ա(ստուա)ծ յանցանս ծառայից քոց. արդ՝ աւասիկ կամք ծառայք տեառն մերոյ. եւ մե́ք, եւ առ որում եւ սկիհն գտաւ։

Verse: 17  Link to sept   Եւ նա ասէ. քա́ւ լիցի ինձ առնել զբանդ զայդ։ այրն առ որում սկիհն գտաւ՝ նա́ եղիցի իմ ծառայ. եւ դուք ելէ́ք ողջութ(եամ)բ առ հայրն ձեր։

Verse: 18  Link to sept   Մատուցեալ առ նա յուդա՝ եւ ասէ. աղաչեմ տէր, խօսեսցի́ ծառայ քո բան մի առաջի քոյ. մի́ բարկասցիս ծառայի քում, զի դո́ւ ես յետ փարաւոնի տէր։

Verse: 19  Link to sept   Դու հարցեր ցծառայս քո՝ եւ ասացեր, եթէ կայցէ՞ ձեր հայր կամ եղբայր։

Verse: 20  Link to sept   եւ մեք ասեմք տեառն. կա́յ մեր հայր ծերացեալ, եւ մանուկ մի կրտսեր՝ որդի́ ծերու(թ)ե(ան) ն(ո)ր(ա), եւ եղբայր նորա մեռա́ւ. եւ նա միա́յն մնաց մօր իւրոյ, եւ հայրն սիրէ́ զնա։

Verse: 21  Link to sept   եւ ասացեր ցծառայս քո, իջուցէ́ք զնա առիս՝ եւ խնամարկեցի́ց նմա։

Verse: 22  Link to sept   եւ ասացաք ցտէր. ո́չ կարէ մանուկն թողուլ զհայր իւր. ապա թէ թողուցու զհայրն իւր՝ մեռանի́։

Verse: 23  Link to sept   եւ դու ասացեր ցծառայս քո. եթէ ոչ իջանիցէ եղբայրն ձեր կրտսեր ընդ ձեզ՝ մի́ յաւելուցուք տեսանել զերեսս իմ։

Verse: 24  Link to sept   Եւ եղեւ իբրեւ ելաք մեք առ ծառայ քո հայր մեր, պատմեցա́ք նմա զբանս տեառն մերոյ։

Verse: 25  Link to sept   եւ ասէ հայրն մեր. երթա́յք դարձեալ՝ գնեցէք մեզ սակաւ մի կերակուր։

Verse: 26  Link to sept   եւ մեք ասացաք՝ եթէ ո́չ կարեմք իջանել անդր, եթէ ոչ եղբայրդ մեր կրտսեր իջանիցէ ընդ մեզ, եւ ապա́ իջանիցեմք. զի ո́չ կարեմք տեսանել զերեսս առնն, եթէ եղբայրդ մեր կրտսեր ընդ մեզ ոչ իցէ։

Verse: 27  Link to sept   Եւ ասէ́ ցմեզ ծառայ քո հայր մեր. դուք ինքնի́ն գիտէք՝ զի երկո́ւս ծնաւ ինձ կին իմ.

Verse: 28  Link to sept   մին՝ ե́լ յինէն եւ ասացէք թէ գազանակո́ւր եղեւ. եւ ո́չ եւս տեսանեմ զնա մինչեւ ցայժմ։

Verse: 29  Link to sept   արդ՝ եթէ զսա́ եւս առնուցուք յերեսաց իմոց, եւ պատահիցէ սմա հիւանդութ(իւն)ի́ ՛ի ճանապարհի, իջուցանէ́ք զծերութի(ւն)ս իմ տրտմութ(եամ)բ հանդերձ ՛ի դժոխս։

Verse: 30  Link to sept   Եւ արդ՝ եթէ երթայցեմք առ ծառայ քո հայր մեր՝ եւ պատանեակս չիցէ́ ընդ մեզ. եւ նորա́ ոգին կախեա́լ կայ զդորա ոգւոյդ։

Verse: 31  Link to sept   եւ լինիցի իբրեւ ոչ տեսանիցէ ընդ մեզ զմանուկդ՝ վախճանիցի́. եւ իջուցանիցեն ծառայք քո զծերութի(ւն) ծառայի քոյ հօր մերոյ չարչարանօ́ք հանդերձ ՛ի դժոխս։

Verse: 32  Link to sept   Զի ծառայի քո առեալ է յերաշխի́ զմանուկդ ՛ի հօրէ իւրմէ. ասեմ, եթէ ո́չ ածից զդա առ քեզ՝ եւ կացուցից առաջի քո, յանցաւո́ր եղէց առ հայր իմ զա(մենայ)ն աւուրս։

Verse: 33  Link to sept   Եւ արդ՝ կացից ե́ս ծառայ քո փոխանակ մանկինդ ստրո́ւկ տեառն իմոյ. եւ պատանեակդ ելցէ́ ընդ եղբարս իւր։

Verse: 34  Link to sept   քանզի զիա՞րդ ելանիցեմ առ հայրն իմ, եթէ պատանեակդ չիցէ ընդ մեզ։ զի մի́ տեսից զչարիսն որ գտանիցեն զհայրն իմ։



Chapter: 45 
ԳԼ(ՈՒԽ) Խ՜Ե.


Verse: 1  Link to sept   Եւ ո́չ կարաց յովսէփ ժո́յժ ունել առաջի ամենեցուն՝ որ շուրջ զնովաւն կային. այլ ասէ՝ հանէ́ք զամենեսին արտաքս յինէն։ եւ չկա́յր եւս ոք անդ առ նմա՝ յորժամ ե́տ ծանօթս եղբարց իւրոց։

Verse: 2  Link to sept   Եւ ձայն բարձեալ լալով հանդերձ՝ մինչ լուան եգիպտացիքն. եւ ա́զդ եղեւ ՛ի տուն փարաւոնի։

Verse: 3  Link to sept   Ասէ́ յուսէփ ցեղբարսն իւր։ ե́ս եմ յովսէփ. արդարեւ տակաւին կենդանի՞ է հայր իմ։ եւ ո́չ կարէին եղբարք ն(ո)ր(ա) տալ նմա պատասխանի. զի խռովեցա́ն յերեսաց ն(ո)ր(ա)։

Verse: 4  Link to sept   Ասէ յովսէփ ցեղբարսն իւր. մօ́տ եկայք առիս։ եւ չոգա́ն մօտ. եւ ասէ, ե́ս եմ յովսէփ եղբայրն ձեր, զոր դուք վաճառեցէք յեգիպտոս։

Verse: 5  Link to sept   բայց մի́ ինչ տրտմիք. եւ մի́ խիստ թուեսցի ձեզ զի վաճառեցէք զիս այսր. քանզի ՛ի փրկութ(իւն)ի́ առաքեաց զիս ա(ստուա)ծ առաջի ձեր։

Verse: 6  Link to sept   Զի այս երկրորդ ա́մ է սովոյս ՛ի վերայ երկրի. եւ ա́յլ եւս հի́նգ ամ յորս ո́չ լինիցի վար,

Verse: 7  Link to sept   եւ ո́չ հունձք։ եւ զիս առաքեաց ա(ստուա)ծ առաջի ձեր առ ՛ի թողլո́յ ձեզ զաւակ յերկրի. եւ կերակրե́լ զձեր մնացորդս մեծամեծս։

Verse: 8  Link to sept   Եւ արդ՝ ո́չ եթէ դուք առաքեցէք զիս այսր, այլ ա(ստուա)ծ. եւ արա́ր զիս հայր փարաւոնի, եւ տէր ա(մենայ)ն տան ն(ո)ր(ա), եւ իշխան ա(մենայ)ն երկրիս եգիպտացւոց։

Verse: 9  Link to sept   Արդ՝ փոթացեալ ելէ́ք առ հայրն իմ եւ ասացէք ցնա. ա́յսպէս ասէ որդին քո յովսէփ։ արար զիս ա(ստուա)ծ տէ́ր ա(մենայ)ն երկրիս եգիպտացւոց. արդ՝ ե́կ էջ առիս. եւ մի́ հեղգար։

Verse: 10  Link to sept   եւ բնակեսցես յերկրիս գեսեմ, յարաբիա. եւ եղիցե́ս մօտ առիս. դո́ւ եւ որդիք քո՝ եւ որդիք որդւոց քոց, եւ ոչխար քո, եւ արջա́ռ քո, եւ որ ինչ քո́ իցէ։

Verse: 11  Link to sept   եւ կերակրեցից զքեզ աստ. զի ա́յլ եւս հինգ ամ կայ սովոյս. զի մի́ սատակիցիս դու եւ որդի քո, եւ ա(մենայ)ն ստացուածք քո։

Verse: 12  Link to sept   Ահաւասիկ աչք ձեր տեսանե́ն, եւ աչք բենիամինի եղբօր իմոյ րեսանեն, զի բերան իմ խօսի ընդ ձեզ.

Verse: 13  Link to sept   արդ պատմեցէ́ք հօր իմոյ ցա(մենայ)ն զփառս իմ, որ են յեգիպտոս. եւորչափ ինչ տեսանէք դո́ւք։ եւ փութացեալ իջուցէ́ք զհայրն իմ այսր։

Verse: 14  Link to sept   Եւ անկեալ ՛ի վերայ պարանոցին բենիամինի եղբօր իւրոյ ելա́ց, եւ բենիամին ելա́ց ՛ի վերայ պարանոցի ն(ո)ր(ա)։

Verse: 15  Link to sept   Եւ համբուրեա́ց զա(մենայ)ն եղբարս իւր, եւ ելա́ց ՛ի վերայ ն(ո)ց(ա)։ յետ այնորիկ խօսեցան եղբարք նորա ընդ նմա։

Verse: 16  Link to sept   Եւ հնչեա́ց համբաւն ՛ի տուն փարաւոնի, եւ ասեն. եկի́ն եղբարք յովսեփու։ Ուրա́խ եղեւ փարաւոն եւ ծառայք ն(ո)ր(ա)։

Verse: 17  Link to sept   ասէ փարաւոն ցյովսէփ. ասա́ ցեղբարս քո. ա́յսպէս արարէք. լցէ́ք զբեռինս ձեր՝ եւ երթա́յք յերկիրն քանանացւոց։

Verse: 18  Link to sept   եւ առեալ զհա́յր ձեր եւ զստացուածս ձեր՝ եկեսջի́ք առիս. եւ տաց ձեզ յա(մենայ)ն բարութե(ան)ցս եգիպտացւոց. եւ կերիջիք զուղիղ երկրիս։

Verse: 19  Link to sept   Եւ տո́ւր զայս հրաման. տացես առնուլ յերկրէս եգիպտացւոց սայլս, մանկանց եւ կանանց ձերոց. եւ առեալ զհայրն ձեր ածիցէք։

Verse: 20  Link to sept   եւ մի́ ագահիցեն աչք ձեր ՛ի կահ ձեր. զի բարութի(ւն) ա(մենայ)ն երկրիս եգիպտացւոց ձե́զ լիցի։

Verse: 21  Link to sept   Եւ արարին ա́յնպէս որդիքն ի(սրաէ)լի, եւ ետ ն(ո)ց(ա) յովսէփ սա́յլս՝ ըստ բանիցն փարաւոնի արքայի. եւ ետ ն(ո)ց(ա) պաշա́ր ՛ի ճանապարհ։

Verse: 22  Link to sept   Եւ ամենեցուն ետ կրկին պատմուճանս. եւ բենիամինի ետ երեք հարիւր դահեկան, եւ հինգ պատմուճանս փոխանակաւ։

Verse: 23  Link to sept   Եւ հօրն իւրում ետ տանե́լ նոյնպէս։ եւ տասն իշոյ բեռինս յա(մենայ)ն բարութե(ան)ց եգիպտացւոց. եւ տասն ջորի նպարակաւոր*, եւ կերակուր հօրն իւրում ՛ի ճանապարհ։

Verse: 24  Link to sept   Եւ արձակեաց զեղբարս իւր՝ եւ գնացին։ եւ ասէ ցնոսա. մի́ զայրանայցէք ինչ ՛ի ճանապարհի։

Verse: 25  Link to sept   Ելին յեգիպտոսէ, եւ չոգան յերկիրն քանանացւոց առ յակոբ հայրն իւրեանց։

Verse: 26  Link to sept   Եւ պատմեցին նմա, եւ ասեն. որդի քո յովսէփ կենդանի́ է. եւ նա́ է իշխան ա(մենայ)ն երկրին եգիպտացւոց։ Եւ զարմացաւ ՛ի միտս իւր յակոբ. զի ո́չ հաւատայր ն(ո)ց(ա)։

Verse: 27  Link to sept   եւ խօսեցան ընդ նմա զա(մենայ)ն ինչ՝ զոր ասաց յովսէփ։ Եւ իբրեւ ետես զսայլսն զոր առաքեաց յովսէփ առնուլ զնա, արծարծեցաւ ոգին յակոբայ հօր նոցա։

Verse: 28  Link to sept   Եւ ասէ ի(սրա)էլ՝ մեծ է ինձ՝ եթէ արդարեւ տակաւին կենդանի́ իցէ որդի իմ յովսէփ. երթա́յց տեսից զնա մինչ չե́ւ մեռեալ իցեմ։



Chapter: 46 
ԳԼ(ՈՒԽ) Խ՜Զ.


Verse: 1  Link to sept   Չուեա́ց իսրայէլ ինքն՝ եւ ա(մենայ)ն որ ինչ իւր էր. եւ եկն ՛ի ջրհորն երդման. եւ մատոյց պատարա́գ ա(ստուծո)յ հօր իւրոյ իսահակայ։

Verse: 2  Link to sept   Խօսեցա́ւ ա(ստուա)ծ ընդ ի(սրաէ)լի ՛ի տեսլեան գիշերոյ. եւ ասէ. յակո́բ յակոբ։ եւ նա́ ասէ. ո՞վ ես։

Verse: 3  Link to sept   Ասէ՝ ե́ս եմ ա(ստուա)ծ հարցն քոց. մի́ երկնչիր իջանել յեգիպտոս, զի յազգ մե́ծ արարից զքեզ անդ։

Verse: 4  Link to sept   ե́ս իջից ընդ քեզ յեգիպտոս, եւ ես հանից զքեզ ՛ի սպառ. եւ յովսէփ դիցէ զձեռս իւր ՛ի վերայ աչաց քոց։

Verse: 5  Link to sept   Յարեա́ւ յակոբ ՛ի ջրհորոյ անտի երդման. եւ առին որդիքն իսրայէլի զյակոբ հայրն իւրեանց. եւ զկազմա́ծ, եւ զկանայս իւրեանց, ՛ի սայլսն զոր առաքեաց յովսէփ առնուլ զնա։ եւ առեալ զինչս իւրեանց.

Verse: 6  Link to sept   եւ զա(մենայ)ն ստացուածս զոր ստացան յերկրին քանանացւոց, մտին յեգիպտոս յակոբ եւ ա(մենայ)ն զաւակ նորա ընդ նմա։

Verse: 7  Link to sept   Որդիք նորա, եւ որդիք որդւոց ն(ո)ր(ա) ընդ նմա. դստերք ն(ո)ր(ա), եւ դստերք դստերաց ն(ո)ր(ա)։ եւ զա(մենայ)ն զաւակ իւր ած յեգիպտոս։

Verse: 8  Link to sept   Եւ ա́յս են անուանք որդւոցն ի(սրաէ)լի որ մտին յեգիպտոս։ Յակոբ եւ որդիք իւր։ անդրանիկ յակոբու՝ Ռոբէն։

Verse: 9  Link to sept   Եւ որդիք ռոբինի՝ ենոք, եւ փաղղուս, սարսոն, եւ քարմի։

Verse: 10  Link to sept   Եւ որդիք Շմաւոնի, յամուէլ, եւ յամին, եւ ահովդ, եւ յաքին, եւ սահառ, եւ սաւուղ որդի քանանացւոյն։

Verse: 11  Link to sept   Եւ որդիք Ղեւեայ, գեթսոն, եւ կահաթ, եւ մերարի։

Verse: 12  Link to sept   Եւ որդիք Յուդայի՝ էր, եւ աւնան, եւ սելովմ, եւ փարէս, եւ զարա։ եւ մեռան էր եւ աւնան յերկրին քանանացւոց։ եւ եղեն որդիք փարեսի՝ ասրովմ, եւ յամուէլ։

Verse: 13  Link to sept   Եւ որդիք Իսաքարայ, թովղա, եւ փուդ, եւ յասուբ, եւ զամամ։

Verse: 14  Link to sept   Եւ որդիք Զաբուղոնի, սերեդ, եւ աղղոն, եւ էէլ։

Verse: 15  Link to sept   Սոքա են որդիք լիայ՝ զոր ծնաւ յակոբ ՛ի միջագետս ասորւոց. եւ զդինա դուստր ն(ո)ր(ա)։ ա(մենայ)ն ոգիք ուստերք եւ դստերք երեսուն եւ երեք։

Verse: 16  Link to sept   Եւ որդիք Գադայ, սափոն, եւ մեդիս, եւ սաւնիա, եւ թաւսոբամ, եւ այեգիս, եւ արոյէլիս, եւ արիէլիս։

Verse: 17  Link to sept   Եւ սոքա են որդիք Ասերայ, յեմնա, եւ յէուսա, եւ յէուլ, եւ բարիա, եւ սարա քոյր ն(ո)ց(ա)։ եւ որդիք բարիայ՝ քոբոր, եւ մեղքիէլ։

Verse: 18  Link to sept   Սոքա են որդիք զելփայ, զոր ետ լաբան լիայ դստերն իւրում։ որ ծնաւ զսոսա յակոբայ, վեշտասա́ն որդիս։

Verse: 19  Link to sept   Եւ որդիք ռաքելայ կնոջ յակոբայ՝ յովսէփ, եւ բենիամին։

Verse: 20  Link to sept   Եւ եղեն որդիք Յովսեփայ յերկրին եգիպտացւոց, զորս ծնաւ նմա ասանէթ դուստր պետափրեայ քրմի արեգ քաղաքի. զմանասէ եւ զեփրեմ։ Եւ եղեն որդիք մանասէի զոր ծնաւ նմա հարճն ասորի, զմաքիր. եւ եւ մաքիր ծնաւ զգաղաադ։ Եւ որդիք եփրեմի եղբօրն մանասէի, սուտաղաամ, եւ տաամ. եւ որդի սուտաղաամայ, եդեմ։

Verse: 21  Link to sept   Եւ որդիք Բենիամինի՝ բաղա, եւ բոքոր, եւ ասբեէ. եւ եղեն որդիք բաղայ գէէրա, եւ նէէման, եւ անաքիս, եւ ռովս, եւ մամփիմ, եւ ոփիմին։ եւ գեերա ծնաւ զարադ։

Verse: 22  Link to sept   Սոքա են որդիք ռաքելի՝ զոր ծնաւ յակոբայ. ա(մենայ)ն ոգիք ութ եւ տասն։

Verse: 23  Link to sept   Եւ որդիք Դանայ՝ ասոմ։

Verse: 24  Link to sept   Եւ որդիք Նեփթաղեմի, ասիէլ, եւ գովնի, եւ ասաար, եւ սիլիմ։

Verse: 25  Link to sept   Սոքա են որդիք բալլայ՝ զոր ետ լաբան ռաքելի դստեր իւրում. եւ ծնաւ զսոսա յակոբայ. ամենեքին ոգիք եւթն։

Verse: 26  Link to sept   Եւ ա(մենայ)ն ոգիք որ մտին ընդ յակոբայ յեգիպտոս. որ ելեալ էին յերանաց ն(ո)ր(ա), առանց կանանց որդւոցն յակոբայ, ա(մենայ)ն ոգիք վաթսուն եւ վեց.

Verse: 27  Link to sept   Եւ որդիք յովսեփայ որ եղեն նմա յեգիպտոս, ոգիք երկու։ Եւ ա(մենայ)ն ոգիք տանն յակոբու՝ որ մտին յեգիպտոս եւթանասուն եւ հինգ։

Verse: 28  Link to sept   Եւ զյուդա յառաջագոյն առաքեաց առ յովսէփ, գա́լ նմա ընդ առաջ զքաջաց քաղաքաւն, յերկիրն ռամեսա. եւ ինքն եկն յերկիրն գեսեմ։

Verse: 29  Link to sept   Կազմեաց յովսէփ զկառս իւր, եւ ել ը(նդ) առաջ ի(սրաէ)լի հօր իւրոյ, զքաջաց քաղաքաւն։ եւ իբրեւ յանդիման եղեւ նմա՝ անկա́ւ ՛ի վերայ պարանոցի ն(ո)ր(ա), եւ ելաց ՛ի լալիւն մեծ։

Verse: 30  Link to sept   Եւ ասէ ի(սրա)էլ ցյովսէփ. մեռա́յց այսուհետեւ. որովհետեւ տեսի զերեսս քո՝ զի տակաւին կենդանի́ ես.

Verse: 31  Link to sept   Եւ ասէ յովսէփ ցեղբարս իւր՝ եւ ցտուն հօր իւրոյ. երթայց պատմեցի́ց փարաւոնի, եթէ եղբա́րք իմ եւ տուն հօր իմոյ որ էին յերկիրն քանանացւոց, եկի́ն առիս։

Verse: 32  Link to sept   եւ արք հովիւք են, եւ արք խաշնադարմա́նք են, եւ զանասուն, եւ զարջառ, եւ զա(մենայ)ն ինչ իւրեանց ածին այսր։

Verse: 33  Link to sept   Արդ՝ եթէ կոչիցէ զձեզ փարաւոն՝ եւ ասիցէ, զի՞նչ գործ է ձեր.

Verse: 34  Link to sept   ասասջիք եթէ արք խաշնադարմանք եմք ծառայք քո ՛ի մանկու(թեն)է մինչեւ ցայժմ. եւ մեք եւ հարք մեր։ զի բնակիցէք յերկրին գեսեմ։ զի գարշելի́ է եգիպտացւոց՝ ա(մենայ)ն հովիւ խաշանց։



Chapter: 47 
ԳԼ(ՈՒԽ) Խ՜Է.


Verse: 1  Link to sept   Եւ եկեալ յովսէփ պատմեա́ց փարաւոնի, եւ ասէ. հա́յր իմ եւ եղբարք, եւ խաշինք եւ արջառ ն(ո)ց(ա), եւ ա(մենայ)ն որ ինչ ն(ո)ց(ա), եկին յերկրէն քանանացւոց. եւ ահա են ՛ի գեսեմ։

Verse: 2  Link to sept   եւ յեղբարց անտի իւրոց ա́ռ ընդ իւր հինգ այր. եւ կացոյց զն(ո)ս(ա) առաջի փարաւոնի։

Verse: 3  Link to sept   Եւ ասէ փարաւոն ցեղբարսն յովսեփու. զի՞նչ գործ է ձեր։ եւ նոքա ասեն ցփարաւոն. հովիւք խաշանց են ծառայք քո, եւ մե́ք եւ հարք մեր։

Verse: 4  Link to sept   Եւ ասեն ցփարաւոն. պանդխտանալ եկաք յերկրիս յայսմիկ. զի ո́չ գոյր ճարակ խաշանց ծառայից քոց, քանզի սաստկացա́ւ սովն յերկրին քանանացւոց. եւ արդ՝ բնակեսցուք ծառայք քո յերկրին ՛ի գեսեմ։

Verse: 5  Link to sept   Եւ խօսեցաւ փարաւոն ընդ յովսեփու՝ եւ ասէ. հայր քո եւ եղբարք քո եկին առ քեզ։

Verse: 6  Link to sept   ահա՝ երկիրս եգիպտացւոց առաջի́ քո́ է. ՛ի բարւո́ք երկիր բնակեցո́ զհայր քո եւ զեղբարս քո. եւ բնակեսցեն յերկրին գեսե́մ։ ապա թէ գիտես եթէ իցեն ՛ի նոսա ա́րք զօրաւորք, կացո́ զնոսա իշխանս ՛ի վերայ իմոց խաշանց։

Verse: 7  Link to sept   Եւ ած յովսէփ զյակոբ զհայր իւր, եւ կացո́յց առաջի փարաւոնի։ եւ օրհնեաց յակոբ զփարաւոն։

Verse: 8  Link to sept   Եւ ասէ փարաւոն ցյակոբ. քանի՞ են ամք աւուրց կենաց քոց։

Verse: 9  Link to sept   Եւ ասէ յակոբ ցփարաւոն։ աւուրք կենաց ամաց իմոց զորս պանդխտեցայ՝ հարիւր եւ երեսո́ւն ա́մ է. սակա́ւք եւ դժուարինք եղեն աւուրք ամաց կենաց իմոց. եւ ո́չ հասին յաւուրս ամաց կենաց հարց իմոց, զոր աւուրս պանդխտեցան։

Verse: 10  Link to sept   Եւ օրհնեաց յակոբ զփարաւոն՝ եւ ել ՛ի նմանէ։

Verse: 11  Link to sept   Եւ բնակեցոյց յովսէփ զհայրն իւր եւ զեղբարս իւր, եւ ետ ն(ո)ց(ա) բնակութի(ւն) յերկրին եգիպտացւոց ՛ի բարւո́ք երկրի. յերկրին ռամեսա. ո(ր)պ(էս) հրամայեաց փարաւոն։

Verse: 12  Link to sept   Եւ տայր յովսէփ ռոճիկս հօրն եւ եղբարց իւրոց. եւ ա(մենայ)ն տան հօր իւրոյ ցորեան ը(ս)տ բերան։

Verse: 13  Link to sept   Եւ կերակուր ո́չ գոյր յա(մենայ)ն երկրին, զի սաստկացա́ւ սովն յոյժ. եւ նուաղեաց երկիրն եգիպտացւոց եւ երկիրն քանանացւոց ՛ի սովոյ անտի։

Verse: 14  Link to sept   Եւ ժողովեա́ց յովսէփ զա(մենայ)ն արծաթ գտեալ յերկրին եգիպտացւոց՝ եւ յերկրին քանանացւոց, ընդ ցորենոյն զոր վաճառէր. եւ տայր ն(ո)ց(ա) կերակուրս։ եւ տարաւ յովսէփ զա(մենայ)ն արծաթն ՛ի տուն փարաւոնի։

Verse: 15  Link to sept   եւ նուազեաց արծաթ յերկրէն եգիպտացւոց, եւ յերկրէն քանանացւոց։ Եկին ա(մենայ)ն եգիպտացիքն առ յովսէփ՝ եւ ասեն. տո́ւր մեզ հաց, եւ ընդէ՞ր մեռանիմք առաջի քո. զի պակասեա́ց արծաթ։

Verse: 16  Link to sept   Ասէ ցն(ո)ս(ա) յովսէփ. ածէ́ք զանասունս ձեր, եւ տաց ձեզ հաց փոխանակ անասնոց ձերոց, եթէ պակասեաց արծաթ։

Verse: 17  Link to sept   Եւ ածին զանասունսն առ յովսէփ, եւ ետ ն(ո)ց(ա) յովսէփ հաց. փոխանակ ձիո́յ, եւ փոխանակ ոչխարի, եւ փոխանակ արջառոյ, եւ փոխանակ իշոյ. եւ կերակրեաց զն(ո)ս(ա) հացիւ, փոխանակ ա(մենայ)ն անասնոց ն(ո)ց(ա) յամին յայնմիկ։ Ե́լ այն ամ,

Verse: 18  Link to sept   եւ եկին առ յովսէփ յերկրորդ ամին՝ եւ ասեն ցնա։ գուցէ́ սատակիցիմք ՛ի տեռնէ մերմէ. եթէ արծա́թ էր՝ պակասեաց, եւ եթէ խաշինք եւ ստացուածք՝ առ քե́զ են տէր. եւ չէ́ ինչ մնացեալ մեր առաջի տեառն, բայց միայն անձինք եւ երկիրս մեր։

Verse: 19  Link to sept   Արդ՝ զի մի́ մեռանիցիմք առաջի քո եւ մեք, եւ երկիրս աւերիցի. ստացի́ր զմեզ եւ զերկիրս մեր փոխանակ հացի. եղիցո́ւք մեք եւ երկիրս մեր ծառայք փարաւոնի։ տո́ւր սերմն զի սերմանեսցուք, եւ կեցցուք՝ եւ մի́ մեռցուք. եւ երկիրս մի́ աւերեսցի։

Verse: 20  Link to sept   Եւ ստացա́ւ յովսէփ զա(մենայ)ն երկիրն եգիպտացւոց փարաւոնի. ք(ան)զի վաճառեցին եգիպտացիքն զերկիրն իւրեանց փարաւոնի. զի սաստկացա́ւ ՛ի վերայ ն(ո)ց(ա) սովն։ Եւ եղեւ երկիրն փարաւոնի։

Verse: 21  Link to sept   եւ ժողովուրդն ծառայեցոյց իւր ՛ի ստրուկ, ՛ի ծագաց սահմանացն եգիպտոսի մինչեւ ՛ի ծագս նորուն։

Verse: 22  Link to sept   Բա́ց յերկրէ քրմացն, զի ո́չ ստացաւ զնոսա յովսէփ. քանզի տալով տա́յր պարգեւս քրմացն փարաւոն. եւ ուտէին զպարգեւսն զոր տայր ն(ո)ց(ա) փարաւոն. վ(ա)ս(ն) այնորիկ ո́չ վաճառեցին զերկիրն իւրեանց։

Verse: 23  Link to sept   Ասէ յովսէփ ցա(մենայ)ն եգիպտացիսն. ահա ստացա́յ զձեզ այսօր եւ զերկիր ձեր փարաւոնի. առէ́ք ձեզ սերմոնս, եւ սերմանեցէք զերկիրդ.

Verse: 24  Link to sept   եւ եղիցին արդիւնք դորա։ եւ տաջի́ք զհինգերորդ մասն փարաւոնի. եւ չորք մասունքն ձե́ր եղիցին, ՛ի սերմն երկրիդ, եւ ՛ի կերակուր ձեզ՝ եւ ա(մենայ)ն ընտանեաց ձերոց, եւ ՛ի կերակուր տղայոց ձերոց։

Verse: 25  Link to sept   Եւ ասեն, կեցուցե́ր զմեզ. գտաք շնորհս առաջի տեառն մերոյ. եւ եղիցուք ծառա́յք փարաւոնի։

Verse: 26  Link to sept   Եւ եդ նոցա օրէնս յովսէփ մինչեւ ցայսօր յերկրին եգիպտացւոց՝ հինգերորդե́լ փարաւոնի. բա́ց յերկրէ քրմացն որ չէր փարաւոնի։

Verse: 27  Link to sept   Եւ բնակեաց ի(սրա)էլ յերկրին եգիպտացւոց յերկրին ՛ի գեսեմ. եւ ժառանգեցին ՛ի նմա, եւ աճեցին եւ բազմացա́ն յոյժ։

Verse: 28  Link to sept   Եւ եկաց յակոբ յերկրին եգիպտացւոց ամս եւթն եւ տասն։ Եւ եղեն աւուրք յակոբայ ամաց կենաց ն(ո)ր(ա)՝ հարիւր եւ քառասուն եւ եւթն ամ։

Verse: 29  Link to sept   Եւ մերձեցան աւուրք ի(սրաէ)լի մեռանելոյ. եւ կոչեաց զորդի իւր զյովսէփ՝ եւ ասէ ցնա. եթէ գտի շնորհս առաջի քո, դի́ր զձեռն քո ընդ երանօք իմովք. եւ արասցես ՛ի վերայ իմ ողորմութի(ւն) եւ ճշմարտութի(ւն), չթաղե́լ զիս յեգիպտոս։

Verse: 30  Link to sept   այլ ննջեցից ընդ հարսն իմ. եւ բարձցեն զիս յեգիպտոսէ, եւ թաղեսցեն զիս ՛ի գերեզմանի́ ն(ո)ց(ա)։ եւ նա ասէ. ե́ս արարից ըստ բանի քում։

Verse: 31  Link to sept   Եւ ասէ երդուի́ր ինձ. եւ երդուա́ւ նմա։ եւ երկի́ր եպագ ի(սրա)էլ ՛ի վերայ գլխոյ գաւազանի իւրոյ։



Chapter: 48 
ԳԼ(ՈՒԽ) Խ՜Ը.


Verse: 1  Link to sept   Եւ եղեւ յետ բանիցս այսոցիկ՝ ա́զդ եղեւ յովսեփայ՝ եթէ յակոբ հայրն քո նեղեալէ։ եւ առեալ յովսեփայ զերկուս որդիսն իւր * ընդ իւր, զմանասէ եւ զեփրեմ, եկն առ յակոբ։ ա́զդ եղեւ յակոբայ՝ եւ ասեն.

Verse: 2  Link to sept   ահա որդի քո յովսէփ գա́յ առ քեզ. եւ զօրացաւ ի(սրա)էլ՝ եւ նստա́ւ ՛ի մահիճս։

Verse: 3  Link to sept   Եւ ասէ յակոբ ցյովսէփ. ա(ստուա)ծ իմ երեւեցաւ ինձ ՛ի լուզ՝ յերկրին քանանացւոց. օրհնեաց զիս.

Verse: 4  Link to sept   եւ ասէ. ահա ես աճեցուցի́ց զքեզ, եւ բազմացուցի́ց զքեզ, եւ արարից զքեզ ՛ի ժողո́վս ազգաց. եւ տաց քե́զ զերկիրս զայս ՛ի ժառանգութի(ւն) յաւիտենական։

Verse: 5  Link to sept   Արդ՝ երկու որդիք քո որ եղեն յեգիպտոս, մինչ չե́ւ եկեալէր իմ յեգիպտոս՝ ի́մ են, եփրեմ եւ մանասէ. իբրեւ զռոբէ́նն եւ զշմաւոն եղիցին ինձ։

Verse: 6  Link to sept   եւ ա́յլ ծնունդք զոր ծնանիցիս յետ այսորիկ՝ քե́զ եղիցին. յանուն եղբարց իւրեանց կոչեսցին ՛ի նոցա́ ժառանգութի(ւն)ս։

Verse: 7  Link to sept   Եւ ես յորժամ գայի ՛ի միջագետաց ասորւոց, մեռա́ւ մայր քո ռաքէլ յերկրին քանանացւոց. ՛ի մերձենա́լ ինձ յասպարէզ երկրին քաբրաթայ, ՛ի գալն յեփրաթայ. եւ թաղեցի զնա յերկրի ասպարիսին. ա́յն է բեթղահէմ։

Verse: 8  Link to sept   Իբրեւ ետես ի(սրա)էլ զորդիսն յովսեփու՝ ասէ́. զի՞նչ են սոքա քո։

Verse: 9  Link to sept   Ասէ յովսէփ ցհայրն իւր. որդիք իմ են զոր ետ ինձ ա(ստուա)ծ աստ։ եւ ասէ յակոբ. մատո́ առիս զդոսա, զի օրհնեցի́ց զդոսա։

Verse: 10  Link to sept   Եւ աչք ի(սրաէ)լի ծանրացեա́լ էին ՛ի ծերութ(են)է անտի. եւ ո́չ կարէր տեսանել։ եւ մատոյց զն(ո)ս(ա) առ նա. եւ համբուրեա́ց զնոսա, եւ ՛ի գի́րկս իւր առ զնոսա։

Verse: 11  Link to sept   Եւ ասէ ի(սրա)էլ ցյովսէփ. ահա յերեսաց քոց ո́չ կարօտ եղէ. եւ եցո́յց ե́ւս ինձ ա(ստուա)ծ զզաւակ քո։

Verse: 12  Link to sept   Եւ եհա́ն զնոսա յովսէփ ՛ի ծնդաց ն(ո)ր(ա). եւ երկիր պագին նմա ՛ի վերայ երեսաց իւրեանց յերկիր։ Եւ առեալ յովսեփայ զերկուս որդսն իւր.

Verse: 13  Link to sept   զեփրեմ ընդաջմէ, ՛ի ձախմէ ի(սրաէ)լի. եւ զմանասէ ՛ի ձախմէ՝ յաջմէ́ ի(սրաէ)լի. մատոյց զնոսա առ նա։

Verse: 14  Link to sept   Եւ ձգեալ ի(սրաէ)լի զաջ ձեռն իւր՝ արկ զգլխովն եփրեմի, եւ նա́ էր կրտսեր. եւ զձախն զգլխովն մանասէի, եւ փոփոխեա́ց զձեռսն, զի մանասէ́ էր անդրանիկ։

Verse: 15  Link to sept   եւ օրհնեա́ց զն(ո)ս(ա) եւ ասէ։ Ա(ստուա)ծ, որում հաճոյ եղեն հարքն իմ առաջի ն(ո)ր(ա) աբրաամ եւ իսահակ. ա(ստուա)ծ որ կերակրէ զիս՛ի մանկութ(են)է իմմէ մինչեւ ցայսօր։

Verse: 16  Link to sept   հրեշտակն որ փրկեաց զիս յա(մենայ)ն չարեաց. օրհնեսցէ́ զմանկունս զայսոսիկ, եւ կոչեսցի ՛ի սոսա անուն իմ եւ անուն հարց իմոց, աբրաամու եւ սահակայ. եւ օրհնեսցին ՛ի բազմութի(ւն) յո́յժ ՛ի վ(ե)ր(այ) երկրի։

Verse: 17  Link to sept   Եւ տեսեալ յովսեփայ եթէ ա́րկ հայրն զաջ իւր զգլխովն եփրեմի, ծա́նր թուեցաւ նմա. եւ օգնեաց յովսէփ ձեռին հօրն իւրոյ, հանել զնա ՛ի գլխոյն եփրեմի՝ ՛ի գլուխն մանասէի։

Verse: 18  Link to sept   Ասէ յովսէփ ցհայրն իւր. ո́չ այդպէս է հայր. քանզի սա́ է անդրանիկ. դի́ր զաջ ձեռն քո ՛ի վերայ գլխոյ սորա։

Verse: 19  Link to sept   Եւ ո́չ կամեցաւ հայրն ն(ո)ր(ա), այլ ասէ՝ գիտե́մ որդեալ գիտե́մ. եւ դա́ եղիցի ՛ի ժողովուրդ, եւ դա́ բարձրասցի. այլ եղբայրս դորա կրտսեր՝ եղիցի մե́ծ քան զդա. եւ զաւակ սորա եղիցի ՛ի բազմութի(ւն) ազգաց։

Verse: 20  Link to sept   Եւ օրհնեա́ց զնոսա յաւուր յայնմիկ՝ եւ ասէ. ՛ի ձե́զ օրհնեսցի ի(սրա)էլ։ ասասցեն, թէ արասցէ զքեզ ա(ստուա)ծ իբրեւ զեփրե́մ եւ զմանասէ։ եւ եդ զեփրեմ յառաջ քան զմանասէ։

Verse: 21  Link to sept   Եւ ասէ ի(սրա)էլ ցյովսէփ. եւ աւասիկ մեռանի́մ եւ ա(ստուա)ծ եղիցի ընդ ձեզ, եւ դարձուսցէ́ զձեզ յերկիր հարցն ձերոց։

Verse: 22  Link to sept   Եւ ես ետու քեզ զսիկիմ սեպհական. արտաքոյ եղբարց քոց, զոր առի ՛ի ձեռաց ամովրհացւոցն սրո́վ իմով եւ աղեղամբ։



Chapter: 49 
ԳԼ(ՈՒԽ) Խ՜Թ.


Verse: 1  Link to sept   Կողեա́ց յակոբ զորդիսն իւր եւ ասէ. ժողովեցարո́ւք, զի պատմեցից ձեզ ինչ որ պատահիցէ ձեզ ՛ի վախճանի աւուրց։

Verse: 2  Link to sept   ժողովեցարո́ւք եւ լուարո́ւք որդիք յակոբայ. լուարո́ւք ի(սրաէ)լի հօր ձերում։

Verse: 3  Link to sept   Ռոբէն անդրանիկ իմ. դո́ւ զօրութի(ւն) իմ եւ սկիզբն որդւոց իմոց։ խստու(թեամ)բ գնացեր. եւ խստութ(եամ)բ յանդիմանութ(եամ)բ թշնամանեցեր։

Verse: 4  Link to sept   իբրեւ զջուր մի́ եռասցիս. զի ելե́ր յանկողինս հօր քոյ, յայնժամ պղծեցեր զանկողինս յոր ելեր։

Verse: 5  Link to sept   Շմաւոն եւ Ղեւի եղբարք. կատարեցին զանիրաւութի(ւն) ՛ի կամաց իւրեանց։

Verse: 6  Link to sept   ՛ի խորհուրդս նոցա մի́ մտցէ անձն իմ, եւ ՛ի ժողովս ն(ո)ց(ա) ո́չ հաճեսցին միտք իմ. զի սրտմտութ(եամ)բ իւրեանց սպանին զարս, եւ ցանկութ(եամ)բ իւրեանց կարթակոտո́ր արարին զցուլս։

Verse: 7  Link to sept   Անիծեա́լ սրտմտութի(ւն) ն(ո)ց(ա)՝ զի յանդուգն էր, եւ ոխութի(ւն) նոցա՝ զի խի́ստ էր. բաժանեցից զնոսա ՛ի մէջ յակոբայ. եւ ցրուեցից զնոսա ՛ի մէջ ի(սրաէ)լի։

Verse: 8  Link to sept   Յո́ւդա՝ զքեզ օրհնեսցեն եղբարք քո։ ձեռն քո ՛ի վերայ թիկանց թշնամեաց քոց. երկի́ր պագցեն քեզ որդիք հօր քոյ։

Verse: 9  Link to sept   Կորի́ւն արիւծու յո́ւդա. ՛ի շառաւեղէ ելեր որդեակ իմ, ելե́ր բազմեցար, ննջեցեր իբրեւ զառեւծ, եւ իբրեւ զկորիւն առիւծու. ո́ յարուցանէ զնա։

Verse: 10  Link to sept   Մի́ պակասեսցէ իշխան յուդայ, եւ մի́ պետ յերանաց նորա. մինչեւ եկեսցէ նա որոյ իւրն է հանդերձեալքն. եւ նա́ է ակնկալու(թ)ի(ւն) հեթանոսաց։

Verse: 11  Link to sept   Կապեսցէ́ զորթոյ զյաւանակ իւր, եւ զգնդակէն զյաւանակ իշոյն. լուասցէ́ գինւով զպատմուճան իւր, եւ արեա́մբ խաղողոյ զհանդերձս իւր։

Verse: 12  Link to sept   զուարթագին են աչք ն(ո)ր(ա) ՛ի գինւոյ. եւ սպիտա́կ ատամունք իւր քան զկաթն։

Verse: 13  Link to sept   Զաբողոն՝ յեզերս ծովո́ւ բնակեսցէ, եւ ինքն նաւահանգիստ նաւաց. եւ ձգեսցի մինչեւ ՛ի սիդոն։

Verse: 14  Link to sept   Իսաքար՝ բարւո́յ ցանկացաւ, հանգուցեալ ՛ի մէջ վիճակաց.

Verse: 15  Link to sept   տեսեալ զհանգիստն զի գեղեցիկ էր, եւ զերկիրն՝ զի պարարտ էր, եդ զուս իւր յաշխատել. եւ եղեւ ա́յր արդիւնարար։

Verse: 16  Link to sept   Դան՝ դատեսցէ զժողովուրդ իւր իբրեւ զմի́ այր ՛ի մէջ ի(սրաէ)լի.

Verse: 17  Link to sept   եւ եղիցի դան՝ օձ դարանակալ ՛ի ճանապարհի, հարկանել զգարշապար երիվարի. եւ ընկենուլ զհեծեալն յետս,

Verse: 18  Link to sept   եւ մնալ փրկութե(ան) տ(եառ)ն։

Verse: 19  Link to sept   Գագ՝ հինի ելցէ. եւ ինքն ելցէ հինիւ զհետ ն(ո)ց(ա)։

Verse: 20  Link to sept   Ասերայ՝ պարա́րտ հաց իւր. եւ ինքն տացէ կերակուր իշխանաց։

Verse: 21  Link to sept   Նեփթաղիմ ծա́ռ բարձրացեալ, աճեցուցանե́լ արմտեօք, զգեցուցանել արմտեօք զգեղեցկու(թ)ի(ւն)։

Verse: 22  Link to sept   Որդեակ աճեցեալ յովսէփ. որդեակ՝ աճեցեա́լ նախանձելի. որդեակ իմ մատաղ առիս դարձի́ր. զոր բանտարկուքն բամբասէին,

Verse: 23  Link to sept   եւ դատափե́տ առնէին։ եւ ոխանային ընդ նմա ա́րք աղեղանց.

Verse: 24  Link to sept   եւ փշրեցան զօրութ(եամ)բ աղեղունք իւրեանց, եւ լուծան ջիլք բազկաց ն(ո)ց(ա) ձեռամբ հզօրին յակոբայ։ անտի́ որ զօրացոյց զի(սրա)էլ,

Verse: 25  Link to sept   յա(ստուծո)յ հօրն քոյ, եւ օգնեաց քեզ ա(ստուա)ծ իմ. եւ օրհնեաց զքեզ յօրհնութի(ւն) երկնից ՛ի վերուստ. եւ զօրհնու(թ)ի(ւն) երկրի՝ լի́ ա(մենայ)նիւ. վ(ա)ս(ն) օրհնու(թ)ե(ան)ց ստեանց եւ արգանդի

Verse: 26  Link to sept   օրհնութե(ան)ց հօր քոյ եւ մօր քոյ. որ զօրացան քան զօրհնու(թ)ի(ւն)ս լերանց մշտնջենաւորաց, եւ քան զօրհնու(թ)ի(ւն)ս բլրոց յաւիտենականաց. եղիցին ՛ի վ(ե)ր(այ) գլխոյ յովսեփու, եւ ՛ի վ(ե)ր(այ) գլխոց եղբարցն որոց առաջնորդեաց։

Verse: 27  Link to sept   Բենիամին՝ գա́յլ յափշտակօղ, զայգո́ւնն դեռեւս ուտիցէ. եւ առ երեկս բաշխեսցէ կերակուրս։

Verse: 28  Link to sept   Ամենեքեան սոքա որդիք յակոբայ՝ ազգք երկոտասան. եւ ա́յս է զոր խօսեցաւ ընդ նոսա հայրն իւրեանց, եւ օրհնեաց զնոսա։ իւրաքանչիւր ըստ օրհնու(թ)ե(ան) իւրում

Verse: 29  Link to sept   օրհնեաց զնոսա։ Եւ պատուիրեաց ն(ո)ց(ա), եւ ասէ ցնոսա. եւ յաւելո́ւմ առ ժողովուրդ իմ։ թաղեցէ́ք զիս ընդ հարս իմ յայրի անդ՝ որ է յագարակին եփրոնի քետացւոյ. յայրին * որ յանդի անդ է ՛ի կրկնում,

Verse: 30  Link to sept   յանդիման մամբրէի յերկրին քանանացւոց՝ զոր ստացաւ աբրաամ յեփրոնէ քետացւոյ ՛ի ստացուածս շիրմի։

Verse: 31  Link to sept   Անդ թաղեցին զաբրաամ եւ զսառա կին նորա։ ա́նդ թաղեցին զիսահակ եւ զռեբեկա կին ն(ո)ր(ա)։ ա́նդ թաղեցին զլիա ՛ի ստացուածի ագարա կին եւ այրին որ է ՛ի նմա առ ՛ի յորդւոցն քետայ։

Verse: 32  Link to sept   Եւ դադարեա́ց յակոբ ՛ի պատուիրելոյ որդւոցն իւրոց։ եւ առեալ զոտսն իւր անդէն ՛ի մահիճսն՝ պակասեաց. եւ յաւելաւ առ ժողովուրդ իւր։



Chapter: 50 
ԳԼ(ՈՒԽ) Ծ՜.


Verse: 1  Link to sept   Եւ անկեալ յովսեփայ ՛ի վերայ երեսաց հօր իւրոյ ելա́ց զնա, եւ համբուրեաց զնա։

Verse: 2  Link to sept   Եւ հրաման ետ յովսէփ ծառայից իւրոց դիազարդաց, պատել զհայրն իւր։

Verse: 3  Link to sept   եւ պատեցին դիապատիկքն զիսրայէլ։ եւ լացին զնա աւուրք քառասուն, զի ա́յնպէս թուէին աւուրք թաղելոց։ եւ սո́ւգ առ վ(ա)ս(ն) ն(ո)ր(ա) եգիպտոս աւուրս եւթանասուն։

Verse: 4  Link to sept   Եւ իբրեւ անցին աւուրք սգոյն. խօսեցա́ւ յովսէփ ընդ իշխանսն փարաւոնի, եւ ասէ. եթէ գտի́ շնորհս առաջի ձեր, խօսեցարո́ւք ընդ փարաւոնի եւ ասացէք։

Verse: 5  Link to sept   Հայր իմ երդմնեցո́յց զիս եւ ասէ, ահաւասիկ ես մեռանիմ. ՛ի շիրմի անդ զոր փորեցի ես ինձ յերկրին քանանացւոց, ա́նդ թաղեսցես զիս. արդ՝ ելեա՞լ թաղեցից զհայր իմ, եւ եկի́ց։

Verse: 6  Link to sept   Եւ ասէ փարաւոն. ե́լ թաղեա զհայր քո, որպէս եւ երդմնեցոյց զքեզ։

Verse: 7  Link to sept   Եւ ե́լ յովսէփ թաղել զհայր իւր. ելին ընդ նմա եւ ա(մենայ)ն ծառայք փարաւոնի, եւ ծերք տան նորա, եւ ա(մենայ)ն ծերք երկրին եգիպտացւոց։

Verse: 8  Link to sept   եւ ա(մենայ)ն համօրէն տուն յովսեփայ, եւ եղբարք ն(ո)ր(ա). եւ ա(մենայ)ն հայրենի բնակու(թ)ի(ւն) ն(ո)ր(ա)։ եւ զազգատոհմ եւ զոչխար եւ զարջառ թողին յերկրին ՛ի գեսեմ։

Verse: 9  Link to sept   Ելին ընդ նմա եւ կառք եւ հեծեալք, եւ եղեն բանակ մե́ծ յոյժ։

Verse: 10  Link to sept   եւ հասին ՛ի կալն ատադայ, որ է յայնկոյս յորդանանու. եւ կոծեցան զնա անդ կոծ մեծ՝ եւ սաստիկ յոյժ։ եւ արար հօր իւրում սուգ զեւթն օր։

Verse: 11  Link to sept   Տեսին բնակիչք երկրին քանանացւոց զսուգն ՛ի կալն ատադայ, եւ ասեն. սուգ մե́ծ է եգիպտացւոց. վ(ա)ս(ն) այնորիկ կոչեաց զանուն ն(ո)ր(ա) սո́ւգ եգիպտոսի. որ է յայնկոյս յորդանանու։

Verse: 12  Link to sept   Եւ արարին նմա այնպէս որդիքն ի(սրաէ)լի, որպէս պատուիրեաց ն(ո)ց(ա)։

Verse: 13  Link to sept   բարձին զնա, եւ թաղեցին զնա անդ. եւ տարան զնա որդիքն իւր յերկրին քանանացւոց. եւ թաղեցին յայրին կրկնում, զոր ստացաւ աբրաամ ՛ի ստացուածս շիրմի յեփրոնէ քետացւոյ՝ յանդիման մամբրէի։

Verse: 14  Link to sept   Եւ դարձաւ յովսէփ յեգիպտոս, ինքն եւ եղբարք իւր, եւ ամենեքին որ ելեալ էին ընդ նմա թաղել զհայրն ն(ո)ր(ա)։

Verse: 15  Link to sept   Իբրեւ տեսին եղբարքն յովսեփայ թէ մեռաւ հայրն նոցա. ասեն, գուցէ ո́խս ունիցի ընդ մեզ յովսէփ, եւ հատուցանիցէ մեզ հատուցումն զամենայն չարեացն զոր անցուցաք ընդ նմա։

Verse: 16  Link to sept   Եկին առ յովսէփ եւ ասեն ցնա. հայր քո երդմնեցոյց զմեզ մինչ չե́ւ վախճանեալ էր նորա։

Verse: 17  Link to sept   ասէ՝ ա́յսպէս ասասջիք ցյովսէփ. թողցե́ս դոցա զյանցանս եւ զմեղս իւրեանց. զի չարի́ս անցուցին ընդ քեզ։ եւ արդ՝ ներեա́ յանցանաց ծառայից ա(ստուծո)յ հօր քոյ։ Եւ ելաց յովսէփ վ(ա)ս(ն) բանիցն՝ զոր խօսեցան ընդ նմա։

Verse: 18  Link to sept   Եւ եկեալ առ նա եղբարցն իւրոց՝ անկա́ն առաջի ն(ո)ր(ա) եւ ասեն. ահաւասիկ մեք ծառա́յք քո եմք։

Verse: 19  Link to sept   Եւ ասէ ցնոսա յովսէփ. մի́ երկնչիք. քանզի եւ ես ա(ստուծո)յ եմ։

Verse: 20  Link to sept   դուք՝ խորհեարուք զինէն ՛ի չարութի(ւն). եւ ա(ստուա)ծ խորհեցաւ վ(ա)ս(ն) իմ ՛ի բարութի(ւն). որպէս եղե́ւ իսկ յաւուրս յայսմիկ, զի կերակրեցի ժողովուրդ բազում։ Եւ ասէ ցն(ո)ս(ա).

Verse: 21  Link to sept   մի́ երկնչիք՝ ե́ս կերակրեցից զձեզ՝ եւ զտունս ձեր։ եւ մխիթարեաց զնոսա, եւ սփոփեա́ց զսիրտս ն(ո)ց(ա)։

Verse: 22  Link to sept   Եւ բնակեաց յովսէփ յեգիպտոս, ինքն եւ եղբարք իւր, եւ ա(մենայ)ն համօրէն տուն հօր իւրոյ։ եւ եկեաց յովսէփ ամս հարիւր տասն. եւ ետես յովսէփ զորդիս եփրմի մինչեւ յերրորդ ազգ։ եւ որդիք մաքիրայ որդւոյ մանասէի ծնան յերանս յովսեփու։

Verse: 23  Link to sept   Եւ խօսեցա́ւ յովսէփ ընդ եղբարս իւր՝ եւ ասէ։ ես՝ աւասիկ մեռանիմ։ այցելութ(եամ)բ ա́յց արասցէ ձեզ ա(ստուա)ծ, եւ հանցէ զձեզ յերկրէս յայսմանէ յերկիրն զոր երդուաւ ա(ստուա)ծ տալ հարցն մերոց աբրաամու սահակայ եւ յակոբայ։

Verse: 24  Link to sept   Եւ երդմնեցոյց յովսէփ զորդիսն ի(սրաէ)լի՝ եւ ասէ։ յայցելութե(ա)ն յորում այց արասցէ ձեզ ա(ստուա)ծ՝ հանջիք եւ զի́մ ոսկերս աստի ընդ ձեզ։

Verse: 25  Link to sept   Եւ վախճանեցա́ւ յովսէփ ամաց հարիւր եւ տասանց. եւ թաղեցին զնա, եւ եդին զնա ՛ի տապանի յեգիպտոս։





Book: Ex. 
Exodus

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ԵԼՔ

Chapter: 1 
ԳԼ(ՈՒԽ) Ա՜.


Verse: 1  Link to sept   Ա́ՅՍ ԵՆ ԱՆՈՒԱՆՔ ՈՐԴՒՈՑՆ իսրայէլի մտելոցն յեգիպտոս հանդերձ յակոբաւ հարբն իւրեանց իւրաքանչիւր ըստ համօրէն տանց իւրեանց մտանէին։

Verse: 2  Link to sept   ռոբէն. շմաւոն. ղեւի. յուդա.

Verse: 3  Link to sept   իսաքար. զաբուղոն. եւ բենիամին։

Verse: 4  Link to sept   դան. եւ նեփթաղիմ. գագ. եւ ասեր։

Verse: 5  Link to sept   Եւ էին ա(մենայ)ն ոգիք ելեալք ՛ի յակոբայ, եւթանասուն եւ հինգ ոգի։ եւ յովսէփ էր յեգիպտոս։

Verse: 6  Link to sept   Վախճանեցաւ յովսէփ՝ եւ ա(մենայ)ն եղբարք նորա, եւ ա(մենայ)ն ազգն այն։

Verse: 7  Link to sept   եւ որդիքն իսրայէլի աճեցին եւ յոռացան. բազմանային եւ զօրանային յոյժ. զի բազմացուցանէր զն(ո)ս(ա) երկիրն։

Verse: 8  Link to sept   Եկաց ա́յլ թագաւոր՝ որ ո́չ գիտէր զյովսէփ։

Verse: 9  Link to sept   եւ ասէ ցազգն իւր. ահա ազգ որդւոցն ի(սրաէ)լի մե́ծ է զօրութ(եամ)բ, եւ զօրանա́յ քան զմեզ։

Verse: 10  Link to sept   Արդ՝ եկայք հնարեսցուք ինչ նոցա. գուցէ՝ բազմանայցեն. եւ յորժամ դիպեսցի մեզ պատերազմ, յաւելուցուն եւ ն(ո)ք(ա) ՛ի թշնամիսն. եւ մարտուցեալ ընդ մեզ, ելանիցեն յերկրէ աստի։

Verse: 11  Link to sept   Եւ կացո́յց ՛ի վերայ ն(ո)ց(ա) գործավարս, զի չարչարեսցեն զնոսա ՛ի գործ։ եւ շինեցին քաղաքս ամուրս փարաւոնի, զփիդոն, եւ զռամեսէ, եւ զովն՝ որ է արեգ քաղաք։

Verse: 12  Link to sept   Եւ որչափ ճնշէին զնոսա, այնչափ առաւե́լ բազմանային եւ զօրանային յոյժ։

Verse: 13  Link to sept   Եւ գարշեցուցանէին եգիպտացիքն զորդիսն ի(սրաէ)լի։ եւ յաղթահարէին եգիպտացիքն զորդիսն ի(սրաէ)լի բռնութ(եամ)բ։

Verse: 14  Link to sept   եւ կեղէին զկեանս նոցա ՛ի գործ խիստ կաւոյ եւ աղիւսարկի, եւ յա(մենայ)ն գործ դաշտաց. ըատ ա(մենայ)ն գործոյ իւրեանց՝ որով ծառայեցուցանէին զնոսա բռնութ(եամ)բ։

Verse: 15  Link to sept   Եւ խօսեցա́ւ արքայն եգիպտացւոց ընդ ծնուցիչսն եբրայեցւոց. ընդ միում որում անուն էր սեփովրա, եւ անուն երկրորդին փուա.

Verse: 16  Link to sept   եւ ասէ. յորժամ ծնուցանիցէք զկանայս եբրայեցիս, եւ իցեն մե́րձ ՛ի ծնունդս. թէ արո́ւ իցէ՝ սպանջի́ք զնա, եւ թէ էգ՝ ապրեցուցանիջիք։

Verse: 17  Link to sept   Եւ երկեա́ն ծնուցիչքն յա(ստուծո)յ. եւ ո́չ արարին՝ որպէս եւ հրաման ետ ն(ո)ց(ա) արքային եգիպտացւոց. եւ ապրեցուցանէին զարուսն։

Verse: 18  Link to sept   Կոչեա́ց արքայն եգիպտացւոց զծնուցիչսն՝ եւ ասէ ցնոսա. զի՞ է զի արարէք զիրս զայնոսիկ եւ ապրեցուցէք զարուս։

Verse: 19  Link to sept   Եւ ասեն ծնուցիչքն ցփարաւոն. ո́չ իբրեւ զկանայս եգիպտացիսն եբրայեցիքն։ քանզի նա́խ ծնանին մինչ չե́ւ մտեալ առ նոսա մանկաբարձաց։ եւ ծնանէին։

Verse: 20  Link to sept   Եւ բարի առնէր ա(ստուա)ծ մանկաբարձացն։ եւ բազմանայր յոյժ ժողովուրդն, եւ զօրանայր յոյժ։

Verse: 21  Link to sept   Յորմէհետէ երկեան մանկաբարձքն յա(ստուծո)յ, արարին իւրեանց տունս։

Verse: 22  Link to sept   Հրամա́ն ետ փարաւոն ա(մենայ)ն ժողովրդեան իւրում, եւ ասէ. զա(մենայ)ն արու որ ծնանիցի եբրայեցւոց, ՛ի գե́տ ընկեսջիք, եւ զա(մենայ)ն էգ՝ ապրեցուցանիջիք։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ է́ր անդ ոմն յազգէ ղեւեայ. որ ա́ռ իւր կին ՛ի դստերաց անտի ղեւեայ։

Verse: 2  Link to sept   եւ յղացաւ՝ ծնաւ արու։ եւ տեսանէին զնա կայտա́ռ. եւ թաքուցին զնա ամիսս երիս։

Verse: 3  Link to sept   Եւ իբրեւ ո́չ եւս կարէին թաքուցանել, ա́ռ մայրն նորա տապանակ պրտուեայ, եւ ծեփեաց զնա կպրաձիւթով. եւ ե́դ ՛ի նմա զմանուկն, եւ ընկէ́ց զայն ՛ի խաղ մի առ ափն գետոյն։

Verse: 4  Link to sept   եւ գիտէր քոյրն նորա ՛ի հեռաստանէ, տեսանել թէ զի՞նչ անցք անցանիցեն ընդ նա։

Verse: 5  Link to sept   Եւ իջեալ դուստրն փարաւոնի լուանա́լ ՛ի գետն. եւ նաժիշտք նորա շրջէին առ գետովն։ Եւ տեսեալ զտապանակն ՛ի խաղի անդ, առաքեաց զնաժիշտ մի առնուլ զնա։

Verse: 6  Link to sept   եբաց՝ եւ ետես զմանուկն. եւ լայր մանուկն ՛ի տապանակի անդ։ Խանդաղատեցաւ զնովաւ դուստրն փարաւոնի, եւ ասէ. ՛ի մանկա՞նց եբրայեցւոց է դա։

Verse: 7  Link to sept   Եւ ասէ քոյրն նորա ցդուստրն փարաւոնի. կամի՞ս զի կոչեցից քեզ կին մի դայեակ ՛ի հեբրայեցւոց անտի. եւ սնուցանիցէ́ քեզ զմանուկդ։

Verse: 8  Link to sept   Ասէ դուստրն փարաւոնի՝ ե́րթ։ գնաց աղջիկն եւ կոչեաց զմայր մանկանն։

Verse: 9  Link to sept   եւ ասէ ցնա դուստրն փարաւոնի. ա́ռ զմանուկդ, եւ սնո́ ինձ զդա. եւ ես տաց քեզ զվարձս քո։ Եւ ա́ռ կինն զմանուկն՝ եւ սնոյց զնա։ եւ իբրեւ հաստատեցաւ մանուկն, ած զնա առ դուստրն փարաւոնի,

Verse: 10  Link to sept   եւ եղեւ նմա յորգեգիրս։ եւ անուանեաց զանուն ն(ո)ր(ա) մովսէ́ս. ասէ, ՛ի ջրո́յ անտի հանի զդա։

Verse: 11  Link to sept   Եւ եղեւ յետ աւուրց բազմաց, իբրեւ եղեւ մե́ծ մովսէս, ե́լ առ եղբարս իւր որդիսն ի(սրաէ)լի, հայեցեալ ՛ի չարչարանս ն(ո)ց(ա). ետես այր մի եգիպտացի, զի հարկանէր զոմն եբրայեցի յեղբարց իւրոց՝ յորդւոցն իսրայէլի։

Verse: 12  Link to sept   Հայեցեալ յա́յս կոյս յայն կոյս՝ ո́չ զոք տեսանէր. եհա́ր զեգիպտացին, եւ ծածկեաց զնա ընդ աւազով։

Verse: 13  Link to sept   Եւ ելեալ յերկրորդում աւուր, տեսանէր երկուս արս եբրայեցիս ընդ միմեանս մարտուցեալս. եւ ասէ ցայրն որ զրկէրն. ը(նդ)է՞ր հարկանես զընկերդ։

Verse: 14  Link to sept   եւ նա ասէ, ո՞ կացոյց զքեզ * այր իշխան եւ դատաւոր ՛ի վ(ե)ր(այ) մեր։ եթէ սպանանե՞լ զիս կամիցիս ո(ր)պ(էս) երէկ սպաներ զեգիպտացին։ Զահի́ հարաւ մովսէս՝ եւ ասէ. թէ այնպէս յայտնի́ եղեւ բանն։

Verse: 15  Link to sept   Եւ լուաւ փարաւոն զբանն, եւ խնդրէր սպանանելզմովսէս։ եւ փախեաւ մովսէս յերեսաց փարաւոնի, եւ բնակեաց յերկրին մադիամու։ Եւ եկեալ յերկրին մադիամու՝ նստաւ առ ջրհորի միում։

Verse: 16  Link to sept   Եւ քրմին մադիանացւոց էին դստերք եւթն, որ արածէին զխաշինս հօրն իւրեանց, եւ եկեալէին հանել ջուր, մինչեւ լցին զաւազանսն, արբուցանել խաշանց հօրն իւրեանց։

Verse: 17  Link to sept   եւ եկեալ ա́յլ հովիւք՝ մերժեցին զնոսա ՛ի բաց։ Յարուցեալ մովսէս թափեաց զն(ո)ս(ա). եւ եհան ն(ո)ց(ա) ջուր, եւ արբոյց զխաշինս նոցա։

Verse: 18  Link to sept   Եւ եկին առ հռագուէլ հայրն իւրեանց։ եւ նա ասէ ցնոսա. զի՞ է զի յարեւու եկիք այսօր։

Verse: 19  Link to sept   եւ նոքա ասեն. այր մի եգիպտացի փրկեաց զմեզ ՛ի հովուաց անտի. եւ եհան ջուր եւ արբոյց խաշանց մերոց։

Verse: 20  Link to sept   Եւ նա ասէ ցդստերսն իւր. եւ ո́ւր է, ընդէ՞ր թողէք զայրն. արդ՝ կոչիցէ́ք զնա՝ զի կերիցէ հաց։

Verse: 21  Link to sept   Եւ բնակեցաւ մովսէս առ առնն, եւ ետ զսեպփովրա դուստր իւր մովսիսի կնութե(ան)։

Verse: 22  Link to sept   Յղացաւ կինն՝ եւ ծնաւ որդի. եւ անուանեաց զանուն ն(ո)ր(ա) մովսէս՝ գերսամ. ասէ՝ զի պանդո́ւխտ իմ ես յօտար երկրի։

Verse: 23  Link to sept   Եւ յետ աւուրց բազմաց մեռաւ թագաւորն եգիպտացւոց. եւ տառապէին որդիքն ի(սրաէ)լի ՛ի գործոյ անտի, եւ աղաղակէին ՛ի վեր։ եւ ել աղաղակ նոցա առաջի ա(ստուծո)յ ՛ի գործոյ անտի։

Verse: 24  Link to sept   եւ լուաւ ա(ստուա)ծ հեծութե(ան) ն(ո)ց(ա)։ Եւ յիշեաց ա(ստուա)ծ զուխտ իւր որ ընդ աբրաամու եւ սահակայ եւ յակոբայ.

Verse: 25  Link to sept   եւ հայեցաւ ա(ստուա)ծ յորդիսն իսրայէլի. եւ ծանուցա́ւ նոցա։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ մովսէս արածէր զխաշինս յոթորայ տներոյ իւրոյ՝ քրմի մադիանացւոց. եւ ած զխաշինսն յանապատ. եւ եկն ՛ի լեառնն ա(ստուծո)յ ՛ի քորէբ։

Verse: 2  Link to sept   Եւ երեւեցաւ նմա հրեշտակ տ(եառ)ն բոցով հրոյ ՛ի միջոյ մորենւոյ։ եւ տեսանէր զի մորենին վառեալէր հրով, եւ ո́չ այրէր մորենին։

Verse: 3  Link to sept   Եւ ասէ մովսէս, անցեալ տեսի́ց զտեսիլն զայն մեծ, զի՞է՝ զի ոչ այրի մորենին։

Verse: 4  Link to sept   Իբրեւ ետես տ(է)ր եթէ մերձենա́յ տեսանել, կոչեաց զնա տ(է)ր ՛ի միջոյ մորենւոյն, ասէ. մովսէ́ս մովսէս։ եւ նա ասէ, զի՞է։

Verse: 5  Link to sept   եւ ասէ՝ մի́ մերձենար այսր. լո́յծ զկօշիկս քո՝ յոտից քոց. զի տեղիդ յորում կա́ս դու ՛ի դմա՝ երկիր սո́ւրբ է։

Verse: 6  Link to sept   Եւ ասէ ցնա, ես եմ ա(ստուա)ծ հօր քոյ, ա(ստուա)ծ աբրաամու. եւ ա(ստուա)ծ սահակայ. եւ ա(ստուա)ծ յակոբայ։ եւ դարձոյց մովսէս զերեսս իւր, քանզի երկնչէր հայել առաջի ա(ստուծո)յ։

Verse: 7  Link to sept   Եւ ասէ տ(է)ր ցմովսէս. տեսանելո́վ տեսի զչարչարանս ժողովրդեան իմոյ՝ որ յեգիպտոս։

Verse: 8  Link to sept   եւ լուայ աղաղակի ն(ո)ց(ա) ՛ի գործավարացն իւրեանց, զի գիտե́մ զվիշտս ն(ո)ց(ա). եւ իջի փրկել զն(ո)ս(ա) ՛ի ձեռաց եգիպտացւոցն. եւ հանել զն(ո)ս(ա) յերկրէն յայնմանէ, եւ տանել զն(ո)ս(ա) յերկիրն բարի՝ եւ յընդարձակ. յերկիր՝ որ բղխէ զկաթն եւ զմեղր։ յերկիրն քանանացւոց, եւ քետացւոց, եւ ամովրհացւոց, եւ փերեզացւոց, եւ խեւացւոց, եւ գերգեսացւոց, եւ յեբուսացւոց։

Verse: 9  Link to sept   Եւ արդ՝ աւասիկ աղաղակ որդւոցն ի(սրաէ)լի հասեալ է առիս, եւ տեսի ես զնեղութի(ւն)ն՝ զոր նեղեն զնոսա եգիպտացիքն։

Verse: 10  Link to sept   Եւ արդ՝ ե́կ առաքեցից զքեզ առ փարաւոն արքայ եգիպտացւոց, եւ հանցե́ս զժողովուրդ իմ զորդիսն ի(սրաէ)լի յերկրէն եգիպտացւոց։

Verse: 11  Link to sept   Եւ ասէ մովսէս ցա(ստուա)ծ. ո՞վ եմ ես՝ զի երթայցեմ առ փարաւոն արքայ եգիպտացւոց, եւ հանիցեմ զորդիսն ի(սրաէ)լի յերկրէն եգիպտացւոց։

Verse: 12  Link to sept   Եւ ասէ՝ ե́ս եղէց ընդ քեզ. եւ ա́յս եղիցի քեզ նշան թէ ե́ս առաքեցի զքեզ հանել զժողովուրդ իմ յեգիպտոսէ, եւ պաշտեսջիք զա(ստուա)ծ ՛ի լերինս յայսմիկ։

Verse: 13  Link to sept   Եւ ասէ մովսէս ցա(ստուա)ծ. ահա ես երթեալ առ որդիսն ի(սրաէ)լի, ասիցեմ ցնոսա, ա(ստուա)ծ հարցն ձերոց առաքեաց զիս առ ձեզ. եւ հարցանիցեն զիս՝ թէ զի՞նչ անուն է նորա. զի՞նչ ասացից ցնոսա։

Verse: 14  Link to sept   Եւ ասէ ա(ստուա)ծ ցմովսէս։ ե́ս եմ Ա(ստուա)ծ որ է́ն։ եւ ասէ՝ ա́յսպէս ասասցես ցորդիսն ի(սրաէ)լի. որէ́ն առաքեաց զիս առ ձեզ։

Verse: 15  Link to sept   Եւ ասէ դարձեալ ա(ստուա)ծ ցմովսէս։ ա́յսպէս ասասցես ցորդիսն ի(սրաէ)լի։ Տ(է)ր ա(ստուա)ծ հարցն ձերոց, ա(ստուա)ծ աբրաամու, եւ ա(ստուա)ծ սահակայ, եւ ա(ստուա)ծ յակոբայ, առաքեաց զիս առ ձեզ։ ա́յս է անուն իմ յաւիտենական, եւ յիշատակ ազգաց յազգս։

Verse: 16  Link to sept   Արդ՝ երթեալ ժողովեսցես ցծերակոյտ որդւոցն ի(սրաէ)լի, եւ ասասցես ցնոսա։ տ(է)ր ա(ստուա)ծ հարցն ձերոց երեւեցաւ ինձ. ա(ստուա)ծ աբրաամու, եւ ա(ստուա)ծ սահակայ, եւ ա(ստուա)ծ յակոբայ՝ եւ ասէ. այցելութ(եամ)բ ա́յց արարից ձեզ. եւ որինչ անցք անցին ընդ ձեզ յեգիպտոս,

Verse: 17  Link to sept   եւ ասեմ, հանի́ց զձեզ յերկրէ չարչարանաց եգիպտացւոցն, յերկիրն քանանացւոց, եւ քետացւոց, եւ ամովրհացւոց, եւ փերեզացւոց, եւ գերգեսացւոց, եւ խեւացւոց, եւ յեբուսացւոց. յերկիր՝ որ բղխէ զկա́թն եւ զմեղր.

Verse: 18  Link to sept   եւ լուիցեն ձայնի քում։
   Եւ մտցես դու, եւ ծերակոյտ որդւոցն ի(սրաէ)լի առ փարաւոն արքայ եգիպտացւոց, եւ ասասցես ցնա։ Տ(է)ր ա(ստուա)ծ եբրայեցւոց կոչէ́ զմեզ առ ինքն. արդ՝ երթիցուք մեք երից աւուրց ճանապարհ յանապատ. զի զոհեսցուք տ(եառ)ն ա(ստուծո)յ մերում։

Verse: 19  Link to sept   Եւ ես գիտեմ, եթէ ո́չ թողուցու զձեզ արքայն եգիպտացւոց գնալ, եթէ ոչ հզօ́ր ձեռամբ։

Verse: 20  Link to sept   եւ ձգեալ զձեռն իմ հարի́ց զեգիպտոս ա(մենայ)ն սքանչելեօք իմովք՝ զոր արարից ՛ի նոսա. եւ ապա արձակեսցէ զձեզ։

Verse: 21  Link to sept   Եւ տաց շնորհս ժողովրդեան իմոյ առաջի եգիպտացւոցն. եւ յորժամ ելանիցէք, մի́ ելանիցէք դատարկք։

Verse: 22  Link to sept   այլ խնդրեսցէ կին ՛ի գրացւոյ եւ յերդակցէ իւրմէ անօթս ոսկւոյ եւ անօթս արծաթոյ, եւ հանդերձս. եւ զարդարեսջի́ք զուստերս եւ զդստերս ձեր. եւ դաւաճանեսջի́ք զեգիպտացիսն։



Chapter: 4 
ԳԼ(ՈՒԽ) Դ՜.


Verse: 1  Link to sept   Պատասխանի ետ մովսէս՝ եւ ասէ։ եթէ չհաւատայցեն ինձ, եւ ոչ լուիցեն ձայնի իմում, քանզի ասիցեն, թէ չի́ք երեւեալ քեզ ա(ստուծո)յ. զի՞նչ ասացից ցնոսա։

Verse: 2  Link to sept   Ասէ ցնա տ(է)ր, զի՞նչ է այդ որ ՛ի ձեռին քում է։ եւ նա́ ասէ՝ գաւազան։

Verse: 3  Link to sept   Եւ ասէ, ընկեա́ զդա ՛ի գետին։ եւ ընկէց զնա ՛ի գետին։ եւ եղեւ օձ, եւ փախեաւ մովսէս ՛ի նմանէն։

Verse: 4  Link to sept   Եւ ասէ տ(է)ր ցմովսէս. ձգեա́ զձեռն քո՝ եւ բո́ւռն հար զտտանէն։ եւ ձգեաց մովսէս զձեռն իւր, եւ բուռն եհար զտտանէն. եւ եղեւ գաւազան ՛ի ձեռին ն(ո)ր(ա)։

Verse: 5  Link to sept   զի հաւատասցեն քեզ՝ թէ երեւեալ է քեզ տ(է)ր ա(ստուա)ծ հարցն նոցա. ա(ստուա)ծ աբրաամու, եւ ա(ստուա)ծ սահակայ, եւ ա(ստուա)ծ յակոբայ։

Verse: 6  Link to sept   Ասէ ցնա դարձեալ տ(է)ր։ ա́րկ զձեռն քո ՛ի ծոց քո։ եւ արկ զձեռն իւր ՛ի ծոց իւր, եւ եհան զնա ՛ի ծոցոյ իւրմէ, եւ եղեւ ձեռն ն(ո)ր(ա) բորոտ իբրեւ զձիւն։

Verse: 7  Link to sept   Եւ ասէ ցնա՝ ա́րկ զձեռն քո ՛ի ծոց քո։ եւ արկ զձեռն իւր ՛ի ծոց իւր։ եւ եհան զնա ՛ի ծոցոյ իւրմէ, եւ դարձեալ անդրէն ՛ի նոյն հաստատեցաւ ՛ի գո́յն մարմնոյ իւրոյ։

Verse: 8  Link to sept   Եթէ ոչ հաւատայցեն քեզ՝ եւ ո́չ լուիցեն ձայնի առաջնոյ նշանին, հաւատասցեն քեզ ձայնի երկրորդի́ նշանիդ։

Verse: 9  Link to sept   Եւ եղիցի եթէ ո́չ հաւատասցեն երկոցունց նշանացդ այդոցիկ, եւ ո́չ լուիցեն ձայնի քում, առցես դու ՛ի ջրոյ գետոյն՝ եւ հեղցես ՛ի ցամաքի. եւ եղիցի ջուրն՝ զոր առնուցուս ՛ի գետոյն, արիւն ՛ի ցամաքին։

Verse: 10  Link to sept   Եւ ասէ մովսէս ցտ(է)ր. աղաչեմ զքեզ տ(է)ր, չե́մ բաւական, որպէս թէ յերիկէ եւ յեռանտէ, եւ ո́չ յորմէհետէ սկսար խօսել ընդ խառայի քում. զի նրբաձա́յն եւ ծանրալեզո́ւ եմ ես։

Verse: 11  Link to sept   Եւ ասէ տ(է)ր ցմովսէս. ո́վ ետ բերան մարդոյ, կամ ո́վ արար զխուլն եւ զհամր, զականին եւ զկոյր, ո́չ ապաքէն ե՞ս ա(ստուա)ծ։

Verse: 12  Link to sept   եւ արդ՝ ե́րթ, եւ ե́ս բացից զբերան քո. եւ խելամո́ւտ արարից զքեզ՝ զոր պա́րտ իցէ խօսել։

Verse: 13  Link to sept   Եւ ասէ, աղաչե́մ զքեզ տ(է)ր. ա́ռ քեզ ՛ի ձեռն զա́յլ ոք զօրաւոր՝ զոր առաքիցես։

Verse: 14  Link to sept   Եւ բարկացաւ տ(է)ր սրտմտութ(եամ)բ ՛ի վերայ մովսիսի՝ եւ ասէ։ ո՞չ աւանիկ կայ ահարոն եղբայր քո ղեւտացի. գիտեմ զի խօսելո́վ խօսեսցի նա ընդ քեզ։ եւ ահա նա ելցէ ընդ առաջ քո, եւ՛ի տեսանելն զքեզ բերկրեսցի́ ՛ի միտս իւր։

Verse: 15  Link to sept   եւ խօսեսցի́ս ընդ նմա, եւ տացե́ս զպատգամս իմ ՛ի բերան ն(ո)ր(ա). եւ ես բացից զբերան քո եւ զբերան նորա, եւ խելամո́ւտ արարից զձեզ՝ զի՞նչ առնիցէք։

Verse: 16  Link to sept   Եւ նա́ խօսեսցի առ ՛ի քէն ընդ ժողովրդեանն։ եւ նա եղիցի քեզ բերան. եւ դու եղիցես նմա յա(ստուա)ծակոյս կողմանէ։

Verse: 17  Link to sept   եւ զգաւազանդ որ դարձաւ յօձ՝ առցե́ս ՛ի ձեռին քում, որով արասցես նշանս։

Verse: 18  Link to sept   Գնա́ց մովսէս՝ եւ դարձաւ առ յոթոռ աներ իւր՝ եւ ասէ ցնա, դարձայց եւ երթայց առ եղբարս իմ որ յեգիպտոս, եւ տեսից, թէ տակաւին կենդանի՞ իցեն։ եւ ասէ յոթոր ցմովսէս, ո́ղջ երթ։

Verse: 19  Link to sept   Եւ յետ աւուրցն բազմաց այնոցիկ վախճանեցա́ւ արքայն եգիպտացւոց։ եւ ասէ տ(է)ր ցմովսէս ՛ի մադիամ. գնա́ եւ երթ յեգիպտոս, զի մեռան ա(մենայ)ն արք որ խնդրէին զանձն քո։

Verse: 20  Link to sept   Եւ առեալ մովսիսի զկին իւր եւ զմանկունս * իւր, եւ եհան զնոսա ՛ի գրաստս, եւ դարձաւ յեգիպտոս։ ա́ռ մովսէս զգաւազանն որ յա(ստուծո)յ՝ ՛ի ձեռին իւրում։

Verse: 21  Link to sept   Եւ ասէ տ(է)ր ցմովսէս. յերթալդ քո եւ ՛ի դառնալդ յեգիպտոս. տեսջի́ր զա(մենայ)ն նշանս զոր ետու ՛ի ձեռս քո՝ արասցե́ս առաջի փարաւոնի. եւ ես խստացուցից զսիրտ ն(ո)ր(ա), եւ ո́չ արձակեսցէ զժողովուրդ իմ։

Verse: 22  Link to sept   եւ դու ասասցեն ցփարաւոն. ա́յսպէս ասէ տ(է)ր, որդի անդրանիկ իմ ի(սրա)էլ։

Verse: 23  Link to sept   ասացի́ ցքեզ՝ արձակեա́ զժողովուրդ իմ, զի պաշտեսցեն զիս. ապաթէ ո́չ կամիցիս արձակել զդա, ե́ս եմ ապաքէն որսպանանիցեմ զորդի քո զանդրանիկ։

Verse: 24  Link to sept   Եւ եղեւ ՛ի ճանապարհի յիջավանս, պատահեաց նմա հրեշտակ տ(եառ)ն, եւ խնդրէր սպանանե́լ զնա։

Verse: 25  Link to sept   Եւ առեալ սեպփովրայի գայլախազ, թլփատեա́ց զանթլփատու(թ)ի(ւն) որդւոյն իւրոյ. եւ անկեալ առ ոտս ն(ո)ր(ա)՝ ասէ. ահա եկա́ց արիւն թլփատութե(ան) մանկան իմոյ։

Verse: 26  Link to sept   Եւ գնաց հրեշտակն ՛ի նմանէ. քանզի ասաց՝ եթէ եկաց արիւն թլփատութեան մանկան իմոյ։

Verse: 27  Link to sept   Եւ ասէ տ(է)ր ցահարոն, ե́րթ ընդ առաջ մովսիսի յանապատն։ եւ գնաց եւ պատահեաց նմա ՛ի լերինն ա(ստուծո)յ. եւ համբուրեաց զնա։

Verse: 28  Link to sept   Եւ պատմեաց մովսէս ահարոնի զա(մենայ)ն պատգամսն, զոր առաքեաց զնա տ(է)ր. եւ զա(մենայ)ն նշանսն զոր պատուիրեաց նմա։

Verse: 29  Link to sept   Գնացին մովսէս եւ ահարոն եւ ժողովեցին զա(մենայ)ն ծերակոյտ որդւոցն ի(սրաէ)լի։

Verse: 30  Link to sept   եւ խօսեցաւ ահարոն զա(մենայ)ն պատգամսն՝ զոր խօսեցաւ տ(է)ր ընդ մովսիսի. եւ արար նշանս առաջի ժողովրդեանն։

Verse: 31  Link to sept   Եւ հաւատա́ց ժողովուրդն եւ ուրա́խ եղեւ, զի արար ա(ստուա)ծ ա́յց որդւոցն ի(սրաէ)լի. եւ զի հայեծա́ւ ՛ի նեղու(թ)ի(ւն) ն(ո)ց(ա)։ խոնարհեցաւ ժողովուրդն՝ եւ երկի́ր եպագ։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ ապա մտին մովսէս եւ ահարոն առաջի փարաւոնի, եւասեն ցնա. ա́յսպէս ասէ տ(է)ր ա(ստուա)ծ ի(սրաէ)լի. արձակեա́ զժողովուրդ իմ, զի արասցեն ինձ տօն յանապատի։

Verse: 2  Link to sept   Եւ ասէ փարաւոն. ո՞վ է նա, որում լուայց ձայնի ն(ո)ր(ա) արձակել զորդիսն ի(սրաէ)լի։ ո́չ գիտեմ զտ(է)րն՝ եւ զի(սրա)էլ ո́չ արձակեմ։

Verse: 3  Link to sept   Եւ ասեն ցնա. ա(ստուա)ծն եբրայեցւոց կոչեաց զմեզ առ ինքն. արդ՝ երթիցուք երից աւուրց ճանապարհ յանապատն, զի զոհեսցուք տ(եառ)ն ա(ստուծո)յ մերում. գուցէ պատահիցէ մեզ մա́հ կամ սպանումն։

Verse: 4  Link to sept   Եւ ասէ ցնոսա արքայն եգիպտացւոց. ընդէ՞ր դու մովսէս եւ ահարոն խափանէք զժողովուրդն ՛ի գործոյ իւրեանց. երթա́յք յիւրաքանչիւր գործ իւր։

Verse: 5  Link to sept   Եւ ասէ փարաւոն. ահա բազմանայ յոյժ ժողովուրդն յերկրիս. արդ՝ մի́ հանդարտեցուսցուք զնոսա ՛ի գործոյ։

Verse: 6  Link to sept   Եւ հրամայեաց փարաւոն յաւուր յայնմիկ գործավարաց ժողովրդեանն, եւ դպրաց նորա, ասէ.

Verse: 7  Link to sept   մի́ եւս յաւելուցուք տալ յարդ ժողովրդեանն յաղիւսարկութի(ւն), որպէս յերէկն եւ յեռանտ։ ինքեա́նք երթիցեն եւ ժողովեսցեն իւրեանց յարդ։

Verse: 8  Link to sept   եւ զսակ աղիւսարկին որպէս գործէին հանապազ՝ արկէ́ք ՛ի վերայ ն(ո)ց(ա). մի́ հատանիցէք ինչ անտի. զի դատարկացան, եւ վ(ա)ս(ն) այնորիկ աղաղակէին՝ եւ ասեն. երթիցուք զոհեսցուք ա(ստուծո)յ մերում։

Verse: 9  Link to sept   ծանրասցի́ գործ մարդկանն, եւ ա́յնմ հոգասցեն. եւ մի́ հոգասցեն ՛ի բանս տարապարտս։

Verse: 10  Link to sept   Եւ ստիպէին զնոսա գործավարք ժողովրդեանն՝ եւ դպիրք ն(ո)ր(ա). եւ խօսէին ընդ ժողովրդեանն եւ ասէին. ա́յսպէս ասէ փարաւոն, ո́չ եւս տաց ձեզ յարդ.

Verse: 11  Link to sept   դուք ձեզէն երթա́յք ժողովեցէք ձեզ յարդ՝ ուստի եւ գտանիցէք. զի ո́չ թողասցի ձեզ ՛ի սակէն ձերմէ՝ եւ ո́չինչ։

Verse: 12  Link to sept   Եւ սփռեցա́ւ ժողովուրդն ընդ ա(մենայ)ն երկիրն եգիպտացւոց ժողովել եղէգն՝ առ ՛ի յարդ։

Verse: 13  Link to sept   Եւ գործավարքն ստիպէին զն(ո)ս(ա) եւ ասէին. բովանդակեցէ́ք զգործն ձեր ըստ հանապազորդ սակին, ո(ր)պ(էս) մինչ յարդն տային ձեզ։

Verse: 14  Link to sept   Եւ տանջեցան դպիրք ազգի որդւոցն ի(սրաէ)լի, որ կային ՛ի վերայ ն(ո)ց(ա)՝ ՛ի վերակացուացն փարաւոնի։ զի ասէին, թէ ընդէ՞ր ոչ բովանդակեցէք զսակ աղիւսոյն ձերոյ ո(ր)պ(էս) յերէկն եւ յեռանտ՝ եւ զա́յսր աւուրդ։

Verse: 15  Link to sept   Եւ մտեալ դպրաց որդւոցն ի(սրաէ)լի՝ բողո́ք կալան առաջի փարաւոնի եւ ասեն. ընդէ՞ր առնես ա́յսպէս ը(նդ) ծառայս քո։

Verse: 16  Link to sept   Յարդ ո́չ տան ծառայից քոց, եւ զաղիւսն հրամայեն մեզ գործել. եւ ահա ծառայք քո ՛ի տանջա́նս են. բո́ւռն առնես ժողովրդեան քում։

Verse: 17  Link to sept   Եւ ասէ ցն(ո)ս(ա). դատա́րկ էք պարապո́րդ էք. վ(ա)ս(ն) այնորիկ ասէք՝ երթիցուք զոհեսցուք ա(ստուծո)յ մերում։

Verse: 18  Link to sept   արդ՝ երթա́յք գործեցէ́ք. քանզի յարդ ո́չ ոք տայ ձեզ։ եւ զսակ աղիւսոյն բովանդա́կ տայցէք։

Verse: 19  Link to sept   Տեսանէին դպիրք որդւոցն ի(սրաէ)լի զանձինս իւրեանց ՛ի չարչարանս՝ եւասէին. ո́չ ոք թողու մեզ զսակ հանապազորդ աղիւսաթուին։

Verse: 20  Link to sept   Պատահեցին մովսիսի եւ ահարոնի, զի գային հանդէպ ն(ո)ց(ա) ելեալք յերեսաց փարաւոնի.

Verse: 21  Link to sept   եւ ասեն ցնոսա. տեսցէ́ ա(ստուա)ծ, եւ դատեսցի́ զձեզ. զի գարշեցուցէք զհոտ մեր առաջի փարաւոնի, եւ առաջի ծառայից ն(ո)ր(ա). տա́լ սուր ՛ի ձեռին ն(ո)ր(ա) կոտորել զմեզ։

Verse: 22  Link to sept   Դարձաւ մովսէս առ տ(է)ր՝ եւ ասէ։ Տ(է)ր, ընդէ՞ր չարչարեցեր զժողովուրդն քո. եւ ընդէ՞ր առաքեցեր զիս։

Verse: 23  Link to sept   եւ յորմէ հետէ մտի առ փարաւոն խօսել յանուն քո, չարչարեաց զժողովուրդն։ եւ փրկելով ո́չ փրկեցեր զժողովուրդ քո։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ ասէ տ(է)ր ցմովսէս։ այժմ տեսցե́ս զինչ արարից ընդ փարաւոն. զի հզօր ձեռամբ արձակեսցէ զդոսա, եւ բարձրացեալ բազկաւ հանցէ զդոսա յերկրէ իւրմէ։

Verse: 2  Link to sept   Խօսեցաւ ա(ստուա)ծ ընդ մովսիսի, եւ ասէ ցնա։ ե́ս եմ տ(է)ր.

Verse: 3  Link to sept   եւ երեւեցա́յ աբրաամու սահակայ եւ յակոբայ. ա(ստուա)ծ ն(ո)ց(ա) եմ, եւ անուն իմ տ(է)ր. եւ ոչ յայտնեցի ն(ո)ց(ա)։

Verse: 4  Link to sept   Եւ հաստատեցից զուխտ իմ առ նոսա. տա́լ ն(ո)ց(ա) զերկիրն քանանացւոց՝ ուր պանդխտեցանն։

Verse: 5  Link to sept   եւ ես լուայ հեծութե(ան) որդւոցդ ի(սրաէ)լի զոր եգիպտացիքդ ծառայեցուցանեն. եւ յիշեցի զուխտն ձեր։

Verse: 6  Link to sept   Ե́րթ խօսեա́ց ընդ որդիսն ի(սրաէ)լի, եւ ասասցես. ե́ս եմ տ(է)ր. եւ հանից զձեզ ՛ի բռնութ(են)է եգիպտացւոցդ, եւ փրկեցից զձեզ ՛ի ծառայու(թեն)է դոցա, եւ ապրեցուցից զձեզ բա́րձր բազկաւ եւ մեծամեծ դատաստանօք։

Verse: 7  Link to sept   եւ առից զձեզ ինձ ՛ի ժողովուրդ. եւ եղէց ձեր ա(ստուա)ծ. եւ ծանիջիք թէ ե́ս եմ տ(է)ր ա(ստուա)ծ ձեր, որ հանեմ զձեզ յերկրէ եգիպտացւոցդ։

Verse: 8  Link to sept   եւ տարայց զձեզ յերկիրն՝ յոր ձգեցի զձեռն իմ տալ զնա աբրաամու սահակայ եւ յակոբայ. եւ տաց զնա ձեզ վիճակաւ, զի ե́ս եմ տ(է)ր։

Verse: 9  Link to sept   Խօսեցաւ մովսէս ա́յնպէս ընդ որդիսն ի(սրաէ)լի. եւ ո́չ անսացին նմա ՛ի կարճմտու(թեն)է, եւ ՛ի խիստ գործոյն։

Verse: 10  Link to sept   Խօսեցա́ւ տ(է)ր ընդ մովսիսի՝ եւ ասէ.

Verse: 11  Link to sept   մուտ խօսեա́ց ընդ փարաւոնի արքային եգիպտացւոց. զի արձակեսցէ զորդիսն ի(սրաէ)լի յերկրէն եգիպտացւոց։

Verse: 12  Link to sept   Խօսեցաւ մովսէս առաջի տ(եառ)ն՝ եւ ասէ. ահա որդիքն ի(սրաէ)լի ո́չ լուան ինձ. եւ զիա՞րդ լսիցէ ինձ փարաւոն. եւ ես չե́մ խօսօղ ոք։

Verse: 13  Link to sept   Եւ խօսեցաւ տ(է)ր ընդ մովսիսի եւ ընդ ահարոնի. եւ ե́տ ն(ո)ց(ա) հրաման առ որդիսն ի(սրաէ)լի, եւ առ փարաւոն արքայ եգիպտացւոց. հանե́լ զորդիսն ի(սրաէ)լի յերկրէն եգիպտացւոց։

Verse: 14  Link to sept   Եւ այս են նահապետք տանց ազգաց նոցա. որդիք ռուբինի անդրանկանն ի(սրաէ)լի. ենոք, եւ փաղղուս.սարսոն, եւ քարմի։ ա́յս ցեղ՝ ռուբինի։

Verse: 15  Link to sept   Եւ որդիք շմաւոնի. յամուէլ, եւ յամին, եւ ահովդ, եւ յաքին, եւ սահառ, եւ սաւուղ որ ՛ի փիւնիկեցւոյ անտի էր։ այդ ցեղք են որդւոցն շմաւոնի։

Verse: 16  Link to sept   Եւ այս անուանք են որդւոցն ղեւեայ, ըստ ազգս իւրեանց. գեթսովն, կահաթ, եւ մերարի։ եւ ամք կենաց ղեւեայ հարիւր երեսուն եւ եւթն ամ։

Verse: 17  Link to sept   Եւ ա́յս են որդիք գեթսոնի. ղոբենի, եւ սեմէի. տունք նահապետաց նոցա։

Verse: 18  Link to sept   եւ որդիք կահաթու.ամրամ, եւ սահառ, եւ քեբրոն, եւ ոզիէլ. եւ ամք կենաց կահաթու, հարիւր եւ երեսուն եւ երեք ամ։

Verse: 19  Link to sept   եւ որդիք մերարեայ. մոովղի եւ մովսի. ա́յս են տունք նահապետաց ղեւեայ ըստ ազգաց իւրեանց։

Verse: 20  Link to sept   Եւ ա́ռ ամրամ զյովքաբեթ դուստր եղբօր հօր իւրոյ իւր ՛ի կնութե(ան)։ եւ ծնաւ նմա զահարոն, եւ զմովսէս, եւ զմարիամ քոյր ն(ո)ց(ա). եւ ամք կենաց ամրամայ հարիւր եւ երեսուն եւ եւթն ամ։

Verse: 21  Link to sept   Եւ որդիք սահառայ. կորխ, եւ նագեբ, եւ զեքրի։

Verse: 22  Link to sept   եւ որդիք ոզիէլայ. միսայէլ, եւ եղիսափան, եւ սեթրի։

Verse: 23  Link to sept   Եւ ա́ռ ահարոն զեղիսաբեթ դուստր ամինադաբայ զքոյր նաասոնի իւր կնութե(ան). եւ ծնաւ նմա զնաբադ, եւ զաբիուդ, եւ զեղիազար, եւ զիթամար։

Verse: 24  Link to sept   Եւ որդիք կորխայ. ասիր, եւ եղկանայ, եւ բիասափ. սոքա են ազգք կորխայ։

Verse: 25  Link to sept   Եւ եղեազար ահարոնեան ա́ռ ՛ի դստերաց անտի փուտիէլի իւր կնութե(ան), եւ ծնաւ նմա զփենէէս։ այս են իշխանք նահապետաց ղեւտացւոցն ըստ ազգս իւրեանց։

Verse: 26  Link to sept   Եւ ա́յս ահարոն եւ մովսէս, ցորս ասաց ա(ստուա)ծ՝ հանել զորդիսն ի(սրաէ)լի յերկրէն եգիպտացւոց հանդերձ զօրութ(եամ)բ իւրեանց։

Verse: 27  Link to sept   Եւ սոքա́ են որ վիճէին ընդ փարաւոնի արքային եգիպտացւոց, հանել զորդիսն ի(սրաէ)լի յեգիպտոսէ։ ա́յս է մովսէս եւ ահարոն.

Verse: 28  Link to sept   յաւուր յորում խօսեցաւ տ(է)ր ընդ մովսիսի յերկրին եգիպտացւոց։

Verse: 29  Link to sept   Եւ խօսեցաւ տ(է)ր ընդ մովսիսի՝ եւ ասէ։ ե́ս եմ տ(է)ր. խօսեա́ց ընդ փարաւոնի արքային եգիպտացւոց զա(մենայ)ն ինչ զոր ասեմ քեզ։

Verse: 30  Link to sept   Եւ ասէ մովսէս առաջի տ(եառ)ն. ահաասիկ ես նրբաձա́յն եմ. եւ զիա՞րդ լսիցէ ինձ փարաւոն։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ ասէ տ(է)ր ցվոմսէս. ահա ետու զքեզ Աստո́ւած փարաւոնի. եւ ահարոն եղբայր քո եղիցի քեզ մարգարէ́։

Verse: 2  Link to sept   Դու խօսեսցիս ընդ նմա զա(մենայ)ն ինչ՝ զոր պատուիրեմ քեզ։ եւ ահարոն եղբայր քո խօսեսցի́ ընդ փարաւոնի, արձակել զորդիսն ի(սրաէ)լի յերկրէ իւրմէ։

Verse: 3  Link to sept   Եւ ես խստացուցից զսիրտն փարաւոնի. զի յաճախեցից զնշանս իմ եւ զարուեստս յերկրիդ եգիպտացւոց.

Verse: 4  Link to sept   եւ ո́չ լուիցէ ձեզ փարաւոն։ եւ արկի́ց զձեռն իմ յեգիպտոս. եւ հանից հանդերձ զօրու(թեամ)բ իմով զժողովուրդ իմ, զորդիսն ի(սրաէ)լի յերկրէդ եգիպտացւոց, մեծա́ւ զվրէժխնդրու(թեամ)բ։

Verse: 5  Link to sept   եւ ծանիցեն եգիպտացիքն, թէ ե́ս եմ տ(է)ր. եւ ձգեցից զձեռն իմ յեգիպտոս, եւ հանից զորդիսն ի(սրաէ)լի ՛ի միջոյ ն(ո)ց(ա)։

Verse: 6  Link to sept   Եւ արարին մովսէս եւ ահարոն. ո(ր)պ(էս) եւ պատուիրեաց ն(ո)ց(ա) տ(է)ր, նո́յնպէս եւ արարին։

Verse: 7  Link to sept   Եւ մովսէս էր ամաց ութսնից. եւ ահարոն էր որդի ամաց ութսուն եւ երից, յորժամ խօսեցան ընդ փարաւոնի։

Verse: 8  Link to sept   Եւ խօսեցաւ տ(է)ր ընդ մովսիսի եւ ընդ ահարոնի՝ եւ ասէ.

Verse: 9  Link to sept   եթէ խօսեսցի ընդ ձեզ փարաւոն՝ եւ ասասցէ. տո́ւք մեզ նշան կամ արուեստ, ասասցես ցահարոն եղբայր քո. ա́ռ դու զգաւազանդ, եւ ընկեա́ զդա ՛ի գետին առաջի փարաւոնի եւ ծառայից ն(ո)ր(ա), եւ եղիցի վիշա́պ։

Verse: 10  Link to sept   Մտին մովսէս եւ ահարոն առաջի փարաւոնի, եւ արարին ա́րարին ա́յնպէս, որպէս պատուիրեաց նոցա տ(է)ր։ Եւ ընկէց ահարոն զգաւազանն առաջի փարաւոնի եւ առաջի ծառայից ն(ո)ր(ա), եւ եղեւ վիշապ։

Verse: 11  Link to sept   Եւ կոչեաց փարաւոն զիմաստունս եգիպտացւոց եւ զկախարդս. եւ արարին գէտքն եգիպտացւոց կախարդու(թեամ)բ իւրեանց նո́յնպէս։

Verse: 12  Link to sept   Եւ ընկէ́ց իւրաքանչիւր ոք զգաւազան իւր եւ եղեն վիշապք։ եւ եկո́ւլ գաւազանն ահարոնի զգաւազանս ն(ո)ց(ա)։

Verse: 13  Link to sept   Եւ կարծրացա́ւ սիրտն փարաւոնի, եւ ոչ լուաւ ն(ո)ց(ա)՝ որպէս խօսեցաւ տ(է)ր։

Verse: 14  Link to sept   Եւ ասէ տ(է)ր ցմովսէս. կարծրացեա́լ է սիրտն փարաւոնի չարձակե́լ զժողովուրդն։

Verse: 15  Link to sept   ե́րթ առ փարաւոն ընդ առաւօտն. ահա նա ելանէ ՛ի ջուրն. եւ կացցե́ս հանդէպ ն(ո)ր(ա) առ եզերբ գետոյն. եւ զգաւազանն որ դարձաւ յօձ՝ առցես ՛ի ձեռին քում։

Verse: 16  Link to sept   եւ ասասցես ցնա. տ(է)ր ա(ստուա)ծ եբրայեցւոց առաքեա́ց զիս առ քեզ՝ եւ ասէ. արձակեա́ զժողովուրդ իմ զի պաշտեսցե́ն զիս յանապատի. եւ ահա ո́չ լուար ինձ մինչեւ ցայժմ։

Verse: 17  Link to sept   Այսպէս ասէ տ(է)ր. այլ դո́ւ գիտասցես՝ թէ ե́ս եմ տ(է)ր. ահաւասիկ ես հարկանեմ գաւազանաւս որ ՛ի ձեռին իմում է՝ զջուր գետոյդ, եւ դարձցի յարի́ւն։

Verse: 18  Link to sept   եւ ձկունք որ ՛ի գետ այդր են, սատակեսցի́ն, եւ նեխեսցի գետդ. եւ ո́չ կարասցեն եգիպտացիք ընպել ջուր՛ի գետոյ այտի։

Verse: 19  Link to sept   Եւ ասէ տ(է)ր ցմովսէս. ասա́ ցահարոն. ա́ռ զգաւազանդ եւ ձգեա́ զձեռն քո ՛ի վերայ ջրոցդ եգիպտոսի, եւ ՛ի վերայ գետոց ն(ո)ց(ա). եւ ՛ի վերայ լճաց ն(ո)ց(ա), եւ ՛ի վերայ խաղից ն(ո)ց(ա), եւ ՛ի վերայ ջրակուտաց ն(ո)ց(ա). եւ եղիցի արի́ւն։ Եւ եղեւ արիւն յա(մենայ)ն երկրին եգիպտացւոց, ՛ի փայտս եւ ՛ի քարինս։

Verse: 20  Link to sept   Եւ արարին մովսէս եւ ահարոն՝ որպէս եւ պատուիրեաց նոցա տ(է)ր. եւ վերացուցեալ զգաւազանն իւր՝ եհա́ր զջուր գետոյն առաջի փարաւոնի եւ առաջի ծառայից նոցա։ եւ դարձոյց զա(մենայ)ն ջուրս գետոյն յարիւն։

Verse: 21  Link to sept   Եւ ձկունք որ ՛ի գետ անդ էին՝ սատակեցան, եւ նեխեցաւ գետն. եւ ո́չ կարէին եգիպտացիքն ըմպել ջուրն ՛ի գետոյ անտի։ եւ էր արի́ւն յա(մենայ)ն երկիրն եգիպտացւոց։

Verse: 22  Link to sept   Եւ արարին ա́յնպէս եւ գէտքն եգիպտացւոց կախարդութ(եամ)բն իւրեանց։ եւ խստացաւ սիրտն փարաւոնի եւ ո́չ լուաւ ն(ո)ց(ա)՝ որպէս ասաց տ(է)ր։

Verse: 23  Link to sept   Դարձաւ փարաւոն եւ եմուտ ՛ի տուն իւր, եւ ո́չ հաստատեաց զմիտս իւր եւ ոչ այնո́ւ եւս։

Verse: 24  Link to sept   Եւ փորեցին ա(մենայ)ն եգիպտացիքն շուրջ զգետով ջուր ըմպելոյ. եւ ո́չ կարէին ըմպել ջուր ՛ի գետոյն։

Verse: 25  Link to sept   Եւ լցան աւուրք եւթն յետ հարկանելոյ տ(եառ)ն զգետն։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ ասէ տ(է)ր ցմովսէս.մո́ւտ առ փարաւոն՝ եւ ասասցե́ս ցնա. այսպէս ասէ տ(է)ր. արձակեա́ զժողովուրդ իմ, զի պաշտեսցեն զիս։

Verse: 2  Link to sept   Ապա թէ ոչ կամիս դու արձակել. ահա ես հարից զա(մենայ)ն սահմանս քո գորտիւ։

Verse: 3  Link to sept   եւ բղխիցէ գետդ գո́րտ. եւ ելեալ մտանիցեն ՛ի տունս քո, եւ ՛ի շտեմարանս սենեկաց քոց, եւ ՛ի գահոյս քո, եւ ՛ի տունս ծառայից քոց, եւ ժողովրդեան քո. եւ ՛ի թոնիրս քո, եւ ՛ի զանգուածս քո։

Verse: 4  Link to sept   եւ ՛ի վերայ քո, եւ ՛ի վերայ ժողովրդեան քո, եւ ՛ի վերայ ծառայից քոց ելանիցեն գորտքն։

Verse: 5  Link to sept   Եւ ասէ տ(է)ր ցմովսէս. ասա́ ցահարոն եղբայր քո. ձգեա́ ձեռամբ քո զգաւազանդ քո ՛ի վերայ գետոյն, եւ ՛ի վերայ ջրադարձից, եւ ՛ի վերայ խաղից. եւ հանցես գո́րտ ՛ի վերայ երկրիդ եգիպտացւոց։

Verse: 6  Link to sept   Եւ ձգեա́ց ահարոն զձեռն իւր ՛ի վերայ ջրոց եգիպտացւոցն, եւ եհան գո́րտ։ ե́լ գորտն եւ ծածկեաց զերկիրն եգիպտացւոց։

Verse: 7  Link to sept   Արարին նոյնպէս եւ գէտքն եգիպտացւոց կախարդու(թեամ)բքն իւրեանց. եւ հանին գորտ յերկրին եգիպտացւոց։

Verse: 8  Link to sept   Կոչեա́ց փարաւոն զմովսէս եւ զահարոն՝ եւ ասէ. աղօթս արարէք առ տ(է)ր, եւ ՛ի բա́ց արասցէ զգորտս յինէն՝ եւ ՛ի ժողովրդենէ իմմէ. եւ արձակեցի́ց զժողովուրդդ, եւ զոհեսցեն տ(եառ)ն։

Verse: 9  Link to sept   Եւ ասէ մովսէս ցփարաւոն. ժա́մ դիր ինձ. առ ե՞րբ արարից աղօթս վ(ա)ս(ն) քո, եւ ծառայից քոց՝ եւ ժողովրդեան քոյ. սատակել զգորտդ ՛ի քէն եւ ՛ի ժողովրդենէ քումմէ, եւ ՛ի տա́նց ձերոց. բայց միայն ՛ի գե́տ անդր մնասցեն։

Verse: 10  Link to sept   Եւ նա ասէ. առ վաղի́ւ։ եւ սա ասէ, ո(ր)պ(էս) ասացերդ եղիցի́. զի գիտասցես եթէ չի́ք այլ ոք բա́ց ՛ի տ(եառն)է ա(ստուծո)յ մերմէ։

Verse: 11  Link to sept   եւ բարձցին գորտդ ՛ի քէն եւ ՛ի տանց քոց, եւ ՛ի ծառայից քոց, եւ ՛ի ժողովրդենէ քումմէ, բայց միայն ՛ի գե́տ անդր մնասցեն։

Verse: 12  Link to sept   Եւ ելին մովսէս եւ ահարոն ՛ի փարաւոնէ։ եւ աղաղակեաց մովսէս առ տ(է)ր՝ վ(ա)ս(ն) ժամադրութե(ան) գորտոյն, ո(ր)պ(էս) ժամադիր եղեւ փարաւոնի։

Verse: 13  Link to sept   Եւ արար տ(է)ր՝ որպէս եւ ասացն մովսէս. եւ սատակեցաւ գորտն ՛ի տանց եւ ՛ի սրահից եւ յանդոց։

Verse: 14  Link to sept   եւ ժողովեցին զն(ո)ս(ա) կո́յտս. եւ նեխեցա́ւ երկիրն։

Verse: 15  Link to sept   Իբրեւ ետես փարաւոն թէ եղեւ դիւրութի(ւն), ծանրացա́ւ սիրտ ն(ո)ր(ա). եւ ո́չ լուաւ նոցա՝ որպէս եւ խօսեցա́ւ տ(է)ր։

Verse: 16  Link to sept   Եւ ասէ տ(է)ր ցմովսէս. ասա́ ցահարոն, թէ ձգեա́ ձեռամբ քով զգաւազանդ եւ հա́ր զհող երկրիդ.եւ եղիցի մո́ւն ՛ի մարդ եւ յանասուն, եւ յա(մենայ)ն երկիրդ եգիպտացւոց։

Verse: 17  Link to sept   Եւ արարին ա́յնպէս. ձգեաց ահարոն ձեռամբ իւրով զգաւազանն եւ եհա́ր զհող երկրին։ եւ եղեւ մուն՝ ՛ի մարդ եւ յանասուն, եւ յա(մենայ)ն հո́ղ երկրին եգիպտացւոց։

Verse: 18  Link to sept   Արարին նո́յնպէս եւ գէտքն եգիպտացւոց կախարդութ(եամ)բքն իւրեանց հանել մուն, եւ ո́չ կարէին։ եւ եղեւ մուն ՛ի մա́րդ եւ յանասուն։

Verse: 19  Link to sept   Եւ ասեն գէտքն ցփարաւոն. մա́տն ա(ստուծո)յ է այդ։ եւ խստացաւ սիրտն փարաւոնի. եւ ո́չ լուաւ նոցա՝ որպէս եւ խօսեցաւ տ(է)ր։

Verse: 20  Link to sept   Եւ ասէ տ(է)ր ցմովսէս. կանխեա́ ընդ առաւօտն եւ կա́ց առաջի փարաւոնի. եւ ահա նա ելանէ ՛ի ջուր անդր։ եւ ասասցես ցնա. ա́յսպէս ասէ տ(է)ր, արձակեա́ զժողովուրդ իմ զի պաշտեսցեն զիս։

Verse: 21  Link to sept   ապա թէ ոչ կամիցիս արձակել զժողովուրդ իմ. Ահա ե́ս առաքեմ ՛ի վերայ քո՝ եւ ՛ի վերայ ծառայից քոց, եւ ՛ի վերայ ժողովրդեան քոյ, եւ ՛ի վերայ տա́նց ձերոց շանաճանճ։ եւ լցցին տունք եգիպտացւոցդ շանաճանճիւ. եւ երկիրն յորում իցեն ՛ի նմա։

Verse: 22  Link to sept   Եւ սքանչելի́ արարից յաւուրն յայնմիկ զերկիրն գեսեմ, յորում ժողովուրդն իմ իցէ. եւ մի́ լիցի անդ շանաճանճ. զի գիտասցես թէ ե́ս եմ տ(է)ր. տ(է)ր ա(մենայ)ն երկրի։

Verse: 23  Link to sept   եւ տաց խտրո́ց ՛ի մէջ ժողովրդեան իմոյ՝ եւ ՛ի մէջ ժողովրդեան քոյ։ եւ վաղի́ւ եղիցին շանաճանճդ այդ ՛ի վ(ե)ր(այ) երկրիդ։

Verse: 24  Link to sept   Եւ արա́ր տ(է)ր այնպէս. եւ եկն շանաճանճ բազում ՛ի տունս փարաւոնի, եւ ՛ի տունս ծառայից ն(ո)ր(ա). եւ յա(մենայ)ն երկիրն եգիպտացւոց։ եւ սատակեցա́ւ երկիրն ՛ի շանաճանճէ անտի։

Verse: 25  Link to sept   Եւ կոչեա́ց փարաւոն զմովսէս եւ զահարոն, եւ ասէ. երթայք զոհեցէ́ք տ(եառ)ն ա(ստուծո)յ ձերում աստէն ՛ի սմին երկրիս։

Verse: 26  Link to sept   Եւ ասէ մովսէս. չէ́ մարթ այդմ լինել եթէ զգարշելիս բեգիպտացւոցդ զոհիցեմք տ(եառ)ն ա(ստուծո)յ մերում։ քանզի եթէ զոհիցեմք զգարշելիս եգիպտացւոցդ առաջի նորա, քարկո́ծ առնեն զմեզ։

Verse: 27  Link to sept   Այլ երթիցուք երեքօրեայ ճանապարհ յանապատ, եւ զոհեսցուք տ(եառ)ն ա(ստուծո)յ մերում, որպէս եւ ասա́ց մեզ տ(է)ր։

Verse: 28  Link to sept   Եւ ասէ փարաւոն. ե́ս արձակեմ զձեզ, եւ զոհեսջիք տ(եառ)ն ա(ստուծո)յ ձերում յանապատի. այլ մի́ ուրեք հեռի ձգիցիք երթալ։ եւ արդ՝ աղօ́թս արարէք վ(ա)ս(ն) իմ առ տ(է)ր։

Verse: 29  Link to sept   Եւ ասէ մովսէս. ես ելի́ց ՛ի քէն, եւ աղօթս արարից առ ա(ստուա)ծ, եւ փարատեսցէ́ շանաճանճդ ՛ի փարաւոնէ, եւ ՛ի ծառայից իւրոց, եւ ՛ի ժողովրդենէ իւրմէ՝ վաղիւ։ բայց մի́ եւս խաբեսցէ փարաւոն առ ՛ի չարձակելոյ զժողովուրդդ զոհել տ(եառ)ն։

Verse: 30  Link to sept   ել մովսէս ՛ի փարաւոնէ. եւ եկաց յաղօթս առ ա(ստուա)ծ։

Verse: 31  Link to sept   Եւ արար տ(է)ր՝ որպէս եւ ասացն մովսէս. եւ փարատեա́ց շանաճանճն ՛ի փարաւոնէ, եւ ՛ի ծառայից ն(ո)ր(ա), եւ ՛ի ժողովրդենէ ն(ո)ր(ա). եւ ո́չ մնաց եւ ո́չ մի։

Verse: 32  Link to sept   Եւ ծանրացո́յց փարաւոն զսիրտ իւր ՛ի ժամանակին յայնմիկ. եւ ո́չ կամեցաւ արձակել զժողովուրդն։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ ասէ տ(է)ր ցմովսէս. մո́ւտ առ փարաւոն եւ ասասցես ցնա. ա́յսպէս ասէ տ(է)ր ա(ստուա)ծն եբրայեցւոց, արձակեա́ զժողովուրդ իմ զի պաշտեսցեն զիս։

Verse: 2  Link to sept   ապաթէ ո́չ կամիս արձակել զժողովուրդ իմ, այլ տակաւին ունիցիս զդա։

Verse: 3  Link to sept   Ահա ձեռն տ(եառ)ն եղիցի ՛ի խաշինս քո որ ՛ի դաշտի են, եւ ՛ի ձիս, եւ յէշս եւ յուղտս, եւ յարջառ, եւ յոչխար՝ մահո́ւ մեծաւ յոյժ։

Verse: 4  Link to sept   Եւ արարից ե́ս սքանչելիս ՛ի մէջ խաշանցն եգիպտացւոց, եւ ՛ի մէջ խաշանցն ի(սրաէ)լի. եւ ո́չ ծախեսցի յա(մենայ)ն որդւոցն ի(սրաէ)լի կռինչն։

Verse: 5  Link to sept   Եւ ժամանակեա́ց ա(ստուա)ծ եւ ասէ. վաղի́ւ արասցէ քեզ տ(է)ր զբանդ զայդ՝ ՛ի վ(ե)ր(այ) երկրիդ։

Verse: 6  Link to sept   Եւ արար տ(է)ր զբանն զայն ՛ի վաղիւ անդր։ եւ սատակեցաւ ա(մենայ)ն անասուն եգիպտացւոցն. բայց յանասնոց որդւոցն ի(սրաէ)լի ոչ ծախեցաւ՝ եւ ո́չ ինչ։

Verse: 7  Link to sept   Իբրեւ ետես փարաւոն, թէ ո́չ ծախեցաւ յանասնոց որդւոցն ի(սրաէ)լի եւ ո́չ ինչ. ծանրացա́ւ սիրտ ն(ո)ր(ա), եւ ո́չ արձակեաց զժողովուրդն։

Verse: 8  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ. առէ́ք դուք լի́ ձեռօք ձերովք մոխիր հնոցի, եւ ցանեսցէ́ զայն մովսէս ընդ երկինս առաջի փարաւոնի՝ եւ առաջի ծառայից ն(ո)ր(ա).

Verse: 9  Link to sept   եւ եղիցի փոշի́ ընդ ա(մենայ)ն երկիրդ եգիպտացւոց։ Եւ եղիցի ՛ի մարդ եւ յանասուն կե́ղ, եւ եռասցեն խաղաւարտք ՛ի մարդ եւ յանասուն յա(մենայ)ն երկիրդ եգիպտացւոց։

Verse: 10  Link to sept   Եւ առին զմոխիր հնոցին առաջի փարաւոնի. եւ ցանեա́ց զայն մովսէս ընդ երկինս։ եւ եղեւ կե́ղ եւ խաղաւարտք եռացեալք ՛ի մարդ եւ յանասուն։

Verse: 11  Link to sept   Եւ ո́չ կարէին կախարդքն կալ առաջի մովսիսի վ(ա)ս(ն) կեղոյն. քանզի եղեւ կեղն եւ ՛ի կախարդսն, եւ յա(մենայ)ն երկիրն եգիպտացւոց։

Verse: 12  Link to sept   Եւ խստացոյց տ(է)ր զսիրտն փարաւոնի, եւ ո́չ լուաւ նոցա՝ որպէս եւ ասաց տ(է)ր ցմովսէս։

Verse: 13  Link to sept   Եւ ասէ տ(է)ր ցմովսէս, կանխեա́ ընդ առաւօտն, եւ կա́ց առաջի փարաւոնի, եւ ասասցես ցնա, ա́յսպէս ասէ տ(է)ր ա(ստուա)ծ եբրայեցւոց, արձակեա́ զժողովուրդ իմ զի պաշտեսցեն զիս։

Verse: 14  Link to sept   Քանզի յայսմ ժամանակի առաքեցից ես զա(մենայ)ն պատահարս ՛ի սիրտ քո՝ եւ ծառայից քոց եւ ժողովրդեան քոյ. զի գիտասցես թէ չի́ք ոք իբրեւ զիս յա(մենայ)ն երկրի։

Verse: 15  Link to sept   քանզի ձգեալ զձեռն իմ հարի́ց զքեզ՝ եւ զժողովուրդ քո մահուամբ, եւ սատակեսցի́ս յերկրէ։

Verse: 16  Link to sept   Եւ վ(ա)ս(ն) ա́յնորիկ պահեցար, զի ՛ի քե́զ ցուցից զզօրութի(ւն) իմ. եւ զի պատմեսցի́ անուն իմ ընդ ա(մենայ)ն երկիր։

Verse: 17  Link to sept   եւ դու՝ տակաւին թեւարկե՞ս զժողովրդեամբ իմով չարչարե՞լ զդոսա։

Verse: 18  Link to sept   Եւ ես ահա տեղացի́ց վաղիւ յայսմ ժամու կարկուտ սաստիկ յոյժ.որպիսի ո́չ եղեւ յեգիպտոս յօրէ յորմէ հաստատեցաւ մինչեւ ցայսօր։

Verse: 19  Link to sept   Եւ արդ փութա́ ժողովել զանասուն քո, եւ որ ինչ իցէ քո ՛ի դաշտի։ զի ա(մենայ)նմարդ եւ անասուն որ գտցի ՛ի դաշտի՝ եւ ո́չ մտցէ ՛ի տուն, անկցի ՛ի վ(ե)ր(այ) ն(ո)ր(ա) կարկուտն՝ եւ սատակեսցէ́։

Verse: 20  Link to sept   Որ միանգամ երկեա́ւ ՛ի բանէ տ(եառ)ն ՛ի ծառայիցն փարաւոնի, ժողովեաց զծառայս իւր եւ զանասուն ՛ի տուն։

Verse: 21  Link to sept   եւ որ ոչն անսաց ՛ի միտս իւր բանիցն տ(եառ)ն, եթող * զծառայս իւր՝ եւ զանասուն իւր ՛ի դաշտի։

Verse: 22  Link to sept   Եւ ասէ տէր ցմովսէս՝ ձգեա́ զձեռն քո յերկինս. եւ եղիցի կարկո́ւտ ՛ի վ(ե)ր(այ) երկրիդ եգիպտացւոց ՛ի վ(ե)ր(այ) մարդկան եւ անասնոյ, եւ ՛ի վ(ե)ր(այ) ա(մենայ)ն բանջարոյ որ է ՛ի դաշտի երկրիդ եգիպտացւոց։

Verse: 23  Link to sept   Եւ ձգեա́ց մովսէս զձեռն իւր յերկինս. եւ ե́տ տ(է)ր բարբառս եւ կարկուտ. եւ ընթանայր հուր ընդ երկիրն եւ տեղեաց տ(է)ր կարկուտ ՛ի վերայ ա(մենայ)ն երկրին եգիպտացւոց։

Verse: 24  Link to sept   Էր կարկուտ եւ հո́ւր բորբոքեալ ՛ի մէջ կարկտին։ եւ կարկուտն սաստի́կ էր յոյժ. որպիսի ո́չ եղեւ յա(մենայ)ն երկրին եգիպտացւոց, յորմէ հետէ եղեալ էր ՛ի վերայ ն(ո)ր(ա) ազգ։

Verse: 25  Link to sept   Եհա́ր կարկուտն յամնենայն երկիրն եգիպտացւոց զա(մենայ)ն որ ինչ է́ր ՛ի դաշտի՝ ՛ի մարդոյ մինչեւ յանասուն. եւ զա(մենայ)ն բանջար որ ՛ի դաշտի էր՝ եհա́ր կարկուտն. եւ զա(մենայ)ն փայտ որ ՛ի դաշտս՝ մանրեաց։

Verse: 26  Link to sept   բայց յերկիրն գեսեմ, ուր էին որդիքն ի(սրաէ)լի՝ ո́չ եղեւ կարկուտ։

Verse: 27  Link to sept   Եւ առաքեալ փարաւոնի կոչեաց զմովսէս եւ զահարոն՝ եւ ասէ ցն(ո)ս(ա). մեղա́յ. այսուհետեւ տ(է)ր արդա́ր է. եւ ես՝ եւ ժողովուրդ իմ ամպարիշտ։

Verse: 28  Link to sept   Կացէ́ք յաղօթս վ(ա)ս(ն) իմ առ տ(է)ր՝ եւ դադարեսցեն ՛ի լինելոյ ձայնքն ա(ստուծո)յ, եւ կարկուտն եւ հուր. եւ արձակեցի́ց զձեզ, եւ ո́չ եւս յաւելուցուք մնալ։

Verse: 29  Link to sept   Եւ ասէ ցնա մովսէս. այժմ իբրեւ ելի́ց ըստ քաղաքս, ձգեցի́ց զձեռս իմ առ ա(ստուա)ծ. եւ ձայնքն դադարեսցեն, եւ կարկուտն եւ անձրեւ ո́չ եւս լիցի. զի ծանիցես թէ տ(եառ)ն է երկիր։

Verse: 30  Link to sept   եւ դու եւ ծառայք քո՝ գիտեմ թէ չեւեւս երկերուք ՛ի տ(եառն)է ա(ստուծո)յ։

Verse: 31  Link to sept   Կտաւն եւ գարին հարա́ւ. զի գարին յոճ կայր, եւ կտաւն սերմանացեալէր։

Verse: 32  Link to sept   եւ ցորեանն եւ հաճար ո́չ հարան. զի անագան էին։

Verse: 33  Link to sept   Եւ ել մովսէս ՛ի փարաւոնէ արտաքս քան զքաղաքն, եւ ձգեաց զձեռն իւր առ տ(է)ր. եւ դադարեցին ձայնքն եւ կարկուտն. եւ անձրեւ ո́չ եւս կաթեաց յերկիր։

Verse: 34  Link to sept   Իբրեւ ետես փարաւոն եթէ դադարեաց անձրեւն եւ կարկուտ եւ ձայնքն, յաւել ՛ի մեղանչել. եւ ծանրացոյց զսիրտ իւր եւ զծառայից իւրոց։

Verse: 35  Link to sept   եւ խստացաւ սիրտն փարաւոնի՝ եւ ո́չ արձակեաց զորդիսն ի(սրաէ)լի՝ որպէս խօսեցաւ տ(է)ր ՛ի ձեռն մովսիսի։



Chapter: 10 
ԳԼ(ՈՒԽ) Ժ՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ. մո́ւտ առ փարաւոն՝ զի ե́ս խստացուցի զսիրտ ն(ո)ր(ա) եւ զսիրտ ծառայից ն(ո)ր(ա). զի կարգա́ւ եկեսցեն նշանքն իմ ՛ի վ(ե)ր(այ) ն(ո)ց(ա)։

Verse: 2  Link to sept   Որպէս զի պատմիցէք յականջս որդւոց ձերոց, եւ որդւո́ց որդւոց ձերոց, ո́րչափ խաղացի ես ընդ եգիպտացիսդ. եւ զնշանս իմ զոր արարի ՛ի նոսա. եւ ծանիջիք՝ թէ ե́ս եմ տ(է)ր։

Verse: 3  Link to sept   Մտին մովսէս եւ ահարոն առաջի փարաւոնի, եւ ասեն ցնա. ա́յսպէս ասէ տ(է)ր ա(ստուա)ծն եբրայեցւոց. մինչեւ յե՞րբ ոչ կամիցիս ամաչել յինէն, արձակեա́ զժողովուրդ իմ զի պաշտեսցեն զիս։

Verse: 4  Link to sept   Ապա թէ ոչ կամիցիս դու արձակել զժողովուրդ իմ, ահաւասիկ ես ածի́ց ՛ի սոյն ժամու վաղիւ մարա́խ սաստիկ ՛ի վ(ե)ր(այ) ա(մենայ)ն սահմանաց քոց։

Verse: 5  Link to sept   եւ ծածկեսցէ́ զա(մենայ)ն երեսս երկրիդ. եւ ո́չ կարիցես տեսանել զերկիր։ եւ կերիցէ́ զա(մենայ)ն նշխարսն զոր եթող ձեզ կարկուտն. եւ կերիցէ զա(մենայ)ն փայտ բուսեալ ձեզ ՛ի վերայ երկրի։

Verse: 6  Link to sept   Եւ լցցին տո́ւնք քո, եւ տունք ծառայից քոց. եւ ա(մենայ)ն տունք յա(մենայ)ն երկրիդ եգիպտացւոց. զոր ո́չ երբէք տեսին հարք ձեր, եւ ո́չ հաւք նոցա, յորմէ օրէ եղեն յերկրի մինչեւ ցայսօր։ եւ խոյս տուեալ՝ ել ՛ի փարաւոնէ։

Verse: 7  Link to sept   Ասեն ցնա ծառայքն փարաւոնի. մինչեւ ե՞րբ իցէ մեզ խոչդ այդ. արձակեա́ զմարդիկն՝ զի պաշտեսցեն զտ(է)ր ա(ստուա)ծ իւրեանց. եթէ գիտե՞լ կամիցիս՝ զի կորեա́ւ եգիպտոս։

Verse: 8  Link to sept   Եւ դարձուցին զմովսէս եւ զահարոն առ փարաւոն. եւ ասէ ցն(ո)ս(ա), երթա́յք պաշտեցէ́ք զտ(է)ր ա(ստուա)ծ ձեր. բայց ո՞վ եւ ո́վ իցեն որ երթայցեն։

Verse: 9  Link to sept   Եւ ասէ մովսէս. երիտասարդօք հանդերձ՝ եւ ծերովք մերովք երթիցուք. ուստերօք եւ դստերօք մերովք. արջառով եւ ոչխարով մերով երթիցուք. զի տօ́ն է տ(եառ)ն ա(ստուծո)յ մերոյ։

Verse: 10  Link to sept   Եւ ասէ ցնոսա. եղիցի́ այդպէս. տ(է)ր ընդ ձեզ. քանզի արձակե́մ զձեզ, միթէ եւ զստացուա՞ծս ձեր։ Տեսանէ՞ք զի չարիք կան ՛ի ձեզ։

Verse: 11  Link to sept   մի́ այդպէս. այլ երթիցեն ա́րք եւեթ, եւ պաշտեսցեն զա(ստուա)ծ. քանզի զայդ իսկ խնդրէիք դուք։ եւ հանին զնոսա յերեսաց փարաւոնի։

Verse: 12  Link to sept   Եւ ասէ տ(է)ր ցմովսէս. ձգեա́ զձեռն քո ՛ի վ(ե)ր(այ) երկրիդ եգիպտացւոց, եւ ելցէ մարա́խ ՛ի վ(ե)ր(այ) երկրիդ եգիպտացւոց, եւ կերիցէ զա(մենայ)ն բանջար երկրիդ. եւ զա(մենայ)ն պտուղ ծառոց զոր եթող կարկուտն։

Verse: 13  Link to sept   Եւ ամբա́րձ մովսէս զձեռն իւր յերկինս. եւ ա́ծ տ(է)ր հողմ հարաւոյ յերկիր զտիւն ա(մենայ)ն՝ եւ զգիշերն ա(մենայ)ն։ իբրեւ առաւօտ եղեւ, եւ հողմ հարաւոյ ա́ռ զմարախն,

Verse: 14  Link to sept   եւ եհան յա(մենայ)ն յերկիրն եգիպտացւոց. եւ դադարեցոյց ՛ի վ(ե)ր(այ) ա(մենայ)ն սահմանացն եգիպտացւոց։ Յարաջ քան զայն ո́չ եղեւ այնպիսի մարախ. եւ յետ այնորիկ ո́չ եղեւ այնպիսի։

Verse: 15  Link to sept   եւ ծածկեա́ց զա(մենայ)ն երեսս երկրին. եւ ապականեցա́ւ երկիրն. եւ եկեր զա(մենայ)ն բանջար երկրին. եւ զա(մենայ)ն պտուղ ծառոց, ուր մնաց ՛ի կարկտէ անտի. եւ ո́չ մնաց կանաչ, ո́չ ՛ի ծառս եւ ո́չ յա(մենայ)ն բանջար դաշտի յա(մենայ)ն երկրին եգիպտացւոց։

Verse: 16  Link to sept   Եւ փութացա́ւ փարաւոն կոչել զմովսէս եւ զահարոն, եւ ասէ. մեղա́յ առաջի տ(եառ)ն ա(ստուծո)յ ձերոյ եւ ձեզ։

Verse: 17  Link to sept   արդ՝ նեղեցէ́ք այսմ եւս յանցանաց իմոց. եւ աղաչեցէ́ք առ տ(է)ր ա(ստուա)ծ ձեր, եւ փարատեսցէ́ յինէն զմարախս զայս։

Verse: 18  Link to sept   Եւ ել մովսէս ՛ի փարաւոնէ. եւ եկաց յաղօթս առ ա(ստուա)ծ։

Verse: 19  Link to sept   եւ դարձոյց տ(է)ր հողմ սաստիկ ՛ի ծովէ, եւ ա́ռ զմարախն եւ ամաց ՛ի ծովն կարմիր. եւ ո́չ մնաց մարախ յա(մենայ)ն երկիրն եգիպտացւոց։

Verse: 20  Link to sept   Եւ խստացոյց տ(է)ր զսիրտն փարաւոնի, եւ ո́չ արձակեաց զորդիսն ի(սրաէ)լի։

Verse: 21  Link to sept   Եւ ասէ տ(է)ր ցմովսէս. ձգեա́ զձեռն քո յերկինս. եւ եղիցի խաւա́ր ՛ի վ(ե)ր(այ) երկրիդ եգիպտացւոց. խաւար՝ շօշափելի́։

Verse: 22  Link to sept   Ձգեաց մովսէս զձեռն իւր յերկինս. եւ եղեւ խաւա́ր եւ մէգ եւ մութ ՛ի վ(ե)ր(այ) ա(մենայ)ն երկրին եգիպտացւոց զերի́ս աւուրս։

Verse: 23  Link to sept   եւ ո́չ ոք տեսանէր զեղբայր իւր զերիս աւուրս։ եւ ոչ ոք յարեաւ յանկողնոյ իւրմէ զերիս աւուրս։ բայց ա(մենայ)ն որդւոցն ի(սրաէ)լի լո́յս էր յա(մենայ)ն բնակու(թ)ի(ւն)ս իւրեանց։

Verse: 24  Link to sept   Եւ կոչեաց փարաւոն զմովսէս եւ զահարոն եւ ասէ ցնոսա. երթա́յք պաշտեցէ́ք զտ(է)ր ա(ստուա)ծ ձեր, բայց զարջառ եւ զոչխար ձեր աստէ́ն թողէք. եւ այլ աղխդ ձեր՝ երթիցեն ընդ ձեզ։

Verse: 25  Link to sept   Եւ ասէ մովսէս. նա եւ դո́ւ եւս տացես մեզ ողջակէզս եւ զոհս՝ զոր առնիցեմք տ(եառ)ն ա(ստուծո)յ մերում։

Verse: 26  Link to sept   Այլ մեր անասո́ւն իսկ երթիցէ ընդ մեզ, եւ ո́չ թողուցումք եւ ոչ կճղա́կ մի. քանզի ՛ի նոցանէ́ առնուցումք պաշտել զտ(է)ր ա(ստուա)ծ մեր. եւ մեք ո́չ գիտեմք զինչ մատուցանիցեմք տ(եառ)ն ա(ստուծո)յ մերում մինչեւ ա́նդր հասանիցեմք։

Verse: 27  Link to sept   Եւ խստացոյց տ(է)ր սիրտն փարաւոնի. եւ ո́չ կամեցաւ արձակել զնոսա։

Verse: 28  Link to sept   Եւ ասէ փարաւոն. ՛ի բա́ց գնա յինէն. զգո́յշ լեր անձին քում. մի́ եւս յաւել

Verse: 29  Link to sept   ուցուս տեսանել զերեսս իմ. զի յորում աւուր երեւիս դու ինձ՝ մեռանի́ս։

Verse: 30  Link to sept   Եւ ասէ մովսէս. ասացեր՝ ո́չ եւս երեւեցայց երեսաց քոց։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ ասէ տ(է)ր ցմովսէս. ա́յլ մեւս եւս հարուածս ածից ՛ի վերայ փարաւոնի եւ ՛ի վերայ եգիպտոսի. եւ ապա́ արձակեսցէ զձեզ աստի. այլ յորժամ արձակեսցէ զձեզ, ամենեւին հանցէ զձեզ աստի։

Verse: 2  Link to sept   Արդ՝ խօսեաց գաղտ յականջս ժողովրդեանն, եւ խնդրեսցեն իւրաքանչի́ւր ոք յընկերէ իւրմէ, եւ կին ՛ի դրացւոյ իւրմէ անօթս ոսկեղէնս եւ անօթս արծաթեղէնս, եւ հանդերձս։

Verse: 3  Link to sept   Եւ ետ տ(է)ր շնորհս ժողովրդեան իւրում առաջի եգիպտացւոցն. եւ ետուն ն(ո)ց(ա) ՛ի զարդ։ Եւ այրն մովսէս մեծարո́յ եղեւ յոյժ առաջի եգիպտացւոցն, եւ առաջի փարաւոնի, եւ առաջի ա(մենայ)ն ծառայից ն(ո)ր(ա). եւ յաչս ժողովրդեանն։

Verse: 4  Link to sept   Եւ ասէ մովսէս. ա́յսպէս ասէ տ(է)ր. զհասարակ գիշերաւ ե́ս մտից ՛ի մէջ եգիպտոսի։

Verse: 5  Link to sept   եւ սատակեցի́ց զա(մենայ)ն անդրանիկ յերկրէդ եգիպտացւոց, յանդրանկէ անտի փարաւոնի որ նստի յաթոռ ն(ո)ր(ա), մինչեւ ցանդրանիկ աղախնոյն որ կայցէ առ երկանս, եւ մինչեւ ցանդրանիկ ա(մենայ)ն անասնոց։

Verse: 6  Link to sept   եւ եղիցի աղաղա́կ մեծ յա(մենայ)ն երկրիդ եգիպտացւոց. որպիսի ո́չ եղեւ, եւ ո́չ եւս յաւելուցու լինել նոյնպիսի։

Verse: 7  Link to sept   Եւ ՛ի մէջ ա(մենայ)ն որդւոցն ի(սրաէ)լի ո́չ կռնչեսցէ եւ ո́չ շուն մի լեզուաւ իւրով, եւ ո́չ ՛ի մարդոյ մինչեւ յանասուն. զի գիտասցես ո՞րչափ ինչ սքանչելիս արասցէ́ տ(է)ր ՛ի մէջ եգիպտացւոցդ ՛ի մէջ ի(սրաէ)լի։

Verse: 8  Link to sept   Եւ իջցեն ա(մենայ)ն ծառայքս քո այսոքիկ առիս. եւ երկի́ր պագցեն ինձ եւ ասասցեն. ե́լ դու եւ ա(մենայ)ն ժողովուրդ քո, որում դուդ առաջնորդես. եւ ապա́ ելից։

Verse: 9  Link to sept   Եւ ել մովսէս ՛ի փարաւոնէ լի́ բարկութ(եամ)բ։ Եւ ասէ տ(է)ր ցմովսէս. ո́չ լուիցէ ձեզ փարաւոն, զի յաՃախեցից զնշանս եւ զարուեստս յերկրիդ եգիպտացւոց։

Verse: 10  Link to sept   Եւ մովսէ́ս եւ ահարոն արարին զա(մենայ)ն նշանս եւ զարուեստս զայսոսիկ յերկրին եգիպտացւոց առաջի փարաւոնի։ Եւ խստացոյց տ(է)ր զսիրտն փարաւոնի, եւ ո́չ կամեցաւ արձակել զորդիսն իսրայէլի յերկրէն եգիպտացւոց։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ խօսեցաւ տ(է)ր ընդ մովսիսի եւ ընդ ահարոնի յերկրին եգիպտացւոց, եւ ասէ։

Verse: 2  Link to sept   Ամիսս այս եղիցի ձեզ սկիզբն ամսոց, առաջին եղիցի ձեզ յամիսս տարւոյ։

Verse: 3  Link to sept   Խօսեաց ընդ ա(մենայ)ն ժողովրդեան որդւոցն ի(սրաէ)լի եւ ասասցես։ ՛ի տասներորդում ամսեանս այսորիկ առցեն իւրեանց իւրաքանչիւր ոչխար ըստ տունս ազգաց իւրեանց. ոչխար ը(ս)տ երդ։

Verse: 4  Link to sept   Եւ եթէ սակաւք իցեն ՛ի տանն, որպէս թէ չիցե́ն բաւական լինել ոչխարին՝ առցէ́ ընդ իւր զդրացի իւր եւ զընկեր իւր ըստ մարդաթուի. իւրաքանչիւր ըստ բաւականի իւրում համարեսցի յոչխարն։

Verse: 5  Link to sept   Ոչխար կատարեալ՝ արրու, տարեւոր, անարա́տ լիցի ձեզ։ յօգեա́ց եւ յայծեաց առնուցո́ւք.

Verse: 6  Link to sept   եւ եղիցի ձեզ պահեալ մինչեւ ՛ի չորս եւ ՛ի տասն աւուր ամսոյս այսորիկ։ եւ զենցեն զնա ա(մենայ)ն բազմութի(ւն) ժողովրդեան որդւոցն ի(սրաէ)լի ընդ երեկս։

Verse: 7  Link to sept   եւ առցեն յարենէ անտի եւ դիցեն ՛ի վերայ երկուց սեմոցն եւ բարաւորին տանցն յորս ուտիցեն զնա ՛ի ն(ո)ս(ա)։

Verse: 8  Link to sept   Եւ կերիցեն զմիսն ՛ի գիշերիս յայսմիկ խորովեալ հրով. եւ բաղարջ ընդ եղիգի կերիցեն։

Verse: 9  Link to sept   եւ ո́չ ուտիցէք ՛ի նոցանէ հում, եւ ո́չ պախ եփեալ ջրով. այլ խորովեալ հրով. զգլուխն ոտիւքն հանդերձ, եւ զփորոտին ն(ո)ր(ա)։

Verse: 10  Link to sept   Եւ ո́չ թողուցուք ՛ի նմանէ յայգ. եւ ոսկր մի́ բեկանիցէք ՛ի նմանէ։ եւ որ ինչ մնասցէ ՛ի նմանէ յայգ՝ հրո́վ այրեսջիք։

Verse: 11  Link to sept   Եւ այնպէս ուտիցէք, գօտիք ձեր ընդ մէջս, եւ կօշիկք ձեր յոտս, եւ ցուպ ձեր ՛ի ձերին։ փութանակի́ ուտիցէք, զի զատիկ տ(եառ)ն է։

Verse: 12  Link to sept   Եւ անցից ընդ ա(մենայ)ն երկիրդ եգիպտացւոց ՛ի գիշերիս յայսմիկ, եւ հարից զա(մենայ)ն անդրանիկ երկրիդ եգիպտացւոց ՛ի մարդոյ մինչեւ յանասուն։ եւ յամենայն դիսն եգիպտացւոց արարից վրէժխնդրութի(ւն), զի ե́ս եմ տ(է)ր։

Verse: 13  Link to sept   Եւ եղիցի ձեզ արիւնդ նշանակեալ ՛ի վերայ տանց՝ յորս ուտիցէք դուք անդ։ եւ տեսից զարիւնդ եւ ապրեցուցի́ց զձեզ. եւ ո́չ լինիցին ՛ի ձեզ հարուածք ՛ի սատակել՝ յորժամ հարկանիցեմ յերկրիդ եգիպտացւոց։

Verse: 14  Link to sept   Եւ եղիցի ձեզ արիւնդ այդ ՛ի յիշատա́կ, եւ տօնեցէք զդա՝ տօ́ն տ(եառ)ն յազգս ձեր. օրէն յաւիտենակա́ն տօնեցէք զդա։

Verse: 15  Link to sept   Զեւթն օր բաղա́րջ ուտիցէք, յառաջնմէ իսկ օրէ անտի՝ անհե́տ առնիջիք զխմոր ՛ի տանց ձերոց։ ա(մենայ)ն որ ուտիցէ խնորեալ՝ սատակեսցի́ անձնն այն յի(սրա)էլէ։

Verse: 16  Link to sept   Յառաջնմէ օրէն մինչեւ յօ́րն եւթներորդ. եւ օրն եւթներորդ նուիրեա́լ եղիցի ձեզ սո́ւրբ։ զա(մենայ)ն գործ սպասպու մի́ գործիցէք ՛ի նմա, բայց միայն որ գործիցի ա(մենայ)ն անձին՝ այն միայն գործեսցի ձեզ։

Verse: 17  Link to sept   Եւ պահեսջի́ք զպատուիրանս իմ զայս, զի յաւուր յայմիկ հանի́ց զզօրու(թ)ի(ւն) ձեր յերկրէս եգիպտացւոց. եւ առնիցէք զօրս զայս յազգս ձեր օրէ́ն յաւիտենական։

Verse: 18  Link to sept   ՛Ի սկսանել չորեքտասաներորդի աւուր ամսոյն առաջնոյ. յերեկորեայ բաղարջ ուտիցէք, մինչեւ ցքսա́ն եւ մի օր ամսոյն ցերեկոյ։

Verse: 19  Link to sept   զեւթն օր մի́ գտցի խմոր ՛ի տունս ձեր. ա(մենայ)ն որ ուտիցէ խմորեալ՝ սատակեսցի́ անձն այն յի(սրա)էլէ։ յեկա́ց եւ ՛ի բնակաց երկրին

Verse: 20  Link to sept   խմորեալ մի́ ուտիցեն. յա(մենայ)ն բնակու(թ)ե(ան) ձերում ուտիցէք բաղա́րջ։

Verse: 21  Link to sept   Եւ կոչեաց մովսէս զա(մենայ)ն ծերակոյտ որդւոցն ի(սրաէ)լի. եւ ասէ ցնոսա. երթա́յք առէք ձեզ ոչխար ըստ ազգս ձեր, եւ զենջի́ք ՛ի զատիկ։

Verse: 22  Link to sept   Եւ առնուցուք մշտիկ զոպայի թաթաւեալ յարեան որ առ գրօքն իցէ, եւ սրսկեսջի́ք զբարաւորաւն եւ զերկոքումբք սեմովքն յարենէ անտի որ առ գրօքն։ բայց դուք մի́ ելանիցէք իւրաքանչիւր ընդ դուռն տան իւրոյ մինչեւ ցառաւօտ։

Verse: 23  Link to sept   Եւ անցցէ տ(է)ր հարկանել զեգիպտացիսդ։ եւ տեսանիցէ զարիւնն որ ՛ի վ(ե)ր(այ) բարաւորին եւ ՛ի վ(ե)ր(այ) երկուց սեմոց, եւ զանց առնիցէ տ(է)ր զգրօքն. եւ ո́չ տայցէ թոյլ սատակչին մտանե́լ ՛ի տունս ձեր եւ հարկանել։

Verse: 24  Link to sept   Եւ պահեսջի́ք զբանս զայս՝ օրէ́ն յաւիտենական քե́զ եւ որդւոց քոց, մինչեւ ցյաւիտեան։

Verse: 25  Link to sept   Եւ եթէ մտանիցէք յերկիրն զոր տացէ ձեզ տ(է)ր՝ ո(ր)պ(էս) եւ խօսեցաւն, պահեսջի́ք զպաշտօնդ զայդ։

Verse: 26  Link to sept   Եւ եղիցի եթէ ասիցեն ցձեզ որդիք ձեր. զի՞նչ է պաշտօնս այս ձեզ։

Verse: 27  Link to sept   ասասջիք ն(ո)ց(ա), եթէ զո́հ զատկի տ(եառ)ն է այս. յորժամ պահեաց զտունս որդւոցն իսրայէլի յեգիպտոս։ մինչ հարկանէր զեգիպտացիսն, եւ զտունս մեր ապրեցոյց։ Եւ խոնարհեցաւ ժողովուրդն՝ եւ երկի́ր եպագ։

Verse: 28  Link to sept   Եւ գնացեալ որդիքն ի(սրաէ)լի արարին ո(ր)պ(էս) պատուիրեաց տ(է)ր մովսիսի եւ ահարոնի, նոյնպէս եւ արարին։

Verse: 29  Link to sept   Եւ եղեւ ՛ի հասարա́կ գիշերի՝ եւ տ(է)ր եհար զա(մենայ)ն անդրանիկս յերկրին եգիպտացւոց. յանդրանկանէ́ անտի փարաւոնի որ նստէր յաթոռ ն(ո)ր(ա), մինչեւ յանդրանիկ գերւոյն որ կայր ՛ի վիրապի. եւ զա(մենայ)ն անդրանիկ անասնոց։

Verse: 30  Link to sept   Եւ յարեաւ փարաւոն գիշերայն, ի́նքն եւ ա(մենայ)ն ծառայք իւր, եւ ա(մենայ)ն եգիպտացիք. եւ եղեւ աղաղա́կ մեծ յա(մենայ)ն երկիրն եգիպտացւոց. զի ո́չ գոյր տուն յորում ոչ գոյր մեռեալ ՛ի նմա։

Verse: 31  Link to sept   Եւ կոչեաց փարաւոն զմովսէս եւ զահարոն գիշերայն, եւ ասէ ցնոսա. Արիք եւ ելէ́ք ՛ի ժողովրդենէ իմմէ. եւ դուք եւ որդիքն ի(սրաէ)լի, երթայք պաշտեցէ́ք զտ(է)ր ա(ստուա)ծ ձեր. ո(ր)պ(էս) եւ ասացէք։

Verse: 32  Link to sept   եւ զարջառ եւ զոչխար ձեր առեալ գնացէք՝ ո(ր)պ(էս) եւ ասացէք։ բայց եւ զիս օրհնեցէ́ք։

Verse: 33  Link to sept   Եւ բռնադատէին եգիպտացիքն զժողովուրդն փութանակի́ հանել զնոսա յերկրէ անտի։ քանզի ասէին՝ թէ ամենեքեան իսկ մեռանիմք։

Verse: 34  Link to sept   Եւ ա́ռ ժողովուրդն զհայսն իւրեանց մինչ չե́ւ խմորեալ էր. եւ զզանգուածս իւրեանց ծրարեալ ՛ի կտաւս իւրեանց՝ ՛ի վերայ ուսոց իւրեանց։

Verse: 35  Link to sept   Եւ որդիքն ի(սրաէ)լի արարի́ն որպէս եւ հրաման ետ ն(ո)ց(ա) մովսէս։ եւ խնդրեցին յեգիպտացւոցն անօթս ոսկեղէնս եւ անօթս արծաթեղէնս, եւ հանդերձս։

Verse: 36  Link to sept   Եւ ետ տ(է)ր շնորհս ժողովրդեան իւրում առաջի եգիպտացւոցն, եւ ետուն ն(ո)ց(ա) ՛ի զարդ՝ եւ կողոպտեցին զեգիպտացիսն։

Verse: 37  Link to sept   Եւ չուեցին որդիքն ի(սրաէ)լի յռամեսեայ ՛ի սիկովթ, վեց հարիւր հազար այր հետեւակ, թո́ղ զայլ աղխ։

Verse: 38  Link to sept   Եւ խառնիճազանճ բազում ե́լ ընդ նոսա. եւ արջառ եւ ոչխար եւ անասուն բազում յոյժ։

Verse: 39  Link to sept   Եւ եփեցին զհայսն զոր հանին յեգիպտոսէ. նկա́նս բաղարջս, քանզի ո́չ խմորեցաւ. զի հանին զնոսա եգիպտացիքն՝ եւ ո́չ կարէին մնալ, եւ ո́չ պաշար արարին իւրեանց ճանապարհին։

Verse: 40  Link to sept   Եւ բնակութի(ւն) որդւոցն ի(սրաէ)լի զոր բնակեցին յերկրին եգիպտացւոց եւ յերկրին քանանացւոց, ինքեանք եւ հարք իւրեանց. ամք չորեքհարիւր եւ երեսուն։ Եւ եղեւ յետ չորեքհարիւր եւ երեսուն ամի,

Verse: 41  Link to sept   յաւուր յայնմիկ ելին ա(մենայ)ն զօրութիւնք տ(եառ)ն յերկրէն եգիպտացւոց

Verse: 42  Link to sept   գիշերի։ որ էր յառաջապահե́ստ տ(եառ)ն հանել զնոսա յերկրէն եգիպտացւոց։ ա́յն գիշեր յառաջապահե́ստ տ(եառ)ն լինել ա(մենայ)ն որդւոցն ի(սրաէ)լի յազգս ն(ո)ց(ա)։

Verse: 43  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ։ ա́յս է օրէն զատկի։ ա(մենայ)ն այլազգի մի́ կերիցէ ՛ի նմանէ։

Verse: 44  Link to sept   եւ զա(մենայ)ն ծառայ ուրուք եւ զարծաթագին թլփատեսցե́ս, եւ ապա́ կերիցէ ՛ի նմանէ։

Verse: 45  Link to sept   պանդուխտն եւ վարձկանն մի́ կերիցէ ՛ի նմանէ։

Verse: 46  Link to sept   ՛Ի տան միում կերիցի։ եւ մի́ հանիցէք ՛ի մսոյ անտի արտաքս քան զտունն։ եւ Ոսկր մի́ բեկանիցէք ՛ի նմանէ։

Verse: 47  Link to sept   ամենայն ժողովուրդ որդւոցն ի(սրաէ)լի առնիցեն զայն։

Verse: 48  Link to sept   Ապաթէ մերձենայցէ առ ձեզ եկամուտ՝ եւ առնիցէ զզատիկն տ(եառ)ն, թլփատեսցե́ն զա(մենայ)ն արու մանուկ ն(ո)ր(ա), եւ ապա́ մերձեսցի առնել զնա եւ եղիցի իբրեւ զբնա́կ երկրին։ ա(մենայ)ն անթլփատ մի́ կերիցէ ՛ի նմանէ։

Verse: 49  Link to sept   օրէն՝ մի եւ նո́յն կացցէ բնակին եւ եկին՝ որ գայցէ մերձենալ ՛ի ձեզ։

Verse: 50  Link to sept   Եւ արարին ա(մենայ)ն որդիքն ի(սրաէ)լի՝ որպէս պատուիրեաց տ(է)ր մովսիսի եւ ահարոնի, նոյնպէս եւ արարին։

Verse: 51  Link to sept   Եւ եղեւ յաւուր յայնմիկ՝ եհա́ն տ(է)ր զորդիսն ի(սրաէ)լի յերկրէն եգիպտացւոց հանդերձ զօրու(թեամ)բ իւրեանց։



Chapter: 13 
ԳԼ(ՈՒԽ) Ժ՜Գ


Verse: 1  Link to sept   Խօսեցա́ւ տ(է)ր ընդ մովսիսի՝ եւ ասէ։

Verse: 2  Link to sept   Սրբեա́ դու ինձ զա(մենայ)ն անդրանիկս նախծին որ բանայ զա(մենայ)ն արգանդ ՛ի մէջ որդւոցն ի(սրաէ)լի. ՛ի մարդո́յ մինչեւ յանասուն՝ քանզի ի́մ է։

Verse: 3  Link to sept   Եւ ասէ մովսէս ցժողովուրդն. յիշեսջի́ք զօրս զայս յորում ելէք յեգիպտոսէ ՛ի տանէ ծառայութե(ան). զի հզօ́ր ձեռամբ եհան զձեզ տ(է)ր աստի։ եւ ո́չ ուտիցէք խմորուն։

Verse: 4  Link to sept   զի յայսմ աւուր ելէք դուք յամսեանս կանխոց։

Verse: 5  Link to sept   Եւ եղիցի յորժամ եթէ տանիցի զքեզ տ(է)ր ա(ստուա)ծ քո յերկրին քանանացւոց, եւ քետացւոց, եւ ամովրհացւոց, եւ խեւացւոց, եւ յեբուսացւոց, եւ փերեզացւոց եւ գերգեսացւոց. զոր երդուա́ւ հարցն քոց տալ քեզ, երկիր որ բղխէ́ զկաթն եւ զմեղր. եւ արասցե́ս զպաշտօնս զայս յամսեանս յայսմիկ։

Verse: 6  Link to sept   Զեւթն օր բաղա́րջ կերիջի́ք. եւ յաւուրն եւթներորդի տօ́ն տ(եառ)ն։

Verse: 7  Link to sept   բաղարջ կերիջիք։ զեւթն օր ո́չ երեւեսցի առ քեզ խմորուն. եւ ո́չ եղիցի խմոր յա(մենայ)ն սահմանս քո։

Verse: 8  Link to sept   Եւ պատմեսցես որդւոյ քում յաւուր յայնմիկ եւ ասասցես։ վ(ա)ս(ն) ա́յնորիկ արար ինձ տ(է)ր ա(ստուա)ծ. մինչ ելանէի յեգիպտոսէ։

Verse: 9  Link to sept   Եւ եղիցի քեզ նշա́ն ՛ի ձեռին քում, եւ յիշատակ առաջի աչաց քոց. զի լինիցին օրէնք տ(եառ)ն ՛ի բերա́ն քում. զի հզօր ձեռամբ եհան զքեզ տ(է)ր յեգիպտոսէ.

Verse: 10  Link to sept   եւ պահեսջիք զօրէնս զայս ՛ի ժամանակաց ՛ի ժամանակս, եւ աւուրց յաւուրս։

Verse: 11  Link to sept   Եւ եղիցի յորժամ տանիցի զքեզ տ(է)ր ա(ստուա)ծ քո յերկիրն քանանացւոց՝ որպէս երդուաւ քեզ եւ հարցն քոց. եւ տացէ զնա քեզ.

Verse: 12  Link to sept   զատուսցե́ս տ(եառ)ն զա(մենայ)ն արրու որ բանայ զարգանդ. եւ զա(մենայ)ն որ բանայ զարգանդ յանդէոց եւ յանասնոց քոց որ լինիցի քեզ. արուքն սո́ւրբ տ(եառ)ն լինիցին։

Verse: 13  Link to sept   Եւ զա(մենայ)ն որ բանայցէ զարգանդ իշոյ, փոխանակեսցես ընդ ոշխարի։ եւ եթէ ո́չ փոխանակեսցե́ս, փրկեսցե́ս զնա։ զա(մենայ)ն անդրանիկս որդւոց քոց փրկեսցես։

Verse: 14  Link to sept   Եւ եթէ հարցանիցէ զքեզ որդին քո յետ այսորիկ եւ ասիցէ՝ թէ զի՞նչ է այդ. ասասցե́ս ցնա. զի հզօր ձեռամբ եհան զմեզ տ(է)ր յեկրէն եգիպտացւոց ՛ի տանէ ծառայու(թ)ե(ան)։

Verse: 15  Link to sept   յորժամ խստացաւ փարաւոն չարձակել զմեզ. կոտորեաց տ(է)ր զա(մենայ)ն անդրանիկս յերկրին եգիպտացւոց. յանդրանկէ մարդոյ մինչեւ ցանդրանիկս անասնոյ։ վ(ա)ս(ն) այնորիկ ես մատուցանեմ տ(եառ)ն զա(մենայ)ն արու որ բանայ զարգանդ. եւ զա(մենայ)ն անդրանիկս որդւոց իմոց փրկեցի́ց։

Verse: 16  Link to sept   Եւ եղիցի նշան ՛ի վերայ ձեռին քոյ. եւ անշա́րժ առաջի աչաց քոց. քանզի հզօր ձեռա́մբ եհան զմեզ տ(է)ր յերկրէն եգիպտացւոց։

Verse: 17  Link to sept   Եւ իբրեւ արձակեաց փարաւոն զժողովուրդն. ո́չ առաջնորդեաց նոցա ա(ստուա)ծ ընդ երկիրն փղշտացւոց, ընդ կարճոյ ճանապարհն. քանզի ասաց ա(ստուա)ծ, թէ գուցէ զանգիտիցէ ժողովուրդն՝ յորժամ տեսանիցէ զպատերազմն, եւ դառնայցէ́ յեգիպտոս։

Verse: 18  Link to sept   եւ պատեաց ած ա(ստուա)ծ զժողովուրդն ընդ ճանապարհ անապատին՝ առ կարմիր ծովուն։ Եւ ՛ի հինգերորդ ազգի ելին որդիքն ի(սրաէ)լի յերկրէն եգիպտացւոց։

Verse: 19  Link to sept   Եւ ա́ռ մովսէս զոսկերսն յովսեփու ընդ իւր. քանզի երդմնեցո́յց յովսէփ զորդիսն ի(սրաէ)լի, եւ ասէ, եթէ այցելու(թեամ)բ ա́յց արասցէ ձեզ տ(է)ր, հանջի́ր զոսկերս իմ աստի ընդ ձեզ։

Verse: 20  Link to sept   Եւ չուեալ որդւոցն ի(սրաէ)լի ՛ի սիկքովթայ, բանակեցան յոթոմ առ անապատին։

Verse: 21  Link to sept   Եւ ա(ստուա)ծ առաջնորդէր ն(ո)ց(ա) ցերեկ՝ սեա́մբ ամպոյ. ցուցանել ն(ո)ց(ա) զճանապարհն։ եւ զցայգ՝ սեամբ հրոյ, լուսատո́ւ լինել ն(ո)ց(ա) ՛ի գնալն՝ զցայգ եւ զցերեկ։

Verse: 22  Link to sept   Եւ ո́չ պակասէր սիւն ամպոյն ՛ի տուէ, եւ սիւն հրոյն ՛ի գիշերի. առաջի ա(մենայ)ն որդւոցն ի(սրաէ)լի։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ խօսեցաւ տ(է)ր ընդ մովսիսի եւ ասէ։

Verse: 2  Link to sept   Խօսեա́ց ընդ որդիսն ի(սրաէ)լի, եւ դարձցին բանակեսցին դէմ յանդիման հանդրուանին. ընդ մագդովղ, եւ ընդ ծովն. հանդէպ բէելսեպփոնեայ. յանդիման ն(ո)ց(ա) բանակեսցիս առ ծովեզերբն։

Verse: 3  Link to sept   Եւ ասասցէ փարաւոն զորդւոցդ ի(սրաէ)լի թէ մոլորեա́լ են յերկրին, քանզի պատեաց զնոսա անապատն։

Verse: 4  Link to sept   Եւ ես խստացուցի́ց զսիրտն փարաւոնի եւ պնդեսցի զհետ դոցա։

Verse: 5  Link to sept   եւ փառաւորեցա́յց ՛ի փարաւոն եւ յա(մենայ)ն զօրս ն(ո)ր(ա)։ եւ ծանիցեն ա(մենայ)ն եգիպտացիքն թէ ե́ս եմ տ(է)ր։ եւ արարին ա́յնպէս։

Verse: 6  Link to sept   Եւ ա́զդ եղեւ արքային եգիպտացւոց եթէ փախեաւ ժողովուրդն։ եւ շրջեցաւ սիրտն փարաւոնի՝ եւ ծառայից իւրոց ՛ի վ(ե)ր(այ) ժողովրդեանն, եւ ասեն. զի՞նչ գործեցաք զայն զի արձակեցաք զորդիսն ի(սրաէ)լի, զի մի́ ծառայեսցեն մեզ։

Verse: 7  Link to sept   Եւ հանդերձեաց փարաւոն զկառս իւր. եւ տարաւ ընդ իւր զա(մենայ)ն ժողովուրդն իւր. եւ ա́ռ վեցհարիւր կառս ընտիրս, եւ զա(մենայ)ն երիվարս եգիպտացւոց, եւ սպառազէ́նս ՛ի վերայ ամենեցուն։

Verse: 8  Link to sept   Եւ խստացոյց տ(է)ր զսիրտն փարաւոնի արքային եգիպտացւոց, եւ պնդեցաւ զհետ որդւոցն ի(սրաէ)լի։ եւ որդիքն ի(սրաէ)լի ելանէին բարձրացեալ ձեռամբ։

Verse: 9  Link to sept   Եւ պնդեցան եգիպտացիքն զհետ ն(ո)ց(ա), եւ գտին զնոսա բանակեալս առ ծովեզերբն. եւ ա(մենայ)ն երիվարք՝ եւ կառք փարաւոնի, եւ հեծեալք ն(ո)ր(ա) եւ զօրք ն(ո)ր(ա) յանդիման հանգրուանին. հանդէպ բեէղսեպփոնայ։

Verse: 10  Link to sept   եւ եհաս մօտ փարաւոն։ Եւ համբարձեալ որդւոցն ի(սրաէ)լի զաչս իւրեանց տեսանէին՝ զի բանակեցան եգիպտացիքն ՛ի թիկանց նոցա, եւ երկեա́ն յոյժ։

Verse: 11  Link to sept   Եւ բողոքեցի́ն որդիքն ի(սրաէ)լի առ տ(է)ր։ եւ ասեն ցմովսէս իբրեւ թէ ո՞չ գոյին գերեզմանք յերկրին եգիպտացւոց. հաներ զմեզ սպանանե՞լ յանապատի աստ։ զի՞նչ գործեցեր զայս ընդ մեզ, զի հաներ զմեզ յեգիպտոսէ։

Verse: 12  Link to sept   Ո՞չ այս այն բանք են՝ զոր խօսեցաք ընդ քեզ յերկրին եգիպտացւոց, թէ թո́յլ տուր մեզ զի ծառայեսցուք եգիպտացւոցն։ զի լա́ւ էր մեզ ծառայել եգիպտացւոցն, քան մեռանել յայսմ անապատի։

Verse: 13  Link to sept   Եւ ասէ մովսէս ցժողովուրդն. քաջալերեցարո́ւք, պի́նդ կացէք. եւ տեսանիցէք զփրկու(թ)ի(ւն) ՛ի տ(եառն)է զոր արասցէ ձեզ այսօր։ զի զորօրինակ տեսէք զեգիպտացիսն այսօր, ո́չեւս յաւելուցուք տեսանել զն(ո)ս(ա) յաւիտեանս ժամանակաց։

Verse: 14  Link to sept   տ(է)ր տայ պատերազմ ընդ ձեր, եւ դուք լռեցէ́ք։

Verse: 15  Link to sept   Եւ ասէ տ(է)ր ցմովսէս. զի՞ գոչես առիս։ խօսեա́ց ընդ որդիսդ ի(սրաէ)լի՝ եւ չուեսցեն։

Verse: 16  Link to sept   եւ դու ա́ռ զգաւազանդ քո. եւ ձգեա́ զձեռն քո ՛ի վ(ե)ր(այ) ծովուն եւ սպառեա́ զնա։ եւ մտցեն որդիքն ի(սրաէ)լի ՛ի մէջ ծովուն ընդ ցամաք։

Verse: 17  Link to sept   Եւ ահա ես խստացուցի́ց զսիրտն փարաւոնի, եւ զեգիպտացւոցն ամենեցուն, եւ մտցեն զկնի դոցա։ եւ փարաւորեցայց ես ՛ի փարաւոն եւ յա(մենայ)ն զօրս ն(ո)ր(ա), եւ ՛ի կառս ն(ո)ր(ա) եւ յերիվարս ն(ո)ր(ա)։

Verse: 18  Link to sept   եւ ծանիցեն ա(մենայ)ն եգիպտացիքն՝ թէ ե́ս եմ տ(է)ր. ՛ի փարաւորել իմում ՛ի փարաւոն՝ եւ ՛ի կառս ն(ո)ր(ա) եւ յերիվարս նորա։

Verse: 19  Link to sept   Եւ ամբարձա́ւ հրեշտակն ա(ստուծո)յ որ երթայր առաջի բանակի որդւոցն ի(սրաէ)լի. եւ չոգաւ զկնի ն(ո)ց(ա). եւ վերացաւ սիւն ամպոյն յերեսաց ն(ո)ց(ա), եւ եկաց ՛ի թիկանց ն(ո)ց(ա)։

Verse: 20  Link to sept   եւ եմուտ ՛ի մէջ բանակի եգիպտացւոցն, եւ ՛ի մէջ բանակի իսրայէլացւոցն. եւ եղեւ խաւա́ր եւ մէգ։ եւ անց գիշերն. եւ ո́չ խառնեցան ընդ միմեանս զա(մենայ)ն գիշերն։

Verse: 21  Link to sept   Եւ ձգեաց մովսէս զձեռն իւր ՛ի վ(ե)ր(այ) ծովուն. եւ դարձո́յց անդրէն զծովն բռնութ(եամ)բ հողմոյ հարաւոյ զա(մենայ)ն գիշերն։ եւ արա́ր զծովն ցամաք. եւ պատառեցաւ ջուրն։

Verse: 22  Link to sept   Եւ մտին որդիքն ի(սրաէ)լի ընդ մէջ ծովուն ընդ ցամաք։ եւ եղեւ ջուրն պարիսպ ընդ աջմէ նոցա, եւ ընդ ահեկէ իւրեանց։

Verse: 23  Link to sept   Պնդեցան եգիպտացիքն՝ եւ մտին զկնի ն(ո)ց(ա), ա(մենայ)ն երիվարք փարաւոնի, եւ կառք նորա, եւ հեծեալք ն(ո)ր(ա) ՛ի մէջ ծովուն։

Verse: 24  Link to sept   Եւ եղեւ յառաւօտին պահուն, հայեցա́ւ տ(է)ր ՛ի բանակն եգիպտացւոց սեամբ հրոյ եւ ամպոյ. եւ խռովեաց զբանակն եգիպտացւոցն.

Verse: 25  Link to sept   եւ կապեա́ց զանիւս կառաց ն(ո)ց(ա), եւ վարէր զնոսա բռնու(թեամ)բ։ Ասեն եգիպտացիքն, փախիցո́ւք յերեսաց ի(սրաէ)լի. զի տ(է)ր պատերազմի վասն ն(ո)ց(ա) ընդ եգիպտացիսս։

Verse: 26  Link to sept   Եւ ասէ տ(է)ր ցմովսէս. ձգեա́ զձեռն քո ՛ի վերայ ծովուդ, եւ կարկատեսցի́ անդրէն ջուրդ. եւ ծածկեսցէ́ զեգիպտացիսդ, եւ զկառս դոցա եւ զհեծեալս իւրեանց։

Verse: 27  Link to sept   Եւ ձգեա́ց մովսէս զձեռն իւր ՛ի վերայ ծովուն, եւ դարձաւ ջուրն ընդ առաւօտն ՛ի տեղի իւր։ եւ եգիպտացիքն փախեան յերեսաց ջրոյն։ եւ թօթափեա́ց տ(է)ր զեգիպտացիսն ՛ի մէջ ծովուն։

Verse: 28  Link to sept   եւ դարձուցեալ զջուրսն, ծածկեաց զկառս եւ զհեծեալս, եւ զա(մենայ)ն զօրութի(ւն) փարաւոնի. որ մտեալէին զհետ ն(ո)ց(ա) ՛ի ծով անդր. եւ ո́չ մնաց ՛ի նոցանէ եւ ո́չ մի։

Verse: 29  Link to sept   Եւ որդիքն ի(սրաէ)լի գնացին ընդ ցամաք ՛ի մէջ ծովուն. եւ ջուրն պարիսպ էր ընդ աջմէ նոցա եւ ընդ ահեկէ իւրեանց։

Verse: 30  Link to sept   Եւ ապրեցո́յց տ(է)ր զի(սրա)էլ յաւուր յայնմիկ ՛ի ձեռաց եգիպտացւոցն։

Verse: 31  Link to sept   Եւ ետես ի(սրա)էլ զեգիպտացիսն մեռեալս առ ափն ծովուն։ եւ ետես ի(սրա)էլ զձեռն մեծ զոր արար տ(է)ր ընդ եգիպտացիսն. եւ երկեա́ւ ժողովուրդն ՛ի տ(եառն)է. եւ հաւատացին յա(ստուա)ծ՝ եւ ՛ի մովսէս ծառայ ն(ո)ր(ա)։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Յայնժամ երգեաց մովսէս՝ եւ որդիքն ի(սրաէ)լի զօրհնութի(ւն)ս զայս ա(ստուծո)յ, եւ ասեն։ Օրհնեսցուք զտ(է)ր զի փառօք է փառաւորեալ. Զերիվարս եւ զհեծեալս նոցա ընկէ́ց ՛ի ծով.

Verse: 2  Link to sept   օգնական ընդունելի իմ տ(է)ր, եւ եղեւ ինձ ՛ի փրկութի(ւն)։ Սա́ է իմ ա(ստուա)ծ եւ փառաւո́ր արարից զսա։ ա(ստուա)ծ հօր իմոյ՝ եւ բա́րձր արարից զսա։

Verse: 3  Link to sept   Տ(է)ր խորտակէ զպատերազմունս, տ(է)ր անուն ն(ո)ր(ա)։

Verse: 4  Link to sept   Զկառս փարաւոնի՝ եւ զզօրութի(ւն)ս նորա ընկէ́ց ՛ի ծով. զընտիրս հեծելոց եւ զսպառազէնս. ընկղմեցան ՛ի ծով կարմիր։

Verse: 5  Link to sept   Խորք ծածկեցին զնոսա. ընկլան յանդունդս իբրեւ զվէմս։

Verse: 6  Link to sept   Աջ քո տ(է)ր փառաւորեալ է զօրու(թեամ)բ իւրով, աջ քո տ(է)ր խորտակեաց զթշնամին։

Verse: 7  Link to sept   Եւ բազմու(թեամ)բ փառաց քոց մանրեցեր զհակարակորդս, առաքեցեր զբարկութի(ւն) քո, եւ եկե́ր զնոսա իբրեւ զեղէգն։

Verse: 8  Link to sept   Եւ հողմով սրտմտութ(եամ)բ քով պատառեցան ջուրք. պաղեցան ո(ր)պ(էս) պարիսպ ջուրք. պաղեցան ալիք ՛ի մէջ ծովուն։

Verse: 9  Link to sept   Ասա́ց թշնամին, հալածեցից եւ հասից, բաժանեցից զաւարն, եւ լցուցի́ց ՛ի նոցանէ զանձն իմ։ Սատակեցից սրով իմով. տիրեսցէ́ նոցա ձեռն իմ։

Verse: 10  Link to sept   Առաքեցեր զհողմն քո, եւ ծածկեաց զնոսա ծով. ընկղմեցան որպէս կապա́ր ՛ի ջուրս սաստիկս։

Verse: 11  Link to sept   Ո՞վ իցէ նման քեզ յաստուածս տ(է)ր. եւ կամ ո՞վ նմանիցէ քեզ փառաւորեալդ ՛ի ս(ուր)բս։ Սքանչելի փառօք՝ որ առնես զնշանս.

Verse: 12  Link to sept   ձգեցեր զաջ քո՝ եւ եկուլ զնոսա երկիր։

Verse: 13  Link to sept   Առաջնորդեցեր արդարութ(եամ)բ ժողովրդեան քում, այսմ զոր փրկեցեր։ Մխիթարեցեր զօրութ(եամ)բ քով ՛ի բանակետղ սրբու(թ)ե(ան) քոյ.

Verse: 14  Link to sept   լուան ազգք եւ բարկացան, եւ երկունք կալան զբնակիչս քանանացւոց։

Verse: 15  Link to sept   Յայնժամ տագնապեցան դատաւորք եդովմայ, եւ իշխանք մովաբացւոց։ Կալաւ զնոսա դողումն, հալեցա́ն ա(մենայ)ն բնակիչք քանանացւոց։

Verse: 16  Link to sept   Անկցի ՛ի վերայ ն(ո)ց(ա) ա́հ եւ երկիւղ. մեծութ(եամ)բ բազկի քոյ քարասցին։ Մինչեւ անցցէ ժողովուրդ քո տ(է)ր. մինչեւ անցցէ́ ժողովուրդ քո այս զոր ստացար։

Verse: 17  Link to sept   Տարեալ տնկեսցես զն(ո)ս(ա) ՛ի լեառն ժառանգութե(ան) քոյ, ՛ի պատրաստութի(ւն) բնակու(թ)ե(ան) քոյ։ Զոր արարեր տ(է)ր սրբութի(ւն). տ(է)ր զոր պատրաստեցին ձեռք քո.

Verse: 18  Link to sept   տ(է)ր թագաւոր յաւիտեան. եւ յաւիտեանս եւ ե́ւս։

Verse: 19  Link to sept   Զի մտին երիվարք փարաւոնի կառօք եւ հեծելովք ն(ո)ր(ա) ՛ի ծով. եւ ած ՛ի վերայ ն(ո)ց(ա) տ(է)ր զջուրս ծովուն. եւ որդիքն ի(սրաէ)լի գնացին ընդ ցամաք ՛ի մէջ ծովուն։

Verse: 20  Link to sept   Եւ ա́ռ մարիամ մարգարէ քոյրն ահարոնի զթմբուկն ՛ի ձեռին իւր. եւ ելին ա(մենայ)ն կանայք զհետ ն(ո)ր(ա) թմբկօք եւ պարուք։

Verse: 21  Link to sept   եւ յառաջէր մարիամ եւ ասէր։ Օրհնեսցո́ւք զտ(է)ր, զի փառօք փառաւորեալ է. Զերիվարս եւ զհեծեալս ընկէ́ց ՛ի ծով։

Verse: 22  Link to sept   Եւ խաղացո́յց մովսէս զորդիսն ի(սրաէ)լի ՛ի կարմիր ծովէ անտի. եւ ած զն(ո)ս(ա) յանապատն ՛ի սո́ւր։ եւ գնացին երեքօրեայ ճանապարհ յանապատի անդ. եւ ո́չ գտանէին ջուր ընպելոյ։

Verse: 23  Link to sept   Եկին ՛ի մեռա, եւ ո́չ կարէին ըմպել ջուր ՛ի մեռայն. քանզի դա́ռն էր. վ(ա)ս(ն) այնորիկ անուանեաց զանուն տեղւոյն այնորիկ՝ դառնութի(ւն)։

Verse: 24  Link to sept   Եւ տրտնջեա́ց ժողովուրդն զմովսիսէ եւ ասեն. զի՞նչ արբցուք։

Verse: 25  Link to sept   աղաղակեաց մովսէս առ տ(է)ր։ եւ եցոյց նմա տ(է)ր փայտ։ եւ արկ զայն ՛ի ջուրն, եւ քաղցրացա́ւ ջուրն։ Եւ ա́նդ եդ նմա իրաւունս եւ դատաստանս. եւ ա́նդ փորձեաց զնա,

Verse: 26  Link to sept   եւ ասէ, եթէ լսելո́վ լուիցես ձայնի տ(եառ)ն ա(ստուծո)յ քում, եւ զհաճոյս առաջի ն(ո)ր(ա) արասցես, եւ ունկնդի́ր լիցիս պատուիրանաց ն(ո)ր(ա). եւ պահեսցես զա(մենայ)ն իրաւունս ն(ո)ր(ա). զա(մենայ)ն զախտն զոր ածի ՛ի վերայ եգիպտացւոցն, ո́չ ածից ՛ի վերայ քո. զի ե́ս եմ տ(է)ր որ բժշկեմ զքեզ։

Verse: 27  Link to sept   Եւ եկին յաղիմ. եւ էին անդ երկոտասան աղբեւր ջուրց, եւ եւթանասուն ծառ արմաւենեաց. եւ ա́նդ բնակեցան առ ջրովն։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Չուեցին յեղիմայ, եւ եկին ա(մենայ)ն ժողովուրդ որդւոցն ի(սրաէ)լի յանապատն ՛ի սին, որ է ը(նդ) եղիմ եւ ընդ սինա։ Եւ յաւուր հինգետասաներորդի յերկրորդի ամսոյն ելանելոյ նոցա յերկրէն եգիպտացւոց։

Verse: 2  Link to sept   տրտնջեա́ց ա(մենայ)ն ժողովուրդ որդւոցն ի(սրաէ)լի զմովսիսէ եւ զահարոնէ յանապատի անդ։

Verse: 3  Link to sept   Եւ ասեն ցն(ո)ս(ա) որդիքն ի(սրաէ)լի. լա́ւ էր թէ մեռեալէաք հարուածովքն ՛ի տ(եառ)նէ յերկրին եգիպտացւոց. մինչ նստէաք առ կաթսայ մսոյն, եւ ուտէաք հաց յագ. քան հանէք զմեզ յանապատս յայս, սպանանե́լ զա(մենայ)ն ժողովուրդս ՛ի սովոյ։

Verse: 4  Link to sept   Եւ ասէ տ(է)ր ցմովսէս. ահա ես տեղացի́ց ձեզ հաց յերկնից. եւ ելցէ́ ժողովուրդ իմ եւ ժողովեսցեն զօրըստօրէն, զի փորձեցից զն(ո)ս(ա)՝ եթէ գնայցե՞ն յօրէնս իմ, թէ ոչ։

Verse: 5  Link to sept   եւ եղիցի յաւուրն վեցերորդի, պատրաստիցեն զոր ինչ բերիցենն. եւ եղիցի կրկին քան զայն, զոր օրըստօրէն ժողովիցեն։

Verse: 6  Link to sept   Եւ ասեն մովսէս եւ ահարոն ցա(մենայ)ն ժողովուրդ որդւոցն ի(սրաէ)լի. ընդ երեկոյս գիտասջիք՝ եթէ տ(է)ր եհան զձեզ յերկրէն եգիպտացւոց։

Verse: 7  Link to sept   եւ առաւօտուց տեսջիք զփառսն տ(եառ)ն։ ՛ի լսել ն(ո)ր(ա) զտրտունջ ձեր զա(ստուծո)յ։ այլ մեք ո́վ եմք զի տրտնջէք զմէնջ։

Verse: 8  Link to sept   Եւ ասէ մովսէս՝ ՛ի տալ ձեզ տ(եառ)ն ընդ երեկոյս միս ուտելոյ. եւ ընդ առաւօտս հաց յագ. վասն լսելոյ տ(եառ)ն զտրտունջ ձեր զոր դուք տրտնջեցէք զմէնջ. քանզի մեք ո՞վ եմք. զի ո́չ զմէնջ է տրտունջդ ձեր, այլ զա(ստուծո)յ։

Verse: 9  Link to sept   Եւ ասէ մովսէս ցահարոն. ասա́ ցա(մենայ)ն ժողովուրդ որդւոցդ ի(սրաէ)լի. մատերո́ւք առաջի տ(եառ)ն, քանզի լուաւ զտրտունջ ձեր։

Verse: 10  Link to sept   Մինչդեռ խօսէր ահարոն ընդ ա(մենայ)ն ժողովրդեան որդւոցն ի(սրաէ)լի, դարձա́ն յանապատն. եւ ահա́ փառք տ(եառ)ն երեւեցան ամպով։

Verse: 11  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 12  Link to sept   լուա́յ զտրտունջ որդւոցդ ի(սրաէ)լի։ արդ խօսեաց ընդ դոսա՝ եւ ասասցես. ընդ երեկոյս մի́ս կերիջիք, եւ ընդ առաւօտս հացի́ւ յագեսջիք. եւ ծանիջիք թէ ե́ս եմ տ(է)ր ա(ստուա)ծ ձեր։

Verse: 13  Link to sept   Եւ եղեւ ընդ երեկոյսն, եւ ել լորամարգին եւ ծածկեաց զբանակն։

Verse: 14  Link to sept   եւ եղեւ ընդ առաւօտն՝ ընդ արկանել ցօղոյն շուրջ զբանակաւն. եւ ահա ՛ի վերայ երեսաց անապատին՝ մա́նր իբրեւ զգինձ, սպիտակ իբրեւ զեղեամն ՛ի վերայ երկրին։

Verse: 15  Link to sept   Իբրեւ տեսին զայն որդիքն ի(սրաէ)լի, ասեն այր ցընկեր, զի՞նչ է այս. քանզի ո́չ գիտէին զինչ իցէ։ եւ ասէ ցնոսա մովսէս. ա́յդ է հացն զոր ետ ձեզ տ(է)ր ուտելոյ.

Verse: 16  Link to sept   եւ այս բան է՝ զոր պատուիրեաց ձեզ տ(է)ր։ Ժողովեցէ́ք ՛ի դմանէ իւրաքանչիւր ըստ բաւականի́ իւրում. չափո́վ ըստ գլուխ. ըստ թուոյ անձանց ձերոց, ըստ իւրաքանչիւր ըստ վրա́նս ձեր ժողովեցէ́ք։

Verse: 17  Link to sept   Եւ արարին ա́յնպէս որդիքն ի(սրաէ)լի. եւ ժողովեցին, որ շա́տ եւ որ սակաւ։

Verse: 18  Link to sept   եւ չափեցին չափովն։ որոյ շատն էր՝ ո́չ յաւելաւ. եւ որոյ սակաւն էր՝ ո́չ պակասեաց։ իւրաքանչիւր ը(ս)տ բաւականի́ իւրում ժողովեցին։

Verse: 19  Link to sept   Եւ ասէ ցնոսա մովսէս. մի́ ոք թողուցու այտի յայգ։

Verse: 20  Link to sept   Եւ ո́չ լուան մովսիսի. այլ թողին ոմանք ՛ի նմանէ յայգ. եւ եռաց ՛ի նմա որդն, եւ նեխեցաւ։ եւ դառնացաւ ՛ի ն(ո)ս(ա) մովսէս։

Verse: 21  Link to sept   Եւ քաղէին այգուն այգուն իւրաքանչիւր ըստ բաւականի իւրում. եւ իբրեւ արեւն ջեռնոյր՝ հալէ́ր։

Verse: 22  Link to sept   Եւ եղեւ յաւուրն վեցերորդի ժողովեցին զպէտսն կրկին՝ երկո́ւս չափս առ մի մի։ եւ մտին ա(մենայ)ն իշխանք ժողովրդեանն եւ պատմեցին մովսիսի։

Verse: 23  Link to sept   Ասէ ցնոսա մովսէս. ա́յս բան է զոր խօսեցաւ տ(է)ր։ Շաբաթ՝ հանգիստ՝ սուրբ տ(եառ)ն վաղիւ։ որ ինչ եփելոց էք՝ եփեցէ́ք, եւ որ ինչ հասուցանելոց էք՝ հասուցէ́ք եւ զա(մենայ)ն զաւելորդն թողուցուք յամանս մինչեւ ցառաւօտ։

Verse: 24  Link to sept   Եւ թողին ՛ի նմանէ յայգ. ո(ր)պ(էս) հրամայեաց ն(ո)ց(ա) մովսէս. եւ ո́չ նեխեցաւ, եւ ո́չ եղեւ ՛ի նմա որդն։

Verse: 25  Link to sept   Եւ ասէ մովսէս. կերայք զայդ այսօր. քանզի շաբա́թ տ(եառ)ն է այսօր. ո́չ գտանէք այսօր զայդ ՛ի դաշտի։

Verse: 26  Link to sept   զվեց օր ժողովեցէ́ք զայդ. եւ յաւուրն եւթներորդի շաբա́թ. ո́չ լինիցի ՛ի նմա։

Verse: 27  Link to sept   Եւ եղեւ յաւուրն եւթներորդի՝ ելին ոմանք ՛ի ժողովրդենէ անտի քաղել՝ եւ ո́չ գտին։

Verse: 28  Link to sept   Եւ ասէ տ(է)ր ցմովսէս. մինչեւ յե՞րբ ո́չ կամիք լսել պատուիրանաց իմոց եւ օրինաց։

Verse: 29  Link to sept   տեսէ́ք զի տ(է)ր ետ ձեզ զօրս զայս շաբա́թ. վասն այնորիկ ինքն ետ ձեզ յաւուրն վեցերորդի հաց՝ երկուց աւուրց։ Նստարո́ւք իւրաքանչիւր ՛ի տունս ձեր. եւ մի́ ոք ելանիցէ ՛ի տեղւոջէ իւրմէ յաւուրն եւթներորդի։

Verse: 30  Link to sept   Եւ շաբաթացա́ւ ժողովուրդն յաւուրն եւթներորդի։

Verse: 31  Link to sept   Եւ անուանեցին որդիքն ի(սրաէ)լի զանուն ն(ո)ր(ա) ման։ եւ նա́ էր իբրեւ զսերմն գնձոյ՝ սպիտա́կ. եւ հա́մ նորա իբրեւ զխորիսխ մեղու։

Verse: 32  Link to sept   Եւ ասէ մովսէս. ա́յս բա́ն է՝ զոր հրաման ետ տ(է)ր. լցէ́ք լի չափով զմանանայդ յաման մի. եւ պահեցէ́ք յազգս ձեր. զի տեսանիցէք զհացդ զոր կերայք դուք յանապատի աստ. ՛ի ժամանակի իբրեւ եհան զձեզ տ(է)ր յերկրէն եգիպտացւոց։

Verse: 33  Link to sept   Եւ ասէ մովսէս ցահարոն. ա́ռ սափոր մի ոսկի, եւ արկցե́ս ՛ի նա լի չափովդ մանանայ, եւ դիցես զնա առաջի ա(ստուծո)յ ՛ի պահե́ստ յազգս ձեր։

Verse: 34  Link to sept   որպէս հրաման ետ տ(է)ր մովսիսի։ Եւ եդ զայն ահարոն առաջի վկայութե(ա)ն ՛ի պահեստ։

Verse: 35  Link to sept   Եւ որդիքն ի(սրաէ)լի կերան զմանանայն զքառասուն ամ մինչեւ եկին ՛ի շէն երկիրն, զմանանա́յն ուտէին. մինչեւ հասին ՛ի կողմն փիւնիկեցւոց։

Verse: 36  Link to sept   եւ չափն էր տասներորդ երից գրուաց։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ չուեաց ա(մենայ)ն ժողովուրդ որդւոցն ի(սրաէ)լի ՛ի սինն անապատէ, ըստ բանակս իւրեանց բանիւ տ(եառ)ն։ եւ բանակեցան յռափիդիմ։ Եւ ո́չ գոյր ջուր ըմպել ժողովրդեանն։

Verse: 2  Link to sept   եւ բամբասէ́ր ժողովուրդն զմովսէս՝ եւ ասէին. տո́ւր մեզ ջուր զի արբցուք։ Եւ ասէ ցնոսա մովսէս. զի՞ բամբասէք զիս. եւ զի՞ փորձէք զտ(է)ր։

Verse: 3  Link to sept   Եւ ծարաւեաց անդ ժողովուրդն ՛ի ջրոյ։ եւ տրտնջեաց ժողովուրդն զմովսիսէ, եւ ասեն. ընդէ՞ր հաներ զմեզ յեգիպտոսէ, կոտորե́լ զմեզ եւ զորդիս մեր, եւ զխաշինս մեր ՛ի ծարաւոյ։

Verse: 4  Link to sept   Եւ բողոքեաց մովսէս առ տ(է)ր եւ ասէ. զի՞նչ արարից ժողովրդեանս այսմիկ. սակաւիկ մեւս եւս. եւ քարկո́ծ առնիցեն զիս։

Verse: 5  Link to sept   Եւ ասէ տ(է)ր ցմովսէս. ե́րթ առաջի ժողովրդեանդ, եւ ա́ռ ընդ քեզ ՛ի ծերոց ժողովրդեանդ. եւ զգաւազանն քո որով հարեր զգետն՝ ա́ռ ՛ի ձեռին քում, եւ երթիցես։

Verse: 6  Link to sept   եւ ես հասեալ կայցեմ անդ յառաջագոյն քան զքեզ ՛ի վերայ վիմին ՛ի քորէբ։ եւ հարցե́ս զվէմն եւ ելցէ ՛ի նմանէ ջուր, եւ արբցէ ժողովուրդդ։ Եւ արա́ր այնպէս մովսէս առաջի որդւոցն ի(սրաէ)լի։

Verse: 7  Link to sept   Եւ անուանեաց զանուն տեղւոյն այնորիկ՝ փորձութի(ւն), եւ բամբասանս. վ(ա)ս(ն) բամբասանաց որդւոցն ի(սրաէ)լի, եւ վասն փորձելոյ ն(ո)ց(ա) զտ(է)ր եւ ասելոյ, եթէ իցէ՞ ՛ի մեզ տ(է)ր՝ եւ եթէ ոչ։

Verse: 8  Link to sept   Եկն ամաղէկ, եւ տայր պատերազմն ընդ ի(սրաէ)լի յռափիդիմ։

Verse: 9  Link to sept   Եւ ասէ մովսէս ցյեսու. ընտրեա́ դու քեզ արս զօրաւորս, եւ ելեալ տացես պատերա́զմն ընդ ամաղեկայ առ վաղիւ։ եւ ահա ես եկեալ կայցեմ ՛ի վ(ե)ր(այ) գլխոյ բլրոյն, եւ գաւազանն ա(ստուծո)յ ՛ի ձեռին իմում։

Verse: 10  Link to sept   Եւ արար յեսու ո(ր)պ(էս) ասաց նմա մովսէս. եւ ճակատեցա́ւ յանդիման ամաղեկայ։ եւ մովսէս՝ եւ ահարոն՝ եւ ովր՝ ելին ՛ի գլուխ բլրոյն։

Verse: 11  Link to sept   Եւ լինէր յորժամ ամբառնայր մովսէս զձեռս իւր, զօրանա́յր ի(սրա)էլ. եւ յորժամ խոնարհեցուցանէր զձեռս իւր, զօրանայր ամաղէկ։

Verse: 12  Link to sept   Եւ ծանրէին ձեռքն մովսիսի. եւ առեալ վէմ դնէին ընդ նովաւ. եւ նստէր ՛ի վերայ ն(ո)ր(ա). եւ ահարոն եւ ովր հաստատէին զձեռս ն(ո)ր(ա), մի աստի եւ մի անտի. եւ լինէին ձեռքն մովսիսի հաստատեալք մինչեւ ցմտանել արեգականն։

Verse: 13  Link to sept   Եւ եհար յեսու զամաղէկ՝ եւ զա(մենայ)ն զօրս նորա կոտորմամբ սրոյ։

Verse: 14  Link to sept   Եւ ասէ տ(է)ր ցմովսէս. գրեա́ զայդ առ ՛ի յիշատակ ՛ի գիրս։ եւ տուր յականջս յեսուայ. զի ջնջելով ջնջեցից զյիշատա́կ ամաղեկայ յերկրէ ՛ի ներքոյ երկնից։

Verse: 15  Link to sept   Եւ շինեաց մովսէս սեղան տ(եառ)ն. եւ անուանեաց զանուն ն(ո)ր(ա)՝ Տ(է)ր ապաւէն իմ։

Verse: 16  Link to sept   եւ ասէ, զի ծածուկ ձեռամբ տ(եառ)ն պատերազմի տ(է)ր ընդ ամաղեկայ ազգա́ց յազգս։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ լուաւ յոթոր քուրմ մադիամու աներ մովսիսի զա(մենայ)ն զոր արար տ(է)ր ընդ մովսիսի, եւ յի(սրաէ)լի ժողովրդեան իւրում. զի եհա́ն տ(է)ր զի(սրա)էլ յեգիպտոսէ։

Verse: 2  Link to sept   Եւ ա́ռ յոթոր աներ մովսիսի զսեպփովրայ զկին մովսիսի՝ յետ թողլոյն զնա։

Verse: 3  Link to sept   եւ զերկուս որդիս ն(ո)ր(ա). որոց միումն անուն էր՝ գերսամ, ասէ՝ պանդուխտ էի յօտար երկրի։

Verse: 4  Link to sept   եւ անուն երկրորդին՝ եղիազար. ասէ՝ ա(ստուա)ծ հօր իմոյ օգնական իմ, եւ ապրեցոյց զիս ՛ի ձեռաց փարաւոնի։

Verse: 5  Link to sept   Եւ եկն յոթոր՝ աներ մովսիսի եւ որդիք նորա եւ կին ն(ո)ր(ա) առ մովսէս յանապատն, ուր բնակեալ էր ՛ի լերինն ա(ստուծո)յ։

Verse: 6  Link to sept   Ա́զդ եղեւ մովսիսի եւ ասեն. թէ ահա աներ քո յոթոր՝ գա́յ առ քեզ, եւ կին քո եւ երկու որդիք քո ընդ նմա։

Verse: 7  Link to sept   Ե́լ մովսէս ընդառաջ աներոյն իւրոյ, եւ երկի́ր եպագ նմա եւ համբուրեաց զնա։ եւ ողջո́յն ետուն միմեանց ՛ի խաղաղութի(ւն). եւ տարաւ զնոսա ՛ի խորանն։

Verse: 8  Link to sept   Եւ պատմեաց մովսէս աներոյն իւրոյ զա(մենայ)ն զոր արար տ(է)ր ընդ փարաւոն եւ ընդ եգիպտացիսն վ(ա)ս(ն) ի(սրաէ)լի, եւ զա(մենայ)ն աշխատութի(ւն)ս որ եղեւ ն(ո)ց(ա) ՛ի ճանապարհի, եւ զի ապրեցո́յց զնոսա տ(է)ր։

Verse: 9  Link to sept   Եւ զարմացաւ յոթոր ՛ի վերայ ա(մենայ)ն բարեացն զոր արար ն(ո)ց(ա) տ(է)ր. եւ զի ապրեցոյց զն(ո)ս(ա) ՛ի ձեռաց եգիպտացւոցն եւ ՛ի ձեռաց փարաւոնի։

Verse: 10  Link to sept   Եւ ասէ յոթոր. օրհնեա́լ է տ(է)ր՝ որ ապրեցոյց զդոսա ՛ի ձեռաց եգիպտացւոցն՝ եւ ՛ի ձեռաց փարաւոնի. օրհնեալ է տ(է)ր զի փրկեաց զժողովուրդդ ՛ի ներքուստ ձեռինն եգիպտացւոց։

Verse: 11  Link to sept   արդ՝ գիտեմ թէ մեծ է տ(է)ր քան զա(մենայ)ն աստուածս։ վ(ա)ս(ն) այնորիկ զի բռնանային ՛ի վերայ դոցա։

Verse: 12  Link to sept   Եւ ա́ռ յոթոր աներն մովսիսի ողջակէզս եւ զոհս ա(ստուծո)յ։ եւ գնացին մովսէս եւ ահարոն եւ ա(մենայ)ն ծերքն ի(սրաէ)լի՝ ուտել հա́ց ընդ աներոյն մովսիսի առաջի տ(եառ)ն։

Verse: 13  Link to sept   Եւ եղեւ ՛ի վաղիւ անդր, նստա́ւ մովսէս դատե́լ զժողովուրդն. եւ կա́յր ա(մենայ)ն ժողովուրդն շուրջ զմովսիսիւ, յայգուէ մինչեւ ցերեկոյ։

Verse: 14  Link to sept   Եւ տեսեալ յոթորայ զա(մենայ)ն ինչ զոր առներ ժողովրդեանն. եւ ասէ։ Զի՞նչ է բանդ այդ զոր առնես ժողովրդեանդ. ընդէ՞ր դու նստիս միայն, եւ ա(մենայ)ն ժողովուրդդ կայ շուրջ զքեւ յառաւօտէ մինչեւ ցերեկոյ։

Verse: 15  Link to sept   Եւ ասէ մովսէս ցաներս իւր. քանզի գա́յ ժողովուրդդ առիս, խնդրե́լ իրաւունս յա(ստուծո)յ։

Verse: 16  Link to sept   յորժամ լինիցի ինչ դոցա հակառակութի(ւն), գա́ն առիս. եւ ես ընտրեմ ՛ի մէջ իւրաքանչի́ւր ուրուք. եւ իմացուցանե́մ դոցա զհրամանն ա(ստուծո)յ եւ զօրէնս նորա։

Verse: 17  Link to sept   Եւ ասէ ցնա աներն մովսիսի. ո́չ է ուղիղ բանդ զոր առնես.

Verse: 18  Link to sept   անհնարին տանջանօք տանջիս դու՝ եւ ա(մենայ)ն ժողովուրդ որ է ընդ քեզ։ ծա́նր է քեզ բանդ այդ. ո́չ կարես միայն առնել։

Verse: 19  Link to sept   Բայց արդ՝ լո́ւր ինձ, եւ տաց քեզ խրատ. եւ եղիցի ա(ստուա)ծ ընդ քեզ։ լե́ր դու ժողովրդեանդ առ ՛ի յա(ստուծո)յ, եւ տարցիս դու զբանս դոցա առ ա(ստուա)ծ։

Verse: 20  Link to sept   եւ դիցես դոցա վկայու(թ)ի(ւն) զհրամանացն ա(ստուծո)յ եւ զօրինաց ն(ո)ր(ա). եւ ցուցցես դոցա ճանապարհս յորս գնայցեն, եւ զգործս զոր գործիցեն։

Verse: 21  Link to sept   Եւ դու տե́ս քեզ յա(մենայ)ն ժողովրդենէդ արս զօրաւորս՝ ա(ստուա)ծապաշտս. արս արդարակորովս, որ ատիցեն զհպարտութի(ւն). եւ կացուսցես զնոսա ՛ի վերայ դոցա հազարապե́տս։

Verse: 22  Link to sept   եւ դատեսցին զժողովուրդդ յամենայն ժամ. եւ զբան ինչ մեծ, առ քե́զ հասուցանիցեն. եւ զփոքր ինչ դատաստան՝ ինքեա́նք դատեսցին. եւ թեթեւացուսցե́ս ՛ի քէն, եւ եղիցին քեզ օգնականք։

Verse: 23  Link to sept   Եթէ զայս բան արասցես, զօրացուսցէ́ զքեզ ա(ստուա)ծ. եւ կարասցես տոկա́լ. եւ ամենայն ժողովուրդդ երթիցէ ՛ի տեղի իւր խաղաղութ(եամ)բ։

Verse: 24  Link to sept   Եւ լուաւ մովսէս ձայնի աներոյն իւրոյ. եւ արար զա(մենայ)ն որ միանգամ ասաց նմա։

Verse: 25  Link to sept   եւ ընտրեաց մովսէս յամ ի(սրա)էլէ ա́րս զօրաւորս. եւ արար զնոսա ՛ի վերայ ն(ո)ց(ա) հազարապետս, եւ հարիւրապետս եւ յիսնապետս, եւ տասնապետս.

Verse: 26  Link to sept   եւ դատէին զժողովուրդն յա(մենայ)ն ժամ։ Բայց զբա́ն ինչ մեծ հասուցանէին առ մովսէս. եւ զա(մենայ)ն բան թեթեւ՝ ինքեա́նք դատէին։

Verse: 27  Link to sept   Եւ արձկեա́ց մովսէս զաներսն իւր, եւ գնա́ց յերկիր իւր։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Յամսեանն երրորդի ելանելոյ որդւոցն ի(սրաէ)լի յերկրէն եգիպտացւոց. յաւուրն յայնմիկ եկին յանապատն սինայ.

Verse: 2  Link to sept   Չուեցին յռափիդիմայ, եւ եկին յանապատն սինայի. եւ բանակեցան յանապատի անդ. եւ բանակեցաւ ի(սրա)էլ անդ հանդէ́պ լերինն։

Verse: 3  Link to sept   Եւ մովսէս ել ՛ի լեառնն ա(ստուծո)յ։ եւ կոչեաց զնա ա(ստուա)ծ ՛ի լեռնէ անտի եւ ասէ. Ա́յսպէս ասասցես տանն յակոբայ, եւ պատմեսցես որդւոցն ի(սրաէ)լի։

Verse: 4  Link to sept   Դուք ձեզէ́ն տեսէք՝ որչափ ինչ արարի ընդ եգիպտացիսն. եւ առի զձեզ իբրեւ ՛ի վերայ թեւո́ց արծուոյ՝ եւ յարեցի́ զձեզ առիս։

Verse: 5  Link to sept   եւ արդ՝ եթէ լսելով լուիցէք ձայնի իմում, եւ պահիցէք զուխտն իմ, եղիջիք դուք ինձ ժողովուրդ սեպհական յա(մենայ)ն ազգաց. զի ի́մ է ա(մենայ)ն երկիր.

Verse: 6  Link to sept   եւ դուք եղիջիք ինձ ՛ի թագաւորութի(ւն), եւ ՛ի քահանայութի(ւն)՝ եւ յազգ ս(ուր)բ։ զա́յս բանս խօսեսցիս ընդ որդիսն ի(սրաէ)լի։

Verse: 7  Link to sept   Եկն մովսէս եւ կոչեաց զծերս ժողովրդեանն. եւ ե́դ առաջի նոցա զա(մենայ)ն բանս զայսոսիկ զոր պատուիրեաց նմա ա(ստուա)ծ։

Verse: 8  Link to sept   Պատասխանի ետ ժողովուրդն միահամուռ, եւ ասեն. զամենայն ինչ զոր ասաց ա(ստուա)ծ՝ արասցուք եւ լուիցուք։ եւ տարաւ մովսէս զպատգամս ժողովրդեանն առ ա(ստուա)ծ։

Verse: 9  Link to sept   Եւ ասէ տ(է)ր ցմովսէս. ահաւասիկ ե́ս եկից առ քեզ սեամբ ամպոյ, զի լուիցէ́ ժողովուրդն մինչ ես ընդ քեզ խօսիցիմ. եւ հաւատասցեն քեզ յաւիտեան։ եւ պատմեաց մովսէս զբանս ժողովրդեանն առ տ(է)ր։

Verse: 10  Link to sept   Եւ ասէ տ(է)ր ցմովսէս. է́ջ՝ դի́ր վկայութի(ւն) ժողովրդեանն, եւ սրբեա́ զն(ո)ս(ա) այսօր եւ վաղիւ, եւ լուասցե́ն զձորձս իւրեանց։

Verse: 11  Link to sept   եւ պատրաստեսցի́ն աւուրն երրորդի։ զի յաւուրն երրորդի իջցէ́ տ(է)ր յանդիման ա(մենայ)ն ժողովրդեանդ ՛ի լեառնդ սինա։

Verse: 12  Link to sept   Եւ զատուսցես զժողովուրդդ շուրջ՝ եւ ասասցես. զգո́յշ կացէք անձանց յելանելոյ ՛ի լեառնն եւ մերձենալոյ առ նա. զի ա(մենայ)ն որ մերձեսցի ՛ի լեառնն՝ մահո́ւ սատակեսցի։

Verse: 13  Link to sept   Մի́ մերձեսցի ՛ի նա ձեռն. քանզի քարա́մբք քարկոծեսցի եւ նետիւք խոցոտեսցի։ եթէ անասուն իցէ եւ եթէ մարդ՝ մի́ կեցցէ։ այլ յորժամ ձա́յնքն եւ փողն եւ ամպն վերասցի ՛ի լեռնէ անտի՝ ելցեն նոքա ՛ի լեառնն։

Verse: 14  Link to sept   Եւ էջ մովսէս ՛ի լեռնէ անտի առ ժողովուրդն, եւ սրբեաց զնոսա. եւ լուացին զձորձս իւրեանց։

Verse: 15  Link to sept   եւ ասէ ցժողովուրդն. պատրա́ստ լերուք. զերիս աւուրս ՛ի կանայս մի́ մերձենայք։

Verse: 16  Link to sept   Եւ եղեւ յաւուրն երորդի ընդ առաւօտն. ձա́յնք եւ փայլատակունք եւ ա́մպ միգախառն ՛ի վերայ լերինն սինայի լինէին. եւ ձայն փողոյն հնչէ́ր մեծաձայն։ Եւ զարհուրեցաւ ա(մենայ)ն ժողովուրդն որ էր ՛ի բանակի անդ։

Verse: 17  Link to sept   եւ եհան մովսէս զժողովուրդն ընդ առաջ ա(ստուծո)յ ՛ի բանակէ անտի. եւ կացոյց շուրջ զստորոտով լերինն սինայի։

Verse: 18  Link to sept   Եւ լեառն սինա ծխէ́ր առ հասարակ. քանզի իջեա́լ կայր ա(ստուա)ծ ՛ի վ(ե)ր(այ) ն(ո)ր(ա) հրով. եւ ելանէր ծուխ նորա իբրեւ զծուխ հնոցի։ եւ զարհուրեցա́ւ ա(մենայ)ն ժողովուրդն յոյժ.

Verse: 19  Link to sept   քանզի հասանէին ձայնք փողոցն ՛ի բաց, յառաջեալք եւ սաստկացեալք յոյժ։ մովսէս խօսէր՝ եւ ա(ստուա)ծ տա́յր նմա ձայն։

Verse: 20  Link to sept   Եւ է́ջ տ(է)ր ՛ի լեառնն սինա, ՛ի գլո́ւխ լերինն։ եւ կոչեա́ց տ(է)ր զմովսէս ՛ի գլո́ւխ լերինն. եւ ե́լ անդր մովսէս։

Verse: 21  Link to sept   Եւ խօսեցաւ ա(ստուա)ծ ընդ մովսիսի եւ ասէ. է́ջ, դի́ր վկայութի(ւն) ժողովրդեանդ գուցէ́ մերձենայցեն հայել առ ա(ստուա)ծ, եւ անկանիցին բազումք ՛ի նոցանէ։

Verse: 22  Link to sept   եւ քահանայքն որ մերձենան առ ա(ստուա)ծ՝ սրբեսցի́ն. գուցէ́ սատակիցէ ՛ի նոցանէ տ(է)ր։

Verse: 23  Link to sept   Եւ ասէ մովսէս ցա(ստուա)ծ. ո́չ կարէ ժողովուրդն ելանել ՛ի լեառնն սինա. զի դու ինքնին ուխտեցեր մեզ՝ եւ ասացեր. թէ զատուսցե́ս զլեառնս եւ սրբեսցես զդա։

Verse: 24  Link to sept   Եւ ասէ ցնա տ(է)ր, ե́րթ է́ջ, եւ ե́լ այսրէն դո́ւ եւ ահարոն ընդ քեզ. բայց քահանայքն եւ ժողովուրդն մի́ ժտեսցին ելանել առ ա(ստուա)ծ, գուցէ́ սատակիցէ ՛ի նոցանէ տ(է)ր։

Verse: 25  Link to sept   Է́ջ մովսէս առ ժողովուրդն՝ եւ ասէ ցնոսա։



Chapter: 20 
ԳԼ(ՈՒԽ) Ի՜.


Verse: 1  Link to sept   Խօսեցաւ տ(է)ր զա(մենայ)ն զպատգամս զայսոսիկ՝ եւ ասէ։

Verse: 2  Link to sept   Ե́ս եմ տ(է)ր ա(ստուա)ծ քո որ հանի զքեզ յերկրէն եգիպտացւոց ՛ի տանէ ծառայութե(ան)։

Verse: 3  Link to sept   մի́ եղիցին քեզ այլ աստուածք բա́ց յինէն։

Verse: 4  Link to sept   Մի́ արասցես դու քեզ կուռս ըստ ա(մենայ)ն նմանութե(ան). որ ինչ յերկինս ՛ի վեր, եւ որ ինչ յերկիր ՛ի խոնարհ, եւ որ ինչ ՛ի ջուրս ՛ի ներքոյ երկրի։

Verse: 5  Link to sept   մի́ երկիրպագանիցես ն(ո)ց(ա), եւ մի́ պաշտեսցես զն(ո)ս(ա). զի ես եմ տ(է)ր ա(ստուա)ծ քո՝ ա(ստուա)ծ նախանձոտ, որ հատուցանեմ զմեղս հարանց՝ որդւոց, յերիս եւ ՛ի չորս ազգս ատելեաց իմոց։

Verse: 6  Link to sept   եւ առնեմ զողորմու(թ)ի(ւն) ՛ի հազար ազգս սիրելեաց իմոց, եւ ոյք պահեն զհրամանս իմ։

Verse: 7  Link to sept   Մի́ առնուցուս զանուն տ(եառ)ն ա(ստուծո)յ քոյ ՛ի վերայ սնոտեաց. զի ո́չ սիրեսցէ տ(է)ր զայն, որ առնուցու զանուն նորա ՛ի վերայ սնոտեաց։

Verse: 8  Link to sept   Յիշեսջի́ր զօրն շաբաթուց սրբե́լ զնա։

Verse: 9  Link to sept   զվեց օր գործեսցես, եւ արասցես զա(մենայ)ն գործս քո։

Verse: 10  Link to sept   յաւուրն եւթներորդի շաբա́թ տ(եառ)ն ա(ստուծո)յ քում, մի́ գործեսցես ՛ի նմա զա(մենայ)ն գործ քո դո́ւ եւ ուստր քո եւ դուստր քո, ծառա́յ քո, եւ աղախին քո. ե́զն քո եւ էշ քո, եւ ա(մենայ)ն անասուն քո. եւ ե́կն քո եւ պանդուխտն քո որ ՛ի քեզ։

Verse: 11  Link to sept   Զի զվե́ց օր արար տ(է)ր ա(ստուա)ծ զերկինս եւ զերկիր, եւ զծով եւ զա(մենայ)ն որ ՛ի նոսա, եւ հանգեաւ յաւուրն եւթներորդի. վ(ա)ս(ն) այնորիկ օրհնեաց տ(է)ր զօրն եւթներորդ, եւ սրբեաց զնա։

Verse: 12  Link to sept   Պատուեա́ զհայր քո եւ զմայր քո. զի քեզ բարի́ լինիցի, եւ զի երկայնակեա́ց լինիցիս ՛ի վերայ երկրին բարութե(ան)՝ զոր տ(է)ր ա(ստուա)ծ տացէ քեզ։

Verse: 13  Link to sept   Մի́ սպանանէր։

Verse: 14  Link to sept   Մի́ շնար։

Verse: 15  Link to sept   Մի́ գողանար

Verse: 16  Link to sept   Մի́ սուտ վկայու(թ)ի(ւն) վկայեր զընկերէ քումմէ։

Verse: 17  Link to sept   Մի́ ցանկանար տան ընկերի քոյ, եւ մի́ անդոյ նորա։ մի́ ցանկանար կնոջ ընկերի քոյ, եւ մի́ ծառայի ն(ո)ր(ա), եւ մի́ աղախնոյ ն(ո)ր(ա), եւ մի́ եզին ն(ո)ր(ա), եւ մի́ իշոյ ն(ո)ր(ա), եւ մի́ ա(մենայ)ն անասնոյ ն(ո)ր(ա). եւ մի́ ա(մենայ)նի զինչ ընկերի քոյ իցէ։

Verse: 18  Link to sept   Եւ ամենայն ժողովուրդն տեսանէր զձայնն զճառագայթսն, եւ զբարբառ փողոյն՝ եւ զլեառնն ծխեալ։ զահի́ հարաւ ա(մենայ)ն ժողովուրդն, եւ խորշեցա́ւ. եկաց ՛ի հեռաստանէ։

Verse: 19  Link to sept   Եւ ասեն ցմովսէս. դու խօսեաց ընդ մեզ՝ եւ լուիցո́ւք. եւ մի́ խօսեսցի ընդ մեզ ա(ստուա)ծ՝ գուցէ́ մեռանիցիմք։

Verse: 20  Link to sept   Եւ ասէ ցն(ո)ս(ա) մովսէս. քաջալերեցարո́ւք. զի վ(ա)ս(ն) փորձելոյ զձեզ եկն առ ձեզ ա(ստուա)ծ. ո(ր)պ(էս) զի լինիցի երկիւղ ն(ո)ր(ա) ՛ի ձեզ, զի մի́ մեղանչիցէք։

Verse: 21  Link to sept   եւ կայր ժողովուրդն ՛ի հեռաստանէ. Եւ մովսէս եմուտ ՛ի մէգն ուր է́ր ա(ստուա)ծ։

Verse: 22  Link to sept   Եւ ասէ տ(է)ր ցմովսէս. ա́յսպէս ասասցե́ս դու տանդ յակոբայ, եւ պատմեսցե́ս որդւոցդ ի(սրաէ)լի։ դուք ձեզէն տեսէք, զի յերկնից խօսեցայ ընդ ձեզ։

Verse: 23  Link to sept   Մի́ առնիցէք ձեզ աստուածս ոսկեղէնս եւ աստուածս արծաթեղէնս։

Verse: 24  Link to sept   Սեղան՝ հոզեղէն արասջի́ք ինձ, եւ մատուսջի́ք ՛ի նմա զողջակէզս ձեր, եւ զփրկութի(ւն)ս ձեր, զոչխարս ձեր, եւ զարջառս ձեր. յա(մենայ)ն տեղիս ուր անուանեցից զանուն իմ անդ. եւ եկի́ց առ քեզ եւ օրհնեցի́ց զքեզ։

Verse: 25  Link to sept   Ապա թէ սեղան ՛ի քարանց առնիցես ինձ, մի́ շինեսցես ինձ զնոսա կոփածոյս. քանզի զձեռին գործին քո մերձեցուցեր ՛ի նա, եւ պղծեա́լ է։

Verse: 26  Link to sept   Մի́ ելանիցես ընդ աշտիճանս ՛ի սեղան իմ, զի մի́ մերկասցին առականք քո ՛ի վերայ ն(ո)ր(ա)։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ ա́յս իրաւունք են զոր դիցես առաջի ն(ո)ց(ա)։

Verse: 2  Link to sept   Եթէ գնեսցես ծառայ եբրայեցի, զվեց ա́մ ծառայեսցէ քեզ. եւ յամին եւթներորդի՝ գնասցէ ազա́տ ձրի́։

Verse: 3  Link to sept   թէ ինքն միա́յն մտեալ իցէ՝ միա́յն գնասցէ. եւ եթէ կնաւ հանդերձ մտեա́լ իցէ՝ ելցէ եւ կինն ընդ նմա։

Verse: 4  Link to sept   Ապա թէ տէրն իւր տացէ նմա կին, եւ ծնանիցի նմա ուստերք եւ դստերք, կինն եւ որդիք՝ տեառն ն(ո)ր(ա) եղիցին. եւ նա միա́յն ելցէ։

Verse: 5  Link to sept   Ապա թէ պատասխանի տուեալ ասիցէ ծառայն. սիրեցի զտէր իմ, եւ զկին իմ, եւ զորդիս իմ. եւ ո́չ գնամ յազատու(թ)ի(ւն)։

Verse: 6  Link to sept   տարցի́ զնա տէրն իւր յատեան ա(ստուծո)յ. եւ ապա մատուսցէ զնա առ սեամս դրանն, եւ ծակեսցէ́ զունկն ն(ո)ր(ա) հերեամբ, եւ ծառայեսցէ́ նմա յաւիտեան։

Verse: 7  Link to sept   Իսկ եթէ վաճառեսցէ ոք զդուստր իւր յաղախնութի(ւն), մի́ գնասցէ որպէս ելանիցեն աղախնայք։

Verse: 8  Link to sept   եթէ ոչ լինիցի հաճոյ յաչս տեառն իւրոյ՝ որում հաստատեցաւն, փրկեսցէ́ զնա. բայց յա́զգ օտար՝ չէ́ իշխան վաճառել, զի անարգեաց զնա։

Verse: 9  Link to sept   Ապա թէ որդւոյ իւրում հաստատեսցէ զնա, ըստ օրինաց դստերա́ց արասցէ նմա։

Verse: 10  Link to sept   Ապա թէ առ նովաւ ա́յլ առնուցու. զօրէնն եւ զհանդերձ ն(ո)ր(ա) եւ զմերձաւորիւթի(ւն) մի́ հատցէ ՛ի նմանէ։

Verse: 11  Link to sept   Ապա թէ զերիս զայսոսիկ ո́չ առնիցէ նմա, ձրի́ իսկ ելցէ առանց արծաթոյ։

Verse: 12  Link to sept   Եւ եթէ հարցէ́ ոք զոք՝ եւ մեռանիցի, մահո́ւ մեռցի եւ նա։

Verse: 13  Link to sept   Իսկ որ ոչ կամաւ՝ այլ ա(ստուա)ծ մատնեաց ՛ի ձեռս ն(ո)ր(ա), տացի́ նմա տեղի ուր փախիցէ սպանօղն։

Verse: 14  Link to sept   Իսկ եթէ մտաբերիցէ ոք յընկեր իւր սպանանել զնա նենգութ(եամ)բ՝ եւ փախիցէ, եւ ՛ի սեղանո́յ իմմէ առնուցուս զնա եւ սպանանիցես։

Verse: 15  Link to sept   Որ հարկանէ զհայր իւր, կամ զմայր իւր, մահո́ւ մեռցի։

Verse: 16  Link to sept   Որոք գողասցի յորդւոցն ի(սրաէ)լի՝ եւ վաճառեսցէ զնա, եւ գտցի առ նմա, մահո́ւ մեռցի։

Verse: 17  Link to sept   Որ բամբասեսցէ զհա́յր իւր՝ կամ զմայր իւր, մահո́ւ մեռցի։

Verse: 18  Link to sept   Եթէ կագիցեն արք երկու, եւ հարկանիցէ ոք ՛ի նոցանէ զընկեր իւր քարի́ւ կամ բռնցի. եւ ո́չ մեռանիցի, այլ դնիցի ՛ի մահիճս։

Verse: 19  Link to sept   Եթէ յառնիցէ այրն եւ շրջիցի արտաքոյ ՛ի ցպոյ, անպա́րտ լիցի որ եհարն. բայց զխափանածո́յ ն(ո)ր(ա)՝ եւ բժշկութե(ա)ն տուժեսցի́։

Verse: 20  Link to sept   Եթէ ոք հարցէ զծառայ իւր՝ կամ զաղախին իւր գաւազանաւ, եւ մեռցի́ ՛ի ձեռաց նորա, դատաստանաւ վրէժխնդրութի(ւն) լիցի։

Verse: 21  Link to sept   Բայց թէ մի օր՝ կամ երկուս կեցցէ, մի́ խնդրեսցի վրէժն. զի գինք արծաթոյ իւրոյ են։

Verse: 22  Link to sept   Իսկ եթէ կռուիցին արք երկու, եւ հարկանիցեն զկին յղի եւ ելանիցէ սաղմնն աննկար, կէ́ս վնասու տուժեսցի. որչափ ինչ արկանիցէ նմա ա́յր կնոջն, եւ տացէ աղաչելով։

Verse: 23  Link to sept   Ապա թէ կերպարանեալ իցէ. տացէ ա́նձն ընդ անձին։

Verse: 24  Link to sept   ա́կն ընդ ական, ատա́մն ընդ ատաման, ձե́ռն ը(նդ) ձեռին, ո́տն ը(նդ) ոտին,

Verse: 25  Link to sept   խարա́ն ընդ խարանի, վէ́ր ը(նդ) վիրի. հարուա́ծ ը(նդ) հարուածոյ։

Verse: 26  Link to sept   Իսկ եթէ հարցէ́ ոք զակն ծառայի իւրոյ, կամ զակն աղախնոյ իւրոյ, եւ կուրացուսցէ, արձակեսցէ զնոսա ազա́տս փոխանակ ական ն(ո)ց(ա)։

Verse: 27  Link to sept   Եւ եթէ զատամն ծառայի իւրոյ, կամ զատամն աղախնոյ թափեսցէ, արձակեսցէ ազա́տ փոխանակ ատաման ն(ո)ց(ա)։

Verse: 28  Link to sept   Իսկ եթէ հարցէ ցուլ զա́յր կամ զկին, եւ մեռանիցին, ցուլն՝ քարկո́ծ լիցի, եւ միս ն(ո)ր(ա) մի́ կերիցի. եւ տէր ցլուն անպա́րտ լիցի։

Verse: 29  Link to sept   Ապա թէ ցուլն հարկանօղ իցէ յերեկն եւ յեռանտն, եւ բողոքեա́լ իցէ տեառն ն(ո)ր(ա), եւ ն(ո)ր(ա) չիցէ́ ՛ի միջոյ բարձեալ. եւ սպանանիցէ զայր կամ զկին, ցուլն քարկոծ լիցի, եւ տէր ցլուն առ նմին մեռցի։

Verse: 30  Link to sept   Իսկ եթէ փրկանք անկանիցին ՛ի վերայ ն(ո)ր(ա), տացէ́ փրկանս ընդ անձին իւրում, ըստ ա(մենայ)նի́ որչափ ինչ արկանիցեն նմա գին։

Verse: 31  Link to sept   Եւ եթէ զուստր կամ զդուստր հարկանիցէ, ը(ս)տ նմին օրինակի արասցեն նմա։

Verse: 32  Link to sept   Իսկ եթէ զծառա́յ կամ զաղախին հարկանիցէ ցուլն, երեսուն կրկին սատեր արծաթոյ տացէ տեառն ն(ո)ց(ա). եւ ցուլն քարկո́ծ լիցի։

Verse: 33  Link to sept   Իսկ եթէ բացցէ ոք հո́ր, կամ փորեսցէ ջրհոր, եւ ո́չ խփանիցէ զնա, եւ անկանիցի անդ արջառ՝ կամ էշ։

Verse: 34  Link to sept   տէր հորոյն տուժեսցի արծաթ, եւ տացէ տեառն ն(ո)ր(ա). եւ շաղիղն նորա́ լիցի։

Verse: 35  Link to sept   Իսկ եթէ հարցէ ցուլ ուրուք զցուլ ընկերի իւրոյ՝ եւ մեռցի. վաճառեսցե́ն զցուլն կենդանի, եւ բաժանեսցե́ն զգինս նորա, եւ զցուլն սպանեալ՝ բաժանեսցե́ն։

Verse: 36  Link to sept   Ապա թէ յերէկն եւ յեռանտն գիտէին զցուլն, եւ բողոքեա́լ իցէ տեառն ն(ո)ր(ա), եւ ն(ո)ր(ա) չիցէ́ ՛ի միջոյ բարձեալ զնա, տուժեսցի́ ցուլ ը(նդ) ցլուն, եւ սպանեալն ն(ո)ր(ա) լիցի։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Իսկ եթէ գողասցի ոք արջառ կամ ոչխար, եւ սպանցէ́ կամ վաճառեսցէ, հի́նգ արջառ ընդ արջառոյն տուժեսցի. եւ չորս ոչխար ընդ ոչխարին։

Verse: 2  Link to sept   Իսկ եթէ յակա́ն գտանիցի գող. եւ խոցեալ մեռցի, չէ́ այն նմա ՛ի սպանու(թ)ի(ւն)։

Verse: 3  Link to sept   ապա թէ արեւն ՛ի վ(ե)ր(այ) ն(ո)ր(ա) ծագիցէ, մահապա́րտ է, փոխարէ́ն մեռցի։ ապա թէ ո́չինչ գտանիցի ն(ո)ր(ա), վաճառեսցի́ փոխանակ գողու(թ)ե(ա)ն իւրոյ։

Verse: 4  Link to sept   Իսկ եթէ ըմբռնեսցի, եւ գտցի́ ՛ի ձեռին ն(ո)ր(ա) գողօնն՝ յարջառոյ եւ յիշոյ մինչեւ ցոչխար՝ կրկի́ն տուժեսցի։

Verse: 5  Link to sept   Եթէ արածիցէ ոք զանդ՝ կամ զայգի, եւ թոյլ տայցէ խաշին իւրում արածե́լ զանդ այլոց, յիւրմէ́ անդոյ անտի տուժեսցի ըստ արդեանն։ Ապա թէ զա(մենայ)ն իսկ զանդն արածիցէ, զընտի́ր կողմն անդոյ իւրոյ, եւ զընտի́ր այգւոյ իւրոյ տուժեսցի։

Verse: 6  Link to sept   Իսկ եթէ ելանիցէ հուր, եւ գտանիցէ փո́ւշ, եւ ընդ նմին այրիցէ զկալ՝ կամ զօրան կամ զանդ, տուժելով տուժեսցի որոյ զհրդեհն հանեալ իցէ։

Verse: 7  Link to sept   Իսկ եթէ ոք տացէ ընկերի իւրում արծաթ, կամ ա́յլ ինչ կարասի զիւր յաւանդ, եւ գողանայցի́ ՛ի տանէ առնն. եթէ գտցի́ որ գողացաւն, կրկին տուժեսցի։

Verse: 8  Link to sept   ապա թէ ո́չ գտցի որ գողացաւն, մատիցէ տէր տանն առաջի ա(ստուծո)յ, եւ երդուիցի, եթէ իւր չէ́ նենգեալ ամենեւին զաւանդ ընկերի իւրոյ.

Verse: 9  Link to sept   ըստ ա(մենայ)ն վնասակա́ր բանի, յարջառոյ՝ եւ յիշոյ՝ եւ յոչխարէ, եւ ՛ի հանդերձէ, եւ յա(մենայ)ն կորստենէ որում վնասակար առնիցեն։ Որ զինչ իցէ՝ առաջի ա(ստուծո)յ եկեսցէ դատաստա́ն երկոցուն. եւ որ ոք ՛ի նոցանէ ըմբռնեսցի ՛ի ձեռն ա(ստուծո)յ, կրկի́ն տուժեսցի ընկերի իւրում։

Verse: 10  Link to sept   Եւ եթէ տացէ ոք ընկերի իւրում էշ, կամ եզն, կամ ոչխար, կամ ա́յլ ինչ անասուն ՛ի պահեստ, եւ բեկցի՝ կամ մեռցի՝ կամ գերի վարեսցի, եւ ո́չ ոք գիտասցէ.

Verse: 11  Link to sept   երդո́ւմն ա(ստուծո)յ լիցի ՛ի մէջ երկոցուն, եթէ նենգանօք ինչ չիցէ́ գնացեալ ամենեւին ընդ աւա́նդ ընկերին իւրոյ. ապա յա́նձն առցէ տէր ն(ո)ր(ա). եւ մի́ տուժեսցի։

Verse: 12  Link to sept   Իսկ եթէ գողութ(եամ)բ գողանայցի ՛ի նմանէ, տուժեսցի́ տեառն ն(ո)ր(ա)։

Verse: 13  Link to sept   ապա թէ գազանաբե́կ լինիցի, ածցէ վկայ ՛ի գէ́շ անդր. եւ մի́ տուժեսցի։

Verse: 14  Link to sept   Իսկ եթէ ոք խնդրեսցէ անօթ յընկերէ́ իւրմէ, եւ բեկցի́ կամ մեռցի, կամ գերի́ գնասցէ, եւ տէր նորա չիցէ́ ընդ նմա, տուժելո́վ տուժեսցի։

Verse: 15  Link to sept   ապա թէ տէր ն(ո)ր(ա) ընդ նմա իցէ՝ ո́չ տուժեսցԷ։ ապա թէ ՛ի վարձո́ւ առեալ իցէ, ընդ վարձո́ւց իւրոց եղիցի նմա։

Verse: 16  Link to sept   Իսկ եթէ ոք խաբեսցէ́ զկոյս զո́չ խօսեալ՝ եւ ննջեսցէ ընդ նմա, վարձանօք վարձեսցի զնա իւր կնու(թ)ե(ան)։

Verse: 17  Link to sept   Եւ եթէ ո́չ առնուցու յանձն հայր ն(ո)ր(ա) տալ զնա նմա կնու(թ)ե(ան), տուժեսցի արծա́թ հօր ն(ո)ր(ա) ո(ր)պ(էս) իցեն վարձանք կուսից։

Verse: 18  Link to sept   Զկախարդս մի́ ապրեցուցանիցէք։

Verse: 19  Link to sept   Զամենայն որ խառնակիցի ընդ անասուն, մահո́ւ սպանանիջիք։

Verse: 20  Link to sept   Որ դից զոհէ՝ սատակեսցի́, բայց միայն տ(եառ)ն։

Verse: 21  Link to sept   Զպանդուխտն՝ մի́ չարչարիցէք՝ եւ մի́ նեղէք զնա, զի եւ դուք պանդուխտք էիք յերկրին եգիպտացւոց։

Verse: 22  Link to sept   Զա(մենայ)ն զայրի՝ եւ զորբ՝ մի́ չարչարիցէք։

Verse: 23  Link to sept   ապա թէ չարչարելով չարչարիցէ́ք զնոսա, եւ բողո́ք բարձեալ աղաղակիցեն առիս, լսելո́վ լուա́յց աղաղակի ն(ո)ց(ա)։

Verse: 24  Link to sept   եւ բարկացա́յց սրտմտութ(եամ)բ եւ կոտորեցից զձեզ սրով. եւ եղիցին կանայք ձեր այրի́ք, եւ մանկունք ձեր ո́րբք։

Verse: 25  Link to sept   Եւ եթէ արծաթ փո́խ տայցես եղբօր քում, որ աղքա́տ իցէ՝ առ քեզ, մի́ ճեպեսցես զնա. եւ մի́ արկանիցես նմա տոկոսիս։

Verse: 26  Link to sept   Եւ եթէ գրաւեսցես զբաճկոն ընկերի քոյ, նախ քան զմտանել արեւու դարձուսցե́ս անդրէն։

Verse: 27  Link to sept   զի ա́յն վերարկու նորա, եւ այն է հանդերձ առականաց նորա որով ննջիցէ։ եւ եթէ բողոքիցէ առիս՝ լուա́յց նմա. քանզի ողորմա́ծ եմ։

Verse: 28  Link to sept   Զաստուածս քո մի́ բամբասիցես։ եւ զիշխան ժողովրդեան քոյ մի́ հայհոյեսցես։

Verse: 29  Link to sept   Զպտուղ կալոյ քոյ եւ զհնձանի մի́ հատանիցես։ Զանդրանիկս որդւոց քոց ի́նձ տացես։

Verse: 30  Link to sept   նոյնպէս արասցես զարջառ քո, եւ զոչխար քո, եւ զէշ քո։ զեւթն օր՝ եղիցի ընդ մա́րբ իւրով, եւ յաւուրն ութերորդի՝ տացե́ս զնա ինձ։

Verse: 31  Link to sept   Եւ մարդք սո́ւրբք լինիջիք ինձ, զի ես եմ տ(է)ր ա(ստուա)ծ ձեր։ Զմիս գազանաբեկին ՛ի բացի՝ մի́ ուտիցէք, այլ շա́ն ընկեսջիք։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ համբաւ սուտ՝ մի́ ընդունիցիս։
   Մի́ հաւանիցիս ը(նդ) անիրաւի՝ լինել վկայ անիրաւ։

Verse: 2  Link to sept   Մի́յօժարեսցիս ընդ բազումս ՛ի չարիս։
   Մի́ յաւելուցուս ՛ի բազմութի(ւն) միտել ընդ բազումս առ ՛ի խոտորելոյ զիրաւունս։

Verse: 3  Link to sept   եւ մի́ ողորմեսցիս տնանկին ՛ի դատաստանի։

Verse: 4  Link to sept   Եւ եթէ պատահեսցիս եզին թշնամվոյ քոյ, կամ իշոյ ն(ո)ր(ա) մոլորելոյ, դարձուսցես եւ հասուսցե́ս զնա առ նա։

Verse: 5  Link to sept   Եւ եթէ տեսանիցես զգրաստ ընկերի քոյ՝ անկալ ընդ բեռամբ, մի́ զանց առնիցես զնովաւ, այլ յարուսցե́ս զնա ընդ նմա։

Verse: 6  Link to sept   Մի́ խոտորիցես զիրաւունս տնանկին ՛ի դատաստանի իւրում։

Verse: 7  Link to sept   Յամենայն՝ ՛ի զո́ւր բանէ՝ ՛ի բա́ց լինիցիս. եւ զարդարն եւ զանպարտն մի́ սպանանիցես. եւ զամպարիշտն մի́ ապրեցուցանիցես վ(ա)ս(ն) կաշառաց.

Verse: 8  Link to sept   եւ կաշառ՝ մի́ առնուցուս. զի կաշառ կուրացուցանէ́ զաչս համարձակահայեաց, եւ ապականէ́ զբանս արդարս։

Verse: 9  Link to sept   Եւ զպանդուխտն մի́ նեղես. քանզի ճանաչէ́ք դուք զանձինս պանդխտաց. զի եւ դուք պանդուխտք էիք յերկրին եգիպտացւոց։

Verse: 10  Link to sept   Զվե́ց ամ սերմանեսցես զերկիր քո, եւ ժողովեսցե́ս զարմտիս ն(ո)ր(ա)։

Verse: 11  Link to sept   եւ յամին եւթներորդի թողու(թ)ի(ւն) արասցես, եւ հանգուսցես զնա։ եւ կերիցեն տնա́նկք ազգի քոյ. եւ զմնացեալն ՛ի նոցանէ կերիցեն գազա́նք վայրի. ա́յսպէս արասցես զայգի քո եւ զձիթենի քո։

Verse: 12  Link to sept   Զվե́ց օր գործեսցես զգործ քո. եւ յաւուրն եւթներորդի հանգիցէ́ եզն քո եւ է́շ քո, եւ հանգիցէ́ որդի աղախնոյ քոյ եւ պանդխտին։

Verse: 13  Link to sept   Զամենայն զոր ասացի ձեզ՝ պահեսջի́ք. եւ զանուն աստուածոց օտարաց մի́ յիշիցէք. եւ մի́ լուիցի ՛ի բերանոյ ձերմէ։

Verse: 14  Link to sept   Երի́ս ժամանակս ՛ի տարւոջ արասջի́ք ինձ տօնս։

Verse: 15  Link to sept   Զտօն բաղարջակերա́ցն պահեսջիք. զեւթն օր բաղարջ կերիջիք, ո(ր)պ(էս) պատուիրեցի ձեզ ըստ ժամանակի ամսոյն կանխոց. զի ՛ի նմա́ ելէք դուք յերկրէն եգիպտացւոց։ ո́չ երեւեսցիս առաջի իմ դատարկաձեռն։

Verse: 16  Link to sept   Եւ զտօն ամարայնոյ առաջնոյ արմտեա́ց քոց արասցես զգործոց քոց, որ ինչ վարեա́լ իցէ յանդի քում։ Եւ զտօն կատարածի ելից տարւոյն, ՛ի ժողովել գործոց քոց յանդէ։

Verse: 17  Link to sept   Երի́ս ժամանակս ՛ի տարւոջ յանդիմա́ն լիցի ա(մենայ)ն արու քո առաջի տ(եառ)ն ա(ստուծո)յ։

Verse: 18  Link to sept   Եւ մի́ զոհեսցես ՛ի վերայ խմորոյ զարիւն զոհից քոց։ եւ մի́ ագցի ճարպ տօնի իմոյ մինչեւ ցառաւօտ։

Verse: 19  Link to sept   Զպտուղս առաջին արմտեաց քոց բերցես ՛ի տո́ւն տ(եառ)ն ա(ստուծո)յ քոյ։ Եւ մի́ եփեսցես զգառն ՛ի կաթն մօր իւրոյ։

Verse: 20  Link to sept   Եւ ահա ես առաքեմ զհրեշտակ իմ առաջի երեսաց քոց, զի պահեսցէ զքեզ ՛ի ճանապարհի. ո(ր)պ(էս) զի տարցի́ զքեզ յերկիրն, զոր պատրաստեցի քեզ։

Verse: 21  Link to sept   Զգո́յշ լեր անձին քում եւ լուիցես, եւ մի́ անհաւան լինիցիս նմա. զի ո́չ խորշեսցի ՛ի քէն. քանզի անուն իմ ՛ի վերայ ն(ո)ր(ա) է։

Verse: 22  Link to sept   Եւ եթէ լսելով լուիցես ձայնի իմում, եւ արասցես զա(մենայ)ն զոր ինչ ասացի քեզ, եղէց թշնամի́ թշնամեաց քոց. եւ հակառա́կ կացից հակառակորդաց քոց։

Verse: 23  Link to sept   զի երթիցէ հրեշտակ իմ առաջնորդե́լ քեզ. եւ տարցի́ զքեզ առ ամովրհացին, եւ քետացի, եւ փերեզացի, եւ քանանացի, եւ գերգեսացի, եւ խեւացի, եւ յեբուսացի. եւ սատակեցից զնոսա։

Verse: 24  Link to sept   Մի́ պագանիցես երկիր աստուածոց ն(ո)ց(ա), եւ մի́ պաշտեսցես զն(ո)ս(ա). եւ մի́ առնիցես ը(ս)տ գործոց ն(ո)ց(ա), այլ քակելով քակեսցե́ս զնոսա, եւ մանրելով մանրեսցես զարձանս ն(ո)ց(ա)։

Verse: 25  Link to sept   Եւ պաշտեսցե́ս զտ(է)ր ա(ստուա)ծ քո. եւ օրհնեցի́ց զհաց քո եւ զջուր քո, եւ դարձուցից ՛ի ձէնջ զախտ։

Verse: 26  Link to sept   եւ մի́ եղիցի անսերմ եւ ամուլ յերկրի քում. զթիւ աւուրց քոց լցուցի́ց։

Verse: 27  Link to sept   եւ զա́հ իմ առաքեցից առաջնորդե́լ քեզ. եւ զարհուրեցուցի́ց զա(մենայ)ն ազգս յորս մտանիցես ՛ի նոսա։ Եւ տաց զա(մենայ)ն հակառակորդս քո փախստակա́նս։

Verse: 28  Link to sept   եւ առաքեցի́ց առաջի քո զպիծակ. եւ մերժեսցէ́ զամովրհացին, եւ զխեւացին, եւ զքանանացին, եւ զքետացին յերեսաց քոց։

Verse: 29  Link to sept   Եւ ո́չ մերժեցից զն(ո)ս(ա) յերեսաց քոց ՛ի միում ամի. զի մի́ երկիրն անապատ լինիցի, եւ բազմանայցեն ՛ի վերայ քո գազանք երկրին։

Verse: 30  Link to sept   առ սակաւ սակա́ւ մերժեցից զնոսա ՛ի քէն. մինչեւ աճեսցես եւ ճառանգեսցես զերկիր։

Verse: 31  Link to sept   Եւ եդից զսահմանս քո ՛ի կարմիր ծովէ մինչեւ ՛ի ծովն փղշտացւոց. եւ յանապատէն մինչեւ ցգե́տն մեծ եփրատ։ եւ մատնեցից ՛ի ձեռս ձեր զբնակիչս երկրին. եւ մերժեցից զն(ո)ս(ա) ՛ի քէն։

Verse: 32  Link to sept   Եւ դու՝ մի́ դնիցես ընդ ն(ո)ս(ա), եւ ընդ դի́ս նոցա ուխտ։

Verse: 33  Link to sept   եւ մի́ բնակեսցեն յերկրի քում, զի մի́ յանցուցանիցեն զքեզ առիս։ զի եթէ ծառայեսցես դի́ց նոցա, նոքա́ լիցին քեզ ՛ի գայթագղութի(ւն)։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ ասէ ցմովսէս. ե́լ առ տ(է)ր, դո́ւ եւ ահարոն, եւ նաբադ եւ աբիուդ՝ եւ եւթանասուն այր ՛ի ծերոցն ի(սրաէ)լի։ եւ երկի́ր պագցեն տ(եառ)ն ՛ի հեռաստանէ։

Verse: 2  Link to sept   Եւ մերձեսցի մովսէս միայն առ ա(ստուա)ծ. եւ նոքա մի́ մերձեսցին բայց ժողովուրդն մի́ ելցէ ընդ նոսա։

Verse: 3  Link to sept   Եւ եմուտ մովսէս եւ պատմեաց ժողովրդեանն զա(մենայ)ն պատգամս ա(ստուծո)յ, եւ զա(մենայ)ն իրաւունս։ Պատասխանի ետ ա(մենայ)ն ժողովուրդն ՛ի մի ձայն՝ եւ ասեն. զա(մենայ)ն պատգամս զոր խօսեցաւ տ(է)ր՝ արասցո́ւք եւ լուիցուք։

Verse: 4  Link to sept   Եւ գրեաց մովսէս զա(մենայ)ն զպատգամսն տ(եառ)ն։ Եւ կանխեալ մովսիսի ընդ առաւօտն, շինեաց սեղան ՛ի ստորոտ լերինն. եւ երկոտասան վէ́մ կանգնեաց ըստ երկոտասան ազգացն ի(սրաէ)լի։

Verse: 5  Link to sept   Եւ առաքեաց զերիտասարդս որդւոցն ի(սրաէ)լի, եւ հանին ողջակէզս, եւ զոհեցին զոհս փրկութե(ան) ա(ստուծո)յ ո́րթս։

Verse: 6  Link to sept   Եւ առեալ մովսիսի զկէ́ս արեանն արկ ՛ի խառնելիսն. եւ զկէ́ս արեանն եհեղ առաջի սեղանոյն։

Verse: 7  Link to sept   եւ առեալ զգիր ուխտին ընթերցաւ յականջս ժողովրդեանն։ Եւ ասեն, զա(մենայ)ն զոր խօսեցաւ տ(է)ր՝ արասցո́ւք եւ լուիցուք։

Verse: 8  Link to sept   Եւ առեալ մովսիսի զարիւնն, ցանեաց զժողովրդեամբն՝ եւ ասէ. ահա ա́յս արիւն է ուխտին զոր ուխտեաց տ(է)ր ընդ ձեզ վ(ա)ս(ն) ա(մենայ)ն բանիցս այսոցիկ։

Verse: 9  Link to sept   Եւ ելին մովսէս եւ ահարոն, եւ նաբադ եւ աբիուդ՝ եւ եւթանասունք ՛ի ծերոցն ի(սրաէ)լի։

Verse: 10  Link to sept   եւ տեսին զտեղին ուր կայր ա(ստուա)ծ ի(սրաէ)լի. եւ ընդ ոտիւք նորա իբրեւ զգործա́ծ աղիւսոյ շափիղայ. եւ իբրեւ զտեսի́լ հաստատութե(ան) երկնից սրբութ(եամ)բ։

Verse: 11  Link to sept   Եւ յընտրելոցն ի(սրաէ)լի ո́չ ծախեցաւ եւ ո́չ մի. եւ երեւեցան ՛ի տեղւոջն ա(ստուծո)յ. եւ կերա́ն եւ արբին։

Verse: 12  Link to sept   Եւ ասէ տ(է)ր ցմովսէս. ե́լ առիս ՛ի լեառնն, եւ ա́նդ լինիջիր։ եւ տա́ց քեզ տախտակս քարեղէնս եւ օրէնս եւ պատուիրանս զորս գրեցի, լինել ն(ո)ց(ա) օրէնսդիր։

Verse: 13  Link to sept   Յարեաւ մովսէս եւ յեսու պաշտօնեայ նորա, եւ ելին ՛ի լեառնն ա(ստուծո)յ։

Verse: 14  Link to sept   եւ ասէ ցծերսն. դադարեցէ́ք այդր մինչեւ դարձցուք առ ձեզ։ եւ ահա ահարոն եւ ովր ընդ ձե́զ են։ եթէ ուրուք դատաստան ինչ լինիցի, երթիցեն առ նոսա։

Verse: 15  Link to sept   Եւ ել մովսէս ՛ի լեառնն. եւ ծածկեաց ամպն զլեառնն։

Verse: 16  Link to sept   եւ իջին փառքն ա(ստուծո)յ ՛ի լեառնն սինա. եւ ծածկեա́ց զնա ամպն զվեց օր։ Եւ կոչեաց տ(է)ր զմովսէս յաւուրն եւթներորդի ՛ի միջոյ ամպոյն։

Verse: 17  Link to sept   եւ տեսիլ փառացն տ(եառ)ն իբրեւ զհուր բորբոքեալ ՛ի վերայ գլխոյ լերինն՝ յանդիման որդւոցն ի(սրաէ)լի։

Verse: 18  Link to sept   Եւ եմո́ւտ մովսէս ՛ի մէջ ամպոյն, եւ ել ՛ի լեառնն. եւ է́ր մովսէս ՛ի լերին անդ զքառասուն տիւ եւ զքառասուն գիշեր։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Եւ խօսեցաւ տ(է)ր ընդ մովսիսի եւ ասէ։

Verse: 2  Link to sept   Ասասցես ցորդիսն ի(սրաէ)լի. եւ առէ́ք ինձ պտուղ ՛ի նոցանէ, որոց հաճոյ թուեսցի ՛ի սիրտս իւրեանց եւ առնուցուք զպտուղս իմ։

Verse: 3  Link to sept   Եւ ա́յս է պտուղն զոր առնուցուք ՛ի նոցանէ. ոսկի, եւ արծաթ, եւ պղինձ,

Verse: 4  Link to sept   եւ կապուտակ, եւ ծիրանի. եւ կարմիր կրկին, եւ բեհէզ մանեալ. եւ մազ այծեաց.

Verse: 5  Link to sept   եւ մորթս խոյոց կարմիր ներկեալ. եւ մորթս կապուտակեալս. եւ փայտս անփուտս։

Verse: 6  Link to sept   Եւ եւղ լուսոյ. եւ խունկս յեւղ օծման՝ եւ ՛ի հանդերձանս խնկոց։

Verse: 7  Link to sept   եւ ականս սարդիոնս. եւ ականս գրոյ ՛ի գործ վակասին. եւ զպճղնաւորն։

Verse: 8  Link to sept   Եւ արասցե́ս ինձ սրբու(թ)ի(ւն), եւ երեւեցայց ՛ի ձեզ։

Verse: 9  Link to sept   Եւ արասցե́ս ինձ ըստ ա(մենայ)նի զոր ցուցից քեզ ՛ի լերինն. օրինակ խորանի՝ եւ օրինակ ամենայն սպասուց նորա։

Verse: 10  Link to sept   եւ այսպէս արասցես։
   Արասցե́ս տապանա́կ վկայութե(ան) յանփուտ փայտից։ յերկուց կանգնոց եւ ՛ի կիսոյ զերկայութի(ւն) նորա, եւ ՛ի կանգնոյ եւ ՛ի կիսոյ զլայնու(թ)ի(ւն) ն(ո)ր(ա), եւ ՛ի կանգնոյ եւ ՛ի կիսոյ զբարձրութի(ւն) ն(ո)ր(ա)։

Verse: 11  Link to sept   Եւ պատեսցե́ս զնա ոսկւով սրբով ներքոյ, եւ արտաքոյ օծցե́ս զնա։ եւ արասցես ՛ի նմա ծնօտս ոսկիս շո́ւրջ շրջանակաւ։

Verse: 12  Link to sept   Եւ ձուլեսցես ՛ի նմա չո́րս օղամանեակս ոսկիս. եւ դիցես ՛ի չորեցունց կողմանց ն(ո)ր(ա) երկուս օղամանեակս ՛ի միոջէ կողմանէ. եւ երկուս օղամանեակս ՛ի միւսմէ կողմանէ։

Verse: 13  Link to sept   Եւ արասցես լծա́կս յանփուտ փայտից. եւ պատեսցե́ս զնոսա ոսկւով։

Verse: 14  Link to sept   եւ ագուսցե́ս զլծակսն՝ յօղամանեակսն ՛ի կողմանս տապանակին, բառնա́լ նոքօք զտապանակն։

Verse: 15  Link to sept   զի յօղամանեակս տապանակի կտակարանացն կայցեն լծակքն, անշա́րժք անդստին ՛ի նմանէ։

Verse: 16  Link to sept   Եւ դիցես ՛ի տապանակին զվկայու(թ)ի(ւն)սն զոր ե́ս տաց քեզ։

Verse: 17  Link to sept   Եւ արասցես զքաւու(թ)ի(ւն)ն խնկակալ յոսկւո́յ սրբոյ։ յերկուց կանգնոց եւ ՛ի կիսոյ զերկայնու(թ)ի(ւն) ն(ո)ր(ա), եւ ՛ի կանգնոյ եւ ՛ի կիսոյ զլայնութի(ւն) ն(ո)ր(ա)։

Verse: 18  Link to sept   Եւ արասցես երկուս քրոբէս ոսկիս ճախարակեա́յս. եւ դիցես զն(ո)ս(ա) ՛ի վերայ երկոցունց կողմանց քաւու(թ)ե(ա)ն։

Verse: 19  Link to sept   եւ լինիցին քրոբէքն՝ մի ՛ի միոջէ́ կողմանէ, եւ մի ՛ի միւսմէ́ կողմանէ քաւութե(ա)ն։

Verse: 20  Link to sept   Եւ արասցես երկուս քրոբէս ՛ի վերայ երկոցունց կողմանց ն(ո)ր(ա)։ եւ իցէ քրոբէիցն տարածեալ զթեւս իւրեանց ՛ի վերուստ. եւ հովանի́ ունիցին թեւօք իւրեանց ՛ի վերայ քաւութե(ա)ն. եւ երեսք ն(ո)ց(ա) յանդիման միմեանց, զի ՛ի քաւութի(ւն)ն հայեսցին երեսք քրոբէիցն։ Եւ դիցես զքաւութի(ւն)ն ՛ի վերայ տապանակին ՛ի վերո́ւստ կողմանէ։

Verse: 21  Link to sept   Եւ դիցես ՛ի տապանակի անդ զվկայութի(ւն)սն զոր ե́ս տաց քեզ։

Verse: 22  Link to sept   Եւ յայտնեա́յց քեզ անտի. եւ խօսեցայց ընդ քեզ ՛ի վերուստ ՛ի քաւութ(են)է անտի. ՛ի միջոյ երկուց քրոբէիցն, որ իցեն ՛ի վերայ տապանակին վկայութե(ան), ըստ ա(մենայ)նի զոր պատուիրեցի քեզ առ որդիսն ի(սրաէ)լի։

Verse: 23  Link to sept   Եւ արասցես սեղա́ն յանփուտ փայտից. յերկուց կանգնոց զերկայնու(թ)ի(ւն) նորա, եւ ՛ի կանգնոյ զլայնու(թ)ի(ւն) ն(ո)ր(ա), եւ ՛ի կանգնոյ կիսոյ զբարձրու(թ)ի(ւն) նորա։

Verse: 24  Link to sept   Եւ պատեսցե́ս զնա ոսկւով սրբով. եւ արասցես նմա ծնօտս ոսկիս շուրջանակաւ շուրջանակի։

Verse: 25  Link to sept   եւ արասցես նմա պսա́կ ուղկեան շուրջանակի։ եւ արասցես պսակին ծնօտս շուրջանակաւ շուրջանակի։

Verse: 26  Link to sept   Եւ արասցես նմա չո́րս օղամանեակս ոսկիս. եւ դիցես զօղամանեակսն ՛ի չորեսին կողմանսն, որ իցեն չորեցունց ոտից նորա,

Verse: 27  Link to sept   ՛ի ներքոյ պսակին. եւ եղիցին օղամանեակքն լա́մբք լծակացն, բառնալ նոքօք զսեղանն։

Verse: 28  Link to sept   Եւ արասցես զլծակսն յանփո́ւտ փայտից, եւ պատեսցես զն(ո)ս(ա) ոսկւով սրբով. եւ բարձցի́ նոքօք սեղանն։

Verse: 29  Link to sept   Եւ արասցես զխնկաղացսն եւ զտուփս ն(ո)ր(ա), եւ զճաշակս, եւ զնուիրանո́ցս ն(ո)ր(ա), որովք նուիրեսցես. յոսկւոյ սրբոյ արասցե́ս զայն։

Verse: 30  Link to sept   Եւ դիցես ՛ի վերայ սեղանոյ՝ հացիներեսաց յանդիման իմ հանապազորդ։

Verse: 31  Link to sept   Եւ արասցես աշտանա́կ յոսկւոյ սրբոյ. ճախարակեա́յ գործեսցես զաշտանակսն. զի բունն, եւ ստեղունքն, եւ սկահքն, եւ գնդակքն, եւ շուշանքն՝ անդստին ՛ի նմանէ իցէ։

Verse: 32  Link to sept   Վեց ստեղունք արձակեալք ՛ի կողմանց ն(ո)ր(ա). երեք ստեղունք աշտանակին ՛ի միոջէ́ կողմանէ. եւ երեք ստեղունք աշտանակին ՛ի միւսմէ́ կողմանէ։

Verse: 33  Link to sept   Եւ երեք սկահաձեւք ընկուզազարդք յօրինեալք ՛ի միում ստեղանն. եւ գնդա́կ եւ շուշան. եւ երեք սկահաձեւք ընկուզազարդք յօրինեալք ՛ի միւսում ստեղանն. եւ գնդակ եւ շուշան. նո́յնպէս վեցեցունց ստեղանցն արձակելոց յաշտանակէ անտի։

Verse: 34  Link to sept   Եւ յաշտանակի անդ չորք սկահաձեւք ընկուզազարդք յարդարեալք. եւ գնդակք եւ շուշանք ն(ո)ր(ա)։

Verse: 35  Link to sept   Գնդակ ՛ի ներքոյ երկուց ստեղանցն անդստին ՛ի նմանէ, եւ գնդակ ՛ի ներքոյ երկուց եւս ստեղանցն անդստին ՛ի նմանէ. նոյնպէս արասցես վեցեցո́ւնց ստեղանցն արձակելոց յաշտանակէ անտի։

Verse: 36  Link to sept   զի գնդակք ն(ո)ց(ա) եւ ստեղունք անդստին ՛ի նմանէ́ իցեն. համա́կ ճախարակեայ ՛ի միոջէ ոսկւոյ սրբոյ։

Verse: 37  Link to sept   Եւ արասցես նմա ճրագարանս եւթն. եւ դիցես զճրագարանսն ՛ի վերայ աշտանակին. եւ տայցեն լո́յս ՛ի միոջէ կողմանէ երեսաց ն(ո)ր(ա)։

Verse: 38  Link to sept   Եւ զբազմակալս ն(ո)ր(ա), եւ զնեցո́ւկսն արասցես յոսկւոյ սրբոյ։

Verse: 39  Link to sept   ՛ի տաղանդէ́ միոյ յոսկւոյ սրբոյ արասցես զայն ա(մենայ)ն սպաս։

Verse: 40  Link to sept   Զգո́յշ լեր որպէս ցուցաւ քեզ օրինակ ՛ի լերինն՝ արասցե́ս։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Եւ արասցես խորա́ն տասնփեղկեան։ ՛ի բեհեզոյ մանելոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ կրկնելոյ։ քերոբ՝ գո́րծ անկուածոյ գործեսցես զնոսա։

Verse: 2  Link to sept   Երկայնու(թ)ի(ւն) միոյ փեղկին ՛ի քսանեւյութ կանգնոյ, եւ լայնու(թ)ի(ւն) ՛ի չորից կանգնոց փեղկի միոյ լինիցի։ չափ՝ նո́յն եղիցի ա(մենայ)ն փեղկիցն։

Verse: 3  Link to sept   հի́նգ փեղկ ընդ միմեանս կցեալ. եւ հինգ եւս ա́յլ ընդ միմեանս խառնեալ։

Verse: 4  Link to sept   Եւ արասցես ճարմա́նդս կապուտակեայս առ եզերբ միոյ փեղկին ՛ի միոջէ կողմանէ ՛ի խառնուածսն։ նոյնպէս արասցես եւ առ եզե́րբ արտաքնոյ փեղկին, երկրորդի́ խառնուածոյն։

Verse: 5  Link to sept   Յիսո́ւն ճարմանդ արասցես միում փեղկի. եւ յիսուն ճարմանդ արասցես ՛ի կողմանէ փեղկին ըստ երկրորդի խառնուածոյն. դէմ ընդդէ́մ միմեանց խառնիցն իւրաքանչիւր ճարմանդքն։

Verse: 6  Link to sept   Եւ արասցես յիսուն օղս ոսկիս՝ եւ խառնեսցես զփեղկսն ընդ միմեանս աղխիւքն. եւ եղիցի խորա́ն մի։

Verse: 7  Link to sept   Եւ արասցես վերնափեղկս մազեղէնս նուարտան խորանին, մետասան փեղկ գործեսցես զնոսա։

Verse: 8  Link to sept   Երկայնութի(ւն) միոյ փեղկի՝ լինիցի յերեսուն կանգնոյ. եւ լայնութի(ւն) միոյ փեղկի ՛ի չորից կանգնոց։ չափ՝ նոյն եղիցի մետասանեցունց փեղկիցն։

Verse: 9  Link to sept   Եւ խառնեսցե́ս ընդ միմեանս զհինգ փեղկն ՛ի միասին, եւ զվեց փեղկն ՛ի միասին։ եւ կրկնեսցես զվե́ցերորդ փեղկն առաջոյ կողմանէ խորանին։

Verse: 10  Link to sept   Եւ արասցես ճարամանդս յիսունս առ եզերբ միոյ փեղկին ՛ի մէ́ջ խառնուածոյն։ եւ յիսուն ճարամա́նդ արասցես առ եզերբ փեղկին երկրորդի́ խառնուածոյն։

Verse: 11  Link to sept   Եւ արասցես օ́ղս պղնձիս յիսուն, եւ խառնեսցե́ս զօղսն ընդ ճարմանդսն. եւ կցեսցե́ս զփե́ղկսն՝ եւ եղիցին մի։

Verse: 12  Link to sept   Եւ դիցես զաւելորդ փեղկին ՛ի ներքո́յ խորանին. կիսով փեղկիւն աւելորդաւ մնացելով ծածկեսցե́ս զապարումս փեղկից խորանին յետոյ կողմանէ,

Verse: 13  Link to sept   կանգնաւ՝ յա́յսմ կողմանէ, եւ կանգնաւ՝ յա́յնմ կողմանէ. յաւելորդէ երկայնու(թ)ե(ան) փեղկից խորանին. եւ եղիցի ծածկե́լ զապարումս խորանին աստի անտի։

Verse: 14  Link to sept   Եւ արասցես զվիժակս խորանին ՛ի շիկակարմի́ր մորթոց խոյոց։ եւ ծածկելիս ՛ի կապո́ւտակ մորթոյ ՛ի վերուստ։

Verse: 15  Link to sept   Եւ արասցես զսիւնակս խորանին յանփո́ւտ փայտից

Verse: 16  Link to sept   կանգնաւորս. ՛ի տա́սն կանգնոյ զերկայնութի(ւն) միոյ սիւնակին առնիցես։ եւ ՛ի միոջէ կանգնոյ եւ ՛ի կիսոյ

Verse: 17  Link to sept   զթանձրութի(ւն) եւ զլայնու(թ)ի(ւն) միոյ սիւնակին։ Եւ երկուս սփռիչս միում սիւնակի, ագուցեալ ընդ միմեանս. ա́յնպէս արասցես ա(մենայ)ն սիւնակաց խորանին։

Verse: 18  Link to sept   Եւ արասցես քսան սիւնակս խորանին ՛ի հիւսւսոյ կողմանէ։

Verse: 19  Link to sept   եւ քառասուն խարիսխս արծաթիս արասցես քսանեցունց սեանց։ երկու խարիսխք առ մի սիւն յերկոցունց կողմանց. եւ երկու խարիսխք առ մի սիւն յերկոցունց կողմանց խորանին։

Verse: 20  Link to sept   Եւ յերկրորդէ կողմանէ խորանին ընդ հարաւ քսան սիւն։

Verse: 21  Link to sept   եւ քառասուն խարիսխք ն(ո)ց(ա) արծաթիք. երկո́ւ խարիսխք առ մի սիւն յերկոցունց կողմանց։

Verse: 22  Link to sept   Եւ յետուստ խորանին ՛ի ծովակողմն կուսէ արասցես վե́ց սիւն։

Verse: 23  Link to sept   Եւ եկո́ւ սիւնս արասցես յանկիւնս խորանին ՛ի թիկա́նց կողմանէ։

Verse: 24  Link to sept   եւ եղիցին հասարակ ՛ի ներքուստ։ Եւ ըստ նմի́ն օրինակի լինիցին զոյգք խոյակաց ն(ո)ր(ա) ՛ի մի խառնուած։ նո́յնպէս արասցես երկոցունց անկեանցն կանգնաւորս։

Verse: 25  Link to sept   եւ եղիցի ո́ւթ սիւն. եւ խարիսխք ն(ո)ց(ա) արծաթիք՝ վեշտասան խարիսխք։ երկու խարիսխք առ մի սիւն յերկոցունց կողմանց ն(ո)ր(ա). եւ երկու սարիսխք առ մե́ւս եւս սիւն։

Verse: 26  Link to sept   Եւ արասցես նիգս յանփուտ փայտից. հի́նգ նիգ առ մի սիւն ՛ի միոջէ́ կողմանէ խորանին,

Verse: 27  Link to sept   եւ հինգ նիգ առ մե́ւս եւս սիւն յերկրո́րդ կողմանէ խորանին. եւ հինգ նիգ առ մի սիւն ՛ի թիկանց խորանին ընդ ծովակողմն։

Verse: 28  Link to sept   եւ նիգ մի ՛ի մէջ սեանցն թափանցա́նց՝ ՛ի միոջէ կողմանէ ՛ի մի́ւս կողմն։

Verse: 29  Link to sept   Եւ զսիւնսն պատեսցես ոսկւո́վ. եւ արասցես օ́ղս ոսկիս՝ յորս ագուցանիցես զնիգսն։ եւ պատեսցես զնիգսն ոսկւո́վ։

Verse: 30  Link to sept   Եւ կանգնեսցես զխորանն վկայութե(ան)՝ ըստ օրինակին որ ցուցաւ քեզ ՛ի լերինն։

Verse: 31  Link to sept   Եւ արասցես վարագո́յր ՛ի կապուտակէ́, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեղո́յ նիւթելոյ։ գո́րծ անկուածոյ գործեսցես զնա քերա́ւբ։

Verse: 32  Link to sept   Եւ դիցես զնա ՛ի վերայ չորեցունց անփո́ւտ եւ ոսկիապատ սեանցն. եւ խոյակք ն(ո)ց(ա) ոսկի́ք. եւ խարիսխք նոցա արծաթի́ք։

Verse: 33  Link to sept   եւ ձգեսցե́ս զվարագոյրն սիւնէ ՛ի սիւն։ Եւ տարցիս ՛ի նե́րքս քան զվարագոյրն զտապանակ վկայութե(ա)ն. եւ անջրպետիցէ́ ձեզ վարագոյրն ՛ի մէջ սրբութե(ա)ն, եւ ՛ի մէջ սրբութե(ան) սրբութե(ան)ցն։

Verse: 34  Link to sept   Եւ ծածկեսցե́ս վարագուրաւն զտապանակ վկայութե(ա)ն ՛ի սրբութի(ւն) սրբութե(ան)ցն։

Verse: 35  Link to sept   Եւ դիցես զսեղանն արտաքոյ վարագուրին։ եւ զաշտանակն յանդիման սեղանոյն, ՛ի կողմանէ խորանին ընդ հարաւ։ եւ զսեղանն դիցես ՛ի կողմանէ խորանին ընդ հիւսւսի։

Verse: 36  Link to sept   Եւ արասցես սրահա́կ դրան խորանին. ՛ի կապուտակէ́, եւ ՛ի ծիրանւոյ,եւ ՛ի կարմրոյ մանելոյ, եւ ՛ի բեհեզոյ նիւթելոյ. գործ նկարակե́րպ։

Verse: 37  Link to sept   Եւ արասցես վարագուրին հինգ սիւնակ յանփուտ փայտից. եւ օծցես զնոսա ոսկւո́վ։ Եւ խոյակք ն(ո)ր(ա) ոսկի́ք. եւ ձուլեսցես նոցա հինգ խարիսխ պղնձի։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Եւ արասցես սեղա́ն յանփուտ փայտից. ՛ի հի́նգ կանգնոյ զերկայու(թ)ի(ւն) ն(ո)ր(ա), եւ ՛ի հինգ կանգնոյ զլայնութի(ւն)։ չորեքկուսի́ լինիցի սեղանն, եւ յերից կանգնոց զբարձրու(թ)ի(ւն) ն(ո)ր(ա)։

Verse: 2  Link to sept   Եւ արասցես զեղջեւրս նորա ՛ի վերայ չորեցո́ւնց անկեանց իւրոց. զի անդստի́ն ընտրեալ իցեն եղջեւրքն։ եւ պատեսցե́ս զնա պղնձով։

Verse: 3  Link to sept   Եւ արասցես պսա́կ սեղանոյն։ եւ զնուարտա́ն ն(ո)ր(ա)։ եւ զտաշտսն։ եւ զմսահանսն։ եւ զկրակարանսն։ եւ զա(մենայ)ն սպասն արասցեն պղնձի́։

Verse: 4  Link to sept   Եւ արասցես նմա գահաւորա́կ վանդակակե́րպ պղնձի։ եւ արասցես գահաւորակին չո́րս օղամանեակս պղնձիս ՛ի չորեցունց կողմանէ։

Verse: 5  Link to sept   եւ դիցես զնոսա ընդ գահաւորակաւ սեղանոյն ՛ի ներքոյ։ եւ եղիցի գահաւորակն մինչեւ ՛ի մէջ սեղանոյն։

Verse: 6  Link to sept   Եւ արասցես լծա́կս սեղանոյն, լծակս յանփուտ փայտից։ եւ պատեսցես զն(ո)ս(ա) պղնձով.

Verse: 7  Link to sept   եւ արկցես զլծակսն ընդ օղսն։ եւ եղիցին լծակքն յերկոցունց կողմանց սեղանոյն՝ առ ՛ի բառնալոյ զնա։

Verse: 8  Link to sept   Խո́ր, տախտակամա́ծս արասցես զնա. ըստ օրինակին որպէս ցուցաւ քեզ ՛ի լերինն. ա́յնպէս արասցես զնա։

Verse: 9  Link to sept   Եւ արասցես սրահ ՛ի խորանին ՛ի կողմ հարաւոյ. եւ զառագաստ սրահին ՛ի բեհեզո́յ մանելոյ. հարիւր կանգուն յերկայնու(թ)ի(ւն) միոյ կողմանն,

Verse: 10  Link to sept   եւ սիւնք նոցա քսան, եւ խարիսխք նոցա պղնձիք քսան, եւ օղք նոցա եւ խոյակք ն(ո)ց(ա) արծաթիք։

Verse: 11  Link to sept   Նո́յնպէս եւ ՛ի կողմանն որ ընդ հիւսւսի՝ առագաստքն հարիւր կանգուն յերկայնութի(ւն). եւ սիւնք ն(ո)ց(ա) պղնձիք քսան, եւ սարիսխք նոցա պղնձիք քսան. եւ խոյաւղք նոցա. եւ խոյակք սեանցն պատեալ արծաթով։

Verse: 12  Link to sept   Եւ ՛ի լայնութի(ւն) սրահին ընդ ծովակողմն առագաստք ՛ի յիսուն կանգնոյ. սիւնք ն(ո)ց(ա) տասն, եւ խարիսխք ն(ո)ց(ա) տասն։

Verse: 13  Link to sept   Եւ ՛ի լայնու(թ)ի(ւն) առաջին սրահին՝ որ ընդ արեւելս առագաստք ՛ի յիսուն կանգնոյ. սիւնք ն(ո)ց(ա) տասն, եւ խարիսխք ն(ո)ց(ա) տասն։

Verse: 14  Link to sept   Եւ ՛ի հնգետասան կանգնոյ բարձրու(թ)ի(ւն) առագաստին ՛ի միոջէ կողմանէ. սիւնք ն(ո)ց(ա) երեք, եւ խարիսխք ն(ո)ց(ա) երեք։

Verse: 15  Link to sept   Եւ յերկրորդում կողմանն՝ հինգետասան կանգուն առագաստից ՛ի բարձրութի(ւն). սիւնք ն(ո)ց(ա) երեք, եւ խարիսխք ն(ո)ց(ա) երեք։

Verse: 16  Link to sept   Եւ դրան սրահին վարագոյր՝ քսան կանգուն ՛ի բարձրու(թ)ի(ւն), ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզո́յ նիւթելոյ. նկարէն յասղնագործաց։ եւ սիւնք ն(ո)ց(ա) չորք, եւ խարիսխք ն(ո)ց(ա) չորք։

Verse: 17  Link to sept   ա(մենայ)ն սիւնք սրահին շուրջանակի արծաթապատք, եւ խոյակք նոցա արծաթիք, եւ սարիսխք նոցա պղնձիք։

Verse: 18  Link to sept   Եւ երկայնութի(ւն) սրահին հարի́ւր առ հարիւր. եւ լայնութի(ւն) յիսո́ւն առ յիսուն. եւ բարձրութի(ւն) հնգետասա́ն կանգուն. ՛ի բեհեզոյ մանելոյ. եւ խարիսխք ն(ո)ց(ա) պղնձիք։

Verse: 19  Link to sept   եւ ա(մենայ)ն կա́հ խորանին, եւ ա(մենայ)ն գործի ն(ո)ր(ա), եւ ա(մենայ)ն ցի́ցք սրահին՝ պնձիք։

Verse: 20  Link to sept   Եւ դու պատուիրեա́ որդւոցն ի(սրաէ)լի. եւ առցեն քեզ ձէ́թ ՛ի ձիթենեաց, պարզ, սուրբ, խակակութ, ՛ի լոյս. զի եղիցի ճրագ հանապազորդ՝

Verse: 21  Link to sept   ՛ի խորանին վկայու(թ)ե(ան), արտաքոյ վարագուրի ուխտին։ Եւ լուցանիցէ զնա ահարոն եւ որդիք իւր յերեկորեայ մինչեւ ցառաւօտ առաջի տ(եառ)ն. օրէն յաւիտենակա́ն յազգս ձեր առ ՛ի յորդւոցն ի(սրաէ)լի։



Chapter: 28 
ԳԼ(ՈՒԽ) Ի՜Ը.


Verse: 1  Link to sept   Եւ դու մատուսցես առ քեզ զահարոն զեղբայր քո. եւ զորդիս ն(ո)ր(ա) ընդ նմա՝ յորդւոցն իսրայէի, քահանայանա́լ ինձ. զահարոն, եւ զնաբադ, եւ զաբիուդ, եւ զեղիազար, եւ զիթամա́ր զորդիս ահարոնի։

Verse: 2  Link to sept   Եւ արասցես պատմուճան սո́ւրբ՝ ահարոնի եղբօր քում, ՛ի պատիւ եւ ՛ի փառս։

Verse: 3  Link to sept   եւ դու խօսեսցի́ս ը(նդ) ա(մենայ)ն իմաստունս մտօք, զորս լցուցի́ց հոգւով իմաստու(թ)ե(ան)։ Եւ արասցես պատմուճան սուրբ՝ ահարոնի ՛ի սրբութի(ւն), որովք քահանայանայցէ́ ինձ։

Verse: 4  Link to sept   Եւ ա́յս օրինակ պատմուճանացն՝ զոր առնիցեն. զպճղնաւորն, եւ զվակաս՝ զուսովք եւ զլանջօք. եւ զպատմուճանն բեհեղեայ. եւ խոյր. եւ կամար։ եւ արասցեն պատմուճան սո́ւրբ՝ ահարոնի եղբօր քում, եւ որդւոց ն(ո)ր(ա) քահանայանա́լ ինձ։

Verse: 5  Link to sept   Եւ առցեն նոքա ոսկի, եւ կապուտակ, եւ ծիրանի, եւ կարմիր մանեալ, եւ բեհե́զ։

Verse: 6  Link to sept   Եւ արասցեն զվակասն յոսկւո́յ սրբոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ. գո́րծ ոստայնի նկարակերպ։

Verse: 7  Link to sept   Երկու վակասք ընդ միմեանս խառնեալք, եղիցին ՛ի վ(ե)ր(այ) երկոցո́ւնց կողմանց ն(ո)ր(ա) հաստատեալք։

Verse: 8  Link to sept   եւ գործ վակասին՝ որ իցէ ՛ի վերայ ն(ո)ր(ա). ըստ նմի́ն օրինակի գո́րծ անդստին ՛ի նմանէ լինիցի. յոսկւոյ սրբոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ։

Verse: 9  Link to sept   Եւ առցես երկուս ականս զմրո́ւխտս, եւ գրեսցես ՛ի նոսա զանուանս որդւոցն իսրայէլի.

Verse: 10  Link to sept   զվե́ց անուն ն(ո)ց(ա) ՛ի միում ական. եւ զայլն եւս վեց՝ յերկրորդում ականն. ը(ս)տ ազգս իւրեանց.

Verse: 11  Link to sept   գո́րծ ճարտարու(թ)ե(ան) ակնագործաց. քանդա́կ կնքոյ քանդակեսցես զերկոսին ականսն. ըստ անուանց որդւոցն ի(սրաէ)լի. տպաւորեալս եւ քանդակեալս ոսկւով արասցես զն(ո)ս(ա)։

Verse: 12  Link to sept   Եւ դիցես զերկուս ականսն ՛ի վերայ ուսոց վակասին. զի լինիցին ականքն յիշատակ որդւոցն ի(սրաէ)լի։ եւ բառնայցէ́ ահարոն զանուանս որդւոցն ի(սրաէ)լի առաջի տ(եառ)ն, ՛ի վ(ե)ր(այ) երկուց ուսոց իւրոց՝ ՛ի յիշատակ վ(ա)ս(ն) ն(ո)ց(ա)։

Verse: 13  Link to sept   Եւ արասցես վահանա́կս յոսկւոյ սրբոյ։

Verse: 14  Link to sept   եւ արասցես երկո́ւս վերջս յոսկւոյ սրբոյ. մանուածոյս ծաղկեալս՝ գո́րծ հիւսկէն. եւ դիցես զվերջսն մանուածոյս ՛ի վերայ երկոցուն վահանակացն

Verse: 15  Link to sept   առ վտաւակօքն ն(ո)ց(ա) առաջոյ կողմանէ։
   Եւ արասցես զտախտակն դատաստանաց գո́րծ նկարակերպ. ըստ ձեւոյ վակասին արասցես զնա. յոսկւոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ։

Verse: 16  Link to sept   Եւ արասցես զնա չորեքանկիւնի́, թղաւ յերկայնութի(ւն), եւ թղաւ ՛ի լայնութի(ւն)։

Verse: 17  Link to sept   Եւ ընդգելուզցե́ս ՛ի նմա ընդելուզածս, ըստ չորեքկարգեա́ն ականց։ Կարգս ականց, Առաջին՝ զըմրուխտ, եւ սարդիոն, եւ տպազիոն. կարգ մի։

Verse: 18  Link to sept   եւ Կարգն երկրորդ՝ կարկեհան, եւ չափիզա, եւ յասպիս։

Verse: 19  Link to sept   եւ Կարգն երրորդ՝ գոճազմ, եւ ակատ, եւ սուտակ։

Verse: 20  Link to sept   եւ Կարգն չորրորդ՝ յակինթ, եւ բիւրեղ, եւ եղունդն։ ընդելուազեալ, յոսկի կապեալ՝ յիւրաքանչիւր կարգս կայցեն։

Verse: 21  Link to sept   Եւ եղիցին ականքն յանուա́նց որդւոցն ի(սրաէ)լի երկոտասան. ըստ անուանց նոցա գրեալք քանդակաւ իւրաքանչիւր ըստ անուան իւրում լինիցին. ըստ ազգա́ցն երկոտասանից։

Verse: 22  Link to sept   Եւ արասցես տախտակ մի հիւսկէ́ն վերջիւք. գործ շղթայգործ յոսկւոյ սրբոյ։

Verse: 23  Link to sept   Եւ արասցես ՛ի վերայ տախտակին երկուս օղս ոսկիս. եւ դիցես զերկուս օղսն ոսկիս ՛ի վերայ երկուց ծայրից տախտակին։

Verse: 24  Link to sept   Եւ դիցես զերկու շղթայագործսն ոսկիս ՛ի վերայ երկոցուն օղոցն առ ծայրիւք տախտակին։

Verse: 25  Link to sept   եւ զերկուս ծայրս երկուց շղթայագործիցն տացե́ս ՛ի վերայ երկոցունց մած. եւ դիցես ՛ի վերայ թիկանց վակասին ՛ի ճակա́տ երեսաց նորա։

Verse: 26  Link to sept   Եւ արասցես երկո́ւս օղս ոսկիս, եւ տացե́ս զնոսա ՛ի վերայ երկուց ծայրից տախտակին, առ եզերբն որ իցէ հանդէպ վակասին ՛ի ներքոյ կողմանէ։

Verse: 27  Link to sept   Եւ արասցես երկուս օղս ոսկիս, եւ տացես զնոսա ՛ի վերայ երկուց ուսոց վակասին ՛ի ներքոյ կողմանէ՝ յանդիման միմեանց միաբան. եւ զաղխս ն(ո)ր(ա) ՛ի վերայ մենքենայից վակասին։

Verse: 28  Link to sept   եւ պինդ ունիցին զտախտակն յօղոց ն(ո)ր(ա)՝ մինչեւ ցօղս վակասին, ՛ի նիւթոյ կապուտակէ. զի իցէ ՛ի վերայ մենքենայից վակասին. եւ մի́ զերծանիցի տախտակն ՛ի վակասէ անտի։

Verse: 29  Link to sept   Եւ առցէ ահարոն զանուն որդւոցն ի(սրաէ)լի ՛ի վերայ տախտակի դատաստանի՝ ՛ի լանջս իւր, ՛ի մտանել իւրում ՛ի սրբու(թ)ի(ւն)ն ՛ի յիշատակ հանապազորդ առաջի ա(ստուծո)յ։

Verse: 30  Link to sept   Եւ դիցես ՛ի վերայ տախտակին դատաստանի զվերջսն շղթայագործս՝ յերկոցունց կողմանց տախտակին դիցես։ եւ զերկուս վահանակսն դիցես ՛ի վերայ երկուց ուսոց վակասին յերեսաց կողմանէ ՛ի ներքուստ։ Եւ դիցես ՛ի վերայ տախտակին դատաստանի զյանդիմանու(թ)ի(ւն)ն եւ զճշմարտու(թ)ի(ւն). եւ եղիցի ՛ի վ(ե)ր(այ) լանջա́նցն ահարոնի յորժամ մտանիցէ ՛ի սրբու(թ)ի(ւն)սն առաջի տ(եառ)ն։ եւ տարցի ահարոն զդատաստանս որդւոցն ի(սրաէ)լի ՛ի վերայ լանջաց իւրոց առաջի տ(եառ)ն հանապազ։

Verse: 31  Link to sept   Եւ արասցես վտաւակս պճղնաւորս համա́կ կապուտակ.

Verse: 32  Link to sept   եւ զօձիսն գրապանա́ւ արարեալ, բոլորա́կ ձեւեսցես շուրջանակի՝ գո́րծ անդուածոյ։ եւ զխառնուածսն անկեալ անդստին ՛ի նմանէ. զի մի́ արատիցի։

Verse: 33  Link to sept   Եւ արասցես առ ստորոտով՝ վտաւակացն ՛ի ներքոյ կողմանէ՝ իբրեւ նռնաձեւս ծաղկեալս, ՛ի կապուտակէ եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ առ ստորոտով վտաւակացն շուրջանակի. եւ տեսիլ ն(ո)ր(ա) նռնաձեւ, եւ զանգակս ոսկիս ՛ի մէջ ն(ո)ց(ա) շուրջանակի։

Verse: 34  Link to sept   զանգակս ոսկի եւ նռնաձեւ՝ ծաղկեալ առ ստորով վտաւակացն շուրջանակի։

Verse: 35  Link to sept   Եւ եղիցի ՛ի վերայ ահարոնի յորժամ պաշտիցէ՝ հնչիւն բարբառոյ ՛ի մտանել իւրում ՛ի սրբութի(ւն)ն առաջի տ(եառ)ն, եւ յելանել ն(ո)ր(ա)՝ զի մի́ մեռանիցի։

Verse: 36  Link to sept   Եւ արասցես թիթեղն յոսկւոյ սրբոյ. եւ քանդակեսցես ՛ի նմա քանդակ կնքոյ՝ սրբութի(ւն) տ(եառ)ն։

Verse: 37  Link to sept   եւ դիցես զնա ՛ի վերայ կապուտակին մանելոյ. եւ ե́ղիցի խուրին յերեսաց կողմանէ

Verse: 38  Link to sept   ՛ի վերայ ճակատուն ահարոնի։ Եւ բարձցէ ահարոն զմեղս նուիրացն, որչափ ինչ նուիրիցեն որդիքն ի(սրաէ)լի, ըստ ա(մենայ)ն արոց սրբութե(ան)ցն իւրեանց. եւ եղիցի ՛ի վերայ ճակատուն ահարոնի հանապազ յընդունելութի(ւն) նոցա առաջի տ(եառ)ն։

Verse: 39  Link to sept   Եւ զպճղնաւոր պատմուճանն ՛ի բեհեզոյ։
   Եւ արասցես ապարաւշս բեհեզեղէնս. եւ կամար՝ գո́րծ նկարակերպ։

Verse: 40  Link to sept   Եւ որդւոցն ահարոնի արասցես պատմուճանս, եւ կամարս, եւ խոյրս. ՛ի պատիւ եւ ՛ի փառս։

Verse: 41  Link to sept   եւ զգեցուսցես զայն ահարոնի եղբօր քում, եւ որդւոց ն(ո)ր(ա) ընդ նմա։ Եւ օծցե́ս զնոսա. եւ լցցե́ս զձեռս ն(ո)ց(ա). եւ սրբեսցե́ս զնոսա՝ զի քահանայասցին ինձ։

Verse: 42  Link to sept   Եւ արասցես նոցա անդրավարտիս կտաւեայս. ծածկել զառականս մարմնոց իւրոց, միջովք չափ եւ բարձիւք չափ։

Verse: 43  Link to sept   Եւ ունիցի զայն ահարոն եւ որդիք ն(ո)ր(ա), յորժամ մտանիցեն ՛ի խորանն վկայութե(ան). կամ յորժամ մերձենայցեն ՛ի սեղանն սրբութե(ան) պաշտե́լ։ եւ մի́ ածիցեն ՛ի վ(ե)ր(այ) իւրեանց մեղս՝ զի մի́ մեռանիցին։ օրէն յաւիտենակա́ն նմա եւ զաւակի իւրում յետ ն(ո)ր(ա)։



Chapter: 29 
ԳԼ(ՈՒԽ) Ի՜Թ.


Verse: 1  Link to sept   Եւ ա́յս ինչ է զոր առնիցես նոցա, եւ սրբեսցես զնոսա քահանայանալ ն(ո)ց(ա) ինձ։ Առցես զուարակ մի յանդոյ. եւ խոյս երկո́ւս անարատս։

Verse: 2  Link to sept   եւ պա́նս բաղարջս, եւ շօթս բաղարջս զանգեալ իւղով. եւ քաքա́րս բաղարջս օծեալ իւղով, նաշի́հ ցորենոյ զանգեալ իւղով արասցես զայն։

Verse: 3  Link to sept   Եւ դիցես ՛ի վերայ խանի միոյ. եւ մատուսցես զայն խանիւն, եւ զզուարակն, եւ զերկու խոյսն։

Verse: 4  Link to sept   Եւ զահարոն եւ զորդիս նորա մատուսցես ՛ի դուռն խորանին վկայութե(ան). եւ լուասցես զնոսա ջրով։

Verse: 5  Link to sept   Եւ առեալ զպատմուճանսն զգեցուսցե́ս ահարոնի եղբօր քում. եւ զպարեդօտս պճղնաւորս ՛ի վ(ե)ր(այ) ներքնակացն. եւ զվակասն. եւ զտախտակն. եւ պնդեսցե́ս զտախտակն ընդ վակասն։

Verse: 6  Link to sept   եւ դիցես զխոյրն ՛ի վերայ գլխոյ ն(ո)ր(ա). եւ դիցես զթիթեղնն սուրբ ՛ի վ(ե)ր(այ) խուրին։

Verse: 7  Link to sept   Եւ առցես յիւղոյ անտի օծման, եւ արկցե́ս ՛ի գլուխ նորա, եւ օծցես զնա։

Verse: 8  Link to sept   Եւ զորդիս ն(ո)ր(ա) մատուսցես, եւ զգեցուսցես նոցա պատմուճանս. եւ ածցե́ս նոցա կամարս.

Verse: 9  Link to sept   ահարոնի եւ որդւոց ն(ո)ր(ա). եւ ածցես ն(ո)ց(ա) ապարաւշս. եւ եղիցի ն(ո)ց(ա) այն ինձ ՛ի քահանայու(թ)ի(ւն) յաւիտենական։ եւ կատարեսցե́ս զձեռս ահարոնի եւ զձեռս որդւոց ն(ո)ր(ա)։

Verse: 10  Link to sept   Եւ մատուսցես զզուարակն առ դուռն խորանին վկայութե(ան). եւ դիցեն ահարոն եւ որդիք ն(ո)ր(ա) զձեռս իւրեանց ՛ի վերայ գլխոյ զուարակին առաջի տ(եառ)ն, առ դրան խորանին վկայութե(ան)։

Verse: 11  Link to sept   Եւ սպանցե́ս զզուարակն առաջի տ(եառ)ն, առ դրան խորանին վկայու(թ)ե(ան)։

Verse: 12  Link to sept   եւ առցե́ս յարենէ զուարակին, եւ դիցե́ս ՛ի վերայ եղջերաց սեղանոյն մատամբ քով. եւ զա́յլն ա(մենայ)ն արիւն ցանեսցես առ յատակաւ սեղանոյն։

Verse: 13  Link to sept   Եւ առցե́ս զա(մենայ)ն ճարպ թաղանթո́յ քաղրդին, եւ զլերդաբոյթն, եւ զերկուս երիկամունսն ճարպովին, դիցես ՛ի վերայ սեղանոյն։

Verse: 14  Link to sept   Եւ զմիս զուարակին եւ զմորթ նորա, եւ զապաւառն այրեսցեն արտաքոյ բանակին. զի այն իսկ է վ(ա)ս(ն) մեղաց։

Verse: 15  Link to sept   Եւ զխոյն զմի՝ առցե́ս. եւ դիցեն քահանայքն որդիքն ահարոնի զձեռս իւրեանց ՛ի վ(ե)ր(այ) գլխոյ խոյին.

Verse: 16  Link to sept   եւ զենցե́ս զխոյն։ եւ առեալ զարիւն ն(ո)ր(ա) հեղցե́ս շուրջ զսեղանովն։

Verse: 17  Link to sept   Եւ զխոյն յօշեսցե́ս անդա́մ անդամ, եւ լուասցես զփորոտին եւ զոտս նորա ջրով. եւ դիցես ՛ի վերայ յօշուածոյն, հանդերձ գլխով նորա։

Verse: 18  Link to sept   Եւ հանցես բովանդակ զխոյն ՛ի վերայ սեղանոյն յողջակէզ տ(եառ)ն ՛ի հոտ անուշից. զոհ տ(եառ)ն է։

Verse: 19  Link to sept   Եւ առցես զխոյն զերկրորդ. եւ դիցեն ահարոն եւ որդիք ն(ո)ր(ա) զձեռս իւրեանց ՛ի վերայ գլխո́յ խոյին։

Verse: 20  Link to sept   եւ սպանցե́ս զխոյն։ Եւ առցես յարենէ ն(ո)ր(ա), եւ դիցես ՛ի վերայ բլթակի աջոյ ունկանն ահարոնի. եւ ՛ի վերայ բլթակի աջոյ ունկան որդւոց ն(ո)ր(ա). եւ ՛ի վ(ե)ր(այ) ծայրից ձեռին ն(ո)ր(ա) աջոյ, եւ ՛ի վ(ե)ր(այ) ծայրից աջոյ ոտին ն(ո)ր(ա). եւ ՛ի վ(ե)ր(այ) աջուց բլթակաց ականջաց որդւոց ն(ո)ր(ա). եւ ՛ի վ(ե)ր(այ) ծայրից աջոյ ձեռաց ն(ո)ց(ա). եւ ՛ի վ(ե)ր(այ) ծայրից աջոյ ոտից ն(ո)ց(ա)։ եւ հեղցե́ս զարիւնն շուրջ զսեղանովն։

Verse: 21  Link to sept   Եւ առցես յարենէն որ ՛ի վ(ե)ր(այ) սեղանոյն իցէ, եւ յիւղոյ օծու(թ)ե(ա)ն, եւ ցանեսցե́ս ՛ի վ(ե)ր(այ) ահարոնի եւ ՛ի վ(ե)ր(այ) պատմուճանի ն(ո)ր(ա), եւ ՛ի վերայ որդւոց ն(ո)ր(ա), եւ ՛ի վ(ե)ր(այ) պատմուճանաց որդւոց ն(ո)ր(ա) ընդ նմա. եւ սրբեսցի́ ինքն եւ պատմուճան իւր. եւ որդիք ն(ո)ր(ա), եւ պատմուճանք որդւոց նորա ընդ նմա։ եւ զարիւն խոյին ցանեսցե́ս շուրջ զսեղանովն։

Verse: 22  Link to sept   Եւ առցես ՛ի խոյէ անտի զճարպն եւ զդմակն եւ զճարպ թաղանթոյ քաղրթին, եւ զլերդաբոյթն եւ զերկուս երիկամունս ճարպովին. եւ զերին աջոյ. զի ա́յն է կատարումն։

Verse: 23  Link to sept   եւ պան մի, եւ շօթ մի իւղով զանգեալ. եւ քաքար մի ՛ի խանէ անտի բաղարջացն եդելոցն առաջի տ(եառ)ն։

Verse: 24  Link to sept   Եւ դիցես զայն ամենայն ՛ի վերայ ձեռացն ահարոնի, եւ ՛ի վերայ ձեռաց որդւոց ն(ո)ր(ա). եւ նուիրեսցես զայն նուէ́ր առաջի տ(եառ)ն։

Verse: 25  Link to sept   Եւ առցես ՛ի ձեռաց նոցա, եւ հանցես ՛ի սեղանն ողջակիզաց ՛ի հո́տ անուշից առաջի տ(եառ)ն. զի պտուղ տ(եառ)ն է։

Verse: 26  Link to sept   Եւ առցես զերբուծն ՛ի խոյէ անտի կատարման, որ է ահարոնի. եւ նուիրեսցես զայն նուէ́ր առաջի տ(եառ)ն. եւ եղիցի քե́զ ՛ի մասն։

Verse: 27  Link to sept   եւ սրբեսցես զերբուծն ՛ի նուէր, եւ զերի́ նուիրին որ նուիրիցի։ Եւ որ ինչ հանիցի ՛ի խոյէն

Verse: 28  Link to sept   կատարման յահարոնէ եւ յորդւոց նորա, եւ եղիցի ահարոնի եւ որդւոց ն(ո)ր(ա) օրէ́ն յաւիտեանական առ ՛ի յորդւոցն ի(սրաէ)լի. զի ա́յն է նոցա հաս։ Եւ եղիցի նուէր յորդւոցն խորայէլի ՛ի զենլեաց փրկութե(ան)ց իւրեանց, նուէ́ր ն(ո)ց(ա) տ(եառ)ն։

Verse: 29  Link to sept   Եւ պատմուճանն սրբութե(ան) որ է ահարոնի, եղիցի որդւո́ց ն(ո)ր(ա) յետ ն(ո)ր(ա), օծանել զն(ո)ս(ա) նոքօք, եւ կատարել նոքօք զձեռս ն(ո)ց(ա)։

Verse: 30  Link to sept   Զեւթն օր զգենուցու զայն քահանայն որ փոխանա́կ նորա կայցէ յորդւոց իւրոց. որ մտանիցէ ՛ի խորանն վկայու(թ)ե(ան) պաշտել ՛ի սրբութի(ւն)սն։

Verse: 31  Link to sept   Եւ զխոյն կատարման առցես. եւ եփեսցես զմիս ն(ո)ր(ա) ՛ի սրբում տեղւոջ.

Verse: 32  Link to sept   եւ կերիցեն՝ ահարոն եւ որդիք ն(ո)ր(ա) զմիս խոյին. եւ զպա́նսն որ ՛ի խանի անդ, առ դրան խորանին վկայու(թ)ե(ան) կերիցեն զայն,

Verse: 33  Link to sept   որովք սրբեցանն՝ ՛ի կատարել զձեռս ն(ո)ց(ա) եւ սրբել զնոսա։ օտարազգի́ ոք՝ մի́ կերիցէ ՛ի նոցանէ՝ զի սրբութի(ւն)ք են։

Verse: 34  Link to sept   Ապա թէ մնայցէ ՛ի մսոյ զոհին կատարման, եւ ՛ի հացէ անտի յայդ՝ այրեսցեն զնշխարն հրով. եւ մի́ կերիցի, զի սրբութի(ւն) տ(եառ)ն է։

Verse: 35  Link to sept   Եւ արասցես ահարոնի եւ որդւոց ն(ո)ր(ա) ա́յսպէս, ը(ս)տ ա(մենայ)նի զոր միանգամ պատուիրեցի քեզ։ Զեւթն օր կատարեսցես զձեռս ն(ո)ց(ա)։

Verse: 36  Link to sept   եւ զզուարակն զվասն մեղաց՝ արասցե́ս յաւուրն սրբութե(ան)։
   Եւ մաքրեսցե́ս զսեղանն, սրբե́լ քեզ ՛ի վերայ ն(ո)ր(ա). օծցե́ս զնա առ ՛ի սրբել զնա

Verse: 37  Link to sept   զեւթն օր։ եւ մաքրեսցե́ս զսեղանն եւ սրբեսցես զնա. եւ եղիցի սեղանն սուրբ սրբոյն. ա(մենայ)ն որ մերձեսցի ՛ի սեղանն՝ սրբեսցի։

Verse: 38  Link to sept   Եւ ա́յս ինչ իցէ զոր առնիցես ՛ի վ(ե)ր(այ) սեղանոյն։ երկո́ւս դառինս տարեւորս անարատս՝ առ օր ՛ի վերայ սեղանոյն յաճախութ(եամ)բ. զի պտուղ յաճախութե(ան) է։

Verse: 39  Link to sept   զմի գառնն առնիցես ընդ առաւօտս, եւ զերկրորդ գառնն՝ առնիցես ընդ երեկոյս։

Verse: 40  Link to sept   Եւ տասանորդ նաշհոյ՝ մղեալ իւղո́վ թրմեալ. եւ զչորրորդ դորակի գինւոյ՝ նուէ́ր առ մի գառնն։

Verse: 41  Link to sept   Եւ զգառնն երկրորդ, արասցես ընդ երեկոյս՝ ըստ առաւօտին զոհին, եւ ը(ս)տ նորին նուիրին առնիցես նմա ՛ի հո́տ անուշից

Verse: 42  Link to sept   պտուղ տ(եառ)ն։ զոհ յաճախու(թ)ե(ան) յազգս ձեր, առ դրա́ն խորանին վկայութե(ան) առաջի տ(եառ)ն։ որովք ծանուցայց քեզ ա́նդ խօսել ընդ քեզ։

Verse: 43  Link to sept   եւ ժամանակեցի́ց անդ որդւոցն ի(սրաէ)լի, եւ սրբեցայց փառօք իմովք.

Verse: 44  Link to sept   եւ սրբեցից զխորանն վկայութե(ան) եւ զսեղանն։ Եւ զահարոն եւ զորդիս նորա սրբեցի́ց ինձ ՛ի քահանայութի(ւն)։

Verse: 45  Link to sept   եւ անուանեցա́յց յորդիսն ի(սրաէ)լի. եւ եղէց ն(ո)ց(ա) ա(ստուա)ծ։

Verse: 46  Link to sept   Եւ ծանիցեն թէ ե́ս եմ տ(է)ր ա(ստուա)ծ ն(ո)ց(ա). որ հանի զնոսա յերկրէն եգիպտացւոց, անուանել ն(ո)ց(ա)՝ եւ լինել ն(ո)ց(ա) տ(է)ր ա(ստուա)ծ։



Chapter: 30 
ԳԼ(ՈՒԽ) Լ՜.


Verse: 1  Link to sept   Եւ արասցես սեղան խնկակա́լ խնկոց յանփուտ փայտից։

Verse: 2  Link to sept   եւ արասցե́ս զնա կանգնաւ յերկայնու(թ)ի(ւն), եւ կանգնաւ ՛ի լայնութի(ւն), չորեքկուսի́ լինիցի. եւ յերկուց կանգնոց բարձրու(թ)ի(ւն) ն(ո)ր(ա). եւ եղջեւրք իւր անդըստին ՛ի նմանէ́ լինիցին։

Verse: 3  Link to sept   Եւ պատեսցե́ս զն(ո)ս(ա) ոսկւով սրբով. զվանդակն ն(ո)ր(ա) եւ զկողմանս շուրջանակի, եւ զեղջեւրս ն(ո)ր(ա). եւ արասցես նմա պսա́կ ոսկի շուրջանակաւ շուրջանակի։

Verse: 4  Link to sept   Եւ երկուս օղս ոսկիս սուրբս արասցես ը(նդ) շուրջանակաւ պսակի ն(ո)ր(ա) յերկոցունց կողմանց։

Verse: 5  Link to sept   եւ արասցես յերկոսին անկիւնս ն(ո)ր(ա). եւ եղիցին լծա́կք օղալամբացն բառնալ զնա նոքօք։

Verse: 6  Link to sept   եւ արասցես զլծակսն յանփո́ւտ փայտից, եւ պատեսցես զն(ո)ս(ա) ոսկւով։

Verse: 7  Link to sept   Եւ դիցե́ս զնա յանդիման վարագուրին, որ իցէ առաջի տապանակին վկայութե(ան), ընդդէ́մ վկայութե(ա)ն՝ որ իցէ առ վկայութ(եամ)բքն, որովք երեւեցա́յց քեզ անդ։

Verse: 8  Link to sept   Եւ արկցէ ՛ի վերայ ն(ո)ր(ա) ահարոն խո́ւնկս հանդերձեալ՝ աղացեալ մանր իբրեւ զփոշի. ընդ առաւօ́տս առաւօտս, յորժամ զճրագսն հանդրձիցէ. ծխեսցէ խո́ւնկ ՛ի վերայ ն(ո)ր(ա)։

Verse: 9  Link to sept   Եւ յորժամ լուցանիցէ ահարոն զճրագսն երեկորին, ծխեսցէ ՛ի վերայ ն(ո)ր(ա) խո́ւնկս յաճախութե(ան) հանապազորդ առաջի տ(եառ)ն յազգս իւրեանց։

Verse: 10  Link to sept   Եւ ո́չ հանիցէք ՛ի վերայ ն(ո)ր(ա) խունկ օտար, եւ պտուղս, եւ զոհս, եւ նուէրս մի́ նուիրիցէք ՛ի վերայ ն(ո)ր(ա)։

Verse: 11  Link to sept   Եւ քաւեսցէ́ ահարոն ՛ի վերայ եղհերաց նորա միանգամ ՛ի տարւոջ՝ յարենէ առ ՛ի վասն մեղացն սրբութե(ան) եւ քաւութե(ան). մի անգամ ՛ի տարւոջ սրբեսցէ զնա յազգս ն(ո)ց(ա), զի սրբութի(ւն) սրբութե(ան)ց տ(եառ)ն է։

Verse: 12  Link to sept   Եւ խօսեցաւ տ(է)ր ընդ մովսիսի եւ ասէ, եթէ ունիցիս զհամար որդւոցն ի(սրաէ)լի ՛ի հանդիսի իւրեանց։ եւ տացեն իւրաքանչիւր փրկա́նս ընդ անձին իւրոյ տ(եառ)ն՝ ըստ հանդիսին իւրեանց. եւ մի́ լինիցի ՛ի նոսա մա́հ ՛ի հանդիսի անդ իւրեանց։

Verse: 13  Link to sept   Եւ ա́յս ինչ է զոր տացեն որք անցանիցեն ՛ի հանդիսի անդ. զկէս երկդրամենին, որ իցէ ըստ սրբութե(ան) երկդրամենին. քսան դա́նգ է երկդրամեանն. եւ կէս երկդրամենին եղիցի հա́ս տ(եառ)ն։

Verse: 14  Link to sept   Ամենայն որ անցանիցէ ՛ի հանդիսի անդ՝ ՛ի քսան ամենից եւ ՛ի վեր՝ տացեն հա́ս տ(եառ)ն.

Verse: 15  Link to sept   մեծատունն՝ մի́ յաւելցէ. եւ տնանկն՝ մի́ պակասեցուսցէ

Verse: 16  Link to sept   ՛ի կիսոյ երկդրամենին ՛ի տա́լ անդ զհաս տ(եառ)ն յորդւոցն ի(սրաէ)լի, առնել քաւու(թ)ի(ւն)՝ վ(ա)ս(ն) անձանց ձերոց։ Եւ առցես զարծաթ հասին յորդւոցն ի(սրաէ)լի, եւ տացես զնա ՛ի գո́րծ խորանին վկայու(թ)ե(ան). եւ եղիցի որդւոցն ի(սրաէ)լի յիշատակ առաջի տ(եառ)ն, քաւե́լ վ(ա)ս(ն) անձանց նոցա։

Verse: 17  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 18  Link to sept   արա́ աւազան պղնձի, եւ զխարիսխ նորա պղնձի առ ՛ի լուանալոյ ՛ի նմա։ եւ դիցե́ս զնա ընդ խորանն վկայութե(ան) եւ ընդ սեղանն. եւ արկցես ՛ի նա ջո́ւր։

Verse: 19  Link to sept   Եւ լուասցե́ն ահարոն եւ որդիք ն(ո)ր(ա) ՛ի նմանէ զձե́ռս եւ զոտս իւրեանց,

Verse: 20  Link to sept   յորժամ մտանիցեն ՛ի խորանն վկայութե(ան)՝ լուասցին ջրով՝ եւ մի́ մեռանիցին. կամ յորժամ մերձենայցեն ՛ի սեղանն պաշտել, եւ հանել զողջակէզսն տ(եառ)ն, լուասցեն զձեռս եւ զոտս իւրեանց՝

Verse: 21  Link to sept   զի մի́ մեռանիցին։ Եւ եղիցի ն(ո)ց(ա) օրէն յաւիտենական. նմա́ եւ որդւոց ն(ո)ր(ա) յետ ն(ո)ր(ա)։

Verse: 22  Link to sept   Խօսեցաւ տ(է)ր ընդ մովսիսի,

Verse: 23  Link to sept   եւ ասէ. եւ դու ա́ռ քեզ խունկս անուշունս. ծաղիկ ընտիր զմըռնենեաց հինգ հարիւր սիկղ. եւ կինամոմոն զանոյշ, զկէս այնորիկ երկերիւր եւ յիսուն. եւ զխունկեղէգն զանոյշ երկերիւր եւ յիսուն։

Verse: 24  Link to sept   եւ հիրիկ հինգ հարիւր սիկղ ըստ սրբութե(ա)ն. եւ եւղ ձիթենեաց հիմենեաւ միով։

Verse: 25  Link to sept   Եւ արասցես զայն եւղ յօծումն սրբութե(ան). եւղ եփեալ ըստ արուեստի իւղագործաց. եւղ յօծումն սրբութե(ան) լինիցի։

Verse: 26  Link to sept   Եւ օծցե́ս ՛ի նմանէ զխորանն վկայութե(ան), եւ զտապանակ վկայու(թ)ե(ա)ն.

Verse: 27  Link to sept   եւ զսեղանն եւ զա(մենայ)ն զկահ ն(ո)ր(ա)։ եւ զաշտանակ եւ զա(մենայ)ն զկահ նորա, եւ զսեղանն խնկոց։

Verse: 28  Link to sept   եւ զսեղանն ողջակիզաց, եւ զա(մենայ)ն զկահ ն(ո)ր(ա). եւ զաւազանն, եւ զյատակս ն(ո)ր(ա)։

Verse: 29  Link to sept   Եւ սրբեսցե́ս զնոսա. եւ եղիցի սրբութի(ւն) սրբութե(ան)ց. ա(մենայ)ն որ մերձենայցէ ՛ի նոսա՝ սրբեսցի́։

Verse: 30  Link to sept   Եւ զահարոն եւ զորդիս ն(ո)ր(ա) օծցե́ս եւ սրբեսցե́ս զն(ո)ս(ա) ինձ ՛ի քահանայու(թ)ի(ւն)։

Verse: 31  Link to sept   Եւ ընդ որդիսն ի(սրաէ)լի խօսեսցի́ս եւ ասասցես. եւղ յօծումն օծու(թ)ե(ան) սրբոյ եղիցի ձեզ յազգս ձեր։

Verse: 32  Link to sept   ՛ի մարմին մարդոյ՝ ո́չ օծանիցի. եւ ըստ ա́յդմ հանդերձանի ո́չ առնիցէք ձեզ այդպիսի, զի սո́ւրբ է, եւ ՛ի սրբութի(ւն) եղիցի ձեզ։

Verse: 33  Link to sept   Որոք առնիցէ այդպիսի. եւ որոք տացէ́ ՛ի դմանէ այլազգւոյ, սատակեսցի́՛ի ժողովրդենէ իւրմէ։

Verse: 34  Link to sept   Եւ ասէ տ(է)ր ցմովսէս. ա́ռ դու քեզ խունկս անուշունս. ստաշխն, եւ եղունգն, եւ զքաղբա́նն զանոյշ, եւ զկնդրուկն զերեւելի. զի հասարակ առ հասարակ լինիցին։

Verse: 35  Link to sept   Եւ արասցե́ս զայն խունկս եփեալս. գո́րծ իւղագործաց հանդերձանի. գործ մաքո́ւր ՛ի սրբութի(ւն)։

Verse: 36  Link to sept   Եւ աղայցե́ս ՛ի նոցանէ մանր. եւ դիցես ՛ի նմանէ յանդիմա́ն վկայութե(ան)ցն ՛ի խորանին վկայութե(ան). ուստի երեւեցա́յց քեզ անտի. զի ՛ի սրբութի(ւն) սրբու(թ)ե(ան)ց եղիցի ձեզ խո́ւնկն այն զոր առնիցէք։

Verse: 37  Link to sept   Ըստ ա́յնմ հանդերձանի մի́ առնիցէք ձեզ խունկս. զի սրբութի(ւն) տ(եառ)ն եղիցի ձեզ։

Verse: 38  Link to sept   Ա́յր ոք որ առնիցէ ըստ ա́յսմ օրինակի՝ առնուլ հո́տ ՛ի նմանէ, կորիցէ́ ՛ի ժողովրդենէ իւրմէ։



Chapter: 31 
ԳԼ(ՈՒԽ) Լ՜Ա.


Verse: 1  Link to sept   Խօսեցաւ տ(է)ր ընդ մովսիսի եւ ասէ,

Verse: 2  Link to sept   ահաւադիկ յանուանէ́ կոչեցեալ է իմ զբեսէլիէլ զուրիեան, զորդի ովրայ յազգէ յուդայ։

Verse: 3  Link to sept   եւ լցուցի́ց զնա ա(ստուա)ծեղէն հոգւով իմաստութե(ան), եւ հանճարոյ եւ գիտու(թ)ե(ան) ա(մենայ)ն գործոյ,

Verse: 4  Link to sept   խելամուտ լինել, եւ ճարտարապետել։ Գործել զոսկին եւ զարծաթ եւ զպղինձ։

Verse: 5  Link to sept   զկապուտակն, եւ զծիրանին, եւ զկարմիրն մանեալ. եւ զականակապն ՛ի լրութի(ւն) գործոյն. եւ զհիւսնու(թ)ի(ւն) փայտից, գործել ըստ ա(մենայ)ն գործոյ։

Verse: 6  Link to sept   Եւ ես ահա ետու զնա, եւ զեղիաբ զաքիսամայ յազգէ դանայ. եւ ՛ի սիրտ ա(մենայ)ն իմաստնոյ ետու զիմաստութի(ւն), եւ արասցե́ն զա(մենայ)ն զոր միանգամ պատուիրեցի քեզ։

Verse: 7  Link to sept   Զխորանն վկայութե(ան). եւ զտապանակ կտակարանացն. եւ զքաւու(թ)ի(ւն)ն որ ՛ի վերայ ն(ո)ր(ա). եւ զա(մենայ)ն սպաս խորանին. եւ զզոհանոցսն.

Verse: 8  Link to sept   եւ զսեղանն եւ զա(մենայ)ն զկահ ն(ո)ր(ա). եւ զաշտանակն սուրբ եւ զա(մենայ)ն զկահ նորա. եւ զսեղան խնկոցն.

Verse: 9  Link to sept   եւ զսեղան ողջակիզացն եւ զա(մենայ)ն զկահ ն(ո)ր(ա). զաւազանն եւ զխարիսխ նորա.

Verse: 10  Link to sept   եւ զպատմուճանս պաշտամանն. եւ զհանդերձս սրբու(թ)ե(ա)ն զահարոնի քահանայի. եւ զպատմուճանս որդւոց ն(ո)ր(ա) ՛ի քահանայանալ ինձ։

Verse: 11  Link to sept   եւ զեւղն օծու(թ)ե(ան) եւ զխունկս հանդերձանաց սրբութե(ա)ն։ Եւ զա(մենայ)ն զոր միանգամ պատուիրեցի քեզ՝ արասցե́ս։

Verse: 12  Link to sept   Խօսեցաւ տ(է)ր ընդ մովսիսի եւ ասէ.

Verse: 13  Link to sept   եւ դու խօսեա́ց ընդ որդիսն ի(սրաէ)լի՝ եւ ասասցես. Զգո́յշ կացէք պահելոյ զշաբաթս իմ. զի նշանա́կ է է ընդիս եւ ընդ ձեզ յազգս ձեր. զի ծանիջիք թէ ե́ս եմ տ(է)ր որ սրբե́մ զձեզ.

Verse: 14  Link to sept   եւ պահեսջի́ք զշաբաթս, զի սրբութի(ւն) է այն տ(եառ)ն, եւ ձեզ։ Որ պղծեսցէ զնա՝ մահո́ւ մեռցի. ա(մենայ)ն որ գործիցէ ՛ի նմա գործ, սատակեսցի́ անձնն այն ՛ի միջոյ ժողովրդեան իւրոյ։

Verse: 15  Link to sept   Զվե́ց օր գործեսցես գործ. եւ յաւուրն եւթներորդի շաբա́թ հանգստեան սրբութի(ւն) տ(եառ)ն. ա(մենայ)ն որ գործեսցէ գործ յաւուր շաբաթու՝ մահու մեռցի։

Verse: 16  Link to sept   Եւ պահեսցե́ն որդիքն ի(սրաէ)լի զշաբաթս, առնել զնոսա յազգս ձեր. ո́ւխտ յաւիտենական

Verse: 17  Link to sept   ընդիս եւ ընդ որդիսն ի(սրաէ)լի։ Նշանա́կ իմ է յաւիտենական. զի զվեց օր արա́ր ա(ստուա)ծ զերկինս եւ զերկիր, եւ յաւուրն եւթներորդի դադարեա́ց եւ հանգեաւ։

Verse: 18  Link to sept   Եւ ե́տ մովսիսի՝ իբրեւ դադարեաց ինքն ՛ի խօսից իւրոց ՛ի լերինն սինա, զերկո́ւս տախտակսն վկայու(թ)ե(ան), տախտա́կս քարեղէնս գրեա́լս մատամբն ա(ստուծո)յ։



Chapter: 32 
ԳԼ(ՈՒԽ) Լ՜Բ.


Verse: 1  Link to sept   Եւ տեսեալ ժողովրդեանն՝ թէ յամեա́ց մովսէս իջանել ՛ի լեռնէ անտի. կուտեցաւ ժողովուրդն ՛ի վ(ե)ր(այ) ահարոնի՝ եւ ասեն ցնա. արի́ եւ արա́ մեզ աստուա́ծս՝ որ առաջնորդեսցեն մեզ. զի այրն այն մովսէս որ եհան զմեզ յեգիպտոսէ, ո́չ գիտեմք զի՞ եղեւ նմա։

Verse: 2  Link to sept   Եւ ասէ ցն(ո)ս(ա) ահարոն. կողոպտեցէ́ք զգինդս ոսկիս յակընջաց կանանց ձերոց, եւ ուստերաց եւ դստերաց ձերոց, եւ բերէ́ք առիս։

Verse: 3  Link to sept   Եւ կողոպտեաց ա(մենայ)ն ժողովուրդն զգինդս ոսկիս յակւնջաց կանանց իւրեանց, եւ բերին առ ահարոն։

Verse: 4  Link to sept   Եւ ընկալաւ ՛ի ձեռաց նոցա։ եւ ձուլեա́ց զայն քանդակագործով, եւ արար ո́րթ ձուլածոյ։ Եւ ասեն. ա́յս են աստուածք քո ի(սրա)էլ, որ հանին զքեզ յերկրէն եգիպտացւոց։

Verse: 5  Link to sept   եւ իբրեւ ետես ահարոն՝ շինեաց սեղան առաջի ն(ո)ր(ա)։ Եւ քարո́զ կարդաց ահարոն՝ եւ ասէ. տօն տ(եառ)ն առ վաղիւ։

Verse: 6  Link to sept   Եւ կանխեալ ՛ի վաղիւ անդր եհան ողջակէզս, եւ մատոյց զո́հս փրկու(թ)ե(ան). Եւ նստաւ ժողովուրդն յուտել եւ յըմպել, եւ յարեան ՛ի խաղալ։

Verse: 7  Link to sept   Եւ խօսեցաւ տ(է)ր ընդ մովսիսի՝ եւ ասէ. գնա́ է́ջ դու աստի վաղվաղակի, զի անօրինեցա́ւ ժողովուրդն քո՝ զոր հաներ յերկրէն եգիպտացւոց.

Verse: 8  Link to sept   անցի́ն վաղվաղակի զճանապարհաւն՝ զոր պատուիրեցեր ն(ո)ց(ա). արարին իւրեանց ո́րթ ձուլածոյ, եւ երկի́ր պագին նմա, եւ զոհեցին նմա եւ ասեն. ա́յս են աստուածք քո ի(սրա)էլ, որ հանին զքեզ յեգիպտոսէ։

Verse: 9  Link to sept   Եւ ասէ տ(է)ր ցմովսէս. տեսի́ զժողովուրդն զայն, եւ ահա ժողովուրդ խստապարանոց է։

Verse: 10  Link to sept   Եւ արդ՝ թո́յլ տուր ինձ, եւ բարկացեալ սրտմտութ(եամ)բ իմով ՛ի նոսա սատակեցից զն(ո)ս(ա). եւ արարից զքեզ յազգ մեծ։

Verse: 11  Link to sept   Եւ աղաչեաց մովսէս առաջի տ(եառ)ն ա(ստուծո)յ իւրոյ՝ եւ ասէ. ընդէ՞ր տ(է)ր բարկանաս սրտմտութ(եամ)բ քով ժողովրդեան քում, զոր հաներ յերկրէն եգիպտացւոց զօրութ(եամ)բ մեծաւ եւ բարձր բազկաւ։

Verse: 12  Link to sept   Գուցէ́ խօսիցին եգիպտացիքն՝ ուստի հանե́րն զմեզ, եւ ասիցեն. առ չարութե(ան) եհան զնոսա, կոտորել զն(ո)ս(ա) ՛ի լերինն, եւ ջնջել զնոսա յերկրէ։ Դադարեա́ ՛ի բարկութ(են)է սրտմտութե(ան) քոյ, եւ ցածի́ր ՛ի չարեաց ժողովրդեան քոյ։

Verse: 13  Link to sept   Յիշեա́ դու զաբրաամ եւ զիսահակ եւ զյակոբ զծառայս քո. որոց երդուա́ր յանձն քո, խօսեցա́ր ընդ նոսա եւ ասես. եւ առաւե́լ բազմացուցից զզաւակ ձեր, իբրեւ զաստեղս երկնից բազմութ(եամ)բ։ եւ զա(մենայ)ն երկիրն զոր ասացեր տալ զաւակի ն(ո)ց(ա), կալցի́ն զնա յաւիտեան։

Verse: 14  Link to sept   Եւ ցածեաւ տ(է)ր ՛ի չարեացն, զոր ասաց առնել ժ(ո)ղ(ո)վրդեանն իւրում։

Verse: 15  Link to sept   Եւ դարձաւ մովսէս՝ էջ ՛ի լեռնէ անտի, եւ երկու տախտակքն վկայութե(ան) ՛ի ձեռս ն(ո)ր(ա)։ տախտակք քարեղէնք, գրեալք յերկուց կողմանց աստի եւ անտի գրեալք։

Verse: 16  Link to sept   եւ տախտակքն՝ գո́րծ ա(ստուծո)յ էին. եւ գիրն՝ գի́ր ա(ստուծո)յ դրոշմեալ ՛ի տախտակսն։

Verse: 17  Link to sept   Եւ լուաեալ յեսուայ զձայն ժողովրդեանն աղաղակելոյ, ասէ ցմովսէս. ձա́յն պատերազմի է բանակին։

Verse: 18  Link to sept   Եւ ասէ մովսէս. ո́չ է ձայն նահատակա́ց զօրութե(ան), եւ ո́չ է բարբառ նահատակաց քաջութե(ան). այլ ձայն յանզգայելոց ՛ի գինւոյ լսեմ ես։

Verse: 19  Link to sept   Եւ իբրեւ մերձեցաւ ՛ի բանա́կ անդր, եւ ետես զորթն եւ զպարաւորսն, բարկացաւ սրտմտութ(եամ)բ մովսէս. ընկէ́ց ՛ի ձեռաց իւրոց զտախտակսն երկոսին, եւ խորտակեա́ց զնոսա առ ստորոտով լերինն։

Verse: 20  Link to sept   Եւ առեալ զորթն զոր արարին՝ այրեաց հրով. եւ խարտեաց զնա մա́նր, եւ ցանեա́ց ՛ի վերայ ջրոցն եւ արբո́յց որդւոցն իսրայելի։

Verse: 21  Link to sept   Եւ ասէ մովսէս ցահարոն. զի՞նչ արար քեզ ժողովուրդդ, զի ածեր ՛ի վ(ե)ր(այ) դոցա անհնարին զմեղսդ։

Verse: 22  Link to sept   Եւ ասէ ահարոն ցմովսէս. մի́ բարկանար սրտմտութ(եամ)բ տէ́ր իմ. զի դու ինքնին դիտես զյանդգնութի(ւն) ժողովրդեանդ.

Verse: 23  Link to sept   զի ասացին թէ արա́ մեզ աստուածս որ առաջնորդեսցեն մեզ. զի այրն այն մովսէս՝ որ եհան զմեզ յեգիպտոսէ, ո́չ գիտեմք զի՞ եղեւ նմա։

Verse: 24  Link to sept   Եւ ասե́մ ցնոսա եթէ իցէ ուրուք ոսկի, կողոպտեցէ́ք եւ բերէ́ք առիս։ եւ ետուն ցիս, եւ ընկեցի զայն ՛ի հուր, եւ ել ո́րթդ այդ։

Verse: 25  Link to sept   Եւ ետես մովսէս եթէ յանցեա́ւ ժողովուրդն. քանզի յանցոյց զնոսա ահարոն յոտնահարու(թ)ի(ւն) թշնամեաց իւրեանց։

Verse: 26  Link to sept   Եւ եկաց մովսէս առ դրան բանակին՝ եւ ասէ. որ ոք տ(եառ)ն իցէ՝ առի́ս մատիցէ։ հասանէին առ նա ա(մենայ)ն որդիքն ղեւեայ։

Verse: 27  Link to sept   Եւ ասէ ցնոսա. այսպէս ասէ տ(է)ր ա(ստուա)ծ ի(սրաէ)լի. դի́ք իւրաքանչիւր զսուր իւր յազդեր իւրում. անցէ́ք եւ այսրէն դարձարուք դրանէ ՛ի դուռն բանակիդ. եւ կոտորեցէ́ք իւրաքանչիւր զեղբայր՝ եւ իւրաքանչիւր զընկեր իւր, եւ իւրաքանչիւր զմերձաւո́ր իւր։

Verse: 28  Link to sept   Եւ արարին որդիքն ղեւեայ որպէս եւ ասաց մովսէս։ եւ անկան ՛ի ժողովրդենէ անտի յաւուր յայնմիկ, ոգիք իբրեւ երեք հազարք այր։

Verse: 29  Link to sept   Եւ ասէ ցնոսա մովսէս. լցէ́ք զձեռս ձեր այսօր տ(եառ)ն, եւ իւրաքանչիւր յորդի իւր, եւ իւրաքանչիւր յեղբայր իւր, տա́լ ՛ի վերայ ձեր այսօր օրհնութի(ւն)։

Verse: 30  Link to sept   Եւ եղեւ ՛ի վաղիւ անդր, ասէ մովսէս ցժողովուրդն. դուք մեղա́յք զմեղսդ զայդ զմեծ, բայց ես արդ՝ ելի́ց առ ա(ստուա)ծ, զի ցածուցից վ(ա)ս(ն) մեղաց ձերոց։

Verse: 31  Link to sept   Դարձաւ մովսէս անդրէն առ տ(է)ր եւ ասէ. աղաչե́մ զքեզ տ(է)ր. մեղա́ւ ժողովուրդն այն մե́ղս անհնարինս. եւ արարին իւրեանց աստուածս ոսկեղէնս։ արդ՝ եթէ թողուս ն(ո)ց(ա) զմեղս իւրեանց՝ թո́ղ

Verse: 32  Link to sept   ապա թէ ոչ՝ ջնջեա́ եւ զիս ՛ի դարութ(են)է քումմէ յոր գրեցեր։

Verse: 33  Link to sept   Եւ ասէ տ(է)ր ցմովսէս. եթէ ոք մեղաւ առաջի իմ, ջնջեցից զնա ՛ի դպրութ(են)է իմմէ։

Verse: 34  Link to sept   Բայց արդ՝ ե́րթ է́ջ եւ առաջնորդեա́ ժողովրդեանն այնմիկ ՛ի տեղին՝ յոր ասացի քեզ։ Եւ ահա հրեշտակ իմ երթիցէ առաջի երեսաց քոց։ բայց յաւուր յորում ա́յց արարից, ածից ՛ի վերայ ն(ո)ց(ա) զմեղս իւրեանց

Verse: 35  Link to sept   Եւ եհար տ(է)ր զժողովուրդն վ(ա)ս(ն) առնելոյ ն(ո)ց(ա) զորթն՝ զոր արար ահարոն։



Chapter: 33 
ԳԼ(ՈՒԽ) Լ՜Գ.


Verse: 1  Link to sept   Եւ ասէ տ(է)ր ցմովսէս. ե́րթ ե́լ աստի, դու եւ ժողովուրդն քո զոր հաներ յերկրէն եգիպտացւոց, յերկիրն զոր երդուայ աբրաամու՝ եւ սահակայ՝ եւ յակոբայ. ասեմ, զաւակի́ ձերում տաց զնա։

Verse: 2  Link to sept   Եւ առաքեցից առաջի երեսաց քոց զհրեշտակ իմ. եւ մերժեսցէ́ զքանանացին, եւ զամովրհացին, եւ զքետացին, եւ զփերեզացին, եւ զգերգեսացին, եւ զխեւացին, եւ զյեբուսացին,

Verse: 3  Link to sept   եւ տարցի́ զքեզ յերկիրն որ բղխէ զկաթն եւ զմեղր։ Բայց ես ո́չ ելից ընդ ձեզ, վ(ա)ս(ն) խստապարանո́ց լինելոյ ժողովրդեանդ. զի մի́ սատակիցե́մ զքեզ ՛ի ճանապարհի։

Verse: 4  Link to sept   Եւ լուեալ ժողովրդեանն զբա́նն զայն չար, սո́ւգ առին սգաւորք. եւ ոչ ա́ռ այր զզարդ զանձամբ։

Verse: 5  Link to sept   Եւ ասէ տ(է)ր ցմովսէս. ասա́ դու ցորդիսն ի(սրաէ)լի. դուք ժողովուրդ խստապարանոց էք. զգո́յշ լերուք գուցէ եւ ա́յլ եւս հարուած ածիցեմ ՛ի վ(ե)ր(այ) ձեր, եւ սատակիցե́մ զձեզ։ եւ արդ՝ մերկացարո՞ւք զպատմուճանս փառաց ձերոց, եւ զզարդ քո ՛ի քէն. եւ ցուցի́ց զինչ առնիցեմ քեզ։

Verse: 6  Link to sept   Եւ մերկացան որդիքն իսրայէլի զզարդ իւրեանց, եւ զպատմուճանս իւրեանց ՛ի քորէբ լերին։

Verse: 7  Link to sept   Եւ առեալ մովսիսի զխորան իւր՝ եհար արտաքո́յ բանակին, մեկուսի́ ՛ի բանակէ անտի. եւ կոչեցաւ այն՝ խորա́ն վկայութե(ան)։ Եւ լիներ ա(մենայ)ն ոք որ խնդրէ́ր ինչ ՛ի տ(եառն)է, ելաներ ՛ի խորանն վկայութե(ան) արտաքոյ բանակին։

Verse: 8  Link to sept   Եւ յորժամ երթա́յր մովսէս ՛ի խորանն՝ կայր ա(մենայ)ն ժողովուրդն դէտակնկալեալ իւրաքանչիւր ուրուք առ դուրս խորանի իւրոյ։ հայէին ընդ մովսէս մինչ երթայր մտանէր ՛ի խորանն։

Verse: 9  Link to sept   Եւ յորժամ մտանէ́ր մովսէս ՛ի խորանն, իջանէր սի́ւն ամպոյն եւ կայր առ դուրս խորանին, եւ խօսէր տ(է)ր ընդ մովսիսի։

Verse: 10  Link to sept   Եւ տեսանէր ա(մենայ)ն ժողովուրդն զսի́ւն ամպոյն որ կայր առ դուրս խորանին. եւ կային ա(մենայ)ն ժողովուրդն յոտն, եւ երկի́ր պագանէին իւրաքանչիւր առ դուրս խորանի իւրոյ։

Verse: 11  Link to sept   Եւ խօսէ́ր տ(է)ր ընդ մովսիսի դէ́մ յանդիման. որպէս ոք զի խօսիցի ընդ բարեկամի իւրում. եւ դառնայր ՛ի բանակ անդր։ Բայց պաշտօնեայ ն(ո)ր(ա) յեսու որդի նաւեայ ո́չ ելանէր ՛ի խորանէ անտի։

Verse: 12  Link to sept   Եւ ասէ մովսէս ցտ(է)ր. ահա ասե́ս ցիս, հա́ն զժողովուրդդ զայդ. եւ դու ո́չ ցուցեր ինձ զո՞ առաքիցես ընդիս։ եւ դու՝ ցի́ս ասացեր՝ թէ ճանաչե́մ զքեզ քան զամենեսին, եւ ունիս շնորհս յինէն։

Verse: 13  Link to sept   Արդ՝ եթէ գտի շնորհս առաջի քո՝ ցո́յց ինձ զանձն քո յայտնապէս, զի գիտացից՝ թէ ի՞ւ գտեալ է իմ շնորհս առաջի քո. եւ զի ծանեա́յց թէ ժողովուրդս քո այս՝ յա́զգ մեծ լինիցի։

Verse: 14  Link to sept   Եւ ասէ. ե́ս ինքնին երթայց առաջի քո, եւ զետեղեցի́ց զքեզ։

Verse: 15  Link to sept   Եւ ասէ ցնա. եթէ ոչ դու ինքնին երթայցես ընդ մեզ, մի́ հաներ զմեզ աստի։

Verse: 16  Link to sept   Եւ զիա՞րդ յայտ լինիցի, եթէ արդարեւ գտի շնորհս առաջի քո, եւ ե́ս եւ ժողովուրդս քո։ այլ յերթալն քո ընդ մեզ՝ փառաւորեսցուք, եւ ե́ս եւ ժողովուրդս քո, քան զա(մենայ)ն ազգս որ իցեն ՛ի վերայ երկրի։

Verse: 17  Link to sept   Եւ ասէ տ(է)ր ցմովսէս. եւ զա́յդ եւս զքո բան զոր ասացեր՝ արարի́ց. քանզի գտե́ր շնորհս առաջի իմ. եւ ճանաչեմ զքեզ քան զամենեսեան։

Verse: 18  Link to sept   Եւ ասէ՝ ցո́յց ինձ զփառս քո։

Verse: 19  Link to sept   Եւ ասէ, ե́ս անցից առաջի քո փառօք իմովք. եւ կոչեցից յանուն տ(եառ)ն առաջի քո. եւ ողորմեցա́յց որում ողորմեցայց, եւ գթացա́յց յորս գթացայց։

Verse: 20  Link to sept   Եւ ասէ. ո́չ կարես տեսանել զերեսս իմ. զի ո́չ տիսանէ մարդ զերեսս իմ, եւ ապրի։

Verse: 21  Link to sept   Եւ ասէ տ(է)ր, ահա́ տեղի մի առաջի իմ. եւ կացցե́ս ՛ի վ(ե)ր(այ) վիմին.

Verse: 22  Link to sept   յորժամ անցանիցեն փառքն իմ. եւ եդից զքեզ ՛ի ծե́րպ վիմին. եւ ծածկեցի́ց զքեզ ձեռամբ իմով մինչեւ անցի́ց ես։

Verse: 23  Link to sept   եւ բարձի́ց զձեռն իմ ՛ի քէն, եւ ապա տեսցես զյետո́յսն իմ. բայց երե́սք իմ քեզ մի́ երեւեսցին։



Chapter: 34 
ԳԼ(ՈՒԽ) Լ՜Դ.


Verse: 1  Link to sept   Եւ ասէ տ(է)ր ցմովսէս. կոփեա́ դու քեզ երկո́ւս տախտակս քարեղէնս ըստ առաջին տախտակացն, եւ ե́լ առիս ՛ի լեառնն. եւ գրեցի́ց ՛ի վ(ե)ր(այ) տախտակացն զպատգամսն՝ որ էին յառաջին տախտակսն զոր խորտակեցերն։

Verse: 2  Link to sept   Լե́ր պատրաստ առ վաղիւ, եւ ելանիցե́ս ընդ առաւօտս ՛ի լեառնն սինա. եւ մնասցե́ս ինձ անդ ՛ի վերայ գլխոյ լերինն։

Verse: 3  Link to sept   եւ մի́ ոք ելանիցէ ընդ քեզ, եւ մի́ ոք երեւեսցի ամենեւին ՛ի լերինն. եւ արջա́ռ եւ ոչխար՝ մի́ արածեսցին մօտ ՛ի լեառնն։

Verse: 4  Link to sept   Եւ կոփեաց երկուս տախտակս քարեղէնս, ըստ օրինակի առաջին տախտակացն. եւ կանխեալ մովսիսի ընդ առաւօտն՝ ել ՛ի լեառնն սինա, ո(ր)պ(էս) հրամայեաց նմա տ(է)ր։ եւ ա́ռ մովսէս ընդ իւր զերկուս տախտակսն քարեղէնս։

Verse: 5  Link to sept   Եւ էջ տ(է)ր ամպով, եւ կա́յր յանդիման ն(ո)ր(ա) անդ։ եւ կոչեա́ց յանուն տ(եառ)ն։

Verse: 6  Link to sept   Եւ անց տ(է)ր առաջի նորա։ եւ կարդաց Տ(է)ր ա(ստուա)ծ՝ գթա́ծ եւ ողորմած, երկայնամիտ բազում ողո́րմ եւ ճշմարիտ։

Verse: 7  Link to sept   Որ պահէ́ զարդարութի(ւն), եւ առնէ զողորմութի(ւն) ՛ի հազար ազգս։ բառնա́յ զանօրէնութի(ւն)ս եւ զանիրաւութի(ւն)ս եւ զմեղս. եւ ո́չ անպա́րտ առնէ զպարտաւորն. ածէ́ զանիրաւութի(ւն)ս հարց՝ որդւոց եւ յորդիս որդւոց՝ մինչեւ յերիս եւ ՛ի չորս ազգս։

Verse: 8  Link to sept   Եւ երագեաց մովսէս խոնարհ երկի́ր եպագ,

Verse: 9  Link to sept   եւ ասէ. եթէ գտի շնորհս առաջի քո տ(է)ր, երթիցէ́ ընդ մեզ տ(է)ր. զի ժողովուրդս խստապարանո́ց է. եւ բարձցե́ս դու զանօրէնութի(ւն)ս եւ զմեղս մեր. եւ եղիցուք մեք քո́։

Verse: 10  Link to sept   Եւ ասէ տ(է)ր ցմովսէս. ահա ե́ս դնեմ ընդ քեզ ուխտ առաջի ա(մենայ)ն ժողովրդեան քոյ. եւ արարից սքանչելի́ս՝ որ ո́չ եղեն յա(մենայ)ն երկիր, եւ յա(մենայ)ն ազգս. եւ տեսցէ́ ա(մենայ)ն ժողովուրդդ՝ յորս ե́ս դու ՛ի մէջ դոցա զգործս տ(եառ)ն. զի զարմանալիք իցեն զոր ե́սս արարից ձեզ։

Verse: 11  Link to sept   Զգո́յշ լեր դու ա(մենայ)նի, զոր միանգամ պատուիրեցի քեզ այսօր։ ահաւասիկ ես մերժե́մ յերեսաց ձերոց զամովրհացին, եւ զքանանացին, եւ զքետացին, եւ զփերեզացին, եւ զխեւացին, եւ զգերգեսացին, եւ զյեբուսացին։

Verse: 12  Link to sept   Զգո́յշ լեր անձին քում, գուցէ́ դնիցես ուխտ ընդ բնակիչս երկրին, յորում դու մտանելոց ես ՛ի նոսա. գուցէ լինիցի ձեզ գայթագղութի(ւն)։

Verse: 13  Link to sept   Զբագինս ն(ո)ց(ա) կործանեսջի́ք, եւ զարձանս ն(ո)ց(ա)՝ փշրեսջի́ք, եւ զանտառս ն(ո)ց(ա)՝ կոտորեսջի́ք, եւ զդրօշեալս դից ն(ո)ց(ա)՝ հրո́վ այրեսջիք։

Verse: 14  Link to sept   եւ մի́ պագանիցէք երկիր աստուածոց օտարաց. զի տ(է)ր ա(ստուա)ծդ անուն նախանձելի́ է. ա(ստուա)ծ նախանձօ́տ է։

Verse: 15  Link to sept   Գուցէ́ դնիցեն ուխտ ընդ բնակիչս երկրին, եւ պոռնկիցին զկնի դից ն(ո)ց(ա), եւ զոհիցեն աստուածոց ն(ո)ց(ա). եւ կոչիցեն զքեզ՝ եւ ուտիցես ՛ի զոհից ն(ո)ց(ա)։

Verse: 16  Link to sept   Եւ առնուցուս ՛ի դստերաց նոցա ուստերաց քոց. եւ ՛ի դստերաց քոց՝ տացես ուստերաց ն(ո)ց(ա). եւ պոռնկիցին դստերք քո զկնի ն(ո)ց(ա), եւ պոռնկեցուցանիցեն զուստերս քո զկնի դի́ցն իւրեանց։

Verse: 17  Link to sept   Եւ աստուածս ձուլածոյս՝ մի́ առնիցես քեզ։

Verse: 18  Link to sept   Զտօն բաղարջակերաց պահեսցես. զեւթն օր բաղա́րջ կերիցես ո(ր)պ(էս) պատուիրեցի քեզ, ՛ի ժամանակի իւրում յամսեա́նն կանխոց. զի յամսեանն կանխոց եկեր յեգիպտոսէ։

Verse: 19  Link to sept   Ամենայն արու որ բանայ զարգանդ՝ ինձ լիցի. եւ ա(մենայ)ն արուք անասնոյ քոյ,

Verse: 20  Link to sept   անդրանիկն արջառոյ, եւ անդրանիկն ոչխարի։ եւ զանդրանիկն իշոյ՝ փրկեսցես գառամբ. ապա թէ ոչ փրկեսցես զնա՝ զգի́նս նորա տայցես։ Զամենայն անդրանիկս որդւոց քոց փրկեսցե́ս։ Եւ ձեռնուա́յն առաջի իմ՝ մի́ երեւեսցիս։

Verse: 21  Link to sept   Զվե́ց օր գործեսցես. եւ յաւուրն եւթներորդի հանդիցե́ս. եւ ՛ի սերմանս եւ ՛ի հունձս՝ հանգիցե́ս։

Verse: 22  Link to sept   Եւ տօ́ն եւթներորդաց արասցես ինձ, իսկզբանէ́ հնձոց ցորենոյ։ եւ զտօն արմտեաց ամփոփելոյ՝ յընդմիջե́լ տարւոյն։

Verse: 23  Link to sept   Երի́ս ժամանակս ՛ի տարւոջ երեւեսցի ա(մենայ)ն արրու մանուկ քո առաջի տ(եառ)ն ա(ստուծո)յ ի(սրաէ)լի։

Verse: 24  Link to sept   քանզի մերժեցի́ց զազգսն յերեսաց քոց. եւ ընդարձակեցից զսահմանս քո, եւ ո́չոք իցէ որ ա́կն դնիցէ երկրին քում, յորժամ ելանիցես երեւել առաջի տ(եառ)ն ա(ստուծո)յ քոյ յերիս ժամանակս ՛ի տարւոջն։

Verse: 25  Link to sept   Մի́ զենուցուս ՛ի վերայ խմորելոյ զարիւն զոհից իմոց. եւ մի́ ելանիցէ յայգ զենո́ւմն տօնի զատկի։

Verse: 26  Link to sept   Զառաջին արմտիս երկրի քոյ՝ տարցի́ս ՛ի տուն տ(եառ)ն ա(ստուծո)յ քոյ։
   Մի́ եփեսցես զգառն ՛ի կաթն մօր իւրոյ։

Verse: 27  Link to sept   Եւ ասէ տ(է)ր ցմովսէս. գրեա́ դու քեզ զպատգամսդ զայդոսիկ. զի այդո́ւ բանիւ դնիցեմ ուխտ ընդ քեզ՝ եւ ընդիս ի(սրա)էլ։

Verse: 28  Link to sept   Եւ էր մովսէս առաջի տ(եառ)ն զքառասուն տիւ եւ զքառասուն գիշեր. հաց ո́չ եկեր, եւ ջուր ո́չ արբ. եւ գրեաց ՛ի վերայ տախտակացն զբանս ուխտի՝ զտասն պատգամացն։

Verse: 29  Link to sept   Մինչդեռ իջանէր մովսէս ՛ի լեռնէն սինայ, եւ երկոքին տախտակքն ուխտի ՛ի ձեռս մովսիսի էին։ եւ յիջանել իւրում ՛ի լեռնէ անտի, ո́չ գիտէր մովսէս եթէ փառաւորեալ իցէ տեսիլ գունոյ երեսաց ն(ո)ր(ա) ՛ի խօսել ն(ո)ր(ա) ընդ նմա։

Verse: 30  Link to sept   Եւ ետես ահարոն եւ ա(մենայ)ն որդիքն ի(սրաէ)լի զմովսէս. եւ էր փարաւորեալ տեսիլ գունոյ երեսաց ն(ո)ր(ա). եւ երկեան մերձենալ ՛ի նա։

Verse: 31  Link to sept   Եւ կոչեաց զնոսա մովսէս. եւ դարձան առ նա ահարոն եւ ա(մենայ)ն իշխանք ժողովրդեանն. եւ խօսեցաւ մովսէս ընդ նոսա։

Verse: 32  Link to sept   Եւ ապա մերձեցան առ նա ա(մենայ)ն որդիքն ի(սրաէ)լի։ եւ պատմեաց ն(ո)ց(ա) զա(մենայ)ն զոր խօսեցաւ ընդ նմա տ(է)ր ՛ի լերինն սինայ։

Verse: 33  Link to sept   Եւ իբրեւ դադարեաց ՛ի խօսելոյ անտի ընդ նոսա. արկ պատրուակ զերեսօք իւրովք։

Verse: 34  Link to sept   Իբրեւ մտանէր մովսէս առաջի տ(եառ)ն խօսել ընդ նմա, մերկանա́յր զպատրուակն մինչեւ այսրէն ելանելոյ։ եւ իբրեւ լեաներ՝ խօսէր ը(նդ) ա(մենայ)ն որդիսն ի(սրաէ)լի զոր միանգամ պատուիրեաց նմա տ(է)ր։

Verse: 35  Link to sept   Եւ տեսանէին որդիքն ի(սրաէ)լի զերեսն մովսիսի զի փառաւորեալ էր տեսիլ գունոյ երեսաց ն(ո)ր(ա). եւ արկանէր մովսէս պատրուակ ՛ի վերայ երեսաց իւրոց, մինչեւ անդրէն մտանելոյ եւ խօսելոյ ընդ նմա։



Chapter: 35 
ԳԼ(ՈՒԽ) Լ՜Ե.


Verse: 1  Link to sept   Եւ ժողովեաց մովսէս զա(մենայ)ն ժողովուրդ որդւոցն իսրայէլի՝ եւ ասէ ցն(ո)ս(ա). ա́յս բանք են զօր ասաց տ(է)ր առնել զնոսա։

Verse: 2  Link to sept   Զվեց օր գործեսցե́ս զգործ. յաւուրն եւթներորդի հանգիցե́ս. շաբաթ սո́ւրբ է, հանգիստ տ(եառ)ն։ ա(մենայ)ն որ գործեսցէ ՛ի նմա, սատակեսցի́։

Verse: 3  Link to sept   մի́ լուցցի հուր յա(մենայ)ն բնակութե(ան) ձերում յաւուր շաբաթուց. զի ե́ս եմ տ(է)ր։

Verse: 4  Link to sept   Եւ խօսեցաւ մովսէս ընդ ա(մենայ)ն ժողովրդեան որդւոցն ի(սրաէ)լի՝ եւ ասէ. ա́յս պատգամ է՝ զոր պատուիրեաց տ(է)ր՝ եւ ասէ։

Verse: 5  Link to sept   Առէ́ք ՛ի ձէնջ հա́ս տ(եառ)ն. ա(մենայ)ն ոք զիարդ եւ յօժարեսցի ՛ի սրտի իւրում, բերցէ պտուղ տ(եառ)ն։ ոսկի. արծաթ. պղինձ, եւ կապուտակ.

Verse: 6  Link to sept   եւ ծիրանի. եւ կարմիր կրկին մանեալ. եւ բեհեզ նիւթեալ. եւ մազ այծեաց։

Verse: 7  Link to sept   եւ մորթս խոյոց կարմիր ներկեալ. եւ մորթս կապուտակեալս. եւ փայտս անփուտս։

Verse: 8  Link to sept   եւ եւղ լուսոյ. եւ խունկս իւղոյ օծման. եւ խունկս հանդերձանաց։

Verse: 9  Link to sept   Եւ ականս սարդիոնս եւ ականս զըմրուխտս եւ ականս ՛ի գիր վակասին. եւ զպճղնաւորն։

Verse: 10  Link to sept   Եւ ա(մենայ)ն որ իմաստուն իցէ սրտիւ ՛ի ձեզ, եկեալ գործեսցէ́ զա(մենայ)ն ինչ՝ զոր պատուիրեաց տ(է)ր։

Verse: 11  Link to sept   Զխորանն, եւ զնուարտանս իւր, եւ զվիժակս ն(ո)ր(ա), եւ զգահաւորակս ն(ո)ր(ա), եւ զտախտակս նորա. եւ զպարզունակս ն(ո)ր(ա), եւ զսիւնակս ն(ո)ր(ա), եւ զխարիսխս ն(ո)ր(ա)։

Verse: 12  Link to sept   Եւ զտապանակն վկայութե(ան), եւ զլծակս ն(ո)ր(ա), եւ զքաւութի(ւն)ն, եւ զվարագոյրն, եւ զառագաստ սրահին, եւ զսիւնակս նորա, եւ զականսն զըմրուխտս, եւ զխունկսն, եւ զեւղն օծման։

Verse: 13  Link to sept   Եւ զսեղանն, եւ զա(մենայ)ն զկահ նորա, եւ զհովանոցս սեղանոյն, եւ զլծակս ն(ո)ր(ա), եւ զա(մենայ)ն զկահ ն(ո)ր(ա)։ եւ զհացն երեսաց։

Verse: 14  Link to sept   եւ զաշտանակն լուսոյ, եւ զա(մենայ)ն զկահ ն(ո)ր(ա), եւ զճրագարանս ն(ո)ր(ա), եւ զեւղն լուսոյ։

Verse: 15  Link to sept   Եւ զսեղանն խնկոց, եւ զլծակս ն(ո)ր(ա), եւ զեւղն օծութե(ան), եւ զխունկսն հանդերձանաց, եւ զվարագոյր դրան խորանին։

Verse: 16  Link to sept   եւ զսեղանն ողջակիզաց, եւ զվանդակս ն(ո)ր(ա) զպղնձիս, զլծակս նորա, եւ զա(մենայ)ն զկահ ն(ո)ր(ա)։ Եւ զաւազանն, եւ զխարիսխս ն(ո)ր(ա)։

Verse: 17  Link to sept   եւ զառագաստ սրահին, եւ զսիւնակս ն(ո)ր(ա), եւ զխարիսխս նորա։

Verse: 18  Link to sept   Եւ զսրահակ դրան սրահին, եւ զցիցս խորանին, եւ զցիցս սրահին, եւ զապարումս ն(ո)ց(ա)։

Verse: 19  Link to sept   եւ զպատմուճանսն որովք պաշտիցեն ՛ի սրբու(թ)ե(ա)ն. զպատմուճանսն սուրբս՝ ահարոնի քահանայի. եւ զպատմուճանս քահանայու(թ)ե(ան) որդւոցն ահարոնի։

Verse: 20  Link to sept   Եւ ել ա(մենայ)ն ժողովուրդ որդւոցն ի(սրաէ)լի առ ՛ի մովսիսէ։

Verse: 21  Link to sept   եւ բերին իւրաքանչիւր որպէս եւ յօժարէին սիրտք իւրեանց. եւ որոց զիարդ եւ կա́մ եղեւ անձանց իւրեանց. բերէին նուէրս տ(եառ)ն յա(մենայ)ն գործս՝ խորանին վկայու(թ)ե(ան). եւ յա(մենայ)ն նիւթս ն(ո)ր(ա). եւ յա(մենայ)ն պատմուճանս սրբութե(ան)ցն։

Verse: 22  Link to sept   Եւ բերին ա́րք ՛ի կանանց, ա(մենայ)ն ոք որպէս եւ միտք իւր վարէին. Ականս, եւ գինդս, եւ մատանիս, եւ ծամակալս, եւ կշտապանակս, եւ զա(մենայ)ն անօթս ոսկեղէնս. եւ ա(մենայ)ն արք որ եւ էին, բերին նուէրս ոսկւոյ տ(եառ)ն։

Verse: 23  Link to sept   Եւ ա(մենայ)ն այր առ որում գտանէր կապուտակ, եւ ծիրանի, եւ կարմիր մանեալ, եւ բեհեզ. եւ մազ այծեաց. եւ մորթս խոյոց կարմիր ներկեալ. եւ մորթս կապուտակեալս։

Verse: 24  Link to sept   բերէին ա(մենայ)ն, որ նուիրէր նուէրս։ արծաթ եւ պղինձ բերէին զնուէրսն տ(եառ)ն. եւ ա(մենայ)ն առ որում գտանէր փա́յտ անփուտ՝ յա(մենայ)ն գործ կահին, բերէին։

Verse: 25  Link to sept   Եւ ա(մենայ)ն կին՝ իմաստուն մտօք նիւթէր ձեռօք իւրովք. եւ բերէ́ր մանեալ՝ զկապուտակն, եւ զծիրանի, եւ զկարմիրն ներկեալ, եւ զբեհեզն։

Verse: 26  Link to sept   Եւ ա(մենայ)ն կանայք որ յօժարէին ՛ի միտս իւրեանց, մանէին իմաստութ(եամ)բ զմազ այծեացն։

Verse: 27  Link to sept   Եւ իշխանքն բերէին ականս զըմրուխտս. եւ ականս ՛ի նիւթ վակասին եւ տախտակին.

Verse: 28  Link to sept   եւ զհանդերձանս խնկոցն. եւ զեւղն լուսոյ, եւ զեւղն օծութե(ան)։

Verse: 29  Link to sept   Եւ ա(մենայ)ն այր եւ կին, որոց յօժարէին միտք իւրեանց, մտանէին գործել զա(մենայ)ն գործն՝ զոր պատուիրեա́ց տ(է)ր գործել։ եւ ՛ի ձեռն մովսիսի բերէին որդիքն ի(սրաէ)լի զնուէրսն տ(եառ)ն։

Verse: 30  Link to sept   Եւ ասէ մովսէս ցորդիսն ի(սրաէ)լի. տեսէ́ք՝ զի կոչեաց ա(ստուա)ծ յանուանէ զբեսելիէլ զուրիեան՝ զորդի ովրայ յազգէ յուդայ.

Verse: 31  Link to sept   եւ ելի́ց զնա ա(ստուա)ծեղէն հոգւով իմաստութե(ան), եւ հանճարով եւ գիտութ(եամ)բ յա(մենայ)նի։

Verse: 32  Link to sept   ըստ ա(մենայ)ն գործոյ ճարտարապետել ճարտարութ(եամ)բ. գործել զոսկին եւ զարծաթն՝ եւ զպղինձն։

Verse: 33  Link to sept   Եւ քանդակել զականսն, եւ գործել զփայտն, եւ առնել զա(մենայ)ն գործ իմաստութե(ան), եւ խելամտել. զի ե́տ ՛ի սիրտ ն(ո)ր(ա) զիմաստու(թ)ի(ւն)։

Verse: 34  Link to sept   Եւ եղիաբայ որդւոյ աքիսամայ յազգէ դանայ։

Verse: 35  Link to sept   զորս ելի́ց մտօք իմաստու(թ)ե(ան), խելամտել, գործել զա(մենայ)ն գործ սրբութե(ա)ն. զոստայնանկու(թ)ի(ւն), եւ զնկարու, կապուտակաւն, եւ ծիրանեաւն, եւ կարմրովն ներկելով, եւ բեհեզով. անկանել գործել զամենայն գործ ճարտարութե(ան) նկարակերտաց։



Chapter: 36 
ԳԼ(ՈՒԽ) Լ՜Զ.


Verse: 1  Link to sept   Եւ արարին բեսելիէլ, եւ եղիաբ, եւ ա(մենայ)ն այր իմաստուն մտօք, որում տուաւ ՛ի տ(եառն)է իմաստութի(ւն) եւ գիտու(թ)ի(ւն), խելամուտ լինել, գործել զա(մենայ)ն գործ տարազու սրբութե(ա)ն. ըստ ա(մենայ)նի որպէս եւ հրամայեաց տ(է)ր։

Verse: 2  Link to sept   Եւ կոչեաց մովսէս զբեսելիէլ եւ զեղիաբ, եւ զամենեսին որ ունէին իմաստութի(ւն) ՛ի սրտի. որոց ետ ա(ստուա)ծ հանճար ՛ի սիրտս նոցա։ Եւ զամենեսին որ կամակար մտօք կամէին մերձենալ ՛ի գործն, եւ կատարել։

Verse: 3  Link to sept   Եւ առին ՛ի մովսիսէ զա(մենայ)ն նուէրսն՝ զոր բերին որդիքն ի(սրաէ)լի յա(մենայ)ն գործ տարազու սրբու(թ)ե(ա)ն առնել զայն։ եւ ինքեանք եւս ընդունէին զնուէրսն ՛ի նուիրաբերացն ընդ առաւօտս առաւօտս։

Verse: 4  Link to sept   Եւ գայի́ն ա(մենայ)ն իմաստունք՝ որ գործէին զգործ սրբութե(ա)ն, իւրաքանչիւր ըստ տարազո́ւ իւրում, զոր ինքեանք գործէին։

Verse: 5  Link to sept   Խօսեցան ը(նդ) մովսիսի եւ ասեն. կարի́ յաճախէ բերել ժողովուրդդ քան զբաւական տարազու պիտոյից գործոյն, զոր հրամայեաց ա(ստուա)ծ առնել։

Verse: 6  Link to sept   Եւ հրամայեաց մովսէս քարո́զ կարդալ ՛ի բանակին, եւ ասել. ա́յր կամ կին՝ մի́ եւս գործեսցեն ՛ի պտուղ սրբութե(ա)ն։ եւ ապա արգելաւ ժողովուրդն ՛ի բերելոյ.

Verse: 7  Link to sept   եւ զգործեալն իւրեանց բերէին յա(մենայ)ն կազմած գործոյն գործե́լ զայն. եւ դադարեցին։

Verse: 8  Link to sept   Եւ գործէ́ր ա(մենայ)ն իմաստուն սրտիւ ընդ գործաւորսն զգործ խորանին տա́սն փեղկեան, ՛ի բեհեզոյ մանելոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ կրկնելոյ։ քերոբ գործ անկուածոյ գործէին։

Verse: 9  Link to sept   Երկայնութի(ւն) միոյ փեղկին ՛ի քսան եւ յութ կանգնոյ, եւ լայնութի(ւն) ՛ի չորից կանգնոց միոյ փեղկի. չափ նո́յն էր ամենեցունց փեղկիցն։

Verse: 10  Link to sept   եւ կցեալ զհինգ փեղկն ը(նդ) միւս հինգ փեղկին, եւ զհինգն եւս փեղկ կցեալ ընդ այլում հնգի։

Verse: 11  Link to sept   Եւ արար ճարամանդս կապուտակեալս առ եզերբ միոյ փեղկին

Verse: 12  Link to sept   ՛ի կողմանէ առ ՛ի խառնուածս. նո́յնպէս արար եւ առ եզերբ արտաքնոյ փեղկին, երկրորդի խառնուածոյն։

Verse: 13  Link to sept   Յիսուն ճարամանդ արար միոյ փեղկի. եւ յիսուն ճարամանդ արար ՛ի կողմանէ փեղկին ըստ երկրորդի խառնուածոյն, առ ՛ի խառնելոյ իւրաքանչիւր ճարամանդացն ընդ միմեանս։ Եւ արար օղս ոսկիս յիսուն. եւ խառնեաց զփեղկսն ընդ միմեանս օղիւքն. եւ եղեւ խորան մի։

Verse: 14  Link to sept   Եւ արար փեղկս մազեղէնս ծածկիչս խորանին. մետասան փեղկ արար զնոսա։

Verse: 15  Link to sept   երկայնութի(ւն) միոյ փեղկի յերեսուն կանգնոյ. եւ լայնութի(ւն) միոյ փեղկի ՛ի չորից կանգնոց։ չափ նո́յն էր մետասանեցունց փեղկիցն.

Verse: 16  Link to sept   եւ կցեաց զհինգ փեղկն ՛ի միասին, եւ զվեց փեղկն ՛ի միասին։

Verse: 17  Link to sept   Եւ արար յիսուն ճարամանդ առ եզերբ փեղկին՝ որ ՛ի մէջ խառնուածոցն. եւ արար յիսուն եւս ճարամանդ առ եզերբ փեղկին երկրորդի խառնուածոյն.

Verse: 18  Link to sept   եւ արար օղս պղնձիս յիսուն. եւ կցեա́ց զխորանն՝ զի լինիցի մի։

Verse: 19  Link to sept   Եւ արար զվիժակս խորանին ՛ի մորթոց խոյոց կարմի́ր ներկելոց. եւ զարտախուրակսն ՛ի կապուտակէ ՛ի վերո́յ կողմանէ։

Verse: 20  Link to sept   Եւ արար զերկուս սիւնս խորանին յանփուտ փայտից կանգնաւորս։

Verse: 21  Link to sept   ՛ի տասն կանգնոյ զերկայնութի(ւն) միոյ սեան. եւ ՛ի կանգնոյ եւ ՛ի կիսոյ զթանձրու(թ)ի(ւն) եւ զլայնու(թ)ի(ւն) միոյ սեան.

Verse: 22  Link to sept   եւ երկուս սփռի́չս առ մի մի սիւն խառնեալ ընդ միմեանս. նո́յնպէս արար ա(մենայ)ն սեանց խորանին։

Verse: 23  Link to sept   Եւ արար զսիւնս խորանին. քսան սիւն՝ ՛ի հարաւոյ կողմանէ, եւ քառասուն խարիսխ արծաթի՝ սեանցն քսանեցունց.

Verse: 24  Link to sept   երկուս խարիսխս առ մի սիւն յերկոցունց կողմանց. եւ երկու խարիսխս առ մեւս եւս սիւն յերկոցունց կողմանց։

Verse: 25  Link to sept   Եւ յերկրորդ կողման խորանին ընդ հիւսւսի արար քսան սիւն,

Verse: 26  Link to sept   եւ քառասուն խարիսխ արծանե. երկու խարիսխ առ մի սիւն, եւ երկու խարիսխ առ մեւս եւս սիւն։

Verse: 27  Link to sept   Եւ ՛ի թիկանց խորանին ընդ ծովակողմ արար վե́ց սիւն.

Verse: 28  Link to sept   եւ երկու սիւնս արար յանկիւնս խորանին յետուստ կողմանէ։

Verse: 29  Link to sept   Եւ էին հասարակ ՛ի ներքուստ. եւ ըստ նմին օրինակի հասարա́կ եին ՛ի գլխոյ կողմանէ, ՛ի մի խառնուած. նո́յնպէս արար եւ երկոցունց սեանցն՝ որ յանկիւնսն։

Verse: 30  Link to sept   Եւ էին ո́ւթ սիւն, եւ խարիսխ ն(ո)ց(ա) արծաթիք, վեշտասա́ն խարիսխք, երկու խարիսխք առ մի սիւն, եւ երկու խարիսխք առ մի սիւն։

Verse: 31  Link to sept   Եւ արար պարզունակս յանփուտ փայտից, հի́նգ առ մի սիւն ՛ի միոջէ կողմանէ խորանին։

Verse: 32  Link to sept   եւ հի́նգ եւս պարզունակ առ միւս սիւն՝ յերկրորդ կողմանէ խորանին. եւ հինգ պարզունակ առ միւս սիւն ՛ի թիկանց խորանին ընդ ծովակողմն։

Verse: 33  Link to sept   Եւ արար զմիջին պարզունակն թափանցա́նց ՛ի մէջ սեանցն ՛ի կողմանէ ՛ի կողմն։

Verse: 34  Link to sept   Եւ զերկուս սիւնսն պատեաց ոսկւով. եւ զերկուս օղամանեակսն նոցա արար ոսկիս, յորս մտանիցեն պարզունակքն. եւ պատեաց զպարզունակսն ոսկւով։

Verse: 35  Link to sept   Եւ արար վարագոյր ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ. գո́րծ անկուածոյ գործեաց զնա քերոբ։

Verse: 36  Link to sept   եւ ե́դ զայն ՛ի վերայ չորից սեանցն յանփուտ փայտից ոսկիապատաց. եւ խոյակք նոցա ոսկիք, եւ չո́րք խարիսխք ն(ո)ց(ա) արծաթիք։

Verse: 37  Link to sept   Եւ արար զվարագոյր դրան խորանին վկայութե(ան) ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ, գո́րծ անկուածոյ քերոբ։

Verse: 38  Link to sept   Եւ զսիւնս նոցա հինգ, եւ զօ́ղս ն(ո)ց(ա). եւ պատեաց զխոյակս նոցա ոսկւով. եւ խարիսխք նոցա պղնձիք հինգ։



Chapter: 37 
ԳԼ(ՈՒԽ) Լ՜Է.


Verse: 1  Link to sept   Եւ արար բեսելիէլ զտապանակն յանփուտ փայտից. յերկուց կանգնոց եւ ՛ի կիսոյ զերկայնու(թ)ի(ւն) նորա. եւ ՛ի կանգնոյ եւ ՛ի կիսոյ զլայնութի(ւն) ն(ո)ր(ա). եւ ՛ի կանգնոյ եւ ՛ի կիսոյ զբարձրութի(ւն) նորա։ եւ պատեաց զնա ոսկւով սրբով ներքոյ եւ արտաքոյ։

Verse: 2  Link to sept   եւ արար նմա ծնօտս ոսկիս շուրջանակի։

Verse: 3  Link to sept   Եւ ձուլեաց նմա չո́րս օղամանեակս ոսկիս ՛ի չորեցունց կողմանց ն(ո)ր(ա). երկուս օղամանեակս ՛ի միոջէ կողմանէ, եւ երկուս օղամանեակս ՛ի միւսմէ կողմանէ, եւ ագո́յց լծակացն։

Verse: 4  Link to sept   Եւ արար լծակս յանփուտ փայտից, եւ պատեաց զնոսա ոսկւով։

Verse: 5  Link to sept   եւ ագուցին զլծակսն յօղամանեակսն ՛ի կողմանց տապանակին, բառնա́լ զնա նոքօք։

Verse: 6  Link to sept   Եւ արարին զքաւութի(ւն)ն ՛ի վերուստ տապանակին ոսկւո́յ սրբոյ. յերկո́ւց կանգնոց եւ ՛ի կիսոյ զերկայնու(թ)ի(ւն) ն(ո)ր(ա), եւ ՛ի կանգնոյ եւ ՛ի կիսոյ զլայնութի(ւն) ն(ո)ր(ա)։

Verse: 7  Link to sept   Եւ արար երկուս քերովբէս ոսկիս, ճախարակեա́յս գործեաց զն(ո)ս(ա)՝ յերկուց կողմանց քաւու(թ)ե(ա)ն։

Verse: 8  Link to sept   քերոբ մի ՛ի վ(ե)ր(այ) միոյ գլխոյ քաւութե(ա)ն. եւ քերոբ մի ՛ի վ(ե)ր(այ) երկրորդի գլխոյ քաւու(թ)ե(ա)ն, անդստին ՛ի քաւու(թեն)է անտի արար զերկոսին քերոբսն, յերկոցունց ծայրից ն(ո)ր(ա)։

Verse: 9  Link to sept   Եւ է́ր քերովբէիցն տարածեալ զթեւս իւրեանց ՛ի վերուստ. եւ հովանի́ ունէին թեւօք իւրեանց ՛ի վ(ե)ր(այ) քաւութե(ա)ն. եւ երեսք քերովբէիցն հանդէպ միմեանց ՛ի վերայ քաւութե(ա)ն։

Verse: 10  Link to sept   Եւ արար զսեղանն զառաջաւոր յոսկւոյ սրբոյ. եւ ձուլեաց նմա չորս օղամանեակս ոսկիս. երկուս ՛ի միոջէ կողմանէ, եւ երկուս յերկրորդ կողմանէ. եւ ագոյցս, բառնալ զնա ագուցիւքն։ Եւ զագոյցս տապանակին եւ զսեղանոյն արար յանփուտ փայտից. եւ պատեաց զն(ո)ս(ա) ոսկւով. յերկուց կանգնոց զերկայնու(թ)ի(ւն) ն(ո)ր(ա), եւ ՛ի կանգնոյ եւ ՛ի կիսոյ զլայնութի(ւն) ն(ո)ր(ա). եւ ՛ի կանգնոյ եւ ՛ի կիսոյ զբարձրութի(ւն) ն(ո)ր(ա)։

Verse: 11  Link to sept   Եւ պատեաց զնա ոսկւով սրբով. եւ արա́ր նմա ծնօտս ոսկիս շուրջանակի։

Verse: 12  Link to sept   եւ արար նմ(ա) պսակ ուղկեան շուրջանակի. եւ արար ծնօտս ոսկիս պսակին ն(ո)ր(ա) շուրջանակի։

Verse: 13  Link to sept   Եւ արար նմա չորս օղամանեակս ոսկիս. եւ եդ զօղամանեակսն ՛ի չորս կողմանս, որ էին չորեցունց ոտից ն(ո)ր(ա).

Verse: 14  Link to sept   ՛ի ներքոյ պսակին. եւ եղեն օղամանեակքն ագոյցք լծակացն առ ՛ի բառնալոյ զսեղանն։

Verse: 15  Link to sept   Եւ արար երկուս լծակս յանփուտ փայտից. եւ պատեաց զնոսա ոսկւով առ ՛ի բառնալ զսեղանն։

Verse: 16  Link to sept   Եւ արար զկահ սեղանոյն. զխնկաղացս ն(ո)ր(ա), եւ զարիւնակալս նորա, եւ զճաշակս նորա, եւ զնուիրանոցսն՝ որովք նուիրեցեն՝ յոսկւոյ սրբոյ։

Verse: 17  Link to sept   Եւ արար զաշտանակն լուսոյ՝ ձոյլ ոսկի, զբունն. եւ զստեղունսն յերկոցունց կողմանց ն(ո)ր(ա). եւ ՛ի ստեղանցն շառաւիղք ընտրեալք առ միմեանս երեք ՛ի միոջէն, եւ երեք ՛ի միւսմէն հաւասարք միմեանց։ եւ զլուսակալս նոցա՝ որ են ՛ի ծայրսն ընկուղազարդս անդստին ընտրեալս։ Եւ զբազմակալսն ՛ի նոսա. զի եղիցին ճրագարանքն ՛ի վերայ ն(ո)ց(ա). եւ զբազմակալն զեւթներորդ՝ որ ՛ի գլուխ լուսակալին. որ ՛ի վերայ բուն իսկ գլխոյն ՛ի վերուստ ձոյլ՝ համա́կ ոսկի։ Եւ զեւթն ճրագարանսն որ ՛ի վերայ նորա ոսկիս. եւ զունելիս նորա ոսկիս. եւ զյարդարիչս ն(ո)ր(ա) ոսկիս յոսկւոյ սրբոյ. ճախարակեալ գործեաց զաշտանակն, զբունն, եւ զստեղունս ն(ո)ր(ա). եւ զսկահաձեւսն եւ զգնդակսն եւ զշուշանսն անդստին ՛ի նմանէ։

Verse: 18  Link to sept   Վեց ստեղունք արձակեալք ՛ի կողմանց ն(ո)ր(ա). երեք ստեղունք արձակեալք ՛ի միոջէ կողմանէ աշտանակին. եւ երեք ստեղունք յերկրորդ կողմանէ աշտանակին։

Verse: 19  Link to sept   եւ երեք սկահաձեւք ընկուզազարդք յօրինեալք ՛ի միում ստեղան, եւ գնդակ եւ շուշան։ եւ երեք սկահաձեւք ընկուզազարդք յօրինեալք ՛ի միում եւս ստեղան, եւ գնդակ եւ շուշան։ Ա́յսպէս վեցեցունց ստեղանցն արձակելոց յաշտանակէ անտի։

Verse: 20  Link to sept   Եւ ՛ի բուն աշտանակին չորք սկահաձեւք ընկուզազարդք յօրինեալք. եւ գնդակք նորին եւ շուշանք։

Verse: 21  Link to sept   Եւ գնդակ մի ընդ երկու ստեղամբքն. անդստին ՛ի նմին. վեցեցունց ստեղանցն արձակելոց ՛ի նմանէ։

Verse: 22  Link to sept   գնդակք ն(ո)ց(ա) եւ ստեղունք իւրեանց անդստին ՛ի նմին, բովանդակ ճախարակեայ ՛ի միոջէ յոսկւոյ սրբոյ։

Verse: 23  Link to sept   Եւ արար զճրագարանս ն(ո)ր(ա) եւթն. եւ զունելիս, եւ զյարդարիչս ն(ո)ր(ա) յոսկւոյ սրբոյ։

Verse: 24  Link to sept   ՛ի տաղանդէ միո́յ ոսկւոյ սրբոյ արար զնա՝ եւ զա(մենայ)ն զկահ ն(ո)ր(ա)։

Verse: 25  Link to sept   Սա́ արար զսեղանն ոսկիապատ յանփուտ փայտից, ՛ի հինգ կնգնոյ զերկայնու(թ)ի(ւն) ն(ո)ր(ա), եւ ՛ի հինգ կանգնոյ զլայնու(թ)ի(ւն) ն(ո)ր(ա), չորեքկուսի. եւ յերից կանգնոց զբարձրութի(ւն) ն(ո)ր(ա), եւ զեղջեւրս ն(ո)ր(ա) անդստին ՛ի նմանէ։

Verse: 26  Link to sept   Եւ պատեաց զնա ոսկւով սրբով. եւ զյարկս ն(ո)ր(ա), եւ զկողմանս նորա շուրջանակի, եւ զեղջեւրս նորա։

Verse: 27  Link to sept   Եւ արա́ր նմա ծնօտս ոսկիս շուրջանակի. եւ երկուս օղամանեակս ոսկիս ընդ ծնօտիւք ն(ո)ր(ա) առ ՛ի կողմանէ ընդ երկոքումբք կողմամբք ն(ո)ր(ա)՝ յագոյցս լծակացն, առ ՛ի բառնալոյ զնա նոքօք։

Verse: 28  Link to sept   Եւ արար զլծակսն յանփուտ փայտից, եւ պատեաց զն(ո)ս(ա) ոսկւով։

Verse: 29  Link to sept   Սա́ արար զեւղն օծութե(ան) զսուրբ, եւ զհանդերձանս խնկոցն. գործ մաքուր իւղագործաց։



Chapter: 38 
ԳԼ(ՈՒԽ) Լ՜Ը.


Verse: 1  Link to sept   Եւ արար զսեղանն պղնձապատ ՛ի բուրուառացն պղնձեաց՝ որ էին ՛ի ձեռս արանցն ապստամբաց հանդերձ ժողովրդեամբն կորխայ, յանփուտ փայտից. ՛ի հինգ կանգնոյ զերկայնութի(ւն) ն(ո)ր(ա), եւ ՛ի հինգ կանգնոյ զլայնու(թ)ի(ւն) ն(ո)ր(ա). չորեքկուսի. եւ յերից կանգնոց բարձրու(թ)ի(ւն) ն(ո)ր(ա)։

Verse: 2  Link to sept   Արա́ր եւ զեղջեւրս ն(ո)ր(ա) ՛ի վ(ե)ր(այ) չորեցունց անկեանց ն(ո)ր(ա). անդստին ՛ի նմանէ եին եղջեւրք ն(ո)ր(ա). եւ պատեաց զնա պղնձով։

Verse: 3  Link to sept   Սա́ արար զա(մենայ)ն կահ սեղանոյն, զխարիսխսն, եւ զբլշակն, եւ զտաշտսն, եւ զմսահանսն, եւ զբուրուառսն։ եւ զա(մենայ)ն կահս ն(ո)ր(ա) արար պղնձի։

Verse: 4  Link to sept   Սա́ արար զգահաւորակս սեղանոյն. գո́րծ վանդակագործ պղնձի՝ ՛ի բուրուառացն. ՛ի ներքուստ մինչեւ ցմէջս.

Verse: 5  Link to sept   ե́դ ՛ի նմա չորս օղամանեակս պղնձիս ՛ի չորեցունց կողմանց գահաւորակի սեղանոյն՝ ագոյցս նգացն։

Verse: 6  Link to sept   Եւ արար զլծակսն յանփո́ւտ փայտից, եւ պատեա́ց զնոսա պղնձով։

Verse: 7  Link to sept   եւ ագուցին զլծակսն յօղամանեակսն ՛ի կողմանս սեղանոյն, բառնալ զսեղանն նոքօք։ բովանդակ տախտակամած գործեաց զնա։

Verse: 8  Link to sept   Եւ արար զաւազանն պղնձի, եւ զխարիսխս նորա պղնձի, ՛ի հայելեաց կանանց ուխտաւորաց. որք պահեցին պահս առ դրան խորանին վկայութե(ան), յաւուր յորում եհար զխորանն։

Verse: 9  Link to sept   Եւ արար զսրահն որ հայէր ընդ հարաւ. եւ զառադաստ սրահին ՛ի բեհեզոյ մանելոյ հարիւր առ հարիւր։

Verse: 10  Link to sept   եւ սիւնք ն(ո)ց(ա) քսան, եւ խարիսխք ն(ո)ց(ա) պղնձիք քսան. եւ զարդք սեանցն եւ խոյակք ն(ո)ց(ա) արծաթիք։

Verse: 11  Link to sept   Եւ ընդ կողմն հիւսւսոյ հարեւր առ հարեւր. եւ սիւնք ն(ո)ց(ա) քսան. եւ խարիսխք ն(ո)ց(ա) պղնձիք քսան. եւ զարդք սեանցն եւ դրուագք ն(ո)ց(ա) արծաթիք։

Verse: 12  Link to sept   Եւ ընդ ծովակողմն սրահք ՛ի յիսուն կանգնոյ. եւ սիւնք ն(ո)ց(ա) տասն, եւ խարիսխք ն(ո)ց(ա) տասն. եւ զարդք սեանցն եւ դրուագք ն(ո)ց(ա) արծաթիք։

Verse: 13  Link to sept   Եւ ընդ կողմն արեւելից ՛ի յիսուն կանգնոյ։ եւ առագաստքն

Verse: 14  Link to sept   ՛ի հնգետասան կանգնոյ ՛ի թիկանց. եւ սիւնք ն(ո)ց(ա) երեք, եւ խարիսխք ն(ո)ց(ա) երեք։

Verse: 15  Link to sept   Եւ յերկրորդ թիկունսն առ դրամբք սրահին, սրահք ՛ի հնգետասան կանգնոյ. եւ սիւնք նոցա երեք, եւ խարիսխք ն(ո)ց(ա) երեք։

Verse: 16  Link to sept   Ա(մենայ)ն սրահք խորանին շուրջանակի ՛ի բեհեզոյ մանելոյ.

Verse: 17  Link to sept   եւ խարիսխք ն(ո)ց(ա) պղնձիք. եւ դրուագք սեանցն եւ խոյաւղք ն(ո)ց(ա) արծաթիք, եւ խոյակք ն(ո)ց(ա) արծաթապարտք, եւ սիւնք արծաթապատք։

Verse: 18  Link to sept   եւ ա(մենայ)ն սիւնք սրահակին։ Եւ սրահակք դրան սրահին, գործ նկարակերտ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ. եւ ՛ի բեհեզոյ նիւթելոյ. ՛ի քսան կանգնոյ երկայնութի(ւն), եւ ՛ի հնգետասան կանգնոյ բարձրու(թ)ի(ւն), եւ լայնու(թ)ի(ւն) հասարակ ըստ առագաստից սրահին։

Verse: 19  Link to sept   Եւ սիւնք նոցա չորք, եւ խարիսխք ն(ո)ց(ա) պղնձիք չորք՝ եւ խոյաւղք ն(ո)ց(ա) արծաթիք չորք. եւ խոյակք ն(ո)ց(ա) արծաթապատք.

Verse: 20  Link to sept   եւ ա(մենայ)ն ցիցք սրահին եւ խորանին շուրջանակի պղնձիք։

Verse: 21  Link to sept   Եւ ա́յս էր պայման խորանին վկայութե(ան). ո(ր)պ(էս) հրաման ետ մովսիսի կազմել զպաշտօնն ղեւտացւոցն ՛ի ձեռն իթամարայ որդւոյ ահարոնի քահանայի։

Verse: 22  Link to sept   Եւ բեսելիէլ ուրիեան որդի ովրայ յազգէ յուդայ արա́ր ո(ր)պ(էս) հրաման ետ տ(է)ր մովսիսի։

Verse: 23  Link to sept   Եւ ապա եղիաբ աքիսամայ յազգէ դանայ. որ ճարտարապետէ́ր զոստայնանկու(թ)ի(ւն), եւ զասղնագործու(թ)ի(ւն), եւ զնկարակերտու(թ)ի(ւն). եւ ՛ի կապուտակէ, եւ ՛ի ծիրանւոյ եւ ՛ի կարմրոյ մանելոյ, եւ ՛ի բեհեզոյ նիւթելոյ։

Verse: 24  Link to sept   Ամենայն ոսկւոյն՝ որ գործեցաւ ՛ի գործն, ըստ ա(մենայ)ն գործոյ սրբութե(ա)ն, եղեւ կշիռ ոսկւոյն նուիրացն քսան եւ ինն տաղանդ, եւ եւթն հարիւր եւ երեսուն սիկղ՝ ըստ սրբութե(ան) սկեղն։

Verse: 25  Link to sept   Եւ արծաթոյ նուէրք՝ յանցելոց արենա ժողովրդեանն ՛ի հանդիսի՝ հարեւր տաղանդ, եւ հազար եւ եւթն հարեւր եւ եւթանասուն եւ հինգ սիկղ՝ ըստ սրբութե(ան) սկեղն. դրա́մ մի առ գլուխ՝ կէս սկեղ ըստ սրբու(թ)ե(ան) սկեղն. ա(մենայ)ն որ անցանէր ՛ի հանդիսի անդ ՛ի քսան ամենից եւ ՛ի վեր, վեց հարեւրհազար եւ երեք հազարք եւ հինգ հարեւր եւ յիսուն։

Verse: 26  Link to sept   Եւ եղեւ հարեւր տաղանդ արծաթոյն՝ ՛ի ձոյլ հարեւր խոյակաց խորանին, եւ ՛ի խոյակս վարագուրին. հարեւր տաղանդ՝

Verse: 27  Link to sept   ՛ի հարեւր խոյակ. տաղանդ մի առ խոյակ։

Verse: 28  Link to sept   Եւ զհազար եւ զեւթն հարեւր եւ զեւթանասուն եւ հինգ սիկղն, գործեաց ՛ի խոյաւղս սեանցն, եւ պատեաց ոսկւով զխոյակս ն(ո)ց(ա), եւ զարդարեաց զն(ո)ս(ա)։

Verse: 29  Link to sept   Եւ պղինձ նուիրացն՝ եւթանասուն տաղանդ, եւ երկու հազար եւ չորք հարեւր սիկղ։

Verse: 30  Link to sept   Եւ արարին անտի զխարիսխս դրան խորանին վկայութե(ան). եւ զսեղանն պղնձի, եւ զգահաւորակ սեղանոյն պղնձի, եւ զա(մենայ)ն սպաս սեղանոյն, եւ զխարիսխս սրահին շուրջանակի.

Verse: 31  Link to sept   եւ զխարիսխս դրան սրահին. եւ զամենայն ցիցս խորանին, եւ զա(մենայ)ն ցիցս սրահին շուրջանակի. եւ զապարումսն ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ։



Chapter: 39 
ԳԼ(ՈՒԽ) Լ՜Թ.


Verse: 1  Link to sept   Եւ արար պատմուճանս պաշտամանն, պաշտե́լ նոքօք ՛ի սրբութե(ա)ն։ եւ արար պատմուճան սրբութե(ան)ցն որ իցեն ահարոնի քահանայի. ո(ր)պ(էս) հրամայեաց տ(է)ր մովսիսի։

Verse: 2  Link to sept   Եւ արարին զվակասն յոսկւոյ, եւ ՛ի ծիրանւոյ, եւ ՛ի կապուտակէ, եւ ՛ի կարմրոյ մանելոյ, եւ ՛ի բեհեզոյ նիւթելոյ։

Verse: 3  Link to sept   Եւ հատանէին թիթղունս ոսկիս. թե́լս թելս անկանել ընդ կապուտակին՝ եւ ընդ ծիրանւոյն, եւ ընդ կարմրոյ մանելոյ, եւ ընդ բեհեզոյ նիւթելոյ. գո́րծ անկուածոյ վակասի գործեցին զնա,

Verse: 4  Link to sept   խառնեալ յերկոցունց կողմանց ընդ միմեանս հիւսկէն. գո́րծ անկուածոյ ՛ի միմեանս։ ՛ի նոյն

Verse: 5  Link to sept   եւ ՛ի նմանէ գործեցին ըստ իւրում գործուածոյ, յոսկւոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ. ո(ր)պ(էս) եւ հրամայեաց տ(է)ր մովսիսի։

Verse: 6  Link to sept   Եւ գործեաց զերկոսին ականսն զըմրուխտս՝ ժապաւինեալս եւ ընդելուզեալս ոսկւով, քանդակեալս եւ մածեալս ՛ի քանդակ կնքոյ. յանուանց որդւոցն ի(սրաէ)լի։

Verse: 7  Link to sept   Եւ հաստատեաց զնա ՛ի վերայ ուսոց վակասին, ականս յիշատակի որդւոցն ի(սրաէ)լի. ո(ր)պ(էս) եւ հրամայեաց տ(է)ր մովսիսի։

Verse: 8  Link to sept   Եւ արար զտախտակն գործ անկուածոյ նկարակերպ ըստ գործոյ վակասին, յոսկւոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ։

Verse: 9  Link to sept   Չորեքկուսի, եւ կրկին գործեաց զտախտակն. թզա́ւ յերկայնու(թ)ի(ւն)՝ եւ թզա́ւ ՛ի լայնութի(ւն)։

Verse: 10  Link to sept   եւ անկանէր ը(նդ) նմին անկուած ականակապ չորեքկարգեան ականց։ Կարգն առաջին՝ սարդիոն, եւ տպազիոն, եւ զըմրուխտ, կարգ մի։

Verse: 11  Link to sept   Եւ կարգն երկրորդ, կարկեհան, եւ շափիզա, եւ յասպիս։

Verse: 12  Link to sept   Եւ կարգն երրորդ, սուտակ, եւ գոճազմ, եւ ակատ։

Verse: 13  Link to sept   Եւ կարգն չորրորդ, ոսկեա́կն, եւ եղունգն, եւ բիւրեղ. պատեալ եւ ընդելուզեալ ոսկւով։

Verse: 14  Link to sept   Եւ ականքն ըստ անուանց որդւոցն ի(սրաէ)լի էին. երկոտասանք յանուանց ն(ո)ց(ա) գրեալք եւ քանդակեալք. ը(ս)տ իւրաքանչիւր անուանց ազգացն երկոտասանից։

Verse: 15  Link to sept   Եւ արարին ը(նդ) տախտակաւն վերջս փողփողեալս ՛ի վ(ե)ր(այ) երկուց օղոցն. գործ հիւսկէն յոսկւոյ սրբոյ։

Verse: 16  Link to sept   Եւ արարին երկո́ւ վահանակս ոսկիս, եւ երկուս օղս ոսկիս. եւ եդին զերկու օղսն ոսկիս յերկոսին առաջս տախտակին։

Verse: 17  Link to sept   Եւ եդին զվերջսն փողփողեալս ՛ի վերայ երկուց օղոցն յերկոսին կողմանս տախտակին. եւ յերկոսին խառնուածսն զերկուս վերջս փողփողեալս. եւ եդին ՛ի վերայ երկուց վահանակացն, եւ զն(ո)ս(ա) եդին ՛ի վերայ ուսոց վակասին

Verse: 18  Link to sept   դէ́մ յանդիման յերեսաց կողմանէ։ Եւ արարին երկուս օղս ոսկիս, եւ եդին ՛ի վերայ երկոցունց թեւոցն ՛ի ծայրս տախտակին, եւ գլուխ թիկանց վակասին ՛ի ներքոյ կողմանէ։ Եւ արարին երկուս օղս ոսկիս, եւ եդին ՛ի վերայ երկոցունց ուսոց վակասին ՛ի ներքոյ կողմանէ յերեսաց ն(ո)ր(ա)՝ ը(ս)տ վերնոյ խառնուածոյն անկուածոյ վակասին։

Verse: 19  Link to sept   Եւ պնդեցին զտախտակն յօղից ն(ո)ր(ա) մինչեւ ցօղս վակասին, խառնեալ ընդ միմեանս ՛ի կապուտակէ. հիւսեալս ընդ միմեանս յանկուած վակասին, զի մի́ զերծանիցի տախտակն ՛ի վակասէ անտի. ո(ր)պ(էս) հրամայեաց տ(է)ր մովսիսի։

Verse: 20  Link to sept   Եւ արարին զվտաւակն ՛ի վերայ վակասին, գո́րծ անկուածոյ համակ կապուտակ.

Verse: 21  Link to sept   եւ օձիք վտաւակացն անդէն ՛ի նորին ՛ի միջի անկուածոյ հիւսկէն՝ գրապանաւ օձիքն շուրջանակի անքակ։

Verse: 22  Link to sept   Եւ արարին առ ստորոտով վտաւակացն իբրեւ ծաղկեալս նռնաձեւս ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, եւ ՛ի բեհեզոյ նիւթելոյ։

Verse: 23  Link to sept   Եւ արարին զանգակս յոսկւոյ սրբոյ. եւ եդին զզանգակսն ՛ի մէջ նռնաձեւացն առ ստորոտով վտաւակացն շուրջանակի.

Verse: 24  Link to sept   ՛ի մէջ նռնաձեւացն զանգակս ոսկիս եւ նռնաձեւ. զանգակ եւ նռնաձեւ, առ ստորոտով վտաւակացն շուրջանակի ՛ի սպաս պաշտամանն. ո(ր)պ(էս) եւ հրամայեաց տ(է)ր մովսիսի։

Verse: 25  Link to sept   Եւ արարին պատմուճանս բեհեզեղէնս գո́րծ անկուածոյ, ահարոնի եւ որդւոց ն(ո)ր(ա)։

Verse: 26  Link to sept   եւ զապարաւշսն ՛ի բեհեզոյ. եւ զխոյրն ՛ի բեհեզոյ։

Verse: 27  Link to sept   եւ զանդրավարտիսն տաբատ՝ ՛ի նիւթոյ բեհեզոյ։

Verse: 28  Link to sept   Եւ զկամարս ն(ո)ց(ա) ՛ի բեհեզոյ նիւթելոյ, եւ ՛ի կապուտակէ, եւ ՛ի ծիրանւոյ, եւ ՛ի կարմրոյ մանելոյ, գո́րծ նկարուց. զոր օրինակ հրամայեաց տ(է)ր մովսիսի։

Verse: 29  Link to sept   Եւ արարին զթիթեղն ոսկի նուէ́ր սրբութե(ա)ն յոսկւոյ սրբոյ. եւ գրեցին ՛ի նմա գիր դրոշմեալ քանդակաւ, սրբու(թ)ի(ւն) տ(եառ)ն։

Verse: 30  Link to sept   եւ եդին առ կապուտակեայ ժապաւինեաւն. զի կացցէ ՛ի խուրին ՛ի վերոյ կողմանէ. զոր օրինակ հրամայեաց տ(է)ր մովսիսի։

Verse: 31  Link to sept   Եւ կատարեցաւ ա(մենայ)ն գործ խորանին՝ յարկի վկայութե(ան)։ եւ արարին որդիքն ի(սրաէ)լի ըստ ա(մենայ)նի ո(ր)պ(էս) եւ հրամայեաց տ(է)ր մովսիսի, նո́յնպէս եւ արարին։ Եւ զաւելորդ զոսկի նուիրացն՝ արարին կահ պաշտելոյ նոքօք առաջի տ(եառ)ն։

Verse: 32  Link to sept   Եւ բերին զպատմուճանսն առ մովսէս ՛ի խորանն. եւ զյարկն՝ եւ զա(մենայ)ն զկահ նորա. զառանցսն եւ զտախտակս ն(ո)ր(ա). եւ զպարզունակս ն(ո)ր(ա). եւ զսիւնակս ն(ո)ր(ա). եւ զխարիսխս ն(ո)ր(ա)։

Verse: 33  Link to sept   Եւ զմաշկսն. եւ զմորթս խոյոց ներկեալս կարմրով. եւ զվիժակսն կապուտակեայս։

Verse: 34  Link to sept   եւ զսրահակն որ ծածկէր զտապանակ կտակարանացն. եւ զլծակսն.

Verse: 35  Link to sept   եւ զքաւութի(ւն)ն. եւ զսեղանն զառաջաւոր, եւ զա(մենայ)ն զկահ նորա. եւ զհացն երեսաց։

Verse: 36  Link to sept   Եւ զաշտանակն սուրբ. եւ զճրագարանս ն(ո)ր(ա), եւ զճրագունսն այրելոյ՝ եւ զա(մենայ)ն կահ նորա. եւ զեւղն լուսոյ։

Verse: 37  Link to sept   եւ զսեղանն ոսկի. եւ զեւղն օծութե(ան). եւ զխունկսն հանդերձանաց։

Verse: 38  Link to sept   Եւ զսրահակս դրանն, եւ զխորանն.

Verse: 39  Link to sept   եւ զսեղանն պղնձի՝ եւ զլծակս ն(ո)ր(ա), եւ զա(մենայ)ն կահ ն(ո)ր(ա). եւ զաւազանն, եւ զխարիսխս նորա՝ եւ զառագաստ սրահին, եւ զսիւնակս ն(ո)ր(ա), եւ զխարիսխս ն(ո)ր(ա)։

Verse: 40  Link to sept   Եւ զվարագոյր դրան խորանին, եւ զդրան սրահին. եւ զապաւանդակս ն(ո)ր(ա), եւ զցիցս ն(ո)ր(ա). եւ զա(մենայ)ն զկահ խորանին յարկի վկայու(թ)ե(ա)ն։

Verse: 41  Link to sept   Եւ զպատմուճանսն պաշտաման պաշտել ՛ի սրբու(թ)ի(ւն)սն. եւ զպատմուճան սրբու(թ)ե(ա)ն որ իցեն ահարոնի քահանայի. եւ զպատմուճանս որդւոցն ն(ո)ր(ա) ՛ի քահանայութի(ւն)։

Verse: 42  Link to sept   Ըստ ա(մենայ)նի զոր միանգամ պատուիրեաց տ(է)ր՝ մովսիսի. նո́յնպէս եւ արարին որդիքն ի(սրաէ)լի զա(մենայ)ն զկազմածն։

Verse: 43  Link to sept   Եւ ետես մովսէս զա(մենայ)ն գործն. եւ է́ր գործեալ ըստ օրինակին՝ որպէս հրամայեաց տ(է)ր մովսիսի, նո́յնպէս եւ արարին. եւ օրհնեաց զն(ո)ս(ա) մովսէս։



Chapter: 40 
ԳԼ(ՈՒԽ) Խ՜.


Verse: 1  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   Յամսեանն առաջնում յամսամտի ամսոյն, կանգնեսցե́ս զխորանն զյա́րկ վկայութե(ա)ն։

Verse: 3  Link to sept   եւ դիցե́ս անդ զտապանակն վկայութե(ան). եւ ծածկեսցե́ս զտապանակն վարագուրաւն։

Verse: 4  Link to sept   եւ տարցի́ս ՛ի ներքս զսեղանն, եւ յօրինեսցե́ս զհացն ՛ի վերայ նորա. եւ տարցի́ս ՛ի ներքս զաշտանակն, եւ դիցե́ս ՛ի վերայ ն(ո)ր(ա) զճրագարանսն։

Verse: 5  Link to sept   Եւ դիցե́ս զսեղանն ոսկի՝ արկանել խունկս առաջի տապանակի վկայութե(ա)ն։ եւ ձգեսցե́ս զպատրուակ վարագուրին ՛ի դրան խորանին վկայութե(ան)։

Verse: 6  Link to sept   եւ դիցե́ս զսեղան ողջակիզացն՝ առ դրան խորանին յարկի վկայութե(ա)ն։ եւ օծցես շուրջ զխորանն. եւ զա(մենայ)ն ինչ որ ՛ի նմա իցեն՝ սրբեսցե́ս շուրջանակի։

Verse: 7  Link to sept   Եւ դիցես զաւազանն ընդ խորա́նն վկայութե(ան)՝ եւ ընդ սեղանն. եւ արկցե́ս անդ ջուր։

Verse: 8  Link to sept   եւ օծցե́ս զսրահն շուրջանակի. եւ ձգեսցե́ս զսրահակ դրան սրահին։

Verse: 9  Link to sept   Եւ առցե́ս զեւղն օծու(թ)ե(ան)՝ եւ օծցես զխորանն՝ եւ զա(մենայ)ն որ ինչ ՛ի նմա է. եւ սրբեսցե́ս զնա, եւ զա(մենայ)ն կահ ն(ո)ր(ա). եւ եղիցին սրբութի(ւն)ք։

Verse: 10  Link to sept   Եւ օծցե́ս զսեղանն ողջակիզաց՝ եւ զա(մենայ)ն կահ ն(ո)ր(ա)։

Verse: 11  Link to sept   եւ սրբեսցե́ս զսեղանն, եւ եղիցի սեղանն՝ սուրբ սրբութե(ան)ց։ եւ օծցե́ս զաւազանն, եւ զխարիսխս ն(ո)ր(ա), եւ սրբեսցե́ս զնա։

Verse: 12  Link to sept   Եւ մատուսցես զահարոն եւ զորդիս ն(ո)ր(ա) ՛ի դուռն խորանին վկայու(թ)ե(ան). եւ լուասցես զն(ո)ս(ա) ջրով։

Verse: 13  Link to sept   եւ զգեցուսցե́ս ահարոնի զպատմուճանն սուրբ. եւ օծցե́ս զնա, եւ սրբեսցե́ս զնա, եւ քահանայասցի́ ինձ։ Եւ մատուսցե́ս զորդիս ն(ո)ր(ա), եւ զգեցուսցե́ս ն(ո)ց(ա) պատմուճան. եւ օծցե́ս զնոսա զորօրինակ օծեր զհայրն ն(ո)ց(ա), եւ քահանայասցի́ն ինձ. եւ եղիցի նոցա օծումն քահանայութե(ան) յաւիտեան յազգս նոցա։

Verse: 14  Link to sept   Եւ արա́ր մովսէս ըստ ա(մենայ)նի, զոր միանգամ պատուիրեաց նմա տ(է)ր, նո́յնպէս եւ արար։

Verse: 15  Link to sept   Եւ եղեւ յամսեանն առաջնումյամի երկրորդի ելանելոյ ն(ո)ց(ա) յերկրէն եգիպտացւոց, յամսամտին, կանգնեցա́ւ խորանն։

Verse: 16  Link to sept   Եւ կանգնեա́ց մովսէս զխորանն, եւ եդ զխարիսխս ն(ո)ր(ա), եւ կանգնեաց զսիւնս նորա. եւ ե́դ ՛ի վերայ զխոյակս նորա։

Verse: 17  Link to sept   եւ պարզեաց զպարզունակս ն(ո)ր(ա). եւ տարածեաց զվերնափեղկսն ՛ի վ(ե)ր(այ) խորանին. Եւ ա́րկ զվիժակս խորանին ՛ի վերայ ն(ո)ր(ա) ՛ի վերուստ։ եւ յօրինեաց զարտախուրակս ն(ո)ր(ա). ո(ր)պ(էս) հրամայեաց տ(է)ր մովսիսի։

Verse: 18  Link to sept   Եւ ա́ռ զվկայութի(ւն)սն՝ եւ ե́դ ՛ի տապանակի անդ. եւ ե́դ զնիգսն ընդ տապանակաւն. եւ ե́դ զքաւութի(ւն)ն ՛ի վերայ տապանակին ՛ի վերուստ։

Verse: 19  Link to sept   Եւ տարա́ւ ՛ի ներքս զտապանակն ՛ի խորանն. եւ ձգեա́ց զպատրուակ վարագուրին, եւ ծածկեա́ց զտապանակն վկայութե(ան)՝ զորօրինակ հրամայեաց տ(է)ր մովսիսի։

Verse: 20  Link to sept   Եւ ե́դ զսեղանն ՛ի խորանին վկայու(թ)ե(ան) ՛ի հիւսւսոյ կողմանէ խորանին, արտաքոյ վարագուրին ՛ի խորանին։

Verse: 21  Link to sept   եւ յօրինեաց ՛ի վերայ նորա զհացն երեսաց առաջի տ(եառ)ն, զորօրինակ հրամայեաց տ(է)ր մովսիսի։

Verse: 22  Link to sept   Եւ ե́դ զաշտանակն ՛ի խորանին վկայու(թ)ե(ան) յանդիման սեղանոյն, ՛ի հարաւոյ կողմանէ խորանին։

Verse: 23  Link to sept   եւ ե́դ զճրագարանսն ՛ի վերայ ն(ո)ր(ա) առաջի տ(եառ)ն, զորօրինակ հրամայեաց տ(է)ր մովսիսի։

Verse: 24  Link to sept   Եւ ե́դ զսեղանն ոսկի ՛ի խորանին վկայու(թ)ե(ան)՝ յանդիման վարագուրին.

Verse: 25  Link to sept   եւ արկ խունկ ՛ի վերայ նորա ՛ի խնկոցն հանդերձանաց, ո(ր)պ(էս) հրամայեա́ց տ(է)ր մովսիսի.

Verse: 26  Link to sept   եւ ձգեաց զսրահակ դրան խորանին։

Verse: 27  Link to sept   Եւ ե́դ զսեղանն ողջակիզաց առ դրան խորանին յարկի վկայութե(ա)ն. եւ եհան ՛ի վ(ե)ր(այ) ն(ո)ր(ա) ողհակէզս եւ զոհս, ո(ր)պ(էս) պատուիրեաց տ(է)ր մովսիսի։

Verse: 28  Link to sept   Եւ ե́դ զաւազանն ընդ խորանն վկայու(թ)ե(ան) եւ ընդ սեղանն, եւ արկ ՛ի նա ջուր.

Verse: 29  Link to sept   զի լուասցեն ՛ի նմանէ մովսէս եւ ահարոն, եւ որդիք ն(ո)ր(ա) զձեռս եւ զոտս իւրեանց,

Verse: 30  Link to sept   յորժամ մտանիցեն ՛ի խորանն վկայութե(ան), կամ յորժամ մերձենայցեն ՛ի սեղանն պաշտել։ եւ լուանային ՛ի նմանէ, որպէս եւ հրամայեաց տ(է)ր մովսիսի։

Verse: 31  Link to sept   Եւ կանգնեաց զսրահն շուրջ զխորանաւն եւ զսեղանաւն. եւ ձգեաց զսրահակ դրան սրահին։ եւ կատարեաց մովսէս զա(մենայ)ն զգործն։

Verse: 32  Link to sept   Եւ ծածկեաց ամպն զխորանն վկայութե(ան). եւ լի́ եղեւ փառօք տ(եառ)ն խորանն։

Verse: 33  Link to sept   եւ ո́չ կարէր մովսէս մտանել ՛ի խորանն վկայութե(ան), զի ծածկեաց զնա ամպն, եւ լի́ եղեւ խորանն փառօք տ(եառ)ն։

Verse: 34  Link to sept   Յորժամ վերանայր ամպն ՛ի խորանէ անտի, չուէին որդիքն ի(սրաէ)լի հանդերձ ա(մենայ)ն աղխիւ իւրեանց։

Verse: 35  Link to sept   Եւ եթէ ոչ վերանայր ամպն՝ ո́չ չուէին մինչեւ ցօրն վերանալոյ։

Verse: 36  Link to sept   Զի ամպն տ(եառ)ն է́ր ՛ի վերայ խորանին ՛ի տուէ. եւ հո́ւր կայր ՛ի վերայ ն(ո)ր(ա) ՛ի գիշերի. առաջի ա(մենայ)ն որդւոցն ի(սրաէ)լի, յամենայն ՛ի չուս իւրեանց։





Book: Lev. 
Leviticus

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 28.4.2006

ՂԵՒՏԱԿԱՆ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԿՈՉԵԱՑ ՏԷՐ ԶՄՈՎՍԷՍ, եւ խօսեցաւ ընդ նմա ՛ի խորանէ անտի վկայու(թ)ե(ան)՝ եւ ասէ. խօսեա́ց դու ը(նդ) որդիսդ ի(սրաէ)լի, եւ ասասցես ցդոսա։

Verse: 2  Link to sept   Ա́յր ոք ՛ի ձէնջ եթէ մատուցանիցէ պատարագ տ(եառ)ն ՛ի խաշանց, յարջառոց կամ յոչխարէ́ մատուցանիցէք զպատարագս ձեր։

Verse: 3  Link to sept   Եթէ ողջակէ́զ իցէ պատարագն նորա յարջառոց, արու անարա́տ մատուսցէ, առ դո́ւրս խորանին վկայութե(ան) ածցէ́ զնա, ընդունելութի(ւն) ՛ի նմանէ՝ առ ՛ի քաւելոյ առաջի տ(եառ)ն։

Verse: 4  Link to sept   Եւ դիցէ́ զձեռն իւր ՛ի վերայ գլխոյ ընծային՝ յընդունելութի(ւն) նմա, առ ՛ի քաւելոյ վ(ա)ս(ն) անձին իւրոյ։

Verse: 5  Link to sept   Եւ սպանցե́ն զզուարակն առաջի տ(եառ)ն. եւ մատուսցեն քահանայքն որդիքն ահարոնի զարիւնն. եւ հեղցե́ն շուրջ զսեղանովն որ կայցէ առ դրան խորանին վկայու(թ)ե(ան)։

Verse: 6  Link to sept   եւ մորթեսցեն զողջակէզն. եւ անդամ անդա́մ յօշեսցեն զնա։

Verse: 7  Link to sept   Եւ դիցեն որդիքն ահարոնի քահանայքն հո́ւր ՛ի վերայ սեղանոյն. եւ կուտեսցե́ն փա́յտ ՛ի վերայ հրոյն։ Եւ դիցեն որդիքն ահարոնի քահանայքն

Verse: 8  Link to sept   զանդամաթիւն եւ զգլուխն, եւ զճարպն ՛ի վ(ե)ր(այ) փայտին որ կայցէ ՛ի վերայ հրոյն որ է ՛ի * սեղանն։

Verse: 9  Link to sept   Եւ զփորոտին եւ զորսն լուասցեն ջրով. եւ դիցեն քահանայքն զա(մենայ)ն ՛ի վերայ սեղանոյն. զի ողջակէ́զ զոհի է ՛ի հոտ անուշից տ(եառ)ն։

Verse: 10  Link to sept   Ապա թէ յոչխարա́ց իցէ պատարագն տ(եառ)ն, ՛ի գառանց եւ յուլոց ողջակէզ, արո́ւ անարատ մատուցանիցէ զնա։

Verse: 11  Link to sept   Եւ դիցէ զձեռն իւր ՛ի վերայ գլխոյ ն(ո)ր(ա). եւ սպանցե́ն զնա ՛ի կողմանց սեղանոյն ընդ հիւսւսի, առաջի տ(եառ)ն. եւ հեղցեն զարիւնն որդիքն ահարոնի քահանայք շուրջ զսեղանովն։

Verse: 12  Link to sept   Եւ յօշեսցեն զնա անդամ անդամ. եւ զգլուխ ն(ո)ր(ա) եւ զճարպ դիցեն քահանայքն ՛ի վերայ փայտին եւ հրոյ՝ որ ՛ի վ(ե)ր(այ) սեղանոյն իցէ։

Verse: 13  Link to sept   եւ զփորոտին եւ զոտսն լուասցեն ջրով. եւ մատուսցէ քահանայն զա(մենայ)ն, եւ դիցէ́ ՛ի վերայ սեղանոյն. զի ողջակէզ զոհի է ՛ի հո́տ անուշից տ(եառ)ն։

Verse: 14  Link to sept   Իսկ եթէ ՛ի թռչնոց մատուցանիցէ յողջակէզ պատարագս տ(եառ)ն, ՛ի տատրակաց կամ յաղաւնեա́ց տարցի պատարագն իւր։

Verse: 15  Link to sept   Եւ մատուսցէ զնա քահանայն առ սեղանն. եւ խառեսցէ́ զգլուխ ն(ո)ր(ա). եւ դիցէ́ քահանայն ՛ի վերայ սեղանոյն, եւ քամեսցէ́ զարիւնն առ յատակաւ սեղանոյն։

Verse: 16  Link to sept   Եւ կորզեսցէ́ զարմկունսն թեւօքն հանդերձ. եւ հանցէ́ զնա առ սեղանովն ՛ի տեղի մոխրակուտին։

Verse: 17  Link to sept   եւ ջաղջախեսցէ զայն ՛ի թեւոցն. եւ ՛ի բաց մի́ զատուսցէ. եւ դիցէ զայն քահանայն ՛ի սեղանն ՛ի վերայ փայտին եւ հրոյ. զի ողջակէ́զ զոհի է ՛ի հոտ անուշից տ(եառ)ն։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ անձն ոք՝ եթէ մատուցանիցէ պատարագ տ(եառ)ն, նաշի́հ լիցի պատարագն ն(ո)ր(ա). եւ արկցէ զնովաւ եւղ, եւ դիցէ ՛ի վ(ե)ր(այ) ն(ո)ր(ա) կնդրուկ. զի զո́հ է։

Verse: 2  Link to sept   Եւ տարցի զայն առ քահանայսն որդիս ահարոնի. եւ լցեալ զձեռն իւր ՛ի նաշհւոյ անտի իւղովն հանդերձ, եւ զա(մենայ)ն զկնդրուկն ն(ո)ր(ա), եւ դիցէ քահանայն զյիշատակ ն(ո)ր(ա) ՛ի վ(ե)ր(այ) սեղանոյն զո́հ ՛ի հոտ անուշից տ(եառ)ն։

Verse: 3  Link to sept   Եւ նշխա́րն ՛ի զոհէ անտի՝ ահարոնի եւ որդւոց իւրոց եղիցի. սրբու(թ)ի(ւն) սրբու(թ)ե(ան)ց ՛ի զոհից անտի տ(եառ)ն։

Verse: 4  Link to sept   Ապա թէ մատուցանիցէ պատարագ զո́հ եփեալ ՛ի թոնրի. պատարագ տ(եառ)ն ՛ի նաշհւոյ՝ պա́նս բաղարջս, ՛ի նաշհւոյ զանգեալ իւղով, եւ քաքա́րս բաղարջս օծեալ իւղով։

Verse: 5  Link to sept   Իսկ եթէ զո́հ ՛ի տապակէ իցէ պատարագն քո. նաշի́հ զանգեալ իւղով, բաղա́րջ լինիցի.

Verse: 6  Link to sept   եւ բրդեսցե́ս զայն պատառս պատառս. եւ արկցես ՛ի վ(ե)ր(այ) ն(ո)ց(ա) եւղ. զի զո́հ տ(եառ)ն է։

Verse: 7  Link to sept   Ապա թէ զո́հ ՛ի կասկարայից իցէ պատարագն քո, նաշի́հ իւղով գործեսցի.

Verse: 8  Link to sept   եւ մատուսցես զզոհն զոր առնիցես ՛ի նոցանէ տ(եառ)ն. եւ տարցի́ս առ քահանայն։ Եւ մատուցեալ քահանայն առ սեղանն,

Verse: 9  Link to sept   հանցէ́ ՛ի զոհէն զառ ՛ի յիշատակէ ն(ո)ր(ա). եւ դիցէ քահանայն ՛ի վերայ սեղանոյն ընծայ անուշութե(ան) տ(եառ)ն։

Verse: 10  Link to sept   Եւ որ մնայցէ ՛ի զոհէ անտի, ահարոնի́ եւ որդւոց ն(ո)ր(ա) լինիցի. սրբութի(ւն) սրբութե(ան)ց ՛ի զոհիցն քոց։

Verse: 11  Link to sept   Զա(մենայ)ն զոհ զոր մատուցանիցէք տ(եառ)ն, ո́չ առնիցէք խմորուն։ զա(մենայ)ն խմորուն, եւ զա(մենայ)ն մեղրեալ՝ մի́ մատուցանիցէք ՛ի նոցանէ պտո́ւղ ՛ի զոհ տ(եառ)ն։

Verse: 12  Link to sept   պատարագ պտղոյ մատուցանիցէք զայն տ(եառ)ն. բայց ՛ի սեղանն մի́ ելանիցէ ՛ի հոտ անուշից տ(եառ)ն։

Verse: 13  Link to sept   Եւ ա(մենայ)ն պատարագ զոհից ձերոց աղի́ւ տ(եառ)ն յաղեսցի։ մի́ պակասեցուցանէք զա́ղ ուխտին ա(ստուծո)յ ՛ի զոհից ձերոց. ընդ ա(մենայ)ն պատարագս ա́ղ մատուցանիցէք։

Verse: 14  Link to sept   Իսկ եթէ յառաջին արմտեաց մատուցանիցես պատարագ տ(եառ)ն, մուրկ նո́ր փրկեալ եւ մաքրեալ՝ տ(եառ)ն, մատուսցե́ս զոհ զառաջնոց արմտեաց քոց։

Verse: 15  Link to sept   եւ արկցես զնովաւ եւղ, եւ դիցես ՛ի վերայ ն(ո)ր(ա) կնդրուկ, զի զո́հ է։

Verse: 16  Link to sept   Եւ հանցէ́ քահանայն զառ յիշատակէ ն(ո)ր(ա) ՛ի մրկէ անտի հանդերձ իւղովն, եւ զա(մենայ)ն կնդրուկ ն(ո)ր(ա) զի պտուղ տ(եառ)ն է։



Chapter: 3 
ԳԼ(ՈՒԽ) Գ՜.


Verse: 1  Link to sept   Ապա թէ զոհ փրկութե(ան) իցէ պատարագ նորա տ(եառ)ն, եթէ յարջառոց մատուցանիցէ, եթէ արո́ւ իցէ, եւ եթէ է́գ իցէ, զանարա́տն մատուսցէ առաջի տ(եառ)ն։

Verse: 2  Link to sept   Եւ դիցէ զձեռս իւր ՛ի վերայ գլխո́յ պատարագին. եւ սպանցէ́ զնա առ դրան խորանին վկայու(թ)ե(ան)։ եւ հեղցեն որդիքն ահարոնի քահանայք զարիւնն ՛ի վերայ սեղանոյ ողջակիզացն շուրջանակի։

Verse: 3  Link to sept   Եւ մատուսցէ ՛ի զոհէն փրկութե(ան) պտուղ տ(եառ)ն. զճարպ թաղանթ քաղրթին, եւ զա(մենայ)ն ճարպ փորոտւոյն։

Verse: 4  Link to sept   եւ զերկուս երիկամունսն եւ զճարպն որ ՛ի նոսա, որ առ մսանամբքն իցեն եւ զլերգաբոյթն երիկամամբքն հանդերձ կորզեսցեն։

Verse: 5  Link to sept   Եւ հանցեն զա́յն որդիքն ահարոնի քահանայք ՛ի սեղանն յողջակէ́զ ՛ի վերայ փայտին եւ հրոյն, պտուղ անուշից տ(եառ)ն։

Verse: 6  Link to sept   Ապա թէ յօդեա́ց իցէ պատարագ նորա զոհ փրկութե(ան) տ(եառ)ն. ա́րու կամ էգ, անարատ մատուսցէ զայն։

Verse: 7  Link to sept   Իսկ եթէ գա́ռն մատուցանիցէ զպատարագն իւր, մատուսցէ́ զնա առաջի տ(եառ)ն։

Verse: 8  Link to sept   եւ դիցէ զձեռն իւր ՛ի վ(ե)ր(այ) գլխո́յ պատարագին իւրոյ, եւ սպանցէ́ զնա առ դրան խորանին վկայութե(ան). եւ հեղցեն որդիքն ահարոնի քահանայք զարիւնն շուրջ զսեղանովն։

Verse: 9  Link to sept   Եւ մատուսցեն ՛ի զոհէն փրկութե(ան) պտուղ տ(եառ)ն, զճարպն եւ զմսանն անարատ,

Verse: 10  Link to sept   հանդերձ զըստօքն հանցէ ՛ի նմանէ. եւ զճարպ թաղանթ քաղրթին, եւ զա(մենայ)ն ճարպ փորոտւոյն, եւ զերկուս երիկամունսն եւ զճարպն որ ՛ի ն(ո)ս(ա) որ առ մսանամբքն, եւ զլերդաբոյթն հանդերձ երիկամամբք

Verse: 11  Link to sept   կորզեալ՝ հանցէ́ քահանայն ՛ի սեղանն հո́տ անուշից պտուղ տ(եառ)ն։

Verse: 12  Link to sept   Իսկ եթէ յայծեաց իցէ պատարագն իւր, մատուսցէ́ առաջի տ(եառ)ն.

Verse: 13  Link to sept   եւ դիցէ զձեռն իւր ՛ի վերայ գլխոյ ն(ո)ր(ա). եւ սպանցե́ն զնա առ դրան խորանին վկայութե(ան) առաջի տ(եառ)ն. եւ հեղցեն զնա առ դրան խորանին վկայութե(ան) առաջի տ(եառ)ն. եւ հեղցեն որդիքն ահարոնի քահանայք զարիւնն շուրջ զսեղանովն։

Verse: 14  Link to sept   Եւ հանցեն ՛ի նմանէ պտուղ տ(եառ)ն զճա́րպն զթաղանթ քաղրթին, եւ զա(մենայ)ն ճարպ փորոտւոյն.

Verse: 15  Link to sept   եւ զերկուս երիկամունսն, եւ զճարպն ՛ի նոսա՝ որ առ մսանամբքն. եւ զլերգաբոյթն երիկամամբքն հանդերձ կորզեսցէ.

Verse: 16  Link to sept   եւ հանցէ քահանայն ՛ի սեղանն պտո́ւղ ՛ի հոտ անուշից տ(եառ)ն։
   Զա(մենայ)ն ճարպ տ(եառ)ն՝

Verse: 17  Link to sept   օրէն յաւիտենական յազգս ձեր, յամենայն բնակութե(ան) ձերում. զա(մենայ)ն ճարպ եւ զամենայն արիւն մի́ ուտիցէք։



Chapter: 4 
ԳԼ(ՈՒԽ) Դ՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   Խօսեա́ց դու ընդ որդիսդ ի(սրաէ)լի. եւ ասասցես. անձն եթէ մեղիցէ առաջի տ(եառ)ն ակամայ, յա(մենայ)ն հրամանաց տ(եառ)ն, յորոց ո́չ է արժան առնել՝ եւ առնիցէ́ ինչ ՛ի նոցանէ։

Verse: 3  Link to sept   Եթէ քահանայապետն օծեալ մեղանչիցէ առ ՛ի զժողովուրդն յանցուցանելոյ, մատուսցէ́ վ(ա)ս(ն) մեղաց իւրոց զոր մեղաւ՝ զուարա́կ յանդւոյ անարատ տ(եառ)ն՝ վ(ա)ս(ն) մեղացն։

Verse: 4  Link to sept   Եւ ածցէ́ զզուարակն ՛ի դուռն խորանին վկայութե(ան) առաջի տ(եառ)ն. եւ դիցէ զձեռս իւր ՛ի վերայ գլխոյ զուարակին առաջի տ(եառ)ն. եւ սպանցե́ն զզուարակն առաջի տ(եառ)ն։

Verse: 5  Link to sept   Եւ առեալ քահանային օծելոյ կատարելոյ ՛ի ձեռս իւր յարենէ զուարակին, եւ տարցի́ զայն ՛ի խորանն վկայու(թ)ե(ան)։

Verse: 6  Link to sept   եւ թացցէ քահանայն զմա́տն իւր յարեանն. եւ ցանեսցէ́ յարենէ անտի եւթն անգամ մատամբն իւրով առաջի տ(եառ)ն, առ վարագուրաւն սրբութե(ան)։

Verse: 7  Link to sept   Եւ դիցէ́ քահանայն յարենէ զուարակին ՛ի վերայ եղջերաց սեղանոյ խնկոցն հանդերձանաց առաջի տ(եառ)ն՝ որ իցէ ՛ի խորանին վկայութե(ան)։ Եւ զա(մենայ)ն արիւն զուարակին հեղցէ́ առ յատակաւ սեղանոյն ողջակիզաց, որ կայցէ առ դրան խորանին վկայութե(ան)։

Verse: 8  Link to sept   Եւ զա(մենայ)ն ճարպ զուարակին մեղաց կորզեսցէ́ ՛ի նմանէ, եւ զճարպ թաղանթ քաղրթին, եւ զա(մենայ)ն ճարպ փորոտւոյն.

Verse: 9  Link to sept   եւ զերիկամունսն երկոսին. եւ զճարպն որ ՛ի ն(ո)ս(ա) որ առ մսանամբքն, եւ զլերդաբոյթն երիկամամբքն հանդրձ կորզեսցէ։

Verse: 10  Link to sept   Զոր օրինակ առնուցու ՛ի զուարակէ զոհի փրկութե(ա)ն. եւ հանցէ́ քահանայն ՛ի սեղանն ողջակիզաց։

Verse: 11  Link to sept   Եւ զմորթ զուարակին եւ զա(մենայ)ն մարմին ն(ո)ր(ա), հանդերձ գլխովն եւ ոտիւքն. եւ քաղրթաւն, եւ ապաւառաւն.

Verse: 12  Link to sept   հանցեն ողջո́յն զզուարակն արտաքոյ բանակին ՛ի տեղի մի սո́ւրբ, ուր զմոխիրն հեղուցուն. եւ այրեսցեն զնա ՛ի վերայ փայտի հրով. ՛ի վերայ մոխրակուտին այրեսցի։

Verse: 13  Link to sept   Ապա թէ ամենայն ժողովուրդ որդւոցն ի(սրաէ)լի տգիտանայցէ ակամայ. եւ մոռանայցի́ բանն յաչաց ժողովրդեանն. եւ առնիցեն ինչ մի յամենայն պատուիրանաց տ(եառ)ն որ ո́չ առնիցի, եւ յանցանիցե́ն.

Verse: 14  Link to sept   եւ յայտնիցի ն(ո)ց(ա) մեղքն որ մեղան նովաւ. մատուսցէ́ ժողովուրդն զուարակ անարատ յանդւոց վ(ա)ս(ն) մեղաց. եւ ածցեն զնա՛ի դուռն խորանին վկայու(թ)ե(ան)։

Verse: 15  Link to sept   եւ դիցեն ծերք ժողովրդեանն զձեռս իւրեանց ՛ի վերայ գլխոյ զուարակին առաջի տ(եառ)ն. եւ սպանցեն զզուարակն առաջի տ(եառ)ն։

Verse: 16  Link to sept   Եւ տարցի́ քահանայն օծեալ յարենէ զուարակին ՛ի խորանն վկայու(թ)ե(ան),

Verse: 17  Link to sept   եւ թացցէ́ քահանայն զմատն իւր յարեան զուարակին, եւ ցանեսցէ́ եւթն անգամ առաջի տ(եառ)ն, յանդիման վարագուրին սրբութե(ան).

Verse: 18  Link to sept   եւ դիցէ́ յարենէ անտի քահանայն ՛ի վերայ եղջերաց սեղանոյն խնկոցն հանդերձանաց. որ կայցէ առաջի տ(եառ)ն ՛ի խորանին վկայութե(ան)։ Եւ զա(մենայ)ն զարիւնն հեղցէ́ առ յատակաւ սեղանոյն ողջակիզաց, որ է́ առ դրան խորանին վկայութե(ան)։

Verse: 19  Link to sept   եւ զա(մենայ)ն ճարպն կորզեսցէ ՛ի նմանէ՝ եւ հանցէ́՛ի սեղանն։

Verse: 20  Link to sept   Եւ արասցէ́ զուարակին՝ զոր օրինակ արար զուարակին մեղաց, նո́յնպէս արասցէ եւ նմա. եւ քաւեսցէ վ(ա)ս(ն) ն(ո)ց(ա) քահանայն, եւ թողցի́ն նոցա մեղքն։

Verse: 21  Link to sept   Եւ հանցեն զզուարակն ողջոյն արտաքոյ բանակին, եւ այրեսցեն զզուարակն. զոր օրինակ այրեցին զառաջի́ն զուարակն, զի վ(ա)ս(ն) մեղաց ժողովրդեանն է։

Verse: 22  Link to sept   Եւ եթէ իշխանն մեղիցէ, եւ արասցէ մի ինչ ՛ի պատուիրանաց տ(եառ)ն ա(ստուծո)յ՝ որ ո́չ առնիցի, եւ յանցանիցէ ակամայ.

Verse: 23  Link to sept   եւ յայտնեսցի նմա մեղք զոր մեղաւ. մատուսցէ́ զպատարագն իւր նոխա́զ յայծեաց՝ արու անարատ.

Verse: 24  Link to sept   եւ դիցէ զձեռս իւր ՛ի վերայ գլխոյ նոխազին, եւ սպանցե́ն զնա ՛ի տեղւոջ ուր սպանանիցեն զողջակէզսն առաջի տ(եառ)ն. քանզի մեղա́ց է։

Verse: 25  Link to sept   Եւ առցէ́ քահանայն յարենէ անտի մեղացն՝ մատամբ իւրով եւ դիցէ́ ՛ի վերայ եղջերաց սեղանոյն ողջակիզաց։ Եւ զա(մենայ)ն զարիւն նորա հեղցէ́ առ յատակաւ սեղանոյ ողջակիզացն.

Verse: 26  Link to sept   եւ զա(մենայ)ն զճարպ ն(ո)ր(ա) հանցէ́ ՛ի սեղանն. իբրեւ զճարպ զոհի փրկութե(ա)ն. եւ քաւեսցէ́ վասն ն(ո)ր(ա) քահանայն ՛ի մեղացն իւրոց, եւ թողցի́ նմա։

Verse: 27  Link to sept   Եւ եթէ մեղիցէ անձն ակամայ ՛ի ժողովրդենէ երկրին. յառնե́լ նմա մի ինչ յա(մենայ)ն պատուիրանացն տ(եառ)ն՝ որ ո́չ առնիցի, եւ յանցանիցէ.

Verse: 28  Link to sept   եւ յայտնեսցին նմա մեղքն զոր մեղաւ. մատուսցէ́ զպատարագ իւր՝ ալո́ջ անարատ վ(ա)ս(ն) մեղացն զոր մեղաւ։

Verse: 29  Link to sept   եւ դիցէ զձեռս իւր ՛ի վերայ գլխոյ ն(ո)ր(ա). եւ սպանցե́ն զալոջն վ(ա)ս(ն) մեղացն, ՛ի տեղւոջ ուր սպանանիցեն զողջակէզսն։

Verse: 30  Link to sept   Եւ առցէ́ քահանայն յարենէ մեղացն՝ մատամբ իւրով, եւ դիցէ́ ՛ի վերայ եղջերաց սեղանոյն ողջակիզաց. եւ զա(մենայ)ն արիւն ն(ո)ր(ա) հեղցէ́ առ յատակաւ սեղանոյ ողջակիզացն։

Verse: 31  Link to sept   Եւ զա(մենայ)ն զճարպն կորզեսցէ՝ զոր օրինակ կորզիցի ճարպ յողջակիզէ փրկու(թ)ե(ա)ն. եւ հանցէ́ զայն քահանայն ՛ի սեղանն՝ ՛ի հոտ անուշից տ(եառ)ն. եւ քաւեսցէ́ վ(ա)ս(ն) ն(ո)ր(ա) քահանայն, եւ թողցի նմա։

Verse: 32  Link to sept   Եւ եթէ ոչխա́ր մատուցանիցէ զպատարագն իւր, է́գ՝ անարա́տ մատուսցէ զնա։

Verse: 33  Link to sept   եւ դիցէ զձեռն իւր ՛ի վերայ գլխոյ ն(ո)ր(ա) որ վ(ա)ս(ն) մեղա́ցն իցէ. եւ սպանցեն զնա ՛ի տեղւոջն՝ ուր սպանանիցեն զողջակէզսն։

Verse: 34  Link to sept   Եւ առեալ քահանային յարենէ ա́յնր՝ որ վ(ա)ս(ն) մեղացն իցէ՝ մատամբն իւրով, եւ դիցէ́ ՛ի վ(ե)ր(այ) եղջերաց սեղանոյ ողջակիզացն. եւ զա(մենայ)ն արիւն ն(ո)ր(ա) հեղցէ́ առ յատակաւ սեղանոյն ողջակիզաց։

Verse: 35  Link to sept   եւ զա(մենայ)ն զճարպ նորա կորզեսցէ՝ զոր օրինակ կորզիցի ճարպ ոչխարին փրկութե(ան)։ եւ դիցէ զայն քահանայն ՛ի վերայ սեղանո́յն յողջակէզ տ(եառ)ն. եւ քաւեսցէ́ վ(ա)ս(ն) ն(ո)ց(ա) քահանայն ՛ի մեղացն զոր մեղաւ, եւ թողցի́ նմա։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ եթէ մեղիցէ́ անձն, եւ լուիցէ զբարբառ երդման երդմնեցուցանելոյ, եւ նա եցէ վկայ, կամ թէ ետես, կամ թէ իրագէ́տ իցէ, եւ ո́չ հանցէ ՛ի վեր, մե́ղս ընկալցի։

Verse: 2  Link to sept   Եւ անձն որ մերձեսցի յի́րս պղծութե(ան), կամ ՛ի մեռելոտի, կամ ՛ի գազանաբեկ, կամ ՛ի պիղծ ինչ. կամ ՛ի մեռելոտիս անասնոց պղծոց, կամ ՛ի մեռելոտիս սողնոց պղծոց. եւ անցանիցէ́ զնովաւ։ եւ ինքն պղծիցի եւ յանցանիցէ.

Verse: 3  Link to sept   կամ մերձենայցէ ՛ի պղծու(թ)ի(ւն)ս մարդոյ կամ յա(մենայ)ն պղծու(թ)ի(ւն)ս ն(ո)ր(ա), յոր թէ մերձեցեալ պղծիցի. եւ մոռացօնք լինիցին նմա. եւ յետ այնորիկ ՛ի վերայ հասանիցէ եւ յանցեա́լ իցէ։

Verse: 4  Link to sept   Եւ անձն որ ուխտիցէ չա́ր ինչ առնել, կամ բարի. ը(ս)տ ա(մենայ)նի զոր ինչ ուխտիցէ մարդ երդմա́մբ չափ. եւ մոռանայցի այն յաչաց ն(ո)ր(ա). եւ ապա ՛ի վերայ հասանիցէ, եւ մեղանչիցէ միով իւիք ՛ի նոցանէ։

Verse: 5  Link to sept   եւ խոստովա́ն լինիցի զմեղսն՝ զոր մեղաւ։

Verse: 6  Link to sept   Մատուսցէ́ վ(ա)ս(ն) յանցանացն իւրոց՝ զոր յանցեաւ տ(եառ)ն. եւ վ(ա)ս(ն) մեղացն զոր մեղաւ, է́գ յօդեաց որոջ, ակմ ալո́ջ մի յայծեաց վ(ա)ս(ն) մեղացն. եւ քաւեսցէ́ վ(ա)ս(ն) նորա քահանայն ՛ի մեղաց անտի. եւ թողցին նմա մեղքն։

Verse: 7  Link to sept   Ապա թէ չիցէ́ ձեռնհաս՝ լինել բաւական ոչխարաւ, մատուսցէ վ(ա)ս(ն) մեղացն զոր մեղաւ, երկուս տատրակս կ(ա)մ երկուս ծագս աղաւնեաց. մին վ(ա)ս(ն) մեղացն, եւ մին՝ յողջակէզ։

Verse: 8  Link to sept   ածցէ առ քահանայն։ Եւ տարցի́ ՛ի ներքս քահանայն նախ՝ զվասն մեղացն, եւ խառեսցէ́ քահանայն զգլուխն յուլանէն՝ եւ մի́ հատցէ։

Verse: 9  Link to sept   եւ ցանեսցէ́ յարենէ անտի ա́յնր որ վ(ա)ս(ն) մեղացն իցէ՝ զորմով սեղանոյն. եւ զմնացեալ արիւնն քամեսցէ́ առ յատակաւ սեղանոյն. քանզի վ(ա)ս(ն) մեղա́ց է։

Verse: 10  Link to sept   Եւ զերկրորդն արասցէ յողջակէ́զ ո(ր)պ(էս) եւ օրէն իցէ. եւ քաւեսցէ́ վ(ա)ս(ն) ն(ո)ր(ա) քահանայն ընդ մեղացն զոր մեղաւ, եւ թողցի́ նմա։

Verse: 11  Link to sept   Եւ եթէ ո́չ գտանիցին ընդ ձեռամբ ն(ո)ր(ա) զոյգք տատրակաց՝ կամ երկու ձագք աղաւնեաց, բերցէ զպատարագն իւր վ(ա)ս(ն) որոյ մեղաւն, զտասանորդ գրուի միոյ նաշիհ վ(ա)ս(ն) մեղացն. եւ եւղ մի́ արկցէ ՛ի նա, եւ կնդրուկ՝ մի́ դիցէ ՛ի վերայ ն(ո)ր(ա), զի վ(ա)ս(ն) մեղաց է։

Verse: 12  Link to sept   Եւ տարցի զայն առ քահանայն. եւ առեալ քահանային ՛ի նմանէ լի́ ափով զառ ՛ի յիշատակէն ն(ո)ր(ա), դիցէ ՛ի վ(ե)ր(այ) սեղանոյ ողջակիզացն տ(եառ)ն. քանզի վ(ա)ս(ն) մեղաց է։

Verse: 13  Link to sept   եւ քաւեսցէ́ վ(ա)ս(ն) ն(ո)ր(ա) քահանայն զմեղսն զոր մեղաւ՝ որով իւիք եւ իցէ ՛ի նոցանէ. եւ թողցի́ նմա. եւ մնացեալն քահանայի́ն եղիցի իբրեւ զզոհ նաշհւոյ։

Verse: 14  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 15  Link to sept   Անձն՝ որ եթէ վրիպեսցի եւ մեղիցէ ակամայ ՛ի սրբութե(ան)ց անտի տ(եառ)ն. մատուսցէ վ(ա)ս(ն) յանցանացն իւրոց տ(եառ)ն խո́յ անարատ յօգեաց՝ գնո́ց արծաթոյ ՛ի յիսուն սկեղէ՝ ըստ սրբութե(ան) սկեղն,

Verse: 16  Link to sept   վ(ա)ս(ն) որոյ յանցուցեալն իցէ։ Եւ զոր մեղաւն ՛ի սրբութի(ւն)սն, հատուսցէ́. եւ զհինգերորդ եւս մասնն յաւելցէ ՛ի նոյն. եւ տացէ́ ցքահանայն. եւ քաւեսցէ́ ՛ի նմանէ քահանայն խոյիւն որ վ(ա)ս(ն) յանցանացն իցէ, եւ թողցի նմա։

Verse: 17  Link to sept   Եւ անձն՝ որ մեղիցէ, եւ արասցէ մի ինչ յա(մենայ)ն պատուիրանաց տ(եառ)ն զոր չիցէ́ պարտ առնել, եւ ո́չ իմանայցէ, եւ յանցանիցէ, եւ ընդունիցի մե́ղս։

Verse: 18  Link to sept   Ածցէ́ խո́յ անարատ ՛ի խաշանց գնոց արծաթոյ վ(ա)ս(ն) յանցու(թ)ե(ա)ն՝ առ քահանայն. եւ քաւեսցէ́ վ(ա)ս(ն) ն(ո)ր(ա) քահանայն վ(ա)ս(ն) անգիտու(թ)ե(ա)ն զոր անգիտացաւ՝ եւ ինքն ո́չ գիտէր, եւ թողցի նմա։

Verse: 19  Link to sept   քանզի յանցեա́ւ յանցուի յանցանաց առաջի տ(եառ)ն։



Chapter: 6 
ԳԼ(ՈՒԽ) Զ՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   Ա́նձն ոք եթէ մեղիցէ, եւ արհամարհելով արհամարհեաց զպատուիրանս տ(եառ)ն. եւ ստեսցէ́ ընկերի իւրում. եթէ յաւանդի, եթէ ՛ի զովողութե(ան), եւ եթէ ՛ի յափշտակութե(ան), եւ եթէ վնասեսցէ ինչ ընկերի իւրում։

Verse: 3  Link to sept   Եւ եթէ եգիտ կորուստ ինչ՝ եւ ժխտիցէ ՛ի վերայ ն(ո)ր(ա). եւ երդնուցու սո́ւտ վ(ա)ս(ն) միոյ իրիք՝ յա(մենայ)նէ զոր եւ առնիցէ մարդ

Verse: 4  Link to sept   առ ՛ի մեղանչելոյ ն(ո)ր(ա) նոքօք։ Եւ եղիցի յորժամ մեղանչիցէ եւ յանցանիցէ, հատուսցէ́ զյափշտակութի(ւն)ն՝ զոր յափշտակեաց,

Verse: 5  Link to sept   կամ զվնասն զոր վնասեաց, կամ զաւանդն զոր աւանդեցաւ նմա, կամ զկորուստն զոր եգիտ յա(մենայ)ն իրաց, վ(ա)ս(ն) որոյ երդուաւ սուտ։ Տուժեսցի զգլո́ւխն. եւ զհինգերորդ մասն յաւելցէ ՛ի նոյն. եւ ոյր իցէ՝ հատուսցէ́ նմա յաւուր յորում յանդիմանեսցի։

Verse: 6  Link to sept   Եւ ընդ յանցանաց իւրոց մատուսցէ տ(եառ)ն խո́յ անարատ ՛ի հօտից՝ գնոց արծաթոյ, վ(ա)ս(ն) որոյ յանցեաւն։

Verse: 7  Link to sept   Եւ քաւեսցէ́ վ(ա)ս(ն) ն(ո)ր(ա) քահանայն առաջի տ(եառ)ն. եւ թողցի́ նմա վ(ա)ս(ն) միոյ իրիք յա(մենայ)նէ զոր արար եւ յանցեա́ւ նա։

Verse: 8  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 9  Link to sept   Պատուէ́ր տուր ահարոնի եւ որդւոց ն(ո)ր(ա)՝ եւ ասասցես. ա́յս օրէն է ողջակիզին, վ(ա)ս(ն) այրելոյ ն(ո)ր(ա) ՛ի վերայ սեղանոյն զա(մենայ)ն գիշերն մինչեւ ցառաւօտ. եւ հուր սեղանոյն որ այրիցի ՛ի վերայ ն(ո)ր(ա)՝ մի́ շիջցի։

Verse: 10  Link to sept   Եւ զգեցցի քահանայն պատմուճան կտաւի. եւ անդրավարտիս կտաւիս զգեցցի ՛ի վ(ե)ր(այ) մարմնոյ իւրոյ, եւ հանցէ զընծայս ողջակիզին ՛ի վերայ սեղանոյն՝ զոր հուրն ծախիցէ. եւ դիցէ առ ընթե́ր սեղանոյն։

Verse: 11  Link to sept   Եւ մերկասցի́ զպատմուճանն իւր, եւ զգեցցի ա́յլ պատմուճան. եւ հանցէ զողջակէզն արտաքոյ բանակին ՛ի տաղի́ սուրբ։

Verse: 12  Link to sept   Եւ հուրն որ այրիցի ՛ի վ(ե)ր(այ) սեղանոյն մի́ շիջցի. եւ այրեսցէ ՛ի վերայ ն(ո)ր(ա) քահանայն փա́յտ ընդ առաւօտս. եւ դիցէ ՛ի վերայ ն(ո)ր(ա) զողջակէզսն. եւ դիցէ́ նմա զճարպ փրկութե(ա)ն.

Verse: 13  Link to sept   եւ հո́ւր հանապազ այրեսցի ՛ի վերայ սեղանոյն՝ եւ մի́ շիջցի։

Verse: 14  Link to sept   Եւ այս օրէն է զոհին՝ զոր մատուցանիցեն որդիքն ահարոնի քահանայքն առաջի տ(եառ)ն յանդիման սեղանոյն։

Verse: 15  Link to sept   Առցէ ափով իւրով ՛ի նաշհւոյ զոհին հանդերձ իւղո́վ ն(ո)ր(ա) եւ կնդրկաւն որ իցէ ՛ի վերայ զոհին. եւ հանցէ ՛ի սեղանն պտուղ ՛ի հո́տ անուշից յիշատակ ն(ո)ր(ա) տ(եառ)ն։

Verse: 16  Link to sept   Եւ զմնացեալն ՛ի նմանէ կերիցէ ահարոն եւ որդիք նորա. բաղա́րջ կերիցի ՛ի սուրբ տեղւոջ. ՛ի սրահի́ խորանին վկայու(թ)ե(ան) կերիցեն զնա։

Verse: 17  Link to sept   ո́չ եփեսցի խմորեալ։ մա́սն ետու զայն ն(ո)ց(ա) ՛ի պտղոցն տ(եառ)ն. սրբութի(ւն)ք սրբու(թ)ե(ան)ց են։ Որպէս վ(ա)ս(ն) մեղացն իցէ, նոյնպէս եւ վ(ա)ս(ն) յանցանացն.

Verse: 18  Link to sept   ամենայն ա́րու քահանայիցն կերիցեն զայն. օրէն յաւիտենական յազգս ձեր ՛ի պտղոցն տ(եառ)ն. ա(մենայ)ն որ մերձեսցի ՛ի նոսա՝ սրբեսցի́։

Verse: 19  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 20  Link to sept   Ա́յս է պատարագ ահարոնի եւ որդւոցն ն(ո)ր(ա)՝ զոր մատուցանիցեն տ(եառ)ն յաւուր յորում օծանիցե́ս զն(ո)ս(ա)։ Զտասանորդ գրուի միոյ նաշհւոյ զո́հ հանապազորդ. զկէս ն(ո)ր(ա)՝ այգո́ւն, եւ զկէս ն(ո)ր(ա) երիկունն,

Verse: 21  Link to sept   ՛ի տապակի իւղո́վ զանգեալ գործեսցի։ Եւ մատուսցէ զայն մաքրեալ զո́հ ՛ի պատառոյ. զո́հ ՛ի հոտ անուշից տ(եառ)ն։

Verse: 22  Link to sept   քահանայն օծեալ՝ փոխանակ ն(ո)ր(ա) յորդւոց իւրոց առցէ́ զայն, օրէ́ն յաւիտենական տ(եառ)ն ամենեւին կատարեսցի։

Verse: 23  Link to sept   Եւ ա(մենայ)ն զոհք քահանային ողջակէ́զ լինիցի, եւ մի́ ուտիցի։

Verse: 24  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 25  Link to sept   խօսեա́ց ընդ ահարոն եւ ը(նդ) որդիս ն(ո)ր(ա)՝ եւ ասասցես. Ա́յս օրէն իցէ վ(ա)ս(ն) մեղացայոյն։ ՛ի տեղւոջ ուր սպանանիցեն զողջակէզն, սպանանիցեն եւ զվասն մեղացն առաջի տ(եառ)ն։ սրբութի(ւն) սրբութե(ան)ց է։

Verse: 26  Link to sept   քահանայն որ մատուցանիցէ զայն, կերիցէ. ՛ի սուրբ տեղւոջ կերիցէ, ՛ի սրահի խորանին վկայութե(ան)։

Verse: 27  Link to sept   Ա(մենայ)ն որ մերձենայցէ ՛ի միս ն(ո)ր(ա)՝ սրբեսցի́. եւ յոյր ձորձոց վերայ սրսկեսցի ՛ի նմանէ արիւն՝ լուասցի́ ՛ի սուրբ տեղւոջ։

Verse: 28  Link to sept   եւ յանօթ կաւեղէն յորում եփեսցի, փշրեսցի́։ եւ եթէ ՛ի պղնձի անօթ եփեսցի́, քերեսցէ́ զնա՝ եւ ջրով ողողեսցէ։

Verse: 29  Link to sept   ամենայն արու քահանայիցն կերիցէ́ զայն։ սրբու(թ)ի(ւն) սրբութե(ան)ց է տ(եառ)ն։

Verse: 30  Link to sept   Եւ յա(մենայ)ն վ(ա)ս(ն) մեղաց յորոց մտանիցէ յարենէ ն(ո)ց(ա) ՛ի խորանն վկայութե(ան) քաւե́լ ՛ի սրբութիսն՝ մի́ կերիցի, այլ հրո́վ այրեսցի։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ ա́յս օրէն իցէ խոյին՝ որ վ(ա)ս(ն) յանցանացն իցէ։ զի սրբութի(ւն) սրբութե(ան)ց է։

Verse: 2  Link to sept   ՛Ի տեղւոջ ուր սպանանիցեն զողջակէզսն, սպանցեն եւ զխոյն յանցանաց առաջի տ(եառ)ն. եւ զարիւնն հեղցէ́ առ յատակաւ սեղանոյն ողջակիզաց շուրջանակի։

Verse: 3  Link to sept   Եւ զա(մենայ)ն ճարպ ն(ո)ր(ա) առցէ, եւ զմկանն. եւ զճարպ թաղանթ քաղրթին. եւ զա(մենայ)ն ճարպ փորոտւոյն.

Verse: 4  Link to sept   եւ զերիկամունսն զերկոսին. եւ զճարպն որ ՛ի վերայ ն(ո)ց(ա) առ մսանամբքն. եւ զլերդաբոյթն երիկամամբքն հանդերձ կորզեսցէ́։

Verse: 5  Link to sept   Եւ հանցէ զայն քահանայն ՛ի սեղանն պտուղ տ(եառ)ն՝ զի վ(ա)ս(ն) յանցանա́ց է։

Verse: 6  Link to sept   ա(մենայ)ն արու քահանային կերիցեն զայն. ՛ի սուրբ տեղւոջ կերիցեն զայն, քանզի սրբութի(ւն) սրբութե(ան)ց է։

Verse: 7  Link to sept   Որպէս զվ(ա)ս(ն) մեղացն՝ նոյնպէս զվասն յանցանացն։ օրէն՝ մի եւ նո́յն կացցէ նոցա. եւ քահանայն որ քաւիցէ նովաւ՝ նմա́ լիցի։

Verse: 8  Link to sept   Եւ քահանայն՝ որ մատուցանիցէ զողջակէզս ինչ մարդոյ, մորթ ողջակիզին զոր մատուցանիցէ՝ նմա́ լիցի։

Verse: 9  Link to sept   Եւ զա(մենայ)ն զոհ որ գործիցի ՛ի թոնրի. եւ ա(մենայ)ն որ գործիցի ՛ի կասկարայս՝ կամ ՛ի տապակի, քահանայի́ն որ մատուցանիցէ զայն՝ եղիցի։

Verse: 10  Link to sept   Եւ ա(մենայ)ն զոհ զանգեալ իւղով՝ եւ որ չիցէ զանգեալ, ամենեցո́ւն որդւոցն ահարոնի իւրաքանչիւր ումեք եղիցի հասարակաց։

Verse: 11  Link to sept   Ա́յս օրէ́ն է զոհիցն փրկու(թ)ե(ան)՝ զոր մատուցանիցեն տ(եառ)ն։

Verse: 12  Link to sept   Իսկ եթէ վ(ա)ս(ն) գոհութե(ան) մատուցանիցէ զայն. մատուսցէ́ վ(ա)ս(ն) զոհի գոհութե(ա)ն պանս բաղարջս ՛ի նաշհւոյ զանգեալ իւղով, եւ քաքարս բաղարջս օծեալ իւղով, եւ նաշիհ զանգեալ իւղով. շօթի́ւք բաղարջ

Verse: 13  Link to sept   հացիւ մատուսցէ զպատարագն իւր, ՛ի վերայ զոհին գոհու(թ)ե(ան) եւ փրկութե(ան). եւ մատուսցէ մի́ ինչ յա(մենայ)ն պատարագաց իւրոց նուէր տ(եառ)ն։

Verse: 14  Link to sept   եւ ա́յն քահանային որ հեղուցու զարիւնն՝ փրկութե(ան) եղիցի. Եւ մի́ս զոհին գոհութե(ան) եւ փրկութե(ան)՝ նորին լինիցի։

Verse: 15  Link to sept   յորում աւուր պատարագիցի՝ կերիցի. եւ մի́ թողուցուն ՛ի նմանէ յայդ։

Verse: 16  Link to sept   Եւ եթէ կամա́ւ ոք ուխտս մատուցանիցէ տ(եառ)ն զպատարագն իւր. յաւուր յորում մատուցանիցի զոհն՝ կերիցի, եւ ՛ի վաղիւն։ եւ մնացեալն ՛ի մսոյ զոհին

Verse: 17  Link to sept   մինչեւ յօրն երրորդ՝ հրո́վ այրեսցի։

Verse: 18  Link to sept   Ապա թէ ուտելով ուտիցի ՛ի մսոյ զոհին փրկութե(ան) իւրոյ յաւուրն երրորդի. մի́ լինիցի ընդունելի մատուցանելեացն, եւ մի́ համարեսցի նմա այն. քանզի ապա́խտ եւ պղծութի(ւն) է. եւ անձն՝ որ կերիցէ ՛ի նմանէ, մե́ղս առնիցէ։

Verse: 19  Link to sept   Եւ միս՝ որ մերձեսցի յա(մենայ)ն պղծութի(ւն)ս, մի́ կերիցի, այլ հրո́վ այրեսցի. ա(մենայ)ն սո́ւրբ կերիցէ զմիսն։

Verse: 20  Link to sept   Եւ անձն՝ որ կերիցէ ՛ի զոհէ փրկութե(ա)ն որ իցէ տ(եառ)ն։ եւ պղծութի(ւն) ն(ո)ր(ա) ՛ի նմա́ իցէ, կորիցէ́ անձն այն ՛ի ժողովրդենէ իւրմէ։

Verse: 21  Link to sept   Եւ անձն՝ որ մերձեսցի յա(մենայ)ն իրս պղծութե(ան). ՛ի պղծու(թ)ի(ւն)ս մարդոյ՝ կամ յանասնոց պղծոց, կամ յամենայն գարշելի́ պղծոց, եւ կերիցէ ՛ի մսոյ զոհին փրկութե(ան) որ իցէ տ(եառ)ն, կորիցէ անձնն այն ՛ի ժողովրդենէ իւրմէ։

Verse: 22  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 23  Link to sept   խօսեա́ց ընդ որդիսդ ի(սրաէ)լի եւ ասասցես։ Զա(մենայ)ն ճարպ զարջառոյ եւ զոչխարի եւ զայծեաց մի́ ուտիցէք։

Verse: 24  Link to sept   եւ ճարպ մեռելոտւոյ եւ գազանաբեկաց՝ լինիցի յա(մենայ)ն գործ. բայց ՛ի կերակուր՝ մի́ ուտիցի։

Verse: 25  Link to sept   Եւ ա(մենայ)ն որ ուտիցէ ՛ի ճարպոյ անասնոց. զոր մատուցանիցէք պտուղ տ(եառ)ն, կորիցէ́ անձն այն ՛ի ժողովրդենէ իւրմէ։

Verse: 26  Link to sept   Զա(մենայ)ն արիւն մի́ ուտիցէք յա(մենայ)ն բնակութի(ւն)ս ձեր, ՛ի թռչնոց եւ յա(մենայ)ն անասնոց։

Verse: 27  Link to sept   ամենայն անձն որ կերիցէ արիւն՝ կորիցէ́ ՛ի ժողովրդենէ իւրմէ։

Verse: 28  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 29  Link to sept   խօսեա́ց ընդ որդիսդ ի(սրաէ)լի՝ եւ ասասցես։ Որ մատուցանիցէ զոհ փրկութե(ան) տ(եառ)ն. ածցէ́ զպատարագացն իւր տ(եառ)ն ՛ի զոհէ փրկու(թ)ե(ան) իւրոյ։

Verse: 30  Link to sept   ձե́ռք նորա մատուսցեն պտուղ տ(եառ)ն. զճա́րպ երբծոյն, եւ զլերդաբոյթն երիկամամբքն հանդերձ մատուսցէ դնել առաջի տ(եառ)ն.

Verse: 31  Link to sept   եւ հանցէ́ զայն քահանայն ՛ի սեղանն։ Եւ եղիցի երբուծն ահարոնի եւ որդւոց ն(ո)ր(ա).

Verse: 32  Link to sept   եւ զերին զաջոյ՝ տացէք հա́ս քահանային ՛ի զոհից փրկութե(ան) ձերոյ։

Verse: 33  Link to sept   Որ մատուցանիցէ զարիւնն փրկութե(ան) եւ զճարպն առ ՛ի յորդւոցն ահարոնի, նորա́ լիցի երին աջոյ ՛ի մասն։

Verse: 34  Link to sept   Զի զերբուծն վերադրաց եւ զերին նուիրաց՝ առի́ ես յորդւոցն ի(սրաէ)լի ՛ի զոհիցն փրկութե(ան) ձերոյ. եւ ետու զայն ահարոնի քահանայի եւ որդւոց ն(ո)ր(ա). օրէն յաւիտենական յորդւոցն ի(սրաէ)լի։

Verse: 35  Link to sept   Ա́յս օծումն է ահարոնի եւ որդւոց ն(ո)ր(ա) ՛ի պտղոցն տ(եառ)ն. յաւուր յորում մատուցանէր զնոսա տ(եառ)ն. ո(ր)պ(էս) պատուիրեաց տ(է)ր տա́լ ն(ո)ց(ա),

Verse: 36  Link to sept   յաւուր յորում օծ զն(ո)ս(ա) յորդւոցն ի(սրաէ)լի. օրէ́ն յաւիտենական յազգս ն(ո)ց(ա)։

Verse: 37  Link to sept   Ա́յս օրէն է ողջակիզացն, եւ զոհից, եւ վ(ա)ս(ն) մեղացն, եւ վ(ա)ս(ն) յանցանաց, եւ վ(ա)ս(ն) կատարմանն, եւ զոհին փրկութե(ան)։

Verse: 38  Link to sept   Ո(ր)պ(էս) պատուիրեաց տ(է)ր մովսիսի ՛ի լերինն սինայ. յաւուր յորում պատուիրեաց տ(է)ր որդւոցն ի(սրաէ)լի, մատուցանել զպատարագս իւրեանց առաջի տ(եառ)ն յանապատին սինայ։



Chapter: 8 
ԳԼ(ՈՒԽ) Ը՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   Ա́ռ զահարոն եւ զորդիս ն(ո)ր(ա), եւ զպատմուճանս ն(ո)ց(ա), եւ զեւղն օծութե(ան). եւ զզուարակն զվ(ա)ս(ն) մեղաց, եւ զխոյսն զերկոսին, եւ զխանն բաղարջաց։

Verse: 3  Link to sept   եւ զա(մենայ)ն ժողովուրդն եկեղեցացուսցե́ս ՛ի դուռն խորանին վկայութե(ան)։

Verse: 4  Link to sept   Եւ արար մովսէս՝ ո(ր)պ(էս) հրամայեաց նմա տ(է)ր. եւ եկեղեցացո́յց զժողովուրդն ՛ի խորանն վկայութե(ան)։

Verse: 5  Link to sept   Եւ ասէ մովսէս ցժողովուրդն։ ա́յս բա́ն է զոր պատուիրեաց տ(է)ր առնել։

Verse: 6  Link to sept   Եւ մատո́յց մովսէս զահարոն եւ զորդիս ն(ո)ր(ա). եւ լուաց զն(ո)ս(ա) հրով.

Verse: 7  Link to sept   եւ զգեցոյց ահարոնի զպատմուճանն, եւ ած ընդ մէջ ն(ո)ր(ա) զկամարն, եւ արկ զնովաւ զվտաւակսն, եւ եդ ՛ի վերայ ն(ո)ր(ա) զվակասն։

Verse: 8  Link to sept   եւ խառնեաց ՛ի նմա ըստ գործուածոյ վակասին. եւ պնդեաց զնա ՛ի նմա. եւ եդ ՛ի վերայ ն(ո)ր(ա) զտախտակն, եւ ե́դ ՛ի վերայ տախտակին զյանդիմանութի(ւն)ն եւ զճշմարտութի(ւն)։

Verse: 9  Link to sept   Եւ եդ ՛ի վերայ գլխոյ ն(ո)ր(ա) զխոյրն. եւ եդ ՛ի վ(ե)ր(այ) խուրին յերեսաց կողմանէ զթիթեղնն ոսկի զնուիրեալն եւ զսուրբ. ո(ր)պ(էս) պատուիրեաց տ(է)ր մովսիսի։

Verse: 10  Link to sept   Եւ առեալ մովսիսի յիւղոյն օծու(թ)ե(ան) ցանեա́ց մատամբ ՛ի վ(ե)ր(այ) սեղանոյն եւթն անգամ.

Verse: 11  Link to sept   եւ օծ զսեղանն, եւ սրբեաց զնա, եւ զա(մենայ)ն սպաս ն(ո)ր(ա)։ Եւ զաւազանն եւ զխարիսխս ն(ո)ր(ա). եւ սրբեաց զն(ո)ս(ա)։ եւ օծ զխորանն եւ զա(մենայ)ն ինչ որ ՛ի նմա, եւ սրբեաց զնա։

Verse: 12  Link to sept   Եւ ա́րկ մովսէս յիւղոյն օծութե(ան) ՛ի գլուխն ահարոնի եւ օծ զնա, եւ սրբեաց զնա։

Verse: 13  Link to sept   Եւ մատոյց մովսէս զորդիսն ահարոնի եւ զգեցոյց ն(ո)ց(ա) զպատմուճանսն. եւ ած ընդ մէջ ն(ո)ց(ա) զկամարսն, եւ ե́դ ն(ո)ց(ա) զխոյրսն. որպէս եւ հրամայեաց տ(է)ր մովսիսի։

Verse: 14  Link to sept   Եւ մատոյց մովսէս զզուարակն զվ(ա)ս(ն) մեղացն. եւ եդի́ն ահարոն եւ որդիք ն(ո)ր(ա) զձեռս իւրեանց ՛ի վ(ե)ր(այ) գլխոյ զուարակին մեղաց եւ սպան զնա.

Verse: 15  Link to sept   եւ ա́ռ մովսէս յարենէ անտի, եւ եդ ՛ի վ(ե)ր(այ) եղջերաց սեղանոյն շուրջանակի մատամբ իւրով. եւ սրբեաց զսեղանն. եւ զարիւնն եհեղ առ յատակաւ սեղանոյն։

Verse: 16  Link to sept   Եւ սրբեաց զնա առնել քաւու(թ)ի(ւն) ՛ի վ(ե)ր(այ) ն(ո)ր(ա)։ եւ ա́ռ զա(մենայ)ն զճարպ փորոտւոյն, եւ զլերդաբոյթն եւ զերկոսին զերիկամունսն, եւ զա(մենայ)ն ճարպն որ ՛ի վերայ ն(ո)ց(ա), եւ եհան մովսէս ՛ի սեղանն։

Verse: 17  Link to sept   Եւ զզուարակն՝ եւ զկաշի ն(ո)ր(ա), եւ զմիսն եւ զապաւառն այրեաց հրով արտաքոյ բանակին. ո(ր)պ(էս) հրամայեաց տ(է)ր մովսիսի։

Verse: 18  Link to sept   Եւ մատոյց մովսէս զխոյն որ յողջակէզ. եւ եդին ահարոն եւ որդիք ն(ո)ր(ա) զձեռս իւրեանց ՛ի վ(ե)ր(այ) գլխո́յ խոյին.

Verse: 19  Link to sept   եւ սպան մովսէս զխոյն. եւ եհեղ զարիւնն շուրջ զսեղանովն։

Verse: 20  Link to sept   եւ զխոյն յօշեա́ց անդամ անդամ։ եւ ա́ռ մովսէս զգլուխն եւ զանդամութի(ւն)ւն, եւ զճարպն եւ զքաղիրթն եւ զոտսն,

Verse: 21  Link to sept   եւ լուաց ջրով։ Եւ եհան մովսէս զխոյն ողջոյն ՛ի սեղանն՝ ողջակէ́զ ՛ի հոտ անուշից տ(եառ)ն. քանզի պտուղ տ(եառ)ն է. ո(ր)պ(էս) հրամայեաց տ(է)ր մովսիսի։

Verse: 22  Link to sept   Եւ մատոյց մովսէս զխոյն երկրորդ՝ զխոյն կատարման, եւ եդին ահարոն եւ որդիք ն(ո)ր(ա) զձեռս իւրեանց ՛ի վ(ե)ր(այ) գլխոյ խոյին.

Verse: 23  Link to sept   եւ սպանին զնա։ Եւ ա́ռ մովսէս յարենէ ն(ո)ր(ա), եւ ե́դ ՛ի վ(ե)ր(այ) բըլթակի աջոյ ունկանն ահարոնի, եւ ՛ի վ(ե)ր(այ) ծայրի աջոյ ձեռին ն(ո)ր(ա), եւ ՛ի վ(ե)ր(այ) ծայրի աջոյ ոտին ն(ո)ր(ա)։

Verse: 24  Link to sept   Եւ մատոյց մովսէս զորդիսն ահարոնի. եւ եդ մովսէս յարենէ անտի ՛ի վ(ե)ր(այ) բըլթակաց աջուց ականջաց ն(ո)ց(ա), եւ ՛ի վ(ե)ր(այ) ծայրից աջուց ձեռաց ն(ո)ց(ա), եւ ՛ի վ(ե)ր(այ) ծայրից աջուց ոտից ն(ո)ց(ա)։ եւ եհեղ մովսէս զարիւնն շուրջ զսեղանովն։

Verse: 25  Link to sept   Եւ ա́ռ զճարպն եւ զմկանն. եւ զճարպն որ ՛ի վ(ե)ր(այ) քաղրթին, եւ զլերդաբոյթն, եւ զերիկամունսն զերկոսին. եւ զճարպն որ ՛ի վերայ ն(ո)ց(ա), եւ զերին աջոյ։

Verse: 26  Link to sept   Եւ ՛ի խանէն կատարման որ կայր առաջի տ(եառ)ն, ա́ռ պան մի բաղարջ, եւ պան մի յիւղոյ անտի, եւ ե́դ ՛ի վ(ե)ր(այ) ճարպոյն եւ ՛ի վ(ե)ր(այ) երւոյն աջոյ.

Verse: 27  Link to sept   եւ ե́դ զա(մենայ)ն ՛ի վ(ե)ր(այ) ձեռացն ահարոնի, եւ ՛ի վ(ե)ր(այ) ձեռաց որդւոց ն(ո)ր(ա). եւ մատոյց զայն նուէ́ր առաջի տ(եառ)ն։

Verse: 28  Link to sept   Եւ ա́ռ զայն մովսէս ՛ի ձեռաց ն(ո)ց(ա), եւ եհան ՛ի սեղանն յողջակէզ կատարման, որ է ՛ի հո́տ անուշից պտուղ տ(եառ)ն. ո(ր)պ(էս) պատուիրեաց տ(է)ր։

Verse: 29  Link to sept   Եւ առեալ մովսիսի զերբուծն՝ եհան նուէր առաջի տ(եառ)ն ՛ի խոյէ անտի կատարման. եւ եղեւ մովսիսի ՛ի մա́սն, ո(ր)պ(էս) եւ պատուիրեաց տ(է)ր մովսիսի։

Verse: 30  Link to sept   Եւ առեալ մովսիսի յիւղոյն օծու(թ)ե(ան), եւ յարենէն որ ՛ի վ(ե)ր(այ) սեղանոյն՝ ցանեա́ց զահարոնիւ եւ զպատմուճանօք ն(ո)ր(ա), եւ զորդւովք ն(ո)ր(ա)՝ եւ զպատմուճանօք ն(ո)ց(ա).

Verse: 31  Link to sept   եւ սրբեաց զահարոն եւ զպատմուճանս ն(ո)ր(ա). եւ զորդիս ն(ո)ր(ա) եւ զպատմուճանս որդւոց ն(ո)ր(ա) ը(նդ) նմա։ Եւ ասէ մովսէս ցահարոն եւ ցորդիս նորա. եփեցէ́ք զմիսդ ՛ի սրահի խորանին վկայութե(ան) ՛ի ս(ուր)բ տեղւոջ, եւ ա́նդ ուտիցէք զայն. եւ զպա́նսն որ ՛ի խանի կատարմանն իցեն. զոր օրինակ հրամայեաց ինձ տ(է)ր՝ եւ ասէ. ահարոն եւ որդի́ք ն(ո)ր(ա) կերիցեն զայն։

Verse: 32  Link to sept   եւ զնշխար հացի եւ մսոյ՝ հրո́վ այրեսջիք։

Verse: 33  Link to sept   Եւ ՛ի դրանէ խորանին վկայութե(ան) մի́ ելանիցէք զեւթն օր. մինչեւ յօրն լրման աւուրց կատարմանն ձերոյ. զի զեւթն օր լցցէ զձեռս ձեր.

Verse: 34  Link to sept   ո(ր)պ(էս) եւ արա́րն յաւուրն յայնմիկ. ո(ր)պ(էս) պատուիրեաց տ(է)ր առնել, առ ՛ի քաւելոյ վ(ա)ս(ն) ձեր։

Verse: 35  Link to sept   Եւ առ դրան խորանին վկայութե(ան) նստիցի́ք զեւթն օր, զցա́յգ եւ զցերեկ. եւ պահեսջի́ք զպահպանութի(ւն)ս տ(եառ)ն զի մի́ մեռանիջիք. զի ա́յնպէս պատուիրեաց ինձ տ(է)ր։

Verse: 36  Link to sept   Եւ արար ահարոն եւ որդիք ն(ո)ր(ա) զա(մենայ)ն զբանս՝ զոր պատուիրեաց տ(է)ր մովսիսի։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ եղեւ յաւուրն ութերորդի. կոչեաց մովսէս զահարոն եւ զորդիս նորա եւ զծերակոյտն ի(սրաէ)լի. եւ ասէ մովսէս ցահարոն.

Verse: 2  Link to sept   Առ դու քեզ զուարակ մի յանդւոյ վ(ա)ս(ն) մեղաց. եւ խոյ յողջակէզ անարա́տ.եւ մատո́ զն(ո)ս(ա) առաջի տ(եառ)ն։

Verse: 3  Link to sept   Եւ ընդ ծերակոյտ որդւոցն ի(սրաէ)լի խօսեսցի́ս եւ ասասցես. առէ́ք դուք ձեզ նոխազ մի յայծեաց վ(ա)ս(ն) մեղաց. եւ խոյ, եւ զուարակ, եւ գառն տարեւոր, յողջակէզ անարատ։

Verse: 4  Link to sept   Եւ զուարակ եւ խոյ, յողջակէզ փրկութե(ան) առաջի տ(եառ)ն. եւ զո́հ նաշիհ զանգեալ իւղով. զի ա́յսօր երեւեսցի տ(է)ր ՛ի միջի ձերում։

Verse: 5  Link to sept   Եւ առի́ն ո(ր)պ(էս) եւ հրամայեաց մովսէս առաջի խորանին վկայութե(ան)։ եւ մատեան ա(մենայ)ն ժողովուրդքն, եւ կացին առաջի տ(եառ)ն։

Verse: 6  Link to sept   Եւ ասէ մովսէս. ա́յս բան է՝ զոր ասաց տ(է)ր առնել, եւ երեւեսցի́ն ՛ի ձեզ փառք տ(եառ)ն։

Verse: 7  Link to sept   Եւ ասէ մովսէս ցահարոն. մատի́ր առ սեղանն, եւ արա́ զվ(ա)ս(ն) մեղացն քո, եւ զողջակէզն քո. եւ քաւեա́ վ(ա)ս(ն) քո եւ տան քո։ Եւ արա́ զպատարագս ժողովրդեան քոյ, եւ քաւեա́ վասն ն(ո)ց(ա). ո(ր)պ(էս) պատուիրեաց տ(է)ր մովսիսի։

Verse: 8  Link to sept   Եւ մատեաւ ահարոն առ սեղանն, եւ սպան զզուարակն զվ(ա)ս(ն) մեղացն իւրոց։

Verse: 9  Link to sept   Եւ մատուցին որդիքն ահարոնի զարիւնն առ նա. եւ եթաց զմատն իւր յարեանն. եւ ե́դ ՛ի վ(ե)ր(այ) եղջերաց սեղանոյն. եւ զարիւնն եհեղ առ յատակաւ սեղանոյն։

Verse: 10  Link to sept   եւ զճարպն եւ զերիկամունսն, եւ զլերդաբոյթն, զվ(ա)ս(ն) մեղացայոյն եհան ՛ի սեղանն, որպէս պատուիրեաց տ(է)ր մովսիսի։

Verse: 11  Link to sept   եւ զմիսն եւ զկաշին այրեցին հրով արտաքոյ բանակին։

Verse: 12  Link to sept   Եւ սպան զողջակէզն. եւ մատուցին որդիքն ահարոնի զարիւնն առ նա. եւ եհեղ շուրջ զսեղանովն։

Verse: 13  Link to sept   եւ զողջակէզն մատուցին առ նա անդամ անդամ, եւ զգլուխն. եւ եդ ՛ի վ(ե)ր(այ) սեղանոյն։

Verse: 14  Link to sept   եւ լուաց զքաղիրթն եւ զոտսն ջրով, եւ եդ ՛ի վ(ե)ր(այ) ողջակիզին ՛ի սեղանն։

Verse: 15  Link to sept   Եւ մատուցին զպատարագ ժողովրդեանն. եւ ա́ռ զնոխազն զվ(ա)ս(ն) մեղաց ժողովրդեանն. եւ սպա́ն զնա իբրեւ զառաջինն։

Verse: 16  Link to sept   Եւ մատո́յց զողջակէզն,

Verse: 17  Link to sept   եւ արար զնա որպէս եւ օրէ́ն էր. եւ մատոյց զզոհն, եւ ելից զձեռս ՛ի նմանէն, եւ ե́դ ՛ի վերայ սեղանոյն՝ ուրոյն յառաւօտին ողջակիզէն։

Verse: 18  Link to sept   Եւ սպան զզուարակն եւ զխոյն զոհին փրկութե(ան) ժողովրդեանն. եւ մատուցին որդիքն ահարոնի զարիւնն առ նա. եւ եհե́ղ զայն շուրջ զսեղանովն։

Verse: 19  Link to sept   Եւ զճարպն որ ՛ի զուարակէն եւ ՛ի խոյէն, եւ զմկանն. եւ զճարպ թաղանթ քաղրթին. եւ զերբուծն։

Verse: 20  Link to sept   Եւ եդին զճարպն ՛ի վ(ե)ր(այ) երբծոցն. եւ հանին զճարպն հանդերձ երբծովքն. եւ եդին զճարպն ՛ի վերայ սեղանոյն։

Verse: 21  Link to sept   եւ զերբուծսն եւ զերին աջոյ նուիրեաց նուէ́ր առաջի տ(եառ)ն, ո(ր)պ(էս) պատուիրեաց տ(է)ր մովսիսի։

Verse: 22  Link to sept   Եւ ամբարձեալ ահարոնի զձեռս իւր ՛ի վ(ե)ր(այ) ժողովրդեանն՝ եւ օրհնեաց զն(ո)ս(ա)։ եւ էջ արար զվ(ա)ս(ն) մեղացն, եւ զողջակէզսն եւ զփրկութե(ա)ն։

Verse: 23  Link to sept   եւ մտին մովսէս եւ ահարոն ՛ի խորանն վկայութե(ան), եւ ելեալ անտի օրհնեցին զա(մենայ)ն ժողովուրդն։ Եւ երեւեցաւ փառք տ(եառ)ն ա(մենայ)ն ժողովրդեանն։

Verse: 24  Link to sept   Եւ ել հուր ՛ի տ(եառն)է, եւ եկեր զա(մենայ)ն որ ինչ կայր ՛ի վ(ե)ր(այ) սեղանոյն. զողջակէզն, եւ զճարպն։ եւ ետես ա(մենայ)ն ժողովուրդն, եւ զարհուրեցա́ն անկա́ն ՛ի վերայ երեսաց իւրեանց։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ առեալ երկուց որդւոցն ահարոնի, նաբադայ եւ աբիուդայ զիւրաքանչիւր բուրուառ՝ եդին ՛ի ն(ո)ս(ա) հուր, եւ արկին խո́ւնկս, եւ մատուցին առաջի տ(եառ)ն հուր օտար. զոր ո́չ հրամայեաց ն(ո)ց(ա) տ(է)ր։

Verse: 2  Link to sept   Եւ ե́լ հուր ՛ի տ(եառն)է եւ եկեր զնոսա. եւ մեռա́ն առաջի տ(եառ)ն։

Verse: 3  Link to sept   Եւ ասէ մովսէս ցահարոն. ա́յս է զոր ասաց տ(է)ր. Ասէ. ՛ի մերձաւո́րս իմ սրբեցայց, եւ առաջի ա(մենայ)ն ժողովրդեան իմոյ փառաւորեցայց։ եւ ստրջացաւ ահարոն։

Verse: 4  Link to sept   Եւ կոչեաց մովսէս զմիսադայի եւ զեղիսափան զորդիս եզիէլի, զորդիս հօրեղբօր ահարոնի, եւ ասէ ցնոսա. մատի́ք եւ բարձէ́ք զեղբարս ձեր, հանդերձ պատմուճանօքն իւրեանց յերեսաց սրբութե(ան)ցդ՝ արտաքոյ քան զբանակն։

Verse: 5  Link to sept   Մատեան եւ բարձին զնոսա՝ հանդերձ պատմուճանօքն իւրեանց արտաքոյ բանակին. զորօրինակ ասա́ց մովսէս։

Verse: 6  Link to sept   Եւ ասէ մովսէս ցահարոն, եւ ցեղիազար, եւ ցիթամար որդիսն ն(ո)ր(ա) մնացեալս։ Զգլուխս ձեր մի́ ապախուրէք, եւ զհանդերձս ձեր մի́ պատառէք, զի մի́ մեռանիցիք. եւ ՛ի վ(ե)ր(այ) ժողովրդեանդ լինիցի բարկութի(ւն)։ Բայց եղբարք ձեր եւ ա(մենայ)ն տունդ ի(սրաէ)լի՝ լացցեն զհրայրեացսն որ այրեցան ՛ի տ(եառն)է։

Verse: 7  Link to sept   եւ ՛ի դրանէ խորանիդ վկայութե(ան) մի́ ելանիցէք, զի մի́ մեռանիցիք. զի եւղն օծութե(ան) որ ՛ի տ(եառն)է՝ ՛ի վ(ե)ր(այ) ձեր է։ եւ արարին ըստ բանին մովսիսի։

Verse: 8  Link to sept   Խօսեցաւ տ(է)ր ընդ ահարոնի՝ եւ ասէ։

Verse: 9  Link to sept   Գինի՝ եւ ցքի՝ մի́ ըմպիցէք դու եւ որդիք քո ընդ քեզ՝ յորժամ մտանիցէք ՛ի խորանն վկայութե(ան), կամ յորժամ մերձենայցէք ՛ի սեղանն. զի մի́ մեռանիցիք։ օրէն յաւիտենական յազգս ձեր.

Verse: 10  Link to sept   զատե́լ ՛ի մէջ սրբոց եւ պղծոց, եւ ՛ի մէջ պարկեշտի́ց եւ անպարկեշտից։

Verse: 11  Link to sept   եւ իմացուցանել ի(սրաէ)լի զա(մենայ)ն զօրէնս՝ զոր խօսեցաւ տ(է)ր ը(նդ) ն(ո)ս(ա) ՛ի ձեռն մովսիսի։

Verse: 12  Link to sept   Եւ ասէ մովսէս ցահարոն, եւ ցեղիազար եւ ցիթամար ցորդիս ն(ո)ր(ա) ցմնացեալս. Առէ́ք զզոհն մնացեալ ՛ի պտղոց անտի տ(եառ)ն, եւ կերա́յք բաղարջ առաջի սեղանոյն. զի սրբութի(ւն) սրբութե(ան)ց է։

Verse: 13  Link to sept   եւ կերիջիք զայն ՛ի սո́ւրբ տեղւոջ. զի օրէ́ն քեզ լինիցի այն, եւ օրէ́ն որդւոց քոց ՛ի պտղոցն տ(եառ)ն. զի այնպէս հրամայեալ է ինձ տ(եառ)ն։

Verse: 14  Link to sept   Եւ զերբուծ նուիրին, եւ զերի հասին կերիջի́ք ՛ի ս(ուր)բ տեղւոջ դու՝ եւ որդի́ք քո եւ տուն քո ը(նդ) քեզ. զի օրէն քեզ է այն, եւ օրէն որդւոց քոց տուաւ՝ ՛ի զոհից փրկութե(ան) որդւոցն ի(սրաէ)լի։

Verse: 15  Link to sept   Զերի́ն հասի՝ եւ զերբուծ նուիրի ՛ի վ(ե)ր(այ) ընծայից ճարպոյն, մատուսցեն նուէր նուիրել առաջի տ(եառ)ն։ եւ եղիցի քե́զ եւ որդւոց քոց եւ դստերաց քոց ընդ քեզ՝ օրէ́ն յաւիտենական. զորօրինակ հրամայեաց տ(է)ր մովսիսի։

Verse: 16  Link to sept   Եւ զնոխազն զվ(ա)ս(ն) մեղաց խնդրելով խնդրեաց մովսէս. եւ այն՝ էր այրեցեալ։ Եւ բարկացաւ մովսէս եղիազարու եւ իթամարայ որդւոցն ահարոնի մնացելոց՝

Verse: 17  Link to sept   եւ ասէ. ընդէ՞ր ոչ կերայք զայն ՛ի սուրբ տեղւոջ. զի սրբութի(ւն) սրբութե(ան)ց է. եւ զայն ետ ձեզ ուտել. զի բառնայցէք զմեղս ժողովրդեանն. եւ առնիցէք քաւութի(ւն) վ(ա)ս(ն) ն(ո)ց(ա) առաջի տ(եառ)ն.

Verse: 18  Link to sept   քանզի ո́չ եմուտ յարենէ ն(ո)ր(ա) ՛ի սրբութի(ւն)ն յանդիման երեսացն ՛ի ներքս։ Արդ՝ կերա́յք զնա ՛ի ս(ուր)բ տեղւոջ՝ զորօրինակ հրամայեցաւ ինձ։

Verse: 19  Link to sept   Խօսեցաւ ահարոն ընդ մովսիսի՝ եւ ասէ. զի թէ այսօր մատուցին զվ(ա)ս(ն) մեղացն իւրեանց պատարագ, եւ զողջակէզս իւրեանց առաջի տ(եառ)ն. եւ այսպիսի անցք անցին ընդիս, եւ ուտիցե՞մ այսօր զվ(ա)ս(ն) մեղացն, գուցէ չլինիցի́ հաճոյ առաջի տ(եառ)ն։

Verse: 20  Link to sept   Եւ լուաւ մովսէս՝ եւ հաճոյ թուեցաւ նմա։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 2  Link to sept   խօսեցարո́ւք ը(նդ) որդիսդ ի(սրաէ)լի՝ եւ ասացէ́ք. Ա́յս անասունք են զոր ուտիցէք յա(մենայ)ն անասնոց որ են ՛ի վ(ե)ր(այ) երկրի։

Verse: 3  Link to sept   Զա(մենայ)ն անասուն թաթահերձ եւ կճղակաւոր, որոյ յերկուս բաժանեալ իցեն թաթքն՝ եւ որոճիցէ, յանասնոց՝ զայն կերիջիք։

Verse: 4  Link to sept   Բայց յայնցանէ մի́ ուտիցէք, որք որոճիցեն եւ կճղակահերձ ո́չ իցեն։ Ո́ւղտ զի որոճայ՝ եւ թաթն ո́չ բաժանի, պի́ղծ իցէ նա ձեզ։

Verse: 5  Link to sept   Եւ նապաստակ զի որոճայ՝ եւ թաթն ո́չ բաժանի՝ պի́ղծ իցէ նա ձեզ։

Verse: 6  Link to sept   Եւ Ճագար զի որոճայ՝ եւ թաթն ո́չ բաժանի՝ պի́ղծ իցէ նա ձեզ։

Verse: 7  Link to sept   Եւ խոզ՝ զի թաթահերձ է՝ եւ կճղակս ունի՝ եւ որոճայ ո́չ, պի́ղծ իցէ նա ձեզ։

Verse: 8  Link to sept   ՛ի մսոյ ն(ո)ց(ա) մի́ ուտիցէք, եւ ՛ի գէշ նոցա մի́ մերձենայցէք. քանզի պի́ղծ իցէ ձեզ այն։

Verse: 9  Link to sept   Եւ այս է զոր ուտիցէք՝ յա(մենայ)նէ որ ՛ի ջուրս իցեն. Ամենայնի որոյ իցեն թեւք եւ թեփ՝ ՛ի ջուրս եւ ՛ի ծովս եւ ՛ի վտակս, զա́յնս ուտիցէք։

Verse: 10  Link to sept   Եւ ա(մենայ)նի որոյ ո́չ իցեն թեւք եւ թեփ՝ ՛ի ջուրս եւ ՛ի ծովս եւ ՛ի վտակս, մի́ ուտիցէք, յա(մենայ)նէ զոր ջուրքն բղխիցեն, եւ յա(մենայ)ն շնչոյ կենդանւոյ որ ՛ի ջուրս։ քանզի պի́ղծ է այն, պի́ղծ լինիցի ձեզ.

Verse: 11  Link to sept   ՛ի մսոց նոցա մի́ ուտիցէք, եւ ՛ի մեռելոց ն(ո)ց(ա) գարշեսջի́ք։

Verse: 12  Link to sept   Զի ա(մենայ)նի որոց ո́չ իցեն թեւք եւ թեփ՝ որ ՛ի ջուրս իցեն, պի́ղծ իցէ ձեզ այն։

Verse: 13  Link to sept   Եւ ա́յս իցեն ՛ի թռչնոց՝ յորոց գարշիջիք, եւ ո́չ ուտիցի՝ այլ պի́ղծ իցէ ձեզ. Արծուի, եւ պասկուճ, եւ գետարծուի,

Verse: 14  Link to sept   եւ անգղ, եւ ցին, եւ որինչ նմա́ն իցէ ն(ո)ց(ա).

Verse: 15  Link to sept   եւ ագռաւ, եւ որինչ նմա́ն իցէ նմա։

Verse: 16  Link to sept   եւ ջայլեամն, եւ բու, եւ որոր, եւ որինչ նմա́ն իցէ նոցա։

Verse: 17  Link to sept   եւ բազէ, եւ որինչ նման իցէ նմա. եւ հաւապատիր, եւ հողամաղ։

Verse: 18  Link to sept   եւ քաջահաւ, եւ սոխակ, եւ հաւալուսն, եւ կարափ,

Verse: 19  Link to sept   եւ արագիլ, եւ քարարդ, եւ որինչ նմա́ն իցէ նոցա. եւ յոպոպ, եւ չիղջ։

Verse: 20  Link to sept   Եւ ա(մենայ)ն զեռուն թռչուն՝ որ գնայցէ ՛ի չորս, պի́ղծ լիցի ձեզ։

Verse: 21  Link to sept   Այլ զա́յն ուտիցէք ՛ի զերնոց թռչնոց որ գնայցեն ՛ի չորս. որոյ իցեն կարթք ՛ի վերոյ քան զոտսն. ոստոստել նոքօք յերկրէ։

Verse: 22  Link to sept   Եւ ա́յս իցեն զոր ուտիցէք ՛ի նոցանէ. զջորեակդ, եւ որ ինչ նմա́ն է նմա. եւ զխարագուլ, եւ որ ինչ նմա́ն է նմա. եւ զմարախ, եւ որ ինչ նմա́ն է նմա. եւ զօձամարտ, եւ որ ինչ նմա́ն իցէ նմա։

Verse: 23  Link to sept   Ամենայն զեռուն թռչնոց, որ իցեն չո́րք ոտք, պի́ղծ իցէ ձեզ, մի́ նոքօք պղծիջիք։

Verse: 24  Link to sept   ա(մենայ)ն որ մերձենայցէ ՛ի մեռեալ ն(ո)ց(ա)՝ պի́ղծ լինիցի մինչեւ ցերեկոյ։

Verse: 25  Link to sept   եւ ա(մենայ)ն որ բառնայցէ զմեռեալ ն(ո)ց(ա)՝ լուասցէ́ զձորձս իւր, եւ պի́ղծ լիցի մինչեւ ցերեկոյ։

Verse: 26  Link to sept   Յա(մենայ)ն անասնոց որ կճղակահե́րձ իցէ եւ մագի́լս սփռիցէ, եւ որոճիցէ ոչ՝ պի́ղծ լիցի ձեզ այն ա(մենայ)ն. եւ որ մերձեսցի ՛ի մեռեալ ն(ո)ց(ա)՝ պի́ղծ լիցի մինչեւ ցերեկոյ։

Verse: 27  Link to sept   Եւ ա(մենայ)ն որ գնայցէ ՛ի ձեռս իւր, յա(մենայ)ն գազանաց որ գնայցէ ՛ի չորս, պի́ղծ լիցի ձեզ այն. ա(մենայ)ն որ մերձեսցի ՛ի մեռեալ ն(ո)ց(ա)՝ պիղծ լիցի մինչեւ ցերեկոյ։

Verse: 28  Link to sept   եւ որ բառնայցէ ՛ի մեռելոյ ն(ո)ց(ա), լուասցէ́ զձորձս իւր, եւ պի́ղծ լիցի մինչեւ ցերեկոյ. զի այն ա(մենայ)ն պի́ղծ իցէ ձեզ։

Verse: 29  Link to sept   Եւ ա́յս իցէ ձեզ պիղծ յա(մենայ)ն սողնոց՝ որ սողին ՛ի վ(ե)ր(այ) երկրի. աքիս, եւ մուկն, եւ տիտեռն, յոստին,

Verse: 30  Link to sept   եւ մկնաքիս, եւ գետնառեւծ, եւ կովադիաց, եւ մուղէղ, եւ խլուրդ։

Verse: 31  Link to sept   ա́յս ա(մենայ)ն պի́ղծ իցէ ձեզ յա(մենայ)ն սողնոց որ սողին ՛ի վերայ երկրի. ա(մենայ)ն որ մերձեսցի ՛ի մեռեալ ն(ո)ց(ա)՝ պի́ղծ լիցի ձեզ մինչեւ ցերեկոյ։

Verse: 32  Link to sept   եւ յա(մենայ)նի յորոյ վերայ անկանիցի ՛ի մեռելոյ ն(ո)ց(ա)՝ պի́ղծ լիցի։
   Յամենայն փայտեղէն անօթոյ, կամ ՛ի հանդերձէ, կամ ՛ի մաշկէ, կամ ՛ի քրձէ. ա(մենայ)ն անօթ յորում գործ ինչ գործիցի ՛ի նմա, ՛ի ջուր թացցի՝ եւ պի́ղծ լիցի մինչեւ ցերեկոյ, եւ ապա սո́ւրբ լիցի։

Verse: 33  Link to sept   Եւ ա(մենայ)ն անօթ խեցեղէն, յոր անկանիցի ինչ ՛ի նոցանէն. եւ որինչ ՛ի ներքս կայցէ, պի́ղծ լիցի, եւ զայն բեկանիջի́ք։

Verse: 34  Link to sept   Եւ ա(մենայ)ն կերակուր որ ուտիցի, եւ անկանի ՛ի վ(ե)ր(այ) նորա ՛ի ջրոյ անտի՝ պի́ղծ լիցի. եւ ա(մենայ)ն ըմպելի որ ըմպիցի յա(մենայ)ն ամանի՝ պի́ղծ լիցի։

Verse: 35  Link to sept   եւ յա(մենայ)ն յոր ինչ անկանիցի ՛ի մեռելոյ ն(ո)ց(ա)՝ պի́ղծ լիցի։ Եւ թոնիրք եւ կասկարայք՝ քակեսցին. քանզի պղծեալ են, եւ պի́ղծք իցեն ձեզ։

Verse: 36  Link to sept   Բա́յց յաղբերաց ջրոց, եւ ՛ի ջրհորոց, եւ ՛ի ջրակուտաց. որ սո́ւրբ լինիցին ձեզ։ Եւ ա(մենայ)ն որ մերձենայցէ ՛ի պղծութի(ւն)ս շնչոյ մեռելոյ ն(ո)ց(ա), պի́ղծ լիցի։

Verse: 37  Link to sept   Իսկ եթէ անկանիցի ինչ ՛ի մեռելոյ ն(ո)ց(ա) ՛ի վերայ ա(մենայ)ն սերման սերմանելոյ, որ սերմանիցի. սո́ւրբ լիցի։

Verse: 38  Link to sept   ապա թէ հեղուցու ջուր ՛ի վերայ ա(մենայ)ն սերման, եւ անկանիցի ինչ անդր ՛ի մեռելոց ն(ո)ց(ա), անսո́ւրբ լիցի ձեզ։

Verse: 39  Link to sept   Եւ եթէ մեռանիցի ի́նչ յանասնոց որ ձեզ ուտելի են, որ մերձենայցէ ՛ի մեռեալ ն(ո)ց(ա)՝ պի́ղծ լիցի մինչեւ ցերեկոյ։

Verse: 40  Link to sept   եւ որ բառնայցէ ՛ի մեռելոյ նոցա՝ լուասցէ́ զձորձս իւր, եւ պի́ղծ լիցի մինչեւ ցերեկոյ։

Verse: 41  Link to sept   Եւ ա(մենայ)ն սողուն որ սողի ՛ի վերայ երկրի, պի́ղծ լիցի ձեզ, եւ մի́ կերիցի։ Ամենայն որ սողի ՛ի վ(ե)ր(այ) որովայնի իւրոյ։

Verse: 42  Link to sept   եւ ա(մենայ)ն որ գնայցէ ՛ի չորս, մինչեւ ցա(մենայ)ն բազմոտանիս, յա(մենայ)ն զեռնոց՝ որ զեռայցեն ՛ի վերայ երկրի, մի́ ուտիցէք. զի պի́ղծ է այն ձեզ։

Verse: 43  Link to sept   Եւ մի́ գարշեցուցանիցէք զանձինս ձեր ա(մենայ)ն սողնովք, որ սողոցին ՛ի վ(ե)ր(այ) երկրի. եւ մի́ պղծիցիք նոքօք, եւ մի́ լինիցիք անսուրբք նոքօք։

Verse: 44  Link to sept   Ե́ս եմ տ(է)ր ա(ստուա)ծ ձեր. եւ սրբիջի́ք՝ եւ սո́ւրբք լինիջիք. զի ս(ուր)բ եմ ես տ(է)ր ա(ստուա)ծ ձեր. եւ մի́ պղծիցէք զանձինս ձեր ա(մենայ)ն զեռնովք՝ որ շարժիցին ՛ի վ(ե)ր(այ) երկրի։

Verse: 45  Link to sept   Զի ե́ս եմ տ(է)ր ա(ստուա)ծ, որ հանի զձեզ յերկրէն եգիպտացւոց լինել ձեզ ա(ստուա)ծ, եւ եղիջիք սո́ւրբք՝ զի ես ս(ուր)բ եմ։

Verse: 46  Link to sept   Ա́յս օրէն լինիցի վ(ա)ս(ն) անասնոց՝ եւ թռչնոց եւ ա(մենայ)ն շնչոյ որ շրջիցի ՛ի ջուրս, եւ ա(մենայ)ն շնչոյ որ շրջիցի ՛ի վերայ երկրի։

Verse: 47  Link to sept   Որոշել ՛ի մէջ սրբոյն եւ ՛ի մէջ անսրբոյն. եւ խելամուտ առնել զորդիսդ ի(սրաէ)լի ՛ի մէջ ուտելեացն կենդանածնաց. եւ ՛ի մէջ չուտելեացն անասնոց։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց ընդ որդիսն ի(սրաէ)լի՝ եւ ասասցես ցն(ո)ս(ա). Կի́ն ոք՝ եթէ սերմ առցէ եւ ծնանիցի արո́ւ. պի́ղծ լիցի զեւթն օր, ըստ աւուրց զատանելոյ դաշտանին իւրոյ պի́ղծ լիցի։

Verse: 3  Link to sept   Եւ յաւուրն ութերորդի թլփատեսցէ́ զմարմին անթլփատութե(ան) ն(ո)ր(ա)։

Verse: 4  Link to sept   եւ զերեսուն եւ զերիս աւուրս նստցի́ ՛ի սրբութե(ան) արեան իւրոյ։ Յա(մենայ)ն ինչ սուրբ՝ նա մի́ մերձենայցէ. եւ ՛ի սրբութի(ւն)ն մի́ մտցէ. մինչեւ լցցին աւուրք սրբութե(ան) նորա։

Verse: 5  Link to sept   Ապա թէ է́գ ծնանիցի՝ պիղծ լիցի զեւթն օր ըստ դաշտանին. եւ զվաթսուն եւ զվեց օր նստցի́ ՛ի սուրբ արեանն իւրում։

Verse: 6  Link to sept   Եւ յորժամ լնուցուն աւուրք սրբու(թ)ե(ան) ն(ո)ր(ա) ՛ի վ(ե)ր(այ) ուստերն՝ կամ դստերն, ածցէ́ գառն տարեւոր յողջակէզս. եւ զոյդս աղաւնւոյ կամ տատրակի վ(ա)ս(ն) մեղաց ՛ի դուռն խորանին վկայութե(ան) առ քահանայն։

Verse: 7  Link to sept   եւ մատուսցէ́ առաջի տ(եառ)ն. եւ քաւեսցէ́ վ(ա)ս(ն) ն(ո)ր(ա) քահանայն, եւ սրբեսցէ́ զնա յաղբերէ արեան նորա։ Ա́յս օրէն իցէ այնորիկ՝ որ ծնանիցին արու կամ էգ։

Verse: 8  Link to sept   Ապա թէ ո́չ գտանիցէ ձեռն ն(ո)ր(ա) բաւական լինել գառամբ՝ առցէ́ երկուս տատրակս կամ երկուս ծագս աղաւնեաց, զմին յողջակէզ՝ եւ զմեւսն վ(ա)ս(ն) մեղաց. եւ քաւեսցէ́ վ(ա)ս(ն) ն(ո)ր(ա) քահանայն, եւ սրբեսցի́։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 2  Link to sept   Մարդոյ ուրուք եթէ լինիցի ՛ի մորթ մարմնոյ իւրոյ նշա́ն սպւոյ, կամ պալար, կամ պաղպաջ, եւ լինիցի ՛ի մորթ մարմնոյ ն(ո)ր(ա) արա́ծ բորոտութե(ան), եկեսցէ́ առ ահարոն քահանայ. կամ առ մի յորդւոց ն(ո)ր(ա) քահանայից։

Verse: 3  Link to sept   Եւ տեսցէ́ քահանայն զարածն, ՛ի մորտ մարմնոյ ն(ո)ր(ա), եւ կամ թէ մազ արածին ՛ի սպիտակ դարձեալ իցէ, եւ տեսիլ արածին զնստագոյն իցէ բան զմորթ մարմնոյն, արած բորոտութե(ան) է. եւ տեսցէ քահանայն եւ պղծեսցէ́ զնա։

Verse: 4  Link to sept   Ապա թէ պաղպաջն սպիտա́կ իցէ ՛ի մորթ մարմնոյ նորա, եւ զնստագոյն չիցէ́ տեսիլ ն(ո)ր(ա) քան զմորթն, եւ մազն ՛ի սպիտակ չիցէ́ դարձեալ, եւ ինքն շլագոյն իցէ, զատուսցէ́ քահանայն զարածն զեւթն օր։

Verse: 5  Link to sept   Եւ տեսցէ́ քահանայն յաւուրն եւթներորդի, եթէ կայցէ նոյնպէս արածն առաջի ն(ո)ր(ա), եւ չիցէ́ փոխեալ արածն ՛ի մորթն, զատուսցէ́ զնա քահանայն ա́յլեւս աւուրս եւթն։

Verse: 6  Link to sept   եւ տեսցէ քահանայն յաւուրն եւթներորդի մե́ւս անգամ. եւ ահա շլագոյն իցէ արածն, եւ յա́յլ գոյն չիցէ́ փոխեալ մորթն, սրբեսցէ́ զնա քահանայն. զի նշա́ն ինչ է այն. եւ լուասցէ զձորձս իւր եւ եղիցի սո́ւրբ։

Verse: 7  Link to sept   Ապա թէ շրջելով շրջեսցի նշանն ՛ի մորթն, յե́տ տեսանելոյ զնա քահանային եւ սրբելոյ. եւ երեւեսցի մե́ւս անգամ քահանային, եւ տեսցէ քահանայն, եւ ահա այլագունեալ իցէ նշանն ՛ի մորթն

Verse: 8  Link to sept   պղծեսցէ́ զնա քահանայն՝ զի բորոտութի(ւն) է։

Verse: 9  Link to sept   Եւ արած բորոտութե(ան) եթէ լինիցի մարդոյ, եկեսցէ́ առ ահարոն քահանայ,

Verse: 10  Link to sept   եւ տեսցէ́ քահանայն, եւ ահա պալար սպիտակ իցէ ՛ի մորթն. եւ մազն ն(ո)ր(ա) ՛ի սպիտակ դարձեալ իցէ, եւ յառողջ եւ ՛ի կենդանի մարմնոյն ՛ի պալար՝

Verse: 11  Link to sept   բորոտութի(ւն) հնացեալ իցէ ՛ի մորթ մարմնոյ ն(ո)ր(ա). պղծեսցէ́ զնա քահանայն, եւ զատուսցէ́ զնա՝ զի պիղծ է։

Verse: 12  Link to sept   Ապա թէ սփռելով սփռեսցի բորոտութի(ւն)ն ը(նդ) մորթն. եւ ծածկեսցէ բորոտութի(ւն)ն զա(մենայ)ն մորթ իրանացն, ՛ի գլխոյ մինչեւ ցոտս, ըստ ա(մենայ)ն տեսոյ քահանային։

Verse: 13  Link to sept   Եւ տեսանիցէ քահանայն, եւ ահա ծածկեաց բորոտութի(ւն)ն զա(մենայ)ն մորթ մարմնոյն, սրբեսցէ́ քահանայն զարծաթն. քանզի ա(մենայ)ն ՛ի սպիտակ դարձաւ, սուրբ է։

Verse: 14  Link to sept   Եւ յորում աւուր երեւեսցի ՛ի նմա մարմին կենդանի, պղծեսցի։

Verse: 15  Link to sept   եւ տեսցէ քահանայն զմարմին կենդանի. եւ պղծեսցէ́ զողջ մարմինն. եւ պի́ղծ լիցի՝ ք(ան)զի բորոտութի(ւն) է։

Verse: 16  Link to sept   Ապա թէ անդրէն հաստատեսցի մարմինն ո́ղջ, եւ դարձցի ՛ի սպիտակ.

Verse: 17  Link to sept   եկեսցէ́ առ քահանայն. եւ տեսցէ զնա քահանայն. եւ ահա դարձեալ իցէ արածն ն(ո)ր(ա) ՛ի սպիտակ, սրբեսցէ́ քահանայն զարածն՝ ք(ան)զի սո́ւրբ է։

Verse: 18  Link to sept   Եւ մարդոյ եթէ լինիցի ՛ի մորթ մարմնոյ ն(ո)ր(ա) կե́ղ, եւ ողջասցի.

Verse: 19  Link to sept   եւ եղիցի ՛ի տեղի կեղոյն սպիտակ փայլուն, լսնացեալ կամ կարմրացեալ. եւ երեւեսցի քահանային։

Verse: 20  Link to sept   եւ տեսանիցէ քահանայն, եւ ահա խորագո́յն իցէ տեղին քան զմորթն, եւ մազն ՛ի սպիտակ դարձեալ իցէ, պղծեսցէ́ զնա քահանայն. զի բորոտութի(ւն) է ը(նդ) կեղոյն բորբոքեալ։

Verse: 21  Link to sept   Իսկ եթէ տեսանիցէ քահանայն՝ եւ չիցէ ՛ի նմա մազ սպիտակ. եւ ո́չ խորագոյն իցէ քան զմարմինն, եւ ինքն շլագո́յն իցէ. զատուսցէ́ զնա քահանայն զեւթն օր։

Verse: 22  Link to sept   Եթէ սփռեսցի ընդ մորթն, պղծեսցէ́ զնա քահանայն. զի արա́ծ բորոտութե(ան) ընդ կեղոյն բորբոքեցաւ։

Verse: 23  Link to sept   ապա թէ անդէն ՛ի տեղւոջն կացցէ փայլիւնն՝ եւ ո́չ տարածանիցի, սպի́ կեղոյն է. սրբեսցէ́ զնա քահանայն։

Verse: 24  Link to sept   Եւ մարմնոյ եթէ լինիցի ՛ի մորթ ն(ո)ր(ա) այրեցած հրոյ, եւ լինիցի ողջացեալ մորթ ն(ո)ր(ա) յայրեցածէ անտի. եւ լինիցի տեղի այրեցածին փայլուն կամ պաղպաջ սպիտակ, կամ կարմրացեալ, կամ լսնացեալ։

Verse: 25  Link to sept   եւ տեսանիցէ զնա քահանայն, եւ ահա փոխեալ իցէ մազն ՛ի սպիտակ ՛ի փայլուն. եւ տեսիլ ն(ո)ր(ա) զիջագո́յն իցէ քան զմորթն, բորոտութի(ւն) է ընդ այրեցածին բորբոքեալ. պղծեսցէ́ զնա քահանայն՝ զի արա́ծ բորոտութե(ան) է։

Verse: 26  Link to sept   Եւ եթէ տեսանիցէ քահանայն, եւ ահա՝ չիցէ́ ՛ի նմա փայլիւն ինչ՝ կամ մա́զ սպիտակ, եւ ո́չ զնստագոյն քան զմորթն, բայց շլագոյն իցէ. զատուսցէ́ զնա քահանայն զեւթն օր։

Verse: 27  Link to sept   եւ տեսցէ́ զնա քահանայն յաւուրն եւթներորդի, եթէ սփռելով սփռեալ իցէ արածն ընդ մորթն, պղծեսցէ́ զնա քահանայն. զի արած բորոտութե(ան) է ընդ այրեցածին բորբոքեալ։

Verse: 28  Link to sept   Եւ եթէ ՛ի նմի́ն տեղւոջ կացցէ փայլիւնն, եւ ո́չ սփռեսցի ընդ մորթն. եւ ինքն շլագոյն իցէ, սպի́ այրեցածոյն է. սրբեսցէ́ զնա քահանայն՝ զի դրոշմն այրեցածոյն է։

Verse: 29  Link to sept   Եւ առն կամ կնոջ, եթէ լինիցի արա́ծ բորոտութե(ան) ՛ի գլուխ՝ կամ ՛ի մօրուս, եւ տեսանիցէ քահանայն զարածն,

Verse: 30  Link to sept   եւ ահա տեսիլ ն(ո)ր(ա) զնստագո́յն իցէ քան զմորթն. եւ ի նմա մա́զ աղուամազ խարտեշացեալ, պղծեսցէ́ զնա քահանայն. ք(ան)զի հարա́ծ է, բորոտութի(ւն) գլխո́յ է, կամ բորոտութի(ւն) մօրուաց։

Verse: 31  Link to sept   Եւ եթէ տեսանիցէ քահանայն զարած հարածոյն. եւ ահա չիցէ́ տեսիլն զնստագոյն քան զմորթն, եւ ո́չ մա́զ խարտեշացեալ ՛ի նմա. զատուսցէ́ քահանայն զարած հարածին զեւթն օր։

Verse: 32  Link to sept   Եւ տեսանիցէ́ քահանայն զարածն յաւուրն եւթներորդի, եւ ահա չիցէ́ տարածեալ հարածն ը(նդ) մորթն. եւ մազ խարտեշացեալ չիցէ́ ՛ի նմա, եւ ո́չ տեսիլ հարածոյն զնըստագոյն իցէ քան զմորթն՝

Verse: 33  Link to sept   գերծցէ́ զնա. բայց զհարածն մի́ գերծցէ. եւ զատուսցէ́ քահանայն զարածն զեւթն օր կրկին անգամ։

Verse: 34  Link to sept   Եւ տեսանիցէ քահանայն զարածն յաւուրն եւթներորդի. եւ ահա չիցէ սփռեալ արածն ընդ մորթն յետ գերծանելոյն զնա. եւ տեսիլ հարածոյն չիցէ́ զնստագոյն քան զմորթն, սրբեսցէ́ զնա քահանայն. եւ լուացեալ զձորձս իւր՝ եղիցի սուրբ։

Verse: 35  Link to sept   Ապա թէ սփռելով սփռեսցի հարածն ը(նդ) մորթն յետ գերծելոյն զնա եւ տեսանիցէ քահանայն, եւ ահա սփռեալ իցէ հարածն ընդ մորթն.

Verse: 36  Link to sept   մի́ դարմանեսցէ զնա քահանայն վ(ա)ս(ն) խարտեաշ մազոյն զի պի́ղծ է։

Verse: 37  Link to sept   Իսկ եթէ կացցէ ՛ի տեղւոջ հարածն ՛ի մորթն, եւ մազ թո́ւխ եկեսցէ ՛ի նմա, ողջացաւ հարածն սո́ւրբ է. եւ սրբեսցէ զնա քահանայն։

Verse: 38  Link to sept   Եւ առն կամ կնոջ եթէ լինիցի ՛ի մորթ մարմնոյ իւրոյ փայլո́ւն ինչ՝ փայլածիւն լսնացեալ,

Verse: 39  Link to sept   եւ տեսանիցէ քահանայն. եւ ահա ՛ի մորթ մարմնոյ ն(ո)ր(ա) փայլիւն փայլածուն՝ լսնացեալ. թեփո́ւկ է տարածեալ ՛ի մորթ մարմոյ ն(ո)ր(ա). սո́ւրբ է։

Verse: 40  Link to sept   Եւ եթէ մաշտեսցի գլո́ւխ ուրուք՝ կո́ւնտ է, սո́ւրբ է։

Verse: 41  Link to sept   եւ եթէ յերեսաց կողմանէ մաշտիցի գլուխ ն(ո)ր(ա), ճե́ղ է՝ սո́ւրբ է։

Verse: 42  Link to sept   Ապա թէ լինիցի ՛ի կնտու(թ)ե(ան) ն(ո)ր(ա) կամ ՛ի ճեղու(թ)ե(ան) արած սպիտակ կամ կարմրացեալ, բորոտու(թ)ի(ւն) թաքուցեալ է ՛ի կնտու(թ)ե(ան) ն(ո)ր(ա) կամ ՛ի ճեղու(թ)ե(ան)։

Verse: 43  Link to sept   Եւ տեսանիցէ զայն քահանայն, եւ ահա տեսիլ արածին սպիտակ իցէ, կամ կարմրագոյն ՛ի կընդու(թ)ե(ան) ն(ո)ր(ա), կամ ՛ի ճեղու(թ)ե(ան), իբրեւ տեսիլ բորոտութե(ան) ՛ի մորթ մարմնոյ ն(ո)ր(ա). ա́յր բորոտեալ է՝ պի́ղծ է, պղծելով պղծեսցէ́ զնա քահանայն. զի ՛ի գլո́ւխ իւրում է արածն իւր։

Verse: 44  Link to sept   Եւ բորոտ յորում իցէ արած,

Verse: 45  Link to sept   հանդերձ նորա քակեա́լ լիցի, եւ գլուխ ն(ո)ր(ա) մե́րկ, եւ զբերան իւր պատեսցէ́. եւ պիղծ կոչեսցի

Verse: 46  Link to sept   զա(մենայ)ն աւուրս որչափ իցէ ՛ի նմա արածն, պի́ղծ եղիցի. եւ պիղծ է, մեկնեալ նստցի, եւ արտաքոյ բանակի́ն եղիցի բնակութի(ւն) նորա։

Verse: 47  Link to sept   Եւ ձորձ յորում լինիցի արած բորոտու(թ)ե(ան) եթէ ՛ի ձորձ ասուի, եթէ ՛ի ձորձ կտաւի,

Verse: 48  Link to sept   եթէ յառէջ, եթէ ՛ի թեզան, եթէ ՛ի կտաւիս, եւ եթէ յասուիս. եթէ՛ի մորթ, եւ եթէ յա(մենայ)ն մաշկ գործոյ։

Verse: 49  Link to sept   եւ լինիցի արած կանաջացեալ կամ կարմրացեալ՝ ՛ի մորթ կամ ՛ի հանդերձ. կամ յառէջ կ(ա)մ ՛ի թեզան, կ(ա)մ յա(մենայ)ն մորթ գործոյ, կ(ա)մ յանօթ ինչ. արած բորոտու(թ)ե(ան) իցէ. եւ ցուցցէ́ քահանային։

Verse: 50  Link to sept   Եւ տեսցէ քահանայն զարածն, եւ զատուսցէ́ քահանայն զարածն զեւթն օր։

Verse: 51  Link to sept   եւ տեսցէ́ քահանայն զարածն յաւուրն եւթներորդի. եթէ սփռեալ իցէ արածն ընդ ձորձն, կամ ը(նդ) առէջ, կամ ընդ թեզան, կամ ը(նդ) կտաւիս, կամ ընս ասուիս, կամ ընդ մորթ. ըստ ա(մենայ)նի որպէս եւ գործիցի մո́րթ ՛ի գործ, բնա́կ բորոտութե(ան) է արածն։ Պի́ղծ է.

Verse: 52  Link to sept   եւ այրեսցէ́ զձորձն եթէ առէջ իցէ՝ եթէ թեզան, յասուեաց կամ ՛ի կտաւեաց, կամ յա(մենայ)ն մաշկեղէն նիւթոյ, յորում իցէ արածն. քանզի բնակ բորոտութե(ան) է՝ հրո́վ այրեսցի։

Verse: 53  Link to sept   Ապա թէ տեսանիցէ քահանայն՝ եւ ահա չիցէ́ սփռեալ հարածն ը(նդ) հանդերձն, կամ ընդ առէջն, կամ ընդ թեզանն, կամ ընդ ասրն, կամ ընդ կտաւն, կամ ընդ ա(մենայ)ն անօթ մաշկեղէն։

Verse: 54  Link to sept   հրամա́ն տացէ քահանայն, եւ լուասցեն յորում իցէ արածն. եւ զատուսցէ́ քահանայն զարածն զեւթն օր երկիցս անգամ։

Verse: 55  Link to sept   Եւ տեսցէ քահանայն յետ լուանալոյ զարածն. եթէ չիցէ́ ինչ փոխեալ տեսիլ արածին. եւ ո́չ սփռեալ իցէ արածն, պի́ղծ է, հրո́վ այրեսցի. զի հաստատեալ է ՛ի հանդերձն, կամ յառէջն, կամ ՛ի թեզան։

Verse: 56  Link to sept   Եւ եթէ տեսանիցէ քահանայն՝ եւ շլագոյն իցէ հարածն յետ լուանալոյն զնա, պատառեսցէ́ զայն ՛ի հանդերձէ անտի, կամ ՛ի մորթոյ, կամ յառիջէ, կամ ՛ի թեզանոյ։

Verse: 57  Link to sept   Ապա թէ դարձեալ երեւեսցի ՛ի հանդերձին, կամ յառէջ, կամ ՛ի թեզան, կամ յա(մենայ)ն անօթ մեշկեղէն, բորոտութի(ւն) բորբոքեալ է. հրո́վ այրեսցի յորում իցէ արածն, եթէ հանդերձ իցէ, եւ եթէ առէջ, եթէ թեզան,

Verse: 58  Link to sept   եւ եթէ ա(մենայ)ն անօթ մաշկեղէն։ որ լուանայցի՝ եւ ելանիցէ́ ՛ի նմանէ արածն, կրկի́ն լուասցի՝ եւ սո́ւրբ լիցի։

Verse: 59  Link to sept   Ա́յս օրէն իցէ արածի բորոտութե(ան) ասուեա́յ հանդերձի, կամ կտաւոյ, կամ առիջոյ, կամ թեզանոյ, կամ ամենայն մաշկեղէն անօթոյ, ՛ի սրբել կամ ՛ի պղծել զնա։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   Ա́յս օրէն լիցի բորոտի՝ յաւուր յորում սրբեսցի. ածցի́ առ քահանայն։

Verse: 3  Link to sept   եւ ելցէ քահանայն արտաքոյ բանակին. եւ տեսցէ́ քահանայն, եւ ահա բժշկեալ իցէ արած բորոտութե(ա)ն ՛ի բորոտէ անտի։

Verse: 4  Link to sept   Հրաման տացէ քահանայն, եւ առցեն ՛ի սրբելոյն երկուս հաւս կենդանիս սո́ւրբս, եւ փայտ եղեւնեայ, եւ կարմիր մանեալ, եւ զոպա։

Verse: 5  Link to sept   եւ հրաման տացէ քահանայն, եւ սպանցեն զմի հաւն յանօթ խեցեղէն ՛ի վերայ ջրոյ կենդանւոյ։

Verse: 6  Link to sept   Եւ զհաւն կենդանի առցէ, եւ զփայտն եղեւնեայ, եւ զկարմիրն մանեալ, եւ զզոպայն, եւ թացցէ զնոսա եւ զհաւն կենդանի՝ յարիւն հաւուն սպանելոյ ՛ի վ(ե)ր(այ) ջրոյն կենդանւոյ։

Verse: 7  Link to sept   եւ ցանեսցէ́ ՛ի վերայ սրբելոյն ՛ի բորոտութ(են)է եւթն անգամ, եւ սրբեսցէ զնա։ եւ արձակեսցէ́ զհաւն կենդանի ՛ի դաշտ։

Verse: 8  Link to sept   Եւ լուասցէ́ սրբեալն զձորձս իւր, եւ գերծեսցէ́ զա(մենայ)ն զմազ իւր. եւ լուասցի ջրով, եւ սուրբ լիցի. եւ ապա́ մտցէ ՛ի բանակն, եւ լիցի արտաքո́յ տան իւրոյ զեւթն օր։

Verse: 9  Link to sept   եւ յաւուրն եւթներորդի գերծցէ́ զա(մենայ)ն զմա́զ իւր, եւ զգլո́ւխ, եւ զմօրուս եւ զյօնս. եւ զա(մենայ)ն զմա́զ իւր գերծցէ́. եւ ողողեսցէ́ զհանդերձս իւր, եւ լուասցէ́ զմարմին իւր ջրով, եւ սո́ւրբ լիցի։

Verse: 10  Link to sept   Եւ յաւուրն ութերորդի առցէ́ երկուս գառինս անարատս տարեւորս, եւ որոջ մի անարատ տարեւոր, եւ երիս տասանորդս նաշհւոյ ՛ի զոհ իւղով զանգեալ, եւ ճաշակ մի իւղոյ։

Verse: 11  Link to sept   եւ կացուսցէ քահանայն որ սրբիցէն, զայրն որ սրբիցին, եւ զայն՝ առաջի խորանին վկայու(թ)ե(ան)։

Verse: 12  Link to sept   եւ սպանցէ քահանայն զմի գառնն. եւ մատուսցէ́ զնա վ(ա)ս(ն) յանցանաց, եւ զճաշա́կն իւղոյ. եւ նուիրեսցէ զայն նուէ́ր առաջի տ(եառ)ն։

Verse: 13  Link to sept   Եւ սպանցէ զգառնն զմեւս ՛ի տեղւոջն ուր սպանանիցեն զողջակէզն եւ զվ(ա)ս(ն) մեղացն ՛ի ս(ուր)բ տեղւոջ. զի ո(ր)պ(էս) որ վ(ա)ս(ն) մեղացն իցէ, նո́յնպէս եւ որ վ(ա)ս(ն) յանցանացն իցէ. եւ եղիցի քահանայն. զի սրբու(թ)ի(ւն) սրբու(թ)ե(ան)ց է։

Verse: 14  Link to sept   Եւ առցէ քահանայն յարենէ այնր՝ որ վ(ա)ս(ն) յանցանացն իցէ. եւ դիցէ քահանայն յարենէ անտի ՛ի վ(ե)ր(այ) բլթակի աջոյ ունկան այնորիկ որ սրբիցին, եւ ՛ի վ(ե)ր(այ) ծայրի աջոյ ձեռին ն(ո)ր(ա), եւ ՛ի վ(ե)ր(այ) ծայրի աջոյ ոտին ն(ո)ր(ա)։

Verse: 15  Link to sept   Եւ առեալ քահանային ՛ի ճաշակէ անտի իւղոյն, արկցէ́ ՛ի ձախոյ ձեռին իւր քահանայն։

Verse: 16  Link to sept   եւ թացցէ́ քահանայն զմատն իւր աջոյ յիւղոյ անտի՝ որ իցէ ՛ի ձախոյ ձեռին իւրում. եւ ցանեսցէ́ մատամբ իւրով եւթն անգամ առաջի տ(եառ)ն։

Verse: 17  Link to sept   եւ զմնացեալ եւղն ՛ի ձեռին իւրում դիցէ քահանայն ՛ի վ(ե)ր(այ) բլթակի աջոյ ունկան՝ ա́յնորիկ որ սրբելոցն իցէ. եւ ՛ի վ(ե)ր(այ) ծայրի աջոյ ձեռին ն(ո)ր(ա). եւ ՛ի վ(ե)ր(այ) ծայրի աջոյ ոտին ն(ո)ր(ա), ՛ի տեղւոջ արեանն յանցանաց։

Verse: 18  Link to sept   եւ զմնացեալ իւղն ՛ի ձեռին քահանային, դիցէ́ քահանայն ՛ի վ(ե)ր(այ) գլխոյ սրբեցելոյն,

Verse: 19  Link to sept   եւ քաւեսցէ́ վ(ա)ս(ն) ն(ո)ր(ա) քահանայն առաջի տ(եառ)ն. Եւ արասցէ́ քահանայն զվասն մեղացն. եւ քաւեսցէ́ քահանայն վ(ա)ս(ն) այնորիկ՝ որ սրբելոցն իցէ ՛ի մեղաց իւրոց։ Եւ ապա սպանցէ քահանայն զողջակէզն,

Verse: 20  Link to sept   եւ հանցէ́ քահանայն զողջակէզն եւ զզոհն առաջի տ(եառ)ն ՛ի սեղանն. եւ քաւեսցէ վ(ա)ս(ն) ն(ո)ր(ա) քահանայն, եւ սրբեսցի։

Verse: 21  Link to sept   Եւ եթէ աղքատ իցէ, եւ չգտանիցէ ձեռն իւր. առցէ գառն մի վ(ա)ս(ն) յանցանաց զոր յանցեաւն ՛ի նուէ́ր առ ՛ի քաւելոյ վ(ա)ս(ն) ն(ո)ր(ա). եւ զտասանորդ նաշհւոյ իւղով զանգեալ ՛ի զո́հ, եւ ճաշակ մի իւղոյ։

Verse: 22  Link to sept   եւ երկուս տատրակս կամ երկուս ձագս աղաւնեաց. որչափ ինչ եգիտ ձեռն ն(ո)ր(ա). եւ եղիցի մին՝ վ(ա)ս(ն) մեղաց. եւ մին՝ յողջակէզ։

Verse: 23  Link to sept   եւ տարցի զայն յաւուրն ութերորդի առ քահանայն, առ ՛ի սրբելոյ զնա առ դրան խորանին վկայութե(ան) առաջի տ(եառ)ն։

Verse: 24  Link to sept   Եւ առեալ քահանայն զգառնն զվ(ա)ս(ն) յանցանացն, եւ զճաշակն իւղոյ. եւ դիցէ́ նուէ́ր առաջի տ(եառ)ն։

Verse: 25  Link to sept   եւ սպանցէ զգառնն զվ(ա)ս(ն) յանցանացն. եւ առցէ քահանայն յարենէ անտի՝ որ վ(ա)ս(ն) յանցանացն իցէ, եւ դիցէ ՛ի վ(ե)ր(այ) բլթակի աջոյ ունկան սրբեցելոյն, եւ ՛ի ծայրի աջոյ ձեռին ն(ո)ր(ա), եւ ՛ի ծայրի աջոյ ոտին ն(ո)ր(ա)։

Verse: 26  Link to sept   Եւ յիւղոյ անտի արկցէ քահանայն ՛ի ձախու ձեռին իւրում,

Verse: 27  Link to sept   եւ ցանեսցէ́ քահանայն մատամբն աջոյ յիւղոյ անտի՝ որ իցէ ՛ի ձախու ձեռին իւրում եւթն անգամ առաջի տ(եառ)ն։

Verse: 28  Link to sept   զի դիցէ́ քահանայն յիւղոյ անտի որ իցէ ՛ի ձեռին իւրում, ՛ի վ(ե)ր(այ) բլթակի աջոյ ունկան սրբեցելոյն, եւ ՛ի վ(ե)ր(այ) ծայրի աջոյ ձեռին ն(ո)ր(ա), եւ ՛ի վ(ե)ր(այ) ծայրի աջոյ ոտին ն(ո)ր(ա), ՛ի տեղւոջ արեանն որ վ(ա)ս(ն) յանցանացն իցէ։

Verse: 29  Link to sept   Եւ զմնացեալ եւղն որ իցէ ՛ի ձեռին քահանային, արկցէ ՛ի գլուխ սրբեցելոյն. եւ քաւեսցէ́ վ(ա)ս(ն) ն(ո)ր(ա) քահանայն առաջի տ(եառ)ն։

Verse: 30  Link to sept   Եւ արասցէ զմի ՛ի տատրակաց անտի կամ ՛ի ձագուցն աղաւնեաց՝ ըստ ընչին զոր եգիտ ձեռն իւր։

Verse: 31  Link to sept   զմին՝ վ(ա)ս(ն) մեղաց, եւ զմին ողջակէզ առաջի տ(եառ)ն հանդերձ զոհիւն. եւ քաւեսցէ́ քահանայն վ(ա)ս(ն) սրբեցելոյն առաջի տ(եառ)ն։

Verse: 32  Link to sept   Ա́յս օրէն իցէ յորում իցէ արած բորոտութե(ան), եւ ոյր ո́չ գտանիցի ՛ի ձեռին բաւական լինելոյ ՛ի սրբութի(ւն) իւր։

Verse: 33  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 34  Link to sept   Յորժամ մտանիցէք յերկիրն քանանացւոց՝ զոր ե́ս տաց ձեզ ՛ի ստացուածս. եւ տայցեմ արա́ծ բորոտութե(ան) ՛ի տունս երկրին ստացուածոց ձերոց։

Verse: 35  Link to sept   եւ գայցէ́ որոյ տունն իցէ, եւ պատմիցէ քահանային՝ եւ ասիցէ, թէ արա́ծ իմն երեւեցաւ ՛ի տան իմում։

Verse: 36  Link to sept   Հրամա́ն տացէ քահանայն թափե́լ զտունն, մինչչե́ւ մտեալ իցէ քահանային տեսանել զտունն, եւ մի́ պղծեսցէ քահանայն զա(մենայ)ն ինչ որ ՛ի տանն կայցէ. եւ ապա մտցէ́ քահանայն որոնել զտունն։

Verse: 37  Link to sept   Եւ տեսանիցէ քահանայն զարածն յորմս տանն, զնստագոյնս, կանաջս կամ կարմրացեալս. եւ տեսիլ ն(ո)ր(ա) զնստագոյն իցէ քան զորմոցն։

Verse: 38  Link to sept   եւ ելեալ քահանայն ՛ի տանէ անտի ՛ի դուռն տանն, զատուսցէ́ քահանայն զտունն զեւթն օր։

Verse: 39  Link to sept   Եւ եկեսցէ դարձեալ քահանայն յաւուրն եւթներորդի. եւ տեսանիցէ զտունն, եթէ սփռեալ իցէ արած տանն ընդ որմս տանն։

Verse: 40  Link to sept   հրամա́ն տացէ քահանայն, եւ քակեսցեն զքարինսն յորս արածն իցէ. եւ հանցեն զն(ո)ս(ա) արտաքոյ քաղաքին ՛ի տեղի անսուրբ։

Verse: 41  Link to sept   Եւ քերեսցեն զտունն ՛ի ներքոյ շուրջանակի. եւ հանցեն զքերուածն արտաքոյ քաղաքին ՛ի տեղի անսուրբ։

Verse: 42  Link to sept   եւ առցեն ա́յլ քարինս քերածոյս, եւ դիցեն փոխանակ ա́յնց քարանց. եւ ա́յլ հող առցեն եւ ծեփեսցեն զտունն։

Verse: 43  Link to sept   Եւ եթէ անդրէն կրկնեսցի́ արածն, եւ երեւեսցի́ ՛ի տանն յետ զքարինսն քակելոյ, եւ զտունն քերելոյ եւ միւսանգամ ծեփելոյ.

Verse: 44  Link to sept   մտցէ քահանայն եւ տեսցէ́ թէ սփռեալ իցէ արածն ընդ տունն, բնա́կ բորոտութի(ւն) է ՛ի տանն, պի́ղծ է։

Verse: 45  Link to sept   քակեսցե́ն զտունն, եւ զփայտս ն(ո)ր(ա), եւ զքարինս ն(ո)ր(ա), եւ զա(մենայ)ն հող տանն. եւ հանցեն արտաքո́յ քաղաքին ՛ի տեղի անսուրբ։

Verse: 46  Link to sept   Եւ որ մտանիցէ ՛ի տունն զա(մենայ)ն աւուրս զատանելոյ նորա, պի́ղծ լիցի մինչեւ ցերեկոյ։

Verse: 47  Link to sept   եւ որ ննջիցէ ՛ի տան անդ՝ լուասցէ́ զձորձս իւր, եւ պի́ղծ լիցի մինչեւ ցերեկոյ։ եւ որ կերիցէ ՛ի տանն՝ լուասցէ́ զձորձս իւր, եւ պի́ղծ լիցի մինչեւ ցերեկոյ եւ որ կերիցէ ՛ի տանն՝ լուասցէ́ զձորձս իւր, եւ պի́ղծ լիցի մինչեւ ցերեկոյ։

Verse: 48  Link to sept   Եւ եթէ եկեալ մտանիցէ քահանայն եւ տեսանիցէ. եւ ահա չիցէ́ սփռեալ արածն ընդ որմս տանն յետ ծեփելոյ զտունն, սրբեսցէ քահանայն զտունն, զի բժշկեցա́ւ արածն։

Verse: 49  Link to sept   Եւ առցէ́ առ ՛ի սրբելոյ զտունն երկուս հաւս կենդանիս ս(ուր)բս, եւ փա́յտ եղեւնեայ, եւ կարմիր մանեալ, եւ զոպա.

Verse: 50  Link to sept   եւ սպանցէ զմի հաւն յաման խեցեղէն ՛ի վ(ե)ր(այ) ջրոյ կենդանւոյ։

Verse: 51  Link to sept   եւ առցէ զփայտն եղեւնեայ, եւ զկարմիրն մանեալ, եւ զզոպա́յն, եւ զհաւն կենդանի. եւ թացցէ́ զնոսա յարեան հաւուն սպանելոյ ՛ի վ(ե)ր(այ) ջրոյ կենդանւոյ. եւ ցանեսցէ́ նոքօք զտամբն եւթն անգամ։

Verse: 52  Link to sept   Եւ սրբեսցէ́ զտունն արեամբ հաւուն, եւ ջրովն կենդանեաւ, եւ հաւուն կենդանեաւ, եւ փայտիւն եղեւնեաւ, եւ զոպայի́ւն, եւ կարմրովն մանելով։

Verse: 53  Link to sept   եւ արձակեսցէ́ զհաւն կենդանի արտաքոյ քաղաքին՝ ՛ի դաշտ. եւ քաւեսցէ վ(ա)ս(ն) տանն եւ մաքրեսցի́, եւ սուրբ եղիցի։

Verse: 54  Link to sept   Ա́յս օրէն լիցի ըստ ա(մենայ)ն արածոյ եւ բորոտու(թ)ե(ան). եւ հարածի,

Verse: 55  Link to sept   եւ բորոտութե(ան) հանդերձի, եւ տան,

Verse: 56  Link to sept   եւ սպւոյ, եւ պալարի, եւ պաղպաջոյ

Verse: 57  Link to sept   նշանակելոյ, թէ յորո́ւմ աւուր պղծիցի, եւ յորո́ւմ աւուր սրբիցի։ Ա́յս օրէն լիցի բորոտութե(ան)։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 2  Link to sept   խօսեա́ց ընդ որդիսդ ի(սրաէ)լի՝ եւ ասասցե́ս ցդոսա։ Ա́ռն ուրուք ա́ռն՝ եթէ լինիցի ծորումն ՛ի մարմնոյ իւրմէ, ծորումն իւր պի́ղծ է։

Verse: 3  Link to sept   Եւ ա́յս օրէն լինիցի սրբութե(ան) ն(ո)ր(ա). որոյ ծորիցէ́ սերմն ՛ի մարմնոյ իւրմէ, կամ թէ հալիցի մարմին իւր ՛ի ծորելոյն. պղծու(թ)ի(ւն) իւր ՛ի նմա́ է զա(մենայ)ն աւուրս ծորելոյ մարմնոյ իւրոյ, կամ թէ հալիցի մարմին նորա ՛ի ծորելոյ անտի. պղծութի(ւն) մարմնոյ է այն.

Verse: 4  Link to sept   Ա(մենայ)ն անկողին յորում ննջեսցէ սերմնակաթն՝ պի́ղծ լիցի. եւ ա(մենայ)ն յորոյ վ(ե)ր(այ) նստցի՝ պիղծ լիցի։

Verse: 5  Link to sept   Եւ մարդ որ մերձեսցի յանկողին ն(ո)ր(ա)՝ ողողեսցէ́ զձորձս իւր, եւ լուասցի́ ջրով, եւ պի́ղծ լիցի մինչեւ ցերեկոյ։

Verse: 6  Link to sept   եւ որ նստիցի ՛ի վ(ե)ր(այ) անօթոյ՝ յորւմ նստեալ իցէ սերմնակաթին, ողողեսցէ́ զհանդերձս իւր եւ լուասցի́ ջրով. եւ պի́ղծ լիցի մինչեւ ցերեկոյ։

Verse: 7  Link to sept   եւ որ մերձեսցի ՛ի մարմին սերմնակաթին, ողողեսցէ́ զձորձս իւր, եւ լուասցի́ ջրով. եւ պի́ղծ լիցի մինչեւ ցերեկոյ։

Verse: 8  Link to sept   Եւ եթէ թուք սերմնակաթին հասանիցէ ՛ի սուրբն, ողողեսցէ́ զհանդերձս իւր, եւ լուասցի́ ջրով. եւ պի́ղծ լիցի մինչեւ ցերեկոյ։

Verse: 9  Link to sept   Եւ ա(մենայ)ն համէ́տ իշոյ՝ յորոյ վերայ նստցի սերմնակաթն, պի́ղծ լիցի մինչեւ ցերեկոյ։

Verse: 10  Link to sept   եւ ա(մենայ)ն որ մերձեսցի յա(մենայ)ն որ ինչ ՛ի ներքո́յ ն(ո)ր(ա) իցէ, պի́ղծ լիցի մինչեւ ցերեկոյ։

Verse: 11  Link to sept   Եւ յորինչ մերձեսցի́ սերմնակաթն, եւ զձեռս իւր ո́չ լուանայցէ ջրով, ողողեսցէ́ զհանդերձս իւր, եւ լուասցէ́ զմարմին իւր ջրով. եւ պի́ղծ լիցի մինչեւ ցերեկոյ։

Verse: 12  Link to sept   եւ անօթ խեցեղէն՝ յոր թէ մերձեսցի սերմնակաթն, փշրեսցի. եւ ա(մենայ)ն անօթ փեյտեղէն լուասցի́ ջրով, եւ եղիցի ս(ուր)բ։

Verse: 13  Link to sept   Եւ եթէ սրբեսցի սերմնակաթն ՛ի բղխմանէ́ իւրմէ, համարեսցի́ իւր եւթն օր ՛ի սրբու(թ)ի(ւն) իւր. եւ ողողեսցէ զհանդերձս իւր, եւ լուասցէ́ զմարմին իւր ջրով կենդանեաւ. եւ եղիցի սո́ւրբ։

Verse: 14  Link to sept   Եւ յաւուրն ութերորդի առցէ երկուս տատրակս, կամ երկուս ձագս աղաւնեաց. եւ տարցի զայն առաջի տ(եառ)ն ՛ի դուռն խորանին վկայութե(ան). եւ տացէ ցքահանայն։

Verse: 15  Link to sept   Եւ արասցէ քահանայն զմին վ(ա)ս(ն) մեղաց, եւ զմին՝ յողջակէզ։ եւ քաւեսցէ́ վ(ա)ս(ն) ն(ո)ր(ա) քահանայն առաջի տ(եառ)ն ՛ի բղխմանէ անտի նորա։

Verse: 16  Link to sept   Եւ ա́յր ոք՝ յորմէ ելանիցէ արու(թ)ի(ւն) սերման, լուասցէ́ զա(մենայ)ն մարմին իւր ջրով. եւ պի́ղծ լիցի մինչեւ ցերեկոյ։

Verse: 17  Link to sept   Եւ ա(մենայ)ն հանդերձ եւ մաշկ, յորոյ վերայ հասանիցէ արութի(ւն) սերման, լուասցին ջրով. եւ պի́ղծ լիցին մինչեւ ցերեկոյ։

Verse: 18  Link to sept   Եւ կին ընդ որում հարկանիցի այր՝ արու(թեամ)բ սերման. լուասցի́ն ջրով, եւ պի́ղծ լիցին մինչեւ ցերեկոյ։

Verse: 19  Link to sept   Եւ կին՝ որոյ բղխիցէ արիւն. եւ լինիցի բղխումն արեան ն(ո)ր(ա) ՛ի մարմնի իւրում, զեւթն օր եղիցի ՛ի դաշտանի իւրում։

Verse: 20  Link to sept   ա(մենայ)ն որ հարկանիցի ընդ նա, պի́ղծ լիցի մինչեւ ցերեկոյ։

Verse: 21  Link to sept   Եւ ա(մենայ)ն յորոյ վ(ե)ր(այ) ննջեսցէ ՛ի դաշտանին իւրում. եւ ա(մենայ)ն յորոյ վ(ե)ր(այ) նստցի՝ պի́ղծ լիցի մինչեւ ցերեկոյ։

Verse: 22  Link to sept   եւ ա(մենայ)ն որ մերձենայցէ յանկողին նորա, ողողեսցէ́ զհանդերձս իւր, եւ լուասցէ́ զմարմին իւր ջրով, եւ պի́ղծ լիցի մինչեւ ցերեկոյ։

Verse: 23  Link to sept   Եւ ա(մենայ)ն որ մերձենայցէ յա(մենայ)ն անօթ յորոյ վ(ե)ր(այ) նստցի նա. ողողեսցէ́ զհանդերձս իւր, եւ լուասցի́ ջրով, եւ պի́ղծ լիցի մինչեւ ցերեկոյ։

Verse: 24  Link to sept   Եւ եթէ տակաւին յանկողնին իւրում իցէ, կամ թէ ՛ի վ(ե)ր(այ) անօթոյ իրիք յորոյ վ(ե)ր(այ) նստեալիցէ, ՛ի մերձենալ ուրուք ՛ի նա՝ պի́ղծ լիցի մինչեւ ցերեկոյ։ Եւ եթէ ննջելով ոք ննջեսցէ ընդ նմա, եւ պղծութի(ւն) նորա ՛ի նմա́ իցէ, պի́ղծ լիցի զեւթն օր. եւ ա(մենայ)ն անկողին յորոյ վերայ եւ ննջիցէ՝ պի́ղծ լիցի մինչեւ ցերեկոյ։

Verse: 25  Link to sept   Եւ կին՝ որ բղխիցէ բղխումն արեան զաւուրս բազումս. ո́չ ՛ի բաժանակի դաշտանի իւրոյ. եթէ բղխիցէ յետ դաշտանին իւրոյ. ա(մենայ)ն աւուրք բղխման պղծու(թ)ե(ան) իւրոյ, ա́յնպէս իցեն իբրեւ աւուրս դաշտանին իւրոյ. եւ եղիցի պի́ղծ։

Verse: 26  Link to sept   Եւ ա(մենայ)ն անկողին՝ յորում ննջեսցէ զա(մենայ)ն աւուրս բղխման իւրոյ, ըստ անկողնի դաշտանին իւրոյ լիցի անսո́ւրբ։ եւ ա(մենայ)ն անօթ յորոյ վերայ նստցի՝ պի́ղծ լիցի ըստ պղծութե(ան) աւուրց դաշտանին իւրոյ։

Verse: 27  Link to sept   ա(մենայ)ն որ մերձեսցի ՛ի նա՝ պի́ղծ լիցի, եւ ողողեսցէ́ զձորձս իւր, եւ լուասցէ́ զմարմին իւր ջրով. եւ պի́ղծ լիցի մինչեւ ցերեկոյ։

Verse: 28  Link to sept   Ապա թէ սրբեսցի ՛ի բղխմանէ անտի, համարեսցի իւր աւուրս եւթն, եւ ապա́ սրբեսցի։

Verse: 29  Link to sept   Եւ յաւուրն ութերորդի առցէ իւր երկուս տատրակս կամ երկուս ձագս աղաւնեաց. եւ տարցի զայն առ քահանայն ՛ի դո́ւռն խորանին վկայութե(ան)։

Verse: 30  Link to sept   եւ արասցէ քահանայն զմին վ(ա)ս(ն) մեղաց, եւ զմին յողջակէզ. եւ քաւեսցէ վ(ա)ս(ն) ն(ո)ր(ա) քահանայն առաջի տ(եառ)ն ՛ի բղխմանէ անտի պղծութե(ա)ն իւրոյ։

Verse: 31  Link to sept   Եւ զգուշագո́յնս առնիցէք զորդիսն ի(սրաէ)լի ՛ի պղծութե(ան)ց իւրեանց. եւ ո́չ մեռանիցին վ(ա)ս(ն) անսրբութե(ան) իւրեանց, առ ՛ի պղծելոյ ն(ո)ց(ա) զխորանն իմ որ է ՛ի նոսա։

Verse: 32  Link to sept   Ա́յս օրէն իցէ սերմնակաթին։ եւ եթէ ելանիցէ յումեքէ արութի(ւն) սերման, առ ՛ի պղծելոյ նովաւ։

Verse: 33  Link to sept   եւ տեռատեսի ՛ի դաշտանի իւրում։ եւ սերմնակաթին ՛ի բղխման իւրում. արուին եւ իգի, եւ առն որ ննջիցէ ընդ դաշտանի։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ. յետ վախճանելոյ որդւոցն ահարոնի, ՛ի մատուցանել նոցա հուր օտար առաջի տ(եառ)ն, եւ սատակել։

Verse: 2  Link to sept   Եւ ասէ տ(է)ր ցմովսէս. խօսեա́ց ը(նդ) ահարոնի եղբօր քում. եւ մի́ մտցեն յա(մենայ)ն ժամ ՛ի սրբութի(ւն)ն ՛ի ներքս քան զվարագոյրն յանդիման քաւութե(ա)ն, որ է ՛ի վերայ տապանակի վկայութե(ա)ն. եւ ո́չ մեռանիցիք։ զի ամպո́վ երեւեցայց ՛ի վ(ե)ր(այ) քաւութե(ա)ն։

Verse: 3  Link to sept   եւ ապա́ մտանիցէ ահարոն ՛ի սրբութի(ւն)ն՝ զուարակաւ յանդւոյ վ(ա)ս(ն) մեղաց, եւ խոյիւ յողջակէզ։

Verse: 4  Link to sept   Եւ պատմուճան կտաւի սրբեա́լ զգեցցի, եւ անդրավարտի́ս կտաւիս ունիցի յանդիմանս իւր. եւ գօտի կտաւի́ ածցէ ընդ մէջ իւր, եւ խոյր կտաւի եդեալ ՛ի գլուխ, զի հանդերձ սրբութե(ան) է. եւ լուասցէ́ ջրով զամենայն մարմին իւր, եւ զգեցցի զնոսա։

Verse: 5  Link to sept   Եւ ՛ի ժողովրդենէ որդւոցն իսրայէլի առցէ երկուս նոխազս յայծեաց վասն մեղաց, եւ խոյ մի յողջակէ́զ։

Verse: 6  Link to sept   եւ մատուսցէ́ ահարոն զզուրակն զվ(ա)ս(ն) մեղաց իւրոց. եւ քաւեսցէ վ(ա)ս(ն) ի́ւր, եւ վ(ա)ս(ն) տա́ն իւրոյ։

Verse: 7  Link to sept   Եւ առցէ երկո́ւս նոխազս եւ կացուսցէ́ զն(ո)ս(ա) առջի տ(եառ)ն առ դրան խորանին վկայութե(ան)։

Verse: 8  Link to sept   եւ արկցէ ահարոն ՛ի վ(ե)ր(այ) երկուց նոխազաց վիճա́կս՝ վիճակ մի տ(եառ)ն, եւ վիճակ մի արձակելոյ.

Verse: 9  Link to sept   եւ մատուսցէ ահարոն զնոխազն՝ յորոյ վ(ե)ր(այ) իջցէ վիճակն արձակելոյ.

Verse: 10  Link to sept   եւ կացուսցէ զնա առաջի տ(եառ)ն կենդանի. քաւե́լ նովաւ՝ առ արձակելոյ զնա յարձակումն, եւ թողլոյ զնա յանապատ։ եւ առցէ նոխազն յինքն զանօրէնութի(ւն)ս նոցա՝ յանկոխն։

Verse: 11  Link to sept   Եւ մատուսցէ ահարոն զզուարակն զվ(ա)ս(ն) մեղաց զի́ւրն. եւ քաւեսցէ վ(ա)ս(ն) ի́ւր եւ վ(ա)ս(ն) տա́ն իւրոյ։ եւ սպանցէ զզուարակն զվ(ա)ս(ն) մեղաց զիւրն։

Verse: 12  Link to sept   եւ առցէ լի́ բուրուառաւ կայծակունս հրոյ ՛ի սեղանոյ անտի, որ է առաջի տ(եառ)ն. եւ լցցէ́ զձեռս իւր խնկով հանդերձանացն մանր աղացելով. եւ տարցի ՛ի նե́րքս քան զվարագոյրն։

Verse: 13  Link to sept   եւ դիցէ զխունկն ՛ի վերայ հրոյն առաջի տ(եառ)ն. եւ ծածկեսցէ́ ծուխ խնկոյն զքաւու(թ)ի(ւն)ն որ իցէ ՛ի վ(ե)ր(այ) վկայու(թ)ե(ան)ցն. եւ ո́չ մեռանիցիք։

Verse: 14  Link to sept   Եւ առցէ́ յարենէ զուարակին, եւ ցանեսցէ մատամբ իւրով ՛ի վ(ե)ր(այ) քաւութե(ա)ն ընդ կողմն արեւելից ընդդէ́մ քաւութե(ա)ն։ եւ ցանեսցէ́ եւթն անգամ յարենէ անտի մատամբ իւրով։

Verse: 15  Link to sept   Եւ սպանցէ́ զնոխազն զվ(ա)ս(ն) մեղաց, որ վ(ա)ս(ն) ժողովրդեանն իցէ առաջի տ(եառ)ն։ եւ տարցի́ յարենէ անտի ՛ի նե́րքս քան զվարագոյրն. եւ արասցէ զարիւն ն(ո)ր(ա) զոր օրինակ արա́ր զարիւն զուարակին. եւ ցանեսցէ զարիւն ն(ո)ր(ա) ՛ի վ(ե)ր(այ) սեղանոյն յանդիման քաւութե(ա)ն։

Verse: 16  Link to sept   Եւ քաւեսցէ́ զսրբութի(ւն)սն ՛ի պղծու(թ)ե(ան)ց որդւոցն ի(սրաէ)լի, եւ յանիրաւութե(ան)ց ն(ո)ց(ա), եւ վ(ա)ս(ն) ա(մենայ)ն մեղաց ն(ո)ց(ա)։ Եւ ա́յսպէս արասցէ ՛ի խորանին վկայու(թ)ե(ան), ստացելոյ ՛ի նոսա ՛ի մէջ պղծութե(ան)ց ն(ո)ց(ա)։

Verse: 17  Link to sept   եւ ամենեւին մարդ ո́չ լինիցի ՛ի խորանին վկայութե(ան) ՛ի մտանե́լ նորա եւ քաւել ՛ի սրբութե(ա)ն մինչեւ ելանիցէ։ եւ քաւեսցէ վ(ա)ս(ն) իւր եւ վ(ա)ս(ն) տան իւրոյ, եւ վ(ա)ս(ն) ա(մենայ)ն ժողովրդեան որդւոցն ի(սրաէ)լի։

Verse: 18  Link to sept   Եւ ելցէ́ ՛ի սեղանն որ առաջի տ(եառ)ն, եւ քաւեսցէ́ ՛ի վ(ե)ր(այ) ն(ո)ր(ա)։ եւ առցէ́ յարենէ զուարակին եւ յարենէ նոխազին, եւ դիցէ́ ՛ի վ(ե)ր(այ) եղջերաց սեղանոյն շուրջանակի։

Verse: 19  Link to sept   եւ ցանեսցէ́ յարենէ անտի մատամբ իւրով ՛ի վ(ե)ր(այ) ն(ո)ց(ա) եւթն անգամ, եւ մաքրեսցէ́ զնա, եւ սրբեսցէ́ զնա ՛ի պղծութե(ան)ց որդւոցն ի(սրաէ)լի։

Verse: 20  Link to sept   եւ վախճանեսցէ́ առ ՛ի քաւելոյ զսրբութի(ւն)ն, եւ զխորանն վկայու(թ)ե(ան) եւ զսեղանն։ եւ վ(ա)ս(ն) քահանայիցն սրբեսցէ́։ Եւ մատուսցէ զնոխազն կենդանի.

Verse: 21  Link to sept   եւ դիցէ ահարոն զձեռս իւր ՛ի վերայ գլխոյ նոխազին կենդանւոյ. եւ խոստովա́ն լիցի ՛ի վերայ ն(ո)ր(ա) զա(մենայ)ն անօրէնութի(ւն)ս որդւոցն ի(սրաէ)լի, եւ զա(մենայ)ն անիրաւու(թ)ի(ւն)ս ն(ո)ց(ա), եւ զա(մենայ)ն զմեղս ն(ո)ց(ա)։ եւ դիցեն զն(ո)ս(ա) ՛ի վ(ե)ր(այ) գլխոյ նոխազին կենդանւոյ. եւ արձակեսցէ́ ՛ի ձեռն առն պատրաստելոյ՝ յանապատ։

Verse: 22  Link to sept   Եւ առցէ նոխազն յա́նձն իւր զանօրէնութի(ւն)ս ն(ո)ց(ա)՝ յերկի́ր անկոխ. եւ արձակեսցէ զնոխազն յանապա́տ։

Verse: 23  Link to sept   Եւ մտցէ́ ահարոն ՛ի խորանն վկայու(թ)ե(ան), եւ մերկասցի́ զպատմուճանն կտաւի. զոր զգենոյր ՛ի մտանելն իւրում ՛ի սրբութի(ւն)ն. եւ դիցէ զայն ա́նդ։

Verse: 24  Link to sept   եւ լուասցէ́ զմարմին իւր ջրով ՛ի տեղւոջն սրբութե(ան). եւ զգեցցի́ զպատմուճանն իւր. եւ ելեալ արասցէ զողջակէզն իւր եւ զողջակէ́զ ժողովրդեանն եւ քաւեսցէ վ(ա)ս(ն) իւր եւ վ(ա)ս(ն) տա́ն իւրոյ, եւ վ(ա)ս(ն) ժողովրդեանն, ո(ր)պ(էս) վ(ա)ս(ն) քահանայիցն։

Verse: 25  Link to sept   եւ զճարպն որ վասն մեղացն իցէ՝ հանցեն ՛ի սեղանն։

Verse: 26  Link to sept   Եւ որ արձակէ զնոխազն նուիրեալ յարձակումն, ողողեսցէ́ զձորձս իւր, եւ լուասցէ́ զմարմին իւր ջրով. եւ ապա́ մտցէ ՛ի բանակն։

Verse: 27  Link to sept   Եւ զզուարակն որ վ(ա)ս(ն) մեղաց, եւ զնոխա́զն զվ(ա)ս(ն) մեղաց, որոց արիւնն մուծաւ քաւե́լ ՛ի սրբութե(ա)ն, հանցեն արտաքոյ բանակին եւ այրեսցե́ն զն(ո)ս(ա) հրով, եւ զմորթ ն(ո)ց(ա) եւ զմիս ն(ո)ց(ա), եւ զապաւառ ն(ո)ց(ա)։

Verse: 28  Link to sept   Եւ որ այրիցէն զնոսա, ողողեսցէ́ զհանդերձս իւր, եւ լուասցէ́ զմարմին իւր ջրով. եւ ապա́ մտցէ ՛ի բանակն։

Verse: 29  Link to sept   եւ եղիցի ձեզ այն՝ օրէ́ն յաւիտենական։
   Յամսեանն եւթներորդի ՛ի տասն ամսոյն, լլկեսջի́ք զանձինս ձեր. զա(մենայ)ն գործ մի́ գործիցէք. բնակն, եւ պանդուխտն որ եկեալ յեցեալ իցէ ՛ի ձեզ։

Verse: 30  Link to sept   Զի յաւուր յա́յնմիկ լինիցի քաւութի(ւն) վ(ա)ս(ն) ձեր, առ ՛ի սրբելոյ զձեզ յա(մենայ)ն մեղաց ձերոց առաջի տ(եառ)ն. եւ սրբեսջի́ք,

Verse: 31  Link to sept   զի շաբաթ շաբաթուց է։ Եւ եղիցի ձեզ այն հանգի́ստ. եւ լլկեսջի́ք զանձինս ձեր, զի օրէն յաւիտենակա́ն է յազգս ձեր։

Verse: 32  Link to sept   Եւ քաւեսցէ́ քահանայն զոր օծանիցեն, եւ զորոյ կատարիցեն զձեռս ն(ո)ր(ա) քահանայանա́լ յետ հօր իւրոյ. եւ զգեցցի զպատմուճանն կտաւի զպամուճանն սո́ւրբ։

Verse: 33  Link to sept   եւ քաւեսցէ́ զսրբու(թ)ի(ւն) սրբութե(ան)ցն. եւ զխորանն վկայութե(ան), եւ զսեղանն. եւ քաւեսցէ́ վ(ա)ս(ն) քահանայիցն, եւ վ(ա)ս(ն) ա(մենայ)ն ժողովրդեանն քաւեսցէ։

Verse: 34  Link to sept   Եւ եղիցի ձեզ այն՝ օրէն յաւիտենական քաւե́լ վ(ա)ս(ն) որդւոցն ի(սրաէ)լի յա(մենայ)ն մեղաց ն(ո)ց(ա)։ մի́ անգամ ՛ի տարւոջ առնիցի. ո(ր)պ(էս) հրամայեաց տ(է)ր մովսիսի։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց դու ընդ ահարոնի եւ ընդ որդիս ն(ո)ր(ա)՝ եւ ընդ ա(մենայ)ն որդիսն ի(սրաէ)լի, եւ ասասցես ցն(ո)ս(ա). ա́յս բա́ն է զոր պատուիրեաց տ(է)ր՝ եւ ասէ։

Verse: 3  Link to sept   Ա́յր ոք այր՝ յորդւոցն ի(սրաէ)լի. որ սպանանիցէ արջառ, կամ ոչխար, կամ այծ ՛ի բանակի. եւ որ ոք սպանանիցէ արտաքոյ բանակին. եւ ՛ի դուռն խորանին վկայութե(ան) ո́չ ածիցէ զայն, առ առնելոյ զնա յողջակէզ վ(ա)ս(ն) փրկութե(ան) տ(եառ)ն ընդունելի ՛ի հո́տ անուշից։ Եւ որ սպանանիցէ արտաքոյ։

Verse: 4  Link to sept   եւ ՛ի դուռն խորանին վկայութե(ան) ո́չ ածցէ առ ՛ի մատուցանելոյ պատարագ տ(եառ)ն, յանդիման խորանին վկայութե(ան) տ(եառ)ն։ Յարի́ւն համարեսցի մարդոյն այնմիկ, ո(ր)պ(էս) թէ արիւն եհեղ՝ սատակեսցի́ անձն այն ՛ի ժողովրդենէ իւրմէ։

Verse: 5  Link to sept   Որպէս զի ածիցեն որդիքն ի(սրաէ)լի զզոհս իւրեանց՝ զոր ինքեանք սպանանիցեն ՛ի դաշտս, եւ մատուսցեն առաջի տ(եառ)ն ՛ի դուռն խորանին վկայութե(ան) առ քահանայն. եւ զենուցուն զն(ո)ս(ա) զենումն փրկոթե(ան) տ(եառ)ն։

Verse: 6  Link to sept   Եւ հեղցէ́ քահանայն զարիւնն առ սեղանովն յանդիման տ(եառ)ն, առ դրան խորանին վկայութե(ան). եւ հանցեն զճարպն ՛ի հո́տ անուշից տ(եառ)ն։

Verse: 7  Link to sept   Եւ ո́չ եւս զոհեսցեն զզոհս իւրեանց սնոտեաց՝ զորոց զհետ ինքեանք պոռնկէին։ օրէ́ն յաւիտենական եղիցի ձեզ յազգս ձեր։

Verse: 8  Link to sept   Եւ ասասցե́ս ցն(ո)ս(ա)։ մա́րդ ոք մարդ՝ յորդւոցն ի(սրաէ)լի, եւ յորդւոց եկաց յեցելոց ՛ի ձեզ. որ առնիցէ ողջակէզ կամ զոհ.

Verse: 9  Link to sept   եւ ՛ի դուռն խորանին վկայութե(ան) ո́չ ածցէ առնել զնա տ(եառ)ն. սատակեսցի́ մարդն այն ՛ի ժողովրդենէ իւրմէ։

Verse: 10  Link to sept   Եւ մա́րդ ոք մարդ յորդւոցդ ի(սրաէ)լի, կամ յեկաց յեցելոց ՛ի ձեզ. որ ուտիցէ զա(մենայ)ն արիւն. հաստատեցից զերեսս իմ ՛ի վերայ անձինն որ ուտիցէ զարիւնն. եւ կորուսի́ց զնա ՛ի ժողովրդենէ իւրմէ։

Verse: 11  Link to sept   Զի շունչ ա(մենայ)ն մարմնոյ արի́ւն իւր է։ եւ ես ետու ձեզ զայն ՛ի սեղանն, քաւե́լ վ(ա)ս(ն) անձանց ձերոց. զի արիւն ն(ո)ր(ա) փոխանակ անձին ս(ո)ր(ա) քաւեսցէ։

Verse: 12  Link to sept   Վ(ա)ս(ն) այնորիկ ասացի ցորդիսն ի(սրաէ)լի. ա(մենայ)ն անձն ՛ի ձէնջ՝ արիւն մի́ կերիցէ։ եւ եկն՝ որ եկեալ յեցեալ իցէ ՛ի ձեզ՝ արիւն մի́ կերիցէ։

Verse: 13  Link to sept   Եւ մա́րդ ոք մարդ՝ յորդւոցն ի(սրաէ)լի, կամ յեկաց յեցելոց ՛ի ձեզ. որ որսայցէ ո́րս երէ ինչ՝ կամ թռչուն որ ուտիցի, հեղցէ́ զարիւն ն(ո)ր(ա) եւ ծածկեսցէ́ հողով։

Verse: 14  Link to sept   զի շունչ ամենայն մարմնոյ արի́ւն իւր է։ Եւ ասացի ցորդիսն ի(սրաէ)լի՝ զարիւն ա(մենայ)ն մարմնոյ մի́ ուտիցէք, զի շունչ ա(մենայ)ն մարմնոյ արի́ւն իւր է։ ա(մենայ)ն որ ուտիցէ զայն՝ սատակեսցի։

Verse: 15  Link to sept   Եւ ա(մենայ)ն անձն որ ուտիցէ զմեռելոտի կամ զգազանաբեկ, յա(մենայ)ն եկա́ց կամ ՛ի պանդխտաց, ողողեսցէ́ զհանդերձս իւր, եւ ո́չ լուասցէ զմարմին իւր, եւ պի́ղծ լիցի մինչեւ ցերեկոյ. եւ ապա ս(ուր)բ լիցի։

Verse: 16  Link to sept   Եւ եթէ ո́չ ողողեսցէ զհանդերձս իւր, եւ ո́չ լուասցէ զմարմին իւր ջրով, ընկալցի́ զանօրէնութի(ւն)ս յանձն իւր։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց ընդ որդիսդ ի(սրաէ)լի՝ եւ ասասցես ցն(ո)ս(ա)։ Ես եմ տ(է)ր ա(ստուա)ծ ձեր.

Verse: 3  Link to sept   ըստ ա(մենայ)ն գնացից երկրին եգիպտացւոց յորում պանդխտեցարուք՝ մի́ առնիցէք։ ը(ս)տ գնացից երկրին քանանացւոց յոր ե́ս տարայց զձեզ՝ մի́ առնիցէք. եւ ըստ օրինաց ն(ո)ց(ա) մի́ գնայցէք։

Verse: 4  Link to sept   Զիրաւունս իմ առնիջի́ք, եւ զհրամանս իմ պահեսջի́ք, գնալ ՛ի ն(ո)ս(ա)։ Ե́ս եմ տ(է)ր ա(ստուա)ծ ձեր։

Verse: 5  Link to sept   եւ պահեսջի́ք զա(մենայ)ն հրամանս իմ, եւ զա(մենայ)ն զիրաւունս իմ, եւ արասջի́ք զն(ո)ս(ա)։ զոր արարեալ մարդոյ՝ կեցցէ́ նոքօք։ ե́ս եմ տ(է)ր ա(ստուա)ծ ձեր։

Verse: 6  Link to sept   Մա́րդ ոք մարդ՝ առ ա(մենայ)ն ընտանութի(ւն) մարմնոյ իւրոյ մի́ մերձեսցի՝ յայտնել զառականս ն(ո)ր(ա). զի ե́ս եմ տ(է)ր։

Verse: 7  Link to sept   Զառականս հօր քոյ, եւ զառականս մօր քոյ մի́ յայտնեսցես՝ զի մա́յր քո է. մի́ յայտնեսցես զառականս ն(ո)ր(ա)։

Verse: 8  Link to sept   Զառականս կնոջ հօր քոյ մի́ յայտնեսցես. զի առականք մօր քում են։

Verse: 9  Link to sept   Զառականս քեռ քոյ՝ թէ առ ՛ի հօրէ́ իցէ կամ առ ՛ի մօրէ՝ ՛ի տան ծնեալ կամ արտաքոյ, մի́ յայտնեսցես զառականս ն(ո)ր(ա)։

Verse: 10  Link to sept   Զառականս դստեր ուստեր քո, կամ զդստեր դստեր քոյ՝ մի́ յայտնեսցես զառականս նոցա. զի առակա́նք քո են։

Verse: 11  Link to sept   Զառականս դստեր կնոջ հօր քոյ մի́ յայտնեսցես. զի համ հօրեայ քո́յր քո է. մի́ յայտնեսցես զառականս նորա։

Verse: 12  Link to sept   Զառականս հօրաքեռ քոյ մի́ յայտնեսցես. զի ընտանի́ հօր քոյ է։

Verse: 13  Link to sept   Զառականս մօրաքեռ քոյ մի́ յայտնեսցես. զի ընտանի́ մօր քոյ է։

Verse: 14  Link to sept   Զառականս հօրեղբօր քոյ մի́ յայտ տեսցես, եւ առ կին ն(ո)ր(ա) մի́ մտանիցես. զի ազգակա́ն քո է։

Verse: 15  Link to sept   Զառականս նուո́յ քոյ մի́ յայտնեսցես. զի կին որդւո́յ քոյ է. մի́ յայտնեսցես զառականս նորա։ Եւ զդուստր ուստե́ր նորա, կամ զդուստր դստեր նորա մի́ առնուցուս յայտնել զառականս ն(ո)ր(ա). զի ընտանի են քո. ամպարշտութի(ւն) է։

Verse: 16  Link to sept   Զառականս կնօջ եղբօր քոյ մի́ յայտնեսցես. զի առականք եղբօ́ր քում են։

Verse: 17  Link to sept   Զառականս կնօջ եւ զդստեր իւրոյ մի́ յայտնեսցես։ Զդուստր ուստեր նորա՝ եւ զդուստր դստեր ն(ո)ր(ա) մի́ առնուցուս յայտնել զառականս ն(ո)ց(ա). զի ընտանի́ քո են. ամպարշտու(թ)ի(ւն) է։

Verse: 18  Link to sept   Կին առ քե́ռբ իւրով մի́ առնուցուս նախանձընդդէմ, յայտնել զառականս ն(ո)ր(ա), առ նովաւ կենդանւոյն։

Verse: 19  Link to sept   Եւ առ կին ՛ի դաշտանի պղծու(թ)ե(ան) իւրոյ մի́ մտանիցես՝ յայտնել զառականս ն(ո)ր(ա)։

Verse: 20  Link to sept   Եւ առ կին ընկերի քոյ մի́ տացես զարու(թ)ի(ւն) սերման քոյ, առ ՛ի պղծելոյ ընդ նմա։

Verse: 21  Link to sept   Եւ ՛ի սերմանէ քումմէ մի́ տացես ծառայել իշխանի, եւ մի պղծեսցես զանուն իմ ս(ուր)բ. զի ես եմ տ(է)ր։

Verse: 22  Link to sept   Եւ ընդ արուի մի́ մտանիցես զմուտ կանացի, զի պղծութի(ւն) է այն։

Verse: 23  Link to sept   Եւ յա(մենայ)ն անասուն ո́չ տացես զարութի(ւն) սերման քոյ առ ՛ի պղծելոյ ընդ նմա։ Եւ կին՝ մի́ կացցէ առաջի ա(մենայ)ն անասնոյ մտաբերե́լ ՛ի նա. զի գարշելի́ է այն։

Verse: 24  Link to sept   Եւ մի́ պղծիցիք այնու ա(մենայ)նիւ. զի այնու ա(մենայ)նիւ պղծեցան ազգքն, զոր ե́ս մերժեցից յերեսաց ձերոց.

Verse: 25  Link to sept   եւ եղեւ գարշելի երկիրն, եւ հանդէ́ս արարի անօրէնու(թ)ե(ան)ց ն(ո)ց(ա) ՛ի նմանէ. եւ տաղտկացաւ երկիրն ՛ի բնակչաց իւրոց։

Verse: 26  Link to sept   Եւ պահեցէ́ք զօրէնս իմ, եւ զա(մենայ)ն հրամանս իմ. եւ մի́ առնիցէք յա(մենայ)ն պղծութե(ան)ցն այնոցիկ. բնա́կն, եւ եկն, եւ պանդո́ւխտն որ ՛ի ձեզ իցէ։

Verse: 27  Link to sept   Զի զա́յն ա(մենայ)ն պղծութի(ւն)ս արարին մարդիկ երկրին, որ էին անդ յառաջ քան զձեզ. եւ պղծեցաւ երկիրն։

Verse: 28  Link to sept   զի մի́ տաղտկանայցէ եւ ձեւք երկրին՝ ՛ի պղծել ձեր զնա. ո(ր)պ(էս) տաղտկացաւ ազգօքն՝ որ էին յառա́ջ քան զձեզ։

Verse: 29  Link to sept   Զի ա(մենայ)ն մարդ որ արասցէ յա(մենայ)ն պղծութե(ան)ցն այնոցիկ, սատակեսցի́ն անձինքն՝ որ առնիցեն զայն՝ ՛ի միջոյ ժողովրդեան իւրեանց։

Verse: 30  Link to sept   Եւ պահեսջի́ք զպահպանու(թ)ի(ւն)ս իմ. զի մի́ առնիցէք յա(մենայ)ն պղծու(թ)ե(ան) օրինացն՝ որ գործեցան յառաջ քան զձեզ. եւ մի́ պղծիցիք նոքօք, զի ե́ս եմ տ(է)ր ա(ստուա)ծ ձեր։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց ընդ որդիսդ ի(սրաէ)լի՝ եւ ասասցե́ս ցնոսա։ Սո́ւրբ եղերուք. զի ես ս(ուր)բ եմ տ(է)ր ա(ստուա)ծ ձեր։

Verse: 3  Link to sept   Իւրաքանչիւր ՛ի հօրէ եւ ՛ի մօրէ իւրմէ երկնչիջի́ք։ Եւ զշաբաթս իմ պահեսջի́ք. զի ե́ս եմ տ(է)ր ա(ստուա)ծ ձեր։

Verse: 4  Link to sept   Մի́ երթայցէք զհետ կռոց. եւ աստուածս ձուլածոյս մի́ առնիցէք ձեզ։ ե́ս եմ տ(է)ր ա(ստուա)ծ ձեր։

Verse: 5  Link to sept   Եւ եթէ զոհիցէք զոհ փրկու(թ)ե(ան) տ(եառ)ն, զընդունելի́ս ձեր զոհեսջիք։

Verse: 6  Link to sept   Յաւուր յորում մատուցանիցի՝ կերիցի́, եւ ՛ի վաղիւ անդր. եւ եթէ մնասցէ մինչեւ ցօրն երրորդ՝ հրո́վ այրեսցի։

Verse: 7  Link to sept   Ապա թէ ուտելո́վ ուտիցի յաւուրն երրորդի, անզո́հ է, մի́ ընկալցի.

Verse: 8  Link to sept   եւ որ ուտիցէ զայն՝ մե́ղս առցէ. զի զսրբու(թ)ի(ւն) տ(եառ)ն պղծեաց, եւ սատակեսցին անձինքն որ ուտիցեն՝ ՛ի ժողովրդենէ իւրեանց։

Verse: 9  Link to sept   Եւ ՛ի հնձել հնձողաց ձերոց զհունձս երկրին ձերոյ, մի́ սպառիցէք զհունձս անդոց ձերոց մօտ հնձելով. եւ զանկեալն ՛ի հնձոց քոց մի́ ժողովեսցես։

Verse: 10  Link to sept   Եւ զայգի քոյ ճռաքաղ մի́ առնիցես։ եւ պտղաքաղ այգւոյ մի́ լինիցիս։ տնանկին եւ պանդխտի́ թողուցուս զայն. ե́ս եմ տ(է)ր ա(ստուա)ծ ձեր։

Verse: 11  Link to sept   Մի́ գողանայցէք. եւ մի́ ստիցէք. եւ մի́ զրպարտիցէք իւրաքանչիւր զընկե́ր իւր։

Verse: 12  Link to sept   Եւ մի́ երդնուցուք սուտ յանո́ւն իմ. եւ մի́ պղծիցէք զանուն տ(եառ)ն ա(ստուծո)յ ձերոյ. ե́ս եմ տ(է)ր ա(ստուա)ծ ձեր։

Verse: 13  Link to sept   Մի́ զրկեսցես զընկեր քո, եւ մի́ յափշտակեսցես։ Մի́ ագցին վարձք վարձկանին առ քեզ մինչեւ ցառաւօտ։

Verse: 14  Link to sept   Զհամրն մի́ զզուիցես։ եւ առաջի կուրին գայթագղութի(ւն) մի́ դնիցես։ եւ երկնչիցի́ս ՛ի տ(եառն)է ա(ստուծո)յ քումմէ։ Ե́ս եմ տ(է)ր ա(ստուա)ծ քո։

Verse: 15  Link to sept   անիրաւութի(ւն) ՛ի դատաստանի մի́ առնիցես. եւ ակն աղքատի մի́ առնուցուս. եւ մի́ երեսաց աչառիցես հարստի. արդարու(թեամ)բ դատեսցի́ս զընկեր քո։

Verse: 16  Link to sept   Եւ նենգութ(եամ)բ ընդ ազգի քում մի́ գնայցես։ եւ յարիւն ընկերի քոյ մի́ յօժարիցիս։
   Ե́ս եմ տ(է)ր ա(ստուա)ծ ձեր։

Verse: 17  Link to sept   մի́ ատեսցես զեղբայր քո ՛ի մտի քում։ Յանդիմանութ(եամ)բ յանդիմանեսցես զընկե́ր քո, եւ մի́ ընդունիցիս վ(ա)ս(ն) ն(ո)ր(ա) զմեղս։

Verse: 18  Link to sept   Մի́ խնդրեսցէ վրէժ ձեռն քո։ եւ ընդ որդւոց ժողովրդեան քոյ ոխս՝ մի́ ունիցիս։
   Եւ սիրեսցես զընկեր քո իբրեւ զա́նձն քո. զի ե́ս եմ տ(է)ր.

Verse: 19  Link to sept   զօրէնս իմ պահեսջի́ր։
   Զանասո́ւն քո յօտարախառնս մի́ խառնեսցես։
   Եւ զայգի քո՝ մի́ վարեսցես այլ եւ այլ։
   Զձորձս երկդիմիս գարշելիս՝ մի́ արկանիցես զքեւ։

Verse: 20  Link to sept   Եթէ ոք ննջեսցէ ընդ կնոջ արութ(եամ)բ սերման. եւ նա՝ իցէ աղախին պահեալ առն, եւ փրկանօք չիցէ́ փրկեալ, եւ ազատութ(եամ)բ չիցէ́ ազատեալ. հարց եւ փորձ լիցի ն(ո)ց(ա). եւ մի́ մեռանիցին՝ զի չիցէ́ ազատեալ։

Verse: 21  Link to sept   Եւ մատուսցէ ընդ յանցանաց իւրոց տ(եառ)ն առ դրան խորանին վակյութե(ան) խո́յ յանցանաց։

Verse: 22  Link to sept   եւ քաւեսցէ́ վ(ա)ս(ն) նորա քահանայն խոյի́ւն յանցանաց առաջի տ(եառ)ն վ(ա)ս(ն) մեղացն զոր մեղաւ. եւ թողցի նմա մեղքն՝ զոր մեղաւ։

Verse: 23  Link to sept   Եւ յորժամ մտանիցէք յերկիրն՝ զոր տ(է)ր ա(ստուա)ծ տացէ ձեզ, եւ տնկիցէք զա(մենայ)ն փայտ ուտելի, սրբեսջի́ք զպղծութի(ւն) ն(ո)ր(ա). եւ պտուղ ն(ո)ր(ա) զերեամ պի́ղծ լիցի ձեզ, եւ մի́ կերիցի։

Verse: 24  Link to sept   Եւ յամին չորրորդի եղիցի ա(մենայ)ն պտուղ ն(ո)ր(ա) սուրբ, օրհնեա́լ տ(եառ)ն.

Verse: 25  Link to sept   եւ յամին հինգերորդ կերիջի́ք զպտուղ ն(ո)ր(ա). յաւելուա́ծ ձեզ լինիցին բերք ն(ո)ր(ա)։ Ե́ս եմ տ(է)ր ա(ստուա)ծ ձեր.

Verse: 26  Link to sept   ՛ի վ(ե)ր(այ) լերանց մի́ ուտիցէք։ Եւ մի́ հմայիցէք. եւ մի́ հաւահարց՝ եւ մի́ հաւագէտք լինիցիք։

Verse: 27  Link to sept   Ցցունս ՛ի վարսից գլխոց ձերոց մի́ առնիցէք. եւ մի́ ապականիցէք զտեսիլ մօրուաց ձերոց։

Verse: 28  Link to sept   Եւ վէտս ՛ի վ(ե)ր(այ) ոգւոյ մի́ առնիցէք ՛ի մարմինս ձեր։ Եւ գիր կտեալ մի́ առնիցէք ՛ի ձեզ։
   Ե́ս եմ տ(է)ր ա(ստուա)ծ ձեր։

Verse: 29  Link to sept   մի́ պղծիցես զդուստր քո պոռնկեցուցանելով զնա. զի մի́ պոռկեսցի երկիրն, եւ լցցի́ երկիրն անիրաւութ(եամ)բ։

Verse: 30  Link to sept   Զշաբաթս իմ պահեսջի́ք, եւ ՛ի սրբու(թ)ե(ան)ց իմոց երկնչիջի́ք, զի ե́ս եմ տ(է)ր։

Verse: 31  Link to sept   Զհետ վհկաց՝ մի́ երթայցէք, եւ ՛ի գէտս մի́ յարիցիք պղծել նոքօք։
   Ե́ս եմ տ(է)ր ա(ստուա)ծ ձեր.

Verse: 32  Link to sept   առաջի ալեաց յառնիցէ́ս, եւ պատուեսցե́ս զերեսս ծերոյն։
   Եւ երկնչիցի́ս յա(ստուծո)յ քումմէ։ ե́ս եմ տ(է)ր ա(ստուա)ծ քո։

Verse: 33  Link to sept   Եւ եթէ յարեսցի առ ձեզ եկ՝ յերկրին ձերում, մի́ նեղիցէք զնա։

Verse: 34  Link to sept   իբրեւ զբնակն ձեր լինիցի ձեզ՝ եւ եկն յարեալ ՛ի ձեզ։
   Եւ սիրեսցե́ս զնա իբրեւ զանձն քո։ զի պանդուխտք եղերուք եւ դո́ւք յերկրին եգիպտացւոց. ե́ս եմ տ(է)ր ա(ստուա)ծ ձեր։

Verse: 35  Link to sept   Մի́ առնիցէք անիրաւութի(ւն) ՛ի դատաստանի, չափս, եւ ՛ի կշի́ռս, եւ ՛ի զոյգս։

Verse: 36  Link to sept   Զոյգք արդարք, եւ չափք արդարք, եւ կշիռք արդարք, եւ կապիճ արդա́ր լիցի ձեզ։ Ե́ս եմ տ(է)ր ա(ստուա)ծ ձեր՝ որ հանի զձեզ յերկրէն եգիպտացւոց։

Verse: 37  Link to sept   եւ պահեսջի́ք զա(մենայ)ն զօրէնս իմ, եւ զա(մենայ)ն զհրամանս իմ. եւ արասջի́ք զն(ո)ս(ա)՝ զի ե́ս եմ տ(է)ր ա(ստուա)ծ։



Chapter: 20 
ԳԼ(ՈՒԽ) Ի՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   խօսեա́ց ընդ որդիսդ ի(սրաէ)լի՝ եւ ասասցես։ Եթէ ոք յորդւոցդ ի(սրաէ)լի՝ կամ յեկաց պանդխտացդ ի(սրաէ)լի, տացէ զսերմն իւր իշխանի՝ մահո́ւ մեռցի. եւ ազգք երկրին քարկո́ծ արասցեն զնա քարամբք։

Verse: 3  Link to sept   Եւ ես հաստատեցից զերեսս իմ ՛ի վ(ե)ր(այ) մարդոյն այնորիկ. եւ կորուսի́ց զնա ՛ի ժողովրդենէ իւրմէ. զի ե́տ ՛ի սերմանէ իւրմէ իշխանին պղծել զսրբու(թ)ի(ւն)ս իմ. եւ գարշեցուցանել զանուն սրբեցելոցն իմոց։

Verse: 4  Link to sept   Ապա թէ ակնածելով ակնածիցեն բնակիչք երկրին աչօք իւրեանց յառնէն յայնմանէ. ՛ի տալ ն(ո)ր(ա) զսերմն իւր իշխանին՝ չսպանանել զնա։

Verse: 5  Link to sept   հաստատեցի́ց զերեսս իմ ՛ի վ(ե)ր(այ) առնն այնորիկ, եւ ՛ի վերայ ազգի ն(ո)ր(ա), եւ կորուսի́ց զնա եւ զա(մենայ)ն միաբանեալսն ընդ նմա՝ առ ՛ի պոռնկեցուցանելոյ զնոսա ընդ իշխանին, ՛ի միջոյ ժողովրդեան իւրեանց։

Verse: 6  Link to sept   Եւ անձն որ երթիցէ զհետ վհկա́ց կամ գիտա́ց, պոռնկել զկնի ն(ո)ց(ա). հաստատեցից զերեսս իմ ՛ի վ(ե)ր(այ) անձինն այնորիկ, եւ կորուսի́ց զնա ՛ի ժողովրդենէ իւրմէ։

Verse: 7  Link to sept   Եւ սրբեսջի́ք. եւ եղիջիք սո́ւրբք, զի ս(ուր)բ եմ ես տ(է)ր ա(ստուա)ծ ձեր։

Verse: 8  Link to sept   եւ պահեսջի́ք զհրամանս իմ, եւ արասջի́ք զն(ո)ս(ա). ե́ս եմ տ(է)ր ա(ստուա)ծ ձեր՝ որ սրբեմ զձեզ։

Verse: 9  Link to sept   Մա́րդ ոք մարդ՝ որ հայհոյեսցէ զհայր իւր կամ զմայր իւր՝ մահո́ւ մեռցի։ զհայր իւր եւ զմայր իւր, թէ բամբասիցէ՝ մահապա́րտ է։

Verse: 10  Link to sept   Եւ ա́յր ոք թէ շնասցի ը(նդ) առնակնոջ, կամ շնայցէ ը(նդ) կնոջ զընկերի իւրոյ, մահո́ւ մեռցին, շնացօղն եւ շնացեալն։

Verse: 11  Link to sept   Եւ ա́յր ոք՝ որ ննջիցէ ընդ կնոջ հօր իւրոյ, զառականս հօր իւրոյ յայտնեաց. մահո́ւ մեռցին երկոքին, զի ամպարշտեցա́ն, եւ մահապարտք են։

Verse: 12  Link to sept   Եւ եթէ ննջեսցէ ոք ընդ նուո́յ իւրում, մահո́ւ մեռցին երկոքին. զի ամպարշտեցա́ն, եւ մահապարտք են։

Verse: 13  Link to sept   Եւ այր ոք եթէ ննջեսցէ ընդ արուի զգործ կանացի. պղծու(թ)ի(ւն) գործեցին, մահո́ւ մեռցին երկոքին՝ զի մահապարտք են։

Verse: 14  Link to sept   Եւ ա́յր ոք որ առնուցու զկին եւ զմայր ն(ո)ր(ա), անօրէնութի(ւն) է, հրո́վ այրեսցեն զնա՝ եւ զն(ո)ս(ա). եւ մի́ լինիցի ՛ի ձեզ անօրէնութի(ւն)։

Verse: 15  Link to sept   Եւ ա́յր ոք՝ որ տացէ զարութի(ւն) իւր յանասուն՝ մահո́ւ մեռցի. եւ զանասունն սպանջի́ք։

Verse: 16  Link to sept   Եւ կին՝ որ մատչիցի յա(մենայ)ն անասուն պղծել նմա ՛ի նմանէ, սպանանիջի́ք զկինն եւ զանասունն. մահո́ւ մեռանիցին՝ զի մահապարտք են։

Verse: 17  Link to sept   Եւ ա́յր ոք՝ որ առնուցու զքոյր իւր զառ ՛ի հօրէ՝ կամ զառ ՛ի մօրէ, եւ տեսանիցէ զառականս ն(ո)ր(ա), եւ նա տեսանիցէ զառականս նորա՝ նախատի́նք են. սատակեսցի́ն յերեսաց որդւոց ազգին իւրեանց. զի զառականս քե́ռ իւրոյ յայտնեաց. ընկալցի́ն զմեղս իւրեանց։

Verse: 18  Link to sept   Եւ ա́յր՝ որ ննջիցէ՝ը կնոջ դաշտանի, եւ յայտնեսցէ զառականս ն(ո)ր(ա), զի զաղբեւր արեան ն(ո)ր(ա) յայտնեաց, եւ սա՝ յայտնեա́ց զբղխումն արեան իւրոյ, սատակեսցի́ն երկոքեան յազգէ իւրեանց։

Verse: 19  Link to sept   Եա զառականս հօրաքեռ քոյ եւ զմօրաքեռ քոյ՝ մի́ յայտնեսցես. զի զընտանութե(ան) առականս յայտնեցին, զմեղս իւրեանց տարցին, եւ անորդի́ք մեռցին։

Verse: 20  Link to sept   Եւ մա́րդ ոք՝ որ ննջիցէ ընդ կնոջ քեռւոյ իւրոյ, զառականս քեռւոյ իւրոյ յայտնեաց. զմեղս իւրեանց ընկալցին, եւ անորդի́ք մեռցին։

Verse: 21  Link to sept   Եւ մարդ ոք՝ որ առնուցու զկին եղբօր իւրոյ՝ պղծութի(ւն) է. զառականս եղբօր իւրոյ յայտնեաց, անորդի́ք մեռցին։

Verse: 22  Link to sept   Եւ պահեսջի́ք զա(մենայ)ն հրամանս իմ, եւ զա(մենայ)ն իրաւունս իմ, եւ արասջի́ք զն(ո)ս(ա). եւ ո́չ տաղտկասցի ձեւք երկիրն՝ յոր ե́ս տարայց զձեզ բնակել ՛ի նմա։

Verse: 23  Link to sept   Եւ մի́ գնայցէք ըստ օրինաց ազգացն զոր մերժեցի́ց ես ՛ի ձէնջ. զի զա́յն ա(մենայ)ն արարին, եւ գարշեցայ ես ՛ի նոցանէն.

Verse: 24  Link to sept   եւ ասացի ցձեզ. դո́ւք ժառանգեցէք զերկիրն զայն, եւ ես տաց ձեզ զնա ՛ի ստացուա́ծ. երկիր որ բղխէ զկաթն եւ զմեղր։ Ե́ս եմ տ(է)ր ա(ստուա)ծ ձեր՝ որ մեկնեցի զձեզ յա(մենայ)ն ազգաց.

Verse: 25  Link to sept   եւ զատուսջի́ք զանձինս ձեր ՛ի մէջ անասնոց՝ սրբոց եւ անսրբոց, եւ ՛ի մէջ թռչնոց՝ սրբոց եւ անսրբոց. եւ մի́ պղծէք զանձինս ձեր անասնովք եւ թռչնովք, եւ ա(մենայ)ն սողնովք երկրի. զոր ես զատուցի ձեզ ՛ի պղծութի(ւն)։

Verse: 26  Link to sept   Եւ եղիջի́ք ինձ սո́ւրբք, զի ե́ս ս(ուր)բ եմ տ(է)ր ա(ստուա)ծ ձեր. որ զատուցի́ զձեզ յա(մենայ)ն ազգաց լինել ի́նձ։

Verse: 27  Link to sept   Եւ ա́յր կամ կին՝ որ լինիցի վհո́ւկ կամ գէտ, մահո́ւ մեռցի. քարամբք քարկոծեցէք զն(ո)ս(ա)՝ զի մահապարտք են։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։ Խօսեա́ց ընդ որդիսդ ահարոնի ը(նդ) քահանայս՝ եւ ասասցես ցդոսա. զի մի́ պղծիցին յոգիս ազգի իւրեանց.

Verse: 2  Link to sept   կամ յընտանի́ կամ ՛ի դրացի իւրեանց։ այլ կամ ՛ի հայր, կամ ՛ի մայր, կամ յուստերս, կամ ՛ի դստերս, կամ յեղբայր,

Verse: 3  Link to sept   կամ ՛ի քոյր, կամ ՛ի դուստր մերձաւոր իւր՝ զոր առն չիցէ տուեալ՝ նոքօք պղծիցին։

Verse: 4  Link to sept   եւ մի́ պղծեսցին վայրապար ՛ի ժողովրդեան իւրում ՛ի պղծութի(ւն) իւրեանց։

Verse: 5  Link to sept   Եւ մի́ գերծուցուն զգլուխս իւրեանց ՛ի վ(ե)ր(այ) մեռելոյ ՛ի կնտութի(ւն)։ եւ զտեսիլ մօրուաց մի́ գերծուցուն. եւ ՛ի մարմինս իւրեանց վէտս մի́ հատանիցեն։

Verse: 6  Link to sept   Զի սո́ւրբ լինիցին տ(եառ)ն ա(ստուծո)յ իւրեանց։ եւ մի́ գարշեցուսցեն զանուն ա(ստուծո)յ իւրեանց. զի զոհսն տ(եառ)ն պատարագ ա(ստուծո)յ իւրեանց նոքա́ մատուցանեն։ եւ եղիցին սո́ւրբք։

Verse: 7  Link to sept   Կին պոռնիկ եւ պղծեալ՝ մի́ առնուցուն. եւ զկին հանեալ յառնէ իւրմէ մի́ առնուցուն. զի սո́ւրբ է տ(եառ)ն ա(ստուծո)յ իւրում,

Verse: 8  Link to sept   եւ սրբեսցէ́ զանձն. զի զպատարագն տ(եառ)ն ա(ստուծո)յ ձերոյ նա́ մատուցանէ. սո́ւրբ եղիցի. զի ս(ուր)բ եմ ես տ(է)ր՝ որ սրբեմ զն(ո)ս(ա)։

Verse: 9  Link to sept   Եւ դուստր ա́ռն քահանայի՝ եթէ ՛ի պոռնկու(թ)ե(ան) պղծիցի, զանուն հօ́ր իւրոյ բամբասեա́ց՝ հրով այրեսցի։

Verse: 10  Link to sept   Եւ քահանայն մեծ՝ յեղբարց իւրոց,. յորոյ վերայ գլխոյն արկեալ իցէ զեւղ օծու(թ)ե(ան). եւ կատարեալ զձեռս ն(ո)ր(ա) զգենո́ւլ զպատմուճանն, զգլուխ իւր մի́ ապախուրեսցէ, եւ զհանդերձս իւր մի́ պատառեսցէ.

Verse: 11  Link to sept   եւ յանձն վախճանեալ մի́ մտցէ։ ՛ի հայր իւր կամ ՛ի մայր իւր մի́ պղծիցի։

Verse: 12  Link to sept   Եւ ՛ի սրբութե(ան)ց անտի մի́ ելանիցէ. եւ մի́ պղծեսցէ զսրբու(թ)ի(ւն) ա(ստուծո)յ իւրոյ. զի ս(ուր)բ եւղն օծու(թ)ե(ան) որ յա(ստուծո)յ՝ ՛ի վ(ե)ր(այ) ն(ո)ր(ա) է. զի ե́ս եմ տ(է)ր։

Verse: 13  Link to sept   Նա՝ կին կո́յս յազգէ իւրմէ առնուցու։

Verse: 14  Link to sept   զայրի եւ զհանեալ, եւ զպոռնիկ, մի́ առնուցու. այլ կոյս յազգէ́ իւրմէ առնուցու կին։ եւ մի́ պղծեսցէ զանուն իմ։

Verse: 15  Link to sept   եւ մի́ պղծեսցէ զսերմն իւր ՛ի ժողովրդեան իւրում. զի ե́ս եմ տ(է)ր՝ որ սրբեմ զնա։

Verse: 16  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 17  Link to sept   խօսեաց ընդ ահարոնի՝ եւ ասասցես. Ա́յր ոք՝ յազգէ քումմէ՝ յա(մենայ)ն ազգս ձեր յորում իցէ́ արատ, մի́ մատիցէ մատուցանել պատարագ ա(ստուծո)յ իւրոյ։

Verse: 18  Link to sept   զի ա(մենայ)ն այր՝ յորում իցէ արատ՝ մի́ մատիցէ։ Այր կաղ, կամ կոյր, կամ կարճունչ, կամ ակընջատ.

Verse: 19  Link to sept   կամ այր ձեռնբեկ, կամ ոտնբեկ,

Verse: 20  Link to sept   կամ սապատողն, կամ շիլ, կամ պտղակն. կամ այր յորում իցէ քոս, կամ քաղցկեղ, կամ միորձի։

Verse: 21  Link to sept   Ա(մենայ)ն այր յորում իցէ արատ, ՛ի զաւակէ ահարոնի քահանայի, մի́ մերձեսցի մատուցանել զոհս ա(ստուծո)յ քում. զի արատ գոյ ՛ի նմա։ եւ զպատարագսն ա(ստուծո)յ մի́ մատչիցի մատուցանել. զի պատարագքն ա(ստուծո)յ՝ սրբու(թ)ի(ւն)ք սրբու(թ)ե(ան)ց են։

Verse: 22  Link to sept   ՛Ի սրբու(թ)ե(ան)ց անտի կերիցէ́.

Verse: 23  Link to sept   բայց ՛ի վարագոյրն մի́ մերձեսցի, եւ առ սեղանն մի́ մատիցէ, զի արատաւո́ր է։ եւ մի́ պղծեսցէ զսրբու(թ)ի(ւն) ա(ստուծո)յ իւրոյ, զի ե́ս եմ տ(է)ր որ սրբեմ զնոսա։

Verse: 24  Link to sept   Եւ խօսեցաւ մովսէս ընդ ահարոնի եւ ընդ որդիս ն(ո)ր(ա), եւ ընդ ա(մենայ)ն որդիսն ի(սրաէ)լի։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   Ասասցե́ս ցահարոն եւ ցորդիս ն(ո)ր(ա), եւ զգո́յշ լինիցին սրբու(թ)ե(ան)ց՝ որդւոցն ի(սրաէ)լի. եւ մի́ պղծեսցեն զանուն իմ ս(ուր)բ՝ զորս նոքայն սրբեն ինձ, զի ե́ս եմ տ(է)ր։

Verse: 3  Link to sept   Ասասցե́ս ցնոսա. յազգս ձեր ա(մենայ)ն այր՝ յա(մենայ)ն զաւակէ ձերմէ որ մերձենայցէ ՛ի սրբութի(ւն)սն, որ սրբիցեն որդիքն ի(սրաէ)լի տ(եառ)ն, եւ պղծութի(ւն) իւր ՛ի նմա́ իցէ, սատակեսցի́ անձնն այն յերեսաց իմոց, զի ե́ս եմ տ(է)ր։

Verse: 4  Link to sept   Եւ ա́յր ոք ՛ի զաւակէ ահարոնի քահանայի́, թէ բորոտ՝ կամ սերմնակաթ իցէ՝ ՛ի սրբութե(ան)ց անտի մի́ կերիցէ մինչեւ սրբեսցի́։ Եւ որ մերձեսցի յա(մենայ)ն պղծութի(ւն)ս ոգւոյ, կամ այր յորմէ ելանիցէ́ արութի(ւն) սերման.

Verse: 5  Link to sept   կամ որ մերձենայցէ յա(մենայ)ն սողուն պիղծ՝ զոր պղծիցեն, կամ ՛ի մարդ որով պղծիցեն զնա ըստ ա(մենայ)ն պղծու(թ)ե(ան) ն(ո)ր(ա)։

Verse: 6  Link to sept   Անձն որ մերձենայցէ́ ՛ի ն(ո)ս(ա)՝ պի́ղծ լիցի մինչեւ ցերեկոյ։ եւ մի́ կերիցէ ՛ի սրբու(թ)ե(ան)ց անտի, եթէ ոչ լուանայցէ զմարմին իւր ջրով։

Verse: 7  Link to sept   եւ մտանիցէ արեգակն. սո́ւրբ լիցի, եւ ապա́ կերիցէ ՛ի սրբու(թ)ե(ան)ց անտի. զի հա́ց ն(ո)ր(ա) է այն։

Verse: 8  Link to sept   Զմեռելոտի եւ զգազանաբեկ մի́ ուտիցէ, պղծե́լ նմա նոքօք. զի ե́ս եմ տ(է)ր։

Verse: 9  Link to sept   Եւ պահեսցեն զպահպանու(թ)ի(ւն)ս իմ, զի մի́ ընդունիցին վ(ա)ս(ն) նոցա մեղս. եւ մեռանիցի́ն վ(ա)ս(ն) այնորիկ՝ եթէ պղծիցեն զն(ո)ս(ա). զի ե́ս եմ տ(է)ր որ սրբեմ զն(ո)ս(ա)։

Verse: 10  Link to sept   Եւ ա(մենայ)ն օտարազգի՝ մի́ կերիցէ զսրբութի(ւն)սն։ պանդուխտ քահանային եւ վարձկանն՝ մի́ կերիցեն ՛ի սրբութե(ան)ցն։

Verse: 11  Link to sept   Բայց թէ քահանայն ստասցի ոգի ստացուածով արծաթոյ՝ նա́ կերիցէ ՛ի հացից անտի ն(ո)ր(ա)։ եւ ընտոծինք ն(ո)ր(ա)՝ կերիցե́ն ՛ի հացից անտի նորա։

Verse: 12  Link to sept   Եւ դուստր ա́ռն քահանայի, եթէ լինիցի ա́ռն այլազգւոյ, նա ՛ի պտղոյ սրբութե(ան)ցն մի́ կերիցէ։

Verse: 13  Link to sept   Եւ դուստր ա́ռն քահանայի, եթէ լինիցի այրի, կամ հանեալ. եւ զաւակ ո́չ իցէ նմա, եւ դառնայցէ անդրէն ՛ի տուն իւր հայրենի, ըստ մանկութե(ան) իւրում ՛ի հացից անտի հօր իւրոյ կերիցէ́։ եւ ա(մենայ)ն այլազգի՝ մի́ կերիցէ ՛ի նոցանէ։

Verse: 14  Link to sept   Եւ մարդ՝ որ յանգէտս կերիցէ զսրբու(թ)ի(ւն)սն, յաւելցէ́ ՛ի նոյն զհինգերորդ մասնն. եւ տացէ զսրբութի(ւն)ն ցքահանայն.

Verse: 15  Link to sept   եւ մի́ պղծեսցեն զսրբութի(ւն)ս սրբու(թ)ե(ան)ցն որդւոցն ի(սրաէ)լի, զոր զատուցին նոքա տ(եառ)ն։

Verse: 16  Link to sept   Եւ ածիցեն ՛ի վ(ե)ր(այ) իւրեանց անօրէնու(թ)ի(ւն) յանցանաց, ուտելով իւրեանց զսրբու(թ)ի(ւն)սն սրբու(թ)ե(ան)ցն. զի ե́ս եմ տ(է)ր՝ որ սրբեմ զն(ո)ս(ա)։

Verse: 17  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 18  Link to sept   խօսեա́ց ընդ ահարոնի եւ ընդ որդիս ն(ո)ր(ա), եւ ընդ ա(մենայ)ն ժողովրդեան որդւոցն ի(սրաէ)լի՝ եւ ասասցե́ս ցնոսա։ Ա́յր ոք՝ յորդւոցն ի(սրաէ)լի, կամ յեկացն յարեցելոց ՛ի ն(ո)ս(ա) ՛ի մէջ ի(սրաէ)լի. որ մատուցանիցէ զպատարագս իւր ըստ ա(մենայ)ն խոստովանութե(ան)ց իւրեանց։ կամ ըստ ա(մենայ)ն կամաց իւրեանց՝ զորինչ մատուցանիցեն տ(եառ)ն յողջակէզ

Verse: 19  Link to sept   ընդունելի առ ՛ի ձէնջ, արո́ւ անարատ յանդւոց եւ յօդեաց եւ յայծեաց.

Verse: 20  Link to sept   զա(մենայ)ն արատաւորն մի́ մատուցանիցեն տ(եառ)ն. զի ո́չ լիցի ընդունելի առ ՛ի ձէնջ։

Verse: 21  Link to sept   Եւ այր՝ որ մատուցանիցէ զպատարագս իւր ըստ ա(մենայ)ն խոստովանու(թ)ե(ան) իւրեանց, կամ ըստ ա(մենայ)ն կամաց իւրեանց զոհ փրկու(թ)ե(ան) տ(եառ)ն, ուխտեալ ո́ւխտ, կամ ըստ կամա́ց, կամ ՛ի տօնս ձեր, յանդւոց կամ յոդեաց, անարա́տ լինիցի յընդունելու(թ)ի(ւն). ա(մենայ)ն արատ մի́ լիցի ՛ի նմա։

Verse: 22  Link to sept   Զկոյրն, կամ զկաղն, կամ զբեկն, կամ զլեզուատ, կամ զմարմառոտ, կամ զքոսոտ, կամ զերքոյնոտ, մի́ մատուցանիցեն զայն տ(եառ)ն, եւ յողջակէզ՝ ո́չ տայցէք ՛ի նոցանէ ՛ի սեղան տ(եառ)ն։

Verse: 23  Link to sept   Զարջառ եւ զոչխար՝ զակընջատ, կամ զկրճատ՝ քե́զ արասցես ՛ի զենլիս եւ յուխտ քո մի́ լիցի ընդունելի։

Verse: 24  Link to sept   Զթաղամսաւորն, եւ զմայլեալն, եւ զքածաւարոտն, եւ զհատեալն, մի́ մատուցանիցես տ(եառ)ն. եւ յերկրի ձերում մի́ առնիցէք։

Verse: 25  Link to sept   Եւ ՛ի ձեռանէ այլազգւոյն մի́ մատուցանիցէք զպատարագս ա(ստուծո)յ ձերոյ, յա(մենայ)նէ յայնպիսեաց անտի. զի խեղութի(ւն)ք եւ արատք են ՛ի նոսա. եւ ո́չ լինիցի այն ընդունելի առ ՛ի ձէնջ։

Verse: 26  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 27  Link to sept   Արջառ կամ ոչխար կամ այծ՝ յորժամ ծնանիցին, կացցէ́ զեւթն օր ընդ մարբն. եւ յօրէն ութերորդէ եւ անդր ընդունելի́ լիցի ՛ի պատարագ ընծայ տ(եառ)ն։

Verse: 28  Link to sept   Զարջառ եւ զոչխար՝ եւ զծնունդս իւրեանց՝ մի մտուցանիցէք՝ ՛ի միում աւուր։

Verse: 29  Link to sept   Եւ եթէ զոհեսցես զզոհ գոհու(թ)ե(ան) տ(եառ)ն. զընդունելիսն առ ՛ի ձէնջ զոհեսջիք։

Verse: 30  Link to sept   ՛Ի նմի́ն աւուր կերիցի, եւ մի́ թողուցուք ՛ի մսոյ անտի յա́յգ, զի ե́ս եմ տ(է)ր։

Verse: 31  Link to sept   Եւ պահեսջի́ք զպատուիրանս իմ, եւ արասջի́ք զնոսա. զի ես եմ տ(է)ր։

Verse: 32  Link to sept   եւ մի́ պղծիցէք զանուն իմ ս(ուր)բ՝ զի ես եմ տ(է)ր. եւ սրբեցայց ՛ի մէջ որդւոցն ի(սրաէ)լի։ Ե́ս եմ տ(է)ր որ սրբեմ զձեզ։

Verse: 33  Link to sept   որ հանի զձեզ յերկրէն եգիպտացւոց լինել ձեր ա(ստուա)ծ. ե́ս եմ տ(է)ր։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   խօսեա́ց ընդ որդիսդ ի(սրաէ)լի՝ եւ ասասցես ցն(ո)ս(ա). տօ́նս տ(եառ)ն զոր առնիցէք, կոչեցեալք եւ սուրբք՝ ա́յնք իցեն իմ տօնք։

Verse: 3  Link to sept   Զվեց օր գործեսցես զգործ. յաւուրն եւթներորդի, Շաբա́թ՝ հանգի́ստ անուանեալ սուրբ տ(եառ)ն. զա(մենայ)ն գործ մի́ գործիցէք, զի շաբաթ տ(եառ)ն է, յա(մենայ)ն բնակութե(ան) նոցա.

Verse: 4  Link to sept   զի ա́յն են տօնք տ(եառ)ն։ եւ նոքա անուանեալք են սո́ւրբք զորս անուանեցէք ՛ի տօնս ն(ո)ց(ա)։

Verse: 5  Link to sept   Յառաջնում ամսեանն ՛ի տասն եւ ՛ի չորս ամսոյն ՛ի մէջ երեկորեացն Զատիկ տ(եառ)ն։

Verse: 6  Link to sept   եւ յաւուրն հնգետասաներորդի նորին ամսոյ՝ տօն բաղարջակերաց տ(եառ)ն, զեւթն օր բաղա́րջ կերիջիք։

Verse: 7  Link to sept   Եւ օրն առաջին անուանեալ՝ սո́ւրբ եղիցի ձեզ. զա(մենայ)ն գործ սպասաւորու(թ)ե(ան) մի́ առնիցէք։

Verse: 8  Link to sept   եւ մատուսջիք ողջակէ́զս տ(եառ)ն. զեւթն օր՝ եւ օրն եւթներորդ՝ սուրբ կոչեցեալ լիցի ձեզ. զա(մենայ)ն գործ սպասաւորու(թ)ե(ան) մի́ գործիցէ́ք։

Verse: 9  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 10  Link to sept   խօսեա́ց ընդ որդիսդ ի(սրաէ)լի՝ եւ ասասցես. յորժամ մտանիցէք յերկիրն զոր ես տա́ց ձեզ. իբրեւ հնձիցէք զհունձս ն(ո)ր(ա), բերիցէ́ք զորայն զպտուղ հնձոց ձերոց առ քահանայն։

Verse: 11  Link to sept   եւ հանցէ́ զորայն առաջի տ(եառ)ն յընդունելութի(ւն) առ ՛ի ձէնջ։ Եւ ՛ի վաղիւ անդր յաւուրն առաջնում հանցէ զայն քահանայն։

Verse: 12  Link to sept   եւ արասցէ յաւուրն յորում մատուցանիցէ զորայն, ոչխա́ր անարատ տարեւոր յողջակէ́զ տ(եառ)ն։

Verse: 13  Link to sept   եւ զզոհն իւր երկուս տասանորդս նաշհւոյ զանգելոյ իւղով, զո́հ տ(եառ)ն ՛ի հոտ անուշից տ(եառ)ն. եւ նուէ́ր ն(ո)ր(ա) չորրորդ մասն դորակի գինւոյ.

Verse: 14  Link to sept   եւ պա́ն մի։ Եւ զա(մենայ)ն մուրկ փխրեալ մի́ ուտիցէք մինչեւ յաւուրն յորում մատուցանիցէք պատարագ տ(եառ)ն ա(ստուծո)յ ձերոյ. օրէ́ն յաւիտենական յազգս ձեր. յա(մենայ)ն բնակութե(ան) ձերում։

Verse: 15  Link to sept   Եւ համարեսջիք ձեզ ՛ի վաղուէ́ շաբաթուն յօրէ յորմէ մատուցանիցէք զորայ ուխտին, եւթն եւթներորդս բովանդակ թուիցես

Verse: 16  Link to sept   մինչեւ ցվաղիւն յետին եւթներորդին թուիցէք. Յիսուն օր, եւ մատուցանիցէք զոհ նոր տ(եառ)ն։

Verse: 17  Link to sept   ՛ի բնակութ(են)է ձերմէ մատուցանիցէք պանս նուիրի. երկուս պանս յերկուց տասանորդաց լինիցի պա́ն մի. խմորեալք եփեսցին յառաջնոց արդեանց քոց տ(եառ)ն։

Verse: 18  Link to sept   Եւ մատուցանիցէք ընդ հացիցն եւթն որոջ անարա́տ տարեւորս, եւ զուարակ մի յանդւոց, եւ խոյս երկուս անարատս։ եւ եղիցին յողջակէ́զ տ(եառ)ն. եւ զոհք նոցա եւ նուէրք ն(ո)ց(ա)՝ զո́հ ՛ի հոտ անուշից տ(եառ)ն։

Verse: 19  Link to sept   Եւ առնիցէք նոխազ մի յայծեաց վ(ա)ս(ն) մեղաց, եւ երկուս գառինս տարեւորս ՛ի զոհ խաղաղականաց

Verse: 20  Link to sept   ընդ պանից առաջնոց արմտեացն։ Եւ նուիրեսցէ́ զայն քահանայն նուէ́ր ընդ պանից առաջնոց տրմտեացն յանդիման տ(եառ)ն. հանդերձ երկո́ւ գառամբքն սրբեսցին տ(եառ)ն. քահանային որ մատուցանիցէ զայն՝ եղիցին։

Verse: 21  Link to sept   Եւ կոչեսջիք զօրն զայն անուանեալ եւ կոչեցեալ օր ա(ստուծո)յ, սո́ւրբ եղիցի ձեզ։ զա(մենայ)ն գործ սպասաւորութե(ան) մի́ գործիցէք ՛ի նմա. օրէն յաւիտենական եղիցի յազգս ձեր յա(մենայ)ն բնակու(թ)ե(ան) ձերում։

Verse: 22  Link to sept   Եւ յորժամ հնձիցէք զհունձս երկրի ձերոյ. մի́ առհասարակ զնշխար հնձոց անդին քոյ ՛ի նհձել քում ամփոփեսցես. եւ զանկեալն ՛ի հնձոցն քոց մի́ ժողովեսցես. այլ աղքատին եւ պանդխտին քում թողուցուս զայն. զի ե́ս եմ տ(է)ր ա(ստուա)ծ ձեր։

Verse: 23  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 24  Link to sept   խօսեա́ց ընդ որդիսն ի(սրաէ)լի՝ եւ ասասցես։ յամսեան եւթներորդի՝ որ օր մի իցէ ամսոյն, եղիցի ձեզ հանգի́ստ. Յիշատա́կ փողոց՝ կոչեցեալ ս(ուր)բ տ(եառ)ն։

Verse: 25  Link to sept   զա(մենայ)ն գործ սպասաւորութե(ան) մի́ գործիցէք, եւ մատուցանիցէք ողջակէզ տ(եառ)ն։ Խօսեցաւ տ(է)ր ընդ մովսիսի՝ եւ ասէ։

Verse: 26  Link to sept   ՛Ի տասներորդում աւուր՝ ամսոյն եւթներորդի, որ օրն Քաւութե(ան) է, կոչեցեալ սո́ւրբ եղիցի ձեզ. եւ խոնարհեցուսջի́ք զանձինս ձեր յիններորդէ օրէ ամսեան յերեկորեայ. եւ մատուսջիք ողջակէզս տ(եառ)ն։

Verse: 27  Link to sept   Զա(մենայ)ն գործ մի́ գործիցէք յաւուրն յայնմիկ, զի օր՝ քաւութե(ան) է նա ձեզ. քաւե́լ վ(ա)ս(ն) ձեր առաջի տ(եառ)ն ա(ստուծո)յ ձերոյ։

Verse: 28  Link to sept   Ա(մենայ)ն անձն որ ո́չ խոնարհեսցի յաւուրն յայնմիկ, սատակեսցի́ ՛ի ժողովրդենէ իւրմէ։

Verse: 29  Link to sept   եւ ա(մենայ)ն անձն որ գործիցէ գործ յաւուր յայնմիկ, կորիցէ́ անձն այն ՛ի ժողովրդենէ իւրմէ։

Verse: 30  Link to sept   զա(մենայ)ն գործ՝ մի́ գործիցէք։ օրէ́ն յաւիտենական եղիցի յազգս ձեր, յա(մենայ)ն բնակու(թ)ե(ան) ձերում։

Verse: 31  Link to sept   Շաբա́թ շաբաթուց եղիցի ձեզ. եւ խոնարհեցուսջի́ք զանձինս ձեր յիններորդէ օրէ ամսեանն յերեկորեայ մինչեւ ցերեկոյն. շաբաթացուսջի́ք զշաբաթս ձեր։

Verse: 32  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 33  Link to sept   խօսեա́ց ընդ որդիսդ ի(սրաէ)լի՝ եւ ասասցես. ՛ի հնգետասաներորդի աւուր ամսեանն եւթներորդի տօն Տաղաւարահարաց զեւթն օր տ(եառ)ն։

Verse: 34  Link to sept   եւ օրն առաջին կոչեցեալ սո́ւրբ. զա(մենայ)ն գործ սպասաւորութե(ան) մի́ գործիցէք։

Verse: 35  Link to sept   Զեւթն օր մատուցանիջիք ողջակէզս տ(եառ)ն. եւ օրն եւթներորդ կոչեցեալ, սո́ւրբ եղիցի ձեզ, եւ մատուցանիցէք ողջակէզ տ(եառ)ն. քանզի ե́լք են. զա(մենայ)ն գործ սպասաւորու(թ)ե(ան) մի́ գործիցէք։

Verse: 36  Link to sept   Ա́յս են տօնք տ(եառ)ն՝ զորս կոչիցէք կոչեցեալ սո́ւրբս, առ ՛ի մատուցանելոյ ընծայս տ(եառ)ն, զողջակէզս եւ զզոհս իւրեանց, եւ նուէ́րս օրըստօրէ

Verse: 37  Link to sept   առանց շաբաթուց տ(եառ)ն. եւ առանց ընծայիցն ձերոց, եւ առանց ա(մենայ)ն ուխտիցն ձերոց, եւ առանց կամայականաց ձերոց՝ զոր տայցէք տ(եառ)ն։

Verse: 38  Link to sept   Եւ ՛ի հնգետասաներորդում աւուր ամսոյն եւթներորդի՝ յորժամ բովանդակիցէք զարդիւնս երկրին, տօնեսջի́ք տ(եառ)ն զեւթն օր։ յաւուրն առաջնում հանգի́ստ, եւ յաւուրն եւթներորդի հանգի́ստ։

Verse: 39  Link to sept   Եւ առնուցուք ձեզ յաւուրն առաջնում պտուղս զգեղեցիկ ծառոց, եւ կողե́րս յարմաւենեաց, եւ ոստս ՛ի տերեւախիտ ծառոց եւ յուռեաց, եւ զոստս հագնեաց ՛ի ձորոց. ուրա́խ լինել առաջի տ(եառ)ն զեւթն օր։

Verse: 40  Link to sept   Եւ տօնեսջի́ք զնա տօն տ(եառ)ն զեւթն օր տարւոյն. օրէ́ն յաւիտենական յազգս ձեր, յամսեանն եւթներորդի́ տօնեսջիք զնա։

Verse: 41  Link to sept   ՛Ի տաղաւա́րս բնակեսջիք զեւթն օր. ա(մենայ)ն բնակքն ի(սրաէ)լի բնակեսցեն ՛ի տաղաւարս։

Verse: 42  Link to sept   զի գիտասցեն ամենայն ազգք ձեր, թէ ՛ի տաղաւարս բնակեցուցի զորդիսդ ի(սրաէ)լի ՛ի հանե́լ ինձ զնոսա յերկրէն եգիպտացւոց. Ե́ս եմ տ(է)ր ա(ստուա)ծ ձեր։

Verse: 43  Link to sept   Եւ պատմեաց մովսէս զտօնս տ(եառ)ն որդւոցն ի(սրաէ)լի։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   Պատուիրեա́ որդւոցն իսրայէլի. եւ առցեն քեզ եւղ ձիթենեաց սո́ւրբ խակակութ ՛ի լոյս. եւ այրիցի ճրա́գ հանապազորդ

Verse: 3  Link to sept   արտաքոյ վարագուրին ՛ի խորանին վկայու(թ)ե(ան). եւ լուցցէ́ զայն ահարոն եւ որդիք ն(ո)ր(ա), յերեկորեայ մինչեւ ցառաւօտ առաջի տ(եառ)ն անպակաս. օրէն յաւիտենական յազգս ձեր։

Verse: 4  Link to sept   ՛Ի վերայ աշտանակին սրբոյ այրիցէ́ք զճրագունսն առաջի տ(եառ)ն մինչեւ ցառաւօտ։

Verse: 5  Link to sept   Եւ առնուցուք նաշի́հ, եւ առնիցէք զայն՝ երկոտասա́ն պան. յերկո́ւց տասանորդաց լինիցի պան մի։

Verse: 6  Link to sept   Եւ դնիցէք զն(ո)ս(ա) երկո́ւս նուէրս. վե́ց պան զմի նուէր ՛ի վ(ե)ր(այ) սեղանոյն սրբոյ առաջի տ(եառ)ն։

Verse: 7  Link to sept   եւ դիցես ՛ի վ(ե)ր(այ) նուիրին կնդրո́ւկ ս(ուր)բ՝ եւ աղ. եւ եղիցին ՛ի հաց յիշատակի զառաջաւոր տ(եառ)ն։

Verse: 8  Link to sept   Յաւուրն շաբաթուց դնիցէք առաջի տ(եառ)ն, հանապազորդ յորդւոցն ի(սրաէ)լի ո́ւխտ յաւիտենական։

Verse: 9  Link to sept   Եւ եղիցի ահարոնի եւ որդւոցն ն(ո)ր(ա), եւ կերիցեն զայն ՛ի սո́ւրբ տեղւոջ. զի սրբութի(ւն) սրբութե(ան)ց է այն նմա ՛ի զոհաւորա́ցն տ(եառ)ն՝ օրէ́ն յաւիտենական։

Verse: 10  Link to sept   Եւ ել որդի կնոջ ի(սրա)էլացւոյ, եւ նա́ էր որդի ա́ռն եգիպտացւոյ ՛ի մէջ որդւոցն ի(սրաէ)լի, եւ կռուեցան ՛ի բանակին։ Որ յի(սրա)էլացւոյ անտի էր. եւ ա́յր մի ի(սրա)էլացի,

Verse: 11  Link to sept   եւ անուանեալ կնոջն ի(սրա)էլացւոյ զանունն՝ եւ անէծ։ եւ ածին զնա առ մովսէս. եւ անուն մօր նորա սաղամիթ՝ դուստր դաբրեայ, յազգէ դանայ։

Verse: 12  Link to sept   եւ արկին զնա ՛ի պահ, դատել հրամանաւ տ(եառ)ն։

Verse: 13  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 14  Link to sept   հանէ́ք զայրն որ անէծն՝ արտաքոյ բանակին. եւ դիցեն որք լուան՝ զձեռս իւրեանց ՛ի վ(ե)ր(այ) գլխոյ նորա, եւ քարկոծեսցե́ն զնա ա(մենայ)ն ժողովուրդն։

Verse: 15  Link to sept   Եւ ընդ որդիսն ի(սրաէ)լի խօսեսցիս եւ ասասցես ցնոսա. Ա́յր ոք այր՝ որ անիծանիցէ զա(ստուա)ծ, մե́ղս ընկալցի.

Verse: 16  Link to sept   զի անուանեաց զանուն տ(եառ)ն՝ մահո́ւ մեռցի. քարընկէցութ(եամ)բ քարկո́ծ արասցեն զնա ամենայն ժողովուրդն. եթէ պանդո́ւխտ իցէ՝ եւ եթէ բնակ, յանուանել ն(ո)ր(ա) զանուն տ(եառ)ն, սատակեսցի́։

Verse: 17  Link to sept   Եւ մարդ ոք՝ որ հարկանիցէ զա(մենայ)ն անձն մարդոյ՝ եւ մեռանիցի, մահո́ւ մեռանիցի եւ նա։

Verse: 18  Link to sept   Եւ որ հարկանէ զանասուն, ա́նձն ընդ անձին տուժեսցի։

Verse: 19  Link to sept   Եւ եթէ եղիցէ́ ոք զընկեր իւր. ո(ր)պ(էս) արարն՝ նոյնպէս արասցի նմա։

Verse: 20  Link to sept   Բեկումն ընդ բեկման, ա́կն ընդ ական, ատամն ընդ ատաման. ո(ր)պ(էս) առնիցէ ոք զխեղու(թ)ի(ւն)՝ նո́յնպէս հատուսցի նմա։

Verse: 21  Link to sept   Եւ որ հարկանէ զմարդ՝ եւ մեռանիցի, մահո́ւ մեռանիցի եւ նա́։

Verse: 22  Link to sept   իրաւունք՝ մի եւ նո́յն կացցեն, եկին, եւ բնակին. զի ե́ս եմ տ(է)ր ա(ստուա)ծ ձեր։

Verse: 23  Link to sept   Եւ խօսեցաւ մովսէս ընդ որդիսն ի(սրաէ)լի եւ հանին զայրն որ անէծն՝ արտաքոյ բանակին. եւ քարկոծ արարին զնա՝ ա(մենայ)ն ժողովուրդն քարամբք. եւ որդիքն ի(սրաէ)լի արարին՝ ո(ր)պ(էս) պատուիրեաց տ(է)ր մովսիսի։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Խօսեցաւ տ(է)ր ընդ մովսիսի՝ ՛ի լերինն սինայ՝ եւ ասէ։

Verse: 2  Link to sept   խօսեա́ց ընդ որդիսն ի(սրաէ)լի՝ եւ ասասցես ցն(ո)ս(ա)։ Եթէ մտանիցէք յերկիրն զոր ես տա́ց ձեզ, եւ հանգչիցի́ երկիրն զոր տաց ձեզ. զի շաբա́թ տ(եառ)ն է։

Verse: 3  Link to sept   զվե́ց ամ վարեսցես զա́նդ քո, եւ զվե́ց ամ յատցես զայգի քոյ, եւ ժողովեսցե́ս զպտուղ նորա.

Verse: 4  Link to sept   Յամին եւթներորդի շաբաթ հանգիստ եղիցի երկրին. զի շաբաթ տ(եառ)ն է. զանդ քո ո́չ վարեսցես, եւ զայգի քո ո́չ յատցես.

Verse: 5  Link to sept   եւ զինքնեակն անդոյ քոյ որ գայցէ՝ ո́չ հնձեսցես, եւ զխաղող սրբութե(ա)ն քոյ ո́չ կթեսցես. զի ա́մ հանգստեան է այն երկրին։

Verse: 6  Link to sept   Եւ եղիցի շաբա́թ երկրին ձերոյ, կերակուր՝ ձե́զ, եւ ծառային քում, եւ աղախնո́յ քում, եւ վարձակին քում, եւ պանդխտին յեցելոյ ՛ի քեզ.

Verse: 7  Link to sept   եւ անասնոյ քում, եւ գազանաց որ իցեն յերկրին քում. եղիցի ա(մենայ)ն բերն նորա՝ ՛ի կերակուր։

Verse: 8  Link to sept   Եւ թուեսցե́ս դու քեզ եւթն հանգիստ ամաց, եւ եւթն ամ եւթնեկին. եւ եղիցին եւթն եւթներորդքն ամաց՝ քառասուն եւ ինն ամ։

Verse: 9  Link to sept   Եւ ա́զդ առնիցէք բարբառով փողոյ յա(մենայ)ն երկրին ձերում, յամսեանն եւթներորդի՝ որ օր տասն իցէ ամսոյն. յաւուրն քաւութե(ան) ա́զդ արասջիք փողով ընդ ամենայն երկիրն ձեր։

Verse: 10  Link to sept   Եւ սրբեսջի́ք զամն յիսներորդ տարւոյն, եւ քարոզեսջի́ք թողութի(ւն) ՛ի վերայ երկրին՝ ամենայն բնակչաց ն(ո)ր(ա). զի տարի թողու(թ)ե(ա́ն) եղիցի ձեզ այն ազդեցու(թ)ի(ւն)։ Եւ դարձցի́ իւրաքանչիւրոք ՛ի ստացուածս իւր, եւ իւրաքանչիւրոք յա́զգ իւր երթիցէ.

Verse: 11  Link to sept   զի թողութե(ան) ազդեցութի(ւն) է այն։ Ամն յիսներորդ՝ եղիցի ձեզ տարեկա́ն. մի́ սերմանիցէք, եւ մի́ հնձիցէք զինքնեակս ն(ո)ր(ա)՝ որ ելանիցեն. եւ մի́ կթիցէք զսրբեցեալս ն(ո)ր(ա).

Verse: 12  Link to sept   զի թողութե(ան) ազատութի(ւն) է, սո́ւրբ լինիցի ձեզ. ՛ի դաշտա́ց կերիջիք զարմտիսն ն(ո)ր(ա)։

Verse: 13  Link to sept   Յամին ազդեցու(թ)ե(ան) թողու(թ)ե(ան) ն(ո)ր(ա)՝ դարձցի́ իւրաքանչիւրոք ՛ի ստացուած իւր։

Verse: 14  Link to sept   Ապա թէ վաճառեսցէ ոք վաճառ ընկերի իւրում, եւ ստասցի́ յընկերէ իւրմէ, մի́ նեղեսցէ այր զընկեր իւր.

Verse: 15  Link to sept   Ըստ թուոյ ամացն յետ ազդեցու(թ)ե(ա)ն. ստասցի յընկերէ իւրմէ ը(ս)տ թուոյ ամաց արմտեացն վաճառեսցի քեզ.

Verse: 16  Link to sept   ըստ յաճախելոյ արմտեացն յաճախեսցէ զստացուածն իւր. եւ ը(ս)տ պակասելոյ ամա́ցն պակասեցուսցէ զստացուածսն իւր. զի ըստ թուոյ արդեանցն վաճառեսցէ զնա քեզ։

Verse: 17  Link to sept   մի́ նեղեսցէ այր զընկեր իւր։ Եւ երկնչիցի́ս ՛ի տն(թեն)է ա(ստուծո)յ քումմէ. ե́ս եմ տ(է)ր ա(ստուա)ծ ձեր։

Verse: 18  Link to sept   Եւ արասջի́ք զա(մենայ)ն իրաւունս իմ, եւ զա(մենայ)ն դատաստանս իմ. եւ պահեսջի́ք եւ արասջիք զն(ո)ս(ա). եւ բնակեսջի́ք յերկրին յուսով։

Verse: 19  Link to sept   եւ տացէ́ երկիրն զբերս իւր, եւ կերիջիք ցյա́գ. եւ բնակեսջի́ք ՛ի նմա վստահութ(եամ)բ։

Verse: 20  Link to sept   Ապա թէ ասիցէք՝ զի՞նչ կերիցուք յամին եւթներորդի յայնմիկ, եթէ ո́չ սերմանիցեմք՝ եւ ո́չ ժողովիցեմք զարմտիս մեր։

Verse: 21  Link to sept   Առաքեցի́ց զօրհնութի(ւն)ս իմ ՛ի ձե́զ յամին վեցերորդի. եւ արասցէ զարդիւնս իւր երի́ց ամաց.

Verse: 22  Link to sept   եւ սերմանեսջի́ք յամին ութերորդի. եւ կերիջիք զհին արդեանցն մինչեւ ցամն իններորդ. մինչեւ գայցեն արմտիք ն(ո)ր(ա), կերիջիք հին ՛ի հնոյ։

Verse: 23  Link to sept   Եւ երկիրն ո́չ վաճառեսցի ՛ի հաստատութի(ւն). զի ի́մ է երկիրն. քանզի պանդուխտք եւ նժդե́հ էք դուք առաջի իմ։

Verse: 24  Link to sept   եւ ըստ ա(մենայ)ն երկրին կալուածոյ ձերոյ՝ փրկա́նս տաջիք երկրին։

Verse: 25  Link to sept   Եւ եթէ աղքատասցի եղբայր քո որ ընդ քե́զ իցէ, եւ վաճառեսցէ́ ՛ի կալուածոց իւրոց. եւ եկեսցէ մերձաւորիչն՝ որ մերձաւո́ր իցէ նորա, եւ փրկեսցէ́ զվաճառ եղբօր իւրոյ։

Verse: 26  Link to sept   Ապա թէ չիցէ́ ուրուք մերձաւորիչ, եւ ձեռնհա́ս իցէ. եւ գտանիցի նմա բաւական փրկանացն իւրոց.

Verse: 27  Link to sept   եւ համարիցի զամս վաճառին իւրոյ, եւ հատուսցէ կարողն ա́չնն որում վաճառեա́ց նմա, եւ դարձցի́ ՛ի կալուածս իւր։

Verse: 28  Link to sept   Ապա թէ ո́չ գտցի ՛ի ձեռին նորա բաւականն՝ առ ՛ի հատուցանելոյ նմա. եղիցի վաճառ ն(ո)ր(ա) ա́յնմ որ ստացաւն զնա մինչեւ յամն թողութե(ան)։ եւ ելցէ յամին թողութե(ան), եւ դարձցի́ անդրէն ՛ի կալուածս իւր։

Verse: 29  Link to sept   Եւ եթէ վաճառեսցէ ոք տո́ւն բնակութե(ան) ՛ի պարսպաւո́ր քաղաքի. եղիցին փրկանք ն(ո)ր(ա) մինչեւ ՛ի կատարել տարւոյն աւուրցն վաճառի նորա. օրաթուի́ լինիցին փրկանքն ն(ո)ր(ա)։

Verse: 30  Link to sept   Ապա թէ ո́չ փրկիցի՝ մինչեւ լնուցու ն(ո)ր(ա) տարին ողջոյն, հաստատեսցի́ տունն որ իցէ ՛ի պարսպաւո́ր քաղաքի հաստատու(թեամ)բ ստացողին իւրոյ յազգս իւր. եւ ելցէ ՛ի թողու(թ)ե(ա)ն։

Verse: 31  Link to sept   Իսկ տո́ւնք, որ յաւա́նս իցեն, որոց պարիսպ ո́չ իցէ շուրջանակի, ընդ ա́նդս երկրի համարեսցին, եւ հանապազ ընդ փրկանօք լիցին. եւ ՛ի թողու(թ)ե(ա)ն ելցե́ն։

Verse: 32  Link to sept   Եւ ՛ի քաղաքս ղեւտացւոց տունք, որ ՛ի քաղաքս կալուածոց ն(ո)ց(ա) իցեն, ընդ փրկանօք լինիցին հանապազ որ ՛ի մէջ ղեւտացւոցն իցէ։

Verse: 33  Link to sept   Եւ որոք փրկեսցէ ՛ի ղեւտացւոց անտի, ելցէ վաճառ տա́նց քաղաքաց կալուածոցն ն(ո)ց(ա) ՛ի թողութե(ա)ն. զի տունք քաղաքացն ղեւտացւոցն կալուածք ն(ո)ց(ա) են ա́յն ՛ի մէջ որդւոցն ի(սրաէ)լի։

Verse: 34  Link to sept   Եւ ագարակք զատուցեալք ՛ի քաղաքս ն(ո)ց(ա)՝ մի́ վաճառեսցին. զի կալուած յաւիտենական է այն ն(ո)ց(ա)։

Verse: 35  Link to sept   Եւ եթէ աղքատանայցէ եղբայր քո եւ տկարանայցէ ձեռօք՝ առ քե́զ պատսպարեսցես զնա, իբրեւ զե́կն եւ զպանդուխտն. եւ կեցցէ́ եղբայրն քո՝ ոե ընդ քեզն իցէ։

Verse: 36  Link to sept   Մի́ առնուցուս ՛ի նմանէ վա́շխ եւ տոկոսիս. եւ երկնչիցի́ս ՛ի տ(եառն)է ա(ստուծո)յ քումմէ, զի ե́ս եմ տ(է)ր, եւ կեցցէ́ եղբայր քո ընդ քեզ։

Verse: 37  Link to sept   զարծաթ քո մի́ տացես նմա ընդ տոկոսեօք, եւ զկերակուր քո մի́ տացես նմա ը(նդ) շարիատիւ։

Verse: 38  Link to sept   Ե́ս եմ տ(է)ր ա(ստուա)ծ ձեր, որ հանի զձեզ յերկրէն եգիպտացուց, տա́լ ձեզ զերկիրն քանանացւոցն, առ ՛ի լինելոյ ձեր ա(ստուա)ծ։

Verse: 39  Link to sept   Եւ եթէ տնանկասցի́ եղբայր քո որ ը(նդ) քեզ՝ եւ վաճառեսցի́ քեզ, մի́ ծառայեսցէ քեզ զծառայութի(ւն) ստրկի,

Verse: 40  Link to sept   իբրեւ զվարձկան։ իբրեւ զպանդո́ւխտ եղիցի քեզ. մինչեւ յա́մն թողութե(ան) գործեսցէ առ քեզ։

Verse: 41  Link to sept   Եւ ելցէ́ ՛ի թողու(թ)ե(ա)ն ինքն եւ որդիք իւր ընդ իւր, եւ դարձցի́ յազգ իւր, եւ ՛ի հայրենի́ կալուածս իւր երթիցէ։

Verse: 42  Link to sept   Զի ծառայք ի́մ են ն(ո)ք(ա) զորս եւ հանի յերկրէն եգիպտացւոց. մի́ վաճառեսցին ՛ի վաճառ ստրկի.

Verse: 43  Link to sept   եւ մի́ տառապեցուսցես զնա ընդ աշխատութ(եամ)բ. եւ երկնչիցի́ս ՛ի տ(եառն)է ա(ստուծո)յ քումմէ։

Verse: 44  Link to sept   Եւ ծառայ՝ կամ աղախին որչափ եւ լինիցին քեզ յազգացն որ շուրջ զքեւն իցեն, ՛ի նոցանէ ստասջի́ք.

Verse: 45  Link to sept   եւ յորդւոց պանդխտացն՝ որ ՛ի միջի́ ձերում իցեն, ՛ի նոցանէ́ ստանայցէք, եւ յազգականա́ց ն(ո)ց(ա) որչափ ինչ լինիցին յերկրին ձերում՝ եղիցին ձեզ ՛ի կալուածս.

Verse: 46  Link to sept   եւ բաժանեսջի́ք զն(ո)ս(ա) որդւոց ձերոց յետ ձեր, եւ եղիցին ձեզ ստրո́ւկք յաւիտեան։ Բայց յեղբարց ձերոց յորդւոցն ի(սրաէ)լի՝ իւրաքանչի́ւրոք զեղբայր իւր մի́ տառապեցուցանիցէք աշխատութ(եամ)բ։

Verse: 47  Link to sept   Եւ եթէ բաւակա́ն իցէ ձեռն եկին եւ պանդխտին որ առ քեզ իցէ. եւ չքաւորեա́լ եղբայր քո վաճառեսցի եկի́ն կամ պանդխտի որ առ քեզ իցէ՝ անդէն ծնելոյ պանդխտին։

Verse: 48  Link to sept   Յե́տ վաճառելոյն ն(ո)ր(ա) փրկա́նք լինիցին նմա։ մի́ ոք՝ որ եւ իցէ յեղբարց իւրոց՝ փրկեսցէ́ զնա։

Verse: 49  Link to sept   եղբա́յր հօր՝ կամ որդի հօրեղբօր փրկեսցէ զնա. կամ ոք յընտանեա́ց մարմնոյ իւրոյ ՛ի ցեղէ́ իւրմէ փրկեսցէ զնա։ Ապա թէ ի́ւր իսկ զձեռամբ իցէ՝ ինքնին փրկեսցէ զանձն.

Verse: 50  Link to sept   եւ համարեսցի́ ընդ ստացողին իւրոյ, յամէ անտի յորմէ վաճառեցաւ նա մինչեւ ցա́մն թողութե(ան). եւ եղիցի արծաթ գնոց ն(ո)ր(ա) իբրեւ վարձկանի. ա́մ յամէ որչափ իցէ́ ընդ նմա։

Verse: 51  Link to sept   Եւ եթէ աւելի́ եւս քան զայն ամս կայցէ, տացէ́ զփրկանս իւր յարծաթոյ ստացուածոյն իւրոյ։

Verse: 52  Link to sept   Եւ եթէ սակա́ւ ինչ կայցէ յամաց անտի մինչեւ ցամն թողութե(ան). համարեսցի́ իւր ըստ ամացն իւրոց, եւ տացէ զփրկանս իւր

Verse: 53  Link to sept   իբրեւ զվարձկան ա́մ յամէ, որչափ եւ իցէ́ ընդ նմա. եւ մի́ տառապեցուցանիցէ զնա աշխատու(թեամ)բ առաջի քո։

Verse: 54  Link to sept   Ապա թէ ո́չ փրկեսցէ զնա ը(ս)տ այսմ օրինակի, ելցէ́ յամին թողութե(ան), ինքն եւ որդիք իւր ընդ նմա։

Verse: 55  Link to sept   զի ի́մ են որդիքն ի(սրաէ)լի ստրուկք. ծառայք ի́մ են, զորս հանի յերկրէն եգիպտացւոց։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Ե́ս եմ տ(է)ր ա(ստուա)ծ ձեր։
   Մի́ առնիցէք ձեզ ձեռագո́րծս կամ դրօշեալս. եւ մի́ կանգնիցէք ձեզ արձան. եւ մի́ քարկոթող դնիցէք յերկրի ձերում երկի́ր պագանել նմա. ե́ս եմ տ(է)ր ա(ստուա)ծ ձեր։

Verse: 2  Link to sept   Զշաբաթս իմ պահեսջի́ք, եւ ՛ի սրբու(թ)ե(ան)ց իմոց երկնչիջի́ք. զի ե́ս եմ տ(է)ր։

Verse: 3  Link to sept   Եթէ ըստ հրամանաց իմոց գնայցէք, եւ զպատուիրանս իմ պահիցէք, եւ առնիցէք զնոսա՝ Տա́ց ձեզ անձրեւ ՛ի ժամանակի իւրում.

Verse: 4  Link to sept   եւ երկիրն տացէ́ զարմտիս իւր. եւ ծա́ռք դաշտաց տացեն զպտուղս իւրեանց։

Verse: 5  Link to sept   Եւ հասցեն ձեր կա́լք ՛ի կութս, եւ կո́ւթք ՛ի սերմանս հասանիցեն ձեր. եւ կերիջի́ք զհաց ձեր ցյա́գ, եւ բնակեսջի́ք անհոգու(թեամ)բ յերկրին ձերում։

Verse: 6  Link to sept   Եւ տաց խաղաղու(թ)ի(ւն) յերկրին ձերում. եւ պատերազմ մի́ անցցէ ընդ երկիր ձեր. եւ ննջիցէ́ք, եւ ո́չ ոք իցէ որ զարհուրեցուցանիցէ զձեզ. եւ կորուսի́ց զգազանս չա́րս յերկրէ ձերմէ.

Verse: 7  Link to sept   եւ հալածեցից զթշնամիս ձեր, եւ անկանիցի́ն առաջի ձեր սպանմամբ։

Verse: 8  Link to sept   Եւ հալածիցեն ՛ի ձէնջ հինգք զհարիւրս. եւ հարիւրք ՛ի ձէնջ հալածեսցեն զբե́ւրս, եւ անկանիցին թշնամիք ձեր առաջի ձեր սրո́վ։

Verse: 9  Link to sept   Եւ հայեցա́յց ՛ի ձեզ. եւ աճեցուցի́ց զձեզ, եւ բազմացուցի́ց զձեզ. եւ հաստատեցի́ց զուխտ իմ ՛ի ձեզ։

Verse: 10  Link to sept   եւ կերիջի́ք զհին՝ եւ զհնո́յ հին. եւ զհինն յերեսաց նորոյն հանիջի́ք ՛ի բաց։

Verse: 11  Link to sept   Եւ հաստատեցի́ց զուխտ իմ ՛ի ձեզ. եւ ո́չ գարշեսցի անձն իմ ՛ի ձէնջ։

Verse: 12  Link to sept   եւ գնացի́ց ՛ի ձեզ, եւ եղէց ձեր ա(ստուա)ծ. եւ դուք եղիջիք ինձ ՛ի ժողովուրդ։

Verse: 13  Link to sept   Ե́ս եմ տ(է)ր ա(ստուա)ծ ձեր՝ որ հանի զձեզ յերկրէն եգիպտացւոց, մինչ էիք դուք ծառայք. եւ խղեցի́ զկապանս լծոյն ձերոյ, եւ ածի զձեզ համարձակութ(եամ)բ։

Verse: 14  Link to sept   Ապա թէ ոչ լսիցէք ինձ, եւ ո́չ առնիցէք զա(մենայ)ն հրամանս իմ զայսոսիկ,

Verse: 15  Link to sept   այլ հեստիցէ́ք սոցա. եւ յիրաւանց իմոց տաղտկանայցեն անձինք ձեր, առ ՛ի չառնելո́յ ձեզ զա(մենայ)ն զպատուիրանս իմ, եւ ցրելո́յ զուխտն իմ։

Verse: 16  Link to sept   Արարից նո́յնպէս եւ ե́ս ձեզ. հաստատեցից ՛ի վ(ե)ր(այ) ձեր տագնապաւ տարակուսա́նս, զքո́ս եւ զդալուկն. որ՝ սորեցուցանիցեն զաչս ձեր, եւ հաչիցէք յանձինս ձեր. եւ սրմանիջիք ՛ի սնոտիս զսերմանիս ձեր. եւ զայն հակառակո́րդք ձեր կերիցեն։

Verse: 17  Link to sept   Հաստատեցի́ց զերեսս իմ ՛ի ձեզ. եւ անկանիջի́ք առաջի թշնամեաց ձերոց. եւ հալածեսցեն զձեզ ատելիք ձեր. եւ լինիջի́ք փախստեա́յք առանց ուրուք հալածելոյ զձեզ։

Verse: 18  Link to sept   Եւ եթէ տակաւին ո́չ լսիցէք ինձ՝ յաւելից խրատել զձեզ եւթնպատի́կ ՛ի վ(ե)ր(այ) մեղացն ձերոց։

Verse: 19  Link to sept   եւ խորտակեցից զհպարտու(թ)ի(ւն) ամբարտաւանու(թ)ե(ան)ց ձերոց. եւ արարից ձեզ զերկինս երկաթի, եւ զերկիր ձեր իբրեւ պղնձի́։

Verse: 20  Link to sept   եւ եղիցի ընդունայն զօրու(թ)ի(ւն)դ ձեր. եւ մի́ տացէ երկիր ձեր զսերմանիս իւր, եւ մի́ ծառ վայրաց տացէ զպտուղ իւր։

Verse: 21  Link to sept   Եւ եթէ տակաւին գնայցէք դուք խոտորնա́կս, եւ ո́չ կամիցիք լսե́լ ինձ. յաւելի́ց ձեզ հարուածս եւթնպատիկ ըստ անօրէնու(թ)ե(ան) ձերում։

Verse: 22  Link to sept   եւ առաքեցից ՛ի վ(ե)ր(այ) ձեր գազա́նս չարս երկրի, եւ կերիցե́ն զձեզ, եւ սատակեսցեն զանասունս ձեր։ եւ նուազո́ւնս արարից զձեզ. եւ կուրասցին ճանապարհք ձեր։

Verse: 23  Link to sept   Ապա թէ այնո́ւ եւս ոչ խրատիցիք. այլ տակաւին խոտորնա́կս գնայցէք ընդիս.

Verse: 24  Link to sept   գնացից եւ ես ը(նդ) ձեզ բարկու(թեամ)բ խոտորնակս. եւ հարի́ց զձեզ եւթնպատիկ փոխանակ մեղաց ձերոց։

Verse: 25  Link to sept   եւ սատակեցի́ց զձեզ սրով, խնդրել զվրէժ ուխտին։ եւ թէ ամրանայցէք ՛ի քաղաքս ձեր, առաքեցից մա́հ ՛ի ձեզ. եւ մատնեսջիք ՛ի ձեռս թշնամեաց։

Verse: 26  Link to sept   ՛Ի նեղել զձեզ ռոճկաւ հացի, եփեսցեն տա́սն կին զհացն ձեր ՛ի միում թոնրի, եւ տացեն զհացն ձեր կշռո́վ. եւ կերիջիք եւ մի́ յագիջիք։

Verse: 27  Link to sept   Եւ եթէ այնու ո́չ եւս լուիցէք ինձ. այլ գնայցէք ընդիս խոտորնակս.

Verse: 28  Link to sept   եւ ե́ս գնացից ընդ ձեզ բարկութ(եամ)բ խոտորնակս։ Եւ խրատեցի́ց զձեզ եւթնպատիկ ըստ մեղաց ձերոց.

Verse: 29  Link to sept   եւ կերիջիք զմարմինս ուստերաց եւ դստերաց ձերոց,

Verse: 30  Link to sept   եւ կործանեցի́ց զարձանս ձեր. եւ աւերեցի́ց զփայտեղէն ձեռագործս ձեր. եւ արկից զդիս ձեր զդիակամբք կռոց ձերոց. եւ գարշեսցի́ անձն իմ ՛ի ձէնջ։

Verse: 31  Link to sept   Եւ արարից զքաղաքս ձեր աւերա́կս, եւ թափո́ւր արարից զսրբութի(ւն)ս ձեր. եւ ո́չ հոտոտեցայց ՛ի հոտ զոհից ձերոց։

Verse: 32  Link to sept   եւ աւերեցի́ց զերկիրն ձեր. եւ զարմասցի́ն ընդ նա թշնամիքն ձեր, որ բնակեալ իցեն ՛ի նմա։

Verse: 33  Link to sept   Եւ ցրեցի́ց զձեզ ընդ ազգս. եւ սատակեսցէ́ զձեզ սուրն եկեալ ՛ի վ(ե)ր(այ). եւ եղիցի երկիրն ձեր աւերա́կ, եւ քաղաքքն ձեր թափո́ւրք։

Verse: 34  Link to sept   Յայնժամ հաճեսցի́ երկիրն ընդ շաբաթս իւր զա(մենայ)ն աւուրս աւերածոյն իւրոյ.

Verse: 35  Link to sept   եւ դուք եղիջիք յերկրին թշնամեաց ձերոց յերկի́ր օտար։ Յայնժամ շաբաթասցի́ երկիրն ձեր, եւ հաճեսցի ը(նդ) շաբաթս իւր զա(մենայ)ն աւուրս աւերածոյն իւրոյ. եւ շաբաթասցի զշաբաթսն զոր ո́չ շաբաթացաւ ՛ի շաբաթս ձեր, ՛ի ժամանակի յորում բնակէիքն ՛ի նմա։

Verse: 36  Link to sept   Եւ ՛ի վ(ե)ր(այ) մնացելոցն ՛ի ձէնջ ածից դողո́ւմն ՛ի սիրտս ն(ո)ց(ա) յերկրին թշնամեաց իւրեանց. եւ հալածեսցէ́ զն(ո)ս(ա) ձայն տերեւոյ խարխափելոյ. եւ փախիցեն ո(ր)պ(էս) փախչիցին ՛ի պատերազմէ. եւ անկանիցի́ն առանց ուրուք հալածելոյ։

Verse: 37  Link to sept   Եւ թողցէ́ եղբայր զեղբայր իւր իբրեւ ՛ի պատերազմի՝ առանց ուրուք զհետ մտանելոյ. եւ ո́չ կարիցէք ընդդէմ դառնալ թշնամեաց ձերոց։

Verse: 38  Link to sept   եւ կորնչիցիք ՛ի մէջ ազգաց. եւ կերիցէ́ զձեզ երկիրն թշնամեաց ձերոց։

Verse: 39  Link to sept   Եւ մնացեալքն ՛ի ձէնջ սատակեսցի́ն վ(ա)ս(ն) մեղաց իւրեանց յերկրի́ թշնամեաց իւրեանց. եւ վ(ա)ս(ն) մեղաց հա́րց իւրեանց՝ որ ը(նդ) նոսա մաշեսցին։

Verse: 40  Link to sept   Եւ խոստովա́ն լիցին զմեղս իւրեանց եւ զհա́րց իւրեանց, զի յանցեան, եւ արհամարհեցին զիս։ եւ զի գնացին առաջի իմ խոտորնա́կս.

Verse: 41  Link to sept   եւ ես գնացի́ց ընդ ն(ո)ս(ա) բարկու(թեամ)բ խոտորնակս, եւ կորուսի́ց զն(ո)ս(ա) յերկրի թշնամեաց իւրեանց։ յայնժամ ամաչեսցէ́ սիրտ նոցա անթլփատ. եւ յայնժամ հաճեսցի́ն ընդ մեղս իւրեանց։

Verse: 42  Link to sept   Եւ յիշեցի́ց զուխտն յակոբայ, եւ զուխտն իսահակայ, եւ զուխտն աբրահամու յիշեցի́ց. եւ զերկիրն յիշեցից։

Verse: 43  Link to sept   եւ երկիրն լքցի́ ՛ի ն(ո)ց(ա)է։ յայնժամ ընկալցի երկիրն զշաբաթս իւր, յաւերել ն(ո)ր(ա) վ(ա)ս(ն) ն(ո)ց(ա). եւ ն(ո)ք(ա) ընկալցի́ն զանօրէնու(թ)ի(ւն)ս իւրեանց. փոխանակ զի զիրաւունս իմ արհամարհեցին, եւ ՛ի հրամանաց իմոց տաղտկացաւ անձն ն(ո)ց(ա)։

Verse: 44  Link to sept   Եւ ես՝ մինչդեռ էին յերկրի թշնամեացն իւրեանց, ո́չ արարի զն(ո)ս(ա) անտես. եւ ո́չ տաղտկացայ նոքօք առ ՛ի սատակելոյ զն(ո)ս(ա)՝ ցրե́լ զուխտ իմ որ ընդ ն(ո)ս(ա). զի ե́ս եմ տ(է)ր ա(ստուա)ծ ն(ո)ց(ա)։

Verse: 45  Link to sept   Եւ յիշեցի́ց զառաջին ուխտն ն(ո)ց(ա), յորժամ հանի զն(ո)ս(ա) յերկրէն եգիպտացւոց ՛ի տանէ ծառայութե(ան). առաջի ա(մենայ)ն ազգաց՝ լինել ն(ո)ց(ա) ա(ստուա)ծ. զի ես եմ տ(է)ր։ Ա́յս են իրաւունք եւ հրամանք՝ եւ օրէնք, զոր ետ տ(է)ր ՛ի մէջ իւր՝ եւ ՛ի մէջ որդւոցն ի(սրաէ)լի ՛ի լերինն սինայ՝ ՛ի ձեռն մովսիսի։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց ընդ որդիսն ի(սրաէ)լի՝ եւ ասասցե́ս ցնս։ Որ ոք ուխտեսցէ ուխտս, տալ զգինս անձին իւրոյ տ(եառ)ն.

Verse: 3  Link to sept   եղիցին գի́նք արուի ՛ի քսանամենից մինչեւ զվաթսնամեանս. եղիցի դինք ն(ո)ր(ա) յիսուն երկդրամեան արծաթոյ ըստ սրբու(թ)ե(ան) սկեղն։

Verse: 4  Link to sept   եւ եգին՝ լիցի́ն գինք՝ երեսուն երկդրամեան։

Verse: 5  Link to sept   Ապա թէ ՛ի հինգամենից մինչեւ ցքսան ամսն լինիցին՝ գինք արուին՝ քսան երկդրամեան, եւ եգին՝ տասն երկդրաման։

Verse: 6  Link to sept   Եւ յամսօրէից մինչեւ ցհինգեմեանս՝ եղիցի արուին՝ հինգ երկդրամեան արծաթոյ, եւ եգին՝ երեք երկդրամեանք արծաթոյ։

Verse: 7  Link to sept   Ապա թէ ՛ի վաթսնամենից եւ ՛ի վե́ր իցէ. եթէ արու իցէ, եղիցին գինք ն(ո)ր(ա) հնգետասան երկդրամեան արծաթոյ. եւ իգին՝ տա́սն երկդրամեան։

Verse: 8  Link to sept   Ապա թէ աղքա́տ իցէ ՛ի գնոցն. կացցէ́ առաջի քահանային, եւ հատցէ́ նմա քահանայն գին։ եւ որչափ ինչ ՛ի կարի իցէ ՛ի ձեռին ուխտաւորին՝ արկցէ́ նմա գինս քահանայն։

Verse: 9  Link to sept   Եւ եթէ յանասնոց մատուցանելեա́ց տ(եառ)ն իցէ պատարագն. որչափ ինչ տացէ ՛ի ն(ո)ց(ա)է տ(եառ)ն սո́ւրբ լիցի։

Verse: 10  Link to sept   եւ մի́ փոխանակեսցէ զլաւն ընդ յոռւոյն, եւ մի́ զյոռին ընդ լաւին։ ապա թէ փոխանակելո́վ փոխանակեսցէ զայն անասուն ընդ անասնոյ, եղիցի եւ ա́յն փոխանակն սո́ւրբ։

Verse: 11  Link to sept   Ապա թէ յա(մենայ)ն անասնոց անսրբո́ց իցէ՝ յորոց ո́չ մատչիցի պատարագ տ(եառ)ն. կացուսցէ́ զանասունն առաջի քահանային։

Verse: 12  Link to sept   եւ արկցէ́ նմա գինս քահանայն ՛ի մէջ լաւին եւ յոռւոյն. եւ որպէս զիարդ արկցէ́ նմա գինս քահանայն՝ ա́յն կացցէ։

Verse: 13  Link to sept   Իսկ եթէ փրկելով փրկեսցէ զնա. եւ զհինգերորդ մասն գնո́ց նորա յաւելցէ ՛ի նոյն։

Verse: 14  Link to sept   Եւ մարդ ոք՝ որ սրբեսցէ զտուն իւր սրբութի(ւն) տ(եառ)ն, արկցէ́ նմա գինս քահանայն ՛ի մէջ լաւին եւ յոռւոյն. եւ որպէս զիարդ արկցէ́ նմա գինս քահանայն, նո́յն կացցէ։

Verse: 15  Link to sept   Ապա թէ որ սրբեացն զնա՝ փրկեսցէ́ զտուն իւր, յաւելցէ́ եւ զհինգերորդ մասն արծաթոյ գնոց ն(ո)ր(ա) ՛ի նոյն. եւ նմա́ իսկ եղիցի։

Verse: 16  Link to sept   Եւ եթէ յանդոյ կալուածոց իւրոց սրբեսցէ ոք ինչ տ(եառ)ն, եղիցին գինք ն(ո)ր(ա) ըստ սերման իւրում։ քոռի միոջ գետնոյ եղիցի յիսուն երկդրամեան արծաթոյ։

Verse: 17  Link to sept   Եւ եթէ յամէ թողու(թ)ե(ա)ն սրբեսցէ զանդն իւր. ըստ գնոցն որչափ ինչ իցեն, կացցէ։

Verse: 18  Link to sept   Ապա թէ յետ թողութե(ա)ն սրբեսցէ զանդն իւր. համարեսցի́ նմա քահանայն զարծաթն յա́յլ եւս ամսն՝ մինչեւ ցտարին թողու(թ)ե(ան). եւ հատցէ́ փոքր ինչ ՛ի գնոց անտի նորա։

Verse: 19  Link to sept   Ապա թէ փրկեսցէ զանդն որ սրբեացն զնա, յաւելցէ́ զհինգերորդ մասն արծաթոյ ՛ի գինս իւր. եւ նորա́ իսկ լիցի։

Verse: 20  Link to sept   Ապա թէ ոք փրկեսցէ զանդն իւր, եւ վաճառեսցէ́ զանդն իւր այլո́ւմ մարդոյ. մի́ եւս փրկեսցի́.

Verse: 21  Link to sept   այլ եղիցի անդն ելեալ՝ ՛ի թողու(թ)ե(ա)ն սո́ւրբ տ(եառ)ն, իբրեւ զերկիր մի զատուցեալ՝ քահանա́յին եղիցի ՛ի կալուած։

Verse: 22  Link to sept   Ապա թէ յանդոյ զոր գնեալ իցէ, եւ չիցէ́ յիւրոց կալուածոց՝ սբեսցէ տ(եառ)ն,

Verse: 23  Link to sept   հաշուեսցի́ ընդ նմա քահանայն ՛ի գնոցն մինչեւ ցտարին թողութե(ան). եւ տացէ զգինսն յաւուր յայնմիկ սրբութի(ւն) տ(եառ)ն։

Verse: 24  Link to sept   Եւ յամին թողու(թ)ե(ան) դարձցի անդն՝ անդրէն առ ա́յրն յորմէ ստացեալ իցէ. որոյ ի́ւր իսկ էր կալուած երկրին։

Verse: 25  Link to sept   Եւ ա(մենայ)ն գինքն եղիցին ըստ սրբութե(ան) կշռոցն. քսա́ն գանգ լիցի երկդրամեանն։

Verse: 26  Link to sept   Եւ ա(մենայ)ն անդրանիկ որ ծնանիցի ՛ի խաշանց քոց՝ տ(եառ)ն լիցի. եւ մի́ ոք փրկեսցէ զայն. եթէ արջա́ռ իցէ, եւ եթէ ոչխար՝ տ(եառ)ն լիցի։

Verse: 27  Link to sept   Եւ եթէ ՛ի չորքոտանեաց անսրբոց՝ փրկիցէ́ ը(ս)տ գնոց իւրոց. զհինգերո́րդ մասն ՛ի նոյն յաւելցէ՝ եւ նորի́ն լիցի։ ապա թէ ոչ փրկեսցի՝ վաճառեսցի́ ըստ գնոց իւրոց։

Verse: 28  Link to sept   Ա(մենայ)ն նուէր՝ զոր նուիրեսցէ ոք տ(եառ)ն՝ յա(մենայ)նէ որ ինչ իւր իցէ ՛ի մարդոյ մինչեւ յանասուն, եւ յանդոյ մինչեւ ցկալուածս իւր, մի́ դարձցի անդրէն՝ եւ մի́ փրկեսցի։ ա(մենայ)ն նուէր՝ ս(ուր)բ սրբու(թ)ե(ան)ց լիցի տ(եառ)ն։

Verse: 29  Link to sept   Ամենայն նուէր՝ որ նուիրիցի ՛ի մարդկանէ, մի́ փրկեսցի, այլ մահո́ւ մեռանիցի։

Verse: 30  Link to sept   Ամենայն տասանորդ յերկրէ՝ ՛ի սերմանեաց երկրին, եւ ՛ի պտղոց ծառոց՝ տ(եառ)ն է ՛ի սրբութի(ւն) տ(եառ)ն։

Verse: 31  Link to sept   Եւ եթէ փրկելո́վ ոք փրկեսցէ զտասանորդ իւր, զհինգերորդ մասն յաւելցէ ՛ի նոյն, եւ նորի́ն լիցի։

Verse: 32  Link to sept   Եւ ա(մենայ)ն տասանորդ՝ արջառոյ եւ ոչխարի, եւ ա(մենայ)ն տասանորդ որ մտանիցէ ընդ թուով գաւազանի՝ սրբու(թ)ի(ւն) տ(եառ)ն լիցի։

Verse: 33  Link to sept   Մի́ լիցի խտիր ընդ բարին եւ ընդ յոռին. եւ մի́ փոխանակեսցես զբարին ընդ յոռւոյ. ապա թէ փոխանակելո́վ փոխանակեսցես. եւ նա́ եւ փոխանակն իւր եղիցին ս(ուր)բ՝ եւ մի́ փրկեսցին։

Verse: 34  Link to sept   Ա́յս են պատուիրանք՝ զոր պատուիրեաց տ(է)ր մովսիսի առ որդիսն ի(սրաէ)լի ՛ի լերինն սինայի։





Book: Num. 
Numeri

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 28.4.2006

ԹԻՒՔ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԽՕՍԵՑԱ́Ւ ՏԷՐ ԸՆԴ մովսիսի՝ յանապատին սինայի, ՛ի խորանն վկայութե(ան), ՛ի միո́ւմ ամսեանն երկրորդի. յամին երկրորդի ելանելոյ նոցա յերկրէն եգիպտացւոց. ասէ։

Verse: 2  Link to sept   Առէ́ք զհամար ա(մենայ)ն ժողովրդեան որդւոցն ի(սրաէ)լի, ըստ ազգս։ ըստ տա́նց նահապետաց, ը(ս)տ թուոց յանուանէ՝ ըստ գլխոցն ն(ո)ց(ա).

Verse: 3  Link to sept   ա(մենայ)ն արրու ՛ի քսանամենից եւ ՛ի վեր, ա(մենայ)ն որ ելանիցէ ՛ի զօրսդ ի(սրաէ)լի, հանդէ́ս առնել ն(ո)ց(ա) հանդերձ զօրութ(եամ)բ իւրեանց։ դո́ւ եւ ահարոն առնիցէք ն(ո)ց(ա) հանդէս։

Verse: 4  Link to sept   եւ ընդ ձե́զ լիցին իւրաքանչիւր ըստ ցեղի, իւրաքանչիւր իշխան, ը(ս)տ տանց նահապետաց լինիցին։

Verse: 5  Link to sept   Եւ ա́յս են անուանք արանցն՝ որ յանդիմա́ն լինիցին ընդ ձեզ։ Ռուբինի՝ եղիսուր որդի սադիուրայ։

Verse: 6  Link to sept   Շմաւոնի՝ սաղամիէլ որդի սուրիսադայի։

Verse: 7  Link to sept   Յուդայի՝ նաասոն որդի ամինադաբայ։

Verse: 8  Link to sept   Իսաքարայ՝ նաթանայէլ որդի սովդարայ։

Verse: 9  Link to sept   Զաբուղոնի՝ եղիաբ որդի քելլոնայ։

Verse: 10  Link to sept   Որդւոցն յովսեփայ, Եփրեմի՝ եղիսամայ որդի եմիուդայ։ Մանասէի՝ գամաղիէլ որդի փադասուրայ։

Verse: 11  Link to sept   Բենիամինի՝ աբիդան որդի գեդէոնի։

Verse: 12  Link to sept   Դանայ՝ աքիեզեր որդի միսագանայ։

Verse: 13  Link to sept   Նափթաղիմայ՝ աքիրէ որդի ենանայ։

Verse: 14  Link to sept   Գադայ՝ եղիասփան որդի ռագուէլի։

Verse: 15  Link to sept   Ասերայ՝ փագիէլ որդի եքրանայ։

Verse: 16  Link to sept   Սոքա́ են անուանիք ժողովրդեանն. իշխա́նք ցեղիցն ըստ նահապետաց հազարապե́տք ի(սրաէ)լի։

Verse: 17  Link to sept   Եւ առին մովսէս եւ ահարոն զարսն զայնոսիկ՝ որք յանուանէն կոչեցան։

Verse: 18  Link to sept   եւ զամենայն ժողովուրդն ժողովեցին ՛ի միում ամսեանն երկրորդի, յամին երկրորդի։ Եւ մտին ՛ի հանդէս ըստ ազգաց իւրեանց, ըստ նահապետաց իւրեանց, ըստ թուոյ անուանց ն(ո)ց(ա), ՛ի քսանամենից եւ ՛ի վեր. ա(մենայ)ն արրու ըստ գլխո́ց իւրեանց.

Verse: 19  Link to sept   որպէս հրամայեաց տ(է)ր մովսիսի. եւ մտին ՛ի հանդէս յանապատին սինայ։

Verse: 20  Link to sept   Եւ եղեն որդիք Ռուբինի՝ անդրանկանն ի(սրաէ)լի, ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց իւրեանց, ըստ գլխոց իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)նի որ ելանէր ՛ի զօրսն ի(սրաէ)լի, հանդէս ն(ո)ց(ա)

Verse: 21  Link to sept   յազգէն ռուբինի, քառասուն եւ վեց հազար եւ հինգ հարիւր։

Verse: 22  Link to sept   Եւ որդւոցն Շմաւոնի ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց իւրեանց, ըստ գլուխս իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)ն որ ելանէր ՛ի զօրս ի(սրաէ)լի հանդէս ն(ո)ց(ա)

Verse: 23  Link to sept   ՛ի ցեղէն շմաւոնի, յիսուն եւ ինն հազար եւ երեք հարիւր։

Verse: 24  Link to sept   Եւ որդւոցն Յուդայ՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց ն(ո)ց(ա), ըստ գլխոց իւրեանց, ա(մենայ)ն արու՝ ՛ի քսանամենից եւ ՛ի վեր, ա(մենայ)ն որ ելանէր ՛ի զօրս հանդէս ն(ո)ց(ա)

Verse: 25  Link to sept   ՛ի ցեղէն յուդայ՝ եւթանասուն եւ չորք հազարք եւ վեց հարիւր։

Verse: 26  Link to sept   Եւ որդւոցն Իսաքարայ՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց իւրեանց, ըստ գլխոց իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)նի որ ելանէր ՛ի զօրու հանդէս ն(ո)ց(ա)

Verse: 27  Link to sept   ՛ի ցեղէն իսաքարայ, յիսուն եւ չորք հազարք եւ չորեքհարիւր։

Verse: 28  Link to sept   Եւ որդւոցն Զաբուղոնի, ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց իւրեանց, ըստ գլխոց իւրեանց ա(մենայ)ն արու ՛ի քսանամենից եւ ՛ի վեր, ա(մենայ)ն որ ելանէր ՛ի զօրու հանդէս ն(ո)ց(ա)

Verse: 29  Link to sept   ՛ի ցեղէն զաբուղոնի, յիսուն եւ եւթն հազար եւ չորեքհարիւր։

Verse: 30  Link to sept   Եւ որդւոցն յովսեփայ՝ որդւոց Եփրեմի՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց իւրեանց, ըստ գլխոց ն(ո)ց(ա), ա(մենայ)ն արու ՛ի քսանամենից եւ ՛ի վեր, ա(մենայ)ն որ ելանէր ՛ի զօրու հանդէս ն(ո)ց(ա)

Verse: 31  Link to sept   ՛ի ցեղէն եփրեմի, քառասուն հազար եւ հինգհարիւր։

Verse: 32  Link to sept   Եւ որդւոցն Մանասէի՝ ըստ ազգս իւրեանց, ը(ս)տ գունդս իւրեանց, ըստ տանց նահապետաց իւրեանց, ը(ս)տ թուոյ անուանց իւրեանց, ըստ գլխոց իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)ն որ ելանէր ՛ի զօրու հանդէս ն(ո)ց(ա)

Verse: 33  Link to sept   ՛ի ցեղէն մանասէի, երեսուն եւ երկու հազար եւ երեք հարիւր։

Verse: 34  Link to sept   Եւ որդւոցն Բենիամինի՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ը(ս)տ թուոյ անուանց նոցա, ըստ գլխոց իւրեանց, ամենայն արու ՛ի քսանամենից եւ ՛ի վեր, ա(մենայ)ն որ ելանէր ՛ի զօրու հանդէս ն(ո)ց(ա)

Verse: 35  Link to sept   ՛ի ցեղէն բենիամինի, երեսուն եւ հինգ հազար եւ չորեքհարիւր։

Verse: 38  Link to sept   Եւ որդւոցն Դանայ՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց ն(ո)ց(ա), ըստ գլխոց իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)ն որ ելանէր ՛ի զօրու հանդէս ն(ո)ց(ա)

Verse: 39  Link to sept   ՛ի ցեղէն դանայ, վաթսուն եւ երկու հազարք եւ եւթն հարեւր։

Verse: 42  Link to sept   Եւ որդւոցն Նեփթաղիմայ՝ ը(ս)տ ազգս իւրեանց, ը(ս)տ գունդս իւրեանց, ըստ տանց նահապետաց իւրեանց, ըստ թուոյ անուանց ն(ո)ց(ա), ըստ գլխոց իւրեանց, ամենայն արու ՛ի քսանամենից եւ ՛ի վեր, ա(մենայ)նի որ ելանէր ՛ի զօրու հանդէս ն(ո)ց(ա)

Verse: 43  Link to sept   ՛ի ցեղէն նեփթաղիմայ, յիսուն եւ երեք հազարք եւ չորեքհարիւր։

Verse: 36  Link to sept   Եւ որդւոցն Գադայ՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ը(ս)տ թուոյ անուանց ն(ո)ց(ա) ը(ս)տ թուոյ անուանց ն(ո)ց(ա), ըստ գլխոց իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)նի որ ելանէր ՛ի զօրու հանդէս ն(ո)ց(ա)

Verse: 37  Link to sept   ՛ի ցեղէն գադայ, քառասուն եւ հինգ հազար եւ վեց հարիւր եւ յիսուն։

Verse: 40  Link to sept   Եւ որդւոցն Ասերայ՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ը(ս)տ թուոյ անուանց ն(ո)ց(ա), ըստ գլխոց իւրեանց, ա(մենայ)ն արու ՛ի քսանամենից եւ ՛ի վեր, ա(մենայ)նի որ ելանէր ՛ի զօրու հանդէս նոցա

Verse: 41  Link to sept   ՛ի ցեղէն ասերայ, քառասուն եւ մի հազար եւ չորեքհարիւր։

Verse: 44  Link to sept   Ա́յս է հանդէս՝ զոր արարին մովսէս եւ ահարոն եւ իշխանքն ի(սրաէ)լի, երկոտասան իշխանք. ա́յր մի ըստ միում ազգի, ըստ ցեղից տանց նահապետաց իւրեանց էին։

Verse: 45  Link to sept   Եւ եղեւ ա(մենայ)ն հանդէս որդւոցն ի(սրաէ)լի հանդերձ զօրու իւրեանց ՛ի քսանամենից եւ ՛ի վեր, ա(մենայ)ն որ ելանէր ՛ի պատերազմ ՛ի միջոյ ի(սրաէ)լի։

Verse: 46  Link to sept   Եւ եղեն ա(մենայ)ն անցեալքն ՛ի հանդիսին վեց հարիւր հազար, եւ երեքհազար եւ վեց հարեւր եւ յիսուն։

Verse: 47  Link to sept   Բայց ղեւտացիքն ՛ի ցեղէ ազգի իւրեանց ո́չ անցին ՛ի հանդիսի ընդ որդիսն ի(սրաէ)լի։

Verse: 48  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 49  Link to sept   Տեսջի́ր զազգն ղեւեայ մի́ խառնեսցես ընդ ն(ո)ս(ա) ՛ի հանդէս, եւ զհամար ն(ո)ց(ա) մի́ առնուցուս ՛ի մէջ որդւոցն ի(սրաէ)լի։

Verse: 50  Link to sept   եւ կացուսցես զղեւտացիսն ՛ի վ(ե)ր(այ) խորանին վկայու(թ)ե(ան), եւ ՛ի վ(ե)ր(այ) ա(մենայ)ն կահի ն(ո)ր(ա), եւ ՛ի վ(ե)ր(այ) ա(մենայ)նի որ ինչ է ՛ի նմա։ Եւ նոքա́ բարձցեն զխորանն, եւ զա(մենայ)ն կահ ն(ո)ր(ա). եւ նոքա́ պաշտեսցեն ՛ի նմա. եւ շո́ւրջ զխորանաւն բանակսցին։

Verse: 51  Link to sept   Եւ ՛ի չուել խորանին՝ իջուսցե́ն զնա ղեւտացիքն, եւ ՛ի բանակել խորանին՝ կանգնեսցեն զնա ղեւտացիքն. եւ այլազգի որ մերձեսցի ՛ի նա՝ մեռցի́։

Verse: 52  Link to sept   Եւ բանակեսցին որդիքն ի(սրաէ)լի ա́յր ըստ իւրաքանչիւր կարգի, եւ ա́յր ըստ իւրաքանչիւր նահապետու(թ)ե(ան) հանդերձ զօրո́ւ իւրեանց։

Verse: 53  Link to sept   Բայց ղեւտացիքն բանակեսցի́ն շուրջ զխորանա́ւն վկայու(թ)ե(ան) յանդիման տ(եառ)ն. եւ ո́չ լինիցին մեղք ՛ի մէջ որդւոցն իսրայէլի։ եւ պահեսցեն ղեւտացիքն զպահպանութի(ւն) խորանին վկայութե(ան)։

Verse: 54  Link to sept   Եւ արարին որդիքն իսրայէլի ըստ ամենայնի, որպէս պատուիրեա́ց տ(է)ր մովսիսի եւ ահարոնի նո́յնպէս եւ արարին։



Chapter: 2 
ԳԼ(ՈՒԽ) Բ՜


Verse: 1  Link to sept   Եւ խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 2  Link to sept   Ա́յր իւրաքանչիւր՝ զհե́տ նշանի գնդի իւրոյ գնասցեն, ըստ տանց նահապետաց իւրեանց, ըստ բանակաց իւրեանց բանակեսցին որդիքն ի(սրաէ)լի։

Verse: 3  Link to sept   Եւ որ յառաջագոյնն բանակեսցին յարեւելից կողմանէ՝ ցե́ղ բանակին Յուդայ իցէ՝ հանդերձ զօրուն իւրեանց, եւ իշխան որդւոցն յուդայ նաասոն՝ որդի ամինադաբայ.

Verse: 4  Link to sept   եւ զօրք ն(ո)ր(ա) անցեալք ՛ի հանդիսի, եւթանասուն եւ չորք հազարք եւ վեց հարիւր։

Verse: 5  Link to sept   Եւ որք բանակիցեն զհետ ն(ո)ց(ա)՝ ցեղն Իսաքարայ իցէ, եւ իշխան որդւոցն իսաքարայ, նաթանայէլ որդի սեդիովրայ.

Verse: 6  Link to sept   եւ զօրք ն(ո)ր(ա) անցեալք ՛ի հանդիսի՝ յիսուն եւ չորք հազար եւ չորեք հարիւր։

Verse: 7  Link to sept   Եւ բանակեսցին առ նոքօք ցեղն Զաբուղոնի, եւ իշխան որդւոցն զաբուղոնի եղիաբ որդի քելլոնի.

Verse: 8  Link to sept   եւ զօրք նորա անցեալք ՛ի հանդիսի՝ յիսուն եւ եւթն հազար եւ չորեքհարիւր։

Verse: 9  Link to sept   Ամենեքեան անցեալք ՛ի հանդիսի բանակին յուդայ, հարիւր եւ ութսուն եւ վեց հազար եւ չորեքարեւր, հանդերձ զօրուն իւրեանց յառաջագո́յն չուեսցեն։

Verse: 10  Link to sept   Գունդ բանակին Ռուբինի ընդ հարաւակողմն, եւ զօրն ն(ո)ց(ա). եւ իշխան որդւոցն ռուբինի, եղիսուր որդի սեդիուրայ.

Verse: 11  Link to sept   եւ զօրն ն(ո)ր(ա) անցեալք ՛ի հանդիսի՝ քառասուն եւ վեց հազար եւ հինգ հարիւր։

Verse: 12  Link to sept   Եւ բանակեսցին առ նովաւ ցեղն Շմաւոնի. եւ իշխան որդւոցն շմաւոնի սաղամիէլ որդի սուրիսադայի.

Verse: 13  Link to sept   եւ զօրն նորա անցեալք ՛ի հանդիսի՝ յիսուն եւ ինն հազար եւ երեք հարիւր։

Verse: 14  Link to sept   Եւ բանակեալք առ նովաւ ցեղն Գադայ. եւ իշխան որդւոցն գադայ, եղիաբ որդի ռագուէլի.

Verse: 15  Link to sept   եւ զօր ն(ո)ր(ա) անցեալք ՛ի հանդիսի քառասուն եւ հինգ հազար եւ վեց հարիւր եւ յիսուն։

Verse: 16  Link to sept   Ամենեքեան անցեալք ՛ի հանդիսի ցեղին ռուբինի, հարիւր յիսուն եւ մի հազար եւ չորեքհարիւր եւ յիսուն, հանդերձ զօրուն իւրեանց երկրո́րդք չուեսցեն։

Verse: 17  Link to sept   Եւ խաղասցէ խորանն վկայու(թ)ե(ան) եւ բանա́կ ղեւտացւոցն ՛ի մէջ բանակացն, որպէս բանակեցին՝ նո́յնպէս եւ չուեսցեն, իւրաքանչիւր զհետ միմեանց ըստ պետու(թ)ե(ան)։

Verse: 18  Link to sept   Եւ գունդ բանակին Եփրեմի ընդ ծովակողմն հանդերձ զօրուն իւրեանց. եւ իշխան որդւոցն եփրեմի՝ եղիսամա որդի սեմիուդայ.

Verse: 19  Link to sept   եւ զօրն նոցա անցեալք ՛ի հանդիսի, քառասուն հազար եւ հինգ հարիւր։

Verse: 20  Link to sept   Եւ որ բանակեցին զհետ ն(ո)ց(ա)՝ ցե́ղն Մանասէի իցէ. եւ իշխան որդւոցն Մանասէի՝ գամաղիէլ որդի փադասուրայ.

Verse: 21  Link to sept   եւ զօրն ն(ո)ր(ա) անցեալք ՛ի հանդիսի՝ երեսուն եւ երկու հազար եւ երեք հարիւր։

Verse: 22  Link to sept   Եւ որ բանակիցեն զհետ ն(ո)ց(ա)՝ գունդն Բենիամինի իցէ. եւ իշխան որդւոցն բենիամինի, աբիդան որդի գեդէոնի.

Verse: 23  Link to sept   եւ զօր ն(ո)ր(ա) անցեալք ՛ի հանդիսի, երեսուն եւ հինգ հազար եւ չորեքհարիւր։

Verse: 24  Link to sept   Ամենեքին անցեալք ՛ի հանդիսի բանակին եփրեմի, հարիւր եւ ութ հազար եւ երկերիւր, հանդերձ զօրուն իւրեանց՝ երրո́րդ չուեսցեն։

Verse: 25  Link to sept   Եւ գունդ բանակին Դանայ ընդ հիւսւսի հանդերձ զօրուն իւրեանց. եւ իշխան որդւոցն դանայ՝ աքիեզեր որդի միսադանայ.

Verse: 26  Link to sept   եւ զօր ն(ո)ր(ա) անցեալք ՛ի հանդիսի, վաթսուն եւ երկու հազարք եւ եւթն հարիւր։

Verse: 27  Link to sept   Եւ որ բանակեսցին զհետ ն(ո)ր(ա) ա́զգն Ասերայ իցէ. եւ իշխան որդւոցն ասերայ փաքիէլ որդի եքրանայ.

Verse: 28  Link to sept   եւ զօր ն(ո)ր(ա) անցեալք ՛ի հանդիսի, քառասուն եւ մի հազար եւ հինգ հարիւր։

Verse: 29  Link to sept   Եւ որ բանակեսցին զհետ ն(ո)ր(ա) ցե́ղն Նեփթաղիմա́յ իցէ. եւ իշխան որդւոցն նեփթաղէմի՝ աքիրէ որդի ենանայ.

Verse: 30  Link to sept   եւ զօրն նորա անցեալք ՛ի հանդիսի՝ յիսուն եւ երեք հազարք եւ չորեքհարիւր։

Verse: 31  Link to sept   Ամենեքեան անցեալք ՛ի հանդիսի բանակին դանայ, հարիւր յիսուն եւ եւթն հազար եւ վեց հարիւր. հանդերձ զօրուն իւրեանց յետո́յ չուեսցեն ըստ գունդս իւրեանց։

Verse: 32  Link to sept   Ա́յս է հանդէս որդւոցն ի(սրաէ)լի. ը(ս)տ տանց նահապետաց իւրեանց ա(մենայ)ն հանդէս բանակացն հանդերձ զօրօք իւրեանց. վեց հարիւր հազար, եւ երեք հազար եւ վեց հարիւր եւ յիսուն։

Verse: 33  Link to sept   Բայց ղեւտացիքն ո́չ անցին ընդ նոսա ՛ի հանդիսի. որպէս պատուիրեաց տ(է)ր մովսիսի։

Verse: 34  Link to sept   Եւ արարին որդիքն իսրայէլի զամենայն՝ որպէս հրամայեաց տ(է)ր մովսիսի՝ ա́յնպէս բանակէին ըստ գունդս իւրեանց, եւ ա́յնպէս չուէին իւրաքանչիւր զհե́տ ցեղից իւրեանց ըստ տա́նց նահապետաց իւրեանց։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ ա́յս ազգ են ահարոնի, յաւուր յորում խօսեցաւ տ(է)ր ընդ մովսիսի ՛ի լերինն սինայի։

Verse: 2  Link to sept   Եւ ա́յս են անուանք որդւոցն ահարոնի քահանայի. անդրանիկ՝ նաբադ եւ աբիուդ, եղիազար, եւ իթամար։

Verse: 3  Link to sept   եւ ա́յս են անուանք որդւոցն ահարոնի քահանայիցն օծելոց. զորոց կատարեցին զձեռս իւրեանց քահանայանալ։

Verse: 4  Link to sept   Եւ վախճանեցան նաբադ եւ աբիուդ առաջի տ(եառ)ն՝ մինչ մատուցանէին զհո́ւրն օտար առաջի տ(եառ)ն յանապատին սինայի, եւ որդիք ո́չ էին ն(ո)ց(ա). եւ քահանայացա́ն եղիազար եւ իթամար ընդ ահարոնի ը(նդ) հօրն իւրեանց։

Verse: 5  Link to sept   Եւ խօսեցաւ տ(է)ր ը(նդ) մովսիսի՝ եւ ասէ.

Verse: 6  Link to sept   ա́ռ զազգն ղեւեայ, եւ կացուսցե́ս զնոսա առաջի ահարոնի քահանայի, եւ պաշտեսցե́ն զնա։

Verse: 7  Link to sept   եւ պահեսցե́ն զպահպանու(թ)ի(ւն)ս ն(ո)ր(ա), եւ զպահպանութի(ւն)ս որդւոցն ի(սրաէ)լի առաջի խորանին վկայութե(ան) գործե́լ զգործ խորանին։

Verse: 8  Link to sept   Եւ պահեսցե́ն զա(մենայ)ն սպաս խորանին վկայութե(ան), եւ զպահպանութի(ւն)ս որդւոցն ի(սրաէ)լի, եւ զամենայն գործ խորանին։

Verse: 9  Link to sept   եւ տացես զղեւտացիսն ահարոնի եղբօր քում եւ որդւոցն ն(ո)ր(ա) քահանայից. հատուցո́ւմն տուեալ լիցին նոքա յորդւոցն ի(սրաէ)լի։

Verse: 10  Link to sept   Եւ զահարոն եւ զորդիս ն(ո)ր(ա) կացուսցե́ս ՛ի վ(ե)ր(այ) խորանին վկայութե(ան) եւ պահեսցեն զպահպանու(թ)ի(ւն)ն իւրեանց. եւ զա(մենայ)ն ինչս սեղանոյն, եւ որ ինչ ՛ի ներքս քան զվարագոյրն իցէ։ եւ այլազգի որ մերձենայցէ՝ մեռցի́։

Verse: 11  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 12  Link to sept   եւ ե́ս ահա առի́ զղեւտացիսն ՛ի միջոյ որդւոցն ի(սրաէ)լի փոխանակ ա(մենայ)ն անդրանկան որ բանայ զարգանդ ՛ի միջոյ որդւոցն ի(սրաէ)լի. փրկա́նք նոցա լիցին. եւ եղիցին ինձ ղեւտացիքն։

Verse: 13  Link to sept   Զի ի́մ է ա(մենայ)ն անդրանիկ. յաւուր յորում հարի́ զա(մենայ)ն անդրանիկ յերկրին եգիպտացւոց, սրբեցի́ ինձ զա(մենայ)ն անդրանիկս ի(սրաէ)լի ՛ի մարդո́յ մինչեւ յանասուն. ի́մ լիցին՝ զի ե́ս եմ տ(է)ր։

Verse: 14  Link to sept   Եւ խօսեցաւ տ(է)ր ը(նդ) մովսիսի յանապատին սինայի՝ եւ ասէ։

Verse: 15  Link to sept   Հանդէ́ս արա որդւոցն ղեւեայ. ըստ տանց նահապետաց իւրեանց, ըստ գունդս իւրեանց, ըստ ազգս իւրեանց, ա(մենայ)ն արուի՝ յամսօրէից եւ ՛ի վե́ր առնիցէք հանդէս։

Verse: 16  Link to sept   Եւ արարին ն(ո)ց(ա) հանդէս մովսէս եւ ահարոն, ըստ բարբառոյ տ(եառ)ն՝ որպէս եւ հրամայեաց ն(ո)ց(ա) տ(է)ր։

Verse: 17  Link to sept   Եւ սոքա́ են որդիք ղեւեայ ըստ անուանց իւրեանց, գեթսոն, կահաթ, եւ մերարի։

Verse: 18  Link to sept   Եւ ա́յս են անուանք որդւոցն գեթսոնի, ըստ գունդս իւրեանց. ղոբենի, եւ սեմէի։

Verse: 19  Link to sept   Եւ որդիք կահաթու ը(ս)տ գունդս իւրեանց, ամրամ, եւ սահառ, քեբրոն, եւ ոզիէլ։

Verse: 20  Link to sept   Եւ որդիք մերարեայ ըստ գունդս իւրեանց, մոոլի, եւ մուսի։

Verse: 21  Link to sept   Սոքա́ են գունդք ղեւտացւոց ըստ տանց նահապետաց իւրեանց. Գեթսոնի, գունդն ղոբենեայ, եւ գունդն սեմեայ. սոքա են գունդք գեթսոնի,

Verse: 22  Link to sept   եւ հանդէս ն(ո)ց(ա) ըստ թուոյ ա(մենայ)ն արուի, յամսօրէից եւ ՛ի վեր, հանդէս ն(ո)ց(ա). եւթն հազար եւ հինգ հարիւր։

Verse: 23  Link to sept   Եւ ա́յս գունդք գեթսոնի՝ յետո́յ խորանին ը(նդ) ծովակողմն բանակեսցին։

Verse: 24  Link to sept   Եւ իշխան տա́ն նահապետաց գնդին գեթսոնի՝ եղիսափան որդի գեիղայ։

Verse: 25  Link to sept   եւ պահպանու(թ)ի(ւն) որդւոցն գեթսոնի ՛ի խորանին վկայու(թ)ե(ան)։

Verse: 26  Link to sept   խորա́նն եւ արտախուրակք եւ նուարտանք խորանին վկայութե(ան), եւ առագաստք սրահին, եւ վարագոյրք դրան խորանին. եւ ա́յլ եւս աւելորդ ա(մենայ)ն գործոյն նոցա։

Verse: 27  Link to sept   Եւ կահաթու՝ գո́ւնդ մի ամրամայ, եւ գո́ւնդ մի սահառայ, եւ գո́ւնդ մի քեբրոնի, եւ գո́ւնդ մի ոզիէլի։ սոքա են գունդք կահաթու՝

Verse: 28  Link to sept   ըստ թուոյ ա(մենայ)ն արուի յամսօրէից եւ ՛ի վեր, ութ հազար եւ երեք հարիւր. որ պահիցե́ն զպահպանութի(ւն) սրբութեցն։

Verse: 29  Link to sept   Եւ գունդք որդւոցն կահաթու բանակեսցին ՛ի կողմանէ́ խորանին ընդ հարաւ։

Verse: 30  Link to sept   եւ իշխան տան նահապետաց գնդին կահաթու, եղիսափան որդի ոզիէլի։

Verse: 31  Link to sept   Եւ պահպանութի(ւն) ն(ո)ց(ա)՝ տապանակն, եւ սեղանն, եւ աշտանակն, եւ զոհանոցքն, եւ կահք սրբութե(ան)ցն որովք պաշտէինն, եւ սրսկապանն, եւ ա(մենայ)ն գործի ն(ո)ց(ա)։

Verse: 32  Link to sept   Եւ իշխան ՛ի վերայ իշխանացն ղեւտացւոցն, եղիազա́ր որդի ահարոնի քահանայի կացցէ́, պահե́լ զպահպանութի(ւն)ս սրբու(թ)ե(ան)ցն։

Verse: 33  Link to sept   Եւ մերարեայ գունդն մոողեայ. եւ գունդն մուսեայ. սոքա́ են գունդք մերարեայ, եւ հանդէս ն(ո)ց(ա)՝

Verse: 34  Link to sept   ըստ թուոյ ա(մենայ)ն արուի յամսօրէից եւ ՛ի վեր, վեց հազար եւ երկերիւր։

Verse: 35  Link to sept   Եւ իշխան տան նահապետաց գնդին մերարեայ, սուրիէլ որդի աբիքեայ, ՛ի կողմանէ խորանին բանակեսցին ընդ հիւսւսի,

Verse: 36  Link to sept   եւ հանդէս ն(ո)ց(ա)։ Եւ պահպանութի(ւն) որդւոցն մերարեայ, խոյակք խորանին եւ նիգք ն(ո)ր(ա), եւ սիւնակք ն(ո)ր(ա)՝ խարիսխք ն(ո)ր(ա), եւ ա(մենայ)ն կահք նոցունց, եւ գործի նոցուն,

Verse: 37  Link to sept   եւ սիւնք սրահին շուրջանակի, եւ խարի́սխք ն(ո)ց(ա), եւ ցիցք նոցա, եւ ապաւանդակք ն(ո)ց(ա)։

Verse: 38  Link to sept   Եւ որ բանակիցին յանդիման խորանին վկայութե(ան) յարեւելից կողմանէ՝ մովսէս եւ ահարոն իցեն, եւ որդիք ն(ո)ր(ա), պահեսցեն զպահպանու(թ)ի(ւն)ս սրբութե(ան)ցն ՛ի պահպանութի(ւն)ս որդւոցն ի(սրաէ)լի, եւ այլազգի որ մերձենայցէ ՛ի նա՝ մեռցի́։

Verse: 39  Link to sept   Ամենայն հանդէս ղեւտացւոցն որոց արարին հանդէս մովսէս եւ ահարոն բանիւ տ(եառ)ն. ըստ գունդս իւրեանց, ա(մենայ)ն արու՝ յամսօրէից եւ ՛ի վեր, քսանեւերկու հազարք։

Verse: 40  Link to sept   Եւ խօսեցաւ տ(է)ր ընդ մովսիսի՝ եւ ասէ. հանդէ́ս արա ա(մենայ)ն աանդրանկան արուի ա(մենայ)ն որդւոցն ի(սրաէ)լի յամսօրէից եւ ՛ի վեր. եւ կա́լ զթիւ ն(ո)ց(ա) յանուանէ։

Verse: 41  Link to sept   Եւ առցե́ս զղեւտացիսն ի́նձ, զի ե́ս եմ տ(է)ր. փոխանակ ա(մենայ)ն անդրանկաց որդւոցն ի(սրաէ)լի. եւ զանասուն ղեւտացւոցն, փոխանակ անդրանկաց անասնոց որդւոցն ի(սրաէ)լի։

Verse: 42  Link to sept   եւ արա́ր մովսէս հանդէս ո(ր)պ(էս) պատուիրեաց տ(է)ր, ա(մենայ)ն անդրանկաց որդւոցն (թ)ի(ւն)Լի։

Verse: 43  Link to sept   Եւ եղեն ա(մենայ)ն արուք անդրանիկք որդւոցն ի(սրաէ)լի, ըստ թուոյ յանուանէ յանսօրէից եւ ՛ի վեր, ՛ի հանդիսէ անտի նոցա, քսան եւ երկու հազարք եւ երկերիւր եւթանասուն եւ երեք։

Verse: 44  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 45  Link to sept   ա́ռ զղեւտացիսն փոխանակ ա(մենայ)ն անդրանկաց որդւոցն ի(սրաէ)լի. եւ զանասուն ղեւտացւոցն փոխանակ անասնոց ն(ո)ց(ա). եւ եղիցին ինձ ղեւտացիքն. զի ե́ս եմ տ(է)ր։

Verse: 46  Link to sept   Եւ զփրկանս զերկերիւրոց եւ զեւթանասնից եւ զերիցն աւելորդաց քան զղեւտացիսն, յանդրանկաց որդւոցն ի(սրաէ)լի

Verse: 47  Link to sept   առցես հինգ սիկղ ըստ գլուխ ըստ սրբու(թ)ե(ան) երկդրամենին. առցես քսա́ն դանգ՝ առ սիկղ.

Verse: 48  Link to sept   եւ տացես զարծաթն ահարոնի եւ որդւոցն ն(ո)ր(ա), փրկանս ընդ աւելորդացն ՛ի նոցանէ։

Verse: 49  Link to sept   Եւ ա́ռ մովսէս զարծաթն զփրկանս աւելորդացն ՛ի նոցանէն ՛ի փրկանս ղեւտացւոցն,

Verse: 50  Link to sept   յանդրանկաց որդւոցն ի(սրաէ)լի. եւ ա́ռ զարծաթն հազար եւ երեքհարիւր եւ վաթսուն եւ հինգ սիկղ ըստ սրբութե(ան) սկեղն։

Verse: 51  Link to sept   Եւ ետ մովսէս զփրկանս աւելորդացն ահարոնի́ եւ որդւոց նորա ըստ բանի տ(եառ)ն. որպէս հրամայեաց տ(է)ր մովսիսի։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 2  Link to sept   Կա́լ զթիւ գլխոց որդւոցն կահաթու ՛ի միջոյ որդւոցն ղեւեայ, ըստ գունդս իւրեանց, ը(ս)տ տա́նց նահապետաց իւրեանց՝

Verse: 3  Link to sept   ՛ի քսան եւ ՛ի հինգ ամենից եւ ՛ի վեր մինչեւ ցյիսնամեանս. ա(մենայ)ն որ մտանիցէ ՛ի սպաս գործել զա(մենայ)ն գո́րծ ՛ի խորանին վկայութե(ան)։

Verse: 4  Link to sept   Եւ ա́յս իցէ գործ որդւոցն կահաթու ՛ի միջոյ որդւոցն ղեւեայ, ըստ գունդս իւրեանց, ըստ տանց նահապետացն ՛ի խորանին վկայութե(ան)՝ սրբութի(ւն) սրբութե(ան)ցն։

Verse: 5  Link to sept   Եւ մտցէ́ ահարոն եւ որդիք իւր յորժամ խաղայցէ բանակն. եւ իջուսցեն զվարագոյրն հովանոց, եւ ծածկեսցեն նովաւ զտապանակ վկայութե(ա)ն,

Verse: 6  Link to sept   եւ դիցեն ՛ի վ(ե)ր(այ) ն(ո)ր(ա) զնուարտանն մաշկեղէն զկապուտակ, եւ արկցեն զնովաւ ձո́րձ համակ կապուտակ ՛ի վերուստ կողմանէ, եւ ագուսցեն զլծակսն։

Verse: 7  Link to sept   Եւ ՛ի վ(ե)ր(այ) զառաջաւորի սեղանոյն արկցեն հանդերձ համա́կ ծիրանի. եւ զափսէսն, եւ զտուփսն, եւ զճաշակսն, եւ զնուիրանոցսն որովք նուիրեսցեն. եւ հա́ցքն հանապազորդք ՛ի վ(ե)ր(այ) ն(ո)ր(ա) կացցեն։

Verse: 8  Link to sept   եւ արկցեն զնովաւ հանդերձ կարմիր, եւ ծածկեսցեն զնա մաշկեղէն նուարտանաւ կապուտակաւ, եւ ագուսցեն ՛ի նմա զլծակսն։

Verse: 9  Link to sept   Եւ առցեն հանդերձ կապուտակ, եւ ծածկեսցեն զաշտանա́կն լուսոյ՝ եւ զերկոսին ճրագարանսն ն(ո)ր(ա), եւ զունելիս ն(ո)ր(ա), եւ զբազմակալս ն(ո)ր(ա), եւ զա(մենայ)ն ամանս իւղոյն որովք պաշտեսցենն։

Verse: 10  Link to sept   եւ արկցեն զնա եւ զա(մենայ)ն կա́հ ն(ո)ր(ա) ՛ի նուարտան մաշկեղէն կապուտակ. եւ դիցեն զնա ՛ի վ(ե)ր(այ) լծակացն։

Verse: 11  Link to sept   Եւ զսեղանն ոսկի ծածկեսցեն հանդերձիւ կապուտակաւ, եւ արկցեն ՛ի վ(ե)ր(այ) ն(ո)ր(ա) նուարտա́ն մաշկեղէն կապուտակ, եւ ագուսցեն ՛ի նմա զլծա́կս ն(ո)ր(ա)։

Verse: 12  Link to sept   Եւ առցեն զա(մենայ)ն զկա́հ պաշտամանն՝ որովք պաշտիցեն ՛ի սրբութի(ւն)սն, եւ արկցեն՝ ՛ի հանդերձս կապուտակս. եւ ծածկեսցե́ն զայն մաշկեղէն նուարտանաւ կապուտակաւ. եւ դիցեն ՛ի վ(ե)ր(այ) լծակացն։

Verse: 13  Link to sept   Եւ զնուարտանն դիցեն ՛ի վ(ե)ր(այ) սեղանոյն. եւ ծածկեսցեն զնա հանդերձիւ համա́կ ծիրանեաւ.

Verse: 14  Link to sept   եւ դիցեն ՛ի վ(ե)ր(այ) ն(ո)ր(ա) զսպա́սն որովք պաշտիցեն ՛ի վ(ե)ր(այ) ն(ո)ր(ա), եւ զբուրուառս, եւ զմսահանս, եւ զտաշտսն, եւ զծածկիչսն, եւ զա(մենայ)ն սպաս սեղանոյն. եւ արկցեն ՛ի վ(ե)ր(այ) ն(ո)ր(ա) նուարտան մաշկեղէն կապուտակ. եւ անցուսցեն ը(նդ) նա զլծակսն։

Verse: 15  Link to sept   Եւ առցեն հանդերձ ծիրանի եւ ծածկեսցեն զաւազանն, եւ զխարիսխս ն(ո)ր(ա). եւ արկցեն զնովաւ մա́շկ կապուտակ, եւ դիցեն ՛ի վ(ե)ր(այ) լծակացն։ Եւ կատարեսցեն ահարոն եւ որդիք ն(ո)ր(ա) ծածկե́լ զսրբութի(ւն)սն, եւ զա(մենայ)ն կա́հ սրբութե(ա)ն ՛ի չուել բանակին։ եւ ապա́ մտցեն որդիքն կահաթու բառնալ, եւ մի́ մերձեսցին ՛ի սրբութի(ւն)սն՝ զի մի́ մեռանիցին։ Զա́յն բառնայցեն որդիք կահաթու ՛ի խորանէ անտի վկայութե(ան)։

Verse: 16  Link to sept   Եւ ոստիկան եղիազար որդիահարոնի քահանայի. զեւղն լուսոյ, եւ զխունկսն հանդերձանաց, եւ զզոհն հանապազորդ. զեւղն օծութե(ան), եւ զհանդերձ ա(մենայ)ն խորանին եւ որ ինչ ՛ի նմա. եւ որ ՛ի սրբութե(ա)ն, եւ յա(մենայ)ն սրբութի(ւն)սն։

Verse: 17  Link to sept   Եւ խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 18  Link to sept   Մի́ սատակիցէք զգունդն կահաթու ՛ի միջոյ ղեւտացւոցն. զա́յս ինչ արասջիք նոցա, եւ կեցցեն եւ մի́ մեռանիցին

Verse: 19  Link to sept   ՛ի մերձենալ ն(ո)ց(ա) ՛ի սրբութի(ւն) սրբութե(ան)ցն. ահարոն եւ որդիք ն(ո)ր(ա) մտցեն ՛ի ներքս, եւ կարգեսցեն զն(ո)ս(ա) իւրաքանչիւր ըստ բեռին իւրում.

Verse: 20  Link to sept   եւ մի́ մտցեն վայրապար տեսանել զսրբութի(ւն) սրբու(թ)ե(ան)ցն, զի մի́ մեռանիցին։

Verse: 21  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 22  Link to sept   Կա́լ դու զհամար որդւոցն գեթսոնի, ըստ անուանց նահապետաց իւրեանց, ը(ս)տ գնդից իւրեանց

Verse: 23  Link to sept   ՛ի քսան եւ ՛ի հինգ ամենից եւ ՛ի վե́ր մինչեւ ցյիսնամեանս, եւ արասցեն ն(ո)ց(ա) հանդէս. ա(մենայ)ն որ մտանիցէ ՛ի սպաս, գործել զգործ խորանին վկայու(թ)ե(ան)։

Verse: 24  Link to sept   Ա́յս իցէ սպասաւորու(թ)ի(ւն) գնդին գեթսոնի, ՛ի մտանել ՛ի հարկ եւ ՛ի բառնալ.

Verse: 25  Link to sept   եւ բարձցեն զվերնափեղկս խորանին, եւ զխորանն վկայու(թ)ե(ան), եւ զարտախուրակս ն(ո)ր(ա), եւ զնուարտանս ն(ո)ր(ա) կապուտակեայս որ ՛ի նմա ՛ի վերո́ւստ կողմանէ. եւ զվարագոյր խորանին վկայու(թ)ե(ան),

Verse: 26  Link to sept   եւ զառագաստ սրահին, եւ որինչ ՛ի վ(ե)ր(այ) խորանին վկայու(թ)ե(ան). եւ զապարումսն, եւ զա(մենայ)ն կահ սպասուն որովք պաշտիցենն։

Verse: 27  Link to sept   Եւ արասցեն ը(ս)տ բերանոյ ահարոնի եւ որդւոց ն(ո)ր(ա). եղիցի սպասաւորու(թ)ի(ւն) որդւոցն գեթսոնի ըստ ա(մենայ)ն սպասաւորու(թ)ե(ան) իւրեանց, եւ ըստ ա(մենայ)ն գործոց իւրեանց. եւ արասջիք ն(ո)ց(ա) հանդէ́ս յանուանէ, եւ ա(մենայ)նի որինչ բառնայցի ՛ի նոցանէ։

Verse: 28  Link to sept   Ա́յս իցէ սպասաւորու(թ)ի(ւն) որդւոցն գեթսոնի ՛ի խորանին վկայութե(ան), եւ պահպանու(թ)ի(ւն) ն(ո)ց(ա) ՛ի ձեռն իթամարայ որդւոյ ահարոնի քահանայի։

Verse: 29  Link to sept   Եւ որդւոցն մերարեայ ը(ս)տ գնդից իւրեանց, ըստ տանց նահապետաց իւրեանց, արասջի́ք ն(ո)ց(ա) հանդէս,

Verse: 30  Link to sept   ՛ի քսան եւ ՛ի հինգ ամենից եւ ՛ի վեր, մինչեւ ցյիսնամեանս՝ արասջի́ք նոցա հանդէս. ա(մենայ)ն որ մտանիցէ ՛ի սպա́ս գործոյ խորանին վկայութե(ան)։

Verse: 31  Link to sept   Եւ ա́յս իցէ պահպանութի(ւն)ք բեռանցն որ բառնայցին ՛ի նոցանէ, ըստ ա(մենայ)ն գործոց նոցա ՛ի խորանին վկայութե(ան). զխոյա́կս խորանին, եւ զնիգս, եւ զսիւնակս ն(ո)ր(ա), եւ զխարիսխս ն(ո)ր(ա). եւ զվարագոյրն, եւ զխարիսխս ն(ո)ր(ա). եւ զսիւնս ն(ո)ց(ա).

Verse: 32  Link to sept   եւ զվարագոյր դրան խորանին. եւ զսիւնս սրահին շուրջանակի, եւ զխարիսխս ն(ո)ց(ա). եւ զսիւնս վարագուրին դրան սրահին, եւ զխարիսխս նոցա, եւ զցիցս ն(ո)ց(ա), եւ զապաւանդակս ն(ո)ց(ա), եւ զա(մենայ)ն կահ ն(ո)ց(ա), եւ զա(մենայ)ն սպաս ն(ո)ց(ա)։ Եւ յանուանէ հանդէ́ս առնիցէք ն(ո)ց(ա). եւ ա(մենայ)ն կահի պահպանութե(ան) որ բառնայցի ՛ի նոցանէ։

Verse: 33  Link to sept   Ա́յս իցէ սպասաւորու(թ)ի(ւն) գնդի որդւոցն մերարեայ, յա(մենայ)ն ՛ի գործս իւրեանց ՛ի խորանին վկայու(թ)ե(ան)՝ ՛ի ձեռն իթամարայ որդւոյ ահարոնի քահանայի։

Verse: 34  Link to sept   Եւ արարին հանդէս մովսէս եւ ահարոն եւ իշխանքն ի(սրաէ)լի որդւոցն կահաթու ըստ գնդից իւրեանց, ը(ս)տ տանց նահապետաց իւրեանց՝

Verse: 35  Link to sept   ՛ի քսան եւ ՛ի հինգ ամենից եւ ՛ի վեր մինչեւ ցյիսնամեանս, ա(մենայ)ն որ մտանէր ՛ի սպաս, եւ գործէր գո́րծ ՛ի խորանին վկայու(թ)ե(ան)։

Verse: 36  Link to sept   եւ եղեւ ն(ո)ց(ա) հանդէս ը(ս)տ գնդից իւրեանց, երկու հազար եւ եւթն հարեւր եւ յիսուն։

Verse: 37  Link to sept   Ա́յս է հանդէս գնդին կահաթու. ա(մենայ)ն որ մտանէր ՛ի սպաս խորանին վկայու(թ)ե(ան). ո(ր)պ(էս) եւ արարին հանդէս մովսէս եւ ահարոն բանիւ տ(եառ)ն ՛ի ձեռն մովսիսի։

Verse: 38  Link to sept   Եւ անցին ՛ի հանդիսի որդիքն գեթսոնի ը(ս)տ գնդից իւրեանց, ը(ս)տ տանց նահապետաց իւրեանց՝

Verse: 39  Link to sept   ՛ի քսան եւ ՛ի հինգ ամենից եւ ՛ի վեր մինչեւ ցյիսնամեանս, ա(մենայ)ն որ մտանէր պաշտել եւ գործել գործ ՛ի խորանին վկայու(թ)ե(ան)։

Verse: 40  Link to sept   եւ եղեւ հանդէս ն(ո)ց(ա) ը(ս)տ գնդից իւրեանց, ը(ս)տ տանց նահապետաց իւրեանց, երկու հազար եւ վեց հարեւր եւ երեսուն։

Verse: 41  Link to sept   Ա́յս է հանդէս գնդի որդւոցն գեթսոնի, ա(մենայ)ն որ պաշտէր ՛ի խորանին վկայութե(ան), որոց արարին հանդէս մովսէս եւ ահարոն, ըստ բանի տ(եառ)ն ՛ի ձեռն մովսիսի։

Verse: 42  Link to sept   Անցին ՛ի հանդիսի եւ գունդք որդւոցն մերարեայ՝ ըստ գնդից իւրեանց, ըստ տանց նահապետաց իւրեանց՝

Verse: 43  Link to sept   ՛ի քսան եւ ՛ի հինգ ամենից եւ ՛ի վեր մինչեւ ցյիսնամեանս. ա(մենայ)ն որ մտանէր պաշտել ՛ի գործ խորանին վկայութե(ան).

Verse: 44  Link to sept   եւ եղեւ հանդէս ն(ո)ց(ա) ըստ գնդից իւրեանց, ըստ տանց նահապետաց իւրեանց, երեք հազար եւ երկերիւր։

Verse: 45  Link to sept   Ա́յս է հանդէս գնդի որդւոցն մերարեայ. որոց արարին հանդէս մովսէս եւ ահարոն ըստ բանի տ(եառ)ն ՛ի ձեռն մովսիսի։

Verse: 46  Link to sept   Ամենեքին անցեալք ՛ի հանդիսի, որոց արարին հանդէս մովսէս եւ ահարոն եւ իշխանքն ի(սրաէ)լի ղեւտացւոցն, ը(ս)տ գնդից իւրեանց, ըստ տանց նահապետաց իւրեանց՝

Verse: 47  Link to sept   ՛ի քսան եւ ՛ի հինգ ամենից եւ ՛ի վեր մինչեւ ցյիսնամեանս. ա(մենայ)ն որ մտանէր ՛ի գործ սրբութե(ան)ցն, եւ ՛ի գործ կրելեաց խորանին վկայութե(ան)։

Verse: 48  Link to sept   եղեն անցեալք ՛ի հանդիսի ութ հազար եւ հինգ հարիւր եւ ութսուն՝ ըստ բանի տ(եառ)ն։

Verse: 49  Link to sept   Արար նոցա հանդէս տ(է)ր ՛ի ձեռն մովսիսի. ա́յր ըստ առնէ ՛ի վերայ գործոյ իւրեանց, ՛ի վերայ բեռանցն զոր ինքեանք բառնային. եւ անցին ՛ի հանդիսի՝ որպէս հրամայեաց տ(է)ր մովսիսի։



Chapter: 5 
ԳԼ(ՈՒԽ) Ե՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   հրամա́ն տուր որդւոցն ի(սրաէ)լի, եւ արձակեսցե́ն ՛ի բաց զա(մենայ)ն բորոտ ՛ի բանակէ անտի, եւ զա(մենայ)ն սերմնակաթ, եւ զա(մենայ)ն պղծեալ յոգի,

Verse: 3  Link to sept   յարուէ մինչեւ ցէգ. արձակեցէ́ք ՛ի բաց բանակէ անտի. եւ մի́ պղծեսցեն զբանակս իւրեանց՝ յոր ե́սդ իջանեմ։

Verse: 4  Link to sept   Եւ արարի́ն այնպէս որդիքն ի(սրաէ)լի, եւ արձակեցին զնոսա ՛ի բա́ց ՛ի բանակէ անտի, ո(ր)պ(էս) խօսեցաւ տ(է)ր ընդ մովսիսի, այնպէս արարին որդիքն ի(սրաէ)լի։

Verse: 5  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 6  Link to sept   խօսեա́ց ընդ որդիսդ ի(սրաէ)լի՝ եւ ասասցես. Ա́յր կամ կի́ն, որ ոք արասցէ յա(մենայ)ն մարդկեղէն մեղաց, եւ արհամարհելով արհամարհիցէ՝ եւ յանցանիցէ անձնն այն,

Verse: 7  Link to sept   խոստովա́ն լիցի զմեղս իւր զոր արար. եւ հատուսցէ ընդ յանցանացն զգլուխն, եւ զհինգերորդ եւս մասն ն(ո)ր(ա) յաւելցէ́ ՛ի նոյն, եւ տացէ́ այնմ որում յանցեաւն։

Verse: 8  Link to sept   Ապա թէ չիցէ́ ոք առնն մերձաւորիչ հատուցանել նմա զյանցանաց ն(ո)ր(ա). եւ ընդ յանցանացն որ ինչ ընծայիցի տ(եառ)ն, այն քահանայի́ն եղիցի. բա́ց ՛ի խոյէ քաւութե(ա)ն՝ որով քաւիցէ վ(ա)ս(ն) իւր։

Verse: 9  Link to sept   Եւ ա(մենայ)ն պտուղ ըստ ա(մենայ)նի որ սրբիցի յորդւոցն ի(սրաէ)լի՝ զոր ինչ մատուցանիցեն տ(եառ)ն, քահանայի́ն եղիցի։

Verse: 10  Link to sept   Եւ յիւրաքանչիւր սրբելոց անտի, նորա́ լիցին. եւ ա́յր ոք որ տացէ քահանային՝ նորա լիցին։

Verse: 11  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 12  Link to sept   խօսեա́ց ընդ որդիսդ ի(սրաէ)լի՝ եւ ասասցե́ս ցդոսա։ Ա́ռն ուրուք առն՝ եթէ յանցանիցէ կին իւր՝ եւ արհամարհիցէ զնա։

Verse: 13  Link to sept   եւ ննջեսցէ́ ոք ընդ նմա արու(թեամ)բ սերման. եւ վրիպիցի յաչաց առն իւրոյ՝ եւ թաքուցանիցէ. եւ նա պղծեա́լ իցէ, եւ վկայ ո́չ գուցէ զնմանէ, եւ յղի ո́չ իցէ։

Verse: 14  Link to sept   Եւ հասանիցէ ՛ի վ(ե)ր(այ) առն ն(ո)ր(ա) ոգի նախանձու. եւ նախա́նձ բերիցէ ընդ կնոջ իւրում, եւ նա՝ ո́չ իցէ պղծեալ։ կամ հասանիցէ ՛ի վ(ե)ր(այ) ն(ո)ր(ա) ոգի́ նախանձու, եւ նախա́նձ բերիցէ ընդ կնոջ իւրում. եւ նա՝ իցէ́ պղծեալ։

Verse: 15  Link to sept   Ածցէ́ այրն զկին իւր առ քահանայն՝ եւ մատուսցէ́ վ(ա)ս(ն) ն(ո)ր(ա) քահանայն պատարագ, զտասներորդ գրուի ալեր գարեղէն, եւ եւղ՝ մի́ արկցէ ՛ի նա, եւ կնդրուկ՝ մի́ դիցէ ՛ի վ(ե)ր(այ) ն(ո)ր(ա). զի զոհ նախանձաւորութե(ան) է։ զո́հ յիշատակի, զո́հ յիշատակելոյ զմեղս

Verse: 16  Link to sept   մատուսցէ քահանայն, եւ կացուսցէ́ զկինն առաջի տ(եառ)ն։

Verse: 17  Link to sept   եւ առցէ́ քահանայն ջուր սուրբ կենդանի խեցեղէն ամանաւ. եւ ՛ի հողոյ անտի որ իցէ առ յատակաւ խորանին վկայութե(ան)՝ առեալ քահանայն արկցէ́ ՛ի ջուրն։

Verse: 18  Link to sept   Եւ կացուսցէ́ քահանայն զկինն առաջի տ(եառ)ն. եւ մերկացուսցէ́ զգլուխ կնոջն, եւ տացէ́ ՛ի ձեռս ն(ո)ր(ա) զզոհ յիշատակին, զզո́հ նախանձաւորութե(ա)ն. եւ ՛ի ձեռին քահանային կացցէ ջուրն յանդիմանու(թ)ե(ան) նզովին այնորիկ,

Verse: 19  Link to sept   եւ երդմնեցուսցէ́ զնա քահանայն՝ եւ ասասցէ́ ցկինն. եթէ չիցէ́ ննջեցեալ ընդ քեզ առն, եթէ չիցե́ս յանցուցեալ եւ պղծեալ առ արամբ քով, քաւեա́լ լիջիր ՛ի ջրոյդ յանդիմանութե(ան) նզովիդ այդորիկ։

Verse: 20  Link to sept   ապա թէ յանցուցեալ իցես առ արամբ քով, կամ պղծեալ իցես. եւ տուեալ իցէ ուրուք զարութի(ւն) իւր ՛ի քեզ, առա́նց առն քոյ։

Verse: 21  Link to sept   Եւ երդմնեցուսցէ́ քահանայն զկինն՝ երդմամբ նզովիս այսորիկ. եւ ասասցէ́ քահանայն ցկինն. տացէ́ զքեզ տ(է)ր ՛ի նզո́վս եւ յերդումն ՛ի մէջ ժողովրդեան քոյ, ՛ի տալ տ(եառ)ն զբարձս քո ՛ի քակտումն, եւ զորովա́յն քո յուռուցումն։

Verse: 22  Link to sept   եւ մտցէ ջուրս նզովեալ յորովայն քո, ուռուցանե́լ զմէջ քո, եւ քակե́լ զբարձս քո։ եւ ասասցէ́ կինն. եղիցի́ եղիցի։

Verse: 23  Link to sept   Եւ գրեսցէ́ քահանայն զնզովս զայսոսիկ ՛ի մատենի. եւ լուասցէ́ ՛ի ջուրն յանդիմանութե(ան) նզովիցն։

Verse: 24  Link to sept   եւ տացէ ըմպել կնոջն զջուրն յանդիմանու(թ)ե(ան) նզովից։ եւ մտցէ́ ՛ի նա ջուրն յանդիմանութե(ան) նզովեալ։

Verse: 25  Link to sept   Եւ առցէ́ քահանայն ՛ի ձեռանէ կնոջն զզոհ նախանձաւորութե(ա)ն, եւ դիցէ́ զզոհն առաջի տ(եառ)ն. եւ մատուսցէ́ առ սեղանն։

Verse: 26  Link to sept   եւ առցէ́ բռամբ քահանայն ՛ի զոհէ յիշատակին ն(ո)ր(ա), եւ հանցէ զա́յն ՛ի սեղանն. եւ ապա́ արբուսցէ կնոջն զջուրն յանդիմանութե(ան)։

Verse: 27  Link to sept   Եւ եղիցի եթէ պղծեալ իցէ՝ եւ ծածկելով ծածկեա́լ իցէ յառնէն նորա. եւ մտանիցէ ՛ի նա ջուրն յանդիմանութե(ան) նզովեալ. ուռուսցէ́ զորովայն ն(ո)ր(ա), եւ քակեսցի́ն բարձք ն(ո)ր(ա). եւ եղիցի կինն՛ի նզո́վս ՛ի մէջ ժողովրդեանն իւրոյ։

Verse: 28  Link to sept   Ապա թէ չիցէ́ պղծեալ կինն՝ եւ սո́ւրբ իցէ, քաւեա́լ լիցի՝ եւ ընկալցի́ սերմն։

Verse: 29  Link to sept   Ա́յս օրէ́ն իցէ նախանձաւորութե(ան), որոյ յանցուցեալ իցէ կին՝ որ առնակին իցէ եւ պղծիցի։

Verse: 30  Link to sept   կամ ա́յր յորոյ վերայ հասանիցէ ոգի նախանձու, եւ ՛ի նախա́նձ մտանիցէ ընդ կնոջ իւրում։ Կացուսցէ զկինն առաջի տ(եառ)ն, եւ արասցէ́ նմա քահանայն ըստ ա(մենայ)ն օրինիս այսորիկ.

Verse: 31  Link to sept   եւ քաւեա́լ լիցի այրն ՛ի մեղա́ց անտի. եւ կինն ընկալցի զմեղս իւր։



Chapter: 6 
ԳԼ(ՈՒԽ) Զ՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց ընդ որդիսդ ի(սրաէ)լի՝ եւ ասասցես։ Ա́յր կամ կին, որ մե́ծ ինչ ուխտս ուխտեսցէ սրբել զսրբութի(ւն) տ(եառ)ն։

Verse: 3  Link to sept   ՛ի գինւոյ եւ ՛ի ցքւոյ սրբեսցի. եւ զքացախ ցքւոյ մի́ արբցէ, եւ զխաղող ն(ո)ր(ա) եւ զչամիչ մի́ կերիցէ։

Verse: 4  Link to sept   զա(մենայ)ն աւուրս ուխտին իւրոյ յա(մենայ)նէ զինչ եւ լինիցի յորթոյ, զգինի, ՛ի չամչոյ մինչեւ ցթինն մի́ կերիցէ

Verse: 5  Link to sept   զա(մենայ)ն աւուրս սրբու(թ)ե(ա)ն։ եւ սրբիչ՝ մի́ ածիցէ զգլխով իւրով. մինչեւ լցցի́ն աւուրքն զորս ուխտեաց տ(եառ)ն՝ սո́ւրբ կացցէ, աճեցուցեալ զվա́րսս մազոյ գլխոյ իւրոյ,

Verse: 6  Link to sept   զա(մենայ)ն աւուրս ուխտին իւրոյ տ(եառ)ն։ Յոգի վախճանեալ մի́ մտցէ

Verse: 7  Link to sept   ՛ի հօր, եւ ՛ի մօր, յեղբօր, եւ ՛ի քեռ. մի́ պղծեսցի նոքօք ՛ի մահու նոցա. զի ուխտ տ(եառ)ն ՛ի վ(ե)ր(այ) գլխոյ նորա է.

Verse: 8  Link to sept   զա(մենայ)ն աւուրս ուխտին իւրոյ սո́ւրբ կացցէ տ(եառ)ն։

Verse: 9  Link to sept   Եւ եթէ յանկարծ մեռանիցի ոք ՛ի վերայ ն(ո)ր(ա), առժամայն պղծեսցի գլուխ ուխտի ն(ո)ր(ա)։ եւ գերծցէ́ զգլուխ իւր յաւուր յորում սրբիցի. եւ յաւուրն եւթներորդի գերծցի́։

Verse: 10  Link to sept   եւ յաւուրն ութերորդի ածցէ երկուս տատրա́կս, կ(ա)մ երկուս ձագս աղաւնեաց առ քահանայն ՛ի դուռն խորանին վկայութե(ան)։

Verse: 11  Link to sept   Եւ արասցէ քահանայն զմին վ(ա)ս(ն) մեղաց, եւ զմին յողջակէզ. եւ քաւեսցէ́ վ(ա)ս(ն) ն(ո)ր(ա) քահանայն ը(նդ) մեղացն զոր մեղաւ յոգի. եւ սրբեսցէ́ զգլուխ իւր յաւուր յայնմիկ.

Verse: 12  Link to sept   զի յա́յնմ աւուր սրբեաց տ(եառ)ն զաւուրս ուխտին իւրոյ։ Եւ ածցէ գառն մի տարեւոր վ(ա)ս(ն) յանցանացն. եւ աւուրքն առաջինք անհամա́րք լիցին. զի պղծեցա́ւ գլուխ ուխտի նորա։

Verse: 13  Link to sept   Եւ ա́յս օրէն իցէ ուխտաւորին, յաւուր յորում կատարիցէ զաւուրս ուխտին իւրոյ. ածցէ́ ՛ի դուռն խորանին վկայու(թ)ե(ան).

Verse: 14  Link to sept   եւ մատուսցէ զպատարագն իւր տ(եառ)ն, գառն մի տարեւոր անարա́տ յողջակէզ, եւ որոջ մի տարեւո́ր անարատ վ(ա)ս(ն) մեղաց, եւ խո́յ մի անարատ ՛ի փրկութի(ւն).

Verse: 15  Link to sept   եւ խան մի բաղարջաց նաշհւոյ. եւ պա́նս զանգեալ իւղով, եւ քաքարս բաղարջս օծեալս իւղով, եւ զզոհս ն(ո)ց(ա), եւ զնուէրս իւրեանց։

Verse: 16  Link to sept   Եւ մատուսցէ քահանայն առաջի տ(եառ)ն, եւ արասցէ́ զվ(ա)ս(ն) մեղացն ն(ո)ց(ա). եւ զողջակէզն ն(ո)ր(ա),

Verse: 17  Link to sept   եւ զխոյն արասցէ́ զոհ փրկութե(ան) տ(եառ)ն ՛ի վ(ե)ր(այ) խանին բաղարջոյ։ եւ արասցէ քահանայն զզոհն նորա, եւ զնուէրս ն(ո)ր(ա)։

Verse: 18  Link to sept   Եւ գերծցէ́ ուխտաւորն առ դրան խորանին վկայու(թ)ե(ան) զգլուխ ուխտին իւրոյ. եւ դիցէ́ զմազն ՛ի հուրն որ ՛ի վ(ե)ր(այ) զոհին փրկութե(ան)։

Verse: 19  Link to sept   Եւ առցէ քահանայն զերին եփեալ ՛ի խոյէ անտի. եւ պա́ն մի բաղարջ ՛ի խանէն, եւ քաքար մի բաղարջ, եւ դիցէ քահանայն ՛ի վ(ե)ր(այ) ձեռաց ուխտաւորին, յետ գերծելոյ ն(ո)ր(ա) զգլուխն իւր։

Verse: 20  Link to sept   եւ մատուսցէ զայն քահանայն ընծա́յ առաջի տ(եառ)ն, եւ եղիցի ս(ուր)բ։ քահանային եղիցի ՛ի վ(ե)ր(այ) երբծոյն նուիրի, եւ ՛ի վ(ե)ր(այ) երւոյն հասի։ եւ ապա́ արբցէ ուխտաւորն գինի։

Verse: 21  Link to sept   Ա́յս օրէն իցէ ուխտաւորի որ ուխտիցէ ոք տ(եառ)ն, եւ զպատարագ իւր վ(ա)ս(ն) ուխտից. թո́ղ զայն որ ինչ գտանիցէ ձեռն իւր. ըստ կարի́ ուխտին իւրոյ՝ զոր ուխտիցէ ըստ օրինի սրբութե(ան) տ(եառ)ն։

Verse: 22  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 23  Link to sept   խօսեա́ց ընդ ահարոնի եւ ընդ որդիս ն(ո)ր(ա) եւ ասասցես։ Ա́յսպէս օրհնեսջիք զորդիսդ ի(սրաէ)լի. եւ ասասջիք ն(ո)ց(ա).

Verse: 24  Link to sept   եւ դիցեն զանուն իմ ՛ի վերայ որդւոցն ի(սրաէ)լի, եւ ե́ս տ(է)ր օրհնեցից զն(ո)ս(ա).

Verse: 25  Link to sept   Օրհնեսցէ́ զքեզ տ(է)ր՝ եւ պահեսցէ́ զքեզ.

Verse: 26  Link to sept   եւ երեւեցուսցէ́ զերեսս իւր ՛ի քեզ, եւ ողորմեսցի́ քեզ.

Verse: 27  Link to sept   ամբարձցէ տ(է)ր զերեսս իւր ՛ի քեզ, եւ տացէ քեզ խաղաղութի(ւն)։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ եղեւ յաւուր յորում կատարեաց մովսէս առ ՛ի կանգնելոյ զխորանն. եւ օծ զնա զա(մենայ)ն սպասս ն(ո)ր(ա). եւ զզոհանոցսն, եւ զա(մենայ)ն սպաս ն(ո)ր(ա). եւ օծ զն(ո)ս(ա) եւ սրբեաց զն(ո)ս(ա)։

Verse: 2  Link to sept   Եւ մատուցին իշխանքն ի(սրաէ)լի՝ երկոտասան իշխան տանց նահապետաց ն(ո)ց(ա)։ նոքա́ էին իշխանք ցեղիցն, եւ նոքա́ կային ՛ի վ(ե)ր(այ) ոստիկանու(թ)ե(ա)ն։

Verse: 3  Link to sept   Եւ մատուցին զընծայս իւրեանց առաջի տ(եառ)ն։ վե́ց սայլս զարդարեալս, եւ եզինս երկոտասանս. սայլ մի յերկուց իշխանաց, եւ զուարակ յիւրաքանչի́ւր ումեքէ. եւ ածի́ն առաջի խորանին։

Verse: 4  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 5  Link to sept   ա́ռ զայդ ՛ի դոցանէ, եւ եղիցին ՛ի գործ սպասաւորու(թ)ե(ան) խորանին վկայու(թ)ե(ան). եւ տացե́ս զայդ ցղեւտացիսն, իւրաքանչիւր ը(ս)տ իւրո́ւմ սպասաւորու(թ)ե(ան)։

Verse: 6  Link to sept   Եւ առեալ մովսիսի զսայլսն եւ զեզինսն ե́տ ցղեւտացիսն։

Verse: 7  Link to sept   Սայլս երկուս եւ եզինս չորս՝ ե́տ ցորդիսն գեթսոնի ըստ սպասաւորու(թ)ե(ա)ն իւրեանց։

Verse: 8  Link to sept   Եւ սայլս չորս եւ եզինս ութ՝ ետ ցորդիսն մերարեայ ըստ սպասաւորու(թ)ե(ան) իւրեանց, ՛ի ձեռն իթամարայ որդւոյ ահարոնի քահանայի։

Verse: 9  Link to sept   Եւ ցորդիսն կահաթու ո́չինչ ետ. զի զսպասաւորու(թ)ի(ւն) սրբու(թ)ե(ան)ց սրբու(թ)ե(ան)ցն ունէին, եւ յուսս իւրեանց բառնային։

Verse: 10  Link to sept   Եւ մատուցին իշխանքն ՛ի նաւակատիս սեղանոյն, յաւուր յորում օծ զնա. եւ բերին իշխանքն զընծայս իւրեանց առաջի սեղանոյն։

Verse: 11  Link to sept   Եւ ասէ տ(է)ր ցմովսէս. մի մի իշխան, մի մի օ́ր մատուսցեն զընծայս իւրեանց ՛ի նաւակատիս սեղանոյն։

Verse: 12  Link to sept   Եւ մատուցանէր զընծայս իւր յաւուրն առաջնում նաասոն որդի ամինադաբայ՝ իշխան ցեղին յուդայ,

Verse: 13  Link to sept   մատոյց զընծայսն իւր։ Կո́նք մի արծաթի՝ ՛ի հարիւր եւ յերեսուն կշռորդէ, տաշտ մի արծաթի՝ յեւթանասուն սկեղէ ըստ սրբութե(ան) սկեղն. երկոքին լի́ նաշհւով զանգելով ընդ իւղոյ ՛ի զոհ։

Verse: 14  Link to sept   Տուփ մի ոսկի ՛ի տասն դահեկանէ լի́ խնկով։

Verse: 15  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 16  Link to sept   նոխազ մի յայծեաց վ(ա)ս(ն) մեղաց։

Verse: 17  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ նաասոնի որդւոյ ամինադաբայ։

Verse: 18  Link to sept   Եւ յաւուրն երկրորդի մատոյց նաթանայէլ որդի սովդարայ՝ իշխան ցեղին իսաքարայ.

Verse: 19  Link to sept   եւ մատոյց զընծայս իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի՝ յեւթնասուն սկեղէ ը(ս)տ սրբու(թ)ե(ան) սկեղն. երկոքեան լի հաշհւով զանգելով ը(նդ) իւղոյ ՛ի զոհ։

Verse: 20  Link to sept   Տուփ մի ՛ի տասն դահեկանէ լի խնկով։

Verse: 21  Link to sept   զուարակ մի յանդւոյ, խոյ մի, գառն մի տարեւոր յաղջակէզ.

Verse: 22  Link to sept   նոխազ մի յայծեաց վ(ա)ս(ն) մեղաց։

Verse: 23  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ,նոխազս հինգ, որոջս տարեւորս հինգ։ Ա́յս ընծայ նաթանայելի որդւոյ սովդարայ։

Verse: 24  Link to sept   Եւ յաւուրն երրորդի, իշխան որդւոցն զաբուղոնի, եղիաբ որդի քելլոնի,

Verse: 25  Link to sept   զընծայսն իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբութե(ան) սկեղն. երկոքին լի́ հաշհւով զանգելով ընդ իւղոյ ՛ի զոհ։

Verse: 26  Link to sept   Տուփ մի ՛ի տասն դահեկանէ լի́ խնկով։

Verse: 27  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 28  Link to sept   նոխազ մի յայծեաց վ(ա)ս(ն) մեղաց.

Verse: 29  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ եղիաբու որդւոյ քելլոնի։

Verse: 30  Link to sept   Եւ յաւուրն չորրորդի իշխան որդւոցն ռուբինի՝ եղիսուր որդի սեդիուրայ,

Verse: 31  Link to sept   զընծայս իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի́ նաշհւով զանգելով ընդ իւղոյ ՛ի զոհ։

Verse: 32  Link to sept   Տուփ մի ՛ի տասն դահեկանէ լի́ խնկով։

Verse: 33  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 34  Link to sept   եւ նոխազ մի յայծեաց վ(ա)ս(ն) մեղաց.

Verse: 35  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Այս ընծայ եղիսուրայ որդւոյ սեդիուրայ։

Verse: 36  Link to sept   Եւ յաւուրն հինգերորդի՝ իշխան որդւոցն շմաւոնի, սաղամիէլ՝ որդի սուրիսադայի,

Verse: 37  Link to sept   զընծայս իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի հաշհւով զանգելոյ ընդ իւղոյ ՛ի զոհ։

Verse: 38  Link to sept   Տուփ մի ՛ի տասն դահեկանէ լի́ խնկով։

Verse: 39  Link to sept   զուարակ մի յանդւոյ, խոյ մի, գառն մի տարեւոր յողջակէզ.

Verse: 40  Link to sept   եւ նոխազ մի յայծեաց վ(ա)ս(ն) մեղաց.

Verse: 41  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ սաղամիէլի որդւոյ սուրիսադայի։

Verse: 42  Link to sept   Եւ յաւուրն վեցերորդի՝ իշխան որդւոցն գադայ, եղիսափան որդի ռագուելի

Verse: 43  Link to sept   զընծայս իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի́ նաշհւով զանգելով ընդ իւղոյ։

Verse: 44  Link to sept   Տուփ մի ՛ի տասն դահեկանէ լի́ խնկով.

Verse: 45  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 46  Link to sept   եւ նոխազ մի յայծեաց վ(ա)ս(ն) մեղաց.

Verse: 47  Link to sept   եւ ՛ի զոհ փրկութե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ եղիսափանայ որդւոյ ռագուելի։

Verse: 48  Link to sept   Եւ յաւուրն եւթներորդի իշխան որդւոցն եփրեմի, եղիսամա որդի սեմիուդայ,

Verse: 49  Link to sept   զընծայսն իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի́ նաշհւով զանգելով ընդ իւղոյ ՛ի զոհ։

Verse: 50  Link to sept   Տուփ մի ՛ի տասն դահեկանէ լի́ խնկով.

Verse: 51  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 52  Link to sept   նոխազ մի յայծեաց վ(ա)ս(ն) մեղաց.

Verse: 53  Link to sept   եւ ՛ի զոհ փրկութե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ՝ եղիսամայ որդւոյ սեմիուդայ։

Verse: 54  Link to sept   Եւ յաւուրն ութերորդի՝ իշխան որդւոցն մանասէի, գամաղիէլ որդի փադասուրայ

Verse: 55  Link to sept   զընծայսն իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի́ նաշհւով զանգելով ը(նդ) իւղոյ ՛ի զոհ։

Verse: 56  Link to sept   Տուփ մի ՛ի տասն դահեկանէ լի խնկով.

Verse: 57  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 58  Link to sept   եւ նոխազ մի յայծեաց վ(ա)ս(ն) մեղաց.

Verse: 59  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ գամաղիէլի որդւոյ փադասուրայ։

Verse: 60  Link to sept   Եւ յաւուրն իններորդի իշխան որդւոցն բենիամինի. աբիդան որդի գեթսոնի,

Verse: 61  Link to sept   զընծայս իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի նաշհւով զանգելով ընդ իւղոյ ՛ի զոհ։

Verse: 62  Link to sept   Տուփ մի ՛ի տասն դահեկանէ լի խնկով.

Verse: 63  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 64  Link to sept   եւ նոխազ մի յայծեաց վ(ա)ս(ն) մեղաց.

Verse: 65  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ աբիդանայ որդւոյ գեթսոնի։

Verse: 66  Link to sept   Եւ յաւուրն տասներորդի իշխան որդւոցն դանայ՝ աքիեզեր որդի ամիսադայի,

Verse: 67  Link to sept   զընծայսն իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի նաշհւով զանգելով ընդ իւղոյ ՛ի զոհ։

Verse: 68  Link to sept   Տուփ մի ՛ի տասն դահեկանէ լի խնկով.

Verse: 69  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 70  Link to sept   եւ նոխազ մի յայծեաց վ(ա)ս(ն) մեղաց.

Verse: 71  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ աքիեզերայ՝ որդւոյ ամիսադայի։

Verse: 72  Link to sept   Եւ յաւուրն մետասաներորդի իշխան որդւոցն ասերայ՝ փագիէլ որդի եքրանայ,

Verse: 73  Link to sept   զընծայս իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի նաշհւով զանգելով ընդ իւղոյ ՛ի զոհ։

Verse: 74  Link to sept   Տուփ մի ՛ի տասն դահեկանէ լի խնկով.

Verse: 75  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 76  Link to sept   եւ նոխազ մի յայծեաց վ(ա)ս(ն) մեղաց.

Verse: 77  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ փագիէլի որդւոյ եքրանայ։

Verse: 78  Link to sept   Եւ յաւուրն երկոտասաներորդի՝ իշխան որդւոցն նեփթաղիմայ՝ աքիրան որդի էնանայ,

Verse: 79  Link to sept   զընծայսն իւր։ Կոնք մի արծաթի ՛ի հարիւր եւ յերեսուն կշռորդէ. տաշտ մի արծաթի յեւթանասուն սկեղէ ըստ սրբու(թ)ե(ան) սկեղն. երկոքին լի նաշհւով զանգելով ընդ իւղոյ ՛ի զոհ։

Verse: 80  Link to sept   Տուփ մի ՛ի տասն դահեկանէ լի խնկով.

Verse: 81  Link to sept   զուարակ մի յանդւոյ, խոյ մի, գառն մի տարեւոր յողջակէզ,

Verse: 82  Link to sept   նոխազ մի յայծեաց վ(ա)ս(ն) մեղաց.

Verse: 83  Link to sept   եւ ՛ի զոհ փրկու(թ)ե(ան) երինջս երկուս, խոյս հինգ, նոխազս հինգ, որոջս տարեւորս հինգ։ Ա́յս ընծայ աքիրանայ որդւոյ էնանայ։

Verse: 84  Link to sept   Ա́յս է օրէն նաւակատեաց սեղանոյն յաւուրն յորում օծ զնա, յիշխանաց որդւոցն ի(սրաէ)լի։ Կոնք արծաթիք երկոտասան. տաշտք արծաթիք երկոտասան. տուփք երկոտասան.

Verse: 85  Link to sept   ՛ի հարիւր եւ յերեսուն սկեղէ կոնք մի. յեւթանասուն սկեղէ տաշտ մի։ Ամենայն արծաթ սպասուցն՝ երկու հազար եւ չորեքհարիւր սիկղ ըստ սրբութե(ան) սկեղն։

Verse: 86  Link to sept   Տուփք ոսկիք երկոտասանք լի́ խնկով։ ա(մենայ)ն ոսկի տփոցն՝ հարիւր եւ քսան դահեկան։

Verse: 87  Link to sept   Եւ ա(մենայ)ն արջառ յողջակէզ. զուարակք երկոտասանք. խոյք երկոտասանք. գառինք տարեւորք անարատք երկոտասան. եւ զոհք ն(ո)ց(ա) եւ նուէրք նոցին. եւ նոխազք յայծեաց վ(ա)ս(ն) մեղաց երկոտասանք.

Verse: 88  Link to sept   եւ ա(մենայ)ն արջառք ՛ի զոհ ողջակիզին երկոտասանք. երինջք քսան եւ չորս, խոյք վաթսուն, նոխազք վաթսուն, որոջք տարեւորք անարատք վաթսուն։ Ա́յս են նաւակատիք սեղանոյն յետ կատարելոյ զձեռս ն(ո)ց(ա),

Verse: 89  Link to sept   ՛ի մտանելն մովսիսի ՛ի խորանն վկայու(թ)ե(ան) խօսել ընդ նմա։ Եւ լուան զբարբառն տ(եառ)ն ՛ի խօսելն ընդ նմա ՛ի վերուստ ՛ի քաւու(թեն)է անտի՝ ՛ի միջոյ երկուց քերոբէիցն որ էին ՛ի վ(ե)ր(այ) տապանակին վկայու(թ)ե(ան), ՛ի միջոյ երկուց քերովբէիցն, եւ խօսէր ընդ նմա։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   խօսեա́ց ընդ ահարոնի եւ ասասցես ցնա։ Յորժամ դնիցես զճրագունսն ՛ի միոջէ կողմանէ երեսաց աշտանակին, լուցանիցին եւթանեքին ճրագարանքն։

Verse: 3  Link to sept   Եւ արա́ր այնպէս ահարոն։ ՛ի միոջէ կողմանէ հանդէպ աշտանակին էլո́յց զճրագարանս ն(ո)ր(ա). ո(ր)պ(էս) հրամայեաց տ(է)ր մովսիսի։

Verse: 4  Link to sept   Եւ ա́յս է կազմած աշտանակին։ ձո́յլ ոսկի բուն ն(ո)ր(ա). եւ շուշանք ն(ո)ր(ա) ձո́յլ համակ, ըստ օրինակին ո(ր)պ(էս) եցոյց տ(է)ր մովսիսի՝ ա́յնպէս արարին զաշտանակն։

Verse: 5  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 6  Link to sept   ա́ռ դու զղեւտացիսն ՛ի միջոյ որդւոցն ի(սրաէ)լի եւ սրբեսցես զն(ո)ս(ա).

Verse: 7  Link to sept   եւ ա́յպէս արասցես ն(ո)ց(ա) զսրբութի(ւն)ն իւրեանց։ Ցանեսցես զնոքօք ջո́ւր սրբու(թ)ե(ան). եւ ածցի ածելի́ ՛ի վ(ե)ր(այ) ա(մենայ)ն մարմնոց ն(ո)ց(ա), եւ լուասցեն զձորձս իւրեանց, եւ սո́ւրբք եղիցին։

Verse: 8  Link to sept   Եւ առցես զուարակ մի յանդւոյ, եւ ըստ նմին զո́հ նաշիհ զանգեալ իւղով։ եւ առցես ո́րթ տարեւոր յանդւոյ վ(ա)ս(ն) մեղաց.

Verse: 9  Link to sept   եւ տարցիս զղեւտացիսն առաջի խորանին վկայութե(ան), եւ ժողովեսցե́ս զա(մենայ)ն ժողովուրդ որդւոց ի(սրաէ)լի.

Verse: 10  Link to sept   եւ մատուսցեն զղեւտացիսն առաջի տ(եառ)ն. եւ դիցեն որդիքն ի(սրաէ)լի զձեռս իւրեանց ՛ի վ(ե)ր(այ) ղեւտացւոցն։

Verse: 11  Link to sept   Եւ զատուսցէ́ ահարոն զղեւտացիսն ՛ի հատուցումն առաջի տ(եառ)ն յորդւոցն ի(սրաէ)լի. եւ եղիցին գործել զգործ խորանին առաջի տ(եառ)ն։

Verse: 12  Link to sept   Եւ ղեւտացիքն դիցեն զձեռս իւրեանց ՛ի վ(ե)ր(այ) գլխոյ զուարակացն. եւ արասցես զմին վ(ա)ս(ն) մեղաց, եւ զմին յողջակէզ տ(եառ)ն քաւե́լ վ(ա)ս(ն) ն(ո)ց(ա)։

Verse: 13  Link to sept   եւ կացուսցես զղեւտացիսն առաջի տ(եառ)ն, եւ առաջի ահարոնի, եւ առաջի որդւոց ն(ո)ր(ա). եւ տացես զն(ո)ս(ա) հատուցո́ւմն առաջի տ(եառ)ն։

Verse: 14  Link to sept   եւ զատուսցես զղեւտացիսն ՛ի միջոյ որդւոցն իսրայէլի, եւ եղիցին ի́նձ։

Verse: 15  Link to sept   Եւ ապա́ մտցեն ղեւտացիքն գործե́լ զգործ խորանին վկայու(թ)ե(ան). եւ սրբեսցե́ս զն(ո)ս(ա), եւ տացե́ս զն(ո)ս(ա) հատուցումն առաջի տ(եառ)ն.

Verse: 16  Link to sept   զի հատուցո́ւմն հատուցեալ են նոքա ինձ ՛ի միջոյ որդւոցն ի(սրաէ)լի. փոխանակ ա(մենայ)ն անդրանկաց որ բանան զա(մենայ)ն արգանդ յորդւոցն ի(սրաէ)լի. առի զն(ո)ս(ա) Ի́նձ։

Verse: 17  Link to sept   Զի ի́մ է ա(մենայ)ն անդրանիկ որդւոցն ի(սրաէ)լի, ՛ի մարդոյ մինչեւ յանասուն. յաւուր յորում հարի զա(մենայ)ն անդրանիկ յերկրին եգիպտացւոց, եւ սրբեցի զն(ո)ս(ա) ինձ,

Verse: 18  Link to sept   եւ առի́ զղեւտացիսն փոխանակ ա(մենայ)ն անդրանկաց որդւոցն ի(սրաէ)լի։

Verse: 19  Link to sept   Եւ ետու զղեւտացիսն հատուցումն տուեալս՝ ահարոնի եւ որդւոց նորա ՛ի միջոյ որդւոցն ի(սրաէ)լի, գործել զգո́րծ որդւոցն ի(սրաէ)լի ՛ի խորանին վկայութե(ան). եւ քաւե́լ վ(ա)ս(ն) որդւոցն ի(սրաէ)լի մերձենալով ՛ի սրբու(թ)ի(ւն)սն։

Verse: 20  Link to sept   Եւ արարի́ն մովսէս եւ ահարոն, եւ ա(մենայ)ն ժողովուրդ որդւոցն ի(սրաէ)լի ղեւտացւոցն՝ ո(ր)պ(էս) պատուիրեաց տ(է)ր մովսիսի վ(ա)ս(ն) ղեւտացւոցն, նո́յնպէս եւ արարին նոցա որդիքն ի(սրաէ)լի։

Verse: 21  Link to sept   Եւ սրբեցա́ն ղեւտացիքն, եւ լուացի́ն զհանդերձս, եւ ետուն զանձինս ահարոնի ՛ի հատուցումն առաջի տ(եառ)ն. եւ քաւեա́ց վ(ա)ս(ն) նոցա ահարոն սրբե́լ զն(ո)ս(ա)։

Verse: 22  Link to sept   Եւ ապա́ մտին ղեւտացիքն պաշտել զպաշտօն իւրեանց ՛ի խորանին վկայու(թ)ե(ան), առաջի ահարոնի եւ առաջի որդւոց ն(ո)ր(ա). ո(ր)պ(էս) պատուիրեաց տ(է)ր մովսիսի վ(ա)ս(ն) ղեւտացւոցն. նո́յնպէս եւ արարին ն(ո)ց(ա)։

Verse: 23  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 24  Link to sept   Ա́յս ինչ է որ վ(ա)ս(ն) ղեւտացւոցն իցէ։ ՛ի քսան եւ հինգ ամենից եւ ՛ի վեր, մտցեն գործե́լ ՛ի խորանին վկայու(թ)ե(ան).

Verse: 25  Link to sept   եւ ՛ի յիսնամենից ՛ի բա́ց կացցեն ՛ի պաշտամանէ անտի՝ եւ ո́չ եւս գործեսցեն.

Verse: 26  Link to sept   եւ պաշտեսցէ եղբա́յր ն(ո)ր(ա) ՛ի խորանին վկայութե(ան)։ պահե́լ պահեսցէ զպահպանութի(ւն)ս, բայց գործ ինչ՝ մի́ գործեսցէ։ ա́յնպէս արասցես ղեւտացւոցն ՛ի պահպանութի(ւն)ս իւրեանց։



Chapter: 9 
ԳԼ(ՈՒԽ) Թ՜.


Verse: 1  Link to sept   Խօսեցաւ տ(է)ր ընդ մովսիսի յանապատին սինայի, յամին երկրորդի ելանելոյ ն(ո)ց(ա) յեգիպտոսէ յամսեանն առաջնում՝ եւ ասէ։

Verse: 2  Link to sept   Ասա́ եւ արասցե́ն որդիքն ի(սրաէ)լի զզատիկն ՛ի ժամանակի իւրում.

Verse: 3  Link to sept   ՛ի չորեքտասաներորդում աւուր ամսոյն առաջնոյ, արասցեն զայն ընդ երե́կս. ըստ ժամանակս. ըստ օրինի իւրում, ըստ պայմանի́ իւրում առնիցեն զնա։

Verse: 4  Link to sept   Եւ խօսեցաւ մովսէս ընդ որդիսն ի(սրաէ)լի առնե́լ զզատիկն,

Verse: 5  Link to sept   ՛ի սկսանել չորեքտասաներորդի աւուր ամսոյն յանապատին սինայի, ո(ր)պ(էս) հրամայեաց տ(է)ր մովսիսի՝ ա́յնպէս արարին որդիքն ի(սրաէ)լի։

Verse: 6  Link to sept   Եւ եկին արք՝ որ ո́չ էին ս(ուր)բ ոգւով մարդոյ. եւ ո́չ կարէին առնել զզատիկն յաւուր յայնմիկ։

Verse: 7  Link to sept   եւ մատեա́ն առաջի մովսիսի եւ ահարոնի յաւուր յայնմիկ, եւ ասեն ցն(ո)ս(ա) արքն այնոքիկ. մեք անսո́ւրբք եմք յոգի մարդոյ. արդ՝ մի́ յետնեսցուք ՛ի մատուցանելոյ պատարագ տ(եառ)ն ՛ի ժամանակի իւրում ՛ի մէջ որդւոցն իսրայելի։

Verse: 8  Link to sept   Ասէ ցն(ո)ս(ա) մովսէս. կացէ́ք այդր, եւ լուայց՝ թէ զի՞նչ տացէ հրաման տ(է)ր վ(ա)ս(ն) ձեր։

Verse: 9  Link to sept   Եւ խօսեցաւ տ(է)ր ընդ մովսիսի եւ ասէ.

Verse: 10  Link to sept   խօսեա́ց ը(նդ) որդիսդ ի(սրաէ)լի՝ եւ ասասցես. Մա́րդ ոք մարդ՝ որ լինիցի անսուրբ յոգի մարդոյ. եւ կամ թէ ՛ի հեռի ճանապարհի ոք իցէ ՛ի ձէնջ յազգս ձեր. արասցէ զզատիկն տ(եառ)ն

Verse: 11  Link to sept   յամսեա́նն երկրորդի. ՛ի չորեքտասաներորդում աւուր ընդ երեկս արասցէ́ զնա բաղարջով եւ եղեգո́վ կերիցէ զնա։

Verse: 12  Link to sept   եւ մի́ թողուցուն ինչ ՛ի նմանէ յայգ. եւ ոսկր մի́ բեկանիցեն ՛ի նմանէ. ըստ օրինի զատիկն արասցեն զնա։

Verse: 13  Link to sept   Եւ մարդ ոք՝ որ սո́ւրբ իցէ, եւ ՛ի հեռաւոր ճանապարհի ո́չ իցէ, եւ հեղգասցի́ առնել զզատիկն, սատակեսցի́ անձն այն ՛ի ժողովրդենէ իւրմէ։ զի զպատարագ տ(եառ)ն ո́չ մատոյց ՛ի ժամանակի իւրում. զմեղս իւր ընկալցի մարդն այն։

Verse: 14  Link to sept   Եւ եթէ յարեսցի ՛ի ձեզ եկ ոք յերկրին ձերում, եւ առնիցէ զզատիկն տ(եառ)ն, ըստ օրինակի́ զատկին՝ եւ ըստ պայմանի́ իւրում արասցէ զնա։ Օրէն՝ մի եւ նոյն կացցէ ձեզ, եկի́ն եւ բնակի երկրին։

Verse: 15  Link to sept   Եւ յաւուրն յորում կանգնեցաւ խորանն, ծածկեա́ց ամպ զխորանն եւ զտունն վկայութե(ան). եւ ընդ երեկս լինէր ՛ի խորանին իբրեւ զտեսի́լ հրոյ մինչեւ ցառաւօտ։

Verse: 16  Link to sept   Այնպէս լինէր հանապազ. ա́մպ ծածկէր զնա ՛ի տուէ, եւ տեսի́լ հրոյ ՛ի գիշերի։

Verse: 17  Link to sept   Եւ յորժամ վերանայր ամպն ՛ի խորանէ́ անտի, ապա́ չուէին որդիքն ի(սրաէ)լի. եւ ՛ի տեղւոջ յորում զտեղի́ առնոյր ամպն՝ ա́նդ բանակէին որդիքն ի(սրաէ)լի։

Verse: 18  Link to sept   Հրամանա́ւ տ(եառ)ն բանակէին որդիքն ի(սրաէ)լի, եւ հրամանաւ տ(եառ)ն չուէին։

Verse: 19  Link to sept   Զա(մենայ)ն աւուրս յորս հովանի́ ունիցի ամպն ՛ի վերայ խորանին, բանակեսցին որդիքն ի(սրաէ)լի. եւ յորժամ ձգիցի ամպն ՛ի վերայ խորանին աւուրս բազումս, պահեսցեն որդիքն ի(սրաէ)լի զպահպանութի(ւն) տ(եառ)ն՝ եւ մի́ չուեսցեն։

Verse: 20  Link to sept   Եւ եղիցի յորժամ հովանութի(ւն) տ(եառ)ն՝ եւ մի́ չուեսցեն։

Verse: 21  Link to sept   Եւ եղիցի յորժամ հովանի́ ունիցի ամպն զաւուրս թուով ՛ի վերայ խորանին. ըստ բանի́ տ(եառ)ն բանակեսցեն, եւ ըստ բանի́ տ(եառ)ն չուեսցեն։

Verse: 22  Link to sept   Եւ եղիցի յորժամ լինիցի ամպն յերեկորեայ մինչեւ ցառաւօտ, եւ եթէ վերանայցէ ամպն ընդ առաւօտն. չուեսցե́ն զցերեկ կամ զցայգ։ եւ եթէ ո́չ վերասցի ամպն՝ ո́չ չուեսցեն։

Verse: 23  Link to sept   Եւ եթէ ամսօրեայ ժամանակ յաճախիցէ ամպն, եւ հովանի́ լիցի ՛ի վ(ե)ր(այ) ն(ո)ր(ա), բանակեսցեն որդիքն ի(սրաէ)լի՝ եւ մի́ չուեսցեն։

Verse: 24  Link to sept   զի ըստ հրամանի́ տ(եառ)ն չուեսցեն, եւ զպահպանու(թ)ի(ւն)ս տ(եառ)ն պահեսցեն հրամանա́ւ տ(եառ)ն ՛ի ձեռն մովսիսի։



Chapter: 10 
ԳԼ(ՈՒԽ) Ժ՜.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   արա́ դու քեզ երկուս փողս կռածոյս, արծաթի́ս աեասցես զն(ո)ս(ա). եւ եղիցին քեզ ա́չդ առնելոյ ժողովրդեանն, եւ չուելո́յ բանակացն։

Verse: 3  Link to sept   եւ հարկանիցեն փո́ղ նոքօք, եւ ժողովեսցի́ ա(մենայ)ն ժողովուրդն ՛ի դուռն խորանին վկայու(թ)ե(ան)։

Verse: 4  Link to sept   Եւ եթէ ՛ի միում հարկանիցեն փող՝ եկեսցեն առ քեզ իշխանքն զօրավարքն ի(սրաէ)լի։

Verse: 5  Link to sept   Եւ հարջի́ք փող ազդեցու(թ)ե(ան), եւ չուեսցեն բանակքն բանակեալք ընդ արեւելս։

Verse: 6  Link to sept   Եւ հարկանիցէք զերկրո́րդ փողն ազդեցութե(ան), եւ չուեսցեն բանակքն բանակեալք ընդ հարաւ։ Եւ հարկանիցէք զերրո́րդ փողն ազդեցութե(ան), եւ չուեսցեն բանակքն բանակեալք ընդ ծովակողմն։ Եւ հարկանիցէք զչորրո́րդ փողն ազդեցու(թ)ե(ան), եւ չուեսցեն բանակքն բանակեալք ընդ հիւսւսի։ ազդեցու(թ)ե(ա́ն) փող հարկանիցեն ՛ի չուելն իւրեանց։

Verse: 7  Link to sept   Եւ յորժամ ժողովիցէք զժողովուրդն՝ եւ հարկանիցէք փող՝ եւ ո́չ ազդեցութե(ան)։

Verse: 8  Link to sept   Եւ որդիքն ահարոնի քահանայք հարցեն փող, եւ եղիցի ձեզ օրէ́ն յաւիտենական յազգս ձեր։

Verse: 9  Link to sept   Եւ եթէ ելանիցէք ՛ի պատերազմ յերկրի ձերում, ընդդիմակացացն որ կայցեն ձեզ հակառակ, ազդեսջի́ք փողով եւ յիշատակեսջի́ք առաջի տ(եառ)ն. եւ ապրիցէք ՛ի թշնամեացն ձերոց։

Verse: 10  Link to sept   Եւ յաւուրս ուրախութե(ան) ձերոյ, եւ յամսագլո́ւխս ձեր հարկանիցէք փող. եւ ՛ի վ(ե)ր(այ) ողջակիզա́ցն, եւ ՛ի վ(ե)ր(այ) զոհիցն փրկութե(ան)ց ձերոց. եւ եղիցի ձեզ յիշատա́կ առաջի տ(եառ)ն ձերոյ. ե́ս եմ տ(է)ր ա(ստուա)ծ ձեր։

Verse: 11  Link to sept   Եւ եղեւ յամին երկրորդի յամսեանն երկրորդի՝ որ օր քսա́ն էր ամսոյն՝ վերացա́ւ ամպն ՛ի խորանէն վկայութե(ան)։

Verse: 12  Link to sept   Եւ չուեցին որդիքն ի(սրաէ)լի հանդերձ աղխի́ւքն իւրեանց յանապատէն սինայի։ եւ եկաց ամպն յանապատին փառանու։

Verse: 13  Link to sept   եւ չուեցի́ն որդիքն ի(սրաէ)լի ըստ բանի տ(եառ)ն ՛ի ձեռն մովսիսի։

Verse: 14  Link to sept   Եւ չուեցին նախ գունդք բանակի որդւոցն յուդայ յառաջագոյն զօրուն իւրեանց. եւ ՛ի վ(ե)ր(այ) զօրացն ն(ո)ց(ա) նաասոն որդի ամինադաբայ։

Verse: 15  Link to sept   եւ ՛ի վ(ե)ր(այ) զօրաց որդւոցն իսաքարայ՝ նաթանայէլ որդի սովգովրայ։

Verse: 16  Link to sept   եւ ՛ի վ(ե)ր(այ) զօրու ցեղի որդւոցն զաբուղոնի՝ եղիաբ որդի քելլոնի։

Verse: 17  Link to sept   Եւ իջուցանէին զխորանն, եւ չուէին։ որդիքն գեթսոնի եւ որդիքն մերարեայ բառնային զխորանն։

Verse: 18  Link to sept   Եւ չուէին գունդք բանակի որդւոցն ռուբինի հանդերձ զօրուն իւրեանց. եւ ՛ի վ(ե)ր(այ) զօրու ն(ո)ց(ա) էղիսուր որդի սեդիուրայ.

Verse: 19  Link to sept   եւ ՛ի վերայ զօրու ցեղի որդւոցն շմաւոնի՝ սաղամիէլ որդի սուրիսադայի։

Verse: 20  Link to sept   եւ ՛ի վ(ե)ր(այ) զօրու ցեղի որդւոցն գադայ էղիսափան որդի ռագուելի։

Verse: 21  Link to sept   Եւ չուեսցեն որդիքն կահաթու բարձեալ զսրբու(թ)ի(ւն)սն. եւ կանգնեսցեն զխորանն մինչեւ այլքն հասանիցեն։

Verse: 22  Link to sept   Եւ չուեսցեն գունդք բանակին եփրեմայ հանդերձ զօրուն իւրեանց. եւ ՛ի վ(ե)ր(այ) զօրու ն(ո)ց(ա) եղիսամայ որդի սեմուդայի։

Verse: 23  Link to sept   Եւ ՛ի վերայ զօրու ցեղի որդւոցն մանասէի գամաղիէղ որդի փադասուրայ։

Verse: 24  Link to sept   եւ ՛ի վ(ե)ր(այ) ցեղի որդւոցն բենիամինի աբիդան որդի գեդէոնի։

Verse: 25  Link to sept   Եւ չուեցին գունդք բանակի որդւոցն դանայ յետո́յ քան զամենայն բանակսն հանդերձ զօրուն իւրեանց. եւ ՛ի վ(ե)ր(այ) զօրու ն(ո)ց(ա) աքիեզեր որդի ամիսադայի։

Verse: 26  Link to sept   եւ ՛ի վերայ ցեղի որդւոցն ասերայ փագեէլ որդի եքրանայ։

Verse: 27  Link to sept   եւ ՛ի վ(ե)ր(այ) ցեղի որդւոցն նեփթաղիմայ աքիրան որդի ենանայ։

Verse: 28  Link to sept   Ա́յս են զօրք որդւոցն ի(սրաէ)լի. եւ չուեցին հանդերձ զօրուն իւրեանց։

Verse: 29  Link to sept   Եւ ասէ́ մովսէս ցյոբաբ որդի ռագուելի մադիանացի ցաներս մովսիսի։ ահա մեք չուեմք ՛ի տեղին զոր ասաց տ(է)ր տա́լ զնա մեզ. ե́կ ընդ մեզ, եւ բարի́ արասցուք քեզ. զի տ(է)ր խոստացաւ բարու(թ)ի(ւն)ս ի(սրաէ)լի։

Verse: 30  Link to sept   Եւ նա ասէ՝ ո́չ երթայց անդր, այլ յերկիրն իմ եւ յա́զգն իմ գնացից։

Verse: 31  Link to sept   Եւ ասէ ցնա. մի́ թողուր զմեզ. քանզի էիր ընդ մեզ յանապատին. եւ եղիցես ընդ մեզ ծե́ր։

Verse: 32  Link to sept   եւ եղիցի թէ երթայցես ը(նդ) մեզ, եւ լինիցին բարու(թ)ի(ւն)քն զոր ինչ արասցէ մեզ տ(է)ր բարի, արասցո́ւք եւ քեզ։

Verse: 33  Link to sept   Եւ չուեցին ՛ի լեռնէ անտի տ(եառ)ն երեքօրեայ ճանապարհ. եւ տապանակ ուխտին տ(եառ)ն յառաջագո́յն քան զն(ո)ս(ա) երթայր երեքօրեա́յ ճանապարհաւ, դիտել նոցա հանգիստ։

Verse: 35  Link to sept   Եւ եղեւ ՛ի չուել տապանակին՝ ասէ́ մովսէս։ Արի́ տ(է)ր՝ եւ ցրուեսցին թշնամիք քո, փախիցե́ն ամենայն ատելիք քո։

Verse: 36  Link to sept   Եւ ՛ի դադարելն ասէ։ Դարձի́ր տ(է)ր ՛ի հազարաւորս եւ ՛ի բիւրաւո́րս իսրայէլի։

Verse: 34  Link to sept   Եւ ամպն հովանի́ ունէր ՛ի վերայ նոցա ՛ի տուէ ՛ի չուել նոցա ՛ի բանակէ անտի։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ ժողովուրդն տրտնջէ́ր չարաչա́ր առաջի տ(եառ)ն. եւ լուաւ տ(է)ր եւ բարկացաւ սրտմտութ(եամ)բ։ Եւ բորբոքեցաւ ՛ի նոսա հո́ւր ՛ի տ(եառն)է։. եւ եկե́ր զմասն ինչ բանակին։

Verse: 2  Link to sept   Եւ աղաղակեա́ց ժողովուրդն առ մովսէս, եւ յաղօթս եկաց մովսէս առ տ(է)ր. եւ դադարեա́ց հուրն։

Verse: 3  Link to sept   Եւ կոչեցաւ անուն տեղւո́յն այնորիկ հրայրեաց։ զի բորբոքեցաւ ՛ի նոսա́ հուրն ՛ի տ(եառն)է։

Verse: 4  Link to sept   Եւ խառնաղանճն որ էր ՛ի միջի ն(ո)ց(ա) ցանկացա́ն ցանկու(թ)ի(ւն). եւ նստեալ լային որդիքն ի(սրաէ)լի՝ եւ ասէին. Ո՞ տացէ մեզ մի́ս ուտելոյ.

Verse: 5  Link to sept   զի յիշեցաք զձո́ւկնն զոր ուտէաք յեգիպտոս ձրի́, եւ զսեխն, եւ զմեղրապոպ, եւ զպրասն, եւ զսոխն եւ զխստոր։

Verse: 6  Link to sept   եւ արդ՝ աւասիկ նքողեալ են անձինք մեր. եւ ո́չ ուրեք՝ բայց միայն ՛ի մանանայն են աչք մեր։

Verse: 7  Link to sept   Եւ մանանայն էր իբրեւ զսերմն գնձոյ սպիտակ. եւ տեսիլ ն(ո)ր(ա) իբրեւ զտեսի́լ սառին.

Verse: 8  Link to sept   եւ շրջէր ժողովուրդն եւ քաղէ́ին, եւ աղային յերկանի, եւ լեսուին յանգանի, եւ եփէին ՛ի պուտան, եւ առնէին նկա́նս. եւ էր քաղցրու(թ)ի(ւն) ն(ո)ր(ա) իբրեւ զխորիսխ իւղո́յ եւ մեղու։

Verse: 9  Link to sept   եւ յորժամ իջանէր ցօղ ՛ի բանակն զցայգ, իջանէ́ր եւ մանանայն ՛ի վ(ե)ր(այ) ն(ո)ր(ա)։

Verse: 10  Link to sept   Լուաւ մովսէս զլալիւն նոցա ըստ գնդի́ց իւրեանց, զիւրաքանչիւր առ դրա́ն վրանի իւրոյ։ եւ բարկացա́ւ սրտմտութ(եամ)բ տ(է)ր յոյժ։ եւ առաջի մովսիսի չա́ր թուեցաւ։

Verse: 11  Link to sept   Եւ ասէ մովսէս ցտ(է)ր. ընդէ՞ր՝ տ(է)ր չարչարեցեր զծառայս քո, եւ հի՞մ ոչ գտի շնորհ առաջի քո, արկանե́լ զինեւ զբարկութի(ւն) ժողովրդեանս այսորիկ.

Verse: 12  Link to sept   միթէ ե՞ս յղացայ զա(մենայ)ն ժողովուրդս զայս, կամ թէ՝ ե՞ս ծնայ զսոսա. զի ասե́ս ցիս՝ թէ ա́ռ զդա ՛ի գո́գ քո, ո(ր)պ(էս) առնուցու դայեակ զստնդիաց, տանել յերկիրն զոր երդուար հարցն ն(ո)ց(ա)։

Verse: 13  Link to sept   Եւ արդ՝ ուստի՞ է ինձ միս՝ տալ ա(մենայ)ն ժողովրդեանս այսմիկ. զի լա́ն զինեւ եւ ասեն՝ տո́ւր մեզ միս զի կերիցուք։

Verse: 14  Link to sept   Ո́չ կարեմ ես միա́յն կրեր զժողովուրդս զայս. զի ծանրագո́յն քան զիս է բանդ։

Verse: 15  Link to sept   եթէ ա́յդպէս առնիցես ընդիս՝ սպա́ն իսկ զիս եթէ հաճո́յ իցէ քեզ. եթէ գտի շնորհս եւ ողորմութի(ւն) առ ՛ի քէն, զի մի́ տեսից զչարչարանս իմ։

Verse: 16  Link to sept   Եւ ասէ տ(է)ր ցմովսէս. ժողովեա́ ինձ եւթանասուն այր ՛ի ծերոցն ի(սրաէ)լի. զոր դո́ւ գիտես եթէ նոքա իցեն ծերագոյնք ժողովրդեանն, եւ ընտիրք ն(ո)ց(ա). եւ հանցե́ս զն(ո)ս(ա) ՛ի խորանն վկայութե(ան), եւ կացցեն անդ ընդ քեզ։

Verse: 17  Link to sept   Եւ իջի́ց անդր եւ խօսեցայց ընդ քեզ, եւ առի́ց ՛ի հոգւոյդ որ ՛ի քե́զ է եւ արկից զնոքօք. եւ բարձցե́ն ընդ քեզ զյանդգնու(թ)ի(ւն) ժողովրդեանդ այդորիկ. եւ ո́չ կրեսցես զդոսա դու միայն։

Verse: 18  Link to sept   Եւ ցժողովուրդն ասասցես. սրբեցարո́ւք առ վաղիւ՝ եւ կերիջիք միս. զի լացէք առաջի տ(եառ)ն՝ եւ ասացէք. ո́ ջամբրեսցէ մեզ միս. զի լա́ւ էր մեզ յեգիպտոս։ Եւ տացէ́ ձեզ տ(է)ր միս ուտելոյ, եւ կերիջի́ք միս։

Verse: 19  Link to sept   ո́չ զմի օր ուտիցէք, եւ ո́չ զերկուս. եւ ո́չ զհինգ օր, եւ ո́չ զտասն, եւ ո́չ զքսան օր։

Verse: 20  Link to sept   այլ զամսօրեայ աւուրս ուտիցէք. մինչեւ ելանիցէ ընդ ռընգո́ւնս ձեր. եւ եղիցի ձեզ ՛ի դառնու(թ)ի(ւն). զի հեստեցէք տ(եառ)ն որ է ՛ի միջի ձերում, եւ լացէք առաջի նորա, եւ ասէիք՝ ընդէ՞ր է́ր մեզ ելանել յեգիպտոսէ։

Verse: 21  Link to sept   Եւ ասէ մովսէս. վեցհարիւր հազար հետեւակա́ց է ժողովուրդն՝ յորոց միջի եմ ես. եւ դու ասես մի՞ս տաց ն(ո)ց(ա), եւ կերիցեն ամսօրեա́յ ժամանակ։

Verse: 22  Link to sept   միթէ արջա́ռ եւ ոչխար սպանանիցի՝ եւ բաւակա́ն լինիցի ն(ո)ց(ա)։ կամ թէ ա(մենայ)ն ձուկն ծովու ժողովիցի՝ եւ բաւակա́ն լինիցի նոցա։

Verse: 23  Link to sept   Եւ ասէ տ(է)ր ցմովսէս. միթէ ձեռն տ(եառ)ն չիցէ՞ բաւական. ա́յժմ տեսանիցես եթէ հասանիցէ ՛ի վ(ե)ր(այ) քո բանս իմ՝ եթէ ոչ։

Verse: 24  Link to sept   Եւ ե́լ մովսէս եւ խօսեցաւ ընդ ժողովրդեանն զպատգամս տ(եառ)ն. եւ ժողովեա́ց եւթանասուն այր ՛ի ծերոց ժողովրդեանն, եւ կացո́յց զն(ո)ս(ա) շուրջ զխորանաւն։

Verse: 25  Link to sept   Եւ է́ջ տ(է)ր ամպով, եւ խօսեցաւ տ(է)ր ընդ մովսիսի. եւ ա́ռ ՛ի հոգւոյն որ ՛ի նմա, եւ արկ զեւթանասուն արամբքն զծերովք։ Եւ իբրեւ հանգեա́ւ հոգին ՛ի վ(ե)ր(այ) ն(ո)ց(ա), եւ մարգարէացա́ն ՛ի բանակին, եւ այլ ո́չ եւս յաւելին։

Verse: 26  Link to sept   եւ մնացին երկո́ւ արք ՛ի բանակին. անուն միումն ելդադ, եւ անուն երկրորդին մովդադ, եւ հանգեա́ւ ՛ի վ(ե)ր(այ) ն(ո)ց(ա) հոգին. եւ նոքա էին ՛ի գրելոց անտի՝ եւ ո́չ եկին ՛ի խորանն,

Verse: 27  Link to sept   եւ մարգարէացան ՛ի բանակին։ Եւ ընթացեալ պատանի մի՝ պատմեաց մովսիսի՝ եւ ասէ ցնա. ելդադն եւ մովդադն մարգարէացա́ն ՛ի բանակին։

Verse: 28  Link to sept   Պատասխանի տուեալ յեսուսայ որդւոյ նաւեայ պաշտօնէին մովսիսի ընտրելոյ՝ եւ ասէ. տէ́ր մովսէս, արգե́լ զն(ո)ս(ա)։

Verse: 29  Link to sept   եւ ասէ ցնա մովսէս. մի́ արկաներ դու ինձ նախանձուկս. եւ ո՞ տայր զա(մենայ)ն ժողովուրդս տ(եառ)ն մարգարէս. յորժամ տա́յր տ(է)ր զոգին իւր ՛ի վ(ե)ր(այ) ն(ո)ց(ա)։

Verse: 30  Link to sept   եւ գնաց մովսէս ՛ի բանակն, ինքն եւ ծերքն ի(սրաէ)լի։

Verse: 31  Link to sept   Եւ ել հողմ ՛ի տ(եառն)է եւ խաղացոյց յա́յս կոյս զլորամարգին ՛ի ծովէն. եւ անկա́ւ զբանակաւն, աւուր գնաց աստի, եւ աւուր գնաց անտի́ շուրջ զբանակաւն, իբրեւ ցերկուս կանգունս յերկրէ։

Verse: 32  Link to sept   Եւ յարուցեալ ժողովուրդն զտի́ւն ողջոյն, եւ զգիշերն ողջոյն. եւ զտիւն ողջոյն ՛ի վաղի́ւ անդր, ժողովեցին զլորամարգին. որ սակաւ ժողովեաց՝ տա́սն քոռ. եւ սպանին եւ ապխտեցին իւրեանց ապուխտս ապո́ւխտս շուրջ զբանակաւն։

Verse: 33  Link to sept   Մինչդեռ միսն յատամունս ն(ո)ց(ա) էր՝ յառա́ջ քան զպակասելն, եւ տ(է)ր բարկացա́ւ ժողովրդեանն, եւ եհա́ր տ(է)ր զժողովուրդն հարուածս մեծամեծս յոյժ։

Verse: 34  Link to sept   Եւ կոչեցաւ անուն տեղւոյն այնորիկ գերեզմանք ցանկութե(ան). զի ա́նդ թաղեցին զժողովուրդն ցանկացօղ։ Եւ ՛ի գերեզմանացն ցանկութե(ան) չուեա́ց ժողովուրդն յասերովթ։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ բամբասեցին մարիամ եւ ահարոն զմովսէս վասն կնոջն եթեովպացւոյ՝ զոր ա́ռ մովսէս. զի կին եթեովպացի́ առ։

Verse: 2  Link to sept   եւ ասեն՝ թէ ընդ մովսիսի միա՞յն խօսեցաւ տ(է)ր. ոչ ապաքէն եւ ընդ մե՞զ խօսեցաւ։ եւ լուա́ւ տ(է)ր։

Verse: 3  Link to sept   Եւ այրն մովսէս հե́զ էր յոյժ քան զա(մենայ)ն մարդիկ՝ որ էին ՛ի վերայ երկրի։

Verse: 4  Link to sept   Եւ ասէ տ(է)ր նո́յնժամայն՝ ցմովսէս եւ ցահարոն եւ ցմարիամ. ելէ́ք դուք երեքին ՛ի խորանն վկայութե(ան)։ եւ ելի́ն երեքին ՛ի խորանն վկայութե(ան)։

Verse: 5  Link to sept   Եւ էջ տ(է)ր սեամբ ամպոյ, եւ եկաց առ դրան խորանին վկայութե(ան). եւ կոչեցան ահարոն եւ մարիամ։ եւ ելին երկոքեան։

Verse: 6  Link to sept   Եւ ասէ ցն(ո)ս(ա) տ(է)ր. լուարո́ւք բանից իմոց. եթէ լինիցի́ մարգարէ ՛ի ձէնջ տ(եառ)ն, տեսլեա́մբ երեւեցայց նմա, եւ երազով խօսեցա́յց ը(նդ) նմա։

Verse: 7  Link to sept   Ո́չ այնպէս ո(ր)պ(էս) ծառայն իմ մովսէս՝ որ յա(մենայ)ն տան իմում հաւատարի́մ է։

Verse: 8  Link to sept   բերան ՛ի բերան խօսեցայց ը(նդ) նմա, երեսօք եւ ո́չ առակօք. եւ զփառսն տ(եառ)ն ետես։ եւ ընդէ՞ր ոչ երկերուք բամբասել զծառայն իմ մովսէս։

Verse: 9  Link to sept   Եւ եղեւ բարկութի(ւն) սրտմտութե(ան) տ(եառ)ն ՛ի վ(ե)ր(այ) ն(ո)ց(ա)՝ եւ գնացին։

Verse: 10  Link to sept   եւ ամպն վերացաւ ՛ի խորանէ անտի։ եւ ահա մարիամ բորոտեալ էր իբրեւ զձիւն. եւ հայեցաւ ահարոն ը(նդ) մարիամ, եւ ահա՝ բորոտեալ էր։

Verse: 11  Link to sept   Եւ ասէ ահարոն ցմովսէս. խնդրե́մ ՛ի քէն տ(է)ր, մի́ ածեր ՛ի վ(ե)ր(այ) մեր մեղս. զի անգիտացա́ք. եւ քանզի մեղաք՝

Verse: 12  Link to sept   մի́ լինիցի հանգոյն մահու, իբրեւ զվիժած որ ելանիցէ յարգանդէ մօր՝ եւ ուտիցէ զկէս մարմնոյ ն(ո)ր(ա)։

Verse: 13  Link to sept   Եւ աղաղակեաց մովսէս առ տ(է)ր՝ եւ ասէ. խնդրե́մ ՛ի քէն ա(ստուա)ծ, բժշկեա́ զնա։

Verse: 14  Link to sept   Եւ ասէ տ(է)ր ցմովսէս. եթէ հօր իւրոյ թքանելով թքեալէր ընդ երե́սս ն(ո)ր(ա)՝ չամաչէ՞ր զեւթն օր։ մեկնեսցի́ զեւթն օր արտաքոյ բանակին՝ եւ ապա́ մտցէ։

Verse: 15  Link to sept   Եւ զատուցաւ մարիամ արտաքո́յ բանակին զեւթն օր։ եւ ժողովուրդն ո́չ չուեաց՝ մինչեւ սրբեցաւ մարիամ։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ ապա́ չուեաց ժողովուրդն յասերովթայ, եւ բանակեցաւ յանապատին փառանու։

Verse: 2  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 3  Link to sept   Առաքեա́ արս՝ եւ լրտեսեսցեն զերկիրն քանանացւոց, զոր ե́ս տաց որդւոցն ի(սրաէ)լի ՛ի կալուածս. այր մի՝ ըստ ցեղի, ըստ տանց նահապետաց իւրեանց առաքեսցե́ս զն(ո)ս(ա)՝ զա(մենայ)ն գլխաւորս ՛ի նոցանէ։

Verse: 4  Link to sept   Եւ առաքեաց զն(ո)ս(ա) մովսէս յանապատէն փառանու՝ ըստ բանին տ(եառ)ն. ամենեքին ա́րք գլխաւորք էին նոքա յորդւոցն ի(սրաէ)լի։ Եւ այս են անուանք նոցա։

Verse: 5  Link to sept   Ցեղին ռուբինի, սաղամիէլ որդի աքուրայ։

Verse: 6  Link to sept   Ցեղին շմաւոնի, սափատ որդի սուրեայ։

Verse: 7  Link to sept   Ցեղին յուդայ, քաղէբ որդի յեփոնեայ։

Verse: 8  Link to sept   Ցեղին իսաքարայ, գաղամ որդի յովսեփայ։

Verse: 9  Link to sept   Ցեղին եփրեմայ, աւսէս որդի նաւեայ։

Verse: 10  Link to sept   Ցեղին բենիամինի, փաղտի որդի ռափուայ։

Verse: 11  Link to sept   Ցեղին զաբուղոնի, յուդիէլ որդի սուդիայ։

Verse: 12  Link to sept   Ցեղին յովսեփայ՝ որդւոցն մանասէի, գադդէ որդի սուսայ։

Verse: 13  Link to sept   Ցեղին դանայ, ամիէլ որդի գամայի։

Verse: 14  Link to sept   Ցեղին ասերայ, սաթուր որդի միքայելի։

Verse: 15  Link to sept   Ցեղին նեփթաղիմայ, աբի որդի յաբիայ։

Verse: 16  Link to sept   Ցեղին գադայ, գուդիէլ որդի մակքեայ։

Verse: 17  Link to sept   Ա́յս անուանք են արանցն՝ զոր առաքեաց տ(է)ր լրտեսել զերկիրն քանանացւոց. եւ անուանեաց մովսէս զանուն աւսեայ որդւոյ նաւեայ՝ Յեսու։

Verse: 18  Link to sept   Եւ առաքեաց զնոսա մովսէս յանապատէն փառանու լրտեսե́լ զերկիրն քանանացւոց։ եւ ասէ ցն(ո)ս(ա). ելէ́ք ընդ անապատդ, եւ ամբարձա́յք ՛ի լեառնն,

Verse: 19  Link to sept   եւ տեսջիք զերկիրն զի՞նչ իցէ. եւ զժողովուրդն որ նստի ՛ի նմա, եթէ զօրաւորագո՞յն իցէ՝ թէ անաւագ, եթէ սակա՞ւք իցեն՝ եթէ բազումք։

Verse: 20  Link to sept   Եւ զի՞նչ իցէ երկիրն յորում նոքա բնակեալ իցեն, եթէ բարի՞ իցէ՝ եթէ չար. եւ զի՞նչ իցեն քաղաքքն յորս նոքա բնակեալ են. պարսպաւո՞րք են՝ եթէ անպարիսպք։

Verse: 21  Link to sept   եւ զի՞նչ իցէ երկիրն, պարա́րտ իցէ՝ եթէ տկար. եթէ իցէ՞ ՛ի նմա ծաւատունկ՝ եթէ ոչ։ եւ ժրասջի́ք ՛ի պտղոյ երկրին։ Եւ աւուրք գարնայնո́յ էին աւուրքն խայծուածոյ խաղողոյ։

Verse: 22  Link to sept   Եւ ելեալ լրտեսեցին զերկիրն յանապատէն սինայ մինչեւ ցրոոբ ՛ի մուտս եփրաթայ։

Verse: 23  Link to sept   ելին ը(նդ) անապատն՝ եւ եկին մինչեւ ցքեբրոն։ եւ ա́նդ աքիման, եւ սէսի, եւ թաղամի, եւ ա́զգքն ենակայ։ եւ քեբրոն եւթն ամաւ յառաջագոյն շինեալ էր քան զտայանիս եգիպտացւոց։

Verse: 24  Link to sept   եւ եկին մինչեւ ցձորն ողկուզոյ, եւ լրտեսեցին զնա. եւ հատի́ն անտի ո́ւռ որթոյ, եւ ողկոյզ մի խաղողոյ ՛ի նմա, եւ բարձին զնա լծակօք՝ եւ ՛ի նռանէ́ եւ ՛ի թզոյ։

Verse: 25  Link to sept   եւ անուանեցին զանուն տեղւոյն՝ ձո́ր ողկուզոյ. վ(ա)ս(ն) ողկուզին զոր հատին անտի որդիքն ի(սրաէ)լի։

Verse: 26  Link to sept   Եւ դարձան անդրէն որդիքն ի(սրաէ)լի լրտեսեալ զերկիրն յե́տ աւուրց քառասնից.

Verse: 27  Link to sept   եւ եկեալ հասին առ մովսէս եւ առ ահարոն, եւ առ ա(մենայ)ն ժողովուրդ որդւոցն ի(սրաէ)լի յանապատն փարան կադէս. եւ ետուն նոցա զրոյց եւ ա(մենայ)ն ժողովրդեանն։ Եւ ցուցին զպտուղ երկրին,

Verse: 28  Link to sept   եւ պատմեցին ն(ո)ց(ա), եւ ասեն ցնա. չոգա́ք յերկիր յոր առաքեցեր զմեզ, երկիր՝ որ բղխէ զկաթն եւ զմեղր. եւ ա́յս է պտուղ ն(ո)ր(ա)։

Verse: 29  Link to sept   Բայց ազգն սաստի́կ էր որ բնակեալէին ՛ի նմա. եւ քաղաքք ամուրք եւ պարսպաւորք եւ մեծամե́ծք յոյժ։ եւ զազգն ենակայ տեսա́ք անդ։

Verse: 30  Link to sept   Եւ ամաղէկ բնակեալ էր յերկրին ընդ հարաւակողմն. եւ քետացին եւ խեւացին եւ յեբուսացին եւ ամովրհացին բնակեալ էին առ լերամբքն, եւ քանանացին՝ առ ծովեզերբն եւ առ յորդանանու։

Verse: 31  Link to sept   Լռեցո́յց քաղէբ զժողովուրդն ՛ի մովսիսէ, եւ ասէ ցն(ո)ս(ա). ո́չ այդպէս է. այլ ելանելով ելցուք եւ ժառանգեսցուք զնա. զի կարօղ եմք յաղթել ն(ո)ց(ա)։

Verse: 32  Link to sept   Եւ արքն որ ընդ նմա երթեալ էին՝ ասէին. ո́չ ելցուք, քանզի ո́չ կարեմք երթալ ՛ի վ(ե)ր(այ) ազգին, զի զօրագոյն քան զմեզ է յոյժ։

Verse: 33  Link to sept   Եւ զարհուրեցուցին երկրաւն զոր լրետեսցին՝ զորդիսն ի(սրաէ)լի՝ եւ ասեն. ը(նդ) երկիրն ընդ որ մե́ք անցաք լրտեսել զնա, երկիր՝ մարդածա́խ է բնակչաց իւրոց. եւ զա(մենայ)ն զազգն զոր տեսաք ՛ի նմա՝ արք յաղթահասակք են։

Verse: 34  Link to sept   տեսաք անդ՝ եւ սկա́յս, եւ էաք յաչս նոցա իբրեւ մարախ։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ ձայն բարձին ա(մենայ)ն ժողովուրդն, եւ ելա́ց ազգն զգիշերն զայն ողջոյն.

Verse: 2  Link to sept   եւ տրտնջեա́ց ժողովուրդն զմովսիսէ եւ զահարոնէ ա(մենայ)ն որդւովքն ի(սրաէ)լի։ Եւ ասէ ցն(ո)ս(ա) ա(մենայ)ն ժողովուրդն. լա́ւ էր եթէ մեռեալ էաք յերկրին եգիպտացւոց. կամ թէ աստէն յանապատի́ աստ իսկ մեռանէաք.

Verse: 3  Link to sept   եւ ընդէ՞ր տանիցի զմեզ տ(է)ր յերկիրն յայն անկանել մեզ պատերազմաւ. եւ կանայք մեր եւ որդիք մեր լինիցին ՛ի յափշտակութի(ւն). եւ արդ լա́ւ իցէ մեզ դառնալ անդրէն յեգիպտոս։

Verse: 4  Link to sept   Եւ ասէ այր ցընկեր. արասցո́ւք զօրավար, եւ դարձցո́ւք յեգիպտոս։

Verse: 5  Link to sept   Եւ անկան մովսէս եւ ահարոն ՛ի վ(ե)ր(այ) երեսաց իւրեանց առաջի ա(մենայ)ն որդւոցն ի(սրաէ)լի։

Verse: 6  Link to sept   Բայց յեսու որդի նաւեայ, եւ քաղէբ որդի յեփոնեայ ՛ի լրտեսաց երկրին՝ պատառեցին զհանդերձս իւրեանց,

Verse: 7  Link to sept   եւ խօսեցան ը(նդ) ա(մենայ)ն ժողովրդեան որդւոցն ի(սրաէ)լի՝ եւ ասեն։ Երկիր զոր մեք լրտեսեցաք՝ երկիր բարի́ է յոյժ.

Verse: 8  Link to sept   եթէ հաճեսցի́ միայն ընդ մեզ ա(ստուա)ծ, եւ տարցի յերկիրն յայն, եւ տացէ զնա մեզ. երկիր է՝ որ բղխէ զկա́թն եւ զմեղր։

Verse: 9  Link to sept   բայց ՛ի տ(եառն)է միայն ապստամբք մի́ լինիցիք, եւ ՛ի ժողովրդենէ երկրին մի́ երկնչիջիք. քանզի կերակո́ւր մեր են։ Զի մեկնեցաւ ՛ի նոցանէ տ(է)ր եւ ը(նդ) մե́զ է տ(է)ր. մի́ զանգիտիցէք ՛ի նոցանէ։

Verse: 10  Link to sept   Եւ ասաց ա(մենայ)ն ժողովուրդն քարկոծե́լ զն(ո)ս(ա) քարամբք։ եւ փառք տ(եառ)ն երեւեցան ամպով ՛ի վ(ե)ր(այ) խորանին վկայու(թ)ե(ան) յանդիման ա(մենայ)ն որդւոցն ի(սրաէ)լի։

Verse: 11  Link to sept   Եւ ասէ տ(է)ր ցմովսէս, մինչեւ յե՞րբ բարկացուցանէ զիս ժողովուրդդ. եւ մինչեւ յե՞րբ ոչ հաւատան ինձ ա(մենայ)ն նշանօք զոր արարի ՛ի մէջ ն(ո)ց(ա)։

Verse: 12  Link to sept   թո́յլ տուր ինձ՝ եւ հարի́ց զդոսա մահուամբ, եւ կորուսի́ց զդոսա. եւ զքեզ եւ զտո́ւն հօր քոյ արարից յա́զգ մեծ եւ ՛ի բազում քան զայդ։

Verse: 13  Link to sept   Եւ ասէ մովսէս ցտ(է)ր. իսկ արդ՝ լսիցեն եգիպտացիքն՝ եթէ դու հաներ զօրու(թեամ)բ քո մեծաւ զժողովուրդս զայս ՛ի նոցանէ։

Verse: 14  Link to sept   այլ եւ ա(մենայ)ն բնակիչք երկրիս այսորիկ լսիցեն՝ թէ դո́ւ տ(է)ր ՛ի ժողովրդեանս յայսմիկ ես՝ որ դէ́մ յանդիման երեւիս դու տ(է)ր. եւ ամպ քո կա́յ ՛ի վ(ե)ր(այ) դոցա. եւ սեամբ ամպոյ երթա́ս դու առաջի դոցա ՛ի տուէ, եւ սեամբ հրոյ ՛ի գիշերի

Verse: 15  Link to sept   եւ սատակիցես զժողովուրդս քո զայս՝ իբրեւ զա́յր մի. Եւ խօսեսցին ազգքն որ լուան զանուանէ քումմէ, եւ ասիցեն.

Verse: 16  Link to sept   վ(ա)ս(ն) զի ո́չ կարէր տանել տ(է)ր զժողովուրդն զայն՝ յերկիրն զոր երդուաւ ն(ո)ց(ա), արկ զնոսա տապա́ստ յանապատի անդ։

Verse: 17  Link to sept   Եւ արդ բարձրասցի́ ձեռն քո տ(է)ր, որպէս խօսեցար եւ ասացեր։

Verse: 18  Link to sept   թէ տ(է)ր երկայնամիտ է եւ բազում ողորմ եւ ճշմարիտ, բառնայ զանօրէնութի(ւն)ս եւ զանիրաւու(թ)ի(ւն)ս եւ զմեղս, եւ սրբելով ո́չ սրբէ զպարտաւորն. հասուցանել զմեղս հարանց յորդիս մինչեւ յերիս եւ ՛ի չորս ազգս։

Verse: 19  Link to sept   Թո́ղ զմեղս ժողովրդեան քոյ, ըստ մեծի ողորմութե(ան) քում. որպէս ներեցեր դոցա յեգիպտոսէ մինչեւ ցա́յժմ։

Verse: 20  Link to sept   Եւ ասէ տ(է)ր ցմովսէս. ներեցի́ց դոցա ըստ բանի քում.

Verse: 21  Link to sept   բայց կենդանի́ եմ ես, եւ կենդանի́ է անուն իմ. եւ լցցեն փառք տ(եառ)ն զա(մենայ)ն երկիր։

Verse: 22  Link to sept   Զի ա(մենայ)ն արք որ տեսին զփառսն իմ, եւ զնշանս զոր արարի ես յեգիպտոս եւ յանապատիս յայսմիկ, եւ փորձեցին զիս՝ այս տասն անգամ, եւ ո́չ լուան ձայնի իմում։

Verse: 23  Link to sept   թէ տեսանիցեն զերկիրն զոր երդուայ հարցն ն(ո)ց(ա). այլ որդիք ն(ո)ց(ա) որ են ա́ստ ընդիս՝ որ ո́չ գիտեն զչար կամ զբարի, ա(մենայ)ն մանուկ տխմար՝ նոցա́ տաց երկիրն. եւ ամենեքին որ բարկացուցին զիս՝ ո́չ տեսցեն զնա։

Verse: 24  Link to sept   Բայց քաղէբ ծառա́յ իմ յորում եղեւ հոգի ա́յլ, եւ եկն զհետ իմ. տարա́յց զնա յերկիրն՝ յոր եմուտ. եւ զաւա́կ ն(ո)ր(ա) ժառանգեսցէ զնա։

Verse: 25  Link to sept   Եւ ամաղէկ եւ քանանացին բնակեալ են ՛ի ձորն։ բայց դուք վաղիւ դարձարո́ւք եւ չուեցէ́ք յանապատէն ընդ ճանապարհ կարմիր ծովուն։

Verse: 26  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ.

Verse: 27  Link to sept   մինչեւ յե՞րբ զժողովուրդդ զայդ զչա́ր կրիցեմ. եւ դոքա տրտնջե́ն առաջի իմ։ Զտրտունջ որդւոցն ի(սրաէ)լի որ տրտնջեն զձէնջ՝ լուա́յ։

Verse: 28  Link to sept   արդ՝ ասասցես ցն(ո)ս(ա). կենդանի́ եմ ես ասէ տ(է)ր, եթէ ո́չ ո(ր)պ(էս) խօսեցայք յականջս իմ, նո́յնպէս արարից ձեզ։

Verse: 29  Link to sept   յանապատի́ս յայսմիկ անկցին ոսկերք ձեր, եւ ա(մենայ)ն հանդէս ձեր, եւ մտեալքն ՛ի ձէնջ ՛ի համար՝ ՛ի քսանամենից եւ ՛ի վեր որ տրտնջեցին զինէն։

Verse: 30  Link to sept   թէ́ մտցեն յերկիրն՝ յոր համբարձի զձեռն իմ բնակեցուցանել զձեզ ՛ի նմա. բայց քաղէբ՝ որդի յեփոնեայ, եւ յեսու նաւեան։

Verse: 31  Link to sept   Եւ զորդիսն զորմէ ասացէք թէ ՛ի յափշտակութի(ւն) լինիցին, տարա́յց զն(ո)ս(ա) յերկիրն. եւ ժառանգեսցե́ն զնա, յորմէ դո́ւքն յափրացարուք։

Verse: 32  Link to sept   եւ ոսկերք ձեր անկցին աստէ́ն յանապատիս.

Verse: 33  Link to sept   եւ որդիք ձեր ճարակեսցի́ն յանապատի աստ՝ ա́մս քառասուն, եւ բարձցե́ն զպոռնկութի(ւն) ձեր, մինչեւ մաշեսցի́ն ոսկերք ձեր յանապատի աստ։

Verse: 34  Link to sept   ըստ թուոյ աւուրցն քառասնից. օ́ր ը(նդ) տարւոյ ընդունիցիք զմեղս ձեր զքառասուն ամ, եւ ծանիջի́ք զսրտմտութի(ւն) բարկութե(ան) իմոյ։

Verse: 35  Link to sept   Ե́ս տ(է)ր խօսեցայ. եթէ ո՞չ արարից ժողովրդեանդ այդմիկ չարի յարուցելոյ ՛ի վ(ե)ր(այ) իմ. յանապատի́ աստ ծախիցին, եւ աստէն մառանիցին։

Verse: 36  Link to sept   Եւ արքն զորս առաքեաց մովսէս լրտեսել զերկիրն, եւ եկեալ բամբասեցին զնմանէ առ ժողովրդեանն, հանել համբա́ւ չար զերկրէն.

Verse: 37  Link to sept   մեռա́ն արքն այնոքիկ՝ որ հանին համբաւ չա́ր զերկրէն, չարաչա́ր հարուածովք առաջի տ(եառ)ն։

Verse: 38  Link to sept   Եւ յեսու որդի նաւեայ՝ եւ քաղէբ որդի յեփոնեայ միա́յն ապրեցան յարանցն յայնցանէ որ երթեալ էին լրտեսել զերկիրն։

Verse: 39  Link to sept   Եւ խօսեցա́ւ մովսէս զպատգամս զայս առ ա(մենայ)ն որդիսն ի(սրաէ)լի, եւ սո́ւգ առ ժողովուրդն յոյժ.

Verse: 40  Link to sept   եւ կանխեալ ընդ առաւօտն ելի́ն ՛ի գլուխ լերինն. եւ ասեն, ահաւասիկ կամք մեք՝ ելցո́ւք ՛ի տեղին զոր ասաց տ(է)ր՝ զի մեղաք։

Verse: 41  Link to sept   Եւ ասէ մովսէս. ընդէ՞ր անցէք զբանիւ տ(եառ)ն՝ եւ ո́չ աջողեսցի ձեզ.

Verse: 42  Link to sept   մի́ ելանէք՝ զի ո́չ է տ(է)ր ընդ ձեզ, եւ անկանիցի́ք առաջի թշնամեաց ձերոց.

Verse: 43  Link to sept   զի ամաղէկ եւ քանանացին ե́ն անդ առաջի ձեր, եւ անկանիցիք սրով. փոխանակ զի դարձայք յետս եւ հեստեցէք տ(եառ)ն, եւ ո́չ լինիցի տ(է)ր ընդ ձեզ։

Verse: 44  Link to sept   Եւ անսաստեալ ելին ՛ի գլուխ լերինն. բայց տապանակ կտակարանացն տ(եառ)ն՝ եւ մովսէս ո́չ շարժեցան ՛ի բանակէ անտի։

Verse: 45  Link to sept   Էջ ամաղէկ եւ քանանացին՝ որ բնակեալ էր ՛ի լերինն. եւ հարին զն(ո)ս(ա), եւ կոտորեցին զնոսա մինչեւ ցհերմա եւ դարձան անդրէն ՛ի բանակն։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   խօսեա́ց ը(նդ) որդիսդ ի(սրաէ)լի՝ եւասասցե́ս ցդոսա։ Յորժամ մտանիցէք յերկրին բնակութե(ան) ձերոյ զոր ե́ս տաց ձեզ.

Verse: 3  Link to sept   եւ առնիցէք ողջակէզ տ(եառ)ն՝ եւ ողջ ընծայ ՛ի զոհ, մեծացուցանել զուխտն կամ զկամաւն, կամ ՛ի տօնս ձեր առնել հո́տ անուշից տ(եառ)ն, եթէ յարջառո́յ եւ եթէ ՛ի հօտից։

Verse: 4  Link to sept   Եւ բերցէ որ մատուցանիցէ զպատարագն իւր տ(եառ)ն, զոհ նաշհւոյ զտասանորդ գրուին՝ զանգեալ իւղով չորրորդաւ դորակին.

Verse: 5  Link to sept   եւ գինի ՛ի նուէր զչորրո́րդ դորակին առնիցէք, ըստ զոհին կամ ըստ ողջակիզին, առ գա́ռն մի ա́յնչափ առնիցես ընծայ ՛ի հոտ անուշից տ(եառ)ն։

Verse: 6  Link to sept   Եւ խոյին՝ յորժամ առնիցես զնա յողջակէզ կամ ՛ի զոհ, արասցե́ս զզոհ նաշհւոյն, երկո́ւս տասանորդս զանգեալ իւղով երկրորդի́ւ դորակին.

Verse: 7  Link to sept   եւ գինի ՛ի նուէր զերկրորդ դորակին մատուցանիցէք ՛ի հո́տ անուշից տ(եառ)ն։

Verse: 8  Link to sept   Ապա թէ յարջառո́ց առնիցէք յողջակէզ կամ ՛ի զոհ, մեծացուցանել զո́ւխտն ՛ի փրկու(թ)ի(ւն) տ(եառ)ն,

Verse: 9  Link to sept   մատուսցէ ըստ զուարակին զո́հ նաշհւոյ՝ երիս տասանորդս զանգեալ իւղով կիսո́վ դորակին.

Verse: 10  Link to sept   եւ գինի ՛ի նուէր՝ կէ́ս դորակին, ընծայ ՛ի հո́տ անուշից տ(եառ)ն։

Verse: 11  Link to sept   Ա́յնպէս առնիցես

Verse: 12  Link to sept   միւոմ զուարակին, կամ միո́ւմ խոյին, կամ միո́ւմ գառինն, յօգեաց կամ յայծեաց ը(ս)տ թուոյ ն(ո)ց(ա), ո(ր)պ(էս) զինչ առնիցէք՝ նո́յնպէս արասջիք միումն ըստ իւրաքանչիւր թուոց ն(ո)ց(ա).

Verse: 13  Link to sept   ա(մենայ)ն բնա́կն նո́յնպէս արասցէ. նոյնպիսի ընծա́յս մատուցանել ՛ի հոտ անուշից տ(եառ)ն։ Եւ եթէ եկ ոք յարեսցի ՛ի ձեզ յերկրին ձերում, որ լինիցի առ ձեզ յազգս ձեր, արասցէ ընծայ ՛ի հոտ անուշից տ(եառ)ն։

Verse: 14  Link to sept   Ո(ր)պ(էս) դուքն առնիցէք՝ նո́յնպէս առնիցէ եւ եկն, եւ ժողովուրդն տ(եառ)ն։

Verse: 15  Link to sept   օրէն մի եւ նո́յն կացցէ ձե́ր եւ եկացն՝ որ յարիցին ՛ի ձեզ. օրէն յաւիտենական յազգս ձեր. ո(ր)պ(էս) եւ դուքն իցէք, եւ ե́կն լինիցի առաջի տ(եառ)ն. օրէն մի եւ նո́յն կացցէ, եւ իրաւունք մի եւ նո́յն լինիցին՝ ձե́ր եւ եկին որ յեցեալ իցէ ՛ի ձեզ։

Verse: 16  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 17  Link to sept   խօսեա́ց ընդ որդիսդ ի(սրաէ)լի՝ եւ ասասցես ցդոսա։

Verse: 18  Link to sept   ՛Ի մտանել ձեր յերկիրն յոր ե́ս տարայց զձեր,

Verse: 19  Link to sept   եւ եղիցի յորժամ ուտիցէք դուք ՛ի հացէ երկրին, առջիք հա́ս ՛ի նուէր տ(եառ)ն զառաջին զանդուածոյ ձերոյ.

Verse: 20  Link to sept   եւ տարջի́ք զհա́ց հասին տ(եառ)ն, զատուսջի́ք զայն տ(եառ)ն որպէս զհա́սն ՛ի կալոյ.

Verse: 21  Link to sept   նո́յնպէս եւ զայն զատուցանիցէք զառաջին զանգուածոյն ձերոյ. եւ տաջիք տ(եառ)ն հա́ս յազգս ձեր։

Verse: 22  Link to sept   Իսկ յորժամ յանցանիցէք, եւ ո́չ առնիցէք զա(մենայ)ն զպատուիրանս զայսոսիկ՝ զոր խօսեցաւ տ(է)ր ընդ մովսիսի.

Verse: 23  Link to sept   ո(ր)պ(էս) հրաման ետ ձեզ տ(է)ր ՛ի ձեռն մովսիսի, յօրէ յորմէ հրամա́ն ետ ձեզ տ(է)ր եւ յառ յապա́ ժամանակս յա́զգս ձեր։

Verse: 24  Link to sept   Եւ եղիցի եթէ յաչաց ժողովրդեանն վրիպիցի́ ակամայ ինչ, արասցէ ժողովուրդն զուարակ մի յանդւոյ անարատ յողջակէզ ՛ի հո́տ անուշից տ(եառ)ն. եւ զո́հ ըստ նմին, եւ նուէ́ր ը(ս)տ նմին պայմանի, եւ նոխազ մի յայծեաց վ(ա)ս(ն) մեղաց։

Verse: 25  Link to sept   եւ քաւեսցէ́ քահանայն վ(ա)ս(ն) ա(մենայ)ն ժողովրդեան որդւոցն ի(սրաէ)լի. եւ թողցի́ ն(ո)ց(ա)՝ զի ակամայ է։ Եւ նոքա մատուսցեն զպատարա́գն իւրեանց ընծա́յ տ(եառ)ն. վ(ա)ս(ն) մեղաց իւրեանց առաջի տ(եառ)ն յաղագս ակամայիցն իւրեանց։

Verse: 26  Link to sept   եւ թողցի́ ա(մենայ)ն ժողովրդեան որդւոցն ի(սրաէ)լի. եւ եկի́ն յեցելոյ ՛ի ձեզ. զի ամենա́յն ժողովրդեանն է ակամայն։

Verse: 27  Link to sept   Եւ եթէ մի́ անձն մեղիցէ ակամայ, մատուսցէ ալո́ջ մի տարեւոր վ(ա)ս(ն) մեղաց.

Verse: 28  Link to sept   եւ քաւեսցէ́ քահանայն ՛ի վ(ե)ր(այ) անձին ակամայեցելոյ, եւ մեղուցելոյ առաջի տ(եառ)ն ակամայ, քաւե́լ վ(ա)ս(ն) ն(ո)ր(ա)։

Verse: 29  Link to sept   բնակին որդւոցն ի(սրաէ)լի, եւ եկի́ն յեցելոյ ՛ի ն(ո)ս(ա), օրէն մի եւ նոյն կացցէ որ ինչ առնիցէ́ ոք ակամայ։

Verse: 30  Link to sept   Եւ անձն՝ որ առնիցէ ձեռամբ հպարտութի(ւն) ՛ի բնակաց կամ յեկաց, բարկացոյց նա զա(ստուա)ծ. սատակեսցի́ անձնն այն ՛ի ժողովրդենէ իւրմէ։

Verse: 31  Link to sept   զի զբանն տ(եառ)ն խոտեաց, եւ զպատուիրանս ն(ո)ր(ա) ցրեաց. ջնջելո́վ ջնջեսցի անձն այն ՛ի ժողովրդենէ իւրմէ՝ զի մեղք ն(ո)ր(ա) ՛ի նմա́ են։

Verse: 32  Link to sept   Եւ էին որդիքն ի(սրաէ)լի յանապատի անդ. եւ գտին ա́յր մի որ քաղէր փա́յտ յաւուր շաբաթու։

Verse: 33  Link to sept   Եւ մատուցին զնա որք գտինն զի քաղէր փա́յտ յաւուր շաբաթու՝ առ մովսէս եւ ահարոն, եւ առ ա(մենայ)ն ժողովուրդ որդւոցն ի(սրաէ)լի։

Verse: 34  Link to sept   եւ ետուն զնա ՛ի պահ. զի ո́չ ընտրեցին թէ զի՞նչ առնիցեն նմա։

Verse: 35  Link to sept   Եւ խօսեցաւ տ(է)ր ը(նդ) մովսիսի՝ եւ ասէ. մահո́ւ մեռցի այրն, քարա́մբք քարկոծեսցեն զնա ա(մենայ)ն ժողովուրդն։

Verse: 36  Link to sept   Եւ հանին զնա ա(մենայ)ն ժողովուրդն արտաքոյ բանակին. եւ քարկոծեցի́ն զնա ա(մենայ)ն ժողովուրդն արտաքոյ բանակին՝ որպէս հրամայեաց տ(է)ր մովսիսի։

Verse: 37  Link to sept   Խօսեցաւ տ(է)ր ընդ մովսիսի՝ եւ ասէ.

Verse: 38  Link to sept   խօսեա́ց ընդ որդիսն ի(սրաէ)լի՝ եւ ասասցե́ս ցն(ո)ս(ա), զի արասցեն իւրեանց ծո́պս ՛ի տրտունս հանդերձից իւրեանց յա́զգս իւրեանց. եւ դնիցէք ՛ի վ(ե)ր(այ) ծոպից տըտնոցն ասղանի́ կապուտակ։

Verse: 39  Link to sept   Եւ լինիցի այն ձեզ ՛ի ծո́պսն, եւ տեսանիցէ́ք զայն, եւ յիշիցէք զա(մենայ)ն զպատուիրանս տ(եառ)ն առնե́լ զն(ո)ս(ա). եւ ո́չ խոտորիցիք զկնի մտաց եւ աչաց ձերոց, որով դո́ւքն պոռնկիք զկնի ն(ո)ց(ա)։

Verse: 40  Link to sept   Զի յիշիցէք եւ առնիցէ́ք զա(մենայ)ն զպատուիրանս իմ. եւ եղիջիք սո́ւրբք ա(ստուծո)յ ձերում.

Verse: 41  Link to sept   զի ե́ս եմ տ(է)ր ա(ստուա)ծ ձեր՝ որ հանի զձեզ յերկրէն եգիպտացւոց լինե́լ ձեզ ա(ստուա)ծ. ե́ս եմ տ(է)ր ա(ստուա)ծ ձեր։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ խօսեցա́ւ կորխ՝ որդի սահառայ որդւո́յ կահաթու որդւոյ ղեւեայ. եւ Դաթան եւ աբիրոն որդիք եղիաբայ որդւոյ ռուբինի, եւ աւնան որդի փաղեթայ որդւոյ ռուբինի։

Verse: 2  Link to sept   եւ կացին հակառակ մովսիսի. եւ երկերիւր եւ յիսուն այր յորդւոցն ի(սրաէ)լի գլխաւորք ժողովրդեանն՝ խորհրդականք խորհրդոց, եւ արք անուանիք։

Verse: 3  Link to sept   Կուտեցա́ն ՛ի վ(ե)ր(այ) մովսիսի եւ ահարոնի՝ եւ ասեն. Շա́տ լիցի ձեզ. զի ա(մենայ)ն ժողովուրդն եւ ամենեքեան սո́ւրբք են. եւ տ(է)ր ՛ի միջի ն(ո)ց(ա). եւ արդ՝ ընդէ՞ր ճոխացեալ էք ՛ի վ(ե)ր(այ) ժողովրդեանդ տ(եառ)ն։

Verse: 4  Link to sept   Եւ լուեալ մովսիսի՝ անկաւ ՛ի վ(ե)ր(այ) երեսաց իւրոց.

Verse: 5  Link to sept   եւ խօսեցաւ ընդ կորխայ եւ ընդ ա(մենայ)ն ժողովրդեան ն(ո)ր(ա), եւ ասէ. Յա́յց ել եւ ծանեաւ ա(ստուա)ծ զիւրսն, եւ զսուրբս. եւ մերձեցո́յց ապ ինքն. եւ զոր ո́չն ընտրեաց՝ ո́չ մերձեցոյց առ ինքն։

Verse: 6  Link to sept   Արդ զա́յս արարէք. առէ́ք ձեզ զբուրուառս ձեր. կո́րխ եւ ա(մենայ)ն ժողովուրդ իւր.

Verse: 7  Link to sept   եւ դի́ք ՛ի ն(ո)ս(ա) հուր, եւ արկէ́ք ՛ի ն(ո)ս(ա) խունկ՝ առաջի́ տ(եառ)ն ՛ի վաղիւ. եւ եղիցի այր զոր ընտրեսցէ տ(է)ր՝ նա́ է սուրբ. շա́տ լիցի ձեզ որդիք ղեւեայ։

Verse: 8  Link to sept   Եւ ասէ մովսէս ցկորխ. լուարո́ւք ինձ որդիք ղեւեայ.

Verse: 9  Link to sept   միթէ փո́քր ինչ իցէ ձեզ այդ. զի զատո́յց զձեզ ա(ստուա)ծ ի(սրաէ)լի ՛ի ժողովրդենէ իւրմէ, եւ մերձեցո́յց զձեզ առ ինքն պաշտե́լ զպաշտօն խորանին տ(եառ)ն. եւ կա́լ առաջի ժողովրդեանն պաշտել զնա.

Verse: 10  Link to sept   եւ մերձեցոյց զքեզ առ ինքն, եւ զա(մենայ)ն եղբա́րս քո զորդի́սն ղեւեայ ընդ քեզ. եւ քահանայանա՞լ եւս խնդրես։

Verse: 11  Link to sept   Եւ ա́յդպէս դո́ւ եւ ժողովուրդ քո գումարեալ էք զա(ստուծո)յ. եւ ահարոն ո՞վ է զի տրտնջէ́ք զնմանէ։

Verse: 12  Link to sept   Եւ առաքեաց մովսէս կոչել զդաթան եւ զաբիրոն զորդիսն եղիաբու. եւ ասեն, ո́չ եկեսցուք.

Verse: 13  Link to sept   միթէ փո՞քր իցէ այն՝ զի հանե́ր զմեզ յերկրէն որ բղխէր զկաթն եւ զմեղր, սպանանել զմեզ յանապատի աստ. եւ արդ՝ սաստե՞ս եւս մեզ. եւ դո՞ւ ես իշխան.

Verse: 14  Link to sept   միթէ՝ յերկի՞րն որ բղխէր զկաթն եւ զմեղր՝ տարար զմեզ. եւ ետուր մեզ անդ ժառանգութի(ւն) անդո́ց եւ այգեաց. եթէ զա́չս մեր բրեսցես՝ ո́չ եկեսցուք առ քեզ։

Verse: 15  Link to sept   Եւ ծանրացասումն եղեւ յոյժ, եւ ասէ ցտ(է)ր. մի́ հայիր ՛ի զո́հսն ն(ո)ց(ա). զի զցանկալի ինչ ուրուք ՛ի նոցանէ ես ո́չ առի, եւ ո́չ զոք ՛ի նոցանէ չարչարեցի։

Verse: 16  Link to sept   Եւ ասէ մովսէս ցկորխ. սրբեա́ զժողովուրդ քո, եւ եղիջիք պատրա́ստք առաջի տ(եառ)ն՝ դու եւ ահարոն առ վաղիւ.

Verse: 17  Link to sept   եւ առէք իւրաքանչիւր զբուրուառ իւր, եւ դիջիք ՛ի վերայ ն(ո)ց(ա) խո́ւնկս. եւ մատուսջիք առաջի տ(եառ)ն իւրաքանչիւր զբուրուա́ռ իւր. զերկերիւր եւ զյիսուն բուրուառսն. եւ դո́ւ եւ ահարոն զիւրաքանչի́ւր բուրուառ իւր։

Verse: 18  Link to sept   Եւ եդին ՛ի ն(ո)ս(ա) հուր, եւ արկին ՛ի ն(ո)ս(ա) խունկ, եւ կացին առ դրան խորանին վկայութե(ան) մովսէս եւ ահարոն։

Verse: 19  Link to sept   Եւ կուտեաց ՛ի վ(ե)ր(այ) ն(ո)ց(ա) կո́րխ զա(մենայ)ն ժողովուրդն իւր ՛ի դո́ւռն խորանին վկայու(թ)ե(ան)։ եւ երեւեցան փա́ռք տ(եառ)ն ա(մենայ)ն ժողովրդեանն։

Verse: 20  Link to sept   Եւ խօսեցաւ տ(է)ր ընդ մովսիսի եւ ը(նդ) ահարոնի՝ եւ ասէ.

Verse: 21  Link to sept   մեկնեցարո́ւք ՛ի միջոյ ժողովրդեանդ այդորիկ, եւ սատակեցից զդոսա միանգամայն։

Verse: 22  Link to sept   Անկա́ն՝ ՛ի վ(ե)ր(այ) երեսաց իւրեանց՝ եւ ասեն. ա(ստուա)ծ ա(ստուա)ծ հոգւոց եւ ա(մենայ)ն մարմնոյ. եթէ մի́ մարդ մեղաւ, ՛ի վերայ ա(մենայ)ն ժողովրդեա՞նդ գայցէ բարկութի(ւն) տ(եառ)ն։

Verse: 23  Link to sept   Եւ խօսեցաւ տ(է)ր ընդ մովսիսի եւ ասէ,

Verse: 24  Link to sept   խօսեա́ց ընդ ժողովրդեանն եւ ասասցես. զատարո́ւք շուրջ զժողովրդեամբդ կորխայ եւ դաթանայ եւ աբիրոնի։

Verse: 25  Link to sept   Եւ յարեաւ մովսէս եւ գնա́ց առ դաթան եւ աբիրոն, եւ գնացին ընդ նմա ա(մենայ)ն ծերքն ի(սրաէ)լի։

Verse: 26  Link to sept   եւ խօսեցաւ ընդ ժողովրդեանն՝ եւ ասէ. մեկնեցարո́ւք ՛ի վրանա́ց արանց խստասրտացդ այդոցիկ, եւ մի́ մերձենայցէք յինչ ՛ի դոցա. զի մի́ կորնչիցիք ընդ ա(մենայ)ն մեղս դոցա։

Verse: 27  Link to sept   Եւ մեկնեցան ՛ի ժողովրդենէն կորխայ շուրջ զնոքօք. եւ դաթան եւ աբիրոն ելին կային առ դրան վրանաց իւրեանց, եւ կանայք ն(ո)ց(ա) եւ մանկունք իւրեանց՝ եւ ա́ղխն իւրեանց։

Verse: 28  Link to sept   Եւ ասէ մովսէս, այսո́ւ գիտասջիք, եթէ տ(է)ր առաքեաց զիս գործե́լ զա(մենայ)ն գործս զայսոսիկ. եւ եթէ ո́չ յինէ́ն ինչ է.

Verse: 29  Link to sept   եթէ ըստ մահո́ւ ա(մենայ)ն մարդկան մեռանիցին դոքա, կամ ը(ս)տ հանդիսի ա(մենայ)ն մարդկան լինիցի հանդէ́ս ն(ո)ց(ա). ապա զիս տ(է)ր ո́չ առաքեաց։

Verse: 30  Link to sept   Այլ թէ նորանշա́ն ինչ ցուցցէ տ(է)ր, եւ բացեալ երկրի զբերա́ն իւր կլանիցէ զդոսա, եւ զտո́ւնս դոցա, եւ զա(մենայ)ն ինչ որ դոցա́ իցէ. եւ իջանիցեն կենդանւոյն ՛ի դժոխս, գիտասջիք՝ եթէ բարկացուցի́ն արքդ այդոքիկ զտ(է)ր։

Verse: 31  Link to sept   Եւ իբրեւ դադարեաց ՛ի խօսելոյ զբանս զայսոսիկ. պատառեցա́ւ երկիր ՛ի ներքոյ ն(ո)ց(ա),

Verse: 32  Link to sept   եւ բացա́ւ երկիր եւ եկուլ զն(ո)ս(ա)՝ եւ զտունս ն(ո)ց(ա). եւ զմարդիկն որ էին ընդ կորխայ՝ եւ զանասունս ն(ո)ց(ա)։

Verse: 33  Link to sept   Եւ իջին նոքա եւ որ ինչ է́ր ն(ո)ց(ա) կենդանւոյն ՛ի դժոխս. եւ ծածկեաց զն(ո)ս(ա) երկիրն. եւ կորեան ՛ի միջոյ ժողովրդեանն։

Verse: 34  Link to sept   եւ ա(մենայ)ն ի(սրա)էլ որ շուրջ զնոքօք էր՝ փախեան ՛ի ձայնէ նոցա. զի համարէին թէ գուցէ կլանիցէ եւ զնոսա́ երկիրն։

Verse: 35  Link to sept   Եւ ել հուր ՛ի տ(եառն)է՝ եւ եկե́ր զերկերիւր եւ զյիսո́ւն այրն՝ որ մատուցանէին զխուկսն։

Verse: 36  Link to sept   Եւ ասէ տ(է)ր ցմովսէս եւ ցեղիազար ցորդին ահարոնի ցքահանայ.

Verse: 37  Link to sept   բարձէ́ք զբուրուառսդ պղնձիս ՛ի միջոյ այրեցելոցդ, եւ զհո́ւրդ օտար ցրուեսցես ՛ի բա́ց. զի սրբեցա́ն

Verse: 38  Link to sept   բուրուառքդ մեղաւորացդ այդոցիկ յոգի́ս իւրեանց։ Եւ արասցես զայդ դրուա́գս կռածոյս նուարտա́նս սեղանոյն. զի մատուցա́ն առաջի տ(եառ)ն եւ սրբեցան. եւ եղիցին ՛ի նշանա́կ որդւոցն ի(սրաէ)լի։

Verse: 39  Link to sept   Եւ ա́ռ եղիազար որդի ահարոնի քահանայի զբուրուառսն պղնձիս՝ զորս մատուցին այրեցեալքն, եւ արա́ր դրուագս սեղանոյն

Verse: 40  Link to sept   յիշատա́կ որդւոցն ի(սրաէ)լի. զի մի́ մերձենայցէ այլազգի ոք՝ որ չիցէ́ ՛ի զաւակէ ահարոնի դնել խունկս առաջի տ(եառ)ն. զի մի́ լինիցի իբրեւ զկո́րխ եւ զխուժան ն(ո)ր(ա). որպէս խօսեցաւ տ(է)ր ՛ի ձեռն մովսիսի։

Verse: 41  Link to sept   Եւ տրտնջեցին որդիքն ի(սրաէ)լի ՛ի վաղիւ անդր զմովսիսէ եւ զահարոնէ, եւ ասեն. դո́ւք կոտորեցէք զժողովուրդն տ(եառ)ն։

Verse: 42  Link to sept   Եւ եղեւ ՛ի կուտել ժողովրդեանն ՛ի վ(ե)ր(այ) մովսիսի եւ ահարոնի, դիմեցի́ն ՛ի խորանն վկայութե(ան), եւ զնոսա ծածկեաց ամպն. եւ երեւեցա́ն փառքն տ(եառ)ն։

Verse: 43  Link to sept   եւ կացին մովսէս եւ ահարոն յանդիման խորանին վկայու(թ)ե(ան)։

Verse: 44  Link to sept   Եւ խօսեցաւ տ(է)ր ընդ մովսիսի եւ ընդ ահարոնի՝ եւ ասէ.

Verse: 45  Link to sept   մեկնեցարո́ւք ՛ի միջոյ ժողովրդեանդ այդորիկ՝ եւ սատակեցի́ց զդոսա միանգամայն։ եւ անկան ՛ի վ(ե)ր(այ) երեսաց իւրեանց։

Verse: 46  Link to sept   Եւ ասէ մովսէս ցահարոն. ա́ռ դու զբուրուառն, եւ դիցե́ս ՛ի նմա հուր ՛ի սեղանոյ անտի, եւ ա́րկ ՛ի նա խունկ, եւ տա́ր վաղավաղակի ՛ի բանակն, եւ քաւեսցե́ս վ(ա)ս(ն) ն(ո)ց(ա)։ քանզի ել բարկութի(ւն) ՛ի տ(եառն)է, եւ սկսաւ սատակել զժողովուրդն։

Verse: 47  Link to sept   Եւ ա́ռ ահարոն որպէս խօսեցա́ւ ընդ նմա́ մովսէս. եւ ընթացաւ ՛ի ժողովուրդ անդր, եւ ահա սկսեա́լ էր սատակումն ՛ի ժողովրդեանն. Եւ արկ զխունկն, եւ քաւեա́ց վ(ա)ս(ն) ժողովրդեանն.

Verse: 48  Link to sept   եւ եկաց ՛ի մէջ մեռելո́ց եւ կենդանեաց. եւ դադարեաց սատակումնն։

Verse: 49  Link to sept   Եւ եղեն մեռեալք ՛ի սատակմանն չորեքտասան հազար եւ եւթն հարիւր. թո́ղ զմեռեալսն վ(ա)ս(ն) կորխայ։

Verse: 50  Link to sept   Եւ դարձաւ ահարոն առ մովսէս ՛ի դուռն խորանին վկայութե(ան), եւ դադարեա́ց սատակումնն։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 2  Link to sept   խօսեա́ց դու ընդ որդիսդ ի(սրաէ)լի, եւ առցես ՛ի նոցանէ գաւազանս ըստ տա́նց նահապետաց իւրեանց, յա(մենայ)ն իշխանաց իւրեանց. ը(ս)տ տանց ազգաց իւրեանց, երկոտասան գաւազան. եւ զիւրաքանչիւր անուն գրեսցես ՛ի վերայ գաւազանի իւրոյ։

Verse: 3  Link to sept   Եւ զանունն ահարոնի գրեսցե́ս ՛ի վ(ե)ր(այ) իւրո́յ գաւազանի։ եւ իցէ գաւազան մի́ ը(ս)տ ցեղի́ց ի(սրաէ)լի՝ զոր ՛ի տանց նահապետաց իւրեանց տացեն։

Verse: 4  Link to sept   եւ դիցե́ս զն(ո)ս(ա) ՛ի խորանին վկայու(թ)ե(ան) որովք երեւեցա́յց քեզ անդ։

Verse: 5  Link to sept   Եւ եղիցի մարդոյ զոր ընտրեցից՝ գաւազանն իւր ծաղկեսցի́։ եւ բարձի́ց յինէն զտրտունջ որդւոցն ի(սրաէ)լի զոր տրտնջեն նոքա զձէնջ։

Verse: 6  Link to sept   Եւ խօսեցաւ մովսէս ընդ որդիսն ի(սրաէ)լի, եւ ետուն ցնա ա(մենայ)ն իշխանքն ն(ո)ց(ա) զգաւազանս իւրեանց. գաւազան միոյ իշխանի ըստ տանց նահապետաց իւրեանց. երկոտասան գաւազան. եւ գաւազանն ահարոնի ՛ի մէջ գաւազանացն ն(ո)ց(ա)։

Verse: 7  Link to sept   Եւ եդ մովսէս զգաւազանսն առաջի տ(եառ)ն ՛ի խորանին վկայու(թ)ե(ան)։

Verse: 8  Link to sept   եւ եղեւ ՛ի վաղիւ անդր մտին մովսէս եւ ահարոն ՛ի խորանն վկայութե(ան)։ Եւ ահա դալարացա́ւ գաւազանն ահարոնի ՛ի տանն ղեւեայ, եւ արձակեաց շառաւի́ղ, եւ ծաղկեաց ծաղիկ, եւ երեւեցո́յց ընկո́յզ։

Verse: 9  Link to sept   Եւ եհա́ն մովսէս զգաւազանսն յերեսաց տ(եառ)ն առ ա(մենայ)ն որդիսն ի(սրաէ)լի, եւ տեսին. եւ ա́ռ իւրաքանչիւրոք զգաւազան իւր։

Verse: 10  Link to sept   Եւ ասէ տ(է)ր ցմովսէս. դի́ր զգաւազանդ ահարոնի առաջի վկայու(թ)ե(ան)ցն ՛ի պահե́ստ, ՛ի նշանա́կ որդւոցն անհնազանդից. եւ դադարեսցէ́ տրտնջիւն դոցա յինէն՝ եւ մի մեռանիցին։

Verse: 11  Link to sept   Եւ արարին մովսէս եւ ահարոն, որպէս հրամա́ն ետ տ(է)ր մովսիսի՝ նո́յնպէս եւ արարին։

Verse: 12  Link to sept   Եւ խօսեցա́ն որդիքն իսրայէլի ընդ մովսիսի՝ եւ ասեն. ահաւասիկ սատակի́մք, կորնչիմք, ծախի́մք։

Verse: 13  Link to sept   ամենայն որ մերձենայ ՛ի խորանն վկայութե(ան) տ(եառ)ն, մեռանի. մինչեւ ՛ի սպառ մեռանիցի՞մք։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ խօսեցաւ տ(է)ր ընդ ահարոնի՝ եւ ասէ. դո́ւ եւ որդիք քո, եւ տուն նահապետու(թ)ե(ան) քոյ ընդ քեզ առնուցուք զմեղս սրբութե(ան)ցն. եւ դո́ւ եւ որդի́ք քո առնուցուք զմեղս քահանայու(թ)ե(ան) ձերոյ։

Verse: 2  Link to sept   Եւ զեղբարս քո զցե́ղն ղեւեայ զգո́ւնդ հօր քոյ մատուսցես առ քեզ, եւ յաւելցին ՛ի քեզ. եւ պաշտեսցե́ն զքեզ։ Եւ դո́ւ եւ որդիք քո ը(նդ) քեզ, յանդիման խորանին վկայութե(ան).

Verse: 3  Link to sept   եւ պահեսցե́ն զպահպանութի(ւն)ս քո, եւ զպահպանու(թ)ի(ւն)ս խորանին վկայու(թ)ե(ան). բայց ՛ի սպա́սն իմ ՛ի ս(ուր)բ՝ եւ ՛ի սեղանն մի́ մերձեսցին, զի մի́ մեռանիցին. եւ նոքա, եւ դուք։

Verse: 4  Link to sept   Եւ յաւելցի́ն ՛ի քեզ, եւ պահեսցե́ն զպահպանութի(ւն)ս խորանին վկայութե(ան), ըստ ա(մենայ)ն պաշտաման խորանին. եւ օտարազգի մի́ մերձեսցի առ քեզ։

Verse: 5  Link to sept   Եւ պահեսջի́ք զպահպանու(թ)ի(ւն)ս սրբութե(ան)ցն, եւ զպահպանութի(ւն)ս սեղանոյն. եւ ո́չ եւս լինիցի բարկութի(ւն) յորդիսն ի(սրաէ)լի։

Verse: 6  Link to sept   Եւ ես՝ առի́ զեղբարս ձեր զղեւտացիս ՛ի միջոյ որդւոցն ի(սրաէ)լի՝ փոխանա́կս տուեալ տ(եառ)ն. պաշտե́լ զպաշտօն խորանին վկայու(թ)ե(ան)։

Verse: 7  Link to sept   Եւ դու եւ որդիք քո ընդ քեզ պահեսջի́ք զքահանայու(թ)ի(ւն) ձեր ըստ ա(մենայ)ն պայմանի սեղանոյն, եւ զներքի́ն կողմն վարագուրին. եւ պաշտեսջի́ք զպաշտօն քահանայու(թ)ե(ան) ձերոյ։ եւ այլազգին որ մերձենայցէ՝ մեռցի́։

Verse: 8  Link to sept   Խօսեցաւ տ(է)ր ընդ ահարոնի՝ եւ ասէ. ես ահաւասիկ ետո́ւ ձեզ զպահեստ պտղոց իմոց. յա(մենայ)ն նուիրելո́ցն ինձ յորդւոցն ի(սրաէ)լի՝ քե́զ ետու զայն ՛ի պատիւ, եւ որդւոց քոց յետ քո, օրէ́ն յաւիտենական։

Verse: 9  Link to sept   Եւ ա́յս եղիցի ձեզ ՛ի նուիրելոց սրբութե(ան)ցն ընծայից, յա(մենայ)ն պատարագաց ն(ո)ց(ա), եւ յա(մենայ)ն զոհիցն ն(ո)ց(ա), եւ յա(մենայ)նէ առ ՛ի յանցանացն ն(ո)ց(ա), եւ յա(մենայ)նէ առ ՛ի մեղաց ն(ո)ց(ա). զոր տայցեն ինձ յա(մենայ)ն սրբու(թ)ե(ան)ցն՝ քե́զ լիցի եւ որդւոց քոց։

Verse: 10  Link to sept   ՛Ի սրբու(թ)ի(ւն) սրբու(թ)ե(ան)ցն կերիջիք զա(մենայ)ն։ ա(մենայ)ն արու ուտիցէ́ զայն. դո́ւ եւ որդիք քո՝ զի սրբու(թ)ի(ւն)ք եղիցին քեզ.

Verse: 11  Link to sept   եւ ա́յն եղիցի ձեզ ՛ի պտղոյ տրոցն ն(ո)ց(ա), յա(մենայ)ն նուիրաց որդւոցն (թ)ի(ւն)ի, քե́զ ետու զայն. եւ ուստերաց եւ դստերաց քոց ընդ քեզ, օրէն յաւիտենական. ա(մենայ)ն սուրբ ՛ի տան քում կերիցէ զայն։

Verse: 12  Link to sept   Եւ զա(մենայ)ն պտուղ իւղոյ, եւ զա(մենայ)ն պտուղ գինւո́յ եւ ցորենոյ՝ զոր տացեն տ(եառ)ն զպտուղ իւրեանց. քե́զ ետու զայն ա(մենայ)ն։

Verse: 13  Link to sept   եւ առաջինք արմտեաց երկրին իւրեանց զոր մատուսցեն տ(եառ)ն՝ քե́զ լիցին. եւ ա(մենայ)ն ս(ուր)բ ՛ի տան քում կերիցէ́ զայն։

Verse: 14  Link to sept   եւ ա(մենայ)ն նուիրեալն յորդւոցն ի(սրաէ)լի քե́զ լիցի։

Verse: 15  Link to sept   Եւ ա(մենայ)ն որ բանայ զարգանդ՝ յա(մենայ)ն մարմնոյ, զոր մատուցանիցեն տ(եառ)ն ՛ի մարդոյ մինչեւ յանասուն՝ քեզ լիցի։ այլ փրկելո́վ փրկեսցես զանդրանիկս մարդկան. եւ զանդրանիկս անասնոց անսրբոց փրկեսցե́ս.

Verse: 16  Link to sept   եւ փրկանք ն(ո)ր(ա) յամսօրէի́ց եւ ՛ի վեր, եւ գին ն(ո)ր(ա) հինգ սիկղ ը(ս)տ սրբու(թ)ե(ան) սկեղն, որ է քսա́ն դանգ։

Verse: 17  Link to sept   Բայց զանդրանիկս արջառոց, եւ զանդրանիկս օդեաց, եւ զանդրանիկս այծեաց, ո́չ փրկեսցես՝ զի սո́ւրբ են. եւ զարիւն ն(ո)ց(ա) հեղցե́ս առ սեղանովն. եւ զճարպն հանցես ընծայ ՛ի հոտ անուշից տ(եառ)ն.

Verse: 18  Link to sept   եւ միսն եղիցի քո́, որպէս երբո́ւծ նուիրին՝ եւ երին աջոյ քեզ լիցի։

Verse: 19  Link to sept   Զա(մենայ)ն ինչ հա́ս ՛ի սրբու(թ)ե(ան)ցն զոր հանցեն տ(եառ)ն որդիքն ի(սրաէ)լի՝ քեզ ետու եւ որդւոց քոց, եւ ուստերաց եւ դստերաց քոց ընդ քեզ, օրէ́ն յաւիտենական. քանզի ո́ւխտ աղի́ է առաջի տ(եառ)ն. քե́զ եւ զաւակի քում յետ քո։

Verse: 20  Link to sept   Եւ խօսեցաւ տ(է)ր ընդ ահարոնի՝ եւ ասէ. յերկրի ն(ո)ց(ա)՝ մի́ ժառանգեսցես. եւ բաժին քո ընդ նոսա՝ մի́ լիցի. զի ե́ս եմ բաժին քո եւ ժառանգութի(ւն) ՛ի մէջ որդւոցն ի(սրաէ)լի։

Verse: 21  Link to sept   Եւ որդւոցն ղեւեայ՝ ահա ետո́ւ զա(մենայ)ն տասանորդս ի(սրաէ)լի ՛ի ժառանգութի(ւն). եւ փոխանակ պաշտաման ն(ո)ց(ա) զոր նոքա́յն պաշտիցեն ՛ի խորանին վկայու(թ)ե(ան).

Verse: 22  Link to sept   եւ մի́ եւս մերձեսցին որդիքն ի(սրաէ)լի ՛ի խորանն վկայութե(ան) ընդունել զմեղս մահաբերս։

Verse: 23  Link to sept   Եւ պաշտեսցէ́ ղեւտացին զպաշտօն խորանին վկայութե(ան), եւ նոքա́ առցեն զմեղս ն(ո)ց(ա). օրէ́ն յաւիտենական յազգս իւրեանց ՛ի մէջ որդւոցն ի(սրաէ)լի. եւ մի́ ժառանգեսցեն ժառանգու(թ)ի(ւն)։

Verse: 24  Link to sept   Զտասանորդս որդւոցն ի(սրաէ)լի՝ զոր զատուսցեն տ(եառ)ն հաս, ետո́ւ ղեւտացւոցն ՛ի ժառանգութի(ւն). վ(ա)ս(ն) այսորիկ ասացի նոցա թէ ՛ի մէջ որդւոցն ի(սրաէ)լի՝ մի́ ժառանգեսցեն վիճակ։

Verse: 25  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 26  Link to sept   Ընդ ղեւտացիսն խօսեսցիս՝ եւ ասասցես ցնոսա. եթէ առնուցուք յորդւոցն ի(սրաէ)լի տասանո́րդս զոր ետու ձեզ, հանիցէ́ք եւ դուք անտի հա́ս տ(եառ)ն, զտասանո́րդս ՛ի տասանորդէ.

Verse: 27  Link to sept   եւ համարեսցի ձեզ հասն ձեր իբրեւ զցորեան ՛ի կալոյ, եւ իբրեւ զպտուղ ՛ի հնձանէ։

Verse: 28  Link to sept   Ա́յնպէս եւ դուք հանիցէք ՛ի հասից անտի տ(եառ)ն, յա(մենայ)ն տասանորդա́ց ձերոց՝ զոր առնուցուք յորդւոցն ի(սրաէ)լի, եւ տայցէք ՛ի նոցանէ հա́ս տ(եառ)ն. ահարոնի քահանայի.

Verse: 29  Link to sept   յա(մենայ)ն տրոցն ձերոց հանիցէք հա́ս. եւ յա(մենայ)ն պտղոց զնուիրեալն ՛ի նմանէ։

Verse: 30  Link to sept   Եւ ասասցես ցն(ո)ս(ա). յորժամ հանիցէ́ք զպտուղն ՛ի նմանէ, համարեսցի ղեւտացւոցն իբրեւ զարդի́ւնս ՛ի կալոյ, եւ իբրեւ զպտուղ ՛ի հնձանէ։

Verse: 31  Link to sept   եւ կերիջիք զայն յա(մենայ)ն տեղւոջ, դո́ւք եւ տո́ւնք ձեր. զի վարձ ձե́ր է այն, փոխանակ պաշտամանցն ձերոց ՛ի խորանին վկայութե(ան)։

Verse: 32  Link to sept   Եւ մի́ առնուցուք վ(ա)ս(ն) այնոցիկ մեղս։ եւ յորժամ հանիցէք զպտուղն ՛ի նմանէ զսրբութի(ւն) որդւոցն ի(սրաէ)լի. ո́չ պղծիցէք՝ զի մի́ մեռաիցիք։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Խօսեցաւ տ(է)ր ընդ մովսիսի եւ ընդ ահարոնի՝ եւ ասէ։

Verse: 2  Link to sept   Ա́յս որոշումն է օրինացն՝ զոր պատուիրեաց տ(է)ր մովսիսի՝ եւ ասէ։ խօսեա́ց ը(նդ) որդիսն ի(սրաէ)լի՝ եւ առցեն առ քեզ երինջ մի կարմի́ր անարա́տ, յորում ո́չ գուցէ բիծ ինչ, եւ ո́չ իցէ մտեալ ընդ լծով։

Verse: 3  Link to sept   Եւ տացես զնա ցեղիազա́ր քահանայ։ եւ հանցեն զնա արտաքո́յ բանակին ՛ի տեղի ս(ուր)բ։ եւ սպանցե́ն զնա առաջի ն(ո)ր(ա)։

Verse: 4  Link to sept   եւ առցէ́ եղիազար յարենէ ն(ո)ր(ա), եւ ցանեսցէ́ յանդիման խորանին վկայու(թ)ե(ան) յարենէ ն(ո)ր(ա) եւթն անգամ.

Verse: 5  Link to sept   եւ այրեսցեն զնա առաջի ն(ո)ր(ա). եւ մո́րթ ն(ո)ր(ա), եւ մի́ս ն(ո)ր(ա), եւ արի́ւն ն(ո)ր(ա) հանդերձ ապաւառա́ւ ն(ո)ր(ա) այրեսցի́։

Verse: 6  Link to sept   Եւ առցէ քահանայն փա́յտ եղեւնեայ, եւ զոպա եւ կարմիր. եւ արկցեն ՛ի մէջ այրեցածի երընջուն։

Verse: 7  Link to sept   եւ ողողեսցէ զհանդերձս իւր քահանայն, եւ լուասցէ́ զմարմին իւր ջրով, եւ ապա́ մտցէ ՛ի բանակն. եւ անսո́ւրբ լիցի քահանայն մինչեւ ցերեկոյ։

Verse: 8  Link to sept   եւ որ այրիցէն զնա, ողողեսցէ́ զհանդերձս իւր, եւ լուասցէ́ զմարմին իւր ջրով, եւ անսո́ւրբ լիցի մինչեւ ցերեկոյ։

Verse: 9  Link to sept   Եւ ժողովեսցէ ա́յր ս(ուր)բ զմոխիր երընջուն, եւ կուտեսցէ́ արտաքոյ բանակին ՛ի սուրբ տեղւոջ. եւ եղիցի ժողովրդեան որդւոցն ի(սրաէ)լի ՛ի պահե́ստ ջուր որսկման՝ զի սրբու(թ)ի(ւն) է։

Verse: 10  Link to sept   Եւ լուասցէ́ զմարմին իւր որ ժողովիցէ զմոխիր երընջուն, եւ ողողեսցէ́ զհանդերձս իւր. եւ անսո́ւրբ լիցի մինչեւ ցերեկոյ. եւ եղիցի ժողովրդեան որդւոցն ի(սրաէ)լի եւ եկացն յեցելոց ՛ի ն(ո)ս(ա), օրէն յաւիտենական։

Verse: 11  Link to sept   Եւ որ մերձենայցէ ՛ի մեռեալ անձին մարդոյ, անսո́ւրբ լիցի զեւթն օր.

Verse: 12  Link to sept   եւ սրբեսցի́ նա յաւուրն երրորդի՝ եւ յաւուրն եւթներորդի, եւ ապա́ սո́ւրբ լիցի։ ապաթէ ո́չ սրբեսցի յաւուրն երրորդի եւ յաւուրն եւթներորդի, մի́ լիցի սուրբ։

Verse: 13  Link to sept   Ա(մենայ)ն որ մերձենայցէ ՛ի մեռեալ անձն ՛ի մարդոյ որ մեռանիցի, եւ ո́չ սրբեսցի՝ զխորանն տ(եառ)ն պղծեաց. սատակեսցի́ անձնն այն յի(սրա)էլէ. զի ջուրն սրսկման ո́չ սրսկեցաւ ՛ի վ(ե)ր(այ) ն(ո)ր(ա), անսո́ւրբ է զի պղծութի(ւն) իւր ՛ի նմա́ է։

Verse: 14  Link to sept   Եւ ա́յս օրէն իցէ մարդոյ որ մեռանիցի ՛ի տան. ա(մենայ)ն որ մտցէ ՛ի տունն, եւ որ ինչ կայցէ ՛ի տանն, անսո́ւրբ լիցին զեւթն օր.

Verse: 15  Link to sept   եւ ա(մենայ)ն աման՝ բա́ց որ ո́չ իցէ խփեալ կամ սերեկեալ, պի́ղծ լիցի։

Verse: 16  Link to sept   Եւ ա(մենայ)ն որ մերձենայցէ ը(նդ) երեսս դաշտի ՛ի վիրաւոր կամ ՛ի մեռեալ՝ կամ յոսկր մարդոյ կամ ՛ի գերեզման, պի́ղծ լիցի զեւթն օր։

Verse: 17  Link to sept   Եւ առցեն պղծելոյն ՛ի մոխրոյ այրեցելո́յն սրբութե(ան). եւ արկցեն ՛ի վ(ե)ր(այ) ն(ո)ր(ա) ջո́ւր յամանի.

Verse: 18  Link to sept   եւ առցեն զոպա́, եւ թացցէ ՛ի ջուրն ա́յր սուրբ, եւ ցանեսցէ́ զտամբն,եւ զկահիւն, եւ զամանովքն, եւ զանձամբքն որ իցեն անդ. եւ զմերձեցելովքն յոսկր մարդոյ, կամ ՛ի վիրաւոր, կամ ՛ի մեռեալ, կամ ՛ի գերեզման։

Verse: 19  Link to sept   եւ ցանեսցէ սո́ւրբ զպղծովն՝ յաւուրն երրորդի եւ յաւուրն եւթներորդի. եւ սրբեսցի́ յաւուրն եւթներորդի. եւ ողողեսցէ զհանդերձս իւր, եւ լուասցէ́ զմարմին իւր ջրով. եւ անսո́ւրբ լիցի մինչեւ ցերեկոյ։

Verse: 20  Link to sept   Եւ մարդ՝ որ պղծիցի եւ ո́չ սրբեսցի, սատակեսցի անձնն այն ՛ի ժողովրդենէ իւրմէ. զի զսրբութի(ւն)ն տ(եառ)ն պղծեաց, եւ ջուր սրսկման ո́չ սրսկեցաւ զնովաւ, անսուրբ է.

Verse: 21  Link to sept   եւ եղիցի ձեզ այն օրէ́ն յաւիտենական։ Եւ որ սրսկէ զջուրն սրսկման՝ լուասցէ́ զձորձս իւր. եւ որ մերձենայցէ ՛ի ջուրն սրսկման, անսո́ւրբ լիցի մինչեւ ցերեկոյ։

Verse: 22  Link to sept   Եւ յա(մենայ)ն ինչ յոր մերձենայցէ պղծեալն, անսո́ւրբ լիցի մինչեւ ցերեկոյ։ եւ անձն որ մերձենայցէ ՛ի նա, անսո́ւրբ լիցի մինչեւ ցերեկոյ։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ եկին որդիքն ի(սրաէ)լի ա(մենայ)ն ժողովրդեամբն յանապատն սինայի, յառաջնում ամսեանն. եւ բանակեցաւ ժողովուրդն ՛ի կադէս։ Եւ վախճանեցաւ անդ մարիամ, եւ ա́նդ թաղեցաւ։

Verse: 2  Link to sept   Եւ ո́չ գոյր անդ ջուր ըմպելոյ ժողովրդեանն. եւ կուտեցան ՛ի վ(ե)ր(այ) մովսիսի եւ ահարոնի.

Verse: 3  Link to sept   եւ բամբասեաց ժողովուրդն զմովսէս՝ եւ ասեն. լա́ւ էր թէ մեռեալէաք ՛ի կորստեան եղբարց մերոց առաջի տ(եառ)ն։

Verse: 4  Link to sept   Եւ ընդէ՞ր ածէք զժողովուրդս տ(եառ)ն յա́յս անապատ կոտորե́լ զմեզ՝ եւ զանասուն մեր.

Verse: 5  Link to sept   եւ ընդէ՞ր հանէք զմեզ յերկրէն եգիպտացւոց, գա́լ ՛ի տեղիս յայս չար. ՛ի տեղի ուր ո́չ սերմն սերմանի, եւ ո́չ սեխենիք, եւ ո́չ այգիք, եւ ո́չ նռնենիք, եւ ո́չ ջո́ւր գոյ ըմպելոյ։

Verse: 6  Link to sept   Եւ մտին մովսէս եւ ահարոն յերեսաց ժողովրդեանն ՛ի դուռն խորանին վկայութե(ան), եւ անկան ՛ի վ(ե)ր(այ) երեսաց իւրեանց։ Եւ երեւեցան փառքն տ(եառ)ն ՛ի վ(ե)ր(այ) ն(ո)ց(ա)։

Verse: 7  Link to sept   եւ խօսեցաւ տ(է)ր ընդ մովսիսի՝ եւ ասէ։

Verse: 8  Link to sept   Ա́ռ դու զգաւազանն, եւ եկեղեցացո́ զժողովուրդն, դո́ւ եւ ահարոն եղբայր քո. եւ բարբառեսջի́ք ՛ի վ(ե)ր(այ) վիմին յանդիման ն(ո)ց(ա), եւ տացէ́ զջուրս իւր. եւ հանջիք ն(ո)ց(ա) ջո́ւր ՛ի վիմէ անտի. եւ արբուսջի́ք ժողովրդեանն եւ անասնո́ց ն(ո)ց(ա)։

Verse: 9  Link to sept   Եւ ա́ռ մովսէս զգաւազանն յանդիման տ(եառ)ն՝ ո(ր)պ(էս) հրամայեաց նմա տ(է)ր։

Verse: 10  Link to sept   եւ ժողովեցին մովսէս եւ ահարոն զժողովուրդն հանդէպ վիմին։ Եւ ասէ ցն(ո)ս(ա). լուարո́ւք ինձ անհաւանք. միթէ ՛ի վիմէ՞ս յայսմանէ հանիցեմ ձեզ ջուր։

Verse: 11  Link to sept   Եւ ամբարձեալ մովսիսի զձեռն իւր, եհա́ր զվէմն երկի́ցս անգամ. եւ ել ջուր բազում. եւ արբ ժողովուրդն եւ անասուն ն(ո)ց(ա)։

Verse: 12  Link to sept   Եւ ասէ տ(է)ր ցմովսէս եւ ցահարոն. փոխանակ զի ո́չ հաւատացէք դուք ինձ, սո́ւրբ առնել զիս առաջի որդւոցն ի(սրաէ)լի. վ(ա)ս(ն) այդորիկ ո́չ տանիցիք դուք զժողովուրդդ յերկիրն՝ զոր ետո́ւ դոցա։

Verse: 13  Link to sept   Ա́յն է ջուր բամբասանաց. զի բամբասեցին որդիքն ի(սրաէ)լի առաջի տ(եառ)ն. եւ սրբեցա́ւ ՛ի նոսա։

Verse: 14  Link to sept   Եւ առաքեաց մովսէս հրեշտա́կս ՛ի կադէսայ առ արքայն եդոմայ՝ եւ ասէ. Այսպէս ասէ եղբայր քո ի(սրա)էլ. դու ինքնի́ն գիտես զա(մենայ)ն աշխատութի(ւն)ս որ գտին զմեզ։

Verse: 15  Link to sept   եւ ո(ր)պ(էս) իջին հարքն մեր յեգիպտոս. եւ պանդխտեցաք յեգիպտոս աւուրս բազումս, եւ չարչարեցին զմեզ եգիպտացիքն, եւ զհարսն մեր,

Verse: 16  Link to sept   եւ բողոքեցա́ք առ տ(է)ր. եւ լուա́ւ տ(է)ր ձայնի մերում, եւ առաքեալ հրեշտակ եհա́ն զմեզ յեգիպտոսէ։ եւ արդ՝ եմք մեք ՛ի կադէս քաղաքի, ՛ի կողմն մի ՛ի սահմանաց քոց։

Verse: 17  Link to sept   Եւ արդ՝ անցցո́ւք ընդ երկիրս քո։ եւ ո́չ անցցուք ընդ անդս քո, եւ ո́չ ընդ այգիս քո, եւ ո́չ արբցուք ջուր ՛ի ջրհորոց քոց։ Ճանապարհ զարքունի́ գնասցուք. ո́չ խոտորեսցուք յաջ կամ յահեակ, մինչեւ անցցո́ւք ըստ սահմանս քո։

Verse: 18  Link to sept   Եւ ասէ ցնա եդոմէ. մի́ անցցես ընդիս. ապա թէ ոչ՝ պատերազմա́ւ ելից ընդդէմ քո։

Verse: 19  Link to sept   Եւ ասեն ցնա որդիքն ի(սրաէ)լի, առ լերա́մբդ անցցուք. եւ եթէ արբցուք ՛ի ջրոյ քումմէ ե́ս եւ խաշինք իմ, տացուք քեզ զգինս։ արդ՝ ո́չինչ են իրքդ, անցցուք առ լերամբդ։

Verse: 20  Link to sept   եւ նա ասէ, ո́չ անցցես ընդիս։ Եւ ել եդոմ ընդդէմ նոցա ծա́նր ամբոխիւ եւ հզօր ձեռամբ։

Verse: 21  Link to sept   եւ ո́չ կամեցաւ եդոմ տա́լ անց ի(սրաէ)լի ընդ սհամանս իւր. եւ խոյս ետ ի(սրա)էլ ՛ի նմանէ։

Verse: 22  Link to sept   Եւ չուեցին ՛ի կադէսայ. եւ եկին որդիքն ի(սրաէ)լի ա(մենայ)ն ժողովրդեամբն ՛ի հովր լեառն։

Verse: 23  Link to sept   Եւ խօսեցաւ տ(է)ր ընդ մովսիսի եւ ընդ ահարոնի ՛ի հովր լերինն, ՛ի սհամանս երկրին եդովմայեցւոց՝ եւ ասէ.

Verse: 24  Link to sept   Յաւելցի́ ահարոն առ ժողովուրդ իւր, զի մի́ մտցէ յերկիրն զոր ետու որդւոցն ի(սրաէ)լի. քանզի բարկացուցէք զիս ՛ի վերայ ջուրցն բամբասանացն։

Verse: 25  Link to sept   Ա́ռ դու զահարոն՝ եւ զեղիազար զորդի ն(ո)ր(ա). եւ հա́ն զն(ո)ս(ա) ՛ի հովր լեառն յանդիման ա(մենայ)ն ժողովրդեանն.

Verse: 26  Link to sept   եւ մերկացո́ յահարոնէ զպատմուճան ն(ո)ր(ա), եւ զգեցուսցես եղիազարո́ւ որդւոյ ն(ո)ր(ա)։ եւ ահարոն յաւելեալ մեռցի́ անդ։

Verse: 27  Link to sept   Եւ արար մովսէս ո(ր)պ(էս) եւ հրամայեաց նմա տ(է)ր, եւ եհան զնա ՛ի հովր լեառն առաջի ա(մենայ)ն ժողովրդեանն։

Verse: 28  Link to sept   եւ մերկացո́յց յահարոնէ զհանդերձս նորա, եւ զգեցոյց զն(ո)ս(ա) եղիազարո́ւ որդւոյ նորա։

Verse: 29  Link to sept   Եւ մեռաւ ահարոն ՛ի գլուխ լերինն։ եւ իջին մովսէս եւ եղիազար ՛ի լեռնէ անտի։

Verse: 30  Link to sept   եւ ետես ա(մենայ)ն ժողովուրդն թէ վախճանեցաւ ահարոն. եւ լացին զահարոն երեսուն օր ա(մենայ)ն տուն ի(սրաէ)լի։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ լուաւ քանանաիս արքայ արադայ՝ որ բնակեալ էր առ անապատաւն. եթէ եկն ի(սրա)էլ զճանապարհն աթարինայ. եւ ետ պատերա́զմ ընդ ի(սրաէ)լի. եւ ա́ռ ՛ի նոցանէ գերի։

Verse: 2  Link to sept   Եւ ուխտեաց ի(սրա)էլ ուխտ տ(եառ)ն՝ եւ ասէ. եթէ մատնիցե՞ս ընդ ձեռամբ իմով զազգն զայն, նզովեցի́ց զնա եւ զքաղաքս նորա։

Verse: 3  Link to sept   Եւ լուաւ տ(է)ր ձայնի ի(սրաէ)լի, եւ մատնեաց զքանանացին ՛ի ձեռս ն(ո)ր(ա). եւ նզովեա́ց զնա եւ զքաղաքս ն(ո)ր(ա). եւ կոչեաց զանուն տեղւոյն այնորիկ նզո́վս։

Verse: 4  Link to sept   Եւ չուեալ ՛ի հովր լեռնէ ընդ ճանապարհ կարմիր ծովուն, պատեցան զեդոմաւ. եւ յոգնեցաւ ժողովուրդն ՛ի ճանապարհին.

Verse: 5  Link to sept   եւ բամբասեաց ժողովուրդն զա(ստուա)ծ եւ զմովսէս՝ եւ ասեն. ընդէ՞ր հաներ զմեզ յեգիպտոսէ կոտորել զմեզ յանապատիս յայսմիկ. զի ո́չ գոյ հաց եւ ո́չ ջուր. եւ անձինք մեր տաղտկացեա́լ են ՛ի սնոտի հացէս։

Verse: 6  Link to sept   Եւ առաքեաց տ(է)ր ՛ի ժողովուրդն օ́ձս կոտորիչս, եւ հարկանէին զժողովուրդն. եւ մեռա́ւ ժողովուրդ բազում յորդւոցն ի(սրաէ)լի։

Verse: 7  Link to sept   Եւ եկին առ մովսէս եւ ասեն. մեղա́ք՝ զի խօսեցաք չար զտ(եառն)է եւ զքէն։ արդ՝ կա́ց յաղօթս առ տ(է)ր, եւ բարձցէ́ ՛ի մէնջ զօձսդ։ եւ եկա́ց մովսէս յաղօթս առ տ(է)ր վասն ժողովրդեանն։

Verse: 8  Link to sept   Եւ ասէ տ(է)ր ցմովսէս. արա́ դու քեզ օձ, եւ դիցե́ս զնա ՛ի վ(ե)ր(այ) նշանակի. եւ եղիցի յորժամ հարկանիցէ օձ զմարդ, ա(մենայ)ն օձահար որ տեսանիցէ զնա՝ կեցցէ́։

Verse: 9  Link to sept   Եւ արար մովսէս օձ պղնձի, եւ կացոյց զնա ՛ի վերայ նշանակին։ եւ լինէր՝ յորժամ հարկանէր օձ զմարդ, հայէ́ր ընդ օձն պղնձի, եւ կեա́յր։

Verse: 10  Link to sept   Եւ չուեցին որդիքն ի(սրաէ)լի եւ եկին բանակեցան յաբովթ։

Verse: 11  Link to sept   եւ չուեալ յաբովթայ բանակեցան յաքեղգայի յայնկոյս անապատին՝ որ է́ յանդիման մովաբայ յարեւելից կողմանէ։

Verse: 12  Link to sept   անտի չուեցին՝ եւ բանակեցան ՛ի ձորն զարեգ։

Verse: 13  Link to sept   Անտի́ չուեալ բանակեցան յա́յնկոյս առնովնայ յանապատին, առ ելիւք սահմանացն ամովրհացւոց. քանզի առնովն սհաման է մովաբացւոց։ ընդ մովաբացին եւ ը(նդ) ամովրհացին։

Verse: 14  Link to sept   վ(ա)ս(ն) այնորիկ ասի ՛ի գրի։ Պատերազմ տ(եառ)ն՝ զովգ հրձիգ արար եւ զձորն առնովնայ,

Verse: 15  Link to sept   եւ հաստատեաց զձորսն բնակեալս յարոյէր, որ առ ընթե́ր կայ սահմանացն մովաբու։

Verse: 16  Link to sept   Եւ անտի քան զնա ջրհորն. ա́յն է՝ ջրհորն զորմէ ասաց տ(է)ր ցմովսէս, ժողովեա́ զժողովուրդն՝ եւ տաց ն(ո)ց(ա) ջուր ըմպելոյ։

Verse: 17  Link to sept   Յայնժամ օրհնեաց ի(սրա)էլ զօրհնութի(ւն)ս զայս ՛ի վ(ե)ր(այ) ջրհորոյն։ Նուագեցէ́ք նմա

Verse: 18  Link to sept   զջրհորն զոր իշխանք փորեցին, եւ տաշեցին զնա թագաւորք ազգաց ՛ի թագաւորու(թ)ե(ան) իւրեանց՝ եւ ՛ի տիրել իւրեանց։ Եւ ՛ի ջրհորոյ անտի ՛ի մանթանին։

Verse: 19  Link to sept   եւ ՛ի մանթանինայ ՛ի մանայէլ. եւ ՛ի մանայէլէ ՛ի բամովթ։

Verse: 20  Link to sept   Եւ ՛ի բամովթայ յանայէն, որ է ՛ի դաշտին մովաբայ, ՛ի կատարէ կոփածուին՝ որ հայի ընդ անապատն։

Verse: 21  Link to sept   Եւ առաքեաց մովսէս հրեշտակս առ արքայն ամովրհացւոց բանի́ւք խաղաղու(թ)ե(ան)՝ եւ ասէ։

Verse: 22  Link to sept   Անցցո́ւք ը(նդ) երկիր քո. զճանապարհա́յն գնասցուք. ո́չ կոտորեսցուք յանդս եւ ո́չ յայգիս. եւ ո́չ արբցուք ջուր ՛ի ջրհորոց քոց. ճանապարհ զարքունի́ գնասցուք մինչեւ անցցուք ընդ սահմանս քո։

Verse: 23  Link to sept   Եւ ո́չ ետ սեհոն անցանել ի(սրաէ)լի ը(նդ) սահմանս իւր։ եւ ժողովեաց սեհոն զա(մենայ)ն ժողովուրդն իւր. եւ ել տա́լ պատերազմ ընդ ի(սրաէ)լի յանապատին. եւ եկն ՛ի սիասար, եւ ե́տ պատերազմ ը(նդ) ի(սրաէ)լի։

Verse: 24  Link to sept   Եւ եհա́ր զնա ի(սրա)էլ կոտորմամբ սրոյ, եւ տիրեցին երկրի նորա յառնովնայ մինչեւ ցյաբովկ. մինչեւ ցոերդիսն ամմոնայ. զի յազե́ր է սահման որդւոցն ամոնայ։

Verse: 25  Link to sept   Եւ ա́ռ ի(սրա)էլ զա(մենայ)ն քաղաքսն զայնոսիկ, եւ բնակեցաւ ի(սրա)էլ յա(մենայ)ն քաղաքս ամուրհացւոց։ Յեսեբոն եւ յա(մենայ)ն արուարձանեայս ն(ո)ր(ա).

Verse: 26  Link to sept   քանզի եսեբոն էր քաղաք սեհոնի արքայի ամովրհացւոց. եւ նա́ նախ ետ պատերազմ ընդ արքային մովաբու, եւ ա́ռ զա(մենայ)ն երկիրն ն(ո)ր(ա) յարոյերայ մինչեւ ցառնոն։

Verse: 27  Link to sept   Վ(ա)ս(ն) այնորիկ ասեն ա(մենայ)ն առակարկուք. եկա́յք յեսեբոն զի շինեցաւ, եւ հանդերձեցա́ւ քաղաքն սեհոնի.

Verse: 28  Link to sept   զի հո́ւր ել յեսեբոնայ՝ եւ բո́ց ՛ի քաղաքէն սեհոնի, եւ եկեր մինչեւ ցմովաբ. եւ լափեա́ց զարձանս առնովնայ։

Verse: 29  Link to sept   Վա́յ քեզ մովաբ։ կորեար ժողովուրդ քամովսայ. եւ մատնեցա́ն ուստերք ն(ո)ց(ա) ՛ի փախուստ, եւ դստերք ն(ո)ց(ա) ՛ի գերու(թ)ի(ւն) թագաւորին ամովրհացւոց.

Verse: 30  Link to sept   եւ զաւակ ն(ո)ց(ա) սատակեսցի́ յեսեբոնէ մինչեւ ցդեբոն. եւ կանայք ն(ո)ց(ա) բորբոքեցան հրով ՛ի վ(ե)ր(այ) մովաբու։

Verse: 31  Link to sept   Եւ բնակեաց ի(սրա)էլ յա(մենայ)ն քաղաքս ամուրհացւոցն։

Verse: 32  Link to sept   Եւ առաքեաց մովսէս լրտեսել զազեր. եւ առի́ն զնա եւ զաւանս ն(ո)ր(ա), եւ հանին զամուրհացին որ բնակեալ էր ՛ի նմա։

Verse: 33  Link to sept   եւ կրկնեցան ելին ընդ ճանապարհն ՛ի բասան։ Եւ ել՝ ո́վդ թագաւոր բասանու ընդդէմ ն(ո)ց(ա), եւ ա(մենայ)ն ժողովուրդ ն(ո)ց(ա) ՛ի պատերազմ յեգրային։

Verse: 34  Link to sept   Եւ ասէ տ(է)ր ցմովսէս. մի́ երկնչիր ՛ի նմանէ, զի ՛ի ձեռս քո մատնեցի զնա́ եւ զա(մենայ)ն ժողովուրդն ն(ո)ր(ա), եւ զա(մենայ)ն երկիր ն(ո)ր(ա). եւ արասցես ընդ նա՝ ո(ր)պ(էս) արարեր ընդ սեհոն արքայ ամովրհացւոց՝ որ բնակեալ էր յեսեբոն։

Verse: 35  Link to sept   Եւ եհա́ր զնա եւ զորդիս ն(ո)ր(ա), եւ զա(մենայ)ն ժողովուրդն նորա. մինչեւ ամենեւին չմնալոյ ՛ի նոցանէն ապրեալ։ եւ ժառանգեցին զերկիրն ն(ո)ց(ա)։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Եւ չուեալ որդւոցն ի(սրաէ)լի բանակեցան յարեւմտից մովաբու առ յորդանանաւ յանդիմա́ն երիքովի։

Verse: 2  Link to sept   Եւ տեսեալ բաղակայ որդւոյ սեպփովրայ զա(մենայ)ն զոր արար ի(սրա)էլ ը(նդ) ամովրհացին,

Verse: 3  Link to sept   երկեաւ մովաբ յոյժ ՛ի ժողովրդենէ անտի, զի բազո́ւմ էին։ եւ զանգիտեաց մովաբ յերեսաց որդւոցն ի(սրաէ)լի։

Verse: 4  Link to sept   Եւ ասէ մովաբ ցծերակոյտն մադիամու. արդ՝ լիզանէ ժողովուրդս այս զա(մենայ)ն որ շուրջ զմեւք են, ո(ր)պ(էս) լիզանէ արջառ զդեղ դալա́ր ՛ի դաշտի։ Եւ բաղակ որդի սեպփովրայ էր արքայ մովաբու ՛ի ժամանակի յայնմիկ։

Verse: 5  Link to sept   եւ առաքեաց հրեշտակս առ բաղաամ որդի բեովրայ՝ առ փաթուրն. որ էր առ գետեզե́րբ երկրին որդւոց ազգին իւրոյ. կոչե́լ զնա եւ ասել, ահա՝ ա́զգ ել յեգիպտոսէ, եւ ծածկեաց զերեսս երկրի. եւ նստի́ սա մօտ առիս։

Verse: 6  Link to sept   Եւ արդ՝ ե́կ անէ́ծ դու ինձ զժողովուրդս զայս. զի զօրագոյն քան զիս է́ սա։ թերեւս կարասցուք հարկանե́լ ՛ի սոցանէ, եւ հանի́ց զսա յերկրէ իմմէ։ քանզի գիտե́մ թէ զոր օրհնես դու՝ օրհնեա́լ է, եւ զոր անիծանես՝ անիծեա́լ։

Verse: 7  Link to sept   Եւ գնացի́ն ծերակոյտն մովաբու եւ ծերակոյտն մադիամու, եւ ըղձութի(ւն)ք ՛ի ձեռս ն(ո)ց(ա)։ եկին առ բաղաամ, եւ ասացին նմա զպատգամսն բաղակայ։

Verse: 8  Link to sept   եւ ասէ ցնոսա. ագարո́ւք աստ զայս գիշեր, եւ արարից ձեզ պատասխանի́ իրացդ, ինչ զոր տ(է)ր խօսեսցի ընդիս։ եւ ագան իշխանքն մովաբու առ բաղաամու։

Verse: 9  Link to sept   Եւ եկն ա(ստուա)ծ առ բաղաամ եւ ասէ ցնա. զի՞ են արքդ այդոքիկ առ քեզ։

Verse: 10  Link to sept   եւ ասէ բաղաամ ցա(ստուա)ծ բաղակ որդի սեպփովրայ արքայ մովաբու առաքեա́ց զդոսա առիս եւ ասէ.

Verse: 11  Link to sept   ահա ա́զգ ել յեգիպտոսէ եւ ծածկեաց զերեսս երկրի, եւ նստի́ սա մօտ առիս. արդ՝ ե́կ անէծ դու զսոսա ինձ, թերեւս կարացից հարկանել զսա՝ եւ հանից զսա յերկրէ իմմէ։

Verse: 12  Link to sept   Եւ ասէ ա(ստուա)ծ ցբաղաամ. մի́ երթար ընդ ն(ո)ս(ա). եւ մի́ անիծանիցես զժողովուրդն՝ քանզի օրհնեա́լ է։

Verse: 13  Link to sept   Եւ յարուցեալ բաղաամ ընդ առաւօտն, ասէ ցիշխանսն բաղակայ. գնացէ́ք անդրէն առ տէրն ձեր. զի ո́չ թողու զիս ա(ստուա)ծ գալ ընդ ձեզ։

Verse: 14  Link to sept   Եւ յարուցեալ իշխանքն մովաբու եկին առ բաղակ՝ եւ ասեն. ո́չ կամեցաւ բաղաամ գալ ընդ մեզ։

Verse: 15  Link to sept   Եւ յաւել առաքել բաղակ իշխանս բազումս եւ պատուականագոյնս քան զն(ո)ս(ա)։

Verse: 16  Link to sept   եկին առ բաղաամ, եւ ասեն ցնա. ա́յսպէս ասէ բաղակ սեպփովրեան. աղաչե́մ զքեզ՝ մի́ դանդաղիցիս գալ առիս.

Verse: 17  Link to sept   զի պատուելով պատուեցի́ց զքեզ, եւ զոր ինչ ասիցես արարի́ց քեզ. եւ արդ՝ ե́կ անէ́ծ ինձ զժողովուրդս զայս։

Verse: 18  Link to sept   Պատասխանի ետ բաղաամ եւ ասէ ցիշխանսն բաղակայ. եթէ տացէ ինձ բաղակ լի́ տամբ իւրով արծաթ եւ ոսկի, ո́չ կարացից անցանել զբանիւ տ(եառ)ն ա(ստուծո)յ, առնել զնա փոքր կամ մեծ մտօք իմովք։

Verse: 19  Link to sept   Եւ արդ՝ ագերո́ւք դուք աստ զգիշերս զայս. եւ գիտացի́ց զի́նչ յաւելցէ տ(է)ր խօսել ընդիս։

Verse: 20  Link to sept   Եւ եկն ա(ստուա)ծ առ բաղաամ ՛ի գիշերին՝ եւ ասէ ցնա. եթէ կոչե́լ զքեզ եկեալ են արքդ այդոքիկ, արի́ երթ զկնի դոցա. բայց զբանն որ ե́ս խօսեցայց ընդ քեզ՝ զա́յն արասցես։

Verse: 21  Link to sept   Եւ յարուցեալ բաղաամ ընդ առաւօտն հանդերձեաց զէշ իւր, եւ գնա́ց ընդ իշխանսն մովաբու։

Verse: 22  Link to sept   Եւ բարկացաւ սրտմտու(թեամ)բ ա(ստուա)ծ ընդ երթալն նորա. եւ եկաց հրեշտակ ա(ստուծո)յ լինե́լ նմա բանսարկու։ եւ նա հեծեալ էր ՛ի վերայ իշոյ իւրոյ, եւ երկո́ւ պատանիք ն(ո)ր(ա) ընդ նմա։

Verse: 23  Link to sept   Եւ տեսեալ իշոյն զհրեշտակ ա(ստուծո)յ զի կայր նմա ընկիճեալ ՛ի ճանապարհին, եւ սուսեր մե́րկ ՛ի ձեռին իւրում, խուսեա́ց էշն ՛ի ճանապարհէն՝ եւ երթայր ընդ դաշտն։ եւ եհար գաւազանաւ զէշն ուղղե́լ զնա ՛ի ճանապարհն։

Verse: 24  Link to sept   Եւ եկաց հրեշտակն ա(ստուծո)յ յառուամէջս այգեացն. եւ է́ր ցանգ աստի՝ եւ ցանգ անտի։

Verse: 25  Link to sept   եւ տեսեալ իշոյն զհրեշտակն ա(ստուծո)յ՝ նեղեաց զինքն ը(նդ) որմնն եւ ճմլեաց զոտն բաղաամու. եւ յաւե́լ եւս հարկանել զնա։

Verse: 26  Link to sept   Եւ յաւել հրեշտակն ա(ստուծո)յ երթալ կալ ՛ի նե́ղ տեղւոջ. ուստի ո́չ գոյր խուսել յա́ջ կամ յահեակ։

Verse: 27  Link to sept   Եւ տեսեալ իշոյն զհրեշտակն ա(ստուծո)յ, նստաւ ընդ բաղաամու. եւ բարկացաւ բաղաամ, եւ եհա́ր զէշն գաւազանաւ։

Verse: 28  Link to sept   Եւ եբա́ց ա(ստուա)ծ զբերան իշոյն, եւ ասէ́ ցբաղաամ. զի՞նչ արարի քեզ զի հարեր զիս այս երի́ցս անգամ։

Verse: 29  Link to sept   Եւ ասէ բաղաամ ցէշն. փոխանակ զի խա́ղ արարեր զիս։ եւ եթէ է́ր սուր ՛ի ձեռին իմում, արդ եւ խոցեալ էր իմ զքեզ։

Verse: 30  Link to sept   Եւ ասէ էշն ցբաղաամ. ո՞չ ես այն էշ եմ քո՝ յորում հեծանէիր ՛ի մանկութ(են)է քումմէ մինչեւ ցայսօր ժամանակի. միթէ յուլանալով յուլացա՞յ ինչ երբէք առնել քեզ այսպէս։ եւ նա ասէ՝ ոչ։

Verse: 31  Link to sept   եւ եբա́ց ա(ստուա)ծ զաչս բաղաամու, եւ ետե́ս զհրեշտակն տ(եառ)ն ընկիճեալ նմա ՛ի ճանապարհին, եւ սուսեր մե́րկ ՛ի ձեռին իւրում։ եւ անկեալ ՛ի վ(ե)ր(այ) երեսաց իւրոց երկիր եպագ նմա։

Verse: 32  Link to sept   Եւ ասէ ցնա հրեշտակն ա(ստուծո)յ. ը(նդ)է՞ր հարեր դու ցէշդ՝ այս երի́ցս անգամ. եւ ահա ելի́ ես ՛ի բանսարկութի(ւն) քեզ, զի ո́չ է ճանապարհդ քո ուղիղ առաջի իմ.

Verse: 33  Link to sept   եւ տեսեալ զիս իշոյդ՝ խուսափեա́ց յինէն այս երի́ցս անգամ. եւ եթէ չէ́ր խուսափեալ յինէն, արդ՝ իմ զքեզ սպանեալ էր, եւ զդա ապրեցուցեալ։

Verse: 34  Link to sept   Եւ ասէ բաղաամ ցհրեշտակն տ(եառ)ն. մեղա́յ. զի ո́չ գիտէի՝ թէ դու ինձ ընկիճեալ կայցես ՛ի ճանապարհիս։ եւ արդ՝ եթէ չիցէ́ քեզ հաճոյ՝ դարձա́յց անդրէն։

Verse: 35  Link to sept   Եւ ասէ հրեշտակն ա(ստուծո)յ ցբաղաամ. ե́րթ դու ընդ արսդ ը(նդ) այդոսիկ. բայց բանի զոր ես ասացից քեզ, ա́յնմ զգոյշ լինիջիր խօսելոյ։ եւ գնաց բաղաամ ը(նդ) իշխանսն բաղակայ։

Verse: 36  Link to sept   Եւ լուեալ բաղակայ եթէ գա́յ բաղաամ, ե́լ նմա ը(նդ) առաջ ՛ի քաղաքն մովաբու՝ որ է ՛ի սահմանս առնոնայ յեզեր միում սահմանացն։

Verse: 37  Link to sept   Եւ ասէ բաղակ ցբաղաամ. ո՞չ առաքեցի առ քեզ կոչել զքեզ. ընդէ՞ր ո́չ գայիր առիս, որպէս թէ ո՞չ էի արդեւք կարօղ պատուել զքեզ։

Verse: 38  Link to sept   Եւ ասէ բաղաամ ցբաղակ. ահաւասիկ եկի́ առ քեզ. արդ՝ կարօ՞ղ իցեմ խօսել բա́ն ինչ, բայց եթէ զոր արկանիցէ ա(ստուա)ծ ՛ի բերան իմ զա́յն խօսեցայց։

Verse: 39  Link to sept   Եւ գնաց բաղաամ ընդ բաղակայ, եւ եկն ՛ի քաղաքս հանգրուանացն։

Verse: 40  Link to sept   Եւ եզեն բաղակ զարջառ եւ ոչխար, եւ առաքեաց բաղաամու եւ իշխանացն որ ընդ նմա էին։

Verse: 41  Link to sept   եւ իբրեւ ա́յգ եղեւ, առեալ ընդ իւր բաղակայ զբաղաամ եհա́ն զնա յարձանն բահաղու. եւ եցո́յց նմա անտի զմասն ինչ ժողովրդեանն։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ ասէ բաղաամ ցբաղակ. շինեա́ ինձ աստ եւթն բագին., եւ պատրաստեա́ դու ինձ աստ՝ եւթն զուարակ եւ եւթն խոյ։

Verse: 2  Link to sept   Եւ արար բաղակ որպէս եւ ասաց նմա բաղաամ. եւ եհան զուարակ եւ խոյ ՛ի բագինն։

Verse: 3  Link to sept   Եւ ասէ բաղաամ ցբաղակ. կա́ց ՛ի վ(ե)ր(այ) զոհիդ քո, եւ ես երթայց՝ թերեւս յայտնեսցի́ ինձ ա(ստուա)ծ ընդ առա́ջ ելեալ. եւ բան զոր ցուցցէ ինձ՝ պատմեցի́ց քեզ։ եւ եկաց բաղակ ՛ի վ(ե)ր(այ) զոհին իւրոյ։ Եւ գնաց բաղաամ հարցանել զա(ստուա)ծ։

Verse: 4  Link to sept   եւ երթայր ուղղորդ. եւ երեւեցաւ ա(ստուա)ծ բաղաամու։ եւ ասէ բաղաամ, եւթն բագին պատրաստեցի, եւ հանի զուարակ եւ խոյ ՛ի բագին մի։

Verse: 5  Link to sept   Եւ արկ ա(ստուա)ծ բա́ն ՛ի բերան բաղաամու, եւ ասէ. դարձի́ր առ բաղակ, եւ ա́յսպէս խօսեսցիս։

Verse: 6  Link to sept   եւ դարձաւ առ նա. եւ նա կա́յր ՛ի վ(ե)ր(այ) ողջակիզացն իւրոց. եւ ա(մենայ)ն իշխանքն մովաբացւոց ընդ նմա։

Verse: 7  Link to sept   Եւ եղեւ հոգի ա(ստուծո)յ ՛ի վ(ե)ր(այ) ն(ո)ր(ա), եւ ամբարձեալ զառակս իւր՝ ասէ։ ՛Ի միջագետա́ց կոչեաց զիս բաղակ արքայ մովաբացւոց, ՛ի լերանցն արեւելից, եւ ասէ՝ եկ նզովեա́ դու ինձ զյակոբ. եւ ե́կ անէ́ծ ինձ զի(սրա)էլ։

Verse: 8  Link to sept   Զի՞նչ նզովեցից՝ զոր ո́չ նզովէ տ(է)ր. կամ զի՞չ անիծեցից՝ զոր ոչ անիծանէ ա(ստուա)ծ.

Verse: 9  Link to sept   զի ՛ի լերա́նց տեսի զնա, եւ ՛ի բլրոց յառաջագոյն հայեցայ ՛ի նա։ եւ ահա ժողովուրդ բնակեսցէ առանձինն, եւ ընդ ազգս մի́ համարեսցի։

Verse: 10  Link to sept   Ո́ ճշգրտեաց զզաւակն յակոբայ, եւ ո́ համարեսցի զգունդսն ի(սրաէ)լի. մեռցի́ անձն իմ ընդ անձինս արդարոցն, եւ եղիցի զաւա́կ իմ իբրեւ զզաւակ նոցա։

Verse: 11  Link to sept   Եւ ասէ բաղակ ցբաղաամ. զի՞նչ գործեցեր ընդիս. յանիծանել թշնամեաց կոչեցի զքեզ, եւ դու օրհնեցեր օրհնութի՞։

Verse: 12  Link to sept   Եւ ասէ բաղաամ ցբաղակ. ո́չ ապաքէն զինչ արկանիցէ ա(ստուա)ծ ՛ի բերան իմ՝ զայն զգուշացայց խօսել։

Verse: 13  Link to sept   Եւ ասէ ցնա բաղակ. ե́կ դարձեալ ընդիս յա́յլ տեղի, ուստի ո́չ տեսանիցես զնա. այլ զմա́սն ինչ ՛ի նմանէ տեսանիցես. եւ զամենեսեան ո́չ տեսանիցես, եւ անէ́ծ ինձ զնա անտի։

Verse: 14  Link to sept   Եւ ա́ռ գնաց զնա յագարակս գիտանոցին, ՛ի կատա́ր կոփածոյին, եւ շինեաց անդ եւթն բագին, եւ եհան զուարակ եւ խո́յ ՛ի բագինն։

Verse: 15  Link to sept   Եւ ասէ բաղաամ ցբաղակ. կա́ց ՛ի վ(ե)ր(այ) զոհիդ քոյ, եւ ես երթայց հարցանե́լ զա(ստուա)ծ։

Verse: 16  Link to sept   Եւ ը(նդ) առա́ջ եղեւ ա(ստուա)ծ բաղաամու, եւ արկ բան ՛ի բերա́ն ն(ո)ր(ա). եւ ասէ, դարձի́ր անդրէն առ բաղակ, եւ ա́յսպէս խօսեսցիս։

Verse: 17  Link to sept   եւ դարձաւ առ նա. եւ նա կա́յր ՛ի վ(ե)ր(այ) ողջակիզին իւրոյ, եւ ա(մենայ)ն իշխանքն մովաբացւոց ը(նդ) նմա։ Եւ ասէ ցնա բաղակ. զի՞նչ խօսեցաւ տ(է)ր։

Verse: 18  Link to sept   եւ ամբարձեալ զառակս իւր՝ ասէ։ Արի́ բաղակ եւ լո́ւր. ո́ւնկն դիր վկայդ որդիդ սեպփովրայ.

Verse: 19  Link to sept   ո́չ իբրեւ զմարդ է ա(ստուա)ծ ՛ի զարթնուլ, եւ ո́չ իբրեւ զորդի մարդոյ ՛ի սպառնալ, դու ասացեր թէ ո́չ արասցէ, խօսեսցի եւ ո́չ կացուսցէ։

Verse: 20  Link to sept   ահա՝ յօրհնե́լ առեալ եմ. օրհնեցից եւ ո́չ դարձուցից։

Verse: 21  Link to sept   Ո́չ լիցի աշխատութի(ւն) ՛ի յակոբ, եւ մի́ երեւեսցի վաստակ ՛ի մէջ ի(սրաէ)լի։ տ(է)ր ա(ստուա)ծ ն(ո)ր(ա) ը(նդ) նմա́. փառաւորու(թ)ի(ւն)ք իշխանաց ՛ի նմա.

Verse: 22  Link to sept   եւ ա(ստուա)ծ որ եհա́ն զն(ո)ս(ա) յեգիպտոսէ՝ իբրեւ փա́ռք միեղջեւրու ՛ի վ(ե)ր(այ) ն(ո)ր(ա)։

Verse: 23  Link to sept   Զի ո́չ գոն հմայք ՛ի յակոբ՝ եւ ո́չ ըղձութի(ւն)ք ՛ի մէջ ի(սրաէ)լի. ըստ ժամանակի պատմեսցի յակոբայ՝ եւ ի(սրաէ)լի զինչ կատարելոց իցէ ա(ստուա)ծ։

Verse: 24  Link to sept   Ահա ժողովուրդն իբրեւ զկորի́ւն առիւծու յարիցէ, իբրեւ զառեւծ նազեսցի. եւ ո́չ ննջիցէ մինչեւ կերիցէ ո́րս, եւ զարիւն վիրաւորաց արբցէ։

Verse: 25  Link to sept   Եւ ասէ բաղակ ցբաղաամ. մի́ անիծանելով անիծաներ ինձ զնա, եւ մի́ օրհնելով օրհնեսցես զնա։

Verse: 26  Link to sept   Պատասխանի́ ետ բաղաամ եւ ասէ ցբաղակ. ո՞չխօսեցայ ընդ քեզ բանս՝ եւ ասեմ, թէ զոր ինչ խօսեսցի ընդիս ա(ստուա)ծ՝ զա́յն արարից։

Verse: 27  Link to sept   Եւ ասէ բաղակ ցբաղաամ. ե́կ տարայց զքեզ յա́յլ տեղի՝ թերեւս հաճո́յ լիցի ա(ստուծո)յ, եւ անիծանիցե́ս ինձ զն(ո)ս(ա) անտի։

Verse: 28  Link to sept   եւ տարաւ բաղակ զբաղաամ ՛ի կատարն փոգովրայ՝ որ ձգի յանապատն։

Verse: 29  Link to sept   Եւ ասէ բաղաամ ցբաղակ. շինեա́ ինձ աստ եւթն բագին, եւ պատրաստեա́ ինձ աստ եւթն զուարակ եւ եւթն խոյ։

Verse: 30  Link to sept   Եւ արար բաղակ որպէս եւ ասաց նմա բաղաամ, եւ եհա́ն զուարակ եւ խոյ ՛ի բագինն։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ տեսեալ բաղաամու թէ բարւոք թուի առաջի տ(եառ)ն օրհնել զի(սրա)էլ, ո́չ չոգաւ ըստ սովորութե(ա)ն ընդ առա́ջ հմայիցն, դարձո́յց զերեսս իւր յանապատն։

Verse: 2  Link to sept   Եւ ամբարձեալ բաղաամու զաչս իւր ետես զի(սրա)էլ բանակեալ ըստ ցեղի́ց ցեղի́ց։ եւ եղեւ հոգի ա(ստուծո)յ ՛ի վ(ե)ր(այ) ն(ո)ր(ա),

Verse: 3  Link to sept   եւ ամբարձեալ զառակս իւր՝ ասէ. Ասէ́ բաղաամ որդի բէովրայ.

Verse: 4  Link to sept   ասէ այրն ճշմարտապէս. որ զտեսիլ ա(ստուծո)յ ետես ՛ի քուն աչօք իւրովք բացօք։

Verse: 5  Link to sept   Իբրեւ զի գեղեցի́կ են տունք քո յակոբ եւ խորանք քո ի(սրա)էլ.

Verse: 6  Link to sept   իբրեւ զանտա́ռս հովանաւորս, եւ իբրեւ զբուրաստա́նս առ գետովք, եւ իբրեւ զխորա́նս զոր կանգնեաց տ(է)ր, եւ իբրեւ զմա́յրս ՛ի գնացս ջուրց։

Verse: 7  Link to sept   Եւ ելցէ́ այր ՛ի զաւակէ ն(ո)ր(ա), եւ տիրեսցէ́ ազգաց բազմաց. եւ բարձրասցի́ քան զովգայ թագաւորութի(ւն) ն(ո)ր(ա). եւ աճեսցէ́ թագաւորութի(ւն) նորա։

Verse: 8  Link to sept   ա(ստուա)ծ առաջնորդեա́ց նմա յեգիպտոսէ. իբրեւ փառք միեղջեւրու ՛ի վ(ե)ր(այ) ն(ո)ր(ա)։ կերիցէ́ զազգս թշնամեաց իւրոց, եւ զպարարտութի(ւն) ն(ո)ց(ա) ուղղածո́ւծ արասցէ. եւ նետիւք իւրովք նետաձի́գ լիցի ՛ի թշնամիս։

Verse: 9  Link to sept   եւ բազմեալ հանգեա́ւ իբրեւ զառեւծ, եւ իբրեւ զկորիւն առիւծու, եւ ո́ յարուցանիցէ զնա. օրհնիչք քո՝ օրհնեսցին, եւ անիծիչք քո՝ անիծցի́ն։

Verse: 10  Link to sept   Եւ բարկացաւ բաղակ բաղաամու, եւ ծա́փ զծափի հարկանէր. եւ ասէ բաղակ ցբաղաամ. անիծանե́լ զթշնամիս իմ կոչեցի զքեզ, եւ ահա օրհնելով օրհնեցե́ր զնա՝ այս երի́ցս անգամ։

Verse: 11  Link to sept   Եւ արդ՝ փախի́ր դու ՛ի տեղի քո։ ասացի պատուե́լ զքեզ, եւ վրիպեցո́յց զքեզ տ(է)ր ՛ի փառաց։

Verse: 12  Link to sept   Եւ ասէբաղաամ ցբաղակ. ո՞չ եւ ընդ հրեշտակսն քո զոր առաքեցեր առ իս՝ խօսեցայ եւ ասացի.

Verse: 13  Link to sept   թէ տացէ ինձ բաղակ լի́ տամբ իւրով արծաթ եւ ոսկի, ո́չ կարիցեմ անցանել զբանիւ տ(եառ)ն, առնել զնա չար կամ բարի յանձնէ իմմէ. այլ զորինչ ասիցէ ա(ստուա)ծ՝ զա́յն խօսեցայց։

Verse: 14  Link to sept   եւ արդ՝ ահա գնա́մ ՛ի տեղի իմ։ Ե́կ տաց քեզ խրատ, թէ զի́նչ առնելոց է ժողովուրդն այն ընդ ժողովուրդ քո ՛ի վախճանի աւուրց։

Verse: 15  Link to sept   եւ ամբարձեալ զառակս իւր՝ ասէր։ Ասէ́ բաղաամ որդի բէովրայ. ասէ այրն ճշմարտապէս.

Verse: 16  Link to sept   որ լուաւ զպատգամս ա(ստուծո)յ, եւ հմո́ւտ է գիտու(թ)ե(ան) բարձրելոյ. եւ զտեսիլ ա(ստուծո)յ ետես ՛ի քուն աչօք իւրովք բացօք։

Verse: 17  Link to sept   Ցուցի́ց նմա՝ եւ ո́չ այժմ. երանեցի́ց, եւ ո́չ ՛ի մօտոյ։ Ծագեսցէ́ ա́ստղն յակոբայ, եւ յարիցէ ա́յր յ(թ)ի(ւն)լէ, եւ հարցէ́ զիշխանս մովաբայ. եւ առցէ աւա́ր զա(մենայ)ն որդիս սեթայ։

Verse: 18  Link to sept   եւ եղիցի նմա եդոմն ժառանգութի(ւն) եսաւա́յ թշնամոյ իւրոյ. եւ ի(սրա)էլ արար զօրութ(եամ)բ։

Verse: 19  Link to sept   եւ յարիցէ ա́յր ՛ի յակոբայ, եւ կորուսցէ զապրեալսն ՛ի քաղաքէ անտի։

Verse: 20  Link to sept   Եւ տեսեալ զամաղէկ, ամբարձեալ զառակս իւր՝ ասէ. գլո́ւխ ազգաց ամաղէկ, եւ զաւակ նոցա կորիցէ́։

Verse: 21  Link to sept   Եւ տեսեալ զկինեցին, ամբարձեալ զառակս իւր՝ ասէ. հզօ́ր է բնակութի(ւն) քո. եւ թէ դիցես ՛ի քարանձաւս զբոյն քո,

Verse: 22  Link to sept   եւ թէ լիցի ՛ի բէովր բոյն խարդախութե(ան) քոյ, ասորեստանեայք գերեսցեն։

Verse: 23  Link to sept   Եւ ամբարձեալ զառակս իւր ասէ. Ո́ ոք կեցցէ յորժամ դնիցէ զայն ա(ստուա)ծ,

Verse: 24  Link to sept   եւ ելցէ ՛ի ձեռաց կիտացւոց, եւ չարչարեսցեն զասուր. եւ չարչարեսցեն զեբրայեցիս։ եւ ինքեանք միանգամա́յն կորիցեն։

Verse: 25  Link to sept   Եւ յարուցեալ բաղաամ դարձա́ւ ՛ի տեղի իւր։ եւ բաղակ գնաց ը(նդ) իւր կողմն։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Եւ բանակեցաւ ի(սրա)էլ ՛ի սատտիմ։. եւ պղծեցաւ ժողովուրդն պոռնկել ընդ դստերսն մովաբու։

Verse: 2  Link to sept   եւ կոչեցին զն(ո)ս(ա) ՛ի զոհս կռոց իւրեանց, եւ եկե́ր ժողովուրդն ՛ի զոհից ն(ո)ց(ա), եւ երկի́ր պագին կռոց ն(ո)ց(ա)։

Verse: 3  Link to sept   եւ նուիրեցաւ ի(սրա)էլ բէլփադովրայ. եւ բարկացաւ սրտմտու(թեամ)բ տ(է)ր ՛ի վ(ե)ր(այ) ի(սրաէ)լի։

Verse: 4  Link to sept   Եւ ասէ տ(է)ր ցմովսէս. ա́ռ զա(մենայ)ն իշխանս ժողովրդեանդ, եւ առակեա́ զդոսա առաջի տ(եառ)ն յանդիման արեգական. եւ դարձցի սրտմտու(թ)ի(ւն) բարկու(թ)ե(ան) տ(եառ)ն յի(սրաէ)լէ։

Verse: 5  Link to sept   Եւ ասէ մովսէս ցցեղսն ի(սրաէ)լի. կոտորեցէ́ք իւրաքանչիւր զընտանի իւր զնուիրեալ բէլփագովրայ։

Verse: 6  Link to sept   Եւ ահա այր ի(սրա)էլացի, գա́յր ածէր զեղբայր իւր առ կին մադիանացի յանդիմա́ն մովսիսի, եւ յանդիման ա(մենայ)ն ժողովրդեան որդւոցն ի(սրաէ)լի. եւ ն(ո)ք(ա) լային առ դրան խորանին վկայութե(ան)։

Verse: 7  Link to sept   Եւ տեսեալ փենեէսի որդւոյ եղիազարու որդւոյ ահարոնի քահանայի, յարեա́ւ ՛ի միջոյ ժողովրդեանն, եւ առեալ գեղարդն ՛ի ձեռն իւր,

Verse: 8  Link to sept   եւ եմուտ զհետ առնն ի(սրա)էլացւոյ ՛ի հնոցն, եւ խոցեաց զերկոսին զայրն ի(սրա)էլացի՝ եւ զկինն ընդ արգանդ իւր. եւ դադարեա́ց հարուածն յորդւոցն ի(սրաէ)լի։

Verse: 9  Link to sept   Եւ եղեն մեռեալքն ՛ի հարուածոցն յայնցանէ քսան եւ չորք քազարք։

Verse: 10  Link to sept   Եւ խօսեցաւ տ(է)ր ը(նդ) մովսիսի՝ եւ ասէ.

Verse: 11  Link to sept   փենեէս՝ որդի եղիազարու, որդւոյ ահարոնի քահանայի՝ ցածոյց զսրտմտութի(ւն) իմ յորդւոցն ի(սրաէ)լի, ՛ի նախանձեցուցանե́լ ինձ զնախանձն իմ ՛ի ն(ո)ս(ա). եւ ո́չ սատակեցից զորդիսդ ի(սրաէ)լի նախանձու իմով։

Verse: 12  Link to sept   Եւ արդ՝ ա́յսպէս ասասցես. ահա ես տա́ց նմա ուխտ խաղաղութե(ան).

Verse: 13  Link to sept   եւ եղիցի նմա եւ զաւակի́ ն(ո)ր(ա) յետ ն(ո)ր(ա) ուխտ քահանայու(թ)ե(ան) յաւիտենական. փոխանակ զի քինախնդիր եղեւ ա(ստուծո)յ իւրում. եւ քաւեաց վ(ա)ս(ն) որդւոցն ի(սրաէ)լի։

Verse: 14  Link to sept   Եւ անուն առն ի(սրա)էլացւոյ հարելոյ որ հարաւ ընդ կնոջն մադիանացւոյ՝ զամբրի որդի սաղովմայ, իշխան տան ազգի որդւոցն շմաւոնի։

Verse: 15  Link to sept   եւ անուն կնոջն մադիանացւոյ հարելոյ՝ քազբի դուստր սուրայ իշխանի ազգի́ն ամովթայ՝ տան նահապետութե(ան) մադիամու։

Verse: 16  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 17  Link to sept   խօսեա́ց ընդ որդիսն (թ)ի(ւն)Լի՝ եւ ասասցես. թշնամեցա́յք ը(նդ) մադիանացիսն, եւ հարկանիցէ́ք զն(ո)ս(ա).

Verse: 18  Link to sept   զի թմնամի́ են նոքա ընդ ձեզ նենգութ(եամ)բ. որ նենգեցին զձեզ փոգորաւ, եւ քաղբեաւ դստերբ իշխանին մադիամու քերբն իւրեանց հարելով յաւուրն հարուածոց վ(ա)ս(ն) փոգովրայ։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Եւ եղեւ յետ հարուածոցն։
   Խօսեցաւ տ(է)ր ընդ մովսիսի եւ ընդ եղիազարու քահանայի՝ եւ ասէ։

Verse: 2  Link to sept   Կա́լ զհամար ա(մենայ)ն ժողովրդեան որդւոցն ի(սրաէ)լի, ՛ի քսանամենից եւ ՛ի վեր. ըստ տանց նահապետաց իւրեանց, ա(մենայ)ն որ ելանիցէ յի(սրաէ)լէ տալ պատերազմ։

Verse: 3  Link to sept   Եւ խօսեցան մովսէս եւ եղիազար քահանայ, յռաբովթ մովաբու առ յորդանանաւ յանդիման երեքոյի՝ եւ ասեն։

Verse: 4  Link to sept   ՛Ի քսանամենից եւ ՛ի վեր, ո(ր)պ(էս) հրաման ետ տ(է)ր մովսիսի. դու եւ որդիքն ի(սրաէ)լի ելեալքդ յեգիպտոսէ

Verse: 5  Link to sept   կազմեցարո́ւք։ Ռուբէն անդրանիկ ի(սրաէ)լի. եւ որդիք ռուբինի, ենոք, եւ գունդն ենոքայ. փալլուս, եւ գունդն փալլուսայ. քարմի, եւ գունդն քարմեայ։

Verse: 6  Link to sept   ասրոմ, եւ գունդն ասրոմայ։

Verse: 7  Link to sept   Սոքա են գունդք ռուբինի. եւ եղեւ հանդէս ն(ո)ց(ա). քառասուն եւ երեք հազարք եւթն հարիւր եւ երեսուն։

Verse: 8  Link to sept   Եւ որդիք փալլուսայ եղիաբ.

Verse: 9  Link to sept   եւ որդիք եղիաբու՝ յամուէլ, եւ դաթան եւ աբիրոն. սոքա էին անուանիք ժողովրդեանն. եւ սոքա են՝ որ յարեան ՛ի վ(ե)ր(այ) մովսիսի եւ ահարոնի ՛ի ժողովրդեանն կորխայ յարուցելոց հակառակ տ(եառ)ն,

Verse: 10  Link to sept   եւ բացեալ երկրի զբերան իւր եկո́ւլ զնոսա, եւ զկորխ՝ մահուամբ ժողովրդեանն իւրոյ. յորժամ եկեր հուր զերկերիւր եւ զյիսունսն. եւ եղեն ՛ի նշաւակ։

Verse: 11  Link to sept   եւ որդիքն կորխայ ո́չ մեռան։

Verse: 12  Link to sept   Եւ որդիք Շմաւոնի. եւ գունդք որդւոցն շմաւոնի, յամուէլ, եւ գունդ մի յամուէլի. յամին, եւ գունդ մի յամինայ. յաքին, եւ գունդ մի յաքինայ.

Verse: 13  Link to sept   զարա, եւ գունդ մի զարայի. մաւուլ, եւ գունդ մի մաւուլայ։

Verse: 14  Link to sept   Ա́յս են գունդք շմաւոնի ՛ի հանդիսի իւրեանց. քսանեւերկու հազարք եւ երեք հարիւր։

Verse: 19  Link to sept   Եւ որդիք Յուդայ՝ էր, եւ աւնան, եւ սելոմ, եւ փարէս, եւ զարա։ եւ մեռան՝ է́ր եւ աւնան յերկրին քանանացւոց։

Verse: 20  Link to sept   Եւ եղեն որդիք յուդայի ըստ գնդից իւրեանց. սելոմ, եւ գունդ մի սելոմայ. փարէս, եւ գունդ մի փարէսի. զարա, եւ գունդ մի զարայի։

Verse: 21  Link to sept   Եւ եղեն որդիք փարէսի. ասրոն, եւ գունդ մի ասրոնի. յամուէլ, եւ գունդ մի յամուէլի։

Verse: 22  Link to sept   Սոքա́ են գունդք յուդայ ըստ հանդիսի իւրեանց. եւթանասուն եւ վեց հազար եւ հինգհարիւր։

Verse: 23  Link to sept   Եւ որդիք Իսաքարու՝ ըստ գնդից իւրեանց. թովլա, եւ գունդ մի թովլայի. փուա, եւ գունդ մի փուայի.

Verse: 24  Link to sept   յասուր, եւ գունդ մի յասուրայ. ամրան, եւ գունդ մի ամրանայ։

Verse: 25  Link to sept   Սոքա́ են գունդք իսաքարու ՛ի հանդիսի իւրեանց. վաթսուն եւ չորք հազարք եւ երեք հարիւր։

Verse: 26  Link to sept   Եւ որդիք Զաբուղոնի՝ ըստ գնդից իւրեանց. սարեդ, եւ գունդ մի սարեդայ. ալլոն, եւ գունդ մի ալլոնի. աղէլ, եւ գունդ մի աղէլայ։

Verse: 27  Link to sept   Սոքա́ են գունդք զաբուղոնի ՛ի հանդիսէ իւրեանց. վաթսուն հազար եւ հինգ հարիւր։

Verse: 15  Link to sept   Եւ որդիք Գադայ՝ ըստ գնդից իւրեանց. սափոն, եւ գունդ մի սափոնայ. անգի, եւ գունդ մի անգեայ. սունի, եւ գունդ մի սունեայ.

Verse: 16  Link to sept   ազենի, եւ գունդ մի ազենեայ. ադդի, եւ գունդ մի ադդեայ.

Verse: 17  Link to sept   արուադի, եւ գունդն արուադեայ. արիէլ, եւ գունդ մի արիէլի։

Verse: 18  Link to sept   Սոքա́ են գունդք որդւոցն գադայ ՛ի հանդիսի իւրեանց. քառասուն եւ չորք հազարք եւ հինգհարիւր։

Verse: 44  Link to sept   Եւ որդիքն Ասերայ՝ ը(ս)տ գնդից իւրեանց. յամին, եւ գունդ մի յամինայ. յեսու, եւ գունդ մի յեսուայ. բարա, եւ գունդ մի բարայի.

Verse: 45  Link to sept   քոբէր, եւ գունդ մի քոբերայ. մելքիէլ, եւ գունդ մի մելքիելի։

Verse: 46  Link to sept   Եւ անուն դստերն ասերայ՝ սարա։

Verse: 47  Link to sept   Սոքա́ են գունդք ասերայ ՛ի հանդիսէ իւրեանց. քառասուն եւ երեք հազարք եւ վեցհարիւր։

Verse: 28  Link to sept   Եւ որդիք յովսեփայ ը(ս)տ գնդից իւրեանց՝ մանասէ, եւ եփրեմ։

Verse: 29  Link to sept   Եւ որդիք Մանասէի. մաքիր, եւ գունդ մի մաքիրայ։ եւ մաքիր ծնաւ զգաղաադ. գաղաադ, եւ գունդ մի գաղաադու։

Verse: 30  Link to sept   Եւ որդիք գաղաադու. աքիեզեր, եւ գունդ մի աքիեզերայ. քեղէգ, եւ գունդ մի քեղեգեայ.

Verse: 31  Link to sept   եսրիէլ, եւ գունդ մի եսրիելի. սիւքէմ, եւ գունդ մի սիւքեմայ.

Verse: 32  Link to sept   սիմայի, եւ գունդ մի սիմայեայ. ոփեր, եւ գունդ մի ոփերայ։

Verse: 33  Link to sept   սաղպաադայ որդւոյ սփերայ ո́չ եղեն ուստերք, այլ դստերք։ եւ անուն դստերացն սաղպաադայ. մաաղա, եւ նուա, եւ էգղա, եւ մեղքա, եւ թերսա։

Verse: 34  Link to sept   Ա́յս գունդք մանասէի ՛ի հանդիսէ իւրեանց. յիսուն եւ երկու հազարք եւ եւթնհարիւր։

Verse: 35  Link to sept   Եւ ա́յս են որդիք Եփրեմայ. սուտաղա, եւ գունդ մի սուտաղայի. տանաք, եւ գունդ մի տանաքայ։

Verse: 36  Link to sept   Սոքա́ են որդիք սուտաղայի. եդեն, եւ գունդ մի եդենայ։

Verse: 37  Link to sept   Ա́յս գունդք եփրեմայ ՛ի հանդիսէ իւրեանց. երեսուն եւ երեք հազարք եւ հինգ հարիւր։ սոքա́ են գունդք յովսեփայ ը(ս)տ գնդից իւրեանց։

Verse: 38  Link to sept   Եւ որդիք Բենիամինի ըստ գնդից իւրեանց. բալէ, եւ գունդ մի բալեայ. ասբեր, եւ գունդ մի ասբերայ. յաքերան, եւ գունդ մի յաքերանայ.

Verse: 39  Link to sept   սափան, եւ գունդ մի սափանայ։

Verse: 40  Link to sept   Եւ եղեն որդիք բալեայ. ադար, եւ նոյեման, եւ գունդ մի նոյեմանեայ։

Verse: 41  Link to sept   Ա́յս որդիք բենիամինի, ըստ գնդից իւրեանց ՛ի նադիսէ իւրեանց. երեսուն եւ հինգհազար եւ հինգհարիւր։

Verse: 42  Link to sept   Եւ որդիք Դանայ՝ ըստ գնդից իւրեանց. սամի, եւ գունդ մի սամեայ։ ա́յս են գունդք դանայ ըստ գնդից իւրեանց։

Verse: 43  Link to sept   ա(մենայ)ն գունդք սամեայ ըստ հանդիսի իւրեանց, վաթսուն եւ չորք հազարք եւ վեցհարիւր։

Verse: 48  Link to sept   Եւ որդիք Նեփթաղիմայ՝ ըստ գնդից իւրեանց. ասէլ, եւ գունդ մի ասելի. գաւնի, եւ գունդ մի գաւնեայ։

Verse: 49  Link to sept   յասեր, եւ գունդ մի յասերայ. սելլեմ, եւ գունդ մի սելլեմայ։

Verse: 50  Link to sept   Ա́յս գունդք նեփթաղիմայ ՛ի հանդիսէ իւրեանց, քառասուն հազար եւ երեք հարիւր։

Verse: 51  Link to sept   Ա́յս է հանդէս որդւոցն ի(սրաէ)լի. վեցհարիւր հազար, եւ հազար մի. եւ եւթն հարիւր եւ երեսուն։

Verse: 52  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 53  Link to sept   Դոցա́ բաժանեսցի երկիրն ժառանգել ը(ս)տ թուոյ անուանց.

Verse: 54  Link to sept   ըստ բազմաց՝ բազմացուսցե́ս զժառանգու(թ)ի(ւն)ն. եւ ը(ս)տ սակաւուց՝ սակաւացուսցես զժառանգու(թ)ի(ւն) իւրեանց։ իւրաքանչիւր ո(ր)պ(էս) եւ անցին ՛ի հանդիսի՝ տացի́ ժառանգութի(ւն)ն իւրեանց։

Verse: 55  Link to sept   Վիճակօք ժառանգեսցի երկիրն, ըստ անուանց, ըստ ցեղից նահապետաց իւրեանց ժառանգեսցեն։

Verse: 56  Link to sept   վիճակաւ բաժանեսցեն զժառանգութի(ւն) ն(ո)ց(ա) ՛ի մէջ բազմաց եւ սակաւուց։

Verse: 57  Link to sept   Եւ որդիքն Ղեւեայ ըստ գնդից իւրեանց. գեթսոն, եւ գունդ մի գեթսոնի. կահաթ, եւ գունդ մի կահաթու. մերարի, եւ գունդ մի մերարեայ։

Verse: 58  Link to sept   Սոքա́ են գունդք որդւոց ղեւեայ. գունդ մի ղուբինի, եւ գունդ մի քեբրոնի. եւ գունդ մի կորխ. գունդ մի մուսի։ Եւ կահաթ ծնաւ զամրամ.

Verse: 59  Link to sept   եւ անուն կնոջ ն(ո)ր(ա) յովքաբեթ՝ դուստր ղեւեայ. որ ծնաւ զսոսա ղեւեայ յեգիպտոս։ եւ ծնաւ ամրամայ զահարոն, եւ զմովսէս, եւ զմարիամ քոյր ն(ո)ց(ա)։

Verse: 60  Link to sept   Եւ ծնան ահարոնի նաբադ եւ աբիուդ, եղիազար եւ իթամար։

Verse: 61  Link to sept   եւ մեռան նաբադ եւ աբիուդ, ՛ի մատուցանել իւրեանց զհուրն օտար առաջի տ(եառ)ն յանապատին սինայի։

Verse: 62  Link to sept   Եւ եղեն ՛ի հանդիսէն իւրեանց քսան եւ երեք հազարք. ա(մենայ)ն արու յամսօրէից եւ ՛ի վեր։ քանզի ո́չ անցին ՛ի հանդիսի ՛ի մէջ որդւոց ի(սրաէ)լի. զի ո́չ էր նոցա տուեալ վիճակ ՛ի մէջ որդւոցն ի(սրաէ)լի։

Verse: 63  Link to sept   Եւ ա́յս է հանդէս մովսիսի եւ եղիազարու քահանայի. որ արարին հանդէս որդւոցն ի(սրաէ)լի յռաբովթ մովաբու առ յորդանանու՝ յանդիման երեքոյի։

Verse: 64  Link to sept   Եւ ընդ նոսա մի այր ո́չ գոյր յանցելոցն ՛ի հանդիսի ՛ի մովսիսէ եւ յահարոնէ՝ զոր արարին հանդէս որդւոցն ի(սրաէ)լի յանապատին սինայի։

Verse: 65  Link to sept   Քանզի ասաց զնոցանէ տ(է)ր թէ մահո́ւ մեռանիցին յանապատին, եւ ո́չ մնաց ՛ի նոցանէ եւ ո́չ մի. բայց քաղէբ որդի յեփոնեայ, եւ յեսու որդի նաւեայ։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Եւ մատեան դստերքն սաղպաադու որդւոյ ոփերայ, որդւոյ գաղաադու, որդւոյ մաքիրայ, ՛ի գնդէն մանասէի որդւոցն յովսեփայ. եւ այս են անուանք ն(ո)ց(ա). մաաղա, եւ նուա, եւ եգղա, եւ մեղքա, եւ թերսա։

Verse: 2  Link to sept   Կացին առաջի մովսիսի եւ առաջի եղիազարու քահանայի եւ առաջի իշխանացն, եւ առաջի ա(մենայ)ն ժողովրդեանն ՛ի դրան խորանին վկայութե(ան)՝ եւ ասեն։

Verse: 3  Link to sept   Հա́յր մեր մեռաւ յանապատի անդ. եւ նա ո́չ էր ՛ի մէջ ժողովրդեանն գումարելոց առաջի տ(եառ)ն ՛ի ժողովրդեանն կորխայ, որ վ(ա)ս(ն) մեղաց իւրոց մեռաւ. եւ որդիք՝ ո́չ են ն(ո)ր(ա).

Verse: 4  Link to sept   Եւ արդ՝ մի́ ջնջեսցի անուն հօր մերոյ ՛ի միջոյ ցեղի իւրոյ՝ վ(ա)ս(ն) զի ո́չ գոյր ն(ո)ր(ա) որդի. տո́ւք մեզ ժառանգութի(ւն) ՛ի մէջ եղբարց հօր մերոյ։

Verse: 5  Link to sept   Եւ մատոյց մովսէս զդատաստան ն(ո)ց(ա) առաջի տ(եառ)ն։

Verse: 6  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 7  Link to sept   ուղի́ղ խօսեցան դստերքն սաղպաադու. տալով տացե́ս նոցա կալուածս ժառանգու(թ)ե(ան) ՛ի մէջ եղբարց հօր իւրեանց, եւ դիցես զվիճակ հօրն իւրեանց զնոքօք։

Verse: 8  Link to sept   Եւ ընդ որդիսն ի(սրաէ)լի խօսեսցիս եւ ասասցես. ա́յր ոք՝ եթէ մեռանիցի, եւ ուստր ո́չ գուցէ նորա, տացէ́ զժառանգութի(ւն) իւր դստեր իւրում։

Verse: 9  Link to sept   եւ եթէ ո́չ գուցէ ն(ո)ր(ա) դուստր, տաջի́ք զժառանգութի(ւն) ն(ո)ր(ա) եղբօր իւրում։

Verse: 10  Link to sept   Եւ եթէ ո́չ գուցեն ն(ո)ր(ա) եղբարք, տաջի́ք զժառանգութի(ւն) ն(ո)ր(ա) հօրեղբօր իւրոյ.

Verse: 11  Link to sept   եւ եթէ ո́չ գուցեն եղբարք հօր ն(ո)ր(ա), տաջի́ք զժառանգու(թ)ի(ւն)ն ընտանւոյ մերձաւորի նորա. ՛ի ցեղէ́ն ն(ո)ր(ա) ժառանգեսցէ զնորայն. եւ եղիցի ա́յդ որդւոցն իսրայէլի իրաւո́ւնք դատաստանի, որպէս հրաման ետ տ(է)ր մովսիսի։

Verse: 12  Link to sept   Եւ ասէ տ(է)ր ցմովսէս. ե́լ դու ՛ի լեառնն որ յայնկոյս է՝ ՛ի լեա́ռն ՛ի նաբաւ՝ եւ տե́ս զերկիրն քանանացւոց զոր ե́ս տաց որդւոցն ի(սրաէ)լի ՛ի կալուած.

Verse: 13  Link to sept   տեսցե́ս զնա՝ եւ յաւելցիս առ ժողովուրդ քո եւ դո́ւ, ո(ր)պ(էս) յաւելաւ ահարոն եղբայր քո ՛ի հովր լերինն։

Verse: 14  Link to sept   Վասն զի անցէք զբանիւ իմով յանապատին ՛ի սին. ՛ի հակառակել ժողովրդեանն առ ՛ի ս(ուր)բ առնելոյ զիս. եւ ո́չ արարէք զիս ս(ուր)բ ՛ի վ(ե)ր(այ) ջրոցն յանդիման ն(ո)ց(ա). ա́յն է ջուր հակառակութե(ան) յանապատին ՛ի սին։

Verse: 15  Link to sept   Եւ ասէ մովսէս ցտ(է)ր.

Verse: 16  Link to sept   տեսցէ́ տ(է)ր ա(ստուա)ծ հոգւոց եւ ա(մենայ)ն մարմնոյ՝ ա́յր ՛ի վ(ե)ր(այ) ժողովրդեանս այսորիկ,

Verse: 17  Link to sept   որ ելանիցէ առաջի սոցա, եւ որ հանիցէ եւ մուծանիցէ զսոսա. եւ մի́ լինիցի ժողովուրդս տ(եառ)ն իբրեւ զոչխար՝ որոց ո́չ իցէ հովիւ։

Verse: 18  Link to sept   Եւ խօսեցաւ տ(է)ր ընդ մովսիսի՝ եւ ասէ. ա́ռ դու քեզ զյեսու որդի նաւեայ՝ զայր յորում գո́յ հոգի, եւ դիցես զձեռս քո ՛ի վ(ե)ր(այ) ն(ո)ր(ա).

Verse: 19  Link to sept   եւ կացուսցես զնա յանդիման եղիազարու քահանայի. եւ պատուիրեսցես վ(ա)ս(ն) ն(ո)ր(ա) յանդիման ն(ո)ց(ա).

Verse: 20  Link to sept   եւ տացե́ս ՛ի փառաց քոց ՛ի վերայ ն(ո)ր(ա), զի լուիցեն նմա որդիքն ի(սրաէ)լի։

Verse: 21  Link to sept   Եւ կացցէ առաջի եղիազարու քահանայի, եւ հարցցե́ն ՛ի նմանէ զիրաւունս յայտնութե(ան)ց առաջի տ(եառ)ն, ըստ բանի բերանոյ ն(ո)ր(ա) ելանիցեն, եւ ըստ բանի բերանոյ նորա մտանիցեն. ինքն եւ որդի́քն ի(սրաէ)լի միաբան, եւ ա(մենայ)ն ժողովուրդն։

Verse: 22  Link to sept   Եւ արար մովսէս ո(ր)պ(էս) պատուիրեաց նմա տ(է)ր. եւ առեալ զյեսու կացոյց առաջի եղիազարու որդւոյ ահարոնի քահանայի, եւ առաջի ա(մենայ)ն ժողովրդեանն.

Verse: 23  Link to sept   եւ եդ զձեռս իւր ՛ի վերայ ն(ո)ր(ա), եւ արար զնա յանձն՝ որպէս պատուիրեաց տ(է)ր մովսիսի։



Chapter: 28 
ԳԼ(ՈՒԽ) Ի՜Ը.


Verse: 1  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   Պատուիրեա́ որդւոցն ի(սրաէ)լի, եւ ասասցես ցն(ո)ս(ա). զպատարագս իմ եւ զդահամունս իմ, եւ զընծայս իմ ՛ի հոտ անուշից՝ զգուշասջիք մատուցանե́լ ՛ի տօնս իմ։

Verse: 3  Link to sept   Եւ ասասցե́ս ցն(ո)ս(ա). ա́յս են ընծայք զոր մատուցանիցէք տ(եառ)ն. գառինս երկուս անարատս հանապազ յողջակէզ անպակաս։

Verse: 4  Link to sept   զմի գառնն արասցե́ս ընդ առաւօտս, եւ զերկրորդ գառնն արասցես ընդ երեկոյս։

Verse: 5  Link to sept   Եւ արասցես տասանո́րդ դրուի նաշիհ զանգեալ իւղով մղելով՝ չորրորդաւ դորակի,

Verse: 6  Link to sept   ողջակէզ անպակասութե(ան). ո(ր)պ(էս) լինէր ՛ի լերինն սինայի ՛ի հո́տ անուշից տ(եառ)ն։

Verse: 7  Link to sept   Եւ նուէր նորուն չորրորդ դորակին առ մի գառն ՛ի սրբութե(ա)ն. եւ նուիրեսցե́ս զնուէրն ըմպելի տ(եառ)ն։

Verse: 8  Link to sept   եւ զգառնն երկրորդ արասցես ընդ երեկոյս. ըստ զոհին իւրում եւ ըստ նուիրին իւրում արասջիք ՛ի հո́տ անուշից տ(եառ)ն։

Verse: 9  Link to sept   Եւ յաւուրն շաբաթուց մատուսջիք երկո́ւս գառինս տարեւորս անարատս, եւ երկո́ւս տասանորդս նաշհւոյ զանգելոյ իւղով ՛ի զոհ.

Verse: 10  Link to sept   եւ զնուէ́ր ողջակիզին շաբաթուց ՛ի շաբաթս, եւ ՛ի վ(ե)ր(այ) հանապազորդ ողջակիզին, եւ զնորո́ւն նուէր։

Verse: 11  Link to sept   Եւ յամսամուտս մատուսջիք ողջակէզս տ(եառ)ն, զուարակս երկուս յանդւոյ, եւ խոյ մի. գառինս տարեւորս եւթն.

Verse: 12  Link to sept   եւ երի́ս տասանորդս նաշհւոյ զանգելոյ իւղով առ զուարակ մի. եւ երկուս տասանորդս նաշհւոյ զանգեալ իւղով առ խոյ մի։

Verse: 13  Link to sept   եւ տասանորդ նաշհւոյ զանգեալ իւղով առ գառն մի, ՛ի հո́տ անուշից ընծայ տ(եառ)ն։

Verse: 14  Link to sept   Եւ նուէր ն(ո)ց(ա) կէ́ս դորակին գինւոյ լիցի առ զուարակ մի, եւ երրորդ դորակին լիցի առ խո́յ մի, եւ չորրորդ դորակին լիցի առ գա́ռն մի։ ա́յս ողջակէզք իցեն ամիս յամսոյ՝ յամիսս տարւոյն։

Verse: 15  Link to sept   եւ նոխա́զ մի յայծեաց տ(եառ)ն, վ(ա)ս(ն) մեղաց իւրեանց ՛ի վ(ե)ր(այ) հանապազո́րդ ողջակիզին առնիցի, եւ նուէրն ն(ո)ր(ա)։

Verse: 16  Link to sept   Եւ յամսեանն առաջնում, ՛ի չորեքտասաներորդում աւուր ամսեանն՝ զատի́կ տ(եառ)ն.

Verse: 17  Link to sept   եւ ՛ի հնգետասաներորդում աւուր նորո́ւն ամսոյ՝ տօն. զեւթն օր բաղա́րջ կերիջիք.

Verse: 18  Link to sept   եւ օրն առաջին կոչեցեալ սո́ւրբ լիցի ձեզ. զա(մենայ)ն գործ սպասաւորութե(ան) մի́ գործիցէք։

Verse: 19  Link to sept   Եւ մատուսջի́ք ողջակէզս եւ ընծայս տ(եառ)ն. զուարակս երկուս յանդւոյ, եւ խոյ մի. գառինս տարեւորս անարատս եւթն։

Verse: 20  Link to sept   Եւ զո́հ ն(ո)ց(ա), նաշիհ զանգեալ իւղով՝ երի́ս տասանորդս առ զուարակ մի. եւ երկո́ւս տասանորդս առ խոյ մի։

Verse: 21  Link to sept   եւ տասանորդ տասանորդ արասցես առ գառն մի եւթանեցունց գառանցն.

Verse: 22  Link to sept   եւ նոխա́զ մի յայծեաց վ(ա)ս(ն) մեղաց, քաւե́լ վ(ա)ս(ն) ն(ո)ց(ա).

Verse: 23  Link to sept   թո́ղ զհանապազորդ առաւօտին ողջակէզն, որ է ողջակէզ յաճախու(թ)ե(ան)։

Verse: 24  Link to sept   Զայս ըստ ա́յսմ օրինակի արասջի́ք աւուր աւուր՝ զեւթն օր, պատարագ ողջակէզ ՛ի հոտ անուշից տ(եառ)ն. ՛ի վ(ե)ր(այ) հանապազորդ ողջակիզին առնիցէք զնուէր նորին։

Verse: 25  Link to sept   եւ օրն եւթներորդ կոչեցեալ սո́ւրբ եղիցի ձեզ. զա(մենայ)ն գործ սպասաւորու(թ)ե(ան) մի́ գործիցէք ՛ի նմա։

Verse: 26  Link to sept   Եւ յաւուրն նուիրեաց յորժամ մատուցանիցէք զոհ տ(եառ)ն զեւթներորդացն, կոչեցեալ սո́ւրբ եղիցի ձեզ. զա(մենայ)ն գործ սպասաւորութե(ան) մի́ գործիցէք։

Verse: 27  Link to sept   Եւ մատուսջիք ողջակէ́զս ՛ի հոտ անուշից տ(եառ)ն. զուարակս երկուս յանդւոյ եւ խոյ մի, գառինս տարեւորս անարատս եւթն։

Verse: 28  Link to sept   Եւ զո́հ ն(ո)ց(ա) նաշիհ զանգեալ իւղով երե́ք տասանորդք առ զուարակ մի, եւ երկու տասանորդք առ խոյ մի,

Verse: 29  Link to sept   եւ տասանորդ տասանորդ առ գառն մի, եւթանեցունց գառանցն.

Verse: 30  Link to sept   եւ նոխազ մի յայծեաց վ(ա)ս(ն) մեղաց, քաւել վ(ա)ս(ն) ձեր. թո́ղ զհանապազորդ ողջակէզն,

Verse: 31  Link to sept   եւ զզոհս ն(ո)ց(ա) զոր առնիցէք, եւ զնուէրս ն(ո)ց(ա). եւ անարա́տք լինիցին ձեզ։



Chapter: 29 
ԳԼ(ՈՒԽ) Ի՜Թ.


Verse: 1  Link to sept   Եւ յամսեանն եւթներորդի որ օր մի́ իցէ ամսոյն, եւ կոչեցեալ սո́ւրբ եղիցի ձեզ. զա(մենայ)ն գործ սպասաւորութե(ան) մի́ գործիցէք. օ́ր նշանակելոյ եղիցի ձեզ։

Verse: 2  Link to sept   Եւ արասջիք ողջակէ́զ ՛ի հոտ անուշից տ(եառ)ն. զուարակ մի յանդւոյ, խոյ մի, գառինս տարեւորս անարատս եւթն.

Verse: 3  Link to sept   եւ զո́հ ն(ո)ց(ա) նաշիհ զանգեալ իւղով, երի́ս տասանորդս առ զուարակ մի, եւ երկուս տասանորդս առ խոյ մի.

Verse: 4  Link to sept   եւ տասանորդ տասանորդ առ գառն մի եւթանեցունց գառանցն.

Verse: 5  Link to sept   եւ նոխազ մի յայծեաց վ(ա)ս(ն) մեղաց՝ քաւե́լ վ(ա)ս(ն) ձեր։

Verse: 6  Link to sept   թո́ղ զողջակէզն ամսամտիցն, եւ զոհքն ն(ո)ց(ա), եւ նուէրք իւրեանց ըստ պայմանի́ իւրեանց ՛ի հոտ անուշից տ(եառ)ն։

Verse: 7  Link to sept   Եւ ՛ի տասներորդի նորին ամսոյ, կոչեցեալ սո́ւրբ եղիցի ձեզ, եւ լլկեսջի́ք զանձինս ձեր. զա(մենայ)ն գործ սպասաւորութե(ան) մի́ գործիցէք։

Verse: 8  Link to sept   մատուսջի́ք ողջակէզս ՛ի հոտ անուշից ընծայս տ(եառ)ն. զուարակ մի յանդւոյ, խոյ մի, գառինս տարեւորս անարատս եւթն.

Verse: 9  Link to sept   եւ զոհ ն(ո)ց(ա) նաշիհ զանգեալ իւղով, երիս տասանորդս առ զուարակ մի, եւ երկուս տասանորդս առ խոյ մի.

Verse: 10  Link to sept   եւ տասանորդ տասանորդ առ գառն մի, եւթանեցունց գառանցն։

Verse: 11  Link to sept   եւ նոխազ մի յայծեաց վ(ա)ս(ն) մեղաց՝ քաւե́լ վ(ա)ս(ն) ձեր. թո́ղ զվ(ա)ս(ն) մեղացն եւ քաւու(թ)ե(ան), եւ զողջակէզսն հանապազորդս՝ եւ զզոհս ն(ո)ր(ա). եւ զնուէր նորին ըստ պայմանի իւրում ՛ի հոտ անուշից ընծա́յ տ(եառ)ն։

Verse: 12  Link to sept   Եւ յաւուրն հնգետասաներորդի նորին եւթներորդի ամսոյ, կոչեցեալ սո́ւրբ եղիցի ձեզ. զա(մենայ)ն գործ սպասաւորութե(ան) մի́ գործիցէք, եւ տօնեսջի́ք զնա տօն տ(եառ)ն զեւթն օր։

Verse: 13  Link to sept   եւ մատուսջիք ողջակէ́զս ընծայս ՛ի հոտ անուշից տ(եառ)ն։ Յաւուրն առաջնում զուարակս յանդւոյ երեքտասան. խոյս երկուս. գառինս տարեւորս չորեքտասան, անարա́տք լինիցին։

Verse: 14  Link to sept   եւ զոհք ն(ո)ց(ա) նաշի́հ զանգեալ իւղով, երիս տասանորդս առ զուարակ մի, երեքտասանեցունց զուարակացն. եւ երկուս տասանորդս առ խոյ մի, երկոցունց խոյոցն.

Verse: 15  Link to sept   եւ տասանորդ տասանորդ առ մի մի գառն չորեքտասանեցունց գառանցն։

Verse: 16  Link to sept   եւ նոխազ մի յայծեաց վ(ա)ս(ն) մեղաց։ թո́ղ զհանապազորդ ողջակէզս եւ զզոհս եւ զնուէրս ն(ո)ց(ա)։

Verse: 17  Link to sept   Եւ յաւուրն երկրորդի զուարակս երկոտասան, խոյս երկուս, գառինս տարեւորս անարատս չորեքտասան։

Verse: 18  Link to sept   եւ զո́հք նոցա՝ եւ նուէրք զուարակին, եւ խոյոցն, եւ գառանցն՝ ըստ թուոյ ն(ո)ց(ա) եւ ըստ պայմանի իւրեանց։

Verse: 19  Link to sept   եւ նոխազ մի յայծեաց վ(ա)ս(ն) մեղաց. թո́ղ զհանապազորդ ողջակէզն, եւ զզոհս նոցա, եւ զնուէրս իւրեանց։

Verse: 20  Link to sept   Եւ յաւուրն երրորդի զուարա́կս մետասան, եւ խոյս երկուս. գառինս տարեւորս անարատս չորեքտասան.

Verse: 21  Link to sept   եւ զոհ ն(ո)ց(ա) եւ նուէր զուարակացն, եւ խոյոցն, եւ գառանց, ըստ թուոյ ն(ո)ց(ա).

Verse: 22  Link to sept   եւ քօշ մի յայծեաց վ(ա)ս(ն) մեղաց. թո́ղ զհանապազորդ ողջակէզս նոցա, եւ զնուէրս իւրեանց։

Verse: 23  Link to sept   Եւ յաւուրն չորրորդի զուարակս տասն, եւ խոյս երկուս. գառինս տարեւորս անարատս չորեքտասան.

Verse: 24  Link to sept   եւ զոհք ն(ո)ց(ա) եւ նուէրք զուարակացն, եւ խոյոցն, եւ գառանց, ըստ թուոյ ն(ո)ց(ա) եւ ըստ պայմանի իւրեանց.

Verse: 25  Link to sept   եւ նոխազ մի յայծեաց վ(ա)ս(ն) մեղաց. թո́ղ զհանապազորդ ողջակէզս, եւ զզոհս ն(ո)ց(ա), եւ զնուէրս իւրեանց։

Verse: 26  Link to sept   Եւ յաւուրն հինգերորդի զուարակս ինն, եւ խոյս երկուս, որոջս տարեւորս անարատս չորեքտասան.

Verse: 27  Link to sept   եւ զոհք ն(ո)ց(ա) եւ նուէրք զուարակացն եւ խոյոց, եւ գառանց, ըստ թուոյ ն(ո)ց(ա), եւ ըստ պայմանի իւրեանց.

Verse: 28  Link to sept   եւ նոխազ մի յայծեաց վ(ա)ս(ն) մեղաց. թո́ղ զհանապազորդ ողջակէզսն, եւ զզոհս ն(ո)ց(ա), եւ զնուէրս իւրեանց։

Verse: 29  Link to sept   Եւ յաւուրն վեցերորդի զուարակս ութ, խոյս երկուս, գառինս տարեւորս անարատս չորեքտասան.

Verse: 30  Link to sept   եւ զոհք ն(ո)ց(ա) եւ նուէրք զուարակացն, եւ խոյոց, եւ գառանց, ըստ թուոյ ն(ո)ց(ա), եւ ըստ պայմանի իւրեանց.

Verse: 31  Link to sept   եւ նոխազ մի յայծեաց վ(ա)ս(ն) մեղաց. թո́ղ զհանապազորդ ողջակէզսն, եւ զզոհս ն(ո)ց(ա), եւ զնուէրս իւրեանց։

Verse: 32  Link to sept   Եւ յաւուրն եւթներորդի զուարակս եւթն, խոյս երկուս, գառինս տարեւորս անարատս չորեքտասան.

Verse: 33  Link to sept   եւ զոհք ն(ո)ց(ա) եւ նուէրք զուարակացն, եւ խոյոց, եւ գառանց, ըստ թուոյ ն(ո)ց(ա), եւ ըստ պայմանի իւրեանց.

Verse: 34  Link to sept   եւ նոխազ մի յայծեաց վ(ա)ս(ն) մեղաց. թո́ղ զհանապազորդ ողջակէզսն, եւ զզոհս ն(ո)ց(ա), եւ զնուէրս իւրեանց։

Verse: 35  Link to sept   Եւ յաւուրն ութերորդի ե́լք լիցին ձեզ. զա(մենայ)ն գործ սպասաւորութե(ան) մի́ գործիցէք ՛ի նմա։

Verse: 36  Link to sept   եւ մատուսջիք ողջակէզս ՛ի հոտ անուշից ընծայս տ(եառ)ն, զուարակ մի, խոյ մի, գառինս տարեւորս անարատս եւթն.

Verse: 37  Link to sept   եւ զոհք ն(ո)ց(ա) եւ նուէրք զուարակիցն, եւ խոյից, եւ գառանց, ըստ թուոյ ն(ո)ց(ա), եւ ըստ պայմանի իւրեանց.

Verse: 38  Link to sept   եւ նոխազ մի յայծեաց վ(ա)ս(ն) մեղաց. թո́ղ զհանապազորդ ողջակէզսն, եւ զզոհս ն(ո)ց(ա), եւ զնուէրս իւրեանց։

Verse: 39  Link to sept   Զա́յս առնիցէք ՛ի տօնս ձեր տ(եառ)ն. թո́ղ զուխտսն ձեր, եւ զողջակէզսն ձեր, եւ զկամայականսն ձեր, եւ զզոհսն ձեր, եւ զնուէրսն ձեր, եւ զփրկու(թ)ի(ւն)ն ձեր։



Chapter: 30 
ԳԼ(ՈՒԽ) Լ՜.


Verse: 1  Link to sept   Եւ խօսեցաւ մովսէս ընդ որդիսն ի(սրաէ)լի՝ որպէս պատուիրեաց տ(է)ր մովսիսի։

Verse: 2  Link to sept   եւ խօսեցաւ մովսէս ընդ իշխանս որդւոցն ի(սրաէ)լի՝ եւ ասէ. Ա́յս բան է՝ զոր հրամայեաց տ(է)ր։

Verse: 3  Link to sept   ա́յր ոք ա́յր՝ եթէ ուխտիցէ ուխտ տ(եառ)ն, կամ երդնուցու երդումն սահմանու, կամ սահմանիցէ ինչ վ(ա)ս(ն) անձին իւրոյ, մի́ արասցէ ապա́խտ զբան իւր. այլ զա(մենայ)ն ինչ որ ելանիցէ ՛ի բերանոյ իւրմէ՝ արասցէ́։

Verse: 4  Link to sept   Եւ եթէ կին ոք՝ ուխտիցէ ուխտ տ(եառ)ն, կամ սահմանիցէ սահման ինչ ՛ի տան հօր իւրոյ ՛ի մանկու(թ)ե(ան) իւրում.

Verse: 5  Link to sept   եւ լսիցէ հայր ն(ո)ր(ա) զուխտս ն(ո)ր(ա), եւ զսահմանս ն(ո)ր(ա) զոր սահմանեաց զանձնէ իւրմէ, եւ լռեսցէ նմա հայր ն(ո)ր(ա), կացցեն ա(մենայ)ն ուխտք ն(ո)ր(ա). եւ ա(մենայ)ն սահմանքն զոր սահմանեաց զանձէ իւրմէ՝ հաստատեսցին նմա։

Verse: 6  Link to sept   Եւ եթէ ո́չ առնուցու յանձն հայր ն(ո)ր(ա)՝ յաւուր յորում լսիցէ զա(մենայ)ն ուխտս նորա, եւ զսահմանսն զոր սահմանեաց զանձնէ իւրմէ, մի́ կացցեն։ եւ տ(է)ր անպա́րտ արասցէ զնա, զի ո́չ առ յանձն հայր ն(ո)ր(ա)։

Verse: 7  Link to sept   Ապա թէ լինելով լինիցի ա́ռն, եւ ուխտք իւր ՛ի նմա́ իցեն ըստ ուխտելոյ շրթանց իւրոց, զոր սահմանեաց զանձնէ իւրմէ.

Verse: 8  Link to sept   եւ լսիցէ այրն ն(ո)ր(ա), եւ լռիցէ նմա յաւուրն յորում լսիցէ, ա́յնպէս կացցեն ա(մենայ)ն ուխտք ն(ո)ր(ա), եւ սահմանքն ն(ո)ր(ա)՝ զոր սահմանեաց զանձնէ իւրմէ, հաստատեսցին։

Verse: 9  Link to sept   Ապա թէ ո́չ առնուցու յանձն այր ն(ո)ր(ա)՝ յաւուր յորում լսիցէն, ա(մենայ)ն ուխտքն ն(ո)ր(ա) եւ ա(մենայ)ն սահմանքն զոր սահմանեաց զանձնէ իւրմէ, մի́ հաստատեսցին։ զի այրն ո́չ առ յանձն. եւ տ(է)ր անպա́րտ արասցէ զնա։

Verse: 10  Link to sept   Եւ ուխտք այրւո́յ կամ հանելոյ, զոր ուխտիցէ զանձնէ իւրմէ՝ հաստատեսցին նմա։

Verse: 11  Link to sept   Ապա թէ ՛ի տան ա́ռն իւրոյ իցեն ուխտք ն(ո)ր(ա), կամ սահմանն զոր սահմանիցէ երդմամբ զանձնէ իւրմէ.

Verse: 12  Link to sept   եւ լսիցէ այր ն(ո)ր(ա) եւ լռիցէ նմա, եւ առնուցու նմա յանձն, կացցե́ն ա(մենայ)ն ուխտք ն(ո)ր(ա). եւ ա(մենայ)ն սահմանք ն(ո)ր(ա)՝ զոր սահմանեաց զանձնէ իւրմէ՝ հաստատեսցի́ն նմա։

Verse: 13  Link to sept   Եւ եթէ խափանելով խափանեսցէ́ այրն ն(ո)ր(ա)՝ յորում աւուր լսիցէ զա(մենայ)ն ինչ որ ելանիցէ ՛ի շրթանց ն(ո)ր(ա)՝ ըստ ուխտի́ց ն(ո)ր(ա) եւ ըստ սահմանացն ն(ո)ր(ա) զանձնէ իւրմէ, մի́ հաստատեսցի նմա. զի այր ն(ո)ր(ա) զանցո́յց. եւ տ(է)ր անպա́րտ արասցէ զնա։

Verse: 14  Link to sept   Զամենայն ուխտ, եւ զա(մենայ)ն երդումն կապոյ առ լլկելո́յ զանձն, ա́յր ն(ո)ր(ա) հաստատեսցէ նմա, եւ ա́յր ն(ո)ր(ա) զանցուսցէ։

Verse: 15  Link to sept   Եւ եթէ լռելով լռեսցէ նմա. օրըստօրէ հաստատեսցէ́ նմա զա(մենայ)ն ուխտսն իւր, եւ զսահմանսն կացուսցէ́ նմա. վ(ա)ս(ն) զի լռեաց նմա յաւուրն յորում լուաւ։

Verse: 16  Link to sept   եւ եթէ զանցուցանելով զանցուսցէ́ այրն ն(ո)ր(ա) յետ աւուրն յորում լուաւ, ընկալցի́ զմեղս իւր։

Verse: 17  Link to sept   Ա́յս իրաւունք են զոր պատուիրեաց տ(է)ր մովսիսի, ընդ ա́յր եւ ընդ կին իւր. ընդ հա́յր եւ ընդ դուստր իւր՝ ՛ի մանկւոթե(ա)ն ՛ի տան հօր իւրոյ։



Chapter: 31 
ԳԼ(ՈՒԽ) Լ՜Ա.


Verse: 1  Link to sept   Խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   ա́ռ զվրէժ որդւոցդ ի(սրաէ)լի ՛ի մադիանացւոցն. եւ ապա յաւելցիս ՛ի ժողովուրդ քո։

Verse: 3  Link to sept   Եւ խօսեցաւ մովսէս ընդ ժողովրդեանն՝ եւ ասէ. վառեցէ́ք ՛ի ձէնջ արս՝ ճակատել առաջի տ(եառ)ն ՛ի վերայ մադիամու. հասուցանել զվրէժ ՛ի տն(թեն)է մադիամու.

Verse: 4  Link to sept   հազա́ր այր ՛ի ցեղէ, յա(մենայ)ն ցեղիցն ի(սրաէ)լի, առաքեցէ́ք տալ պատերազմ։

Verse: 5  Link to sept   Եւ համարեցան ՛ի հազարաւորացն ի(սրաէ)լի հազա́ր այր ՛ի ցեղէ. երկոտասա́ն հազար վառեալ ՛ի պատերազմ։

Verse: 6  Link to sept   Եւ արձակեաց զն(ո)ս(ա) մովսէս, հազա́ր այր ՛ի ցեղէ հանդերձ զօրու իւրեանց. եւ զփենէէս որդի եղիազարու որդւոյ ահարոնի քահանայի, եւ զսպասն սրբու(թ)ե(ան), եւ փողքն ազդեցու(թ)ե(ան) ՛ի ձեռս ն(ո)ց(ա)։

Verse: 7  Link to sept   Եւ ճակատեցան ընդդէմ մադիանացւոցն. ո(ր)պ(էս) հրամայեաց տ(է)ր մովսիսի։ Եւ կոտորեցին զա(մենայ)ն արու,

Verse: 8  Link to sept   եւ զթագաւորսն մադիանացւոց կոտորեցին հանդերձ վիրաւորօք ն(ո)ց(ա). եւ զեւին, եւ զսուր, եւ զրոկոմ, եւ զուր, եւ զռոբոք, զհինգ թագաւորս մադիամու։ եւ զբաղաամ որդի բէովրայ սպանին սրով, հանդերձ վիրաւորօք ն(ո)ց(ա)։

Verse: 9  Link to sept   Եւ զկանայս մադիամու, եւ զաղխն ն(ո)ց(ա), եւ զանասուն ն(ո)ց(ա), եւ զա(մենայ)ն ստացուածս ն(ո)ց(ա), եւ զզօրս ն(ո)ց(ա) առին յաւարի։

Verse: 10  Link to sept   եւ զա(մենայ)ն քաղաքս նոցա տամբք իւրեանց, եւ զաւանս ն(ո)ց(ա) հրձի́գ արարին.

Verse: 11  Link to sept   եւ առին զա(մենայ)ն աւար ն(ո)ց(ա). եւ զա(մենայ)ն կապուտ ն(ո)ց(ա) ՛ի մարդոյ մինչեւ յանասունս։

Verse: 12  Link to sept   Եւ ածին առ մովսէս եւ առ եղիազար քահանայ, եւ առ ա(մենայ)ն որդիսն ի(սրաէ)լի, զգերին եւ զկապուտ եւ զաւար բանակին յռաբովթ մովաբ, որ է յանդիման երեքոյի առ եզերբ յորդանանու։

Verse: 13  Link to sept   Եւ ելին մովսէս եւ եղիազար քահանայ, եւ ա(մենայ)ն իշխանք ժողովրդեանն ընդ առաջ ն(ո)ց(ա) արտաքո́յ բանակին։

Verse: 14  Link to sept   եւ բարկացաւ մովսէս ՛ի վ(ե)ր(այ) ոստիկանաց զօրուն՝ հազարապետաց եւ հարիւրապետաց, եկելոց ՛ի ճակատէ պատերազմին։

Verse: 15  Link to sept   Եւ ասէ ցն(ո)ս(ա) մովսէս. ընդէ՞ր ապրեցուցէք զա(մենայ)ն էգ.

Verse: 16  Link to sept   զի նոքա́ էին որդւոցն ի(սրաէ)լի ը(ս)տ բանիցն բաղաամու, առ ՛ի վրիպեցուցանելոյ, եւ արհամարհելոյ զբան տ(եառ)ն վ(ա)ս(ն) փոգովրայ. եւ եղեւ հարուած ՛ի ժողովրդեանն տ(եառ)ն։

Verse: 17  Link to sept   Եւ արդ՝ կոտորեցէ́ք զա(մենայ)ն արու յա(մենայ)ն աղխիդ. եւ զա(մենայ)ն կին որոյ գիտացեալ է զարութի(ւն) արուի՝ կոտորեցէ́ք։

Verse: 18  Link to sept   եւ զա(մենայ)ն զաղխ կանանց, որ ո́չ իցէ գիտացեալ զարութի(ւն) արուի՝ ապրեցուցէ́ք։

Verse: 19  Link to sept   Եւ դուք բնակեցարո́ւք արտաքոյ բանակին զեւթն օր։ ա(մենայ)նի որոյ սոանեա́լ իցէ եւ մերձեալ ՛ի վիրաւոր, սրբեսցի́ յաւուրն երրորդի, եւ յաւուրն եւթներորդի. դո́ւք եւ գերիդ ձեր։

Verse: 20  Link to sept   եւ ա(մենայ)ն հանդերձ, եւ ա(մենայ)ն անօթ մաշկեղէն, եւ ա(մենայ)ն գործ մազագործ, եւ զա(մենայ)ն կահ փայտակերտ սրբեսջի́ք։

Verse: 21  Link to sept   Եւ ասէ եղիազար քահանայ ցարս զօրուն եկելոց ՛ի ճակատէ պատերազմին. ա́յս իրաւունք օրինի են զոր հրամայեաց տ(է)ր մովսիսի։

Verse: 22  Link to sept   բա́ց յոսկւոյ եւ յարծաթոյ, եւ ՛ի պղնձոյ, եւ յերկաթոյ, եւ ՛ի կապարոյ, եւ յանագէ.

Verse: 23  Link to sept   ա(մենայ)ն որ անցանէ ընդ հուր՝ եւ սրբեսցի́. այլ եւ ջրո́վն սրսկման սրբեսցի. եւ ա(մենայ)ն որ ո́չ անցանիցէ ընդ հուր, եւ լուանայցի ջրով.

Verse: 24  Link to sept   լուասջի́ք զհանդերձս յաւուրն եւթներորդի, եւ սո́ւրբք լինիջիք. եւ ապա մտանիցէք ՛ի բանակն։

Verse: 25  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 26  Link to sept   ա́ռ զհամար աւարի գերութե(ան)դ ՛ի մարդոյ մինչեւ յանասուն. դո́ւ եւ եղիազար քահանայ, եւ իշխանք նահապետա́ց ժողովրդեանդ։

Verse: 27  Link to sept   եւ բաժանեցէ́ք զաւարդ ՛ի մէջ պատերազմողացդ ելելոցդ ՛ի պատերազմ. եւ ՛ի մէջ ա(մենայ)ն ժողովրդեանդ։

Verse: 28  Link to sept   Եւ առջի́ք հա́ս տ(եառ)ն յա(մենայ)ն արանց պատերազմողաց երթելոց ՛ի պատերազմ. ոգի́ մի՝ ՛ի հինգ հարիւրոց՝ ՛ի մարդո́յ եւ յանասնոյ, եւ յարջառոյ եւ յոչխարէ եւ յայծեաց.

Verse: 29  Link to sept   եւ զկէ́ս նոցա առնուցուս, եւ տացե́ս եղիազարու քահանայի զպտուղսն տ(եառ)ն։

Verse: 30  Link to sept   Եւ ՛ի կիսոյ որդւոցն իսրայէլի առցես մի ՛ի յիսնէ, ՛ի մարդոյ եւ յանասնոյ յարջառոյ եւ յոչխարէ եւ յիշոյ, եւ յա(մենայ)ն անասնոյ. եւ տացես զայն ղեւտացւո́ցն որ պահիցեն զպահպանութի(ւն)ս խորանին տ(եառ)ն։

Verse: 31  Link to sept   Եւ արարին մովսէս եւ եղիազար քահանայ՝ ո(ր)պ(էս) հրամայեաց տ(է)ր մովսիսի։

Verse: 32  Link to sept   եւ եղեւ աւելո́րդ աւարին զոր ածին յաւարի ա́րքն պատերազմօղք։ յոչխարաց վեցհարեւր հազար, եւ եւթանասուն եւ հինգ հազար.

Verse: 33  Link to sept   եւ արջառ՝ եւթանասուն եւ երկու հազարք.

Verse: 34  Link to sept   եւ էշք՝ վաթսուն եւ մի հազար։

Verse: 35  Link to sept   եւ ոգիք մարդկան՝ ՛ի կանանց որ ո́չ գիտէին զարու(թ)ի(ւն) առն, ա(մենայ)ն ոգիք՝ երեսուն եւ երկու հազարք։

Verse: 36  Link to sept   Եւ եղեւ կէ́ս աւարին երթելոցն ՛ի պատերազմ ՛ի թուոյ ոչխարացն՝ երեքհարեւր եւ երեսուն հազար, եւ եւթն հազար եւ հինգ հարիւր։

Verse: 37  Link to sept   Եւ եղեւ հա́սն տ(եառ)ն յոչխարէ, վեցհարեւր եւ եւթանասուն եւ հինգ.

Verse: 38  Link to sept   եւ արջառ երեսուն եւ վեց հազար, եւ հասն տ(եառ)ն եւթանասուն եւ երկու.

Verse: 39  Link to sept   եւ էշք՝ երեսուն հազար եւ հինգ հարեւր, եւ հասն տ(եառ)ն վաթսունեւմի.

Verse: 40  Link to sept   եւ ոգիք մարդկան՝ վեշտասան հազար, եւ հա́ս ՛ի նոցանէ տ(եառ)ն երեսուն եւ երկու ոգիք։

Verse: 41  Link to sept   Եւ ետ մովսէս զհասն տ(եառ)ն զնուէրն ա(ստուծո)յ եղիազարո́ւ քահանայի. ո(ր)պ(էս) հրաման ետ տ(է)ր մովսիսի.

Verse: 42  Link to sept   զհասարակած որդւոցն ի(սրաէ)լի, զորս բաժանեաց մովսէս յարանցն պատերազմողաց։

Verse: 43  Link to sept   Եւ եղեւ հասարակած ՛ի ժողովրդենէ անտի. յոչխարէ երեքհարեւր եւ երեսուն հազար, եւ եւթն հազար եւ հինգ հարեւր.

Verse: 44  Link to sept   եւ արջառ՝ երեսուն եւ վեց հազար.

Verse: 45  Link to sept   եւ էշք՝ երեսուն հազար եւ հինգ հարեւր.

Verse: 46  Link to sept   եւ ոգիք մարդկան՝ վեշտասան հազար։

Verse: 47  Link to sept   Եւ ա́ռ մովսէս ՛ի հասարակածէ որդւոցն ի(սրաէ)լի. մի ՛ի յիսնէ, ՛ի մարդոյ եւ յանասնոյ. եւ ետ զայն ղեւտացւոցն որ պահէին զպահպանու(թ)ի(ւն) խորանին տ(եառ)ն. ո(ր)պ(էս) հրաման ետ տ(է)ր մովսիսի։

Verse: 48  Link to sept   Եւ մատեան առ մովսէս ա(մենայ)ն վերակացուք հազարապետու(թ)ե(ան) զօրուն, հազարապետք եւ հարիւրապետք,

Verse: 49  Link to sept   եւ ասեն ցմովսէս. Ծառա́յք քո կալան զհամար արանց պատերազմողաց առ ՛ի մէնջ, եւ ո́չ ծախեցաւ ՛ի նոցանէ եւ ո́չ մի.

Verse: 50  Link to sept   եւ բերաք մատուցանել ընծա́յ տ(եառ)ն։ այր՝ որոյ գտանիցի ոսկի մեհեւանդ, կամ ապարանջանք, եւ մատանի, եւ կշտապանակ, եւ փողոշուկ ընդելուզեալ. քաւե́լ վ(ա)ս(ն) մեր առաջի տ(եառ)ն։

Verse: 51  Link to sept   Եւ առին մովսէս եւ եղիազար քահանայ զոսկին ՛ի նոցանէ, զա(մենայ)ն անօթ գործեալ,

Verse: 52  Link to sept   զոր եղեւ ա(մենայ)ն ոսկի հասին զոր հանին տ(եառ)ն. վեշտասան հազար եւ եւթնհարեւր եւ յիսուն սիկղ՝ ՛ի հազարապետաց անտի.

Verse: 53  Link to sept   եւ արք պատերազմօղք որ ածին աւար, իւրաքանչի́ւր ումեք։

Verse: 54  Link to sept   Եւ առին մովսէս եւ եղիազար քահանայ զոսկին, ՛ի հազարապետաց անտի, եւ ՛ի հարեւրապետաց, եւ տարան ՛ի խորանն վկայութե(ան). յիշատա́կ առ ՛ի յորդւոցն ի(սրաէ)լի առաջի տ(եառ)ն։



Chapter: 32 
ԳԼ(ՈՒԽ) Լ՜Բ.


Verse: 1  Link to sept   Եւ անասուն բազո́ւմ էր որդւոցն ի(սրաէ)լի, որդւոցն ռուբինի, եւ որդւոցն գադայ զեղեա́լ յոյժ։ եւ տեսին զերկիրն յազերայ, եւ զերկիրն գաղաադու. եւ էր տեղին՝ տեղի́ խաշանց։

Verse: 2  Link to sept   Եւ մատուցեալ որդիքն ռուբինի եւ որդիքն գադայ՝ ասեն ցմովսէս եւ ցեղիազար քահանայ, եւ ցիշխանս ժողովրդեանն։

Verse: 3  Link to sept   Ատարովթ եւ դեբոն, եւ յազեր, եւ նեմբրա, եւ եսեբոն, եւ էլէալէթ, եւ սեբամա, եւ նաբաւ, եւ բեան.

Verse: 4  Link to sept   երկիրն զոր մատնեաց տ(է)ր առաջի որդւոցն ի(սրաէ)լի, երկիր՝ անասնոց է. եւ ծառայից քոց խաշի́նք են։

Verse: 5  Link to sept   եւ ասեն. եթէ գտաք շնորհս առաջի քո, տացի́ երկիրն այն ծառայից քոց ՛ի կալուած. եւ մի́ անցուցաներ զմեզ ընդ յորդանան։

Verse: 6  Link to sept   Եւ ասէ մովսէս ցորդիսն գադայ եւ ցորդիսն ռուբինի. եղբարք ձեր երթայցեն ՛ի պատերազմ, եւ դուք նստիցի՞ք աստ։

Verse: 7  Link to sept   եւ ընդէ՞ր խոտորեցուցանէք զսիրտ որդւոցն ի(սրաէ)լի չանցանել յերկիրն՝ զոր տ(է)ր տալոց է նոցա։

Verse: 8  Link to sept   Ո՞չ այդպէս արարին հարքն ձեր՝ յորժամ առաքեցի զն(ո)ս(ա) ՛ի կադէսբառնեայ դիտել զերկիրն.

Verse: 9  Link to sept   եւ ելին ՛ի ձորն ողկուզի, եւ դիտեցին զերկիրն. եւ զանգիտեցուցի́ն զսիրտս որդւոցն ի(սրաէ)լի, զի մի́ մտանիցեն յերկիրն զոր ե́տ ն(ո)ց(ա) տ(է)ր։

Verse: 10  Link to sept   Եւ բարկացաւ սրտմտութ(եամ)բ տ(է)ր յաւուր յայնմիկ, եւ երդուաւ՝ եւ ասէ։

Verse: 11  Link to sept   մի́ տեսցեն արք որ ելին յեգիպտոսէ՝ ՛ի քսանամենից եւ ՛ի վեր, որ գիտիցեն զչար եւ զբարի. զերկիրն զոր երդուայ տալ աբրաամու եւ սահակայ եւ յակոբայ. զի ո́չ եկին զհետ իմ։

Verse: 12  Link to sept   բայց քաղէբ՝ որդի յեփոնեայ զատուցեալն, եւ յեսու որդի նաւեայ, զի եկին տ(եառ)ն։

Verse: 13  Link to sept   եւ բարկացաւ սրտմտու(թեամ)բ տ(է)ր ՛ի վ(ե)ր(այ) ի(սրաէ)լի, եւ յածեցոյց զն(ո)ս(ա) յանապատին ա́մս քառասուն. մինչեւ սատակեցաւ ա(մենայ)ն ազգն որ արարին զչարիս առաջի տ(եառ)ն։

Verse: 14  Link to sept   Եւ արդ՝ դուք յարուցեա́լ էք փոխանակ հարց ձերոց, ժողովք մարդկան մեղաւորաց, յաւելո́ւլ միւսանգամ ՛ի սրտմտութի(ւն) բարկութե(ան) տ(եառ)ն ՛ի վ(ե)ր(այ) ի(սրաէ)լի։

Verse: 15  Link to sept   զի դարձեալ էք ՛ի նմանէ, յաւելուլ միւսանգամ քանե́լ նմա զձեզ յանապատ. եւ անօրինիք յա(մենայ)ն ժողովուրդս յայս։

Verse: 16  Link to sept   Եւ մատեան առաջի նորա՝ եւ ասեն։ դադա́րս ոչխարաց մերոց շինեսցուք՝ եւ անասնոց մերոց, եւ քաղաքս աղխից մերոց։

Verse: 17  Link to sept   եւ մեք վառեսցուք առաջի տ(եառ)ն, առաջապա́հք երթիցուք որդւոցն ի(սրաէ)լի, մինչեւ հանցուք զն(ո)ս(ա) յիւրաքանչիւր տեղի։ եւ բնակեսցէ աղխն մեր ՛ի քաղաքս պարսպաւորս վ(ա)ս(ն) բնակչաց երկրիս։

Verse: 18  Link to sept   Եւ ո́չ դարձցուք ՛ի տունս մեր՝ մինչեւ բաժանեսցին որդիքն ի(սրաէ)լի զիւրաքանչիւր ժառանգութի(ւն)։

Verse: 19  Link to sept   եւ ո́չ եւս ժառանգեսցուք ՛ի մէջ ն(ո)ց(ա) յանցի́ցն յորդանանու եւ անդր. զի ունիմք զվիճակս մեր յա́յս կոյս յորդանանու յարեւելից։

Verse: 20  Link to sept   Եւ ասէ ցն(ո)ս(ա) մովսէս. եթէ առնիցէք ըստ բանիդ ըստ այդմիկ. եթէ վառիցիք առաջի տ(եառ)ն ՛ի պատերազմ.

Verse: 21  Link to sept   եւ անցցէ́ ձեր ա(մենայ)ն վառեալ ընդ յորդանան առաջի տ(եառ)ն, մինչեւ սատակիցի թշնամին ն(ո)ր(ա) առաջի ն(ո)ր(ա),

Verse: 22  Link to sept   եւ նուաճեսցի երկիրն առաջի տ(եառ)ն, եւ ապա́ դառնայցէք, քաւեա́լ լիջիք առաջի տ(եառ)ն եւ յի(սրա)էլէ. եւ եղիցի երկիրս այս ձեզ ՛ի կալուած առաջի տ(եառ)ն։

Verse: 23  Link to sept   Ապա թէ ո́չ առնիցէք այդպէս, յանցաւո́ր գտանիցիք առաջի տ(եառ)ն. եւ ծանիջի́ք զմեղս ձեր՝ յորժամ հասանիցեն ձեզ չարիք։

Verse: 24  Link to sept   Եւ շինեսջիք դուք ձեզ քաղա́քս աղխին ձերոյ, եւ դադա́րս խաշանց ձերոց. եւ որինչ ե́լ ՛ի բերանոյ ձերմէ առնիցէ́ք։

Verse: 25  Link to sept   Եւ խօսեցան որդիքն ռուբինի եւ որդիքն գադայ ը(նդ) մովսիսի՝ եւ ասեն։ արասցե́ն ծառայք քո՝ որպէս հրամայեաց մեզ տէրդ մեր.

Verse: 26  Link to sept   աղխ մերե եւ կանայք մերե եւ ամենայն անասուն մեր՝ կացցե́ն ՛ի քաղաքս գաղաադու.

Verse: 27  Link to sept   եւ ծառայք քո անցցե́ն վառեալք եւ կազմեալք առաջի տ(եառ)ն ՛ի պատերազմ, ո(ր)պ(էս) եւ տէ́րդ ասէ։

Verse: 28  Link to sept   Եւ յանդիման արար ն(ո)ց(ա) մովսէս զեղիազար քահանայ, եւ զյեսու որդի նաւեայ, եւ զիշխանս նահապետաց ցեղիցն ի(սրաէ)լի։

Verse: 29  Link to sept   Եւ ասէ ցն(ո)ս(ա) մովսէս. եթէ անցցեն որդիքդ ռուբինի եւ որդիքդ գադայ ընդ ձեզ ըստ յորդանան, ա(մենայ)ն վառեալ ՛ի պատերազմ առաջի տ(եառ)ն, եւ տիրեցէք երկրին, տաջի́ք դոցա զերկիրն գաղաադու ՛ի կալուածս։

Verse: 30  Link to sept   Ապա թէ ո́չ անցցեն ը(նդ) ձեզ վառեալք ՛ի պատերազմ առաջի տ(եառ)ն, անցուսջիք զա́ղխ դոցա եւ զկանայս դոցա, եւ զանասուն դոցա յառաջագոյն քան զձեզ յերկիրն քանանացւոց. եւ ժառանգեսցեն ընդ ձեզ յերկիրն քանանացւոց։

Verse: 31  Link to sept   Պատասխանի ետուն որդիքն ռուբինի եւ որդիքն գադայ՝ եւ ասեն. զորինչ ասէ տէրդ ցծառայս իւր՝ արասցո́ւք։

Verse: 32  Link to sept   մեք անցցուք վառեալք յերկիրն քանանացւոց, եւ տաջի́ք մեզ կալուածս յա́յս կոյս յորդանանու։

Verse: 33  Link to sept   Եւ ետ մովսէս որդւոցն գադայ եւ որդւոցն ռուբինի՝ եւ կիսոյ ցեղին մանասէի որդւոցն յովսեփայ, զթագաւորութի(ւն)ն սեհոնի արքային ամովրհացւոց, եւ զթագաւորութի(ւն)ն ովգայ արքային բասանու. զերկիրն եւ զքաղաքս սահմանօք իւրովք, եւ զքաղաքս երկրին շուրջանակի։

Verse: 34  Link to sept   Եւ շինեցին որդիքն գադայ զգեբոն, եւ զաստարովթ,

Verse: 35  Link to sept   եւ զարոեր, եւ զեսոփար, եւ զյազեր։

Verse: 36  Link to sept   եւ բարձրացուցին զն(ո)ս(ա). եւ զնամրան, եւ զբաւթառան, քաղաքս ամուրս եւ գադարս հօտից։

Verse: 37  Link to sept   Եւ որդիքն ռուբինի շինեցին զեսեբոն, եւ զեզիեղէթ, եւ զկարիեթեմ.

Verse: 38  Link to sept   եւ զբեէղմոն. շուրջ ամրացուցեալս, եւ զսեբամայ. եւ անուանեցին ը(ս)տ անուանց իւրեանց զանունս քաղաքացն՝ զոր շինեցին։

Verse: 39  Link to sept   Եւ գնաց որդի մաքիրայ որդւոյ մանասէի ՛ի գաղաադ՝ եւ ա́ռ զնա, եւ կորոյս զամովրհացին որ բնակեալ էր ՛ի նմա։

Verse: 40  Link to sept   եւ ետ մովսէս զգաղաադ մաքիրայ որդւոյ մանասէի. եւ բնակեցաւ անդ։

Verse: 41  Link to sept   Եւ յայիր մանասեան չոգաւ՝ ա́ռ զքաղաքս նոցա, եւ անուանեաց զն(ո)ս(ա) աւանս յայիրայ։

Verse: 42  Link to sept   Եւ նաբաւ գնաց՝ եւ ա́ռ զկանաթ եւ զաւանս ն(ո)ր(ա), եւ անուանեաց զն(ո)ս(ա) նաբաւթ ըստ անուան իւրոյ։



Chapter: 33 
ԳԼ(ՈՒԽ) Լ՜Գ.


Verse: 1  Link to sept   Եւ ա́յս են բանակեաղք որդւոցն ի(սրաէ)լի՝ յորմէհետէ ելին յերկրէն եգիպտացւոց հանդերձ զօրուն իւրեանց ՛ի ձեռն մովսիսի եւ ահարոնի։

Verse: 2  Link to sept   Եւ գրեաց մովսէս զչո́ւս ն(ո)ց(ա), եւ զբանակեաղս իւրեանց բանիւ տ(եառ)ն։ եւ ա́յս են բանակեաղք գնացից ն(ո)ց(ա)։

Verse: 3  Link to sept   Չուեցին յռամեսեայ յամսեանն առաջնում, ՛ի հնգետասաներորդում աւուր՝ ամսոյն առաջնոյ. զայգոյ զատկին ելի́ն որդիքն ի(սրաէ)լի բարձրացեալ ձեռամբ առաջի ա(մենայ)ն եգիպտացւոցն։

Verse: 4  Link to sept   եւ եգիպտացիքն թաղեցին զա(մենայ)ն մեռեալսն ՛ի նոցանէ. զորս կոտորեաց տ(է)ր զա(մենայ)ն անդրանիկս յերկրին եգիպտացւոց. եւ ՛ի դի́ս ն(ո)ց(ա) արար վրէժխնդու(թ)ի(ւն) տ(է)ր.

Verse: 5  Link to sept   եւ չուեալ որդւոցն ի(սրաէ)լի յռամեսսեայ բանակեցան ՛ի սոկքովթ։

Verse: 6  Link to sept   Եւ չուեալ ՛ի սոկքովթայ՝ բանակեցան ՛ի բովթան, որ է մասն ինչ անապատին։

Verse: 7  Link to sept   Չուեցին ՛ի բովթանայ, եւ բանակեցան առ բերանովն եպիրովթայ, որ է յանդիման բէելսեփոնայ, եւ բանակեցան հանդէպ մակդովղայ։

Verse: 8  Link to sept   Չուեցին հանդէպ եպիրովթայ, եւ անցին ընդ մէջ ծովուն յանապատն, եւ գնացին նոքա երեքօրեայ ճանապարհ ընդ անապատն, եւ բանակեցան զգառն աղբերբքն։

Verse: 9  Link to sept   Չուեցին ՛ի դառն աղբիւրացն՝ եւ եկին յեղիմ. եւ էին յեղիմ երկոտասան ակն ջրոց, եւ եւթանասուն ծառ արմաւենեաց. եւ բանակեցան ա́նդ առ ջրովն։

Verse: 10  Link to sept   Չուեցին յեղիմայ, եւ բանակեցան զափամբ կարմիր ծովուն։

Verse: 11  Link to sept   Չուեցին ՛ի կարմիր ծովէն, եւ բանակեցան յանապատին ՛ի սին։

Verse: 12  Link to sept   Չուեցին ՛ի սին անապատէն եւ բանակեցան ՛ի հռափա։

Verse: 13  Link to sept   Չուեցին ՛ի հռափայ, եւ բանակեցան յելիմ։

Verse: 14  Link to sept   Չուեցին յելիմայ, եւ բանակեցան յռափիդին. եւ ո́չ գոյր ջուր ըմպելոյ ժողովրդեանն։

Verse: 15  Link to sept   Չուեցին յռափիդիմայ, եւ բանակեցան յանապատն ՛ի սինայ։

Verse: 16  Link to sept   Չուեցին յանապատէն սինայ, եւ բանակեցան ՛ի գերեզմանս ցանկութե(ան)։

Verse: 17  Link to sept   Չուեցին ՛ի գերեզմանացն ցանկու(թ)ե(ան), եւ բանակեցան յասերովթ։

Verse: 18  Link to sept   Չուեցին յասերովթայ, եւ բանակեցան յռաթամա։

Verse: 19  Link to sept   Չուեցին յռաթամայ, եւ բանակեցան յռեմոնփարէս։

Verse: 20  Link to sept   Չուեցին յռեմոնփարեսայ, եւ բանակեցան ՛ի ղեբոնա։

Verse: 21  Link to sept   Չուեցին ՛ի ղեբոնայ, եւ բանակեցան ՛ի դէսսա։

Verse: 22  Link to sept   Չուեցին ՛ի դէսսայէ, եւ բանակեցան ՛ի մակէղղաթ։

Verse: 23  Link to sept   Չուեցին՛ի մակէղղաթայ, եւ բանակեցան ՛ի սովփար։

Verse: 24  Link to sept   Չուեցին ՛ի սովփարայ, եւ բանակեցան ՛ի քարադաթ։

Verse: 25  Link to sept   Չուեցին ՛ի քարադաթայ, եւ բանակեցան ՛ի մակելովթ։

Verse: 26  Link to sept   Չուեցին ՛ի մակելովթայ, եւ բանակեցան ՛ի կատտաաթ։

Verse: 27  Link to sept   Չուեցին՛ի կատտաաթայ, եւ բանակեցան ՛ի կարաաթ։

Verse: 28  Link to sept   Չուեցին ՛ի կարաաթայ, եւ բանակեցան ՛ի մատեկա։

Verse: 29  Link to sept   Չուեցին ՛ի մատեկայ, եւ բանակեցան ՛ի սելմոնա։

Verse: 30  Link to sept   Չուեցին ՛ի սելմոնայ, եւ բանակեցան ՛ի մասուրութ։

Verse: 31  Link to sept   Չուեցին ՛ի մասուրութայ, եւ բանակեցան ՛ի բանեա։

Verse: 32  Link to sept   Չուեցին ՛ի բանեայ, եւ բանակեցան ՛ի լերինն գադգադ։

Verse: 33  Link to sept   Չուեցին ՛ի լեռնէ անտի գադգադայ, եւ բանակեցան յետէբաթա։

Verse: 34  Link to sept   Չուեցին յետէբաթայ, եւ բանակեցան յեբրոն։

Verse: 35  Link to sept   Չուեցին յեբրոնայ, եւ բանակեցան ՛ի գասիոնգաբեր։

Verse: 36  Link to sept   Չուեցին ՛ի գասիոնգաբերայ, եւ բանակեցան յանապատին ՛ի սին։

Verse: 37  Link to sept   Չուեցին ՛ի սին անապատէ, եւ բանակեցան յանապատին փարանու, ա́յն է կադէս։ Չուեցին ՛ի կադէսայ, եւ բանակեցան ՛ի հովր լերինն, մերձ առ երկրաւն եդոմայ։

Verse: 38  Link to sept   Եւ ել ահարոն քահանայ ՛ի լեառնն հրամանաւ տ(եառ)ն՝ եւ մեռաւ անդ. ՛ի քառասներորդի ամի ելանելոյ որդւոցն ի(սրաէ)լի յերկրէն եգիպտացւոց. յամսեանն հինգերորդի՝ որ օր մի էր ամսոյն։

Verse: 39  Link to sept   Եւ ահարոն էր հարեւր եւ քսան եւ երից ամաց յորժամ մեռա́ւ ՛ի հովր լերինն։

Verse: 40  Link to sept   Եւ լուաւ քանանէ́ս արքայ արադայ, եւ ինքն բնակեալ էր յերկրին քանանացւոց, յորժամ մտանէին որդիքն ի(սրաէ)լի, եւ ետ պատերազմ ընդ ի(սրաէ)լի, եւ ա́ռ ՛ի նոցանէ գերի։

Verse: 41  Link to sept   Չուեցին ՛ի հովր լեռնէ, եւ բանակեցան ՛ի սելմոնա։

Verse: 42  Link to sept   Չուեցին ՛ի սելմոնայ, եւ բանակեցան ՛ի փենով։

Verse: 43  Link to sept   Չուեցին ՛ի փենովայ, եւ բանակեցան յոբովթ։

Verse: 44  Link to sept   Չուեցին յոբովթայ, եւ բանակեցան ՛ի գայի՝ յայն կոյս սահմանացն մովաբու։

Verse: 45  Link to sept   Չուեցին ՛ի գայեայ, եւ բանակեցան ՛ի դէմոնգադ։

Verse: 46  Link to sept   Չուեցին ՛ի դէմոնգադայ, եւ բանակեցան ՛ի գեղմոնդէբղաթէմ։

Verse: 47  Link to sept   Չուեցին ՛ի գեղմոնդէբղաթեմայ, եւ բանակեցան ՛ի լերինն սաբարիմ յանդիման նաբաւայ։

Verse: 48  Link to sept   Չուեցին ՛ի լերանցն նաբաւայ, եւ բանակեցան յարեւմտից մովաբու առ յորդանանու յանդիման երեքոյի։

Verse: 49  Link to sept   եւ բանակեցան զյորդանանու ՛ի մէջ եսիմովթայ. մինչեւ ցմեղսատով յարեւմտից մովաբու։

Verse: 50  Link to sept   Եւ խօսեցաւ տ(է)ր ընդ մովսիսի յարեւմտից մովաբու առ յորդանանու յանդիման երեքոյի՝ եւ ասէ։

Verse: 51  Link to sept   Խօսեա́ց ընդ որդիսդ ի(սրաէ)լի՝ եւ ասասցես ցդոսա. դուք ահաւադիկ անցանէ́ք ընդ յորդանան յերկրին քանանացւոց.

Verse: 52  Link to sept   եւ կորուսջի́ք զա(մենայ)ն բնակիչս երկրին յերեսաց ձերոց. եւ կործանեսջի́ք զդիտանոցս երկրի նոցա. եւ զա(մենայ)ն կուռս ձուլածոյս ն(ո)ց(ա) կորուսջի́ք. եւ զա(մենայ)ն զարձանս նոցա՝ բառնայցէ́ք ՛ի միջոյ։

Verse: 53  Link to sept   Եւ կորուսջի́ք զբնակիչս երկրին, եւ բնակեսջի́ք դուք ՛ի նմա. զի ձե́զ ետու զերկիրն ն(ո)ց(ա) ՛ի վիճակ,

Verse: 54  Link to sept   ըստ ցեղից ձերոց, ըստ բազմաց՝ բազմացուցանիջի́ք զկալուածս իւրեանց. եւ ըստ սակաւուց՝ սակաւացուսջի́ք զկալուածս իւրեանց։ Ո(ր)պ(էս) ելանիցէ յանուն ուրուք՝ ա́նդ լինիցի. ըստ ցեղի́ց նահապետութե(ան) ձերոյ ժառանգեսջիք։

Verse: 55  Link to sept   Եւ եթէ ո́չ կորուսանէք զբնակիչս երկրին յերեսաց ձերոց, եղիցին զոր թողուցուքն ՛ի նոցանէ՝ խո́չ յական ձերում, եւ նե́տք ՛ի կողս ձեր. եւ եղիցին ձեզ թշնամի́ք յերկրին յորում դուք բնակիցէք.

Verse: 56  Link to sept   եւ եղիցի որպէս խորհէի առնել նոցա՝ արարից ձե́զ։



Chapter: 34 
ԳԼ(ՈՒԽ) Լ՜Դ.


Verse: 1  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 2  Link to sept   Պատուիրեա́ որդւոցն ի(սրաէ)լի՝ եւ ասասցե́ս ցն(ո)ս(ա). դուք մտանէք յերկիրն քանանացւոց, եւ ա́յն լիցի ձեզ ՛ի ժառանգութի(ւն). երկիրն քանանու հանդերձ սահմանօք իւրովք։

Verse: 3  Link to sept   Եւ եղիցի ձեզ կողմն ընդ հարաւ ՛ի սինն անապատէ մինչեւ մօտ յեդոմ։ եւ եղիցին ձեզ սահմանքն որ ընդ հարա́ւ իցեն, ՛ի մասնէ աղի ծովուն յարեւելի́ց կողմանէ։

Verse: 4  Link to sept   Եւ պատիցին սահմանքն ձեր ՛ի հարաւոյ՝ ընդ սա́րն ակրաբինայ, եւ անցցեն յենակ, եւ եղիցին ե́լք ն(ո)ր(ա) ընդ հարաւոյ կողմն կադէսբառնեայ. եւ ելցեն յաւանն արադայ, եւ անցցեն յասեմոն։

Verse: 5  Link to sept   Եւ պատիցին սահմանքն յասեմոնայ ձորոյն եգիպտացւոց. եւ եղիցին ելք նորա ընդ ծովն.

Verse: 6  Link to sept   եւ սահմանք ծովուն ձե́զ լիցին։ ծովն մեծ սահմա́ն իցէ. եւ ա́յն լիցին ձեզ սահմանք ծովուն։

Verse: 7  Link to sept   Եւ ա́յս լիցին ձեզ սահմանք ընդ կողմն հիւսւսոյ. ՛ի մեծէ́ ծովէն չափեսջիք ձեզ զլեռնլեռնայն.

Verse: 8  Link to sept   եւ ՛ի լեռնէ անտի չափեսջիք զնոյն մինչեւ ՛ի մուտսն եմաթայ. եւ եղիցին ելքն նորա սահմանք արադաքոյ.

Verse: 9  Link to sept   եւ ելանիցէ առ սահմանօքն եփրոնայ. եւ եղիցին ելք ն(ո)ր(ա) ասիրնայիդ. ա́յն լիցին ձեզ սահմանք ՛ի հիւսւսոյ։

Verse: 10  Link to sept   Եւ չափեսջիք ձեզ սահմա́նս յարեւելից, յասիռնայիդայ ցսեպփամար.

Verse: 11  Link to sept   եւ իջանիցեն սահմանքն ՛ի սեպփամարայ ցբեղայ, յարեւելից կողմանէ աղբերացն. եւ իջցեն սահմանքն ՛ի բեղայ մինչեւ ցծովն քենարայ յարեւելից կողմանէ.

Verse: 12  Link to sept   եւ իջանիցեն սահմանքն մինչեւ ցյորդանան. եւ ե́լք ն(ո)ր(ա) լիցին ծովն աղի. ա́յն ա(մենայ)ն երկիր լինիցի ձեզ, եւ սահմանք ն(ո)ր(ա) շուրջանակի։

Verse: 13  Link to sept   Եւ պատուիրեաց մովսէս որդւոցն ի(սրաէ)լի՝ եւ ասէ. ա́յս է երկիրն զոր ժառանգիցէք զսա վիճակաւ. ո(ր)պ(էս) հրաման ետ տ(է)ր տա́լ զնա ինն ցեղիցն, եւ կիսոյ ցեղին մանասէի։

Verse: 14  Link to sept   Վասն զի ա́ռ որդւոցն ռուբինի եւ ցեղ որդւոցն գադայ՝ ըստ տանց նահապետաց իւրեանց.

Verse: 15  Link to sept   եւ կէս ցեղին մանասէի զվիճակս իւրեանց յա́յնկոյս յորդանանու յանդիման երեքոյ ՛ի հարաւոյ ընդ կողմն արեւելից։

Verse: 16  Link to sept   Եւ խօսեցաւ տ(է)ր ընդ մովսիսի՝ եւ ասէ։

Verse: 17  Link to sept   Ա́յս անուանք են արանցն՝ որ ժառանգեցուցանիցեն ձեզ զերկիրն. Եղիազար քահանայ, եւ յեսու նաւեան,

Verse: 18  Link to sept   եւ մի մի իշխան ՛ի ցեղէ առնուցուք ժառանգեցուցանել ձեզ զերկիրն։

Verse: 19  Link to sept   Եւ ա́յս անուանք են արանց։ Ցեղին յուդայ՝ քաղէբ որդի յեփոնեայ։

Verse: 20  Link to sept   Ցեղին շմաւոնի, սաղամիէլ որդի եմիուդայ։

Verse: 21  Link to sept   Ցեղին բենիամինի, ելդադ որդի քասղովդայ։

Verse: 22  Link to sept   Ցեղին դանայ, իշխան բակքիր որդի եգղայ։

Verse: 23  Link to sept   Որդւոցն յովսեփայ, ցեղի որդւոցն մանասէի իշխան, անիէլ որդի սուփիդայ։

Verse: 24  Link to sept   Ցեղի որդւոցն եփրեմի իշխան, կամուէլ որդի սաբաթայ։

Verse: 25  Link to sept   Ցեղին զաբուղոնի իշխան, եղիսափան որդի փառնաքայ։

Verse: 26  Link to sept   Ցեղի որդւոցն իսաքարայ իշխան, փաղաիէլ որդի ոզիայ։

Verse: 27  Link to sept   Ցեղի որդւոցն ասերայ իշխան, աքիովր որդի սելովմա։

Verse: 28  Link to sept   Ցեղին նեփթաղիմայ իշխան, փագայէլ որդի մէուդայ։

Verse: 29  Link to sept   Սոքա́ են որոց հրաման ետ տ(է)ր բաժանել որդւոցն ի(սրաէ)լի զերկիրն քանանացւոց։



Chapter: 35 
ԳԼ(ՈՒԽ) Լ՜Ե.


Verse: 1  Link to sept   Եւ խօսեցաւ տ(է)ր ընդ մովսիսի յարեւմուտս մովաբու՝ առ եզերբ յորդանանու յանդիման երեքոյի՝ եւ ասէ։

Verse: 2  Link to sept   Հրաման տուր որդւոցն ի(սրաէ)լի. եւ տացեն ղեւտացւոցն ՛ի վիճակաց կալուածոց իւրեանց քաղա́քս բնակու(թ)ե(ան)ց, եւ բուրաստանս շուրջ զքաղաքօք իւրեանց տացեն ղեւտացւոցն։

Verse: 3  Link to sept   Եւ եղիցին ն(ո)ց(ա) քաղաքք բնակութե(ան). եւ զատուցեալքն նոցա եղիցին խաշանց ն(ո)ց(ա), եւ ա(մենայ)ն չորքոտանեաց ն(ո)ց(ա)։

Verse: 4  Link to sept   Եւ արուարձա́նք քաղաքացն զորս տայցէք ղեւտացւոցն ՛ի պարսպէ քաղաքին. եւ արտաքոյ քաղաքին երկո́ւս հազարս կանգունս շուրջանակի։

Verse: 5  Link to sept   Եւ չափեսջի́ք արտաքոյ քաղաքին, յարեւելից կողմանէ երկուս հազարս կանգունս. եւ ընդ ծովակողմն երկուս հազարս կանգունս. եւ ընդ կողմն հիւսւսի՝ երկուս հազարս կանգունս. եւ ընդ կողմն հարաւոյ՝ երկուս հազարս կանգունս։ եւ քաղաքք ՛ի մէջ այնորիկ լինիցի ձեզ։ եւ զարուարձանս քաղաքացն։

Verse: 6  Link to sept   Եւ զքաղաքսն զորս տայցէք ղեւտացւոցն զվեց քաղաքս ապաստանից զոր տայցէք՝ փախչել անդր սպանողին։ եւ առ այնու քառասուն եւ երկուս քաղաքս։

Verse: 7  Link to sept   ընդ ա(մենայ)ն քաղաքս՝ քառասուն եւ ութ քաղաք տայցէք ղեւտացւոցն։ եւ զնոսա՝ եւ զբուրաստանս իւրեանց։

Verse: 8  Link to sept   Եւ զքաղաքս՝ զոր տայցէք ՛ի կալուածոց որդւոցն ի(սրաէ)լի. ՛ի բազմաց՝ բազումս, եւ ՛ի սակաւուց՝ սակաւս. ըստ իւրաքանչիւր ժառանգու(թ)ե(ան) զոր ժառանգիցեն, տացեն ՛ի քաղաքա́ց անտի ղեւտացւոցն։

Verse: 9  Link to sept   Եւ խօսեցաւ տ(է)ր ընդ մովսիսի՝ եւ ասէ.

Verse: 10  Link to sept   խօսեա́ց ընդ որդիսն ի(սրաէ)լի՝ եւ ասասցես ցն(ո)ս(ա)։ Դուք աւադիկ անցանէ́ք ընդ յորդանան յերկիրն քանանացւոց,

Verse: 11  Link to sept   եւ զատուսջի́ք ձեզ քաղաքս, որ լինիցին ձեզ ապաստանաց՝ փախչել անդ սպանողին։ Ա(մենայ)ն որ հարկանիցէ զանձն ուրուք ակամայ,

Verse: 12  Link to sept   եղիցին ձեզ քաղա́քք ապաստանի ՛ի մերձաւորէ արեանն. եւ մի́ մեռանիցի սպանօղն՝ մինչեւ անցցէ առաջի ժողովրդեանն ՛ի դատաստանի։

Verse: 13  Link to sept   Եւ քաղաքքն զոր տայցէք՝ վե́ց քաղաքք ապաստանի լինիցին ձեզ.

Verse: 14  Link to sept   երիս քաղաքս տաջիք յա́յն կոյս յորդանանու, եւ երիս քաղաքս տաջիք յերկիրն քանանացւոց։

Verse: 15  Link to sept   Եւ եղիցի այն ապաւինութի(ւն) որդւոցն ի(սրաէ)լի, եկին եւ պանդխտի ՛ի միջի ձերում, եւ եղիցին քաղաքքն այնոքիկ ապաստանք, փախչել անդր ա(մենայ)նի որ հարկանիցէ զանձն ուրուք ակամայ։

Verse: 16  Link to sept   Եւ եթէ երկաթեղէն անօթով ոք հարկանիցէ՝ եւ սպանանիցէ զնա, սպանօղ է. մահո́ւ մեռցի սպանօղն։

Verse: 17  Link to sept   Եւ եթէ բռնաքարու որով մեռանիցի́ ոք հարկանիցէ զնա եւ մեռանիցի, սպանօղ է. մահո́ւ մեռցի սպանօղն։

Verse: 18  Link to sept   Եւ եթէ փայտեղէն անօթով ՛ի ձեռանէ որով մեռանիցի ոք՝ հարկանիցէ զնա եւ մեռանիցի, սպանօղ է. մահո́ւ մեռցի սպանօղն։

Verse: 19  Link to sept   Մերձաւոր արեանն սպանիցէ զսպանօղն. յորժամ պատահեսցէ նմա սպանցէ́ զնա։

Verse: 20  Link to sept   Եւ եթէ առ թշնամու(թ)ե(ան) մղեսցէ զնա. եւ ձգեսցէ նմա զա(մենայ)ն անօթ խարդախութ(եամ)բ եւ մեռանիցի.

Verse: 21  Link to sept   կամ առ քինա́լ հարկանիցէ զնա ձեռամբ իւրով եւ մեռանիցի, մահո́ւ մեռցի որ եհարն. սպանօղ է, մահո́ւ մեռցի սպանանիցէն. մերձաւոր արեա́նն սպանցէ́ զսպանօղն ՛ի պատահելն ն(ո)ր(ա) նմա։

Verse: 22  Link to sept   Ապա թէ վրիպակաւ՝ եւ ո́չ առ թշնամու(թ)ե(ան) մղեսցէ զնա, եւ ձգեսցէ նմա զա(մենայ)ն անօթ եւ ո́չ խարդախութ(եամ)բ.

Verse: 23  Link to sept   կամ զա(մենայ)ն քար որով մեռանիցի, եւ ո́չ գիտութ(եամ)բ հարկանիցէ զնա՝ եւ մեռանիցի. եւ նա ո́չ էր ն(ո)ր(ա) թշնամի, եւ ո́չ խնդրէր չար առնել նմա.

Verse: 24  Link to sept   դատեսցի́ ժողովուրդն ՛ի մէջ հարկանելեացն, եւ ՛ի մէջ մերձաւորի արեանն ը(ս)տ դատաստանա́ցս այսոցիկ.

Verse: 25  Link to sept   եւ ապրեցուսցէ́ ժողովուրդն զսպանօղն ՛ի մերձաւորէ արեանն։ Եւ յուղարկեսցէ́ զնա ժողովուրդն անդրէն ՛ի քաղաքն ապաստանի յոր ապաւինեալն էր. եւ բնակեսցէ անդ մինչեւ մեռանիցի քահանայն մեծ զոր օծին իւղովն սրբութե(ան)։

Verse: 26  Link to sept   Եւ եթէ ելանելով ելանիցէ սպանօղն ըստ սահմանս քաղաքին յոր ապաւինեալն էր.

Verse: 27  Link to sept   եւ գտցէ զնա մերձաւոր արեանն արտաքոյ սահմանաց քաղաքին ապաստանի իւրոյ, սպանցէ́ մերձաւոր արեանն զսպանօղն. եւ մի́ լիցի մահապարտ։

Verse: 28  Link to sept   Վասն այնորիկ ՛ի քաղաքի ապաստանին իւրոյ բնակեսցէ՝ մինչեւ մեռանիցի քահանայն մեծ. եւ յե́տ մեռանելոյ քահանային մեծի, դարձցի անդրէն սպանօղն յերկիր կալուածոց իւրոց։

Verse: 29  Link to sept   Եւ եղիցի այս ձեզ յիրաւունս դատաստանի յա́զգս ձեր, յա(մենայ)ն բնակու(թ)ե(ան) ձերում։

Verse: 30  Link to sept   Ա(մենայ)ն որ հարկանիցէ զանձն. վկայի́ւք սպանցեն զսպանօղն. եւ մի́ միայն վկայ՝ մի́ վկայեսցէ սպանանելոյն զանձն։

Verse: 31  Link to sept   Եւ փրկանս ընդ անձին ՛ի սպանողէն՝ որ մահապարտ իցէ, մի́ առնուցուք. այլ մահո́ւ մեռանիցի։

Verse: 32  Link to sept   Եւ մի́ առնուցուք փրկանս վ(ա)ս(ն) փախչելոյ ՛ի քաղաքն ապաստանի, առ միւսանգամ բնակելոյ յերկրին, մինչեւ մեռանիցի քահանայն մեծ։

Verse: 33  Link to sept   Եւ մի́ շաղախիցէք զերկիրն. եւ ո́չ քաւիցի երկիրն յարենէն հեղլոյ ՛ի վերայ ն(ո)ր(ա), եթէ ոչ արեա́մբն հեղլով։

Verse: 34  Link to sept   Եւ մի́ պղծիցէք զերկիրն յորում բնակիցէք ՛ի նմա. յորում ե́ս բնակեցայց ՛ի միջի ձերում. զի ե́ս եմ տ(է)ր ա(ստուա)ծ ձեր, որ բնակիցեմ ՛ի մէջ որդւոցն ի(սրաէ)լի։



ԼԶ.


Chapter: 36 

Verse: 1  Link to sept   Եւ մատեան իշխանք ցեղի որդւոցն գաղաադու որդւոյ մաքիրայ՝ որդւոյ մանասէի ՛ի ցեղէ որդւոցն յովսեփու. եւ խօսեցան առաջի մովսիսի, եւ առաջի եղիազարու քահանայի, եւ առաջի իշխանաց տանց նահապետաց որդւոցն ի(սրաէ)լի,

Verse: 2  Link to sept   եւ ասեն. Տեառնդ մերում հրամա́ն ետ տ(է)ր, տա́լ զերկիրն ժառանգութե(ան) վիճակ որդւոցն ի(սրաէ)լի, եւ տեա́ռնդ հրաման ետ տ(է)ր՝ տալ ժառանգութի(ւն) դստերացն սաղպաադու եղբօր մերում։

Verse: 3  Link to sept   Եւ արդ՝ եթէ լինիցին միո́ւմ ցեղիցն ի(սրաէ)լի կանայք. եւ բառնայցէ՞ վիճակ ն(ո)ց(ա) ՛ի կալուածոց հօրն իւրեանց. եւ յաւելուցու ՛ի ժառանգու(թ)ի(ւն) ա́յնր ցեղի որոց լինիցին կանայք. եւ ՛ի վիճակէ ժառանգութե(ան) մերոյ բառնայցէ՞։

Verse: 4  Link to sept   եւ եթէ լինիցի թողութի(ւն) որդւոցն ի(սրաէ)լի, յաւելուցու ժառանգութի(ւն) ն(ո)ց(ա) ՛ի ժառանգութի(ւն) ցեղի, որոց լինիցին կանայք. եւ ՛ի ժառանգու(թեն)է ցեղի ազգիս մերոյ բառնայցէ ժառանգութի(ւն) ն(ո)ց(ա)։

Verse: 5  Link to sept   Եւ պատուիրեաց մովսէս որդւոցն ի(սրաէ)լի հրամանաւ տ(եառ)ն՝ եւ ասէ. առ ա́յն զոր ասաց ցնա ցեղ որդւոցն յովսեփայ։

Verse: 6  Link to sept   Ա́յս բա́ն է զոր հրաման ետ տ(է)ր դստերացն սաղպաադու, եւ ասէ։ Որոց հաճոյ թուեսցի յաչս ն(ո)ց(ա)՝ եղիցին նոքա կանայք. բայց ՛ի ցեղէ հօրն իւրեանց եղիցին կանայք։

Verse: 7  Link to sept   Եւ մի́ փոխեսցի ժառանգու(թ)ի(ւն) որդւոցն ի(սրաէ)լի ցեղէ ՛ի ցեղ. զի յիւրաքանչիւր ժառանգութի(ւն) հայրենի ցեղի իւրոյ յարիցեն որդիքն ի(սրաէ)լի։

Verse: 8  Link to sept   Եւ ա(մենայ)ն օրիորդ մերձաւոր ժառանգութե(ան) ՛ի ցեղից որդւոցն ի(սրաէ)լի միո́ւմ ումեք յագականէ հօր իւրոյ լինիցի կին. զի մերձաւորեցուսցեն որդիքն ի(սրաէ)լի զիւրաքանչիւր հայրենի ժառանգութի(ւն) իւր։

Verse: 9  Link to sept   Եւ մի́ փոխեսցի վիճակ ՛ի ցեղէ յա́յլ ցեղ. այլ իւրաքանչիւր յի́ւր ժառանգութի(ւն) յարիցեն որդիքն ի(սրաէ)լի։

Verse: 10  Link to sept   Եւ որպէս հրաման ետ տ(է)ր մովսիսի, ա́յնպէս արարին դստերքն սաղպաադու։

Verse: 11  Link to sept   Եւ եղեն թերսա, եգղա, եւ մեղքա, եւ նուա, եւ մաաղա, դստերքն սաղպաադու՝ հօր եղբարց որդւոց իւրեանց կանայք։

Verse: 12  Link to sept   ՛ի ցեղէն մանասէի որդւոցն յովսեփայ եղեն կանայք։ եւ եղեն ժառանգութի(ւն)ք նոցա յազգատոհմի հօրն իւրեանց։

Verse: 13  Link to sept   Ա́յս են պատուիրանք եւ իրաւո́ւնք եւ դատաստա́նք զոր պատուիրեաց տ(է)ր ՛ի ձեռն մովսիսի, յարեւմուտս մովաբու, առ եզերբ յորդանանու յանդիման երեքոյի։





Book: Deut. 
Deuteronomium

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 28.4.2006

ԵՐԿՐՈՐԴՈՒՄՆ ՕՐԻՆԱՑ

Chapter: 1 
ԳԼ(ՈՒԽ) Ա՜.


Verse: 1  Link to sept   Ա́ՅՍ ԵՆ ՊԱՏԳԱՄՔ՝ ԶՈՐ խօսեցաւ մովսէս ը(նդ) ա(մենայ)ն ի(սրաէ)լի յայնկոյս յորդանանու յանապատին յարեւմուտս՝ մերձ ՛ի ծովն կարմիր, ՛ի մէ́ջ փառանտիփողայ, եւ ղոբանայ, եւ հանգրուանացն եւ ոսկեկայ,

Verse: 2  Link to sept   մետասանօրեա́յ ճանապարհ ՛ի քորեբայ ցլեա́ռն սէիր մինչեւ ցկադէսբառնեայ։

Verse: 3  Link to sept   Եւ եղեւ ՛ի քառասներորդո́ւմ ամի, յամսեանն մետասաներորդում, որ օր մի́ էր ամսոյն։ Խօսեցա́ւ մովսէս ընդ ա(մենայ)ն որդիսն ի(սրաէ)լի. ըստ ա(մենայ)նի ո(ր)պ(էս) պատուիրեաց նմա տ(է)ր առ ն(ո)ս(ա).

Verse: 4  Link to sept   յետ հարկանելո́յ զսեհոն արքայ ամովրհացւոց զբնակեալն յեսեբոն, եւ զովգ՝ արքա́յ բասանու զբնակեալն յաստարո́վթ եւ յեդրային.

Verse: 5  Link to sept   յա́յն կոյս յորդանանու յերկրին մովաբու. սկսաւ մովսէս մեկնե́լ զօրէնս զայսոսիկ՝ եւ ասէ։

Verse: 6  Link to sept   Տ(է)ր ա(ստուա)ծ մեր խօսեցա́ւ ընդ մեզ ՛ի քորէբ՝ եւ ասէ. շա́տ լիցի ձեզ բնակելդ ՛ի լերինս յայսմ.

Verse: 7  Link to sept   դարձարուք եւ չուեցէ́ք դուք աստի, եւ մտանիցէք ՛ի լեառնն ամովրհացւոց, եւ առ ամենեսին որ շուրջ բնակեա́լ իցեն զարաբացւովք ՛ի լերինս եւ ՛ի դաշտս, ընդ հարա́ւ եւ ընդ ծովեզրն քանանացւոց, եւ յաներն լիբանանու՝ մինչեւ ցգե́տն մեծ ցգետն եփրատ։

Verse: 8  Link to sept   Տեսէ́ք զի ահա մատնեցի առաջի ձեր զերկիրն, մտէ́ք ժառանգեցէ́ք զերկիրն՝ զոր երդուայ ես հարցն ձերոց, աբրահամու եւ սահակայ եւ յակոբայ. տա́լ ն(ո)ց(ա) եւ զաւակի ն(ո)ց(ա) յետ ն(ո)ց(ա) զերկիրն՝ որ բղխէ զկաթն եւ զմեղր։

Verse: 9  Link to sept   Եւ խօսեցայ ընդ ձեզ ՛ի ժամանակին յայնմիկ՝ եւ ասեմ։

Verse: 10  Link to sept   Ո́չ կարեմ միայն հանդարտել ձեզ. տ(է)ր ա(ստուա)ծ մեր բազմացոյց զձեզ. եւ ահաւասիկ է́ք դուք այսօր իբրեւ զաստեղս երկնից բազմու(թեամ)բ։

Verse: 11  Link to sept   տ(է)ր ա(ստուա)ծ հարցն մերոց յաւելցէ́ ՛ի ձեզ ե́ւս քան որչափ էքդ հազարապատիկ, եւ օրհնեսցէ́ զձեզ՝ ո(ր)պ(էս) եւ խօսեցաւ ընդ ձեզ։

Verse: 12  Link to sept   Եւ զի՞արդ կարիցեմ միայն կրել զաշխատու(թ)ի(ւն) ձեր, եւ զաղխս ձեր, եւ զհակառակու(թ)ի(ւն)ս ձեր։

Verse: 13  Link to sept   արդ՝ տո́ւք ՛ի ձէնջ ձեզ արս իմաստունս, եւ խորհրդականս, եւ հանճարեղս ՛ի վ(ե)ր(այ) ցեղից ձերոց. եւ կացուցի́ց ՛ի վ(ե)ր(այ) ձեր իշխանս ձեզ։

Verse: 14  Link to sept   Եւ պատասխանի́ տուեալ ասացէք ցիս. բարւո́ք է բանդ զոր խօսեցար առնել։

Verse: 15  Link to sept   Եւ առի́ ՛ի ձէնջ զցեղապետսն, արս իմաստունս եւ հանճարեղս, եւ խորհրդականս. եւ կացուցի զն(ո)ս(ա) ՛ի վ(ե)ր(այ) ձեր, առաջնո́րդս, հազարապե́տս, եւ հարիւրապետս, եւ յիսնապե́տս, եւ տասնապետս, եւ ատենադպիրս դատաւորացն ձերոց։

Verse: 16  Link to sept   Եւ պատուիրեցի դատաւորացն ձերոց ՛ի ժամանակին յա́յնմիկ՝ եւ ասեմ։ Լուարո́ւք ատենի ՛ի մէջ եղբարց ձերոց. եւ դատեցարո́ւք արդարու(թեամ)բ ՛ի մէջ առն եւ եղբօր իւրոյ. եւ ՛ի մէջ եկին իւրոյ.

Verse: 17  Link to sept   եւ մի́ առնուցուս ակն ՛ի դատաստանի, ըստ փոքուն եւ ըստ մեծին դատիցիս. եւ մի́ խորշիցիս յերեսաց մարդոյ. զի դատաստանն ա(ստուծո)յ է. եւ բա́ն ինչ որ ծանրագոյն քան զձեզ իցէ, հասուսջի́ք առ իս՝ եւ լուայց։

Verse: 18  Link to sept   Եւ պատուիրեցի ձեզ ՛ի ժամանակին յայնմիկ զա(մենայ)ն բանս՝ զոր առնիցէք։

Verse: 19  Link to sept   Եւ չուեալ ՛ի քորեբայ շրջեցաք ընդ ա(մենայ)ն անապատն ընդ մե́ծ եւ ընդ ահագին, զոր դո́ւք իսկ տեսէք, զճանապարհ լերինն ամովրհացւոց. ո(ր)պ(էս) պատուիրեաց տ(է)ր ա(ստուա)ծ մեր մեզ, եւ եկաք մինչեւ ցկադէսբառնեայ։

Verse: 20  Link to sept   Եւ ասացի ցձեզ. եկայք մինչեւ ցլեառն ամովրհացւոց՝ զոր տ(է)ր ա(ստուա)ծ մեր տացէ́ ձեզ.

Verse: 21  Link to sept   տեսէ́ք՝ զի տ(է)ր ա(ստուա)ծ մեր մատնեա́ց առաջի երեսաց ձերոց զերկիրն. ելէք եւ ժառանգեցէ́ք՝ ո(ր)պ(էս) ասաց տ(է)ր ա(ստուա)ծ հարցն մերոց ձեզ. մի́ երկնչիցիք՝ եւ մի́ զանգիտիցէք։

Verse: 22  Link to sept   Եւ մատեա́յք առիս ամենեքեան՝ եւ ասացէք. առաքեսցուք յառաջագոյն քան զմեզ ա́րս, եւ դիտեսցեն մեզ զերկիրն. եւ պատմեսցեն մեզ զհանգամանս ճանապարհին ընդ որ ելանիցեմք անդր, եւ զքաղաքացն յորս մտանիցեմք։

Verse: 23  Link to sept   Եւ հաճո́յ թուեցաւ առաջի իմ բանն. եւ առի ՛ի ձէնջ երկոտասան այր, այր մի ը(ս)տ ցեղի։

Verse: 24  Link to sept   եւ գնացին ելին ՛ի լեառնն, եւ հասին մինչեւ ՛ի ձո́րն ողկուզի, եւ լրտեսեցի́ն զնա.

Verse: 25  Link to sept   եւ առին ՛ի ձեռս իւրեանց ՛ի պտղոյ երկրին, եւ իջին առ մեզ՝ եւ բերին մեզ զրո́յց. ասեն, բարի́ է երկիրն՝ զոր տ(է)ր ա(ստուա)ծ տալոց է մեզ։

Verse: 26  Link to sept   Եւ ո́չ կամեցայք ելանել, եւ հեստեցէք բանին տ(եառ)ն ա(ստուծո)յ մերոյ.

Verse: 27  Link to sept   եւ տրտնջեցէք ՛ի վրանս ձեր եւ ասացէք, առ ատելութե(ան) տ(եառ)ն եհան զմեզ յերկրէն եգիպտացւոց, մատնե́լ զմեզ ՛ի ձեռս ամովրհացւոց, սատակել զմեզ.

Verse: 28  Link to sept   արդ՝ յո՞ ելանիցեմք։ Եւ եղբարք ձեր զանգիտեցուցին զսիրտս ձեր՝ եւ ասեն. ազգ մե́ծ եւ բազում, եւ զօրագո́յն է քան զմեզ, եւ քաղաքք մեծամեծք եւ պարսպաւորք մինչեւ յերկինս. այլ եւ որդիս սկայից տեսաք մեք անդ։

Verse: 29  Link to sept   Եւ ասացի ցձեզ՝ մի́ զանգիտիցէք եւ մի́ զարհուրիք ՛ի նոցանէ.

Verse: 30  Link to sept   տ(է)ր ա(ստուա)ծ մեր որ երթայ առաջի երեսաց ձերոց, նա́ տայ պատերազմ ընդ նոսա փոխանակ ձեր. ըստ ա(մենայ)նի զոր արա́ր ձեզ յերկրին եգիպտացւոց առաջի աչաց ձերոց.

Verse: 31  Link to sept   եւ յանապատիս յա́յսմիկ զոր տեսէք։ զի սնո́յց զքեզ տ(է)ր ա(ստուա)ծ քո, ո(ր)պ(էս) սնուցանիցէ ոք զորդի իւր, ըստ ա(մենայ)ն ճանապարհին զոր գնայցէք՝ մինչեւ եկիք ՛ի տեղիս յայս։

Verse: 32  Link to sept   Եւ ՛ի բանիս յայսմիկ ո́չ հաւատացէք տ(եառ)ն ա(ստուծո)յ մերոյ,

Verse: 33  Link to sept   որ երթայ առաջի ձեր ՛ի ճանապարհիդ, ընտրել ձեզ զտեղին. առաջնորդել ձեզ հրո́վ ՛ի գիշերի, ցուցանել ձեզ ճանապարհ ընդ որ գնայցէք. եւ ամպով ՛ի տուէ։

Verse: 34  Link to sept   Եւ լուաւ տ(է)ր զձայն բանիցն ձերոց. եւ բարկացեալ երդուաւ՝ եւ ասէ։

Verse: 35  Link to sept   թէ́ տեսանիցէ ոք յարանցդ յայտցանէ զերկիրն բարի՝ զոր երդուայ տա́լ հարցն նոցա,

Verse: 36  Link to sept   բայց քաղէբ որդի յեփոնեայ, նա́ տեսցէ զնա. եւ նմա́ տաց զերկին յոր եհաս եւ որդւոցն ն(ո)ր(ա), վ(ա)ս(ն) յարելոյ ն(ո)ր(ա) ՛ի տ(է)ր։

Verse: 37  Link to sept   Եւ ի́նձ բարկացաւ տ(է)ր վ(ա)ս(ն) ձեր՝ եւ ասէ. եւ դու մի́ մտցես անդր.

Verse: 38  Link to sept   այլ յեսու որդի նաւեայ սպասաւոր քո, նա́ մտցէ անդր. զնա́ զօրացո, զի նա́ ժառանգեցուսցէ զնա ի(սրաէ)լի։

Verse: 39  Link to sept   Եւ ծնունդք եւ որդիք ձեր զորոց ասացէք թէ յափշտակութի(ւն) լինիցին, եւ ա(մենայ)ն մանուկ մատաղ որ ո́չ գիտիցէ այսօր զբարի կամ զչար, նոքա́ մտցեն անդր. եւ նոցա́ տաց զնա, եւ նոքա ժառանգեսցեն զնա։

Verse: 40  Link to sept   Եւ դուք դարձարո́ւք եւ չուեցէք յանապատն ընդ ճանապարհ կարմիր ծովուն։

Verse: 41  Link to sept   Եւ պատասխանի́ ետուք ինձ եւ ասացէք. մեղա́ք առաջի տ(եառ)ն ա(ստուծո)յ մերոյ. ելցո́ւք մեք՝ տացուք պատերազմ ո(ր)պ(էս) պատուիրեաց մեզ տ(է)ր ա(ստուա)ծ մեր. եւ առեալ իւրաքանչիւր զգործի պատերազմի իւրոյ՝ գումարեցա́յք ելէք ՛ի լեառնն։

Verse: 42  Link to sept   Եւ ասէ ցիս տ(է)ր. ասա́ ցն(ո)ս(ա), մի́ ելանէք եւ մի́ մարտնչիք՝ զի չե́մ ընդ ձեզ, գուցէ́ խորտակիցիք առաջի թշնամեաց ձերոց։

Verse: 43  Link to sept   Եւ խօսեցա́յ ընդ ձեզ՝ եւ ո́չ լուարուք ինձ, եւ անցէք զբանիւ տ(եառ)ն. եւ անսաստեցէք ելէք ՛ի լեառնն։

Verse: 44  Link to sept   Եւ ելեալ ամովրհացին՝ որ բնակեալն էր ՛ի լերինն յայնմիկ ընդդէմ ձեր՝ հալածեա́ց զձեզ, ո(ր)պ(էս) պատիցի մեղու, եւ խոցոտեցի́ն զձեզ ՛ի սէիրայ մինչեւ ցհերմա։

Verse: 45  Link to sept   եւ նստեալ լայիք առաջի տ(եառ)ն. եւ ո́չ լուաւ տ(է)ր ձայնի ձերում, եւ ո́չ անսաց ձեզ։

Verse: 46  Link to sept   Եւ նստայք ՛ի կադէս աւուրս բազումս. որչափ աւուրս երբեմն նստայք անդր։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ դարձաք չուեցաք յանապատն ընդ ճանապարհ կարմիր ծովուն. զոր օրինակ խօսեցա́ւ տ(է)ր ընդիս. եւ պատեցաք զսէի́ր լերամբ աւուրս բազումս։

Verse: 2  Link to sept   Եւ ասէ ցիս տ(է)ր.

Verse: 3  Link to sept   շա́տ լիցի ձեզ պատել զլերամբդ. արդ՝ դարձարո́ւք ընդ կողմն հիւսւսոյ։

Verse: 4  Link to sept   եւ ժողովրդեանդ պատուէ́ր տուր՝ եւ ասասցես. Դուք աւադիկ անցանէք առ սահմանօք եղբարց ձերոց՝ որդւոց եսաւայ, որ բնակեալ են ՛ի սէիր. եւ երկնչիցի́ն ՛ի ձէնջ։

Verse: 5  Link to sept   Եւ զգուշանայցէ́ք յոյժ. մի́ գրգռիցիք ընդ ն(ո)ս(ա) ՛ի պատերազմ, զի ո́չ տաց ձեզ յերկրէ նոցա՝ եւ ո́չ քայլ մի ոտին. քանզի վիճակա́ւ ետու եսաւայ զլեառնն սէիր։

Verse: 6  Link to sept   Կերակուրս գնեսջի́ք ՛ի նոցանէ եւ կերիջիք եւ ջուր չափո́վ արծաթոյ առջիք ՛ի նոցանէ՝ եւ արբջիք։

Verse: 7  Link to sept   Զի տ(է)ր ա(ստուա)ծ մեր օրհնեաց զքեզ յա(մենայ)ն գործս ձեռաց քոց։ Ծանի́ր զիա́րդ անցեր ընդ անապատն մե́ծ եւ ահագին. ահա քառասո́ւ ամ տ(է)ր ա(ստուա)ծ քո ընդ քե́զ է. եւ ո́չ իւիք կարօտեցար։

Verse: 8  Link to sept   Եւ անցա́ք առ եղբարբք մերովք որդւովքն եսաւայ բնակելովքն ՛ի սէիր, առ ճանապարհաւն արաբացւոց յեդոմայ, եւ ՛ի գասիոնդաբերայ։ Եւ դարձեալ անցաք ընդ ճանապա́րհ անապատին մովաբու.

Verse: 9  Link to sept   եւ ասէ́ ցիս տ(է)ր. մի́ թշնամանիցէք ընդ մովաբացիսն, եւ մի́ գրգռիցէք ընդ նոսա ՛ի պատերազմ. զի ո́չ տաց ձեզ յերկրէն ն(ո)ց(ա) ՛ի վիճակ. քանզի որդւոցն ղովտա́յ ետու զսէիր ՛ի ժառանգու(թ)ի(ւն)։

Verse: 10  Link to sept   Եւ ոմմի́նքն նախ բնակեալ էին ՛ի նմա՝ ա́զգ մեզ եւ բազում եւ հզօր, ո(ր)պ(էս) ենակիմք

Verse: 11  Link to sept   ընդ ռափայի́նսն համարիցին, նոյնպէս եւ նոքա իբրեւ զենակիմս. եւ մովաբացիք անուանեն զնոսա ոմմի́նս։

Verse: 12  Link to sept   Եւ ՛ի սէիր նախ բնակեա́լ էր քոռեցին. եւ որդիքն եսաւայ կորուսին զն(ո)ս(ա), եւ սատակեցին զնոսա յերեսա́ց իւրեանց, եւ բնակեցա́ն փոխանակ ն(ո)ց(ա). զորօրինակ արա́ր ի(սրա)էլ զերկիր ժառանգու(թ)ե(ան) իւրոյ՝ զոր ե́տ ն(ո)ց(ա) տ(է)ր։

Verse: 13  Link to sept   Եւ արդ՝ արի́ք չուեցէ́ք եւ անցէ́ք ընդ ձորն զարեդ։

Verse: 14  Link to sept   Եւ աւուրք որչափ անկա́ն մեզ ՛ի գնալն մեզ ՛ի կադէսբառնեայ, մինչեւ անցա́ք ընդ ձորն զարեդ, երեսուն եւ ութ ամ. մինչեւ անկա́ւ ա(մենայ)ն ազգ արանց պատերազմողաց ՛ի բանակէ անտի, որպէս երդուաւ ն(ո)ց(ա) ա(ստուա)ծ.

Verse: 15  Link to sept   եւ ձեռն ա(ստուծո)յ էր ՛ի վերայ ն(ո)ց(ա) սատակե́լ զնոսա ՛ի բանակէն մինչեւ անկան։

Verse: 16  Link to sept   Եւ եղեւ իբրեւ անկան ա(մենայ)ն արք պատերազմօղք մեռեալք ՛ի միջոյ ժողովրդեանն,

Verse: 17  Link to sept   խօսեցա́ւ տ(է)ր ընդիս՝ եւ ասէ։

Verse: 18  Link to sept   Դու անցանես այսօր առ սահմանօք մովաբու ՛ի սէիր.

Verse: 19  Link to sept   եւ մօտ հասանիցէք յորդիսն ամոնայ, մի́ թշնամանիցիք ընդ նոսա, եւ մի́ գրգռիցէք ընդ նոսա պատերազմ. զի ո́չ տաց ձեզ զերկիր որդւոցն ամոնայ ՛ի վիճակ. քանզի որդւոցն ղովտա́յ ետու զն(ո)ս(ա) վիճակաւ։

Verse: 20  Link to sept   Երկիր որ ռափնայ համարեսցի. քանզի նախ՝ ռափա́յնք բնակէին ՛ի նմա. եւ ամոնացիք անուանեն զն(ո)ս(ա) զոմզոմի́նս,

Verse: 21  Link to sept   ազգ մեծ եւ բազում եւ զօրաւոր իբրեւ զենակիմսն. եւ կորո́յս զն(ո)ս(ա) տ(է)ր յերեսաց ն(ո)ց(ա). եւ ժառանգեցին եւ բնակեցին փոխանակ ն(ո)ց(ա)։

Verse: 22  Link to sept   Ո(ր)պ(էս) արար որդւոցն եսաւայ բնակելոց ՛ի սէիր, զորօրինակ սատակեա́ց տ(է)ր զքոռեցին յերեսաց ն(ո)ց(ա), եւ ժառանգեցին եւ բնակեցին փոխանակ նոցա մինչեւ ցայսօր։

Verse: 23  Link to sept   Եւ խեւացիքն որ բնակեալ էին յարիովթ մինչեւ ցգազայ. եւ գամիրքն որ ելեալ էին ՛ի գամրաց՝ սատակեցին զն(ո)ս(ա), եւ բնակեցա́ն փոխանակ նոցա։

Verse: 24  Link to sept   Արդ՝ արի́ք չուեցէ́ք եւ անցէ́ք ընդ ձորն առնովնայ, ահա մատնեցի́ ՛ի ձեռս քո զսեհոն արքայ եսեբոնայ զամովրհացի. եւ զերկիր ն(ո)ր(ա) սկսիր ժառանգե́լ. եւ գրգռե́լ ընդ նմա պատերազմ։

Verse: 25  Link to sept   Յօրէ յայսմանէ սկսիր տա́լ զա́հ եւ զերկիւղ քո առաջի ա(մենայ)ն ազգաց որ են ՛ի ներքոյ երկնից. զի որք լսիցեն զանուանէ քումմէ՝ խռովեսցին, եւ երկո́ւնք կալցին զն(ո)ս(ա) յերեսաց քոց։

Verse: 26  Link to sept   Եւ առաքեցի հրեշտակս յանապատէն կեդմովթայ առ սեհոն արքայ եսեբոնայ բանի́ւք խաղաղութե(ան), եւ ասեմ.

Verse: 27  Link to sept   անցի́ց ը(նդ) երկիր քո, զճանապարհա́յն գնացից. ո́չ խոտորեցայց յաջ եւ ո́չ յահեակ։

Verse: 28  Link to sept   Կերակուր՝ արծաթո́յ վաճառեսցես ինձ եւ կերայց. եւ ջուր՝ արծաթո́յ վաճառեսցես ինձ եւ արբից. բայց զի ոտի́ւք եւ եթ անցից.

Verse: 29  Link to sept   որպէս արարի́ն ինձ որդիքն եսաւայ բնակեալքն ՛ի սէիր, եւ մովաբացիքն բնակեալք յարոէր. մինչեւ անցի́ց ը(նդ) յորդանան յերկիրն զոր տ(է)ր ա(ստուա)ծ տացէ մեզ։

Verse: 30  Link to sept   Եւ ո́չ կամեցաւ սեհոն արքայ եսեբոնայ անցանել մեզ առ նովաւ. զի խստացո́յց տ(է)ր ա(ստուա)ծ մեր զոգի ն(ո)ր(ա), եւ կարծրացո́յց զսիրտ նորա՝ զի մատնեսցի ՛ի ձեռս քո յաւուրն յայնմիկ։

Verse: 31  Link to sept   Եւ ասէ ցիս տ(է)ր. ահա́ սկսեա́լ եմ մատնե́լ առաջի երեսաց քոց զսեհոն արքայ եսեբոնի զամովրհացի՝ եւ զերկիրն ն(ո)ր(ա). սկսի́ր վիճակաւ ժառանգել զերկիրն ն(ո)ր(ա)։

Verse: 32  Link to sept   Եւ ել սեհոն արքայ եսեբոնի ընդդէմ մեր, ինքն եւ ժողովուրդ իւր պատերազմաւ ՛ի սիասա́ր.

Verse: 33  Link to sept   եւ մատնեաց զն(ո)ս(ա) տ(է)ր ա(ստուա)ծ մեր ՛ի ձեռս մեր. եւ հարա́ք զնա եւ զորդիս ն(ո)ր(ա), եւ զա(մենայ)ն ժողովուրդ ն(ո)ր(ա).

Verse: 34  Link to sept   եւ յաղթեցա́ք ա(մենայ)ն քաղաքացն ն(ո)ր(ա) ՛ի ժամանակին յայնմիկ. եւ սատակեցա́ք զա(մենայ)ն քաղաքս ն(ո)ր(ա) մի ըստ միոջէ, եւ զկանայս ն(ո)ց(ա), եւ զմանկունս իւրեանց. եւ ո́չ թողաք ՛ի նոցանէ ապրեալ։

Verse: 35  Link to sept   Բայց զի զխաշի́նսն ածաք յաւարի, եւ զկապուտ քաղաքացն զոր առաք յարոերայ.

Verse: 36  Link to sept   որ է ա́ռ եզերբ ձորոյն առնովնայ։ եւ զքաղաքն որ է ՛ի ձորն, մինչեւ ցսահմանս գաղաադու. եւ ո́չ էր քաղաք որ ապրեցաւ ՛ի մէնջ. այլ զա(մենայ)ն մատնեաց տ(է)ր ա(ստուա)ծ մեր ՛ի ձեռս մեր։

Verse: 37  Link to sept   Բայց յերկիր որդւոցն ամոնայ յոր ո́չ մերձեցաք՝ զա(մենայ)ն արուարձանս ձորոյն յաբովկայ, եւ զա(մենայ)ն քաղաքսն լեռնականս՝ ո(ր)պ(էս) պատուիրեա́ց մեզ տ(է)ր ա(ստուա)ծ մեր։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ դարձա́ք ելաք ընդ ճանապարհն բասանու. եւ ել ովդ արքայ բասանու ընդդէմ մեր. ինքն եւ ա(մենայ)ն ժողովուրդ ն(ո)ր(ա) պատերազմա́ւ ՛ի սեգրային։

Verse: 2  Link to sept   Եւ ասէ ցիս տ(է)ր. մի́ երկնչիցիս ՛ի նմանէ. զի ՛ի ձե́ռս քո մատնեցի զնա, եւ զա(մենայ)ն ժողովուրդ ն(ո)ր(ա), եւ զա(մենայ)ն երկիր ն(ո)ր(ա). եւ արասցես նմա որպէս արարեր սեհոնի արքայի ամովրհացւոց՝ որ բնակեալ էր յեսեբոն։

Verse: 3  Link to sept   Եւ մատնեաց զնա տ(է)ր ա(ստուա)ծ մեր ՛ի ձեռս մեր. եւ զովգ արքայ բասանու, եւ զա(մենայ)ն ժողովուրդն նորա. եւ հարա́ք զնա մինչ ո́չ թողուլ նմա զաւակ։

Verse: 4  Link to sept   Եւ յաղթեցա́ք ա(մենայ)ն քաղաքացն ն(ո)ր(ա) ՛ի ժամանակի յայնմիկ. եւ ո́չ էր քաղաք՝ զոր ո́չ առաք ՛ի նոցանէ. վաթսուն քաղաք զա(մենայ)ն շուրջ զգաւառաւն արբովկայ թագաւորին ովգայ ՛ի բասան.

Verse: 5  Link to sept   ա(մենայ)ն քաղաքք ամուրք բարձրապարիսպք, դրամբք եւ դռնափակօք. թո́ղ զքաղաքսն արձակաքաղաքս փերեզացւոց բազո́ւմս յոյժ։

Verse: 6  Link to sept   Եւ սատակեցաք զն(ո)ս(ա)՝ ո(ր)պ(էս) արարաք զսեհոն արքայ եսեբոնի. եւ սատակեցաք զա(մենայ)ն քաղաքս մի ըստ միոջէ, եւ զկանայս եւ զմանկունս. եւ ո́չ թողաք մազապուր։

Verse: 7  Link to sept   եւ զա(մենայ)ն զանասուն եւ զկապուտ քաղաքացն ածաք մեզ յաւար։

Verse: 8  Link to sept   Եւ առա́ք ՛ի ժամանակի յայնմիկ զերկիրն ՛ի ձեռաց երկուց թագաւորացն ամովրհացւոց. որ էին յայնկոյս յորդանանու, յառնովնայ մինչեւ ցահերմոն։

Verse: 9  Link to sept   եւ փիւնիկեցիք անուանեցին զահերմոն սանիովր. եւ ամովրհացին անուանեաց զնա սանիր։

Verse: 10  Link to sept   Ամենայն քաղաքք միսովրայ, եւ ա(մենայ)ն գաղաադ, եւ ա(մենայ)ն բասան, մինչեւ ցեղքա, եւ ցեդրային. քաղա́քք թագաւորու(թ)ե(ան) էին ովգայ ՛ի բասան։

Verse: 11  Link to sept   Զի ո́վդ միայն արքայ բասանու մնա́ց յռափայնոց անտի. եւ գահոյք ն(ո)ր(ա) գահոյք երկաթիք. եւ ահա է այն յամրոցի́ որդւոցն ամոնայ՝ ինն կանգուն երկայնութի(ւն) ն(ո)ր(ա) եւ չորք կանգուն լայնութի(ւն) ն(ո)ր(ա), սկայի́ց կանգնով։

Verse: 12  Link to sept   Եւ զերկիրն զայն ժառանգեցաք ՛ի ժամանակի յայնմիկ, յարոերայ որ է առ եզերբ ձորոյն առնովնայ։ Եւ զկէս ձորոյն գաղաադու եւ զքաղաքս ն(ո)ր(ա) ետու ռուբինի եւ գադայ.

Verse: 13  Link to sept   եւ զաւելորդն գաղաադու եւ զա(մենայ)ն բասան՝ զթագաւորու(թ)ի(ւն)ն ովգայ՝ ետու կիսոյ ցեղին մանասէի. եւ զա(մենայ)ն գաւառն արբովկայ, եւ զա(մենայ)ն բասանն, որ երկիր ռափայնոցն համարիցի։

Verse: 14  Link to sept   Եւ յայիր՝ որդի մանասէի ա́ռ զա(մենայ)ն գաւառն արբովկայ մինչեւ ցսահմանս գարգասեայ եւ ոմքատեայ. եւ անուանեաց զնա յիւր անուն, զբասան՝ աւովթիէր, մինչեւ ցայսօր ժամանակի։

Verse: 15  Link to sept   Եւ մաքիրայ ետու ցգաղաադ.

Verse: 16  Link to sept   եւ ռուբինի եւ գադայ ետու ՛ի գաղաադէ, մինչեւ ՛ի ձորն առնովնայ, ընդ մէջ ձորոյն սահման մինչեւ ցարբոկ, ձո́րն սահման որդւոցն ամոնայ.

Verse: 17  Link to sept   եւ արաբիա, եւ յորդանան սահման է նմա ՛ի քենէրեթայ մինչեւ ցծովն արաբիայ ծովն աղի։ յասերովթայ յարեւելից փասգայ։

Verse: 18  Link to sept   Եւ պատուիրեցի́ ձեզ ՛ի ժամանակին յայնմիկ՝ եւ ասեմ. տ(է)ր ա(ստուա)ծ մեր ետ ձեզ զերկիրս զայս ՛ի վիճակ. վառեցարո́ւք անցէ́ք առաջի եղբարց ձերոց՝ որդւոցն ի(սրաէ)լի ա(մենայ)ն զօրաւոր։

Verse: 19  Link to sept   Բայց կանայք ձեր եւ մանկունք ձեր, եւ անասուն ձեր, գիտե́մ զի անասուն բազում է ձեր, բնակեսցեն ՛ի քաղաքս ձեր՝ զոր ետու ձեզ,

Verse: 20  Link to sept   մինչեւ զետեղեսցէ տ(է)ր ա(ստուա)ծ մեր զեղբարս ձեր, ո(ր)պ(էս) եւ զձեզ. զի ժառանգեսցեն եւ նոքա զերկիրն՝ զոր տ(է)ր ա(ստուա)ծ մեր տացէ ն(ո)ց(ա) յայնկոյս յորդանանու. եւ դարձջի́ք այսրէն յիւրաքանչիւր ժառանգու(թ)ի(ւն) իւր՝ զոր ետու ձեզ։

Verse: 21  Link to sept   Եւ յեսուայ պատուիրեցի ՛ի ժամանակին յայնմիկ՝ եւ ասեմ. ա́չք ձեր իսկ տեսին զա(մենայ)ն զոր արար տ(է)ր ա(ստուա)ծ քո ընդ երկուս թագաւորսն ընդ այնոսիկ. նո́յնպէս արասցէ տ(է)ր ընդ ա(մենայ)ն թագաւորու(թ)ի(ւն)ս՝ յորոց վ(ե)ր(այ) դիմեսցես դու.

Verse: 22  Link to sept   մի́ զանգիտիցէք. զի տ(է)ր ա(ստուա)ծ մեր ինքնին պատերազմեսցի փոխանակ ձեր։

Verse: 23  Link to sept   Եւ աղաչեցի զտ(է)ր ա(ստուա)ծ ՛ի ժամանակին յայնմիկ՝ եւ ասեմ.

Verse: 24  Link to sept   տ(է)ր՝ տ(է)ր, դո́ւ սկսար ցուցանել ծառայի քում զսաստկութի(ւն) քո եւ զզօրութի(ւն) քո, զձեռն հզօր եւ զբազուկ բարձր. քանզի ո՞վ է ա(ստուա)ծ յերկինս կամ յերկրի՝ որ առնիցէ որպէս դո́ւ արարեր ըստ զօրութե(ան) քում։

Verse: 25  Link to sept   Արդ՝ անցեա՞լ տեսից զերկիրն բարի՝ որ է յա́յնկոյս յորդանանու, զլեա́ռնն բարի զերկրորդն լիբանան։

Verse: 26  Link to sept   Եւ անտե́ս արար զիս տ(է)ր վ(ա)ս(ն) ձեր, եւ ո́չ լուաւ ինձ. եւ ասէ ցիս տ(է)ր. շա́տ լիցի քեզ՝ մի́ եւս յաւելուցուս խօսել զբանդ զայդ։

Verse: 27  Link to sept   Ե́լ ՛ի կատար կոփածոյիդ, եւ հայեցեալ աչօք քովք ընդ ծովակողմն, եւ ընդ հիւսւսի, եւ ընդ հարաւ, եւ ընդ արեւելս. տե́ս աչօք քովք. քանզի ո́չ անցանիցես ընդ այդ յորդանան։

Verse: 28  Link to sept   Եւ պատուիրեա́ յեսուայ եւ զօրացուսցե́ս զնա, եւ մխիթարեսցե́ս զնա. զի նա́ անցցէ առաջի ժողովրդեան իմոյ այդորիկ. եւ նա́ ժառանգեցուսցէ դոցա զերկիրն զոր տեսեր։

Verse: 29  Link to sept   Եւ նստա́ք ՛ի հովիտսն մերձ ՛ի տուն փոգովրայ։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ այժմ իսրայէլ՝ լո́ւր իրաւանց եւ դատաստանաց, զոր ես ուսուցանեմ քեզ այսօր առնել. զի կեցջիք, եւ մտանիցէք ժառանգել զերկիրն՝ զոր տ(է)ր ա(ստուա)ծ մեր տացէ ձեզ։

Verse: 2  Link to sept   Մի́ յաւելուցուք ինչ ՛ի բանն՝ զոր ես պատուիրեմ ձեզ, եւ մի́ հատանիցէք ՛ի նմանէ։ պահեսջիք զհրամանս տ(եառ)ն ա(ստուծո)յ մերոյ զոր ե́ս պատուիրեմ ձեզ։

Verse: 3  Link to sept   Աչք ձեր տեսին՝ զոր ինչ արա́ր տ(է)ր ընդ բելփեգովր. զի ա(մենայ)ն մարդ որ չոգաւ զհետ բելփեգովրայ՝ սատակեա́ց զնա տ(է)ր ա(ստուա)ծ մեր ՛ի ձէնջ։

Verse: 4  Link to sept   Բայց դուք՝ որ յարեցայք ՛ի տ(է)ր ա(ստուա)ծ ձեր, կենդանի́ էք դուք ամենեքեան յաւուրս յայսմիկ։

Verse: 5  Link to sept   Տեսէ́ք զի ուսուցի ձեզ զիրաւո́ւնս եւ զդատաստանս՝ ո(ր)պ(էս) պատուիրեաց ինձ տ(է)ր առնե́լ զայն յերկրին յորում դուք մտանիցէք ժառանգել զնա։

Verse: 6  Link to sept   Եւ պահեսջի́ք եւ արասջի́ք. զի ա́յն է իմաստութի(ւն) ձեր եւ հանճա́ր առաջի ա(մենայ)ն ազգացն, որ լսիցեն զա(մենայ)ն իրաւունս զայսոսիկ եւ ասիցեն. ահա ժողովուրդ իմաստո́ւն եւ հանճարե́ղ ա́զգս այս մեծ։

Verse: 7  Link to sept   Քանզի ո՞վ իցէ ազգ մեծ՝ որոյ իցէ ա(ստուա)ծ մօտ ՛ի ն(ո)ս(ա). ո(ր)պ(էս) տ(է)ր ա(ստուա)ծ մեր յամենայնի՝ որովք կարդասցուք առ նա.

Verse: 8  Link to sept   եւ ո՞ր ազգ մեծ՝ որոյ իցեն իրաւունք եւ դատաստանք արդա́րք, ըստ ա(մենայ)նի իրաւանցս այսոցիկ՝ զոր ե́ս տամ այսօր առաջի ձեր։

Verse: 9  Link to sept   Հայեա́ց ՛ի քեզ եւ զգո́յշ լեր անձին քում յոյժ. մի́ մոռանայցես զա(մենայ)ն բանս զայսոսիկ՝ զոր տեսին աչք քո. եւ մի́ մերժեսցին ՛ի սրտէ քումմէ զա(մենայ)ն աւուրս կենաց քոց. եւ խելամո́ւտ արասցես որդւոց քոց, եւ որդւո́ց որդւոց քոց,

Verse: 10  Link to sept   զօրն յորում կացէք դուք ՛ի քորէբ առաջի տ(եառ)ն ա(ստուծո)յ ձերոյ յաւուրն եկեղեցւոյ. յորժամ ասաց ցիս տ(է)ր, թէ եկեղեցացւոյ առիս զժողովուրդդ, եւ լուիցե́ն զպատգամս իմ զոր ուսուցից երկնչե́լ յինէն զա(մենայ)ն աւուրս՝ որչափ կենդանի́ իցեն դոքա ՛ի վ(ե)ր(այ) երկրի, եւ ուսուսցե́ն զորդիս իւրեանց։

Verse: 11  Link to sept   Եւ մատուցեալ կայիք դուք առ ստորոտով լերինն. եւ լեառնն բորբոքէր հրով մինչեւ յերկինս, եւ խաւա́ր եւ մէգ եւ մառախո́ւղ էր։

Verse: 12  Link to sept   Եւ խօսեցաւ տ(է)ր ընդ ձեզ ՛ի միջոյ հրոյն. զձայն պատգամացն լուարուք դուք, ՛ի նմանու(թ)ի(ւն) ինչ ո́չ տեսէք. բայց միայն զբարբա́ռն։

Verse: 13  Link to sept   Եւ պատմեա́ց ձեզ զուխտն իւր զոր պատուիրեաց ձեզ առնել, զտա́սն պատգամսն։ եւ գրեաց զն(ո)ս(ա) ՛ի վ(ե)ր(այ) երկուց քարեղէն տախտակաց։

Verse: 14  Link to sept   Եւ պատուիրեաց ինձ ՛ի ժամանակին յայնմիկ՝ ուսուցանե́լ իրաւունս ձեզ եւ դատաստանս. եւ առնե́լ ձեզ զն(ո)ս(ա) յերկրին յոր դուք մտանիցէք ժառանգե́լ զնա։

Verse: 15  Link to sept   Եւ զգուշացարուք յոյժ անձանց ձերոց. զի նմանու(թ)ի(ւն) ինչ ո́չ տեսէք յաւուրն յայնմիկ՝ յորում խօսեցաւ ընդ ձեզ տ(է)ր ՛ի քորէ́բ լերինն ՛ի միջո́յ հրոյն։

Verse: 16  Link to sept   Մի́ անօրինիցիք, եւ առնիցէք ձեզ դրօշեալս նմանու(թ)ի(ւն) ա(մենայ)ն պատկերի. նմանութի(ւն) արուակա́ն կամ իգական։

Verse: 17  Link to sept   նմանութի(ւն) ա(մենայ)ն անասնոց՝ որ իցեն յերկրի. նմանու(թ)ի(ւն) ա(մենայ)ն հաւու թռչնոյ, որ թռչիցին ՛ի ներքոյ երկնից։

Verse: 18  Link to sept   նմանութի(ւն) ա(մենայ)ն սողնոց՝ որ սողին ՛ի վ(ե)ր(այ) երկրի. նմանու(թ)ի(ւն) ա(մենայ)ն ձկանց՝ որ իցեն ՛ի ջուրս ՛ի ներքոյ երկրի։

Verse: 19  Link to sept   Եւ մի́ հայեցեալ ընդ երկինս տեսանիցես զարեգակն եւ զլուսին եւ զաստեղս, եւ զա(մենայ)ն զարդ երկնից, եւ մոլորեալ երկի́ր պագանիցես ն(ո)ց(ա), եւ պաշտիցես զն(ո)ս(ա). զոր բաժանեաց տ(է)ր ա(ստուա)ծ ա(մենայ)ն ազգաց որ ՛ի ներքոյ երկնից.

Verse: 20  Link to sept   եւ զձեզ ա́ռ ՛ի ձեռն ա(ստուա)ծ, եւ եհա́ն զձեզ յերկաթեղէն հնոցէն յեգիպտոսէ, լինել նմա ժողովուրդ վիճակա́ւ, ո(ր)պ(էս) եւ յաւուր յայսմիկ։

Verse: 21  Link to sept   Եւ տ(է)ր բարկացաւ ինձ վ(ա)ս(ն) բանիցն ասացելոց ՛ի ձէնջ, եւ երդուաւ զի մի́ անցից ընդ այդ յորդանան. եւ զի մի́ մտանիցեմ յերկիրն՝ զոր տ(է)ր ա(ստուա)ծ քո տացէ քեզ ՛ի ժառանգութի(ւն)։

Verse: 22  Link to sept   Եւ արդ՝ ես աւասիկ մեռանի́մ յերկրիս յայսմիկ, եւ ոչ անցանեմ ընդ յորդանան. բայց դուք անցանէ́ք եւ ժառանգէ́ք զերկիրն բարի։

Verse: 23  Link to sept   Զգո́յշ լերուք գուցէ մոռանայցէք զուխտն տ(եառ)ն ա(ստուծո)յ մերոյ՝ զոր ուխտեա́ց ընդ ձեզ, եւ առնիցէք ձեզ դրօշեալ նմանութի(ւն) յա(մենայ)նէ՝ յորոց պատուիրեա́ց քեզ տ(է)ր ա(ստուա)ծ քո։

Verse: 24  Link to sept   Զի տ(է)ր ա(ստուա)ծ քո հո́ւր ծախիչ է. ա(ստուա)ծ նախանձո́տ։

Verse: 25  Link to sept   Եւ եթէ ծնանիցիս որդի́ս, եւ զորդիս որդւոց քոց, եւ յամիցէք յերկրին. եւ անօրինիցիք, եւ առնիցէք դրօշեալ նմանութի(ւն) ա(մենայ)նի. եւ առնիցէք չա́ր առաջի տ(եառ)ն ա(ստուծո)յ ձերոյ բարկացուցանե́լ զնա։

Verse: 26  Link to sept   Ունիմ ձեզ վկա́յս այսօր զերկինս եւ զերկիր, զի կորստեամբ կորնչիցի́ք յերկրէն, յոր դուք անցանէք ընդ յորդանան ժառանգե́լ զնա։ եւ ո́չ բազմացուցանիցէք զժամանակս աւուրց ՛ի վ(ե)ր(այ) ն(ո)ր(ա). այլ սատակելով սատակեսջի́ք։

Verse: 27  Link to sept   Եւ ցրուեսցէ́ տ(է)ր զձեզ ընդ ա(մենայ)ն ազգս. եւ մնայցէք սակա́ւք թուով ՛ի մէջ ազգացն՝ յորս տարցի զձեզ տ(է)ր անդր։

Verse: 28  Link to sept   Եւ պաշտիցէք անդ զաստուածս օտարս զձեռագործս մարդկան. զփայտեղէնս եւ զքարեղէնս. որք ո́չ տեսանիցեն եւ ո́չ լսիցեն, եւ ո́չ ուտիցեն, եւ ո́չ հոտոտիցեն։

Verse: 29  Link to sept   Եւ խնդրիցէք անդ զտ(է)ր ա(ստուա)ծ ձեր. եւ գտանիցէք յորժամ խնդրիցէք զնա յա(մենայ)ն սրտէ ձերմէ, եւ յա(մենայ)ն անձնէ ձերմէ, ՛ի նեղութե(ան) ձերում.

Verse: 30  Link to sept   եւ գտանիցե́ն զքեզ ա(մենայ)ն բանքս այսոքիկ ՛ի վախճանի աւուրց։ Եւ դարձցի́ս դու առ տ(է)ր ա(ստուա)ծ քո, եւ լուիցե́ս ձայնի ն(ո)ր(ա).

Verse: 31  Link to sept   զի ա(ստուա)ծ ողորմա́ծ է, ո́չ թողցէ զքեզ եւ ո́չ սատակեսցէ զքեզ. եւ ո́չ մոռասցի զուխտ հարցն քոց, զոր երդուաւ նոցա։

Verse: 32  Link to sept   Հարցէ́ք զաւուրսն զառաջինս զեղեալս յառաջագոյն քան զձեզ. յօրէ յորմէ հաստատեաց ա(ստուա)ծ զմարդ ՛ի վ(ե)ր(այ) երկրի. ՛ի ծագաց երկրի մինչեւ ՛ի ծագս երկնից, եթէ եղեա՞լ իցէ ըստ բանիս մեծի այսորիկ։ եթէ ազգեա՞լ իցէ լուր այսպիսի։

Verse: 33  Link to sept   եթէ լուաեա՞լ իցէ ազգի զձայն ա(ստուծո)յ կենդանւոյ բարբառելոյ ՛ի միջոյ հրոյ։ ո(ր)պ(էս) լուա́ր դու՝ եւ կեցեր։

Verse: 34  Link to sept   եթէ յօժարեա՞լ իցէ ա(ստուծո)յ մտանե́լ առնուլ իւր ա́զգ ՛ի միջոյ ազգի, փորձութ(եամ)բ եւ նշանօք եւ արուեստիւք եւ պատերազմաւ, հզօ́ր ձեռամբ եւ բա́րձր բազկաւ, եւ մեծամեծ տեսլեամբք. ըստ ա(մենայ)նի զոր արար տ(է)ր ա(ստուա)ծ մեր յեգիպտոս՝ յանդիման քո́ իսկ տեսանելով։

Verse: 35  Link to sept   Զի գիտասցես թէ տ(է)ր նա́ է ա(ստուա)ծ, եւ չի́ք այլ ոք բա́ց ՛ի նմանէ։

Verse: 36  Link to sept   Յերկնի́ց լսելի եղեւ բարբառ ն(ո)ր(ա) խրատել զքեզ. եւ յերկրի եցո́յց քեզ զհուր իւր զմեծ, եւ զպատգամս ն(ո)ր(ա) լուար ՛ի միջոյ հրոյ,

Verse: 37  Link to sept   վասն սիրելոյ ն(ո)ր(ա) զհարսն քո։ Եւ ընտրեաց զզաւակ նոցա յետ ն(ո)ց(ա) զձեզ քան զա(մենայ)ն ազգս. եւ եհան զձեզ ինքնի́ն զօրու(թեամ)բ իւրով մեծաւ յեգիպտոսէ.

Verse: 38  Link to sept   սատակել քեզ զազգս մեծամեծս եւ հզօրագո́յնս քան զքեզ յերեսաց քոց. տանե́լ զքեզ եւ տա́լ քեզ զերկիր ն(ո)ց(ա) ՛ի ժառանգութի(ւն). ո(ր)պ(էս) ունի́ս իսկ այսօր։

Verse: 39  Link to sept   եւ ծանիցե́ս այսոր եւ դարձցիս մտօք. զի տ(է)ր ա(ստուա)ծ քո՝ նա́ է ա(ստուա)ծ յերկինս ՛ի վեր եւ յերկիր ՛ի խոնարհ. եւ չի́ք ա́յլ ոք բաց ՛ի նմանէ։

Verse: 40  Link to sept   Եւ պահեսցե́ս զիրաւունս ն(ո)ր(ա), եւ զպատուիրանս ն(ո)ր(ա) զոր ե́ս պատուիրեմ քեզ այսօր, զի բարի լինիցի քեզ եւ որդւոց քոց յետ քո. եւ երկայնակեա́ց լինիցիս յերկրին՝ զոր տ(է)ր ա(ստուա)ծ տացէ քեզ զա(մենայ)ն աւուրս։

Verse: 41  Link to sept   Յայնժամ զատոյց մովսէս երիս քաղաքս յայնկոյս յորդանանու յարեւելից կողմանէ,

Verse: 42  Link to sept   փախչե́լ անդր սպանողին, որոք սպանանիցէ զընկեր իւր եւ ո́չ գիտութ(եամ)բ. եւ ինքն ո́չ ատեայր զնա յերէկն եւ յեռանդ, անկցի́ ՛ի մի ՛ի քաղաքացն այնոցիկ՝ եւ կեցցէ։

Verse: 43  Link to sept   Զբոսոր յանապատին, ՛ի դաշտին յերկրին ռուբինի. եւ զռամովթ ՛ի գաղաադ զգադայ. եւ զգաւղովն ՛ի բասա́ն զմանասէի։

Verse: 44  Link to sept   Եւ ա́յս օրէն է՝ զոր ե́դ մովսէս առաջի որդւոցն ի(սրաէ)լի։

Verse: 45  Link to sept   Եւ ա́յս են վկայութի(ւն)ք եւ իրաւունք եւ դատաստանք, զոր խօսեցաւ մովսէս ընդ որդիսն ի(սրաէ)լի յելանե́լ նոցա յերկրէն եգիպտացւոց.

Verse: 46  Link to sept   յա́յն կոյս յորդանանու. ՛ի ձորն որ է մերձ ՛ի տուն փեգովրայ. յերկրին սեհոնի արքայի ամովրհացւոց՝ որ բնակեա́լ էր յեսեբոն. զորս եհա́ր մովսէս եւ որդիքն ի(սրաէ)լի յելանել իւրեանց յերկրէն եգիպտացւոց։

Verse: 47  Link to sept   Եւ ժառանգեցի́ն զերկիրն նոցա. եւ զերկիր ովգայ թագաւորին բասանու. զերկո́ւց թագաւորացն ամովրհացւոց՝ որ էին յա́յն կոյս յորդանանու ընդ արեւելս։

Verse: 48  Link to sept   յարոերայ՝ որ է́ առ եզե́րբ ձորոյն առնովնայ, մինչեւ ցլեառնն սեհոնի՝ որ է́ առ հերմոն։

Verse: 49  Link to sept   Զա(մենայ)ն զարաբիա՝ որ է յա́յնկոյս յորդանանու ընդ արեւելս, մինչեւ ցծո́վն արաբացւոց ՛ի ներքոյ ասեդովթայ կոփածոյին։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ կոչեա́ց մովսէս զա(մենայ)ն ի(սրա)էլ՝ եւ ասէ ցն(ո)ս(ա)։ Լո́ւր ի(սրա)էլ զիրաւունս եւ զդատաստանս՝ զոր ես խօսիմ յականջս ձեր յաւուր յայսմիկ. եւ ուսջիք զն(ո)ս(ա), եւ զգո́յշ լիջիք առնե́լ զն(ո)ս(ա)։

Verse: 2  Link to sept   Տ(է)ր ա(ստուա)ծ մեր ուխտեաց մեզ ո́ւխտ ՛ի քորէբ։

Verse: 3  Link to sept   ո́չ եթէ հարցն ձերոց ուխտեաց տ(է)ր զուխտն զայն, այլ ձե́զ. եւ դուք ամենեքին կենդանի́ էք այսօր։

Verse: 4  Link to sept   Դէ́մ յանդիման խօսեցաւ տ(է)ր ընդ ձեզ ՛ի լերինն ՛ի միջոյ հրոյն.

Verse: 5  Link to sept   եւ ես կացի́ ՛ի մէջ տ(եառ)ն եւ ձեր ՛ի ժամանակին յայնմիկ, պատմե́լ ձեզ զպատգամսն տ(եառ)ն. զի զարհուրեցա́յք յերեսաց հրոյն՝ եւ ո́չ ելէք ՛ի լեառնն։ Ասէ,

Verse: 6  Link to sept   Ե́ս եմ տ(է)ր ա(ստուա)ծ քո որ հանի զքեզ յերկրէն եգիպտացւոց ՛ի տանէ ծառայութե(ան)։

Verse: 7  Link to sept   Մի́ լինիցին քեզ աստուածք օտարք առաջի աչաց իմոց.

Verse: 8  Link to sept   եւ մի́ առնիցես դու քեզ դրօշեալ, եւ մի́ զնմանութի(ւն) ա(մենայ)նի՝ որինչ յերկինս ՛ի վեր, եւ որինչ յերկիր ՛ի խոնարհ, եւ որինչ ՛ի ջուրս ՛ի ներքոյ երկրի.

Verse: 9  Link to sept   մի́ երկիրպագանիցես ն(ո)ց(ա), եւ մի́ պաշտեսցես զնոսա. զի ե́ս եմ տ(է)ր ա(ստուա)ծ քո, ա(ստուա)ծ նախանձո́տ. հատուցանեմ զմեղս հարանց որդւո́ց իւրեանց, յերիս եւ ՛ի չորս ազգս ատելեաց իմոց։

Verse: 10  Link to sept   եւ առնեմ զողորմութի(ւն) ՛ի հազար ազգս սիրելեաց իմոց, եւ որոց պահիցեն զհրամանս իմ։

Verse: 11  Link to sept   Մի́ առնուցուս զանուն տ(եառ)ն ա(ստուծո)յ քոյ ՛ի վերայ սնոտեաց. զի ո́չ սրբեսցէ տ(է)ր ա(ստուա)ծ քո զայն, որ առնուցու զանուն ն(ո)ր(ա) ՛ի վ(ե)ր(այ) սնոտեաց։

Verse: 12  Link to sept   Զգուշասջի́ր աւուրն շաբաթու սրբել զնա. ո(ր)պ(էս) եւ պատուիրեա́ց քեզ տ(է)ր ա(ստուա)ծ քո։

Verse: 13  Link to sept   զվե́ց օր գործեսցես՝ եւ արասցես զա(մենայ)ն գործ քո։

Verse: 14  Link to sept   Յաւուրն եւթներորդի շաբա́թ տ(եառ)ն ա(ստուծո)յ քոյ. մի́ գործեսցես ՛ի նմա զա(մենայ)ն գործ քո, դո́ւ եւ ո́ւստր քո եւ դուստր քո, եւ ծառա́յ քո եւ աղախի́ն քո. ե́զն քո եւ էշ քո, եւ ա(մենայ)ն անասուն քո. եւ եկն որ ՛ի ներքոյ դրանց քոց։ զի հանգիցէ ծառայն քո եւ աղախին քո ո(ր)պ(էս) եւ դո́ւ։

Verse: 15  Link to sept   եւ յիշեսցե́ս դու զի ծառա́յ էիր յերկրին եգիպտացւոց. եւ եհան զքեզ տ(է)ր ա(ստուա)ծ քո անտի հզօ́ր ձեռամբ եւ բա́րձր բազկաւ. վ(ա)ս(ն) այսորիկ պատուիրեա́ց քեզ տ(է)ր ա(ստուա)ծ քո պահե́լ զօրն շաբաթուց եւ սրբե́լ զնա։

Verse: 16  Link to sept   Պատուեա́ զհայր քո եւ զմայր քո, ո(ր)պ(էս) պատուեաց զքեզ տ(է)ր ա(ստուա)ծ քո. զի բարի́ լինիցի քեզ. եւ երկայնակեա́ց լինիցիս ՛ի վ(ե)ր(այ) երկրին՝ զոր տ(է)ր ա(ստուա)ծ քո տացէ քեզ։

Verse: 17  Link to sept   Մի́ շնայցես։

Verse: 18  Link to sept   Մի́ սպանանիցես։

Verse: 19  Link to sept   Մի́ գողանայցես։

Verse: 20  Link to sept   Մի́ վկայիցես զընկեր քումմէ վկայութի(ւն) սուտ։

Verse: 21  Link to sept   Մի́ ցանկանայցես կնոջ ընկերի քոյ. եւ մի́ ցանկանայցես տա́ն ընկերի քոյ, եւ մի́ անդոյ նորա, եւ մի́ ծառայի ն(ո)ր(ա), եւ մի́ աղախնոյ ն(ո)ր(ա). եւ մի́ եզին ն(ո)ր(ա), եւ մի́ իշոյ ն(ո)ր(ա), եւ մի́ ա(մենայ)ն անասնոյ ն(ո)ր(ա). եւ մի́ ա(մենայ)նի զինչ ընկերի́ քոյ իցէ։

Verse: 22  Link to sept   Զա́յս պատգամս խօսեցաւ տ(է)ր ընդ ժողովրդեանն ձերում ՛ի լերինն ՛ի միջո́յ հրոյն. ուր խաւա́րն եւ մէ́գ եւ մառախո́ւղ էր, մեծաւ բարբառով, եւ ո́չեւս յաւել։ եւ գրեա́ց զնոսա ՛ի վ(ե)ր(այ) երկուց քարեղէն տախտակացն՝ եւ ե́տ ցիս։

Verse: 23  Link to sept   Եւ եղեւ իբրեւ լուայք զբարբառն ՛ի միջոյ հրոյն, եւ լեառն բորբոքեա́լ էր հրով։ եւ մատուցեալ առիս իշխանաց ցեղիցն ձերոց եւ ծերակուտին ձերոյ, ասէին.

Verse: 24  Link to sept   ահա եցո́յց մեզ տ(է)ր ա(ստուա)ծ զփառս իւր եւ զմեծութի(ւն) իւր, եւ զբարբառ նորա լուա́ք ՛ի միջոյ հրոյ։ Յաւուր յա́յնմիկ տեսաք՝ եթէ խօսիցի́ ա(ստուա)ծ ընդ մարդոյ՝ եւ կեցցէ։

Verse: 25  Link to sept   եւ արդ՝ մի́ մեռցուք. զի մի́ սատակեսցէ զմեզ հուրս այս մեծ։ եթէ յաւելուցո́ւմք մեք լսել զձայն տ(եառ)ն ա(ստուծո)յ մերոյ միւսանգամ, եւ մեռանիցի́մք։

Verse: 26  Link to sept   Զի ո՞ ոք մսեղի իցէ որ լուաւ զձայն ա(ստուծո)յ կենդանւոյ բարբառելոյ ՛ի միջո́յ հրոյ որպէս մեքս՝ եւ կեցցէ։

Verse: 27  Link to sept   Մատի́ր դու, եւ լո́ւր՝ զորինչ ասիցէ տ(է)ր ա(ստուա)ծ մեր, եւ դո́ւ խօսեսցիս ընդ մեզ զա(մենայ)ն ինչ զոր խօսիցի տ(է)ր ա(ստուա)ծ մեր ընդ քեզ. եւ լուիցո́ւք եւ արասցուք։

Verse: 28  Link to sept   Եւ լուաւ տ(է)ր զբարբառ բանիցն ձերոց խօսելոյ ընդիս, եւ ասէ ցիս տ(է)ր. լուա́յ զբարբառ բանից ժողովրդեանն զոր խօսեցան ընդ քեզ։ Ուղի́ղ խօսեցան զա(մենայ)ն,

Verse: 29  Link to sept   ո́ տացէ լինել ա́յնպէս սրտից ն(ո)ց(ա) ՛ի ն(ո)ս(ա), երկնչե́լ յինէն, եւ պահե́լ զպատուիրանս իմ զա(մենայ)ն աւուրս. զի բարի́ լինիցի նոցա եւ որդւո́ց ն(ո)ց(ա) յաւիտեան։

Verse: 30  Link to sept   Արդ ե́րթ ասա́ ցնոսա. դարձարո́ւք դուք ՛ի տունս ձեր։

Verse: 31  Link to sept   եւ դո́ւ ա́ստ կա́ց առիս, եւ խօսեցա́յց ը(նդ) քեզ զպատուիրանս եւ զիրաւունս, եւ զդատաստանս զոր ուսուցանիցե́ս ն(ո)ց(ա). եւ արասցե́ն յերկրին՝ զոր ես տա́ց ն(ո)ց(ա) ՛ի ժառանգութի(ւն)։

Verse: 32  Link to sept   Զգո́յշ լերուք առնելոյ. որպէս պատուիրեա́ց քեզ տ(է)ր ա(ստուա)ծ քո. եւ մի́ խոտորիցիս յա́ջ եւ մի́ յահեակ,

Verse: 33  Link to sept   ըստ ա(մենայ)ն ճանապահին՝ զոր պատուիրեաց քեզ տ(է)ր ա(ստուա)ծ մեր գնալ. զի հանգուսցէ́ զքեզ՝ եւ բարի́ արասցէ քեզ. եւ երկայնօրեա́յք լինիցիք յերկրին զոր ժառանգիցէք։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ ա́յս են պատուիրանք եւ իրաւունք եւ դատաստանք՝ զոր պատուիրեա́ց ձեզ տ(է)ր ա(ստուա)ծ մեր, ուսուցանել զձեզ՝ առնել ա́յնպէս յերկրին յոր դո́ւք մտանիցէք ժառանգել։

Verse: 2  Link to sept   Զի երկնչիցի́ք ՛ի տ(եառն)է ա(ստուծո)յ մերմէ, պահել զա(մենայ)ն իրաւունս ն(ո)ր(ա), եւ զպատուիրանս ն(ո)ր(ա) զոր ես պատուիրեմ ձեզ այսօր։ դո́ւ եւ որդի́ք քո, եւ որդի́ք որդւոց քոց, զա(մենայ)ն աւուրս կենաց քոց. զի երկայնօրեա́յք լինիցիք։

Verse: 3  Link to sept   Եւ լո́ւր ի(սրա)էլ եւ զգո́յշ լեր առնելոյ. զի բարի́ լինիցի քեզ, եւ բազմանայցէ́ք յոյժ, ո(ր)պ(էս) խոստացաւ ա(ստուա)ծ հարցն քոց տա́լ քեզ զերկիրն որ բղխէ զկաթն եւ զմեղր։ Ա́յս են իրաւունք եւ դատաստանք՝ զոր պատուիրեաց մովսէս որդւոցն ի(սրաէ)լի յանապատին, յելանել ն(ո)ց(ա) յերկրէն եգիպտացւոց։

Verse: 4  Link to sept   Լո́ւր ի(սրա)էլ, տ(է)ր ա(ստուա)ծ մեր՝ տ(է)ր մի է։

Verse: 5  Link to sept   եւ սիրեսցես զտ(է)ր ա(ստուա)ծ քո յա(մենայ)ն սրտէ քումմէ, եւ յա(մենայ)ն անձնէ քումմէ, եւ յա(մենայ)ն զօրութ(են)է քումմէ։

Verse: 6  Link to sept   Եւ եղիցին պատգամքս այսոքիկ զոր ես պատուիրեմ քեզ այսօր ՛ի սրտի́ քում եւ յանձին քում։

Verse: 7  Link to sept   եւ իմացուսցե́ս զայս որդւոց քոց. եւ խօսեսցի́ս սոքօք, ՛ի նստե́լ ՛ի տան, եւ ՛ի գնալ ՛ի ճանապարհի, եւ ՛ի ննջել եւ ՛ի յառնել։

Verse: 8  Link to sept   Եւ արկցե́ս զսոսա նշա́ն ՛ի ձեռին քում. եւ եղիցի անշա́րժ առաջի աչաց քոց։

Verse: 9  Link to sept   եւ գրեսցես զն(ո)ս(ա) ՛ի վ(ե)ր(այ) սեմո́ց տանց քոց, եւ ՛ի դրունս քո։

Verse: 10  Link to sept   Եւ եղիցի յորժամ տանիցի զքեզ տ(է)ր ա(ստուա)ծ քո յերկրին զոր երդուաւ տ(է)ր հարցն քոց աբրահամու, եւ սահակայ, եւ յակոբայ տա́լ քեզ քաղաքս մեծամե́ծս եւ գեղեցի́կս զոր ո́չ շինեցեր։

Verse: 11  Link to sept   Եւ տունս լի́ ա(մենայ)ն բարութ(իւն)մբք զոր ո́չ լցեր, եւ ջրհորս փորեալս զոր ո́չ փորեցեր. եւ այգիս եւ ձիթենիս զորս ո́չ տնկեցեր։

Verse: 12  Link to sept   եւ ուտիցես եւ յագիցիս։

Verse: 13  Link to sept   Զգո́յշ լինիջիր անձին քում. գուցէ́ մոռանայցես զտ(է)ր ա(ստուա)ծ քո, որ եհան զքեզ յերկրէն եգիպտացւոց ՛ի տանէ́ ծառայութե(ան)։ ՛Ի տ(եառն)է ա(ստուծո)յ քումմէ երկիցե́ս, եւ զնա միա́յն պաշտեսցես, եւ ՛ի նա́ յարեսցիս, եւ յանո́ւն ն(ո)ր(ա) երդնուցուս։

Verse: 14  Link to sept   Մի́ երթայցէք զհետ աստուածոց օտարաց, եւ զհետ աստուածոց ազգացն որ շուրջ զձեւք իցեն։

Verse: 15  Link to sept   Զի ա(ստուա)ծ նախանձո́տ, տ(է)ր ա(ստուա)ծ քո ՛ի միջի քում. գուցէ́ բարկացեալ սրտմտիցի տ(է)ր ա(ստուա)ծ քո սատակե́լ զքեզ յերեսաց երկրէ։

Verse: 16  Link to sept   Մի́ փորձեսցես զտ(է)ր ա(ստուա)ծ քո՝ որպէս փորձեցէք ՛ի փորձութե(ա)ն։

Verse: 17  Link to sept   Պահելով պահեսցես զպատուիրանս տ(եառ)ն ա(ստուծո)յ քոյ, զվկայութի(ւն)ս եւ զիրաւունս զոր պատուիրեաց քեզ.

Verse: 18  Link to sept   եւ արասցե́ս զբարի́ն եւ զհաճոյսն առաջի տ(եառ)ն ա(ստուծո)յ քոյ. զի քեզ բարի́ լինիցի, եւ մտցե́ս եւ ժառանգեսցես զերկիրն բարի՝ զոր երդուաւ տ(է)ր հարցն մերոց.

Verse: 19  Link to sept   հալածել զա(մենայ)ն թշնամիս յերեսաց քոց, որպէս եւ խօսեցաւ։

Verse: 20  Link to sept   Եւ եղիցի յորժամ հարցանիցէ́ զքեզ վաղիւ որդին քո եւ ասիցէ. զի՞նչ են վկայութի(ւն)քն եւ իրաւունք եւ դատաստանք՝ զոր պատուիրեաց տ(է)ր ա(ստուա)ծ մեր մեզ։

Verse: 21  Link to sept   Եւ ասասցե́ս ցորդին քո. ծառայք էաք փարաւոնի յեգիպտոս, եւ հան զմեզ տ(է)ր ա(ստուա)ծ անտի հզօր ձեռամբ եւ բարձր բազկաւ.

Verse: 22  Link to sept   եւ ե́տ տ(է)ր նշանս եւ արուեստս մեծամեծս եւ չարաչարս յերկրին եգիպտացւոց, ՛ի փարաւոն եւ ՛ի տո́ւն ն(ո)ր(ա) առաջի մեր.

Verse: 23  Link to sept   եւ զմեզ եհան անտի, զի ածցէ ա́յսր՝ տա́լ մեզ զերկիրս զայս զոր երդուաւ տա́լ հարցն մերոց։

Verse: 24  Link to sept   Եւ պատուիրեաց մեզ տ(է)ր առնե́լ զա(մենայ)ն իրաւունս զայսոսիկ. երկնչե́լ ՛ի տ(եառն)է ա(ստուծո)յ մերմէ, զի բարի́ լիցի մեզ զա(մենայ)ն աւուրս. զի կեցցո́ւք որպէս եւ այսօր։

Verse: 25  Link to sept   Եւ ողորմածութի(ւն) եղիցի մեզ, եթէ զգուշասցուք առնել զա(մենայ)ն պատուիրանս զայսոսիկ առաջի տ(եառ)ն ա(ստուծո)յ մերոյ, որպէս եւ պատուիրեա́ց մեզ։



Chapter: 7 
ԳԼ(ՈՒԽ) է՜.


Verse: 1  Link to sept   Եւ եթէ տարցի զքեզ տ(է)ր ա(ստուա)ծ քո յերկիրն՝ յոր դո́ւ մտանիցես ժառանգել, եւ բարձցէ́ զազգսն մեծամեծս եւ զբազումս յերեսաց քոց։ Զքետացին, եւ զգերգեսացին, եւ զամովրհացին, եւ զքանանացին, եւ զփերեզացին, եւ զխեւացին, եւ զյեբուսացին. եւթն ազգս մեծամեծս եւ զօրագո́յնս քան զձեզ։

Verse: 2  Link to sept   Եւ մատնեսցէ́ զնոսա տ(է)ր ա(ստուա)ծ քո ՛ի ձեռս քո. հարցե́ս զն(ո)ս(ա), եւ եղծանելով եղծցե́ս զնոսա. մի́ դնիցես ընդ ն(ո)ս(ա) ուխտ, եւ մի́ ողորմեսցիս ն(ո)ց(ա)։

Verse: 3  Link to sept   Եւ մի́ առնիցէք խնամու(թ)ի(ւն) ընդ նոսա. զդուստր քո մի́ տացես ուստեր ն(ո)ր(ա), եւ զդուստր ն(ո)ր(ա) մի́ առնուցուս ուստեր քում.

Verse: 4  Link to sept   զի մի́ ապստամբեցուցանիցէ զորդին քո յինէն, եւ պաշտիցէ զաստուածս օտարս. եւ բարկասցի́ սրտմտութ(եամ)բ տ(է)ր ՛ի ձեզ, եւ սատակեսցէ́ զձեզ վաղվաղակի։

Verse: 5  Link to sept   Այլ ա́յսպէս արասջիք ն(ո)ց(ա)։ զբագինս ն(ո)ց(ա) կործանեսջի́ք, եւ զարձանս նոցա փշրեսջի́ք, եւ զանտառս ն(ո)ց(ա) կոտորեսջի́ք, եւ զդրօշեալս ն(ո)ց(ա) այրեսջի́ք հրով։

Verse: 6  Link to sept   Զի ժողովուրդ սո́ւրբ ես դու տ(եառ)ն ա(ստուծո)յ քում. եւ զքե́զ ընտրեաց տ(է)ր ա(ստուա)ծ քո, լինել նմա ժողովուրդ սեպհական քան զա́զգս ա(մենայ)ն որ ՛ի վ(ե)ր(այ) երեսաց երկրի։

Verse: 7  Link to sept   Ո́չ զի բազում էք դուք քան զա(մենայ)ն ազգս, հաճեցա́ւ տ(է)ր ը(նդ) ձեզ՝ եւ ընտրեաց զձեզ. զի դուք սակաւո́ր էք քան զա(մենայ)ն ազգս։

Verse: 8  Link to sept   այլ վասն սիրելո́յ զձեզ տ(եառ)ն, եւ պահելո́յ զերդումնն զոր երդուաւ հարցն ձերոց, եհա́ն զձեզ տ(է)ր հզօր ձեռամբ եւ բարձր բազկաւ. եւ փրկեա́ց զձեզ ՛ի տանէ ծառայութե(ան), ՛ի ձեռաց փարաւոնի արքային եգիպտացւոց։

Verse: 9  Link to sept   Եւ ծանիցե́ս զի տ(է)ր ա(ստուա)ծ քո նա է ա(ստուա)ծ, ա(ստուա)ծ հաւատարիմ։ Որ պահէ զուխտ եւ զողորմութի(ւն) սիրելեաց իւրոց, եւ որոց պահեն զպատուիրանս ն(ո)ր(ա) ՛ի հազա́ր ազգս.

Verse: 10  Link to sept   եւ հատուցանէ ատելեաց իւրոց յանդիման սատակե́լ զն(ո)ս(ա). եւ ո́չ յամեցուսցէ յատելեաց, այլ յանդիման հատուսցէ ն(ո)ց(ա)։

Verse: 11  Link to sept   Եւ պահեսցես զպատուիրանս եւ զիրաւունս եւ զդատաստանս՝ զոր ես պատուիրեմ քեզ առնել։

Verse: 12  Link to sept   Եւ եղիցի յորժամ լուիցէք զա(մենայ)ն իրաւունս զայսոսիկ, եւ պահիցէ́ք եւ առնիցէք զնոսա, պահեսցէ́ քեզ տ(է)ր ա(ստուա)ծ քո զուխտն եւ զողորմու(թ)ի(ւն)՝ որպէս երդուաւ հարցն մերոց։

Verse: 13  Link to sept   Եւ սիրեսցէ́ զքեզ եւ օրհնեսցէ́ զքեզ, եւ բազմացուսցէ́ զքեզ. եւ օրհնեսցէ́ զծնունդս որովայնի քոյ՝ եւ զպտուղ երկրի քոյ. եւ զցորեան քո, եւ զգինի քո, եւ զեւղ քո. զանդեայս արջառոց քոց, եւ զհօտս ոչխարաց քոց, յերկրին զոր երդուաւ տ(է)ր հարցն քոց տա́լ զնա քեզ։

Verse: 14  Link to sept   Օրհնեալ լիցիս դու քան զազգս ա(մենայ)ն. մի́ լիցի ՛ի ձեզ ամուլ, եւ անծնունդ, եւ մի́ յանասուն քո։

Verse: 15  Link to sept   եւ բարձցէ́ ՛ի քէն տ(է)ր զա(մենայ)ն ախտ, եւ զա(մենայ)ն ցաւս չարաչարս եգիպտացւոցն զորս տեսերն եւ զորս գիտացեր. եւ մի́ ածցէ զն(ո)ս(ա) ՛ի վ(ե)ր(այ) քո, այլ ածցէ́ զն(ո)ս(ա) ՛ի վ(ե)ր(այ) թշնամեաց քոց, եւ ի վ(ե)ր(այ) ա(մենայ)ն ատելեաց քոց։

Verse: 16  Link to sept   Եւ կերիցես զա(մենայ)ն զկապուտ ազգացն՝ զոր տ(է)ր ա(ստուա)ծ քո տացէ քեզ. եւ մի́ խնայեսցէ ա́կն քո ՛ի նոսա, եւ ո́չ պաշտեսցես զդիս ն(ո)ց(ա). զի խո́չ է այն քեզ։

Verse: 17  Link to sept   Ապա թէ ասիցես ՛ի մտի քում. զի բազո́ւմ է ազգն այն քան զիս, զիա՞րդ կարացից սատակել զնոսա։

Verse: 18  Link to sept   Մի́ երկնչիցիս ՛ի նոցանէ. յիշելով, յիշեսցես զորինչ արար տ(է)ր ա(ստուա)ծ քո ընդ փարաւոն եւ ընդ ծառայս նորա, եւ ընդ ա(մենայ)ն եգիպտացիսն.

Verse: 19  Link to sept   զփորձանս մեծամեծս զոր տեսին աչք քո. զնշանս եւ զարուեստս մեծամեծս, զձեռնն հզօր՝ եւ զբազուկն բարձր. որպէս եհա́ն զքեզ տ(է)ր ա(ստուա)ծ քո անտի, նո́յնպէս արասցէ տ(է)ր ա(ստուա)ծ մեր ընդ ա(մենայ)ն ազգսն յորոց դու երկնչիցիս յերեսաց նոցա։

Verse: 20  Link to sept   Եւ զձիաստա́ցն առաքեսցէ տ(է)ր ա(ստուա)ծ քո ՛ի նոսա, մինչեւ սատակեսցին մնացորդքն եւ թաքուցեալքն ՛ի քէն։

Verse: 21  Link to sept   Մի́ զանգիտիցես յերեսաց նոցա. զի տ(է)ր ա(ստուա)ծ քո ՛ի միջի́ քում է, մե́ծ եւ հզօր.

Verse: 22  Link to sept   եւ ծախեսցէ́ տ(է)ր ա(ստուա)ծ քո զազգսն զայնոսիկ յերեսաց քոց առ սակաւ սակաւ։ Ո́չ կարասցես սատակե́լ զնոսա վաղվաղակի. զի մի́ լիցի երկիրն աւերակ, եւ բազմանայցեն ՛ի վերայ քո գազանք անապատի։

Verse: 23  Link to sept   Եւ մատնեսցէ́ն զնոսա տ(է)ր ա(ստուա)ծ քո ՛ի ձեռս քո, եւ կորուսցէ́ զնոսա կորստեամբ մեծաւ. մինչեւ սատակեսցէ զնոսա։

Verse: 24  Link to sept   Եւ մատնեսցէ́ զթագաւորս նոցա ՛ի ձեռս ձեր. եւ կորուսջի́ք զանուն նոցա ՛ի տեղւոջէն յայնմանէ. եւ մի́ ոք կացցէ ընդդէմ քո, մինչեւ սատակեսցես զնոսա։

Verse: 25  Link to sept   Զդրօշեալ դից ն(ո)ց(ա) այրեսցե́ս հրով, եւ մի́ ցանկանայցես արծաթոյ եւ ոսկւոյ ՛ի նոցանէ, եւ մի́ առնուցուս քեզ. եւ մի́ յանցանիցես նովաւ. զի գարշելի́ է այն տ(եառ)ն ա(ստուծո)յ քում։

Verse: 26  Link to sept   Եւ մի́ տանիցիս զգարշելին ՛ի տուն քո, եւ լինիցիս ՛ի նզովս իբրեւ զնոյն. այլ գարշելո́վ գարշեսցես, եւ պղծելով պղծեսցե́ս զն(ո)ս(ա)՝ զի նզովեա́լ է։



Chapter: 8 
ԳԼ(ՈՒԽ) Ը՜.


Verse: 1  Link to sept   Ամենայն պատուիրանաց զոր ես պատուիրեմ ձեզ այսօր, զգո́յշ լինիջիք առնելոյ. զի կեցցէք եւ բազմապատիկք լինիցիք, եւ մտանիցէք ժառանգիցէ́ք զերկիրն զոր երդուաւ տ(է)ր հարցն մերոց։

Verse: 2  Link to sept   Եւ յիշեսցե́ս զա(մենայ)ն ճանապարհ զոր ած զքեզ տ(է)ր ը(նդ) անապատն. զի լլկեսցէ́ զքեզ՝ եւ փորձիցէ́ զքեզ, եւ ճանաչիցէ թէ զինչ կայցէ ՛ի սրտի քում, եթէ պահեսցես զպատուիրանս ն(ո)ր(ա) եւ թէ ոչ։

Verse: 3  Link to sept   Եւ չարչարեա́ց զքեզ, եւ սովաբե́կ արար զքեզ, եւ կերակրեաց զքեզ մանանայիւն զոր ո́չ գիտէիր, եւ ո́չ գիտէին հարքն քո. զի յա́յտ արասցէ քեզ թէ ո́չ հացիւ միայն կեցցէ մարդ, այլ ա(մենայ)ն բանիւ, որ ելանէ́ ՛ի բերանոյ ա(ստուծո)յ՝ կեցցէ մարդ։

Verse: 4  Link to sept   Հանդրձք քո՝ ո́չ մաշեցան ՛ի քէն, եւ ոտք քո ո́չ փապարեցին զայն ամս քառասուն։

Verse: 5  Link to sept   եւ ծանիցե́ս ՛ի սրտի քում։. թէ ո(ր)պ(էս) ա́յր ոք՝ որ խրատէ զորդի իւր, ա́յնպէս տ(է)ր ա(ստուա)ծ քո խրատեսցէ զքեզ։

Verse: 6  Link to sept   Եւ պահեսցե́ս զպատուիրանս տ(եառ)ն ա(ստուծո)յ քոյ. գնա́լ ՛ի ճանապարհս ն(ո)ր(ա), եւ երկնչե́լ ՛ի նմանէ։

Verse: 7  Link to sept   Զի տ(է)ր ա(ստուա)ծ քո տարցի զքեզ յերկիրն բարի եւ յաղթ. ուր վտա́կքն ջրոց, եւ աղբեւրք անդնդոց բղխէն ը(նդ) դա́շտս եւ ընդ լերինս.

Verse: 8  Link to sept   երկիր ցորենոյ, եւ գարւոյ, եւ գինւոյ, այգեա́ց եւ նռնենեաց. երկիր ձիթենեաց, իւղո́յ եւ մեղու։

Verse: 9  Link to sept   երկիր՝ յորում ո́չ աղքատու(թեամ)բ կերիցես զհաց քո, եւ ո́չ կարօտանայցես իմիք ՛ի նմա։ Երկիր՝ որոյ քարինք իւր երկաթ, եւ ՛ի լերանց ն(ո)ր(ա) հատանիցես պղինձ։

Verse: 10  Link to sept   եւ կերիցե́ս եւ յագիցիս. եւ օրհնեսցե́ս զտ(է)ր ա(ստուա)ծ քո ՛ի վերայ երկրին բարութե(ան) զոր ե́տ քեզ։

Verse: 11  Link to sept   Հայեա́ց յանձն քո. գուցէ́ մոռանայցես զտ(է)ր ա(ստուա)ծ քո, չպահե́լ զպատուիրանս նորա եւ զդատաստանս եւ զիրաւունս ն(ո)ր(ա)՝ զոր ե́ս քեզ պատուիրեմ։

Verse: 12  Link to sept   Գուցէ́ յորժամ ուտիցես եւ յագիցիս, եւ տունս գեղեցիկս շինեսցես, եւ բնակեսցե́ս ՛ի նոսա.

Verse: 13  Link to sept   եւ բազմանայցէ́ արջառ եւ ոչխար քո. եւ յաճախիցէ քեզ արծաթ եւ ոսկի, եւ ա(մենայ)ն ինչ որ քո́ իցէ՝ բազմանայցէ։

Verse: 14  Link to sept   հպարտանայցե́ս ՛ի սրտի քում, եւ մոռասցի́ս զտ(է)ր ա(ստուա)ծ քո՝ որ եհան զքեզ յերկրէն եգիպտացւոց ՛ի տանէ ծառայութե(ան).

Verse: 15  Link to sept   եւ ած զքեզ ընդ անապատն մեծ եւ ընդ ահագին. ուր օձն խածանէր, եւ կարի́ճ. եւ ծարաւ, եւ ո́չ գոյր ջուր. եւ եհա́ն քեզ յապառաժ վիմէ աղբեւր ջուրց։

Verse: 16  Link to sept   Որ կերակրեաց զքեզ մանանայի́ւն յանապատին, զոր ո́չ գիտէին հարքն քո. զի չարչարեսցէ́ զքեզ, եւ փորձեսցէ́ զքեզ. եւ բարի արասցէ քեզ ՛ի վախճանի քում։

Verse: 17  Link to sept   Մի́ ասիցես ՛ի սրտի քում, թէ զօրութի(ւն) իմ, եւ ուժգնութի(ւն) ձեռին իմոյ արար ինձ զզօրութի(ւն)ս զայս մեծ.

Verse: 18  Link to sept   այլ յիշեսցե́ս զտ(է)ր ա(ստուա)ծ քո. զի նա́ տայ քեզ ոյժ առնել զօրութի(ւն). զի հաստատեսցէ́ զուխտն իւր զոր երդուաւ հարցն քոց, ո(ր)պ(էս) եւ այսօր։

Verse: 19  Link to sept   Եւ եղիցի եթէ մոռանալով մոռասցի́ս զտ(է)ր ա(ստուա)ծ քո. եւ երթայցես զհետ աստուածոց օտարաց, եւ պաշտիցե́ս զնոսա, եւ երկի́ր պագանիցէք ն(ո)ց(ա). Ունիմ ձեզ վկայս այսօր զերկինս եւ զերկիր, զի կորստեա́մբ կորնչիցիք։

Verse: 20  Link to sept   ո(ր)պ(էս) եւ ազգքն զորս տ(է)ր կորուսցէ յերեսաց ձերոց, ա́յնպէս կորնչիջի́ք. փոխանակ զի ո́չ լուարուք ձայնի տ(եառ)ն ա(ստուծո)յ ձերոյ։



Chapter: 9 
ԳԼ(ՈՒԽ) Թ՜.


Verse: 1  Link to sept   Լո́ւր իսրայէլ. դու անցանե́ս այսօր ընդ յորդանան մտանե́լ ժառանգել զազգսն մեծամեծս եւ զզօրագոյնս քան զձեզ. եւ քաղաքս մեծամե́ծս եւ պարսպեալս մինչեւ յերկինս.

Verse: 2  Link to sept   զժողովուրդն մեծ եւ զբազում եւ զյաղթանդա́մ, զորդիսն ենակայ զոր դո́ւ իսկ գիտես. եւ լուա́ր եթէ ո́վ կացցէ ընդդէմ որդւոցն ենակայ։

Verse: 3  Link to sept   Եւ ծանիցե́ս այսօր՝ զի տ(է)ր ա(ստուա)ծ քո նա́ ինքն երթայցէ առաջի քո, որ Հո́ւր ծախիչ է. նա́ սատակեսցէ զն(ո)ս(ա), եւ նա́ կործանեսցէ զն(ո)ս(ա) առաջի երեսաց քոց. եւ սատակեսցէ́ զն(ո)ս(ա) եւ կորուսցէ́ զն(ո)ս(ա) վաղվաղակի. ո(ր)պ(էս) եւ ասաց քեզ տ(է)ր։

Verse: 4  Link to sept   Մի́ ասիցես ՛ի սրտի քում ՛ի ծախել զն(ո)ս(ա) տ(եառ)ն ա(ստուծո)յ քոյ՝ յառաջոյ քումմէ, թէ վ(ա)ս(ն) արդարութե(ան) իմոյ ած զիս տ(է)ր ժառանգել զերկիրս զայս բարի. զի ո́չ վ(ա)ս(ն) արդարու(թ)ե(ան) քոյ՝ այլ վ(ա)ս(ն) ամպարշտութե(ան) ազգացն այնոցիկ սատակեսցէ զնոսա տ(է)ր ա(ստուա)ծ քո՝ յառաջոյ քումմէ։

Verse: 5  Link to sept   Քանզի ո́չ վ(ա)ս(ն) արդարութե(ան) քոյ, եւ ո́չ վ(ա)ս(ն) անբծութե(ան) սրտի քոյ մտանես ժառանգել զերկիր ն(ո)ց(ա), այլ վ(ա)ս(ն) անօրէնութե(ան) ազգացն այնոցիկ տ(է)ր ա(ստուա)ծ քո սատակեսցէ́ զն(ո)ս(ա) յերեսաց քոց. եւ զի հաստատեսցէ զուխտն զոր երդուա́ւ տ(է)ր հարցն մերոց աբրահամո́ւ եւ սահակայ եւ յակոբայ։

Verse: 6  Link to sept   Եւ ծանիցե́ս այսօր զի ո́չ վ(ա)ս(ն) արդարութե(ան) քոյ տ(է)ր ա(ստուա)ծ քո տացէ քեզ զերկիրն բարի ժառանգել. զի ժողովուրդ խստապարանո́ց ես։

Verse: 7  Link to sept   Յիշեա́ մի́ մոռանայցես ո՞րչափ բարկացուցեր զտ(է)ր ա(ստուա)ծ քո յանապատին. յօրէ յորմէ ելէք յերկրէն եգիպտացւոց, մինչեւ եկիք ՛ի տեղիս յայս, խեռութ(եամ)բ վարէիք ՛ի տ(եառ)նակողմն կոյս։

Verse: 8  Link to sept   Եւ ՛ի քորէբ՝ բարկացուցէք զտ(է)ր, եւ բարկացաւ տ(է)ր սատակե́լ զձեզ.

Verse: 9  Link to sept   յելանելն իմում ՛ի լեառն առնուլ զտախտակսն քարեղէնս, զտախտա́կսն ուխտին զոր ուխտեա́ց տ(է)ր ընդ ձեզ։ Եւ եղէ ՛ի լերինն զքառասուն տիւ եւ զքառասուն գիշեր. հաց ո́չ կերայ եւ ջուր ո́չ արբի.

Verse: 10  Link to sept   եւ ետ ինձ տ(է)ր զերկոսին տախտակսն քարեղէնս, գրեա́լս մատամբն ա(ստուծո)յ. եւ ՛ի ն(ո)ս(ա) գրեալ էին ա(մենայ)ն պատգամքն՝ զոր խօսեցաւ տ(է)ր ընդ ձեզ ՛ի լերինն յաւուրն եկեղեցւոյ։

Verse: 11  Link to sept   Եւ եղեւ յետ քառասուն աւուր տուընջեան եւ քառասուն գիշերոյ, ե́տ ինձ տ(է)ր զերկուս տախտակսն քարեղէնս, տախտա́կս ուխտի.

Verse: 12  Link to sept   եւ ասէ ցիս տ(է)ր. Արի́ է́ջ վաղվաղակի աստի, զի անօրինեցաւ ժողովուրդն քո զոր հաներ յերկրէն եգիպտացւոց. անցի́ն անդրէն զճանապարհաւն զոր պատուիրեցեր ն(ո)ց(ա), եւ արարին իւրեանց ձուլածոյս։

Verse: 13  Link to sept   Եւ ասէ ցիս տ(է)ր. խօսեցայ ընդ քեզ մի́անգամ եւ երկիցս՝ եւ ասեմ. տեսի́ զժողովուրդդ զայդ, եւ ահա ժողովուրդ խստապարանո́ց է.

Verse: 14  Link to sept   Թո́յլ տուր ինձ սատակել զդոսա, եւ ջնջեցի́ց զանուն դոցա ՛ի ներքոյ երկնից. եւ արարից զքեզ յազգ մե́ծ եւ ՛ի հզօր՝ եւ ՛ի բազո́ւմ. առաւե́լ քան զայդ։

Verse: 15  Link to sept   Եւ դարձեալ իջի ՛ի լեռնէ անտի, եւ լեառնն բորբոքէր հրով, եւ երկու տախտակքն յերկոսին ՛ի ձեռս իմում։

Verse: 16  Link to sept   Եւ տեսեալ եթէ մեղա́յք առաջի տ(եառ)ն ա(ստուծո)յ մերոյ, եւ արարէք ձեզ ձուլածոյս, եւ անցէք զճանապարհաւն զոր պատուիրեաց տ(է)ր։

Verse: 17  Link to sept   եւ առեալ զերկոսին տախտակսն ՛ի ձեռաց իմոց, խորտակեցի́ յանդիման ձեր։

Verse: 18  Link to sept   Եւ աղաչեցի առաջի տ(եառ)ն կրկին անգամ իբրեւ զառաջինն, զքառասուն տիւ եւ զքառասուն գիշեր. հաց ո́չ կերայ՝ եւ ջուր ո́չ արբի. վ(ա)ս(ն) ա(մենայ)ն մեղաց ձերոց զոր մեղայք, առնել զչա́ր առաջի տ(եառ)ն ա(ստուծո)յ մերոյ. բարկացուցանե́լ զնա։

Verse: 19  Link to sept   եւ զահի́ հարեալ եմ վ(ա)ս(ն) բարկութե(ա)ն եւ սրտմտութե(ա)ն. զի բարկացա́ւ տ(է)ր ՛ի վերայ ձեր սատակել զձեզ։ եւ լուաւ ինձ տ(է)ր ՛ի ժամանակի յայնմիկ։

Verse: 20  Link to sept   Եւ ահարոնի բարկացա́ւ տ(է)ր յոյժ սատակե́լ զնա. եւ արարի աղօթս եւ վ(ա)ս(ն) ահարոնի ՛ի ժամանակի յայնմիկ։

Verse: 21  Link to sept   եւ զմեղսն ձեր զոր արարէք զորթն, առի եւ այրեցի զնա հրով. եւ կոտորեցի եւ խորտակեցի զնա յոյժ, մինչեւ եղեւ մանր իբրեւ զփոշի, եւ ընկեցի զփոշին ՛ի վտակն որ իջանէ́ր ՛ի լեռնէ անտի։

Verse: 22  Link to sept   Եւ ՛ի հրայրեա́ցսն, եւ ՛ի փորձութե(ա)ն, եւ ՛ի գերեզմա́նս ցանկու(թ)ե(ա)ն բարկացուցէք զտ(է)ր ա(ստուա)ծ ձեր։

Verse: 23  Link to sept   Եւ յորժամ առաքեաց զձեզ տ(է)ր ՛ի կադէսբառնեայ, ասէ՝ ելէ́ք եւ ժառանգեցէք զերկիրն զոր տալո́ց եմ ձեզ. հեստեցէք բանին տ(եառ)ն ա(ստուծո)յ ձերոյ, եւ ո́չ հաւատացէք նմա, եւ ո́չ լուարուք ձայնի տ(եառ)ն։

Verse: 24  Link to sept   զի հեստեա́լ կայիք ՛ի տ(եառ)նակողմանն, յօրէ յորմէ ծանուցաւ ձեզ։

Verse: 25  Link to sept   Եւ աղաչեցի առաջի տ(եառ)ն զքառասուն տիւ եւ զքառասուն գիշեր, զորս աղաչեցին. քանզի ասաց տ(է)ր սատակե́լ զձեզ.

Verse: 26  Link to sept   եւ կացի յաղօթս առ տ(է)ր՝ եւ ասեմ. տ(է)ր տ(է)ր, թագաւո́ր աստուածոց. մի́ սատակեր զժողովուրդ քո եւ զբաժին քո՝ զոր փրկեցեր զօրութ(եամ)բ քո մեծաւ. զորս հաներ յեգիպտոսէ զօրութ(եամ)բ քո մեծաւ, եւ կարօղ ձեռամբ, եւ բա́րձր բազկաւ։

Verse: 27  Link to sept   Յիշեա́ դու զաբրահամ եւ զիսահակ եւ զյակոբ՝ զծառայս քո, որոց երդուար քեւ։ մի́ հայիր ՛ի խստութի(ւն) ժողովրդեանդ այդորիկ, եւ յամպարշտութի(ւն)ս եւ ՛ի մեղս դոցա։

Verse: 28  Link to sept   Գուցէ́ խօսիցին բնակիչք երկրին ուստի հաներ զմեզ, եւ ասիցեն. առ ՛ի չկարելո́յ տ(եառ)ն տանել զնոսա յերկիրն զոր խոստացաւ նոցա, եւ առ ատե́լ զն(ո)ս(ա) տ(եառ)ն՝ եհան զնոսա կոտորե́լ զնոսա յանապատին։

Verse: 29  Link to sept   Եւ սոքա ժողովո́ւրդ քո եւ ժառանգու(թ)ի(ւն) քո՝ զոր հաներ յերկրէն եգիպտացւոց զօրութ(եամ)բ քո մեծաւ՝ եւ բա́րձր բազկաւ։



Chapter: 10 
ԳԼ(ՈՒԽ) Ժ՜.


Verse: 1  Link to sept   ՛Ի ժամանակին յայնմիկ ասա́ց ցիս տ(է)ր. Կոփեա́ դու քեզ երկուս տախտակս քարեղէնս իբրեւ զառաջինսն, եւ ե́լ ՛ի լեառնն. եւ արասցես դու քեզ տապանակ փայտեղէն.

Verse: 2  Link to sept   եւ գրեցի́ց ՛ի տախտակսն զնոյն պատգամս՝ որ էին յառաջին տախտակսն զորս դո́ւն խորտակեցեր. եւ դիցես զն(ո)ս(ա) ՛ի նե́րքս ՛ի տապանակին։

Verse: 3  Link to sept   Եւ արարի տապանակ յանփուտ փայտից. եւ կոփեցի երկուս տախտակս քարեղէնս իբրեւ զառաջինսն. եւ ելի́ ՛ի լեառնն, եւ երկու տախտակքն յերկոսին ՛ի ձեռս իմում։

Verse: 4  Link to sept   Եւ գրեա́ց յերկոսին տախտակսն ը(ս)տ առաջին գրոյն զտա́սն պատգամսն զոր խօսեցաւ ը(նդ) ձեզ տ(է)ր ՛ի լերինն ՛ի միջոյ հրոյն. եւ ետ զն(ո)ս(ա) ցիս տ(է)ր։

Verse: 5  Link to sept   Եւ դարձա́յ իջի ՛ի լեռնէ անտի, եւ եդի զտախտակսն ՛ի նե́րքս ՛ի տապանակին. եւ էին ա́նդ որպէս եւ պատուիրեաց ինձ տ(է)ր։

Verse: 6  Link to sept   Եւ որդիքն ի(սրաէ)լի չուեցին ՛ի բերովթայ որդւոցն յակիմայ ՛ի սադիայ. եւ ա́նդ մեռաւ ահարոն եւ անդրէ́ն թաղեցաւ։ եւ քահանայացաւ եղիազա́ր որդի ն(ո)ր(ա) ընդ ն(ո)ր(ա)։

Verse: 7  Link to sept   Անտի չուեցին ՛ի գադգադ, եւ ՛ի գադգադայ յետակա́յ յերկիր վտակաց ջուրց։

Verse: 8  Link to sept   Յայնմ ժամանակի զատոյց տ(է)ր զցեղն ղեւեայ բառնալ զտապանա́կ ուխտին տ(եառ)ն, կա́լ առաջի տ(եառ)ն՝ պաշտել եւ աղօթս մատուցանել յանուն ն(ո)ր(ա) մինչեւ ցա́յսօր։

Verse: 9  Link to sept   Վասն այնորիկ ո́չ գոյ ղեւտացւոցն բաժին եւ ժառանգութի(ւն) ՛ի մէջ եղբարց իւրեանց. զի տ(է)ր ինքնին է մասն եւ ժառանգութի(ւն) ն(ո)ց(ա)՝ ո(ր)պ(էս) եւ ասաց նոցա։

Verse: 10  Link to sept   Եւ ես կացի ՛ի լերինն զքառասուն տիւ եւ զքառասուն գիշեր. եւ լուաւ ինձ տ(է)ր ՛ի ժամանակին յայնմիկ. եւ ո́չ կամեցաւ սատակել զձեզ։

Verse: 11  Link to sept   Եւ ասէ ցիս տ(է)ր. գնա́ չուեա́ առաջի ժողովրդեանդ այդորիկ. եւ մտցեն եւ ժառանգեսցեն զերկիրն զոր երդուայ հարցն դոցա տա́լ դոցա։

Verse: 12  Link to sept   Եւ արդ՝ ի(սրա)էլ, զի՞նչ խնդրէ ՛ի քէն տ(է)ր ա(ստուա)ծ քո. այլ երկնչե́լ ՛ի տ(եառն)է ա(ստուծո)յ քումմէ. եւ գնա́լ յա(մենայ)ն ճանապարհս ն(ո)ր(ա), եւ սիրե́լ զնա. եւ պաշտե́լ զտ(է)ր ա(ստուա)ծ քո յա(մենայ)ն սրտէ քումմէ, եւ յա(մենայ)ն անձնէ քումմէ։

Verse: 13  Link to sept   եւ պահե́լ զպատուիրանս տ(եառ)ն ա(ստուծո)յ քոյ, եւ զիրաւունս ն(ո)ր(ա)՝ զոր ես պատուիրե́մ քեզ այսօր, զի բարի́ լիցի քեզ։

Verse: 14  Link to sept   Ահաւասիկ տ(եառ)ն ա(ստուծո)յ քոյ երկի́նք՝ եւ երկնի́ց երկինք, եւ երկիր եւ ա(մենայ)ն որ է́ ՛ի ն(ո)ս(ա)։

Verse: 15  Link to sept   բայց ը(նդ) հարսն ձեր յառաջագոյն հաճեցաւ տ(է)ր սիրել զն(ո)ս(ա), եւ ընտրեա́ց զզաւակ նոցա յետ նոցա զձե́զ քան զազգս ա(մենայ)ն ըստ աւուրս ըստ այսմիկ։

Verse: 16  Link to sept   Եւ թլփատեցէ́ք զխստասրտութի(ւն) ձեր, եւ զպարանոցս ձեր մի́ եւս խստացուցանէք։

Verse: 17  Link to sept   զի տ(է)ր ա(ստուա)ծ մեր, նա́ է ա(ստուա)ծ աստուծոց՝ եւ տ(է)ր տերանց. ա(ստուա)ծ մեծ եւ հզօր եւ ահաւոր. որ ո́չ աչառի երեսաց, եւ ո́չ առնու կաշառ։

Verse: 18  Link to sept   Առնէ իրաւունս եկի́ն եւ որբոյ եւ այրւո́յ. սիրէ́ զնժդեհն, տա́լ նմա հաց եւ հանդերձ։

Verse: 19  Link to sept   Եւ սիրեցէ́ք զպանդուխտն, զի եւ դուք պանդուխտք էիք յերկրին եգիպտացւոց։

Verse: 20  Link to sept   ՛Ի տ(եառն)է ա(ստուծո)յ քումմէ երկիցե́ս, եւ զնա́ պաշտեսցես, եւ ՛ի նա́ յարեսցիս, եւ յանուն ն(ո)ր(ա) երդնուցուս։

Verse: 21  Link to sept   զի նա́ է պարծանք քո, եւ նո́յն ա(ստուա)ծ քո, որ արա́ր ՛ի քեզ զմեծամեծսն եւ զփառաւորս՝ զոր տեսին աչք քո։

Verse: 22  Link to sept   Եւթանասուն ոգւովք իջին հարքն քո յեգիպտոս, եւ արդ ահա արա́ր զքեզ տ(է)ր ա(ստուա)ծ քո իբրեւ զաստեղս երկնից բազմութ(եամ)բ։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ սիրեսցես զտ(է)ր ա(ստուա)ծ քո. եւ պահեսցե́ս զպահպանութի(ւն)ս ն(ո)ր(ա), եւ զիրաւունս ն(ո)ր(ա), եւ զպատուիրանս ն(ո)ր(ա), եւ զդատաստանս ն(ո)ր(ա) զա(մենայ)ն աւուրս կենաց քոց։

Verse: 2  Link to sept   Եւ ծանիջի́ք այսօր, եթէ ո́չ վ(ա)ս(ն) որդւոց քոց՝ որք ո́չ գիտեն եւ ո́չ տեսին զխրատ տ(եառ)ն ա(ստուծո)յ քոյ. եւ զմեծամեծս ն(ո)ր(ա), զձեռն հզօր, եւ զբազուկ բարձր.

Verse: 3  Link to sept   զնշանս ն(ո)ր(ա) եւ զարուեստս՝ զոր արար ՛ի մէջ եգիպտոսի, ՛ի փարաւոն արքայ եգիպտացւոց, եւ յա(մենայ)ն երկիր ն(ո)ր(ա)։

Verse: 4  Link to sept   Եւ զորինչ արա́ր ընդ զօրսն եգիպտացւոց. զկառս ն(ո)ց(ա) եւ զերիվարս իւրեանց. ո՞(ր)պ(էս) ծփեաց զջուրս կարմիր ծովուն ՛ի վ(ե)ր(այ) երեսա́ց ն(ո)ց(ա), ՛ի յարձակել ն(ո)ց(ա) զկնի մեր. կորո́յս զնոսա տ(է)ր մինչեւ ցայսօ́ր ժամանակի։

Verse: 5  Link to sept   եւ զորինչ արա́ր ձեզ յանապատի անդ, մինչեւ եկիք ՛ի տեղիս յայս։

Verse: 6  Link to sept   Եւ զորինչ արար ընդ դաթան եւ ընդ աբիրոն՝ ընդ որդիս եղիաբու որդւոյ ռուբինի. որոց բացեալ երկիր զբերան իւր եկո́ւլ զն(ո)ս(ա), եւ զտունս նոցա, եւ զվրանս ն(ո)ց(ա). եւ զա(մենայ)ն ինչս ն(ո)ց(ա) ընդ նոսա ՛ի միջոյ ա(մենայ)ն ի(սրաէ)լի։

Verse: 7  Link to sept   զի ձե́ր իսկ աչք տեսին զա(մենայ)ն զգործս տ(եառ)ն զմեծամեծս զոր արա́ր ՛ի ձեզ մինչեւ ցայսօր։

Verse: 8  Link to sept   Եւ պահեցէ́ք զա(մենայ)ն պատուիրանս ն(ո)ր(ա) զոր ե́ս պատուիրեմ ձեզ այսօր. զի կեցէք եւ բազմապատիկք լինիցիք. եւ մտանիցէք ժառանգիցէ́ք զերկիրն, յոր դուք անցանէք ընդ յորդանան ժառանգե́լ զնա։

Verse: 9  Link to sept   Զի երկայնօրեա́յք լինիցիք ՛ի վ(ե)ր(այ) երկրին զոր երդուաւ տ(է)ր հարցն ձերոց տա́լ ն(ո)ց(ա), եւ զաւակի́ ն(ո)ց(ա) յետ ն(ո)ց(ա), երկիր՝ որ բղխէ զկաթն եւ զմեղր։

Verse: 10  Link to sept   Քանզի երկիրն յոր մտանելոց էք ժառանգել զնա, ո́չ իբրեւ զերկիրն եգիպտացւոց է՝ ուստի ելէք դուք անտի. յորժամ սերմանեն սերմանս, եւ ոռոգանեն ոտիւք իբրեւ զպարտէզ բանջարոյ։

Verse: 11  Link to sept   Այլ երկիրն յոր դուք մտանելոց էք ժառանգել, երկիր լեռնային եւ դաշտական է. յանձրեւո́յ երկնից ըմպէ ջուր.

Verse: 12  Link to sept   երկիր՝ զոր տ(է)ր ա(ստուա)ծ քո դարմանէ զնա, հանապա́զ աչք տ(եառ)ն ա(ստուծո)յ քոյ ՛ի վ(ե)ր(այ) ն(ո)ր(ա), իսկզբանէ տարւոյն մինչեւ ցկատարո́ւմն տարւոյն։

Verse: 13  Link to sept   Եւ եթէ լսելով լուիցես ա(մենայ)ն պատուիրանաց ն(ո)ր(ա) զոր ե́ս պատուիրեմ քեզ այսօր, սիրե́լ զտ(է)ր ա(ստուա)ծ քո եւ պաշտե́լ զնա յա(մենայ)ն սրտէ քումմէ, եւ յա(մենայ)ն անձնէ քումմէ։

Verse: 14  Link to sept   Տացէ́ անձրեւ երկրին ձերում ՛ի ժամանակի իւրում զկանո́ւխ եւ զանագան. եւ ժողովեսցես զցորեան քո եւ զգինի քո եւ զեւղ քո։

Verse: 15  Link to sept   եւ տացէ խո́տ յանդս քո անասնոյ քում. եւ կերիցես եւ յանգեսցիս։

Verse: 16  Link to sept   Հայեցարո́ւք յանձինս ձեր, գուցէ́ յուլանայցեն սիրտք ձեր եւ յանցանիցէք, եւ պաշտիցէք զաստուածս օտարս. եւ երկի́ր պագանիցէք ն(ո)ց(ա)։

Verse: 17  Link to sept   Եւ սրտմտեալ բարկանայցէ տ(է)ր ՛ի վերայ ձեր, եւ արգելուցո́ւ զերկինս՝ եւ ո́չ լինիցի անձրեւ, եւ երկիր ո́չ տացէ զպտուղ իւր. եւ կորնչիցի́ք արագարագ յերկրէն բարութե(ան)՝ զոր ե́տ ձեզ տ(է)ր։

Verse: 18  Link to sept   Եւ դիջիք զբանս զայս ՛ի սիրտս ձեր, եւ յանձինս ձեր, եւ արկջիք զն(ո)ս(ա) նշանս ՛ի ձեռս ձեր. եւ եղիցին անշա́րժ առաջի աչաց ձերոց։

Verse: 19  Link to sept   Եւ ուսուսջի́ք որդւոց ձերոց խօսել զսոսա ՛ի նստել ՛ի տան, եւ ՛ի գնա́լ ՛ի ճանապարհի, եւ ՛ի ննջել եւ ՛ի յառնել։

Verse: 20  Link to sept   Եւ գրեսջի́ք զնոսա ՛ի վ(ե)ր(այ) սեմոց տանց ձերոց եւ ՛ի դրունս ձեր։

Verse: 21  Link to sept   զի բազմօրեա́յք լինիցիք, եւ աւուրք որդւոց ձերոց ՛ի վ(ե)ր(այ) երկրին՝ զոր երդուաւ տ(է)ր հարցն քոց տա́լքեզ, ըստ աւուրց երկնից ՛ի վ(ե)ր(այ) երկրի։

Verse: 22  Link to sept   Եւ եղիցի եթէ լսելով լուիցէք ա(մենայ)ն պատուիրանացս այսոցիկ՝ զոր ես պատուիրեմ ձեզ այսօր առնել, սիրե́լ զտ(է)ր ա(ստուա)ծ քո. գնա́լ ՛ի ճանապարհս ն(ո)ր(ա)՝ եւ յարե́լ ՛ի նա։

Verse: 23  Link to sept   Մերժեսցէ́ տ(է)ր զազգսն զայնոսիկ յերեսաց ձերոց, եւ ժառանգեսջի́ք զազգս մեծամեծս եւ հզօրագոյն քան զձեզ։

Verse: 24  Link to sept   Ամենայն տեղի ուր կոխիցեն գնացք ոտից ձերոց՝ ձե́զ լիցին, յանապատէ անտի մինչեւ ցաներն լիբանանու. եւ ՛ի գետոյն մեծէ́ գետոյն եփրատայ մինչեւ ցծո́վն արեւմտից եղիցին սահմանք ձեր։

Verse: 25  Link to sept   Եւ ո́չ ոք դառնայցէ ընդդէմ ձեր, զա́հ եւ զերկիւղ ձեր արկցէ տ(է)ր ա(ստուա)ծ ձեր ՛ի վ(ե)ր(այ) երեսաց ա(մենայ)ն երկրին զոր կոխիցէք, ո(ր)պ(էս) խօսեցաւ ընդ ձեզ տ(է)ր։

Verse: 26  Link to sept   Եւ ես ահաւասիկ տա́մ այսօր առաջի ձեր օրհնու(թ)ի(ւն)ս եւ անէծս.

Verse: 27  Link to sept   օրհնութի(ւն)՝ եթէ լսիցէք պատուիրանաց տ(եառ)ն ա(ստուծո)յ ձերոյ՝ զոր ես պատուիրե́մ ձեզ այսօր։

Verse: 28  Link to sept   Եւ անէծս՝ եթէ ո́չ լուիցէք պատուիրանաց տ(եառ)ն ա(ստուծո)յ ձերոյ, զոր ես պատուիրեմ ձեզ այսօր. եւ մոլորիցիք ՛ի ճանապարհէն զոր ես պատուիրեցի ձեզ, երթալ պաշտել զաստուածս օտարս՝ զորս ո́չ ճանաչիցէք։

Verse: 29  Link to sept   Եւ եղիցի յորժամ տարցի զքեզ տ(է)ր ա(ստուա)ծ քո յերկիրն յոր անցանես ընդ յորդանան ժառանգե́լ զնա. եւ տացես դու զօրհնութի(ւն)ն ՛ի լերինն գարիզին, եւ զանէծս ՛ի լերինն գեբալ։

Verse: 30  Link to sept   Ոչ ապաքէն յա́յն կոյս յորդանանո́ւ է այն՝ յետոյ ճանապարհին արեւմտից յերկիրն քանանացւոց. որոյ նիստն ը(նդ) արեւմուտս է մե́րձ ՛ի գաղգալ, առ կաղնեաւն բարձու։

Verse: 31  Link to sept   Եւ դուք անցանէք ընդ յորդանան մտանել ժառանգել զերկիրն՝ զոր տ(է)ր ա(ստուա)ծ տալո́ց է քեզ ՛ի ժառանգութի(ւն) զա(մենայ)ն աւուրս. եւ ժառանգեսջի́ք զնա՝ եւ բնակեսջի́ք ՛ի նմա։

Verse: 32  Link to sept   Եւ զգուշասջի́ք առնել զա(մենայ)ն հրամանս ն(ո)ր(ա), եւ զդատաստանսզայսոսիկ զոր ես տա́մ առաջի ձեր այսօր։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ ա́յս են հրամանք եւ դատաստանք՝ զոր զգուշանայցէք առնե́լ յերկրին զոր տ(է)ր ա(ստուա)ծ հարցն ձերոց տալո́ց է ձեզ ՛ի ժառանգու(թ)ի(ւն). զա(մենայ)ն աւուրս՝ զորս կեցէք դուք ՛ի վ(ե)ր(այ) երկրի։

Verse: 2  Link to sept   Կորուսանելո́վ կորուսջի́ք զա(մենայ)ն տեղիսն՝ յորս պաշտեցին ՛ի նոսա ա(մենայ)ն ազգքն զդիս իւրեանց, յորս դու ժառանգիցէք զն(ո)ս(ա) ՛ի վ(ե)ր(այ) լերանց բարձանց, եւ ՛ի վ(ե)ր(այ) բլրոց, եւ ՛ի ներքոյ վարսաւոր ծառոց։

Verse: 3  Link to sept   եւ կործանեսջի́ք զբագինս նոցա. եւ փշրեսջի́ք զարձանս ն(ո)ց(ա). եւ կոտորեսջի́ք զանտառս նոցա. եւ զդրօշեալս դից ն(ո)ց(ա) այրեսջի́ք հրով։ Եւ կորուսջի́ք զանուանս ն(ո)ց(ա) ՛ի տեղւոջէն յայնմանէ։

Verse: 4  Link to sept   եւ մի́ առնիցէք նոյնպէս տ(եառ)ն ա(ստուծո)յ ձերում։

Verse: 5  Link to sept   Այլ ՛ի տեղւոջն զոր ընտրեսցէ տ(է)ր ա(ստուա)ծ ձեր ՛ի միո́ւմ ՛ի ցեղից ձերոց, անուանել զանո́ւն իւր եւ կոչե́լ ՛ի նմա, խնդրեսջի́ք եւ մտջիք անդր։

Verse: 6  Link to sept   Եւ մատուսջի́ք զողջակէզս ձեր, եւ զզոհս ձեր, եւ զտասանորդս ձեր, եւ զպտուղս ձեր, եւ զուխտս ձեր, եւ զկամայականս ձեր, եւ զխոստովանու(թ)ի(ւն)ս ձեր, եւ զանդրանիկս արջառոյ եւ ոչխարի ձերոյ։

Verse: 7  Link to sept   Եւ կերիջի́ք առաջի տ(եառ)ն ա(ստուծո)յ ձերոյ. եւ ուրա́խ լինիջիք ՛ի վ(ե)ր(այ) ա(մենայ)նի յոր մխիցէք զձեռս ձեր. դո́ւք եւ տունք ձեր. ո(ր)պ(էս) օրհնեա́ց զքեզ տ(է)ր ա(ստուա)ծ քո։

Verse: 8  Link to sept   Մի́ առնիցէք զա(մենայ)ն ինչ զոր այսօր մեք աստ ո́չ առնեմք, իւրաքանչիւր զհաճոյն առաջի իւր։

Verse: 9  Link to sept   Քանզի ո́չ հասէք ՛ի հանգիստն եւ ՛ի ժառանգու(թ)ի(ւն)ն, զոր տ(է)ր ա(ստուա)ծ մեր տալո́ց է ձեզ, մինչեւ ցայսօր։

Verse: 10  Link to sept   Եւ անցջի́ք ընդ յորդանան եւ բնակեսջի́ք յերկիրն՝ զոր տ(է)ր ա(ստուա)ծ մեր ժառանգեցուսցէ ձեզ. եւ հանգուսցէ́ զձեզ յա(մենայ)ն թշնամեաց ձերոց որ շուրջ զձեւք իցեն, եւ բնակեսջի́ք զգուշութ(եամ)բ։

Verse: 11  Link to sept   Եւ եղիցի տեղին զոր ընտրեսցէ տ(է)ր ա(ստուա)ծ մեր կոչե́լ զանուն իւր ՛ի վ(ե)ր(այ) ն(ո)ր(ա), ա́նդ մատուսջիք զա(մենայ)ն զոր ես պատուիրե́մ ձեզ այսօր, զողջակէզս ձեր, եւ զզոհս ձեր, եւ զտասանորդս ձեր, եւ զպտուղս ձեռաց ձերոց. եւ զգահամունս ձեր. եւ զա(մենայ)ն զընտիրս պատարագաց ձերոց զոր ուխտիցէք ա(ստուծո)յ ձերում։

Verse: 12  Link to sept   Եւ ուրա́խ լինիջիք առաջի տ(եառ)ն ա(ստուծո)յ մերոյ, դո́ւք եւ ուստերք ձեր, եւ դստերք ձեր, եւ ծառա́յք ձեր, եւ աղախնա́յք ձեր. եւ ղեւտացին որ ՛ի դրունս ձեր. զի ո́չ գոյ ն(ո)ց(ա) բաժին եւ ոչ ժառանգութի(ւն) ը(նդ) ձեզ։

Verse: 13  Link to sept   Զգո́յշ լեր անձին քում. գուցէ́ մատուցանիցես զողջակէզս քո յա(մենայ)ն տեղւոջ զոր տեսանիցես.

Verse: 14  Link to sept   այլ ՛ի տեղւոջն զոր ընտրեսցէ տ(է)ր ա(ստուա)ծ քո իւր, ՛ի միում ՛ի քաղաքաց քոց. ա́նդ մատուցանիցես զողջակէզս քո, եւ ա́նդ արասցես զա(մենայ)ն՝ զոր ես պատուիրեմ քեզ այսօր։

Verse: 15  Link to sept   Այլ եւ ըստ ա(մենայ)ն ցանկութե(ան) քում զենցե́ս եւ ուտիցես միս ըստ օրհնութե(ան) տ(եառ)ն ա(ստուծո)յ քոյ, զոր ե́տ քեզ յա(մենայ)ն քաղաքս. անսուրբն որ ՛ի քեզ եւ սուրբն ՛ի միասի́ն կերիցեն զայն. իբրեւ զայծեամն եւ զեղջերու։

Verse: 16  Link to sept   բայց արիւն մի́ ուտիցէք, այլ յերկի́ր հեղուցուք զնա իբրեւ զջուր։

Verse: 17  Link to sept   Մի́ ժտիցես ուտել ՛ի քաղաքս քո զտասանորդս ցորենոյ քոյ եւ զգինւոյ քոյ եւ զիւղոյ քոյ, զանդրանիկս արջառոյ քոյ եւ զոչխարի. եւ զա(մենայ)ն ուխտ զոր ուխտիցէք, եւ զխոստովանութի(ւն)ս ձեր, եւ զպտուղս ձեռաց ձերոց։

Verse: 18  Link to sept   Այլ առաջի տ(եառ)ն ա(ստուծո)յ քոյ կերիցես զայն՝ ՛ի տեղւոջն զոր ընտրեսցէ տ(է)ր ա(ստուա)ծ՝ իւր. դո́ւ եւ ուստր քո եւ դուստր քո, ծառայն քո եւ աղախին քո, եւ եկն որ ՛ի քաղաքս քո. եւ ուրա́խ լինիցիս առաջի տ(եառ)ն ա(ստուծո)յ քոյ ՛ի վ(ե)ր(այ) ա(մենայ)նի՝ յոր մխիցես զձեռն քո։

Verse: 19  Link to sept   Զգո́յշ լեր անձին քում, գուցէ́ թողուցուս զղեւտացին զա(մենայ)ն ժամանակս քո՝ որչափ եւ կեցցե́ս ՛ի վ(ե)ր(այ) երկրին։

Verse: 20  Link to sept   Եւ եթէ ընդարձակեսցէ տ(է)ր ա(ստուա)ծ քո զսահմանս քո ո(ր)պ(էս) եւ խոստացաւ քեզ, եւ ասիցես թէ կերայց միս. եթէ ցանկանայցէ անձն քո ուտել միս, ըստ ա(մենայ)ն ցանկու(թ)ե(ան) անձին քոյ կերիցե́ս միս։

Verse: 21  Link to sept   Ապա թէ հեռագոյն իցէ ՛ի քէն տեղին զոր ընտրեսցէ տ(է)ր ա(ստուա)ծ քո անուանել զանուն իւր ՛ի վ(ե)ր(այ) ն(ո)ր(ա). եւ զենուցուս յարջառոյ քումմէ եւ յոչխարէ քումմէ՝ յորոց տացէ́ քեզ ա(ստուա)ծ. զորօրինակ պատուիրեցի քեզ, կերիցե́ս ՛ի քաղաքս քո ը(ս)տ ցանկութե(ան) անձին քոյ.

Verse: 22  Link to sept   որպէս ուտիցի այծեամն եւ եղջերու, ա́յնպէս կերիցես եւ զայն. անսուրբն ՛ի քեզ եւ սուրբն նո́յնպէս կերիցեն։

Verse: 23  Link to sept   Զգո́յշ լեր չուտելոյ զարիւն, զի արիւն նորա է́ շունչ իւր. մի́ ուտիցես շունչ ը(նդ) մսոյ.

Verse: 24  Link to sept   յերկի́ր հեղուցուս զնա իբրեւ զջուր.

Verse: 25  Link to sept   եւ մի́ ուտիցես զնա. զի բարի́ լինիցի քեզ, եւ որդւոց քոց յետ քո. եթէ արասցես զբարին եւ զհաճոյ առաջի տ(եառ)ն ա(ստուծո)յ քոյ։

Verse: 26  Link to sept   Բայց զսրբութի(ւն)սն քո որ լինիցին քեզ, եւ զուխտսն քո զոր ուխտիցես. առեալ եկեսցես ՛ի տեղին զոր ընտրեսցէ տ(է)ր ա(ստուա)ծ քո իւր. կոչել զանուն իւր ՛ի վ(ե)ր(այ) ն(ո)ր(ա)։

Verse: 27  Link to sept   Եւ արասցե́ս զողջակէզսն քո, զմիսն հանցես ՛ի վերայ սեղանոյ տ(եառ)ն ա(ստուծո)յ քոյ. եւ զարիւն զոհիցն հեղուցուս առ յատակաւ սեղանոյն տ(եառ)ն ա(ստուծո)յ քոյ. եւ զմիսն կերիցե́ս։

Verse: 28  Link to sept   Զգոյշ լեր եւ լուր. եւ արասցե́ս զա(մենայ)ն զբանս զոր ես պատուիրեմ քեզ. զի բարի́ լինիցի քեզ, եւ որդւոց քոց յաւիտեան։ եւ արասցես զբարի́ն եւ զհաճոյն առաջի տ(եառ)ն ա(ստուծո)յ քոյ։

Verse: 29  Link to sept   Եւ եթէ սատակեսցէ տ(է)ր ա(ստուա)ծ քո զազգսն յերեսաց քոց. յորումդու մտանելոց ես ժառանգել զերկիր ն(ո)ց(ա). եւ ժառանգեսցե́ս զն(ո)ս(ա), եւ բնակեսցե́ս յերկրի ն(ո)ց(ա)։

Verse: 30  Link to sept   Զգո́յշ լեր անձին քում, գուցէ́ խնդրիցես երթալ զհե́տ ն(ո)ց(ա) յետ սատակելոյ զնոսա յերեսաց քոց։ մի́ քննիցես զդիս նոցա՝ եւ ասիցես. զիա՞րդ առնիցեն ազգքն այսոքիկ դիցն իւրեանց՝ զի եւ ե́ս արարից տ(եառ)ն։

Verse: 31  Link to sept   Մի́ առնիցես նոյնպէս տ(եառ)ն ա(ստուծո)յ քում. զի զգարշելիսն զոր ատեա́յ տ(է)ր՝ արարին դիցն իւրեանց. զի զուստերս իւրեանց եւ զդստերս իւրեանց՝ այրե́ն հրով դիցն իւրեանց։

Verse: 32  Link to sept   Ամենայն բանի զոր ես պատուիրեմ քեզ այսօր՝ զգուշանայցե́ս առնելոյ. մի́ յաւելուցուս ՛ի նա, եւ մի́ հատանիցես ՛ի նմանէ։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ եթէ յառնիցէ́ ՛ի միջի քում մարգարէ կամ երազահա́ն երազոց, եւ տացէ քեզ նշա́ն կամ արուեստ.

Verse: 2  Link to sept   եւ լինիցի նշանն կամ արուեստն զոր խօսեցաւ առ քեզ, եւ ասիցէ երթիցուք պաշտեսցուք զաստուածս օտարս՝ զորս ո́չ ճանաչիցէք։

Verse: 3  Link to sept   Մի́ լսիցէք բանից մարգարէին այնորիկ, կամ երազահանին երազոց. զի փորձէ́ զքեզ տ(է)ր ա(ստուա)ծ ճանաչել, թէ սիրիցէ՞ք զտ(է)ր ա(ստուա)ծ մեր յա(մենայ)ն սրտէ ձերմէ՝ եւ յա(մենայ)ն անձնէ ձերմէ։

Verse: 4  Link to sept   Զկնի տ(եառ)ն ա(ստուծո)յ ձերոյ երթիջիք, եւ ՛ի նմանէ երկնչիջիք, եւ զպատուիրանս ն(ո)ր(ա) պահեսջիք, եւ ձայնի́ ն(ո)ր(ա) լուիջիք, եւ ՛ի նա́ յարեսջիք։

Verse: 5  Link to sept   Եւ մարգարէն այն կամ երազահանն երազոց՝ մեռցի́. զի խօսեցաւ ապստամբեցուցանե́լ զքեզ ՛ի տ(եառն)է ա(ստուծո)յ քումմէ՝ որ եհան զքեզ յերկրէն եգիպտացւոց, որ փրկեացն զքեզ յերկրէն ծառայութե(ան). մերժե́լ զքեզ ՛ի ճանապարհէն՝ զոր պատուիրեաց քեզ տ(է)ր ա(ստուա)ծ քո գնա́լ ընդ նա. եւ բարձցե́ս զչարն ՛ի միջոյ ձերմէ։

Verse: 6  Link to sept   Եւ եթէ աղաչեսցէ զքեզ եղբայր քո առ ՛ի հօրէ կամ առ ՛ի մօրէ քումմէ, կամ ուստր քո, կամ դուստր քո, կամ կին ծոցոյ քոյ, կամ բարեկամ հանգո́յն անձին քոյ, գա́ղտ՝ եւ ասիցէ. երթիցո́ւք պաշտեսցո́ւք զաստուածս օտարս, զորս ո́չ ճանաչիցես դու եւ հարք քո.

Verse: 7  Link to sept   յաստուածոց ազգացն որ շուրջ զձեւք իցեն, ՛ի մերձաւորացն քոց կամ ՛ի հեռաւորաց, ՛ի ծագա́ց երկրին մինչեւ ՛ի ծագս երկրին։

Verse: 8  Link to sept   Մի́ հաւանիցիս նմա, եւ մի́ լուիցես նմա, եւ մի́ խնայեսցէ ակն քո ՛ի նա, եւ մի́ գթասցիս ՛ի նա, եւ մի́ ծածկեսցես զնա։

Verse: 9  Link to sept   Պատմելով պատմեսցե́ս զնմանէ. ձեռք քո նա́խ լիցին ՛ի նա սպանանել զնա, եւ ապա́ ձեռն ա(մենայ)ն ժողովրդեանն.

Verse: 10  Link to sept   եւ քարկոծեսցե́ն զնա քարամբք եւ մեռցի։ զի խնդրեաց ապստամբեցուցանե́լ զքեզ ՛ի տ(եառն)է ա(ստուծո)յ քումմէ. որ եհա́ն զքեզ յերկրէն եգիպտացւոց ՛ի տանէ ծառայու(թ)ե(ան)։

Verse: 11  Link to sept   Եւ լուեալ ա(մենայ)ն ի(սրաէ)լի զարհուրեսցի́. եւ ո́չ եւս յաւելուցուն առնել ըստ բանին այնորիկ չարի ՛ի միջի ձերում։

Verse: 12  Link to sept   Եւ եթէ լսիցես ՛ի միում ՛ի քաղաքացն՝ զորս տ(է)ր ա(ստուա)ծ քո տացէ քեզ բնակե́լ անդ. ասել

Verse: 13  Link to sept   եթէ ելին արք անօրէնք ՛ի մէնջ. եւ ապստամբեցուցի́ն զա(մենայ)ն բնակիչս քաղաքին իւրեանց. եւ ասեն, երթիցուք եւ պաշտեսցո́ւք զաստուածս օտարս՝ զորս ո́չ գիտիցէք.

Verse: 14  Link to sept   եւ քննեսցե́ս եւ հարցանիցե́ս եւ յուզեսցես յոյժ. եւ ահա ստո́յգ եւ հաւաստեաւ իցէ բանն, եւ եղեալ իցէ գարշու(թ)ի(ւն)ն ՛ի ձեզ.

Verse: 15  Link to sept   կոտորելով կոտորեսջի́ք զա(մենայ)ն բնակիչս երկրին այնորիկ կոտորմամբ սրոյ. եւ նզովելով նզովեսջի́ք զնա, եւ զա(մենայ)ն ինչ որ ՛ի նմա, եւ զանասուն ն(ո)ց(ա) ՛ի բերա́ն սրոյ։

Verse: 16  Link to sept   Եւ զա(մենայ)ն կապուտ ն(ո)ր(ա) ժողովեսցես յելս ն(ո)ր(ա). եւ այրեսցե́ս հրով զքաղաքն, եւ զա(մենայ)ն զաւա́ր ն(ո)ր(ա) համօրէն առաջի տ(եառ)ն ա(ստուծո)յ քոյ. եւ եղիցի աւերա́կ յաւիտեան, եւ ո́չ եւս շինեսցի։

Verse: 17  Link to sept   Եւ մի́ կռուիցի ՛ի ձեռին քում ՛ի նզովից ն(ո)ր(ա). զի դարձցի́ տ(է)ր ՛ի բարկութ(են)է սրտմտութե(ան) իւրոյ։ եւ տացէ քեզ ողորմութի(ւն), եւ ողորմեսցի́ քեզ եւ բազմացուսցէ́ զքեզ. զոր օրինակ երդուաւ տ(եառ)ն հարցն քոց։

Verse: 18  Link to sept   Եթէ լսիցես ձայնի տ(եառ)ն ա(ստուծո)յ քոյ, պահել զա(մենայ)ն պատուիրանս ն(ո)ր(ա), զոր ես քեզ պատուիրեմ այսօր. առնել զբարի́ն եւ զհաճոյ առաջի տ(եառ)ն ա(ստուծո)յ քոյ։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Զի որդիք էք դուք տ(եառ)ն ա(ստուծո)յ ձերոյ։
   Մի́ ցտիցիք, եւ մի́ հարկանիցէք զճակատ ՛ի վ(ե)ր(այ) մեռելոյ.

Verse: 2  Link to sept   զի ժողովուրդ ես դու սո́ւրբ տ(եառ)ն ա(ստուծո)յ քոյ. եւ զքեզ ընտրեաց տ(է)ր ա(ստուա)ծ քո լինել նմա ժողովուրդ սեպհական յամենայն ազգաց որ ՛ի վ(ե)ր(այ) երեսաց երկրի։

Verse: 3  Link to sept   Մի́ ուտիցէք զա(մենայ)ն գարշելիս։

Verse: 4  Link to sept   Ա́յս անուանք են զորս ուտիցէք. արջառ, եւ ոչխար ՛ի հօտից, եւ նոխազ յայծեաց,

Verse: 5  Link to sept   զեղջերու եւ զայծեամն, եւ զգոմէ́շ եւ զխարբուզ, եւ զայծքաղ, եւ զյամոյր, եւ զանալութ։

Verse: 6  Link to sept   եւ զա(մենայ)ն անասուն զթաթահերձ, եւ զկճղակաբաշխ, եւ զորոճո́ղ յանասնոց ուտիցէք։

Verse: 7  Link to sept   Եւ զայն մի́ ուտիցէք որ որոճեն, եւ թաթահե́րձ՝ եւ կճղակաբաշխ ո́չ իցեն։ Ուղտ, եւ նապաստակ, եւ ճագար, զի որոճեն, եւ կճղակահերձ ո́չ են, անսո́ւրբք իցեն նոքա ձեզ։

Verse: 8  Link to sept   եւ խոզ, զի թաթահերձ եւ կճղակաբաշխ է, եւ որոճէ ո́չ, անսուրբ իցէ նա ձեզ։ ՛ի մսոյ նոցա մի́ ուտիցէք, եւ ՛ի մեռեալ նոցա մի́ մերձենայցէք։

Verse: 9  Link to sept   Եւ ա́յս են զոր ուտիցէք յա(մենայ)նէ՝ որ ՛ի ջուրս են. ա(մենայ)նի որոյ իցեն թեւք եւ թեփ, ուտիցէ́ք։

Verse: 10  Link to sept   եւ ա(մենայ)նի որոյ ո́չ իցեն թեւք եւ թեփ մի́ ուտիցէք. անսո́ւրբ իցեն նոքա ձեզ։

Verse: 11  Link to sept   Զամենայն հաւ սուրբ ուտիցէ́ք։

Verse: 12  Link to sept   եւ ա́յս է զոր ո́չ ուտիցէք ՛ի նոցանէ. զարծուի, եւ զկորճ, եւ զանգղ,

Verse: 13  Link to sept   եւ զգետարծուի, եւ զցին, եւ որ ինչ նմա́ն է նոցա։

Verse: 14  Link to sept   եւ զորի, եւ որինչ նման իցէ նմա։

Verse: 15  Link to sept   եւ զջայլեամն, եւ զբու, եւ զճայ,

Verse: 16  Link to sept   եւ զարագիլ, եւ զփոր, եւ զհողամաղ,

Verse: 17  Link to sept   եւ զքաջահաւ, եւ զսոխակ, եւ զագռաւ,

Verse: 18  Link to sept   եւ զհաւալուսն, եւ զքաղադր, եւ որինչ նմա́ն է նոցա, եւ զյոպոպ, եւ զչիղջ։

Verse: 19  Link to sept   Եւ ամենայն սողուն ՛ի թռչնոց անսո́ւրբ լիցի ձեզ. եւ մի́ ուտիցէք ՛ի նոցանէ։

Verse: 20  Link to sept   Եւ զա(մենայ)ն թռչուն սո́ւրբ՝ կերիջի́ք։

Verse: 21  Link to sept   Եւ զա(մենայ)ն մեռելոտի մի́ ուտիցէք. այլ պանդխտին որ է ՛ի քաղաքս քո տացե́ս զնա՝ եւ կերիցէ, կամ վաճառեսցե́ս օտարոտւոյն. զի ժողովուրդ սո́ւրբ ես դու տ(եառ)ն ա(ստուծո)յ քոյ։
   Մի́ եփեսցես զգառն ՛ի կաթն մօր իւրոյ։

Verse: 22  Link to sept   Տասանո́րդս տասանորդեսցես յա(մենայ)ն արմտեաց սերմանց քոց, զարմտիս անդոց քոց ա́մ ըստ ամէ։

Verse: 23  Link to sept   Եւ կերիցե́ս զայն առաջի տ(եառ)ն ա(ստուծո)յ քոյ ՛ի տեղւոջն զոր ընտրեսցէ տ(է)ր ա(ստուա)ծ քո անուանե́լ զանուն իւր ՛ի վերայ ն(ո)ր(ա). ա́նդ մատուսցես զտասանորդս ցորենոյ քոյ, եւ զգինւոյ քոյ, եւ զիւղոյ քոյ, եւ զանդրանիկս արջառոյ քոյ, եւ զոչխարի քոյ. զի ուսցիս երկնչել ՛ի տ(եառն)է ա(ստուծո)յ քումմէ զա(մենայ)ն աւուրս։

Verse: 24  Link to sept   Ապա թէ հեռի́ իցէ ՛ի քէն ճանապարհն, եւ ո́չ կարիցես տանել զայն. վասն զի հեռի́ իցէ ՛ի քէն տեղին զոր ընտրեսցէ տ(է)ր ա(ստուա)ծ քո անուանե́լ զանուն իւր անդ։ Զի օրհնեաց զքեզ տ(է)ր ա(ստուա)ծ քո.

Verse: 25  Link to sept   վաճառեսցես զայն արծաթոյ, եւ առցե́ս զարծաթն ՛ի ձեռին քում, եւ երթիցես ՛ի տեղին զոր ընտրեսցէ տ(է)ր ա(ստուա)ծ քո.

Verse: 26  Link to sept   եւ տայցես զարծաթն ընդ ա(մենայ)նի որում ցանկանայցէ անձն քո, արջառո́յ, կամ ոչխարի, կամ գինւոյ, կամ ցքւոյ, կամ ա(մենայ)նի որում ցանկանայցէ անձն քո. եւ կերիցես ա́նդ առաջի տ(եառ)ն ա(ստուծո)յ քոյ. եւ ուրա́խ լինիցիս դու եւ ուստր քո,

Verse: 27  Link to sept   եւ ղեւտացին որ ՛ի քաղաքս քո, մի́ թողուցուս զնա, զի ո́չ գոյ նորա բաժին եւ ո́չ ժառանգու(թ)ի(ւն) ընդ քեզ։

Verse: 28  Link to sept   Յետ երից ամաց հանիցե́ս զա(մենայ)ն տասանորդս տրտմեաց քոց, եւ յամի յայնմիկ դիցե́ս զա́յն ՛ի քաղաքս քո.

Verse: 29  Link to sept   եւ կերիցէ́ ղեւտացին։քանզի ո́չ գոյ ն(ո)ր(ա) բաժին եւ ժառանգութի(ւն) ընդ քեզ. եւ եկն, եւ որբ, եւ եւ այրի ՛ի քաղաքս քո, կերիցեն եւ յագեսցին. զի օրհնեսցէ́ զքեզ տ(է)ր ա(ստուա)ծ քո յա(մենայ)ն գործս քո զոր առնիցես։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Յեւթն եւթներորդ ամի արասցես թողութի(ւն)։

Verse: 2  Link to sept   Եւ ա́յս իցէ հրաման թողու(թ)ե(ա)ն։ թողցե́ս զա(մենայ)ն պարտս քո զոր պարտիցի քեզ ընկե́ր քո. եւ մի́ պահանջիցես յընկերէ եւ յեղբօրէ քումմէ. զի թողութի(ւն) կոչեցեալ է տ(եառ)ն ա(ստուծո)յ քոյ։

Verse: 3  Link to sept   Յօտարոտւոյն պահանջիցե́ս որ ինչ իցէ քո առ նմա. բայց եղբօրն քում թողութի(ւն) արասցես զպարտուցն քոց։

Verse: 4  Link to sept   Եւ մի́ լինիցի ՛ի միջի քում կարօտեալ. զի օրհնելով օրհնեսցէ զքեզ տ(է)ր ա(ստուա)ծ քո յեկրին՝ զոր տ(է)ր ա(ստուա)ծ քո տալո́ց է քեզ ՛ի ժառանգու(թ)ի(ւն) ժառանգե́լ զնա։

Verse: 5  Link to sept   Եւ եթէ լսելով լուիցես ձայնի տ(եառ)ն ա(ստուծո)յ քոյ, պահե́լ եւ առնե́լ զա(մենայ)ն պատուիրանս զոր ես պատուիրեմ քեզ այսօր.

Verse: 6  Link to sept   զի տ(է)ր ա(ստուա)ծ քո օրհնեա́ց զքեզ, որպէս եւ խոստացա́ւ քեզ. եւ տացես փո́խ ազգաց բազմաց, եւ դու ո́չ առնուցուս փոխ. եւ տիրեսցես ազգաց բազմաց, եւ քեզ մի́ տիրեսցեն։

Verse: 7  Link to sept   Եւ եթէ լինիցի ՛ի միջի քում կարօտեալ յեղբարց քոց, ՛ի միում ՛ի քաղաքաց քոց յերկրին զոր տացէ քեզ տ(է)ր ա(ստուա)ծ քո. մի́ դարձուցանիցես զսիրտ քո, եւ մի́ կծկիցես զձեռն քո յեղբօրէ քումմէ կարօտելոյ։

Verse: 8  Link to sept   այլ ընդարձակելո́վ արձակեսցես նմ(ա) զձեռն քո, եւ տալով տացե́ս նմա փոխ որչա́փ եւ խնդրիցէ ՛ի կարօտու(թ)ե(ան) իւրում։

Verse: 9  Link to sept   Զգո́յշ լեր անձին քում, գուցէ լինիցի բա́ն ծածուկ անօրէնու(թ)ե(ան) ՛ի սրտի քում. եւ ասիցես, մե́րձ է ամն եւթներորդ՝ ա́մն թողութե(ան). եւ չարակնեսցէ́ ակն քո ՛ի վ(ե)ր(այ) եղբօր քո կարօտելոյ, եւ ո́չ տայցես նմա. եւ բողոքեսցէ զքէն առ տ(է)ր. եւ լինիցին քեզ այն մե́ղք մեծամեծք։

Verse: 10  Link to sept   Այլ պարգեւելով պարգեւեսցես նմա, եւ տալով տացե́ս նմա փոխ՝ որչափ եւ պիտո́յ իցէ։ եւ մի́ տրտմիցի́ս ՛ի սրտի քում զկնի տրոցն քոց նմա. զի վասն բանին այնորիկ օրհնեսցէ́ զքեզ տ(է)ր ա(ստուա)ծ քո յա(մենայ)ն ՛ի գործս քո. եւ յա(մենայ)նի յորինչ եւ մխեսցես զձեռն քո.

Verse: 11  Link to sept   զի ո́չ պակասէ կարօտեալ յարկրէ։ Վ(ա)ս(ն) ա́յնորիկ ես պատուիրեմ զբանս զայս եւ ասեմ. ընդարձակելով արձակեսցե́ս զձեռն քո յաղքատ եւ ՛ի տառապեալ եղբա́յր քո որ իցէ յերկրին քում։

Verse: 12  Link to sept   Եւ եթէ վաճառեսցի քեզ եղբայր քո եբրայեցի, կամ կին եբրայեցի, ծառայեսցէ քեզ զվե́ց ամ. եւ յամին եւթներորդի արձակեսցե́ս զնա ազա́տ ՛ի քէն։

Verse: 13  Link to sept   Եւ յորժամ արձակեսցե́ս զնա, ո́չ արձակեսցես զնա ունայն.

Verse: 14  Link to sept   այլ հանդերձելով հանդերձեսցես զնա յոչխարաց քոց. ՛ի ցորենոյ քումմէ, եւ ՛ի հնձանէ քումմէ. ո(ր)պ(էս) եւ օրհնեաց զքեզ տ(է)ր ա(ստուա)ծ քո՝ տացե́ս նմա։

Verse: 15  Link to sept   Եւ յիշեսցե́ս, զի եւ դու ծառա́յ էիր յերկրին եգիպտացւոց. եւ փրկեաց զքեզ տ(է)ր ա(ստուա)ծ քո անտի։ վասն ա́յնորիկ ես պատուիրեմ քեզ առնել զբանս զայս։

Verse: 16  Link to sept   Ապա թէ ասիցէ ցքեզ. ո́չ ելանեմ ՛ի քէն. զի սիրեա́ց զքեզ եւ զտուն քո. զի բարի́ իցէ նմա առ քեզ։

Verse: 17  Link to sept   առցես հերիւն, եւ ծակեսցես զունկն ն(ո)ր(ա) ՛ի վ(ե)ր(այ) սեմոց դրանն, եւ եղիցի քեզ ստրո́ւկ յաւիտեան. եւ զաղախին քո նո́յնպէս արասցես։

Verse: 18  Link to sept   Եւ մի́ խիստ թուեսցի առաջի քո յորժամ արձակեսցես զնոսա ազա́տս ՛ի քէն. զի ամի ամի վարձո́ւք վարձկանի ծառայեա́ց քեզ զվեց ամ. եւ օրհնեսցէ́ զքեզ տ(է)ր ա(ստուա)ծ քո յա(մենայ)նի զինչ եւ գործեսցես։

Verse: 19  Link to sept   Զա(մենայ)ն անդրանիկս որ ծնանիցին յանգեայս քո եւ ՛ի հօտս քո, զարուսն ՛ի նոցանէ սրբեսցե́ս տ(եառ)ն ա(ստուծո)յ քում։ Ո́չ գործեսցես անդրանկաւ եզին քոյ, եւ մի́ կտրեսցես զանդրանիկս հօտից քոց։

Verse: 20  Link to sept   ամ յամէ կերիցես զնա առաջի տ(եառ)ն ՛ի տեղւոջն զոր ընտրեսցէ տ(է)ր ա(ստուա)ծ քո, դո́ւ եւ տուն քո։

Verse: 21  Link to sept   Եւ եթէ արատաւո́ր իցէ, կամ կաղ, կամ կոյր, եւ կամ ա(մենայ)ն արատ չա́ր զինչ եւ գուցէ́ ՛ի նմա, մի́ զենցես զնա տ(եառ)ն ա(ստուծո)յ քում.

Verse: 22  Link to sept   այլ ՛ի քաղա́քս քո կերիցես զնա. անսո́ւրբն ՛ի քեզ՝ եւ սո́ւրբն նո́յնպէս կերիցեն, իբրեւ զայծեամն կամ զեղջերու։

Verse: 23  Link to sept   Բայց զարիւն մի́ ուտիցես, յերկիր հեղուցուս զնա իբրեւ զջուր։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Զգուշասջի́ր ամսոյն կանխոց, եւ արասցես զատի́կ տ(եառ)ն ա(ստուծո)յ քոյ. զի յամսեանն կանխոց ելէք յեգիպտոսէ ՛ի գիշերի։

Verse: 2  Link to sept   Եւ զենցես զզատիկն տ(եառ)ն ա(ստուծո)յ քում. ոչխարս եւ արջառս, ՛ի տեղւոջն զոր ընտրեսցէ տ(է)ր ա(ստուա)ծ քո անուանել զանուն իւր անդ։

Verse: 3  Link to sept   Մի́ ուտիցէք ընդ նմա խմորուն, զեւթն օր բաղա́րջ կերիցես ընդ նմա, հա́ց չարչարանաց. քանզի տագնապաւ ելէք յեգիպտոսէ. զի յիշեցէ́ք դուք զօրն ելից ձերոց յերկրէն եգիպտացւոց՝ զա(մենայ)ն աւուրս կենաց ձերոց։

Verse: 4  Link to sept   Եւ մի́ եւս երեւեսցի ՛ի քեզ խմոր յա(մենայ)ն սահմանս քո զեւթն օր. եւ մի́ ագցի ՛ի մսոյն զոր զենուցուս յերեկորեայ յաւուրն առաջնոյ ցայգ։

Verse: 5  Link to sept   Եւ մի́ ժտեսցես զենուլ զզատիկն ՛ի միում ՛ի քաղաքաց քոց՝ զորս տ(է)ր ա(ստուա)ծ քո տացէ քեզ.

Verse: 6  Link to sept   այլ ՛ի տեղւոջն զոր ընտրեսցէ տ(է)ր ա(ստուա)ծ քո անուանե́լ զանուն իւր ՛ի նմա, ա́նդ զենցես զզատիկն առ երեկս ընդ արեւմուտս, ՛ի ժամանակին յորում ելե́ր յեգիպտոսէ։

Verse: 7  Link to sept   Եփեսցես եւ խորովեսցե́ս, եւ կերիցե́ս ՛ի տեղւոջն զոր ընտրեսցէ տ(է)ր ա(ստուա)ծ քո. եւ դարձցիս ՛ի վաղիւն երթիցես ՛ի տուն քո։

Verse: 8  Link to sept   զվե́ց օր կերիցես բաղարջ, եւ յաւուրն եւթներորդի ե́լք տօն տ(եառ)ն ա(ստուծո)յ քոյ. մի́ գործեսցես ՛ի նմա զա(մենայ)ն գործ, բայց որինչ գործիցի́ անձին։

Verse: 9  Link to sept   Եւթն եւթներորդս համարեսցիս քեզ, ՛ի սկսանելոյ մանկաղի քոյ յոճ, սկսանիցիս համարե́լ եւթն եւթներորդս.

Verse: 10  Link to sept   եւ արասցես տօն եւթներորդաց տ(եառ)ն ա(ստուծո)յ քում, որչափ կարօ́ղ իցէ ձեռն քո ըստ ընչի́ն զոր տացէ քեզ՝ որպէս զիարդ օրհնեսցէ զքեզ տ(է)ր ա(ստուա)ծ քո։

Verse: 11  Link to sept   Եւ ուրա́խ լիցիս առաջի տ(եառ)ն ա(ստուծո)յ քոյ, դո́ւ եւ ուստր քո եւ դուստր քո, ծառայ քո, եւ աղախին քո. եւ ղեւտացին որ ՛ի քաղաքս քո. եւ եկն եւ որրբն եւ այրին որ ՛ի ձեզ. ՛ի տեղւոջն զոր ընտրեսցէ տ(է)ր ա(ստուա)ծ անուանե́լ զանուն իւր անդ։

Verse: 12  Link to sept   Եւ յիշեսցե́ս զի ծառա́յ էիր յերկրին եգիպտացւոց. եւ զգուշասցիս եւ արասցես զպատուիրանս զայսոսիկ։

Verse: 13  Link to sept   Տօ́ն տաղաւարահարա́ց արասցես զեւթն օր. ՛ի ժողովել քեզ ՛ի կալոյ քումմէ եւ ՛ի հնձանէ քումմէ։

Verse: 14  Link to sept   Եւ ուրա́խ լիցես ՛ի տօնի քում. դո́ւ եւ ուստր քո եւ դուստր քո, ծառայ քո եւ աղախին քո. եւ ղեւտացին, եւ եկն եւ որբն եւ այրին որ իցեն ՛ի քաղաքս քո։

Verse: 15  Link to sept   զեւթն օր տօնեսցես տ(եառ)ն ա(ստուծո)յ քում, ՛ի տեղւոջն զոր ընտրեսցէ տ(է)ր ա(ստուա)ծ քո ՛ի նմա։ Եւ եթէ օրհնեսցէ զքեզ տ(է)ր ա(ստուա)ծ քո յա(մենայ)ն արմտիս քո, եւ յա(մենայ)ն գործս ձեռաց քոց, եւ լինիցիս ուրա́խ։

Verse: 16  Link to sept   Զերիս ժամանակս ՛ի տարւոջ յանդիմա́ն լիցի ա(մենայ)ն արու քո՝ առաջի տ(եառ)ն ա(ստուծո)յ քոյ ՛ի տեղւոջն զոր ընտրեսցէ տ(է)ր։ ՛Ի տօնի բաղարջակերացն. եւ ՛ի տօնի եւթներորդացն. եւ ՛ի տօնի տաղաւարահարացն։ եւ ո́չ երեւեսցիս առաջի տ(եառ)ն ա(ստուծո)յ քում ունայնաձեռն.

Verse: 17  Link to sept   իւրաքանչիւր ըստ կարի́ ձեռաց իւրոց՝ ըստ օրհնութե(ան) տ(եառ)ն ա(ստուծո)յ քո զոր ե́տ քեզ։

Verse: 18  Link to sept   Դատաւո́րս եւ ատենադպի́րս կացուսցես յա(մենայ)ն քաղաքս քո՝ զոր տ(է)ր ա(ստուա)ծ քո տացէ քեզ՝ ըստ ցեղի́ց. եւ դատեսցե́ն զժողովուրդն դատաստան արդար.

Verse: 19  Link to sept   եւ մի́ աչառիցեն երեսաց. եւ մի́ առնուցուն կաշառս։ Քանզի կաշառ՝ կուրացուցանէ́ զաչս իմաստնոց. եւ ապականէ զբանս արդարոց։

Verse: 20  Link to sept   Արդարու(թեամ)բ արասցես զիրաւունս, զի կեցէք, եւ մտանիցէք ժառանգել զերկիրն զոր տ(է)ր ա(ստուա)ծ տացէ ձեզ։

Verse: 21  Link to sept   Մի́ տնկեսցես քեզ անտառս զա(մենայ)ն փայտի առ սեղանով տ(եառ)ն ա(ստուծո)յ քոյ։

Verse: 22  Link to sept   Եւ մի́ արասցես ինչ քեզ ձաւնի։ Եւ մի́ կանգնեսցես քեզ արձան զոր ատեաց տ(է)ր ա(ստուա)ծ քո։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ մի́ զոհիցես տ(եառ)ն ա(ստուծո)յ քում արջառ կամ ոչխար՝ յորում իցէ արատ ինչ, ըստ ա(մենայ)ն արատաւո́ր բանի. զի պի́ղծ է այն առաջի տ(եառ)ն ա(ստուծո)յ քոյ։

Verse: 2  Link to sept   Եւ եթէ գտցի ՛ի միջի քում, ՛ի միում ՛ի քաղաքացն զոր տ(է)ր ա(ստուա)ծ քո տացէ քեզ, ա́յր կամ կին՝ որ առնիցէ զչա́ր առաջի տ(եառ)ն ա(ստուծո)յ քոյ, անցանել զուխտիւ ն(ո)ր(ա).

Verse: 3  Link to sept   եւ երթեալ պաշտիցեն զաստուածս օտարս, եւ երկիր պագանիցեն ն(ո)ց(ա). Արեգական, կամ լուսնի, կամ ա(մենայ)նի որ իցէ ՛ի զարդուէ երկնից. զորս ո́չ հրամայեցի

Verse: 4  Link to sept   եւ պատմեցի քեզ։ եւ քննեսցես յոյժ, եւ ահա ճշմարտի́ւ լեալ իցէ բանն, եւ եղեա́լ իցէ պղծութի(ւն)ն այն ՛ի մէջ ի(սրաէ)լի։

Verse: 5  Link to sept   Հանցե́ս զայրն զայն, կամ զկին՝ որ արարին զբանն չար, ՛ի դրունս ձեր. եւ քարկոծեցէ́ք զն(ո)ս(ա) քարամբք եւ մեռցի́ն։

Verse: 6  Link to sept   Երկո́ւք եւ երիւք վկայիւք մեռցի որ մեռանիցին, եւ մի́ մեռցի միով վկայիւ։

Verse: 7  Link to sept   Եւ ձեռն վկայիցն եղիցի նախ ՛ի նա սպանանե́լ զնա, եւ ապա́ ձեռն ա(մենայ)ն ժողովրդեանն։ եւ բարձցե́ս զչարն ՛ի միջոյ ձերմէ։

Verse: 8  Link to sept   Եւ եթէ վրիպեսցէ́ ՛ի քէն բա́ն ՛ի դատաստանի, ՛ի մէջ արեան եւ արեան. եւ ՛ի մէջ դատաստանի եւ դատաստանի, եւ ՛ի մէջ գրգռութե(ան) եւ գրգռու(թ)ե(ան), եւ ՛ի մէջ հակառակութե(ան) եւ հակառակութե(ան). բա́ն դատաստանի ՛ի քաղաքս քո. եւ յարուցեալ ելցե́ս ՛ի տեղին զոր ընտրեսցէ տ(է)ր ա(ստուա)ծ քո անուանել զանուն իւր անդ։

Verse: 9  Link to sept   Եւ երթայցես առ քահանա́յսն եւ ղեւտացի́ս, եւ առ դատաւորն որ լինիցի յաւուրսն յայնոսիկ. եւ քննեալ պատմեսցեն քեզ զդատաստանն։

Verse: 10  Link to sept   Եւ արասցե́ս ըստ հրամանին զոր պատմեսցեն քեզ որք ՛ի տեղւո́յն իցեն՝ զոր ընտրեսցէ տ(է)ր ա(ստուա)ծ քո. եւ զգուշասջի́ր յոյժ առնել ըստ ա(մենայ)նի ո(ր)պ(էս) օրինադրեսցի քեզ։

Verse: 11  Link to sept   ըստ օրինա́ցն եւ ըստ դատաստանի զոր արասցեն քեզ՝ արասցես. եւ մի́ խոտորեսցիս ՛ի բանէն զոր պատմեսցեն քեզ, մի́ յաջ եւ մի́ յահեակ։

Verse: 12  Link to sept   Եւ մարդ ոք՝ որ առնիցէ հպարտու(թեամ)բ առ ՛ի չլսելո́յ քահանային՝ որ կայցէ պաշտել յանուն տ(եառ)ն ա(ստուծո)յ քոյ. կամ դատաւորին որ իցէ յաւուրսն յայնոսիկ՝ մեռցի́ մարդն այն. եւ բարձցե́ս զչարն յի(սրա)էլէ։

Verse: 13  Link to sept   եւ ա(մենայ)ն ժողովրդեանն լուեալ երկիցէ́, եւ մի́ եւս ամպարշտեսցի։

Verse: 14  Link to sept   Եւ եթէ մտանիցես յերկիրն զոր տ(է)ր ա(ստուա)ծ քո տացէ քեզ, եւ ժառանգեսցե́ս զնա, եւ բնակեսցե́ս ՛ի նմա. եւ ասիցես, կացուցի́ց ՛ի վ(ե)ր(այ) իմ իշխան ո(ր)պ(էս) եւ այլ ազգք որ շուրջ զինեւ են։

Verse: 15  Link to sept   Կացուցանելո́վ կացուսցես ՛ի վ(ե)ր(այ) քո իշխան՝ զոր ընտրեսցէ տ(է)ր ա(ստուա)ծ քո։ յեղբարց քոց կացուսցես քեզ իշխան. եւ մի́ իշխեսցես կացուցանել քեզ զայր օտար որ չիցէ́ եղբայր քո.

Verse: 16  Link to sept   զի մի́ յաճախեսցէ իւր երիվարս, եւ մի́ դարձուսցէ զժողովուրդն յեգիպտոս։ զի տ(է)ր ասաց. թէ մի́ եւս յաւելուցուք դառնալ ընդ նոյն ճանապարհ։

Verse: 17  Link to sept   Եւ մի́ յաճախեսցէ իւր կանայս, զի մի խոտորեսցի սիրտ ն(ո)ր(ա). եւ արծաթ եւ ոսկի մի́ կարի յաճախեսցէ իւր։

Verse: 18  Link to sept   Եւ եղիցի յորժամ նստցի յիշխանու(թ)ե(ան) իւրում, գրեսցե́ս նմա զերկրորդումն օրինացս այսոցիկ ՛ի մատենի։

Verse: 19  Link to sept   եւ ՛ի քահանայիցն ղեւտացւոց լիցի́ առ նմա. եւ ընթերցցի́ զսա զա(մենայ)ն աւուրս կենաց իւրոց. զի ուսցի́ երկնչել ՛ի տ(եառն)է ա(ստուծո)յ քումմէ, պահե́լ զա(մենայ)ն պատուիրանս զայսոսիկ, եւ առնե́լ զիրաւունս զայսոսիկ։

Verse: 20  Link to sept   Զի մի́ հպարտանայցէ սիրտ ն(ո)ր(ա) ՛ի վերայ եղբարց իւրոց, զի մի́ անցանիցէ զպատուիրանօքս յաջ կամ յահեակ. զի երկայնակեա́ց լիցի յիշխանու(թ)ե(ան) իւրում, ինքն եւ որդիք իւր ՛ի մէջ որդւոցն ի(սրաէ)լի։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ մի́ լինիցի քահանայիցն ղեւտացւոց ղեւեայ բաժին եւ ժառանգու(թ)ի(ւն) ընդ որդւոցն ի(սրաէ)լի։ Երախայրի́քն տ(եառ)ն վիճակ ն(ո)ց(ա). զա́յն կերիցեն

Verse: 2  Link to sept   եւ վիճակ մի́ լիցի ն(ո)ց(ա) ՛ի մէջ եղբարց իւրեանց. զի տ(է)ր է վիճակ ն(ո)ց(ա). ո(ր)պ(էս) ասաց ն(ո)ց(ա)։

Verse: 3  Link to sept   Եւ ա́յս են իրաւունք քահանային ՛ի ժողովրդենէ անտի, որք զենուցուն զենլիս. եթէ արջա́ռ իցէ, եւ եթէ ոչխար, տացէ քահանային զերին եւ զծնօտսն եւ զխաղցոցն։

Verse: 4  Link to sept   Եւ զպտուղս ցորենոյ քոյ, եւ զգինւոյ քոյ, եւ զիւղոյ քոյ. եւ զպտուղ կտրոց խաշանց քոց տացես ն(ո)ց(ա).

Verse: 5  Link to sept   զի զնա́ ընտրեաց տ(է)ր յա(մենայ)ն ցեղիցն քոց կալ առաջի տ(եառ)ն ա(ստուծո)յ քոյ, պաշտե́լ եւ օրհնել յանուն ն(ո)ր(ա). նա́ եւ որդիք իւր զա(մենայ)ն աւուրս։

Verse: 6  Link to sept   Ապա թէ եկեսցէ ղեւտացին ՛ի մի ՛ի քաղաքացն քոց յա(մենայ)ն որդւոցն ի(սրաէ)լի, ուր իցէ ինքն բնակեալ. եւ եկեսցէ́ ըստ ցանկութե(ան) անձին իւրոյ, ՛ի տեղին զոր ընտրեսցէ տ(է)ր.

Verse: 7  Link to sept   պաշտել զանուն տ(եառ)ն ա(ստուծո)յ իւրոյ. իբրեւ զա(մենայ)ն եղբարսն իւր ղեւտացիս որ կացցեն անդ առաջի տ(եառ)ն ա(ստուծո)յ,

Verse: 8  Link to sept   կերիցէ́ զմասնն հասեալ, բայց իւրաքանչիւր յազգական վաճառին։

Verse: 9  Link to sept   Եւ եթէ մտանիցես յերկիրն զոր տ(է)ր ա(ստուա)ծ տացէ քեզ. մի́ ուսանիցիս առնել ըստ գարշելեաց ազգացն այնոցիկ։

Verse: 10  Link to sept   Մի́ գտանիցի ՛ի քեզ՝ որ ածիցէ զուստր իւր կամ զդուստր իւր զբոցով. եւ դիւթիցէ դիւթութի(ւն), եւ հմայիցէ, եւ հաւահա́րց լինիցի.

Verse: 11  Link to sept   եւ կախարդիցէ կախարդանօք, եւ վհուկ, եւ նշանագէտ լինիցի առ ՛ի զմեռեալս հարցանելոյ։

Verse: 12  Link to sept   Քանզի պի́ղծ է տ(եառ)ն ա(մենայ)ն որ առնէ զայն. զի վ(ա)ս(ն) այսպիսի գարշելեաց սատակեսցէ զն(ո)ս(ա) տ(է)ր ՛ի քէն։

Verse: 13  Link to sept   Կատարեա́լ լինիցիս առաջի տ(եառ)ն ա(ստուծո)յ քոյ.

Verse: 14  Link to sept   զի ազգքն այնոքիկ զորս դո́ւ ժառանգելոց ես, նոքա́ հնայից եւ դիւթու(թ)ե(ան)ց անսան. բայց քեզ ո́չ այնպէս ետ հրաման տ(է)ր ա(ստուա)ծ քո։

Verse: 15  Link to sept   Մարգարէ́ յեղբարց քոց իբրեւ զի́ս յարուսցէ քեզ տ(է)ր ա(ստուա)ծ քո, նմա́ լուիջիք

Verse: 16  Link to sept   ըստ ա(մենայ)նի՝ զոր խնդրեցեր ՛ի տ(եառն)է ա(ստուծո)յ քումմէ. ՛ի քորէբ յաւուրն եկեղեցւոյ, ասէիք՝ ո́չ եւս յաւելուցումք լսել զձա́յն տ(եառ)ն ա(ստուծո)յ մերոյ. եւ զհո́ւրդ զայդ զմեծ ո́չ եւս տեսցուք, զի մի́ մեռանիցիմք։

Verse: 17  Link to sept   Եւ ասէ ցիս տ(է)ր. ուղի́ղ է ա(մենայ)ն ինչ զոր խօսեցան։

Verse: 18  Link to sept   Մարգարէ́ յարուցից ն(ո)ց(ա) յեղբարց իւրեանց իբրեւ զքեզ, եւ տա́ց զպատգամս իմ ՛ի բերան ն(ո)ր(ա), եւ խօսեսցի́ ընդ նոսա ո(ր)պ(էս) եւ պատուիրեցից նմա։

Verse: 19  Link to sept   եւ մարդ՝ որ ո́չ լուիցէ զոր խօսիցի մարգարէն յանուն իմ, ե́ս խնդրեցից զվրէժ ՛ի նմանէ։

Verse: 20  Link to sept   Բայց մարգարէն, եթէ ամպարշտեսցի խօսե́լ յանուն իմ բան ինչ զոր ես ո́չ հրամայեցի խօսել. եւ կամ թէ խօսիցի յանուն աստուածոց օտարաց, մեռցի մարգարէն այն։

Verse: 21  Link to sept   Ապա թէ ասիցէք ՛ի սրտի. զիա՞րդ գիտասցուք զբանն զոր ո́չ խօսեցաւ տ(է)ր։

Verse: 22  Link to sept   Զոր ինչ խօսիցի մարգարէն յանուն տ(եառ)ն՝ եւ ո́չ լինիցի բանն եւ ո́չ դիպիցի, ա́յն բան է զոր ո́չ խօսեցաւ տ(է)ր։ ամոարշտութ(եամ)բ խօսեցաւ մարգարէն, մի́ թողուցուք նմա։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ եթէ սատակեսցէ տ(է)ր ա(ստուա)ծ քո զազգսն՝ զորոց տ(է)ր ա(ստուա)ծ տացէ քեզ զերկիրն նոցա. եւ ժառանգեսցե́ս զնա, եւ բնակեսցե́ս ՛ի քաղաքս եւ ՛ի տունս ն(ո)ց(ա)։

Verse: 2  Link to sept   երի́ս քաղաքս զատուսցես քեզ ՛ի միջոյ երկրին զոր տ(է)ր ա(ստուա)ծ քո տացէ քեզ։

Verse: 3  Link to sept   Նկատեսցես քեզ զճանապարհն, եւ ը(նդ) երի́ս բաժանեսցես քեզ զսահմանս երկրին քոյ. զոր բաժանեսցէ քեզ տ(է)ր ա(ստուա)ծ քո. եւ եղիցի անդ ապաստա́ն ա(մենայ)ն սպանողի։

Verse: 4  Link to sept   Ա́յս սահման եղիցի ա(մենայ)ն սպանողի որ փախչիցի անդ՝ եւ ապրեսցի։ Որ ոք հարկանիցէ զընկեր իւր ակամայ. եւ նա́ ո́չ ատեայր զնա յերէկն եւ յեռանդ։

Verse: 5  Link to sept   եւ որ ոք մտանիցէ ընդ ընկերի իւրում ՛ի մայրի հարկանել փայտ. եւ ամբառնայցէ զձեռն իւր փայտատաւն հարկանել փայտ, եւ անկանիցի երկաթն ՛ի մեղեխէ́ անտի, եւ դիպիցի́ ընկերին եւ մեռանիցի, փախիցէ́ նա, եւ անկցի ՛ի մի ՛ի քաղաքացն այնոցիկ եւ կեցցէ́։

Verse: 6  Link to sept   Զի մի́ պնդեսցի մերձաւոր արեանն զկնի սպանողին, մինչդեռ այրիցի սիրտ ն(ո)ր(ա). եւ հասանիցէ նմա՝ եթէ հեռագո́յն իցէ ճանապարհն, եւ հարկանիցէ́ զանձն ն(ո)ր(ա). եւ նմա չէ́ դատաստան մահու. զի ո́չ ատեայր զնա յերէկն եւ յեռանդն։

Verse: 7  Link to sept   Վասն այնորիկ ես պատուիրեմ քեզ զբանս զայս՝ եւ ասեմ. երի́ս քաղաքս զատուսցես քեզ։

Verse: 8  Link to sept   Եւ եթէ ընդարձակեսցէ քեզ տ(է)ր ա(ստուա)ծ քո զսահմանս քո ո(ր)պ(էս) եւ երդուա́ւ տ(է)ր հարցն քոց. եւ տացէ քեզ տ(է)ր զա(մենայ)ն երկիրն՝ զոր խոստացաւ տալ հարցն քոց։

Verse: 9  Link to sept   եւ եթէ լուիցես առնել զամենայն պատուիրա́նս զայսոսիկ զոր ես պատուիրեմ քեզ այսօր, սիրե́լ զտ(է)ր ա(ստուա)ծ քո, եւ գնա́լ յամենայն ճանապարհս ն(ո)ր(ա) զամենայն աւուրս։ Եւ յաւելցես քեզ ա́յլ եւս երիս քաղաքս յայնս յերիսն.

Verse: 10  Link to sept   եւ մի́ հեղցի արիւն անպարտ յերկրին քում, զոր տ(է)ր ա(ստուա)ծ քո տացէ քեզ ՛ի ժառանգութի(ւն). եւ մի́ ոք լիցի ՛ի միջի քում պարտական արեան։

Verse: 11  Link to sept   Եւ եթէ լինիցի այր որ ատիցէ́ զընկեր իւր, եւ դարա́ն գործիցէ նմա, եւ յարիցէ ՛ի վ(ե)ր(այ) ն(ո)ր(ա), եւ հարկանիցէ զանձն ն(ո)ր(ա) եւ մեռցի. եւ փախչիցի ՛ի մի ՛ի քաղաքացն այնոցիկ.

Verse: 12  Link to sept   առաքեսցեն ծերակոյտ քաղաքի ն(ո)ր(ա) եւ առցե́ն զնա անտի, եւ մատնեսցեն զնա ՛ի ձեռս մերձաւորի արեանն եւ մեռցի́։

Verse: 13  Link to sept   Եւ մի́ խնայեսցէ ակն քո ՛ի նա. եւ սրբեսցես զարիւն անպարտ ՛ի միջոյ ի(սրաէ)լի, եւ բարի́ լիցի քեզ։

Verse: 14  Link to sept   Մի́ փոխեսցես զսահմանս ընկերի քոյ՝ զոր հաստատեցին հարք քո ՛ի ժառանգու(թ)ե(ան) քում, զոր ժառանգեսցես յերկրին զոր տ(է)ր ա(ստուա)ծ քո տացէ́ քեզ ՛ի ժառանգու(թ)ի(ւն)։

Verse: 15  Link to sept   Ո́չ հաստատեսցի մի վկայ վկայել զմարդոյ ըստ ա(մենայ)ն մեղաց զոր մեղանչէ։ ՛Ի բերանոյ երկուց եւ երի́ց վկայից հաստատեսցի́ ա(մենայ)ն բան։

Verse: 16  Link to sept   Եւ եթէ կացցէ յառաջ սո́ւտ վկայ զմարդոյ, եւ չարախօսեսցէ զնմանէ ամպարշտու(թ)ի(ւն) ինչ.

Verse: 17  Link to sept   կացցեն երկոքին արքն որոց հակառակութի(ւն)ն իցէ, առաջի տ(եառ)ն, եւ առաջի քահանայիցն եւ առաջի դատաւորացն որ իցեն յաւուրսն յայնոսիկ.

Verse: 18  Link to sept   եւ քննեսցե́ն դատաւորքն ճշմարտութ(եամ)բ. եւ ահա վկայ անիրա́ւ վկայեաց զանիրաւութի(ւն). եւ եկաց հակառա́կ եղբօր իւրում.

Verse: 19  Link to sept   արասջիք նմա ո(ր)պ(էս) խորհեցաւ չա́ր առնել ընկերի իւրում. եւ բարձէ́ք զչարն ՛ի միջոյ ձերմէ։

Verse: 20  Link to sept   Եւ այլոցն լուեալ՝ զահի հարկանիցին, եւ մի́ եւս յաւելուցուն առնել ըստ բանին այնմիկ չարի ՛ի միջի ձերում.

Verse: 21  Link to sept   մի́ խնայեսցէ ակն քո ՛ի նա։ Անձն ընդ անձին. ա́կն ընդ ական. ատա́մն ընդ ատաման. ձե́ռն ընդ ձեռին. ո́տն ընդ ոտին։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ եթէ ելանիցես ՛ի պատերազմ ՛ի վ(ե)ր(այ) թշնամեաց քոց. եւ տեսանիցես երիվա́րս եւ հեծեալս, եւ ազգ բազում քան զքեզ. մի́ երկնչիցիս ՛ի նոցանէ, զի տ(է)ր ա(ստուա)ծ քո ընդ քե́զ է՝ որ եհան զքեզ յերկրէն եգիպտացւոց։

Verse: 2  Link to sept   Եւ եղիցի յորժամ մերձենայցես ՛ի պատերազմ. մատուցեալ քահանայն խօսեսցի ընդ ազգին.

Verse: 3  Link to sept   եւ ասասցէ ցնս։ լո́ւր ի(սրա)էլ, դուք դիմեալ երթայք այսօր ՛ի պատերազմ աւադիկ ՛ի վ(ե)ր(այ) թշնամեաց ձերոց. մի́ լքանիցին սիրտք ձեր, եւ մի́ երկնչիցիք. եւ մի́ զարհուրիցիք, եւ մի́ խուսիցէք յերեսաց նոցա.

Verse: 4  Link to sept   զի տ(է)ր ա(ստուա)ծ մեր երթայ առաջի ձեր ընդ ձեզ, տա́լ պատերազմ վ(ա)ս(ն) ձե́ր ընդ թշնամիս ձեր, ապրեցուցանել զձեզ։

Verse: 5  Link to sept   Եւ խօսեսցին դպիրքն ընդ ժողովրդեանն, եւ ասասցեն. Ա́յր ոք՝ որոյ շինեալ իցէ տուն նորաշէն, եւ ո́չ իցէ արարեալ նմա նաւակատիս, գնասցէ եւ դարձցի ՛ի տուն իւր. գուցէ́ մեռանի ՛ի պատերազմի, եւ ա́յլ այր առնիցէ նմա նաւակատիս։

Verse: 6  Link to sept   Եւ այր ոք՝ որոյ տնկեալ իցէ այգի, եւ չիցէ́ ուրախ լեալ ՛ի նմանէ, գնասցէ եւ դարձցի́ զնդրէն ՛ի տուն իւր. գուցէ մեռանիցի ՛ի պատերազմի, եւ ա́յլ այր ուրախ լինիցի ՛ի նմանէ։

Verse: 7  Link to sept   Եւ այր ոք՝ որոյ խօսեալ իցէ կին, եւ չիցէ́ առեալ զնա, գնասցէ́ եւ դարձցի ՛ի տուն իւր. գուցէ́ մեռանիցի ՛ի պատերազմի, եւ ա́յլ այր առնուցու զնա։

Verse: 8  Link to sept   Եւ յաւելցեն դպիրքն խօսել ընդ ժողովրդեանն՝ եւ ասասցեն. ա́յր ոք որ երկնչիցի, եւ վատասի́րտ սրտիւ իցէ, գնասցէ́ եւ դարձցի ՛ի տուն իւր. զի մի́ զանգիտեցուսցէ զսիրտ եղբօր իւրոյ իբրեւ զիւրն։

Verse: 9  Link to sept   Եւ եղիցի յորժամ դադարեսցեն դպիրքն ՛ի խօսելոյ ընդ ժողովրդեանն, կացուսցեն իշխանս զօրուն առաջնո́րդս ժողովրդեանն։

Verse: 10  Link to sept   Եւ եթէ մերձենայցես ՛ի քաղաք տալ պատերազմ ը(նդ) նմա, կոչեսցես զն(ո)ս(ա) ՛ի խաղաղու(թ)ի(ւն)։

Verse: 11  Link to sept   եւ եղիցի եթէ տայցի ա(մենայ)ն ժողովուրդն որ գտանիցին ՛ի նմա հարկատո́ւք եւ հնազանդեա́լք քեզ։

Verse: 12  Link to sept   Ապա թէ ո́չ հնազանդեսցին քեզ, եւ արասցեն ընդ քեզ պատերազմ, պաշարեսցե́ս զնա։

Verse: 13  Link to sept   եւ մատնեսցէ́ զնա տ(է)ր ա(ստուա)ծ քո ՛ի ձեռս քո. եւ հարցես զա(մենայ)ն արու ն(ո)ր(ա) կոտորմամբ սրոյ.

Verse: 14  Link to sept   բա́ց ՛ի կանանց եւ ՛ի կահուէ եւ յա(մենայ)ն անասնոյ. եւ զա(մենայ)ն ինչ զինչ եւ գտանիցի ՛ի քաղաքին, եւ զա(մենայ)ն աղխ՝ առցե́ս քեզ յաւարի. եւ կերիցե́ս զա(մենայ)ն զաւար թշնամեաց քոց՝ զոր տ(է)ր ա(ստուա)ծ քո տացէ քեզ։

Verse: 15  Link to sept   Նո́յնպէս արասցես ը(նդ) ա(մենայ)ն քաղաքս ը(նդ) յո́յժ հեռաւորս, որ ո́չ ՛ի քաղաքաց ազգացն այնոցիկ իցեն։

Verse: 16  Link to sept   Բայց ՛ի քաղաքաց ազգացն այնոցիկ՝ զոր տ(է)ր ա(ստուա)ծ քո տացէ քեզ զերկիր նոցա ՛ի ժառանգութի(ւն), մի́ ապրեցուցանիցէք ՛ի նոցանէ զա(մենայ)ն շնչաւոր,

Verse: 17  Link to sept   այլ նզովելով նզովեսջի́ք զն(ո)ս(ա). զքետացին, եւ զամովրհացին, եւ զքանանացին, եւ զփերեզացին, եւ զխեւացին, եւ զյեբուսացին, եւ զգերգեսացին. զոր օրինակ պատուիրեա́ց տ(է)ր ա(ստուա)ծ քո։

Verse: 18  Link to sept   զի մի́ ուսուցանիցեն ձեզ առնել զա(մենայ)ն գարշելութի(ւն)ս իւրեանց, զոր արարին դիցն իւրեանց. եւ մեղանչիցէք առաջի տ(եառ)ն ա(ստուծո)յ ձերոյ։

Verse: 19  Link to sept   Եւ եթէ նստեալ պաշարեսցես զքաղաք՝ աւուրս բազումս մարտնչել ը(նդ) նմա յառնուլ զնա, մի́ հարկանիցես զծառատունկ ն(ո)ր(ա) արկանելով ՛ի նմա երկաթ. այլ կերիցե́ս ՛ի նմանէ, եւ զնա մի́ հարկանիցես։ միթէ մա՞րդ իցի ծառատունկն որ յանդի ա́նդ իցէ՝ մտանել յերեսաց քոց ՛ի պատնէշ։

Verse: 20  Link to sept   Այլ զփայտ զոր գիտիցես թէ չիցէ́ պտղաբեր, զա́յն հարցես եւ կոտորեսցես. եւ շինեսցես պատնէշ շուրջ զքաղաքաւն որ տա́յցէ ը(նդ) քեզ պատերա́զմ մինչեւ մատնեսցի։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ եթէ գտանիցի վիրաւոր յեկրի քում զոր տ(է)ր ա(ստուա)ծ քո տացէ քեզ ժառանգել, եւ անկեալ դնիցի ՛ի դաշտի. եւ ո́չ գիտիցեն զայն որ խոցեացն զնա.

Verse: 2  Link to sept   ելցէ́ ծերակոյտն քո, եւ դատաւորքն քո, եւ չափեսցեն շուրջ զվիրաւորաւն զվայրս քաղաքացն։ Եւ եղիցի քաղաք որ հո́ւպ իցէ ՛ի վիրաւորն.

Verse: 3  Link to sept   առցէ ծերակոյտ քաղաքին այնորիկ երինջ մի յարջառոց՝ որ ը(նդ) գործ չիցէ́ մտեալ, եւ լուծ չիցէ́ ձգեալ.

Verse: 4  Link to sept   եւ իջուսցեն ծերակոյտ ժողովրդեանն զերինջն ՛ի ձո́ր մի ապառաժ ուր չիցէ́ գործեալ, եւ ո́չ սերմանեալ. եւ կարթակոտո́ր արասցեն զերինջն ՛ի ձո́ր անդր։

Verse: 5  Link to sept   Եւ մատիցեն քահանայքն ղեւտացիք՝ զի զնոսա́ ընտրեաց տ(է)ր ա(ստուա)ծ քո կա́լ առաջի իւր եւ օրհնե́լ յանուն ն(ո)ր(ա). եւ ըստ բերանո́յ ն(ո)ց(ա) վճարեսցի ա(մենայ)ն հակառակութի(ւն) եւ ա(մենայ)ն գրգռութի(ւն)։

Verse: 6  Link to sept   Եւ ա(մենայ)ն ծերակոյտ քաղաքին այնորիկ որ հո́ւպ իցէ ՛ի վիրաւորն, լուասցեն զձեռս իւրեանց ՛ի վերայ գլխոյ երնջուն կարթահարելոյ ՛ի ձորն.

Verse: 7  Link to sept   եւ պատասխանի տուեալ ասասցեն. ձեռք մեր ո́չ հեղին զարիւն զայս, եւ աչք մեր ո́չ տեսին.

Verse: 8  Link to sept   քաւեա́ զժողովուրդ քո զի(սրա)էլ, զոր փրկեցեր տ(է)ր. զի մի́ եկեսցէ արիւնս անպարտ ՛ի վ(ե)ր(այ) ժողովրդեան քոյ ի(սրաէ)լի։ եւ քաւեսցի́ ՛ի նոցանէ արիւնն.

Verse: 9  Link to sept   եւ բարձցե́ս դու զարիւնն անպարտ ՛ի ձէնջ։
   Եւ եթէ արասցես զբարին եւ զհաճոյ առաջի տ(եառ)ն ա(ստուծո)յ քոյ։

Verse: 10  Link to sept   Եւ եթէ ելանիցես ՛ի պատերազմ ՛ի վ(ե)ր(այ) թշնամեաց քոց, եւ մատնեսցէ զնոսա տ(է)ր ա(ստուա)ծ քո ՛ի ձեռս քո, եւ աւերեսցես զաւար ն(ո)ց(ա),

Verse: 11  Link to sept   եւ տեսանիցես յաւարին՝ կին գեղեցիկ տեսլեամբ, եւ ցանկասցի́ս նմա. եւ առցես զնա քեզ կնու(թ)ե(ան).

Verse: 12  Link to sept   եւ տարցիս զնա ՛ի տուն քո, եւ գերծե́ս զգլուխ ն(ո)ր(ա).

Verse: 13  Link to sept   եւ սրբեսցես զըղընգունս ն(ո)ր(ա), եւ հանցես զհանդերձ գերութե(ան) ն(ո)ր(ա). եւ նստցի ՛ի տա́ն քում, եւ լացցէ զհայր եւ զմայր իւր զաւարս ամսոյ միոյ. եւ ապա́ մտցես առ նա, եւ բնակեսցես ընդ նմա. եւ եղիցի կին քո։

Verse: 14  Link to sept   Եւ եղիցի եթէ ո́չ հաճեսցիս ընդ նա, արձակեսցես զնա ազա́տ. եւ վաճառելով մի́ վաճառեսցես զնա արծաթոյ. եւ մի́ անարգեսցես զնա՝ քանզի լլկեցեր զնա։

Verse: 15  Link to sept   Եւ եթէ լինիցին ա́ռն միում երկու կանայք. եւ լինիցի ՛ի նոցանէ մին սիրելի եւ մեւսն ատելի. եւ ծնանիցին նմա որդիս՝ սիրելի́ն եւ ատելին, եւ լինիցի որդի անդրանիկ ատելւոյն։

Verse: 16  Link to sept   եւ եղիցի յաւուր յորում ժառանգեցուցանիցէ́ որդւոց իւրոց զինչս իւր, մի́ իշխեսցէ անդրանկացուցանել զորդի սիրելւոյն, անտես արարեալ զորդի ատելւոյն զանդրանիկ։

Verse: 17  Link to sept   այլ զանդրանիկ ատելւոյն ծանիցէ տա́լ նմա կրկին յա(մենայ)նէ որ ինչ գտանիցի ն(ո)ր(ա). զի նա́ է սկիզբն որդւոց ն(ո)ր(ա), եւ նմա ա́նկ է անդրանկութի(ւն)ն։

Verse: 18  Link to sept   Եւ եթէ իցէ ուրուք որդի խե́ռ եւ անզգամ, եւ ո́չ լսիցէ ձայնի հօր եւ մօր իւրոյ. եւ խրատիցեն զնա՝ եւ ո́չ անսայցէ ն(ո)ց(ա).

Verse: 19  Link to sept   կալցի́ն զնա հայր եւ մայր ն(ո)ր(ա), եւ տարցին զնա առ ծերակոյտ քաղաքին իւրեանց, եւ ՛ի դուռն տեղւոյն իւրեանց.

Verse: 20  Link to sept   եւ ասասցեն ցարս քաղաքին իւրեանց. Որդի́ս մեր այս՝ խե́ռ է եւ անզգամ, եւ ո́չ լսէ ձայնի մերում. հանկանակո́ղ է եւ արբշիռ։

Verse: 21  Link to sept   Եւ քարկոծեսցեն զնա արք քաղաքին ն(ո)ր(ա) քարամբք՝ եւ մեռցի։ եւ բարձջի́ք զչարն ՛ի միջոյ ձերմէ։ եւ լուեալ այլոցն՝ զահի́ հարկանիցին։

Verse: 22  Link to sept   Եւ եթէ հասանիցեն ումեք մե́ղք մահապարտութե(ան)՝ եւ մեռանիցի, կախեսջի́ք զնա զփայտէ.

Verse: 23  Link to sept   եւ մի́ ագանիցի մարմին ն(ո)ր(ա) ՛ի փայտին. այլ թաղելով թաղեսջի́ք զնա ՛ի նմին աւուր։ Զի անիծեալ յա(ստուծո)յ է ա(մենայ)ն՝ որ կախիցի զփայտէ։ եւ մի́ պղծիցէք զերկիրն՝ զոր տ(է)ր ա(ստուա)ծ քո տացէ́ քեզ ՛ի ժառանգու(թ)ի(ւն)։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Գուցէ́ տեսեալ զարջառ եւ զոչխար եղբօր քո մոլորեալս ՛ի ճանապարհի, եւ անտե́ս առնիցես զն(ո)ս(ա), այլ դարձուցանելով դարձուսցե́ս զն(ո)ս(ա) եւ ածցե́ս առ եղբայր քո։

Verse: 2  Link to sept   Ապա թէ չիցէ մօտ եղբայրն քո առ քեզ, եւ ո́չ ճանաչիցես զնա. ժողովեսցես զն(ո)ս(ա) ՛ի տուն քո. եւ եղիցին առ քեզ, մինչեւ խնդրեսցէ զն(ո)ս(ա) եղբայր քո, եւ տացես ցնա։

Verse: 3  Link to sept   Նո́յնպէս արասցես զէշ նորա, նո́յնպէս արասցես զհանդերձ ն(ո)ր(ա), նո́յնպէս արասցես եւ զա(մենայ)ն կորուստ եղբօր քոյ. որինչ կորնչիցի ՛ի նմանէ եւ գտանիցես՝ մի́ իշխեսցես անտես առնել զայն։

Verse: 4  Link to sept   Գուցէ́ տեսանիցես զէշ եղբօր քոյ, կամ զեզն ն(ո)ր(ա) անկեալ ՛ի ճանապարհի, եւ զանց առնիցես զնոքօք. այլ յարուցանելով յարուսցե́ս ընդ նմա։

Verse: 5  Link to sept   Մի́ եղիցի հանդերձ առնացի զկանամբք. եւ մի́ զգեցցի այր զգեստ կանացի. զի պի́ղծ է տ(եառ)ն ա(ստուծո)յ քում ա(մենայ)ն որ առնէ զայն։

Verse: 6  Link to sept   Եւ եթէ դիպեսցիս բունոյ հաւուց առաջի քո ՛ի ճանապարհի, եթէ ՛ի ծա́ռ եւ եթէ ՛ի գետնի, ձագուց կամ ձուոց, եւ մայրն ջեռեալ նստցի ՛ի վ(ե)ր(այ) ձագուցն կամ ձուոց. մի́ առնուցուս զմայրն հանդերձ որդւովքն։

Verse: 7  Link to sept   արձակելո́վ արձակեսցես զմայրն, եւ զորդիսն առցե́ս քեզ. զի բարի́ լիցի քեզ, եւ բազմօրեա́յ լինիցիս ՛ի վ(ե)ր(այ) երկրի։

Verse: 8  Link to sept   Եւ եթէ շինեսցես տուն նորաշէն. արասցես պսա́կ շուրջ զտանեօքն։ եւ մի́ սպանումն գործեսցես ՛ի տան քում, զի մի́ անկանիցի որ անկանելոցն իցէ ՛ի նմա։

Verse: 9  Link to sept   Մի́ վարեսցես զայգի քո այլ եւ այլ. զի մի́ սրբեսցին արմտիքն եւ սերմնն զոր սերմանիցես ընդ բերից այգւոյն քոյ։

Verse: 10  Link to sept   Մի́ վարեսցես զէշ եւ զեզն ՛ի միասին։

Verse: 11  Link to sept   Մի́ զգենուցուս այլայլախառն, զասր եւ զկտաւ ՛ի միասին։

Verse: 12  Link to sept   Ծո́պս մանուածոյս արասցես ՛ի վերայ չորեցունց տտնոց հանդերձից քոց, զոր եւ զգենուցուս։

Verse: 13  Link to sept   Եւ եթէ առնուցու ոք կին՝ եւ ամուսնասցի ընդ նմա, եւ ատեսցէ զնա.

Verse: 14  Link to sept   եւ դիցէ ՛ի վ(ե)ր(այ) պատճառս բամբասական բանից. եւ անուն չա́ր հանիցէ զնմանէ՝ եւ ասիցէ. զկինս զայս առի, եւ մերձեցեալ ՛ի սա ո́չ գտի զկուսու(թ)ի(ւն) սորա։

Verse: 15  Link to sept   Եւ առեալ հայր եւ մայր աղջկանն, հանցեն զկուսութի(ւն)ս աղջկանն առ ծերակոյտն ՛ի դուռն։

Verse: 16  Link to sept   եւ ասասցէ հայր աղջկանն ցծերակոյտն. զդուստրս իմ զայս ետու ա́ռնդ այդմիկ կնու(թ)ե(ան).

Verse: 17  Link to sept   եւ ատեցեալ զսա՝ դնէ ՛ի վ(ե)ր(այ) պատճառս բամբասաւո́ր բանից՝ եւ ասէ. ո́չ գտի զկուսութի(ւն) դստեր քո, եւ ահաւասի́կ կուսու(թ)ի(ւն)ք դստեր իմոյ. եւ բացցեն զհանդերձն առաջի ծերոց քաղաքին այնորիկ։

Verse: 18  Link to sept   Եւ առցէ ծերակոյտ քաղաքին այնորիկ զայրն զայն, եւ խրատեսցեն զնա.

Verse: 19  Link to sept   եւ տուժեսցեն ՛ի նմանէ հարեւր սիկղ. եւ տացե́ն հօր աղջկանն, փոխանակ զի եհան անուն չա́ր զկուսէն ի(սրա)էլացւոյ.. եւ նորին լիցի կին. եւ մի́ իշխեսցէ արձակել զնա զա(մենայ)ն ժամանակս։

Verse: 20  Link to sept   Ապա թէ ճշմարի́տ իցէ բանն, եւ ո́չ գտցի կուսութի(ւն)ք աղջկանն.

Verse: 21  Link to sept   հանցեն զաղջիկն առ դուրս հօր իւրոյ, եւ քարկո́ծ արասցեն զնա արք քաղաքին իւրոյ՝ եւ մեռցի. զի արա́ր անզգամութի(ւն) ՛ի մէջ որդւոցն ի(սրաէ)լի, պոռնկել ՛ի տան հօր իւրոյ. եւ բարձջի́ք զչարն ՛ի ձէնջ։

Verse: 22  Link to sept   Եւ եթէ գտցի այր շնացեալ ընդ առնակնոջ, սպանջի́ք զերկոսեան, զայրն շնացեալ ընդ կնոջն՝ եւ զկինն.եւ բարձջի́ք զչարն յի(սրա)էլէ։

Verse: 23  Link to sept   Եւ եթէ եղիցի աղջիկ կոյս խօսեցեալ առն. եւ գտանիցէ զնա ա́յր ոք ՛ի քաղաքի եւ ննջեսցէ ը(նդ) նմա։

Verse: 24  Link to sept   հանջիք զերկոսին ՛ի դուռն քաղաքին իւրեանց, եւ քարկոծեսցեն զն(ո)ս(ա) քարամբք եւ մեռցին. զաղջիկն՝ զի ո́չ բողոքեաց ՛ի քաղաքին, եւ զայրն՝ որ լլկեաց զկին ընկերի իւրոյ. եւ բարձջի́ք զչարն ՛ի միջոյ ձերմէ։

Verse: 25  Link to sept   Ապա թէ ՛ի դաշտի գտցէ այր զաղջի́կ ոք՝ խօսեալ առն, եւ բռնաբա́ր ննջեսցէ ընդ նմա. սպանջի́ք զայրն որ ննջեաց ը(նդ) նմա.

Verse: 26  Link to sept   եւ աղջկանն մի́ ինչ առնիցէք. զի ո́չ է աղջկանն վնաս մահու. զի ո(ր)պ(էս) յառնիցէ մարդ ՛ի վ(ե)ր(այ) ընկերի իւրոյ՝ եւ սպանանիցէ զնա, ա́յնպէս է իրն.

Verse: 27  Link to sept   զի ՛ի բացի́ եգիտ զնա. եւ բողոքեաց աղջիկն խօսեալ, եւ ո́չոք էր որ օնգէր նմա։

Verse: 28  Link to sept   Եւ եթէ գտանիցէ ոք զաղջիկ կոյս՝ որ չիցէ́ խօսեալ առն, եւ բռնաբար ննջեսցէ ը(նդ) նմա.

Verse: 29  Link to sept   տացէ́ այրն որ ննջեաց ը(նդ) նմա՝ հօր աղջկանն յիսուն երկդրամեան արծաթոյ, եւ նորա́ լիցի կին. եւ մի́ իշխեսցէ արձակել զնա զա(մենայ)ն ժամանակս իւր։

Verse: 30  Link to sept   Մի́ առցէ այր զկին հօր իւրոյ, եւ մի́ յայտնեսցէ զծածուկս հօր իւրոյ։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Մի́ մտցէ մալեալն եւ կրճատեալն յեկեղեցի ա(ստուծո)յ։

Verse: 2  Link to sept   Մի́ մտցէ պոռնկորդի յեկեղեցի ա(ստուծո)յ։

Verse: 3  Link to sept   Մի́ մտցէ ամոնացի եւ մովաբացի յեկեղեցի տ(եառ)ն, մինչեւ ցտասն ազգ մի́ մտցեն յեկեղեցին տ(եառ)ն, եւ մինչեւ ցյաւիտեան։

Verse: 4  Link to sept   Վ(ա)ս(ն) զի ո́չ ելին ը(նդ) առաջ ձեր հացիւ եւ ջրով ՛ի ճանապարհի ելանելոյն ձերոյ յեգիպտոսէ։ Եւ զի ՛ի վարձո́ւ կալան վ(ա)ս(ն) քո զբաղաամ որդի բէովրայ ՛ի միջագետաց անիծանել զքեզ.

Verse: 5  Link to sept   եւ ո́չ կամեցաւ տ(է)ր ա(ստուա)ծ քո լսել բաղաամու, եւ դարձոյց տ(է)ր ա(ստուա)ծ քո զանէծսն յօրհնութի(ւն)ս. զի սիրեաց զքեզ տ(է)ր ա(ստուա)ծ քո։

Verse: 6  Link to sept   Մի́ խօսեսցիս ընդ նոսա խաղաղութ(եամ)բ զա(մենայ)ն աւուրս քո մինչեւ ցյաւիտեան։

Verse: 7  Link to sept   Մի́ գարշեցուցանիցես զեդոմայեցին, զի եղբայր քո է։ Մի́ գարշեցուցանիցես զեգիպտացին, զի պանդուխտ էիր յերկրի ն(ո)ր(ա)։

Verse: 8  Link to sept   Եթէ լինիցին նորա որդիք՝ յերրորդ ազգի՝ մտցեն յեկեղեցի տ(եառ)ն։

Verse: 9  Link to sept   Եւ եթէ ելանիցես ՛ի պատերազմի բանակե́լ ՛ի վ(ե)ր(այ) թշնամեաց քոց, զգո́յշ լինիջիր յա(մենայ)ն բանէ չարէ։

Verse: 10  Link to sept   Եթէ իցէ ՛ի քեզ այր՝ որ չիցէ սուրբ ՛ի ցայգու(թ)ե(ան) բղխմանէ, ելցէ́ արտաքոյ բանակին, եւ մի́ մտցէ ՛ի բանակն.

Verse: 11  Link to sept   եւ ընդ երեկսն լուասցէ́ զմարմին իւր ջրով, եւ ընդ մտանե́լ արեւուն մտցէ́ ՛ի բանակն։

Verse: 12  Link to sept   Եւ տեղի յա́յտ լիցի քեզ արտաքոյ բանակին, եւ ելցե́ս դու արտաքս.

Verse: 13  Link to sept   եւ ցի́ց լինիցի զգօտւոյ քումմէ. եւ եղիցի յորժամ նստիցիս արտաքս, փորեսցե́ս նովաւ, եւ ածեալ ծածկեսցե́ս զաղտեղու(թ)ի(ւն) քո։

Verse: 14  Link to sept   Զի տ(է)ր ա(ստուա)ծ քո շրջի ընդ բանակն քո փրկե́լ զքեզ, եւ մատնել զթշնամիս քո առաջի երեսաց քոց։ եւ եղիցի բանակն քո սո́ւրբ, եւ ո́չ երեւեսցի ՛ի միջի քում աղտեղու(թ)ի(ւն) իրացն. եւ դառնայցէ́ ՛ի քէն։

Verse: 15  Link to sept   Մի́ մատնեսցես զծառայ տ(եառ)ն իւրում, որ յաւելուցու ՛ի քեզ ՛ի տ(եառ)նէ իւրմէ։

Verse: 16  Link to sept   ընդ քեզ բնակեսցէ́ եւ ը(նդ) քե́զ զետեղեսցի յա(մենայ)ն տեղւոջ ուր եւ հաճոյ իցէ նմա. եւ մի́ նեղիցէք զնա։

Verse: 17  Link to sept   Մի́ լինիցի բո́զ ՛ի դստերաց ի(սրաէ)լի. եւ մի́ պոռնիկ յուստերաց ի(սրաէ)լի։ Մի́ լինիցի ձաւնի ՛ի դստերաց ի(սրաէ)լի, եւ մի́ նուիրեալ ոք յուստերաց ի(սրաէ)լի։

Verse: 18  Link to sept   Մի́ տարցիս զկապէնս պոռնկի. եւ մի́ զշա́ն ոխուրս ՛ի տուն ա(ստուծո)յ քոյ յա(մենայ)ն ուխտս. զի պի́ղծ են առաջի ա(ստուծո)յ քոյ երկոքեան։

Verse: 19  Link to sept   Մի́ տացես եղբօր քում արծաթ վաշխիւ. եւ մի́ զկերակուր շարիատիւ, եւ մի́ տոկոսեօք։

Verse: 20  Link to sept   զա(մենայ)ն ինչ փո́խ տայցես օտարին՝ եւ եղբօր քում. զի օրհնեսցէ́ զքեզ տ(է)ր ա(ստուա)ծ քո յա(մենայ)ն ՛ի գործս քո ՛ի վ(ե)ր(այ) երկրին՝ յոր մտանելո́ց ես ժառանգել զնա։

Verse: 21  Link to sept   Եւ եթէ ուխտիցես ուխտ տ(եառ)ն ա(ստուծո)յ քում, մի́ յամեսցես հատուցանել զայն. զի պահանջելով պահանջեսցէ տ(է)ր ա(ստուա)ծ քո ՛ի քէն. եւ լինիցի քեզ ՛ի մեղս։

Verse: 22  Link to sept   Ապա թէ ո́չ կամիցիս ուխտել՝ չլինիցի քեզ մեղք։

Verse: 23  Link to sept   Որ ինչ ելանէ ընդ շրթունս քո, զգո́յշ լինիջիր եւ արասցե́ս ո(ր)պ(էս) ուխտեցեր ա(ստուծո)յ քում, զտուրսն զոր խոստացար բերանով քով։

Verse: 24  Link to sept   Եւ եթէ մտանիցես ՛ի հունձս ընկերի քոյ, քաղեսցե́ս ձեռօք քովք զհասկն. եւ մանգաղ մի́ արկանիցես յոճ ընկերի քոյ։

Verse: 25  Link to sept   Եւ եթէ մտանիցես յայգի ընկերի քոյ, կերիցե́ս խաղող մինչեւ ցյագել անձին քոյ. բայց յամանս մի́ ամանայցես։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ եթէ առնուցու ոք կին, եւ մտանիցէ առ նա. եւ եղիցի եթէ ո́չ գտցէ շնորհս առաջի ն(ո)ր(ա), զի եգիտ ՛ի նմա ի́րս անարգու(թ)ե(ան), գրեսցէ́ նմա գի́ր ապահարզանի եւ տացէ́ ՛ի ձեռս ն(ո)ր(ա), եւ արձակեսցէ զնա ՛ի տանէ իւրմէ։

Verse: 2  Link to sept   Եւ եթէ գնացեալ լինիցի ա́ռն այլում։

Verse: 3  Link to sept   եւ ատիցէ զնա այրն վերջին, գրեսցէ նմա գի́ր մեկնելոյ, եւ տացէ ՛ի ձեռս նորա. եւ արձակեսցէ զնա ՛ի տանէ իւրմէ։ Ապա թէ մեռանիցի́ այրն ն(ո)ր(ա) վերջին՝ որ ա́ռ զնա կնութե(ան).

Verse: 4  Link to sept   մի́ կարասցէ այրն առաջին որ արձակեաց զնա՝ դառնալ առնուլ զնա իւր կնութե(ան), յետ պղծելոյն նորա. զի պի́ղծ է այն առաջի տ(եառ)ն ա(ստուծո)յ քոյ. եւ մի́ պղծէք զերկիրն՝ զոր տ(է)ր ա(ստուա)ծ տացէ ձեզ ՛ի ժառանգութի(ւն)։

Verse: 5  Link to sept   Եւ եթէ առնուցու ոք կին նորոգ, մի́ մտցէ ՛ի պատերազմ. եւ մի́ անկցին ՛ի վերայ ն(ո)ր(ա)՝ եւ մի́ մի ինչ իրք. այլ անպա́րտ լիցի ՛ի տան իւրում. եւ ուրա́խ արասցէ զկին իւր զոր առ։

Verse: 6  Link to sept   Մի́ գրաւեսցես զվերին եւ զներքին երկան. զի զոգի́ս գրաւէ այնպիսին։

Verse: 7  Link to sept   Եթէ ըմբռնեսցի ա́յր ոք մարդագող յեղբարց իւրոց յորդւոցն ի(սրաէ)լի, եւ բռնաբարեալ վաճառեսցէ զնա. մեռցի́ գողն, եւ բարձջի́ք զչարն ՛ի միջոյ ձերմէ։

Verse: 8  Link to sept   Զգո́յշ լեր անձին քում յարածէ բորոտու(թ)ե(ան). զգո́յշ լինիջիր՝ առնե́լ ըստ ա(մենայ)ն օրինին զոր պատմիցեն ձեզ քահանայքն ղեւտացիք. զորօրինակ պատուիրեցի ձեզ զգուշանա́լ առնելոյ։

Verse: 9  Link to sept   Յիշեցէ́ք՝ զոր ինչ արար տ(է)ր ա(ստուա)ծ քո ընդ մարիամ ՛ի ճանապարհի ելանելոյն ձերոյ յեգիպտոսէ։

Verse: 10  Link to sept   Եւ եթէ պարտելո́վ պարտիցի ընկեր քո զինչ եւ իցէ, մի́ մտանիցես ՛ի տուն նորա գրաւել ինչ գրաւ.

Verse: 11  Link to sept   այլ արտաքո́յ կայցես. եւ ա́յրն առ որում պարտքն քո իցեն՝ հանցէ́ զգրաւն արտաքս։

Verse: 12  Link to sept   Եւ եթէ աղքատ իցէ այրն, մի́ ագցի ը(նդ) գրաւաւն իւրով.

Verse: 13  Link to sept   դարձուցանելո́վ դարձուսցես զգրաւ ն(ո)ր(ա) ընդ մտանել արեւու. եւ ննջեսցէ́ հանդերձիւն իւրով, եւ օրհնեսցէ́ զքեզ. եւ եղիցի քեզ յողորմածութի(ւն) առաջի տ(եառ)ն ա(ստուծո)յ քոյ։

Verse: 14  Link to sept   Մի́ զլասցիս զվա́րձս տնանկին՝ եւ զկարօտելոյ յեղբարց քոց, կամ յեկաց քաղաքաց քոց.

Verse: 15  Link to sept   նո́յն օրին հատուսցես զվարձս ն(ո)ր(ա). եւ մի́ մտանիցէ արեգակն ՛ի վ(ե)ր(այ) այնորիկ, զի տնա́նկ է, եւ ա́յն է յոյս ն(ո)ր(ա). եւ մի́ բողոք հարկանիցէ զքէն առ տ(է)ր. եւ մի́ լինիցի այն քեզ ՛ի մեղս։

Verse: 16  Link to sept   Մի́ մեռցին հարք ը(նդ) որդւոց. եւ մի́ որդիք մեռանիցին ը(նդ) հարց. իւրաքանչիւր ոք ՛ի մեղս իւր մեռանիցի։

Verse: 17  Link to sept   Մի́ կոտորիցես զիրաւունս զեկին, եւ զորբոյ, եւ զայրւոյ։ եւ մի́ գրաւեսցես զձորձս այրւոյն.

Verse: 18  Link to sept   քանզի ծառա́յ էիր դու յերկրին եգիպտացւոց, եւ փրկեա́ց զքեզ տ(է)ր ա(ստուա)ծ քո անտի. վասն այնորիկ ես պատուիրեմ քեզ առնել զբանս զայս։

Verse: 19  Link to sept   Եւ եթէ հնձեսցես զհունձս յանդի քում, եւ մոռասցի որա́յ յանդի քում, մի́ դառնայցես անդրէն առնուլ զնա, աղքատին, եւ եկին, եւ այրւո́յ եւ սրբոյ եղիցի այն. զի օրհնեսցէ́ զքեզ տ(է)ր ա(ստուա)ծ քո յա(մենայ)ն ՛ի գործս ձեռաց քոց։

Verse: 20  Link to sept   Եւ եթէ կթեսցես զայգի քոյ, մի́ ճռաքաղ առնիցես զկնի քո. եկին, եւ որբոյ, եւ այրւո́յ եղիցի այն։ եւ յիշեսցե́ս զի ծառա́յ էիր յերկրին եգիպտացւոց. վ(ա)ս(ն) ա́յնորիկ ես պատուիրեմ քեզ առնել զբանս զայս։

Verse: 21  Link to sept   Եւ եթէ կթեսցես ձէթ, մի́ դարձցիս անդրէն պտղաքաղ առնել զկնի քո. եկին, եւ որբոյ, եւ այրւո́յ եղիցի այն։

Verse: 22  Link to sept   եւ յիշեսցես զի եւ դու ծառա́յ էիր յերկրին եգիպտացւոց. վ(ա)ս(ն) ա́յնորիկ ես պատուիրեմ քեզ առնե́լ զբանս զայս։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Եւ եթէ լինիցի հակառակութի(ւն) ՛ի մէջ մարդկան, մատիցեն յատեան եւ դատեսցին. եւ արդարացուսցեն զարդարն, եւ պարտաւորեսցե́ն զամպարիշտն։

Verse: 2  Link to sept   Եւ եղիցի եթէ արժանի իցէ գանի ամպարիշտն, նստուսցեն զնա առաջի դատաւորացն, եւ հարցե́ն զնա առաջի ն(ո)ց(ա) ըստ ամպարշտու(թ)ե(ան) ն(ո)ր(ա)՝

Verse: 3  Link to sept   թուով քառասո́ւն. եւ այլ մի́ յաւելուցուն. ապա թէ յաւելուցուն հարկանել զնա աւելի́ քան զայն, անարգութի(ւն) լիցի եղբօրն քում առաջի քո։

Verse: 4  Link to sept   Մի́ կապեսցես զցռուկ եզին կալոտւոյ։

Verse: 5  Link to sept   Եւ եթէ բնակեսցեն եղբարք ՛ի միասին, եւ մեռանիցի մի ոք ՛ի նոցանէ, եւ զաւակ ո́չ իցէ ն(ո)ր(ա). մի́ լինիցի կին մեռելոյն արտաքոյ ա́ռն ումեք՝ որ մերձաւոր չիցէ́ նորա. այլ եղբայր ա́ռն իւրոյ մտցէ առ նա, եւ առցէ զնա ի́ւր կնութե(ան). եւ բնակեսցէ́ ընդ նմա։

Verse: 6  Link to sept   եւ եղիցի մանուկն որ ծնանիցի՝ հաստատեալ յանո́ւն վախճանելոյն. եւ մի́ ջնջեսցի անուն ն(ո)ր(ա) յի(սրա)էլէ։

Verse: 7  Link to sept   Ապա թէ ո́չ կամիցի այրն առնուլ զկին եղբօր իւրոյ, ելցէ́ կինն ՛ի դո́ւռն անդր առ ծերակոյտն՝ եւ ասասցէ. ո́չ կամի եղբայր առն իմոյ կանգնել զանուն եղբօր իւրոյ ՛ի մէջ ի(սրաէ)լի։

Verse: 8  Link to sept   Եւ կոչեսցեն զնա ծերակոյտ քաղաքին իւրոյ, եւ խօսեսցին ընդ նմա. եւ նա կացցէ եւ ասիցէ, ո́չ կամիմ առնուլ զդա։

Verse: 9  Link to sept   Եւ մատուցեալ կին եղբօր ն(ո)ր(ա) առաջի ծերոցն, հանցէ զկօշիկ մի յոտանէ ն(ո)ր(ա). եւ թքցէ́ ը(նդ) երեսս ն(ո)ր(ա), եւ պատասխանի́ տուեալ ասասցէ. ա́յսպէս արասցեն առն, որ ո́չ շինիցէ զտուն եղբօր իւրոյ։

Verse: 10  Link to sept   Եւ կոչեսցի անուն ն(ո)ր(ա) ՛ի մէջ ի(սրաէ)լի տո́ւն բոկացելոյ։

Verse: 11  Link to sept   Եւ եթէ կռուեսցին արք ընդ միմեանս, այր ը(նդ) եղբօ́ր իւրում. եւ մատուցեալ կին միոյ ՛ի նոցանէ թափել զայր իւր ՛ի ձեռաց այնորիկ որ հարկանիցէն զնա, եւ ձգեալ զձեռն բո́ւռն հարկանիցէ զերկուորեաց ն(ո)ր(ա).

Verse: 12  Link to sept   հատցե́ս զձեռն, եւ մի́ խնաեյսցէ ՛ի նա ակն քո։

Verse: 13  Link to sept   Մի́ լինիցի յամանի քում կշիռ եւ կշիռ, մեծ կամ փոքր։

Verse: 14  Link to sept   եւ մի́ լինիցի ՛ի տան քում չափ եւ չափ, մեծ կամ փոքր։

Verse: 15  Link to sept   Կշիռ ստո́յգ եւ արդա́ր եղիցի քեզ. եւ չա́փ ստոգյ եւ արդար եղիցի քեզ. զի բազմօրեա́յ եղիցս ՛ի վ(ե)ր(այ) երկրին զոր տ(է)ր ա(ստուա)ծ քո տացէ քեզ ՛ի ժառանգու(թ)ի(ւն)։

Verse: 16  Link to sept   զի պիղծ է տ(եառ)ն ա(ստուծո)յ քում ա(մենայ)ն որ առնէ զայն, եւ ա(մենայ)ն որ առնէ զանիրաւութի(ւն)։

Verse: 17  Link to sept   Յո́ւշ լիցի քեզ զոր արա́րն քեզ ամաղէկ ՛ի ճանապարհի ելանելոյն քոյ յեգիպտոսէ.

Verse: 18  Link to sept   զի́արդ ընդդէմ եկաց քեզ ՛ի ճանապարհին՝ եւ կրկատեա́ց զվերջն քո, եւ զաշխատեալսն զկնի քո, եւ դու քաղցեալ եւ աշխատեալ էիր. եւ ո́չ երկեաւ յա(ստուծո)յ։

Verse: 19  Link to sept   Եւ եղիցի յորժամ հանգուցանիցէ զքեզ տ(է)ր ա(ստուա)ծ քո յա(մենայ)ն թշնամեաց քոց որ շուրջ զքե́ւ իցեն յերկրին զոր տ(է)ր ա(ստուա)ծ քո տացէ քեզ վիճակա́ւ ՛ի ժառանգու(թ)ի(ւն), ջնջեսցե́ս զանուն ամաղեկայ ՛ի ներքոյ երկնից, եւ մի́ մոռասցիս։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Եւ եղիցի եթէ մտանիցես յերկրին զոր տ(է)ր ա(ստուա)ծ քո տացէ քեզ ՛ի ժառանգու(թ)ի(ւն) եւ ժառանգեսցե́ս զնա, եւ բնակեսցես ՛ի նմա։

Verse: 2  Link to sept   Առցես զառաջինս պտղոց զերկրին քոյ տ(է)ր ա(ստուա)ծ քո տացէ քեզ. եւ արկցե́ս ՛ի կողոփ. եւ գնասցե́ս ՛ի տեղին՝ զոր ընտրեսցէ տ(է)ր ա(ստուա)ծ անուանել զանուն իւր անդ։

Verse: 3  Link to sept   Եւ երթիցես առ քահանա́յն, որ կայցէ յաւուրսն յայնոսիկ, եւ ասասցե́ս ցնա։ Գոհանա́մ այսօր զտ(եառն)է ա(ստուծո)յ իմմէ, զի մտի յերկիրն զոր երդուաւ տ(է)ր հարցն մերոց տա́լ մեզ։

Verse: 4  Link to sept   եւ առցէ́ քահանայն զկողոփն ՛ի ձեռաց քոց. եւ դիցէ́ զնա առաջի սեղանոյն տ(եառ)ն ա(ստուծո)յ քոյ։

Verse: 5  Link to sept   Եւ պատասխանի տուեալ, ասասցե́ս առաջի տ(եառ)ն ա(ստուծո)յ քոյ։ Զասորիս եթող հա́յր իմ եւ էջ յեգիպտոս, եւ պանդխտեցա́ւ անդ սակա́ւ ինչ թուով, եւ եղեւ անդ յա́զգ մեծ. եւ բազմացաւ անդ յո́յժ յոյժ.

Verse: 6  Link to sept   եւ չարչարեցին զմեզ եգիպտացիք, լլկեցին զմեզ եւ եդին ՛ի վ(ե)ր(այ) մեր գո́րծ խստու(թ)ե(ան)։

Verse: 7  Link to sept   Եւ աղաղակեցաք առ ա(ստուա)ծ հարցն մերոց. եւ լուաւ ձայնի մերում, եւ ետես զտառապանս մեր եւ զաշխատու(թ)ի(ւն) մեր. եւ զնեղու(թ)ի(ւն).

Verse: 8  Link to sept   եւ եհան զմեզ տ(է)ր յեգիպտոսէ ինքնին զօրու(թեամ)բ մեծաւ, եւ հզօր ձեռամբ, եւ բարձր բազկաւ, եւ մեծամեծ տեսլեամբք, եւ նշանօք եւ արուեստիւք.

Verse: 9  Link to sept   եւ ած զմեզ ՛ի տեղիս յայս. եւ ե́տ մեզ զերկիրս զայս. երկիր՝ որ բղխէ զկա́թն եւ զմեղր։

Verse: 10  Link to sept   Եւ արդ աւասիկ բերի́ զպտուղ արդեանց երկրին զոր ե́տ ինձ տ(է)ր, երկիր՝ որ բղխէ զկաթն եւ զմեղր։ Եւ երկի́ր պագցես անդ առաջի տ(եառ)ն ա(ստուծո)յ քոյ։

Verse: 11  Link to sept   եւ ուրա́խ լիցիս անդ յա(մենայ)ն բարու(թ)ի(ւն)սն՝ զոր ետ քեզ տ(է)ր ա(ստուա)ծ քո, եւ տա́ն քում. դո́ւ եւ ղեւտացի́ն եւ պանդուխտն որ ՛ի քեզ։

Verse: 12  Link to sept   Եւ եթէ կատարեսցես տասանորդել զա(մենայ)ն տասանորդս երկրի քոյ. յամին երկրորդի կրկին տասանորդեսցիս ղեւտացւոյն, եւ եկին, եւ որբոյ, եւ այրւոյ. եւ կերիցեն ՛ի քաղաքս քո եւ յագեսցին։

Verse: 13  Link to sept   Եւ ասասցես առաջի տ(եառ)ն ա(ստուծո)յ քոյ, սրբեցի́ ՛ի բաց զսրբու(թ)ի(ւն)սն ՛ի տանէ իմմէ. եւ ետու զայն ղեւտացւոյն, եւ եկին, եւ որբոյ, եւ այրւոյ, ը(ս)տ ա(մենայ)ն պատուիրանաց տ(եառ)ն ա(ստուծո)յ՝ զոր պատուիրեալ էր ինձ. ո́չ անցի զպատուիրանաւ քով եւ ո́չ մոռացայ։

Verse: 14  Link to sept   եւ ո́չ կերայ ՛ի վիշտս ՛ի նոցանէ. եւ ո́չ ընծայեցի ՛ի նոցանէ պղծոյն. եւ ո́չ ետու ՛ի նոցանէ մեռելոյ։ Լուա́յ ձայնի տ(եառ)ն ա(ստուծո)յ իմոյ. եւ արարի́ ո(ր)պ(էս) պատուիրեցեր ինձ։

Verse: 15  Link to sept   Արդ՝ հայեա́ց ՛ի սրբոյ բնակու(թեն)է քումմէ յերկնից, եւ օրհնեա́ զժողովուրդ քո զի(սրա)էլ, եւ զերկիրն զոր ետուր ն(ո)ց(ա). ո(ր)պ(էս) երդուար հարցն մերոց, տա́լ մեզ զերկիր որ բղխէ զկաթն եւ զմեղր։

Verse: 16  Link to sept   Յաւուր յայնմիկ պատուիրեաց մեզ տ(է)ր ա(ստուա)ծ մեր առնել զա(մենայ)ն իրաւունս զայսոսիկ, եւ զդատաստանս. եւ պահեսջի́ք եւ արասջի́ք զսոսա յա(մենայ)ն սրտէ ձերմէ, եւ յա(մենայ)ն անձնէ ձերմէ։

Verse: 17  Link to sept   Զտ(է)ր ա(ստուա)ծ քո ընտրեա́ այսօր լինել քեզ ա(ստուա)ծ, եւ գնասջի́ք ՛ի ճանապարհս ն(ո)ր(ա), եւ պահեսջի́ք զիրաւունս եւ զդատաստանս ն(ո)ր(ա)՝ լսե́լ ձայնի նորա։

Verse: 18  Link to sept   Եւ տ(է)ր ընտրեաց զքե́զ այսօր լինե́լ նմա ժողովուրդ սեպհական՝ ո(ր)պ(էս) եւ խոստացաւ քեզ. պահել զա(մենայ)ն պատուիրանս ն(ո)ր(ա).

Verse: 19  Link to sept   եւ լինել քեզ ՛ի վե́ր քան զա(մենայ)ն ազգս. ո(ր)պ(էս) արա́ր զքեզ անուանի եւ բարգաւա́ճ եւ փառաւոր՝ լինել քեզ ժողովուրդ սո́ւրբ տ(եառ)ն ա(ստուծո)յ քում. ո(ր)պ(էս) եւ խոստացաւ քեզ։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Եւ պատուիրեա́ց մովսէս եւ ծերակոյտն ի(սրաէ)լի՝ եւ ասեն. պահեցէ́ք զա(մենայ)ն պատուիրանս զոր ես պատուիրեմ ձեզ այսօր։

Verse: 2  Link to sept   Եւ եղիցի յաւուր յորում անցանիցես ը(նդ) յորդանան, յերկիրն զոր տ(է)ր ա(ստուա)ծ քո տացէ քեզ. եւ կանգնեսցես անդ քարինս մեծամեծս, եւ բռեսցե́ս զն(ո)ս(ա) բռով։

Verse: 3  Link to sept   եւ գրեսցե́ս ՛ի վ(ե)ր(այ) քարանցն զա(մենայ)ն պատգամս զօրինացս այսոցիկ, յորժամ անցանիցէք ընդ յորդանան, ՛ի ժամանակի իբրեւ մտանիցէք յերկիրն՝ զոր տ(է)ր ա(ստուա)ծ հարցն ձերոց տացէ́ քեզ, երկիր որ բղխէ զկաթն եւ զմեղր. ո(ր)պ(էս) խոստացաւ տ(է)ր ա(ստուա)ծ հարց քոց տա́լ քե́զ։

Verse: 4  Link to sept   Եւ եղիցի յորժամ անցանիցէք ընդ յորդանան. կանգնեսջիք զքարինս զայնոսիկ զոր ես պատուիրեմ ձեզ այսօր՝ ՛ի լերինն գեբաղ, եւ բռեսջի́ք զն(ո)ս(ա) բռով։

Verse: 5  Link to sept   Եւ շինեսցե́ս անդ սեղա́ն տ(եառ)ն ա(ստուծո)յ քոյ. սեղա́ն ՛ի քարանց. եւ մի́ հպեսցի ՛ի նոսա երկաթ։

Verse: 6  Link to sept   բոլորա́կ վիմօք շինեսցես զսեղանն տ(եառ)ն ա(ստուծո)յ քոյ. եւ հանցե́ս ՛ի վ(ե)ր(այ) ն(ո)ր(ա) ողջակէզս տ(եառ)ն ա(ստուծո)յ քում։

Verse: 7  Link to sept   Եւ զենցե́ս անդ զենումն փրկու(թ)ե(ան) տ(եառ)ն ա(ստուծո)յ քում. եւ կերիցես եւ յագեսցի́ս անդ. եւ ուրա́խ լիցիս առաջի տ(եառ)ն ա(ստուծո)յ քոյ.

Verse: 8  Link to sept   եւ գրեսցե́ս ՛ի վ(ե)ր(այ) քարանցն զա(մենայ)ն զօրէնս զայսոսիկ յայտնապէ́ս յոյժ։

Verse: 9  Link to sept   Եւ խօսեցա́ւ մովսէս, եւ քահանայքն՝ եւ ղեւտացիք՝ ընդ ա(մենայ)ն ի(սրաէ)լի եւ ասեն. լո́ւռ լեր եւ լո́ւր ի(սրա)էլ։ Յաւուր յայսմիկ եղեր ժողովուրդ տ(եառ)ն ա(ստուծո)յ քոյ.

Verse: 10  Link to sept   եւ լուիցե́ս ձայնի տ(եառ)ն ա(ստուծո)յ քոյ. եւ արասցե́ս զա(մենայ)ն պատուիրանս նորա եւ զիրաւունս ն(ո)ր(ա)՝ զոր ես պատուիրեմ զեք այսօր։

Verse: 11  Link to sept   Եւ պատուիրեա́ց մովսէս ժողովրդեանն յաւուր յայնմիկ՝ եւ ասէ։

Verse: 12  Link to sept   Սոքա́ կացցեն օրհնել զժողովուրդն ՛ի լերինն գարիզին, յորժամ անցանիցէք ընդ յորդանան։ Շմաւոն. ղեւի. յուդայ. իսաքար. յովսէփ. եւ բենիամին։

Verse: 13  Link to sept   Եւ սոքա́ կացցեն ՛ի վերայ անիծիցն ՛ի լերինն գեբաղ։ Ռուբէն. գադ. ասեր. զաբուղոն. դան. եւ նեփթաղիմ։

Verse: 14  Link to sept   Եւ պատասխանի տուեալ ղեւտացւոցն՝ ասիցե́ն մեծաձայն ա(մենայ)ն ի(սրաէ)լի։

Verse: 15  Link to sept   Անիծեա́լ լիցի մարդն, որ արասցէ դրօշեալս եւ ձուլածոյ. զի պի́ղծ է տ(եառ)ն ձեռագործ ճարտարի, եւ դնիցէ զնա ՛ի թաքստեան։ Եւ պատասխանի տուեալ ժողովրդեանն, ասասցեն՝ եղիցի́։

Verse: 16  Link to sept   Անիծեա́լ որ անարգեսցէ զհայր իւր կամ զմայր իւր։ Եւ ասասցէ ա(մենայ)ն ժողովուրդն՝ եղիցի́։

Verse: 17  Link to sept   Անիծեա́լ որ խոտորիցէ զիրաւունս՝ եկին եւ որբոյ եւ այրւոյ։ Եւ ասասցէ ա(մենայ)ն ժողովուրդն՝ եղիցի։

Verse: 18  Link to sept   Անիծեալ՝ որ փոխեսցէ զսահմանս ընկերի իւրոյ։ Եւ ասասցէ ա(մենայ)ն ժողովուրդն՝ եղիցի́։

Verse: 19  Link to sept   Անիծեալ՝ որ մոլորեցուսցէ զկոյրն ՛ի ճանապարհի։ Եւ ասասցէ ա(մենայ)ն ժողովուրդն՝ եղիցի́։

Verse: 20  Link to sept   Անիծեալ՝ որ ննջեսցէ ընդ կնոջ հօր իւրոյ. զի յայտնեաց զաներեւոյթս հօր իւրոյ։ Եւ ասասցէ ա(մենայ)ն ժողովուրդն՝ եղիցի́։

Verse: 21  Link to sept   Անիծեալ՝ որ ննջեսցէ ը(նդ) ամենայն անասնոյ։ Եւ ասասցէ ա(մենայ)նժողովուրդն՝ եղիցի́։

Verse: 22  Link to sept   Անիծեալ՝ որ ննջեսցէ ընդ քե́ռ իւրում, որ առ ՛ի հօրէ իցէ, կամ առ ՛ի մօրէ։ Եւ ասասցէ ա(մենայ)ն ժողովուրդն՝ եղիցի́։

Verse: 23  Link to sept   Անիծեալ՝ որ հարկանիցէ զընկեր իւր նենգու(թեամ)բ։ Եւ ասասցէ ա(մենայ)ն ժողովուրդն՝ եղիցի́։

Verse: 24  Link to sept   Անիծեալ՝ որ առնուցու կաշառ հարկանել զանձն արեան արդարոյ։ Եւ ասասցէ ա(մենայ)ն ժողովուրդն՝ եղիցի́։

Verse: 25  Link to sept   Անիծեալ ա(մենայ)ն մարդ որ ո́չ կացցէ յամենայն բանս օրինացս այսոցիկ՝ առնել զսոսա։ Եւ ասասցէ ա(մենայ)ն ժողովուրդն՝ եղիցի́։



Chapter: 28 
ԳԼ(ՈՒԽ) Ի՜Ը.


Verse: 1  Link to sept   Եւ եղիցի եթէ լսելով լուիցէք ձայնի տ(եառ)ն ա(ստուծո)յ մերոյ, զգուշանա́լ եւ առնել զա(մենայ)ն պատուիրանս ն(ո)ր(ա), զոր ես պատուիրեմ ձեզ այսօր, տացէ զքեզ տ(է)ր ա(ստուա)ծ քո ՛ի վեր քան զա(մենայ)ն զագս երկրի.

Verse: 2  Link to sept   եւ եկեսցեն ՛ի վ(ե)ր(այ) քո ա(մենայ)ն օրհնութի(ւն)քս այսոքիկ. եւ գտցե́ն զքեզ, եթէ լուիցես ձայնի տ(եառ)ն ա(ստուծո)յ քոյ։

Verse: 3  Link to sept   Օրհնեալ լիցիս դու ՛ի քաղաքի, եւ օրհնեա́լ յանդի։

Verse: 4  Link to sept   Օրհնեա́լ լիցին ծնունդք որովայնի քոյ, եւ արա́րք երկրի քոյ, անդեա́յք արջառոց, եւ հօտք ոչխարաց քոց։

Verse: 5  Link to sept   Օրհնեա́լ լիցին շտեմարանք քո, եւ համբա́րք քո։

Verse: 6  Link to sept   Օրհնեա́լ լիցիս դու յելանել եւ ՛ի մտանե́լ քում։

Verse: 7  Link to sept   Մատնեսցէ́ տ(է)ր ա(ստուա)ծ քո զթշնամիս քո եւ զհակառակորդս քո խորտակեալս առաջի երեսաց քոց։ ը(նդ) մի ճանապարհ ելցեն առ քեզ, եւ ը(նդ) եւթն ճանապարհ փախիցեն յերեսաց քոց։

Verse: 8  Link to sept   Առաքեսցէ տ(է)ր ՛ի վ(ե)ր(այ) քո օրհնութի(ւն), ՛ի շտեմարանս քո, եւ յա(մենայ)ն ինչ ուր մխեսցես զձեռն քո ՛ի վ(ե)ր(այ) երկրին՝ զոր տ(է)ր ա(ստուա)ծ քո տացէ քեզ։

Verse: 9  Link to sept   Կանգնեսցէ́ զքեզ տ(է)ր ա(ստուա)ծ քո իւր ժողովուրդ սո́ւրբ. ո(ր)պ(էս) երդուաւ հարցն քոց. եթէ լուիցես ձայնի տ(եառ)ն ա(ստուծո)յ մերոյ, եւ գնասցես ՛ի ճանապարհս ն(ո)ր(ա)։

Verse: 10  Link to sept   եւ տեսցեն ա(մենայ)ն ազգք երկրի զի անուն տ(եառ)ն կոչեցեալ է ՛ի վ(ե)ր(այ) քո. եւ երկիցեն ՛ի քէն։

Verse: 11  Link to sept   Եւ բազմացուսցէ́ զքեզ տ(է)ր ա(ստուա)ծ քո ՛ի բարու(թ)ի(ւն)ս, ծննդեա́մբք որովայնի քոյ, եւ արդեա́մբք երկրի քոյ, եւ ծննդեամբք խաշանց քոց. ՛ի վ(ե)ր(այ) երկրին զոր երդուա́ւ տ(է)ր հարցն քոց տալ քեզ, ըստ աւուրց երկնից ՛ի վերայ երկրի։

Verse: 12  Link to sept   Բացցէ́ քեզ տ(է)ր զգանձսն բարու(թ)ե(ան) իւրոյ զերկինս, տալ անձրե́ւ ՛ի ժամանակի իւրում երկրին քոյ, օրհնե́լ զա(մենայ)ն գործս ձեռաց քոց. եւ տացե́ս փոխ ազգաց բազմաց, եւ դու ո́չ առնուցուս փոխ.

Verse: 13  Link to sept   եւ իշխեսցե́ս ազգաց բազմաց, եւ քեզ՝ մի́ իշխեսցեն։ Հաստատեսցէ զքեզ տ(է)ր ա(ստուա)ծ քո ՛ի գլուխ եւ ո́չ ՛ի վերջ. եւ եղիցիս ՛ի վե́ր, եւ ո́չ ՛ի խոնարհ. եթէ լուիցես պատուիրանաց տ(եառ)ն ա(ստուծո)յ քոյ, զոր ես պատուիրեմ քեզ ա́յսօր պահել եւ առնել։

Verse: 14  Link to sept   Եւ ո́չ անցանիցես զա(մենայ)ն բանիւք զոր ես պատուիրեմ քեզ այսօր՝ ո́չ յաջ եւ ո́չ յահեակ. երթալ զհետ աստուածոց օտարաց պաշտել զնոսա։

Verse: 15  Link to sept   Եւ եղիցի եթէ ո́չ լուիցես ձայնի տ(եառ)ն ա(ստուծո)յ քոյ, պահե́լ եւ առնել զա(մենայ)ն պատուիրանս ն(ո)ր(ա) զոր ես պատուիրեմ քեզ այսօր, եկեսցեն ՛ի վ(ե)ր(այ) քո անէծք այսոքիկ՝ եւ հասցեն քեզ։

Verse: 16  Link to sept   Անիծեա́լ լիջիր դու ՛ի քաղաքի, եւ անիծեա́լ յանդի։

Verse: 17  Link to sept   Անիծեա́լ շտեմարանք քո եւ համբարք քո։

Verse: 18  Link to sept   Անիծեա́լ ծնունդք որովայնի քոյ եւ արդիւնք երկրի քոյ, եւ անդեա́յք արջառոց քոց, եւ հօտք ոչխարաց քոց։

Verse: 19  Link to sept   Անիծեա́լ լիջիր դու ՛ի մտանել՝ եւ անիծեա́լ յելանել։

Verse: 20  Link to sept   Առաքեսցէ́ քեզ տ(է)ր զնուազութի(ւն) եւ զկարօտու(թ)ի(ւն). եւ ծախս ՛ի վ(ե)ր(այ) ա(մենայ)նի յոր մխեսցես զձեռն քո, եւ զոր ինչ առնիցես. մինչեւ սատակեսցէ́ զքեզ տ(է)ր, մինչեւ կորուսցէ զքեզ վաղվաղակի վ(ա)ս(ն) չարութե(ան) գնացից քոց՝ զի թողե́ր դու զիս։

Verse: 21  Link to sept   Խանծեցուսցէ տ(է)ր ՛ի քեզ զմահ, մինչեւ սատակեսցէ զքեզ տ(է)ր յերկրէն յոր դու մտանելոց ես ժառանգել զնա։

Verse: 22  Link to sept   Հարցէ́ զքեզ տ(է)ր տարակուսանօք, եւ ջերմամբ, եւ սարսռով, եւ խեթիւք, եւ երկիւղիւ, եւ խորշակաւ, եւ գունով. եւ հալածեսցեն զքեզ մինչեւ կորուսցեն զքեզ։

Verse: 23  Link to sept   Եւ եղիցին ՛ի վ(ե)ր(այ) գլխոյ քոյ երկինք պղնձի́, եւ երկիր ՛ի ներքոյ քո երկաթի́։

Verse: 24  Link to sept   Տացէ́ տ(է)ր զանձրեւ երկրի քոյ փոշի́. եւ հո́ղ յերկնից իջցէ ՛ի վ(ե)ր(այ) քո. մինչեւ սատակեսցէ զքեզ եւ կորուսցէ զքեզ։

Verse: 25  Link to sept   Տացէ́ զքեզ տ(է)ր ՛ի պարտու(թ)ի(ւն) առաջի թշնամեաց քոց. ընդ մի ճանապարհ ելցես ՛ի վերայ ն(ո)ց(ա), եւ ընդ եւթն ճանապարհ փախիցես յերեսաց ն(ո)ց(ա). եւ եղիցիս ցրուեալ ընդ ա(մենայ)ն թագաւորութի(ւն)ս երկրի։

Verse: 26  Link to sept   եւ եղիցին մեռեալք ձեր կերակո́ւր թռչնոց երկնից եւ գազանա́ց երկրի. եւ ո́չ ոք իցէ որ ընդոստուցանիցէ։

Verse: 27  Link to sept   Հարցէ́ զքեզ տ(է)ր կեղով եգիպտացւոցն, եւ թանչի́ւք, եւ զայրացեալ քոսով՝ եւ մնով. զի մի́ կարասցես բժշկել։

Verse: 28  Link to sept   Հարցէ́ զքեզ տ(է)ր յիմարու(թեամ)բ, եւ շլացութ(եամ)բ, եւ ապշու(թեամ)բ մտաց.

Verse: 29  Link to sept   եւ խարխափեսցե́ս ՛ի մէջօրէի ո(ր)պ(էս) խարխափիցէ կո́յր ՛ի խաւարի։ Եւ եթէ ո́չ ուղղեսցես զճանապարհս քո, եղիցիս յայնժամ զրկեալ եւ յափշտակեալ զա(մենայ)ն աւուրս. եւ ո́չ ոք իցէ որ օգնիցէ քեզ։

Verse: 30  Link to sept   Առնուցուս կին՝ եւ ա́յլ այր հանիցէ զնա ՛ի քէն։ շինեսցես տուն՝ եւ մի́ բնակեսցես ՛ի նմա։ տնկեսցես այգի՝ եւ մի́ կթեսցես զնա։

Verse: 31  Link to sept   Արջառ քո՝ սպանեալ առաջի քո, եւ մի́ կերիցես ՛ի նմանէ։ էշ քո՝ յափշտակեա́լ ՛ի քէն, եւ մի́ դարձցի առ քեզ։ ոչխար քո՝ մատնեա́լ թշնամեաց քոց, եւ ո́չ ոք իցէ որ օգնիցէ քեզ։

Verse: 32  Link to sept   Ուստերք քո եւ դստերք քո՝ մատնեա́լք ազգի օտարի, եւ աչք քո կըկոցեա́լ հայիցին ՛ի նոսա, եւ ո́չ հասանիցէ ձեռն քո։

Verse: 33  Link to sept   Զբերս երկրի քոյ, եւ զա(մենայ)ն վաստակս քո կերիցէ́ ազգ, զոր դու ո́չ գիտիցես։ Եւ եղիցես զրկեալ եւ խորտակեալ զա(մենայ)ն աւուրս։

Verse: 34  Link to sept   եւ եղիցես յիմարեալ վասն տեսլեանց աչաց քոց՝ զոր տեսանիցես։

Verse: 35  Link to sept   Հարցէ́ զքեզ տ(է)ր չարաչար կեղով ՛ի ծունկս եւ ՛ի սրունս. եւ ո́չ կարասցես բժշկել ՛ի թաթից ոտից քոց մինչեւ ցգլուխ քո։

Verse: 36  Link to sept   Տարցի́ զքեզ տ(է)ր եւ զիշխանսն զոր կացուսցես ՛ի վ(ե)ր(այ) քո՝ յազգ որ ո́չ գիտիցես դու՝ եւ ո́չ հարք քո. եւ պաշտեսցե́ս անդ զաստուածս օտարս, զփայտեղէնս եւ զքարեղէնս.

Verse: 37  Link to sept   եւ եղիցես յառա́կ եւ ՛ի ցոյց եւ ՛ի զրոյց ՛ի մէջ ա(մենայ)ն ազգաց՝ յոր տանիցի զքեզ տ(է)ր անդր։

Verse: 38  Link to sept   Սերմն բազո́ւմ հանցես յանդի, եւ սակա́ւ ժողովեսցես. զի կերիցէ զայն մարախ։

Verse: 39  Link to sept   Այգի́ս տնկեսցես եւ գործեսցես, եւ գինի ո́չ արբցես,եւ մի́ ուրախ լիցիս ՛ի նմանէ. զի կերիցէ զայն՝ ո́րդն։

Verse: 40  Link to sept   Եւ եղիցին ձիթենիք յա(մենայ)ն սահմանս քո, եւ իւղով ո́չ օծցիս, զի թափեսցի́ն ձիթենիքն քո։

Verse: 41  Link to sept   Ուստերս, եւ դստերս ծնցիս, եւ ո́չ լինիցին քո. քանզի երթիցեն ՛ի գերու(թ)ե(ան)։

Verse: 42  Link to sept   Զա(մենայ)ն ծառատունկ քո եւ զարդի́ւնս երկրի քոյ հարցէ́ թրթուր։

Verse: 43  Link to sept   Եկն որ ՛ի քեզ իցէ, ելցէ քան զքեզ վե́ր ՛ի վեր, եւ դու իջցես վա́յր ՛ի վայր։

Verse: 44  Link to sept   նա տացէ́ քեզ փոխ, եւ դու ո́չ տացես նմա փոխ։ նա́ եղիցի գլո́ւխ, եւ դու եղիցես վե́րջ։

Verse: 45  Link to sept   Եւ եկեսցեն ՛ի վ(ե)ր(այ) քո անէծքս այսոքիկ, եւ հալածեսցեն զքեզ. եւ հասցեն քեզ մինչեւ սատակեսցեն զքեզ, եւ մինչեւ կորուսցեն զքեզ։ զի ո́չ լուար ձայնի տ(եառ)ն ա(ստուծո)յ քոյ, պահե́լ զպատուիրանս ն(ո)ր(ա) եւ զիրաւունս ն(ո)ր(ա) զոր պատուիրեա́ց քեզ։

Verse: 46  Link to sept   Եւ եղիցին ՛ի քեզ նշա́նք եւ արուեստք, եւ ՛ի զաւակի քում մինչեւ ցյաւիտեան.

Verse: 47  Link to sept   փոխանակ զի ո́չ պաշտեցեր զտ(է)ր ա(ստուա)ծ քո ուրախու(թեամ)բ եւ ճշմարիտ սրտիւ։ վ(ա)ս(ն) բազմու(թ)ե(ան)դ ամենեցուն

Verse: 48  Link to sept   պաշտեսցե́ս զթշնամիս քո՝ զորս առաքեսցէ ՛ի վ(ե)ր(այ) քո տ(է)ր, ՛ի սով եւ ՛ի ծարաւ եւ ՛ի մերկու(թ)ի(ւն)՝ եւ ՛ի նուազութե(ան) ա(մենայ)նի։ եւ դիցէ անո́ւր երկաթի ՛ի պարանոցի քում մինչեւ սատակեսցէ́ զքեզ։

Verse: 49  Link to sept   Ածցէ ՛ի վ(ե)ր(այ) քո ազգ ՛ի հեռաստանէ ՛ի ծագաց երկրի իբրեւզխոյանա́լ արծուոյ. ա́զգ՝ զորոյ ո́չ լսիցես զձայն ն(ո)ր(ա).

Verse: 50  Link to sept   ազգ՝ ժպի́րհ երեսօք. որ ո́չ աչարիցէ երեսաց ծերոց, եւ ո́չ ողորմեսցի տղայոյ.

Verse: 51  Link to sept   եւ կերիցէ́ զծնունդս խաշանց քոց, եւ զարդի́ւնս երկրի քոյ. եւ ո́չ թողուցու քեզ ցորեա́ն, դինի́, ե́ւղ, զանգեա́յս արջառոց քոց, եւ զհօ́տս ոչխարաց քոց մինչեւ կորուսցէ զքեզ։

Verse: 52  Link to sept   Եւ նեղեսցէ զքեզ յա(մենայ)ն քաղաքս քո, մինչեւ կործանեսցին պարիսպք քո բարձրացեալք եւ ամուրք՝ յորս դուն յուսացեալ իցես յա(մենայ)ն երկրին քում։ եւ նեղեսցէ́ զքեզ յա(մենայ)ն քաղաքս քո՝ զորս ետ քեզ տ(է)ր ա(ստուա)ծ քո։

Verse: 53  Link to sept   Եւ կերիցե́ս զծնունդս որովայնի քոյ. զմիս ուստերաց քոց եւ զդստերաց քոց՝ զոր ե́տ քեզ տ(է)ր, յանձկութե(ան) քում եւ ՛ի նեղու(թ)ե(ան) քում, որով նեղեսցէ́ զքեզ թշնամին քո։

Verse: 54  Link to sept   Գիրգն որ ՛ի քեզ եւ փափուկն յոյժ, չարակնեսցէ́ յեղբայր իւր եւ ՛ի կին ծոցոյ իւրոյ, եւ ՛ի մնացեալ որդիսն՝ որ մնայցեն նմա,

Verse: 55  Link to sept   տա́լ միում ՛ի նոցանէ ՛ի մարմնոյ որդւոց իւրոց յորոց ուտիցէ. վ(ա)ս(ն) չմնացելոյն նմա ինչ. յանձկութե(ա)ն քում եւ ՛ի նեղութե(ան), որով նեղիցեն զքեզ թշնամիքն քո յա(մենայ)ն քաղաքս քո։

Verse: 56  Link to sept   Եւ գիրգն որ ՛ի քեզ եւ փափուկն յոյժ որոյ ո́չ իցէ ոտին իւրոյ առեալ զփո́րձ գնալոյ ՛ի վ(ե)ր(այ) երկրի վ(ա)ս(ն) փափկու(թ)ե(ան) իւրոյ եւ գրգութե(ան), չարակնեսցէ յա́յր ծոցոյ իւրոյ։ եւ զուստրն իւր, եւ զդուստր.

Verse: 57  Link to sept   եւ զա́ղտն ելեալ ՛ի միջոյ իւրմէ, եւ զծնունդն զոր ծնանիցի՝ խորովեսցէ ՛ի նոցանէ՝ եւ կերիցէ. եւ վ(ա)ս(ն) նուազութե(ա)ն յա(մենայ)նէ թաքուսցէ յանձկու(թ)ե(ա)ն եւ ՛ի նեղութե(ա)ն. որով նեղիցէ զքեզ թշնամին յա(մենայ)ն քաղաքս քո։

Verse: 58  Link to sept   Եւ եթէ ո́չ լուիցէք առնել զա(մենայ)ն բանս օրինացս այսոցիկ, զգրեալս ՛ի գիրս յայսմիկ, երկնչե́լ ՛ի պատուական եւ ՛ի սքանչելի́ անուանէ տ(եառ)ն ա(ստուծո)յ քոյ.

Verse: 59  Link to sept   նորանշա́ն արասցէ տ(է)ր զհարուածս քո, եւ զհարուածս զաւակի քոյ, զհարուածս մեծամեծս եւ զարմանալիս, եւ զցաւս չարաչարս եւ զկարեւորս։

Verse: 60  Link to sept   Եւ ածցէ́ ՛ի վ(ե)ր(այ) քո զա(մենայ)ն ախտս չարաչարս զեգիպտացւոցն՝ յորմէ սոսկայի́րն յերեսաց ն(ո)ց(ա), եւ մխեսցի́ն ՛ի քեզ։

Verse: 61  Link to sept   Եւ զա(մենայ)ն հիւանդութի(ւն)ս. եւ զա(մենայ)ն հարուածս գրեալս ՛ի գիրս օրինացս այսոցիկ, ածցէ́ տ(է)ր ՛ի վերայ քո՝ մինչեւ սատակեսցէ զքեզ։

Verse: 62  Link to sept   եւ մնասջիք թուով սակա́ւք. փոխանակ զի էիք դուք իբրեւ զաստեղս երկնից բազմու(թեամ)բ. եւ ո́չ լուարուք ձայնի տ(եառ)ն ա(ստուծո)յ ձեր։

Verse: 63  Link to sept   Եւ եղիցի ո(ր)պ(էս) ուրախ եղեւ ՛ի ձեզ տ(է)ր բարի́ առնել ձեզ, եւ բազմացուցանել զձեզ, նո́յնպէս ուրախ լինիցի տ(է)ր ՛ի ձեզ՝ սատակել զձեզ. եւ բարձջի́ք յերկրէն յոր մտանելոց էք ժառանգել զնա։

Verse: 64  Link to sept   Եւ ցրուեսցէ́ զքեզ տ(է)ր ա(ստուա)ծ քո ընդ ա(մենայ)ն ազգս, ՛ի ծագա́ց երկրի մինչեւ ՛ի ծագս երկրի. եւ ծառայեսցե́ս անդ աստուածոց օտարաց, փայտից եւ քարանց՝ զորս ո́չ գիտէիր դու եւ հարք քո։

Verse: 65  Link to sept   Այլեւ յազգսն յայնոսիկ ո́չ հանգուսցէ զքեզ, եւ ո́չ լինիցի կա́յ թաթից ոտից քոց. եւ տացէ քեզ անդ սի́րտ տրտմեալ, եւ աչս սորեալս, եւ անձն հարեալ։

Verse: 66  Link to sept   Եւ եղիցին Կեանք քո կախեա́լ առաջի աչաց քոց, եւ զարհուրեսցի́ս զցայգ եւ զցերեկ. եւ ո́չ հաւատասցեն կենացն քոց։

Verse: 67  Link to sept   Ընդ առաւօտս ասիցես՝ թէ ե՞րբ լինիցի երեկոյ. եւ ը(նդ) երեկոյս ասիցես՝ թէ ե՞րբ լինիցի առաւօտ, ՛ի զարհուրանա́ց սրտի քոյ զոր երկնչիցիս, եւ ՛ի տեսլեանց աչաց քոց զոր տեսանիցես։

Verse: 68  Link to sept   Եւ դարձուսցէ զքեզ տ(է)ր անդրէն յեգիպտոս նաւօք հազարաւոր զօրօք. եւ ընդ ճանապարհ ը(նդ) նոյն՝ ո́չ յաւելուցուք տեսանել զնա. եւ վաճառեսջի́ք անդ թշնամեաց ձերոց ՛ի ծառա́յս եւ յաղախնայս. եւ ո́չ ոք իցէ որ գնիցէ։



Chapter: 29 
ԳԼ(ՈՒԽ) Ի՜Թ.


Verse: 1  Link to sept   Ա́յս բա́նք են ուխտին զոր պատուիրեաց տ(է)ր մովսիսի. հաստատել որդւոցն ի(սրաէ)լի յերկրին մովաբու. թո́ղ զայն ուխտ՝ զոր ուխտեաց ն(ո)ց(ա) ՛ի քորէբ։

Verse: 2  Link to sept   Եւ կոչեաց մովսէս զա(մենայ)ն որդիսն ի(սրաէ)լի՝ եւ ասէ́ ցնոսա։ Դուք ձեզէ́ն տեսէք զա(մենայ)ն ինչ զոր արա́ր տ(է)ր յեգիպտոս առաջի ձեր, ը(նդ) փարաւոն եւ ը(նդ) ծառայս ն(ո)ր(ա), եւ ը(նդ) ա(մենայ)ն երկիր ն(ո)ր(ա)։

Verse: 3  Link to sept   Զփորձանսն մեծամեծս՝ զոր տեսին աչք ձեր. զնշանսն եւ զարուեստս մեծամեծս զայնոսիկ, զձեռն հզօր, եւ զբազուկ բարձր։

Verse: 4  Link to sept   Եւ ո́չ ետ ձեր տ(է)ր ա(ստուա)ծ ձեր սի́րտ գիտելոյ, եւ աչս տեսանելոյ. եւ ականջս լսելոյ մինչեւ ցայսօր։

Verse: 5  Link to sept   եւ ած զձեզ զքառասո́ւն ամ ը(նդ) անապատն։ Ո́չ հնացան ձորձք ձեր, եւ ո́չ մաշեցան կօշիկք յոտից ձերոց։

Verse: 6  Link to sept   Հաց ո́չ կերայք, եւ գինի եւ ցքի ո́չ արբէք. զի ծանիջիք թէ ե́ս եմ տ(է)ր ա(ստուա)ծ ձեր.

Verse: 7  Link to sept   եւ եկիք մինչեւ ՛ի տեղիս յայս։ Եւ ել սեհոն թագաւոր եսեբոնայ, եւ ովդ թագաւոր բասանու ընդդէ́մ մեր պատերազմաւ. եւ հարա́ք զն(ո)ս(ա),

Verse: 8  Link to sept   եւ առա́ք զերկիր ն(ո)ց(ա). եւ ետու զնա ՛ի ժառանգութի(ւն) ռուբինի եւ գադայ եւ կիսոյ ցեղին մանասէի։

Verse: 9  Link to sept   Եւ զգուշասջի́ք առնել զա(մենայ)ն բանս ուխտիս այսորիկ. զի իմանայցէ́ք զա(մենայ)ն զոր առնիցէք։

Verse: 10  Link to sept   Դուք կա́յք աւադիկ այսօր ամենեքեան առաջի տ(եառ)ն ա(ստուծո)յ ձերոյ. ցեղապե́տք ձեր, եւ ծերակոյտ ձեր, եւ դատաւո́րք ձեր, եւ ատենադպիրք ձեր, եւ ա(մենայ)ն այր ի(սրաէ)լի,

Verse: 11  Link to sept   եւ կանայք ձեր, եւ որդիք ձեր, եւ եկն որ ՛ի միջի ձերում բնակէ. եւ ՛ի փայտակոտորէ́ ձերմէ մինչեւ ցջրբե́ր ձեր։

Verse: 12  Link to sept   Յանցանել ձեր զուխտիւ տ(եառ)ն ա(ստուծո)յ ձերոյ, եւ զնզովիւք ն(ո)ր(ա) զոր տ(է)ր ա(ստուա)ծ քո ուխտէ́ քեզ այսօր։

Verse: 13  Link to sept   զի կացուսցէ զքեզ իւր ժողովուրդ, եւ նա եղիցի քեզ ա(ստուա)ծ՝ ո(ր)պ(էս) եւ ասաց. եւ զոր օրինակ երդուաւ հարցն քոց՝ աբրահամու եւ սահակայ եւ յակոբու։

Verse: 14  Link to sept   Եւ ո́չ ձեզ միայն ուխտեմ ես զուխտս զայս, եւ զնզովս զայսոսիկ,

Verse: 15  Link to sept   այլ եւ որոց ա́ստ ը(նդ) մեզ իցեն այսօր առաջի տ(եառ)ն ա(ստուծո)յ մերոյ, եւ որոց չիցեն ընդ մեզ այսօր։

Verse: 16  Link to sept   Զի դուք ինքնին գիտէք՝ ո(ր)պ(էս) բնակեցայք յերկրին եգիպտացւոց, եւ ո՞րպէս անցաք ը(նդ) մէջ ազգացն. ը(նդ) որս անցէք դուք.

Verse: 17  Link to sept   եւ տեսէք զգարշելի́ս նոցա եւ զկո́ւռս իւրեանց, զփա́յտն եւ զքար, զարծա́թն եւ զոսկի. որ է́ առ նոսա։

Verse: 18  Link to sept   Մի́ ոք իցէ ՛ի ձէնջ ա́յր կամ կին, կամ ա́զգ, կամ ցեղ՝ որոյ միտք իւր խոտորեա́լ իցեն ՛ի տ(եառն)է ա(ստուծո)յ իւրմէ, երթա́լ պաշտել զդիս ազգացն այնոցիկ։
   Մի́ ոք իցէ ՛ի ձէնջ արմա́տ ՛ի վեր բուսեալ դառնութե(ան) եւ դաժանութե(ան).

Verse: 19  Link to sept   եւ եղիցի եթէ լուիցէ զպատգամս նզովիցս այսոցիկ, եւ խոկասցի ՛ի սրտի իւրում՝ եւ ասիցէ, քաւութի(ւն)ք եղիցին ինձ. զի եթէ ես ըստ մոլորու(թ)ե(ան) սրտի իմոյ գնայցեմ. զի մի́ կորուսանիցէ մեղաւորն զանմեղն։

Verse: 20  Link to sept   Եւ ո́չ հաճեսցի ա(ստուա)ծ ներել նմա այլ յայնժամ բորբոքեսցի́ բարկութի(ւն) ն(ո)ր(ա), եւ նախանձ ն(ո)ր(ա) ՛ի մարդն յայն. եւ հասցե́ն նմա ա(մենայ)ն նզովք ուխտիս այսորիկ, գրեա́լք ՛ի գրի օրինացս այսոցիկ. եւ ջնջեսցէ́ տ(է)ր զանուն ն(ո)ր(ա) ՛ի ներքոյ երկնից.

Verse: 21  Link to sept   եւ զատուսցէ́ զնա տ(է)ր ՛ի չարիս յա(մենայ)ն որդւոցն ի(սրաէ)լի. ըստ ա(մենայ)ն նզովի́ց ուխտիս գրելոյ ՛ի գիրս օրինացս այսոցիկ։

Verse: 22  Link to sept   Եւ ասիցեն ազգքն միւս՝ եւ որդիքն ձեր որ յարիցեն յե́տ ձեր, եւ օտարոտին որ գայցէ յերկրէ հեռաստանէ՝ տեսանիցեն զհարուածս երկրին այնորիկ. եւ զախտս ն(ո)ց(ա) զոր առաքեաց տ(է)ր ՛ի վ(ե)ր(այ) ն(ո)ց(ա).

Verse: 23  Link to sept   զծըծումբն եւ զա́ղն այրեցեալ, յա(մենայ)ն ՛ի հող ն(ո)ր(ա) մի́ սերմանեսցի եւ մի́ բուսցի, եւ մի́ ելցէ ՛ի վ(ե)ր(այ) ն(ո)ր(ա) ա(մենայ)ն դեղ դալար։ Ո(ր)պ(էս) կործանեցան սոդոմ եւ գոմոր, ադամա́ եւ սեբոյիմ, զորս կործանեաց տ(է)ր սրամտութ(եամ)բ եւ բարկութ(եամ)բ։

Verse: 24  Link to sept   Եւ ասասցեն ա(մենայ)ն ազգքն. ընդէ՞ր արար տ(է)ր այնպէս երկրին այնմիկ, զի՞նչ իցէ սրտմտու(թ)ի(ւն) մեծ բարկութե(ա)ն այնորիկ։

Verse: 25  Link to sept   Պատասխանի́ տացեն եւ ասասցեն. զի թողին զուխտն ա(ստուծո)յ հա́րց իւրեանց, զոր ուխտեաց հարցն ն(ո)ց(ա), յորժամ եհա́ն զն(ո)ս(ա) յերկրէն եգիպտացւոց.

Verse: 26  Link to sept   եւ գնացեալ պաշտեցին զաստուածս օտարս, եւ երկի́ր պագին ն(ո)ց(ա) զոր ո́չն ճանաչէին, եւ ո́չ բաժանեաց ն(ո)ց(ա)·

Verse: 27  Link to sept   եւ բարկացաւ տ(է)ր սրտմտու(թեամ)բ ՛ի վ(ե)ր(այ) երկրին այնորիկ, ածե́լ ՛ի վ(ե)ր(այ) ն(ո)ր(ա) ը(ս)տ ա(մենայ)ն նզովից ուխտիս գրելոյ ՛ի մատենի օրինացս այսոցիկ։

Verse: 28  Link to sept   Եւ եբա́րձ զն(ո)ս(ա) տ(է)ր յերկրէ իւրեանց, բարկութ(եամ)բ եւ սրտմտութ(եամ)բ եւ զայրացմամբ մեծա́ւ յոյժ. եւ մերժեաց զն(ո)ս(ա) յերկիր օտար մինչեւ ցայժմ։

Verse: 29  Link to sept   Ծածուկքն տ(եառ)ն ա(ստուծո)յ մերում, եւ յայտնիքն մե́զ եւ որդւոց մերոց յաւիտեան՝ առնել զա(մենայ)ն պատգամս օրինացս այսոցիկ։



Chapter: 30 
ԳԼ(ՈՒԽ) Լ՜.


Verse: 1  Link to sept   Եւ եղիցի եթէ հասանիցէ́ ՛ի վ(ե)ր(այ) քո ա(մենայ)ն պատգամքս այսոքիկ, կամ օրհնու(թ)ի(ւն)ք կամ անէծք զորս ետու առաջի երեսաց քոց, եւ կալցիս ՛ի սրտի քո ընդ ա(մենայ)ն ազգսն ուր ցրուեսցէ զքեզ տ(է)ր անդ։

Verse: 2  Link to sept   Եւ դարձցիս առ տ(է)ր ա(ստուա)ծ քո. եւ լուիցե́ս ձայնի ն(ո)ր(ա) ըստ ա(մենայ)նի զոր ես պատուիրեմ քեզ այսօր, յա(մենայ)ն սրտէ քումմէ եւ յա(մենայ)ն անձնէ քումմէ։

Verse: 3  Link to sept   եւ բժշկեսցէ́ տ(է)ր զմեղսն քո, եւ ողորմեսցի́ քեզ։ Եւ դարձեալ ժողովեսցէ́ զքեզ յա(մենայ)ն ազգաց՝ ուր ցրուեսցէ զքեզ տ(է)ր անդր։

Verse: 4  Link to sept   եթէ իցէ ցրումն քո ՛ի ծագա́ց երկրի մինչեւ ՛ի ծա́գս երկրի, եւ անտի́ ժողովեսցէ զքեզ տ(է)ր ա(ստուա)ծ քո.

Verse: 5  Link to sept   եւ անտի́ առցէ զքեզ տ(է)ր ա(ստուա)ծ քո, եւ ածցէ́ զքեզ տ(է)ր ա(ստուա)ծ քո յերկիրն զոր ժառանգեցին հարք քո. եւ ժառանգեսցե́ս զնա՝ եւ բարի́ եղիցի քեզ, եւ բազմապատի́կ արասցէ զքեզ քան զհարս քո։

Verse: 6  Link to sept   Եւ պարուրեսցէ́ տ(է)ր զսիրտ քո եւ զսիրտ զաւակի քոյ. սիրել զտ(է)ր ա(ստուա)ծ քո յա(մենայ)ն սրտէ քումմէ եւ յա(մենայ)ն անձնէ քումմէ. զի կեցցես դո́ւ եւ զաւակ քո։

Verse: 7  Link to sept   Եւ տացէ տ(է)ր ա(ստուա)ծ քո զնզովս զայս ՛ի թշնամի́ս քո, եւ յատելի́ս քո որք հալածեցինն զքեզ։

Verse: 8  Link to sept   եւ դու դարձցի́ս եւ լուիցե́ս ձայնի տ(եառ)ն ա(ստուծո)յ քոյ. եւ արասցես զպատուիրանս ն(ո)ր(ա) զոր ե́ս պատուիրեմ քեզ այսօր։

Verse: 9  Link to sept   Եւ աճեցուսցէ́ զքեզ տ(է)ր ա(ստուա)ծ քո յա(մենայ)ն գործս ձեռաց քոց, ծննդո́վք որովայնի քոյ, եւ արդեամբք երկրի քոյ, եւ ծննդովք անասնոց քոց։ Զի դարձցի́ ՛ի քեզ տ(է)ր ա(ստուա)ծ քո ուրա́խ լինել քեւ ՛ի բարուիս՝ որպէս ուրա́խ եղեւ հարբքն քովք։

Verse: 10  Link to sept   Եթէ լուիցես ձայնի տ(եառ)ն ա(ստուծո)յ քոյ, պահե́լ եւ առնել զա(մենայ)ն պատուիրանս ն(ո)ր(ա) եւ զիրաւունս ն(ո)ր(ա), եւ զդատաստանս ն(ո)ր(ա), զգրեալս ՛ի գրի օրինացս այսոցիկ. եթէ դարձցիս առ տ(է)ր ա(ստուա)ծ քո յա(մենայ)ն սրտէ քումմէ՝ եւ յա(մենայ)ն անձնէ քումմէ։

Verse: 11  Link to sept   Զի պատուիրանքս այս՝ զոր ես պատուիրեմ քեզ այսօր, ո́չ ծանրաբե́ռն ինչ է, եւ ո́չ հեռի́ ՛ի քէն։

Verse: 12  Link to sept   Ո́չ յերկինս՝ թէ ասիցես. ո́վ ելանիցէ մեզ յերկինս եւ առնուցու զնա՝ եւ լուիցուք եւ արասցուք։

Verse: 13  Link to sept   Եւ ո́չ յա́յնկոյս ծովու է, թէ ասիցես ո՞վ անցանիցէ յայնկոյս ծովու՝ եւ առնուցու առ մեզ զնա, եւ լսելի արասցէ մեզ՝ եւ արասցուք։

Verse: 14  Link to sept   Մե́րձ է բանն առ քեզ յոյժ, ՛ի բերա́ն քո եւ ՛ի սրտի́ քում, եւ ՛ի ձեռս քո́ է առնել զնա։

Verse: 15  Link to sept   ահաւասիկ ետու այսօր առաջի երեսաց քոց զկեա́նս եւ զմահ, զբարի́ եւ զչար։

Verse: 16  Link to sept   Եւ եթէ լուիցես պատուիրանաց տ(եառ)ն ա(ստուծո)յ մերոյ՝ զոր ես պատուիրեմ քեզ այսօր, սիրե́լ զտ(է)ր ա(ստուա)ծ քո. գնա́լ ՛ի ճանպարհս ն(ո)ր(ա), պահե́լ զիրաւունս եւ զպատուիրանս ն(ո)ր(ա), եւ զդատաստանս ն(ո)ր(ա), կեցցէ́ք եւ բազո́ւմք լինիցիք. եւ օրհնեսցէ́ զքեզ տ(է)ր ա(ստուա)ծ քո յա(մենայ)ն երկրին յոր մտանելո́ց ես ժառանգել զնա։

Verse: 17  Link to sept   Եւ եթէ փոխեսցի սի́րտ քո, եւ ո́չ լուիցես, եւ մոլորեալ երկի́ր պագանիցես աստուածոց օտարաց, եւ պաշտեսցես զնոսա.

Verse: 18  Link to sept   պատմե́մ քեզ այսօր, զի կորստեա́մբ կորնչիցիք. եւ ո́չ լինիցիք բազմօրեայք ՛ի վ(ե)ր(այ) երկրին՝ յոր դո́ւք անցանէք ընդ յորդանան ժառանգել զնա։

Verse: 19  Link to sept   Ունիմ ձեզ վկայ ա́յսօր զերկինս եւ զերկիր. զկեա́նս եւ զմահ ետու առաջի երեսաց ձերոց, զօրհնու(թ)ի(ւն)ս եւ զանէծս. եւ ընտրեա́ զկեա́նս, զի կեցցե́ս դու եւ զաւակ քո.

Verse: 20  Link to sept   սիրե́լ զտ(է)ր ա(ստուա)ծ քո, եւ լսե́լ ձայնի ն(ո)ր(ա), եւ ունե́լ զնմանէ. զի ա́յն են կեանք քո, եւ երկայնութի(ւն) աւուրց քոց. բնակե́լ յերկրին զոր երդուա́ւ տ(է)ր հարցն քոց. աբրահամու եւ սահակայ եւ յակոբայ՝ տա́լ նոցա։



Chapter: 31 
ԳԼ(ՈՒԽ) Լ՜Ա.


Verse: 1  Link to sept   Եւ կատարեա́ց մովսէս խօսե́լ զա(մենայ)ն զբանս զայսոսիկ առ ա(մենայ)ն որդիսն ի(սրաէ)լի։

Verse: 2  Link to sept   Եւ ասէ ցն(ո)ս(ա). հարիւր եւ քսա́ն ամաց եմ ես այսօր, եւ ո́չ եւս կարեմ ելանել եւ մտանել. քանզի տ(է)ր ասաց ցիս, թէ ո́չ անցանիցես ը(նդ) այդ յորդանան։

Verse: 3  Link to sept   Տ(է)ր ա(ստուա)ծ քո երթայ առաջի երեսաց քոց. նա́ սատակեսցէ զազգսն զայնոսիկ յերեսաց քոց, եւ ժառանգեսցե́ս զն(ո)ս(ա). եւ յեսո́ւ երթայ առաջի երեսաց քոց՝ ո(ր)պ(էս) խօսեցաւ տ(է)ր։

Verse: 4  Link to sept   Եւ արասցէ տ(է)ր ը(նդ) ն(ո)ս(ա) ո(ր)պ(էս) արար ը(նդ) սեհոն եւ ը(նդ) ովգ, ը(նդ) երկոսին թագաւորսն ամովրհացւոց որ էին յայնկոյս յորդանանու, եւ ը(նդ) երկիր ն(ո)ց(ա).

Verse: 5  Link to sept   ո(ր)պ(էս) սատակեցաք զն(ո)ս(ա)։ Եւ մատնեսցէ́ զն(ո)ս(ա) տ(է)ր առաջի ձեր. եւ արասջիք ը(նդ) ն(ո)ս(ա) ո(ր)պ(էս) պատուիրեցի́ ձեզ։

Verse: 6  Link to sept   Քա́ջ լեր եւ զօրացի́ր, մի́ երկնչիր եւ մի́ զանգիտեր, եւ մի́ զարհուրեսցիս յերեսաց ն(ո)ց(ա). զի տ(է)ր ա(ստուա)ծ քո ինքնի́ն է որ երթայցէ յառաջագոյն ընդ ձեզ ՛ի միջի ձերում. ո́չ թողցէ զքեզ՝ եւ ո́չ ը(նդ) վայր հարկանիցէ։

Verse: 7  Link to sept   Եւ կոչեա́ց մովսէս զյեսու՝ եւ ասէ ցնա առաջի ա(մենայ)ն ի(սրաէ)լի. քա́ջ լեր եւ զօրացի́ր. քանզի դո́ւ մտանելոց ես առաջի երեսաց ժողովրդեանդ այդորիկ, յերկիրն զոր երդուաւ տ(է)ր հարցն ձերոց տալ ն(ո)ց(ա). եւ դո́ւ ժառանգեցուսցես զն(ո)ս(ա)։

Verse: 8  Link to sept   եւ տ(է)ր որ երթալո́ց է ընդ քեզ, ո́չ թողցէ զքեզ, եւ ո́չ ընդ վայր հարցէ. մի́ երկնչիր եւ մի́ զանգիտեր։

Verse: 9  Link to sept   Եւ գրեա́ց մովսէս զա(մենայ)ն բանս օրինացս այսոցիկ ՛ի մատենի. եւ ետ զայն ցքահանայսն ցորդիսն ղեւեայ, որ բառնայի́ն զտապանակ ուխտին տ(եառ)ն, եւ ցծերս որդւոցն իսրայէլի։

Verse: 10  Link to sept   Եւ պատուիրեաց նոցա մովսէս յաւուր յայնմիկ եւ ասէ։ յետ եւթն ամի ժամանակի տարւոյն թողու(թ)ե(ան) ՛ի տօնի տաղաւարահարացն,

Verse: 11  Link to sept   ՛ի գումարել ա(մենայ)ն ի(սրաէ)լի յանդիման լինելոյ առաջի տ(եառ)ն ա(ստուծո)յ քոյ, ՛ի տեղւոջն զոր ընտրեսցէ տ(է)ր՝ ընթերնուցուք զօրէնս զայս առաջի ի(սրաէ)լի յականջս ն(ո)ց(ա),

Verse: 12  Link to sept   եկեղեցացուցեալ զժողովուրդն, զա́րս եւ զկանայս եւ զմանկունս, եւ զեկն որ ՛ի քաղաքս ձեր. զի լուիցեն, եւ ուսանիցին երկնչել ՛ի տ(եառն)է ա(ստուծո)յ մերմէ. եւ ուսցին առնե́լ պատգամս օրինացս այսոցիկ։

Verse: 13  Link to sept   Եւ որդիք նոցա որ ոչ գիտիցեն, լուիցե́ն եւ ուսցին երկնչե́լ ՛ի տ(եառն)է ա(ստուծո)յ մերմէ զա(մենայ)ն աւուրս որչափ եւ կեցցեն նոքա ՛ի վերայ երկրին՝ յոր դուք անցանելոց էք ընդ յորդանան ժառանգել զնա։

Verse: 14  Link to sept   Եւ ասէ տ(է)ր ցմովսէս. ահա մերձեցա́ն աւուրք մահուան քոյ. կոչեա́ զյեսու՝ եւ կացէ́ք առաջի դրան խորանին վկայութե(ան), եւ հրաման տաց նմա։ Եւ գնացին մովսէս եւ յեսու ՛ի խորանն վկայու(թ)ե(ան), եւ կացին ՛ի դրան խորանին վկայութե(ան)։

Verse: 15  Link to sept   եւ էջ տ(է)ր սեամբ ամպոյ, եւ եկաց առ դրան խորանին վկայութե(ան). եւ եկաց սիւն ամպոյն առ դրան խորանին։

Verse: 16  Link to sept   Եւ ասէ տ(է)ր ցմովսէս. ահաւասիկ դու ննջեսցես ընդ հարս քո. եւ յարուցեալ ժողովուրդդ այդ պոռնկեսցի́ զհետ աստուածոց օտարաց երկրին յոր մտանիցէ դա́ ՛ի նոսա, եւ թողուցուն զիս. եւ ցրիցե́ն զուխտն իմ զոր ուխտեցի ընդ դոսա։

Verse: 17  Link to sept   Եւ բարկացա́յց դոցա սրտմտութ(եամ)բ յաւուր յայնմիկ, եւ լքի́ց զդոսա, եւ դարձուցի́ց զերեսս իմ ՛ի դոցանէ, եւ եղիցին կերակո́ւր թշնամեաց, եւ գտցեն զդոսա չարի́ք բազումք եւ նեղութի(ւն)ք. եւ ասասցեն յաւուր յայնմիկ. քանզի չէ́ տ(է)ր ա(ստուա)ծ մեր ընդ մեզ, գտին զմեզ չարիքս այսոքիկ։

Verse: 18  Link to sept   Եւ ես դարձուցանե́լով դարձուցից զերեսս իմ ՛ի նոցանէ յաւուր յայնմիկ. վասն ա(մենայ)ն չարեացն զոր արարին. զի դարձան յաստուածս օտարոտիս։

Verse: 19  Link to sept   Եւ արդ գրեցէ́ք զբանս օրհնութե(ան)ս այսորիկ. եւ ուսուսջի́ք զդա որդւոցն ի(սրաէ)լի, եւ արկջի́ք զդա ՛ի բերան ն(ո)ց(ա)։ զի եղիցի ինձ օրհնութի(ւն)դ այդ ՛ի վկայու(թ)ի(ւն) ՛ի մէջ որդւոցդ ի(սրաէ)լի.

Verse: 20  Link to sept   քանզի տարա́յց զդոսա յերկիրն բարի զոր երդուայ հա́րց ն(ո)ց(ա), երկիր որ բղխէ զկաթն եւ զմեղր, եւ կերիցեն եւ լցեալ յագեսցի́ն. եւ դառանյցեն յաստուածս օտարոտիս, եւ պաշտիցե́ն զնոսա, եւ զայրացուցանիցեն զիս. եւ ցրիցեն զուխտն իմ զոր ուխտիցի ն(ո)ց(ա).

Verse: 21  Link to sept   եւ ընդդէ́մ կացցէ ն(ո)ց(ա) օրհնու(թ)ի(ւն)դ այդ՝ յանդիմա́ն լինել վկայ։ եւ մի́ մոռասցի ՛ի բերանոց ն(ո)ց(ա), եւ ՛ի բերանոյ զաւակի ն(ո)ց(ա). քանզի գիտեմ զչարու(թ)ի(ւն) ն(ո)ց(ա) զոր արարին աստ այսօր, յառաջ քան զտանելն իմ զն(ո)ս(ա) յերկրին բարութե(ան) զոր երդուայ հարցն նոցա։

Verse: 22  Link to sept   Եւ գրեա́ց մովսէս զօրհնութի(ւն)ս զայս յաւուր յայնմիկ, եւ ուսոյց զսա որդւոցն ի(սրաէ)լի։

Verse: 23  Link to sept   Եւ պատուիրեաց մովսէս յեսուայ որդւոյ նաւեայ՝ եւ ասէ. քա́ջ լեր՝ եւ զօրացի́ր. զի դո́ւ տանելոց ես զորդիսն ի(սրաէ)լի յերկիրն զոր խոստացաւ տա́լ ն(ո)ց(ա) տ(է)ր, եւ նա եղիցի ընդ քեզ։

Verse: 24  Link to sept   Եւ իբրեւ կատարեա́ց մովսէս գրել զա(մենայ)ն զբանս օրինացս այսոցիկ ՛ի մատենի մինչեւ իսպառ։

Verse: 25  Link to sept   եւ պատուիրեաց ղեւտացւոցն որ կրէին զտապանակ ուխտին տ(եառ)ն. ասէ։

Verse: 26  Link to sept   Առեալ զմատեա́ն օրինացդ այդոցիկ՝ դնիցէ́ք ՛ի կողմանէ տապանակի ուխտին տ(եառ)ն ա(ստուծո)յ մերոյ. եւ եղիցի́ անդ ը(նդ) քեզ ՛ի վկայու(թ)ի(ւն)։

Verse: 27  Link to sept   Զի ես գիտեմ զհեստութի(ւն) քո եւ զխի́ստ պարանոց քո. զի մինչդեռ ես ը(նդ) ձեզ կենդանի́ եմ այսօր, դառնացուցիչք էք ա(ստուա)ծակողմանն, ո՞րպէս ոչ ապաքէն եւ յե́տ մահուան իմոյ։

Verse: 28  Link to sept   Արդ ժողովեցէ́ք առիս զցեղապե́տս եւ զծերս ձեր, եւ զդատաւորս ձեր, եւ զատենադպիրս ձեր. զի խօսեցա́յց յականջս ն(ո)ց(ա) զա(մենայ)ն զբանս զայսոսիկ. եւ կալայց ձեզ վկա́յ զերկինս եւ զերկիր։

Verse: 29  Link to sept   Քանզի գիտեմ եթէ յետ վախճանի իմոյ անօրինելո́վ անօրինիցէք, եւ խոտորիցիք ՛ի ճանապարհէն զոր պատուիրեցի ձեզ. եւ պատահիցե́ն ձեզ չարիքն ՛ի վախճանի աւուրց։ քանզի առնիցէք չա́ր առաջի տ(եառ)ն, բարկացուցանե́լ զնա գործովք ձեռաց ձերոց։

Verse: 30  Link to sept   Եւ խօսեցաւ մովսէս յականջս ա(մենայ)ն եկեղեցւոյն ի(սրաէ)լի զբանս օրհնութե(ան)ս այսորիկ մինչեւ ՛ի սպառ։



Chapter: 32 
ԳԼ(ՈՒԽ) Լ՜Բ.


Verse: 1  Link to sept   Նայեցարո́ւք երկինք եւ խօսեցայց, եւ լուիցէ́ երկիր զպատգամս բերանոյ իմոյ։

Verse: 2  Link to sept   ակնկալեսցի́ իբրեւ զանձրեւ բարբա́ռ իմ. եւ իջցէ́ իբրեւ զցօղ պատգամք իմ։ իբրեւ զանձրեւ ՛ի վ(ե)ր(այ) սիզոյ, եւ իբրեւ զտեղատարա́փ ՛ի վ(ե)ր(այ) խոտոյ։

Verse: 3  Link to sept   զի զանո́ւն տ(եառ)ն կարդացի. տո́ւք օրհնութի(ւն) տ(եառ)ն ա(ստուծո)յ մերոյ։

Verse: 4  Link to sept   Ա(ստուա)ծ որոյ ճշմարի́տ են գործք ն(ո)ր(ա). եւ ա(մենայ)ն ճանապարհք ն(ո)ր(ա) իրաւամբք։ ա(ստուա)ծ հաւատարի́մ է, եւ ո́չ գոյ ՛ի նմա անիրաւու(թ)ի(ւն). արդա́ր եւ անարատ է տ(է)ր։

Verse: 5  Link to sept   մեղան՝ եւ ո́չ նմա որդիք արատայ, ա́զգ թիւր եւ խոտորեալ։

Verse: 6  Link to sept   Զա՞յդ տ(եառ)ն հատուցանէք այդպէս, ժողովուրդ յիմար՝ եւ ո́չ իմաստուն։ ո՞չ նա է հա́յրն որ ստացաւ զքեզ, արա́ր զքեզ՝ եւ հաստատեաց զքեզ։

Verse: 7  Link to sept   Յո́ւշ լիցին քեզ աւուրքն յաւիտենից. իմացարո́ւք զաման ազգա́ց յազգս։ հա́րց ցհարսն քո՝ եւ պատմեսցեն քեզ. եւ ցծերս քո՝ եւ ասասցեն քեզ։

Verse: 8  Link to sept   յորժամ բաժանեա́ց բարձրեալն զազգս ա(մենայ)ն. ո(ր)պ(էս) սփռեաց զորդիսն ադամայ։ Կացոյց սահմանս ազգաց ը(ս)տ թուոյ որդւոց ա(ստուծո)յ։

Verse: 9  Link to sept   Եղեւ բաժին տ(եառ)ն ժողովուրդ իւր յակոբ, եւ վիճա́կ ժառանգութե(ան) իւրոյ ի(սրա)էլ։

Verse: 10  Link to sept   Բաւական եղեւ նմա յանապատի, ՛ի ծարա́ւ տօթոյ յանջրդի պաշտպանեա́ց զնա։ եւ խրատեաց եւ պահեաց զնա իբրեւ զբի́բ ական.

Verse: 11  Link to sept   իբրեւ զարծուի ՛ի ծածկել զբո́յն իւր, եւ ՛ի ձագս իւր գթացաւ։ տարածեաց զթեւս իւր եւ ընկալա́ւ զնա. եւ բարձեալ բերէ́ր զնա ՛ի վերայ միջնողանց իւրոց։

Verse: 12  Link to sept   Տ(է)ր միայն ածէր զն(ո)ս(ա), եւ ո́չ գոյր ընդ նոսա աստուա́ծ օտար։

Verse: 13  Link to sept   եհան զն(ո)ս(ա) ՛ի զօրութի(ւն) երկրի. կերակրեա́ց զնոսա արդեամբք անդաստանաց։ գինեցոյց մե́ղր ՛ի վիմէ, եւ ե́ւղ յապառաժ վիմէ։

Verse: 14  Link to sept   Կոգի կովուց եւ կա́թն մաքեաց, հանդերձ ճարպով գառանց խոյոց որդւոց ցլո́ւց եւ նոխազաց։ ընդ ճարպոյ երիկամանց ցորենոյ, եւ զարիւն խաղողոյ ըմպէին գինի։

Verse: 15  Link to sept   Եկեր յակոբ՝ եւ յագեցաւ, յօրացա́ւ եւ յանկուշեա́ց սիրելին։ գիրացա́ւ ստուարացա́ւ եւ լայնացաւ, եւ եթող զտ(է)ր ա(ստուա)ծ զարարիչ իւր. եւ ապստամբեա́ց յա(ստուծո)յ փրկչէ իւրմէ։

Verse: 16  Link to sept   Բարկացուցին զիս օտարոտւովք, եւ գարշելեօք իւրեանց դառնացուցին զիս։

Verse: 17  Link to sept   զոհեցի́ն դիւաց եւ ո́չ ա(ստուծո)յ. դից՝ զորս ո́չ գիտէին, նո́րք եւ առժամայնք եկեալ, զորս ո́չ գիտէին հարք ձեր։

Verse: 18  Link to sept   Թողեր զա(ստուա)ծ՝ որ ծնաւ զքեզ, մոռացա́ր զա(ստուա)ծ զկերակրիչն քո։

Verse: 19  Link to sept   ետե́ս տ(է)ր եւ նախանձեցաւ, եւ սրտմտեցա́ւ վ(ա)ս(ն) բարկութե(ան) ուստերաց եւ դստերաց իւրոց.

Verse: 20  Link to sept   եւ ասաց. դարձուցից զերեսս իմ ՛ի նոցանէ, եւ ցուցի́ց ն(ո)ց(ա) զինչ լինելոց իցէ ՛ի վախճանի աւուրց։ զի ազգ թիւր են, որդիք՝ յորս ո́չ գոն հաւատք։

Verse: 21  Link to sept   Նոքա նախանձեցուցին զիս չաստուածովք, եւ բարկացուցին զիս կռո́վք իւրեանց։ եւ ես նախանձեցուցի́ց զն(ո)ս(ա) չազգա́ւ, եւ անմիտ ժողովրդեամբ բարկացուցից զնոսա։

Verse: 22  Link to sept   Զի հո́ւր բորբոքեալ է ՛ի բարկու(թեն)է իմմէ. այրեսցէ́ մինչեւ ՛ի դժոխս ներքինս։ կերիցէ́ զերկիր եւ զարմտիս ն(ո)ր(ա). բորբոքեսցէ զհիմունս լերանց։

Verse: 23  Link to sept   Կուտեցի́ց ՛ի ն(ո)ս(ա) չարիս, եւ զնե́տս իմ սպառեցի́ց ՛ի ն(ո)ս(ա)։

Verse: 24  Link to sept   մաշեալք սովով եւ կերակրո́վ թռչնոց. լա́րս առանց բժշկու(թ)ե(ան), եւ ժանի́ս գազանաց առաքեցից ՛ի ն(ո)ս(ա), սրտմտու(թեամ)բ քարշե́լ զն(ո)ս(ա) ը(նդ) երկիր։

Verse: 25  Link to sept   Արտաքուստ անզաւակեսցէ զն(ո)ս(ա) սուր, եւ ՛ի շտեմարանաց երկե́ւղ։ զերիտասարդն հանդերձ կուսի́ւն. եւ զստնգիացն հանդերձ հաստատելով ծերով։

Verse: 26  Link to sept   Ասացի բա́մ ցրեցից զն(ո)ս(ա). դադարեցուցի́ց ՛ի մարդկանէ զյիշատակս նոցա։

Verse: 27  Link to sept   թէ ո́չ վ(ա)ս(ն) բարկութե(ան) թշնամեաց, զի մի́ երկայնակեացք լինիցին. եւ զի մի́ բարձրասցին հակառակորդքն, եւ ասիցեն, թէ ձեռն մեր բարձր՝ եւ ո́չ տ(է)ր արար զայս ա(մենայ)ն։

Verse: 28  Link to sept   Զի ազգ խորհրդակորո́յս են. եւ ո́չ գոյ ՛ի ն(ո)ս(ա) իմաստու(թ)ի(ւն).

Verse: 29  Link to sept   եւ ոչ խորհեցան ՛ի միտ առնուլ զայս. արդ ընկալցին առ յապա ժամանակս։

Verse: 30  Link to sept   Զիա՞րդ հալածեսցէ մի զհազարս, եւ երկուք շարժեսցեն զբեւրս. եթէ ոչ ա(ստուա)ծ վաճառեաց զն(ո)ս(ա)։

Verse: 31  Link to sept   Զի ո́չ են իբրեւ զա(ստուա)ծ մեր աստուածք ն(ո)ց(ա). եւ թշնամիք մեր վատախորհո́ւրդք։

Verse: 32  Link to sept   զի յորթո́յ սոդոմայ է որթ ն(ո)ց(ա), եւ ուռ ն(ո)ց(ա) ՛ի գոմորայ։ Խաղող ն(ո)ց(ա) խաղող լեղի́, եւ ողկոյզ ն(ո)ց(ա) դառնու(թ)ի(ւն)։

Verse: 33  Link to sept   սրտմտու(թ)ի(ւն) վիշապաց գինի ն(ո)ց(ա). եւ սրտմտու(թ)ի(ւն) իժից առա́նց բժշկու(թ)ե(ան)։

Verse: 34  Link to sept   Ո՞չ ապաքէն այս ա(մենայ)ն ժողովեալ է առիս, եւ կնքեա́լ կայ ՛ի գանձի իմում։

Verse: 35  Link to sept   յաւուր վրէժխնդրութե(ան) հատուցից, ՛ի ժամանակի յորում սխալեցի́ ոտն ն(ո)ց(ա). զի մե́րձ է օր բարկութե(ան) ն(ո)ց(ա), եւ հասեա́լ պատրաստեալ կայ ձեզ։

Verse: 36  Link to sept   Զի դատեսցէ́ տ(է)ր զժողովուրդ իւր. եւ ՛ի ծառայս իւր մխիթարեսցի։ զի ետես զն(ո)ս(ա) լուծեալս եւ լքեալս եւ մատնեալս ՛ի գերութի(ւն)։

Verse: 37  Link to sept   Եւ ասա́ց տ(է)ր՝ ո՞ւր են աստուա́ծք ն(ո)ց(ա), յորս յուսացեալ էին ՛ի նոսա.

Verse: 38  Link to sept   զորոց զճա́րպ զոհից ն(ո)ց(ա) ուտէիք, եւ ըմպէիք զգինի նուիրաց ն(ո)ց(ա). յարիցեն օգնեսցե́ն ձեզ, եւ եղիցին ձեր թիկունք։

Verse: 39  Link to sept   Տեսէ́ք տեսէ́ք զի ե́ս եմ, եւ չի́ք այլ ոք բա́ց յինէն։ ե́ս սպանանեմ եւ ե́ս կեցուցանեմ, հարկանեմ եւ բժշկեմ. եւ ո́չ ոք իցէ որ հանիցէ ՛ի ձեռաց իմոց։

Verse: 40  Link to sept   Զի ամբարձից յերկինս զձեռս իմ, եւ երդուա́յց յաջ իմ, եւ ասացից. կենդանի́ եմ ես յաւիտեան։

Verse: 41  Link to sept   զի սրեցից իբրեւ զփայլակն զսուսեր իմ, եւ կալցի́ զդատաստանաց ձեռն իմ, եւ հատուցի́ց զվրէժս թշնամեաց իմոց. եւ ատելեաց իմոց հատուցից։

Verse: 42  Link to sept   արբեցուցի́ց զնետս իմ յարենէ, եւ սուր իմ կերիցէ́ միս յարենէ վիրաւորաց գերու(թ)ե(ան) ՛ի գլխոց իշխանաց թշնամեաց։ ուրա́խ լերուք երկինք հանդերձ նովաւ, եւ երկիրպագցեն նմա ա(մենայ)ն որդիք ա(ստուծո)յ։

Verse: 43  Link to sept   Ուրա́խ լերուք ազգք ընդ ժողովրդեան ն(ո)ր(ա), եւ զօրացուսցեն զնա ա(մենայ)ն հրեշտակք ա(ստուծո)յ։ զի խնդրի́ վրէժ արեան որդւո́ց ն(ո)ր(ա). եւ խնդրեսցէ́ վրէժ՝ եւ հատուսցէ դատաստանս թշնամեաց, եւ ատելեա́ցն հատուսցէ. եւ սրբեսցէ տ(է)ր զերկիր ժողովրդեան իւրոյ։ Եւ գրեա́ց մովսէս զօրհնու(թ)ի(ւն)ս զայս յաւուր յայնմիկ, եւ ուսո́յց զսա որդւոցն ի(սրաէ)լի։

Verse: 44  Link to sept   Եւ եմուտ մովսէս ՛ի ժողովուրդն, եւ խօսեցաւ զա(մենայ)ն բանս օրինացս այսոցիկ յականջս ժողովրդեանն, ինքն եւ յեսու որդի նաւեայ։

Verse: 45  Link to sept   Եւ կատարեաց մովսէս խօսել ը(նդ) ա(մենայ)ն ի(սրաէ)լի.

Verse: 46  Link to sept   եւ ասէ ցն(ո)ս(ա). զգո́յշ լերուք սրտիւք ձերովք ա(մենայ)ն բանիցս այսոցիկ, զորոց ե́ս դնեմ վկայութի(ւն) ընդ ձեզ այսօր. զոր պատուիրիցէ́ք որդւոց ձերոց, պահե́լ եւ առնել զա(մենայ)ն բանս օրինացս այսոցիկ։

Verse: 47  Link to sept   զի ո́չ եթէ բան ինչ ընդունա́յն իցէ ձեզ. զի սա́ է կեա́նք ձեր. եւ վ(ա)ս(ն) այսր բանի երկայնօրեա́յք լինիցիք ՛ի վերայ երկրի՝ յոր դո́ւք անցանէք ընդ յորդանան ժառանգե́լ զնա։

Verse: 48  Link to sept   Եւ խօսեցա́ւ տ(է)ր ընդ մովսիսի ՛ի նմին աւուր՝ եւ ասէ.

Verse: 49  Link to sept   ե́լ դու ՛ի լեառն նաբարի ՛ի լեառն նաբաւ, որ է յերկրին մովաբու յանդիման երեքոյի. եւ տե́ս զերկիրն զոր ե́ս տաց որդւոցն ի(սրաէ)լի ՛ի կալուածս։

Verse: 50  Link to sept   Եւ վախճանեա́ց անդէն ՛ի լերինն յոր ելանիցես, եւ յաւելի́ր ՛ի ժողովուրդ քո, զորօրինակ մեռա́ւ ահարոն եղբայր քո ՛ի հո́վր լերինն, եւ յաւելա́ւ առ ժղվ(ե)ր(այ)դ իւր.

Verse: 51  Link to sept   փոխանակ զի հեստեցէք բանի իմոյ ՛ի մէջ որդւոցն ի(սրաէ)լի ՛ի վ(ե)ր(այ) ջուրցն հակառակու(թ)ե(ան) ՛ի կադէս՝ յանապատին ՛ի սին. զի ո́չ սրբեցէք զիս ՛ի մէջ որդւոցն ի(սրաէ)լի։

Verse: 52  Link to sept   Յանդիման տեսցե́ս զերկիրն՝ եւ ա́նդր մի́ մտանիցես։



Chapter: 33 
ԳԼ(ՈՒԽ) Լ՜Գ.


Verse: 1  Link to sept   Ա́յս է օրհնու(թ)ի(ւն) զոր օրհնեաց մովսէս այրն ա(ստուծո)յ զորդիսն ի(սրաէ)լի յառա́ջ քան զվախճանե́լն իւր.

Verse: 2  Link to sept   եւ ասէ. տ(է)ր ՛ի սինայէ եկեսցէ, եւ երեւեցաւ մեզ ՛ի սէիրայ, եւ փութացաւ ՛ի լեռնէն փառանու. բիւրաւորօ́քն ՛ի կադէսայ, յաջմէ ն(ո)ր(ա) հրեշտակք իւր ընդ իւր.

Verse: 3  Link to sept   եւ խնայեաց ՛ի ժողովուրդ իւր։ եւ ա(մենայ)ն սրբեալք ՛ի ներքոյ ձեռին քոյ, եւ նոքա ընդ քե́ւ են։

Verse: 4  Link to sept   Եւ ընկալա́ւ ՛ի պատգամաց ն(ո)ր(ա) օրէնս, զոր պատուիրեաց մեզ մովսէս, զժառանգու(թ)ի(ւն) ժողովոյն յակոբայ.

Verse: 5  Link to sept   եւ եղիցի իշխան ՛ի մէջ սիրեցելոյն, գումարելո́ց իշխանաց ժողովրդոց, հանդերձ ցեղի́ւքն ի(սրաէ)լի։

Verse: 6  Link to sept   Կացցէ́ ռուբէն եւ մի́ մեռցի, եւ եղիցի բազմաւո́ր թուով։

Verse: 7  Link to sept   Եւ զա́յս ասէ զյուդայէ. Լո́ւր տ(է)ր ձայնի յուդայի. եւ ՛ի ժողովուրդ ն(ո)ր(ա) եկեսցես. եւ ձե́ռք ն(ո)ր(ա) ընտրեսցեն նմա. եւ օգնակա́ն ՛ի թշնամեաց եղիցես նմա։

Verse: 8  Link to sept   Եւ զղեւեայ ասէ. Տո́ւք ղեւեայ զյայտնութի(ւն) ն(ո)ր(ա), եւ զճշմարտու(թ)ի(ւն) ն(ո)ր(ա) ա́ռնն անարատի. զորս փորձեցին փորձանօք, եւ բամբասեցին զնա ՛ի վերայ ջրոցն հակառակու(թ)ե(ան)։

Verse: 9  Link to sept   որ ասէր ցհայր իւր եւ ցմայր իւր՝ թէ ո́չ տեսի զքեզ. եւ զեղբարս իւր ո́չ ծանեաւ, եւ զորդիս իւր ո́չ գիտաց. զգուշացաւ բանից քոց, եւ զուխտ քո պահեաց։

Verse: 10  Link to sept   պատմեսցեն զիրաւունս քո յակոբայ, եւ զօրէնս քո ի(սրաէ)լի. դիցեն խունկս ՛ի բարկութե(ան) քում հանապազ ՛ի վ(ե)ր(այ) սեղանոյ քոյ։

Verse: 11  Link to sept   օրհնեա́ տ(է)ր զօրհնու(թ)ի(ւն) ն(ո)ր(ա), եւ ընկա́լ զգործս ձեռաց ն(ո)ր(ա)։ խորտակեա́ զմէջս ՛ի վ(ե)ր(այ) յարուցելոց թշնամեաց ն(ո)ր(ա). եւ ատելիք նորա մի́ կանգնեսցին։

Verse: 12  Link to sept   Եւ զբենիամինէ ասէ. Սիրեցեալն ՛ի տ(եառն)է բնակեսցէ յուսով, եւ ա(ստուա)ծ հովանի́ լիցի նմա զա(մենայ)ն աւուրս. եւ ՛ի մէջ ուսոց ն(ո)ր(ա) հանգեաւ։

Verse: 13  Link to sept   Եւ զյովսեփայ ասէ. Յօրհնութե(ան) տ(եառ)ն երկիր ն(ո)ր(ա), ՛ի ժամանակաց երկնի́ց եւ ՛ի ցօղոյ, եւ յանդնդոց աղբիւրա́ց ՛ի ներքուստ.

Verse: 14  Link to sept   ՛ի ժամանակի արդեանց արեգական փոփոխմանց, եւ ՛ի գումարելոյ առ միմեանս ամպոց.

Verse: 15  Link to sept   ՛ի գագաթա́նց լերանց իսկզբան, եւ ՛ի գլխոց բլրոց մշտնջենաւորաց։

Verse: 16  Link to sept   Եւ ը(ս)տ ժամանակի́ երկրի լրու(թ)ե(ան), եւ ընդունելու(թ)ի(ւն)ք երեւեցելոյն ՛ի մորենւոջն եկեսցեն ՛ի վ(ե)ր(այ) գլխոյն յովսեփայ՝ եւ ՛ի վերայ գագաթա́ն փառաւորելոյն ՛ի մէջ եղբարց։

Verse: 17  Link to sept   անդրանիկ ցլու գե́ղ ն(ո)ր(ա), եւ եղջեւրք միեղջերոյ եղջեւրք նորա. խեթկեսցէ́ նոքօք զազգս միանգամայն մինչեւ ցծա́գս երկրի։ ա́յս են բիւրաւորք եփրեմի. եւ սոքա́ հազարաւորք մանասէի։

Verse: 18  Link to sept   Եւ զզաբուղոնէ ասէ. ուրա́խ լեր զաբուղոն յե́լս քո։ Եւ զիսաքարայ ասէ. ՛ի բնակութի(ւն)ս ն(ո)ց(ա) ազգք սատակեսցին,

Verse: 19  Link to sept   եւ անդր կոչեսջիք եւ զոհեսջիք զո́հ արդարու(թ)ե(ան). զի զմեծու(թ)ի(ւն) ծովու դիեցուսցէ́ քեզ. եւ զշահավաճառաց առ ծովեզե́ր բնակելոց։

Verse: 20  Link to sept   Եւ զգադայ ասէ. օրհնեա́լ որ ընդարձակեաց գադայ, հանգեաւ իբրեւ զառեւծ. եւ խորտակեա́ց զբազուկս, եւ զիշխանս,

Verse: 21  Link to sept   եւ ետես զիշխանութի(ւն) իւր. զի ա́նդ բաժանեցաւ երկիր իշխանաց ժողովրդովք հանդերձ ազգապետօք ազգաց ցեղիւքն ի(սրաէ)լի, զարդարու(թ)ի(ւն) տ(եառ)ն արար, եւ զդատաստա́ն իւր ընդ ի(սրաէ)լի։

Verse: 22  Link to sept   Եւ զդանայ ասէ. դան՝ կորիւն առիւծու, եւ յարձակեսցի́ ՛ի բասանայ։

Verse: 23  Link to sept   Եւ զնեփթաղիմայ ասէ. նեփթաղիմ յագո́ւրդ ընդունելութե(ան)ց, եւ լցցի́ օրհնու(թեամ)բ ՛ի տ(եառն)է, եւ զծո́վ եւ զհարա́ւ ժառանգեսցէ։

Verse: 24  Link to sept   Եւ զասերայ ասէ. օրհնեա́լ յորդւոց ասեր, եւ եղիցի ընդունելու(թ)ի(ւն) եղբարց, եւ մխեսցէ յե́ւղ զոտն իւր.

Verse: 25  Link to sept   եւ երկա́թ եւ պղի́նձ եղիցին կօշիկք ն(ո)ր(ա). ըստ աւուրց քոց եւ զօրու(թ)ի(ւն) քո։

Verse: 26  Link to sept   Ո́չ գոյ իբրեւ զա(ստուա)ծ սիրեցելոյն, որ ելանէ յերկինս օգնականն քո, եւ մեծամեծա́րն հաստատութեան.

Verse: 27  Link to sept   եւ ծածկոյթ ա(ստուծո)յ իշխանութեան. եւ ՛ի զօրութ(են)է բազկաց մշտնջենաւորաց. եւ մերժեսցէ́ յերեսաց քոց զթշնամին, եւ ասասցէ թէ կորի́ր։

Verse: 28  Link to sept   եւ բնակեսցէ իսրայէլ յուսով առանձինն յերկրին յակոբայ, ՛ի մէջ ցորենոյ եւ գինւոյ. եւ երկինք՝ նմա համբարա́կ ցօղոյ։

Verse: 29  Link to sept   Երանեալ ես դու իսրայէլ ո́ նմանեսցէ քեզ ժողովուրդ ընտրեալ ՛ի տն(թեն)է. պաշտպանեսցէ́ քեզ օգնականն քո, եւ սո́ւր պարծանք քո. եւ եկեսցեն թշնամիք քո, եւ դո́ւ ելցես ՛ի վերայ պարանոցի նոցա։



Chapter: 34 
ԳԼ(ՈՒԽ) Լ՜Դ.


Verse: 1  Link to sept   Եւ ե́լ մովսէս յարաբո́վթ մովաբայ, ՛ի լեառն նաբաւ, ՛ի կատարն փոգովրայ, որ է յանդիման երեքոյի. եւ եցո́յց նմա տ(է)ր զա(մենայ)ն երկիրն գաղաադու մինչեւ ցգան.

Verse: 2  Link to sept   եւ զա(մենայ)ն երկիրն նեփթաղիմայ, եւ զա(մենայ)ն երկիրն եփրեմի, եւ մանասէի, եւ զա(մենայ)ն երկիրն յուդայ մինչեւ ցծո́վն վերջին.

Verse: 3  Link to sept   եւ զանապատն, եւ շուրջ զերեքոյիւ, եւ զքաղաքսն արմաւենեաց մինչեւ ցսեգովր։

Verse: 4  Link to sept   Եւ ասէ տ(է)ր ցմովսէս. ա́յս է երկիրն զոր երդուայ աբրահամու եւ սահակայ եւ յակոբայ՝ եւ ասեմ. զաւակի́ քում տաց զդա. ցուցի́ աչաց քոց, եւ անդր մի́ մտցես։

Verse: 5  Link to sept   Եւ վախճանեցաւ մովսէս ծառայ տ(եառ)ն յերկրին մովաբու ը(ս)տ բանի տ(եառ)ն։

Verse: 6  Link to sept   եւ թաղեցին զնա ՛ի գայի մերձ ՛ի տունն փոգրովրայ. եւ ո́չ ոք գիտաց զգերեզման նորա մինչեւ ցայսօր։

Verse: 7  Link to sept   Եւ մովսէս էր ամաց հարեւր եւ քսանից ՛ի վախճանելն իւրում. եւ ո́չ վատեցին աչք նորա, եւ ո́չ խորշոմեցան ծնօտք ն(ո)ր(ա)։

Verse: 8  Link to sept   Եւ լացին որդիքն ի(սրաէ)լի զմովսէս յռաբովթ մովաբու առ յորդանանու յանդիման երեքոյի աւուրս երեսուն։ եւ կատարեցան աւուրք սգոյ լալեացն մովսիսի։

Verse: 9  Link to sept   Եւ յեսու որդի նաւեայ՝ լցա́ւ հոգւով իմաստու(թեամ)բ. զի ե́դ մովսէս զձեռն իւր ՛ի վ(ե)ր(այ) ն(ո)ր(ա). եւ հնազանդեցան նմա որդիքն ի(սրաէ)լի, եւ արարին որպէս պատուիրեա́ց տ(է)ր մովսիսի։

Verse: 10  Link to sept   Եւ ո́չ եւս եկաց մարգարէ յի(սրաէ)լի իբրեւ զմովսէս, այր զոր ծանեա́ւ տ(է)ր դէմ յանդիման։

Verse: 11  Link to sept   ա(մենայ)ն նշանօք եւ արուեստիւք զոր առաքեա́ց տ(է)ր առնել յերկրին եգիպտացւոց, ՛ի փարաւոն եւ ՛ի ծառայս նորա, եւ յա(մենայ)ն երկիր ն(ո)ր(ա) զնշանս մեծամեծս.

Verse: 12  Link to sept   զձեռն հզօր եւ զբազուկ բարձր՝ զոր արա́ր մովսէս առաջի որդւոցն ի(սրաէ)լի։





Book: Jos. 
Josuah

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 14.10.2006

ԳԻՐՔ ՅԵՍՈՒԱՅ ՈՐԴՒՈՅ
ՆԱՒԵԱՅ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԵՂԵՒ ՅԵՏ ՎԱԽՃԱՆԵԼՈՅՆ մովսիսի ծառայի տ(եառ)ն, խօսեցա́ւ տ(է)ր ընդ յեսուայ որդւոյ նաւեայ պաշտօնէի մովսիսի, եւ ասէ։

Verse: 2  Link to sept   Մովսէս ծառայ իմ վախճանեցաւ. արդ յարուցեալ անցցե́ս ընդ այդ յորդանան՝ դու եւ ա(մենայ)ն ժողովուրդ քո յերկրին զոր ե́ս տաց որդւոցն ի(սրաէ)լի։

Verse: 3  Link to sept   Յամենայն տեղիս յոր հասանիցեն գնացք ոտից ձերոց ձե́զ տաց զնա, որպէս խօսեցայ ընդ մովսիսի.

Verse: 4  Link to sept   զանապա́տն, զլիբանաներն, մինչեւ ցգե́տն մեծ ցգե́տն եփրատ. զա(մենայ)ն երկիրն քետացւոց, մինչեւ ցծո́վն վերջին, ՛ի մտից արեւու՝ ձե́զ լիցին սահմանքն։

Verse: 5  Link to sept   եւ ո́չ ոք կացցէ ընդդէմ ձեր զա(մենայ)ն աւուրս կենաց քոց։ Եւ ո(ր)պ(էս) էի ընդ մովսիսի, նո́յնպէս եղէց եւ ը(նդ) քեզ. եւ ո́չ թողից զքեզ՝ եւ ո́չ անտես արարից զքեզ.

Verse: 6  Link to sept   զօրացի́ր եւ քաջ լեր։ զի դո́ւ բաժանեսցես ժողովրդեանդ այդմիկ երկրին զոր երդուայ հարցն քոց տա́լ դոցա։

Verse: 7  Link to sept   Արդ զօրացի́ր եւ քա́ջ լեր յոյժ, պահե́լ եւ առնել ըստ ա(մենայ)ն պատուիրանացն ո(ր)պ(էս) պատուիրեաց քեզ մովսէս ծառայ իմ. եւ մի́ խոտորիցիս ՛ի նոցանէ յա́ջ կամ յահեակ, զի խելամո́ւտ լիցիս ա(մենայ)նի զինչ եւ գործեսցես։

Verse: 8  Link to sept   Եւ մի́ մերժիցես զգիր օրինացս այսոցիկ ՛ի բերանոյ քումմէ, եւ խոկասցե́ս ՛ի դոսա ՛ի տուէ եւ ՛ի գիշերի. զի իմասցի́ս առնել զա(մենայ)ն գրեալսդ ՛ի դմա. եւ ապա́ աջողեսցիս եւ ուղղեսցես զճանապարհս քո, եւ ապա́ խելամուտ լինիցիս։

Verse: 9  Link to sept   Ահա պատուիրե́մ քեզ. զօրացի́ր եւ քա́ջ լեր. մի́ զանգիտիցես. եւ մի́ երկնչիցիս. զի ընդ քե́զ է տ(է)ր ա(ստուա)ծ քո յա(մենայ)ն տեղիս ուր եւ երթայցես։

Verse: 10  Link to sept   Եւ պատուիրեա́ց յեսու դպրաց ժողովրդեանն՝ եւ ասէ. մտէ́ք ՛ի մէջ բանակի ժողովրդեանդ, եւ հրաման տուեալ ժողովրդեանդ ասացէք։

Verse: 11  Link to sept   Պատրաստեցէ́ք ձեզ պաշար. զի ա́յլ եւս երեք աւուրք, եւ անցանէ́ք դուք ը(նդ) այդ յորդանան, մտանել ունել զերկիրն զոր տ(է)ր ա(ստուա)ծ հարցն ձերոց տացէ́ ձեզ ՛ի ժառանգու(թ)ի(ւն)։

Verse: 12  Link to sept   Եւ ընդ ռուբինի եւ ընդ գադայ եւ ընդ կիսոյ ցեղին մանասէի խօսեցա́ւ յեսու եւ ասէ։

Verse: 13  Link to sept   Յիշեցէ́ք զբանն տ(եառ)ն զոր պատուիրեաց ձեզ մովսէս ծառայ ն(ո)ր(ա)՝ եւ ասէ. Տ(է)ր ա(ստուա)ծ ձեր զետեղեցո́յց զձեզ, եւ ետ ձեզ զերկիրս զայս.

Verse: 14  Link to sept   կանայք ձեր եւ մանկունք ձեր եւ անասունք ձեր՝ բնակեսցեն յերկիրս զոր ետ ձեզ մովսէս յայսկոյս յորդանանու։ Բայց դուք զինեալք անցանիցէք յառաջագոյն քան զեղբարս ձեր, եւ ա(մենայ)ն զօրաւոր զօրութ(եամ)բ, եւ լինիցիք ն(ո)ց(ա) մարտակիցք.

Verse: 15  Link to sept   մինչեւ զետեղեցուսցէ́ տ(է)ր ա(ստուա)ծ ձեր զեղբարս ձեր ո(ր)պ(էս) եւ զձե́զդ. եւ ժառանգեսցեն եւ նոքա́ զերկիրն՝ զոր տ(է)ր ա(ստուա)ծ մեր տացէ́ ն(ո)ց(ա). եւ դառնայցէք յիւրաքանչիւր ժառանգութի(ւն). եւ ժառանգեցէ́ք զնա՝ զոր ե́տ ձեզ մովսէս ծառայ տ(եառ)ն յայսկոյս յորդանանու յարեւելից։

Verse: 16  Link to sept   Եւ պատասխանի տուեալ ասեն ցյեսու. զա(մենայ)ն զոր միանգա́մ պատուիրես մեզ արասցո́ւք.

Verse: 17  Link to sept   եւ յա(մենայ)ն տեղիս ուր առաքիցես զմեզ՝ երթիցո́ւք. եւ ըստ ա(մենայ)նի որպէս լսէաք մովսիսի՝ նո́յնպէս լուիցուք եւ քե́զ։ Բայց միայն տ(է)ր ա(ստուա)ծ մեր եղիցի ընդ քեզ՝ որպէս է́ր ընդ մովսիսի։

Verse: 18  Link to sept   եւ այր որ անհնազա́նդ իցէ քեզ՝ եւ ո́չ լսիցէ բանից քոց, որպէս ինչ եւ հրաման տացես նմա՝ մեռցի́. բայց միայն զօրացիր եւ քա́ջ լեր։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ առաքեաց յեսու որդի նաւեայ ՛ի սատիմայ երկո́ւս երիտասարդս լրտեսե́լ զերկիրն գաղտ. եւ ասէ, ելէ́ք լրտեսեցէք զերկիրն եւ զերիքո́վ։ Եւ գնացեալ երկուց երիտասարդացն եկի́ն յերիքով. եւ մտեալ ՛ի տուն կնոջ պոռնկի́ միոջ՝ որում անուն էր ռահաբ. եւ ա́նդ կալան օթեվանս։

Verse: 2  Link to sept   Ա́զդ եղեւ թագաւորին երիքովայ, եւ ասեն. ահա ա́րք մտեալ են այսր զցայգս յորդւոցն ի(սրաէ)լի լրտեսե́լ զերկիրս։

Verse: 3  Link to sept   Եւ առաքեաց թագաւորն երիքովայ՝ եւ ասէ ցռահաբ. հա́ն այսր զարսդ մտեալսդ առ քեզ՝ որ եկին ՛ի տուն քո զցայգ, զի լրտեսե́լ զա(մենայ)ն երկիրս եկին։

Verse: 4  Link to sept   Եւ առեալ կնոջն զերկոսին արսն թաքո́յց զն(ո)ս(ա). եւ խօսեցաւ ընդ նոսա եւ ասէ. մտին առիս արք, եւ ես ո́չ գիտէի ուստի́ իցեն.

Verse: 5  Link to sept   եւ ընդ առնուլ դրանն ընդ աղջամուղջս առաւօտին ելի́ն արքն արտաքս՝ եւ ո́չ գիտեմ յո́ գնացին. պնդեցարո́ւք ստէպ զհետ ն(ո)ց(ա)՝ թերեւս հասանիցէք ն(ո)ց(ա)։

Verse: 6  Link to sept   Եւ եհան զն(ո)ս(ա) ՛ի տանիս, եւ թաքոյց զն(ո)ս(ա) ը(նդ) խրձա́մբք կտաւոյ՝ զոր դիզեալ էր իւր ՛ի տանիս։

Verse: 7  Link to sept   Եւ պնդեցա́ն արքն զկնի ն(ո)ց(ա) զճանապարհն յորդանանու ՛ի հո́ւնն, եւ դուռն փակեցա́ւ։ Եւ եղեւ իբրեւ ելին խնդրանկքն զհետ ն(ո)ց(ա).

Verse: 8  Link to sept   եւ մինչչեւ ՛ի քուն մտեալ էր ն(ո)ց(ա), ել ինք առ ն(ո)ս(ա) ՛ի տանիսն, եւ ասէ ցն(ո)ս(ա)։

Verse: 9  Link to sept   Գիտե́մ զի ե́տ ձեզ տ(է)ր զերկիրս. քանզի անկաւ ա́հ ձեր ՛ի վ(ե)ր(այ) մեր, եւ զի հաշեցան ամենեքեան որ բնակեալ էին յերկրիս յայսմիկ յերեսաց ձերոց.

Verse: 10  Link to sept   քանզի լուաք թէ ցամաքեցո́յց տ(է)ր զծովն կարմիր յերեսաց ձերոց, յելանելն ձեր յեգիպտոսէ, եւ զոր ինչ արարէք ը(նդ) երկուս թագաւորսն ամովրհացւոց, որ էին յայնկոյս յորդանանու ընդ սեհոնի եւ ընդ ովգայ՝ զոր սատակեցէք։

Verse: 11  Link to sept   Եւ իբրեւ լուաք մեք՝ զարհուրեցա́ք սրտիւք մերովք, եւ ո́չ եւս գոյ շունչ յումեք ՛ի մէնջ յերեսաց ձերոց. զի տ(է)ր ա(ստուա)ծ ձեր՝ նա́ է ա(ստուա)ծ յերկինս ՛ի վեր եւ յերկիր ՛ի խոնարհ։

Verse: 12  Link to sept   Եւ արդ՝ երդուարո́ւք ինձ ՛ի տ(է)ր ա(ստուա)ծ. զի առնեմ ձեզ ողորմութի(ւն). եւ արասջի́ք եւ դո́ւք ողորմութի(ւն) տան հօր իմոյ. եւ տո́ւք ինձ նշա́ն ճշմարիտ.

Verse: 13  Link to sept   եւ ապրեցուցէ́ք զտուն հօր իմոյ, եւ զմայր իմ եւ զեղբարս իմ եւ զքորս իմ, եւ զա(մենայ)ն որինչ իցեն նոցա. եւ փրկեսջի́ք զանձն իմ ՛ի մահուանէ։

Verse: 14  Link to sept   Եւ ասեն ցնա արքն. անձի́նք մեր փոխանակ ձեր ի մահ, եթէ ո́չ պատմիցէք զբանս զայս զմէնջ։ եւ նա ասէ. եղիցի յորժամ մատնեսցէ́ ձեզ տ(է)ր զքաղաքս, արասջի́ք ընդ իս ողորմութի(ւն) եւ ճշմարտու(թ)ի(ւն)։

Verse: 15  Link to sept   Եւ կախեա́ց զնոսա չուանաւ ընդ պատուհանն. քանզի տուն ն(ո)ր(ա) ՛ի պարսպին էր՝ եւ ինքն բնակեալ էր ՛ի պարսպին։

Verse: 16  Link to sept   Եւ ասէ ցնոսա. զլեռն լեռնա́յն գնասջիք, զի մի́ պատահեսցեն ձեզ խնդրակքն. եւ թաքիջի́ք անդ զերիս աւուրս, մինչեւ դարձցի́ն խնդրակքն յետո́յ ձերմէ. եւ ապա երթիջիք զճանապարհն ձեր։

Verse: 17  Link to sept   Եւ ասեն արքն ցնա, քաւեա́լ եմք մեք յերդմանէդ՝ զոր երդմնեցուցեր զմեզ։

Verse: 18  Link to sept   ահա մեք մտանիցեմք ՛ի մա́սն ինչ քաղաքիդ, եւ դու դնիցես նշանակ զլա́րդ կարմիր, եւ կապեսցե́ս զպատուհանէդ ընդ որ զմե́զ իջուցեր, եւ զհայր քո եւ զմայր քո եւ զեղբարս քո, եւ զա(մենայ)ն տուն հօր քո ժողովեսցես առ քե́զ ՛ի տունս յայս։

Verse: 19  Link to sept   Եւ եղիցի ա(մենայ)ն որ ելանէ ՛ի տանէ քումմէ արտաքս՝ ինքն եղիցի անձին իւրում պարտական. եւ մեք քաւեա́լ լիցուք յերդմանէդ քումմէ յայդմանէ։ եւ որ միանգամ լինիցին ընդ քե́զ ՛ի տան քում, մե́ք լիցուք պարտականք՝ եթէ ձեռն ուրուք մերձեսցի ՛ի նա։

Verse: 20  Link to sept   Ապա թէ ոք մեղանչեսցէ մեզ, եւ յայտնեսցե́ս զբանս մեր զայսոսիկ, քաւեալ լիցուք յարդմանէդ քումմէ յայդմանէ։

Verse: 21  Link to sept   Եւ ասէ՝ եղիցի́ ըստ բանիդ ձերում, նո́յնպէս եղիցի։ եւ արձակեա́ց զնոսա եւ գնացին։ Եւ կապեաց նշա́ն կարմիր ՛ի պատուհանին։

Verse: 22  Link to sept   եւ գնացի́ն եւ եկին ՛ի լեռնակողմն, եւ կացին անդ զերի́ս աւուրս, մինչեւ դարձան խնդրակքն։ եւ յուզեցին խնդրակքն զա(մենայ)ն ճանապարհն՝ եւ ո́չ գտին։

Verse: 23  Link to sept   Եւ դարձա́ն երկոքին երիտասարդքն եւ իջին ՛ի լեռնէ անտի, եւ եկին յա́յն կոյս. եւ հասին առ յեսու որդի նաւեայ, եւ պատմեցին զա(մենայ)ն անցսն որ անցին ընդ ն(ո)ս(ա)։

Verse: 24  Link to sept   եւ ասեն ցյեսու՝ թէ մատնեա́ց տ(է)ր ա(ստուա)ծ ՛ի ձեռս մեր զա(մենայ)ն երկիրն, եւ զարհուրեցա́ն ա(մենայ)ն բնակիչք երկրին ՛ի մէնջ։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ կանխեա́ց յեսու ընդ առաւօտն, եւ չուեցին ՛ի սատիմայ եւ եկին մինչեւ ցյորդանան, ի́նքն եւ ա(մենայ)ն որդիքն ի(սրաէ)լի. եւ բանակեցա́ն անդ յառաջ քան զանցանելն։

Verse: 2  Link to sept   Եւ եղեւ յետ երից աւուրց, անցին դպիրքն ընդ բանակն,

Verse: 3  Link to sept   եւ պատուիրեցին ժողովրդեանն եւ ասեն. յորժամ տեսանիցէք զտապանակ ուխտին տ(եառ)ն ա(ստուծո)յ ձերոյ, եւ զքահանա́յսն մեր, եւ զղեւտացիսն որ բարձեալ ունիցին զնա՝ եւ դուք խաղասջիք ՛ի տեղեաց ձերոց եւ գնասջի́ք զհետ ն(ո)ր(ա)։

Verse: 4  Link to sept   Բայց հեռագո́յն լինիցի ընդ ձեզ եւ ընդ ն(ո)ս(ա)՝ որչափ կանգունք երկո́ւց հազարաց, զտեղի́ առնուցուք եւ ո́չ մերձենայցէք ՛ի նա. զի գիտիցէք զճանապարհն ընդ որ երթայցէք. զի ո́չ էք երթալոց զճանապարհ երէկին եւ եռանդի։

Verse: 5  Link to sept   Եւ ասէ յեսու ցժողովուրդն. սրբեցարո́ւք առ վաղիւ. զի վաղիւ արասցէ ձեզ տ(է)ր սքանչելիս։

Verse: 6  Link to sept   Եւ խօսեցա́ւ յեսու ընդ քահանայսն՝ եւ ասէ. առէ́ք զտապանակ ուխտին տ(եառ)ն, եւ գնացէ́ք յառաջագոյն առաջի ժողովրդեանն։ եւ բարձին քահանայքն զտապանակ ուխտին տ(եառ)ն՝ եւ երթային առաջի ժողովրդեանն։

Verse: 7  Link to sept   Եւ ասէ տ(է)ր ցյեսու. յաւուր յայսմիկ սկի́զբն արարից բարձրացուցանե́լ զքեզ առաջի ա(մենայ)ն որդւոցն ի(սրաէ)լի. զի ծանիցեն թէ որպէս էի́ ընդ մովսիսի, նո́յնպէս եղէց եւ ը(նդ) քեզ։

Verse: 8  Link to sept   Եւ արդ՝ պատուիրեա́ քահանայիցն որ բառնան զտապանակ ուխտին՝ եւ ասասցե́ս. յորժամ մտանիցէ́ք յեզր ջրոյն յորդանանու, կացջի́ք ՛ի ներքս ՛ի յորդանան։

Verse: 9  Link to sept   Եւ ասէ յեսու ցորդիսն ի(սրաէ)լի. մատերո́ւք այսր եւ լուարո́ւք զպատգամս տ(եառ)ն ա(ստուծո)յ մերոյ։

Verse: 10  Link to sept   Եւ ասէ յեսու. այնո́ւ գիտասջիք եթէ տ(է)ր կենդանի́ է ՛ի ձեզ. եւ սատակելով սատակեսցէ́ յերեսաց ձերոց՝ զքանանացին, եւ զքետացի, եւ զխեւացի, եւ զփերեզացի, եւ զգերգեսացի, եւ զամովրհացի, եւ զյեբուսացի։

Verse: 11  Link to sept   ահաւասիկ տապանակ ուխտին տ(եառ)ն ա(մենայ)ն երկրի անցանէ առաջի ձեր ընդ յորդանան։

Verse: 12  Link to sept   Եւ արդ՝ յառա́ջ կալարուք ՛ի ձէնջ ա́րս երկոտասան յորդւոցդ ի(սրաէ)լի, այր մի յիւրաքանչիւր ցեղէ.

Verse: 13  Link to sept   եւ եղիցի իբրեւ մխիցին ոտք քահանայիցն կրելեաց զտապանակ ուխտին տ(եառ)ն ա(մենայ)ն երկրի ՛ի ջուրն յորդանանու, պակասեսցէ́ ջուրն որ իջանէ ՛ի վերուստ, կացցէ́ իբրեւ զկարկառակո́յտ մի։

Verse: 14  Link to sept   Եւ եղեւ իբրեւ չուեաց ժողովուրդն ՛ի խորանաց իւրեանց անցանե́լ ընդ յորդանան. եւ քահանայքն բարձին զտապանակ ուխտին տ(եառ)ն առաջի ա(մենայ)ն ժողովրդեանն։

Verse: 15  Link to sept   Եւ իբրեւ մտանէին քահանայքն որ կրէին զտապանակ ուխտին ՛ի յորդանան, եւ ոտք քահանայիցն կրելեաց տապանակին մխեցա́ն յեզր ջրոյն յորդանանու, եւ յորդանան լցեա́լ գայր դարիւ եւ դարիւ ո(ր)պ(էս) յաւուրս հնձոց ցորենոյ.

Verse: 16  Link to sept   եւ կացին ջուրքն որ իջանէին ՛ի վերուստ՝ միաձոյլք, անջրպետեալք, հեռացեա́լք յոյժ յոյժ. յադամիտէս քաղաքէ՝ որ է մա́սն կարիաթարիմայ. եւ որ իջանէինն՝ իջին ՛ի ծովն արաբացւոց ՛ի ծովն աղի, մինչեւ ՛ի սպա́ռ նուազելոյ։ եւ ժողովուրդն կա́յր յանդիման երեքոյի։

Verse: 17  Link to sept   Եւ կացին քահանայքն որ կրէին զտապանակ ուխտին տ(եառ)ն ՛ի վերայ ցամաքի ՛ի մէջ յորդանանու պատրաստութ(եամ)բ։ Եւ ա(մենայ)ն որդիքն ի(սրաէ)լի անցին ընդ ցամաք, մինչեւ վախճանեաց ա(մենայ)ն ժողովուրդն անցանել ընդ յորդանան։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ իբրեւ վախճանեա́ց ա(մենայ)ն ժողովուրդն անցանե́լ ը(նդ) յորդանան. Խօսեցաւ տ(է)ր ընդյեսու եւ ասէ.

Verse: 2  Link to sept   առեալ քեզ ՛ի ժողովրդենէ անտի ա́րս երկոտասան, այր մի յիւրաքանչի́ւր ցեղէ,

Verse: 3  Link to sept   հրամա́ն տուր ն(ո)ց(ա) եւ ասասցես. առէ́ք դուք ձեզ այտի ՛ի միջոյ յորդանանու յոտնատեղեաց քահանայիցդ պատրաստական քարինս երկոտասան, եւ տարջի́ք ընդ ձեզ. եւ դիջի́ք ՛ի մէջ բանակին ձերոյ՝ ուր բանակիջիք զայս գիշեր։

Verse: 4  Link to sept   Եւ կոչեա́ց յեսու ա́րս երկոտասան ՛ի փառաւորաց որդւոցն ի(սրաէ)լի՝ մի յիւրաքանչիւր ցեղէ,

Verse: 5  Link to sept   եւ ասէ ցնոսա յեսու։ Մատերո́ւք առաջի իմ յանդիման տ(եառ)ն ՛ի մէջ յորդանանու, եւ առեալ բարձցեն անտի իւրաքանչիւրոք քա́ր մի ՛ի վ(ե)ր(այ) ուսոց իւրոց ըստ թուոյ ցեղիցն ի(սրաէ)լի.

Verse: 6  Link to sept   զի լինիցին ն(ո)ք(ա) ձեզ կա́լ ՛ի նշանակ հանապազորդ։ զի յորժամ հարցանիցէ́ ցքեզ առ վաղիւ որդին քո եւ ասիցէ. զի՞նչ են քարինքս այսոքիկ ձեզ,

Verse: 7  Link to sept   պատմեսցե́ս դու որդւոյն քում եւ ասիցես, թէ՝ զի պակասեաց գետն յորդանան յերեսաց տապանակի ուխտին տ(եառ)ն ա(մենայ)ն երկրի՝ մինչ անցանէ́ր ընդ յորդանան, նուազեա́ց ջուրն յորդանանու։ եւ եղիցին ձեզ քարինքս այսոքիկ ՛ի յիշատա́կ ՛ի մէջ որդւոցն ի(սրաէ)լի, մինչեւ ցյաւիտեան։

Verse: 8  Link to sept   Եւ արարին որդիքն ի(սրաէ)լի ո(ր)պ(էս) պատուիրեաց տ(է)ր յեսուայ. եւ առեալ երկոտասան քարինս ՛ի միջոյ յորդանանու՝ որպէս եւ հրամա́ն ետ տ(է)ր յեսուայ ՛ի վախճանի անցանելոյ որդւոցն ի(սրաէ)լի։ եւ տարան զն(ո)ս(ա) ընդ իւրեանս ՛ի բանակն եւ եդին զնոսա անդ։

Verse: 9  Link to sept   Եւ կանգնեա́ց յեսու ա́յլ եւս երկոտասան քարինս անդէն ՛ի յորդանան, ՛ի տեղւոջ ուր կացին ոտք քահանայիցն որ կրէին զտապանակ ուխտին տ(եառ)ն. եւ են ա́նդ մինչեւ ցայսօր ժամանակի։

Verse: 10  Link to sept   Եւ կացին անդ քահանայքն որ բարձեալ ունէին զտապանակ ուխտին տ(եառ)ն ՛ի մէջ յորդանանու՝ մինչեւ վախճանեաց յեսու զա(մենայ)ն զոր պատուիրեաց տ(է)ր յեսուայ պատմե́լ ժողովրդեանն՝ ըստ ա(մենայ)նի զոր պատուիրեաց մովսէս յեսուայ։ եւ փութացաւ ժողովուրդն՝ եւ անց։

Verse: 11  Link to sept   Եւ եղեւ իբրեւ վախճանեաց ա(մենայ)ն ժողովուրդն անցանել, անց եւ տապանակ ուխտին տ(եառ)ն, եւ երկոտասան քարինքն առաջի նոցա։

Verse: 12  Link to sept   Անցին եւ որդիքն ռուբինի եւ գադայ՝ եւ կէս ցեղին մանասէի կազմեա́լք առաջի որդւոցն ի(սրաէ)լի, ո(ր)պ(էս) պատուիրեա́ց նոցա մովսէս։

Verse: 13  Link to sept   Չո́րք բեւրք վառեալք ՛ի կռիւ, անցի́ն առաջի տ(եառ)ն ՛ի պատերազմ ընդ երիքո́վ քաղաքի։

Verse: 14  Link to sept   Յաւուր յայնմիկ աճեցո́յց տ(է)ր զյեսու առաջի ա(մենայ)ն ազգին ի(սրաէ)լի. եւ երկնչէին ՛ի նմանէ ո(ր)պ(էս) երկնչէին ՛ի մովսիսէ՝ որչափ ժամանակս եւ եկաց։

Verse: 15  Link to sept   Եւ խօսեցա́ւ տ(է)ր ընդ յեսուայ՝ եւ ասէ.

Verse: 16  Link to sept   հրամա́ն տուր քահանայիցդ՝ որ բարձեալ ունին զտապանակ ուխտին վկայութե(ան)՝ ելանել ՛ի յորդանանէ։

Verse: 17  Link to sept   Եւ հրամա́ն ետ յեսու քահանայիցն եւ ասէ. ելէ́ք ՛ի յորդանանէ։

Verse: 18  Link to sept   Եւ եղեւ իբրեւ ելին քահանայքն որ բարձեալ ունէին զտապանակ ուխտին տ(եառ)ն ՛ի միջոյ յորդանանու, եւ եդին զոտսն քահանայքն ՛ի ցամաքի, դիմեա́ց ջուրն յորդանանու ՛ի տեղի իւր, եւ գնա́յր ո(ր)պ(էս) յերէկն եւ յեռանդ ը(նդ) ա(մենայ)ն ատակս ն(ո)ր(ա)։

Verse: 19  Link to sept   Եւ ե́լ ժողովուրդն ՛ի յորդանանէ ՛ի տասներորդում աւուր ամսո́յն առաջնոյ։ եւ բանակեցան որդիքն ի(սրաէ)լի ՛ի գաղգաղա յարեւելից կողմանէ երիքովի։

Verse: 20  Link to sept   եւ զերկոտասան քարինսն զոր առին ՛ի յորդանանէ, կանգնեա́ց յեսու ՛ի գաղգաղա։

Verse: 21  Link to sept   Եւ ասէ ցորդիսն ի(սրաէ)լի. յորժամ հարցանիցեն որդիքն ձեր առ վաղիւ եւ ասասցեն, զի՞նչ են քարինքս այսոքիկ.

Verse: 22  Link to sept   պատմեսջի́ք որդւոցն ձերոց թէ՝ ցամաքա́ւ անց ի(սրա)էլ ընդ յորդանան,

Verse: 23  Link to sept   ՛ի ցամաքեցուցանե́լ տ(եառ)ն ա(ստուծո)յ մերոյ զջուրսն յորդանանու յերեսաց ն(ո)ց(ա) մինչեւ անցին։

Verse: 24  Link to sept   Որպէս արար տ(է)ր ա(ստուա)ծ մեր ընդ ծո́վն կարմիր, զոր ցամաքեցո́յց տ(է)ր ա(ստուա)ծ մեր առաջի մեր մինչեւ անցաք.

Verse: 25  Link to sept   զի ծանիցեն ամենայն ազգք երկրի՝ թէ զօրութիւն տ(եառ)ն զօրաւո́ր է։ եւ զի դուք պաշտիցէք զտ(է)ր ա(ստուա)ծ մեր զամենայն ժամանակս։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ եղեւ իբրեւ լուան ա(մենայ)ն թագաւորք ամովրհացւոց, որ էին յա́յն կոյս յորդանանու առ ծովեզերբն. եւ թագաւորքն փիւնիկեցւոց որ առ ծովեզերբն. եթէ ցամաքեցո́յց տ(է)ր ա(ստուա)ծ զյորդանան գետ առաջի որդւոցն ի(սրաէ)լի յանցանելն ն(ո)ց(ա), հաշեցա́ն սիրտք ն(ո)ց(ա) եւ զարհուրեցան, եւ ո́չ գոյր ՛ի նոսա իմաստութի(ւն) եւ ո́չ մի՝ յերեսաց որդւոցն ի(սրաէ)լի։

Verse: 2  Link to sept   Ընդ այնո́ւ ժամանակաւ ասէ տ(է)ր ցյեսու. արա́ դու քեզ սուր ՛ի գայլախա́զ վիմէ՝ եւ նստեալ թլփատեսցե́ս զորդիսն ի(սրաէ)լի կրկնակի։

Verse: 3  Link to sept   Եւ արա́ր իւր յեսու սո́ւրս քարեղէնս գայլախազեայս, եւ թլփատեա́ց զորդիսն ի(սրաէ)լի ՛ի տեղւոջ՝ որ կոչէր բլո́ւր անթլփատից։

Verse: 4  Link to sept   Եւ զորօրինակ յապաւեաց յեսու զորդիսն ի(սրաէ)լի որ էին ՛ի ճանապարհի անդ, որ բնաւ չէին թլփատեալք յելելոցն յեգիպտոսէ, զամենեսեան թլփատեա́ց յեսու։ Եւ այս ժողովուրդ է զոր թլփատեաց յեսու. ա(մենայ)ն ժողովրդեանն ելելոց յեգիպտոսէ զարո́ւ մանուկ։ քանզի ա(մենայ)ն արք պատերազմողք մեռա́ն յանապատին անդէն ՛ի ճանապարհին, յելանելն իւրեանց յերկրէն եգիպտացւոց։

Verse: 5  Link to sept   զի թլփատեալք էին ա(մենայ)ն ժողովուրդն որ ելին, եւ ա(մենայ)ն ժողովուրդն որ ծնան յանապատին ՛ի ճանապարհին ելանելոյ ն(ո)ց(ա) յերկրէն եգիպտացւոց։

Verse: 6  Link to sept   Քանզի զքառասուն եւ զերկուս ամս շրջեցաւ ի(սրա)էլ յանապատին աբդարեայ. վ(ա)ս(ն) որոյ անթլփա́տք էին բազումք ՛ի պատերազմողացն ելելոց յերկրէն եգիպտացւոց՝ որք անհնազանդեցան պատուիրանացն ա(ստուծո)յ։ Որոց եւ սահմանեա́ց տ(է)ր չտեսանե́լ զերկիրն զոր երդուաւ հարցն ն(ո)ց(ա) տալ ն(ո)ց(ա). զերկիր՝ որ բղխէ զկաթն եւ զմեղր։

Verse: 7  Link to sept   եւ փոխանակ ն(ո)ց(ա) տարաւ զորդիս ն(ո)ց(ա)՝ զոր թլփատեաց յեսու. քանզի անթլփատք էին. վ(ա)ս(ն) լինելոյ ն(ո)ց(ա) անթլփա́տս ՛ի ճանապարհին։

Verse: 8  Link to sept   Եւ իբրեւ թլփատեցաւ ա(մենայ)ն ազգն, հանդարտութի(ւն) կալեալ նստա́ն անդէն ՛ի բանակին մինչեւ ողջացան։

Verse: 9  Link to sept   Եւ ասէ տ(է)ր ցյեսու. յաւուր յայսմիկ բարձի́ զնախատինս եգիպտացւոց ՛ի ձէնջ։ եւ կոչեաց զանուն տեղւոյն այնորիկ գաղգաղա́ մինչեւ ցայսօր։

Verse: 10  Link to sept   եւ անդ բանակեցան որդիքն ի(սրաէ)լի։
   Եւ արարին որդիքն ի(սրաէ)լի զզատիկն ՛ի չորեքտասաներորդո́ւմ աւուր ամսոյն յերեկորեայ, յարեւելից երիքովի ՛ի դաշտի անդ.

Verse: 11  Link to sept   եւ կերան ՛ի ցորենոյ երկրին զայգոյ բաղա́րջ եւ նորի։

Verse: 12  Link to sept   Յաւուր յայնմիկ պակասեա́ց մանանայն, յետ ուտելոյ ն(ո)ց(ա) ՛ի ցորենոյ երկրին. եւ ո́չ եւս գտանէր որդւոցն ի(սրաէ)լի մանանայ։ եւ ժողովեցին զպտուղ երկրին փիւնիկեցւոց ՛ի տարւոջն յայնմիկ։

Verse: 13  Link to sept   Եւ եղեւ մինչ էր յեսու յերիքով, ամբարձեալ զաչս իւր ետե́ս, զի կայր առաջի ն(ո)ր(ա) ա́յր, եւ սուսեր մե́րկ ՛ի ձեռին ն(ո)ր(ա)։ եւ մատուցեալ յեսուայ՝ ասէ ցնա. մե՞ր ես՝ թէ ՛ի թշնամեաց մերոց։

Verse: 14  Link to sept   Եւ նա ասէ ցնա. ես զօրավա́ր եմ զօրու տ(եառ)ն, եւ ա́յժմ եկի։

Verse: 15  Link to sept   եւ անկա́ւ յեսու ՛ի վերայ երեսաց իւրոց եւ երկիր եպագ, եւ ասէ ցնա՝ տ(է)ր զի՞նչ հրաման տացես ծառայի քում։

Verse: 16  Link to sept   Եւ ասէ զօրավարն տ(եառ)ն ցյեսու. լո́յծ զկօշիկս քո յոտից քոց, զի տեղիդ յորում կաս՝ ս(ուր)բ է։ եւ արա́ր այնպէս։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ երիքով փակեա́լ եւ ամրացեալ էր յերեսաց որդւոցն ի(սրաէ)լի, եւ ո́չ ոք ելանէր ՛ի նմանէ, եւ ո́չ ոք մտանէր։

Verse: 2  Link to sept   Եւ ասէ տ(է)ր ցյեսու. ահա ե́ս տամ ՛ի ձե́ռս քո զերիքով՝ եւ զթագաւորն որ ՛ի նմա, եւ զզօրաւո́րս զօրութ(եամ)բ։

Verse: 3  Link to sept   Բայց դու՝ ա́ծ պատեա́ զնովաւ զա(մենայ)ն մարտիկս շուրջանակի յոբելինա́ւն, ՛ի լսել ձեզ զձայն եղջեւր փողոյ։ եւ եղիցի իբրեւ հարկանիցէք զփողն՝ պատեսջի́ք զքաղաքն ա(մենայ)ն արք պատերազմողք շուրջ զքաղաքաւն մի́ անգամ։ ա́յսպէս առնիցէ́ք զվե́ց օր։

Verse: 4  Link to sept   եւ եւթն քահանայ առցեն զեւթնափո́ղսն եղջերեայս յոբելեան առաջի տապանակին։ Եւ յաւուրն եւթներորդի պատեսջիք զքաղաքն եւթն անգամ. եւ քահանայքն հարցե́ն զփողսն եղջերեայս.

Verse: 5  Link to sept   եւ աղաղակեսցեն առհասարակ ա(մենայ)ն ժողովուրդն. եւ յաղաղակելն նոցա կործանեսցի́ն ինքնին պարիսպք քաղաքին ՛ի ներքոյ ն(ո)ց(ա). եւ մտցէ ա(մենայ)ն ժողովուրդն դիմեալ իւրաքանչի́ւր հանդէպ երեսաց իւրոց ՛ի քաղաքն։

Verse: 6  Link to sept   Եւ եմուտ յեսու որդի նաւեայ առ քահանայսն՝ եւ ասէ ցն(ո)ս(ա). առէ́ք զտապանակ ուխտին, եւ եւթն քահանայք՝ առցեն եւթն փող եղջերեայ յոբելեան առաջի տապանակին տ(եառ)ն։

Verse: 7  Link to sept   եւ խօսեցա́ւ ընդ նոսա եւ ասէ. պատուէ́ր տուք ժողովրդեանն անցանե́լ պատել զքաղաքն. եւ մարտիկքն երթիցեն վառեալք առաջի տապանակին տ(եառ)ն։

Verse: 8  Link to sept   Եւ եղեւ իբրեւ պատուիրեաց ժողովրդեանն. եւ եւթանեքին քահանայքն որ ունիցին եւթն փողս նուիրականս, անցցե́ն նոյնպէս առաջի տ(եառ)ն՝ եւ ազդեսցեն ուժգին. եւ տապանակ ուխտին տ(եառ)ն երթիցէ́ զհետ նոցա.

Verse: 9  Link to sept   եւ մարտիկքն երթիցեն առաջի́, եւ քահանայքն՝ եւ որ հարկանիցեն զփողսն եղջերեայս, վերջապահք զկնի́ տապանակին տ(եառ)ն, հարկանելով զփո́ղսն եղջերեայս երթիցեն։

Verse: 10  Link to sept   Եւ ժողովրդեանն պատուէ́ր ետ յեսու եւ ասէ. մի́ աղաղակիցէք, եւ մի́ ոք լուիցէ զբարբառ ձեր, եւ մի́ ելանիցէ բա́ն ՛ի բերանոյ ձերմէ, մինչեւ յօրն յորում ինքն ա́զդ արասցէ աղաղակելոյ, եւ ապա́ աղաղակեսջիք։

Verse: 11  Link to sept   Եւ շո́ւրջ եկեալ տապանակի ուխտին տ(եառ)ն զքաղաքաւն, գնա́ց անդրէն ՛ի բանակն՝ եւ ա́նդ ագաւ։

Verse: 12  Link to sept   Եւ յաւուրն երկրորդի յարեա́ւ յեսու ընդ առաւօտն. եւ բարձին քահանայքն զտապանակն տ(եառ)ն։

Verse: 13  Link to sept   եւ եւթն քահանայքն առին եւթն փողս նուիրականս, եւ երթային առաջի տ(եառ)ն. եւ քահանայքն հարին զփողսն. եւ ա́յլ եւս ամբոխն ա(մենայ)ն։ եւ գնացին դարձեալ անդրէն ՛ի բանակն։ եւ ապա́ մտանէին մարտիկքն, եւ ա́յլ եւս ամբոխն զկնի տապանակի ուխտին տ(եառ)ն։ եւ երթային եւ հարկանէին զփողսն եղջերեայս։

Verse: 14  Link to sept   եւ պատեցին զքաղաքն յաւուրն երկրորդի միանգամ ՛ի մօտոյ։ եւ գնացին դարձեալ անդրէն ՛ի բանակն։ Ա́յնպէս արարին զվեց օր։

Verse: 15  Link to sept   Եւ եղեւ յաւուրն եւթներորդի, յարեա́ն ընդ ե́լս առաւօտուն եւ պատեցին զքաղաքն ը(ս)տ նմին օրինակի եւթն անգամ։

Verse: 16  Link to sept   եւ եղեւ յեւթներորդո́ւմ նուագի պատելոյն, հարին քահանայքն զփողսն. եւ ասէ յեսու ցորդիսն ի(սրաէ)լի. ա́րդ աղաղակեցէ́ք, քանզի մատնեաց տ(է)ր ՛ի ձեռս մեր զքաղաքս։

Verse: 17  Link to sept   Եւ եղիցի քաղաքն նզովեա́լ, ինքն եւ ա(մենայ)ն որ ինչ ՛ի նմա իցէ ՛ի տ(եառն)է զօրու(թ)ե(ան)ց։ բայց զռահաբ պոռնիկ ապրեցուսջի́ք, զնա եւ զա(մենայ)ն որ ինչ իցէ ՛ի տան ն(ո)ր(ա), զի թաքո́յց զհրեշտակսն զոր արձակեցաք։

Verse: 18  Link to sept   Այլ դուք զգո́յշ լինիջիք ՛ի նզովիցն. գուցէ́ ցանկացեալք առնուցուք ինչ դուք ՛ի նզովից անտի. եւ առնիցէք զբանակ որդւոցդ ի(սրաէ)լի ՛ի նզովս, եւ ջնջիցէք զմեզ։

Verse: 19  Link to sept   Ամենայն ոսկի եւ արծաթ եւ պղինձ եւ երկաթ եղիցի սո́ւրբ տ(եառ)ն, ՛ի գանձ տ(եառ)ն մտցէ։

Verse: 20  Link to sept   Եւ աղաղակեա́ց ժողովուրդն, եւ հարին քահանայքն զփողսն. իբրեւ լուաւ ժողովուրդն զձայն փողոյն՝ աղաղակեաց ա(մենայ)ն ժողովուրդն առ հասարակ մեծ եւ ուժգին աղաղակաւ։ եւ անկա́ւ պարիսպն շուրջանակի. եւ ել ա(մենայ)ն ժողովուրդն ՛ի քաղաքն իւրաքանչիւր հանդէպ իւր. եւ առին զքաղաքն.

Verse: 21  Link to sept   եւ նզովեցին զնա, եւ որ ինչ է́ր ՛ի քաղաքին յառնէ մինչեւ ցկին, եւ յերիտասարդէ մինչեւ ցծեր, եւ յարջառոյ մինչեւ ցոչխար, եւ ցէշ. արկի́ն ՛ի բերան սրոյ։

Verse: 22  Link to sept   Եւ ցերկո́ւս երիտասարդսն որ լրտեսեցին զերկիրն՝ ասէ յեսու. մտէ́ք ՛ի տուն կնոջն պոռնկի, եւ հանէ́ք զնա անտի, եւ զա(մենայ)ն ինչ որ ն(ո)ր(ա) իցէ՝ որպէս եւ երդուա́յք նմա։

Verse: 23  Link to sept   Եւ մտին երկու երիտասարդքն որոց լրտեսեա́լ էր զքաղաքն՝ ՛ի տուն կնոջն, եւ հանի́ն զռահաբ պոռնիկ, եւ զհայր ն(ո)ր(ա) եւ զմայր ն(ո)ր(ա). եւ զեղբարս ն(ո)ր(ա), եւ զա(մենայ)ն որ ինչ է́ր ն(ո)ր(ա), եւ զա(մենայ)ն ազգատոհմն ն(ո)ր(ա). եւ կացուցին զնա արտաքոյ բանակին ի(սրաէ)լի։

Verse: 24  Link to sept   Եւ քաղաքն այրեցա́ւ հրով եւ ա(մենայ)ն ինչ որ ՛ի նմա էր. բա́ց յոսկւոյ եւ յարծաթոյ եւ ՛ի պղնձոյ եւ յերկաթոյ, զոր ետուն ՛ի գա́նձ տ(եառ)ն մուծանել։

Verse: 25  Link to sept   Եւ զռախա́բ պոռնիկ, եւ զտուն ն(ո)ր(ա) հայրենի, եւ զա(մենայ)ն ինչ որ սորա́ էր ապրեցոյց յեսու. եւ բանակեցաւ ՛ի մէջ ի(սրաէ)լի մինչեւ ցայսօր ժամանակի. վ(ա)ս(ն) զի թաքոյց զլրտեսսն զոր առաքեաց յեսու յաւուր յայնմիկ լրտեսե́լ զերիքով։

Verse: 26  Link to sept   Եւ նզովեաց յեսու յաւուր յայնմիկ զերիքով եւ ասէ. անիծեա́լ լիցի մարդն առաջի տ(եառ)ն, որ կանգնեսցէ եւ շինեսցէ զքաղաքն զերիքով. անդրանկաւ իւրով դնե́լ զհիմունս ն(ո)ր(ա), եւ կրտսերաւ իւրով կանգնեսցէ զդրունս պարսպի նորա։ Եւ ա́յնպէս արար ազան բեթէլացի, աբիրոնաւ անդրանկա́ւ իւրով եդ զհիմունս ն(ո)ր(ա), եւ զերծելով կրսերով իւրով կանգնեաց զդրունս ն(ո)ր(ա)։

Verse: 27  Link to sept   Եւ է́ր տ(է)ր ընդ յեսուայ, եւ է́ր անուն ն(ո)ր(ա) ընդ ա(մենայ)ն երկիր։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ յանցեա́ն որդիքն ի(սրաէ)լի յանցանս, եւ գողացա́ն ՛ի նզովից անտի։ եւ ա́ռ աքար որդի քարմեայ՝ որդւոյ զամբրեայ, որդւոյ զարայի՝ ՛ի ցեղէ յուդայ՝ ՛ի նզովից անտի. եւ բարկացա́ւ սրտմտու(թեամ)բ տ(է)ր որդւոցն ի(սրաէ)լի։

Verse: 2  Link to sept   Եւ առաքեա́ց յեսու արս յերիքովէ ՛ի գայի՝ որ է յանդիման բեթէլայ, եւ ասէ ցնոսա. լրտեսեցէ́ք զգայի։ եւ ելին արքն եւ լրտեսեցի́ն զգայի։

Verse: 3  Link to sept   եւ դարձան առ յեսու եւ ասեն. մի́ ելցէ ա(մենայ)ն ժողովուրդս, այլ իբրեւ երկո́ւ հազարք կամ երե́ք հազարք արանց ելցեն՝ եւ պաշարեսցեն զքաղաքն. մի́ տանիր անդ զա(մենայ)ն ժողովուրդն՝ զի սակա́ւք են։

Verse: 4  Link to sept   Եւ ելին անդր ՛ի ժողովրդենէն իբրեւ երեքհազարք եւ փախեան յերեսաց արանցն գայեայ.

Verse: 5  Link to sept   եւ կոտորեցին ՛ի նոցանէ արք գայեայ արս՝ երեսուն եւ վեց. եւ հալածեցի́ն զն(ո)ս(ա) ՛ի դրանէն մինչեւ խորտակեցին զն(ո)ս(ա). եւ վիրաւորեցին ՛ի զառիվայրին. եւ պակասեցա́ւ սիրտ ժողովրդեանն եւ եղեն իբրեւ զջուր։

Verse: 6  Link to sept   Եւ պատառեա́ց յեսու զհանդերձս իւր, եւ անկա́ւ ՛ի վերայ երեսաց իւրոց յերկիր առաջի տապանակին տ(եառ)ն մինչեւ ցերեկոյ, ի́նքն եւ ծերքն ի(սրաէ)լի. եւ արկին հո́ղ զգլխովք իւրեանց։

Verse: 7  Link to sept   Եւ ասէ յեսու. աղաչեմ զքեզ տ(է)ր տ(է)ր. ընդէ՞ր իսկ բնաւ անցանելով անցոյց ծառայ քո զժողովուրդս զայս ընդ յորդանան. մատնել զսոսա ամովրհացւո́ցն՝ եւ կորուսանել զմեզ։ լա́ւ էր թէ անդէն զետեղեալ եւ բնակեալ էաք առ եզերբ յորդանանու։

Verse: 8  Link to sept   յի́ս տ(է)ր. եւ արդ զի՞նչ արարից՝ որովհետեւ կորացո́յց իսրայէլ զպարանոց իւր առաջի թշնամեաց իւրոց։

Verse: 9  Link to sept   եւ լուեալ քանանացւոցն եւ ա(մենայ)ն բնակչաց երկրին պատեսցե́ն զմեզ եւ սատակեսցեն յերկրէ։ եւ զի՞նչ արասցես զանուն քո մեծ։

Verse: 10  Link to sept   Եւ ասէ տ(է)ր ցյեսու. յո́տն կաց, զի՞ անկեալ կաս ՛ի վերայ երեսաց քոց.

Verse: 11  Link to sept   մեղա́ւ ժողովուրդն, եւ անց զուխտիւ իմով զոր ուխտեցի ն(ո)ց(ա). եւ գողացան եւ առին ՛ի նզովիցն, ստեցի́ն, եւ արկին յամանս իւրեանց։

Verse: 12  Link to sept   եւ ո́չ եւս կարիցեն որդիքն ի(սրաէ)լի կալ առաջի թշնամեաց իւրեանց. այլ դարձուսցեն զպարանոցս առաջի թշնամեաց իւրեանց՝ զի եղեն ՛ի նզո́վս. եւ ո́չ եւս յաւելից լինել ընդ ձեզ, եթէ ոչ բառնայցէ́ք զնզովսդ զայդ ՛ի միջոյ ձերմէ։

Verse: 13  Link to sept   Արի́ սրբեա́ զժողովուրդդ, եւ արասցես սրբե́լ առ վաղիւ. Ա́յսպէս ասէ տ(է)ր ա(ստուա)ծ ի(սրաէ)լի. նզո́վք են ՛ի ձեզ ի(սրա)էլ. ո́չ կարիցէք կալ առաջի թշնամեաց ձերոց, մինչեւ բառնայցէք զնզովսն ՛ի ձէնջ։

Verse: 14  Link to sept   Եւ ժողովեսջի́ք ամենեքեան ը(նդ) առաւօտն ըստ ցեղիցն ձերոց. եւ եղիցի ցեղն՝ զոր ցուցցէ տ(է)ր, մատուսջի́ք ըստ տոհմից. եւ զտոհմն՝ զոր յանդիմանեսցէ տ(է)ր, մատուսջի́ք ըստ տա́նց. եւ տուն՝ զոր յանդիմանեսցէ տ(է)ր, մատուսջի́ք ը(ս)տ արա́նց։

Verse: 15  Link to sept   եւ որ յանդիմանեսցի ՛ի նզովսն, այրեսցի́ ինքն հրով՝ եւ ա(մենայ)ն տուն իւր, եւ ա(մենայ)ն ինչ որ ն(ո)ր(ա) իցէ. զի անց զուխտիւն տ(եառ)ն, եւ արար անօրէնութի(ւն) ՛ի մէջ ի(սրաէ)լի։

Verse: 16  Link to sept   Եւ կանխեաց յեսու ընդ առաւօտն, եւ մատոյց զժողովուրդն ը(ս)տ ցեղիցն իւրեանց, եւ յանդիմանեցա́ւ ցեղն յուդայի.

Verse: 17  Link to sept   եւ մատուցաւ ցեղն յուդայի ը(ս)տ տոհմից, եւ յանդիմանեցաւ տունն զարայի. եւ մատուցաւ տոհմն զարայի ը(ս)տ արանց, եւ յանդիմանեցա́ւ զամբրի́.

Verse: 18  Link to sept   եւ մատուցաւ տուն ն(ո)ր(ա) ը(ս)տ արանց, եւ յանդիմանեցա́ւ աքար որդի քարմեայ, որդւոյ զամբրեայ, որդւոյ զարայի, ՛ի ցեղէն յուդայ։

Verse: 19  Link to sept   Եւ ասէ յեսու ցաքար. որդեա́կ իմ, տո́ւր փառս այսօր տ(եառ)ն ա(ստուծո)յ ի(սրաէ)լի, եւ տո́ւր խոստովանութի(ւն), եւ պատմեա́ ինձ զինչ գործեցեր. եւ մի́ թաքուցաներ յինէն։

Verse: 20  Link to sept   Պատասխանի ետ աքար եւ ասէ ցյեսու. արդարեւ ե́ս մեղայ առաջի տ(եառ)ն ա(ստուծո)յ ի(սրաէ)լի. զայս ինչ եւ զայս գործեցի։

Verse: 21  Link to sept   տեսի յաւարին ամղան մի նկարէն գեղեցիկ, եւ երկերիւր երկրդամեան արծաթոյ, եւ լեզու մի ոսկի՝ որոյ յիսուն երկդրամեան էր ձոյլ ն(ո)ր(ա). եւ ցանկացեալ ն(ո)ց(ա) առի́. եւ ահաւանիկ թաքուցեալ կայ ը(նդ) հողով ՛ի վրանի իմում. եւ արծաթն թաքուցեալ կայ ՛ի ներքոյ ն(ո)ց(ա)։

Verse: 22  Link to sept   Եւ առաքեաց յեսու հրեշտակս արս եւ ընթացան ՛ի վրանն ՛ի բանակն. եւ ա́նդ թաքուցեալ կայր ՛ի վրանի ն(ո)ր(ա). եւ արծաթն ՛ի ներքոյ ն(ո)ց(ա)։

Verse: 23  Link to sept   հանի́ն զայն ՛ի վրանէ անտի եւ բերին առ յեսու եւ առ ծերսն ի(սրաէ)լի՝ եւ եդին առաջի տ(եառ)ն։

Verse: 24  Link to sept   Եւ ա́ռ յեսու զաքար զորդի զարայի, եւ եհան զնա ՛ի ձորն աքովրայ, եւ զուստերս ն(ո)ր(ա) եւ զդստերս ն(ո)ր(ա), եւ զարջառ ն(ո)ր(ա), եւ զէշ ն(ո)ր(ա), եւ զա(մենայ)ն զոչխարս նորա, եւ զվրանս ն(ո)ր(ա), եւ զա(մենայ)ն ինչ ն(ո)ր(ա). եւ ամենայն ի(սրա)էլ ը(նդ) նմա. եւ ած զնա յեմակս աքովրայ։

Verse: 25  Link to sept   Եւ ասէ յեսու ընդէ՞ր սատակեցեր զմեզ. սատակեսցէ́ զքեզ տ(է)ր ըստ աւուրս ըստ այսմիկ։ Եւ քարկոծեցին զնա ա(մենայ)ն ի(սրա)էլ քատամբք, եւ այրեցին զն(ո)ս(ա) հրով. եւ քարկոծեցին զն(ո)ս(ա) քարամբք.

Verse: 26  Link to sept   եւ կուտեցին ՛ի վերայ ն(ո)ց(ա) կարկառ մեծ քարանց մինչեւ ցայսօր. եւ դադարեաց տ(է)ր ՛ի սրտմտութ(են)է բարկութե(ան) իւրոյ. վ(ա)ս(ն) այնորիկ անուանեաց զնա եմա́կ աքովրայ մինչեւ ցայսօր։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ ասէ տ(է)ր ցյեսու. մի́ երկնչի́ր եւ մի́ զանգիտիցես. ա́ռ դու ընդ քեզ զա(մենայ)ն արս պատերազմողս, եւ յարուցեալ ելցես ՛ի գայի. ահա ե́ս տա́մ ՛ի ձեռս քո զթագաւորն գայեայ եւ զժողովուրդ ն(ո)ր(ա), եւ զքաղաք ն(ո)ր(ա) եւ զերկիր ն(ո)ր(ա).

Verse: 2  Link to sept   եւ արասցե́ս ընդ գայի եւ ընդ թագաւորն ն(ո)ր(ա), զոր օրինակ արարեր ընդ երիքով եւ ընդ թագաւորն ն(ո)ր(ա). եւ զաւար ն(ո)ր(ա) եւ զանասուն ն(ո)ր(ա) ածցե́ս յաւարի։ եւ կացուսցե́ս քեզ դարանամուտս քաղաքին զկնի ն(ո)ր(ա)։

Verse: 3  Link to sept   Եւ յարեա́ւ յեսու՝ եւ ա(մենայ)ն ժողովուրդն պատերազմող, ելանել ՛ի գայի. եւ ընտրեաց յեսու երեսուն հազար արանց զօրաւորս զօրու(թեամ)բ, եւ առաքեաց զն(ո)ս(ա) զցայգ։

Verse: 4  Link to sept   Եւ պատուիրեաց ն(ո)ց(ա) եւ ասէ. տեսէ́ք, զի դուք դարանամո́ւտ լինիցիք յետուստ քաղաքին, եւ մի́ կարի հեռի լինիջիք ՛ի քաղաքէն. եւ կացջիք պատրա́ստք ամենեքին։

Verse: 5  Link to sept   եւ ես եւ ա(մենայ)ն ժողովուրդն որ ընդիս՝ մօտեսցուք ՛ի քաղաքն. եւ եղիցի յորժամ ելանիցեն բնակիչքն գայեայ ընդդէմ մեր իբրեւ զառաջինն, փախիցո́ւք յերեսաց ն(ո)ց(ա).

Verse: 6  Link to sept   եւ իբրեւ ելցեն զկնի մեր, մեկնեսցուք զն(ո)ս(ա) ՛ի քաղաքէ անտի. եւ ասիցեն թէ փախեա́ն յերեսաց մերոց իբրեւ զառաջինն։

Verse: 7  Link to sept   Եւ իբրեւ փախիցուք յերեսաց ն(ո)ց(ա), դուք յարիջի́ք ՛ի դարանէ անտի, եւ մտջիք ՛ի քաղաքն, եւ հարջի́ք զքաղաքն. եւ տացէ́ զն(ո)ս(ա) տ(է)ր ա(ստուա)ծ ի(սրաէ)լի ՛ի ձեռս մեր։

Verse: 8  Link to sept   Եւ եղիցի յորժամ առնուցուք զքաղաքն, այրեսջի́ք զնա հրով. ըստ ա́յսմ օրինակի առնիջիք՝ ահա պատուիրեցի́ ձեզ։

Verse: 9  Link to sept   Եւ առաքեա́ց զն(ո)ս(ա) յեսու, եւ գնացին ՛ի դարանն, եւ մտին ղօղեցան ՛ի մէջ բեթելայ եւ ՛ի մէջ դանայ ՛ի ծովակողմանէն գայեայ։ եւ ագա́ւ յեսու զայն գիշեր ՛ի մէջ ժողովրդեանն։

Verse: 10  Link to sept   Եւ կանխեալ յեսու ընդ առաւօտն արար հանդէս ժողովրդեանն. եւ ե́լ ինքն եւ ծերքն ի(սրաէ)լի առաջի ժողովրդեանն ՛ի վ(ե)ր(այ) գայեայ։

Verse: 11  Link to sept   եւ ա(մենայ)ն զօր պատերազմօղ ելի́ն ը(նդ) ն(ո)ս(ա), եւ գնացին ելին եկին հանդէպ քաղաքին յարեւելից կողմանէ, եւ դարանամուտք քաղաքին ՛ի ծովակո́յս կողմանէ, եւ բանակեցան ՛ի հիւսւսոյ գայեայ. եւ ձո́ր ընդ մէջ ն(ո)ց(ա) եւ գայեայ։

Verse: 12  Link to sept   Եւ ա́ռ հինգ հազար արանց, եւ եմոյծ զն(ո)ս(ա) ՛ի դարան՝ ընդ բեթա́ւն եւ ընդ ծովն գայեայ։

Verse: 13  Link to sept   եւ արկ զժողովուրդն եւ զա(մենայ)ն բանակն ՛ի հիւսւսոյ քաղաքին, եւ վերջ ն(ո)ց(ա) ՛ի ծովակողմն քաղաքին. եւ անց յեսու զգիշերն զայն ընդ էջ ձորոյն։

Verse: 14  Link to sept   Եւ եղեւ իբրեւ ետես թագաւորն գայեայ, փութացաւ կանխեաց եւ ել ընդդէմ ն(ո)ց(ա). եւ արք քաղաքին երթային հանդէպ ն(ո)ց(ա) ՛ի պատերազմ. ինքն եւ ա(մենայ)ն ժողովուրդ իւր ՛ի ժամանակին յանդիման արաբայ. եւ ինքն ո́չ գիտէր եթէ դարան գործեալ իցէ նմա յետուստ քաղաքին։

Verse: 15  Link to sept   Իբրեւ ետես յեսու՝ դարձա́ւ անդրէն ընդ կրուկն, եւ ա(մենայ)ն ի(սրա)էլ յերեսաց ն(ո)ց(ա) փախեա́ն ընդ ճանապարհ անապատին։

Verse: 16  Link to sept   Եւ ստիպեաց ա(մենայ)ն ժողովուրդ երկրին երթա́լ զհետ նորա. եւ պնդեցան երթալ զկնի որդւոցն ի(սրաէ)լի. եւ նոքա մեկնեցան ՛ի քաղաքէ անտի։

Verse: 17  Link to sept   եւ ո́չ մնաց ՛ի գայի եւ ՛ի բեթէլ՝ որ ո́չ պնդեցաւ զհետ ի(սրաէ)լի. եւ թողին զքաղաքն ՛ի բա́ց, եւ յարձակեցան զհետ ի(սրաէ)լի։

Verse: 18  Link to sept   Եւ ասէ տ(է)ր ցյեսու. ձգեա́ զձեռն քո գայիսոնաւդ որ ՛ի ձեռին քում ՛ի վերայ քաղաքին, զի ՛ի ձե́ռս քո մատնեցի զնա. եւ դարանակալքն ելցե́ն վաղվաղակի ՛ի տեղւոջէ իւրեանց։ Եւ ձգեաց յեսու զգայիսոնն եւ զձեռս իւր ՛ի վերայ քաղաքին։

Verse: 19  Link to sept   եւ դարանակալքն յարեա́ն վաղվաղակի ՛ի տեղւոջէ իւրեանց՝ եւ ելի́ն իբրեւ ձգեաց զձեռնն, եւ մտին ՛ի քաղաքն՝ եւ առին զնա. եւ փութացեալ այրեցին զքաղաքն հրով։

Verse: 20  Link to sept   Եւ հայեցեալ բնակչացն գայեայ ՛ի թիկունս իւրեանց, տեսանէին զի ելանէ́ր ծուխ քաղաքին մինչեւ յերկինս. եւ ո́չ եւս ուրեք գոյր ն(ո)ց(ա) փախուստ՝ այսր կամ անդր. եւ ժողովուրդն որ թաքուցեալ էր յանապատն՝ յարեա́ն ՛ի վերայ հետամտացն։

Verse: 21  Link to sept   Եւ յեսու եւ ա(մենայ)ն ժողովուրդն իբրեւ տեսին թէ առին դարանակալքն զքաղաքն, եւ զի ելանէ́ր ծուխ քաղաքին մինչեւ յերկինս. դարձա́ն անդրէն ընդ կրուկն, եւ հարին զարսն գայեայ.

Verse: 22  Link to sept   եւ նոքա ելին ՛ի քաղաքէ անտի ընդառաջ նոցա, եւ եղեն ՛ի մէ́ջ բանակին. նոքա անտի, եւ սոքա աստի՝ եւ հարին զն(ո)ս(ա) մինչեւ չմնալոյ ՛ի ն(ո)ց(ա)նէ ապրեալ եւ փախստական։

Verse: 23  Link to sept   Եւ զթագաւորն գայեայ ձերբակա́լ արարին կենդանւոյն, եւ ածի́ն առ յեսու։

Verse: 24  Link to sept   Եւ իբրեւ դադարեցին որդիքն ի(սրաէ)լի ՛ի կոտորելոյ զա(մենայ)ն գայացիս, զորս ՛ի դաշտս, զորս ՛ի լերինս զառիվայրին մինչեւ հալածեցին զն(ո)ս(ա). եւ անկան ամենեքին ՛ի սո́ւր սուսերի մինչեւ ՛ի սպառ։ Եւ դարձա́ւ յեսու ՛ի գայի, եւ եհա́ր զնա սրով սուսերի։

Verse: 25  Link to sept   եւ եղեն անկեալք յաւուր յայնմիկ յառնէ մինչեւ ցկին՝ երկոտասա́ն հազար, ա(մենայ)ն բնակիչքն գայեայ։

Verse: 26  Link to sept   Եւ յեսու ո́չ դարձոյց զձեռն իւր զոր ձգեաց գայիսոնաւն՝ մինչեւ նզովեա́ց զա(մենայ)ն բնակիչսն գայացւոց.

Verse: 27  Link to sept   բա́ց յանասնոյ եւ յաւարէ քաղաքին զոր աւարեցին որդիքն ի(սրաէ)լի ըստ հրամանի́ տ(եառ)ն՝ ո(ր)պ(էս) հրամայեաց տ(է)ր յեսուայ։

Verse: 28  Link to sept   եւ այրեա́ց յեսու զքաղաքն հրով եւ արար զնա բլո́ւր հողոյ՝ անշէն յաւիտեան մինչեւ ցայսօր։

Verse: 29  Link to sept   Եւ զթագաւորն գայեայ կախեա́ց զերկճի́ւղ փայտէ. եւ է́ր ՛ի վ(ե)ր(այ) փայտին կախեալ մինչեւ ցերեկոյ. եւ ընդ մտանել արեգականն հրամայեաց յեսու եւ իջուցին զնա ՛ի փայտէ անտի, եւ ընկեցին զնա ՛ի գո́ւբ առ դրան քաղաքին. եւ կուտեցին ՛ի վ(ե)ր(այ) ն(ո)ր(ա) կարկա́ռ քարանց մինչեւ ցա́յսօր։

Verse: 30  Link to sept   Յայնժամ շինեաց յեսու սեղան տ(եառ)ն ա(ստուծո)յ ի(սրաէ)լի ՛ի լերինն գեբաղ

Verse: 31  Link to sept   ո(ր)պ(էս) պատուիրեաց մովսէս ծառայ տ(եառ)ն որդւոցն ի(սրաէ)լի. զորօրինակ գրեալ է յօրէնսն մովսիսի. Սեղան յողջո́ց քարանց՝ յորս ո́չ մերձեալ իցէ երկաթ. եւ ա́նդ եհան ողջակէզ տ(եառ)ն եւ զո́հ փրկութե(ան)։

Verse: 32  Link to sept   Եւ գրեա́ց յեսու ՛ի վ(ե)ր(այ) քարանցն զերկրորդումն օրինաց զօրէնսն մովսիսի, զոր գրեաց առաջի որդւոցն ի(սրաէ)լի։

Verse: 33  Link to sept   Եւ ա(մենայ)ն ի(սրա)էլ, եւ ծերք ն(ո)ց(ա) եւ դատաւորք ն(ո)ց(ա)՝ եւ դպիրք ն(ո)ց(ա), երթային աստի անտի հանդէպ տապանակին. եւ քահանայքն ղեւտացիք բարձին զտապանակ ուխտին տ(եառ)ն, եւ եկն եւ բնակ։ Եւ էին կէսք ՛ի նոցանէ մե́րձ ՛ի լեառն գարիզին, եւ կէսք ՛ի նոցանէ մե́րձ ՛ի լեառն գեբաղ. որպէս պատուիրեաց մովսէս ծառայ տ(եառ)ն, օրհնե́լ նախ զժողովուրդն։

Verse: 34  Link to sept   եւ ապա́ ընթերցաւ զա(մենայ)ն բանս օրինացս այսոցիկ, զօրհնու(թ)ի(ւն)ս եւ զանէծս՝ ըստ ա(մենայ)ն գրելոցն յօրէնսն մովսիսի։

Verse: 35  Link to sept   Եւ ո́չ էր բան յա(մենայ)նէ զոր պատուիրեաց մովսէս յեսուայ՝ զոր ո́չ ընթերցաւ յեսու յականջս ա(մենայ)ն եկեղեցւոյն ի(սրաէ)լի, արանց եւ կանանց եւ մանկանց, եւ եկա́ցն յեցելոցն յի(սրա)էլ։



Chapter: 9 
ԳԼ(ՈՒԽ) Թ՜.


Verse: 1  Link to sept   Իբրեւ լուան ա(մենայ)ն թագաւորքն ամովրհացւոց որ յայնկոյս յորդանանու՝ որ լեռնայինք եւ որ դաշտայինք, եւ որ յա(մենայ)ն ծովեզեր ծովուն մեծի. եւ որք առ լիբանաներբն,, եւ քետացիքն՝ եւ ամովրհացիք՝ եւ գերգեսացիք՝ եւ քանանացիք՝ եւ փերեզացիք՝ եւ խեւացիք՝ եւ յեբուսացիք.

Verse: 2  Link to sept   եկին ՛ի միասին տա́լ պատերազմ ընդ յեսուայ եւ ընդ ի(սրաէ)լի՝ ամենեքին առ հասարակ։

Verse: 3  Link to sept   Եւ բնակիչքն գաբաւոնի լուան՝ զոր ինչ արար յեսու ընդ իրիքո́վ եւ ընդ գայի։

Verse: 4  Link to sept   արարին նոքա խորամանկութ(եամ)բ՝ եկեալք պաշարովք եւ պատրաստութ(եամ)բ։ առին քուրձս հնացեալս ՛ի վերայ ուսոց իւրեանց, եւ տիկս գինւոյ հնացեա́լս եւ պատառատունս կարկատեալս.

Verse: 5  Link to sept   եւ անկանուրդք կօշկաց ն(ո)ց(ա)՝ հողաթափք իւրեանց հնացեալք եւ կարկատեալք յոտս իւրեանց. եւ հանդերձք իւրեանց հնացեալք զանձամբք իւրեանց. եւ հաց պաշարի իւրեանց չորացեալ եւ ճըճեկեր.

Verse: 6  Link to sept   եւ եկին առ յեսու ՛ի բանակն ի(սրաէ)լի ՛ի գաղգաղա։ Եւ ասեն ցյեսու եւ ցա(մենայ)ն ի(սրա)էլ. յերկրէ́ հեռաստանէ եկեալ եմք, եւ արդ՝ դիք ը(նդ) մեզ ուխտ։ Եւ ասեն որդիքն ի(սրաէ)լի ցքոռացին.

Verse: 7  Link to sept   տե́ս՝ գուցէ́ առիս բնակեալ իցես, եւ զիա՞րդ դնեմք ընդ քեզ ուխտ։

Verse: 8  Link to sept   Եւ ասեն ցյեսու. ծառա́յք քո եմք։ եւ ասէ ցն(ո)ս(ա) յեսու, ուստի՞ էք դուք, եւ ուստի՞ եկեալ էք։

Verse: 9  Link to sept   եւ ասեն ցնա. յերկրէ́ հեռաստանէ յոյժ եկին ծառայք քո յանուն տ(եառ)ն ա(ստուծո)յ քոյ. զի լուաք զանո́ւն ն(ո)ր(ա), եւ զոր ինչ արար ընդ եգիպտոս,

Verse: 10  Link to sept   եւ զոր ինչ արար ընդ երկուս թագաւորսն ամովրհացւոց որ էին յայնկոյս յորդանանու, ընդ սեհոն թագաւորն եսեբոնի, եւ ընդ ովգ թագաւորն բասանու՝ որ բնակեալէր յաստարովթ եւ յեդրային։

Verse: 11  Link to sept   Եւ խօսեցա́ն ընդ մեզ ծերքն մեր, եւ ա(մենայ)ն բնակիչք երկրին մերոյ եւ ասեն. առէ́ք ձեզ պաշար ճանապարհի՝ եւ երթա́յք ընդառաջ ն(ո)ց(ա), եւ ասասջիք ցնոսա, ծառա́յք ձեր եմք, եւ արդ դի́ք ընդ մեզ ուխտ։

Verse: 12  Link to sept   զի զհա́ցս զայս մեր, ջե́րմ առաք պաշար ՛ի տանց մերոց յաւուր յորում ելաք ՛ի տանց մերոց եւ եկաք առ ձեզ. եւ արդ՝ չորացաւ եւ եղեւ ճըճեկեր։

Verse: 13  Link to sept   եւ տիկքս զոր լցաք գինւով   ՝ նո́րք էին՝ եւ պատառեցան, եւ ձո́րձք մեր եւ կօշիկք մաշեցան, ՛ի բազում երկայն ճանապարհէն։

Verse: 14  Link to sept   Եւ առին իշխանքն զպաշա́ր ն(ո)ց(ա)՝ եւ զտ(է)ր ո́չ հարցին։

Verse: 15  Link to sept   եւ արար ընդ ն(ո)ս(ա) խաղաղութի(ւն) յեսու. եւ ուխտեաց ն(ո)ց(ա) ուխտ տարացուցանե́լ զն(ո)ս(ա). եւ երդուա́ն նոցա իշխանք ժողովրդեանն։

Verse: 16  Link to sept   Եւ եղեւ յետ երից աւուրց զհետ ուխտելոյ ն(ո)ց(ա) զուխտն, լուան եթէ մօտաւորք են, եւ անդէն առ նոսա́ բնակեն։

Verse: 17  Link to sept   Չուեցին որդիքն ի(սրաէ)լի՝ եւ ելին ՛ի քաղաքս ն(ո)ց(ա) յաւուրն երրորդի. եւ քաղաքք ն(ո)ց(ա) էին գաբաւոն եւ կեփիրոն եւ բերովթ, եւ քաղաքք յարիմայ։

Verse: 18  Link to sept   Եւ ո́չ մարտեան ընդ նոսա որդիքն ի(սրաէ)լի. քանզի երդուա́ն նց ա(մենայ)ն իշխանք ժողովրդեանն ՛ի տ(է)ր ա(ստուա)ծ ի(սրաէ)լի։ եւ տրտնջեցին ա(մենայ)ն ժողովուրդն զիշխանացն։

Verse: 19  Link to sept   Եւ ասեն ա(մենայ)ն իշխանքն ցա(մենայ)ն ժողովուրդն. մեք երդուա́ք նոցա ՛ի տ(է)ր ա(ստուա)ծ ի(սրաէ)լի, եւ ո́չ կարեմք ստել ն(ո)ց(ա)։

Verse: 20  Link to sept   արդ՝ զա́յս արասցո́ւք նոցա ապրեցուցանե́լ զնոսա, եւ ստասցուք զն(ո)ս(ա). եւ մի́ եկեսցէ ՛ի վ(ե)ր(այ) մեր բարկութի(ւն) վ(ա)ս(ն) երդմանն զոր երդուաք ն(ո)ց(ա)։

Verse: 21  Link to sept   Եւ ասեն ցն(ո)ս(ա) իշխանքն. կեցցե́ն, եւ լինիցին փայտաբերք եւ ջրակիրք ա(մենայ)ն ժողովրդեանդ։ եւ եղեն փայտակոտորք եւ ջրաբերք՝ ո(ր)պ(էս) եւ ասացին նոցա իշխանքն։

Verse: 22  Link to sept   Եւ կոչեաց զն(ո)ս(ա) միահամո́ւռ յեսու, եւ խօսեցա́ւ ընդ ն(ո)ս(ա) եւ ասէ. ընդէ՞ր խաբեցէք զիս եւ ասացէք՝ հեռի́ եմք ՛ի ձէնջ յոյժ, եւ դու գաւառակա́նք էք բնակչացս որ ՛ի միջի մերում։

Verse: 23  Link to sept   եւ արդ՝ անիծեալք էք. եւ մի́ պակասեսցէ́ ՛ի ձէնջ ծառա́յ փայտակոտոր եւ ջրկիր ինձ՝ եւ ա(ստուծո)յ իմում։

Verse: 24  Link to sept   Պատասխանի ետուն եւ ասեն ցյեսու. ազդեցու(թեամ)բ ա́զդ եղեւ մեզ, զորինչ հրամայեաց տ(է)ր ա(ստուա)ծ քո մովսիսի ծառայի իւրոյ, տալ ձե́զ զերկիրս զայս, եւ սատակել զմեզ եւ զա(մենայ)ն բնակիչս սորա յերեսաց ձերոց. եւ երկեաք յոյժ վ(ա)ս(ն) անձանց մերոց յերեսաց ձերոց, եւ արարա́ք զիրն զայն։

Verse: 25  Link to sept   եւ արդ աւասիկ ե́մք ընդ ձեռամբ ձերով. ո(ր)պ(էս) հաճոյ է ձեզ եւ ո(ր)պ(էս) կամիք առնել՝ արարէք։

Verse: 26  Link to sept   Եւ արարին ն(ո)ց(ա) այնպէս. եւ ապրեցո́յց զնոսա յեսու յաւուր յայնմիկ ՛ի ձեռաց որդւոցն ի(սրաէ)լի, եւ ո́չ կոտորեցին զնոսա։

Verse: 27  Link to sept   Եւ կացոյց զն(ո)ս(ա) յաւուր յայնմիկ փայտակոտորս եւ ջրակիրս ա(մենայ)ն ժողովրդեանն՝ եւ սեղանոյն ա(ստուծո)յ մինչեւ ցայսօր ժամանակի. եւ ՛ի տեղւոջն զոր ընտրեսցէ տ(է)ր։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ իբրեւ լուաւ ադոնիբեղեկ թագաւորն եմ(թ)ի(ւն), թէ ա́ռ յեսու զգայի, եւ սատակեա́ց զնա. զորօրինակ արար ընդ երիքով եւ ընդ թագաւորն ն(ո)ր(ա), նոյնպէս արար ընդ գայի եւ ընդ թագաւոր նորա. եւ զի անձնատո́ւրք եղեն բնակիչք գաբաւոնի առ յեսու եւ առ ի(սրա)էլ՝ եւ եղեն ՛ի մէջ ն(ո)ց(ա).

Verse: 2  Link to sept   զարհուրեցա́ն յանձինս իւրեանց յոյժ. քանզի գիտէին թէ քաղաք մե́ծ է գաբաւոն ո(ր)պ(էս) զմի ՛ի մայրաքաղաքաց թագաւորացն. քանզի նա մեծ էր քան զգայի, եւ ա(մենայ)ն արք ն(ո)ր(ա) զօրաւորք։

Verse: 3  Link to sept   Եւ առաքեաց ադոնիբեղեկ արքայ ե(րուսաղէ)մի առ ելամ արքայ քեբրոնի, եւ առ քերամ արքայ յերիմութայ, եւ առ յեփիէ արքայ լաքիսայ, եւ առ դաբիր արքայ ոգողոմայ, եւ ասէ։

Verse: 4  Link to sept   Եկա́յք ելէ́ք առիս եւ օգնեցէք ինձ. եւ տացուք պատերա́զմ ը(նդ) գաբաւոնի. զի անձնատո́ւրք եղեն առ յեսու եւ առ որդիսն ի(սրաէ)լի։

Verse: 5  Link to sept   Եւ գումարեցան եւ ելին հինգ թագաւորքն յեբուսացւոց. թագաւորն ե(րուսաղէ)մի, եւ թագաւորն քեբրոնի, եւ թագաւորն յերիմութայ, եւ թագաւորն ղաքիսայ, եւ թագաւորն ոգողոմայ. ինքեա́նք եւ ա(մենայ)ն ժողովուրդ ն(ո)ց(ա), եւ նստան զգաբաւոնիւ եւ պաշարեցին զնա։

Verse: 6  Link to sept   Եւ առաքեցին բնակիչք գաբաւոնի առ յեսու ՛ի բանակն ի(սրաէ)լի ՛ի գաղգաղա՝ եւ ասեն. մի́ թողացուսցես զձեռն քո ՛ի ծառայից քոց, ե́լ առ մեզ վաղվաղակի եւ ապրեցո́ զմեզ, եւ օգնեա́ մեզ. զի ժողովեա́լ են ՛ի վ(ե)ր(այ) մեր ա(մենայ)ն թագաւորք ամովրհացւոց որ բնակեալ են ՛ի լեռնակողմանն։

Verse: 7  Link to sept   Եւ ել յեսու ՛ի գաղգաղայ, ինքն եւ ա(մենայ)ն զօրն պատերազմօղ ընդ նմա. եւ ա(մենայ)ն որ կարող էր զօրու(թեամ)բ։

Verse: 8  Link to sept   Եւ ասէ տ(է)ր ցյեսու. մի́ երկնչիցիս ՛ի նոցանէ, զի ՛ի ձե́ռս քո մատնեցից զնոսա. եւ ո́չ ժուժկալեսցէ ՛ի նոցանէ եւ ո́չ մի ոք առաջի ձեր։

Verse: 9  Link to sept   Եւ եհաս ՛ի վերայ ն(ո)ց(ա) յեսու յանկարծակի́ զցայգն ա(մենայ)ն՝ եկեալ ՛ի գաղգաղայ։

Verse: 10  Link to sept   Եւ զարհուրեցո́յց զնոսա տ(է)ր յերեսաց ի(սրաէ)լի. եւ եբե́կ զնոսա բեկումն մեծ ՛ի գաբաւոն. եւ հալածեցին զնոսա ընդ ճանապարհ զառիվայրին բեթորոնայ, եւ կոտորեցին զնոսա մինչեւ յազեկայ եւ ցմակետայ։

Verse: 11  Link to sept   Եւ ՛ի փախչելն ն(ո)ց(ա) յերեսաց որդւոցն ի(սրաէ)լի ընդ զառիվայրն բեթորոնայ, Եւ տ(է)ր արկ ՛ի վերայ ն(ո)ց(ա) քարինս կարկտի յերկնից մինչեւ ցյազեկայ. եւ եղեն բազումք այնոքիկ որ մեռան ՛ի քարանց կարկտին, քան զայնոսիկ զորս կոտորեցին որդիքն ի(սրաէ)լի սրով պատերազմի։

Verse: 12  Link to sept   Յայնժամ խօսեցաւ յեսու ընդ տ(եառ)ն՝ յաւուր յորում մատնեա́ց տ(է)ր ա(ստուա)ծ զամովրհացին ընդ ձեռամբ որդւոցն ի(սրաէ)լի. ՛ի ժամանակին յորում խորտակեաց զն(ո)ս(ա) ՛ի գաբաւոն, եւ խորտակեցան յերեսաց ի(սրաէ)լի։ Եւ ասէ յեսու, կացցէ́ արեգակն հանդէպ գաբաւոնի եւ լուսին հանդէպ ձորոյն եղոնայ։

Verse: 13  Link to sept   եւ կացին արեգակն եւ լուսին ՛ի կայի́ իւրեանց. մինչեւ էառ ա(ստուա)ծ զվրէժ ՛ի թշնամեաց ն(ո)ց(ա)։ Ո՞չ ապաքէն գրեա́լ է այս ՛ի գիրս ուղղութե(ան). եւ եկա́ց արեգակն ՛ի մէջ երկնից, եւ ո́չ խաղաց ը(նդ) արեւմուտս, մինչեւ ցկատարո́ւմն աւուր միոյ։

Verse: 14  Link to sept   Եւ ո́չ եղեւ այսպիսի օր, ո́չ յառաջ եւ ոչ յետոյ լսե́լ ա(ստուծո)յ ձայնի մարդոյ. զի տ(է)ր պատերազմեցաւ խառն ընդ ի(սրաէ)լի։

Verse: 15  Link to sept   եւ դարձաւ յեսու եւ ա(մենայ)ն ի(սրա)էլ ընդ նմա ՛ի բանակն ՛ի գաղգաղա։

Verse: 16  Link to sept   Եւ փախեա́ն հնգեքին թագաւորքն այնոքիկ՝ եւ թաքեան ՛ի յայրին ՛ի մակետայ։

Verse: 17  Link to sept   Եւ ա́զդ եղեւ յեսուայ՝ եւ ասեն. գտան հինգ թագաւորքն թաքուցեա́լք ՛ի յայրի անդ ի մակետայ։

Verse: 18  Link to sept   եւ ասէ յեսու. թաւալեցուցէ́ք վէմս մեծամե́ծս ՛ի բերան այրին, եւ կացուցէ́ք ՛ի վերայ ն(ո)ց(ա) արս պահե́լ զնոսա.

Verse: 19  Link to sept   բայց դուք մի́ դադարէք ՛ի պնդելոյ զհետ թշնամեաց ձերոց. եւ հասէ́ք ՛ի վերջս ն(ո)ց(ա), եւ մի́ տայք թոյլ մտանել ՛ի քաղաքս իւրեանց. քանզի մատնեաց զնոսա տ(է)ր ա(ստուա)ծ ՛ի ձեռս մեր։

Verse: 20  Link to sept   Եւ եղեւ իբրեւ դադարեաց յեսու եւ ա(մենայ)ն որդիքն ի(սրաէ)լի ՛ի կոտորելոյ զն(ո)ս(ա) կոտորո́ւմն մեծ յոյժ մինչեւ ՛ի սպառ. եւ ապրեալքն որ ապրեցան ՛ի նոցանէ՝ մտին ՛ի քաղաքս ամուրս։

Verse: 21  Link to sept   Եւ դարձա́ւ ա(մենայ)ն ժողովուրդն ՛ի բանակն առ յեսու ՛ի մակեդայ ողջանդամք, եւ ո́չոք կռնչեաց յորդւոցն ի(սրաէ)լի լեզուաւ իւրով։

Verse: 22  Link to sept   Եւ ասէ յեսու. բացէք զայրն եւ հանէ́ք առիս զհնգեսին թագաւորսն յայրէ անտի։

Verse: 23  Link to sept   եւ արարին ա́յնպէս. եւ հանի́ն առ նա զհնգեսին թագաւորսն յայրէ անտի, զթագաւորն ե(րուսաղէ)մի, եւ զթագաւորն քեբրոնի, եւ զթագաւորն յերիմութայ, եւ զթագաւորն ղաքիսայ, եւ զթագաւորն ոդողոմայ։

Verse: 24  Link to sept   Եւ իբրեւ հանին զնոսա առ յեսու. եւ կոչեաց յեսու զա(մենայ)ն ի(սրա)էլ եւ յառաջամարտիկս երթա́լ ընդ նմա։ եւ ասէ ցն(ո)ս(ա), մատի́ք յառաջ՝ եւ դի́ք զոտս ձեր ՛ի վ(ե)ր(այ) պարանոցաց ն(ո)ց(ա). եւ մատուցեալ եդին զոտս իւրեանց ՛ի վ(ե)ր(այ) պարանոցաց ն(ո)ց(ա)։

Verse: 25  Link to sept   Եւ ասէ ցնոսա յեսու. մի́ երկնչիք ՛ի նոցանէ՝ եւ մի́ զանգիտիցէք, քաջացարո́ւք եւ զօրացարո́ւք, զի այսպէս արասցէ տ(է)ր ընդ ա(մենայ)ն թշնամիս ձեր՝ ընդ որս դո́ւք մարտնչիցիք։

Verse: 26  Link to sept   Եւ կոտորեա́ց զնոսա յեսու, եւ կախեաց զն(ո)ս(ա) հնգեսին զփայտից. եւ կային կախեա́լ զփայտիցն մինչեւ ցերեկոյ։

Verse: 27  Link to sept   Եւ եղեւ ընդ արեւմուտն, հրամայեաց յեսու եւ իջուցին զնոսա ՛ի փայտիցն. եւ ընկեցին յա́յրն յորս փախուցեալ անկեալ էին. եւ թաւալեցուցին քարինս մեծամեծս ՛ի վ(ե)ր(այ) այրին մինչեւ ցայսօր ժամանակի։

Verse: 28  Link to sept   Եւ զմակետա առին յաւուր յայնմիկ, եւ կոտորեցին զնա սրո́վ սուսերի. եւ զթագաւորն ն(ո)ց(ա), եւ սատակեցին զնա՝ եւ զա(մենայ)ն շնչաւոր որ ՛ի նմա. եւ ո́չ ոք մնաց ՛ի նմանէ ապրեալ եւ փախուցեալ։ եւ արա́ր ընդ թագաւորն մակեդայ, զորօրինակ արար ընդ թագաւորն երիքովի։

Verse: 29  Link to sept   Եւ գնաց յեսու եւ ա(մենայ)ն ի(սրա)էլ ընդ նմա ՛ի մակեդայէ ՛ի ղեբնա։ եւ պաշարեցին զղեբնա,

Verse: 30  Link to sept   եւ մատնեաց զնա տ(է)ր ՛ի ձեռս ի(սրաէ)լի. եւ ա́ռ զնա, եւ զթագաւոր նորա, եւ կոտորեաց զնա սրով սուսերի, եւ զա(մենայ)ն շնչաւոր որ ՛ի նմա. եւ ո́չ մնաց ՛ի նմանէ ո́չ մի ապրեալ եւ փախստական. եւ արար ընդ թագաւորն ն(ո)ր(ա) զորօրինակ արար ընդ թագաւորն երիքովի։

Verse: 31  Link to sept   Եւ գնաց յեսու եւ ա(մենայ)ն ի(սրա)էլ ընդ նմա ՛ի ղեբնայէ ՛ի ղաքիս, եւ նստաւ զնովաւ եւ պաշարեաց զնա.

Verse: 32  Link to sept   եւ մատնեաց տ(է)ր զղաքիս ՛ի ձեռս ի(սրաէ)լի, եւ ա́ռ զնա յաւորն երկրորդի, եւ կոտորեաց զնա բերանով սրոյ, եւ սատակեաց զնա, զորօրինակ արար ընդ ղեբնան։

Verse: 33  Link to sept   Յայնժամ ել եղամ արքայ գազերայ օգնել ղաքիսայ. եւ եհար զնա յեսու սրով սուսերի եւ զզօրս ն(ո)ր(ա) մինչեւ չմնա́լ ՛ի ն(ո)ց(ա)նէ, ապրեալ եւ փախստական։

Verse: 34  Link to sept   Եւ չուեա́ց յեսու եւ ա(մենայ)ն ի(սրա)էլ ընդ նմա ՛ի ղաքիսայ յոդողամ, եւ նստաւ զնովաւ եւ պաշարեաց զնա. եւ մատնեաց զնա տ(է)ր ՛ի ձեռս ի(սրաէ)լի,

Verse: 35  Link to sept   եւ ա́ռ զնա յաւուր յայնմիկ, եւ կոտորեաց զնա սրով սուսերի, եւ զա(մենայ)ն շնչաւոր որ ՛ի նմա յաւուր յայնմիկ կոտորեցին, զորօրինակ արարին ընդ ղաքիս։

Verse: 36  Link to sept   Եւ չուեա́ց յեսու եւ ա(մենայ)ն ի(սրա)էլ ընդ նմա յոդողոմայ ՛ի քեբրոն, եւ նստա́ւ զնովաւ,

Verse: 37  Link to sept   եւ առին զնա, եւ հարին զնա բերանով սուսերի. եւ զթագաւորն ն(ո)ր(ա), եւ զա(մենայ)ն շնչաւոր որ ՛ի նմա, եւ ՛ի նմա ո́չ ոք էր ապրեալ. եւ արարին ընդ նմա ո(ր)պ(էս) արարին ընդ ոդողամ. եւ սատակեցին զնա եւ զա(մենայ)ն շնչաւոր, եւ զա(մենայ)ն ինչ որ ՛ի նմա։

Verse: 38  Link to sept   Եւ դարձա́ւ յեսու եւ ա(մենայ)ն ի(սրա)էլ ՛ի դաբիր, եւ նստեալ զնովաւ,

Verse: 39  Link to sept   առին զնա եւ զթագաւորն ն(ո)ր(ա), եւ զա(մենայ)ն զօրս ն(ո)ր(ա). եւ հարին զնա բերանով սրոյ, եւ սատակեցին զնա եւ զա(մենայ)ն շնչաւոր որ ՛ի նմա. եւ ո́չ թողին եւ ո́չ մի ապրեալ. զոր օրինակ արարին ընդ քեբրոն նո́յնպէս արարին ընդ դաբիր եւ ընդ թագաւորն ն(ո)ր(ա). եւ որպէս արարին ը(նդ) ղեբնա եւ ը(նդ) թագաւորն ն(ո)ր(ա)։

Verse: 40  Link to sept   Եւ եհա́ր յեսու զա(մենայ)ն երկիրն լեռնական եւ զնագեբ, եւ զդաշտականսն, եւ զասեդովթ եւ զա(մենայ)ն թագաւորս ն(ո)ր(ա). եւ ո́չ եթող ՛ի նմանէ ապրեալ, եւ զա(մենայ)ն շնչաւոր սատակեցի́ն ՛ի նմանէ. զորօրինակ պատուիրեաց տ(է)ր ա(ստուա)ծ ի(սրաէ)լի։

Verse: 41  Link to sept   Եւ կոտորեա́ց զն(ո)ս(ա) յեսու, ՛ի կադէսբառնեայ մինչեւ ցգազա. եւ զա(մենայ)ն երկիրն գոսոմայ մինչեւ ցգաբաւոն.

Verse: 42  Link to sept   եւ զա(մենայ)ն թագաւորսն ն(ո)ց(ա). եւ զերկիր ն(ո)ց(ա) ա́ռ յեսու միանգամայն. զի տ(է)ր ա(ստուա)ծ ի(սրաէ)լի համագո́ւնդ կռուէր ընդ ի(սրաէ)լի։

Verse: 43  Link to sept   Եւ դարձաւ յեսու եւ ա(մենայ)ն ի(սրա)էլ ընդ նմա ՛ի բանա́կն ՛ի գաղգաղայ։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Իբրեւ լուաւ յաբին արքայ սուրայ, առաքեա́ց առ յոբաբ արքայ մառոնայ, եւ առ արքայն սէմերոնի, եւ առ արքայն աքիփայ.

Verse: 2  Link to sept   եւ առ թագաւորս մեծի սիդոնայ ՛ի լեռնայինսն, եւ յռաբաթ հանդէպ քեներեթայ։ Եւ ՛ի դաշտայինն, եւ ՛ի նաբեթովր, եւ ՛ի ծովեզերեայս

Verse: 3  Link to sept   քանանացիս յարեւելից կողմանէ. ՛ի ծովեզերեայսն ամովրհացւոց, եւ ՛ի քետացիս, եւ ՛ի փերեզացիս, եւ յեբուսացիս որ ՛ի լերինն, եւ ՛ի խեւացիսն որ ընդ ահերմոնի́ւ ՛ի մասեփայ։

Verse: 4  Link to sept   Եւ ելին ինքեանք եւ թագաւորք իւրեանց ընդ նոսա. եւ զօր բազում իբրեւ զաւազ առ ափն ծովու բազմութ(եամ)բ, եւ երիվարք եւ կառք բազում յոյժ.

Verse: 5  Link to sept   գումարեցա́ն ա(մենայ)ն թագաւորքն այնոքիկ եւ եկին ՛ի միասին. եւ բանակեցա́ն միանգամայն առ ջրովն մառոնայ տա́լ պատերազմ ընդ ի(սրաէ)լի։

Verse: 6  Link to sept   Եւ ասէ տ(է)ր ցյեսու. մի́ երկնչիր յերեսաց ն(ո)ց(ա), զի վաղիւ ՛ի սո́յն ժամու մատնեցի́ց ես զամենեսեան զն(ո)ս(ա) վանեալս առաջի որդւոցն ի(սրաէ)լի. զերիվարս ն(ո)ց(ա) կարթակոտո́րս արասցես, եւ զկառս ն(ո)ց(ա) այրեսցե́ս հրով։

Verse: 7  Link to sept   Եւ եկն յեսու եւ ա(մենայ)ն զօրն պատերազմօղ ընդ նմա, ՛ի վ(ե)ր(այ) ն(ո)ց(ա) ՛ի ջուրն մառոնայ յանկարծօրէն. եւ անկան ՛ի վ(ե)ր(այ) ն(ո)ց(ա) ՛ի լեռնակողմանն։

Verse: 8  Link to sept   եւ մատնեա́ց զն(ո)ս(ա) տ(է)ր ընդ ձեռամբ ի(սրաէ)լի. եւ կոտորեալ զնոսա արարին հալածակա́ն մինչեւ ցմեծն սիդոն, եւ մինչեւ ցմասրեփովթմայիմ, եւ մինչեւ ցդաշտն մասեփայ ընդ արեւելս. եւ կոտորեա́ց զնոսա մինչեւ չմնալոյ ՛ի ն(ո)ց(ա)նէ ապրեալ։

Verse: 9  Link to sept   Եւ արա́ր ընդ ն(ո)ս(ա) յեսու որպէս պատուիրեաց նմա տ(է)ր. զերիվարս ն(ո)ց(ա) կարթակոտո́րս արար, եւ զկառս նոցա այրեա́ց հրով։

Verse: 10  Link to sept   Եւ դարձա́ւ յեսու ՛ի ժամանակին յայնմիկ, եւ ա́ռ զասովր եւ զթագաւորն ն(ո)ր(ա), եւ սպան զնա։ զի ասովր էր նախիշխան ա(մենայ)ն թագաւորութե(ան)ցն այնոցիկ։

Verse: 11  Link to sept   եւ կոտորեցին զա(մենայ)ն շնչաւոր որ ՛ի նմա սրո́վ սուսերի, եւ սատակեցին զամենեսին. եւ ո́չ մնաց ՛ի նմա շնչաւոր։ Եւ զասովր այրեցին հրով.

Verse: 12  Link to sept   եւ զա(մենայ)ն քաղաքս թագաւորութե(ան)ցն այնոցիկ, եւ զթագաւորս ն(ո)ց(ա) ա́ռ յեսու, եւ կոտորեաց զն(ո)ս(ա) սրով սուսերի, եւ սատակեաց զնոսա. զոր օրինակ հրամայեա́ց ն(ո)ց(ա) մովսէս ծառայ տ(եառ)ն։

Verse: 13  Link to sept   Այլ զա(մենայ)ն քաղաքս հողացուցեալս ՛ի ն(ո)ց(ա)նէ ո́չ այրեաց ի(սրա)էլ, բայց միայն զասուր զոր այրեաց յեսու.

Verse: 14  Link to sept   եւ զա(մենայ)ն կապուտ ն(ո)ր(ա) եւ զանասուն առին իւրեանց յաւարի որդիքն ի(սրաէ)լի. բայց զն(ո)ս(ա) զամենեսին սատակեցին սրով սուսերի մինչեւ կորուսին զնոսա, եւ ո́չ թողին ՛ի նոցանէ եւ ո́չ մի շնչաւոր.

Verse: 15  Link to sept   զոր օրինակ հրամայեաց տ(է)ր մովսիսի ծառայի իւրում. եւ ո(ր)պ(էս) պատուիրեաց մովսէս յեսուայ՝ նո́յնպէս արար յեսու. եւ ո́չ անց եւ ո́չ զիւիք յա(մենայ)նէ զոր պատուիրեաց նմա մովսէս։

Verse: 16  Link to sept   Եւ ա́ռ յեսու զա(մենայ)ն երկիրն զայն, զլեռնակողմնն, եւ զա(մենայ)ն երկիրն նագեբ, եւ զա(մենայ)ն երկիրն գոսոմ, եւ զդաշտայինն եւ զարեւմտեայն, եւ զլեառնն ի(սրաէ)լի, եւ զհովիտս ն(ո)ր(ա) որ առ լերամբն.

Verse: 17  Link to sept   ՛ի լեռնէն աքեղայ եւ ցելսն սուրայ, մինչեւ ցբաաղգադ։ եւ զդաշտայինն լիբանանու առ ոտամբն ահերմոնի։ եւ զթագաւորս նոցա. եւ զամենեսին ա́ռ եւ կոտորեա́ց։

Verse: 18  Link to sept   Եւ աւուրս բազո́ւմս արար յեսու ընդ ա(մենայ)ն թագաւորսն ը(նդ) այնոսիկ պատերազմ։

Verse: 19  Link to sept   եւ ո́չ էր քաղաք զոր ո́չ մատնեաց տ(է)ր որդւոցն ի(սրաէ)լի, բաց ՛ի խեւացւոցն որ բնակեալ էր ՛ի գաբաւոն. զամենեսին ա́ռ պատերազմաւ։

Verse: 20  Link to sept   Զի ՛ի տ(եառն)է կարծրանային սիրտք ն(ո)ց(ա) պատահել պատերազմաւ ի(սրաէ)լի՝ զի սատակեսցին։ եւ մի́ տացի ն(ո)ց(ա) ողորմու(թ)ի(ւն), այլ զի սատակեսցին ո(ր)պ(էս) խօսեցաւ տ(է)ր ընդ մովսիսի։

Verse: 21  Link to sept   Եւ ե́կն յեսու ՛ի ժամանակին յայնմիկ՝ եւ սատակեա́ց զենակիմսն, ՛ի լեռնակողմն քեբրոնի, եւ դաբիրայ, եւ յանովբայ՝ եւ յա(մենայ)ն լեռնէն ի(սրաէ)լի, եւ յա(մենայ)ն լեռնէն յուդայ, հանդերձ քաղաքօ́ք նոցա. եւ սատակեա́ց զն(ո)ս(ա) յեսու,

Verse: 22  Link to sept   եւ ո́չ մնաց յենակիմացն յորդւոցն ի(սրաէ)լի, բայց միայն ՛ի գազա, եւ ՛ի գէթ, եւ յասեդովթ մնացին։

Verse: 23  Link to sept   Եւ ա́ռ յեսու զա(մենայ)ն երկիրն որպէս պատուիրեաց տ(է)ր մովսիսի. եւ ետ յեսու ժառանգու(թ)ի(ւն) ի(սրաէ)լի վիճակաւ ըստ ցեղից ն(ո)ց(ա)։ եւ դադարեա́ց երկիրն պատերազմել։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ ա́յս են թագաւորք՝ զորս կոտորեաց մովսէս եւ որդիքն ի(սրաէ)լի, եւ ժառանգեցին զերկիրն ն(ո)ց(ա) յայնկոյս յորդանանու յարեւմտից կողմանէ, ՛ի ձորոյն առնովնայ մինչեւ ցլեա́ռնն ահերմոն, եւ զա(մենայ)ն զարաբա յարեւելից կողմանէ·

Verse: 2  Link to sept   Զսեհոն թագաւոր ամովրհացւոց որ բնակեա́լ էր յեսեբոն, եւ տիրէր յարոէրայ մինչեւ ցձորն առնովնայ՝ յեզերբ ձորոյն, եւ զկէսն գաղաադու մինչեւ ցհեղեղատն յաբովկայ. սահմանք որդւոցն ամոնայ։

Verse: 3  Link to sept   եւ արաբա մինչեւ ցծովն քէներեթայ, եւ ընդ արեւելս մինչեւ ցծովն աղի, յերեւելից ընդ ճանապարհն ասեմովթայ. ՛ի թեմանայ որ է ընդասեդովթաւ ՛ի փասգայնէ։

Verse: 4  Link to sept   Եւ սահմանք ովգայ արքայի բասանու՝ որ մնացեալ էր ՛ի սկայից անտի. որ բնակեալ էր յաստարովթ եւ յեդրային։

Verse: 5  Link to sept   իշխա́ն ՛ի լեռնէն ահերմոնի եւ ՛ի սեղքայ. եւ զա(մենայ)ն բասան մինչեւ ՛ի սահմանս գէսուրայ, եւ մաքաթի, եւ զկէս գաղաադու սահմանացն սեհոնի արքայի եսեբոնայ։

Verse: 6  Link to sept   Եւ մովսէս ծառայ տ(եառ)ն եւ որդիքն ի(սրաէ)լի հարի́ն զնոսա. եւ ետ զայն մովսէս ծառայ տ(եառ)ն ՛ի ժառանգութի(ւն) ռուբինի եւ գադայ, եւ կիսոյ ցեղին մանասէի։

Verse: 7  Link to sept   Եւ ա́յս են թագաւորք ամովրհացւոց զոր կոտորեա́ց յեսու եւ որդիքն ի(սրաէ)լի յա́յնկոյս յորդանանու՝ առ ծովեզերբն գաղաադու ՛ի դաշտին լիբանանու մինչեւ ցլեառնն աղովկայ յելսն աէիրայ։ Եւ ետ զնա յեսու ցեղիցն ի(սրաէ)լի ՛ի ժառանգութի(ւն) ըստ վիճակաց ն(ո)ց(ա).

Verse: 8  Link to sept   ՛ի լերինն եւ ՛ի դաշտի, եւ յարաբա, եւ յասեդովթ, եւ յանապատին եւ ՛ի նագեբ։ զքետացին, եւ զամովրհացին, եւ զքանանացին, եւ զփերեզացին, եւ զխեւացին, եւ զգերգեսացին, եւ զյեբուսացին։

Verse: 9  Link to sept   Զթագաւորն երիքովայ զմի։ զթագաւորն գայեայ որ մերձ ՛ի բեթէլ զմի։

Verse: 10  Link to sept   Զթագաւորն երուսաղէմի զմի։ զթագաւորն քեբրոնի զմի։

Verse: 11  Link to sept   Զթագաւորն յերիմութայ զմի։ զթագաւորն ղաքիսայ զմի։

Verse: 12  Link to sept   Զթագաւորն եդղոնի զմի։ զթագաւորն գազերայ զմի։

Verse: 13  Link to sept   Զթագաւորն դաբիրայ զմի։ զթագաւորն գեսեմայ զմի։

Verse: 14  Link to sept   Զթագաւորն հերմեայ զմի։ զթագաւորն աբերայ զմի։

Verse: 15  Link to sept   Զթագաւորն ղոբնայ զմի։ զթագաւորն ոդողոմայ զմի։

Verse: 16  Link to sept   Զթագաւորն մակեդայ զմի։

Verse: 17  Link to sept   Զթագաւորն թափուայ զմի։ զթագաւորն ոփերայ զմի։

Verse: 18  Link to sept   Զթագաւորն նափեկայ զմի։ զթագաւորն ասովրայ զմի։

Verse: 19  Link to sept   Զթագաւորն սամրոնայ զմի։ զթագաւորն մառովնայ զմի։ զթագաւորն ասքափայ զմի։

Verse: 20  Link to sept   Զթագաւորն թանաքայ զմի։ զթագաւորն մակեդդովայ զմի։

Verse: 21  Link to sept   Զթագաւորն կեդեսայ զմի։ զթագաւորն յեկնոմա́յ զքերմեղայն զմի։

Verse: 22  Link to sept   Զթագաւորն դովրայ զնափեդովրայ զմի։ զթագաւորն գեղիմայ զգեղգեղայն զմի։

Verse: 23  Link to sept   Զթագաւորն թերայ զմի։ Ամենեքեան սոքա թագաւորք քսանեւինն։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ յեսու ծերացեա́լ եւ անցեա́լ զաւուրբք։ Եւ ասէ տ(է)ր ցյեսու. դու ծերացեա́լ ես եւ անցեալ զաւուրբք. եւ երկիր բազո́ւմ մնացեալ է ՛ի ժառանգութ(են)է։

Verse: 2  Link to sept   Եւ ա́յս է երկիրն մնացեալ. ա(մենայ)ն սահմանք փղշտացւոց. գէսուրի.

Verse: 3  Link to sept   եւ քանանացին, յանշինէ́ անտի ընդդէմ եգիպտոսի, մինչեւ ՛ի սհամանս ակկարոնի, ընդ աջմէ քանանացւոյն համարի հնգից թագաւորացն փղշտացւոց. գազացւոյն, եւ ազովտացւոյն. եւ խեւացւոյն ՛ի թեմանայ։

Verse: 4  Link to sept   Եւ ա(մենայ)ն երկրին քանանացւոյն, գազայ, եւ սիդոնացիք մինչեւ ցյափեկա մինչեւ ցսահմանս ամովրհացւոյն։

Verse: 5  Link to sept   եւ զա(մենայ)ն երկիրն արաբա ՛ի փղշտացւոց՝ եւ զա(մենայ)ն լիբանան յելիցն արեւու, ՛ի գաղգաղա՝ առ ոտամբ լերինն ահերմոնի մինչեւ ցմուտս եմաթայ.

Verse: 6  Link to sept   ամենայն որ բնակեալ իցէ զլեռնակողմնն, ՛ի լիբանանէ մինչեւ ՛ի մասերեփ թովթմայիմ։ Եւ զա(մենայ)ն սիդոնացիս. ե́ս սատակեցից զն(ո)ս(ա) յերեսաց որդւոցն ի(սրաէ)լի. բայց դու բաժանեա́ զն(ո)ս(ա) ՛ի ժառանգութի(ւն) ի(սրաէ)լի. որպէս պատուիրեցի քեզ։

Verse: 7  Link to sept   Եւ արդ՝ բաժանեա́ զերկիրս զայս ՛ի ժառանգութի(ւն) ինն ցեղիցն, եւ կիսոյ ցեղին մանասէի։ ՛ի յորդանանէ մինչեւ ցծովն մեծ ընդ կողմն արեւմտից՝ տացես զնա եւ ծովն մեծ սահմանեսցէ։

Verse: 8  Link to sept   Եւերկու ցեղիցն՝ եւ կիսոյ ցեղին մանասէի՝ որ են ընդ ռուբինի եւ ը(նդ) գադայ որ առին զժառանգութի(ւն) իւրեանց զոր ետ մովսէս յայնկոյս յորդանանու յարեւելից. բաժանեաց ն(ո)ց(ա) մովսէս ծառայ տ(եառ)ն,

Verse: 9  Link to sept   յարոերայ՝ որ է առ եզերբ հեղեղատին առնովնայ, եւ զքաղաքն որ է ՛ի մէջ ձորոյն, եւ զա(մենայ)ն միսովր, ՛ի մեդաբայ մինչեւ ցդեբոն։

Verse: 10  Link to sept   զա(մենայ)ն քաղաքսն սեհոնի արքայի ամովրհացւոց որ թագաւորեաց յեսեբոն, մինչեւ ցսահմանս որդւոցն ամոնայ։

Verse: 11  Link to sept   եւ զգաղաադայինն, եւ զսահմանս գեսուրայ, եւ զմաքաթեայ, եւ զա(մենայ)ն լեառնն ահերմոն. եւ զա(մենայ)ն բասանաստան մինչեւ ցսեղքա։

Verse: 12  Link to sept   Եւ զա(մենայ)ն թագաւորութի(ւն)ն ովգայ ՛ի բասան, որ թագաւորեաց յաստարովթ եւ յեդրային. նա́ մնաց ՛ի մնացորդաց սկայիցն. եւ եհար զնա մովսէս՝ եւ սատակեաց։

Verse: 13  Link to sept   Եւ ո́չ սատակեցին որդիքն ի(սրաէ)լի զգեսուրի, եւ զմաքաթի, եւ զքանանացին. եւ բնակէր թագաւորն գեսուրայ եւ մաքաթեայ ՛ի մէջ որդւոցն ի(սրաէ)լի մինչեւ ցայսօր։

Verse: 14  Link to sept   Բայց ցեղին ղեւեայ ո́չ տուաւ բաժին եւ ժառանգութի(ւն). զի տ(է)ր ա(ստուա)ծ ի(սրաէ)լի է́ ն(ո)ց(ա) ժառանգութի(ւն)՝ որպէս ասաց ն(ո)ց(ա) տ(է)ր։ Եւ ա́յս են բաժինք զոր բաժանեաց մովսէս որդւոցն ի(սրաէ)լի, յռաբովթ մովաբ յայնկոյս յորդանանու յանդիման երեքոյի։

Verse: 15  Link to sept   Եւ ե́տ մովսէս ըստ ցեղին ռուբինի եւ ըստ տոհմից ն(ո)ց(ա)։

Verse: 16  Link to sept   եւ եղեն սահմանք ն(ո)ց(ա) յարոէրայ՝ որ կայ յանդիման ձորոյն առնովնայ, եւ քաղաքն ՛ի ձորն առնովնայ, եւ ա(մենայ)ն միսովր. եւ մեդաբայ

Verse: 17  Link to sept   մինչեւ ցգեբոն. եւ զա(մենայ)ն քաղաքս ն(ո)ց(ա) որ են ՛ի միսովր, եւ զգեբոն, եւ զբամովթբայա́ղ. եւ զտունս բաելմովթայ.

Verse: 18  Link to sept   եւ զյասա, եւ զկեդմովթ, եւ զմեփայաթ.

Verse: 19  Link to sept   եւ զկարիաթեմ, եւ զսեբամա, եւ զսարթ, եւ զսիովր ՛ի լերինն ենակայ։

Verse: 20  Link to sept   եւ զբեթփագովր. եւ զասեգովթփասգայ, եւ զբեթսիմովթ, եւ զա(մենայ)ն քաղաքս միսովրայ,

Verse: 21  Link to sept   Եւ զա(մենայ)ն թագաւորութի(ւն)ն սեհոնի արքայի ամովրհացւոց, որ թագաւորեաց յեսեբոն. զոր եհար մովսէս, զնա́ եւ զիշխանս մադիամու, եւ ղեւի, եւ զրոկոմ, եւ զսուր, եւ զուր, եւ զռովբէ. եւ զիշխանս պարասիոնացն զբնակեալս յերկրին։

Verse: 22  Link to sept   Եւ զբաղաամ բէովրեան զհարցուկն, կոտորեցին որդիքն ի(սրաէ)լի սրով ՛ի միո́ւմ վայրկենի։

Verse: 23  Link to sept   եւ եղեն սահմանքն ռուբինի յորդանան սհաման։ Ա́յս է ժառանգութի(ւն) որդւոցն ռուբինի ըստ տոհմից իւրեանց, քաղաքք եւ աւանք նոցա։

Verse: 24  Link to sept   Եւ ետ մովսէս որդւոցն գադայ ըստ տոհմից իւրեանց.

Verse: 25  Link to sept   եւ եղեն ն(ո)ց(ա) սահմանք յազերայ, եւ ա(մենայ)ն քաղաքք գաղաադու. եւ կէս երկրի որդւոցն ամովնայ մինչեւ ցարոէր որ է յանդիման արաբայ.

Verse: 26  Link to sept   եւ յեսեբոնայ մինչեւ ցհռամովթ՝ առ մասփայիւ. եւ բոտանիմ, եւ մանայեմ մինչեւ ցսահմանս դաբիրայ։

Verse: 27  Link to sept   Եւ յեմակն եւ բեթարամ, եւ բեթնամրա, եւ սովքով, եւ սափոն. եւ զա́յլ եւս թագաւորութի(ւն)ն սեհոնի արքայի եսեբոնայ. յորդանան սահման է. մինչ ցեզր ծովուն քեներեթայ, յայնկոյս յորդանանու յարեւելից։

Verse: 28  Link to sept   Ա́յս է ժառանգութի(ւն) որդւոցն գադայ ը(ս)տ տոհմից իւրեանց. ըստ քաղաքաց ն(ո)ց(ա)՝ եւ ագարակք նոցին։

Verse: 29  Link to sept   Եւ ետ մովսէս կիսոյ ցեղին մանասէի. եւ եղեւ կիսոյ ցեղի որդւոցն մանասէի, ը(ս)տ տոհմից իւրեանց։

Verse: 30  Link to sept   եւ եղեն սահմանք ն(ո)ց(ա) ՛ի մանայեմայ, եւ ա(մենայ)ն բասան. եւ ա(մենայ)ն թագաւորութի(ւն)ն ովգայ արքայի բասանու, եւ ա(մենայ)ն աւանք յայիրայ, որ են ՛ի բասանաստանի. վաթսուն քաղաք։

Verse: 31  Link to sept   եւ կէս գաղաադու, եւ յաստարովթ, եւ յեգրային, քաղաքք թագաւորութե(ա)ն ովգայ ՛ի բասանաստանի։ Եւ տուան որդւոցն մաքիրայ որդւոյ մանասէի, եւ կիսոց որդւոցն մանասէի ըստ տոհմից իւրեանց։

Verse: 32  Link to sept   Սոքա́ են զորս ժառանգեցոյց մովսէս յայնկոյս յորդանանու յռաբովթ մովաբ յայնմ կողմանէ յորդանանու հանդէպ երիքոյի յարեւելից։

Verse: 33  Link to sept   Եւ ցեղին ղեւեայ ո́չ ետ մովսէս ժառանգութի(ւն). զի տ(է)ր ա(ստուա)ծ ի(սրաէ)լի ինքնին է ժառանգութի(ւն) ն(ո)ց(ա)՝ ո(ր)պ(էս) խօսեցաւ ընդ ն(ո)ս(ա)։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ սոքա́ են որ ժառանգեցուցին որդւոցն ի(սրաէ)լի յերկրին քանանացւոց, որոց ժառանգեցուցին։ Եղիազար քահանայ, եւ յեսու նաւեան, եւ իշխանք նահապետութե(ան) ցեղից որդւոցն ի(սրաէ)լի։

Verse: 2  Link to sept   եւ վիճակօք ժառանգեցուցին. զոր օրինակ պատուիրեաց տ(է)ր ՛ի ձեռն յեսուայ, իննեցունց ցեղիցն, եւ կիսոյ ցեղին։

Verse: 3  Link to sept   Քանզի ետ մովսէս ժառանգութի(ւն) երկուց ցեղիցն եւ կիսոյ ցեղին յայնկոյս յորդանանու։ Եւ ղեւտացւոցն ո́չ ետ ժառանգութի(ւն) ՛ի մէջ ն(ո)ց(ա)։

Verse: 4  Link to sept   Զի էին որդիքն յովսեփու երկու ցեղք, մանասէ եւ եփրեմ. եւ ո́չ տուաւ բաժին յերկիրն ղեւտացւոցն, այլ քաղաքք բնակելոյ, եւ զատուցեալս ըստ նոցին խաշանց նոցա.

Verse: 5  Link to sept   զորօրինակ պատուիրեաց տ(է)ր մովսիսի, նո́յնպէս արարին որդիքն ի(սրաէ)լի եւ բաժանեցին զերկիրն։

Verse: 6  Link to sept   Եւ մատեան որդիքն յուդայ առ յեսու ՛ի գաղգաղայ. եւ ասէ ցնա քաղէբ յեփոնեայ կենեզեան. դու ինքնին գիտես զբանն՝ զոր խօսեցաւ տ(է)ր ընդ մովսիսի առնն ա(ստուծո)յ՝ վ(ա)ս(ն) իմ եւ քո ՛ի կադէսբառնեա։

Verse: 7  Link to sept   զի քառասնամեայ էի ես, յորժամ առաքեաց զիս մովսէս ծառայ տ(եառ)ն ՛ի կադէսբառնեայ լրտեսե́լ զերկիրն. եւ բերաք նմա զրոյց ըստ մտաց ն(ո)ր(ա)։

Verse: 8  Link to sept   Բայց եղբարքն իմ որ ելին ընդիս՝ թիւրեցին զմիտս ժողովրդեանն. բայց ես յաւելա́յ երթալ զհետ տ(եառ)ն ա(ստուծո)յ իմոյ։

Verse: 9  Link to sept   եւ երդուաւ մովսէս յաւուր յայնմիկ եւ ասէ. յերկիրն յոր հասեր՝ քե́զ լիցի ՛ի ժառանգութի(ւն) եւ որդւոց քոց յաւիտեան. զի յաւելայ երթա́լ զհետ տ(եառ)ն ա(ստուծո)յ իմոյ։

Verse: 10  Link to sept   Եւ արդ կերակրեա́ց զիս տ(է)ր ո(ր)պ(էս) ասաց՝ ա́յս ամք քառասներորդ հինգերորդ է՝ յորմէհետէ խօսեցաւ տ(է)ր զբանս զայս ընդ մովսիսի. եւ շրջեցաւ ի(սրա)էլ յանապատին։ Եւ արդ աւասիկ ե́մ ես այսօր ամաց ութսուն եւ հնգից.

Verse: 11  Link to sept   եւ կարո́ղ եմ այսօր՝ ո(ր)պ(էս) յորժամ առաքեաց զիս մովսէս, նո́յնպէս եւ արդ կարօղ եմ մտանել եւ ելանել ՛ի պատերազմ։

Verse: 12  Link to sept   Եւ այժմ խնդրե́մ ՛ի քէն զլեառնն զայն՝ ո(ր)պ(էս) ասաց տ(է)ր յաւուր յայնմիկ. զի դու ինքնին լուար զբանս զայս յաւուր յայնմիկ։ եւ արդ ա́ւանիկ ենակիմք են անդ, եւ քաղաքք ամուրք եւ մեծամեծք. արդ եթէ տ(է)ր ընդի́ս է՝ սատակեցից զն(ո)ս(ա) որպէս ասաց ինձ տ(է)ր։

Verse: 13  Link to sept   Եւ օրհնեա́ց զնա յեսու. եւ ե́տ զքեբրոն քաղեբայ որդի յեփոնեայ կենեզացւոյ ՛ի ժառանգութի(ւն)։

Verse: 14  Link to sept   Վ(ա)ս(ն) այնորիկ եղեւ քեբրոն քաղեբայ որդւոյ յեփոնեայ կենեզացւոյ ՛ի ժառանգութի(ւն). վ(ա)ս(ն) երթալոյ ն(ո)ր(ա) զհետ հրամանի տ(եառ)ն ա(ստուծո)յ ի(սրաէ)լի։

Verse: 15  Link to sept   եւ անուն քեբրոնի է́ր յառաջ քաղաք՝ արբոկ։ նա́ էր մայր քաղաքաց ենակիմանցն։ եւ երկիրն դադարեա́ց ՛ի պատերազմէ։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ եղեն սահմանք ցեղից որդւոցն յուդայ, ըստ տոհմի իւրեանց ՛ի սահմանացն եդոմայեցւոց, ՛ի սինն անապատէ մինչեւ ՛ի կադէս,

Verse: 2  Link to sept   ը(ս)տ հարաւակողմն. եւ եղեն ն(ո)ց(ա) սահմանք ՛ի հարաւոյ մինչեւ յեզր ծովուն աղւոյ, ՛ի սարոյն որ իջանէ ՛ի հարաւակողմն.

Verse: 3  Link to sept   եւ անցանեն մինչեւ ՛ի զառ ՛ի վայրին ակրաբիմայ, եւ պատին զսինաքաւ, եւ վերանան ՛ի հարաւոյ ցկադէսբառնեա, եւ ելանեն ՛ի հովն եւ ձգին առ ադդարաւ, եւ պատին առ արեւմտիւքն կադեսայ։

Verse: 4  Link to sept   եւ երթան ցասեմոնա, եւ հանեն մինչեւ ցձորն եգիպտացւոց. եւ եղիցին նոքա ե́լք սահմանացն ընդ ծովակողմն։ Ա́յս են ն(ո)ց(ա) սահմանք ՛ի հարաւոյ։

Verse: 5  Link to sept   Եւ սահմանք յարեւելից ա(մենայ)ն ծովն աղի, մինչեւ ցեզրն յորդանանու։ Եւ սահմանք ն(ո)ց(ա) ընդ հիւսւսի. ՛ի սարոյ ծովուն եւ յեզերէ յորդանանու.

Verse: 6  Link to sept   հասանեն սահմանքն ՛ի բէթագղա, եւ շրջին առ հիւսւսով ցբէթարաբու, եւ վերանան սահմանքն առ բէովն վիմաւ որդւոցն ռուբինի։

Verse: 7  Link to sept   եւ ելանեն սահմանքն առ չորրորդ մասամբ ձորոյն աքովրայ. եւ ընդ հարաւակողմն, եւ իջանեն ՛ի գաղգաղ, որ է հանդէպ մատուցին եղոմիմա, եւ ընդ հարաւակողմն. եւ հասանէ սահմանն ՛ի ջուր արեգ աղբեր. եւ եղիցին նոցա ելք, աղբերն ռովգեզայ։

Verse: 8  Link to sept   եւ ելանեն սահմանքն ՛ի ձոր որդւոցն ենովմայ ՛ի թիկանց յեբուսայ ՛ի հարաւոյ, ա́յն է երուսաղէմ։ եւ հասանեն սահմանքն ՛ի գլուխ լերինն՝ որ է հանդէպ ձորոյն ենովմայ ՛ի ծովակոյս կողմանէ՝ որ է յեզեր երկրին ռափայնոց ընդ հիւսւսի։

Verse: 9  Link to sept   Եւ հանէ սահմանն ՛ի գլխոյ լերինն յաղբեր ջրոյն ափովթայ, եւ հատանէ լեառնն եփրեմի ՛ի գայի. եւ հանէ սահմանն ՛ի բաաղ. ա́յն է քաղաք յարիմայ։

Verse: 10  Link to sept   Եւ պատի սահմանն ՛ի բաաղայ ընդ ծովակողմն ասարէս ՛ի լեառնն սէիր, եւ պատի զթիկամբք քաղաքին յարիմայ ՛ի հիւսւսոյ. ա́յն է քաղսոն. եւ իջուցանէ յարեգ քաղաք, եւ անցանէ ՛ի հարաւ։

Verse: 11  Link to sept   եւ հատանէ սահմանն ՛ի թիկանց ակկարոնի ընդ հիւսւսի։ եւ հանեն սահմանքն ՛ի սարքայովնայ, եւ անցանեն առ լերամբ երկրին բաաղայ, եւ հատանեն ցաբնեղ։ եւ եղիցին ելք սահմանաց ն(ո)ց(ա) ընդ ծովակողմն.

Verse: 12  Link to sept   եւ զսահման ն(ո)ց(ա) ՛ի ծովէ՝ ծո́վն մեծ զատանէ։ Ա́յս են սահմանք որդւոցն յուդայ շուրջանակի, ըստ տոհմից իւրեանց։

Verse: 13  Link to sept   Եւ քաղեբայ որդւոյ յեփոնեայ ե́տ բաժին ՛ի մէջ որդւոցն յուդայ հրամանաւ ա(ստուծո)յ. եւ ե́տ նմա յեսու զքաղաքն արբոկ, զմայր քաղաքացն ենակայ, ա́յն է քեբրոն։

Verse: 14  Link to sept   եւ սատակեա́ց զնոսա անտի քաղէբ որդի յեփոնեայ, զերիս որդիսն ենակայ, զսուսի, զթովմայի, եւ զքիման, զծնունդս ենակայ։

Verse: 15  Link to sept   Եւ ե́լ անտի քաղէբ ՛ի վ(ե)ր(այ) բնակչացն դաբիրայ. եւ անուն դաբիրայ՝ էր յառաջագոյն քաղաք նամակաց։

Verse: 16  Link to sept   Եւ ասէ քաղէբ. որ ոք առցէ զքաղաքն նամակաց, եւ տիրեսցէ նմա, տա́ց նմա զասքա դուստր իմ կնութե(ան)։

Verse: 17  Link to sept   Եւ ա́ռ զնա գոթոնիէլ որդի կենեզի, եղբայր քաղեբայ կրտսեր. եւ ե́տ նմա զասքա դուստր իւր կնութե(ան)։

Verse: 18  Link to sept   Եւ եղեւ յերթալն ն(ո)ր(ա) խորհեցաւ ընդ նա՝ եւ ասէ. խնդրեցի́ց ՛ի հարե իմմէ ագարակ։ եւ աղաղակեա́ց յիշոյ անտի,։ եւ ասէ ցնա քաղէբ՝ զի՞ քեզ։

Verse: 19  Link to sept   եւ ասէ ցնա. տո́ւր ինձ օրհնու(թ)ի(ւն). զի յերկիր նագեբ ետուր զիս, տո́ւր ինձ գողաթմայիմ. եւ ետ նմա քաղէբ զգողաթն վերին՝ եւ զգողաթն ներքին։

Verse: 20  Link to sept   Ա́յս է ժառանգու(թ)ի(ւն) ցեղի որդւոցն յուդայ, ը(ս)տ տոհմից իւրեանց։

Verse: 21  Link to sept   Եւ եղեն ն(ո)ց(ա) քաղաքք։ քաղաք առաջին ցեղի որդւոցն յուդայ ՛ի սահմանս եդոմայ յանապատին։ Կասբեէղ, եւ եդրային եւ յագուր.

Verse: 22  Link to sept   եւ կինա, եւ դէմոնա, եւ ադադա.

Verse: 23  Link to sept   եւ կադէս, եւ իթնանզիփ.

Verse: 24  Link to sept   եւ տէղէմ, եւ բաաղովթ.

Verse: 25  Link to sept   եւ քաղաքն ասեբոն, այն է ասովր։

Verse: 26  Link to sept   Ամամ, եւ սամաս, եւ մովղադա.

Verse: 27  Link to sept   եւ ասէրգադդա, եւ բեթփաղէթ.

Verse: 28  Link to sept   եւ ասարսուղա, եւ բերսաբէէ. եւ աւանք ն(ո)ց(ա), եւ ագարակք ն(ո)ց(ա)։

Verse: 29  Link to sept   Բաաղա, եւ աւիմ, եւ ասեմ։

Verse: 30  Link to sept   եւ եղթովղադ, եւ քուղ, եւ երմա,

Verse: 31  Link to sept   եւ սիկեղէկ, եւ մադեբենա, եւ սանսաննա.

Verse: 32  Link to sept   եւ ղամովթ, եւ սէղէմի, եւ ռեմոն. քաղաքք քսանեւինն՝ եւ աւանք ն(ո)ց(ա)։

Verse: 33  Link to sept   ՛Ի դաշտավայրս, եսթաւուղ, եւ սարաա, եւ ասնա։

Verse: 34  Link to sept   եւ ռամոն, եւ զանով, եւ ադիաթեմ, եւ ենայիմ,

Verse: 35  Link to sept   եւ յերիմութ, եւ ոդողամ, եւ ներմա, եւ սոքով, եւ ազեկա։

Verse: 36  Link to sept   եւ սարգարիմ, եւ գադերա. եւ ագարակք ն(ո)ց(ա). քաղաքք չորեքտասանք եւ աւանք նոցա։

Verse: 37  Link to sept   Սենան, եւ ադասա, եւ մակդաղգադ,

Verse: 38  Link to sept   եւ գաղաան, եւ մասփա, եւ յեքթրայեղ։

Verse: 39  Link to sept   եւ ղաքիս, եւ բազկաթ, եւ ագղոմ,

Verse: 40  Link to sept   եւ քաբբա, եւ ղամաս, եւ քասղոմ,

Verse: 41  Link to sept   եւ գադերովթ, եւ բեթղագոն, եւ նովմա, եւ մակեդդա. քաղաքք վեշտասան եւ աւանք ն(ո)ց(ա)։

Verse: 42  Link to sept   Ղեբնա, եւ աթեր,

Verse: 43  Link to sept   եւ յեփթա, եւ ասեննա, եւ նեսիբ,

Verse: 44  Link to sept   եւ կէիղա, եւ աքեզիբ, եւ մարեսա, եւ եղէմովմ. քաղաքք ինն, եւ աւանք ն(ո)ց(ա)։

Verse: 45  Link to sept   Ակկարոն, եւ աւանք ն(ո)ր(ա), եւ ագարակք ն(ո)ր(ա)։

Verse: 46  Link to sept   եւ յակկարոնէ յէմէն, եւ ա(մենայ)ն արուարձանք ազդարովդայ. եւ աւանք ն(ո)ց(ա) եւ ագարակք ն(ո)ց(ա)։

Verse: 47  Link to sept   Գազա, եւ աւանք ն(ո)ր(ա) եւ ագարակք նորա, մինչեւ ցհեղեղատն եգիպտոսի. եւ ծովն մեծ զատուցանէ։

Verse: 48  Link to sept   Եւ ՛ի լեռնավայրսն՝ սափիր, եւ յեթեր, եւ սովքով։

Verse: 49  Link to sept   եւ գեննա. եւ լեառնն ահերմոն. եւ քաղաքն նամակաց. ա́յն է դաբիր։

Verse: 50  Link to sept   եւ անովբ եւ եսթեմով, եւ անիմ.

Verse: 51  Link to sept   եւ դոսոմ, եւ քիղուոն, եւ գեղոն. քաղաքք մետասան, եւ աւանք ն(ո)ց(ա)։

Verse: 52  Link to sept   Երեբ, եւ եսան. եւ երումա.

Verse: 53  Link to sept   եւ յանում, եւ բեթթափուէ, եւ ափակա.

Verse: 54  Link to sept   եւ քամմատա. եւ քաղաքքն արբոկ. այն է քեբրոն, եւ սիովր. քաղաքք ինն, եւ աւանք ն(ո)ց(ա)։

Verse: 55  Link to sept   Մաւոն, եւ քերմէղ, եւ զիփ, եւ յետտա.

Verse: 56  Link to sept   եւ յեզրայէղ, եւ յեկտա, եւ զանովաեկիմ,

Verse: 57  Link to sept   եւ գաբաա, եւ թամնա. քաղաքք ինն, եւ աւանք ն(ո)ց(ա)։

Verse: 58  Link to sept   Աղուղ, եւ բեթսուր, եւ գեդովր,

Verse: 59  Link to sept   եւ մարովթ, եւ բեթանովթ, եւ եղթեկեն. քաղաքք վեց, եւ աւանք ն(ո)ց(ա)։ Թեկով, եւ եփրաթա. ա́յն է բեթղահէմ, եւ բագովր, եւ ետամ, եւ կուղովն, եւ տատամի, եւ սովրէս, եւ կարեմ, եւ գաղղիմ, եւ բեթեր, եւ մանոքով։ քաղաքք մետասան, եւ աւանք նոցա։

Verse: 60  Link to sept   Կարիաթբաաղ. նա́ է քաղաք յարիմայ, եւ արաբա. քաղաքք երկու, եւ աւանք ն(ո)ց(ա), եւ ագարակք իւրեանց։

Verse: 61  Link to sept   Բէթբարգիս, եւ բէթարաբա, եւ մադովն, եւ սովքովա։

Verse: 62  Link to sept   եւ նեբսան. եւ ք(ա)ղ(ա)քք աղտիցն, եւ ենգադիս. ք(ա)ղա(ա)քք եւթն, եւ աւանք ն(ո)ց(ա)։

Verse: 63  Link to sept   Եւ յեբուսացին բնակե(ա)լ էր յ(երուսաղ)էմ, եւ ո́չ կարացին որդիքն յուդայ մարտնչել ը(նդ) ն(ո)ս(ա). եւ բնակեցան յեբուսացիքն ը(նդ) որդիսն յուդայ յ(երուսաղ)էմ մինչեւ ցայսօր։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ եղեն որդւոցն յովսեփայ սահմանք, ՛ի յորդանանէ հանդէպ երիքոյի, ՛ի ջրոյ անտի որ հանդէպ երիքոյի, յարեւելից ընդ անապատն. եւ ամբառնան յերիքովէ ՛ի լեռնակողմ անապատին ՛ի բեթեղղուզ։

Verse: 2  Link to sept   եւ ելանէ ՛ի բեթէղղուզայ, եւ անցանեն առ սահմանօքն արքիատարովթայ։

Verse: 3  Link to sept   Եւ ելանեն ընդ ծովակողմն ՛ի սահմանս յեփաղթեայ, մինչեւ ցսահմանս բեթորոնայ ներքնոյ, եւ մինչեւ ցգազեր. եւ եղիցին ելք ն(ո)ց(ա) ը(նդ) ծովակողմն։

Verse: 4  Link to sept   եւ ժառանգեցին որդիքն յովսեփայ՝ եփրեմ եւ մանասէ։

Verse: 5  Link to sept   Եւ եղեն սահմանք որդւոցն եփրեմայ ըստ տոհմից իւրեանց։ եւ եղեն սահմանք ժառանգութե(ան) ն(ո)ց(ա), յարեւելից՝ աստարովթ, եւ ադար, մինչեւ ցբեթորոնն վերին, եւ ցգաղեր։

Verse: 6  Link to sept   եւ անցանեն սահմանքն ընդ ծովակողմն ՛ի քամովթ ՛ի հիւսւսոյ. եւ պատիցի սահմանն ընդ արեւելս ՛ի թենաթսելով. եւ անցանէ յարեւլից առ յանովաւ։

Verse: 7  Link to sept   եւ իջցէ յանովայ յաստարովթ, եւ ՛ի նաարաթա. եւ աւանք ն(ո)ց(ա)։ Եւ անցցեն առ երիքոյիւ, եւ հանցեն ՛ի յորդանան.

Verse: 8  Link to sept   եւ ՛ի թափուեա անցցեն սահմանքն ՛ի ծովակողմն ՛ի հեղեղատն կանայ. եւ եղիցին ելք ն(ո)ր(ա) ՛ի ծովակողմն։ Ա́յս է ժառանգութի(ւն) ցեղի որդւոցն եփրեմի ը(ս)տ տոհմից իւրեանց։

Verse: 9  Link to sept   Եւ քաղաքքն զատուցեալք որդւոցն եփրեմի, ՛ի մէջ ժառանգութե(ան) որդւոցն մանասէի։ եւ ա(մենայ)ն քաղաքք եւ աւանք ն(ո)ց(ա)։

Verse: 10  Link to sept   Եւ ո́չ կորոյս եփրեմ զքանանացին բնակեալ ՛ի գազեր. եւ բնակէր քանանացին ՛ի մէջ եփրեմայ մինչեւ ցայսօր։ Մինչեւ ել փարաւոն արքայ եգիպտացւոց եւ ա́ռ զքաղաքն՝ եւ այրեաց զնա հրով. եւ զքանանացին եւ զփերեզացին զբնակեալն ՛ի գազեր խոտեաց. եւ ետ զնա փարաւոն պաշտակա́ն դստեր իւրում. եւ եղեն ծառա́յք հարկատուրք։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ եղեն սահմանք ցեզի որդւոցն մանասէի. զի նա́ էր անդրանիկ յովսեփայ, մաքիրա́յ անդրանկանն մանասէի հօր գաղաադու, քանզի այր պատերազմօ́ղ էր, գաղաադայինն ՛ի բասանաստան։

Verse: 2  Link to sept   Եւ եղեւ այլոց որդւոցն մանասէի, ըստ տոհմից իւրեանց, որդւոցն աքիեզերայ, եւ որդւոցն քեղկեայ, եւ որդւոցն երիէղեայ, եւ որդւոցն եքէմայ, եւ որդւոցն սեմիրայեայ, եւ որդւոցն ոփերայ։ Սոքա́ են որդիք մանասէի որդւոյ յովսեփայ արո́ւք ըստ տոհմից իւրեանց։

Verse: 3  Link to sept   Եւ սաղպաադայ որդւոյ ոփերայ, որդւոյ գաղաադու, որդւոյ մաքիրայ, որդւոյ մանասէի, ո́չ գոյին ն(ո)ր(ա) ուստերք, այլ դստերք։ Եւ ա́յս են անուանք դստերաց սաղպաադայ. մաաղա, եւ նուա, եւ էգղա, եւ մեղքա, եւ թերսա։

Verse: 4  Link to sept   Կացին առաջի եղիազարու քահանայի, եւ առաջի յեսուայ որդւոյ նաւեայ, եւ առաջի իշխանացն՝ եւ ասեն։ Ա(ստուա)ծ պատուիրեաց ՛ի ձեռն մովսիսի տա́լ մեզ ժառանգու(թ)ի(ւն) ՛ի մէջ եղբարց մերոց. եւ տուա́ւ ն(ո)ց(ա) ժառանգու(թ)ի(ւն) հրամանաւ տ(եառ)ն ՛ի մէջ եղբարց հօր իւրեանց։

Verse: 5  Link to sept   Եւ ել վիճակ մանասէի դաշտն ղաբեկայ, եւ գաղաադի, եւ բասանա, որ է յա́յնկոյս յորդանանու։

Verse: 6  Link to sept   Զի դստերք որդւոց մանասէի ժառանգեցին վիճակ ՛ի մէջ եղբարց իւրեանց. եւ երկիրն գաղաադու եղեւ որդւոցն մանասէի մնացելոցն։

Verse: 7  Link to sept   Եւ եղեն սահմանք որդւոցն մանասէի, յասերմաքովթայ, որ է հանդէպ սեքեմայ, եւ երթան սահմանքն ցյամին, եւ ցասեբ՝ եւ յաղբեւրն թափթովթայ. մանասէի եղիցի երկիր թափթովթայ։

Verse: 8  Link to sept   եւ թափթովթա ՛ի սահմանս մանասէի որդւոցն եփրեմայ։

Verse: 9  Link to sept   եւ իջանեն սահմանքն ՛ի ձորն կանայի ընդ հարաւակողմն հանդէպ ձորոյն յայիրայ. եւ բեւեկին եփրեմայ ՛ի մէջ քաղաքին մանասէի։ Եւ սահմանք մանասէի ը(նդ) հիւսւսի ցհեղեղատն։ եւ եղիցին ն(ո)ր(ա) ելք ծովն,

Verse: 10  Link to sept   ՛ի հարաւակողմն կուսէ եփրեմայ, եւ ՛ի հիւսւսոյ մանասէի. եւ եղիցի ծո́վն սհաման ն(ո)ց(ա)։ եւ յասեր յա́ր՝ իցեն ՛ի հիւսւսոյ կողմանէ. եւ յիսաքար՝ յարեւելից կողմանէ։

Verse: 11  Link to sept   եւ եղիցի մանասէ ընդ իսաքա́ր եւ ընդ ասեր։ Բաթսան, եւ աւանք ն(ո)ց(ա). եւ ամբղան եւ դստերք նորա. բնակիչք ենդովրայ, եւ աւանք ն(ո)ր(ա). եւ բնակիչք մակեդդովայ, եւ աւանք ն(ո)ր(ա). եւ բնակիչք տանաքայ, եւ աւանք ն(ո)ր(ա). եւ երրորդ նափեթայ, եւ աւանք ն(ո)ր(ա)։

Verse: 12  Link to sept   Եւ ո́չ կարացին որդիք մանասէի սատակել զքաղաքսն զայնոսիկ։ եւ սկսաւ քանանացին բնակել յերկրին յայնմիկ։

Verse: 13  Link to sept   Եւ եղեւ իբրեւ յաղթահարեցին որդիքն ի(սրաէ)լի, արարին զքանանացին հնազա́նդս. բայց սատակելով ո́չ սատակեցին զն(ո)ս(ա)։

Verse: 14  Link to sept   Ընդդէ́մ դարձան որդիք յովսեփայ յեսուայ՝ եւ ասեն. ընդէ՞ր ժառանգեցուցեր մեզ մի ժառանգութի(ւն) եւ մի վիճակ. եւ ես ժողովուրդ բազո́ւմ եմ. եւ ա(ստուա)ծ օրհնեա́ց զիս։

Verse: 15  Link to sept   Ասէ ցնոսա յեսու. եթէ ժողովուրդ բազո́ւմ ես դու, ե́լ յանտառն՝ եւ սրբեա́ դու քեզ զերկիրն, զփերեզացիսն եւ զռափայինսն։ եթէ նե՞ղ իցէ քեզ լեառնդ եփրեմի։

Verse: 16  Link to sept   Եւ ասեն որդիքն յովսեփայ, չէ́ մեզ բաւական լեառնն եփրեմայ։ եւ անդ ընտիր ընտի́րք երիվարաց, եւ զէ́ն ա(մենայ)ն քանանացւոցն բնակելոյ յերկիր ընդիս. ՛ի բեթսան եւ յաւանս ն(ո)ր(ա), եւ ՛ի ձօրն յեզրայեղի։

Verse: 17  Link to sept   եւ խօսեցաւ յեսու ընդ որդիւսն յովսեփայ, ընդ եփրեմի եւ ընդ մանասէի՝ եւ ասէ. թէ ժողովուրդ բազո́ւմ ես դու, եւ զօրու(թ)ի(ւն) բազո́ւմ ունիս. մի́ լիցի քեզ մի վիճակ.

Verse: 18  Link to sept   անտա́ռն եղիցի քեզ, զի անտա́ռ է եւ սրբեսցես զնա. եւ եղիցին քե́զ ելք ն(ո)ր(ա) յորժամ սատակեսցես զքանանացին։ զի թէպէտ եւ երիվարք ընտի́րք իցեն ն(ո)ր(ա), եւ զօրագո́յն քան զքեզ իցէ, դո́ւ յաղթահարեսցես զնա։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ եկեղեցացա́ւ ա(մենայ)ն ժողովուրդ որդւոցն ի(սրաէ)լի ՛ի սելով եւ կանգնեցին անդ զխորանն վկայութե(ան). եւ երկիրն նուաճեցա́ւ ՛ի նոցանէ։

Verse: 2  Link to sept   Եւ մնացին որդիքն ի(սրաէ)լի՝ եւ ո́չ ժառանգեցին եւթն ցեղն։

Verse: 3  Link to sept   Եւ ասէ ցնոսա յեսու. մինչեւ յե՞րբ մեղկիցէք չմտանել ժառանգել զերկիրն զոր ետ ձեզ տ(է)ր ա(ստուա)ծ հարցն մերոց։

Verse: 4  Link to sept   տո́ւք ինձ երի́ս արս ՛ի ցեղէ, եւ առաքեցից զն(ո)ս(ա), եւ յարուցեալ անցանիցեն ընդ երկիրն, եւ գրեսցեն զնա առաջի իմ՝ թէ ո՞(ր)պ(էս) պարտ իցէ բաժանել զնա։ Եւ եկին առ նա։

Verse: 5  Link to sept   եւ բաժանեաց ն(ո)ց(ա) եւթն մասն։ Յուդայ կացցէ ն(ո)ց(ա) սահման ՛ի հարաւոյ. եւ որդիքն յովսեփայ կացցեն ՛ի սահմանս իւրեանց ՛ի հիւսւսոյ։

Verse: 6  Link to sept   եւ դուք բաժանեցէ́ք զերկիրն եւթն բաժին՝ եւ բերէ́ք առիս այսր. եւ հանից ձեզ վիճակ աստ առաջի տ(եառ)ն ա(ստուծո)յ։

Verse: 7  Link to sept   Զի ո́չ գոյ ընդ ձեզ բաժին որդւոցն ղեւեայ. զի քահանայու(թ)ի(ւն) տ(եառ)ն է բաժին ն(ո)ր(ա)։ եւ գադ, եւ ռուբէն, եւ կէս ցեղին մանասէի առի́ն զժառանգութի(ւն) իւրեանց յա́յնկոյս յորդանանու յարեւելս՝ զոր ե́տ ն(ո)ց(ա) մովսէս ծառայ տ(եառ)ն։

Verse: 8  Link to sept   եւ յարուցեալ արքն գնացին։ Եւ պատուիրեա́ց յեսու արանցն երթելոց աշխարհադիտե́լ զերկիրն. եւ ասէ. անցէ́ք գնացէ́ք եւ աշխարհադիտեցէ́ք զերկիրն, եւ եկեսջիք առիս այսր. եւ հանից ձեզ վիճակս առաջի տ(եառ)ն ՛ի սեղով։

Verse: 9  Link to sept   Եւ գնացին արքն եւ շրջեցա́ն ընդ երկիրն, եւ աշխարհադիտեցի́ն զերկիրն, եւ տեսին զնա. եւ գրեցին ըստ քաղաքաց իւրեանց եւթն բաժին ՛ի մատենի. եւ բերին առ յեսու ՛ի բանակն ՛ի սեղով։

Verse: 10  Link to sept   Եւ արկ ն(ո)ց(ա) յեսու վիճակ ՛ի սեղով առաջի տ(եառ)ն, եւ բաժանեա́ց անդ զերկիրն որդւոցն ի(սրաէ)լի՝ ըստ բաժանմանց իւրեանց։

Verse: 11  Link to sept   Եւ ել նախ վիճակն բենիամինին ը(ս)տ տոհմից իւրեանց. եւ էին սահմանք վիճակի նոցա ՛ի մէջ յուդայ՝ եւ ՛ի մէջ որդւոցն յովսեփայ։

Verse: 12  Link to sept   Եւ եղեն սահմանք ն(ո)ց(ա) ՛ի հիւսւսոյ յորդանանու. եւ ամբարձին սահմանքն ՛ի հարաւոյ երեքոյի ընդ հիւսւսի, եւ ամբարձցին ՛ի լեառնն ընդ ծովակողմն. եւ եղիցին ն(ո)ր(ա) ելք մաբդարայինն բեթաւան.

Verse: 13  Link to sept   եւ անցցեն անրի սահմանքն ղուզայ, ՛ի թիկանց ղուզայ ՛ի հարաւոյ կողմանէ, այն է բեթէղ։ եւ իջցեն սահմանքն ցաստարովթ ագարայ ՛ի լեռնակողմն, որ է ՛ի հարաւոյ բեթորոնայ ներքնոյ։

Verse: 14  Link to sept   Եւ անցցեն սահմանքն եւ պատեսցեն առ եզե́րբն որ հայի ը(նդ) ծով ՛ի հարաւոյ, ՛ի լեռնէն որ հանդէպ բեթորոնի է ընդ հարաւոյ։ եւ եղիցին ն(ո)ր(ա) ելք ՛ի կարիաթբաազ. ա́յն է կարիաթարիմ քաղաք որդւոցն յուդայ. եւ ա́յն է եզր ընդ ծովակողմն,

Verse: 15  Link to sept   եւ եզր ընդ հարաւ յեզերէ կարիաթբաազայ. եւ անցանեն սահմանքն ՛ի գային, եւ ելցեն յաղբեւր ջրոցն նափթովայ։

Verse: 16  Link to sept   Եւ իջցեն սահմանքն յեզր լերինն՝ որ է յանդիման հովտացն որդւոցն ենովմայ, որ է մասն ենակայ՝ ռափայնոցն ՛ի հիւսւսի. եւ իջցեն ՛ի գայի ենովմայ ՛ի թիկանց յեբուսայ ՛ի հարաւոյ. եւ իջցեն յաղբեւրն ռովգեղայ։

Verse: 17  Link to sept   Եւ հատցեն ընդ հիւսւսի, եւ անցցեն յաղբեւրն ՛ի բեթսամիւս,

Verse: 18  Link to sept   եւ պատեսցին առ գալիլովթաւ. որ է հանդէպ զառիվերին եդովմինեաւ. եւ իջցեն ՛ի վէմն բաան, որդւոյ ռուբինի, եւ անցցեն ՛ի թիկանց բեթարաբա ՛ի հիւսւսոյ. եւ իջցեն յարաբիա։

Verse: 19  Link to sept   եւ իջցեն սահմանքն ՛ի թիկանց բեթագղայ ՛ի հիւսւսոյ ծովու. եւ եղիցին ելք սահմանացն ՛ի սա́ր ծովուն աղւոյ ՛ի հիւսւսոյ, եւ յեզր յորդանանու ՛ի հարաւոյ։

Verse: 20  Link to sept   Ա́յս են սահմանք ն(ո)ց(ա) ՛ի հարաւոյ, եւ յորդանան զատուցանէ ՛ի կողմանէ արեւելից։ Ա́յս է ժառանգութի(ւն) որդւոցն բենիամինի. եւ սահմանք ն(ո)ց(ա) շուրջանակի ը(ս)տ տոհմից իւրեանց։

Verse: 21  Link to sept   Եւ եղեն քաղաքք ցեղի որդւոցն բենիամինի ըստ տոհմից իւրեանց։ Յերիքով, ե́ւ բեթագղա, եւ ամենգասիմ,

Verse: 22  Link to sept   եւ բեթարաբայ, եւ սեմարիմ, եւ բեթէղ.

Verse: 23  Link to sept   եւ աւիմ, եւ ափար, եւ արփա։

Verse: 24  Link to sept   եւ կարեմ, եւ քափերամին, եւ գաբաա։

Verse: 25  Link to sept   քաղաքք երկոտասան եւ աւանք ն(ո)ց(ա)։

Verse: 26  Link to sept   Գաբաւոն, եւ ռամմա, եւ բերովթ,

Verse: 27  Link to sept   եւ մասփա, եւ կեփիրա, եւ ամուսա,

Verse: 28  Link to sept   եւ ռէկէմ, եւ յերփայէլ, եւ թարաղա։

Verse: 29  Link to sept   եւ սելաղէփ, եւ յեբուս՝ ա́յն է երուսաղէմ. եւ գաբաաթ. եւ քղաքն արեմ. քաղաքք երկոտասան, եւ աւանք ն(ո)ց(ա)։ Ա́յս է ժառանգու(թ)ի(ւն) որդւոցն բենիամինի ը(ս)տ տոհմի́ց իւրեանց։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ ել երկրորդ վիճակն շմաւոնի ցեղի որդւոցն շմաւոնի ըստ տոհմից իւրեանց։ եւ եղեւ ժառանգու(թ)ի(ւն) ն(ո)ց(ա) ՛ի մէջ վիճակի որդւոցն յուդայի։

Verse: 2  Link to sept   Եւ եղեւ վիճակ ն(ո)ց(ա), բերսաբէէ, եւ սաբէէ, եւ մովղադա,

Verse: 3  Link to sept   եւ ասերսուաղ, եւ բաթուղ, եւ բովղա, եւ ասոմ,

Verse: 4  Link to sept   եւ էղթուղաադ, եւ երմա.

Verse: 5  Link to sept   եւ սիկեղա, եւ բեթամ, եւ մարքաբովթ, եւ ասերսուսիմ.

Verse: 6  Link to sept   եւ բեթղաբաթ. եւ ագարակք ն(ո)ց(ա). քաղաքք երկոտասան, եւ աւանք ն(ո)ց(ա)։

Verse: 7  Link to sept   Ային, եւ ռեմոն, եւ եթեր, եւ ասան. քաղաքք չորք, եւ աւանք ն(ո)ց(ա)։

Verse: 8  Link to sept   եւ ա(մենայ)ն ագարակք շուրջ զքաղաքաւն այնոքիւք, մինչեւ ցբաաղեթ բերամմովթ, ՛ի մուտս յամաթայ ը(նդ) հարաւ։ Ա́յս է ժառանգութի(ւն) ցեղի որդւոցն շմաւոնի ըստ տոհմից իւրեանց.

Verse: 9  Link to sept   ՛ի վիճակին յուդայ ժառանգութի(ւն) ցեղի որդւոցն շմաւոնի. քանզի եղեւ բաժին որդւոցն յուդայ մե́ծ քան զնոցայն. եւ ժառանգեցին որդիքն շմաւոնի ՛ի մէջ վիճակի ն(ո)ց(ա)։

Verse: 10  Link to sept   Եւ ել երրորդ վիճակն զաբուղոնի, ըստ տոհմից իւրեանց. Եւ եղեն սահմանք ժառանգութե(ան) ն(ո)ց(ա) մինչեւ ցսարդիթ.

Verse: 11  Link to sept   սահմանք նոցա ծովն, եւ մարաղա. եւ հասցեն ցգաբասթէ. եւ հանդիպեսցին ձորոյ՝ որ է հանդէպ յեկնամայ։

Verse: 12  Link to sept   եւ դարձցին ՛ի սարիդա դէմ յանդիման յարեւելից բեթսամեայ, ՛ի սահմանս քասաղովթ բոթորայ, եւ անցցեն ՛ի գաբարաթ. եւ ամբարձցին առ յաբագայիւ։

Verse: 13  Link to sept   Եւ անտի պատիցին հանդէպ ընդ արեւելս ձգեալ ՛ի քաղաքն կատասիմ. եւ անցցեն յռեմմոն, յամաթարիման նուայ.

Verse: 14  Link to sept   եւ պատեսցին զսահմանօքն հիւսւսոյ ցեկանթովն. եւ եղիցին ելք ն(ո)ց(ա) ՛ի գայի՝ յեփթայեղի,

Verse: 15  Link to sept   եւ ընդ կատտամաթ, եւ ընդ նաաղովղ, եւ ընդ սեմրոն, եւ ընդ յադեղա, եւ ընդ բեթղահէմ. քաղաքք երկոտասան եւ աւանք ն(ո)ց(ա)։

Verse: 16  Link to sept   Ա́յս է ժառանգութի(ւն) ցեղի որդւոցն զաբուղոնի ը(ս)տ տոհմից իւրեանց քաղաքք ն(ո)ց(ա) եւ աւանք իւրեանց։

Verse: 17  Link to sept   Եւ իսաքարայ ել չորրորդ վիճակն. որդւոցն իսաքարու ըստ ազգականու(թ)ե(ան) իւրեանց։

Verse: 18  Link to sept   Եւ եղեն սահմանք ն(ո)ց(ա), յեզրայէղ, եւ աքասեղովթ, եւ սունամ,

Verse: 19  Link to sept   եւ ափերեմ, եւ սիան,

Verse: 20  Link to sept   եւ ռամաթ, եւ ենդանիմ, եւ ռենաթ, եւ անարեթ,

Verse: 21  Link to sept   եւ ռաբբովթ, եւ կեսիոն, եւ այեմէս, եւ ռենաթ, եւ ենգադիս, եւ ենգադդա, եւ բեթմասեմ։

Verse: 22  Link to sept   եւ կցեսցին սահմանքն ՛ի թաբովթ, եւ ՛ի կասիմ ընդ ծովակողմն, եւ ՛ի բեթսամիւս. եւ եղիցին ելք սահմանաց ն(ո)ց(ա) յորդանան. քաղաքք վեշտասան եւ աւանք ն(ո)ց(ա)։

Verse: 23  Link to sept   Ա́յս է ժառանգութի(ւն) ցեղի որդւոցն իսաքարու ը(ս)տ տոհմից իւրեանց. քաղաքք եւ ագարակք իւրեանց։

Verse: 24  Link to sept   Եւ ել վիճակն հինգերորդ ցեղի որդւոցն ասերայ ը(ս)տ տոհմից իւրեանց։

Verse: 25  Link to sept   Եւ եղեն սահմանք ն(ո)ց(ա), քեղկաթ, եւ ոողի, եւ բատնէ, եւ աքսափ,

Verse: 26  Link to sept   եւ ամաթ, եւ մասաղ. եւ կցեսցի ՛ի կարմեղ ընդ ծովակողմն. եւ սիովր, եւ ՛ի բաղանայէ։

Verse: 27  Link to sept   եւ դարձցին յարեւելից կողմանէ ՛ի բեթբագովսայ, եւ կցեսցի ՛ի զաբուղոն եւ ՛ի գայի, յեփթայիեղի, ընդ հիւսւսի. եւ մտցեն սահմանքն ՛ի սափաթա բեթամեկ. եւ գնասցեն ընդ սահմանակիցս անայեղի, եւ անցցեն ՛ի քաբովղ, յահեկէ կողմանէ,

Verse: 28  Link to sept   եւ յաքրան, եւ յռովբ, եւ յամմովն, եւ ՛ի կանայի մինչեւ ՛ի սիդոն մեծ։

Verse: 29  Link to sept   Եւ դարձցին սահմանքն յռամա մինչեւ ցքաղաք ամրոցին տիւրացւոց. եւ դարձցին սահմանքն ՛ի սովսա. եւ եղիցին ելք ն(ո)ր(ա) ծովն. եւ վիճակն զիփայ։

Verse: 30  Link to sept   եւ ամմա, եւ ափեկա, եւ ռաւովբա. քաղաքք քսան եւ երկու, եւ աւանք ն(ո)ց(ա)։

Verse: 31  Link to sept   Ա́յս է ժառանգութի(ւն) ցեղի որդւոցն ասերայ ըստ տոհմից իւրեանց. քաղաքք նոցա եւ աւանք իւրեանց։

Verse: 32  Link to sept   Եւ նեփթաղիմայ եւ վիճակն վեցերորդ. որդւոցն նեփթաղիմայ ըստ տոհմից իւրեանց։

Verse: 33  Link to sept   Եւ եղեն սահմանք ն(ո)ց(ա). մեեղեփ, եւ մայեղովմ, եւ բերսանայիմ, եւ արսոէ, եւ նադէբ, եւ յաբնեղ. մինչեւ ցղակու. եւ եղեն ելք ն(ո)ց(ա) յորդանան։

Verse: 34  Link to sept   եւ դարձցին սահմանքն ՛ի ծովն ազանովթ թաբովր, եւ անցցեն անտի ՛ի կովկ. եւ կցեսցին ՛ի հարաւոյ զաբուղոնի եւ ասերայ. կցեսցին ՛ի ծովակողմն յուդայ, եւ յորդանան յարեւելից կողմանէ։

Verse: 35  Link to sept   Եւ քաղաքք պարսպաւորք տիւրացւոց. տիւրոս, եւ ամաթ, եւ ռեկկաթ, եւ քեներեթ.

Verse: 36  Link to sept   եւ ադամի, եւ ռամմա, եւ ասովր։

Verse: 37  Link to sept   եւ կադէս, եւ եդրային, եւ ակնասովր,

Verse: 38  Link to sept   եւ յարովն. եւ մակդաղիէղ. ովրամ, եւ բեթանաթ, եւ թասմուս. քաղաքք ինն եւ տասն, եւ ագարակք ն(ո)ց(ա)։

Verse: 39  Link to sept   Ա́յս է ժառանգութի(ւն) ցեղի որդւոցն նեփթաղիմայ. ըստ տոհմից իւրեանց, քաղաքք եւ աւանք ն(ո)ց(ա)։

Verse: 40  Link to sept   Եւ ցեղի որդւոցն դանայ ըստ տոհմից իւրեանց, ել վիճակն եւթներորդ։

Verse: 41  Link to sept   Եւ եղեն սահմանք ժառանգութե(ան) ն(ո)ց(ա). սարաա́ եւ եսթաւուղ։

Verse: 42  Link to sept   եւ սաղաբին, եւ յեթղա, եւ թամնա,

Verse: 43  Link to sept   եւ եղթեկով, եւ բաաղովթ.

Verse: 44  Link to sept   եւ բանեբարակ. եւ քաղաքք սամէս, եւ յաաղոն,

Verse: 45  Link to sept   եւ եղոն, եւ ակկարոն. եւ գաբաթոն, եւ յութ,

Verse: 46  Link to sept   եւ գեթրեմոն. եւ ՛ի ծովէն բաղէից, եւ բակրովնա. սահման մերձ յոպպէ։

Verse: 47  Link to sept   եւ ել սահման որդւոցն դանայ ՛ի նոցանէն։ Այս է ժառանգու(թ)ի(ւն) ցեղի որդւոցն դանայ՝ ըստ տոհմից իւրեանց, քաղաքք եւ աւանք ն(ո)ց(ա)։ Եւ ո́չ ջնջեցին որդիքն դանայ զամովրհացին զնեղիչն իւրեանց ՛ի լերինն. եւ ո́չ թողուին զնոսա ամովրհացիքն իջանել ՛ի հովիտսն. եւ նեղէին ՛ի նոցանէ զսահմանս բաժնի իւրեանց։ Եւ գնացին որդիքն դանայ եւ ետուն պատերազմ ընդ ղեսեմայ, եւ առին զնա, եւ հարին զնա սրով սուսերի. եւ ժառանգեցին զնա. եւ բնակեցին ՛ի նմա. եւ անուանեցին զղեսեմ, դա́ն ը(ս)տ անուան հօրն իւրեանց։

Verse: 48  Link to sept   Ա́յս է ժառանգութի(ւն) ցեղի որդւոցն դանայ ըստ ազգականութե(ան) իւրեանց. քաղաքքս այսոքիկ եւ ագարակք իւրեանց։

Verse: 49  Link to sept   Եւ վախճանեցին ժառանգել զերկիրն ըստ սահմանաց իւրեանց. Եւ ամովրհացին տեւեա́ց բնակել յեղոմ, եւ ՛ի սաղամին. եւ ծանրացա́ւ ձեռն եփրեմի ՛ի վերայ ն(ո)ց(ա). եւ եղեն ն(ո)ց(ա) ՛ի հարկատուս։ եւ գնացին նկատել զերկիրն ըստ սահմանաց ն(ո)ց(ա)։ Եւ ետուն որդիքն ի(սրաէ)լի ժապանգու(թ)ի(ւն) յեսուայ որդւոյ նաւեայ ՛ի մէջ իւրեանց

Verse: 50  Link to sept   հրամանաւ տ(եառ)ն. եւե տուն նմա զքաղաքն՝ զոր խնդրեաց զթամնաթսարա՝ որ է ՛ի լերինն եփրեմայ. եւ շինեաց զքաղաքն՝ եւ բնակեցաւ ՛ի նմա։

Verse: 51  Link to sept   Ա́յս են բաժինք՝ զորս բաժանեաց եղիազար քահանայ, եւ յեսու նաւեան, եւ իշխանք նահապետութե(ան)ց ցեղիցն ի(սրաէ)լի, վիճակօքն ՛ի սելով առաջի տ(եառ)ն առ դրան խորանին վկայութե(ան). եւ գնացին նկատե́լ զերկիրն։



Chapter: 20 
ԳԼ(ՈՒԽ) Ի՜.


Verse: 1  Link to sept   Խօսեցաւ տ(է)ր ընդ յեսուայ՝ եւ ասէ խօսեա́ց ը(նդ) որդիսն ի(սրաէ)լի, եւ ասասցե́ս։

Verse: 2  Link to sept   Տո́ւք զքաղաքս ապաստանացն զորոց խօսեցայ ը(նդ) ձեզ ՛ի ձեռն մովսիսի։

Verse: 3  Link to sept   ապաստա́ն սպանողի՝ որ սպանանէ զանձն ակամա́յ յանգէտս, եւ եղիցին ձեզ քաղաքք ապաստանի. եւ մի́ մեռցի սպանօղն ՛ի մերձաւորէ արեանն, մինչեւ կացցէ առաջի ժողովրդեանն յատենի։

Verse: 4  Link to sept   եւ փախիցէ́ ՛ի մի ՛ի քաղաքացն այնոցիկ. եւ կացցէ ՛ի մուտս դրան քաղաքին, եւ խօսեսցի յականջս ծերո́ց քաղաքին այնորիկ զբանս իւր։ Եւ ժողովեսցեն զնա ժողովուրդն առ ինքեա́նս, եւ տացեն նմա տեղի, եւ բնակեսցէ́ ընդ ն(ո)ս(ա)։

Verse: 5  Link to sept   եւ եթէ երթայցէ մերձաւոր արեանն զկնի ն(ո)ր(ա), մի́ մատնեսցեն զսպանօղն ՛ի ձեռս ն(ո)ր(ա). քանզի յանգէ́տս եհար զընկերն իւր, եւ ո́չ ատեայր զնա յերէկն եւ յեռանդ։

Verse: 6  Link to sept   Եւ բնակեսցէ́ ՛ի քաղաքին յայնմիկ մինչեւ կացցէ առաջի ժողովրդեանն յատենի, մինչեւ մեռանիցի քահանայն մեծ՝ որ իցէ յաւուրսն յայնոսիկ. եւ ապա́ դարձցի սպանօղն եւ եկեսցէ ՛ի տեղի́ իւր՝ եւ ՛ի տուն իւր, եւ ՛ի քաղաքն ուստի փախեաւ։

Verse: 7  Link to sept   Եւ զատուցին զկադէս ՛ի գալիլեա՝ ՛ի լերինն նեփթաղիմայ։ եւ զսիւքեմ ՛ի լերինն եփրեմայ։ Եւ զքաղաքն արբոկ՝ ա́յն է քեբրոն ՛ի լերինն յուդայ։

Verse: 8  Link to sept   Եւ յայնկոյս յորդանանու յարեւելից երեքոյի. Եւ ետուն զբոսոր յանապատին ՛ի դաշտի, ՛ի ցեղէն ռուբինի։ եւ զռամովթ ՛ի գաղաադ, ՛ի ցեղէն գադայ։ եւ զգովղան ՛ի բասանաստան ՛ի ցեղէն մանասէի։

Verse: 9  Link to sept   Ա́յս են քաղաքք հոյակապք ա(մենայ)ն որդւոցն ի(սրաէ)լի, եւե կին՝ յեցելո́յ ՛ի ն(ո)ս(ա). փախչե́լ անդր ա(մենայ)նի որ հարկանիցէ զանձն ակամայ, զի մի́ մեռանիցի ՛ի ձեռաց մերձաւորի արեանն, մինչեւ կացցէ առաջի ժողովրդեանն յատենի։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ մատեան նահապետք որդւոցն ղեւեա́յ առ եղիազա́ր քահանայ, եւ առ յեսու նաւեան, եւ առ նահապետս տոհմից ցեղից որդւոցն ի(սրաէ)լի.

Verse: 2  Link to sept   եւ խօսեցան ը(նդ) ն(ո)ս(ա) ՛ի սեղով յերկրին քանանացւոց՝ եւ ասեն. Հրաման ետ տ(է)ր ՛ի ձեռն մովսիսի՝ տա́լ մեզ քաղաքս բնակելոյ, եւ զանդաստանս ն(ո)ց(ա) անասնոց մերոց։

Verse: 3  Link to sept   Եւ ետո́ւն որդիքն ի(սրաէ)լի ղեւտացւոցն ՛ի ժառնգու(թ)ի(ւն) հրամանաւ տ(եառ)ն, զքա·աքսն զայնոսիկ եւ զանդաստանս ն(ո)ց(ա)։

Verse: 4  Link to sept   Եւ ել վիճակ տոհմին կահաթու։ եւ եղեն որդւոցն ահարոնի քահանայիցն ղեւտացւոց, ՛ի ցեղէն յուդայ եւ ՛ի ցեղէն շմաւոնի, եւ ՛ի ցեղէն բենիամինի, վիճակաւ՝ քաղաքք երեքտասանք։

Verse: 5  Link to sept   Եւ այլոց որդւոցն կահաթու մնացելոց՝ յազգականութ(են)է ցեղին եփրեմայ, եւ ՛ի ցեղէն դանայ, եւ ՛ի կիսոյ ցեղին մանասէի, վիճակաւ քաղաքք տասն։

Verse: 6  Link to sept   Եւ որդւոցն գեթսոնի յազգականու(թեն)է ցեղին իսաքարայ՝ եւ ՛ի ցեղէն ասերայ, եւ ՛ի ցեղէն նեփթաղիմայ, եւ ՛ի կիսոյ ցեղին մանասէի ՛ի բասան, վիճակաւ քաղաքք երեքտասան։

Verse: 7  Link to sept   Եւ որդւոցն մերարեայ ըստ տոհմից իւրեանց, ՛ի ցեղէն ռուբինի, եւ ՛ի ցեղէն գադայ, եւ ՛ի ցեղէն զաբուղոնի, վիճակաւ քաղաքք երկոտասան։

Verse: 8  Link to sept   Եւ ետուն որդիքն ի(սրաէ)լի ղեւտացւոցն զքաղաքսն զայնոսիկ եւ զանդաստանս ն(ո)ց(ա) զորօրինակ պատուիրեաց տ(է)ր մովսիսի, վճակաւ։

Verse: 9  Link to sept   Եւ ետ ցեղ որդւոց յուդայ, եւ ցեղ որդւոցն շմաւոնի, եւ ցեղ որդւոցն բենիամինի զքաղաքսն զայնոսիկ, եւ կոչեցան յանուն

Verse: 10  Link to sept   եւ յա́զգ որդւոցն ահարոնի, ՛ի տոհմէ կահաթու որդւոցն ղեւեայ. զի ն(ո)ց(ա) ել նախ վիճակն։

Verse: 11  Link to sept   Եւ ետո́ւն ն(ո)ց(ա) զկարիաթարբո́կ զմայր քա·աքացն ենակայ, այն է՝ քեբրոն ՛ի լեառնն յուդայ, եւ զանդաստանս շուրջ զնովաւ,

Verse: 12  Link to sept   եւ զագարակս ն(ո)ր(ա), եւ զաւանս ն(ո)ր(ա). զոր ետ յեսու քաղեբայ որդւոյ յեփոնեայ ՛ի կալուած։

Verse: 13  Link to sept   Եւ որդւոցն ահարոնի քահանայից, ետուն քաղաքք ապաստանի սպանողի, զքեբրոն, եւ զզատուցեալսն ՛ի նա։ եւ զղեբնա, եւ զզատուցեալսն ՛ի նա։

Verse: 14  Link to sept   եւ զյեթեր, եւ զզատուցեալսն ՛ի նա։ եւ զյեսթեմով, եւ զզատուցեալսն ՛ի նա։

Verse: 15  Link to sept   եւ զաղոն, եւ զզատուցեալսն ՛ի նա։ եւ զդաբիր, եւ զզատուցեալսն ՛ի նա։

Verse: 16  Link to sept   եւ զային, եւ զզատուցեալսն ՛ի նա։ եւ զյետտա, եւ զզատուցեալսն ՛ի նա։ եւ զբեթսամիւս, եւ զզատուցեալսն ՛ի նմա. քաղաքք ինն, յերկուց ցեղիցն այնոցիկ։

Verse: 17  Link to sept   Եւ ՛ի ցեղէն բենիամինի. զգաբաւոն, եւ զզատուցեալսն ՛ի նա։

Verse: 18  Link to sept   եւ զանաթովթ, եւ զզատուցեալսն ՛ի նա։ եւ զաղմոն, եւ զզատուցեալսն ՛ի նա։ եւ զգաբեէ՝ եւ զզատուցեալսն ՛ի նա. քաղաքս չորս։

Verse: 19  Link to sept   Ա(մենայ)ն քաղաքք որդւոց ահարոնի քահանայից, քաղաքք երեքտասա́նք, եւ անդաստանք նոցա։

Verse: 20  Link to sept   Եւ տոհմից որդւոցն կահաթու ղեւտացւոցն՝ մնացելոց յորդւոցն կահաթու։ եւ եղեն քաղաքք սահմանաց նոցա,

Verse: 21  Link to sept   ՛ի ցեղէն եփրեմայ։ Եւ ետուն ն(ո)ց(ա) քաղաք ապաստանի սպանողի, զսիւքեմ, եւ զզատուցեալսն ՛ի նմա ՛ի լերինն եփրեմայ. եւ զգազեր, եւ զզատուցեալսն ՛ի նմա։

Verse: 22  Link to sept   եւ զկարսեմ, եւ զզատուցեալսն ՛ի նա։ եւ զվերին բոթորն, եւ զզատուցեալսն ՛ի նա. քաղաքք չորք։

Verse: 23  Link to sept   ՛Ի ցեղէն դանայ. զեղթեկով, եւ զզատուցեալսն ՛ի նա։ եւ զգեբեթովն, եւ զզատուցեալսն ՛ի նա։

Verse: 24  Link to sept   եւ զյաղոն, եւ զզատուցեալսն ՛ի նա։ եւ զգեթրեմոն, եւ զզատուցեալսն ՛ի նա. քաղաքս չորք։

Verse: 25  Link to sept   Եւ կիսոյ ցեղին մանասէի. զթանաք, եւ զզատուցեալսն ՛ի նա։ եւ զբեթսան, եւ զզատուցեալսն ՛ի նա. քաղաքս երկուս։

Verse: 26  Link to sept   Ընդ ա(մենայ)ն՝ քաղաքս տասն, եւ զզատուցեալսն ՛ի ն(ո)ս(ա). տոհմի որդւոցն կահաթու, մնացելոց։

Verse: 27  Link to sept   Եւ որդւոցն գեթսոնայ, ազգականացն ղեւտացւոց, ՛ի կիսոյ ցեղէն մանասէի քաղաքս զատուցեալս սպանողաց. զգովղան ՛ի բասանաստանի, եւ զզատուցեալսն ՛ի նա։ եւ զբեեստարա, եւ զզատուցեալսն ՛ի նա. քաղաքս երկուս։

Verse: 28  Link to sept   ՛Ի ցեղէն իսաքարայ. զկեսիոն, եւ զզատուցեալսն ՛ի նա։ եւ զգաբրաթ, եւ զզատուցեալսն ՛ի նա։

Verse: 29  Link to sept   եւ զերիմովթ, եւ զզատուցեալսն ՛ի նա։ եւ զաղբեւրն նամակաց, եւ զզատուցեալսն ՛ի նա. քաղաքս չորս։

Verse: 30  Link to sept   ՛Ի ցեղէն ասերայ. զմասաաղ, եւ զզատուցեալսն ՛ի նա։ եւ զաբդոն, եւ զզատուցեալսն ՛ի նա։

Verse: 31  Link to sept   եւ զքեղկաթ, եւ զզատուցեալսն ՛ի նա։ եւ զռովբ, եւ զզատուցեալսն ՛ի նա. քաղաքս չորս։

Verse: 32  Link to sept   Եւ ՛ի ցեղէն նեփթաղիմայ, քաղաքս զատուցեալս սպանողի. զկադէս ՛ի գալիլեայ, եւ զատուցեալսն ՛ի նա։ զեմաթդովր, եւ զատուցեալսն ՛ի նա։ եւ նոյեմոն, եւ զատուցեալսն ՛ի նմա. քաղաքս երիս։

Verse: 33  Link to sept   Ընդ ա(մենայ)ն քաղաքս գեթսոնի ը(ս)տ տոհմից իւրեանց քաղաքս երեքտասան, եւ զատուցեալք ն(ո)ց(ա)։

Verse: 34  Link to sept   Եւ տոհմի որդւոցն մերարեայ այլո́ցն ղեւտացւոց. ՛Ի ցեղէ որդւոցն զաբուղոնի. զյեկնամ, եւ զանդաստանս ն(ո)ր(ա). զկադէս, եւ զանդաստանս ն(ո)ր(ա). զկարթա, եւ զանդաստանս ն(ո)ր(ա)։

Verse: 35  Link to sept   զդեմնա, եւ զանդաստանս ն(ո)ր(ա)։ զնաաղովղ, եւ զանդաստանս ն(ո)ր(ա). քաղաքս հինգ։

Verse: 36  Link to sept   Եւ յայնկոյս յորդանանու ՛ի հանդիպէ երեքոյի. ՛Ի ցեղէն ռուբինի քաղաքս ապաստանի սպանողի. զբոսոր յանապատին միսովրայ, եւ զանդաստանս ն(ո)ր(ա)։ եւ զյազեր, եւ զանդաստանս ն(ո)ր(ա)։

Verse: 37  Link to sept   զկեդսոն, եւ զանդաստանս ն(ո)ր(ա)։ զմասփա, եւ զանդաստանս ն(ո)ր(ա). քաղաքս չորս։

Verse: 38  Link to sept   Եւ ՛ի ցեղէն գադայ՝ քաղաքս ապաստանի սպանողի. զռամովթ ՛ի գաղաադ, եւ զանդաստանս ն(ո)ր(ա)։ զմանայամ, եւ զանդաստանս ն(ո)ր(ա)։

Verse: 39  Link to sept   զեսեբոն, եւ զանդաստանս ն(ո)ր(ա)։ եւ զազեր, եւ զանդաստանս ն(ո)ր(ա)։

Verse: 40  Link to sept   ընդ ա(մենայ)ն քաղաքս չորս։ Ամենայն քաղաքք որդւոցն մերարեայ, ը(ս)տ տոհմից իւրեանց մնացելոց ՛ի ցեղէն ղեւեայ. եւ եղեն սահմանք ն(ո)ց(ա) քաղաքք երկոտասան։

Verse: 41  Link to sept   Ընդ ա(մենայ)ն քաղաքք ղեւտացւոցն ՛ի մէջ կալուածոց որդւոցն ի(սրաէ)լի քառասուն եւ ո́ւթ քաղաք, եւ անդաստանք ն(ո)ց(ա) շուրջ զքաղաքօքն այնոքիւք.

Verse: 42  Link to sept   քաղաքք եւ անդաստանք շուրջ զքաղաքօքն. նո́յնպէս ամենեցունց քաղաքացն այնոցիկ։ Եւ վախճանեա́ց յեսու բաժանել զերկիրն սահմանօք իւրովք։
   Եւ ետուն որդիքն ի(սրաէ)լի բաժին յեսուայ ըստ սահմանի տ(եառ)ն՝ ետուն նմա զքաղաքն զոր խնդրեաց՝ զթամնասաքա́ր ՛ի լերինն եփրեմայ. եւ շինեաց յեսու զքաղաքն եւ բնակեցաւ ՛ի նմա։ Եւ ա́ռ յեսու զսուրն քարեղէն որով թլփատեաց զորդիսն ի(սրաէ)լի, զելեալսն ՛ի ճանապարհի անապատին. քանզի ո́չ թլփատեցան յանապատի անդ. եւ եդ զնոսա ՛ի թամնասաքար։

Verse: 43  Link to sept   Եւ ե́տ տ(է)ր ի(սրաէ)լի զա(մենայ)ն երկիրն զոր երդուաւ տա́լ հարցն ն(ո)ց(ա), եւ ժառանգեցին զնա, եւ բնակեցին ՛ի նմա։

Verse: 44  Link to sept   Եւ հանգոյց զնոսա տ(է)ր շուրջանակի՝ ո(ր)պ(էս) երդուաւ հարցն ն(ո)ց(ա). եւ ո́չ ոք յարեաւ ընդդէմ նոցա ՛ի թշնամեաց իւրեանց. զի զա(մենայ)ն թշնամիս ն(ո)ց(ա) մատնեաց տ(է)ր ՛ի ձեռս ն(ո)ց(ա).

Verse: 45  Link to sept   եւ ո́չ սխալեցաւ բան մի յա(մենայ)ն բանից բարեաց, զոր խօսեցաւ տ(է)ր որդւոցն իսրայէլի. այլ ա(մենայ)ն ինչ եղեւ։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Յայնժամ կոչեաց յեսու զորդիսն ռուբինի, եւ զորդիսն գադայ, եւ զկէս ցեղին մանասէի,

Verse: 2  Link to sept   եւ ասէ ցնոսա. Դուք ձեզէ́ն լուարուք զա(մենայ)ն ինչ զոր պատուիրեաց ձեզ մովսէս ծառայ տ(եառ)ն. եւ ունկնդիր եղէք բարբառոյ իմոյ ըստ ա(մենայ)նի զոր պատուիրեցի ձեզ,

Verse: 3  Link to sept   եւ ո́չ թողէք զեղբարս ձեր զայնչափ աւուրս. ե́ւս աւելի մինչեւ ցայսօր ժամանակի, պահեցէք զպատուիրանս տ(եառ)ն ա(ստուծո)յ ձերոյ։

Verse: 4  Link to sept   Եւ արդ՝ հանգո́յց տ(է)ր ա(ստուա)ծ մեր զեղբարս ձեր՝ ո(ր)պ(էս) եւ ասաց ն(ո)ց(ա). բայց արդ դարձեալ երթա́յք ՛ի տունս ձեր՝ եւ յերկիր կալուածոց ձերոց, զոր ետ ձեզ մովսէս ծառայ տ(եառ)ն յա́յնկոյս յորդանանու։

Verse: 5  Link to sept   Այլ զգո́յշ լինիջիք յոյժ, առնելոյ զպատուիրանսն եւ զօրէնսն զոր պատուիրեաց մեզ մովսէս ծառայ տ(եառ)ն. սիրե́լ զտ(է)ր ա(ստուա)ծ մեր՝ եւ գնալ յա(մենայ)ն ճանապարհս ն(ո)ր(ա), պահե́լ զպատուիրանս ն(ո)ր(ա), եւ յարի́լ ՛ի նա, եւ պաշտե́լ զնա յա(մենայ)ն սրտէ ձերմէ՝ եւ յա(մենայ)ն անձնէ ձերմէ։

Verse: 6  Link to sept   Եւ օրհնեաց զն(ո)ս(ա) յեսու եւ արձակեա́ց զն(ո)ս(ա)՝ եւ գնացին ՛ի տունս իւրեանց։

Verse: 7  Link to sept   Եւ կիսոյ ցեղին մանսէի ետ մովսէս ՛ի բասանաստան, եւ կիսոյն ետ յեսու ընդ եղբարս ն(ո)ց(ա) առ ծովեզերբն։ Եւ յորժամ արձակեաց զն(ո)ս(ա) յեսու ՛ի տունս իւրեանց, եւ օրհնեաց զն(ո)ս(ա),

Verse: 8  Link to sept   եւ խօսեցաւ ընդ ն(ո)ս(ա)՝ եւ ասէ. Ընչի́ւք բազմօք երթիցեն ՛ի տունս իւրեանց։ եւ անասուն բազո́ւմ յոյժ, եւ արծաթ եւ ոսկի, եւ պղինձ եւ երկաթ, եւ հանդերձ բազո́ւմ յոյժ. բաժանեցան աւար ՛ի թշնամեաց ընդ եղբարս իւրեանց։

Verse: 9  Link to sept   Եւ դարձա́ն, եւ գնացին որդիքն ռուբինի, եւ որդիքն գադայ, եւ կէս ցեղին մանասէի յորդւոցն ի(սրաէ)լի, ՛ի սելովայ յերկրէն քանանցւոց, երթա́լ յերկիրն գաղաադու. յերկիր կալուածոց իւրեանց զոր ժառանգեցին հրամանաւ տ(եառ)ն ՛ի ձեռն մովսիսի։

Verse: 10  Link to sept   Եւ եկին ՛ի գալիլովթ յորդանանու, որ է յերկրին քանանու, եւ շինեցին որդիքն ռուբինի, եւ որդիքն գադայ, եւ կէս ցեղին մանասէի, սեղա́ն առ եզերբ յորդանանու. սեղան՝ մե́ծ տեսանելով։

Verse: 11  Link to sept   Եւ լուա́ն որդիքն ի(սրաէ)լի՝ եւ ասեն. եթէ ահա շինեցին որդիքն ռուբինի, եւ որդիքն գադայ, եւ կէս ցեղին մանասէի՝ սեղան ՛ի սահմանս երկրին քանանացւոց ՛ի գալիլովթ յորդանանու, յայնկոյս որդւոցն ի(սրաէ)լի։

Verse: 12  Link to sept   եւ լուան որդիքն ի(սրաէ)լի։ Եւ ժողովեցան որդիքն ի(սրաէ)լի ՛ի սելով, ելանել տա́լ ընդ ն(ո)ս(ա) պատերազմ։

Verse: 13  Link to sept   Եւ առաքեցին որդիքն ի(սրաէ)լի առ որդիսն ռուբինի, եւ առ որդիսն գադայ, եւ առ կէս ցեղին մանասէի ՛ի գաղաադ, զփենէէ́ս զորդի եղիազարու որդւոյ ահարոնի քահանայի։

Verse: 14  Link to sept   եւ տասն այր յիշխանացն ընդ նմա, մի մի իշխան ՛ի նահապետացն, յա(մենայ)ն ցեղիցն ի(սրաէ)լի. իշխանք տանց նահապետաց էին հազարապետք ի(սրաէ)լի։

Verse: 15  Link to sept   Եւ եկին առ որդիսն ռուբինի, եւ առ որդիսն գադայ, եւ առ կէս ցեղին մանասէի ՛ի գաղաադ, խօսեցան ընդ ն(ո)ս(ա)՝ եւ ասեն։

Verse: 16  Link to sept   Ա́յսպէս ասէ ա(մենայ)ն ժողովուրդն տ(եառ)ն. զի՞նչ են յանցանքդ այդոքիկ՝ զոր յանցեայք առաջի տ(եառ)ն ա(ստուծո)յ ի(սրաէ)լի, դառնալ յե́տս ՛ի տ(եառն)է, շինել ձեզ սեղան. եւ լինել ձեզ ապստամբ ՛ի տ(եառն)է ա(ստուծո)յ մերմէ։

Verse: 17  Link to sept   Միթէ փո՞քր իցեն մեզ մեղքն փեգովրայ՝ զի ո́չ եմք սրբեալ ՛ի նմանէ մինչեւ ցայսօր, եւ եղեն հարուածք ՛ի վերայ ժողովրդեանն տ(եառ)ն։

Verse: 18  Link to sept   եւ դուք դարձա́յք այսօր ՛ի տ(եառն)է. եւ եղիցի թէ ապստամբիցէք այսօր ՛ի տ(եառն)է. եւ լինիցի վաղիւ բարկու(թ)ի(ւն) ՛ի վերայ ա(մենայ)ն ի(սրաէ)լի։

Verse: 19  Link to sept   Եւ արդ՝ եթէ փո́քր իցէ ձեզ երկիր կալուածոց ձերոց, անցէ́ք յերկիր կալուածոց տ(եառ)ն, ուր հարեա́լ է խորանն տ(եառ)ն. եւ ժառանգեցէ́ք ՛ի միջի մերում. եւ մի́ լինիք ապստամբք ՛ի տ(եառն)է. եւ մի́ ՛ի մէնջ ապստամբէք. վ(ա)ս(ն) շինելոյ ձերոյ սեղան արտաքոյ քան զսեղան տ(եառ)ն ա(ստուծո)յ մերոյ։

Verse: 20  Link to sept   Ո՞չ ապաքէն աքար՝ զարայեան յանցեաւ յանցանս ՛ի նզովից անտի, եւ ՛ի վ(ե)ր(այ) ա(մենայ)ն ժողովրեանն իլի եղեւ բարկութի(ւն). եւ նա միա́յն էր, միթէ ինքն միա́յն մեռաւ յիւրում ՛ի մեղսն։

Verse: 21  Link to sept   Պատասխանի ետուն որդիքն ռուբինի եւ որդիքն գադայ եւ կէս ցեղին մանասէի, խօսեցան ընդ հազարապետսն՝ եւ ասեն։

Verse: 22  Link to sept   Ա(ստուա)ծ, ա(ստուա)ծ է տ(է)ր. եւ ա(ստուա)ծ ա(ստուա)ծ ինքնին գիտէ։ եւ ի(սրա)էլ ինքնին գիտասցէ. եթէ վ(ա)ս(ն) ապստամբութե(ան) ինչ յանցեա՞ք առաջի տ(եառ)ն, մի́ ապրեցուսցէ զմեզ յաւուրս յայսմիկ.

Verse: 23  Link to sept   եւ եթէ շինեցաք մեզ սեղան ապստամբելոյ ՛ի տ(եառն)է մերմէ, հանել ՛ի վերայ ն(ո)ր(ա) զո́հ ողջակիզաց. կամ եթէ առնել ՛ի վ(ե)ր(այ) ն(ո)ր(ա) զո́հ փրկութե(ան), տ(է)ր ինքնին խնդրեսցէ։

Verse: 24  Link to sept   Այլ վ(ա)ս(ն) երկիւղի́ արարաք զայս. ասեմք՝ գուցէ խօսեսցին որդիքն ձեր ընդ որդիսն մեր եւ ասիցեն, թէ զի՞ կայ ձեր եւ տ(եառ)ն ա(ստուծո)յ ի(սրաէ)լի։

Verse: 25  Link to sept   եւ սահման եդ տ(է)ր՝ ընդ մեզ եւ ընդ ձեզ որդիք ռուբինի եւ որդիք գադայ՝ զյորդանան. եւ չի́ք ձեզ բաժին ՛ի տ(եառն)է. եւ օտարացուցանիցեն որդիք ձեր զորդիսն մեր՝ զի մի́ պաշտիցեն զտ(է)ր։

Verse: 26  Link to sept   Եւ ասացաք առնել ա́յսպէս։ շինել զսեղանս զայս, ո́չ վ(ա)ս(ն) ողջակիզաց, եւ ո́չ վ(ա)ս(ն) զոհից։

Verse: 27  Link to sept   այլ զի իցէ սա ՛ի վկայութի(ւն) ընդ մեզ եւ ընդ ձեզ. եւ ընդ որդիս մեր յե́տ մեր. պաշտե́լ զպաշտօն տ(եառ)ն առաջի ն(ո)ր(ա), ընծայիւք մերովք, եւ պատարագօք մերովք՝ եւ զոհիւք փրկութե(ան)ց մերոց։ եւ ո́չ ասասցեն որդիք ձեր ցորդիս մեր վաղիւ, թէ ո́չ գոյ ձեզ բաժին ՛ի տ(եառն)է։

Verse: 28  Link to sept   Եւ ասացաք թէ լինիցի երբէք՝ եւ խօսեսցին ընդ մեզ՝ կամ ընդ ազգս մեր վաղիւ. եւ ասիցեն, թէ տեսէ́ք զնմանութի(ւն) սեղանոյ տ(եառ)ն՝ զոր արարին հարքն մեր. ո́չ վ(ա)ս(ն) ողջակիզաց եւ ո́չ վ(ա)ս(ն) զոհից, այլ վկայութի(ւն) ընդ մեզ եւ ընդ ձեզ, եւ ՛ի մէջ որդւոց մերոց։

Verse: 29  Link to sept   Այլ քա́ւ լիցի մեզ ապստամբել ՛ի տ(եառն)է այսօր, առ ՛ի շինելոյ մեզ սեղան զոհից կամ ողջակիզաց, կամ զոհից փրկու(թ)ե(ան), արտաքո́յ քան զսեղան տ(եառ)ն ա(ստուծո)յ մերոյ՝ որ է առաջի խորանի ն(ո)ր(ա)։

Verse: 30  Link to sept   Եւ իբրեւ լուաւ փենէէս քահանայ, եւ ա(մենայ)ն իշխանք ժողովրդեանն, եւ հազարապետքն ի(սրաէ)լի որ էին ընդ նմա զբանսն, զոր խօսեցան որդիքն ռուբինի եւ որդիքն գադայ եւ կէս ցեղին մանասէի, հաճո́յ թուեցաւ նոցա։

Verse: 31  Link to sept   Եւ ասէ փենէէս որդի եղիազարու քաանա́յ տ(եառ)ն ցորդիսն ռուբինի եւ ցորդիսն գադայ եւ ցկէս ցեղին մանասէի. այսօր գիտացաք թէ ընդ մե́զ է տ(է)ր. զի ո́չ յանցեայք առաջի տ(եառ)ն զյանցումնդ զայդ. զի ապրեցուցէք զորդիսն ի(սրաէ)լի ՛ի ձերաց տ(եառ)ն։

Verse: 32  Link to sept   Եւ դարձա́ն փենէէս քահանայ որդի եղիազարու, եւ իշխանք տոհմիցն՝ յորդւոցն ռուբինի եւ յորդւոցն գադայ եւ ՛ի կիսոյ ցեղէն մանասէի, յերկրէն գաղաադու՝ յերկիրն քանանու առ որդիսն ի(սրաէ)լի, եւ ետո́ւն ն(ո)ց(ա) զպատգամսն։

Verse: 33  Link to sept   Եւ հաճո́յ թուեցաւ բանն որդւոցն ի(սրաէ)լի, եւ օրհնեցին զա(ստուա)ծ որդւոցն ի(սրաէ)լի. եւ խօսեցան ընդ որդիսն ի(սրաէ)լի եւ ասեն. մի́ եւս ելանել ընդ նոսա ՛ի պատերազմ սատակել զերկի́ր որդւոցն ռուբինի եւ որդւոցն գադայ եւ կիսոյ ցեղին մանասէի. եւ բնակեցան ՛ի նմա։

Verse: 34  Link to sept   Եւ անուանեաց յեսու զսեղանն ռուբինի եւ զգադայ եւ զկէս ցեղին մանասէի՝ եւ ասէ́, զի վկայու(թ)ի(ւն) է ՛ի մէջ ն(ո)ց(ա), թէ տ(է)ր՝ ա(ստուա)ծ է ն(ո)ց(ա)։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ եղեւ յետ աւուրցն բազմաց, յե́տ հանգուցանելոյ տ(եառ)ն զի(սրա)էլ յա(մենայ)ն թշնամեաց ն(ո)ց(ա) շուրջանակի. եւ յեսու ծերացեալ եւ անցեալ զաւուրբք։

Verse: 2  Link to sept   Կոչեա́ց յեսու միանգամայն զա(մենայ)ն որդիսն ի(սրաէ)լի, եւ զծերակո́յտս ն(ո)ց(ա), եւ զիշխանս ն(ո)ց(ա), եւ զդատաւորս նց, եւ զդպիրս նոցա, եւ ասէ ցն(ո)ս(ա). ես ծերացայ եւ անցի́ զաւուրբք։

Verse: 3  Link to sept   եւ դուք ձեզէն տեսէք զա(մենայ)ն զոր արար տ(է)ր ա(ստուա)ծ մեր ընդ ա(մենայ)ն ազգսն՝ զոր եբարձ յերեսաց ձերոց. զի տ(է)ր ա(ստուա)ծ ինքնի́ն տայր պատերազմ ընդ ձեր։

Verse: 4  Link to sept   Եւ արդ տեսէ́ք՝ զի թողի ձեզ զազգսն զմնացեալսն զայնոսիկ ՛ի ժառանգու(թ)ի(ւն) ըստ ցեղից ձերոց, ՛ի յորդանանէ զա(մենայ)ն ազգսն՝ զոր սատակեցին ՛ի ծովէն մեծէ՝ որ զատուցանէ́ ՛ի մտիցն արեւու։

Verse: 5  Link to sept   Արդ՝ տ(է)ր ա(ստուա)ծ մեր նա́ սատակեսցէ զն(ո)ս(ա) յերեսաց ձերոց մինչեւ կորիցեն. եւ արձակեսցէ́ ՛ի վերայ ն(ո)ց(ա) զգազանս վայրենիս՝ մինչեւ սատակեսցէ զն(ո)ս(ա), եւ զթագաւորս ն(ո)ց(ա) յերեսաց ձերոց. եւ ժառանգեսջի́ք զերկիր ն(ո)ց(ա)՝ ո(ր)պ(էս) խօսեցաւ տ(է)ր ա(ստուա)ծ մեր ընդ մեզ։

Verse: 6  Link to sept   Արդ զօրացարո́ւք յոյժ զգուշանալ եւ առնե́լ զա(մենայ)ն գրեալս ՛ի գիրս օրինացն մովսիսի. զի մի́ խոտորիցիք ՛ի նմանէ յաջ կամ յահեակ։

Verse: 7  Link to sept   գուցէ́ մտանիցէք յազգսն մնացեալս յայնոսիկ. եւ անուանք դից ն(ո)ց(ա) մի́ անուանեսցի ՛ի միջի ձերում. մի́ երդնուցուք ՛ի նոսա, եւ մի́ պաշտիցէք զնոսա, եւ մի́ երկիրպագանիցէք ն(ո)ց(ա)։

Verse: 8  Link to sept   այլ զհետ տ(եառ)ն ա(ստուծո)յ մերոյ երթիջիք՝ ո(ր)պ(էս) արարէք մինչեւ ցայսօր.

Verse: 9  Link to sept   եւ սատակեաց զն(ո)ս(ա) տ(է)ր յերեսաց ձերոց, զազգս մեծամեծս եւ զհզօրս. եւ ո́չ ոք եկաց ընդդէմ ձեր մինչեւ ցայսօր։

Verse: 10  Link to sept   Մի ՛ի ձէնջ հալածեաց զհազարս. զի տ(է)ր ա(ստուա)ծ ինքնին տայր պատերազմ ընդ ձեր, ո(ր)պ(էս) խօսեցաւ ընդ ձեզ։

Verse: 11  Link to sept   Զգո́յշ լինիջիք յոյժ անձանց ձերոց, սիրե́լ զտ(է)ր ա(ստուա)ծ ձեր։

Verse: 12  Link to sept   Ապա թէ դառնալով դառնայցէք, եւ յաւելուցուք յազգսն մնացեալս ՛ի ձէնջ, եւ խնամութի(ւն)ս առնիցէք ընդ ն(ո)ս(ա), եւ խառնակիցիք դուք ընդ ն(ո)ս(ա), եւ նոքա́ ը(նդ) ձեզ։

Verse: 13  Link to sept   գիտելո́վ գիտասջիք, զի ո́չ եւս յաւելուցու տ(է)ր սատակել զազգսն զայնոսիկ յերեսաց ձերոց. եւ լինիցին ձեզ յորոգայթս եւ ՛ի գայթագղու(թ)ի(ւն)ս. խո́չ ՛ի գարշապարս ձեր, եւ նե́տք յաչս ձեր, մինչեւ կորնչիցիք յերկրէս բարութե(ան) զոր ե́տ ձեզ տ(է)ր ա(ստուա)ծ ձեր։

Verse: 14  Link to sept   Եւ ես՝ ահա երթա́մ այսօր զճանապարհ որպէս ամենեքին որ են յերկրի։ եւ ծանիջի́ք յա(մենայ)ն սրտէ ձերմէ եւ յա(մենայ)ն անձնէ ձերմէ. զի ո́չ վրիպեաց բա́ն մի յա(մենայ)ն բանից զոր խօսեցաւ տ(է)ր ա(ստուա)ծ ձեր. այլ ա(մենայ)ն ինչ ե́կն եհաս ձեզ, եւ ո́չ սխալեցաւ ՛ի նոցանէ բան մի։

Verse: 15  Link to sept   Եւ եղիցի՝ զոր օրինակ եկին ՛ի վ(ե)ր(այ) ձեր ա(մենայ)ն բանք բարիք զոր խօսեցաւ տ(է)ր վ(ա)ս(ն) ձեր. նոյնպէս ածցէ տ(է)ր ՛ի վ(ե)ր(այ) ձեր զա(մենայ)ն բա́նս չարս, մինչեւ սատակեսցէ́ զձեզ յերկրէս բարութե(ան)՝ զոր ետ ձեզ տ(է)ր ա(ստուա)ծ ձեր,

Verse: 16  Link to sept   յանցանել ձեզ զուխտիւն տ(եառ)ն ա(ստուծո)յ ձերոյ՝ զոր պատուիրեա́ց ձեզ, եւ յերթալ պաշտել զաստուածս օտարս՝ եւ երկիր պագանել ն(ո)ց(ա)։ եւ բարկանայցէ ձեզ տ(է)ր, եւ կորնչիջիք վաղվաղակի յերկրէս բարութե(ան)՝ զոր ե́տ ձեզ տ(է)ր։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ ժողովեա́ց յեսու զա(մենայ)ն ցեղսն ի(սրաէ)լի ՛ի սելով. եւ կոչեաց զա(մենայ)ն ծերսն ի(սրաէ)լի, եւ զիշխանս ն(ո)ց(ա), եւ զդպիրս ն(ո)ց(ա), եւ զդատաւորս նոցա, եւ կացին առաջի տ(եառ)ն։

Verse: 2  Link to sept   Եւ խօսեցա́ւ յեսու ընդ ա(մենայ)ն ժողովրդեանն՝ եւ ասէ։ Ա́յսպէս ասէ տ(է)ր ա(ստուա)ծ ի(սրաէ)լի. յայնկոյս գետոյն պանդխտեցան հարքն ձեր յառաջագոյն. թարա՝ հա́յր աբրահամու եւ հա́յր նաքովրայ, եւ պաշտեցին զաստուածս օտարս։

Verse: 3  Link to sept   Եւ առի́ ես զհայր ձեր զաբրաամ յայնմ կողմանէ գետոյն, եւ առաջնորդեցի́ նմա յա(մենայ)ն երկրիդ քանանացւոց, եւ բազմացուցի́ զզաւակ ն(ո)ր(ա).

Verse: 4  Link to sept   եւ ետու նմա զիսահակ. եւ ետու սահակայ զյակոբ, եւ զեսաւ։ եւ ետու եսաւայ զլեառնն սէիր ՛ի ժառանգութի(ւն)։ Եւ յակոբ եւ որդիք ն(ո)ր(ա) իջին յեգիպտոս. եւ եղեն անդ յա́զգ մեծ եւ ՛ի բազում եւ ՛ի հզօր, եւ չարչարեցին զն(ո)ս(ա) եգիպտացիքն։

Verse: 5  Link to sept   եւ եհար տ(է)ր զեգիպտացիսն նշանօք եւ արուեստիւք՝ զոր արար ՛ի ն(ո)ս(ա).

Verse: 6  Link to sept   եւ ապա եհան զձեզ յեգիպտոսէ։ եւ մտէք ՛ի ծովն, եւ պնդեցան եգիպտացիքն զհե́տ հարցն ձերոց կառօք եւ երիվարօք ՛ի ծովն կարմիր։

Verse: 7  Link to sept   Եւ աղաղակեցա́ք առ տ(է)ր. եւ եդ զամպն եւ զմէգ ՛ի մէջ մեր եւ ՛ի մէջ եգիպտացւոցն. եւ ած ՛ի վերայ ն(ո)ց(ա) զծովն՝ եւ ծածկեաց զն(ո)ս(ա)։ եւ տեսին աչք մեր զոր արար տ(է)ր ընդ երկիրն եգիպտացւոց։ եւ էիք յանապատի անդ զաւուրս բազումս։

Verse: 8  Link to sept   Եւ ած զձեզ յերկիրն ամովրհացւոց բնակելոց յայնկոյս յորդանանու, եւ ետուն ը(նդ) ձեզ պատերազմ. եւ մատնեաց զն(ո)ս(ա) տ(է)ր ՛ի ձեռս ձեր, եւ ժառանգեցէք զերկիրն ն(ո)ց(ա)։ եւ սատակեցէք զն(ո)ս(ա) յերեսաց ձերոց։

Verse: 9  Link to sept   Եւ յարեաւ բաղակ սեպփովրայ արքայ մովաբու եւ ետ պատերազմ ընդ ի(սրաէ)լի։ եւ առաքեաց կոչեաց զբաղաամ որդի բեովրայ նզովե́լ զձեզ։

Verse: 10  Link to sept   եւ ո́չ կամեցաւ տ(է)ր ա(ստուա)ծ քո կորուսանել, եւ օրհնելով օրհնեա́ց զձեզ, եւ ապրեցոյց զձեզ ՛ի ձեռաց ն(ո)ց(ա). եւ մատնեաց զն(ո)ս(ա) ՛ի ձեռս ձեր։

Verse: 11  Link to sept   Եւ անցէք ընդ յորդանան, եւ եկիք յերիքով. եւ պատերազմեցան ընդ ձեզ բնակիչք երիքովի. ամուրհացին եւ քանանացին, եւ փերեզացին, եւ խեւացին, եւ յեբուսացին, եւ քետացին, եւ գերգեսացին։ եւ մատնեա́ց զնոսա ՛ի ձեռս մեր։

Verse: 12  Link to sept   Եւ առաքեաց յառաջագոյն քան զմեզ զձիաստացսն, եւ մերժեա́ց զն(ո)ս(ա) յերեսաց ձերոց. զերկոտասան թագաւորս ամովրհացւոց, ո́չ սրով քով եւ ո́չ աղեղամբ քով։

Verse: 13  Link to sept   եւ ետ ձեզ տ(է)ր զերկիրս՝ յորում ո́չ վաստակեցէք։ եւ բնակեցէք ՛ի քաղաքս զոր ո́չ շինեցէք, եւ յայգիս եւ ՛ի թզենիս՝ զոր ո́չ տնկեցէք դուք՝ եւ ուտէք։

Verse: 14  Link to sept   Եւ արդ՝ երկերո́ւք դուք ՛ի տ(եառն)է։ եւ պաշտեցէ́ք զնա ուղղութ(եամ)բ եւ արդարութ(եամ)բ. եւ ՛ի բա́ց արարէք զաստուածս օտարոտիս՝ զոր պաշտեցին հարք ձեր յա́յնկոյս գետոյն, եւ յեգիպտոս. եւ պաշտեցէ́ք զտ(է)ր։

Verse: 15  Link to sept   Ապա թէ ո́չ իցէ ձեզ հաճոյ պաշտել զտ(է)ր, ընտրեցէ́ք այսօր թէ զո՞ պաշտիցէք. զաստուածս հարցն ձերոց որ յա́յնկոյս գետոյն էին, թէ՞ զաստուածս ամովրհացւոցն, յորոց դո́ւք բնակեալ էք յերկրի նոցա։ Այլ ես՝ եւ տուն իմ պաշտեմ զտ(է)ր՝ զի ս(ուր)բ է։

Verse: 16  Link to sept   Պատասխանի ետուն ժողովուրդն՝ եւ ասեն. քա́ւ լիցի մեզ թողուլ զտ(է)ր ա(ստուա)ծ մեր՝ եւ պաշտել զաստուածս օտարս.

Verse: 17  Link to sept   զի տ(է)ր ա(ստուա)ծ մեր, նա́ եհան զմեզ եւ զհարս մեր յերկրէն եգիպտացւոց ՛ի տանէ ծառայութե(ան), եւ արար մեզ զնշանս մեծամեծս զայնոսիկ։ եւ պահեա́ց զմեզ յա(մենայ)ն ճանապարհին յորում գնացաք, եւ յա(մենայ)ն ազգս՝ ընդ որ անցաք։

Verse: 18  Link to sept   եւ մերժեաց տ(է)ր զամովրհացին եւ զա(մենայ)ն ազգս բնակեալս յերկրին՝ յերեսաց մերոց։ Այլ եւ մե́ք պաշտեսցուք զտ(է)ր. զի նա́ է ա(ստուա)ծ մեր։

Verse: 19  Link to sept   Եւ ասէ յեսու ցժողովուրդն. ո́չ կարէք դուք պաշտել զտ(է)ր՝ զի ս(ուր)բ է. եւ նա՝ նախանձեալ ո́չ ներիցէ մեղաց եւ անօրէնութե(ան)ց ձերոց.

Verse: 20  Link to sept   յորժամ թողուցուք զտ(է)ր, եւ պաշտիցէք զաստուածս օտարս. եւ հասեալ ՛ի վ(ե)ր(այ) չարչարիցէ զձեզ, եւ ծախեսցէ զձեզ փոխանակ բարեացն՝ զոր արար ձեզ։

Verse: 21  Link to sept   Եւ ասէ ժողովուրդն ցյեսու. ո́չ այդպէս, այլ զտ(է)ր պաշտեսցուք։

Verse: 22  Link to sept   Եւ ասէ յեսու ցժողովուրդն. ահա դուք ձեզէն եղերուք վկայք անձանց ձերոց, զի դուք ընտրեցէք զտ(է)ր պաշտել զնա։ եւ ասեն՝ վկա́յ եմք։

Verse: 23  Link to sept   Եւ ասէ՝ արդ ՛ի բա́ց արարէք ՛ի ձէնջ զաստուածս օտարոտիս, եւ ուղղեցէ́ք զսիրտս ձեր առ տ(է)ր ա(ստուա)ծ ի(սրաէ)լի։

Verse: 24  Link to sept   Եւ ասէ ժողովուրդն ցյեսու. զտ(է)ր ա(ստուա)ծ մեր պաշտեսցուք, եւ ձայնի́ ն(ո)ր(ա) լուիցուք։

Verse: 25  Link to sept   Եւ ուխտեաց յեսու ո́ւխտ ը(նդ) ժողովրդեանն յաւուր յայնմիկ. եւ ետ նմա օրէնս եւ դատաստա́նս ՛ի սելով առաջի խորանին ա(ստուծո)յ ի(սրաէ)լի։

Verse: 26  Link to sept   Եւ գրեա́ց յեսու զբանս զայսոսիկ ՛ի գիրս օրինաց ա(ստուծո)յ. եւ ա́ռ վէ́մ մեծ, եւ կանգնեաց զնա ՛ի ներքոյ բեւեկնոյն առաջի տ(եառ)ն։

Verse: 27  Link to sept   եւ ասէ յեսու ցա(մենայ)ն ժողովուրդն. ահա վէմս ա́յս եղիցի ձեզ ՛ի վկայութի(ւն). զի սա լուաւ զա(մենայ)ն խօսեցեալսն ՛ի տ(եառն)է զոր խօսեցաւ ընդ ձեզ այսօր։ եւ եղիցի սա ձեզ ՛ի վկայութի(ւն) աւուրց յետնոց՝ յորժամ ստիցէք տ(եառ)ն ա(ստուծո)յ ձերում։

Verse: 28  Link to sept   Եւ արձակեա́ց յեսու զժողովուրդն, եւ գնա́ց իւրաքանչիւր ՛ի տեղի իւր։

Verse: 29  Link to sept   Եւ պաշտեաց ի(սրա)էլ զտ(է)ր զա(մենայ)ն աւուրս յեսուայ, եւ զա(մենայ)ն աւուրս ծերոցն որ ձգեցին զժամանակս ընդ յեսուայ. որք տեսի́ն զա(մենայ)ն գործս տ(եառ)ն՝ զոր արար յի(սրա)էլ։

Verse: 30  Link to sept   Եւ եղեւ յետ այսորիկ մեռանե́լ յեսուայ որդւոյ նաւեայ ծառայի տ(եառ)ն, հարիւր եւ տասն ամաց։

Verse: 31  Link to sept   եւ թաղեցին զնա առ սահմանօք ժառանգու(թ)ե(ան) իւրոյ ՛ի թամնասաքար ՛ի լերինն եփրեմայ ՛ի հիւսւսոյ լերինն գայասու։ Եւ անդ եդին ը(նդ) նմա ուր թաղեցին զնա առ ՛ի յիշատակէ զսուրսն քարեղէնս, որով թլփատեա́ց զորդիսն ի(սրաէ)լի ՛ի գաղգաղա, յորժամ եհան զն(ո)ս(ա) յերկրէն եգիպտացւոց՝ ո(ր)պ(էս) հրամայեա́ց տ(է)ր. եւ ա́նդ են մինչեւ ցայսօր ժամանակի։

Verse: 32  Link to sept   Եւ զոսկերսն յովսեփու հանին որդիքն ի(սրաէ)լի յեգիպտոսէ. եւ թաղեցին զնա ՛ի սիկիմ, ՛ի բաժնի ագարակին զոր ստացաւ յակոբ յամովրհացւոցն բնակելոցն ՛ի սիկիմ, որոջաց հարիւրոց։ եւ ետ զայն յովսեփայ ՛ի բաժնի։

Verse: 33  Link to sept   Եւ եղեւ յետ այսորիկ վախճանե́լ եղիազարու քահանայի որդւոյ ահարոնի. եւ թաղեցաւ ՛ի գաբաաթ փենէէսի որդւոյ իւրում, զոր ետ նմա ՛ի լերինն եփրեմայ։ Յաւուրսն յայնոսիկ առեալ որդւոցն ի(սրաէ)լի զտապանակ ուխտին ա(ստուծո)յ շրջեցուցանէին ընդ իւրեանս։ Եւ քահանայացաւ փենէէս փոխանակ եղիազարու հօր իւրոյ, մինչեւ մեռաւ՝ եւ թաղեցա́ւ յիւրումն գաբաաթ։ Եւ որդիքն ի(սրաէ)լի գնացին յիւրաքանչիւր տեղիս իւրեանց, եւ յիւրաքանչիւր ք(ա)ղ(ա)քս իւրեանց. եւ պաշտեցին որդիքն (թ)ի(ւն)ի զաստարտն եւ զաստարովթ, եւ զաստուածս ազգացն որ շուրջ զնոքօք։ Եւ մատնեա́ց զն(ո)ս(ա) տ(է)ր ՛ի ձեռս եգղոմայ արքայի մովաբու. եւ տիրեաց ն(ո)ց(ա) ամս ո́ւթ եւ տասն։





Book: Ju. 
Judices

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 14.10.2006

ԴԱՏԱՒՈՐՔ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԵՂԵՒ ՅԵՏ ՎԱԽՃԱՆԵԼՈՅՆ յեսուայ, հարցանէին որդիքն ի(սրաէ)լի զտ(է)ր՝ եւ ասէին. ո́ ելցէ մեզ առ քանանացին առաջնորդ՝ պատերազմե́լ ընդ նմա։

Verse: 2  Link to sept   եւ ասէ տ(է)ր՝ յուդա́յ ելցէ. զի ետու զերկիրն ՛ի ձեռս ն(ո)ր(ա)։

Verse: 3  Link to sept   Եւ ասէ́ յուդայ ցշմաւոն ցեղբայր իւր. ե́լ ընդիս ՛ի վիճակիս իմում, եւ տացուք պատերա́զմ ընդ քանանացիսն. եւ եկից ես ընդ քեզ ՛ի քում վիճակին։ գնաց ընդ նմա շմաւոն։

Verse: 4  Link to sept   Եւ ե́լ յուդայ. եւ ե́տ տ(է)ր զքանանացին եւ զփերեզացին ՛ի ձեռս ն(ո)ր(ա). եւ եհա́ր զն(ո)ս(ա) ՛ի բեզեկ տասն հազար արանց։

Verse: 5  Link to sept   Եւ գտին զադոնիբեզեկ ՛ի բեզեկ, եւ ետուն պատերա́զմ ը(նդ) նմա. եւ հարին զքանանացին եւ զփերեզացին։

Verse: 6  Link to sept   Եւ փախեաւ ադոնիբեզեկ, եւ պնդեցան զհետ ն(ո)ր(ա), եւ հասին նմա. եւ կտրեցին զծխայրս ձեռաց ն(ո)ր(ա), եւ զծայրս ոտից ն(ո)ր(ա)։

Verse: 7  Link to sept   Եւ ասէ ադոնիբեզեկ. եւթանասուն թագաւորք ծայրակտո́ւրք ձեռօք եւ ոտիւք էին, որ քաղէին զփշրանս ՛ի ներքոյ սեղանոյ իմոյ. արդ՝ որպէս արարի, նո́յնպէս հատոյց ինձ ա(ստուա)ծ։ եւ ածին զնա յե(րուսաղ)էմ, եւ ա́նդ մեռաւ։

Verse: 8  Link to sept   Եւ պատերազմէին որդիքն յուդայ ընդ ե(րուսաղէ)մի, եւ առին զնա, եւ հարին զնա սրով սուսերի. եւ զքաղաքն այրեցին հրով։

Verse: 9  Link to sept   Եւ յետ այնորիկ իջի́ն որդիքն յուդայ պատերազմե́լ ընդ քանանացւոյն, բնակելոյ ՛ի լեռնակողման, եւ ՛ի հարաւ, եւ ՛ի դաշտավայրս։

Verse: 10  Link to sept   Եւ գնա́ց յուդայ ՛ի վ(ե)ր(այ) քանանացւոյն բնակելոյ ՛ի քեբրոն, եւ ել քեբրոն ընդդէմ. եւ էր անուն քեբրոնի յառաջ՝ կարիաթարբոկ սէփեր. եւ հարի́ն զսէսի, եւ զաքիման, եւ զթողմի, զծնունդսն ենակայ։

Verse: 11  Link to sept   Եւ ելին անտի ՛ի վերայ բնակչացն դաբիրայ, եւ անուն դաբիրայ է́ր յառաջագոյն քաղաք նամակաց։

Verse: 12  Link to sept   Եւ ասէ քաղէբ. որ ոք հարցէ զքաղաք նամակաց՝ եւ առցէ զնա, տա́ց նմա զասքա զդուստր իմ կնութե(ան)։

Verse: 13  Link to sept   Եւ ա́ռ զնա գոդոնիէղ որդի կենեզի եղբայր քաղեբայ՝ կրտսեր քան զնա։ եւ ետ նմա քաղէբ զասքա զդուստր իւր կնութե(ան)։

Verse: 14  Link to sept   Եւ եղեւ ՛ի գնալն ն(ո)ր(ա), յորդորեա́ց զնա գոդոնիէղ խնդրել ՛ի հօրէ իւրմէ ագարակ։ եւ տրտնջեաց՝ եւ աղաղակեաց յիշոյ անտի՝ եւ ասէ. յերկի́ր հարաւոյ ետուր զիս։ Եւ ասէ ցնա քաղէբ. զի՞ է քեզ։

Verse: 15  Link to sept   եւ ասէ ցնա ասքա. տո́ւր ինձ օրհնու(թ)ի(ւն), զի յերկիր հարաւո́յ ետուր զիս. եւ տացես ինձ զբօսա́նս ջրոց։ եւ ե́տ նմա քաղէբ ըստ սրտի ն(ո)ր(ա) զբօսանս բարձանց, եւ զբօսանս հովտաց։

Verse: 16  Link to sept   Եւ որդիքն յոբաբայ կինեցւոյ աներոյն մովսիսի, ելին ՛ի քաղաքէն արմաւենեաց՝ առ որդիսն յուդայ ՛ի յանապատն յուդայ, որ է ՛ի հարաւոյ յուդայ, առ զառիվայրին արադայ. եւ գնացին բնակեցան առ ժողովրդեանն։

Verse: 17  Link to sept   Եւ գնա́ց յուդայ ընդ շմաւոնի եղբօր իւրոյ, եւ հարին զքանանացին բնակեալ յափեթ. եւ նզովեցին զնա, եւ սատակեցին զնա. եւ կոչեցին զանուն քաղաքին սատակումն։

Verse: 18  Link to sept   Եւ ո́չ ժառանգեաց յուդայ զգաղա́ եւ զսահմանս ն(ո)ր(ա), եւ զասկաղոն եւ զսահմանս ն(ո)ր(ա), եւ զակարոն եւ զսահմանս ն(ո)ր(ա). եւ զազովտոս եւ զանդաստանս նորա։

Verse: 19  Link to sept   Եւ էր տ(է)ր ընդ յուդայ, եւ ժառանգեաց զլեառնն. զի ո́չ կարացին ժառանգել զբնակիչս հովտացն. զի ռեքաբ՝ զատոյց զն(ո)ս(ա). եւ կառք երկաթիք էին նց։

Verse: 20  Link to sept   Եւ ետուն քաղեբայ զքեբրո́ն որպէս եւ խօսեցաւ մովսէս. եւ ժառանգեաց անտի զերիս քաղաքս որդւոցն ենակայ. եւ եբա́րձ անտի զերեսին որդիսն ենակայ։

Verse: 21  Link to sept   Եւ զյեբուսացին զբնակեալն յե(րուսաղէ)մ ո́չ ժառանգեցին որդիքն բենիամինի։ եւ բնակեաց յեբուսացին ընդ որդիսն բենիամինի յե(րուսաղէ)մ մինչեւ ցայսօր։

Verse: 22  Link to sept   Եւ ելին որդիքն յովսեփու, եւ ինքեանք ՛ի բեթէլ. եւ տ(է)ր ընդ ն(ո)ս(ա)։

Verse: 23  Link to sept   եւ բանակեցան տուն ի(սրաէ)լի ՛ի բեթէղ. եւ անուն քաղաքին էր յառաջ լուզայ։

Verse: 24  Link to sept   Եւ տեսին պահապանքն զայր մի ելեալ ՛ի քաղաքէ անտի, կալա́ն զնա՝ եւ ասեն. ցո́յց մեզ զմուտ քաղաքիդ, եւ արասցուք ընդ քեզ ողորմու(թ)ի(ւն)։

Verse: 25  Link to sept   եւ եցո́յց ն(ո)ց(ա) զմուտ քաղաքին, եւ հարին զքաղաքն սրով սուսերի. եւ զայրն եւ զազգատոհմն իւր արձակեցին։

Verse: 26  Link to sept   Եւ գնա́ց այրն յերկիրն ՛ի քետիմ, եւ շինեաց անդ քաղաք, եւ կոչեաց զանուն ն(ո)ր(ա) լուզա. եւ ա́յն է անուն ն(ո)ր(ա) մինչեւ ցայսօր։

Verse: 27  Link to sept   Եւ ո́չ ժառանգեաց մանասէ զբեթսան՝ որ է սկիւթուպօլիս. եւ ո́չ զդստերս ն(ո)ր(ա), եւ ո́չ զանդաստանս ն(ո)ր(ա). եւ ո́չ զթանաք եւ զդստերս ն(ո)ր(ա)։ Եւ ո́չ զբնակիչսն դովրայ. եւ ո́չ զշուրջ բնակեալսն զնովաւ, եւ ո́չ զդստերս նորա։ եւ ո́չ զբնակիչս բաղակայ, եւ ո́չ զշուրջ բնակեալսն զնովաւ. եւ ո́չ զդստերս ն(ո)ր(ա)։ Եւ ո́չ զբնակիչս յեբղամայ, եւ ո́չ զշուրջ բնակեալսն զնովաւ, եւ ոչ զդստերս ն(ո)ր(ա)։ եւ սկսաւ քանանացին բնակե́լ յերկրին յայնմիկ։

Verse: 28  Link to sept   Եւ եղեւ իբրեւ զօրացա́ւ ի(սրա)էլ, ե́դ զքանանացին ընդ հարկաւ, եւ բառնալով ո́չ եբարձ զնա։

Verse: 29  Link to sept   Եւ եփրեմ՝ ո́չ եբարձ զքանանացին զբնակելան ՛ի գազեր. եւ բնակեաց քանանացին ՛ի մէջ ն(ո)ր(ա) ՛ի գազեր, եւ եղեւ նմա հարկատո́ւ։

Verse: 30  Link to sept   Եւ զաբուղոն՝ ո́չ եբարձ զբնակիչսն կեդրոնի, եւ զբնակիչսն ամանայ. եւ բնակեաց քանանացին ՛ի մէջ ն(ո)ր(ա). եւ եղեւ նմա հարկատո́ւ։

Verse: 31  Link to sept   Եւ ասեր՝ ո́չ եբարձ զբնակիչսն ակքովայ, եւ եղեւ նմա հարկատո́ւ. եւ զբնակիչսն դովրայ, եւ զբնակիչսն սիդոնի, եւ զբնակիչսն գալափայ, եւ զաքազիփ, եւ զեղփա, եւ զափեկ, եւ զռովբ։

Verse: 32  Link to sept   եւ բնակեաց ասեր ՛ի մէջ քանանացւոյն բնակելոյն յերկրին. քանզի ո́չ կարացին բառնալ զնա։

Verse: 33  Link to sept   Եւ նեփթաղիմ՝ ո́չ եբարձ զբնակիչսն բեթսամիւսայ, եւ ո́չ զբնակիչսն բեթանաթայ. եւ բնակեաց նեփթաղիմ ՛ի մէջ քանանացւոյն բնակելոյ յերկրին. եւ բնակիչքն բեթսամիւսայ եւ բեթանաթայ եղեն նմ(ա) հարկատո́ւք։

Verse: 34  Link to sept   Եւ նեղեա́ց ամուրհացին զորդիսն դանայ ՛ի լերինն. զի ո́չ տայր ն(ո)ց(ա) թոյլ իջանել ՛ի հովիտսն։

Verse: 35  Link to sept   Եւ սկսաւ ամուրհացին բնակել ՛ի լերինն մուրտաստանի. ուր արջք եւ աղուէսք ՛ի մուրտաստանսն եւ ՛ի սաղապին։ Եւ ծանրացաւ ձեռն յովսեփայ ՛ի վերայ ամուրհացւոյն. եւ եղեն ն(ո)ց(ա) հարկատուս.

Verse: 36  Link to sept   զի սահման ամուրհացւոյն եդոմայեցին էր. ՛ի վերայ զառիվայրին ակրաբիմայ ՛ի վիմէն եւ ՛ի վեր։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ ել հրեշտակ տ(եառ)ն ՛ի գաղգաղա ՛ի լալետղն, եւ ՛ի բեթէղ, եւ ՛ի տուն ի(սրաէ)լի, եւ ասէ ցն(ո)ս(ա). Ա́յսպէս ասէ տ(է)ր։ տ(է)ր եհան զձեզ յեգիպտոսէ, եւ ած զձեզ յերկիրդ՝ յոր երդուաւ հարցն ձերոց տալ ձեզ, եւ ասէ ցձեզ. ո́չ ցրեցից զուխտն իմ որ ընդ ձեզ յաւիտեանց։

Verse: 2  Link to sept   Եւ մի́ դնիցէք ուխտ ը(նդ) բնակիչս երկրիդ այդորիկ, եւ մի́ ընդ դիս նոցա, եւ մի́ երկիրպագանիցէք ն(ո)ց(ա). այլ զդրօշեալս ն(ո)ց(ա) խորտակեսջի́ք, եւ զսեղանս ն(ո)ց(ա) կործանեսջի́ք. եւ ո́չ լուարուք ձայնի իմում. քանզի արարէք զայն։

Verse: 3  Link to sept   Եւ ասացի թէ ո́չ յաւելից փոխել զժողովուրդն զոր յաւելի սատակել, եւ ո́չ բարձից զն(ո)ս(ա) յերեսաց ձերոց. եւ եղիցին ձեզ ՛ի վտանկս. եւ դիք նոցա եղիցին ձեզ ՛ի գայթագղու(թ)ի(ւն)։

Verse: 4  Link to sept   Եւ եղեւ իբրեւ խօսեցաւ հրեշտակն տ(եառ)ն զբանս զայսոսիկ առ ա(մենայ)ն որդիսն ի(սրաէ)լի. ամբարձի́ն ժողովուրդքն զձայնս իւրեանց՝ եւ լացին։

Verse: 5  Link to sept   եւ վ(ա)ս(ն) այնորիկ կոչեցաւ անուն տեղւոյն այնորիկ լալօնք. եւ զոհեցին անդ տ(եառ)ն։

Verse: 6  Link to sept   Եւ արձակեա́ց յեսու զժողովուրդսն. եւ գնացին որդիքն ի(սրաէ)լի յիւրաքանչիւր տո́ւն իւր, եւ յիւրաքանչիւր ժառանգու(թ)ի(ւն) իւր՝ ժառանգել զերկիրն։

Verse: 7  Link to sept   Եւ ծառայեա́ց ժողովուրդն տ(եառ)ն զա(մենայ)ն աւուրս յեսուայ, եւ զա(մենայ)ն աւուրս ծերոցն, որ միանգամ երկայնակեացք եղեն ընդ յեսուայ. որ գիտա́կ լեալ էին ա(մենայ)ն,եծամեծ գործոցն տ(եառ)ն՝ զոր արար յի(սրա)էլ։

Verse: 8  Link to sept   Եւ վախճանեցա́ւ յեսու որդի նաւեայ ծառայ տ(եառ)ն. որդի հարիւր եւ տասն ամաց։

Verse: 9  Link to sept   եւ թաղեցին զնա ՛ի լերին ժառանգութե(ան) ն(ո)ր(ա), ՛ի թամնաթարէս՝ ՛ի լերինն եփրեմի ՛ի հիւսւսոյ լերինն գայասու։

Verse: 10  Link to sept   եւ ա(մենայ)ն ազգն այն յաւելա́ն առ հարս իւրեանց։ Յարեաւ ա́յլ ազգ որ ո́չ ճանաչէին զտ(է)ր, եւ ո́չ զգործսն զոր արար ՛ի մէջ ի(սրաէ)լի։

Verse: 11  Link to sept   Եւ արարին որդիքն ի(սրաէ)լի չա́ր առաջի տ(եառ)ն. եւ պաշտեցին զբահաղի́մ.

Verse: 12  Link to sept   եւ թողին զտ(է)ր ա(ստուա)ծ հարցն իւրեանց, որ եհան զն(ո)ս(ա) յերկրէն եգիպտացւոց, եւ գնացին զհետ աստուածոց օտարաց, աստուածոց ազգա́ցն որ շուրջ զնոքօք, եւ երկի́ր պագին ն(ո)ց(ա). եւ բարկացուցին զտ(է)ր։

Verse: 13  Link to sept   եւ թողին զնա եւ պաշտեցին զբահա́ղ, եւ զաստարտսն։

Verse: 14  Link to sept   եւ բարկացա́ւ սրտմտութ(եամ)բ տ(է)ր ի(սրաէ)լի, եւ մատնեաց զն(ո)ս(ա) տ(է)ր ՛ի ձե́ռս աւարառուացն, եւ աւերեցին զն(ո)ս(ա). եւ ետ զն(ո)ս(ա) տ(է)ր ՛ի ձեռս թշնամեաց իւրեանց շուրջանակի. եւ ո́չ կարացին կալ ընդդէմ թշնամեաց իւրեանց ամենեցունց՝ ընդ որս պոռնկեցան։

Verse: 15  Link to sept   Եւ ձեռն տ(եառ)ն է́ր ն(ո)ց(ա) ՛ի չարութի(ւն)՝ որպէս եւ խօսեցա́ւ տ(է)ր, եւ ո(ր)պ(էս) երդուաւ տ(է)ր, եւ նեղեա́ց զն(ո)ս(ա) յոյժ։

Verse: 16  Link to sept   Եւ յարոյց ն(ո)ց(ա) տ(է)ր դատաւո́րս, եւ փրկեաց զն(ո)ս(ա) տ(է)ր ՛ի ձեռաց աւարառուաց ն(ո)ց(ա). սակայն եւ նոցա ո́չ լուան։

Verse: 17  Link to sept   զի պոռնկեցան զհետ աստուածոց օտարաց, եւ երկի́ր պագին ն(ո)ց(ա). եւ բարկացուցին զտ(է)ր. եւ խոտորեցան վաղվաղակի ՛ի ճանապարհէն ընդ որ գնային հարք ն(ո)ց(ա) լսե́լ պատուիրանաց տ(եառ)ն. եւ ո́չ արարին այնպէս։

Verse: 18  Link to sept   Եւ յորժամ յարոյց ն(ո)ց(ա) տ(է)ր դատաւորս. եւ է́ր տ(է)ր ընդ դատաւորին. եւ փրկեաց զն(ո)ս(ա) ՛ի ձեռաց թշնամեաց ն(ո)ց(ա) զա(մենայ)ն աւուրս դատաւորին. զի մխիթարեցա́ւ տ(է)ր ՛ի հեծութ(են)է ն(ո)ց(ա) յերեսաց պաշարողացն ն(ո)ց(ա) որ չարչարէին զն(ո)ս(ա)։

Verse: 19  Link to sept   Եւ լինէր իբրեւ մեռանէ́ր դատաւորն, դառանյին միւսանգամ եղծանել առաւե́լ քան զհարս իւրեանց, երթալ զհետ աստուածոց օտարաց, պաշտել զն(ո)ս(ա) եւ երկիրպագանել նց. եւ ո́չ ընկեցին ՛ի բաց զարուեստս իւրեանց, եւ ո́չ հատան ՛ի խիստ ճանապարհաց իւրեանց։

Verse: 20  Link to sept   Եւ բարկացա́ւ սրտմտու(թեամ)բ տ(է)ր ի(սրաէ)լի եւ ասէ. փոխանակ զի եթո́ղ ազգդ այդ զուխտ իմ զոր պատուիրեցի հա́րց դոցա, եւ ո́չ լուան ձայնի իմում։

Verse: 21  Link to sept   եւ ես ո́չ յաւելից բառնալ զայր յերեսաց ն(ո)ց(ա), յազգացն զոր եթող յեսո́ւ որդի նաւեայ։

Verse: 22  Link to sept   Եւ եթող փորձել նովաւ զի(սրա)էլ, եթէ զգուշանայցե́ն ճանապարհին տ(եառ)ն գնալ ընդ նա, զոր օրինակ զգուշացան հարքն ն(ո)ց(ա), եւ եթէ ո́չ։

Verse: 23  Link to sept   Եւ եթո́ղ տ(է)ր զազգսն զայնոսիկ, չբառնա́լ զն(ո)ս(ա) վաղվաղակի. եւ ո́չ մատնեաց զն(ո)ս(ա) ՛ի ձեռս յեսուայ։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ ա́յս ազգք են զորս եթող յեսու փորձե́լ նոքօք զի(սրա)էլ. զամենեսին որ ո́չ գիտէին զա(մենայ)ն պատերազմունս քանանացւոց.

Verse: 2  Link to sept   բայց վ(ա)ս(ն) ազգաց որդւոցն ի(սրաէ)լի ուսուցանել ն(ո)ց(ա) պատերազմ. սակայն եւ որ յառաջագոյն քան զն(ո)ս(ա) էին՝ ո́չ գիտէին։

Verse: 3  Link to sept   Զհի́նգ նախարարութի(ւն)ս այլազգեաց. եւ զա(մենայ)ն քանանացին. եւ զսիդոնացին. եւ զխեւացին զբնակեալսն ՛ի լիբանան ՛ի լեռնէն բաղհերմոնեայ՝ մինչեւ ցբաղովեմաթ։

Verse: 4  Link to sept   Եւ եղեւ ՛ի փորձել նոքօք զի(սրա)էլ. գիտել եթէ լսիցեն պատուիրանացն տ(եառ)ն՝ զորս պատուիրեաց հարցն ն(ո)ց(ա) ՛ի ձեռն մովսիսի։

Verse: 5  Link to sept   Եւ որդիքն ի(սրաէ)լի բնակեցին ՛ի մէջ քանանացւոյն, եւ քետացւոյն, եւ ամուրհացւոյն, եւ փերեզացւոյն, եւ խեւացւոյն, եւ յեբուսացւոյն, եւ գերգեսացւոյն։

Verse: 6  Link to sept   Եւ առին զդստերս ն(ո)ց(ա) իւրեանց ՛ի կանայս, եւ զդստերս իւրեանց ետո́ւն ուստերաց ն(ո)ց(ա). եւ պաշտեցին զդիս ն(ո)ց(ա)։

Verse: 7  Link to sept   Եւ արարին որդիքն ի(սրաէ)լի չա́ր առաջի տ(եառ)ն. եւ մոռացա́ն զտ(է)ր ա(ստուա)ծ իւրեանց, եւ պաշտեցին զբահաղ՝ եւ զանտառսն։

Verse: 8  Link to sept   եւ բարկացաւ սրտմտու(թեամ)բ տ(է)ր ի(սրաէ)լի, եւ մատնեա́ց զն(ո)ս(ա) ՛ի ձեռս քուսարսաթեմայ արքային ասորւոց միջագետաց. եւ ծառայեցին նմա ա́մս ութ։

Verse: 9  Link to sept   եւ աղաղակեցին որդիքն ի(սրաէ)լի առ տ(է)ր։ Եւ յարոյց տ(է)ր փրկի́չ ի(սրաէ)լի, եւ ետ ն(ո)ց(ա) զգոդոնիէլ որդի կենեզեայ, զեղբայր քաղեբայ՝ կրտսեր քան զնա։

Verse: 10  Link to sept   եւ լուաւ ն(ո)ց(ա)։ Եւ եղեւ ՛ի նմա հոգի տ(եառ)ն, եւ դատեաց զի(սրա)էլ։ եւ ել ՛ի պատերազմ ը(նդ) քուսարսաթեմայ. եւ մատնեաց տ(է)ր ՛ի ձեռս ն(ո)ր(ա) զքուսարսաթեմ արքա́յ ասորւոց. եւ սաստկացաւ ձեռն ն(ո)ր(ա) ՛ի վերայ քուսարսաթեմայ։

Verse: 11  Link to sept   եւ դադարեաց երկիրն ամս քառասուն։ եւ մեռաւ գոդոնիէլ որդի կենեզի։

Verse: 12  Link to sept   Եւ յաւելին որդիքն ի(սրաէ)լի առնել չա́ր առաջի տ(եառ)ն. եւ զօրացոյց տ(է)ր զեգղոմ արքայ մովաբու ՛ի վ(ե)ր(այ) ի(սրաէ)լի. վասն առնելոյ ն(ո)ց(ա) չա́ր առաջի տ(եառ)ն։

Verse: 13  Link to sept   Եւ ժողովեա́ց ՛ի վերայ ն(ո)ր(ա) զա(մենայ)ն որդիսն ամոնայ, եւ զամաղէկ. եւ չոգաւ եհա́ր զի(սրա)էլ. եւ ժառանգեաց զքաղաքն արմաւենեաց։

Verse: 14  Link to sept   Եւ ծառայեցին որդիքն ի(սրաէ)լի եգդոմայ արքայի մովաբու ամս ութուտասն։

Verse: 15  Link to sept   եւ աղաղակեցին որդիքն ի(սրաէ)լի առ տ(է)ր։ Եւ յարոյց ն(ո)ց(ա) տ(է)ր փրկիչ զաւո́վդ որդի գերեայ՝ զորդի ա́ռն յիմենեցւոյ, զերկոցունց ձեռաց աջողակն։ եւ առաքեցին որդիքն ի(սրաէ)լի ՛ի ձեռն ն(ո)ր(ա) պատարագս եգդոմայ արքայի մովաբու։

Verse: 16  Link to sept   Եւ արար իւր աւովդ սո́ւր երկասյրի թզաւ յերկայնու(թ)ի(ւն), եւ եդ յաջո́յ ազդեր իւրում ընդ տառատոկաւն, եւ գնաց։

Verse: 17  Link to sept   եւ մատոյց զպատարագսն եգղոմայ արքայի մովաբու։ եւ եգղոմ էր այր յո́յլ յոյժ։

Verse: 18  Link to sept   Եւ եղեւ իբրեւ վախճանեաց աւովդ մատուցանել զպատարագսն, եւ արձակեաց զպատարագաբարձսն։

Verse: 19  Link to sept   եւ եգղոմ դարձաւ ՛ի դրօշելոցն հանդերձ գագաղաւն։ Եւ ասէ աւովդ. բա́նք ինչ են ինձ ընդ քեզ լռելեայն արքայ։ եւ ասէ եգդոմ. լո́ւռ լեր։ եւ ասէ ցամենեսին. ՛ի բա́ց գնացէք։ եւ ելին արտաքս որ զնովաւն կային։

Verse: 20  Link to sept   եւ նա նստէր յամարանոցի ՛ի վերնատանն իւրում միայն առանձինն։ Եւ ասէ աւովդ. պատգա́մ ա(ստուծո)յ է իմ առ քեզ արքայ։ եւ յարեաւ եգղոմ յաթոռոյն մերձ առ նա։

Verse: 21  Link to sept   Եւ եղեւ ընդ յառնելն ն(ո)ր(ա), ձգեա́ց աւովդ զձեռն իւր զձախ, եւ ա́ռ զսուրն յաջոյ ազդերէ իւրմէ, եւ եհար ՛ի կշտի եգղոմայ,

Verse: 22  Link to sept   արկ եւ զերախակալն եւս զհետ վերին. եւ արգել ճարպն զվիրաբերանն, զի ո́չ ձգեաց ՛ի բաց զսուրն ՛ի կշտէ ն(ո)ր(ա)։

Verse: 23  Link to sept   եւ ել ՛ի պատշգամն, եւ անց ը(նդ) վանդակապատսն, եւ փակեաց զդուրս վերնատանն ընդդէմ նորա եւ աղխեաց. եւ ինքն ել գնաց։

Verse: 24  Link to sept   Եւ ծառայքն նորա մտին՝ եւ տեսին. եւ ահա դուրք վերնատանն փակեալ էին։ եւ ասեն՝ գուցէ́ յաթոռն նստիցի ՛ի պէ́տս ՛ի սենեկին։

Verse: 25  Link to sept   եւ կացին մնացին ամաչեցեալք։ եւ ահա ո́չ ոք էր որ բանայր զդուրս վերնատանն։ եւ առին զբանալին եւ բացին, եւ ահա տէրն իւրեանց անկեա́լ կայր մեռեալ ՛ի գետնի։

Verse: 26  Link to sept   Եւ աւովդ զերծաւ ՛ի սիրովթա՝ մինչ նոքա զաղմկաւն էին. եւ ո́չոք էր որ փոյթ առնէր զնմանէ։ եւ նա անց առ դրօշելովքն, եւ զերծաւ անկաւ ՛ի սիրովթա։

Verse: 27  Link to sept   Եւ եղեւ իբրեւ եկն աւովդ յերկիրն ի(սրաէ)լի, եհա́ր փող ՛ի լերինն եփրեմայ. եւ իջին ընդ նմա որդիքն ի(սրաէ)լի ՛ի լեռնէ անտի. եւ ինքն առաջի ն(ո)ց(ա)։

Verse: 28  Link to sept   եւ ասէ ցն(ո)ս(ա). իջէ́ք զկնի իմ, զի մատնեաց տ(է)ր ա(ստուա)ծ մեր զթշնամիս մեր զմովաբացիս ՛ի ձեռս մեր։ Եւ իջին զկնի ն(ո)ր(ա). եւ կալան նախ զա́նցս յորդանանու ՛ի մովաբայ, եւ ո́չ թողին մարդոյ անցանել։

Verse: 29  Link to sept   Եւ հարին ՛ի մովաբայ յաւուր յայնմիկ իբրեւ տասն հազար արանց զա(մենայ)ն պատերազմօղս ՛ի նոցանէ, եւ զա(մենայ)ն այր զօրու(թ)ե(ան). եւ ո́չ ապրեցաւ եւ ոչ մի այր։

Verse: 30  Link to sept   Եւ վանեցա́ւ մովաբ յաւուր յայնմիկ ը(նդ) ձեռամբ ի(սրաէ)լի։ եւ դադարեա́ց երկիրն ամս ութսուն։ եւ դատեաց զնոսա աւովդ մինչեւ մեռաւ։

Verse: 31  Link to sept   Եւ յետ ն(ո)ր(ա) յարեա́ւ սամեգար որդի անաթայ. եւ եհա́ր յայլազգեացն վեց հարիւր այր մաճով արօրոյ, եւ ա́ռ յաւարի արջառ եւ ոչխար բազումյոյժ, թո́ղ զորթս արջառոց։ եւ փրկեա́ց նա զիսրայէլ։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ յաւելին որդիքն ի(սրաէ)լի առնել չա́ր առաջի տ(եառ)ն. եւ սամեգար մեռաւ։

Verse: 2  Link to sept   Եւ մատնեաց զն(ո)ս(ա) տ(է)ր ՛ի ձեռս յաբինայ արքայի քանանացւոց, որ թագաւորեաց յասովր։ եւ իշխան զօրու ն(ո)ր(ա) սիսարա. եւ ինքն բնակէր յարիսովթ ազգաց։

Verse: 3  Link to sept   Եւ աղաղակեցին որդիքն ի(սրաէ)լի առ տ(է)ր. զի իննհարիւր կառք երկաթիք էին նորա. եւ նա նեղէր զի(սրա)էլ սաստիկ՝ ամս քսան։

Verse: 4  Link to sept   Եւ դեբովրա կին մարգարէ՝ կին ղաբիդովթայ. նա́ դատէր զի(սրա)էլ ՛ի ժամանակին յայնմիկ։

Verse: 5  Link to sept   եւ ինքն բնակեալ էր ընդ արմաւենեաւն ՛ի մէջ ռամայ եւ ՛ի մէջ բեթեղայ՝ ՛ի լերինն եփրեմայ. եւ ելանէին որդիքն ի(սրաէ)լի առ նա́ ՛ի դատաստան։

Verse: 6  Link to sept   Եւ առաքեաց դեբովրա եւ կոչեաց զբարակ զորդի աբինէեմայ ՛ի կադեսայ նեփթաղիմի, եւ ասէ ցնա. Ո՞չ ապաքէն հրաման ետ քեզ տ(է)ր ա(ստուա)ծ ի(սրաէ)լի, եւ երթիցես ՛ի լեառն թաբովր, եւ առցես ընդ քեզ տասն հազար արանց յորդւոցն նեփթաղիմայ, եւ յորդւոցն զաբուղոնի,

Verse: 7  Link to sept   եւ տարցիս ընդ քեզ ՛ի հեղեղատն կիսոնի, ՛ի վերայ սիսարայ իշխանի զօրուն յաբինայ՝ եւ զօրաց ն(ո)ր(ա), եւ կառաց ն(ո)ր(ա), եւ մատնեցի́ց զնա ՛ի ձեռս քո։

Verse: 8  Link to sept   Եւ ասէ ցնա բարակ. եթէ երթիցես ընդիս՝ երթայց. եւ եթէ ո́չ երթիցես ընդիս՝ ո́չ երթայց։ քանզի ո́չ գիտեմ զօրն յորում աջողեսցէ տ(է)ր զհրեշտակ իւր ընդիս։

Verse: 9  Link to sept   Եւ ասէ ցնա դեբովրա. երթալո́վ երթայց ընդ քեզ. բայց գիտասջիր, զի ո́չ քո լիցի քաջու(թ)ի(ւն) ՛ի ճանապարհին զոր երթայցես. քանզի ՛ի ձեռն կնո́ջ մատնեսցէ տ(է)ր զսիսարա։ Եւ յարեաւ դեբովրա, եւ գնաց ընդ բարակայ ՛ի կադիսայ։

Verse: 10  Link to sept   եւ պատուէր ետ բարակ զաբուղոնի եւ նեփթաղիմի ՛ի կադէս. եւ ելին զհետ ն(ո)ր(ա) տասն հազար արանց. ե́լ ընդ նմա եւ դեբովրա։

Verse: 11  Link to sept   Եւ մերձաւորք կինեցւոյն մեկնեցա́ն ՛ի կինեայ յորդւոյն յոբաբայ աներոյն մովսիսի։ եւ եհա́ր զխորան իւր առ կաղնեաւն հանգուցելոցն՝ որ է մերձ ՛ի կադէս։

Verse: 12  Link to sept   Եւ ա́զդ եղեւ սիսարայ եթէ ել բարակ որդի աբինէեմայ ՛ի լեառն թաբովր։

Verse: 13  Link to sept   եւ գումարեա́ց սիսարայ զա(մենայ)ն կառս իւր, իննհարիւր կառս երկաթեղէնս. եւ զա(մենայ)ն զօրն որ ընդ իւր յարիսովթայ ազգաց՝ ՛ի հեղեղատն կիսոնի։

Verse: 14  Link to sept   Եւ ասէ դեբովրա ցբարակ. արի́ զի ա́յս օր է՝ յորում մատնեաց տ(է)ր զսիսարա ՛ի ձեռս քո. զի ահա տ(է)ր է առաջի քո։ Եւ էջ բարակ ՛ի լեռնէն թաբովրայ, եւ տասնհազար արանց զհետ ն(ո)ր(ա)։

Verse: 15  Link to sept   եւ զարհուրեցո́յց տ(է)ր զսիսարա, եւ զա(մենայ)ն կառս ն(ո)ր(ա), եւ զա(մենայ)ն բանակն ն(ո)ր(ա)՝ սրո́վ սուսերի առաջի բարակայ։ Եւ է́ջ սիսարա ՛ի կառաց իւրոց, եւ փախեա́ւ հետիո́տս։

Verse: 16  Link to sept   եւ բարակ զհետ մտեալ երթա́յր զկնի կառացն, եւ զհետ բանակին մինչեւ յանտառն ազգաց։ եւ անկա́ւ ա(մենայ)ն բանակն սիսարայ սրով սուսերի. եւ ո́չ մնաց եւ ո́չ մի։

Verse: 17  Link to sept   Եւ սիսարա մեկնեցա́ւ գնաց հետիո́տս ՛ի խորանն յայելի կնոջ քարեբայ կինեցւոյ. քանզի խաղաղու(թ)ի(ւն) էր ՛ի մէջ յաբինայ արքայի ասովրայ, եւ ՛ի մէջ տանն քաբերայ կինեցւոյ։

Verse: 18  Link to sept   Եւ ե́լ յայել ընդ առաջ սիսարայ՝ եւ ասէ ցնա. խոտորեա́ց առիս տէր իմ խոտորեա́ց, եւ մի́ երկնչիր։ եւ խոտորեցաւ առ նմա ՛ի խորանն. եւ ծածկեաց զնա ընդ փեղկիւք ն(ո)ր(ա)։

Verse: 19  Link to sept   Եւ ասէ ցնա սիսարա. արբո́ ինձ սակաւ մի ջուր՝ զի ծարաւի եմ։ եւ եբաց զտիկ կաթինն՝ եւ արբոյց նմա. եւ ծածկեաց զերեսս ն(ո)ր(ա)։

Verse: 20  Link to sept   Եւ ասէ ցնա սիսարա. կա́ց դու առ դրան խորանիդ, եւ եղիցի եթէ եկեսցէ ոք առ քեզ, եւ հարցցէ եւ ասասցէ ոք ցքեզ. եթէ է՞ ոք այդր այր, ասասցես՝ թէ ոչ է։

Verse: 21  Link to sept   եւ ծածկեա́ց զնա ընդ փեղկիւքն ն(ո)ր(ա)։ Եւ ա́ռ յայել կին քաբերայ զցի́ց խորանին, եւ կալա́ւ զուռնն ՛ի ձեռին իւրում. եւ եմուտ մեղմով առ նա. եւ բախեաց զցիցն ը(նդ) ծամելիս ն(ո)ր(ա)՝ եւ վարսեաց ընդ գետինն. եւ նա տապալեցաւ ՛ի մէջ ոտից ն(ո)ր(ա), եւ եհա́ն զոգի։

Verse: 22  Link to sept   Եւ ահա բարակ պնդեա́լ գայր զհետ սիսարայի։ եւ ել յայել ընդ առաջ ն(ո)ր(ա) եւ ասէ ցնա. ե́կ այսր եւ ցուցի́ց քեզ զայրն զոր դու խդրես. եւ եմուտ առ նա։ եւ ահա սիսարա կայր անկեալ մեռեալ՝ եւ ցիցն ՛ի ծամելո́ջ ն(ո)ր(ա)։

Verse: 23  Link to sept   Եւ կորացոյց տ(է)ր ա(ստուա)ծ յաւուր յայնմիկ զյաբին արքայ քանանացւոց առաջի որդւոցն ի(սրաէ)լի։

Verse: 24  Link to sept   Եւ ձեռն որդւոցն ի(սրաէ)լի երթալո́վ երթայր խստացեալ ՛ի վ(ե)ր(այ) յաբինայ արքային քանանացւոց՝ մինչեւ սատակեցան։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ օրհնեա́ց դեբովրա, եւ բարակ որդի աբինէեմայ յաւուր յայնմիկ՝ եւ ասեն։

Verse: 2  Link to sept   ՛Ի սկսանել զօրաւարացն ի(սրաէ)լի, մտադիւրու(թեամ)բ ժողովրդեանն օրհնեցէ́ք զտ(է)ր։

Verse: 3  Link to sept   Լուարո́ւք թագաւորք՝ եւ ունկնդի́ր լերուք նախարարք. ե́ս տ(եառ)ն երգեցից, եւ սաղմոս ասացից ա(ստուծո)յ ի(սրաէ)լի։

Verse: 4  Link to sept   տ(է)ր յելանել քոյ ՛ի սէիրայ, եւ ՛ի չուել քում յանդաստանացն եդովմայ, երկիր շարժեցա́ւ եւ երկինք խռովեցա́ն, եւ ամպք ցօղեցի́ն ջուր։

Verse: 5  Link to sept   լերինք շարժեցան յերեսաց տ(եառ)ն ելովայ սինայի, յերեսաց տ(եառ)ն ա(ստուծո)յ ի(սրաէ)լի։

Verse: 6  Link to sept   Յաւուրցն սամեգարայ որդւոյ անաթայ՝ ցաւուրս յայելի, պակասեցին թագաւորք եւ գնացին ընդ շաւի́ղս գնացին ընդ ճանապարհս կամակորս։

Verse: 7  Link to sept   Պակասեցին փարազունք բնակեալք ՛ի մէջ ի(սրաէ)լի՝ պակասեցին, մինչեւ յարեաւ դեբովրա, մինչեւ յարեաւ մայր ի(սրաէ)լի։

Verse: 8  Link to sept   Ցանկացա́ն իբրեւ գարեղէն նկանակի աստուածոց օտարաց սնոտւոց։ յեյնժամ պատերազմեցան քաղաքք իշխանաց։ ծածկու(թեամ)բ նորոց գեղարդանց, քառասուն հազար այր ՛ի մէջ ի(սրաէ)լի։

Verse: 9  Link to sept   Սիրտ իմ ՛ի վերայ կարգելոցն ի(սրաէ)լի։ զօրաւորք ժողովրդեանն օրհնեցէ́ք զտ(է)ր։

Verse: 10  Link to sept   Հեծեալք յարիվարս ՛ի մէջօրէի, եւ սպիտակաց. երթեալք յատեանս ատենակալաց։ Տո́ւք ձայն բարբառոյ,

Verse: 11  Link to sept   նուագածուաց, ՛ի մէջ ցնծացելոց։ ա́նդ տացեն արդարու(թ)ի(ւն) տ(եառ)ն։ զարդարու(թ)ի(ւն) զօրացոյց ՛ի մէջ ի(սրաէ)լի։ յայնժամ էջ ՛ի քաղաքս ժողովուրդ տ(եառ)ն։

Verse: 12  Link to sept   Զարթի́ր զարթի́ր դեբովրա. զարթո́ զբիւրաւորս հանդերձ ժողովրդեամբ։ զարթի́ր զարթի́ր խօսեա́ց երգովք։ Զօրացեալ յարիցե́ս բարակ. գերեսցես զգերութիւն քո՝ որդի աբինեեմայ։

Verse: 13  Link to sept   Յայնժամ մեծացաւ զօրու(թ)ի(ւն) ն(ո)ր(ա)։ Տ(է)ր ընկրկեաց ինձ զզօրագոյնսն քան զիս։

Verse: 14  Link to sept   Ժողովուրդ եփրեմայ պատժեա́ց զն(ո)ս(ա) ՛ի հովիտսն։ եղբա́յր քո բենիամին՝ քոյին ժողովուրդ։ Յինէն ՛ի մաքի́ր իջին խուզարկուք։ եւ ՛ի զաբուղոնէ զորացուցիչք, գաւազանա́ւ պատմու(թ)ե(ան) դպրի։

Verse: 15  Link to sept   Եւ զօրավարք իսաքարու ընդ սեբովրա́յ եւ ընդ բարակայ։ եւ ապա́ բարակ ՛ի հովիտսն տարածեաց զոտս իւր. ՛ի բաժինս ռուբինի մեծամեծ ճշդութի(ւն)ք սրտի։

Verse: 16  Link to sept   Ընդէ՞ր նստիցին ՛ի մէջ մոսթափեմա. լսե́լ զչաչիւնս տագնապողաց, անցանել ՛ի կողմն ռուբինի։ Մեծամեծ յարուցեալ կան հետազօտու(թ)ի(ւն)ք սրտից։

Verse: 17  Link to sept   Գագ՝ յայնկոյս յորդանանու բնակեաց։ եւ դան՝ ընդէ՞ր բնաւ պանդխտիցիս ՛ի նաւս։ ասեր՝ բնակեաց առ ծովեզերբ ծովուց, եւ ՛ի կի́րճս ն(ո)ր(ա) բնակեսցէ։

Verse: 18  Link to sept   Զաբուղոն՝ ժողովուրդ անձնանախա́տ ՛ի մահ։ եւ նեփթաղիմ ՛ի բարձունս ագարակի։

Verse: 19  Link to sept   Հասին թագաւորք՝ եւ ճակատեցան. յայնժամ տագնապեցան թագաւորք քանանացւոց ՛ի թանաք ՛ի վ(ե)ր(այ) ջրոց մակեդդովայ։ Զագահու(թ)ի(ւն) արծաթոյ ես ո́չ առի։

Verse: 20  Link to sept   Յերկնի́ց ճակատեցան աստեղք՝ յիւրաքանչիւր յօրինուածոց, ետուն պատերազմ ընդ սիսարայ։

Verse: 21  Link to sept   Հեղեղատն կիսոնի մերժեաց զնոսա. հեղեղատն կադեսիմայ, հեղեղատն կիսոնի։ Կոխեսցէ զն(ո)ս(ա) անձն իմ։

Verse: 22  Link to sept   ոտք իմ զօրասցի զօրու(թեամ)բ։ Յայնժամ կարթակոտորք եղեն գարշապարք երիվարաց մադդարովթայ։ եւ հարթեսցեն գարշապարք իմ զհպարտու(թ)ի(ւն)ս զարհուրանաց ն(ո)ց(ա)։

Verse: 23  Link to sept   Նզովեցէ́ք զմարովզ՝ ասէ հրեշտակն տ(եառ)ն, անիծանելով անիծեցէ́ք զբնակիչս ն(ո)ր(ա). զի ո́չ եկին յօգնականութի(ւն) տ(եառ)ն։ օգնական տ(է)ր ՛ի մէջ նահատակաց հզօրն։

Verse: 24  Link to sept   Օրհնեալ լիցի ՛ի կանանց յայել կի́ն քարեբայ կինեցւոյ. օրհնեսցի́ ՛ի կանանց ՛ի խորանի իւրում։

Verse: 25  Link to sept   Ջուր խնդրեաց, եւ ետ կա́թն դաշխուրանաւ զօրաւորաց. մատո́յց կոգի։

Verse: 26  Link to sept   Զձեռն իւր ձախ ձգեա́ց ՛ի ցիցն, եւ զաջ իւր ՛ի սպառսպո́ւռ ջաղջախանս անպիտանացուցանել, եւ վախճանեցո́յց զսիսարա։ վարսեաց ընդ ծամելիս ն(ո)ր(ա), եւ անցոյց ցից ընդ գլուխ ն(ո)ր(ա), եւ սատակեա́ց։

Verse: 27  Link to sept   ՛Ի մէջ ոտի́ց ն(ո)ր(ա) անկաւ ծանրացեալ, եւ նիրհեցո́յց ՛ի մէջ ծնգաց իւրոց. յորում կորացա́ւ մինչեւ զգետնեցաւ՝ անդ անկաւ չուառականն։

Verse: 28  Link to sept   Մայրն սիսարայ հայեցեալ դէտ ա́կն ունէր ՛ի վանդակապա́տ պատուհանէն. քանզի տեսանէ́ր զդարձեալսն ՛ի սիսարայ. վ(ա)ս(ն) զի յետնեցան կառք ն(ո)ր(ա) ՛ի գալոյ, ընդէ՞ր յամեցին հետք կառաց ն(ո)ր(ա)։

Verse: 29  Link to sept   Կանայք իմաստունք իշխանաց ն(ո)ր(ա), ետուն անդէն պատասխանի նմա՝ եւ ասեն։ եւ ինքնին անձամբ անձին առնէր իւր պատասխանի։

Verse: 30  Link to sept   Ո́չ գտանիցեն զնա աւարաբաշխք, առնել սէ́ր բարեկամաց ՛ի գլուխ արանց. եւ եգէլ զաղիս ն(ո)ր(ա)։ Կապո́ւտ երանդոցն սիսարայ կապո́ւտ երանգոցն գոյնագոյն նկարուց, նարօ́տ պէսպէս նկարուց. ա́յն էր պարանոցին ն(ո)ր(ա) կապուտ։

Verse: 31  Link to sept   Ա́յսպէս կորիցեն ա(մենայ)ն թշնամիք քո տ(է)ր։ եւ որք սիրիցենն զնա՝ իբրեւ զելս արեգական ՛ի զօրութե(ան) ն(ո)ր(ա)։

Verse: 32  Link to sept   Եւ դադարեա́ց երկիրն ամս քառասուն։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ արարին որդիքն ի(սրաէ)լի չա́ր առաջի տ(եառ)ն. եւ ետ զն(ո)ս(ա) տ(է)ր ՛ի ձեռս մադիամու ամս եւթն.

Verse: 2  Link to sept   եւ զօրացա́ւ ձեռն մադիամու ՛ի վերայ ի(սրաէ)լի։ Եւ արարին իւրեանց որդիքն ի(սրաէ)լի յերեսաց մադիամու գո́մս ՛ի լերինս, եւ յայրս եւ յամուրս։

Verse: 3  Link to sept   Եւ լինէր իբրեւ վարէր այր ի(սրաէ)լի. ելանէր մադիամ եւ ամաղէկ եւ որդիքն արեւելեայց հասանէին ՛ի վ(ե)ր(այ) ն(ո)ց(ա),

Verse: 4  Link to sept   եւ բանակէին առ նոքօք, եւ ապականէին զբերքն երկրին մինչեւ ՛ի մուտս գազայ. եւ ո́չ թողուին դադար կենաց ի(սրաէ)լի. ոչխար, եւ արջառ, եւ էշ։

Verse: 5  Link to sept   Զի ինքեանք եւ խաշինք իւրեանց ելանէին, եւ զվրանս իւրեանց բերէին. եւ հասանէին իբրեւ զմարա́խ բազմութ(եամ)բ. եւ ո́չ գոյր թիւ ն(ո)ց(ա), եւ ուղտուց իւրեանց. եւ հասանէին յերկիրն ի(սրաէ)լի ապականել զնա·

Verse: 6  Link to sept   եւ աղքատացաւ ի(սրա)էլ յոյժ յերեսաց մադիամու։ Եւ աղաղակեցին որդիքն ի(սրաէ)լի առ տ(է)ր։

Verse: 7  Link to sept   եւ եղեւ իբրեւ աղաղակեցին որդիքն ի(սրաէ)լի առ տ(է)ր վ(ա)ս(ն) մադիամու,

Verse: 8  Link to sept   եւ առաքեաց տ(է)ր ա́յր մարգարէ առ որդիսն ի(սրաէ)լի՝ եւ ասէ ցնոսա։ Ա́յսպէս ասէ տ(է)ր ա(ստուա)ծ ի(սրաէ)լի. ե́ս եմ որ հանի զձեզ յերկրէն եգիպտացւոց, եւ կորզեցի զձեզ ՛ի տանէ ծառայութե(ան).

Verse: 9  Link to sept   եւ փրկեցի զձեզ ՛ի ձեռաց եգիպտացւոցն, եւ ՛ի ձեռաց ա(մենայ)ն նեղչաց ձերոց. եւ մերժեցի զն(ո)ս(ա) յերեսաց ձերոց, եւ ետու ձեզ զերկիր նոցա։

Verse: 10  Link to sept   Եւ ասացի ցձեզ. ե́ս եմ տ(է)ր ա(ստուա)ծ ձեր, մի́ երկնչիք յաստւածոց ամուրհացւոցն, յորոց միջի դո́ւք բնակեալ էք յերկրի նոցա. եւ ո́չ լուարուք ձայնի իմում։

Verse: 11  Link to sept   Եւ եկն հրեշտակ տ(եառ)ն, եւ նստաւ ընդ կաղնեաւ՝ որ էր յեփրա յովասու հօր եսրեայ. եւ գեդէոն որդի ն(ո)ր(ա) ծածէ́ր ցորեան ՛ի կալ, փախչե́լ յերեսաց մադիամու։

Verse: 12  Link to sept   Եւ երեւեցա́ւ նմա հրեշտակ տ(եառ)ն՝ եւ ասէ ցնա. Տ(է)ր ընդ քեզ հզօր զօրու(թեամ)բ.

Verse: 13  Link to sept   Եւ ասէ ցնա գեդէոն. յի́ս տ(է)ր իմ. եթէ է́ր տ(է)ր ընդ մեզ՝ ընդե՞ր գտին զմեզ ա(մենայ)ն չարիքս այսոքիկ. եւ ո՞ւր են ա(մենայ)ն սքանչելիքն նորա զոր պատմեցին մեզ հարքն մեր՝ եւ ասեն, ոչ ապաքէն յեգիպտոսէ́ եհան զմեզ տ(է)ր. եւ արդ՝ ընդէ՞ր մերժեաց զմեզ, եւ մատնեաց զմեզ ՛ի ձեռս մադիամու։

Verse: 14  Link to sept   Եւ հայեցաւ ը(նդ) նա հրեշտակն տ(եառ)ն, եւ ասէ ցնա. ե́րթ զօրութ(եամ)բդ քով այդուիկ, եւ փրկեսցես զի(սրա)էլ ՛ի ձեռաց մադիամու. ո՞չ աւասիկ ե́ս առաքեցի զքեզ։

Verse: 15  Link to sept   Եւ ասէ ցնա գեդէոն. յի́ս տ(է)ր, ի՞ւ փրկեցից զի(սրա)էլ. եւ ահա հազարաւորն իմ խոնահագոյն է ՛ի մէջ մանասէի. եւ ես կրտսեր եմ ՛ի տան հօր իմոյ։

Verse: 16  Link to sept   Եւ ասէ ցնա. տ(է)ր ընդ քեզ. եւ հարցե́ս զմադիամ իբրեւ զա́յր մի։

Verse: 17  Link to sept   Եւ ասէ գեդէոն. եթէ գտի շնորհս առաջի աչաց քոց, արասցես ինձ նշան՝ եթէ դու խօսեսցիս ընդիս։

Verse: 18  Link to sept   մի́ գնասցես աստի՝ մինչեւ եկից առ քեզ, եւ բերից զզո́հ իմ, եւ եդից առաջի քո։ եւ ասէ՝ ե́ս եմ, եւ նստա́յց աստ մինչեւ դարձցիս առիս։

Verse: 19  Link to sept   Եւ եմուտ գեդէոն՝ եւ հասոյց ուլ մի յայծեաց, եւ արդու մի ալեւր բաղարջ, եւ զմիսն եդ ՛ի վ(ե)ր(այ) խանի, եւ զարգանակն արկ ՛ի պոյտն. եւ եհան առ նա ընդ կաղնեաւ եւ երկի́ր եպագ։

Verse: 20  Link to sept   Եւ ասէ ցնա հրեշտակն տ(եառ)ն. ա́ռ դու զմիսդ՝ եւ զհացդ բաղարջ, եւ դի́ր ՛ի վերայ վիմին այնորիկ. եւ հե́ղ զարգանակն։ եւ արար ա́յնպէս։

Verse: 21  Link to sept   Եւ ձգեա́ց հրեշտակն տ(եառ)ն զծայր գաւազանին որ ՛ի ձեռին իւրում, եւ հասոյց ՛ի միսն եւ ՛ի բաղարջսն. եւ բորբոքեցաւ հուր ՛ի վիմէ անտի, եւ եկեր զբաղարջսն. եւ հրեշտակն տ(եառ)ն գնա́ց յաչաց ն(ո)ր(ա)։

Verse: 22  Link to sept   Եւ ետես գեդէոն եթէ հրեշտակ տ(եառ)ն է։ եւ ասէ գեդէոն. ա́, ա́. տ(է)ր տ(է)ր. զի տեսի զհրեշտակն տ(եառ)ն դէմ յանդիման։

Verse: 23  Link to sept   Եւ ասէ ցնա տ(է)ր՝ խաղաղու(թ)ի(ւն) ընդ քեզ. մի́ երկնչիր, ո́չ մեռանիցիս։

Verse: 24  Link to sept   եւ շինեաց անդ գեդէոն սեղան տ(եառ)ն. եւ կոչեաց զնա խաղաղութի(ւն) տ(եառ)ն մինչեւ ցայսօր։ Եւ մինչդեռ ինքն անդէն էր, յեփրա հօր իւրոյ եսրեայ։

Verse: 25  Link to sept   եւ եղեւ ՛ի գիշերին յայնմիկ՝ եւ ասէ ցնա տ(է)ր. ա́ռ դու քեզ զւզն պարարակ հօր քոյ, եւ զեզն երկրորդ զեւթնեմեան. եւ քակեսցե́ս զսեղանն բահաղու որ է հօր քոյ, եւ կոտորեսցե́ս զանտառն որ զնովաւ.

Verse: 26  Link to sept   եւ շինեսցես սեղան տ(եառ)ն ա(ստուծո)յ քում, որ երեւեցաւ քեզ ՛ի գլո́ւխ լերինն մանովղայ, ՛ի տեղւոջ պատերազմին. եւ առցես զեզն զերկրորդ, եւ հանցես յաղջակէ́զ փայտիւք անտառին զոր կոտորեսցես։

Verse: 27  Link to sept   Եւ ա́ռ գեդէոն երեքտասան այր ՛ի ծառայից իւրոց, եւ արա́ր ո(ր)պ(էս) եւ խօսեցաւ ընդ նմա տ(է)ր։ եւ եղեւ իբրեւ երկեա́ւ ՛ի տանէ հօր իւրոյ՝ եւ յարա́նց քաղաքին առնե́լ ՛ի տուէ, արար գիշերի́։

Verse: 28  Link to sept   Եւ կանխեցին արք քաղաքին ընդ առաւօտն, եւ ահա՝ կործանեա́լ սեղանն բահաղու. եւ անտառն որ զնովաւ՝ կոտորեալ, եւ եզն պարարակ հանեալ ողջակէզ ՛ի սեղանն շինեալ։

Verse: 29  Link to sept   Եւ ասեն այր ցընկեր իւր. ո՞ արար զիրս զայս. եւ յուզէին՝ եւ քննէին, եւ ասէին՝ թէ գեդէոն որդի յովասու արար զիրդ զայդ։

Verse: 30  Link to sept   Եւ ասեն արք քաղաքին ցյովաս, հա́ն արտաքս զորդին քո՝ եւ մեռցի́. զի կործանեաց զսեղանն բահաղու, եւ կոտորեա́ց զանտառն որ զնովաւ։

Verse: 31  Link to sept   Եւ ասէ յովաս ցարսն ցյարուցեալս ՛ի վերայ ն(ո)ր(ա). դո՞ւք այժմ դատիցիք վ(ա)ս(ն) բահաղու, եւ կամ դո՞ւք ապրեցուցանիցէք զնա. որ վնասեաց նմա մեռցի́ մինչեւ ցառաւօտ. եթէ ա(ստուա)ծ իցէ՝ ինքն խնդրեսցէ զվրէժ անձին իւրոյ՝ զի կործանեցին զսեղան ն(ո)ր(ա)։

Verse: 32  Link to sept   Եւ կոչեաց զնա յաւուր յայնմիկ յերոբոաղ. եւ ասէ, դատաստա́ն բահաղու. զի կործանեաց զսեղան ն(ո)ր(ա)։

Verse: 33  Link to sept   Եւ ա(մենայ)ն մադիամ եւ ամաղէկ, եւ ա(մենայ)ն որդիքն արեւելեայց ժողովեցան ՛ի միասին, եւ եկին բանակեցան ՛ի հովիտսն յեզրայելի։

Verse: 34  Link to sept   Եւ հոգի տ(եառ)ն զօրացո́յց զգեդէոն։ եւ եհար փո́ղ եղջերեաւն. եւ խրախո́յս եբարձ աբիեղեր զկնի ն(ո)ր(ա)։

Verse: 35  Link to sept   Եւ արձակեաց հրեշտակս՝ յասեր, եւ ՛ի զաբուղոն, եւ ՛ի նեփթաղիմ. եւ ելին ընդ առաջ ն(ո)ր(ա)։

Verse: 36  Link to sept   Եւ ասէ գեդէոն ցա(ստուա)ծ. եթէ փրկեսցես ձեռամբ իմով զի(սրա)էլ՝ որպէս եւ խօսեցար։

Verse: 37  Link to sept   Ահա դնեմ, զգաթ մի ասուի ՛ի կալ. եթէ լինիցի անձրեւ ՛ի վ(ե)ր(այ) զգաթո́ւն միայն, եւ ՛ի վ(ե)ր(այ) ա(մենայ)ն երկրի ցամաքութի(ւն), գիտացից եթէ փրկեսցես ձեռամբ իմով զի(սրա)էլ՝ ո(ր)պ(էս) եւ խօսեցար։

Verse: 38  Link to sept   եւ եղեւ այնպէս։ Եւ կանխեաց գեդէոն ընդ առաւօտն ՛ի վաղիւ անդր, եւ քամեա́ց զգզաթն. եւ էջ ցօղ ՛ի գզաթէ անտի լի́ կոնքիւ ջրոյ։

Verse: 39  Link to sept   Եւ ասէ գեդէոն ցա(ստուա)ծ. մի́ բարկասցի ցասումն քո ինձ, եւ խօսեցայց դարձեալ միւսանգամ. եւ փորձեցի́ց միւսանգամ գզաթուն. եւ եղիցի միւսանգամ ցամաքութի(ւն) ՛ի վ(ե)ր(այ) գզաթուն միայնոյ, եւ ՛ի վերայ ա(մենայ)ն երկրի եղիցի անձրեւ։

Verse: 40  Link to sept   Եւ արար ա(ստուա)ծ ա́յնպէս ՛ի գիշերին յայնմիկ. եւ եղեւ ցամաքու(թ)ի(ւն) ՛ի վ(ե)ր(այ) գզաթուն միայնոյ. եւ ՛ի վ(ե)ր(այ) ա(մենայ)ն երկրի եղեւ անձրեւ։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ կանխեա́ց յերոբոաղ նա́ ինքն է գեդէոն, եւ ա(մենայ)ն զօրն ընդ նմա. եւ բանակեցան առ աղբեւրն արեգայ. եւ բանակն մադիամու եւ ամաղեկայ՝ էր ն(ո)ց(ա) ընդ հիւսւսոյ, ՛ի գաբաաթամ որ ՛ի հովտի́ անդ։

Verse: 2  Link to sept   Եւ ասէ տ(է)ր ցգեդէոն. բազո́ւմ զօրդ որ ընդ քեզ է, առ ՛ի չմատնելոյ ինձ զմադիամ ՛ի ձեռս դոցա. գուցէ́ պարծիցի ՛ի վ(ե)ր(այ) իմ ի(սրա)էլ՝ եւ ասիցէ, թէ ձե́ռն իմ փրկեաց զիս։

Verse: 3  Link to sept   Եւ ասէ ցնա տ(է)ր. խօսեա́ յականջս ժողովրդեանդ, եւ ասասցես. ո́ ոք վատասիրտ իցէ՝ դարձցի́։ եւ դիմեցին ՛ի լեռնէն գաղաադու, եւ դարձան ՛ի զօրուէն քսան եւ երկու հազարք. եւ մնացին տասն հազարք։

Verse: 4  Link to sept   Եւ ասէ տ(է)ր ցգեդէոն. տակաւին բազո́ւմ է զօրդ. իջո́ զդոսա ՛ի ջուրն, եւ փորձեցի́ց քեզ զդոսա անդ։ եւ եղիցի զորմէ ասացից ցքեզ՝ եթէ դա́ երթիցէ ընդ քեզ, նա́ երթիցէ ընդ քեզ. եւ զա(մենայ)նէ զորմէ ասացից՝ թէ դա մի́ երթիցէ ընդ քեզ, նա մի́ երթիցէ ընդ քեզ։

Verse: 5  Link to sept   եւ իջո́յց զզօրն ՛ի ջուրն։ Եւ ասէ տ(է)ր ցգեդէոն. ա(մենայ)ն որ լափիցէ լեզուաւ իւրով ՛ի ջրոյ անտի իբրեւ զշուն, կացուսցե́ս զն(ո)ս(ա) ուրոյն. եւ ա(մենայ)ն որ անկցի ՛ի վ(ե)ր(այ) ծնկա́ց իւրոց ըմպել, կացուսցե́ս զն(ո)ս(ա) առանձինն։

Verse: 6  Link to sept   Եւ եղեւ թիւ ամենեցուն որ լափեցին ձեռամբ եւ լեզուով իւրեանց, երեք հարիւր այր. եւ մնացորդք ժողովրդեանն անկա́ն ՛ի վերայ ծնկաց իւրեանց ըմպել ջուր։

Verse: 7  Link to sept   Եւ ասէ տ(է)ր ցգեդէոն. երեք հարիւր արամբքդ որ լափեցին զջուր՝ փրկեցի́ց զձեզ. եւ տա́ց զմադիամ ՛ի ձեռս քո։ եւ ա(մենայ)ն ժողովուրդդ երթիցէ́ այր իւրաքանչիւր ՛ի տեղի իւր։

Verse: 8  Link to sept   Եւ առին զպաշար ժողովրդեանն ՛ի ձե́ռս իւրեանց, եւ զփողս ն(ո)ց(ա) զեղջերեայս. եւ զա(մենայ)ն այր ի(սրաէ)լի արձակեա́ց զայր ՛ի բնակութի(ւն) իւր։ եւ զերեքհարիւր այրն եւեթ կալաւ։ եւ բանակն մադիամու՝ էին ՛ի ներքոյ նորա ՛ի հովիտսն։

Verse: 9  Link to sept   Եւ եղեւ ՛ի գիշերին յայնմիկ, եւ ասէ ցնա տ(է)ր. արի է́ջ աստի վաղվաղակի ՛ի բանակն, զի մատնեցի́ զնա ՛ի ձեռս քո։

Verse: 10  Link to sept   ապա թէ երկնչիցիս դու իջանել, է́ջ նախ դու եւ պատանեակդ քո փարա ՛ի բանակն.

Verse: 11  Link to sept   եւ լուիցես եթէ զի՞նչ խօսիցին, եւ ապա́ զօրասցին ձեռք քո, եւ իջցե́ս ՛ի բանակն։ Եւ էջ ինքն եւ պատանեակն իւր ընդ նմա ՛ի մա́սն ինչ յիսներորդաց բանակին։

Verse: 12  Link to sept   Եւ մադիամ եւ ամաղէկ, եւ ա(մենայ)ն որդիքն արեւելեայց բանակեալ էին ՛ի ծործորսն, իբրեւ զմարա́խ բազմութ(եամ)բ. եւ ուղտուց ն(ո)ց(ա) ո́չ գոյր թիւ, այլ էին իբրեւ գաւազ առ եզե́րբ ծովու բազմու(թեամ)բ։

Verse: 13  Link to sept   Եւ եմուտ գեդէոն, եւ ահա այր պատմէ́ր ընկերի իւրում երա́զ։ տեսի́ ասէ երազ, եւ ահա նկանակ գարեղէն հոլովեալ ՛ի բանակս մադիամու, եւ եկն մինչեւ ՛ի խորանն մադիամու, եւ եհա́ր զնա եւ կործանեաց. եւ անկա́ւ խորանն վերուստ ՛ի վայր։

Verse: 14  Link to sept   Պատասխանի ետ ընկերն ն(ո)ր(ա) եւ ասէ. ո́չ է այն՝ եթէ ո́չ սուրն գեդէոնի որդւոյ յովասու ա́ռն ի(սրա)էլացւոյ. մատնեա́ց տ(է)ր ՛ի ձեռս նորա զմադիամ՝ եւ զա(մենայ)ն բանակս։

Verse: 15  Link to sept   Եւ եղեւ իբրեւ լուաւ գեդէոն զպատմութի(ւն) երազոյն՝ եւ զմեկնու(թ)ի(ւն) ն(ո)ր(ա), երկի́ր եպագ տ(եառ)ն, եւ դարձաւ անդրէն ՛ի բանակն ի(սրաէ)լի, եւ ասէ. արի́ք զի մատնեաց տ(է)ր զբանակն մադիամու ՛ի ձեռս մեր։

Verse: 16  Link to sept   Եւ բաժանեաց զերեքհարիւր այրն՝ յերի́ս առաջս. եւ ետ զփողն եղջերեայս ՛ի ձեռս ամենեցունց, եւ ջահս ՛ի մէջ սափորոցն։

Verse: 17  Link to sept   Եւ ասէ ցն(ո)ս(ա). ընդի́ս հայեսջիք, եւ ա́յնպէս արասջիք։ ահա ես մտանեմ ՛ի մէջ բանակին, եւ եղիցի ո(ր)պ(էս) ե́ս առնիցեմ, նո́յնպէս եւ դո́ւք արասջիք։

Verse: 18  Link to sept   Եւ հարի́ց ես զփողն եղջերեայ, եւ ամենեքեան որ ընդիս էք, հարջի́ք եւ դուք զփողսն եղջերեայս, շուրջ զա(մենայ)ն բանակաւն. եւ ասասջիք, Սո́ւր տ(եառ)ն եւ գեդէոնի։

Verse: 19  Link to sept   Եւ եմուտ գեդէոն եւ հարիւր այր ընդ նմա ՛ի կողմն բանակին, իսկզբան միջնոյ պահուն. միայն զարթուցանելով զարթուցի́ն զպահապանսն, եւ հարին զփողսն եղջերեայս, եւ թօթափեցին զսափորսն որ ՛ի ձեռս իւրեանց.

Verse: 20  Link to sept   եւ հարին զփողսն եղջերեայս երեքին առաջքն. եւ խորտակեցին զսափորսն։ Եւ առին ձախու ձեռամբք իւրեանց զջահսն, եւ աջու ձեռօք իւրեանց զփողսն հարկանել, եւ աղաղակեցին եւ ասեն. Սո́ւր տ(եառ)ն եւ գեդէոնի։

Verse: 21  Link to sept   Եւ կացին իւրաքանչիւր առանձինն շուրջ զբանակաւն. եւ ընթացաւ ա(մենայ)ն բանակն՝ փող հարին եւ փախեա́ն։

Verse: 22  Link to sept   Եւ գոչեցին երեքհարիւրեքին փողքն եղջերեայք։ եւ ե́դ տ(է)ր զսուր առն յընկե́ր իւր՝ եւ յա(մենայ)ն բանակն.

Verse: 23  Link to sept   եւ փախեաւ ա(մենայ)ն բանակն մինչեւ ցբեթասետա, եւ մի́ւս գունդն մինչեւ ցդարն աբէղմաուղայ, եւ ցտաբէթ։ Եւ գոչեա́ց այր ի(սրա)էլացի ՛ի նեփթաղիմայ, եւ յասերայ, եւ յա(մենայ)ն մանասէէ, եւ զհե́տ մտին մադիամու։

Verse: 24  Link to sept   Եւ հրեշտակս արձակեաց գեդէոն յա(մենայ)ն սհամանս եփրեմայ, եւ ասէ. իջէ́ք յառաջս մադիամու, եւ կալարո́ւք զկիրճս ջրոցն մինչեւ ցբեթփարա եւ ցյորդանան։ Եւ գոչեաց ա(մենայ)ն այր եփրեմի, եւ կալան իւրեանց զանցս ջրոցն, մինչեւ ցբեթփարա եւ ցյորդանան։

Verse: 25  Link to sept   Եւ կալան զերկու իշխանսն մադիամու զորեբ եւ զզեբ. եւ սպանին զորեբ ՛ի սովրորեբա́, եւ զզեբ՝ սպանին յակեբղիբա. եւ հալածեցին զմադիամ, եւ զգլուխսն ովբերայ եւ զեբայ բերին առ գեդէոն յայնմ կողմանէ յորդանանու։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ ասեն ցգեդէոն այր եփրեմի. զի՞նչ է բանդ այդ զոր արարեր ընդ մեզ. զի ո́չ կոչեցեր զմեզ յորժամ երթայիր պատերազմել ը(նդ) մադիամու։ եւ վիճէին ընդ նմա սաստկագո́յնս։

Verse: 2  Link to sept   Եւ ասէ ցն(ո)ս(ա). արդ զի՞նչ ինչ արարի իբրեւ զձեզ. ո՞չ ապաքէն լաւագոյն է ճռաքաղութի(ւն)դ եփրեմի, քան զկութսն աբիեզերայ։

Verse: 3  Link to sept   ՛ի ձե́ռս ձեր մատնեաց տ(է)ր զիշխանս մադիամու՝ զորեբ եւ զզեբ. եւ զի՞նչ կարացի առնել իբրեւ զձեզ։ եւ ապա դադարեաց ոգի ն(ո)ց(ա) ՛ի նմանէ ՛ի խօսել ն(ո)ր(ա) զբանս զայս։

Verse: 4  Link to sept   Եւ եկն գեդէոն ՛ի յորդանան, եւ անց ինքն եւ երեք հարեւր արքն որ ը(նդ) նմա պատրաստեալք եւ քաղցեալք։

Verse: 5  Link to sept   Եւ ասէ ցա́րսն սոքքովթայ. տո́ւք աւադիկ հաց ՛ի կերակուր զօրուս այսմիկ որ ընդիս, զի քաղցեալ են. եւ ես պնդեցայց զհետ զեբէի եւ սաղմանայ թագաւորացն մադիամու։

Verse: 6  Link to sept   Եւ ասեն իշխանքն սոքքովթայ. մի́ թէ ձեռն ղեբէի եւ սաղմանայ իցէ ՛ի ձեռին քում, զի տացուք հաց զօրականիդ քում։

Verse: 7  Link to sept   Եւ ասէ գեդէոն. ո́չ այդպէս, այլ ՛ի տա́լ տ(եառ)ն զեբէի եւ զսաղմանայ ՛ի ձեռս իմ. եւ ես քարշեցից զմարմինս ձեր փշովք անապատի եւ բորկոնիմաւ։

Verse: 8  Link to sept   Եւ ե́լ անտի ՛ի փանուէղ, եւ խօսեցաւ ընդ ն(ո)ս(ա) նո́յնպէս. եւ պատասխանի́ արարին նմա արք փանուելայ, զոր օրինակ արարին նմա պատասխանի արք սոքքովթայ։

Verse: 9  Link to sept   Եւ խօսեցաւ գեդէոն ընդ արս փանուելի՝ եւ ասէ. ՛ի դառնալ իմում այսրէն խաղաղութ(եամ)բ, կործանեցի́ց զաշտարակդ զայդ։

Verse: 10  Link to sept   Եւ զեբէի եւ սաղմանա էին ՛ի կարկա́ր, եւ բանակ ն(ո)ց(ա) ընդ նոսա, իբրեւ հնգետասան հազար այր՝ ընդ ա(մենայ)ն որ մնացեալ էին յա(մենայ)ն բանակէ որդւոցն արեւելից։ եւ անկեալք՝ էին հարիւր եւ քսան հազար արանց սուսերամերկաց։

Verse: 11  Link to sept   Եւ ել գեդէոն ընդ ճանապարհս վրանաբնակչացն յարեւելից նաբաէի, եւ հանդէպ նաբեայ. եւ եհար զբանակն, զի ահա է́ր բանակն յանհոգս։

Verse: 12  Link to sept   Եւ փախեան զեբէէ եւ սաղմանա, եւ պնդեցաւ զհետ ն(ո)ց(ա). եւ ձերբակա́լ արար զերկուս թագաւորսն մադիամու զզեբէէ եւ զսաղմանա, եւ զա(մենայ)ն բանակ ն(ո)ր(ա) դղրդեցո́յց։

Verse: 13  Link to sept   Եւ դարձա́ւ գեդէոն որդի յովասու ՛ի պատերազմէն ՛ի զառիվայրէ́ անտի արեսայ։

Verse: 14  Link to sept   Եւ կալաւ պատանեակ մի յարանց սոկքովթայ, եւ եհարց զնա. եւ գրեաց առ ինքն զիշխանսն սոկքովթայ, եւ զծերս ն(ո)ր(ա) եւթանասուն եւ եւթն այր։

Verse: 15  Link to sept   Եւ եկն գեդէոն առ իշխանսն սոկքովթայ, եւ ասէ ցն(ո)ս(ա). ահա́ւասիկ զեբէէ եւ սաղմանա, վ(ա)ս(ն) որոց նախատեցէք զիս՝ եւ ասացէք. միթէ ձեռն զեբէի եւ սաղմանայ այժմ ՛ի ձեռին քում իցէ, զի տացուք հաց արանց քոց նքթելոց։

Verse: 16  Link to sept   Եւ ա́ռ զիշխանսն եւ զծերս քաղաքին, եւ փուշս յանապատէ, եւ զբորկոնիմն. եւ քարշեաց նոքօք զարսն ն(ո)ս(ա) սոկքովթայ։

Verse: 17  Link to sept   եւ զաշտարակն փանուելի կործանեաց, եւ կոտորեաց զարս քաղաքին։

Verse: 18  Link to sept   Եւ ասէ ցզեբէէ եւ ցսաղմանա, ո՞ւր են արքն զորս կոտորեցէք ՛ի թաբովր։ եւ ասեն՝ ո(ր)պ(էս) դու, նո́յնպէս եւ ն(ո)ք(ա) նման քեզ, եւ դուն նման ն(ո)ց(ա), իբրեւ զտեսիլ որդւոց թագաւորի։

Verse: 19  Link to sept   Եւ ասէ գեդէոն, եղբա́րք իմ եւ որդիք մօր իմոյ էին. եւ երդուաւ ն(ո)ց(ա) եւ ասէ. կենդանի́ է տ(է)ր, եթէ կենդանի պահեալ էր ձեր զն(ո)ս(ա), ո́չ սպանանէի զձեզ։

Verse: 20  Link to sept   Եւ ասէ ցեթեր ցանդրանիկ իւր. արի́ սպան զդոսա. եւ ո́չ եհան պատանեակն զսուր իւր, զի երկեաւ՝ քանզի մանո́ւկ էր։

Verse: 21  Link to sept   Եւ ասեն զեբէէ եւ սաղմանա. արի́ եւ դու քեզէ́ն պատահեա մեզ, զի ը(ս)տ առն՝ եւ զօրութի(ւն) իւր։ եւ յարեա́ւ գեդէոն եւ սպան զզեբէէ եւ զսաղմանա. եւ ա́ռ զմանեակսն ՛ի պարանոցաց ուղտուց ն(ո)ց(ա)։

Verse: 22  Link to sept   Եւ ասեն այր ի(սրաէ)լի ցգեդէոն. իշխեա́ մեզ դո́ւ եւ որդիք քո, եւ որդիք որդւոց քոց. զի փրկեցեր զմեզ ՛ի ձերաց մադիամու։

Verse: 23  Link to sept   Եւ ասէ ցն(ո)ս(ա) գեդէոն. ո́չ իշխեցից ես ձեզ, եւ ո́չ իշխեսցէ ձեզ որդի իմ. այլ տ(է)ր իշխեսցէ ձեզ։

Verse: 24  Link to sept   Եւ ասէ ցն(ո)ս(ա) գեդէոն. խնդրեցից ՛ի ձէնջ հայցուածս ինչ, եւ տո́ւք ինձ՝ առ այր գի́նդ մի յաւարէ անտի. զի գինդք ոսկիք էին ն(ո)ց(ա), քանզի իսմայէլացիք էին։

Verse: 25  Link to sept   Եւ ասեն՝ տալո́վ տացուք։ եւ տարածեցին զհանդերձս ն(ո)ր(ա). եւ ընկեցին անդր այր իւրաքանչիւր զգինդս ոսկիս զաւարի իւրոյ։

Verse: 26  Link to sept   Եւ եղեւ կշիռ գնդացն ոսկեաց զոր խնդրեաց՝ հազար եւ եւթն հարիւր սիկղ ոսկւոյ, թո́ղ զշռնչանունսն եւ զմեհեւա́նդս, եւ զպսակակա́լս, եւ զծիրանի́ս, եւ որ ինչ ՛ի թագաւորսն մադիամու. եւ թո́ղ զմանեակս ոսկիս պարանոցաց ուղտո́ւց ն(ո)ց(ա)։

Verse: 27  Link to sept   Եւ արար զայն գեդէոն յեփո́ւդ, եւ հաստատեաց զայն ՛ի քաղաքի́ իւրում յեփրա։ եւ պոռնկեցա́ւ ա(մենայ)ն ի(սրա)էլ զկնի ն(ո)ր(ա) անդր. եւ եղեւ գեդէոնի եւ տան ն(ո)ր(ա) ՛ի գայթագղու(թ)ի(ւն)։

Verse: 28  Link to sept   Եւ վանեցա́ւ մադիամ առաջի որդւոցն ի(սրաէ)լի, եւ ո́չ եւս յաւելին ամբառնալ զգլուխս իւրեանց. եւ դադարեա́ց երկիրն ամս քառասուն յաւուրս գեդէոնի։

Verse: 29  Link to sept   եւ գնաց յերոբոաղ որդի յովասու, եւ բնակեաց ՛ի տան իւրում։

Verse: 30  Link to sept   Եւ գեդէոնի էին եւթանասուն որդիք ելեալք յերանաց ն(ո)ր(ա). զի կանայք բազո́ւմք էին ն(ո)ր(ա)։

Verse: 31  Link to sept   եւ հարճ ն(ո)ր(ա) որ ՛ի սիկիմայ, ծնաւ նմա եւ նա́ որդի. եւ ե́դ անուն նմա աբիմեղէք։

Verse: 32  Link to sept   Եւ մեռա́ւ գեդէոն որդի յովասու ՛ի բարւո́ք ծերութե(ան), եւ թաղեցա́ւ ՛ի գերեզմանի յովասու հօր իւրոյ յեփրա հօրն եսրեայ

Verse: 33  Link to sept   Եւ եղեւ իբրեւ մեռաւ գեդէոն, դարձան որդիքն ի(սրաէ)լի՝ եւ պոռնկեցա́ն զհետ բահաղիմայցն. եւ եդին զուխտ իւրեանց ընդ բահաղուն բերիթայ, լինել ն(ո)ց(ա) նմա յաստուած։

Verse: 34  Link to sept   եւ ո́չ յիշեցին որդիքն ի(սրաէ)լի զտ(է)ր ա(ստուա)ծ իւրեանց որ փրկեաց զնոսա յա(մենայ)ն թշնամեաց իւրեանց շուրջանակի։

Verse: 35  Link to sept   Եւ ո́չ արարին ողորմութի(ւն) ընդ տանն յերոբոաղայ՝ որ նա́ ինքն է դեդէոն, ըստ ա(մենայ)ն բարութե(ա)ն զոր արար ընդ ի(սրաէ)լի։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ գնա́ց աբիմեղէք որդի յերոբոաղայ ՛ի սիկիմ առ եղբարս մօր իւրոյ, եւ խօսեցաւ ընդ ն(ո)ս(ա), եւ ընդ ա(մենայ)ն ազգատոհմի տան հօր մօր իւրոյ՝ եւ ասէ։

Verse: 2  Link to sept   Խօսեցարո́ւք յականջս ա(մենայ)ն արանց սիկիմացւոց. ո՞ր լաւ իցէ ձեզ, իշխել ձեզ եւթանասուն արանց ա(մենայ)ն որդւոցն յերոբոաղայ, եթէ տիրել ձեզ առն միոջ. եւ յիշեցէ́ք, զի ոսկր ձեր եւ մարմին ձեր ե́մ ես։

Verse: 3  Link to sept   Եւ խօսեցան զնմանէ եղբարք մօր ն(ո)ր(ա)՝ յականջս ա(մենայ)ն արանց սիկիմացւոց զա(մենայ)ն բանս զայսոսիկ։ եւ միաեցա́ւ սիրտ ն(ո)ց(ա) զկնի աբիմեղեքայ, զի ասացին թէ եղբայր մեր է։

Verse: 4  Link to sept   եւ ետուն նմա եւթանասուն արծաթոյ ՛ի տանէ բահաղու բերիթայ ուխտին։ Եւ վարձեցա́ւ նոքօք աբիմեղէք արս սրիկայս եւ զարհուրեցուցիչս, եւ գնացի́ն զհետ ն(ո)ր(ա)։

Verse: 5  Link to sept   եւ եմուտ ՛ի տուն հօր իւրոյ յեփրա, եւ կոտորեա́ց զեղբարս իւր, զորդիսն յերոբոաղայ, արս եւթանասուն ՛ի վ(ե)ր(այ) վիմի́ միոյ։ Եւ մնաց յովաթամ որդի յերոբոաղայ կրտսեր, քանզի թաքեաւ։

Verse: 6  Link to sept   եւ ժողովեցան ա(մենայ)ն արք սիկիմացւոց, եւ ա(մենայ)ն տունն մաաղոնայ, եւ չոգան թագաւորեցուցին զաբիմեղէք ՛ի թագաւո́ր, առ կաղնեաւ կռուոյն որ ՛ի սիկիմայ։

Verse: 7  Link to sept   Եւ ա́զդ եղեւ յովաթամայ. ե́լ գնաց եւ եկաց ՛ի վ(ե)ր(այ) գլխոյ լերինն ՛ի գարիզին. ամբա́րձ զձայն իւր եւ ելա́ց, եւ ասէ ցնոսա. լուարո́ւք ինձ արք սիկիմացւոց, եւ լուիցէ ձեզ ա(ստուա)ծ։

Verse: 8  Link to sept   Գնալո́վ գնացին ծառք օծանել իւրեանց թագաւոր, եւ ասեն ցձիթենին. թագաւորեա́ ՛ի վ(ե)ր(այ) մեր։

Verse: 9  Link to sept   Եւ ասէ ցնոսա ձիթենին. թողից զպարարտութի(ւն) իմ յորոյ փառաւորեա́ց զիս ա(ստուա)ծ եւ մարդիկ, եւ երթայցեմ իշխել ծառո՞ց։

Verse: 10  Link to sept   Եւ ասեն ծառքն ցթզենին. եկ թագաւորեա́ ՛ի վերայ մեր։

Verse: 11  Link to sept   Եւ ասէ ցնոսա թզենին. թողեալ զքաղցրու(թ)ի(ւն) իմ, եւ զբերս բարութե(ան) իմոյ, եւ երթայցեմ իշխա՞ն լինել փայտի՞ց։

Verse: 12  Link to sept   Եւ ասեն ծառքն ցորթ. ե́կ թագաւորեա́ ՛ի վ(ե)ր(այ) մեր։

Verse: 13  Link to sept   Եւ ասէ ցն(ո)ս(ա) որթ. թողեալ զգինի իմ եւ զուրախու(թ)ի(ւն) ա(ստուծո)յ եւ մարդկան, եւ երթայցեմ իշխա՞ն լինել փայտի՞ց։

Verse: 14  Link to sept   Եւ ասեն ծառքն ցդժնիկ. ե́կ թագաւորեա́ ՛ի վ(ե)ր(այ) մեր։

Verse: 15  Link to sept   եւ ասէ դժնիկ ցծառս, թէ արդարե́ւ օծանիցէ́ք զիս թագաւորել ՛ի վ(ե)ր(այ) ձեր. եկա́յք ծածկեցարո́ւք ընդ հովանեաւ իմով. եթէ ո՞չ ելանիցէ հուր ՛ի դժնկէ աստի, եւ կերիցէ զեղեւնափայտս լիբանանու։

Verse: 16  Link to sept   Եւ արդ եթէ ճշմարտու(թեամ)բ՝ եւ բովանդակութ(եամ)բ արարէք, եւ թագաւորեցուցէք զաբիմեղէք. եւ թէ ո՞րպէս արարէք ը(նդ) յերոբոաղ եւ ը(նդ) տուն ն(ո)ր(ա). եւ եթէ ը(ս)տ հատուցման ձեռին ն(ո)ր(ա) արարէք նմա.

Verse: 17  Link to sept   որպէս ե́տ պատերազմն հայր իմ փոխանակ ձեր, եւ ընկէց զանձն իւր յառաջ, եւ ապրեցո́յց զձեզ ՛ի ձեռաց մադիամու։

Verse: 18  Link to sept   եւ դուք յարեա́յք ՛ի վ(ե)ր(այ) տան հօր իմոյ այսօր, եւ կոտորեցէք զորդիս ն(ո)ր(ա)՝ արս եւթանասուն ՛ի վ(ե)ր(այ) վիմի́ միոյ. եւ թագաւորեցուցէք զաբիմեղէք զորդի աղախնոյ ն(ո)ր(ա) ՛ի վ(ե)ր(այ) արանց սիկիմացւոց, զի եղբա́յր ձեր է։

Verse: 19  Link to sept   Եթէ ճշմարտութ(եամ)բ եւ բովանդակութ(եամ)բ արարէք ը(նդ) յերոբոաղայ եւ ընդ տան ն(ո)ր(ա) յաւուրս յայսմիկ՝ օրհնեսջի́ք դուք, եւ ուրա́խ լիջիք յաբիմեղէք. եւ ուրա́խ լիցի եւ նա́ ՛ի ձեզ։

Verse: 20  Link to sept   Ապա թէ ոչ՝ ելցէ́ հուր յաբիմեղիքայ՝ եւ կերիցէ́ զարս սիկիմացւոց, եւ զտունն մաաղոնայ։ ապա թէ ոչ՝ ելցէ հուր յարանց սիկիմացւոց եւ ՛ի տանէն մաաղոնայ՝ եւ կերիցէ́ զաբիմեղէ́ք։

Verse: 21  Link to sept   Եւ փախեա́ւ յովաթամ եւ զերծաւ, եւ գնաց ընդ ճանապարհ ՛ի բերայ. եւ բնակեաց անդ յերեսաց աբիմեղիքայ եղբօր իւրոյ։

Verse: 22  Link to sept   եւ իշխեաց աբիմեղէք ՛ի վ(ե)ր(այ) ի(սրաէ)լի ամս երիս։

Verse: 23  Link to sept   Եւ առաքեա́ց ա(ստուա)ծ ոգի չար ՛ի մէջ աբիմեղիքայ, եւ ՛ի մէջ արանց սիկիմացւոց։ եւ արհամարհեցին արք սիկիմացւոց զտունն աբիմեղիքայ։

Verse: 24  Link to sept   ածել ՛ի վ(ե)ր(այ) ն(ո)ր(ա) զանիրաւութի(ւն) իւթանասնից որդւոցն յերոբոաղայ. եւ հասուցանե́լ զարիւն ն(ո)ց(ա) ՛ի վ(ե)ր(այ) աբիմեղիքայ եղբօրն իւրեանց՝ որ կոտորեա́ց զնոսա. եւ ՛ի վ(ե)ր(այ) արանց սիկիմացւոց՝ զի զօրացուցին զձեռս ն(ո)ր(ա) կոտորե́լ զեղբարս իւր։

Verse: 25  Link to sept   Եւ գործեցին նմա դարա́ն ա́րք սիկիմացւոց ՛ի վ(ե)ր(այ) գլխոց լերանց, եւ յափշտակէին զամենեսին որ անցանէին առ նոքօք ընդ ճանապարհն։ եւ ա́զդ եղեւ աբիմեղիքայ։

Verse: 26  Link to sept   Եւ եկն գաաղ որդի աբեդդայ եւ եղբարք ն(ո)ր(ա). եւ անցին ՛ի սիկիմ, եւ վստա́հ եղեն ՛ի նա արք սիկիմացւոց.

Verse: 27  Link to sept   եւ ելի́ն յանդաստանս եւ կթեցին զայգիս իւրեանց, եւ հարին հնձանս, եւ արարին պարանցիկս, եւ մտին ՛ի տուն աստուածոյն իւրեանց. եւ կերան եւ արբին՝ եւ անիծին զաբիմեղէք։

Verse: 28  Link to sept   Եւ ասէ գաաղ որդի աբեդդայ, ո՞ է աբիմեղէք, եւ ո՞ է որդին սիքեմայ՝ զի ծառայեմք նմա. ո՞չ նա է որդի յերոբոաղայ, եւ ղեբուղ ծառա́յ իւր ոստիկա́ն ն(ո)ր(ա), հանդերձ արամբք եմովրայ հօր սիքեմայ. եւ զի՞ է՝ զի ծառայիցեմք նմա։

Verse: 29  Link to sept   եւ ո՞ տայր զժողովուրդս զայս ՛ի ձեռս իմ, եւ փոխէի զաբիմեղէք. եւ ասէի ցաբիմեղէք,բազմացո́ զզօրս քո՝ եւ ե́լ ինձ։

Verse: 30  Link to sept   Եւ լուա́ւ զեբուղ իշխան քաղաքին՝ զբանս գաաղայ որդւոյ աբեդդայ, եւ սրտմտեցա́ւ բարկու(թեամ)բ։

Verse: 31  Link to sept   եւ առաքեաց առ աբիմեղէք հրեշտակս պատարագօք՝ եւ ասէ. Ահաւասիկ գաա́ղ որդի աբեդդայ եւ եղբարք ն(ո)ր(ա) եկին ՛ի սիկիմ, եւ պաշարեն զքաղաքս ՛ի վերայ քո։

Verse: 32  Link to sept   արդ արի́ զցայգ դու եւ զօրդ քո որ ընդ քեզ է, եւ դարանամո́ւտ լեր յանդաստանին.

Verse: 33  Link to sept   եւ եղիցի ընդ առաւօտսն ՛ի ծագել արեգականն, կանխեսցես եւ հասցե́ս զքաղաքաւս. եւ ահա սա՝ եւ զօրս որ ընդ սմա́ է ելանէ առ քեզ. եւ արասցես ը(նդ) սա ո(ր)պ(էս) ինչ գտցէ́ ձեռն քո։

Verse: 34  Link to sept   Եւ յարեա́ւ աբիմեղէք եւ ա(մենայ)ն զօրն որ ընդ նմա զցայգ. եւ մտին ՛ի դարանս զսիկիմաւ չո́րք առաջք։

Verse: 35  Link to sept   Եւ եղեւ ընդ առաւօտն, ե́լ գաաղ որդի աբեդդայ՝ եւ եկաց ՛ի մո́ւտս դրան քաղաքին։ Եւ յարեաւ աբիմեղէք եւ ա(մենայ)ն զօրն որ ընդ նմա ՛ի դարանացն։

Verse: 36  Link to sept   եւ ետես գաաղ որդի աբեդդայ զզօրն, եւ ասէ ցզեբուղ, ահաւանիկ զօր իջանէ ՛ի գլխոյ լերանցն. եւ ասէ ցնա զեբուղ. զստուե́ր լերանցն տեսանես դու իբրեւ զմարդիկ։

Verse: 37  Link to sept   Եւ յաւե́լ եւս խօսել գաաղ եւ ասէ. ահաւասիկ զօ́ր իջանէ ընդ ծովակողմն առ պորտով երկրին. եւ առաջ մի ե́լ ընդ ճանապարհ կաղնւոյն գիտանոցաց։

Verse: 38  Link to sept   Եւ ասէ ցնա զեբուղ. արդ՝ ո՞ւր է բերան քո որ ասէր, թէ ո՞վ է աբիմեղէք, զի ծառայեսցուք նմա. ո՞չ աւանիկ ա́յն զօր է՝ զոր դուն աղարտէիր. արդ՝ ե́լ տո́ւր ընդ նմա պատերազմն։

Verse: 39  Link to sept   Եւ ե́լ գաաղ առաջի արանցն սիկիմացւոց, եւ մարտեա́ւ ը(նդ) աբիմեղիքայ։

Verse: 40  Link to sept   եւ հալածեաց զնա աբիմեղէք. եւ փախեաւ յերեսաց ն(ո)ր(ա), եւ անկան վիրաւորք բազումք մինչեւ ցդրունս քաղաքին։

Verse: 41  Link to sept   Եւ նստաւ աբիմեղէք յարիմ, եւ եհան զեբուղ զգաաղ եւ զեղբարս ն(ո)ր(ա)՝ զի մի́ բնակեսցեն ՛ի սիկիմ։

Verse: 42  Link to sept   Եւ եղեւ ՛ի վաղիւ անդր՝ եւ ել ժողովուրդն ՛ի դաշտն, եւ ա́զդ եղեւ աբիմեղիքայ.

Verse: 43  Link to sept   եւ առ զզօրն՝ եւ բաժանեաց յերիս առաջս, եւ եմուտ նովաւ ՛ի դարան։ եւ ետես՝ եւ ահա զօր ելանէր ՛ի քաղաքէ անտի. եւ յարեա́ւ ՛ի վերայ ն(ո)ց(ա)՝ եւ եհար զնոսա։

Verse: 44  Link to sept   Եւ աբիմեղէք եւ գունդքն որ ը(նդ) նմա՝ ճակատեցան եւ կացին առ դրան քաղաքին. եւ երկու գունդք սփռեցան ՛ի վ(ե)ր(այ) ամենեցուն որ յանդաստանսն էին, եւ հարի́ն զն(ո)ս(ա)։

Verse: 45  Link to sept   Եւ աբիմեղէք պատերազմէր ը(նդ) քաղաքին զօրն զայն ողջոյն, եւ առին զքաղաքն, եւ զժողովուրդն որ ՛ի նմա կոտորեցին, եւ զքաղաքն կործանեցին՝ եւ աղա́րտ վարեցին։

Verse: 46  Link to sept   Եւ լուան ա(մենայ)ն արք աշտարակին սիկիմացւոց, եւ եկին յամրոց տանն բեթէղ բերիթայ։

Verse: 47  Link to sept   Եւ ա́զդ եղեւ աբիմեղիքայ՝ եթէ ժողովեցան ա(մենայ)ն արք աշտարակին սիկիմացւոց։

Verse: 48  Link to sept   Եւ ել աբիմեղէք ՛ի լեառնն սեղմոն, ինքն եւ ա(մենայ)ն զօրն որ ընդ նմա. եւ ա́ռ աբիմեղէք տապար ՛ի ձեռն իւր, եւ կոտորեա́ց բեռն մի փայտի՝ եւ ա́ռ զայն եւ եդ զայն ՛ի վերայ ուսոց իւրոց։ եւ ասէ ցզօրն իւր, զինչ տեսանիցէ́ք յիս որ առնիցեմ, արասջիք եւ դո́ւք վաղվաղակի իբրեւ զիս։

Verse: 49  Link to sept   Կոտորեցին եւ նոքա իւրաքանչիւրոք ամենեքին բեռն մի փայտ, եւ բարձին եւ գնացին զհետ աբիմեղիքայ. եւ եդին ՛ի վերայ ամրոցին, եւ այրեցին ՛ի վերայ ն(ո)ց(ա) զամրոցն հրով։ եւ մեռա́ն ա(մենայ)ն արք աշտարակին սիկիմացւոց՝ իբրեւ հազար մի ընդ ա́յր եւ ընդ կին։

Verse: 50  Link to sept   Եւ չոգաւ աբիմեղէք ՛ի թեբէս, եւ նստաւ շուրջ զնովաւ. եւ ա́ռ զնա։

Verse: 51  Link to sept   եւ աշտարակ մի էր հզօր ՛ի մէջ քաղաքին. եւ փախեա́ն անդր ա(մենայ)ն արք եւ կանայք. եւ ա(մենայ)ն գլխաւորք քաղաքին, եւ փակեցին ընդդէմ իւրեանց, եւ ելին ՛ի տանի́ս աշտարակին։

Verse: 52  Link to sept   Եւ եկն աբիմեղէք մինչեւ ցաշտարակն, եւ մարտեան ընդ նմա, եւ մերձեցա́ւ աբիմեղէք ՛ի դուրս աշտարակին։

Verse: 53  Link to sept   Եւ ընկէ́ց կին մի բեկոր երկանի ՛ի վերայ գլխոյ ն(ո)ր(ա), եւ մանրեա́ց զգագաթնն աբիմեղիքայ։

Verse: 54  Link to sept   Եւ աղաղակեաց վաղվաղակի առ պատանեակն կապարճակիր իւր՝ եւ ասէ ցնա. մերկեա́ զսուր քո եւ սպան զիս. գուցէ́ ասիցեն թէ կին սպան զնա։ եւ խոցեաց զնա պատանին իւր, եւ մեռա́ւ աբիմեղէք։

Verse: 55  Link to sept   Եւ ետե́ս այր ի(սրա)էլացի՝ թէ մեռաւ աբիմեղէք, գնացին այր իւրաքանչի́ւր ՛ի տեղի իւր։

Verse: 56  Link to sept   Եւ դարձո́յց ա(ստուա)ծ զչարիսն աբիմեղիքայ ՛ի գլուխ իւր զոր արար հօր իւրում կոտրելով զեւթանասուն եղբարսն իւր։

Verse: 57  Link to sept   եւ զա(մենայ)ն չարիսն արանց սիկիմացւոց դարձո́յց ա(ստուա)ծ ՛ի գլուխս ն(ո)ց(ա)։ եւ եկին ՛ի վ(ե)ր(այ) ն(ո)ց(ա) անէծքն յովաթամայ որդւոյ յերոբոաղայ։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ յարեաւ յետ աբիմեղիքայ փրկել զի(սրա)էլ, թովղա որդի փուայ. որդի հօ́ր եղբօր ն(ո)ր(ա), այր յիսաքարայ. եւ նա բնակէր ՛ի սամարիա, ՛ի լերինն եփրեմայ։

Verse: 2  Link to sept   Եւ դատեաց զի(սրա)էլ ամս քսան եւ երիս, եւ մեռաւ՝ եւ թաղեցաւ ՛ի սամարիա։

Verse: 3  Link to sept   Եւ յարեաւ յետ ն(ո)ր(ա) յայի́ր գաղաադացի, եւ դատեաց զի(սրա)էլ ամս քսան եւ երկուս։

Verse: 4  Link to sept   եւ եղեն ն(ո)ր(ա) որդիք՝ երեսուն եւ երկու, որ հեծանէին յերեսուն եւ երկո́ւ յովանակս. եւ երեսուն եւ երկու քաղաքք ն(ո)ց(ա)։ եւ կոչեաց զն(ո)ս(ա) աւանս յայիրայ մինչեւ ցայսօր, որ են ՛ի գաղաադ։

Verse: 5  Link to sept   Եւ մեռաւ յայիր եւ թաղեցաւ ՛ի կամովն։

Verse: 6  Link to sept   Եւ յաւելին որդիքն իսրայէլի առնել չա́ր առաջի տ(եառ)ն, եւ պաշտեցին զբահաղի́մսն, եւ զաստարովթն, եւ զաստուածս ասորւոց, եւ զաստուածս սիդոնայ, եւ զաստուածս մովաբայ, եւ զաստուածս որդւոցն ամոնայ, եւ զաստուածս այլազգեացն։ եւ թողին զտ(է)ր, եւ ո́չ ծառայեցին նմա։

Verse: 7  Link to sept   Եւ սրտմտեցաւ բարկութ(եամ)բ տ(է)ր ի(սրաէ)լի, եւ մատեաց զն(ո)ս(ա) ՛ի ձեռս այլազգացն, եւ ՛ի ձեռս որդւոցն ամոնայ։

Verse: 8  Link to sept   եւ խախտեցին խորտակեցին զորդիսն ի(սրաէ)լի ՛ի ժամանակին յայնմիկ ա́մս ո́ւթուտասն զա(մենայ)ն ի(սրա)էլցիս յա́յնկոյս յորդանանու, յերկրի ամովրհացւոցն՛ի գաղաադ։

Verse: 9  Link to sept   Եւ անցին որդիքն ամոնայ ը(նդ) յորդանան տա́լ պատերազմ ընդ յուդայ եւ ընդ բենիամինի, եւ ը(նդ) տանն եփրեմայ. եւ նեղեցան որդիքն ի(սրաէ)լի յոյժ։

Verse: 10  Link to sept   Եւ աղաղակեցին որդիքն ի(սրաէ)լի առ տ(է)ր՝ եւ ասեն. մեղա́ք քեզ, զի թողաք զա(ստուա)ծդ մեր՝ եւ պաշտեցաք զբահաղիմսն։

Verse: 11  Link to sept   Եւ ասէ տ(է)ր ցորդիսն ի(սրաէ)լի. ո՞չ ապաքէն եգիպտացիք եւ ամուրհացիք, եւ որդիք ամոնայ, եւ մովաբ, եւ այլազգիք,

Verse: 12  Link to sept   եւ սիդոնացիք, եւ ամաղէկ եւ քանան՝ նեղեցի́ն զձեզ, եւ աղաղակեցէք առիս՝ եւ փրկեցի զձեզ ՛ի ձեռաց ն(ո)ց(ա)։

Verse: 13  Link to sept   Եւ դուք թողէք զիս՝ եւ ծառայեցէք աստուածոց օտարաց. վ(ա)ս(ն) այնորիկ ո́չ յաւելից փրկել զձեզ։

Verse: 14  Link to sept   այլ երթա́յք աղաղակեցէք առ աստուածսն զոր ընտրեցէք ձեզ. եւ նոքա́ փրկեսցեն զձեզ ՛ի ժամանակի նեղու(թ)ե(ան)ց ձերոց։

Verse: 15  Link to sept   Եւ ասեն որդիքն ի(սրաէ)լի ցտ(է)ր. մեղա́ք, արա́ դու ընդ մեզ զա(մենայ)ն, որ ինչ հաճոյ թուի առաջի քո. բայց տ(է)ր՝ միայն ապրեցո́ զմեզ յաւուր յայսմիկ։

Verse: 16  Link to sept   Եւ մերժեցին զաստուածսն օտարոտիս ՛ի միջոյ իւրեանց. եւ պաշտեցին զտ(է)ր միայն։ եւ ո́չ հաշտեցաւ ը(նդ) ժողովրդեանն։ եւ յոգի́ս ապաստան եղեւ յաշխատու(թեն)է ի(սրաէ)լի։

Verse: 17  Link to sept   Եւ ելին որդիքն ամոնայ, եւ բանակեցան ՛ի գաղաադ։ եւ ելին որդիքն ի(սրաէ)լի, եւ բանակեցան ՛ի գիտանոցին։

Verse: 18  Link to sept   Եւ ասեն իշխանք ժողովրդեանն գաղաադու՝ այր ցընկեր իւր. այր որ սկիզբն առնիցէ պատերազմել ընդ որդիսն ամոնայ, եղիցի գլո́ւխ ա(մենայ)ն բնակչացս գաղաադու։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ յեփթայէ գաղաադացի, է́ր այր հզօր զօրու(թեամ)բ, եւ նա որդի́ կնոջ պոռնկի. եւ ծնաւ գաղաադու զյեփթայէ։

Verse: 2  Link to sept   Եւ ծնա́ւ կինն գաղաադու նմա որդիս. եւ հաստատեցան որդիք կնոջն, եւ մերժեցին զյեփթայէ, եւ ասեն ցնա. ո́չ ժառանգեսցես ՛ի տան հօր մերոյ, զի որդի կնոջ պոռնկի́ ես դու։

Verse: 3  Link to sept   Եւ փախեա́ւ յեփթայէ յերեսաց եղբարց իւրոց, եւ բնակեցաւ յերկիր ՛ի տո́վբ։ եւ ժողովէին առ յեփթայէ արք սրիկայք. եւ ելանէին ընդ նմա։

Verse: 4  Link to sept   Եւ եղեւ յետ աւուրց, եւ պատերազմեցա́ն որդիքն ամոնայ ընդ ի(սրա)էլացիսն։

Verse: 5  Link to sept   Եւ եղեւ յորժամ ետուն պատերազմ որդիքն ամոնայ ը(նդ) ի(սրաէ)լի՝ չոգան ծերք գաղաադու առնո́ւլ զյեփթայէ յերկրէն տովբայ։

Verse: 6  Link to sept   եւ ասեն ցյեփթայէ. ե́կ եւ եղիցես մեզ ՛ի զօրավար. եւ տացուք պատերա́զմ ընդ որդիսն ամոնայ։

Verse: 7  Link to sept   Եւ ասէ յեփթայէ ցծերսն գաղաադու. ո՞չ ապաքէն դուք ատեցէք զիս, եւ հանէք առաջի տ(եառ)ն ՛ի տանէ հօր իմոյ, եւ արձակեցէք զիս ՛ի ձէնջ. եւ արդ՝ զի՞ եկիք առիս յորժամ նեղեցայքդ։

Verse: 8  Link to sept   Եւ ասեն ծերքն գաղաադու ցյեփթայի. ո́չ այդպէս է. այլ եկա́ք առ քեզ, եւ երթիցե́ս ընդ մեզ, եւ տացուք պատերազմ ը(նդ) որդիսն ամոնայ։ եւ եղիցես մեզ ՛ի գլո́ւխ ա(մենայ)ն բնակչացս գաղաադու։

Verse: 9  Link to sept   Եւ ասէ յեփթայէ ցծերսն գաղաադու. եթէ դարձուցանիցէք զիս պատերազմե́լ ընդ որդիսն ամոնայ, եւ մատնեսցէ զնա տ(է)ր առաջի իմ, ե́ս եղէ՞ց իշխան։

Verse: 10  Link to sept   Եւ ասեն ծերքն գաղաադու ցյեփթայէ. տ(է)ր կացցէ լսօղ ՛ի միջի մերում. եթէ ոչ ըստ բան ի́դ քում նոյնպէս եւ արասցուք։

Verse: 11  Link to sept   Եւ գնա́ց յեփթայէ ընդ ծերսն գաղաադու. եւ կացուցին զնա ժողովուրդն ՛ի վերայ իւրեանց գլո́ւխ եւ առաջնորդ։ եւ խօսեցա́ւ յեփթայէ զա(մենայ)ն զբանս իւր առաջի տ(եառ)ն ՛ի մասեփա։

Verse: 12  Link to sept   Եւ առաքեաց յեփթայէ հրեշտա́կս առ թագաւոր որդւոցն ամոնայ՝ եւ ասէ. զի՞ կայ իմ եւ քո, զի եկեա́լ ես առիս պատերազմել յերկրի մերում։

Verse: 13  Link to sept   Եւ ասէ արքայ որդւոցն ամոնայ ցհրեշտակսն յեփթայեայ. ընդէ՞ր ա́ռ ի(սրա)էլ զերկիր իմ յելանել իւրում յեգիպտոսէ՝ յառնոնա́յ մինչեւ ցարբոկ, եւ մինչեւ ցյորդանան. եւ արդ՝ դարձո́ զնա առիս խաղաղութ(եամ)բ՝ եւ գնացից։ եւ դարձան հրեշտակքն առ յեփթայէ։

Verse: 14  Link to sept   Եւ յաւե́լ եւս յեփթայէ առաքել հրեշտակս առ արքայ որդւոցն ամոնայ,

Verse: 15  Link to sept   եւ ասէ ցնա. ա́յսպէս ասէ ի(սրա)էլ եւ յեփթայէ. ո́չ առ ի(սրա)էլ զերկիրն մովաբայ. եւ զերկիր որդւոցն ամոնայ.

Verse: 16  Link to sept   յելանել իւրեանց յեգիպտոսէ. այլ գնա́ց ընդ անապատն մինչեւ ցծովն կարմիր, եւ եկն մինչեւ ցկադէս.

Verse: 17  Link to sept   եւ առաքեաց ի(սրա)էլ հրեշտա́կս առ արքայ եդոմայ՝ եւ ասէ. թող՝ անցի́ց ը(նդ) երկիր քո։ եւ ո́չ անսաց արքայն եդոմայ։ եւ առաքեա́ց առ արքայն մովաբու, եւ ո́չ կամեցաւ։ Եւ նստաւ ի(սրա)էլ ՛ի կադէս.

Verse: 18  Link to sept   եւ շրջեցաւ ընդ անապատն, եւ պատեցաւ զերկրաւն եդոմայ, եւ զերկրաւն մովաբայ։ եւ եկն առ արեւելիւք երկրին մովաբու. եւ բանակեցաւ յա́յնկոյս առնոնայ, եւ ո́չ մտին ՛ի սահմանս մովաբու. քանզի առնովն էր սահման մովաբու։

Verse: 19  Link to sept   Եւ առաքեա́ց ի(սրա)էլ հրեշտակս առ սեհոն արքայ ամուրհացւոց՝ թագաւոր եսեբոնայ եւ ամուրհացւոց, եւ ասէ ցնա ի(սրա)էլ. թող՝ անցի́ց ը(նդ) երկիր քո մինչեւ ցտեղի իմ։

Verse: 20  Link to sept   Եւ ո́չ կամեցաւ սեհոն զի(սրա)էլ անցանել ը(նդ) սահմանս իւր։ եւ ժողովեաց սեհոն զա(մենայ)ն ժողովուրդ իւր, եւ բանակեցաւ յասսա. եւ ետ պատերազմ ընդ ի(սրաէ)լի։

Verse: 21  Link to sept   Եւ մատնեաց տ(է)ր ա(ստուա)ծ ի(սրաէ)լի զսեհոն՝ եւ զա(մենայ)ն ազգն ն(ո)ր(ա) ՛ի ձեռս ի(սրաէ)լի. եւ եհար զն(ո)ս(ա), եւ ժառանգեա́ց ի(սրա)էլ զերկիր ամուրհացւոցն բնակելոյն յերկրին յայնմիկ։

Verse: 22  Link to sept   եւ ժառանգեաց ի(սրա)էլ զա(մենայ)ն սահմանս ամուրհացւոցն յառնոնայ մինչեւ ցարբո́կ, եւ յանապատէն մինչեւ ցյորդանան։

Verse: 23  Link to sept   Եւ արդ տ(է)ր ա(ստուա)ծ ի(սրաէ)լի եբարձ զամուրհացին յերեսաց ժողովրդեան իւրոյ ի(սրաէ)լի. եւ դո՞ւ ժառանգիցես զնա։

Verse: 24  Link to sept   Ոչ ապաքէն զոր ժառանգեցոյց քեզ քամովս աստուածն քո՝ զա́յն ժառանգեսցես. եւ զա(մենայ)ն որ ժառանգեցոյց տ(է)ր ա(ստուա)ծ մեր յերեսաց ձերոց՝ զայն մե́ք ժառանգեսցուք։

Verse: 25  Link to sept   Իսկ արդ՝ միթէ լա՞ւ ինչ իցես դու քան զբաղակ որդի սեպփովրայ զարքայն մովաբու. միթէ մարտի՞ւ մարտեաւ ընդ ի(սրաէ)լի, կամ պատերազմաւ պատերազմեցա՞ւ ը(նդ) նոսա։

Verse: 26  Link to sept   ՛ի բանակելն ի(սրաէ)լի յեսեբոն եւ ՛ի դստերս ն(ո)ր(ա), եւ յարոե́ր եւ ՛ի դստերս ն(ո)ր(ա), եւ յա(մենայ)ն քաղաքս որ առ եզերբ յորդանանու ամս երեքհարիւր. զի՞ է զի ո́չ թափեցին զն(ո)ս(ա) ՛ի ժամանակին յայնմիկ։

Verse: 27  Link to sept   եւ ես ո́չ ինչ մեղայ քեզ՝ եւ դու առնես ընդիս չարութի(ւն), տալ ընդիս պատերազմ։ Դատեսցէ́ տ(է)ր որ դատելոցն է ա́յսօր՝ ՛ի մէջ որդւոցն ի(սրաէ)լի եւ ՛ի մէջ որդւոցն ամոնայ։

Verse: 28  Link to sept   Եւ ո́չ անսաց արքայ որդւոցն ամոնայ բանիցն յեփթայեայ՝ զորս առաքեաց առ նա։

Verse: 29  Link to sept   եւ եղեւ ՛ի վերայ յեփթայեայ հոգի́ տ(եառ)ն, եւ անց ընդ գաղաադ եւ ընդ մանասէ, եւ անց ընդ դիտանոցսն գաղաադու, եւ ՛ի դիտանոցէն գաղաադու յա́յնկոյս որդւոցն ամոնայ։

Verse: 30  Link to sept   Եւ ուխտեա́ց յեփթայէ ուխտս տ(եառ)ն՝ եւ ասէ. եթէ մատնելով մատնեսցես զորդիսն ամոնայ ՛ի ձեռս իմ.

Verse: 31  Link to sept   եւ եղիցի որ ելանելով ելանիցէ ՛ի դրանց տան իմոյ ընդ առաջ իմ, ՛ի դառնալն իմում խաղաղութ(եամ)բ յորդւոցն ամոնայ, եղիցի՝ զի մատուցի́ց զնա տ(եառ)ն յողջակէզ։

Verse: 32  Link to sept   Եւ ա́նց յեփթայէ առ որդիսն ամոնայ պատերազմե́լ ը(նդ) ն(ո)ս(ա). եւ մատնեա́ց զն(ո)ս(ա) տ(է)ր ՛ի ձեռս ն(ո)ր(ա).

Verse: 33  Link to sept   եւ եհար զն(ո)ս(ա) յարոէրայ մինչեւ ՛ի մո́ւտս սեմէննիթայ, քսա́ն քաղաքք, մինչեւ ցյաբէղ այգեստանեացն՝ հարուածս մեծամեծս յոյժ։ եւ վանեցա́ն որդիքն ամոնայ յերեսաց որդւոցն ի(սրաէ)լի։

Verse: 34  Link to sept   Եւ եկն յեփթայէ ՛ի մասեփա ՛ի տուն իւր։ եւ ահա դուստր իւր ելանէր ընդ առաջ ն(ո)ր(ա) թմբկօք եւ պարուք. եւ նա էր միամօ́ր սիրելի ն(ո)ր(ա), եւ ո́չ գոյր ն(ո)ր(ա) բա́ց ՛ի նմանէ ուստր կամ դուստր։

Verse: 35  Link to sept   Եւ եղեւ իբրեւ ետես զնա՝ պատառեա́ց զհանդերձս իւր եւ ասէ. վա́յ է ինձ դուստր իմ, ընկճեցե́ր զիս, խոչընդա́կն եղեր ինձ. զի ես բացի զբերան իմ վ(ա)ս(ն) քո առ տ(է)ր, եւ ո́չ կարացից դարձուցանել։

Verse: 36  Link to sept   Եւ ասէ ցնա. եթէ վ(ա)ս(ն) իմ բացեր զբերան քո առ տ(է)ր, արա́ զիս ո(ր)պ(էս) ե́լ ՛ի բերանոյ քումմէ. փոխանակ զի արար քեզ տ(է)ր վրէժխնդրութի(ւն) ՛ի թշնամեաց քոց յորդւոցն ամոնայ։

Verse: 37  Link to sept   Եւ ասէ ցհայր իւր. արա́ ինձ զբանս զայս, թողացո́ ինձ զերկուս ամիսս, եւ երթայց շրջեցա́յց ընդ լերինս, եւ լացից զկուսու(թ)ի(ւն)ս իմ. ե́ս եւ ընկերք իմ։

Verse: 38  Link to sept   Եւ ասէ ցնա՝ ե́րթ, եւ արձակեաց զնա զերկուս ամիսս։ եւ չոգա́ւ ինքն եւ ընկերք իւր, եւ ելա́ց զկուսութի(ւն) իւր ՛ի վերայ լերանց։

Verse: 39  Link to sept   Եւ եղեւ յետ կատարելոյ երկո́ւց ամսոցն, դարձաւ առ հայր իւր։ եւ արա́ր նովաւ զուխտն զոր ուխտեաց։ եւ նա ո́չ գիտէր զայր։ Եւ եղեւ ՛ի կրօնս ՛ի մէջ ի(սրաէ)լի ողբա́լ զդուստրն յեփթայեայ

Verse: 40  Link to sept   աւուրց յաւուրս։ ժողովէին դստերք ի(սրաէ)լի՝ ողբա́լ զդուստրն յեփթայեայ գաղաադացւոյ չո́րս աւուրս ՛ի տարւոջ։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ ժողովեցան որդիքն եփրեմի, եւ եկին ՛ի սեփենա. եւ ասեն ցյեփթայէ. զի՞ է զի ելեր պատերազմել ընդ որդիսն ամոնայ, եւ զմեզ ո́չ կոչեցեր երթալ ընդ քեզ։ արդ՝ այրեսցո́ւք հրով զտուն քո ՛ի վ(ե)ր(այ) քո։

Verse: 2  Link to sept   Եւ ասէ ցն(ո)ս(ա) յեփթայէ. ա́յր զրկեա́լ էի ես, եւ ժողովուրդ իմ. եւ որդիք ամոնայ տառապեցուցանէին զիս յոյժ. եւ բողո́ք արկի առ ձեզ, եւ ո́չ փրկեցէք զիս ՛ի ձեռաց ն(ո)ց(ա)։

Verse: 3  Link to sept   եւ տեսի զի ո́չ ոք էր որ փրկէր, եւ եդի զանձն իմ ՛ի ձեռին իմում, եւ անցի առ որդիսն ամոնայ. եւ մատնեաց զն(ո)ս(ա) տ(է)ր ՛ի ձեռս իմ։ եւ արդ ընդէ՞ր ելէք առիս յաւուր յայսմիկ մարտնչել ընդիս։

Verse: 4  Link to sept   Եւ ժողովեաց յեփթայէ զա(մենայ)ն արս գաղաադու՝ եւ տայր պատերազմ ը(նդ) եփրեմի։ եւ հարին արքն գաղաադու զեփրեմ. զի ասացին ապրեալքն եփրեմի, թէ դուք գաղաադացիք ՛ի մէջ եփրեմի եւ ՛ի մէջ մանասէի էք։

Verse: 5  Link to sept   Եւ կալաւ գաղաադ զկիրճս յորդանանու զեփրեմի. եւ եղեւ իբրեւ ասացին ապրեալքն եփրեմայ, թէ թո́ղ անցցուք. ասեն ցն(ո)ս(ա) արք գաղաադու. միթէ եւ դուք յեփրեմէ́ իցէք։ եւ ասեն, չեմք ՛ի ն(ո)ց(ա)նէ։

Verse: 6  Link to sept   Եւ ասեն ցն(ո)ս(ա), տո́ւք մեզ նշա́ն ինչ, եւ ասացէ́ք, հա́սկ հա́սկ։ եւ ո́չ յաջողեցան խօսել այնպէս։ եւ կալան եւ կոտորեցին զն(ո)ս(ա) յանցսն յորդանանու։ եւ անկան ՛ի ժամանակին յայնմիկ յեփռեմէ քառասուն եւ երկո́ւ հազարք։

Verse: 7  Link to sept   Եւ դատեաց յեփթայի զի(սրա)էլ ամս վեց։ եւ մեռա́ւ յեփթայէ գաղաադացի՝ եւ թաղեցաւ ՛ի քաղաքի իւրում ՛ի գաղաադ։

Verse: 8  Link to sept   Եւ դատեաց յետ ն(ո)ր(ա) զի(սրա)էլ եսեբոն ՛ի բեթղեհեմէ։

Verse: 9  Link to sept   եւ եղեն ն(ո)ր(ա) ուստերք երեսո́ւն, եւ դստերք երեսուն տուեալ արտաքս։ եւ երեսուն կին ած ուստերաց իւրոց արտաքուստ։ Եւ դատեաց զի(սրա)էլ ամս եւթն. եւ մեռա́ւ եսեբոն՝ եւ թաղեցաւ ՛ի բեթղեհէմ։

Verse: 10  Link to sept   Եւ դատեաց յետ ն(ո)ր(ա) զի(սրա)էլ՝ էղոն զաբուղոնացի ամս տա́սն։

Verse: 11  Link to sept   եւ մեռա́ւ էղոն զաբուղոնացի, եւ թաղեցաւ յէղիմ յերկրին զաբուղոնի։

Verse: 12  Link to sept   Եւ դատեաց յետ նորա զի(սրա)էլ, աբդոն որդի եղղեքայ փարաթոնացի։

Verse: 13  Link to sept   եւ եղեն ն(ո)ր(ա) որդիք քառասուն. եւ երեսուն որդիք որդւոց ն(ո)ր(ա), որ հեծանէին յիւթանասո́ւն յաւանակս. եւ դատեաց զի(սրա)էլ ամս ո́ւթ։

Verse: 14  Link to sept   Եւ մեռաւ աբդոն որդի եղղեքայ փարաթոնացի. եւ թաղեցաւ յեփրաթոն, յերկրի́ եփրեմայ ՛ի լերինն ամաղեկայ։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ յաւելին որդիքն ի(սրաէ)լի առնել չա́ր առաջի տ(եառ)ն. եւ մատնեա́ց զնոսա տ(է)ր ՛ի ձեռս այլազգեացն ամս քառասուն։

Verse: 2  Link to sept   Եւ եղեւ այր մի ՛ի սարաա́ ՛ի ցեղէ դանայ, եւ անուն ն(ո)ր(ա) մանովէ. եւ կին ն(ո)ր(ա) ամո́ւլ էր՝ եւ ո́չ ծնանէր։

Verse: 3  Link to sept   Եւ երեւեցա́ւ հրեշտակ տ(եառ)ն կնոջն, եւ ասէ ցնա. ահաւադիկ դու ամուլ ես՝ եւ ո́չ է քո ծնեալ, եւ յղասցիս եւ ծնցիս որդի́։

Verse: 4  Link to sept   Արդ՝ զգո́յշ լեր՝ գուցէ́ ըմպիցես գինի օղի. եւ մի́ ուտիցես զա(մենայ)ն անսուրբ։

Verse: 5  Link to sept   զի ահա յղասցիս դու եւ ծնցիս որդի́, եւ երկաթ մի́ ելցէ ՛ի գլուխ ն(ո)ր(ա). զի ուխտաւո́ր ա(ստուծո)յ եղիցի մանուկն անդստին յորովայնէ. եւ նա́ սկսցի փրկել զի(սրա)էլ ՛ի ձեռաց փղշտացւոցն։

Verse: 6  Link to sept   Եւ եմուտ կինն եւ ասէ ցայր իւր, եթէ ա́յր ա(ստուծո)յ եկն առիս, եւ տեսիլ ն(ո)ր(ա) իբրեւ զտեսիլ հրեշտակի ա(ստուծո)յ երեւելի́ յոյժ. եւ հարցի ցնա՝ թէ ուստի́ես, եւ զանուն իւր ո́չ պատմեաց ինձ։

Verse: 7  Link to sept   Եւ ասէ ցիս. ահա յղասցիս դու, եւ ծնցիս որդի։ եւ արդ՝ մի́ ըմպիցես գինի եւ օղի, եւ մի́ ուտիցես զա(մենայ)ն անսուրբ. զի ուխտաւո́ր ա(ստուծո)յ եղիցի մանուկն անդստին յորովայնէ մօր իւրոյ մինչեւ ցօր մահուան իւրոյ։

Verse: 8  Link to sept   Եւ աղաչեա́ց մանովէ զտ(է)ր՝ եւ ասէ. յի́ս տ(է)ր. այրն ա(ստուծո)յ զոր առաքեցեր առ մեզ, եկեսցէ́ դարձեալ առ մեզ եւ մուսաւորեսցէ́ զմեզ, թէ զի՞նչ արասցուք մանկանն որ ծնանիցի։

Verse: 9  Link to sept   եւ լուաւ ա(ստուա)ծ ձայնի մանովէ։ Եւ եկն հրեշտակն ա(ստուծո)յ մի́ւս անգամ առ կին ն(ո)ր(ա) մինչդեռ նստէ́ր յանդի. եւ մանովէ այր նորա չէ́ր առ նմա։

Verse: 10  Link to sept   եւ փութացա́ւ կինն՝ եւ ընթացաւ պատմեա́ց առն իւրում, եւ ասէ ցնա. ահա երեւեցա́ւ ինձ այրն որ եկն առիս յաւուր յայնմիկ։

Verse: 11  Link to sept   Եւ յարեաւ գնաց մանովէ զհետ կնոջ իւրոյ, եւ եկն առ այրն, եւ ասէ ցնա. եթէ դո՞ւ իցես այրն որ խօսիցիս ընդ կնոջն։ եւ ասէ հրեշտակն՝ ե́ս եմ։

Verse: 12  Link to sept   Եւ ասէ մանովէ. արդ գալով չափ բանին քոյոյ, զի՞նչ լինիցին իրաւունք մանկանն՝ եւ գործք ն(ո)ր(ա)։

Verse: 13  Link to sept   Եւ ասէ հրեշտակն տ(եառ)ն ցմանովէ. յամենայնէ զոր ասացի կնոջդ՝ զգո́յշ լինիցի։

Verse: 14  Link to sept   յա(մենայ)նէ որ ելանէ յորթոյ՝ մի́ կերիցէ, եւ գինի եւ օղի մի́ արբցէ, եւ զա(մենայ)ն անսուրբ մի́ կերիցէ. յա(մենայ)նէ զոր պատուիրեցի նմա զգո́յշ լինիցի։

Verse: 15  Link to sept   Եւ ասէ մանովէ ցհրեշտակն. թո́ղ բռնադատեսցուք զքեզ, եւ արասցուք առաջի քո ո́ւլ մի յայծեաց։

Verse: 16  Link to sept   Եւ ասէ հրեշտակն տ(եառ)ն ցմանովէ. եթէ բռնադատեսցես զիս՝ ո́չ կերայց ՛ի հացից քոց, եւ եթէ արասցես ողջակէզ՝ տ(եառ)ն մատուսցես զնա։ զի ո́չ գիտաց մանովէ թէ հրեշտակ տ(եառ)ն իցէ։

Verse: 17  Link to sept   Եւ ասէ մանովէ ցհրեշտակն տ(եառ)ն. զի՞նչ անուն է քեզ, զի յորժամ եկեսցէ բանն քո՝ փառաւորեսցուք զքեզ։

Verse: 18  Link to sept   Եւ ասէ ցնա հրեշտակն տ(եառ)ն. զի՞ հարցանես զանուանէ իմմէ, եւ նա է́ սքանչելի։

Verse: 19  Link to sept   Եւ ա́չ մանովէ զուլն այծեաց զզոհն, եւ մատոյց ՛ի վերայ վիմին՝ տ(եառ)ն սքանչել արարի։ եւ մանովէ եւ կին ն(ո)ր(ա) հայէին։

Verse: 20  Link to sept   Եւ եղեւ ընդ ամբառնալ բոցոյն ՛ի վերուստ ՛ի սեղանոյն յերկինս, ամբարձաւ հրեշտակն տ(եառ)ն բոցով սեղանոյն. եւ մանովէ եւ կին ն(ո)ր(ա) հայէին։ եւ անկան ՛ի վերայ երեսաց իւրեանց յերկիր։

Verse: 21  Link to sept   եւ ո́չ եւս յաւել երեւել հրեշտակն տ(եառ)ն մանովէ եւ կնոջ ն(ո)ր(ա)։ յայնժամ գիտաց մանովէ թէ հրեշտակ տ(եառ)ն է։

Verse: 22  Link to sept   Եւ ասէ մանովէ ցկինն իւր. մահո́ւ մռանիցիմք զի զա(ստուա)ծ տեսաք։

Verse: 23  Link to sept   Եւ ասէ ցնա կին ն(ո)ր(ա), եթէ կամեցեալէր տ(եառ)ն սպանանել զմեզ, ո́չ ընդունէր ՛ի ձեռաց մերոց զողջակէզն եւ զզոհն. եւ ո́չ լուսաւորէ́ր մեզ զայն ա(մենայ)ն ը(նդ) ժամանակս ժամանակս, եւ ո́չ լսելի առնէր մեզ զայն։

Verse: 24  Link to sept   Եւ ծնա́ւ կինն որդի, եւ կոչեաց զանուն ն(ո)ր(ա) սամփսոն։ եւ աճեա́ց մանուկն, եւ օրհնեաց զնա տ(է)ր։

Verse: 25  Link to sept   Եւ սկսաւ հոգի տ(եառ)ն շրջե́լ ընդ նմա ՛ի բանակին դանայ, ՛ի մէջ սարաա, եւ ՛ի մէջ եսթաւուլայ։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ էջ սամփսոն ՛ի թամնաթա՝ եւ ետես կի́ն մի ՛ի թամնաթա՝ ՛ի դստերացն այլազգեաց, եւ հաճոյ թուեցաւ առաջի ն(ո)ր(ա)։

Verse: 2  Link to sept   եւ ել պատմեաց հօր իւրում եւ մօր իւրում եւ ասէ. կի́ն մի տեսի ՛ի թամնաթա ՛ի դստերա́ց այլազգեաց. եւ արդ առէ́ք զնա ինձ կնութե(ան)։

Verse: 3  Link to sept   Ասեն ցնա հայր եւ մայր իւր, միթէ ո՞չ գուցէ ՛ի դստերաց եղբարց քոց՝ եւ յա(մենայ)ն ժողովրդեան իմում կին, զի երթիցես դու առնուլ կին յայլազգեա՞ց անթլփատից։ Եւ ասէ սամփսոն ցհայր իւր. զնա́ ած ինձ, զի նա́ հաճոյ է աչաց իմոց։

Verse: 4  Link to sept   Եւ հայր ն(ո)ր(ա) եւ մայր ն(ո)ր(ա) ո́չ գիտացին թէ ՛ի տ(եառն)է է, զի հատուցումն խնդրիցէ նա յայլազգեացն։ եւ ՛ի ժամանակին յայնմիկ այլազգի́քն տիրէին ի(սրաէ)լի։

Verse: 5  Link to sept   Եւ էջ սամփսոն եւ հայր ն(ո)ր(ա) եւ մայր իւր ՛ի թամնաթա։ եւ խոտորեցաւ սամփսոն յայգեստանն թամնաթայ, եւ ահա կորիւն մի առիւծուց գոչեա́ց ընդդէմ ն(ո)ր(ա)։

Verse: 6  Link to sept   Եւ յաջողեցա́ւ ՛ի վ(ե)ր(այ) ն(ո)ր(ա) հոգի տ(եառ)ն. եւ ճեղքեա́ց զնա իբրեւ զո́ւլ մի այծեաց, եւ ո́չ ինչ գոյր ՛ի ձեռին ն(ո)ր(ա)։ եւ ո́չ պատմեաց հօր իւրում եւ մօր իւրում զոր արար։

Verse: 7  Link to sept   Եւ իջին խօսեցան ընդ կնոջն։ եւ հաճո́յ թուեցաւ առաջի սամփսոնի.

Verse: 8  Link to sept   եւ դարձա́ւ յետ աւուրց առնուլ զնա. եւ խոտորեցաւ տեսանե́լ զգէշ առիւծուն, եւ ահա գունդ մեղուաց ՛ի բերան առիւծուն՝ եւ մեղր։

Verse: 9  Link to sept   եւ ա́ռ զանյ ՛ի բերան իւր, եւ երթալով երթա́յր եւ ուտէր։ չոգաւ առ հայր իւր եւ առ մայր իւր, եւ ետ ն(ո)ց(ա) եւ կերան. եւ ո́չ պատմեաց ն(ո)ց(ա)՝ թէ ՛ի բերանոյ առիւծուն եհան զմեղրն։

Verse: 10  Link to sept   Եւ էջ հայր ն(ո)ր(ա) առ կինն. եւ արար ընդ սամփսոն հարսանիս զեւթն օր. զի ա́յնպէս առնէին երիտասարդք։

Verse: 11  Link to sept   Եւ եղեւ ՛ի զարհուրե́լ ն(ո)ց(ա) ՛ի նմանէ, կացուցին առ նա ընկերս երեսուն, եւ էին ը(նդ) նմա։

Verse: 12  Link to sept   Եւ ասէ ցն(ո)ս(ա) սամփսոն. արկից ձեզ առասպել, եթէ առեղծանելով եղծանիցէք զնա ինձ զեւթն օր խրախու(թ)ե(ան)ս՝ եւ գտանիցէք, տաց ձեզ երեսո́ւն պաստառակալ եւ երեսուն պատմուճան հանդերձից։

Verse: 13  Link to sept   ապա թէ ո́չ կարիցէք առեղծանել ինձ. տաջի́ք դուք ինձ երեսուն պաստառակալ եւ երեսուն պատմուճան հանդերձից։ Եւ ասեն ցնա՝ ա́րկ մեզ զառասպելն քո, եւ լուիցո́ւք զնա։

Verse: 14  Link to sept   Եւ ասէ ցնոսա։ ՛ի կերչէ՝ ե́լ կերակուր, եւ ՛ի հզօրէ ել քա́ղցր։ եւ ո́չ կարացին առեղծանել զառասպելն ն(ո)ր(ա) զերի́ս աւուրս։

Verse: 15  Link to sept   Եւ եղեւ յաւուրն չորրորդի, եւ ասեն ցկինն սամփսոնի. պատրեա́ զայր քո՝ եւ պատմեսցէ քեզ զառասպելն, գուցէ այրիցեմք զքեզ եւ զտուն հօր քոյ. թէ աղքատացուցանե՞լ կոչեցեր զմեզ այսր։

Verse: 16  Link to sept   Եւ ելա́ց կինն սամփսոնի առնա՝ եւ ասէ ցնա. ատեցեր զիս եւ ո́չ սիրեցեր զիս. զի զառասպելն զոր արկեր որդւոց ժողովրդեան իմոյ՝ ինձ ո́չ պատմեցեր։ Եւ ասէ ցնա սամփսոն. ահա հօր եւ մօր իմոյ ո́չ պատմեցի. եւ արդ՝ քե՞զ պատմիցեմ։

Verse: 17  Link to sept   եւ ելաց առ նա զեւթն օր՝ յորս է́ր խրախութի(ւն)ն։ եւ եղեւ յաւուրն եւթներորդի պատմեա́ց նմա՝ քանզի թախանձեա́ց զնա։ եւ նա պատմեաց որդւոց ազգին իւրոյ։

Verse: 18  Link to sept   Եւ ասեն ցնա արք քաղաքին յաւուրն եւթներորդի՝ յառաջ քան զմտանել արեգականն։ Զի՞նչ քաղցրագոյն քան զմեղր. կամ զի՞նչ հզօրագոյն քան զառեւծ։ եւ ասէ ցնոսա սամփսոն. եթէ ոչ ճնշեալ էր զերինջն իմ, ո́չ գտանէիք զառասպելն իմ։

Verse: 19  Link to sept   Եւ յաջողեցա́ւ ՛ի վերայ նորա հոգի տ(եառ)ն՝ եւ էջ յասկաղոն, եւ եհա́ր անդ արս երեսուն։ եւ առ ե́տ զպատմուճանսն առեղծանելեաց առասպելին։ Եւ բարկացաւ սրտմտու(թեամ)բ սամփսոն, եւ ե́լ ՛ի տուն հօր իւրոյ։

Verse: 20  Link to sept   Եւ ամուսնացաւ կինն սամփսոնի ընդ հացիրիցո́ւն նորա՝ որ էր նորա ընկեր։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ եղեւ յետ աւուրց, յաւուրս հնձո́ց ցորենոյ, ա́յց արար սամփսոն կնոջ իւրում, ածեալ ուլ մի յայծեաց. եւ ասէ՝ մտից առ կին իմ ՛ի սենեակ։ եւ ո́չ եթող զնա հայրն ն(ո)ր(ա) մտանել առ նա։

Verse: 2  Link to sept   Եւ ասէ հայրն ն(ո)ր(ա). ասելով ասացի՝ թէ ատեցե́ր զնա, եւ ետու զնա ընկերի քում. ո՞չ աւանիկ քոյր նորա կրտսեր լաւագո́յն է քան զնա. եղիցի սա́ քեզ փոխանակ նորա։

Verse: 3  Link to sept   Եւ ասէ սամփսոն. անպա́րտ եմ ես միանգամայն յայլազգեացդ. եթէ արարից ես ը(նդ) դոսա չառու(թ)ի(ւն)։

Verse: 4  Link to sept   Եւ գնաց սամփսոն, եւ կալաւ երեքհարիւր աղուէս. եւ ա́ռ ջահս, եւ կապեա́ց զն(ո)ս(ա) ընդ միմեանս ձետ ը(նդ) ձետ, եւ եդ զջահսն ՛ի մէջ երկո́ւց ձետո́ցն, եւ կապեա́ց ՛ի միջոցին զջահսն։

Verse: 5  Link to sept   եւ ելոյց հո́ւր ՛ի ջահսն, եւ արձակեա́ց յոճ այլազգեացն. եւ այրեաց զաւրանն, եւ զյառաջագոյն հնձեալսն՝ ՛ի բարդից մինչեւ ցկանգնաւո́րն, եւ մինչեւ ցայգիս եւ ձիթենիս։

Verse: 6  Link to sept   Եւ ասեն այլազգիքն, ո՞ արար զայս։ եւ ասեն՝ սամփսոն փեսայ թամնացւոյն. զի եհան զկին ն(ո)ր(ա)՝ եւ ետ ընկերի́ ն(ո)ր(ա)։ եւ ելին այլազգիքն եւ այրեցին զտուն հօր ն(ո)ր(ա), եւ զկինն եւ զհայր ն(ո)ր(ա) հրով։

Verse: 7  Link to sept   Եւ ասէ ցն(ո)ս(ա) սամփսոն. եթէ գո́յն չափ եւս առնիցէք սակայն ո́չ հաճեցայց. այլ զվրէժ իմ յիւրաքանչի́ւր ումեքէ ՛ի ձէնջ խնդրեցից։

Verse: 8  Link to sept   եւ եհար զն(ո)ս(ա) ՛ի սրաւնից մինչեւ ցերանս հարուածս մեծամեծս։ Եւ էջ բնակեցաւ առ հեղեղատաւն յայրին ետամայ։

Verse: 9  Link to sept   եւ ելին այլազգիքն, եւ բանակեցան զյուդայիւ, եւ անկա́ն զեղքեաւ։

Verse: 10  Link to sept   Եւ ասէ ցն(ո)ս(ա) այր յուդայ. ընդէ՞ր ելէք ՛ի վ(ե)ր(այ) իմ։ եւ ասեն այլազգիքն. կապե́լ զսամփսոն ելաք, եւ առնե́լ ընդ նա զորօրինակ արա́ր ընդ մեզ։

Verse: 11  Link to sept   Եւ իջին երեք հազարք ՛ի յուդայ ՛ի ծակ վիմին ետեմեայ. եւ ասեն ցսամփսոն. ո՞չ գիտես զի իշխեն մեզ այլազգիքն, եւ ընդէ՞ր արարեր զայն ը(նդ) մեզ։ Եւ ասէ ցն(ո)ս(ա) սամփսոն. որպէս արարին ընդիս, նո́յնպէս արարի́ ընդ նոսա։

Verse: 12  Link to sept   Եւ ասեն ցնա. կապե́լ զքեզ իջաք, եւ մատնել ՛ի ձեռս այլազգեացն։ եւ ասէ ցնոսա սամփսոն. երդուարո́ւք ինձ դո́ւք՝ չսպանանել զիս եւ տո́ւք զիս ն(ո)ց(ա). եւ դուք մի́ երբէք պատահիցէք ինձ։

Verse: 13  Link to sept   Եւ երդուա́ն նմա՝ եւ ասեն, ո́չ. այլ կապելով կապեսցո́ւք զքեզ, եւ տացուք ՛ի ձեռս ն(ո)ց(ա). բայց մահու ո́չ սպանցուք զքեզ։ Եւ կապեցին զնա երեք կարովք նորովք, եւ հանին զնա ՛ի վիմէն.

Verse: 14  Link to sept   եւ եկին մինչեւ ցծնօտն. եւ այլազգիքն աղաղակեցին եւ ընթացան ընդդէ́մ ն(ո)ր(ա)։ Եւ յաջողեցաւ ՛ի վ(ե)ր(այ) ն(ո)ր(ա) հոգի տ(եառ)ն. եւ եղեն կարքն ՛ի բազուկս ն(ո)ր(ա) իբրեւ զխծո́ւծ՝ յորժամ ՛ի հո́ւր հոտոտիցի, եւ հալեցան կապանքն ՛ի բազկաց ն(ո)ր(ա)։

Verse: 15  Link to sept   Եւ եգի́տ ծնօտ մի իշոյ ընկեցեալ. ձգեա́ց զձեռն իւր եւ առ զնա. եւ եհա́ր նովաւ հազա́ր այր։

Verse: 16  Link to sept   Եւ ասէ սամփսոն. ծնօտի́ւ իշոյ ջնջելով ջնջեցի́ց զն(ո)ս(ա), զի ծնօտիւ իշոյ կոտորեցի հազա́ր այր։

Verse: 17  Link to sept   Եւ եղեւ իբրեւ կատարեաց զխօսելն, ընկէ́ց զծնօտն ՛ի ձեռանէ իւրմէ. եւ կոչեաց զտեղին կոտորած ծնօտի։

Verse: 18  Link to sept   Եւ ծարաւեցաւ յոյժ, եւ աղաղակեաց առ տ(է)ր՝ եւ ասէ. դո́ւ յաջողեցեր ձեռամբ ծառայի́ քոյ զփրկու(թ)ի(ւն)ս զայս մեծ. եւ արդ մեռանիցի́մ ՛ի ծարաւոյ, եւ անկանիցի՞մ ՛ի ձեռս անթլփատից։

Verse: 19  Link to sept   Եւ եբա́ց տ(է)ր զծա́կ ծնօտին, եւ ե́լ ՛ի նմանէ ջուր, եւ արբ. եւ դարձաւ ոգի իւր առ ինքն եւ զովացաւ։ վ(ա)ս(ն) այնորիկ կոչեաց զանուն ն(ո)ր(ա) աղբեւր անուանեալ ծնօտի մինչեւ ցայսօր։

Verse: 20  Link to sept   Եւ դատեաց զի(սրա)էլ յաւուրս այլազգեացն ա́մս քսան։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ չոգա́ւ սամփսոն անտի ՛ի գազա, եւ ետես անդ կին մի պոռնիկ, եւ եմո́ւտ առ նա։

Verse: 2  Link to sept   Եւ ա́զդ եղեւ գազացւոցն եւ ասեն, եկեա́լ է այսր սամփսոն. եւ պատեցին եւ դարանակա́լ եղեն նմա զգիշերն ողջոյն առ դրան քաղաքին, եւ անշշո́ւնչ կացին զգիշերն ողջոյն, եւ ասեն՝ ա́ստ կացցուք մինչեւ ցառաւօտ, եւ սպանցո́ւք զնա։

Verse: 3  Link to sept   Եւ ննջեաց սամփսոն մինչեւ ցմէ́ջ գիշերոյն, եւ յարեաւ զմէջ գիշերաւն, եւ թափեաց զդրունս քաղաքին հանդերձ սեմիվքն, եւ եբա́րձ զն(ո)ս(ա) հանդերձ նգովքն, եւ եդ ՛ի վերայ ուսոց իւրոց, եւ եհան զն(ո)ս(ա) ՛ի գլուխ լերինն՝ որ է հանդէպ քեբրոնի. եւ ե́դ զն(ո)ս(ա) անդ։

Verse: 4  Link to sept   Եւ եղեւ յետ այսորիկ սիրեաց կի́ն մի՝ առ եզերբ հեղեղատին ովրեկայ. եւ անուն ն(ո)ր(ա) դալիլա։

Verse: 5  Link to sept   Եւ ելի́ն առ նա նախարարք այլազգեացն՝ եւ ասեն. պատրեա́ զնա եւ տես՝ ի՞ւ իցէ զօրու(թ)ի(ւն) ն(ո)ր(ա) մեծ, եւ կամ ի՞ւ կարասցուք նմա հնա́ր գտանել եւ կապել զնա առ ՛ի տկարացուցանել զնա. եւ մեք տացուք քեզ այր իւրաքանչիւր հազա́ր եւ հարի́ւր արծաթոյ։

Verse: 6  Link to sept   Եւ ասէ դալիլա ցսամփսոն. պատմեա́ ինձ, ի՞ւ իցէ զօրութի(ւն) քո մեծ, եւ ի՞ւ կապիցիս առ ՛ի տկարացուցանելոյ զքեզ։

Verse: 7  Link to sept   Եւ ասէ ցնա սամփսոն. եթէ կապիցեն զիս եւթն ջլօք դալարո́վք չվտտելովք, տկարացայց եւ եղէց իբրեւ զմի ՛ի մարդկանէ։

Verse: 8  Link to sept   Եւ բերին առնա նախարարքն այլազգեացն եւթն ջիլս դալարս անվտիտս. եւ նա կապեաց զնա նոքօք։

Verse: 9  Link to sept   եւ դարա́ն նստէր նմա ՛ի շտեմարանի. եւ ասէ ցնա, այլազգի́ք հասեալ են ՛ի վերայ քո սամփսոն։ Եւ խզեաց զջիլսն՝ զոր օրինակ խզիցի քուղ ՛ի թօթափելոյ յորժամ ՛ի հուր հոտոտիցի։ եւ ո́չ ծանուցաւ զօրութի(ւն) նորա։

Verse: 10  Link to sept   Եւ ասէ դալիլա ցսամփսոն. ահա խաբեցեր զիս եւ խօսեցար սուտ. գոնէ արդ պատմեա́ ինձ, թէ ի՞ւ կապիցիս։

Verse: 11  Link to sept   Եւ ասէ ցնա. եթէ կապելո́վ կապեսցեն զիս եւթն կարովք նորովք, որովք չիցէ́ գործեալ գործ. տկարացա́յց եւ եղէց իբրեւ զմի ՛ի մարդկանէ։

Verse: 12  Link to sept   Եւ ա́ռ դալիլա կա́րս նորս, եւ կապեաց զնա նոքօք. եւ ասէ ցնա, այլազգի́ք հասեալ են ՛ի վերայ քո սամփսոն։ եւ դարան նստէր նմա ՛ի շտեմարանի։ եւ խզեաց զայն ՛ի բազկաց իւրոց իբրեւ զասղանի։

Verse: 13  Link to sept   Եւ ասէ դալիլա ցսամփսոն մինչեւ ցե՞րբ խաբիցես զիս, եւ խօսիցիս ընդիս սուտ. արդ՝ պատմեա́ ինձ ի՞ւ կապիցիս։ Եւ ասէ ցնա. եթէ անկցես զեւթանեսին գիսակս գլխոյ իմոյ ը(նդ) ազբին, եւ վարեսցես ցցովք ընդ որմն՝ եղէց տկարացեալ իբրեւ զմի ՛ի մարդկանէ։

Verse: 14  Link to sept   Եւ ննջեցոյց զնա դալիլա, եւ ա́ռ զիւթանեսին գիսակս գլխոյ ն(ո)ր(ա) հանդերձ ազբա́մբն, եւ վարեաց ցցովք ը(նդ) որմնն. եւ ասէ ցնա, այլազգի́ք հասեալ են ՛ի վ(ե)ր(այ) քո սամփսոն։ Եւ զարթեաւ ՛ի քնոյ իւրմէ, եւ կորզեա́ց զցիցսն հանդերձ ոստայնիւն եւ ազբամբն յորմոյ անտի. եւ ո́չ ծանուցաւ զօրու(թ)ի(ւն) ն(ո)ր(ա)։

Verse: 15  Link to sept   Եւ ասէ ցնա դալիլա. զիա՞րդ ասես՝ թէ սիրեցի զքեզ, եւ սիրտ քո չէ́ ուղիղ ընդիս, ա́յս երիցս անգամ խաբեցեր զիս, եւ ո́չ պատմեցեր ինձ թէ ի՞ւ իցէ զօրութի(ւն) քո մեծ։

Verse: 16  Link to sept   Եւ եղեւ իբրեւ վտանգեա́ց զնա բանիւք զգիշերն ողջոյն՝ եւ թախանձեցո́յց զնա, եւ պարտասեցոյց զնա մինչեւ ցմահ.

Verse: 17  Link to sept   պատմեա́ց նմա զա(մենայ)ն ինչ ՛ի սրտէ իւրմէ, եւ ասէ ցնա. Ածելի ո́չ ելցէ ՛ի գլուխ իմ. զի ուսխտաւո́ր ա(ստուծո)յ եմ ես յորովայնէ մօր իմոյ. ապա թէ գերծուցում, մեկնեսցի́ յինէն զօրու(թ)ի(ւն) իմ, եւ տկարացա́յց եւ եղէց իբրեւ զա(մենայ)ն մարդիկ։

Verse: 18  Link to sept   Իբրեւ ետես դալիլա եթէ պատմեա́ց նմա զա(մենայ)ն ինչ ՛ի սրտէ իւրմէ, առաքեա́ց կոչեաց զնախարարս այլազգեացն՝ եւ ասէ. ելէ́ք միանգամայն, եւ պատմեաց ինձ զա(մենայ)ն ՛ի սրտէ իւրմէ։ եւ ելի́ն առ նա նախարարք այլազգեացն, եւ բերին զարծաթն ՛ի ձեռս իւրեանց։

Verse: 19  Link to sept   Եւ ննջեցոյց զնա ՛ի մէջ ծնգաց իւրոց. եւ կոչեա́ց վարսավիրայ, եւ եգե́րծ զեւթանեսին գիսակս գլխոյ նորա. եւ սկսաւ թօշնել, եւ մեկնեցա́ւ ՛ի նմանէ զօրութի(ւն) ն(ո)ր(ա)։

Verse: 20  Link to sept   Եւ ասէ դալիլա. այլազգիք հասեալ են ՛ի վերայ քո սամփսոն։ եւ զարթեա́ւ ՛ի քնոյ իւրմէ, եւ ասէ. ելի́ց եւ արարից ո(ր)պ(էս) միշտն, եւ թօթափեցից։ եւ նա ո́չ գիտէր թէ տ(է)ր մեկնեցաւ ՛ի նմանէ։

Verse: 21  Link to sept   Եւ կալա́ն զնա այլազգիքն, եւ բրեցին զաչս նորա, եւ իջուցին զնա ՛ի գազա. եւ կապեցին զնա երկաթի կապանօք. եւ աղա́յր ՛ի տան բանտին։

Verse: 22  Link to sept   եւ սկսաւ մազ գլխոյ ն(ո)ր(ա) բուսանել յետ գերծելոյն։

Verse: 23  Link to sept   Եւ իշխանք այլզգեացն ժողովեցան զոհել զո́հ մեծ դագոնայ աստուծոյն իւրեանց, եւ ուրա́խ լինել. եւ ասէին, մատնեաց աստուած մեր զսամփսոն թշնամի մեր ՛ի ձեռս մեր։

Verse: 24  Link to sept   Իբրեւ տեսին ժողովուրդն՝ օրհնէին զաստուածս իւրեանց. զի ասացին թէ մատնեա́ց աստուած մեր զթշնամիս մեր ՛ի ձեռս մեր. եւ զապականիչ երկրի մերում, որ յաճախեաց զվիրաւուրս մեր։

Verse: 25  Link to sept   Եւ եղեւ իբրեւ զուարթացա́ն սիրտք իւրեանց, ասեն. կոչեցէ́ք զսամփսոն ՛ի տանէ բանտին, եւ խա́ղ արասցէ առաջի մեր։ եւ կոչեցին զսամփսոն ՛ի տանէ բանտին, եւ խաղային նովաւ. եւ կացուցին զնա ՛ի մէջ երկո́ւց սեանցն։

Verse: 26  Link to sept   Եւ ասէ սամփսոն ցպատանին որ ունէր զձեռանէ նորա. թո́յլ տուր ինձ եւ զննեցի́ց զսիւնս՝ յորոյ վերայ տունս հաստատեալ կայ, եւ յեցա́յց ՛ի ն(ո)ս(ա)։

Verse: 27  Link to sept   Եւ տունն լի́ էր արամբք եւ կանամբք. եւ ա́նդ ա(մենայ)ն նախարարք այլազգեացն. եւ ՛ի տանիսն իբրեւ երեք հազարք, արք եւ կանայք որ տեսանէին զխաղն սամփսոնի։

Verse: 28  Link to sept   Եւ աղաղակեա́ց սամփսոն առ տ(է)ր՝ եւ ասէ. տ(է)ր տ(է)ր զօրութե(ան)ց յիշեա́ զիս, եւ զօրացո́ զիս զայս եւս մի նուագ ա(ստուա)ծ՝ եւ խնրեցի́ց զվրէժխնդրու(թ)ի(ւն) իմ փոխանակ երկո́ւց աչաց իմոց յայլազգեա́ց աստի։

Verse: 29  Link to sept   Եւ բո́ւռն եհար սամփսոն զերկուց սեանցն միջնոց, յորոյ վերայ տունն հաստատեալ կայր, եւ յեցա́ւ ՛ի ն(ո)ս(ա)՝ ՛ի մին աջո́վ իւրով, եւ ՛ի միւսն ձախով իւրով։

Verse: 30  Link to sept   եւ ասէ սամփսոն. մեռցի́ անձն իմ ընդ այլազգիսս. եւ շարժեաց զօրու(թեամ)բ։ Եւ անկա́ւ տունն ՛ի վ(ե)ր(այ) ա(մենայ)ն նախարարացն, եւ ՛ի վերայ ա(մենայ)ն ժողովոյն որ ՛ի նմա։ եւ էին մեռեալքն զորս մեռոյց սամփսոն ՛ի մահուն իւրում, առաւե́լ քան զորս սպան ՛ի կենդանութե(ան) իւրում։

Verse: 31  Link to sept   Եւ իջին եղբարք ն(ո)ր(ա) եւ ա(մենայ)ն տուն հօր ն(ո)ր(ա). եւ բարձին, եւ հանին թաղեցին զնա ՛ի մէջ սարաա́յ եւ ՛ի մէջ յեսթաւուղայ՝ ՛ի գերեզմանի մանովայ հօր իւրոյ։ Եւ նա դատեաց զի(սրա)էլ ամս քսան։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   եւ եղեւ այր ՛ի լեռնէն եփրեմայ, եւ անուն ն(ո)ր(ա) միքա́։

Verse: 2  Link to sept   եւ ասէ ցմայր իւր. զհազար եւ զհարիւր արծաթոյն զոր առեր առ քեզ, եւ երդուար՝ եւ ասես յականջս իմ թէ արծաթն առ իս է, ե́ս առի զայն։ եւ ասէ մայր ն(ո)ր(ա). օրհնեա́լ լիցիս դու որդեակ իմ ՛ի տ(եառն)է։

Verse: 3  Link to sept   Եւ դարձոյց անդրէն զհազար եւ զհարիւր արծաթն առ մայր իւր։ եւ ասէ մայր ն(ո)ր(ա). սրբելո́վ սրբեցի զարծաթն տ(եառ)ն ՛ի ձեռանէ իմմէ, եւ առանձինն. առնե́լ դրօշեալ եւ ձուլածոյ. եւ արդ՝ դարձուցից զնա առ քեզ։

Verse: 4  Link to sept   եւ դարձոյց զարծաթն առ մայր իւր։ Եւ ա́ռ մայր ն(ո)ր(ա) երկերի́ւր արծաթոյ, եւ ետ զայն ցձուլիչ. եւ արար զայն դրօշեալ եւ ձուլածոյ. եւ եղեւ ՛ի տան միքայի։

Verse: 5  Link to sept   եւ տուն միքայի՝ նմա́ տուն աստուծոյ։ եւ արար եփո́ւդ, եւ թերափ. եւ ելից զձեռս միոյ յորդւոց իւրոց, եւ եղեւ նմա ՛ի քահանայ։

Verse: 6  Link to sept   Յաւուրսն յայնոսիկ ո́չ գոյր թագաւոր ի(սրաէ)լի. եւ այր իւրաքանչիւր զհաճո́յս աչաց իւրոց առնէր·

Verse: 7  Link to sept   Եւ եղեւ պատանեակ մի ՛ի բեթղահեմէ յուդայ, յազգէ տոհմին յուդայի, եւ ինքն ղեւտացի́. եւ բնակէ́ր նա անդ։

Verse: 8  Link to sept   Եւ գնա́ց այրն ՛ի քաղաքէ բեթղահեմի յուդայ պանդխտե́լ ուր եւ գտանիցէ. եւ եկն մինչեւ ցլեա́ռնն եփրեմի, եւ մինչեւ ցտո́ւնն միքայ, առնել զճանապարհ իւր։

Verse: 9  Link to sept   Եւ ասէ ցնա միքա. ուստի՞ գաս։ եւ ասէ ցնա. ղեւտացի́ եմ ես ՛ի բեթղեհեմէ յուդայ, եւ երթամ պանդխտանալ՝ ուր եւ գտանիցեմ։

Verse: 10  Link to sept   Եւ ասէ ցնա միքա. նի́ստ աստ առ իս, եւ լե́ր ինձ ՛ի հա́յր եւ ՛ի քահանա́յ. եւ ես տա́ց քեզ տա́սն արծաթոյ՝ աւուրց յաւուրս, եւ զոյգս ձորձոց, եւ ռոճիկ որով կեցցես։ Եւ չոգաւ ղեւտացին.

Verse: 11  Link to sept   եւ սկսաւ պանդխտանա́լ առ առնն. եւ եղեւ նմա պատանեակն իբրեւ զմի́ յորդւոց ն(ո)ր(ա)։

Verse: 12  Link to sept   Եւ ելից միքա զձեռս ղեւտացւոյն, եւեղեւ նմա պատանեակն ՛ի քահանայ, եւ էր ՛ի տա́ն միքայ։

Verse: 13  Link to sept   Եւ ասէ միքա. այժմ գիտացի՝ եթէ բարի́ արար ինձ տ(է)ր. զի եղեւ ինձ ղեւտացին ՛ի քահանայ։

Verse: 14  Link to sept   Յաւուրսն յայնոսիկ ո́չ գոյր թագաւոր ի(սրաէ)լի։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ յաւուրսն յայնոսիկ ցեղն դանայ խնդրէր իւր ժառանգութի(ւն) բնակելոյ. զի ո́չ եհաս նմա ցաւուրսն ցայնոսիկ ՛ի մէջ ցեղին ի(սրաէ)լի ժառանգու(թ)ի(ւն)։

Verse: 2  Link to sept   Եւ առաքեցին որդիքն դանայ ՛ի տոհմից իւրեանց արս հինգ, այր ըստ ցեղի́ իւրեանց որդիս զօրութե(ան) ՛ի սարաա́յ եւ յեսթաւուլայ, լրտեսե́լ զերկիրն, եւ հետազօտե́լ զնա։ եւ ասեն ցնոսա, երթա́յք որոնեցէք զերկիրն։ եւ չոգան ՛ի լեառնն եփրեմայ մինչեւ ցտունն միքայ, եւ հանգեա́ն անդ։

Verse: 3  Link to sept   Եւ մինչդեռ էին նոքա ՛ի տան միքայ, ծանեան զձայն պատանեկին ղեւտացւոյ, եւ խոտորեցան անդ. եւ ասեն ցնա. ո՞ ած զքեզ այսր, եւ զի՞նչ գործես դու աստ, եւ կամ զի՞նչ կայ քո աստ։

Verse: 4  Link to sept   Եւ ասէ ցն(ո)ս(ա). այսպէս եւ ա́յսպէս արար ինձ միքա, եւ կալաւ զիս ՛ի վարձու, եւ եղէ նմա ՛ի քահանայ։

Verse: 5  Link to sept   Եւ ասեն ցնա, աղէ՝ հա́րց զա(ստուա)ծ՝ եւ գիտասցուք եթէ յաջողեսցի́ մեզ ճանապարհս մեր յոր երթամք։

Verse: 6  Link to sept   Եւ ասէ ցնոսա քահանայն. երթա́յք ՛ի խաղաղութի(ւն). առաջի տ(եառ)ն է ճանապարհ ձեր զոր երթայք։

Verse: 7  Link to sept   Եւ գնացին հնգեքին արքն, եւ չոգան ՛ի լայիսա. եւ տեսին զժողովուրդն որ ՛ի նմա, որ բնակեալ նստէր յուսով, ը(ս)տ նմանութե(ան) սիդոնացւոցն հանդարտելո́ցն յուսով. եւ ո́չ բաւական լինելոյ խօսե́լ ումեք բան մի յերկրի գանձո́ւցն ժառանգաւորի. քանզի հեռի էին ՛ի սիդոնէ. եւ բանք ինչ ո́չ գոյին ն(ո)ց(ա) ընդ ասորիս։

Verse: 8  Link to sept   Եւ եկին հնգեքին արքն առ եղբա́րս իւրեանց ՛ի սարաա եւ յեսթաւուլ. եւ ասեն ցն(ո)ս(ա) եղբարք իւրեանց. զի՞ նստիք դուք։

Verse: 9  Link to sept   Եւ ասեն. արիք ելցո́ւք ՛ի վ(ե)ր(այ) ն(ո)ց(ա), զի մտա́ք եւ շրջեցաք ընդ երկիրն մինչեւ ցլաիսա, եւ տեսաք ժողովուրդ բնակեալ ՛ի նմա յուսո́վ, հանգոյն սիդոնացւոց, եւ հեռի́ են ՛ի սիդոնէ, եւ բա́նք ինչ ո́չ գոյ ն(ո)ց(ա) ընդ ասորիս։ արի́ք եւ ելցո́ւք ՛ի վ(ե)ր(այ) ն(ո)ց(ա). զի ահա տեսա́ք զերկիրն, եւ բարի է յոյժ. եւ դուք դադարեա՞լ կայք։ եւ արդ է՞ր վատանայք երթալ մտանել ժառանգել զերկիրն։

Verse: 10  Link to sept   եւ եղիցի յորժամ երթայք, ունիք զազգն յուլացեալ, եւ զերկիրն ընդարձա́կ. զի մատնեաց զնա ա(ստուա)ծ ՛ի ձեռս մեր։ տեղի յորում ո́չ գոյ պակասու(թ)ի(ւն) ա(մենայ)ն բանի որ ինչ իցէ յերկրի։

Verse: 11  Link to sept   Եւ խաղացին անտի յազգականութ(են)է տոհմիցն դանայ՝ ՛ի սարաայ եւ յեսթաւուլայ, արք վեցհարիւրք վառեալք զինու պատերազմի.

Verse: 12  Link to sept   եւ ելին բանակեցան ՛ի կարիաթարիմ յուդայ. վ(ա)ս(ն) այնորիկ կոչեցաւ տեղին այն բանակեաղ դանայ՝ մինչեւ ցայօր. որ է ՛ի թիկանց կարիաթարիմայ։

Verse: 13  Link to sept   Եւ անցին անտի, եւ եկին մինչեւ ցլեա́ռնն եփրեմայ. եւ հասին մինչեւ ՛ի տունն միքայի։

Verse: 14  Link to sept   Պատասխանի ետուն ա́րքն հնգեքին որ երթեալ էին լրտեսե́լ զերկիրն լայիսա, եւ ասեն ցեղբարս իւրեանց. եթէ գիտիցէ՞ք՝ զի ՛ի տունս յայսոսիկ եփուդ, եւ թերափ, եւ դրօշեալ, եւ ձուլածոյ. արդ գիտասջի́ք զինչ առնիցէք։

Verse: 15  Link to sept   Եւ խոտորեցա́ն անդ, եւ մտին ՛ի տուն պատանեկին ղեւտացւոյ, որ էր ՛ի տա́ն միքայ, եւ հարցին զողջունէ ն(ո)ր(ա)։

Verse: 16  Link to sept   եւ վեց հարիւր արքն վառեալք պատերազմական զինու իւրեանց արձանացեալք կային առ մուտս դրանն, որ էին յորդւոցն դանայ։

Verse: 17  Link to sept   Եւ ելին հնգեքին արքն որ երթեալէին լրտեսել զերկիրն. յարձակեցան եւ առին զդրօշեալն, եւ զեփուդ, եւ զթերափ, եւ զձուլածոյ. եւ քահանայն արձանացեա́լ կայր ՛ի մուտս դրանն. եւ վեց հարիւր արքն վառեալք պատերազմական զինու,

Verse: 18  Link to sept   եւ նոքա մտին ՛ի տուն միքայ. եւ առին զդրօշեալն, եւ զեփուդ, եւ զթերափ, եւ զձուլածոյ։ Եւ ասէ ցնոսա քահանայն. զի՞նչ գործեցէք դուք։

Verse: 19  Link to sept   եւ ասեն ցնա. կարկեա́ ափիբերա́ն լեր, եւ ե́կ ընդ մեզ, եւ լե́ր մե́զ ՛ի հայր եւ ՛ի քահանայ. միթէ լա՞ւ իցէ լինել քեզ քահանայ տա́ն միո́յ առն, քան լինել քահանայ ցեղի́ միոյ՝ եւ ազգի (թ)ի(ւն)լի։

Verse: 20  Link to sept   Եւ զուարթացաւ սիրտ քահանային. եւ ա́ռ զեփուդն, եւ զթերափ, եւ զդրօշեալ, եւ զձուլածոյ, եւ եմո́ւտ ՛ի մէջ զօրուն։

Verse: 21  Link to sept   եւ դարձա́ն եւ գնացին. եւ հարին համօրէն զտունն, եւ զստացուածն վայելչու(թ)ե(ան) ն(ո)ր(ա) առաջի ն(ո)ց(ա)։

Verse: 22  Link to sept   Եւ ՛ի հեռանալ ն(ո)ց(ա) ՛ի տանէ միքայ. եւ ահս միքա եւ արքն որ ՛ի տունս ն(ո)ր(ա) ելին ը(նդ) միքայ, բողո́ք բարձին եւ հասին որդւոցն դանայ։

Verse: 23  Link to sept   Եւ դարձուցին զերեսս իւրեանց որդիքն դանայ, եւ ասեն ցմիքա. զի՞ է քեզ, զի՞ աղաղակես։

Verse: 24  Link to sept   Եւ ասէ միքա. զի զաստուածսն իմ զոր արարի ինձ՝ առէք եւ զքահանայն՝ եւ գնացէք. եւ զի՞նչ կայ այսուհետեւ ինձ. զի՞նչ է այդ զոր ասէք ցիս՝ թէ զի՞ աղաղակես։

Verse: 25  Link to sept   Եւ ասեն ցնա որդիքն դանայ. մի́ լուիցի ձայն քո զկնի մեր, գուցէ́ պատահիցեն քեզ արք դառնացեալք ոգւով, եւ դնիցեն զանձն քո եւ զանձն տան քոյ։

Verse: 26  Link to sept   եւ գնացի́ց որդիքն դանայ զճանապարհս իւրեանց։ Եւ իբրեւ ետես միքա, եթէ բռնագո́յն քան զնա են, դարձա́ւ ՛ի տուն իւր։

Verse: 27  Link to sept   Եւ նոքա առին զոր ինչ արարն միքա, եւ զքահանայն ն(ո)ր(ա), եւ չոգան ՛ի լայիսա, ՛ի ժողովուրդն հանդարտացեալ եւ վստահացեալ յուսով։ եւ հարին զնոսա սրով սուսերի, եւ զքաղաքն այրեցին։

Verse: 28  Link to sept   եւ ո́չ ոք էր որ փրկէր. զի հեռի́ էին ՛ի սիդոնացւոց, եւ բանք ինչ ո́չ էին ն(ո)ց(ա) ընդ ումեք ՛ի մարդկանէ։ եւ նա կա́յ ՛ի հովտի տա́նն ռովբայ։ Եւ շինեցին զքաղաքն՝ եւ բնակեցան ՛ի նմա.

Verse: 29  Link to sept   եւ կոչեցին զանուն ն(ո)ր(ա) դա́ն, ըստ անուան հօրն իւրեանց՝ որ եղեւ յի(սրաէ)լի. եւ էր անուն քաղաքին յառաջագոյն ղայիսա́։

Verse: 30  Link to sept   Եւ կանգնեցին իւրեանց որդիքն դանայ զդրօշեալն միքայ։ Եւ յովնաթան որդի գեթսոնի որդւոյ մանասէի, ի́նքն եւ որդիք իւր էին քուրմք ցեղին դանայ, մինչեւ ցօ́ր գերութե(ան) երկրին։

Verse: 31  Link to sept   եւ կարգեցին իւրեանց զդրօշեալն միքայ, զա(մենայ)ն աւուրս զօրս է́ր տունն ա(ստուծո)յ ՛ի սելով։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ եղեւ յաւուրսն յայնոսիկ, եւ թագաւոր ո́չ գոյր յի(սրաէ)լի։ Եւ է́ր այր ղեւտացի պանդխտեալ ՛ի կողմանս լերինն եփրեմի։ եւ ա́ռ իւր այրն կին հարճ ՛ի բեթղահեմէ յուդայ·

Verse: 2  Link to sept   Եւ սարտեա́ւ ՛ի նմանէ հարճն իւր. եւ գնա́ց ՛ի նմանէ ՛ի տուն հօր իւրոյ ՛ի բեթղահէմ յուդայ. եւ եղեւ անդ զերիս ամիսս։

Verse: 3  Link to sept   Եւ յարուցեալ այրն չոգաւ զհետ ն(ո)ր(ա), խօսել ՛ի սիրտ ն(ո)ր(ա) հաշտեցուցանել զնա ընդ իւր, եւ ածե́լ միւսանգամ առ ինքն. եւ պատանի իւր ընդ իւր, եւ զոյգք իշոց։ եւ չոգան մինչեւ ցտուն հօր ն(ո)ր(ա)։ Իբրեւ ետես զնա հայր աղջկանն, ե́լ ընդ առաջ ն(ո)ր(ա).

Verse: 4  Link to sept   եւ տարա́ւ զնա ՛ի ներքս աներ իւր հայր աղջկանն, եւ նստա́ւ առ նմա աւուրս երիս. եւ կերան եւ արբին եւ ննջեցին անդ։

Verse: 5  Link to sept   Եւ եղեւ յաւուրն չորրորդի, կանխեցին ը(նդ) առաւօտն, եւ յարեան գնա́լ։ եւ ասէ հայր աղջկանն ցփեսայ իւր. հաստատեա́ զսիրտ քո պատառով միով հացիւ, եւ ապա́ գնասջիք։

Verse: 6  Link to sept   եւ նստան՝ կերան եւ արբին ՛ի միասին երկոքին։ Եւ ասէ հայր աղջկանն ցփեսայ իւր. արդ՝ սկսեալ աստէ́ն իսկ ագիր, եւ զուարթասցի́ սիրտ քո։

Verse: 7  Link to sept   եւ յարեաւ այրն ՛ի գնալ, եւ բռնադատեաց զնա աներ իւր, եւ նստաւ, եւ անդէն ագաւ։

Verse: 8  Link to sept   Եւ կանխեաց ընդ առաւօտն յաւուրն հինգերորդի ՛ի գնալ. ասէ հայր աղջկանն, հաստատեա́ զսիրտ քո հացիւ, եւ զբօսիր, մինչեւ շրջեսցի օրն. եւ կերան եւ արբին երկոքին։

Verse: 9  Link to sept   Եւ յարեա́ւ այրն գնալ, ինքն եւ հա́րճն՝ եւ պատանին իւր։ եւ ասէ ցնա հայր աղջկանն. ահա դարձաւ օրս յերեկս, աստէ́ն ագիր՝ եւ զուարթասցի՝ սիրտ քո, եւ կանխեսջիր վաղիւ ՛ի ճանապարհ քո, եւ երթիցես յարկս քո։

Verse: 10  Link to sept   Եւ ո́չ կամեցաւ այրն ագանել անդ, այլ յարեա́ւ եւ գնաց. եւ եկն եհաս մինչեւ ցհանդէպ յեբուսայ, այն է ե(րուսաղ)էմ. եւ ընդ նմա զո́յգք իշոց համետելոց. եւ հարճն իւր ը(նդ) նմա։

Verse: 11  Link to sept   եւ նոքա հանդէ́պ յեբուսայ. եւ օրն խոնարհեցաւ յոյժ։ Ասէ պատանին ցտէր իւր. ե́կ խոտորեսցուք ՛ի քաղաքն յեբուսացւոց, եւ ագցո́ւք ՛ի նմա։

Verse: 12  Link to sept   Եւ ասէ ցնա տէր իւր. ո́չ խոտորեսցուք ՛ի քաղաքս օտարոտւոցս, յորում ոչ գուցէ յորդւոցն ի(սրաէ)լի, այլ անցցո́ւք մինչեւ ցգաբաա́։

Verse: 13  Link to sept   Եւ ասէ ցպատանին իւր. ե́կ մերձեսցուք ՛ի մի ուրեք ՛ի տեղեաց, եւ ա́նդ ագցուք ՛ի գաբաա կամ ՛ի հռամա։ եւ անցին գնացին։

Verse: 14  Link to sept   Եւ եմուտ ն(ո)ց(ա) արեգակն մերձ ՛ի գաբաա, որ է բենիամինի։

Verse: 15  Link to sept   եւ խոտորեցան ա́նդր մտանել ագանել ՛ի գաբաա. եւ եմուտ նստաւ ՛ի հրապարակի քաղաքին. եւ ո́չ էր այր որ ժողովէր զնոսա ՛ի տուն իւր ագանել։

Verse: 16  Link to sept   Եւ ահա այր մի ծեր, եմո́ւտ ՛ի գործոյ իւրմէ յանդոյ անագանի. եւ այրն ՛ի լեռնէ եփրեմայ, եւ ինքն պանդխտեալ էր ՛ի գաբաա։ եւ արք տեղւոյն՝ որդի́ք բենիամինի։

Verse: 17  Link to sept   եւ ամբարձեալ զաչս իւր ետե́ս զայրն ուղեւոր ՛ի մէջ հրապարակի́ քաղաքին։ Եւ ասէ այրն ծեր. յո՞վ երթաս՝ եւ ուստի́ գաս։

Verse: 18  Link to sept   Եւ ասէ ցնա. անցանեմք մեք ՛ի բեթղեհեմէ յուդայ, մինչեւ ցկողմանս լերինն եփրեմայ. քանզի անտի́ եմ ես. եւ չոգայ մինչեւ ցբեթղեհէմ յուդայ, եւ ՛ի տուն հօ́ր իմոյ երթամ. եւ չի́ք այր որ ժողովիցէ զմեզ ՛ի տուն.

Verse: 19  Link to sept   եւ յարդ՝ եւ խոտ կա́յ իշոց մերոց, եւ հաց եւ գինի ինձ եւ աղջկանդ եւ պատանւոյդ. եւ չէ́ ինչ պակասութի(ւն) ա(մենայ)ն իրաց ծառայից քոց։

Verse: 20  Link to sept   Եւ ասէ այրն ծեր. խաղաղու(թ)ի(ւն) ընդ քեզ. ա(մենայ)ն պակասութի(ւն)դ քո զինեւ՝ բայց դու ՛ի հրապարակիդ մի́ ագանիցիս։

Verse: 21  Link to sept   եւ տարա́ւ զնա ՛ի տուն իւր, եւ արկ խոտ իշոցն. եւ լուացին զոտս ն(ո)ց(ա), եւ կերան եւ արբին։

Verse: 22  Link to sept   Եւ ՛ի զուարթանալ սրտից ն(ո)ց(ա). Եւ ահա արք քաղաքին, արք՝ որդիք անօրինաց պատեցին զտունն եւ բախեցին զդուրսն, եւ խօսեցան ընդ առնն ծերոյ ը(նդ) տեառն տա́նն՝ եւ ասեն. հա́ն զայրդ մտեալ ՛ի տուն քո, զի գիտասցո́ւք զդա։

Verse: 23  Link to sept   Եւ ել առ ն(ո)ս(ա) այրն տէ́ր տանն, եւ ասէ ցն(ո)ս(ա). քա́ւ լիցի ձեզ ե́ղբարք, մի́ ինչ անզգամէք յետ մտանելոյ առնդ այդորիկ ՛ի տուն իմ. մի́ առնէք զանզգամու(թ)ի(ւն)դ զայդ։

Verse: 24  Link to sept   ահաւասիկ դուստր իմ կոյս, եւ հա́րճ ն(ո)ր(ա), հանից զն(ո)ս(ա) արտաքս, եւ լլկեցէ́ք զն(ո)ս(ա), եւ արարէ́ք զն(ո)ս(ա)՝ զինչ հաճո́յ է յաչս ձեր. եւ առնս այսմիկ մի́ առնէք ը(ս)տ անզգամութե(ան) բանիդ այդորիկ։

Verse: 25  Link to sept   եւ ո́չ կամեցան արքն անսալ։ Եւ ա́ռ այրն զհարճն իւր, եւ եհան զնա արտաքս. եւ գիտացին զնա, եւ լլկեցին զնա զգիշերն ողջոյն մինչեւ ցառաւօտ. եւ արձակեցին զնա ՛ի ծագել առաւօտուն։

Verse: 26  Link to sept   Եւ ե́կն կինն ը(նդ) առաւօտսն, եւ անկաւ առ դրանդւոյ դրան տան առնն, ուր է́ր տէր ն(ո)ր(ա). եւ եհան զոգին։

Verse: 27  Link to sept   Եւ յարեաւ տէր ն(ո)ր(ա) ը(նդ) առաւօտն, եւ եբաց զդուրս տանն, եւ ել գնա́լ զճանապարհս իւր, եւ ահա կինն հարճ ն(ո)ր(ա) անկեալ կայր առ դրանն. եւ ձեռն իւր ՛ի վ(ե)ր(այ) դրանդւոյն։

Verse: 28  Link to sept   Եւ ասէ ցնա. արի́ եւ գնասցուք. եւ ո́չ ետ նմա պատասխանի՝ քանզի մեռեալ էր. եւ ա́ռ եհան զնա յէշ, եւ յարեաւ այրն եւ չոգա́ւ ՛ի տեղի իւր։

Verse: 29  Link to sept   Իբրեւ եմուտ ՛ի տուն իւր, ա́ռ սուր, եւ բուռն եհար զհարճէն իւրմէ, եւ յօշեաց զնա ըստ ոսկերաց իւրոց յերկոտասա́ն մասն. եւ առաքեա́ց զայն ընդ ա(մենայ)ն ցեղսն ի(սրաէ)լի։

Verse: 30  Link to sept   Եւ եղեւ զի ամենայն որ տեսանէր՝ ասէր, թէ ո́չ եղեւ, եւ ո́չ երեւեցաւ այսպէս յաւուրց ելանելոյ որդւոցն ի(սրաէ)լի յերկրէն եգիպտացւոց մինչեւ ցայսօր. արդ՝ առէ́ք ձեզ վ(ա)ս(ն) այդորիկ խորհուրդ, եւ խօսեցարուք։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ ելին ա(մենայ)ն որդիքն ի(սրաէ)լի, եւ եկեղեցացաւ ժողովուրդն իբրեւ զա́յր մի ՛ի դանայ մինչեւ ցբերսաբեէ, եւ երկրին գաղաադու՝ առ տ(է)ր ՛ի մասեփա։

Verse: 2  Link to sept   Եւ եկաց կողմն ա(մենայ)ն ժողովրդեանն, եւ ա(մենայ)ն ցեղք ի(սրաէ)լի յա(մենայ)ն եկեղեցւոջ ժողովրդեանն ա(ստուծո)յ. չորեքհարիւր հազար արանց սուսերամերկաց։

Verse: 3  Link to sept   Եւ լուան որդիքն բենիամինի, եթէ ելին որդիքն ի(սրաէ)լի ՛ի մասեփա։ Եւ ասեն որդիքն ի(սրաէ)լի, խօսեցարո́ւք՝ թէ ո՞ւր եղեւ այսպիսի չարութի(ւն)։

Verse: 4  Link to sept   Պատասխանի ետ այրն ղեւտացի՝ այր կնոջն սպանելոյ, եւ ասէ. ՛ի գաբաա բենիամինի եկի ես եւ հարճ իմ ագանել։

Verse: 5  Link to sept   եւ յարեան ՛ի վ(ե)ր(այ) իմ ա́րք գաբաացիք. եւ պատեցի́ն շուրջ զինեւ զտունն զցայգ, եւ զի́ս կամեցան սպանանել. եւ զհարճն իմ լլկեցին եւ հեղձուցին, եւ մեռաւ։

Verse: 6  Link to sept   եւ առի զհարճն իմ եւ յօշեցի́ զնա, եւ առաքեցի յա(մենայ)ն սահմանս ժառանգու(թ)ե(ան) ի(սրաէ)լի. զի արարին վնաս մեծ եւ անզգամութի(ւն) ՛ի մէջ ի(սրաէ)լի։

Verse: 7  Link to sept   եւ ահաւասիկ մեք ամենեքեան որդիք ի(սրաէ)լի, տո́ւք մեզ բան եւ խորհուրդ։

Verse: 8  Link to sept   Եւ յարեա́ւ ա(մենայ)ն ժողովուրդն իբրեւ զայր մի, եւ ասեն. ո́չ մտցուք այր իւրաքանչիւր ընդ յարկաւ իւրով, եւ ո́չ խոտորեսցուք այր իւրաքանչիւր ՛ի տուն իւր։

Verse: 9  Link to sept   Եւ արդ՝ ա́յս բան է զոր արասցուք ընդ գաբաս. ելցո́ւք ՛ի վ(ե)ր(այ) ն(ո)ր(ա) վիճակաւ։

Verse: 10  Link to sept   բայց առցուք տա́սն այր ՛ի հարիւրոց, յա(մենայ)ն ցեղիցդ ի(սրաէ)լի, եւ հարիւր ՛ի հազարոց. եւ հազարս ՛ի բիւրուց. առնուլ պաշար զաւուրս բովանդա́կ երթողաց ՛ի գաբաա բենիամինի, ը(ս)տ ա(մենայ)ն անզգամու(թ)ե(ան) զոր արարին ՛ի մէջ ի(սրաէ)լի։

Verse: 11  Link to sept   Եւ ժողովեցա́ւ ա(մենայ)ն ի(սրա)էլ իբրեւ զայր մի եկեալք ՛ի քաղաքաց։

Verse: 12  Link to sept   եւ առաքեցին ցեղքն ի(սրաէ)լի արս յա(մենայ)ն ցեղն բենիամինի՝ եւ ասեն. զի՞նչ է չարու(թ)ի(ւն)դ այդ եղեալ ՛ի միջի ձերում։

Verse: 13  Link to sept   եւ արդ տեսէ́ք զարսն զամպարիշտս զգաբաացիս զորդիսն բելիարայ, եւ սպանցուք զն(ո)ս(ա), եւ բարձցուք զչարիսն յի(սրաէ)լէ։ Եւ ո́չ կամեցան որդիքն բենիամինի լսել ձայնի եղբա́րց իւրեանց որդւոցն ի(սրաէ)լի։

Verse: 14  Link to sept   Եւ ժողովեցա́ն որդիքն բենիամինի ՛ի քաղաքս իւրեանց ՛ի գաբաա, ելանել ՛ի պատերա́զմ ընդ որդիսն ի(սրաէ)լի։

Verse: 15  Link to sept   Եւ հանդէ́ս արարին որդիքն բենիամինի յաւուր յայնմիկ յիւրաքանչի́ւր քաղաքաց, քսան եւ հինգ հազար արանց սուսերամերկաց. թո́ղ զբնակիչս գաբաացւոց,

Verse: 16  Link to sept   որ անցին ՛ի հանդիսի եւթնհարիւր այր երիտասարդք ընտիրք յա(մենայ)ն ժողովրդենէն յերկոցունց ձեռացն աջողա́կք. ամենեքին ն(ո)ք(ա) պարսաւո́րք, որ ձգէին քարինս՝ եւ ՛ի մազե ո́չ վրիպէին։

Verse: 17  Link to sept   Եւ ա(մենայ)ն այր ի(սրաէ)լի անցի́ն ՛ի հանդիսի, առա́նց որդւոցն բենիամինի. չորեք հարիւր հազարք արանց սուսերամերկաց, ամենեքին նոքա արք պատերազմօղք։

Verse: 18  Link to sept   Եւ յարեան ելի́ն ՛ի բեթէլ։ եւ հարցին զա(ստուա)ծ եւ ասեն որդիքն ի(սրաէ)լի. ո՞վ ելցէ մեզ առաջնորդ պատերազմել ընդ որդիսն բենիամինի։ եւ ասէ տ(է)ր՝ յուդա́յ ելցէ առաջնորդ։

Verse: 19  Link to sept   Եւ յարեա́ն որդիքն ի(սրաէ)լի ը(նդ) առաւօտն՝ եւ բանակեցան զգաբայաւ։

Verse: 20  Link to sept   եւ ել այր ի(սրա)էլացի պատերազմե́լ ընդ բենիամինի. եւ ճակատեցա́ն ընդ ն(ո)ս(ա) ա́յր ի(սրաէ)լի ՛ի պատերազմ առ գաբայաւ։

Verse: 21  Link to sept   Եւ ելին որդիքն բենիամինի ՛ի քաղաքէն, եւ սատակեցին յի(սրաէ)լէ քսան եւ երկու հազար արանց յաւուր յայնմիկ, եւ արկին տապա́ստ յերկիր։

Verse: 22  Link to sept   Եւ զօրացան դարձեալ այր ի(սրա)էլացի՝ եւ յաւելին ճակատե́լ ՛ի պատերազմի ՛ի տեղւոջ ուր ճակատեցան յաւուրն առաջնո́ւմ։

Verse: 23  Link to sept   Եւ ելին որդի́քն ի(սրաէ)լի եւ լացին առաջի տ(եառ)ն մինչեւ ցերեկոյ. եւ հարցի́ն զտ(է)ր՝ եւ ասեն. եթէ յաւելցո՞ւք մարտնչել ՛ի պատերազմ ընդ բենիամինի եղբօր մերում։ եւ ասէ տ(է)ր, ելէ́ք ՛ի վերայ ն(ո)ց(ա)։

Verse: 24  Link to sept   Եւ ելի́ն որդիքն ի(սրաէ)լի ՛ի պատերազմ ընդ որդիսն բենիամինի յաւուրն երկրորդի։

Verse: 25  Link to sept   եւ ե́լ բենիամին ընդդէմ ն(ո)ց(ա) ՛ի պատերազմ յաւուրն երկրորդի։ Եւ սատակեաց միւսանգամ ՛ի ժողովրդենէ անտի ութ հազար արանց յերկիր՝ ամենեքեան նոքա սուսերաձի́գք։

Verse: 26  Link to sept   Եւ ելի́ն ա(մենայ)ն որդիքն ի(սրաէ)լի եւ ա(մենայ)ն ժողովուրդն՝ եւ եկին ՛ի բեթէլ. եւ նստան լացի́ն առաջի տ(եառ)ն, եւ պահեցին յաւուր յայնմիկ, եւ մատուցին ողջակէ́զս փրկւ(թ)ե(ան) առաջի տ(եառ)ն.

Verse: 27  Link to sept   քանզի ա́նդ էր տապանակ ուխտին տ(եառ)ն ա(ստուծո)յ յաւուրսն յայնոսիկ։

Verse: 28  Link to sept   Եւ փենեէս որդի եղիազարու որդւոյ ահարոնի, կա́յր առաջի ն(ո)ր(ա) յաւուրսն յայնոսիկ։ Եւ հարցին որդիքն ի(սրաէ)լի զտ(է)ր, եւ ասեն՝ յաւելցո՞ւք միւսանգամ ելանել ՛ի պատերազմ ընդ որդիսն բենիամինի եղբօր մերում թէ դադարեսցուք։ եւ ասէ տ(է)ր՝ ելէ́ք, եւ վաղիւ տա́ց զնա ՛ի ձեռս ձեր։

Verse: 29  Link to sept   Եւ եդին որդիքն ի(սրաէ)լի դարանակա́լս շուրջ զգաբաաւ։

Verse: 30  Link to sept   եւ ելին որդիքն ի(սրաէ)լի ՛ի վ(ե)ր(այ) բենիամինի յաւուրն երրորդի. եւ ճակատեցա́ն զգաբաաւ որպէս միանգամն եւ միւսանգամն։

Verse: 31  Link to sept   Եւ ելի́ն որդիքն բենիամինի ընդդէմ ժողովրդեանն, եւ ձգեցան ՛ի քաղաքէ անտի, եւ սկսան հարկանել ՛ի ժողովրդենէ անտի, ո(ր)պ(էս) միանգամն եւ միւսանգամն, առ ճանապարհօք՝ որ մին ելանէր ՛ի բեթէ́լ, եւ միւսն ելանէր ՛ի գաբաա, եւ հարի́ն յանդի անդ իբրեւ արս երեսուն յի(սրաէ)լէ։

Verse: 32  Link to sept   Եւ ասեն որդիքն բենիամինի. կոտորելո́ց են սոքա առաջի մեր իբրեւ զառաջինն։ եւ որդիքն ի(սրաէ)լի ասեն. փախիցո́ւք եւ մերժեսցուք զն(ո)ս(ա) ՛ի քաղաքէն եւ ՛ի ճանապարհէն։

Verse: 33  Link to sept   Եւ ա(մենայ)ն այր ի(սրաէ)լի յարեան յիւրաքանչիւր տեղւոջէ իւրմէ, եւ ճակատեցան ՛ի բաալթամայ. եւ դարանակալքն ի(սրաէ)լի կռուէին ՛ի տեղւոջէ իւրեանց յարեւմտից գաբաա։

Verse: 34  Link to sept   եւ եկին հանդէպ գաբաա տասն հազար արանց ընտրելոց յա(մենայ)ն ի(սրա)էլէ. եւ ծանրացա́ւ պատերազմնն, եւ նոքա ո́չ գիտէին թէ հասեալ են ՛ի վ(ե)ր(այ) ն(ո)ց(ա) չարիք։

Verse: 35  Link to sept   Եւ վանեա́ց տ(է)ր զբենիամին առաջի որդւոցն ի(սրաէ)լի, եւ սատակեցին որդիքն ի(սրաէ)լի ՛ի բենիամինէ յաւուր յայնմիկ քսան եւ հինգ հազար եւ հարի́ւր այր. ամենեքին նոքա սուսերաձիգք։

Verse: 36  Link to sept   Իբրեւ տեսին որդիքն բենիամինի՝ եթէ ՛ի պարտութի(ւն) մատնեա́լ են, տեղի ետուն այր ի(սրա)էլեան բենիամինի. զի յուսացեա́լ էին ՛ի դարանամուտսն որ էին զգաբաաւ։

Verse: 37  Link to sept   Եւ յարձակեցա́ն դարանամուտքն՝ եւ հեղան զգաբաաւ. եւ մտի́ն եւ հարին զքաղաքն ա(մենայ)ն սրո́վ սուսերի։

Verse: 38  Link to sept   Եւ ժամադրութի(ւն) էր առն ի(սրաէ)լի առ դարանակալսն՝ հրո́վ հանել ն(ո)ց(ա) զբոց ծխոյ քաղաքին։

Verse: 39  Link to sept   եւ դարձաւ այր ի(սրա)էլացի ՛ի պատերազմէն։ Եւ բենիամին սկսաւ հարկանել վիրաւուրս ՛ի դարանակալացն ի(սրաէ)լի իբրեւ արս երեսուն. զի ասացին թէ վանելո́վ վանին առաջի մեր այսօր իբրեւ զպատերազմն զառաջին։

Verse: 40  Link to sept   Եւ նշանակն ամբարձա́ւ յորդեալ ՛ի վերայ քաղաքին իբրեւ սիւն ծխոյ։ եւ հայեցաւ բենիամին ՛ի թիկունս իւր, եւ ահա ելանէ́ր վախճան քաղաքին յերկինս։

Verse: 41  Link to sept   Եւ այր ի(սրա)էլացի դարձա́ւ անդրէն, եւ տագնապեցաւ այր բենիամինի. զի տեսին հասեալ ՛ի վերայ ն(ո)ց(ա) զչարիսն։

Verse: 42  Link to sept   եւ խո́յս ետուն յերեսաց առն ի(սրաէ)լի ընդ ճանապարհ անապատին։ եւ պատերազմն ժամանեաց ն(ո)ց(ա). եւ որ ՛ի քաղաքացն ելանէին սատակէ́ին զն(ո)ս(ա) ՛ի մէջ իւրեանց։

Verse: 43  Link to sept   Եւ հարի́ն զբենիամին. եւ մտին զհետ ն(ո)ր(ա) ՛ի նուայ մինչեւ հանդէպ գաբաայ յարեւելի́ց կողմանէ։

Verse: 44  Link to sept   Եւ անկան ՛ի բենիամինէ ութուտասն հազար արանց. ամենեքեան նոքա ա́րք զօրաւորք։

Verse: 45  Link to sept   Եւ տեսեալ մնացորդացն փախեա́ն յանապատն ապաստան ՛ի վէմն ռեմոնայ. եւ ճռաքա́ղ արարին ՛ի նմանէ ՛ի ճանապարհին՝ հազա́րս հինգ արանց։ եւ պնդեցա́ն զհետ ն(ո)ց(ա) մինչեւ ցգաղաադ, եւ հարին ՛ի բենիամինէ երկուս հազարս արանց։

Verse: 46  Link to sept   Եւ եղեն ա(մենայ)ն անկեալքն ՛ի բենիամինէ՝ քսան եւ հինգ հազար եւ հարիւր արենա սուսերամերկաց յաւուր յայնմիկ, ամենեքեան նոքա արք զօրութե(ան)։

Verse: 47  Link to sept   Եւ խուսեալ մնացորդացն՝ փախեան յանապատն ապաստան ՛ի վէմն ռեմոնայ՝ արք վեցհարիւր. եւ նստան ՛ի վերայ ռեմոնի չո́րս ամիսս։

Verse: 48  Link to sept   Եւ այր իլի դարձան ը(նդ) կրուկն յորդւոցն բենիամինի. եւ հարին զն(ո)ս(ա) սրով սուսերի ՛ի քաղաքէ կարգա́ւ մինչեւ ցանասո́ւն, մինչեւ զա(մենայ)ն գտեալ յա(մենայ)ն քաղաքս. եւ զքաղաքսն ապրեալս առաքեցին եւ այրեցին հրով։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ այր ի(սրաէ)լի երդուան ՛ի մասեփաթ, եւ ասեն. այր ոք ՛ի մէնջ մի́ տացէ զդուստր իւր բենիամինի կնութե(ան)։

Verse: 2  Link to sept   Եւ եկին ա(մենայ)ն ժողովուրդն ՛ի մասեփայ ՛ի բեթէլ. եւ նստան անդ մինչեւ ցերեկոյ առաջի ա(ստուծո)յ. եւ ամբարձին զձայնս իւրեանց եւ լացի́ն լալիւն մեծ։

Verse: 3  Link to sept   եւ ասեն՝ ընդէ՞ր տ(է)ր ա(ստուա)ծ ի(սրաէ)լի՝ եղեւ այս յի(սրա)էլ, բնաջինջ լինել այսօր յի(սրաէ)լէ ցեղի միոյ։

Verse: 4  Link to sept   Եւ եղեւ ՛ի վաղիւ անդր կանխեա́ց ժողովուրդն եւ շինեցին անդ սեղան, եւ մատուցին զողջակէզս փրկութե(ան)։

Verse: 5  Link to sept   Եւ ասեն որդիքն ի(սրաէ)լի. ո՞վ է որ ո́չ ել յայս եկեղեցի յա(մենայ)ն ցեղիցն ի(սրաէ)լի առ տ(է)ր ՛ի մասեփա։ զի երդումն մե́ծ էր այնմ, որ ո́չ ելանէր ՛ի մասեփա. եւ ասէին թէ մահո́ւ մեռցի։

Verse: 6  Link to sept   Եւ մխիթարեցան որդիքն ի(սրաէ)լի ՛ի վ(ե)ր(այ) բենիամինի եղբօր իւրեանց, եւ ասեն. բարձա́ւ այսօր ցեղ մի յի(սրաէ)լէ.

Verse: 7  Link to sept   եւ արդ զի՞նչ արասցուք մնացելոցն առանց կանանց, եւ մեք երդուաք ՛ի տ(է)ր՝ չտա́լ ն(ո)ց(ա) ՛ի դստերաց մերոց կանայս։

Verse: 8  Link to sept   Եւ ասեն. ո՞ ոք մի ՛ի ցեղիցն ի(սրաէ)լի որ ո́չ ել առ տ(է)ր ՛ի մասեփա։ եւ ահա չէ́ր ոք եկեալ յաբիսայ գաղաադու ՛ի բանակ եկեղեցւոյն։

Verse: 9  Link to sept   Եւ անց ՛ի հանդիսի ժողովուրդն. եւ ո́չ գոյր անդ այր ՛ի տանէ յաբիսայ գաղաադու։

Verse: 10  Link to sept   Եւ առաքեցին անդր ժողովուրդն երկոտասան հազար արանց յորդւոցն զօրութե(ան)։ եւ պատուիրեցին ն(ո)ց(ա)՝ եւ ասեն. երթա́յք եւ հարէ́ք զբնակիչս յաբիսայ գաղաադու սրո́վ սուսերի, եւ զկանայս եւ զժողովուրդ։

Verse: 11  Link to sept   եւ ա́յս բան է զոր առնիցէք. զա(մենայ)ն արու, եւ զա(մենայ)ն կին՝ որ գիտիցէ զանկողինս արուի, նզովեսջիք։

Verse: 12  Link to sept   Եւ գտին ՛ի տանէ յաբիսայ գաղաադու չորեքհարիւր աղջիկ կոյս՝ որ ո́չ գիտէին զայր յանկողինս արուի։ եւ ածին զն(ո)ս(ա) ՛ի բանակն ՛ի սելով, որ է յերկրին քանանու։

Verse: 13  Link to sept   Եւ առաքեաց ա(մենայ)ն ժողովուրդն եւ խօսեցան ը(նդ) որդիսն բենիամինի՝ որ էին ՛ի վիմին ռեմոնայ, եւ կոչեցին զն(ո)ս(ա) ՛ի խաղաղու(թ)ի(ւն)։

Verse: 14  Link to sept   եւ դարձաւ բենիամին ՛ի ժամանակին յայնմիկ առ որդիսն ի(սրաէ)լի։ Եւ ետուն նոցա կանայս զայնոսիկ՝ որ էին ՛ի կանանցն յաբիսայ գաղաադու. եւ հաճոյ թուեցաւ ն(ո)ց(ա) այնպէս։

Verse: 15  Link to sept   Եւ ժողովուրդն մխիթարեցա́ւ ՛ի վերայ բենիամինի. զի արար տ(է)ր խրամատութի(ւն) ՛ի մէջ ցեղիցն ի(սրաէ)լի։

Verse: 16  Link to sept   Եւ ասեն ծերք ժողովրդեանն. զի՞նչ արասցուք եւ վ(ա)ս(ն) այլոց անկանացն. զի սատակեցաւ կին ՛ի բենիամինէ։

Verse: 17  Link to sept   Եւ ասեն ժառանգու(թ)ի(ւն) զերծեա́լ է ՛ի բենիամինէ, եւ մի́ ջնջեսցի ցեղն յի(սրաէ)լէ։

Verse: 18  Link to sept   եւ մեք ո́չ կարեմք տալ նոցա կանայս ՛ի դստերաց մերոց. զի երդուաք որդիք ի(սրաէ)լի՝ եւ ասեմք, թէ անիծեա́լ լիցի որ տացէ կին բենիամինի։

Verse: 19  Link to sept   Եւ ասեն, ահա տօն տ(եառ)ն է ՛ի լսելով աւուրց յաւուրս. որ է ՛ի հիւսւսոյ բեթելայ ՛ի սիկիմ, եւ ՛ի հարաւոյ լիբանանու յեղեբոնա։

Verse: 20  Link to sept   Եւ պատուիրեցին որդւոցն բենիամինի՝ եւ ասեն. երթա́յք եւ դարանամո́ւտ լերուք յայգեստանին.

Verse: 21  Link to sept   եւ յորժամ տեսանիցէք թէ ելանեն դստերք բնակչացն սելովայ պա́ր առեալ պարուք, ելջի́ք յայգեստանեացն, եւ յափշտակեսջի́ք այր իւրաքանչիւր կի́ն ՛ի դստերաց սելովայ. եւ երթիջիք յերկիրն բենիամինի։

Verse: 22  Link to sept   Եւ եղիցի յորժամ գայցեն հարքն ն(ո)ց(ա) եւ եղբարքն ն(ո)ց(ա) դատել ընդ ձեզ, ասասցուք ն(ո)ց(ա)՝ թէ ողորմեցա́ք ն(ո)ց(ա). զի ո́չ ա́ռ այր զկին իւր ՛ի պատերազմին, եւ ո́չ դուք ետուք ն(ո)ց(ա) թէ յանցանք ինչ իցեն։

Verse: 23  Link to sept   Եւ արարին ա́յնպէս որդիքն բենիամինի, եւ առին կանա́յս ըստ թուոյ իւրեանց, ՛ի պարաւորա́ցն զորս յափշտակեցին. եւ գնացին՝ եւ դարձա́ն յիւրաքանչիւր ժառանգութի(ւն)ս իւրեանց, եւ շինեցին քաղաքս եւ բնակեցի́ն ՛ի ն(ո)ս(ա)։

Verse: 24  Link to sept   Եւ գնացին որդիքն ի(սրաէ)լի ՛ի ժամանակին յայնմիկ ա́յր յիւրաքանչիւր ցե́ղ իւր, եւ յազգատոհմ իւր. եւ ելին անտի այր յիւրաքանչի́ւր ժառանգութի(ւն) իւր։ Յաւուրսն յայնոսիկ ո́չ գոյր թագաւոր ի(սրաէ)լի. եւ այր իւրաքանչի́ւր զհաճոյս աչա́ց իւրոց առնէր։





Book: Ru. 
Ruth

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 14.10.2006

ՀՌՈՒԹ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԵՂԵՒ ՅԵՏ ԱՅՍՈՐԻԿ յաւուրս դատելոյ դատաւորացն, եկն սով յերկիրն։ Եւ գնա́ց այր ՛ի բեթղեհեմէ յուդայ՝ պանդխտանալ յագարակին մովաբայ. ինքն եւ կի́ն իւր, եւ երկո́ւ որդիք իւր։

Verse: 2  Link to sept   Եւ անուն առնն եղիմեղէք, եւ անուն կնոջ ն(ո)ր(ա) նոոմին, եւ անուն երկուց որդւոց ն(ո)ր(ա)՝ մաաղոն, եւ քեղղոն, եփրաթացիք ՛ի ցեղէ յուդայ։ չոգան յագարակն մովաբու, եւ ա́նդ էին։

Verse: 3  Link to sept   Եւ մեռաւ եղիմեղէք այրն նոոմինայ. եւ մնա́ց կինն եւ երկու որդիք ն(ո)ր(ա)։

Verse: 4  Link to sept   եւ առին իւրեանց կանայս մովաբացիս. անուն միումն որփա́, եւ անուն երկրորդին հռութ. եւ բնակեցին անդ իբրեւ ամս տասն։

Verse: 5  Link to sept   Եւ մեռան անդ երկոքին, մաաղոն եւ քեղղոն. եւ մնաց կինն միա́յն յառնէ իւրմէ եւ յորդւոց իւրոց։

Verse: 6  Link to sept   Եւ յարեաւ ինքն եւ երկոքին նուա́նք ն(ո)ր(ա), եւ դարձան յագարակէն մովաբայ. զի լուան թէ ա́յց արար ա(ստուա)ծ ժողովրդեան իւրում տալ ն(ո)ց(ա) հաց։

Verse: 7  Link to sept   Եւ ել ՛ի տեղւոջէն ուր էր, եւ երկոքին նուանք ն(ո)ր(ա) ը(նդ) նմա. եւ գնացին ճանապարհ դառնա́լ յերկիրն յուդայ։

Verse: 8  Link to sept   Եւ ասէ նոոմին ցերկոսին նուանս իւր. երթա́յք դարձարո́ւք յիւրաքանչիւր տուն հօր իւրոյ. եւ արասցէ ընդ ձեզ տ(է)ր ողորմութի(ւն), ո(ր)պ(էս) արարէք ընդ մեռեա́լսն եւ ընդ իս։

Verse: 9  Link to sept   Տացէ́ ձեզ տ(է)ր՝ եւ գտջիք հանգի́ստ իւրաքանչիւր ՛ի տան հօր իւրոյ։ եւ համբուրեա́ց զն(ո)ս(ա)։ Ամբարձին զձայնս իւրեանց եւ լացին,

Verse: 10  Link to sept   եւ ասեն ցնա. ո́չ այդպէս, այլ ը(նդ) քե́զ դարձցուք ՛ի ժողովուրդ քո։

Verse: 11  Link to sept   Եւ ասէ նոոմին. դարձարո́ւք դստերք իմ. ընդէ՞ր գայցէք ընդիս. միթէ դարձեալ որդի՞ք իցեն յորովայնի իմում, եւ լինիցին ձեզ յա՞րս.

Verse: 12  Link to sept   դարձարո́ւք դստերք իմ եւ երթա́յք, զի ես ծերացեալ եմ, եւ չե́մ լինելոյ առն. եթէ ասիցեմ թէ կայցէ ինչ ինձ աղե́րս՝ եւ լինիցիմ առն աշխարհականացեալ եւ ծնանիցիմ որդիս.

Verse: 13  Link to sept   եւ նոցա́ սպասիցէք մինչեւ զարգանայցեն, եւ՛ի ն(ո)ս(ա) գրաւիցիք չլինել առն։ մի́ դստերք իմ. զի առաւե́լ քան զձեզ դառնացեալ եմ, զի ե́լ ընդիս ձեռն տ(եառ)ն։

Verse: 14  Link to sept   Եւ ամբարձին զձայնս իւրեանց միւսանգամ, եւ լացին։ եւ համբուրեաց որփա զսկեսուր իւր, եւ դարձաւ ՛ի ժողովուրդ իւր. բայց հռո́ւթ գնա́ց զկնի նր։

Verse: 15  Link to sept   Եւ ասէ նոոմին ցհռութ. ահա նէ́ր քո դարձա́ւ ՛ի ժողովուրդ իւր՝ եւ առ աստուածս իւր, դարձի́ր եւ դու զհետ նիրին քոյ։

Verse: 16  Link to sept   Եւ ասէ հռութ. մի́ պատահեսցէ ինձ թողուլ զքեզ եւ դառնալ ՛ի քէն. զի ուր դո́ւ երթայցես՝ երթա́յց, եւ ուր հանգչիցիս՝ հանգեա́յց, ժողովուրդ քո՝ ժողովո́ւրդ իմ. եւ ա(ստուա)ծ քո՝ ա(ստուա)ծ իմ.

Verse: 17  Link to sept   եւ ուր մեռանիցիս՝ մեռայց, եւ ա́նդ թաղեցայց։ օնեւօն արասցէ ինձ տ(է)ր՝ եւ օնեւօն յաւելցէ, բայց եթէ մա́հ մեկնեսցէ ը(նդ) իս եւ ը(նդ) քեզ։

Verse: 18  Link to sept   Եւ իբրեւ ետես նոոմին թէ պնդեա́լ է երթալ նա ընդ նմա, դադարեաց այնուհետեւ ՛ի խօսելոյ ընդ նմա։

Verse: 19  Link to sept   եւ գնացին երկոքին մինչեւ գա́լ ն(ո)ց(ա) ՛ի բեթղեհէմ։ Եւ եղեւ ՛ի գալն ն(ո)ց(ա) ՛ի բեթղեհէմ, հնչեա́ց ա(մենայ)ն քաղաքն զնովաւ, եւ ասեն՝ թէ սա՞ իցէ նոոմին։

Verse: 20  Link to sept   Եւ ասէ ցն(ո)ս(ա). մի́ կոչէք զիս նոոմին, այլ կոչեցէք զիս դառնացեա́լ, զի դառնացո́յց զիս բաւականն յոյժ։

Verse: 21  Link to sept   Լի́ չոգայ, եւ ունայն դարձոյց զիս տ(է)ր։ եւ արդ՝ ընդէ՞ր կոչէք զիս նոոմին, եւ տ(է)ր նկուն արար զիս, եւ բաւականն չարչարեա́ց զիս։

Verse: 22  Link to sept   Եւ դարձան նոոմին եւ հռութ մովաբացի նո́ւ իւր ընդ նմա՝ գնացեալ յագարակէն մովաբայ։ եւ եկին ՛ի բեթղեհէմ ՛ի սկի́զբն հնձոց գարւոյ։



Chapter: 2 
ԳԼ.Բ.


Verse: 1  Link to sept   Եւ ա́նդ էր այր ծանօթ առնն նոոմինայ, եւ այրն հզօ́ր զօրու(թեամ)բ։ յազգէն էղիմեղիքայ, եւ անուն ն(ո)ր(ա) բոո́ս. եւ ետ նոոմինայ տո́ւն այրու(թ)ե(ան) բնակելոյ ՛ի նմա։

Verse: 2  Link to sept   Եւ ասէ հռութ մովաբացի ցնոոմին. երթա́յց յանդ եւ քաղեցի́ց հասկս զհետ ուրուք, որոյ գտից շնորհս առաջի աչաց ն(ո)ր(ա)։ եւ ասէ ցնա՝ ե́րթ դուստր։

Verse: 3  Link to sept   եւ գնա́ց։ Եւ երթեալ քաղէր հասկ յանգի զհե́տ հնձողացն. եւ դիպելո́վ դիպեցաւ վիճակի անդին բոոսայ՝ ազգականի́ եղեմեղիքայ։

Verse: 4  Link to sept   Եւ ահա բոոս ե́կն ՛ի բեթղահեմէ. եւ ասէ ցհնձօղս իւր. Տ(է)ր ը(նդ) ձեզ։ եւ ասեն ցնա. օրհնեսցէ́ զքեզ տ(է)ր։

Verse: 5  Link to sept   Եւ ասէ բոոս ցպատանին իւր որ կայր ՛ի վերայ հնձողացն. ո՞յր է աղջիկդ այդ։

Verse: 6  Link to sept   Պատասխանի ետ պատանին որ կայր ՛ի վերայ հնձողացն՝ եւ ասէ. մովաբացի́ աղջիկն է՝ որ դարձաւ ընդ նոոմինայ յագարակէ́ն մովաբայ։

Verse: 7  Link to sept   եւ ասէ. թող քաղեցի́ց եւ ժողովեցից հասկ ՛ի մէջ որայոց զհետ հնձողացդ. եւ ե́կն եկաց յառաւօտէ մինչեւ ցայժմ, եւ ոչ դադարեաց՝ եւ ո́չ սակաւիկ ինչ յանդիս։

Verse: 8  Link to sept   Եւ ասէ բոոս ցհռութ. լուա՞ր դուստր. մի́ այլ ուրեք երթիցես քաղել հասկ յայլոց անդի, եւ մի́ բնաւ ուրեք գնասցես աստի. այլ աստէ́ն իսկ յարեաց յաղջկունս իմ.

Verse: 9  Link to sept   եւ աչք քո յանդի́ս ուր եւ հնձեսցեն, եւ երթիցե́ս զհետ ն(ո)ց(ա)։ ոչ ապաքէն պատուէր ետու մանկտւոյ իմում չմերձենալ ՛ի քեզ. եւ եթէ ծարաւեսցիս, երթիցես յամանսն եւ արբցե́ս՝ ուստի հանիցեն ջուր մանկտիդ։

Verse: 10  Link to sept   Եւ անկեալ ՛ի վերայ երեսաց իւրոց երկիր եպագ յերկիր ՛ի խոնարհ, եւ ասէ. զի՞ է զի գտի շնորհս առաջի աչաց քոց ճանաչել զիս. եւ ես եմ կին մի օտար։

Verse: 11  Link to sept   Պատասխանի́ ետ բոոս եւ ասէ ցնա. պատմելով պատմեցա́ւ ինձ ա(մենայ)ն ինչ զոր արարեր սկեսրի քում յետ մահուան առնն քում. եւ զիարդ թողեր զհայր քո եւ զմայր, եւ զերկիր ծննդեան քոյ. եւ եկիր ՛ի ժողովուրդ զոր ո́չ գիտէիր յերեկ եւ յեռանտ։

Verse: 12  Link to sept   հատուսցէ́քեզ տ(է)ր ըստ վաստակոց քոց, եւ եղիցի լի́ վարձք քո ՛ի տ(եառն)է ա(ստուծո)յ ի(սրաէ)լի, յոր դիմեցերն ապաստա́ն լինել ընդ թեւօք ն(ո)ր(ա)։

Verse: 13  Link to sept   Եւ նա́ ասէ. գտի́ շնորհս առաջի աչաց քոց տէր. զի մխիթարեցեր զիս, եւ զի խօսեցա́ր ՛ի սիրտ աղախնոյ քոյ. եւ ես եղէց իբրեւ զմի յաղախնանց քոց։

Verse: 14  Link to sept   Եւ ասէ ցնա բոոս. ահա ժամ ճաշո́յ է. մատի́ր այսր եւ կե́ր ՛ի հացէդ, եւ թացցե́ս զպատառ քո ՛ի քացախիդ։ Եւ նստաւ հռութ ՛ի կողմանէ հնձողացն. եւ խառնեաց նմա բոոս փոխինդ. եւ եկե́ր, եւ յագեցաւ. եւ եթող նշխա́ր.

Verse: 15  Link to sept   եւ յարեաւ քաղել հասկ։ Եւ պատուիրեաց բոոս մանկտւոյ իւրում, եւ ասէ. այլեւ ՛ի մէջ որայո́ցն քաղիցէ. եւ մի́ պատկառեցուցանէք զնա։

Verse: 16  Link to sept   այլ եւ բառնալո́վ բարձուսջի́ք, եւ արկանելով արկջի́ք առաջի նորա ՛ի փոխնդո́ցն խառնելոց, եւ թոյլ տաջիք նմա եւ կերիցէ՝ եւ քաղիցէ հասկ. եւ մի́ ինչ զզուիցէք զնա։

Verse: 17  Link to sept   Եւ քաղեա́ց յանդին մինչեւ ցերեկոյ. եւ ծեծեա́ց զոր քաղեացն, եւ եղեւ արդո́ւ մի դարւոյ.

Verse: 18  Link to sept   եւ ա́ռ՝ եւ եմուտ ՛ի քաղաքն։ Իբրեւ ետես սկեսուրն ն(ո)ր(ա) զոր քաղեացն. եւ եհան հռութ ե́տ նմա ՛ի նշխարէն՝ յորոյ յագեցաւն։

Verse: 19  Link to sept   Ասէ ցնա սկեսուրն իւր. ո՞ւր ժողովեցեր այսօր. եւ կամ ո՞ւր եղեր. եղիցի որ ծանեաւն զքեզ՝ օրհնեա́լ։ եւ պատմեաց հռութ սկեսրին իւրոյ թէ ո՞ւր եղեւ. եւ ասաց զանուն առնն առ որում եղեւ ա́յն օր՝ թէ բոո́ս է։

Verse: 20  Link to sept   Ասէ նոոմին ցնո́ւ իւր. օրհնեա́լ է նա ՛ի տ(եառն)է. զի ո́չ պակասեցոյց զգութ իւր ՛ի կենդանեա́ց եւ ՛ի մեռելոց։ եւ ասէ ցնա նոոմին. մե́րձ է այրն ՛ի մեզ, ՛ի մերձաւորա́ց մերոց է։

Verse: 21  Link to sept   Եւ ասէ հռութ ցսկեսուրն իւր. իրաւ է. ասաց ցիս թէ յաղջկո́ւնսդ իմ յարեաց, մինչեւ վախճանեսցեն զհունձսդ՝ որչափ իցե́ն իմ։

Verse: 22  Link to sept   Եւ ասէ նոոմին ցհռութ նո́ւ իւր. բարի́ է դուստր զի եղեր ը(նդ) աղջկունս ն(ո)ր(ա), եւ մի́ պատահիցէ ոք քեզ յայլում անդի։

Verse: 23  Link to sept   Եւ յարեցաւ հռութ յաղջկունսն բոոսայ քաղել հասկ մինչեւ վախճանե́լ հնձոցն գարեաց, եւ հնձոց ցորենոյ։ եւ նստա́ւ առ սկեսրի իւրում։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ ասէ ցնա նոոմին սկեսուր իւր. դո́ւստր՝ խնդրեցից քեզ հանգիստ, զի բարի́ լինիցի քեզ։

Verse: 2  Link to sept   Եւ արդ՝ ոչ ապաքէն բոոս ծանօթ մեր է, որոյ էիր ընդ աղջկունս ն(ո)ր(ա). ահաւասիկ նա արկանէ կա́լ ՛ի գարւոյ ՛ի գիշերիս յայսմիկ.

Verse: 3  Link to sept   եւ դու լուասցիս եւ օծցիս, եւ արկցե́ս զհանդերձ քո զքեւ՝ եւ ելցե́ս ՛ի կալն, եւ մի́ տացես առնն ծանօթս մինչեւ վախճանեսցէ զուտել եւ զըմպել իւր։

Verse: 4  Link to sept   Եւ եղիցի ՛ի մտանելն ն(ո)ր(ա) ՛ի քուն, նշմարեսցե́ս զտեղին ուր ննջիցէ. եւ երթիցես եւ բացցե́ս յոտից կողմանէ՝ եւ ննջեսցես. եւ նա պատմեսցէ́ քեզ զինչ առնելո́ց իցես։

Verse: 5  Link to sept   Եւ ասէ ցնա հռութ. զա(մենայ)ն զոր ինչ ասասցես ցիս՝ արարից։

Verse: 6  Link to sept   էջ ՛ի կալն, եւ արար ըստ ա(մենայ)նի որպէս պատուիրեաց նմա սկեսուրն իւր։

Verse: 7  Link to sept   Եկե́ր բոոս եւ արբ՝ եւ զուարթացաւ սիրտ ն(ո)ր(ա), եւ չոգաւ ննջեաց առ եզե́րբ գարշին։ եւ նա եկն գա́ղտ, եւ մերկացոյց յոտից կողմանէ՝ եւ ննջեա́ց։

Verse: 8  Link to sept   Եւ եղեւ զհասարակածա́ւ գիշերւոյ, զարհուրեցա́ւ այրն եւ խռովեցաւ. եւ ահա կինն ննջէ́ր առ ոտիւք ն(ո)ր(ա)։

Verse: 9  Link to sept   Եւ ասէ. ո՞վ ես դու։ եւ ասէ՝ ե́ս եմ հռութ աղախին քո, եւ արկցես դու զդրօշակ քո զաղախնով քով. զի մերձաւորի́չ ես դու։

Verse: 10  Link to sept   Եւ ասէ բոոս. օրհնեա́լ ես դու ՛ի տ(եառն)է ա(ստուծո)յ դուստր, զի ազնուացուցեր դու զգութ քո զվերջինս քան զառաջինն. զի ո́չ չոգար զհետ երիտասարդաց, զաղքատաց՝ կամ զմեծամեծաց։

Verse: 11  Link to sept   Եւ արդ դուստր՝ մի́ երկնչիր. զա(մենայ)ն զոր ինչ ասասցես ցիս արարից քեզ. քանզի գիտէ ա(մենայ)ն ցեղ ժողովրդեան իմոյ՝ թէ կին զօրութե(ան) ես դու։

Verse: 12  Link to sept   Եւ արդարեւ՝ ե́մ ես մերձաւորիչ քո. բայց գոյ եւ ա́յլ եւս մօտ մերձաւորիչ՝ մօտագոյն քան զիս.

Verse: 13  Link to sept   ագի́ր աստ զգիշերս զայս. եւ եղիցի այգուն, եթէ մերձաւորեցուսցէ́ զքեզ մերձաւորիչն՝ բարի́ է. ապա թէ ոչ կամիցի մերձաւորեցուցանել զքեզ, ե́ս մերձաւորեցուցից զքեզ՝ կենդանի́ է տ(է)ր. ննջեա́ այդր մինչեւ ցառաւօտ։

Verse: 14  Link to sept   եւ ննջեաց առ ոտս ն(ո)ր(ա) մինչեւ ցառաւօտն։ Եւ յարեաւ կինն՝ մինչչե́ւ ճանաչէր այր զընկեր իւր։ եւ ասէ բոոս. մի́ ոք գիտասցէ՝ թէ կին ոք եկն առիս ՛ի կալս.

Verse: 15  Link to sept   բե́ր զմեկնոցդ որ ՛ի վերայ քո է՝ եւ կա́լ աստ. եւ նա կալա́ւ։ եւ չափեաց վեց չափովն գարի, եւ ե́դ ՛ի վ(ե)ր(այ) ն(ո)ր(ա), եւ եմուտ ՛ի քաղաքն.

Verse: 16  Link to sept   եւ չոգաւ հռութ առ սկեսուրն իւր։ Եւ նա ասէ՝ զի՞ է դուստր։ եւ պատմեաց նմա զա(մենայ)ն ինչ զոր արար նմա այրն.

Verse: 17  Link to sept   եւ ասէ ցնա. զայս վեց չափ գարւոյ ետ ինձ՝ եւ ասէ, զի մի́ մտցես ունայնաձեռն առ սկեսուրն քո։

Verse: 18  Link to sept   Եւ նա ասէ. նի́ստ դու մինչեւ յա́յտ լիցի մեզ. որպէս զի ո́չ վրիպէ բանն. զի ո́չ դադարէ այրն՝ թէ ոչ կատարէ սո́յն օրին զբանն։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ բոոս ե́լ ՛ի դուռնն եւ նստա́ւ անդ. եւ ահա անցանէր առ նովաւ մերձաւորիչն՝ զորմէ խօսեցաւ բոոս։ եւ ասէ ցնա բոոս՝ ա́նց նի́ստ աստ վայր մի եւ մնա́. եւ նա անց նստա́ւ։

Verse: 2  Link to sept   Եւ ա́ռ բոոս տասն այր ՛ի ծերոց քաղաքէն՝ եւ ասէ. նստարո́ւք աստ, եւ նստա́ն։

Verse: 3  Link to sept   Եւ ասէ բոոս ցմերձաւորիչն. զբաժին անդոյ որ է եղբօր մերոյ եղիմեղիքայ՝ վաճառէ́ նոոմին. որ դարձեալն է յագարակէ́ն մովաբայ,

Verse: 4  Link to sept   եւ ես ասացի՝ թէ յայտնեցի́ց յունկն քո։ արդ՝ ստացի́ր առաջի սոցա որ նստինս, եւ առաջի ձերո́ց ժողովրդեան իմոյ։ Արդ՝ եթէ մերձաւորեցուցանես՝ մերձաւորեցո́. ապա թէ ո́չ մերձաւորեցուցանես, պատմեա́ ինձ եւ գիտացից. զի ո́չ գոյ բա́ց ՛ի քէն մերձաւորարար. եւ յե́տ քո՝ ե́ս եմ մերձաւորեցուցիչ։

Verse: 5  Link to sept   Եւ ասէ բոոս. յաւուր ստանալոյ քոյ զագարակն ՛ի ձեռաց նոոմինայ, եւ ՛ի հռութայ մովաբացւոյ կնոջ մեռելոյն. եւ զնա́ պարտիս ստանալ եւ յարուցանել զանուն մեռելոյն ՛ի ժառանգութե(ան) իւրում։

Verse: 6  Link to sept   Եւ ասէ մերձաւորիչն ցբոոս. ո́չ կարեմ մերձաւորեցուցանել ես ինձ, գուցէ́ եղծանիցեմ զժառանգութի(ւն) իմ. մերձաւորեա́ դու քեզ զմերձաւորութի(ւն) իմ. զի ես ո́չ կարեմ մերձաւորեցուցանել։

Verse: 7  Link to sept   Եւ ա́յս օրէն էր յառաջագոյն ՛ի մէջ ի(սրաէ)լի վ(ա)ս(ն) մերձաւորութե(ան), եւ վ(ա)ս(ն) գնելոյ առ ՛ի հաստատելո́յ զա(մենայ)ն բան։ բոկանա́յր այր զկօշիկ իւր, եւ տա́յր ցշնկեր իւր՝ որ մերձաւորելոց էր զմերձաւորութի(ւն) նորա։ եւ ա́յն լինէր ՛ի վկայութի(ւն) ՛ի մէջ ի(սրաէ)լի։

Verse: 8  Link to sept   Եւ ասէ մերձաւորիչն ցբոոս. ստացի́ր դու քե́զ զմերձաւորութի(ւն) իմ. եւ բոկացաւ զկօշիկ իւր եւ ետ ցնա·

Verse: 9  Link to sept   Եւ ասէ բոոս ցծերսն, եւ ցա(մենայ)ն ժողովուրդն. վկա́յք իմ էք դուք այսօր. զի ստացա́յ զա(մենայ)ն ինչս եղիմեղեքայ, եւ զա(մենայ)ն ինչ որ է քեզղոնայ եւ մաաղոնայ ՛ի ձեռաց նոոմինայ։

Verse: 10  Link to sept   Նա՝ եւ զհռութ մովաբացի զկին մաաղոնայ ստացայ ինձ կնու(թ)ե(ան), կանգնե́լ զանուն մեռելոյն ՛ի ժառանգութե(ան) իւրում. եւ մի́ ջնջեսցի անուն մեռելոյն յեղբա́րց իւրոց՝ եւ ՛ի ցեղէ տեղւո́յ իւրոյ. եւ վկայք դո́ւք էք այսօր։

Verse: 11  Link to sept   Պատասխանի ետ ա(մենայ)ն ժողովուրդն ՛ի դրանն՝ եւ ասեն. մեք եմք վկայք։ եւ ծե́րքն ասեն. Տացէ́ տ(է)ր զկինն որ մտանէ ՛ի տուն քո՝ իբրեւ զհռաքել եւ իբրեւ զլիա, որ շինեցին երկոքին զտունն ի(սրաէ)լի. առնել զօրու(թ)ի(ւն) յեփրաթա, եւ կոչել անուն ՛ի բեթղեէմ։

Verse: 12  Link to sept   եւ եղիցի տուն քո իբրեւ զտո́ւնն փարիսի, զոր ծնաւ թամար յուդայի յայնմ զաւակէ, եւ տացէ քեզ տ(է)ր որդի յաղջկանէդ յայդմանէ։

Verse: 13  Link to sept   Եւ ա́ռ բոոս զհռութ, եւ եղեւ նմա ՛ի կնութե(ան). եւ եմո́ւտ առ նա, եւ ետ նմա տ(է)ր յղու(թ)ի(ւն). եւ ծնաւ որդի։

Verse: 14  Link to sept   Եւ ասեն կանայքն ցնոոմին. օրհնեա́լ տ(է)ր, որ ո́չ քակեաց ՛ի քէն այսօր զմերձաւորիչն, անուանել զանուն քո ՛ի մէջ ի(սրաէ)լի։

Verse: 15  Link to sept   եւ եղիցի քեզ ՛ի դարձուցանել զոգի, եւ կերակրե́լ զծերութի(ւն) քո. զի՝ նու քո որ սիրեաց զքեզ ծնաւ որդի՝ որ լա́ւ է քեզ քան զեւթն որդի։

Verse: 16  Link to sept   Եւ ա́ռ նոոմին զմանուկն՝ եւ ե́դ ՛ի ծոց իւրում. եւ եղեւ նմա դայեակ։

Verse: 17  Link to sept   եւ կոչեցին անուն նմա դրացիքն՝ եւ ասեն. ծնաւ որդի́ նոոմինայ. եւ կոչեցին զանուն ն(ո)ր(ա) ովբէդ։ նա́ է հայր յեսսեայ հօր դաւթի։

Verse: 18  Link to sept   Եւ ա́յս են ծնունդք փարիսի։ Փարէս ծնաւ զեսրովմ։

Verse: 19  Link to sept   եւ Եսրովմ ծնաւ զարա́մ։ Արամ ծնաւ զամինադա́բ։

Verse: 20  Link to sept   Ամինադաբ ծնաւ զնաասովն. Նաասոն ծնաւ զսաղմոն։

Verse: 21  Link to sept   Սաղմոն ծնաւ զբոոս։ Բոոս ծնաւ զովբէթ։

Verse: 22  Link to sept   Ովբէթ ծնաւ յեսսէ։ Յեսսէ ծնաւ զԴաւիթ։





Book: Reg.I_(Sam.I) 
Regum I (Samuelis I)

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 14.10.2006

ԹԱԳԱՒՈՐՈՒԹԵԱՆՑ
ԱՌԱՋԻՆ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԱՅՐ ՄԻ ԷՐ յարիմաթեմայ, ՛ի սիփայ՝ ՛ի լեռնէ եփրեմի։ եւ անուն նորա եղկանա́։ Որդի յերեմիելի, որդւոյ հեղեայ որդւոյ թովկեայ,՛ի նասիբ եփրեմի։

Verse: 2  Link to sept   Եւ էին նորա երկո́ւ կանայք. անուն միում աննա, եւ անուն երկրորդին՝ փեննանա. եւ էին փեննայի որդիք, եւ աննայի ո́չ գոյր որդի։

Verse: 3  Link to sept   Եւ ելանէ́ր այրն աւուրց յաւուրս ՛ի քաղաքէ իւրմէ յարիմաթեմայ՝ երկի́ր պագանել, եւ զոհե́լ տ(եառ)ն ա(ստուծո)յ զօրութե(ան)ց ՛ի սելով։ եւ ա́նդ հեղի՝ եւ երկո́ւ որդիք նորա ոփնի եւ փենէես՝ քահանա́յք տ(եառ)ն։

Verse: 4  Link to sept   Եւ եղեւ օ́ր մի եւ զոհեա́ց եղկանա. եւ ետ փենանայի կնոջ իւրում, եւ ուստերա́ց ն(ո)ր(ա) եւ դստերաց ն(ո)ր(ա) մասունս.

Verse: 5  Link to sept   եւ աննայի ետ մա́սն մի. զի ո́չ գոյր ն(ո)ր(ա) որդի։ Բայց զաննա́ սիրէր եղկանա՝ առաւել քան զփեննանա. եւ տ(է)ր փակեաց զարգանդ ն(ո)ր(ա)։

Verse: 6  Link to sept   զի ո́չ ետ նմա որդի, ըստ նեղութե(ան) իւրում, եւ ըստ տրտմու(թ)ե(ան) անձին իւրոյ. եւ տրտմեա́լ էր վասն այնորիկ՝ զի փակեաց տ(է)ր զարգանդ ն(ո)ր(ա) առ ՛ի չտալոյ նմա որդի։

Verse: 7  Link to sept   Եւ ա́յնպէս առնէր ամի ամի յելանելն ն(ո)ր(ա) ՛ի տուն տ(եառ)ն. եւ տրտմէր եւ լա́յր՝ եւ ո́չ ուտէր։

Verse: 8  Link to sept   Եւ ասէ ցնա եղկանա ա́յր իւր. ա́ննա։ եւ ասէ ցնա. ա́ւասիկ եմ տէր։ եւ ասէ ցնա. զի՞ է քեզ զի լաս, եւ ընդէ՞ր ո́չ ուտես, եւ ընդէ՞ր հարկանէ զքեզ սիրտ քո. ո՞չ լաւ եմ ես քեզ քան զտա́սն որդի։

Verse: 9  Link to sept   Եւ յարեա́ւ աննա յետ ուտելոյ նորա ՛ի սելով. եւ եկա́ց առաջի տ(եառ)ն։ եւ հեղի քահանայ նստէ́ր աթոռով առ սեամս տաճարին տ(եառ)ն։

Verse: 10  Link to sept   Եւ նա ցաւագի́ն անձամբ եկաց յաղօթս առ տ(է)ր։ եւ ելա́ց լալով եւ ասէ.

Verse: 11  Link to sept   ա́դոնայ տ(է)ր, ելովէ́ սաբաւովթ. եթէ հայելով հայեսցիս տառապանս աղախնոյ քոյ, եւ յիշեսցես զիս. եւ տացես աղախնոյ քում զաւա́կ առն, տաց զնա նուէ́ր առաջի քո մինչեւ ցօր մահուան իւրոյ. եւ գինի եւ արբեցութի(ւն) մի́ արբցէ, եւ երկաթ մի́ ելցէ ՛ի գլուխ նորա։

Verse: 12  Link to sept   Եւ եղեւ իբրեւ յաճախեա́ց կալ յաղօթս առաջի տ(եառ)ն. եւ հեղի քահանայ մի́տ դնէր բերանոյ ն(ո)ր(ա).

Verse: 13  Link to sept   եւ նա խօսէ́ր ՛ի սրտի իւրում, եւ շրթունք իւր ո́չ շարժէին, եւ բարբառ իւր ո́չ լիներ լսելի։ եւ լուա́ւ նմա տ(է)ր։ Եւ համարեցաւ զնա հեղի արբեա́լ.

Verse: 14  Link to sept   եւ ասէ ցնա պատանեակն հեղեայ. մինչեւ յե՞րբ կայցես յարբեցութե(ան), թափեա́ ՛ի քէն զգինիդ քո, եւ գնա́ յերեսաց տ(եառ)ն։

Verse: 15  Link to sept   Եւ պատասխանի ետ աննա՝ եւ ասէ. ո́չ այդպէս տէր, այլ կին վտագնեա́լ եմ ես ոգւով, եւ գինի եւ արբեցութի(ւն) ո́չ է իմ արբեալ. եւ հեղո́ւմ զանձն իմ առաջի տ(եառ)ն։

Verse: 16  Link to sept   մի́ համարի զաղախին քո դուստր ժանտ, զի ՛ի բազում տրտմութ(են)է եւ ՛ի տխրու(թեն)է իմմէ վարանեա́լ կամ մինչեւ ցայժմ։

Verse: 17  Link to sept   Ե́տ նմա պատասխանի հեղի՝ եւ ասէ. ե́րթ ՛ի խաղաղու(թ)ի(ւն), եւ ա(ստուա)ծ ի(սրաէ)լի տացէ́ քեզ զա(մենայ)ն խնդրուածս քո զոր խնդրեցե́ր ՛ի նմանէ։

Verse: 18  Link to sept   եւ ասէ աննա.եգի́տ աղախին քո շնորհս առաջի քո։ Եւ գնա́ց կինն զճանապարհս իւր, եւ եմո́ւտ ՛ի վանս իւր՝ եւ կերաւ ընդ առն իւրում, եւ խօսեցաւ, եւ երեսք իւր այլ ո́չ եւս տխրեցան։

Verse: 19  Link to sept   եւ կանխեցին ընդ առաւօտն երկիր պագին տ(եառ)ն, եւ գնացին զճանապարհս իւրեանց։ եւ եմո́ւտ աղկանա ՛ի տուն իւր յարիմաթեմ. եւ մերձեցա́ւ առ աննա կին իւր։ Եւ յիշեաց զնա տ(է)ր, եւ յղացա́ւ։

Verse: 20  Link to sept   եւ եղեւ ՛ի ժամանակի աւուրցն, եւ ծնաւ որդի́, եւ կոչեաց զանուն ն(ո)ր(ա) սամուէլ՝ ասէ, զի ՛ի տ(եառն)է ա(ստուծո)յ զօրու(թ)ե(ան)ց խնդրեցի զսա։

Verse: 21  Link to sept   Եւ ե́լ այրն եղկանա եւ ա(մենայ)ն տուն ն(ո)ր(ա) զոհել ՛ի սելով զզո́հ աւուրցն. եւ զո́ւխտ իւր, եւ զա(մենայ)ն տասանորդս իւր տարա́ւ։

Verse: 22  Link to sept   Եւ աննա՝ ո́չ ել ընդ նմա. զի ասաց ցա́յր իւր, թէ մինչեւ ելցէ անդր մանուկս յորժամ հատուցի́ց զսա ՛ի ստենէ. եւ յանդիման լիցի առաջի տ(եառ)ն, եւ նստցի́ անդ մինչեւ ցյաւիտեան։

Verse: 23  Link to sept   Եւ ասէ ցնա եղկանա այր իւր. արա́ որ ինչ բարի́ թուի առաջի աչաց քոց. նի́ստ աստէն մինչեւ հատուսցե́ս զդա ՛ի ստենէ. եւ տ(է)ր հաստատեսցէ́ որ ինչ ել ՛ի բերանոյ քումմէ։ Եւ նստա́ւ կինն եւ սնո́յց զորդին իւր՝ մինչեւ հատոյց զնա ՛ի ստենէ։

Verse: 24  Link to sept   Եւ ե́լ ընդ նմա ՛ի սելով երեմենեա́ւ զուարակաւ, եւ պանիւք, եւ արդուաւ նաշհւոյ, եւ սափորով գինւոյ. եւ մտի́ն ՛ի տուն տ(եառ)ն ՛ի սելով. եւ մանուկն ընդ նոսա.

Verse: 25  Link to sept   եւ մատուցին առաջի տ(եառ)ն։ եւ սպան հայրն ն(ո)ր(ա) զզոհն՝ զոր առնէր աւուրց յաւուրս տ(եառ)ն։
   Եւ մատոյց զմանուկն. եւ սպան զզուարակն վ(ա)ս(ն) փրկութե(ան) մանկանն։

Verse: 26  Link to sept   Եւ մատոյց աննա մայր մանկանն զմանուկն առ հեղի, եւ ասէ. յի́ս տ(է)ր իմ. կենդանի է անձն քո. ես ա́յն կինն եմ, որ կացի առաջի քո ընդ քեզ՝

Verse: 27  Link to sept   կալ յաղօթս առ տ(է)ր վ(ա)ս(ն) մանկանս այսորիկ. եւ ետ տ(է)ր զխնդրուածս իմ, զոր խնդրեցի ՛ի նմանէ։

Verse: 28  Link to sept   Եւ տա́մ զդա փոխ տ(եառ)ն՝ զա(մենայ)ն աւուրս որչափ եւ կեցցէ. եւ եղիցի դա՝ փո́խ տ(եառ)ն։ եւ պագին երկի́ր անդ տ(եառ)ն։ Եւ յաղօթս եկաց աննա՝ եւ ասէ։



Chapter: 2 
ԳԼ(ՈՒԽ) Բ՜.


Verse: 1  Link to sept   Հաստատեցա́ւ սիրտ իմ ՛ի տ(է)ր, եւ բարձրացաւ եղջեւր իմ յա(ստուա)ծ իմ։ ընդարձակեցաւ բերան իմ ՛ի վ(ե)ր(այ) թշնամեաց իմոց. ուրա́խ եղէց ՛ի փրկութե(ան) քում։

Verse: 2  Link to sept   Զի ո́չ գոյ ս(ուր)բ իբրեւ զտ(է)ր. եւ ո́չ գոյ արդար՝ իբրեւ զա(ստուա)ծ մեր. եւ ո́չ գոյ ս(ուր)բ բա́ց ՛ի քէն։

Verse: 3  Link to sept   Մի́ պարծիք՝ եւ մի́ խօսիք զամբարտաւանս. եւ մի́ ելցէ մեծաբանութի(ւն) ՛ի բերանոյ ձերմէ։ զի ա(ստուա)ծ գիտութե(ան)ց տ(է)ր, եւ ա(ստուա)ծ պատրաստէ զարուեստս իւր։

Verse: 4  Link to sept   Աղեղունք հզօրաց տկարացա́ն, եւ տկարք զգեցան զօրութի(ւն)։

Verse: 5  Link to sept   Լցեալք հացիւ՝ նուազեցին. եւ քաղցեալք բնակեցան յերկրի։ զի ամուլն ծնաւ եւթն, եւ բազմածինն նուաղեաց յորդւոց։

Verse: 6  Link to sept   Տ(է)ր մեռուցանէ եւ կեցուցանէ. իջուցանէ ՛ի դժոխս եւ հանէ։

Verse: 7  Link to sept   Տ(է)ր աղքատացուցանէ եւ մեծացուցանէ. խոնարհեցուցանէ́ եւ բարձրացուցանէ,

Verse: 8  Link to sept   կանգնէ յերկրէ զանանկն, եւ յարուցանէ́ զաղքատն յաղբեւաց։ նստուանել զնոսա ընդ զօրաւո́րս ժողովրդեան. եւ աթոռ փառաց ժառանգեցուցանէ ն(ո)ց(ա)։

Verse: 9  Link to sept   Տա́յ զուխտս ուխտաւորի. եւ օրհնեա́ց զամս արդարոց։ զի ո́չ իւրով զօրու(թեամ)բ զորանայ ա́յր հզօր. տ(է)ր տկա́ր առնէ զհակառակորդս իւր՝ տ(է)ր ս(ուր)բ է։ Մի́ պարծեսցի իմաստունն յիմաստութի(ւն) իւր. եւ մի́ պարծեսցի հզօրն ՛ի զօրու(թ)ի(ւն) իւր. եւ մի́ պարծեսցի մեծատունն ՛ի մեծութի(ւն) իւր։ այլ այնո́ւ պարծեսցի՝ որ պարծիցին, իմանա́լ եւ ճանաչել զտ(է)ր, եւ առնել զիրաւունս եւ զարդարու(թ)ի(ւն) ՛ի մէջ երկրի։

Verse: 10  Link to sept   Տ(է)ր ե́լ յերկինս՝ եւ որոտաց, եւ ինքն դատի զծագս երկրի՝ որ արդա́րն է։ տա́յ զօրութի(ւն) թագաւորաց մերոց. եւ բարձրացուսցէ́ զեղջեւր օծելոյ իւրոյ։

Verse: 11  Link to sept   Եւ թողին զնա անդ առաջի տ(եառ)ն, եւ գնացի́ն յարիմաթեմ ՛ի տուն իւրեանց։
   Եւ մանուկն սամուէլ՝ կա́յր ՛ի սպասու երեսա́ց տ(եառ)ն՝ առաջի հեղեայ քահանայի։

Verse: 12  Link to sept   Եւ որդիքն հեղեայ քահանայի՝ որդիք ժա́նտք, եւ ո́չ ճանաչէին զտ(է)ր։

Verse: 13  Link to sept   Եւ իրաւունք քահանային էին առ ՛ի ժողովրդենէն՝ յա(մենայ)նէ որ զոհէր։ գա́յր մանուկ քահանային մինչդեռ եփէր միսն, եւ երեքժանի́ մսահան ՛ի ձեռին իւրում.

Verse: 14  Link to sept   եւ արկանէր զայն յաւազա́ն, կամ ՛ի սա́ն մեծ պղնձի՝ կամ ՛ի պո́յտն, եւ զա(մենայ)ն որինչ գա́յր ՛ի մսահանն՝ առնո́յր իւր քահանայն։ Ըստ այսմ օրինակի́ առնէին ա(մենայ)ն ի(սրաէ)լի որ գային զոհե́լ ՛ի տուն տ(եառ)ն ՛ի սելով։

Verse: 15  Link to sept   եւ մինչչե́ւ ճարպն ճենճերեալ էր՝ գայր մանուկ քահանային, եւ ասէ́ր ցայրն որ զոհէրն. տո́ւր միս խորովելոյ քահանային, եւ ո́չ առնում ՛ի քէն մի́ս եփեալ ՛ի սանէ։

Verse: 16  Link to sept   Եւ ասէր այրն որ զոհէր՝ ճենճերեսցի́ նախ ճարպն ո(ր)պ(էս) օրէն է, եւ ապա́ առցես քեզ յա(մենայ)նէ որոց եւ ցանկասցի անձն քո։ եւ նա ասէր՝ ո́չ, բայց եթէ ա́րդ տայցես. եւ եթէ ո́չ տաս՝ ուժգի́ն առից։

Verse: 17  Link to sept   Եւ էին այն մե́ղք մեծամեծք յոյժ մանկանցն առաջի տ(եառ)ն։

Verse: 18  Link to sept   Եւ սամուէլ մանուկն պաշտէ́ր առաջի տ(եառ)ն, արկեալ զիւրեւ եփուդ։

Verse: 19  Link to sept   եւ կրկնոց փոքրիկ առնէ́ր նմա մայրն իւր, եւ տանէ́ր նմա աւուրց յաւուրս յելանե́լ ը(նդ) առն իւրում զոհե́լ զզոհ աւուրցն։

Verse: 20  Link to sept   Եւ օրհնեա́ց հեղի զեղկանա եւ զկին ն(ո)ր(ա), եւ ասէ. հատուսցէ́քեզ տ(է)ր զաւակ ՛ի կնոջէդ յայդմանէ փոխանակ փոխոյն զոր ետուր տ(եառ)ն։ եւ գնա́ց այրն ՛ի տեղի իւր։

Verse: 21  Link to sept   Եւ ա́յց արար տ(է)ր աննայի, եւ յղացա́ւ եւ ծնա́ւ եւս երիս ուստերս եւ երիս դստերս։
   Եւ մեծացա́ւ մանուկն սամուէլ առաջի տ(եառ)ն։

Verse: 22  Link to sept   Եւ հեղի ծերացեալ էր յոյժ, եւ լսէ́ր զա(մենայ)ն ինչ զոր առնէին որդիք ն(ո)ր(ա) ընդ որդիսն ի(սրաէ)լի. եւ որպէ՞ս ննջեցուցանէին զկանայս ուխտաւորս առ դրան խորանին վկայութե(ան)։

Verse: 23  Link to sept   Եւ ասէ ցն(ո)ս(ա). ընդէ՞ր առնէք ըստ բանին ըստ այնմիկ, զոր ե́ս լսեմ բանս ՛ի բերանոյ ա(մենայ)ն ժողովրդեանն տ(եառ)ն։

Verse: 24  Link to sept   Մի́ որդեակք, զի ո́չ է բարւոք լուրն զոր ե́ս լսեմ, առ ՛ի չծառայելոյ ժողովրդեանն ա(ստուծո)յ։

Verse: 25  Link to sept   Զի եթէ մաղանչելո́վ մեղանչիցէ այր՝ ա́ռն, կացցեն յաղօթս վ(ա)ս(ն) ն(ո)ր(ա) առ տ(է)ր. եւ եթէ տ(եառ)ն մեղանչիցէ, ո՞վ կացցէ յաղօթս վ(ա)ս(ն) ն(ո)ր(ա)։ Եւ ո́չ լսէին ձայնի հօրն իւրեանց։ զի կամելո́վ կամէր տ(է)ր եղծանել զնոսա։

Verse: 26  Link to sept   Եւ մանուկն սամուէլ երթա́յր մեծանայր. եւ հաճո́յ էր ա(ստուծո)յ եւ մարդկան։

Verse: 27  Link to sept   Եւ ե́կն հրեշտակ ա(ստուծո)յ առ հեղի́ եւ ասէ. ա́յսպէս ասէ տ(է)ր. Յայտնելիվ յայտնեցայ ա(մենայ)ն տան հօր քոյ մինչդեռ էին ն(ո)ք(ա) յերկրին եգիպտացւոց ծառայք տա́ն փարաւոնի.

Verse: 28  Link to sept   եւ ընտրեցի զտուն հօր քոյ յա(մենայ)ն գաւազանացն ի(սրաէ)լի քահանայանա́լ ինձ, եւ ելանե́լ առ սեղանն իմ, արկանել խո́ւնկս, եւ կրել զեփուղն առաջի իմ։ եւ ետու տան հօր քոյ զա(մենայ)ն զառ ՛ի հրոյն որդւո́ցն ի(սրաէ)լի ՛ի կերակուր։

Verse: 29  Link to sept   Եւ ընդէ՞ր հայեցար ՛ի խո́ւնկս իմ եւ ՛ի զոհս իմ ժպի́րհ ակամբ. եւ փառաւորեցեր զորդիսն քո քան զիս, օրհնելով զպտուղ ա(մենայ)ն զոհիցն ի(սրաէ)լի՝ որ է առաջի իմ։

Verse: 30  Link to sept   Վ(ա)ս(ն) ա́յդորիկ ա́յսպէս ասէ տ(է)ր ա(ստուա)ծ ի(սրաէ)լի, ասացի թէ տո́ւն քո եւ տուն հօ́ր քոյ շրջեսցին առաջի իմ մինչեւ ցյաւիտեան։ եւ ա́րդ՝ ասէ տ(է)ր. քա́ւ լիցի ինձ. այլ զփառաւորի́չս իմ փառաւորեցի́ց, եւ որ արհամարհէն զիս՝ անարգեսցի́։

Verse: 31  Link to sept   Ահա աւո́ւրք եկեսցեն, եւ սատակեցից զզաւա́կ քո, եւ զզաւակ տա́ն հօր քոյ. եւ մի́ եղիցի ծեր ՛ի տան քում։

Verse: 32  Link to sept   եւ հայեսցի́ս ստեպ կողկողագի́ն յա(մենայ)ն բարու(թ)ի(ւն)ս՝ զոր արասցէ տ(է)ր ա(ստուա)ծ ի(սրաէ)լի. եւ մի́ եղիցի ծեր ՛ի տա́ն քում զա(մենայ)ն աւուրս։

Verse: 33  Link to sept   Եւ այր ո́չ սատակեցից ՛ի սեղանո́յ իմմէ. առ ՛ի սորելոյ աչա́ց իւրոց, եւ մաշելոյ զա́մձն ն(ո)ր(ա)։ եւ ա(մենայ)ն մնացորդք տա́ն քոյ անկցին սրով արանց։

Verse: 34  Link to sept   եւ ա́յն նշանա́կ լիցի քեզ՝ որ եկեսցէ ՛ի վերայ երկոցո́ւն որդւոցն քոց ոփնեայ եւ փենեհեսի. ՛ի միո́ւմ աւուր մեռցին երկոքեան։

Verse: 35  Link to sept   Եւ յարուցի́ց ինձ քահանա́յ հաւատարիմ. որ զա(մենայ)ն ինչ ՛ի սրտի իւրում եւ յանձին իւրում արասցէ. եւ շինեցի́ց նմա տո́ւն հաւատարիմ. եւ շրջեսցի́ առաջի օծելոյ իմոյ զա(մենայ)ն աւուրս։

Verse: 36  Link to sept   Եւ եղիցի՝ ա(մենայ)ն որ մնայցէ ՛ի տա́ն քում, եկեսցէ երկի́ր պագանել նմա դանգի́ միոջ արծաթոյ, եւ նկանակի́ միոյ հացի. եւ ասիցէ, ընկեա́ զիս ՛ի տեղի մի քահանայութե(ան) քոյ, զի կերա́յց հաց։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ մանուկն սամուէլ կա́յր ՛ի սպասու տ(եառ)ն առաջի հեղեայ քահանայի։ Եւ բան տ(եառ)ն պատուական էր յաւուրսն յայնոսիկ. եւ ո́չ գոյր տեսիլ որ գուշակէր։

Verse: 2  Link to sept   Եւ եղեւ յաւուր յայնմիկ ննջէ́ր հեղի ՛ի տեղւոջ իւրում, եւ աչք ն(ո)ր(ա) սկսան ծանրանալ, եւ ո́չ կարէր տեսանել։

Verse: 3  Link to sept   եւ ճրագն ա(ստուծո)յ չե́ւեւս էր անցեալ։ եւ սամուէլ ննջէ́ր ՛ի տաճարին տ(եառ)ն՝ ուր էր տապանակն ա(ստուծո)յ։

Verse: 4  Link to sept   Եւ կոչեաց տ(է)ր եւ ասէ. սամուէ́լ սամուէլ։ եւ ասէ. ա́ւասիկ եմ։

Verse: 5  Link to sept   եւ ընթացաւ առ հեղի եւ ասէ. ա́ւասիկ եմ ես, զի՞ կոչեցեր զիս։ եւ ասէ. ո́չ կոչեցի զքեզ, դարձի́ր անդրէն եւ ննջեա́։ եւ դարձա́ւ անդրէն եւ ննջեաց։

Verse: 6  Link to sept   Եւ յաւել տ(է)ր մի́ւս անգամ կոչել՝ եւ ասէ. սամուէլ սամուէլ։ եւ յարեաւ սամուէլ չոգաւ առ հեղի երկրո́րդ անգամ եւ ասէ. ա́ւասիկ եմ, զի՞ կոչեցեր զիս։ եւ ասէ. ո́չ կոչեցի զքեզ ո́րդեակ իմ, դարձի́ր անդրէն՝ եւ ննջեա́։

Verse: 7  Link to sept   Եւ սամուէլ նախածանօթ էր ա(ստուծո)յ. եւ չե́ւեւս յայտնեալ էր նմա բան տ(եառ)ն։

Verse: 8  Link to sept   Եւ յաւել տ(է)ր մի́ւս անգամ կոչել զսամուէլ յերրորդում նուագին։ եւ յարեաւ չոգա́ւ առ հեղի՝ եւ ասէ. ա́ւասիկ եմ ես՝ զի՞ կոչեցեր զիս։ եւ իմացա́ւ հեղի՝ թէ տ(է)ր կոչէ զմանուկն։

Verse: 9  Link to sept   Եւ ասէ հեղի ցսամուէլ. դարձի́ր անդրէն եւ ննջեա́ որդեակ. եւ եղիցի եթէ կոչեսցէ զքեզ, ասասցե́ս՝ խօսեա́ց տ(է)ր, զի լուիցէ́ ծառայ քո։ եւ գնաց սամուէլ՝ եւ ննջեաց ՛ի տեղւոջ իւրում։

Verse: 10  Link to sept   Եւ ե́կն տ(է)ր եկա́ց ՛ի վ(ե)ր(այ)՝ եւ կոչեաց զնա, ո(ր)պ(էս) միանգամն եւ միւսանգամ. սամուէ́լ սամուէլ։ եւ ասէ սամուէլ. խօսեա́ց տ(է)ր, զի լուիցէ ծառայ քո։

Verse: 11  Link to sept   Եւ ասէ տ(է)ր ցսամուէլ. ահա́ ես առնեմ զբանս իմ ՛ի մէջ ի(սրաէ)լի. Ո(ր)պ(էս) զի ա(մենայ)նի որ լսիցէ զնոսա՝ հնչեսցեն երկոքեան ականջք իւր։

Verse: 12  Link to sept   Յաւուր յայնմիկ յարուցի́ց ՛ի վ(ե)ր(այ) հեղեայ զա(մենայ)ն ինչ զոր խօսեցայ ՛ի վերայ տա́ն ն(ո)ր(ա). սկսա́յց եւ կատարեցից։

Verse: 13  Link to sept   որպէս պատմեցի նմա, եթէ խնդրեցից վրէժ ՛ի տանէ ն(ո)ր(ա) մինչեւ յաւիտեան. վ(ա)ս(ն) անօրէնու(թ)ե(ան) որդւոց ն(ո)ր(ա), զի հայհոյէին զա(ստուա)ծ որդիք ն(ո)ր(ա), եւ նա ո́չ խրատէր զն(ո)ս(ա)։

Verse: 14  Link to sept   Եւ ո́չ այնպէս. այլ երդուայ տանն հեղեայ, թէ ո́չ քաւեսցի անօրէնու(թ)ի(ւն) տանն հեղեայ խնկովք եւ զոհի́ւք մինչեւ յաւիտեան։

Verse: 15  Link to sept   Եւ ննջեա́ց սամուէլ մինչեւ ցառաւօտն. եւ կանխեաց ը(նդ) առաւօտն, եւ եբաց զդուրս տանն տ(եառ)ն։ եւ սամուէլ երկեա́ւ պատմել զտեսիլն հեղեայ։

Verse: 16  Link to sept   Եւ ասէ հեղի ցսամուէլ. սամուէ́լ որդեակ։ եւ ասէ. ա́ւասիկ ես։

Verse: 17  Link to sept   եւ ասէ. զի՞նչ է բանն խօսեցեալ ընդ քեզ. մի́ թաքուցաներ յինէն։ օ́ն եւ օ́ն արասցէ ընդ քեզ ա(ստուա)ծ, եւ օ́ն եւ օ́ն յաւելցէ՝ թէ թաքուսցես յինէն բան մի յա(մենայ)ն բանից խօսեցելոց յականջս քո։

Verse: 18  Link to sept   Եւ պատմեա́ց նմա սամուէլ զա(մենայ)ն բանսն, եւ ո́չ թաքոյց ՛ի նմանէ։ եւ ասէ հեղի. Տ(է)ր որ ինչ բարի́ է առաջի իւր ի́նքն արասցէ։

Verse: 19  Link to sept   Եւ մեծացա́ւ սամուէլ. եւ է́ր տ(է)ր ընդ նմա, եւ ո́չ անկաւ յա(մենայ)ն բանից ն(ո)ր(ա) ՛ի գետին։

Verse: 20  Link to sept   Եւ գիտաց ա(մենայ)ն ի(սրա)էլ ՛ի դանայ մինչեւ ցբերսաբէէ՝ թէ հաւատարի́մ է սամուէլ ՛ի մարգարէս տ(եառ)ն։

Verse: 21  Link to sept   Եւ յաւե́լ տ(է)ր գուշակել ՛ի սելով, թէ յայտնեցաւ տ(է)ր սամուէլի ՛ի սելով ը(ս)տ բանին տ(եառ)ն. եւ հաւատարի́մ եղեւ սամուէլ՝ լինե́լ ՛ի մարգարէ տ(եառ)ն, յա(մենայ)ն ի(սրա)էլ ՛ի ծագաց երկրին մինչեւ ՛ի ծագս։ Եւ հեղի ծերացեա́լ էր յոյժ, եւ որդիք նորա երթայի́ն երթալով՝ եւ չա́ր էր ճանապարհ նոցա։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ եղեւ ընդ աւուրսն ը(նդ) այնոսիկ, ժողովէին այլազգիքն ՛ի վ(ե)ր(այ) ի(սրաէ)լի։ եւ ե́լ ի(սրա)էլ ընդդէմ ն(ո)ց(ա) ՛ի պատերազմ, եւ բանակեցան յաբինեզեր. եւ այլազգիքն բանակեցան յափեկ։

Verse: 2  Link to sept   եւ ճակատէին այլազգիքն ընդդէմ ի(սրաէ)լի, եւ խմբեցաւ պատերազմն՝ եւ պարտեցա́ւ այր ի(սրաէ)լի յերեսաց այլազգեացն, եւ հարան ՛ի ճակատուն չո́րք հազարք արանց։

Verse: 3  Link to sept   եւ եկի́ն զօրն ՛ի բանակն։ Եւ ասեն ծերքն ի(սրաէ)լի. ընդէ՞ր արդեւք պարտեաց զմեզ տ(է)ր այսօր առաջի այլազգեացն. առցո́ւք առ մեզ ՛ի սելովայ զտապանակ ուխտին ա(ստուծո)յ մերոյ. եւ ելցէ́ ՛ի միջի մերում, եւ փրկեսցէ́ զմեզ ՛ի ձեռաց թշնամեաց մերոց։

Verse: 4  Link to sept   Եւ առաքեաց ժողովուրդն ՛ի սելով, եւ առին անտի զտապանակ ուխտին տ(եառ)ն զօրութե(ան)ց որ նստի ՛ի քերովբէս։ եւ երկոքեան որդիքն հեղեայ ընդ տապանակի́ ուխտին ա(ստուծո)յ ոփնի́ եւ փենեհէ́ս գնացին։

Verse: 5  Link to sept   Եւ եղեւ ոբրեւ ե́կն տապանակ ուխտին տ(եառ)ն ՛ի բանակն, աղաղակեա́ց ա(մենայ)ն ի(սրա)էլ մեծաձայն, եւ հնչեա́ց երկիրն։

Verse: 6  Link to sept   Եւ լուան այլազգիքն զբարբա́ռ աղաղակին. եւ ասեն այլազգիքն. զի՞նչ է բարբառ մեծի́ աղաղակին այնորիկ ՛ի բանակի եբրայեցւոցն։ եւ գիտացին թէ տապանա́կն տ(եառ)ն եկն ՛ի բանակն։

Verse: 7  Link to sept   Եւ երկեա́ն այլազգիքն՝ եւ ասեն. ա́յն ա(ստուա)ծք ն(ո)ց(ա) եկին ՛ի բանակն։ ապրեցո́ զմեզ տ(է)ր այսօր։ Վա́յ մեզ՝ զի ո́չ եղեւ մեզ այսպիսի յերէկ եւ յեռանտ։

Verse: 8  Link to sept   վա́յ մեզ. եւ ո՞ ապրեցուսցէ զմեզ ՛ի ձեռաց ա(ստուա)ծոցն հզօրացն այնոցիկ։ ա́յն ա(ստուա)ծք են՝ որ հարին զեգիպտոս ա(մենայ)ն հարուածովք, եւ յա(մենայ)ն անապատին։

Verse: 9  Link to sept   քաջացարո́ւք եւ լերո́ւք արք՝ ո́ այլազգիք, գուցէ́ ծառայիցէք եբրայեցւոցն՝ զորօրինակ ծառայեցին ձեզ։ լերո́ւք ա́րք եւ պատերազմեցա́յք ընդ ն(ո)ս(ա)։

Verse: 10  Link to sept   Եւ պատերազմեցան ընդ ն(ո)ս(ա). եւ փախեա́ւ եյր ի(սրաէ)լի իւրաքանչիւր ՛ի յարկս իւրեանց։ եւ եղեն հարուա́ծք մեծամեծք յոյժ. եւ անկան յի(սրաէ)լէ երեսուն հազար դասուց։

Verse: 11  Link to sept   եւ տապանակն ա(ստուծո)յ առա́ւ. եւ երկոքին որդիքն հեղեայ մեռա́ն, ոփնի եւ փենեհէս։

Verse: 12  Link to sept   Եւ ընթացաւ ա́յր յամինացի ՛ի բանակէ անտի, եւ ե́կն ՛ի սելով յաւուր յայնմիկ։ եւ ձորձք իւր պատառեալք՝ եւ հո́ղ զգլխով իւրով,

Verse: 13  Link to sept   եւ եկն։ եւ ահա հեղի նստէր աթոռով իւրով առ դրանն, եւ դիտէր զճանապարհն. զի էր սիրտ ն(ո)ր(ա) տագնապեա́լ վ(ա)ս(ն) տապանակին ա(ստուծո)յ։ Եւ եմուտ այրն դո́յժ արկանել ՛ի քաղաքին։ եւ աղաղակեա́ց քաղաքն.

Verse: 14  Link to sept   եւ լուա́ւ հեղի զձայն աղաղակին՝ եւ ասէ. զի՞նչ է ձայն աղաղակին այնորիկ։ եւ այրն փութացա́ւ մտանել՝ եւ տալ գոյժ հեղեայ։

Verse: 15  Link to sept   Եւ հեղի էր ամաց իննըսուն եւ ութից. եւ աչք իւր վատեա́լ էին եւ ո́չ տեսանէր։ եւ ասէ́ հեղի ցարսն որ շուրջ կային զնովաւ, զի՞նչ է բարբառ աղաղակին այնորիկ։

Verse: 16  Link to sept   Եւ այրն փութացեալ եմո́ւտ առ հեղի՝ եւ ասէ ցնա. ե́ս եմ որ եկի́ ՛ի բանակէ́ անտի. եւ ե́ս եմ որ փախեա́յ այսօր ՛ի պատերազմէն։ Եւ ասէ՝ զի՞նչ գործ գործեցաւ որդեակ՝ պատմեա́ ինձ։

Verse: 17  Link to sept   պատասխանի ետ պատանին՝ եւ ասէ։ փախեա́ւ այր ի(սրաէ)լի յերեսաց այլազգեացն, եւ հարուածք մեծամե́ծք էին ՛ի ժողովրդեանն. եւ երկոքին որդիքն քո մեռան ոփնի եւ փենեհէս. եւ տապանակն ա(ստուծո)յ առաւ։

Verse: 18  Link to sept   Եւ եղեւ իբրեւ յիշեա́ց զտապանակն ա(ստուծո)յ, անկա́ւ հեղի յաթոռոյն յետս առ դրանն, եւ բեկա́ւ ողն ն(ո)ր(ա)՝ եւ մեռաւ. զի այր ծե́ր էր եւ ծանրացեա́լ. եւ նա դատեաց զի(սրա)էլ ամս քսան։

Verse: 19  Link to sept   Եւ նո́ւ ն(ո)ր(ա)՝ կին փենեհէսի յղի́ էր մերձ ՛ի ծնունդս. իբրեւ լուաւ զդոյժն՝ եթէ առա́ւ տապանակն ա(ստուծո)յ, եւ թէ մեռաւ սկեսրայրն ն(ո)ր(ա)՝ եւ ա́յր իւր, ելա́ց՝ եւ ծնաւ՝ զի պատեցան զնովաւ երկունք իւր.

Verse: 20  Link to sept   եւ ՛ի ժամանակի իւրում մեռանէր։ Եւ ասեն ցնա կանայքն՝ որ շուրջ զնովաւն կային. մի́ երկնչիր զի ո́ւստր ծնար։ եւ ո́չ ետ պատասխանի, եւ ո́չ իմացաւ սիրտ ն(ո)ր(ա)։

Verse: 21  Link to sept   Եւ կոչեցին զմանուկն վա́յ քաբովթ, ՛ի վ(ե)ր(այ) տապանակին ա(ստուծո)յ, եւ ՛ի վ(ե)ր(այ) սկեսրայրին ն(ո)ր(ա), եւ ՛ի վերայ առն իւրոյ.

Verse: 22  Link to sept   եւ ասեն, բարձեալ են փառք ի(սրաէ)լի՝ յառնուլ տապանակին տ(եառ)ն. եւ վ(ա)ս(ն) մեռանելոյ սկեսրէին ն(ո)ր(ա), եւ ա́ռն իւրոյ։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ այլազգիքն առին զտապանակն ա(ստուծո)յ, եւ տարան զնա յաբինեզերայ յազովտոս։

Verse: 2  Link to sept   Եւ առին այլազգիքն զտապանակն տ(եառ)ն՝ եւ տարան ՛ի տուն դագոնայ, եւ կանգնեցին զնա առ դագոնաւ։

Verse: 3  Link to sept   եւ կանխեցին ազովտացիքն ՛ի վաղիւ անդր. եւ մտին ՛ի տո́ւն դագոնայ. եւ տեսին զդագոն կործանեալ ՛ի վ(ե)ր(այ) երեսաց իւրոց ՛ի գետին առաջի տապանակին տ(եառ)ն։ եւ կանգնեցի́ն զդագոն, եւ կացուցի́ն զնա ՛ի տեղւոջ իւրում։ Եւ ծանրացաւ ձեռն տ(եառ)ն ՛ի վ(ե)ր(այ) ազովտացւոցն՝ եւ չարչարեա́ց զն(ո)ս(ա), եւ եհա́ր զն(ո)ս(ա) յերաստանս իւրեանց, զազովտոս եւ զսահմանս նորա։

Verse: 4  Link to sept   Եւ եղեւ իբրեւ կանխեցին ը(նդ) առաւօտն ՛ի վաղիւ անդր՝ եւ ահա դագոն կործանեա́լ կայր ՛ի վ(ե)ր(այ) երեսա́ց իւրոց յերկիր առաջի տապանակի ուխտին տ(եառ)ն։ եւ գլո́ւխն դագոնայ, եւ երկոքին թա́թք ոտից նորա խորտակեալք եւ ցրուեալք ընդ մէջգետինն. եւ երկոքին դաստա́կք ձեռաց ն(ո)ր(ա) անկեա́լք զսեմովքն.

Verse: 5  Link to sept   բայց միայն ողնայա́րն դագոնայ մնացեալ էր. վասն այնորիկ ո́չ կոխեն քո́ւրմք դագոնայ զսեամս տանն դագոնայ. եւ ա(մենայ)ն որ մտանէ́ ՛ի տուն դագոնայ՝ զսեամս տանն դագոնայ յազովտոս մինչեւ ցա́յսօր. այլ քայլելով քայլեն եւ անցանեն։

Verse: 6  Link to sept   Եւ ծանրացա́ւ ձեռն տ(եառ)ն ՛ի վ(ե)ր(այ) ազովտայ. եւ ած ՛ի վ(ե)ր(այ) ն(ո)ց(ա) հարուա́ծս յերաստա́նս. եւ եռացոյց մկո́ւնս յա́նգս ն(ո)ց(ա). եւ եղեւ շրշուկ մեծ մահու ՛ի քաղաքին։

Verse: 7  Link to sept   Եւ տեսին ա́րք ազովտայ՝ թէ ա́յնպէս է. ասեն՝ ո́չ նստցի տապանա́կն ա(ստուծո)յ առ մեզ. զի ծանրացաւ ձեռն ն(ո)ր(ա) ՛ի վ(ե)ր(այ) մեր, եւ ՛ի վ(ե)ր(այ) դագոնայ աստուծոյն մերոյ։

Verse: 8  Link to sept   Եւ առաքեցին ժողովեցին զա(մենայ)ն նախարարս այլազգեացն առ ինքեանս, եւ ասեն. զի՞նչ արասցուք տապանակին ա(ստուծո)յ ի(սրաէ)լի։ Եա ասեն գեթացիքն. փոխեսցի́ տապանակն ա(ստուծո)յ ի(սրաէ)լի առ մեզ։ եւ փոխեցաւ տապանակն ա(ստուծո)յ ՛ի գէթ։

Verse: 9  Link to sept   Եւ եղեւ յետ փոխելոյ ն(ո)ր(ա) անդր, լինէր ձե́ռն տ(եառ)ն ՛ի վերայ քաղաքին, եւ խռովութի(ւն) մե́ծ յոյժ. եւ չարչարեա́ց զարս քաղաքին ՛ի փոքուէ մինչեւ ցմեծամեծս, եւ եհա́ր զնոսա յերաստանս իւրեանց։ եւ արարին գեթացիքն իւրեանց երաստանս։

Verse: 10  Link to sept   Եւ առաքեցին զտապանակն ա(ստուծո)յ յասկաղոն. եւ եղեւ ՛ի մտանել տապանակին ա(ստուծո)յ յասկաղոն. զբողոք բարձին ասկաղոնացիքն՝ եւ ասեն. ընդէ՞ր դարձուցէք զտապանակն ա(ստուծո)յ ի(սրաէ)լի առ մեզ, սպանանել զմե́զ եւ զժողովուրդս մեր։

Verse: 11  Link to sept   Եւ առաքեցին եւ ժողովեցին զա(մենայ)ն նախարա́րս այլազգեացն, եւ ասեն. առաքեցէ́ք զտապանակն ա(ստուծո)յ ի(սրաէ)լի՝ եւ նստցի́ ՛ի տեղւոջ իւրում, եւ մի́ սպառեսցէ զմեզ եւ զժողովուրդս մեր. զի եհաս շրշո́ւկ մահու յամ(ենայն) քաղաքիս ծանրացեա́լ յոյժ. յորմէ հետէ եմո́ւտ տապանակն ա(ստուծո)յ ի(սրաէ)լի անդր։

Verse: 12  Link to sept   Եւ կենդանիքն որ ո́չ էին մեռեա́լ՝ հարա́ն յերաստանս իւրեանց. եւ ե́լ աղաղակ քաղաքին յերկինս։



Chapter: 6 
ԳԼ.Զ.


Verse: 1  Link to sept   Եւ էր տապանակն ա(ստուծո)յ յանդաստանին այլազգեաց զեւթն ամիս. եւ եռացոյց յերկիր ն(ո)ց(ա) մո́ւկն։

Verse: 2  Link to sept   Եւ կոչեցին այլազգիքն զքո́ւրմսն, եւ զիղձսն, եւ զգէտս իւրեանց՝ եւ ասեն. զի՞նչ արասցուք տապանակին տ(եառ)ն, ցուցէ́ք մեզ՝ ի՞ւ առաքեսցուք զնա ՛ի տեղի իւր։ Եւ ասեն.

Verse: 3  Link to sept   եթէ առաքեցէք զտապանակն ա(ստուծո)յ ի(սրաէ)լի ուխտին տ(եառ)ն, մի́ առաքէք զնա ունայն, այլ տալո́վ տաջիք նմա զհարուածոցն, եւ ապա́ բժշկեսջիք՝ եւ համտեսցի ը(նդ) ձեզ. գուցէ́ ո́չ վերանայցէ ձեռն ն(ո)ր(ա) ՛ի ձէնջ։

Verse: 4  Link to sept   Եւ ասեն. զի՞նչ տայցեմք ը(նդ) գանին ն(ո)ր(ա)։ Եւ ասեն՝ ը(ս)տ թուոյ նախարարացն այլազգեա́ց. հի́նգ երաստանս ոսկիս արարէ́ք, եւ հինգ մուկն ոսկի. զի հարուա́ծք են ՛ի ձեզ, եւ յիշխանս ձեր, եւ ՛ի ժողովրդեանդ։

Verse: 5  Link to sept   Եւ արդ՝ արարէ́ք զպատկերս երաստանաց ձերոց. եւ զնմանու(թ)ի(ւն) մկանց ձերոց, ապականչա́ց երկրին. եւ տո́ւք տ(եառ)ն փառս, զի թեթեւացուսցէ́ զձեռն իւր ՛ի ձէնջ, եւ ՛ի դից ձերոց, եւ յերկրէ ձերմէ։

Verse: 6  Link to sept   Եւ ընդէ՞ր ծանրացուցանէք զսիրտ ձեր, որպէս ծանրացոյց եգիպտոս եւ փարաւոն զսի́րտս իւրեանց. ո́չ ապաքէն յորժամ խաղա́ց նոքօք, ապա́ արձակեցին զն(ո)ս(ա)՝ եւ գնացին։

Verse: 7  Link to sept   Եւ արդ՝ առէ́ք եւ արարէք սա́յլ մի նոր, եւ երկուս երինջս անդրանկածինս առա́նց որդւոց, եւ լծեցէ́ք զերինջսն ՛ի սայլին. եւ քեցեցէ́ք զորդիսն ՛ի հետո́ց ն(ո)ց(ա) ՛ի տուն։

Verse: 8  Link to sept   Եւ առէ́ք զտապանակն տ(եառ)ն, եւ դի́ք զնա ՛ի վ(ե)ր(այ) սայլին. եւ զանօթսն զոսկիս զոր տայցէ́ք նմա ընդ դանին. եւ դիջիք ՛ի քո́ւրձ արգոբ ՛ի կողմանէ ն(ո)ր(ա), եւ առաքեսջի́ք զնա՝ եւ վարեսջի́ք զնա՝ եւ երթիցէ։

Verse: 9  Link to sept   Եւ տեսջիք եթէ ՛ի մուտս սահմանաց իւրոց երթիցէ ընդ բեթսամիւս՝ նա́ արար մեզ զարի́սս մեծամեծս զայսոսիկ. ապա թէ ոչ՝ գիտասցո́ւք եթէ ո́չ ձեռն ն(ո)ր(ա) եկն ՛ի վ(ե)ր(այ) մեր. այլ վրիպակ իմն գործեցաւ ՛ի մեզ։

Verse: 10  Link to sept   Եւ արարին այլազգիքն ա́յնպէս, եւ առին երկո́ւս երինջս անդրանկածինս՝ եւ լծեցին զն(ո)ս(ա) ՛ի սայլին, եւ զորդիս ն(ո)ց(ա) արգելի́ն ՛ի տան։

Verse: 11  Link to sept   եւ եդին զտապանակն տ(եառ)ն ՛ի վ(ե)ր(այ) սայլին, եւ զքուրձն արգոբ, եւ զմկունսն ոսկիս. եւ զպատկերս երաստանա́ց իւրեանց։

Verse: 12  Link to sept   Եւ ուղղեցան երինջքն ընդ ճանապարհ մտիցն բեթսամիւսայ, ընդ մի́ շաւիղ երթային՝ եւ վաստակէին, եւ ո́չ խոտորէին ո́չ յաջ՝ եւ ո́չ յահեակ։ եւ նախարարք այլազգեացն երթային զհետ ն(ո)ր(ա) մինչեւ ՛ի սահմանս բեթսամիւսայ։

Verse: 13  Link to sept   Եւ որ ՛ի բեթսամիւսն էին՝ հնձէին հունձս ցորենոյ ՛ի հովիտսն. եւ ամբարձին զա́չս իւրեանց՝ եւ տեսին զտապանակն տ(եառ)ն, եւ ուրա́խ եղեն ը(նդ) առաջ ն(ո)ր(ա)։

Verse: 14  Link to sept   Եւ սայլն եմո́ւտ յանդաստանն ովսեայ բեթսամիւսացւոյ։ եւ կանգնեցին ա́նդ առ նովաւ վէ́մ մի մեծ. եւ պատառեցին զփա́յտ սայլին, եւ զերինջսն հանին յողջակէզս տ(եառ)ն։

Verse: 15  Link to sept   Եւ ղեւտացիքն հանին զտապանակն տ(եառ)ն, եւ զքուրձն արգոբ ընդ նմին, եւ զանօթսն ոսկիս որ ՛ի նմա. եւ եդին ՛ի վ(ե)ր(այ) վիմին մեծի։ Եւ արք բեթսամիւսայ մատուցին ողջակէզս, եւ զոհեցին զո́հս յաւո́ւր յայնմիկ տ(եառ)ն։

Verse: 16  Link to sept   Եւ հինգ նախարարքն այլազգեաց տեսանէին, եւ դարձա́ն յակկարոն։

Verse: 17  Link to sept   Եւ երաստանքն ոսկիք՝ զոր ետուն այլազգիքն տ(եառ)ն՝ ընդ դանին, մին ազովտա́յ էր, եւ մին գազա́յ, եւ մին ասկաղոնի́, եւ մին գեթայ, եւ մին ակկարոնի́։

Verse: 18  Link to sept   Եւ մկունքն ոսկիք՝ ըստ թուոյ ա(մենայ)ն քաղաքացն այլազգեաց, հինգեցո́ւն նախարարացն, յամո́ւր քաղաքաց՝ մինչեւ ցաւա́նս փերեզացւոյն, մինչեւ ցվէմն յորոյ վ(ե)ր(այ) եդին զտապանակ ուխտին տ(եառ)ն. մինչեւ ցայսօ́ր յանդին ովսեա́յ բեթսամիւսացւոյ։ Եւ ո́չ հաճեցան որդիքն յեքոնեայ ընդ արս բեթսամիւսացւոցն, զի տեսին զտապանա́կն տ(եառ)ն։

Verse: 19  Link to sept   Եւ եհա́ր ՛ի նոցանէ յիսուն հազար եւ եւթանասուն այր. եւ սո́ւգ առ ժողովուրդն՝ զի եհա́ր տ(է)ր ՛ի ժողովրդեանն հարուածս մեծամեծս յոյժ։

Verse: 20  Link to sept   Եւ ասեն ա́րք բեթսամիւսացիք. ո́ կարասցէ շրջել առաջի տ(եառ)ն ա(ստուծո)յ սրբոյս այսորիկ. եւ ա́րդ՝ առ ո՞ ելանիցէ տապանակ տ(եառ)ն ՛ի մէնջ։

Verse: 21  Link to sept   Եւ առաքեցին հրեշտակս առ բնակիչս կարիաթարիմայ՝ եւ ասեն. դարձուցի́ն այլազգիքն զտապանակն տ(եառ)ն, իջէ́ք եւ հանէք զնա՝ առ ձեզ։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ եկին ա́րք կարիաթարիմայ, եւ հանին անտի զտապանակ ուխտին տ(եառ)ն. եւ տարա́ն զնա ՛ի տուն ամինադաբայ որ ՛ի բլրին. եւ զեղիազա́ր որդի ն(ո)ր(ա) սրբեցին պահել զտապանակ ուխտին տ(եառ)ն։

Verse: 2  Link to sept   Եւ եղեւ յօրէ́ յորմէ հետէ է́ր տապանակն ՛ի կարիաթարիմ, բազմացան աւուրքն եւ եղեն ամք քսան։ եւ հայեցաւ ա(մենայ)ն տունն ի(սրաէ)լի զկնի տ(եառ)ն։

Verse: 3  Link to sept   Եւ խօսեցա́ւ սամուէլ ընդ ա(մենայ)ն տա́նն ի(սրաէ)լի՝ եւ ասէ. թէ յա(մենայ)ն սրտէ ձերմէ դարձեա́լ էք առ տ(է)ր, ՛ի բա́ց արարէք զաստուածսն օտարոտիս ՛ի միջոյ ձերմէ, եւ զանտառսն. եւ պատրաստեցէ́ք զսիրտս ձեր առ տ(է)ր, եւ ծառայեցէ́ք նմա́ միայն, եւ փրկեսցէ́ զձեզ ՛ի ձեռաց այլազգեացն։

Verse: 4  Link to sept   Եւ ՛ի բա́ց արարին որդիքն ի(սրաէ)լի զբահաղիմսն, եւ զանտառսն աստարովթայ, եւ ծառայեցին նմա́ միայնոյ։

Verse: 5  Link to sept   Եւ ասէ́ սամուէլ. ժողովեցէ́ք զա(մենայ)ն ի(սրա)էլ ՛ի մասեփաթ, եւ կացից յաղօթս վ(ա)ս(ն) ձեր առ տ(է)ր։

Verse: 6  Link to sept   Եւ ժողովեցան ՛ի մասեփաթ։ եւ հանին ջուր, եւ եհե́ղ յերկիր առաջի տ(եառ)ն։ եւ պահեցին յաւո́ւր յայնմիկ, եւ ասեն՝ մեղա́ք առաջի տ(եառ)ն։
   Եւ դատեցաւ սամուէլ որդիսն ի(սրաէ)լի ՛ի մասեփաթ։

Verse: 7  Link to sept   եւ լուան այլազգիքն եթէ ժողովեցան որդիքն ի(սրաէ)լի ՛ի մասեփաթ։ եւ ելին նախարարք այլազգեացն ՛ի վ(ե)ր(այ) ի(սրաէ)լի. եւ լուան որդիքն ի(սրաէ)լի եւ երկեան յերեսաց այլազգեացն։

Verse: 8  Link to sept   Եւ ասեն որդիքն ի(սրաէ)լի ցսամուէլ. մի́ դադարէր ՛ի գոչելոյ վ(ա)ս(ն) մեր առ տ(է)ր ա(ստուա)ծ քո., եւ փրկեսցէ́ զմեզ ՛ի ձեռաց այլազգեացն։

Verse: 9  Link to sept   Եւ ա́ռ սամուէլ գառն մի դիեցիկ, եւ եհան զնա ողջակէզ տ(եառ)ն հանդերձ ա(մենայ)ն ժողովրդեամբն։ եւ գոչեաց սամուէլ առ տ(է)ր վ(ա)ս(ն) ի(սրաէ)լի. եւ լուաւ նմա տ(է)ր։

Verse: 10  Link to sept   Եւ մինչդեռ մատուցանէ́ր սամուէլ զողջակէզն, մերձեցա́ն այլազգիքն ՛ի պատերազմ ՛ի վ(ե)ր(այ) ի(սրաէ)լի. եւ որոտաց տ(է)ր մեծա́ւ բարբառով յաւո́ւր յայնմիկ ՛ի վ(ե)ր(այ) այլազգեացն, եւ շփոթեցան եւ անկա́ն առաջի ի(սրաէ)լի եւ ելին արքն ի(սրաէ)լի ՛ի մասեփաթ։

Verse: 11  Link to sept   Եւ հալածեցին զայլազգիսն։ եւ հարին զն(ո)ս(ա) մինչեւ ՛ի ներքո́յ բեթքովրայ·

Verse: 12  Link to sept   Եւ ա́ռ սամուէլ վէմ մի, եւ կանգնեա́ց ՛ի մէջ մասեփայ եւ ՛ի մէջ պաղեսայ. եւ կոչեաց զանուն ն(ո)ր(ա) աբենեզեր, վէ́մ օգնականի· եւ ասէ՝ մինչե́ւ ցա́յս վայր օգնեաց մեզ տ(է)ր։

Verse: 13  Link to sept   Եւ կորացո́յց տ(է)ր զայլազգիսն. եւ ո́չ եւս յաւելին ելանել ՛ի վ(ե)ր(այ) սահմանա́ցն ի՝լի։ Եւ եղեւ ձեռն տ(եառ)ն ՛ի վ(ե)ր(այ) այլազգեացն զա(մենայ)ն աւուրս սամուէլի։

Verse: 14  Link to sept   եւ դարձուցին զքաղաքսն զոր առին այլազգիքն յորդւոցն ի(սրաէ)լի, եւ ետուն զնոսա անդրէն ի(սրաէ)լի, յասկաղոնէ մինչեւ ցգէթ. եւ զսահմանս ի(սրաէ)լի հանին ՛ի ձեռաց այլազգեացն։ եւ էր խաղաղութի(ւն) ՛ի մէջ ի(սրաէ)լի եւ ՛ի մէջ ամուրհացւոցն։

Verse: 15  Link to sept   Եւ դատեա́ց սամուէլ զի(սրա)էլ զա(մենայ)ն աւուրս կենաց իւրոց։

Verse: 16  Link to sept   Երթայր ա́մ յամէ, եւ պատէր զբեթէլ, եւ զգաղաա́դ, եւ զմասեփաթ. եւ դատէ́ր յա(մենայ)ն սրբեալսն յայնոսիկ։

Verse: 17  Link to sept   եւ դա́րձ իւր էր յարեմաթեմ. զի ա́նդ էր տուն նորա. եւ ա́նդ դատէր զի(սրա)էլ. եւ շինեաց անդ սեղան տ(եառ)ն։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ եղեւ իբրեւ ծերացաւ սամուէլ, կացոյց զորդիս իւր դատաւո́րս ի(սրաէ)լի։

Verse: 2  Link to sept   Եւ ա́յս են անուանք որդւոց ն(ո)ր(ա). անդրանկանն յովէ́լ, եւ անուն երկրորդին աբիի́. դատաւորք ՛ի բերսաբէէ։

Verse: 3  Link to sept   Եւ ո́չ գնացին որդիք ն(ո)ր(ա) զճանապարհս ն(ո)ր(ա), եւ թիւրեցան զհետ զօշաքաղու(թ)ե(ան). եւ առնուին կաշառ եւ թիւրէին զիրաւունս։

Verse: 4  Link to sept   Եւ ժողովեցան ա(մենայ)ն արք ի(սրաէ)լի՝ եւ եկին առ սամուէլ յարիմաթեմ,

Verse: 5  Link to sept   եւ ասեն ցնա. դու ա́ւադիկ ծերացա́ր, եւ որդիք քո ո́չ գնան զճանապարհ քո։ եւ արդ՝ կացո́ ՛ի վերայ մեր թագաւոր դատե́լ մեզ ո(ր)պ(էս) եւ ա́յլ ազգք։

Verse: 6  Link to sept   Եւ չա́ր թուեցաւ բանն յաչս սամուելի. զի ասացին թէ տուր մեզ թագաւոր դատե́լ զմեզ։ եւ յաղօթս եկաց սամուէլ առ տ(է)ր։

Verse: 7  Link to sept   Եւ ասէ տ(է)ր ցսամուէլ. լո́ւր ձայնի ժողովրդեանդ, ո(ր)պ(էս) եւ խօսեցան ընդ քեզ։ զի ո́չ եթէ զքեզ անարգեցին, այլ զի́ս մերժեցին չթագաւորել ՛ի վ(ե)ր(այ) ն(ո)ց(ա)։

Verse: 8  Link to sept   ըստ ա(մենայ)ն գործոց զոր արարին ընդիս՝ յօրէ յորմէ հանի զնոսա յեգիպտոսէ մինչեւ ցայսօր. եւ թողին զիս եւ ծառայեցին աստուածոց օտարաց, նո́յնպէս առնեն նոքա եւ ընդ քե́զ։

Verse: 9  Link to sept   Եւ արդ՝ լո́ւր ձայնի ն(ո)ց(ա). բայց դնելով դնիցես վկայու(թ)ի(ւն) ն(ո)ց(ա), եւ պատմեսցե́ս ն(ո)ց(ա) զիրաւունս թագաւորի՝ որ թագաւորեսցէ́ ն(ո)ց(ա)։

Verse: 10  Link to sept   Եւ խօսեցաւ սամուէլ զա(մենայ)ն պատգամս տ(եառ)ն առ ժողովրդեանն՝ որ խնդրեցին ՛ի նմանէ թագաւոր,

Verse: 11  Link to sept   եւ ասէ. Ա́յս ինչ լիցին իրաւունք թագաւորին որ թագաւորեսցէ ՛ի վերայ ձեր. զուստերս ձեր առցէ, եւ արասցէ կառավա́րս եւ հեծեա́լս, եւ սուրհանդա́կս առաջի կառաց իւրոց։

Verse: 12  Link to sept   եւ կացուսցէ զնոսա իւր հազարապե́տս, եւ հարիւրապե́տս. եւ հնձել զհո́ւնձս նորա, եւ կթե́լ զկութս ն(ո)ր(ա), եւ առնել նմա զէ́նս՝ եւ անօթս կառաց։

Verse: 13  Link to sept   եւ զդստերս ձեր առցէ́ յիւղագործս, եւ ՛ի խորակարա́րս, եւ ՛ի հացեփեա́ցս։

Verse: 14  Link to sept   Եւ զանդս ձեր, եւ զայգի́ս ձեր, եւ զձիթենի́ս ձեր զազնիւս՝ առցէ. եւ տացէ ստրկաց իւրոց։

Verse: 15  Link to sept   եւ զսերմանս ձեր, եւ զայգիս ձեր տասանորդեսցէ, եւ տացէ ներքինեաց իւրոց, եւ ստրկա́ց իւրոց։

Verse: 16  Link to sept   Եւ զծառայս ձեր, եւ զաղախնայս ձեր, եւ զանգեա́յս ձեր զազնիւս, եւ զէշս ձեր՝ առցէ́ եւ տասանորդեսցէ́ ՛ի գո́րծ իւր։

Verse: 17  Link to sept   եւ զհօտս ձեր տասանորդեսցէ. եւ դուք եղիջիք նմա ծառայք։

Verse: 18  Link to sept   Եւ աղաղակեսջիք յաւուր յայնմիկ յերեսաց թագաւորին ձերոյ՝ զոր ընտրեցէ́ք ձեզ, եւ ո́չ լուիցէ ձեզ տ(է)ր յաւուրսն յայնոսիկ. զի դուք ձեզէն ընտրեցէք ձեզ թագաւոր։

Verse: 19  Link to sept   Եւ ո́չ կամեցաւ ժողովուրդն լսել սամուելի. եւ ասեն ցնա. ո́չ այդպէս է, այլ թագաւորեսցէ́ ՛ի վ(ե)ր(այ) մեր.

Verse: 20  Link to sept   եւ եղիցուք եւ մե́ք իբրեւ զա́յլ զագս, եւ դատեսցէ́ զմեզ թագաւորն մեր, եւ ելցէ́ առաջի մեր եւ պատերազմեսցի զպատերազմ մեր։

Verse: 21  Link to sept   Եւ լուա́ւ սամուէլ զա(մենայ)ն բանս ժողովրդեանն. եւ խօսեցա́ւ զն(ո)ս(ա) յականջս տ(եառ)ն։

Verse: 22  Link to sept   Եւ ասէ տ(է)ր ցսամուէլ. լո́ւր ձայնի ն(ո)ց(ա)՝ եւ թագաւորեցո́ ն(ո)ց(ա) թագաւոր։ եւ ասէ́ սամուէլ ցարս ի(սրաէ)լի, երթիցէ́ իւրաքանչիւրոք ՛ի քաղաք իւր։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ է́ր այր մի յորդւոցն բենիամինի՝ եւ անուն նորա կիս, որդի աքիելի, որդւոյ աբեգայ, որդւոյ բեքովրաթայ, որդւոյ ափիայ. որդւոյ ա́ռն յիմենացւոյ։ Այր զօրաւո́ր.

Verse: 2  Link to sept   եւ է́ր ն(ո)ր(ա) որդի, եւ անուն ն(ո)ր(ա) սաւո́ւղ, այր բարի́ եւ անձնեայ. եւ ո́չ գոյր յորդիսն ի(սրաէ)լի այր լա́ւ քան զնա. ուսովք չափ ՛ի վեր բա́րձր էր քան զա(մենայ)ն երկիրն։

Verse: 3  Link to sept   եւ կորեա́ն էշք հօրն սաւուղայ։ Ասէ́ կիս ցսաւուղ ցորդի իւր. ա́ռ ընդքեզ մի́ ՛ի մանկանցդ, եւ արի́ք երթայք խնդրեցէ́ք զէշսն։ եւ գնացին, եւ անցին ընդ լեառնն եփրեմի։

Verse: 4  Link to sept   եւ անցին ընդ լեառնն սարիսայ, եւ ո́չ գտին. եւ անցին ընդ երկիրն սաղիմայ՝ եւ ո́չ ուրեք էին, եւ անցին ընդ երկիրն յիմենացւոյն՝ եւ ո́չ գտին։

Verse: 5  Link to sept   Եւ իբրեւ եկին ՛ի սիփ. ասէ սաւուղ ցպատանեակն իւր որ ընդ նմա. ե́կ դարձցուք անդրէն, գուցէ́ թողեալ հօր մերոյ զէշն, եւ զմէնջ հոգասցէ։

Verse: 6  Link to sept   եւ ասէ ցնա պատանին։ Ահա ա́յր ա(ստուծո)յ է ՛ի քա·աքիս յայսմիկ, այր փառաւոր, եւ զա(մենայ)ն զոր ինչ խօսիցի՝ լինելո́վ լինի. եւ արդ՝ երթիցո́ւք անդր, զի պատմեսցէ մեզ զճանապարհս մեր՝ եւ գնասցո́ւք։

Verse: 7  Link to sept   Եւ ասէ սաւուղ ցպատանին որ ընդ նմա. ահա երթայցեմք, եւ զի՞նչ տանիցիմք առնն ա(ստուծո)յ. զի հաց եւս պակասեաց յամանոց մերոց. եւ չի́ք ինչ որ կայցէ ընդ մեզ աւելի տանել առնն ա(ստուծո)յ։

Verse: 8  Link to sept   Եւ յաւել պատանին տալ պատասխանի սաւուղայ՝ եւ ասէ. ահա գտանի́ ՛ի ձեռին իմում չորրորդ սկեղ արծաթոյ, եւ տացե́ս առնն ա(ստուծո)յ։ եւ պատմեսցէ́ մեզ զճանապարհս մեր։

Verse: 9  Link to sept   Եւ յառա́ջ ՛ի մէջ ի(սրաէ)լի ա́յսպէս ասէր իւրաքանչիւրոք՝ յորժամ երթայր հարցանել զա(ստուա)ծ. եկա́յք երթիցո́ւք առ տեսանօղն. զի մարգարէ՝ յառաջ տեսանօ́ղ կոչէր ժողովուրդն։

Verse: 10  Link to sept   Եւ ասէ́ սաւուղ ցպատանին իւր, բարւո́ք է բանդ, ե́կ երթիցուք։
   Եւ չոգան ՛ի քաղաքն՝ ուր էր այրն ա(ստուծո)յ.

Verse: 11  Link to sept   եւ մինչդեռ ելանէին ընդ զառ ՛ի վեր քաղաքին, գտին նոքա աղջկունս որ ելանէին հանե́լ ջուր. եւ ասեն ցն(ո)ս(ա). եթէ գուցէ՞ աստ տեսանօղ։

Verse: 12  Link to sept   Պատասխանի ետուն նոցա աղջկունքն՝ եւ ասեն. գո́յ ահաւասիկ առաջի ձեր ա́յդր. արդ՝ արագեցէ́ք զի վ(ա)ս(ն) աւուրս եկեա́լ է ՛ի քաղաքս. զի զո́հ է այսօր ժողովրդեանն ՛ի բամա.

Verse: 13  Link to sept   յորժամ մտանիցէք ՛ի քաղաքդ, ապա́ գտանիցէք զնա ՛ի քաղաքիդ, մինչչեւ երթեալ իցէ ն(ո)ր(ա) ՛ի բամա ուտել։ քանզի ո́չ ուտէ ժողովուրդն մինչեւ ՛ի մտանել ն(ո)ր(ա). զի նա́ օրհնէ զզոհն, եւ ապա ուտեն կոչնականքն. եւ արդ ելէ́ք զի վ(ա)ս(ն) աւուրս գտանէք զնա այդր։

Verse: 14  Link to sept   Եւ ելին ՛ի քաղաքն. եւ իբրեւ մտին նոքա ՛ի քաղաքամէջն, եւ ահա սամուէլ ե́լ ընդառաջ ն(ո)ց(ա) երթա́լ ՛ի բամա։

Verse: 15  Link to sept   Եւ է́ր տ(եառ)ն յայտնեալ յունկն սամուելի աւուրբ միով յառա́ջ քան զգալն սաւուղայ առ նա.

Verse: 16  Link to sept   եթէ վաղի́ւ ՛ի սոյն ժամ առաքեցից առ քեզ ա́յր յերկրէն բենիամինի, եւ օծցես զնա ի́շխան ՛ի վ(ե)ր(այ) ժողովրդեան իմոյ ի(սրաէ)լի. եւ փրկեսցէ զժողովո́ւրդ իմ ՛ի ձեռա́ց այլազգեացն. զի հայեցա́յ ՛ի տառապանս ժողովրդեան իմոյ, քանզի եհա́ս գոչիւն ն(ո)ց(ա) առիս։

Verse: 17  Link to sept   Եւ սամուէլ ետե́ս զսաւուղ. եւ տ(է)ր ասէ ցնա. ահա́ւադիկ է́ այրն զորմէ ասացի քեզ եթէ նա́ իշխեսցէ ժողովրդեան իմում։

Verse: 18  Link to sept   Եւ մատեա́ւ սաւուղ առ սամուէլ ՛ի մէջ քաղաքին եւ ասէ. պատմեա́ ինձ՝ ո՞ր տուն իցէ տեսանողին։

Verse: 19  Link to sept   Պատասխանի ետ սամուէլ եւ ասէ ցսաւուղ. ե́ս ինքնին իսկ եմ. ե́լ առաջի իմ ՛ի բամա, եւ կերիցե́ս ընդիս այսօր. եւ արձակեցի́ց զքեզ վաղիւ. եւ զա(մենայ)ն ինչ որ ՛ի սրտի քո́ւմ է՝ պատմեցից քեզ։

Verse: 20  Link to sept   Եւ վ(ա)ս(ն) իշոցն երեքօրէի́ց կորուսելոց մի́ ինչ ածեր զմտաւ՝ քանզի գտեա́լ են. եւ ո՞յր իցեն վայելչու(թ)ի(ւն)ք ի(սրաէ)լի՝ եթէ ո́չ քո եւ ա(մենայ)ն տան հօր քոյ։

Verse: 21  Link to sept   Պատասխանի́ ետ սաւուղ՝ եւ ասէ. ո՞չ ապաքէն առն միոյ յիմենեցւոյ եմ ես՝ փոքո́ւ գաւազանի ցեղին ի(սրաէ)լի, եւ կրտսերոյ ցեղի յա(մենայ)ն իշխանութ(են)է բենիամինի. եւ ընդէ՞ր խօսեցար ընդիս ըստ բանիդ ըստ այդմիկ։

Verse: 22  Link to sept   Եւ ա́ռ սամուէլ զսաւուղ եւ զպատանին ն(ո)ր(ա), եւ տարաւ զնոսա ՛ի վանս իւր. եւ ե́տ ն(ո)ց(ա) տեղի ՛ի վերո́յ կոչնականացն իբրեւ զերեսո́ւն արամբ։

Verse: 23  Link to sept   եւ ասէ սամուէլ ցխոհակերն. տո́ւր ինձ զմասնն զոր ետու ցքեզ, զորմէ ասացի դնել զնա առ քեզ։

Verse: 24  Link to sept   եւ եփեա́ց խոհակերն զազդրն՝ եւ զթա́մբն որ զնովաւ. եւ ե́դ զայն առաջի սաւու·այ։ Եւ ասէ սամուէլ ցսաւուղ. ահաւասիկ նշխար, դի́ր զայդ առաջի քո՝ եւ կե́ր. զի վկայու(թ)ի(ւն) լիցի քեզ առ ՛ի ժողովրդոց, եւ կրծեսցե́ս։ եւ եկե́ր սաւուղ ընդ սամուելի յաւուր յայնմիկ։

Verse: 25  Link to sept   եւ էջ ՛ի բամայ ՛ի քաղաքն։ Եւ արկին անկողինս սաւուղայ ՛ի տանիսն՝ եւ ննջեա́ց։

Verse: 26  Link to sept   եւ եղեւ ընդ ելանել առաւօտուն՝ կոչեա́ց սամուէլ զսաւուղ ՛ի տանեացն՝ եւ ասէ. արի եկ՝ արձակեցից զքեզ, եւ յարեա́ւ սաւուղ եւ ե́լ ինքն եւ սամուէլ արտաքս։

Verse: 27  Link to sept   Եւ մինչդեռ իջանէին նոքա յեզր քաղաքին, ասէ սամուէլ ցսաւուղ. ասա́ ցպատանիդ՝ եւ անցցէ յառա́ջ քան զմեզ. եւ ա́նց։ եւ դու կացցե́ս այսօր աստ՝ եւ լուիցե́ս զպատգամս տ(եառ)ն։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ ա́ռ սամուէլ զստրուակն իւղոյ՝ եւ եհե́ղ ՛ի գլուխ ն(ո)ր(ա). եւ համբուրեա́ց զնա, եւ ասէ ցնա. ո՞չ ապաքէն օծ զքեզ տ(է)ր ՛ի վ(ե)ր(այ) ժառանգութե(ան) իւրոյ իշխան, եւ ՛ի վ(ե)ր(այ) ժողովրդեան իւրոյ ի(սրաէ)լի. եւ դո́ւ իշխեսցես ժողովրդեան տ(եառ)ն, եւ փրկեսցես զնա ՛ի ձեռաց թշնամեաց իւրոց շուրջանակի· Եւ ա́յն եղիցի քեզ նշանակ՝ եթէ տ(է)ր օծ զքեզ.

Verse: 2  Link to sept   իբրեւ երթայցես այսօր յինէն՝ գտցես երկո́ւս արս առ գերեզմանաւն հռաքելի՝ ՛ի լերինն բենիամինի, զի մեծամեծս վազիծեն, եւ ասիծեն ցքքեզ. գտա́ն էշքն՝ յորոց դուն ՛ի խնդիր երթեա́լ էիր. եւ թողեալ հօր քոյ զիրս իշոցն հոգա́յ վասն ձեր. եւ ասէ զի՞նչ արարից վ(ա)ս(ն) որդւոյ իմոյ։

Verse: 3  Link to sept   Եւ երթիցես անտի ե́ւս անդր, եւ հասցե́ս մինչեւ ՛ի կաղնին դեբովրայ. եւ գտցես անդ երի́ս արս որ ելանիցեն առ ա(ստուա)ծ ՛ի բեթէլ. միոյն բարձեալ ո́ւլս երիս, եւ միւսոյն բարձեալ երի́ս ամանս հացի, եւ միոյն բարձեալ տիկ մի գինւոյ.

Verse: 4  Link to sept   եւ հարցցե́ն զքէն ՛ի խաղաղաութի(ւն). եւ տացեն քեզ երկուս պտուղս հացի, եւ առցե́ս ՛ի ձեռաց նոցա։

Verse: 5  Link to sept   եւ ապա մտցես ՛ի բլուրն ա(ստուծո)յ, ուր է́ գունդ այլազգեացն։ Եւ եղիցի յորժամ մտանիցես ՛ի քաղաքն, դիպեսցիս պարո́ւ մարգարէից իջելոց ՛ի բամայ. եւ առաջի ն(ո)ց(ա) սրի́նգ, եւ թմբուկ, եւ փող, եւ քնար. եւ ինքեանք մարգարէացեալք։

Verse: 6  Link to sept   եւ խաղասցէ ՛ի վ(ե)ր(այ) քո հոգի տ(եառ)ն, եւ մարգարէասցիս եւ դո́ւ ընդ ն(ո)ս(ա). եւ դարձցիս յա́յր յա́յլ։

Verse: 7  Link to sept   Եւ եղիցի յորժամ գայցեն նշանքս այսոքիկ ՛ի վ(ե)ր(այ) քո, արասցե́ս զա(մենայ)ն ինչ զոր գտանիցէ ձեռն քո՝ զի ա(ստուա)ծ ընդ քե́զ է։

Verse: 8  Link to sept   Եւ իջցե́ս յառաջ քան զիս ՛ի գաղգաղա. եւ ահա ես իջի́ց առ քեզ մատուցանել ողջակէ́զս եւ զոհս եւ խաղաղականս. զեւթն օր դադարեսցես մինչեւ եկի́ց առ քեզ, եւ իմացուցի́ց քեզ զորինչ առնիցես։

Verse: 9  Link to sept   Եւ եղեւ ՛ի դարձուցանել զթիկունս իւր գնալո́յ ՛ի սամուելէ, շրջեաց նմա ա(ստուա)ծ սիրտ ա́յլ. եւ եկին հասի́ն նմա ա(մենայ)ն նշանքն յաւուր յայնմիկ։

Verse: 10  Link to sept   Եւ ե́կն անտի ՛ի բլուրն, եւ ահա պա́ր մարգարէից ընդ առաջ ն(ո)ր(ա). եւ խաղաց ՛ի վ(ե)ր(այ) ն(ո)ր(ա) հոգի ա(ստուծո)յ, եւ մարգարէացա́ւ ՛ի մէջ ն(ո)ց(ա)։

Verse: 11  Link to sept   Եւ եղեւ իբրեւ ծանեան զնա ամենեքին՝ որոց յերէկն եւ յեռանտ տեսեա́լ էր զնա. եթէ ահա եւ նա́ ՛ի մէջ մարգարէիցն մարգարէանայր, ասէ ժողովուրդն իւրաքանչիւր ցընկեր իւր. զի՞նչ է այդ որ եղեւ որդւոյ կիսեայ, կամ թէ եւ սաւո՞ւղ ընդ մարգարէ́ս իցէ։

Verse: 12  Link to sept   եւ պատասխանի́ ետ ոմն ՛ի նոցանէ եւ ասէ. եւ ո՞վ է հա́յր ն(ո)ր(ա), եթէ ո́չ կի́ս. վ(ա)ս(ն) այնորիկ եղեւ յառակս, թէ եւ սաւո՞ւղ ՛ի մարգարէս։

Verse: 13  Link to sept   Եւ վախճանեա́ց զմարգարէանալն, եւ եկն ՛ի բլուրն։

Verse: 14  Link to sept   Եւ ասէ ընտանի ն(ո)ր(ա) ցնա եւ ցծառայն ն(ո)ր(ա). յո՞ չոգայք։ եւ ասեն՝ խնդրե́լ զէշսն, եւ իբրեւ տեսաք թէ չե́ն ուրեք՝ մտա́ք առ սամուէլ։

Verse: 15  Link to sept   Եւ ասէ ընտանին ցսաւուղ, պատմեա́ ինձ զի՞նչ ասա́ց քեզ սամուէլ։

Verse: 16  Link to sept   Եւ ասէ սաւուղ ցընտանին իւր. պատմելո́վ պատմեաց ինձ եթէ գտա́ն էշքն։ բայց զբան թագաւորութե(ա)ն ո́չ եհան նմա ՛ի վեր, զոր ասաց նմա սամուէլ։

Verse: 17  Link to sept   Եւ ժողովեա́ց սամուէլ զա(մենայ)ն ժողովուրդն առ տ(է)ր ՛ի մասեփաթ.

Verse: 18  Link to sept   եւ ասէ ցորդիսն ի(սրաէ)լի. Ա́յսպէս խօսեցաւ տ(է)ր ա(ստուա)ծ ի(սրաէ)լի, եւ ասէ. ե́ս եմ որ հանի զորդիսն ի(սրաէ)լի յեգիպտոսէ. եւ փրկեցի զձեզ ՛ի ձեռաց փարաւոնի արքային եգիպտացւոց, եւ յա(մենայ)ն թագաւորութե(ան)ց նեղչաց ձերոց։

Verse: 19  Link to sept   եւ դուք այսօր անարգեցէ́ք զա(ստուա)ծ, որ է փրկիչ ձեր յամենեցունց որ շուրջ զձե́ւք են՝ եւ նեղեն զձեզ. եւ ասացէք՝ ո́չ այդպէս, այլ զի կացուսցես ՛ի վ(ե)ր(այ) մեր թագաւոր։ Եւ արդ՝ կացէ́ք առաջի տ(եառ)ն՝ ըստ իշխանութե(ան)ց ձերոց, եւ ըստ գաւազանաց ձերոց, եւ ը(ս)տ հազարաւորա́ց ձերոց։

Verse: 20  Link to sept   Եւ մատո́յց սամուէլ զա(մենայ)ն գաւազանսն ի(սրաէ)լի, եւ ել վիճակն գաւազանին բենիամինի։

Verse: 21  Link to sept   Եւ մատոյց զգաւազանն բենիամինի ըստ ցեղից, եւ ելանէ́ր վիճակն ցեղի́ն ամատտարեայ։ Եւ մատուցին զցեղն ամատտարեայ ըստ արա́նց. եւ ելանէր վիճակն սաւուղայ որդւո́յ կիսեայ։ եւ խնդրէր զնա՝ եւ ո́չ գտանէր։

Verse: 22  Link to sept   Եւ եհարց միւսանգամ սամուէլ զտ(է)ր՝ եւ եթէ գայցէ՞ այսր այրն։ եւ ասէ տ(է)ր, աւադիկ թաքուցեա́լ է ընդ կարասեաւ։

Verse: 23  Link to sept   եւ ընթացաւ եւ ա́ռ զնա անտի, եւ կացո́յց զնա ՛ի մէջ ժողովրդեանն. եւ բարձրացա́ւ քան զա(մենայ)ն ժողովուրդն թիկամբք չափ ՛ի վեր։

Verse: 24  Link to sept   Եւ ասէ սամուէլ ցա(մենայ)ն ժողովուրդն. եթէ տեսանիցէ՞ք զոր ընտրեացդ իւր տ(է)ր, զի ո́չ գոյ նման դորա յամենեսին ՛ի ձեզ։ եւ ծանեա́ն ամ(ենայն) ժողովուրդն եւ ասեն՝ կեցցէ́ արքայ։

Verse: 25  Link to sept   Եւ ասա́ց սամուէլ ժողովրդեանն զիրաւունս թագաւորին. եւ գրեա́ց ՛ի մատենի, եւ ե́դ առաջի տ(եառ)ն։ եւ արձակեաց սամուէլ զա(մենայ)ն ժողովուրդն. եւ գնա́ց իւրաքանչիւրոք ՛ի տեղի իւր։

Verse: 26  Link to sept   եւ սաւուղ գնա́ց ՛ի տուն իւր ՛ի գաբաա։ Եւ գնացի́ն որդիք զօրութե(ան)՝ զորոց գրգռեա́ց տ(է)ր՝ զսիրտս ն(ո)ց(ա) ը(նդ) սաւուղայ։

Verse: 27  Link to sept   Եւ որդիք ժանտք ասէին, թէ ո՞ է սա՝ որ փրկիցէ զմեզ. եւ անարգեցին զնա՝ եւ ո́չ բերին նմա պատարագս։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ եղեւ յետ ամսո́յ միոյ աւուրց. ել նաա́ս ամովնացի, եւ բանակեցաւ զյաբիսաւ գաղաադու։ Եւ ասեն ա(մենայ)ն արք յաբիսայ՝ ցնաաս ամովնացի. ուխտեա́ ընդ մեզ ուխտ, եւ ծառայեսցո́ւք քեզ։

Verse: 2  Link to sept   Եւ ասէ ցն(ո)ս(ա) նաաս ամոնացի. այնո́ւ ուխտեցից ընդ ձեզ ուխտ, եթէ հանիցէ́ք զա(մենայ)ն ակն ձեր զաջոյ. եւ եդից նախատինս ՛ի վ(ե)ր(այ) ա(մենայ)ն ի(սրաէ)լի։

Verse: 3  Link to sept   Եւ ասեն արք յաբիսայ ցնաաս թո́յլ տուր մեզ աւուրս եւթն. եւ առաքեսցուք հրեշտակս յա(մենայ)ն սահմանս ի(սրաէ)լի, եթէ չիցէ́ ոք որ փրկիցէ զմեզ՝ ելցո́ւք առ քեզ։

Verse: 4  Link to sept   Եւ եկին հրեշտակքն ՛ի գաբաա առ սաւուղ, եւ խօսեցան զբանսն յականջս ժողովրդեանն. եւ ամբարձի́ն ժողովուրդն զձայնս իւրեանց եւ լացին։

Verse: 5  Link to sept   Եւ ահա սաւուղ գա́յր ընդ առաւօտն յանդոյ, եւ ասէ սաւուղ. զի՞նչ իցէ զի լա́յ ժողովուրդն։ եւ պատմեցին նմա զպատգամս որդւոցն յաբիսայ։

Verse: 6  Link to sept   Եւ խաղա́ց հոգի տ(եառ)ն ՛ի վ(ե)ր(այ) սաւուղայ իբրեւ լուաւ զբանսն զայնոսիկ. եւ սրտմտեցա́ւ բարկութի(ւն) ն(ո)ր(ա) յոյժ։

Verse: 7  Link to sept   Եւ ա́ռ երկուս եզինս եւ յօշեա́ց զնոսա, եւ առաքեաց յա(մենայ)ն սահմանս ի(սրաէ)լի ՛ի ձեռն հրեշտակաց՝ եւ ասէ. որ ոք ո́չ ելանիցէ զհետ սաւուղայ եւ զհետ սամուելի, ըստ այդմ օրինակի արասցեն զեզինս ն(ո)ր(ա)։ Եւ անկաւ ա́հ տ(եառ)ն ՛ի վ(ե)ր(այ) ա(մենայ)ն ժողովրդեանն ի(սրաէ)լի. եւ խրախուսեցին իբրեւ զմի́ այր։

Verse: 8  Link to sept   Եւ հանդէ́ս արար ն(ո)ց(ա) ՛ի բեղեկ. ա(մենայ)ն այր ի(սրա)էլացի ելին վեցհարիւր հազար, եւ այր յուդայ եւթանասուն հազար։

Verse: 9  Link to sept   Եւ ասէ ցհրեշտակսն եկեալս։ ա́յսպէս ասասջիք ցարս յաբիսայ գաղաադու. վաղի́ւ եղիցի ձեզ փրկութի(ւն) ընդ ջեռուցանել արեգականն։ եւ եկի́ն հրեշտակքն ՛ի քաղաքն, եւ պատմեցին արանցն յաբիսայ. եւ ուրա́խ եղեն։

Verse: 10  Link to sept   Եւ ասեն արք յաբիսայ ցնաաս ամոնացի. վաղի́ւ ելցուք մեք առ ձեզ, եւ արասջի́ք ը(նդ) մեզ որ ինչ հաճոյ իցէ առաջի ձեր։

Verse: 11  Link to sept   Եւ եղեւ ՛ի վաղիւ անդր, եւ բաժանեա́ց սաւուղ զժողովուրդն յերի́ս առաջս. եւ մտին ՛ի մէջ բանակին յառաւօտին պահուն, եւ հարկանէի́ն զորդիսն ամոնայ մինչեւ ՛ի ջեռնո́ւլ արեւուն։ եւ եղեն մնացեալքն ցրուեա́լք, եւ ո́չ մնացին ՛ի նոցանէ երկո́ւ ՛ի միասին։

Verse: 12  Link to sept   Եւ ասէ ժողովուրդն ցսամուէլ. ո՞վ է որ ասացն՝ թէ մի́ թագաւորեսցէ մեզ սաւուղ. տո́ւր ՛ի ձեռս զարսն՝ եւ սպանցո́ւք զն(ո)ս(ա)։

Verse: 13  Link to sept   Եւ ասէ սամուէլ, մի́ ոք մեռցի յաւուր յայսմիկ. զի ա́յսօր արար տ(է)ր զփրկութի(ւն) ի(սրաէ)լի։

Verse: 14  Link to sept   Եւ խօսեցաւ սամուէլ ընդ ժողովրդեանն եւ ասէ. երթիցո́ւք ՛ի գաղգաղա, եւ արասցուք նաւակատիս թագաւորութե(ան)։

Verse: 15  Link to sept   Եւ չոգա́ւ ա(մենայ)ն ժողովուրդն ՛ի գաղգաղա, եւ օծ անդ սամուէլ զսաւուղ ՛ի թագաւո́ր առաջի տ(եառ)ն ՛ի գաղգաղա. եւ զոհեցին անդ զոհս խաղաղականս առաջի տ(եառ)ն։ եւ ուրա́խ եղեւ անդ սամուէլ եւ ա(մենայ)ն ժողովուրդն յոյժ։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ ասէ́ սամուէլ ցա(մենայ)ն արս ի(սրա)էլացիս։ ահաւասիկ լուայ ձայնի ձերում յա(մենայ)նի զոր ասացէք ինձ, եւ թագաւորեցուցի ձեզ թագաւոր.

Verse: 2  Link to sept   եւ արդ՝ աւադիկ թագաւո́ր ելանէ առաջի ձեր։ ես ծերացեա́լ եմ, երթայց նստայց. եւ որդիքդ իմ աւադիկ են ՛ի միջի ձերում։ Եւ ես շրջեցա́յ առաջի ձեր ՛ի մանկութ(են)է իմմէ մինչեւ ցայսօր, ահա́ւասիկ կա́մ ես,

Verse: 3  Link to sept   տո́ւք զինէն պատասխանի առաջի տ(եառ)ն եւ առաջի օծելոյ ն(ո)ր(ա)։ Եթէ զեզն ուրուք առի́, կամ զէշ ուրուք վարեցի, կամ յաղթահարեցի́ զոք ՛ի ձէնջ. կամ թէ զրկեցի́ ինչ զոք։ յոյ՞ր ձեռաց առի հա́ս, կա́մ կօշիկս. տո́ւք զինէն պատասխանի, եւ հատուցի́ց ձեզ։

Verse: 4  Link to sept   Եւ ասեն ցսամուէլ. ո́չ մեղար մեզ եւ ո́չ զրկեցեր զմեզ, եւ ո́չ նեղեցեր զմեզ, եւ ո́չ առեր ՛ի ձեռա́ց ուրուք եւ ոչ ինչ։

Verse: 5  Link to sept   Եւ ասէ́ սամուէլ ցժողովուրդն. վկայ լիցի տ(է)ր ՛ի միջի մերում, եւ վկայ օծեալս ն(ո)ր(ա) այսօր յաւուր յայսմիկ. զի ո́չ գտէք ՛ի ձեռին իմում եւ ո́չ ինչ։ եւ ասեն՝ լիցի վկայ։

Verse: 6  Link to sept   Եւ խօսեցա́ւ սամուէլ ընդ ժողովրդեանն եւ ասէ. վկայ լիցի տ(է)ր՝ որ արար զմովսէս եւ զահարոն, որ եհան զհարսն մեր յեգիպտոսէ։

Verse: 7  Link to sept   Եւ արդ՝ կացեք յառաջ՝ եւ դատեցայց զձեզ առաջի տ(եառ)ն. եւ պատմեցից ձեզ զա(մենայ)ն արդարութի(ւն)ս զոր արար տ(է)ր ՛ի միջի ձերում, եւ ՛ի հարսն ձեր.

Verse: 8  Link to sept   յորժամ եմուտ յակոբ եւ որդիք ն(ո)ր(ա) յեգիպտոս, եւ լլկեա́ց զն(ո)ս(ա) եգիպտոս. եւ աղաղկեցին հարքն մեր առ տ(է)ր, եւ առաքեաց տ(է)ր զմովսէս եւ զահարոն, եւ եհա́ն զհարսն մեր յեգիպտոսէ, եւ բնակեցո́յց ՛ի տեղւոջս յայսմիկ։

Verse: 9  Link to sept   եւ մոռացա́ն զտ(է)ր ա(ստուա)ծ իւրեանց. եւ մատնեա́ց զն(ո)ս(ա) ՛ի ձեռս սիսարայ զօրավարին յաբինայ արքային ասովրայ, եւ ՛ի ձեռն այլազգեաց. եւ ՛ի ձեռս թագաւորին մովաբայ, եւ պատերազմեցա́ն ընդ նոսա։

Verse: 10  Link to sept   Եւ աղաղակեցին առ տ(է)ր եւ ասեն. մեղաք՝ զի թողաք զտ(է)ր՝ եւ ծառայեցաք բահաղիմա́յցն եւ անտառացն. եւ արդ՝ ապրեցո́ զմեզ ՛ի ձեռաց թշնամեաց մերոց՝ եւ ծառայեսցո́ւք քեզ։

Verse: 11  Link to sept   Եւ առաքեաց տ(է)ր զյերոբովաղ, եւ զբարակ, եւ զյեփթայէ, եւ զսամփսոն. եւ ապրեցո́յց զձեզ ՛ի ձեռաց թշնամեաց ձերոց շուրջանակի, եւ բնակեցէք վստահութ(եամ)բ։

Verse: 12  Link to sept   Եւ տեսէք զի նաա́ս ամոնացի եկն ՛ի վ(ե)ր(այ) ձեր, եւ ասացէք. ո́չ այդպէս, այլ զի թագաւո́ր թագաւորեսցէ ՛ի վ(ե)ր(այ) մեր. եւ տ(է)ր ա(ստուա)ծ մեր՝ թագաւոր մեր։

Verse: 13  Link to sept   Եւ արդ՝ աւադիկ թագաւո́րդ զոր ընտրեցէք, եւ զոր խնդրեցէք. եւ ահա ետ ձեզ տ(է)ր թագաւոր։

Verse: 14  Link to sept   Եթէ երկնչիցիք ՛ի տ(եառն)է, եւ ծառայիցէ́ք նմա, եւ լսիցէք ձայնի ն(ո)ր(ա)՝ եւ ո́չ հեստիցէք ՛ի բերանոյ տ(եառ)ն. եւ լինիցիք դուք եւ թագաւորն՝ որ թագաւորեսցէ ձեզ երթալ զկնի տ(եառ)ն, ո́չ եղիցի ձեռն տ(եառ)ն ՛ի վ(ե)ր(այ) ձեր եւ ՛ի վ(ե)ր(այ) թագաւորին ձերոյ։

Verse: 15  Link to sept   Ապա թէ ո́չ լսիցէք ձայնի տ(եառ)ն, եւ հեստիցէք բերանոյտ(եառ)ն, եղիցի ձեռն տ(եառ)ն ՛ի վ(ե)ր(այ) ձեր, եւ ՛ի վ(ե)ր(այ) թագաւորին ձերոյ։

Verse: 16  Link to sept   Եւ արդ՝ կացէ́ք եւ տեսէ́ք զբանս զայս մեծ, զոր արասցէ տ(է)ր առաջի աչաց ձերոց։

Verse: 17  Link to sept   Ո́չ ապաքէն հունձք ցորենոյ են այսօր. կարդացի́ց առ տ(է)ր՝ եւ տացէ ձայնս եւ անձրեւս, եւ գիտասջի́ք եւ տեսջի́ք՝ թէ մեծ է չարու(թ)ի(ւն) ձեր՝ զոր արարէք առաջի տ(եառ)ն խնդրել ձեզ թագաւոր։

Verse: 18  Link to sept   Եւ կարդա́ց սամուէլ առ տ(է)ր, եւ ետ տ(է)ր ձա́յնս եւ անձրեւս յաւուր յայնմիկ։

Verse: 19  Link to sept   եւ երկեա́ւ ա(մենայ)ն ժողովուրդն յոյժ ՛ի տ(եառն)է՝ եւ ՛ի սամուելէ։ Եւ ասէ́ ա(մենայ)ն ժողովուրդն ցսամուէլ. կա́ց յաղօթս առ տ(է)ր ա(ստուա)ծ քո վ(ա)ս(ն) ծառայից քոց՝ եւ մի́ մեռցուք. զի յաւելաք յա(մենայ)ն մեղս մեր եւ ՛ի չարիս, եւ խնդրեցաք մեզ թագաւոր։

Verse: 20  Link to sept   Եւ ասէ սամուէլ ցժողովուրդն. մի́ երկնչիք. դուք արարէք զայդ ա(մենայ)ն չարիս. բայց մի́ խոտորիցիք ՛ի տ(եառն)է, եւ ծառայեցէ́ք տ(եառ)ն յա(մենայ)ն սրտէ ձերմէ.

Verse: 21  Link to sept   եւ մի́ երթայցէք զհետ ոչնչիցն, որ ո́չ ինչ վճարեն, եւ ո́չ փրկեն. քանզի չեն ա(ստուա)ծք։

Verse: 22  Link to sept   զի ոչ մերժեսցէ տ(է)ր զժողովուրդ իւր վ(ա)ս(ն) անուան իւրոյ մեծի. զի հեզութ(եամ)բ ա́ռ զձեզ տ(է)ր իւր ժողովուրդ։

Verse: 23  Link to sept   Եւ ինձ քա́ւ լիցի մեղանչել տ(եառ)ն, հեղգա́լ առ ՛ի չառնելոյ աղօթս վասն ձեր. եւ ծառայեցէ́ք տ(եառ)ն, եւ ցուցի́ց ձեզ զճանապարհ զբարի́ եւ զուղիղ։

Verse: 24  Link to sept   բայց երկերո́ւք ՛ի տ(եառ)նէ, եւ ծառայեցէ́ք նմա ճշմարտութ(եամ)բ յա(մենայ)ն սրտէ ձերմէ. քանզի տեսէ́ք զմեծամեծսն զոր արար ը(նդ) մեզ։

Verse: 25  Link to sept   եւ եթէ խարդախու(թեամ)բ խարդախիցէք, եւ դո́ւք եւ թագաւոր ձեր սատակիցիք։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Որդի տարեւո́ր սաւուղ ՛ի թագաւորել իւրում, եւ երկո́ւս ամս թագաւորեաց ՛ի վերայ ի(սրաէ)լի։

Verse: 2  Link to sept   Եւ ընտրեա́ց իւր սաւուղ երիս հազարս՝ արս յարանցն ի(սրաէ)լի. եւ էին ընդ նմա երկու հազարք ՛ի մաքմաս, եւ ՛ի լերինն բեթէլայ էին ընդ յովնաթանու հազար ՛ի գաբաա բենիամինի. եւ զմնածոեդս ժողովրդեանն արձակեա́ց յիւրաքանչի́ւր բնակու(թ)ի(ւն)ս։

Verse: 3  Link to sept   Եւ եհա́ր յովնաթան զնասի́բ այլազգի, որ էր ՛ի բլրին. եւ լուա́ն այլազգիքն։ եւ սաւուղ փո́ղ եհար ընդ ա(մենայ)ն երկիրն՝ եւ ասէ, եթէ անգոսնեցին ծառայքն։

Verse: 4  Link to sept   Եւ լուա́ն ա(մենայ)ն ի(սրա)էլ, ասեն եթէ եհա́ր սաւուղ զնասիբ այլազգի. եւ յամօ́թ արար ի(սրա)էլ զայլազգիսն. եւ գոչեա́ց ժողովուրդն զհետ սաւուղայ ՛ի գաղգաղա։

Verse: 5  Link to sept   Եւ այլազգիքն ժողովեա́լէին ՛ի պատերազմ ընդ ի(սրաէ)լի. եւ ելին ՛ի վ(ե)ր(այ) ի(սրաէ)լի երեսո́ւն հազար կառաց, եւ վե́ց հազար հեծելոց, եւ ժողովուրդն իբրեւ զաւա́զ առ եզերբ ծովու բազմութ(եամ)բ. ելին եւ բանակեցան ՛ի մաքմաս, յանդիման բեթրովնայ ընդ հարաւ։

Verse: 6  Link to sept   Եւ ետես այր ի՝լի եթէ անձո́ւկ է նմա մերձենալ առ նա, եւ թաքեա́ւ ժողովուրդն յայրս, եւ ՛ի գոմս եւ ՛ի վէմս, եւ ՛ի խորխորա́տս, եւ ՛ի ջրհորս։

Verse: 7  Link to sept   եւ որ անցանելոցն էին ընդ յորդանան՝ անցին յերկիրն գադայ եւ գաղաադու։
   Եւ սաւուղ դեռ անդէ́ն եւս էր ՛ի գալգաղա, եւ ա(մենայ)ն ժողովուրդն թօթափեցա́ն ՛ի նմանէ։

Verse: 8  Link to sept   եւ դադարեա́ց զեւթն օր վկայու(թ)ե(ա)ն՝ ո(ր)պ(էս) եւ ասա́ց սամուէլ. եւ ո́չ եկն սամուէլ ՛ի գաղգաղա, եւ ցրուեցա́ւ ժողովուրդն իւր ՛ի նմանէ։

Verse: 9  Link to sept   Եւ ասէ սաւուղ՝ մատուցէ́ք զի արարից ողջակէզս եւ խաղաղականս. եւ եհան զողջակէզսն։

Verse: 10  Link to sept   եւ եղեւ իբրեւ կատարեա́ց մատուցանել զողջակէզսն, ե́կն սամուէլ։ եւ ել սաւուղ ընդ առաջ նորա օրհնե́լ զնա։

Verse: 11  Link to sept   Եւ ասէ սամուէլ. զի՞նչ գործեցեր։ եւ ասէ սաւուղ. զի տեսի թէ ցրուեցա́ւ ժողովուրդ իմ յինէն, եւ դու ո́չ եկիր ո(ր)պ(էս) ուխտեցեր ՛ի վկայութե(ան) աւուրցն. եւ այլազգիքն ժողովեցան ՛ի մաքմաս.

Verse: 12  Link to sept   եւ ասացի՝ թէ արդ իջանիցեն այլազգիքն ՛ի վերայ իմ ՛ի գաղգաղա. եւ զերեսս տ(եառ)ն չէ́ր աղաչեալ. ժտեցայ՝ եւ մատուցի զողջակէզսն։

Verse: 13  Link to sept   Եւ ասէ սամուէլ ցսաւուղ ՛ի զո́ւր է քեզ, զի ո́չ պահեցեր զպատուիրանն իմ զոր պատուիրեաց տ(է)ր. զի այժմ հաստատէր տ(է)ր զթագաւորութի(ւն) քո ՛ի վ(ե)ր(այ) ի(սրաէ)լի մինչեւ յաւիտեան։

Verse: 14  Link to sept   բայց արդ՝ մի́ կացցէ թագաւորութի(ւն) քո, եւ խնդրեսցէ իւր տ(է)ր ա́յր ըստ սրտի իւրում. եւ տացէ զնա պատուիրանաւ իշխա́ն ՛ի վ(ե)ր(այ) ժողովրդեան իւրոյ. զի ո́չ պահեցեր՝ զոր ինչ պատուիրեաց քեզ տ(է)ր։

Verse: 15  Link to sept   Եւ յարեա́ւ սամուէլ՝ եւ գնաց ՛ի գաղգաղայ զճանապարհ իւր։ Եւ մնացորդք ժողովրդեանն ելի́ն զհետ սաւուղայ ընդառաջ պատերազմական ժողովրդեանն։ եւ ՛ի հասանել ն(ո)ց(ա) ՛ի գաղգաղա ՛ի գաբաա́ բենիամինի։
   Հանդէ́ս արար սաւուղ ժողովրդեանն գտելոյ ը(նդ) նմա, իբրեւ վեցհարիւրո́ց արանց։

Verse: 16  Link to sept   Եւ սաւո́ւղ՝ եւ յովնաթան որդի ն(ո)ր(ա), եւ ժողովուրդն գտեալ ընդ ն(ո)ս(ա)՝ նստա́ն ՛ի գաբաա բենիամինի. եւ այլազգիքն բանակեալ էին ՛ի մաքմաս։

Verse: 17  Link to sept   Եւ ելանէր ապականիչն յանդէ այլազգեացն յերիս առաջս։ առա́ջ մի՝ որ հայէր ը(նդ) ճանապարհն ոփերա́յ յաղբեւրն սոգովղայ.

Verse: 18  Link to sept   եւ առաջ մի ը(նդ) ճանապարհն՝ որ հայէր ՛ի բոթորոն. եւ առաջ մի՝ ընդ ճանապարհն որ հայէր ՛ի գաբայէ յառեալ ՛ի գայի սաբայի́ն անապատին։

Verse: 19  Link to sept   Եւ դարբին երկաթոյ ո́չ գտանէր յա(մենայ)ն երկիրն ի(սրաէ)լի. քանզի ասէին այլազգիքն եթէ գուցէ́ առնիցեն եբրայեցիքն սուսե́ր եւ գեղարդն։

Verse: 20  Link to sept   Եւ իջանէին ա(մենայ)ն ի(սրա)էլացիքն յերկիրն այլազգեաց, թեքե́լ իւրաքանչիւր զգերանդի́ իւր եւ զգործի́ իւր, եւ իւրաքանչիւր զփայտա́տ իւր, եւ զմանգա́ղ իւր։

Verse: 21  Link to sept   Եւ էին կութք պատրա́ստ հնձելոյ։ եւ կահին՝ երեք սկեղք էին խոփոյ եւ կացնոյ եւ մանգաղի յա́րդ հանգոյն նմին։

Verse: 22  Link to sept   Եւ եղեւ յաւուրս պատերազմին որ ՛ի մաքմաս. եւ ո́չ գտանէր սուսեր եւ գեղարդն ՛ի ձեռին ա(մենայ)ն ժողովրդեանն՝ որ էին ընդ սաւուղայ եւ ը(նդ) յովնաթանու որդւոյ ն(ո)ր(ա). եւ գտա́ւ սաւուղայ եւ յովնաթանու որդւոյ ն(ո)ր(ա)։

Verse: 23  Link to sept   Եւ ել ՛ի ճամբա́ր այլազգեացն յա́յնկոյս մաքմասայ. եւ հօր իւրում ո́չ եհան ՛ի վեր։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ եղեւ օր. եւ ասէ յովնաթան որդի սաւուղայ ցպատանին ցկապարակիրն իւր. ե́կ անցցո́ւք ՛ի կիրճս այլազգեացն յա́յնկոյս. եւ հօր իւրում ո́չ պատմեաց։

Verse: 2  Link to sept   Եւ սաւուղ նստէր ՛ի գլուխ բլրին ընդ նռնենեա́ւն ՛ի մագդովղ. եւ էին ընդ նմա իբրեւ վեց հարի́ւր այր ՛ի ժողովրդենէն։

Verse: 3  Link to sept   Եւ աքիա՝ որդի աքիտովբայ եղբօր քաբիելի. որդւոյ փենեհեսի որդւոյ ղեւեա́յ քահանայի ա(ստուծո)յ ՛ի սելով՝ որ կրէր ղեփուդն։ Եւ ժողովուրդն ո́չ գիտէր եթէ երթեա́լ իցէ յովնաթան

Verse: 4  Link to sept   ՛ի մէջ կրճին, ընդ որ խնդրէր անցանել յովնաթան ՛ի ճամբա́ր այլազգեացն ՛ի կիրճս. եւ քարաժայռք յայսմ կողմանէ, եւ քարաժայռք յայնմ կողմանէ. անուն միումն բազէ́ս, եւ անուն միւսումն սէնարա։

Verse: 5  Link to sept   եւ ժա́յռ մի ՛ի հիւսւսոյ որ երթայր ընդ մաքմաս, եւ միւսեւս ժայռ՝ որ երթայր ՛ի հարաւոյ ՛ի գաբայէ։

Verse: 6  Link to sept   Եւ ասէ յովնաթան ցպատանին ցկապարճակիրն իւր. ե́կ անցցուք ՛ի կիրճս անթլփատիցն այնոցիկ. թերեւս արասցէ ինչ մեզ տ(է)ր. զի ո́չ ինչ է խտիր տ(եառ)ն ապրեցուցանել բազմօք կամ սակաւուք։

Verse: 7  Link to sept   Եւ ասէ ցնա կապարճակիրն իւր. արա́ զա(մենայ)ն ինչ յոր եւ յօժարեսցէ սիրտ քո. ահաւասիկ ես ընդ քե́զ եմ. ո(ր)պ(էս) սիրտ քո՝ սի́րտ իմ։

Verse: 8  Link to sept   Եւ ասէ յովնաթան. ահաւասիկ մեք անցանեմք առ արսն. եւ յափսիթե́րս երթիցուք առ ն(ո)ս(ա),

Verse: 9  Link to sept   եթէ ասիցեն ցմօղ. ՛ի բաց կացէք այտի մինչեւ պատմեսցուք ինչ ձեզ. զտեղի́ կալցուք՝ եւ մի́ ելցուք առ ն(ո)ս(ա)։

Verse: 10  Link to sept   Ապա թէ ասիցեն՝ ելէք առ մեզ. ելցո́ւք, զի մատնեա́ց զնոսա տ(է)ր ՛ի ձեռս մեր։ ա́յս լիցի մեզ նշանակ։

Verse: 11  Link to sept   Եւ մտի́ն երկոքեան ՛ի կիրճս այլազգեացն։ եւ ասեն այլազգիքն՝ ահա եբրայեցիքն ելանեն ՛ի ծակուց իւրեանց՝ ուր թաքուցեալ էին։

Verse: 12  Link to sept   Եւ պատասխանի ետուն արք կրճացն՝ եւ ասեն ցյովնաթան եւ ցկապարճակիրն. ելէ́ք առ մեզ՝ եւ ծանուսցուք ձեզ բանս։ եւ ասէ յովնաթան ցկապարճակիրն իւր. ե́կ զկնի իմ զի մատնեաց զնոսա տ(է)ր ՛ի ձեռս ի(սրաէ)լի։

Verse: 13  Link to sept   Եւ ել յովնաթան յափսիթերս, եւ կապարճակիրն ն(ո)ր(ա) ը(նդ) նմա. եւ հայեցան ընդդէմ յովնաթանու, եւ եհա́ր զնոսա. եւ կապարճակիրն տա́յր ստէպ զհետ ն(ո)ր(ա)։

Verse: 14  Link to sept   Եւ եղեն առաջին հարուածքն զոր եհար զն(ո)ս(ա) յովնաթան՝ եւ կապարճակիրն իւր՝ իբրեւ քսա́ն արանց, նետի́ւք եւ բռնաքարա́մբք դաշտին։

Verse: 15  Link to sept   Եւ եղեւ խռովութի(ւն) յանդին եւ ՛ի բանակին. եւ ա(մենայ)ն ժողովուրդն որ ՛ի կիրճսն էին՝ եւ ապականիչքն զարհուրեցա́ն, եւ ո́չ կամէին աշխատել. եւ դղրդեցա́ւ երկիրն, եւ եղեւ ա́հ ՛ի տ(եառն)է։

Verse: 16  Link to sept   Եւ տեսին դէաքն սաւուղայ ՛ի գաբաայ բենիամինի, եւ ահա խռովեա́լ էր բանակն յա́յսկոյս յայնկոյս։

Verse: 17  Link to sept   Եւ ասէ սաւուղ ցժօղովուրդն որ ընդ նմա. հանդէ́ս արարէք եւ տեսէք՝ ո՞վ երթեալ իցէ ՛ի մէնջ։ եւ հանդէ́ս արարին, եւ ո́չ գտանէր յովնաթան՝ եւ կապարճակիր ն(ո)ր(ա)։

Verse: 18  Link to sept   Եւ ասէ սաւուղ ցաքիա. մատո́ զեփուդդ. քանզի նա́ կրէր զեփուդն. զի էր տապանակն ա(ստուծո)յ յաւուր յայնմիկ առաջի ի(սրաէ)լի։

Verse: 19  Link to sept   Եւ եղեւ մինչդեռ խօսէր սաւուղ ընդ քահանային, եւ աղաղա́կ ՛ի բանակին այլազգեաց երթալով երթա́յր եւ յաճախէր։ եւ ասէ սաւուղ ցքահանայն. ամփոփեա́ զձեռն քո։

Verse: 20  Link to sept   Եւ ել սաւուղ եւ ա(մենայ)ն ժողովուրդն որ ը(նդ) նմա, եւ եկին մինչեւ ցպատերազմն։ եւ ահա եղեւ սո́ւր ա́ռն ՛ի վ(ե)ր(այ) ընկերի իւրոյ, եւ աղմուկ մե́ծ յոյժ։

Verse: 21  Link to sept   Եւ ծառայքն՝ որ էին ընդ այլազգիսն յերէկն եւ յեռանտն՝ որ ելեալ էին ընդ բանակին, դարձա́ն անդրէն լինել ընդ ի(սրաէ)լի, եւ ընդ սաւուղայ եւ յովնաթանու։

Verse: 22  Link to sept   Եւ ա(մենայ)ն ի(սրա)էլ որ թաքուցեալ էին ՛ի լերինն եփրեմի, իբրեւ լուան թէ փախեա́ն այլազգիքն, խմբեցան եւ նոքա́ եւս զհետ ն(ո)ց(ա) ՛ի պատերազմ։

Verse: 23  Link to sept   Եւ փրկեաց տ(է)ր յաւուր յայնմիկ զի(սրա)էլ. եւ պատերազմն պատեցա́ւ զբեթաւանաւ։

Verse: 24  Link to sept   եւ ա(մենայ)ն ժողովուրդն էր ը(նդ) սաւուղայ իբրեւ տասն հազար արանց. եւ է́ր պատերազմ ցրուեալ ընդ ա(մենայ)ն քաղաքսն ՛ի լերինն եփրեմի։ Եւ սաւուղ անգիտացա́ւ անգիտութի(ւն) յաւուր յայնմիկ. եւ նզովեա́ց զժողովուրդն՝ եւ ասէ, անիծեա́լ լիցի մարդն՝ որ կերիցէ հաց մինչեւ ցերեկոյ, մինչեւ խնդրեցից վրէ́ժ ՛ի թշնամեաց իմոց։ Եւ ո́չ ճաշակեաց ա(մենայ)ն ժողովուրդն հա́ց,

Verse: 25  Link to sept   եւ ա(մենայ)ն երկիրն ճաշէ́ր։ Եւ ա́նդ էր անտառ մեղուաց հանդէ́պ անդին,

Verse: 26  Link to sept   եւ եմուտ զօրն ՛ի մեղուանոցն, եւ անցանէին քրթմնջելով. եւ չէ́ր ոք որ դարձուցանէր զձեռն իւր ՛ի բերան իւր. քանզի երկեա́ւ ժողովուրդն յերդմանէն տ(եառ)ն։

Verse: 27  Link to sept   Եւ յովնաթանու չէ́ր լուեալ՝ թէ երդմնեցոյց հայր ն(ո)ր(ա) զժողովուրդն, եւ կարկա́ռ զծագ գաւազանի իւրոյ որ ՛ի ձեռին իւրում, եւ եհա́ր ՛ի խարիսխ մեղու. եւ դարձոյց զձեռն իւր ՛ի բերան իւր, եւ բացա́ն աչք ն(ո)ր(ա)։

Verse: 28  Link to sept   Եւ պատասխանի ետ ոմն ՛ի զօրուէ́ անտի եւ ասէ. երդմնեցուցանելո́վ երդմնեցոյց հայր քո զժողովուրդս՝ եւ ասէ. անիծեա́լ լիցի այր որ կերիցէ հաց մինչեւ ցերեկոյ։ եւ լքա́ւ ժողովուրդն։

Verse: 29  Link to sept   Եւ իբրեւ գիտաց յովնաթան, ասէ. կորո́յս հայր իմ զերկիրս. զի թէ տեսին աչք իմ, վ(ա)ս(ն) զի ճաշակեցի սակա́ւ մի ՛ի մեղուէս յայսմանէ.

Verse: 30  Link to sept   եթէ ուտելո́վ կերեալէր այսօր ժողովրդեանն յաւարէ թշնամեաց իւրեանց զոր գտին՝ մեծամեծ հարուածս առնէին յայլազգիսն։

Verse: 31  Link to sept   Եւ եհա́ր յաւուր յայնմիկ յայլազգեացն ՛ի մաքմաս, եւ աշխատեցա́ւ ժողովուրդն յոյժ։

Verse: 32  Link to sept   եւ յարձակեցա́ւ ժողովուրդն յաւարն։
   Եւ ա́ռ ժողովուրդն զհօտս եւ զանդեայս եւ զծնունդս արջառոց, եւ սպանանէ́ր ՛ի վ(ե)ր(այ) երկրի, եւ ուտէ́ր ժողովուրդն հանդերձ արեամբն։

Verse: 33  Link to sept   Ա́զդ եղեւ սաւուղայ եւ ասեն, թէ մեղա́ւ ժողովուրդն տ(եառ)ն. զի կերա́ն արեամբ հանդերձ։ եւ ասէ սաւուղ ՛ի գեթթամա անօրինեցա́յք. թաւալեցուցէ́ք ինձ այսր վէմ մի մեծ։

Verse: 34  Link to sept   Եւ ասէ սաւուղ. սփռեցա́յք ը(նդ) ժողովուրդդ՝ եւ ասացէ́ք ցդոսա՝ մատուցանե́լ այսր զիւրաքանչիւր արջա́ռ իւր, եւ զիւրաքանչիւր ոչխար իւր, եւ սպանէ́ք ՛ի վերայ դորա, եւ կերա́յք զդոսա. եւ մի́ մեղանչէք տ(եառ)ն ուտելով հանդերձ արեամբ։ Եւ մատո́յց ժողովուրդն իւրաքանչիւր որ ՛ի ձեռին իւրում զցայգն. եւ սպանանէին անդ.

Verse: 35  Link to sept   եւ շինեա́ց անդ սաւուղ սեղա́ն տ(եառ)ն։ զա́յն նախ սկսաւ սաւուղ շինել սեղան տ(եառ)ն։

Verse: 36  Link to sept   Եւ ասէ սաւուղ՝ իջցո́ւք զհետ այլազգեացն զցայգ, եւ յափշտակեսցո́ւք ՛ի նոցանէն մինչեւ լուսասցի օր, եւ մի́ թողուցուք ՛ի նոցանէ այր։ եւ ասեն ցնա. զա(մենայ)ն զոր ինչ հաճո́յ թուի առաջի աչաց քոց՝ արա́։ Ասէ քահանայն՝ մատիցուք աստ առ ա(ստուա)ծ։

Verse: 37  Link to sept   եւ եհարց սաւուղ զա(ստուա)ծ. իջցո՞ւք զհետ այլազգեացն, եթէ մատնեսցէ՞ս զն(ո)ս(ա) ՛ի ձեռս ի(սրաէ)լի։ եւ ո́չ արար նմա պատասխանի տ(է)ր յաւուր յայնմիկ։

Verse: 38  Link to sept   Եւ ասէ սաւուղ. մատուցէ́ք այսր զա(մենայ)ն ազգս ի(սրաէ)լի, եւ գիտասջի́ք եւ տեսջիք՝ թէ վասն ո՞յր եղեն այսօր մեղքս այսոքիկ.

Verse: 39  Link to sept   զի կենդանի́ է տ(է)ր որ փրկեաց զի(սրա)էլ. զի թէ զյովնաթանա́յ որդւոյ իմոյ տացէ պատասխանի՝ մահո́ւ մեռցի։ եւ ո́չ ոք էր որ տայր պատասխանի յա(մենայ)ն ժողովրդենէն։

Verse: 40  Link to sept   Եւ ասէ ցա(մենայ)ն այր ի(սրաէ)լի, դո́ւք լիջիք ՛ի ծառայութի(ւն), եւ ես եւ յովնաթան որդի իմ եղիցուք ՛ի ծառայութի(ւն) եւ ես եւ յովնաթան որդի իմ եղիցուք ՛ի ծառայութի(ւն)։ եւ ասէ ժողովուրդն ցսաւուղ, որինչ հաճո́յ իցէ առաջի աչաց քոց՝ արա́։

Verse: 41  Link to sept   Եւ ասէ սաւուղ. Տ(է)ր ա(ստուա)ծ ի՝լի. զի՞ է զի ո́չ ետուր պատասխանի ծառայի քում յաւուր յայնմիկ. եթէ յիս իցեն այսօր, եւ եթէ ՛ի յովնաթան յորդի իմ անօրէնութի(ւն)ք՝ տո́ւր յայտնութի(ւն)։ եւ եթէ ՛ի ժողովրդեան քում ի(սրաէ)լի իցէ անիրաւութի(ւն)՝ տո́ւր քաւու(թ)ի(ւն)։ Եւ արկին վիճակս՝ յովնաթանու՝ եւ սաւուղայ՝ եւ ժողովրդեանն. եւ ել ժողովուրդն արտաքս։

Verse: 42  Link to sept   Եւ ասէ սաւուղ. արկէ́ք վիճակ ը(նդ) իս եւ ընդ յովնաթան որդի իմ. եւ որում հանցէ́ տ(է)ր զվիճակն՝ մեռցի։ եւ ասէ ժողովուրդն ցսաւուղ. մի́ լիցի բանդ այդ։ Եւ ստիպեաց սաւուղ զժողովուրդն. եւ արկին ընդ նա եւ ընդ յովնաթան որդի ն(ո)ր(ա). եւ ել վիճակն յովնաթանու։

Verse: 43  Link to sept   Եւ ասէ սաւուղ ցյովնաթան պատմեա́ ինձ զի՞նչ արարեր։ եւ պատմեա́ց նմա յովնաթան եւ ասէ. ճաշակելո́վ ճաշակեցի ծայրիւ գաւազանին որ ՛ի ձեռին իմում սակա́ւ մի մեղր, եւ ահա մեռանիցի՞մ ես։

Verse: 44  Link to sept   Եւ ասէ ցնա սաւուղ. օ́ն եւ օ́ն արասցէ ինձ ա(ստուա)ծ՝ եւ օ́ն եւ օ́ն յաւելցէ, եթէ ոչ մահո́ւ մեռանիցիս այսօր։

Verse: 45  Link to sept   Եւ ասէ ժողովուրդն ցսաւուղ. քա́ւ լիցի եթէ մեռանիցի այսօր, որ արար զփրկութի(ւն)ս զայս մեծ ի(սրաէ)լի։ կենդանի́ է տ(է)ր՝ եթէ անկցի ՛ի հերոյ գլխոյ ն(ո)ր(ա) յերկիր. զի ժողովուրդս ա(ստուծո)յ արար զմեղսս զայսոսիկ։ եւ եկա́ց ժողովուրդն յաղօթս առ տ(է)ր վ(ա)ս(ն) յովնաթանու յաւուր յայնմիկ. եւ ո́չ մեռաւ։

Verse: 46  Link to sept   Եւ դարձա́ւ սաւուղ յայլազգեացն. եւ այլազգիքն գնացի́ն ՛ի տեղիս իւրեանց։

Verse: 47  Link to sept   Եւ եհա́ս սաւուղայ թագաւորել, եւ վիճակեցա́ւ ՛ի վ(ե)ր(այ) ի(սրաէ)լի. եւ տա́յր պատերազմ շուրջ ընդ ա(մենայ)ն թշնամիս իւր. եւ ընդ մովաբայ, եւ ընդ որդիսն ամոնայ. եւ ընդ որդիսն եդոմայ, եւ ընդ բեթովրայ, եւ ընդ թագաւորին սուբայ, եւ ընդ այլազգիսն. եւ ուր շրջէր՝ փրկէ́ր եւ առնէր զօրութի(ւն)ս սաստի́կս։

Verse: 48  Link to sept   եւ եհա́ր զամաղէկ, եւ ապրեցո́յց զի(սրա)էլ ՛ի ձեռաց կոխողաց ն(ո)ց(ա)։

Verse: 49  Link to sept   Եւ էին որդիք սաւուղայ. յովնաթան, եւ յեսսուր, եւ մեղքիսաւէ։ եւ անուանք երկո́ւց դստերաց ն(ո)ր(ա), անուն անդրանկանն ներո́բ, եւ անուն երկրորդին մեղքող։

Verse: 50  Link to sept   եւ անուն կնոջ ն(ո)ր(ա) աքինոա́մ դուստր աքիմասայ. եւ անուն զօրաւարին ն(ո)ր(ա) աբեննե́ր, որդի ներեայ որդւոյ ընտանւոյ սաւուղայ։

Verse: 51  Link to sept   Եւ կիս՝ հայր սաւուղայ. եւ ներ՝ հա́յր աբեներայ. եւ որդիք յամինայ որդւոյ աբիելի երեսուն եւ ութ։

Verse: 52  Link to sept   Եւ էր պատերազմ սաստի́կ ը(նդ) այլազգիսն զա(մենայ)ն աւուրս սաւուղայ։ Եւ տեսեալ սաւուղայ զա(մենայ)ն զօրաւորս եւ զա(մենայ)ն որդի զօրութե(ան), ժողովեաց զնոսա առ ինքն։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ ասէ սամուէլ ցսաւուղ. զի́ս առաքեաց տ(է)ր օծանել զքեզ ՛ի թագաւոր ՛ի վերայ ժողովրդեան իւրոյ ի(սրաէ)լի. եւ արդ լո́ւր ձայնի պատգամաց տ(եառ)ն։

Verse: 2  Link to sept   Ա́յսպէս ասէ տ(է)ր զօրութե(ան)ց. արդ խնդրեցից զվրէժ, զոր արար ամաղէկ ընդ ի(սրաէ)լի. զիա՞րդ պատահեաց նմա ՛ի ճանապարհի ելանելոյ ն(ո)ր(ա) յեգիպտոսէ։

Verse: 3  Link to sept   Եւ արդ ե́րթ եւ հարցե́ս զամաղէկ, եւ զյարիմ. եւ զա(մենայ)ն որ ինչ ն(ո)ր(ա) իցէ. եւ մի́ ապրեցուցանիցես ՛ի նոցանէ, եւ սատակեսցես զնա. եւ կորուսցե́ս յառնէ մինչեւ ցկին, եւ ՛ի տղայոյ մինչեւ զստնդիա́ցն, եւ յարջառոյ մինչեւ ցոչխար, եւ յուղտուէ մինչեւ ցէշ։

Verse: 4  Link to sept   Եւ հրամա́ն ետ սաւուղ ժողովրդեանն, եւ հանդէ́ս արար ն(ո)ց(ա) յաղիմ, չորեքհարեւր հազար դասականաց, եւ երեսուն հազարաց դասականաց յուդայ։

Verse: 5  Link to sept   եւ եկն սաւուղ մինչեւ ցքաղաքս ամաղեկայ. եւ դարանամո́ւտ եղեն ՛ի հեղեղատին։

Verse: 6  Link to sept   Եւ ասէ սաւուղ ցկինեցին. երթ խո́յս տուր ՛ի միջոյ ամաղեկացւոցն, զի մի́ սատակեցից զքեզ ընդ նմա. եւ դու արարեր ողորմու(թ)ի(ւն) ընդ ա(մենայ)ն որդիսն ի(սրաէ)լի յելանելն ն(ո)ց(ա) յեգիպտոսէ։ եւ խո́յս ետ կինեցին ՛ի միջոյ ամաղեկայ։

Verse: 7  Link to sept   Եւ եհար սաւուղ զամաղեկ յեւիլա մինչեւ ՛ի սուր, որ է հանդէպ եգիպտոսի։

Verse: 8  Link to sept   եւ կալա́ւ զթագաւորն ամաղեկայ զագա́դ կենդանւոյն։ եւ զա(մենայ)ն ազգն յարիմայ կոտորեցի́ն սրով սուսերի։

Verse: 9  Link to sept   Եւ ապրեցո́յց սաւուղ եւ ա(մենայ)ն ժողովուրդն զագագ կենդանի· եւ զընտիրս խաշանց, եւ զանդւոց, եւ զկերակրոց, եւ զայգեաց, եւ զա(մենայ)ն բարութե(ան)ց, եւ ո́չ կամեցաւ սատակել զն(ո)ս(ա). եւ զա(մենայ)ն գործ զանարգ եւ զարհամարհեալ սատակեցին։

Verse: 10  Link to sept   Եւ եղեւ բան տ(եառ)ն առ սամուէլ՝ եւ ասէ.

Verse: 11  Link to sept   Զղջացեա́լ եմ, զի թագաւորեցուցի զսաւուղ ՛ի թագաւոր. զի դարձա́ւ յինէն յե́տս, եւ զբանս իմ ո́չ պահեաց։ եւ տրտմեցաւ սամուէլ։ Եւ գոչեա́ց սամուէլ առ տ(է)ր զգիշերն ա(մենայ)ն։

Verse: 12  Link to sept   եւ կանխեա́ց սամուէլ՝ եւ գնա́ց ընդ առաջ ի(սրաէ)լի, ընդ առաւօտն· Եւ ազդ եղեւ սամուելի՝ եւ ասեն. եկն սաւուղ ՛ի կարմելոս եւ կանգնեա́ց իւր ձեռն, եւ դարձոյց զկառսն եւ էջ ՛ի գաղգաղա։ եւ եկն սամուէլ առ սաւուղ. եւ ահա նա մատուցանէր ողջակէզս տ(եառ)ն զառաջինս աւարոյն զոր ա́ծ յամաղեկայ։

Verse: 13  Link to sept   Եւ եկն սամուէլ առ սաւուղ, եւ ասէ ցնա սաւուղ. օրհնեա́լ դու ՛ի տ(եառն)է. կացուցի́ զոր ինչ խօսեցաւ տ(է)ր։

Verse: 14  Link to sept   Եւ ասէ սամուէլ. եւ զի՞նչ է բարբառ հօտիցդ այդոցիկ յականջս իմ, եւ բարբառ արջառոցդ զոր ե́ս լսեմ։

Verse: 15  Link to sept   Եւ ասէ սաւուղ. յամաղեկա́յ ածի զայդ՝ զոր ապրեցոյց ժողովուրդդ, զընտիրս խաշանց եւ զարջառոց. զի զոհեսցեն տ(եառ)ն ա(ստուծո)յ քում. եւ զայլսն սատակեցի́։

Verse: 16  Link to sept   Եւ ասէ սամուէլ ցսաւուղ. անսա́ եւպատմեցի́ց քեզ զոր խօսեցաւ տ(է)ր ընդիս յայսմ գիշերի։ եւ ասէ ցնա՝ խօսեա́ց։

Verse: 17  Link to sept   Եւ ասէ սամուէլ ցսաւուղ. ո՞չ ապաքէն փո́քր ես դու առաջի ն(ո)ր(ա) զօրավար գաւազանի ցեղին իլի. եւ օ́ծ զքեզ տ(է)ր՝ թագաւոր ՛ի վ(ե)ր(այ) ի(սրաէ)լի։

Verse: 18  Link to sept   եւ առաքեաց զքեզ տ(է)ր ՛ի ճանապարհ, եւ ասէ ցքեզ. ե́րթ եւ սատակեա́ զմեղանչականն յիս զամաղէկ. եւ տացե́ս ընդ ն(ո)ս(ա) պատերա́զմ մինչեւ վախճանեսցե́ս զն(ո)ս(ա)։

Verse: 19  Link to sept   եւ ընդէ՞ր ոչ լուար ձայնի տ(եառ)ն, այլ յարձակեցա́ր դիմե́լ ՛ի վ(ե)ր(այ) աւարիդ. եւ արարեր չա́ր առաջի տ(եառ)ն։

Verse: 20  Link to sept   Եւ ասէ́ սաւուղ ցսամուէլ. վ(ա)ս(ն) լսելո́յ իմոյ ձայնի ժողովրդեանն. եւ չոգա́յ ՛ի ճանապարհն զոր առաքեաց զիս տ(է)ր. եւ ածի́ զագագ արքա́յ ամաղեկայ, եւ զամաղէկ սատակեցի։

Verse: 21  Link to sept   եւ ա́ռ ժողովուրդս յաւարէ անտի հօ́տս եւ անգեայս զընտիրս սատակմանն առաջի ա(ստուծո)յ զոհե́լ ՛ի գաղգաղա։

Verse: 22  Link to sept   Եւ ասէ́ սամուէլ. եթէ հաճո՞յ իցէ տ(եառ)ն ողջակէ́զ եւ զոհ իբրեւ զլսել ձայնի տ(եառ)ն. ահա լա́ւ է ունկնդրութի(ւն) քան զզո́հ ընտիր, եւ հնազանդութ(իւն)ի́ քան զճա́րպ խոյոց։

Verse: 23  Link to sept   Զի հմայք մե́ղք են, եւ ցա́ւս եւ աշխատութի(ւն)ս ածէ թերա́փդ ՛ի վ(ե)ր(այ)։ զի արհամարհեցեր զբա́ն տ(եառ)ն, արհամարհեսցէ́ զքեզ տ(է)ր՝ չլինե́լ թագաւոր ՛ի վ(ե)ր(այ) ի(սրաէ)լի։

Verse: 24  Link to sept   Եւ ասէ́ սաւուղ ցսամուէլ. մեղա́յ զի անցի զբանիւ տ(եառ)ն, րե զբանիւ քով. զի երկեայ ՛ի ժողովրդենէ եւ լուա́յ ձայնի նոցա։

Verse: 25  Link to sept   եւ արդ՝ բա́րձ զմեղս իմ, եւ դարձի́ր ընդիս, եւ պագի́ց երկիր տ(եառ)ն ա(ստուծո)յ քում։

Verse: 26  Link to sept   Եւ ասէ սամուէլ ցսաւուղ. ո́չ դարձայց ընդ քեզ, զի արհամարհեցեր զբանն տ(եառ)ն. եւ արհամարհեսցէ́ զքեզ տ(է)ր չլինել թագաւոր ՛ի վ(ե)ր(այ) ի(սրաէ)լի։

Verse: 27  Link to sept   եւ դարձոյց սամուէլ զերեսս իւր ՛ի գնալ. եւ բո́ւռն եհար սաւուղ զտտնո́յ կրկնոցի նորա եւ պատառեա́ց զնա։

Verse: 28  Link to sept   Եւ ասէ ցնասամուէլ. պատառեաց տ(է)ր զթագաւորութի(ւն)դ ՛ի ձեռաց քոց յի(սրաէ)լէ այսօր, եւ տացէ́ զդա ընկերի քում լաւագունի́ քան զքեզ։

Verse: 29  Link to sept   եւ բաժանեսցի ի(սրա)էլ ընդ երկու. եւ ո́չ դարձցի, եւ ո́չ զղջասցի տ(է)ր. զի ո́չ եթէ իբրեւ զմա́րդ է ՛ի զղջանալ. ինքնին սպառնասցի։

Verse: 30  Link to sept   Եւ ասէ սաւուղ, մեղա́յ. այլ մեծարեա́ զիս առաջի ծերոց ժողովրդեան իմոյ, եւ առաջի ի(սրաէ)լի. եւ դարձի́ր ընդիս, եւ երկի́ր պագից տ(եառ)ն ա(ստուծո)յ քում։

Verse: 31  Link to sept   Եւ դարձա́ւ սամուէլ զկնի սաւուղայ, եւ երկի́ր եպագ տ(եառ)ն։

Verse: 32  Link to sept   եւ ասէ սամուէլ. մատուցէ́ք առիս զագա́գ թագաւորն ամաղեկայ. եւ մատեա́ւ առ նա ագագ դողալով. եւ ասէ ագագ, եթէ ա́յսպէս դա́ռն իցէ մահ։

Verse: 33  Link to sept   Եւ ասէ́ սամուէլ ցագագ. զորօրինակ որդեկոտո́ր արար սո́ւր քո զզանայս, նոյնպէս որդեկոտո́ր լիցի ՛ի կանանց մայր քո։ եւ սպա́ն սամուէլ զագագ առաջի տ(եառ)ն ՛ի գաղգաղա։

Verse: 34  Link to sept   Եւ գնա́ց սամուէլ յարիմաթեմ, եւ սաւուղ ե́լ ՛ի տուն իւր ՛ի գաբաա։

Verse: 35  Link to sept   եւ ո́չ եւս յաւել սամուէլ տեսանել զսաւուղ մինչեւ յօր մահուան իւրոյ. զի սո́ւգ ունէր սամուէլ ՛ի վ(ե)ր(այ) սաւուղայ։
   Եւ զղջացա́ւ տ(է)ր զի թագաւորեցո́յց զսաւուղ ՛ի վ(ե)ր(այ) ի(սրաէ)լի։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ ասէ տ(է)ր ցսամուէլ.մինչեւ յե՞րբ սո́ւգ առնուս ՛ի վ(ե)ր(այ) սաւուղայ. եւ ես անարգեցի́ զնա՝ չթագաւորել ՛ի վ(ե)ր(այ) ի(սրաէ)լի։ լի́ց զեղջեւր քո իւղով, եւ ե́կ առաքեմ զքեզ առ յեսսէ́ մինչեւ ցբեթղեհէմ. զի տեսի ես յորդւոցն նորա թագաւորե́լ ինձ ՛ի թագաւոր։

Verse: 2  Link to sept   Եւ ասէ սամուէլ, զիա՞րդ երթայց. եւ լսիցէ սաւուղ եւ սպանանիցէ́ զիս։ եւ ասէ տ(է)ր. ա́ռ դու ինձ երի́նջ մի յարջառոց. եւ ասասցես՝ զոհել տ(եառ)ն եկի։

Verse: 3  Link to sept   եւ կոչեսցե́ս զյեսսէ ՛ի զոհն։ եւ ցուցո́ց քեզ զինչ առնիցես. եւ օծցե́ս զոր ե́ս ասացից քեզ։

Verse: 4  Link to sept   Եւ արա́ր սամուէլ զա(մենայ)ն զոր խօսեցաւ ընդ նմա տ(է)ր, եւ եկն ՛ի բեթղահէմ. եւ զարհուրեցա́ն ծերք քաղաքին ՛ի պատահել նմա. եւ ասեն՝ խաղաղութի(ւն) իցէ մուտդ քո տեսանօղդ։

Verse: 5  Link to sept   Եւ ասէ՝ խաղաղութի(ւն) է։ զոհե́լ տ(եառ)ն եկի. սրբեցարուք եւ ուրա́խ լերուք ընդիս այսօր։ եւ սրբեաց զյեսսէ եւ զորդիս ն(ո)ր(ա), եւ կոչեա́ց զն(ո)ս(ա) ՛ի զոհն։

Verse: 6  Link to sept   Եւ եղեւ ՛ի մտանելն ն(ո)ց(ա). ետես զեղիաբ եւ ասէ՝ այլ եւ առաջի́ իսկ տ(եառ)ն օծեա́լ իւր։

Verse: 7  Link to sept   Եւ ասէ տ(է)ր ցսամուէլ. մի́ հայիր ընդ տեսի́լ դորա, եւ մի́ ՛ի մեծութի(ւն) հասակի դորա. զի անարգեցի́ զդա։ զի ո́չ եթէ ո(ր)պ(էս) տեսանիցէ մարդ՝ տեսանէ ա(ստուա)ծ. զի մարդ հայի յերե́սս, եւ ա(ստուա)ծ հայի ՛ի սի́րտս։

Verse: 8  Link to sept   Եւ կոչեաց յեսսէ զամինադա́բ, եւ ա́նց առաջի սամուելի. եւ ասէ՝ եւ ո́չ զդա ընտրեաց տ(է)ր։

Verse: 9  Link to sept   Եւ անցո́յց յեսսէ զսամաա́. եւ ասէ՝ եւ ո́չ զդա ընտրեաց տ(է)ր։

Verse: 10  Link to sept   Եւ անցո́յց յեսսէ զեւթանեսին զորդիսն իւր առաջի սամուելի։ եւ ասէ սամուէլ ցյեսսէ՝ ո́չ ընտրեաց ՛ի դոցանէ տ(է)ր։

Verse: 11  Link to sept   Եւ ասէ սամուէլ ցյեսսէ. ա՞յդչափ են մանկտիդ։ եւ ասէ՝ կա́յ մեւս՝ ե́ւս փոքրիկ եւ արածէ́ խաշն։ եւ ասէ սամուէլ ցյեսսէ, առաքեա́ եւ ա́ծ զնա. զի ո́չ բազմեսցուք մինչեւ ՛ի գա́լ ն(ո)ր(ա) այսր։

Verse: 12  Link to sept   եւ առաքեաց եւ ած զնա։ եւ նա էր կարմի́ր, եւ աչօք գեղեցիկ, եւ բարւո́ք տեսանելով տ(եառ)ն։ Եւ ասէ տ(է)ր ցսամուէլ. արի́ օ́ծ զդաւիթ, զի դա́ է բարի։

Verse: 13  Link to sept   եւ ա́ռ սամուէլ զեղջեւրն իւղոյ, եւ օծ զնա ՛ի մէջ եղբարց իւրոց։ Եւ խաղա́ց հոգի տ(եառ)ն ՛ի վ(ե)ր(այ) դաւթի յօրէ́ յայնմանէ եւ առ յապա։ եւ յարեաւ սամուէլ եւ գնա́ց յարիմաթեմ։

Verse: 14  Link to sept   եւ հոգի տ(եառ)ն վերացա́ւ ՛ի սաւուղայ։ Եւ խեղդէր զնա ա́յս չար ՛ի տ(եառն)է։

Verse: 15  Link to sept   եւ ասեն ցնա ծառայքն իւր. ահա ա́յս չար ՛ի տ(եառն)է խեղդէ́ զքեզ.

Verse: 16  Link to sept   խօսեսցի́ն ծառայք քո առաջի քո, եւ խնդրեսցեն տեառն մերում ա́յր մի որ գիտիցէ երգե́լ քնարաւ. եւ եղիցի ՛ի հասանել ՛ի վ(ե)ր(այ) քո այսոյն չարի որ յա(ստուծո)յ, երգեսցէ́ քնարաւն եւ դե́ւր լիցի քեզ, եւ հանգուսցէ́ զքեզ։

Verse: 17  Link to sept   Եւ ասէ սաւուղ ցծառայսն իւր. տեսէ́ք ինձ այր մի որ բարւո́ք երգիցէ, եւ ածէ́ք զնա առիս։

Verse: 18  Link to sept   Պատասխանի́ ետ մի ոմն ՛ի մանկտւոյ ն(ո)ր(ա) եւ ասէ. ահա տեսի զորդի յեսսեայ զբեթղահէմացի. եւ գիտէ́ սաղմոս, եւ ա́յր իմաստուն, եւ ա́յր պատերազմօղ. եւ այր հանճարէղ, եւ ճարտարաբան. եւ այր գեղեցի́կ տեսլեամբ, եւ տ(է)ր ընդ նմա։

Verse: 19  Link to sept   Եւ առաքեաց սաւուղ հրեշտակս առ յեսսէ, եւ ասէ առաքեա́ առիս զդաւիթ որդի քո որ ՛ի հօտի́ քում է։

Verse: 20  Link to sept   Եւ ա́ռ յեսսէ որդո́ւ մի հացի, եւ տի́կ ի գինւոյ, եւ սո́ւլ մի յայծեաց, եւ առաքեա́ց ՛ի ձեռն դաւթի որդւոյ իւրոյ սաւուղայ։

Verse: 21  Link to sept   Եւ եմո́ւտ դաւիթ առ սաւուղ, եւ կա́յր ՛ի սպասու առաջի ն(ո)ր(ա)։ եւ սիրրեա́ց զնա յոյժ, եւ եղեւ ն(ո)ր(ա) կապարճակի́ր։

Verse: 22  Link to sept   Եւ առաքեաց սաւուղ առ յեսսէ եւ ասէ. կացցէ́ դաւիթ առաջի իմ, զի եգիտ շնո́րհս առաջի աչաց իմոց։

Verse: 23  Link to sept   Եւ լինէր յորժամ հասանէ́ր այն չար ՛ի վ(ե)ր(այ) սաւուղայ, առնոյր դաւիթ զքնարն եւ նուագէ́ր ձեռամբ իւրով, եւ հագուցանէ́ր զսաւուղ. եւ դիւրանա́յր նմա, եւ մեկնէ́ր ՛ի նմանէ այսն չար։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ ժողովեցին այլազգիքն զբանակս իւրեանց ՛ի պատերազմ, եւ գումարեցան ՛ի սոկքով հրէաստանի. եւ բանակեցան ընդ սոկքո́վ եւ ընդ ազեկայ յափեսդոմմին։

Verse: 2  Link to sept   Եւ սաւուղ եւ ա́րք ի(սրաէ)լի՝ ժողովեցա́ն եւ նոքա ՛ի հովիտսն, եւ ճակատեցան ՛ի պատերազմ ընդդէմ այլազգեացն։

Verse: 3  Link to sept   Եւ այլազգիքն կային ՛ի վ(ե)ր(այ) լերինն յա́յնմ կողմանէ, եւ ի(սրա)էլ կա́յր ՛ի վերայ լերինն յա́յսմ կողմանէ, եւ հովիտն ՛ի մէջ նոցա։

Verse: 4  Link to sept   Եւ ել այր զօրաւօր ՛ի ա́ճակատէ այլազգեացն՝ գողիա́դ անուն ն(ո)ր(ա) ՛ի գեթա́յ։ բարձրութի(ւն) ն(ո)ր(ա) վե́ց կանգուն եւ թզաւ։

Verse: 5  Link to sept   եւ սաղաւա́րտ ՛ի գլուխ ն(ո)ր(ա)։ եւ զրահս վե́րտս զգեցեալ. եւ կշիր զրահից ն(ո)ր(ա) հի́նգ հազար սիկղ, պղնձւոյ եւ երկաթոյ։

Verse: 6  Link to sept   եւ սռնապանք պղնձիք ՛ի վ(ե)ր(այ) բարձից ն(ո)ր(ա), եւ վահան պղնձի ՛ի վ(ե)ր(այ) թիկանց ն(ո)ր(ա).

Verse: 7  Link to sept   եւ բուն գեղարդան ն(ո)ր(ա) իբրեւ զստորի́ ոստայնանկա́ց. Եւ տէ́գ ն(ո)ր(ա) ՛ի վեցհարեւր սկեղէ երկաթոյ. եւ զինակիր ն(ո)ր(ա) առաջի́ ն(ո)ր(ա) երթայր։

Verse: 8  Link to sept   Ե́կն եկա́ց. ձա́յն ետ ՛ի ճակատն ի(սրաէ)լի՝ եւ ասէ ցն(ո)ս(ա). ընդէ՞ր ելանէք ճակատել ՛ի պատերա́զմ ընդդէմ մեր, ո՞չ ապաքէն ես այլազգի́ եմ, եւ դուք եբրայեցիք ծառա́յք սաւուղայ. ընտրեցէ́ք դուք ձեզ ա́յր մի եւ իջցէ́ առիս,

Verse: 9  Link to sept   եթէ կարասցէ կռուել ընդիս եւ հարկանե́լ զիս՝ եղիցուք մեք ձե́զ ՛ի ծառայս. Ապա թէ ե́ս յաղթեցից եւ հարից զնա, եղիջիք դուք մեզ ՛ի ծառայս եւ ծառայեսջիք մեզ։

Verse: 10  Link to sept   Եւ ասէ այլազգին. ահաւասիկ ես նախատեցի́ զճակատդ ի(սրաէ)լի յաւուր յայսմիկ. տո́ւք այր մի, եւ ես եւ նա́ մենամարտեսցո́ւք երկոքեան։

Verse: 11  Link to sept   Իբրեւ լուա́ւ սաւուղ եւ ա(մենայ)ն ի(սրա)էլ զբանս այլազգւոյն, զահի́ հարան եւ երկեա́ն յոյժ։

Verse: 12  Link to sept   Եւ էր ա́յր մի որդի առն եփրաթացւոյ, եւ նա ՛ի բեթղահեմէ յուդայ, եւ անուն ն(ո)ր(ա) յեսսէ́. եւ էին նորա որդիք ութ։ եւ ա́յրն յաւուրս սաւուղայ ծերացեա́լ հասեա́լ յարս։

Verse: 13  Link to sept   Եւ գնացին երեք որդիքն յեսսեայ վեծագոյնք, երթեալ զհետ սաւուղայ ՛ի պատերազմ։ եւ անուանք որդւոց ն(ո)ր(ա) երթելոց ՛ի պատերազմ. եղիա́բ անդրանիկն ն(ո)ր(ա), եւ երկրորդն ն(ո)ր(ա) ամինադաբ, եւ երրորդն նորա սամաա́։

Verse: 14  Link to sept   եւ դաւիթ էր կրտսե́ր. եւ երեքին մեծագոյնքն երթեալ էին զհետ սաւուղայ։

Verse: 15  Link to sept   Եւ դաւիթ գնացեալ դարձա́ւ ՛ի սաւուղայ՝ արածե́լ զոչխարս հօր իւրոյ, ՛ի բեթղահէմ։

Verse: 16  Link to sept   Եւ մատուցեալ այլազգւոյն՝ կանխեալ եւ անագանեալ արձանանա́յր աւուրս քառասուն։

Verse: 17  Link to sept   Եւ ասէ́ յեսսէ ցդաւիթ ցորդի իւր. ա́ռ դու եղբարց քոց զարդո́ւ փոխնդոյս այսորիկ, եւ զտասն նկանակս զայսոսիկ, եւ պնդեա́ ՛ի բանակն եւ տո́ւր եղբարց քոց։

Verse: 18  Link to sept   Եւ զտասն մաճառակս զկաթին՝ տացես հազարապետին. եւ տեսցե́ս զողջոյն եղբարց քոց. եւ եթէ պէ́տք ինչ իցեն ն(ո)ց(ա), իմասցիս։

Verse: 19  Link to sept   Եւ սաւուղ՝ եւ ա(մենայ)ն այր ի(սրա)էլացի՝ էին ՛ի հովիտս կաղնւոյն, պատերազմեա́լ ընդ այլազգիսն։

Verse: 20  Link to sept   Եւ կանխեա́ց դաւիթ ընդ առաւօտն. եւ եթող զոչխարսն ՛ի տուարածականսն։ ա́ռ եւ գնաց՝ ո(ր)պ(էս) եւ հրամայեաց նմա յեսսէ. եւ ե́կն ՛ի տափարակն եւ ՛ի զօրն որ ելանէ́ր ՛ի ճակատն։ Եւ աղաղակեցի́ն ՛ի պատերազմին.

Verse: 21  Link to sept   եւ ճակատեցան ի(սրա)էլացիքն եւ այլազգիքն հանդէ́պ միմեանց՝ ճակատ առ ճակա́տ։

Verse: 22  Link to sept   Եւ եթո́ղ դաւիթ զկարասին յինքենէ ՛ի ձեռն վանապանին, եւ ընթացա́ւ ՛ի ճակատն, եւ ե́կն եհարց զողջունէ եղբարցն իւրոց։

Verse: 23  Link to sept   Եւ մինչդեռ նա խօսէր՝ ահա այրն յամինացի ելանէ́ր, գողիա́դ անուն ն(ո)ր(ա), փղշտացի ՛ի գեթա́յ՝ ՛ի ճակատուց այլազգեացն. եւ խօսեցա́ւ ըստ նմին բանից։ եւ լուա́ւ դաւիթ։

Verse: 24  Link to sept   Եւ ա(մենայ)ն ի(սրա)էլ ՛ի տեսանել իւրեանց զայրն՝ փախեան յերեսաց ն(ո)ր(ա), եւ զարհուրեցան յոյժ։

Verse: 25  Link to sept   Եւ ասէ այր ի(սրաէ)լի, եթէ տեսանէք զայրն զայն որ ելանէ, զի նախատել ելանէ զի(սրա)էլ։ եւ եղիցի այր որ սպանանիցէ́ զնա, մեծացուսցէ́ զնա արքայ՝ յո́յժ մեծութ(եամ)բ, եւ զդուստր իւր տացէ նմա կնու(թ)ե(ան). եւ զտուն հօր ն(ո)ր(ա) արասցէ ազա́տ ՛ի մէջ ի(սրաէ)լի։

Verse: 26  Link to sept   Եւ խօսեցաւ դաւիթ ը(նդ) արսն որ շուրջ կային զնովաւ՝ եւ ասէ. զի՞նչ առնիցէ առն որ հարկանիցէ զայլազգին զայն, եւ բառնայցէ́ զնախատինս յի(սրաէ)լէ. զի զի՞նչ է այլազգին ա́յն անթլփատ, զի նախատեաց զճակատս ա(ստուծո)յ կենդանւոյ։

Verse: 27  Link to sept   եւ խօսեցա́ւ ը(նդ) նմա ժողովուրդն ը(ս)տ նմին բանից՝ եւ ասէ. ա́յնպէս արասցէ առն՝ որ սպանանիցէ զնա։

Verse: 28  Link to sept   Իբրեւ լուա́ւ եղիաբ եղբայր ն(ո)ր(ա) երէց՝ զխօսե́լ ն(ո)ր(ա) ը(նդ) արսն, բարկացա́ւ սրտմտութ(եամ)բ եղիաբ դաւթի՝ եւ ասէ. ընդէ՞ր բնաւ իջեր այսր, եւ յո՞յր ձեռն թողեր զսակաւ ոչխարսն յանապատի́ անդ. ես գիտե́մ զհպարտութի(ւն) քո՝ եւ զչարու(թ)ի(ւն) սրտի քոյ, զի վ(ա)ս(ն) տեսանելո́յ զպատերազմս իջեր։

Verse: 29  Link to sept   Եւ ասէ դաւիթ՝ եւ արդ՝ զի՞նչ արարի. ո՞չ ապաքէն բա́նք իցեն։

Verse: 30  Link to sept   եւ դարձաւ ՛ի նմանէ ՛ի մեւս կողմն՝ եւ խօսեցա́ւ ըստ նմին բանից. եւ ե́տ նմա պատասխանի ժողովուրդն ը(ս)տ առաջնոյ բանիցն։

Verse: 31  Link to sept   Եւ լո́ւ եղեն բանքն զոր խօսեցաւ դաւիթ, եւ պատմեցին առաջի սաւուղայ. եւ ա́ռ զնա առ ինքն։

Verse: 32  Link to sept   Եւ ասէ դաւիթ ցսաւուղ. մի́ անկցի սիրտ տեառն իմոյ ՛ի վերայ իւր. ծառա́յ քո երթիցէ́ եւ մարտիցէ́ ը(նդ) այլազգւոյն ը(նդ) այնմիկ։

Verse: 33  Link to sept   Եւ ասէ սաւուղ ցդաւիթ՝ գուցէ́ ո́չ կարիցես երթալ կռուե́լ ընդ այլազգւոյն. զի դու մանո́ւկ ես, եւ նա ա́յր պատերազմօղ ՛ի մանկութ(են)է իւրմէ։

Verse: 34  Link to sept   Եւ ասէ դաւիթ ցսաւուղ. արածէ́ր ծառայ քո զխաշինս հօր իւրոյ, եւ յորժամ գա́յր առեւծ կամ արջ, եւ առնոյր ոչխար ՛ի հօտէ անտի,

Verse: 35  Link to sept   ելանէի́ զհետ ն(ո)ր(ա)՝ եւ հարկանէի́ զնա, եւ կորղէի́ ՛ի բերանոյ ն(ո)ր(ա). եւ եթէ յառնէ́ր ՛ի վերայ իմ, ունէի զփողի́ց ն(ո)ր(ա)՝ եւ հարկանէի́ եւ սպանանէի զնա։

Verse: 36  Link to sept   Զառեւծ եւ զարջ սատակէ́ր ծառայ քո, եւ եղիցի այլազգին անթլփատ իբրեւ զմի́ ՛ի նոցանէն. եւ արդ՝ ո՞չ երթայց սատակեցից զնա, եւ բարձի́ց այսօր զնախատինս յի(սրաէ)լէ. զի ո՞ ոք է ա́յն անթլփատ՝ որ նախատեաց զբանակս ա(ստուծո)յ կենդանւոյ։

Verse: 37  Link to sept   Եւ ասէ դաւիթ. տ(է)ր ա(ստուա)ծ՝ որ ապրեցոյց զիս ՛ի ձեռաց առիւծուն, եւ ՛ի ձեռաց արջոյն, նո́յն ապրեցուսցէ զիս ՛ի ձեռաց այլազգւոյն անթլփատին այնորիկ։ Եւ ասէ սաւուղ. ե́րթ՝ եւ տ(է)ր եղիցի ը(նդ) քեզ։

Verse: 38  Link to sept   եւ զգեցոյց սաւուղ դաւթի զվարապանակս իւր, եւ սաղաւա́րտ պղնձի ՛ի գլուխ ն(ո)ր(ա), եւ ագո́յց նմա զրա́հս։

Verse: 39  Link to sept   եւ ած դաւիթ զսուսեր իւր ընդ մէջ ՛ի վ(ե)ր(այ) վարապանակացն. եւ գթեա́ց ՛ի գնալն մի անգամ եւ երկիցս. եւ ասէ դաւիթ ցսաւուղ, ո́չ կարեմ երթալ սոքօք՝ զի չե́մ հմուտ. եւ հանի́ն զայն ՛ի նմանէ։

Verse: 40  Link to sept   Եւ ա́ռ զցուպն իւր ՛ի ձեռին իւրում. եւ ընտրեա́ց իւր հինգ քարինս ողո́րկս ՛ի հեղեղատէն, եւ ե́դ զնոսա ՛ի հովուական մախաղին յոր սովո́ր էր զքարն ժողովել, եւ զպա́րսն ՛ի ձեռին իւրում. եւ մերձեցա́ւ առ այրն այլազգի։

Verse: 41  Link to sept   Եւ գնա́յր գա́յր այլազգին՝ եւ մերձենա́յր առ դաւիթ. եւ ա́յր վահանակիր առաջի ն(ո)ր(ա)։

Verse: 42  Link to sept   Իբրեւ հայեցա́ւ այլազգին եւ ետե́ս զդաւիթ՝ արհամարհեա́ց զնա. զի էր պատանեակ խարտեաշ, եւ աչօք գեղեցիկ։

Verse: 43  Link to sept   Եւ ասէ այլազգին ցդաւիթ. զիա՞րդ, շո́ւն եմ ես, զի ցպով եւ քարամբք գա́ս ՛ի վերայ իմ։ Եւ ասէ դաւիթ. նա՝ եւ վատթա́ր եւս ես քան զշուն։ եւ նզովեա́ց այլազգին զդաւիթ դիօքն իւրուվք։

Verse: 44  Link to sept   Եւ աէ այլազգին ցդաւիթ. ե́կ առիս եւ տաց զմարմին քո թռչնո́ց երկնից՝ եւ գազանաց երկրի։

Verse: 45  Link to sept   Եւ ասէ դաւիթ ցայլազգին. դու գա́ս ՛ի վ(ե)ր(այ) իմ սրով եւ գեղարդեա́մբ եւ ասպարա́ւ, եւ ես՝ գա́մ ՛ի վ(ե)ր(այ) քո անուա́մբ տ(եառ)ն զօրու(թ)ե(ան)ց ճակատուս ի(սրաէ)լի՝ զոր նախատեցեր այսօր։

Verse: 46  Link to sept   եւ փակեսցէ́ զքեզ տ(է)ր այսօր ՛ի ձեռս իմ, եւ սպանի́ց զքեզ. եւ առի́ց զգլուխ քո ՛ի քէն. եւ տաց զգէշ քո՝ եւ զդիակունս բանակի́ այլազգեացդ յաւուր յայսմիկ թռչնոց երկնից եւ գազանա́ց երկրի. եւ ծանիցէ́ ա(մենայ)ն երկիր՝ թէ գո́յ ա(ստուա)ծ ՛ի մէջ ի(սրաէ)լի։

Verse: 47  Link to sept   եւ ծանիցէ ա(մենայ)ն եկեղեցիս այս՝ թէ ո́չ սրով եւ գեղարդեամբ փրկէ տ(է)ր։ զի տ(եառ)ն է պատերազմ, եւ մատնեսցէ́ զձեզ տ(է)ր ՛ի ձեռս մեր։

Verse: 48  Link to sept   Եւ յարեա́ւ այլազգին՝ եւ ե́կն եւ մերձեցա́ւ ընդդէմ դաւթի։ եւ աճապարեա́ց դաւիթ՝ եւ ընթացաւ ՛ի ճակատն ընդդէմ այլազգւոյն։

Verse: 49  Link to sept   Եւ ձգեա́ց դաւիթ զձեռն իւր ՛ի մախաղն, եւ ա́ռ անտի քար մի, եւ պարսաքարեա́ց եւ եհար զճակատ այլազգւոյն. եւ եմո́ւտ քարն ընդ սաղաւարտն ՛ի ճակատն, եւ անկա́ւ ՛ի վ(ե)ր(այ) երեսաց իւրոց յերկիր։

Verse: 50  Link to sept   Եւ զօրացա́ւ դաւիթ քան զայլազգին պարսիւքն եւ քարիւն, եւ եհա́ր զայլազգին եւ սպա́ն զնա. եւ սուր չէ́ր ՛ի ձեռին ն(ո)ր(ա)։

Verse: 51  Link to sept   Եւ ընթացա́ւ դաւիթ եւ հարաւ ՛ի վերայ ն(ո)ր(ա), եւ ա́ռ զնորին սուսեր, եւ մերկա́ց զնա ՛ի պատենից իւրոց, եւ սպան զնա եւ եհա́տ զգլուխ ն(ո)ր(ա)։ Իբրեւ տեսին այլազգիքն թէ մեռա́ւ զօրաւորն ն(ո)ց(ա)՝ փախեա́ն։

Verse: 52  Link to sept   եւ յարեան արք ի(սրաէ)լի եւ յուդայ, աղաղակեցին եւ յարձակեցան զհետ ն(ո)ց(ա) մինչեւ ՛ի մուտս գեթայ, եւ մինչեւ ՛ի դրունս ասկաղոնի։ Եւ անկա́ն վիրաւորք այլազգեացն զճանապարհայնն մինչեւ ցդրունս գեթայ եւ ակկարոնի։

Verse: 53  Link to sept   եւ դարձա́ն արք ի(սրաէ)լի ասպատակեալքն զհետ այլազգեացն, եւ կոխեցին զբանակս ն(ո)ց(ա)։

Verse: 54  Link to sept   Եւ ա́ռ դաւիթ զգլուխ այլազգւոյն, եւ եբե́ր զնա յե(րուսաղէ)մ. եւ զզէն նորա ե́դ ՛ի վանս իւրում։

Verse: 55  Link to sept   Եւ իբրեւ ետես սաւուղ զդաւիթ ելեալ ընդդեմ այլազգւոյն, ասէ ցաբեններ իշխան զօրուն. ո՞յր որդի է պատանեակդ այդ աբե́ններ։ եւ ասէ աբեններ. կենդանի́ է անձն քո արքայ՝ թէ գիտիցեմ։

Verse: 56  Link to sept   եւ ասէ արքայ, հա́րց թէ ո՞յր որդի իցէ պատանեակդ։

Verse: 57  Link to sept   Եւ իբրեւ դարձաւ դաւիթ ՛ի հարկանելոյ զայլազգին, ա́ռ զնա աբեններ՝ եւ ած զնա առաջի սաւուղայ. եւ գլուխ այլազգւոյն ՛ի ձեռին ն(ո)ր(ա)։

Verse: 58  Link to sept   եւ ասէ ցնա սաւուղ, ո՞յր ես՝ մանուկ դու։ եւ ասէ դաւիթ, որդի ծառայի քոյ յեսսեա́յ բեթղահէմացւոյ։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ եղեւ իբրեւ վախճանեաց զխօսելն ը(նդ) սաւուղայ, եւ ոգի յովնաթանու կապեցա́ւ ընդ ոգւոյն դաւթի. եւ սիրեա́ց զնա յովնաթան ըստ անձին իւրում։

Verse: 2  Link to sept   Եւ ա́ռ զնա սաւուղ առ իւր յաւուր յայնմիկ. եւ ո́չ ետ նմա դառնալ ՛ի տուն հօր իւրոյ։

Verse: 3  Link to sept   Եւ ուխտեաց ընդ նմա յովնաթան ո́ւխտ՝ առ ՛ի սիրե́լ զնա ըստ անձին իւրում։

Verse: 4  Link to sept   Եւ մերկացա́ւ յովնաթան զլաւդիկն որ զիւրեւ՝ եւ ետ զայն դաւթի, եւ զվարապանա́կս իւր՝ մինչեւ ցսուսե́ր, եւ ցաղեղն իւր, եւ ցկամա́ր իւր եւ ցկապա́րճս իւր։

Verse: 5  Link to sept   Եւ երթա́յր դաւիթ ա(մենայ)ն ուրեք ուր եւ առաքէ́ր զնա սաւուղ, եւ իմաստնանա́յր։ եւ կացոյց զնա սաւուղ ՛ի վերայ արա́նց պատերազմի. եւ հաճո́յ եղեւ առաջի աչաց ա(մենայ)ն ժողովրդեանն. նա՝ եւ առաջի աչա́ց ծառայիցն սաւուղայ։

Verse: 6  Link to sept   Եւ եղեւ ՛ի մտանելն նոցա՝ իբրեւ դարձաւ դաւիթ ՛ի սպանանելոյ զայլազգին, ելի́ն պարաւորք ը(նդ) առաջ դաւթի յա(մենայ)ն քաղաքացն ի(սրաէ)լի Երգել՝ պա́ր առնուլ ընդառաջ սաւուղայ արքայի, թմբկօ́ք եւ ուրախու(թեամ)բ եւ ծնծղայիւք։

Verse: 7  Link to sept   եւ նուագէին կանայք խաղալի́կք՝ եւ ասէին. եհա́ր սաւուղ զհազարս՝ եւ դաւիթ զբե́ւրս։

Verse: 8  Link to sept   Եւ զչարեցա́ւ սաւուղ վ(ա)ս(ն) բանից այնոցիկ՝ եւ ասէ. դաւթի ետո́ւն զբեւրս, եւ ինձ ետուն զհազա՞րս. եւ արդ զի՞նչ իցէ պակաս նմա, բայց եթէ թագաւորութի(ւն)ս։

Verse: 9  Link to sept   եւ ընդ ակա́մբ հայէր սաւուղ յօրէ́ յայնմանէ՝ եւ առ յապա։

Verse: 10  Link to sept   Եւ եղեւ ՛ի վաղիւ անդր՝ եւ հարաւ ա́յս չար յա(ստուծո)յ ՛ի վ(ե)ր(այ) սաւուղայ, եւ մարգարէանա́յր ՛ի մէջ տան իւրոյ, եւ դաւիթ երգէ́ր ձեռամբ իւրով՝ ո(ր)պ(էս) եւ հանապազն։ Եւ գեղարդն ՛ի ձեռին սաւուղայ։

Verse: 11  Link to sept   եւ ասէ հարի́ց կարեցից զդաւիթ գեղարդամբս ընդ որմնն, եւ ձգեա́ց սաւուղ. եւ խո́յս ետ յերեսաց ն(ո)ր(ա) դաւիթ երկիցս։

Verse: 12  Link to sept   Եւ երկեա́ւ սաւուղ յերեսաց դաւթի. զի տ(է)ր էր ընդ նմա, եւ ՛ի սաւուղայ վերացեա́լ էր։

Verse: 13  Link to sept   Եւ ՛ի բա́ց արար զնա սաւուղ յիւրմէ, եւ կացոյց զնա իւր հազարապե́տ. եւ ելանէ́ր եւ մտանէ́ր առաջի ժողովրդեանն։

Verse: 14  Link to sept   Եւ էր դաւիթ խելամուտ յա(մենայ)ն ճանապարհս իւր, եւ տ(է)ր ընդ նմա։

Verse: 15  Link to sept   Եւ ետես սաւուղ՝ թէ ա́յնչափ իմաստո́ւն է յոյժ, ակնածէ́ր յերեսաց նորա։

Verse: 16  Link to sept   եւ ա(մենայ)ն ի(սրա)էլ եւ յուդայ սիրէ́ր զդաւիթ. զի նա́ ելանէր եւ մտանէր առաջի երեսաց ժողովրդեանն։

Verse: 17  Link to sept   Եւ ասէ սաւուղ ցդաւիթ. ահաւասիկ դուստր իմ երէց մերովբ՝ տա́ց զնա քեզ կնութե(ան). բայց լե́ր դու ինձ յորդի́ զօրութե(ան), եւ պատերազմեա́ զպատերազմունս տ(եառ)ն։ քանզի ասա́ց սաւուղ, մի́ եղիցի ձեռն իմ ՛ի նա, այլ· եղիցի ՛ի նա ձե́ռն այլազգեացն։

Verse: 18  Link to sept   Եւ ասէ դաւիթ ցսաւուղ. ո՞վ եմ ես՝ եւ կամ կեանք ազգատոհմի հօր իմոյ ՛ի մէջ ի(սրաէ)լի, զի լինիցիմ փեսայ արքայի։

Verse: 19  Link to sept   Եւ եղեւ ՛ի ժամանակի տալո́յ զմերովբ դուստր սաւուղայ՝ դաւթի, տուաւ նա եդրիեալի́ մովլաթացւոյ կնութե(ան)։

Verse: 20  Link to sept   Եւ սիրեա́ց մեղքող՝ դուստր սաւուղայ զդաւիթ. եւ ա́զդ եղեւ սաւուղայ, եւ հաճո́յ թուեցաւ բանն յաչս ն(ո)ր(ա).

Verse: 21  Link to sept   եւ ասէ սաւուղ՝ տա́ց զնա նմա կնութե(ան), եւ եղիցի նմա ՛ի գայթագղու(թ)ի(ւն)։ Եւ է́ր ՛ի վերայ սաւուղայ ձեռն այլազգեացն։ եւ ասէ սաւուղ ցդաւիթ. երկոքումբք փեսայասցիս դու ինձ այսօր։

Verse: 22  Link to sept   Եւ պատուիրեաց սաւուղ ծառայից իւրոց եւ ասէ. խօսեցարո́ւք դուք լռելեայն ընդ դաւթի եւ ասացէ́ք՝ ահա արքայ հաճեալէ ընդ քեզ, եւ ա(մենայ)ն արք ն(ո)ր(ա) սիրե́ն զքեզ, եւ արդ՝ փեսայեցի́ր դու արքայի։

Verse: 23  Link to sept   եւ խօսեցա́ն ծառայքն սաւուղայ յականջս դաւթի ըստ ա(մենայ)ն բանիցս այսոցիկ։ Եւ ասէ դաւիթ՝ թեթեւ՞ իցէ յաչս ձեր փեսայանալ արքայի. եւ ես այր մի տառապեա́լ եմ, եւ ո́չ փառաւոր։

Verse: 24  Link to sept   եւ պատմեցի́ն սաւուղի ծառայքն իւր ը(ս)տ բանի́ցս այսոցիկ զոր խօսեցաւ դաւիթ։

Verse: 25  Link to sept   Եւ ասէ սաւուղ, ա́յնպէս ասասջիք ցդաւիթ, եթէ ո́չ կամի արքայ վարձանս, այլ հարե́ւր անթլփատութի(ւն) այլազգեաց, առնուլ վրէժ ՛ի թշնամեաց արքայի։ եւ սաւուղ խորհէր արկանել զնա ՛ի ձեռս այլազգեացն։

Verse: 26  Link to sept   Եւ պատմեցին դաւթի ծառայքն սաւուղայ զբանս զայսոսիկ. եւ հաճո́յ թուեցաւ բանն յաչս դաւթի՝ փեսայանալ արքայի։ եւ չէին լցեալ աւուրք։

Verse: 27  Link to sept   եւ յարեա́ւ դաւիթ եւ գնա́ց ինքն եւ արք իւր, եւ եհա́ր յայլազգեացն արս հարեւր. եւ եբեր զանթլփատու(թ)ի(ւն)ս ն(ո)ց(ա), եւ ելի́ց զնոսա առաջի արքայի. եւ փեսայացա́ւ արքայի։ եւ ետ սաւուղ զմեղքող՝ դուստր իւր նմա կնութե(ան)։

Verse: 28  Link to sept   Եւ ետես սաւուղ եւ ծանեա́ւ եթէ տ(է)ր է ընդ նմա, եւ ա(մենայ)ն ի(սրա)էլ սիրէր զնա.

Verse: 29  Link to sept   եւ յաւել եւս ակնածել ՛ի դաւթէ։ Եւ եղեւ սաւուղ թշնամութ(եամ)բ ընդ դաւթի զա(մենայ)ն աւուրս ն(ո)ր(ա)։

Verse: 30  Link to sept   Եւ ելին իշխանք այլազգեացն, եւ եղեն ՛ի բազում ժամանակաց ելք ն(ո)ց(ա)։ եւ խելամուտ էր դաւիթ քան զա(մենայ)ն ծառայսն սաւուղայ. եւ պատուեցաւ անուն նորա յոյժ։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ խօսեցա́ւ սաւուղ ընդ յովնաթանայ որդւոյ իւրում, եւ ընդ ա(մենայ)ն ծառայս իւր սպանանե́լ զդաւիթ։

Verse: 2  Link to sept   Եւ յովնաթան որդի սաւուղայ հաճեալ էր ընդ դաւթի յոյժ. եւ պատմեաց յովնաթան դաւթի եւ ասէ. հա́յր իմ խնդրէ սպանանել զքեզ. Զգո́յշ լեր վաղիւ ընդ առաւօտն. եւ թաքիջի́ր, եւ նստիջի́ր ՛ի թաքստեան։

Verse: 3  Link to sept   եւ ես ելի́ց եւ կացից մօտ առ հօր իմում յանդիման, ուր եւ իցես դու անդ, եւ ես խօսեցա́յց վ(ա)ս(ն) քո ընդ հօր իմում. եւ տեսից եթէ զի́նչ իցէ եւ պատմեցից քեզ։

Verse: 4  Link to sept   Եւ խօսեցա́ւ յովնաթան վ(ա)ս(ն) դաւթի բանս բարիս ընդ սաւուղայ հօր իւրում, եւ ասէ ցնա. մի́ մեղիցէ արքայ՝ ՛ի ծառայ իւր դաւիթ, զի ո́չ ինչ մեղաւ նա քեզ. եւ գործք ն(ո)ր(ա) բարու(թեամ)բ են առ քեզ յոյժ։

Verse: 5  Link to sept   եւ եդ զանձն իւր ՛ի ձեռին իւրում, եւ եհար զայլազգին. եւ արար փրկու(թ)ի(ւն) մեծ. եւ ա(մենայ)ն ի(սրա)էլ տեսին եւ ուրա́խ եղեն. եւ ընդէ՞ր մեղանչիցես յարիւն արդար՝ սպանանել զդաւիթ տարապարտուց։

Verse: 6  Link to sept   Եւ լուաւ սաւուղ ձայնի յովնաթանու, եւ երդուաւ սաւուղ եւ ասէ. կենդանի́ է տ(է)ր եթէ մեռանիցի։

Verse: 7  Link to sept   Եւ կոչեաց յովնաթան զդաւիթ, եւ պատմեաց նմա յովնաթան զա(մենայ)ն բանս զայսոսիկ. եւ տարաւ յովնաթան զդաւիթ առ սաւուղ, եւ էր առաջի ն(ո)ր(ա) իբրեւ յերեկն եւ յեռանտ։

Verse: 8  Link to sept   Եւ յաւե́լ եւս լինել պատերազմ, եւ զօրացաւ դաւիթ տա́լ պատերազմ ընդ այլազգիսն. եւ եհա́ր ՛ի նոցանէ հարուածս մեծամեծս յոյժ. եւ փախեա́ն յերեսաց ն(ո)ր(ա)։

Verse: 9  Link to sept   Եւ եղեւ ա́յս չար ՛ի տ(եառն)է ՛ի վերայ սաւուղայ. եւ ինքն նստէ́ր ՛ի տան, եւ գեղարդն ՛ի ձեռին ն(ո)ր(ա). եւ դաւիթ երգէ́ր ձեռօք իւրովք։

Verse: 10  Link to sept   եւ խնդրէր սաւուղ հարկանել զգեղարդնն ընդ դաւիթ եւ ընդ որմն. եւ խուսեաց յերեսաց սաւուղայ, եւ եհար զգեղարդն յորմնն. եւ դաւիթ ե́լ գնաց եւ զերծաւ։

Verse: 11  Link to sept   Եւ եղեւ ՛ի գիշերին յայնմիկ առաքեաց սաւուղ հրեշտակս ՛ի տուն դաւթի պահե́լ զնա. զի սպանցէ զնա ընդ առաւօտն։ Եւ պատմեաց դաւթի մեղքող կին իւր՝ եւ ասէ. եթէ ո́չ ապրեցուսցես զանձն քո ՛ի գիշերիս այսմիկ՝ վաղիւ մեռանելո́ց ես։

Verse: 12  Link to sept   եւ իջոյց մեղքող զդաւիթ ընդ պատուհանն, եւ փախեա́ւ գնաց եւ ապրեաց։

Verse: 13  Link to sept   Եւ ա́ռ մեղքող պաճուճապատանս, եւ եդ ՛ի վ(ե)ր(այ) մահճացն. Եւ լեա́րդ այծեաց եւ կծիկ մազոյ եդ ՛ի սնարէ, եւ ծածկեաց զնա հանդերձիւ։

Verse: 14  Link to sept   Եւ առաքեաց հրեշտակս սաւուղ՝ ունել զդաւիթ. եւ ասեն՝ թէ խօ́թ է։

Verse: 15  Link to sept   Եւ առաքեաց ՛ի վ(ե)ր(այ) դաւթի դարձեալ եւ ասէ. հանէ́ք զնա մահճօքն առիս՝ եւ սպանից զնա։

Verse: 16  Link to sept   Եւ եկին հրեշտակքն, եւ ահա պաճուճապատա́նքն ՛ի վ(ե)ր(այ) մահճացն, եւ լեարդ այծեաց եւ կծիկ մազոյ ՛ի սնարսն։

Verse: 17  Link to sept   Եւ ասէ սաւուղ ցմեղքող՝ ընդէ՞ր այսպէս խաբեցեր զիս, եւ արձակեցեր զթշնամին իմ եւ ապրեցաւ։ եւ ասէ մեղքող ցսաւուղ՝ Ի́նքն ասաց թէ արձակեա́ զիս, ապա թէ ոչ սպանանե́մ զքեզ։

Verse: 18  Link to sept   Եւ դաւիթ փախեաւ եւ ապրեցաւ, եւ եկն առ սամուէլ յարիմաթեմ. եւ պատմեաց նմա զա(մենայ)ն ինչ զոր արար նմա սաւուղ։ եւ գնացին սամուէլ եւ դաւիթ՝ եւ նստան ՛ի նաւաթհռամա։

Verse: 19  Link to sept   Ա́զդ եղեւ սաւուղայ եւ ասեն. Ահա դաւիթ ՛ի նաւաթհռամայ է։

Verse: 20  Link to sept   եւ առաքեաց սաւուղ հրեշտակս ունե́լ զդաւիթ. եւ տեսին զեկեղեցին մարգարէից մարգարէացելոց. եւ սամուէլ կա́յր ՛ի վ(ե)ր(այ) ն(ո)ց(ա)։ եւ եղեւ ՛ի վ(ե)ր(այ) հրեշտակացն սաւուղայ հոգի́ ա(ստուծո)յ, եւ մարգարէացան եւ նոքա։

Verse: 21  Link to sept   Եւ պատմեցա́ւ սաւուղայ. եւ յաւե́լ սաւուղ առաքել ա́յլ հրեշտակս. եւ մարգարէացան եւ նոքա։ եւ յաւել սաւուղ առաքել ա́յլ հրեշտակս, եւ մարգարէացան եւ նոքա։

Verse: 22  Link to sept   Եւ բարկացա́ւ սրտմտութ(եամ)բ սաւուղ, եւ գնաց ի́նքն յարիմաթեմ, եւ եկն մինչեւ ՛ի ջրհորն մեծ՝ որ ՛ի սոկքով, եւ եհա́րց եւ ասէ. ո՞ւր է սամուէլ եւ դաւիթ. եւ ասեն՝ ՛ի նաւաթհռամա́յ է։

Verse: 23  Link to sept   Եւ գնա́ց անտի ՛ի նաւաթհռամայ։ եւ եղեւ ՛ի վ(ե)ր(այ) նորա հոգի ա(ստուծո)յ, եւ երթա́յր երթալով եւ մարգարէանա́յր, մինչեւ հասանել նմա ՛ի նաւաթհռամա։

Verse: 24  Link to sept   եւ մերկացա́ւ զհանդերձ իւր ինքնին, եւ մարգարեացա́ւ առաջի ն(ո)ց(ա). եւ անկաւ մերկ զտիւն ողջոյն, եւ զգիշերն ա(մենայ)ն. վ(ա)ս(ն) այնորիկ ասէին՝ թէ եւ սաւուղ ՛ի մարգարէս։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ փախեա́ւ դաւիթ ՛ի նաւաթայհռամայ, եւ եկն խօսեցա́ւ առաջի յովնաթանայ եւ ասէ. զի՞նչ արարի. եւ զի՞նչ վնա́ս է իմ, եւ զի՞նչ մեղայ առաջի հօր քոյ՝ զի խնդրէ́ զանձն իմ։

Verse: 2  Link to sept   Եւ ասէ ցնա յովնաթան. քա́չ մեռանիցիս. զի ահա ո́չ առնէ հայր իմ բան մի մեծ կամ փոքր՝ զոր ո́չ յայտնէ յունկն իմ. եւ զիա՞րդ իցէ զի թաքուցանիցէ հայր իմ յինէն զբանդ զայդ. չէ́ այդպէս։

Verse: 3  Link to sept   Պատասխանի ետ դաւիթ եւ ասէ ցյովնաթան. գիտելո́վ գիտէ հայր քո զի գտի շնո́րհս առաջի աչաց քոց, եւ ասէ թէ մի́ գիտասցէ յովնաթան՝ գուցէ ո́չ կամիցի. այլ կենդանի́ է տ(է)ր եւ կենդանի́ է անձն քո, զի որպէս ասացի՝ վճարեալ է ընդիս եւ ը(նդ) հայր քո մինչեւ ցմահ։

Verse: 4  Link to sept   Եւ ասէ յովնաթան ցդաւիթ. զի՞նչ ցանկայ անձն քո՝ եւ արարից քեզ։

Verse: 5  Link to sept   Ասէ դաւիթ ցյովնաթան. ահա վաղիւ ամսամո́ւտ է. եւ ես նստելով ո́չ նստայց ուտել հաց ընդ արքայի. եւ առաքեսցես զիս՝ եւ թաքեայց ՛ի դաշտի աստ մինչեւ ցերեկս աւուրն երրորդի։

Verse: 6  Link to sept   եթէ առնելով առնիցէ ա́յց զինէն հայր քո, ասասցես եթէ հրաժարելով հրաժարեաց յինէն դաւիթ երթալ մինչեւ ցբեթղահէմ քաղաք իւր. զի զո́հ աւուրց է անդ ա(մենայ)ն ցեղին։

Verse: 7  Link to sept   եթէ ասասցէ՝ բարւո́ք է, խաղաղու(թ)ի(ւն) է ծառայի քում. ապա թէ խստի́ւ տայցէ պատասխանի՝ գիտասջի́ր զի վճարեալ է չարութի(ւն) առ ՛ի նմանէ։

Verse: 8  Link to sept   Եւ արասցես ողորմու(թ)ի(ւն) ընդ ծառայի քում. զի յո́ւխտ տ(եառ)ն մուծեր զծառայ քո ընդ քեզ. եւ թէ վնա́ս ինչ է ծառայի քում, դո́ւ իսկ սպան զիս. եւ ընդէ՞ր հասուցանիցես զիս առ հայր քո,

Verse: 9  Link to sept   Եւ ասէ յովնաթան. քա́ւ լիցի քեզ, զի եթէ գիտելով գիտացից եթէ վճարեա́լ է չարութի(ւն) առ ՛ի հօրէ իմմէ գա́լ ՛ի վ(ե)ր(այ) քո՝ եթէ ոչ ՛ի քաղաքն իսկ քո պատմեցից քեզ։

Verse: 10  Link to sept   Եւ ասէ դաւիթ ցյովնաթան՝ ո́ պատմեսցէ ինձ եթէ խստի́ւ պատասխանի տացէ քեզ հայր քո։

Verse: 11  Link to sept   Եւ ասէ յովնաթան ցդաւիթ. ե́րթ եւ մնա յանդին։ եւ գնացին երկոքեան յանդն։

Verse: 12  Link to sept   Եւ ասէ յովնաթան ցդաւիթ. տ(է)ր ա(ստուա)ծ ի(սրաէ)լի գիտէ՝ եթէ ոչ քննեցից զհայր իմ զերեք ժամաւն, եւ եթէ բարի́ ինչ իցէ զդաւթէ եւ եթէ չար՝ առքեցի́ց առ քեզ յանդս։

Verse: 13  Link to sept   օն եւ օ́ն արասցէ տ(է)ր յովնաթանու, եւ օն եւ օ́ն յաւելցէ, եթէ ոչ քննեցից զչարութի(ւն)ն վ(ա)ս(ն) քո, եւ յայտնեցի́ց յունկն քո. եւ արձակեցի́ց զքեզ՝ եւ երթիցես ՛ի խաղաղութի(ւն). եւ եղիցի տ(է)րընդ քեզ՝ ո(ր)պ(էս) է́ր ընդ հօր իմում։

Verse: 14  Link to sept   Եւ իցէ́ թէ մինչդեռ ես կենդանի իցեմ, արասցե́ս ընդիս իսկ ողորմութի(ւն), եւ եթէ մահո́ւ մեռանիցիմ,

Verse: 15  Link to sept   մի́ բարձցես զողորմու(թ)ի(ւն)ս քո ՛ի տանէ իմմէ մինչեւ ցյաւիտեան։ եւ եթէ ոչ՝ ՛ի ջնջել տ(եառ)ն զթշնամիս դաւթի զիւրաքանչիւրոք յերեսաց երկրէ,

Verse: 16  Link to sept   գտցի́ անուն յովնաթանու ՛ի տան դաւթի. խնդրեսցէ́ տ(է)ր ՛ի ձեռաց թշնամեաց դաւթի։

Verse: 17  Link to sept   Եւ յաւել յովնաթան երդմնեցուցանել զդաւիթ առ սէ́ր ն(ո)ր(ա). զի սիրեաց զանձն սիրելւոյն իւրոյ։

Verse: 18  Link to sept   Եւ ասէ ցնա յովնաթան. վաղիւ ամսամո́ւտ է, եւ խնդրեսցիս.

Verse: 19  Link to sept   քանզի խնդրեսցի աթոռ քո, եւ երեքօրեսցիս եւ երեկեսցես ՛ի տեղի քո՝ ուր թաքեարն յաւուրն գործոյ. եւ նստցիս առ երգաբաւդ այդուիկ։

Verse: 20  Link to sept   Եւ ես երեքկնեցի́ց փքնօք յորս ածել եւ ձգե́լ յամատտարայն.

Verse: 21  Link to sept   եւ արձակեցից զպատանեակն, եւ ասացից, ե́րթ գիտ զփքինն։ Եւ եթէ ասելով ասացից ցպատանեակն. ՛ի քէն եւ ա́յսր է փքինն, եւ ա́յսր առ զնա, եկեսջի́ր. զի խաղաղութի(ւն) է քեզ, եւ չե́ն ինչ բանք՝ կենդանի́ է տ(է)ր։

Verse: 22  Link to sept   Ապա թէ ասացից ցպատանին. ՛ի քէն եւ ա́նդր է փքինն, գնասջի́ր՝ զի արձակեա́ց զքեզ տ(է)ր։

Verse: 23  Link to sept   եւ բանիցս զոր խօսեցաք՝ ե́ս եւ դու, ահա տ(է)ր լիցի վկայ ընդիս եւ ընդ քեզ մինչեւ ցյաւիտեան։

Verse: 24  Link to sept   Եւ թաքեա́ւ դաւիթ յանդին։ եւ եհա́ս ամսամուտն. եւ եմո́ւտ արքայ ՛ի սենեակն ուտե́լ հաց։

Verse: 25  Link to sept   եւ նստա́ւ արքայ յաթոռ իւրում որպէս միանգամն եւ միւսանգամ աթոռով յորմայե́ցն. եւ ժամանեաց յովնաթան. եւ նստաւ աբեններ ՛ի կողմանէ́ սաւուղայ. եւ խնդրեցա́ւ տեղին դաւթի։

Verse: 26  Link to sept   եւ ո́չ խօսեցաւ սաւուղ եւ ո́չ ինչ յաւուր յայնմիկ. քանզի ասաց թէ դէ́պք ինչ իցեն չլինելոյ սուրբ, եւ չիցէ́ սրբեալ։

Verse: 27  Link to sept   Եւ եղեւ ՛ի վաղի́ւ ամսամտին յաւուրն երկրորդի, խնդրեցա́ւ տեղին դաւթի, եւ ասէ սաւուղ ցյովնաթան որդի իւր. զի՞ է՝ զի ո́չ եկն որդին յեսսեայ երէկ եւ ա́յսօր ՛ի սեղանս։

Verse: 28  Link to sept   Պատասխանի ետ յովնաթան եւ ասէ ցսաւուղ. հրաժարեա́ց յինէն երթալ ՛ի բեթղահէմ քաղա́ք իւր.

Verse: 29  Link to sept   ասէ՝ արձակեա́ զիս՝ զի զո́հ է ցեղին մերոյ ՛ի քաղաքին. եւ պատուիրեցին զիս եղբարք իմ. եւ արդ եթէ գտի շնորհս առաջի աչաց քոց՝ երթա́յց տեսի́ց զեղբարս իմ։ վասն այնորիկ ո́չ եկն ՛ի սեղա́ն արքայի։

Verse: 30  Link to sept   Եւ բարկացա́ւ սաւուղ ՛ի վ(ե)ր(այ) յովնաթանու՝ եւ ասէ ցնա՝ աղճկորդի́ անձնամա́տն. ես ո՞չ գիտեմ, զի դաշնաւոր ես դու որդւոյն յեսսեայ՝ յամօթ քո, եւ յամօթ առականաց մօր քոյ։

Verse: 31  Link to sept   զի զա(մենայ)ն աւուրս որչափ որդին յեսսեայ կենդանի է՝ ո́չ հաստատիցի թագաւորութի(ւն) քո. արդ առաքեա́ կա́լ զպատանին՝ զի որդի մահո́ւ է նա։

Verse: 32  Link to sept   Պատասխանի ետ յովնաթան սաւուղայ հօր իւրում, եւ ասէ ցնա. ընդէ՞ր մեռանիցի. զի՞նչ գործեաց։

Verse: 33  Link to sept   Եւ վերացոյց սաւուղ զգեղարդն ՛ի վ(ե)ր(այ) յովնաթանու սպանանե́լ զնա. եւ գիտաց յովնաթան թէ վճարեալ է չարութի(ւն) ՛ի հօրէ ն(ո)ր(ա)՝ սպանանել զդաւիթ։

Verse: 34  Link to sept   Եւ դիմեաց յովնաթան ՛ի սեղանոյ անտի արտա́քս բարկութ(եամ)բ եւ սրտմտու(թեամ)բ. եւ ո́չ եկեր յաւուրն երկրորդի ամսոյն հաց, զի բեկա́ւ վ(ա)ս(ն) դաւթի. զի վճարեա́ց վ(ա)ս(ն) ն(ո)ր(ա) հայրն իւր։

Verse: 35  Link to sept   Եւ եղեւ ընդ առաւօտն՝ ե́լ յովնաթան յանդն, ո(ր)պ(էս) ժամադի́ր եղեւ դաւթի ՛ի վկայութի(ւն). եւ մանուկ փոքրի́կ ընդ նմա։

Verse: 36  Link to sept   եւ ասէ ցպատանեակն, ընթա́ գի́տ զփքինն զոր ձգեցից. եւ ընթացաւ պատանեակն. եւ նա ձգեա́ց զփքինն, եւ եբեր զնա։

Verse: 37  Link to sept   Եւ չոգաւ պատանեակն մինչեւ ցտեղի փքնին զոր ձգեաց յովնաթան. եւ աղաղակեաց յովնաթան զկնի պատանեկին եւ ասէ, ՛ի քէ́ն եւ ա́նդ է փքինն։

Verse: 38  Link to sept   եւ աղաղակեաց յովնաթան զկնի պատանեկին եւ ասէ. փութացեալ արագեա́ եւ մի́ կացցես. եւ քաղեա́ց մանուկն յովնաթանու զփքինսն եւ եբեր առ տ(է)ր իւր։

Verse: 39  Link to sept   եւ պատանեակն ո́չ ինչ գիտէր՝ բա́ց ՛ի յովնաթանայ եւ ՛ի դաւթէ՝ զի գիտէին զբանն։

Verse: 40  Link to sept   Եւ ետ յովնաթան զգործին իւր ցպատանեակն, եւ ասէ ցպատանեակն իւր. ե́րթ մուտ ՛ի քաղաքն։

Verse: 41  Link to sept   եւ եմո́ւտ պատանեակն։ Եւ յարեաւ դաւիթ յարգաբայն, եւ անկա́ւ ՛ի վերայ երեսաց իւրոց յերկիր, եւ երկի́ր եպագ նմա երիցս անգամ, եւ համբուրեա́ց իւրաքանչիւր զընկեր իւր, եւ ելա́ց իւրաքանչիւր ՛ի վերայ ընկերի իւրոյ մինչեւ ցմե́ծ վախճան։

Verse: 42  Link to sept   Եւ ասէ յովնաթան ցդաւիթ, ե́րթ ՛ի խաղաղութի(ւն). եւ ո(ր)պ(էս) երդուաք մեք երկոքին յանուն տ(եառ)ն եւ խօսեցաք, տ(է)ր լիցի վկայ ընդիս եւ ը(նդ) քեզ, եւ ՛ի մէջ զաւակի իմոյ եւ ՛ի մէջ զաւակի քոյ մինչեւ ցյաւիտեան։

Verse: 43  Link to sept   Եւ յարեաւ դաւիթն եւ գնա́ց, եւ յովնաթան եմո́ւտ ՛ի քաղաքն։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ ե́կն դաւիթ ՛ի նոմբա՝ առ աքիմելէք քահանայ. եւ զարհուրեցա́ւ աքիմելէք ՛ի պատահել ն(ո)ր(ա). եւ ասէ ցնա. զի՞ է զի դու միա́յն ես՝ եւ ո́չոք է ընդ քեզ։

Verse: 2  Link to sept   Եւ ասէ դաւիթ ցաքիմելէք քահանայ. բան ինչ հրամայեալ է ինձ արքայի այսօր. եւ ասէ ցիս՝ մի́ ոք գիտասցէ զբանն վ(ա)ս(ն) որոյ առաքեցի զքեզ, եւ վասն որոյ պատուիրեցի քեզ. եւ հրաման ետու մանկտւոյն ՛ի տեղւոջն որ կոչի ա(ստուծո)յ հաւատարմութի(ւն), փելմոնի ելմոնի։

Verse: 3  Link to sept   եւ արդ՝ եթէ իցէ ՛ի ձեռին քում հի́նգ նկանակ հացի՝ տո́ւր ՛ի պէտս իմ, թէ ո՞րչափ եւ գտանիցի։

Verse: 4  Link to sept   Պատասխանի ետ քահանայն ա(ստուծո)յ եւ ասէ ցդաւիթ. ո́չ կայ հա́ց պիղծ ընդ ձեռամբ իմով, այլ հա́ց սրբութե(ան). եւ եթէ իցեն զգուշացեալ մանկտին ՛ի կանանց՝ կերիցե́ն։

Verse: 5  Link to sept   Պատասխանի ետ դաւիթ քահանային՝ եւ ասէ. ՛ի կանանց մեկուսի́ եմք յերեկէ եւ յեռանտէ, յելանել ինձ ՛ի ճանապարհս սրբեցան եւ մանկտին. զի եւ ճանապարհս իսկ պի́ղծ է. եւ վասն այնորիկ այսօր սրբեցի գործովս իմով։

Verse: 6  Link to sept   Եւ ետ նմա աքիմելէք քահանայ՝ ՛ի զառաջաւո́ր հացէն. զի չգո́յր անդ հաց, բա́ց ՛ի հացէն երեսաց, առեա́լ յերեսաց տ(եառ)ն, դնել առաջի հաց ջերմն յաւուրն յորում առ զայն։

Verse: 7  Link to sept   Եւ ա́նդ էր մի ՛ի ծառայիցն սաւուղայ յաւուր յայնմիկ նեղեա́լ նեսարա́ւ առաջի տ(եառ)ն. եւ անուն ն(ո)ր(ա) դովե́կ՝ ասորի, արածէր զջորիս սաւուղայ։

Verse: 8  Link to sept   Եւ ասէ դաւիթ ցաքիմելէք, եթէ իցէ՞ աստ ընդ ձեռամբ քով գեղա́րդն կամ սուսեր. զի զսուսեր իմ եւ զկազմած իմ ո́չ առի ՛ի ձեռին իմում. քանզի բա́նն արքայի ստիպեա́ց զիս։

Verse: 9  Link to sept   Եւ ասէ քահանայն. ահա սուսերն գողիադու այլազգւո́յ փղշտացւոյ՝ զոր սպանե́ր ՛ի հովիտսն ելայ. եւ այն պատեա́լ կայ ձորձով յետոյ վակասին. եթէ զա́յն առնուս ընդ քեզ՝ ա́ռ, զի ո́չ գոյ աստ՝ բա́ց յայնմանէ։ եւ ասէ դաւիթ՝ չի́ք իբրեւ զնա, տո́ւր ցիս զայն։ եւ ետ նմա զայն։

Verse: 10  Link to sept   Եւ յարեա́ւ դաւիթ եւ փախեա́ւ յաւուր յայնմիկ յերեսաց սաւուղայ, եւ եկն դաւիթ առ անքո́ւս արքայ գեթայ։

Verse: 11  Link to sept   եւ ասեն ծառայքն անքուսայ ցնա. ո՞չ սա́ է դաւիթ՝ թագաւոր երկրին. ո՞չ սմա նուագէին պարաւորքն եւ ասէին, եհա́ր սաւուղ զհազարս, եւ դաւիթ զբե́ւրս։

Verse: 12  Link to sept   Եւ ե́դ դաւիթ զբանսն ՛ի սրտի իւրում, եւ երկեա́ւ յոյժ յերեսաց անքուսայ արքայի գեթայ։

Verse: 13  Link to sept   եւ այլակերպեաց առաջի ն(ո)ր(ա) զերեսս իւր, եւ պատճառեցա́ւ յաւուր յայնմիկ. եւ կաքաւէ́ր առ դուրս քաղաքին, եւ ծորեցուցանէր զլորձունս իւր ՛ի վ(ե)ր(այ) մօրուաց իւրոց, եւ յափսիթե́րս խաղայր։

Verse: 14  Link to sept   Եւ ասէ անքուս ցծառայս իւր. ահա տեսէ́ք զայրն՝ այսահար՝ եւ ընդէ՞ր մուծէք զնա առիս.

Verse: 15  Link to sept   միթէ կարօ՞տ ինչ իցեմ ես այսահարօք, զի ածէք զդա այսահարել առաջի իմ. մի́ մտցէ դա ՛ի տուն։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Գնա́ց անտի դաւիթ՝ եւ եկն զերծա́ւ յայրն ոգողոմայ. եւ լուան եղբարք ն(ո)ր(ա) եւ ա(մենայ)ն տուն հօր ն(ո)ր(ա), եւ իջին առ նա անդր։

Verse: 2  Link to sept   Եւ ժողովէին առ նա ա(մենայ)ն վշտատե́սք, եւ ա(մենայ)ն պարտապա́նք, եւ ա(մենայ)ն ցաւագնեա́լք ոգւովք. եւ է́ր ն(ո)ց(ա) զօրագլուխ. եւ էին ընդ նմա իբրեւ արք չորեքհարեւր։

Verse: 3  Link to sept   Եւ գնա́ց անտի դաւիթ ՛ի մասեփաթ մվաբայ. եւ ասէ ցարքային մովաբայ. եղիցի հա́յր իմ եւ մայր իմ առ քեզ, մինչեւ գիտացից թէ զի́նչ արասցէ ինձ ա(ստուա)ծ։

Verse: 4  Link to sept   եւ աղաչեաց զերեսս արքային մովաբայ. եւ բնակեցին առ նմա զա(մենայ)ն աւուրս մինչեւ է́ր դաւիթ յանձաւին։

Verse: 5  Link to sept   Եւ ասէ գադ մարգարէ ցդաւիթ. մի́ նստիր յանձաւիդ, այլ արի́ եւ երթիցես յերկի́րն յուդայ։ գնա́ց դաւիթ եւ ե́կն նստաւ ՛ի քաղաքին սարիթ։

Verse: 6  Link to sept   Եւ լուա́ւ սաւուղ եթէ յայտնեցաւ դաւիթ եւ արքն որ ընդ նմա։ եւ սաւուղ նստէր ՛ի բլրին ՛ի ներքոյ հերկին որ ՛ի բամա. եւ գեղարդնն ՛ի ձեռին իւրում. եւ ա(մենայ)ն ծառայք ն(ո)ր(ա) կային շուրջ զնովաւ։

Verse: 7  Link to sept   Եւ խօսեցա́ւ սաւուղ ընդ ծառայսն իւր որ կային շուրջ զնովաւ, եւ ասէ ցնոսա. լուարո́ւք որդիք բենիամինի. թէ արդարե́ւ ամենեցուն ձեզ տացէ́ որդին յեսսեայ ա́նդս եւ այգեստանս, եւ զա(մենայ)ն զձեզ առնիցէ հազարապե́տս եւ հարիւրապետս.

Verse: 8  Link to sept   զի միաբանեալ կա́յք ՛ի վ(ե)ր(այ) իմ դուք ամենեքեան. եւ ո́չոք էր որ յայտնէր յունկն իմ ՛ի դնե́լ որդւոյն իմոյ ո́ւխտ ընդ որդւոյն յեսսեայ. եւ չի́ք ոք ՛ի ձէնջ որում ցաւէ́ր վ(ա)ս(ն) իմ, եւ յայտնէր յունկն իմ. զի յարոյց որդի իմ զծառայ իմ ՛ի վերայ իմ թշնամի́, որպէս յաւուր յայսմիկ։

Verse: 9  Link to sept   Պատասխանի́ ետ դովեկ ասորի, որ կայր ՛ի վ(ե)ր(այ) ջորւոցն սաւուղայ, եւ ասէ. տեսի զորդին յեսսեայ եկեալ ՛ի նոմբա́ առ աքիմելէք որդի աքիտովբայ առ քահանայ.

Verse: 10  Link to sept   եւ հարցանէր նա նմա ՛ի տ(եառն)է. եւ ետ նմա պաշա́ր՝ եւ զսուսերն գողիադու այլազգւոյ ետ նմա։

Verse: 11  Link to sept   Եւ առաքեաց արքայ կոչեա́ց զաքիմելէք որդի աքիտովբայ զքահանայ, եւ զա(մենայ)ն որդիս հօր ն(ո)ր(ա) զքահանայս որ էին ՛ի նոմբա. եւ եկին ամենեքին առ արքայ։

Verse: 12  Link to sept   Եւ ասէսաւուղ. լո́ւր որդի աքիտովբայ։ եւ ասէ ա́ւասիկ կամ, խօսեա́ց տ(է)ր։

Verse: 13  Link to sept   եւ ասէ ցնա սաւուղ. զի՞ է զի միաբանեցէք դո́ւ եւ որդին յեսսեայ հակառա́կ ինձ, տա́լ նմա հաց եւ սուսեր, եւ հարցանել նմա յա(ստուծո)յ, եւ դնել զնա ինձ թշնամի, ո(ր)պ(էս) եւ յաւուր յայսմիկ։

Verse: 14  Link to sept   Պատասխանի ետ աքիմելէք արքայի եւ ասէ. եւ ո՞վ է յա(մենայ)ն ծառայս քո հաւատարի́մ իբրեւ զդաւիթ, եւ փեսա́յ արքայի. եւ իշխա́ն ա(մենայ)ն հրամանի քոյ, եւ փառաւո́ր ՛ի տան քում։

Verse: 15  Link to sept   Եթէ ա́յսր աւուր ինչ սկսեալ իցեմ հարցանե́լ նմա յա(ստուծո)յ. քա́ւ մի́ երբէք դիցէ արքայ ՛ի վ(ե)ր(այ) ծառայի իւրոյ այդպիսի́ բան, եւ ՛ի վերայ տան հօր իմոյ. զի ո́չ գիտէ ծառայ քո յա(մենայ)նի յայդմիկ բան մի մե́ծ կամ փոքր։

Verse: 16  Link to sept   Եւ ասէ սաւուղ. մահո́ւ մեռցիս աքիմելէք՝ դո́ւ եւ ա(մենայ)ն տուն հօր քոյ։

Verse: 17  Link to sept   եւ ասէ արքայ ցսուրհանդակսն որ կային շուրջ զնովաւ. մատի́ք եւ սպանէ́ք զքահանայսն տ(եառ)ն, զի ձեռն ն(ո)ց(ա) ը(նդ) դաւթի է. զի գիտացին եթէ փախչի́ նա՝ եւ ո́չ յայտնեցին յունկն իմ։ Եւ ո́չ կամեցան ծառայքն արքայի արկանել զձեռս իւրեանց, եւ մեղանչել ՛ի քահանայսն տ(եառ)ն։

Verse: 18  Link to sept   Եւ ասէ արքայ ցդովեկ. դարձի́ր դու՝ եւ պատահեա́ քահանայիցն տ(եառ)ն։ եւ դարձաւ դովեկ ասորի, եւ կոտորեաց զքահանայսն տ(եառ)ն. եւ սպան յաւուր յայնմիկ երեքհարիւր եւ հինգ այր, զամենեսին որ կրէին զեփո́ւգն կտաւի։

Verse: 19  Link to sept   Եւ զնոմբա́ քաղաք քահանայիցն եհար սրով սուսերի յառնէ մինչեւ ցկին, ՛ի տղայոյ մինչեւ ցստնդիաց յարջառոյ եւ յիշոյ մինչեւ ցոչխար՝ բերանո́վ սրոյ։

Verse: 20  Link to sept   Եւ ապրեցա́ւ որդի մի աքիմելիքայ, որդւոյ աքիտովբայ. եւ անուն ն(ո)ր(ա) աբիաթա́ր, եւ փախեա́ւ զհետ դաւթի։

Verse: 21  Link to sept   եւ պատմեա́ց աբիաթար դաւթի եթէ կոտորեաց սաւուղ զա(մենայ)ն քահանայսն տ(եառ)ն։

Verse: 22  Link to sept   Եւ ասէ դաւիթ ցաբիաթար. գիտէի́ յաւուր յայնմիկ եթէ դովեկ ասորի պատմելով պատմէ́ սաւուղայ։ ե́ս եմ պարտական ոգւոց տան հօր քոյ.

Verse: 23  Link to sept   նի́ստ առիս՝ եւ մի́ երկնչիր, զի ուր խնդրեցից զանձին իմոյ տեղի՝ խնդրեցից եւ քո́ւմ անձին, զի պահեսցիս դու առիս։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ ազդ եղեւ դաւթի եւ ասեն, ահա այլազգիք պատերազմին ընդ կեիլա, եւ յափշտակեցին զկալորայն։

Verse: 2  Link to sept   Եւ եհա́րց դաւիթ տ(եառն)է եւ ասէ, եթէ երթա՞յց եւ հարկանիցե՞մ զայլազգիսն զայնոսիկ. եւ ասէ տ(է)ր ցդաւիթ. ե́րթ եւ հարկանիցես զայլազգիսն, եւ փրկեսցե́ս զկեիկա։

Verse: 3  Link to sept   Եւ ասեն արք դաւթի ցնա՝ ահա մեք աստէն ՛ի հրէաստանի յերկիւղի́ եմք, եւ զիա՞րդ լինիցի եթէ երթիցեմք ՛ի կեիլա յաւա́ր այլազգեացն։

Verse: 4  Link to sept   Եւ յաւե́լ միւսանգամ դաւիթ հարցանե́լ ՛ի տ(եառն)է. եւ պատասխանի́ ետ նմա տ(է)ր՝ եւ ասէ ցնա. արի́ էջ ՛ի կեիլա՝ զի ե́ս մատնեցից զայլազգիսն ՛ի ձեռս քո։

Verse: 5  Link to sept   եւ գնաց դաւիթ եւ արքն որ ը(նդ) նմա ՛ի կեիլա, եւ մարտեաւ ը(նդ) այլազգիսն. Եւ փախեան յերեսաց ն(ո)ր(ա), եւ ա́ռ զանասուն ն(ո)ց(ա), եւ եհար ՛ի նոցանէ հարուածս մեծամեծս. եւ փրկեաց դաւիթ զբնակիչսն կեիլայ։

Verse: 6  Link to sept   Եւ եղեւ ՛ի փախչելն աբիաթարայ որդւոյ աքիմելիքայ առ դաւիթ, եւ ինքն ընդ դաւթի էջ ՛ի կեիլա. եւ ունէր զեփուդն ՛ի ձեռին իւրում։

Verse: 7  Link to sept   Եւ ա́զդ եղեւ սաւուղայ եթէ եկն դաւիթ ՛ի կեիլա. եւ ասէ սաւուղ, վաճառեաց զնա ա(ստուա)ծ ՛ի ձեռս իմ. զի փակեաց մտեալ ՛ի քաղաք դրանց եւ դռնափակաց։

Verse: 8  Link to sept   եւ հրաման ետ սաւուղ ա(մենայ)ն ժողովրդեանն իջանել ՛ի պատերտազմ ՛ի կեիլա. ունե́լ զդաւիթ եւ զարս ն(ո)ր(ա)։

Verse: 9  Link to sept   Եւ գիտաց դաւիթ զսաւուղայ եթէ ո́չ դադարէ ՛ի չարութ(են)է. եւ ասէ դաւիթ ցաբիաթար քահանայ, մատո́ զեփուդդ տ(եառ)ն։

Verse: 10  Link to sept   եւ ասէ դաւիթ. տ(է)ր ա(ստուա)ծ ի(սրաէ)լի, լսելով լուաւ ծառայ քո՝ թէ խնդրէ սաւուղ գա́լ ՛ի վերայ կեիլայ, ապականել զքաղաքս վ(ա)ս(ն) իմ.

Verse: 11  Link to sept   եթէ պաշարիցի՞. եւ եթէ իջանիցէ՞ այժմ ա́յսր սաւուղ՝ ո(ր)պ(էս) լուաւ ծառայ քո տ(է)ր ա(ստուա)ծ ի(սրաէ)լի՝ պատմեա́ ծառայի քում։ եւ ասէ տ(է)ր՝ պաշարեսցի́։

Verse: 12  Link to sept   Եւ ասէ դաւիթ. եթէ մատնեսցե՞ն զիս կեիլացիքս եւ զա́րս իմ ՛ի ձեռն սաւուղայ։ եւ ասէ տ(է)ր, մատնեսցեն։

Verse: 13  Link to sept   Եւ յարեա́ւ դաւիթ, եւ արքն որ ընդ նմա իբրեւ չորեքարեւր, ելի́ն ՛ի կեիլայ եւ գնացի́ն յո եւ գնացին։ եւ ա́զդ եղեւ սաւուղայ եթէ զերծա́ւ դաւիթ ՛ի կեիլայ, եւ դադարեա́ց յելանելոյ։

Verse: 14  Link to sept   Եւ նստա́ւ դաւիթ յանապատին ՛ի մասերե́թ յանձուկսն, եւ նստէ́ր ՛ի լերին անապատին զիփայ ՛ի մռա́յլ լերինն ՛ի մթին երկրին։ եւ խնդրէ́ր զնա սաւուղ զա(մենայ)ն աւուրս, եւ ո́չ մատնեաց զնա տ(է)ր ՛ի ձեռս ն(ո)ր(ա)։

Verse: 15  Link to sept   Եւ ետես դաւիթ եթէ ելանէ սաւուղ խնդրել զդաւիթ. եւ դաւիթ նստէ́ր յանապատին ՛ի մռա́յլ լերինն զիփայի́ նորում։

Verse: 16  Link to sept   Եւ յարեաւ յովնաթան որդի սաւուղայ, եւ չոգաւ առ դաւիթ ՛ի նորն. եւ հաստատեաց զձեռս իւր ՛ի տ(է)ր։

Verse: 17  Link to sept   եւ ասէ ցնա՝ մի́ երկնչիր, զի ո́չ գտցէ զքեզ ձեռն սաւուղայ հօր իմոյ. եւ դո́ւ թագաւորեսցես ՛ի վ(ե)ր(այ) ի(սրաէ)լի. Եւ ե́ս եղէց քո երկրորդ, եւ սաւուղ հայր իմ գիտէ թէ ա́յդպէս է։

Verse: 18  Link to sept   եւ ուխտեցին ո́ւխտ երկոքեան առաջի տ(եառ)ն։ Եւ նստէր դաւիթ ՛ի նորումն. եւ յովնաթան գնաց ՛ի տուն իւր։

Verse: 19  Link to sept   Եւ ելի́ն զիփացիքն ՛ի մռայլ երկրէն առ սաւուղ ՛ի բլուրն, եւ ասեն. ո՞չ աւանիկ դաւիթ թաքուցեալ է առ մեզ ՛ի մասերա յանձուկս նորոյն ՛ի բլո́ւրն եքելատու, ը(նդ) աջմէ յեսեմոնայ։

Verse: 20  Link to sept   Եե ազգ ըստ ա(մենայ)ն ցանկութե(ան) անձին արքայի իջցէ́ իջանելով առ մեզ. քանզի փակեսցուք զնա ՛ի ձեռս արքայի։

Verse: 21  Link to sept   Եւ ասէ ցն(ո)ս(ա) սաւուղ. օրհնեա́լ էք դուք ՛ի տ(եառն)է, զի ցաւեաց ձեզ վ(ա)ս(ն) իմ.

Verse: 22  Link to sept   արդ երթա́յք եւ ա́յլ եւս կազմեցարուք, եւ դիտեցէ́ք եւ տեսէ́ք զտեղին ուր իցէ ոտն ն(ո)ր(ա). հասէ́ք վաղվաղակի անդր ուր ասացէքն թէ է, գուցէ́ խորամանգիցէ։

Verse: 23  Link to sept   եւ քննեսջի́ք եւ տեսջիք յա(մենայ)ն տեղեաց ուր թաքուցեալ իցէ, եւ դարձջի́ք առիս պատրաստու(թեամ)բ, եւ երթիցո́ւք ընդ ձեզ։ եւ եղիցի եթէ իցէ յերկրին՝ խուզեցից զնա ա(մենայ)ն հազարաւորօք յուդայ։

Verse: 24  Link to sept   Եւ յարեա́ն եւ գնացին զիփացիքն յերեսաց սաւուղայ. եւ դաւիթ եւ արք նորա էին յանապատին մաոնայ առ երեկս ընդ աջմէ յեսեմոնայ։

Verse: 25  Link to sept   Եւ գնա́ց սաւուղ եւ արք իւր խնդրե́լ զդաւիթ։ եւ ա́զդ արարին դաւթի, եւ էջ ՛ի վէմն որ յանապատին մաոնայ։ եւ ոլոաւ սաւուղ՝ եւ պնդեցա́ւ զհետ դաւթի յանապատն մաոնայ։

Verse: 26  Link to sept   Երթա́յր սաւուղ եւ արք իւր՝ զա́յս կողմն լերինն, եւ դաւիթ եւ արք իւր առ ՛ի կողմն զա́յն կողմն լերինն։ եւ եղեւ դաւթի թաքստեամբ երթալ յերեսաց սաւուղայ։ եւ սաւուղ եւ արք ն(ո)ր(ա) պատեցա́ն զդաւթիւ եւ զարամբք ն(ո)ր(ա) ունե́լ զն(ո)ս(ա)։

Verse: 27  Link to sept   Եւ եկն հրեշտակ առ սաւուղ եւ ասէ. փութա ե́կ այսր, զի արշաւեցին այլազգիք յերկիրս։

Verse: 28  Link to sept   եւ դարձա́ւ սաւուղ չպնդել զհետ դաւթի, եւ չոգաւ ընդդէմ այլազգեացն։ վասն այնորիկ կոչեցաւ տեղին այն վէ́մ բաժանեալ։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ յարեա́ւ դաւիթ անտի եւ նստաւ յանձո́ւկս գադդայ։

Verse: 2  Link to sept   Եւ եղեւ իբրեւ դարձա́ւ սաւուղ յայլազգեացն, ա́զդ եղեւ նմ(ա) եւ ասեն. Ահաւանիկ դաւիթ յանապատին գադդա́յ է։

Verse: 3  Link to sept   եւ ա́ռ ընդ իւր երիս հազարս արանց ընտրելոց յա(մենայ)ն ի(սրաէ)լէ, եւ գնաց խնդրե́լ զդաւիթ եւ զարս ն(ո)ր(ա), հանդէպ ելիմայ որսո́յն եղջերուաց.

Verse: 4  Link to sept   եւ եկն ՛ի պառակս հօտիցն որ առ ճանապարհաւն. եւ ա́նդ էր այր մի́ եւ եմո́ւտ սաւուղ հանգչել. եւ դաւիթ եւ արք նորա նստէին ՛ի ներքնում այրին։

Verse: 5  Link to sept   Եւ ասեն արքն դաւթի ցնա. ահա այս օ́ր է զորմէ ասաց տ(է)ր ցքեզ, մատնել զթշնամիս քո ՛ի ձեռս քո. եւ արասցես ընդ նա՝ որպէս եւ հաճո́յ թուի յաչս քո։ Եւ յարեաւ դաւիթ եւ եհատ զտտուն լաւդկին սաւուղայ գա́ղտ։

Verse: 6  Link to sept   եւ եղեւ յետ այնորիկ՝ զղջացոյց զդաւիթ սիրտն իւր, զի եհատ զտտուն լաւդկի ն(ո)ր(ա)։

Verse: 7  Link to sept   Եւ ասէ դաւիթ ցարս իւր. քա́ւ լիցի ինձ ՛ի տ(եառն)է, թէ արարից զբանդ զայդ տեառն իմում օծելոյ տ(եառ)ն, մխե́լ ՛ի նա զձեռս իմ. զի օծեալ տ(եառ)ն է նա։

Verse: 8  Link to sept   եւ հաճեաց դաւիթ զարսն իւր բանիւք, եւ ո́չ ետ ն(ո)ց(ա) յառնե́լ եւ սպանանել զսաւուղ· Եւ սաւուղ յարեա́ւ յայրէ անտի եւ էջ ՛ի ճանապարհն։

Verse: 9  Link to sept   եւ յարեաւ դաւիթ զկնի ն(ո)ր(ա) ել յայրէ անտի. եւ աղաղակեաց դաւիթ զհետ ն(ո)ր(ա) եւ ասէ. տէ́ր իմ արքայ։ եւ հայեցաւ սաւուղ ՛ի թիկունս իւր. եւ անկա́ւ դաւիթ ՛ի վերայ երեսաց իւրոց յերկիր, եւ եպա́գ նմա երկիր։

Verse: 10  Link to sept   Եւ ասէ դաւիթ ցսաւուղ։ ընդէ՞ր լսես բանից ժողովրդեանն որ ասեն թէ դաւիթ խնդրէ́ զանձն քո.

Verse: 11  Link to sept   ահա յաւուր յայսմիկ տեսին ա́չք քո, ո՞րպէս մատնեաց զքեզ տ(է)ր այսօր ՛ի ձեռս իմ յայրի անդ, եւ ո́չ կամեցայ սպանանել զքեզ. եւ խնայեցի ՛ի քեզ, եւ ասացի թէ ո́չ ձգեցից զձեռն իմ ՛ի տէ́ր իմ. զի օծեալ տ(եառ)ն է նա։

Verse: 12  Link to sept   Եւ տե́ս հայր իմ. ահա́ տտուն լաւդկի քո ՛ի ձեռին իմում. ե́ս հատի զտտուն հանդերձի քոյ, եւ ո́չ սպանի զքեզ։ եւ ծանի́ր եւ տե́ս այսօր, զի ո́չ գոյ ՛ի ձեռին իմում չարութի(ւն), եւ ո́չ արհամարհութի(ւն), եւ ո́չ ամպարշտու(թ)ի(ւն), եւ ո́չ մեղայ ինչ քեզ. Եւ դու պաշարես զանձն իմ առնուլ զնա։

Verse: 13  Link to sept   դա́տ արասցէ տ(է)ր ընդիս եւ ընդ քեզ. եւ առցէ́ տէր զվրէժ իմ ՛ի քէն, եւ ձեռն իմ մի́ եղիցի ՛ի քեզ։

Verse: 14  Link to sept   Որպէս ասէ հին առասպելն. յանօրէն ձեռաց ելցէ վնաս, եւ ձեռն իմ մի́ եղիցի ՛ի քեզ։

Verse: 15  Link to sept   Եւ արդ՝ զո՞յր հետ ելեալ ես արքայդ ի(սրաէ)լի, եւ զո՞ հալածես. զհետ շա́ն միոյ մեռելոյ՝ եւ զհետ լուո́յ միոյ։

Verse: 16  Link to sept   եղիցի տ(է)ր դատաւոր եւ իրաւարա́ր ընդիս եւ ընդ քեզ. տեսցէ́ տ(է)ր՝ եւ դատեսցի զդատաստանս իմ, եւ արասցէ ինձ իրաւունս ՛ի ձեռաց քոց։

Verse: 17  Link to sept   Եւ եղեւ իբրեւ կատարեաց դաւիթ խօսել զբանս զայսոսիկ ընդ սաւուղայ, եւ ասէ սաւուղ. այդ քո՞ ձայն իցէ որդեա́կ իմ դաւիթ։ եւ ամբա́րձ սաւուղ զձայն իւր եւ ելաց։

Verse: 18  Link to sept   Եւ ասէ սաւուղ ցդաւիթ. դու արդա́ր ես քան զիս. զի դու հատուցեր ինձ բարի́ս, եւ ես հատուցի քեզ չարի́ս։

Verse: 19  Link to sept   եւ դու պատմեցեր ինձ այսօր զոր արարեր ինձ բարիս. եւ թէ ո՞րպէս փակեաց զիս տ(է)ր այսօր ՛ի ձեռս քո՝ եւ ո́չ սպաներ զիս։

Verse: 20  Link to sept   զի որպէս գտանէ ոք զթշնամիս իւր ՛ի նեղու(թ)ե(ան), եւ արձակիցէ զնա բարեա́ւ ընդ ճանապարհ, եւ տ(է)ր հատուսցէ նմա բարիս. ո(ր)պ(էս) դո́ւ արարեր այսօր։

Verse: 21  Link to sept   Եւ արդ գիտեմ զի թագաւորելո́վ թագաւորեսցես, եւ հաստատեսցի́ ՛ի ձեռս քո թագաւորութի(ւն)ն ի(սրաէ)լի.

Verse: 22  Link to sept   եւ արդ՝ երդուի́ր ինձ ՛ի տ(է)ր, զի մի́ սատակեսցես զզաւակ իմ զկնի իմ, եւ մի́ եղծցես զանուն իմ ՛ի տանէ հօր իմոյ։

Verse: 23  Link to sept   Եւ երդուաւ դաւիթ սաւուղայ. եւ գնա́ց սաւուղ ՛ի տեղի իւր. եւ դաւիթ եւ արք իւր եկին ՛ի մասարա յանձուկն։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Եւ մեռա́ւ սամուէլ. եւ ժողովեցան ա(մենայ)ն ի(սրա)էլ եւ կոծեցան զնա։ եւ թաղեցին զնա ՛ի տա́ն իւրում յարիմաթեմ։
   Եւ յարեա́ւ դաւիթ եւ էջ յանապատն մաոնայ։

Verse: 2  Link to sept   Եւ է́ր այր մի ՛Ի մաոն, եւ հօտք իւ ՛ի կարմելոս. եւ այրն մեծատուն էր յոյժ. եւ ն(ո)ր(ա) էին ոչխարք երեք հազարք, եւ այծք հազար. եւ եղեն կտուրք հօտիցն ՛ի կարմելոս։

Verse: 3  Link to sept   Եւ անուն ն(ո)ր(ա) նաբա́ղ եւ անուն կնոջ ն(ո)ր(ա) աբիգեա. եւ կին ն(ո)ր(ա) առա́տ իմաստու(թեամ)բ եւ գեղեցիկ տեսլեամբ յոյժ. եւ այրն խիստ եւ չա́ր խորհրդովք՝ եւ ա́յր շնաբարոյ։

Verse: 4  Link to sept   Եւ լուաւ դաւիթ յաւուր յայնմիկ եթէ կտրէ նաբաղ կարմելացի զհօտս իւր,

Verse: 5  Link to sept   առաքեաց դաւիթ մանկունս տասն, եւ ասէ դաւիթ ցմանկունսն. ելէ́ք ՛ի կարմելոս՝ եւ երթա́յք առ նաբաղ, եւ հարցէ́ք յանուն իմ զողջունէ ն(ո)ր(ա)։

Verse: 6  Link to sept   եւ ասասջիք՝ այսպէս ՛ի սոյն աւուրս ո՞ղջ իցես դու եւ տուն քո, եւ ա(մենայ)ն որ ինչ քո ո́ղջ լիցի։

Verse: 7  Link to sept   Եւ արդ՝ աւասիկ լուայ եթէ կտուրք են հօտից քոց որ ը(նդ) մե́զ էին յանապատի աստ, եւ ո́չ արգելաք զդոսա, եւ ո́չ խուեցաք զդոսա եւ ոչ իւիք զա(մենայ)ն աւուրս որչափ եւ էին ը(նդ) մեզ ՛ի կարմելոս։

Verse: 8  Link to sept   հա́րց ցմանկտիդ քո եւ պա́տմեսցեն քեզ։ Եւ գտցե́ն մանկունքդ շնո́րհս առաջի աչաց քոց, զի ՛ի բարի́ աւուր եկին, արդ՝ տացես որչափ ինչ եւ գտցէ ձեռն քո ծառայից քոց, եւ որդւոյ քում դաւթի։

Verse: 9  Link to sept   Եւ եկին մանկունքն դաւթի, եւ խօսեցա́ն զբանսն ը(նդ) նաբաղայ, ըստ ա(մենայ)ն բանիցն այնոցիկ յանուն դաւթի։

Verse: 10  Link to sept   Ըմբոստացա́ւ, եւ ե́տ պատասխանի ծառայիցն դաւթի եւ ասէ։ ո́ դաւիթ, կամ ո́ որդին յեսսեայ. բազմացեալ են այսօր ծառայք գնացականք իւրաքանչիւր յերեսաց տեառն իւրոյ։

Verse: 11  Link to sept   Արդ առնուցում զհա́ց իմ եւ զգինի́ իմ եւ զզենլի́ս իմ զոր զենի կտրողաց իմոց պատրուճակս, եւ տայցեմ արանց զորս ո՞չ գիտիցեմ ուստի իցեն։

Verse: 12  Link to sept   Եւ դարձա́ն մանկունքն դաւթի ՛ի ճանապարհ իւրեանց. եւ եկին պատմեցին դաւթի ը(ս)տ բանիցն այնոցիկ։

Verse: 13  Link to sept   Եւ ասէ դաւիթ ցա́րսն իւր. ածէ́ք ընդ մէջ իւրաքանչի́ւր զսուր իւր. եւ ածի́ն ընդ մէջ այր իւրաքանչիւր զսուսե́ր իւր։ ած ը(նդ) մէջ եւ դաւիթ զսո́ւր իւր. եւ ելին զհետ դաւթի իբրեւ արք չորեքհարեւր. եւ երկերիւրն եւս անդէ́ն նստան առ կարասին։

Verse: 14  Link to sept   Եւ աբիգեայ՝ կնոջ նաբաղայ պատմեաց միոմն ՛ի մանկտւոյ անտի եւ ասէ. ահա առաքեաց դաւիթ հրեշտա́կս յանապատէն օրհնել զտէ́ր մեր, եւ նա՝ խուսեաց ՛ի ն(ո)ց(ա)նէն.

Verse: 15  Link to sept   եւ արքն երախտաւո́ր էին մեզ յոյժ, եւ ո́չ արգելին զմեզ, եւ ո́չ իւիք խուեցին զմեզ որչափ եղեաք ընդ ն(ո)ս(ա) ՛ի բացի.

Verse: 16  Link to sept   եւ իբրեւ զպարի́սպ էին մեզ զցայգ եւ զցերեկ՝ զա(մենայ)ն աւուրսն որչափ էաք ընդ ն(ո)ս(ա), եւ արածէաք զխաշինսն։

Verse: 17  Link to sept   Եւ արդ գիտասցես եւ տեսցես զինչ գործեսցես. զի վճարեա́լ է չարու(թ)ի(ւն) ՛ի վերայ տեառն մերոյ, եւ ՛ի վերայ ա(մենայ)ն տան ն(ո)ր(ա). եւ նա՝ ա́յր ժանտ է, եւ ո́չ գոյ խօսել ընդ նմա։

Verse: 18  Link to sept   Եւ աճապարեաց աբիգեա, եւ ա́ռ երկերիւր նկանակ, եւ երկուս ամանս գինւոյ, եւ հինգ ոչխա́ր հասուցեալ, եւ հինգ արդու փոխնդոյ, եւ կա́յթ մի չամիչ, եւ պաղատիտս երկերիւր. եւ ե́դ ՛ի վ(ե)ր(այ) իշոյ։

Verse: 19  Link to sept   եւ ասէ ցմանկտին իւր. երթա́յք յառաջագոյն քան զիս, եւ ես գա́մ զկնի ձեր. Եւ առն իւրում նաբաղայ ո́չ եհան ՛ի վեր։

Verse: 20  Link to sept   Եւ եղեւ ընդ ելանել ն(ո)ր(ա) յէշն, եւ ընդ իջանե́լ ը(նդ) զանխուլ լերինն, եւ ահա դաւիթ եւ ա́րք ն(ո)ր(ա) իջանէին ը(նդ) առաջ ն(ո)ր(ա). եւ դիպեցաւ ն(ո)ց(ա)։

Verse: 21  Link to sept   Եւ ասէ դաւիթ. զո́ւր ուրեմն պահեցի զա(մենայ)ն ինչ նաբաղու յանապատի անդ. եւ ո́չ խուեցա́ք առնուլ յա(մենայ)նէ որ ինչ է́ր ն(ո)ր(ա) եւ ո́չ ինչ. եւ հատոյց ինձ չա́ր երախտեաց իմոց։

Verse: 22  Link to sept   օ́նեւօն արասցէ ա(ստուա)ծ դաւթի, եւ օնեւօ́ն յաւելցէ, եթէ թողի́ց յա(մենայ)նէ նաբաղու մինչեւ ցառաւօտն՝ որ զորմո́վ մեղիցէ։

Verse: 23  Link to sept   Իբրեւ ետես աբիգեա զդաւիթ՝ փութացա́ւ եւ վազեաց յիշոյն, եւ անկա́ւ առաջի դաւթի ՛ի վ(ե)ր(այ) երեսաց իւրոց, եւ երկի́ր եպագ նմ(ա) յերկիր։

Verse: 24  Link to sept   եւ անկա́ւ առ ոտս ն(ո)ր(ա) եւ ասէ. յի́ս տէր վնաս իմ. բայց խօսեսցի́ աղախին քո յականջս քո, եւ լուիցես բանից աղախնոյ քոյ։

Verse: 25  Link to sept   մի դիցէ տ(է)ր իմ զսիրտ իւր ՛ի վ(ե)ր(այ) առն ժանտի́ նաբաղայ. զի ըստ անուան ն(ո)ր(ա)՝ եւ ի́նքն է։ նաբա́ղ անուն ն(ո)ր(ա)՝ եւ անզգամու(թ)ի(ւն) ընդ մնա։ Եւ ես աղախին քո ո́չ տեսի զմանկունս քո զոր առաքեցեր։

Verse: 26  Link to sept   եւ արդ՝ կենդանի́ է տ(է)ր եւ կենդանի́ է անձն քո. ո(ր)պ(էս) արգել զքեզ տ(է)ր չգա́լ յարիւն անպարտ, այլ պահե́լ զձեռն քո առ քեզ։ եւ արդ՝ եղիցին իբրեւ զնաբա́ղ թշնամիք քո՝ եւ որ խնդրիցեն տեառն իմոյ չարիս։

Verse: 27  Link to sept   Եւ արդ՝ ա́ռ զօրհնու(թ)ի(ւն)ս զայս զոր եբեր աղախին քո տեա́ռն իմում. եւ տացե́ս մանկտւոյդ որ կան առաջի տեառն իմում։

Verse: 28  Link to sept   եւ բա́րձ զվնաս աղախնոյ քոյ· Զի առնելո́վ արասցէ տ(է)ր տեառն իմում տուն հաւատարիմ. զի զպատերազմ տեառն իմոյ տ(է)ր պատերազմի, եւ չարութի(ւն) մի́ երբէք գտցի ՛ի քեզ։

Verse: 29  Link to sept   եւ ո́չ յարիցէ մարդ հալածել զքեզ, եւ խնդրել զանձն քո. եւ եղիցի անձն տեառն իմոյ ծրածեա́լ ՛ի ծրարի́ կենաց տ(եառ)ն ա(ստուծո)յ. եւ զանձն թշնամեաց քոց պարսաքարեսցես ՛ի մէջ պարսատկաց։

Verse: 30  Link to sept   Եւ եղիցի յորժամ արասցէ տ(է)ր տեառն իմում զա(մենայ)ն բարիս զոր խօսեցաւ ածե́լ ՛ի վ(ե)ր(այ) քո, եւ տացէ զքեզ պատուիրանաւ առաջնո́րդ ՛ի վ(ե)ր(այ) ի(սրաէ)լի։

Verse: 31  Link to sept   մի́ լիցի պղծութի(ւն) եւ գայթագղու(թ)ի(ւն) ՛ի սրտի տեառն իմոյ հեղո́ւլ զարիւն արդար տարապարտուց, եւ պահեսցի́ ձեռն տեառն իմոյ առ ի́ւր. եւ բարի́ արասցէ տ(է)ր տեառն իմում. եւ յիշեսցես զաղախին քո բարի́ առնել նմա։

Verse: 32  Link to sept   Եւ ասէ դաւիթ ցաբիգեա. օրհնեա́լ տ(է)ր ա(ստուա)ծ ի(սրաէ)լի որ առաքեացն զքեզ այսօր այսր ընդ առաջ իմ.

Verse: 33  Link to sept   եւ օրհնեա́լ բարք քո, եւ օրհնեա́լ լիցիս դու որ արգելեր զիս այսօր աստ չերթա́լ յարիւն, եւ պահել զձեռն իմ առիս։

Verse: 34  Link to sept   Բայց կենդանի́ է տ(է)ր ա(ստուա)ծ ի(սրաէ)լի, որ արգե́լ զիս այսօր յառնելոյ քեզ չարիս. զի թէ չէի́ր փութացեալ եւ եկեալ ը(նդ) առա́ջ իմ. քանզի ասացի, թէ ո́չ մնասցէ նաբաղայ մինչեւ ցլո́յս առաւօտու որ զորմով միզիցէ։

Verse: 35  Link to sept   Եւ ա́ռ դաւիթ ՛ի ձեռաց ն(ո)ր(ա) զա(մենայ)ն ինչ զոր եբեր նմա. եւ ասէ ցնա, ե́լ ՛ի տուն քո խաղաղութ(եամ)բ. տե́ս զի լուայ ձայնի քում, եւ ա́կն առի երեսաց քոց։

Verse: 36  Link to sept   Եւ գնա́ց աբիգեա առ նաբաղ. եւ էր խրախութի(ւն) ՛ի տան ն(ո)ր(ա) իբրեւ զխրախութի(ւն) թագաւորի. եւ սիրտ նաբաղու զուարճացեա́լէր յինքեան, եւ ինքն արբեա́լ էր յոյժ. եւ ո́չ պատմեաց նմ(ա) բան մի մեծ կամ փոքր մինչեւ ցլո́յս առաւօտին։

Verse: 37  Link to sept   Եւ եղեւ ը(նդ) առաւօտն, իբրեւ սթափեցա́ւ նաբաղ ՛ի գինւոյ անտի, պատմեա́ց նմա կինն իւր զբանս զայսոսիկ. Եւ մեռաւ սիրտ ն(ո)ր(ա) ՛ի նմ(ա), եւ եղեւ իբրեւ զքա́ր։

Verse: 38  Link to sept   եւ եղեն իբրեւ աւուրք տասն, եւ եհա́ր տ(է)ր զնաբաղ, եւ մեռաւ։

Verse: 39  Link to sept   Եւ լուա́ւ դաւիթ եթէ մեռաւ նաբաղ, եւ ասէ. օրհնեա́լ տէր ա(ստուա)ծ որ դատեաց զդատաստանս նախատանաց իմոց ՛ի ձեռաց նաբաղայ, եւ զծառայ իւր ապրեցո́յց ՛ի ձեռաց չարեաց, եւ զչարութի(ւն) նաբաղայ դարձո́յց տ(է)ր ՛ի գլուխ ն(ո)ր(ա)։
   Եւ առաքեա́ց դաւիթ եւ խօսեցաւ ընդ աբիգեա առնուլ զնա ի́ւր կնու(թ)ե(ան)։

Verse: 40  Link to sept   եւ եկին ծառայքն դաւթի առ աբիգեա́ ՛ի կարմելիոս, խօսեցա́ն ընդ նմ(ա) եւ ասեն. դաւիթ առաքեաց զմեզ առ քեզ առնո́ւլ զքեզ ի́ւր կնութե(ան)։

Verse: 41  Link to sept   Եւ յարեաւ երկի́ր եպագ ՛ի վ(ե)ր(այ) երեսաց իւրոց յերկիր եւ ասէ. ահաւասիկ կա́յ աղախին քո ՛ի ստրկութի(ւն) լուանալո́յ զոտս ծառայից տեառն իմոյ։

Verse: 42  Link to sept   եւ փութացեալ յարեա́ւ աբիգեա, ե́լ յէշ. եւ հինգ աղջիկ գնացին զհետ ն(ո)ր(ա), եւ չոգա́ւ զհետ ծառայիցն դաւթի, եւ եղեւ ն(ո)ր(ա)՝ կի́ն։

Verse: 43  Link to sept   Եւ զաքինովամ ա́ռ դաւիթ յեզրայելէ. եւ էին ն(ո)ր(ա) երկոքեան կանայք։

Verse: 44  Link to sept   Եւ սաւուղ ետ զմեղքող դուստր իւր զկին դաւթի, փաղտիելի որդւոյ յեմեսսեայ ռովմացւոյ։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Եւ եկի́ն զիփացիքն ՛ի մառայլէն առ սաւուղ բլուրն՝ եւ ասեն. ահա դաւիթ թաքուցեա́լ է առ մեզ ՛ի բլրին եքեղատու՝ հանդէ́պ յեսեմոնեայ։

Verse: 2  Link to sept   Եւ յարեա́ւ սաւուղ էջ յանապատն զիփայ, եւ ընդ նմ(ա) երեքհազար արանց ընտրելոց յի(սրաէ)լէ՝ խնդրե́լ զդաւիթ յանապատին զիփայ։

Verse: 3  Link to sept   եւ բնակեցաւ սաւուղ ՛ի բլրին եքեղատու հանդէպ յեսեմոնայ ՛ի վ(ե)ր(այ) ճանապարհին։ Եւ դաւիթ նստէ́ր յանապատին։ իբրեւ ետես դաւիթ թէ ե́կն սաւուղ զկնի ն(ո)ր(ա) յանապատն,

Verse: 4  Link to sept   առաքեաց դաւիթ լրտե́սս. եւ գիտա́ց եթէ եկեալէ սաւուղ պատրաստու(թեամ)բ ՛ի կեիլա։

Verse: 5  Link to sept   Եւ յարեա́ւ դաւիթ գաղտ եւ ե́կն ՛ի տեղին ուր նստէր սաւուղ. եւ ետես դաւիթ զտեղին ուր ննջեաց սաւուղ. եւ ա́նդ աբեններ որդի ներեայ զօրավար նորա։ եւ սաւուղ ննջէ́ր ՛ի պաղպաջունսն. եւ զօրն բանակեալէր շուրջ զնովաւ։

Verse: 6  Link to sept   Պատասխանի ետ դաւիթ եւ ասէ ցաբիմելէք քետացի, եւ ցաբեսսա́ որդի շարուհեայ եղբայր յովաբայ, եւ ասէ. ո՞ մտցէ ընդիս առ սաւուղ բանակն։ եւ ասէ աբեսսա՝ ե́ս մտից ը(նդ) քեզ։

Verse: 7  Link to sept   Եւ մտին դաւիթ եւ աբեսսա ՛ի զօրն զցայգ. եւ ահա սաւուղ ննջէ́ր ՛ի պաղպաջունսն, եւ գեղարդն ցցեա́լ յարկիր ՛ի սնարից ն(ո)ր(ա). եւ աբեննե́ր եւ զօրն ննջէին շուրջ զնովաւ։

Verse: 8  Link to sept   Եւ ասէ աբեսսա ցդաւիթ. փակեա́ց տ(է)ր այսօր զթշնամիս քո ՛ի ձեռս քո. արդ հարի́ց զսա գեղարդամբս յերկիր մի́ անգամ եւ ո́չ կրկնեցից։

Verse: 9  Link to sept   Եւ ասէ դաւիթ ցաբեսսա. մի́ հարկաներ զդա. զի ո՞վ իցէ որ ձգիցէ զձեռն իւր յօծեալ տ(եառ)ն եւ սրբեցի։

Verse: 10  Link to sept   եւ ասէ դաւիթ. կենդանի́ է տ(է)ր. բայց եթէ տ(է)ր խրատեսցէ զդա։ եւ կամ թէ օր իւր եկեսցէ եւ մերցի։ կամ թէ ՛ի պատերա́զմ մտցէ եւ յաւելցի։

Verse: 11  Link to sept   քա́ւ լիցի ինձ ՛ի տ(եառն)է ձգել զձեռն իմ յօծեալ տ(եառ)ն։ բայց արդ՝ ա́ռ զգեղարդնդ ՛ի սնարից դորա, եւ զկո́ւժ ջրոյդ, եւ գնասցո́ւք ՛ի մեզ։

Verse: 12  Link to sept   Եւ ա́ռ դաւիթ զգեղարդն եւ զկուժ ջրոյն ՛ի սնարից ն(ո)ր(ա), եւ գնացին յինքեանս։ եւ ո́չ ոք էր որ տեսանէր, եւ ո́չ որ գիտէր, եւ ո́չ ոք էր որ յառնէր. զի ամենեքեան ՛ի քուն էին, քանզի թմբրութի(ւն) ՛ի տ(եառն)է անկաւ ՛ի վերայ ն(ո)ց(ա)։

Verse: 13  Link to sept   Եւ անց դաւիթ յա́յն կողմն, եւ եկա́ց ՛ի վ(ե)ր(այ) գլխոյ լերինն ՛ի բացեայ, եւ բազո́ւմ ճանապարհ էր ՛ի մէջ ն(ո)ց(ա)։

Verse: 14  Link to sept   Բարբառեցաւ դաւիթ ՛ի զօրն, եւ խօսեցաւ ընդ աբեններեայ եւ ասէ։ ո՞չ տաս պատասխանի աբեններ։ եւ ասէ. ո́վ ես դու որ կոչես զիս առ արքայ։

Verse: 15  Link to sept   եւ ասէ դաւիթ ցաբեններ. ո́չ ապաքէն այր քա́ջ ես դո, եւ ո՞վ է իբրեւ զքեզ ՛ի մէջ ի(սրաէ)լի. եւ ընդէ՞ր ոչ պահես զտէր քո զարքայ. զի եմուտ ոմն ՛ի զօրուէդ սպանանե́լ զտ(է)ր քո զարքայ։

Verse: 16  Link to sept   չէ́ բարի բանդ զոր արարեր. կենդանի́ է տ(է)ր զի որդիք մահո́ւ էք դուք՝ որ պահէք զտ(է)ր ձեր զարքայ զօծեալ տ(եառ)ն։ եւ արդ աւասիկ գեղարդնն արքայի եւ կուժ ջրոյն ո՞ւր է որ առ սնարս ն(ո)ր(ա) կային։

Verse: 17  Link to sept   Եւ ծանեա́ւ սաւուղ զձայնն դաւթի եւ ասէ. այդ ձա՞յն քո է որդեակ իմ դաւիթ։ եւ ասէ դաւիթ. ծառայ քո եմ տէր իմ արքայ։

Verse: 18  Link to sept   եւ ասէ. ընդէ՞ր է այդ տէր իմ. զի մտեալ ես զկնի ծառայի քոյ։ զի՞ մեղայ, եւ զի՞ գտաւ յիս վնաս։

Verse: 19  Link to sept   Եւ արդ լուիցէ տէր իմ արքայ զբանս ծառայի́ իւրոյ։ եթէ ա(ստուծո)յ շարժեալ է քեզ ՛ի վ(ե)ր(այ) իմ, ճենճերեսցի́ զոհ քո. եւ եթէ որդւոց մարդկան՝ անիծեա́լ լիցին դոքա առաջի տ(եառ)ն. զի մերժեցին զիս այսօր չհաստատել ինձ ՛ի ժառանգութե(ան) տ(եառ)ն. ասեն՝ ե́րթ ծառայեա́ աստուածոց օտարաց։

Verse: 20  Link to sept   եւ արդ՝ մի́ անկցի արիւն իմ յերկիր առաջի երեսաց տ(եառ)ն, զի ելեա́լ է թագաւոր ի(սրաէ)լի խնդրել զանձն իմ, ո(ր)պ(էս) ընթանայցէ ագռաւ ընդ լերինս։

Verse: 21  Link to sept   Եւ ասէ սաւուղ՝ մեղայ, դարձի́ր որդեակ իմ դաւիթ, զի ո́չ արարից քեզ չար. փոխանակ զի պատուակա́ն է անձն իմ առաջի աչաց քոց. եւ ես յայսմ աւուր ժամանակի զրախնի́ր եւ յանցաւո́ր եմ յոյժ։

Verse: 22  Link to sept   Պատասխանի ետ դաւիթ եւ ասէ. ահաւասիկ գեղարդնն արքայի, անցցէ մի ոք ՛ի մանկտւոյդ եւ առցէ զսա։

Verse: 23  Link to sept   եւ տ(է)ր հատուսցէ իւրաքանչիւր ումեք ըստ արդարու(թ)ե(ան)ց իւրոց եւ ըստ հաւատարմու(թ)ե(ան). թէ ո՞(ր)պ(էս) մատնեաց զքեզ տ(է)ր այսօր ՛ի ձեռս իմ. եւ ո́չ կամեցայ ձգել զձեռն իմ յօծեալ տ(եառ)ն։

Verse: 24  Link to sept   եւ ո(ր)պ(էս) մեծացաւ անձն քո աստ այսօր առաջի աչաց իմոց, ա́յնպէս մեծասցի անձն իմ առաջի տ(եառ)ն. եւ ամրացուսցէ́ զիս, եւ ապրեցուսցէ́ զիս յա(մենայ)ն նեղութ(են)է։

Verse: 25  Link to sept   ԵՒ ասէ սաւուղ ցդաւիթ. օրհնեա́լ ես դու որդեակ իմ դաւիթ, եւ առնելով արասցե́ս, եւ զօրանալով զօրասցի́ս։ Եւ գնա́ց դաւիթ զճանապարհ իւր. եւ սաւուղ դարձա́ւ ՛ի տեղի իւր։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Եւ խօսեցա́ւ դաւիթ սրտի իւրոմ եւ ասէ. արդ անկանիցի́մ յաւուր միում ՛ի ձեռն սաւուղայ. եւ չէ́ ինձ բարի, եթէ ո́չ դարձայց յերկիրն փղշտացւոց. եւ եթէ իցէ՝ խնդրեսցէ զիս սաւուղ յա(մենայ)ն սահմանս ի(սրաէ)լի՝ ապրեցա́յց ՛ի ձեռաց նորա։

Verse: 2  Link to sept   Եւ յարեաւ դաւիթ, եւ անց ինքն՝ եւ վեցհարիւր արքն որ ընդ նմա, եւ գնա́ց առ անքուս որդի մովաքայ՝ արքայ գեթայ։

Verse: 3  Link to sept   եւ նստա́ւ դաւիթ ընդ անքուսայ ՛ի գէթ. ինքն եւ արք իւր՝ իւրաքանչիւր տամբ իւրով։ եւ դաւիթ եւ երկոքին կանայք իւր, աքինովամ յեզրայէլացի, եւ աբիգեա կին նաբաղայ կարմելացւոյ։

Verse: 4  Link to sept   Եւ ա́զդ եղեւ սաւուղայ եթէ փախեա́ւ դաւիթ ՛ի գէթ, եւ ո́չ եւս յաւել խնդրել զնա։

Verse: 5  Link to sept   Եւ ասէ դաւիթ ցանքուս. եթէ եգիտ ծառայ քո շնորհս առաջի աչա́ց քոց, տացե́ս ինձ տեղի ՛ի միում քաղաքաց յանդս, եւ նստա́յց անդ։ եւ ընդէ՞ր նստիցի ծառայ քո ՛ի թագաւորեալ քաղաքի ընդ քեզ։

Verse: 6  Link to sept   Եւ ետ նմա անքուս յաւուր յայնմիկ զսիկելակ. վ(ա)ս(ն) այնորիկ եղեւ սիկելակ արքայի հրէաստանի մինչեւ ցայսօր։

Verse: 7  Link to sept   Եւ եղեւ թիւ աւուրցն զորս նստա́ւ դաւիթ յանդի այլազգեացն՝ աւուրք չորից ամաց։

Verse: 8  Link to sept   Եւ ելաներ դաւիթ եւ ա́րքն որ ընդ նմա էին, եւ ասպատակէին ՛ի վ(ե)ր(այ) ա(մենայ)ն գեսերացւոյն, եւ գիզերացւոյն, եւ ամաղեկացւոյն. եւ ահա բնակէր երկիրն ՛ի գեղամսուրայ յապահովելոց պարսպաւորաց մինչեւ ցեգիպտոս։

Verse: 9  Link to sept   Եւ հարկանէ́րդաւիթ զերկիրն եւ ո́չ ապրեցուցանէր զա́յր եւ զկին. եւ առնոյր հօ́տս եւ անգեա́յս, եւ է́շս, եւ ո́ւղտս, եւ հանդերձս. եւ դառնա́յր եւ գա́յր առ անքուս։

Verse: 10  Link to sept   Եւ ասէր անքուս ցդաւիթ. որո՞ւմ կողման արշաւեցեր այսօր։ եւ ասէ դաւիթ. ՛ի կողմանս հարաւո́յ հրէաստանի, եւ ՛ի կողմանս յերամեղի, եւ ՛ի կողմանս կենեզայ։

Verse: 11  Link to sept   զայր եւ զկին ո́չ ապրեցուցի ածել ՛ի գէթ. ասեմ գուցէ ա́զդ լինիցի զմէնջ ՛ի գէթ, եւ ասիցեն թէ զա́յս ինչ գործէ́ դաւիթ։ Եւ ա́յս իրաւունք էին ն(ո)ր(ա) զա(մենայ)ն աւուրս որչափ եւ նստա́ւ դաւիթ յանդի այլազգեա́ցն։

Verse: 12  Link to sept   Եւ հաւատա́ց անքուս դաւթի յոյժ, եւ ասէ՝ ամաչելով ամաչէ ՛ի ժողովրդենէ իւրմէ յի(սրա)էլէ։ եւ եղիցի ինձ ծառա́յ յաւիտեան։



Chapter: 28 
ԳԼ(ՈՒԽ) Ի՜Ը.


Verse: 1  Link to sept   Եւ եղեւ յաւուրսն յայնոսիկ՝ ժողովեցան այլազգիքն բանակօք իւրեա́նց ելանել պատերազմե́լ ընդ իսրայէլի։ եւ ասէ անքուս ցդաւիթ. գիտալով գիտասցես՝ զի ընդի́ս ելանելոց ես ՛ի պատերազմ, դո́ւ եւ արք քո։

Verse: 2  Link to sept   Եւ ասէ դաւիթ ցանքուս. ա́յդպէս լիցի։ արդ գիտասցես զինչ գործեսցէ ծառայ քո, եւ ասէ́ անքուս ցդաւիթ. ա́յդպէս լիցի. անձնապահապե́տ արարից զքեզ զամենայն աւուրս։

Verse: 3  Link to sept   Եւ սամուէլ մեռա́ւ, եւ կոծեցա́ն զնա ա(մենայ)ն ի(սրա)էլ եւ թաղեցին զնա ՛ի քաղաքին իւրում յարիմաթեմ։ եւ սաւուղ եբա́րձ զվհուկս եւ զգէտս յերկրէ։

Verse: 4  Link to sept   Եւ գումարեցա́ն այլազգիքն, եւ եկին բանակեցան ՛ի սովման. եւ ժողովեա́ց սաւուղ զա(մենայ)ն այր ի(սրաէ)լի, եւ բանակեցա́ն ՛ի գեղբուէ։

Verse: 5  Link to sept   Իբրեւ ետես սաւուղ զբանակ այլազգեացն՝ երկեա́ւ եւ զարհուրեցա́ւ սիրտ ն(ո)ր(ա) յոյժ։

Verse: 6  Link to sept   եւ եհա́րց սաւուղ տ(եառն)է. եւ ո́չ արար նմա պատասխանի տ(է)ր երազո́վք եւ գուշակութ(եամ)բք եւ մարգարէիւք։

Verse: 7  Link to sept   Եւ ասէ սաւուղ ցծառայս իւր. խնդրեցէ́ք ինձ կին մի վհուկ, եւ երթայց առ նա եւ խնդրեցի́ց նովաւ։ եւ ասեն ծառայքն ն(ո)ր(ա) ցնա. ահա է́ կին մի յայենդովր։

Verse: 8  Link to sept   Եւ ծպտեցաւ սաւուղ, եւ զգեցաւ ա́յլ հանդերձս. եւ գնա́ց ինքն եւ երկո́ւ արք ընդ նմա, եւ եկին առ կինն գիշերի́։ եւ ասէ ցնա. դիւթեա́ դու ինձ վհկաւդ, եւ հա́ն ինձ զոր ե́ս ասացից քեզ։

Verse: 9  Link to sept   Եւ ասէ կինն. ահա դու ինքնին իսկ գիտես զոր ինչ արա́ր սաւուղ, ո՞րպէս սատակեաց զվհուկս եւ զգէ́տս յերկրէ. եւ արդ ընդէ՞ր որսաս զանձն իմ սպանանել զնա։

Verse: 10  Link to sept   Եւ երդուա́ւ նմա սաւուղ ՛ի տ(է)ր եւ ասէ. կենդանի́ է տ(է)ր, եթէ պատահեսցի́ քեզ վնաս ՛ի բանիս յայսմիկ։

Verse: 11  Link to sept   Եւ ասէ կինն՝ զո՞ հանից քեզ։ եւ ասէ՝ զսամուէլ հան ինձ։

Verse: 12  Link to sept   եւ ետես կինն զսամուէլ, եւ աղաղակեաց ՛ի ձայն մեծ. եւ ասէ կինն զսաւուղ, ընդէ՞ր խաբեցեր զիս եւ դու սաւուղ ես։

Verse: 13  Link to sept   Եւ ասէ ցնա արքայ՝ մի́ երկնչիր, ասա զո՞ տեսեր։ եւ ասէ ցնա կինն. աստուա́ծս տեսանեմ ելեալս յերկրէ։

Verse: 14  Link to sept   եւ ասէ ցնա՝ զի՞նչ գիտացեր։ եւ ասէ ցնա. ա́յր ուղղորդ ելեալ յերկրէ, եւ արկեալ զիւրեւ կրկնոց։ Եւ ծանեա́ւ սաւուղ եթէ սամուէլ է նա. եւ անկաւ ՛ի վերայ երեսաց իւրոց յերկիր՝ եւ եպա́գ նմա երկիր։

Verse: 15  Link to sept   Եւ ասէ սամուէլ ցսաւուղ. զի՞ լլկեցեր զիս ելանե́լ ինձ։ եւ ասէ սաւուղ, նեղեա́լ եմ յոյժ, եւ այլազգիք պատերազմին ընդիս. եւ ա(ստուա)ծ հեռացա́ւ յինէն, եւ ո́չ լուաւ ինձ՝ ո́չ մարգարէիւք եւ ո́չ երազովք. եւ արդ կոչեցի զքեզ ցուցանել ինձ զի՞նչ գործեցից։

Verse: 16  Link to sept   Եւ ասէ սամուէլ. զի՞ հարցանես զիս. եւ տ(է)ր հեռացա́ւ ՛ի քէն, եւ եղեւ ընդ ընկերի քում։

Verse: 17  Link to sept   եւ արար ընդ քեզ տ(է)ր ո(ր)պ(էս) խօսեցաւ յիմ ձեռն. եւ պատառեսցէ́ տ(է)ր զթագաւորութի(ւն)դ ՛ի ձեռաց քոց, եւ տացէ́ զդա ընկերի քում դաւթի.

Verse: 18  Link to sept   զի ո́չ լուար ձայնի տ(եառ)ն, եւ ո́չ արարեր զսրտմտութի(ւն) բարկութե(ան) ն(ո)ր(ա) յամաղեկ. Վ(ա)ս(ն) ա́յնր բանի արար քեզ տ(է)ր զայդ յաւուր յայսմիկ։

Verse: 19  Link to sept   եւ մատնեսցէ́ տ(է)ր զի(սրա)էլ քե́ւ հանդերձ ՛ի ձեռս այլազգեացն. եւ վաղիւ՝ դո́ւ եւ որդիք քո ը(նդ) քե́զ անկցին. եւ զբանակն ի(սրաէ)լի տացէ տ(է)ր ՛ի ձեռս այլազգեացն։

Verse: 20  Link to sept   Եւ փութացա́ւ սաւուղ եւ անկաւ յոտնկելեաց ՛ի գետին. եւ զարհուրեցա́ւ յո́յժ ՛ի բանիցն սամուէլի, եւ զօրութի(ւն) ո́չ եւս գոյր ՛ի նմա. զի ո́չ եկեր հաց զտիւն ողջոյն եւ զգիշերն ա(մենայ)ն։

Verse: 21  Link to sept   Եւ եմո́ւտ կինն առ սաւուղ՝ եւ ետես զի տագնապեալ էր յոյժ, եւ ասէ ցնա. ահա լուա́ւ աղախին քո ձայնի քում, եւ եդի զոգի իմ ՛ի ձեռին իմում, եւ ունկնդի́ր եղէ բանիցն զոր խօսեցար ընդ իս.

Verse: 22  Link to sept   եւ արդ լո́ւր եւ դու ձայնի աղախնոյ քոյ, եւ եդից առաջի քո պատառ մի հա́ց եւ կերիցես, եւ եղիցի քեզ զօրութի(ւն). զի երթիցես զճանապարհ քո։

Verse: 23  Link to sept   Եւ ո́չ կամեցաւ ուտել. եւ բռնադատեցին զնա ծառայքն իւր եւ կինն, եւ լուա́ւ ձայնի ն(ո)ց(ա), եւ յարեա́ւ ՛ի գետնոյն, եւ նստա́ւ յաթոռ։

Verse: 24  Link to sept   Եւ կնոջն սնուցեալ էր ո́րթ մի ՛ի տան, եւ փութացաւ եզե́ն զնա. եւ ա́ռ ալեւր՝ թրեա́ց, եւ եփեաց բաղարջս.

Verse: 25  Link to sept   եւ մատոյց առաջի սաւուղայ, եւ առաջի ծառայից ն(ո)ր(ա), եւ կերան. եւ յարեան գնացի́ն զգիշերն զայն։



Chapter: 29 
ԳԼ(ՈՒԽ) Ի՜Թ.


Verse: 1  Link to sept   Եւ ժողովեցին այլազգիքն ա(մենայ)ն զբանակս իւրեանց յափեկ. եւ բանակեցա́ւ ի(սրա)էլ յայենդո́վր յեզրայելի։

Verse: 2  Link to sept   Եւ նախարարք այլազգեացն հարիւրաւորօք եւ հազարաւորօք։ եւ դաւիթ եւ ա́րք իւր երթային յետո́յ ընդ անքուսայ։

Verse: 3  Link to sept   Եւ ասեն նախարարք այլազգեացն. ո՞ են դոքա որ անցանենդ։ եւ ասէ́ անքուս ցնախարա́րս այլազգեացն. ո՞չ դա է դաւիթ ծառայ սաւուղայ արքայի ի(սրաէ)լի. եւ այս՝ երկո́ւ ամք են զի առ մե́զ է, եւ ո́չ ինչ գտի ՛ի դմա յօրէ յորմէհետէ անկա́ւ ՛ի մեզ մինչեւ ցայսօր։

Verse: 4  Link to sept   Եւ խոժոռեցան նմա նախարարք այլազգեացն, եւ ասեն ցնա. դարձո́ զայրն, եւ երթիցէ ՛ի տեղի իւր ուր կացուցե́ր զնա անդ. եւ մի́ եկեսցէ ընդ մեզ ՛ի պատերազմ, եւ մի́ լիցի դաւաճան բանակիս։ եւ ի՞ւ հաճիցի դա ընդ տեառն իւրում, եթէ ոչ գլխո́վք արանցդ այդոցիկ։

Verse: 5  Link to sept   Ո՞չ այդ դաւի́թ է, որո́ւմ նուագէին ՛ի պա́րըս. եւ ասէին, եթէ եհա́ր սաւուղ զհազարս եւ դաւիթ զբեւրս։

Verse: 6  Link to sept   Եւ կոչեա́ց անքուս զդաւիթ, եւ ասէ ցնա. կենդանի́ է տ(է)ր, զի ուղի́ղ եւ բարի́ ես դու յաչս իմ, եւ մո́ւտ քո եւ ե́լ ՛ի բանակի աստ ընդիս. եւ ո́չ գտի ՛ի քեզ չարութի(ւն) յօրէ յորմէ հետէ եկի́ր առիս մինչեւ ցա́յսօր ժամանակի։ Եւ յաչս նախարարացն ո́չ թուիս դու բարւոք.

Verse: 7  Link to sept   եւ արդ դարձի́ր եւ ե́րթ ՛ի խաղաղու(թ)ի(ւն), եւ ո́չ արասցես չարու(թ)ի(ւն) յաչս նախարարաց այլազգեա́ցս։

Verse: 8  Link to sept   Եւ ասէ դաւիթ ցանքուս, զի՞նչ արարի քեզ. եւ զի՞նչ գտեր ՛ի ծառայի քում յարե յորմէ հետէ էի́ առաջի քո մինչեւ ցայսօր. զի՞ ոչ գայցեմ պատերազմել ընդ թշնամիս տ(եառ)ն իմոյ արքայի։

Verse: 9  Link to sept   Պատասխանի ետ անքուս եւ ասէ ցդաւիթ. գիտեմ զի բարւո́ք թուիս դու յաչս իմ իբրեւ զհրեշտա́կ ա(ստուծո)յ. այլ նախարարք այլազգեացն ասեն, մի́ եկեսցէ ընդ մեզ ՛ի պատերազմ։

Verse: 10  Link to sept   եւ արդ կանխեա́ դու ընդ առաւօտն, դու եւ ծառա́յք տեառն քոյ որ եկեա́լ են ը(նդ) քեզ, եւ երթա́յք ՛ի տեղին յորում կացուցի զձեզ. եւ բա́ն ինչ յոռութե(ան) մի́ դիցես ՛ի սրտի քում, զի հաճո́յ ես դու առաջի իմ. եւ վաղայարո́յց լինիցիք ՛ի ճանապարհ եւ լուսասցի́ ձեզ եւ գնասջի́ք։

Verse: 11  Link to sept   Եւ կանխեա́ց դաւիթ եւ ա́րք իւր գնա́լ ընդ առաւօտն, եւ պահե́լ զերկիր այլազգեացն։ եւ այլազգիքն ելին պատերազմել ընդ ի(սրաէ)լի։



Chapter: 30 
ԳԼ(ՈՒԽ) Լ՜.


Verse: 1  Link to sept   Եւ եղեւ ընդ մտանել դաւթի եւ արա́նց ն(ո)ր(ա) ՛ի սիկիլակ յաւուրն երկրորդի։ եւ ամաղէկ ասպատակեա́ց ՛Ի հարաւակողմն, եւ ՛ի սիկիլակ. եւ եհար զսիկիլակ եւ այրեաց զնա հրով.

Verse: 2  Link to sept   եւ գերեաց զկանայս եւ զա(մենայ)ն ինչ որ ՛ի նմա ՛ի փոքուէ́ մինչեւ ցմեծ. եւ ո́չ սպանին զայր եւ զկին, այլ գերեցին եւ գնացին զճանապարհս իւրեանց։

Verse: 3  Link to sept   Եւ ե́կն դաւիթ եւ ա́րք իւր ՛ի քաղաքն. եւ ահա այրեցեա́լ էր քաղաքն, եւ կանայք ն(ո)ց(ա) եւ ուստերք եւ դստերք իւրեանց գերեա́լք։

Verse: 4  Link to sept   եւ ամբարձին դաւիթ եւ արք ն(ո)ր(ա) զձայնս իւրեանց եւ լացին, մինչեւ ո́չ եւս գոյր ՛ի ն(ո)ս(ա) զօրու(թ)ի(ւն) լալոյ։

Verse: 5  Link to sept   եւ երկոքին կանայքն դաւթի գերեցան, աքինովամ յեզրայելացի, եւ աբիգեա կին նաբաղու կարմելացւոյ։

Verse: 6  Link to sept   Եւ նեղեցաւ դաւիթ յոյժ. զի ասաց ժողովուրդն քարկոծե́լ զնա. եւ զայրացեալ էր ոգի ա(մենայ)ն ժողովրդեանն իւրաքանչիւր ՛ի վ(ե)ր(այ) ուստերաց եւ դստերաց իւրեանց։ Եւ զօրացա́ւ դաւիթ ՛ի տ(է)ր ա(ստուա)ծ իւր.

Verse: 7  Link to sept   եւ ասէ դաւիթ ցաբիաթար քահանայ՝ որդի աքիմելեքայ. մատո́ զեփուդդ. եւ մատոյց աբիաթար զափուդն առ դաւիթ։

Verse: 8  Link to sept   եւ եհարց դաւիթ ՛ի տ(եառն)է, եւ ասէ։ պնդեցա՞յց զկնի գեդդուրա́յն այնորիկ, եթէ հասանիցէ՞մ ն(ո)ց(ա)։ եւ ասէ ցնա տ(է)ր. պնդեա́ց եւ հասանելո́վ հասանես, եւ թափելով թափեսցես։

Verse: 9  Link to sept   Եւ գնաց դաւիթ եւ չորեքարեւր արքն որ ընդ նմա, եւ եկին մինչեւ ցհեղեղատն բոսորայ. եւ աւելորդքն զտեղի́ առին։

Verse: 10  Link to sept   եւ պնդեցա́ւ դաւիթ չորեքհարեւր արամբք. եւ երկերիւր այր մնացին որք նստան յա́յնկոյս հեղեղատին բոսորայ։

Verse: 11  Link to sept   Եւ գտին այր մի եգիպտացի յանդին եւ կալան զնա, եւ ածին առ դաւիթ յանդն. եւ ետուն նմա հաց եւ կերաւ, եւ արբուցին նմա ջուր։

Verse: 12  Link to sept   եւ ետուն նմա կոտոր մի պաղատտաց, եւ երկուս չամչեայս՝ եւ կերա́ւ. եւ հաստատեցա́ւ այնու ոգի ն(ո)ր(ա). քանզի չէ́ր կերեալ հաց, եւ ոչ արբեալ ջուր զերիս տիւս եւ զերիս գիշերս։

Verse: 13  Link to sept   Եւ ասէ ցնա դաւիթ. ո՞յր ես դու, եւ ուստի՞ ես։ եւ ասէ պատանեակն. եգիպտացի́ եմ ես ծառայ առն ամաղեկացւոյ, եւ եթող զիս տէր իմ. զի նքողեցայ ես այս երրո́րդ օր։

Verse: 14  Link to sept   եւ մեք ասպատակեցաք ՛ի կողմանս հարաւոյ քերեթայ, եւ ՛ի կողմանս հրէաստանի, եւ ՛ի հարաւակողմ քաղեբայ, եւ զսիկիլակ այրեցա́ք հրով։

Verse: 15  Link to sept   Եւ ասէ ցնա դաւիթ. եթէ իջուցանիցե՞ս զիս ՛ի գեդդուրն յայն. եւ ասէ ցնա եգիպտացին. երդուի́ր ինձ եթէ ոչ սպանցես զիս, եւ ո́չ մատնեսցես զիս ՛ի ձեռս տեառն իմոյ, եւ իջուցից զքեզ ՛ի գեդդուրն։ եւ երդուա́ւ նմա.

Verse: 16  Link to sept   եւ իջոյց զնա անդր։ Եւ ահա նոքա ցրուեալ էին ը(նդ) երեսս ա(մենայ)ն երկրի, ուտէին եւ ըմպէին. եւ տօնէին ա(մենայ)ն աւարօքն մեծամեծօք, զոր առին յերկրէն այլազգեաց, եւ յերկրէն յուդայ։

Verse: 17  Link to sept   Եւ եհա́ս ՛ի վ(ե)ր(այ) ն(ո)ց(ա) դաւիթ. եւ եհար զն(ո)ս(ա) դաւիթ յելանելոյ արուսեկին մինչեւ ցերեկոյ՝ եւ ՛ի վաղի́ւ անդր, եւ ո́չ ապրերաւ ՛ի ն(ո)ց(ա)է այր. բայց միայն պատանեակք չորեքարեւր հեծան յուղտս եւ փախեան։

Verse: 18  Link to sept   Եւ թափեա́ց դաւիթ զա(մենայ)ն ինչ զոր առին ամաղեկացիքն. եւ զերկոսին կանայս իւր թափեա́ց դաւիթ։

Verse: 19  Link to sept   եւ ո́չ սխալեցաւ ՛ի ն(ո)ց(ա)է ՛ի փոքուէ մինչեւ ցմեծ. եւ յուստերաց եւ ՛ի դստերաց, եւ յաւարէն մինչեւ ցա(ստուա)ծ ինչ զոր առին ՛ի ն(ո)ց(ա)է՝ զա(մենայ)ն ինչ դարձո́յց դաւիթ։

Verse: 20  Link to sept   Եւ ա́ռ դաւիթ զա(մենայ)ն հօտս եւ զանդեայս, եւ տանէր առաջի աւարին. եւ աւարին անուն կոչէր՝ թէ այս աւար դաւթի է։

Verse: 21  Link to sept   Եւ եկն դաւիթ առ երկերիւրսն լքեա́լս յերթալոյ զկնի դաւթի, եւ նստոյց զն(ո)ս(ա) ՛ի հեղեղատին բոսորայ. եւ ելին ընդ առաջ դաւթի եւ ընդ առաջ զօրո́ւն որ ընդ նմա։ եւ մատեա́ւ դաւիթ առ զօրն, եւ եհարց զողջունէ ն(ո)ր(ա) ՛ի խաղաղու(թ)ի(ւն)։

Verse: 22  Link to sept   Եւ պատասխանի ետուն նմա ա(մենայ)ն արք ժանտք եւ անզգա́մք յարանց պատերազմողաց որք երթեալ էին ընդ դաւթի, եւ ասեն. եթէ զի ո́չ եղեն հետամուտ ընդ մեզ, ո́չ տացուք դոցա յաւարէ աստի զոր թափեցաք. բայց եթէ զիւրաքանչիւր զկին եւ զորդիս առցեն եւ գնասցեն ՛ի բա́ց։

Verse: 23  Link to sept   Եւ ասէ դաւիթ. մի արասցի այդպէս եղբարք իմ, յետ մատնելոյ զն(ո)ս(ա) մեզ տ(եառ)ն, եւ պահելոյ զմեզ. եւ մատնեաց տ(է)ր ՛ի ձեռս մեր զգեդդո́ւրն եկեալ ՛ի վ(ե)ր(այ) մեր։

Verse: 24  Link to sept   եւ ո՞ անսասցէ բանիցդ ձերոց այդոցիկ, զի ո́չ ինչ են ընդ հատ ՛ի ձէնջ. քանզի ըստ մասին երթալոյն ՛ի պատերազմ, նո́յնպէս եղիցի մասն վանապանին. ըստ նմի́ն օրինակի բաժանեսցին։

Verse: 25  Link to sept   Եւ եղեւ յօրէ յայնմանէ եւ անդր՝ իբրեւ օրէ́նք եւ իրաւո́ւնք ՛ի մէջ ի(սրաէ)լի մինչեւ ցայսօր։

Verse: 26  Link to sept   Եւ եկն դաւիթ ՛ի սիկիլակ. եւ առաքեաց յաւարէ անտի ծերոցն յուդայ, եւ ընկերաց իւրոց, եւ ասէ. այդ ձեզ օրհնու(թ)ի́(ւն) յաւարէ թշնամեաց տ(եառ)ն,

Verse: 27  Link to sept   որ ՛ի բեթելդ էք, եւ յռամաթ հարաւոյ, եւ որք յեթեր,

Verse: 28  Link to sept   եւ յարոեր, եւ որք յեփթամովթ, եւ որք յեսթամա.

Verse: 29  Link to sept   եւ որք յերաքէլ, եւ որք ՛ի քաղաքս յերեմելացւոյն, եւ որք ՛ի քաղաքս կինեցւոյն.

Verse: 30  Link to sept   որք ՛ի հռամա, եւ որք ՛ի բովրանս, եւ որք յանաթաք.

Verse: 31  Link to sept   եւ որք ՛ի քեբրոն. եւ որք յա(մենայ)ն տեղիս՝ ընդ որ շրջեցաւ դաւիթ ի́նքն եւ արք իւր։



Chapter: 31 
ԳԼ(ՈՒԽ) Լ՜Ա.


Verse: 1  Link to sept   Եւ այլազգիքն պատերազմէի́ն ընդ ի(սրաէ)լի. եւ փախեա́ն արք ի(սրաէ)լի յերեսաց այլազգեացն. եւ անկանէին վիրաւորք ՛ի լերին գեղբուա։

Verse: 2  Link to sept   Եւ հասին այլազգիքն ՛ի սաւուղ եւ յորդիսն ն(ո)ր(ա), եւ հարին այլազգիքն զյովնաթան եւ զամինադաբ եւ զմելքիսաւէ́ զորդիս սաւուղայ։

Verse: 3  Link to sept   եւ ծանրացաւ պատերազմն ՛ի վ(ե)ր(այ) սաւուղայ։ եւ գտին զնա ա́րք կորովիք աղեղնաւորք՝ եւ վիրաւորեցաւ ընդ կարաւանդսն ՛ի ներքս։

Verse: 4  Link to sept   Եւ ասէ սաւուղ ցկապարՃակիրն իւր. մերկեա́ զսուր քո եւ խոցեա́ զիս նովաւ. գուցէ́ գայցեն անթլփատքն եւ խոցոտիցեն զիս, եւ խաղայցեն զինեւ։ եւ ո́չ կամեցաւ կապարճակիրն՝ քանզի երկեա́ւ յոյժ. եւ ա́ռ սաւուղ զսուսերն իւր եւ անկա́ւ ՛ի վ(ե)ր(այ) ն(ո)ր(ա)։

Verse: 5  Link to sept   Իբրեւ ետես կապարճակիրն եթէ մեռաւ սաւուղ՝ անկա́ւ եւ նա ՛ի վ(ե)ր(այ) սուսերին իւրոյ եւ մեռա́ւ ընդ նմա։

Verse: 6  Link to sept   Եւ մեռա́ւ սաւուղ՝ եւ երեքեան որդիք ն(ո)ր(ա), եւ կապարճակիրն իւր. եւ ա(մենայ)ն արք ն(ո)ր(ա) յաւուր յայնմիկ ՛ի միասին։

Verse: 7  Link to sept   Եւ իբրեւ տեսին արք ի(սրաէ)լի որ յա́յնկոյս հովտացն, եւ որ յա́յնկոյս յորդանանու. եթէ փախեան արք ի(սրաէ)լի, եւ թէ մեռաւ սաւուղ՝ եւ որդիք մորա, թողին զքաղաքս իւրեանց եւ փախեան. եւ ելին այլազգիքն եւ բնակեցան ՛ի նոսա։

Verse: 8  Link to sept   Եւ եղեւ ՛ի վաղիւ անդր եկին այլազգիքն մերկացուցանել զդիակունսն. եւ գտին զսաւուղ եւ զերի́ս որդիս ն(ո)ր(ա) անկեալս ՛ի լերին գեղբուայ.

Verse: 9  Link to sept   դարձուցին զնա, եւ մերկացուցին զհանդերձ ն(ո)ր(ա), եւ հատին զգլուխ ն(ո)ր(ա). եւ առաքեցին յերկիրն այլազգեաց շուրջանակի աւետաւորս ՛ի կուռս իւրեանց՝ եւ ՛ի ժողովուրդն։

Verse: 10  Link to sept   եւ եդին զկարասին ն(ո)ր(ա) յաստարտիոնն, եւ զմարմինս ն(ո)ց(ա) կախեցին զպարսպէն բեթսանայ։

Verse: 11  Link to sept   Եւ լուան զնոցանէն բնակիչք յաբիսայ գաղաադացւոց զոր ինչ արարին այլազգիքն ընդ սաւուղ։

Verse: 12  Link to sept   եւ յարեան ա(մենայ)ն այր զօրու(թ)ե(ան), եւ գնացին զգիշերն ա(մենայ)ն. եւ առին զմարմինն սաւուղայ եւ զմարմինն յովնաթանու որդւոյ ն(ո)ր(ա) ՛ի պարսպէն բեթսանայ, եւ բերին զն(ո)ս(ա) յաբիս. եւ այրեցին զն(ո)ս(ա) անդ։

Verse: 13  Link to sept   Եւ առին զոսկերս նոցա եւ թաղեցին զնոսա ընդ անդիւն յաբիսայ. եւ պահեցին զեւթն օր։





Book: Reg.II_(Sam.II) 
Regum II (Samuelis II)

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 14.10.2006

ԹԱԳԱՒՈՐՈՒԹԵԱՆՑ
ԵՐԿՐՈՐԴ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԵՂԵՒ ՅԵՏ ՄԱՀՈՒԱՆՆ սաւուղայ, եւ դաւիթ դարձա́ւ ՛ի հարկանելոյ զամաղեկ. եւ նստաւ դաւիթ ՛ի սիկելակ աւուրս երկուս։

Verse: 2  Link to sept   Եւ եղեւ յետ աւուրն երկրորդի, եւ ահա ա́յր եհաս ՛ի բանակէ զօրուն սաւուղայ, եւ հանդերձք իւր պատառեալք, եւ հո́ղ զգլխով իւրով։ եւ եղեւ ՛ի մտանել ն(ո)ր(ա) առ դաւիթ. անկա́ւ յերկիր եւ երկի́ր եպագ նմա։

Verse: 3  Link to sept   եւ ասէ ցնա դաւիթ. ուստի՞ գաս դու։ եւ ասէ ցնա ՛ի բանակէ́ն ի(սրաէ)լի զերծեալ եմ ես։

Verse: 4  Link to sept   Եւ ասէ ցնա դաւիթ. զի՞նչ զրո́յց է պատմեա́ ինձ։ եւ ասէ, փախեաւ ժողովուրդն ՛ի պատերազմէն, եւ անկա́ն բազումք ՛ի ժողովրդենէն եւ մեռան. Եւ սաւուղ եւ յովնաթան մեռան։

Verse: 5  Link to sept   Եւ ասէ դաւիթ ցպատանին որ պատմեաց նմա. զիա՞րդ գիտես եթէ մեռաւ սաւուղ եւ յովնաթան որդի ն(ո)ր(ա)։

Verse: 6  Link to sept   եւ ասէ պատանին որ պատմեաց նմա. դիպելո́վ դիպեցայ ՛ի լերինն գեղբուա, եւ ահա սաւուղ յեցեա́լ կայր ՛ի նիզակն իւր. եւ ահա կառք եւ ախոյանք հեծելոց գումարեցան ՛ի նա։

Verse: 7  Link to sept   եւ հայեցաւ ՛ի թիկունս իւր եւ ետես զիս, եւ կոչեա́ց զիս. եւ ասեմ ա́ւասիկ եմ ես։

Verse: 8  Link to sept   եւ ասէ ցիս, ո՞վ ես դու. եւ ասեմ, ամաղեկացի́ եմ ես։

Verse: 9  Link to sept   եւ ասէ ցիս. արի́ ՛ի վ(ե)ր(այ) իմ եւ սպա́ն զիս. Զի կալաւ զիս մո́ւթ անհնարին. մինչ դեռ ա(մենայ)ն շունչ իմ յիս է։

Verse: 10  Link to sept   Եւ յարեա́յ ՛ի վերայ ն(ո)ր(ա) եւ սպանի զնա. զի գիտէի թէ ո́չ է ապրանաց, յետ անկանելոյն ն(ո)ր(ա). եւ առին զթագն ՛ի գլխոյ ն(ո)ր(ա), եւ զապարանջանս ՛ի բազկէ ն(ո)ր(ա), եւ բերի́ զն(ո)ս(ա) տեառն իմում այսր։

Verse: 11  Link to sept   Եւ բուռն եհար դաւիթ զհանդերձից իւրոց եւ պատառեաց զն(ո)ս(ա). եւ ա(մենայ)ն արք որ ը(նդ) նմա պատառեցին զհանդերձս իւրեանց։

Verse: 12  Link to sept   եւ կոծեցան եւ պահեցին եւ լացին մինչեւ ցընդերեկս ՛ի վերայ սաւուղայ եւ յովնաթանու որդւոյ ն(ո)ր(ա), եւ ՛ի վ(ե)ր(այ) ժողովրդեանն յուդայ. եւ ՛ի վերայ տանն ի(սրաէ)լի զի հարան սրով։

Verse: 13  Link to sept   Եւ ասէ դաւիթ ցպատանին որ պատմեաց նմա, ուստի՞ ես դու։ եւ ասէ. որդի առն պանդխտի ամաղեկացւո́յ եմ ես։

Verse: 14  Link to sept   ասէ ցնա դաւիթ. եւ զիա՞րդ ոչ երկեար ձգել զձեռն քո ապականել զօծեալն տ(եառ)ն։

Verse: 15  Link to sept   Եւ կոչեաց դաւիթ զմի ՛ի մանկտւոյն եւ ասէ. մատի́ր պատահեա դմա. եւ եհար զնա եւ մեռաւ։

Verse: 16  Link to sept   եւ ասէ ցնա դաւիթ. արիւն քո ՛ի գլո́ւխ քո. զի բերա́ն քո խօսեցաւ զքէն եւ ասէ, թէ ե́ս սպանի զօծեալն տ(եառ)ն։

Verse: 17  Link to sept   Եւ ողբա́ց դաւիթ զողբս զայս ՛ի վերայ սաւուղայ եւ ՛ի վերայ յովնաթանու որդւոյ ն(ո)ր(ա)։

Verse: 18  Link to sept   եւ ասաց դաւիթ ուսուցանե́լ որդւոցն յուդայ աղեղնաւորու(թ)ի(ւն)։ եւ ահա գրեալէ ՛ի գիրս ուղղութե(ան)։

Verse: 19  Link to sept   Արձանացի́ր ի(սրա)էլ ՛ի վերայ բլրոցն ՛ի բարձունս քո վիրաւորաց։ զիա́րդ անկան զօրաւորքն։

Verse: 20  Link to sept   Մի́ պատմէք ՛ի գէթ, եւ մի́ տայք զայդ աւետիս յելս ասկաղոնի. զի մի́ երբէք ուրախ լիցին դստերք այլազգեացն, եւ մի́ ցնծասցեն դստերք անթլփատիցն։

Verse: 21  Link to sept   Լերինք գեղբուայ, մի́ իջցէ ՛ի ձեզ ցօղ. եւ մի́ եկեսցէ ՛ի վերայ ձեր անձրեւ անդաստանք պտղոց։ զի ա́նդ ապականեցաւ ասպար զօրաւորաց։ վահանն սաւուղայ ո́չ օծաւ իւղով։

Verse: 22  Link to sept   Յարենէ́ վիրաւորաց, եւ ՛ի ճարպոյ զօրաւորաց։ աղեղն յովնաթանու ո́չ դարձաւ ունայն յետս. Եւ սուրն սաւուղայ ո́չ ամփոփեցաւ դատարկացեալ։

Verse: 23  Link to sept   Սաւուղ եւ յովնաթան սիրելիք, եւ գեղեցի́կք եւ վայելուչք. չմեկնեա́լք ՛ի կենդանութե(ան) իւրեանց, եւ ո́չ մեկնեցան ՛ի մահուա́ն իւրեանց։ թեթեւագոյնք քան զարծուիս. զօրացան առաւել քան զառիւծունս։

Verse: 24  Link to sept   Դստերք ի(սրաէ)լի լացէ́ք ՛ի վերայ սաւուղայ. լացէ́ք ՛ի վ(ե)ր(այ) ն(ո)ր(ա) որ զգեցուցանէր զձեզ կարմիրս՝ հանդերձ զարդուց ձերոց. որ արկանէր զարդս ոսկւոյ ՛ի վերայ հանդերձից ձերոց։

Verse: 25  Link to sept   Զիա՞րդ անկան զօրաւորքն ՛ի մէջ պատերազմի։ յովնաթան ՛ի վերայ բարձանց քոց վիրաւոր։

Verse: 26  Link to sept   Ցաւէ́ ինձ ՛ի վերայ քո եղբայր իմ յովնաթան։ գեղեցկացա́ր ինձ յոյժ. զարմանալի́ եղեւ սէր քո ինձ քան զսէր կանանց։

Verse: 27  Link to sept   Զիա՞րդ անկան զօրաւորքն, եւ կորեա́ն անօթքն պատերազմականք։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ եղեւ յետ այնորիկ եւ եհա́րց դաւիթ ՛ի տ(եառն)է եւ ասէ. եթէ ելանիցե՞մ ՛ի մի ՛ի քաղաքացն յուդայ։ եւ ասէ ցնա տ(է)ր՝ ե́լ։ եւ ասէ դաւիթ, յո՞ ելից. եւ ասէ ՛ի քեբրոն։

Verse: 2  Link to sept   Եւ ե́լ դաւիթ ՛ի քեբրոն. եւ երկոքին կանայք ն(ո)ր(ա) աքինովամ յեզրայելացի, եւ աբիգեա կին նաբաղու կարմելացւոյ։

Verse: 3  Link to sept   եւ արքն զորս եհան դաւիթ իւրաքանչիւր տամբ իւրով. եւ բանակէին ՛ի քաղաքն քեբրոնի։

Verse: 4  Link to sept   Եւ եկին արք հրէաստանի՝ եւ օծին անդ զդաւիթ թագաւոր ՛ի վերայ տանն յուդայ։ եւ պատմեցին դաւթայ եւ ասեն, եթէ արք յաբիսայ գաղաադացւոյ թաղեցին զսաւուղ։

Verse: 5  Link to sept   եւ առաքեաց դաւիթ հրեշտակս առ առաջնորդս յաբիս գաղաադացւոց, եւ ասէ ցնոսա դաւիթ. օրհնեա́լ էք դուք ՛ի տ(եառն)է, զի արարէք դուք զգութն զայն ՛ի վերայ տեառն ձերոյ սաւուղայ օծելոյ տ(եառ)ն, եւ թաղեցէ́ք զնա եւ զյովնաթան զորդի նորա։

Verse: 6  Link to sept   Եւ արդ՝ արասցէ́ տ(է)ր ընդ ձեզ ողորմութի(ւն) եւ ճշմարտութի(ւն). եւ ես հատուցից ձեզ ընդ բարութե(ա)ն այնորիկ զոր արարէք զբանն զայն։

Verse: 7  Link to sept   Եւ արդ՝ զօրասցի́ն ձեռք ձեր, եւ լերո́ւք յորդիս զօրու(թ)ե(ան). զի մեռաւ տէրն ձեր սաւուղ. եւ զիս օծ տունս յուդայ ՛ի թագաւոր իւրեանց։

Verse: 8  Link to sept   Եւ աբեննե́ր որդի ներեայ զօրավա́ր սաւուղայ ա́ռ զյեբուսթէ զորդի սաւուղայ, եւ տարաւ զնա ՛ի բանակն.

Verse: 9  Link to sept   եւ թագաւորեցո́յց զնա ՛ի վերայ գաղաադաստանի, եւ ՛ի վերայ թասիրայ, եւ ՛ի վ(ե)ր(այ) յեզրայելի, եւ ՛ի վերայ եփրեմի, եւ ՛ի վ(ե)ր(այ) բենիամինի, եւ ՛ի վ(ե)ր(այ) ա(մենայ)ն ի(սրաէ)լի։

Verse: 10  Link to sept   Եւ է́ր ամաց քառասնից յեբուսթէ որդի սաւուղայ յորժամ թագաւորեաց ՛ի վերայ ի(սրաէ)լի, եւ երկո́ւս ամս թագաւորեաց. բա́ց ՛ի տանէն յուդայ՝ որ էին զհե́տ դաւթի։

Verse: 11  Link to sept   Եւ եղեն աւուրք զորս թագաւորեաց դաւիթ ՛ի քեբրոն ՛ի վերայ տանն յուդայ՝ ամք եւթն եւ ամիսք վեց։

Verse: 12  Link to sept   Եւ ե́լ աբեններ որդի ներեայ եւ ծառայք յեբուսթեայ որդւոյ սաւուղայ ՛ի բանակացն ՛ի գաբաւոն։

Verse: 13  Link to sept   Եւ յովա́բ որդի շարուհեայ եւ ծառայք դաւթի ելին ՛ի քեբրոնէ, եւ դիպեցա́ն միմեանց ՛ի վ(ե)ր(այ) աղբերն գաբաւոնի. եւ նստան նոքա անտի́ աղբերն գաբաւոնի, եւ սոքա աստի։

Verse: 14  Link to sept   Եւ ասէ աբեններ ցյովաբ. յարիցե́ն մանկտիդ եւ խաղասցեն առաջի մեր։ եւ ասէ յովաբ՝ յարիցե́ն։

Verse: 15  Link to sept   Եւ յարեան, եւ անցին թուով ՛ի մանկանցն բենիամինի երկոտասանք, եւ յեբուսթեայ որդւոյ սաւուղայ. եւ ՛ի մանկանցն դաւթի երկոտասանք։

Verse: 16  Link to sept   եւ կալան այր իւրաքանչիւր ձեռամբ զգլխո́յ ընկերի իւրոյ, եւ սո́ւր ՛ի կողս ընկերի իւրոյ. եւ անդէ́ն անկանէին եւ մեռանէին։ եւ կոչեցաւ անուն տեղւոյն այնորիկ վիճա́կ դաւաճանաց, որ է́ ՛ի գաբաւոն։

Verse: 17  Link to sept   Եւ եղեւ պատերազմ խի́ստ յոյժ յաւուր յայնմիկ. եւ պարտեցաւ աբեններ՝ եւ արք ի(սրաէ)լի առաջի ծառայիցն դաւթի։

Verse: 18  Link to sept   Եւ ա́նդ էին երեք որդիքն շարուհեայ. յովաբ, եւ աբեսսա, եւ ասայէլ. եւ ասայէլ թեթե́ւ էր ոտիւք իբրեւ զմի յայծեմանց ՛ի դաշտի։

Verse: 19  Link to sept   Եւ պնդեցաւ ասայէլ զհետ աբեններեայ. եւ ո́չ խոտորեցաւ երթալ յաջ եւ ո́չ յահեակ ՛ի հետոց աբեններեայ։

Verse: 20  Link to sept   եւ հայեցաւ աբեններ ՛ի թիկունս իւր՝ եւ ասէ, եթէ դո՞ւ իցես ասայէլ։ եւ ասէ՝ ե́ս եմ։

Verse: 21  Link to sept   եւ ասէ ցնա աբեններ. խոտորեա́ դու յաջ կամ յահեակ, եւ կա́լ քեզ մի ՛ի մանկտւոյդ, եւ ա́ռ դու քեզ զսպառազինու(թ)ի(ւն) ն(ո)ր(ա)։ եւ ո́չ կամեցաւ ասայէլ խոտորել ՛ի հետոց ն(ո)ր(ա)։

Verse: 22  Link to sept   Եւ յաւե́լ եւս աբեններ ասել ցասայէլ, ՛ի բա́ց կաց յինէն, զի մի́ հարից զքեզ ընդ գետին. եւ զիա՞րդ ամբարձից զերեսս իմ առ յովաբ. եւ ո՞ւր լինիցի այն. դարձի́ր առ յովաբ եղբայր քո։

Verse: 23  Link to sept   եւ ո́չ կամեցաւ թափել։ Եւ եհար զնա աբեններ նիզակաւն ընդ սնակո́ւշտն, եւ ել նիզակն ընդ զի́ստ ն(ո)ր(ա), եւ անկաւ անդէն եւ մեռաւ ՛ի ներքոյ ն(ո)ր(ա)։ Եւ լինէ́ր որ միանգամ գայր ցտեղին ցա́յն ուր անկա́ւ ասայէլ եւ մեռաւ՝ զտեղի́ առնոյր։

Verse: 24  Link to sept   Եւ պնդեցա́ն յովաբ եւ աբեսսա զկնի աբիններեայ. եւ արեւն եմուտ. եւ նոքա մտին մինչ ցբլուրն ամմանայ որ է յանդիման դայեայ, ընդ ճանապարհ անապատին գաբաւոնի։

Verse: 25  Link to sept   Եւ ժողովեցան որդիքն բենիամինի զկնի աբեններեայ. եւ կացին ՛ի վերայ բլրոյ միոյ։

Verse: 26  Link to sept   Եւ կոչեաց աբեններ զյովաբ եւ ասէ. մի́ թէ իսպա՞ռ ուտիցէ սուր, կամ թէ ո՞չ գիտիցես զի դառնու(թ)ի(ւն) լինի վախճանն. մինչեւ ցե՞րբ ոչ ասիցես ժողովրդեանն դառնա́լ ՛ի հետոց եղբարց իւրեանց։

Verse: 27  Link to sept   Եւ ասէ յովաբ. կենդանի́ է տ(է)ր. զի եթէ քո չէ́ր խօսեցեալ, յայգուէ́ իսկ լեանէր ամբոխս իւրաքանչիւր զհետ եղբօր իւրոյ։

Verse: 28  Link to sept   Եւ փո́ղ եհար յովաբ, եւ մեկնեցան ժողովուրդն ա(մենայ)ն, եւ ո́չ եւս պնտեցան զհետ ի(սրաէ)լի, եւ ո́չ եւս յաւելին պատերազմել։

Verse: 29  Link to sept   Եւ աբեններ եւ արք ն(ո)ր(ա) գնացին ը(նդ) արեւելս զգիշերն զայն ողջոյն. եւ անցին ընդ յորդանան՝ եւ չոգա́ն ընդ ա(մենայ)ն ձգեալն. եւ եկին ՛ի բանակսն։

Verse: 30  Link to sept   եւ յովաբ դարձա́ւ յաբեններեայ, եւ ժողովեաց զա(մենայ)ն ժողովուրդն։ Եւ հանդէ́ս եղեւ ծառայիցն դաւթի որ կոտորեցան՝ ինն եւ տասն առն՝ եւ ասայէլ։

Verse: 31  Link to sept   եւ ծառայքն դաւթի հարին յորդւոցն բենիամինի, եւ յարանց աբեններեայ երեք հարիւր եւ վաթսուն այր։

Verse: 32  Link to sept   Եւ բարձին զասայէլ, եւ թաղեցին զնա ՛ի գերեզմանի հօր իւրոյ ՛ի բեթղահէմ։ եւ գնացին յովաբ եւ արք ն(ո)ր(ա), եւ լուսացաւ ն(ո)ց(ա) ՛ի քեբրոն։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ է́ր պատերա́զմ սաստիկ ՛ի մէջ տանն սաւուղայ՝ եւ ՛ի մէջ տանն դաւթի. եւ տունն դաւթի երթա́յր եւ զօրանայր, եւ տունն սաւուղայ երթայր եւ տկարանա́յր։

Verse: 2  Link to sept   Եւ ծնան դաւթի որդի́ք ՛ի քեբրոն. անդրանիկ ն(ո)ր(ա)՝ ամմոն յաքինոոմայ յեզրայելացւոյ։

Verse: 3  Link to sept   եւ երկրորդ ն(ո)ր(ա)՝ դաւիա, յաբիգեայ կարմելացւոյ։ եւ երրորդն՝ աբեսաղոմ, ՛ի մաաքեայ դստերէ թողմեայ արքայի գեսուրայ։

Verse: 4  Link to sept   եւ չորրորդն ադոնիա, որդի ագգիթայ։ եւ հինգերորդն՝ սափատիա, որդի ամիտաղայ։

Verse: 5  Link to sept   եւ վեցերորդն՝ յեթրամ, յեդղաթայ կնոջէ դաւթի։ Սոքա́ ծնունդք դաւթի ՛ի քեբրոն։

Verse: 6  Link to sept   Եւ եղեւ ՛ի լինել պատերազմին ՛ի մէջ տանն սաւուղայ եւ ՛ի մէջ տանն դաւթի, եւ աբեններ ունէր զտունն սաւուղայ։

Verse: 7  Link to sept   Եւ սաւուղայ էր հարճ մի, որում անուն էր ռիսփա, դուստր յուղայ։ Եւ ասէ յեբուսթէ որդի սաւուղայ ցաբեններ.

Verse: 8  Link to sept   ընդէ՞ր մտանես դու առ հարճ հօր իմոյ։ եւ բարկացա́ւ աբեններ յոյժ վ(ա)ս(ն) բանին յեբուսթեայ, եւ ասէ ցնա աբեններ. մինե շա՞ն գլուխ եցեմ ես՝ որ արարի ողորմութի(ւն) այսօր ՛ի վերայ տանն սաւուղայ հօր քոյ, եւ ՛ի վերայ եղբարց եւ ՛ի վ(ե)ր(այ) բարեկամաց, եւ ո́չ եղէ անձնատո́ւր ՛ի տունն դաւթի. եւ խնդրես յինէն այսօր վրէ՞ժ կնոջ միոյ.

Verse: 9  Link to sept   օ́ն եւ օն արասցէ ա(ստուա)ծ աբեններեայ եւ օ́ն եւ օն յաւելցէ նմա, եթէ ոչ որպէս երդուաւ տ(է)ր դաւթի, այնպէս արարից նմա.

Verse: 10  Link to sept   բառնալո́վ զթագաւորութի(ւն)ն սաւուղայ, եւ կանգնել զթագաւորութի(ւն)ն դաւթի ՛ի վ(ե)ր(այ) ի(սրաէ)լի եւ ՛ի վ(ե)ր(այ) յուդայ՝ ՛ի դանայ մինչեւ ցբերսաբէէ։

Verse: 11  Link to sept   Եւ ո́չ եւս կարաց յեբուսթէ տալ պատանասխանի աբեններայ բա́ն մի յերկիւղէն։

Verse: 12  Link to sept   Եւ առաքեա́ց աբեններ հրեշտակս առ դաւիթ ՛ի թեսաղմո́ւ երկիր՝ առ ժամայն, եւ ասէ. ուխտեա́ ընդիս զուխտ քո, եւ ահա ձեռն իմ ընդ քեզ, դարձուցանե́լ առ քեզ զա(մենայ)ն տունն ի(սրաէ)լի։

Verse: 13  Link to sept   Եւ ասէ դաւիթ՝ բարւո́ք է. ես ուխտեցի́ց ը(նդ) քեզ ուխտ, բայց բա́ն մի ես խնդրեմ ՛ի քէն՝ մի́ տեսցես զերեսս իմ, եթէ ոչ ածցես զմեղքող դուստր սաւուղայ ՛ի գալն քում տեսանել զերեսս իմ։

Verse: 14  Link to sept   Եւ առաքեաց դաւիթ առ յեբուսթէ որդի սաւուղայ հրեշտակս եւ ասէ. տո́ւր ցիս զկին իմ զմեղքող, զոր առի ես ընդ հարի́ւր անթլփատութե(ան)ց այլազգեացն։

Verse: 15  Link to sept   Եւ առաքեա́ց յեբուսթէ՝ եւ ա́ռ զնա յառնէ իւրմէ փաղտիելէ որդւոյ սելլայ։

Verse: 16  Link to sept   եւ երթա́յր այր ն(ո)ր(ա) զհետ ն(ո)ր(ա) եւ լա́յր, մինչեւ ցբարակիմ։ եւ ասէ ցնա աբեններ, ե́րթ դարձի́ր. եւ դարձաւ։

Verse: 17  Link to sept   Եւ խօսեցա́ւ աբեններ ընդ ծերս ի(սրաէ)լի եւ ասէ. երէ́կ եւ եռա́նտ խնդրէիք զդաւիթ թագաւորե́լ ՛ի վ(ե)ր(այ) ձեր.

Verse: 18  Link to sept   եւ արդ՝ արարէ́ք, զի տ(է)ր խօսեցաւ վ(ա)ս(ն) դաւթի եւ ասէ. ձեռա́մբ ծառայի իմոյ դաւթի փրկեցից զի(սրա)էլ ՛ի ձեռաց այլազգեացն եւ ՛ի ձեռաց ա(մենայ)ն թշնամեաց իւրեանց։

Verse: 19  Link to sept   եւ խօսեցաւ աբեններ յականջս բենիամինի։ Եւ գնաց աբեններ խօսել յականջս դաւթի ՛ի քեբրոն, զա(մենայ)ն ինչ որ հաճո́յ թուեցաւ յաչս ի(սրաէ)լի, եւ յաչս ի(սրաէ)լի, եւ յաչս ա(մենայ)ն տանն բենիամինի։

Verse: 20  Link to sept   Եւ ե́կն աբեններ առ դաւիթ ՛ի քեբրոն, եւ ը(նդ) նմա քսա́ն այր. եւ արար դաւիթ աբեններեայ եւ արանցն որ ընդ նմա խրախութի(ւն)։

Verse: 21  Link to sept   Եւ ասէ աբեններ ցդաւիթ. յարեա́յց եւ գնացից եւ ժողովեցից առ տէ́ր իմ արքայ զա(մենայ)ն ի(սրա)էլ, եւ ուխտեցից ը(նդ) քեզ ուխտ. Եւ թագաւորեսցե́ս ՛ի վերայ ամենեցուն որոց ցանկա́յ անձն քո։
   Եւ առաքեա́ց դաւիթ զաբեններ, եւ գնա́ց խաղաղութ(եամ)բ։

Verse: 22  Link to sept   Եւ ահա ծառայք դաւթի եւ յովաբ եկին յասպատակէ, եւ աւա́ր բազում ածին ընդ իւրեանս։ եւ յովաբ չէ́ր ը(նդ) դաւթի ՛ի քեբրոն յորժամ արձակեա́ց զնա եւ գնա́ց խաղաղու(թեամ)բ։

Verse: 23  Link to sept   եւ յովաբ եւ ա(մենայ)ն զօրն ն(ո)ր(ա) եկին. եւ ա́զդ եղեւ յովաբայ եւ ասեն. ե́կն աբեններ որդի ներեայ առ դաւիթ, եւ արձակեա́ց զնա՝ եւ գնա́ց խաղաղութ(եամ)բ։

Verse: 24  Link to sept   Եւ եմուտ յովաբ առ դաւիթ արքայ եւ ասէ. զի՞նչ գործեցեր զայդ, զի եկն աբեններ առ քեզ. եւ ընդէ՞ր արձակեցեր զնա խաղաղու(թեամ)բ։

Verse: 25  Link to sept   եթէ ո՞չ գիտիցես զչարու(թ)ի(ւն) աբեններեայ որդւոյ ներեայ. զի խաբե́լ զքեզ եկն, եւ իմանա́լ զմուտ եւ զել քո. եւ տեղեկանա́լ ա(մենայ)նի զինչ եւ գործիցես։

Verse: 26  Link to sept   Եւ ե́լ յովաբ ՛ի դաւթէ, եւ արձակեաց հրեշտակս զկնի աբեններեայ, եւ դարձուցին զնա ՛ի ջրհորո́յ անտի սէիրմայ. եւ դաւիթ ո́չ գիտէր։

Verse: 27  Link to sept   Եւ դարձո́յց զաբեններ ՛ի քեբրոն. եւ խոտորեցոյց զնա յովաբ ՛ի կողմանց դրանն խօսել ը(նդ) նմա դաւաճանութ(եամ)բ. եւ եհար ընդ սնակուշտն՝ եւ մեռաւ. Վ(ա)ս(ն) արեա́նն ասայելի եղբօր յովաբայ։

Verse: 28  Link to sept   Եւ լուաւ դաւիթ յետ այնորիկ եւ ասէ. անպա́րտ եմ ես եւ թագաւորութի(ւն) իմ ՛ի տ(եառն)է մինչեւ ցյաւիտեան՝ յարենէն աբեններեայ որդւոյ ներեայ։

Verse: 29  Link to sept   Հասցե́ն ՛ի գլուխ յովաբայ եւ ՛ի վ(ե)ր(այ) ա(մենայ)ն տան հօր ն(ո)ր(ա). եւ մի́ պակասեսցէ ՛ի տանէն յովաբայ սրմնակաթ, եւ բորոտ, եւ մուրօղ՝ որ շրջիցի ՛ի ցըպոյ, եւ սրամահ, եւ սովամահ։

Verse: 30  Link to sept   Եւ յովաբ եւ աբեսսա եղբայր ն(ո)ր(ա) սպասէին աբեններայ. փոխանակ զի սպա́ն զեղբայր ն(ո)ց(ա) ՛ի գաբաւոն ՛ի պատերազմին։

Verse: 31  Link to sept   Եւ ասէ դաւիթ ցյովաբ, եւ ցա(մենայ)ն ժողովուրդն որ ը(նդ) նմա. պատառեցէ́ք զհանդերձս ձեր, եւ զգեցարուք քո́ւրձ. եւ կոծեցարո́ւք առաջի աբեններեայ։ եւ արքայ դաւիթ երթայր զհետ դագաղացն.

Verse: 32  Link to sept   եւ թաղեցին զաբեններ ՛ի քեբրոն։ եւ ամբա́րձ արքայ զձայն իւր եւ ելաց ՛ի վ(ե)ր(այ) գերեզմանի ն(ո)ր(ա). եւ ելաց ա(մենայ)ն ժողովուրդն ՛ի վերայ աբեններայ։

Verse: 33  Link to sept   Եւ ա́ռ ողբս արքայ ՛ի վ(ե)ր(այ) աբեններայ, եւ ասէ, մի թէ ո(ր)պ(էս) մեռանիցի՞ անզգամ, մեռաւ աբեններ. եթէ ըստ մահուանն նաբաղայ մեռաւ աբեններ.

Verse: 34  Link to sept   ձեռք քո ո́չ կապեցան, եւ ոտք քո ո́չ աղխեցան ՛ի շղթայս. եւ ո́չ մատեար իբրեւ զնաբաղ առաջի որդւոց անիրաւու(թ)ե(ան) եւ անկար. այլ ո(ր)պ(էս) անկանիցին առաջի անիրաւաց անկար։ եւ ժողովեցան ա(մենայ)ն ժողովուրդն լա́լ զնա։

Verse: 35  Link to sept   եւ եկն ա(մենայ)ն ժողովուրդն տալ ընթրիս դաւթի՝ մինչդեռ աւուր կայր։ Եւ երդուաւ դաւիթ եւ ասէ. օ́ն եւ օն արասցէ ինձ ա(ստուա)ծ՝ եւ օն եւ օ́ն յաւելցէ, եթէ ոչ մտանիցէ արեգակն եւ ապա́ ճաշակեցից հաց, եւ կամ զայլ ինչ ա(մենայ)ն։

Verse: 36  Link to sept   Եւ գիտա́ց ա(մենայ)ն ժողովուրդն, եւ հաճո́յ թուեցաւ առաջի ն(ո)ց(ա) ա(մենայ)ն ինչ զոր արա́ր արքայ առաջի ժողովրդեանն զբարութի(ւն)։

Verse: 37  Link to sept   Եւ գիտա́ց ա(մենայ)ն ժողովուրդն եւ ա(մենայ)ն ի(սրա)էլ յաւուր յայնմիկ՝ եթէ ո́չ յարքայէ́ եղեւ սպանանել զաբեններ որդի ներեայ։

Verse: 38  Link to sept   Եւ ասէ արքա́յ ցծառայսն իւր. ո՞չ գիտէք եթէ առաջնորդ մե́ծ անկաւ յաւուր յայսմիկ յի(սրաէ)լէ։

Verse: 39  Link to sept   եւ զի սա՝ ազգակա́ն է այսօր, եւ յարքայէ́ կացուցեալ է։ եւ արքդ այդոքիկ որդիք շարուհեայ խստագոյնք քան զիս են. հատուսցէ́ տ(է)ր չարին ըստ չարութե(ան) իւրում։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ լուա́ւ յեբուսթէ որդի սաւուղայ եթէ մեռա́ւ աբեններ ՛ի քեբրոն, լուծա́ն ձեռք իւր. եւ ա(մենայ)ն արք ի(սրաէ)լի լքան։

Verse: 2  Link to sept   Եւ արք երկու գլխաւո́րք գնդիցն յեբուսթեայ որդւոյ սաւուղայ, անուն միումն բաանա, եւ անուն երկրորդին ռիքաբ. որդիք ռեմոնայ բերովթացւոյ, յորդւոցն բենիամինի. զի եւ բերովթ որդւոցն բենիամինի ՛ի համարի́ էր։

Verse: 3  Link to sept   եւ փախեան բերովթացիքն ՛ի գեթթայի. եւ էին ա́նդ պանդխտացեալք մինչեւ ցայսօր։

Verse: 4  Link to sept   Եւ յովնաթանու որդւոյ սաւուղայ է́ր որդի մի հա́շմ ոտիւք, որդի ամաց հնգից. եւ զնա ՛ի հասանե́լ գուժին սաւուղայ եւ յովնաթանու որդւոյ ն(ո)ր(ա), յեզրայելէ ա́ռ դայեակ իւր եւ փախեաւ. եւ եղեւ ընդ փութանա́լն իւրում ՛ի գաղթել, անկաւ եւ կաղացաւ. եւ անուն ն(ո)ր(ա) մեմփիբոսթէ։

Verse: 5  Link to sept   Եւ գնացին որդիքն ռեմոնայ բերովթացւոյ՝ ռեքաբ եւ բաանա, եւ մտին ՛ի տօթաժամո́ւ աւուրն ՛ի տուն յեբուսթեայ. եւ նա՝ ննջէր յանկողնի́։ ՛ի հասարակ աւուրն.

Verse: 6  Link to sept   եւ բարապան տանն սրբէր ցորեան, եւ նիրհեաց եւ ՛ի քուն եմուտ. եւ ռեքաբ եւ բաանա եղբարք ղօղեցին

Verse: 7  Link to sept   եւ մտին ՛ի տունն. եւ յեբուսթէ ննջէ́ր ՛ի գահոյս իւրում ՛ի սենեկի. եւ հարի́ն զնա եւ սպանին. եւ հատի́ն զգլուխ ն(ո)ր(ա), եւ առին զգլուխն, եւ գնացին զճանապարհն արեւելից զա(մենայ)ն գիշերն։

Verse: 8  Link to sept   եւ բերին զգլուխն յեբուսթեայ առ դաւի́թ ՛ի քեբրոն. եւ ասեն ցարքայ, ահա գլուխ յեբոասթեայ որդւոյ սաւուղայ թշնամւոյ քոյ, որ խնդրէր զանձն քո. եւ տ(է)ր ետ տեառն մերում արքայի վրէժխնդրու(թ)ի(ւն) ՛ի թշնամեաց իւրոց, ո(ր)պ(էս) յաւուր յայսմիկ ՛ի սաւուղայ թշնամւոյ քումմէ՝ եւ ՛ի զաւակէ ն(ո)ր(ա)·

Verse: 9  Link to sept   Եւ պատասխանի́ ետ դաւիթ ռեքաբայ եւ բաանայ եղբօր ն(ո)ր(ա) որդւոց ռեմոնայ բերովթացւոյ՝ եւ ասէ ցն(ո)ս(ա). կենդանի́ է տ(է)ր որ փրկեաց զանձն իմ յա(մենայ)ն նեղութ(են)է.

Verse: 10  Link to sept   զի որ պատմեաց ինձ թէ մեռաւ սաւուղ, եւ նմա թուէր թէ աւետիս տայցէ առաջի իմ, կալա́յ եւ սպանի́ զնա ՛ի սիկիլակ. որում օրէն էր ինձ տա́լ աւետչեայ։

Verse: 11  Link to sept   Եւ արդ՝ ա́րք չարք՝ սպանէք զայր արդար ՛ի տա́ն իւրում յանկողնի. եւ արդ խնդրեցից զարիւն ն(ո)ր(ա) ՛ի ձեռաց ձերոց, եւ սատակեցի́ց զձեզ յերկրէ։

Verse: 12  Link to sept   Եւ հրաման ետ դաւիթ մանկտւոյ իւրում, եւ սպանին զն(ո)ս(ա), եւ կտրեցին զձեռս եւ զոտս ն(ո)ց(ա), եւ կախեցին ՛ի վ(ե)ր(այ) ջրբղխին ՛ի քեբրոն. եւ զգլուխն յեբուսթեայ թաղեցին ՛ի գերեզմանի աբեններեայ որդւոյ ներեայ ՛ի քեբրոն։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ եկին ա(մենայ)ն ցեղքն ի(սրաէ)լի առ դաւիթ ՛ի քեբրոն. խօսեցա́ն եւ ասեն. ահաւասիկ ոսկերք քո եւ մարմինք քո եմք։

Verse: 2  Link to sept   եւ յերէկն եւ յեռանտ մինչ է́ր սաւուղ թագաւոր ՛ի վ(ե)ր(այ) մեր, դո́ւ էիր որ մուծանէիր եւ հանէիր զի(սրա)էլ. եւ ասա́ց քեզ տ(է)ր. դո́ւ հովուեսցես ժողովրդեան իմոյ ի(սրաէ)լի, եւ դո́ւ լիցիս յառաջնորդ ՛ի վերայ ի(սրաէ)լի։

Verse: 3  Link to sept   եւ եկին ա(մենայ)ն ծերքն ի(սրաէ)լի առ արքայ ՛ի քեբրոն. եւ ուխտեա́ց ը(նդ) ն(ո)ս(ա) ուխտ արքայ դաւիթ ՛ի քեբրոն առաջի տ(եառ)ն։ եւ օծին զդաւիթ թագաւոր ՛ի վ(ե)ր(այ) ամենայն ի(սրաէ)լի։

Verse: 4  Link to sept   Որդի ամաց երեսնից դաւիթ ՛ի թագաւորել իւրում. եւ քառասուն ա́մ թագաւորեաց։

Verse: 5  Link to sept   եւթն ամ եւ վեց ամիս թագաւորեաց ՛ի քեբրոն ՛ի վ(ե)ր(այ) յուդայ. եւ երեսուն եւ երի́ս ամս թագաւորեաց ՛ի վ(ե)ր(այ) ա(մենայ)ն ի(սրաէ)լի եւ յուդայ յե(րուսաղէ)մ։

Verse: 6  Link to sept   Եւ չոգաւ դաւիթ եւ արք նորա յե(րուսաղէ)մ առ յեբուսացին բնակեալ յերկրին. եւ ասացա́ւ դաւթի՝ թէ ո́չ մտցես դու այսր. քանզի ընդդէ́մ դարձան կոյրք եւ կաղք՝ եւ ասեն. մի́ մտցէ այսր դաւիթ։

Verse: 7  Link to sept   Եւ ա́ռ դաւիթ զսիոն եւ զամրոց ն(ո)ր(ա). ա́յն է քաղաք դաւթի։

Verse: 8  Link to sept   Եւ ասէ դաւիթ յաւուր յայնմիկ. ա(մենայ)ն որ հարկանիցէ սրով զյեբուսացին. եւ մատիցէ́ սրով եւ ՛ի կաղս եւ ՛ի կոյրս եւ յետելիս անձին դաւթի։ վ(ա)ս(ն) այնորիկ ասեն. կոյրք եւ կաղք մի́ մտցեն ՛ի տուն տ(եառ)ն։

Verse: 9  Link to sept   Եւ նստա́ւ դաւիթ յամրոցին. եւ կոչեցաւ այն քաղա́ք դաւթի. եւ շինեա́ց զնա քաղաք դաւիթ, շուրջանակի ծագե ՛ի ծագէ, եւ զտունն իւր։

Verse: 10  Link to sept   եւ երթալով երթա́յր դաւիթ եւ մեծանայր. եւ տ(է)ր ամենակալ է́ր ընդ նմա։

Verse: 11  Link to sept   Եւ առաքեաց քիրամ արքայ տիւրոսի հրեշտակս առ դաւիթ, եւ փա́յտս եղեւնեայ, եւ հիւսո́ւնս փայտից, եւ ճարտարապե́տս քարանց. եւ շինեցին տո́ւն դաւթի։

Verse: 12  Link to sept   Եւ գիտա́ց դաւիթ եթէ հաստատեաց զնա տ(է)ր թագաւո́ր ՛ի վերայ ի(սրաէ)լի. եւ թէ բարձրացաւ թագաւորու(թ)ի(ւն) ն(ո)ր(ա) վ(ա)ս(ն) ժողովրդեան նորա ի(սրաէ)լի։

Verse: 13  Link to sept   Եւ ա́ռ եւս դաւիթ կանայս եւ հարճս յե(րուսաղէ)մէ՝ յետ գնալոյ ն(ո)ր(ա) ՛ի քեբրոնէ. եւ եղեն դաւթի եւ այլեւս ուստերք եւ դստերք։

Verse: 14  Link to sept   Եւ ա́յս են անուանք ծնելոց որդւոց նորա յե(րուսաղէ)մ։ սամաաթ, յեսիբաթ, նաթան, գաղամաան,

Verse: 15  Link to sept   յեբաար, թեմեսուս, էլփալատ, նագեդ, նափեկ,

Verse: 16  Link to sept   յեննաթա, էղիսամիս, բաղիդադ, էղիփալէտ։

Verse: 17  Link to sept   Եւ լուա́ն այլազգիքն եթէ օծեա́լ է դաւիթ թագաւոր ՛ի վերայ ի(սրաէ)լի, եւ ելին ա(մենայ)ն այլազգիքն խնդրել զդաւիթ։ Եւ լուաւ դաւիթ՝ եւ էջ յամրոցն։

Verse: 18  Link to sept   եւ այլազգիքն եկին հասին, եւ խառնեցան ՛ի հովիտս տիտանացն։

Verse: 19  Link to sept   Եւ եհա́րց դաւիթ ՛ի տ(եառն)է եւ ասէ. եթէ ելի՞ց ՛ի վ(ե)ր(այ) այլազգեացն, եւ մատնեսցե՞ս զն(ո)ս(ա) ՛ի ձեռս իմ։ եւ ասէ տ(է)ր ցդաւիթ, ե́լ. զի մատնեո́վ մատնեցից զայլազգիսն ՛ի ձեռս քո։

Verse: 20  Link to sept   Եւ եկն դաւիթ ՛ի վերո́ւստ խրամատիցն, եւ կոտորեաց անդ զայլազգիսն։ եւ ասէ դաւիթ. Տ(է)ր խրամատեաց զթշնամիս իմ առաջի իմ, ո(ր)պ(էս) խրամատիցին ջուրք. վ(ա)ս(ն) այնորիկ կոչեցաւ անուն տեղւոյն այնորիկ ՛ի վ(ե)ր(այ) խրամատից։

Verse: 21  Link to sept   եւ թողին անդ զաստուածս իւրեանց, եւ ա́ռ զն(ո)ս(ա) դաւիթ եւ արքն որ ընդ նմա, եւ այրեցին զն(ո)ս(ա) հրով։

Verse: 22  Link to sept   Եւ յաւելի́ն այլազգիքն մի́ւս անգամ ելանել, եւ գումարեցան ՛ի հովիտս տիտանացւոց։

Verse: 23  Link to sept   Եւ եհա́րց դաւիթ ՛ի տ(եառն)է եւ ասէ, եթէ ելի՞ց ՛ի վերայ այլազգեացն, եւ մատնեսցե՞ս զն(ո)ս(ա) ՛ի ձեռս իմ։ եւ ասէ տ(է)ր. մի́ ելաներ ընդդէմ ն(ո)ց(ա), դարձի́ր ՛ի նոցանէն, եւ եկեսցե́ս ՛ի թեւէ ն(ո)ց(ա) մօտ ՛ի լալօնսն.

Verse: 24  Link to sept   եւ եղիցի յորժամ լսիցես զձայն շարժման անտառին լալօնից՝ յա́յնժամ իջցես առ ն(ո)ս(ա). քանզի յա́յնժամ ելցէ տ(է)ր առաջի քո կոտորե́լ ՛ի պատերազմի այլազգեացն։

Verse: 25  Link to sept   Եւ արար դաւիթ ո(ր)պ(էս) հրամա́ն ետ նմա տ(է)ր. եւ եհար զայլազգիսն ՛ի գաբաւոնէ́ մինչեւ ցգազերա։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ ժողովեաց միւսանգամ դաւիթ զա(մենայ)ն երիտասարդս յի(սրաէ)լէ իբրեւ եւթանասուն հազար։

Verse: 2  Link to sept   եւ յարեաւ գնաց դաւիթ՝ եւ ա(մենայ)ն ժողովուրդ ն(ո)ր(ա) ը(նդ) նմա յիշխանացն յուդայ ՛ի զառիվերն ընդ որ ել տապանակն ա(ստուծո)յ, յորոյ վերայ կոչեցաւ անուն տ(եառ)ն ա(ստուծո)յ զօրութե(ան)ց, որ նստի ՛ի քերովբէս ՛ի վերայ ն(ո)ր(ա)։

Verse: 3  Link to sept   Եւ եհա́ն եդ զտապանակն տ(եառ)ն ՛ի վերայ սայլի նորոյ.

Verse: 4  Link to sept   եւ ա́ռ զնա ՛ի տանէ ամինադաբայ բլրացւոյ. եւ ոզա́ եւ եղբարք նորա որդիք ամինադաբայ՝ վարէին զսայլն հանդերձ տապանակաւն, եւ եղբարք ն(ո)ր(ա) երթային առաջի տապանակին։

Verse: 5  Link to sept   Եւ դաւիթ եւ որդիքն ի(սրաէ)լի խաղային առաջի տապանակին տ(եառ)ն՝ տաւղօք եւ նուագարանօք զօրութ(եամ)բ, եւ երգովք, եւ քնարօք, եւ սրընգօք, եւ թմբկօք. եւ ծնծղայիւք, եւ փողովք,

Verse: 6  Link to sept   եւ եկին մինչեւ ցկալն ամինադաբայ։ Եւ ձգեաց ոզա զձեռն իւր ՛ի տապանակն ա(ստուծո)յ ունել զնա, եւ կալաւ զնա. զի թիւրեաց զնա զուարակն յունելո́յ անտի զնա։

Verse: 7  Link to sept   Եւ բարկացաւ տ(է)ր ոզայ, եւ եհար զնա անդ ա(ստուա)ծ վ(ա)ս(ն) յանդգնութե(ա)ն. եւ մեռա́ւ անդէն առ տապանակին տ(եառ)ն առաջի ա(ստուծո)յ.։

Verse: 8  Link to sept   Եւ տրտմեցաւ դաւիթ՝ զի խրամատեաց տ(է)ր խրամատութի(ւն) յոզա. եւ կոչեցաւ տեղին այն խրամատութի(ւն) ոզայ՝ մինչեւ ցայսօր։

Verse: 9  Link to sept   Եւ երկեա́ւ դաւիթ ՛ի տ(եառն)է յաւուր յայնմիկ եւ ասէ. զիա՞րդ մտանիցէ առիս տապանակդ ա(ստուծո)յ։

Verse: 10  Link to sept   եւ ո́չ կամեցաւ դաւիթ տանել առինքն զտապանակ ուխտին տ(եառ)ն ՛ի քաղաքն դաւթի. եւ խոտորեցո́յց զնա դաւիթ ՛ի տունն աբեդդարայ գեթացւոյ։

Verse: 11  Link to sept   եւ նստաւ տապանակն տ(եառ)ն ՛ի տան աբեդդարայ գեթացւոյ ամիսս երիս։ Եւ օրհնեաց տ(է)ր զաբեդդար եւ զա(մենայ)ն տուն ն(ո)ր(ա)։

Verse: 12  Link to sept   եւ պատմեցին դաւթի եւ ասեն, օրհնեաց տ(է)ր զտունն աբեդդարայ՝ եւ զա(մենայ)ն ինչ որ ն(ո)ր(ա) վ(ա)ս(ն) տապանակին ա(ստուծո)յ։
   Եւ չոգաւ դաւիթ եւ եհան զտապանակն տ(եառ)ն ՛ի տանէ աբեդդարայ ՛ի քաղաք դաւթի ուրախութ(եամ)բ։

Verse: 13  Link to sept   եւ էին ընդ նմա որ բառնային զտապանակն՝ եւթն դաս պարուց, եւ սպա́նդ զուարակի եւ գառանց։

Verse: 14  Link to sept   Եւ դաւիթ հարկանէր զտաւիղս նուագարանացն առաջի տ(եառ)ն. եւ էր դաւիթ զգեցեալ պատմուճան հանդերձեալ։

Verse: 15  Link to sept   եւ դաւիթ եւ ա(մենայ)ն տուն ի(սրաէ)լի հանին զտապանակն տ(եառ)ն հռչակաւ եւ ձայնի́ւ փողոյ։

Verse: 16  Link to sept   Եւ եղեւ ՛ի հպել տապանակին ՛ի քաղաքն դաւթի, եւ մեղքող դուստր սաւուղայ հայէ́ր ընդ պատուհանն. եւ ետես զդաւիթ արքայ զի կաքաւէր՝ եւ նուագէր զնուագարանսն առաջի տ(եառ)ն, անգոսնեաց զնա ՛ի սրտի իւրում։

Verse: 17  Link to sept   Եւ բերի́ն զտապանակն տ(եառ)ն, եւ եդին զնա ՛ի տեղւոջ իւրում ՛ի մէջ խորանին զոր եհա́ր նմա դաւիթ։ Եւ մատոյց դաւիթ ողջակէ́զս առաջի տ(եառ)ն՝ եւ խաղաղականս։

Verse: 18  Link to sept   եւ իբրեւ կատարեա́ց դաւիթ մատուցանել զողջակէզսն եւ զխաղաղականս, օրհնեա́ց զժողովուրդն յանուն տ(եառ)ն զօրութե(ան)ց։

Verse: 19  Link to sept   եւ բաշխեա́ց ա(մենայ)ն ժողովրդեանն, յա(մենայ)ն զօրութե(ան) ի(սրաէ)լի ՛ի դանայ մինչեւ ցբերսաբեէ́, յառնէ́ մինչեւ ցկին, իւրաքանչի́ւր ումեք բլիթ մի հաց, եւ պատառ մի ՛ի կասկարայից, եւ քաղաք մի ՛ի տապակէ։ եւ գնաց ա(մենայ)ն ժողովուրդն իւրաքանչիւրոք ՛ի տո́ւն իւր։

Verse: 20  Link to sept   Եւ դարձա́ւ դաւիթ օրհնել զտուն իւր։ եւ ել մեղքող՝ դուստր սաւուղայ ընդ առա́ջ դաւթի, եւ օրհնեա́ց զնա եւ ասէ. քանի՞ փառաւորեալ էր այսօր արքայ ի(սրաէ)լի, որ հոլանեցաւ այսօր առաջի աղախնանց եւ ծառայից իւրոց, զոր օրինակ հոլանիցի́ հոլանելով մի ոք ՛ի կաքաւչաց։

Verse: 21  Link to sept   Եւ ասէ դաւիթ ցմեղքող. առաջի տ(եառ)ն կաքաւեցից. օրհնեա́լ է տ(է)ր ա(ստուա)ծ, որ ընտրեաց զիս քան զհա́յր քո, եւ քան զա(մենայ)ն տուն նորա. եւ կացոյց զի́ս քան զհայր քո եւ քան զա(մենայ)ն տուն ն(ո)ր(ա). եւ կացոյց զիս առաջնորդ ՛ի վերայ ժողովրդեան իւրոյ ի(սրաէ)լի։

Verse: 22  Link to sept   Եւ խաղացի́ց եւ կաքաւեցից առաջի տ(եառ)ն, եւ հոլանեցա́յց սոյնպէս ե́ւս քան զեւս. եւ եղէց անպիտա́ն յաչս քո. եւ ընդ աղախնայս ը(նդ) որս ասացեր փառաւորել՝ փառաւորեցայց։

Verse: 23  Link to sept   Եւ մեղքողայ դստե́ր սաւուղայ ո́չ եղեւ որդի մինչեւ ցօր մահուան իւրոյ։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ եղեւ յորժամ նստա́ւ դաւիթ ՛ի տան իւրում. եւ տ(է)ր հանգոյց նմա յա(մենայ)ն թշնամեաց իւրոց շուրջանակի։

Verse: 2  Link to sept   Եւ ասէ արքայ ցնաթա́ն մարգարէ. ահաւասիկ ես բնակեալեմ ՛ի տա́ն եղեւնափայտից, եւ տապանակն ա(ստուծո)յ շրջիցի ՛ի մէջ խորանի՞։

Verse: 3  Link to sept   Եւ ասէ նաթան ցարքայ, զա(մենայ)ն որ ինչ իցէ ՛ի սրտի քում, ե́րթ եւ արա́. զի տ(է)ր ընդ քեզ է։

Verse: 4  Link to sept   Եւ եղեւ ՛ի գիշերին յայնմիկ. եղեւ բա́ն տ(եառ)ն առ նաթան եւ ասէ։

Verse: 5  Link to sept   ե́րթ եւ ասա́ ցծառա́յ իմ դաւիթ. ա́յսպէս ասէ տ(է)ր. ո́չ շինեսցես դու ինձ տուն բնակելոյ։

Verse: 6  Link to sept   զի ո́չ բնակեցայ ՛ի տան՝ յօրէ յորմէ հետէ հանի զորդիսն ի(սրաէ)լի յեգիպտոսէ մինչեւ ցա́յսօր. եւ շրջէի յիջաւանի խորանաւ,

Verse: 7  Link to sept   ամենայն ուրեք ուր շրջէի ՛ի մէջ ա(մենայ)ն ի(սրաէ)լի, եթէ խօսելով խօսեցա՞յ երբէք ը(նդ) միում ցեղի ի(սրաէ)լի՝ ում եւ հրամա́ն ետու հովուել զժողովուրդ իմ զի(սրա)էլ, ասել թե ընդէ՞ր ոչ շինեցէք ինձ տուն եղեւնափայտեայ։

Verse: 8  Link to sept   Եւ արդ՝ ա́յսպէս ասասցես ցծառայ իմ դաւիթ. ա́յսպէս ասէ տ(է)ր ամենակալ. առի́ ես զքեզ ՛ի վանաց հօտից, լինել քեզ յառաջնո́րդ ՛ի վ(ե)ր(այ) ժողովրդեան իմոյ ի(սրաէ)լի.

Verse: 9  Link to sept   եւ էի ընդ քեզ ա(մենայ)ն ուրեք ուր եւ երթայիր։ եւ սատակեցի զա(մենայ)ն թշնամիս քո յերեսաց քոց. եւ արարի զքեզ անուանի́ ըստ անուանց մեծամեծաց որ ՛ի վ(ե)ր(այ) երկրի։

Verse: 10  Link to sept   Եւ եդից տեղի ժողովրդեան իմոյ ի(սրաէ)լի, եւ տնկեցի́ց զնա. եւ բնակեսցէ́ առանձինն. եւ մի́ եւս հոգասցի, եւ ո́չ եւս յաւելցէ որդի անօրէնու(թ)ե(ան) լլկե́լ զնա իբրեւ զառաջինն։

Verse: 11  Link to sept   յաւուրցն յորոց կարգեցի դատաւորս ՛ի վ(ե)ր(այ) ժողովրդեան իմոյ ի(սրաէ)լի. եւ հանգուցի́ց զքեզ յա(մենայ)ն թշնամեաց քոց. եւ պատմեսցէ́ քեզ տ(է)ր զի շինեսցե́ս նմա տուն։

Verse: 12  Link to sept   Եւ եղիցի եթէ լցցին աւուրք քո, եւ ննջեսցե́ս ընդ հարս քո, յարուցի́ց զզաւակ քո յե́տ քո, որ եղիցի յորովայնէ քումմէ. եւ պատրաստեցից զարքայութի(ւն) քո նմա́։

Verse: 13  Link to sept   եւ նա́ շինեսցէ տուն անուան իմոյ. եւ կանգնեցի́ց զաթոռ ն(ո)ր(ա) մինչեւ ցյաւիտեան։

Verse: 14  Link to sept   Ե́ս եղէց նմա ՛ի հայր, եւ նա եղիցի ինձ յորդի. եւ եթէ եկեսցէ անիրաւութի(ւն) ն(ո)ր(ա)՝ յանդիմանեցի́ց զնա, եւ խրատեցից զնա գաւազանա́ւ արանց, եւ տանջանօք որդւոց մարդկան։

Verse: 15  Link to sept   բայց զողորմութի(ւն) ո́չ մերժեցից ՛ի նմանէ, ո(ր)պ(էս) մերժեցի́ յորոց մերժեցին առաջի երեսաց իմոց։

Verse: 16  Link to sept   Հաւատարի́մ լիցի անուն ն(ո)ր(ա), եւ արքայու(թ)ի(ւն) ն(ո)ր(ա) առաջի իմ մինչեւ ցյաւիտեան եւ աթոռ ն(ո)ր(ա) կացցէ կանգուն առաջի իմ մինչեւ ցյաւիտեան։

Verse: 17  Link to sept   Ըստ ա(մենայ)ն բանիցս այսոցիկ, եւ ըստ ա(մենայ)ն տեսլեանս այսորիկ, սո́յնպէս խօսեցաւ նաթան ընդ դաւթայ։

Verse: 18  Link to sept   Եւ եմուտ արքայ դաւիթ եւ նստա́ւ առաջի տ(եառ)ն, եւ ասէ. Ո՞վ եմ ես տ(է)ր իմ տ(է)ր. եւ ո՞ տուն իմ, զի սիրեցեր զիս մինչեւ ցա́յդ վայր.

Verse: 19  Link to sept   եւ ո́չ փոքրկացայ սակաւիկ ինչ առաջի քո տ(է)ր իմ տ(է)ր։ եւ խօսեցար վ(ա)ս(ն) տա́ն ծառայի քո յերկար. եւ ա́յս է օրէն մարդոյ տ(է)ր իմ տ(է)ր։

Verse: 20  Link to sept   Եւ զի՞ եւս յաւելուցու դաւիթ խօսել առ քեզ։ եւ դու ինքնին գիտես զծառայ քո տ(է)ր իմ տ(է)ր։

Verse: 21  Link to sept   վ(ա)ս(ն) ծառայի քո արարեր, եւ ը(ս)տ ա(մենայ)ն սրտի քո արարեր զա(մենայ)ն զմեծութի(ւն)ս զայս ծանուցանել ծառայի քում,

Verse: 22  Link to sept   վ(ա)ս(ն) մեծացուցանելո́յ զիս տ(է)ր իմ տ(է)ր։ Զի չի́ք ոք իբրեւ զքեզ, եւ չի́ք ա(ստուա)ծ բա́ց ՛ի քէն ՛ի վ(ե)ր(այ) ա(մենայ)նի զոր լուաք ակնջօք մերովք։

Verse: 23  Link to sept   եւ ո՞վ է ազգ ՛ի վ(ե)ր(այ) երկրի իբրեւ զժողովուրդ քո զի(սրա)էլ. որում առաջնորդեաց ա(ստուա)ծ, փրկե́լ իւր ժողովուրդ. դնե́լ քեզ անուն, եւ առնե́լ քեզ մեծու(թ)ի(ւն) եւ յայտնու(թ)ի(ւն). մերժե́լ քեզ յերեսաց ժողովրդեան քոյ զոր փրկեցեր դու քեզ յեգիպտոսէ, զա́զգս եւ զբնակու(թ)ի(ւն)ս.

Verse: 24  Link to sept   եւ պատրաստեցեր դու քեզ զժողովուրդ քո զի(սրա)էլ ՛ի ժողովուրդ մինչեւ ցյաւիտեան. եւ դո́ւ տ(է)ր՝ եզեր նոցա յա(ստուա)ծ։

Verse: 25  Link to sept   Եւ արդ՝ տէ́ր իմ, զբանն զոր խօսեցա́ր վ(ա)ս(ն) ծառայի քոյ եւ տան ն(ո)ր(ա), հաւատարմացո́ մինչեւ յաւիտեան. եւ արա́ ո(ր)պ(էս) եւ խօսեցար.

Verse: 26  Link to sept   եւ մեծասցի անուն քո մինչեւ ցյաւիտեան։ Եւ արդ՝ տ(է)ր ամենակալ, ա(ստուա)ծ ՛ի վերայ ա(մենայ)ն ի(սրաէ)լի. տուն ծառայի քոյ դաւթի եղիցի կանգո́ւն առաջի քո։

Verse: 27  Link to sept   զի դո́ւ ես տ(է)ր ամենակալ ա(ստուա)ծ ի(սրաէ)լի։
   Եւ արդ ո(ր)պ(էս) խօսեցար մեծասցի անուն քո մինչեւ ցյաւիտեան՝ ասէ տ(է)ր ամենակալ ա(ստուա)ծ ի(սրաէ)լի. յայտնեցե́ր յունկն ծառայի քոյ եւ ասացեր, շինեցից քեզ տուն. վ(ա)ս(ն) այնորիկ եգիտ ծառայ քո զսիրտ իւր՝ կա́լ առ քեզ յաղօթս զաղօթս զայսոսիկ։

Verse: 28  Link to sept   Եւ արդ տ(է)ր իմ տ(է)ր, դո́ւ ես ա(ստուա)ծ. եւ բանք քո եղիցին ճշմարի́տ, եւ զոր խօսեցար վ(ա)ս(ն) ծառայի քոյ զա(մենայ)ն բարու(թ)ի(ւն)ս զայս.

Verse: 29  Link to sept   եւ արդ սկսի́ր օրհնել զտուն ծառայի քո լինել առաջի քո յաւիտեան, զի դո́ւ տ(է)ր իմ տ(է)ր խօսեցար. եւ յօրհնութ(են)է քումմէ օրհնեսցի́ տուն ծառայի քոյ յաւիտեան։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ եղեւ յետ այսորիկ եհա́ր դաւիթ զայլազգիսն եւ վանեաց զն(ո)ս(ա), եւ ա́ռ դաւիթ զզատուցեալսն ՛ի ձեռաց այլազգեացն։

Verse: 2  Link to sept   Եւ եհա́ր դաւիթ զմովաբ. եւ չափեա́ց զնոսա պարանօք, եւ գառացո́յց զն(ո)ս(ա) յերկիր. եւ եղեն երկու պարանքն սպանանելոյ, եւ երկու պարանքն ապրեցուցանելոյ։ եւ եղեւ մովաբ դաւթի ՛ի ծառա́յս պատարագաբերս։

Verse: 3  Link to sept   Եւ եհար դաւիթ զարդաազար զորդի ռովամայ՝ զարքա́յ սուբայ, յերթա́լ ն(ո)ր(ա) արկանել զձեռն իւր ՛ի վերայ գետոյն եփրատայ.

Verse: 4  Link to sept   եւ ա́ռ զնորա դաւիթ հազա́ր կառս, եւ ե́ւթն հազար հեծելոց, եւ քսան հազար հետեւակաց. եւ քակեաց դաւիթ զա(մենայ)ն կառսն, եւ եթո́ղ իւր ՛ի նոցանէ հարիւր կառս։

Verse: 5  Link to sept   Եւ գա́յր ասորին ՛ի դամասկոսէ օգնել ադրաազարայ արքայի սուբայ։ եւ եհար դաւիթ յասորւոցն քսանեւերկու հազարս արանց.

Verse: 6  Link to sept   եւ եդ դաւիթ պահակս յասորիս հանդէ́պ դամասկոսի։ եւ եղեն ասորիք դաւթի ՛ի ծառայս պատարագաբե́րս։ եւ փրկեաց տ(է)ր զդաւիթ ա(մենայ)ն ուրեք ուր եւ երթայր։

Verse: 7  Link to sept   Եւ ա́ռ դաւիթ զապարանջանսն ոսկիս որ էին ՛ի ծառայսն ադրաազարո́ւ արքայի սուբայ՝ եւ եբե́ր յե(րուսաղէ)մ։ Եւ ա́ռ զանյ սաւսակիմ արքայ եգիպտացւոց յելանե́լ իւրում յե(րուսաղէ)մ յաւուրս ռոբովամայ որդւոյ սողոմոնի։

Verse: 8  Link to sept   Եւ ՛ի մասբակայ ա́ռ արքայ դաւիթ յընտիր ընտի́ր քաղաքաց ադրաազարայ պղինձ, որով արար սողոմոն զծովն պղնձի, եւ զսիւնսն, եւ զաւազանսն, եւ զա(մենայ)ն կահն։

Verse: 9  Link to sept   Եւ լուաւ թովու արքայ էմաթայ, եթէ եհա́ր դաւիթ զա(մենայ)ն զօրն ադրաազարայ.

Verse: 10  Link to sept   եւ առաքեաց թովու զեդդուրա զորդի իւր առ արքայ դաւիթ՝ հարցանե́լ զխաղաղութ(են)է ն(ո)ր(ա). եւ օրհնեաց զնա՝ փոխանակ զի սատակեաց զադրաազար. զի այր՝ գո́ռ պատերազմաւ էր նա ընդ թովայ, եւ հակառա́կ կայր նմա ադրաազար. եւ ՛ի ձեռս ն(ո)ր(ա) էին անօթք ոսկեղէնք եւ արծաթեղէնք, եւ անօթք պղնձիք։

Verse: 11  Link to sept   Եւ սրբեաց զայն արքայ դաւիթ տ(եառ)ն ընդ արծաթոյն եւ ընդ ոսկւոյն, զոր սրբեաց յա(մենայ)ն պատերազմաց որոց յաղթեաց.

Verse: 12  Link to sept   յեդովմայ, եւ ՛ի մովաբայ, եւ յորդւոցն ամոնայ, եւ յայլազգեացն, եւ յամաղեկայ, եւ յաւարէ ադրաազարայ որդւոյ ռովբայ արքայի սուբայ։

Verse: 13  Link to sept   եւ արար դաւիթ անուն։ Եւ ՛ի դառնալ իւրում եհա́ր դաւիթ զասորիս ՛ի գաբեղեմ յութուտասն հազար։

Verse: 14  Link to sept   եւ եդ յեդոմ պահակապանս յա(մենայ)ն եդովմայեցիս, եւ եղեն ա(մենայ)ն եդովմայեցիք ծառա́յք արքայի։
   Եւ փրկեա́ց տ(է)ր զդաւիթ ա(մենայ)ն ուրեք ուր եւ երթայր։

Verse: 15  Link to sept   եւ թագաւորեցո́յց զդաւիթ ՛ի վերայ ա(մենայ)ն ի(սրաէ)լի. եւ առնէր դաւիթ իրաւունս եւ արդարութի(ւն) ՛ի վ(ե)ր(այ) ա(մենայ)ն ժողովրդեան իւրոյ։

Verse: 16  Link to sept   Եւ յովաբ՝ որդի շարուհեայ է́ր ՛ի վերայ զօրուն։ եւ յովսափատ որդի աքիայ ՛ի վ(ե)ր(այ) յիշատակաց։

Verse: 17  Link to sept   եւ սադովկ՝ որդի աքիտովբայ, եւ աքիմելէք որդի աբիաթարայ քահանայք։ եւ ասա՝ դպրապետ։

Verse: 18  Link to sept   եւ բանեա որդի յովիդայեա́յ խորհրդակից։ եւ քերեթին, եւ ոփելեթին։ եւ որդիք դաւթի խոռապետք էին։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ ասէ դաւիթ, եթէ իցէ՞ ոք մնացեալ ՛ի տանէն սաւուղայ, եւ արարից ընդ նմա ողորմութի(ւն) վ(ա)ս(ն) յովնաթանու։

Verse: 2  Link to sept   Եւ ՛ի տանէն սաւուղայ է́ր մանուկ մի. եւ անուն ն(ո)ր(ա) սիբա. եւ կոչեցին զնա առ դաւիթ, եւ ասէ ցնա արքայ. եթէ դո՞ւ իցես սիբայն։ եւ ասէ, ե́ս եմ ծառա́յ քո։

Verse: 3  Link to sept   եւ ասէ արքայ. եթէ իցէ՞ ոք մնացեալ ՛ի տանէ սաւուղայ՝ եւ արարից ընդ նմա ողորմութի(ւն) ա(ստուծո)յ։ Եւ ասէ սիբա ցարքայ. է́ որդի մի յովնաթանու հա́շմ ոտիւք։

Verse: 4  Link to sept   եւ ասէ արքայ. ո՞ւր է նա։ եւ ասէ սիբա ցարքայ. ահա է́ ՛ի տուն մաքիրայ որդւո́յ ամիելի լադաբարացւոյ։

Verse: 5  Link to sept   Եւ առաքեաց արքայ դաւիթ եւ ա́ռ զնա ՛ի տանէ մաքիրայ որդւոյ ամիեաի ղադաբարացւոյ։

Verse: 6  Link to sept   Եւ եկն մեմփիբոսթէ որդի յովնաթանու որդւոյ սաւուղայ առ արքայ դաւիթ, եւ անկաւ ՛ի վերայ երեսաց իւրոց՝ եւ երկի́ր եպագ նմա։ Եւ ասէ ցնա դաւիթ՝ մեմփիբոսթէ՞. եւ ասէ, ա́ւասիկ եմ ծառայ քո։

Verse: 7  Link to sept   եւ ասէ ցնա դաւիթ. մի́ երկնչիր, զի առնելով արարի́ց ը(նդ) քեզ զողորմութի(ւն) վ(ա)ս(ն) յովնաթանու հօր քոյ. եւ դարձուցից քեզ զա(մենայ)ն անդս սաւուղայ զհօր՝ հօր քոյ. եւ դու՝ ուտիցես հա́ց հանապազ ՛ի սեղա́ն իմում։

Verse: 8  Link to sept   Եւ երկի́ր եպագ մեմփիբոսթէ եւ ասէ. ո՞վ է ծառայ քո՝ զի հայեցար ՛ի շո́ւն մի մեռեալ նմանօղ ինձ։

Verse: 9  Link to sept   Եւ կոչեա́ց արքայ զսիբա զծառայ սաւուղայ՝ եւ ասէ ցնա. զա(մենայ)ն ինչ որ է́ սաւուղայ, եւ զա(մենայ)ն որ տա́ն ն(ո)ր(ա), ետո́ւ որդւոյ տեառն քոյ.

Verse: 10  Link to sept   եւ գործեսցե́ս դմա զերկիրն, դո́ւ եւ որդիք քո, եւ ծառայք քո. եւ մուծցես ՛ի տուն տեառն քո հա́ց, եւ կերիցեն զայն. եւ մեմփիբոսթէ՝ որդի տեառն քոյ՝ կերիցէ հաց հանապա́զ ՛ի սեղան իմում։ Եւ սիբայի էին որդիք հնգետասան, եւ ծառայք քսան։

Verse: 11  Link to sept   Եւ ասէ սիբա ցարքայ. ըստ ա(մենայ)նի զոր հրաման ետ տէր իմ արքայ ծառայի իւրում, ա́յնպէս արասցէ ծառայ քո։ Եւ մեմփիբոսթէ ուտէ́ր հաց ՛ի սեղանոյ դաւթի՝ իբրեւ զմի յորդւոցն արքայի։

Verse: 12  Link to sept   Եւ մեմփիբոսթեայ է́ր որդի մի փոքրիկ, եւ անուն ն(ո)ր(ա) միքա. եւ ա(մենայ)ն բնակութի(ւն) տանն սիբայի՝ ծառա́յք մեմփիբոսթեայ։

Verse: 13  Link to sept   եւ մեմփիբոսթէ բնակէր յե(րուսաղէ)մ. զի հանապազ ՛ի սեղանոյ արքայի ուտէր. եւ ինքն էր կա́ղ յերկուց ոտից իւրոց։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ եղեւ յետ այնորիկ՝ եւ մեռաւ արքայ որդւոցն ամոնայ, եւ թագաւորեաց անոն որդի ն(ո)ր(ա) ընդ ն(ո)ր(ա)։

Verse: 2  Link to sept   Եւ ասէ դաւիթ. արասցո́ւք ողորմութի(ւն) ընդ անոնայ որդւոյ նաասայ՝ զորօրինակ արար հա́յր ն(ո)ր(ա) ընդիս ողորմութի(ւն)։ եւ առաքեաց դաւիթ մխիթարե́լ զնա ՛ի ձեռն ծառայից իւրոց վասն հօր իւրոյ. եւ չոգան ծառայքն դաւթի յերկի́ր որդւոցն ամոնայ։

Verse: 3  Link to sept   Եւ ասեն իշխանք որդւոցն ամոնայ ցանոն տէրն իւրեանց. միթէ փառաւորե՞լ ինչ զհայր քո առաջի քո առաքեաց առ քեզ դաւիթ մխիթարիչս. ո́չ, այլ զի որոնեսցեն զքաղաքս, եւ դիտեսցեն զսա. եւ լրտեսել զսա առաքեաց դաւիթ զծառայս իւր առ քեզ։

Verse: 4  Link to sept   Եւ կալա́ւ զծառայսն դաւթի, եւ եգե́րծ զմօրուս ն(ո)ց(ա), եւ կտրեա́ց զգրաստս ն(ո)ց(ա) ՛ի միջոյ մինչեւ ցեզր, եւ արձակեա́ց զն(ո)ս(ա)։

Verse: 5  Link to sept   Եւ պատմեցին դաւթի վ(ա)ս(ն) արանցն. եւ առաքեա́ց դաւիթ ընդ առաջ ն(ո)ց(ա) զի էին արքն անարգեա́լք յոյժ։ եւ ասէ արքայ. նստարո́ւք յերիքով մինչեւ աճեսցեն մօրուք ձեր, եւ ապա́ դարձջիք։

Verse: 6  Link to sept   Եւ տեսին որդիքն ամոնայ եթէ ամօ́թ արարին ժողովրդեանն դաւթի, առաքեցին որդիքն ամոնայ՝ եւ ՛ի վարձու կալան զասորիս ռովբայ, եւ զասորիս սուբայ՝ քսան հազար հետեւակաց, եւ զարքայն ամաղեկայ հազար արամբք, եւ ՛ի ստովբայ երկոտասան հազար արանց։

Verse: 7  Link to sept   Լուա́ւ արքայ դաւիթ, եւ առաքեաց զյովաբ եւ զա(մենայ)ն զօրն զօրաւոր։

Verse: 8  Link to sept   Եւ ելին որդիքն ամոնայ եւ ճակատեցա́ն ՛ի պատերազմ առ դրան քաղաքին ասորւոց սուբայ, եւ ռովբ եւ ստովբ՝ եւ ամաղէկ էին միա́յն յանդին։

Verse: 9  Link to sept   Եւ ետես յովաբ՝ եթէ եկին հասին ՛ի վ(ե)ր(այ) ն(ո)ր(ա) առաջոյ եւ զկնի, ընտրեա́ց յա(մենայ)ն երիտասարդաց ի(սրաէ)լի, եւ ճակատեցոյց ընդդէմ ասորւոց։

Verse: 10  Link to sept   եւ զմնացորդս զօրուն ետ ՛ի ձեռս աբեսսայ եղբօր իւրոյ, եւ ճակատեցա́ն ը(նդ)դէմ որդւոցն ամոնայ։

Verse: 11  Link to sept   Եւ ասէ՝ եթէ յաղթահարեսցեն զիս ասորիքն, եղիջի́ք ինձ ՛ի փրկու(թ)ի(ւն). եւ եթէ որդիքն ամոնայ յաղթահարեսցեն զքեզ՝ եղիցուք ապրեցուցանել զքեզ։

Verse: 12  Link to sept   քաջ լե́ր՝ եւ ժրասցո́ւք ՛ի վ(ե)ր(այ) ժողովրդեան մերոյ՝ եւ ՛ի վերայ քաղաքաց ա(ստուծո)յ մերոյ. եւ տ(է)ր արասցէ զհաճոյն առաջի աչաց իւրոց։

Verse: 13  Link to sept   Եւ մատեաւ յովաբ եւ զօրն որ ընդ նմա ՛ի պատերազմ ը(նդ) ասորին. եւ փախեան ասորիքն յերեսաց ն(ո)ր(ա)։

Verse: 14  Link to sept   Եւ որդիքն ամոնայ իբրեւ տեսին եթէ փախեան ասորիքն, փաեան եւ նոքա յերեսաց աբեսսայ, եւ մտին ՛ի քաղաքն։ եւ դարձաւ յովաբ յորդւոցն ամոնայ՝ եւ եկն յե(րուսաղէ)մ։

Verse: 15  Link to sept   Իբրեւ ետես ասորին եթէ պարտեցա́ւ առաջի ի(սրաէ)լի, գումարեցան ՛ի միասին։

Verse: 16  Link to sept   եւ առաքեա́ց ադրաազար եւ ժողովեաց զասորիսն յայնմ կողմանէ գետոյն ՛ի քաղամակ։ եւ եկի́ն հասին՝ ելամ եւ սովբակ իշխանք զօրացն ադրաազարայ յառա́ջ քան զնա։

Verse: 17  Link to sept   Եւ ա́զդ եղեւ դաւթի. եւ ժողովեաց զա(մենայ)ն ի(սրա)էլ եւ անց ընդ յորդանան, եւ եհաս քաղամակ։ եւ ճակատեցան ասորիքն ընդդէմ դաւթի տա́լ ընդ նմա պատերազմ,

Verse: 18  Link to sept   եւ փախեա́ն աոսրիքն յերեսաց ի(սրաէ)լի։ Եւ կոտորեաց դաւիթ յաւորւոցն եւթնհարիւր կառս, եւ քառասուն հազար հեծելոց, եւ զսովբակ իշխան զօրուն ն(ո)ր(ա) եհա́ր, եւ մեռա́ւ անդէն։

Verse: 19  Link to sept   Իբրեւ տեսին ա(մենայ)ն թագաւորք ծառա́յք ադրաազարու՝ թէ պարտեցա́ն առաջի ի(սրաէ)լի, անձնատո́ւրք եղեն. եւ ուխտեցին ո́ւխտ ը(նդ) ի(սրաէ)լի, եւ ծառայեցին ն(ո)ց(ա)։ եւ երկեա́ն ասորիքն այնուհետեւ ապրեցուցանել զորդիսն ամոնայ։



Chapter: 11 
ԳԼ(ՈՒԽ) Ժ՜Ա.

Verse: 1  Link to sept   Եւ եղեւ ՛ի դառնա́լ տարւոյն՝ ՛ի նո́յն ժամանակ ելից թագաւորացն. եւ առաքեաց դաւիթ զյովաբ եւ զծառա́յս իւր ընդ նմա, եւ զա(մենայ)ն ի(սրա)էլ. եւ սատակեցին զորդիսն ամոնայ, եւ նստա́ն զռաբաթաւ. եւ դաւիթ նստէր յե(րուսաղէ)մ։

Verse: 2  Link to sept   Եւ եղեւ ը(նդ) երեկս եւ յարեաւ դաւիթ յանկողնէ իւրմէ, եւ զգնա́յր ՛ի վերայ տանեաց տան թագաւորին. եւ ետես ՛ի տանեացն կին մի լուացեալ, եւ կինն գեղեցի́կ տեսլեամբ յոյժ։

Verse: 3  Link to sept   Եւ առաքեա́ց դաւիթ եւ խնդրեաց զկինն, եւ ասէ. ո՞չ դա́ է բերսաբեէ՝ դուստր եղիաբայ՝ կի́ն ուրիայ քետացւոյ։

Verse: 4  Link to sept   եւ առաքեաց դաւիթ հրեշտակս եւ ա́ռ զնա, եւ եմո́ւտ առ նա, եւ ննջեաց ը(նդ) նմա. եւ նա էր սրբեալ ՛ի դաշտանէ իւրմէ։

Verse: 5  Link to sept   եւ դարձաւ ՛ի տուն իւր եւ յղացաւ կինն, եւ առաքեաց պատմեաց դաւթի՝ եւ ասէ. յղի́ եմ ես։

Verse: 6  Link to sept   Եւ առաքեաց դաւիթ առ յովաբ՝ եւ ասէ, առաքեա́ առիս զուրիա քետացի։ եւ առաքեաց յովաբ զուրիա առ դաւիթ։

Verse: 7  Link to sept   եւ եկեալ ուրիա եմուտ առ դաւիթ. եւ եհարց դաւիթ զողջունէ յովաբայ, եւ զողջունէ զօրուն, եւ զողջունէ պատերազմին։ եւ ասէ ուրիա՝ ողջոյն է։

Verse: 8  Link to sept   Եւ ասէ դաւիթ ցուրիա. արի́ է́ջ ՛ի տուն քո եւ լուա́ զոտս։ եւ ել ուրիա ՛ի տանէ արքայի. եւ ել զկնի ն(ո)ր(ա) պարգե́ւ ՛ի ձեռանէ արքայի։

Verse: 9  Link to sept   եւ ննջեաց ուրիա առ դրանն արքայի ը(նդ) ծառայսն ն(ո)ր(ա), եւ ո́չ էջ ՛ի տուն իւր։

Verse: 10  Link to sept   Եւ պատմեցին դաւթի եւ ասեն, եթէ ո́չ էջ ուրիա ՛ի տուն իւր։ եւ ասէ դաւիթ ցուրիա, ո՞չ ճանապարհէ եկեալ ես դու՝ ընդէ՞ր ո́չ իջեր ՛ի տուն քո։

Verse: 11  Link to sept   Եւ ասէ ուրիա ցդաւիթ. տապանակն ա(ստուծո)յ եւ ի(սրա)էլ եւ յուդա բնակեալ են ՛ի վրանս. եւ տ(է)ր իմ յովաբ եւ ծառայք տեառն իմոյ՝ բնակեալ են ՛ի բացի՞. եւ ես մտանիցեմ ՛ի տո՞ւն իմ, ուտել եւ ըմպել եւ ննջել ը(նդ) կնոջ իմում. եւ զիա՞րդ լինիցի այն. կենդանի́ է անձն քո թէ արարից զբանդ զայդ։

Verse: 12  Link to sept   Եւ ասէ դաւիթ ցուրիա. նի́ստ այսօր աստ, եւ վաղիւ արձակեցի́ց զքեզ. եւ նստա́ւ ուրիա յ(երուսաղ)էմ յաւուր յայնմիկ։

Verse: 13  Link to sept   եւ ՛ի վաղիւ անդր կոչեա́ց զնա դաւիթ. եկեր առաջի ն(ո)ր(ա)՝ եւ արբ, եւ արբեցաւ. եւ ել անագանին՝ ննջեա́ց յանկողնի իւրում ընդ ծառայս տեառն իւրոյ, եւ ՛ի տուն իւր ո́չ էջ։

Verse: 14  Link to sept   Եւ եղեւ ընդ առաւօտն, եւ գրեաց դաւիթ հրովարտակ առ յովաբ, եւ առաքեաց դաւիթ ՛ի ձեռն ուրիայ.

Verse: 15  Link to sept   եւ գրեաց ՛ի հրովարտակին՝ եւ ասէ. մատո́ զուրիա ը(նդ)դէմ սաստկացեալ պատերազմին, եւ դարձջիք ը(նդ) կրո́ւկ ՛ի նմանէ, եւ հարցի եւ մեռցի́։

Verse: 16  Link to sept   Եւ եղեւ ՛ի պահել յովաբայ զքաղաքն. եւ ետ զուրիա ՛ի տեղին՝ ուր գիտէր թէ արք զօրու(թ)ե(ան) էին անդ։

Verse: 17  Link to sept   եւ ելին արք քաղաքին ՛ի պատերազմ ը(նդ) յովաբայ, եւ անկան ՛ի զօրուէ ծառայիցն դաւթի՝ եւ մեռան, եւ ուրիա քետացի մեռաւ։

Verse: 18  Link to sept   Եւ առաքեա́ց յովաբ եւ պատմեաց արքայի զա(մենայ)ն զրո́յց պատերազմին.

Verse: 19  Link to sept   եւ պատուէ́ր ետ հրեշտակին եւ ասէ. ՛ի վախճանել քում զա(մենայ)ն զրոյցս պատերազմիս խօսել ը(նդ) արքայի,

Verse: 20  Link to sept   եւ եղիցի եթէ ելցէ ցասումն արքայի, եւ ասասցէ ցքեզ՝ եթէ ընդէ՞ր մերձենայիք ՛ի քաղաքն մարտնչել. եւ ո՞չ գիտէիք եթէ ՛ի վերուստ ՛ի պարսպացն նետաձի́գ լինին։

Verse: 21  Link to sept   Ո՞ եհար զաբիմելէք զորդի յերոբովաղայ՝ որդւոյ ներեայ. ո՞չ ապաքէն կին մի բեկո́ր երկանի ընկէ́ց ՛ի վերայ ն(ո)ր(ա) ՛ի վերուստ ՛ի պարսպէն, եւ մեռաւ ՛ի թամասի. ընդէ՞ր մօտեցայք ՛ի պարիսպն։ եւ ասասցես թէ եւ ծառա́յ քո ուրիա քետացի մեռաւ։

Verse: 22  Link to sept   Եւ չոգա́ւ հրեշտակն յովաբայ առ արքայ յ(երուսաղ)էմ, եւ եհա́ս եւ պատմեա́ց դաւթի զա(մենայ)ն ինչ զոր պատուիրեաց նմա յովաբ զա(մենայ)ն իրս պատերազմին։ Եւ բարկացաւ դաւիթ ՛ի վ(ե)ր(այ) յովաբայ, եւ ասէ ցհրեշտակն. ընդէ՞ր մերձեցայք ՛ի քաղաքն մարտնչել. ո՞չ գիտէիք եթէ հարկանելոց էք ՛ի պարսպէն. ո՞ եհար զաբիմելէք որդի յերոբովաղայ, ո՞չ ապաքէն կին մի բեկոր երկանի ընկէց ՛ի վերայ ն(ո)ր(ա) ՛ի պարսպէն, եւ մեռաւ ՛ի թամասի. ընդէ՞ր մերձենայիք ՛ի պարիսպն։

Verse: 23  Link to sept   Եւ ասէ հրեշտակն ցդաւիթ. զի ասպատակեցան ՛ի վերայ մեր արք, եւ ելին առ մեզ արտաքս՝ եւ հասաք ՛ի վերայ ն(ո)ց(ա) մինչեւ ցդուռն քաղաքին.

Verse: 24  Link to sept   եւ նետաձիգ եղեն աղեղնաւորքն ՛ի ծառայս քո ՛ի վերուստ ՛ի պարսպէ́ անտի, եւ մեռան ՛ի ծառայից արքայի. եւ ծառա́յ քո ուրիա́ քետացի մեռա́ւ։

Verse: 25  Link to sept   Եւ ասէ դաւիթ ցհրեշտակն. ա́յսպէս ասասցես ցյովաբ. մի́ թուեսցի չա́ր բանդ յաչս քո. զի երբեմն ա́յսպէս ուտէ սուր, եւ երբեմն ա́յնպէս։ սաստկացո́ զպատերազմ ը(նդ) քաղաքիդ եւ կործանեսցե́ս զդա, եւ զօրացո́ զանձն քո։

Verse: 26  Link to sept   Եւ իբրեւ լուաւ կինն ուրիայ եթէ մեռա́ւ ուրիա այր իւր, կոծեցա́ւ ՛ի վերայ առն իւրոյ։

Verse: 27  Link to sept   Իբրեւ անց սուգն, առաքեաց դաւիթ եւ ամփոփեաց զնա ՛ի տուն իւր. եւ եղեւ նմա կին, եւ ծնաւ նմա որդի։ եւ չա́ր թուեցաւ բանն՝ զոր արար դաւիթ յա́չս տ(եառ)ն։



Chapter: 12 
ԳԼ(ՈՒԽ) Ժ՜Բ.

Verse: 1  Link to sept   Եւ առաքեա́ց տ(է)ր զնաթան մարգարէ առ դաւիթ. եւ եմուտ առ նա, եւ ասէ ցնա։ արք երկո́ւ էին ՛ի քաղաքի միում. մին մեծատուն, եւ միւսն աղքատ։

Verse: 2  Link to sept   Եւ մեծատանն էին հօ́տք եւ անդեայք բազում յոյժ։

Verse: 3  Link to sept   եւ աղքատին եւ ո́չ ինչ. բայց որոջ մի փոքր զոր ստացեալ եւ ապրեցուցեալ եւ սնուցեալ էր զնա, եւ հաստատեալ էր ընդ նմա, եւ ընդ որդիս ն(ո)ր(ա) ՛ի միասին. ՛ի հացէ́ նորա ուտէր եւ ՛ի բաժակէ́ ն(ո)ր(ա) ըմպէր, եւ ՛ի ծոց ն(ո)ր(ա) ննջէր. եւ է́ր ն(ո)ր(ա) իբրեւ զդուստր։

Verse: 4  Link to sept   Եւ ե́կն անցաւոր առ այրն մեծատուն. եւ խնայեաց առնուլ ՛ի հօտից իւրոց եւ յանդէո́ց իւրոց առնել հիւրոյն անցաւորի եկելոյ առ նա. եւ էա́ռ զորոջ աղքատին եւ արար առնն եկելոյ կերակուր առ նա։

Verse: 5  Link to sept   Եւ բարկացա́ւ սրտմտութ(եամ)բ դաւիթ յոյժ առնն։ եւ ասէ դաւիթ ցնաթան. կենդանի́ է տ(է)ր զի որդի մահո́ւ է այրն որ արար զայն.

Verse: 6  Link to sept   եւ զորոջն տուժեսցի եւթնպատիկ, փոխանակ առնելոյ զբանն զայն, վ(ա)ս(ն) զի ո́չ խնայեաց։

Verse: 7  Link to sept   Եւ ասէ նաթան ցդաւիթ. դո́ւ ես այրն որ արարեր զայն։ ա́յսպէս ասէ տ(է)ր ա(ստուա)ծ ի(սրաէ)լի, ե́ս եմ որ օծի զքեզ թագաւոր ՛ի վ(ե)ր(այ) ա(մենայ)ն ի(սրաէ)լի, եւ ես փրկեցի զքեզ ՛ի ձեռաց սաւուղայ։

Verse: 8  Link to sept   եւ ետո́ւ քեզ զտուն տեառն քոյ, եւ զկանայս տեառն քո ՛ի ծո́ց քո. եւ ետու քեզ զի(սրա)էլ եւ զյուդայ. եւ թէ սակա́ւ իցէ, յաւելի́ց քեզ գո́յն չափ.

Verse: 9  Link to sept   եւ ընդէ՞ր անարգեցեր զբանն տ(եառ)ն առնել չա́ր առաջի աչաց ն(ո)ր(ա)։ Զուրիա քետացի հարե́ր դու սրով, եւ զկին ն(ո)ր(ա) առե́ր դու քեզ կնու(թ)ե(ան). եւ զնա սպանե́ր սրով որդւոցն ամոնայ։

Verse: 10  Link to sept   եւ արդ՝ մի́ հեռասցի սուր ՛ի տանէ քումմէ մինչեւ ցյաւիտեան՝ փոխանակ զի անարգեցե́ր զիս, եւ առեր զկինն ուրիայ քետացւոյ լինել քեզ կնութե(ան)։

Verse: 11  Link to sept   Ա́յսպէս ասէ տ(է)ր, ահա ես յարուցից ՛ի վերայ քո չարիս ՛ի տանէ́ քումմէ. եւ առից զկանայս քո առաջի աչաց քոց, եւ տա́ց ընկերի քում. եւ ննջեսցէ ը(նդ) կանայս քո յանդիման արեգականս այսորիկ։

Verse: 12  Link to sept   զի դու արարեր զայդ ՛ի ծածուկ, եւ ես արարից զբանդ զայդ յանդիման ա(մենայ)ն ի(սրաէ)լի, եւ առաջի արեգականս այսորիկ։

Verse: 13  Link to sept   Եւ ասէ դաւիթ ցնաթան. մեղա́յ տ(եառ)ն։ եւ ասէ նաթան ցդաւիթ. եւ տ(է)ր անցո́յց զքեւ զմեղս քո՝ եւ մի́ մեռցիս։

Verse: 14  Link to sept   բայց քանզի զայրացուցանելով զայրացուցեր զթշնամիս տ(եառ)ն բանիւն այնուիկ. որդին քո զոր ծնանելոց է քեզ՝ մահո́ւ մեռցի։

Verse: 15  Link to sept   Եւ գնա́ց նաթան ՛ի տուն իւր. եւ եհար տ(է)ր զմանուկն, զոր ծնաւ կինն ուրիայ դաւթի, եւ հիւանդացաւ։

Verse: 16  Link to sept   եւ խնդրեա́ց դաւիթ յա(ստուծո)յ վ(ա)ս(ն) մանկանն, եւ պահեաց դաւիթ պահս, եւ եմուտ անկա́ւ ՛ի վ(ե)ր(այ) գետնոյ։

Verse: 17  Link to sept   եւ յարեան՛ի վերայ ն(ո)ր(ա) ծառայք տանն յարուցանել զնա. եւ ո́չ կամէր յառնել ՛ի գետնոյն, եւ ո́չ եկեր ընդ ն(ո)ս(ա) հաց։

Verse: 18  Link to sept   Եւ եղեւ յաւուրն եւթներորդի մեռանե́լ մանկանն. եւ երկեան ծառայքն դաւթի պատմել նմա եթէ մեռաւ մանուկն. զի ասացին եթէ մինչդեռ կենդանի էր մանուկն՝ խօսեցա́ք ը(նդ) նմա՝ եւ ո́չ լուաւ ձայնի մերում, եւ զիա՞րդ ասասցուք նմա թէ մեռաւ մանուկն, եւ գործիցէ չարիս։

Verse: 19  Link to sept   Եւ ետես դաւիթ եթէ շշնջեն ծառայք ն(ո)ր(ա). եւ իմացաւ դաւիթ եթէ մեռա́ւ մանուկն, եւ ասէ դաւիթ ցծառայսն իւր, եթէ մեռեա՞լ իցէ մանուկն. եւ ասեն՝ մեռա́ւ։

Verse: 20  Link to sept   Եւ յարեաւ դաւիթ ՛ի գետնոյն, եւ լուացաւ, եւ օծաւ, եւ փոխեաց զհանդերձս իւր, եւ եմուտ ՛ի տունն ա(ստուծո)յ, եւ երկիր եպագ նմա։ եւ եմուտ ՛ի տուն իւր, եւ խնդրեաց հաց ուտել. եւ եդին առաջի ն(ո)ր(ա) հաց՝ եւ եկեր։

Verse: 21  Link to sept   Եւ ասեն ցնա ծառայքն իւր. զի՞նչ է բանդ այդ զոր արարեր վ(ա)ս(ն) մանկանն. մինչդեռ կենդանին էր, պահէիր, եւ լայիր, եւ տքնէիր. եւ իբրեւ մեռաւ մանուկն՝ յարեա́ր կերար եւ արբեր։

Verse: 22  Link to sept   Եւ ասէ դաւիթ. մինչդեռ կենդանի էր մանուկն՝ պահէի եւ լայի. քանզի ասէի, ո́ գիտէ ողորմեսցի́ տ(է)ր, եւ կեցցէ մանուկն։

Verse: 23  Link to sept   արդ՝ որովհետեւ մեռա́ւ մանուկն, ես ընդէ՞ր պահիցեմ. միթէ կարօ՞ղ իցեմ դարձուցանել զնա այսրէն։ ես՝ առ նա́ երթալոց եմ, եւ նա առիս ո́չ դարձցի։

Verse: 24  Link to sept   եւ մխիթարեաց դաւիթ զբերսաբեէ զկին իւր. եւ եմուտ առ նա եւ ննջեաց ընդ նմա։ եւ յղացաւ եւ ծնաւ որդի. եւ կոչեաց զանուն ն(ո)ր(ա) սողոմոն։ եւ տ(է)ր սիրեաց զնա.

Verse: 25  Link to sept   եւ առաքեաց ՛ի ձեռն նաթանայ մարգարէի, եւ կոչեաց զանուն ն(ո)ր(ա) յեգեդի վասն տ(եառ)ն։

Verse: 26  Link to sept   Եւ պատերազմեցաւ յովաբ յըռաբա́թ որդւոցն ամոնայ, եւ եհաս յառնուլ զքաղաքն թագաւորութե(ան)։

Verse: 27  Link to sept   եւ առաքեաց յովաբ հրեշտակս առ դաւիթ եւ ասէ. պատերազմեցայ ընդ ռաբաթայ, եւ հասի յառնուլ զքաղաքս ջրոց.

Verse: 28  Link to sept   եւ արդ ժողովեա́ զմնացորդս ժողովրդեանդ, եւ բանակեսցի́ս զքաղաքաւս, եւ առցե́ս զսա. զի մի́ ես առից զքաղաքս՝ եւ կոչեսցի անուն իմ ՛ի վ(ե)ր(այ) սորա։

Verse: 29  Link to sept   Եւ ժողովեա́ց դաւիթ զա(մենայ)ն ժողովուրդն եւ չոգա́ւ յռաբաթ, եւ պատերազմեցա́ւ ընդ նմա եւ ա́ռ զնա։

Verse: 30  Link to sept   եւ ա́ռ զպսակն մեղքոմայ թագաւորին ն(ո)ց(ա) ՛ի գլխոյ ն(ո)ր(ա). եւ կշիռ նորա տաղանդ մի ոսկւոյ, եւ ականց պատուականաց. եւ է́ր ՛ի գլուխ դաւթի. եւ զառ քաղաքին՝ բազում յոյժ։

Verse: 31  Link to sept   եւ զժողովուրդն որ է́ր ՛ի նմա՝ եհան արտաքս եւ արկ ընդ սղոցաւ՝ եւ ը(նդ) քերանօք երկաթեօք, եւ շրջեցուցանէր զնոսա աղիւսով. եւ ա́յնպէս առնէր ընդ ա(մենայ)ն քաղաքս որդւոցն ամոնայ։ եւ դարձաւ դաւիթ եւ ա(մենայ)ն զօրն յե(րուսաղէ)մ։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ եղեւ յետ այնորիկ, եւ աբիսողոմայ որդւոյ դաւթի է́ր քոյր մի յոյժ գեղեցիկ տեսլեամբ, եւ անուն ն(ո)ր(ա) թամա́ր. եւ սիրեաց զնա՝ ամոն որդի դաւթի.

Verse: 2  Link to sept   եւ նեղէր ամոն՝ մինչեւ հիւանդանալ նմ(ա) վ(ա)ս(ն) թամարայ քեռ իւրոյ. զի կո́յս էր նա. եւ ծա́նր էր յաչս ամոնի առնել ինչ նմա։

Verse: 3  Link to sept   Եւ է́ր ընկեր ամոնայ, եւ անուն ն(ո)ր(ա) յովնադա́բ, որդի սամաայ եղբօր դաւթի։ եւ յովնադաբ՝ ա́յր իմաստուն յոյժ։

Verse: 4  Link to sept   եւ ասէ ցնա. զի՞ է՝ զի այդպէս ծիւրիս որդի արքայի այգուն այգուն՝ եւ ո́չ պատմես ինձ, եւ ասէ ցնա ամոն. զթամար զքոյր աբեսողոմայ եղբօր իմոյ սիրե́մ ես։

Verse: 5  Link to sept   Եւ ասէ ցնա յովնադաբ. ննջեա́ ՛ի մահիճս քո եւ հիւանդացի́ր, եւ մտցէ հայր քո տեսանել զքեզ. եւ ասասցես ցնա. մտցէ́ թամա́ր քո́յր իմ եւ արասցէ́ ինձ խիւս. եւ արասցէ առաջի աչաց իմոց կերակուր, զի տեսից եւ կերա́յց ՛ի ձերաց ն(ո)ր(ա)։

Verse: 6  Link to sept   Եւ անկաւ ամոն եւ հիւանդացաւ. եւ եմուտ արքայ տեսանել զնա. եւ ասէ ամոն ցարքայ. եկեսցէ́ թամար քո́յր իմ առիս, եւ արասցէ առաջի իմ կերակուր բլիթս, եւ կերա́յց ՛ի ձերաց ն(ո)ր(ա)։

Verse: 7  Link to sept   Եւ առաքեաց դաւիթ առ թամար ՛ի տուն եւ ասէ, ե́րթ ՛ի տուն ամոնի եղբօր քոյ, եւ արա́ նմա կերակուր։

Verse: 8  Link to sept   եւ գնա́ց թամար ՛ի տուն ամոնի եղբօր իւրոյ, եւ նա անկեալ դնէր. եւ ա́ռ հայս եւ թրեաց, եւ արար առաջի ն(ո)ր(ա) բլիթս. եւ եփեաց զբլիթսն։

Verse: 9  Link to sept   եւ ա́ռ զտապանակն՝ եւ թափեաց առաջի ն(ո)ր(ա). եւ ո́չ կամեցաւ ուտել։ Եւ ասէ ամոն. հանէ́ք զա(մենայ)ն այր յինէն արտաքս։ եւ հանին արտաքս զա(մենայ)ն այր ՛ի նմանէ։

Verse: 10  Link to sept   եւ ասէ ամոն ցթամար. տա́ր զխորտիկսդ ՛ի սենեակն, եւ կերա́յց ՛ի ձեռաց քոց։ եւ ա́ռ թամար զբլիթսն զոր արար, եւ տարաւ ամոնի եղբօր իւրում ՛ի սենեակն։

Verse: 11  Link to sept   եւ մատոյց նմա ուտել. եւ նա բո́ւռն եհար զնմանէ եւ ասէ ցնա. ե́կ ննջեա́ ընդիս քո́յր իմ։

Verse: 12  Link to sept   Եւ ասէ ցնա. մի́ եղբայր իմ, մի́ տառապեցուցաներ զիս. զի ո́չ գործի այդպիսի ինչ ՛ի մէջ ի(սրաէ)լի, եւ մի́ առներ զայդ անզգամութի(ւն)։

Verse: 13  Link to sept   եւ ես յո՞ տանիցեմ զնախատինս իմ. եւ դու լինիցիս իբրեւ զմի յանզգամաց ՛ի մէջ ի(սրաէ)լի։ եւ արդ՝ խօսեա́ց ընդ արքայի, եւ ո́չ արգելու զիս ՛ի քէն։

Verse: 14  Link to sept   Եւ ո́չ կամեցաւ ամոն լսել ձայնի ն(ո)ր(ա). եւ բռնահարեա́ց եւ բռնադատեա́ց զնա, եւ տառապեցո́յց զնա, եւ ննջեա́ց ընդ նմա։

Verse: 15  Link to sept   Եւ ատեաց զնա ամոն ատելութի(ւն) մե́ծ յոյժ. զի մե́ծ էր ատելութի(ւն)ն որ ատեաց զնա. եւ անհնարին վերջին աղէտքն քան զառաջին սէրն, զոր սիրեաց զնա։ եւ ասէ ցնա ամոն. արի եւ գնա́։

Verse: 16  Link to sept   եւ ասէ ցնա թամար, մե́ծ են չարիքս այս քան զայն զոր արարե́ր ընդիս, արձակելդ քո զիս։ Եւ ո́չ կամեցաւ ամոն լսել ձայնի ն(ո)ր(ա)։

Verse: 17  Link to sept   եւ կոչեաց զպատանին իւր զվերակացու տանն իւրոյ, եւ ասէ ցնա. հա́ն զդա յինէն արտաքս, եւ փակեա́ զդուրսդ զկնի դորա։

Verse: 18  Link to sept   եւ էր զնովաւ պարեգօտք ասըզնագործք եւ կոճկենք. զի ա́յնպէս զգենուին դստերք թագաւորաց կոյսք զձորձս իւրեանց։ եւ եհա́ն զնա սպասաւորն արտաքս. եւ փակեա́ց զդուրսն զկնի ն(ո)ր(ա)։

Verse: 19  Link to sept   Եւ ա́ռ թամար մոխիր, եւ արկ զգլխով իւրով, եւ զպարեգօտսն կոճկէնս զոր զգեցեալ էր՝ պատառեաց. եւ եդ զձեռս իւր ՛ի վ(ե)ր(այ) գլխոյ իւրոյ, եւ երթա́յր լալով եւ լա́յր։

Verse: 20  Link to sept   Եւ ասէ ցնա աբեսողոմ եղբայր ն(ո)ր(ա). միթէ ամո՞ն եղբայր քո եղեւ ը(նդ) քեզ. եւ արդ՝ քո́յր իմ լո́ւռ կաց, զի եղբա́յր քո է. մի́ ածեր զմտաւ քով խօսել զբանդ զայդ։ եւ նստա́ւ թամար այրութ(եամ)բ ՛ի տան աբիսողոմայ եղբօր իւրոյ։

Verse: 21  Link to sept   Եւ լուաւ արքայ զբանս զայսոսիկ՝ եւ բարկացա́ւ յոյժ, եւ ո́չ տրտմեցոյց զոգի ամոնայ որդւոյ իւրոյ՝ զի սիրէ́ր զնա. զի անդրանի́կ ն(ո)ր(ա) էր։

Verse: 22  Link to sept   Եւ ո́չ խօսեցաւ աբեսողոմ ը(նդ) ամոնայ ՛ի չարէ մինչեւ ցբարի. զի ատեայր աբեսողոմ զամոն վ(ա)ս(ն) բանին զոր տառապեցոյց զթամար զքոյր ն(ո)ր(ա)։

Verse: 23  Link to sept   Եւ եղեւ յետ երեմոյ աւուրց, եւ էին կտուրք աբէսողոմայ ՛ի բեթմարոն մերձ յեփրեմ. եւ կոչեա́ց աբէսողովմ զա(մենայ)ն որդիս արքայի։

Verse: 24  Link to sept   եւ եկն աբեսողոմ առ արքայ՝ եւ ասէ ցնա. ահաւանիկ կտո́ւրք են ծառայի քում, երթիցէ́ արքայ եւ ծառայք իւր ընդ ծառայի քում։

Verse: 25  Link to sept   Եւ ասէ արքայ ցաբեսողոմ. մի́ որդեակ իմ, մի́ երթիցուք ամենեքեան մեք, եւ մի́ ծանրասցուք քեզ. եւ ստիպեաց զնա, եւ ո́չ կամեցաւ երթալ, եւ օրհնեա́ց զնա։

Verse: 26  Link to sept   Եւ ասէ աբէսողովմ. ապա թէ ո́չ՝ գոնէ եկեսցէ́ ընդիս ամոն եղբայր իմ։ եւ ասէ արքայ. ընդէ՞ր երթիցէ ը(նդ) քեզ ամոն.

Verse: 27  Link to sept   եւ ստիպեաց զնա աբեսողոմ։ եւ արձակեաց ընդ նմա զամոն, եւ զա(մենայ)ն զորդիս արքայի։ Եւ արար աբեսողոմ խրախութի(ւն) ըստ խրախու(թ)ե(ան) թագաւորի։

Verse: 28  Link to sept   Եւ պատուէ́ր ետ աբեսողոմ մանկտւո́յ իւրում եւ ասէ. տեսէ́ք, յորժամ զուարթասցի սիրտն ամոնի ՛ի գինւոյ, եւ ասացից ձեզ հարէ́ք զամոն՝ եւ սպանէ́ք զնա. մի́ երկնչիք. զի ոչ ապաքէն ե՞ս իցեմ՝ որ հրամայիցեմ ձեզ. քաջալերեցարո́ւք եւ լերուք յորդիս զօրու(թ)ե(ան)։

Verse: 29  Link to sept   Եւ արարին մանկտին աբեսողոմայ ամոնի՝ որպէս հրամայեաց ն(ո)ց(ա) աբեսողոմ։ եւ յարեան ա(մենայ)ն որդիք արքայի, եւ հեծա́ն յիւրաքանչիւր ՛ի ջորւոջ իւրում, եւ փախեան։

Verse: 30  Link to sept   Եւ եղեւ մինչդեռ նոքա էին ՛ի ճանապարհին, գո́յժ եկն առ դաւիթ՝ եւ ասեն, կոտորեա́ց աբեսողոմ զա(մենայ)ն որդիս արքայի, եւ ո́չ եթող ՛ի նոցանէ եւ ո́չ մի։

Verse: 31  Link to sept   Յարեա́ւ արքայ՝ պատառեա́ց զհանդերձս իւր, եւ անկա́ւ ՛ի վերայ գետնոյ. եւ ա(մենայ)ն ծառայք ն(ո)ր(ա) կային շուրջ զնովաւ պատառեալ զհանդերձս իւրեանց։

Verse: 32  Link to sept   Պատասխանի ետ յովնադաբ որդի սամաայ եղբօր դաւթի՝ եւ ասէ. մի́ ասասցէ տէ́ր իմ արքայ թէ ա(մենայ)ն որդիք արքայի մեռան. զի ամոն միայն մեռաւ։ քանզի ՛ի բերա́ն աբեսողոմայ կայր, յօրէ յորմէ տառապեցոյց զթամար զքոյր ն(ո)ր(ա).

Verse: 33  Link to sept   եւ արդ՝ մի́ դիցէ արքայ ՛ի սրտի իւրում զբանդ եւ ասասցէ, թէ ա(մենայ)ն որդիքն արքայի մեռան. այլ զի ամոն միայն մեռաւ։

Verse: 34  Link to sept   Եւ փախեաւ աբեսողոմ։ եւ եբարձ պատանին դէ́տն զաչս իւր եւ ետես, եւ ահա ժողովուրդ բազո́ւմ գայր՝ ը(նդ) ճանապարհն ՛ի նմանէ առ կողմամբ լերինն ընդ զառ ՛ի վայրն։ եւ եկն դէտն պատմեաց արքայի՝ եւ ասէ. տեսի́ արս ՛ի ճանապարհին որովնիմայ առ կողմամբ լերինն։

Verse: 35  Link to sept   Եւ ասէ յովնադաբ ցարքայ. ահա որդիք արքայի եկին, ը(ս)տ բանի ծառայի քո նո́յնպէս եղեւ։

Verse: 36  Link to sept   Եւ իբրեւ վախճանեաց զխօսելն, եւ ահա որդիքն արքայի եկին. եւ ամբարձին զձա́յնս իւրեանց եւ լացին։ այլ եւ արքայ եւ ա(մենայ)ն ծառայք իւր լացին լալի́ւն մեծ յոյժ։

Verse: 37  Link to sept   Եւ աբեսողոմ փախեաւ, եւ չոգաւ առ թողմելեմ՝ որդի եմիուդայ արքայի գեսուրայ՝ յերկիր մաքուղայ։ եւ սո́ւգ առ դաւիթ արքայ ՛ի վ(ե)ր(այ) որդւոյն իւրոյ զա(մենայ)ն աւուրս։

Verse: 38  Link to sept   եւ աբեսողոմ փախեաւ, եւ գնաց ՛ի գեթսուր, եւ է́ր անդ ամս երիս։

Verse: 39  Link to sept   Եւ դադարեաց արքայ դաւիթ յելանելոյ ՛ի վ(ե)ր(այ) աբեսողոմայ, քանզի մխիթարեցաւ ՛ի վերայ ամոնայ որ մեռաւն։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ իմացա́ւ յովաբ՝ որդի շարուհեայ, եթէ է́ սիրտ արքայի ՛ի վ(ե)ր(այ) աբեսողոմայ.

Verse: 2  Link to sept   առաքեաց յովաբ ՛ի թեկուէ, եւ ա́ռ անտի կին մի իմաստուն. եւ ասէ ցնա։ սո́ւգ առ եւ զգեցի́ր հանդերձ սգոյ. մի́ օծանիցիս իւղով, եւ եղիցես իբրեւ զկին մի սգացեալ ՛ի վ(ե)ր(այ) բազմօրեայ մեռելոյ.

Verse: 3  Link to sept   եւ եկեսցե́ս առ արքայ, եւ խօսեսցիս ընդ նմա ըստ բանիս ըստ այսմիկ։ եւ ե́դ յովաբ՝ բա́նս ՛ի բերան ն(ո)ր(ա)։

Verse: 4  Link to sept   Եւ եմուտ կինն թեկուացի առ արքայ, եւ անկա́ւ ՛ի վ(ե)ր(այ) երեսաց իւրոց ՛ի գետին՝ եւ ասէ. ապրեցո́ զիս արքայ ապրեցո́։

Verse: 5  Link to sept   Եւ ասէ ցնա արքայ. զի՞ է քեզ։ եւ նա ասէ. կարի́ իսկ տագնապ է́ ինձ. կին մի այրի́ եմ ես. մեռաւ այր իմ.

Verse: 6  Link to sept   եւ աղախնոյ քոյ երկու որդիք էին, մարտեան ընդ միմեանս երկոքեան յանդի. եւ ո́չ ոք էր որ համոզէր ՛ի մէջ ն(ո)ց(ա), եւ եհա́ր մին զմիւս եղբայրն եւ սպան զնա։

Verse: 7  Link to sept   Եւ ահա յարուցեալ է ա(մենայ)ն ազգն ՛ի վ(ե)ր(այ) աղախնոյ քոյ. ասեն՝ տո́ւր զսպանօղն եղբօր իւրոյ, եւ սպանցո́ւք զնա փոխանակ անձին եղբօր իւրոյ, եւ բարձցո́ւք զժառանգակա́լն քո. եւ շիջուցանեն զկայծակն իմ զմնացեալ, առ ՛ի չթողլոյ առն իմում մնացորդ եւ անուն ՛ի վ(ե)ր(այ) երեսաց երկրի։

Verse: 8  Link to sept   Եւ ասէ արքայ. ե́րթ ողջամբ ՛ի տուն քո. եւ ես պատուիրեցից վ(ա)ս(ն) քո։

Verse: 9  Link to sept   եւ ասէ կինն թեկուացի. յի́մ վ(ե)ր(այ) արքայ անօրէնութի(ւն)ն, եւ ՛ի վ(ե)ր(այ) տա́ն հօր իմոյ. եւ արքայ եւ աթոռ իւր քաւեա́լ։

Verse: 10  Link to sept   Եւ ասէ արքայ. ո՞վ է որ խօսեսցի ընդ քեզ. եւ ածցես զնա առիս՝ եւ ո́չ եւս մերձեսցի առ քեզ։

Verse: 11  Link to sept   Եւ ասէ. յիշեսցէ́ արքայ զտ(է)ր ա(ստուա)ծ իւր, ՛ի յաճախե́լ մերձաւորի արեանն ապականել. մի́ ջնջեսցեն զորդեակն իմ։ եւ ասէ դաւիթ. կենդանի́ է տ(է)ր եթէ անկցի ՛ի հերոյ որդւոյ քոյ մա́զ մի ՛ի գետին։

Verse: 12  Link to sept   Եւ ասէ կինն. խօսեսցի́ աղախին քո առաջի տեառն իմոյ արքայի բան մի։ եւ ասէ, խօսեաց։

Verse: 13  Link to sept   Եւ ասէ կինն. ընդէ՞ր խորհեցար այդպիսի ինչ ՛ի վ(ե)ր(այ) ժողովրդեանն ա(ստուծո)յ. կամ թէ ՛ի բերանոյ արքայի՞ իցէ բանն այն վնասու՝ չդարձուցանել արքայի զմերժեալն յիւրմէ,

Verse: 14  Link to sept   զի մահո́ւ մեռանիցի. եւ իբրեւ զջուր հեղեալ յերկիր ո́չ ամփոփիցի. եւ ո́չ առնուցու ա(ստուա)ծ զոգին. եւ խորհիցի ոք մերժել յինքենէ զմերժեալն։

Verse: 15  Link to sept   Եւ արդ եկի́ խօսել առ արքայի տեառն իմոյ զբանս զայս. զի տեսանիցէ զիս ժողովուրդն եւ ասիցէ՝ թէ աղախին քո խօսեցաւ ընդ արքայի, թերեւս արասցէ́ արքայ զբան աղախնոյ իւրոյ։

Verse: 16  Link to sept   զի լուիցէ́ արքայ եւ փրկեսցէ զիս ՛ի ձեռաց առնն, որ խնդրէ ջնջել եւ զիս՝ եւ զորդի իմ ՛ի ժառանգութ(են)է ա(ստուծո)յ։

Verse: 17  Link to sept   Եւ ասէ կինն. եղիցի բան տեառն իմոյ արքայի ՛ի զո́հս։ զի իբրեւ զհրեշտակ ա(ստուծո)յ ա́յնպէս է տէր իմ արքայ ՛ի լսել զբարի եւ զչար. եւ տ(է)ր ա(ստուա)ծ քո եղիցի ընդ քեզ։

Verse: 18  Link to sept   Եւ պատասխանի ետ արքայ՝ եւ ասէ ցկինն. մի́ թաքուցաներ յինէն զբան զոր ես հարցից քեզ։ եւ ասէ կինն. խօսեսցի́ տէր իմ արքայ։

Verse: 19  Link to sept   Եւ ասէ արքայ. միթէ ձեռն յովաբա́յ իցէ յա(մենայ)նի յայդմիկ ընդ քեզ։ եւ ասէ կինն ցարքայ. կենդանի́ է անձն քո տէր իմ արքայ, եթէ իցէ յա́ջ կամ յահեակ յա(մենայ)նէ զոր խօսեցաւ տէր իմ արքայ. զի ծառայ քոյովաբ՝ նա́ պատուիրեաց ինձ, եւ նա́ եդ ՛ի բերան աղախնոյ քոյ զա(մենայ)ն բանս զայսոսիկ,

Verse: 20  Link to sept   վ(ա)ս(ն) բոլորելոյ յերեսա́ց բանիս այսորիկ՝ զոր արար ծառայ քո յովաբ զբանս զայսոսիկ. եւ տէր իմ իմաստուն է ըստ իմաստութե(ան) հրեշտակի ա(ստուծո)յ՝ գիտել զա(մենայ)ն ինչ որ յերկրի։

Verse: 21  Link to sept   Եւ ասէ արքայ ցյովաբ. ահաւասիկ արարի́ քեզ ը(ս)տ բանի քում ըստ այսմիկ. ե́րթ դարձո́, ա́ծ զպատանեակն զաբեսողոմ։

Verse: 22  Link to sept   Եւ անկա́ւ յովաբ ՛ի վ(ե)ր(այ) երեսաց իւրոց, յերկիր, եւ երկի́ր եպագ նմա, եւ օրհնեաց զարքայ։ եւ ասէ յովաբ, այսօ́ր գիտաց ծառայ քո եթէ գտի շնորհս յաչս քո՝ տէ́ր իմ արքայ զի արար տ(է)ր իմ արքայ զբան ծառայի իւրոյ։

Verse: 23  Link to sept   Եւ յարեաւ յովաբ եւ գնա́ց ՛ի գեթսուր, եւ ած զաբեսողոմ յե(րուսաղէ)մ։

Verse: 24  Link to sept   Եւ ասէ արքայ. դարձցի́ ՛ի տուն իւր, եւ զերեսս իմ մի́ տեսցէ։ եւ դարձա́ւ աբեսողոմ ՛ի տուն իւր, եւ զերեսս արքայի ո́չ ետես։

Verse: 25  Link to sept   Եւ իբրեւ զաբեսողոմ ո́չ գոյր յա(մենայ)ն ի(սրաէ)լի, այր գեղեցիկ գովելի́ յոյժ. ՛ի թաթից ոտից իւրոց մինչեւ ՛ի գլուխ իւր ո́չ գոյր ՛ի նմա արատ։

Verse: 26  Link to sept   եւ ՛ի փոքրել զհերս իւր՝ լինէր ՛ի սկսանելոյ աւուրց յաւուրս փոքրել, զի կարի́ ծանրանայր ՛ի վերայ ն(ո)ր(ա)։ եւ յորժամ փոքրէր, կշրէ́ր զհեր գլխոյ իւրոյ երկերիւր սիկղ ը(ս)տ արքունական սկեղ։

Verse: 27  Link to sept   Եւ ծնան աբեսողոմայ երեք ուստերք՝ եւ դուստր մի եւ անուն ն(ո)ր(ա) թամար. եւ նա էր կի́ն գեղեցիկ յոյժ տեսլեամբ։ եւ եղեւ կին ռոբովամայ որդւոյ սողոմոնի, եւ ծնաւ նմա զաբիա։

Verse: 28  Link to sept   Եւ նստաւ աբեսողոմ յե(րուսաղէ)մ աւուրս ամսոց երկուց, եւ զերեսս արքայի ո́չ ետես։

Verse: 29  Link to sept   եւ առաքեաց աբեսողոմ առ յովաբ յղե́լ զնա առ արքայ, եւ ո́չ կամեցաւ երթալ առ նա. եւ առաքեաց երկրորդ անգամ առ նա, եւ ո́չ կամեցաւ երթալ։

Verse: 30  Link to sept   Եւ ասէ աբեսողոմ ցծառայս իւր։ գիտէ́ք զի վիճակ գետնոյ յովաբայ լի́ գարւով մօտ է առիս, երթայք այրեցէ́ք զնա հրով. եւ այրեցին ծառայքն աբեսողոմայ զվիճակն յովաբայ հրով։ Եւ եկին ծառայքն յովաբայ առ նա պատառեալ զհանդերձս իւրեանց՝ եւ ասեն. այրեցի́ն ծառայքն աբեսողոմայ զվիճակն հրով։

Verse: 31  Link to sept   Եւ յարեաւ յովաբ եւ եկն առ աբեսողոմ ՛ի տուն՝ եւ ասէ ցնա. ընդէ՞ր այրեցին ծառայք քո զվիճակն իմ հրով։

Verse: 32  Link to sept   Եւ ասէ աբեսողոմ ցյովաբ։ յղիցի առ քեզ եւ ասեմ. ե́կ յղեցից զքեզ առ արքայ, ասել՝ թէ ընդէ՞ր եկի ՛ի գէթսուրայ. լա́ւ էր ինձ տակաւին անդ լինել, քան ո́չ տեսանել զերեսս արքայի. եւ թէ վնա́ս ինչ կայցէ յիս՝ սպա́ն զիս։

Verse: 33  Link to sept   Եւ եմո́ւտ յովաբ առ արքայ՝ եւ պատմեաց նմա։ եւ կոչեաց զաբեսաղոմ. եւ եմո́ւտ առ արքայ, եւ երկիր եպագ նմա, եւ անկա́ւ ՛ի վերայ երեսաց իւրոց առաջի արքայի։ եւ համբուրեաց արքայ զաբեսաղոմ։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ եղեւ յետ այնորիկ, եւ արա́ր աբեսաղոմ կառս եւ երիվարս, եւ յիսուն այր սուր հանդակ առաջի իւր։

Verse: 2  Link to sept   Եւ կանխէ́ր աբեսաղոմ եւ կայր առ ճանապարհի դրանն։ եւ լինէր՝ ա(մենայ)ն այր որոյ է́ր դատ՝ գա́լ առ արքայ ՛ի դատաստան. բարբառէ́ր առ նա աբեսաղոմ եւ ասէր ցնա։ յորմէ՞ քաղաքէ ես դու, եւ ասէր այրն, ՛ի միոյ ՛ի ցեղիցն ի(սրաէ)լի է ծառայ քո։

Verse: 3  Link to sept   եւ ասէ ցնա աբեսաղոմ. ահա բանք քո բարի́ են եւ դիւրինք, եւ որ ունկնդիր լինիցի քեզ՝ չիք առ ՛ի յարքայէ։

Verse: 4  Link to sept   Եւ ասէր աբեսաղոմ. ո́ կացուցանէր զիս դատաւո́ր ՛ի վերայ երկրիս. եւ առիս գայր ա(մենայ)ն այր, որոյ էր հակառակու(թ)ի(ւն) եւ դատաստան, եւ առնէի́ նմա իրաւունս։

Verse: 5  Link to sept   Եւ լինէր յորժամ մերձենայր առ նա այր երկի́ր պագանաել նմա, ձգէ́ր զձեռն իւր եւ առինքն մատուցանէր, եւ համբուրէր զնա։

Verse: 6  Link to sept   Եւ առնէր աբեսաղոմ ըստ բանիս ըստ այսմիկ ա(մենայ)ն ի(սրաէ)լի եկելոյ ՛ի դատաստան առ արքայ. եւ յանկուցանէ́ր յինքն աբեսաղոմ զսիրտ ա(մենայ)ն արանց ի(սրաէ)լի։

Verse: 7  Link to sept   Եւ եղեւ ՛ի կատարել չորից ամաց, ասէ աբեսողոմ ցհայր իւր. երթա́յց եւ հատուցից զուխտս իմ զոր ուխտեցի տ(եառ)ն ՛ի քեբրոն։

Verse: 8  Link to sept   զի ուխտիւք ուխտեա́ց ծառայ քո մինչ էի ՛ի գեթսուր յասորիս. ասեմ, եթէ դարձուցանելով դարձուսցէ զիս տ(է)ր յե(րուսաղէ)մ, պաշտեցից զտ(է)ր։

Verse: 9  Link to sept   Եւ ասէ ցնա արքայ. ե́րթ խաղաղու(թեամ)բ։ եւ յարեա́ւ գնաց ՛ի քեբրոն։

Verse: 10  Link to sept   եւ առաքեաց աբեսաղոմ պատուիրա́կս յա(մենայ)ն ցեղս ի(սրաէ)լի, եւ ասէ. ՛ի լսել ձեր զձայն եղջեր փողոյ, ասասջի́ք եթէ թագաւորեաց թագաւոր աբեսաղոմ ՛ի քեբրոն։

Verse: 11  Link to sept   Եւ ը(նդ) աբեսաղոմայ գնացին ա́րք երկերիւր հրաւիրեալք. եւ երթային միամտութ(եամ)բ, եւ ո́չ գիտէին ամենեւին զզրոյցսն։

Verse: 12  Link to sept   Եւ առաքեա́ց աբեսաղոմ եւ կոչեաց զաքիտոփէլ թեկուացի խորհրդակի́ց դաւթի ՛ի քաղաք իւր ՛ի գովդա ՛ի զոհել իւրում զզոհսն։ եւ եղեւ ժողո́վ սաստիկ. եւ ժողովուրդ բազում երթեալ ընդ աբեսաղոմայ։

Verse: 13  Link to sept   Եւ եհաս դուժկան առ դաւիթ եւ ասէ, եղեւ սիրտ արանց ի(սրաէ)լի զհետ աբեսաղոմայ։

Verse: 14  Link to sept   Եւ ասէ́ դաւիթ ցա(մենայ)ն ծառայս իւր որ ը(նդ) նմա յե(րուսաղէ)մ. արի́ք եւ փախիցուք. զի ո́չ գոյ մեզ փրկութի(ւն) յերեսաց աբեսաղոմայ. փութացարո́ւք գնա́լ, զի մի́ արագիցէ́ եւ հարկանիցէ զմեզ, եւ արկանիցէ ՛ի վ(ե)ր(այ) մեր չարիս. եւ հարկանիցէ զքաղաքս սրով սուսերի։

Verse: 15  Link to sept   Եւ ասեն ծառայքն արքայի՝ ցարքայ։ ըստ ա(մենայ)նի զոր եւ կամիցի տէր մեր արքայ՝ ահաւասիկ կամք ծառայք քո։

Verse: 16  Link to sept   Եւ ե́լ արքայ եւ ա(մենայ)ն տուն նորա ՛ի հետիոտս։ եւ եթող արքայ տասն կին ՛ի հարճից անտի իւրոց պահե́լ զտունն։

Verse: 17  Link to sept   եւ ել արքայ եւ ա(մենայ)ն ծառայք ն(ո)ր(ա) հետեւակք, եւ կացին առ ձիթենւոյն որ յանապատի անդ։

Verse: 18  Link to sept   Եւ ա(մենայ)ն ծառայք ն(ո)ր(ա) մի ըստ միոջէ անցանէին առ նովաւ։ եւ ա(մենայ)ն քերեթին եւ ոփելեթին։ եւ ա(մենայ)ն գեթացիք վեց հարիւր այր եկեալ հետեւակք ՛ի գեթայ՝ եւ անցանէին առաջի դաւթի։

Verse: 19  Link to sept   Եւ ասէ արքայ ցեթթի գեթացի։ ընդէ՞ր գայցես եւ դո́ւ ընդ մեզ. դարձիր անդրէն եւ բնակեա́ ընդ արքայի, զի այր օտա́ր ես դու. եւ խախտեցար ՛ի տեղւոջէ քումմէ ՛ի գեթայ՝ եւ եկիր.

Verse: 20  Link to sept   եւ այսօր խախտիցեմ զքեզ գնա́լ ընդ մեզ. եւ ես երթա́յց յո́ եւ երթալոց իցեմ։ բայց դու դարձի́ր, եւ դարձո́ զեղբարս քո ը(նդ) քեզ։ եւ արասցէ ընդ քեզ տ(է)ր ողորմութի(ւն) եւ ճշմարտու(թ)ի(ւն)։

Verse: 21  Link to sept   Պատասխանի ետ եթթի արքայի՝ եւ ասէ։ կենդանի́ է տ(է)ր, եւ կենդանի́ է տէր իմ արքայ. զի ՛ի տեղւոջ ուր տ(է)ր իմ արքա́յ իցէ, եւ ՛ի մահու եւ ՛ի կեանս՝ անդ եղիցի եւ ծառայ քո։

Verse: 22  Link to sept   Եւ ասէ արքայ ցեթթի. ե́կ ա́նց ընդիս։ եւ անց եթթի գեթացի. եւ ա(մենայ)ն ծառայք ն(ո)ր(ա), եւ ա(մենայ)ն ամբոխ ն(ո)ր(ա) ընդ նմա։

Verse: 23  Link to sept   Եւ ա(մենայ)ն երկիրն լայր մեծաձայն, եւ ա(մենայ)ն զօրն անցանէ́ր ընդ հեղեղատն կեդրոնի։ ա́նց եւ արքքայ ը(նդ) հեղեղատն կեդրոնի. եւ ա(մենայ)ն զօրն եւ արքայ երթային ընդ երեսս ճանապարհին անապատի։

Verse: 24  Link to sept   Եւ ահա սադովկ եւ ա(մենայ)ն ղեւտացիք ընդ նմա, բարձի́ն զտապանակն ուխտին տ(եառ)ն ՛ի բեթարա, եւ կացուցին զտապանակն ա(ստուծո)յ. եւ ել ՛ի բեթարա մինչեւ կատարեաց ա(մենայ)ն ժողովուրդն անցանե́լ ՛ի քաղաքէ անտի։

Verse: 25  Link to sept   Եւ ասէ արքայ ցսադովկ. դարձո́ զտապանակդ ա(ստուծո)յ ՛ի քաղաք, եւ նստցի́ ՛ի տեղւոջ իւրում. եթէ գտից շնորհս առաջի տ(եառ)ն՝ դարձուսցէ́ զիս, եւ ցուցցէ́ ինձ զդա՝ եւ զվայելչութի(ւն) դորա.

Verse: 26  Link to sept   ապա թէ ա́յսպէս ասասցէ ցիս թէ չե́մ հաճեալ ընդ քեզ, ահաւասիկ կա́մ, արասցէ ինձ որպէս հաճո́յ իցէ առաջի աչաց ն(ո)ր(ա)։

Verse: 27  Link to sept   Եւ ասէ արքայ ցսադովկ քահանայ. տեսէ́ք. զի դու դառնաս խաղաղութ(եամ)բ ՛ի քաղաք, եւ աքիմաաս որդի քո, եւ յովնաթան որդի աբիաթարայ՝ երկոքին որդիք ձեր ը(նդ) ձեզ.

Verse: 28  Link to sept   եւ ահա ես բնակիցիմ յռաբովթ անապատին, մինչեւ եկեսցէ զրո́յց ՛ի ձէնջ՝ պատմե́լ ինձ։

Verse: 29  Link to sept   Եւ դարձուցին սադովկ եւ աբիաթար զտապանակն յե(րուսաղէ)մ, եւ նստա́ւ անդ։

Verse: 30  Link to sept   Եւ դաւիթ ելանէ́ր ընդ զառ ՛ի վե́րն ձիթենեաց, ելանէր եւ լա́յր. եւ զգլուխ իւր ծածկեալ. եւ ինքն երթայր բո́կ, եւ ա(մենայ)ն ժողովուրդն ընդ նմա ձորձ զգլխով. այր իւրաքանչիւր ելանէին եւ լային։

Verse: 31  Link to sept   Ա́զդ եղեւ դաւթի՝ եւ ասեն. եւ աքիտոփէլ ընդ ժողովեալսն առ աբեսողոմայ է։ եւ ասէ դաւիթ. ցրուեա́ զխորհուրդն աքիտոփելայ տ(է)ր ա(ստուա)ծ իմ։

Verse: 32  Link to sept   Եւ եհաս դաւիթ ՛ի հռովս՝ ուր եպա́գն երկիր ա(ստուծո)յ։
   Եւ ահա ընդ առաջ նորա քուսի արաքացի բարեկամ դաւթի պատառեալ զպատմուճա́ն իւր՝ եւ հո́ղ ՛ի գլուխ ն(ո)ր(ա)։

Verse: 33  Link to sept   Եւ ասէ ցնա դաւիթ. եթէ անցանիցես ընդիս՝ բե́ռն լինիս ինձ.

Verse: 34  Link to sept   ապա թէ դաեձցիս ՛ի քաղաք՝ ասասցես ցաբեսաղոմ, եթէ անցին եղբարք քո. եւ արքայ կաթոգին էր զկնի իմ, եւ անց հայր քո. եւ արդ՝ ծառայ քո́ եմ արքայ, եւ թո́ղ կացից առաջի քո. ծառայ հօր քոյ էի յայնժամ, եւ արդ քո́ ծառայ եմ ես արքայ։ եւ ցրեսցես յինէն զխորհուրդն աքիտոփելայ։

Verse: 35  Link to sept   Եւ ահա ընդ քեզ սադովկ եւ աբիաթար քահանայք. եւ եղիցի բան զոր լսիցես ՛ի տանէ արքայի՝ պատմեսջի́ր սադովկայ եւ աբիաթարու քահանայից։

Verse: 36  Link to sept   եւ ահա ե́ն ը(նդ) ն(ո)ս(ա) երկոքեան որդիք իւրեանց, աքիմաաս որդի սադովկայ, եւ յովնաթան որդի աբիաթարայ. եւ առաքեսջի́ք ՛ի ձեռն ն(ո)ց(ա) առիս զա(մենայ)ն բան զոր եւ լսիցէք։

Verse: 37  Link to sept   Եւ եմուտ քուսի բարեկամ դաւթի ՛ի քաղաքն. եւ աբեսողոմ մտանէր ՛ի քաղաքն։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ դաւիթ անցեա́լ էր սակաւիկ ինչ ըստ հռովս։ Եւ ահա սիբա պատանի մեմփիբոսթեայ ընդ առաջ ն(ո)ր(ա). եւ զո́յգք իշոց բեռնաւորաց, եւ ՛ի նոսա երկերիւր նկանակ, եւ հարեւր չամչեայ, եւ հարիւր արմաւ, եւ մա́ր մի գինւոյ։

Verse: 2  Link to sept   Եւ ասէ արքայ ցսիբա. զի՞նչ է այդ։ եւ ասէ սիբա. էշքդ նստելո́յ արքայի, եւ հացդ եւ արմաւդ՝ ՛ի կերակո́ւր մանկանցդ, եւ գինիդ՝ ըմպելի́ լքելոցդ յանապատի աստ։

Verse: 3  Link to sept   Եւ ասէ արքայ. ո՞ւր է որդի տեառն քոյ։ եւ ասէ սիբա ցարքայ՝ ահա նստի յե(րուսաղէ)մ. զի ասէ՝ այսօր դարձուսցեն ինձ տուն ի(սրաէ)լի զթագաւորութի(ւն) հօր իմոյ։

Verse: 4  Link to sept   Եւ ասէ արքայ ցսիբա. ահա քեզ լիցի ա(մենայ)ն ինչ որ է մեմփիբոսթեայ։ երկի́ր եպագ սիբա եւ ասէ. գտի́ շնորհս առաջի քո տէ́ր իմ արքայ։

Verse: 5  Link to sept   Եւ ե́կն արքայ դաւիթ մինչեւ ցբաւուրիմ, եւ ահա ելանէր անտի այր յազգականու(թեն)է տանն սաւուղայ, եւ անուն ն(ո)ր(ա) սեմէի որդի գերեայ, ելանելո́վ ելանէր եւ անիծանէր.

Verse: 6  Link to sept   եւ ձգէ́ր քարինս դաւթի, եւ ամենեցուն որոց ընդ արքայի դաւթի։ եւ ա(մենայ)ն ժողովուրդն, եւ ա(մենայ)ն զօրաւորք էին ընդ աջմէ եւ ընդ ահեկէ արքայի։

Verse: 7  Link to sept   Եւ ա́յսպէս ասէր սեմէի յանիծանելն զնա. ե́լ ե́լ ա́յր արեանց՝ եւ ա́յր անօրէն.

Verse: 8  Link to sept   դարձո́յց ՛ի քեզ տ(է)ր զա(մենայ)ն արիւնս տանն սաւուղայ. զի թագաւորեցեր փոխանակ ն(ո)ր(ա). եւ ետ տ(է)ր զթագաւորութի(ւն) քոյ ՛ի ձեռս աբեսողոմայ որդւոյ քոյ. եցո́յց քեզ զչարի́ս քո. զի այր՝ արեա́նց ես դու։

Verse: 9  Link to sept   Եւ ասէ աբեսսա որդի շարուհեայ ցդաւիթ. ընդէ՞ր անիծանէ ա́յնպէս շուն մի մեռեալ զտէ́ր իմ զարքայ, անցի́ց եւ առից զգլուխ ն(ո)ր(ա)։

Verse: 10  Link to sept   Եւ ասէ արքայ՝ զի՞ կայ՝ ի́մ եւ ձեր որդիք շարուհեայ. թո́յլ տուք նմա, թո́ղ անիծանէ́ այնպէս. զի տ(է)ր ասաց նմա անիծանել զդաւիթ. եւ ո՞վ ասասցէ թէ ընդէ՞ր արարեր այդպէս։

Verse: 11  Link to sept   Եւ ասէ դաւիթ ցաբեսսա եւ ցա(մենայ)ն ծառայս իւր. ահաւասիկ որդի իմ որ ելեալէ յորովայնէ իմմէ խնդրէ́ զանձն իմ, ո՞րչափ եւս որդին յեմինայ. թո́յլ տուք նմա եւ անիծցէ, զի տ(է)ր ասաց նմա.

Verse: 12  Link to sept   թերեւս տեսցէ տ(է)ր զտառապանս իմ, եւ հատուսցէ ինձ բարի́ս փոխանակ անիծից ն(ո)ր(ա) յաւուր յայսմիկ։

Verse: 13  Link to sept   Եւ երթայր դաւիթ եւ արքն որ ընդ նմա զճանապարհն. եւ սեմէի երթայր մօտ առ նա ընդ կողաց լերինն, երթա́յր եւ անիծանէր, եւ քարինս ՛ի կողմանէ ն(ո)ր(ա) ընկենոյր, եւ հո́ղ ցանէր ՛ի վերայ։

Verse: 14  Link to sept   Եւ ե́կն արքայ եւ ա(մենայ)ն զօրն որ ընդ նմա աշխատեալք, եւ հանգեան անդ։

Verse: 15  Link to sept   Եւ աբեսողոմ եւ ա(մենայ)ն ի(սրա)էլ մտին յե(րուսաղէ)մ, եւ աքիտոփէլ ը(նդ) նմա։

Verse: 16  Link to sept   եւ եղեւ իբրեւ եկն քուսի արաքացի բարեկամ դաւթի առ աբեսողոմ, եւ երկիր եպագ նմա. եւ ասէ քուսի ցաբեսողոմ, կեցցէ́ արքայ։

Verse: 17  Link to sept   Եւ ասէ աբեսողոմ ցքուսի. ա՞յդ գութ էր քո ընդ բարեկամին քում. եւ ընդէ՞ր ոչ չոգար ընդ բարեկամին քում։

Verse: 18  Link to sept   Եւ ասէ քուսի ցաբեսողոմ, ո́չ այդպէս է, այլ զհետ ա́յնորիկ՝ զոր ընտրեաց տ(է)ր, եւ ժողովուրդս այս՝ եւ ա(մենայ)ն այր ի(սրաէ)լի երթայց՝ եւ նորա́ եղէց, եւ ընդ նմա́ նստայց։

Verse: 19  Link to sept   եւ երկրորդ անգամ ո՞ւմ ծառայիցեմ ես, ո՞չ ապաքէն առաջի որդւոյ ն(ո)ր(ա). որպէս ծառայեցի առաջի հօր քում, նո́յնպէս եղէց առաջի քո։

Verse: 20  Link to sept   Եւ ասէ աբեսողոմ ցաքիտոփէլ. առէ́ք խորհուրդ ՛ի մէջ թէ զի՞նչ գործեսցուք։

Verse: 21  Link to sept   Եւ ասէ աքիտոփէլ ցաբեսողոմ. մո́ւտ առ հարճս հօր քո զորս եթող պահել զտունն իւր, եւ լուիցէ ա(մենայ)ն ի(սրա)էլ թէ յամօթ արարեր զհայր քո. եւ զօրասցին ձեռք ամենեցուն որք ե́ն ընդ քեզ։

Verse: 22  Link to sept   Եւ հարի́ն վրան աբեսողոմայ ՛ի տանիս, եւ եմուտ աբեսողոմ առ հարճս հօր իւրոյ յանդիման ա(մենայ)ն ի(սրաէ)լի։

Verse: 23  Link to sept   Եւ խորհուրդ աքիտոփելայ զոր խորհէր յաւուրսն առաջինս, որպէս թէ հարցանիցէ ոք բա́ն յա(ստուծո)յ, ա́յնպէս էր ա(մենայ)ն խորհուրդն աքիտոփելայ, եւ առ դաւթի եւ առ աբեսողոմայ։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ ասէ աքիտոփէլ ցաբեսողոմ. ընտրեցի́ց ինձ երկոտասան հազար արանց, եւ յարեա́յց եւ պնդեցայց զհետ դաւթի զցայգս,

Verse: 2  Link to sept   եւ հասի́ց ՛ի վերայ ն(ո)ր(ա) զցայգ. եւ նա աշխատեա́լ է եւ լքեալ ձեռօք, եւ զարհուրեցուցից զնա, եւ փախիցէ́ զօրն որ ընդ նմա. եւ սպանից զարքայ միայն։

Verse: 3  Link to sept   եւ դարձուցից զա(մենայ)ն զօրն առ քեզ, զոր օրինակ դառնայցէ հարսն առ ա́յր իւր. բայց միայն զանձն միո́յ առն խնդրիցես, եւ ա(մենայ)ն զօրն եղիցի ՛ի խաղաղաու(թ)ե(ան)։

Verse: 4  Link to sept   Եւ ուղի́ղ թուեցաւ բանն առաջի աբեսողոմայ եւ առաջի ա(մենայ)ն ծերոցն ի(սրաէ)լի։

Verse: 5  Link to sept   Եւ ասէ աբեսողոմ. կոչեցէ́ք զքուսի արաքացի, եւ լուիցուք թէ զի՞նչ կացցէ ՛ի բերան նորա։

Verse: 6  Link to sept   եւ եմո́ւտ քուսի առ աբեսողոմ, եւ խօսեցաւ աբեսողոմ ընդ նմա ըստ բանին այնորիկ՝ զոր խօսեցաւ աքիտոփէլ. եւ ասէ թէ արասցո՞ւք ըստ բանի ն(ո)ր(ա), ապա թէ ոչ՝ եւ դո́ւ խօսեաց ինչ։

Verse: 7  Link to sept   Եւ ասէ քուսի ցաբեսողոմ. ո́չ է բարւոք խորհուրդն զոր խորհեցաւ աքիտոփէլ ա́յս անգամ։

Verse: 8  Link to sept   Եւ ասէ քուսի, դու ինքնին գիտես զհայր քո եւ զարս նորա. զի կարի́ զօրաւորք են յոյժ, եւ դառնացեալք ոգւով իբրեւ զարջ մի որդէկոտոր ՛ի վայրի, եւ զայրացեա́լ ՛ի դաշտի. եւ հայր քո այր պատերազմօղ, եւ ո́չ տայ դուլ զօրուն։

Verse: 9  Link to sept   եւ ահա ինքն ղօղեալ իցէ ՛ի միում ՛ի բլրոց, կամ ՛ի միում ուրեք ՛ի տեղեաց. եւ եղիցի յանկանել ՛ի վ(ե)ր(այ) ն(ո)ց(ա) զառաջինն հարկանիցէ, եւ լսիցէ́ որ լսիցէ, եւ ասիցէ՝ թէ եղեւ խորտակումն ժողովրդեանն որ զկնի աբիսողոմայ։

Verse: 10  Link to sept   Քանզի եւ նա՝ ա́յր զօրու(թ)ե(ան) է, որոյ սիրտն իբրեւ զսիրտ առիւծու հաշելով հաշիցի. զի գիտէ ա(մենայ)ն ի(սրա)էլ թէ զօրաւո́ր է հայր քո, եւ որդիք զօրութե(ան) որ ընդ նմայն են։

Verse: 11  Link to sept   Եւ ա́յսպէս տամ քեզ խրատ. ժողովելով ժողովեսցի ա(մենայ)ն այր ի(սրաէ)լի ՛ի դանայ մինչեւ ցբերսաբեէ իբրեւ զաւազ առ եզր ծովու բազմութ(եամ)բ. եւ քո́ երեսք երթիցեն առաջի ն(ո)ց(ա).

Verse: 12  Link to sept   եւ հասցո́ւք ՛ի վ(ե)ր(այ) ն(ո)ր(ա) ՛ի միում ՛ի տեղեաց ուր եւ գտանիցեմք զնա անդ. եւ պատեսցո́ւք զնովաւ՝ ո(ր)պ(էս) իջանիցէ ցօղ ՛ի վ(ե)ր(այ) երկրի. եւ ո́չ ապրեցուսցուք զնովաւ՝ ո(ր)պ(էս) իջանիցէ ցօղ ՛ի վ(ե)ր(այ) երկրի. եւ ո́չ ապրեցուսցուք զն(ո)ր(ա) եւ ո́չ զոք։

Verse: 13  Link to sept   Ապա թէ ՛ի քաղաք մտանիցէ՝ առցէ ա(մենայ)ն ի(սրա)էլ քաղաքին այնմիկ պարա́նս, եւ քարշեսցուք զն(ո)ս(ա) մինչեւ ցհեղեղատս. զի մի́ մնասցէ անդ եւ մի́ մի քար։

Verse: 14  Link to sept   Եւ ասէ աբեսողոմ եւ ա(մենայ)ն այր ի(սրաէ)լի՝ քաջ է խորհուրդդ քուսեայ արաքացւոյ՝ քան զխորհուրդ աքիտոփելայ։ եւ տ(է)ր ետ հրաման ցրել զքաջ խորհուրդն աքիտոփելայ. զի ածցէ տ(է)ր ՛ի վերայ աբեսողոմայ զամենայն չարիսն։

Verse: 15  Link to sept   Եւ ասէ քուսի արաքացի ցսադովկ եւ ցաբիաթա́ր քահանայս. զա́յս ինչ եւ զայս խրա́տ ետ աքիտոփէլ աբեսողոմայ՝ եւ ծերոց ի(սրաէ)լի, եւ զա́յս ինչ եւ զայս՝ ե́ս խորհեցայ։

Verse: 16  Link to sept   Եւ արդ՝ առաքեցէ́ք վաղվաղակի՝ եւ պատմեցէ́ք դաւթի եւ ասացէք. մի́ ագանիցիս զայս գիշեր յռաբո́վթ անապատին, այլ փութասջի́ր անցանել, գուցէ́ կլանիցէ զարքայ եւ զա(մենայ)ն ժողովուրդն որ ընդ նմա։

Verse: 17  Link to sept   Եւ յովնաթան եւ աքիմաաս կային առ աղբերն ռովգելայ, եւ չոգաւ աղախին մի եւ պատմեա́ց ն(ո)ց(ա). եւ նոքա գնացին եւ պատմեցին զայս արքայի դաւթի. զի ո́չ կարէին մտանե́լ երեւել ՛ի քաղաքին։

Verse: 18  Link to sept   Եւ ետես զն(ո)ս(ա) պատանեակ մի, եւ պատմեա́ց աբեսողոմայ. եւ չոգան երկո́քին, եւ մտին ՛ի տուն ա́ռն միոյ ՛ի բաւուրիմ. եւ նորա էր գուբ մի ՛ի տան, եւ մտի́ն անդր։

Verse: 19  Link to sept   եւ ա́ռ կինն՝ եւ կափոյց զխուփն ՛ի վ(ե)ր(այ) գբին, եւ ցամաքեցուցանէր ՛ի վ(ե)ր(այ) ն(ո)ր(ա) արաբովթ. եւ ո́չ ել բանն ՛ի վեր։

Verse: 20  Link to sept   Եւ եկին ծառայքն աբեսողոմայ առ կինն ՛ի տո́ւն անդր, եւ ասեն. ո՞ւր են աքիմաաս եւ յովնաթան։ եւ ասէ ցն(ո)ս(ա) կինն. անցին յա́յնկոյս ջրոյդ. եւ նոքա խնդրեցին զն(ո)ս(ա)՝ եւ ո́չ գտին, եւ դարձա́ն յե(րուսաղէ)մ։

Verse: 21  Link to sept   Եւ եղեւ յետ գնալոյն ն(ո)ց(ա), ելին ՛ի գբոյն եւ չոգան՝ պատմեցին արքայի դաւթի, եւ ասեն ցդաւիթ. արիք եւ անցէ́ք ըստ ջուրդ. զի զայս ինչ եւ զա́յս խորհեցաւ վ(ա)ս(ն) ձեր աքիտոփէլ։

Verse: 22  Link to sept   Եւ յարեա́ւ դաւիթ՝ եւ ա(մենայ)ն ժողովուրդն որ ընդ նմա, եւ անցի́ն ընդ յորդանան մինչեւ ՛ի լուսանալ առաւօտուն, մինչեւ ո́չ մնալոյ եւ ո́չ միոյ ուրուք՝ որ ո́չ անց ընդ յորդանան։

Verse: 23  Link to sept   Եւ աքիտոփէլ իբրեւ ետես թէ ո́չ եղեւ խորհուրդն ն(ո)ր(ա), հանդերձեաց զէ́շ իւր, եւ յարեաւ գնաց ՛ի տուն իւր ՛ի քաղաք, եւ հրաման ետ տան իւրում, եւ խե́ղդ արկ՝ եւ մեռաւ, եւ թաղեցա́ւ ՛ի գերեզմանի հօր իւրոյ։

Verse: 24  Link to sept   Եւ դաւիթ եհա́ս ՛ի բանակս. եւ աբեսողոմ ա́նց ընդ յորդանան՝ ինքն եւ ա(մենայ)ն ի(սրա)էլ ընդ նմա։

Verse: 25  Link to sept   Եւ զամեսայի կացո́յց աբեսողոմ փոխանակ յովաբայ ՛ի վ(ե)ր(այ) զօրուն։ եւ ամեսայի՝ որդի́ էր առն որում անո́ւն էր յոթոր յեզրայելացի. նա եմուտ առ աբիգեայ դուստր յեսսեայ՝ քոյր շարուհեայ մօր յովաբայ։

Verse: 26  Link to sept   եւ բանակեցաւ աբեսողոմ եւ ա(մենայ)ն ի(սրա)էլ յերկրին գաղաադու։

Verse: 27  Link to sept   Եւ աղեւ իբրեւ եհա́ս դաւիթ ՛ի բանակսն, վեսբի որդի նաասայ յռաբաթայ որդւոցն ամոնայ եւ մաքիր որդի ամիէլի ՛ի ղադաբարայ, եւ բերզելի գաղաադացի յռոգելիմայ,

Verse: 28  Link to sept   բերին անկողինս տասն, եւ օթոցս եւ սանս տասն, եւ անօթս բրտի, եւ ցորեան, եւ գարի, եւ ալեւր, եւ փոխինդ, եւ ոլոռն, եւ ոսպն,

Verse: 29  Link to sept   եւ մեղր, եւ կոգի, եւ պատրուճակս, եւ որթս դիեցիկս. եւ մատուցին դաւթի եւ զօրուն որ ընդ նմա՝ ուտել. զի էր զօրն քաղցեալ եւ ծարաւի́, եւ լքեա́լ յանապատի անդ։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ հանդէ́ս արար դաւիթ զօրուն որ ընդ նմա, եւ կացո́յց ՛ի վ(ե)ր(այ) ն(ո)ց(ա) հազարապետս եւ հարիւրապետս։

Verse: 2  Link to sept   եւ առաքեաց դաւիթ զերի́ր մասն զօրուն ՛ի ձեռն յովաբայ, եւ զերի́ր մասն ՛ի ձեռն աբեսսայ որդւոյ շարուհեայ՝ եղբօր յովաբայ, եւ զերի́ր մասն ՛ի ձեռն եթթեայ գեթացւոյ։ եւ ասէ դաւիթ ցզօրն. ելանելո́վ ելից եւ ե́ս ընդ ձեզ։

Verse: 3  Link to sept   Եւ ասեն՝ ո́չ ելցես. զի եթէ փախչիցիմք, ո́չ դիցեն ՛ի վ(ե)ր(այ) մեր զսիրտս. եւ եթէ կիսո́յ կէս ՛ի մէնջ մեռանիցիմք՝ ո́չ դիցեն ՛ի վ(ե)ր(այ) մեր զսիրտ. եւ դու իբրեւ զտասն հազար ՛ի մէնջ ես. եւ արդ լա́ւ է թէ դու ՛ի քաղաքի իցես՝ զի լինիցիս մեզ յօգնականութի(ւն)։

Verse: 4  Link to sept   Եւ ասէ ցն(ո)ս(ա) արքայ. որ ինչ հաճո́յ իցէ առաջի ձեր արարից։ եւ եկաց արքայ յե́ց առ դրանն. եւ ա(մենայ)ն զօրն ելանէր ըստ հարիւրաւորաց եւ ըստ հազարաւորաց։

Verse: 5  Link to sept   Եւ պատուէ́ր ետ արքայ յովաբայ եւ աբեսսայ եւ յեթթեայ՝ եւ ասէ. խնայեսջի́ք ՛ի պատանեակ իմ աբեսողոմ։ եւ ա(մենայ)ն զօրն լուաւ ՛ի պատուիրելն արքայի ա(մենայ)ն իշխանացն վ(ա)ս(ն) աբեսողոմայ։

Verse: 6  Link to sept   Եւ ել ա(մենայ)ն զօրն յանտառն ընդդէմ ի(սրաէ)լի, եւ եղեւ կռիւ յանտառին եփրեմայ.

Verse: 7  Link to sept   եւ պարտեցաւ անդ զօրն ի(սրաէ)լի առաջի ծառայիցն դաւթի. եւ եղեւ խորտակումն մե́ծ յաւուր յայնմիկ. եւ անկան քսան հազար արանց։

Verse: 8  Link to sept   եւ եղեւ անդ պատերազմն՝ ցրուեա́լ ընդ ա(մենայ)ն երեսս երկրին։ եւ յաճախեա́ց անտառն ուտել ՛ի զօրուէն քան զորս եկեր սուրն յաւուրն յայնմիկ։

Verse: 9  Link to sept   Եւ դիպեցաւ աբեսողոմ առաջի ծառայիցն դաւթի. եւ աբեսողոմ է́ր հեծեալ ՛ի ջորւոջ իւրում, եւ եմո́ւտ ջորին ընդ թաւ կաղնեաւ մածաւ, եւ պատեցաւ գլուխ ն(ո)ր(ա) ընդ կաղնեաւն, եւ կախեցաւ ընդ երկինս եւ ընդ երկիր, եւ ջորին անց ՛ի ներքոյ ն(ո)ր(ա)։

Verse: 10  Link to sept   Եւ ետե́ս այր մի, եւ պատմեաց յովաբայ եւ ասէ. ահա տեսի զաբեսողոմ կախեալ զկաղնւոյն։

Verse: 11  Link to sept   եւ ասէ յովաբ ցայրն որ պատմեաց նմա. եւ ահա տեսեր՝ եւ ընդէ՞ր ոչ հարեր զնա ընդ գետին. եւ ես տայի́ քեզ այսօր յիսուն սկեղ արծաթոյ՝ եւ սուսե́ր մի։

Verse: 12  Link to sept   Եւ ասէ այրն ցյովաբ, եթէ կշռելով իսկ առնուի ՛ի ձեռաց քոց հազար սիկղ արծաթոյ՝ ո́չ ձգէի զձեռն իմ յորդի արքայի. զի յականջս մեր պատուիրեաց արքայ՝ քե́զ եւ աբեսսա́յ եւ եթթեայ, եւ ասէ՝ զգո́յշ լինիջիք պատանեկին աբեսողոմայ,

Verse: 13  Link to sept   մի́ ինչ վնա́ս առնել անձին նորա. եւ ա(մենայ)ն բան ո́չ թաքչիցի յարքայէ, եւ դու կայցես ՛ի բացեա́յ։

Verse: 14  Link to sept   եւ ասէ յովաբ՝ վ(ա)ս(ն) այդորիկ իսկ անցի́ց առաջի քո։ Եւ ա́ռ յովաբ երի́ս նետս ՛ի ձեռին իւրում, եւ եհա́ր զն(ո)ս(ա) ՛ի սրտի աբեսողոմայ մինչդեռ կենդանի կայր ՛ի կաղնոջն։

Verse: 15  Link to sept   եւ պատեցան տասն մանկունք ՛ի զինակրացն յովաբայ, եւ հարին զաբեսողոմ եւ սպանին զնա։

Verse: 16  Link to sept   Եւ եհա́ր յովաբ զփողն եղջերեայ, եւ դարձաւ զօրն որ ընդ նմա, զի մի́ երթիցեն զհետ ի(սրաէ)լի. զի խնայեաց յովաբ ՛ի զօրն։

Verse: 17  Link to sept   Եւ ա́ռ յովաբ զաբեսողոմ, եւ ընկէց զնա ՛ի վի́հ մեծ յանտառին ՛ի խորի́ն յոյժ. եւ ա(մենայ)ն ի(սրա)էլ փախեա́ւ այր իւրաքանչիւր ՛ի բնակու(թ)ի(ւն) իւր։

Verse: 18  Link to sept   Բայց աբեսողոմ մինչդեռ կենդանի́ էր՝ կանգնեաց իւր արձան. եւ կանգնեաց ՛ի յաբին դարձանն ՛ի հովի́տս թագաւորաց. քանզի ասաց թէ չի́ք իւր որդի որ յիշիցէ զանուն ն(ո)ր(ա)։ եւ կոչեաց զարձանն յի́ւր անուն. եւ կոչեաց զնա ձե́ռն աբեսողոմայ մինչեւ ցայսօր։

Verse: 19  Link to sept   Եւ աքիմաաս՝ որդի սադովկայ ասէ. ընթացա́յց տարայց աւետիս արքայի. զի արա́ր նմա տ(է)ր իրաւունս ՛ի ձեռաց թշնամեաց իւրոց։

Verse: 20  Link to sept   Եւ ասէ ցնա յովաբ. ո́չ ես դու ա́յր աւետեաց յաւուր յայսմիկ, եւ տացես աւետիս յայլո́ւմ աւուր. բայց յաւուր յայսմիկ մի́ տացես աւետիս, քանզի որդի արքայի մեռաւ։

Verse: 21  Link to sept   Եւ ասէ ցքուսի՝ ե́րթ պատմեա́ արքայի զոր ինչ տեսեր. եւ երկի́ր եպագ քուսի յովաբայ եւ ել։

Verse: 22  Link to sept   Եւ յաւել եւս աքիմաաս որդի սադովկայ՝ եւ ասէ ցյովաբ, եւ զի՞նչ լինիցի եթէ ընթանայցեմ եւ ես զկնի քուսեայ։ եւ ասէ յովաբ. եւ ընդ է՞ր իցէ քեզ այն՝ եթէ ընթանայցես որդեակ իմ. ա́յսր եկ, ո́չ ինչ են քեզ աւետիքն յօգուտ երթալոյ։

Verse: 23  Link to sept   եւ ասէ աքիմաաս. զի՞ է՝ թէ ընթանայցեմ։ եւ ասէ ցնա յովաբ՝ ընթա́։ եւ ընթացա́ւ աքիմաաս ընդ ճանապարհն կեքարայ՝ եւ անց զքուսեաւ։

Verse: 24  Link to sept   Եւ դաւիթ նստէր ՛ի մէջ երկոցունց դրանցն։ եւ գնա́ց դէտն ՛ի տանիս դրանն ՛ի պարիսպն. ամբա́րձ զաչս իւր եւ ետես, եւ ահա ա́յր ընթանայր միա́յն հանդէպ իւր.

Verse: 25  Link to sept   եւ աղաղակեա́ց դէտն եւ ա́զդ արար արքայի։ Եւ ասէ արքայ, եթէ միայն է՝ աւետի́ք են ՛ի բերան նորա։ եւ գալով գայր՝ եւ մերձենայր։

Verse: 26  Link to sept   եւ ետես դէտն մե́ւս եւս այր ընթացեալ. եւ աղաղակեաց դէտն ՛ի դուռն՝ եւ ասէ, ահա մե́ւս եւս այր ընթանա́յ միայն։ եւ ասէ արքայ, եւ նա́ աւետաւոր է։

Verse: 27  Link to sept   Եւ ասէ դէտն, տեսանեմ զընթացս առաջնոյն իբրեւ զընթա́ցս աքիմաասայ որդւոյ սադովկայ։ եւ ասէ արքայ՝ այր բարի է նա, եւ բարի́ աւետեօք գայ։

Verse: 28  Link to sept   Եւ աղաղակեա́ց աքիմաաս եւ ասէ ցարքայ. ողջո́յն է. եւ երկի́ր եպագ ՛ի վ(ե)ր(այ) երեսաց իւրոց յերկիր, եւ ասէ. օրհնեա́լ է տ(է)ր ա(ստուա)ծ քո, որ փակեաց զարս ատելիս քո որ ամբարձին զձեռս իւրեանց ՛ի վ(ե)ր(այ) տեառն մերոյ արքայի։

Verse: 29  Link to sept   Եւ ասէ արքայ, եթէ ողջո՞յն իցէ մանկանն իմոյ աբեսողոմայ. եւ ասէ աքիմաաս, տեսի́ խումբ մեծ ուստի առաքեացն յովաբ ծառայ քո՝ ա́րքայ զիս զծառայ քո, եւ ո́չ գիտացի թէ զինչ իցէ անդ։

Verse: 30  Link to sept   եւ ասէ արքայ. դարձի́ր եւ արձանացի́ր։ եւ դարձաւ եւ եկաց։

Verse: 31  Link to sept   Եւ եհաս քուսի, եւ ասէ ցարքայ. աւետի́ք տեառն իմոյ արքայի. զի արա́ր քեզ տ(է)ր իրաւունս այսօր ՛ի ձեռաց ա(մենայ)ն յարուցելոց ՛ի վ(ե)ր(այ) քո։

Verse: 32  Link to sept   Եւ ասէ արքայ ցքուսի. եթէ ողջո՞յն իցէ մանկանն իմոյ աբեսողոմայ. եւ ասէ քուսի՝ եղիցին իբրեւ զմանուկն թշնամիք տեառն իմոյ արքայի, եւ ա(մենայ)ն յարուցեալք ՛ի վ(ե)ր(այ) քո ՛ի չարու(թ)ի(ւն)։

Verse: 33  Link to sept   Եւ խռովեցա́ւ արքայ, եւ ել ՛ի վերնատուն դրանն եւ ելաց։ եւ այսպէս ասէր ՛ի լա́լ իւրում. Որդեա́կ իմ աբեսողոմ, աբեսողոմ որդեակ իմ. ո́ տայր զմահ իմ փոխանակ քո. ե́ս փոխանակ քո աբեսողոմ որդեակ իմ, որդեա́կ իմ աբեսողոմ։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ պատմեցա́ւ յովաբայ՝ եւ ասեն. ահաւանիկ արքայ լա́յ եւ սգա́յ ՛ի վերայ աբեսողոմայ։

Verse: 2  Link to sept   եւ եղեւ փրկութի(ւն)ն յաւուր յայնմիկ ՛ի սո́ւգ ա(մենայ)ն զօրուն. զի լուաւ զօրն յաւուր յայնմիկ, ասեն թէ տրտմեցաւ արքայ վ(ա)ս(ն) որդւոյն իւրոյ։

Verse: 3  Link to sept   Եւ խորշէ́ր զօրն յաւուր յայնմիկ մտանել ՛ի քաղաքն, ո(ր)պ(էս) խորշիցի զօր ամաչեցեալ յորժամ փախչիցի ՛ի պատերազմէ։

Verse: 4  Link to sept   Եւ արքայ ծածկեաց զերեսս իւր, եւ կական բարձ ՛ի ձա́յն մեծ՝ եւ ասէ. Որդեակ իմ աբեսողոմ որդեակ իմ։

Verse: 5  Link to sept   Եւ եմո́ւտ յովաբ առ արքայ ՛ի տուն՝ եւ ասէ. յամօթ արարեր այսօր զերեսս ա(մենայ)ն ծառայից քոց, որ ապրեցուցին զքեզ այսօր՝ եւ զանձինս ուստերաց եւ դստերաց քոց, եւ զանձինս կանանց եւ հարճի́ց քոց.

Verse: 6  Link to sept   սիրե́լ զատելիս քո՝ եւ ատել զսիրելիս քո։ եւ ուսուցեր այսօր՝ եթէ ո́չ ինչ համարիս զիշխանս քո, եւ ո́չ զծառայս քո. եւ ստուգեալ գիտեմ այսօր, զի եթէ աբեսողոմ կենդանի́ էր՝ մեք ամենեքեան մեռեա́լ էաք, եւ ա́յն էր քեզ հաճոյ։

Verse: 7  Link to sept   Եւ արդ՝ յարուցեալ ե́լ եւ խօսեաց ՛ի սիրտս ծառայից քոց։ զի ՛ի տ(է)ր երդուեալ, եթէ ո́չ ելանիցես այսօր, եթէ ագանիցէ առ քեզ ա́յր մի զգիշերս զայս. եւ գիտասջի́ր յանձն քո, թէ չա́ր լինիցի քեզ այն՝ քան զա(մենայ)ն չարիս որ եկին ՛ի վերայ քո ՛ի մանկութ(են)է քումմէ մինչեւ ցայժմ։

Verse: 8  Link to sept   Եւ յարեա́ւ արքայ եւ նստաւ ՛ի դրանն. եւ ա(մենայ)ն զօրուն պատմեցին եւ ասեն, ահա արքայ նստի́ առ դրանն. եւ եմուտ ա(մենայ)ն զօրն առաջի արքայի։ եւ ի(սրա)էլ փախեա́ւ այր իւրաքանչի́ւր ՛ի բնակութի(ւն) իւր։

Verse: 9  Link to sept   Եւ ա(մենայ)ն ժողովուրդն խղճէ́ր յա(մենայ)ն ցեղսն ի(սրաէ)լի, եւ ասէին. արքայ դաւիթ փրկեա́ց զմեզ յա(մենայ)ն թշնամեաց մերոց. եւ նա́ ապրեցոյց զմեզ ՛ի ձեռա́ց այլազգեաց. եւ արդ՝ փախստական է յերկրէս եւ ՛ի թագաւորութ(են)է իւրմէ, յաբեսողոմայ։

Verse: 10  Link to sept   եւ աբեսողոմ զոր օծա́ք մեզ՝ մեռա́ւ ՛ի պատերազմի. եւ արդ՝ դուք զի՞ լռեալ կայք ՛ի դարձուցանելոյ զարքայ։ եւ պատգամ ա(մենայ)ն ի(սրաէ)լի եկն առ արքայ։

Verse: 11  Link to sept   Եւ արքայ դաւիթ առաքեա́ց առ սադովկ եւ առ աբիաթար քահանայս՝ եւ ասէ. խօսեցարո́ւք ընդ ծերս յուդայ եւ ասացէք. ընդէ՞ր լինիք յետինք դարձուցանե́լ զարքայ ՛ի տուն իւր. եւ պատգամ ա(մենայ)ն ի(սրաէ)լի ե́կն առ արքայ։

Verse: 12  Link to sept   Եւ ասէ դաւիթ ցցեղսն յուդայ. ոսկերք իմ եւ մարմինք իմ դուք՝ ընդէ՞ր լինիք յետինք դարձուցանել զարքայ ՛ի տուն իւր։

Verse: 13  Link to sept   Եւ ցամեսայի ասասջիք, ո՞չ ոսկր իմ եւ մարմի́ն իմ ես դու, եւ արդ՝ օն եւ օ́ն արասցէ́ ինձ ա(ստուա)ծ եւ օն եւ օ́ն յաւելցէ, եթէ ոչ իշխան զօրուն լինիցիս առաջի իմ զա(մենայ)ն աւուրս փոխանակ յովաբայ։

Verse: 14  Link to sept   Եւ դարձո́յց զսիրտ ա(մենայ)ն յուդայ իբրեւ զառն միոջ, եւ առաքեցին առ արքայ եւ ասեն. դարձի́ր դու՝ եւ ա(մենայ)ն ծառայք քո։

Verse: 15  Link to sept   եւ դարձա́ւ արքայ, եւ եկն մինչեւ ցյորդանան։ Եւ արք յուդայ եկին ՛ի գաղգաղայ՝ երթա́լ ընդ առաջ արքայի, եւ անցուցանե́լ զարքայ ընդ յորդանան։

Verse: 16  Link to sept   Եւ աճապարեա́ց սեմէի որդի գերայ որդւոյ յիմենայ ՛ի բաւորիմայ, եւ է́ջ ընդ առն յուդայ ընդ առա́ջ արքայի դաւթի.

Verse: 17  Link to sept   եւ հազար այր ընդ նմա ՛ի բենիամինէ, եւ սիբա՝ պատանի տանն սաւուղայ, եւ հնգետասանեքին որդիք ն(ո)ր(ա) ընդ նմա, եւ քսանեքի́ն ծառայք նորա ընդ նմա. եւ կազմեցին զյորդանան առաջի արքայի։

Verse: 18  Link to sept   եւ հարին սպասաւորու(թ)ի(ւն) անցուցանելոյ զարքայ։ եւ անցի́ն անցաւորք զարթուցանե́լ զտունն արքայի, եւ առնել զողորմութի(ւն) առաջի աչաց ն(ո)ր(ա)։

Verse: 19  Link to sept   եւ ասէ ցարքայ. մի́ համարեսցի տէ́ր իմ արքայ՝ անօրէնութի(ւն). եւ մի́ յիշեսցէ զոր ինչ յանցեաւ ծառայ քո՝ յաւուր յորում ելանէր տէ́ր իմ յե(րուսաղէ)մէ, դնել արքայի ՛ի սրտի իւրում.

Verse: 20  Link to sept   զի գիտա́ց ծառայ քո թէ մեղա́յ. եւ ահաւասիկ ե́ս եկի այսօր յառաջագոյն քան զա(մենայ)ն տունն յովսեփայ, իջանել ընդ առաջ տեառն իմոյ արքայի։

Verse: 21  Link to sept   Եւ պատասխանի́ ետ աբեսսա որդի շարուհեա́յ՝ եւ ասէ. միթէ փոխանակ այնորիկ ո՞չ մեռանիցի սեմէի, զի անէ́ծ զօծեալ տ(եառ)ն։

Verse: 22  Link to sept   Եւ ասէ դաւիթ. զի՞ կայ՝ իմ եւ ձեր որդիք շարուհեայ, զի լինիք դուք ինձ այսօր ՛ի դաւաճանու(թ)ի(ւն). մի́ ոք մեռցի այսօր այր յի(սրաէ)լէ. միթէ ո՞չ գիտիցեմ ես, զի այսօր թագաւո́ր եմ ՛ի վ(ե)ր(այ) ի(սրաէ)լի։

Verse: 23  Link to sept   եւ ասէ արքայ ցսեմէի, ո́չ մեռցիս. եւ երդուա́ւ նմա արքայ։

Verse: 24  Link to sept   Եւ մեմփիբոսթէ որդի յովնաթանու՝ որդւոյ սաւուղայ է́ջ ընդ առաջ արքայի. եւ ո́չ էր դարմանեալ զոտս իւր, եւ ո́չ էր հատեալ ղեղընգունս իւր, եւ ո́չ էր փոքրեալ զմօրուս իւր, եւ ո́չ էր արարեալ զընչօք իւրովք, եւ ո́չ էր լուացեալ զհանդերձս իւր, յօրէ յորմէ հետէ գնա́ց արքայ՝ մինչեւ ցօրն յորում ե́կն նա խաղաղութ(եամ)բ։

Verse: 25  Link to sept   Եւ եղեւ իբրեւ եմուտ յե(րուսաղէ)մ, ել ընդառաջ արքայի։ եւ ասէ ցնա արքայ. զի՞ է՝ զի ո́չ գնացեր ընդիս մեմփիբոսթէ։

Verse: 26  Link to sept   Եւ ասէ ցնա մեմփիբոսթէ։ տէր իմ արքայ. ծառա́յ իմ արհամարհեաց զիս, զի ասաց ծառայ քո ցնա՝ թէ կազմեա́ ինձ էշ, եւ հեծա́յց ՛ի նա եւ գնացից ընդ արքայի. զի կա́ղ է ծառայ քո.

Verse: 27  Link to sept   եւ զայրացո́յց ընդիս ծառայ քո զքեզ տէ́ր իմ արքայ. եւ տէր իմ արքայ արար զբարին իւր առաջի իւր իբրեւ զհրեշտակ ա(ստուծո)յ. եւ արդ՝ արա́ որինչ բարի́ է յաչս քո.

Verse: 28  Link to sept   զի ո́չ էր ա(մենայ)ն տուն հօր իմոյ՝ եթէ ո́չ ա́րք մահու տեառն իմոյ արքայի, եւ կարգեցեր զծառայ քո ընդ այնոսիկ որ ուտեն զսեղա́ն արքայի. եւ արդ՝ զի՞նչ իրաւունք կա́ն իմ այսուհետեւ բողոք ունել միւսանգամ առ արքայ։

Verse: 29  Link to sept   Եւ ասէ ցնա արքայ. զի՞ եւս խօսիս զբանս քո. ասացի թէ դո́ւ եւ սիբա բաժանեցէ́ք զագարակն։

Verse: 30  Link to sept   եւ ասէ մեմփիբոսթէ ցարքայ. զա(մենայ)ն իսկ առցէ, որովհետեւ ե́կն արքայ խաղաղութ(եամ)բ ՛ի տուն իւր։

Verse: 31  Link to sept   Եւ բերզելի գաղաադացի էջ յռոգէլիմայ, եւ անցոյց զարքայ ընդ յորդանան, յուղարկել զնա ՛ի յորդանանէ։

Verse: 32  Link to sept   եւ բերզելի՝ այր ծե́ր եր յոյժ, որդի ամաց ութսնից. եւ նա կերակրեա́ց զարքայ մինչ բնակէր ՛ի բանակս. զի այր մե́ծ էր յոյժ։

Verse: 33  Link to sept   Եւ ասէ արքայ ցբերզելի. դու անցցե́ս ընդիս՝ եւ կերակրեցի́ց զծերութի(ւն) քո ընդիս յե(րուսաղէ)մ։

Verse: 34  Link to sept   Եւ ասէ բերզելի ցարքայ. քանի՞ ինչ իցեն աւուրք կենաց իմոց, զի ելանիցեմ ընդ արքայի յե(րուսաղէ)մ.

Verse: 35  Link to sept   որդի ամաց ութսնի́ց եմ ես այսօր, միթէ գիտիցե՞մ ինչ ՛ի մէջ բարւոյ եւ չարի. կամ թէ իմանայցէ՞ ծառայ քո զոր ուտեմ, կամ զոր ըմպեմ. կամ թէ լսիցե՞մ տակաւին զձայն գուսանաց եւ վարձակաց. եւ ընդէ՞ր լինիցի ծառա́յ քո բեռն տեառն իմոյ արքայի։

Verse: 36  Link to sept   Սակա́ւ ինչ անց ծառայ քո ըստ յորդանան ը(նդ) արքայի. եւ ընդէ՞ր հատուցանիցես ինձ արքայ զհատուցումնդ զայդ։

Verse: 37  Link to sept   նստցի́ ծառայ քո՝ եւ մեռցի ՛ի քաղաքի́ իւրում, եւ ՛ի գերեզմանի հօր եւ մօր իւրոյ. եւ ահա ծառայ քո քամաամ անցցէ́ ընդ տեառն իմում արքայի. եւ արա́ նմա որ ինչ բարի́ թուի առաջի աչաց քոց։

Verse: 38  Link to sept   Եւ ասէ արքայ, անցցէ́ ընդիս քամաամ, եւ ես արարի́ց նմա որինչ բարի իցէ առաջի աչաց իմոց. եւ զա(մենայ)ն որինչ ա́կն ունիցիս յինէն՝ արարից քեզ։

Verse: 39  Link to sept   Եւ ա́նց ա(մենայ)ն ժողովուրդն ը(նդ) յորդանան, անց եւ արքայ. եւ համբուրեաց արքայ զբերզելի, եւ օրհնեաց զնա. եւ դարձաւ ՛ի տեղի իւր։

Verse: 40  Link to sept   Եւ անց արքայ ՛ի գաղգաղայ, անց եւ քամաամ ընդ նմա. եւ ա(մենայ)ն ժողովուրդն յուդայ անցին ը(նդ) արքայի, եւ կէս ժողովրդեանն ի(սրաէ)լի։

Verse: 41  Link to sept   Եւ ահա ա(մենայ)ն այր ի(սրաէ)լի եկին առ արքայ՝ եւ ասեն ցնա. զի՞ է՝ զի դողացան զքեզ եղբարք մեր այր յուդայ, եւ անցուցին զարքայ եւ զտուն իւր ընդ յորդանան։

Verse: 42  Link to sept   Եւ պատասխանի́ ետ այր յուդայ՝ առն ի(սրաէ)լի՝ եւ ասէ. քանզի մերձաւո́ր իսկ է իմ արքայ. եւ ընդէ՞ր դժկամակ եղեր վ(ա)ս(ն) բանիս այսորիկ. միթէ ուտելով կերա՞ք ինչ յարքայէ, կամ թէ պարգե՞ւ ետ մեզ, կամ թէ զբեռն ինչ եբա՞րձ զմեր։

Verse: 43  Link to sept   Պատասխանի ետ այր ի(սրա)էլացի առն յուդայ՝ եւ ասէ. տասն ձեռք իմ են յարքայի, եւ անդրանիկ ե́ս եմ քան զձեզ։ նա՝ եւ ՛ի դաւթի՝ ե́ս ՛ի վեր եմ քան զքեզ. եւ ընդէ՞ր այդպէս թշնամանեցեր զիս։ եւ ո́չ եղեւ ՛ի համարի բա́ն իմ, նախ՝ ի́նձ դարձուցանել զարքայ առիս։ եւ խստացա́ւ ա́ռն յուդայ՝ քան զբան ա́ռն ի(սրաէ)լի։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ անդ խրախուսեաց ա́յր անօրէն, եւ անուն նորա սաբէկ որդի բոքորայ՝ այր յեմինացի, փո́ղ եհար եղջերաւ՝ եւ ասէ. չի́ք մեր մասն ՛ի դաւթի, եւ ո́չ ժառանգու(թ)ի(ւն) յորդին յեսսեայ. չուեա́ այր իւրաքանչիւր ՛ի բնակու(թ)ի(ւն) քո ի(սրա)էլ։

Verse: 2  Link to sept   Եւ ել ա(մենայ)ն ի(սրա)էլ ՛ի դաւթէ զկնի սաբէեայ՝ որդւոյ բոքորայ, եւ այր յուդայ չոգան զհետ թագաւորին իւրեանց ՛ի յորդանանէ մինչեւ ցե(րուսաղէ)մ։

Verse: 3  Link to sept   Եւ եմուտ դաւիթ ՛ի տուն իւր յե(րուսաղէ)մ, եւ ա́ռ արքայ զտասն կանայս զհարճս իւր զոր եթող պահել զտունն, եւ ետ զնոսա ՛ի տո́ւն պահեստի, եւ կերակրեա́ց զն(ո)ս(ա). եւ առ նոսա ո́չ եմուտ։ եւ էին նեղեալք, զի մինչեւ ցօր մահուան իւրեանց կեցին այրիք։

Verse: 4  Link to sept   Եւ ասէ դաւիթ ցամեսայի.ձայնեա́ առիս զա(մենայ)ն այր յուդայ զերի́ս աւուրս, եւ դու ա́յսր եկեսցես։

Verse: 5  Link to sept   եւ գնաց ամեսայի ձայնե́լ զյուդայ, եւ յամեաց ՛ի ժամանակէն զոր եդ նմա։

Verse: 6  Link to sept   Եւ ասէ դաւիթ ցաբեսսա. արդ՝ առնէ մեզ չա́ր սաբեէ որդի բոքորայ վ(ա)ս(ն) աբեսողոմայ. արդ՝ ա́ռ դու ը(նդ) քեզ զծառայս տեառն քոյ, եւ պնդեաց զհետ ն(ո)ր(ա). գուցէ գտանիցէ իւր քաղաքս ամուրս, եւ ածիցէ ստուերա́ծս ՛ի վ(ե)ր(այ) աչաց մերոց։

Verse: 7  Link to sept   Եւ ելին զհետ ն(ո)ր(ա) աբեսսա եւ արք յովաբայ, եւ քերեթին եւ ոփելեթին, եւ ա(մենայ)ն զօրաւորք, եւ ելին յե(րուսաղէ)մէ պնտել զհետ սաբեէ որդւոյ բոքորայ։

Verse: 8  Link to sept   Եւ մինչդեռ էին նոքա առ վիմին մեծի որ ՛ի գաբաւոն, եւ ամեսայի եմուտ առաջի ն(ո)ց(ա). եւ յովաբ զգեցեալ էր վարապանակս զրահից. եւ ՛ի վ(ե)ր(այ) ն(ո)ր(ա) սուսեր ը(նդ) մէջ, ծպնեա́լ առ միջովն պատենիւք հանդերձ. եւ ա́յն էր թերաքամեալ։

Verse: 9  Link to sept   եւ ասէ յովաբ ցամեսայի, եթէ ո՞ղջ իցես եղբայր. եւ կալաւ յովաբ աջով ձեռամբն զմօրուացն ամեսայայ համբուրե́լ զնա։

Verse: 10  Link to sept   Եւ ամեսայի ո́չ զգուշացաւ ՛ի սրոյն որ էր ՛ի ձեռին յովաբայ. եւ եհար զնա նովաւ յովաբ ընդ սնակուշտն, եւ վայթեցաւ որովայն ն(ո)ր(ա) յերկիր, եւ ո́չ կրկնեաց նմա. եւ մեռաւ ամեսայի։ եւ յովաբ եւ աբեսսա եղբայր իւր պնդեցան զհետ սաբէեայ որդւոյ բոքորեայ։

Verse: 11  Link to sept   Եւ այր ոմն եկն եկաց ՛ի վերայ ամեսայայ յերիտասարդացն յովաբայ՝ եւ ասէ. որ ոք սիրիցէ զյովաբ կամ զդաւիթ, երթիցէ́ զհետ յովաբայ եւ աբեսսայ։

Verse: 12  Link to sept   Եւ ամեսայի կայր թաթաւեալ յարեանն ՛ի մէջ ճանապարհին. եւ տեսեալ առնն եթէ զտեղի́ առեալ կայ ա(մենայ)ն զօրն, տապալեա́ց զամեսայի ՛ի ճանապարհէն յանդն, եւ ընկէց ՛ի վ(ե)ր(այ) ն(ո)ր(ա) հանդերձ. քանզի տեսանէր զա(մենայ)ն ոք եկեալ կացեալ ՛ի վերայ ն(ո)ր(ա)։

Verse: 13  Link to sept   եւ իբրեւ փոխեցաւ ՛ի ճանապարհէն, անցանէր ա(մենայ)ն այր ի(սրաէ)լի զհետ յովաբայ պնդել զհետ սաբէեայ որդւոյ բոքորեայ։

Verse: 14  Link to sept   Եւ անց ընդ ա(մենայ)ն ցեղսն ի(սրաէ)լի յաբէլ եւ ՛ի բեթմաքա՝ եւ ա(մենայ)ն ընտիր ընտի́րքն ժողովեցան եւ եկին զհետ ն(ո)ր(ա)։

Verse: 15  Link to sept   եւ հասին եւ պատեցին ՛ի վերայ ն(ո)ր(ա) զաբէլ եւ զբեթմաքայ. եւ կուտեցին բլո́ւր հողոյ հանդէպ քաղաքին, եւ կանգնեցաւ իբրեւ զպատուար. եւ ա(մենայ)ն զօրն որ ընդ յովաբայ եղծանէ́ր կործանէ́ր զպարիսպն։

Verse: 16  Link to sept   Եւ աղաղակեաց կին մի իմաստուն ՛ի պարսպէն եւ ասէ. լուարո́ւք լուարո́ւք, ասացէ́ք ցյովաբ՝ մատի́ր այսր եւ խօսեցա́յց ը(նդ) քեզ։

Verse: 17  Link to sept   եւ մատեաւ առ նա։ եւ ասէ կինն. եթէ դո՞ւ իցես յովաբ. եւ ասէ, ե́ս եմ։ եւ ասէ ցնա. լո́ւր բանից աղախնոյ քոյ։ եւ ասէ յովաբ. ՛ի լսե́լ եկեալ եմ ես։

Verse: 18  Link to sept   Եւ խօսեցաւ՝ եւ ասէ. բա́ն ճառէր յառաջինս. եւ ասէին՝ հարցանելով հարցաւ յաբէլ եւ ՛ի դան. եթէ պակասեցուսցե՞ն, եթէ ասպատակիցե՞ն, հաւատարիմք ի(սրաէ)լի, հարցանելով հարցցեն յաբէլ, եւ ապա թէ պակասեցուցանիցեն։

Verse: 19  Link to sept   ե́ս եմ խաղաղարար հաստատութե(ան) ի(սրաէ)լի, եւ դու խնդրես կոտորե՞լ զքաղաքս ի(սրաէ)լի. ընդէ՞ր ընկղմես զժառանգու(թ)ի(ւն) տ(եառ)ն։

Verse: 20  Link to sept   Պատասխանի ետ յովաբ՝ եւ ասէ. քա́ւ լիցի ինձ, քա́ւ լիցի թէ ընկղմեցից եւ ապականեցից.

Verse: 21  Link to sept   ո́չ այդպէս է բանդ. զի ա́յր մի ՛ի լեռնէ եփրեմի մի սաբէէ անուն ն(ո)ր(ա) որդի բոքորեայ, համբարձ զձեռն իւր ՛ի վերայ արքայի դաւթի. տո́ւք ինձ զնա́ միայն, եւ գնացի́ց ՛ի քաղաքէ աստի։ եւ ասէ կինն ցյովաբ. ահա́ գլուխ ն(ո)ր(ա) ընկեսցի́ առ քեզ ընդ պարիսպս։

Verse: 22  Link to sept   Եւ եմո́ւտ կինն առ ա(մենայ)ն ժողովուրդն, եւ խօսեցաւ ընդ ա(մենայ)ն քաղաքին իմաստու(թեամ)բ իւրով հատանել զգլուխն սաբէեայ որդւոյ բոքորեայ։ եւ հատին ընկեցին զնա առ յովաբ։ եւ փո́ղ եհար եղջերեաւն, եւ սփռեցան ՛ի քաղաքէն յայնմանէ այր իւրաքանչիւր ՛ի բնակութի(ւն)ս իւրեանց։ եւ յովաբ դարձաւ յե(րուսաղէ)մ առ արքայ։

Verse: 23  Link to sept   Եւ յովաբ է́ր ՛ի վերայ ա(մենայ)ն զօրուն ի(սրաէ)լի. եւ բանեա որդի յովիդեայ ՛ի վ(ե)ր(այ) քերեթայն եւ ոփելեթայն.

Verse: 24  Link to sept   եւ ադոնիրամ ՛ի վերայ հարկաց. եւ յովսափատ որդի աքիլովթայ յիշատակաց.

Verse: 25  Link to sept   եւ սուդաէ դպրապետ. եւ սադովկ եւ աբիաթար քահանայք.

Verse: 26  Link to sept   եւ իրա́ս որ յարիմն էր՝ քահանայ դաւթի։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ եղեւ սո́վ յաւուրս դաւթի զերիս ամս. ամ զամի́ զկնի. եւ խնդրեաց դաւիթ յերեսաց տ(եառ)ն։ եւ ասէ տ(է)ր. վ(ա)ս(ն) սաւուղայ եւ վ(ա)ս(ն) արեանց տան ն(ո)ր(ա) է́ վնասդ այդ, զի կոտորեաց զգաբաւոնացիսն։

Verse: 2  Link to sept   Եւ կոչեաց արքայ դաւիթ զգաբաւոնացիսն, եւ ասէ ցն(ո)ս(ա)։ եւ գաբաւոնացիքն չե́ն որդիք ի(սրաէ)լի, այլ յարենէ ամուրհացւոցն, եւ որդիքն ի(սրաէ)լի երդուան ն(ո)ց(ա). եւ խնդրեաց սաւուղ հարկանել զն(ո)ս(ա), նախա́նձ առեալ վ(ա)ս(ն) որդւոցն ի(սրաէ)լի եւ յուդայ։

Verse: 3  Link to sept   Եւ ասէ դաւիթ ցգաբաւոնացիսն. զի՞նչ արարից ձեզ. եւ ի՞ւ քաւեցից, եւ օրհնեցէք զժառանգութի(ւն) տ(եառ)ն։

Verse: 4  Link to sept   Եւ ասեն ցնա գաբաւոնացիքն. ո́չ գոյ մեր արծաթ եւ ոսկի առ սաւուղայ եւ ՛ի տան ն(ո)ր(ա). եւ ո́չ պիտի մեզ այր սպանանել յի(սրաէ)լէ։ եւ նա ասէ, եւ արդ՝ զի՞նչ ասէք զի արարից ձեզ։

Verse: 5  Link to sept   Եւ ասեն ցարքայ. այր որ սպառեաց զմեզ եւ հալածեա́ց զմեզ, որ համարեցաւ սատակել զմեզ, զնա́ ապականեսցուք. զի մի́ կացցէ յա(մենայ)ն սահմանս ի(սրաէ)լի։

Verse: 6  Link to sept   տացին մեզ եւթն արք յորդւոց ն(ո)ր(ա), եւ յարագեսցուք զն(ո)ս(ա) տ(եառ)ն ՛ի գաբաա սաւուղայ ընտիրս տ(եառ)ն։ Եւ ասէ արքայ. ե́ս տաց ձեզ։

Verse: 7  Link to sept   եւ խնայեա́ց արքայ ՛ի մեմփիբոսթէ որդի յովնաթանու որդւոյ սաւուղայ՝ վ(ա)ս(ն) երդմանն տ(եառ)ն՝ որ ՛ի մէջ յովնաթանու որդւոյ սաւուղայ եւ ՛ի մէ́ջ դաւթի։

Verse: 8  Link to sept   Եւ ա́ռ արքայ զերկուս որդիսն ռեսփայ դստեր այիայ զորս ծնաւ սաւուղայ, զերմոնթի եւ զյեբուսթէ. եւ զհնգեսին որդիսն մերովբայ դստեր սաւուղայ, զորս ծնաւ եսդրիէլի որդւոյ բերզելեայ մովլաթացւոյ.

Verse: 9  Link to sept   եւ ետ զն(ո)ս(ա) ՛ի ձեռս գաբաւոնացւոցն. եւ յարագեցին զնոսա ՛ի լերինն առաջի տ(եառ)ն. եւ ա́նդ անկան եւթանեքին նոքա ՛ի միասին. եւ մեռա́ն նոքա յաւուրս հնձոց, յառաջաւոր ՛ի սկզբան հնձոց գարեաց։

Verse: 10  Link to sept   Եւ ա́ռ ռեսփայ դուստր այիայ քուրձ եւ արկ ՛ի վերայ ն(ո)ց(ա) ՛ի վիմին իսկզբան հնձոց գարեաց, մինչեւ կաթեա́ց ՛ի վերայ ն(ո)ց(ա) ջուր յերկնից. եւ ո́չ տայր թոյլ թռչնոց երկնից հանգչե́լ ՛ի վերայ ն(ո)ց(ա) ՛ի տուէ, եւ ո́չ գազանաց անապատի ՛ի գիշերի։

Verse: 11  Link to sept   Եւ պատմեցաւ դաւթի զոր ինչ արար ռեսփայ դուստր այիայ՝ հարճ սաւուղայ։ եւ լքան։ եւ եհաս ՛ի վերայ ն(ո)ց(ա) դան որդի յովասայ՝ ՛ի ծննդոց սկայից։

Verse: 12  Link to sept   Եւ չոգաւ դաւիթ եւ ա́ռ զոսկերսն սաւուղայ, եւ զոսկերսն յովնաթանու որդւոյ նորա յարանց յաբիսայ գաղաադու, որ գողացան զն(ո)ս(ա) ՛ի հրապարակացն բեթսանայ. զի արձանացուցին զն(ո)ս(ա) անդ այլազգիքն՝ յաւուր յորում հարին զնոսա այլազգիքն ՛ի գեղբուէ։

Verse: 13  Link to sept   եւ եհան անտի զոսկերսն սաւուղայ՝ եւ զոսկերսն յովնաթանու որդւոյ նորա։ ժողովեաց եւ զյարագելոցն

Verse: 14  Link to sept   յերկրին բենիամինի, ՛ի գերեզմանն որ է մե́րձ առ կիս հայր ն(ո)ր(ա). եւ ա́նդ թաղեցան։ եւ արարին զա(մենայ)ն ինչ զոր հրամայեաց արքայ։ եւ լուա́ւ ա(ստուա)ծ երկրին յետ այնորիկ։

Verse: 15  Link to sept   Եւ եղեւ մի́ւս անգամ պատերազմ այլազգեացն ընդ ի(սրաէ)լի. եւ էջ դաւիթ եւ ծառայք ն(ո)ր(ա) ընդ նմա, եւ պատերազմեցան ը(նդ) այլազգիսն. եւ լքա́ւ դաւիթ։

Verse: 16  Link to sept   Եւ աբէսա ՛ի յեսբէ, որ է́ր ՛ի ծննդոցն ռափայ. եւ կշիռ նիզակի ն(ո)ր(ա) յերեքարեւր սկեղէ կո́ւռ պղնձոյ, եւ ինքն ուներ ընդ մէջ իւր թուր, եւ խորհէր հարկանե́լ զդաւիթ.

Verse: 17  Link to sept   եւ օգնեաց դաւթի աբեսսա որդի շարուհեայ, եւ եհար զայլազգին եւ սպան զնա։ յայնժամ երդուան ա́րք դաւթի՝ եւ ասեն, թէ ո́չ եւս ելցես ընդ մեզ ՛ի պատերազմ, եւ ո́չ շիջուսցես զճրագդ ի(սրաէ)լի։

Verse: 18  Link to sept   Եւ եղեւ յետ այնորիկ, եղեւ միւսանգամ պատերա́զմ ՛ի գէթ ը(նդ) այլազգիսն։ յա́յնժամ եհար սովբաք ովսացի զսեփտոն ՛ի ծննդոցն ռափայ։

Verse: 19  Link to sept   Եւ եղեւ միւսանգամ պատերազմ յռովբ ընդ այլազգիսն. եւ եհար էլէանան որդի արիովգիմայ բեթղահեմացւոյ զգողիադ գեթացի. եւ փայտ նիզակի ն(ո)ր(ա) իբրեւ զստորի ոստայնանկաց։

Verse: 20  Link to sept   Եւ եղեւ միւսանգամ պատերազմ ՛ի գէթ. եւ էր անդ այր մի անուն մագւոն, եւ մատունք ձեռաց ն(ո)ր(ա) եւ ոտից վեց վեց քսան եւ չորք թուով. եւ նա ծնաւ ռափայ.

Verse: 21  Link to sept   եւ նախատէր զի(սրա)էլ. եւ եհար զնա յովնադաբ որդի սամաայ՝ եղբօր դաւթի։

Verse: 22  Link to sept   Չորեքին սոքա ծնան ռափայ ՛ի տան ՛ի գէթ. եւ անկան ՛ի ձեռս դաւթի՝ եւ ՛ի ձեռս ծառայից ն(ո)ր(ա)։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Եւ խօսեցա́ւ դաւիթ տ(եառ)ն զբանս օրհնութե(ան)ս այսորիկ՝ յաւուր յորում փրկեա́ց զնա տ(է)ր ՛ի ձեռաց ա(մենայ)ն թշնամեաց իւրոց, եւ ՛ի ձեռաց սաւուղայ.

Verse: 2  Link to sept   եւ ասէ. Տ(է)ր վէ́մ իմ եւ ամրութի(ւն) իմ, եւ փրկիչ իմ ինձ.

Verse: 3  Link to sept   ա(ստուա)ծ պահապան եղիցի ինձ. յուսացել եղէց ՛ի նա. վերակացո́ւ իմ, եւ եղջեւր փրկութե(ան) իմոյ. պաշտմա́ն իմ, եւ ապաւէն փրկութե(ան) իմոյ. յանիրաւէ փրկեսցէ զիս տ(է)ր։

Verse: 4  Link to sept   Զօրհնեալն զտ(է)ր կարգացից, եւ ՛ի թշնամեաց իմոց ապրեցայց։

Verse: 5  Link to sept   Զի պաշարեցին զիս ջախջախանք մահու. ուղխք անօրէնու(թ)ե(ան) տագնապեցուցին զիս։

Verse: 6  Link to sept   Երկունք մահու պատեցան զինեւ. ժամանեցին ինձ որոգայթք մահու։

Verse: 7  Link to sept   ՛Ի նեղութե(ան) իմում կարդացից առ տ(է)ր, եւ առ ա(ստուա)ծ իմ աղաղակեցից. եւ լուիցէ́ ինձ ՛ի տաճարէ սրբոյ իւրմէ ձայնի իմում. եւ աղաղակ իմ յականջս ն(ո)ր(ա)։

Verse: 8  Link to sept   Հայեցա́ւ եւ խռովեցաւ եւ շարժեցաւ երկիր, եւ հիմունք երկնից խռովեցան եւ տապալեցան. զի բարկացաւ ն(ո)ց(ա) տ(է)ր։

Verse: 9  Link to sept   Ել ծուխ ՛ի բարկու(թեն)է ն(ո)ր(ա), եւ հուր ՛ի բերանոյ ն(ո)ր(ա) կերիցէ. կայծակունք բորբոքեցան ՛ի նմանէ։

Verse: 10  Link to sept   եւ խոնարհեցո́յց զերկինս եւ էջ, եւ մէգ ՛ի ներքոյ ոտից նորա։

Verse: 11  Link to sept   Ել նստաւ ՛ի վերայ քրոբէից, եւ թռեաւ, եւ երեւեցաւ՛ի վ(ե)ր(այ) թեւոց հողմոց։

Verse: 12  Link to sept   Եդ զխաւարն ծածկութի(ւն) իւր, շուրջ զնովաւ խորա́ն իւր. եւ խաւար ջրոց թանձրացո́յց զամպս օդոց։

Verse: 13  Link to sept   ՛Ի լուսոյն առաջի ն(ո)ր(ա) բորբոքեցան կայծակունք հրոյ։

Verse: 14  Link to sept   եւ որոտաց յերկնից տ(է)ր, եւ բարձրեալն ետ զձայն իւր։

Verse: 15  Link to sept   Եւ առաքեաց զնետս իւր, եւ ցրուեաց զն(ո)ս(ա). փայլատակեցոյց զփայլատակունս՝ եւ զարհուրեցոյց զն(ո)ս(ա).

Verse: 16  Link to sept   եւ երեւեցան յորդու(թ)ի(ւն)ք ծովու. եւ յայտնեցան հիմունք տիեզերաց ՛ի սաստէ տ(եառ)ն, եւ ՛ի շնչելոյ հողմոց բարկութե(ան) ն(ո)ր(ա)։

Verse: 17  Link to sept   Առաքեաց ՛ի բարձանց եւ ա́ռ զիս. ձգեա́ց զիս ՛ի ջրոց բազմաց.

Verse: 18  Link to sept   կորղեա́ց զիս ՛ի բռնու(թեն)է թշնամեաց իմոց, եւ յատելեաց իմոց, զի սաստկացան քան զիս։

Verse: 19  Link to sept   Ժամանեցին ինձ աւուրք նեղութե(ան) իմոյ. եղեւ ինձ տ(է)ր հաստատութի(ւն).

Verse: 20  Link to sept   եւ եհան զիս յանդորր, եւ ապրեցո́յց զիս՝ զի հաճեցաւ ընդիս.

Verse: 21  Link to sept   եւ հատոյց ինձ տ(է)ր ըստ արդարութե(ան) իմում. եւ ըստ սրբութե(ան) ձեռաց իմոց հատուսցէ ինձ տ(է)ր։

Verse: 22  Link to sept   Զի պահեցի զճանապարհս տ(եառ)ն, եւ ոչ ամպարշտեցայց յա(ստուծո)յ իմմէ։

Verse: 23  Link to sept   Զի ա(մենայ)ն իրաւունք ն(ո)ր(ա) առաջի իմ են. եւ յարդարութե(ան)ց ն(ո)ր(ա) ո́չ հեռացայց։

Verse: 24  Link to sept   եւ եղէց նմա անբիծ, եւ յառաջագոյն զգուշացայց յանօրէնութ(են)է իմմէ։

Verse: 25  Link to sept   Եւ հատուսցէ́ ինձ տ(է)ր ըստ արդարութե(ան) իմում. եւ ըստ սրբութե(ան) ձեռաց իմոց առաջի աչաց նորա։

Verse: 26  Link to sept   Ընդ սրբոյն սո́ւրբ եղիցես, եւ ընդ ա́ռն կատարելոյ կատարեսցիս.

Verse: 27  Link to sept   եւ ընդ ընտրելոյն ընտրեա́լ եղիցես, եւ ընդ թիւրելոյն թիւրեսցի́ս։

Verse: 28  Link to sept   Զի դու զժողովուրդ տնանկ՝ փրկեսցես, եւ զաչս ամբարտաւանից խոնարհեցուսցես։

Verse: 29  Link to sept   զի դո́ւ ես ճրագ իմ տ(է)ր. եւ դու տ(է)ր լուսաւորեսցես ինձ զխաւար իմ։

Verse: 30  Link to sept   Զի քե́ւ ընթացայց մինազինեալ. եւ ա(ստուծո)վ իմով անցի́ց ընդ պարիսպ։

Verse: 31  Link to sept   Ա(ստուա)ծ իմ հզօր. որոյ անարատ է ճանապարհ իւր. բան տ(եառ)ն հզօր քննեալ, վերակացո́ւ է ա(մենայ)ն ապաւինելոց իւրոց։

Verse: 32  Link to sept   Ո́վ է հզօր բա́ց ՛ի քէն տ(է)ր. եւ ո́վ է հաստիչ բա́ց յա(ստուծո)յ մերմէ։

Verse: 33  Link to sept   հզօ́ր, զօրացուցանէ զիս զօրութ(եամ)բ. ձգեա́ց անարատ զճանապարհս իմ։

Verse: 34  Link to sept   դնե́լ զոտս իմ իբրեւ զեղջերուաց. եւ ՛ի վ(ե)ր(այ) բարձանց կացուցանէ զիս։

Verse: 35  Link to sept   Ուսուցանէ զձեռս իմ ՛ի պատերազմ. եւ հաստատեաց աղեղն պղնձի զբազուկս իմ։

Verse: 36  Link to sept   եւ ետո́ւր ինձ պաշտպանութի(ւն) փրկութե(ան) իմոյ։ եւ հնազանդութի(ւն) իմ յաճախեաց ինձ։

Verse: 37  Link to sept   ընդարձակու(թ)ի(ւն) ՛ի ներքոյ գնացից իմոց. եւ ո́չ սասանեցան բարձք իմ։

Verse: 38  Link to sept   Հալածեցից զթշնամիս իմ եւ ապականեցից զն(ո)ս(ա), եւ ո́չ դարձայց մինչեւ սպառեցից զն(ո)ս(ա)։

Verse: 39  Link to sept   խորտակեցից զն(ո)ս(ա)՝ եւ մի́ կանգնեսցին. անկցին ՛ի ներքոյ ոտից իմոց։

Verse: 40  Link to sept   Եւ զօրացուսցես զիս զօրութ(եամ)բ ՛ի պատերազմ. եւ կորացուսցես ՛ի ներքոյ իմ զյարուցեալսն ՛ի վ(ե)ր(այ) իմ։

Verse: 41  Link to sept   եւ զթշնամիս իմ դարձուսցես յետս յինէն, եւ զատելիս իմ կոտորեցեր։

Verse: 42  Link to sept   Աղաղակեսցեն՝ եւ ո́չ ոք իցէ որ օգնեսցէ, առ տ(է)ր՝ եւ ո́չ լուաւ ն(ո)ց(ա)։

Verse: 43  Link to sept   եւ լեսի́ զն(ո)ս(ա) իբրեւ զհող երկրի. եւ իբրեւ զկաւ դռեհաց մանրեցից զն(ո)ս(ա)։

Verse: 44  Link to sept   եւ փրկեսցես զիս ՛ի կռուոյ ժողովրդոց, եւ պահեսցես զիս ՛ի գլո́ւխ ազգաց։ Ժողովուրդ զոր ո́չ գիտէի՝ ծառայեաց ինձ.

Verse: 45  Link to sept   եւ ՛ի լուր ունկան լուան ինձ։ Որդիք օտարոտիք ստեցին ինձ.

Verse: 46  Link to sept   որդիք օտարոտիք ընկեսցին ՛ի բաց. եւ սխալեսցին ՛ի պաշարման իւրեանց։

Verse: 47  Link to sept   Կենդանի́ է տ(է)ր՝ եւ օրհնեալ է պահապանն իմ. եւ բարձրասցի́ ա(ստուա)ծ իմ պահապան փրկու(թ)ե(ան) իմոյ։

Verse: 48  Link to sept   Հզօ́ր տ(է)ր որ առնէ զվրէժխնդրութի(ւն), խրատէ́ զժողովուրդս ՛ի ներքոյ իմ։

Verse: 49  Link to sept   եւ հանէ զիս ՛ի թշնամեաց իմոց. եւ յարուցելոց ՛ի վ(ե)ր(այ) իմ բարձրացուսցէ́ զիս. յառնէ անիրաւութե(ան)ց փրկեսցես զիս։

Verse: 50  Link to sept   Վասն այսորիկ գոհացա́յց զքէն ՛ի մէջ ազգաց տ(է)ր, եւ անուան քում սաղմոս ասացից։

Verse: 51  Link to sept   Մեծացուցանէ զփրկութի(ւն) թագաւորի, եւ առնէ ողորմութի(ւն) օծելոյ իւրում դաւթի՝ եւ զաւակի ն(ո)ր(ա) մինչեւ ցյաւիտեան։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ ա́յս են բանք դաւթի վերջինք։ Հաւատարիմ դաւիթ որդի յեսսեայ, եւ հաւատարի́մ այր. զոր կացոյց տ(է)ր յօծեալ ա(ստուծո)յ ՛ի վ(ե)ր(այ) յակոբայ։ եւ վայելուչ են երգք ի(սրաէ)լի։

Verse: 2  Link to sept   Հոգի́ տ(եառ)ն խօսեցաւ յիս, եւ բան նորա ՛ի լեզուի իմում.

Verse: 3  Link to sept   ասէ ա(ստուա)ծ ի(սրաէ)լի. ընդիս իսկ խօսեցաւ պահապանն ի(սրաէ)լի։ առակո́ւմն ասացի ՛ի մարդ. ո́վ է որ կալցի զերկիւղէ տ(եառ)ն եւ զա(ստուծո)յ,

Verse: 4  Link to sept   ՛ի լոյս առաւօտու։ Ծագեալ զարեգակն ընդ առաւօտս՝ եւ ոչ նուաղեաց ՛ի լուսոյ. եւ իբրեւ անձրեւոյ դալարւոյ յերկրէ.

Verse: 5  Link to sept   զի ո́չ եթէ ա́յս տուն իմ է ընդ հզօրին ա(ստուծո)յ։ Ո́ւխտ յաւիտենական եդ ինձ պատրաստական յա(մենայ)ն ժամանակի պահել. զի ա(մենայ)ն փրկութի(ւն) իմ, եւ ա(մենայ)ն կամք իմ տ(է)ր։ Զի մի́ բողբոջեսցի

Verse: 6  Link to sept   անօրէնն։ իբրեւ զփուշ մերժեալ են ամենեքին նոքա՝ որ ո́չ ձեռամբ առնուցուն.

Verse: 7  Link to sept   եւ աշխատեսցի ՛ի ն(ո)ս(ա) այր. եւ զա(մենայ)ն երկաթ եւ զփայտ նիզակի հրով այրեսցէ. եւ բորբոքեսցին ամօթով իւրեանց։

Verse: 8  Link to sept   Ա́յս անուանք են զօրավարացն դաւթի։ յեբուսթէ քանանացի՝ իշխան երիր մասինն։ աքինոն ամոնացի, ՛ի վ(ե)ր(այ) ութհարիւրոց ՛ի միում նուագի։

Verse: 9  Link to sept   Եւ յետ ն(ո)ր(ա) եղէանան որդի հորեղբօր ն(ո)ր(ա)՝ որդի սովսացւոյն, ՛ի մէջ երից զօրավարացն դաւթի. յռեմա ՛ի նախատել նորա զայլազգիս, ուր գումարեցան ՛ի պատերազմ.

Verse: 10  Link to sept   եւ խրախուսեաց այր ի(սրաէ)լի. եւ նա յարեաւ եւ եհար յայլազգեացն՝ մինչեւ մատզեցաւ ձեռն ն(ո)ր(ա) սրովն. եւ արար տ(է)ր փրկութի(ւն) մեծ յաւուր յայնմիկ. եւ զօրն նստէր յետոյ ն(ո)ր(ա). բայց միայն ՛ի կապուտն։

Verse: 11  Link to sept   եւ յետ ն(ո)ր(ա) սամաա որդի սիսայ արուկացի։ Եւ ժողովեցան այլազգիքն ՛ի ծնօտն, եւ անդ էր վիճակ անդի լի́ ոսպամբ. եւ զօրն փախեաւ յերեսաց այլազգեացն։

Verse: 12  Link to sept   եւ արձանացաւ ՛ի մէջ վիճակին, եւ ապրեցո́յց զնա, եւ եհար զայլազգիսն. եւ արար տ(է)ր փրկու(թ)ի(ւն) մեծ։

Verse: 13  Link to sept   Եւ իջին երեք յերեսնից, եւ իջին ՛ի կասովա առ դաւիթ՝ յայրն ոդողոմայ։ գունդք այլազգեացն բանակեալ էին ՛ի հովիտս ռափայնոցն.

Verse: 14  Link to sept   եւ դաւիթ էր յայնժամ յամրոցին։
   Եւ ճամբար այլազգեացն էր յայնժամ ՛ի բեթղահէմ։

Verse: 15  Link to sept   եւ ցանակացաւ դաւիթ՝ եւ ասէ. ո́ արբուցանէր ինձ ջուր ՛ի ջրհորոյն բեթղահեմի որ առ դրանն է։

Verse: 16  Link to sept   եւ գունդք այլազգեացն էին ՛ի բեթղահէմ. եւ հատին երեք զօրավարք զբանակն այլազգեաց՝ եւ հանին ջուր ՛ի ջրհորոյն բեթղահեմի որ առ դրանն. եւ առին եւ եկին առ դաւիթ. եւ ո́չ կամեցաւ ըմպե́լ զայն, այլ նուիրեաց զայն տ(եառ)ն,

Verse: 17  Link to sept   եւ ասէ. քա́ւ լիցի ինձ տ(է)ր առնել զայդ, եթէ զարիւն արա́նց երթալոց ոգւովք չափ՝ ըմպիցեմ. եւ ոչ կամեցաւ ըմպել զայն։ զա́յս արարին երեք զօրավարքն։

Verse: 18  Link to sept   Եւ աբեսսա՝ եղբայր յովաբայ որդի շարուհեայ, ի́նքն իշխան ՛ի մէջ երիցն. եւ նա́ կանգնեաց զնիզակն իւր ՛ի վ(ե)ր(այ) երեքարիւրոց վիրաւորաց. եւ նորա անուն

Verse: 19  Link to sept   ՛ի մէջ երիցն յայնցանէ փառաւորեալ, եւ եղեւ ն(ո)ց(ա) իշխան. եւ մինչեւ յերիսն ո́չ եհաս։

Verse: 20  Link to sept   Եւ բանեա որդի յովիդեայ որդի ա́ռն զօրաւորի, որոյ բազում գործ գործեալէր ՛ի կաբէելա. եւ նա́ եհար զերկուս որդիսն ադրիելի մովաբացւոյ. եւ նա էջ եւ սպան՝ զառեւծն ՛ի մէջ գբին յաւուր ձեան.

Verse: 21  Link to sept   եւ նա սպան զայրն երեւելի՝ զայրն եգիպտացի. եւ ՛ի ձեռին եգիպտացւոյն է́ր նիզակ իբրեւ զփայտ կամրջի. եւ է́ջ առ նա նիզակաւն, եւ յափշտակեաց զնիզակն ՛ի ձեռաց եգիպտացւոյն, եւ սպա́ն զնա նորին նիզակաւ։

Verse: 22  Link to sept   զա́յս արար բանեա որդի յովիդեա։

Verse: 23  Link to sept   եւ ն(ո)ր(ա) անուն ՛ի մէջ երիցն զօրաւորաց. յերիցն փառաւորեալ, եւ առ երիսն ո́չ հասանէ́ր։ եւ կարգեաց զնա դաւիթ ՛ի վերայ համբարաց իւրոց։
   Եւ ա́յս անուա́նք են զօրաւորացն դաւթի արքայի։

Verse: 24  Link to sept   Ասայէ́լ եղբայր յովաբայ, նա́ էր ՛ի մէջ երեսնիցն։ ելէանան որդի ելիուդայ հօր եղբօր ն(ո)ր(ա) ՛ի բեթղահէմ։

Verse: 25  Link to sept   սամաա ռուդացի։ սելլոմ կելովթացի։

Verse: 26  Link to sept   ալլաս փելլատացի։ իրաս՝ որդի եսկաթայ թեկուացի։

Verse: 27  Link to sept   Աբիեզեր անաթովթացի՝ յորդւոցն ասովթացւոյն։

Verse: 28  Link to sept   էլլոն աղիոյացի։ նոերէ նետոփաթացի։

Verse: 29  Link to sept   Ալափ, որդի փամփանայ։ անաովէ նեփլաթացի։ եթթի, որդի ռիբայ ՛ի գաբաեթայ որդւոցն բենիամինի եփրաթացւոյ։

Verse: 30  Link to sept   Ադդայի ՛ի ձորոյն գովասայ։

Verse: 31  Link to sept   աբիելբոն ՛ի դաշտավայրացն ադդայի ՛ի նաքալայ։ գասբիէ լադաբարացի։ ասմոն բարսամացի։

Verse: 32  Link to sept   Եղիաս սալաբոնացի։ որդի ասանայ, յովնաթան։

Verse: 33  Link to sept   սամնան արովդացի։ եղիան, որդի արեդայ արաթիրացի։

Verse: 34  Link to sept   Աղիփաղեթ, որդի ասիբացւոց՝ որդի ամաքայ։ եղիաբ, որդի աքիտոփելայ գաղամոնացւոյ։

Verse: 35  Link to sept   Ասարէ կարմելացի։ տուուր երքացի։

Verse: 36  Link to sept   Գաղա, որդի նաթանայ ՛ի զօրութ(են)է որդի գաղաադայ։

Verse: 37  Link to sept   էլիէ ամմանացի։ Գելովրէ բեքրովթացի, կապարճակիր յովաբայ որդւոյ շարուհեայ։

Verse: 38  Link to sept   Իրաս յեթերացի։ գարէի՝ բեթանացի։

Verse: 39  Link to sept   Ուրիա քետացի։ ընդ ա(մենայ)ն երեսուն եւ եւթն։ Այլք ՛ի հեղեղատէն գադաբիելի որդւոյ արաբովթացւոյն։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ յաւել սրտմտութի(ւն) տ(եառ)ն բորբոքե́լ ՛ի վ(ե)ր(այ) ի(սրաէ)լի. եւ գրգռեա́ց զդաւիթ ՛ի նոսա՝ եւ ասէ. ե́րթ թուեա́ զի(սրա)էլ՝ եւ զյուդա։

Verse: 2  Link to sept   Եւ ասէ արքայ ցյովաբ իշխան զօրուն որ ընդ նմա. շրջեա́ ընդ ա(մենայ)ն ցեղսն ի(սրաէ)լի՝ ՛ի դանայ մինչեւ ցբերսաբեէ, եւ հանդէ́ս արա ժողովրդեանդ. եւ գիտացից զթիւ դոցա։

Verse: 3  Link to sept   Եւ ասէ յովաբ ցարքայ. յաւելցէ́ տ(է)ր ՛ի ժողովուրդն որչափ ենն՝ հարիւր պատի́կ. եւ տեսցեն աչք տեառն իմոյ արքայի. եւ տէր իմ արքայ ընդէ՞ր կամիցի զբանդ զայդ։

Verse: 4  Link to sept   Եւ սաստկացաւ բանն արքայի առ յովաբ՝ եւ առ իշխանս զօրուն։ եւ ել յովաբ եւ ա(մենայ)ն իշխանք զօրութե(ան) յերեսաց արքայի առնել հանդէ́ս ժողովրդեանն ի(սրաէ)լի։

Verse: 5  Link to sept   Եւ անցին ընդ յորդանան, եւ պատեցան ընդ արոե́ր յաջմէ քաղաքին, որ ՛ի մէջ ձորոյն գադայ եւ եղէազարու.

Verse: 6  Link to sept   եւ անցին ընդ գաղաադ, եւ ՛ի թաբասոն, եւ յեսթան, եւ յադասէ. եւ հասին ՛ի դան, եւ պատեցան զսիդոնաւ.

Verse: 7  Link to sept   եւ եկին ՛ի մափսար տիւրոսի. եւ յա(մենայ)ն քաղաքս խեւացւոյն, եւ քանանացւոցն։ Եւ եկին ՛ի հարաւոյ կողմանէ ՛ի յուդայ եւ ՛ի բերսաբեէ։

Verse: 8  Link to sept   եւ շրջեցան ընդ ա(մենայ)ն երկիրն. եւ եկին հասին ՛ի կատարե́լ ինն ամսոց եւ աւուրց քսանից՝ յե(րուսաղէ)մ։

Verse: 9  Link to sept   Եւ ետ յովաբ զհամար հանդիսի ժողովրդեանն արքայի։ եւ եղեւ ի(սրաէ)լի ութ հարեւր հազար արենա զօրու սուսերամերկաց։ եւ այր յուդայ հինգ հարիւր հազար արանց մարտկաց։

Verse: 10  Link to sept   Եւ եհա́յր զդաւիթ սիրտն իւր յետ թուելոյ զժողովուրդն. եւ ասէ դաւիթ ցտ(է)ր։ մեղա́յ յոյժ զոր արարին. եւ արդ՝ անցո́ զանօրէնութի(ւն) ի ծառայէ քումմէ. զի ընդունայնացա́յ յոյժ։

Verse: 11  Link to sept   եւ յարեաւ դաւիթ ընդ առաւօտն։ Եւ բա́ն տ(եառ)ն եղեւ ՛ի վ(ե)ր(այ) գադայ մարգարէի տեսանողի առ դաւիթ՝ եւ աէ.

Verse: 12  Link to sept   ե́րթ խօսեա́ց ընդ դաւթի, եւ ասասցես. ա́յսպէս ասէ տ(է)ր. երի́ս ինչս ասեմ ՛ի վ(ե)ր(այ) քո, ընտրեսցե́ս քեզ մի ՛ի նոցանէ՝ եւ արարից քեզ զա́յն։

Verse: 13  Link to sept   Եւ եմուտ գադ առ դաւիթ, եւ պատմեաց նա եւ ասէ ցնա։ ընտրեա́ քեզ լինել, եթէ եկեսցէ սով զերիս ամս յերկիր քո. կամ երիս ամիսս փախչե́լ յերեսաց թշնամեաց քոց, եւ լինիցին հալածե́լ զքեզ. կամ լինել զերիս աւուրս մա́հ յերկրի քում։ եւ արդ՝ ծանիր եւ տե́ս, զի՞նչ պատասխանի տաց առաքչին իմոյ։

Verse: 14  Link to sept   Եւ ասէ դաւիթ ցգադ. վաա́նդ է ինձ յա(մենայ)ն կողմանց յոյժ։ բայց արդ՝ անկա́յց ՛ի ձեռս տ(եառ)ն. զի բազո́ւմ են գթութի(ւն)ք նորա յոյժ, եւ մի́ անկայց ՛ի ձեռս մարդոյ։ եւ ընտրեաց իւր դաւիթ զմա́հն. եւ էին աւուրք հնձոց ցորենոյ։

Verse: 15  Link to sept   Եւ ե́տ տ(է)ր մահ յի(սրա)էլ յառաւօտէ մինչեւ ցճաշաժամ։ եւ սկսաւ սատակումն ՛ի ժողովրդեանն. եւ մեռաւ ՛ի ժողովրդենէ անտի ՛ի դանայ մինչեւ ցբերսաբեէ, եւթանասուն հազար արանց։

Verse: 16  Link to sept   Եւ ձգեաց հրեշտակն ա(ստուծո)յ զձեռն իւր յե(րուսաղէ)մ ապականե́լ զնա։ եւ մխիթարեցաւ տ(է)ր ՛ի վ(ե)ր(այ) չարեացն. եւ ասէ ցհրեշտակն որ ապականէր զժողովուրդն. շա́տ է, արդ ամփոփեա́ զձեռն քո։ եւ հրեշտակ տ(եառ)ն կա́յր առ կալոյն ուռնեայ յեբուսացւոյ։

Verse: 17  Link to sept   Եւ ասէ դաւիթ ցտ(է)ր, իբրեւ ետես զհրեշտակն որ հարկանէր զժողովուրդն, ասէ՝ ա́ւասիկ կամ. ե́ս մեղայ, ես հովիւս յանցեայ. եւ դոքա ոչխարդ զի՞ արարին. եղիցի ձեռն քո յի́ս՝ եւ ՛ի տուն հօր իմոյ։

Verse: 18  Link to sept   Եւ եկն գադ առ դաւիթ յաւուր յայնմիկ՝ եւ ասէ ցնա. ե́լ եւ կանգնեա́ տ(եառ)ն սեղան ՛ի կալն ուռնեայ յեբուսացւոյ։

Verse: 19  Link to sept   Եւ ել դաւիթ ըստ բանին գադայ, ո(ր)պ(էս) եւ պատուիրեաց նմա տ(է)ր։

Verse: 20  Link to sept   Եւ խոնարհեցաւ ուռնա իբրեւ ետես զարքայ, եւ զծառայս ն(ո)ր(ա) երթեալս առ նա։ եւ ել առ նա եւ երկի́ր եպագ տ(եառ)ն ՛ի վ(ե)ր(այ) երեսաց իւրոց յերկիր։

Verse: 21  Link to sept   Եւ ասէ ուռնա. զի՞ է զի եկն տէր իմ արքայ առ ծառա́յ իւր· եւ ասէ դաւիթ՝ գնե́լ ՛ի քէն զկալս, շինել սեղան տ(եառ)ն. զի դադարեսցէ ապականու(թ)ի(ւն) ՛ի ժողովրդենէն։

Verse: 22  Link to sept   Եւ ասէ ուռնա ցդաւիթ. առցէ́ եւ մատուսցէ տէր իմ արքայ տ(եառ)ն, ո(ր)պ(էս) եւ հաճո́յ իցէ առաջի աչաց ն(ո)ր(ա). ահաւասիկ եզինքս յողջակէզ. եւ անիւքդ եւ կահ եզանցդ ՛ի փայտ։

Verse: 23  Link to sept   զա(մենայ)ն ետ ուռնա արքայի։ եւ ասէ ուռնա ցարքայ։ տ(է)ր ա(ստուա)ծ քո օրհնեսցէ զքեզ։

Verse: 24  Link to sept   Եւ ասէ արքայ ցուռնա. ո́չ այդպէս՝ այլ գնելով գնեցի́ց ՛ի քէն՝ գնոց. եւ ո́չ մատուցից տ(եառ)ն ա(ստուծո)յ իմոյ ողջակէզս ձրի։ Եւ գնեաց դաւիթ զկալն, եւ զեզինսն արծաթոյ յիսուն սկեղ։

Verse: 25  Link to sept   եւ շինեաց անդդաւիթ սեղան տ(եառ)ն ա(ստուծո)յ, եւ եհան ողջակէզս եւ խաղաղականս ՛ի վ(ե)ր(այ) ն(ո)ր(ա)։ Եւ յաւե́լ սողոմոն ՛ի սեղանն յետոյ՝ զի փոքր էր զառաջինն։ Եւ լուաւ տ(է)ր երկրին՝ եւ արգելա́ւ սատակումն յիսրայելէ։





Book: Reg.III_(Reg.I) 
Regum III (Regum I)

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 14.10.2006

ԹԱԳԱՒՈՐՈՒԹԵԱՆՑ
ԵՐՐՈՐԴ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԱՐՔԱՅ ԴԱՒԻԹ ծերացեալ եւ անցեալ զաւուրբք. եւ ծածկէին զնա հանդերձիւք, եւ ո́չ ջեռնոյր։

Verse: 2  Link to sept   Եւ ասեն ծառայք ն(ո)ր(ա). խնդրեսցե́ն տ(եառ)ն մերոյ արքայի աղջի́կ մի կոյս. եւ կացցէ́ առաջի արքայի, եւ եղիցի դարմանել. եւ ննջեսցէ́ ընդ նմա, եւ ջեռցի́ տէր մեր արքայ։

Verse: 3  Link to sept   Եւ խնդրեցին աղջիկ մի գեղեցիկ յա(մենայ)ն սահմանացն ի(սրաէ)լի, եւ գտին զաբիսակ սոմնացի. եւ ածին զնա առ արքայ։

Verse: 4  Link to sept   եւ է́ր աղջիկն գեղեցիկ յոյժ, եւ ջեռուցանէր զարքայ՝ եւ պաշտէ́ր զնա. եւ արքայ ո́չ գիտաց զնա։

Verse: 5  Link to sept   Եւ ադոնիա՝ որդի ագիթայ ամբառնայր. ասէ, ե́ս թագաւորեցից։ եւ արար իւր կառս եւ հեծեալս, եւ յիսուն այր սուրհանդակս ընթանալ առաջի ն(ո)ր(ա)։

Verse: 6  Link to sept   Եւ հայրն ո́չ արգելոյր զնա. եւ ո́չ երբէք ասէր, թէ ընդէ՞ր արարեր զայդ։ եւ ինքն էր գեղեցիկ տեսանելով. եւ զնա́ ծնաւ յետ աբեսողոմայ։

Verse: 7  Link to sept   եւ եղեն բա́նք ն(ո)ր(ա) ը(նդ) յովաբայ որդւոյ շարուհեայ, եւ ընդ աբիաթարայ քահանայի. եւ օգնէին ադոնիայ։

Verse: 8  Link to sept   Եւ սադովկ քահանայ, եւ բանեա որդի յովիդայեայ, եւ նաթան մարգարէ, եւ սեմէի, եւ ռէի. եւ որդիք զօրաւորք դաւթի՝ չէին զհետ ադոնիայ։

Verse: 9  Link to sept   Եւ եղեն ադոնիա ոչխա́րս եւ եզինս եւ գառինս՝ առ վիմին զոողեթայ. որ է մօտ յերկիրն ռովգելայ. եւ կոչեաց զա(մենայ)ն եղբարս իւր զորդիս արքայի, եւ զա(մենայ)ն զարս յուդայ զծառայս արքայի։

Verse: 10  Link to sept   Եւ զնաթան մարգարէ՝ եւ զբանեա, եւ զզօրաւորսն, եւ զսողոմոն զեղբայր իւր ո́չ կոչեաց։

Verse: 11  Link to sept   Եւ խօսեցաւ նաթան մարգարէ ը(նդ) բերսաբեայ մօր սողոմոնի՝ եւ ասէ. ո՞չ լուար զի թագաւորեաց ադոնիա որդի ագիթայ. եւ տէր մեր արքայ դաւիթ ո́չ գիտաց։

Verse: 12  Link to sept   Եւ արդ՝ ե́կ տաց քեզ խրատ, եւ ապրեցուսցես զանձն քո, եւ զանձն որդւոյ քոյ սողոմոնի։

Verse: 13  Link to sept   ե́րթ մուտ առ արքայ դաւիթ, եւ խօսեսցիս ընդ նմա՝ եւ ասասցես։ ո՞չ դու տէ́ր իմ արքայ երդուար աղախնոյ քում եւ ասացեր, թէ սողոմոն որդի́ քո թագաւորեսցէ յետ իմ, եւ նա́ նստցի յաթոռ իմ. եւ այն զի՞նչ է զի թագաւորեաց ադոնիա։

Verse: 14  Link to sept   եւ ահա մինչդեռ դո́ւ խօսիցիս անդ ը(նդ) արքայի, ե́ս մտից եւ լցից զբանս քո։

Verse: 15  Link to sept   Եւ եմուտ բերսաբէէ առ արքայ ՛ի սենեակն, եւ արքայ ծերացեալ էր յոյժ. եւ աբիսակ սոմնացի կա́յր ՛ի սպասու արքայի։

Verse: 16  Link to sept   խոնարհեցաւ բերսաբէէ՝ եւ երկիր եպագ արքայի։ Եւ ասէ արքայ. զի՞ է քեզ։

Verse: 17  Link to sept   եւ նա ասէ. տէ́ր իմ արքայ, դու երդուար ՛ի տ(է)ր ա(ստուա)ծ քո՝ աղ·ախնոյ քում եւ ասացեր, թէ սողոմոն որդի քո թագաւորեսցէ յետ իմ, եւ նա́ նմստցի յաթոռ իմ.

Verse: 18  Link to sept   եւ ահա ադոնիա թագաւորեաց. եւ դու տէր իմ արքայ ո́չ գիտացեր։

Verse: 19  Link to sept   եւ եղեն արջառս եւ ոչխարս եւ գառինս բազումս, եւ կոչեաց զա(մենայ)ն որդիս արքայի, եւ զաբիաթար քահանայ, եւ զյովաբ իշխան զօրուն։ եւ զսողոմոն զծառայ քո ո́չ կոչեաց։

Verse: 20  Link to sept   Եւ տէ́ր իմ արքայ՝ աչք ա(մենայ)ն ի(սրաէ)լի ՛ի քե́զ են, պատմել ն(ո)ց(ա) թէ ո́ նստցի յաթոռ տեառն իմոյ արքայի յետ ն(ո)ր(ա)։

Verse: 21  Link to sept   եւ եղիցի եթէ ննջեսցէ տէր իմ արքայ ընդ հարս իւր, եւ լինիցիմ ե́ս եւ որդի իմ սողոմոն վնասապարտք։

Verse: 22  Link to sept   Եւ մինչդեռ նա խօսէ́ր ընդ արքայի, եկն նաթան մարգարէ.

Verse: 23  Link to sept   եւ պատմեցաւ արքայի եւ ասեն. ա́ւասիկ նաթան մարգարէ։ եւ եմո́ւտ առաջի արքայի, եւ երկիր եպագ արքայի ՛ի վերայ երեսաց իւրոց յերկիր։

Verse: 24  Link to sept   Եւ ասէ նաթան. տէ́ր իմ արքայ՝ դո՞ւ ասացեր եթէ ադոնիա թագաւորեսցէ զկնի իմ, եւ նա́ նստցի յաթոռ իմում։

Verse: 25  Link to sept   զի էջ այսօր, եւ եղեն արջառս եւ ոչխարս եւ գառինս բազումս. եւ կոչեաց զա(մենայ)ն որդիսն արքայի, եւ զիշխանս զօրուն, եւ զաբիաթար քահանայ. եւ ահա ուտե́ն եւ ըմպեն առաջի ն(ո)ր(ա), եւ ասեն՝ կեցցէ́ արքայ ադոնիա։

Verse: 26  Link to sept   Եւ զի́ս զծառայ քո, եւ զսադովկ քահանայ՝ եւ զբանեա որդի յովիդայեայ, եւ զսողոմոն զծառայ քո ո́չ կոչեաց։

Verse: 27  Link to sept   եթէ ՛ի ձեռն տեա՞ռն իմոյ արքայի եղեւ բանն այն. եւ ո́չ ցուցեր ծառայի քում թէ ո՞ նստցի յաթոռ տեառն իմոյ արքայի յե́տ ն(ո)ր(ա)։

Verse: 28  Link to sept   Պատասխանի ետ դաւիթ արքայ՝ եւ ասէ. կոչեցէ́ք առ իս զբերսաբէէ։ եւ եմուտ առաջի ն(ո)ր(ա), եւ եկաց յանդիման ն(ո)ր(ա)։

Verse: 29  Link to sept   եւ երդուաւ արքայ եւ ասէ. կենդանի́ է տ(է)ր, որ փրկեաց զանձն իմ յա(մենայ)ն նեղու(թեն)է.

Verse: 30  Link to sept   զի ո(ր)պ(էս) երդուայ ՛ի տ(է)ր ա(ստուա)ծ ի(սրաէ)լի՝ եւ ասեմ, եթէ սողոմոն որդի́ քո թագաւորեսցէ յետ իմ, եւ նա́ նստցի յաթոռ իմ փոխանակ իմ, եթէ ո́չ այսպէս արարից յաւուր յայսմիկ։

Verse: 31  Link to sept   Եւ խոնարհեցաւ բերսաբէէ ՛ի վ(ե)ր(այ) երեսաց իւրոց յերկիր, եւ երկի́ր եպագ արքայի՝ եւ ասէ. կեցցէ́ տէր իմ արքայ դաւիթ յաւիտեան։

Verse: 32  Link to sept   Եւ ասէ արքայ դաւիթ. կոչեցէ́ք առիս զսադովկ քահանայ՝ եւ զնաթան մարգարէ, եւ զբանեա որդի յովիդայեայ։ եւ մտին առաջի արքայի։

Verse: 33  Link to sept   Եւ ասէ ցն(ո)ս(ա) արքայ. առէ́ք ընդ ձեզ զծառայս տեառն ձերոյ. եւ հեծուցէ́ք զսողոմոն զորդի իմ ՛ի ջորւոջն իմում, եւ իջուցէ́ք զնա ՛ի գեհոն։

Verse: 34  Link to sept   Եւ օծցեն զնա անդ սադովկ քահանայ՝ եւ նաթան մարգարէ ՛ի թագաւոր ՛ի վ(ե)ր(այ) ի(սրաէ)լի. եւ փո́ղ հարէք եղջերեաւն, եւ ասասջի́ք՝ կեցցէ́ արքայ սողոմոն։

Verse: 35  Link to sept   եւ ելջի́ք զկնի ն(ո)ր(ա), եւ մտցէ եւ նստցի յաթո́ռ իմում, եւ նա́ թագաւորեսցէ ընդ իմ. եւ ե́ս ետու հրաման լինել նմա առաջնո́րդ ՛ի վերայ ի(սրաէ)լի եւ յուդայ։

Verse: 36  Link to sept   Եւ պատասխանի ետ բանեա որդի յովիդայեայ արքայի՝ եւ ասէ. եղիցի́ այդպէս. հաւատարմացուսցէ́ տ(է)ր ա(ստուա)ծ տեառն իմոյ արքայի.

Verse: 37  Link to sept   եւ որպէս է́ր տ(է)ր ընդ տեառն իմում արքրայի, եղիցի եւ ընդ սողոմոնի. եւ մեծացուսցէ́ զաթոռ ն(ո)ր(ա) քան զաթոռ տեառն իմոյ արքայի դաւթի։

Verse: 38  Link to sept   Եւ է́ջ սաադովկ քահանայ, եւ նաթան մարգարէ, եւ բանեա որդի յովիդայեայ, եւ քերեթին եւ ոփելեթին. եւ հեծուցին զսողոմոն ՛ի ջորւոջն արքայի դաւթի, եւ տարան զնա ՛ի գեհոն։

Verse: 39  Link to sept   Եւ ա́ռչ սադովկ քահանայ զեղջեւրն իւղոյ ՛ի խորանէն եւ օծ զսողոմոն. եւ եհար զփողն եղջերեայ, եւ ասէ ա(մենայ)ն ժողովուրդն՝ կեցցէ́ արքայ սողոմոն։

Verse: 40  Link to sept   եւ ել ա(մենայ)ն ժողովուրդն զհետ ն(ո)ր(ա), եւ պա́ր առեալ պարուք ուրա́խ լինէին մածաւ ուրախութ(եամ)բ. եւ հնչեաց երկիրն ՛ի բարբառոյ ն(ո)ց(ա)։

Verse: 41  Link to sept   Եւ լուա́ւ ադոնիա եւ ա(մենայ)ն բազմականք ն(ո)ր(ա), եւ կատարեցին նոքա զուտելն։ եւ լուաւ յովաբ զձա́յն եղջերոյն՝ եւ ասէ. զի՞նչ է բարբառն որ հնչէ ՛ի քաղաքին։

Verse: 42  Link to sept   Եւ մինչդեռ նա խօսէր՝ ահա յովնաթան՝ որդի աբիաթարու քահանայի եհաս։ եւ ասէ ադոնիա. մուտ՝ զի այր զօրութե(ան) ես դու, եւ բարու(թ)ի(ւն)ս աւետարանես։

Verse: 43  Link to sept   Պատասխանի ետ յովնաթան եւ ասէ ցադոնիա. եւ կարի́ իսկ քաջ. տէր մեր արքայ դաւիթ թագաւորցոյց զսողոմոն։

Verse: 44  Link to sept   եւ առաքեաց ը(նդ) նմա արքայ զսադովկ քահանայ, եւ զնաթան մարգարէ, եւ զբանեա որդի յովիդայեայ, եւ զքերեթին եւ զոփելեթին. եւ հեծուցին զնա ՛ի ջորւոջն արքայի,

Verse: 45  Link to sept   եւ օծին զնա սադովկ քահանայ եւ նաթան մարգարէ ՛ի թագաւոր ՛ի գեհոն. եւ ելին անտի ուրախութ(եամ)բ, եւ հնչեաց քաղաքն. եւ ա́յն է բարբառն՝ զոր լուարուք։

Verse: 46  Link to sept   Եւ նստաւ սողոմոն յաթոռն արքայու(թ)ե(ան)։

Verse: 47  Link to sept   եւ մտին ծառայքն արքայի օրհնել զտէր մեր զարքայ դաւիթ՝ եւ ասեն. մեծացուսցէ́ ա(ստուա)ծ զանուն սողոմոնի որդւոյ քոյ՝ քան զանուն քո, եւ մեծացուսցէ́ զաթոռ ն(ո)ր(ա) քան զաթոռ քո։ Եւ երկի́ր եպագ արքայ յանկողնէ իւրմէ։

Verse: 48  Link to sept   եւ ա́յսպէս ասաց արքայ. օրհնեա́լ է տ(է)ր ա(ստուա)ծ ի(սրաէ)լի՝ որ ետ ինձ այսօր ՛ի զաւակէ իմմէ նստել յաթոռ իմ. եւ աչք իմ տեսանեն։

Verse: 49  Link to sept   Եւ զարհուրեցան, եւ յարեան ա(մենայ)ն կոչնականքն ադոնիայ. եւ գնացին ա́յր իւրաքանչիւր զճանապարհ իւր։

Verse: 50  Link to sept   Եւ ադոնիա երկեա́ւ յերեսաց սողոմոնի, եւ յարեաւ չոգաւ բո́ւռն եհար զեղջերաց սեղանոյն։

Verse: 51  Link to sept   եւ ա́զդ եղեւ սողոմոնի՝ եւ ասեն. ահա ադոնիա երկեաւ յարքայէ սողոմոնէ՝ եւ ունի զեղջերաց սեղանոյն՝ եւ ասէ, երդուիցի ինձ այսօր արքայ սողոմոն, եթէ ո́չ սպանցէ զծառայ իւր սրով։

Verse: 52  Link to sept   Եւ ասէ սողոմոն, եթէ լինիցի յորդի զօրութե(ան), ո́չ անկցի ՛ի հերոյ ն(ո)ր(ա) մազ մի ՛ի գետին. ապա թէ չարութի(ւն) գտցի ՛ի նմա՝ մահո́ւ մեռցի։

Verse: 53  Link to sept   եւ առաքեաց արքայ սողոմոն, եւ իջոյց զնա ՛ի վերուստ ՛ի սեղանոյ անտի. եւ եմուտ երկի́ր եպագ արքայի սողոմոնի. եւ ասէ ցնա սողոմոն, ե́րթ ՛ի տուն քո։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ մերձեցան աւուրք դաւթի մեռանելոյ. եւ պատասխանի ետ սողոմոնի որդւոյ իւրում, եւ ասէ։

Verse: 2  Link to sept   Ես երթամ զճանապարհ ա(մենայ)ն երկրի. եւ դու զօրասցի́ս եւ եղիցիս յա́յր։

Verse: 3  Link to sept   եւ պահեսցե́ս զպահպանութի(ւն)ս տ(եառ)ն ա(ստուծո)յ քոյ, գնա́լ ՛ի ճանապարհս ն(ո)ր(ա). եւ պահել զպատուիրանս ն(ո)ր(ա) եւ զիրաւունս, եւ զդատաստանս եւ զվկայութի(ւն)ս ն(ո)ր(ա). զգրեալս յօրէնս մովսիսի. զի ՛ի մի́տ առնուցուս զոր առնիցես, ըստ ա(մենայ)նի զոր պատուիրեմ քեզ։

Verse: 4  Link to sept   Զի հաստատեսցէ տ(է)ր զբան իւր զոր խօսեցաւ վ(ա)ս(ն) իմ եւ ասէ, եթէ պահեսցեն որդիք քո զճանապարհս իւրեանց գնալ առաջի իմ ճշմարտու(թեամ)բ յա(մենայ)ն սրտէ իւրեանց՝ եւ յա(մենայ)ն անձնէ իւրեանց, ասէ՝ մի́ սատակեսցի այր յաթոռոյ ի(սրաէ)լի։

Verse: 5  Link to sept   Եւ դու ինքնին գիտես, զոր ինչ արա́ր ինձ յովաբ որդի շարուհեայ, եւ զոր ինչ արար ընդ երկուս իշխանս զօրաց ի(սրաէ)լի՝ ընդ աբեններ որդի ներեայ, եւ ընդ ամեսայի որդի յեթերայ, եւ սպան զն(ո)ս(ա). եւ խնդրեաց զարիւն պատերազմի ՛ի խաղաղութե(ան). եւ ետ զարիւն անպարտ ՛ի կեանս իւրում, ՛ի մէջ իւր, եւ ՛ի կօշիկս ոտից իւրոց։

Verse: 6  Link to sept   եւ արասցե́ս ըստ իմաստու(թ)ե(ան) քում. եւ ո́չ իջուսցես զալիս ն(ո)ր(ա) խաղաղու(թեամ)բ ՛ի դժոխս։

Verse: 7  Link to sept   Եւ որդւոցն բերզելեայ գաղաադացւոյ արասցե́ս ողորմու(թ)ի(ւն). եւ եղիցին ընդ այնոսիկ որ ուտիցեն ՛ի սեղանոյ քումմէ. զի ա́յնպէս մերձեցան յիս ՛ի փախչելն իմում յերեսաց աբեսող·ոմայ եղբօր քոյ։

Verse: 8  Link to sept   Եւ ահա ընդ քե́զ է սեմէի որդի գերեայ որդւոյ յեմինայ բաւորիմացւոյ. եւ նա անէծ զիս անէծս ցաւագինս, յաւուր յորում գնացեալ երթայի ՛ի բանակս. եւ նա էջ ընդառաջ իմ ՛ի յորդանան, եւ երդուայ նմա ՛ի տ(է)ր՝ եւ ասեմ, եթէ ո́չ սպանից զքեզ սրով։

Verse: 9  Link to sept   եւ մի́ անպարտ առնիցես զնա, զի այր իմաստուն ես դու, գիտասջի́ր որպէս առնիցես նմա. եւ իջուսցես զալիս ն(ո)ր(ա) արեամբ ՛ի դժոխսա։

Verse: 10  Link to sept   Եւ ննջեա́ց դաւիթ ընդ հարս իււյր, եւ թաղեցաւ ՛ի քաղաքի դաւթի։

Verse: 11  Link to sept   եւ աւուրք զորս թագաւորեաց դաւիթ ՛ի վերայ իսրայէլի՝ ամք քառասուն։ ՛ի քեբրոն թագաւորեաց ամս եւթն. եւ յերուսաղէմ թագաւորեաց ամս երեսուն եւ երիս։

Verse: 12  Link to sept   Եւ սողոմոն նստա́ւ յաթոռ դաւթի հօր իւրոյ՝ ամաց երկոտասանից, եւ պատրաստեցաւ թագաւորութի(ւն) նորա յոյժ։

Verse: 13  Link to sept   Եւ եմո́ւտ ադոնիա որդի ագիթայ առ բերսաբէէ մա́յր սողոմոնի, եւ երկի́ր եպագ նմա։ եւ ասէ, խաղաղութի(ւն) է մուտդ քո։ եւ ասէ՝ խաղաղութի(ւն) է։

Verse: 14  Link to sept   Եէւ ասէ՝ բանք ինչ են իմ ընդ քեզ։ եւ ասէ՝ խօսեաց։

Verse: 15  Link to sept   Եւ ասէ ցնա՝ դու ինքնին գիտես զի իմ էր թագաւորութի(ւն)ն. եւ յի́մ վերայ եդ ա(մենայ)ն ի(սրա)էլ զերեսս իւր ՛ի թագաւոր. եւ դարձաւ թագաւորու(թ)ի(ւն)ն, եւ եղեւ եղբօր իմում. զի ՛ի տ(եառն)է եղեւ նմա։

Verse: 16  Link to sept   եւ արդ՝ խնդի́ր մի խնդրեմ ՛ի քէն, մի́ դարձուցաներ զերեսս քո յինէն։ եւ ասէ ցնա բերսաբէէ՝ խօսեաց։

Verse: 17  Link to sept   Եւ ասէ ցնա, ասասցե́ս ցսողոմոն արքայ, զի ո́չ դարձուսցէ զերեսս իւր ՛ի քէն. եւ տացէ́ ինձ զաբիսակ սոմնացի կնութե(ան)։

Verse: 18  Link to sept   եւ ասէ բերսաբէէ՝ բարւո́ք է, ե́ս խօսեցայց վ(ա)ս(ն) քո ը(նդ) արքայի։

Verse: 19  Link to sept   Եւ եմուտ բերսաբէէ առ արքայ սողոմոն խօսել ընդ նմա վ(ա)ս(ն) ադոնիայ. եւ յոտն եկաց արքայ ընդառաջ ն(ո)ր(ա), եւ համբուրեաց զնա. եւ նստաւ յաթոռ իւրում, եւ եդաւ աթոռ մօրն արքայի, եւ նստաւ ընդաջմէ ն(ո)ր(ա)։

Verse: 20  Link to sept   եւ ասէ ցնա՝ խնդիր մի փոքր խնդրե́մ ես ՛ի քէն, մի́ դարձուցանիցես զերեսս քո յինէն։ Եւ ասէ արքայ. խնդրեա́ մայր իմ. զի ո́չ դարձուցից զերեսս իմ ՛ի քէն։

Verse: 21  Link to sept   եւ ասէ. տացի́ աբիսակ սոմնացի ադոնիայ եղբօր քում կնութե(ան)։

Verse: 22  Link to sept   Պատասխանի ետ արքայ սողոմոն՝ եւ ասէ ցմայր իւր. եւ ընդէ՞ր խնդրիցես զաբիսակ սոմնացի ադոնիայ, այլ խնդրեա́ նմա զթագաւորութի(ւն)ս. զի նա երէց եղբա́յր է քան զիս, եւ ն(ո)ր(ա) աբիաթար քահանայ, եւ յովաբ որդի շարուհեայ սպարապե́տ եւ բարեկամ։

Verse: 23  Link to sept   Եւ երդուաւ արքայ5 սողոմոն ՛ի տ(է)ր՝ եւ ասէ. օ́ն եւ օն արասցէ ինձ ա(ստուա)ծ՝ եւ օ́ն եւ օն յաւելցէ՝ եթէ ո́չ հակառակ անձին իւրոյ խօսեցաւ ադոնիա զբանդ զայդ։

Verse: 24  Link to sept   Եւ արդ՝ կենդանի́ է տ(է)ր, որ արար զիս եւ ե́դ յաթոռ դաւթի հօր իմոյ, եւ նա արա́ր ինձ տուն որպէս եւ խօսեցաւ տ(է)ր, եթէ ոչ այսօ́ր իսկ մեռցի ադոնիա։

Verse: 25  Link to sept   Եւ առաքեաց արքայ սողոմոն ՛ի ձեռն բանեայ որդւոյ յովիդեայ, եւ սպան զնա։ եւ մեռաւ ադոնիա յաւուր յայնմիկ։

Verse: 26  Link to sept   Եւ ցաբիաթար քահանայ ասէ արքայ. ե́րթ յանաթովթ յագարակ քո, զի այր մահո́ւ ես դու յաւուր յայմիկ. եւ ո́չ սպանից զքեզ, զի կրեցեր զտապանակ ուխտին տ(եառ)ն առաջի հօր իմոյ. եւ զի չարչարեցար ա(մենայ)ն ուրեք՝ ուր չարչարեցաւ հայր իմ։

Verse: 27  Link to sept   Եւ եհան սողոմոն զաբիաթար՝ չլինե́լ քահանայ տ(եառ)ն. առ ՛ի կատարելոյ բանին տ(եառ)ն զոր խօսեցաւ ՛ի վերայ տանն հեղեայ ՛ի սելով։

Verse: 28  Link to sept   Եւ լո́ւր եհաս մինչեւ առ յովաբ. զի յովաբ միտեալ էր զհետ ադոնիայ, եւ ո́չ միտեցաւ զհետ սողոմոնի. եւ փախեաւ յովաբ ՛ի խորանն տ(եառ)ն, եւ բուռն եհար զեղջերաց սեղանոյն։

Verse: 29  Link to sept   Եւ ա́զդ եղեւ սողոմոնի՝ եւ ասեն, թէ փախեաւ յովաբ ՛ի խորանն տ(եառ)ն. եւ ահա ունի զեղջերաց սեղանոյն։ եւ առաքեաց սողոմոն առ յովաբ՝ եւ ասէ. զի՞ եղեւ քեզ զի փախեար ՛ի սեղանդ. եւ ասէ յովաբ, զի երկեայ յերեսաց քոց, եւ փխեայ առ տ(է)ր։ եւ առաքեաց սողոմոն արքայ զբանեա որդի յովիդեայ եւ ասէ. ե́րթ սպա́ն զնա, եւ թաղեա́ զնա։

Verse: 30  Link to sept   Եւ չոգաւ բանեա որդի յովիդեայ առ յովաբ ՛ի խորանն տ(եառ)ն, եւ ասէ ցնա. ա́յսպէս ասէ արքայ՝ ե́լ այտի։ եւ ասէ յովաբ՝ չելանե́մ քանզի աստէն մեռանիմ։ եւ դարձաւ բանեա որդի յովիդեայ, եւ խօսեցաւ ընդ արքայի՝ եւ ասէ. զա́յս ինչ խօսեցաւ յովաբ, եւ զա́յս ինչ ետ պատասխանի։

Verse: 31  Link to sept   Եւ ասէ ցնա արքայ. ե́րթ՝ եւ արա́ նմա ո(ր)պ(էս) եւ ասացն, եւ սպա́ն զնա. եւ թաղեա́ զնա. եւ բարձցե́ս այսօր զարիւնն զուր զոր եհեղ /յովաբ՝ յինէն եւ ՛ի տանէ հօր իմոյ։

Verse: 32  Link to sept   դարձոյց տ(է)ր զարիւն անիրաւութե(ան) ն(ո)ր(ա) ՛ի նորին գլուխ, որպէս պատահեաց երկուց արենանց արդարոց եւ քաջաց քան զնա, եւ սպան զնոսա սրով. եւ հայր իմ ո́չ գիտաց զարիւն ն(ո)ց(ա). զաբեննէր որդի ներեայ՝ զսպարապետն ի(սրաէ)լի, եւ զամեսայի որդի յեթերայ զսպարապետն յուդայ։

Verse: 33  Link to sept   եւ դարձան արիւնք ն(ո)ց(ա) ՛ի գլուխ դորա, եւ ՛ի գլուխ զաւակի դորա յաւիտեան. եւ դաւթի եւ զաւակի իւրոյ եւ տա́ն իւրոյ եւ աթոռոյ իւրոյ՝ եղիցի խաղաղութի(ւն) ՛ի տ(եառն)է յաւիտեան։

Verse: 34  Link to sept   Եւ ել բանեա որդի յովիդեայ, եւ պատահեաց յովաբայ եւ սպռան զնա, եւ թաղեաց զնա ՛ի տան իւրում յանապատին։

Verse: 35  Link to sept   եւ ետ արքայ զբանեայ որդի յովիդեայ փոխանակ ն(ո)ր(ա) ՛ի զօրավարու(թ)ի(ւն)։ եւ թագաւորու(թ)ի(ւն)ն ուղղէր յ(երուսաղ)էմ։ եւ զսադովկ քահանայ ետ արքայ փոխանակ աբիաթարու՝ ՛ի քահանայ առաջի տ(եառ)ն։ Եւ ե́տ տ(է)ր սողոմոնի հանճա́ր եւ իմաստութի(ւն) բազում յոյժ, եւ լայնութի(ւն) սրտի իբրեւ զաւա́կ առ եզր ծովու. եւ բազմացա́ւ հանճար սողոմոնի քան զա(մենայ)ն որդւոց նախնեաց, եւ քան զիմաստնոց եգիպտացւոց։ Եւ ա́ռ զդուստրն փարաւոնի, եւ ած զնա ՛ի քաղաքն դաւթի, մինչեւ կատարել ն(ո)ր(ա) զտունն իւր. եւ նախ զտունն տ(եառ)ն, եւ զպարիսպն եմ(թ)ի(ւն) մուրջանակի, զեւթն ամ ապրա́ր եւ կատարեաց։ Եւ էին սողոմոնի եւթանասուն հազար բեռնակրաց, եւ ութսուն հազար քարահատաց ՛ի լերինն։ Եւ արար սողոմոն զծովն, եւ զմոյթսն, եւ զաւազանսն մեծամեծսն. եւ զսիւնսն. եւ զջրաբուխսն սրահին. եւ զծովն պղնձի։ Եւ շինեաց զբասրձաւանդակն մահարձանօք, եւ անջրպետեաց զքաղաքն դաւթի։ եւ ապա դուստրն փարաւոնի ել ՛ի քաղաքէն դաւթի ՛ի տո́ւն իւր զոր շինեաց նմա. եւ ապա շինեաց զբարձաւանդակն։ Եւ սողմոն մատուցանէր երիցս ՛ի տարւոջ ողջակէզս եւ խաղաղականս ՛ի վերայ սեղանոյն զոր շինեաց տ(եառ)ն, եւ արկանէր խո́ւնկս առաջի տ(եառ)ն. եւ կատարեա́ց զտունն։ Եւ այս են իշխանք որ կային ՛ի վերայ գործոյն սողոմոնի. երեքհազար եւ վեցհարիւր գործավարք ժողովրդեանն, որ գործէին զգործն։ Եւ շինեա́ց զասուր, եւ զմակդով, եւ զաղեր, եւ զբեթորոն վերին, եւ զբալաաթ։ բայց յե́տ շինելոյն ն(ո)ր(ա) զտունն տ(եառ)ն, եւ զպարիսպն ե(րուսաղէ)մի շուրջանակի, ապա́ շինեաց եւ զքաղաքսն զայնոսիկ։ Եւ մինչդեռ կենդանի́ էր դաւիթ՝ պատուիրեաց սողոմոնի, եւ ասէ՝ ահա ընդ քե́զ է սեմէի որդի գերեայ՝ որդի զաւակի յեմինայ ՛ի քեբրոնէ. նա անէծ զիս անէծս ցաւանգդինս յաւուր յորում գնացեալ երթայի ՛ի բանակս։ Եւ նա էջ ընդառաջ իմ յափն յորադանանուե. եւ երդուա́յ նմա ՛ի տ(է)ր, թէ ո́չ մեռցիս սրով։ եւ արդ՝ մի́ առնիցես զնա անպարտ. զի այր իմաստո́ւն ես դու. եւ գիտասցե́ս զինչ առնիցես նմա, եւ իջուսցես զալիս ն(ո)ր(ա) արեամբ ՛ի դժոխս։

Verse: 36  Link to sept   Եւ առրաքաեաց արքայ եւ կոչեաց զսեմէի, եւ ասէ ցնա. շինեա́ դու քեզ տո́ւն յե(րուսաղէ)մ, եւ նի́ստ անդ, եւ մի́ ուրեք ելանիցես անտի։

Verse: 37  Link to sept   եւ եղիցի յաւուր ելանելոյ քոյ՝ թէ անցանիցես ընդ հեղեղատն կեդրոնի, գիտելով գիտասջիր զի մահո́ւ մեռանիցիս, եւ արիւն քո ՛ի գլուխ քո եղիցի։ եւ երդուաւ նմա արքայ յաւուր յայնմիկ։

Verse: 38  Link to sept   Եւ ասէ սեմէի ցարքայ, բարի́ է բանդ զոր խօսեցար տէ́ր իմ արքայ, ա́յնպէս արասցէ ծառայ քո։ եւ նստաւ սեմէի յե(րուսաղէ)մ ամս երիս։

Verse: 39  Link to sept   եւ եղեւ յետ երից ամաց՝ փախեան ծառայք երկու՝ սեմեայ առ անքուս՝ որդի մաաքայ արքայ գեթայ. եւ ա́զդ եղեւ սեմեայ եւ ասեն, ահա երկու ծառայք քո ՛ի գէթ են։

Verse: 40  Link to sept   Յարեաւ սեմէի եւ հանդերձեաց զէշ իւր, եւ գնաց առ անքուս խնդրել զծառայս իւր. եւ չոգաւ սեմէի եւ ած զծառայսն իւր ՛ի գեթայ։

Verse: 41  Link to sept   եւ պատմեցաւ սողոմոնի՝ ասեն, թէ չոգաւ սեմէի յե(րուսաղէ)մէ ՛ի գէթ՝ եւ դարձոյց զծառայս իւր։

Verse: 42  Link to sept   Եւ առաքեաց արքայ եւ կոչեաց զսեմէի՝ եւ ասէ ցնա. ո՞չ երդմնեցուցի զքեզ ՛ի տ(է)ր, եւ եդի քեզ վկայութի(ւն)՝ եւ ասեմ. յաւուր յորում ելանիցես յեմ(թեն)էե՝ եւ երթայցես յաջ կամ յահեակ՝ գիտելով գիտասջիր զի մահո́ւ մեառանիցիս։ եւ ասացեր ցիս՝ բարի է բանդ զորե լուայ։

Verse: 43  Link to sept   եւ արդ՝ զիա՞րդ է զի ո́չ պահեցեր զերդումն տ(եառ)ն, եւ զպատուէրն զոր պատուիրեցի քեզ։

Verse: 44  Link to sept   Եւ ասէ արքայ ցսեմէի. դու ինքնի́ն գիտես զչարութի(ւն) քո, զոր գիտէ սիրտ քո զոր արարեր ը(նդ) դաւթի հօր իմում. եւ հատոյց տ(է)ր զչարիսն քո ՛ի գլուխ քո։

Verse: 45  Link to sept   եւ արքայ սողոմոն օրհնեա́լ է, եւ աթոռ դաւթի պատրա́ստ առաջի տ(եառ)ն յաւիտեան։

Verse: 46  Link to sept   Հրամա́ն ետ արքայ սողոմոն բանեայ որդւոյ յովիդայեայ. եւ ել սպա́ն զնա, եւ մեռաւ։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ ՛ի հաստատե́լ թագաւորու(թ)ե(ա)ն սողոմոնի, խնամութի(ւն) արար սողոմոն ընդ փարաւոնի արքային եգիպտացւոց, եւ ա́ռ զդուստր նորա՝ եւ ած ՛ի քաղաք դաւթի, մինչեւ կատարեաց շինել զտուն իւր՝ եւ զտուն տ(եառ)ն, եւ զպարիսպն եմ(թ)ի(ւն) շուրջանակի։

Verse: 2  Link to sept   Սակայն ժողովուդն արկանէին խո́ւնկս ՛ի վերայ բարձանց. զի ո́չ շինեցաւ տուն անուան տ(եառ)ն մինչեւ ցաւուրսն ցայնոսիկ։

Verse: 3  Link to sept   եւ սիրեաց սողոմոն զտ(է)ր՝ գնա́լ ըստ հրամանաց դաւթի հօր իւրոյ, բայց ՛ի բարձունս եւ նա́ զոհէր՝ եւ արկանէր խունկս։

Verse: 4  Link to sept   Եւ յարեա́ւ գնա́ց արքայ ՛ի գաբաւոն զոհե́լ անդ, զի նա առաւել բարձրագոյն եւ մե́վծ էր. հազա́ր ողջակէզ եհան սողոմոն ՛ի վերայ սեղանոյն այնորիկ ՛ի գաբաւոն։

Verse: 5  Link to sept   Եւ երեւեցա́ւ տ(է)ր սողոմոնի ՛ի քուն գիշերոյ. եւ ասէ տ(է)ր ցսողոմոն, խնդրեա́ դու քեզ խնդիր ինչ։

Verse: 6  Link to sept   Եւ ասէ սողոմոն, դո́ւ արարեր ողորմութի(ւն) մեծ ընդ դաւթի հօր իմոյ, որպէս եւ շրջեցաւ առաջի քո ճշմարտութ(եամ)բ եւ արդարութ(եամ)բ եւ ուղղու(թեամ)բ սրտի ընդ քեզ. եւ պահեցեր նմա զողորմութի(ւն)ս զայ մեծ՝ տա́լ որդւոյ ն(ո)ր(ա) նստել յաթոռ ն(ո)ր(ա)՝ ո(ր)պ(էս) եւ յաւուր յայսմիկ։

Verse: 7  Link to sept   Եւ արդ՝ տ(է)ր ա(ստուա)ծ իմ, դու ետուր զծառայս քո փոխանակ դաւթի հօր իմոյ, եւ ե́ս եմ մանուկ փոքր, եւ ո́չ գիտեմ զել եւ զմուտ իմ։

Verse: 8  Link to sept   եւ ծառայ քո ՛ի մէջ ժողովրդեան քո է՝ զոր ընտրեցեր ժողովուրդ քո՝ բազում, անթիւ եւ անհամար ՛ի բազմութ(են)է։

Verse: 9  Link to sept   եւ տացես ծառայի քում սի́րտ լսելոյ եւ դատելոյ զժողովուրդ քո արդարութ(եամ)բ, խելամո́ւտ լինել ՛ի մէջ բարւոյ եւ չարի. քանզի ո՞ կարիցէ դատել զայս ժողովուրդ քո զծանր։

Verse: 10  Link to sept   Եւ հաճո́յ թուեցաւ բանն առաջի տ(եառ)ն, զի խնդրեաց սողոմոն զայնյ բան։

Verse: 11  Link to sept   Եւ ասէ ցնա տ(է)ր. փոխանակ զի խնդրեցե́ր յինէն զբանդ զայդ, եւ ո́չ խնդրեցեր քեզ աւուրս բազումս, եւ ո́չ խնդրեցեր քեզ մեծութի(ւն)Ի, եւ ո́չ խնդրեցեր զանձինս թշնամեաց քոց. այլ խնդրեցեր դու քեզ խելամո́ւտ լինել լսելոյ զիրաւունս.

Verse: 12  Link to sept   ահա արարի́ ը(ս)տ բանիդ քում. ահա ետո́ւ քեզ սիրտ իմաստուն եւ հանճարեղ. իբրեւ զքեզ ո́չոք եղեւ յառաջ քան զքեզ, եւ յետ քո ո́չոք յարիցէ նմանօղ քեզ։

Verse: 13  Link to sept   Եւ զոր ո́չ եւս խնդրեցեր՝ ետո́ւ քեզ, զմեծու(թ)ի(ւն) եւ զփառս, որպէս ո́չոք եղեւ նման քեզ ՛ի թագաւորս զա(մենայ)ն աւուրս քո։

Verse: 14  Link to sept   եւ եթէ գնասցես ՛ի ճանապարհս իմ պահե́լկ զհրամանս իմ եւ զպատուիրանս իմ որպէս եւ գնա́ց դաւիթ հայր քո, եւ բազմացուցի́ց զաւուրս քո։

Verse: 15  Link to sept   Եւ զարթեաւ սողոմոն՝ եւ ահա երա́զ էր։ եւ յարեա́ւ եկն յե(րուսաղէ)մ, եւ եկաց առաջի սեղանոյն յանդիման տապանակի ուխտին տ(եառ)ն ՛ի սիոն. եւ մատոյց ողջակէզս, եւ արար խաղաղականս, եւ արար խրախութի(ւն) մեծ իւր եւ ա(մենայ)ն ծառայից իւրոց։

Verse: 16  Link to sept   Յայնժամ երեւեցան երկո́ւ կանայք պոռնիկք՝ արքայի, եւ կացին առաջի ն(ո)ր(ա)։

Verse: 17  Link to sept   եւ ասէ մի կինն, յի́ս տէր իմ. ե́ս եւ կին սայս էաք ՛ի միում տան, եւ ծնայ ՛ի տանն։

Verse: 18  Link to sept   եւ եղեւ յաւուրն երրորդի ծնա́ւ եւ կինս այս. եւ մեք առանձինն էաք, եւ ո́չոք գոյր ընդ մեզ ՛ի տանն՝ բա́ց ՛ի մէնջ յերկոցունց ՛ի տանն։

Verse: 19  Link to sept   Եւ մեռաւ որդի սորա ՛ի գիշերի, քանզի ննջեաց ՛ի վերայ ն(ո)ր(ա)։

Verse: 20  Link to sept   եւ յարեաւ ՛ի հասարակ գիշերի, եւ ա́ռ զմանուկն իմ ՛ի գրկեաց իմոց. եւ աղախին քո ՛ի քո́ւն էր, եւ ննջեցոյց զնա ՛ի ծո́ց իւրում. եւ զորդին իւր զմեռեալ ննջեցոյց ՛ի ծո́ց իմում։

Verse: 21  Link to sept   Եւ յարեայ ը(նդ) առաւօտն դիեցուցանել զորդին իմ, եւ նա՝ էր մեռեալ. եւ հայեցայ ը(նդ) նա այգունն, եւ ահա չէ́ր որդին իմ զոր ծնայ։

Verse: 22  Link to sept   Եւ ասէ մեւս կինն, ո́չ. այլ որդի քո է մեռեալն, եւ որդի իմ կենդանին։ եւ մեւսն եւս ասէր, այլ որդի իմ կենդանին, եւ որդի քո մեռեալն։

Verse: 23  Link to sept   եւ խօսեցան առաջի արքայի։ Եւ ասէ ցն(ո)ս(ա) արքայ. դու ասես՝ թէ ա́յս որդի ի́մ է՝ որ կենդանիս է, եւ որդի դորա մեռեալն։ եւ դու աասես՝ ո́չ այլ որդին քո մեռեալն, եւ որդին իմ կենդանին։

Verse: 24  Link to sept   Եւ ասէ արքայ. առէ́ք առիս զսուրն. եւ բերին զսուրն առաջի արքայի։

Verse: 25  Link to sept   եւ ասէ արքայ. կարեցէ́ք զմանուկն զստնդիաց զկենդանի յերկուս, եւ տո́ւք զկէսն ն(ո)ր(ա) դմա́, եւ զկէսն ն(ո)ր(ա) նմա։

Verse: 26  Link to sept   Եւ պատասխանի ետ կինն՝ որոյ որդին կենդանի էր, եւ ասէ ցարքայ. քանզի խռովեցա́ն աղոիք ն(ո)ր(ա) ՛ի վերայ որդւոյն իւրոյ, եւ ասէ՝ յի́ս տէր. տո́ւք նմա զմանուկն կենդանի՝ եւ մահու մի́ սպանանէք զնա։ եւ մեւսն ասէր, մի́ իմ լիցի՝ եւ մի́ դորա, կտրեցէ́ք ը(նդ) մէջ։

Verse: 27  Link to sept   Պատասխանի ետ արքայ եւ ասէ. տո́ւք դմա զմանուկն կենդանի, որ ասաց թէ տո́ւք զդա նմա՝ եւ մահու մի́ սպանանէք զդա. նա́ է մայր դորա։

Verse: 28  Link to sept   Եւ լուաւ ա(մենայ)ն ի(սրա)էլ զդատաստանն զո դատեցաւ արքայ, եւ զահի́ հարան յերեսաց արքայի. զի տեսին թէ իմաստութի(ւն) ա(ստուծո)յ է ՛ի նմա առնել իրաւունս։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ էր արքայ սողոմոն թագաւորեա́լ ՛ի վ(ե)ր(այ) ի(սրաէ)լի։

Verse: 2  Link to sept   եւ ա́յս էին իշխանք ն(ո)ր(ա)։ Ազարիա որդի սադովկայ՝ քահանայ։

Verse: 3  Link to sept   էլիարեփ, եւ աքիա որդիք սիսայ՝ դպիրք. եւ յովսափատ՝ որդի աքիլիդայ ՛ի վերայ յիշատակաց։

Verse: 4  Link to sept   եւ բանեա որդի յովիդայեայ ՛ի վերայ զօրաց։ եւ սադովկ՝ եւ աբիաթար քահանայք։

Verse: 5  Link to sept   եւ ազարիա որդի նաթանայ ՛ի վերայ գործավարաց։ եւ ղաբութ՝ որդի նաթանայ քահանայ բարեկա́մ արքայի։

Verse: 6  Link to sept   եւ աքիսար՝ է́ր հրամատար։ եւ էլիակո՝ հազարապետ։ եւ էլիափ որդի սափայ շահապ. եւ ադոնիրամ որդի աբդովայ ՛ի վերայ հարկաց։

Verse: 7  Link to sept   Եւ էին սողոմոնի երկոտասան գործակալք ՛ի վերայ ա(մենայ)ն ի(սրաէ)լի, տա́լ ռոճիկ արքայի եւ տան ն(ո)ր(ա) մէ́ն մի ամիս ՛ի տարւոջ։

Verse: 8  Link to sept   Եւ ա́յս են անուանք ն(ո)ց(ա). բէին որդի ովրայ՝ ՛ի լերինն եփրեմի։

Verse: 9  Link to sept   Մի՝ որդի դակարայ ՛ի մաքամաս, եւ ՛ի սալաբիմ, եւ ՛ի բեթդամիւս, եւ յայիլոմ մինչեւ ցբեթանան։

Verse: 10  Link to sept   Որդի եսգայ՝ յարաբաւթն. ն(ո)ր(ա) սոքով եւ ա(մենայ)ն երկիրն ոփերայ։

Verse: 11  Link to sept   Որդի ամինադաբայ եւ ա(մենայ)ն նեփադովր, որոյ տափաթ դուստր սողոմոնի՝ էր ն(ո)ր(ա) կնութե(ան)։

Verse: 12  Link to sept   Բաանա՝ որդի այիլիփլովթայ, զթանաք եւ զմաքդով, եւ զա(մենայ)ն տունն սանայ. որ առ ելսարթասանաւ, ՛ի ներքոյ եզրայելի, եւ ՛ի բեթսաինիա մինչեւ ցաբէլմուլա, եւ մինչեւ ցմամբրալա։

Verse: 13  Link to sept   Եկմաալ որդի դաբերայ յռամովթ գաղաադ. ն(ո)ր(ա) աւիովթ յայիրայ որդւոյ մանասէի ՛ի գաղաադ. ն(ո)ր(ա) վիճակն երգաբա որ ՛ի բասան. վաթսուն քաղաքք մեծամեծք պարսպաւորք պղնձանիգք։

Verse: 14  Link to sept   Աիյնադաբ որդի ադդովայ ՛ի մայենեմ։

Verse: 15  Link to sept   Աքիոմաս ՛ի նեփթաղիմ. սա ա́ռ զմասեմփաթ դուստր սողոմոնի կնու(թ)ե(ան)։

Verse: 16  Link to sept   Բաանաս որդի քուսեայ՝ յասեր եւ ՛ի բաաղովթ։

Verse: 17  Link to sept   Յովսափատ որդի փուարայ՝ յիսաքար։

Verse: 18  Link to sept   Սեմէի որդի ելայ՝ ՛ի բենիամին։

Verse: 19  Link to sept   Գաբեր որդի ագայի, յերկրիրն գաղաադու. յերկրին սեհոնի արքայի ամովրհացւոց, եւ ովգայ արքայի բասանու։ Նաբիփ յերկրին

Verse: 20  Link to sept   յուդայ։ Եւ ի(սրա)էլ բազում էր իբրեւ զաւազ առ եզր ծովու բազմութ(եամ)բ. ուտէին եւ ըմպէին եւ ուրա́խ լինէին։

Verse: 21  Link to sept   Եւ սողոմոն՝ իշխա́ն էր թագաւորութե(ան)ց, ՛ի գետոյ երկրին այլազգեաց մինչեւ ՛ի սահամանս եգիպտոսի։ բերէին պատարագս՝ եւ ծառայէին սողոմոնի զա(մենայ)ն աւուրս կենաց ն(ո)ր(ա)։

Verse: 22  Link to sept   Եւ այս ռոճիկք էին սողոմոնի ՛ի միում աւուր. երեսուն քոռ նաշհւոյ, եւ քառասուն քոռ ալեր գերմակոյ։

Verse: 23  Link to sept   եւ տասն եզն ընտիր, եւ քսան կով արօտական, եւ հարիւր ոչխար։ թո́ղ զեղջերու եւ զայծեամն, եւ ընտիր ընտիր հաւուց պարարելոց։

Verse: 24  Link to sept   Զի էր իշխան ա(մենայ)նի յայնկոյս գետոյն՝ ՛ի թափսայ մինչեւ զգազայ, ա(մենայ)ն թագաւորութե(ան)ց յայնմ կողմանէ գետոյն։ եւ էր նմա խաղաղութի(ւն) յա(մենայ)ն կողմանց շուրջանակի։

Verse: 25  Link to sept   Եւ բնակեալ էր յուդա եւ ի(սրա)էլ վստահութ(եամ)բ. եւրաքանչիւրոք ընդ որթով եւ ը(նդ) թզենեաւ իւրով. ուտէին եւ ըմպէին՝ ՛ի դանայ մինչեւ ցբերսաբեէ զա(մենայ)ն աւուրս սողոմոնի։

Verse: 26  Link to sept   Եւ էին սողոմոնի քառասուն հազար մատակ ձիոց ՛ի կառս, եւ երկոտասան հազար երիովարաց։

Verse: 27  Link to sept   եւ տային այնպէս ռոճիկ գործակալքն արքայի սողոմոնի։ եւ զա(մենայ)ն հրամանս սեղանոյն արքայի՝ զիւրաքանչիւր ամիս։ եւ ո́չ սխալէին բան մի։

Verse: 28  Link to sept   Նոյնպէս եւ զգարինս եւ զյարդն երիվարացն՝ եւ կառամտացն, բերէին ՛ի տեղին ուր է́ր արքայ՝ իւրաքանչի́ւրոք ըստ սակի́ իւրում։

Verse: 29  Link to sept   Եւ ե́տ տ(է)ր իմաստու(թ)ի(ւն) սողոմոնի՝ եւ հանճար բազում յոյժ, եւ զեղումն սրտի իբրեւ զաւա́զ առ եզեր ծովու։

Verse: 30  Link to sept   եւ բազմացաւ իմաստութի(ւն)ն սո·ղոմոնի յոյժ, քան զհանճկար ա(մենայ)ն նախնեաց մարդկան, եւ քան զա(մենայ)ն իմաստնոց եգիպտոսի։

Verse: 31  Link to sept   Եւ իմաստնացաւ քան զա(մենայ)ն մարդիկ։ եւ իմաստնացաւ քան զգեթան զարաացի, եւ զեման, եւ զքաղքաղ եւ զգարդան՝ որդիս մաւուլայ։ եւ է́ր անուանի յա(մենայ)ն ազգս շուրջհանակի։

Verse: 32  Link to sept   Եւ խօսեցաւ սողոմոն երի́ս հազար առակս. եւ էին օրհնու(թ)ի(ւն)ք ն(ո)ր(ա) հի́նգ հազար։

Verse: 33  Link to sept   եւ խօսեցաւ զփայտից զեղեւնափայտէն որ ՛ի լիբանան, մինչեւ ցզոպայն որ յորմն ելանէ։ եւ խօսեցաւ զանասնոց, եւ զթռչնոց, եւ զձկանց։

Verse: 34  Link to sept   Եւ գային ա(մենայ)ն ազգք լսե́լ զիմաստութի(ւն)ն սողոմոնի եւ յա(մենայ)ն թագաւորաց երկրիր որ լսէին զիմաստութի(ւն) ն(ո)ր(ա)։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ առաքեա́ց քիրամ արքայ տիւրոսի զծառայս իւր առ սողոմոն. քանզի լուաւ թէ զնա́ օծին ՛ի թագաւոր փոխանակ դաւթի հօր իւրոյ. զի սիրէ́ր քիրամ զդաւիթ զա(մենայ)ն աւուրս։

Verse: 2  Link to sept   Եւ առաքեա́ց սողոմոն առ քիրամ, եւ ասէ.

Verse: 3  Link to sept   դու ինքնին գիտես զդաւիթ զհայրն իմ զի ո́չ կարաց շինել տուն անուան տ(եառ)ն ա(ստուծո)յ իմոյ, յերեսաց պատերազմողացն որ շուրջ էին զնովաւ, մինչեւ տա́լ տ(եառ)ն զնոսա ընդ ոտիւք նորա։

Verse: 4  Link to sept   Եւ արդ՝ ցածոյց տ(է)ր ա(ստուա)ծ իմ շուրջ զինեւ, եւ ո́չ գոյ վնասակար՝ եւ ո́չ պատահար չար։

Verse: 5  Link to sept   Եւ ահա ես ասեմ շինել տո́ւն անուան տ(եառ)ն ա(ստուծո)յ իմոյ. ո(ր)պ(էս) խօսեցաւ տ(է)ր ա(ստուա)ծ ը(նդ) դաւթի հօր իմում, եւ ասէ. որդի́ քո զոր տաց փոխանակ քո յաթոռ քո՝ նա́ շինեսցէ տուն անուան իմոյ։

Verse: 6  Link to sept   Եւ արդ հրաման տուր, եւ հարցեն ինձ փայտ ՛ի լիբանանէ. եւ ահա ծառայք իմ եղիցին ընդ ծառայս քո. եւ զվարձս ծառայութե(ան) քո տա́ց քեզ՝ ըստ ա(մենայ)նի զոր եւ ասասցես։ զի դու ինքնին գիտես, զի ո́չ գոյ մեր այր որ գիտէ հարկանել փայտ իբրեւ զսիդոնացիս։

Verse: 7  Link to sept   Եւ եղեւ իբրեւ լուաւ քիրամ զբանս սողոմոնի, ուրա́խ եղեւ յոյժ՝ եւ ասէ. օրհնեալ տ(է)ր ա(ստուա)ծ այսօր, որ ե́տ որդի իմաստուն դաւթի ՛ի վ(ե)ր(այ) բազում ժողովրդեանն այնորիկ։

Verse: 8  Link to sept   Եւ առաքեաց քիրամ առ սողոմոն՝ եւ ասէ. լուայ վ(ա)ս(ն) ա(մենայ)նի զոր առաքեցեր առ իս. ես արարից զա(մենայ)ն զկամս քո։ եղեւնափայտ եւ մայր

Verse: 9  Link to sept   իջուսցեն ծառայք իմ ՛ի լիբանանէ ՛ի ծով, եւ ես արարից զն(ո)ս(ա) լա́ստ ՛ի ծովու՝ մինչեւ ցտեղի յոր առաքեսցես առ իս, եւ հանի́ց յեզր, եւ դու առցես։ եւ արասցես զկամս իմ տա́լ հաց տան իմոյ։

Verse: 10  Link to sept   Եւ տա́յր քիրամ սողոմոնի եղեւնափայտս, եւ մայրս, եւ զա(մենայ)ն զկամս ն(ո)ր(ա)։

Verse: 11  Link to sept   եւ սողոմոն տա́յր քիրամայ քսան հազար քոռ ցորենոյ, եւ քսան հազար սափոր իւղոյ մղելոյ, զոր տայր սողոմոն քիրամայ ՛ի տարւոջ։

Verse: 12  Link to sept   Եւ ետ տ(է)ր իմաստութի(ւն) սողոմոնի, ո(ր)պ(էս) եւ խօսեցաւ ընդ նմա։ եւ էր խաղաղութի(ւն) ՛ի մէջ քիրամայ եւ ՛ի մէջ սողոմոնի. եւ ուխտեցին ո́ւխտ ՛ի մէջ իւրեանց։

Verse: 13  Link to sept   Եւ արկ արքայ սողոմոն մարդահարկ յա(մենայ)ն ի(սրա)էլ, եւ էր հարկն երեսո́ւն հազար արանց։

Verse: 14  Link to sept   եւ առաքէր զն(ո)ս(ա) ՛ի լիբանան տասն հազար յամսեան՝ փոխանակաւ կային ամիս մի ՛ի լիբանան, եւ զերկուս ամիսս ՛ի տունս իւրեանց. եւ ադոնիրամ ՛ի վերայ հարկին։

Verse: 15  Link to sept   Եւ էին սողոմոնի եւթանասուն հազար բեռնակրաց եւ ութսուն հազար քարահատաց ՛ի լերինն.

Verse: 16  Link to sept   թո́ղ զիշխանս կացուցեալս սողոմոնի ՛ի վ(ե)ր(այ) գործոյն, երեքհազար եւ հինգ հարիւր ՛ի վերայ ժողովրդեանն որ գործէին զգործն։

Verse: 17  Link to sept   Եւ հրաման ետ արքայ եւ բերին վէմս մեծամեծս եւ քարինս պատուակա́նս ՛ի հիմն տանն, եւ քարինս անտա́շս, եւ տամեցին որդիքն սողոմոնի, եւ որդիքն քիրամայ, եւ բիբլացիքն. եւ պատրաստեցին զփայտն եւ զքար, զերի́ս ամս շինել զտունն։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ եղեւ յամին չորեքարիւրորդի եւ քառասներորդի ելանելոյ որդւոցն ի(սրաէ)լի յեգիպտոսէ։ յամին չորրորդի յամսեանն երկրորդի թագաւորելոյ արքայի սողոմոնի ՛ի վերայ ի(սրաէ)լԼի. շինէր զտունն տ(եառ)ն։

Verse: 2  Link to sept   Եւ տունն զոր շինեաց արքայ սողոմոն տ(եառ)ն՝ վաթսուն կանգուն երկայնութի(ւն) ն(ո)ր(ա), եւ քսան կանգուն լայնութի(ւն) ն(ո)ր(ա), եւ քսան կանգուն բրձրձու(թ)ի(ւն) ն(ո)ր(ա)։

Verse: 3  Link to sept   Եւ կամարակա́պ առաջի տանն՝ ՛ի քսան կանգնոյ երկայնութի(ւն) ն(ո)ր(ա), հանդէպ բարձրութե(ան) տանն, եւ ՛ի տասն կանգնոյ լայնու(թ)ի(ւն) ն(ո)ր(ա), առաջի երեսաց տանն։ եւ շինեաց զտունն եւ կատարեաց զնա։

Verse: 4  Link to sept   Եւ արա́ր տանն պատուհանս հայեցիկս ծածուկս։

Verse: 5  Link to sept   եւ ած զորմովք տանն պատուարս շուրջանակի՝ առ որովք տանն շուրջանակի տաճարին եւ դաբիրայն։ Եւ արա́ր կողմանոցս շուրջանակի։

Verse: 6  Link to sept   կողմանոցին ներքնոյ՝ ՛ի հինգ կլանգնոյ լայնութի(ւն) ն(ո)ր(ա), եւ միջնոյն վեց կանգնոյ լայնու(թ)ի(ւն), եւ երրորդին յեւթն կանգնոյ լայնու(թ)ի(ւն) ն(ո)ր(ա). քանզի անջրպեւտու(թ)ի(ւն) եւտ տանն շուրջանակի արտաքուստ կողմանէ տանն. զի մի́ հարկանիցին ընդ որմս տանն։

Verse: 7  Link to sept   Եւ ՛ի շինել տանն՝ ապառա́ժ եւ անգործ քարամբք շինեցաւ. եւ մո́ւրճ եւ ա(մենայ)ն ինչ երկաթի ո́չ հնչեաց ՛ի շինել ն(ո)ր(ա)։

Verse: 8  Link to sept   Եւ դուռն կողմանցն ՛ի ներքոյ աջո́յ ուսոյ տանն, եւ ելանելի շուրջանակաւ ՛ի միջինն, եւ ՛ի միջնոյն յերրորդ յարկն։

Verse: 9  Link to sept   Եւ շինեաց զտունն, եւ կատարեաց զնա. եւ դրուագեա́ց զտունն տախտակամածօք պահանգօք եւ յօրինուածովք եղեւտնափայտից։

Verse: 10  Link to sept   եւ շինեաց զկոզակս ա(մենայ)ն տանն, ՛ի հինգ կանգնոյ բարձրութի(ւն) նորա, եւ պատեաց զկոզակսն եղեւնափայտիւ։

Verse: 11  Link to sept   Եւ եղեւ բա́ն տ(եառ)ն առ սողոմոն՝ եւ ասէ.

Verse: 12  Link to sept   Զտունդ զոր շինես դու՝ եթէ ըստ հրամանաց իմոց գնասցես եւ զիրաւունս իմ արասցես՝ եւ պահեսցես զա(մենայ)ն պատուիրանս իմ գա́լ զնոքօք, հաստատեցից զբան իմ ընդ քեզ, զոր խօսեցայ ընդ դաւթի հօր քոյ.

Verse: 13  Link to sept   եւ բնակեցայց ՛ի մէջ որդւոցն ի(սրաէ)լի, եւ ո́չ թողից զժողովուրդ իմ զի(սրա)էլ։

Verse: 14  Link to sept   Եւ շինեաց սողոմոն զտունն, եւ կատարեա́ց զնա։

Verse: 15  Link to sept   եւ շինեաց զորմս տանն ՛ի ներքուստ յեղեւնափայտից, ՛ի յատակէ տանն մինչեւ ցորմսն եւ մինչեւ ցգերանսն, եւ պատեա́ց շուրջանակի փայտի́ւ ՛ի ներքուստ. եւ դրուագեաց ՛ի ներքոյ տանն կողմանոցօք մայրիւք։

Verse: 16  Link to sept   եւ շինեաց քսան կանգուն ՛ի ծագէե որմոյն զմի կողմանոցն ՛ի յատակէ տանն մինչեւ ցհեծանսոն։ Եւ արա́ր ՛ի ներքոյ կողմանէ ն(ո)ր(ա) զդաբիրն ՛ի սրբութե(ան) սրբութե(ան)ցն։

Verse: 17  Link to sept   ՛ի քառասուն կանգնո́յ էր տունն, տաճարն ներքին։

Verse: 18  Link to sept   եւ դրուագեաց զտունն ՛ի ներքոյ եղեւնափայտիւք զկամարսն եւ զկոզակս, եւ զդրօշուածս զա(մենայ)ն յեղեւնափայտից. եւ ո́չ երեւէր քարն

Verse: 19  Link to sept   հանդէպ դաբիրայն ՛ի մէջ տանն ՛ի ներքուստ կողմանէ։ եւ պատրաստեաց դնե́լ անդ զտապանակ ուխտին տ(եառ)ն։

Verse: 20  Link to sept   Եւ հանդէպ դաբիրայն քսան կանգուն յերկայնութի(ւն), եւ քսան կանգուն լայնութի(ւն), եւ քսան կանգուն բարձրութի(ւն) նորա. եւ դրուագեաց զն(ո)ս(ա) ոսկւով ձուլով։ Եւ արա́ր սեղան եղեւնափայտեայ։

Verse: 21  Link to sept   եւ դրուագեաց սաողոմոն զտունն ՛ի ներքուստ ոսկւով ղըտով. եւ հաստատեաց ոսկի բեւեռօք հանդէպ դաբիրայն՝ եւ պատեաց զնա ոսկւով։

Verse: 22  Link to sept   եւ զամենայն տունն օծ ոսկւով մինչեւ ՛ի սպառ ամենայն տանն։ եւ ամենայն ներքին կողման դաբիրայն՝ արար թիթղունս ոսկիս։

Verse: 23  Link to sept   Եւ արար ՛ի ներքս ՛ի դաբիրն երկուս քերովբէս ՛ի փայտից նոճից. ՛ի տասն կանգնոյ մեծութի(ւն) միոյն՝ կշռով.

Verse: 24  Link to sept   եւ ՛ի հինգ կանգնոյ թե́ւ մի նորա, եւ ՛ի հինգ կանգնոյ թեւն երկրորդ. տասն կանգուն թեւէ́ ՛ի թեւ թեւոց ն(ո)ր(ա)։

Verse: 25  Link to sept   Նոյնպէս եւ երկրորդի քերոբէին միո́վ չափով, մի բովանդակութի(ւն) քրովբէիցն։

Verse: 26  Link to sept   եւ բարձրութի(ւն) միոյ քրովբէի ՛ի տասն կանգնոյ. նոյնպէս եւ երկրորդի քրովբէին։

Verse: 27  Link to sept   Եւ եդ զերկոսին քրոբէսն ՛ի մէջ տանն ներքնոյ, եւ տարածեաց զթեւս ն(ո)ց(ա). եւ հասանէր թեւ միոյն յո́րմն, եւ հասանէր թեւ քրոբէին երկրորդի՝ յորմն երկրորդ։ եւ թեւք ն(ո)ց(ա) ՛ի մէջ տանն հասանէին թեւէ ՛ի թեւ։

Verse: 28  Link to sept   եւ պատեաց զքրովբէսն ոսկւով։

Verse: 29  Link to sept   Եւ զա(մենայ)ն որմս տանն շուրջանակի քանդակեալ գրեաց գրչաւ քերոբս եւ արմաւենիս, եւ դրօշուածս հայելիս ՛ի ներքսագոյնն եւ յարտաքինն։

Verse: 30  Link to sept   եւ զատա́կ տանն դրուագեաց ոսկւով զներքնոյն եւ զարտաքնոյն։

Verse: 31  Link to sept   Եւ դրա́ց զդաբիրայն արար դուրս ՛ի փայտից գիոյ. եւ սեամս հնգեկինս. եւ երկուս դուրս ՛ի փայտից մայրից, եւ քանդակս ՛ի նոցանէ մածուցե(ա)լս քերոբս եւ արմաւենիս, եւ թիթղունս թռուցեալս, եւ պատեաց ոսկւով. եւ իջանէր ՛ի վերայ քրոբէիցն եւ արմաւենեացն ոսկին։

Verse: 32  Link to sept   Ա́յնպէս արար դրաց տաճարին սեամս ՛ի փայտից դիոց չորեկինս։

Verse: 33  Link to sept   եւ երկոցունց դրանցն փայտս մայրս երկբացիս, մի մի դուռն. եւ ծխնիք ն(ո)ց(ա) երկրացիկք։

Verse: 34  Link to sept   Եւ դուռն երկրորդ շրջանակաւ՝ դրօշեալ ՛ի նմա քերոբս եւ արմաւենիս, եւ թռուցեալ թիթղունս, եւ պատեալ ոսկւով իջանելով ՛ի վերայ յօրինուածոյն։

Verse: 35  Link to sept   Եւ շմինեաց զսրահն ներքին երեքկարգեանս յանտաշից, եւ պարի́սպ գործեալ յեղեւնափայտից։

Verse: 36  Link to sept   Յամին չորրորդի արկ հիմն տա́նն տ(եառ)ն, յամսեանն զիո́ւ.

Verse: 37  Link to sept   յերկրորդում ամսեանն. եւ յամին մետասաներորդի յամսեանն ՛ի բո́ւլ. ա́յն է ամիսն եւթներորդ. կատարեցաւ տուն ըստ ա(մենայ)ն բանի ն(ո)ր(ա), եւ ըստ ա(մենայ)ն յօրինուածոյն իւրոյ։ եւ շինեաց զնա զեւթն ամ։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ զիւր տունն շինեաց սողոմոն զերեքտասան ամ, եւ կատարեաց զա(մենայ)ն զտունն իւր·

Verse: 2  Link to sept   Եւ շինեաց զտուն անտառին լիբանանու՝ հարի́ւր կանգուն երկայնութի(ւն)ի եւ յիսուն կանգուն լայնութի(ւն) ն(ո)ր(ա), եւ երեսուն կանգուն բարձրութի(ւն) ն(ո)ր(ա). եւ երից կարգաց սեանցն եղեւնափայտից, եւ ո́ւսք եղեւնեայք ՛ի վ(ե)ր(այ) սեանցն։

Verse: 3  Link to sept   եւ է յարկ զտունն ՛ի վերայ կողմանացաց սեանցն. եւ թի́ւ սեանցն քառասուն եւ հինգ, եւ հնգետասան կարգ։

Verse: 4  Link to sept   եւ պատուարք երեք,եւ անջրպետք առ անջրպետօք երեքկին։

Verse: 5  Link to sept   Եւ ա(մենայ)ն դրունք, եւ ա(մենայ)ն անջրպետք չորեքկուսի պատուարաւորք. եւ ՛ի դրանէ ՛ի դուռն երեքկին։

Verse: 6  Link to sept   Եւ զկամար սեանցն արար յիսուն կանգուն յերկայնու(թ)ի(ւն), եւ երեսուն ՛ի լայնու(թ)ի(ւն). զօգեալ կամարքն հանդէպ միմեանց. եւ սիւնքն եւ խարիսխք ՛ի դիմաց կողմանէ կամարացն։

Verse: 7  Link to sept   Եւ զկամար աթոռոցն ուր դատէ́ր ՛ի կամարի ատենին, արա́ր եւ յարկ եղեւնափայտիւք ՛ի յատակէ մինչեւ ցյատակ։

Verse: 8  Link to sept   եւ տա́ն ն(ո)ր(ա) յորում նստցի՝ սրահ մի կամարակապ ըստ նմին գործոյ։ Եւ տուն դստերն փարաւոնի զոր ա́ռ սողոմոն՝ ըստ նմին օրինակի, կամարակապ.

Verse: 9  Link to sept   ա(մենայ)ն ՛ի քարանց պատուականաց. չափով յանկոփից կցեալ ընդ միմեանս յերկարաւոր ՛ի ներքոյ եւ արտաքոյ, ՛ի հիմանէ մինչեւ ցառաստաղն։

Verse: 10  Link to sept   Եւ արտաքուստ ՛ի սրահին մեծի հաստատեալ քարամբք մեծամեծօք տասն կանգնէիւք եւ ութ կանգնէիւք։

Verse: 11  Link to sept   եւ ՛ի վերուստ կողմանէ քարամբք պատուականօք ը(ս)տ նմին չափոյ անտաշիւք։ Եւ եղեւնափայտիւք

Verse: 12  Link to sept   զսրահն մեծ շուրջանակի երեքկանգնեանս յանտաշից. եւ կա́րգ մի մածուցեալ եղեւնափայտիւ։ Եւ շինեա́ց զսրահ տանն տ(եառ)ն, զներքին կամարաց տան տ(եառ)ն հանդէպ տաճարին։

Verse: 13  Link to sept   Եւ առաքեա́ց արքայ սողոմոն, ա́ռչ զքիրամ ՛ի տիւրոսէ,

Verse: 14  Link to sept   որդի կնոջ այրւոյ, եւ նա է́ր ՛ի ցեղէն նեփթաղիմայ. եւ հա́յր ն(ո)ր(ա) այր տիւրացի, ճարտարապետ պղնձոյ, եւ լի́ արուեստիւ եւ իմաստութ(եամ)բ եւ գիտու(թեամ)բ, գործել զա(մենայ)ն գործ պղնձոյ։ եւ եմուտ առ արքայ սողոմոն. եւ աար զա(մենայ)ն զգործն։

Verse: 15  Link to sept   Եւ ձուլեաց զերկոսին սիւնսն կամարի տանն. ութ եւ տա́սն կանգուն բարձրութի(ւն) սեանն. եւ շուրջ զնովաւ չափ չորեքտասան կանգուն շուրջանակի թանձրութի(ւն) սեանն. եւ ՛ի չորից մատանց մատնէ́քն։ նոյնպէս եւ երկրորդ սիւնն։

Verse: 16  Link to sept   Եւ երկուս խոյակս արար տալ ՛ի վ(ե)ր(այ) գլխոց սեանցն ձո́յլ պղնձիս. հինգ կանգուն բարձրու(թ)ի(ւն) միոյ խոյակին, եւ հինգ կանգուն բարձրու(թ)ի(ւն) երկրորդ խոյակին։

Verse: 17  Link to sept   Եւ արար երկուս վանդակս ծածկելե զխոյակն, եւ արար երկուս եւս վանդակս ծածկելե զերկրորդ խոյակն. գո́րծ կախաղանաւ։

Verse: 18  Link to sept   եւ երկոցունց սեանցն նռնաձեւս պղնձիս ՛ի վանդակապատսն, գո́րծ կախաղանաւ, կարգ առ կարգ։ Եւ ա́յնպէս արար երկրորդի խոյակին

Verse: 19  Link to sept   ՛ի վ(ե)ր(այ) գլխոյ սեանցն, գո́րծ շուշանագործ առ կամարաւ ՛ի չորից կանգնոց։

Verse: 20  Link to sept   Եւ պատուար ՛ի վ(ե)ր(այ) երկոցունց սեանցն։ եւ ՛ի վերուստ ՛ի կողմանոցաց խոյակին պատուար։ եւ նռնաձեւացն երկերիւր կարգ շուրջ զերկրորդիւ խոյակաւն։

Verse: 21  Link to sept   Եւ կանգնեաց զսիւնս կամարի տաճարին եւ կանգնեաց զմի սիւնն, եւ կոչեաց զանուն ն(ո)ր(ա) յաքում. եւ կանգնեաց զսիւնն երկրորդ. եւ կոչեաց զանուն ն(ո)ր(ա) բոոզ։

Verse: 22  Link to sept   եւ ՛ի վ(ե)ր(այ) գլխոյ սեանցն գո́րծ շուշանագործ։ եւ կատարեցաւ գործ սեանցն։

Verse: 23  Link to sept   Եւ արար զծովն ձուլածոյ, տասն կանգուն շրթանէ ՛ի շմուրթն, գո́րծ բոլորշի́ նոյնաձեւ, հինգ կանգուն բարձրու(թ)ի(ւն) ն(ո)ր(ա), եւ գոդեալք՝ երեսուն եւ երեք կանգնովք պատէին զնա շուրջանակի.

Verse: 24  Link to sept   եւ նեցուկ ՛ի ներքոյ նորա՝ շուրջանակի պատէին զնա ՛ի տասն կանգնոյ շուրջանակի, երկու կարգ մութից ձուլեալք ՛ի ձուլին ն(ո)ր(ա) հաստեալք։

Verse: 25  Link to sept   Եւ երկոտասան եզն ՛ի ներքոյ ծովուն. երեքն հայէին ընդ հիւսւսի, եւ երեքն հայէեին ընդ ծով, եւ երեքն հայէին ընդ հարաւ, եւ երեքն հայէին ընդ արեւելս. եւ ծով ՛ի վ(ե)ր(այ) ն(ո)ց(ա) ՛ի վերուստ կողմանէ. եւ ամենեցուն թիկունք ՛ի տունն։

Verse: 26  Link to sept   Եւ թՙանձրութի(ւն)Ի ն(ո)ր(ա) թզա́ւ եւ շուրթն ն(ո)ր(ա) իբրեւ զգործ շրթան բաժակի. եւ բո́յս շուշանի ՛ի վ(ե)ր(այ) ն(ո)ր(ա). եւ տանէր իբրեւ երկո́ւս հազարս մարս։

Verse: 27  Link to sept   Եւ արա́ր զմենքենովթս տասն պղնձիս. հինգ կանգուն երկայնութի(ւն) միոյ մենքենովթայ, եւ չո́րք կանգունք լայնութի(ւն) ն(ո)ր(ա), եւ վե́ց կանգունք բարձրու(թ)ի(ւն) ն(ո)ր(ա)։

Verse: 28  Link to sept   Եւ ա́յս գործ էր մենքենովթացն., խո́ խո́րշք ՛ի վ(ե)ր(այ), եւ խո́րշք ՛ի մէջ առանցիցն։

Verse: 29  Link to sept   եւ ՛ի վ(ե)ր(այ) խորշից ն(ո)ց(ա) ՛ի մէջ առանցիցն, առեւծք, եւ եզինք, եւ քերոբք. եւ ՛ի վ(ե)ր(այ) առանցիցն նո́յնպէս։ եւ ՛ի վերոյ եւ ՛ի ներքոյ առիւծուցն եւ եզանց՝ տեղիք գո́րծ առ ՛ի թափ։

Verse: 30  Link to sept   եւ չորք անիւք պղնձիք միում մենքենովթայն, եւ առանցք պղնձիք. եւ ՛ի չորեցունց կողմանց ն(ո)ց(ա) ո́ւսք ն(ո)ց(ա) ՛ի ներքոյ աւազանացն, եւ ուսք ձուլեալք հանգոյնք մարդոյ առ ընթերակացք։

Verse: 31  Link to sept   եւ բերան ն(ո)ր(ա) ՛ի ներքուստ ՛ի խոյակէն եւ ՛ի վեր կանգնաւ. եւ բերան ն(ո)ր(ա) գո́րծ բոլորշի. նոյնպէս ՛ի կանգնոյ եւ ՛ի կիսոյ թանձրութի(ւն) ն(ո)ր(ա)։ Եւ առ բերանով ն(ո)ր(ա) ճախարակեայ հաստատուն չորեքկուսի եւ ո́չ բոլորշի.

Verse: 32  Link to sept   եւ չորք անիւք ՛ի ներքոյ հաստատելոցն, եւ ձեռք յանիւսն, եւ ՛ի մենքենովթսն. եւ բարձու(թ)ի(ւն) ՛ի միոյ անուոյ՝ ՛ի կանգնոյ եւ ՛ի կիսոյ։

Verse: 33  Link to sept   եւ գո́րծ անուոցն՝ իբրեւ զգործած անուոց կառաց, եւ ձեռք ն(ո)ց(ա)՝ եւ պարանոցք իւրեանց, եւ թիկունք իւրեանց, եւ ա(մենայ)ն արա́ր ն(ո)ց(ա) ձուլածոյ։

Verse: 34  Link to sept   Եւ չո́րք ուսք ՛ի վ(ե)ր(այ) չորեցունց անկեանց միոյ մենքենովթայն. անդստին ՛ի մենքենովթայն ուսք իւր։

Verse: 35  Link to sept   եւ ՛ի գլուխ մենքենովթայն կէ́ս կանգնոյ մեծ բոլորակ շուրջ զնովաւ ՛ի վ(ե)ր(այ) գլխոյ մենքենովթայն։ եւ սկիզբն ձեռաց ն(ո)ր(ա)՝ եւ խորշք ն(ո)ր(ա) անդստին ՛ի նմանէ։

Verse: 36  Link to sept   Եւ բանային ՛ի սկիզբն ձեռաց ն(ո)ր(ա), եւ խորշք ն(ո)ր(ա) քերոբք, եւ առիւծունք, եւ արմաւենիք կանգնեալք առ նովաւ. իւրաքանչիւր հանդէպ երեսաց իւրոց ՛ի ներքս եւ շուրջանակի։

Verse: 37  Link to sept   Ըստ նմին օրինակի արար զա(մենայ)ն զտասնեսին մենքենովթսն. մի պայման՝ եւ մի չափ՝ եւ մի օրինակ ամենեցուն։

Verse: 38  Link to sept   Եւ արար տասն պուտնարդս պղնձիս. եւ ունէեր պուտնարդ մի քառասուն սոփոր ՛ի չորից կանգնոց պուտնարդ մի չափով։ եւ պուտնարդ մի ՛ի վերայ միոյ մենքենովթայ՝ տասնեցունց մենքենովթացն։

Verse: 39  Link to sept   Եւ եդ զմենքենովթսն հինգ՝ յուսո́յ տանն յաջմէ, եւ զհինգն յուսոյ տանն ՛ի ձախմէ. եւ ծովն յուսոյ տանն ընդաջմէ՝ ընդ արեւելս ՛ի հարաւոյ կողմանէ։

Verse: 40  Link to sept   Եւ արար քիրամ զսանսն, եւ զջերուցիչսն, եւ տաշտսն։ եւ կատարեաց քիրամ առնել զա(մենայ)ն գործն զոր արար արքայ սողոմոն ՛ի տան տ(եառ)ն։

Verse: 41  Link to sept   Սիւնս երկուս, եւ շրջանակս քանդակագործից սեանցն ՛ի վ(ե)ր(այ) գլխոյ սեանցն. երկուս երկուս վանդակապատս, ծածկելե զերկոսին շրջանակսն քանդակագործացն որ էին ՛ի վ(ե)ր(այ) սեանցն։

Verse: 42  Link to sept   զնռնաձեւսն զչորեքարիւր երկոցունց վանդակացն, երկու կարգ նռնաձՃեւաց միոյ վանդակի, ծածկելե շուրջ զերկոսին շրջանակս մենքենովթացն ՛ի վերայ երկոցունց սեանցն։

Verse: 43  Link to sept   Եւ զմեքենովթսն՝ եւ զպուտնարդսն տասնեսին ՛ի վերայ մենքենովթացն։

Verse: 44  Link to sept   եւ զծովն զմի. եւ զերկոտասանեսին եզինսն ՛ի ներքո́յ ծովուն։

Verse: 45  Link to sept   Եւ զսանսն, եւ զջեռուցիչսն զերեսին. եւ զտաշմտսն. եւ զա(մենայ)ն կահն զոր արար քիրամ՝ արքայի սողոմոնի ՛ի տունն տ(եառ)ն։ Եւ սիւնք քառասուն եւ ութ տանն արքայի, եւ տանն տ(եառ)ն. զա(մենայ)ն գործ զարքայի պատրաստեաց քիրամ պղնձի համօրէն։ եւ ո́չ գոյրյ կշմիռ պղնձոյն որով արար զա(մենայ)ն գործսն զայնոսիկ ՛ի բազմու(թեն)է անտի յոյժ. եւ ո́չ գոյրյ չափ կշռոյ պղնձոյն փայլնոյ։

Verse: 46  Link to sept   Առ ափն յորդանանու ձուլեաց զայնյ արքայի, ՛ի թանձրութե(ան) երկրին ՛ի մէջ սոկքովթայ, եւ ՛ի մէջ սիրարթամայ։

Verse: 47  Link to sept   Եւ ետ արքայ սողոմոն յա(մենայ)ն կահն, քանզի կարի́ յոյժ էր բազմութ(եամ)բ. եւ ո́չ գոյրյ թիւ պղնձոյն։

Verse: 48  Link to sept   Եւ արար սողոմոն զա(մենայ)ն կահն որ ՛ի տան տ(եառ)ն։ զզոհանոցսն ոսկի։ եւ զսեղանն յորոյ վերայ հա́ցն պատարագի՝ ոսկի։

Verse: 49  Link to sept   Եւ զաշտանակսն հինգ ընդ աջմէ, եւ հինգ ընդ ձախմէ հանդէպ դաբիրայն ՛ի զուտ ոսկւոյ։ Եւ զբազմակալսն, եւ զճրագունսն, եւ զյարդարիչսն ոսկիս։

Verse: 50  Link to sept   եւ զդրանդսն, եւ զբեւեռսն, եւ զտաշտսն, եւ զսկաւառակսն, եւ զտուվան ոսկիս զուտ։ եւ զդրունս տանն ներքոյ զսրբու(թ)ե(ան) սրբութե(ան)ցն։ եւ զդրունս տա́ն տաճարին ոսկիս։

Verse: 51  Link to sept   Եւ բովանդակեցաւ ա(մենայ)ն գործն զոր արար արքայ սողոմոն զտանն տ(եառ)ն։
   Եւ տարաւ արքայ սողոմոն զսրբութի(ւն)սն դաւթի հօր իւրոյ, եւ զա(մենայ)ն սրբութի(ւն)ս սողոմոնի՝ զարծաթ եւ զոսկի եւ զկա́հ՝ ետ ՛ի գանձս տանն տ(եառ)ն։



Chapter: 8 
ԳԼ(ՈՒԽ) Ը՜.


Verse: 1  Link to sept   Յա́յնժամ եկեղեցացոյց արքայ սողոմոն զա(մենայ)ն ծերս ի(սրաէ)լի, հանդերձ ա(մենայ)ն գլխօք գաւազանացն համբարձելոց հարց որդւոց ի(սրաէ)լի առ արքայ սողոմոն ՛ի սիոն, հանե́լ զտապանակ ուխտին տ(եառ)ն ՛ի քաղաքէ դաւթի՝ ա́յս է սիոն։

Verse: 2  Link to sept   եւ եկեղեցացան առ արքայ սողոմոն ա(մենայ)ն այր ի(սրաէ)լի, յամսեանն անթանի՝ ամի տօաննին, այն էե ամիսն եւթներորդ։

Verse: 3  Link to sept   Եւ ելին ա(մենայ)ն ծերք ի(սրաէ)լի, եւ բարձին քահանայքն զտապանակն.

Verse: 4  Link to sept   եւ հանին զտապանակն տ(եառ)ն, եւ զխորանն վկայութե(ան), եւ զա(մենայ)ն սպասն սրբութե(ան) որ ՛ի խորանին վկայութե(ան)։ եւ հանին զայնյ քահանայքն եւ ղեւտացիք։

Verse: 5  Link to sept   Եւ արքայ սողոմոն եւ ա(մենայ)ն ժողովուրդն ի(սրաէ)լի գումարեալք առ նա, հանդերձ նովաւ առաջի տապանակին. զենուին արջառս եւ ոչխարս անհամա́րս եւ անթիւս ՛ի բազմու(թեն)է։

Verse: 6  Link to sept   Եւ տարան ՛ի ներքս քահանայքն զտապանակ ուխտին տ(եառ)ն ՛ի տեղի́ իւր, ՛ի դաբիր տանն սրբու(թ)ե(ան) սրբու(թ)ե(ան)ցն՝ ընդ թեւովք քրոբէիցն։

Verse: 7  Link to sept   զի քրոբէքն թռուցեալ թեւովք ՛ի վ(ե)ր(այ) տեղւոյ տապանակին, եւ ծածկեցին քրոբէքն զտապանակն, եւ զսրբութի(ւն)ս ն(ո)ր(ա) ՛ի վերուստ։

Verse: 8  Link to sept   Եւ կային ՛ի վ(ե)ր(այ) սրբեցելոցն, եւ հայէին գլուխք սրբեցելոցն ՛ի սրբութե(ան)ց անտի հանդէպ դաբիրայն, եւ արտաքս ո́չ երեւէին. եւ եղեն անդ մինչեւ ցայսօր։

Verse: 9  Link to sept   Եւ ո́չ ինչ գոյրյ ՛ի տապանակին, բայց երկո́ւ տախտակքն քարեղէնք, տախտակք ուխտի, զորս եդ անդ մովսէս ՛ի քորէբ. զորս ուխտեաց տ(է)ր ը(նդ) որդիսն ի(սրաէ)լի յելանել ն(ո)ց(ա) յերկրէն եգիպտացւոց։

Verse: 10  Link to sept   Եւ եղեւ իբրեւ ելին քահանայքն ՛ի սրբու(թեն)էն, եւ ամպն ելից զտունն տ(եառ)ն.

Verse: 11  Link to sept   եւ ո́չ կարէր քահանայն կա́լ ՛ի սպասու յերեսաց ամպոյն. զի փառք տ(եառ)ն լցին զտունն։

Verse: 12  Link to sept   Յայնժամ ասէ սողոմոն. Տ(է)ր ասաց հովանի լինել միգով։

Verse: 13  Link to sept   շինելո́վ շինեցի քեզ տուն բնակութե(ան). հաստատութի(ւն) աթոռոյ քում յաւիտեան։

Verse: 14  Link to sept   Եւ դարձո́յց արքայ զերեսս իւր, եւ օրհնեաց զա(մենայ)ն ի(սրա)էլ։ եւ ա(մենայ)ն եկեղեցին ի(սրաէ)լի կա́յր։

Verse: 15  Link to sept   Եւ ասէ. Օրհնեա́լ տ(է)ր ա(ստուա)ծ ի(սրաէ)լի այսօր. որ խօսեցաւ բերանով իւրով վ(ա)ս(ն) դաւթի հօր իմոյ. եւ ձեռօք իւրովք ելից՝ եւ ասէ։

Verse: 16  Link to sept   Յօրէ յորմէ հանի զժող·ովուրդ իմ զի(սրա)էլ յեգիպտոսէե, ո́չ ընտրեցի ՛ի քաղաքի́ միում ուրեք ՛ի գւազանաց ի(սրաէ)լի շինել տուն՝ զի լինիցի անուան իմոյ. եւ ընտրեցի զդաւիթ լինել ՛ի վ(ե)ր(այ) ժողովրդեան իմոյ ի(սրաէ)լի։

Verse: 17  Link to sept   Եւ եղեւ ՛ի սրտի դաւթի հօր իմոյ շինել տուն անուան տ(եառ)ն ա(ստուծո)յ ի(սրաէ)լի։

Verse: 18  Link to sept   եւ ասէ տ(է)ր ցդաւիթ հայր իմ. փոխանակ զի ե́կն ՛ի սիրտ քո շինել տուն անուան իմոյ՝ բարւո́ք արարեր, զի եղեւ ՛ի սրտի քում.

Verse: 19  Link to sept   բայց դու ո́չ շինեսցես զտունն, այլ որդի́ քո որ ելանէ յերանաց քոց՝ նա́ շինեսցէ տուն անուան իմոյ։

Verse: 20  Link to sept   Եւ կանգնեաց տ(է)ր զբան իւր զոՈր խօսեցաւ։ եւ կացի́ ես փոխանակ դաւթի հօր իմոյ, եւ նստայ յաթոռն ի(սրաէ)լի ո(ր)պ(էս) եւ խօսեցաւ տ(է)ր. եւ շինեցի տուն անուան տ(եառ)ն ա(ստուծո)յ ի(սրաէ)լի.

Verse: 21  Link to sept   եւ եդի անդ տեղի տապանակին, որ է ուխտն տ(եառ)ն զոր ուխտեաց տ(է)ր ընդ հարսն մեր, ՛ի հանել ն(ո)ր(ա) զնոսա յերկրէն եգիպտացւոց։

Verse: 22  Link to sept   Եւ յարեա́ւ սողոմոն յերեսաց սեղանոյն տ(եառ)ն՝ առաջի ա(մենայ)ն եկեղեցւոյն ի(սրաէ)լի, եւ տարածեա́ց զձեռս իւր յերկինս,

Verse: 23  Link to sept   եւ ասէ. Տ(է)ր ա(ստուա)ծ ի(սրաէ)լի. չի́ք իբրեւ զքեզ ա(ստուա)ծ յերկինս ՛ի վեր եւ յերկիր ՛ի խոնարհ՝ որ պահեցեր զուխտ եւ զող·որմու(թ)ի(ւն)Ի ծառայի քում գնացցելոյ առաջի քոյ ա(մենայ)ն սրտիւ իւրով.

Verse: 24  Link to sept   պահե́լ ծառայի քում դաւթի հօր իմոյ, զոր խոստացա́ր նմա, եւ խօսեցար բերանով քով, եւ ձեռօք քովք կատարեցեր որպէս եւ յաւուր յայսմիկ։

Verse: 25  Link to sept   Եւ ա́րդ տ(է)ր՝ ա(ստուա)ծ ի(սրաէ)լի, պահեա́ ծառայի քում դաւթի հօր իմոյ, զոր խօսեցար նմա եւ ասացեր. ո́չ բարձցի քո այր յերեսաց իմոց որ նստիցի յաթոռ ի(սրաէ)լի, միայն թէ զգուշասցին որդիք քո ճանապարհաց իւրեանց գնալ առաջի իմ, ո(ր)պ(էս) եւ գնացեր դու առաջի իմ։

Verse: 26  Link to sept   Եւ ա́րդ տ(է)ր՝ ա(ստուա)ծ ի(սրաէ)լի, հաւատարիմ լիցի բանն քո զոր խօսեցար ծառայի քում դաւթի հօր իմոյ,

Verse: 27  Link to sept   թէ բնակիցէ՞ ա(ստուա)ծ ը(նդ) մարդկան որ ՛ի վ(ե)ր(այ) երկրի։ եթէ երկինք՝ եւ երկնի́ց երկինք չե́ն քեզ բաւական, արդ զիա՞րդ տունս զոր շինեցի։

Verse: 28  Link to sept   Եւ արդ հայեա́ց յաղօթս ծառայի քում, եւ ՛ի խնդրուածս իմ, տ(է)ր ա(ստուա)ծ ի(սրաէ)լի, լսե́լ պաղատանաց աղօթից ծառայի քոյ որ կայ առաջի քո առ քեզ.

Verse: 29  Link to sept   լինել բա́ց աչաց քոց զցայգ եւ զցերեկ ՛ի տեղւոջս զորմէ ասացեր թէ եղիցի անուն իմ անդ, ՛ի լսել աղօթից զոր աղաչիցէ ծառայ քոյ ՛ի տեղւոջս յայսմիկ ՛ի տուէ եւ ՛ի գիշերի, եւ լուիցես ձայնի ծառայի քոյ, եւ ժողովրդեան քո ի(սրաէ)լի, զոր կայցեն յաղօթս ՛ի տեղւոջս յայսմիկ։

Verse: 30  Link to sept   եւ դու լուիցե́ս ՛ի տեղւոջ բնակութե(ան) քոյ յերկինս, եւ արասցե́ս եւ քաւեսցես,

Verse: 31  Link to sept   զոր ինչ ոք մեղիցէ ընկերի իւրում։ Եւ եթէ առցէ ՛ի վ(ե)ր(այ) ն(ո)ր(ա) անէծս անիծանել զնա, եւ խոստովա́ն լիցի առաջի սեղանոյ քոյ ՛ի տանս յայսմիկ,

Verse: 32  Link to sept   եւ դու լուիցես յերկնից, եւ արասցես եւ դատեսցիս զժողովուրդ քո զի(սրա)էլ։ Յանօրինե́լ անօրինին, տա́լ ըստ ճանապարհաց ն(ո)ր(ա) ՛ի գլուխ ն(ո)ր(ա)։ եւ արդարացուցանել զարդարն. տա́լ նմա ըստ արդարութե(ան) ն(ո)ր(ա)։

Verse: 33  Link to sept   Եւ ՛ի պարտել ժողովրդեան քո ի(սրաէ)լի առաջի թշնամեաց, յորժամ մեղանչիցեն քեզ եւ դառանայցեն առ քեզ՝ եւ խոստովա́ն լիցին անուան քում. եւ յաղօթս կայցեն, եւ աղաչիցեն առ քեզ ՛ի տանս յայսմիկ.

Verse: 34  Link to sept   եւ դու լուիցե́ս յերկնից, եւ քաւեսցես զմեղս ժողովրդեան քոյ ի(սրաէ)լի. եւ դարձուսցե́ս զնոսա յերկիրս զոր ետուր հարց ն(ո)ց(ա)։

Verse: 35  Link to sept   Եւ յարգելուլ երկնից՝ եւ ՛ի չլինել անձրեւի, զի մեղուցեալ իցեն քեզ. եւ յաղօթս կացցեն ՛ի տեղւոջս յայսմիկ, եւ խոստովա́ն լինիցին անուան քում, եւ ՛ի մեղաց իւրեանց դառայնյցեն, յորժամ նկո́ւն առնիցես զն(ո)ս(ա).

Verse: 36  Link to sept   լուիցե́ս յերկնից, եւ քաւեսցե́ս զմեղս ծառայից քոց եւ ժողովրդեան քոյ ի(սրաէ)լի. զի ցուցցես ն(ո)ց(ա) ճանապարհ բարի գնա́լ ՛ի նա. եւ տացես անձրեւ յերկիր քո զոր ետուր ժողովրդեան քում ՛ի ժառանգու(թ)ի(ւն)։

Verse: 37  Link to sept   Եւ սով՝ եթէ լինիցի յերկրի, կամ թէ մա́հ լինիցի, կամ թէ հրայրեացք, կամ դալուկն, կամ ջորեակ, կամ ժանգ եթէ լինիցի. եւ նեղիցէ զնա թշնամի իւր ՛ի միում քաղաքացն իւրոց. ա(մենայ)ն պատահար եւ ա(մենայ)ն ցաւ։

Verse: 38  Link to sept   Ամենայն աղօթք՝ եւ ա(մենայ)ն խնդրուածք որ լինիցին ա(մենայ)ն մարդոյ, ա(մենայ)ն ժողովրդեան քոյ ի(սրաէ)լի, ո(ր)պ(էս) զիարդ գիտիցեն իւրաքանչիւր զախտս սրտի իւրոյ, եւ տարածեսցէ զձեռս իւր ՛ի տանս յայսմիկ.

Verse: 39  Link to sept   եւ դու՝ լուիցես յերկնից ՛ի պատրաստ բնակութ(են)է քումմէ, եւ քաւեսցե́ս եւ արասցես. եւ տացես առն ըստ ա(մենայ)ն ճանապարհաց իւրոց, ո(ր)պ(էս) եւ գիտիցես զսիրտ ն(ո)ր(ա). զի դու միայն գիտես ա(մենայ)ն որդւոց մարդկան.

Verse: 40  Link to sept   զի երկիցեն ՛ի քէն զա(մենայ)ն աւուրս իւրեանց՝ որչափ եւ կեցցեն ՛ի վ(ե)ր(այ) երեսաց երկրի, զոր ետուր հարց մերոց։

Verse: 41  Link to sept   Եւ օտարոտին որ ո́չ իցէ ՛ի ժողովրդենէ քումմէ ի(սրաէ)լի, եւ նա եկեալ իցէ յերկրէ հեռաստանէ.

Verse: 42  Link to sept   ուր եւ լսիցէ զանուանէ քումմէ մեծէ, եւ զձեռանէ քումմէ հզօրէ, եւ զբազկէ քումմէ ձգելոյ. եւ եկեսցէ եւ յաղօթս կացցէ ՛ի տեղւոջս յայսմիկ.

Verse: 43  Link to sept   եւ դու լուիցե́ս յերկնից ՛ի պատրաստ բնակու(թեն)է քումմէ, եւ արասցես ըստ ա(մենայ)նի զոր եւ կարդասցէ առ քեզ օտարոտին։ զի ծանիցեն ա(մենայ)ն ազգք երկրի զանուն քո, եւ երկիցեն ՛ի քէն ո(ր)պ(էս) եւ ժողովուրդ քո ի(սրա)էլ. եւ ծանիցեն զի անուն քո կոչեցեալ է ՛ի վ(ե)ր(այ) տանս զոր շինեցի։

Verse: 44  Link to sept   Եւ եթէ ելանիցէ ժողովուրդ քո ՛ի պատերազմ ընդ թշնամիս իւր՝ ՛ի ճանապարհի յորմէե դարձուսցես զն(ո)ս(ա). եւ կացցեն յաղօթս յանուն տ(եառ)ն ՛ի ճանապարհի քաղաքիս զոր ընտրեցեր, եւ ՛ի տանս զոր շինեցի անուան քում.

Verse: 45  Link to sept   եւ դու լուիցե́ս յերկնից աղօթից ն(ո)ց(ա) եւ խնդրուածոց ն(ո)ց(ա), եւ արասցե́ս ն(ո)ց(ա) իրաւունս.

Verse: 46  Link to sept   քանզի մեղանչեցին քեզ, զի չի́ք մարդ որ ո́չ մեղանչէ։ Եւ եթէ ածցես ՛ի վերայ ն(ո)ց(ա), եւ մատնեսցես զն(ո)ս(ա) առաջի թշնամեաց. եւ գերեսցեն զն(ո)ս(ա) գերիչք իւրեանց յերկիր թշնամւոյ՝ ՛ի հեռաւո́ր կամ ՛ի մօտաւոր.

Verse: 47  Link to sept   եւ դարձուսցեն զսիրտս իւրեանց յերկիրն յոր գերեցան. եւ դառնայցեն եւ աղաչեսցեն զքեզ յերկրին գերութե(ան) իւրեանց. եւ ասիցեն՝ մեղաք անօրինեցաք անիրաւեցաք.

Verse: 48  Link to sept   եւ դարձցին առ քեզ յա(մենայ)ն սրտէ իւրեանց. եւ յա(մենայ)ն անձնէ իւրեանց՝ յերկրին թմնամեաց իւրեանց յոր փոխեցեր զն(ո)ս(ա). եւ յաղօթս կացցեն առ քեզ վասն ճանապարհի երկրին իւրեանց զոր ետուր հարցն ն(ո)ց(ա), եւ քաղաքիս զոր ընտրեցեր, եւ տանս զոր շինեցի անուան քում։

Verse: 49  Link to sept   եւ լուիցե́ս յերկնից ՛ի պատրաստ բնակու(թեն)է քումմէ աղօթից ն(ո)ց(ա) եւ խնդրուածոց ն(ո)ց(ա), եւ արասցե́ս ն(ո)ց(ա) իրաւունս։

Verse: 50  Link to sept   եւ քաւեսցե́ս զանիրաւու(թ)ի(ւն)ս ն(ո)ց(ա) զոր մեղան քեզ. եւ ը(ս)տ ա(մենայ)ն արհամարհանաց ն(ո)ց(ա) զոր արհամարհեցին զքեզ. եւ տացես զնոսա ՛ի գթու(թ)ի(ւն)Ի առաջի գերչաց իւրեանց, եւ գթասցիս ՛ի ն(ո)ս(ա).

Verse: 51  Link to sept   զի ժողովուրդ քո եւ ժառանգու(թ)ի(ւն) քո են՝ զորս հաներ յերկրէն եգիպտացւոց ՛ի միջոյ երկաթոյն հալոցաց։

Verse: 52  Link to sept   Եւ եղիցին աչք քո եւ ականջք քո բա́ց ՛ի խնդրուածս ծառայի քոյ. եւ ՛ի խնդրուածս ժողովրդեան քո ի(սրաէ)լի՝ լսե́լ ն(ո)ց(ա) յա(մենայ)նի որովք եւ կարդգայցեն առ քեզ։

Verse: 53  Link to sept   զի դո́ւ զատրուցեր զն(ո)ս(ա) քեզ ՛ի ժառնգու(թ)ի(ւն) յա(մենայ)ն ժողովրդոց երկրի. ո(ր)պ(էս) խօսեցար ՛ի ձեռն մովսիսի ծառայի քոյ ՛ի հանել զհարսն մեր յեգիպտոսէ տ(է)ր տ(է)ր։
   Յայնժամ խօսեցաւ սողոմոն վ(ա)ս(ն) տանն իբրեւ կատարեաց շինել զնա. Զարեգակն ծանեա́ւ յերկինս. Տ(է)ր ասաց բնակել ՛ի միգի։ Շինեա́ զտուն իմ տուն վայելուչ բնակել ՛ի նմա նորոգու(թեամ)բ։ ո́չ աւանիկ գրեալէ այս ՛ի գիրս երգոց։

Verse: 54  Link to sept   Եւ եղեւ իբրեւ կատարեաց սողոմոն կալ յաղօթս առ տ(է)ր, զա(մենայ)ն աղօթս զայս եւ զխնդրուածս. յարեա́ւ յերեսաց սեղանոյն տ(եառ)ն ուր կայր ՛ի գուճս ՛ի վերայ ծնգդաց իւրոց. եւ ձեռք իւր ընդ երկինս տարածեալ։

Verse: 55  Link to sept   Եւ եկաց եւ օրհնեաց զա(մենայ)ն եկեղեցին ի(սրաէ)լի մեծաձայն, եւ ասէ։

Verse: 56  Link to sept   Օրհնեա́լ է տ(է)ր այսօր, որ ետ հանգիստ ժողովրդեան իւրում ի(սրաէ)լի ը(ս)տ ա(մենայ)նի զոր խօսեցաւ՝ ո́չ վրիպեաց բան մի յա(մենայ)ն բանից ն(ո)ր(ա) բարեաց որովք խօսեցաւ ՛ի ձեռն մովսիսի ծառայի իւրոյ։

Verse: 57  Link to sept   եւ եղիցի տ(է)ր ա(ստուա)ծ մեր ընդ մե́զ՝ ո(ր)պ(էս) է́ր ընդ հարսն մեր, եւ մի́ թողցէ զմեզ։

Verse: 58  Link to sept   այլ դարձուսցէ զմեզ առ ՛ի չխոտորելոյ սրտից մերոց ՛ի նմանէ. գնա́լ յա(մենայ)ն ճանապարհս ն(ո)ր(ա), եւ պհահել զա(մենայ)ն պատուիրանս ն(ո)ր(ա), եւ զհրամանս ն(ո)ր(ա), եւ զիրաւունս ն(ո)ր(ա) զորս պատուիրեաց հարցն մերոց։

Verse: 59  Link to sept   Եղիցին բանքս իմ այսոքիկ որովք պաղատեցայ առաջի տ(եառ)ն ա(ստուծո)յ մերոյ՝ մերձենա́լ առ տ(է)ր ա(ստուա)ծ մեր ՛ի տուէ եւ ՛ի գիշերի, առնե́լ իրաւունս ծառայի քում, եւ իրաւունս ժողովրդեան քում ի(սրաէ)լի, զբան օրըստօրէ.

Verse: 60  Link to sept   զի ծանիցեն ա(մենայ)ն ժողովուրդք երկրի, զի տ(է)ր՝ նա́ է ա(ստուա)ծ, եւ չի́ք այլ ոք։

Verse: 61  Link to sept   Եւ եղիցին սիրտք մեր կատարեա́լք առ տ(է)ր ա(ստուա)ծ մեր անարատութ(եամ)բ գնա́լ ըստ հրամանաց ն(ո)ր(ա), եւ պահե́լ զպատուիրանս ն(ո)ր(ա) ո(ր)պ(էս) եւ յաւուր յայսմիկ։

Verse: 62  Link to sept   Եւ արքա́յ եւ ա(մենայ)ն որդիքն ի(սրաէ)լի ընդ նմա՝ զոհեցին զոհս առաջի տ(եառ)ն։

Verse: 63  Link to sept   եւ զոհեաց արքայ սողոմոն զո́հս խաղաղականաց զորս զոհեաց տ(եառ)ն յարջառոց քսան եւ երկո́ւս հազարս, եւ յոչխարաց հարիւր եւ քսան հազար։ Եւ արար նաւակատիս տանն տ(եառ)ն արքայ՝ եւ ա(մենայ)ն որդիքն ի(սրաէ)լի։

Verse: 64  Link to sept   Յաւուր յայնմիկ սրբեաց արքայ զմիջոց սրահին որ հանդէպ տանն տ(եառ)ն. զի ա́նդ արար զողջակէզսն եւ զպատարագսն, եւ զզոհսն, եւ զճարպսն խաղաղականաց. զի սեղանն պղնձի որ առաջի տ(եառ)ն կայր՝ փո́քր էր, եւ ո́չ կարէր ընդունել զողջակէզսն եւ զպատարագսն, եւ զզոհս խաղաղականաց։

Verse: 65  Link to sept   Եւ արար սողոմոն յաւուր յայնմիկ տօ́ն, եւ ա(մենայ)ն ի(սրա)էլ ընդ նմա եկեղեցի մեծխ, ՛ի մտիցն եմաթայ մինչեւ ցգետն եգիպտացւոց՝ առաջի տ(եառ)ն ա(ստուծո)յ մերոյ, ՛ի տանն զոր շինեաց՝ ուտելով եւ ըմպելով եւ ուրա́խ լինելով առաջի տ(եառ)ն ա(ստուծո)յ մերոյ զեւթն օր՝ եւ զեւթն օր, աւուրս չորեքտասան։

Verse: 66  Link to sept   Եւ յաւուրն ութերորդի արձակեաց զժող·ովուրդն. եւ օրհնեցին զարքայ եւ գնացին իւրաքանչիւր ՛ի բնակութի(ւն)ս իւրեանց, խնդութ(եամ)բ եւ սրտիւ զուարթութ(եամ)բ՝ ՛ի վ(ե)ր(այ) ա(մենայ)ն բարեացն զոր արար տ(է)ր ա(ստուա)ծ ծառայի́ իւրում դաւթի՝ եւ ի(սրաէ)լի ժողովրդեան իւրում։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ եղեւ իբրեւ կատարեաց սողոմոն շինել զտունն տ(եառ)ն, եւ զտունն արքայի. եւ զա(մենայ)ն հանդերձանս սողոմոնի զոր կամեցաւ առնել։

Verse: 2  Link to sept   Եւ երեւեցա́ւ տ(է)ր սողոմոնի երկրո́րդ ագամ, ո(ր)պ(էս) երեւեցաւ նմա ՛ի գաբաւոն։

Verse: 3  Link to sept   Եւ ասէ ցնա տ(է)ր. լուայ ձայնի աղօթից քոց եւ պաղատանաց զոր պաղատեցար առաջի իմ, արարի́ քեզ ըստ ա(մենայ)ն աղօթից քոց. սրբեցի́ զտունն զոր շինեցեր դնել զանուն իմ անդ յաւիտեան. եւ եղիցին աչք իմ եւ սիրտ իմ ա́նդ զա(մենայ)ն աւուրս։

Verse: 4  Link to sept   Եւ դու եթէ գնասցե́ս առաջի իմ, որպէս գնա́ց դաւիթ հայր քո սրբութ(եամ)բ սրտիւ եւ ուղղութ(եամ)բ՝ առնել ըստ ա(մենայ)նի զոր պատուիրեցի նմա, եւ զհրամանս իմ եւ զպատուիրանս իմ պահեսցես՝

Verse: 5  Link to sept   կանգնեցի́ց զաթոռ թ5ագաւորութե(ան) քոյ ՛ի վ(ե)ր(այ) ի(սրաէ)լի յաւիտեան. ո(ր)պ(էս) խօսեցայ դաւթի հօր քում եւ ասացի. մի́ պակասեսցէ քո այր առաջնորդ յի(սրաէ)լէ։

Verse: 6  Link to sept   Ապա թէ դառնալով դառնայցէք դուք եւ որդիք ձեր յինէն. եւ ո́չ պահիցէք դուք զպատուիրանս իմ եւ զհրամանս իմ զոր ետ մովսէս առաջի ձեր. եւ երթայցէք եւ ծառայիցէք աստուածոց օտարաց՝ եւ երկիր պագանիցէք նոցա,

Verse: 7  Link to sept   բարձի́ց զի(սրա)էլ յերկրէն զոր ետու ն(ո)ց(ա)։ Եւ զտո́ւնդ զայդ զոր սրբեցի անուան իմոյ՝ ընկեցի́ց յերեսաց իմոց. եւ եղիցի ի(սրա)էլ յապականութի(ւն) եւ ՛ի խօսս ընդ ա(մենայ)ն ժողովուրդս.

Verse: 8  Link to sept   եւ տունդ բարձրացեալ՝ ՛ի զրոյցս. ա(մենայ)ն որ անցանիցէ առ դովաւ՝ զարմասցի, եւ շըրչեսցէ եւ ասասցէ. ընդէ՞ր արար տ(է)ր ա́յսպէս երկրիս այսմիկ եւ տանս այսմիկ։

Verse: 9  Link to sept   եւ ասասցեն՝ փոխանակ զի թողիոն զտ(է)ր ա(ստուա)ծ իւրեանց որ եհան զհարս ն(ո)ց(ա) յեգիպտոսէ ՛ի տանէ ծառայութե(ան), եւ բո́ւռն հարին զաստուածոց օտարաց, եւ երկիր պագին ն(ո)ց(ա) եւ ծառայեցին ն(ո)ց(ա). վ(ա)ս(ն) այնորիկ ած տ(է)ր ՛ի վ(ե)ր(այ) դոցա զա(մենայ)ն չարիսդ զայդոսիկ։ Յայնժա́մ եհան սողոմոն զդուստրն փարաւոնի ՛ի քաղաքէ դաւթի ՛ի տունն իւր՝ զոր շինեա́ց իւր։

Verse: 10  Link to sept   Եւ եղեւ յաւուրսն յայնոսիկ յա́մս քսան զոր շինեաց սողոմոն զերկոսին տունսն՝ զտունն տ(եառ)ն եւ զտունն արքայի։

Verse: 11  Link to sept   Եւ քիրամ արքայ տիւրոսի ձեռնտու էր սողոմոնի, եղեւնափայտիւք եւ փայտիւք մայրից, եւ ոսկւով, եւ ա(մենայ)ն կամօք իւրովք։ Յայնժա́մ ետ արքայ սողոմոն քիրամայ քսան քաղաք ՛ի գալիլեա։

Verse: 12  Link to sept   եւ ել քիրամ ՛ի տիւրոսէ եւ չոգաւ ՛ի գալիլեա տեսանե́լ զքաղ·աքսն զոր ետ նմա /սողոմոն, եւ ո́չ եղեւ նմա հաճոյ.

Verse: 13  Link to sept   եւ ասէ՝ զի՞նչ են քաղաքքս այսոքիկ զոր ետուր ինձ ե́ղբայր. եւ կոչեաց զն(ո)ս(ա) սահմա́նս իւր մինչեւ ցայսօր։

Verse: 14  Link to sept   եւ եբեր քիրամ սողոմոնի հարիւր եւ քսան տաղանդ ոսկւոյ։

Verse: 15  Link to sept   Եւ ա́յս են հանդերձանք աւարին, զոր եհան արքայ սողոմոն շինել զտո́ւնն տ(եառ)ն, եւ զտունն արքայի. եւ զմելոն, եւ զբարձրաւանդակսն, եւ խնո́ւլ զխրամս քաղաքի դաւթի, եւ զասուր, եւ զմայիդան, եւ զպարիսպն եմ(թ)ի(ւն), եւ զեսեր, եւ զմակեդդով, եւ զգազեր,

Verse: 16  Link to sept   փարաւոնի արքայի եգիպտացւոց. քանզի ել եւ ա́ռ զգազեր, եւ այրեաց զնա հրով. եւ զքանանացին որ նստէր ՛ի քաղաքին՝ սպա́ն, եւ ետ զնա պաշտական դստեր իւրում կնոջ սողոմոնի։

Verse: 17  Link to sept   Եւ շինեաց սողոմոն զգազեր, եւ զբեթորոն զներքին։

Verse: 18  Link to sept   եւ զբաղաթ, եւ զթերմոթ յանապատի եւ յերկրի անդ.

Verse: 19  Link to sept   զա(մենայ)ն քաղաքս բնակութե(ան)ց որ էին սողոմոնի, եւ զքաղաքս կառաց, եւ զա(մենայ)նքաղաքս երիվարաց, եւ զհանդերձանս սողոմոնի, զոր հանդերձեաց շինել յե(րուսաղէ)մ, եւ ՛ի լիբանան, եւ յա(մենայ)ն երկրին.

Verse: 20  Link to sept   վ(ա)ս(ն) չիշխելոյ ն(ո)ր(ա) ա(մենայ)ն ազգին մնացլելոյ յամուրհացւոցն, եւ ՛ի քետացւոց, եւ ՛ի փերեիզացւոց, եւ ՛ի խեւացւոց, եւ ՛ի քանանացւոց, եւ ՛ի յեբուսացւոց, եւ ՛ի գերգեսացւոց, որ ո́չ յորդւոցն ի(սրաէ)լի էին.

Verse: 21  Link to sept   որդիք ն(ո)ց(ա) մնացեալք յետ ն(ո)ց(ա) յերկրին, զոր ո́չ կարացին որդիքն ի(սրաէ)լի սատակել. եւ արկ զնոսա սողոմոն ընդհարկօք ծառայութե(ան) մինչեւ ցայսօր։

Verse: 22  Link to sept   Եւ յորդւոցն ի(սրաէ)լի ո́չ ետ սողոմոն ՛ի հանդերձաւորու(թ)ի(ւն). զի նոքա ա́րք պատերազմօղք էին. եւ ծառայք ն(ո)ր(ա), եւ իշխանք ն(ո)ր(ա) եւ սպառազէնք ն(ո)ր(ա), եւ հեծեալք ն(ո)ր(ա)։

Verse: 23  Link to sept   Եւ ա́յս են իշխանք որ կային ՛ի վ(ե)ր(այ) գործոյն սողոմոնի, հինգ հարիւր եւ յիսուն, որ ունէին զժողովուրդն որ գործէին զգործն։

Verse: 24  Link to sept   Բայց դուստրն փարաւոնի ել ՛ի քաղաքէն դաւթի ՛ի տուն իւր, զոր շինեա́ց նմա. յայնժամ շինեաց զմելոն։

Verse: 25  Link to sept   Եւ հանէեր սողոմոն երիցս անգամ ՛ի տարւոջ ողջակէզս եւ խաղաղականս ՛ի վերայ սեղանոյն զոր շինեաց տ(եառ)ն, եւ արկանէր խունկս առաջի տ(եառ)ն. եւ բովանդակեաց զտունն։

Verse: 26  Link to sept   Եւ արար նա́ւ արքայ սողոմոն ՛ի գասիոնգաբեր, որ է մերձ յեղաթ՝ յեզեր վերջնոյ ծովուն յերկրին եդոմայ։

Verse: 27  Link to sept   եւ առաքեաց քիրամ ընդ նաւսն ՛ի ծառայից իւրոց նաւորդս հմո́ւտս նաւարկութե(ան) ծովու ընդ ծառայս սողոմոնի.

Verse: 28  Link to sept   եւ չոգան ՛ի սովփերա. եւ առին անտի ոսկի չորեքհարիւր եւ քսան տաղանտ, եւ բերին արքայի́ սողոմոնի։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ տիկինն սաբայ լուաւ զանուն սողոմոնի՝ եւ զանուն տ(եառ)ն, եւ զիմաստութի(ւն) սողոմոնի. եւ եկն փորձել զնա առակօք։

Verse: 2  Link to sept   եւ եկն յե(րուսաղէ)մ զօրու ծանու յոյժ. եւ ուղտուք որ բարձեալ բերէին խունկս, եւ ոսկի բազում յոյժ, եւ ականս պատուականս. եւ եմուտ առ սողոմոն, եւ խօսեցաւ ընդ նմա զա(մենայ)ն ինչ որ է́ր ՛ի սրտի իւրում։

Verse: 3  Link to sept   եւ մեկնեաց նմա սողոմոն զա(մենայ)ն բանս ն(ո)ր(ա), եւ ո́չ էր բան սխալեալ յարքայէ զոր ո́չ մեկնեաց նմա։

Verse: 4  Link to sept   Եւ ետես կինն զա(մենայ)ն իմաստութի(ւն)ն սողոմոնի, եւ զտունն զոր շինեաց.

Verse: 5  Link to sept   եւ զխորտիկսն սողոմոնի. եւ զաթոռ ծառայից ն(ո)ր(ա), եւ զկարգ պաշտօնէից ն(ո)ր(ա), եւ զհանդերձանս ն(ո)ր(ա), եւ զմատռուակս ն(ո)ր(ա). եւ զողջակէզս նորա զոր մատուցանէր տ(եառ)ն, եւ յիմարեցաւ։

Verse: 6  Link to sept   Եւ ասէ ցարքայ սողոմոն. ճշմարի́տ էր բանն զոր լուայ յերկրին իմում վ(ա)ս(ն) բանից քոց՝ եւ վ(ա)ս(ն) իմաստութե(ան) քոյ։

Verse: 7  Link to sept   եւ ո́չ հաւատայի խօսելեացն առիս, մինչեւ ինձէն եկի՝ եւ տեսին աչք իմ. եւ ահա ՛ի կէս չէ́ զոր պատմեցին ինձ իմաստութե(ան)դ զոր յաւելե́ր եւ բարու(թ)ե(ան), եւ ա(մենայ)ն համբաւոյն զոր լսէին յերկրին իմում։

Verse: 8  Link to sept   Երանելի́ են կանայք քո՝ եւ երանելի́ ծառայք քո որ կան առաջի քո՝ եւ հանապազ լսեն զիմաստութի(ւն) քո։

Verse: 9  Link to sept   եւ եղիցի տ(է)ր ա(ստուա)ծ քո օրհնեա́լ որ հաճեցաւ ը(նդ) քեզ տա́լ զքեզ յաթոռդ ի(սրաէ)լի. վ(ա)ս(ն) սիրելոյ տ(եառ)ն զի(սրա)էլ հաստատե́լ յաւիտեան։ եւ կացոյց զքեզ արքա́յ ՛ի վ(ե)ր(այ) ն(ո)ց(ա), առնե́լ իրաւունս եւ արդարու(թ)ի(ւն) յատեանս ն(ո)ց(ա)։

Verse: 10  Link to sept   Եւ ետ սողոմոնի հարիւր եւ քսան տաղանտ ոսկւոյ, եւ խունկս բազումս յոյժ, եւ ականս պատուականս. եւ ո́չ էին եկեալ այնպիսի խունկք բազումք եւ անուշունք, զորս ետ տիկինն սաբայ արքայի սողոմոնի։

Verse: 11  Link to sept   Եւ նաւն քիրամայ որ բերէր ոսկի ՛ի սովփերայ, եբեր ՛ի սովփերայ փայտ անտաշ բազում յոյժ, եւ ականս պատուականս։

Verse: 12  Link to sept   եւ արար արքայ զփայտսն անտաշս մո́յթս տանն տ(եառ)ն, եւ տանն արքայի, եւ քնարս եւ տաւիղս երգեցողաց. եւ չէ́ր եկեալ այնպիսի փայտ անտատՋԶ̣ յերկիրն, եւ ո́չ երեւեցաւ ուրեք մինչեւ ցայսօր։

Verse: 13  Link to sept   Եւ արքայ սողոմոն ե́տ տիկնոջն սաբայ զա(մենայ)ն ինչ զոր կամեցաւ եւ զոր խնդրեաց, բա́ց յայնմանէ զորս տուեալ էր ն(ո)ր(ա) ՛ի ձեռս արքայի սողոմոնի։ եւ դարձաւ եւ գնաց յերկիր իւր՝ ինքն եւ ա(մենայ)ն ծառայք իւր։

Verse: 14  Link to sept   Եւ է́ր կշիռ ոսկւոյն եկելոյ սողոմոնի ՛ի միում տարւոջ վեցհարիւր եւ վաթսուն եւ վեց տաղանտ ոսկւոյ.

Verse: 15  Link to sept   թո́ղ զհարկացն կարգելոց, եւ զվաճառաց վաճառականաց, եւ զա(մենայ)ն թագաւորաց այնր կողման, եւ նախարարաց երկրին։

Verse: 16  Link to sept   Եւ արա́ր արքայ սողոմոն երեքարեւր նիզակ ոսկի կռածոյ, եւ երեքարեւր դահեկան ՛ի վերայ միոյ նիզակի։

Verse: 17  Link to sept   եւ երեքարեւր զէն ոսկի կուռ, եւ երեք մանք ոսկի ՛ի մի զէն. եւ ետ զայնյ արքայ ՛ի տուն անտառին լիբանանու։

Verse: 18  Link to sept   Եւ արար արքայ աթո́ռ փղոսկրեայ մեծ, եւ պատեաց զնա ոսկւով փորձով.

Verse: 19  Link to sept   վեց աստիճան աթոռոյն, դէմք եզանց ՛ի թիկանց կողմանէ աթոռոյն, եւ եւձեռք աստի եւ անտի ՛ի վ(ե)ր(այ) աթոռոյն նստելոյ, եւ երկու առիւծունք կային առընթեր ձեռացն։

Verse: 20  Link to sept   եւ երկոտասան առեւծք կային ՛ի վ(ե)ր(այ) վեցեցունց աստիճանացն աստի́ եւ անտի։ եւ ո́չ եղեւ այնպիսի յա(մենայ)ն թագաւորութե(ան)։

Verse: 21  Link to sept   Եւ ա(մենայ)ն կա́հ սպասու արքայի սողոմոնի ոսկի́ գործեալ. եւ աւազանք ոսկիք. եւ ա(մենայ)ն կահ տան անտառին լիբանանու ոսկւով պատեալ. եւ ո́չ գոյրյ արծաթ, քանզի ո́չ էր համարեալ արծաթ յաւուրս սողոմոնի՝ թէ իցէ́ ինչ։

Verse: 22  Link to sept   զի նա́ւ թարսսացի էր սողոմոնի արքայի ՛ի ծովու ը(նդ) նա́ւս քիրամայ, եւ յերեա́մ գայր արքայի նաւ ՛ի թարսսէ, ոսկւոյ եւ արծաթոյ, եւ ժանեաց փղաց. եւ կապկաց, եւ սիրամարգաց։

Verse: 23  Link to sept   Եւ մածացա́ւ սողոմոն քան զա(մենայ)ն թագաւորս երկրի. մեծու(թեամ)բ եւ իմաստու(թեամ)բ։

Verse: 24  Link to sept   եւ ա(մենայ)ն թագաւորք երկրի խնդրէին տեսանել զերեսս սողոմոնի, եւ լսե́լ զիմաստու(թ)ի(ւն) ն(ո)ր(ա), զոր ետ տ(է)ր ՛ի սիրտ ն(ո)ր(ա).

Verse: 25  Link to sept   եւ նոքա բերէին իւրաքանչի́ւր զպատարագս իւրեանց, անօթս արծաթեղէնս եւ անօթս ոսկեղէնս, եւ հանդերձս. ստաշխն, եւ խունկս, եւ ձիս, եւ ջորիս, ամի ամի։

Verse: 26  Link to sept   Եւ ժողովեաց սողոմոն կա́ռս եւ հեծեալս. եւ էին սողոմոնի քառասուն հազար ձիք մատակք կառաց, եւ երկոտասան հազար երիվարաց. եւ եդ զն(ո)ս(ա) ՛ի քաղաքս կառաց, եւ որ ը(նդ) արքայի յե(րուսաղէ)մ։ Եւ էր իշխան ա(մենայ)ն թագաւորաց ՛ի գետոյն մինչեւ ցայլազգիս, եւ մինչեւ ցսահմանս եգիպտացւոց։

Verse: 27  Link to sept   Եւ ետ արքայ զարծաթ եւ զոսկի յե(րուսաղէ)մ իբրեւ զքարինս, եւ զեղեւնափայտ՝ իբրեւ զմոլաթզենիս ՛ի դաշտիս բազմութ(եամ)բ։

Verse: 28  Link to sept   Եւ ե́լք իրավարաց սողոմոնի յեգիպտոսէ, եւ ՛ի թակուայ վաճառք արքայի. եւ առնուին ՛ի թեկուայ գնովք.

Verse: 29  Link to sept   եւ ելանէին ելք կառաց յեգիպտոսէ, փոխանակ արծաթոյ, եւ ձի ընդ հարիւր եւ յիսուն արծաթոյ. եւ նո́յնպէս թագաւորաց ամենեցունց, քետտիմայ, եւ թՙագաւորացն ասորւոց որ ընդ ծովակողմն ելանէին։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ արքայ սողոմոն՝ է́ր իգասէր. եւ ա́ռ իւր կանայս օտարոտիս բազումս, եւ զդուստրն փարաւոնի, եւ մովաբացիս, եւ ամոնացիս, եւ եդոմայեցիս, եւ ասորիս, եւ քետացիս, եւ ամովրհացիս.

Verse: 2  Link to sept   եւ յազգացն յորոց վճարեաց տ(է)ր որդւոցն ի(սրաէ)լի չմտանել առ ն(ո)ս(ա), եւ նոքա մի́ մտցեն առ ձեզա. թէ գուցէ խոտորեցուցանիցեն զսիրտս ձեր զկնի կռոցն իւրեանց, ՛ի նոսա́ յարեցաւ սողոմոն սիրել։

Verse: 3  Link to sept   Եւ էին ն(ո)ր(ա) կանայք տիկնայք՝ եւթն հարիւր, եւ հարճք՝ երեք հարիւր. եւ խոտորեցուցին կանայք ն(ո)ր(ա) զսիրտ նորա։

Verse: 4  Link to sept   Եւ եղեւ ՛ի ժամանակի ծերու(թ)ե(ա)ն սողոմոնի, եւ կանայք ն(ո)ր(ա) խոտորեցուցին զսիրտ ն(ո)ր(ա) զհետ աստուածոց օտարաց. եւ ո́չ էր սիրտ ն(ո)ր(ա) կատարեալ ընդ տ(եառ)ն ա(ստուծո)յ իւրոյ իբրեւ զսիրտն դաւթի հօր իւրոյ։

Verse: 5  Link to sept   Եւ գնաց սողոմոն զհետ աստարտայ գարշելւոյ սիդոնացւոց, եւ զհետ մեղքոմայ գարշելւոյ որդւոցն ամոնայ։

Verse: 6  Link to sept   եւ արար սողոմոն չա́ր առաջի տ(եառ)ն, եւ ո́չ չոգաւ զհետ տ(եառ)ն իբրեւ զդաւիթ զհայր իւր։

Verse: 7  Link to sept   Յայնժամ շինեաց սողոմոն զբարձաւանդակն քամովսայ կռո́ցն մովաբու ՛ի լերինն հանդէպ եմ(թ)ի(ւն), եւ մեղքոմայ կռոց որդւոցն ամովնայ, եւ աստարտայ գարշելւոյ սիդոնացւոց։

Verse: 8  Link to sept   Եւ այնպէս արար ա(մենայ)ն կանանց իւրոց օտարոտւոց։ արկանէին խո́ւնկս, եւ զոհէին կռոց իւրեանց։

Verse: 9  Link to sept   Եւ բարկացաւ տ(է)ր սողոմոնի, զի խոտորեցո́յց զսիրտ իւր ՛ի տ(եառն)է ա(ստուծո)յ ի(սրաէ)լի որ երեւեցաւ նմա երկի́ցս.

Verse: 10  Link to sept   եւ պատուիրեաց նմա վ(ա)ս(ն) բանին այնորիկ, ամենեւին չերթա́լ զհետ աստուածոց օտարաց, եւ պահել եւ առնել զոր պատուիրեաց նմա տ(է)ր ա(ստուա)ծ։

Verse: 11  Link to sept   Եւ ասէ տ(է)ր ցսողոմոն, փոխանակ զի եղեւ ա́յդ ընդ քեզ, եւ ո́չ պահեցեր զհրամանս իմ, եւ զպատուիրանս զոր պատուիրեցի քեզ՝ պատառելով պատառեցից զթագաւորութիդ ՛ի ձեռանէ քումմէ, եւ տաց զդա ծառայի́ քում։

Verse: 12  Link to sept   բայց ՛ի քո́ աւուրս ո́չ արարից զայնյ վ(ա)ս(ն) դաւթի հօր քոյ, այլ ՛ի ձեռանէ որդւոյ քոյ առի́ց զդա։

Verse: 13  Link to sept   Սակայն զա(մենայ)ն թագաւորու(թ)ի(ւն)դ ո́չ առից. գաւազա́ն մի տաց որդւոյ քում վասն դաւթի ծառայի իմոյ, եւ վասն ե(րուսաղէ)մի քաղաքի զոր ընտրեցի։

Verse: 14  Link to sept   Եւ յարո́յց տ(է)ր սատան սողոմոնի զադեր զեդոմայեցի ՛ի զաւակէ թագաւորու(թ)ե(ա)ն եդովմայեցւոց։

Verse: 15  Link to sept   Եւ եղեւ ՛ի սատակե́լ դաւթի զեդոմ, յերթալ յովաբայ իշխանի զօրուն թաղե́լ զվիրաւորսն. զի կոտորեցին զա(մենայ)ն արրու յեդոմ։

Verse: 16  Link to sept   զի զվե́ց ամիս նստաւ անդ յովաբ, եւ ա(մենայ)ն ի(սրա)էլ յեդովմ, մինչեւ սատակեաց զա(մենայ)ն արրու եդովմայեցւոց։

Verse: 17  Link to sept   Եւ փախեա́ւ ադեր՝ ինքն եւ ա(մենայ)ն արք եդովմայեցիք ՛ի ծառայից հօր ն(ո)ր(ա)՝ եւ մտին յեգիպտոս։ եւ ադեր՝ մանուկ փո́քր էր.

Verse: 18  Link to sept   եւ յարեան արքն ՛ի քաղաքէ անտի մադիամու եւ եկին ՛ի փարան, եւ առին ընդ իւրեանս արս ՛ի փարանէ եւ եկին յեգիպտոս առ փարաւոն արքա́յ եգիպտացւոց, եւ եմո́ւտ ադեր առ փարաւոն, եւ ե́տ նմա տուն, եւ կարգեաց նմա հաց, եւ ետ նմա գետին։

Verse: 19  Link to sept   եւ եգիտ ադեր շնորհս առաջի փարաւոնի յոյժ, եւ ետ նմա կին զքոյր կնոջ իւրոյ՝ զքոյր թեկեմինայ զերէց։

Verse: 20  Link to sept   եւ ծնաւ քոյրն թեկեմինայ ադերայ զգանեաբաթ զորդի ն(ո)ր(ա), եւ սնոյց զնաքոյրն թեկեմինա ՛ի մէջ ոիրդւոիցն փարաւոնի. եւ էր գանեբաթ ՛ի տան փարաւոնի ՛ի մէջ որդւոցն փարաւոնի։

Verse: 21  Link to sept   Եւ լուաւ ադեր յեգիպտոս եթէ ննջեա́ց դաւիթ ընդ հարս իւր, եւ թէ մեռաւ յովաբ իշխան զօրուն, եւ ասէ ադեր ցփարաւոն, արձակեա́ զիս եւ դարձա́յց յերկիր իմ։

Verse: 22  Link to sept   եւ ասէ փարաւոն ցադեր՝ զի՞նչ պակաս է քեզ առ իս՝ զի խնդրես երթալ յերկիր քո։ եւ ասէ ցնա ադեր՝ զի արձակելո́վ արձակեսցես զիս. եւ դարձա́ւ ադեր յերկիր իւր։

Verse: 23  Link to sept   Եւ յարոյց տ(է)ր սատա́ն սողոմոնի զռազոն զորդի եղիադայ, որ փախեաւ յադրիազարայ արքայէ սուբայ ՛ի տեառնէ իւրմէ։

Verse: 24  Link to sept   եւ ժողովեցան առ նա արք, եւ էր իշխան գնդին, ՛ի կոտորել զն(ո)ս(ա) դաւթի. եւ գնա́ց ՛ի դամասկոս՝ եւ նստան ՛ի նմա. եւ թագաւորեաց ՛ի դամասկոս.

Verse: 25  Link to sept   եւ եղեւ հակառակ ի(սրաէ)լի զա(մենայ)ն աւուրս սողոմոնի։ ա́յս է չարութի(ւն) ադերայ. եւ ծանրացասումն եւղեւ իսրայէլի, եւ թագաւորեաց յերկիրն եդոմայ։

Verse: 26  Link to sept   Եւ յերոբովամ որդի նաբատայ եփրաթացի ՛ի սարիրայ, եւ անուն մօր ն(ո)ր(ա) սարուա կի́ն այրի, եւ նա էր որդի կնոջ այրւոյ՝ ծառայ սողոմոնի. եւ ամբարձ զձեռն իւր յարքայ։

Verse: 27  Link to sept   եւ ա́յն իրք էին զի վերացոյց զձեռն իւր յարքայ սողոմոն։ Եւ արքայ սողոմոն շինեաց զբարձաւանդակն, եւ եխից զխրամ քաղաքին դաւթի հօր իւրոյ։

Verse: 28  Link to sept   եւ ա́յրն յերոբովամ հզօր զօրութ(եամ)բ. իբրեւ ետես սողոմոն զպատանեակն եթէ այր գործո́յ է, կացոյց զնա ՛ի վ(ե)ր(այ) հարկաց բեռնակրաց տանն յովսեփայ։

Verse: 29  Link to sept   Եւ եղեւ ՛ի ժամանակին յայնմիկ ե́լ յերոբովամ յե(րուսաղէ)մէ, եւ եգիտ զնա աքիա սիլոնացի մարգարէ ՛ի ճանապարհի, եւ մեկուսացո́յց զնա ՛ի ճանապարհէն. եւ աքիա զգեցեալէր հանդերձ նոր. եւ երկոքեան ՛ի դաշմտին։

Verse: 30  Link to sept   Եւ բո́ւռն եհար աքիա զհանդերձէն իւրմէ զնորոյ որ ՛ի վ(ե)ր(այ) իւր։ եւ պատառեաց զնա յերկոտասան կապերտս.

Verse: 31  Link to sept   եւ ասէ ցյերոբովամ. ա́ռ դու քեզ զտասն կապերտսդ։ Զի ա́յսպէս ասէ տ(է)ր ա(ստուա)ծ (թ)ի(ւն)ի, ահա ես պատառեցից զթագաւորութի(ւն)ն ՛ի ձեռաց սողոմոնի, եւ տա́ց քեզ զտասն գաւազանսն.

Verse: 32  Link to sept   եւ երկու գաւազանքն եղիցին նորա՝ վ(ա)ս(ն) դաւթի ծառայի իմոյ, եւ վ(ա)ս(ն) ե(րուսաղէ)մի քաղաքի զոր ընտրեցի յա(մենայ)ն ցեղիցն ի(սրաէ)լի.

Verse: 33  Link to sept   փոխանակ զի եթող զիս, եւ երկի́ր եպագ աստարտայ գարշելւոյ սիդոնացւոց, եւ քամովսայ կռոց մովաբայ, եւ մեղքովմայ զազրոտւոյ որդւոցն ամոնայ. եւ ո́Է́չ գնաց ՛ի ճանապարհս իմ առնել ուղղութի(ւն) առաջի իմ, զճշմարտու(թ)ի(ւն)ս եւ զդատաստանս իմ իբրեւ զդսաւիթ զհայր իւր։

Verse: 34  Link to sept   Եւ ո́չ առի զա(մենայ)ն թագաւորու(թ)ի(ւն)ն ՛ի ձեռանէ ն(ո)ր(ա). զի հակառակութ(եամ)բ կացից հակառակ նմա զա(մենայ)ն աւուրս կենաց ն(ո)ր(ա). վ(ա)ս(ն) դաւթի ծառայի իմոյ զոր ընտրեցի, որ պահեաց զպատուիրանս իմ եւ զճշմմարտու(թ)ի(ւն)ս։

Verse: 35  Link to sept   Եւ առի́ց զթագաւորութի(ւն)ն ՛ի ձեռանէ ն(ո)ր(ա), եւ տա́ց քեզ զտասն գաւազանսն.

Verse: 36  Link to sept   եւ որդւոյ ն(ո)ր(ա) տա́ց զերկուս գաւազանսն, վ(ա)ս(ն) մնալոյ ճրագի ծառայի իմում դաւթի զա(մենայ)ն աւուրս առաջի իմ յե(րուսաղէ)մ քաղաքի զոր ընտրեցի դնել զանուն իմ անդ։

Verse: 37  Link to sept   Եւ զքեզ առից, եւ թագաւորեսցես որոց եւ ցանկասցի անձն քո. եւ դու եղ·իցես թագաւոր ՛ի վ(ե)ր(այ) ի(սրաէ)լի։

Verse: 38  Link to sept   եւ եղիցի եթէ պահեսցես զա(մենայ)ն ինչ զոր ես պատուիրեմ քեզ, եւ գնասցես ՛ի ճանապարհս իմ, եւ արասցես ուղղու(թ)ի(ւն) առաջի իմ, զգուշանա́լ պատուիրանաց իմոց եւ հրամանաց իմոց՝ ո(ր)պ(էս) արար /դաւիթ ծառայ իմ. եւ եղէց ընդ քեզ, եւ շինեցից քեզ տո́ւն հաւատարիմ որպէս շինեցի դաւթի. եւ տա́ց քեզ զիէլ։

Verse: 39  Link to sept   եւ չարչարեցից զզաւակն դաւթի վ(ա)ս(ն) այնորիկ. բայց ո́չ զամենայն աւուրս։

Verse: 40  Link to sept   Եւ խնդրեաց սողոմոն սպանանել զյերոբովամ. եւ յարեաւ յերոբովամ եւ փախեաւ յեգիպտոս առ սաւսակիմ արքայ եգիպտացւոց. եւ է́ր յեգիպտոս մինչեւ մեռաւ սողոմոն։

Verse: 41  Link to sept   Եւ մնացորդք բանիցն սողոմոնի, եւ ա(մենայ)ն ինչ զոր արար, եւ ա(մենայ)ն իմաստութի(ւն) ն(ո)ր(ա), ո՞չ աւանիկ գրեալ է ՛ի գիրս բանից սողոմոնի։

Verse: 42  Link to sept   Եւ աւուրք զորս թագաւորեաց սողոմոն յե(րուսաղէ)մ ՛ի վ(ե)ր(այ) ա(մենայ)ն ի(սրաէ)լի ամք քառասուն։

Verse: 43  Link to sept   Եւ ննջեաց դաւթի հօր իւրոյ։ Եւ թագաւորեաց ռոբովամ որդի նորա ընդ նորա։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ չոգաւ արքայ ռոբովամ ՛իԻ սիկիմ. զի ՛ի Իսիկիմ գայր ա(մենայ)ն ի(սրա)էլ թագաւորեցուցանել զնա։

Verse: 2  Link to sept   Եւ եղեւ իբրեւ լուաւ յերոբովամ որդի նաբատայ, եւ ինքն է́ր տակաւին յեգիպտոս յորմէ հետէ փախեաւ յերեսաց արքայի սողոմոնի, եւ դարձաւ յերոբովամ յեգիպտոսէ.

Verse: 3  Link to sept   եւ առաքեցին եւ կոչեցին զնա։ Եւ եկն յերոբովամ եւ ա(մենայ)ն եկեղեցին ի(սրաէ)լի. եւ խօսեցաւ ա(մենայ)ն ժողովուրդն ընդ արքայի ռոբովամայ՝ եւ ասեն։

Verse: 4  Link to sept   Հա́յր քո ծանրացայց զանուր մեր, եւ դու թեթեւացո́ ՛ի խիստ ծանրութ(են)է հօր քոյ, եւ ՛ի ծանր անրոյ ն(ո)ր(ա) զոր ետ ՛ի վ(ե)ր(այ) մեր. եւ ծառայեսցո́ւք քեզ։

Verse: 5  Link to sept   Եւ ասէ ցն(ո)ս(ա). երթա́յք մինչեւ ցերիս աւուրս, եւ դարձջի́ք առ իս։ եւ գնացին։

Verse: 6  Link to sept   Եւ խորհեցաւ արքայ ռոբովամ ընդ ծերսն որ կային առաջի սողոմոնի հօր ն(ո)ր(ա) մինչդեռ կենդանի էր, եւ ասէ. զիա՞րդ խորհիք՝ եւ տացուք պատասխանի ընդ ժողովրդեանն։

Verse: 7  Link to sept   Եւ խօսեցան ընդ նմա՝ եւ ասեն. եթէ յաւուր յայսմիկ լինիցիս ծառա́յ ժողովրդեանն այնմիկ՝ եւ ծառայեսցես ն(ո)ց(ա), եւ անսասցես ն(ո)ց(ա), եւ խօսեսցիս ընդ ն(ո)ս(ա) բանս բարիս, եղիցին քեզ ծառա́յք զա(մենայ)ն աւուրս։

Verse: 8  Link to sept   Եւ եթող զխորհուրդ ծեարոցն զոր խորհեցաւ ընդ ն(ո)ս(ա), եւ խորհեցաւ ընդ մանկտին սնընդակիցս իւր՝ որ կային առաջի ն(ո)ր(ա).

Verse: 9  Link to sept   եւ ասէ ցն(ո)ս(ա). զի՞նչ տայք խրատ, եւ տա́ց պատասխանի ժողովրդեանն՝ որ խօսեցան ընդիս եւ ասեն, թեթեւացո́ յանրոյն՝ զոր ետ հայր քո ՛ի վ(ե)ր(այ) մեր։

Verse: 10  Link to sept   Եւ խօսեցան ընդ նմա մանկտին սնընդակիցք իւր որ կային առաջի ն(ո)ր(ա)՝ եւ ասեն։ Ա́յսպէս խօսեսցիս յականջս ժողովրդեանն՝ որ խօսեցան ընդ քեզ եւ ասեն, հա́յր քո ծանրացոյց զանուր մեր՝ եւ դու թեթեւացո ՛ի մէնջ. ա́յսպէս խօսեսցիս ընդ ն(ո)ս(ա). Ծկոյթ իմ ստուա́ր է քան զմէջ հօր իմոյ.

Verse: 11  Link to sept   եւ արդ՝ հայր իմ եդ ՛ի վ(ե)ր(այ) ձեր անուր ծանր, եւ ես յաւելի́ց յանուրն ձեր. հայր իմ խրատեաց զձեզ գանիւք՝ եւ ես խրատեցից ձեզ քըքովք։

Verse: 12  Link to sept   Եւ եկն ա(մենայ)ն ի(սրա)էլ առ արքայ ռոբովամ յաւուրն երրորդի՝ ո(ր)պ(էս) խօսեցաւ ընդ ն(ո)ս(ա) արքայ եւ ասէ, դարձջի́ք առիս յաւուրն երրորդի։

Verse: 13  Link to sept   Եւ պատասխանի́ ետ արքայ ժողովրդեանն խստութ(եամ)բ. եւ եթող ռոբավամ զխորհուրդս ծեարոցն զոր խորհեցան ը(նդ) նմա,

Verse: 14  Link to sept   եւ խօսեցաւ ընդ ն(ո)ս(ա) ըստ խորհրդեան մանկտւոյն՝ եւ ասէ. հայ րիմ ծանրացոյց զանուր ձեր, եւ ես յաւռելի́ց յանուր ձեր. հայր իմ խրետէր զձեզ գանիւք, եւ ես խրատեցից զձեզ քըքովք։

Verse: 15  Link to sept   Եւ ո́չ լուաւ արքայ ժողովրդեանն, զի էր խոտորումն ՛ի տ(եառն)է. զի հաստատեսցէ տ(է)ր զբան իւր զոր խօսեցաւ ՛ի ձեռն աքիայ սիլովնացւոյ, վ(ա)ս(ն) յերոբովամայ որդւոյ նաբատայ։

Verse: 16  Link to sept   Իբրեւ տեսին ա(մենայ)ն ի(սրա)էլ՝ եթէ ո́չ լուաւ ն(ո)ց(ա) արքայ. պատասխանի ետ ժողովուրդն արքայի եւ ասէ. Զի՞նչ բաժին կայ մեր ընդ դաւթի. եւ ո́չ գոյ մեր ժառանգու(թ)ի(ւն) ընդ որդւոյ յեսսեայ. պնդեա́ց ՛ի բնակութի(ւն)ս քո ի(սրա)էլ։ եւ արդ՝ դու արածեա́ զտունն դաւթի։ եւ գնաց ի(սրա)էլ ՛ի բնակութի(ւն)ս իւր։

Verse: 17  Link to sept   եւ որդւոցն ի(սրաէ)լի որ նստէին ՛ի քաղաքս յուդայ՝ թագաւորեաց ռոբովամ։

Verse: 18  Link to sept   Եւ առաքեաց արքայ ռոբովամ զադոնիրամ հարկապետ՝ եւ քարկոծեցին զնա ա(մենայ)ն ի(սրա)էլ քարամբք՝ եւ մեռաւ. եւ արքայ ռոբովամ աճապարեաց ելանել ՛ի կառս իւր եւ փախչաել յե(րուսաղէ)մ։

Verse: 19  Link to sept   եւ արհամարհեաց ի(սրա)էլ զտունն դաւթի մինչեւ ցայսօր։

Verse: 20  Link to sept   Եւ եղեւ իբրեւ լուաւ ա(մենայ)ն ի(սրա)էլ եթէ դարձաւ յերոբովամ, առաքեցին եւ կոչեցին զնա ա(մենայ)նժողովուրդն, եւ թագաորեցուցին զնա ՛ի վերայ ի(սրաէ)լի. եւ ո́չ ոք էր զկնի տանն դաւթի, բայց միայն ՛ի գաւազանէ́ տանն յուդայ եւ բենիամինի։

Verse: 21  Link to sept   Եւ ռոբովամ եմո́ւտ յե(րուսաղէ)մ, եւ եկեղեցացոյց զժողովուրդն յուդայ եւ զգաւազանն բենիամինի՝ հարիւր եւ ութսո́ւն հազար երիտասարդաց պատերազմողաց՝ պատերազմել ընդ տանն ի(սրաէ)լի, դարձուցանել զթագաւորու(թ)ի(ւն)ն ռոբովամայ որդւոյ սողոմոնի։

Verse: 22  Link to sept   Եւ եղեւ բան տ(եառ)ն առ սամեա այր ա(ստուծո)յ՝ եւ ասէ։

Verse: 23  Link to sept   խօսեա́ց ընդ ռոբովամայ որդւոյ սողոմոնի արքայի յուդայ, եւ ընդ ա(մենայ)ն տանն յուդայ եւ բենիամինի, եւ ընդ մնացորդս ժողովրդեանն՝ եւ ասասցես։

Verse: 24  Link to sept   Ա́յսպէս ասէ տ(է)ր. մի́ ելանէք եւ մի́ տայցէք պատերազմ ընդ եղբարս ձեր ընդ որդիսն ի(սրաէ)լի, դարձցի́ իւրաքանչիւրոք ՛ի տուն իւր, զի յինէ́ն եղեւ բանն այն։ եւ լուան բանի տ(եառ)ն, եւ դադարեցին յերթալոյ ըստ բանին տ(եառ)ն։

Verse: 25  Link to sept   Եւ շինեաց յերոբովամ զսիկիմ ՛ի լերինն եփրեմայ՝ եւ բնակէր ՛ի նմա։ եւ ել անտի եւ շինեաց զփանուէլ։

Verse: 26  Link to sept   Եւ ասէ յերոբովամ ՛ի սրտի իւրում. ահա արդ դառնայցէ թագաւորութի(ւն)ս իմ ՛ի տուն դաւթի,

Verse: 27  Link to sept   եթէ ելանիցէ ժողովուրդս զոհել զոհս ՛ի տան տ(եառ)ն յե(րուսաղէ)մ. եւ դառնայցէ սիրտ ժողովրդեանս այսորիկ առ տ(է)ր, եւ առ տէ́ր իւրեանց ռոբովամ արքայ յուդայ. եւ սպանանիցեն զիս, եւ դառնայցեն առ ռոբովամ արքայ յուդայ։

Verse: 28  Link to sept   Եւ խորհեցաւ արքայ, եւ չոգաւ արար երկուս երինջս ոսկիս. եւ ասէ ցժողովուրդն, շա́տ լիցի ձեզ ելանել յե(րուսաղէ)մ. ահա աստուածք քո ի(սրա)էլ՝ որ հանին զքեզ յերկրէն եգիպտացւոց։

Verse: 29  Link to sept   եւ եդ զմին ՛ի դան՝ եւ զմեւսն ՛ի բեթէլ։

Verse: 30  Link to sept   Եւ եղեւ բանն այն ՛ի մե́ղս. եւ երթայր ժողովուրդն առաջի երեսաց միոյն մինչեւ ցգան։

Verse: 31  Link to sept   եւ արար տօնս ՛ի վ(ե)ր(այ) բարձանց. եւ արար քուրմս զմասն ինչ ժողովրդեանն որ ո́չ էին ՛ի տանց ղեւեայ։

Verse: 32  Link to sept   Եւ արար յերոբովամ տօն յամսեանն ութերորդի՝ յաւուր հնգետասաներորդի նորին ամսոյ՝ ըստ տօնին որ յերկրին յուդայ, եւ ել ՛ի սեղանն զոր արար ՛ի բեթէլ՝ զոհե́լ երնջոցն զոր արար։ Եւ կացոյց ՛ի բեթէլ քո́ւրմս բարձանցն զոր արար։

Verse: 33  Link to sept   եւ ել ՛ի սեղանն զոր արար ՛ի բեթէլ, որ օր հնգետասան էր ամսոյն ութերորդի ՛ի տօաննին։ ստե́ղծ՛ի սրտէ իւրմէ. եւ արար տօնս որդւոցն իսրայէլի։ ե́լ ՛ի սեղանն զոհել։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ ահա ա́յր ա(ստուծո)յ եհաս ՛ի յուդայ բանիւ տ(եառ)ն ՛ի բեթէլ, եւ յերոբովամ կա́յր ՛ի վ(ե)ր(այ) սեղանոյն իւրոյ զոհել ՛ի վ(ե)ր(այ)։

Verse: 2  Link to sept   Եւ կոչեաց զսեղանն բանիւ տ(եառ)ն՝ եւ ասէ. սեղա́ն սեղա́ն. ա́յսպէս ասէ տ(է)ր. ահա որդի ծնցի տան դաւթի՝ Յովսիա́ անուն ն(ո)ր(ա)։ եւ զոհեսցէ ՛ի վ(ե)ր(այ) քո զքո́ւրմս բարձանցդ՝ որ զոհեն ՛ի վ(ե)ր(այ) քո, եւ ոսկերս մարդկան այրեսցէ ՛ի վ(ե)ր(այ) քո։։

Verse: 3  Link to sept   Եւ ե́տ յաւուր յայնմիկ նշան՝ եւ ասէ. ա́յս նշան է զոր խօսեցաւ տ(է)ր՝ եւ ասէ, ահա սեղանդ պատառեսցի, եւ հեղցի́ պարարտութի(ւն)դ որ ՛ի վ(ե)ր(այ) դորա։

Verse: 4  Link to sept   Եւ եղեւ իբրեւ լուաւ արքայ յերոբովամ զբանս առնն ա(ստուծո)յ բարբառպելոյ ՛ի վ(ե)ր(այ) սեղանոյ անտի եւ ասէ, կալարո́ւք զդա. եւ գոսացաւ ձեռն ն(ո)ր(ա)՝ զի ձգեաց ՛ի նա, եւ ոչ կարաց դարձուցանել զնա առ ինքն.

Verse: 5  Link to sept   եւ սեղանն պատառեցաւ՝ եւ հեղաւ պարարտու(թ)ի(ւն)ն ՛ի սեղանոյ անտի, ըստ նշանին զոր ետ այրն ա(ստուծո)յ բանիւ տ(եառ)ն։

Verse: 6  Link to sept   Եւ ասէ արքայ յերոբովամ ցայրն ա(ստուծո)յ. աղաչեա́ զերեսս տ(եառ)ն ա(ստուծո)յ քոյ, եւ արա́ աղօթս վ(ա)ս(ն) իմ եւ դարձցի ձեռն իմ առիս։ եւ աղաչեաց այրն ա(ստուծո)յ առաջի տ(եառ)ն, եւ դարձաւ ձեռնն արքայի առ նա, եւ եղեւ իբրեւ զառաջինն։

Verse: 7  Link to sept   Եւ խօսեցաւ արքայ ընդ առնն ա(ստուծո)յ՝ եւ ասէ. մո́ւտ ընդիս ՛ի տուն՝ եւ ճաշեա́, եւ տա́ց քեզ պարգեւս։

Verse: 8  Link to sept   Եւ ասէ այրն ա(ստուծո)յ ցարքայ. եթէ տացես ինձ զկէս տան քոյ, ո́չ մտից ընդ քեզ. եւ ո́չ կերայց հաց, եւ ո́չ արբից ջուր ՛ի տեղւոջս յայսմիկ.

Verse: 9  Link to sept   զի ա́յսպէս պատուիրեաց ինձ տ(է)ր բանիւ եւ ասէ. մի́ ուտիցես հաց, եւ մի́ ըմպիցես ջուր. եւ մի́ գնասցես ընդ նոյն ճանապարհ, ընդ որ երթանայցես։

Verse: 10  Link to sept   եւ գնաց զճանապարհ իւր. այլ ո́չ ընդ նոյն ճանապարհ ընդ որ եկն՝ գնաց ՛ի բեթելայ։

Verse: 11  Link to sept   Եւ մարգարէ մի ծեր բնակեալ էր ՛ի բեթել, եւ եկին որդիք նորա եւ պարմեցին նմա զա(մենայ)ն գործսն զոր արար այրն ա(ստուծո)յ յաւուր յայնմիկ ՛ի բեթէլ, եւ զբանսն զոր խօսեցաւ ը(նդ) արքայի. եւ դարձուցին զերեսս հօրն իւրեանց,

Verse: 12  Link to sept   եւ խօսեցաւ ընդ ն(ո)ս(ա) հայրն ն(ո)ց(ա) եւ ասէ, ընդ ո՞ր ճանապարհ գնաց։ եւ ցուցին նմա որդիք ն(ո)ր(ա) ընդ ճանապարհն ընդ որ գնաց այրն ա(ստուծո)յ որ եկեալ էր ՛ի յուդայ։

Verse: 13  Link to sept   Եւ ասէ ցորդիս իւր. կազմեցէք զէշն. եւ կազմեցին նմա էշ. եւ ել ՛ի նա.

Verse: 14  Link to sept   եւ գնաց զհետ առնն ա(ստուծո)յ, եւ եգիտ զնա նստեալ ընդ կաղնւովն. եւ ասէ ցնա՝ եթէ դո՞ւ իցես այրն ա(ստուծո)յ եկեալ ՛ի յուդայ. եւ ասէ, ե́ս եմ։

Verse: 15  Link to sept   Եւ ասէ ցնա. ե́կ ընդիս ՛ի տուն, եւ կե́ր հաց։

Verse: 16  Link to sept   եւ ասէ. ո́չ կարեմ դառնալ ընդ քեզ, եւ ո́չ գալ ընդ քեզ. եւ ո́չ կերայց հաց եւ ո́չ արբից ջուր ՛ի տեղւոջս այսմիկ.

Verse: 17  Link to sept   զի ա́յնպէս հրաման տուեալ է ինձ բանիւ տ(եառ)ն եւ ասացեալ, թէ մի́ ուտիցես անդ հաց, եւ մի́ ըմպիցես ջուր. եւ մի́ դառնայցես ընդ նոյն ճանապարհ ընդ որ երթայցես։

Verse: 18  Link to sept   Եւ ասէ ցնա. եւ ե́ս մարգարէ եմ իբրեւ զքեզ. եւ հրեշտակ տ(եառ)ն խօսեցաւ ընդիս եւ ասէ, դարձհո́ զնա առ քեզ ՛ի տուն քո, եւ կերիցէ հաց եւ արբցէ ջուր. եւ ստեաց նմա։

Verse: 19  Link to sept   եւ դարձոյց զնա ընդ իւր, եւ եկեր հաց ՛ի տան ն(ո)ր(ա), եւ արբ ջուր։

Verse: 20  Link to sept   Եւ լինէեր մինչդեռ նստէին նոքա ՛ի սեղանն, եղեւ բա́ն տ(եառ)ն առ մարգարէն որ դարձոյց զնա.

Verse: 21  Link to sept   եւ խօսեցաւ ընդ առնն ա(ստուծո)յ եկելոյ ՛ի յուդայ՝ եւ ասէ։ ա́յսպէս ասէ տ(է)ր. փոխանակ զի դառնացուցեր զբանն տ(եառ)ն, եւ ո́չ պահեցեր զպատուէրն զոր պատուիրեաց քեզ տ(է)ր ա(ստուա)ծ քո.

Verse: 22  Link to sept   եւ դարձար՝ եւ կերար հաց, եւ արբեր ջուր ՛ի տեղւոջդ յայդմիկ՝ զորմէ խօսեցաւ ընդ քեզ եւ ասէ, մի́ ուտիցես հաց՝ եւ մի ըմպիցես ջուր. արդ մի́ մտցէ մարմին քո ՛ի գերեզման հարց քոց։

Verse: 23  Link to sept   Եւ եղեւ յետ ուտելոյն ն(ո)ր(ա) հաց եւ ըմպելոյ ջուր, հանդերձեաց է́շ մարգարէին. եւ դարձաւ եւ գնաց։

Verse: 24  Link to sept   եւ եգիտ զնա առեւծ ՛ի ճանապարին, եւ սպան զնա։ եւ էր մարմին ն(ո)ր(ա) ընկեցեալ ՛ի ճանապարհին, եւ էշն կա́յր առ նմա, եւ առեւծն կա́յր առ մարմինն։

Verse: 25  Link to sept   Եւ ահա արք անցաւորք տեսին մեռեա́լ ընկեցեալ ՛ի ճանապարհին, եւ առեւծն կայր առ ընթեր մեռելոյն. եւ մտին եւ խօսեցան ՛ի քաղաքին՝ ուր մարգարէն ծեր բնակեալ էր։

Verse: 26  Link to sept   իբրեւ լուաւ, որ դարձոյցն զնա ՛ի ճանապարհէն, ասէ. այն ա́յրն ա(ստուծո)յ է որ դառնացոյց զբանն տ(եառ)ն, եւ ետ զնա տ(է)ր առիւծու եւ եբեկ զնա, եւ սպան զնա ըստ բանին տ(եառ)ն զոր խօսեցաւ ընդ նմա։

Verse: 27  Link to sept   Եւ խօսեցաւ ընդ որդիսն իւր եւ ասէ. հանդերձեցէ́ք զէշն, եւ հանդերձեցին.

Verse: 28  Link to sept   եւ գնաց եւ եգիտ զմարմին նորա ընկեցեալ ՛ի ճանապարհին. եւ էշն եւ առեւծն կային առ մարմին. եւ ո́չ եկեր առեւծն զմարմին առնն ա(ստուծո)յ, եւ ո́չ եբեկ զէշն։

Verse: 29  Link to sept   Եւ ա́ռ մարգարէն զմարմին առնն ա(ստուծո)յ, եւ եդ զնա ՛ի վ(ե)ր(այ) իշոյն, եւ դարձոյց զնա եւ եկն ՛ի քաղաք մարգարէին ծերոյ կոծե́լ եւ թաղել զնա։

Verse: 30  Link to sept   եւ ցածո́յց զդին նորա մարգարէն ՛ի թաղե́լ զնա ՛ի գերեզմանի իւրում. եւ կոծեցան զնա եւ ասեն, վա́յ եղբայր։

Verse: 31  Link to sept   Եւ եղեւ յետ կոծելոյն զնա, խօսեցաւ ընդ որդիսն իւր եւ ասէ. եթէ մեռանիցիմ ես, թաղեսջի́ք զիս յայսմ գերեզմանի ուր թաղեցաւ այրս ա(ստուծո)յ, առ ոսկերս դորա դիհջիք զիս զի ապրեսցին ոսկերք իմ ընդ ոսկերս դորա.

Verse: 32  Link to sept   զի լինելով լինիցի́ բանն զոր խօսեցաւ բանիւ տ(եառ)ն ՛ի վ(ե)ր(այ) սեղանոյն ՛ի բեթէլ, եւ ՛ի վերայ տանց բարձանց որ ՛ի սամարիա։

Verse: 33  Link to sept   Եւ յետ բանիցս այսոցիկ ո́չ դարձաւ յերոբովամ ՛ի չարեաց իւրոց. եւ դարձաւ եւ արար ՛ի մասնէ ժողովրդեանն քո́ւրմս բարձանց. որ կամէր լնոյր զձեռն իւր. եւ լինէեր քո́ւրմ բարձանց։

Verse: 34  Link to sept   Եւ եղեւ բա́նն այն ՛ի մե́ղս տանն յերոբովամայ, եւ ՛ի սատակումն եւ յապականու(թ)ի(ւն) յերեսաց երկրին։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   ՛Ի ժամանակին յայնմիկ հիւանդացաւ աբիա որդի յերոբովամայ,

Verse: 2  Link to sept   եւ ասէ յերոբովամ ցկին իւր. արի́ եւ այլակերպեա́ց, եւ մի́ գիտասցեն թէ դու կին յերոբովամայ իցես, եւ երթիցե́ս ՛ի սելով. ահա ա́նդ է աքիա մարգարէ. նա́ խօսեցաւ վ(ա)ս(ն) իմ թագաւորել ՛ի վ(ե)ր(այ) ժողովրդեանս այսորիկ։

Verse: 3  Link to sept   եւ ա́ռչ ՛ի ձեռին քո ա́ռնն ա(ստուծո)յ հաց, եւ բլիթս որդւոց ն(ո)ր(ա), եւ չամիչ՝ եւ ստոման մի մեղու, եւ երթիցես առ նա. եւ պատմեսցէ քեզ զի՞նչ լինելոց իցէ մանկանն։

Verse: 4  Link to sept   Եւ արար այնպէս կինն յերոբովամու, եւ յարեաւ եւ գնաց ՛ի սելով, եւ եմուտ ՛ի տուն աքիայ. եւ այրն ծերացեալ ՛ի տեսանելոյ, եւ վատեա́լ աչք իւր ՛ի ծերու(թեն)է իւրմէ։

Verse: 5  Link to sept   եւ ասէ տ(է)ր ցաքիա, ահա կինն յերոբովամայ գա́յ հարցանել բան ՛ի քէն վ(ա)ս(ն) որդւոյ իւրոյ, զի հիւա́նդ է. զա́յս ինչ եւ զայս ասասցես նմա։

Verse: 6  Link to sept   Եւ եղեւ ՛ի մտանելն նորա, եւ ինքն յանծանօ́թս լինէեր. եւ եղեւ իբրեւ լուաւ աքիա զձայն ոտից ն(ո)ր(ա), ՛ի մտանելն ն(ո)ր(ա) եւ ՛ի բանալ, ասէ՝ մո́ւտ կին յերոբովամու. ընդէ՞ր իցէ այդ զի յանծանօթս լինիս. եւ ես եմ առաքեալ առ քեզ խստութ(եամ)բ։

Verse: 7  Link to sept   ե́րթ եւ ասա́ ցյերոբովամ. ա́յսպէս ասէ տ(է)ր ա(ստուա)ծ ի(սրաէ)լի. փոխանակ զի բարձրացուցի զքեզ ՛ի միջոյ ժողովրդեանդ, եւ ետու զքեզ յառաջնո́րդ ՛ի վերայ ժող·ովրդեան իմոյ ի(սրաէ)լի։

Verse: 8  Link to sept   եւ պատառեցի զթագաւորու(թ)ի(ւն)ն ՛ի տանէնդաւթի, եւ ետու զնա քեզ. եւ ո́չ եղեր իբրեւ զծառայ իմ դաւիթ որ պահեաց զպատուիրանս իմ, եւ եկն զկնի իմ ա(մենայ)ն սրտիւ իւրով, առնել ուղղութի(ւն) առաջի իմ.

Verse: 9  Link to sept   եւ չարացա́ր առնել քան զամենեսին որ եղեն յառաջ քան զքեզ. եւ գնացեր եւ արարեր քեզ աստուածս օտարոտիս, եւ ձուլածոյս՝ բարկացուցանել զիս. եւ զիս ընկեցեր յետս ՛ի մարմնոյ քումմէ։

Verse: 10  Link to sept   Վ(ա)ս(ն) այսորիկ ես ածից չարի́ս ՛ի վ(ե)ր(այ) տանն յերոբովամայ, եւ սատակեցից զյերոբովամայ որ միզեղիցէ զորմով, կծկեալ եւ լքեալ ՛ի մէջ ի(սրաէ)լի. եւ հաւաքեցից զհե́տ տանն յերոբովամայ, ո(ր)պ(էս) հաւաքիցի աղբ մինչեւ սպառել զնա։

Verse: 11  Link to sept   զդիակունս յերոբովամու ՛ի քաղաքի՝ կերիցեն շո́ւնք, եւ զմեռեալս յանդի՝ կերիցեն թռչունք երկնից. զի տ(է)ր խօսեցաւ։

Verse: 12  Link to sept   Եւ դու արի́ գնա́ ՛ի տուն քո, եւ ՛ի մտանել ոտից քոց ՛ի քաղաքն՝ մեռցի́ մանուկն։

Verse: 13  Link to sept   եւ կոծեսցին ա(մենայ)ն ի(սրա)էլ, եւ թաղեսցեն զնա. զի նա միա́յն յերոբովամայ մտցէ́ ՛ի գերեզման. զի գտաւ ՛ի նմա բա́ն բարի վ(ա)ս(ն) տ(եառ)ն ա(ստուծո)յ ի(սրաէ)լի ՛ի տան յրոբովամայ։

Verse: 14  Link to sept   եւ յարուսցէ տ(է)ր իւր թագաւոր ՛ի վ(ե)ր(այ) ի(սրաէ)լի, որ հարցէ́ զտուն յերոբովամայ յաւուր յայսմիկ։

Verse: 15  Link to sept   Եւ արդ զի՞նչ եւս. հարցէ տ(է)ր զի(սրա)էլ ո(ր)պ(էս) շարժի եղէգն ՛ի ջուր, եւ խլեսցէ́ տ(է)ր զի(սրա)էլ յերկրէս բարութե(ան) յայսմանէ զոր ետ հարց ն(ո)ց(ա), եւ հոսեսցէ́ զն(ո)ս(ա) յայնկոյս գետոյն. փոխանակ զի արարին իւրեանց անտա́ռս բարկացուցանել զտ(է)ր։

Verse: 16  Link to sept   եւ մատնեսցէ տ(է)ր զի(սրա)էլ վ(ա)ս(ն) մեղացն յերոբովամու, որ մեղաւ՝ եւ մեղոյց զի(սրա)էլ 12։

Verse: 17  Link to sept   Եւ յարեաւ կինն յերոբովամու, գնաց ՛ի սարիրա. եւ եղեւ իբրեւ եմուտ առաջի դրան տանն, մեռաւ մանուկն։

Verse: 18  Link to sept   եւ կոծեցան զնա, եւ թաղեցին ա(մենայ)ն ի(սրա)էլ ըստ բանին տ(եառ)ն զոր խօսեցաւ ՛ի ձեռն ծառայի իւրոյ աքիայ մարգարէի։

Verse: 19  Link to sept   Եւ մնացորդք բանից յերոբովամայ, թէ ո՞րչափ պատերազմեցաւ, եւ ո՞րչափ թագաւորեաց. ահա գրեալ են ՛ի գիրս բանից աւուրց թագաւորացն ի(սրաէ)լի։

Verse: 20  Link to sept   եւ աւուրք զորս թագաւորեաց յերոբովամ, ամք քսան եւ երկու. եւ ննջեա́ց ընդ հա́րս իւր։ Եւ թագաւորեաց նաբա́տ որդի ն(ո)ր(ա) ընդ նորա։

Verse: 21  Link to sept   Եւ ռոբովամ որդի սողոմոնի թագաւորեաց ՛ի վ(ե)ր(այ) յուդայ։ որդի քառասուն եւ մի ամաց ռոբովամ ՛ի թագաւորել իւրում, եւ եւթնուտասն ամ թագաւորեաց յե(րուսաղէ)մ քաղաքի զոր ընտրեաց տ(է)ր դնել զանուն իւր անդ, յա(մենայ)ն ցեղիցն ի(սրաէ)լի։ եւ անուն մօր ն(ո)ր(ա) նաամա ամանացի։

Verse: 22  Link to sept   Եւ արար ռոբովամ չա́ր առաջի տ(եառ)ն. եւ նախանձեցաւ ընդ ա(մենայ)ն զոր արարին հարք ն(ո)ր(ա), եւ ըստ մեղաց նոցա զոր մեղան։

Verse: 23  Link to sept   եւ շինեցին նոքա իւրեանց բարձունս եւ անտառս ՛ի վ(ե)ր(այ) ա(մենայ)ն բլրոյ բարձու, եւ ՛ի ներքոյ ա(մենայ)ն վարսաւոր ծառոց։

Verse: 24  Link to sept   եւ նուէրք եղեն յերկրին, եւ արարին յա(մենայ)ն գարշու(թ)ե(ան)ց ազգացն զոր եբարձ տ(է)ր յերեսաց որդւոցն ի(սրաէ)լի։

Verse: 25  Link to sept   Եւ եղեւ ՛ի տարւոջն յորում թագաւորեաց ռոբովամ, ել սաւսակիմ արքայ եգիպտոսի ՛ի վերայ ե(րուսաղէ)մի։

Verse: 26  Link to sept   եւ ա́ռ զա(մենայ)ն գանձս տան տ(եառ)ն, եւ զգանձս տանն արքայի, եւ զնիզակս ոսկիս, զոր ա́ռ դաւիթ ՛ի ձեռաց ադրազարայ աերքայի սուբայ, եւ տարաւ յե(րուսաղէ)մ զա(մենայ)ն զոր ա́ռ։ եւ ա́ռ զզէնսն ոսկիս զոր արար սողոմոն։

Verse: 27  Link to sept   Եւ արար արքայ ռոբովամ փոխանակ ն(ո)ց(ա) զէնս պ·ղնձիս։ եւ դիմեցին ՛ի վ(ե)ր(այ) ն(ո)ց(ա) զօրագլուխք սուրհանդակացն որ պահէին զդրունս տանն արքայի։

Verse: 28  Link to sept   եւ լինէեր յորժամ մտանէր արքայ ՛ի տունն տ(եառ)ն, բառնային զայնյ սուրհանդակքն, եւ յեցուցանէին զն(ո)ս(ա) ՛ի տեղի թեւէ սուրհանդակացն։

Verse: 29  Link to sept   Եւ մնացորդք բանիցն ռոբովամայ, եւ ամենայն ինչ զոր արար. ո́չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 30  Link to sept   Եւ պատերա́զմ էր ՛ի մէջ յերոբովամայ եւ ՛ի մէջ յերոբովամայ զա(մենայ)ն աւուրս։

Verse: 31  Link to sept   եւ ննջեաց ռոբովամ ը(նդ) հարս իւր եւ թաղեցաւ ընդ հարս իւր ՛ի քաղաքի դաւթի. եւ անուն մօր ն(ո)ր(ա) նաամա́ ամմանացի։ Եւ թագաւորեաց աբիու որդի նորա ընդ նորա։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ յամին ութուտասներորդի թագաւորութե(ա)ն յերոբովամայ որդւոյ նաբատայ, թագաւորէ́ աբիու որդի ռոբովամայ / ՛ի վ(ե)ր(այ) յուդայ։

Verse: 2  Link to sept   եւ երեք ամ թագաւորեաց ՛ի վ(ե)ր(այ) ե(րուսաղէ)մի. եւ անուն մօր ն(ո)ր(ա) մաաքա դուստր աբեսողոմայ։

Verse: 3  Link to sept   Եւ գնաց ՛ի մեղս հօր իւրոյ զոր արար առաջի տ(եառ)ն ա(ստուծո)յ իւրոյ, եւ ո́չ էր սիրտ ն(ո)ր(ա) կատարեալ ընդ տ(եառ)ն ա(ստուծո)յ իւրոյ՝ իբրեւ զսիրտն դաւթի հօր իւրոյ։

Verse: 4  Link to sept   զի ՛ի ձեռն դաւթի ե́տ նմա տ(է)ր ա(ստուա)ծ մնացորդ յե(րուսաղէ)մ. զի կացուսցէ զորդիս ն(ո)ր(ա) յետ ն(ո)ր(ա), եւ հաստատեսցէ զե(րուսաղէ)մ.

Verse: 5  Link to sept   ո(ր)պ(էս) արար դաւիթ ուղղութի(ւն) առաջի տ(եառ)ն, եւ ո́չ խոտորեցաւ յա(մենայ)նէ զոր պատուիրեաց նմա զա(մենայ)ն աւուրս կենաց իւրոց. բա́ց ՛ի բանին ուրիայ քետացւոյ։

Verse: 6  Link to sept   Եւ պատերա́զմ էր ՛ի մէջ աբիայ եւ ՛ի մէջ յերոբովամայ զա(մենայ)ն աւուրս կենաց ն(ո)ր(ա)։

Verse: 7  Link to sept   Եւ մնացորդք բանից /աբիայ՝ եւ ա(մենայ)ն ինչ զոր արար, ո՞չ աւանիկ գրեալ են ՛ի գիրս բանից աւուրց թագաւորացն յուդայ։ եւ պատերա́զմ էր ՛ի մէջ աբիայ եւ ՛ի մէջ յերոբովամայ։

Verse: 8  Link to sept   Եւ ննջեաց աբիու ընդ հարս իւր, եւ թաղեցաւ ՛ի քաղաքի դաւթի. եւ թագաւորէ́ ասա որդի ն(ո)ր(ա) ընդ ն(ո)ր(ա)։

Verse: 9  Link to sept   Եւ յամի քսաներորդի յերոբովամայ արքայի ի(սրաէ)լի թագաւորէ ասա ՛ի վ(ե)ր(այ) յուդայ.

Verse: 10  Link to sept   եւ քառասուն եւ մի ամ թագաւորեաց յե(րուսաղէ)մ. եւ անուն մօր ն(ո)ր(ա) մաաքա́ դուստր աբեսողոմայ։

Verse: 11  Link to sept   Եւ արար աստ ուղղութի(ւն) առաջի տ(եառ)ն իբրեւ զդաւիթ հայր իւր.

Verse: 12  Link to sept   եւ եբարձ զնուէրս յերկրէն, եւ ջնջեաց զա(մենայ)ն խարդախու(թ)ի(ւն)սն զոր արարին հարք ն(ո)ր(ա)։

Verse: 13  Link to sept   Եւ զմաաքա զմայր իւր ՛ի բա́ց արար ՛ի տիկնութ(են)է. քանզի արար ժողովս յանտառին իւրում. եւ կոտորեաց ասա զամրոցս ն(ո)ր(ա), եւ այրեաց հրով ՛ի հեղեղատին կեդրոնի.

Verse: 14  Link to sept   սակայն զբարձունսն ո́չ եբարձ. այլ սի́րտ ն(ո)ր(ա) կատարեալ էր ընդ տ(եառ)ն զա(մենայ)ն աւուրս իւր։

Verse: 15  Link to sept   եւ եբեր զսիւնսն հօր իւրոյ, եւ զսիւնսն զիւր՝ եմո́յծ ՛ի տուն տ(եառ)ն. արծաթ եւ ոսկի եւ անօթս։

Verse: 16  Link to sept   Եւ պատերազմ էր ՛ի մէջ ասայի եւ ՛ի մէջ բաասայ արքայի ի(սրաէ)լի զա(մենայ)ն աւուրս ն(ո)ց(ա)։

Verse: 17  Link to sept   եւ ել բաաս արքայ ի(սրաէ)լի ՛ի վ(ե)ր(այ) յուդայ, եւ շինեաց զռամա, զի մի́ լիցի մտանել եւ ելանել ասայի արքայի յուդայ։

Verse: 18  Link to sept   Եւ ա́չ ասա զա(մենայ)ն արծաթն եւ զոսկի գտեալ ՛ի գանձս տանն տ(եառ)ն, եւ ՛ի գանձս տան թագաւորին, եւ ետ զայնյ ՛ի ձեռս ծառայից իւրոց. եւ առաքեաց զն(ո)ս(ա) ասա արքայ առ որդին ադերայ՝ որդւոյ աբեներայիմայ որդւոյ ազայելի արքայի ասորւոց բնակելոյ ՛ի դամասկոս՝ եւ ասէ.

Verse: 19  Link to sept   ուխտեա́ ուխտ ընդի́ս եւ ընդ քեզ, եւ ՛ի մէջ հօր իմոյ եւ ՛ի մէջ հօր քոյ. ահաւասիկ առաքեցի քեզ պատարագ արծաթ եւ ոսկի, եւ լո́յծ զուխտ քո որ ընդ բաասայ արքայի ի(սրաէ)լԼի, եւ գնասցէ́ յինէն։

Verse: 20  Link to sept   Եւ լուաւ որդի ադերայ արքայի ասայի, եւ առաքեաց զիշխանսն իւր ՛ի քաղաքսն ի(սրաէ)լի. եւ եհար զային, եւ զդան, եւ զաբէլ, տանն մաաքայ, եւ զա(մենայ)ն զքեներէթ մինչեւ յզա(մենայ)ն երկիրն նեփթաղիմայ։

Verse: 21  Link to sept   Եւ եղեւ իբրեւ լուաւ բաասա, դադարեաց ՛ի շինել·ոյ զռամա, եւ դարձաւ ՛ի թերսայ։

Verse: 22  Link to sept   Եւ արքայ ասա պատուիրեաց ա(մենայ)ն յուդայ որե էին յենակիմ, զի առցեն զքարինսն ռամայ եւ զփայտ ն(ո)ր(ա), զոր շինեաց բաասա. եւ շինեաց նոքօք արքայ ասա զա(մենայ)ն բլուրն բենիամինի եւ զդիտանոցսն։

Verse: 23  Link to sept   Եւ մնացորդք բանիցն ասայի եւ ա(մենայ)ն զօրութի(ւն) ն(ո)ր(ա), եւ ա(մենայ)ն ինչ զոր արար, եւ քաղաքն զոր շինեաց, ո՞չ աւանիկ գրեալեն ՛ի գիրս բանից աւուրց թագաւորացն յուդայ։ բայց ՛ի ժամանակի ծերութե(ան) իւրոյ ցաւեցին ոտք իւր։

Verse: 24  Link to sept   Եւ ննջեա́ց ասա ընդ հարս իւր, եւ թաղեցաւ ընդ հարս իւր ՛ի քաղաքին դաւթի. եւ թագաւորէ յովսափատ որդի ն(ո)ր(ա) ընդ ն(ո)ր(ա)։

Verse: 25  Link to sept   Եւ նաբատ որդի յերոբովամայ թագաւորէ յի(սրաէ)լի, յամին երկրորդի ասայի արքայի յուդայ. եւ թագաւորեաց ՛ի վ(ե)ր(այ) ի(սրաէ)լի ամս երկուս.

Verse: 26  Link to sept   եւ արար չա́ր առաջի տ(եառ)ն. եւ գնաց զճանապարհ հօր իւրոյ, եւ ՛ի մեղս իւր որովք յանցոյց զւի(սրա)էլ։

Verse: 27  Link to sept   Եւ նստաւ զնովաւ բաասա որդի աքիայ ՛ի վ(ե)ր(այ) տանն իսաքարու, եւ եհար զնա բաասա ՛ի գաբաթոն այլազգեաց. եւ նաբատ եւ ա(մենայ)ն ի(սրա)էլ նստէին զգաբաթոնաւ։

Verse: 28  Link to sept   եւ սպան զնա բաասա, յամին երկրորդի ասայի արքայի յուդայ՝ եւ թագաւորեաց ընդ նոիրա։

Verse: 29  Link to sept   Եւ եղեւ իբրեւ թագաւորեաց, եհար զա(մենայ)ն տունն յերոովամու. եւ ո́չ թողոյր զա(մենայ)ն շնչաւոր տանն յերոբովամայ. մինչեւ սատակել զնա ըստ բանին տ(եառ)ն զոր խօսեցաւ ՛ի ձեռն ծառայի իւրոյ աքիայ սիլսնացւոյ,

Verse: 30  Link to sept   վ(ա)ս(ն) ա(մենայ)ն մեղացն յերոբովամայ՝ որ մեղաւ եւ յանցոյց զի(սրա)էլ ՛ի զայրացուցանել իւրում, որովք1 զայրացոյց զտ(է)ր ա(ստուա)ծ ի(սրաէ)լի։

Verse: 31  Link to sept   Եւ մնացորդք բանից նաբատայ, եւ ա(մենայ)ն ինչ զոր արար, ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 32  Link to sept   Եւ էր պատերազմ ՛ի մէջ ասայի եւ ՛ի մէջ նաբատայ արքայի ի(սրաէ)լի զա(մենայ)ն աւուրս ն(ո)ց(ա)։

Verse: 33  Link to sept   եւ յամին երրորդի ասայի արքայի յուդայ թագաւորէ բաասա որդի աքիա ՛ի վ(ե)ր(այ) ա(մենայ)ն ի(սրաէ)լի ՛ի թերսա ամս քսան եւ չորք։

Verse: 34  Link to sept   եւ արար չա́ր առաջի տ(եառ)ն. եւ գնաց զճանապարհ յերոբովամայ որդւոյ նաբատայ, եւ ՛ի մեղս նորա որպէս յանցոյց զի(սրա)էլ։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ եղեւ բան տ(եառ)ն ՛ի ձեռս յէսուայ որդւոյ անանիայի առ բաասա՝ եւ ասէ.

Verse: 2  Link to sept   փոխանակ զի բարձրացուցի զքեզ յերկրէ, եւ ետու զքեզ առաջնո́րդ ՛ի վ(ե)ր(այ) ժողովրդեան իմոյ ի(սրաէ)լի, եւ գնացեր զճանապարհն յերոբովամայ, եւ յանցուցէր զժողովուրդ իմ զի(սրա)էլ, բարկացուցանե́լ զիս սնոտիւք իւրեանց.

Verse: 3  Link to sept   ահա ես յարուցից զհե́տ բաասայ եւ զհետ տան ն(ո)ր(ա). եւ տա́ց զտուն քո իբրեւ զտունն յերոբովամայ որդւոյ նաբատայ։

Verse: 4  Link to sept   Որ մեռանիցի բաասայ ՛ի քաղաքի՝ շունք կերիցեն, եւ որ մեռանիցի́ նորա ՛ի դաշտի՝ կերիցեն զնա թռչունք երկնից։

Verse: 5  Link to sept   Եւ մնացորդք բանից բաասայ, եւ ա(մենայ)ն ինչ զոր արար, եւ զօրութի(ւն)ք ն(ո)ր(ա), ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 6  Link to sept   Եւ ննջեաց բաասա ը(նդ) հարս իւր, եւ թաղեցաւ ՛ի թերսա. եւ թագաւորէ էլա որդի ն(ո)ր(ա) ընդ նորա. յամի քսաներորդի ասայի արքայի։

Verse: 7  Link to sept   Եւ ՛ի ձեռն յէուայ որդւոյ անանիայ մարգարէի խօսեցաւ տ(է)ր ՛ի վերայ բաասայ՝ եւ ՛ի վ(ե)ր(այ) տան ն(ո)ր(ա), զա(մենայ)ն չարիսնս զոր արար առաջի տ(եառ)ն ՛ի բարկացուցանել զնա գործովք ձեռաց իւրոց. առ ՛ի լինելոյ իբրեւ զտունն յերոբովամայ, եւ վ(ա)ս(ն) հարկանելոյ զնա.

Verse: 8  Link to sept   յամին քսաներորդի եւ վեցերորդի արքայի յուդայ։ Եւ թագաւորեաց էլա որդի բաասայ ՛ի վերայ ի(սրաէ)լի ՛ի թերսա ամս երկուս։

Verse: 9  Link to sept   Եւ ժողովեաց ՛ի վերայ ն(ո)ր(ա) զամրի ծառայ իւր իշխան կիսոյ սպառազինաց. եւ նա ըմպէր եւ արբեալէր ՛ի տանն արսայ հանդրձապետի ՛ի թերսա։

Verse: 10  Link to sept   եւ եմուտ զամրի, եւ եհա́ր զնա եւ սպան, յամի քսաներորդի եւթներորդի ասայի արքայի յուդայ։ եւ թագաւորեաց ը(նդ) ն(ո)ր(ա)։

Verse: 11  Link to sept   Եւ եղեւ ՛ի թագաւորել ն(ո)ր(ա)՝ եւ նստել յաթոռն իւրում, եհար զա(մենայ)ն տունն բաասայ՝ եւ ո́չ եթող նմա որ միզիցէ զորմով, եւ զմերձաւորս նորա եւ զբարեկամս ն(ո)ր(ա)։

Verse: 12  Link to sept   Եւ ջնջեաց զամրի զա(մենայ)ն տունն բաասայ՝ ը(ս)տ բանին տ(եառ)ն զոր խօԷսեցաւ ՛ի վերայ տանն բաասայ ՛ի ձեռն յէուայ մարգարէի.

Verse: 13  Link to sept   վ(ա)ս(ն) ա(մենայ)ն մեղացն բաասայ՝ եւ էլայ որդւոյ ն(ո)ր(ա) որ մեղաւ, եւ ո(ր)պ(էս) յանցո́յցն զի(սրա)էլ, բարկացուցանել զտ(է)ր ա(ստուա)ծ ի(սրաէ)լի սնոտւովք իւրեանց։

Verse: 14  Link to sept   Եւ մնացորդք բանիցն էլայ, եւ ա(մենայ)ն ինչ զոր արար, ո՞չ աւանիկ գրեալեն ՛ի գիրս բանից աւուրց թագաւորացն ի(սրաէ)լի։

Verse: 15  Link to sept   Յամի քսաներորդի եւթներորդի ասայի արքայի յուդայ, թագաւորեաց զամբրի աւուրս եւթն ՛ի թերսայ։ եւ բանակն ի(սրաէ)լի ՛ի գաբաթոնի այլազգեաց.

Verse: 16  Link to sept   եւ լուաւ ժողովուրդն ՛ի բանակի անդ՝ ասեն, գումարեցաւ զամբրի եւ եհար զարեքայն. եւ թագաւորեցուցին ի(սրաէ)լի զամրի զօրավար զօրուն ՛ի վ(ե)ր(այ) ի(սրաէ)լի յաւուր յայնմիկ ՛ի բանակին։

Verse: 17  Link to sept   Եւ ել ամրի, եւ ա(մենայ)ն ի(սրա)էլ ընդ նմա ՛ի գաբաթոնէ, եւ նստաւ զթերսաւ։

Verse: 18  Link to sept   եւ եղեւ իբրեւ ետես զամբրի թէ յառնուլ եղեւ քաղաքն՝ եմուտ ՛ի սենեակ մի տանն արքայի. եւ այրեաց ՛ի վ(ե)ր(այ) ն(ո)ր(ա) զտունն արքայի հրով. եւ մեռաւ

Verse: 19  Link to sept   վ(ա)ս(ն) մեղաց իւրոց զոր արար՝ առնել չա́ր առաջի տ(եառ)ն. եւ գնաց զա(մենայ)ն ճանապարհս յերոբովամայ որդւոյ նաբատայ, եւ ՛ի մե́ղս ն(ո)ր(ա) զոր արար որովք յանցոյց զի(սրա)էլ։

Verse: 20  Link to sept   Եւ մնացորդք բանից զամբրեայ՝ եւ խումբք նորա զոր խմբեցաւ, ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 21  Link to sept   Յայնժամ բաժանեցա́ւ ժողովուրդն ի(սրաէ)լի, կէս ժողովրդեանն լիներ զհետ թամնեայ՝ որդւոյ գովնաթայ թագաւորեցուցանել զնա, եւ կէս ժողովրդեանն լիներ զկնի ամրեայ։

Verse: 22  Link to sept   եւ յաղթահարեաց ժողովուրդն որ զկնի ամրեայ, եւ պարտեցաւ ժողովուրդն որ զհետ թամնեայ որդւոյ գովնաթայ. եւ մեռաւ թամնի, եւ յովրամ եղբայր ն(ո)ր(ա) ՛ի ժամանակի յայնմիկ. եւ թագաւորեաց ամրի յետ թամնեայ։

Verse: 23  Link to sept   Յամին երեսներորդի եւ առաջներորդի ասայի արքայի յուդայ, թագաւորէ́ ամրի ՛ի վերայ ի(սրաէ)լԼի ամս երկոտասան։ ՛ի թերսայ թագաւորեաց ամս վեց։

Verse: 24  Link to sept   Եւ ստացաւ ամրի զլեառնն սոմորոն՝ ՛ի սամերայ տեռնէ լերինն երկուց տաղանտաց արծաթոյ. եւ շինեաց զլեառնն, եւ կոչեաց զզանուն լերինն զոր շինեաց՝ յանո́ւն սամերեայ տեառն լերինն սամիրոն։

Verse: 25  Link to sept   Եւ արար ամրի չա́ր առաջի տ(եառ)ն. եւ չարացաւ քան զա(մենայ)ն եղեալս յառաջ քան զնա.

Verse: 26  Link to sept   եւ գնաց զա(մենայ)ն ճանապարհս յերոբովամայ որդւոյ նաբատայ, եւ ՛ի մեղս ն(ո)ր(ա) որովք յանցոյց զի(սրա)էլ ՛ի բարկացուցանել զտ(է)ր ա(ստուա)ծ ի(սրաէ)լի սնոտւովք իւրեանց։

Verse: 27  Link to sept   Եւ մնացորդք բանից ամրեայ՝ եւ ա(մենայ)ն ինչ զոր արար, եւ զօրու(թ)ի(ւն) ն(ո)ր(ա) զոր արար, ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 28  Link to sept   Եւ ննջեաց ամրի ը(նդ) հարս իւր, եւ թաղեցաւ ՛ի սամարիա. եւ թագաւորեաց աքաաբ որդի ն(ո)ր(ա) ը(նդ) ն(ո)ր(ա)։

Verse: 29  Link to sept   Եւ աքաաբ որդի ամրեայ թագաւորեաց ՛ի վ(ե)ր(այ) ի(սրաէ)լի, յամին երեսներորդի եւ ութերորդի ասայի արքայի յուդայ, թագաւորեաց աքաաբ որդի ամրեայ ՛ի վ(ե)ր(այ) ի(սրաէ)լի ՛ի սամարիա ամս քսան եւ երկուս։

Verse: 30  Link to sept   Եւ արար աքաաբ որդի ամրեայ չա́ր առաջի տ(եառ)ն քան զամենեսեան որ յառաջ քան զնա էին։

Verse: 31  Link to sept   եւ ո́չ ինչ էր նմա ընդհատ՝ գնա́լ ը(ս)տ մեղաց յերոբովամայ որդւոյ նաբատայ. եւ առ կին զյեզաբէլ դուստր յովբաղայ արքայի սիդոնացւոց. եւ գնաց եւ ծառայեաց բահաղու՝ եւ երկի́ր եպագ նմա։

Verse: 32  Link to sept   եւ կանգնեաց սեղան բահաղու ՛ի տան գարշելեաց ն(ո)ր(ա) զոր շինեաց ՛ի սամարիա։

Verse: 33  Link to sept   Եւ արար աքաաբ անտառե. եւ յաւել աքաաբ առնել առ ՛ի բարկացուցանել զտ(է)ր ա(ստուա)ծ ի(սրաէ)լի, քան զա(մենայ)ն թագաւորս ի(սրաէ)լի եղեալս յառաջ քան զնա։

Verse: 34  Link to sept   Յաւուրս ն(ո)ր(ա) շինեաց աքիէլ բեթէլացի զերեքով. աբերոնաւ անդրանկաւ իւրով արկ նմա հիմունս, եւ սեգուբաւ կրսերաւ իւրով կանգնեաց զդրունս ն(ո)ր(ա). ըստ բանին տ(եառ)ն, զոր խօսեցաւ ՛ի ձեռն յեսուայ որդւոյ նաւեայ։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ ասէ եղիա մարգարէ ՛ի թեզբեա́յ գաղաադու ցաքաաբ, կենդանի́ է տ(է)ր ա(ստուա)ծ զօրութե(ան)ց ա(ստուա)ծ ի(սրաէ)լի որոյ կացի առաջի ն(ո)ր(ա), եթէ եղիցի յամսս յայսոսիկ ցօղ կամ անձրեւ, բայց եթէ բանիւ բերանոյ իմոյ։

Verse: 2  Link to sept   Եւ եղեւ բան տ(եառ)ն առ եղիա՝ եւ ասէ.

Verse: 3  Link to sept   գնա́ աստի ընդ արեւելս՝ եւ թաքիցես ՛ի հեղեղատն քոռաթու, որ է յանդիման յորդանանու.

Verse: 4  Link to sept   եւ եղիցի ըմպել քեզ ջո́ւր ՛ի հեղեղատէն. եւ հրաման տաց ագռաւուց կերակրել զքեզ անդ։

Verse: 5  Link to sept   Եւ գնաց, եւ արար եղիա ը(ս)տ բանին տ(եառ)ն եւ չոգաւ եւ նստաւ ՛ի հեղեղատին քոռաթայ յանդիման յորդանանու։

Verse: 6  Link to sept   եւ ագռաւք բերէին նմա հաց եւ միս ը(ս)տ առաւօտս, եւ հաց եւ միս ընդ երեկս. եւ ՛ի հեղեղատէն ըմպէր ջուր։

Verse: 7  Link to sept   եւ եղեւ յետ աւուրց, եւ ցամաքեցաւ հեղեղատն զի ո́Է́չ եղեւ անձրեւ ՛իԻ վ(ե)ր(այ) երկրի։

Verse: 8  Link to sept   Եւ եղեւ բան տ(եառ)ն առ եղիա՝ եւ ասէ.

Verse: 9  Link to sept   արի եւ գնա́ ՛ի սարեփթա սիդոնացւոց, եւ նստցես անդ. եւ ահա պատուիրեալ է իմ անդ կնո́ջ միոյ այրւոյ կերակրել զքեզ։

Verse: 10  Link to sept   Եւ յարեաւ գնա́ց ՛ի սարեփթա ՛ի դուռն քաղաքին. եւ ահա անդ կին մի քաղէր փայտ. եւ աղաղակեաց զկնի ն(ո)ր(ա) եղիա՝ եւ ասէ ցնա. ա́ռ դու ինձ սակաւ մի ջուր ամանո́վ՝ եւ արբից.

Verse: 11  Link to sept   եւ գնաց բերել։ եւ աղաղակեաց զհետ ն(ո)ր(ա) եղիա եւ ասէ. առցե́ս ինձ պատառ մի հա́ց ՛ի ձեռին քում։

Verse: 12  Link to sept   Եւ ասէ կինն. կենդանի́ է տ(է)ր ա(ստուա)ծ քո, եթէ գուցէ իմ նկանակ. բայց եթէ որչափ բռա́մբ մի ալեւր ՛ի սափորի, եւ սակաւ մի եւղ ՛ի կամփսակի. եւ ահա քաղեմ կրկուտս երկուս, եւ մտոից արարից զա́յն ինձ եւ մանկանց իմոց. եւ կերիցուք զա́յն՝ եւ մեռցուք։

Verse: 13  Link to sept   Եւ ասէ ցնա եղիա. քաջալերեա́ց մուտ եւ արա́ ըստ բանի քում. այլ արասցես նա́խ ինձ անտի նկնակ մի փոքրիկ եւ բերցես ինձ. եւ ապա արքասցես քեզ եւ մանկանց քոց։

Verse: 14  Link to sept   Զի ա́յսպէս ասէ տ(է)ր ա(ստուա)ծ ի(սրաէ)լի. սափոր ալեւրն մի́ պակասեսցէ, եւ կամփսակ իւղոյն մի́ նուազեսցէ, մինչեւ յօր տալոյ տ(եառ)ն անձրեւ ՛ի վերայ երեսաց երկրի։

Verse: 15  Link to sept   Եւ գնաց կինն, եւ արար ըստ բանին եղիայի. եւ կերաւ սա եւ նա՝ եւ որդիք ն(ո)ր(ա)։

Verse: 16  Link to sept   եւ յօրէ յայնմանէ սափոր ալեւրն ո́չ պակասեաց, եւ կամփսակ իւղոյն ո́չ նուազեաց ըստ բանին տ(եառ)ն, զոր խօսեցաւ տ(է)ր ՛ի ձեռն եղ·իայի։

Verse: 17  Link to sept   Եւ եղեւ յե́տ բանիցս այսոցիկ հիւանդացաւ որդի տիկնոջ տանն, եւ էր ա́խտ ն(ո)ր(ա) սաստիկ յոյժ, մինչ ո́չ մնաց ՛ի նմա շունչ։

Verse: 18  Link to sept   եւ ասէ ցեղիա, զի՞ կայ՝ Իի́մ եւ քո այրդ ա(ստուծո)յ, մտե́ր առիս յիշատակել զանօրէնութի(ւն)ս իմ, եւ սպանանել զորդի իմ։

Verse: 19  Link to sept   Եւ ասէ եղիա ցկինն, տո́ւր ցիս զորդիդ քո։ եւ ա́ռ զնա ՛ի գրկաց ն(ո)ր(ա), եւ եհան զնա ՛ի վերնատունն յորում ինքն նստէր, եւ արար զնա ՛ի կողմն ՛ի վերայ մահճաց իւրոց։

Verse: 20  Link to sept   եւ աղաղակեաց եղիա՝ եւ ասէ. ո́հ ինձ տ(է)ր, որ վկայդ ես այրւոյն առ որում ե́ս բնակեալ եմ. դո́ւ չարչարեցեր զորդի նորա մեռուցանել։

Verse: 21  Link to sept   Եւ փչեաց երոցս ՛ի մանուկն, եւ կարդաց զտ(է)ր՝ եւ ասէ. տ(է)ր ա(ստուա)ծ իմ, դարձցի́ շունչ մանկանս ՛ի սա։ եւ եղեւ ա́յնպէս.

Verse: 22  Link to sept   եւ աղաղակեաց, եւ լուաւ տ(է)ր ձայնի եղիայի, եւ դաձաւ շունչ մանկանն ՛ի փո́ր ն(ո)ր(ա) եւ կենդանացաւ։

Verse: 23  Link to sept   եւ ա́ռ եղիա զմանուկն՝ եւ իջոյց զնա ՛ի վերնատանէ́ անտի ՛ի տուն եւ ետ ցմայր իւր. եւ ասէ եղիա, տե́ս զի կենդանի́ է որդիդ քո։

Verse: 24  Link to sept   եւ ասէ կինն ցեղիա. ահա ա́րդ գիտացի եթէ ա́յր ա(ստուծո)յ ես դու. եւ բան տ(եառ)ն ճշմարիտ՝ է́ ՛ի բերան քո։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ եղեւ յե́տ աւուրց բազմաց՝ եւ բան տ(եառ)ն եղեւ առ եղիա յամին երրորդի, եւ ասէ. ե́րթ եւ երեւեա́ց աքաաբու, եւ տա́ց անձրեւ ՛ի վ(ե)ր(այ) երեսաց երկրի։

Verse: 2  Link to sept   եւ չոգա́ւ եղիա երեւել աքաաբու։ եւ սով սաստի́կ էր ՛ի սամարիա։

Verse: 3  Link to sept   Եւ կոչեաց աքաաբ զաբդու զհազարապետ իւր. եւ աբդիու երկիւղած էր ՛ի տ(եառն)է յոյժ։

Verse: 4  Link to sept   եւ եղեւ ՛ի կոտորել յեզաբելայ զմարգարէսն տ(եառ)ն, եւ ա́ռ աբդիու հարի́ւր այր մարգարէ, եւ թաքո́յց զն(ո)ս(ա) յիսուն յիսուն յայրի՝ եւ կերակրեաց զն(ո)ս(ա) հացիւ եւ ջրով։

Verse: 5  Link to sept   Եւ ասէ արքայ ցաբդիու. ե́կ շրջեսցուք ընդ երկիրդ առ ա(մենայ)ն աղբերբք ջրոց եւ առ հեղեղատօք, թերեւս գտցո́ւք խոտ եւ ապրեցուսցուք զձիս եւ զջորիս, եւ ո́չ սատակեսցին յանասնոց։

Verse: 6  Link to sept   եւ բաժանեաց իւրեանց զճանապարհն շրջել. աքաաբ գնաց ընդ մի ճանապարհ միայն, եւ աբդիու գնաց ընդ ա́յլ ճանապարհ միայն։

Verse: 7  Link to sept   Եւ է́ր աբդիու ՛ի ճանապահին. եւ եկն ել եղիա ընդառաջ ն(ո)ր(ա) միայն, եւ աճապարեաց աբդիու, անկաւ ՛ի վ(ե)ր(այ) երեսաց իւրոց՝ եւ ասէ. եթէ դո՞ւ իցես տէ́ր իմ եղիա։

Verse: 8  Link to sept   եւ ասէ եղիա՝ ե́ս եմ։ ե́րթ ասա́ ցտէր քո՝ թէ ահաւասիկ եղիա։

Verse: 9  Link to sept   Եւ ասէ աբդիու. զի՞նչ մեղայ, զի մատնես զծառայս քո ՛ի ձեռս աքաաբու սպանանե́լ զիս.

Verse: 10  Link to sept   կենդանի́ է տ(է)ր ա(ստուա)ծ քո, եթէ իցէ ազդ կամ թագաւորութ(իւն)ի́ ուր ո́չ առաքեաց տէր իմ խնդրել զքեզ. եւ ասեն թէ չէ́ ուրեք. եւ այրեաց զթագաւորու(թ)ի(ւն)ն եւ զաշխարհ ն(ո)ր(ա) զի ո́չ եգիտ զքեզ։

Verse: 11  Link to sept   Եւ արդ դու ասես, թէ ե́րթ եւ պատմեա́ տեառն քում թէ ահաւասիկ եղիա։

Verse: 12  Link to sept   եւ եղիցի թէ ես երթայցե́մ ՛ի քէն, եւ հոգի́ տ(եառ)ն առնուցու զքեզ յերկիր զոր ո́չ գիտիցեմ, եւ մտանիցեմ պատմել աքաաբու, եւ ո́չ գտանիցէ զքեզ, եւ սպանանիցէ զիս. եւ ծառայ քո երկիւղած է ՛ի մանկւոթ(են)է իւրմէ։

Verse: 13  Link to sept   Եւ ո՞չ պատմեցաւ տեառն իմում զորինչ արարի ես ՛ի կոտորել յեզաբելայ զմարգարէսն տ(եառ)ն. թաքուցի ՛ի մարգարէիցն տ(եառ)ն հարիւր այր՝ յիսուն յիսուն այր յայրի՝ եւ կերակրեցի զն(ո)ս(ա) հացիւ եւ ջհրով։

Verse: 14  Link to sept   եւ արդ՝ դու ասե́ս ցիս, ե́րթ եւ ասա́ տեառն քում թէ ահաւասիկ եղիա, եւ սպանանիցէ զիս։

Verse: 15  Link to sept   Եւ ասէ եղիա. կենդանի́ է տ(է)ր զօրու(թ)ե(ան)ց, որոյ կացի առաջի ն(ո)ր(ա). զի այսօր երեւեցայց նմա։

Verse: 16  Link to sept   Եւ գնաց աբդիու ը(նդ) առաջ աքաաբու՝ եւ պատմեաց նմա. եւ ընթացաւ աքաաբ եւ գնաց ընդ առա́ջ եղիայի։

Verse: 17  Link to sept   Եւ եղեւ իբրեւ ետես աքաաբ զեղիա, ասէ աքաաբ ցեղիա. եթէ դո՞ւ իցես խանգարիչն ի(սրաէ)լի։

Verse: 18  Link to sept   Եւ ասէ եղիա, ես ո́չ խանգարեմ զի(սրա)էլ, այլ դո́ւ եւ տուն հօր քո, ՛ի թողուլ ձեր զտ(է)ր ա(ստուա)ծ ձեր՝ եւ երթալ զհետ բահաղիմա́յցն։

Verse: 19  Link to sept   ԵւՒ արդ առաքեա́ ժո·ղովեա́ առիս զա(մենայ)ն ի(սրա)էլ ՛ի լեառն կարմելոս, եւ զմարգարէսն բահաղու զչորեքհարիւր եւ զյիսուն, եւ զմարգարէսն ամօթոյ զչորեքհարիւր եւ զյիսուն, եւ զմարգարէսն անտառաց զչորեքհարիւր. որ ուտեն զսեղանն յեզաբելայ։

Verse: 20  Link to sept   Եւ առաքեաց աքաաբ ընդ ա(մենայ)ն ի(սրա)էլ, եւ ժողովեաց զմարգարէեսն ՛ի լեառնն կարմելոս։

Verse: 21  Link to sept   եւ մերձեցոյց եղիա զա(մենայ)ն ժողովուրդն. եւ ասէ ցն(ո)ս(ա) եղիա, մինչեւ ցե՞րբ կաղայք յերկուս հետս. եթէ տ(է)ր է ա(ստուա)ծ՝ երթա́յք զհետ ն(ո)ր(ա), եւ եթէ բահաղն իցէ՝ երթա́յք զհետ ն(ո)ր(ա)։ եւ ո́չ ետ ժողովուրդն նմա պատասխանի։

Verse: 22  Link to sept   Եւ ասէ եղիա ցժողովուրդն. ե́ս մնացեալ եմ մարգարէ տ(եառ)ն միայն, եւ մարգարէքն բահաղու չորք հարիւր եւ յիսուն, եւ մարգարէք անտառին՝ չորեքարեւր։

Verse: 23  Link to sept   Տացին մեզ երկուս եզինս, եւ ընտրեսցեն իւրեանց զմին, եւ յօշեսցեն եւ գիցեն ՛ի վ(ե)ր(այ) փայտից, եւ հուր մի́ դիցեն. եւ ես արարից զմեւս եզնն, եւ եդից ՛ի վ(ե)ր(այ) փայտից, եւ հուր ո́չ մատուցից։

Verse: 24  Link to sept   եւ կարդասջի́ք զանուն աստուածոցն ձերոց, եւ ես կոչեցից զանուն տ(եառ)ն ա(ստուծո)յ իմոյ. եւ եղիցի ա(ստուա)ծ՝ որ լուիցէ հրով՝ նա́ է Ա(ստուա)ծ։ Պատասխանի ետուն ա(մենայ)ն ժողովուրդն՝ եւ ասեն, բարի́ է բանդ զոր խօսեցար։

Verse: 25  Link to sept   Եւ ասէ եղիա ցմարգարէսն ամօթոյ. ընտրեցէ́ք դուք ձեզ զուարակ մի, եւ արարէ́ք յառաջագոյն, քանզի դուք բազումք էր. եւ կարդացէ́ք զանուն աստուածոցն ձերոց, եւ հուր՝ մի́ դնէք ՛ի վ(ե)ր(այ)։

Verse: 26  Link to sept   Եւ առին զզուարակն զոր ետ ն(ո)ց(ա), եւ արարին. եւ կարդացին զանուն բահաղու՝ յայգուէ մինչեւ ցհասարակ օր. եւ ասէին՝ լո́ւր մեզ բահաղ՝ լո́ւր մեզ։ եւ ո́չ գոյր բարբառ՝ եւ ո́չ ունկնդրութի(ւն)։ եւ ընթանային շուրջ զսեղանովն զոր արարին։

Verse: 27  Link to sept   Եւ եղեւ ՛ի մէջօրէին՝ եւ այպանեաց զնոսա եղիա թեազբացի եւ ասէ. մեծաձա́յն կարդացէք զի աստուա́ծ է՝ թերեւս զբօսանք ինչ իցեն նմա, եւ միանգամայն թերեւս առնիցէ հրաման, կամ թէ ՛ի քո́ւն իցէ՝ եւ յառնիցէ։

Verse: 28  Link to sept   Եւ կարդային մեծաձայն, եւ ցտէին ըստ օրինի իւրեանց սրով եւ գեղարդամբք մինչեւ ցհեղուլ արեան ՛ի վ(ե)ր(այ) ն(ո)ց(ա)։

Verse: 29  Link to sept   եւ եղեւ իբրեւ մերձեցան յընդերեկսն, եւ մարգարէանային մինչեւ ցժամանակ մատուցանելոյ զոհին. եւ ո́չ գոյրյ ձայն։ Եւ խօսեցաւ եղիա թաեզբացի ը(նդ) մարգարէս գարշմելեացն՝ եւ ասէ. ՛ի բա́ց կացէք արդ՝ ես արարից զողջակէզն իմ։ եւ ՛ի բաց կացին՝ եւ գնացին։

Verse: 30  Link to sept   Եւ ասէ եղիա ցժողովուրդն՝ մատերո́ւք առիս, եւ մատեա́ն ա(մենայ)ն ժողովուրդն առ նա. եւ ողջացոյց զսեղանն տ(եառ)ն զկործանեալ։

Verse: 31  Link to sept   եւ ա́ռ եղիա երկոտասան քար՝ ըստ թուոյ ցեղիցն ի(սրաէ)լի, ո(ր)պ(էս) խօսեցաւ տ(է)ր ընդ նմա եւ ասէ՝ ի(սրա)էլ եղիցի անուն քո.

Verse: 32  Link to sept   եւ շինեաց զքարինսն յանուն տ(եառ)ն, եւ արար ծով՝ որ տանէր երկուց դրուաց սերմն շուրջ զսեղանով։

Verse: 33  Link to sept   Եւ էդէզ զշերտսն ՛ի վերայ սեղանոյն զոր արար, եւ յօշեաց զողջակէզն, եւ էդէզ ՛ի վերայ շերտիցն, եւ էդէզ ՛ի վերայ սեղանոյն։

Verse: 34  Link to sept   եւ ասէ. առէք ինձ չորս սափորս ջրոյ, եւ հեղէ́ք ՛ի վ(ե)ր(այ) ողջակիզիդ եւ ՛ի վ(ե)ր(այ) շերտիցդ։ եւ ասէ՝ կրկնեցէ́ք. եւ կրկնեցին։ եւ ասէ, երեքկնեցէ́ք. եւ երեքկնեցին։

Verse: 35  Link to sept   եւ գնայր ջուրն շուրջ զսեղանովն, եւ զծովն լցին ջրով։

Verse: 36  Link to sept   Եւ եղեւ ՛ի ժամու մատուցանելոյ պատարագին աղաղակեա́ց եղիա յերկինս, եւ ասէ տ(է)ր ա(ստուա)ծ աբրահամու եւ սահակայ եւ ի(սրաէ)լի. ա́յսօր ծանիցեն եթէ դո́ւ ես տ(է)ր ա(ստուա)ծ ի(սրաէ)լի, եւ ես ծառա́յ քո. եւ ե́ս արարի զգործս զայսոսիկ։

Verse: 37  Link to sept   լո́ւր ինձ տ(է)ր, լո́ւր ինձ հրով. եւ ծանիցէ ժողովուրդս՝ թէ դո́ւ ես տ(է)ր ա(ստուա)ծ, եւ դո́ւ դարձուցեր զսիրտ ժողովրդեանս այսորիկ յետս։

Verse: 38  Link to sept   Եւ անկաւ հո́ւր ՛ի տ(եառ)նէ յերկնից, եւ եկեր զողջակէզսն եւ զշերտսն, եւ զհողն եւ զջուրն որ ՛ի ծովուն լափեա́ց հուրն։

Verse: 39  Link to sept   իբրեւ ետես ա(մենայ)ն ժողովուրդն՝ անկա́ն ՛ի վ(ե)ր(այ) երեսաց իւրեանց եւ ասեն՝ արդարեւ տ(է)ր՝ նա́ է ա(ստուա)ծ, տ(է)ր նա́ է ա(ստուա)ծ։

Verse: 40  Link to sept   Եւ ասէ եղիա ցժողովուրդն. կալարո́ւք զմարգարէսն բահաղու, եւ մի́ ոք ապրեսցի ՛ի նոցանէ, եւ կալան զնոսա. եւ իջո́յց զն(ո)ս(ա) եղիա ՛ի հեղեղա́տն կիսոնի եւ կոտորեա́ց զն(ո)ս(ա) անդ։

Verse: 41  Link to sept   Եւ ասէ եղիա ցաքաաբ. ե́լ կե́ր եւ ա́րբ, զի ոտնաձայն անձրեւի է։

Verse: 42  Link to sept   եւ ե́լ աքաաբ ուտել եւ ըմպել։ եւ եղիա ել ՛ի գլուխ լերինն կարմելայ. եւ խոնարհեցաւ յերկիր, եւ եդ զերեսս իւր ՛ի մէջ ծնգաց իւրոց.

Verse: 43  Link to sept   եւ ասէ ցպատանեակն իւր. ե́լ եւ հայեա́ց ընդ ճանապարհ ծովու։ ել եւ հայեցաւ պատանեակն, եւ ասէ ո́չ ինչ է։ եւ ասէ եղիա, աղէ դու դարձիր եւթն անգամ. եւ դարձաւ պատանեակն եւթն անգամ։

Verse: 44  Link to sept   Եւ եղեւ յետ եւթներորդում նուագին, եւ ահա ա́մպ մի փոքրիկ իբրեւ զթա́թ առն՝ հանէր ջուր։ եւ ասէ՝ ե́լ եւ ասա́ ցաքաաբ. լծեա́ զկառս քո եւ է́ջ, գուցէ հասանիցէ քեզ անձրեւ։

Verse: 45  Link to sept   Եւ եղեւ մինչ նա ա́յսր եւ անդր դառայնր՝ երկինք մթացան ամպովք եւ հողմով, եւ եղեւ անձրեւ մեծ։ եւ լայր եւ երթայր աքաաբ յեզրայէլ։

Verse: 46  Link to sept   եւ ձեռն տ(եառ)ն եղեւ ՛ի վ(ե)ր(այ) եղիայի, եւ պնդեաց զմէջ իւր եւ ընթացաւ առաջի աքաաբու, մինչեւ մտանել յեզրայէլ։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ պատմեաց աքաաբ յազաբելայ կնոջ իւրում զա(մենայ)ն զոր արար եղիա. եւ ո՞րպէս կոտորեաց զա(մենայ)ն մարգարէսն սրով։

Verse: 2  Link to sept   Եւ առաքեաց յեզաբէլ հրէշտա́կս առ եղիա՝ եւ ասէ. եթէ դու եղիա́ իցես՝ եւ ես յեզաբէ́լ, օն եւ օ́ն արասցեն ինձ աստուածքն՝ եւ օ́ն եւ օ́ն յաւելցեն, եթէ ոչ վաղիւ ՛ի սո́յն ժամու եդի́ց զանձն քո իբրեւ զանձն միո́յ ՛ի նոցանէ։

Verse: 3  Link to sept   Եւ երկեա́ւ եղիա՝ եւ յարեաւ գնաց առանձինն, եւ եկն ՛ի բերսաբէէ յերկի́րն յուդայ. եւ եթող անդ զպատանեակն իւր։

Verse: 4  Link to sept   եւ ինքն գնաց յանապատ աւուր միոյ ճանապարհ, եւ չոգաւ եւ նստաւ ընդ բեւեկնեաւ. եւ խնդրեաց մա́հ անձին իւրոյ, եւ ասէ. շա́տ է արդ տ(է)ր՝ ա́ռ զոգի իմ յինէն տ(է)ր. զի ո́չ եմ ես լաւ քան զհարս իմ։

Verse: 5  Link to sept   Եւ ՛ի քո́ւն եմուտ եւ ննջեաց ընդ տնկովն, եւ ահա ոմն մերձեցաւ ՛ի նա՝ եւ ասէ. արի́ եւ կե́ր։

Verse: 6  Link to sept   եւ հայեցաւ եղիա, եւ ահա ՛ի սնարից ն(ո)ր(ա) նկանակ հաճարոյ եւ կո́ւժ ջրոյ, եւ յարեաւ եկեր եւ արբ. եւ դարձեալ ննջեաց։

Verse: 7  Link to sept   Եւ դարձեալ հրեշտակն տ(եառ)ն երկրորդ անգամ մերձեցաւ առ նա՝ եւ ասէ ցնա. արի կե́ր, ՛ի բազո́ւմ է ՛ի քէն եւ անդր ճանապարհդ։

Verse: 8  Link to sept   եւ յարեաւ՝ եկեր՝ եւ արբ, եւ գնաց զօրութ(եամ)բ կերակրոյն այնորիկ զքառասուն տիւ եւ զքառասուն գիշեր, մինչեւ ցլեառնն ա(ստուծո)յ ՛ի քորէբ.

Verse: 9  Link to sept   եւ եմուտ անդ յայրն՝ եւ դադարեաց։ Եւ ահա բա́ն տ(եառ)ն եղեւ առ նա՝ եւ ասէ. զի՞ ես դու աստ եղիա։

Verse: 10  Link to sept   եւ ասէ եղիա. նախանձեցայ նախանձ տ(եառ)ն ամենակալի. զի թողի́ն զքեզ որդիքն ի(սրաէ)լի, զսեղանս քո կործանեցին, եւ զմարգարէս քո կոտորեցին սրով. ե́ս միայն մնացեալ եմ, եւ խնդրեն զանձն իմ առնուլ զսա։

Verse: 11  Link to sept   Եւ ասէ, ելցե́ս դու վաղիւ՝ եւ կացցե́ս ՛ի լերին անդ առաջի տ(եառ)ն. եւ ահա́ տ(է)ր անցցէ եւ հո́ղմ մեծ ուժգին՝ որ զլերինս քակիցէ եւ զվէմս խորտակիցէ առաջի տ(եառ)ն, եւ ո́չ ՛ի հողմն տ(է)ր. եւ յետ հողմոյն շարժումն, եւ ո́չ ՛ի շարժմանն տ(է)ր։

Verse: 12  Link to sept   եւ յետ շարժմանն հուր, եւ ո́չ ՛ի հուրն տ(է)ր. եւ յետ հրոյն ձայն մեղմոյ օգոյ, եւ ա́նդ տ(է)ր։

Verse: 13  Link to sept   Եւ եղեւ իբրեւ լուաւ եղիա՝ ծածկեաց զերեսս իւր մաշկեկաւն. եւ ել եւ եկաց ՛ի ներքոյ այրին։ եւ ահա բարբա́ռ առ նա եւ ասէ. զի՞ ես դու աստ ե́ղիա։

Verse: 14  Link to sept   Եւ ասէ եղիա. նախանձեցա́յ զնախանձ տ(եառ)ն ամենակալի, զի թողին զուխտ քո որդիքն ի(սրաէ)լի, զսեղանս քո քակտեցին, եւ զմարգարէս քո կոտորեցին սրով. ես միայն մնացեալ եմ, եւ խնդրեն զանձն իմ առնո́ւլ զնա։

Verse: 15  Link to sept   Եւ ասէ ցնա տ(է)ր. գնա́ եւ դարձի́ր զճանապարհ քո, եւ երթիցես զճանապարհ անապատին դամասկեայ, եւ երթիցես եւ օծցես զաղայէլ ՛ի թագաւոր ասորւոց։

Verse: 16  Link to sept   Եւ զյէու որդին ամեսսեայ ՛ի թագաւոր ՛ի վերայ ի(սրաէ)լի. եւ զեղիսեէ որդի սափատայ յաբելմաւուլայ՝ օծցես ՛ի մարգարէ́ փոխանակ քո։

Verse: 17  Link to sept   եւ եղիցի՝ զապրեալն ՛ի սրոյ ազայելի՝ սպանցէ́ յէսու. եւ զապրեալն ՛ի սրոյ յէուայ՝ սպանցէ́ եղիսեէ.

Verse: 18  Link to sept   եւ թողցես դու յի(սրաէ)լէ եւթն հազար արանց զա(մենայ)ն որոյ ո́չ իցէ կրկնեալ ծունր բահաղու, եւ զա(մենայ)ն բերան որոյ ո́չ իցէ պագեալ զնա։

Verse: 19  Link to sept   Եւ գնաց անտի, եւ եգիտ զեղիսեէ որդի սափատայ, եւ նա վարէ́ր երկոտասան եզամբք, եւ զոյգք զոյգք եզանց առաջի ն(ո)ր(ա), եւ ինքն ՛ի վերայ երկոտասանիցն. եւ եհաս եղիա առ նա, եւ ընկէ́ց զմաշկեակն իւր ՛ի վ(ե)ր(այ) ն(ո)ր(ա)։

Verse: 20  Link to sept   եւ եթող եղիսեէ զեզինսն, եւ ընթացաւ զհետ եղիայի, եւ ասէ՝ համբուրեցի́ց զհայր իմ եւ զմայր իմ, եւ եկից զկնի քո։ եւ ասէ ցնա. ե́րթ՝ դարձիր անդրէն. զի՞նչ առնելոց էր՝ արարի́ քեզ։

Verse: 21  Link to sept   Եւ դարձաւ ՛ի նմանէ. եւ ա́ռ զզոյգս զոյգս եզանցն, եւ եզեն. եւ գործեօք եզանցն հասոյց զնոսա, եւ ե́տ ժողովրդեանն եւ կերան, եւ յարեաւ գնաց զհետ եղիայի, եւ պաշտէր զնա։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ որդի ադերայ՝ արքայ ասորւոց ժողովեա́ց զա(մենայ)ն զօրս իւր, եւ ե́լ եւ նստաւ զսամարեաւ, եւ երեսուն եւ երկու թագաւորք ընդ նմա, եւ ա(մենայ)ն երիվարք եւ կառք ելին եւ նստան զսամարեաւ, եւ տայի́ն պատերազմ ընդ նմա։

Verse: 2  Link to sept   Եւ առաքեաց հրեշտակս առ աքաաբ արքայ ի(սրաէ)լի ՛ի քաղաքն,

Verse: 3  Link to sept   եւ ասէ ցնա. ա́յսպէս ասէ որդի ադերայ, արծաթ քո եւ ոսկի քո ի́մ է. եւ կանայք քո եւ որդիք քո գեղեցիկք՝ ի́մ են։

Verse: 4  Link to sept   Պատասխանի ետ արքայն ի(սրաէ)լի եւ ասէ. ո(ր)պ(էս) խօսեցար տէ́ր իմ արքայ, քո́ եմ ես եւ ա(մենայ)ն ինչք իմ։

Verse: 5  Link to sept   Եւ դարձան հրեշտակքն՝ եւ ասեն. ա́յսպէս ասէ որդի ադերայ. ես յղեցի զի զարծաթ քո եւ զոսկի քո՝ եւ զկանայս քո եւ զորդիս քո ցի́ս տացես։

Verse: 6  Link to sept   զի վաղիւ ՛ի սոյն ժամու առաքեցից զծառայս իմ, եւ յուզեսցեն զտուն քո եւ զտուն ծառայից քոց, եւ եղիցին ցանկալի́ք աչաց ն(ո)ց(ա), յոր արկանիցեն զձեռս իւրեանց՝ առցեն։

Verse: 7  Link to sept   Եւ կոչեաց արքայ ի(սրաէ)լի զա(մենայ)ն ծերակոյտս երկրին եւ ասէ. գիտասջի́ք եւ տեսջիք՝ զի չարի́ս իմն խնդրէ նա, զի առաքեաց առ իս զուստերաց իմոց եւ զդստերաց իմոց. զարծաթ իմ եւ զոսկի իմ ո́չ արգելի ՛ի նմանէ։

Verse: 8  Link to sept   Եւ ասեն ցնա ծերքն՝ եւ ա(մենայ)ն ժողովուրդն, մի́ լսեր եւ մի́ յանձն առնուր։

Verse: 9  Link to sept   եւ ասէ ցհրեշտակս որդւոյ ադերայ. ասացէ́ք ցտէրն ձեր ցարքայ. զա(մենայ)ն ինչ զոր առաքեցեր առ ծառայ քո յառաջնում նուագին՝ արարի́ց, բայց զայդ բան ո́չ կարեմ առնել։ եւ գնացին արքն՝ եւ դարձուցին նմա պատասխանի։

Verse: 10  Link to sept   Եւ առաքեաց առ նա որդին ադերայ՝ եւ ասէ. օն եւ օ́ն արասցեն ինձ դիքն եւ օն եւ օ́ն յաւելցեն, եթէ բաւեսցէ հող սամարեայ աղիւսովք հանդերձ, ա(մենայ)ն զօրականի հետեւակաց իմոց։

Verse: 11  Link to sept   Եւ պատասխանի ետ արքայն ի(սրաէ)լի եւ ասէ. շա́տ է արդ՝ մի́ պարծեսցի կորն իբրեւ զուղիղն։

Verse: 12  Link to sept   Եւ եղեւ իբրեւ պատասխանի ետ նմա զբանս զայս. եւ ինքն ՛ի գինւո́ջ էր, եւ ա(մենայ)ն թագաւորք որ ընդ նմա ՛ի խորանս. եւ ասէ ցծառայս իւր, շինեցէ́ք պատնէշ. եւ եդին պատնէ́շ շուրջ զքաղաքաւն։

Verse: 13  Link to sept   Եւ ահա մարգարէ ոմն մատեաւ առ աքաաբ արքայ ի(սրաէ)լի՝ եւ ասէ. ա́յսպէս ասէ տ(է)ր, եթէ տեսանիցե՞ս զայն ամբոխ մեծ, ահա ես մատնեցից զն(ո)ս(ա) այսօր ՛ի ձեռս քո. եւ գիտասցես՝ թէ ե́ս եմ տ(է)ր։

Verse: 14  Link to sept   եւ ասէ աքաաբ՝ ի՞ւ։ եւ ասէ, այսպէս ասէ տ(է)ր. մանկտւո́վ իշխանաց գաւառաց։ եւ ասէ աքաաբ. ո՞ նախ գրգռեսցէ զպատերազմն. եւ ասէ՝ դու։

Verse: 15  Link to sept   Եւ հանդէ́ս արար ծառայից իշխանաց գաւառաց, եւ եղեն երկերիւր եւ երեսուն. եւ ապա հանդէ́ս արար ա(մենայ)ն ժողովրդեանն. եւ ա(մենայ)ն որդւոց զօրութ(են)է եւթն հազար արանց։

Verse: 16  Link to sept   եւ ելանէր զմիջօրէիւ. եւ որդին ադերայ ընդ գինի́ մտեալ էր եւ արբեալ ՛ի ոսկւով, ինքն եւ երեսուն եւ երկու թագաւորքն օգնականք ն(ո)ր(ա)։

Verse: 17  Link to sept   Եւ ելին նախ մանկունք իշխանաց գաւառացն. եւ առաքեցին առ որդին ադերայ, եւ պատմեցին նմա եւ ասեն. ա́րք ելին ՛ի սամարեայ։

Verse: 18  Link to sept   Եւ ասէ ցն(ո)ս(ա). եթէ ՛ի խաղաղութի(ւն) ելանիցեն՝ կալջի́ք զնոսա կենդանիս, եւ եթէ ՛ի պատերա́զմ ելանիցեն՝ կալջի́ք զն(ո)ս(ա) կենդանիս։

Verse: 19  Link to sept   Եւ ելին ՛ի քաղաքէն մանկտի իշխանաց գաւառացն, եւ զօրն զկնի ն(ո)ց(ա)։

Verse: 20  Link to sept   եւ եհար իւրաքանչիւրոք որում դիպեցաւ. եւ փախեան ասորիքն, եւ հալածեաց զն(ո)ս(ա) ի(սրա)էլ։ եւ ապրեցաւ որդին ադերայ՝ արքա́յ ասորւոց հեծեալ ձիով՝ հանդերձ երիւք ոմամբք հեծելովք։

Verse: 21  Link to sept   եւ ել արքայն ի(սրաէ)լի, եւ ա́ռ զերիվարս եւ զկառս, եւ եհար յասորւոց հարուածս մեծամեծս։

Verse: 22  Link to sept   Եւ մատեաւ մարգարէն առ արքայ ի(սրաէ)լի, եւ ասէ ցնա. զօրացի́ր եւ դիտա́, եւ տե́ս զինչ գործեսցես. զի ՛ի դարձի́ տարւոյս այսորիկ որդի ադերայ արքայ ասորւոց ելանելոց է ՛ի վերայ քո։

Verse: 23  Link to sept   Եւ ծառայք արքային ասորւոց ասեն ցնա. ա(ստուա)ծ լերա́նց է ա(ստուա)ծն ի(սրաէ)լի, եւ ո́չ ա(ստուա)ծ դաշտաց. վ(ա)ս(ն) այնորիկ յաղթահարեցին զմեզ. եթէ տայցեմք ընդ ն(ո)ս(ա) պատերազմ ՛ի դիւրի՝ յաղթեմք ն(ո)ց(ա)։

Verse: 24  Link to sept   եւ զա́յս բան արասցես. ՛ի բաց արա զթագաւորսն յիւրաքանչիւր տեղւոջէ, եւ դի́ր ը(նդ) նոսա նախարարս։

Verse: 25  Link to sept   եւ փոխանակեսցուք քեզ զօրս ընդ զօրացն որ անկան ՛ի քէն, եւ երիվարս ը(նդ) երիվարացն, եւ կառս ընդ կառացն. եւ տացուք ընդ ն(ո)ս(ա) պատերազմ ՛ի դիւրոջ՝ եւ յաղթեսցուք ն(ո)ց(ա)։ եւ անսաց բարբառոյ ն(ո)ց(ա), եւ արա́ր այնպէս։

Verse: 26  Link to sept   Եւ եղեւ ՛ի դառնալ տարւոյն, հանդէ́ս արար որդին ադերայ՝ ասորւոց. եւ ել յափեկայ ՛ի պատերազմ ընդ ի(սրաէ)լի։

Verse: 27  Link to sept   Եւ որդիքն ի(սրաէ)լի արարին հանդէս՝ եւ երկգնդեցան եւ հասին յառաջս ն(ո)ց(ա)։ եւ ճակատեցան որդիքն ի(սրաէ)լի ընդդէմ ասորւոցն իբրեւ երկու երամակք այծից. եւ ասորիքն լցին զերկիրն։

Verse: 28  Link to sept   Եւ մատեաւ այրն ա(ստուծո)յ՝ եւ ասէ ցարքայն ի(սրաէ)լի. ա́յսպէս ասէ տ(է)ր, փոխանակ զի ասացին ասորիքն թէ ա(ստուա)ծ լերանց է տ(է)ր ա(ստուա)ծ ի(սրաէ)լի՝ եւ ո́չ ա(ստուա)ծ դաշտաց. նա́ տացէ զզօրն զայն զմեծ ՛ի ձեռս քո, եւ գիտասցեն թէ ե́ս եմ տ(է)ր։

Verse: 29  Link to sept   Եւ բանակեցան նոքա ընդդէմ սոցա զեւթն օր։ եւ եղեւ յաւուրն ութերորդի ընդխառնեցաւ պատերազմն. եւ եհա́ր ի(սրա)էլ յասորւոցն հարիւրհազար հետեւակաց ՛ի միում աւուր.

Verse: 30  Link to sept   եւ մնացեալքն փախեան յափեկայ ՛ի քաղաքն իւրեանց. եւ անկաւ պարիսպն ՛ի վ(ե)ր(այ) քսան եւ եւթնհազար արանց մնացելոց։ Եւ որդին ադերայ փախեա́ւ եւ եմուտ ՛ի տուն իւր սենեակ ՛ի սենեկէ։

Verse: 31  Link to sept   եւ ասեն ցնա ծառայք իւր. ահաւասիկ գիտեմք զի թագաւորք տանն ի(սրաէ)լի թագաւորք ողորմութե(ան) են, արկցո́ւք քուրձս զմիջովք մերովք. եւ չուանս ՛ի գլուխս մեր, եւ ելցուք առ արքայն ի(սրաէ)լի. թերեւս ապրեցուսցէ զանձինս մեր։

Verse: 32  Link to sept   Եւ զգեցան քուրձս ՛ի մէջս իւրեանց, եւ եդին չուանս ՛ի գլուխս իւրեանց. եւ ասեն ցարքայն ի(սրաէ)լի, ծառայ քո որդի ադերայ ասէ, կեցցէ՞ անձն իմ։ եւ ասէ, եթէ տակաւին կենդնանի իցէ՝ եղբայր իմ է։

Verse: 33  Link to sept   Եւ արքն հմայեցին՝ եւ նուիրեցին՝ եւ քաղեցին զբանսն ՛ի բերանոյ ն(ո)ր(ա). եւ ասեն՝ եղբա́յր քո որդի ադերայ ա́ստ է։ եւ ասէ, մտէ́ք՝ եւ ածէ́ք զնա։ եւ ել առ նա որդին ադերայ. եւ հանին զնա առ նա ՛ի կառսն։

Verse: 34  Link to sept   Եւ ասէ ցնա. զքաղաքսն զոր ա́ռ հայր իմ ՛ի հօրէ քումմէ՝ դարձուցի́ց առ քեզ, եւ հանցե́ս քեզ հարկս ՛ի դամասկոս, ո(ր)պ(էս) եդ հայր իմ ՛ի սամարիայ։ եւ ասէ. եւ ես արձակեցի́ց զքեզ ուխտիւ։ եւ եդ ընդ նմա ուխտ, եւ արձակեաց զնա։

Verse: 35  Link to sept   Եւ այր մի յորդւոց մարգարէիցն ասէ ցընկեր իւր բանիւ տ(եառ)ն, հա́ր զիս. եւ ո́չ կամեցաւ այրն հարկանել զնա։

Verse: 36  Link to sept   եւ ասէ ցնա. փոխանակ զի ո́չ լուար ձայնի տ(եառ)ն, ահա իբրեւ գնասցես յինէն՝ սպանցէ զքեզ առեւծ։ եւ իբրեւ գնաց ՛ի նմանէ, եգիտ զնա առեւծ՝ եւ սպան զնա։

Verse: 37  Link to sept   Եւ եգիտ ա́յլ այր եւ ասէ՝ հա́ր զիս։ եւ եհար զնա այրն՝ եհա́ր եւ ջաղջախեաց։

Verse: 38  Link to sept   Եւ չոգաւ մարգարէն՝ եւ եկաց առաջի արքայի ՛ի վերայ ճանապարհին, եւ կապեաց պատանաւ զաչս իւր։

Verse: 39  Link to sept   եւ եղեւ իբրեւ անցանէր ընդ այն արքայ, եւ նա աղաղակեաց առ արքայ եւ ասէ. ծառա́յ քո ել ըհդ զօրու ՛ի պատերազմի, եւ ահա այր մի ած առիս այր, եւ ասէ՝ պահեա́ զայրդ զայդ, ապա թէ զերծանելով զերծցի, եղիցի́ անձն քո ընդ անձին դորա, կամ տաղանտ մի արծաթոյ կշռեսցես.

Verse: 40  Link to sept   եւ եղեւ մինչ ծառայ քո ա́յսր եւ անդր հայէր, եւ նա չէ́ր ուրեք։ Եւ ասէ արքայն ի(սրաէ)լի ցնա. ահա եւ ա́յդ յինէն կողմանէ դա́ւ է, սպանէ՞ր ուրեմն։

Verse: 41  Link to sept   եւ փութացաւ ՛ի բա́ց առ զպատանն յաչաց իւրոց. եւ ծանեաւ զնա արքայն ի(սրաէ)լի՝ թէ ՛ի մարգարէից անտի է։

Verse: 42  Link to sept   Եւ ասէ ցնա. ա́յսպէս ասէ տ(է)ր՝ փոխանակ զի հաներ դու զայրն վնասակար ՛ի ձեռաց իմոց, եղիցի անձն քո փոխանակ անձին ն(ո)ր(ա), եւ ժողովուրդ քո փոխանակ ժողովրդեան ն(ո)ր(ա)։

Verse: 43  Link to sept   եւ գնաց արքայն ի(սրաէ)լի ՛ի տուն իւր տխրեալ եւ լքեալ, եւ եկն ՛ի սամարիա։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ եղեւ յետ բանիցս այսոցիկ, այգի́ մի էր նաբաւթայ յեզրայելացւոյ, մերձ առ կալ աքաաբու արքայի սամարեայ։

Verse: 2  Link to sept   Եւ խօսեցաւ արքայ ընդ նաբաւթայ՝ եւ ասէ. տուր ինձ զայգին քո, եւ եղիցի ինձ ՛ի պարտէզ բանջարոյ, զի մերձ է ՛ի տուն իմ. եւ տաց քեզ ա́յլ այգի լա́ւ քան զնա։ եւ եթէ հաճոյ իցէ առաջի քո, տաց քեզ արծա́թ գինս այգւոյ քոյ. եւ եղիցի ինձ ՛ի պարտէ́զ բանջարոյ։

Verse: 3  Link to sept   Եւ ասէ նաբաւթ ցարքայ, քա́ւ լիցի ինձ յա(ստուծո)յ իմմէ տա́լ քեզ զժառանգութի(ւն) հարց իմոց։

Verse: 4  Link to sept   Եւ եկն աքաաբ ՛ի տուն իւր տխրեալ՝   եւ լքեալ, վ(ա)ս(ն) բանին զոր խօսեցաւ ընդ նմա նաբովթ յեզրայելացի, եւ ասէ՝ ո́չ տաց քեզ զժառանգութի(ւն) հարց իմոց։ եւ ննջեաց ՛ի մահիճս իւր. եւ ծածկեաց զերեսս իւր, եւ ո́չ եկեր հաց։

Verse: 5  Link to sept   Եւ եմո́ւտ առ նա յեզաբէլ կին իւր՝ եւ խօսեցաւ ընդ նմա եւ ասէ. զի՞ խռովեալ է ոգի քո՝ եւ ո́չ ուտես հաց։

Verse: 6  Link to sept   եւ ասէ ցնա. զի խօսեցայ ընդ նաբաւթայ յեզրայելացւոյ՝ եւ ասեմ. տուր ինձ զայգին քո ընդ արծաթոյ, եւ եթէ կամիս՝ տա́ց քեզ ա́յլ այգի փոխանակ ն(ո)ր(ա). եւ ասէ, ո́չ տաց քեզ զժառնգու(թ)ի(ւն) հարց իմոց։

Verse: 7  Link to sept   Եւ ասէ ցնա յեզաբէլ կին իւր. արդ ա՞յդպէս առնիցես զթագաւորու(թ)ի(ւն)դ ՛ի վ(ե)ր(այ) ի(սրաէ)լի. արի́ կե́ր հաց՝ եւ սթափեա́ց. եւ ե́ս տաց քեզ զայգին նաբաւթայ յեզրայելացւոյ։

Verse: 8  Link to sept   Եւ գրեաց հրովարտակ յանուն աքաաբու, եւ կնքեաց մատանեաւ ն(ո)ր(ա). եւ առաքեաց զհրովարտակն առ ծերս եւ առ ազատս քաղաքին ն(ո)ր(ա), որ բնակեալ էին ընդ նաբովթայ։

Verse: 9  Link to sept   եւ գրեալ էր ՛ի հրովարտակին ա́յսպէս. պահեցէ́ք պահս, եւ նստուցէք զնաբովթ ՛ի գլուխ ժողովրդեանն.

Verse: 10  Link to sept   եւ նստուցէ́ք երկուս արս որդիս անօրինաց հանդէ́պ նորա, եւ վկայեսցեն զնմանէ՝ եւ ասասցեն, թէ օրհնեցեր զա(ստուա)ծ՝ եւ զարքայ. եւ հանցեն զնա եւ քարկոծեսցեն, եւ մեռցի́։

Verse: 11  Link to sept   Եւ արարին արք քաղաքին ն(ո)ր(ա) ծերք եւ ազատք որ նստէին ՛ի քաղաքին ն(ո)ր(ա)՝ ո(ր)պ(էս) առաքեաց առ ն(ո)ս(ա) յեզաբէլ, զորօրինակ գրեալ էր ՛ի հրովարտակսն։

Verse: 12  Link to sept   Կարգեցին պահս, եւ նստուցին զնաբաւթ ՛ի գլուխ ժողովրդեանն.

Verse: 13  Link to sept   եւ եկին երկու արք՝ որդիք անօրինաց, եւ նստա́ն հանդէպ ն(ո)ր(ա). եւ վկայեցին արքն ապստամբութե(ան) զնաբովթայ առաջի ա(մենայ)ն ժողովրդեանն՝ եւ ասեն, թէ օրհնեա́ց նաբովթ զա(ստուա)ծ՝ եւ զարքայ. եւ հանին զնա արտաքոյ քաղաքին, եւ քարկոծեցին զնա քարամբք՝ եւ մեռա́ւ։

Verse: 14  Link to sept   եւ առաքեցին առ յեզաբէլ՝ եւ ասեն, քարկոծեցաւ նաբովթ՝ եւ մեռաւ։

Verse: 15  Link to sept   Եւ իբրեւ լուաւ յեզաբէլ՝ թէ քարկոծեցաւ նաբովթ՝ եւ մեռաւ. ասէ յեզաբէլ ցաքաաբ. արի́ ժառնգեա́ զայգին նաբովթայ յեզրայելացւոյ՝ զոր ո́չ ետ քեզ ը(նդ) արծաթոյ. զի ո́չ է նաբովթ կենդանի՝ քանզի մեռա́ւ։

Verse: 16  Link to sept   Եւ եղեւ իբրեւ լուաւ աքաաբ՝ թէ մեռաւ նաբովթ յեզրայելացի, պատառեաց զհանդերձս իւր՝ եւ քուրձ զգեցաւ։ Եւ եղեւ յետ այնորիկ, յարեա́ւ աքաաբ՝ եւ էջ յայգին նաբաւթայ յեզրայելացւոյ ժառանգել։

Verse: 17  Link to sept   Եւ խօսեցաւ տ(է)ր ընդ եղիայի թեզբացւոյ՝ եւ ասէ.

Verse: 18  Link to sept   արի́ է́ջ ընդառաջ աքաաբու արքայի ի(սրաէ)լի որ ՛ի սամարիա. զի նա էջ յայգին նաբովթայ ժառանգել զնա.

Verse: 19  Link to sept   եւ խօսեսցիս ընդ նմա՝ եւ ասասցես. ա́յսպէս ասէ տ(է)ր. որպէս սպաներ եւ ժառանգեցեր, վ(ա)ս(ն) այդորիկ այսպէս ասէ տ(է)ր. ՛ի տեղւոջ ուր լափեցին շունք եւ խոզք զարիւն նաբովթայ, ա́նդ լափեսցեն զարիւն քո, եւ բոզք լուասցին յարեան քում։

Verse: 20  Link to sept   Եւ ասէ աքաաբ ցեղիա. եթէ գտե́ր զիս թշնամի իմ։ եւ ասէ՝ գտի́. զի ՛ի զուր հպարտացար գործել չա́ր առաջի տ(եառ)ն, առ ՛ի բարկացուցանելոյ զնա։

Verse: 21  Link to sept   Ահա ե́ս ածից ՛ի վերայ քո չարիս. եւ բորբոքեցի́ց զկնի քո, եւ սատակեցից զաքաաբու՝ որ միզիցէ զորմով. եւ զնեղեալն եւ զլքեալն յի(սրաէ)լէ.

Verse: 22  Link to sept   եւ տաց զտուն քո իբրեւ զտունն յերոբովամու որդւոյ նաբատայ, եւ իբրեւ զտունն բայասայ որդւոյ աքիայ, վ(ա)ս(ն) բարկութե(ան)ցն որովք բարկացուցեր զիս՝ եւ յանցուցեր զի(սրա)էլ։

Verse: 23  Link to sept   Եւ առ յեզաբէլ խօսեցաւ տ(է)ր եւ ասէ, շո́ւնք կերիցեն զնա առ պարսպին յեզրայելի։

Verse: 24  Link to sept   զմեռեալ աքաաբու ՛ի քաղաքի՝ կերիցեն շունք. եւ զմեռեալ ն(ո)ր(ա) ՛ի դաշտի՝ կերիցեն թռչունք երկնից։

Verse: 25  Link to sept   Սակայն ՛ի զուր մեծամտեաց աքաաբ առնել չար առաջի տ(եառ)ն. ո(ր)պ(էս) յիմարեցոյց զնա յեզաբէլ կին իւր։

Verse: 26  Link to sept   եւ գարշացաւ յոյժ երթալ զհետ գարշելեացն՝ ը(ս)տ ա(մենայ)նի զոր արար ամուրհացին, զոր սատակեաց տ(է)ր յերեսաց որդւոցն ի(սրաէ)լի։

Verse: 27  Link to sept   Եւ վ(ա)ս(ն) բանին զոր ստրջացաւ արքայ յերեսաց տ(եառ)ն, եւ երթա́յր լալով, եւ պատառեա́ց զպատմուճան իւր, եւ զգեցաւ քո́ւրձ ՛ի վ(ե)ր(այ) մարմնոյ իւրոյ. եւ պահեաց եւ զգեցաւ քուրձ յաւուրն յորում սպան զնաբովթ յեզրայելացի, եւ գնա́յր կորակոր։

Verse: 28  Link to sept   Եւ եղեւ բան տ(եառ)ն ՛ի ձեռն ծառայի իւրոյ եղիայ վ(ա)ս(ն) աքաաբու, եւ ասէ տ(է)ր.

Verse: 29  Link to sept   տեսե՞ր զի ստրջացաւ աքաաբ յերեսաց իմոց. փոխանակ զի ակնկորեաց յերեսաց իմոց, ո́չ ածից չարիս յաւուրս ն(ո)ր(ա). այլ յաւուրս որդւոյ ն(ո)ր(ա) ածից չարիս ՛ի վերայ տան նորա։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Եւ նստան զերեամ, եւ ո́չ էր պատերազմ ՛ի մէջ ասորւոց եւ ՛ի մէջ ի(սրաէ)լի։

Verse: 2  Link to sept   Եւ եղեւ յամին երրորդի է́ջ յովսափատ արքայ յուդայ առ արքայ ի(սրաէ)լի։

Verse: 3  Link to sept   Եւ ասէ արքայն ի(սրաէ)լի ցծառայս իւ. ո՞չ գիտէք եթէ մե́ր է ռամաթ գաղաադու. եւ մեք լռեալ կամք առնուլ զնա ՛ի ձեռաց արքային ասորւոց։

Verse: 4  Link to sept   եւ ասէ արքայ ի(սրաէ)լի ցյովսափատ, ելցե՞ս ընդ մեզ յռամաթ գաղաադու ՛ի պատերազմ։ եւ ասէ յովսափատ ցարքայն ի(սրաէ)լի. ո(ր)պ(էս) ե́ս, նոյնպէս եւ դո́ւ. եւ ո(ր)պ(էս) զօրք իմ, զօ́րք քո. եւ ո(ր)պ(էս) երիվարք իմ, երիվա́րք քո։

Verse: 5  Link to sept   Եւ ասէ յովսափատ արքայ յուդայ ցարքայն ի(սրաէ)լի. աղէ́ հարցցո́ւք այսօր զտ(է)ր։

Verse: 6  Link to sept   Եւ ժողովեաց արքայն ի(սրաէ)լի զա(մենայ)ն մարգարէս իւր իբրեւ արս չորեքարեւր. եւ ասէ ցն(ո)ս(ա) արքայ, երթա՞յց յռամաթ գաղաադու ՛ի պտերազմ, թէ զտեղի́ կալայց. եւ ասեն՝ ե́լ եւ տալով տացէ́ տ(է)ր ՛ի ձեռս արքայի։

Verse: 7  Link to sept   Եւ ասէ յովսափատ ցարքայն ի(սրաէ)լի. իցէ՞ ոք արդեւք աստ մարգարէ տ(եառ)ն՝ թէ չիցէ. եւ հարցցուք զտ(է)ր նովաւ։

Verse: 8  Link to sept   եւ ասէ արքայ ի(սրաէ)լի ցյովսափատ, է́ աստ ա́յր մի հարցանել նովաւ զտ(է)ր, եւ ես ատեցի զնա, զի ո́չ խօսի զինէն բարի, այլ չա́ր. միքիա որդի յեմլեայ։ եւ ասէ յովսափատ արքայ յուդայ. մի́ ասասցէ ա́յդպէս արքայ։

Verse: 9  Link to sept   Եւ կոչեաց արքայ ի(սրաէ)լի ներքինի մի եւ ասէ. վաղվաղակի ա́ծ այսր զմիքիէ որդի յեմլեայ։

Verse: 10  Link to sept   Եւ արքայ ի(սրաէ)լի եւ յովսափատ արքայ յուդայ, նստէին այր իւրաքանչիւր յաթոռ իւրում վառեալ ՛ի դրունս սամարեայ. եւ ա(մենայ)ն մարգարէքն մարգարէանային առաջի ն(ո)ր(ա)։

Verse: 11  Link to sept   Եւ արար իւր սեդեկիա որդի քանանու եղջեւրս երկաթիս՝ եւ ասէ. ա́յսպէս ասէ տ(է)ր. սոքօ́ք խեթկեսցես զասորիս մինչեւ սպառեսցին։

Verse: 12  Link to sept   եւ ա(մենայ)ն մարգարէքն մարգարէանային նո́յնպէս, եւ ասէին. ե́լ յռամաթ գաղաադու, եւ յաջողեսցից. եւ տացէ́ տ(է)ր ՛ի ձեռս քո զարքայն ասորւոց։

Verse: 13  Link to sept   Եւ հրեշտակն որ չոգաւ կոչել զմիքա, պատմեաց նմա՝ եւ ասէ. ահաւանիկ ա(մենայ)ն մարգարէքն խօսին իբրեւ ը(նդ) մի բերան բարի զարքայէ, արդ եղիցի բան քո իբրեւ զմիո́յ ՛ի նոցանէն, եւ խօսեա́ց բարի։

Verse: 14  Link to sept   Եւ ասէ միքա. կենդանի́ է տ(է)ր, եթէ ոչ զոր ինչ ասասցէ ցիս տ(է)ր, զա́յն խօսեցայց։

Verse: 15  Link to sept   եւ եկն առ արքայ։ Եւ ասէ ցնա արքայ. մի́քիա, ելի՞ց յռամաթ գաղաադու ՛ի պատերազմ, թէ զտեղի կալայց. եւ ասէ ե́լ՝ եւ յաջողեսցիս, եւ տացէ տ(է)ր ՛ի ձեռս արքայի։

Verse: 16  Link to sept   Եւ ասէ ցնա արքայ. դարձեալ կրկին երդմնեցուցեալ զքեզ, զի խօսեսցիս ընդիս ճշմարտու(թեամ)բ յանուն տ(եառ)ն։

Verse: 17  Link to sept   Եւ ասէ, ո́չ այդպէս է. տեսի զա(մենայ)ն ի(սրա)էլ ցրուեալ ընդ լերինս իբրեւ զհօտ՝ որոյ ո́չ գուցէ հովիւ. եւ ասէ տ(է)ր. ո́չ գոն դոցա տեարք, դարձցին իւրաքանչիւր ՛ի տո́ւն իւր խաղաղութ(եամ)բ։

Verse: 18  Link to sept   Եւ ասէ արքայն ի(սրաէ)լի ցյովսափատ արքայ յուդայ. ո՞չ ասացի քեզ թէ ո́չ մարգարէանայ նա ինձ բարի, բայց թէ չար։

Verse: 19  Link to sept   Եւ ասէ միքեա, ո́չ այդպէս. ո́չ ե́ս ինչ, այլ լո́ւր զպատգամ տ(եառ)ն. ո́չ ապաքէն տեսի զտ(է)ր ա(ստուա)ծ ի(սրաէ)լի նստեալ ՛ի վերայ աթոռոյ իւրոյ, եւ ա(մենայ)ն զօրք երկնից կային շուրջ զնովաւ յաջմէ եւ յահեկէ։

Verse: 20  Link to sept   Եւ ասէ տ(է)ր. ո՞ պատրեսցէ զաքաաբ արքայ ի(սրաէ)լի, եւ ելցէ տնկցի յռամաթ գաղաադու. եւ ասէ ցտ(է)ր ոմն ա́յսպէս, եւ ոմն ա́յնպէս։

Verse: 21  Link to sept   Եւ ել ոգի, եւ եկաց առաջի տ(եառ)ն՝ եւ ասէ. ե́ս պատրեցից զնա. եւ ասէ տ(է)ր, ի՞ւ։

Verse: 22  Link to sept   եւ ասէ. ելի́ց եւ եղէց ոգի սուտ ՛ի բերան ա(մենայ)ն մարգարէից ն(ո)ր(ա)։ եւ ասէ՝ պատրեսցես եւ կարասցես, ե́լ եւ արա́ այդպէս։

Verse: 23  Link to sept   Եւ արդ ահա ետ տ(է)ր ոգի սո́ւտ ՛ի բերան ա(մենայ)ն մարգարէիցդ քոց այդոցիկ. եւ տ(է)ր խօսեցաւ ՛ի վ(ե)ր(այ) քո չարի́ս։

Verse: 24  Link to sept   Եւ մատեաւ սեդեկիա որդի քանանու, եւ եհար միքայի զծնօտս ն(ո)ր(ա), եւ ասէ. ո՞ր հոգի տ(եառ)ն է այն, որ անց յինէն եւ խօսեցաւ ՛ի քեզ։

Verse: 25  Link to sept   եւ ասէ միքա. ահա դո́ւ իսկ տեսցես յաւուր յայնմիկ յորում մտանիցես սենեակ ՛ի սենեկէ թաքչել։

Verse: 26  Link to sept   Եւ ասէ արքայ ի(սրաէ)լի. կալա́յք զմիքիա եւ տո́ւք ցամոն քաղաքապետ, եւ ցյովաս որդի արքայի,

Verse: 27  Link to sept   եւ ասասջիք. ա́յսպէս ասէ արքայ. դի́ք զդա ՛ի բանտի, եւ կերիցէ հաց նեղութե(ան) եւ ջուր նեղու(թ)ե(ան) արբցէ, մինչեւ դարձա́յց խաղաղութ(եամ)բ։

Verse: 28  Link to sept   Եւ ասէ միքա. եթէ դու դառնալով դարձցիս խաղաղութ(եամ)բ, ապա ո́չ խօսեցաւ յիս տ(է)ր. եւ ասէ՝ լուարո́ւք զօրքդ ամենեքեան։

Verse: 29  Link to sept   Եւ ել արքայ ի(սրաէ)լի՝ եւ յովսափատ արքայ յուդայ ընդ նմա յռամաթ գաղաադու։

Verse: 30  Link to sept   Եւ ասէ արքայ ի(սրաէ)լի ցյովսափատ արքայ յուդայ. այլակերպեցա́յց եւ մտից ՛ի պատերազմ, եւ դու զգեցիր զի́մ հանդերձս։ եւ այլակերպեցաւ արքայն ի(սրաէ)լի, եւ եմուտ ՛ի ճակատն։

Verse: 31  Link to sept   Եւ արքայն ասորւոց պատուէ́ր ետ կառապետաց իւրոց եւ ասէ, մի́ մարտնչիցիք ընդ մեծի կամ ընդ փոքու, այլ միայն ընդ արքային ի(սրաէ)լի։

Verse: 32  Link to sept   Եւ եղեւ իբրեւ տեսին կառապետքն զյովսափատ արքայ յուդայ. եւ ասեն ցմիմեանս, թուի թէ սա́ իցէ արքայն ի(սրաէ)լի. եւ պատեցին զնա պատերազմել։ եւ աղաղակեաց յովսափատ։

Verse: 33  Link to sept   եւ եղեւ իբրեւ տեսին կառապետքն եթէ չէ́ նա արքայն ի(սրաէ)լի՝ դարձա́ն ՛ի նմանէ։

Verse: 34  Link to sept   եւ ձգեաց մի ոմն կորովութ(եամ)բ զաղեղն իւր, եւ եհար զարքայն ի(սրաէ)լի ընդ զրահսն եւ ընդ թոքառաջսն։ Եւ ասէ ցկառապետն իւր՝ դարձո́ զձեռն քո եւ հա́ն զիս ՛ի պատերազմէս զի խոցեա́լ եմ։

Verse: 35  Link to sept   Եւ սաստկեցա́ւ պատերազմն յաւուր յայնմիկ։ եւ արքայ կայր ՛ի վ(ե)ր(այ) կառացն ընդդէմ ասորւոցն յայգուէ մինչեւ ցերեկոյ. եւ հոսէր արիւնն ՛ի վիրէ անտի, եւ լնոյր զծոց կառացն. եւ իբրեւ ընդ երեկս եղեւ՝ ե́լ ոգին։

Verse: 36  Link to sept   Եւ եկաց քարոզ զօրուն ՛ի բանակին՝ ընդ մտանել արեւուն՝ եւ ասէ. իւրաքանչի́ւր ՛ի քաղաք իւր՝ եւ յերկիր իւր,

Verse: 37  Link to sept   զի մեռա́ւ արքայ։ Եւ եկն ՛ի սամարիա, եւ թաղեցին զարքայ ՛ի սամարիա։

Verse: 38  Link to sept   եւ լուացին զկառսն յաւազանս սամարեայ. եւ լիզէին խոզք եւ շունք զարիւն ն(ո)ր(ա). եւ բողք լուացան յարեանն, ը(ս)տ բանին տ(եառ)ն զոր խօսեցաւ։

Verse: 39  Link to sept   Եւ մնացորդք բանիցն աքաաբու, եւ ա(մենայ)ն ինչ զոր արար. եւ տունն փղոսկրեայ զոր շինեաց, եւ ա(մենայ)ն քաղաքքն զորս արար. ահաւանիկ գրեալ է ՛ի գիրս բանից աւուրց թագաւորացն ի(սրաէ)լի։

Verse: 40  Link to sept   Եւ ննջեաց աքաաբ ընդ հարս իւր, եւ թագաւորեաց ոքոզիա որդի ն(ո)ր(ա) ընդ ն(ո)ր(ա)։

Verse: 41  Link to sept   Եւ յովսափատ որդի ասայի թագաւորեաց ՛ի վ(ե)ր(այ) յուդայ։ Յամին չորրորդի աքաաբու արքայի ի(սրաէ)լի.

Verse: 42  Link to sept   թագաւորեաց յովսափատ։ որդի երեսուն եւ հինգ ամաց էր ՛ի թագաւորել իւրում. եւ քսան եւ հինգ ամ թագաւորեաց յե(րուսաղէ)մ եւ անուն մօր նորա ասուբա դուստր սաղաղայ։

Verse: 43  Link to sept   Եւ գնա́ց յա(մենայ)ն ճանապարհս ասայի հօր իւրոյ, եւ ո́չ խոտորեցաւ ՛ի նմանէ առնել ուղղթի(ւն) առաջի տ(եառ)ն.

Verse: 44  Link to sept   բա́ց ՛ի բարձանցն զի ո́չ եբարձ՝ քանզի տակաւին զոհէր ժողովուրդն, եւ արկանէր խունկս ՛ի վերայ բարձանց։

Verse: 45  Link to sept   եւ խաղաղութ(եամ)բ էր յովսափատ ընդ արքային ի(սրաէ)լի։

Verse: 46  Link to sept   Եւ մնացորդք բանիցն յովսափատու, եւ զօրութի(ւն)ք զոր արար, եւ որչափ պատերազմեցաւ. ո՞չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 47  Link to sept   Եւ զաւելորդս նուիրելոցն որ մնացին յաւուրս հօր ն(ո)ր(ա)՝ քաղեաց յերկրէն։

Verse: 48  Link to sept   Եւ թագաւոր ո́չ գոյր յեդոմ հաստատեալ։

Verse: 49  Link to sept   Եւ արքայ յովսափատ արար նաւսս թարսսացիս, երթալ յովփիր զոսկւոյ, եւ ո́չ գնացին՝ քանզի խորտակեցան նաւքն ՛ի գասիոնգաբեր։

Verse: 50  Link to sept   Յայնժամ ասէ ոքոզիա որդի աքաաբու ցյովսափատ երթիցեն ծառայք քո ը(նդ) ծառայս իմ, եւ նաւք քո ընդ նա́ւս իմ. եւ ո́չ կամեցաւ յովսափատ։

Verse: 51  Link to sept   Եւ ննջեա́ց յովսափատ ը(նդ) հարս իւր, եւ թաղեաւ առ հարս իւր ՛ի քաղաք դաւթի հօր իւրոյ. եւ թագաւորեաց յովրամ որդի ն(ո)ր(ա) ընդ նորա։

Verse: 52  Link to sept   Եւ ոքոզիա որդի աքաաբու թագաւորեաց ՛ի վերայ ի(սրաէ)լի ՛ի սամարիա. յամին եւթուտասներորդի յովսափատայ արքայի յուդայ. եւ թագաւորեաց ի(սրաէ)լի ամս երկուս։

Verse: 53  Link to sept   եւ արար չա́ր առաջի տ(եառ)ն. եւ գնաց զճանապարհս աքաաբու հօր իւրոյ, եւ զճանապարհս յեզաբելայ մօր իւրոյ, եւ ՛ի մեղս տանն յերոբովամայ որդւոյ նաբատայ որ յանցոյցն զի(սրա)էլ։

Verse: 54  Link to sept   եւ ծառայեա́ց բահաղիմացն, եւ երկի́ր եպագ ն(ո)ց(ա). եւ բարկացոյց զտ(է)ր ա(ստուա)ծ ի(սրաէ)լի ըստ ա(մենայ)նի եղելոցն յառաջ քան զնա։





Book: Reg.IV_(Reg.II) 
Regum IV (Regum II)

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 17.12.2006

ԹԱԳԱՒՈՐՈՒԹԵԱՆՑ
ՉՈՐՐՈՐԴ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ՆՇԿԱՀԵԱՑ ՄՈՎԱԲ. զի(սրա)էլ յետ մեռանելոյն աքաաբու։

Verse: 2  Link to sept   Եւ անկաւ ոքոզիա ՛ի վանդակապատէ վերնատանն իւրոյ ՛ի սամարիա եւ խօթացաւ։ եւ առաքեաց հրեշտակս, եւ ասէ ցն(ո)ս(ա). երթա́յք հարցէ́ք ՛ի բահաղ զճանճիկ աստուածն ակկարոնի, թէ ապրիցեմ ես յախտէ աստի յայսմանէ. եւ գնացին հարցանել ՛ի նմանէ։

Verse: 3  Link to sept   Եւ հրեշտակ տ(եառ)ն կոչեաց զեղիա թեզբացի եւ ասէ. արի́ ե́րթ ը(նդ) առաջ հրեշտակացն ոքոզիայ արքայի́ սամարեայ, եւ ասասցես ցն(ո)ս(ա)։ առ ՛ի չգոյէ՞ ա(ստուծո)յ ՛ի մէջ ի(սրաէ)լի երթայք դուք հարցանել ՛ի բահաղ զճանճիկ աստուածն ակկարոնի։

Verse: 4  Link to sept   ո́չ այդպէս։ այլ ա́սպէս ասէ տ(է)ր. ՛ի մահիճսդ յոր ելեր՝ ո́չ իջցես այտի, այլ ՛ի դմին՝ մահո́ւ մեռցիս։ եւ չոգա́ւ եղիա, եւ ասէ ցնոսա։

Verse: 5  Link to sept   Եւ դարձա́ն հրեշտակքն առ նա։ եւ ասէ ցն(ո)ս(ա) զի՞ է զի դարձարուք։

Verse: 6  Link to sept   եւ ասեն ցնա. ա́յր մի ել ընդ առաջ մեր, եւ ասէ ցմեզ. երթա́յք դարձարուք առ արքայն՝ որ առաքեացն զձեզ, եւ ասասջիք ցնա. ա́յսպէս ասէ տ(է)ր, առ ՛ի չգոյէ՞ ա(ստուծո)յ ՛ի մէջ ի(սրաէ)լի՝ երթաս հարցանել ՛ի բահաղ զճանճիկ աստուածն ակկարոնի։ ո́չ այդպէս. այլ ՛ի մահիճսդ յոր ելեր՝ ո́չ իջցես այտի, այլ մահո́ւ մեռցիս։

Verse: 7  Link to sept   Եւ խօսեցա́ւ ընդ ն(ո)ս(ա)՝ եւ ասէ. զի՞նչ նշանք են առնն որ ե́լ ընդ առաջ ձեր, եւ խօսեցաւ ընդ ձեզ զբանսդ զայդոսիկ։

Verse: 8  Link to sept   Եւ ասեն ցնա. այր թաւարծի́, եւ գօտի մաշկեղէն ածեալ ընդ մէջ իւր։ եւ ասէ, եղիա́ թեզբացի է այն։

Verse: 9  Link to sept   Եւ առաքեաց առ նա իշխան յիսնապետ, եւ զյիսունս ն(ո)ր(ա)։ եւ ե́լ եւ ե́կն առ նա։ եւ եղիա նստէր ՛ի վ(ե)ր(այ) գլխոյ լերինն. եւ խօսեցաւ յիսնապետն՝ եւ ասէ ցնա. ա́յրդ ա(ստուծո)յ, արքայ կոչեաց զքեզ՝ է́ջ այտի։

Verse: 10  Link to sept   Պատասխանի ետ եղիա եւ ասէ ցյիսնապետն. եթէ այր ա(ստուծո)յ իցե́մ ես՝ իջցէ́ հուր յերկնից՝ եւ կերիցէ զքեզ եւ զյիսունսդ քո։ եւ էջ հուր յերկնից, եւ եկեր զնա եւ զյիսունս ն(ո)ր(ա)։

Verse: 11  Link to sept   Եւ յաւե́լ արքայ առաքել առ նա ա́յլ յիսնապետ եւ զյիսունս նորա։ եւ ել եւ խօսեցաւ յիսնապետն՝ եւ ասէ ցնա. ա́յրդ ա(ստուծո)յ, ա́յսպէս ասէ արքայ՝ է́ջ այտի վաղվաղակի։

Verse: 12  Link to sept   Պատասխանի ետ եղիա՝ եւ ասէ ցնա. եթէ այր ա(ստուծո)յ իցեմ, իջցէ́ հուր յերկնից եւ կերիցէ զքեզ եւ զյիսունս քո։ եւ էջ հուր ա(ստուծո)յ յերկնից՝ եւ եկեր զնա եւ զյիսունս ն(ո)ր(ա)։

Verse: 13  Link to sept   Եւ յաւե́լ եւս արքայ առաքել յիսնապետ երրորդ եւ զյիսունս ն(ո)ր(ա)։ եւ ել եկն առ նա յիսնապետն երրորդ, եւ անկաւ ՛ի վ(ե)ր(այ) ծնգաց իւրոց առաջի եղիայի՝ եւ աղաչեաց զնա, եւ խօսեցաւ ընդ նմա եւ ասէ. ա́յրդ ա(ստուծո)յ, պատուեսցի́ անձն իմ, եւ անձինք ծառայից քոց այսոցիկ յիսնիցս առաջի աչաց քոց.

Verse: 14  Link to sept   զի ահա անկաւ հուր յերկնից, եւ եկեր զերկուս յիսնապետսն զառաջինսն, եւ զյիսունս ն(ո)ց(ա)։ եւ արդ՝ պատուեսցի́ն անձինք ծառայից քոց յաչս քո։

Verse: 15  Link to sept   Եւ խօսեցաւ հրեշտակ տ(եառ)ն ը(նդ) եղիայ եւ ասէ. է́ջ ընդ դմա, եւ մի́ երկնչիցիս յերեսաց ն(ո)ց(ա)։ Յարեաւ եղիա, եւ էջ ընդ նմա առ արքայ.

Verse: 16  Link to sept   եւ խօսեցաւ ընդ նմա՝ եւ ասէ. փոխանակ զի առաքեցեր հրեշտակս հարցանել ՛ի բահաղ զճանճիկ աստուածն ակկարոնի։ ո(ր)պ(էս) առ ՛ի չգոյէ́ ա(ստուծո)յ ՛ի մէջ ի(սրաէ)լի ՛ի հարցանել ՛ի նմանէ։ ո՞չ այդպէս, այլ ՛ի մահիճսդ յոր ելեր՝ մի́ իջցես այտի, այլ մահո́ւ մեռցիս։

Verse: 17  Link to sept   եւ մեռաւ ը(նդ) բանին տ(եառ)ն զոր խօսեցաւ եղիա։
   Եւ յովրամ որդի աքաաբու թագաւորէ́ ՛ի վ(ե)ր(այ) ի(սրաէ)լի ՛ի սամարիա ա́մս երկոտասան, յամի ութուտասաներորդի յովսափատայ արքայի յուդայ. եւ արար չա́ր առաջի տ(եառ)ն, բայց ո́չ իբրեւ զեղբարս իւր, եւ ո́չ իբրեւ զմայր իւր։ Եւ եբա́րձ զարձանսն բահաղու զոր արար հայր ն(ո)ր(ա)՝ եւ խորտակեա́ց զն(ո)ս(ա). սակայն ՛ի մեղս տանն յերոբովամայ որ յանցոյցն զի(սրա)էլ՝ յարեցաւ, եւ ո́չ մեկնեցաւ ՛ի նոցանէն։ եւ սրտմտեցաւ բարկու(թեամ)բ տ(է)ր ՛ի վերայ տան աքաաբու։ Եւ թագաւորեաց յովրամ եղբայր ն(ո)ր(ա) ընդ նորա, յամի երկրորդի յովրամայ արքայի յուդայ՝ որդւոյ յովսափատու, զի ո́չ գորյ նորա որդի։

Verse: 18  Link to sept   Եւ մնացորդք բանիցն ոքոզեայ եւ ա(մենայ)ն ինչ զոր արար. ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ եղեւ ՛ի վերացուցանել տ(եառ)ն զեղիայ շարժմամբն յերկինս. եւ գնացին եղիա եւ եղիսեէ ՛ի գաղգաղա։

Verse: 2  Link to sept   եւ ասէ եղիա ցեղիսեէ, նի́ստ դու աստ՝ զի տ(է)ր առաքեաց զիս ՛ի բեթէլ։ Եւ ասէ եղիսեէ. կենդանի́ է տ(է)ր, եւ կենդանի́ է անձն քո՝ թէ թողից զքեզ։ եւ եկին ՛ի բեթէլ։

Verse: 3  Link to sept   Եւ ելին որդիք մարգարէիցն որ ՛ի բեթէլ՝ առ եղիսեէ, եւ ասեն ցնա, թէ գիտիցե՞ս զի այսօր առնո́ւ տ(է)ր զտէրդ ՛ի գլխոյ քումմէ։ եւ ասէ՝ գիտե́մ եւ ես, լո́ւռ լերուք։

Verse: 4  Link to sept   Եւ ասէ եղիա ցեղիսեէ. նի́ստ դու աստ՝ զի տ(է)ր առաքեաց զիս յերեքով,։ եւ ասէ. կենդանի́ է տ(է)ր, եւ կենդանի́ է անձն քո՝ թէ թողից զքեզ։ եւ եկի́ն յերեքով։

Verse: 5  Link to sept   Եւ մատեան որդիք մարգարէիցն որ յերեքով՝ առ եղիսեէ, եւ ասեն ցնա. եթէ գիտիցե՞ս զի այսօր առնո́ւ տ(է)ր զտէրդ ՛ի գլխոյ քումմէ։ եւ ասէ, գիտե́մ եւ ես՝ լո́ւռ լերուք։

Verse: 6  Link to sept   Եւ ասէ ցնա եղիա. նի́ստ դու աստ, զի տ(է)ր առաքեաց զիս ՛ի յորդանան։ եւ ասէ եղիսեէ. կենդանի́ է տ(է)ր, եւ կենդանի́ է անձն քո՝ թէ թողից զքեզ։ եւ գնացին երկոքեան.

Verse: 7  Link to sept   եւ յիսուն այր յորդւոց մարգարէիցն, եւ կացին ՛ի հանդիպո́ջ ՛ի բացեայ. եւ երկոքեան կացին յեզերն յորդանանու։

Verse: 8  Link to sept   Եւ ա́ռ եղիա զմաշկեակն իւր, ծալեաց եւ եհար զջուրն. եւ բաժանեցաւ ջուրն յա́յսկոյս եւ յայնկոյս, եւ անցին երկոքեան ընդ ցա,աք։

Verse: 9  Link to sept   Եւ եղեւ ընդ անցանելն ն(ո)ց(ա), ասէ եղիա ցեղիսեէ, խնդրեա́ զինչ արարից քեզ, մինչչեւ վերացեալ իցեմ ՛ի քէն։ եւ ասէ եղիսեէ. եղիցի կրկին ոգիդ քո ՛ի վերայ իմ։

Verse: 10  Link to sept   Եւ ասէ եղիա. դժուարինս խնդրեցեր, բայց եթէ տեսանիցես զիս յամբառնալն իմում ՛ի քէն՝ եղիցի́ այնպէս, ապա թէ ոչ՝ մի́ եղիցի։

Verse: 11  Link to sept   Եւ եղեւ մինչդեռ գնային նոքա, եւ խօսէին երթային։ Եւ ահա կառք հրեղէնք եւ երիվարք հրեղէնք, եւ անջրպետեցին ՛ի մէջ երկոցունց. եւ վերացաւ եղիա շարժմամբ յերկինս։

Verse: 12  Link to sept   Եւ եղիսեէ հայէ́ր եւ աղաղակէր, հա́յր, հա́յր, կառքդ ի(սրաէ)լի եւ հեծեալքդ ն(ո)ր(ա). եւ այլ ո́չ եւս ետես զնա։ եւ բուռն եհար զհանդերձից իւրոց, եւ պատառեաց յերկուս ծուէնս։

Verse: 13  Link to sept   եւ ա́ռ եղիսեէ զմաշկեակն եղիայի զոր ընկէ́ց ՛ի վ(ե)ր(այ) ն(ո)ր(ա)։ Եւ դարձաւ եղիսեէ, եւ եկաց առ եզերն յորդանանու.

Verse: 14  Link to sept   եւ ա́ռ զմաշկեակն եղիայի զոր ընկէց ՛ի վ(ե)ր(այ) ն(ո)ր(ա), եւ եհար զջուրսն՝ եւ ասէ. ո՞ւր ես տ(է)ր ա(ստուա)ծ եղիայի ափփով. եւ եհար զջուրսն, եւ բաժանեցան յա́յսկոյս եւ յայնկոյս, եւ անց եղիսեէ։

Verse: 15  Link to sept   Իբրեւ տեսին որդիք մարգարէիցն որ յերեքով ՛ի հանդիպոյն, եւ ասեն, հանգեա́ւ ոգին եղիայի ՛ի վ(ե)ր(այ) եղիսէի. եւ եկին ընդ առաջ ն(ո)ր(ա), եւ երկի́ր պագին նմա ՛ի վերայ երկրի։

Verse: 16  Link to sept   Եւ ասեն, ահաւասիկ ե́ն ընդ ծառայս քո որդիք զօրութե(ան) ա́րք յիսուն. երթիցեն եւ խնդրեսցեն զտէրն քո, գուցէ́ ա́ռ զնա հոգի տ(եառ)ն, եւ ընկէց զնա առ յորդանանու, կամ ՛ի վերայ միոյ ուրուք ՛ի լերանց, կամ ՛ի վ(ե)ր(այ) միոյ ուրուք ՛ի բլրոց։ Եւ ասէ եղիսեէ. մի́ առաքէք։

Verse: 17  Link to sept   եւ բռնադատեցին զնա մինչեւ ամաչէր։ եւ ասէ՝ առաքեցէ́ք։ եւ առաքեցին յիսո́ւն այր. եւ խնդրեցին զերիս աւուրս՝ եւ ո́չ գտին զնա.

Verse: 18  Link to sept   եւ դարձա́ն առ նա, եւ նա նստէր յերեքով։ եւ ասէ ցնոսա եղիսեէ. ո՞չ ասացի ձեզ թէ մի́ երթայք։

Verse: 19  Link to sept   Եւ ասեն արք քաղաքին ցեղիսեէ. ահաւասիկ բնակութի(ւն) քաղաքիս բարի́ է, որպէս եւ տէրդ իսկ տեսանէ. եւ ջուրքս չա́ր, եւ երկիրս անզաւա́կ։

Verse: 20  Link to sept   Եւ ասէ եղիսեէ. առէ́ք առիս կուժ մի նոր, եւ դի́ք այդր։ եւ բերին առ նա։

Verse: 21  Link to sept   եւ ել եղիսեէ յականս ջուրցն, եւ արկ անդր ա́ղ եւ ասէ՝ ա́յսպէս ասէ տ(է)ր. բժշկե́մ զջուրսդ զայդոսիկ, եւ մի́ եւս լիցի այտի մա́հ եւ յանզաւակու(թ)ի(ւն)։

Verse: 22  Link to sept   եւ բժշկեցան ջուրքն մինչեւ ցայսօր ը(նդ) բանին եղիսէի զոր խօսեցաւ։

Verse: 23  Link to sept   Եւ ե́լ անտի ՛ի բեթէլ. եւ մինչդեռ ելանէր ընդ ճանապարհն, մանկտի́ մանրիկ ելին ՛ի քաղաքէն, աղաղակէին ՛ի նա եւ ասէին. ե́լ կնդալ, ե́լ կնդակ։

Verse: 24  Link to sept   Դարձաւ ՛ի թիկունս իւր եւ ետես զն(ո)ս(ա). եւ անէծ զն(ո)ս(ա) յանուն տ(եառ)ն՝ եւ ասէ. որդի́ք յանցանաց եւ դատարկու(թ)ե(ան)։ եւ ելին երկու արջք յանտառէն եւ պատառեցին ՛ի ն(ո)ց(ա)նէ քառասուն եւ երկուս մանկունս։

Verse: 25  Link to sept   Եւ գնա́ց անտի ՛ի լեառն ՛ի կարմեղոս, եւ անտի դարձա́ւ ՛ի սամարիա։


Chapter: 3 
ԳԼ(ՈՒԽ) Գ՜.


Verse: 1  Link to sept   Եւ յովրամ որդի աքաաբու թագաւորեաց ՛ի վերայ ի(սրաէ)լի ՛ի սամարիա, յամի եւթնուտասներորդի յովսափատայ արքայի յուդայ. եւ թագաւորեաց ամս երկոտասան։

Verse: 2  Link to sept   եւ արար չա́ր առաջի տ(եառ)ն, բայց ո́չ իբրեւ զհայր իւր, եւ ո́չ իբրեւ զմայր իւր. եւ կործանեաց զարձանսն իւր զոր արար հայր ն(ո)ր(ա)։

Verse: 3  Link to sept   Սակայն ՛ի մեղս յերոբովամայ որդւոյ նաբատայ որ յանցոյցն զի(սրա)էլ յարեցաւ, եւ ո́չ մեկնեցաւ ՛ի նոցանէ։

Verse: 4  Link to sept   Եւ մովսա́ արքայ մովաբայ էր նեկաթ. եւ տայր արքային ի(սրաէ)լի հարկս, հարիւրհազար մաքեաց, եւ հարիւրհազար խոյոց գեղմնաւորաց։

Verse: 5  Link to sept   Եւ եղեւ յետ մեռանելոյ աքաաբու, նշկահեաց արքայն մովաբու զարքայն ի(սրաէ)լի։

Verse: 6  Link to sept   Եւ ել արքայ յովրամ յաւուր յայնմիկ ՛ի սամարեայ, եւ հանդէս արար ի(սրաէ)լի եւ գնաց։

Verse: 7  Link to sept   Եւ առաքեաց առ յովսափատ արքայ յուդայ եւ ասէ. արքայ մովաբու նշկահեաց զիս, եթէ երթայցե՞ս ընդիս ՛ի պատերազմ ՛ի վ(ե)ր(այ) մովբու։ եւ ասէ՝ ելի́ց. զի ո(ր)պ(էս) դո́ւ եւ ե́ս, եւ ո(ր)պ(էս) զօրք քո՝ զօրք իմ, եւ ո(ր)պ(էս) երիվարք քո՝ երիվարք իմ։

Verse: 8  Link to sept   եւ ասէ, ընդ ո՞ր ճանապարհ ելից։ եւ ասէ. ընդ ճանապարհ անապատին եդոմայ։

Verse: 9  Link to sept   Եւ գնա́ց արքայ ի(սրաէ)լի եւ արքայ յուդայ, եւ արքայ եդոմայ. եւ պատեցա́ն զեւթն օր ՛ի ճանապարհին, եւ ո́չ գոյր ջուր ՛ի բանակին, եւ ո́չ անասնոյն որ ը(նդ) ն(ո)ս(ա)։

Verse: 10  Link to sept   Եւ ասէ արքայ ի(սրաէ)լի. ո́հ, պաշարեաց տ(է)ր զերիս թագաւորսս եկեալս, տա́լ զսոսա ՛ի ձեռս մովաբայ։

Verse: 11  Link to sept   Եւ ասէ յովսափատ. ո՞չ գուցէ աստ մարգարէ տ(եառ)ն, եւ հարցցուք զտ(է)ր նովաւ։ եւ պատասխանի ետ միոմն ՛ի մանկտւոյն արքայի ի(սրաէ)լի՝ եւ ասէ. է́ աստ եղիսեէ որդի սափատայ որ արկանէր ջուր ձեռաց եղիայի։

Verse: 12  Link to sept   Եւ ասէ յոսափատ, գո́յ բան տ(եառ)ն ը(նդ) նմա։ եւ իջին առ նա արքայն ի(սրաէ)լի՝ եւ յովսափատ արքայ յուդայ, եւ արքայ եդոմայ։

Verse: 13  Link to sept   Եւ ասէ եղիսեէ ցարքայն ի(սրաէ)լի. զի՞ կայ՝ իմ եւ քո. ե́րթ առ մարգարէսն հօր քոյ, եւ առ մարգարէս մօր քոյ։ եւ ասէ ցնա արքայն ի(սրաէ)լի. միթէ արդեւք կոչեաց տ(է)ր զերիս թագաւորսս եկեալս՝ տա́լ զսոսա ՛ի ձե՞ռս մովաբու։

Verse: 14  Link to sept   Եւ ասէ եղիսեէ. կենդանի́ է տ(է)ր զօրութե(ան)ց, որոյ կացի առաջի նորա, եթէ չէ́ր առեալ ակն յովսափատայ արքայի յուդայ, թէ բնա́ւ հայէի իսկ ՛ի քեզ, եւ տեսանէի զքեզ.

Verse: 15  Link to sept   բայց արդ՝ ա́ծ առիս սաղմոսասաց։ եւ եղեւ իբրեւ նուագեաց սաղմոսասացն, եկն ՛ի վ(ե)ր(այ) ն(ո)ր(ա) ձեռն տ(եառ)ն,

Verse: 16  Link to sept   եւ ասէ. ա́յսպէս ասէ տ(է)ր, արարէ́ք զհեղեղատդ զայդ գո́ւբս գուբս։

Verse: 17  Link to sept   Զի ա́յսպէս ասէ տ(է)ր. ո́չ տեսանիցէք հողմ, եւ ո́չ տեսանիցէք անձրեւ. եւ հեղեղատդ լցցի́ ջրով, եւ արբջիք դո́ւք՝ եւ անասուն ձեր, եւ գրաստ ձեր.

Verse: 18  Link to sept   եւ թեթե́ւ է այդ յաչս տ(եառ)ն։ եւ մատնեցից զմովաբ ՛ի ձեռս ձեր,

Verse: 19  Link to sept   եւ հարջի́ք զա(մենայ)ն քաղաքս ամրացեալ, եւ զա(մենայ)ն քաղաքս ընտիրս, եւ զա(մենայ)ն ծա́ռ ազնիւ կոտորեսջիք, եւ զա(մենայ)ն աղբեւրս ջրոց խցջի́ք, եւ զա(մենայ)ն վիճակս բարիս՝ անպիտանացուսջի́ք քարամբք։

Verse: 20  Link to sept   Եւ եղեւ ը(նդ) առաւօտն յորժամ զո́հն ելանէր, եւ ահա ջուրք գային յելիցն եդոմայ, եւ լցա́ւ երկիրն ջրով։

Verse: 21  Link to sept   Եւ ա(մենայ)ն մովաբ լուաւ թէ ելին թագաւորքն պատերազմել ը(նդ) ն(ո)ս(ա), եւ ելին յա(մենայ)ն գօտի ածուաց եւ ՛ի վ(ե)ր(այ), եւ կանխեցին ընդ առաւօտն, եւ կացին առ սահմանաւն։

Verse: 22  Link to sept   Եւ ծագեաց արեւ ՛ի վ(ե)ր(այ) ջուրցն, եւ ետես մովաբ ՛ի հանդիպոյն զջուրսն կարմի́ր իբրեւ զարիւն.

Verse: 23  Link to sept   եւ ասեն՝ արիւնն այն սրո́յ է. կռուեցան ընդ միմեանս թագաւորքն, եւ հարին այր զընկեր իւր. եւ արդ հա́պա յաւա́ր մովաբ,

Verse: 24  Link to sept   եւ մտին ՛ի բանակն ի(սրաէ)լի։ Եւ յարեան ի(սրա)էլացիքն՝ եւ հարին զմովաբ. եւ փախեան յերեսաց ն(ո)ց(ա)։ եւ մտանելով մտանէին եւ հարկանէին զմովաբ,

Verse: 25  Link to sept   եւ զքաղաքսն կործանեցին։ եւ յա(մենայ)ն վիճակ բարի ընկեցին այր իւրաքանչիւր զքա́ր իւր, եւ լցին զնա։ եւ զա(մենայ)ն աղբեւրս ջրոց խցին. եւ զա(մենայ)ն փայտ զազնիւ հարին, մինչեւ թողուլ զքարինս որմոցն քակտեալս, եւ պատեցան պարսաւորք՝ եւ հարին զնա։

Verse: 26  Link to sept   Եւ ետես արքայն մովաբայ թէ սաստկացաւ քան զնա պատերազմն, ա́ռ ը(նդ) իւր եւթնհարիւր այր՝ սուսերաձիգս, հատանել երթալ առ արքայն եդոմայ, եւ ո́չ կարաց։

Verse: 27  Link to sept   Եւ ա́ռ զորդին իւր զանդրանիկ արքայն. զոր թագաւորեցոյց փոխանակ իւր, եւ եհան զնա ողջակէզ ՛ի վ(ե)ր(այ) պարսպին. եւ եղեւ զի́ղջ մեծ ՛ի վերայ ի(սրաէ)լի, եւ չուեցին ՛ի նմանէ, եւ դարձա́ն յերկիր իւրեանց։


Chapter: 4 
ԳԼ(ՈՒԽ) Դ՜.


Verse: 1  Link to sept   Եւ եկին մի ՛ի կանանց որդւոց մարգարէիցն, աղաղակէր առ եղիսեէ եւ ասէր. ծառայ քո այր իմ մեռա́ւ. եւ դու ինքնին գիտես զի ծառա́յ էր երկիւղած ՛ի տ(եառն)է. եւ փոխատուն եկն առնուլ զերկոսին զորդիս իմ ի́ւր ՛ի ծառայու(թ)ի(ւն)։

Verse: 2  Link to sept   Եւ ասէ ցնա եղիսեէ. զի՞նչ արարից քեզ. պատմեա́ ինձ զի՞նչ կայ ՛ի տան քում. եւ նա ասէ, ո́չ գոյ ՛ի տան աղախնոյ քոյ՝ եւ ո́չ ինչ. բայց ի́ւղ որով օծանիցիմք։

Verse: 3  Link to sept   Եւ ասէ ցնա, ե́րթ խնդրեա́ քեզ ամանս յա(մենայ)ն դրացեաց քոց՝ ամանս ունայնս, եւ մի սակաւացուցանիցես։

Verse: 4  Link to sept   եւ մտցես եւ փակեսցես զդրունսն ըդդէմ քո, եւ ընդդէմ որդւոց քոց. եւ արկցե́ս յա(մենայ)ն ամանսն մինչեւ լցցին, եւ առցես։

Verse: 5  Link to sept   Եւ գնաց ՛ի նմանէ՝ եւ փակեաց զդուռնն ընդդէմ իւր, եւ ընդդէ́մ որդւոց իւրոց. նոքա մատուցանէին առ նա, եւ նա արկանէր մինչեւ լցա́ն ամանքն։

Verse: 6  Link to sept   եւ ասէ ցորդիսն իւր, մատուցէ́ք առիս եւ ա́յլ աման, եւ ասեն ցնա. ո́չ է այլ աման։ եւ եկաց եւղն։

Verse: 7  Link to sept   Եւ չոգաւ՝ պատմեա́ց առնն ա(ստուծո)յ։ եւ ասէ եղիսեէ. ե́րթ վաճառեա́ զեւղն, եւ հատուսցես զտոկոսիսն քո. եւ դո́ւ եւ որդիք քո կեցջի́ք մնացեալ իւղովն։

Verse: 8  Link to sept   Եւ եղեւ օր, եւ անց եղիսեէ ՛ի սովմնա. եւ ա́նդ էր կին մի մեծ, եւ կալաւ զնա ուտել հաց. եւ լինէր ՛ի շա́տ ժամանակէ ՛ի մտանել իւրում անդր, իջանէր ուտել եւ ըմպել։

Verse: 9  Link to sept   Եւ ասէ կինն ցա́յր իւր. գիտե́մ, զի այրն ա(ստուծո)յ սո́ւրբ է, եւ ճանապարհք ն(ո)ր(ա) առ մեւք է.

Verse: 10  Link to sept   արասցո́ւք նմա վերնատուն մի փոքրիկ, եւ դիցուք ՛ի նմա մահիճս եւ սեղան եւ աթոռ եւ աշտանակ. եւ եղիցի ՛ի գալ ն(ո)ր(ա) առ մեզ մտցէ́ անդր։

Verse: 11  Link to sept   Եւ եղեւ օր մի, եւ եկն անդր, եւ եմո́ւտ ՛ի վերնատունն, եւ ննջեաց անդր.

Verse: 12  Link to sept   եւ ասէ ցգեեզի ցպատանեակն իւր, կոչեա́ առիս զսոմնացին զայն։ եւ կոչեաց զնա, եւ եկաց առաջի նորա։

Verse: 13  Link to sept   եւ ասէ ցպատանին, ասա́ ցնա. ահա կազմեցեր մեզ զայս ա(մենայ)ն կազմած, զի՞նչ պարտ իցէ առնել քեզ. եթէ իցե՞ն բանք ինչ քո առ արքայ, կամ առ իշխան զօրուն։ եւ նա ասէ. ՛ի մէջ ժողովրդեան իմոյ բնակեալ եմ ես։

Verse: 14  Link to sept   Եւ ասէ, զի՞նչ պարտ իցէ առնել նմա. եւ ասէ գեեզի պատանեակն ն(ո)ր(ա), եւ կարի́ իսկ քաջ, քանզի որդի ո́չ գոյ նմա, եւ այրն իւր չէ́ ինչ ծեր։

Verse: 15  Link to sept   եւ ասէ՝ կոչեա́ զնա։ եւ կոչեաց զնա, եւ եկա́ց առ դուռսն։

Verse: 16  Link to sept   Եւ ասէ ցնա եղիսեէ. ՛ի ժամանակի յայսմիկ ՛ի սո́յն աւուրս ունիցիս ՛ի գիրկս մանուկ։ եւ նա ասէ. մի́ տեր, ա́յրդ ա(ստուծո)յ, մի́ ստեր աղախնոյ քում։

Verse: 17  Link to sept   Եւ յղացաւ կինն, եւ ծնաւ որդի ՛ի ժամանակի յայնմիկ, մինչդեռ կենդանի էր, ո(ր)պ(էս) խօսեցաւ ը(նդ) նմա եղիսեէ.

Verse: 18  Link to sept   եւ հաստատեցաւ մանուկն։ Եւ եղեւ իբրեւ ել նա ապ հայր իւր ՛ի հնձօղսն.

Verse: 19  Link to sept   ասէ ցհայրն իւր. գլո́ւխ իմ գլո́ւխ իմ։ եւ ասէ ցպատանին, տա́ր զդա առ մայր իւր։

Verse: 20  Link to sept   եւ տարաւ զնա առ մայր իւր, եւ ննջեաց ՛ի մէջ ծնգաց ն(ո)ր(ա) մինչեւ ցմիջօրեայ, եւ մեռաւ։

Verse: 21  Link to sept   Եւ եհան զնա, եւ կողմնեցոյց ՛ի մահիճս առնն ա(ստուծո)յ. եւ փակեաց ընդդէմ ն(ո)ր(ա). եւ ել,

Verse: 22  Link to sept   եւ կոչեաց զայր իւր՝ եւ ասէ, առաքեա́ առիս զմի ոք ՛ի մանկտւոյդ, եւ է́շ մի յիշոցդ, եւ պնդեցայց մինչեւ առ այրն ա(ստուծո)յ եւ դարձայց։

Verse: 23  Link to sept   Եւ ասէ, զի՞ է զի երթա́ս դու առ նա այսօր, զի ո́չ ամսամուտ է՝ եւ ո́չ շաբաթ. եւ նա ասէ. ողջոյն է։

Verse: 24  Link to sept   եւ հանդերձեաց զէշն, եւ ասէ ցպատանին իւր. վարեա́ եւ գնա́. եւ մի́ ունիր ինձ ելանել ՛ի դա. բայց եթէ ասացից ցքեզ՝ թէ ե́կ այսոր, եւ եկեսցես.

Verse: 25  Link to sept   եւ երթիցես առ այրն ա(ստուծո)յ ՛ի լեառնն ՛ի կարմելոս։ Եւ եղեւ իբրեւ ետես եղիսեէ զգնալն ն(ո)ր(ա) առ նա, եւ ասէ ցգեեզի ցպատանեակն իւր. ահա այն սոմնացին է.

Verse: 26  Link to sept   ընթա́ ընդառաջ ն(ո)ր(ա) եւ ասասցես. ողջո́յն է քեզ, եւ ողջոյն է առն քում, եւ ողջո́յն է մանկանն։ եւ նա ասէ՝ ողջո́յն է։

Verse: 27  Link to sept   Եւ եկն առ եղիսեէ ՛ի լեառնն, եւ բո́ւռն եհար զոտից ն(ո)ր(ա). եւ մատեաւ գեեզի մերժե́լ զնա։ եւ ասէ եղիսեէ, թո́յլ տուր դմա, զի անձն դորա ցաւագին է. եւ տ(է)ր թաքոյց յինէն, եւ ո́չ պատմեաց ինձ։

Verse: 28  Link to sept   Եւ նա ասէ. միթէ խնդրեցի՞ որդի ՛ի տեռնէ իմմէ, ո՞չ ասացի թէ մի խաբեր զիս։

Verse: 29  Link to sept   Եւ ասէ եղիսեէ ցգեեզի. ա́ծ գօտի ը(նդ) մէջ քո, եւ ա́ռ զցուպդ իմ ՛ի ձեռին քո եւ ե́րթ. եւ եթէ գտանիցես զա́յր ոք մի́ օրհնեսցես զնա. եւ եթէ օրհնեսցէ զքեզ այր ոք՝ մի́ տացես նմա պատասխանի. եւ դիցես զցուպդ իմ ՛ի վ(ե)ր(այ) երեսաց մանկանն։

Verse: 30  Link to sept   Եւ ասէ մայր մանկանն. կենդանի́ է տ(է)ր եւ կենդանի́ է անձն քո, թէ թողից զքեզ։ եւ յարեաւ եղիսեէ եւ գնաց զկնի նորա։

Verse: 31  Link to sept   Եւ գեեզի անց առաջի ն(ո)ց(ա). եւ ե́դ զցուպն ՛ի վ(ե)ր(այ) երեսաց մանկանն, եւ ո́չ գոյր բարբառ՝ եւ ո́չ լսել։ եւ դարձաւ ընդառաջ ն(ո)ր(ա), պատմեաց նմա եւ ասէ՝ ո́չ յարեաւ մանուկն։

Verse: 32  Link to sept   Եւ եմուտ եղիսեէ ՛ի տունն, եւ ահա մանուկն մեռեալ, եւ կողմանեցուցեալ ՛ի մահիճս ն(ո)ր(ա)։

Verse: 33  Link to sept   եւ եմուտ եղիսեէ ՛ի տունն, եւ փակեաց զդուրսն ընդդէմ երկոցունց. եւ եկաց յաղօթս առ տ(է)ր։

Verse: 34  Link to sept   եւ ել եւ անկա́ւ ՛ի վ(ե)ր(այ) մանկանն. եւ եդ զբերան իւր ՛ի վ(ե)ր(այ) բերանոյ ն(ո)ր(ա). եւ զաչս իւր ՛ի վ(ե)ր(այ) աչաց ն(ո)ր(ա). եւ զձեռն իւր ՛ի վ(ե)ր(այ) ձեռաց ն(ո)ր(ա). եւ կծկեցաւ ՛ի վ(ե)ր(այ) ն(ո)ր(ա), եւ ջեռաւ մարմին մանկանն։

Verse: 35  Link to sept   Եւ դարձաւ եւ զգնացաւ ՛ի տանն յա́յս կոյս եւ յայնկոյս, եւ ել եւ ծածկեաց զմանուկն, եւ ծածկեաց զմանուկն մինչեւ ցեւթն անգամ. եւ եբաց մանուկն զաչս իւր։

Verse: 36  Link to sept   Եւ բարբառեցաւ եղիսեէ առ գեեզի՝ եւ ասէ. կոչեա́ այսր զսոմնացին. եւ կոչեաց զնա. եւ եմուտ առ նա։ եւ ասէ եղիսեէ, ա́ռ զորդիդ քո։

Verse: 37  Link to sept   Եւ եմուտ կինն եւ անկաւ առ ոտս ն(ո)ր(ա), եւ երկի́ր եպագ նմա յերկիր. եւ ա́ռ զորդին իւր՝ եւ ել։

Verse: 38  Link to sept   եւ եղիսեէ դարձա́ւ ՛ի գաղգաղա։ Եւ սո́վ էր յերկրին. եւ որդիք մարգարէիցն նստէին առաջի նորա։ եւ ասէ եղիսեէ ցպատանեակն իւր. կառո́ դու զսանն մեծ, եւ եփեա́ եփոյ որդւոցդ մարգարէից։

Verse: 39  Link to sept   Եւ ել յանդն քաղել արիովթ. եւ եգիտ որթ յանդին, եւ քաղեաց ՛ի նմանէ ազոխ լի շալակաւ իւրով, եւ եկն եւ արկ ՛ի սան եփոյին՝ քանզի ո́չ ճանաչէր.

Verse: 40  Link to sept   եւ արկ առաջի արանցն ուտել։ Եւ եղեւ յուտելն ն(ո)ց(ա) յեփոյէ անտի, աղաղակեցին եւ ասեն, մա́հ է ՛ի սանի աստ՝ ա́յրդ ա(ստուծո)յ։ եւ ո́չ կարացին ուտել։

Verse: 41  Link to sept   Եւ ասէ՝ առէ́ք ալեւր եւ արկէ́ք ՛ի սա́ն այդր։ եւ ասէ եղիսեէ ցգեեզի ցպատանեակն իւր. ա́րկ առաջի ժողովրդեանդ եւ կերիցեն. եւ ո́չ եղեւ վնաս ինչ ՛ի սանէ́ անտի։

Verse: 42  Link to sept   Եւ ե́կն ա́յր ՛ի բեթսարիսայ, եւ եբեր առնն ա(ստուծո)յ նկանակս յառաջնոց արմտեաց նկանակս գարեղէնս, եւ պաղատիտս բակեղաթաւ. եւ ասէ՝ տո́ւք ժողովրդեանդ եւ կերիցեն։

Verse: 43  Link to sept   Եւ ասէ սպասաւորն նորա. զի՞նչ տաց զայս առաջի հարիւրոց արանցդ։ եւ ասէ, տո́ւր ժողովրդեանդ եւ կերիցեն. զի ա́յսպէս ասէ տ(է)ր. կերիցեն եւ նշխարեսցեն։

Verse: 44  Link to sept   եւ եդ առաջի նոցա եւ կերան, եւ թողին նշխար ըստ բանին տ(եառ)ն։


Chapter: 5 
ԳԼ(ՈՒԽ) Ե՜.


Verse: 1  Link to sept   Եւ նեեման իշխան զօրուն ասորւոց, էր այր մե́ծ առաջի տեառն իւրոյ, եւ սքանչելի երեսօք. զի նովա́ւ ետ տ(է)ր փրկու(թ)ի(ւն) ասորւոց։ եւ այրն հզօր զօրութ(եամ)բ էր, եւ բորոտեալ։

Verse: 2  Link to sept   Եւ ասորիքն մեկնակազէնք՝ ելին եւ գերեցին յերկրէն ի(սրաէ)լի աղջիկ մի փոքրիկ, եւ էր առ կնոջն նեեմանայ.

Verse: 3  Link to sept   եւ ասէ ցտիկին իւր. յանկարծ երթայր տէրդ իմ առաջի մարգարէին ա(ստուծո)յ որ ՛ի սամարիա. եւ անդէն աւաքէր զդա ՛ի բորոտութ(են)է իւրմէ։

Verse: 4  Link to sept   Եւ եմուտ՝ եւ պատմեաց տեառն իւրում եւ ասէ. այսպէս եւ այսպէս խոսեցաւ աղջիկն որ յերկրէն ի(սրաէ)լի։

Verse: 5  Link to sept   Եւ ասէ արքայն ասորւոց ցնեեման, ե́րթ եւ ես առաքեցից հրովարտակս առ արքայն ի(սրաէ)լի։ եւ գնաց. եւ ա́ռ ՛ի ձեռին իւրում տասն տաղանտ արծաթոյ, եւ վեցհազար դահեկան, եւ տասն պատմուճան հանդերձեալ։

Verse: 6  Link to sept   եւ տարաւ հրովարտակս առ արքայն ի(սրաէ)լի։ Եւ էր գրեալ ա́յսպէս, ա́րդ՝ իբրեւ հասցէ առ քեզ հրովարտակդ այդ. ահա առաքեցի առ քեզ զնեեման ծառա́յ իմ, եւ աւաքեսցե́ս զդա ՛ի բորոտութ(են)է իւրմէ։

Verse: 7  Link to sept   Եւ եղեւ իբրեւ ընթերցաւ արքայն ի(սրաէ)լի զհրովարտակն, պատառեա́ց զհանդերձս իւր՝ եւ ասէ. միթէ ա(ստուա)ծ իցեմ ես՝ սպանանել կամ կեցուցանել, զի առաքեաց առ իս աւաքել զայրդ ՛ի բորոտութ(են)է իւրմէ. բայց գիտասջի́ք եւ տեսջիք զի պատճառի́ իմն նա առիս։

Verse: 8  Link to sept   Եւ եղեւ իբրեւ լուաւ եղիսեէ այրն ա(ստուծո)յ՝ եթէ պատառեաց արքայն ի(սրաէ)լի զհանդերձս իւր, առաքեաց առ արքայն ի(սրաէ)լի եւ ասէ. ընդէ՞ր պատառեցեր զհանդերձս քո, եկեսցէ́ առիս նեեման, եւ գիտասցէ թէ գո́յ մարգարէ յի(սրաէ)լի։

Verse: 9  Link to sept   Եւ եկն նեեման երիվարօք եւ կառօք, եւ եկաց առ դուրս տանն եղիսէի։

Verse: 10  Link to sept   եւ առաքեաց եղիսեէ առ նա հրեշտակ՝ եւ ասէ, երթ լուա́ եւթն անգամ ՛ի յորդանան, եւ դարձցի մարմին քո եւ սրբեսցիս։

Verse: 11  Link to sept   Եւ բարկացաւ նեեման, գնաց եւ ասէ. ես ասէի թերեւս ելցէ́ առ իս, եւ կացցէ յաղօթս եւ կարդասցէ զանուն տ(եառ)ն ա(ստուծո)յ իւրոյ, եւ դիցէ զձեռն իւր ՛ի վ(ե)ր(այ) տեղւոյս, եւ աւաքեսցէ զբորոտութի(ւն)ս։

Verse: 12  Link to sept   ո՞չ լաւ իցեն նաբանա եւ փարփարա գե́տք դամասկոսի քան զա(մենայ)ն ջուրս ի(սրաէ)լի. եւ ընդէ՞ր ո́չ երթայց եւ լուացայց ՛ի նոսա, եւ սրբեցայց։ եւդարձաւ եւ գնաց սրտմտութ(եամ)բ։

Verse: 13  Link to sept   Եւ մատեա́ն ծառայք ն(ո)ր(ա) եւ խօսեցան ընդ նմա, եւ ասեն ցնա. հա́յր, եթէ մեծ ինչ բան խօսեցեալ էր ընդ քեզ մարգարէին, ո՞չ ապաքէն պա́րտ էր առնել. թող թէ զի ասաց՝ լուացի́ր եւ սրբեսցիս։

Verse: 14  Link to sept   Եւ է́ջ նեեման՝ եւ մկրտեցաւ ՛ի յորդանան եւթն անգամ ը(նդ) բանին եղիսէի. եւ դարձա́ւ մարմին ն(ո)ր(ա) իբրեւ զմարմին մանկան մատաղոյ՝ եւ սրբեցաւ։

Verse: 15  Link to sept   Եւ դարձաւ առ եղիսեէ, ինքն եւ ա(մենայ)ն բանակն իւր, եւ եկն եկաց առաջի ն(ո)ր(ա)՝ եւ ասէ. ահա գիտացի թէ ո́չ գոյ ա(ստուա)ծ յա(մենայ)ն երկրի՝ բայց միայն ՛ի մէջ ի(սրաէ)լի. եւ արդ՝ ա́ռ օրհնու(թ)ի(ւն) ՛ի ծառայէ քումմէ։

Verse: 16  Link to sept   Եւ ասէ եղիսեէ. կենդանի́ է տ(է)ր որոյ կացի առաջի ն(ո)ր(ա), եթէ առի́ց ինչ։ եւ ստիպեաց զնա առնուլ. եւ ո́չ հաւանեցաւ։

Verse: 17  Link to sept   Եւ ասէ նեեման. իսկ որովհետեւ ո́չ՝ տացին ծառայի քում բեռինք զուգից ջորւոց ՛ի հողոյ երկրիս. զի ո́չ եւս արասցէ ծառայ քո ողջակէզս եւ զոհս աստուածոց օտարաց, բայց միայն տ(եառ)ն

Verse: 18  Link to sept   վ(ա)ս(ն) բանիս այսորիկ. եւ քաւեսցէ տ(է)ր զծառայ քո՝ ՛ի մտանել տեառն իմոյ ՛ի տուն ռեմանայ երկիրպագանել նմա. յորժամ յենուցու ՛ի ձեռս իմ, եւ երկիր պագանիցեմ ՛ի տան ռեմանայ՝ ՛ի պագանելն ն(ո)ր(ա) երկիր ՛ի տան ռեմանայ։ եւ քաւեսցէ́ տ(է)ր զծառայ քո վ(ա)ս(ն) բանին այնորիկ։

Verse: 19  Link to sept   Եւ ասէ եղիսեէ ցնեեման. ե́րթ խաղաղութ(եամ)բ։ եւ գնա́ց ՛ի նմանէ յերկրէն ի(սրաէ)լի։

Verse: 20  Link to sept   Եւ ասէ գեեզի պատանեա́կն եղիսէի. ահա խնայեաց տ(է)ր իմ ՛ի նեեման ասորի, չարնուլ ՛ի ձեռանէ ն(ո)ր(ա) յորոց մատոյցն. կենդանի́ է տ(է)ր՝ եթէ ո́չ ընթացայց զհետ նորա, եւ առից ինչ անտի։

Verse: 21  Link to sept   եւ պնդեցաւ գեեզի զհետ նեեմանայ։ Եւ ետես զնա նեեման՝ ընթացեալ զհետ ն(ո)ր(ա). եւ դարձաւ ՛ի կառացն ընդառաջ ն(ո)ր(ա) եւ ասէ՝ ողջո՞յն է։

Verse: 22  Link to sept   Եւ ասէ գեեզի, ողջոյն է. տէր իմ առաքեաց զիս առ քեզ եւ ասէ, ահա եկին առիս երկու պատանեակք ՛ի լեռնէն եփրեմի յորդւոցն մարգարէից, տո́ւր ն(ո)ց(ա) տաղանտ մի արծաթոյ, եւ երկուս պատմուճանս հանդերձեալս։

Verse: 23  Link to sept   Եւ ասէ նեեման. թէ ա́յդպէս իցէ, ա́ռ երիս տաղանտս արծաթոյ. եւ բռնադատեաց զնա, եւ ծրարեաց երիս տաղանտս արծաթոյ յերկուս պարկս, եւ երկուս պատմուճանս հանդերձեալս. եւ ետ ցերկուս ծառայս իւր՝ եւ բարձին առաջի ն(ո)ր(ա).

Verse: 24  Link to sept   եւ եկին ՛ի մթինն, եւ ա́ռ ՛ի ձեռաց ն(ո)ց(ա), եւ եդ ՛ի տան. եւ արձակեաց զարսն՝ եւ գնացին։

Verse: 25  Link to sept   եւ ինքն եմուտ եւ կայր առաջի տեառն իւրոյ։ Եւ ասէ ցնա եղիսեէ. ուստի՞ գաս գեեզի։ եւ ասէ գեեզի. չի́ք երթալ ծառայի քոյ՝ ո́չ յայսկոյս եւ ո́չ յայնկոյս։

Verse: 26  Link to sept   Եւ ասէ ցնա եղիսեէ, ո՞չ սիրտ իմ գնաց յորժամ դարձաւ այրն ՛ի կառաց անտի ընդառաջ քո. եւ արդ՝ առեր զարծաթն եւ զհանդերձսն ՛ի ձիթենիս եւ յայգիս, եւ յարջառս եւ յոչխարս, եւ ՛ի ծառայս եւ յաղախնայս։

Verse: 27  Link to sept   Եւ բորոտութի(ւն)ն նեեմանայ յարեսցի́ ՛ի քեզ՝ եւ ՛ի զաւակ քո յաւիտեան։ եւ ե́լ յերեսաց ն(ո)ր(ա) բորոտեալ իբրեւ զձիւն։


Chapter: 6 
ԳԼ(ՈՒԽ) Զ՜.


Verse: 1  Link to sept   Եւ ասեն որդիք մարգարէիցն ցեղիսեէ. ահաւասիկ տեղիս յորում մե́ք բնակեմք՝ նե́ղ է մեզ.

Verse: 2  Link to sept   երթիցո́ւք մինչեւ ցյորդանան, եւ առցուք անտի ա́յր իւրաքանչիւր գերան մի, եւ արասցո́ւք մեզ անդ բնակութի(ւն)։ եւ ասէ. երթա́յք։

Verse: 3  Link to sept   Եւ ասէ մի ոմն, ե́կ եւ դու մեղմով երթիցես ընդ ծառայս քո։ եւ նա ասէ. ե́ս եկից։

Verse: 4  Link to sept   եւ գնա́ց ընդ նոսա։ եւ չոգան ՛ի յորդանան, եւ հարկանէին փայտ։

Verse: 5  Link to sept   Եւ ահա մին՝ մինչդեռ ընկենոյր զհեծանն, անկաւ երկաթն ՛ի ջուրն. եւ վայեաց, եւ ասէ, ո́հ տ(է)ր. եւ զայն յանօթ առեալ էր։

Verse: 6  Link to sept   Եւ ասէ այրն ա(ստուծո)յ. յո՞ր վայր անկաւ. եւ եցոյց նմա զտեղին։ եւ ճեղքեաց փայտ, եւ ընկէց անդր. եւ ՛ի վե́ր եկաց երկաթն։

Verse: 7  Link to sept   եւ ասէ, վերացո́ քեզէն. եւ ձգեաց զձեռն իւր եւ ա́ռ զնա։

Verse: 8  Link to sept   Եւ արքայն ասորւոց տայր պատերա́զմ ը(նդ) ի(սրաէ)լի. խորհեցաւ ընդ ծառայս իւր եւ ասէ, ՛ի տեղւոջ մի յելմոնի բանակեցայց ՛ի դարանի։

Verse: 9  Link to sept   Եւ առաքեաց եղիսեէ առ արքայն ի(սրաէ)լի՝ եւ ասէ. զգո́յշ լեր գուցէ́ անցանիցես ը(նդ) այն տեղի, զի անդ թաքուցեալ նստին ասորիք։

Verse: 10  Link to sept   Եւ առաքեա́ց արքայն ի(սրաէ)լի ՛ի տեղին զոր ասաց նմա եղիսեէ, եւ դարանայոյզ արար զնա, եւ զգուշացաւ անտի ո́չ մի անգամ եւ ո́չ երկիցս։

Verse: 11  Link to sept   Եւ զայրացաւ անձն արքային ասորւոց վ(ա)ս(ն) բանին այնորիկ, եւ կոչեաց զծառայս իւր եւ ասէ ցն(ո)ս(ա). ո՞չ պատմէք ինձ, եթէ ո՞ մատնէ զիս արքային ի(սրաէ)լի։

Verse: 12  Link to sept   Եւ ասէ մի ոմն ՛ի ծառայից ն(ո)ր(ա). ո́չ տէ́ր իմ արքայ. այլ եղիսեէ մարգարէ յի(սրաէ)լի պատմէ արքայի ի(սրաէ)լի զա(մենայ)ն բանս քո՝ զոր խօսիցիս ՛ի սենեկի քնոյ քոյ։

Verse: 13  Link to sept   Եւ ասէ. երթայք տեսէք՝ ո՞ւր իցէ նա. եւ առաքեցից ըմբռնեցից զնա։ եւ պատմեցի́ն նմա եւ ասեն, ահաւանիկ ՛ի գովթայիմ է։

Verse: 14  Link to sept   Եւ առաքեաց անդր կառս եւ երիվարս՝ եւ զօր ծանր. եւ եկին գիշերի եւ պատեցին զքաղաքն։

Verse: 15  Link to sept   եւ կանխեաց յառնել ՛ի պաշտօն եղիսեէ, եւ ել գնաց։ եւ ահա զօր պատեալէր զքաղաքաւն, եւ երիվարք եւ կառք։ եւ ասէ ցնա պատանեակն՝ տէ́ր՝ զի՞ գործեսցուք։

Verse: 16  Link to sept   եւ ասէ եղիսեէ. մի́ երկնչիր, զի ընդ մեզ բազո́ւմ են քան ընդ ն(ո)ս(ա)։

Verse: 17  Link to sept   Եւ եկաց յաղօթս եղիսեէ՝ եւ ասէ. Տ(է)ր բա́ց զաչս պատանեկիս՝ եւ տեսցէ։ եւ եբաց տ(է)ր զաչս ն(ո)ր(ա), եւ ետես եւ ահա լեառնն լի́ էր ձիովք, եւ հրեղէն կառօք շուրջ զեղիսէիւ։

Verse: 18  Link to sept   եւ իջին առ նա։ Եւ եկաց յաղօթս եղիսեէ առ տ(է)ր՝ եւ ասէ. հա́ր զազգդ զայդ շլացու(թեամ)բ։ եւ եհար զն(ո)ս(ա) շլացու(թեամ)բ ը(նդ) բանին եղիսեի։

Verse: 19  Link to sept   Եւ ասէ ցն(ո)ս(ա) եղիսեէ, ո́չ այս ճանապարհ է՝ եւ ո́չ այս քաղաք. եկա́յք զկնի իմ եւ տարայց զձեզ առ այրն զոր խնդրէք։ եւ տարա́ւ զն(ո)ս(ա) ՛ի սամարիա։

Verse: 20  Link to sept   Եւ եղեւ իբրեւ եմուտ ՛ի սամարիա, ասէ եղիսեէ. բա́ց տ(է)ր զաչս ն(ո)ց(ա)՝ եւ տեսցեն։ եւ եբաց տ(է)ր զաչս ն(ո)ց(ա) եւ տեսին. եւ ահա էին ՛ի մէջ սամարիայ։

Verse: 21  Link to sept   Իբրեւ ետես զն(ո)ս(ա) արքայն ի(սրաէ)լի, ասէ ցեղիսեէ. եթէ հարկանելով հարի՞ց զդոսա հայր։

Verse: 22  Link to sept   եւ ասէ՝ մի́ հարկաներ, բայց եթէ զա́յնոսիկ զոր գերեսցես սրով քով, եւ աղեղամբ քով հարկանիցես. դի́ր հաց եւ ջուր առաջի դոցա, եւ կերիցեն եւ արբցեն, եւ երթիցեն առ տէր իւրեանց։

Verse: 23  Link to sept   Եւ արկ առաջի ն(ո)ց(ա) խո́տս, տակաւ մածաւ եւ կերան եւ արբին. եւ արձակեաց զն(ո)ս(ա). եւ գնացին առ տէր իւրեանց։ եւ ո́չ եւս յաւելին մեկնակազէնքն ասորւոց գա́լ յերկիրն ի(սրաէ)լի։

Verse: 24  Link to sept   Եւ եղեւ յետ այնորիկ, ժողովեաց որդի ադերայ՝ արքայ ասորւոց զամենայն զբանակն իւր, եւ ե́լ նստաւ շուրջ զսամարեաւ։

Verse: 25  Link to sept   եւ եղեւ սո́վ մեծ ՛ի սամարիա, եւ նստէին զնովաւ, մինչեւ եղեւ խալամ իշոյ յիսո́ւն սկեղ արծաթոյ, եւ չորրորդ կապճի աղբոյ աղաւնեաց յիսուն եւ հինգ արծաթոյ։

Verse: 26  Link to sept   Եւ արքայ իսրայէլի շրջէր ՛ի վերայ պարսպին։ եւ կին մի աղաղակեաց առ նա եւ ասէ. ապրեցո́ զիս տէր արքայ։

Verse: 27  Link to sept   եւ ասէ. մի́ ապրեցուսցէ զքեզ տ(է)ր. ուտի՞ ապրեցուցից զքեզ՝ ՛ի կալո՞յ թէ ՛ի հնձանէ։

Verse: 28  Link to sept   Եւ ասէ ցնա արքայ, զի՞ է քեզ,։ եւ ասէ. կի́նս այս ասաց ցիս, տո́ւր զորդիդ քո՝ եւ կերիցուք զդա այսօր։ եւ զորդիս զիմ կերիցուք առ վաղիւ։

Verse: 29  Link to sept   եւ եփեցա́ք զորդին իմ եւ կերաք զնա, եւ ասեմ ցսա յաւուրն երկրորդի. տո́ւր զորդիդ քո եւ կերիցուք զդա. եւ թաքոյց զորդին իւր։

Verse: 30  Link to sept   Եւ եղեւ իբրեւ լուաւ արքայ զբանս կնոջն, պատառեա́ց զհանդերձս իւր. եւ ինքն շրջէր ՛ի վ(ե)ր(այ) պարսպին. եւ ետես ժողովուրդն զքուրձն ՛ի վերայ մարմնոյ նորա ՛ի ներքո́յ։

Verse: 31  Link to sept   եւ ասէ, օ́ն եւ օ́ն արասցէ ինձ ա(ստուա)ծ, եւ օ́ն եւ օ́ն յաւելցէ, եթէ կացցէ գլուխն եղիսէի որդւոյ սափատայ ՛ի վերայ ն(ո)ր(ա) այսօր։

Verse: 32  Link to sept   Եւ եղիսեէ նստէր ՛ի տան իւրում, եւ ծերքն նստէին ընդ նմա. եւ առաքեաց այր առաջի երեսաց իւրոց։ եւ մինչչեւ եկեալ էր հրեշտակին առ նա, ասէ ցծերսն. եթէ գիտիցէ՞ք զի առաքեաց որդի սպանողին առնուլ զգլուխ իմ. իբրեւ մտանիցէ հրեշտակն՝ կալջիք զնա ընդ դրօքն. ոչ ապաքէն ձայն ոտից տեառն նորա զկնի ն(ո)ր(ա) իցէ։

Verse: 33  Link to sept   Եւ մինչդեռ խօսէր ընդ նոսա, ահա հրեշտակն էջ առ նոսա՝ եւ ասէ. ահա չարութի(ւն) ՛ի տ(եառն)է է. զի՞ եւս համբերից տ(եառ)ն։


Chapter: 7 
ԳԼ(ՈՒԽ) Է՜.


Verse: 1  Link to sept   Եւ ասէ եղիսեէ. լո́ւր զբան տ(եառ)ն. ա́յսպէս ասէ տ(է)ր, քանզի վաղիւ ա́յս ժա́մ իցէ գրիւ մի նաշհւոյ սկե́ղ միոյ, եւ երկու գրիւք գարւոյ՝ սկե́ղ ՛ի դրունս սամարիայ։

Verse: 2  Link to sept   Եւ պատասխանի́ ետ սպառազէնն յորոյ արքայ յենոյր ՛ի ձե́ռն ն(ո)ր(ա)՝ եղիսէի եւ ասէ, եթէ սահմա́նս յերկինս արասցէ տ(է)ր, միթէ լինիցի՞ բանդ այդ։ եւ ասէ եղիսեէ. ահա տեսցես աչօք քովք, եւ անտի մի́ կերիցես։

Verse: 3  Link to sept   Եւ էին արք չո́րք բորոտք առ դրան քաղաքին, եւ ասեն այր ցընկեր իւր. զի՞ նստիմք աստ՝ եւ մեռանիմք։

Verse: 4  Link to sept   եթէ ասեմք՝ եթէ մտցուք ՛ի քաղաք՝ սո́վ է ՛ի քաղաքին, եւ մեռանի́մք անդ, եւ եթէ աստէն նստիցիմք՝ սակայն մեռանիմք. եւ արդ՝ եկա́յք դիմեսցուք ՛ի բանակն ասորւոց, եթէ ապրեցուսցեն զմեզ՝ կեցցուք, եւ եթէ սպանցեն զմեզ՝ մեռցուք։

Verse: 5  Link to sept   Եւ յարեան ընդ արշալուրշսն մտանե́լ ՛ի բանակն ասորւոց, եւ եկին ՛ի մասն ինչ բանակին ասորւոց. եւ ահա ո́չ գոյր անդ մարդ։

Verse: 6  Link to sept   զի տ(է)ր հնչեցոյց ՛ի բանակն ասորւոց շաչիւն կառաց, եւ բարբառ զօրու մեծի. եւ ասեն այր ցեղբայր իւր արդ՝ ՛ի վարձու կալաւ ՛ի վ(ե)ր(այ) մեր արքայն ի(սրաէ)լի զթագաւորս քետացւոց, եւ զթագաւորս եգիպտացւոց։

Verse: 7  Link to sept   եւ յարեան եւ փախեան ը(նդ) մութն, եւ թողին զվրանս իւրեանց, եւ զձիս իւրեանց՝ եւ զէշս իւրեանց ՛ի բանակին որպէս եւ կային, եւ փախեա́ն մարդապուր։

Verse: 8  Link to sept   Եւ մտին բորոտքն մինչեւ ՛ի մասն մի բանակին, մտին ՛ի վրան մի եւ կերան եւ արբին. եւ առին անտի արծաթ եւ ոսկի եւ հանդերձս, եւ գնացին՝ եւ չոգան թաքուցին։ եւ դարձան եւ մտին յա́յլ վրան, եւ առին անտի՝ եւ չոգան եւ թաքուցին։

Verse: 9  Link to sept   Եւ ասեն այր ցընկեր իւր. ո́չ այսպէս է զոր մեքս առնեմք. օ́րս այս՝ օ́ր աւետեաց է, եւ մեք լռիցե՞մք. եւ մնայցեմք լուսո՞յ առաւօտու, եւ գտանիցիմք յանօրէնու(թ)ի(ւն). բայց արդ՝ եկա́յք մտցուք եւ պատմեսցուք զայս ՛ի տան թագաւորին։

Verse: 10  Link to sept   Եւ մտին եւ աղաղակեցին առ դրան քաղաքին, եւ պատմեցին ն(ո)ց(ա) եւ ասեն. մտա́ք ՛ի բանակն ասորւոց, եւ ո́չ գոյր անդ այր՝ եւ ո́չ ձայն մարդոյ, բայց միայն ձիք կապեալք, եւ էշք կապեալք, եւ վրանք ն(ո)ց(ա) նոյնպէս կան։

Verse: 11  Link to sept   եւ աղաղակեցին պարապանքն, եւ ա́զդ արարին ՛ի տուն թագաւորին ՛ի ներքս։

Verse: 12  Link to sept   Եւ յարեաւ արքայ գիշերայն, եւ ասէ ցծառայս իւր. պատմեցից ձեզ զոր ինչ արարին մեզ ասորինն. գիտացին՝ թէ մեք սովի́մք, ելին ՛ի բանակէն եւ թաքեան ՛ի բացի, ասեն՝ թերեւս ելցեն ՛ի քաղաքէն, եւ ըմբռնեսցուք զն(ո)ս(ա) կենդանւոյն. եւ մտցո́ւք ՛ի քաղաքն եւ ելցուք։

Verse: 13  Link to sept   Եւ պատասխանի ետ մի ոմն ՛ի ծառայից նորա եւ ասէ, առցեն հինգ ՛ի ձիոց մնացելոց որ մնացեալ են յա(մենայ)ն բազմու(թեն)է ի(սրաէ)լի նուաղութի(ւն), եւ առաքեսցուք անդր եւ տեսցուք։

Verse: 14  Link to sept   եւ առին երկուս հեծեալս ձիոց. եւ առաքեաց արքայ զհետ արքային ասորւոց եւ ասէ. երթա́յք եւ տեսէ́ք։

Verse: 15  Link to sept   Եւ գնացին զհետ ն(ո)ց(ա) մինչեւ ցյորդանան. եւ ահա ա(մենայ)ն ճանապարհն լի́ էր հանդերձիւ եւ կահիւ՝ զոր ընկեցին ասորիքն ՛ի խուճապելն իւրեանց։ եւ դարձան հրեշտակքն եւ պատմեցին արքայի։

Verse: 16  Link to sept   եւ ել ժողովուրդն, եւ յափշտակեաց զբանակն ասորւոց։ Եւ եղեւ գրիւ նաշհւոյ՝ սկե́ղ միոյ արծաթոյ, եւ երկու գրիւք գաբւոյ՝ սկեղ ը(նդ) բանին տ(եառ)ն։

Verse: 17  Link to sept   Եւ արքայ կացոյց զսպառազէնն՝ յորոյ յենոյր արքայ ՛ի ձեռս ն(ո)ր(ա), եւ կոխեաց զնա ՛ի խռանն ժողովուրդն առ դրանն, եւ մեռաւ ո(ր)պ(էս) եւ խօսեցաւ այրն ա(ստուծո)յ, որ խօսեցաւ յիջանել հրեշտակին առ նա։

Verse: 18  Link to sept   Եւ եղեւ որպէս եւ խօսեցաւ եղիսեէ ընդ արքայի՝ եւ ասէ, թէ երկու գրիւք գարւոյ սկեղ միոյ լինիցին, եւ գրիւ նաշհւոյ սկեղ. եւ եղիցի́ վաղիւ ՛ի սո́յն ժամ ՛ի դրունս սամարեայ։

Verse: 19  Link to sept   եւ պատասխանի ետ սպառազէնն եղիսէի եւ ասէ, եթէ սահանս յերկինս արասցէ տ(է)ր. միթէ լինիցի՞ բանդ այդ.

Verse: 20  Link to sept   եւ ասէ եղիսեէ՝ ահա տեսցես աչօք քովք, եւ անտի մի́ կերիցես։

Verse: 21  Link to sept   Եւ եղեւ նմա ա́յնպէս. եւ կոխեա́ց զնա ժողովուրդն ՛ի խռանն առ դրանն, եւ մեռա́ւ։


Chapter: 8 
ԳԼ(ՈՒԽ) Ը՜.


Verse: 1  Link to sept   Եւ խօսեցաւ եղիսեէ ընդ կնոջն զորոյ կեցոյց զորդին՝ եւ ասէ. արի́ գնա́ դու ՛ի տուն քո՝ եւ լե́ր պանդուխտ ուր եւ պանդխտիցիս, զի կոչեաց տ(է)ր սո́վ ՛ի վերայ երկրիս. քանզի ե́կն իսկ սով զեւթն ամ ՛ի վ(ե)ր(այ) երկրին։

Verse: 2  Link to sept   Եւ յարեաւ կինն եւ արար ըստ բանին եղիսէի. եւ գնաց ինքն եւ տուն իւր, եւ պանդխտեցաւ յերկրին այլազգեաց եւթն ամ։

Verse: 3  Link to sept   Եւ եղեւ յե́տ կատարելոյ ամացն եւթանց, դարձաւ կինն յայլազգեաց, եւ եկն բողոք հարկանել առ արքայ վ(ա)ս(ն) տան իւրոյ եւ վ(ա)ս(ն) անդւոց իւրոց։

Verse: 4  Link to sept   Եւ արքայ խօսեցաւ ընդ գեեզեայ պատանեկին եղիսէի առնն ա(ստուծո)յ եւ ասէ. պատմեա́ դու ինձ զա(մենայ)ն մեծամեծսն զոր արար եղիսեէ։

Verse: 5  Link to sept   Եւ եղեւ ՛ի պատմելն ն(ո)ր(ա) արքայի՝ թէ ո՞րպէս կենդանացոյց զորդին զմեռեալ, եւ ահաւանիկ առաջի անկաւ կինն զորոյ կենդանացոյց զորդին ն(ո)ր(ա) եղիսեէ. աղաղակէր առ արքայ վ(ա)ս(ն) տան իւրոյ եւ վ(ա)ս(ն) անդոց իւրոց։ եւ ասէ գեեզի. տէ́ր արքայ, ա́յս կին է, եւ ա́յս որդի դորա, զոր կենդանացոյց եղիսեէ։

Verse: 6  Link to sept   Եւ եհարց արքայ ցկինն՝ եւ պատմեաց նմա. եւ ետ նմա արքայ ներքինի մի եւ ասէ. դարձո́ դմա զա(մենայ)ն զարդիւնսն, եւ զա(մենայ)ն զարմատիսն անդոյն, յօրէ յորմէ եթող զերկիրս մինչեւ ցայժմ։

Verse: 7  Link to sept   Եւ եկն եղիսեէ ՛ի դամասկոս. եւ որդի ադերայ արքայ ասորւոց հիւանդանա́յր։ եւ պատմեցին նմա եւ ասեն. ե́կն այրն ա(ստուծո)յ այսր։

Verse: 8  Link to sept   եւ ասէ արքայ ցազայէլ. ա́ռ ՛ի ձեռին քում մաննայ, եւ ե́լ ընդ առաջ առնն ա(ստուծո)յ, եւ հա́րց զտ(է)ր նովաւ, եւ ասասցես. եթէ կեցցե՞մ ՛ի հիւանդութ(են)է աստի իմմէ յայսմանէ։

Verse: 9  Link to sept   Եւ գնաց ազայէլ ընդ առաջ ն(ո)ր(ա), եւ ա́ռ մաննայ ՛ի ձեռին իւրում, եւ զա(մենայ)ն բարութի(ւն)ս դամասկոսի բեռինս ուղտուց քառասնից. չոգաւ եկաց առաջի ն(ո)ր(ա) եւ ասէ. հա́յր եղիսեէ. որդի քո որդի ադերայ արքայ ասորւոց առաքեաց զիս առ քեզ՝ եւ ասէ. եթէ կեցցե՞մ ՛ի հիւանդութ(են)է աստի իմմէ յայսմանէ։

Verse: 10  Link to sept   Եւ ասէ ցնա եղիսեէ, ե́րթ եւ ասա́ ցնա. կելով կեցցես։ եւ եցոյց ինձ տ(է)ր զի մահու մեռանիցի։

Verse: 11  Link to sept   եւ եկաց առաջի երեսաց ն(ո)ր(ա) պատկառեալ. եւ ելաց այրն ա(ստուծո)յ։

Verse: 12  Link to sept   Եւ ասէ ազայէլ. ընդէ՞ր լաս տէ́ր իմ։ եւ ասէ՝ գիտեմ զինչ գործելոց ես ընդ որդիսն ի(սրաէ)լի, զամուրս ն(ո)ց(ա) հրձի́գ արասցես, եւ զընտիրս ն(ո)ց(ա) սրո́վ կոտորեսցես, եւ զտղայս ն(ո)ց(ա) սատակեսցես, եւ զյղիս ն(ո)ց(ա) հերձցես։

Verse: 13  Link to sept   Եւ ասէ ազայէլ. ո՞վ է ծառայ քո շո́ւն մի, թէ առնիցէ զբանդ զայդ։ եւ ասէ եղիսեէ, եցոյց ինձ տ(է)ր թագաւորե́լ քեզ ՛ի վ(ե)ր(այ) ասորւոց։

Verse: 14  Link to sept   Եւ գնաց յեղիսէէ եւ եմուտ առ տէր իւր։ եւ ասէ ցնա՝ զի՞նչ ասաց եղիսեէ։ եւ ասէ՝ ասա́ց ցիս թէ կելով կեցցէ։

Verse: 15  Link to sept   եւ եղեւ ՛ի վաղիւ անդր՝ եւ ա́ռ մաքման եւ եթաց ՛ի ջուր եւ արկ զերեսօք իւրովք՝ եւ մեռաւ։
   Եւ թագաւորեաց ազայէլ ընդ ն(ո)ր(ա)։

Verse: 16  Link to sept   Յամի հինգերորդի յովրամայ որդւոյ աքաաբու արքայի ի(սրաէ)լի, թագաւորեա́ց յովրամ որդի յովսափատայ արքայի յուդայ։

Verse: 17  Link to sept   Որդի երեսուն եւ երկո́ւ ամաց էր ՛ի թագաւորել իւրում. եւ ութ ամ թագաւորեաց յե(րուսաղէ)մ։

Verse: 18  Link to sept   եւ գնաց զճանապարհս թագաւորաց ի(սրաէ)լի, ո(ր)պ(էս) արար տուն աքաաբու. զի դուստր աքաաբու էր ն(ո)ր(ա) կնութե(ան). եւ արար չար առաջի տ(եառ)ն։

Verse: 19  Link to sept   Եւ ո́չ կամեցաւ տ(է)ր ապականել զյուդայ վ(ա)ս(ն) դաւթի ծառայի իւրոյ՝ որպէս եւ ասաց տա́լ նմա ճրագ, եւ որդւոց ն(ո)ր(ա) զա(մենայ)ն աւուրս։

Verse: 20  Link to sept   Եւ յաւուրս ն(ո)ր(ա) նշկահեաց եդոմ ՛ի ներքուստ ձեռին յուդայ, եւ թագաւորեցո́յց ՛ի վ(ե)ր(այ) իւր թագաւոր։

Verse: 21  Link to sept   Եւ ե́լ յովրամ ՛ի սիովր, եւ ա(մենայ)ն կառք ընդ նմա. եւ եղեւ ընդ վաղայարոյցս լինելոյ գիմերոյն, եւ եհար զեդոմն զպատեալն զիւրեաւ եւ զիշխանս կառացն. եւ փախեաւ զօրն յիւրաքանչիւր խորանս իւրեանց։

Verse: 22  Link to sept   եւ նշկահեաց եդոմ ՛ի ներքուստ ձեռին յուդայ մինչեւ ցայսօր։ Յա́յնմ ժամանակի նշկահեաց եւ ղոբնա։

Verse: 23  Link to sept   Եւ մնացորդք բանից յովրամայ, եւ ամենայն ինչ զոր արար. ո՞չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 24  Link to sept   Եւ ննջեաց յովրամ ընդ հարս իւր, եւ թաղեցաւ ընդ հարս իւր ՛ի քաղաքի դաւթի հօր իւրոյ. եւ թագաւորեաց ոքոզիա որդի ն(ո)ր(ա) ընդ ն(ո)ր(ա)։

Verse: 25  Link to sept   Յամի́ երկոտասաներորդի յովրամայ որդւոյ աքաաբու արքայի ի(սրաէ)լի թագաւորեաց ոքոզիա որդի յովրամայ արքայի յուդայ։

Verse: 26  Link to sept   Քսա́ն եւ երկուց ամա́ց էր ոքոզիա ՛ի թագաւորել իւրում, եւ տարի մի թագաւորեաց յե(րուսաղէ)մ։ եւ անուն մօր ն(ո)ր(ա) գոդողիա դուստր ամրեայ արքայի ի(սրաէ)լի։

Verse: 27  Link to sept   Եւ գնաց զճանապարհ տանն աքաաբու. եւ արար չար առաջի տ(եառ)ն ո(ր)պ(էս) եւ տունն աքաաբու. քանզի փեսա́յ էր տանն աքաաբու։

Verse: 28  Link to sept   եւ գնաց ընդ յովրամայ որդւոյ աքաաբու՝ ՛ի պատերազմ ՛ի վ(ե)ր(այ) ազայելի արքայի ասորւոց յռամաթ գաղաադ, եւ հարին ասորիքն զյովրամ։

Verse: 29  Link to sept   Եւ դարձաւ արքայ յովրամ բժշկել ՛ի յեզրայէլ՝ ՛ի վիրացն զոր խոցեցին զնա ասորիքն յռամաթ՝ ՛ի պատերազմել ն(ո)ր(ա) ընդ ազայելի արքայի ասորւոց։ Եւ ոքոզիա որդի յովրամայ արքայի յուդայ՝ է́ջ տեսանել զյովրամ որդի աքաաբու յեզրայէլ, զի հիւանդանայր նա։


Chapter: 9 
ԳԼ(ՈՒԽ) Թ՜.


Verse: 1  Link to sept   Եւ եղիսեէ մարգարէ կոչեաց զմի յորդւոց մարգարէիցն՝ եւ ասէ ցնա. պնդեա́ զմէջ քո, եւ ա́ռ զսրուակ իւղոյս ՛ի ձեռին քում. եւ ե́րթ յռամաթ գաղաադ։

Verse: 2  Link to sept   եւ մտցես անդր, եւ տեսցես դու անդ զյէու զորդի յովսափատայ զորդի ամեսսեայ. եւ մտցես եւ յարուսցես զնա ՛ի միջոյ եղբարց իւրոց. եւ տարցիս զնա սենեակ ՛ի սենեկէ։

Verse: 3  Link to sept   եւ առցես զսրուակդ իւղոյ, եւ արկցես ՛ի գլուխ ն(ո)ր(ա), եւ ասասցես. այսպէս ասէ տ(է)ր. օծի́ զքեզ թագաւոր ՛ի վ(ե)ր(այ) ի(սրաէ)լի։ եւ բացցե́ս զդուռն եւ փախիցես, եւ մի́ մնասցես։

Verse: 4  Link to sept   Եւ գնաց պատանեակն մարգարէ յռամաթ գաղաադ,

Verse: 5  Link to sept   եւ եմուտ անդր. եւ ահա իշխանք զօրուն նստէին. եւ ասէ, բա́ն ինչ է ինձ ընդ քեզ իշխանդ։ եւ ասէ յէու, առ ո՞ յամենեցունց ՛ի մէնջ։ եւ ասէ՝ առ քե́զ իշխանդ։

Verse: 6  Link to sept   Եւ յարեաւ եմուտ ՛ի սենեակն, եւ արկ զեւղն ՛ի գլուխ ն(ո)ր(ա). եւ ասէ ցնա. ա́յսպէս ասէ տ(է)ր ա(ստուա)ծ ի(սրաէ)լի. օծի́ զքեզ ՛ի թագաւոր ժողովրդեան տ(եառ)ն ՛ի վերայ ի(սրաէ)լի.

Verse: 7  Link to sept   զի սատակեսցե́ս զտունն աքաաբու տեառն քո յերեսաց քոց. եւ առցե́ս զվրէժ արեան ծառայից իմոց մարգարէից, եւ զարեանց ա(մենայ)ն ծառայից տ(եառ)ն ՛ի ձեռաց յեզաբելայ, եւ ՛ի ձեռաց ա(մենայ)ն տան նորա։

Verse: 8  Link to sept   եւ սատակեսցես զտանն աքաաբու՝ որ մեղիցէ զորմով. եւ զնեղեալն եւ զմնացեալն յի(սրաէ)լէ.

Verse: 9  Link to sept   տա́լ զտունն աքաաբու իբրեւ զտունն յերոբովամու որդւոյ նաբատայ. եւ իբրեւ զտունն բաասայ որդւոյ աքիայ։

Verse: 10  Link to sept   եւ զյեզաբէլ կերիցեն շունք ՛ի վիճակին յեզրայելի. եւ ո́չ ոք իցէ որ թաղիցէ։ Եւ եբաց զդուրսն եւ փախեաւ։

Verse: 11  Link to sept   Եւ յէու ե́լ առ ծառայս տեառն իւրոյ. եւ ասեն ցնա, ողջո՞յն է, զի՞ եկն առ քեզ մոլի́ն այն։ եւ ասէ ցն(ո)ս(ա). դուք ինքնին գիտէք զայրն՝ եւ զբաջաղանս ն(ո)ր(ա)։

Verse: 12  Link to sept   Եւ ասեն. անիրաւութի(ւն) է այդ՝ պատմեա́ մեզ։ եւ ասէ ցն(ո)ս(ա) յէու. ա́յսպէս եւ ա́յսպէս խօսեցաւ ընդիս, եւ ասէ. ա́յսպէս ասէ տ(է)ր. օծի́ զքեզ թագաւոր ՛ի վ(ե)ր(այ) ի(սրաէ)լի։

Verse: 13  Link to sept   Իբրեւ լուան՝ փութացան եւ առին իւրաքանչիւր զբաճկոն իւր, եւ եդին ՛ի ներքոյ ն(ո)ր(ա) ՛ի վ(ե)ր(այ) միոյ աստիճանացն ուր նստէին. եւ փող հարին եղջերեաւն՝ եւ ասեն, թագաւորեա́ց յէու։

Verse: 14  Link to sept   Եւ զօրաժողով եղեւ յէու որդի յովսափատայ որդւոյ ամեսսեայ ՛ի վերայ յովրամայ, եւ յովրամ զգուշացեալ էր յռամաթ գաղաադ. ի́նքն եւ ա(մենայ)ն ի(սրա)էլ յերեսաց ազայելի արքայի ասորւոց.

Verse: 15  Link to sept   եւ դարձաւ յովրամ արքայ բժշկել ՛ի յեզրայէլ՝ ՛ի վիրաց անտի զոր խոցեցին զնա ասորիքն ՛ի պատերազմել ն(ո)ց(ա) ընդ ազայելի արքայի ասորւոց։ Եւ ասէ յէու, եթէ իցէ ոգի ձեր ընդիս՝ մի́ ելցէ փախստական ՛ի քաղաքէն երթալ պատմել ՛ի յեզրայէլ։

Verse: 16  Link to sept   Եւ հեծաւ յէու եւ գնաց, եւ էջ յեզրայէլ. զի յովրամ արքայ ի(սրաէ)լի բժշկէր ՛ի յեզրայէլ ՛ի նետիցն զոր խոցեցին զնա յռամաթ ՛ի պատերազմել ընդ ազայելի արքայի ասորւոց։ զի նա զօրաւոր էր՝ եւ այր զօրու(թ)ե(ան). եւ ննջեաց անդ։ եւ ոքոզիա արքայ յուդայ էջ տեսանել զյովրամ։

Verse: 17  Link to sept   Եւ դէտն ել յաշտարակն յեզրայելի, եւ ետես փոշի ՛ի գալն յէուայ եւ ասէ. փոշի́ տեսանեմ ես։ եւ ասէ յովրամ, ա́ռ հեծեալ մի եւ առաքեա́ ընդ առահ ն(ո)ց(ա), եւ ասասցէ՝ ողջո՞յն է։

Verse: 18  Link to sept   Եւ չոգաւ հեծեալն ձիոյ ընդ առաջ ն(ո)ր(ա)՝ եւ ասէ. ա́յսպէս ասէ արքայ՝ թէ ողջո՞յն իցէ. եւ ասէ յէու, զի՞ կայ քո եւ ողջունի, դարհի́ր զկնի իմ։ եւ պատմեաց դէտն եւ ասէ, եհա́ս ՛ի ն(ո)ս(ա) հրեշտակն՝ եւ ո́չ դարձաւ։

Verse: 19  Link to sept   Եւ արձակեաց երկրորդ հեծեալ մի ձիոյ՝ եւ ասէ, ա́յսպէս ասէ արքայ՝ թէ ողջո́յն իցէ։ եւ ասէ յէու, զի՞ կայ քո եւ ողջունի, դարձի́ր զկնի իմ։

Verse: 20  Link to sept   եւ պատմեաց դէտն եւ ասէ, եհա́ս ՛ի նոսա, եւ ո́չ դարձաւ։ եւ որ ածէրն՝ ած զյէու զորդին ամեսսեայ. քանզի տագնապաւ եհաս։

Verse: 21  Link to sept   Եւ ասէ յովրամ. լծեա́։ եւ լծեցին կառս։ եւ ամբարձաւ յովրամ արքայ ի(սրաէ)լի, եւ ոքոզիա արքայ յուդայ՝ այր յիւրաքանչիւր կառս իւր, եւ ելին ընդ առաջ յէուայ. եւ գտին զնա ՛ի վիճակին նաբաւթայ յեզրայելացւոյ։

Verse: 22  Link to sept   Եւ եղեւ իբրեւ ետես յովրամ զյէու, եւ ասէ՝ ողջո՞յն է յէու։ եւ ասէ յէու, զի՞նչ ողջոյն է, տակաւին պոռնկութի(ւն) յեզաբելայ մօր քոյ՝ եւ կախարդու(թ)ի(ւն) ն(ո)ր(ա) յաճախիցե՞ն։

Verse: 23  Link to sept   Եւ դարձոյց յովրամ զկառս իւր եւ փախեաւ, եւ ասէ ցոքոզիա. դա́ւ է ոքոզիա։

Verse: 24  Link to sept   եւ ընդ գի́րկս եմուտ, եւ եհար զյովրամ ը(նդ) մէջ թիկանց ն(ո)ր(ա), եւ ել նետն ընդ սիրտ ն(ո)ր(ա), եւ կծկեցաւ ՛ի վերայ ծնգաց իւրոց։

Verse: 25  Link to sept   Եւ ասէ ցբադեկար սպառազէնն իւր. ընկեա́ զդա ՛ի վիճակի ագարակին նաբովթայ յեզրայելացւոյ, զի յիշե́մ մինչդեռ ես եւ դու հեծեալէաք ՛ի զոյգս՝ զկնի աքաաբու հօր դորա. եւ տ(է)ր ա́ռ ՛ի վերայ դորա զառածս զայս։

Verse: 26  Link to sept   Եթէ ո́չ զարիւնն նաբովթայ՝ եւ զարիւն որդւոց նորա զոր տեսին երէկ՝ ասէ տ(է)ր, հատուցի́ց նմա ՛ի վիճակիս յայսմիկ՝ ասէ տ(է)ր։ եւ արդ ա́ռ ընկեա́ զդա ՛ի վիճակ այդր ը(նդ) բանին տ(եառ)ն։

Verse: 27  Link to sept   Եւ ոքոզիա արքայ յուդայ ետես՝ եւ փախեաւ ը(նդ) ճանապարհն բեթանգանայ։ եւ պնդեցաւ զհետ ն(ո)ր(ա) յէու՝ եւ ասէ. հա́պա, եւ զդա եւս։ եւ եհար զնա ՛ի կառսն մինչդեռ եւ ելանէր ը(նդ) զառ ՛ի վերն բերայի որ է յեբղաամ։ եւ փախեաւ ՛ի մակեդդով, եւ ա́նդ մեռաւ։

Verse: 28  Link to sept   եւ հանին զնա ծառայք իւր յե(րուսաղէ)մ. եւ թաղեցին զնա ՛ի գերեզմանի իւրում ընդ հարս իւր ՛ի քաղաքին դաւթի։

Verse: 29  Link to sept   Եւ յամին մետասաներորդի յովրամայ արքային ի(սրաէ)լի, թագաւորեաց ոքոզիա ՛ի վերայ յուդայ։

Verse: 30  Link to sept   Եւ եկն յէու յեզրայէլ։
   Եւ յեզաբէլ լուաւ, եւ ծարրեաց զաչս իւր՝ եւ զարդարեաց զգլուխ իւր՝ եւ հայէր ը(նդ) պատուհանն։

Verse: 31  Link to sept   եւ յէու մտանէր ՛ի քաղաքն. եւ ասէ՝ ողջո՞յն իցէ զա́մրի տիրասպան։

Verse: 32  Link to sept   Եւ ամբա́րձ զերեսս իւր ՛ի պատուհանն՝ եւ ասէ. ո՞վ ես դու, է́ջ առիս։ եւ հայեցան առ նա ՛ի խոնարհ երկու ներքինիք։

Verse: 33  Link to sept   եւ ասէ, ընկեցէ́ք զդա ՛ի խոնարհ։ եւ ընկեցի́ն զնա։ եւ ցայտեցա́ւ յարենէ ն(ո)ր(ա) զորմովքն եւ զձիովքն. եւ կոխեցին զնա առաթուր։

Verse: 34  Link to sept   Եւ ինքն եմուտ՝ եկեր եւ արբ. եւ ասէ, տեսէ́ք զանիծեալն զայն՝ եւ թաղեցէ́ք զնա զի դուստր թագաւորի է։

Verse: 35  Link to sept   Եւ չոգան թաղել զնա, եւ ո́չ ինչ գտին ՛ի նմանէ, բայց զգագաթնն եւ զոտսն եւ զթաթս ձեռացն.

Verse: 36  Link to sept   եւ դարձան պատմեցին նմա։ եւ ասէ. բա́ն տ(եառ)ն է զոր խօսեցաւ ՛ի ձեռն եղիայի թեզբացւոյ՝ եւ ասէ. ՛ի վիճակին յեզրայելի կերիցեն շո́ւնք զմարմինս յեզաբելայ.

Verse: 37  Link to sept   եւ եղիցի դին յեզաբելայ իբրեւ զա́ղբ ՛ի վ(ե)ր(այ) երեսաց անդոյ վիճակին. զի մի́ լինիցի ասել ն(ո)ց(ա)՝ թէ ա́յս է յեզաբէլ։


Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ աքաաբու էին որդիք եւթանասուն ՛ի սամարիա։ եւ գրեաց յէու հրովարտակ՝ եւ առաքեաց ՛ի սամարիա առ իշխանսն սամարիայ եւ առ ծերս եւ առ դայեակսն աքաաբու՝ եւ ասէ։

Verse: 2  Link to sept   Իբրեւ հասանիցէ առ ձեզ հրովարտակդ այդ, ընդ ձեզ են որդիք տեառն ձերոյ, եւ ը(նդ) ձեզ կառք եւ երիվարք՝ եւ ը(նդ) ձեզ քաղաքք ամուրք՝ եւ զէնք.

Verse: 3  Link to sept   եւ տեսանիցէք զլաւ եւ զուղիղ յորդւոց տեառն ձերոյ, եւ հաստատեցէք զնա ՛ի վ(ե)ր(այ) աթոռոյ հօր իւրոյ. եւ տայցէք պատերազմ ՛ի վ(ե)ր(այ) տան տեառն ձերոյ։

Verse: 4  Link to sept   Եւ երկեան յոյժ, եւ ասեն. ահա երկու թագաւորքն ո́չ կալան զդէմ ն(ո)ր(ա), եւ մեք զիա՞րդ ունիցիմք զդէմ։

Verse: 5  Link to sept   Եւ առաքեցին ՛ի տանէն եւ ՛ի քաղաքէն, եւ ծերքն եւ դայեակք առ յէու՝ եւ ասեն. ծառա́յք քո եմք մեք, եւ զոր ինչ ասասցես մեզ՝ արասցուք. եւ ո́չ թագաւորեցուսցուք զոք, այլ զոր ինչ բարի́ է առաջի քո՝ արասցուք։

Verse: 6  Link to sept   Եւ գրեաց առ ն(ո)ս(ա) հրովարտակ երկրորդ՝ եւ ասէ. եթէ ի́մ էք դուք՝ եւ ձայնի իմում լսէք. առէ́ք զգլուխս արանց որդւոց տեառն ձերոյ՝ եւ բերէ́ք առ իս վաղիւ ՛ի սո́յն ժամու յեզրայէլ։ Եւ որդիք արքայի՝ էին ա́րք եւթանասուն. եւ ճոխք քաղաքին սնուցանէին զնոսա։

Verse: 7  Link to sept   Եւ եղեւ իբրեւ եհաս հրովարտակն առ նոսա, կալա́ն զորդիսն արքայի՝ եւ սպանին արս եւթանասուն, եւ եդին զգլուխս նոցա ՛ի կողովս, եւ առաքեցին առ նա ՛ի յեզրայէլ։

Verse: 8  Link to sept   Եւ եկն հրեշտակն եւ պատմեաց եւ ասէ, բերի́ն զգլուխս որդւոցն արքայի։ եւ ասէ. դի́ք զն(ո)ս(ա) երկուս զրահանս արտաքոյ քաղաքին մինչեւ յառաւօտ։

Verse: 9  Link to sept   Եւ եղեւ ընդ առաւօտն ե́լ եւ եկաց, եւ ասէ զա(մենայ)ն ժողովուրդն. արդա́ր էք դուք. ահաւասիկ ես յարեայ ՛ի վ(ե)ր(այ) տեառն իմոյ եւ սպանի զնա. տեսէ́ք զսոսա ափփով՝ ո՞ կոտորեաց.

Verse: 10  Link to sept   զի մի́ անկանիցի ՛ի բանէն տ(եառ)ն յերկիր, զոր խօսեցաւ տ(է)ր ՛ի վ(ե)ր(այ) տանն աքաաբու, եւ տ(է)ր արար զորինչ խօսեցաւ ՛ի ձեռն ծառայի իւրոյ եղիայ։

Verse: 11  Link to sept   Եւ եհար յէու զա(մենայ)ն մնացեալս ՛ի տանէ աքաաբու ՛ի յեզրայէլ, եւ զա(մենայ)ն մեծամեծս նորա, եւ զծանօթս նորա, եւ զքուրմս ն(ո)ր(ա), առ ՛ի չթողլոյ նմա մնացորդ։

Verse: 12  Link to sept   եւ յարեաւ գնաց, եւ չոգաւ ՛ի սամարիա։ Եւ մինչդեռ ՛ի բեթակադ՝ հովուաց ՛ի ճանապարհին էր.

Verse: 13  Link to sept   եւ եգիտ յէու զեղբարս ոքոզիայ արքայի յուդայ, եւ ասէ. ո՞յր էք դուք։ եւ ասեն, եղբարք ոքոզիայ եմք մեք, եւ իջաք յողջոյն որդւոց արքայի, եւ որդւոց զօրացելոյս։

Verse: 14  Link to sept   Եւ ասէ. կալարո́ւք զդոսա կենդանիս. եւ կալան զն(ո)ս(ա) կենդանիս, եւ կոտորեցին զն(ո)ս(ա) ՛ի բեթակադ՝ արս քառասուն եւ երկուս. եւ ո́չ մնաց ՛ի նոցանէ այր։

Verse: 15  Link to sept   Եւ գնա́ց անտի, եւ եգի́տ զյովնադաբ որդի ռեքաբայ ը(նդ) առա́ջ իւր, եւ օրհնեաց զնա։ եւ ասէ ցնա յէու. եթէ իցէ՞ սիրտ քո ուղիղ իբրեւ զսիրտ իմ, ըստ սրտի քում։ եւ ասէ յովնադաբ՝ է։ եւ ասէ յէու, եթէ իցէ, տո́ւր ցիս զձեռն քո, եւ ետ զձեռն իւր. եւ եհան զնա առ իւր ՛ի կառսն։

Verse: 16  Link to sept   եւ ասէ ցնա. ե́կ ընդիս՝ եւ տե́ս զնախանձ իմ վ(ա)ս(ն) տ(եառ)ն։ եւ նստոյց զնա ՛ի կառս իւր։

Verse: 17  Link to sept   եւ եմուտ ՛ի սամարիա, եւ եհար զա(մենայ)ն մնացորդս աքաաբու ՛ի սամարիա. մինչեւ ապականել նմա զնոսա ըստ բանին տ(եառ)ն զոր խօսեցա́ւ ընդ եղիայի։

Verse: 18  Link to sept   Եւ ժողովեաց յէու զա(մենայ)ն ժողովուրդն՝ եւ ասէ ցն(ո)ս(ա). աքաաբ ծառայեաց բահաղու սակա́ւ ինչ. յէու՝ ծառայեսցէ նմա բազո́ւմ։

Verse: 19  Link to sept   Եւ արդ՝ ա(մենայ)ն մարգարէք բահաղու, զա(մենայ)ն ծառայս ն(ո)ր(ա) եւ զքուրմս ն(ո)ր(ա) կոչեցէ́ք առիս։ եւ այր ոք մի վրիպեսցէ. զի զոհ մե́ծ է բահաղու։ եւ որ վրիպեսցէ, մի́ ապրեսցի։ եւ յէու արա́ր խաբանօք, զի կոտորեսցէ զծառայս բահաղու։

Verse: 20  Link to sept   Եւ ասէ յէու. սրբեցէ́ք նուէրս բահաղու։ եւ քարո́զ կարդացին։

Verse: 21  Link to sept   եւ առաքեա́ց յէու ընդ ա(մենայ)ն ի(սրա)էլ, եւ եկին ա(մենայ)ն ծառայքբահաղու. եւ ո́չ մնաց որ ո́չ եկն. եւ մտին ՛ի տունն բահաղու, եւ լցաւ տունն բահաղու ծայր ՛ի ծայր։

Verse: 22  Link to sept   Եւ ասէ յէու ցմիսթաղսն. հանէ́ք զպատմուճանսդ ա(մենայ)ն ծառայից բահաղու։ եւ հանին նոցա զպատմուճանս։

Verse: 23  Link to sept   Եւ եմուտ յէու՝ եւ յովնադաբ որդի ռեքեբայ ՛ի տունն բահաղու։ եւ ասէ ցծառայսն բահաղու. որոնեցէ́ք եւ տեսէ́ք՝ թէ իցէ՞ոք աստ ը(նդ) ձեզ ՛ի ծառայից տ(եառ)ն. բայց դուք միա́յն ծառայք բահաղու։

Verse: 24  Link to sept   եւ եմուտ առնել խո́ւնկս եւ ողջակէզս յէու։ Եւ յէու կացոյց իւր արտաքոյ երեքարեւր եւ ութսուն այր, եւ ասէ. այր որ ապրեսցէ́ յարանցն զոր ես հանեմ ՛ի ձեռս ձեր, ա́նձն նորա փոխանակ անձին նորա։

Verse: 25  Link to sept   Եւ եղեւ իբրեւ կատարեաց առնել զողջակէզսն, եւ ասէ յէու ցսուրհանդակսն եւ ցսպառազէնս. մտէ́ք հանէ́ք զն(ո)ս(ա), եւ այր մի́ ելցէ ՛ի նոցանէն. եւ հարին զն(ո)ս(ա) սրով սուսերի. եւ ընկեցին սուրհանդակքն եւ սպառազէնք. եւ գնացին մինչեւ ցքաղաք տանն բահաղու։

Verse: 26  Link to sept   եւ հանին զարձանն բահաղու, եւ այրեցին զնա։

Verse: 27  Link to sept   եւ կործանեցին զարձանն բահաղու, եւ քակեցին զտունն բահաղու, եւ կարգեցին զնա ՛ի լուալիս մինչեւ ցայսօր։

Verse: 28  Link to sept   եւ ապականեաց յէու զբահաղ յի(սրաէ)լէ։

Verse: 29  Link to sept   Բայց ՛ի մեղացն յերոբովամու որդւոյ նաբատայ որ յանցոյցն զի(սրա)էլ ո́չ մեկնեցաւ յէու, յերնջոցն ոսկեաց, որ ՛ի բեթէլ եւ ՛ի դան։

Verse: 30  Link to sept   Եւ ասէ տ(է)ր ցյէու, փոխանակ զի քաջացար առնել ուղղութի(ւն) առաջի իմ, ըստ ա(մենայ)նի՝ որինչ ՛ի սրտի իմում արարե́ր տանն աքաաբու. որդիք չորրո́րդք նստցին քեզ յաթոռ ի(սրաէ)լի։

Verse: 31  Link to sept   Եւ յէու ո́չ զգուշացաւ գնալ յօրէնս տ(եառ)ն ա(ստուծո)յ ի(սրաէ)լի յա(մենայ)ն սրտէ իւրմէ. եւ ո́չ մեկնեցաւ ՛ի մեղացն յերոբովամայ որ յանցո́յցն զի(սրա)էլ։

Verse: 32  Link to sept   Յաւուրսն յայնոսիկ սկսաւ տ(է)ր կոտորել յա(մենայ)ն սահմանս ի(սրաէ)լի. եւ եհար զնոսա ազայէլ յա(մենայ)ն սահմանս ի(սրաէ)լի,

Verse: 33  Link to sept   ՛ի յորդանանէ եւ ընդ արեւելս, զա(մենայ)ն երկիրն զգաղաադ եւ զգադայ՝ եւ զռոբենի՝ եւ զմանասէի. յարոյերայ, որ է յեզեր հեղեղատին առնովնայ, եւ զգաղաադ եւ զբասան։

Verse: 34  Link to sept   Եւ զմնացորդք բանիցն յէուայ եւ ա(մենայ)ն ինչ զոր արար, եւ ա(մենայ)ն զօրու(թ)ի(ւն) ն(ո)ր(ա), եւ ա(մենայ)ն խումբքն զոր խմբեաց. ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 35  Link to sept   Եւ ննջեա́ց յէու ընդ հարս իւր, եւ թաղեցին զնա ՛ի սամարիա. եւ թագաւորեաց յովաքազ որդի ն(ո)ր(ա) ը(նդ) ն(ո)ր(ա)։

Verse: 36  Link to sept   Եւ աւուրք զորս թագաւորեաց յէու՝ ՛ի վերայ ի(սրաէ)լի ամս քսան եւ ութ ՛ի սամարիա։


Chapter: 11 
ԳԼ(ՈՒԽ) Ժ՜.


Verse: 1  Link to sept   Եւ գոդողիա մա́յր ոքոզիայ, ետես եթէ մեռան որդիք ն(ո)ր(ա), կորո́յս զա(մենայ)ն զաւակ թագաւորութե(ա)ն։

Verse: 2  Link to sept   Եւ ա́ռ յովսաբէէ դուստր արքայի յովրամայ եղբայր ոքոզիայ, զյովաս զորդի ոքոզիայ, եւ գողացաւ զնա ՛ի միջոյ որդւոցն արքայի սպանելոցն, զնա́ եւ զդայեակ ն(ո)ր(ա) ՛ի սենեկի ընկողնոց, եւ թաքոյց զնա յերեսաց գոդողիայ՝ եւ ո́չ մեռաւ։

Verse: 3  Link to sept   Եւ է́ր ը(նդ) նմա ՛ի տան տ(եառ)ն թաքուցեալ ամս վեց։ եւ գոդողիա թագաւորեալ էր ՛ի վ(ե)ր(այ) երկրին։

Verse: 4  Link to sept   Եւ յամին եւթներորդի առաքեաց յովիդայէ, եւ ա́ռ զհարիւրապետսն, եւ զքոռին եւ զռասիմ եւ ած զնոսա ՛ի տուն տ(եառ)ն, եւ ուխտեաց ն(ո)ց(ա) զուխտ տ(եառ)ն, եւ եցոյց ն(ո)ց(ա) յովիդայէ զորդին արքայի։

Verse: 5  Link to sept   Եւ պատուէ́ր ետ նոցա՝ եւ ասէ. ա́յս բան է զոր առնիցէք. երրո́րդ մասն ՛ի ձէնջ մտցէ շաբաթամուտ. եւ պահեսջի́ք զպահպանու(թ)ի(ւն) տանն արքունի ՛ի դրանն.

Verse: 6  Link to sept   եւ երրորդ մասն ՛ի դրան ճանապարհացն. եւ երրորդ մասն ՛ի դրան զկնի օժընդակացն՝ պահեսջիք զպահպանութի(ւն) տանն։

Verse: 7  Link to sept   Եւ երկու ձեռք ՛ի ձեզ. ա(մենայ)ն որ ելանիցէ ընդ շաբաթամուտսն զգուշանալ տանն տ(եառ)ն. զգուշասցի́ պահպանութ(եամ)բ տանն տ(եառ)ն արքայի.

Verse: 8  Link to sept   եւ պատեսջի́ք զարքայիւ. ա́յր, եւ գործի իւր ՛ի ձեռին իւրում։ եւ որ մտանիցէ ՛ի սադերովթն՝ մեռցի։ եւ ինքն էր ընդ արքայի ՛ի մտանելն նորա եւ յելանելն ն(ո)ր(ա)։

Verse: 9  Link to sept   Եւ արարին հարիւրապետքն՝ զա(մենայ)ն զոր պատուիրեաց յովիդայէ իմաստուն։ եւ առնոյր այր զարս իւր, եւ զմտօղսն ՛ի շաբաթամուտսն հանդերձ ելողօքն ՛ի շաբաթամտէն. եւ մտանէր առ յովիդայէ քահանայ։

Verse: 10  Link to sept   Եւ ե́տ քահանայն հարիւրապետացն գեղարդունսն, եւ զբովանդակ զէնն արքայի դաւթի որ կայր ՛ի տանն տ(եառ)ն։

Verse: 11  Link to sept   Եւ յարեան օժընդակքն՝ ա́յր եւ գործի իւր ՛ի ձեռին իւրում. յաջոյ ուսոյ տանն, մինչեւ ցձախոյ ուս տանն եւ սեղանոյն, եւ տանն արքունի շուրջանակի։

Verse: 12  Link to sept   Եւ առաքեաց զարքայորդին, եւ եդ ՛ի վ(ե)ր(այ) ն(ո)ր(ա) զյեզերն եւ զվկայութի(ւն)ն. եւ թագաւորեցոյց զնա՝ եւ օծ զնա. եւ ծա́փս եհար եւ ասէ. կեցցէ́ արքայ։

Verse: 13  Link to sept   Եւ լուաւ գոդողիա զձայն ընթանալոյ ժողովրդեանն, եւ եմուտ առ ժողովուրդն ՛ի տունն տ(եառ)ն։

Verse: 14  Link to sept   եւ ետես, եւ ահա կայր ՛ի վ(ե)ր(այ) սեանն՝ ըստ օրինի իւրում, եւ երգիչք եւ փողարք շուրջ զարքայիւ. եւ ա(մենայ)ն ժողովուրդք երկրին խնդային, եւ փողս հարկանէին փողովք։ եւ պատառեաց գոդողիա զհանդերձս իւր, աղաղակեաց եւ ասէ, դա́ւ է, դա́ւ է։

Verse: 15  Link to sept   Եւ պատուէ́ր ետ յովիդայէ քահանայ հարիւրապետացն ոստիկանաց զօրուն՝ եւ ասէ ցնոսա. հանէ́ք զդա ՛ի ներքուստ սադերովթայդ, եւ որ մտանիցէ զկնի դորա՝ մեռցի́ սրով. քանզի ասաց քահանայն թէ մի́ մեռցի տանն տ(եառ)ն։

Verse: 16  Link to sept   Եւ արկին ձեռն ՛ի նա, եւ մտին ը(նդ) ճանապարհ մտից երիվարաց տանն արքունի, եւ մեռաւ անդ։

Verse: 17  Link to sept   Եւ ուխտեաց յովիդայէ ուխտ ՛ի մէջ տ(եառ)ն՝ եւ ՛ի մէջ արքայի, եւ ՛ի մէջ ժողովրդեան, լինել ժողովուրդ տ(եառ)ն եւ ՛ի մէջ արքայի եւ ՛ի մէջ ժողովրդեանն։

Verse: 18  Link to sept   Եւ եմուտ ա(մենայ)ն ժողովուրդ երկրին ՛ի տուն բահաղու, եւ կործանեցին զնա՝ եւ զսեղանս ն(ո)ր(ա), եւ զպատկերս ն(ո)ր(ա) խորտակեցին մանր։ եւ զմաթան զքուրմսն բահաղու սպանին յանդիման սեղանոյն։ Եւ եդ քահանայն ոստիկանս ՛ի տան տ(եառ)ն։

Verse: 19  Link to sept   եւ ա́ռ զհարիւրապետսն՝ եւ զքոռին՝ եւ զռասիմ, եւ զա(մենայ)ն ժողովուրդ երկրին, եւ իջուցին զարքայ ՛ի տանէ տ(եառ)ն։ եւ եմուտ ը(նդ) ճանապարհն սուրհանդակաց դրան տանն արքունի, եւ նստոյց զնա յաթոռն թագաւորաց։

Verse: 20  Link to sept   Եւ ուրա́խ եղեւ ա(մենայ)ն ժողովուրդ երկրին. եւ քաղաքն դադարեաց։ եւ զգոդողիայ սպանին սրով ՛ի տա́ն արքայի։

Verse: 21  Link to sept   Որդի եւթն ամաց յովաս ՛ի թագաւորե́լ իւրում։


Chapter: 12 
ԳԼ(ՈՒԽ) Ժ՜.


Verse: 1  Link to sept   Յամին եւթներորդի յէուայ թագաւորեա́ց յովաս. եւ քառասուն ամ թագաւորեաց յե(րուսաղէ)մ։ եւ անուն մօր ն(ո)ր(ա) սաբիա ՛ի բերսաբէէ։

Verse: 2  Link to sept   եւ արա́ր յովաս ուղղութի(ւն) առաջի տ(եառ)ն զա(մենայ)ն աւուրս զորս լուսաւորեաց զնա յովիդայէ քահանայ։

Verse: 3  Link to sept   Բայց ՛ի բարձանցն ո́չ մեկնեցան. եւ ա́նդ տակաւին զոհէր ժողովուրդն, եւ արկանէր խունկս ՛ի բարձունսն։

Verse: 4  Link to sept   Եւ ասէ յովաս ցքահանայսն. զա(մենայ)ն արծաթ սրբութե(ան)ցն մտեալ ՛ի տուն տ(եառ)ն՝ արծաթ՝ իւրաքանչիւր առն անցելոյ ՛ի համարի ոգւոց, զա(մենայ)ն արծաթ որ անկանիցի ՛ի սիրտ մարդոյ բերել ՛ի տուն տ(եառ)ն.

Verse: 5  Link to sept   առցե́ն յիւրեանս քահանայքն, ա́յր իւրաքանչիւր ՛ի վաճառէ իւրեանց. եւ նոքա կազմեսցեն զբեդեկ տանն տ(եառ)ն. յա(մենայ)ն իմիք ուր գտանիցի անդ բեդեկ։

Verse: 6  Link to sept   Եւ եղեւ ՛ի քսաներորդի եւ յերկրորդի ամի յովասու արքայի՝ ո́չ կազմեցին քահանայքն զբեդեկ տանն տ(եառ)ն։

Verse: 7  Link to sept   Եւ կոչեաց արքայ յովաս զյովիդայէ քահանայ, եւ զքահանայսն՝ եւ ասէ ցն(ո)ս(ա). ընդէ՞ր ո́չ կազմեցէք զբեդեկ տանն տ(եառ)ն։ եւ արդ՝ մի́ եւս առնուցուք արծաթ յա(մենայ)ն վաճառացն ձերոց, այլ ՛ի բեդեկ տանն տ(եառ)ն տաջիք զայն։

Verse: 8  Link to sept   Եւ ուխտեցին քահանայքն չառնուլ արծաթ ՛ի ժողովրդենէն, եւ ո́չ կազմել զբեդեկ տանն։

Verse: 9  Link to sept   Եւ ա́ռ յովիդայէ քահանայ տապանա́կ մի՝ եւ ծակեաց ծակ ՛ի բերան ն(ո)ր(ա), եւ եդ զնա ՛ի կողմանէ սեղանոյն տ(եառ)ն. եւ ետուն քահանայքն՝ որ պահէին զդուռնն՝ զա(մենայ)ն արծաթ գտեալ ՛ի տանն տ(եառ)ն։

Verse: 10  Link to sept   Եւ եղեւ իբրեւ ետես թէ բազո́ւմ է ՛ի տապանակի անդ, ել դպրապետն արքունի՝ եւ քահանայն մեծ. եւ պնդեցին զարծաթն գտեալ ՛ի տան տ(եառ)ն։

Verse: 11  Link to sept   եւ ետուն զարծաթն եւ զպատրաստեալն ՛ի ձեռս գործելեաց զգործս կահու տանն տ(եառ)ն։ եւ ետուն զհիւսունս փայտից՝ եւ ցշինօղս գործել ՛ի տան տ(եառ)ն.

Verse: 12  Link to sept   եւ ցնկարիչս՝ եւ ցճարտարս՝ եւ ցքարակոփս քարանց դնել փայտ եւ քարս տաշեալս, կազմել զբեդեկ տան տ(եառ)ն. յա(մենայ)ն ինչ յոր ելանիցէ ՛ի տունն կազմել։

Verse: 13  Link to sept   Բայց զի մի́ լինիցին տանն տ(եառ)ն դրունք արծաթիք, եւ բեւեռք, եւ տաշտք, եւ փողք. ա(մենայ)ն անօթ ոսկի եւ անօթ արծաթի՝ յարծաթոյ մտելոյ ՛ի տուն տ(եառ)ն.

Verse: 14  Link to sept   այլ զի գործօնաց գործոյն տացեն զայն, եւ կազմեսցեն զտունն տ(եառ)ն։

Verse: 15  Link to sept   Եւ ո́չ առնէին համար արանցն յորոց ձեռս տային զարծաթն, տա́լ գործաւորաց գործոյն, զի յաւատ գործէին։

Verse: 16  Link to sept   եւ արծաթ վասն մեղաց եւ վ(ա)ս(ն) յանցանաց՝ ո́չ մտանէր ՛ի տուն տ(եառ)ն, այլ քահանայիցն լինէր։

Verse: 17  Link to sept   Յայնժամ ե́լ ազայէլ արքայ ասորւոց, եւ ետ պատերազմ ընդ գեթայ՝ եւ ա́ռ զնա։ եւ եդ ազայէլ զերեսս իւր ելանել ՛ի վ(ե)ր(այ) ե(րուսաղէ)մի։

Verse: 18  Link to sept   Եւ ա́ռ յովաս արքայ յուդայ զա(մենայ)ն զսրբութի(ւն)սն զոր սրբեաց յովսափատ, եւ յովրամ, եւ ոքոզիա հարք ն(ո)ր(ա). եւ թագաւորք յուդայ, եւ զիւր սրբութի(ւն)սն, եւ զա(մենայ)ն արծաթ գտեալ ՛ի գանձս տան տ(եառ)ն՝ եւ ՛ի տան թագաւորին. եւ առաքեաց ազայէլի արքայի ասորւոց, եւ գնա́ց յե(րուսաղէ)մէ։

Verse: 19  Link to sept   Եւ մնացորդք բանիցն յովասու, եւ ա(մենայ)ն ինչ զոր արար. ո՞չ աւանիկ գրել են ՛ի գիրս բանից աւուրց թագաւորացն յուդայ։

Verse: 20  Link to sept   Եւ յարեան ծառայք ն(ո)ր(ա), եւ եդին նմա դաւաՃանութի(ւն), եւ հարին զյովաս ՛ի տան մաալոնայ բնակեալ ՛ի գաղաադ։

Verse: 21  Link to sept   եւ յովաքազար որդի յեմաւութայ՝ եւ յեզեբութ որդի ն(ո)ր(ա), պանտանդք ծառայք ն(ո)ր(ա)՝ հարին զնա եւ սպանին. եւ թաղեցին զնա ընդ հարս իւր ՛ի քաղաքի դաւթի։ եւ թագաւորեաց ամեսսիա որդի ն(ո)ր(ա) ընդ նորա։



Chapter: 13 
ԳԼ(ՈՒԽ) Ժ՜.


Verse: 1  Link to sept   ՛Ի քսաներորդի եւ երկրորդի ամի յովասու որդւոյ ոքոզիայ արքայի յուդայ, թագաւորեա́ց յովաքազ որդի յէուայ ՛ի վ(ե)ր(այ) ի(սրաէ)լի ՛ի սամարիա ամս եւթնուտասն։

Verse: 2  Link to sept   Եւ արար չա́ր առաջի տ(եառ)ն, եւ գնաց զհետ մեղացն յերոբովամայ որդւոյ նաբատայ՝ որ յանցոյցն զի(սրա)էլ, եւ ո́չ մեկնեցաւ ՛ի նոցանէն։

Verse: 3  Link to sept   Եւ բարկացաւ սրտմտութ(եամ)բ տ(է)ր ի(սրաէ)լի, եւ ետ զն(ո)ս(ա) ՛ի ձեռս ազայելի արքայի ասորւոց, եւ ՛ի ձեռն որդւոյ ադերայ որդւոյ ազայելի զա(մենայ)ն աւուրս։

Verse: 4  Link to sept   Եւ աղաչեաց յովաքազ զերեսս տ(եառ)ն. եւ լուաւ նմա տ(է)ր. զի ետես զնեղու(թ)ի(ւն) ի(սրաէ)լի՝ զոր նեղեաց զնա արքայն ասորւոց։

Verse: 5  Link to sept   Եւ ետ տ(է)ր փրկիչ ի(սրաէ)լի. եւ ել ՛ի ձեռանէ ասորւոց։ եւ նստան որդիքն ի(սրաէ)լի ՛ի բնակութի(ւն)ս իւրեանց ո(ր)պ(էս) յերէկն եւ յեռանդ։

Verse: 6  Link to sept   Սակայն ո́չ մեկնեցան ՛ի մեղացն յերոբովամայ որդւոյ նաբատայ որ յանցոյցն զի(սրա)էլ, այլ ՛ի ն(ո)ս(ա) գնացին։ նա՝ եւ անտառն կա́յր ՛ի սամարիա։

Verse: 7  Link to sept   Եւ ո́չ մնաց յովաքազայ զօր, այլ հեծեալք յիսուն՝ եւ կառք տասն, եւ տասն հազար հետեւակաց. զի կորոյս զն(ո)ս(ա) արքայն ասորւոց, եւ եդ զն(ո)ս(ա) իբրեւ զհող ՛ի կոխումն։

Verse: 8  Link to sept   Եւ մնացորդք բանից յովաքազու՝ եւ ա(մենայ)ն ինչ զոր արար՝ եւ զօրութի(ւն)ք ն(ո)ր(ա), ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 9  Link to sept   Եւ ննջեաց յովաքազ ընդ հարս իւր, եւ թաղեցին զնա ընդ հարս ն(ո)ր(ա) ՛ի սամարիա։
   Եւ թագաւորեաց յովաս որդի ն(ո)ր(ա) ընդ ն(ո)ր(ա)։

Verse: 10  Link to sept   Յամի երեսներորդի եւ եւթներորդի յովասու արքայի յուդայ՝ թագաւորեաց յովաս որդի յովաքազու ՛ի վերայ ի(սրաէ)լի ՛ի սամարիա ամս երկոտասան։

Verse: 11  Link to sept   Եւ արար չա́ր առաջի տ(եառ)ն, եւ ո́չ մեկնեցաւ յա(մենայ)ն մեղաց յերոբովամու որդւոյ նաբատայ որ յանցոյցն զի(սրա)էլ, այլ ՛ի նոսա́ գնաց։

Verse: 12  Link to sept   Եւ մնացորդք բանից յովասու՝ եւ ա(մենայ)ն ինչ զոր արար, եւ զօրութի(ւն)ք ն(ո)ր(ա) զոր արա́ր ընդ արքային յուդայ, ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 13  Link to sept   Եւ ննջեա́ց յովաս ընդ հարս իւր. եւ յերոբովամ նստաւ յաթոռ ն(ո)ր(ա). եւ թաղեցաւ յովաս ՛ի սամարիա ընդ թագաւորս ի(սրաէ)լի։

Verse: 14  Link to sept   Եւ եղիսեէ հիւանդացաւ հիւանդութի(ւն), որ եւ մեռաւ իսկ։ եւ էջ առ նա յովաս արքայ ի(սրաէ)լի, եւ ելաց ՛ի վերայ երեսաց ն(ո)ր(ա)՝ եւ ասէ. հա́յր՝ հա́յր, կառքդ ի(սրաէ)լի եւ հեծեալք ն(ո)ր(ա)։

Verse: 15  Link to sept   Եւ ասէ ցնա եղիսեէ. ա́ռ դու զաղեղն քո՝ եւ զնետս քո։ եւ ա́ռ զաղեղն եւ զնետս։

Verse: 16  Link to sept   եւ ասէ ցարքայն ի(սրաէ)լի. մո́ւտ ընդ աղեղնդ ձեռօք քովք։ եւ եմուտ ընդ աղեղնն ձեռօք իւրովք։ եւ ե́դ եղիսեէ զձեռն իւր ՛ի վ(ե)ր(այ) ձեռաց արքային.

Verse: 17  Link to sept   եւ ասէ. բա́ց զպատուհանդ որ է ընդ արեւելս. եւ եբա́ց։ եւ ասէ եղիսեէ. ձգեա́. եւ ձգեաց։ եւ ասէ նե́տ փրկութե(ան) տ(եառ)ն, եւ նետ փրկութե(ան) ընդդէմ ասորւոց. եւ հարցես զասորիս յափեկ մինչեւ ՛ի սպառ։

Verse: 18  Link to sept   Եւ ասէ ցնա եղիսեէ։ ա́ռ դու քեզ նետս եւ առ։ եւ ասէ ցարքայն ի(սրաէ)լի։ ձգեա́ եւ հա́ր զգետինդ։ եւ եհար արքայն երիցս՝ եւ եկաց։

Verse: 19  Link to sept   Եւ տրտմեցաւ ՛ի վերայ ն(ո)ր(ա) այրն ա(ստուծո)յ, եւ ասէ՝ եթէ հարեալէիր հնգի́ցս՝ կամ վեցի́ցս, յա́յնժամ հարկանէիր զասորիս մինչեւ ՛ի սպառ. եւ արդ՝ երի́ցս հարցես զասորիս։

Verse: 20  Link to sept   Եւ մեռաւ եղիսեէ, եւ թաղեցի́ն զնա։ Եւ մեկնակազէնքն մովաբու ելին յերկիրն ՛ի գալ տարւոյն։

Verse: 21  Link to sept   եւ եղեւ ՛ի թաղել ն(ո)ց(ա) զայր մի. եւ ահա տեսին զմեկնակազէնսն՝ եւ ընկեցին զայրն ՛ի գերեզմանն եղիսէի. եւ գնաց եւ մերձեցաւ յոսկերսն եղիսէի՝ եւ կենդանացաւ. եւ կանգնեցաւ ՛ի վ(ե)ր(այ) ոտից իւրոց։

Verse: 22  Link to sept   Եւ ազայէլ արքայ ասորւոց նեղեաց զի(սրա)էլ զա(մենայ)ն աւուրս յովաքազու։

Verse: 23  Link to sept   եւ ողորմեցաւ ն(ո)ց(ա) տ(է)ր, եւ գթացաւ ՛ի նոսա, եւ հայեցաւ ՛ի ն(ո)ս(ա), վ(ա)ս(ն) ուխտին իւրոյ՝ որ ընդ աբրաամու եւ ընդ սահակայ եւ ընդ յակոբու. եւ ո́չ կամեցաւ տ(է)ր ապականել զն(ո)ս(ա). եւ ո́չ ընկէց զն(ո)ս(ա) յերեսաց իւրոց։

Verse: 24  Link to sept   Եւ մեռաւ ազայէլ արքայ ասորւոց, եւ թագաւորեաց որդի ադերայ՝ որդի ն(ո)ր(ա) ընդ ն(ո)ր(ա)։

Verse: 25  Link to sept   Եւ դարձաւ յովաս որդի յովաքազու, եւ ա́ռ զքաղաքսն ՛ի ձեռաց որդւոյ ադերայ՝ որդւոյ ազայելի. զորս ա́ռ ՛ի ձեռաց յովաքազու հօր ն(ո)ր(ա) ՛ի պատերազմին։ երիցս եհար զնա յովաս, եւ դարձոյց զքաղաքսն ի(սրաէ)լի։


Chapter: 14 
ԳԼ(ՈՒԽ) Ժ՜.


Verse: 1  Link to sept   Յամին երրորդի յովասու որդւոյ յովաքազու արքայի ի(սրաէ)լի, թագաւորեա́ց ամասիա որդի յովասու թագաւոր յուդայ։

Verse: 2  Link to sept   Որդի քսանեւհինգ ամա́ց էր ՛ի թագաւորել իւրում. եւ քսան եւ ինն ամ թագաւորեաց յե(րուսաղէ)մ։ եւ անուն մօր նորա յովադին յե(րուսաղէ)մէ։

Verse: 3  Link to sept   Եւ արար ուղղութի(ւն) առաջի տ(եառ)ն, բայց ո́չ իբրեւ զդաւիթ զհայր իւր։ ըստ ա(մենայ)նի զոր ինչ արար յովաս՝ հայր իւր արար։

Verse: 4  Link to sept   այլ զբարձունսն ո́չ եբարձ. եւ տակաւին ժողովուրդն զոհէր. եւ արկանէր խունկս ՛ի բարձունսն։

Verse: 5  Link to sept   Եւ եղեւ իբրեւ հաստատեցաւ թագաւորութի(ւն)ն ՛ի ձեռս ն(ո)ր(ա), եւ եհար զծառայս իւր ու հարին զարքայ զհայր ն(ո)ր(ա).

Verse: 6  Link to sept   եւ զորդիս սպանողացն ո́չ սպան. ո(ր)պ(էս) գրեալ է ՛ի գիրս օրինացն մովսիսի. զորօրինակ պատուիրեաց տ(է)ր՝ եւ ասէ. մի́ մեռցին հարք վ(ա)ս(ն) որդւոց, եւ մի́ որդիք մեռցին վ(ա)ս(ն) հարց. այլ իւրաքանչիւրոք ՛ի մե́ղս իւրում մեռցի։

Verse: 7  Link to sept   Նա եհար զեդոմ ՛ի մայիլա տա́սն հազար, եւ ա́ռ զվէմն պատերազմաւ. եւ կոչեաց զանուն ն(ո)ր(ա) յեկթովէ́լ մինչեւ ցայսօր։

Verse: 8  Link to sept   Յա́նմ ժամանակի առաքեաց ամասիա հրեշտակս առ յովաս որդի յովաքազու որդւոյ յէուայ արքայի ի(սրաէ)լի՝ եւ ասէ. ե́կ յանդիմա́ն լիցուք միմեանց երեսօք։

Verse: 9  Link to sept   Եւ առաքեաց յովաս արքայ ի(սրաէ)լի առ ամասիա արքայ յուդայ՝ եւ ասէ. ակքան ՛ի լիբանանէ յղեաց առ եղեւնափայտն որ ՛ի լիբանան՝ եւ ասէ, տո́ւր զդուստր քո որդւոյ իմում կնու(թ)ե(ան), եւ անցին գազանք անապատի որ ՛ի լիբանան՝ եւ կոխեցին զակքանն։

Verse: 10  Link to sept   Հարկանելով հարե́ր զեդոմ, եւ հպարտացո́յց զքեզ սիրտ քո. մեծարեա́ց եւ նի́ստ ՛ի տան քում. եւ ընդէ՞ր գրգռէ զքեզ չարութի(ւն) քո, եւ անկանիցիս դու եւ յուդայ ընդ քեզ։

Verse: 11  Link to sept   Եւ ո́չ անսաց ամասիա։ Եւ ե́լ յովաս արքայ ի(սրաէ)լի, եւ երեւեցան երեսօք ինքն եւ ամասիա արքայ յուդայ ՛ի բեթսամեւս հրէաստանի։

Verse: 12  Link to sept   եւ պարտեցա́ւ յուդայ յերեսաց ի(սրաէ)լի, եւ փախեաւ ա́յր իւրաքանչիւր ՛ի բնակու(թ)ի(ւն) իւր։

Verse: 13  Link to sept   Եւ զամասիա զարքայ յուդայ՝ զորդի յովասու որդւոյ յովաքազեայ՝ կալաւ յովաս որդի յովաքազու արքայ ի(սրաէ)լի ՛ի բեթսամեւս. եւ եկն յե(րուսաղէ)մ, եւ եհատ զպարիսպն ե(րուսաղէ)մի ՛ի դրանէ եփրեմի մինչեւ ՛ի դուռն տնկեանցն, չորեքհարեւր կանգուն։

Verse: 14  Link to sept   Եւ ա́ռ զոսկի եւ զարծաթ եւ զա(մենայ)ն անօթս գտեալ ՛ի տանն տ(եառ)ն, եւ ՛ի գանձս տան թագաւորին, եւ զորդիս խառնակու(թ)ե(ան)ցն. եւ դարձաւ ՛ի սամարիա։

Verse: 15  Link to sept   Եւ մնացորդք բանից յովասու՝ եւ որ ինչ արար զօրութ(եամ)բ իւրով, եւ պատերազմն զոր պատերազմեցաւ ընդ ամեսեայ արքայի յուդայ, ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 16  Link to sept   Եւ ննջեաց յովաս ընդ հարս իւր, եւ թաղեցաւ ՛ի սամարիա ը(նդ) թագաւորս ի(սրաէ)լի. եւ թագաւորեաց յերոբովամ որդի ն(ո)ր(ա) ը(նդ) ն(ո)ր(ա)։

Verse: 17  Link to sept   Եւ եկաց ամասիա որդի յովասու՝ արքայ յուդայ՝ յե́տ մահուանն յովասու որդւոյ յովաքազայ թագաւորի ի(սրաէ)լի՝ ամս հնգետասան։

Verse: 18  Link to sept   Եւ մնացորդք բանից ամասեայ՝ եւ ա(մենայ)ն ինչ զոր արար, ո՞չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 19  Link to sept   Եւ գումարեցան ՛ի վ(ե)ր(այ) ն(ո)ր(ա) գունդք յե(րուսաղէ)մ, եւ փախեաւ ՛ի լաքիս. եւ առաքեցին զկնի ն(ո)ր(ա) ՛ի լաքիս՝ եւ սպանի́ն զնա անդ։

Verse: 20  Link to sept   եւ բարձին զնա ձիովք, եւ թաղեցա́ւ յե(րուսաղէ)մ ընդ հարս իւր ՛ի քաղաքի́ դաւթի։

Verse: 21  Link to sept   Եւ ա́ռ ա(մենայ)ն ժողովուրդն յուդայ զազարիա, եւ նա՝ էր ամաց վեշտասանից, եւ թագաւորեցուցին զնա փոխանակ հօր իւրոյ ամասեայ։

Verse: 22  Link to sept   Նա́ շինեաց զելաթ. եւ դարձոյց զնա անդրէն ՛ի յուդայ, յետ ննջելոյ արքայի ընդ հա́րս իւր։

Verse: 23  Link to sept   Յամի հնգետասաներորդի ամասիայ որդւոյ յովասու՝ արքայի յուդայ, թագաւորեաց յերոբովամ որդի յովասու արքայի ի(սրաէ)լի ՛ի վ(ե)ր(այ) ի(սրաէ)լի ՛ի սամարիա՝ ամս քառասուն եւ մի։

Verse: 24  Link to sept   եւ արար չա́ր առաջի տ(եառ)ն. եւ ո́չ մեկնեցաւ յա(մենայ)ն մեղաց յերոբովամայ որդւոյ նաբատայ՝ որ յանցոյցն զի(սրա)էլ։

Verse: 25  Link to sept   Նա́ մերժեաց զսահմանս ի(սրաէ)լի ՛ի մտիցն եմաթայ մինչեւ ցծովն արաբայ ըստ բանին տ(եառ)ն ա(ստուծո)յ ի(սրաէ)լի՝ զոր խօսեցաւ ՛ի ձեռն ծառայի իւրոյ յովնանու որդւոյ ամաթեայ մարգարէի ՛ի գեթքոբերայ.

Verse: 26  Link to sept   զի ետես զտառապանս ի(սրաէ)լի զյո́յժ դառնու(թ)ե(ան), եւսակաւաւորս եւ նեղեալս, եւ անօսրացեալս եւ լքեալս, եւ ո́չոք էր որ օգնէր ի(սրաէ)լի։

Verse: 27  Link to sept   Եւ ո́չ խօսեցաւ տ(է)ր ջնջել զզաւակ ի(սրաէ)լի ՛ի ներքոյ երկնից. եւ փրկեաց զն(ո)ս(ա) տ(է)ր ՛ի ձեռաց յերոբովամու որդւոյ յովասու։

Verse: 28  Link to sept   Եւ մնացորդք բանից յերոբովամայ, եւ ա(մենայ)ն ինչ զոր արար, եւ զօրու(թ)ի(ւն)ք ն(ո)ր(ա) զոր պատերազմեցաւ. եւ ո՞(ր)պ(էս) դարձոյց զդամասկոս՝ եւ զեմաթ անդրէն առ յուդայ յի(սրա)էլէ։ ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 29  Link to sept   Եւ ննջեաց յերոբովամ ընդ հարս իւր՝ ընդ թագաւորս ի(սրաէ)լի, եւ թագաւորեաց աքարիա որդի ն(ո)ր(ա) փոխանակ հօր իւրոյ։


Chapter: 15 
ԳԼ(ՈՒԽ) Ժ՜.


Verse: 1  Link to sept   Յամի́ քսաներորդի եւթներորդի յերոբովամայ արքայի ի(սրաէ)լի, թագաւորեաց ազարիա որդի ամեսեայ արքայի յուդայ։

Verse: 2  Link to sept   Որդի վեշտասան ամաց էր ՛ի թագաւորել իւրում. եւ յիսուն եւ երկուս ամս թագաւորեաց յե(րուսաղէ)մ. եւ անուն մօր ն(ո)ր(ա) յեքելի յե(րուսաղէ)մէ։

Verse: 3  Link to sept   Եւ արար բարի́ առաջի տ(եառ)ն ը(նդ) ա(մենայ)նի զոր արար ամասիա հայր ն(ո)ր(ա)։

Verse: 4  Link to sept   բա́ց ՛ի բարձանցն զոր ո́չ եբարձ։ եւ տակաւին ժողովուրդն զոհէր եւ արկանէր խունկս ՛ի բարձունսն։

Verse: 5  Link to sept   Եւ արկ տ(է)ր ձեռն ՛ի թագաւորն, եւ էր բորոտեալ մինչեւ ցօր մահուն իւրոյ. եւ նստէր ՛ի տան ափփուսովթ։ եւ յովաթամ որդի արքայի է́ր ՛ի վ(ե)ր(այ) տանն դատել զժողովուրդ երկրին։

Verse: 6  Link to sept   Եւ մնացորդք բանից ազարիայ, եւ ա(մենայ)ն ինչ զոր արար. ո՞չ աւանիկ գրեալեն ՛ի գիրս բանից աւուրց թագաւորացն յուդայ։

Verse: 7  Link to sept   Եւ ննջեաց ազարիա ընդ հարս իւր, եւ թաղեցին զնա առ հարս իւր ՛ի քաղաքի դաւթի։ եւ թագաւորեաց յովաթամ որդի ն(ո)ր(ա) ընդ նորա։

Verse: 8  Link to sept   Յամի երեսներորդի եւթներորդի ազարիայ արքայի յուդայ՝ թագաւորեաց զաքարիա որդի յերոբովամայ ՛ի վ(ե)ր(այ) ի(սրաէ)լի ՛ի սամարիա ամիսս վեց։

Verse: 9  Link to sept   Եւ արա́ր չար առաջի տ(եառ)ն որպէս արարին հարք ն(ո)ր(ա), եւ ո́չ մեկնեցաւ ՛ի մեղացն յերոբովամայ որդւոյ նաբատայ որ յանցոյցն զի(սրա)էլ։

Verse: 10  Link to sept   Եւ գումարեցան ՛ի վ(ե)ր(այ) ն(ո)ր(ա) սեղղում որդի յաբիսայ, եւ կեբդաամ, եւ հարին զնա յանդիման ժողովրդեանն եւ սպանին զնա։ եւ թագաւորեաց սեղղում ը(նդ) ն(ո)ր(ա)։

Verse: 11  Link to sept   Եւ մնացորդք բանից զաքարիայ, ահա գրեալ են ՛ի գիրս բանից աւուրց թագաւորացն ի(սրաէ)լի։

Verse: 12  Link to sept   Ա́յս է բան տ(եառ)ն՝ զոր խօսեցաւ առ յէու եւ ասէ. որդիք չորրո́րդք նստցին քեզ յաթոռ ի(սրաէ)լի. եւ եղեւ այնպէս։

Verse: 13  Link to sept   Եւ սեղղում որդի յաբիսայ թագաւորեաց յամին երեսներորդի ութերորդի ազարիայ արքայի յուդայ։ եւ թագաւորեաց սեղղում ամսօրեայ մի աւուրց ՛ի սամարիա։

Verse: 14  Link to sept   Եւ ել մանայեմ որդի գադդայ ՛ի թերսիլայ, եւ եմուտ ՛ի սամարիա, եւ եհար զսեղղում զորդի յաբիսայ ՛ի սամարիա, եւ սպան զնա, եւ թագաւորեաց ը(նդ) ն(ո)ր(ա)։

Verse: 15  Link to sept   Եւ մնացորդք բանից սեղղումայ, եւ գումարութի(ւն)ք ն(ո)ր(ա) զոր գումարեցաւ՝ ահաւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 16  Link to sept   Յա́յնմ ժամանակի եհար մանայեմ զթերսա՝ եւ զա(մենայ)ն ինչ որ ՛ի նմա, եւ զսահմանս ն(ո)ր(ա) ՛ի թերսայէ. քանզի ո́չ բացին նմա, եւ եհար զնա՝ եւ զյղիս ն(ո)ր(ա) պատառեաց։

Verse: 17  Link to sept   Յամի երեսներորդի իններորդի ազարիայ արքայի յուդայ, թագաւորեաց մանայեմ որդի գադդեայ ՛ի վ(ե)ր(այ) ի(սրաէ)լի ՛ի սամարիա ամս տասն։

Verse: 18  Link to sept   եւ արար չա́ր առաջի տ(եառ)ն. եւ ո́չ մեկնեցաւ յա(մենայ)ն մեղացն յերոբովամու որդւոյ նաբատայ՝ որ յանցոյցն զի(սրա)էլ մեղօք իւրովք։

Verse: 19  Link to sept   Եւ ե́լ փուա արքայ ասորեստանեայց ՛ի վ(ե)ր(այ) երկրին։ եւ մանայեմ ետ փուայ հազար տաղանտ արծաթոյ՝ լինել ձեռին ն(ո)ր(ա) ընդ նմա, հաստատե́լ զթագաւորու(թ)ի(ւն)ն ՛ի ձեռն սորա։

Verse: 20  Link to sept   Եւ արկ մանայեմ զարծաթն ՛ի վ(ե)ր(այ) ի(սրաէ)լի, ՛ի վ(ե)ր(այ) ա(մենայ)ն զօրաւորի զօրու(թեամ)բ՝ տա́լ արքային ասորեստանեայց յիսուն սիկղ արծաթոյ առ այր մի։ եւ դարձաւ արքայն ասորեստանեաց՝ եւ ո́չ եկաց յերկրին։

Verse: 21  Link to sept   Եւ մնացորդք բանիցն մանայեմայ, եւ ա(մենայ)ն ինչ զոր արար. ո՞չ աւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 22  Link to sept   Եւ ննջեաց մանայեմ ընդ հարս իւր։
   Եւ թագաւորեաց փակիա որդի ն(ո)ր(ա) ընդ ն(ո)ր(ա)։

Verse: 23  Link to sept   Յամի յիսներորդի ազարիայ արքայի յուդայ, թագաւորեաց փակէիա ՛ի վ(ե)ր(այ) ի(սրաէ)լի ՛ի սամարիա ամս տասն։

Verse: 24  Link to sept   եւ արար չա́ր առաջի տ(եառ)ն. եւ ո́չ մեկնեցաւ ՛ի մեղացն յերոբովամայ որդւոյ նաբատայ որ յանցոյցն զի(սրա)էլ։

Verse: 25  Link to sept   Եւ գումարեցաւ ՛ի վ(ե)ր(այ) ն(ո)ր(ա) փակէէ որդի ռոմելայ սպառազէն իւր, եւ եհար զնա ՛ի սամարիա առաջի տանն արքայի։ եւ ընդ նմա արգոբ, եւ ընդ նմա արիէ, եւ ընդ նմա յիսուն այր ՛ի չորեքարիւրոցն. եւ սպան զնա, եւ թագաւորեաց ընդ ն(ո)ր(ա)։

Verse: 26  Link to sept   Եւ մնացորդք բանիցն փակէի եւ ա(մենայ)ն ինչ զոր արար՝ ահա գրեալ են ՛ի գիրս բանից աւուրց թագաւորացն ի(սրաէ)լի։

Verse: 27  Link to sept   Յամի յիսներորդի եւ երկրորդի ազարիայ արքայի յուդայ թագաւորեաց փակէէ որդի ռոմելայ ՛ի վ(ե)ր(այ) ի(սրաէ)լի ՛ի սամարիա ամս քսան։

Verse: 28  Link to sept   եւ արար չա́ր առաջի տ(եառ)ն. եւ ո́չ մեկնեցաւ յա(մենայ)ն մեղաց յերոբովամայ որդւոյ նաբատայ որ յանցոյցն զի(սրա)էլ։

Verse: 29  Link to sept   Յաւուրս փակէի արքայի ի(սրաէ)լի, եկն թագղաթփաղասր արքայ ասորեստանեաց, եւ ա́ռ զային, եւ զկաբեէլ, եւ զբեթմաքա, եւ զյանովթ, եւ զկենէզ, եւ զասովր, եւ զգաղաադ, եւ զգալիլեայ, եւ զա(մենայ)ն երկիրն նեփթաղիմայ եւ խաղացոյց զն(ո)ս(ա) յասորեստանեայս։

Verse: 30  Link to sept   Եւ գումարեաց գունդ ովսէէ որդի էլայ ՛ի վ(ե)ր(այ) փեկէի որդւոյ ռոմելայ, եւ եհար զնա եւ սպան զնա, եւ թագաւորեաց ընդ ն(ո)ր(ա). յամի քսաներորդի յովաթամայ որդւոյ ոզիայ։

Verse: 31  Link to sept   Եւ մնացորդք բանից փակէի եւ ա(մենայ)ն ինչ զոր արար, ահաւանիկ գրեալ են ՛ի գիրս բանից աւուրց թագաւորացն ի(սրաէ)լի։

Verse: 32  Link to sept   Յամի երկրորդի փակէի որդւոյ ռոմելայ թագաւորի ի(սրաէ)լի, թագաւորեաց յովաթամ որդի ոզիայ արքայի յուդայ։

Verse: 33  Link to sept   Որդի քսան եւ հինգ ամաց էր ՛ի թագաւորել իւրում, եւ վեշտասան ամ թագաւորեաց յե(րուսաղէ)մ. եւ անուն մօր ն(ո)ր(ա) յերուսայ դուստր սադովկայ։

Verse: 34  Link to sept   Եւ արար ուղղու(թ)ի(ւն) առաջի տ(եառ)ն՝ ըստ ա(մենայ)նի զոր արար ոզիա հայր ն(ո)ր(ա)։

Verse: 35  Link to sept   բա́ց ՛ի բարձանցն զոր ո́չ եբարձ. եւ տակաւին ժողովուրդն զոհէր եւ արկանէր խունկս ՛ի բարձունսն։ նա́ շինեաց զդուռն տանն տ(եառ)ն զվերին։

Verse: 36  Link to sept   Եւ մնացորդք բանից յովաթամայ՝ եւ ա(մենայ)ն ինչ զոր արար. ո՞չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 37  Link to sept   Յաւուրսն յայնոսիկ սկսաւ տ(է)ր առաքել ՛ի յուդայ զռասոն արքայ ասորւոց, եւ զփակէէ որդի ռոմելայ։

Verse: 38  Link to sept   Եւ ննջեաց յովաթամ ընդ հարս իւր, եւ թաղեցաւ առ հարս իւր ՛ի քաղաքի դաւթի հօր իւրոյ. եւ թագաւորեաց աքազ որդի ն(ո)ր(ա) ընդ ն(ո)ր(ա)։


Chapter: 16 
ԳԼ(ՈՒԽ) Ժ՜.


Verse: 1  Link to sept   Յամի եւթնուտասներորդի փակէի որդւոյ ռոմելայ թագաւորեաց աքազ որդի յովաթամայ։

Verse: 2  Link to sept   որդի ամաց քսանից էր աքազ ՛ի թագաւորել իւրում, եւ վեշտասան ամ թագաւորեաց յե(րուսաղէ)մ. եւ ո́չ արար ուղղութի(ւն) առաջի տ(եառ)ն ա(ստուծո)յ հաւատարմութ(եամ)բ իբրեւ զդաւիթ զհայր իւր.

Verse: 3  Link to sept   եւ գնաց զճանապարհ յերոբովամայ որդւոյ նաբատայ արքայի ի(սրաէ)լի։ նա́ զորդիս իւր անցոյց ը(նդ) հուր՝ ըստ գարշու(թ)ե(ան) ազգացն զորս եբարձ տ(է)ր յերեսաց որդւոցն ի(սրաէ)լի։

Verse: 4  Link to sept   եւ զոհէր՝ եւ արկանէր խունկս ՛ի բարձունս եւ ՛ի վերայ բլրոց, եւ ՛ի ներքոյ անտառախիտ ծառոց։

Verse: 5  Link to sept   Յայնժամ ել ռասոն արքայ ասորւոց՝ եւ փակէէ որդի ռոմելայ արքա́յ ի(սրաէ)լի յե(րուսաղէ)մ ՛ի պատերազմ, եւ պաշարէին զնա ՛ի վերայ աքազու. եւ ո́չ կարէին պատերազմել

Verse: 6  Link to sept   ՛ի ժամանակին յայնմիկ։ եւ դարձոյց ռասոն արքայ ասորւոց զայիլաթ յասորիս. եւ եհան զհրեայսն յայիլաթայ. եւ եկին եդոմայեցիք յայիլաթ, եւ բնակեցին անդ մինչեւ ցայսօր։

Verse: 7  Link to sept   Եւ առաքեաց աքազ հրեշտակս առ թագղաթփաղսար արքայ ասորեստանեաց եւ ասէ. ծառա́յ քո՝ եւ որդի́ քո եմ ես՝ ե́լ եւ փրկեա́ զիս ՛ի ձեռաց արքային ասորւոց, եւ ՛ի ձեռաց արքային ի(սրաէ)լի յարուցելոց ՛ի վ(ե)ր(այ) իմ։

Verse: 8  Link to sept   Եւ ա́ռ աքազ զարծաթ եւ զոսկի զգտեալս ՛ի գանձ տան տ(եառ)ն՝ եւ ՛ի տան թագաւորին, եւ առաքեաց արքային ասորեստանեաց պատարագս։

Verse: 9  Link to sept   Եւ լուաւ նմա արքայն ասորեստանեաց. եւ ել արքայն ասորեստանեաց ՛ի դամասկոս եւ ա́ռ զնա, եւ վարեաց զնա ՛ի գերու(թ)ի(ւն) ՛ի կիւրէն. եւ զռասոն սպան։

Verse: 10  Link to sept   Եւ չոգաւ արքայ աքազ ը(նդ) առաջ թագղաթփաղսարայ արքային ասորեստանեաց ՛ի դամասկոս. եւ տեսեալ զսեղանն որ ՛ի դամասկոս, եւ առաքեաց արքայ աքազ առ ուրիա քահանայ զնմանութի(ւն) սեղանոյն, եւ զձեւ ն(ո)ր(ա). ըստ ա(մենայ)ն գործուածոյն ն(ո)ր(ա)։

Verse: 11  Link to sept   Եւ շինեաց ուրիա քահանայ զսեղանն ը(նդ) ա(մենայ)նի՝ ո(ր)պ(էս) եւ առաքեաց արքայ աքազ ՛ի դամասկոսէ, նո́յնպէս արար ուրիա քահանայ մինչեւ ՛ի գալ արքայի աքազու ՛ի դամասկոսէ։

Verse: 12  Link to sept   ետես զսեղանն, եւ մատեաւ արքայ ՛ի սեղանն, ե́լ ՛ի վեր եւ ճենճերեաց զողջակէզս իւր՝ եւ զզոհս։

Verse: 13  Link to sept   եւ նուիրեաց զնուէրս իւր, եւ եհեղ զարիւն խաղաղականաց իւրոց։

Verse: 14  Link to sept   Եւ զսեղանն պղնձի որ կայր առաջի տ(եառ)ն փոխեաց յերեսաց տանն տ(եառ)ն ՛ի տեղւոջէ իւրմէ, եւ եդ զնա ՛ի կողմանէ սեղանոյն ընդ հիւսւսի։

Verse: 15  Link to sept   եւ պատուէր ետ արքայ աքազ ուրիա́ քահանայի եւ ասէ.՛ի վերայ մեծի սեղանոյդ մատուցանիցես զողջակէզս առաւօտինս, եւ զզոհս երեկոյինս, եւ զողջակէզս արքայի եւ զզոհս ն(ո)ր(ա). եւ զողջակէզս ժողովրդեան երկրիս, եւ զոհս ն(ո)ց(ա) եւ զնուէրս ն(ո)ց(ա), եւ զա(մենայ)ն արիւն ողջակիզաց, եւ զա(մենայ)ն արիւն զոհից՝ ՛ի վերայ ն(ո)ր(ա) հեղուցուս. բայց սեղանն պղնձի եղիցի ինձ յառաւօտինս։

Verse: 16  Link to sept   Եւ արա́ր ուրիա քահանայ ըստ ա(մենայ)նի ո(ր)պ(էս) պատուիրեաց նմա աքազ արքայ։

Verse: 17  Link to sept   Եւ կոտորեա́ց արքայ աքազ զաղխսն մեքենովթացն, եւ փոխեաց ՛ի նոցանէ զաւազանսն, եւ զծովն իջոյցն ՛ի ցլուցն պղնձեաց երկոտասանեցունց որ ՛ի ներքոյ ն(ո)ր(ա), եւ եդ զնա ՛ի վ(ե)ր(այ) քարեղէն խարսխի։

Verse: 18  Link to sept   եւ զհիմն աթոռոյն շինեաց ՛ի տան տ(եառ)ն, եւ զմուտ թագաւորին զարտաքին դարձոյց ՛ի տուն տ(եառ)ն, յերեսաց արքային ասորեստանեաց։

Verse: 19  Link to sept   Եւ մնացորդք բանից աքազու զոր արար. ո՞չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 20  Link to sept   Եւ ննջեա́ց աքազ ը(նդ) հարս իւր, եւ թաղեցաւ առ հարս իւր ՛ի քաղաքին դաւթի. եւ թագաւորեաց եզեկիա որդի ն(ո)ր(ա) ընդ ն(ո)ր(ա)։


Chapter: 17 
ԳԼ(ՈՒԽ) Ժ՜.


Verse: 1  Link to sept   Յամի երկոտասաներորդի աքազու արքայի յուդայ թագաւորեաց ովսէէ որդի ելայ ՛ի վ(ե)ր(այ) ի(սրաէ)լի ՛ի սամարիա ամս ինն։

Verse: 2  Link to sept   եւ արար չա́ր առաջի տ(եառ)ն, բայց ո́չ իբրեւ զթագաւորսն ի(սրաէ)լի որ էին յառաջ քան զնա։

Verse: 3  Link to sept   ՛Ի վերայ ն(ո)ր(ա) ել սաղմանասար արքայ ասորեստանեաց. եւ եղեւ ն(ո)ր(ա) ովսէէ ծառայ, եւ տայր տանել նմա մաննայ։

Verse: 4  Link to sept   Եւ եգիտ արքայ ասորեստանեաց յովսէէ վնա́ս. զի առաքեաց հրեշտակս առ սովա արքայ եգիպտացւոց, եւ ո́չ ետ մաննա արքային ասորեստանեաց ՛ի տարւոջն յայնմիկ։ եւ պաշարեա́ց զնա արքայն ասորեստանեաց, եւ կապաց զնա ՛ի տան բանտի։

Verse: 5  Link to sept   Եւ ել արքայն ասորեստանեաց յա(մենայ)ն երկիրն. ել եւ ՛ի սամարիա, եւ պաշարեաց զնա ա́մս երիս։

Verse: 6  Link to sept   Յամին իններորդի ովսեայ՝ ա́ռ արքայ ասորեստանեաց զսամարիա. եւ խաղացոյց զի(սրա)էլ յասորեստանեայս, եւ բնակեցոյց զն(ո)ս(ա) յալաթ, եւ յաբովր, եւ զգետովն գովզանայ, եւ զլերամբքն մարաց։

Verse: 7  Link to sept   Եւ եղեւ իբրեւ մեղան որդիքն ի(սրաէ)լի տ(եառ)ն ա(ստուծո)յ իւրեանց որ եհան զն(ո)ս(ա) յերկրէն եգիպտացւոց՝ ՛ի ձեռաց փարաւոնի արքայի եգիպտացւոց, եւ երկեան յաստուածոց օտարաց։

Verse: 8  Link to sept   եւ գնացին ը(նդ) կրօնից ազգացն զորս եբարձ տ(է)ր յերեսաց որդւոցն ի(սրաէ)լի։ Եւ թագաւորքն ի(սրաէ)լի որչափ ինչ արարին՝

Verse: 9  Link to sept   եւ որչափ ինչ պաճուճեցին որդիքն ի(սրաէ)լի. բայց ո́չ այնպէս ինչ զտ(եառն)է ա(ստուծո)յ իւրեանց։ եւ շինեցին իւրեանց բարձունս յա(մենայ)ն քաղաքս իւրեանց, յաշտարակէ պահապանացն մինչեւ ՛ի քաղաքն ամուր։

Verse: 10  Link to sept   եւ կանգնեցին իւրեանց արձանս եւ անտառս յա(մենայ)ն բլուրս բարձունս, եւ ՛ի ներքոյ ա(մենայ)ն անտառախիտ ծառոց։

Verse: 11  Link to sept   եւ արկին խո́ւնկս յա(մենայ)ն բարձունս, իբրեւ զա(մենայ)ն ազգսն զորս մերժեաց տ(է)ր յերեսաց նոցա։ Արարին զովօղս, եւ ընկերշակեցին առ ՛ի բարկացուցանելոյ զտ(է)ր։

Verse: 12  Link to sept   եւ պաշտեցին զկուռս, որովք ասաց ն(ո)ց(ա) տ(է)ր, թէ մի́ առնիցէք զբանդ զայդ տ(եառ)ն։

Verse: 13  Link to sept   Եւ եդ վկայութի(ւն) տ(է)ր ընդ ի(սրաէ)լի եւ ընդ յուդայ ՛ի ձեռն ա(մենայ)ն մարգարէիցն իւրոց, եւ ա(մենայ)ն տեսանողացն իւրոց, եւ ասէ. դարձարո́ւք ՛ի ճանապարհաց ձերոց չարաց, եւ պահեցէ́ք զպատուիրանս իմ եւ զիրաւունս իմ, եւ զա(մենայ)ն օրէնս զոր պատուիրեցի հարց ձերոց, զորս առաքեցի առ ձեզ ՛ի ձեռն ծառայից իմոց մարգարէից։

Verse: 14  Link to sept   Եւ ո́չ լուան ն(ո)ց(ա), եւ խստացուցին զողն իւրեանց քան զողն հարց իւրեանց, եւ ո́չ հաւատացին ՛ի տ(է)ր ա(ստուա)ծ իւրեանց։

Verse: 15  Link to sept   եւ ընկեցին ՛ի բաց զհաստատու(թ)ի(ւն)ս իւրեանց, եւ զդաշինսն զոր կռեաց ը(նդ) հարս ն(ո)ց(ա), եւ զվկայութի(ւն)ս ն(ո)ր(ա) զոր ուխտեաց ն(ո)ց(ա) ո́չ պահեցին. եւ գնացին զհետ սնոտեաց, եւ սնոտեցան զհետ ազգացն որ շուրջ զնոքօք. յորոց պատուիրեաց ն(ո)ց(ա) տ(է)ր չառնել ըստ նմին օրինակի։

Verse: 16  Link to sept   Թողին զա(մենայ)ն պատուիրանսն տ(եառ)ն ա(ստուծո)յ իւրեանց, եւ արարին իւրեանց ձուլածոյս երկուս երինջս, եւ երկի́ր պագին զօրութե(ան) երկնից, եւ պաշտեցին զբահաղ.

Verse: 17  Link to sept   եւ անցուցին զուստերս եւ զդստերս իւրեանց ընդ հուր, եւ դիւթեցին դիւթութի(ւն)ս, եւ հմայեցին հմայս. եւ համարձակեցան առնել չա́ր առաջի տ(եառ)ն առ ՛ի բարկացուցանելոյ զնա։

Verse: 18  Link to sept   Եւ բարկացաւ տ(է)ր յո́յժ ի(սրաէ)լի, եւ մերժեաց զն(ո)ս(ա) յերեսաց իւրոց. եւ ո́չ մնաց՝ բայց միայն ցե́ղն յուդայ։

Verse: 19  Link to sept   սակայն եւ յուդայ՝ ո́չ պահեցին զպատուիրանս տ(եառ)ն ա(ստուծո)յ իւրեանց, եւ գնացին ը(նդ) կրօնիցն ի(սրաէ)լի զոր արարին.

Verse: 20  Link to sept   եւ մերժեցին զտ(է)ր յա(մենայ)ն զաւակէն ի(սրաէ)լի։ եւ շարժեաց զն(ո)ս(ա)՝ եւ ետ զն(ո)ս(ա) ՛ի ձեռս աւարառուաց իւրեանց, մինչեւ ընկէց զն(ո)ս(ա) յերեսաց իւրոց։

Verse: 21  Link to sept   Սակայն ի(սրա)էլ առ տամբն իսկ դաւթի թագաւորեցուցին զյերոբովամ որդի նաբատայ. եւ մերժեաց յերոբովամ զի(սրա)էլ ՛ի գնացից տ(եառ)ն, եւ մեղո́յց զն(ո)ս(ա) մեղանս մեծամեծս։

Verse: 22  Link to sept   եւ արարին որդիքն ի(սրաէ)լի ը(նդ) ա(մենայ)ն մեղաց յերոբովամու զոր արար. եւ ո́չ մերժեցան ՛ի նոցանէն,

Verse: 23  Link to sept   մինչեւ փոխեաց տ(է)ր զի(սրա)էլ յերեսաց իւրոց, ո(ր)պ(էս) եւ խօսեցաւ տ(է)ր ՛ի ձեռն ա(մենայ)ն ծառայից իւրոց մարգարէից. եւ վարեցաւ ի(սրա)էլ յերկրէ իւրմէ յասորեստանեայս մինչեւ ցայսօր։

Verse: 24  Link to sept   Եւ ած արքայն ասորեստանեաց ՛ի բաբելոնէ, եւ ի քութայ, եւ յայայ, եւ յեմաթայ, եւ ՛ի սեփարուիմայ, եւ բնակեցան ՛ի քաղաքս սամարեայ փոխանակ որդւոցն ի(սրաէ)լի, եւ ժառանգեցին զսամարիա. եւ բնակեցին ՛ի քաղաքս ն(ո)ր(ա)։

Verse: 25  Link to sept   Եւ եղեւ ՛ի սկզբան բնակու(թ)ե(ան) ն(ո)ց(ա) անդ, ո́չ երկեան ՛ի տ(եառն)է. եւ առաքեաց տ(է)ր առեւծս, եւ կոտորէին զն(ո)ս(ա)։

Verse: 26  Link to sept   եւ խօսեցան ընդ արքային ասորեստաեաց եւ ասեն, ազգքն զոր փոխեցեր՝ եւ նստան փոխանակաւ ՛ի քաղաքս սամարեայ, ո́չ գիտեն զկրօնս ա(ստուծո)յ երկրին, եւ առաքեաց տ(է)ր ՛ի ն(ո)ս(ա) առեւծս, եւ ահա կոտորե́ն զն(ո)ս(ա). քանզի ո́չ գիտեն զկրօնս ա(ստուծո)յ երկրին։

Verse: 27  Link to sept   Եւ հրաման ետ արքայն ասորեստանեաց՝ եւ ասէ. տարա́յք անդր զմիոք ՛ի քահանայիցն գերելոց անտի՝ զի երթեալ բնակեսցէ անդ, եւ ցուցցէ զկրօնս տ(եառ)ն, եւ լուսաւորեսցէ զն(ո)ս(ա) իրաւամբք ա(ստուծո)յ երկրին։

Verse: 28  Link to sept   Եւ տարան զմի ՛ի քահանայիցն զոր գերեցին ՛ի սամարեայ. եւ նստաւ ՛ի բեթէլ, եւ լուսաւորէր զնոսա, զի երկնչիցին ՛ի տ(եառն)է։

Verse: 29  Link to sept   Եւ արարին ա́զգք ա́զգք աստուածս իւրեանց, եւ եդին ՛ի տունս բարձանցն զոր արարին սամարացիքն. իւրաքանչիւր ազգքն ՛ի քաղաքս իւրեանց յորս ինքեա́նք բնակէին։

Verse: 30  Link to sept   Եւ արք բաբելոնի արարին զսոքքովթ եւ զբանովթ, եւ արք քութայ՝ արարին զանգեղ, եւ արք եմաթայ՝ արարին զասիմաթ.

Verse: 31  Link to sept   եւ այիացիք արարին՝ զաբղազեր, եւ զնեբաս, եւ զթարթակ, եւ զսեփարուիմ, ուր այրէին զորդիս իւրեանց ՛ի հուր՝ ադրամելեքայ, եւ ամելեքայ՝ աստուածոց սեփարուիմայ։

Verse: 32  Link to sept   եւ երկնչէին ՛ի տ(եառն)է. եւ բնակեցուցին զգարշելիսն իւրեանց ՛ի տունս բարձանցն զոր արարին ՛ի սամարիա իւրաքանչիւր ազգաց յորում բնակէին։ Եւ երկնչէին ՛ի տ(եառն)է, եւ արարին իւրեանց քուրմս բարձանց։

Verse: 33  Link to sept   եւ երկնչէին ՛ի տ(եառն)է, եւ պաշտէին զաստուածս իւրեանց, ըստ կրօնից ազգացն՝ զորս ա(ստուա)ծ մերժեաց անտի։

Verse: 34  Link to sept   Եւ մինչեւ ցայսօր առնեն նոքա ը(նդ) կրօնից ն(ո)ց(ա), եւ երկնչին ՛ի տ(եառն)է. եւ առնեն ըստ կրօնից ն(ո)ց(ա), եւ ըստ իրաւանց ն(ո)ց(ա)՝ եւ ը(նդ) օրինաց։ եւ ըստ պատուիրանին զոր պատուիրեաց տ(է)ր որդւոցն յակոբայ, որում եդ անուն ի(սրա)էլ.

Verse: 35  Link to sept   եւ ուխտեաց տ(է)ր ուխտ՝ եւ պատուիրեաց ն(ո)ց(ա) եւ ասէ. մի́ երկնչիցիք յաստուածոց օտարաց, եւ մի́ երկիրպագանիցէք ն(ո)ց(ա), եւ մի́ պաշտիցէք զն(ո)ս(ա), եւ մի́ զոհիցէք ն(ո)ց(ա).

Verse: 36  Link to sept   այլ տ(եառ)ն ա(ստուծո)յ որ եհան զձեզ յերկրէն եգիպտացւոց մեծաւ զօրութ(եամ)բ, եւ բարձր բազկաւ. ՛ի նմանէ́ երկնչիցիք, եւ նմա́ երկիրպագանիցէք, եւ նմա́ զոհիցէք։

Verse: 37  Link to sept   Եւ իրաւանց եւ դատաստանաց եւ օրինաց, եւ պատուիրանացն զորս գրեաց ձեզ՝ զգուշանայցէ́ք առնել։ եւ մի́ երկնչիցիք յաստուածոց օտարաց։

Verse: 38  Link to sept   եւ զուխտն զոր ուխտեաց ընդ ձեզ՝ մի́ ցրիցէք. եւ մի́ երկնչիցիք յաստուածոց օտարաց,

Verse: 39  Link to sept   այլ ՛ի տ(եառն)է ա(ստուծո)յ ձերմէ երկնչիջիք, եւ նա փրկեսցէ զձեզ յա(մենայ)ն թշնամեաց ձերոց։

Verse: 40  Link to sept   եւ մի́ ունկնդիր լինիք կրօնից ն(ո)ց(ա) զոր նոքա առնիցեն։

Verse: 41  Link to sept   Եւ երկնչէին ազգքն այնոքիկ ՛ի տ(եառն)է. եւ դրօշելոց իւրեանց ծառայէին, եւ որդիք նոցա, եւ որդիք որդւոց ն(ո)ց(ա), որպէս եւ արարին հարք իւրեանց՝ առնե́ն մինչեւ ցայսօր։


Chapter: 18 
ԳԼ(ՈՒԽ) Ժ՜.


Verse: 1  Link to sept   Եւ եղեւ յամին երրորդի ովսէի որդւոյ ելայ արքայի ի(սրաէ)լի. թագաւորեաց եզեկիա որդի աքազու արքայի յուդայ։

Verse: 2  Link to sept   Որդի քսանեւ հինգ ամաց էր ՛ի թագաւորել իւրում, եւ քսանեւ ինն ամ թագաւորեաց յե(րուսաղէ)մ. եւ անուն մօր ն(ո)ր(ա) աբութ՝ դուստր զաքարայ։

Verse: 3  Link to sept   եւ արար ուղութի(ւն) առաջի տ(եառ)ն, ը(նդ) ա(մենայ)նի զոր արար դաւիթ հայր ն(ո)ր(ա)։

Verse: 4  Link to sept   Նա́ եբարձ զբարձունսն, եւ խորտակեաց զա(մենայ)ն արձանսն, եւ կոտորեաց զանտառսն, եւ զօձն պղնձի զոր արար մովսէս, զի մինչեւ ցա́յն աւուրս զոհէին նմա որդիքն ի(սրաէ)լի, եւ կոչեցին նա նեեսթան։

Verse: 5  Link to sept   ՛Ի տ(է)ր ա(ստուա)ծ ի(սրաէ)լի յուսացաւ. եւ յետ ն(ո)ր(ա) նման նմա ո́չ եղեւ յա(մենայ)ն թագաւորս յուդայ, եւ յեղեալսն յառաջագոյն քան զնա։

Verse: 6  Link to sept   Յարեցաւ ՛ի տ(է)ր, եւ ո́չ մեկնեցաւ՛ի գնացից ն(ո)ր(ա). եւ պահեաց զպատուիրանս ն(ո)ր(ա) զոր պատուիրեաց մովսէս։

Verse: 7  Link to sept   եւ էր տ(է)ր ընդ նմա. յա(մենայ)նի զոր ինչ առնէր՝ խելամուտ լինէր։ Եւ նշկահեաց զարքայն ասորեստանի եւ ո́չ ծառայեաց նմա։

Verse: 8  Link to sept   եւ նա եհար զայլազգիսն մինչեւ ցգազայ եւ մինչեւ ցսահմանս ն(ո)ր(ա), յաշտարակէ պահապանացն մինչեւ ցքաղաքն ամուր։

Verse: 9  Link to sept   Եւ եղեւ յամի չորրորդի եզեկիա արքայի. ա́յն է ամ եւթներորդ ովսեայ՝ որդւոյ ելայ արքայի ի(սրաէ)լի, ել սաղմանասար արքայ ասորեստանեաց ՛ի վ(ե)ր(այ) սամարեայ, եւ պաշարէր զնա.

Verse: 10  Link to sept   եւ ա́ռ զնա ՛ի կատարել ամաց երից, յամի վեցերորդի եզեկիայ արքայի. ա́յն ամ իններորդ էր ովսեայ արքայի ի(սրաէ)լի։ Ա́ռ զսամարիա.

Verse: 11  Link to sept   եւ խաղացոյց արքայն ասորեստանեաց զսամարիա յասորեստանեայս, եւ նստոյց զնոսա յալաթ, եւ յաբովր՝ առ գետովն գովզանայ՝ եւ լերամբքն մարաց։

Verse: 12  Link to sept   զի ո́չ լուան ձայնի տ(եառ)ն ա(ստուծո)յ իւրեանց, եւ անցին զուխտիւ ն(ո)ր(ա)՝ ըստ ա(մենայ)նի́ զոր պատուիրեաց ն(ո)ց(ա) մովսէս ծառայ տ(եառ)ն, ո́չ լուան եւ ո́չ արարին։

Verse: 13  Link to sept   Եւ յամի չորեքտասաներորդի արքայի եզեկիայ, ել սենեքերիմ արքայ ասորեստանեաց ՛ի վ(ե)ր(այ) ամուր ամո́ւր քաղաքացն յուդայ, եւ ա́ռ զն(ո)ս(ա)։

Verse: 14  Link to sept   Եւ առաքեաց եզեկիա արքայ յուդայ հրեշտակս առ արքայ ասորեստանեաց ՛ի լաքիս՝ եւ ասէ. մեղա́յ, դարձի́ր յինէն. եւ զոր ինչ դիցես ՛ի վ(ե)ր(այ) իմ բարձի́ց։ եւ եդ արքայն ասորեստանեաց ՛ի վերայ եզեկիայ արքայի յուդայ երեքարեւր տաղանտ արծաթոյ՝ եւ երեսուն տաղանտ ոսկւոյ։

Verse: 15  Link to sept   եւ ետ եզեկիա զա(մենայ)ն արծաթ գտեալ ՛ի տա́ն տ(եառ)ն, եւ ՛ի գանձս տան թագաւորին։

Verse: 16  Link to sept   ՛Ի ժամանակի յայնմիկ կոտորեաց եզեկիա զդրունս տաճարին տ(եառ)ն՝ եւ զսեամսն զոր պատեաց ոսկւով եզեկիա արքայ յուդայ, եւ ե́տ զայն արքային ասորեստանեաց։

Verse: 17  Link to sept   Եւ առաքեաց արքայ ասորեստանեաց զթարաթա՝ եւ զռաբսարիս՝ եւ զռափսակ ՛ի լաքիսայ առ արքայ եզեկիայ զօրու ծանու ՛ի վերայ ե(րուսաղէ)մի. եւ ելին եւ եկին յե(րուսաղէ)մ, եւ կացին ՛ի վ(ե)ր(այ) ջրմղին վերնոյ աւազանին, որ է ՛ի ճանապարհի ագարակին թափչի։

Verse: 18  Link to sept   եւ աղաղակեցին առ եզեկիա։ Եւ եկին առ նա եղիակիմ որդի քեղկեայ հազարապետ, եւ սովմնաս դպրապետ, եւ յովաք որդի ասափայ՝ որ ՛ի վերայ յիշատակաց։

Verse: 19  Link to sept   Եւ ասէ ցնոսա ռափսակ. ասացէ́ք ցեզեկիայ, ա́յսպէս ասէ արքայ մեծ՝ արքայն ասորեստանեաց. զի՞նչ իցէ յոյսն յոր դու յուսացեալ իցես։

Verse: 20  Link to sept   բայց եթէ ասիցես՝ եթէ բա́նք շրթանց եւ խորհուրդ՝ պատերա՞զմ վճարիցէ. եւ զօրութի(ւն) պիտո́յ իցեն ՛ի պատերազմ։ եւ արդ՝ յո՞ յուսացեալ նշկահեցեր զիս։

Verse: 21  Link to sept   ահա յուսացեա́լ իցես ՛ի ցո՞ւպն եղեգնեաց ջաղջախեալ յեգիպտոս. յոր թէ յենուցու այր՝ մտանիցէ ընդ ձեռս ն(ո)ր(ա), եւ խոցիցէ զնա. ա́յնպէս փարաւոն արքայ եգիպտացւոց ա(մենայ)ն յուսացելոց իւրոց։

Verse: 22  Link to sept   Եւ զի ասացեր ցիս՝ թէ ՛ի տ(է)ր ա(ստուա)ծ յուսացեալ եմք. ո՞չ դա այն է, զորոյ մերժեաց եզեկիա զբարձունս ն(ո)ր(ա), եւ զսեղանս ն(ո)ր(ա). եւ ասէ ցյուդայ եւ ցե(րուսաղէ)մ, առաջի սեղանո́յս այսորիկ երկիր պագէք յե(րուսաղէ)մ։

Verse: 23  Link to sept   Եւ արդ՝ աղէ խառնեցարուք ՛ի տէր իմ արքայ ասորեստանեաց. եւ տա́ց քեզ երկուս հազարս երիվարաց, եթէ կարասցե՞ս տալ դու քեզ հեծեա́լս ՛ի վ(ե)ր(այ) ն(ո)ց(ա)։

Verse: 24  Link to sept   եւ զի՞արդ կարիցես զդէմ ունել միոյ ուրուք կուսակալի ՛ի ծառայից տեառն իմոյ ՛ի յետնոց. զի յուսացեալդ ես յեգիպտոս ՛ի կառս եւ յերիվարս։

Verse: 25  Link to sept   Իսկ արդ՝ առանց տ(եառ)ն ինչ ելանիցեմք ՛ի տեղիս յայս ապականել զսա. տ(է)ր ասաց ցիս. ե́լ յերկիրն յայն եւ ապականեա́ զնա։

Verse: 26  Link to sept   Եւ ասէ եղիակիմ որդի քեղկեայ, եւ սովմնաս, եւ յովաք ասափայ՝ ցռափսակ. խօսեա́ց ը(նդ) ծառայս քո ասորերէն, քանզի լսե́մք մեք. եւ մի́ խօսիր հրեարէն յականջս ժողովրդեանդ որ կա́ն ՛ի պարսպիդ։

Verse: 27  Link to sept   Եւ ասէ ցն(ո)ս(ա) ռափսակ. միթէ առ տէ՞րն քո՝ կամ առ քե՞զ առաքեաց զիս տէ́ր իմ խօսել զբանս զայսոսիկ. ո́չ ապաքէն առ ա́րսդ որ նստին ՛ի վերայ պարսպիդ, ուտել զաղբ իւրեանց, եւ ըմպել զմէզ իւրեանց ձեւք հանդերձ։

Verse: 28  Link to sept   Եւ յարեաւ ռափսակ, եւ աղաղակեաց մեծաձայն հրեարէն՝ եւ խօսեցաւ եւ ասէ. Լուարո́ւք զպատգամս արքայի մեծի, արքային ասորեստանեայց.

Verse: 29  Link to sept   ա́յսպէս ասէ արքայ. մի́ հպարտացուսցէ զձեզ եզեկիա, զի ո́չ կարէ ապրեցուցանել զձեզ ՛ի ձեռաց իմոց։

Verse: 30  Link to sept   եւ մի́ յուսացուսցէ զձեզ եզեկիա ՛ի տ(է)ր, եւ ասասցէ թէ փրկելո́վ փրկէ զմեզ տ(է)ր, եւ ո́չ մատնեսցի քաղաքս ՛ի ձեռս արքային ասորեստանեաց.

Verse: 31  Link to sept   մի́ լսէք եզեկիայ։ Զի ա́յսպէս ասէ արքայն ասորեստանեաց. արարէ́ք ընդիս օրհնութի(ւն), եւ ելէ́ք առիս. եւ կերիցէ́ այր իւրաքանչիւր զայգի իւր, եւ զթզենի իւր, եւ արբցէ́ ջուր ՛ի ջրհորոյ իւրմէ.

Verse: 32  Link to sept   մինչեւ եկից եւ առից եւ տարայց զձեզ յերկիրն որ իբրեւ զերկիրս ձե́ր է. երկիր ցորենոյ եւ գինւոյ, այգեաց եւ հացի, երկիր ձիթենեաց իւղոյ եւ մեղու։ եւ կեցէ́ք եւ ո́չ մեռանիցիք. եւ մի́ լսէք եզեկիայ, զի խաբէ զձեզ եւ ասէ. թէ տ(է)ր փրկեսցէ զմեզ։

Verse: 33  Link to sept   Միթէ փրկելով փրկեցի՞ն աստուածք ազգացն զիւրաքանչիւր աշխարհ ՛ի ձեռաց արքային ասորեստանեայց։

Verse: 34  Link to sept   ո՞ւր է աստուածն եմաթայ եւ արփաթայ. եւ ո՞ւր է աստուած սեփարուիմայ քաղաքին, անայ եւ դաւայ. միթէ փրկելով փրկեցի՞ն զսամարիա ՛ի ձեռաց իմոց։

Verse: 35  Link to sept   ո՞վ ոք յա(մենայ)ն աստուածոց աշխարհաց, որ փրկեցին զերկիր իւրեանց ՛ի ձեռաց իմոց. զի փրկեսցէ տ(է)ր զե(րուսաղէ)մ ՛ի ձեռաց իմոց։

Verse: 36  Link to sept   Եւ լռեցին ո́չ ետուն նմա պատասխանի, զի պատուէ́ր տուեալ էր արքայի թէ մի́ տայցէք նմա պատասխանի։

Verse: 37  Link to sept   Եւ եմո́ւտ եղիակիմ որդի քեղկեայ հազարապետ, եւ սովմնաս դպրապետ, եւ յովաք որդի ասափայ որ ՛ի վերայ յիշատակաց առ եզեկիա, պատառեալ զհանդերձս. եւ պատմեցին նմա զպատգամս ռափսակայ։


Chapter: 19 
ԳԼ(ՈՒԽ) Ժ՜.


Verse: 1  Link to sept   Եւ եղեւ իբրեւ լուաւ արքայ եզեկիա, պատառեա́ց զհանդերձս իւր, եւ զգեցաւ քո́ւրձ. եւ եմուտ ՛ի տուն տ(եառ)ն։

Verse: 2  Link to sept   Եւ առաքեաց զեղիակիմ հազարապետ՝ եւ զսովմնաս դպրապետ, եւ զծերս ՛ի քահանայիցն քրձազգա́ծս առ եսայի մարգարէ որդի ամովսայ։

Verse: 3  Link to sept   եւ ասեն ցնա. Ա́յսպէս ասէ եզեկիա, օր նեղութե(ան) եւ կշտամբանաց, եւ զայրացուցանելոյ օրս այս. զի հասեալ են մանկունք յերկունս, եւ չի́ք զօրու(թ)ի(ւն) ՛ի ծնանելիս։

Verse: 4  Link to sept   թերեւս լուիցէ ա(ստուա)ծ քո զպատգամս ռափսակայ, զոր առաքեաց զնա արքայն ասորեստանեայց տէր իւր՝ նախատե́լ զա(ստուա)ծ կենդանի՝ եւ հայհոյել բանիւք, զորս լուաւ տ(է)ր ա(ստուա)ծ քո. եւ արասցես աղօթս ՛ի վերայ մնածորդացս որ մնացին։

Verse: 5  Link to sept   եւ եկին ծառայք արքայի եղեկիայ առ եսայի։

Verse: 6  Link to sept   Եւ ասէ ցն(ո)ս(ա) եսայի. ա́յսպէս ասասջի́ք տ(եառ)ն ձերում. ա́յսպէս ասէ տ(է)ր. մի́ երկնչիր յերեսաց պատգամացն զորս լուար՝ որովք հայհոյեցին զիս ծառայք արքային ասորեստանեայց։

Verse: 7  Link to sept   ահա ե́ս տաց ՛ի նա ա́յս. եւ լուիցէ գո́յժ, եւ դարձցի յերկիր իւր, եւ կործանեցի́ց զնա սրով յերկրի իւրում։

Verse: 8  Link to sept   Եւ դարձաւ ռափսակ եւ եգիտ զարքայն ասորեստանեաց պատերազմեալ ընդ ղոբնայի. եւ զի լուաւ թէ չուեաց ՛ի լաքիսայ։

Verse: 9  Link to sept   եւ նա լուաւ զթարաքայ արքայէ եթովպացւոց, ասեն՝ ահա ել պատերազմել ընդ քեզ. եւ դարձաւ անդրէն. Եւ առաքեաց հրեշտակս առ եզեկիա եւ ասէ.

Verse: 10  Link to sept   ա́յսպէս խօսեսջիք ը(նդ) եզեկիայ արքայի յուդայ՝ ասել, մի́ հպարտացուսցէ զքեզ ա(ստուա)ծ քո, յոր դուն յուսացեալ ես. ասել՝ թէ ո́չ մատնեսցի ե(րուսաղ)էմ ՛ի ձեռս արքային ասորեստանեայց։

Verse: 11  Link to sept   Ահա դու քեզէ́ն իսկ լուար զա(մենայ)ն ինչ զոր արարին թագաւորք ասորեստանեայց ը(նդ) ա(մենայ)ն աշխարհս նզովել զն(ո)ս(ա), եւ դու փրկիցե՞ս։

Verse: 12  Link to sept   միթէ փրկեցի՞ն զն(ո)ս(ա) աստուածք ազգացն զորս սատակեցին հարք իմ, զգովղան, եւ զքառան, եւ զռափաթ, եւ զորդիս եդոմայ առ ծովեզերբն.

Verse: 13  Link to sept   ո՞ւր է արքայն եմաթայ՝ եւ արքայն արփաթայ, եւ արքայ քաղաքին սեփարուիմայ, անայ, եւ այիայ։

Verse: 14  Link to sept   Եւ ա́ռ եզեկիա զհրովարտակսն ՛ի ձեռաց հրեշտակացն, եւ ընթերցաւ զն(ո)ս(ա). եւ ել ՛ի տունն տ(եառ)ն. եւ տարածեաց զն(ո)ս(ա) եզեկիա առաջի տ(եառ)ն։

Verse: 15  Link to sept   Եւ եկա́ց յաղօթս եզեկիա առաջի տ(եառ)ն՝ եւ ասէ. Տ(է)ր ա(ստուա)ծ ի(սրաէ)լի որ նստիս ՛ի քրոբէս. դո́ւ ես միայն ա(ստուա)ծ յա(մենայ)ն թագաւորութի(ւն)ս երկրի. դո́ւ արարեր զերկինս եւ զերկիր։

Verse: 16  Link to sept   Խոնարհեցո́ տ(է)ր զունկն քո եւ լո́ւր. բա́ց տ(է)ր զաչս քո եւ տե́ս. եւ լո́ւր զբանս սենեքերիմայ՝ զոր առաքեաց նախատել զա(ստուա)ծ կենդանի.

Verse: 17  Link to sept   զի արդարեւ տ(է)ր՝ աւերեցին թագաւորք ասորեստանեայց զազգս եւ զերկիր նոցա.

Verse: 18  Link to sept   եւ ետուն զաստուածս ն(ո)ց(ա) հրո́յ, զի չէի́ն ա(ստուա)ծք, այլ ձեռագործք մարդկան, փայտ՝ եւ քար, եւ կորուսին զն(ո)ս(ա)։

Verse: 19  Link to sept   Եւ արդ՝ տ(է)ր ա(ստուա)ծ մեր՝ փրկեա́ զմեզ ՛ի ձեռաց ն(ո)ր(ա). եւ ծանիցեն ա(մենայ)ն թագաւորութի(ւն)ք երկրի, զի դո́ւ ես տ(է)ր ա(ստուա)ծ միայն։

Verse: 20  Link to sept   Եւ առաքեաց եսայի որդի ամովսայ առ եզեկիայ՝ եւ ասէ. ա́յսպէս ասէ տ(է)ր զօրութե(ան)ց ա(ստուա)ծ ի(սրաէ)լի. զոր կացեր յաղօթս առիս վ(ա)ս(ն) սենեքերիմայ արքայի ասորեստանեաց՝ լուայ։

Verse: 21  Link to sept   ա́յս բան է զոր խօսեցաւ տ(է)ր վ(ա)ս(ն) ն(ո)ր(ա). Արհամարհեա՞ց, անգոսնեա՞ց զքեզ կոյս դուստր սիոնի. գլո՞ւխ շարժեաց ՛ի վ(ե)ր(այ) քո դուստր ե(րուսաղէ)մի։

Verse: 22  Link to sept   զո՞ նախատեցեր եւ հայհոյեցեր, եւ յո՞յր վերայ բարձրացուցեր զբարբառ քո նախատել. եւ ո՞չ ամբարձեր ՛ի բարձունս զաչս քո ՛ի ս(ուր)բն ի(սրաէ)լի։

Verse: 23  Link to sept   ՛ի ձեռն հրեշտակաց քոց նախատեցեր զտ(է)ր եւ ասացեր. բազմութ(եամ)բ կառաց իմոց ելի́ ՛ի բարձրութի(ւն) լերանց ՛ի կողմն լիբանանու, եւ կոտորեցի զմեծու(թ)ի(ւն) եղեւնափայտիցն ն(ո)ր(ա), եւ զընտիր ընտիր նոճից ն(ո)ր(ա), եւ հասի́ յեզր սպառուածոյ անտառին կարմելայ։

Verse: 24  Link to sept   ե́ս պահեցի    եւ արբի զջուրս օտարոտիս. եւ աւերեցի թաթիւ ոտին իմոյ զամենայն գետս սաստիկս։

Verse: 25  Link to sept   Միթէ չիցէ՞ լուեալ ՛ի հեռաստանէ զայդ զոր արարի յաւուրց յառաջնոց. ստեղծի́ զդա՝ եւ ածի հասուցի. եւ եղեն ՛ի հպարտութի(ւն) գերեվարաց պատերազմողաց. քաղա́քք՝ ամուրք

Verse: 26  Link to sept   բնակեա́լք ՛ի նոսա տկարացան ձեռամբ եւ զարհուրեցան, եւ ամաչեցին, եւ եղեն իբրեւ զխոտ վայրի, եւ իբրեւ զդալարի բանջարոյ եւ զդալարի տանեաց. եւ կոխա́ն առաջի հասելոց։

Verse: 27  Link to sept   Արդ՝ զնիստ քո, եւ զել եւ զմուտ քո գիտեմ, եւ զսրտմտութի(ւն) քո.

Verse: 28  Link to sept   ՛ի բարկանալ քո ինձ, եւ խայտալդ քո ե́լ յականջս իմ։ եւ արկի́ց կարթ ՛ի քիթս քո, եւ դանդանաւա́նդ ՛ի կզակս քո, եւ դարձուցից զքեզ ընդ նո́յն ճանապարհ ընդ որ եկիր։

Verse: 29  Link to sept   Եւ քեզ ա́յս նշանակ լիցի. կերիցես ա́յս ամ զինքնեակս, եւ յամին երկրորդի զինքնեկաց ինքնեակս. եւ յամին երրորդի՝ սերմանք եւ հունձք եւ տունկք այգեաց. եւ կերիջի́ք զպտուղ նոցա,

Verse: 30  Link to sept   եւ յաւելցի́ ապրեալ տանդ յուդայ. մնացեալն արձակեսցէ արմա́տս ՛ի խոնարհ եւ պտուղս ՛ի վեր։

Verse: 31  Link to sept   զի յ(թ)ե(ան)մէ ելցէ մնացորդ, եւ ՛ի սիոն լեռնէ ապրեալ։ նախանձ տ(եառ)ն զօրու(թ)ե(ան)ց արասցէ զայս։

Verse: 32  Link to sept   Վ(ա)ս(ն) ա́յսորիկ ա́յսպէս ասէ տ(է)ր. արքայն ասորեստանեաց մի́ մտցէ ՛ի քաղաքդ յայդ, եւ մի́ ձգեսցէ ՛ի դա նե́տս, եւ մի́ պատեսցէ զդա վահանօք, եւ մի́ կուտեսցէ զդովաւ հո́ղ։

Verse: 33  Link to sept   ընդ ճանապարհ ը(նդ) որ եկն՝ ընդ նո́յն դարձցի. եւ ՛ի քաղաքդ յայդ մի́ մտցէ ասէ տ(է)ր,

Verse: 34  Link to sept   եւ վերակացո́ւ եղէց քաղաքիդ այդմիկ փրկե́լ զդա վ(ա)ս(ն) իմ եւ վ(ա)ս(ն) դաւթի ծառայի իմոյ։

Verse: 35  Link to sept   Եւ ՛ի հասանել գիշերոյն ե́լ հրեշտակ տ(եառ)ն, եւ եհար ՛ի բանակէն ասորեստանեայց հարիւր եւ ութսուն եւ հինգ հազար. եւ կանխեցին ընդ առաւօտն, եւ ահա ա(մենայ)ն մարմինք մեռեալ։

Verse: 36  Link to sept   Եւ չուեաց գնաց, եւ դարձաւ սենեքերիմ արքայ ասորեստանեայց՝ եւ բնակեաց ՛ի նինուէ։

Verse: 37  Link to sept   Եւ եղեւ մինչդեռ երկի́ր պագանէր ՛ի տա́ն նեսրաքայ աստուածոյ իւրում, ադրամելէք եւ սարասար որդիք ն(ո)ր(ա) հարին զնա սրով, եւ ինքեանք զերծան յերկիրն արարադայ։ եւ թագաւորեաց ասորդան որդի ն(ո)ր(ա) ընդ ն(ո)ր(ա)։


Chapter: 20 
ԳԼ(ՈՒԽ) Ի՜.


Verse: 1  Link to sept   Յաւուրսն յայնոսիկ հիւանդացաւ եզեկիա ՛ի մահ։ Եւ եմուտ առ նա եսայի որդի ամովսայ մարգարէ, եւ ասէ ցնա. ա́յսպէս ասէ տ(է)ր՝ հրաման տուր վ(ա)ս(ն) տան քոյ, զի մեռանիս դու եւ ո́չ ապրեսցիս։

Verse: 2  Link to sept   Եւ դարձոյց եզեկիա զերեսս իւր յորմն, եւ եկաց յաղօթս առ տ(է)ր եւ ասէ.

Verse: 3  Link to sept   ո́վ տ(է)ր, յիշեա́ ո(ր)պ(էս) գնացի առաջի քո ճշմարտութ(եամ)բ եւ կատարեալ սրտիւ, եւ զբարին առաջի քո արարի։ եւ ելաց եզեկիա լալիւն մեծ։

Verse: 4  Link to sept   Եւ է́ր եսայի ՛ի սրահին միջնում. եւ բան տ(եառ)ն եղեւ առ նա եւ ասէ.

Verse: 5  Link to sept   դարձի́ր անդրէն, եւ ասասցես ցեզեկիա ցառաջնորդ ժողովրդեան իմոյ. ա́յսպէս ասէ տ(է)ր ա(ստուա)ծ դաւթի հօր քոյ. լուա́յ աղօթից քոց եւ տեսի զարտասուս քո. ահա ե́ս բժշկեցից զքեզ։ եւ յաւուրն երրորդի ելցես ՛ի տուն տ(եառ)ն։

Verse: 6  Link to sept   եւ յաւելից յաւուրս քո ամս հնգետասան. եւ ՛ի ձեռաց արքային ասորեստանեայց փրկեցի́ց զքեզ, եւ զքաղաքդ զայդ. եւ վերակացու եղէց քաղաքիդ այդմիկ, վ(ա)ս(ն) իմ եւ վ(ա)ս(ն) դաւթի ծառայի իմոյ։

Verse: 7  Link to sept   Եւ ասէ եսայիա՝ առցեն պաղատիտս թղոյ. եւ առաւ. եւ դիցեն ՛ի վ(ե)ր(այ) վիրիդ՝ եւ ողջասցիս։

Verse: 8  Link to sept   Եւ ասէ եզեկիա ցեսայի. զի՞նչ նշա́ն է թէ բժշկեսցէ զիս տ(է)ր, եւ ելանիցեմ ՛ի տուն տ(եառ)ն յաւուրն երրորդի։

Verse: 9  Link to sept   եւ ասէ եսայի. ա́յս նշան է ՛ի տ(եառն)է. զի արասցէ տ(է)ր զբանն, զոր խօսեցաւ. երթիցէ ստուերն զտասն աստիճանօք։

Verse: 10  Link to sept   Եւ ասէ եզեկիա. դիւրին է ստուերին դառնալ զտասն աստիճանօք. եւ ասէ. ո́չ այդպէս է. այլ դարձցի́ ստուերն զտասն աստիճանօք անդրէն յե́տս։

Verse: 11  Link to sept   Եւ աղաղակեաց եսայի մարգարէ առ տ(է)ր. եւ դարձաւ ստուերն զտասնեքումբք աստիճանօք անդրէն յետս զտասնեքումբք աստիճանօքն աքազու։

Verse: 12  Link to sept   ՛Ի ժամանակին յայնմիկ առաքեաց մարովդաք բաղդան որդի բաղդանայ արքայ բաբելոնի հրովարտակս եւ պատարագս առ եզեկիա, զի լուաւ թէ հիւանդացաւ եզեկիա։

Verse: 13  Link to sept   Եւ ուրա́խ եղեւ ՛ի ն(ո)ս(ա) եզեկիա. եւ եցո́յց ն(ո)ց(ա) զա(մենայ)ն տունս նաքովթայ, զարծաթ, եւ զոսկի, եւ զխունկս, եւ զիւղս անուշունս. եւ զտունս անօթոց, եւ որ ինչ գտանէր ՛ի գանձս ն(ո)ր(ա). եւ ո́չ էր տեղի զոր ո́չ եցոյց եզեկիա ՛ի տան իւրում, եւ յա(մենայ)ն իշխանու(թ)ե(ան) իւրում։

Verse: 14  Link to sept   Եւ եմուտ եսայի մարգարէ առ եզեկիա արքայ եւ ասէ ցնա. զի՞նչ խօսեցան արքդ այդոքիկ, եւ ուստի՞ եկին առ քեզ. եւ ասէ եզեկիա, յերկրէ հեռաստանէ եկին առիս ՛ի բաբելոնէ։

Verse: 15  Link to sept   Եւ ասէ՝ զի՞նչ տեսին ՛ի տան քում։ եւ ասէ եզեկիա. զա(մենայ)ն ինչ որ ՛ի տա́ն իմում էր՝ տեսին, եւ ո́չ ինչ էր ՛ի տան իմում զոր ո́չ ցուցի ն(ո)ց(ա), այլ եւ ո́չ ՛ի գանձս իմ։

Verse: 16  Link to sept   Եւ ասէ եսայի ցեզեկիայ. լո́ւր զբան տ(եառ)ն.

Verse: 17  Link to sept   ահա աւուրք գան, եւ առցի ա(մենայ)ն որ ինչ ՛ի տա́ն քում է, եւ զոր ինչ գանձեցին հարք քո մինչեւ ցայսօր, եւ երթիցէ ՛ի բաբելոն, եւ մի́ ինչ մնասցէ. զի բա́ն է զոր խօսեցաւ տ(է)ր։

Verse: 18  Link to sept   եւ որդիք քո, որ ելանիցեն ՛ի քէն՝ առցին, եւ եղիցին ներքինիք ՛ի տա́ն թագաւորին բաբելացւոց։

Verse: 19  Link to sept   Եւ ասէ եզեկիա ցեսայի. բարի́ է բանն տ(եառ)ն զոր խօսեցաւ։ եւ ասէ՝ եղիցի խաղաղութի(ւն) եւ ճշմարտութի(ւն) յաւուրս իմ։

Verse: 20  Link to sept   Եւ մնացորդք բանից եզեկիայ՝ եւ ա(մենայ)ն զօրութի(ւն)ք ն(ո)ր(ա), եւ ո(ր)պ(էս) արար զջրաբուղխսն, եւ զջրմուղն, եւ ած ջուր ՛ի քաղաքն, ո́չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 21  Link to sept   Եւ ննջեաց եզեկիա ընդ հարս իւր. եւ թագաւորեաց մանասէ որդի ն(ո)ր(ա) ընդ ն(ո)ր(ա)։


Chapter: 21 
ԳԼ(ՈՒԽ) Ի՜.


Verse: 1  Link to sept   Որդի ամաց երկոտասանից մանասէ՝ ՛ի թագաւորել իւրում. եւ յիսուն եւ ինն ամ թագաւորեաց յե(րուսաղէ)մ. եւ անուն մօր ն(ո)ր(ա) եփսիբա։

Verse: 2  Link to sept   Եւ արար չա́ր առաջի տ(եառ)ն ըստ գարշու(թ)ի(ւն) ազգացն, զորս եբարձ տ(է)ր յերեսաց որդւոցն ի(սրաէ)լի.

Verse: 3  Link to sept   եւ դարձաւ շինեաց զբարձունսն զոր կործանեաց եզեկիա հայր ն(ո)ր(ա). եւ կանգնեաց զսեղանն բահաղու։ եւ արար անտառս, ո(ր)պ(էս) արար աքաաբ արքայ ի(սրաէ)լի. եւ երկի́ր եպագ ա(մենայ)ն զօրու(թ)ե(ան) երկնից, եւ ծառայեաց ն(ո)ց(ա).

Verse: 4  Link to sept   եւ շինեաց սեղան ՛ի տան տ(եառ)ն. ո(ր)պ(էս) ասաց տ(է)ր՝ յե(րուսաղէ)մ եդից զաթոռ իմ։

Verse: 5  Link to sept   եւ շինեաց սեղան ա(մենայ)ն զօրու(թ)ե(ան) երկնից յա(մենայ)ն սրահս տանն տ(եառ)ն։

Verse: 6  Link to sept   Եւ անցոյց զորդիս իւր ը(նդ) հուր. եւ հմայէր, եւ հաւահարց լինէր. եւ արար վհուկս, եւ գէտս. եւ յաճախեաց առնել չա́ր առաջի տ(եառ)ն առ ՛ի բարկացուցանելոյ զնա։

Verse: 7  Link to sept   Եւ եդ զդրօշեալս անտառաց ՛ի տան տ(եառ)ն. զորմէ ասաց տ(է)ր ցդաւիթ եւ ցսողոմոն որդի ն(ո)ր(ա), թէ ՛ի տանս յայսմիկ եւ յե(րուսաղէ)մ զոր ընտրեցի յա(մենայ)ն ցեղից ի(սրաէ)լի, եդի́ց զանուն իմ յաւիտեան։

Verse: 8  Link to sept   եւ ո́չ յաւելից շարժել զոտն ի(սրաէ)լի յերկրէդ զոր ետու հարց ն(ո)ց(ա)։ ոյք զգուշանայցեն առնել յա(մենայ)ն որ ինչ պատուիրեցի ն(ո)ց(ա), եւ ըստ ա(մենայ)ն պատուիրանի բանին զոր պատուիրեաց նոցա ծառա́յ իմ մովսէս, եւ ոչ լուան։

Verse: 9  Link to sept   Եւ մոլորեցոյց զն(ո)ս(ա) մանասէ առնել չա́ր առաջի տ(եառ)ն՝ առաւե́լ քան զազգսն՝ զորս ապականեաց տ(է)ր յերեսաց որդւոցն ի(սրաէ)լի։

Verse: 10  Link to sept   Եւ խօսեցաւ տ(է)ր ՛ի ձեռն ծառայից իւրոց մարգարէից՝ եւ ասէ։

Verse: 11  Link to sept   Փոխանակ զի արա́ր մանասէ արքայ յուդայ զգարշելիսդ զայդոսիկ զչարս առաւել քան զա(մենայ)ն զոր արար ամովրհացին առաջի իմ, եւ յանցեաւ յուդայ կռովք իւրեանց.

Verse: 12  Link to sept   վ(ա)ս(ն) այնորիկ ա́յսպէս ասէ տ(է)ր ա(ստուա)ծ ի(սրաէ)լի. ահա ե́ս ածեմ չարիս ՛ի վ(ե)ր(այ) ե(րուսաղէ)մի եւ ՛ի վ(ե)ր(այ) յուդայ, զի ա(մենայ)նի որ լսիցէ, հնչեսցեն երկոքին ականջք իւր։

Verse: 13  Link to sept   եւ ձգեցից ՛ի վերայ ե(րուսաղէ)մի զչափն սամարեայ, եւ զկշիռ տանն աքաաբու։ Եւ ջնջեցից զե(րուսաղէ)մ ո(ր)պ(էս) շիշ մի ջնջեալ որ կործանիցի ՛ի վերայ երեսաց իւրոց։

Verse: 14  Link to sept   եւ մերժեցից զմնացորդս ժառանգու(թ)ե(ան) իմոյ. եւ մատնեցից զնոսա ՛ի ձեռս թշնամեաց իւրեանց, եւ եղիցին յափշտակու(թ)ի(ւն) եւ յաւար ա(մենայ)ն թշնամեաց իւրեանց.

Verse: 15  Link to sept   փոխանակ զի արարին չա́ր առաջի իմ, եւ բարկացուցանէին զիս յօրէ յորմէհետէ հանի զն(ո)ս(ա) յեգիպտոսէ մինչեւ ցայսօր։

Verse: 16  Link to sept   Նա եւ արիւն անպարտ եհեղ մանասէ բազո́ւմ յոյժ, մինչեւ ելից զե(րուսաղէ)մ ծա́յր ՛ի ծայր. թո́ղ զմեղս իւր որովք մեղոյցն զյուդայ՝ առնել չա́ր առաջի տ(եառ)ն։

Verse: 17  Link to sept   Եւ մնացորդք բանից մանասէի՝ եւ ա(մենայ)ն ինչ զոր արար. եւ մեղք ն(ո)ր(ա) զոր մեղաւ, ո́չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 18  Link to sept   Եւ ննջեաց մանասէ ընդ հարս իւր, եւ թաղեցաւ ՛ի պարտիզի տան իւրոյ, ՛ի պարտիզին ոզայ. եւ թագաւորեաց ամսն որդի ն(ո)ր(ա) ընդ ն(ո)ր(ա)։

Verse: 19  Link to sept   Որդի քսանեւերկուց ամաց ամսն ՛ի թագաւորել իւրում, եւ երկոտասան ամ թագաւորեաց յե(րուսաղէ)մ. եւ անուն մօր ն(ո)ր(ա) մեսողոմիթ՝ դուստր արուսայ յետեբելայ։

Verse: 20  Link to sept   Եւ արար չա́ր առաջի տ(եառ)ն, ո(ր)պ(էս) արար մանասէ հայր ն(ո)ր(ա)։

Verse: 21  Link to sept   եւ գնաց յա(մենայ)ն ճանապարհս յոր գնաց հայր նորա, եւ պաշտեաց զկուռս զոր պաշտեաց հայր ն(ո)ր(ա), եւ երկիր եպագ ն(ո)ց(ա)։

Verse: 22  Link to sept   եւ եթող զտ(է)ր ա(ստուա)ծ հարց իւրոց, եւ ո́չ գնաց ՛ի ճանապարհս տ(եառ)ն։

Verse: 23  Link to sept   Եւ գումարեցան ծառայք ամոնայ ՛ի վ(ե)ր(այ) ն(ո)ր(ա), եւ սպանին զարքայ ՛ի տան իւրում։

Verse: 24  Link to sept   եւ եհար ա(մենայ)ն ժողովուրդն զա(մենայ)ն գումարեալսն ՛ի վ(ե)ր(այ) արքայի ամոնայ. եւ թագաւորեցոյց ժողովուրդ երկրին զյովսիայ որդի ն(ո)ր(ա) ընդ ն(ո)ր(ա)։

Verse: 25  Link to sept   Եւ մնացորդք բանիցն ամոնայ զոր արար, ո́չ աւանիկ գրեալ են ՛ի գիրս բանից աւուրց թագաւորացն յուդայ։

Verse: 26  Link to sept   Եւ ննջեաց ամոն ընդ հարս իւր, եւ թաղեցին զնա ՛ի գերեզմանի իւրում ՛ի պարտիզին ոզայ։ Եւ թագաւորեաց յովսիա որդի նորա։


Chapter: 22 
ԳԼ(ՈՒԽ) Ի՜.


Verse: 1  Link to sept   Որդի ամաց ութից յովսիա ՛ի թագաւորել իւրում, եւ երեսուն եւ մի ամ թագաւորեաց յե(րուսաղէ)մ. եւ անուն մօր ն(ո)ր(ա) յեդիդա. դուստր յեդիդայ ՛ի բասուրովթայ։

Verse: 2  Link to sept   Եւ արար ուղղու(թ)ի(ւն) առաջի տ(եառ)ն, եւ գնաց յա(մենայ)ն ճանապարհս դաւթի հօր իւրոյ. եւ ո́չ խոտորեցաւ յաջ կամ յահեակ։

Verse: 3  Link to sept   Եւ եղեւ յամի ութուտասներորդի յովսիայ արքայի յուդայ, յամսեանն եւթներորդի առաքեաց արքայ զսափան զորդի եսելիայ զորդի մեսողոմայ զդպրապե́տ տանն, եւ ասէ.

Verse: 4  Link to sept   ե́րթ առ քեղկիա քահանայ մեծ, զի ձուլեսցեն զարծաթն մտեալ ՛ի տուն տ(եառ)ն, զոր ժողովեցին պահպանեալքն կշռով ՛ի ժողովրդենէն.

Verse: 5  Link to sept   եւ տայցեն զայն ՛ի ձեռս գործաւորաց գործոյն զվերակացուս տանն տ(եառ)ն։ եւ ետուն զգործաւորս գործոցն ՛ի տանն տ(եառ)ն, զօրացուցանել զբեդեկ տանն տ(եառ)ն,

Verse: 6  Link to sept   զհիւսունս եւ ցշինօղս եւ ցճարտարս, գնել փայտ եւ քարինս կոփածոյս՝ առ ՛ի կազմելոյ զբեդեկ տանն տ(եառ)ն։

Verse: 7  Link to sept   բայց ո́չ առնէին համար արծաթոյն տուելոյ ն(ո)ց(ա). քանզի յաւատ գործէին։

Verse: 8  Link to sept   Եւ ասէ քեղկիա քահանայ մեծ՝ ցսափան դպրապետ։ մատեա́ն օրինաց գտի ՛ի տան տ(եառ)ն։ եւ ետ քեղկիա ցսափան. եւ ընթերցաւ զայն,

Verse: 9  Link to sept   եւ տարաւ առ արքայ զպատգամն։ եւ ասէ, ձուլեցին ծառայք քո զարծաթն գտեալ ՛ի տան տ(եառ)ն. եւ ետուն զայն ՛ի ձեռս գործաւորաց գործոյն վերակացուաց ՛ի տան տ(եառ)ն։

Verse: 10  Link to sept   Եւ խօսեցաւ սափան դպրապետ ը(նդ) արքայի՝ եւ ասէ. մատեան մի ետ ցիս քեղկիա քահանայ. եւ ընթերցաւ զայն սափան առաջի արքայի։

Verse: 11  Link to sept   եւ եղեւ իբրեւ լուաւ արքայ զբանս մատենի օրինացն, պատառեաց զհանդերձս իւր։

Verse: 12  Link to sept   Եւ պատուէր ետ արքայ քեղկիայ քահանայի, եւ աքիկամայ որդւոյ սափանայ, եւ աքոբերայ որդւոյ միքէի, եւ սափանայ դպրապետի, եւ յասայեայ ծառայի արքայի՝ եւ ասէ.

Verse: 13  Link to sept   երթա́յք խնդրեցէ́ք ՛ի տ(եառն)է վ(ա)ս(ն) իմ եւ վ(ա)ս(ն) ա(մենայ)ն ժողովրդեանդ՝ եւ վ(ա)ս(ն) ա(մենայ)ն յուդայ, վասն բանից մատենիդ գտելոյ այդորիկ. զի մեծ բարկու(թ)ի(ւն) տ(եառ)ն բորբոքեալ է ՛ի մեզ. փոխանակ զի ո́չ լուան հարք մեր բանից մատենիդ այդորիկ առնել ըստ ա(մենայ)ն գրելոցդ զմէնջ։

Verse: 14  Link to sept   Եւ գնաց քեղկիա քահանայ, եւ աքիկամ, եւ աքոբովր, եւ սափան, եւ յասայիա, առ ողդա մարգարէ՝ կին սելլովմայ որդւոյ թեկուեայ, որդւոյ արասայ պտամուճակի։ եւ նա բնակէր յե(րուսաղէ)մ ՛ի մասենա. եւ խօսեցան ը(նդ) նմա։

Verse: 15  Link to sept   Եւ ասէ ցն(ո)ս(ա). ա́յսպէս ասէ տ(է)ր ա(ստուա)ծ ի(սրաէ)լի. ասացէ́ք ցայրն որ առաքեաց զձեզ առ իս.

Verse: 16  Link to sept   ա́յսպէս ասէ տ(է)ր. ահա ես ածեմ չարի́ս ՛ի վ(ե)ր(այ) տեղւոյդ այդորիկ, եւ ՛ի վ(ե)ր(այ) բնակչաց դորա ը(նդ) ա(մենայ)ն բանից մատենին զոր ընթերցաւ արքայ յուդայ։

Verse: 17  Link to sept   փոխանակ զի թողին զիս, եւ արկանէին խունկս աստուածոց օտարաց. զի բարկացուսցեն զիս գործովք ձեռաց իւրեանց. եւ բորբոքեսցի սրտմտու(թ)ի(ւն) իմ ՛ի տեղւոջ յայդմիկ, եւ մի́ շիջցի։

Verse: 18  Link to sept   Եւ ցարքայ յուդայ որ առաքեաց զձեզ խնդրել զտ(է)ր, զա́յս ասասջիք. ա́յսպէս ասէ տ(է)ր ա(ստուա)ծ ի(սրաէ)լի։ բանքն զոր լուար՝ ա́յս են։

Verse: 19  Link to sept   փոխանակ զի կակղացաւ սիրտ քո, եւ պատկառեցեր յերեսաց տ(եառ)ն իբրեւ լուար զոր ինչ խօսեցաւ ՛ի վերայ տեղւոյդ զայդորիկ, եւ ՛ի վերայ բնակչաց դորա լինել յապականութի(ւն) եւ յանէծս, եւ պատառեցեր զհանդերձս քո, եւ լացեր առաջի իմ. եւ ես լուայ՝ ասէ տ(է)ր։

Verse: 20  Link to sept   Վասն այդորիկ ես յաւելում զքեզ առ հարս քո, եւ ժողովեսցիս ՛ի տեղւոջ քում յե(րուսաղէ)մ. եւ ո́չ տեսցեն աչք քո զչարիսն զոր ես ածից ՛ի վերայ տեղւոյդ այդորիկ։


Chapter: 23 
ԳԼ(ՈՒԽ) Ի՜.


Verse: 1  Link to sept   Եւ դարձուցի́ն արքայի զպատգամն զոր յղեաց արքայ։ եւ ժողովեաց առ ինքն զա(մենայ)ն ծերս յուդայ՝ եւ զե(րուսաղէ)մի։

Verse: 2  Link to sept   եւ ել արքայ ՛ի տուն տ(եառ)ն. եւ ա(մենայ)ն այր յուդայ՝ եւ ա(մենայ)ն բնակիչք ե(րուսաղէ)մի ը(նդ) նմա, եւ քահանայք եւ մարգարէք՝ եւ ա(մենայ)ն ժողովուրդն ընդ նմա ՛ի փոքուէ մինչեւ ցմեծ։ եւ ընթերցաւ յականջս ն(ո)ց(ա) զա(մենայ)ն բանս մատենի ուխտին գտելոյ ՛ի տան տ(եառ)ն։

Verse: 3  Link to sept   Եւ եկաց արքայ ՛ի վ(ե)ր(այ) սեանն, եւ ուխտեաց ուխտ առաջի տ(եառ)ն՝ երթալոյ զհետ տ(եառ)ն, եւ պահելոյ զպատուիրանս ն(ո)ր(ա), եւ զվկայութի(ւն)ս ն(ո)ր(ա), եւ զիրաւունս ն(ո)ր(ա) յա(մենայ)ն սրտէ՝ եւ յա(մենայ)ն անձնէ. կանգնել զբանս ուխտին գրելոյ ՛ի մատենին յայնմիկ։ եւ եկաց ա(մենայ)ն ժողովուրդն յուխտի։

Verse: 4  Link to sept   Եւ պատուէր ետ արքայ քեղկիայ քահանայի մեծի, եւ քահանայիցն երկրորդաց, եւ պահապանաց կշռոյն՝ հանե́լ ՛ի տաճարէն տ(եառ)ն զա(մենայ)ն անօթ գործեալ բահաղու, եւ անտառացն, եւ զօրու(թ)ե(ան) երկնից, եւ այրեաց զն(ո)ս(ա) արտաքոյ ե(րուսաղէ)մի ՛ի սադեմովթ կեդրոնի, եւ արկ զմոխիր ն(ո)ց(ա) ՛ի բեթէլ։

Verse: 5  Link to sept   Եւ այրեաց զքովմարիմսն զոր տուեալ էր արքային յուդայ, եւ արկանէին խունկս ՛ի բարձունսն, եւ յա(մենայ)ն քաղաքս յուդայ, եւ շուրջ զե(րուսաղէ)մաւ. եւ զխնկարկուսն զարեգական եւ զլուսնի՝ եւ զաստեղաց՝ եւ զա(մենայ)ն զօրու(թ)ե(ան) երկնից.

Verse: 6  Link to sept   եւ զանտառն ՛ի տանէ տ(եառ)ն արտաքոյ ե(րուսաղէ)մի ՛ի հեղեղատն կեդրոնի. եւ այրեաց զայն ՛ի հեղեղատին կեդրոնի, եւ մանրեաց իբրեւ զփոշի. ցանեաց զմոխիրն նորա ՛ի գերեզմանս որդւոց ժողովրդեանն։

Verse: 7  Link to sept   Եւ քակեաց զտուն կադէսիմացն որ ՛ի տան տ(եառ)ն. եւ յորում կանայքն արկանէին զպատմուճանս անտառացն։

Verse: 8  Link to sept   եւ եհան զա(մենայ)ն քուրմսն ՛ի քաղաքէն յուդայ։ Եւ պղծեաց զբարձունսն. որ արկանէին խունկս քուրմքն, ՛ի գաբաայ մինչեւ ցբերսաբէէ. եւ քակեաց զտուն դրանցն որ առ դրանդոջ դրանն յեսովայ իշխանի դրանն ՛ի ձախմէ առ դրան քաղաքին։

Verse: 9  Link to sept   բայց ո́չ ելանէին քուրմքն բարձանցն ՛ի սեղան տ(եառ)ն որ յե(րուսաղէ)մ, եթէ ոչ ուտէին բաղարջ ՛ի մէջ եղբարց իւրեանց։

Verse: 10  Link to sept   Եւ պղծեաց զթոփոթ, որ ՛ի ձո́ր ուրդւոցն ենոմայ, առ ՛ի չածելոյ առն դուստր իւր կամ զդուստր զբոցով մեղքոմայ։

Verse: 11  Link to sept   Եւ այրեցին զձիսն զորս ետ արքայ յուդայ արեգական՝ ՛ի մուտս տան տ(եառ)ն ՛ի գանձանակի նաթանայ ներքինւոյ արքայի, որ ՛ի փարուիմ. եւ զկառսն արեգական այրեաց հրով։

Verse: 12  Link to sept   եւ զսեղանս որ ՛ի վերայ տանեաց վերնատանն, զոր արարին թագաւորք յուդայ. եւ զսեղանն՝ զոր արար մանասէ յերկուս սրահս տանն տ(եառ)ն. եւ քակեաց զայն արքայ, եւ կործանեաց անտի, եւ ընկէց զհողն ն(ո)ց(ա) ՛ի հեղեղատն կեդրոնի։

Verse: 13  Link to sept   Նա եւ զտունն որ ՛ի դիմաց ե(րուսաղէ)մի ընդ աջմէ լերինն մոսաթայ, զոր շինեաց սողոմոն արքայ ի(սրաէ)լի աստարտայ գարշելւոյ սիդոնացւոյ, եւ քամովսայ զաղրոտւոյ մովաբայ, եւ մելքոմայ գարշելւոյ որդւոցն ամոնայ՝ պղծեաց արքայ։

Verse: 14  Link to sept   եւ խորտակեաց զարձանսն, եւ կոտորեաց զանտառսն. եւ ելից զտեղիս ն(ո)ց(ա) ոսկերօք մարդկան։

Verse: 15  Link to sept   Եւ զսեղանն որ ՛ի բեթէլ զբարձր, զոր արար յերոբովամ որդի նաբատայ որ մեղոյցն զի(սրա)էլ. եւ զա́յն եւս սեղան զբարձր կործանեաց եւ խորտակեաց զքարինս ն(ո)ր(ա), եւ մանրեաց իբերւ զփոշի, եւ այրեաց զանտառն։

Verse: 16  Link to sept   Եւ հայեցաւ յովսիա, եւ ետես զգերեզմանս որ ՛ի քաղաքին. եւ առաքեաց եւ ա́ռ զոսկերս ՛ի գերեզմանացն՝ եւ այրեաց ՛ի վ(ե)ր(այ) սեղանոյն, եւ պղծեաց զնա ըստ բանին տ(եառ)ն, զոր խօսեցաւ այրն ա(ստուծո)յ, մինչեւ կայր յերոբովամ ՛ի տօնին ՛ի վ(ե)ր(այ) սեղանոյն։ Եւ դարձոյց զաչս իւր ՛ի գերեզման առնն ա(ստուծո)յ որ խօսեցաւ զբանս զայսոսիկ։

Verse: 17  Link to sept   եւ ասէ՝ զի՞նչ է կոթողն այնր զոր ես տեսանեմ։ եւ ասեն ցնա արք քաղաքին. ա́յրն ա(ստուծո)յ է՝ որ եկն ՛ի յուդայ, եւ բարբառեցաւ զբանս զայսոսիկ ՛ի վ(ե)ր(այ) սեղանոյն բեթելայ։

Verse: 18  Link to sept   եւ ասէ, թո́յլ տուք զայն՝ մի́ ոք շարժեսցէ զոսկերս ն(ո)ր(ա). եւ գտա́ն ոսկերք ն(ո)ր(ա) ընդ ոսկերս մարգարէին եկելոյ ՛ի սամարիայ։

Verse: 19  Link to sept   Նա եւ զա(մենայ)ն տունս բարձանց զոր ՛ի քաղաքս սամարիայ արարին թագաւորք ի(սրաէ)լի առ ՛ի բարկացուցանելոյ զտ(է)ր, մերժեաց յովսիա արքայ ի(սրաէ)լի. եւ արար ըստ ա(մենայ)ն գործոցն զոր արար ՛ի բեթէլ։

Verse: 20  Link to sept   եւ ճենճերեաց զա(մենայ)ն քուրմս բարձանց որ էին անդ ՛ի վ(ե)ր(այ) սեղանոյն. եւ այրեաց զոսկերս մարդկան ՛ի վերայ ն(ո)ց(ա). եւ դարձա́ւ յե(րուսաղէ)մ։

Verse: 21  Link to sept   Եւ պատուէր ետ արքայ ա(մենայ)ն ժողովրդեանն՝ եւ ասէ. արարէ́ք զզատիկ տ(եառ)ն ա(ստուծո)յ մերոյ, ո(ր)պ(էս) եւ գրեալ է ՛ի մատենի ուխտիս այսորիկ։

Verse: 22  Link to sept   Զի ո́չ եղեւ զատիկն այն յաւուրս դատաւորացն որ դատէին զի(սրա)էլ, եւ յաւուրս թագաւորացն ի(սրաէ)լի, եւ թագաւորացն յուդայ։

Verse: 23  Link to sept   Բայց զի յութուտասներորդի ամի յովսիայ արքայի եղեւ զատիկն այն տ(եառ)ն յե(րուսաղէ)մ։

Verse: 24  Link to sept   Եւ զվհուկս, եւ զգէտս, եւ թերափիմս, եւ զկուռս, եւ զա(մենայ)ն գարշելիսն եղեալս ՛ի յուդայ եւ յե(րուսաղէ)մ, եբարձ յովսիա. զի հաստատեսցէ զբանս օրինացն գրելոց ՛ի մատենին, զոր եգիտ քեղկիա քահանայ ՛ի տան տ(եառ)ն։

Verse: 25  Link to sept   Նմա́ն նմա՝ ո́չ եղեւ յառաջ քան զնա թագաւոր, որ դարձաւ առ տ(է)ր յա(մենայ)ն սրտէ իւրմէ, եւ յա(մենայ)ն անձնէ իւրմէ, եւ յա(մենայ)ն զօրութ(են)է իւրմէ, ըստ ա(մենայ)ն օրինացն մովսիսի. եւ յետ ն(ո)ր(ա) ոչ եկաց նման նմա։

Verse: 26  Link to sept   Սակայն ո́չ դարձաւ տ(է)ր ՛ի սրտմտութ(են)է բարկու(թ)ե(ան) իւրոյ մեծէ՝ զոր սրտմտեցաւ բարկութ(եամ)բ իւրով ՛ի վ(ե)ր(այ) յուդայ վ(ա)ս(ն) զայրացութե(ան)ցն որովք զայրացո́յց զնա մանասէ։

Verse: 27  Link to sept   Եւ ասէ տ(է)ր, նա եւ զյուդա́յ մերժեցից յերեսաց իմոց, ո(ր)պ(էս) մերժեցի զի(սրա)էլ։ եւ մերժեցից զքաղաքդ զայդ զոր ընտրեցի զե(րուսաղէ)մ, եւ զտունդ զորմէ ասացի թէ եղիցի անուն իմ անդ։

Verse: 28  Link to sept   Եւ մնացորդք բանիցն յովսիայ՝ եւ ա(մենայ)ն ինչ զոր արար՝ ո́չ աւանիկ գրեալ է ՛ի գիրս բանից աւուրց թագաւորացն յուդայ։

Verse: 29  Link to sept   Յաւուրսն յայնոսիկ ե́լ փարաւոն նեքաւով արքայ եգիպտացւոց ՛ի վերայ թագաւորին ասորեստանեաց առ եփրատ գետով։ եւ գնաց յովսիա արքայ ընդ առաջ ն(ո)ր(ա). եւ սպան զնա ՛ի մակեդով ՛ի տեսանելն նորա զնա։

Verse: 30  Link to sept   եւ բարձին զնա ծառայք նորա ՛ի մակեդովայ, եւ բերին զնա յե(րուսաղէ)մ. եւ թաղեցին զնա ՛ի գերեզմանի հօր իւրում։ Եւ ա́ռ ժողովուրդ երկրին յովաքազ որդի յովսիայ, եւ օծին զնա՝ եւ թագաւորեցուցին զնա փոխանակ հօր իւրոյ։

Verse: 31  Link to sept   Որդի́ քսան եւ երից ամաց էր յովաքազ ՛ի թագաւորել իւրում, եւ երիս ամիսս թագաւորեաց յե(րուսաղէ)մ։ եւ անուն մօր ն(ո)ր(ա) ամիտալ դուստր երեմիայի ՛ի ղոբնայ։

Verse: 32  Link to sept   եւ արար չա́ր առաջի տ(եառ)ն ըստ ա(մենայ)նի զոր արարին հա́րք ն(ո)ր(ա)։

Verse: 33  Link to sept   Եւ փոխեաց զնա փարաւոն նեքաւով ՛ի դեբղաթա յերկիրն եմաթայ չթագաւորել նմա յե(րուսաղէ)մ. եւ արկ հարկ երկրին հարիւր տաղանտ արծաթոյ եւ տասն տաղանտ ոսկւոյ։

Verse: 34  Link to sept   Եւ թագաւորեցո́յց փարաւոն նեքաւով ՛ի վ(ե)ր(այ) ն(ո)ց(ա) զեղիակիմ որդի յովսիայ արքայի յուդայ փոխանակ յովսեայ հօր իւրոյ. եւ փոխեաց զանուն ն(ո)ր(ա) յովակիմ. եւ զյովաքազ ա́ռ տարաւ յեգիպտոս, եւ մեռա́ւ անդ։

Verse: 35  Link to sept   Եւ զարծաթն եւ զոսկին ե́տ յովակիմ փարաւոնի. սակայն ճշդով գրեցին զերկիրն տա́լ զարծաթն բանիւ փարաւոնի՝ այր ըստ կարի́ իւրում ետուն զարծաթ եւ զոսկի հանդերձ ժողովրդեամբ երկրին տա́լ փարաւոնի նեքաւովայ։

Verse: 36  Link to sept   Որդի քսանեւհինգ ամաց էր յովակիմ ՛ի թագաւորել իւրում. եւ մետասան ամ թագաւորեաց յե(րուսաղէ)մ. եւ անուն մօր ն(ո)ր(ա) ելդափ՝ դուստր յեդդելայ յռովմայ.

Verse: 37  Link to sept   եւ արար չա́ր առաջի տ(եառ)ն ըստ ա(մենայ)նի զոր արարին հարք նորա։


Chapter: 24 
ԳԼ(ՈՒԽ) Ի՜.


Verse: 1  Link to sept   Յաւուրս ն(ո)ր(ա) ե́լ նաբուքոդոնոսոր արքայ բաբելոնի, եւ եղեւ ն(ո)ր(ա) ծառայ յովակիմ ամս երիս. եւ դարձա́ւ վտարանջեաց ՛ի նմանէ։

Verse: 2  Link to sept   Եւ առաքեա́ց նմա տ(է)ր զմեկնալազէնսն քաղդէացւոց, եւ զմեկնակազէնսն ասորւոց, եւ զմեկնակազէնսն մովաբայ, եւ զմեկնակազէնսն որդւոցն ամովնայ. եւ առաքեաց զն(ո)ս(ա) յերկիրն հրէաստանի սատակել զն(ո)ս(ա) ըստ բանին տ(եառ)ն զոր խօսեցաւ ՛ի ձեռն ծառայից իւրոց մարգարէից։

Verse: 3  Link to sept   Քանզի բարկութի(ւն) տ(եառ)ն էր ՛ի վ(ե)ր(այ) յուդայ մերժել զնա յերեսաց իւրոց՝ վ(ա)ս(ն) մեղաց մանասէի, ըստ ա(մենայ)նի զոր արար։

Verse: 4  Link to sept   եւ վ(ա)ս(ն) անպարտ արեանցն զոր եհեղ, եւ ելից զե(րուսաղէ)մ անպարտ արեամբ. եւ ոչ կամեցաւ տ(է)ր ցածնուլ։

Verse: 5  Link to sept   Եւ մնացորդք բանիցն յովակիմայ, եւ ամենայն ինչ զոր արար. ո՞չ աւանիկ գրեալ են ՛ի գիրս բանից աւուրց թագաւորացն յուդայ։
   Եւ ննջեա́ց յովակիմ ը(նդ) հարս իւր։

Verse: 6  Link to sept   եւ թագաւորեաց յովաքիմ որդի ն(ո)ր(ա) ընդ ն(ո)ր(ա)։

Verse: 7  Link to sept   Եւ ո́չ եւս յաւել արքայն եգիպտացւոց ելանել յերկրէն իւրմէ. քանզի ա́ռ արքայն բաբելոնի ՛ի հեղեղատէն եգիպտացւոց մինչեւ ցգետն եփրատ, զա(մենայ)ն ինչ որ էր արքային եգիպտացւոց։

Verse: 8  Link to sept   Որդի ամաց ութուտասնից էր յովաքիմ ՛ի թագաւորել իւրում, եւ երիս ամիսս թագաւորեաց յե(րուսաղէ)մ. եւ անուն մօր ն(ո)ր(ա) նեսթա, դուստր ելամաթայ յե(րուսաղէ)մէ։

Verse: 9  Link to sept   եւ արար չա́ր առաջի տ(եառ)ն, ըստ ա(մենայ)նի զոր արար հայր ն(ո)ր(ա)։

Verse: 10  Link to sept   ՛Ի ժամանակին յայնմիկ ել նաբուքոդոնոսոր արքայ բաբելոնի յե(րուսաղէ)մ. եւ եկն քաղաքն ՛ի պաշարումն։

Verse: 11  Link to sept   եւ եմուտ արքայն բաբելացւոց ՛ի քաղաքն. եւ ծառայք ն(ո)ր(ա) պաշարեալ պահէին զնա։

Verse: 12  Link to sept   Եւ ե́լ յովաքիմ արքայ յուդայ առ արքայն բաբելացւոց՝ ինքն եւ ծառայք իւր, եւ մայր իւր եւ իշխանք իւր, եւ ներքինիք իւր։ եւ ա́ռ զն(ո)ս(ա) արքայն բաբելացւոց. յամի ութերորդի թագաւորութե(ան) իւրոյ։

Verse: 13  Link to sept   Եւ եհան զա(մենայ)ն գանձս տանն տ(եառ)ն, եւ զգանձս տան թագաւորին. եւ կոտորեաց զա(մենայ)ն անօթս ոսկեղէնս զոր արար սողոմոն արքայ ի(սրաէ)լի ՛ի տաճարին տ(եառ)ն ըստ բանին տ(եառ)ն։

Verse: 14  Link to sept   Եւ խաղացոյց զա(մենայ)ն ե(րուսաղ)էմ, եւ զա(մենայ)ն իշխանս, եւ զա(մենայ)ն զօրաւորս զօրութ(եամ)բ ՛ի գերու(թ)ե(ան), տա́սն հազար գերեաց. եւ զա(մենայ)ն հիւսունս եւ զդահիճս, եւ ո́չ ոք մնաց բաց յաղքատաց երկրին։

Verse: 15  Link to sept   Եւ խաղացոյց զյովաքիմ ՛ի բաբելոն, եւ զմայր թագաւորին, եւ զկանայս ն(ո)ր(ա), եւ զներքինիս ն(ո)ր(ա). եւ զզօրաւորս երկրին վարեաց ՛ի գերութի(ւն) յե(րուսաղէ)մէ ՛ի բաբելոն։

Verse: 16  Link to sept   եւ զա(մենայ)ն արս զօրու(թ)ե(ան) արս եւթն հազար։ եւ զհիսունս եւ զդահիճս հազար այր, ամենեքեան զօրաւորք պատերազմօղք։ եւ վարեաց զն(ո)ս(ա) արքայն բաբելացւոց ՛ի գերութե(ան) ՛ի բաբելոն։

Verse: 17  Link to sept   Եւ թագաւորեցո́յց արքայն բաբելացւոց զմեթթանիա որդի ն(ո)ր(ա) ընդ ն(ո)ր(ա). եւ եդ անուն նմա սեդեկիա։

Verse: 18  Link to sept   Որդի քսան եւ մի ամաց էր սեդեկիա ՛ի թագաւորել իւրում. եւ մետասան ամ թագաւորեաց յե(րուսաղէ)մ. եւ անուն մօր ն(ո)ր(ա) ամատել դուստր երեմիայի ՛ի ղոբնայ։

Verse: 19  Link to sept   եւ արար չա́ր առաջի տ(եառ)ն ըստ ա(մենայ)նի զոր արար յովաքիմ·

Verse: 20  Link to sept   զի սրտմտութի(ւն) տ(եառ)ն էր ՛ի վերայ ե(րուսաղէ)մի եւ յուդայ, մինչեւ ընկեսցէ զնոսա յերեսաց իւրոց։ եւ նշկահեաց սեդեկիա զարքայն բաբելացւոց։


Chapter: 25 
ԳԼ(ՈՒԽ) ԻԵ


Verse: 1  Link to sept   Եւ եղեւ յամին իններորդի թագաւորու(թ)ե(ան) ն(ո)ր(ա), յամսեանն տասներորդի որ օր տասն էր ամսոյն. ե́կն նաբուքոդոնոսոր արքայն բաբելոնի, եւ ա(մենայ)ն զօրք իւր ՛ի վերայ եմ(թ)ի(ւն), եւ բանակեցաւ զնովաւ, եւ շինեաց շուրջ զնովաւ պարիսպ։

Verse: 2  Link to sept   Եւ պաշարեցաւ քաղաքն մինչեւ ցամն մետասաներորդ սեդեկիայ արքայի,

Verse: 3  Link to sept   եւ ցամիսն իններորդ. եւ սաստկացաւ սով ՛ի քաղաքին, եւ ո́չ գոյր հաց ժողովրդեան երկրին։

Verse: 4  Link to sept   Եւ խրամատեցաւ քաղաքն. եւ ա(մենայ)ն արք պատերազմի ելին արտաքս գիշերի ՛ի ճանապարհ դրանն ՛ի մէջ պարսպացն, որ է առ պարտիզաւն արքունի։ եւ քաղդեացիքն պատեալէին շուրջ զքաղաքաւն. եւ գնաց ը(նդ) ճանապարհն արաբայ։

Verse: 5  Link to sept   Եւ պնտեցաւ զօրն քաղդեացւոց զհետ թագաւորին, եւ հասին նմա յարաբովթ երիքովայ. եւ ա(մենայ)ն զօրք ն(ո)ր(ա) ցրուեցան ՛ի նմանէ։

Verse: 6  Link to sept   եւ կալան զթագաւորն, եւ ածին առ արքայն բաբելոնի ՛ի գեբղաթայ։ եւ խօսեցաւ ընդ նմա դատաստանօք։

Verse: 7  Link to sept   Եւ զորդիսն սեդեկիայ սպանին առաջի ն(ո)ր(ա), եւ զաչսն սեդեկիայ կուրացոյց. եւ կապեա́ց զնա կապանօք եւ տարա́ւ ՛ի բաբելոն։

Verse: 8  Link to sept   Եւ յամսեանն հինգերորդի, որ օր եւթն էր ամսոյն. այն ամ իննեւտասներորդ էր նաբուքոդոնոսորայ արքայի բաբելացւոց. եկն նաբուզարդան դահճապետ՝ յանդիմանակաց արքային բաբելոնի յե(րուսաղէ)մ։

Verse: 9  Link to sept   եւ այրեաց զտունն տ(եառ)ն, եւ զտուն թագաւորին. եւ զա(մենայ)ն տունս ե(րուսաղէ)մի, եւ զա(մենայ)ն տունս այրեաց հրով։

Verse: 10  Link to sept   եւ զպարիսպն ե(րուսաղէ)մի շուրջանակի քակեցին ա(մենայ)ն զօրքն քաղդեացւոց որ ը(նդ) դահճապետին։

Verse: 11  Link to sept   Եւ զաւելորդս ժողովրդեանն զմնացեալս ՛ի քաղաքին, եւ զանկեալսն յարքայն բաբելացւոց. եւ զա́յլ եւս խուժան ժողովրդեանն, խաղացոյց նաբուզարդան դահճապետ։

Verse: 12  Link to sept   եւ յաղքատաց երկրին եթող դահճապետն յայգեգործս եւ յարդիւնարարս։

Verse: 13  Link to sept   Եւ զսիւնսն պղնձիս զերկոսին որ ՛ի տան տ(եառ)ն, եւ զմենքենովթսն, եւ զծովն պղնձի որ ՛ի տան տ(եառ)ն, խորտակեցին քաղդէացիքն, եւ բարձին զպղինձ ն(ո)ց(ա) ՛ի բաբելոն։

Verse: 14  Link to sept   Եւ զսանսն, եւ զկատսայսն, եւ զտաշտսն, եւ զտուփս, եւ զա(մենայ)ն անօթս պղնձիս որովք պաշտէին՝ առին։

Verse: 15  Link to sept   եւ զբուրուառսն, եւ զափսէսն արծաթիս եւ զոսկիս ա́ռ դահճապետն։

Verse: 16  Link to sept   Եւ զսիւնսն զերկոսին, եւ զծովն զմի. եւ զմեքենովթսն զոր արար սողոմոն ՛ի տան տ(եառ)ն. եւ ո́չ գոյր կշիռ պղնձոյ ա(մենայ)ն անօթոցն.

Verse: 17  Link to sept   յութուտասն կանգնոյ բարձրութի(ւն) միոյ սեանն. եւ քովթար պղնձի ՛ի վ(ե)ր(այ) ն(ո)ր(ա). եւ բարձրութի(ւն) միոյ քովթարայ՝ յերից կանգնոց։ եւ սաբակ, եւ նռնաձեւք ՛ի վ(ե)ր(այ) քովթարայն շուրջանակի ա(մենայ)ն պղնձի։ ըստ նմին օրինակի եւ սեանն երկրոդի ՛ի վ(ե)ր(այ) սաբաքին։

Verse: 18  Link to sept   Եւ ա́ռ դահճապետն զսարայիա քահանայն զառաջինն, եւ զսոփոնիա զերկրորդ քահանայ, եւ զերիս պահապանս կշռոյն։

Verse: 19  Link to sept   եւ ՛ի քաղաքէ անտի ա́ռ ներքինի մի, որ էր ոստիկան արանց պատերազմողաց. եւ հինգ այր ՛ի յանդիմանակացաց արքայի գտելոց ՛ի քաղաքին. եւ զդպրապետ իշխան զօրուն զկարգիչ ժողովրդեան երկրին, եւ եւթն ա́յլ այր ՛ի ժողովրդենէ երկրին զգտեալս ՛ի քաղաքին.

Verse: 20  Link to sept   ա́ռ զն(ո)ս(ա) նաբուզարդան դահճապետ, եւ տարաւ զն(ո)ս(ա) առ արքայն բաբելոնի ՛ի դեբլաթա։

Verse: 21  Link to sept   Եւ եհար զն(ո)ս(ա) արքայն բաբելոնի, եւ սպան զն(ո)ս(ա) ՛ի դեբլաթա յերկրին եմաթայ։ եւ գերեցաւ յուդայ յերկրէ́ իւրմէ։

Verse: 22  Link to sept   Եւ զժողովուրդն որ մնաց ՛ի յուդայ, եթող նաբուքոդոնոսոր արքայ բաբելոնի. եւ կացո́յց ՛ի վ(ե)ր(այ) ն(ո)ց(ա) զգոդողիա որդի աքիկամայ որդւոյ սափանայ։

Verse: 23  Link to sept   Եւ լուան ա(մենայ)ն իշխանք զօրուն նորա՝ եւ արք ն(ո)ց(ա)՝ եթէ կացոյց արքայ բաբելոնի ՛ի վ(ե)ր(այ) ն(ո)ց(ա) զգոդողիա. եւ եկին առ գոդողիա ՛ի մասեփա. իսմայէլ որդի նաթանայ, եւ յովնան որդի կարէի, եւ սարայիա որդի թանայեմայ սովփաթացի, եւ յեզոնիա որդի մաքաթու, ինքեանք եւ արք իւրեանց.

Verse: 24  Link to sept   եւ երդուան գոդողիայ՝ ինքեանք եւ արք իւրեանց։ եւ ասէ ցն(ո)ս(ա), մի́ երկնչիք յասպատակէ քաղդեացւոցն. նստա́յք յերկրիս, եւ ծառայեցէ́ք արքային բաբելոնի, եւ բարի́ եղիցի ձեզ։

Verse: 25  Link to sept   Եւ եղեւ յամսեանն եւթներորդի, եկն իսմայէլ որդի նաթանայ որդւոյ ելիսամայ ՛ի զաւակէ թագաւորաց. եւ տասն այր ընդ նմա, եւ հարին զգոդողիա եւ մեռաւ, եւ հրէայսն եւ զքաղդեացիսն որ էին ը(նդ) նմա ՛ի մասեփա։

Verse: 26  Link to sept   Եւ յարեաւ ա(մենայ)ն ժողովուրդն ՛ի փոքուէ́ մինչեւ ցմեծ, եւ իշխանք զօրուն՝ մտին յեգիպտոս. զի երկեան յերեսաց քաղդեացւոցն։

Verse: 27  Link to sept   Եւ եղեւ յերեսներորդի եւ յեւթներորդի ամի գերութե(ա)ն յովակիմայ արքայի յուդայ, յամսեանն երկոտասաներորդի, ՛ի քսան եւ յեւթն ամսոյն, բարձրացո́յց իլմարուդաք արքայ բաբելոնի յամին յորում թագաւորեաց՝ զգլուխ յովակիմայ արքայի յուդայ. եւ եհան զնա ՛ի տանէ բանտին իւրոյ,

Verse: 28  Link to sept   եւ խօսեցաւ ընդ նմա քաղցրութ(եամ)բ. եւ արկ զաթոռ նորա ՛ի վերո́յ քան զաթոռս թագաւորացն որ ընդ նմա ՛ի բաբելոնի։

Verse: 29  Link to sept   Եւ փոխեաց զհանդերձ բանտին նորա. եւ ուտէր հանապազ հաց առաջի նորա զամենայն աւուրս կենաց իւրոց։

Verse: 30  Link to sept   եւ ռոճիկ նորա ռոճիկ հանապազորդ տուաւ նմա ՛ի տանէ թագաւորին, համարով օրըստօրէ զա(մենայ)ն աւուրս կենաց իւրոց։





Book: Chr.I 
Chronicarum I

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 8.11.2005


ՄՆԱՑՈՐԴԱՑ ԱՌԱՋԻՆ

Chapter: 1 
ԳԼ(ՈՒԽ) Ա՜.


Verse: 1  Link to sept   ԱԴԱ́Մ. ՍԷ́Թ. ԵՆՈՎՍ։

Verse: 2  Link to sept   Կայինան. մաղաղայէլ. յարեդ։

Verse: 3  Link to sept   ենոք. մաթուսաղայ. ղամէք. նոյ։

Verse: 4  Link to sept   Որդիք նոյի՝ սեմ. քամ. յաբեթ։

Verse: 5  Link to sept   Որդիք յաբեթի՝ գամեր. մագովգ. մադայի. յովիդան. եղիսան. թոբէլ. մոսոք. եւ թիրաս։

Verse: 6  Link to sept   Եւ որդիք գամերայ՝ ասքանազ. եւ հռիփաթ. եւ թորգոմա։

Verse: 7  Link to sept   եւ որդիք յովիդանայ՝ ելիսա. եւ թարսիս. կիտացիք՝ եւ հռոդացիք։

Verse: 8  Link to sept   Եւ որդիք քամայ՝ քուս. եւ մեստրեմ. փուդ. եւ քանան։

Verse: 9  Link to sept   եւ որդիք քուսայ՝ սաբա. եւ իլա. եւ սաբաթա. եւ հռեգմա. եւ սաբակաթա։ եւ որդիք հռեգմայ՝ սաբա. եւ դեդան։

Verse: 10  Link to sept   եւ քուս ծնաւ զնեմրովթ. սա́ սկսաւ լինել հսկա́յ որսորդ ՛ի վերայ երկրի։

Verse: 11  Link to sept   Եւ մեսարեմ ծնաւ զլուդիմացիս, եւ զլաբիինացիս, եւ զանաիմացիս, եւ զնեփթաբիմացիս։

Verse: 12  Link to sept   եւ զպատրոսիիմացիս, եւ զքասղոնիիմացիս, ուստի ելին անտի փղշտացիք. եւ զքափթորիմացիս։

Verse: 13  Link to sept   Եւ քանաան ծնաւ զսիդոն զանդրանիկ իւր։ եւ զքանանացին.

Verse: 14  Link to sept   եւ զեբուսացին. եւ զամուրհացիս. եւ զգերգեսացին։

Verse: 15  Link to sept   եւ զխեւացին. եւ զարուկեցին. եւ զարսենացին։

Verse: 16  Link to sept   եւ զարադացին. եւ զսամարացին. եւ զամաթացին։

Verse: 17  Link to sept   Որդիք սեմայ՝ եղամ. եւ ասուր. եւ արփաքսադ՝ եւ ղուդ. եւ արամ. եւ որդիք արամայ հուս. եւ եմովլ. եւ գաթեր. եւ մոսոք։

Verse: 18  Link to sept   Եւ արփաքսադ ծնաւ զկայինան. եւ կայինան ծնաւ զսաղա. եւ սաղա ծնաւ զեբեր։

Verse: 19  Link to sept   Եւեբերայ ծնան երկո́ւ որդիք, անուն միումն փաղէկ, զի յաւուրս ն(ո)ր(ա) բաժանեցաւ երկիր. եւ անուն եղբօր ն(ո)ր(ա) յեկտան։

Verse: 20  Link to sept   Յեկտան ծնաւ զելմովդադ. եւ զսաղափ. եւ զարամովթ.

Verse: 21  Link to sept   եւ զկեդրուրան. եւ զեզէլ. եւ զդեկլան.

Verse: 22  Link to sept   եւ զկամաան. եւ զաբիմէէլ. եւ զսաբա.

Verse: 23  Link to sept   եւ զսոփիր. եւ զեւի. եւ զովրամ. ամենեքեան սոքա որդիք յեկտանայ։

Verse: 24  Link to sept   Որդիք սեմայ՝ ելամ. եւ ասուր. եւ արփաքսադ. կայինան. սաղա.

Verse: 25  Link to sept   եբեր. փաղէկ. ռագաւ.

Verse: 26  Link to sept   սերուգ. նաքովր. թառայ.

Verse: 27  Link to sept   Աբրամ, նա́ ինքն է աբրաամ։

Verse: 28  Link to sept   Եւ որդիք աբրաամու՝ իսահակ, եւ իսմայէլ։

Verse: 29  Link to sept   Սոքա́ են ծնունդք իսմայելի. նաբեովթ, եւ կեդար, եւ նաբդեէլ, մաբսան.

Verse: 30  Link to sept   մասմա. եւ իդումա. մասսէ. քոդադ. թաման.

Verse: 31  Link to sept   իտուր. նափէս. եւ կեդմա. սոքա́ են որդիք իսմայելի։

Verse: 32  Link to sept   Եւ որդիք քետուրայ հարճին աբրաամու, եւ ծնաւ նմա զեմրան, եւ զյեկսան, եւ զմադան, եւ զմադիան, եւ զյեսբոկ, եւ զսովիւէ։ Եւ որդիք յեկսանայ՝ սաբա. եւ դեդան։ եւ որդիք դեդանայ՝ ռագուէլ. եւ նաբդեէլ. եւ ասուրիիմ. եւ լատուսիիմ. եւ լոովմին։

Verse: 33  Link to sept   Եւ որդիք մադիանայ՝ գեփար. եւ ոփեր. եւ ենոք. եւ աբիդա. եւ ելդան։ ամենեքեան ս(ուրբ)ք որդիք քետուրայ։

Verse: 34  Link to sept   Եւ ծնաւ աբրաամ զիսահակ։ եւ որդիք իսահակայ՝ եսաւ, եւ յակոբ։

Verse: 35  Link to sept   Որդիք եսաւայ՝ եղիփազ. եւ հռագուէլ. եւ յէուլ. եւ էգղոմ. եւ կորէ։

Verse: 36  Link to sept   Որդիք եղիփազայ՝ թեման. եւ ովմար. սոփար. գոթոմ. եւ կենէզ։ եւ թամար՝ հարճ եղիազարու ծնաւ նմա զամաղէկ։

Verse: 37  Link to sept   եւ որդիք ռագուելի՝ նաքէթ. զարեհ. սոմէ. եւ մոզէ։

Verse: 38  Link to sept   Եւ որդիք սէիրայ՝ ղովտան. սոբաղ. սեբէգոն. անա. դեսոն. եւ ասար՝ եւ հռիսոն։

Verse: 39  Link to sept   եւ որդիք ղովտանայ՝ քոռի. եւ էման. եւ քոյր ղովտանայ՝ թամնա։

Verse: 40  Link to sept   որդիք սովբաղայ՝ գովղամ. եւ մանաքաթ. եւ գեբէլ. եւ սովփար. եւ յովնան։ եւ որդիք սեբեգոնի՝ այիա. եւ ովնան։ եւ որդիք անայ՝ դեսոն. եւ ողիբամա դուստր անայի։

Verse: 41  Link to sept   եւ որդիք դեսոնի՝ ադամա. եւ եսեբամ. եւ յեթրան. եւ քառան։

Verse: 42  Link to sept   եւ որդիք ասարայ՝ բաղաան եւ ազուկամ եւ յովիկամ եւ ուկամ. եւ որդիք դեսոնի՝ ովս. եւ առան։

Verse: 43  Link to sept   Եւ այսոքիկ թագաւորք ն(ո)ց(ա) որք թագաւորեցին յեդոմ, յառա́ջ քան զթագաւորել թագաւո́ր որդւոցն ի(սրաէ)լի։ Բաղակ որդի սեփովրայ. եւ անուն քաղաքի ն(ո)ր(ա) դենաքա։

Verse: 44  Link to sept   եւ մեռաւ բաղակ, եւ թագաւորեաց փոխանակ ն(ո)ր(ա) յոբաբ, որդի զարեհի ՛ի բոսորայ։

Verse: 45  Link to sept   եւ մեռաւ յոբաբ. եւ թագաւորեաց փոխանակ ն(ո)ր(ա) ասովմ յերկրին թեմնացւոց։

Verse: 46  Link to sept   Եւ մեռաւ ասոմ. եւ թագաւորեաց փոխանակ ն(ո)ր(ա) ադադ, որդի բարադայ. որ եհար զմադիամ ՛ի դաշտին մովաբայ. եւ անուն քաղաքի ն(ո)ր(ա) գէթեմ։

Verse: 47  Link to sept   եւ մեռաւ ադադ։ եւ թագաւորեաց փոխանակ ն(ո)ր(ա) սամաա ՛ի մասեկա։

Verse: 48  Link to sept   Եւ մեռաւ սամաա, եւ թագաւորեաց փոխանակ ն(ո)ր(ա) սաւուղ յռոբովթայ, որ առ գետեզերբն էր։

Verse: 49  Link to sept   եւ մեռաւ սաւուղ, եւ թագաւորեաց փոխանակ ն(ո)ր(ա) բաղաենոն որդի աքոբովրայ։

Verse: 50  Link to sept   եւ մեռաւ բաղաենոն որդի աքոբովրա, եւ թագաւորեաց փոխանակ ն(ո)ր(ա) ադադ, եւ անուն քաղաքի ն(ո)ր(ա) փոգովր, եւ անուն կնոջ ն(ո)ր(ա) մետաբեէլ՝ դուստր մատրադայ։

Verse: 51  Link to sept   եւ մեռաւ ադադ։ Եւ ա́յս են իշխանք եդովմայ։ իշխան թամանայ. իշխան գովլայ. իշխան յեթեր։

Verse: 52  Link to sept   իշխան եղիսակամաս. իշխան էղաս. իշխան փինոն։

Verse: 53  Link to sept   իշխան կէնէզ. իշխան թեման. իշխան սարսար։

Verse: 54  Link to sept   իշխան մագեդիէլ. իշխան զափովսիիմ։ Սոքա́ են իշխանք եդովմայ։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ ա́յս են անուանք որդւոցն ի(սրաէ)լի. Ռոբէն. շմավոն. ղեւի. յուդա. իսաքար. զաբուղոն։

Verse: 2  Link to sept   դան. յովսէփ. բենիամին. նեփթաղիմ. գագ. ասեր։

Verse: 3  Link to sept   Եւ որդիք յուդայ. է́ր եւ աւնան. սելովմ։ երե́ք սոքա ծնան նմա ՛ի դստերէն շաւայ քանանացւոց. եւ է́ր անդրանիկն յուդայ չա́ր առաջի տ(եառ)ն. եւ սպան զնա։

Verse: 4  Link to sept   Եւ թամար՝ նո́ւ ն(ո)ր(ա) ծնաւ նմա զփարէս, եւ զզարայ. ամենեքին սոքա որդիք յուդայ հի́նգ։

Verse: 5  Link to sept   Որդիք փարեսի՝ եսրոմ՝ եւ յեմուէլ։

Verse: 6  Link to sept   եւ որդիք զարայի՝ զամրի, եւ եթան, եւ եման, եւ քաղքաղ. եւ դարա. ամենեքեան հինգ։

Verse: 7  Link to sept   եւ որդիք քարմեայ, աքա́ր խափանիչն ի(սրաէ)լի՝ որ անօրինեցաւ ՛ի նզովսն։

Verse: 8  Link to sept   եւ որդիք եթանայ՝ ազարիա։

Verse: 9  Link to sept   եւ որդիք եսրոմայ որք ծնան նմա. յերամէլ. եւ ովրամ. եւ ոքոբէլ. եւ արամ։

Verse: 10  Link to sept   Արամ ծնաւ զամինադաբ. եւ ամինադաբ ծնաւ զնաասոն զիշխան տանն յուդայ։

Verse: 11  Link to sept   եւ նաասոն ծնաւ զսաղման։ եւ սաղման ծնաւ զբոոս։

Verse: 12  Link to sept   եւ բոոս ծնաւ զովբեդ։ եւ ովբեթ ծնաւ զյեսսէ։

Verse: 13  Link to sept   Եւ յեսսէ ծնաւ զանդրանիկն իւր զեղիաբ, եւզամինադաբ երկրորդ, եւ զսամաա երրորդ.

Verse: 14  Link to sept   եւ զնաթանիէլ չորրորդ. եւ զհռադայի հինգերորդ.

Verse: 15  Link to sept   եւ զասոմ վեցերորդ. եւ զդաւիթ ութերորդ։

Verse: 16  Link to sept   Եւ քորք ն(ո)ց(ա)՝ սարուիա, եւ աբիգեա։ եւ որդիք սարուհեայ. աբեսսա, եւ յովաբ, եւ ասայէլ. երե́ք։

Verse: 17  Link to sept   եւ աբիգեա ծնաւ զամեսայի. եւ հայր ամեսեայ՝ յեթրի մայելացի։

Verse: 18  Link to sept   Եւ քաղեբ որդի եսրոմայ ա́ռ զազուբա կին իւր. եւ ծնաւ զերիմովթ։ եւ սոքա են որդիք ն(ո)ր(ա). յովասար, եւ սովբաբ, եւ ոռնա։

Verse: 19  Link to sept   եւ մեռաւ ազուբա, եւ ա́ռ իւր քաղեբ զեփրաթ. եւ ծնաւ նմա զովր.

Verse: 20  Link to sept   եւ ովր ծնաւ զովրի. եւ ովրի ծնաւ զբեսելիէլ։

Verse: 21  Link to sept   Եւ յետ այսորիկ եմուտ եսրոմ առ դուստր մաքիրայ հօրն գաղամայ, եւ նա́ ա́ռ զնա. եւ ինքն էր ամաց վաթսուն. եւ ծնաւ նմա զսեգուբ.

Verse: 22  Link to sept   եւ սեգուբ ծնավ զյայիր։ եւ էին ն(ո)ր(ա) քսան եւ երե́ք քաղաքք ՛ի գաղաադ։

Verse: 23  Link to sept   Եւ ա́ռ զդեսուր եւ զարամ. զգեօղսն յայիրայ ՛ի նոցանէ. զկանաթ եւ զաւանս ն(ո)ր(ա), վաթսուն քաղաքք, զամենեսեան որդւոցն մաքիրայ՝ հօրն գաղաադու։

Verse: 24  Link to sept   Եւ յետ մեռանելոյն եսրովմայ, եկն քաղեբ յեփրաթա։ եւ կին եսրոմայ աբիա, ծնաւ նմա զասգոմ զհայր թեկուայ։

Verse: 25  Link to sept   Եւ էին որդիք յերեմիէլի անդրանկանն եսրոմայ։ անդրանիկ հռամա, եւ բաան, եւ առան. եւ ասովմայ եղբայր ն(ո)ր(ա)։

Verse: 26  Link to sept   Եւ է́ր կին ա́յլ յերեմիէլի, եւ անուն նորա ատարա. նա́ է մայր ունոմայ։

Verse: 27  Link to sept   եւ էին որդիք հռամայ անդրանկանն յերեմիէլի՝ մաաս, եւ յաբին, եւ ակոր։

Verse: 28  Link to sept   եւ էին որդիք ունոմայ՝ սամայի, եւ յադայի։ եւ որդիք սամայայ՝ նաբադ, եւ աբիսուր։

Verse: 29  Link to sept   եւ անուն կնոջն աբիսուրայ՝ աբիսեա. եւ ծնաւ նմա զազաբար, եւ զմովղիղ։

Verse: 30  Link to sept   եւ որդիք նաբադայ՝ սաղադ, եւ ափփեմ։ եւ մեռաւ սաղադ, եւ ո́չ գոյր ն(ո)ր(ա) որդի։

Verse: 31  Link to sept   Եւ որդիք ափփեմայ՝ յեսսի։ եւ որդիք յեսսիայ՝ սաւսան։ եւ որդիք սաւսանայ՝ աղայի։

Verse: 32  Link to sept   որդիք աղայիայ՝ աքիսամա, եւ յեթեր, եւ յովնաթան. եւ մառաւ յեթեր, եւ ո́չ գոյր ն(ո)ր(ա) որդի։

Verse: 33  Link to sept   եւ որդիք յովնաթանայ՝ փաղէթ, եւ ոզազա։ Սոքա́ են որդիք յերեմիէլի։

Verse: 34  Link to sept   Եւ ո́չ գոյին սաւսանայ ուստերք, այլ դստե́րք միայն։ Եւ սաւսանայ էր ծառայ եգիպտացի, եւ անուն ն(ո)ր(ա) յովքաղ.

Verse: 35  Link to sept   եւ ետ սաւսան զդուստրն իւր յովքեղի ծառային իւրում կնու(թ)ե(ան), եւ ծնաւ նմա զեթթի։

Verse: 36  Link to sept   եւ յեթթի ծնաւ զնաթան. եւ նաթան ծնաւ զաբեդ։

Verse: 37  Link to sept   Եւ աբեդ ծնաւ զոփղաղ, եւ ոփղաղ ծնաւ զովբեդ։

Verse: 38  Link to sept   եւ ովբեդ ծնաւ զյէու։ եւ յէու ծնաւ զազարիաս։

Verse: 39  Link to sept   եւազարիաս ծնաւ զքեղղէս. եւ քեղղէս ծնաւ զեղէասա։

Verse: 40  Link to sept   եւ եղէասա ծնաւ զսոսոմէ. եւ սոսոմէ ծնաւ զսաղղում։

Verse: 41  Link to sept   եւ սաղղում ծնաւ զյեքոնիաս. եւ յեքոնիա ծնաւ զեղիսամա։

Verse: 42  Link to sept   Եւ որդիք քաղեբայ եղբօր յերեմիելի՝ մարիսա անդրանիկ ն(ո)ր(ա). սա́ է հայր զիփայ. եւ որդիք մարիսայ հօր քեբրոնի։

Verse: 43  Link to sept   եւ որդիք քեբրոնի՝ կորխ, եւ թափփսի, եւ հռոկոմ։

Verse: 44  Link to sept   Եւ սեմատ ծնաւ զհռաամ զհայրն յերակայ. եւ յերակայաս ծնաւ զսաղամա։

Verse: 45  Link to sept   եւ որդիք ն(ո)ր(ա) մաովն, հայր բեթսովրայ։

Verse: 46  Link to sept   Եւ գեփա հարճ քաղեբայ ծնաւ զառան, եւ զյովսա, եւ զգեզուէ։

Verse: 47  Link to sept   եւ որդիք ադայի՝ հռագեմ, եւ ովթամ, եւ գերսոմ, եւ փաղէտ, եւ գեփա, եւ սագափ։

Verse: 48  Link to sept   եւ հարճն քաղեբայ մովքա ծնաւ զսեբեր, եւ զթաքնա։

Verse: 49  Link to sept   Եւ ծնաւ սագափ զհայրն մադենայ. եւ զաւուղ զհայրն մաքամենայ, եւ զհայրն բաաղայ. եւ դուստրն քաղեբայ ասքա։

Verse: 50  Link to sept   Սոքա́ էին որդիք քաղեբայ։ Որդիք ովրայ անդրանկանն եփրաթայ, սովբաղ հայր կարիաթարիմայ.

Verse: 51  Link to sept   սաղոմին հայր բեթղամոնայ. հայր բեթղեէմ. արի հայր բեթեգովրայ։

Verse: 52  Link to sept   եւ էին որդիք սովբաղայ հօրն կարիաթարիմայ.

Verse: 53  Link to sept   արաեսի, ամանիթ, թիւմասփայէ, եւ հռիաթիաւր. եթաղիմ, եւ եփիթին, եւ սամաթին, հեմասարին։ ՛ի նոցանէ́ ելին սարաթացիք, եւ եսթաւուղացիք։

Verse: 54  Link to sept   Որդիք սաղոմոնի, բեթղեէմ եւ նետոփաթի, ատարովթ. տուն յովբայ, եւ կեսմանաթայ, եսարայի։

Verse: 55  Link to sept   տոհմ դպրացն որք բնակէին ՛ի գաբէս. ագաթէիմ, եւ սամաթիիմ. սովկաթիիմ։ Սոքա́ են տունք որք եկին յեմաթայ, հօր տա́ն հռեքաբայ։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ սոքա́ են որդիք դաւթայ որքծնան նմա ՛ի քեբրոն. անդրանիկն ամոն՝ յաքինովամայ յեզրայելացւոյ։ եւ երկրորդն դաղուիա՝ յաբիդեայ կարմելացւոյ։

Verse: 2  Link to sept   երրորդն աբեսողոմ, որդի մովքայ՝ դստեր թողմայ թագաւորին գեսուրայ։ չորրորդ ադոնիա՝ որդի ագիթայ։

Verse: 3  Link to sept   հինգերորդ սափատիաս՝ յաբիտաղայ։ վեցերորդ յեթրամ, յաղգեայ կնոջէ իւրմէ։

Verse: 4  Link to sept   Սոքա́ ծնան նմա ՛ի քեբրոն. եւ թագաւորեաց անդ զեւթն ամ եւ զվեց ամիս։ եւ երեսուն եւ երիս ամս թագաւորեաց յե(րուսաղէ)մ։

Verse: 5  Link to sept   Եւ սոքա́ ծնան նմա յե(րուսաղէ)մ, սամաա, սովբաբ, նաթան, եւ սողոմոն ՛ի բերսաբեացւոյն ՛ի դստերէ ամիելի։

Verse: 6  Link to sept   եւ յեբաար, եւ եղիսամա,

Verse: 7  Link to sept   եւ եղիփալէտ, եւ նագեբ, եւ նափեկ, եւնափիի,

Verse: 8  Link to sept   եւ եղիսամա. եւ եղիթադա. սոքա ինն եւ տասն

Verse: 9  Link to sept   որդի դաւթայ, առանց որդւոց հարճից ն(ո)ր(ա). եւ թամար քոյր ն(ո)ց(ա)։

Verse: 10  Link to sept   Որդիք սողոմոնի, հռոբովամ, եւ աբիաս որդի ն(ո)ր(ա). ասա որդի ն(ո)ր(ա). յովսափատ որդի ն(ո)ր(ա)։

Verse: 11  Link to sept   Յովրամ որդի ն(ո)ր(ա). ոքոզիաս որդի ն(ո)ր(ա). յովաս որդի նորա.

Verse: 12  Link to sept   Ամասիա որդի ն(ո)ր(ա). ազրիա որդի ն(ո)ր(ա). յովաթամ որդի ն(ո)ր(ա)։

Verse: 13  Link to sept   աքազ որդի ն(ո)ր(ա). եզեկիա որդի ն(ո)ր(ա). մանասէ որդի ն(ո)ր(ա).

Verse: 14  Link to sept   ամովս որդի ն(ո)ր(ա). յովսիա որդի ն(ո)ր(ա)։

Verse: 15  Link to sept   Եւ որդիք յովսիայ. անդրանիկ՝ յովաքաղ. երկրորդ յովակիմ. երրորդ սեդեկիա. չորրորդ աղում։

Verse: 16  Link to sept   Եւ որդիք յովակիմայ. յեքոնիաս որդի ն(ո)ր(ա). սեդեկիաս որդի ն(ո)ր(ա)։

Verse: 17  Link to sept   Եւ որդիք յեքոնիայ. ասիր. սաղաթիէլ որդի ն(ո)ր(ա)։

Verse: 18  Link to sept   Մեղքիրամ. եւ փադայիաս. եւ սովսամով. եւ նաբատիաս. եւ սանեսար. եւ յեքոնիաս։

Verse: 19  Link to sept   Եւ որդիք սաղաթիելի. զորաբաբէլ. եւ սեմէի։ եւ որդիք զորաբաբելի. մասողամոս. եւ անանիաս. եւ սաղովմէ քոյր ն(ո)ց(ա)։

Verse: 20  Link to sept   եւ ասեբա. եւ ոող. եւ բարաքիաս. եւ ասադիաս. եւ ասոբասէգ՝ ո́ւթ։

Verse: 21  Link to sept   Եւ որդիք անանիայ՝ փալէտիա, եւ յեսիա որդի ն(ո)ր(ա). հռափայիա որդի ն(ո)ր(ա). ոռնա որդի ն(ո)ր(ա). աբդիա որդի ն(ո)ր(ա). սեքենիա որդի ն(ո)ր(ա)։

Verse: 22  Link to sept   Եւ որդիք սեքենիայ, սամայիա։ եւ որդիք սամայայ, քեատուս, եւ յովէլ, եւ բերիա, եւ նովադիա, եւ սափատ, եւ սափեք, վեց։

Verse: 23  Link to sept   Եւ որդիք նովադիայ՝ եղիոնէ, եզեկիաս, եսրիկամ. երե́ք։

Verse: 24  Link to sept   Եւ որդիք եղիոնեայ՝ ովդուիա, եւ եղիասիբ, եւ փադայիա, եւ ակկուբ, եւ յովնան, եւ գաղայիա, եւ անանիա, եւթն։



Chapter: 4 
ԳԼ(ՈՒԽ) Դ՜.


Verse: 1  Link to sept   Որդիք յուդայ, փարէս, եսրոմ, եւ քարմի, եւ ովր, եւ սուբաղ։

Verse: 2  Link to sept   եւ կերիա որդի ն(ո)ր(ա)։ եւ սուբաղ ծնաւ զյէթ. եւ յէթ ծնաւ զաքիսայի, եւ զղադա։ Սոքա́ են ծնունդք սարաթիայ։

Verse: 3  Link to sept   եւ սոքա́ են որդիք ետամայ, յեսրայէլ, եւ յեսմա, եւ գաբէս. եւ անուն քեռ ծնոցա եսեղեփոն։

Verse: 4  Link to sept   Եւ փանուէլ հա́յր գեդուրայ. եւ եզեր՝ հա́յր սաւսանայ։ Եւ սոքա են որդիք ովրայ անդրանկանն եփրաթայ՝ հօրն բեթղահեմայ։

Verse: 5  Link to sept   Եւ ասքուրայ՝ հօրն թեկուայ՝ էին երկու կանայք. աաղա, եւ նոոբա։

Verse: 6  Link to sept   եւ ծնաւ նմա նոոբա զոքողամ, եւ զնեփադ, եւ զթեման, եւ զասթերան։ ամենեքեան սոքա որդիք նոոբայ։

Verse: 7  Link to sept   եւ որդիք աաղայ, նարեթ, եւ ասաար, եւ եթնադի։

Verse: 8  Link to sept   Եւ կովս ծնաւ զեգովբ, եւ զսովբերա։
   Եւ ա́յս են ծնունդք եղբօրն հռեքեբայ որդւոյ յարիմայ։

Verse: 9  Link to sept   Եւ էր գաբէս փառաւոր քան զեղբարսն իւր, եւ մայրն կարդաց զանուն ն(ո)ր(ա) իգաբէս, եւ ասէ՝ ծնա́յ իբրեւ զգաբէս։

Verse: 10  Link to sept   Եւ կոչեաց իգաբէս զա(ստուա)ծ ի(սրաէ)լի՝ եւ ասէ. եթէ օրհնելով օրհնեսցես զիս, եւ յաճախեսցես զսահմանս իմ. եւ եղիցի ձեռն իմ ընդիս. եւ արասցես գթութի(ւն) ո́չ խոնարհեցուցանել զիս։ եւ ա́ծ ա(ստուա)ծ ՛ի վ(ե)ր(այ) ն(ո)ր(ա) զա(մենայ)ն զոր ինչ խնդրեաց։

Verse: 11  Link to sept   Եւ քաղեբ հայր եսքասայ ծնաւ զմաքիր. սա է հայր ասաբոնայ։

Verse: 12  Link to sept   Եւ ասպանթոն ծնաւ զյատրոփա, եւ զփեսէ, եւ զթանա, եւ զհայրն քաղաքին ասսայ. եղբօրն եղեսեղոնի կենաղացւոյ։ սոքա́ են արք հռեփայ։

Verse: 13  Link to sept   Եւ որդիք կենեզայ, գոթոնիէլ, եւ սարայիա։ եւ որդիք գոթոնիելի. աթաթ։

Verse: 14  Link to sept   եւ մանաթի ծնաւ զգոփորայ, եւ սարայիա ծնաւ զյաբաբ զհայրն գերսասիմայ. քանզի հիւսունք էին։

Verse: 15  Link to sept   Եւ որդիք քաղեբայ յեփոնէ, եռաղա, եւ նաամ։ եւ որդիք արամայ, կենեզ։

Verse: 16  Link to sept   եւ որդիք յայելի զեղիփաղի, եւ զեփա, եւ թիրա, եւ եսրայէլ։

Verse: 17  Link to sept   Եւ որդիք եսրիէլի, յեթեր, մովրադ, եւդափեր։ եւ աղոն ծնաւ զյեթեր, եւ զմարոն, եւ զյեսմա, եւ զայիաբա, եւ զհայրն սեթեմոնա։

Verse: 18  Link to sept   Եւ կին ն(ո)ր(ա) ծնաւ զարեդ, զհայրն գեդովրայ, եւ զյաբար զհայրն սաքովնա, եւ զյեքթիէլ զհայրն զովնանայ։ Եւ սոքա են որդիք բեթթիայ դստերն փարաւոնի, զոր ա́ռ մովրեդ։

Verse: 19  Link to sept   եւ որդիք կնոջ ովդեայ՝ քեռն նաքիմայ. եւ դանա հայր կեսիայ. եւ սիմէոն հայր յովմամայ։ եւ որդիք նայեմայ հօր կէիլայ, ոտարմի, եւ յասթեմոն, եւմաքաթի։

Verse: 20  Link to sept   Եւ որդի սիմիունայ ամնոն, եւ հռաննովն որդի անանայ, եւ թիղոն. եւ որդի սեթայ՝ զովքաթ, եւ որդի զովքաթայ.

Verse: 21  Link to sept   որդիք սեղումայ։ Որդիք յուդայ, էր՝ հայր ղեքադայ. եւ ղադաա հայր մադեսայ. եւ ծնունդք ն(ո)ց(ա)՝ եբդաթ, աբուստան, նեսոբա, եւ յովակիմ,

Verse: 22  Link to sept   եւ արք քուզեբայ, եւ յովաս, եւ սարափ, եւ որք բնակեցին ՛ի մովաբ. եւ դարձոյց ն(ո)ց(ա) զաբեթար ՛ի նաթուկիմ։

Verse: 23  Link to sept   Սոքա էին բրուտք որք բնակէին յանատիմ. եւ սադերա, ընդ թագաւորին ՛ի թագաւորութե(ան) ն(ո)ր(ա). զօրացան, եւ բնակեցին անդ։

Verse: 24  Link to sept   Որդիքշմաւոնի՝ նաբուէլ, եւ յամին, եւ յարիբ. զարեհ, սաւուղ։

Verse: 25  Link to sept   Սաղէմ որդի ն(ո)ր(ա), բասան որդի ն(ո)ր(ա), ասեման որդի ն(ո)ր(ա), մազբա որդի ն(ո)ր(ա),

Verse: 26  Link to sept   ամուէլ որդի ն(ո)ր(ա), սաբուդ որդի ն(ո)ր(ա), զաքուր որդի ն(ո)ր(ա), սեմէի որդի ն(ո)ր(ա)։

Verse: 27  Link to sept   Եւ սեմեայ որդիք վեց. եւ դստերք տասն. եւ եղբարց ն(ո)ց(ա) ո́չ էին որդիք բազումք. եւ ա(մենայ)ն տոհմն ն(ո)ց(ա) ո́չ առաւելաւ իբրեւ զորդիսն յուդայ։

Verse: 28  Link to sept   եւ բանակեցին ՛ի բերսաբին։ եւ սամաա, եւ մովղադա, եւ սերուղա,

Verse: 29  Link to sept   եւ բաաղա, եւ քուասոմ, եւ թուղադայ։

Verse: 30  Link to sept   եւ բաթուղ, եւ երմա, եւ սիկիղակ,

Verse: 31  Link to sept   եւ բեթմարա, եւ քաբորա, եւ կէսն սեովսիմ եւ տունն բարուայ եւ սէովրիմայ։ Այսոքիկ են քաղաքք ն(ո)ց(ա) մինչեւ ցարքայ դաւիթ։

Verse: 32  Link to sept   եւ քաղաքք ն(ո)ց(ա)՝ երամ, եւ երեմոն, եւ թոքան, եւ եսան, եւ թեկեն. քաղաքք հինգ։

Verse: 33  Link to sept   եւ ա(մենայ)ն քաղաքք ն(ո)ց(ա), եւ շուրջ զքաղաքօքն իւրեանց մինչեւ ՛ի բաաղ։ ա́յս են կալուածք ն(ո)ց(ա)՝ եւ վիճակք իւրեանց։

Verse: 34  Link to sept   Եւ մոսոբաբ, եւ ամաղէկ, եւ յովսիա որդի ամասիա։

Verse: 35  Link to sept   եւ յովէլ, եւ յեսու, որդի սաբիայ, որդի սարիայ, որդի ասիելի։

Verse: 36  Link to sept   եւեղիոնէ եւ յեկեբա, եւ յասթէ, եւ յասուիա, եւ ասայիա, եւ եդիել, եւ իսմայել, եւ բանեա,

Verse: 37  Link to sept   եւ զուզա որդի սեփերիայ. որդի աղովնեայ, որդւոյ յեդիայ, որդւոյ սամարիայ, որդւոյ սամուեայ։

Verse: 38  Link to sept   Սոքա́ են որ անցին յանուանս իշխանացն, յազգս իւրեանց. եւ ՛ի տունս տոհմից իւրեանց բազմացան յաճախութ(եամ)բ։

Verse: 39  Link to sept   եւ գնացին մինչեւ ՛ի գա́լ ՛ի գերերա՝ մինչեւ յարեւելից դայեայ, խնդրել արօտս անասնոց իւրեանց։

Verse: 40  Link to sept   եւ գտին արօտս բազումս եւ բարիս. եւ երկիր ընդարձակ առաջի ն(ո)ց(ա), եւ խաղաղութի(ւն) եւ հանդարտութի(ւն). վ(ա)ս(ն) զի յորդւոցն քամայ էին, որք բնակէին անդ յառաջ։

Verse: 41  Link to sept   Եւ եկին նոքա գրեալք յանուանէ յաւուրս եզեկիայ արքայի յուդայ, եւ հարին զբնակիչս ն(ո)ր(ա), եւ զմինեցիսն զորս գտին անդ, եւ նզովեցին զն(ո)ս(ա) մինչեւ յաւուրս յայս, եւ բնակեցին փոխանակ ն(ո)ց(ա). վասն զի արօտս անասնոց իւրեանց գտին անդ։

Verse: 42  Link to sept   Եւ ՛ի նոցանէ յորդւոցն շմաւոնի գնացին ՛ի լեառն սերայ արք հինգ հարիւր. եւ փաղատիա, եւ նովադիա, եւ հռափայիա, եւ ոզիէլ. որդիք յեթեսիայ իշխանք նոցա։

Verse: 43  Link to sept   եւ հարին զմնացորդսն որք էին մնացեալք յամաղեկայ, եւ բնակեցին անդ մինչեւ յօրս յայս։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ որդիք ռոբինի՝ անդրանկանն ի(սրաէ)լի. վ(ա)ս(ն) զի նա́ էր անդրանիկ. եւ յելանելն ն(ո)ր(ա) յանկողինս հօր իւրոյ՝ ետ զօրհնու(թ)ի(ւն) ն(ո)ր(ա) որդւոյ իւրում յովսեփայ՝ որդւոյ ի(սրաէ)լի. եւ ո́չ համարեցաւ յազգ յանդրանկութե(ա)ն իւրում։

Verse: 2  Link to sept   վ(ա)ս(ն) զի յուդաս զօրաւո́ր էր ուժով յեղբարսն իւրում. եւ էր իշխա́ն ն(ո)ց(ա). եւ եղեւ օրհնու(թ)ի(ւն)ն յովսեփայ։

Verse: 3  Link to sept   Եւ որդիք ռուբենի անդրանկանն ի(սրաէ)լի՝ ենոք, եւ փաղղուս, եսրովմ, եւ քարմի։

Verse: 4  Link to sept   Որդւոյ յովելայ, սեմէի, եւ բեբենա որդի ն(ո)ր(ա). եւ որդիք գովգայ։

Verse: 5  Link to sept   որդիք սեմէի. որդի ն(ո)ր(ա) բաաղ.

Verse: 6  Link to sept   որդի ն(ո)ր(ա) բեէղա, զոր գերեաց թագղաթփաղսար արքայ ասորեստանի. նա́ էր իշխան ռուբինի։

Verse: 7  Link to sept   եւ եղբարք ն(ո)ր(ա) ՛ի տոհմին իւրեանց, եւ ՛ի վիճակին իւրեանց, յազգին իւրեանց. իշխան յովէլ՝ եւ զաքարիա։

Verse: 8  Link to sept   Եւ իբաղէի որդի ոզուղայ, որդի ամայ, որդի յովէլի. նա բնակեաց յարոեր, եւ ՛ի նաբաւ, եւ ՛ի բելմաոն։

Verse: 9  Link to sept   եւ յարեւելս բնակեաց, մինչեւ ՛ի գա́լ յանապատն ՛ի գետոյն եփրատայ. վ(ա)ս(ն) զի անասուն բազում էր ն(ո)ց(ա) ՛ի գաղաադ։

Verse: 10  Link to sept   Եւ յաւուրսն սաւուղայ արարին պատերազմ ընդ բնակիչսն. եւ անկան ՛ի ձեռս ն(ո)ց(ա) բնակեալքն ՛ի խորանսն մինչեւ յա(մենայ)ն յարեւելից գաղաադու։

Verse: 11  Link to sept   Որդիք գադայ յանդիման նոցա բնակեցին ՛ի բասան մինչեւ ՛ի մեղքէ։

Verse: 12  Link to sept   յովէլ անդրանիկն, եւ սափա երկրորդն. եւ անայի որ էր դպիր ՛ի բասան։

Verse: 13  Link to sept   եւ եղբարք ն(ո)ց(ա) բնակեցան ՛ի տունս տոհմիցն իւրեանց։ Միքայէլ, եւ մոսողաամ, եւ սովբայէ, եւ յովրէ, եւ յաքան, եւ ազիա, եւ ովբէդ։

Verse: 14  Link to sept   Եւթն սոքա որդիք աբիքայիայ։ Որդիք ուբիայ, որդւոյ ադայի, որդւոյ գաղաադու, որդւոյ միքայելի, որդւոյ յեսսայ, որդւոյ յեգգադեայ, որդւոյ աքիբուղայ,

Verse: 15  Link to sept   որդւոյ աբդիելի, որդւոյ գունեայ. իշխան տան տոհմից

Verse: 16  Link to sept   բնակչաց ՛ի գաղաադ. ՛ի բասան՝ եւ յաւանս ն(ո)ց(ա), եւ յա(մենայ)ն շուրջ գաւառսն սարովնայ մինչեւ յելս ամենեցուն

Verse: 17  Link to sept   համարոցն ն(ո)ց(ա). յաւուրս յովաթամայ արքայի յուդայ, եւ յաւուրս յերոբովամայ արքայի ի(սրաէ)լի։

Verse: 18  Link to sept   Որդիք ռուբինի, եւ գադայ, եւ կիսոյ ցեղին մանասէի՝ յորդւոցն զօրութե(ան), ա́րք որ առնուին վահանս եւ սուսերս, եւ լարէին աղեղունս, եւ ուսեալ էին պատերազմ, քառասուն եւ չորք հազարք՝ եւ եւթն հարիւր եւ վաթսուն. որք ելանէին ՛ի մարտ,

Verse: 19  Link to sept   եւ առնէին պատերազմ ընդ ագարացիսն, եւ ընդ տուրեցիսն, եւ ընդ նափեսացիսն, եւ ընդ նաբեդոնացիսն, եւ ընդ նաբիմացիսն։

Verse: 20  Link to sept   եւ զօրացան ՛ի վ(ե)ր(այ) ն(ո)ց(ա), եւ տուան ՛ի ձեռս նոցա ագարացիքն, եւ ա(մենայ)ն խորանք ն(ո)ց(ա). վ(ա)ս(ն) զի առ ա(ստուա)ծ գոչեցին ՛ի պատերազմին՝ եւ լուաւ ն(ո)ց(ա), զի յուսացան ՛ի նա։

Verse: 21  Link to sept   Եւ գերեցին զպատրաստութի(ւն) ն(ո)ց(ա). ուղտս հինգ հազար, եւ յոչխարաց երկերիւր եւ յիսուն հազար, էշս երկուս հազարս, եւ ոգիս արանց հարիւր հազար։

Verse: 22  Link to sept   վ(ա)ս(ն) զի վիարաւորք բազումք անկան, զի ՛ի տ(եառն)է եղեւ պատերազմն. եւ բնակեցին փոխանակ ն(ո)ց(ա) մինչեւ ՛ի գերութի(ւն)ն իւրեանց։

Verse: 23  Link to sept   Եւ կէս ցեղին մանասէի բնակեաց յերկրին բասանայ մինչեւ ՛ի բաաղերմոն, եւ սանիր, եւ ՛ի լեառնն հերմոնի, եւ ՛ի լիբանան. ինքեա́նք բազմացան։

Verse: 24  Link to sept   Եւ այսոքիկ են իշխանք տանց տոհմից ն(ո)ց(ա). ովփեր, եւ յեսսի, եւ եզիէլ, եւ յերեմիա, եւ յովդիա, եւ իդիէլ, որք զօրաւորք ուժով. ա́րք անուանիք իշխանք տանց տոհմիցն իւրեանց։

Verse: 25  Link to sept   Եւ ուխտազանց եղեն յա(ստուծո)յ հարցն իւրեանց, եւ պոռնկեցան զհետ աստուածոց օտարաց երկրին՝ զորս եբարձ ա(ստուա)ծ յերեսաց ն(ո)ց(ա)։

Verse: 26  Link to sept   Եւ յարոյց ա(ստուա)ծ ի(սրաէ)լի՝ զհոգին փոնովքայ արքային ասորեստանեայց, եւ զհոգի թագլաթփաղնասարայ արքային սուբայ, եւ գերեաց զհռոբէն, եւ զգադդի, եւ զկէս ցեղին մանասէի, եւ տարաւ զնոսա ՛ի քաղա եւ ՛ի քաբովր, առ գետեզերբն գովզանայ, մինչեւ յօրս յայս։



Chapter: 6 
ԳԼ(ՈՒԽ) Զ՜.


Verse: 1  Link to sept   Որդիք ղեւեայ, գեթսոն, կահաթ, եւ մերարի։

Verse: 2  Link to sept   Որդիք կահաթու, ամրամ, եւ սահառ. քեբրոն, եւ ոզիէլ։

Verse: 3  Link to sept   եւ որդիք ամրամայ, ահարոն եւ մովսէս, եւ մարիամ։ եւ որդիք ահարոնի՝ նաբադ, եւ աբիուդ. եղիազար, եւ իթամար։

Verse: 4  Link to sept   Եւ եղիազար ծնաւ զփենեէս. փենեէս ծնաւ զաբեսսու.

Verse: 5  Link to sept   աբեսսու ծնաւ զբորքի. բորքի ծնաւ զոզիա.

Verse: 6  Link to sept   ոզիայ ծնաւ զարէաս. արեաս ծնաւ զմարէովթ.

Verse: 7  Link to sept   մարէովթ ծնաւ զամարիաս. ամարիաս ծնաւ զաքիտովբ.

Verse: 8  Link to sept   աքիտովբ ծնաւ զսադովկ. սադովկ ծնաւ զաքիմաաս։

Verse: 9  Link to sept   աքիմաաս ծնաւ զազարիաս. ազարիաս ծնաւ զյովնաս։

Verse: 10  Link to sept   յովնաս ծնաւ զազարիաս. սա՝ էր քահանայ ՛ի տանն ա(ստուծո)յ, զոր շինեաց սողոմոն յե(րուսաղէ)մ։

Verse: 11  Link to sept   Եւ ծնաւ ազարիա զամարիաս. ամարիաս ծնաւ զաքիտովբ։

Verse: 12  Link to sept   աքիտովբ ծնաւ զսադովկ. սադովկ ծնաւ զսելլում։

Verse: 13  Link to sept   սելլում ծնաւ զքեղկիաս. քեղկիաս ծնաւ զազարիաս։

Verse: 14  Link to sept   ազարիաս ծնաւ զսարեաս. սարեաս ծնաւ զյովսեդեկ։

Verse: 15  Link to sept   եւ յովսեդեկ գնաց ՛ի գերութե(ա)ն ը(նդ) յուդայի եւ ե(րուսաղէ)մի ՛ի ձեռն նաբուքոդոնոսորայ։

Verse: 16  Link to sept   Որդիք ղեւեայ՝ գեթսոն, կահաթ, եւ մէրարի։

Verse: 17  Link to sept   եւ այսոքիկ անուանք որդւոցն գեթսոնի՝ զոբենի, եւ սիմէի։

Verse: 18  Link to sept   Եւ որդիք կահաթու, ամրամ, եւ սահառ. քեբրոն, եւ ոզիէլ։

Verse: 19  Link to sept   Որդիք մերարեայ, մոոզի, եւ մուսի։ եւ այսոքիկ տո́հմք ղեւեայ ըս(տ) ազգին իւրեանց.

Verse: 20  Link to sept   գեթսոնի, եւ ղուբենայ որդւոյն իւրոյ. յեթթի որդի ն(ո)ր(ա).

Verse: 21  Link to sept   յովաք որդի ն(ո)ր(ա). աբդիու որդի ն(ո)ր(ա). ղասա որդի ն(ո)ր(ա). յաթրի որդի ն(ո)ր(ա)։

Verse: 22  Link to sept   Որդիք կահաթու. սահառ որդի ն(ո)ր(ա). կորխ որդի ն(ո)ր(ա). ասիր որդի ն(ո)ր(ա).

Verse: 23  Link to sept   եղկանա որդի ն(ո)ր(ա). աբիսափ որդի ն(ո)ր(ա). ասիր որդի ն(ո)ր(ա). ոզիաս որդի ն(ո)ր(ա).

Verse: 24  Link to sept   աթ որդի ն(ո)ր(ա). ուրիէլ որդի ն(ո)ր(ա). սաւուղ որդի ն(ո)ր(ա)։

Verse: 25  Link to sept   Եւ որդիք եղկանայ, ամաս, աքովթ։

Verse: 26  Link to sept   եղկանա որդի ն(ո)ր(ա). սուփի որդի ն(ո)ր(ա). կանաթ որդի ն(ո)ր(ա).

Verse: 27  Link to sept   եղիաթ որդի ն(ո)ր(ա). յերոամ որդի ն(ո)ր(ա). եղկանա որդի ն(ո)ր(ա)։

Verse: 28  Link to sept   Որդիք սամուելի. անդրանիկ ն(ո)ր(ա) յովէլ, եւ երկրորդն աբիա։

Verse: 29  Link to sept   Որդիք մերարեայ, մոսողի, նաբաբ. ղոբենի որդի ն(ո)ր(ա). սեմէի որդի ն(ո)ր(ա). ոզա որդի ն(ո)ր(ա).

Verse: 30  Link to sept   սամաա որդի ն(ո)ր(ա). անգիա որդի ն(ո)ր(ա). ասիա որդի ն(ո)ր(ա)։

Verse: 31  Link to sept   Եւ սոքա են զորս կացոյց դաւիթ ՛ի վ(ե)ր(այ) երգեցողացն՝ ՛ի տան տ(եառ)ն, ՛ի դադարեցուցանել զտապանակն։

Verse: 32  Link to sept   եւ էին պաշտօնեայք առաջի խորանին տանն վկայութե(ան) նուագարանօք, մինչեւ շինեաց սողոմոն զտունն տ(եառ)ն յե(րուսաղէ)մ. եւ կացին ՛ի կարգին իւրեանց ՛ի պաշտամանն իւրեանց։

Verse: 33  Link to sept   Եւ սոքա́ են որ կացին՝ եւ որդիք իւրեանց. էման՝ թոռն սամուելի, ՛ի կորխայ կահաթացի։ Յորդւոցն կահաթու. էման սաղմոսանուագ. որդի յովելի, որդւոյ սամուելի։

Verse: 34  Link to sept   որդւոյ եղկանայի. որդւոյ յերեմիելի. որդւոյ ելիեղի. որդւոյ թովկեայ.

Verse: 35  Link to sept   որդւոյ սուփիայ. որդւոյ եղկանայ. որդւոյ մաաթայ. որդւոյ ամասեայ։

Verse: 36  Link to sept   որդւոյ եղկանայ. որդւոյ յովելի. որդւոյ ազարիայ. որդւոյ սափանայ։

Verse: 37  Link to sept   որդւոյ թաաթայ. որդւոյ ասիրայ. որդւոյ բիասափայ. որդւոյ կորխայ։

Verse: 38  Link to sept   որդւոյ յեսարայ որդւոյ կահաթու. որդւոյ ղեւեայ. որդւոյ ի(սրաէ)լի։

Verse: 39  Link to sept   Եւ եղբայր ն(ո)ր(ա) ասա́փ, որ կայր ը(նդ) աջմէ ն(ո)ր(ա). Ասափ որդի բարաքեայ. որդւոյ սամաայ.

Verse: 40  Link to sept   որդւոյ միքայելի. որդւոյ բաասիայ. որդւոյ մեքիայ.

Verse: 41  Link to sept   որդւոյ աթանիայ. որդւոյ ազարիայ. որդւոյ յադիայ։

Verse: 42  Link to sept   որդւոյ ուրայ. որդւոյ զամմայ. որդւոյ սեմեայ։

Verse: 43  Link to sept   որդւոյ յիթեայ. որդւոյ գեթսոնի. որդւոյ ղեւեայ։

Verse: 44  Link to sept   Եւ որդիք մերարեայ եղբարք ն(ո)ց(ա) ՛ի ձախմէ. Էթան որդի կիսանայ. որդւոյ աբդիայ. որդւոյ մաղովտայ·

Verse: 45  Link to sept   որդւոյ ասեբիայ. որդւոյ ամեսսիայ. որդւոյ քեղկիայ։

Verse: 46  Link to sept   որդւոյ ամասիայ. որդւոյ բաանայ. որդւոյ սեմերայ։

Verse: 47  Link to sept   որդւոյ ամսողայ. որդւոյ մուսեայ. որդւոյ մերարեայ. որդւոյ ղեւեայ։

Verse: 48  Link to sept   Եւ եղբարք ն(ո)ց(ա) ըստ տանց տոհմից իւրեանց, ղեւտացիք. տուեալք յա(մենայ)ն ՛ի գործ պաշտաման խորանին տանն ա(ստուծո)յ։

Verse: 49  Link to sept   Եւ ահարոն եւ որդիք ն(ո)ր(ա) ծխէին խունկս ՛ի վ(ե)ր(այ) սեղանոյ ողջակիզաց, եւ ՛ի վ(ե)ր(այ) սեղանոյն խնկոցն, յա(մենայ)ն ՛ի գործ սրբութե(ան) սրբութե(ան)ցն. քաւե́լ վ(ա)ս(ն) ի(սրաէ)լի ըս(տ) ա(մենայ)նի զոր պատուիրեաց մովսէս ծառայ ա(ստուծո)յ։

Verse: 50  Link to sept   Եւ սոքա́ են որդիք ահարոնի. եղիազար որդի ն(ո)ր(ա). փենէէս որդի ն(ո)ր(ա). աբիսու որդի ն(ո)ր(ա).

Verse: 51  Link to sept   բովկա որդի ն(ո)ր(ա). ոզիա որդի ն(ո)ր(ա). զարա որդի ն(ո)ր(ա).

Verse: 52  Link to sept   մերաովթ որդի ն(ո)ր(ա). ամարիաթ որդի ն(ո)ր(ա). աքիտովբ որդի ն(ո)ր(ա).

Verse: 53  Link to sept   սադովկ որդի ն(ո)ր(ա). աքիմաս որդի ն(ո)ր(ա)։

Verse: 54  Link to sept   Եւ այսոքիկ են բնակութի(ւն)ք ն(ո)ց(ա) ՛ի գեղս իւրեանց, ՛ի սահմանս իւրեանց՝ որդւոցն ահարոնի՝ ՛ի տոհմին կահաթու. վ(ա)ս(ն) զի նա́ եղեւ խիստ իշխան։

Verse: 55  Link to sept   Ետուն նոցա զքեբրոն յերկրին յուդայ. եւ զզատուցեալսն ն(ո)ր(ա) շուրջ զնովաւ։

Verse: 56  Link to sept   եւ զդաշտն քաղաքին, եւ զգեղսն ն(ո)ր(ա) ետուն քաղեբայ որդւոյ յեփոնեայ։

Verse: 57  Link to sept   Եւ որդւոցն ահարոնի ետուն զքաղաքս ապաւինութե(ան)ցն. զքեբրոն, եւ զղոբնա, եւ շուրջ զզատուցեալսն ն(ո)ց(ա), եւ զեղոն՝ եւ զզատուցեալսն ն(ո)ր(ա)։ եւ զեսթամով՝ եւ զզատուցեալսն ն(ո)ր(ա)։

Verse: 58  Link to sept   եւ զյեսթեր՝ եւ զզատուցեալսն ն(ո)ր(ա)։ եւ զդաբիր՝ եւ զզատուցեալս ն(ո)ր(ա)։

Verse: 59  Link to sept   եւ զասան՝ եւ զզատուցեալս ն(ո)ր(ա)։ եւ զբեթսամիւս՝ եւ զզատուցեալս ն(ո)ր(ա)։ եւ զբեթեր՝ եւ զզատուցեալս ն(ո)ր(ա)։

Verse: 60  Link to sept   Եւ ՛ի ցեղէն բենիամինի, զգաբեէ՝ եւ զզատուցեալս ն(ո)ր(ա)։ եւ զգալեմէթ՝ եւ զզատուցեալս ն(ո)ր(ա)։ եւ զղաբեէ՝ եւ զզատուցեալս ն(ո)ր(ա). զանաթովթ՝ եւ զզատուցեալս ն(ո)ր(ա)։ զանքովս՝ եւ զզատուցեալս ն(ո)ր(ա)։ ա(մենայ)ն քաղաքք չորեքտասան. քաղաքք տոհմից իւրեանց։

Verse: 61  Link to sept   Եւ որդւոցն կահաթու մնացելոց ըս(տ) տոհմից իւրեանց. ՛ի ցեղէ կիսոյ ցեղին մանասէի՝ վիճակօք՝ քաղաք տասն։

Verse: 62  Link to sept   Եւ որդւոցն գեթսոնի ըստ տոհմից իւրեանց. ՛ի ցեղէն իսաքարայ, եւ ՛ի ցեղէն ասերայ, եւ ՛ի ցեղէն նեփթաղիմայ, եւ ՛ի ցեղէն մանասէի՝ ՛ի բասան քաղաքս չորեքտասան։

Verse: 63  Link to sept   Եւ որդւոցն մերարեայ ըստ տոհմից իւրեանց. ՛ի ցեղէն ռուբինի, եւ ՛ի ցեղէն դադայ, եւ ՛ի ցեղէն զաբուղոնի, վիճակաւ քաղաքս երկոտասան։

Verse: 64  Link to sept   Եւ ետուն որդիքն ի(սրաէ)լի ղեւտացւոցն զքաղաքսն, եւ շուրջ զզատուցեալսն ն(ո)ց(ա)։

Verse: 65  Link to sept   եւ ետուն վիճակաւ ՛ի ցեղէ որդւոցն յուդայ, եւ ՛ի ցեղէ որդւոցն շմաւոնի, եւ ՛ի ցեղէ որդւոցն բենիամինի. զքաղաքսն զայնոսիկ զորս կոչեցին յանուանէ։

Verse: 66  Link to sept   Եւ ՛ի ցեղէ որդւոցն կահաթու եղեն քաղաքք սահմանաց իւրեանց ՛ի ցեղէն եփրեմի.

Verse: 67  Link to sept   եւ ետուն ն(ո)ց(ա) զքաղաքսն ապաւինի. Զսիւքեմ, եւ շուրջ զզատուցեալսն ն(ո)ր(ա) ՛ի լերինն եփրեմի. եւ զգազեր՝ եւ զզատուցեալսն ն(ո)ր(ա).

Verse: 68  Link to sept   եւ զյեկնամ՝ եւ զզատուցեալսն ն(ո)ր(ա), եւ զբեթորոն՝ եւ զզատուցեալսն ն(ո)ր(ա).

Verse: 69  Link to sept   եւ զելովթ՝ եւ զզատուցեալսն ն(ո)ր(ա)։ եւ զգեթրոմոն՝ եւ զզատուցեալսն ն(ո)ր(ա)։

Verse: 70  Link to sept   Եւ ՛ի կիսոյ ցեղէն մանասէի. զեներ՝ եւ զզատուցեալսն ն(ո)ր(ա), եւ զիբղաամա՝ եւ զզատուցեալսն ն(ո)ր(ա)։ ըստ տոհմից որդւոցն կահաթու մնացորդաց։

Verse: 71  Link to sept   Որդւոցն գեթսոնի ըստ տոհմից իւրեանց ՛ի կիսոյ ցեղէն մանասէի. զգողաւն՝ ՛ի բասան՝ եւ շուրջ զզատուցեալսն ն(ո)ր(ա). զհռոմովթ եւ զզատուցեալսն ն(ո)ր(ա)։

Verse: 72  Link to sept   Եւ ՛ի ցեղէն իսաքարայ, զկեդէս՝ եւ զզատուցեալսն նորա. զկադիր՝ եւ զզատուցեալսն ն(ո)ր(ա).

Verse: 73  Link to sept   զամովս՝ եւ զզատուցեալսն ն(ո)ր(ա). զանամ՝ եւ զզատուցեալսն ն(ո)ր(ա)։

Verse: 74  Link to sept   Եւ ՛ի ցեղէն ասերայ. զմասաղ՝ եւ զզատուցեալսն ն(ո)ր(ա)։ զաւդոն՝ եւ զզատուցեալսն ն(ո)ր(ա)։

Verse: 75  Link to sept   զյակակ՝ եւ զզատուցեալսն ն(ո)ր(ա)։ զհռովթ՝ եւ զզատուցեալսն ն(ո)ր(ա)։

Verse: 76  Link to sept   Եւ ՛ի ցեղէն նեփթաղիմայ, զկեդէս ՛ի գալիլեա՝ եւ զզատուցեալսն ն(ո)ր(ա). զքամով՝ եւ զզատուցեալսն ն(ո)ր(ա)։ զկարիաթարիմ՝ եւ զզատուցեալսն ն(ո)ր(ա)։

Verse: 77  Link to sept   Եւ որդւոցն մերարեայ մնացորդաց, ՛ի ցեղէն զաբուղոնի. զյեկոման՝ եւ զզատուցեալսն ն(ո)ր(ա). զկադէս՝ եւ զզատուցեալսն ն(ո)ր(ա)։ զհռեմոն՝ եւ զզատուցեալսն ն(ո)ր(ա)· զբաթովր եւ զզատուցեալսն ն(ո)ր(ա)·

Verse: 78  Link to sept   եւ յեզերն յորդանանու երիքովի, յարեւմտից յորդանանու։ ՛Ի ցեղէն ռուբինի, զբոսոր յանապատին՝ եւ զզատուցեալսն ն(ո)ր(ա)· եւ զյասա՝ եւ զզատուցեալսն նորա։

Verse: 79  Link to sept   եւ զկադեթովթ՝ եւ զզատուցեալսն ն(ո)ր(ա). եւ զմոփասաթ՝ եւ զզատուցեալսն ն(ո)ր(ա)։

Verse: 80  Link to sept   Եւ ՛ի ցեղէն գադայ, զռամովթ ՛ի գաղաադ՝ եւ զզատուցեալսն ն(ո)ր(ա). եւ զմանայեմ՝ եւ զզատուցեալսն նորա.

Verse: 81  Link to sept   եւ զյեսեբոն՝ եւ զզատուցեալսն ն(ո)ր(ա). եւ զյազեր՝ եւ զզատուցեալսն նորա։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ սոքա́ են որդիք իսաքարայ՝ թովղայ, եւ փուա, եւ յասուբ, եւ սամրամ, չորք։

Verse: 2  Link to sept   Եւ որդիք թովղայ՝ ոզի, եւ հռափայիաս, եւ յերիէլ, եւ յեմու, եւ յեբամ, եւ սամուէլ. իշխանք ըս(տ) տանց տոհմից իւրեանց. եւ թուղ, եւ անան, զօրաւորք ուժով ըս(տ) ազգին իւրեանց։ եւ գունդք ն(ո)ց(ա) յաւուրս դաւթայ. քսան եւ երկու հազարք, եւ վեց հարիւր։

Verse: 3  Link to sept   Եւ որդիք ոզիայ՝ յեզեբիաս։ եւ որդիք յեզեբիայ, միքայէլ, եւ աբդիաս, եւ յովէլ, եւ յիսիաս. իշխանք ամենեքեան։

Verse: 4  Link to sept   եւ ընդ ն(ո)ս(ա) ըստ ազգին իւրեանց, ըստ տանց տոհմից իւրեանց, զօրաւորք կարգեալք ՛ի պատերազմ, երեսուն եւ վեցհազար. վ(ա)ս(ն) զի բազմացուցին կանայս եւ որդիս։

Verse: 5  Link to sept   եւ եղբարք ն(ո)ց(ա) յա(մենայ)ն տոհմսն իսաքարայ զօրաւորք ուժով, ութսունեւ եւթն հազար՝ թիւ ն(ո)ց(ա) ամենեցուն։

Verse: 6  Link to sept   Որդիք բենիամինի՝ բաղեէ, եւ բոքոր, եւ ադիէլ, երեք։

Verse: 7  Link to sept   Սոքա́ են որդիք բաղեայ. ասեբոն, եւ ոզի, եւ ոզիէլ, եւ երեմովթ, եւ ուրի, հինգ։ իշխանք տանց տոհմից իւրեանց զօրաւորք ուժով. եւ թիւ նոցա քսան եւ երկու հազարք, եւ երեսուն եւ չորք։

Verse: 8  Link to sept   Որդիք բոքորեայ՝ զամարիաս, եւ յովաս, եւ եղիեզեր, եւ եղիողէ, եւ նաւ, եւ ամարիա, եւ երոմովթ, եւ աբիու, եւ անաթովթ, եւ եղմեթեմ, ամենեքեան սոքա որդիք բոքորեայ.

Verse: 9  Link to sept   իշխանք տանց տոհմիցն իւրեանց ըստ ազգին իւրեանց զօրաւորք ուժով, եւ թիւ ն(ո)ց(ա) քսանհազար եւ երկերիւր։

Verse: 10  Link to sept   Եւ որդիք աբդիելի, բաղաան. եւ որդիք բաղաանու, յեովս, եւ բենիամին, եւ աւովդ, եւ քանաան, եւ եդան, եւ թարսիս, եւ աքիսաար։

Verse: 11  Link to sept   ամենեքեան սոքա որդիք աբդիելի իշխանք տոհմիցն իւրեանց զօրաւորք ուժով, եւ եւթնուտասն հազար եւ երկերիւր, որք ելանէին զօրութ(եամ)բ պատերազմել։

Verse: 12  Link to sept   եւ սափիմ, եւ ափիմ եւ որդիք սովրայայ՝ սոբու. եւ որդի ն(ո)ր(ա) յաթեր։

Verse: 13  Link to sept   Որդիք նեփթաղիմայ՝ յասիէլ, եւ գովնի, եւ սահառ, եւ սեղղում. որդիք բաղղայ։

Verse: 14  Link to sept   Որդիք մանասէի՝ երիէլ՝ զոր ծնաւ նմա հարճն ասորի. եւ ծնաւ զմաքիր զհայրն գաղաադու։

Verse: 15  Link to sept   եւ մաքիր ա́ռ կին յափինա, եւ սեփոնա. անուն քեռ ն(ո)ր(ա) մոոքա, եւ անուն երկրորդին սափադ. եւ ծնաւ սափադայ դստերք։

Verse: 16  Link to sept   Եւ ծնաւ մոոքա կինն մաքիրայ որդի, եւ կոչեաց զանուն ն(ո)ր(ա) փարէս, եւ անուն եղբօր ն(ո)ր(ա) սորոմ. եւ որդւոյ ն(ո)ր(ա) ուղամա.

Verse: 17  Link to sept   որդի ուղամայ՝ բադիմ։ Սոքա́ են որդիք գաղաադայ. որդիք մաքիրայ որդւոյ մանասէի։

Verse: 18  Link to sept   եւ քոյր ն(ո)ր(ա) մաղէքէթ ծնաւ զէսուդ, եւ զաբիեզեր, եւ զմոողա։

Verse: 19  Link to sept   եւ էին որդիք սէմիրայ՝ ային, եւ սիւքեմ, եւ ղակեիա, եւ անիամ։

Verse: 20  Link to sept   Եւ որդիք եփրեմի մեսթաղա, եւ բարագ որդի ն(ո)ր(ա), եւ թաաթ որդի ն(ո)ր(ա), եւ եղիադ որդի ն(ո)ր(ա), նոմեէ որդի ն(ո)ր(ա), զարեդ որդի ն(ո)ր(ա),

Verse: 21  Link to sept   սովթել որդի ն(ո)ր(ա), եղեր որդի ն(ո)ր(ա), եղեադ որդի ն(ո)ր(ա). եւ սպանին զն(ո)ս(ա) արք գեթացիք ծնեալք յերկրին, վ(ա)ս(ն) զի իջին առնուլ զանասուն ն(ո)ց(ա)։

Verse: 22  Link to sept   եւ սո́ւգ առ եփրեմ հայրն ն(ո)ց(ա) յաւուրս բազումս. եւ եկին եղբարք ն(ո)ր(ա) մխիթարել զնա։

Verse: 23  Link to sept   եւ եմուտ առ կինն իւր՝ յղացաւ եւ ծնաւ որդի. եւ կոչեաց զանուն ն(ո)ր(ա) բարիա, վ(ա)ս(ն) զի ՛ի չար ժամանակի ծնաւ ասէ՝ ՛ի տան իմում։

Verse: 24  Link to sept   եւ դուստր ն(ո)ր(ա) սառա. եւ մնացորդօքն այնոքիւք շինեաց զբեթորոն ներքին եւ զվերին։ Եւ որդիք ազանայ՝ սէէրա,

Verse: 25  Link to sept   եւ հռափայէ որդի ն(ո)ր(ա), եւ հռասէթ, եւ թաղէ որդի ն(ո)ր(ա), զոոդա որդի ն(ո)ր(ա), եւ թաան որդի ն(ո)ր(ա)։

Verse: 26  Link to sept   եւ ամիուդ որդի ն(ո)ր(ա), եղիսամա որդի ն(ո)ր(ա),

Verse: 27  Link to sept   նուն որդի ն(ո)ր(ա). Յեսո́ւ որդի ն(ո)ր(ա)։

Verse: 28  Link to sept   Եւ կալուածք ն(ո)ց(ա) եւ բնակութի(ւն) իւրեանց յեթէղ, եւ գեօղք նորին յարեւելս. գազեր՝ եւ գեօղք նորին, եւ սիւքեմ՝ եւ գեօղք նորին մինչեւ ՛ի գազա եւ ՛ի գեօղսն ն(ո)ր(ա)։

Verse: 29  Link to sept   եւ մինչեւ ՛ի սահմանս որդւոցն մանասէի. բեթսան՝ եւ գեօղք ն(ո)ր(ա). թանաք՝ եւ գեօղք ն(ո)ր(ա). գաղաադ՝ եւ գեւօղք ն(ո)ր(ա). մակեդդով՝ եւ գեօղք ն(ո)ր(ա). դովր՝ եւ գեօղք ն(ո)ր(ա)։ ՛Ի ն(ո)ս(ա) բնակեցան որդիքն յովսեփու՝ որդւոյ ի(սրաէ)լի։

Verse: 30  Link to sept   Որդիք ասերայ՝ յեսնա, եւ յասուր, եւ յեսովա, եւ յեսու, եւ աբարիա, եւ սարա քոյր ն(ո)ց(ա)։

Verse: 31  Link to sept   եւ որդիք բարեայ՝ քեբեր, եւ մեղքիէղ. նա́ ինքն է հայր զեբեթայ։

Verse: 32  Link to sept   եւ քաբեր ծնաւ զյափաղէտ, եւ զսովմեր, եւ զքովթաս. եւ զսովղամ զքոյրն ն(ո)ց(ա)։

Verse: 33  Link to sept   Եւ որդիք յափեղատայ, թեսեքի, բանայէլ. եւ ասիթ. սոքա́ են որդիք յափեղատայ։

Verse: 34  Link to sept   եւ որդիք սովմերայ՝ աքիու, հռաադա, եւ ոգա, եւ արամ։

Verse: 35  Link to sept   եւ որդիք եղամայ եղբօրն սոփարայ՝ յամանա, եւ սեղէս, եւ ամաաղ։

Verse: 36  Link to sept   Որդիք սովփարայ՝ առնափար, եւ սոտաղ, եւ բարի, եւ յեմնա,

Verse: 37  Link to sept   եւ բասար, եւ ովդ, եւ սեմա, եւ սաղիա, եւ յեթեր, եւ բեէրա։

Verse: 38  Link to sept   եւ որդիք յեթերայ, յափինա, եւ փասփա, եւ արա։

Verse: 39  Link to sept   եւ որդիք ովղայ, որէք, եւ անիէլ, եւ հռայիէլ։

Verse: 40  Link to sept   Ամենեքեան սոքա որդիք ասերայ, ամենեքեան իշխանք եւ պետք տոհմիցն, ընտիրք զօրաւորք ուժով, իշխանք եւ առաջնորդք. եւ թիւ նոցա ՛ի մարտ պատերազմի արք քսան եւ վեց հազարք։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ բենիամին ծնաւ զբաղէ զանդրանիկ իւր, եւ զազբէղ զերկրորդն, եւ զարա երրորդ.

Verse: 2  Link to sept   եւ զնովա չորրորդ, եւ զհռափա հինգերորդ։

Verse: 3  Link to sept   Եւ էին որդիք բարեգայ, արեգ, եւ գերա, եւ աբիուդ,

Verse: 4  Link to sept   եւ աբիսուէ, եւ մաաման, եւ գերան,

Verse: 5  Link to sept   եւ սովփան եւ աքիրան, եւ սովիմ։

Verse: 6  Link to sept   Սոքա́ են որդիք ովդայ. եւ սոքա իշխանք տոհմիցն, բնակէին ՛ի գաբէս, եւ գերեցին զնոսա ՛ի մանաքաթի։

Verse: 7  Link to sept   Եւ նոոմա, եւ աքիա, եւ գերա, նա́ ինքն է էգլամ. եւ ծնաւ զազար, եւ զաքիադ։

Verse: 8  Link to sept   եւ գաարիմ ծնաւ զմովամ, յետ արձակելոյն զնա. եւ ովսիմ, եւ բաարա։

Verse: 9  Link to sept   եւ ադա կին ն(ո)ր(ա) ծնաւ նմա զյովբաբ, եւ զսաբիա, եւ զմովսա. եւ զմեղքամ,

Verse: 10  Link to sept   եւ զյեուս, եւ զսեբիա, եւ զմարմա։ սոքա́ իշխանք տոհմիցն յովսիմայ։

Verse: 11  Link to sept   Եւ ծնաւ մեովսիմ զաքիտովբ, եւ զաղփաղա։

Verse: 12  Link to sept   եւ որդիք աղփաղայ՝ ովէդ, եւ միսայէլ, սեմեր. նա́ շինեաց զնովնով, եւ զղովդ. եւ զգեօղս ն(ո)ր(ա).

Verse: 13  Link to sept   եւ զբարիգա, եւ զսամա։ սոքա́ են իշխանք տոհմից որ բնակէին յեղամ. եւ ս(ուրբ)ք հալածեցին զբնակիչսն գեթայ։

Verse: 14  Link to sept   Եւ եղբարք ն(ո)ց(ա)՝ մովսէք, եւ յարիմաթ,

Verse: 15  Link to sept   եւ աղաբադիա, եւ արովդ, եւ ոադեր,

Verse: 16  Link to sept   եւ միքայէլ, եւ յեսփաք, եւ յովաքա, եւ յեզիաս։ Որդիք բարիադայ,

Verse: 17  Link to sept   զաբդաիա, եւ մոքողամ, եւ ազակի, եւ աբար,

Verse: 18  Link to sept   եւ յեսամարի, եւ եսիեղա, եւ յաբաբ։ որդիք եղփաղայ,

Verse: 19  Link to sept   յակիմ, եւ զէքրի, եւ զաբդի։

Verse: 20  Link to sept   եւ եղիովնէ, եւ սազթի, եւ ելիէլ,

Verse: 21  Link to sept   եւ աղաիա, եւ բերիգա, եւ բարեա, եւ սամարիամ։ Որդիք ամարեայ՝

Verse: 22  Link to sept   յեսփան, եւ ովբեդ, եւ եղիէղ։

Verse: 23  Link to sept   եւ աբդոն, եւ մեքրի, եւ անան,

Verse: 24  Link to sept   եւ անանիա, եւ ամբրի, եւ աեղամ, եւ անաթովթիա,

Verse: 25  Link to sept   եւ աթին, եւ յեփադիա, եւ փանուէլ։ Որդիք սովսեկայ՝

Verse: 26  Link to sept   սամերիա, եւ սարայիա, եւ գոթողիաս,

Verse: 27  Link to sept   եւ արասիաս, եւ հեղիաս, եւ զեքրի։ որդիք երոմեայ։

Verse: 28  Link to sept   Սոքա իշխանք տոհմից ըս(տ) ազգ իւրեանց առաջնորդք. եւ սոքա բնակեցան յե(րուսաղէ)մ։

Verse: 29  Link to sept   եւ ՛ի գաբաւոն բնակեաց հայրն գաբաւոնի, եւ անուն կնոջ ն(ո)ր(ա) մաաքա։

Verse: 30  Link to sept   Եւ որդիք ն(ո)ր(ա), անդրանիկ սաբդոն, եւ յեսուր, եւ կիս, եւ բաղաամ, եւ նէր, եւ նաբադ,

Verse: 31  Link to sept   եւ գեդուր. եւ եղբարք ն(ո)ր(ա)՝ զաքուր,

Verse: 32  Link to sept   եւ մաղողովթ, որ ծնաւ զսամաա։ Եւ սոքա դէմ յանդիման եղբարց իւրեանց բնակեցան յե(րուսաղէ)մ ընդ եղբարսն իւրեանց։

Verse: 33  Link to sept   Եւ նէր՝ ծնաւ զկիս, եւ կիս՝ ծնաւ զսաւուղ. եւ սաւուղ ծնաւ զյովնաթան, եւ զմեղքիասաւէ, եւ զամինադաբ, եւ զիսմայէլ։

Verse: 34  Link to sept   Եւ յովնաթան ծնաւ զմեմփիբաաղ. եւ մեմփիբաաղ ծնաւ զմիքա։

Verse: 35  Link to sept   եւ որդիք միքայի, փիդոն, եւ մաղովք, եւ թարէ, եւ քաազ։

Verse: 36  Link to sept   Եւ քաազ ծնաւ զյովիդա. եւ յովիդա ծնաւ զգաղեմաթ, եւ զազովթ, եւ զզամարիա. եւ զամարիա ծնաւ զմեսսա։

Verse: 37  Link to sept   եւ մեսսա ծնաւ զբանաա, եւ զհռափեա որդի ն(ո)ր(ա). եւ զեղէտս որդի ն(ո)ր(ա), եւ զեսէլ որդի ն(ո)ր(ա),

Verse: 38  Link to sept   եւ զյովսէլ. վե́ց որդիք. եւ այսոքիկ անուանք ն(ո)ց(ա), եզրիկամ անդրանիկ ն(ո)ր(ա), եւ իսմայէլ, եւ սարաիաս, եւ աբդիաս, եւ անան. ամենեքեան սոքա որդիք եսեէլի։

Verse: 39  Link to sept   Եւ որդիք եսեղկանայ եղբօր ն(ո)ր(ա). ուղամ անդրանիկ ն(ո)ր(ա), եւ աւաս երկրորդ, եւ եղիփաղէտ երրորդ։

Verse: 40  Link to sept   Եւ էին որդիք եղկամայ զօրաւորք՝ արք ուժով, որ լարէին աղեղունս. եւ բազմացուցին որդիս, եւ զորդիս որդւոց. հարիւր եւ իննսուն. ամենեքեան սոքա յորդւոցն բենիամինի։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ ա(մենայ)ն ի(սրա)էլ թուոյն իւրեանց գրեալք սոքա ՛ի գիրս թագաւորացն ի՝լի՝ եւ յուդայ, հանդերձ բնակելովքն ՛ի բաբելոն,վ(ա)ս(ն) մեղացն իւրեանց։

Verse: 2  Link to sept   Եւ որ բնակեալ էին յառաջին կալուածսն իւրեանց ՛ի քաղաքսն ի(սրաէ)լի, քահանայք եւ ղեւտացիք, որք տուեալ էին.

Verse: 3  Link to sept   յե(րուսաղէ)մ բնակեցան. յորդւոցն յուդայ, եւ յորդւոցն բենիամինի, եւ յորդւոցն եփրեմի եւ մանասէի։

Verse: 4  Link to sept   Եւ գովթի որդի ամիութայ, որդւոյ ամարիայ. որդւոյ փարեսի՝ որդւոյ յուդայ։

Verse: 5  Link to sept   ՛ի սեղոմայ՝ անդրանիկ ն(ո)ր(ա) ասեա. եւ որդիքն ն(ո)ր(ա).

Verse: 6  Link to sept   Յորդւոցն զարայի, եւ յիէլ, եւ եղբարք ն(ո)ր(ա), վեց հարիւր եւ իննսուն։

Verse: 7  Link to sept   եւ յորդւոցն բենիամինի՝ սաղովմ որդի մոսոմայ, որդւոյ գովեայ. որդւոյ ասանուայ.

Verse: 8  Link to sept   եւ յեբնա որդի յերեմայ. եւ եղամ որդի ոզիայ, որդւոյ սոքորայ. եւ մասաղամ որդի սափատայ, որդւոյ ռագուելի. որդւոյ յաբենայ։

Verse: 9  Link to sept   եւ եղբարք ն(ո)ր(ա) ըստ ազգին իւրեանց. իննհարիւր յիսուն եւ վեց. ամենեքեան արք պետք տոհմին իւրեանց, ըստ տանց ազգին իւրեանց։

Verse: 10  Link to sept   Եւ ՛ի քահանայիցն՝ յովիդայէ, եւ յովաբիբ, եւ աքին,

Verse: 11  Link to sept   եւ ազարիաս՝ որդի քեղկեայ, որդւոյ մոսողոմայ, որդւոյ սադովկայ, որդւոյ մարիովթայ, որդւոյ աքիտովբայ. առաջնորդ տանն ա(ստուծո)յ։

Verse: 12  Link to sept   եւ ոբդիաս՝ որդի յերեմեայ, որդւոյ փասուրայ, որդւոյ քեղկեայ։ եւ մասէ՝ որդի ադիէլի, որդւոյ եզրայ, որդւոյ մոսողոմայ։ եւ ղաամովթ՝ որդի ասերայ։

Verse: 13  Link to sept   եւ եղբարք ն(ո)ց(ա), իշխանք տանց տոհմից հազար եւ եւթնհարիւր եւ իննսուն. արք զօրաւորք ուժով ՛ի գործ պաշտաման տանն ա(ստուծո)յ։

Verse: 14  Link to sept   Եւ ՛ի յղեւտացւոցն՝ սամաա որդի ասովբայ, որդւոյ եզրիկամայ, որդւոյ ասաբիայ, որդւոյ որդւոյն մերարեայ։

Verse: 15  Link to sept   եւ բագբագ, եւ արէս, եւ գովղէղ, եւ մաթանիաս որդի միքայի, որդւոյ զեքրեայ, որդւոյ ասափայ։

Verse: 16  Link to sept   Ոբդիաս որդի սամեայ, որդւոյ գովղաղայ, որդւոյ իդիթովնայ։ եւ բարաքիաս որդի ասայի, որդւոյ եղկանայ. որ բնակէր ՛ի գեւղսն նետոփատայ։

Verse: 17  Link to sept   Եւ դռնապանք՝ սալլոմ, եւ ակուբ, եւ տէղման, եման, եւ եղբարք ն(ո)ց(ա). սալլում իշխան.

Verse: 18  Link to sept   մինչեւ ցա́յս վայր, ՛ի դրան թագաւորին յարեւելս։ այսոքիկ են դրունք բանակաց որդւոցն ղեւեայ։

Verse: 19  Link to sept   Եւ սաղովմ որդի կովրեայ, որդւոյ աբիսափայ, որդւոյ կորխայ. եւ եղբարք ն(ո)ր(ա) ՛ի տանէ հօրն իւրեանց, կորխացիքն ՛ի վ(ե)ր(այ) գործոց սպասուն. որք պահէին զպահպանութի(ւն)ս խորանին, ինքեա́նք եւ հարք իւրեանց ՛ի բանակին տ(եառ)ն, եւ պահէին զմուտն։

Verse: 20  Link to sept   Եւ փենէէս որդի եղիազարու իշխան էր ՛ի վ(ե)ր(այ) ն(ո)ց(ա) առաջի տ(եառ)ն. եւ նոքա ընդ նմա։

Verse: 21  Link to sept   զաքարիաս որդի մոսողոմայ՝ դռնապան դրան խորանին վկայու(թ)ե(ան)։

Verse: 22  Link to sept   ամենեքեան ընտիրք ՛ի դրունս. երկերիւր եւ երկոտասան։ սոքա էին ՛ի սրահսն ն(ո)ց(ա), եւ թիւն իւրեանց։ եւ զսոսա կացոյց դաւիթ՝ եւ սամուէլ տեսանօղն՝ հաւատարմութ(եամ)բն ն(ո)ց(ա)։

Verse: 23  Link to sept   Սոքա եւ որդիքն ն(ո)ց(ա) ՛ի վերայ դրանց տանն տ(եառ)ն, եւ ՛ի տան խորանին որք պահէին

Verse: 24  Link to sept   ՛ի չորեսին կողմանս դրանն՝ յարեւելս, եւ ՛ի ծովակողմն, ՛ի հիւսւսի, եւ ՛ի հարաւ։

Verse: 25  Link to sept   եւ եղբարք ն(ո)ց(ա) ՛ի սրահսն իւրեանց, ՛ի մտանելն յեւթն աւուրսն, ՛ի ժամանակաց ՛ի ժամանակս՝ հանդերձ նոքօք։

Verse: 26  Link to sept   Վ(ա)ս(ն) զի հաւատարմութ(եամ)բ էին չորք զօրաւորք դրանցն, որ էին ղեւտացիք՝ ՛ի վ(ե)ր(այ) տանց շտեմարանացն՝ եւ գանձուց տանն ա(ստուծո)յ։

Verse: 27  Link to sept   եւ բանակէին՝ վ(ա)ս(ն) զի ն(ո)ց(ա) էր պահպանութի(ւն)ն. եւ նոքա́ էին ՛ի վ(ե)ր(այ) բանալեացն. ընդ առաւօտս առաւօտս բանային զդրունս տաճարին։

Verse: 28  Link to sept   Եւ ՛ի նոցանէ ՛ի վերայ սպասուց պաշտամանն. վ(ա)ս(ն) զի թուով բերէին զսպասն, եւ թուով տանէին։

Verse: 29  Link to sept   եւ ՛ի նոցանէ կային ՛ի վ(ե)ր(այ) կահի սրբութե(ան)ցն, եւ նաշհւոյն, եւ գինւոյ, եւ իւղոյ, եւ կնդրկին, եւ այլոց խնկոցն։

Verse: 30  Link to sept   Եւ յորդւոց քահանայիցն էին իւղեփեացք իւղոյն եւ խնկոցն՝

Verse: 31  Link to sept   մատաթիաս ՛ի ղեւտացւոցն, նա́ էր անդրանիկն սաղովմայ կորխացւոյ. հաւատարմու(թեամ)բ ՛ի վ(ե)ր(այ) գործոյ զոհիցն՝ եւ տապակի մեծի քահանային։

Verse: 32  Link to sept   եւ բանէաս կահաթացի յեղբարցն իւրոց ՛ի վ(ե)ր(այ) հացին առաջադրութե(ան)՝ պատրաստել շաբաթէ ՛ի շաբաթ։

Verse: 33  Link to sept   Եւ սոքա սաղմոսանուագք, իշխանք տոհմիցն ղեւտացւոց, կարգեալք ՛ի սպաս աւուրցն. վ(ա)ս(ն) զի ՛ի տուէ եւ ՛ի գիշերի էին ՛ի գործն։

Verse: 34  Link to sept   Սոքա իշխանք տոհմիցն ղեւտացւոց, ըստ ազգին իւրեանց իշխանք. եւ սոքա բնակեցան յե(րուսաղէ)մ։

Verse: 35  Link to sept   եւ ՛ի գաբաւոն։
   Եւ բնակեաց հայրն գաբաւոնի յ(թ)ե(ան)էլ, եւ անուն կնոջ ն(ո)ր(ա) մոոքա,

Verse: 36  Link to sept   եւ որդի ն(ո)ր(ա) անդրանիկ աբդոն, եւ յասիր, եւ կիս, եւ բաաղ, եւ ներ, եւ նաբադ,

Verse: 37  Link to sept   եւ գեդուր։ եւ եղբարք զաքուրայ՝ այիոն, եւ զեքրի, եւ մակեղովթ։

Verse: 38  Link to sept   եւ մակեղովթ ծնաւ զսամաա։ եւ սոքա ՛ի մէջ եղբարցն իւրեանց բնակեցին յե(րուսաղէ)մ ը(նդ) եղբարս իւրեանց։

Verse: 39  Link to sept   Եւ նէր՝ ծնաւ զկիս. եւ կիս ծնաւ զսաւուղ. եւ սաւուղ ծնաւ զյովնաթան, եւ զմեղքիսաւէ, եւ զամինադաբ, եւ զբաաղ։

Verse: 40  Link to sept   եւ որդի յովնաթանու մեմփիբաաղ ծնաւ զմիքա։

Verse: 41  Link to sept   Եւ որդիք միքայի՝ փիոն, եւ մաղովք, եւ թարա։

Verse: 42  Link to sept   եւ բաաղ ծնաւ զյովաադա։ եւ յովադա ծնաւ զգաղէմովթ, եւ զազեմովթ. եւ զամրի ծնաւ զմասա։

Verse: 43  Link to sept   եւ մասա ծնաւ զբանար։ ափա որդի նորա. եղէասար որդի նորա. եսսեղ որդի նորա։

Verse: 44  Link to sept   Եւ եսսեղի որդիք վեց. եւ այսոքիկ անուանք նոցա, եզրիկամ անդրանիկ նորա, եւ իսմայէլ, եւ սարիա, եւ աբդիա, եւ ամարիա, եւ անան։ սոքա́ որդիք ասիելի։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ այլազգիք պատերազմեցա́ն ը(նդ) ի(սրաէ)լի, եւ փախեան յերեսաց այլազգեացն. եւ անկան վիրաւորք ՛ի լերինս գեղբուայ։

Verse: 2  Link to sept   եւ պնդեցան այլազգիքն զհետ սաւուղայ, եւ զհետ որդւոցն նորա, եւ հարին այլազգիքն զյովնաթան, եւ զամինադաբ, եւ զմեղքիսաւէ զորդիսն սաւուղայ։

Verse: 3  Link to sept   Եւ ծանրացաւ պատերազմն ՛ի վերայ սաւուղայ, եւ գտին զնա աղեղնաւորք աղեղամբք եւ ցաւովք, եւ վտանգեցաւ յաղեղանցն։

Verse: 4  Link to sept   Եւ ասէ սաւուղ ցկապարճակիրն իւր. ձգեա́ զսուր քո եւ խոցեա́ զիս դովաւ, մի́ գուցէ եկեսցեն անթլփատքն այնոքիկ, եւ խաղասցեն ինեւ։ եւ ո́չ կամեցաւ կապարճակիրն նորա՝ վ(ա)ս(ն) զի երկեաւ յոյժ. եւ ա́ռ սաւուղ զսուրն, եւ անկաւ ՛ի վ(ե)ր(այ) ն(ո)ր(ա)։

Verse: 5  Link to sept   եւ ետես կապարճակիրն ն(ո)ր(ա) թէ մեռաւ սաւուղ, անկաւ եւ նա ՛ի վ(ե)ր(այ) սրոյն իւրոյ՝ եւ մեռաւ։

Verse: 6  Link to sept   Եւ մեռան սաւուղ, եւ երկոքին որդիքն իւր յաւուր յայնմիկ. եւ ա(մենայ)ն տուն ն(ո)ր(ա) միանգամայն մեռան։

Verse: 7  Link to sept   Եւ ետես ա(մենայ)ն այր ի(սրաէ)լի որք ՛ի հանգրուանսն էին, եթէ փախեաւ ի(սրա)էլ, եւ եթէ մեռան սաւուղ եւ որդիք ն(ո)ր(ա), թողին զքաղաքս իւրեանց եւ փոխեան. եւ եկին այլազգիքն եւ բանակեցան ՛ի ն(ո)ս(ա)։

Verse: 8  Link to sept   Եւ եղեւ ՛ի վաղիւն՝ եկին այլազգիքն կողոպտե́լ զվիրաւորսն, եւ գտին զսաւուղ եւ զորդիս ն(ո)ր(ա) անկեալս ՛ի լերինն գեղբուայ,

Verse: 9  Link to sept   մերկացուցին զնա. եւ առին զգլուխ ն(ո)ր(ա), եւ զզէն ն(ո)ր(ա), եւ առաքեցին յերկիր այլազգեաց, շուրջանակի աւետարանե́լ կռոցն իւրեանց՝ եւ ժողովրդեանն.

Verse: 10  Link to sept   եւ եդին զզէն ն(ո)ր(ա) ՛ի տան աստուծոյն իւրեանց. եւ զգլուխ ն(ո)ր(ա) եդին ՛ի տան դագոնայ։

Verse: 11  Link to sept   Եւ լուան ամենեքեան որ բնակեալ էին ՛ի գաղաադ, զոր ինչ արարին այլազգիքն ընդ սաւուղ եւ ը(նդ) իսրայէլ.

Verse: 12  Link to sept   եւ յարեան ՛ի գաղաադէ ամենայն արք զօրաւորք, եւ առին զմարմինն սաւուղայ եւ զմարմինս որդւոց նորա, եւ բերին յաբիս՝ եւ թաղեցին զոսկերս ն(ո)ց(ա) ընդ կաղնեաւն յաբիս. եւ պահեցին աւուրս եւթն։

Verse: 13  Link to sept   Եւ մեռաւ սաւուղ յանօրէնութի(ւն)սն իւր, զորս անօրինեցաւ ՛ի տ(է)ր. ըստ բանին տ(եառ)ն զի ո́չ պահեաց. վ(ա)ս(ն) զի եհարց սաւուղ վհկաւն խնդրել. եւ պատասխանի արար նմա սամուէլ մարգարէ.

Verse: 14  Link to sept   եւ ո́չ խնդրեաց զտ(է)ր. եւ սպան զնա. եւ դարձոյց զթագաւորութի(ւն)ն դաւթի որդւոյ յեսսեայ։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ եկն ա(մենայ)ն ի(սրա)էլ առ դաւիթ ՛ի քեբրոն, եւ ասեն. ահաւասիկ ոսկերք քո եւ մարմինք քո եմք։

Verse: 2  Link to sept   եւ յերէկն եւ յեռանտ՝ մինչ էր սաւուղ արքայ՝ դո́ւ էիր որ հանէիր եւ մուծանէիր զ(թ)ի(ւն)ել. եւ ասաց տ(է)ր ա(ստուա)ծ քո ցքեզ. դո́ւ հովուեսցես ժողովրդեան իմոյ ի(սրաէ)լի. եւ դո́ւ լիցես առաջնորդ ՛ի վերայ ի(սրաէ)լի։

Verse: 3  Link to sept   Եւ եկին ա(մենայ)ն ծերքն ի(սրաէ)լի առ արքայ ՛ի քեբրոն, եւ ե́դ արքայ դաւիթ ուխտ ը(նդ) նոսա ՛ի քեբրոն առաջի տ(եառ)ն. եւ օծին զդաւիթ թագաւոր ՛ի վ(ե)ր(այ) ի(սրաէ)լի, ըս(տ) բանին տ(եառ)ն զոր խօսեցաւ ՛ի ձեռն սամուելի։

Verse: 4  Link to sept   Եւ գնա́ց արքայ եւ արք ն(ո)ր(ա) յե(րուսաղէ)մ, որ է յեբուս, եւ ա́նդ յեբուսացիքն բնակէին յերկրին։

Verse: 5  Link to sept   եւ ասեն բնակիչքն յեբուսայ ցդաւիթ. ո́չ մտցես դու այսր։ Եւ ա́ռ զամրոցն սիոնի, ա́յն է քաղաք դաւթի։

Verse: 6  Link to sept   եւ ասէ դաւիթ. ա(մենայ)ն որ հարցէ զյեբուսացին յառաջագոյն, եղիցի իշխա́ն եւ զօրավար։ Եւ ել յառաջ ՛ի վ(ե)ր(այ) ն(ո)ր(ա) յովաբ որդի սարուեայ, եւ եղեւ իշխան։

Verse: 7  Link to sept   եւ նստաւ դաւիթ յամրոցին. վ(ա)ս(ն) այնորիկ կոչեաց զնա քաղա́ք դաւթի.

Verse: 8  Link to sept   եւ շինեաց զքաղաքն շուրջանակի. եւ պատերազմեցաւ եւ ա́ռ զքաղաքն։

Verse: 9  Link to sept   Եւ երթայր դաւիթ երթալով՝ եւ մեծանայր. եւ տ(է)ր ամենակալ է́ր ը(նդ) նմա։

Verse: 10  Link to sept   Եւ սոքա́ իշխանք էին զօրացն դաւթի, որք զօրանային ընդ նմա ՛ի թագաւորութե(ան) ն(ո)ր(ա), եւ ընդ ա(մենայ)ն ի(սրաէ)լի, որք թագաւորեցուցանէին զնա ըստ բանին տ(եառ)ն ՛ի վ(ե)ր(այ) ի(սրաէ)լի։

Verse: 11  Link to sept   Եւ ա́յս թիւ զօրաւորացն դաւթի. Իզբաամ որդի աքամանի, առաջին յերիցն. նա́ ձգեաց զսուրն իւր միանգամայն ՛ի վերայ երեքհարիւր վիրաւորացն ՛ի միում ժամանակի։

Verse: 12  Link to sept   եւ յետ ն(ո)ր(ա) եղէազար որդի գովդայի աքուքացւոյ. նա́ յերիս զօրաւորսն

Verse: 13  Link to sept   էր ը(նդ) դաւթայ ՛ի փասասոդոմին։ Եւ այլազգիքն ժողովեցան անդր ՛ի պատերազմ. եւ էր մա́սն ինչ անդաստանին լի́ գարեաւ, եւ զօրն փախեաւ յերեսաց այլազգեացն։

Verse: 14  Link to sept   եւ եկաց ՛ի մէջ մասինն եւ պահեաց զնա. եւ հարին զայլազգիսն. եւ արար տ(է)ր փրկու(թ)ի(ւն) մեծ։

Verse: 15  Link to sept   եւ իջին երեք յերեսուն իշխանացն ՛ի վէմն առ դաւիթ յայրն ոդողոմայ։ Եւ բանակ այլազգեացն էր բանակեալ ՛ի հովտին սկայից։

Verse: 16  Link to sept   եւ դաւիթ յայնժամ է́ր յամրոցին. եւ զօր այլազգեացն էր յայնժամ ՛ի բեթղահեմ։

Verse: 17  Link to sept   եւ ցանկցաւ դաւիթ եւ ասէ՝ ո՞ արբուցենէր ինձ ջուր ՛ի ջրհորոյն բեթղահեմի որ առ դրանն։

Verse: 18  Link to sept   Եւ պատառեցին երեք զբանակ այլազգեացն, եւ հանին ջուր ՛ի ջրհորոյն բեթղահեմի, որ է առ դրանն, եւ առին եւ եկին առ դաւիթ. եւ ո́չ կամեցաւ դաւիթ ըմպել զայն, եւ նուիրեաց զա́յն տ(եառ)ն։

Verse: 19  Link to sept   եւ ասէ՝ քաւի́չ լիցի ինձ ա(ստուա)ծ առնել զբանդ զայդ, եթէ զարիւն արանցդ այդոցիկ արբից յանձինս իւրեանց. վ(ա)ս(ն) զի ոգւովքն իւրեանց բերին զայդ։ եւ ո́չ կամեցաւ ըմպել զայն։ զա́յս արարին երեք զօրաւորքն։

Verse: 20  Link to sept   Եւ աբեսսա եղբայր յովաբու էր իշխան երիցն. նա́ ձգեաց զսուրն ՛ի վերայ վեց հարիւր վիրաւորացն ՛ի միում ժամանակի. եւ նա́ էր անուանի

Verse: 21  Link to sept   ՛ի մէջ երիցն ՛ի վերայ ն(ո)ց(ա). քան զերկուսն փառաւորագոյն. եւ էր ն(ո)ց(ա) իշխան. եւ մինչ յերիսն ո́չ ժամանէր։

Verse: 22  Link to sept   Եւ բանէաս որդի յովիդայեայ, որդի առն զօրաւորի. եւ բազո́ւմ էին գործք ն(ո)ր(ա) ՛ի կասբեէլ. նա́ եհար զերկուս որդիսն արիէլ բանեայ, եւ նա́ էջ եւ եհար զառեւծն ՛ի մէջ գբին յաւուր ձեան։

Verse: 23  Link to sept   նա́ եհար զայրն եգիպտացի՝ զա́յր երեւելի հինգկանգնեան, եւ ՛ի ձեռն եգիպտացւոյն նիզակ իբրեւ զստորի ոստայնանկաց. եւ էջ առ նա բանեաս բրա́ւ, եւ եհան ՛ի ձեռանէ եգիպտացւոյն զնիզակն. եւ սպան զնա նիզակաւն նորին։

Verse: 24  Link to sept   Զա́յս արար բանեաս որդի յովիդայեայ. եւ անուն նորա ՛ի մէջ երից զօրաւորաց.

Verse: 25  Link to sept   քան զերիսն փառաւորագոյն, եւ առ երիսն ո́չ ժամանէր. եւ կացոյց զնա դաւիթ ՛ի վ(ե)ր(այ) տոհմին իւրոյ։

Verse: 26  Link to sept   Եւ սոքա էին զօրաւորք զօրացն. Ասայէլ եղբայր յովաբայ. եղէանան որդի գովդայի ՛ի բեթղահեմէ.

Verse: 27  Link to sept   սամովթ արովրացի. աքիգեղէս փաղովնացի.

Verse: 28  Link to sept   ովրէ որդի թեկուսացւոյն. աբիեզէր անաթովթացի։

Verse: 29  Link to sept   Սովբաք ասովթացի. եղիաք ովնացի.

Verse: 30  Link to sept   մովարէ նետոփացի. եղեադ որդի բաանայ նետոփաթացւոյ։

Verse: 31  Link to sept   եթայի որդի հռեփայի ՛ի բլրոյն բենիամինի. բանեաս փարաթոնացի.

Verse: 32  Link to sept   ուրի ՛ի նեքեղայ. դաասաբիէլ սարաբթացի։

Verse: 33  Link to sept   Աղամովթ բարսամացի. եղիաբ ասաղաբոնացի՝

Verse: 34  Link to sept   որդի ասամայ գովթնացւոյ. յովնաթան որդի մադէի արարացւոյ.

Verse: 35  Link to sept   աքիաբ որդի աքարայ արարացւոյ. եղիբաաղ որդի ովրայ

Verse: 36  Link to sept   Փերովմէ քուրաթացի. աքիա ոփեողանացի։

Verse: 37  Link to sept   ասարա կարմեղացի. նոարէ որդի ասբիայ.

Verse: 38  Link to sept   յովէլ եղբայր նաթանայ. մաբար որդի ագարայ.

Verse: 39  Link to sept   սեղեկով ամոնացի։ Նաար աբերոնացի՝ կապարճակիր յովաբայ որդւոյ սարուեայ.

Verse: 40  Link to sept   իրաս ուրեթացի. գաբեթ յեթերացի.

Verse: 41  Link to sept   ուրիաս քետացի։ Զաբադ որդի սոողայ

Verse: 42  Link to sept   որդւոյ սեղքայ ՛ի հռուբենայ, իշխան ՛ի վ(ե)ր(այ) երեսնիցն։

Verse: 43  Link to sept   անան որդի մասքայ. յովսափատ մատթանացի։

Verse: 44  Link to sept   Ողիաս աստարովթացի. սամաա, եւ յեւեղ որդիք քովթանացւոյն, արարցիք։

Verse: 45  Link to sept   յեգիէլ որդի սամարեայ, եւ յովազա եղբայր ն(ո)ր(ա), աթովսացիք։

Verse: 46  Link to sept   յեդիէլ մաովնացի. այիրաբ՝ եւ յովսէ որդի նորա, եղնամացիք. յեթեմա մովաբացի. ազիէլ, եւ ոբէդ, եւ յասիէլ մովսաթացիք։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ սոքա́ եկին առ դաւիթ ՛ի սիկեղակ, մինչդեռ նեղեալ էր յերեսաց սաւուղայ որդւոյ կիսեայ. եւ սոքա էին ՛ի զօրաւորսն օգնականք ՛ի պատերազմին։

Verse: 2  Link to sept   եւ աղեղամբ յաջուց եւ յահեկաց, եւ պարսաւոր քարամբք՝ եւ նետիւք։ Յեղբարցն սաւուղայ ՛ի բենիամինէ

Verse: 3  Link to sept   իշխան. Աքիեզեր, եւ յովաս որդի սամայ՝ սաբամովթացի. եւ յ(թ)ե(ան)էլ, եւ ափաղէտ որդիք ազմովթայ։ բարաքիա եւ յէուլ, անաթացիք։

Verse: 4  Link to sept   Սամէաս գաբաւոնացի, զօրաւոր ՛ի մէջ երեսնից, եւ ՛ի վ(ե)ր(այ) երեսնից։ յերեմիաս, եւ եզեկիէլ, եւ յովնան, եւ զաբադ՝ ՛ի գադերոնայ։

Verse: 5  Link to sept   Եղիսաղ, եւ յարիմութ, եւ բաաղիա, եւ սամարիա, եւ սափատիաս յարիփեղայ

Verse: 6  Link to sept   իկանայ։ յեսիայ, եղիէղ, եւ ովզորայ, եւ յեզբամ՝ ակորացիք։

Verse: 7  Link to sept   յովէլ եւ զաբադիայ, որդիք յերոմայ գեդովրացւոյ։

Verse: 8  Link to sept   Եւ ՛ի գաղաադայ որոշեցան առ դաւիթ, եւ յանապատէն զօրաւորք ուժով. ա́րք որ հարկանէին պատերազմ, առեալ վահանս եւ աշտեայս, եւ դէմք ն(ո)ց(ա) իբրեւ զդէ́մս առիւծու, եւ թեթեւագոյնք ոտիւք իբրեւ զայծեմունս ՛ի վ(ե)ր(այ) լերանց արագութ(եամ)բ։

Verse: 9  Link to sept   Եզեր՝ իշխան. աբդիաս՝ երկրորդ. եղիաբ՝ երրորդ.

Verse: 10  Link to sept   մասման՝ չորրորդ. յերեմիաս՝ հինգերորդ.

Verse: 11  Link to sept   եթթի՝ վեցերորդ. եղիէլ՝ եւթներորդ.

Verse: 12  Link to sept   յովնան՝ ութերորդ. եզղաբաթ՝ իններորդ.

Verse: 13  Link to sept   յերեմիաս՝ տասներորդ. մաքաբանա՝ մետասաներորդ։

Verse: 14  Link to sept   Սոքա́ յորդւոցն գադայ իշխանք զօրացն, ՛ի հարիւրսն փոքր. եւ մեծ ՛ի մէջ հազարացն։

Verse: 15  Link to sept   Սոքա́ են որք անցին ընդ յորդանան յամսեանն առաջնում, եւ նա էր լի́ յա(մենայ)ն յատակսն իւրում. եւ հալածեցին զա(մենայ)ն բնակիչս հովտացն՝ յարեւելից մինչեւ յարեւմուտս։

Verse: 16  Link to sept   Եւ եկին յորդւոցն բենիամինի եւ յուդայ՝ յօգնականութի(ւն) դաւթի։

Verse: 17  Link to sept   եւ դաւիթ ել ընդ առաջ ն(ո)ց(ա), եւ ասէ ցն(ո)ս(ա). եթէ խաղաղութ(եամ)բ եկիք առ իս՝ եղիցի́ սիրտ իմ ը(նդ) ձեզ, ապա թէ մատնե́լ զիս թշնամեաց իմոց եկիք՝ ո́չ ճշմարտութ(եամ)բ ձեռին, տեսցէ́ ա(ստուա)ծ հարցն մերոց՝ եւ յանդիմանեսցէ։

Verse: 18  Link to sept   Եւ զօրացո́յց հոգին զամեսսա, զիշխան երեսնիցն. եւ ասէ՝ ե́րթ դաւիթ որդի յեսսեայ՝ եւ զօրդ քո՝ խաղաղու(թ)ի(ւն) քեզ, եւ խաղաղու(թ)ի(ւն) օգնականաց քոց. վ(ա)ս(ն) զի օգնեաց քեզ ա(ստուա)ծ քո։ եւ ընկալաւ զն(ո)ս(ա) դաւիթ, եւ կացոյց զն(ո)ս(ա) իշխանս զօրացն։

Verse: 19  Link to sept   Եւ ՛ի մանասէէ դիմեցին առ դաւիթ՝ ՛ի գալ այլազգեացն ՛ի վ(ե)ր(այ) սաւուղայ ՛ի պատերազմ, եւ ո́չ օգնեաց ն(ո)ց(ա). վ(ա)ս(ն) զի խորհրդիւ եղեւ զօրագլխացն այլազգեաց, որք ասացին եթէ գլխովք արանցդ այդոցիկ դառնայ դա առ տէր իւր սաւուղ։

Verse: 20  Link to sept   ՛Ի գնալն ն(ո)ր(ա) ՛ի սիկիլակ, դիմեցին առ նա ՛ի մանասէէ, եդնա, յովզաբադ, եւ եղիու, եւ սաղթի. իշխանք հազարացն որք էին մանասէի։

Verse: 21  Link to sept   եւ նոքա գումարեցան ը(նդ) դաւթի ՛ի վ(ե)ր(այ) հինին. վ(ա)ս(ն) զի զօրաւորք էին ուժով, ամենեքեան իշխանք ՛ի վ(ե)ր(այ) զօրուն։

Verse: 22  Link to sept   քանզի աւուրց յաւուրս գային առ դաւիթ, ՛ի զօրութի(ւն) մեծ իբրեւ զօրութի(ւն) ա(ստուծո)յ։

Verse: 23  Link to sept   Եւ այսոքիկ են անուանք իշխանաց զօրուն, որք եկին առ դաւիթ ՛ի քեբրոն, դարձուցանել զթագաւորութի(ւն)ն ասւուղայ առ նա՝ ըստ բանին ա(ստուծո)յ։

Verse: 24  Link to sept   Որդիք յուդայ վահանակիրք եւ տիգաւորք, վեցհազար եւ ութհարիւր զօրաւորք ՛ի պատերազմի։

Verse: 25  Link to sept   Եւ յորդւոցն շմաւոնի հզօրք ուժով ՛ի պատերազմել, եւթնահազար եւ հարիւր։

Verse: 26  Link to sept   Յորդւոցն ղեւեայ. չորք հազար եւ վեց հարիւր,

Verse: 27  Link to sept   եւ յուդաս առաջնորդ։ Եւ յորդւոցն ահարոնի ընդ նմա երեք հազար եւ եւթն հարիւր.

Verse: 28  Link to sept   եւ սադովկ մանուկ հզօր ուժով ՛ի տանէ հօր իւրոյ. եւ իշխանք քսան եւ երկու։

Verse: 29  Link to sept   Եւ յորդւոցն բենիամինի յեղբարցն սաւուղայ երեքհազար, եւ յոլովք ՛ի նոցանէ էին վերակացուք տանն սաւուղայ։

Verse: 30  Link to sept   Եւ յորդւոցն եփրեմայ, քսանհազար եւ ութհարիւր զօրաւորք ուժով, արք անուանիք ըստ տանց տոհմիցն իւրեանց։

Verse: 31  Link to sept   Եւ ՛ի կիսոյ ցեղէն մանասէի ութուտասն հազար, որք անուանեցան յանուանէ թագաւորեցուցանե́լ զդաւիթ։

Verse: 32  Link to sept   Եւ յորդւոցն իսաքարայ որք գիտէին զհանճար, ՛ի ժամանակի́ ճնաչելով թէ զի՞նչ առնիցեն ի(սրաէ)լի՝ յիշխանու(թ)ե(ան) իւրեանց՝ երկերիւր. եւ ամենեքեան եղբարք իւրեանց ը(նդ) ն(ո)ս(ա)։

Verse: 33  Link to sept   Եւ ՛ի զաբուղոնէ՝ որք ելանէին ՛ի մարտ պատերազմի՝ պատերազմական գործեաւ, յիսուն հազար՝ օգնե́լ դաւթի՝ ո́չ ունայնաձեռն։

Verse: 34  Link to sept   Եւ ՛ի նեփթաղիմայ իշխանք հազարք. եւ ը(նդ) ն(ո)ս(ա) վահանաւորք եւ տիգաւորք երեսուն հազար։

Verse: 35  Link to sept   Եւ ՛ի գանայ կարգեալք ՛ի պատերազմ քսան եւ ութ հազար եւ ութհարիւր։

Verse: 36  Link to sept   Եւ յասերայ՝ որք ելանէին օգնել ՛ի պատերազմի, քառասուն հազար։

Verse: 37  Link to sept   Եւ յայնմ կողմանէ յորդանանու, ՛ի յռուբինէ, եւ ՛ի գագայ, եւ ՛ի կիսոյ ցեղին մանասէի, ա(մենայ)ն պատերազմական գործեօք՝ հարիւր քսանհազար.

Verse: 38  Link to sept   ամենեքեան սոքա ա́րք պատերազմօղք կարգեալք ՛ի մարտ. խաղաղական անձամբ եկին ՛ի քեբրոն թագաւորեցուցանել զդաւիթ ՛ի վ(ե)ր(այ) ի(սրաէ)լի։ եւ ա́յլ մնացորդքն ի(սրաէ)լի իբրեւ զա́նձն մի՝ թագաւորեցուցանել զդաւիթ։

Verse: 39  Link to sept   Եւ էին անդ աւուրս երիս, ուտէին եւ ըմպէին. վ(ա)ս(ն) զի պատրաստեցին ն(ո)ց(ա) եղբարքն իւրեանց,

Verse: 40  Link to sept   եւ սահմանակիցք նոցին, մինչեւ յիսաքար, եւ ՛ի զաբուղոն, եւ ՛ի նեփթաղիմ. եւ բերէին ն(ո)ց(ա) ուղտուք եւ իշովք եւ ջորւովք եւ եզամբք կերակուրս, ալեւր, եւ թուզ, եւ չամիչ, եւ գինի, եւ ձէթ, եւ զուարակս եւ ոչխարս բազումս. վասն զի ուրախութի(ւն) էր յիլի։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ խորհեցաւ դաւիթ ընդ հազարապետսն եւ հարիւրապետսն, եւ ընդ ա(մենայ)ն իշխանսն։

Verse: 2  Link to sept   եւ ասէ դաւիթ ցա(մենայ)ն եկեղեցին ի(սրաէ)լի. եթէ իցէ բարութի(ւն)դ ՛ի ձեզ, եւ ՛ի տ(եառն)է ա(ստուծո)յ մերմէ յաջողեցաւ. առաքեսցուք առ եղբարսն մեր որ մնացեալ են յա(մենայ)ն ի(սրաէ)լի. եւ ընդ ն(ո)ս(ա) քահանայք եւ ղեւտացիք ՛ի քաղաքսն կալուածոց իւրեանց, եւ ժողովեսցին առ մեզ։

Verse: 3  Link to sept   եւ բերցուք այսր առ մեզ զտապանակն ա(ստուծո)յ մերոյ. վ(ա)ս(ն) զի ո́չ խնդրեցին զնա յաւուրցն սաւուղայ։

Verse: 4  Link to sept   Եւ ասաց ա(մենայ)ն եկեղեցին՝ առնել այնպէս. վ(ա)ս(ն) զի ուղի́ղ էր բանն յաչս ա(մենայ)ն ժողովրդեանն։

Verse: 5  Link to sept   Եւ եկեղեցացոյց դաւիթ զա(մենայ)ն ի(սրա)էլ ՛ի սահմանացն եգիպտոսի մինչեւ յեմաթ, տանե́լ զտապանակն ա(ստուծո)յ ՛ի քաղաքէն յարիմայ։

Verse: 6  Link to sept   եւ եհան զնա դաւիթ՝ եւ ա(մենայ)ն ի(սրա)էլ ել ՛ի քաղաքն դաւթի, որ էր յուդայի. բերե́լ անտի զտապանակն տ(եառ)ն ա(ստուծո)յ որ նստի ՛ի վ(ե)ր(այ) քերովբէից, յորոյ վ(ե)ր(այ) կոչեցաւ անուն ն(ո)ր(ա)·

Verse: 7  Link to sept   Եւ եդին զտապանակն ա(ստուծո)յ ՛ի վերայ սայլի́ նորոյ, ՛ի տանէն ամինադաբայ։ եւ ոզա եւ եղբարք ն(ո)ր(ա) ածէին զսայլն։

Verse: 8  Link to sept   Եւ դաւիթ եւ ա(մենայ)ն ի(սրա)էլ խաղային առաջի ա(ստուծո)յ ա(մենայ)ն զօրութ(եամ)բ, երգովք սաղմոսաց՝ տաւղօք եւ քնարօք եւ թմբկօք եւ ծնծղայիւք եւ փողովք։

Verse: 9  Link to sept   եւ եկին մինչեւ ՛ի կալն քելովնեայ։ եւ ձգեաց ոզա զձեռն իւր ունե́լ զտապանակն, վ(ա)ս(ն) զի թիւրեաց զնա զուարակն։

Verse: 10  Link to sept   Եւ բարկացաւ տ(է)ր սրտմտութ(եամ)բ ՛ի վ(ե)ր(այ) ոզայ. եւ եհար զնա անդ յաղագս ձգելոյ ն(ո)ր(ա) զձեռն իւր ՛ի տապանակն. եւ մեռա́ւ անդ առաջի ա(ստուծո)յ։

Verse: 11  Link to sept   Եւ տրտմեցաւ դաւիթ. վ(ա)ս(ն) զի խրամատեաց տ(է)ր խրամատութի(ւն) յոզա։ եւ կոչեաց զտեղին զայն խրամատու(թ)ի(ւն) ոզայ մինչեւ յօրս յայս։

Verse: 12  Link to sept   Եւ երկեաւ դաւիթ յա(ստուծո)յ յաւուրն յայնմիկ եւ ասէ, զիա՞րդ տարայց առ իս զտապանակն ա(ստուծո)յ։

Verse: 13  Link to sept   եւ ո́չ դարձոյց դաւիթ զտապանակն առ ինքն ՛ի քաղաք դաւթի. եւ խոտորեցոյց զնա ՛ի տունն աբեդդարայ քետացւոյ։

Verse: 14  Link to sept   Եւ նստաւ տապանակն ա(ստուծո)յ ՛ի տանն աբեդդարայ ամիսս երիս։ եւ օրհնեաց ա(ստուա)ծ զաբեդդար, եւ զա(մենայ)ն ինչ ն(ո)ր(ա)։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ առաքեաց քիրամ արքայ տիւրոսի հրեշտակս առ դաւիթ, եւ փայտս մայրս. եւ շինօղս որմոց, եւ հիւսունս փայտից՝ շինե́լ նմա տուն։

Verse: 2  Link to sept   Եւ ծանեաւ դաւիթ եթէ պատրաստեաց զնա տ(է)ր ՛ի վ(ե)ր(այ) ի(սրաէ)լի. վ(ա)ս(ն) զի աճեաց ՛ի բարձրութի(ւն) թագաւորու(թ)ի(ւն) ն(ո)ր(ա), վ(ա)ս(ն) ժողովրդեան իւրույ ի(սրաէ)լի։

Verse: 3  Link to sept   Եւ ա́ռ դաւիթ ա́յլ եւս կանայս յե(րուսաղէ)մ. եւ ծնան նմա ա́յլ եւս ուստերք եւ դստերք։

Verse: 4  Link to sept   Եւ ա́յսոքիկ են անուանք ն(ո)ց(ա) որք ծնան նմա, եւ էին նորա յե(րուսաղէ)մ։ սամաաս, եւ սոբաբ, նաթան, սողոմոն,

Verse: 5  Link to sept   եւ յեբաար, եւ եղիսաւ, եւ եղիփաղէտ.

Verse: 6  Link to sept   եւ նագեթ, եւ նափատ, եւ յափիէ.

Verse: 7  Link to sept   եւ եղիսամա, եւ բաղիադա, եւ եղիփաղատ։

Verse: 8  Link to sept   Եւ լուա́ն այլազգիքն եթէ օծաւ դաւիթ թագաւոր ՛ի վ(ե)ր(այ) ա(մենայ)ն ի(սրաէ)լի, եւ ելին ա(մենայ)ն այլազգիքն խնդրել զդաւիթ։ լուա́ւ դաւիթ, եւ ել ընդ առաջ ն(ո)ց(ա)։

Verse: 9  Link to sept   եւ այլազգիքն եկին, եւ հանդիպեցան միմեանց ՛ի հովիտսն սկայից։

Verse: 10  Link to sept   Եւ եհարց դաւիթ ցա(ստուա)ծ՝ եւ ասէ. եթէ ելի՞ց ՛ի վերայ այլազգեացն, եւ տայցե՞ս զն(ո)ս(ա) ՛ի ձեռս իմ։ եւ ասէ ցնա տ(է)ր. ե́լ, եւ տաց զնոսա ՛ի ձեռս քո։

Verse: 11  Link to sept   Եւ ել դաւիթ ՛ի բաաղփարասին, եւ եհար զն(ո)ս(ա) դաւիթ։ եւ ասէ դաւիթ, խրամատեա́ց ա(ստուա)ծ զթշնամիս իմ ձեռամբ իմով, իբրեւ զխրամատու(թ)ի(ւն) ջրոյ։ յաղագս այսորիկ կոչեաց զանուն տեղւոյն այնորիկ խրամատութի(ւն) փարասինայ։

Verse: 12  Link to sept   եւ թողին անդ զաստուածս իւրեանց։ եւ ասաց դաւիթ այրե́լ զն(ո)ս(ա) հրով։

Verse: 13  Link to sept   Եւ յաւելին ա́յլ եւս այլազգիքն, եւ հանդիպեցան ՛ի հովտին սկայից։

Verse: 14  Link to sept   Եւ եհարց դաւիթ դարձեալ զա(ստուա)ծ։ եւ ասաց ցնա ա(ստուա)ծ. ո́չ երթիցես զկնի ն(ո)ց(ա). դարձի́ր ՛ի նոցանէ, եւ թողցես զն(ո)ս(ա) մերձ ՛ի տանձիսն.

Verse: 15  Link to sept   եւ եղիցի ՛ի լսել քո զձայն շարժման ծայրից տանձեացն, յայնժամ ելցես ՛ի պատերազմել. վասն զի ելցէ ա(ստուա)ծ առաջի քո հարկանե́լ զբանակ այլազգեացն։

Verse: 16  Link to sept   Եւ արա́ր ո(ր)պ(էս) պատուիրեաց նմա ա(ստուա)ծ. եւ եհար զբանակ այլազգեացն ՛ի գաբաթովնայ մինչեւ ՛ի գազերա։

Verse: 17  Link to sept   Եւ եղեւ անո́ւն դաւթի յա(մենայ)ն երկրի. եւ տ(է)ր ետ զերկիւղ ն(ո)ր(ա) ՛ի վերայ ա(մենայ)ն ազգաց։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ արար իւր տո́ւնս ՛ի քաղաքի դաւթի։ եւ պատրաստեաց զտեղի տապանակին ա(ստուծո)յ, եւ արա́ր նմա խորան։

Verse: 2  Link to sept   Յայնժամ ասաց դաւիթ. ո́չ այլ ումեք է́ բառնալ զտապանակն ա(ստուծո)յ, բայց միայն ղեւտացւոցն. վ(ա)ս(ն) զի զն(ո)ս(ա) ընտրեաց տ(է)ր բառնալ զտապանակն իւր, եւ պաշտե́լ առաջի ն(ո)ր(ա) մինչեւ ցյաւիտեանս։

Verse: 3  Link to sept   Եւ ժողովեաց դաւիթ զա(մենայ)ն ի(սրա)էլ յե(րուսաղէ)մ հանել զտապանակն տ(եառ)ն ՛ի տեղին, զոր պատրաստեաց նմա։

Verse: 4  Link to sept   եւ ժողովեաց դաւիթ զորդիսն ահարոնի, եւ զղեւտացիսն։

Verse: 5  Link to sept   Յորդւոցն կահաթու՝ ուրիէլ իշխան, եւ եղբարք ն(ո)ր(ա) հարիւր քսան։

Verse: 6  Link to sept   Յորդւոցն մերարեայ՝ սայիաս իշխան, եւ եղբարք ն(ո)ր(ա) երկերիւր յիսուն։

Verse: 7  Link to sept   Յորդւոցն գեթսոնի՝ յովէլ իշխան, եւ եղբարք ն(ո)ր(ա) հարիւր երեսուն։

Verse: 8  Link to sept   Յորդւոցն եղիսափանայ՝ սամայաս իշխան, եւ եղբարք ն(ո)ր(ա) երկերիւր։

Verse: 9  Link to sept   Յորդւոցն քեբրոնի՝ եղիէլ իշխան, եւ եղբարք ն(ո)ր(ա) ութսուն։

Verse: 10  Link to sept   Յորդւոցն ոզիելի՝ ամինադաբ իշխան, եւ եղբարք ն(ո)ր(ա) հարիւր եւ երկոտասան։

Verse: 11  Link to sept   Եւ կոչեաց դաւիթ զսադովկ եւ զաբիաթար, զքահանայսն եւ զղեւտացիսն. եւ զուրիէլ, եւ զասարիաս, եւ զյովէլ, եւ զսամայիաս, եւ զեղիէլ, եւ զամինադաբ.

Verse: 12  Link to sept   եւ ասէ ցն(ո)ս(ա). դո́ւք էք իշխան տոհմից ղեւտացւոց, դո́ւք սրբեցարո́ւք եւ եղբարք ձեր, եւ հանէ́ք զտապանակն ա(ստուծո)յ ՛ի տեղին զոր պատրաստեցի նմա։

Verse: 13  Link to sept   ո՞չ ապաքէն զի ո́չ էիք դուք յառաջ, խրամատեաց ա(ստուա)ծ ձեր ՛ի մեզ, վ(ա)ս(ն) զի ո́չ խնդրեցաք իրաւամբք զնա։

Verse: 14  Link to sept   Եւ սրբեցան քահանայքն եւ ղեւտացիք բերել զտապանակն ա(ստուծո)յ ի(սրաէ)լի։

Verse: 15  Link to sept   եւ առին որդիք ղեւտացւոցն զտապանակն ա(ստուծո)յ, ո(ր)պ(էս) եւ պատուիրեաց մովսէս բանիւ ա(ստուծո)յ ըս(տ) գրոց, բառնալեօքն ՛ի վերայ ուսոց իւրեանց։

Verse: 16  Link to sept   Եւ ասէ դաւիթ ցիշխանս ղեւտացւոցն. կացուցէ́ք զեղբարսն ձեր որք երգեն զսաղմոսս՝ նուագարանօք երգոցն, քնարօք, եւ սրնգօք, եւ ծնծղայիւք, ամբառնալ զձայնս ՛ի բարձունս՝ ուրախու(թ)ե(ան) ձայնիւ։

Verse: 17  Link to sept   Եւ կացուցին ղեւտացիքն զնաման որդի յովելի, եւ յեղբարց ն(ո)ր(ա) զասափ որդի բարաքեայ. եւ յորդւոցն մերարեայ յեղբարց ն(ո)ր(ա) զեթան որդի կիսեայ։

Verse: 18  Link to sept   Եւ ընդ ն(ո)ս(ա) եղբարքն իւրեանց երկրորդք. զաքարիա, եւ յովէլ, եւ սամիրամովթ, եւ էէլ, եւ անանիաս, եւ եղիաբ, եւ բանեաս, եւ մասեաս, եւ մատաթիաս, եւ եղիփաղա, եւ մակէդիաս, եւ աբէդդոմ, եւ յէէլ, եւ ոզիաս՝ դռնապանքն։

Verse: 19  Link to sept   Եւ սաղմոսանուագքն. աման, եւ ասափ, եւ էթան. տաւղեօք պղնձեօք, լսելի́ առնել զձայն։

Verse: 20  Link to sept   Զաքարիաս, եւ ոզիէլ, եւ սեմիրամովթ, եւ ելիէլ, եւ անանիաս, եւ եղիաբ, եւ մասիաս, եւ նաթայիաս՝ քնարօք եւ աղեմովթ։

Verse: 21  Link to sept   եւ մատաթիաս, եւ եղիփազատ, եւ մակեղիա, եւ աբեգդոմ, եւ յեւել, եւ ոզիաս՝ սրնգօք։ սենեթիաս՝ զօրացուցանել։

Verse: 22  Link to sept   եւ քոնիաս իշխան ղեւտացւոցն, իշխան ՛ի վերայ երգոցն. վ(ա)ս(ն) զի է́ր հանճարեղ։

Verse: 23  Link to sept   Եւ բարաքիաս, եւ եղկանա՝ դռնապանք տապանակին։

Verse: 24  Link to sept   Եւ սովբենիաս, եւ յովսափատ, եւ նաթանիէլ, եւ աման, եւ զաքարիաս, եւ բանաիաս, եւ եղիեզեր, քահանայքն յուսացեալք փողովք առաջի տապանակին ա(ստուծո)յ։ եւ աբեդդովմ, եւ յեիաս՝ դռնապանք տապանակին ա(ստուծո)յ։

Verse: 25  Link to sept   Եւ դաւիթ եւ ծերքն ի(սրաէ)լի, եւ հազարապետք, երթային հանել զտապանակ ուխտին տ(եառ)ն ՛ի տանէն աբեդդարայ ուրախութ՝բ։

Verse: 26  Link to sept   Եւ եղեւ ՛ի զօրացուցանելն ա(ստուծո)յ զիշխանսն՝ որ բարձին զտապանակ ուխտին տ(եառ)ն. զենին եւթն զուարակս, եւ եւթն խոյս։

Verse: 27  Link to sept   եւ դաւիթ զգեցեալ էր պատմուճան բեհեղեղէն։ Եւ ա(մենայ)ն ղեւտացիքն բարձին զտապանակ ուխտին տ(եառ)ն, եւ սաղմոսանուագքն. եւ քոնոնիաս էր իշխան երգոցն՝ որք նուագէին։ Եւ դաւիթ զգեցեալ պատմուճան բեհեզեղէն։

Verse: 28  Link to sept   եւ ա(մենայ)ն ի(սրա)էլ հանին զտապանակ ուխտին տ(եառ)ն հռչակաւ ձայնիւ յոբելեաւն, եւ փողով՝ եւ ծնծղայիւք նուագելով քնարօք եւ տաւղօք։

Verse: 29  Link to sept   Եւ եղեւ մինչդեռ տապանակն ա(ստուծո)յ գայր ՛ի քաղաքն դաւթի, եւ մեղքող դուստր սաւուղայ կարկառեալ ընդ պատուհանն, ետես զարքայ դաւիթ զի կաքաւէր եւ խաղայր. եւ անգոսեաց զնա ՛ի միտս իւր։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ տարաւ ՛ի ներքս զտապանակն ա(ստուծո)յ, եւ հաստատեաց զնա ՛ի մէջ խորանին՝ զոր պատրաստեաց նմա դաւիթ։ եւ մատուցին ողջակէզս՝ եւ փրկութե(ան)ցն առաջի ա(ստուծո)յ։

Verse: 2  Link to sept   Եւ կատարեաց դաւիթ մատուցանել զողջակէզսն՝ եւ զփրկութե(ան)ց. եւ օրհնեաց զժողովուրդն յանուն տ(եառ)ն։

Verse: 3  Link to sept   եւ բաշխեաց ամենայն ի(սրաէ)լի յառնէ մինչեւ ցկին, ՛ի մարդ՝ հա́ց մի ՛ի հացարարոցէ, եւ պատառ մի ՛ի կասկարայից։

Verse: 4  Link to sept   Եւ կարգեա́ց առաջի երեսաց տապանակին կտակարանացն տ(եառ)ն, ՛ի ղեւտացւոցն՝ պաշտօնեայս երգե́լ ձայնիւ, եւ խոստովա́ն լինել, եւ օրհնե́լ զտ(է)ր ա(ստուա)ծ ի(սրաէ)լի։

Verse: 5  Link to sept   Զասափ առաջնորդ. եւ երկրորդ նմա զաքարիաս, զյեէլ, զսամիրամովթ, զյայէլ, զմատաթիաս, զեղիաբ զբանեաս, զաբեդդովմ, եւ զեսիէլ, նուագարանօք տաւղաց եւ քնարից։ եւ ասափ ծնծղայիւք նուագէր։

Verse: 6  Link to sept   եւ բանեաս եւ ոզիէլ քահանայք փողովք հանապազ առաջի տապանակի կտակարանացն ա(ստուծո)յ։

Verse: 7  Link to sept   Եւ յաւուրն յայնմիկ յայնժամ կարգեաց դաւիթ, իսկզբանն օրհնել զտ(է)ր, ՛ի ձեռն ասափայ՝ եւ եղբարց ն(ո)ր(ա)։

Verse: 8  Link to sept   Երգ։ Խոստովա́ն եղերո́ւք տ(եառ)ն եւ կարդացէք զանուն ն(ո)ր(ա), ծանուցէ́ք ժողովրդոց զգործս ն(ո)ր(ա)։

Verse: 9  Link to sept   Երգեցէ́ք նմա եւ օրհնեցէ́ք զնա, պատմեցէ́ք ամենեցուն զսքանչելիս ն(ո)ր(ա) զոր արար տ(է)ր։

Verse: 10  Link to sept   օրհնեցէ́ք զանուն ս(ուր)բ ն(ո)ր(ա)։ ուրա́խ լիցի սիրտ՝ որ խնդրէ զհաճոյս ն(ո)ր(ա)։

Verse: 11  Link to sept   Խնդրեցէ́ք զտ(է)ր եւ հզօրք եղիջիք. խնդրեցէ́ք զերեսս ն(ո)ր(ա) յա(մենայ)ն ժամ։

Verse: 12  Link to sept   Յիշեցէ́ք զսքանչելիս ն(ո)ր(ա) զոր արար, զնշանս եւ զիրաւունս բերանոյ ն(ո)ր(ա)։

Verse: 13  Link to sept   զաւա́կ ի(սրաէ)լի ծառայք նորա. որդիք յակոբայ ընտրեալք ն(ո)ր(ա)։

Verse: 14  Link to sept   Նա́ է տ(է)ր ա(ստուա)ծ մեր, յա(մենայ)ն երկրի են իրաւունք ն(ո)ր(ա)։

Verse: 15  Link to sept   յիշեսցէ յաւիտենից զուխտ իւր, զբանն զոր պատուիրեաց ՛ի հազար ազգ.

Verse: 16  Link to sept   զուխտն զոր եդ ընդ աբրաամու, եւ զերդումն իւր ընդ սահակայ։

Verse: 17  Link to sept   Հաստատեաց զնա յակոբու ՛ի հրամանս, եւ ի(սրաէ)լի յուխտ յաւիտենական.

Verse: 18  Link to sept   ասէ, քե́զ տաց զերկիրն քանանու, զվիճակ ժառանգու(թ)ե(ան) ձերոյ։

Verse: 19  Link to sept   զի էին նոքա սակաւք թուով. եւ նուազք եւ պանդուխտք ՛ի նմա։

Verse: 20  Link to sept   գնացին նոքա ազգէ յազգ, եւ ՛ի թագաւորութ(են)է ՛ի ժողովո́ւրդ յայլ։

Verse: 21  Link to sept   Ո́չ թող ա́ռն հարստահարել զն(ո)ս(ա), եւ կշտամբեաց վ(ա)ս(ն) ն(ո)ց(ա) զթագաւորս։

Verse: 22  Link to sept   մի́ մերձենայք յօծեալսդ իմ, եւ ՛ի մարգարէսդ իմ մի́ լինիք չար։

Verse: 23  Link to sept   Օրհնեցէ́ք զտ(է)ր ա(մենայ)ն երկիր. պատմեցէ́ք օրըստօրէ զփրկութի(ւն) ն(ո)ր(ա)։

Verse: 24  Link to sept   Պատմեցէ́ք ՛ի հեթանոսս զփառս ն(ո)ր(ա), յա(մենայ)ն ժողովուրդս զսքանչելիս ն(ո)ր(ա)։

Verse: 25  Link to sept   Զի մեծ է տ(է)ր, եւ օրհնեալէ յոյժ. ահաւո́ր է ՛ի վ(ե)ր(այ) ա(մենայ)ն աստուածոց.

Verse: 26  Link to sept   վ(ա)ս(ն) զի ա(մենայ)ն աստուածք ազգաց կո́ւռք են. եւ ա(ստուա)ծ զերկինս արար։

Verse: 27  Link to sept   Փառք եւ գովութի(ւն) առաջի երեսաց ն(ո)ր(ա). զօրութի(ւն) եւ պարծանք ՛ի տեղւոջ նորա·

Verse: 28  Link to sept   Տո́ւք տ(եառ)ն տոհմք ազանց. տո́ւք տ(եառ)ն փառք՝ եւ զօրու(թ)ի(ւն)։

Verse: 29  Link to sept   տո́ւք տ(եառ)ն զփառս անուան ն(ո)ր(ա)։ առէ́ք զպատարագս, եւ մատուցէ́ք առաջի երեսաց ն(ո)ր(ա). եւ երկրպագեցէ́ք տ(եառ)ն ՛ի սրահ սրբու(թ)ե(ան) ն(ո)ր(ա)։

Verse: 30  Link to sept   եւ երկիցէ́ յերեսաց ն(ո)ր(ա) ա(մենայ)ն երկիր։ յաջողեսցի երկրի՝ եւ մի́ սասանեսցի։

Verse: 31  Link to sept   Ուրա́խ եղիցին երկինք՝ եւ ցնծասցէ́ երկիր. եւ ասասցեն ՛ի հեթանոսս, տ(է)ր թագաւորեաց։

Verse: 32  Link to sept   հնչեսցէ́ ծով լիու(թեամ)բն իւրով. փայտք անդաստանի եւ ա(մենայ)ն որ է ՛ի նմա։

Verse: 33  Link to sept   յայնժամ ուրա́խ եղիցին ա(մենայ)ն ծառք անտառի, զի եկն դատել զերկիր։

Verse: 34  Link to sept   Խոստովան եղերուք տ(եառ)ն՝ զի բարի է զի յաւիտեան է ողորմութի(ւն) ն(ո)ր(ա)։

Verse: 35  Link to sept   Եւ ասացէ́ք՝ կեցո́ զմեզ ա(ստուա)ծ փրկու(թ)ե(ան) մերոյ, եւ ապրեցո́զմեզ ՛ի թշնամեաց մերոց. զի օրհնեսցուք զանուն քո ս(ուր)բ, եւ պարծեսցուք յօրհնութի(ւն)ս քո։

Verse: 36  Link to sept   Օրհնեալ տ(է)ր ա(ստուա)ծ ի(սրաէ)լի յաւիտենից մինչեւ յաւիտեանս։ եւ ասասցէ́ ա(մենայ)ն ժողովուրդն. ամեն։ եւ օրհնեցին զտ(է)ր·

Verse: 37  Link to sept   Եւ եթո́ղ անդ առաջի տապանակի կտակարանացն տ(եառ)ն՝ զասափ եւ զեղբարս ն(ո)ր(ա), պաշտե́լ առաջի տապանակին յա(մենայ)ն ժամ օրըստօրէ։

Verse: 38  Link to sept   Եւ աբդոդոմ եւ եղբարք ն(ո)ր(ա) վաթսուն եւ ութ. եւ աբդոդոմ՝ էր որդի եդիթունայ։ եւ ովսեէ ՛ի դռնապանսն։

Verse: 39  Link to sept   Եւ զսադովկ քահանայ, եւ զեղբարսն ն(ո)ր(ա) զքահանայսն առաջի խորանին տ(եառ)ն ՛ի բամա՝ որ ՛ի գաբաւոն,

Verse: 40  Link to sept   մատուցանել ողջակէզս տ(եառ)ն ՛ի վերայ սեղանոյ ողջակիզացն հանապազ առաւօտուց եւ երեկորին. եւ ըստ ա(մենայ)նի զոր ինչ գրեալէ յօրէնսն տ(եառ)ն՝ զոր պատուիրեաց որդւոցն ի(սրաէ)լի ՛ի ձեռն մովսիսի ծառային ա(ստուծո)յ։

Verse: 41  Link to sept   Եւ ընդ նմա եման, եւ իդիթովմ, եւ այլք ընտրեալք յանուանէ, օրհնել զտ(է)ր՝ զի յաւիտեան է ողորմութի(ւն) ն(ո)ր(ա).

Verse: 42  Link to sept   եւ ընդ ն(ո)ս(ա) փողք եւ ծնծղայք, նուագել քնարօք երգոցն ա(ստուծո)յ։ եւ որդիքն իդիթունայ ՛ի դրանն։

Verse: 43  Link to sept   Եւ գնաց ա(մենայ)ն ժողովուրդն իւրաքանչիւրոք ՛ի տուն իւր։ եւ դարձաւ դաւիթ օրհնել զիւր տունն։



Chapter: 17 
ԳԼ(ՈՒԽ) Ժ՜Է.


Verse: 1  Link to sept   Եւ եղեւ իբրեւ բնակեա́ց դաւիթ ՛ի տան իւրում, ասէ դաւիթ ցնաթան մարգարէ։ ահա ես բնակեմ ՛ի տան մա́յր փայտից՝ եւ տապանակ ուխտին տ(եառ)ն է ընդ վրանօ՞ք։

Verse: 2  Link to sept   Եւ ասէ նաթան ցդաւիթ. զա(մենայ)ն որ ինչ է յանձին քում արա́. վ(ա)ս(ն) զի ա(ստուա)ծ ը(նդ) քե́զ է։

Verse: 3  Link to sept   Եւ ՛ի գիշերին յայնմիկ եղեւ բա́ն տ(եառ)ն առ նաթան՝ եւ ասէ.

Verse: 4  Link to sept   ե́րթ եւ ասա́ ցդաւիթ ծառայ իմ. Ա́յսպէս ասէ տ(է)ր. ո́չ շինեսցես դու ինձ տուն բնակելոյ ՛ի նմա.

Verse: 5  Link to sept   վ(ա)ս(ն) զի ո́չ երբէք բնակեցի ՛ի տան՝ յօրէ յորմէ հանի զի(սրա)էլ յեգիպտոսէ մինչեւ յօրս յայս։ էի խորանաւ ՛ի վայրաբնակս,

Verse: 6  Link to sept   ա(մենայ)ն ուրեք՝ ընդ որ անցին որդիքն ի(սրաէ)լի. եթէ խօսելով խօսեցա՞յ ընդ միում ՛ի ցեղիցն ի(սրաէ)լի, եւ ՛ի դատաւորաց ն(ո)ր(ա), որոց պատուիրեցի հովուել ժողովրդեան իմոյ՝ եւ ասացի. ընդէ՞ր ոչշինեցէք ինձ տուն ՛ի մայրփայտից։

Verse: 7  Link to sept   Եւ արդ՝ ա́յսպէս ասասցես ցծառայ իմ դաւիթ. Ա́յսպէս ասէ տ(է)ր ամենակալ, առի́ զքեզ ՛ի վերջէ վրանաց հովուացն, առ ՛ի լինել առաջնորդ ժողովրդեան իմում ի(սրաէ)լի։

Verse: 8  Link to sept   եւ էի́ ընդ քեզ ա(մենայ)ն ուրեք ուր եւ երթայիր. եւ սատակեցի զա(մենայ)ն թշնամիս քո յերեսաց քոց. եւ արարի քեզ տուն ըս(տ) անուան մեծամեծաց որք ՛ի վերայ երկրի։

Verse: 9  Link to sept   Եւ արդ եդի́ց զտեղի ժողովրդեան իմոյ ի(սրաէ)լի. եւ տնկեսցես զդա, եւ բնակեսցէ́ առանձինն, եւ ո́չ եւս հոգասցէ ինչ, եւ ո́չ եւս յաւելցէ անիրաւու(թ)ի(ւն) խոնարհեցուցանել զդա ո(ր)պ(էս) իսկզբանն,

Verse: 10  Link to sept   եւ յաւուրցն յորոց կարգեցի դատաւորս ՛ի վ(ե)ր(այ) ժողովրդեան իմոյ ի(սրաէ)լի, եւ նկո́ւն արարի զա(մենայ)ն թշնամիս քո։ Եւ արդ՝ աճեցուցի́ց զքեզ, եւ շինեցից զքեզ ե́ս տ(է)ր։

Verse: 11  Link to sept   եւ եղիցի յորժամ լցցին աւուրք քո՝ քունեսցես ընդ հարս քո։ Եւ յարուցից զզաւակ քո յե́տ քո, որ եղիցի յորովայնէ քումմէ. եւ պատրաստեցից զթագաւորու(թ)ի(ւն) ն(ո)ր(ա).

Verse: 12  Link to sept   նա́ շինեսցէ ինձ տուն. եւ ուղղեցից զաթոռ ն(ո)ր(ա) յաւիտեան։

Verse: 13  Link to sept   Ե́ս եղէց նմա ՛ի հայր, եւ նա եղիցի ինձ յորդի. եւ զողորմութի(ւն)ս ո́չ արարից ՛ի բաց ՛ի նմանէ. ո(ր)պ(էս) մերժեցի յայնցանէ որք յառաջ քան զքեզ էին։

Verse: 14  Link to sept   եւ հաւատարի́մ լիցի նա ՛ի տան իմում. եւ թագաւորու(թ)ի(ւն) ն(ո)ր(ա) մինչեւ յաւիտեանս. եւ աթոռ ն(ո)ր(ա) եղիցի ուղղեալ մինչեւ յաւիտեան։

Verse: 15  Link to sept   Ըստ ա(մենայ)ն բանիցս այսոցիկ, եւ ըստ ա(մենայ)ն տեսլեանս այսմ, նո́յնպէս խօսեցաւ նաթան ը(նդ) դաւթայ։

Verse: 16  Link to sept   Եւ եկն արքայ դաւիթ նստաւ առաջի տ(եառ)ն՝ եւ ասէ. ո՞վ եմ ես տ(է)ր ա(ստուա)ծ, եւ կամ զի՞նչ տուն իմ. զի սիրեցեր զիս մինչեւ յաւիտեան.

Verse: 17  Link to sept   եւ ո́չ փոքրկացան այսոքիկ առաջի քո ա(ստուա)ծ. խօսեցար յաղագս տան ծառայի քոյ յերկարագոյն, եւ հայեցար դու յիս տեսլեամբ մարդոյ. բարձրացուցեր դու զիս տ(է)ր ա(ստուա)ծ։

Verse: 18  Link to sept   Եւ զի՞նչ եւս յաւելուցու դաւիթ փառաւորել զքեզ. դո́ւ գիտես զծառայս քո.

Verse: 19  Link to sept   ըստ սրտի քում արարեր զա(մենայ)ն զմեծու(թ)ի(ւն)դ քո տ(է)ր։

Verse: 20  Link to sept   Ո́չ ոք է նման քեզ, եւ ոչ գոյ բաց ՛ի քէն. ըս(տ) ա(մենայ)նի զորս լուաք ակնջօք մերովք.

Verse: 21  Link to sept   եւ ո́չ ոք է իբրեւ զժողովուրդ քո զի(սրա)էլ՝ ազգ ՛ի վ(ե)ր(այ) երկրի որում առաջնորդեաց նմա ա(ստուա)ծ փրկե́լ իւր ժողովուրդ, եւ դնե́լ զանուն իւր մեծ եւ երեւելի, հանե́լ յերեսաց ժողովրդեան քոյ զոր փրկեցեր յեգիպտոսէ՝ զազգսն։

Verse: 22  Link to sept   եւ եդիր զժողովուրդ քո զի(սրա)էլ ՛ի ժողովուրդ քեզ յաւիտեան. եւ դու եղեր ն(ո)ց(ա) յա(ստուա)ծ։

Verse: 23  Link to sept   Եւ արդ տ(է)ր՝ զբանն զոր խօսեցար ընդ ծառայի քում եւ յաղագս տա́ն ն(ո)ր(ա), հաւատարի́մ լիցի մինչեւ յաւիտեան.

Verse: 24  Link to sept   զոր ասացեր տ(է)ր՝ տ(է)ր ամենակալ ա(ստուա)ծ ի(սրաէ)լի, թէ տուն դաւթի ծառայի քոյ եղիցի ուղղեալ առաջի քո.

Verse: 25  Link to sept   վ(ա)ս(ն) զի դու տ(է)ր բացե́ր զունկն ծառայի քոյ շինել քեզ տուն. յաղագս այսորիկ եգիտ ծառայ քո կա́լ յաղօթս առաջի քո։

Verse: 26  Link to sept   Եւ արդ տ(է)ր, դո́ւ ես ա(ստուա)ծ. եւ խօսեցար վասն ծառայի քոյ զբարի́սդ զայդոսիկ.

Verse: 27  Link to sept   սկսի́ր այսուհետեւ օրհնել զտուն ծառայի քոյ, լինե́լ առաջի քո յաւիտեան։ վ(ա)ս(ն) զի դո́ւ տ(է)ր օրհնեցեր՝ եւ օրհնեա́ յաւիտեան։



Chapter: 18 
ԳԼ(ՈՒԽ) Ժ՜Ը.


Verse: 1  Link to sept   Եւ եղեւ յետ այսորիկ՝ եհա́ր դաւիթ զայլազգիսն, եւ վանեաց զն(ո)ս(ա). եւ ա́ռ զդէթ՝ եւ զգեօղս ն(ո)ր(ա) ՛ի ձեռաց այլազգեացն։

Verse: 2  Link to sept   Եւ եհար զմովաբ. եւ էին մովաբացիքն ծառայք դաւթի բերել ընծայս։

Verse: 3  Link to sept   Եւ եհա́ր դաւիթ զադրաազար արքայ սուբայ ՛ի յեմաթ, յերթալ ն(ո)ր(ա) հաստատել զձեռն իւր ՛ի վ(ե)ր(այ) գետոյն եփրատայ.

Verse: 4  Link to sept   եւ ա́ռ դաւիթ զն(ո)ր(ա) հազար կառս՝ եւ եւթն հազար ձիոց՝ եւ քսան հազար արանց հետեւակաց. եւ քակեաց դաւիթ զա(մենայ)ն կառսն, եւ եթող ՛ի նոցանէ հարիւր կառս։

Verse: 5  Link to sept   Եւ եկն ասորին ՛ի դամասկոսէ օգնել ադրաազարայ արքայի սուբայ. եւ եհար դաւիթ յասորեացն քսան եւ երկու հազարս արանց։

Verse: 6  Link to sept   եւ եդ դաւիթ ամրոց յասորիս ՛ի դամասկոսի, եւ էին դաւթի ծառայք՝ բերե́լ նմա ընծայս։ եւ ապրեցոյց տ(է)ր զդաւիթ յա(մենայ)ն տեղիս իւր եւ երթայր։

Verse: 7  Link to sept   Եւ ա́ռ դաւիթ զմանեակսն ոսկեղէնս, որ էին ՛ի ծառայսն ադրաազարայ, եւ եբեր զայն յե(րուսաղէ)մ։

Verse: 8  Link to sept   Եւ ՛ի մատեբեթայ, եւ յընտիր ընտիր քաղաքացն ադրաազարու՝ ա́ռ դաւիթ պղինձ բազում յոյժ. եւ ՛ի նոցանէ արար սողոմոն զծովն պղնձի, եւ զսիւնսն, եւ զկահսն պղնձիս։

Verse: 9  Link to sept   Եւ լուա́ւ թովու արքայ եմաթայ՝ եթէ եհար դաւիթ զա(մենայ)ն զօրութիսն ադրաազարայ արքայի սուբայ.

Verse: 10  Link to sept   եւ առաքեաց զգուրամ զորդի իւր առ արքայ դաւիթ հարցանել զնմանէ ՛ի խաղաղութի(ւն), եւ օրհնել զնա. վ(ա)ս(ն) զի պատերա́զմ տայր ը(նդ) նմա ադրաազար, եւ եհար զնա. քանզի այր թշնամի́ էր թովու՝ ադրաազարայ։ եւ ա(մենայ)ն անօթք ոսկեղէնք եւ արծաթեղէնք ՛ի ձեռս ն(ո)ր(ա)։

Verse: 11  Link to sept   եւ զա́յնոսիկ սրբեաց դաւիթ տ(եառ)ն ընդ արծաթոյն եւ ոսկւոյն զոր ա́ռ յա(մենայ)ն ազգացն. յեդոմայ, եւ ՛ի մովաբայ, եւ յորդւոցն ամոնայ, եւ յայլազգեացն, եւ յամաղեկայ։

Verse: 12  Link to sept   Եւ աբեսաա որդի սարուհեայ եհար զեդովմ ՛ի հովտին ելովնայ՝ ութուտասն հազար.

Verse: 13  Link to sept   եւ ե́դ ՛ի հովտին ամրոց. եւ էին եդովմայեցիք ծառայք դաւթի։ եւ փրկեաց տ(է)ր զդաւիթ յա(մենայ)ն տեղիս ուր եւ երթայր։

Verse: 14  Link to sept   Եւ թագաւորեաց դաւիթ ՛ի վերայ ա(մենայ)ն ի(սրաէ)լի. եւ էր՝ առնել իրաւունս եւ արդարութի(ւն) ա(մենայ)ն ժողովրդեան իւրում։

Verse: 15  Link to sept   Եւ յովաբ որդի սարուհեայ ՛ի վ(ե)ր(այ) զօրացն. եւ յովսափատ որդի աքիղուդայ յիշատակաց դպիր։

Verse: 16  Link to sept   Եւ սադովկ որդի աքիտովբայ, եւ աբիմեղէք որդի աբիաթարայ՝ քահանայք։ եւ սուսա դպրապետ։

Verse: 17  Link to sept   Եւ բանեաս որդի յովիդայայ՝ ՛ի վ(ե)ր(այ) քերեթեայն եւ ոփէլեթեայն· եւ որդիք դաւթի առաջինք փոխանո́րդք արքայի։



Chapter: 19 
ԳԼ(ՈՒԽ) Ժ՜Թ.


Verse: 1  Link to sept   Եւ եղեւ յետ այսորիկ մեռա́ւ նաաս արքայ որդւոցն ամոնայ. եւ թագաւորեաց անան որդի ն(ո)ր(ա) ընդ ն(ո)ր(ա)։

Verse: 2  Link to sept   Եւ ասէ դաւիթ, արասցո́ւք ողորմութի(ւն) ընդ անանայ որդւոյ նաասու, ո(ր)պ(էս) արար հայր ն(ո)ր(ա) ընդիս ողորմու(թ)ի(ւն)։ եւ առաքեաց հրեշտակս դաւթի՝ մխիթարել զնա վ(ա)ս(ն) հօր ն(ո)ր(ա)։ եւ եկին ծառայքն դաւթի յերկիր որդւոցն ամոնայ մխիթարե́լ զնա։

Verse: 3  Link to sept   Եւ ասեն իշխանքն ամոնայ ցանան. միթէ փառաւորե՞լ դաւիթ զհայր քո առաջի քո առաքեաց քեզ զմխիթարիչսդ, ո́չ ապաքէն զի քննեսցեն զքաղաքս, եւ գիտե́լ զերկիրս եկին ծառայքն ն(ո)ր(ա) առ քեզ։

Verse: 4  Link to sept   Եւ ա́ռ անան զծառայսն դաւթի, եգերծ զն(ո)ս(ա), եւ եհաս զդրօշակսն ն(ո)ց(ա) զհասարակածն մինչեւ ՛ի վեր. եւ արձակեաց զն(ո)ս(ա)։

Verse: 5  Link to sept   Եւ եկին պատմել դաւթի վ(ա)ս(ն) արանցն։ առաքեաց ընդ առաջ ն(ո)ց(ա). վ(ա)ս(ն) զի էին ամաչեցեալք յոյժ, եւ սաէ արքայ. նստարո́ւք յերեքով, մինչեւ աճեսցեն մօրուք ձեր, եւ ապա́ եկեսջիք։

Verse: 6  Link to sept   Եւ տեսին որդիքն ամոնայ՝ թէ ամաչեաց զօրն դաւթայ, առաքեաց անան եւ որդիքն ամոնայ հազար տաղանտ արծաթոյ, եւ ՛ի վարձու կալան իւրեանց յաւորեաց միջագետաց, եւ յասորեաց մաաքայ եւ սուբայ՝ կա́ռս եւ հեծեալս։

Verse: 7  Link to sept   եւ ՛ի վարձու կալան իւրեանց երեսուն եւ երկու հազարս կառաց, եւ զարքայն մովաբայ եւ զզօր ն(ո)ր(ա). եւ եկին բանակեցան յանդիման մեդաբայ։ եւ որդիքն ամոնայ ժողովեցան ՛ի քաղաքացն իւրեանց, եւ եկին պատերազմել։

Verse: 8  Link to sept   Լուաւ դաւիթ, եւ առաքեաց զյովաբ եւ զգունդ զօրաւորացն։

Verse: 9  Link to sept   Եւ ելին որդիքն ամոնայ՝ եւ ճակատեցան ՛ի պատերազմ առ դրան քաղաքին. եւ թագաւորքն եկեալք բանակեցան առանձինն ՛ի դաշտին։

Verse: 10  Link to sept   Եւ ետես յովաբ՝ թէ եղեն դէմ յանդիման պատերազմե́լ ընդ նմա, առաջի երեսաց՝ եւ զկնի. ընտրեաց յա(մենայ)ն երիտասարդացն ի(սրաէ)լի, եւ կարգեաց ընդ դէմ ասորւոցն։

Verse: 11  Link to sept   եւ մնացորդս զօրուն՝ ետ ՛ի ձեռս աբեսսեայ եղբօր իւրոյ, եւ կարգեաց ընդդէմ որդւոցն ամոնայ։

Verse: 12  Link to sept   Եւ ասէ՝ եթէ զօրասցի քան զմեզ ասորին, լիցի́ս մեզ ՛ի փրկու(թ)ի(ւն), եւ եթէ որդիքն ամոնայ զօրասցին քան զքեզ, ապրեցուցի́ց զքեզ։

Verse: 13  Link to sept   Քա́ջ լեր՝ եւ զօրասցուք վ(ա)ս(ն) ժողովրդեան մերում, եւ վ(ա)ս(ն) քաղաքաց ա(ստուծո)յ մերոյ, եւ տ(է)ր՝ որ ինչ բարի́ իցէ յաչս ն(ո)ր(ա)՝ արասցէ։

Verse: 14  Link to sept   Եւ ճակատեցաւ յովաբ եւ զորն որ ընդ նմա ընդդէմ ասորեա́ցն ՛ի պատերազմին, եւ փախեան ՛ի նմանէ։

Verse: 15  Link to sept   եւ որդիքն ամոնայ տեսին թէ փախեան ասորիքն, փախեան եւ նոքա յերեսաց յովաբայ եւ յերեսաց աբեսսեայ եղբօր նորա, եւ մտին ՛ի քաղաքն։ եւ եկն յովաբ յե(րուսաղէ)մ։

Verse: 16  Link to sept   Եւ ետես ասորին եթէ յաղթեա́ց նմա ի(սրա)էլ, առաքեաց հրեշտակս եւ եհան զասորեստանեայն յանմ կողմանէ գետոյն. եւ զսովփաք զօրավար զօրացն ադրաազարու առաջի ն(ո)ց(ա)։

Verse: 17  Link to sept   եւ պատմեցին դաւթի։ Գումարեաց զա(մենայ)ն ի(սրա)էլ, անց ընդ յորդանան՝ եւ եկն ՛ի վ(ե)ր(այ) ն(ո)ց(ա), ճակատեցաւ ընդդէմ ն(ո)ց(ա), եւ կարգեցաւ դաւիթ ընդդէմ ասորւոյն. եւ պատերազմէր ընդ նմա։

Verse: 18  Link to sept   Եւ փախեաւ ասորին յերեսաց դաւթայ. եւ կոտորեաց դաւիթ յասորեաց եւթն հազար կառաց, եւ քառասուն հազար հետեւակաց. եւ զսովփաք զօրավար զօրուցն սպան։

Verse: 19  Link to sept   Եւ տեսին ծառայքն ադրաազարու. եթէ անկան առաջի ի(սրաէ)լի, եդին ո́ւխտ ընդ դաւթայ, եւ ծառայեցին նմա։ եւ ո́չ եւս կամեցաւ ասորին օգնել որդւոցն ամոնայ։



Chapter: 20 
ԳԼ(ՈՒԽ) Ի՜.


Verse: 1  Link to sept   Եւ եղեւ ՛ի միւսում տարւոջն յելանել թագաւորացն, ած յովաբ զա(մենայ)ն գունդս զօրացն, եւ ապականեաց զա(մենայ)ն երկիր որդւոցն ամոնայ։ եկին եւ նստան շուրջ զհռաբաթաւ. եւ դաւիթ նստէր յե(րուսաղէ)մ. եւ ա́ռ յովաբ զհռաբաթ, եւ կործանեաց զնա։

Verse: 2  Link to sept   Եւ ա́ռ դաւիթ զպսակն մեղքոմայ թագաւորին ն(ո)ց(ա) ՛ի գլխոյ ն(ո)ր(ա). եւ գտաւ կշիռ նորա տաղանտ ոսկւոյ, եւ ՛ի նմա ակն պատուական. եւ էր ՛ի գլուխն դաւթայ. եւ աւար բազում յոյժ եբեր։

Verse: 3  Link to sept   եւ զժողովուրդն որ էր ՛ի նմա՝ եհան. եւ սղոցեաց սղոցօք եւ ուրագօք. եւ ա́յնպէս արար դաւիթ ա(մենայ)ն քաղաքաց որդւոցն ամոնայ։ եւ դարձաւ դաւիթ՝ եւ ա(մենայ)ն զօրն իւր յե(րուսաղէ)մ։

Verse: 4  Link to sept   Եւ եղեւ յետ այնորիկ՝ եղեւ մի́ւսանգամ պատերազմ ՛ի գազեր ը(նդ) այլազգիսն. յայնժամ եհա́ր սուբաքէ ուսթացի զսեպփիաս յորդւոց սկայիցն՝ եւ վանեա́ց զնա։

Verse: 5  Link to sept   Եւ եղեւ դաեձեալ պատերազմ ընդ այլազգիսն, եւ եհար եղէանան որդի յայիրայ զղէեմի զեղբայրն գողիադու գեթացւոյ. եւ փայտ նիզակի ն(ո)ր(ա) իբրեւ զստորի ոստայնանկաց։

Verse: 6  Link to sept   Եւ եղեւ դարձեալ պատերազմ ՛ի գեթ. եւ է́ր այր ոմն մե́ծ յոյժ, եւ մատունք ն(ո)ր(ա) վեց վեց, քսան եւ չորք. եւ նա էր յորդւոց սկայիցն.

Verse: 7  Link to sept   եւ թշնամանէր զի(սրա)էլ. եւ եհար զնա յովնադաբ որդի սամաայ, որդի եղբօր դաւթայ։ նոքա եղեն հռափայ ՛ի գէթ. ամենեքեան էին արք հսկայք. եւ անկան ՛ի ձեռս դաւթայ, եւ ՛ի ձեռս ծառայից ն(ո)ր(ա)։



Chapter: 21 
ԳԼ(ՈՒԽ) Ի՜Ա.


Verse: 1  Link to sept   Եւ եկաց բանսարկու ՛ի մէջ ի(սրաէ)լի. եւ դրդեցոյց զդաւիթ թուե́լ զիէլ։

Verse: 2  Link to sept   Եւ ասէ դաւիթ ցյովաբ՝ եւ ցիշխանս զօրուն. երթա́յք թուեցէ́ք զիէլ ՛ի բերսաբէէ մինչեւ ցդան. եւ բերէք առիս, եւ գիտացից զթիւ ն(ո)ց(ա)։

Verse: 3  Link to sept   Եւ ասէ յովաբ. յաւելցէ տ(է)ր ՛ի ժողովուրդ իւր, ո(ր)պ(էս) են դոքա՝ հարիւրապատիկ. եւ աչք տեառն իմոյ տեսցեն. զի ամենեքեան ծառայք են տեառն իմոյ, եւ ընդէ՞ր խնդրէ տէր իմ զայդ, զի մի́ լինիցի մեղք ՛ի ժողովրդեանդ ի(սրաէ)լի։

Verse: 4  Link to sept   Եւ բանն արքայի զօրացաւ ՛ի վ(ե)ր(այ) յովաբայ։ եւ ել յովաբ՝ եւ եկն յա(մենայ)ն սահմանս ի(սրաէ)լի, եւ եկն յե(րուսաղէ)մ։

Verse: 5  Link to sept   եւ ետ յովաբ զթիւ համարոյ ժողովրդեանն՝ դաւթի։ Եւ է́ր ա(մենայ)ն ի(սրա)էլ հազարք հազարաց, եւ հարիւրհազար արանց որ ձգէին սուսեր. եւ յուդաս չորեքհարիւր յիսուն հազար արանց սուսերաւորաց։

Verse: 6  Link to sept   Բայցզղեւի եւ զբենիամին ո́չ թուեաց ՛ի մէջ ն(ո)ց(ա). վ(ա)ս(ն) զի տաղտկացաւ բանն արքայի առ յովաբայ։

Verse: 7  Link to sept   Եւ չա́ր երեւեցաւ առաջի ա(ստուծո)յ վ(ա)ս(ն) իրացն այնոցիկ. եւ եհար զի(սրա)էլ։

Verse: 8  Link to sept   Եւ ասէ դաւիթ ցա(ստուա)ծ. մեղա́յ յոյժ, զի արարի զիրսդ զայդ. եւ արդ՝ ՛ի բա́ց բարձ զչարու(թ)ի(ւն) ծառայի քոյ, վ(ա)ս(ն) զի ընդունայնացա́յ յոյժ։

Verse: 9  Link to sept   Եւ խօսեցաւ տ(է)ր ընդ գադայ տեսանողի առ դաւիթ՝ եւ ասէ.

Verse: 10  Link to sept   ե́րթ՝ խօսեաց ընդ դաւթայ եւ ասասցես. Ա́յսպէս ասէ տ(է)ր. երի́ս ինչս ես ասեմ ՛ի վ(ե)ր(այ) քո, ընտրեա́ անձին քում ՛ի նոցանէ՝ եւ արարից քեզ։

Verse: 11  Link to sept   Եւ եկն գադ առ դաւիթ՝ եւ ասէ ցնա. Ա́յսպէս ասէ տ(է)ր. ընտրեա́ քեզ.

Verse: 12  Link to sept   կամ երի́ս ամս սովոյ՝ կամ զերիս ամիսս փախչել քեզ յերեսաց թշնամեաց քոց, եւ սուր թշնամեաց քոց եղիցի ՛ի սատակե́լ զքեզ. կամ զերիս աւուրս սուր տ(եառ)ն՝ եւ մա́հ յերկրի քում. եւ հրեշտակ տ(եառ)ն սատակեսցէ յա(մենայ)ն ժառանգութի(ւն)ս ի(սրաէ)լի. եւ արդ՝ տե́ս զի՞նչ բան տաց պատասխանի որ առաքեացն զիս։

Verse: 13  Link to sept   Եւ ասէ դաւիթ ցգադ. նեղութի(ւն) է ինձ յոյժ երեքեան այդոքիկ. բայց անկայց ՛ի ձեռս տ(եառ)ն. վ(ա)ս(ն) զի բազո́ւմ են գթու(թ)ի(ւն)ք ն(ո)ր(ա) յոյժ, եւ ՛ի ձեռս մարդկան մի́ անկայց։

Verse: 14  Link to sept   Եւ ետ տ(է)ր մահ յ(թ)ի(ւն)էլ. եւ անկան յիէլէ եւթանասուն հազար արանց։

Verse: 15  Link to sept   Եւ առաքեաց ա(ստուա)ծ զհրեշտակն յե(րուսաղէ)մ սատակել զնա. եւ մինչդեռ սատակէր՝ ետես տ(է)ր, եւ զղջացաւ ՛ի վ(ե)ր(այ) չարութե(ա)ն, եւ ասէ ցհրեշտակն որ սատակէր. շա́տ լիցի քեզ, թողացո́ զձեռն քո. եւ հրեշտակ տ(եառ)ն կա́յր ՛ի կալն ոռնեայ յեբուսացւոյ։

Verse: 16  Link to sept   Ամբա́րձ դաւիթ զաչս իւր, եւ ետես զհրեշտակն տ(եառ)ն, զի կայր ՛ի մէջ երկնի եւ երկրի, եւ սուրն իւր ձգեալ ՛ի ձեռին իւրում, եւ կարկառեալ ՛ի վերայ ե(րուսաղէ)մի. եւ անկա́ն դաւիթ՝ եւ ծերքն զգեցեալ քուրձս ՛ի վերայ երեսաց իւրեանց։

Verse: 17  Link to sept   Եւ ասէ դաւիթ ցա(ստուա)ծ. ո́չ ապաքէն ե՞ս ասացի թուել զժողովուրդդ. ե́ս եմ որ մեղայն, առնելով արարի զչարիսդ. եւ ոչխարքդ այդոքիկ զի՞ արարին. Տ(է)ր ա(ստուա)ծ՝ եղիցի ձեռն քո յիս եւ ՛ի տուն հօր իմոյ, եւ մի́ ՛ի ժողովուրդ քո կորուսանել տ(է)ր։

Verse: 18  Link to sept   Եւ ասէ հրեշտակն տ(եառ)ն ցգադ. ասա́ ցդաւիթ՝ զի ելցէ կանգնեսցէ սեղան տ(եառ)ն ՛ի կա́լն ուռնայ յեբուսացւոյ։

Verse: 19  Link to sept   Եւ ե́լ դաւիթ ըս(տ) բանին տ(եառ)ն, զոր խօսեցաւ յանուն տ(եառ)ն։

Verse: 20  Link to sept   Եւ դարձաւ ուռնա իբրեւ ետես զարքայ եւ զչորեսին որդիսն ն(ո)ր(ա) ընդ նմա ծածկեալս. եւ ուռնա կասոյր ՛ի կալն ցորեան։

Verse: 21  Link to sept   Եւ եկն դաւիթ առ ուռնա. եւ ել ուռնա ՛ի կալոյն, եւ երկի́ր եպագ դաւթայ ՛ի վ(ե)ր(այ) երեսաց իւրոց յերկիր։

Verse: 22  Link to sept   եւ ասէ դաւիթ ցուռնա. տո́ւր ինձ զտեղիդ քո զայդ զկալդ, եւ շինեցից այդր սեղան տ(եառ)ն, արծաթոյ որքան արժիցէ՝ տացե́ս ինձ զդա. եւ դադարեսցեն հարուածքն ՛ի ժողովրդենէն։

Verse: 23  Link to sept   Եւ ասէ ուռնա ցդաւիթ. ա́ռ դու քեզ, եւ արասցէ տէր իմ արքայ զբարին առաջի իւր. ահա ետու զեզինսդ յողջակէզս. եւ զփայտ սայլիցդ՝ եւ զցորեանդ ՛ի զոհս. զա(մենայ)ն ետու քեզ։

Verse: 24  Link to sept   Եւ ասէ արքայ դաւիթ ցուռնա. ո́չ այդպէս, այլ գնելով գնեցի́ց արծաթոյ որքան արժիցէ. եւ ո́չ առից՝ որինչ է քո, մատուցանել ողջակէզ ձրի́ տ(եառ)ն։

Verse: 25  Link to sept   Եւ ետ դաւիթ ուռնայ վ(ա)ս(ն) տեղւոյն ն(ո)ր(ա)՝ վեցհարիւր սիկղ արծաթոյ կշռով։

Verse: 26  Link to sept   Եւ շինեաց դաւիթ անդ սեղան տ(եառ)ն. եւ եհան ողջակէզս՝ եւ վ(ա)ս(ն) փրկու(թ)ե(ան). եւ գոչեաց առ տ(է)ր. եւ լուաւ նմա հրով յերկնից ՛ի վ(ե)ր(այ) սեղանոյ ողջակիզին, եւ ծախեաց զողջակէզսն։

Verse: 27  Link to sept   Եւ ասէ տ(է)ր ցհրեշտակն. դարձո́ զսուր քո ՛ի պատեանս,

Verse: 28  Link to sept   ՛ի ժամանակին յայնմ ՛ի տեսանել զնա դաւթի. վ(ա)ս(ն) զի լուա́ւ նմա տ(է)ր ՛ի կալն ուռնայ յեբուսացւոյ. եւ եղեն անդ։

Verse: 29  Link to sept   Եւ խորանն տ(եառ)ն զոր արա́ր մովսէս յանապատին, եւ սեղան ողջակիզացն ՛ի ժամանակին յայնմիկ էին ՛ի բամա գաբաւոնի.

Verse: 30  Link to sept   եւ ո́չ կարէր դաւիթ երթալ առաջի ն(ո)ր(ա)՝ խնդրել յա(ստուծո)յ. վ(ա)ս(ն) զի տագնապեցա́ւ յերեսաց սրոյ հրեշտակին տ(եառ)ն։



Chapter: 22 
ԳԼ(ՈՒԽ) Ի՜Բ.


Verse: 1  Link to sept   Եւ ասէ դաւիթ. ա́յս է տուն տ(եառ)ն ա(ստուծո)յ. եւ ա́յս սեղան ողջակիզաց ի(սրաէ)լի։

Verse: 2  Link to sept   Եւ ասաց դաւիթ ժողովե́լ զա(մենայ)ն եկսն յերկրին ի(սրաէ)լի. եւ կացոյց քարահատս հատանել զքարինս կոփածոյս՝ եւ շինել զտունն ա(ստուծո)յ։

Verse: 3  Link to sept   եւ երկա́թ բազում ՛ի բեւեռս դրացն եւ դրանն, եւ զշրջանակսն արար դաւիթ, եւ պղինձ բազում յոյժ որոյ ո́չ գոյ կշիռ։

Verse: 4  Link to sept   եւ մա́յր փայտս որոյ ո́չ գոյր թիւ. վ(ա)ս(ն) զի բերէին սիդոնացիքն եւ տիւրացիք մայրփայտս յաճախու(թեամ)բ դաւթի։

Verse: 5  Link to sept   Եւ ասէ դաւիթ, սողոմոն որդի իմ մանուկ փոքր է. եւ տունս զոր շինէ տ(եառ)ն, մեծ եւ ՛ի վ(ե)ր(այ) անուամբ՝ եւ ՛ի փառս ա(մենայ)ն երկրի. պատրաստեցի́ց նմա նիւթս։ եւ պատրաստեաց դաւիթ յաճախութ(եամ)բ յառա́ջ քան զվախճան իւր։

Verse: 6  Link to sept   Եւ կոչեաց զսողոմոն զորդի իւր, եւ պատուիրեաց նմա շինել զտունն անուան տ(եառ)ն ա(ստուծո)յ ի(սրաէ)լի։

Verse: 7  Link to sept   եւ ասէ դաւիթ ցսողոմոն. ո́րդեակ՝ ի́մ եղեւ ՛ի մտի շինել տուն անուան տ(եառ)ն ա(ստուծո)յ։

Verse: 8  Link to sept   եւ բան տ(եառ)ն եղեւ առիս՝ եւ ասէ. արիւն բազո́ւմ հեղեր, եւ պատերազմունս մեծամեծս արարեր. ո́չ շինեսցես դու տուն անուան իմոյ, վ(ա)ս(ն) զի արիւն բազում հեղեր ՛ի վ(ե)ր(այ) երկրի առաջի իմ։

Verse: 9  Link to sept   Ահա ծնցի քեզ որդի, եւ նա եղիցի ա́յր հանգստեան. եւ հանգուցից զնա յա(մենայ)ն թշնամեաց շուրջանակի. քանզի սողոմովն անուն է ն(ո)ր(ա). եւ զխաղաղութի(ւն) եւ զհանդարտութի(ւն) տա́ց ՛ի վ(ե)ր(այ) ի(սրաէ)լի յաւուրս ն(ո)ր(ա)։

Verse: 10  Link to sept   Նա́ շինեսցէ տուն անուան իմոյ. նա́ եղիցի ինձ որդի, եւ ես եղէց նմա ՛ի հայր, եւ ուղղեցից զաթոռ թագաւորու(թ)ե(ան) ն(ո)ր(ա) յե(րուսաղէ)մ մինչեւ յաւիտեան։

Verse: 11  Link to sept   Եւ արդ՝ որդեա́կ իմ, եղիցի ընդ քեզ տ(է)ր, եւ յաջողեսցէ. եւ շինեսցես տուն տ(եառ)ն ա(ստուծո)յ քոյ, ո(ր)պ(էս) խօսեցաւ վ(ա)ս(ն) քո.

Verse: 12  Link to sept   եւ տացէ քեզ տ(է)ր հանճար եւ իմաստութի(ւն). եւ զօրացուսցէ զքեզ ՛ի վ(ե)ր(այ) ի(սրաէ)լի. եւ պահեսցես առնել զօրէնս տ(եառ)ն ա(ստուծո)յ քոյ.

Verse: 13  Link to sept   եւ յայնժամ յաջողեսցի́ս։ եթէ պահեսցես առնել զհրամանս եւ զիրաւունս զոր պատուիրեաց տ(է)ր մովսիսի ՛ի վ(ե)ր(այ) ի(սրաէ)լի։ քա́ջ լեր՝ եւ զօրացի́ր. մի́ երկիցես՝ եւ մի́ զարհուրիցիս։

Verse: 14  Link to sept   Եւ ահա ես ըստ աղքատութե(ան) իմում պատրաստեցի ՛ի տուն տ(եառ)ն ոսկի տաղանդս հարիւր հազար, եւ արծաթ տաղանտս հազար հազար, եւ պղինձ եւ երկա́թ՝ որոյ ո́չ գոյ թիւ. վ(ա)ս(ն) զի բազո́ւմ է յոյժ, եւ փայտ եւ քարինս՝ պատրաստեցի։

Verse: 15  Link to sept   եւ դու յաւելցես յայնդ բազմու(թեամ)բ առնել գո́րծ արուեստից, շինօղս քարանց, եւ հիւսունս փայտից, եւ ա(մենայ)ն իմաստուն՝ յա(մենայ)ն գործս

Verse: 16  Link to sept   ոսկւոյն՝ եւ արծաթոյ՝ եւ պղնձւոյ՝ եւ երկաթոյ, որոյ ո́չ գոյ համար. արդ՝ արի́ եւ արա́, վ(ա)ս(ն) զի տ(է)ր ը(նդ) քեզ է։

Verse: 17  Link to sept   Եւ պատուիրեա́ց դաւիթ ա(մենայ)ն իշխանացն ի(սրաէ)լի՝ օգնել սողոմոնի որդւոյ իւրում.

Verse: 18  Link to sept   եւ ասէ. ո՞չ ապաքէն տ(է)ր ընդ ձե́զ է. եւ հանգոյց զձեզ շուրջանակի. վ(ա)ս(ն) զի ետ ՛ի ձեռս ձեր զբնակիչսդ երկրիդ. եւ հնազանդեցաւ երկիրդ առաջի տ(եառ)ն, եւ առաջի ժողովրդեան ն(ո)ր(ա)։

Verse: 19  Link to sept   Եւ արդ՝ տո́ւք զսիրտս ձեր եւ զանձինս ձեր՝ խնդրել զտ(է)ր ա(ստուա)ծ մեր. արի́ք եւ շինեցէ́ք զսրբու(թ)ի(ւն)ս տ(եառ)ն ա(ստուծո)յ մերոյ, տանել ՛ի ներքս զտապանակ ուխտին տ(եառ)ն՝ եւ զսպաս սրբու(թ)ե(ան)ցն ա(ստուծո)յ ՛ի տունն զոր շինէք անուան տ(եառ)ն։



Chapter: 23 
ԳԼ(ՈՒԽ) Ի՜Գ.


Verse: 1  Link to sept   Եւ դաւիթ էր ծե́ր լի́ աւուրբք։ եւ թագաւորեաց սողոմոն որդի ն(ո)ր(ա) փոխանակ ն(ո)ր(ա) ՛ի վ(ե)ր(այ) ի(սրաէ)լի.

Verse: 2  Link to sept   եւ ժողովեաց զա(մենայ)ն իշխանսն ի(սրաէ)լի, եւ զքահանայս եւ զղեւտացիս։

Verse: 3  Link to sept   Եւ մտին ՛ի թիւն ղեւտացիքն յերեսնամենից եւ ՛ի վ(ե)ր(այ). եւ եղեւ թիւն ն(ո)ց(ա) ըստ գլխոց իւրեանց՝ արք ութհազար եւ երեսուն։

Verse: 4  Link to sept   եւ ՛ի ն(ո)ց(ա)նէ գործավարք ՛ի վերայ գործոյ տանն. եւ քսան եւ չորք հազարք դպիրք, եւ դատաւորք վեց հազար։

Verse: 5  Link to sept   եւ չորք հազարք դռնապանք. եւ չորք հազարք օրհնիչք տ(եառ)ն.նուագարանօքն որովք արարին օրհնել զտ(է)ր։

Verse: 6  Link to sept   Եւ որոշեաց զնոսա դաւիթ յօրսըստօրէ պաշտամունս զորդիսն ղեւեայ. զգեթսոն, զկահաթ, եւ զմերարի։

Verse: 7  Link to sept   Եւ գեթսոն. եւ եղեադան, եւ սեմէի.

Verse: 8  Link to sept   որդի եղիադանայ իշխան ի(սրաէ)լի։ եւ եթոմ, եւ յովէլ,

Verse: 9  Link to sept   եւ որդիք սեմեայ. սաղովմիթ, եւ ազիէլ, եւ արան. երեք սոքա իշխանք տոհմիցն եղիադանայ։

Verse: 10  Link to sept   Եւ որդիքն սեմեայ՝ յեթ, եւ զիզա, եւ յովաս, եւ բերիա. սոքա եւ որդիք սեմեայ չորք։

Verse: 11  Link to sept   եւ էր յեթի իշխան, եւ զիզա երկրորդ. եւ յովաս, եւ բերիա՝ ո́չ յաճախեցին որդիս. եւ եղեն ՛ի տուն տոհմին ՛ի միում համարի։

Verse: 12  Link to sept   Որդի́ք կահաթու՝ ամրամ, եւ սահառ. քեբրոն, եւ ոզիէլ՝ չորք։

Verse: 13  Link to sept   Որդիք ամրամայ՝ ահարոն, եւ մովսէս. եւ որոշեցա́ւ ահարոն սուրբ լինել ՛ի սրբու(թ)ի(ւն)ս սրբութե(ան)ցն՝ ի́նքն եւ որդիք իւր մինչեւ ցյաւիտեան, ծխել խունկս առաջի տ(եառ)ն, պաշտել՝ եւ աղօթս առնել յանուն ն(ո)ր(ա) մինչեւ յաւիտեան։

Verse: 14  Link to sept   Եւ մովսէս ա́յրն ա(ստուծո)յ, եւ որդիք ն(ո)ր(ա) կոչեցան ՛ի ցեղն ղեւեայ։

Verse: 15  Link to sept   Որդիք մովսիսի՝ գերսամ, եւ եղիազար։

Verse: 16  Link to sept   Որդիք գերսամայ՝ սուբայէլ իշխան։

Verse: 17  Link to sept   եւ էր որդի եղիազարու հռաբիա իշխան, եւ ո́չ գոյր այլ որդի եղիազարու, եւ որդիքն հռաբիայ աճեցին ՛ի բարձրու(թ)ի(ւն)։

Verse: 18  Link to sept   որդիք սահառայ՝ սաւուղ, եւ մովէ իշխանք։

Verse: 19  Link to sept   Որդիք քեբրոնի՝ յերիա իշխան, ամարիա երկրորդ, եւ ոզիէլ երրորդ, եւ յեկեմիաս չորրորդ։

Verse: 20  Link to sept   որդիք ոզիելի՝ միքիա իշխան, եւ յեսիաս երկրորդ։

Verse: 21  Link to sept   Որդիք մերարեայ՝ մոողի, եւ մուսի. որդիք մոողեայ՝ եղիազար, եւ կիս։

Verse: 22  Link to sept   եւ մեռաւ եղիազար, եւ ո́չ գոյին ն(ո)ր(ա) որդիք, այլ դստերք միայն. եւ առին զն(ո)ս(ա) որդիքն կիսեայ եղբարքն իւրեանց։

Verse: 23  Link to sept   Որդիք մուսեայ՝ մովղի, եւ եգէր, եւ արիմովթ, երեք։

Verse: 24  Link to sept   Սոքա որդիք ղեւեայ ըս(տ) տանց տոհմից իւրեանց. իշխանք ցեղիցն իւրեանց, ըս(տ) համարս իւրեանց, եւ ըստ թուոյ անուանցն, ըս(տ) գլխոցն իւրեանց, առնէին զգործ պաշտաման ՛ի տան տ(եառ)ն ՛ի քսանամենից եւ ՛ի վեր։

Verse: 25  Link to sept   վասն զի ասաց դաւիթ. հանգո́յց տ(է)ր ա(ստուա)ծ զժողովուրդ իւր զի(սրա)էլ. եւ բնակեաց յի(սրա)էլ մինչեւ յաւիտեան։

Verse: 26  Link to sept   Եւ ղեւտացիքն ո́չ բառնային ամենեքեան զխորանն՝ եւ զա(մենայ)ն սպաս ն(ո)ր(ա) ՛ի պաշտաման նորին.

Verse: 27  Link to sept   վ(ա)ս(ն) զի ՛ի բանսն դաւթայ ՛ի վերջինս է́ր թիւ որդւոցն ղեւեայ ՛ի քսանամենից եւ ՛ի վեր։

Verse: 28  Link to sept   Քանզի կացոյց զն(ո)ս(ա) ՛ի ձեռս որդւոցն ահարոնի պաշտե́լ ՛ի տանն տ(եառ)ն, ՛ի սրահսն՝ եւ ՛ի սենեակսն, եւ ՛ի սրբութի(ւն)սն, եւ ՛ի վ(ե)ր(այ) ա(մենայ)ն սրբու(թ)ե(ան)ցն, եւ ՛ի պաշտամունսն տանն ա(ստուծո)յ.

Verse: 29  Link to sept   հացին առաջադրու(թ)ե(ան), եւ ՛ի վերայ նաշհւոյ պատարագացն, եւ քաքարացն, բաղարջացն, եւ տապակին, եւ զանգելոցն իւղով, եւ յամ չափսն,

Verse: 30  Link to sept   կալ առաւօտուց, եւ օրհնել եւ խոստովան լինել տ(եառ)ն։ Նոյնպէս եւ ընդ երեկս.

Verse: 31  Link to sept   եւ ՛ի վերայ ա(մենայ)ն մատուցելոց ողջակիզաց տ(եառ)ն, ՛ի շաբաթսն, եւ յամսամուտս, եւ ՛ի տօնս, ըստ թուոյն, ըստ իրաւանցն. ՛ի վ(ե)ր(այ) նոցին յա(մենայ)ն ժամ տ(եառ)ն։

Verse: 32  Link to sept   Եւ պահեցին զպահպանու(թ)ի(ւն)ս խորանին վկայութե(ան), եւ զպահպանութի(ւն)ս որդւոցն հարոնի եղբարցն իւրեանց պաշտել՛ի տանն տ(եառ)ն։



Chapter: 24 
ԳԼ(ՈՒԽ) Ի՜Դ.


Verse: 1  Link to sept   Եւ զորդիսն ահարոնի զատոյց։
   Որդիք ահարոնի՝ նաբադ, եւ աբիուդ. եւ եղիազար, եւ իթամար։

Verse: 2  Link to sept   եւ մեռան նաբադ եւ աբիուդ առաջի հօրն իւրեանց. եւ որդիք ո́չ գոյին ն(ո)ց(ա). եւ քահանայացան եղիազար եւ իթամար՝ որդիքն ահարոնի։

Verse: 3  Link to sept   Եւ զատոյց զն(ո)ս(ա) դաւիթ. զսադովկ յորդւոցն եղիազարու, եւ զաքիմեղէք յորդւոցն իթամարայ, ըստ համարոյն իւրեանց, եւ ըստ պաշտաման իւրեանց. եւ ըս(տ) տանց տոհմիցն ն(ո)ց(ա)։

Verse: 4  Link to sept   Եւ գտան որդիք եղիազարու յոլովագոյնք յիշխանս զօրաւորացն՝ քան զորդիսն իթամարայ. եւ որոշեաց զն(ո)ս(ա)։ եւ զորդիսն եղիազարու կացոյց իշխանս տանց տոհմիցն, արս վեշտասան։ եւ զորդիսն իթամարայ ըս(տ) տանց տոհմիցն, արս ութ։

Verse: 5  Link to sept   Եւ զատոյց զն(ո)ս(ա) ըստ վիճակին ն(ո)ց(ա). վ(ա)ս(ն) զի էին իշխանք սրբութե(ան)ցն, եւ առաջնորդք ՛ի տանն տ(եառ)ն. եւ յորդւոցն եղիազարու, եւ յորդւոցն իթամարայ։

Verse: 6  Link to sept   եւ գրեաց զն(ո)ս(ա) սամէաս որդի նաթանայելի դպիր ղեւտացւոցն՝ յանդիման կա́լ արքայի՝ եւ իշխանացն, եւ սադովկայ քահանայի, եւ աքիմեղիքայ որդւոյ աբիաթարայ։ Եւ իշխանք տոհմից քահանայիցն ղեւտացւոցն ՛ի տանէ ազգին իւրեանց, զի մի առ որդիսն եղիազարու, եւ մի մի առ որդիսն իթամարայ։

Verse: 7  Link to sept   Եւ ել վիճակն առաջին՝ յարիբայ։ եւ երկրորդն՝ յադինայ։

Verse: 8  Link to sept   եւ երրորդն՝ քարեմայ. չորրորդն՝ սեուրինայ.

Verse: 9  Link to sept   հինգերորդն՝ մեղքեայ. վեցերորդն՝ մերեայ.

Verse: 10  Link to sept   եւթներորդն՝ ակկուսայ ութերորդն՝ աբիայ

Verse: 11  Link to sept   իններորդն՝ յեսուայ. տասներորդն՝ սեքենիայ.

Verse: 12  Link to sept   մետասաներորդն՝ եղիասիբայ. երկոտասաներորդն՝ սաղակիմայ.

Verse: 13  Link to sept   երեքտասաներորդն՝ ոփփիայ. չորեքտասաներորդն՝ իզբայելի։

Verse: 14  Link to sept   հնգետասաներորդն՝ բեղդայ. վեշտասաներորդն՝ եմմերայ.

Verse: 15  Link to sept   եւթնուտասներորդն՝ եղիրայ. ութուտասներորդն՝ ափեսայ.

Verse: 16  Link to sept   իննուտասներորդն՝ ոփեթիայ. քսաներորդն՝ եզեկիելի.

Verse: 17  Link to sept   քսաներորդ առաջներորդն՝ յաքինայ. քսաներորդ երկրորդն՝ գամուելի.

Verse: 18  Link to sept   քսաներորդ երրորդն՝ դազայիայ. քսաներորդ չորրորդն՝ մոզիայ։

Verse: 19  Link to sept   Ա́յս է համար ն(ո)ց(ա) ըստ պաշտամանն իւրեանց մտանել ՛ի տունն տ(եառ)ն. ըս(տ) իրաւանց իւրեանց, ՛ի ձեռն ահարոնի հօրն իւրեանց. ո(ր)պ(էս) պատուիրեաց տ(է)ր ա(ստուա)ծ ի(սրաէ)լի։

Verse: 20  Link to sept   Եւ որդւոցն ղեւեայ մնացելոց. որդւոցն ամրամայ՝ տուբայէլ, յուդայիա, աբադիա։

Verse: 21  Link to sept   յորդւոցն աբիայ՝ իշխան յեսիաս։

Verse: 22  Link to sept   եւ յորդւոցն սարայիսայ՝ աղամովթ։ եւ յորդւոցն սաղովնայ՝ յանաթ։

Verse: 23  Link to sept   եւ յորդւոցն քեդրոնի՝ յեդիու առաջին. ամասիաս երկրորդ. յեզիէլ երրորդ. յեկիմաս չորրորդ։

Verse: 24  Link to sept   Որդիքն ոզիէլի՝ միքիա առաջին. եւ յուսա երկրորդ։ եւ որդի միքայի՝ սամեր։

Verse: 25  Link to sept   եւ եղբայր միքայ՝ յեսիէ։ որդիք յեսիայ՝ զաքարիաս։

Verse: 26  Link to sept   Որդիք մերարեայ՝ մոողի, եւ մուսի։ ոզիա որդի ն(ո)ր(ա). բոնիա

Verse: 27  Link to sept   որդի ն(ո)ր(ա). եւ զակքուր, եւ ոբդիա։

Verse: 28  Link to sept   մոողի, եղիազար, եւ կիս որդի ն(ո)ր(ա).

Verse: 29  Link to sept   եւ որդի կիսեայ՝ իսմայէլ։

Verse: 30  Link to sept   եւ որդիք մուսեայ՝ մոողի, եւ յեդեր, եւ յերիմովթ։ Սոքա էին որդիք ղեւտացւոց ըս(տ) տանց տոհմիցն իւրեանց.

Verse: 31  Link to sept   առին եւ նոքա վիճակս, ո(ր)պ(էս) եւ եղբարքն իւրեանց որդիքն ահարոնի, առաջի թագաւորին։ Եւ սադովկ, եւ աքիմեղէք՝ յիշխանաց տոհմից քահանայիցն, եւ ղեւտացւոցն ցեղքն՝ որք կացին իբրեւ զեղբարսն իւրեանց զկրցերագոյնսն։



Chapter: 25 
ԳԼ(ՈՒԽ) Ի՜Ե.


Verse: 1  Link to sept   Զորս կացո́յց դաւիթ արքայ՝ եւ իշխանք զօրուն ՛ի գործն, ը(նդ) որդիսն ասափայ, եւ եմանայ, եւ եդիթումայ։ որք երգէին տաւղօք եւ քնարօք եւ ծնծղայիւք։ Եւ եղեւ թիւ ն(ո)ց(ա) որք գործէին զգործս իւրեանց։

Verse: 2  Link to sept   Որդիք ասափայ՝ զակքուր եւ յովսէփ, եւ նաթանիաս, եւ յեսիէլ։ որդիք ասափայ մօտ առ թագաւորն։

Verse: 3  Link to sept   Եւ իդիթումայ որդիքն՝ գոդողիաս, սուրի, եւ յէիմ, եւ սեմէի, եւ ասաբիաս, եւ մատթանիաս, վեց՝ հանդերձ հարբն իւրեանց իդիթումաւ երգէին քնարօքն զգոհութի(ւն)ս եւ զօրհնու(թ)ի(ւն)ս տ(եառ)ն։

Verse: 4  Link to sept   Եւ որդիք եմանայ՝ բոկքիաս, եւ մատթանիաս, եւ օզիէլ, եւ սոբայէլ, եւ յերիմովթ, եւ անանիաս, եւ անան, եւ եղեթան, եւ գեթողաթի, եւ հռեմովթի, եւ եզեր, եւ սեբանատան, եւ մեղամովթ, եւ յովթիրի, եւ մազիովթ։

Verse: 5  Link to sept   Ամենեքեան սոքա որդիք եմանայ, որք նուագէին առաջի արքայի բանիւքն ա(ստուծո)յ՝ բարձրացուցանել եղջերեաւն։ Եւ ետ ա(ստուա)ծ որդիս եմենայ հնգետասան, եւ դստերս երիս։

Verse: 6  Link to sept   ամենեքեան նոքա հանդերձ հարբն իւրեանց երգէին օրհնութի(ւն)ս ՛ի տանն տ(եառ)ն ծնծղայիւք եւ տաւղօք եւ քնարօք մերձ առ արքայն։ եւ ասափ, եւ եդիթովմ, եւ եման։

Verse: 7  Link to sept   եւ եղեւ թիւ ն(ո)ց(ա) հանդերձ եղբարբքն իւրեանց, որք ուսեալ էին զերգսն տ(եառ)ն. ամենեքեան հանճարեղքն երկերիւր եւ ութսուն եւ ութ։

Verse: 8  Link to sept   Արկին եւ նոքա վիճակս հանապազորդ պաշտաման, ըս(տ) փոքու եւ մեծի՝ կատարելոցն եւ որք ուսանէին։

Verse: 9  Link to sept   Եւ ել վիճակն առաջին ասափայ եւ որդւոց ն(ո)ր(ա), եւ եղբարցն իւրոց։ յուսէփ առաջին, գոդողիա երկրորդ՝ ի́նքն եւ եղբարք իւր եւ որդիք իւր երկոտասան։

Verse: 10  Link to sept   Երրորդ՝ զակքուր, որդիք իւր եւ եղբարք իւր երկոտասան։

Verse: 11  Link to sept   Չորրորդ՝ եզրի, եւ որդիք իւր՝ եւ եղբարք իւր երկոտասան։

Verse: 12  Link to sept   Հինգերորդ՝ նաթանիաս, որդիք իւր՝ եւ եղբարք իւր երկոտասան։

Verse: 13  Link to sept   Վեցերորդ՝ բոկիաս, որդիք իւր՝ եւ եղբարք իւր երկոտասան։

Verse: 14  Link to sept   Եւթներորդ՝ յեսուէլ, որդիք իւր՝ եւ եղբարք իւր երկոտասան։

Verse: 15  Link to sept   Ութերորդ՝ իսիաս, որդիք իւր՝ եւ եղբարք իւր երկոտասան։

Verse: 16  Link to sept   Իններորդ՝ մաթանիաս, որդիք իւր՝ եւ եղբարք իւր երկոտասան։

Verse: 17  Link to sept   Տասներորդ՝ սեմէի, որդիք իւր՝ եւ եղբարք իւր երկոտասան։

Verse: 18  Link to sept   Մետասաներորդ՝ եզրիէլ, որդիք իւր՝ եւ եղբարք իւր երկոտասան։

Verse: 19  Link to sept   Երկոտասաներորդ՝ սաբիաս, որդիք իւր՝ եւ եղբարք իւր երկոտասան։

Verse: 20  Link to sept   Երեքտասաներորդ՝ սուբայէլ, որդիք իւր՝ եւ եղբարք իւր երկոտասան։

Verse: 21  Link to sept   Չորեքտասաերորդ՝ մատտաթիաս, որդիք իւր՝ եւ եղբարք իւր երկոտասան։

Verse: 22  Link to sept   Հինգետասաներորդ՝ յերիմովթ, որդիք իւր՝ եւ եղբարք իւր երկոտասան։

Verse: 23  Link to sept   Վեշտասաներորդ՝ անանիաս, որդիք իւր՝ եւ եղբարք իւր երկոտասան։

Verse: 24  Link to sept   Եւթնուտասներորդ՝ եզբակատան, որդիք իւր՝ եւ եղբարք իւր երկոտասան։

Verse: 25  Link to sept   Ութուտասներորդ՝ անանի, որդիք իւր՝ եւ եղբարք իւր երկոտասան։

Verse: 26  Link to sept   Իննուտասներորդ՝ մեղեթի, որդիք իւր՝ եւ եղբարք իւր երկոտասան։

Verse: 27  Link to sept   Քսաներորդ՝ եղիաթ, որդիք իւր՝ եւ եղբարք իւր երկոտասան։

Verse: 28  Link to sept   Քսա́ն եւ առաջներորդ՝ յեթերի, որդիք իւր՝ եւ եղբարք իւր երկոտասան։

Verse: 29  Link to sept   Քսա́ն եւ երկրորդ՝ գեդդելթի, որդիք իւր՝ եւ եղբարք իւր երկոտասան։

Verse: 30  Link to sept   Քսա́ն եւ երրորդ՝ մազիովթ, որդիք իւր՝ եւ եղբարք իւր երկոտասան։

Verse: 31  Link to sept   Քսա́ն եւ չորրորդ՝ հռովմեթիեզեր, որդիք իւր՝ եւ եղբարք իւր երկոտասան։



Chapter: 26 
ԳԼ(ՈՒԽ) Ի՜Զ.


Verse: 1  Link to sept   Եւ ՛ի զատուցեալս դրանցն յորդւոցն կորխայ. մոսողամ որդի կորիսայ յորդւոցն ասափայ

Verse: 2  Link to sept   եւ մասեղամեայ։ որդիք զաքարիայ անդրանիկ յազիէլ, երկրորդ՝ աբդիաս, երրորդ՝ նաթանա. չորրորդ՝

Verse: 3  Link to sept   յովէլ. եւ ովդամ՝ հինգերորդ. յովնաթան՝ վեցերորդ։ ելիովնէ՝ եւթներորդ։

Verse: 4  Link to sept   Եւ իդիթոմայ որդիք՝ սամէաս անդրանիկ, եւ յովազաբադ՝ երկրորդ. յովադա՝ երրորդ. սաքար՝ չորրորդ. նաթանյէլ՝ հինգերորդ.

Verse: 5  Link to sept   ամիէլ՝ վեցերորդ. իսաքար՝ եւթներորդ. փեղաթի՝ ութերորդ։ վ(ա)ս(ն) զի օրհնեաց զնա ա(ստուա)ծ։

Verse: 6  Link to sept   Եւ սասանայ որդւոյ ն(ո)ր(ա) անդրանկան՝ ծնան որդիք զօրաւորք ՛ի տան հօր իւրոյ, վ(ա)ս(ն) զի հզօրք էին։

Verse: 7  Link to sept   Որդիք սեմայ, ագոոնի, եւ հռափայէլ, եւ յովբեդ, եւ եղզաբեթ, աքիու, եւ եղբարք իւր որդիք զօրաւորք ուժով։ եղիու, եւ սամաքիաս, եւ իզբակոս։

Verse: 8  Link to sept   ամենեքեան սոքա որդիք աբեդոմ, ինքեանք եւ որդիք իւրեանց եւ եղբարք իւրեանց՝ զօրացեալք զօրութ(եամ)բ, գործէին զօրութ(եամ)բ զգործս, վաթսուն եւ երկու։ աբդեդոմայ,

Verse: 9  Link to sept   եւ սեղեմիայ՝ որդիք եւ եղբարք հասունք՝ ութուտասն։

Verse: 10  Link to sept   Եւ յեսամայ յորդւոցն մերարեայ որդի մի՝ շամարի, որում պահէին զգլխաւորու(թ)ի(ւն). զի ո́չ գոյր անդրանիկն ՛ի միջի, եւ առ ե́դ զնա հայր իւր սկիզբն.

Verse: 11  Link to sept   քեղկիա՝ երկրորդ, նաաբէղ՝ երրորդ, զաքարիաս՝ չորրորդ։ ամենեքեան սոքա ուսայեայ որդիք, եւ եղբարք ն(ո)ր(ա)՝ չորեքտասանք։

Verse: 12  Link to sept   Սոցա ե́լ բաժին վիճակաւ դրանցն գլխաւորութե(ան)ց՝ կա́լ շաբաթաւոր առաջի եղբարցն իւրեանց, եւ պաշտել ՛ի տան տ(եառ)ն։

Verse: 13  Link to sept   Եւ արկին վիճակ ըստ փոքուն եւ ըստ մեծին, տա́նց ազգատոհմին իւրեանց ՛ի դրունս դրունս։

Verse: 14  Link to sept   եւ ել վիճակ դրանն արեւելից սեմեայ՝ եւ զաքարիայ որդւոյ ն(ո)ր(ա)։ Յովադ խորհրդական ՛ի միտս իւր. արկանէին վիճակս, եւ ել նմա վիճակն ը(նդ) կողմն հիւսւսոյ։

Verse: 15  Link to sept   Եւ աբեդովմայ ը(նդ) հարաւակողմն կոյս։ եւ որդւոց իւրոց ընդդէմ տանն ասափայ.

Verse: 16  Link to sept   յերրորդեան՝ սեմոյն ովասայ ը(նդ) արեւմուտս կոյս. դրամբքն հանդերձ սրսկապանին, ելից ճանապարհին, պահ առ պահ ընդ արեւելս։

Verse: 17  Link to sept   Իսկ ղեւտացիքն վեց վեց յաւուր ը(նդ) կողմանս հիւսւսոյ։ չորս չորս յաւուր ընդ կողմանս հարաւոյ. չորս չորս յաւուր՝ յասափինն. երկուս երկուս ՛ի փոխանկել։

Verse: 18  Link to sept   եւ ը(նդ) արեւմուտս չորս։ եւ ՛ի ճանապարհ երկուս երկուս փոխանակաւ։

Verse: 19  Link to sept   Ա́յս վիճակ բաժնիւ դարապանաց որդւոցն կորխայ՝ եւ որդւոցն մերարեայ։

Verse: 20  Link to sept   Եւ ղեւտացիքն եղբարբք իւրեանց հանդերձ ՛ի վերայ գանձին տանն տ(եառ)ն, եւ ՛ի վերայ գանձին սրբոյն սրբոց։

Verse: 21  Link to sept   Որդիքն սղադանայ որդւոյ գերսամ սղադանա իշխանք ազգաց տոհմին սղադանու։ եւ գերսամայ՝ յեիէլ։

Verse: 22  Link to sept   եւ զեթամ, եւ յովէլ՝ եղբարք ն(ո)ր(ա) ՛ի վ(ե)ր(այ) գանձին տան տ(եառ)ն։

Verse: 23  Link to sept   Եւ ամրիմ, եւ իսահառ, քեբրոն, եւ ոզիէլ

Verse: 24  Link to sept   եւ սեբիէլ. գերսամեանց, մուշեանց, զօրագլուխք ՛ի վ(ե)ր(այ) գանձուցն։

Verse: 25  Link to sept   Եւ եղբայր ն(ո)ր(ա) եղիազար, աբիա որդի ն(ո)ր(ա), յուսէէ որդի ն(ո)ր(ա), յովրամ որդի ն(ո)ր(ա), զեքրի որդի ն(ո)ր(ա),

Verse: 26  Link to sept   եւ ինքն սաղամիթ եւ եղբարք իւր ՛ի վ(ե)ր(այ) ա(մենայ)ն գանձուն սրբոյն սրբոց. զոր նուիրեաց դաւիթ, եւ իշխանք տոհմիցն՝ հարիւրապետք եւ հազարապետք եւ իշխանք զօրութե(ան)ցն՝

Verse: 27  Link to sept   զոր առեալ էր ՛ի քաղաքաց անտի աւար,եւ նուիրեալ էր ՛ի նոցանէն, զի մի́ նուաղեսցի գործք շինուածոյ տանն ա(ստուծո)յ։

Verse: 28  Link to sept   Զոր նուիրեցին սամուէլ տեսանօղն. եւ շաւուղ կիսեանց, եւ աբեններ ներեանց, եւ յովաբ որդի շարուհեայ։ Եւ ա(մենայ)ն նուէրք որ էին ՛ի ձեռս սաղովմեայ եւ եղբարց իւրոց.

Verse: 29  Link to sept   յեսսարի, եւ քոնոնիա, եւ որդիք իւր. եւ գործքն գործոյն արտաքնոյ ՛ի վ(ե)ր(այ) ի(սրաէ)լի, զի գրիցեն՝ եւ վճարիցեն

Verse: 30  Link to sept   ՛ի քեբրոնիա. սադիաս եւ եղբարք իւր, որդիք զօրու(թ)ե(ան) հազար եւ եւթնհարիւր։ Եւ ՛ի վ(ե)ր(այ) ոստիկանու(թ)ե(ան) ի(սրաէ)լի յայնկոյս յորդանանու գետոյն ընդ արեւմուտս, ա(մենայ)ն գործ պաշտաման տ(եառ)ն, եւ ՛ի գործ արքունի

Verse: 31  Link to sept   քեբրոնեա ուրիաս իշխան, քեբրոնեա ազգատոհմօքն իւրեանց հանդերձ։ Յամին քառասներորդի թագաւորու(թ)ե(ա)ն դաւթի, այս յաշխարհագրի անդ գտաւ. այր զօրութե(ան)ց ՛ի ն(ո)ս(ա), յազերն գաղատիացւոց։

Verse: 32  Link to sept   եւ եղբարք իւր որդիք զօրաւորք. երկուհազար եւ եւթնհարիւր, գլխաւորք տոհմին։
   Եւ կացոյց զն(ո)ս(ա) արքայ դաւիթ ՛ի վերայ գնդին հռուբելայ եւ գագայ՝ եւ կէս ազգին մանասէի գնդին. վ(ա)ս(ն) ա(մենայ)ն բանից ա(ստուծո)յ. բանի́ց արքունի։



Chapter: 27 
ԳԼ(ՈՒԽ) Ի՜Է.


Verse: 1  Link to sept   Եւ որդիք ի(սրաէ)լի իւրաքանչիւր թուոց նահապետք ազգատոհմին հազարաւորք եւ հարիւրաւորք։ եւ համարակար դպիրք, որ պաշտէին ՛ի ժողովրդեանն յա(մենայ)ն համարս արքունի, ըստ իւրաքանչիւր գործոյն համարոյ ելի́ն եւ մտին ամսոյ ամսոյ յա(մենայ)ն ամիսս տարւոյն, ընտրութիւն

Verse: 2  Link to sept   Առաջին համարոյ առաջնոյ ամսեանն՝ յեզբաաղ, եւ բաղէէլ, եւ ընտրութի(ւն) ելից ն(ո)ր(ա) քսան եւ չորս հազարք։

Verse: 3  Link to sept   Յորդւոց փարեսայ, որ գլուխ էր ա(մենայ)ն իշխանացն զօրաց, եւ յամսեանն առաջնոյ.

Verse: 4  Link to sept   ընտրու(թ)ի(ւն) Ամսոյն երկրորդի, դուդայի, եւ դաքոթի, եւ մագաղաւովթ առաջնորդք, եւ ընտրութի(ւն) ն(ո)ր(ա) քսան եւ չորս հազարք՝

Verse: 5  Link to sept   իշխանք զօրութե(ան)։ Երրորդն յամսեանն երրորդի. բանէաս, յովդադ՝ քահանայ իշխան. եւ յընտրութի(ւն) ն(ո)ր(ա)՝ քսան եւ չորս հազարք.

Verse: 6  Link to sept   ինքն բանէաս հզօրագոյն քան զերեսունսն, եւ ՛ի վերայ երեսնիցն բաժին ընտրութե(ան) իւրոյ։

Verse: 7  Link to sept   Յամսեանն չորրորդի, ասայէլ եղբայր յովաբու, եւ զաբդէաս որդի ն(ո)ր(ա) եւ եղբարք իւր զկնի ն(ո)ր(ա). եւ ընտրու(թ)ի(ւն)ք բաժնի ն(ո)ր(ա) քսան եւ չորս հազարք։

Verse: 8  Link to sept   Հինգերորդ ամսեանն՝ հինգերորդ իշխան սաթիովթ, յիղիա. եւ բաժին մասին նորա քսան եւ չորս հազարք։

Verse: 9  Link to sept   Վեցերորդ յամսեանն՝ վեցերորդ իշխան էկէս որդի եկգեայ թեկուացւոյ. եւ մասն բաժնի ն(ո)ր(ա) քսան եւ չորս հազարք։

Verse: 10  Link to sept   Յեւթներորդում ամսեանն՝ եւթներորդ իշխան, քեղփաղոմեանց յորդւոցն եփրեմայ. եւ մասն բաժնի իւրոյ քսան եւ չորս հազարք։

Verse: 11  Link to sept   Ութերորդ յամսեանն ութերորդի, ուսաքեկի եսթայիանց զարայեայ. եւ մասն բաժնի ն(ո)ր(ա) քսան եւ չորս հազարք։

Verse: 12  Link to sept   Իններորդ յամսեանն իններորդի, աբիեզեր որ յանաթովթայն, որ ՛ի բենիամին երկրի. եւ մասն ՛ի բաժնի իւրում քսան եւ չորս հազարք։

Verse: 13  Link to sept   Տասներորդ յամսեանն տասներորդի, մաարի նէտոպաթեանց զարայ. եւ մասն բաժնի իւրում քսան եւ չորս հազարք։

Verse: 14  Link to sept   Մետասաներորդն յամսեանն մետասաներորդի, բանաիաս ՛ի փարաթոնեայ, յորդւոցն եփրեմի, եւ ՛ի զատուցեալսն ն(ո)ր(ա) քսան եւ չորս հազարք։

Verse: 15  Link to sept   Երկոտասաներորդն յամսեանն երկոտասաներորդի, քաղդայի ՛ի նետուփատայ, որդի գոթոնիելի. եւ ՛ի զատուցեալս ն(ո)ր(ա) քսան եւ չորս հազարք։

Verse: 16  Link to sept   Եւ ՛ի ցեղիցն ի(սրաէ)լի, ռուբինի իշխան, եղիազար որդի զեքրեայ. եւ շմաւոնի, սափատիաս որդի մակքեայ.

Verse: 17  Link to sept   եւ ղեւեայ, ասաբիա որդի սամուելի. եւ ահարոնի՝ սադովկ որդի։

Verse: 18  Link to sept   Եւ յուդայ, եղիաբ յեղբարցն դաւթի. եւ իսաքարայ՝ ամարիաս որդի միքայելի։

Verse: 19  Link to sept   եւ զաբուղոնի, սամէաս որդի աբդիայ. եւ նեփթաղիմայ՝ յարիմութ որդի ոզիելի։

Verse: 20  Link to sept   Եւ եփրեմի՝ ովսեր որդի ոզիայ. եւ կիսոյ ցեղին մանասէի՝ յովէլ որդի փաղդիայ։

Verse: 21  Link to sept   եւ կիսոյ ցեղին մանասէի որ էր ՛ի գաղաադ, յագայի որդի զաբդիայ. որդւոցն բենիամինի՝ ասիէլ որդի աբեններայ։

Verse: 22  Link to sept   Դանայ՝ եզրիէլ որդի յովրամայ։ Սոքա́ էին նահապետք ցեղիցն ի(սրաէ)լի։

Verse: 23  Link to sept   Եւ ո́չ առ դաւիթ զթիւն նոցա ՛ի քսանամենից եւ ՛ի վեր. վ(ա)ս(ն) զի տ(է)ր ասաց բազմացուցանել զի(սրա)էլ իբրեւ զաստեղս երկնից։

Verse: 24  Link to sept   Եւ յովաբ որդի սարուհեայ սկսաւ թուել զժողովուրդն. եւ ո́չ կատարեաց։ եւ եղեւ յաղագս այնորիկ բարկու(թ)ի(ւն) ՛ի վ(ե)ր(այ) ի(սրաէ)լի։ եւ ո́չ յարգեցաւ թիւն ՛ի գիրս բանից աւուրց թագաւորին դաւթի։ Եւ ՛ի վերայ գանձուց արքային սաղմովթ որդի մովդիելի։ եւ ՛ի վերայ գանձուց անդաստանաց ՛ի գեօղսն, եւ ՛ի տունս, եւ յաշտարակս, յովնաթան որդի ոզիայ։

Verse: 25  Link to sept   Եւ ՛ի վերայ երկրագործացն որք գործէինն, եզրաս որդի քեղուբայ։

Verse: 26  Link to sept   եւ ՛ի վ(ե)ր(այ) ագարակացն, սեմէի արիմաթացի։ եւ ՛ի վերայ շտեմարանացն գիւղից գինւոյն, զաբդի որդի սեփինայ։

Verse: 27  Link to sept   Եւ ՛ի վ(ե)ր(այ) ձիթենեացն եւ մոլաթզենեացն որք ՛ի դաշտս՝ բաղդանա որդի գեդէոնի։ եւ ՛ի վ(ե)ր(այ) շտեմերանաց ձիթոյն՝ յովաս։

Verse: 28  Link to sept   Եւ ՛ի վերայ արջառոց արօտականաց որք էին ՛ի հովիտսն. սովփատ որդի ադայիայ։

Verse: 29  Link to sept   եւ ՛ի վ(ե)ր(այ) ուղտուցն՝ ուբիաս ամելացի։ եւ ՛ի վ(ե)ր(այ) իշոցն՝ յադիաս մարաթովնացի։

Verse: 30  Link to sept   Եւ ՛ի վ(ե)ր(այ) հօտիցն՝ յովազ ագարացի։ ամենեքեան սոքա վերակացուք ստացուածոցն դաւթի արքայի։

Verse: 31  Link to sept   Եւ յովնաթան հօրեղբայր դաւթի՝ խորհրդակից, ա́յր հանճարեղ. եւ ինքն դպրապետ։ եւ յէիէլ որդի աքիմենայ ընդ որդիս արքայի։

Verse: 32  Link to sept   Եւ աքիտոփէլ՝ խորհրդակից արքայի։ եւ քուսի առաջին բարեկամ արքայի.

Verse: 33  Link to sept   եւ զկնի նորա աքիտոփէլ մերձ ՛ի նա։ եւ յովիդայեայ որդի բանեայ. եւ աբիաթար։ եւ զօրավար զօրացն արքայի յովաբ։



Chapter: 28 
ԳԼ(ՈՒԽ) Ի՜Ը.


Verse: 1  Link to sept   Եւ ժողովեա́ց դաւիթ զա(մենայ)ն իշխանսն ի(սրաէ)լի, զիշխանս դատաւորացն, եւ զա(մենայ)ն իշխան օրամտիցն, ՛ի սպաս անձնապահաց թագաւորին. եւ զիշխանս հազարաւորացն, եւ հարիւրաւորացն, եւ գանձապահացն, եւ որք էին ՛ի վերայ ստացուածոցն նորա. եւ զզօրաւորսն, եւ զպատերազմօղս զօրավարացն յե(րուսաղէ)մ։

Verse: 2  Link to sept   Եւ եկաց դաւիթ արքայ ՛ի մէջ եկեղեցւոյն՝ եւ ասէ. լուարո́ւք ինձ եղբարք իմ եւ ժողովուրդ իմ. ՛Ի սրտի իմում եղեւ շինե́լ տո́ւն հանգստեան տապանակի ուխտին տ(եառ)ն, եւ կայան ոտից տ(եառ)ն մերոյ. եւ պատրաստեցի ես ՛ի բնակու(թ)ի(ւն)ն յայն զկազմածս զայդ. ոսկի, եւ արծաթ, եւ պղինձ, եւ արոյր, եւ երկաթ, եւ փայտ բազում։

Verse: 3  Link to sept   եւ ասաց ա(ստուա)ծ ցիս. ո́չ շինեսցես դու ինձ տուն, անուանել զանուն իմ ՛ի վ(ե)ր(այ) ն(ո)ր(ա). վ(ա)ս(ն) զի ա́յր պատերազմօղ ես դու, եւ հեղեր արիւն բազում։

Verse: 4  Link to sept   Եւ ընտրեաց տ(է)ր ա(ստուա)ծ յա(մենայ)ն ազգաց զի(սրա)էլ, եւ յա(մենայ)ն ի(սրաէ)լէ ընտրեաց զյուդաս, կանգնել զթագաւորութի(ւն)ն իւր յաւիտենական. եւ ՛ի տանէն յուդայ՝ ընտրեաց զտուն հօր իմոյ եւ յորդւոց հօր իմոյ՝ կամեցաւ զիս լինել թագաւոր ՛ի վ(ե)ր(այ) ա(մենայ)ն ի(սրաէ)լի։

Verse: 5  Link to sept   եւ յա(մենայ)ն որդւոց իմոց՝ վ(ա)ս(ն) զի որդիս բազումս ետ ինձ տ(է)ր, ընտրեաց զսողոմոն որդի իմ, նստուցանել յաթոռ թագաւորութե(ա)ն տ(եառ)ն ՛ի վ(ե)ր(այ) ի(սրաէ)լի։

Verse: 6  Link to sept   Եւ ասաց ցիս ա(ստուա)ծ. սողոմոն որդի քո շինեսցէ զտուն իմ, եւ զսրահն իմ. վ(ա)ս(ն) զի ընտրեցի́ զնա լինել ինձ որդի, եւ ես եղէց նմա ՛ի հա́յր.

Verse: 7  Link to sept   եւ ուղղեցից զթագաւորութի(ւն) ն(ո)ր(ա) մինչեւ յաւիտեան, եթէ զօրասցի պահե́լ զպատուիրանս իմ եւ զիրաւունս իմ իբրեւ յաւուրս յայսմիկ։

Verse: 8  Link to sept   Եւ արդ՝ դի́ք առաջի երեսաց ա(մենայ)ն եկեղեցւոյս տ(եառ)ն, եւ յականջս ա(ստուծո)յ մերոյ. պահեցէ́ք եւ խնդրեցէ́ք զա(մենայ)ն պատուիրանս տ(եառ)ն ա(ստուծո)յ մերոյ. զի ժառանգիցէք զերկիրս բարի, եւ ժառանգեցուցանիցէք որդւոց ձերոց յետ ձեր մինչեւ յաւիտեան։

Verse: 9  Link to sept   Եւ դու սողոմոն որդի իմ, ծանի́ր զա(ստուա)ծ հարցն քոց, եւ ծառայեա́ նմա կատարեալ սրտիւ, եւ մտօք կամաց քոց. վ(ա)ս(ն) զի զա(մենայ)ն սիրտ քննէ տ(է)ր. եւ զա(մենայ)ն խորհուրդս ճանաչէ։ եթէ խնդրեսցես զնա, գտցի́ քեզ. եւ եթէ թողցես զնա՝ լքցէ́ զքեզ ՛ի սպառ։

Verse: 10  Link to sept   Տե́ս այժմ, զի տ(է)ր ընտրեա́ց զքեզ շինել նմա տո́ւն ՛ի սրբութի(ւն). զօրացի́ր եւ արա́։

Verse: 11  Link to sept   Եւ ետ դաւիթ սողոմոնի որդւոյ իւրում զօրինակ տաճարին՝ եւ սենեկաց ն(ո)ր(ա), եւ գանձարանաց ն(ո)ր(ա), եւ վերնատանցն, եւ շտեմարանացն ներքնոց, եւ տանն քաւութե(ան)։

Verse: 12  Link to sept   եւ զօրինակ զոր ունէր ՛ի մտի իւրում, սրահից տանն տ(եառ)ն, եւ զա(մենայ)ն շտեմարանացն շուրջանակի, յամբարս տանն տ(եառ)ն, եւ մթերից սրբութե(ան)ցն։

Verse: 13  Link to sept   եւ մնացորդացն, յոտարամտից ՛ի պաշտօն քահանայիցն, եւ ղեւտացւոց յա(մենայ)ն գործ պաշտամանց տանն տ(եառ)ն, եւ շտեմարանացն անօթոց սպասուց տանն տ(եառ)ն·

Verse: 14  Link to sept   Եւ զմէտս կշռոց ն(ո)ց(ա)՝ զոսկւոյ եւ զարծաթոյ

Verse: 15  Link to sept   զկշիռ աշտանակաց ետ նմա. եւ զբազմականցն նմանութի(ւն)ս.

Verse: 16  Link to sept   եւ զկշիռս սեղանոցն առաջնորդութե(ան). եւ զիւրաքանչիւր ուրուք ոսկեղէն սեղանոց։ նոյնպէս եւ զարծաթեղինացն։

Verse: 17  Link to sept   եւ զմսահանացն,եւ զնուիրանոցացն, եւ զտաշտիցն ոսկեղինաց. եւ զկշիռս ոսկւոյ եւ արծաթոյ, եւ զափոցն զիւրաքանչիւր ուրուք։

Verse: 18  Link to sept   Եւ զսեղանոց խնկոցն ՛ի մաքուր ոսկւոյ զկշռութի(ւն)ն եցո́յց նմա. եւ զօրինակ քերովբէիցն որոց տարածեալէր զթեւսն իւրեանց, եւ հովանի́ ունէին ՛ի վ(ե)ր(այ) տապանակի ուխտին տ(եառ)ն։

Verse: 19  Link to sept   Զա(մենայ)ն գրով ՛ի ձեռանէ տ(եառ)ն ետ դաւիթ սողոմոնի, ըստ եղելոյ ՛ի նմա իմաստու(թ)ե(ա)ն եւ ըստ օրինակին։

Verse: 20  Link to sept   Եւ ասէդաւիթ ցսողոմոն որդի իւր. զօրացի́ր եւ քա́ջ լեր, արա́ եւ մի́ երկիցես, եւ մի́ զարհուրեսցիս. վ(ա)ս(ն) զի տ(է)ր ա(ստուա)ծ իմ է́ ընդ քեզ. ո́չ թողցէ զքեզ, եւ ո́չ լքցէ՝ մինչեւ կատարեսցես զա(մենայ)ն գործ սպասու տանն տ(եառ)ն։ Եւ ահա ա́յդ է օրինակ տաճարին, եւ սենեկաց նորա, եւ սրահից ն(ո)ր(ա), եւ վերնատանցն, եւ շտեմարանացն, ներքնատանցն, եւ տանն քաւու(թ)ե(ան). եւ օրինակ տաճարին տ(եառ)ն ա́յդ է։

Verse: 21  Link to sept   Եւ օրամտից քահանայիցն եւ ղեւտացւոց, յա(մենայ)ն ՛ի պաշտամունս տանն ա(ստուծո)յ, եւ ընդ քե́զ եղիցի յա(մենայ)ն իրս, ա(մենայ)ն ոք որ յօժարեսցէ իմաստութ(եամ)բ ըստ համօրէն արուեստից. իշխանքն, եւ ա(մենայ)ն ժողովուրդդ յա(մենայ)ն ՛ի բանս քո։



Chapter: 29 
ԳԼ(ՈՒԽ) Ի՜Թ.


Verse: 1  Link to sept   Եւ ասէ դաւիթ արքայ ցա(մենայ)ն եկեղեցին. սողոմոն որդի իմ զոր ընտրեաց իւր տ(է)ր, մանուկ փո́քր է, եւ գործս մե́ծ է. վ(ա)ս(ն) զի ո́չ մարդոյ է շինուածս, այլ տ(եառ)ն ա(ստուծո)յ։

Verse: 2  Link to sept   Ըստ ա(մենայ)ն զօրութե(ան) իմոյ պատրաստեցի նի́ւթս տանն ա(ստուծո)յ իմոյ. ոսկի, եւ արծաթ. պղինձ, եւ երկաթ. փայտս, եւ քարինս անկեանց եւ կամարաց, եւ քարինս ընտիրս, եւ ականս պատուականս, եւ այլ պատրաստու(թ)ի(ւն) բազում։

Verse: 3  Link to sept   Եւ ե́ւս վ(ա)ս(ն) հաճոյն լինելոյն իմ ՛ի տան ա(ստուծո)յ իմոյ եղեւ ինձ զորս նուիրեցիդ տ(եառ)ն, ոսկի եւ արծաթ. եւ ահաւադիկ ետու զայդ ՛ի տուն ա(ստուծո)յ իմոյ ՛ի բարձրու(թ)ի(ւն). բա́ց յայնցանէ զոր պատրաստեցի ՛ի տուն սրբու(թ)ե(ան)ցն.

Verse: 4  Link to sept   երիս հազարս տաղանտս ոսկի ՛ի սովփերայ, եւ եւթն հազար տաղանտ ընտիր արծաթ, օծանել նոքօք զորմս տաճարին

Verse: 5  Link to sept   ՛ի ձեռն արուեստաւորաց։ Եւ որոք յօժարիցէ մտօք լնո́ւլ զձեռն իւր այսօր տ(եառ)ն։

Verse: 6  Link to sept   Եւ յառաջամի́տք եղեն իշխանք տոհմիցն, եւ իշխանք որդւոցն ի(սրաէ)լի, հազարապետք եւ հարիւրապետք,եւ վերակացուք գործոցն, եւ գաւառապետք արքայի.

Verse: 7  Link to sept   եւ ետուն ՛ի գործ տանն տ(եառ)ն, ոսկի՝ տաղանտս հինգ հազար. եւ պղինձ՝ տաղանտս բեւր եւ ութ հազար. եւ երկաթ՝ տաղանտս հարիւր հազար։

Verse: 8  Link to sept   Եւ ոյր ուրուք գտաւ քա́ր պատուական, ետուն ՛ի շտեմարանս տանն տ(եառ)ն, ՛ի ձեռս յերիելի որդւոյ եսրովմի։

Verse: 9  Link to sept   Եւ զուարճացաւ ժողովուրդն յաղագս յառաջամիտ լինելոյն. վ(ա)ս(ն) զի լի́ սրտիւ եղեն յառաջամիտք տ(եառ)ն։ եւ դաւիթ արքայ ուրա́խ եղեւ մեծապէս։

Verse: 10  Link to sept   Եւ օրհնեաց արքայ դաւիթ զտ(է)ր առաջի եկեղեցւոյն՝ եւ ասէ։
   Օրհնեալ է տ(է)ր ա(ստուա)ծ ի(սրաէ)լի հարցն մերոց յաւիտենից մինչեւ յաւիտեանս։

Verse: 11  Link to sept   Քո́ է տ(է)ր մեծութի(ւն), եւ զօրութի(ւն), եւ պարծանք, եւ յաղթութի(ւն), եւ կարողութի(ւն). վ(ա)ս(ն) զի դո́ւ ամենեցուն որք են յերկինս եւ ՛ի վ(ե)ր(այ) երկրի՝ տիրես. յերեսաց քոց դողան ա(մենայ)ն թագաւորք եւ ազգք.

Verse: 12  Link to sept   ՛ի քէն է մեծութի(ւն) եւ փառք. դո́ւ ես ամենեցուն իշխան եւ տ(է)ր. եւ իշխան ա(մենայ)ն իշխանու(թ)ե(ան)ց. ՛ի ձեռին քում է́ զօրու(թ)ի(ւն) եւ հարստութի(ւն). եւ ՛ի ձեռին քում ամենակա́լ մեծութի(ւն), զօրացուցանել զա(մենայ)ն։

Verse: 13  Link to sept   Եւ արդ տ(է)ր՝ գոհանա́մք զքէն, եւ օրհնեմք զանուն պարծանացդ քոց։

Verse: 14  Link to sept   Ո́ եմ ես՝ եւ ո́ է ժողովուրդ քո. զի կարասցուք յօժարամիտ լինել քեզ յայսմ ա(մենայ)նի. վասն զի քո́ է ա(մենայ)ն ինչ՝ եւ ՛ի քոյոցդ տուաք քեզ.

Verse: 15  Link to sept   ք(ան)զի պանդո́ւխտք եմք մեք առաջի քո եւ նժդեհք՝ ո(ր)պ(էս) ա(մենայ)ն հարք մեր. իբրեւ զստուե́ր են աւուրք մեր ՛ի վ(ե)ր(այ) երկրի, եւ ո́չ գոն մեր մնացուածք ինչ։

Verse: 16  Link to sept   տ(է)ր ա(ստուա)ծ մեր՝ ա(մենայ)ն բազմու(թ)ի(ւն)ս այս, զոր պատրաստեցի շինել զտուն անուան սրբութե(ան) քոյ, է́ ՛ի ձեռանէ քումմէ, եւ քո́ է ամենայն ինչ։

Verse: 17  Link to sept   Եւ ծանեայ տ(է)ր՝ եթէ դո́ւ ես որ քննես զսիրտս, զարդարութի(ւն) սիրես. եւ մեք պա́րք սրտիւք յօժարամիտք եղեաք յայսմ յա(մենայ)նի։ եւ արդ՝ զժողովուրդս քո որ գտաւ աստ, տեսի ուրախութ(եամ)բ լի́. եղեալ առ քեզ յոժարամիտ։

Verse: 18  Link to sept   Տ(է)ր ա(ստուա)ծ աբրահամու, եւ իսահակայ, եւ ի(սրաէ)լի հարցն մերոց, պահեա́ զայս ՛ի միտս եւ ՛ի սիրտ ժողովրդեան քոյ յաւիտեան. եւ ուղղեա́ զսիրտ ն(ո)ց(ա) առ քեզ։

Verse: 19  Link to sept   Եւ սողոմոնի որդւոյ իմում տո́ւր սիրտ բարի առնե́լ զպատուիրանս քո, եւ զվկայու(թ)ի(ւն)ս քո, եւ զհրամանս քո. եւ ՛ի կատարո́ւմն ածել զպատրաստութի(ւն) տան քոյ։

Verse: 20  Link to sept   Եւ ասէ դաւիթ ցա(մենայ)ն եկեղեցին, օրհնեցէ́ք զտ(է)ր ա(ստուա)ծ ձեր։ եւ օրհնեաց ա(մենայ)ն եկեղեցին զտ(է)ր ա(ստուա)ծ հարցն իւրեանց։ եւ խոնարհեցուցեալ զծունկս՝ երկի́ր պագին տ(եառ)ն, եւ արքայի։

Verse: 21  Link to sept   Եւ եղեն դաւիթ տ(եառ)ն զոհս. եւ մատոյց ողջակէ́զ ա(ստուծո)յ ՛ի վաղիւն առաջնոյ աւուրն, զուարակս հազար, խոյս հազար, գառինս հազար, եւ զնուէրս ն(ո)ց(ա). եւ զզոհսն յաճախու(թեամ)բ ա(մենայ)ն ի(սրաէ)լի։

Verse: 22  Link to sept   Կերան եւ արբին առաջի տ(եառ)ն յաւուր յայնմիկ ուրախութ(եամ)բ։ Եւ թագաւորեցուցին երկրո́րդ անգամ զսողոմոն որդի դաւթի. եւ օծին զնա տ(եառ)ն ՛ի թագաւոր. եւ զսադովկ ՛ի քահանայութի(ւն)։

Verse: 23  Link to sept   Եւ նստաւ սողոմոն յաթոռ դաւթի հօր իւրոյ, եւ յաջողեցաւ. եւ հնազանդեցաւ նմա ա(մենայ)ն ի(սրա)էլ.

Verse: 24  Link to sept   իշխանք եւ զօրաւորք, եւ ա(մենայ)ն որդիք արքայի դաւթի հօրն ն(ո)ր(ա)՝ հնազանդեցան նմա։

Verse: 25  Link to sept   Եւ մեծացո́յց տ(է)ր զսողոմոն ՛ի վերուստ առաջի ա(մենայ)ն ի(սրաէ)լի, եւ ետ նմա փառս թագաւորու(թ)ե(ան). որ ո́չ ումեք եղեւ ամենեցուն թագաւորացն որք յառաջ քան զնա։

Verse: 26  Link to sept   Եւ դաւիթ որդի յեսսեայ թագաւորեաց ՛ի վ(ե)ր(այ) ի(սրաէ)լի ամս քառասուն.

Verse: 27  Link to sept   ՛ի քեբրոն ամս եւթն, եւ յե(րուսաղէ)մ ամս երեսուն եւ երեք։

Verse: 28  Link to sept   Եւ վախճանեցա́ւ բարի ծերութ(եամ)բ, լի́ աւուրբք՝ մեծութ(եամ)բ եւ փառօք։ եւ թագաւորեաց սողոմոն որդի ն(ո)ր(ա) փոխանակ ն(ո)ր(ա)։

Verse: 29  Link to sept   Եւ մնացեալ բանք արքայի դաւթի՝ առաջինք եւ վերջինք, գրեա́լ են ՛ի բանս սամուելի տեսանողի, եւ ՛ի բանս նաթանայ մարգարէի, եւ ՛ի բանս գադայ տեսանողի.

Verse: 30  Link to sept   յաղագս ա(մենայ)ն թագաւորութե(ան) ն(ո)ր(ա), եւ հարստութե(ան) ն(ո)ր(ա). եւ ժամանակք որ եղեն ն(ո)ր(ա) ՛ի վ(ե)ր(այ) ի(սրաէ)լի, եւ ՛ի վ(ե)ր(այ) ա(մենայ)ն թագաւորու(թ)ե(ան)ց երկրի։





Book: Chr.II 
Chronicarum II

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 17.12.2006

ՄՆԱՑՈՐԴԱՑ
ԵՐԿՐՈՐԴ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԶՕՐԱՑԱՒ ՍՈՂՈՄՈՆ որդի դաւթի ՛ի թագաւորու(թ)ե(ա)ն իւրում. եւ տ(է)ր ա(ստուա)ծ իւր ընդ նմա էր. եւ մեծացո́յց զնա ՛ի բարձրութի(ւն)։

Verse: 2  Link to sept   Եւ ասաց սողոմոն ցա(մենայ)ն ի(սրա)էլ, ցհազարապետս եւ ցհարիւրապետս, եւ ցդատաւորս, եւ ցա(մենայ)ն իշխանս տոհմիցն։

Verse: 3  Link to sept   Եւ գնաց սողոմոն եւ ա(մենայ)ն եկեղեցին ընդ նմա, ՛ի բարձաւանդա́կն գաբաւոնի. ուր էր անդ խորանն վկայութե(ան) ա(ստուծո)յ, զոր արա́ր մովսէս ծառայ տ(եառ)ն յանապատին։

Verse: 4  Link to sept   Բայց զտապանակն ա(ստուծո)յ եհան դաւիթ ՛ի քաղաքէն կարիաթարիմայ. վ(ա)ս(ն) զի պատրաստեաց նմա խորան դաւիթ յե(րուսաղէ)մ։

Verse: 5  Link to sept   եւ սեղանն պղնձի զոր արար բեսելիէլ որդի ուրիայ որդւոյ յովրայ, ա́նդ էր առաջի խորանին տ(եառ)ն։ Եւ խնդրեաց ինքն սողոմոն եւ եկեղեցին։

Verse: 6  Link to sept   եւ եհան անդ սողոմոն ՛ի վերայ պղնձի սեղանոյն առաջի տ(եառ)ն ՛ի խորանին, եւ մատոյց ՛ի վ(ե)ր(այ) ն(ո)ր(ա) ողջակէզս հազար։

Verse: 7  Link to sept   ՛Ի գիշերին յայնմիկ երեւեցաւ ա(ստուա)ծ սողոմոնի, եւ ասէ ցնա. խնդրեա́ զինչ տաց քեզ։

Verse: 8  Link to sept   Եւ ասէ սողոմոն ցա(ստուա)ծ. դո́ւ արարեր ընդ դաւթի հօր իմում ողորմութի(ւն) մեծ. եւ թագաւորեցուցե́ր զիս փոխանակ ն(ո)ր(ա)։

Verse: 9  Link to sept   եւ արդ տ(է)ր ա(ստուա)ծ՝ հաւատարի́մ լիցի անուն քո ՛ի վ(ե)ր(այ) դաւթի հօր իմոյ. վ(ա)ս(ն) զի դո́ւ թագաւորեցուցեր զիս ՛ի վ(ե)ր(այ) բազում ժողովրդեանս, որ է իբրեւ զհող երկրի։

Verse: 10  Link to sept   Եւ արդ՝ զիմաստութի(ւն) եւ զհանճար տացես ինձ, զի ելանիցեմ առաջի ժողովրդեանս քոյ այսորիկ, եւ մտանիցեմ. վ(ա)ս(ն) զի ո́ դատիցի զժողովուրդս քո զմեծ զայս։

Verse: 11  Link to sept   Եւ ասէ ա(ստուա)ծ ցսողոմոն. փոխանակ զի եղե́ւ այդ ՛ի սրտի քում, եւ ո́չ խնդրեցեր մեծու(թ)ի(ւն) ընչից, եւ ո́չ փառս, եւ ո́չ զանձինս հակառակորդաց քոց, եւ աւուրս բազումս ո́չ խնդրեցեր. այլ խնդրեցեր դու քեզ զիմաստութի(ւն) եւ զհանճար, զի դատիցիս զժողովուրդ իմ յորոյ վ(ե)ր(այ) թագաւորեցուցի զքեզ։

Verse: 12  Link to sept   Զիմաստութի(ւն) եւ զհանճար տա́մ քեզ, եւ զմեծութի(ւն), եւ զինչս եւ զփառս տա́ց քեզ. ո(ր)պ(էս) զի ո́չ եղեւ նմա́ն քեզ ՛ի թագաւորս յառաջագոյն քան զքեզ, եւ զկնի քո ո́չ լինիցի այդպէս։

Verse: 13  Link to sept   Եւ եկն սողոմոն ՛ի բամայ գաբաւոնի յե(րուսաղէ)մ, յերեսաց խորանին վկայու(թ)ե(ան). եւ թագաւորեաց ՛ի վերայ ի(սրաէ)լի։

Verse: 14  Link to sept   Եւ ժողովեաց սողոմոն կառս եւ հեծեալս. եւ եղեն նմա հազար եւ չորեք հարիւր կառք, եւ երկոտասան հազար հեծելոց. եւ եթող զն(ո)ս(ա) ՛ի քաղաքս հեծելոցն, եւ զօրն է́ր ը(նդ) արքայի յե(րուսաղէ)մ։

Verse: 15  Link to sept   Եւ եդ արքայ զոսկի եւ զարծաթ իբրեւ զքարինս յե(րուսաղէ)մ, եւ զմայրս ՛ի հրէաստանի, իբրեւ զմոլաթզենիս ՛ի դաշտի բազմութ(եամ)բ։

Verse: 16  Link to sept   Եւ ելք ձիոցն սողոմոնի յեգիպտոսէ. եւ գինք վաճառուց արքայի.

Verse: 17  Link to sept   երթեալ գնէին.եւ ելանեին ածէին յեգիպտոսէ կառս մի վեց հարիւր արծաթոյ, եւ ձի հարիւր եւ յիսուն։ եւ ա́յնպէս ա(մենայ)ն թագաւորացն նեքտացւոց, եւ թագաւորացն ասորեաց ՛ի ձեռս ն(ո)ց(ա) բերէին։


Chapter: 2 
ԳԼ(ՈՒԽ) Բ՜.


Verse: 1  Link to sept   Եւ ասա́ց սողոմոն շինել զտուն անուան տ(եառ)ն, եւ զտուն թագաւորութե(ան) իւրոյ։

Verse: 2  Link to sept   Եւ ժողովեաց սողոմոն եւթանասուն հազար արանց բեռնակրաց, եւ ութսունհազար քարահատաց ՛ի լերինս. եւ վերակացուք ն(ո)ց(ա) երեքհազար եւ վեցհարիւր։

Verse: 3  Link to sept   Եւ առաքեաց սողոմոն առ քիրամ արքայ տիւրոսի՝ եւ ասէ. ո(ր)պ(էս) արարեր ը(նդ) հօր իմոյ դաւթի, եւ ետուր նմա մա́յր փայտս, շինել իւր տուն բնակելոյ ՛ի նմա։

Verse: 4  Link to sept   Եւ արդ՝ ահա ե́ս որդի ն(ո)ր(ա)՝ շինեմ տուն անուան տ(եառ)ն ա(ստուծո)յ իմոյ, սրբել զնա նմա, ծխել առաջի ն(ո)ր(ա) խունկս, եւ առաջադրու(թ)ի(ւն)ս յա(մենայ)ն ժամ։ եւ մատուցանել ողջակէզս հանապազ առաւօտուց եւ երեկորին, եւ ՛ի շաբաթս, եւ յամսամուտս, եւ ՛ի տօնս ա(ստուծո)յ մերոյ, յաւիտեան զայն յի(սրաէ)լէ։

Verse: 5  Link to sept   Եւ տունս զոր ե́ս շինեմ մեծ է. վ(ա)ս(ն) զի մե́ծ է ա(ստուա)ծ մեր քան զա(մենայ)ն աստուածս.

Verse: 6  Link to sept   եւ ո́ կարասցէ շինել նմա տուն. զի եթէ երկինք՝ եւ երկնից երկինք ո́չ տանին զփառս ն(ո)ր(ա). եւ զի՞նչ ես շինեցից նմա տուն. այլ զի ծխեսցեն խունկս առաջի ն(ո)ր(ա)։

Verse: 7  Link to sept   Եւ արդ՝ առաքեա́ ինձ ա́յր իմաստուն, որ գիտիցէ գործել զոսկի եւ զարծաթ, եւ զպղինձ, եւ զերկաթ, եւ զծիրանի, եւ զկարմիր, եւ զկապուտակն, եւ զբեհեզն. եւ որ գիտիցէ քանդակել զքանդակս ընդ իմաստունս իմ, որք են ՛ի հրէաստանի եւ յե(րուսաղէ)մ. զորս պատրաստեաց դաւիթ հայր իմ։

Verse: 8  Link to sept   Եւ տո́ւր բերել ինձ փայտս մայրս, եւ սարոյս, եւ թեղաւշս ՛ի լիբանանէ. վ(ա)ս(ն) զի ես գիտեմ, իբրեւ զծառայս քո ո́չ ոք գիտէ հատանել փայտ ՛ի լիբանանէ։ եւ արդ ծառայք քո երթիցեն ը(նդ) ծառայս իմ,

Verse: 9  Link to sept   պատրաստել ինձ փայտ բազում. վ(ա)ս(ն) զի տունս զոր ես շինեմ, է մեծ եւ փառաւոր։

Verse: 10  Link to sept   Եւ գործօնէիցն որք հատանեն զփայտն՝ ՛ի կերակուր ետու հաց՝ ռոճիկ ծառայից քոց՝ քսանհազար քոռ ցորենոյ, եւ քսանհազար քոռ գարւոյ, եւ քսանհազար չափ գինւոյ. եւ ձէթ քսանհազար չափ։

Verse: 11  Link to sept   Եւ ասաց քիրամ արքայ տիւրոսի գրով, եւ արձակեաց առ սողոմոն. Վ(ա)ս(ն) սիրելոյ տ(եառ)ն զժողովուրդ իւր, ետ զքեզ ՛ի վ(ե)ր(այ) դոցա թագաւոր։

Verse: 12  Link to sept   եւ ասէ քիրամ. օրհնեալ է տ(է)ր ա(ստուա)ծ ի(սրաէ)լի որ արար զերկինս եւ զերկիր. որ ե́տ դաւթի արքայի որդի իմաստուն, գիտել զհանճար եւ զիմաստու(թ)ի(ւն). որ շինեսցէ զտուն տ(եառ)ն, եւ զտուն թագաւորութե(ան) իւրոյ։

Verse: 13  Link to sept   Եւ արդ՝ ահա առաքեցի քեզ ա́յր իմաստուն, որ գիտէ զհանճար՝ զքիրամ զծառայ իմ.

Verse: 14  Link to sept   մայր դորա՝ է ՛ի դստերացն դանայ, եւ հայր դորա՝ այր տիւրացի, գիտէ գործել զոսկի եւ զարծաթ, եւ զպղինձ, եւ զերկաթ, եւ զքարինս, եւ զփայտս, եւ անկանել զծիրանին, եւ զկապուտակն, եւ զբեհեղն, եւ զկարմիրն, եւ քանդակել քանդակս. եւ իմանալ զա(մենայ)ն հնարս զորս տացես ցդա՝ ընդ իմաստունս քո եւ ը(նդ) իմաստունս դաւթի տեառն իմոյ հօր քոյ։

Verse: 15  Link to sept   Եւ արդ՝ զցորեանն եւ զգարին եւ զձէթն եւ զգինին, զոր ասաց տէր իմ. տացէ ծառայից իւրոց.

Verse: 16  Link to sept   եւ մեք հատանեմք փայտ ՛ի լիբանանէ ը(նդ) ա(մենայ)ն պիտոյից քոց. եւ ածցուք զն(ո)ս(ա) ընդ ծով լաստս ՛ի յոպպէ, եւ հաւաքեսցես զայն յե(րուսաղէ)մ։

Verse: 17  Link to sept   Եւ ժողովեաց սողոմոն զա(մենայ)ն արս պանդուխտս յե(րուսաղէ)մ զկնի թուոյն զոր թուեաց զն(ո)ս(ա) դաւիթ հայր ն(ո)ր(ա). եւ գտան հարիւր յիսուն հազար, եւ երեք հազար եւ վեց հարիւր։

Verse: 18  Link to sept   եւ արար ՛ի ն(ո)ց(ա)է եւթանասուն հազար բեռնակրաց, ութսուն հազար քարահատաց, եւ զերեք հազարս եւ զվեցհարիւրսն՝ գործավարս ՛ի վ(ե)ր(այ) ն(ո)ց(ա)։


Chapter: 3 
ԳԼ(ՈՒԽ) Գ՜.


Verse: 1  Link to sept   Եւ սկսաւ սողոմոն շինել զտունն յե(րուսաղէ)մ. ՛ի լերինս ամուրհացւոցն, ուր երեւեցաւ տ(է)ր դաւթի հօր ն(ո)ր(ա), ՛ի տեղւոջ յորում պատրաստեաց դաւիթ, ՛ի կա́լ ոռնայ յեբուսացւոյ։

Verse: 2  Link to sept   Եւ սկսաւ շինել յամսեանն երկրորդի, յամին չորրորդի թագաւորութե(ան) իւրոյ։

Verse: 3  Link to sept   եւ սկսաւ սողոմոն շինել զտունն ա(ստուծո)յ. Երկայնու(թ)ի(ւն) չափոյ առաջնոյն ՛ի վաթսուն կանգնոյ՝ եւ լայնութի(ւն) ՛ի քսան կանգնոյ։

Verse: 4  Link to sept   եւ էղամ դէմ յանդիման տանն, երկայնութի(ւն)ն առաջին՝ եւ լայնութի(ւն) տանն կանգնոց քսանից. եւ բարձրութի(ւն) քսան կանգնոյ։ եւ պատեաց զնա ոսկւով սրբով ՛ի ներքուստ։

Verse: 5  Link to sept   Եւ զտունն մեծ՝ դրուագեաց մա́յր փայտիւք, եւ պատեաց ոսկւով, եւ քանդակեաց ՛ի նմա արմաւենիս, եւ շղթայագործս։

Verse: 6  Link to sept   եւ զարդարեաց զտունն ակամբք պատուականօք ՛ի փառս, եւ ոսկւով սրբով ՛ի սեփարուիմայ։

Verse: 7  Link to sept   եւ պատեաց զտունն ոսկւով, եւ զորմսն, եւ զդրունսն, եւ զձեղունն՝ եւ զդուրս. եւ քանդակեաց քրոբէս յորմսն։

Verse: 8  Link to sept   Եւ արար զտուն սրբութե(ան) սրբութե(ան)ցն, զերկայնու(թ)ի(ւն) ն(ո)ր(ա) առաջոյ կողմանէ ՛ի քսան կանգնոյ, եւ զլայնութի(ւն)ն ՛ի քսան կանգնոյ, եւ պատեաց զնա մաքուր ոսկւով ՛ի քրոբէս՝ վեցհարիւր տաղանտով։

Verse: 9  Link to sept   եւ կշիռ բեռանցն միոյ միոյ կշռութի(ւն) յիսուն սիկղ ոսկւոյ։ եւ զվերնատունն պատեաց ոսկւով։

Verse: 10  Link to sept   Եւ արար ՛ի տան սրբութե(ան) սրբու(թ)ե(ան)ցն քերոբէս երկուս գործ. եւ պատեաց զն(ո)ս(ա) ոսկւով։

Verse: 11  Link to sept   եւ թեւք քերոբէիցն՝ երկայնու(թ)ի(ւն) քսան կանգուն. թեւ մի ՛ի հինգ կանգնոյ, կցեալ յորմս տանն, եւ թեւն մեւս ՛ի հինգ կանգնոյ՝ կցեալ ՛ի թեւ քրոբէին միւսոյ։

Verse: 12  Link to sept   եւ թեւն քրոբէին միւսոյ ՛ի հինգ կանգնոյ կցեալ յորմս տանն. եւ մեւս թեւն ՛ի հինգ կանգնոյ կցեալ ՛ի թեւ քրոբէին միւսոյ։

Verse: 13  Link to sept   եւ թեւք քրոբէիցն տարածեալք ՛ի քսան կանգնոյ. եւ ինքեանք կային ՛ի վ(ե)ր(այ) ոտից իւրեանց, եւ դէմք նոցա ՛ի տունն։

Verse: 14  Link to sept   Եւ արար զվարագոյրն ՛ի կապուտակէ եւ ՛ի ծիրանւոյ, ՛ի կարմրոյ՝ եւ ՛ի բեհեզոյ, եւ անկանէր ՛ի նմա քերովբէս։

Verse: 15  Link to sept   Եւ արար առաջի տանն սիւնս երկու. յերեսունուհինգ կանգնոյ բարձրու(թ)ի(ւն). եւ զխոյակս ն(ո)ց(ա) ՛ի հինգ կանգնոյ։

Verse: 16  Link to sept   Եւ արար վանդակապատ ՛ի դաբիրայն, եւ եդ ՛ի վ(ե)ր(այ) գլխոյ սեանցն. եւ արար նռնաձեւս հարիւր, եւ եդ ՛ի վ(ե)ր(այ) շղթայագործանցն։ եւ կանգնեաց զսիւնսն առաջի տաճարին, զմին յաջմէ, եւ զմեւսն յահեկէ. եւ կոչեաց զանուն այնորիկ որ յաջմէն էր՝ ուղղու(թ)ի(ւն), եւ զանուն այնորիկ՝ որ ՛ի ձախմէն էր՝ զօրու(թ)ի(ւն)։


Chapter: 4 
ԳԼ(ՈՒԽ) Դ՜.


Verse: 1  Link to sept   Եւ արար սեղան պղնձի, ՛ի քսան կանգնոյ զերկայնութի(ւն), եւ ՛ի քսան կանգնոյ զլայնու(թ)ի(ւն), եւ զբարձրութի(ւն) ՛ի տասն կանգնոյ։

Verse: 2  Link to sept   Եւ արար զծովն հալածոյ ՛ի տասն կանգնոյ զչափն, բոլորակ շուրջանակի, եւ ՛ի հինգ կանգնոյ զբարձրութի(ւն), եւ շուրջանակի յերեսուն կանգնոյ։

Verse: 3  Link to sept   Եւ նմանութի(ւն) եզանց ՛ի ներքոյ ն(ո)ր(ա), որք շուրջ կային, ՛ի տասն կանգնոյ շուրջ պատեալք զնովաւ. եւ ձուլեցին զզուարակսն ը(նդ) ձուլածոյն իւրեանց.

Verse: 4  Link to sept   ո(ր)պ(էս) արարին զնոսա երկոտասան զուարակս. երեքն հայէին ՛ի հիւսւսի, եւ երեքն հայէին յարեւմուտս, եւ երեքն հայէին ՛ի հարաւ, եւ երեքն հայէին յարեւելս. եւ ծովն ՛ի վ(ե)ր(այ) ն(ո)ց(ա), եւ յետոյքն իւրեանց ՛ի ներքոյ։

Verse: 5  Link to sept   Եւ թանձրու(թ)ի(ւն) ծովուն թզա́ւ, եւ շուրթն ն(ո)ր(ա) իբրեւ զշո́ւրթն բաժակի, քանդակեալ բո́յս շուշանի, եւ տանէր երի́ս հազարս չափ.

Verse: 6  Link to sept   եւ կոտորեաց զնա։ Եւ արար աւազանս տասն. եւ եդ զհինգն յաջմէ, եւ զհինգն ՛ի ձախմէ. լուանալ ՛ի նոսա զգործ ողջակիզացն, եւ ողողել ՛ի ն(ո)ս(ա)։ եւ ծովն առ ՛ի լուանալ ՛ի նմա քահանայիցն զինքեանս։

Verse: 7  Link to sept   Եւ արար զաշտանակսն ոսկիս տասն ը(նդ) յօրինուածոյն իւրեանց. եւ ե́դ զն(ո)ս(ա) ՛ի տաճարին, զհինգն յաջմէ եւ զհինգն ՛ի ձախմէ։

Verse: 8  Link to sept   Եւ արար սեղանս տասն, եւ եդ ՛ի տաճարին, հինգ յաջմէ եւ հինգ ՛ի ձախմէ։ եւ արար տաշտս ոսկիս հարիւր։

Verse: 9  Link to sept   Եւ արար զսրահն քահանայիցն. եւ զսրահն զմեծ. եւ զդրունս սրահին, եւ զդրունս ն(ո)ց(ա) պատեաց պղնձով։

Verse: 10  Link to sept   եւ զծովն ե́դ յանկեան տաճարին յաջմէ կողմանէ իբրեւ յարեւե́լս առաջի։

Verse: 11  Link to sept   Եւ արար քիրամ զմսահանսն եւ զկաթսայս, եւ զկասկարայս սեղանոյն, եւ զա(մենայ)ն զկահն ն(ո)ր(ա)։ Եւ կատարեաց քիրամ առնել զա(մենայ)ն գործն զոր հրամայեաց արքայն սողոմոն ՛ի տանն ա(ստուծո)յ։

Verse: 12  Link to sept   Զսիւնսն երկուս, եւ ՛ի վ(ե)ր(այ) ն(ո)ց(ա) զխոյակսն. եւ ՛ի վ(ե)ր(այ) խոյակաց սեանցն զքովթարովթսն զերկոսեան, եւ զվանդակագործսն զերկուս՝ առ ՛ի ծածկել զխոյակս քովթարովթայցն, որք էին ՛ի վերայ գլխոց սեանցն։

Verse: 13  Link to sept   Եւ զանգակս ոսկեղէնս չորեքհարիւր յերկոսեան վանդակապատսն. եւ զերկուս ազգս նռնաձեւացն ՛ի միում վանդակագործին՝ ծածկել զերկոսեան խոյակսն որ էին ՛ի վ(ե)ր(այ) սեանցն։

Verse: 14  Link to sept   Եւ զմենքենովթսն արար տասն, եւ զաւազանսն ՛ի վերայ մենքենովթացն։

Verse: 15  Link to sept   եւ զծովն զմի. եւ զուարակս երկոտասան ՛ի ներքոյ ն(ո)ր(ա)։

Verse: 16  Link to sept   եւ զկասկարայս. եւ զբառնալիս. եւ զսանսն. եւ զմսահանսն. եւ զա(մենայ)ն կահ ն(ո)ց(ա) զոր արար քիրամ. եւ տարաւ արքայի սողոմոնի ՛ի տունն տ(եառ)ն։ ՛Ի մաքուր պղնձոյ,

Verse: 17  Link to sept   յընդարձակու(թ)ե(ան) երկրին յորդանանու ձուլեաց զայն արքայի ՛ի թանձրութե(ան) հողոյն ՛ի տանն սոքովթայ, ՛ի մէջ սադաթայ։

Verse: 18  Link to sept   Եւ արար սողոմոն զա(մենայ)ն սպասն զայն բազո́ւմ յոյժ. վ(ա)ս(ն) զի ո́չ պակասեաց կշիռ պղնձոյն։

Verse: 19  Link to sept   Եւ արար սողոմոն զա(մենայ)ն սպաս տանն տ(եառ)ն. եւ զսեղանն ոսկի, եւ զա́յլ սեղանսն. եւ ՛ի վերայ ն(ո)ց(ա) զհացն զառաջաւորու(թ)ե(ան)։

Verse: 20  Link to sept   եւ զաշտանակսն. եւ զճրագունսն լուսոյ ը(նդ) յօրինուածոյն յանդիման դաբիրայն ՛ի մաքուր ոսկւոյ.

Verse: 21  Link to sept   եւ ճրագարանք իւրեանց, եւ բազմակալք իւրեանց։

Verse: 22  Link to sept   եւ տաշտքն, եւ խնկամանքն, եւ բուրուառքն ՛ի մաքուր ոսկւոյ։ եւ դուրք տանն ներքոյ ՛ի սրբու(թ)ի(ւն) սրբու(թ)ե(ան)ցն։ եւ զդրունս տաճարին ոսկեղէնս։


Chapter: 5 
ԳԼ(ՈՒԽ) Ե՜.


Verse: 1  Link to sept   Եւ կատարեցաւ ա(մենայ)ն գործն զոր արար սողոմոն ՛ի տանն տ(եառ)ն։ եւ տարաւ ՛ի ներքս սողոմոն զսրբու(թ)ի(ւն)սն դաւթի հօր իւրոյ, զարծաթն եւ զոսկին. եւ զսպասն ե́տ ՛ի գանձս տան տ(եառ)ն։

Verse: 2  Link to sept   Յայնժամ եկեղեցացո́յց սողոմոն զծերսն ի(սրաէ)լի, եւ զա(մենայ)ն իշխանս ցեղիցն, զառաջնորդս տոհմից որդւոցն ի(սրաէ)լի յե(րուսաղէ)մ, հանե́լ զտապանակ ուխտին տ(եառ)ն ՛ի քաղաքէ դաւթի՝ նա́ է սիովն։

Verse: 3  Link to sept   Եւ ժողովեցաւ առ արքայ ա(մենայ)ն այր ի(սրաէ)լի ՛ի տօնին. ա́յն է ամիսն եւթներորդ.

Verse: 4  Link to sept   եւ եկին ամենեքեան ծերքն ի(սրաէ)լի։ Եւ առին ամենեքեան ղեւտացիքն զտապանակն եւ հանին զնա.

Verse: 5  Link to sept   եւ զխորանն վկայութե(ան), եւ զա(մենայ)ն սպասն սուրբ որ է́ր ՛ի խորանին. եւ հանին զայն քահանայքն եւ ղեւտացիքն։

Verse: 6  Link to sept   Եւ արքայ սողոմոն եւ ա(մենայ)ն ժողովուրդն ի(սրաէ)լի, եւ երկիւղածքն, եւ ժողովեալքն նոցա առաջի տապանակին. զենուին զուարակս եւ ոչխարս, որոց ո́չ գոյր թիւ եւ ո́չ համար ՛ի բազմու(թեն)էն։

Verse: 7  Link to sept   Եւ տարա́ն ՛ի ներքս ղեւտացիքն զտապանակ ուխտին տ(եառ)ն ՛ի տեղին իւր՝ ՛ի դաբիր տանն ՛ի սրբութի(ւն) սրբութե(ան)ցն, ՛ի ներքոյ թեւոց քերոբէիցն։

Verse: 8  Link to sept   եւ էր քերոբէիցն թռուցեալ զթեւս իւրեանց ՛ի վերայ տապանակին, եւ ծածկէին քրոբէքն զտապանակն, եւ զբառնալիս ն(ո)ր(ա) ՛ի վերուստ։

Verse: 9  Link to sept   եւ շո́ւրջ ունէին բառնալիքն, եւ հայէին գլուխք բառնալեացն ՛ի սրբու(թ)ե(ան)ցն ՛ի դէ́մս դաբիրայն. եւ ո́չ երեւէին արտաքս եւ էին անդ մինչեւ ցայսօր։

Verse: 10  Link to sept   Եւ ո́չ ինչ էր ՛ի տապանակին՝ բայց երկո́ւ տախտակքն զորս ե́դ անդ մովսէս ՛ի քերէբ, զորս ուխտեաց տ(է)ր ընդ որդիսն ի(սրաէ)լի, յելանելն ն(ո)ց(ա) յերկրէն եգիպտոսի։

Verse: 11  Link to sept   Եւ եղեւ իբրեւ ելին քահանայքն ՛ի սրբութե(ան)ցն. վ(ա)ս(ն) զի ամենեքեան քահանայքն որք գտան անդ՝ սրբեցան։ եւ ո́չ էին կարգեալ օրըս(տ)օրէ պաշտօնեայքն,

Verse: 12  Link to sept   եւ ղեւտացիքն սաղմոսանուագք. ամենեքեան յորդւոցն ասափայ եւ եմանայ եւ իդիթովմայ, եւ յորդւոցն ն(ո)ց(ա), եւ յեղբարցն ն(ո)ց(ա). որք զգեցեալէին զպատմուճանս բեհեզեղէնս. եւ տաւղօք եւ քնարօք եւ սրընգօք, կային յարեւելից կողմանէ սեղանոյն. եւ ընդ ն(ո)ս(ա) քահանայք հարիւր եւ քսան՝ հարկանէին փողս։

Verse: 13  Link to sept   Եւ եղեւ միանգամայն ձայն ՛ի հարկանել զփողսն, եւ յերգել զսաղմոսն, եւ ամբառնալ զձայնսն միաբան ասելով. Խոստովա́ն եղերուք եւ օրհնեցէ́ք զտ(է)ր։ եւ բարձրացուցին զձայնսն փողովքն եւ ծնծղայիւք, եւ գործւովք երգոյն։ եւ ասացին խոստովա́ն եղերուք տ(եառ)ն, զի բարի է զի յաւիտեան է ողորմ ն(ո)ր(ա)։ Եւ տունն լցա́ւ ամպով փառացն տ(եառ)ն.

Verse: 14  Link to sept   եւ ո́չ կարէին քահանայքն կա́լ ՛ի պաշտամանն յերեսաց ամպոյն. վ(ա)ս(ն) զի լցին փառքն տ(եառ)ն զտունն ա(ստուծո)յ։


Chapter: 6 
ԳԼ(ՈՒԽ) Զ՜.


Verse: 1  Link to sept   Յայնժամ խօսեցաւ սողոմոն։ Տ(է)ր ասաց բնակե́լ ՛ի մառախղի։

Verse: 2  Link to sept   եւ ես շինեցի տուն անուան քում զսրբութի(ւն)ս քո, եւ պատրաստեցի բնակել ՛ի սմա յաւիտեանս։

Verse: 3  Link to sept   Եւ դարձոյց արքայ զերեսս իւր, եւ օրհնեաց զա(մենայ)ն եկեղեցին ի(սրաէ)լի. եւ ա(մենայ)ն եկեղեցին ի(սրաէ)լի կա́յր շուրջ, եւ ասէ։

Verse: 4  Link to sept   Օրհնեալ է տ(է)ր ա(ստուա)ծ ի(սրաէ)լի. որ խօսեցաւ բերանով իւրով ը(նդ) դաւթի հօր իմում, եւ ձեռօք իւրովք ելից։

Verse: 5  Link to sept   եւ ասէ. յօրէ հանի զժողովուրդ իմ յերկրէն եգիպտոսի՝ ո́չ ընտրեցի քաղաք մի յա(մենայ)ն ցեղիցն ի(սրաէ)լի շինել ինձ տուն, զի լինիցի անուն իմ անդ. եւ ո́չ ընտրեցի զա́յր ոք լինել առաջնորդ ՛ի վ(ե)ր(այ) ժողովրդեան իմոյ ի(սրաէ)լի։

Verse: 6  Link to sept   Եւ արդ՝ ընտրեցի զե(րուսաղէ)մ լինե́լ անուան իմոյ աստ. եւ ընտրեցի զդաւիթ՝ զի լինիցի ՛ի վ(ե)ր(այ) ժողովրդեան իմոյ ի(սրաէ)լի։

Verse: 7  Link to sept   Եւ եղեւ ՛ի սրտի դաւթի հօր իմոյ շինել տո́ւն անուան տ(եառ)ն ա(ստուծո)յ ի(սրաէ)լի.

Verse: 8  Link to sept   եւ ասաց տ(է)ր ցդաւիթ հայր իմ. վ(ա)ս(ն) զի եղե́ւ ՛ի սրտի քում շինել տո́ւն անուան իմոյ՝ բարւո́ք արարեր զի եղեւ այդ ՛ի սրտի քում.

Verse: 9  Link to sept   բայց սակայն դու ո́չ շինեսցես ինձ տուն, այլ որդի́ քո որ ելանէ յորովայնէ քումմէ, նա́ շինեսցէ տուն անուան իմոյ։

Verse: 10  Link to sept   Եւ կանգնեաց տ(է)ր զբան իւր զոր խօսեցաւ, եւ եղէ ես փոխանակ դաւթի հօր իմոյ. նստայ յաթոռն ի(սրաէ)լի ո(ր)պ(էս) խօսեցա́ւ տ(է)ր, եւ շինեցի զտունս զայս անուան տ(եառ)ն ա(ստուծո)յ ի(սրաէ)լի.

Verse: 11  Link to sept   եւ եդի́ աստ զտապանակ ուխտին զոր ուխտեաց ընդ որդիսն ի(սրաէ)լի։

Verse: 12  Link to sept   Եւ եկա́ց յանդիման սեղանոյն տ(եառ)ն առաջի ա(մենայ)ն եկեղեցւոյն ի(սրաէ)լի. եւ ամբարձ զձեռս իւր։

Verse: 13  Link to sept   Վ(ա)ս(ն) զի արար սողոմովն խարիսխ պղնձի, եւ եդ զնա ՛ի մէջ սրահի տաճարին, ՛ի հինգ կանգնոյ զերկայնութի(ւն) ն(ո)ր(ա), եւ ՛ի հինգ կանգնոյ զլայնութի(ւն), եւ յերից կանգնոց զբարձրութի(ւն) ն(ո)ր(ա)։ եւ եկաց ՛ի վ(ե)ր(այ) ն(ո)ր(ա). անկաւ ՛ի վերայ ծնգաց իւրոց առաջի ա(մենայ)ն եկեղեցւոյն ի(սրաէ)լի, եւ ամբա́րձ զձեռս իւր յերկինս,

Verse: 14  Link to sept   եւ ասէ։ Տ(է)ր ա(ստուա)ծ ի(սրաէ)լի. ո́չ ոք է նման քեզ ա(ստուա)ծ յերկինս, եւ ո́չ ՛ի վ(ե)ր(այ) երկրի. որ պահես զուխտս եւ զողորմութի(ւն) ամենեցուն, որ գնան առաջի քո ա(մենայ)ն սրտիւք իւրեանց։

Verse: 15  Link to sept   Զի պահեցեր ծառայի քում դաւթի հօր իմոյ, զոր խօսեցար ընդ նմա եւ ասացեր. խօսեցար բերանով քով, եւ ձեռօք քո լցե́ր այսօր։

Verse: 16  Link to sept   Եւ արդ՝ տ(է)ր ա(ստուա)ծ ի(սրաէ)լի, պահեա́ ծառայի քում դաւթի հօր իմում, զոր ինչ խօսեցար ը(նդ) նմա եւ ասացեր. ո́չ պակասեսցէ քո այր յերեսաց իմոց որ նստցի յաթոռն ի(սրաէ)լի. բայց միայն թէ պահեսցեն որդիք քո զճանապարհս իւրեանց գնա́լ առաջի իմ ո(ր)պ(էս) գնացեր դու առաջի իմ։

Verse: 17  Link to sept   Եւ արդ տ(է)ր ա(ստուա)ծ ի(սրաէ)լի, հաւատարիմ լիցի բանն քո դաւթի.

Verse: 18  Link to sept   եթէ ստուգութ(եամ)բ բնակեսցէ ա(ստուա)ծ ը(նդ) մարդկան ՛ի վերայ երկրի։ զի եթէ երկինք՝ եւ երկնից երկինք ո́չ են բաւական քեզ. եւ զի՞նչ է տունս այս զոր շինեցի։

Verse: 19  Link to sept   Եւ արդ՝ հայեսցիս յաղօթս ծառայի քոյ, եւ ՛ի խնդրուածս իմ տ(է)ր ա(ստուա)ծ, լսե́լ զաղաչանս եւ զաղօթս, զոր ծառայ քո աղաչէ́ առաջի քո այսօր,

Verse: 20  Link to sept   լինել բա́ց աչաց քոց եւ մտաց ՛ի տանս յայսմ ՛ի տուէ եւ ՛ի գիշերի. ՛ի տեղւոջս յորում ասացեր կոչել զանուն քո ՛ի սմա, առ ՛ի լսե́լ զաղօթս զոր ծառայ քո աղաչէ ՛ի տեղւոջս յայսմ։

Verse: 21  Link to sept   Եւ լուիցե́ս զխնդրուածս ծառայի քոյ, եւ ժողովրդեան քոյ ի(սրաէ)լի, զորինչ աղաչեսցեն ՛ի տեղւոջս յայսմ. եւ դու լուիցես ՛ի տեղւոջէ բնակու(թեն)է քոյ յերկնից, լուիցես՝ եւ քաւի́չ լիցիս։

Verse: 22  Link to sept   Զորինչ մեղանչիցէ ա́յր ընկերի իւրում, եւ առնուցու նզովս յաղագս այնորիկ նզովել զնա։ եւ եկեսցէ կացցէ առաջի սեղանոյս ՛ի տանս յայսմիկ։

Verse: 23  Link to sept   եւ դու լուիցե́ս յերկնից, եւ արասցես, եւ դատեսցիս զծառայսն քո՝ հատուցանելով անօրինին. տա́լ ը(նդ) ճանապարհաց ն(ո)ր(ա) ՛ի գլուխ ն(ո)ր(ա), եւ արդարացուցանել զարդարն. եւ տա́լ իւրաքանչիւր ումեք ը(նդ) արդարութե(ան) իւրում։

Verse: 24  Link to sept   Եւ եթէ վանեսցի́ ժողովուրդ քո ի(սրա)էլ առաջի թշնամեաց, եթէ մեղիցեն քեզ՝ եւ դարձցին, եւ խոստովան լիցին անուան քում, եւ յաղօթս կացցեն եւ պաղատեսցին առաջի քո ՛ի տանս յայսմ։

Verse: 25  Link to sept   եւ դու լուիցե́ս յերկնից. եւ քաւիչ լիցիս մեղաց ժողովրդեան քոյ ի(սրաէ)լի. եւ դարձուսցե́ս զն(ո)ս(ա) յերկիրն զոր ետուր ն(ո)ց(ա)՝ եւ հարց նոցա։

Verse: 26  Link to sept   Յարգելուլ քո զերկինս ո́չ լինել անձրեւ, թէ մեղիցեն քեզ. եւ յաղօթս կացցեն ՛ի տեղւոջս յայսմ, եւ օրհնեսցե́ն զանուն քո, եւ ՛ի մեղացն իւրեանց դարձցին, վ(ա)ս(ն) զի նկո́ւն արասցես զն(ո)ս(ա)։

Verse: 27  Link to sept   եւ դու լուիցե́ս յերկնից, եւ քաւի́չ լիցիս մեղաց ծառայից քոց, եւ ժողովրդեան քոյ ի(սրաէ)լի։ վ(ա)ս(ն) զի յայտնեսցե́ս ն(ո)ց(ա) զճանապարհն բարի որ գնասցեն ՛ի նմա. եւ տացես անձրեւ ՛ի վ(ե)ր(այ) երկրի քոյ, զոր ետուր ժողովրդեան քում ՛ի ժառանգու(թ)ի(ւն)։

Verse: 28  Link to sept   Սո́վ եթէ լինիցի ՛ի վ(ե)ր(այ) երկրի։ մա́հ եթէ լինիցի. խորշակահարու(թ)ի(ւն), եւ դալունկն. եւ մարախ, եւ ջորեակ եթէ լինիցի։ եթէ նեղիցէ զն(ո)ս(ա) թշնամի յանդիման քաղաքացն իւրեանց։ ըստ ա(մենայ)ն հարուածոց, եւ ը(նդ) ա(մենայ)ն ցաւոց,

Verse: 29  Link to sept   ա(մենայ)ն աղօթիւք եւ ա(մենայ)ն պաղատանօք, որ լինիցին ա(մենայ)ն մարդոյ, եւ ա(մենայ)ն ժողովրդեան քո ի(սրաէ)լի։ եթէ ծանիցէ մարդ զբորոտութի(ւն) իւր եւ զախտ իւր, եւ ամբարձցէ զձեռս իւր ՛ի տունս յայս։

Verse: 30  Link to sept   Եւ դու լուիցե́ս յերկնից ՛ի պատրաստ բնակութ(են)է քումմէ. եւ բժշկեսցե́ս, եւ տացե́ս առն ը(նդ) սրտի իւրում, ո(ր)պ(էս) եւ ծանիցես զսիրտ ն(ո)ր(ա). վ(ա)ս(ն) զի դու միա́յն ճանաչես զսիրտ որդւոց մարդկան։

Verse: 31  Link to sept   ո(ր)պ(էս) զի երկիցեն ՛ի ճանապարհաց քոց զա(մենայ)ն աւուրս զոր կեցցեն նոքա ՛ի վ(ե)ր(այ) երեսաց երկրին զոր ետուր հարցն նոցա։

Verse: 32  Link to sept   Եւ ա(մենայ)ն օտարական որ ո́չ իցէ ՛ի ժողովրդենէ քումմէ յի(սրաէ)լէ ինքն. եւ եկեսցէ յերկրէ հեռաստանէ՝ վ(ա)ս(ն) անուան քոյ մեծի́ եւ հզօր ձեռին քոյ, եւ բա́րձր բազկի քոյ. եւ եկեսցեն եւ յաղօթս կացցեն ՛ի տեղւոջս յայսմ։

Verse: 33  Link to sept   եւ լուիցե́ս յերկնից ՛ի պատրաստ բնակու(թեն)է քումմէ. եւ արասցե́ս ըստ ա(մենայ)նի զոր ինչ եւ կարդասցէ առ քեզ օտարականն. զի ծանիցեն ա(մենայ)ն ժողովուրդք երկրի զանուն քո, եւ երկիցեն ՛ի քէն՝ ո(ր)պ(էս) եւ ժողովուրդ քո ի(սրա)էլ, եւ գիտասցեն եթէ կոչեցեալ է անուն քո ՛ի վ(ե)ր(այ) տանս այսորիկ զոր շինեցի։

Verse: 34  Link to sept   Եթէ ելցէ ժողովուրդ քո ՛ի պատերազմ ՛ի վ(ե)ր(այ) թշնամեաց իւրոց ՛ի ճանապարհ՝ յոր առաքեսցես զն(ո)ս(ա)։ եւ յաղօթս կացցեն առ քեզ ՛ի ճանապարհի քաղաքիս այսորիկ զոր ընտրեցեր զսա, եւ տանս զոր շինեցի անուան քում։

Verse: 35  Link to sept   եւ լուիցես յերկնից պաղատանաց եւ աղօթից ն(ո)ց(ա), եւ արասցես իրաւունս ն(ո)ց(ա),

Verse: 36  Link to sept   վ(ա)ս(ն) զի մեղանչեն քեզ։ քանզի ո́չ գոյ մարդ որ ո́չ մեղանչէ։ եւ հարցես զն(ո)ս(ա), եւ մատնեսցես զն(ո)ս(ա) առաջի երեսաց թշնամեաց. եւ գերելով գերեսցին յերկիր թշնամեացն, յերկիր հեռաւոր կամ մերձաւոր։

Verse: 37  Link to sept   եւ դարձցին սրտիւք իւրեանց յերկրին յոր փոփոխեցան անդր. դարձցին եւ աղաչեսցեն զքեզ ՛ի գերու(թ)ե(ա)ն իւրեանց. եւ ասասցեն, մեղա́ք անօրինեցաք։

Verse: 38  Link to sept   եւ դարձցին առ քեզ յա(մենայ)ն սրտից իւրեանց, եւ ՛ի բոլոր անձնէ իւրեանց յերկիր գերութե(ա)ն. եւ յաղօթս կացցեն ՛ի ճանապարհ երկրիս այսորիկ զոր ետուր հարցն մերոց, եւ քաղաքիս զոր ընտրեցեր, եւ տանս զոր շինեցի անուան քում։

Verse: 39  Link to sept   Եւ լուիցես յերկնից ՛ի պատրաստ բնակու(թեն)է քումմէ աղօթից ն(ո)ց(ա) եւ պաղատանաց իւրեանց. եւ արասցե́ս իրաւունս, եւ քաւի́չ լիցիս ժողովրդեանն մեղուցելոյ քեզ։

Verse: 40  Link to sept   Եւ արդ տ(է)ր, եղիցին աչք քո բա́ց, եւ ականջք քո առ ՛ի լսե́լ զպաղատանս ՛ի տեղւոջս յայսմ։

Verse: 41  Link to sept   Եւ արդ՝ արի́ տ(է)ր ա(ստուա)ծ ՛ի հանգիստ քո, դու եւ տապանակ սրբութե(ան) քոյ։ քահանայք քո տ(է)ր ա(ստուա)ծ՝ զգեցցին զփրկու(թ)ի(ւն), եւ որդիք քո ուրա́խ եղիցին ՛ի բարութի(ւն)ս։

Verse: 42  Link to sept   Տ(է)ր ա(ստուա)ծ՝ մի դարձուցաներ զերեսս քո յօծելոյ քումմէ։ յիշեա́ ողորմութ(եամ)բ քո զդաւիթ ծառայ քո։


Chapter: 7 
ԳԼ(ՈՒԽ) Է՜.


Verse: 1  Link to sept   Եւ իբրեւ կատարեաց սողոմոն զաղօթսն, հո́ւր էջ յերկնից եւ եկեր զողջակէզսն, եւ զզոհսն. եւ փարքն տ(եառ)ն լցին զտունն։

Verse: 2  Link to sept   եւ ո́չեւս կարէին քահանայքն մտանե́լ ՛ի տուն տ(եառ)ն ՛ի ժամանակին յայնմիկ. վասն զի լցին փառքն տ(եառ)ն զտունն։

Verse: 3  Link to sept   Եւ ա(մենայ)ն որդիքն ի(սրաէ)լի տեսանէին զիջանել հրոյն, եւ զփառսն տ(եառ)ն ՛ի վ(ե)ր(այ) տանն. եւ անկան ՛ի վ(ե)ր(այ) երեսաց յերկիր ՛ի քարայատակ տեղւոջն, եւ երկի́ր պագին, եւ օրհնեցին զտ(է)ր. զի բարի́ է՝ զի յաւիտեան է ողորմու(թ)ի(ւն) ն(ո)ր(ա)։

Verse: 4  Link to sept   Եւ արքայ եւ ա(մենայ)ն ժողովուրդն զենուին զոհս առաջի տ(եառ)ն։

Verse: 5  Link to sept   եւ եզեն սողոմոն զզոհսն, զուարակս քսան եւ երկու հազարս, եւ ոչխարս արօտականս հարիւր քսան հազարս։ եւ արար զնաւակատիս տաճարին ա(ստուծո)յ արքայ եւ ա(մենայ)ն ժողովուրդն։

Verse: 6  Link to sept   Եւ քահանայքն ըստ պահպանութե(ա)ն իւրեանց կացին, եւ ղեւտացիքն նուագարանօք երգոցն տ(եառ)ն, եւ դաւթայ արքայի. խոստովա́ն լինել առաջի տ(եառ)ն՝ զի յաւիտեան է ողորմութի(ւն) ն(ո)ր(ա). օրհնոթ(եամ)բքն դաւթայ ՛ի ձեռն ն(ո)ց(ա)։ եւ քահանայքն հարկանէին փողս առաջի ն(ո)ց(ա). եւ ա(մենայ)ն ի(սրա)էլ յո́տն կայր։

Verse: 7  Link to sept   Եւ սրբեաց սողոմոն զմիջոց սրահին՝ որ էր ՛ի տանն տ(եառ)ն. վ(ա)ս(ն) զի ա́նդ արար զողջակէզսն եւ զճարպն փրկութե(ան). քանզի սեղանն պղնձի զոր արարսողոմոն ո́չ կարէր ընդունել զողջակէսն, եւ զմաննայն, եւ զճարպսն։

Verse: 8  Link to sept   Եւ արար սողոմոն զտօնն ՛ի ժամանակին յայնմ աւուրս եւթն. եւ ա(մենայ)ն ի(սրա)էլ ընդ նմա, եկեղեցի մե́ծ յոյժ, ՛ի մտիցն եմաթայ մինչեւ ՛ի հեղեղատն եգիպտոսի։

Verse: 9  Link to sept   Եւ արար յաւուրն ութերորդի ե́լս. վ(ա)ս(ն) զի զնաւակատիսն արար սեղանոյն զեւթն օր տօնին։

Verse: 10  Link to sept   եւ ՛ի քսան եւ երիս ամսոյն եւթներորդի արձակեաց զժողովուրդն ՛ի խորանս իւրեանց ուրախու(թեամ)բ եւ բարի սրտիւ, յա(մենայ)ն բարութի(ւն)սն զոր արար տ(է)ր դաւթի՝ եւ սողոմոնի, եւ ժողովրդեան իւրում ի(սրաէ)լի։

Verse: 11  Link to sept   Եւ կատարեա́ց սողոմոն զտունն տ(եառ)ն, եւ զտունն արքայի, եւ զա(մենայ)ն ինչ զոր կամեցաւ անձն սողոմոնի առնե́լ ՛ի տանն տ(եառ)ն եւ ՛ի տան իւրում, յաջողեցաւ։

Verse: 12  Link to sept   Եւ երեւեցա́ւ ա(ստուա)ծ սողոմոնի ՛ի գիշերին յայնմիկ, եւ ասէ ցնա. լուա́յ աղօթից քոց. ընտրեցի́ զտեղիդ զայդ ինձ ՛ի տուն զոհից։

Verse: 13  Link to sept   Եթէ սրգելից զերկինս, եւ ո́չ լինիցի անձրեւ. եւ եթէ պատուիրեցից մարախոյ ուտել զփայտ. եւ եթէ առաքեցից մա́հ ՛ի ժողովուրդ իմ։

Verse: 14  Link to sept   եւ եթէ ամաչեսցէ ժողովուրդ իմ յորոյ կոչեցեալ է անուն իմ ՛ի վ(ե)ր(այ) ն(ո)ց(ա). եւ յաղօ́թս կացցեն եւ խնդրեսցեն զերեսս իմ, եւ դարձցին ՛ի ճանապարհաց իւրեանց չարաց. եւ ես լուա́յց յերկնից, եւ քաւի́չ եղէց ն(ո)ց(ա)՝ եւ բժշկեցից զերկիր ն(ո)ց(ա)։

Verse: 15  Link to sept   Եւ այժմ աչք իմ եղիցին բա́ց, եւ ականջք իմ առ ՛ի լսել զաղօթս ՛ի տեղւոջս յայսմ։

Verse: 16  Link to sept   եւ արդ՝ ահա ընտրեցի զտունս զայս, եւ սրբեցի́ զսա առ ՛ի լինել անուան իմոյ ա́ստ յաւիտեան. եւ եղիցի́ն աչք իմ եւ սիրտ ա́ստ զա(մենայ)ն աւուրս։

Verse: 17  Link to sept   Եւ դու՝ եթէ գնասցես առաջի իմ իբրեւ զդաւիթ հայր քո, եւ արասցես ըստ ա(մենայ)նի զոր ինչ պատուիրեցի քեզ. զհրամանս իմ եւ զիրաւունս իմ պահեսցես։

Verse: 18  Link to sept   կանգնեցից զաթոռ թագաւորու(թ)ե(ան) քոյ, ո(ր)պ(էս) ուխտեցի ընդ դաւթի հօր քոյ եւ ասացի, ո́չ բարձցի քո այր առաջնորդ յի(սրաէ)լէ։

Verse: 19  Link to sept   Ապա թէ դարձջիք դուք՝ եւ թողջիք զհրամանս իմ, եւ զպատուիրանս իմ զորս ետու առաջի իմ. եւ երթայցէք պաշտիցէք զաստուածս օտարս, եւ երկի́ր պագանիցէք ն(ո)ց(ա).

Verse: 20  Link to sept   բարձի́ց զձեզ յերկրէս զոր ետու ձեզ, եւ զտունս զայս զոր սրբեցի անուան իմոյ, ՛ի բա́ց դարձուցից յերեսաց իմոց, եւ տա́ց զսա յառակ եւ ՛ի պատմութի(ւն) յա(մենայ)ն ազգս.

Verse: 21  Link to sept   զտունս զայս զբարձր. եւ ա(մենայ)ն որ անցանիցէ առ սովաւ՝ զարմասցի եւ ասասցէ. ընդէ՞ր արար տ(է)ր երկրիս այսմ, եւ տանս այսմիկ։

Verse: 22  Link to sept   Եւ ասասցեն, վ(ա)ս(ն) զի թողին զտ(է)ր ա(ստուա)ծ հարցն իւրեանց՝ որ եհան զնոսա յերկրէն եգիպտոսի. եւ ընկալան զաստուածս օտարս, երկիր պագին ն(ո)ց(ա) եւ ծառայեցին ն(ո)ց(ա). յաղագս ա́յնորիկ ած ՛ի վ(ե)ր(այ) դոցա զա(մենայ)ն չարիսդ զայդոսիկ։


Chapter: 8 
ԳԼ(ՈՒԽ) Ը՜.


Verse: 1  Link to sept   Եւ եղեւ յետ քսան ամաց՝ յորս շինեաց սողոմոն զտունն տ(եառ)ն եւ զտունն իւր։

Verse: 2  Link to sept   եւ զքաղաքսն զոր ետ քիրամ սողոմոնի, շինեաց զնոսա սողոմոն. եւ բնակեցո́յց անդր զորդիսն ի(սրաէ)լի։

Verse: 3  Link to sept   Եւ եկն սողոմոն յեմաթսովբայ, եւ զօրացոյց զնա։

Verse: 4  Link to sept   եւ շինեաց զթեդմոս յանապատին. եւ զա(մենայ)ն քաղաքսն ամուրս շինեաց յեմաթ։

Verse: 5  Link to sept   եւ շինեաց զբեթորոն վերին, եւ զբեթորոն ներքին, քաղաքս ամուրս պարսպօք, եւ դրամբք, եւ նգօք։

Verse: 6  Link to sept   Եւ զբաղաաթ, եւ զա(մենայ)ն քաղաքսն ամուրս որք էին սողոմոնի, եւ զա(մենայ)ն քաղաքս կառացն, եւ զա(մենայ)ն քաղաքս ձիոց։ եւ զոր ինչ ցանկացաւ սողոմոն ըստ ցանկութե(ան) իւրում շինել յե(րուսաղէ)մ, եւ ՛ի լիբանան, եւ յա(մենայ)ն թագաւորութե(ան) իւրում։

Verse: 7  Link to sept   Ամենայն ժողովուրդ որ մնացեալ էր ՛ի քետացւոցն, եւ յամուրհացւոցն, եւ ՛ի փերեզացւոցն, եւ ՛ի խեւացւոցն, եւ յեբուսացւոցն, որք ո́չ էին յորդւոցն ի(սրաէ)լի,

Verse: 8  Link to sept   այլ էին յորդւոց այնոցիկ, որք մնացեալ էին ը(նդ) նոսա յերկրին զորս ո́չ սատակեցին որդիքն ի(սրաէ)լի. եւ ած զն(ո)ս(ա) սողոմոն ՛ի հարկատուս մինչեւ ցայսօր։

Verse: 9  Link to sept   Եւ յորդւոցն ի(սրաէ)լի ո́չ առ սողոմոն ՛ի ծառայս թագաւորութե(ան) իւրոյ. վ(ա)ս(ն) զի նոքա ա́րք պատերազմօղք, եւ իշխանք զօրաւորք, եւ իշխանք կառաց եւ երիվարաց։

Verse: 10  Link to sept   եւ սոքա էին իշխանք հրամանաց թագաւորու(թ)ե(ա)ն սողոմոնի. երկերիւր յիսուն գործավարք ժողովրդեանն։

Verse: 11  Link to sept   Եւ զդուստրն փարաւոնի եհան սողոմոն ՛ի քաղաքէն դաւթի, ՛ի տունն զոր շինեաց նմա. վ(ա)ս(ն) զի ասաց՝ ո́չ բնակեսցէ կին իմ ՛ի քաղաքին ի(սրաէ)լի արքայի դաւթի, վ(ա)ս(ն) զի սո́ւրբ է որ եմուտ անդր տապանակն տ(եառ)ն։

Verse: 12  Link to sept   Յայնժամ եհան սողոմոն ողջակէզս տ(եառ)ն ՛ի վ(ե)ր(այ) սեղանոյն ն(ո)ր(ա) զոր շինեաց յանդիման տաճարին։

Verse: 13  Link to sept   եւ ը(նդ) բանին աւուրց յաւուրս մատուցանել ըստ պատուիրանացն մովսիսի ՛ի շաբաթսն, եւ յամսամուտսն, եւ ՛ի տօնսն, երի́ս ժամանակս ՛ի տարւոջ ՛ի տօնի բաղարջակերացն, եւ ՛ի տօնի եւթներորդացն, եւ ՛ի տօնի տաղաւարահարացն։

Verse: 14  Link to sept   Եւ կացո́յց ը(նդ) իրաւանցն դաւթի զդասս քահանայիցն ը(նդ) պաշտաման ն(ո)ց(ա). եւ ղեւտացիքն ՛ի վ(ե)ր(այ) պահպանու(թ)ե(ա)ն իւրեանց, օրհնե́լ եւ պաշտել առաջի քահանայիցն ըստ օրինին օր ըստ օրէ։ Եւ դռնապանք ը(նդ) որոշմանն իւրեանց ՛ի դրունս դրունս. վ(ա)ս(ն) զի այս էր պատուիրանն դաւթայ առն ա(ստուծո)յ։

Verse: 15  Link to sept   եւ ո́չ անցին զպատուիրանօքն արքայի, յաղագս քահանայից եւ ղեւտացւոց, յա(մենայ)ն բանի եւ ՛ի գանձարանս։

Verse: 16  Link to sept   Եւ պատրաստեցաւ ա(մենայ)ն գործն, յօրէ յորմէ սկսաւ մինչեւ յօրն յորում կատարեաց սողոմոն զտունն տ(եառ)ն։

Verse: 17  Link to sept   Յայնժամ գնաց սողոմոն ՛ի գասիոնդաբեր, եւ յեղամ, որ առ ծովեզերն հրէաստանի էր։

Verse: 18  Link to sept   Եւ առաքեաց քիրամ ՛ի ձեռն ծառայից իւրոց նաւս, եւ ա́րք որ գիտէին նաւել ը(նդ) ծովն, եւ գնացին ընդ ծառայսն սողոմոնի ՛ի սովփերա. եւ առին անտի չորեքհարիւր յիսուն տաղանտ ոսկւոյ, եւ եկին առ արքայ սողոմոն։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ թագուհին սաբայ լուաւ զանուն սողոմոնի, եւ եկն փորձել զսողոմոն առակօք յե(րուսաղէ)մ, յո́յժ ծանր զօրութ(եամ)բ, եւ ուղտուք՝ որ բարձեալ բերէին խունկս եւ ոսկի́ բազում, եւ ականս պատուականս, եւ եկն առ սողոմոն, եւ խօսեցաւ ընդ նմա զա(մենայ)ն որ ինչ է́ր ՛ի միտս իւր։

Verse: 2  Link to sept   Եւ պատմեաց նմա սողոմոն զա(մենայ)ն բանս ն(ո)ր(ա). եւ ո́չ վրիպեաց բան մի ՛ի սողոմոնէ զոր ոչ պատմեաց նմա։

Verse: 3  Link to sept   Եւ ետես թագուհին սաբայ զիմաստութի(ւն)ն սողոմոնի. եւ զտունն զոր շինեաց.

Verse: 4  Link to sept   եւ զկերակուրս սեղանոցն. եւ զաթոռս ծառայից ն(ո)ր(ա), եւ զկարգս պաշտօնէից ն(ո)ր(ա), եւ զպատմուճանս ն(ո)ց(ա). եւ զմատռուակս ն(ո)ր(ա), եւ զգեստն ն(ո)ց(ա)։ եւ զողջակէզսն զոր մատուցանէր ՛ի տանն տ(եառ)ն, ՛ի զարմացմա́ն եղեւ.

Verse: 5  Link to sept   եւ ասէ ցարքայ. Ճշմարի́տ էր բանն զոր լուայ յերկրին իմում յաղագս բանից քոց, եւ վ(ա)ս(ն) իմաստութե(ան) քոյ։

Verse: 6  Link to sept   եւ ո́չ հաւատացի բանիցն մինչեւ եկի, եւ տեսին աչք իմ. եւ ահա ո́չ է ՛ի կէս զոր պատմեցինն, ՛ի բազմութ(են)է իմաստու(թ)ե(ան)ս քոյ զորս յաւելեր ՛ի համբաւն զոր լուայ։

Verse: 7  Link to sept   Երանելի́ք են արքդ՝ եւ երանելի կանայք քո, եւ ծառայքդ այդոքիկ որք կան առ քեզ հանապազ՝ եւ լսեն զիմաստութի(ւն)դ քո։

Verse: 8  Link to sept   Եղիցի տ(է)ր ա(ստուա)ծ օրհնեալ՝ որ հաճեցաւ ընդ քեզ, տա́լ զքեզ յաթոռ թագաւորութե(ան) իւրոյ՝ ժողովրդեան քում։ զի յաղագս սիրելոյ տ(եառ)ն ա(ստուծո)յ քո զի(սրա)էլ, եւ կացուցանելոյ զնա յաւիտեան, ե́տ զքեզ ՛ի վ(ե)ր(այ) դոցա թագաւոր, առնել իրաւունս եւ արդարութի(ւն)։

Verse: 9  Link to sept   Եւ ետ արքայի հարիւր քսան տաղանտ ոսկւոյ, եւ խունկս բազո́ւմ յոյժ, եւ ականս պատուականս։ եւ ո́չ գոյր իբրեւ զխունկսն զայնոսիկ զորս ետ տիկինն սաբայ արքայի սողոմոնի։

Verse: 10  Link to sept   Եւ ծառայքն սողոմոնի՝ եւ ծառայքն քիրամայ բերին ոսկի սողոմոնի ՛ի սովփերայ, եւ փայտս նոճս, եւ ականս պատուականս։

Verse: 11  Link to sept   Եւ արար արքայ զփայտն նոճ՝ աստիճանս տանն տ(եառ)ն՝ եւ տանն արքայի, եւ քնարս, եւ տաւիղս երգեցողացն. եւ ո́չ երբեք երեւեցաւ այնպէս յառաջագոյն յերկրին յուդայ։

Verse: 12  Link to sept   Եւ արքայ սողոմոն ետ տիկնոջն սաբայ զա(մենայ)ն զոր ինչ կամեցաւ նա՝ եւ զորինչ խնդրեաց, բա́ց յայնցանէ զոր ետ արքայի սողոմոնի. եւ դարձաւ յերկիրն իւր։

Verse: 13  Link to sept   Եւ էր կշիռն ոսկւոյն զոր բերին սողոմոնի ՛ի միում տարւոջ, վեց հարիւր վաթսուն եւ վեց տաղանտ ոսկւոյ

Verse: 14  Link to sept   առանց արանցն կարգելոց՝ եւ վաճառականացն որք բերէին։ եւ յա(մենայ)ն թագաւորութե(ան)ցն արաբացւոց, եւ յիշխանաց երկրին՝ բերէին ոսկի եւ արծաթ արքայի սողոմոնի։

Verse: 15  Link to sept   Եւ արար արքայ սողոմոն երեք հարիւր վահան ոսկի կռածոյ, վեց հարիւր դահեկան մաքուր ոսկի ՛ի մի վահան։

Verse: 16  Link to sept   եւ երեք հարիւր նիզակ ոսկի կռածոյ, երեք հարիւր դահեկան ՛ի մի նիզակ յիւրաքանչիւրոք ՛ի նոցանէ. եւ ե́տ զայն արքայ ՛ի տուն անտառին լիբանանու։

Verse: 17  Link to sept   Եւ արա́ր արքայ աթոռ ՛ի ժանեաց փղաց մեծ, եւ պատեաց զնա մաքուր ոսկւով.

Verse: 18  Link to sept   եւ վեց աստիճանք էին աթոռոյն կապեալք ոսկւով. եւ անկիւնք աստի եւ անտի յաթոռ նստելոյ, եւ երկու առիւծք կային առ ոտս անկեանցն.

Verse: 19  Link to sept   եւ երկոտասան առեւծք կային աստի եւ անտի առ վեց աստիճանսն. եւ ո́չ երբէք եղեւ այնպիսի յա(մենայ)ն թագաւորու(թ)ե(ան) ուրուք։

Verse: 20  Link to sept   Եւ ա(մենայ)ն սպաս արքայի սողոմոնի ոսկեղէն, եւ ա(մենայ)ն սպաս տան անտառին լիբանանու ոսկւով բեւեռեալ. եւ ո́չինչ էր համարեալ արծաթ յաւուրս սողոմոնի։

Verse: 21  Link to sept   վ(ա)ս(ն) զի նա́ւ արքայի սողոմոնի երթայր ՛ի թարսսիս ընդ ծառայսն քիրամայ, եւ միանգամ յերիս ամս գա́յր նաւն ՛ի թարչսայ արքայի, լի́ ոսկւով եւ արծաթով, եւ ժանեօք փղաց, եւ կապկաց, եւ սիրամարդօք։

Verse: 22  Link to sept   Եւ մեծացաւ սողոմոն քան զա(մենայ)ն թագաւորս՝ ընչիւք եւ իմաստու(թեամ)բ։

Verse: 23  Link to sept   եւ ա(մենայ)ն թագաւորք երկրի խնդրէին զերեսս սողոմոնի տեսանել. եւ լսել զիմաստու(թ)ի(ւն) ն(ո)ր(ա) զոր ետ ա(ստուա)ծ ՛ի սիրտ ն(ո)ր(ա)։

Verse: 24  Link to sept   եւ նոքա բերէին իւրաքանչիւրոք ընծա́յ նմա, անօթս արծաթեղէնս, եւ անօթս ոսկեղէնս, եւ պատմուճանս, եւ ստաշխն, եւ խունկս, եւ ձիս, եւ ջորիս՝ ամի ամի։

Verse: 25  Link to sept   Եւ էին սողոմոնի չորք բեւրք մատակ ձիք ՛ի կառս, եւ երկոտասան հազար երիվարք. եւ ետ զն(ո)ս(ա) ՛ի քաղաքս կառացն, եւ էին ընդ սողոմոնի յե(րուսաղէ)մ։

Verse: 26  Link to sept   Եւ էր իշխան ա(մենայ)ն թագաւորացն, ՛ի գետոյն եփրատայ մինչեւ յերկիրն այլազգեաց, եւ մինչեւ ՛ի սահմանս եգիպտոսի։

Verse: 27  Link to sept   Եւ եդ արքայ զոսկի եւ զարծաթ իբրեւ զքարինս յե(րուսաղէ)մ, եւ զփայտս մայրս իբրեւ զմոլաթզենիս ՛ի դաշտս բազում։

Verse: 28  Link to sept   եւ ելք ձիոցն սողոմոնի յեգիպտոսէ՝ եւ յա(մենայ)ն երկրէ։

Verse: 29  Link to sept   Եւ մնացորդք բանիցն սողոմոնի առաջինք եւ վերջինք՝ ահա գրեալ են ՛ի բանս նաթանայ մարգարէի, եւ ՛ի բանս աքիայ սիղոնացւոյ, եւ ՛ի տեսիլն յովելայ տեսանողի, վ(ա)ս(ն) յերոբովամայ որդւոյ նաբատայ։

Verse: 30  Link to sept   Եւ թագաւորեաց արքայ սողոմոն ՛ի վերայ ամենայն ի(սրաէ)լի ամս քառասուն։

Verse: 31  Link to sept   եւ ննջեաց սողոմոն, եւ թաղեցին զնա ՛ի քաղաքին դաւթի հօր իւրոյ։
   Եւ թագաւորեաց ռոբովամ որդի ն(ո)ր(ա) փոխանակ ն(ո)ր(ա)։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ եկն ռոբովամ ՛ի սիւքեմ, վ(ա)ս(ն) զի ՛ի սիւքեմ գայր ա(մենայ)ն ի(սրա)էլ թագաւորեցուցանել զնա։

Verse: 2  Link to sept   Եւ եղեւ իբրեւ լուաւ յերոբովամ որդի նաբատայ, եւ ինքն էր յեգիպտոս փախուցեալ յերեսաց արքայի սողոմոնի, եւ բնակէր յերոբովամ յեգիպտոս. եւ դարձաւ յերոբովամ յեգիպտոսէ,

Verse: 3  Link to sept   առաքեցին եւ կոչեցին զնա։ Եւ եկն յերոբովամ եւ ա(մենայ)ն եկեղեցին ի(սրաէ)լի առ արքայ ռոբովամ եւ ասեն։

Verse: 4  Link to sept   Հա́յր քո խոստացոյց զլուծ մեր. եւ արդ՝ թուլացո́ զխիստ ծառայութի(ւն) հօր քոյ, եւ զլուծ ն(ո)ր(ա) զծանր զոր եդ ՛ի վերայ մեր. եւ ծառայեսցուք քեզ։

Verse: 5  Link to sept   Եւ ասէ ցն(ո)ս(ա). երթա́յք մինչեւ յաւուրս երիս, եւ եկեսջի́ք առիս. եւ գնաց ժողովուրդն։

Verse: 6  Link to sept   Եւ ժողովեաց արքայ ռոբովամ զծերսն որք կային առաջի սողոմոնի հօր նորա մինչդեռ կենդանի́ էր նա, եւ ասէ. զիա՞րդ թուի ձեզ, եւ զի՞նչ խորհիք պատասխանի առնել ժողովրդեանն այնմ, բա́ն ինչ։

Verse: 7  Link to sept   Եւ խօսեցան ընդ նմա եւ ասեն. եթէ այսօր լինիս բարի́ ժողովրդեան քում, եւ հաճո́յ լիցիս, եւ խօսեսցիս ընդ ն(ո)ս(ա) բանս բարիս. եւ եղիցին քեզ ծառայք զա(մենայ)ն աւուրս։

Verse: 8  Link to sept   Եւ եթող զխորհուրդ ծերոցն զոր խորհեցան ընդ նմա, եւ խորհեցաւ ընդ մանկտի սննսակիցսն իւր որք կային առաջի ն(ո)ր(ա).

Verse: 9  Link to sept   եւ ասէ ցն(ո)ս(ա). զի՞նչ թուի ձեզ, եւ պատասխանի տաց բան ժողովրդեանն այնմիկ որք խօսեցան ընդիս՝ եւ ասացին, թողացո́ ՛ի լծոյն զոր եդ հայր քո ՛ի վր մեր։

Verse: 10  Link to sept   Եւ խօսեցան ընդ նմա մանկտին սննդակիցքն նորա. այսպէս խօսեսցիս ընդ ժողովրդեանն որ խօսեցաւ ընդ քեզ՝ եւ ասաց, հա́յր քո ծանրացոյց զլուծն մեր, եւ դու թո́ղ մեզ. ա́յսպէս ասասցես, փոքր մատնս իմ ստուրագո́յն է քան զմէջ հօր իմոյ։

Verse: 11  Link to sept   եւ արդ՝ հայրն իմ խրատեաց զձեզ ծանր լծով, եւ ես յաւելի́ց ՛ի լուծն ձեր. հայր իմ խրատեաց զձեզ գաւազանօք՝ եւ ես խրատեցից զձեզ կարճօք։

Verse: 12  Link to sept   Եւ եկն յերոբովամ եւ ա(մենայ)ն ժողովուրդն առ ռոբովամ յաւուրն երրորդի, ո(ր)պ(էս) խօսեցաւ արքայ եւ ասաց. դարձջի́ք առիս յաւուրն երրորդի։

Verse: 13  Link to sept   Եւ պատասխանի արար արքայ խի́ստ, եւ եթող արքայ ռոբովամ զխորհուրդ ծերոցն,

Verse: 14  Link to sept   եւ խօսեցաւ ընդ նոսա ըստ խորհրդոյ մանկանցն՝ եւ ասէ. հայրն իմ ծանրացոյց զլուծ ձեր, եւ ես յաւելից յայն. հայրն իմ խրատեաց զձեզ գաւազանօք, եւ ես խրատեցից զձեզ կարճօք։

Verse: 15  Link to sept   Եւ ո́չ լուաւ արքայ ժողովրդեանն, վ(ա)ս(ն) զի էր կործանումնն յա(ստուծո)յ. եւ հաստատեաց տ(է)ր զբան իւր զոր խօսեցաւ ՛ի ձեռն աքիայ սիլովնացւոյ յաղագս յերոբովամու որդւոյ նաբատայ, եւ ա(մենայ)ն ի(սրաէ)լի.

Verse: 16  Link to sept   եւ ո́չ լուաւ արքայ ն(ո)ց(ա)։ Պատասխանի́ ետ ժողովուրդն արքայի՝ եւ ասեն. զի՞նչ բաժին կայ մեր ընդ դաւթի, եւ կամ ժառանգութի(ւն) ընդ որդւոյն յեսսեայ. ե́րթ գնա́ ՛ի բնակութի(ւն)ս քո ի(սրա)էլ. եւ արդ տե́ս դու զտուն քո դաւիթ։ եւ գնաց ա(մենայ)ն ի(սրա)էլ ՛ի բնակութի(ւն)ս իւր։

Verse: 17  Link to sept   եւ արքն ի(սրաէ)լի մնացեալքն ՛ի քաղաքս յուդայ՝ թագաւորեցուցին ՛ի վ(ե)ր(այ) իւրեանց ռոբովամ։

Verse: 18  Link to sept   Եւ առաքեաց արքայ ռոբովամ զադոնիրամ որ էր ՛ի վ(ե)ր(այ) հարկացն. եւ քարկոծեցին զնա որդիքն ի(սրաէ)լի քարամբք, եւ մեռաւ։ եւ արքայ զռոբովամ փութացաւ ելանել ՛ի կառս իւր՝ եւ փախչել յե(րուսաղէ)մ։

Verse: 19  Link to sept   Եւ անգոսնեաց ի(սրա)էլ զտունն դաւթի մինչեւ յօրս յայս։





Chapter: 11 
ԳԼ(ՈՒԽ) Ժ՜.


Verse: 1  Link to sept   Եւ եկն ռոբովամ յե(րուսաղէ)մ. եւ ժողեաց զյուդաս եւ զբենիամին հարիւր ութսուն հազար երիտասարդաց որք առնէին պատերազմ. եւ տա́յր պատերազմ ընդ ի(սրաէ)լի դարձուցանել զթագաւորութի(ւն)ն յինքն։

Verse: 2  Link to sept   Եւ եղեւ բան տ(եառ)ն առ սամէաս այրն ա(ստուծո)յ՝ եւ ասէ.

Verse: 3  Link to sept   խօսեա́ց ընդ ռոբովամայ որդւոյ սողոմոնի, եւ ընդ ա(մենայ)ն յուդայ եւ բենիամինի՝ եւ ասասցես։

Verse: 4  Link to sept   Ա́յսպէս ասէ տ(է)ր, մի́ ելանէք՝ եւ մի́ պատերազմիք ընդ եղբարս ձեր, դարձցի́ իւրաքանչիւրոք ՛ի տուն իւր. վ(ա)ս(ն) զի յինէն եղեւ բանդ այդ։ եւ լուան բանին տ(եառ)ն, դարձան ո́չ եւս երթալ ՛ի վ(ե)ր(այ) յերոբովամայ։

Verse: 5  Link to sept   Եւ բնակեաց ռոբովամ յե(րուսաղէ)մ. եւ շինեաց քաղաքս պարսպաւորս ՛ի հրէաստանի։

Verse: 6  Link to sept   եւ շինեաց զբեթսէէմ. եւ զետանի. եւ զբեքովրեայ։

Verse: 7  Link to sept   եւ զբեթաւրա. եւ զսոկքով. եւ զոդողամ։

Verse: 8  Link to sept   եւ զգէթ. եւ զմարիսան. եւ զզիփ։

Verse: 9  Link to sept   եւ զադովրայիմ. եւ զղաքիս. եւ զազեկա.

Verse: 10  Link to sept   եւ զսարաա. եւ զեաղոն. եւ զքեբրոն որ էր յուդայ։ եւ ՛ի բենիամինէ քաղաքս պարսպաւորս։

Verse: 11  Link to sept   Եւ ամրացոյց զն(ո)ս(ա) պարսպօք, եւ ետ ՛ի ն(ո)ս(ա) իշխանս, եւ համբարս կերակրոց՝ ձէթ եւ գինի

Verse: 12  Link to sept   ըստ քաղաքաց։ վահանս, եւ նիզակս, եւ զօրացո́յց զնոսա յաճախութ(եամ)բ յոյժ։
   Եւ էին ն(ո)ր(ա) յուդաս եւ բենիամին։

Verse: 13  Link to sept   եւ քահանայքն եւ ղեւտացիքն որք էին յա(մենայ)ն ի(սրաէ)լի, ժողովեցան առ նա յա(մենայ)ն սահմանացն. վ(ա)ս(ն) զի թողին ղեւտացիքն զբնակու(թ)ի(ւն)ս կաուածոց իւրեանց, եւ գնացին առ յուդայ յե(րուսաղէ)մ։

Verse: 14  Link to sept   քանզի եհան զնոսա յերոբովամ եւ որդիք ն(ո)ր(ա), ո́չ եւս պաշտել զտ(է)ր։

Verse: 15  Link to sept   Եւ կացո́յց իւր քուրմս բարձանցն եւ կռոցն, եւ սնոտւոցն, եւ երընջոցն զոր արար յերոբովամ.

Verse: 16  Link to sept   եւ եհան զն(ո)ս(ա) ՛ի ցեղիցն ի(սրաէ)լի, որք ետուն զսիրտս իւրեանց խնդրել զտ(է)ր ա(ստուա)ծ ի(սրաէ)լի. եւ եկին յե(րուսաղէ)մ զոհել տ(եառ)ն ա(ստուծո)յ հարցն իւրեանց.

Verse: 17  Link to sept   եւ զօրացուցին զթագաւորու(թ)ի(ւն)ն յուդայ։ Եւ հզօրացաւ ռոբովամ որդի սողոմոնի ամս երիս. վ(ա)ս(ն) զի գնաց ՛ի ճանապարհս դաւթի եւ սողոմոնի զերիս ամս։

Verse: 18  Link to sept   Եւ ա́ռ իւր ռոբովամ կին զմովզաթ դուստր յերիմութայ որդւոյ դաւթի, եւ զաբիադ դուստր եղիաբայ որդւոյ յեսսեայ։

Verse: 19  Link to sept   եւ ծնան նմա որդիս, զյերում, եւ զսամարիա, եւ զաղով։

Verse: 20  Link to sept   Եւ յետ այսորիկ ա́ռ զմաաքա դուստր աբեսաղոմայ, եւ ծնաւ նմա զաբիաս, եւ զեթթի, եւ զիզա, եւ զսաղեմովթ։

Verse: 21  Link to sept   եւ սիրեաց ռոբովամ զմաաքա դուստր աբեսողոմայ քան զա(մենայ)ն կանայս իւր, եւ զհարճս իւր. վասն զի կանայս ունէր ութուտասն, եւ հարճս վաթսուն. եւ ծնաւ ուստերս քսանեւութ, եւ դստերս վաթսուն։

Verse: 22  Link to sept   Եւ կացոյց իշխանս ռոբովամ զաբիա՝ որ էր ՛ի մաաքայ, իշխան ՛ի վերայ եղբարցն իւրոց. վ(ա)ս(ն) զի թագաւորեցուցանել խորհէր զնա։

Verse: 23  Link to sept   եւ աճեաց առաւել քան զա(մենայ)ն որդիս նորա։ յա(մենայ)ն սահմանս յուդայ եւ բենիամինի, եւ ՛ի քաղաքսն ամուրս՝ ե́դ ՛ի նոսա կերակուր բազում յոյժ. եւ խնդրեաց բազմութի(ւն) կանանց։


Chapter: 12 
ԳԼ(ՈՒԽ) Ժ՜.


Verse: 1  Link to sept   Եւ եղեւ իբրեւ պատրաստեցաւ թագաւորու(թ)ի(ւն)ն ռոբովամայ. եւ յորժամ զօրացաւ, եթող զպատուիրանս տ(եառ)ն, եւ ա(մենայ)ն ի(սրա)էլ ընդ նմա։

Verse: 2  Link to sept   Եւ եղեւ ՛ի հինգերորդի́ ամի թագաւորութե(ա)ն ռոբովամայ, ե́լ սաւսակիմ արքայ եգիպտոսի ՛ի վ(ե)ր(այ) ե(րուսաղէ)մի. վ(ա)ս(ն) զի մեղան առաջի տ(եառ)ն.

Verse: 3  Link to sept   հազար եւ երկերիւր կառօք, եւ վաթսուն հազար երիվարօք. եւ ո́չ գոյր թիւ բազմութե(ա)ն եկելոյ ընդ նմա յեգիպտոսէ։ լիբէացիք, տրոգլոդացիք, եթեովպացիք.

Verse: 4  Link to sept   եւ զօրացան ՛ի վ(ե)ր(այ) ամուր քաղաքացն որ էին յուդայ. եւ եկն յե(րուսաղէ)մ։

Verse: 5  Link to sept   Եւ սամէաս մարգարէ եկն առ ռոբովամ, եւ առ իշխանսն յուդայ ժողովեալսն յե(րուսաղէ)մ յերեսաց սաւսակիմայ, եւ ասէ ցնոսա. ա́յսպէս ասէ տ(է)ր. դուք թողէք զիս, եւ ես թողից զձեզ ՛ի ձեռս սաւսակիմայ։

Verse: 6  Link to sept   Եւ ամաչեցին իշխանքն ի(սրաէ)լի՝ եւ արքայն,եւ ասեն՝ արդա́ր է տ(է)ր։

Verse: 7  Link to sept   Եւ իբրեւ ետես տ(է)ր եթէ պատկառեցին, եղե́ւ բան տ(եառ)ն առ սամէաս՝ եւ ասէ. պատկառեցին, ո́չ ապականեցից զդոսա. տա́ց զդոսա իբրեւ սակաւ մի ՛ի փրկութի(ւն). եւ մի́ կաթեսցէ սրտմտութի(ւն) իմ ՛ի վ(ե)ր(այ) ե(րուսաղէ)մի.

Verse: 8  Link to sept   վ(ա)ս(ն) զի եղիցին ինձ ՛ի ծառայս, եւ ծանիցեն զծառայութի(ւն)ն իմ, եւ զծառայութի(ւն) թագաւորու(թ)ե(ան) երկրիս։

Verse: 9  Link to sept   Եւ ել սաւսակիմ արքայ եգիպտոսի, եւ ա́ռ զգանձսն որ էին ՛ի տանն տ(եառ)ն, եւ զգանձս տանն արքայի եւ զա(մենայ)ն առ։ ա́ռ եւ զվահանսն ոսկեղէնս զոր արար սողոմոն։

Verse: 10  Link to sept   եւ արար ռոբովամ վահանս պղնձիս փոխանակ ն(ո)ց(ա)։ Եւ կացոյց ՛ի վ(ե)ր(այ) ն(ո)ց(ա) սաւսակիմ իշխանս սուրհանդակացն որք պահէին զդուռն արքային։

Verse: 11  Link to sept   Եւ լինէր ՛ի մտանել արքայի ՛ի տունն տ(եառ)ն, մտանէին եւ պահապանքն եւ սուրհանդակքն, եւ դառնային ընդ առաջ սուրհանդակացն.

Verse: 12  Link to sept   Եւ ՛ի պատկառելն ն(ո)ր(ա), դարձաւ ՛ի նմանէ բարկութի(ւն) տ(եառ)ն, եւ ո́չ ապականեցաւ ՛ի սպառ. վ(ա)ս(ն) զի էին բանք բարիք ՛ի յուդայ։

Verse: 13  Link to sept   Եւ զօրացաւ ռոբովամ յե(րուսաղէ)մ, եւ թագաւորեաց։ քառասուն եւ միոյ ամի էր ՛ի թագաւորելն իւրում, եւ զեւթնեւտասն ամ թագաւորեաց յե(րուսաղէ)մ, ՛ի քաղաքին զոր ընտրեաց տ(է)ր անուանել զանուն իւր անդ՝ յա(մենայ)ն ցեղիցն ի(սրաէ)լի։ եւ անուն մօր ն(ո)ր(ա) նոոմա ամոնացի։

Verse: 14  Link to sept   եւ արար չա́ր. վ(ա)ս(ն) զի ո́չ ուղղեցաւ սիրտ նորա խնդրել զտ(է)ր։

Verse: 15  Link to sept   Եւ բանքն ռոբովամայ առաջինք եւ վերջինք, ո՞չ ահա գրեալ են ՛ի բանս սամեայ մարգարէի, եւ ադգովայ տեսանողի. եւ գործք ն(ո)ր(ա)։ եւ պատերա́զմ էր ռոբովամայ ընդ յերոբովամայ զա(մենայ)ն աւուրս։

Verse: 16  Link to sept   Եւ մեռաւ ռոբովամ, եւ թաղեցաւ ընդ հարս իւր ՛ի քաղաքին դաւթի։
   Եւ թագաւորեաց աբիաս որդի նորա փոխանակ ն(ո)ր(ա)։


Chapter: 13 
ԳԼ(ՈՒԽ) Ժ՜.


Verse: 1  Link to sept   Յութ եւ տասներորդ ամի թագաւորութե(ա)ն յերոբովամայ թագաւորեաց աբիաս ՛ի վ(ե)ր(այ) յուդայ եւ ե(րուսաղէ)մի

Verse: 2  Link to sept   ամս երիս։ եւ անուն մօր ն(ո)ր(ա) մաաքա դուստր աբեսողոմայ։ եւ էր պատերազմ ՛ի մէջ աբիայ, եւ ՛ի մէջ յերոբովամայ։

Verse: 3  Link to sept   Եւ կարգեցաւ աբիաս ՛ի պատերազմին զօրաւոր մարտկօք չորեքհարիւրհազարօք արամբք զօրաւորօք։ եւ յերոբովամ ճակատեցաւ ը(նդ)դէմ ն(ո)ր(ա) ՛ի պատերազմին ութհարիւրհազարօք զօրաւորօք պատերազմողաց զօրութ(եամ)բ։

Verse: 4  Link to sept   Եւ յարեաւ աբիաս ՛ի լեռնէն սոմորոնայ, որ էր ՛ի լերինն եփրեմի, եւ ասէ։ լուարո́ւք յերոբովամ եւ ա(մենայ)ն ի(սրա)էլ։

Verse: 5  Link to sept   Ո՞չ է ձեր ճանաչել եթէ տ(է)ր ա(ստուա)ծ ի(սրաէ)լի ե́տ զթագաւորութի(ւն)ն ի(սրաէ)լի յաւիտեան՝ դաւթի եւ որդւոց ն(ո)ր(ա) ուխտ աղի։

Verse: 6  Link to sept   եւ յարեաւ յերոբովամ որդի նաբատայ ծառայ սողոմոնի որդւոյ դաւթի, եւ ապստամբեաց ՛ի տեռնէ իւրմէ։

Verse: 7  Link to sept   եւ ժողովեցան առ նա արք ժանտք, որդիք անօրէնք. եւ ընդդէ́մ եկաց ռոբովամայ որդւոյ սողոմոնի։ եւ ռոբովամ է́ր մանուկ եւ երկչոտ սրտիւ, եւ ո́չ եկաց ընդդէմ ն(ո)ր(ա)։

Verse: 8  Link to sept   Եւ արդ դուք ասէք կալ հակառա՞կ երեսաց թագաւորութե(ան) տ(եառ)ն, որ է ՛ի ձեռս որդւոց դաւթի. եւ դուք բազում էք յոյժ, եւ ը(նդ) ձեզ երինջքդ ոսկեղէնք, զոր արար ձեզ յերոբովամ յաստուածս։

Verse: 9  Link to sept   Միթէ ո՞չ հանէք դուք զքահանայսն տ(եառ)ն զորդիսն ահարոնի եւ զղեւտացիսն, եւ արարէք ձեզ քուրմս ՛ի ժողովրդենէ երկրիդ, ամենեքեան որ գային լնուլ զձեռս զուարակօք յարջառոց. եւ եւթն խոյօք. եւ լինէր քուրմն չաստուածոցն։

Verse: 10  Link to sept   Եւ մեք զտ(է)ր ա(ստուա)ծ մեր ո́չ թողաք, եւքահանայքն ն(ո)ր(ա) պաշտեն զտ(է)ր որդիք ահարոնի եւ ղեւտացիք. եւ հանապազորդեալքն ՛ի նոցանէ ծխեն խունկս տ(եառ)ն։

Verse: 11  Link to sept   եւ զողջակէզս ընդ առաւօտս եւ ը(նդ) երեկոյս, եւ զխունկսն խառնուածոյս, եւ հացքն առաջադրու(թ)ե(ան) ՛ի վ(ե)ր(այ) սուրբ սեղանոյն, եւ աշտանակն ոսկեղէն, եւ ճրագունքն վառեալք յերեկորեայ լուցեալք. վ(ա)ս(ն) զի պահեմք մեք զպահպանութի(ւն)ս տ(եառ)ն ա(ստուծո)յ հարցն մերոց. եւ դուք թողէք զնա։

Verse: 12  Link to sept   Եւ ահաւասիկ ընդ մեզ իշխան տ(է)ր, եւ քահանայք ն(ո)ր(ա), եւ փողք նշանակաց նշանակել ՛ի մեզ։ եւ դուք որդիք ի(սրաէ)լի պատերազմի՞ք ը(նդ) տ(եառ)ն ա(ստուծո)յ հարցն մերոց. եւ ո́չ եւս աջողեսցի ձեզ։

Verse: 13  Link to sept   Եւ յերոբովամ դարձո́յց զգարանակալսն գա́լ նմա զկնի կողմանէ, եւ եղեւ առաջի յուդայ, եւ դարանակալքն յետուստ։

Verse: 14  Link to sept   Եւ դարձաւ յուդաս, եւ ահա պատերազմն ն(ո)ց(ա) առաջի́ եւ զկնի։ եւ գոչեցին առ տ(է)ր. եւ քահանայքն հարին զփողսն։

Verse: 15  Link to sept   եւ գոչեցին արք յուդայ։ Եւ եղեւ ՛ի գոչել արանց յուդայ, եւ տ(է)ր եհար զյերոբովամ, եւ զի(սրա)էլ առաջի աբիայ եւ յուդայի։

Verse: 16  Link to sept   եւ փախեան որդիքն ի(սրաէ)լի յերեսաց յուդայ. եւ մատնեաց զն(ո)ս(ա) տ(է)ր ՛ի ձեռս նոցա։

Verse: 17  Link to sept   Եւ եհար ՛ի նոցանէ աբիա եւ զօրն ն(ո)ր(ա) հարուածս մեծամեծս. եւ անկան վիրաւորք յի(սրաէ)լէ հինգ հազար արք զօրաւորք։

Verse: 18  Link to sept   եւ նկուն եղեն որդիքն ի(սրաէ)լի յաւուր յայնմիկ. եւ զօրացան որդիքն յուդայ. վ(ա)ս(ն) զի յուսացան ՛ի տ(է)ր ա(ստուա)ծ հարցն իւրեանց։

Verse: 19  Link to sept   Եւ հալածեաց աբիաս զյերոբովամ, եւ ա́ռ ՛ի նմանէ քաղաքս. զբեթէլ՝ եւ զգեօղս ն(ո)ր(ա). եւ զանա՝ եւ զգեւօղս ն(ո)ր(ա). եւ զեփրոն՝ եւ զդստերս ն(ո)ր(ա). եւ զբեայ՝ եւ զգեօղս ն(ո)ր(ա)։

Verse: 20  Link to sept   Եւ ո́չ եւս գոյր զօրութի(ւն) յերոբովամայ զա(մենայ)ն աւուրս աբիայ։ եւ եհար զնա տ(է)ր, եւ վախճանեաց։

Verse: 21  Link to sept   Եւ զօրացաւ աբիաս. եւ ա́ռ իւր կանայս չորեքտասան. եւ ծնաւ ուստերս քսան եւ երկուս, եւ դստերս վեշտասան։

Verse: 22  Link to sept   Եւ մնացեալ բանքնաբիայ, եւ գործք ն(ո)ր(ա)՝ եւ խօսք ն(ո)ր(ա). ահա գրեալ են ՛ի գիրս մարգարէի ադդովայ։


Chapter: 14 
ԳԼ(ՈՒԽ) Ժ՜.


Verse: 1  Link to sept   Եւ մեռաւ աբիաս ընդ հարս իւր, եւ թաղեցին զնա ՛ի քաղաքին դաւթի։
   Եւ թագաւորեա́ց ասա որդի նորա փոխանակ ն(ո)ր(ա)։ յաւուրս ասայի հանդարտեաց երկիրն յուդայ ամս տասն։

Verse: 2  Link to sept   եւ արար բարի եւ ուղղու(թ)ի(ւն) առաջի տ(եառ)ն ա(ստուծո)յ իւրոյ.

Verse: 3  Link to sept   եւ ՛ի բա́ց արար զսեղանս օտարացն, եւ զբարձունսն. եւ խորտակեաց զարձանսն, եւ այրեաց զանտառսն։

Verse: 4  Link to sept   Եւ ասաց ցյուդայ խնդրել զտ(է)ր ա(ստուա)ծ հարցն իւրեանց, եւ առնել զօրէնս եւ զպատուիրանս.

Verse: 5  Link to sept   եւ ՛ի բա́ց արար յա(մենայ)ն քաղաքացն յուդայ զսեղանս զկուռս. եւ խաղաղացան քաղաքք պարսպաւորք որք յերկրին յուդայ.

Verse: 6  Link to sept   վ(ա)ս(ն) զի խաղաղեցաւ երկիրն, եւ ո́չ գոյր ուստերք նմա պատերազմ յամսն յայնոսիկ. վ(ա)ս(ն) զի հանգոյց զնա տ(է)ր։

Verse: 7  Link to sept   Եւ ասէ ցյուդայ, շինեսցո́ւք զքաղաքսն զայնոսիկ. եւ արասցո́ւք պարիսպս եւ աշտարակս, եւ դրունս, եւ նիգս՝ որով տիրեմք երկրիս. զի զորօրինակ խնդրեցաք զտ(է)ր ա(ստուա)ծ մեր, եւ նա խնդրեաց զմեզ, եւ հանգոյց զմեզ շուրջանակի, եւ յաջողեաց մեզ։

Verse: 8  Link to sept   Եւ եղեւ ասայի զօր զինակրաց որք բառնային վահանս եւ նիզակս յերկրին յուդայ, երեքհարիւր հազար. եւ յերկրին բենիամինի պարսաւորք եւ աղեղնաւորք՝ երկերիւր եւ վաթսուն հազար. ամենեքեան նոքա պատերազմօղք զօրութ(եամ)բ։

Verse: 9  Link to sept   Եւ ել ՛ի վերայ ն(ո)ց(ա) զարեհ եթւովպացի զօրութ(եամ)բ հազար հազարօք՝ եւ երեքհարիւր կառօք, եւ եկն մինչեւ ՛ի մարիսա։

Verse: 10  Link to sept   եւ գնաց ասա ը(նդ)դէմ ն(ո)ր(ա). եւ ճակատեցաւ պատերազմն ՛ի ձորն, ՛ի հիւսւսոյ մարիսայ։

Verse: 11  Link to sept   Եւ գոչեաց ասա առ տ(է)ր ա(ստուա)ծ իւր, եւ ասէ։ Տ(է)ր ո́չ տկարանայ քեզ ապրեցուցանել բազմօք եւ սակաւուք. զօրացո́ զմեզ տ(է)ր ա(ստուա)ծ մեր, վ(ա)ս(ն) զի ՛ի քե́զ յուսացաք, եւ անուամբ քով եկաք ՛ի վ(ե)ր(այ) բազմութե(ան)ս այսորիկ։ տ(է)ր ա(ստուա)ծ մեր՝ մի́ յաղթահարեսցէ քեզ մարդ։

Verse: 12  Link to sept   Եւ եհար տ(է)ր զեթւովպացիսն առաջի յուդայ։ եւ փախեան եթւովպացիքն։

Verse: 13  Link to sept   եւ հալածեաց ասա եւ զօրն իւր՝ մինչեւ ՛ի գեդովր։ եւ անկան եթւովպացիքն մինչեւ ո́չ մնալ ՛ի ն(ո)ց(ա)նէ ապրեալ. քանզի խորտակեցան առաջի տ(եառ)ն, եւ առաջի զօրութե(ան) ն(ո)ր(ա)։ Եւ կողոպտեցին աւար բազում։

Verse: 14  Link to sept   եւ կործանեցին զգեօղս ն(ո)ց(ա) շուրջ զգեդուրաւն. վ(ա)ս(ն) զի եղեն արհաւիրք ՛ի տ(եառն)է ՛ի վ(ե)ր(այ) ն(ո)ց(ա). եւ առին աւար զա(մենայ)ն քաղաքս ն(ո)ց(ա), քանզի աւար բազում եղեւ ն(ո)ց(ա)։

Verse: 15  Link to sept   այլ եւ զվրանս անասնոցն ն(ո)ց(ա) առին։ Եւ զմիաստնիսն կոտորեցին, եւ առին խաշինս բազումս եւ ուղտս, եւ դարձան յե(րուսաղէ)մ։


Chapter: 15 
ԳԼ(ՈՒԽ) Ժ՜.


Verse: 1  Link to sept   Եւ ազարիաս՝ որդի ադադայ. եղեւ ՛ի վ(ե)ր(այ) ն(ո)ր(ա) հոգի տ(եառ)ն.

Verse: 2  Link to sept   եւ ել ը(նդ) առաջ ասայի, եւ ա(մենայ)ն յուդայ եւ բենիամին՝ եւ ասէ. լուարո́ւք ինձ՝ ասա՝ եւ ա(մենայ)ն յուդա, եւ բենիամին. Տ(է)ր ընդ ձեզ. վ(ա)ս(ն) լինելոյ ձերոյ ընդ նմա. եւ արդ եթէ խնդրէք զնա՝ գտցի́ ձեզ. եւ եթէ թողո́ւք զնա՝ թողցէ́ զձեզ։

Verse: 3  Link to sept   եւ աւուրք բազումք յի(սրաէ)լի եղեն՝ ո́չ յա(ստուա)ծ ճշմարիտ, եւ ո́չ քահանայ որ ցուցանէր, եւ ո́չ օրէնք

Verse: 4  Link to sept   որ դարձոյց զնոսա ՛ի տ(է)ր ա(ստուա)ծ ի(սրաէ)լի, եւ գտաւ ՛ի նոսա։

Verse: 5  Link to sept   ՛Ի ժամանակին յայնմիկ ո́չ գոյր խաղաղութի(ւն) այնոցիկ որք մտանէին, եւ որք ելանէին. վ(ա)ս(ն) զի արհաւիրք ՛ի տ(եառն)է անկան ՛ի վ(ե)ր(այ) ամենեցուն բնակչաց դաւառացն։

Verse: 6  Link to sept   եւ պատերազմէր ազգ ընդ ազգ, եւ քաղաք ը(նդ)նդ քաղաքի. վ(ա)ս(ն) զի ա(ստուա)ծ զարհուրեցոյց զնոսա ա(մենայ)ն նեղութ(եամ)բք։

Verse: 7  Link to sept   Եւ արդ՝ դուք զօրացարո́ւք, եւ մի́ լքցին ձեռք ձեր. քանզի գո́ն վարձք գործոց ձերոց։

Verse: 8  Link to sept   Եւ ՛ի լսել զբանս զայսոսիկ, եւ զմարգարէու(թ)ի(ւն) ազարիայ մարգարէի, զօրացաւ եւ եհան արտաքս զա(մենայ)ն զպղծութի(ւն)սն յա(մենայ)ն երկրէն յուդայ եւ բենիամինի՝ եւ ՛ի քաղաքացն զորս կալաւ ՛ի լերինն եփրեմի։ Եւ արար նաւակատիս սեղանոյն տ(եառ)ն որ էր առաջի տաճարին տ(եառ)ն։

Verse: 9  Link to sept   եւ եկեղեցացոյց զյուդայ եւ զբենիամին, եւ զեկսն, եւ զպանդուխտսն ընդ նմա, յեփրեմայ, եւ մանասէէ, եւ ՛ի շմաւոնէ. վ(ա)ս(ն) զի յաւելան առ նա բազումք յի(սրաէ)լէ ՛ի տեսանելն ն(ո)ց(ա), թէ տ(է)ր ա(ստուա)ծ ն(ո)ց(ա) ը(նդ) նմա́ է։

Verse: 10  Link to sept   Եւ ժողովեցան յե(րուսաղէ)մ յամսեանն երրորդի, ՛ի հնգետասաներորդում ամի թագաւորու(թ)ե(ա)ն ասայի։

Verse: 11  Link to sept   եւ եղեն տ(եառ)ն յաւուրն յայնմ, յաւարացն զոր ածին, զուարակս եւթնհարիւր, եւ ոչխարս եւթնհազար։

Verse: 12  Link to sept   Եւ եդ ուխտ՝ ընտրել զտ(է)ր ա(ստուա)ծ հարցն իւրեանց յա(մենայ)ն սրտէ, եւ յա(մենայ)ն անձնէ։

Verse: 13  Link to sept   եւ ա(մենայ)ն որ ո́չ խնդրիցէ զտ(է)ր ա(ստուա)ծ ի(սրաէ)լի՝ մեռցի, յերիտասարդէ մինչեւ ՛ի ծերն, եւ յառնէ մինչեւ ցկին։

Verse: 14  Link to sept   Եւ երդուան տ(եառ)ն մեծաձայն. եւ եղջերեաւ փողովն։

Verse: 15  Link to sept   եւ ուրախ եղեւ ա(մենայ)ն յուդայ վասն երդմանն. զի յա(մենայ)ն սրտից իւրեանց երդուան, եւ ա(մենայ)ն կամօք խնդրեցին զնա. եւ գտաւ ն(ո)ց(ա), եւ հանգոյց զն(ո)ս(ա) տ(է)ր շուրջանակի։

Verse: 16  Link to sept   Եւ զմաաքա զմայրն իւր ՛ի բա́ց մերժեաց. վ(ա)ս(ն) զի էր աստարտեայ պաշտօնեայ։ եւ խորտակեաց զկուռսն, եւ այրեաց ՛ի հեղեղատին կեդրոնի։

Verse: 17  Link to sept   Սակայն զբարձունսն ո́չ բարձին, եւ տակաւին եւս կա́յր ՛ի յուդայ եւ յի(սրա)էլ։ բայց սիրտն ասայի եղեւ լի́ զա(մենայ)ն աւուրս կենաց իւրոց։

Verse: 18  Link to sept   եւ տարաւ ՛ի ներքս զսրբու(թ)ի(ւն)սն դաւթի հօր իւրոյ, եւ զսրբու(թ)ի(ւն)ս տ(եառ)ն ա(ստուծո)յ, արծաթ, եւ ոսկի, եւ սպասս։

Verse: 19  Link to sept   Եւ պատերազմ ո́չ գոյր նմա, մինչեւ յերեսներորդ եւ հինգերորդ ամ թագաւորու(թ)ե(ա)ն ասայի։


Chapter: 16 
ԳԼ(ՈՒԽ) Ժ՜.


Verse: 1  Link to sept   Եւ յերեսներո́րդ ութերորդ ամի թագաւորութե(ան) ասայի, ել բաաս արքայ ի(սրաէ)լի ՛ի վ(ե)ր(այ) յուդայ, եւ շինեաց զհռամա, ո́չ տալով ելս ասայի արքայի յուդայ։

Verse: 2  Link to sept   Եւ ա́ռ ասա ոսկի եւ արծաթ ՛ի գանձուց տանն տ(եառ)ն, եւ ի տանէ թագաւորին, եւ առաքեաց առ որդին ադերայ արքայն ասորւոց որ բնակեալ էր ՛ի դամասկոս, եւ ասէ.

Verse: 3  Link to sept   դի́ր ուխտ ՛ի մէջ իմ եւ քո, եւ ՛ի մէջ հօր իմոյ եւ հօր քոյ։ ահաւադիկ առաքեցի քեզ արծաթ եւ ոսկի, ե́կ եւ մերժեա́ յինէն զբաաս արքայ ի(սրաէ)լի, եւ գնասցէ́ ՛ի բաց յինէն։

Verse: 4  Link to sept   Եւ լուաւ որդին ադերայ արքայ ասորւոց, եւ առաքեաց զիշխանս զօրացն իւրոց ՛ի քաղաքսն ի(սրաէ)լի. եւ եհար զաւոն, եւ զդան, եւ զաբեղմային, եւ զա(մենայ)ն շուրջ զգաւառաւն նեփթաղիմայ։

Verse: 5  Link to sept   Եւ եղեւ իբրեւ լուաւ բաաս, ՛ի բա́ց արձակեաց եւ ո́չ եւս շինել զհռամա. եւ դադարեաց գործն ն(ո)ր(ա)։

Verse: 6  Link to sept   Եւ ասա արքայ՝ ած զա(մենայ)ն յուդաս. եւ ա́ռ զքարինս հռամայ, եւ զփայտս ն(ո)ր(ա) զոր շինեաց բաաս. եւ շինեաց նոքօք զգաբաա, եւ զմասփա։

Verse: 7  Link to sept   ՛Ի ժամանակին յայնմ եկն անանիաս մարգարէ առ ասա արքայ յուդայ՝ եւ ասէ ցնա. վ(ա)ս(ն) զի յուսացար դու յարքայն ասորեաց՝ եւ ո́չ յուսացար ՛ի տ(է)ր ա(ստուա)ծ քո, յաղագս այնորիկ ապրեցաւ զօր արքային ի(սրաէ)լի ՛ի ձեռաց քոց։

Verse: 8  Link to sept   Ոչ ապաքէն եթւովպացիք եւ լիբէացիք՝ էին զօրք բազումք. համարձակութ(եամ)բ բազում հեծելովք յոյժ եկին, եւ ՛ի յուսալն քո ՛ի տ(է)ր՝ մատնեաց զն(ո)ս(ա) տ(է)ր ՛ի ձեռս քո։

Verse: 9  Link to sept   վասն զի աչք տ(եառ)ն հային յա(մենայ)ն երկիր զօրացուցանել յա(մենայ)ն լի սրտից զնա։ եւ արդ՝ տգիտացա́ր յայդմիկ. յայսմհետէ եղիցի ձեզ պատերազմ։

Verse: 10  Link to sept   Եւ սրտմտեցա́ւ ասա մարգարէին, եւ եդ զնա ՛ի բանտի. զի բարկացաւ յաղագս այնորիկ։ եւ ժանտացաւ ասա ՛ի ժողովուրդն ՛ի ժամանակին յայնմ։

Verse: 11  Link to sept   Եւ ահա բանք ասայի առաջինք եւ վերջինք՝ գրեալ են ՛ի գիրս թագաւորացն յուդայ եւ ի(սրաէ)լի։

Verse: 12  Link to sept   Եւ ախտացան ասայի ոտք, յերեսներորդի եւ իններորդի ամի թագաւորութե(ա)ն իւրոյ, եւ յոյժ հիւանդացաւ. եւ ՛ի հիւանդանալն իւրում ո́չ խնդրեաց զտ(է)ր, այլ խնդրեաց բժիշկս։

Verse: 13  Link to sept   Եւ ննջեաց ասա ընդ հարս իւր, եւ վախճանեցաւ ՛ի քառասներորդի եւ յառաջնում ամի թագաւորութե(ա)ն իւրում։

Verse: 14  Link to sept   եւ թաղեցին զնա ՛ի շիրմին զոր փորեաց իւր ՛ի քաղաքին դաւթի. եւ ընկողմանեցուցին զնա ՛ի գահոյսն, եւ լցին խնկովք, եւ ազգի ազգի իւղովք իւղեփեցաց. եւ արարին նմա յուղարկութի(ւն) մե́ծ յոյժ։


Chapter: 17 
ԳԼ(ՈՒԽ) Ժ՜.


Verse: 1  Link to sept   Եւ թագաւորեաց յովսափատ որդի ն(ո)ր(ա) փոխանակ ն(ո)ր(ա)։ Եւ զօրացաւ յովսափատ ՛ի վ(ե)ր(այ) ի(սրաէ)լի։

Verse: 2  Link to sept   եւ ետ զօրս յա(մենայ)ն քաղաքսն յուդայ յամուրս, եւ կացոյց իշխանս յա(մենայ)ն քաղաքսն եփրեմի, զոր ա́ռ արքայ ասա՝ հայրն ն(ո)ր(ա)։

Verse: 3  Link to sept   Եւ եղեւ տ(է)ր ընդ յովսափատայ. վ(ա)ս(ն) զի գնաց ՛ի ճանապարհս հօր իւրոյ յառաջինս. եւ ո́չ խնդրեաց զկուռսն.

Verse: 4  Link to sept   այլ զտ(է)ր ա(ստուա)ծ հօր իւրոյ խնդրեաց, եւ ՛ի պատուիրանս հօրն իւրոյ գնաց. եւ ո́չ էին իբրեւ զի(սրաէ)լի գործք ն(ո)ր(ա)։

Verse: 5  Link to sept   Եւ յաջողեցաւ թագաւորութի(ւն)ն ՛ի ձեռս ն(ո)ր(ա). եւ ետ ա(մենայ)ն յուդայ ընծա́յ յովսափատայ. եւ եղեւ ն(ո)ր(ա) մեծութի(ւն) եւ փառք բազումք.

Verse: 6  Link to sept   եւ բարձրացա սիրտ ն(ո)ր(ա) ՛ի ճանապարհս տ(եառ)ն. եւ այլեւս եբարձ զբարձաւանդակսն, եւ զանտառսն յերկրէն յուդայ։

Verse: 7  Link to sept   Եւ յերրորդ ամի թագաւորու(թ)ե(ա)ն իւրոյ առաքեաց զիշխանս իւր, եւ զորդիս զօրու(թ)ե(ան)ցն, զաբդիաս, եւ զզաքարիաս, եւ զնաթանայէլ, եւ զմիքէաս՝ ուսուցանել ՛ի քաղաքսն յուդայ.

Verse: 8  Link to sept   եւ ընդ նոսա ղեւտացիքն, սամուիաս, եւ սաթանաաս, եւ զաբդիաս, եւ ասիէլ, եւ սեմիրամովթ, եւ յովնաթան. եւ ադոնիաս, եւ ասբադոնիաս՝ ղեւտացիք. եւ ընդ ն(ո)ս(ա) եղիսամա, եւ յովրամ քահանայք։

Verse: 9  Link to sept   եւ ուսուցանէին զյուդայ, եւ ընդ ն(ո)ս(ա) գի́րք օրինացն տ(եառ)ն. եւ անցանէին ընդ քաղաքսն յուդայ, եւ ուսուցանէին զժողովուրդն։

Verse: 10  Link to sept   Եւ եղեն արհաւիրք ՛ի տ(եառն)է ՛ի վերայ թագաւորաց երկրին որ շուրջ զյուդայիւ. եւ ո́չ պատերազմէին ընդ յովսափատայ։

Verse: 11  Link to sept   Եւ յայլազգեացն բերէին յովսափատայ ընծայս, ոսկի, եւ արծաթ, եւ պատարագս։ եւ արաբացիքն ածէին նմա խոյս յոչխարաց՝ եւթն հազար եւ եւթն հարիւր, եւ նոխազս եւթնհազար եւ եւթն հարիւր։

Verse: 12  Link to sept   եւ երթալով յովսափատ մեծանայր ՛ի բարձրու(թ)ի(ւն)։ Եւ շինեաց տունս ՛ի հրէաստանի քաղաքս ամուրս.

Verse: 13  Link to sept   եւ գործք բազում եղեն ն(ո)ր(ա) ՛ի հրէաստանի։ Եւ արք զօրաւորք պատերազմօղք ուժով յե(րուսաղէ)մ։

Verse: 14  Link to sept   եւ ա́յս էր թիւ ն(ո)ց(ա) ը(նդ) տանց տոհմիցն իւրեանց։ ՛Ի յուդայի հազարապետք. եդնաս իշխան, եւ ընդ նմա որդիք զօրաւորք զօրութ(եամ)բ երեքհարիւրհազար։

Verse: 15  Link to sept   եւ ընդ ն(ո)ս(ա) յովնան իշխան, եւ ը(նդ) նմա երկերիւր ութսուն հազար։

Verse: 16  Link to sept   Եւ ընդ նմա մասէաս որդի զաքարիայ յօժարեալն ՛ի տ(է)ր. ընդ նմա երկերիւր հազար զօրաւորք ուժով։

Verse: 17  Link to sept   Եւ ՛ի բենիամինէ զօրաւոր ուժով. եղիադա, եւ ը(նդ) նմա աղեղնաւորք եւ պարսաւորք երկերիւր հազար։

Verse: 18  Link to sept   Եւ ընդ ն(ո)ս(ա) յովզաբադ. եւ ընդ նմա հարիւր ութսուն հազար զօրաւորք ՛ի պատերազմի։

Verse: 19  Link to sept   Սոքա́ էին պաշտօնեայք արքայի. բա́ց յայնցանէ զորս ետ արքայ ՛ի քաղաքսն ամուրս յա(մենայ)ն հրէաստանի։


Chapter: 18 
ԳԼ(ՈՒԽ) Ժ՜.


Verse: 1  Link to sept   Եւ եղեւ յովսափատայ մեծութի(ւն) եւ ա́յլ եւս. եւ փառք բազում։ եւ արար խնամու(թ)ի(ւն) ը(նդ) տանն աքաաբու։

Verse: 2  Link to sept   Եւ էջ ՛ի կատարել տարւոյն առ աքաաբ ՛ի սամարիա. եւ եղեն նմա աքաաբ ոչխարս եւ զուարակս բազումս, եւ զօրուն որ ընդ նմա. եւ սիրէր զնա ելանել ը(նդ) նմա յռամովթ գաղադացւոյն։

Verse: 3  Link to sept   Եւ ասէ աքաաբ արքայ ի(սրաէ)լի ցյովսափատ արքայ յուդայ. գա՞ս նդիս յռամովթ գաղաադացւոյն։ եւ ասէ ցնա. ո(ր)պ(էս) ես՝ նո́յնպէս եւ դու. եւ ո(ր)պ(էս) զօրք քո՝ զօրք իմ ընդ քե́զ ՛ի պատերազմին։

Verse: 4  Link to sept   Եւ ասէ յովսափատ ցարքայն ի(սրաէ)լի, խնդրեսցուք այսօր զտ(է)ր։

Verse: 5  Link to sept   Եւ ժողովեաց արքայն ի(սրաէ)լի զմարգարէսն ի(սրաէ)լի արս չորեքհարիւր, եւ ասէ ցն(ո)ս(ա). եթէ երթա՞յց յռամովթ գաղաադ ՛ի պատերազմ, եւ կամ թէ դադարեցից։ եւ ասեն՝ ե́լ, եւ յաջողեսցէ́ ա(ստուա)ծ ՛ի ձեռս արքայի։

Verse: 6  Link to sept   Եւ ասէ յովսափատ. ո՞չ գոյ աստ եւ այլե́ւս մարգարէ տ(եառ)ն. եւ խնդրեսցուք ՛ի նմանէ։

Verse: 7  Link to sept   Եւ ասէ արքայն ի(սրաէ)լի ցյովսափատ. է́ մեւս եւս այր՝ առ ՛ի խնդրել զտ(է)ր նովաւ. եւ ես ատեցի́ զնա, վ(ա)ս(ն) զի ո́չ մարգարէանայ ինձ բարիս. եւ զի ա(մենայ)ն աւուրք իւր ե́ն ՛ի չարութի(ւն). նա́ է միքիաս որդի յեմլեայ։ եւ ասէ յովսափատ. մի́ խօսեսցի արքայ այդպէս։

Verse: 8  Link to sept   Եւ կոչեաց արքայն ի(սրաէ)լի ներքինի մի՝ եւ ասէ. վաղվաղակի ա́ծ զմիքիաս որդի յեմլեայ։

Verse: 9  Link to sept   եւ արքայն ի(սրաէ)լի՝ եւ յովսափատ արքայ յուդայ՝ նստէին իւրաքանչիւրոք յաթոռ իւրում, զգեցեալ պատմուճանս, եւ նստէին յընդարձակ դրանն սամարեայ։ եւ ամենեքեան մարգարէքն առաջի ն(ո)ց(ա) մարգարէանային։

Verse: 10  Link to sept   Եւ արա́ր իւր սեդեկիաս որդի քանանու եղջեւրս երկաթեղէնս, եւ ասէ՝ ա́յսպէս ասէ տ(է)ր. սոքօք հարցես զասորիս մինչեւ վախճանեսցես։

Verse: 11  Link to sept   Եւ ամենեքեան մարգարէքն նո́յնպէս մարգարէանային եւ ասէին. ե́լ յռամովթ գաղաադ, եւ յաջողեսցիս, եւ տացէ́ տ(է)ր ՛ի ձեռս արքայի։

Verse: 12  Link to sept   Եւ հրեշտակն որ չոգաւ կոչել զմիքէաս, խօսեցա́ւ ը(նդ) նմա՝ եւ ասէ. ահա խօսեցան մարգարէքն իբրեւ ը(նդ) մի բերան յաղագս արքայի՝ բարի́ս. եղիցին եւ քո բանք իբրեւ զմիո́յ ն(ո)ց(ա), եւ խօսեսցիս բարի́ս։

Verse: 13  Link to sept   Եւ ասէ միքէաս. կենդանի́ է տ(է)ր՝ զի զորինչ ասասցէ ա(ստուա)ծ ցիս՝ զա́յն խօսեցայց։

Verse: 14  Link to sept   եւ եկն առ արքայ։ եւ ասէ ցնա արքայ. միքէա́ս՝ եթէ երթա՞յց յռամովթ գաղաադ ՛ի պատերազմ, եթէ դադարեցից։ եւ ասէ. ե́լ եւ յաջողեսցի, եւ տացին ՛ի ձեռս ձեր։

Verse: 15  Link to sept   Եւ ասէ ցնա արքայ. քանի՞ցս անգամ երդմնեցուցի զքեզ, զի մի́ այլ ինչ խօսեսցի ընդիս, բայց զճշմարտութի(ւն) յանուն տ(եառ)ն։

Verse: 16  Link to sept   Եւ ասէ, տեսի ցրուեա́լ զի(սրա)էլ ՛ի լերինս՝ իբրեւ զոչխարս որոց ո́չ գոյ հովիւ. եւ ասէ տ(է)ր, ո́չ գոյ դոցա իշխան. դարձցի́ իւրաքանչիւրոք ՛ի տուն իւր խաղաղութ(եամ)բ։

Verse: 17  Link to sept   Եւ ասէ արքայն ի(սրաէ)լի ցյովսափատ. ո՞չ ասացի քեզ՝ թէ ոչ մարգարէանայ նա վ(ա)ս(ն) իմ բարիս՝ այլ չարու(թ)ի(ւն)։

Verse: 18  Link to sept   Եւ ասէ՝ ո́չ այդպէս. լուարո́ւք զբան տ(եառ)ն. տեսի զտ(է)ր՝ զի նստէր յաթոռն իւրում. եւ ա(մենայ)ն զօրք երկնից մե́րձ կային յաջմէ ն(ո)ր(ա) եւ յահեկէ։

Verse: 19  Link to sept   եւ ասէ տ(է)ր. ո՞ խաբեսցէ զաքաաբ արքայ ի(սրաէ)լի, զի ելցէ եւ անկցի յռամովթ գաղաադու։ եւ ասեն, ոմն ա́յսպէս, եւ ոմն ա́յնպէս։

Verse: 20  Link to sept   Եւ ե́լ հոգի՝ եկաց առաջի տ(եառ)ն՝ եւ ասէ. ե́ս խաբեցից զնա։ եւ ասէ տ(է)ր. ի՞ւ։

Verse: 21  Link to sept   եւ ասէ՝ ելից եւ եղէց հոգի սուտ ՛ի բերան ա(մենայ)ն մարգարէիցն ն(ո)ր(ա)։ եւ ասէ՝ խաբեսցես՝ եւ կարասցես, ե́լ եւ արա ա́յդպէս։

Verse: 22  Link to sept   Եւ ա́րդ՝ ահա ետ տ(է)ր հոգի սո́ւտ ՛ի բերան մարգարէիցդ քոց այդոցիկ. եւ տ(է)ր խօսեցաւ վ(ա)ս(ն) քո չարիս։

Verse: 23  Link to sept   Եւ մատուցեալ սեդեկիա որդի քանանու՝ եհար զծնօտն միքայի, եւ ասէ ցնա. որո՞վ ճանապարհաւ անց ոգի տ(եառ)ն զինեւ, եւ խօսեցաւ ընդ քեզ։

Verse: 24  Link to sept   Եւ ասէ միքէաս, ահա տեսցես յաւուրն յայնիկ. յորում մտանիցես շտեմարան ՛ի շտեմարանէ թաքչել։

Verse: 25  Link to sept   Եւ ասէ արքայն ի(սրաէ)լի. առէ́ք զմիքէաս՝ եւ դարձուցէք զդա առ սեմեր իշխան քաղաքիս, եւ առ յովաս իշխան որդի արքայի.

Verse: 26  Link to sept   եւ ասացէ́ք, ա́յսպէս ասէ արքայ. տո́ւք զդա ՛ի տուն բանտին, եւ կերիցէ հաց նեղու(թ)ե(ան), եւ ջուր նեղու(թ)ե(ան) արբցէ՝ մինչեւ ՛ի դառնալն իմում խաղաղութ(եամ)բ։

Verse: 27  Link to sept   Եւ ասէ միքէաս, եթէ դառնալով դարձցիս խաղաղու(թեամ)բ՝ ո́չ խօսեցաւ ընդիս տ(է)ր, լուարո́ւք ժողովուրդք ամենեքեան։

Verse: 28  Link to sept   Եւ ել արքայն ի(սրաէ)լի, եւ յովսափատ արքայ յուդայ յռամովթ գաղաադ։

Verse: 29  Link to sept   Եւ ասէ արքայն ի(սրաէ)լի ցյովսափատ, ծածկեա́ զիս եւ մտից ՛ի պատերազմն, եւ դու զգեցիր զպատմուճանն իմ։ եւ ծածկեցաւ արքայն ի(սրաէ)լի, եւ եմուտ ՛ի պատերազմ։

Verse: 30  Link to sept   Եւ արքայն ասորւոց պատուիրեաց իշխանաց կառացն որք էին ը(նդ) նմա՝ եւ ասէ, մի́ պատերազմիցիք ընդ փոքու եւ մի́ ընդ մեծի, բայց ը(նդ) արքային ի(սրաէ)լի միայն։

Verse: 31  Link to sept   Եւ եղեւ իբրեւ տեսին իշխանք կառացն զյովսափատ, եւ ասեն նոքա՝ սա́ է արքայն ի(սրաէ)լի. եւ շո́ւրջ եղեն զնովաւ պատերազմել։ եւ գոչեաց յովսափատ, եւ տ(է)ր ապրեցոյց զնա. եւ դարձոյց զն(ո)ս(ա) ա(ստուա)ծ ՛ի նմանէ։

Verse: 32  Link to sept   եւ եղեւ իբրեւ տեսին իշխանք կառացն՝ թէ ո́չ է նա արքայն ի(սրաէ)լի, դարձան ՛ի նմանէ։

Verse: 33  Link to sept   Եւ այր ոմն ելից զաղեղն կորովու(թեամ)բ, եւ եհար զարքայն ի(սրաէ)լի ը(նդ) մէջ թոքոցն եւ լանջաց։ եւ ասէ ցներքինին, դարձո́ զձեռն քո՝ եւ հա́ն զիս ՛ի պատերազմէս, վ(ա)ս(ն) զի վտանգեցայ։

Verse: 34  Link to sept   Եւ պարտեցաւ պատերազմ յաւուր յայնմիկ, եւ արքայն ի(սրաէ)լի կա́յր ՛ի վերայ կառացն իւրոց մինչեւ ցերեկոյ ընդդէմ ասորեացն. եւ մեռաւ ՛ի մտանել արեգականն։


Chapter: 19 
ԳԼ(ՈՒԽ) Ժ՜.


Verse: 1  Link to sept   Եւ դարձաւ յովսափատ արքայ յուդայ ՛ի տուն իւր խաղաղու(թեամ)բ յե(րուսաղէ)մ։

Verse: 2  Link to sept   Եւ ել ընդառաջ ն(ո)ր(ա) յէու որդի անանիայ մարգարէ, եւ ասէ նա ցարքայ յովսափատ. եթէ մեղաւորին դու օգնե՞ս, կամ ատելւոյն ՛ի տ(եառն)է բարեկա՞մ լինիս. վ(ա)ս(ն) այդորիկ եղեւ ՛ի վերայ քո բարկու(թ)ի(ւն) ՛ի տ(եառն)է։

Verse: 3  Link to sept   այլ զի գտա́ն ՛ի քեզ բանք բարիք, եւ զի բարձեր զանտառսն յերկրէս յուդայ, եւ ուղղեցեր զսիրտ քո խնդրել զտ(է)ր՝ ապրեցո́յց զքեզ տ(է)ր։

Verse: 4  Link to sept   Եւ բնակեաց յովսափատ յե(րուսաղէ)մ։ եւ միւսանգամ ե́լ ժողովուրդն ՛ի բերսաբէէ մինչեւ ՛ի լեառնն եփրեմի, եւ դարձոյց զն(ո)ս(ա) առ տ(է)ր ա(ստուա)ծ հարցն իւրեանց։

Verse: 5  Link to sept   Եւ կացո́յց դատաւորս յա(մենայ)ն քաղաքսն յուդայ, եւ յամուրս յիւրաքանչիւր քաղաքի։

Verse: 6  Link to sept   եւ ասէ ցդատաւորսն. տեսէ́ք զինչ առնիցէք դուք, վ(ա)ս(ն) զի ո́չ զմարդկան իրս դատիք դուք՝ այլ զտ(եառ)ն, եւ ը(նդ) ձե́զ են բանք իրաւանց։

Verse: 7  Link to sept   եւ արդ եղիցի երկեւղ տ(եառ)ն ՛ի վերայ ձեր, պահեցէք եւ արարէք. զի ո́չ գոյ տ(եառ)ն ա(ստուծո)յ մերոյ անիրաւութի(ւն), եւ ո́չ երեսաց աչառել, եւ ո́չ առնուլ կաշառս։

Verse: 8  Link to sept   Այլ եւ յե(րուսաղէ)մ կացոյց յովսափատ ՛ի քահանայից եւ ՛ի ղեւտացւոց, եւ ՛ի հայրապետաց ի(սրաէ)լի՝ յիրաւունս տ(եառ)ն դատե́լ զբնակիչսն ե(րուսաղէ)մի։

Verse: 9  Link to sept   Եւ պատուիրեաց ն(ո)ց(ա) եւ ասէ. ա́յնպէս արարէք երկիւղիւ տ(եառ)ն, ճշմարտութ(եամ)բ եւ լի́ սրտիւ

Verse: 10  Link to sept   ա(մենայ)ն այր զիրաւունսն, զեկեալս առ ձեզ յեղբարց ձերոց՝ եւ բնակչաց քաղաքացն իւրեանց, ՛ի մէջ արեան եւ արեան, եւ ՛ի մէջ իրաց եւ պատուիրանի. եւ զիրաւունս եւ զդատաստանսն որոշեցէ́ք ն(ո)ց(ա). եւ մի́ մեղիցեն առ ա(ստուա)ծ. եւ ո́չեւս եղիցի ՛ի վերայ ձեր բարկու(թ)ի(ւն), եւ ո́չ ՛ի վերայ եղբարց ձերոց. ա́յսպէս արասջի́ք եւ ո́չ մեղանչիցէք։

Verse: 11  Link to sept   Եւ ահա ամարիաս քահանայ՝ առաջնորդ ՛ի վ(ե)ր(այ) ձեր յա(մենայ)ն բանի տ(եառ)ն. եւ զաբդիաս որդի ոսմայելի առաջնորդ ՛ի տանն յուդայ. յա(մենայ)ն բանի արքայի։ եւ դպիրքն եւ ղեւտացիք առաջի ձեր. զօրացարո́ւք եւ արարէ́ք. եւ եղիցի́ տ(է)ր ընդ բարւոյն։


Chapter: 20 
ԳԼ(ՈՒԽ) Ի՜.


Verse: 1  Link to sept   Եւ յետ այսորիկ եկին որդիքն ամոնայ, եւ որդիքն մովաբայ. եւ ընդ ն(ո)ս(ա) ՛ի մինեցւոց անտի, առ յովսափատ ՛ի պատերազմ։

Verse: 2  Link to sept   Եկի́ն եւ ցուցին յովսափատայ՝ եւ ասեն. եկն ՛ի վերայ քո ամբոխ բազում յա́յնմ կողմանէ ծովուն յասորեաց, եւ ահա են յասասանթամար՝ որ է ՛ի գադդի։

Verse: 3  Link to sept   եւ երկեաւ։ Եւ ետ յովսափատ զերեսս իւր խնդրել զտ(է)ր, եւ քարոզեաց պահս յա(մենայ)ն յուդայ։

Verse: 4  Link to sept   եւ ժողովեցաւ յուդաս խնդրել զտ(է)ր։ եւ յա(մենայ)ն քաղաքացն յուդայ եկին խնդրել զտ(է)ր։

Verse: 5  Link to sept   Եւ յարեաւ յովսափատ ՛ի մէջ եկեղեցւոյն յուդայ յե(րուսաղէ)մ ՛ի տանն տ(եառ)ն՝ յանդիման սրահին նորոյ.

Verse: 6  Link to sept   եւ ասէ. Տ(է)ր ա(ստուա)ծ հարցն մերոց, ո՞չ ապաքէն դո́ւ ես ա(ստուա)ծ յերկինս, եւ դո́ւ տիրես ա(մենայ)ն թագաւորութե(ան)ց հեթանոսաց, եւ ՛ի ձե́ռս քո զօրու(թ)ի(ւն) ուժոյ. եւ ո́չ ոք կարէ կալ ընդդէմ քո։

Verse: 7  Link to sept   ո՞չ ապաքէն դո́ւ ես տ(է)ր որ սատակեցեր զբնակիչս երկրիս այսորիկ յերեսաց ժողովրդեան քոյ ի(սրաէ)լի, եւ ետուր զսա զաւակի աբրահամու սիրելւոյն քո յաւիտեան։

Verse: 8  Link to sept   բնակեցին ՛ի սմա, եւ շինեցին աստ սրբու(թ)ի(ւն) անուան քում, եւ ասացին.

Verse: 9  Link to sept   եթէ եկեսցեն ՛ի վ(ե)ր(այ) մեր չարիք՝ սո́ւր, դատաստանք, մահ, սո́վ, կացցո́ւք առաջի տանս այսմիկ՝ եւ առաջի քո. վ(ա)ս(ն) զի անուն քո ՛ի վ(ե)ր(այ) տանս այսորիկ է. եւ գոչեսցուք առ քեզ ՛ի նեղութե(ան), լուիցես՝ եւ ապրեցուսցես զմեզ։

Verse: 10  Link to sept   Եւ արդ՝ ահա որդիքն ամոնայ եւ մովաբու, եւ լեառն սէիրայ. ընդ որս ո́չ ետուր անցանել ընդ ն(ո)ս(ա) ի(սրաէ)լի յելանելն ն(ո)ց(ա) յերկրէն եգիպտոսի. վ(ա)ս(ն) զի խոտորեցան ՛ի նոցանէ, եւ ո́չ սատակեցին զնոսա։

Verse: 11  Link to sept   եւ արդ՝ աւասիկ նոքա յանդգնին գա́լ ՛ի վ(ե)ր(այ) մեր, եւ հանել զմեզ յերկրէս ժառանգու(թ)ե(ան) մերոյ զոր ետուր մեզ։

Verse: 12  Link to sept   Տ(է)ր ա(ստուա)ծ մեր՝ ո՞չ առնես դատաստանս ՛ի ն(ո)ս(ա). վ(ա)ս(ն) զի ո́չ գոյ զօրու(թ)ի(ւն) մեր ընդդէ́մ կալ բազում ամբոխին այնորիկ, եւ ո́չ գիտեմք զինչ արասցուք ն(ո)ց(ա). այլ առ քե́զ են աչք մեր։

Verse: 13  Link to sept   Եւ ա(մենայ)ն յուդաս կա́յր առաջի տ(եառ)ն. եւ մանկունք ն(ո)ց(ա), եւ կանայք ն(ո)ց(ա)։

Verse: 14  Link to sept   Եւ ոզիելի որդւոյ զաքարեայ, եւ յորդւոցն բանեայ, եւ յորդւոցն եղիելի, որդւոյն մաթանիայ ղեւտացւոյ յորդւոցն ասափայ, եղեւ ՛ի վ(ե)ր(այ) ն(ո)ր(ա) հոգի տ(եառ)ն ՛ի մէջ եկեղեցւոյն։

Verse: 15  Link to sept   եւ ասէ. Լուարո́ւք ա(մենայ)ն յուդայ եւ բնակիչք ե(րուսաղէ)մի՝ եւ արքայ յովսափատ. ա́յսպէս ասէ տ(է)ր ցձեզ. մի́ երկնչիք, եւ մի́ զարհուրիք յերեսաց բազում ամբոխին այնորիկ. վ(ա)ս(ն) զի ո́չ ձե́ր է պատերազմդ՝ այլ ա(ստուծո)յ։

Verse: 16  Link to sept   Վաղիւ իջէ́ք ՛ի վերայ ն(ո)ց(ա). ահա իջանեն ընդ զառ ՛ի վայրն ասեր, եւ գտջի́ք զնոսա առ եզեր գետոյն, անապատին յերիելի.

Verse: 17  Link to sept   ո́չ է ձեր պատերազմել անդ. իմասջի́ք եւ տեսջի́ք զփրկու(թ)ի(ւն) տ(եառ)ն որ է ը(նդ) ձեզ, յուդայ եւ ե(րուսաղ)էմ. մի́ երկնչիք եւ մի́ զարհուրիք վաղիւ իջանել ընդառաջ ն(ո)ց(ա). զի տ(է)ր է́ ընդ ձեզ։

Verse: 18  Link to sept   Եւ խոնարհեալ յովսափատ ՛ի վ(ե)ր(այ) երեսաց իւրոց, եւ ա(մենայ)ն յուդաս՝ եւ բնակիչք ե(րուսաղէ)մի. անկան առաջի տ(եառ)ն, եւ երկի́ր պագին տ(եառ)ն։

Verse: 19  Link to sept   Եւ յարեա́ն ղեւտացիքն՝ յորդւոցն կահաթու, եւ յորդւոցն կորխայ՝ օրհնել զտ(է)ր ա(ստուա)ծ ձայնիւ մեծաւ ՛ի բարձունս։

Verse: 20  Link to sept   Եւ կանխեցին ընդ առաւօտս, ելին յանապատն թեկուայ։ եւ յելանելն իւրեանց՝ եկաց յովսափատ, գոչեաց եւ ասէ. լուարո́ւք ինձ յուդաս եւ բնակիչք ե(րուսաղէ)մի. հաւատացէ́ք տ(եառ)ն ա(ստուծո)յ մերում, եւ հաւատասցէ ձեզ. հաւատացէ́ք մարգարէից ն(ո)ր(ա)՝ եւ յաջողեսցի́ ձեզ։

Verse: 21  Link to sept   Եւ խոնարհեցաւ ընդ ժողովրդեանն. եւ կացոյց սաղմոսանուագս՝ եւ օրհնիչս, խոստովան լինել եւ օրհնել զսրբու(թ)ի(ւն)սն, յելանելն առաջի զօրուն՝ եւ ասէին. խոստովա́ն եղերո́ւք տ(եառ)ն, զի յաւիտեան է ողորմու(թ)ի(ւն) ն(ո)ր(ա)։

Verse: 22  Link to sept   Եւ եղեւ ՛ի սկսանելն զօրհնու(թ)ի(ւն)ս տ(եառ)ն եւ զխոստովանութի(ւն)սն նորա, ետ տ(է)ր պատերազմել որդւոցն ամոնայ ՛ի վ(ե)ր(այ) մովաբու ՛ի լերինն սէիրայ, որք ելեալ էին ՛ի վ(ե)ր(այ) յուդայ. եւ պարտեցան։

Verse: 23  Link to sept   եւ յարեան որդիքն ամոնայ եւ մովաբու ՛ի վ(ե)ր(այ) բնակչաց լերինն սէիրայ սատակե́լ եւ խորտակել. եւ իբրեւ վախճանեցին զբնակիչսն սէիրայ, յարեան ՛ի միմեանց սատակել։

Verse: 24  Link to sept   Եւ յուդաս եկն ՛ի գիտանոցն անապատին, հայեցաւ եւ ետես զբազմութի(ւն)ն, եւ ահա ամենեքեան մեռեալք եւ անկեալք ՛ի վ(ե)ր(այ) երկրի. եւ ո́չ ոք էր ապրեալ։

Verse: 25  Link to sept   Եւ եկն յովսափատ եւ զօրն, կողոպտել զաւարն ն(ո)ց(ա). եւ գտին անասուն բազում, եւ կազմածն, եւ զաւարն, եւ անօթս ցանկալիս. եւ աւարեցին զայն։ Եւ եղեւ զերիս աւուրս ժողովե́լ ն(ո)ց(ա) զաւարն. վ(ա)ս(ն) զի բազո́ւմ էր յոյժ։

Verse: 26  Link to sept   եւ յաւուրն չորրորդի ժողովեցան ՛ի հովիտսն օրհնութե(ան). վ(ա)ս(ն) զի ա́նդ օրհնեցին զտ(է)ր. յաղագս այնորիկ կոչեցին զանուն տեղւոյն այնորիկ՝ հովի́տ օրհնու(թ)ե(ան) մինչեւ յօրս յայս։

Verse: 27  Link to sept   Եւ դարձաւ ա(մենայ)ն այր յուդայ յե(րուսաղէ)մ, եւ յովսափատ առաջնորդ ն(ո)ց(ա) ուրախութ(եամ)բ մեծաւ. քանզի ուրա́խ արար զնոսա տ(է)ր ՛ի թշնամեացն իւրեանց։

Verse: 28  Link to sept   եւ մտին յե(րուսաղէ)մ քնարօք եւ տաւղօք եւ փողովք ՛ի տուն տ(եառ)ն։

Verse: 29  Link to sept   Եւ եղեն արհաւիրք ՛ի տ(եառն)է ՛ի վ(ե)ր(այ) ա(մենայ)ն թագաւորու(թ)ե(ան)ց երկրի ՛ի լսե́լն ն(ո)ց(ա)՝ եթէ տ(է)ր ե́տ պատերազմ ը(նդ) հակառակորդսն ի(սրաէ)լի։

Verse: 30  Link to sept   Եւ խաղաղեցաւ թագաւորութի(ւն)ն յովսափատու. եւ հանգո́յց զնա ա(ստուա)ծ ն(ո)ր(ա) շուրջանակի։

Verse: 31  Link to sept   Եւ թագաւորեաց յովսափատ ՛ի վ(ե)ր(այ) յուդայ. եւ էր ամաց երեսնից ՛ի թագաւորելն իւրում, եւ քսան եւ հինգ ամ թագաւորեաց յե(րուսաղէ)մ. եւ անուն մօրն նորա ազուբա՝ դուստր սաղիայ։

Verse: 32  Link to sept   Եւ գնաց ՛ի ճանապարհս հօր իւրոյ ասայի, ո́չ խոտորեցաւ առնել ուղղութի(ւն) առաջի տ(եառ)ն։

Verse: 33  Link to sept   այլ բարձունքն տակաւին եւս էին. եւ ժողովուրդն ո́չ ուղղեաց զսիրտ իւր առ տ(է)ր ա(ստուա)ծ հարցն իւրեանց։

Verse: 34  Link to sept   Եւ մնացեալ բանքն յովսափատու առաջինք եւ վերջինք՝ ահա գրեալ են ՛ի բանս յէուայ որդւոյ անանայ, որ գրեաց զգիրս թագաւորացն ի(սրաէ)լի։

Verse: 35  Link to sept   Եւ յետ այսորիկ հաղորդութի(ւն) արար յովսափատ արքայ յուդայ ընդ ոքոզեայ արքայի ի(սրաէ)լի. եւ անօրինեցաւ նա յառնել

Verse: 36  Link to sept   Եւ երթալ առ նա։ եւ առնել նա́ւ գնալ ՛ի թարսիս, եւ արար նաւ ՛ի գասիոնգաբեր։

Verse: 37  Link to sept   Եւ մարգարէացաւ եղիազար որդի ովդրայ ՛ի մարեսայ՝ առ յովսափատ, եւ ասէ. վ(ա)ս(ն) զի եղեր սիրելի ոքոզիայ, խորտակեաց տ(է)ր զգործն քո, եւ խորտակեցաւ նաւն քո՝ եւ ո́չ կարաց երթալ ՛ի թարսիս։



Chapter: 21 
ԳԼ(ՈՒԽ) Ի՜.


Verse: 1  Link to sept   Եւ ննջեաց յովսափատ ը(նդ) հարս իւր, եւ թաղեցաւ ընդ հարս իւր ՛ի քաղաքի դաւթի։
   Եւ թագաւորեաց յովրամ որդի ն(ո)ր(ա) փոխանակ ն(ո)ր(ա)։

Verse: 2  Link to sept   եւ ն(ո)ր(ա) էին եղբարք՝ որդիք յովսափատու վեց՝ եզրիաս, եւ էէլ, եւ զաքարիաս, եւ միսայէլ, եւ սափատիաս, եւ ազարիու. ամենեքեան սոքա որդիք յովսափատու արքայի յուդայ։

Verse: 3  Link to sept   Եւ ետ ն(ո)ց(ա) հայրն իւրեանց պարգեւս բազումս, արծաթ եւ ոսկի, եւ զէնս, հանդերձ պարսպաւոր քաղաքօքն յուդայ. եւ զթագաւորու(թ)ի(ւն)ն ետ յովրամայ, վ(ա)ս(ն) զի նա́ էր անդրանիկ։

Verse: 4  Link to sept   Եւ յարեաւ յովրամ ՛ի թագաւորու(թ)ե(ա)ն իւրում, եւ զօրացաւ. եւ սպան զամենեսեան զեղբարսն իւր սրով, եւ յիշխանացն ի(սրաէ)լի։

Verse: 5  Link to sept   Է́ր ինքն երեսուն եւ երկուց ամաց՝ յորժամ եկաց ՛ի թագաւորու(թ)ե(ա)ն իւրում, եւ զութ ամ թագաւորեաց յե(րուսաղէ)մ.

Verse: 6  Link to sept   եւ գնաց ՛ի ճանապարհս թագաւորացն ի(սրաէ)լի, ո(ր)պ(էս) արար տունն աքաաբու. վ(ա)ս(ն) զի դուստր աքաաբու էր ն(ո)ր(ա) կին. եւ արար չա́ր առաջի տ(եառ)ն։

Verse: 7  Link to sept   եւ ո́չ կամեցաւ տ(է)ր սատակել զտունն դաւթի, վ(ա)ս(ն) ուխտին զոր եդ ընդ դաւթի. եւ ո(ր)պ(էս) ասացն ցնա՝ տա́լ նմա ճրագ, եւ որդւոց ն(ո)ր(ա) զա(մենայ)ն աւուրս։

Verse: 8  Link to sept   Յաւուրսն յայնոսիկ ապստամբեաց եդոմ ՛ի յուդայ, եւ թագաւորեցուցին ՛ի վերայ իւրեանց թագաւոր։

Verse: 9  Link to sept   Եւ գնաց յովրամ հանդերձ իշխանօքն, եւ ա(մենայ)ն երիվարք ընդ նմա։ եւ եղեւ ՛ի յառնելն ն(ո)ր(ա) գիշերի, եհա́ր եդոմ զայնոսիկ որ պատեցին զնա, եւ զիշխանս կառացն. եւ փախեաւ զօրն ՛ի բնակութի(ւն)ս իւրեանց։

Verse: 10  Link to sept   եւ ՛ի բա́ց եկաց եդովմ ՛ի ձեռնէ յուդայ՝ մինչեւ յօրս յայս։ Յայնժամ ապստամբեաց ղոբնա ՛ի ձեռանէ ն(ո)ր(ա) ՛ի ժամանակին յայնմիկ. վ(ա)ս(ն) զի թողին զտ(է)ր ա(ստուա)ծ հարցն իւրեանց։

Verse: 11  Link to sept   քանզի արար իւր բարձունս ՛ի քաղաքսն յուդայ, եւ պոռնկեցոյց զբնակիչսն ե(րուսաղէ)մի. եւ մոլորեցոյց զյուդաս։

Verse: 12  Link to sept   Եւ եկն նմա գի́ր յեղիայէ մարգարէէ. եւ ասէ։ ա́յսպէս ասէ տ(է)ր ա(ստուա)ծ դաւթի հօր քոյ. փոխանակ զի ո́չ գնացեր դու ՛ի ճանապարհս յովսափատու հօր քոյ, եւ ոչ ՛ի ճանապարհս ասայի արքայի յուդայ.

Verse: 13  Link to sept   այլ գնացեր ՛ի ճանապարհս թագաւորին ի(սրաէ)լի. եւ պոռնկեցուցեր զյուդայ՝ եւ զբնակիչսն եմ(թ)ի(ւն). ո(ր)պ(էս) պոռնկեցաւ տունն աքաաբու։ եւ զեղբարս քո զորդիս հօր քոյ՝ զլաւագոյնսն քան զքեզ սպանե́ր.

Verse: 14  Link to sept   եւ ահա տ(է)ր հարցէ զքեզ հարուածօք մեծամեծօք ՛ի ժողովրդեան քում, եւ զորդիս քո եւ զկանայս քո, եւ զա(մենայ)ն ստացուածս քո։

Verse: 15  Link to sept   եւ դու չա́ր հիւանդութ(եամ)բ եւ ախտիւ որովայնի հաշեսցիս, մինչեւ ելցէ որովայն քո հիւանդու(թեամ)բն հանդերձ՝ աւուրց յաւուրս։

Verse: 16  Link to sept   Եւ յարո́յց տ(է)ր ՛ի վ(ե)ր(այ) յովրամայ այլազգիս, եւ զարաբացիս, եւ զմերձաւորսն յեթւովպացւոց։

Verse: 17  Link to sept   եւ ելին ՛ի վ(ե)ր(այ) յուդայ, եւ հարստահարէին զնա. եւ դարձուցին զա(մենայ)ն պատրաստութի(ւն)ն զոր գտին ՛ի տան արքային, եւ զուստերս ն(ո)ր(ա), եւ զդստերս ն(ո)ր(ա). եւ ո́չ մնաց նմա որդի. բայց ոքոզիաս միայն՝ կրտսերագոյն յորդիս ն(ո)ր(ա)։

Verse: 18  Link to sept   Եւ յետ այսր ա(մենայ)նի՝ եհար զնա տ(է)ր ախտիւ որովայնի որոյ ո́չ գոյր բժշկութի(ւն).

Verse: 19  Link to sept   եւ եղեւ աւուրց յաւուրս, իբրեւ եկն ժամանակ աւուրցն նորա, յերկուս աւուրս ե́լ որովայն ն(ո)ր(ա) հանդերձ ախտիւն. եւ մեռաւ ՛ի չար հիւանդու(թ)ե(ա)ն յայնմիկ։ եւ ո́չ արար նմա ժողովուրդն յուղարկու(թ)ի(ւն), իբրեւ զյուղարկաւորութի(ւն) հարցն ն(ո)ր(ա)։

Verse: 20  Link to sept   Է́ր ամաց երեսուն եւ երկուց՝ յորժամ թագաւորեաց. եւ զութ ամ թագաւորեաց յե(րուսաղէ)մ. եւ մեռաւ ո́չ գովութ(եամ)բ. եւ թաղեցաւ ՛ի քաղաքին դաւթի, եւ ո́չ ՛ի գերեզմանս թագաւորացն։


Chapter: 22 
ԳԼ(ՈՒԽ) Ի՜.


Verse: 1  Link to sept   Եւ թագաւորեցուցին բնակիչքն եմ(թ)ի(ւն) զոքոզիաս որդի ն(ո)ր(ա) զկրտսերագոյնն փոխանակ ն(ո)ր(ա). վ(ա)ս(ն) զի զամենեսեան զերիցագոյնսն կոտորեաց հէնն եկեալ ՛ի վ(ե)ր(այ) ն(ո)ց(ա), արաբացիքն, եւ աղիմազովնեայքն։ եւ թագաւորեաց ոքոզիա որդի յովրամայ արքայի յուդայ։

Verse: 2  Link to sept   Է́ր քսան եւ երկո́ւց ամաց յորժամ թագաւորեաց ոքոզիա. եւ տարի մի թագաւորեաց յե(րուսաղէ)մ. եւ անուն մօր նորա գոդոզիա դուստր զամրեայ։

Verse: 3  Link to sept   Եւ նա́ գնաց ՛ի ճանապարհս տանն աքաաբու. վ(ա)ս(ն) զի մայրն իւր էր խորհրդակից նմա մեղանչել։

Verse: 4  Link to sept   եւ արար չա́ր առաջի տ(եառ)ն ո(ր)պ(էս) արար տունն աքաաբու. քանզի նոքա էին խորհրդակիցք նմա յետ մեռանելոյ հօր ն(ո)ր(ա) սատակել զնա։

Verse: 5  Link to sept   ըստ խորհրդոց ն(ո)ց(ա) գնա́ց նա։ Եւ չոգաւ ընդ յովրամայ որդւոյ աքաաբու ՛ի պատերազմ ՛ի վ(ե)ր(այ) ազայելի արքայի ասորեաց յռամաթ գաղաադ. եւ հարին աղեղնաւորքն զյովրամ։

Verse: 6  Link to sept   Եւ դարձաւ յովրամ բժշկել յեզրայէլ, ՛ի վիրացն զոր խոցեցին զնա ասորիքն յռամաթ՝ ՛ի պատերազմել նորա ընդ ազայելի արքայի ասորեաց։ Եւ ոքոզիաս որդի յովրամայ արքայի յուդայ՝ էջ տեսանել զյովրամ որդին աքաաբու յեզրայէլ, վ(ա)ս(ն) զի հիւանդ էր։

Verse: 7  Link to sept   եւ ՛ի տ(եառն)է եղեւ կործանումն ոքոզիայ յերթալն առ յովրամ։ եւ յերթալն ն(ո)ր(ա) ե́լ նա առ յէու՝ որդին ամեսսեայ օծեա́լ տ(եառ)ն։

Verse: 8  Link to sept   Եւ եղեւ իբրեւ ա́ռ յէու զվրէժ տանն աքաաբու՝ եգիտ եւ զիշխանսն յուդայ զեղբարսն ոքոզեայ՝ որք պաշտէին զոքոզիաս, եւ կոտորեաց զն(ո)ս(ա).

Verse: 9  Link to sept   եւ ասաց խնդրել զոքոզիաս. եւ կալան զնա ՛ի բժշկելն ՛ի սամարիա. եւ ածին զնա առ յէու, եւ սպան զնա. եւ թաղեցին զնա անդէն. վ(ա)ս(ն) զի ասացին, որդի́ է յովսափատայ որ խնդրեաց զտ(է)ր ՛ի բոլոր սրտէ իւրմէ։ եւ ո́չ գոյր ՛ի տանն ոքոզիայ՝ զօրացուցանել զոք յաղագս զօրութե(ան) թագաւորութե(ա)ն։

Verse: 10  Link to sept   Եւ գոդողիա մա́յրն ոքոզիայ, ետես թէ մեռաւ որդին ն(ո)ր(ա), յարեաւ եւ կորո́յս զա(մենայ)ն զաւակ թագաւորութե(ա)ն ՛ի տանն յուդայ։

Verse: 11  Link to sept   Եւ ա́ռ յովսաբեթ դուստր արքայի զյովաս որդի ոքոզիայ, եւ գողացաւ զնա ՛ի միջոյ որդւոցն արքայի կոտորելոցն. եւ ետ զնա ՛ի դայեակ նորա ՛ի սենեակս անկողացն. եւ թաքոյց զնա յովսաբեթ դուստր արքային յովրամայ՝ եղբայրն ոքոզիայ կին յովիդայեայ քահանայի, եւ ծածկեաց զնա յերեսաց գոդողիայ, եւ ո́չ սպան զնա։

Verse: 12  Link to sept   եւ է́ր ընդ նմա թաքուցեալ ՛ի տանն ա(ստուծո)յ ամս վեց։ եւ գոդողիա թագաւորեաց ՛ի վերայ երկրին։


Chapter: 23 
ԳԼ(ՈՒԽ) Ի՜.


Verse: 1  Link to sept   Եւ յամին եւթներորդի զօրացաւ յովիդայեա. ա́ռ զհարիւրապետսն՝ զազարիաս որդի́ յովրամայ, եւ զիսմայէլ որդի́ յովնանայ, եւ զազարիաս որդի́ յովբադայ, եւ զմասիաս որդի ադայիայ. եւ զեղիսափատ որդի զաքարիայ ՛ի տունն տ(եառ)ն.

Verse: 2  Link to sept   շրջեցան ընդ յուդաս, եւ ժողովեցին զղեւտացիսն յամենայն քաղաքացն յուդայ, եւ զիշխանս տոհմիցն ի(սրաէ)լի, եւ եկին յե(րուսաղէ)մ։

Verse: 3  Link to sept   Եւ եդին ուխտ ընդ ա(մենայ)ն եկեղեցւոյն յուդայ ՛ի տանն տ(եառ)ն, եւ ընդ արքային։ Եւ կացոյց նոցա զորդին արքայի, եւ ասէ ցնոսա. ահաւասիկ որդի արքային յուդայ, թագաւորեսցէ́ դա, որպէս խօսեցաւ տ(է)ր ՛ի վերայ տանն դաւթի։

Verse: 4  Link to sept   Եւ արդ՝ բան՝ այս է զոր առնիցէք։ երրորդ մասն ՛ի ձէնջ մտցէ ՛ի շաբաթապահ քահանայիցն ղեւտացւոց, եւ ՛ի մուտս դրանցն.

Verse: 5  Link to sept   եւ երրորդ մասն ՛ի տան արքային. եւ երրորդ մասն ՛ի դրանն միջնում։ Եւ ա(մենայ)ն ժողովուրդն ՛ի սրահի տանն տ(եառ)ն լիցի.

Verse: 6  Link to sept   եւ մի́ ոք մտցէ ՛ի տունն տ(եառ)ն, բայց միայն քահանայքն եւ ղեւտացիքն՝ եւ պաշտօնեայքն ՛ի ղեւտացւոց՝ նոքա մտցեն. վասն զի սուրբք են։ եւ ա(մենայ)ն ժողովուրդն պահեսցէ զպահպանութի(ւն)ս տ(եառ)ն։

Verse: 7  Link to sept   Եւ պատեսցեն ղեւտացիքն շուրջանակի զարքայ՝ ա́յր եւ զէ́ն իւր ՛ի ձեռին իւրում եւ որոք մտանիցէ ՛ի տունն, մեռցի́. եւ նոքա եղիցին ընդ արքայի ՛ի մտանե́լ եւ յելանել ն(ո)ր(ա)։

Verse: 8  Link to sept   Եւ արարին ղեւտացիքն եւ ա(մենայ)ն յուդայ ըստ ա(մենայ)նի զորինչ պատուիրեաց յովիդայեա քահանայ. եւ ա́ռ իւրաքանչիւրոք զընկեր իւր ՛ի սկսանելոյ շաբաթուն. վասն զի ո́չ արձակեաց յովիդայէ զհանապազորդեան պահապանսն։

Verse: 9  Link to sept   Եւ ետ ն(ո)ց(ա) զսուսերսն եւ զվահանսն, եւ զզէնսն որք էին արքայի դաւթի ՛ի տանն ա(ստուծո)յ։

Verse: 10  Link to sept   եւ կացոյց զա(մենայ)ն ժողովուրդն զիւրաքանչիւրոք զինուն իւրով յուսոյ տանն յաջմէ, մինչեւ յուս ահեկի կողմանն սեղանոյն եւ տաճարին զթագաւորաւն շուրջանակի։

Verse: 11  Link to sept   Եւ եհան զորդին արքայի, եւ եդ ՛ի վ(ե)ր(այ) նորա զթագն, եւ զվկայութի(ւն)ն։ եւ թագաւորեցուցին եւ օծին զնա յովիդայէ եւ որդիք ն(ո)ր(ա). եւ ասեն՝ կեցցէ́ արքայ։

Verse: 12  Link to sept   Եւ լուաւ գոդողիա զձայն ժողովրդեանն զընթանալոյն, զգոհանալոյն՝ եւ զօրհնելոյն զարքայ։ եւ եմուտ առ արքայն ՛ի տուն տ(եառ)ն.

Verse: 13  Link to sept   ետե́ս, եւ ահա թագաւորն կայր ՛ի տեղւոջն իւրում, եւ ՛ի մուտս ճանապարհին՝ պե́տքն, եւ փողքն, եւ իշխանքն շուրջ զարքայիւ. եւ ա(մենայ)ն ժողովուրդն զուարճացեալ հարկանէին զփողսն, եւ երգէին նուագարանօքն երգս, եւ օրհնէին զօրհնու(թ)ի(ւն)սն։ եւ պատառեաց գոդողիա զզգեստն իւր, գոչեա́ց եւ ասէ, դաւաճնութ(եամ)բ խարդախեցէք։

Verse: 14  Link to sept   Եւ ել յովիդայէ քահանայ՝ պատուիրեաց յովիդայէ քահանայ հարիւրապետացն եւ իշխանաց զօրուն, եւ ասէ ցն(ո)ս(ա). հանէ́ք զդա արտաքոյ ՛ի տանէդ. եւ ելէ́ք զկնի դորա, եւ մեռցի́ սրով։ վ(ա)ս(ն) զի ասաց քահանայն՝ մի́ մեռցի նա ՛ի տանն տ(եառ)ն։

Verse: 15  Link to sept   եւ թո́յլ ետուն նմա, եւ անց ընդ դուռն հեծելոց տան արքային. եւ սպանի́ն զնա անդ։

Verse: 16  Link to sept   Եւ ուխտեաց յովիդայէ ուխտ ՛ի մէջ իւր՝ եւ ժողովրդեանն եւ արքային, լինել ժողովուրդ տ(եառ)ն։

Verse: 17  Link to sept   եւ եմուտ ա(մենայ)ն ժողովուրդ երկրին ՛ի տունն բահաղու, եւ կործանեցին զնա, եւ զսեղանս ն(ո)ր(ա), եւ զկուռսն ն(ո)ր(ա) մանրեցին. եւ զմաթան քուրմն բահաղու սպանին առաջի սեղանոյ նորին։

Verse: 18  Link to sept   Եւ ա́ռ յովիդայէ քահանայ զգործ տանն ՛ի ձեռն քահանայից եւ ղեւտացւոց. եւ կանգնեաց զհանապազորդեան պաշտօնեայս զքահանայս եւ զղեւտացիս զորս զատոյց դաւիթ ՛ի տունն տ(եառ)ն, եւ մատոյց ողջակէզս տ(եառ)ն, ո(ր)պ(էս) եւ գրեալ է յօրէնսն մովսիսի, ուրախութ(եամ)բ եւ երգովք ՛ի ձեռն դաւթի։

Verse: 19  Link to sept   Եւ կացին դռնապանքն ՛ի դրունս տան տ(եառ)ն, եւ ո́չ մտանէր անմաքուր ոք անդր յա(մենայ)ն իրս։

Verse: 20  Link to sept   Եւ ա́ռ զպետս տոհմիցն, եւ զզօրաւորսն, եւ զիշխանս ժողովրդեանն, եւ զա(մենայ)ն ժողովուրդ երկրին, եւ հանին զարքայ ՛ի տանէ տ(եառ)ն, եւ մտին ընդ դուռն ներքին ՛ի տուն թագաւորին, եւ նստուցին զարքայ յաթոռ թագաւորութե(ա)ն։

Verse: 21  Link to sept   եւ ուրա́խ եղեւ ա(մենայ)ն ժողովուրդ երկրին, եւ քաղաքն լռեաց։ եւ զգոդողիա սպանին սրով։


Chapter: 24 
ԳԼ(ՈՒԽ) Ի՜.


Verse: 1  Link to sept   Է́ր եւթն ամաց յովաս ՛ի թագաւորելն իւրում. եւ քառասուն ամ թագաւորեաց յե(րուսաղէ)մ. եւ անուն մօր ն(ո)ր(ա) աբիա ՛ի բերսաբէէ։

Verse: 2  Link to sept   Եւ արար յովաս ուղղութի(ւն) առաջի տ(եառ)ն զա(մենայ)ն աւուրս յովիդայեայ քահանայի։

Verse: 3  Link to sept   եւ ա́ռ իւր յովաս երկուս կանայս, եւ ծնաւ ուստերս եւ դստերս։

Verse: 4  Link to sept   Եւ յետ այսորիկ եղեւ ՛ի սրտին յովասու կազմել զտունն տ(եառ)ն։

Verse: 5  Link to sept   եւ ժողովեաց զքահանայսն եւ զղեւտացիսն, եւ ասէ ցնոսա. ելէ́ք ՛ի քաղաքս յուդայ, եւ ժողովեցէ́ք յա(մենայ)ն յի(սրաէ)լէ արծաթ, զօրացուցանել զտունն տ(եառ)ն ամի ամի. եւ փութացարո́ւք խօսել. եւ ո́չ հաւատացին ղեւտացիքն։

Verse: 6  Link to sept   Եւ կոչեաց յովաս արքայ զյովիդայէ զիշխան, եւ ասէ ցնա. ընդէ՞ր ո́չ արարեր ա́յց ղեւտացւոցն, բերել ՛ի ներքս ՛ի յուդայ եւ յե(րուսաղէ)մէ՝ որինչ սահմանեալ էր ՛ի մովսիսէ յառնէն ա(ստուծո)յ։ վ(ա)ս(ն) զի եկեղեցացոյց զի(սրա)էլ ՛ի խորանն վկայութե(ան)։

Verse: 7  Link to sept   Զի գոդողիա էր անօրէն, եւ որդիք ն(ո)ր(ա) կործանեցին զտունն ա(ստուծո)յ. քանզի եւ զսրբութի(ւն)ս տանն ա(ստուծո)յ արարին բահաղիմայցն։

Verse: 8  Link to sept   Եւ ասէ արքայ. լիցի́ արկղ, եւ դիցի ՛ի դրան տանն տ(եառ)ն արտաքոյ.

Verse: 9  Link to sept   եւ քարոզեսցեն ՛ի յուդայ եւ յե(րուսաղէ)մ, բերել տ(եառ)ն, ո(ր)պ(էս) ասացն մովսէս ծառայն ա(ստուծո)յ ի(սրաէ)լի յանապատին։

Verse: 10  Link to sept   Եւ ետուն ամենեքեան՝ իշխանքն եւ ա(մենայ)ն ժողովուրդն, եւ բերէին ՛ի ներքս, եւ արկանէին յարկղն մինչեւ լցաւ։

Verse: 11  Link to sept   Եւ լինէր իբրեւ բերէին զարկղն առ վերակացու արքային ՛ի ձեռն ղեւտացւոցն, իբրեւ տեսանէին թէ առաւելոյր արծաթն, գայր դպրապետն առ արքայ, եւ վերակացու մեծի քահանային, եւ թափէին զարկղն. եւ կացուցանէին անդրէն ՛ի տեղւոջն իւրում. ա́յնպէս առնէին օր ըստ օրէ, եւ ժողովէին արծաթ բազում։

Verse: 12  Link to sept   Եւ ետ զայն արքայ եւ յովիդայէ քահանայ ցայնոսիկ որք առնէին զգործն ՛ի պատրաստութի(ւն) տանն տ(եառ)ն. եւ կացուցին ՛ի վարձու քարահատս եւ հիւսունս կազմել զտունն տ(եառ)ն, եւ առնէին զգործն.

Verse: 13  Link to sept   եւ ելանէր յաջողութի(ւն) գործոյն ՛ի ձեռս ն(ո)ց(ա). եւ կանգնեցին զտունն տ(եառ)ն ՛ի կայանի իւրում, եւ զօրացուցին զնա։

Verse: 14  Link to sept   Եւ իբրեւ կատարեցին, բերին առ արքայ եւ առ յովիդայէ զմնացեալ արծաթն. եւ արարին սպա́ս ՛ի տանն տ(եառ)ն, կա́հ պաշտաման ողջակիզացն, եւ խնկարանս ոսկեղէնս եւ արծաթեղէնս. եւ մատուցանէին ողջակէզս ՛ի տան տ(եառ)ն հանապազ զա(մենայ)ն աւուրս յովիդայեայ։

Verse: 15  Link to sept   Եւ ծերացաւ յովիդայէ լի́ աւուրբք, եւ վախճանեցաւ ամաց հարիւր եւ երեսնից։

Verse: 16  Link to sept   եւ ՛ի վախճանելն ն(ո)ր(ա) թաղեցին զնա ՛ի քաղաքի դաւթի ընդ թագաւորս. վ(ա)ս(ն) զի արա́ր բարութի(ւն)ս ընդ ի(սրաէ)լի, եւ ընդ ա(ստուծո)յ՝ եւ ընդ տան ն(ո)ր(ա)։

Verse: 17  Link to sept   Եւ եղեւ յետ վախճանելոյն յովիդայեայ, մտին իշխանքն յուդայ, եւ երկի́ր պագին արքայի, եւ շրջեցին զմիտսն յովասու. յայնժամ լուաւ ն(ո)ց(ա) արքայ։

Verse: 18  Link to sept   Թողի́ն զտ(է)ր ա(ստուա)ծ հարցն իւրեանց, եւ ծառայեցին կռոց, եւ աստարտայցն. եւ եղեւ բարկու(թ)ի(ւն) տ(եառ)ն ՛ի վ(ե)ր(այ) յուդայ եւ ե(րուսաղէ)մի յաւուրսն յայնոսիկ։

Verse: 19  Link to sept   եւ առաքեաց առ ն(ո)ս(ա) մարգարէս՝ դարձուցանել առ տ(է)ր, եւ ո́չ լուան. եւ եդ ն(ո)ց(ա) վկայու(թ)ի(ւն)՝ եւ ո́չ անսացին։

Verse: 20  Link to sept   Եւ հոգի տ(եառ)ն զգեցաւ ազարիաս որդի յովիդայեայ քահանայի. յարեա́ւ ՛ի մէջ ա(մենայ)ն ժողովրդեանն եւ ասէ. ա́յսպէս ասէ տ(է)ր. ընդէ՞ր խոտորեցայք ՛ի պատուիրանացն տ(եառ)ն, եւ ո́չ յաջողեսցի ձեզ. վ(ա)ս(ն) զի թողէք դուք զտ(է)ր, եւ նա́ լքցէ զձեզ։

Verse: 21  Link to sept   եւ յարեան ՛ի վ(ե)ր(այ) ն(ո)ր(ա) եւ քարկոծեցին զնա պատուիրանաւ յովասու արքայի ՛ի սրահի տանն տ(եառ)ն։

Verse: 22  Link to sept   Եւ ո́չ յիշեաց յովաս զգութն զոր արար ընդ նմա յովիդայէ հայրն ն(ո)ր(ա), եւ սպան զորդի ն(ո)ր(ա)։ եւ եղեւ ՛ի մեռանելն՝ ասաց, տեսցէ́ տ(է)ր եւ դատեսցի։

Verse: 23  Link to sept   Եւ ՛ի կատարել տարւոյն այնորիկ ե́լ ՛ի վ(ե)ր(այ) ն(ո)ր(ա) զօրն ասորեաց, եւ եկն ՛ի վ(ե)ր(այ) յուդայ եւ ե(րուսաղէ)մի, եւ կոտորեցին զա(մենայ)ն իշխանս ժողովրդեանն եւ զօրուն. եւ զա(մենայ)ն աւար ն(ո)ց(ա) ետուն տանե́լ արքային դամասկոսի.

Verse: 24  Link to sept   վ(ա)ս(ն) զի սակա́ւ արամբք եկն զօրն ասորեաց, եւ ա(ստուա)ծ մատնեաց ՛ի ձեռս ն(ո)ց(ա) զօր բազում յոյժ. վ(ա)ս(ն) թողլոյն ն(ո)ց(ա) զտ(է)ր ա(ստուա)ծ հարցն իւրեանց։ եւ ընդ յովասայ արա́ր զդատաստանն։

Verse: 25  Link to sept   Եւ յետ գնալոյն ն(ո)ց(ա) ՛ի նմանէ, թողին զնա ՛ի հիւանդութե(ան) մեծի. եւ յարեան ՛ի վ(ե)ր(այ) ն(ո)ր(ա) ծառայքն իւր, վ(ա)ս(ն) արեան որդւոյն յովիդայեայ քահանայի, եւ սպանին զնա ՛ի գահոյսն իւրում եւ մեռաւ. եւ թաղեցին զնա ՛ի քաղաքին դաւթի, եւ ո́չ թաղեցին զնա ՛ի գերեզմանի թագաւորացն։

Verse: 26  Link to sept   Եւ որք յարեան ՛ի վ(ե)ր(այ) ն(ո)ր(ա)՝ էին զաբդեա որդի́ սամեթայ ամոնացի, եւ յովսաբեթ որդի́ սամարիթայ մովաբացի,

Verse: 27  Link to sept   եւ որդիք ն(ո)ր(ա) ամենեքեան, եւ եկին առ նա հնգեքեան, եւ բազում մթերս ՛ի վ(ե)ր(այ) դնէին։ Եւ մնացեալ բանքն յովասու, ահա գրեալ են ՛ի գիրս թագաւորացն։
   Եւ թագաւորեաց ամասիա որդի ն(ո)ր(ա) փոխանակ ն(ո)ր(ա)։


Chapter: 25 
ԳԼ(ՈՒԽ) Ի՜.


Verse: 1  Link to sept   Է́ր ամաց քսանեւհնգից ՛ի թագաւորելն ամասիաս, եւ քսանեւինն ամ թագաւորեաց յե(րուսաղէ)մ. եւ անուն մօր նորա յովադին յե(րուսաղէ)մէ.

Verse: 2  Link to sept   եւ արար ուղղութի(ւն) առաջի տ(եառ)ն, բայց ո́չ լի սրտիւ։

Verse: 3  Link to sept   Եւ եղեւ իբրեւ հաստատեցաւ թագաւորութի(ւն)ն ՛ի ձեռին ն(ո)ր(ա), սպա́ն զծառայսն իւր որք սպանին զարքայ զհայրն ն(ո)ր(ա).

Verse: 4  Link to sept   եւ զորդիսն ն(ո)ց(ա) ո́չ սպան՝ ըստ ուխտի օրինացն տ(եառ)ն, ո(ր)պ(էս) եւ գրեալ է. եւ զորօրինակ պատուիրեաց տ(է)ր եւ ասաց. ո́չ մեռցին հարք փոխանակ որդւոց, եւ որդիք ո́չ մեռցին փոխանակ հարց իւրեանց. այլ իւրաքանչիւրոք ՛ի մե́ղս իւրում մեռցի։

Verse: 5  Link to sept   Եւ ժողովեաց ամասիաս զտունն յուդայ, եւ կացո́յց ն(ո)ց(ա) ըստ տանց տոհմիցն իւրեանց հազարապետս, եւ հարիւրապետս, յա(մենայ)ն յուդայ եւ յե(րուսաղէ)մ, եւ թուեաց զնոսա ՛ի քսանամենից եւ ՛ի վեր, եւ եգիտ զն(ո)ս(ա) երեք հարիւր հազար զօրաւորս, որք ելանէին ՛ի պատերազմ, ունելով նիզակ եւ ասպար։

Verse: 6  Link to sept   Եւ ՛ի վարձո́ւ կալաւ յի(սրաէ)լէ հարիւր հազար զօրաւորս ուժով, հարիւր տաղանտոյ արծաթոյ։

Verse: 7  Link to sept   Եւ այր ոմն ա(ստուծո)յ ե́կն առ նա եւ ասէ, արքա́յ՝ մի́ երթիցէ ընդ քեզ զօրդ ի(սրաէ)լի, վ(ա)ս(ն) զի ո́չ է տ(է)ր ը(նդ) ի(սրաէ)լի, եւ ո́չ ընդ ա(մենայ)ն որդիս եփրեմի։

Verse: 8  Link to sept   եթէ կարծեսցես զօրանալ դոքօք՝ ՛ի պարտութի(ւն) մատնեսցէ զքեզ տ(է)ր առաջի թշնամեաց քոց. քանզի ՛ի տ(եառն)է́ լինի զօրանալ՝ եւ ՛ի պարտութի(ւն) մատնիլ։

Verse: 9  Link to sept   Եւ ասէ ամասիա ցայրն ա(ստուծո)յ. եւ զի՞նչ արարից զհարիւր տաղանդսն զոր ետու զօրուդ ի(սրաէ)լի։ եւ ասէ ցնա այրն ա(ստուծո)յ. գո́յ տ(եառ)ն տա́լ քեզ առաւելագոյն քան զայն։

Verse: 10  Link to sept   Եւ որոշեաց ամասիաս ցգունդն որ եկեալ էր առ նա յեփրեմայ, երթա́լ ՛ի տեղի իւրեանց. եւ բարկացան յոյժ ՛ի վ(ե)ր(այ) յուդայ, եւ դարձան ՛ի տեղիս իւրեանց բարկութ(եամ)բ եւ ցասմամբ։

Verse: 11  Link to sept   Եւ ամասիաս զօրացաւ առ զզօրն իւր, եւ գնաց ՛ի հովիտս աղտիցն. եւ եհար զորդիսն սէիրայ տասն հազար։

Verse: 12  Link to sept   եւ ա́յլ եւս տասն հազար գերեցին որդիքն յուդայ, եւ ածին զն(ո)ս(ա) ՛ի գլուխ քարանձաւին եւ գահավէժ առնէին զնոսա ՛ի ծայրից բարձուանդակին, եւ ամենեքեան սատակէին։

Verse: 13  Link to sept   Եւ որդիք զօրութե(ան)ցն զորս դարձոյց ամասիաս ո́չ երթալ ը(նդ) իւր ՛ի պատերազմ՝ յարձակեցան ՛ի քաղաքսն յուդայ, ՛ի սամարիայ մինչեւ ՛ի բեթորոն, եւ հարին ՛ի նոցանէ երիս հազարս, եւ առին աւա́ր բազում։

Verse: 14  Link to sept   Եւ եղեւ յետ գալոյն ամասիայ ՛ի հարկանելոյն զեդոմ, եբե́ր առ ն(ո)ս(ա) զաստուածս որդւոցն սէիրայ, եւ կացոյց զնոսա իւր յաստուածս. եւ երկի́ր պագանէր առաջի ն(ո)ց(ա), եւ զոհէր ինքն ն(ո)ց(ա)։

Verse: 15  Link to sept   Եւ եղեւ բարկութի(ւն) տ(եառ)ն ՛ի վ(ե)ր(այ) ամասիայ. առաքեաց առ նա մարգարէս՝ եւ ասէ ցնա. ընդէ՞ր խնդրեցեր դու զաստուածս ժողովրդեանն այնորիկ որք ո́չ փրկեցին զժողովուրդն իւրեանց ՛ի ձեռաց քոց։

Verse: 16  Link to sept   Եւ եղեւ ՛ի խօսելն նորա՝ ասէ ցնա. միթէ խորհրդակի՞ց թագաւորի ետու զքեզ. զգո́յշ լեր՝ գուցէ́ տանջեսցիս։ Եւ լռեաց մարգարէն. եւ ասէ՝ գիտե́մ զի խորհի տ(է)ր ՛ի վ(ե)ր(այ) քո կործանել զքեզ. վ(ա)ս(ն) զի արարեր զայդ. եւ ո́չ անսացեր խրատուս իմում։

Verse: 17  Link to sept   Եւ խորհեցաւ ամասիաս՝ առաքեաց առ յովաս որդի յովաքազայ որդւոյ յէուայ՝ առ արքայն ի(սրաէ)լի, եւ ասէ. ե́կ եւ երեւեսցո́ւք երեսօք։

Verse: 18  Link to sept   Եւ առաքեաց յովաս արքայ ի(սրաէ)լի առ ամասիաս արքայ յուդայ եւ ասէ, ոքոզն որ ՛ի լիբանան է՝ յղեաց առ մայրսն լիբանանու եւ ասէ, տո́ւր զդուստր քո ուստեր իմում կնութե(ան). եւ ահա անցին գազանք անապատին լիբանանու, եւ եկեալ կոխեցին զա(մենայ)ն զեկքեան։

Verse: 19  Link to sept   ահա հարեր զեդումէաս. եւ հպարտացուցանէ՞ զքեզ սիրտ քո ծանրութ(եամ)բ. նի́ստ այսուհետեւ ՛ի տան քում, եւ ընդէ՞ր անկանիս դու ՛ի չարութի(ւն). եւ սատակիցի́ս դո եւ յուդաս ընդ քեզ։

Verse: 20  Link to sept   Եւ ո́չ լուաւ ամասիաս, վ(ա)ս(ն) զի ՛ի տ(եառն)է եղեւ մատնել զնա ՛ի ձեռս յովասու՝ յաղագս խնդրելոյն ն(ո)ր(ա) զաստուծսն եդոմայեցւոց։

Verse: 21  Link to sept   Եւ ե́լ յովաս արքայ ի(սրաէ)լի՝ եւ երեւեցան միմեանց, նա́ եւ ամասիաս արքայ յուդայ՝ ՛ի բեթսամիւս, որ է յուդայ։

Verse: 22  Link to sept   Եւ պարտեցաւ յուդայ առաջի ի(սրաէ)լի, եւ փախեաւ իւրաքանչիւրոք ՛ի բնակու(թ)ի(ւն)ս իւր։

Verse: 23  Link to sept   Եւ զամասիաս արքայ յուդայ որդի յովասու՝ կալաւ յովաս արքայ ի(սրաէ)լի ՛ի բեթսամիւս, եւ տարաւ զնա յե(րուսաղէ)մ, եւ քակեաց ՛ի պարսպէն ե(րուսաղէ)մի, ՛ի դրանէն եփրեմի մինչեւ ՛ի դուռն անկեանն, երեքհարիւր կանգուն։

Verse: 24  Link to sept   եւ զա(մենայ)ն ոսկի եւ արծաթ, եւ զա(մենայ)ն սպաս՝ որ գտաւ ՛ի տանն տ(եառ)ն, եւ առ աբդեդովմայ, եւ զգանձս տան թագաւորին, եւ զորդիս խառնակութե(ան)ցն ա́ռ եւ դարձաւ ՛ի սամարիա։

Verse: 25  Link to sept   Եւ եկաց ամասիաս որդի յովասու արքայ յուդայ՝ յետ մեռանելոյն յովասու որդւոյ յովաքազու արքայի ի(սրաէ)լի, ամս հնգետասան։

Verse: 26  Link to sept   Եւ մնացեալ բանքն ամասիայ առաջինք եւ վերջինք. ո՞չ ահա գրեալ են ՛ի գիրս թագաւորացն ի(սրաէ)լի եւ յուդայ։

Verse: 27  Link to sept   Եւ ՛ի ժամանակին յորում ՛ի բա́ց եկաց ամասիաս ՛ի տ(եառն)է, յարեան ՛ի վ(ե)ր(այ) ն(ո)ր(ա) զօրքն յե(րուսաղէ)մ, եւ փախեաւ ՛ի լաքիս. եւ առաքեցին զկնի ն(ո)ր(ա) ՛ի լաքիս, եւ սպանին զնա անդ։

Verse: 28  Link to sept   եւ բարձին զնա ՛ի վ(ե)ր(այ) ձիոց, եւ թաղեցին զնա ընս հարս իւր ՛ի քաղաքի դաւթի։


Chapter: 26 
ԳԼ(ՈՒԽ) Ի՜.


Verse: 1  Link to sept   Եւ ա́ռ ա(մենայ)ն ժողովուրդ երկրին զոզիաս՝ եւ է́ր նա ամաց վեշտասանից, եւ թագաւորեցուցին զնա փոխանակ հօրն իւրոյ ամասիայ։

Verse: 2  Link to sept   Նա́ շինեաց զեղաթ, եւ նա́ դարձոյց զնա անդրէն ՛ի յուդայ՝ յետ մեռանելոյն արքային ը(նդ) հարս իւր։

Verse: 3  Link to sept   Որդի վեշտասան ամաց թագաւորեաց ոզիաս, եւ յիսուն եւ երկուս ամս թագաւորեաց յե(րուսաղէ)մ. եւ անուն մօր ն(ո)ր(ա) յեքեզիա՝ յեմ(թեն)է։

Verse: 4  Link to sept   եւ արար ուղղութի(ւն) առաջի տ(եառ)ն ը(նդ) ա(մենայ)նի զոր արար ամասիա հայր ն(ո)ր(ա)։

Verse: 5  Link to sept   Եւ խնդրեաց զտ(է)ր յաւուրս զաքարիայ իմաստնոյ երկիւղիւ տ(եառ)ն, յաւուրս ն(ո)ր(ա) խնդրեաց նա զտ(է)ր, եւ յաջողեաց նմա տ(է)ր։

Verse: 6  Link to sept   Եւ ել եւ պատերազմեցաւ ընդ այլազգիս, եւ քակեաց զպարիսպն գեթայ, եւ զպարիսպն յաբիսայ, եւ զպարիսպն ազովտայ. եւ շինեաց զքաղաքսն ազովտայ ՛ի մէջ այլազգեացն։

Verse: 7  Link to sept   Եւ զօրացոյց զնա տ(է)ր ՛ի վ(ե)ր(այ) այլազգեացն, եւ ՛ի վ(ե)ր(այ) արաբացւոցն որք բնակէին ՛ի վիմին, եւ ՛ի վ(ե)ր(այ) մինեցւոցն.

Verse: 8  Link to sept   եւ տային մինեցիքն ընծայս ոզիայ։ եւ է́ր անուն նորա մինչեւ ՛ի մուտսն եգիպտոսի, վ(ա)ս(ն) զի զօրացաւ ՛ի վեր։

Verse: 9  Link to sept   Եւ շինեաց ոզիաս զաշտարակսն ե(րուսաղէ)մի առ դրան ձորոյն եւ առ անկիւնսն, եւ զօրացոյց.

Verse: 10  Link to sept   եւ շինեաց աշտարակս յանապատին. եւ փորեաց ջրհորս բազումս, վ(ա)ս(ն) զի անասուն բազո́ւմ էր ն(ո)ր(ա) ՛ի սեփեղա՝ եւ ՛ի դաշտին. եւ այգեգործք ՛ի լերինն, եւ ՛ի կարմեղոս. քանզի սիրէր զերկրագործու(թ)ի(ւն)։

Verse: 11  Link to sept   Եւ եղեն ոզիայ զօրք որք առնէին պատերազմ, եւ ելանէին ՛ի մարտ գունդք. եւ թիւն ն(ո)ց(ա) ՛ի ձեռն յէէլի դպրապետի, եւ մասեայ դատաւորի, եւ ՛ի ձեռն անանիայի փոխանակի արքայի։

Verse: 12  Link to sept   ա(մենայ)ն գունդք ցեղապետիցն զօրաց ՛ի պատերազմին երկուհազար վեցհարիւր։

Verse: 13  Link to sept   Եւ ը(նդ) ն(ո)ս(ա) զօր պատերամօղ, երեքհարիւր հազար, եւ եւթն հազար, եւ հինգհարիւր. նոքա էին որք առնէին պատերազմ զօրութ(եամ)բ մեծաւ. օգնական լինելով արքային՝ ՛ի հակառակորդացն։

Verse: 14  Link to sept   եւ պատրաստէր ն(ո)ց(ա) ոզիաս ա(մենայ)ն զօրուն, վահանս եւ նիզակս եւ սաղաւարտս եւ զրահս եւ աղեղունս՝ եւ պարսս ՛ի քարինս։

Verse: 15  Link to sept   Եւ արար յե(րուսաղէ)մ մենքենայս արուեստից ճարտարու(թ)ե(ան)՝ լինել ՛ի վ(ե)ր(այ) պարսպաց, եւ ՛ի վ(ե)ր(այ) անկեանց, ձգե́լ նետս եւ քարինս մեծամեծս։ Եւ լսելի́ եղեւ պատրաստութի(ւն) ն(ո)ր(ա) մինչեւ ՛ի հեռաստան. վ(ա)ս(ն) զի սքանչելի́ էր նա յօգնել մինչեւ զօրացաւ։

Verse: 16  Link to sept   Եւ իբրեւ զօրացաւ՝ բարձրացաւ սիրտ ն(ո)ր(ա) առ յապականել, եւ անիրաւեցաւ ՛ի տ(է)ր ա(ստուա)ծ իւր։ եւ եմուտ ՛ի տաճարն տ(եառ)ն ծխել խունկս ՛ի վերայ սեղանոյ խնկոցն։

Verse: 17  Link to sept   Եւ եմուտ զհետ ն(ո)ր(ա) ազարիաս քահանայ, եւ ը(նդ) նմա քահանայքն տ(եառ)ն ութսուն, որդիք զօրաւորք։

Verse: 18  Link to sept   կացին ՛ի վ(ե)ր(այ) ոզիայ արքայի, եւ ասեն ցնա. ո́չ է քո ոզիաս ծխել խունկս տ(եառ)ն, այլ քահանայից որդւոց ահարոնի սրբեցելոցդ է՝ ծխել ցայդ. ե́լ արտաքս ՛ի սրբու(թ)ե(ան)ց, վ(ա)ս(ն) զի ապստամբեցեր դու ՛ի տ(եառն)է, եւ ո́չ եւս լիցի քեզ այդ ՛ի փառս ՛ի տ(եառն)է ա(ստուծո)յ։

Verse: 19  Link to sept   Եւ սրտմտեցաւ ոզիաս, եւ ՛ի ձեռին իւրում բուրուառն ծխել զխունկս ՛ի տաճարին։ եւ ՛ի բարկանալն ն(ո)ր(ա) քահանայիցն, երեւեցաւ բորոտու(թ)ի(ւն) ՛ի ճակատն ն(ո)ր(ա) յանդիման քահանայիցն ՛ի տանն տ(եառ)ն ՛ի վ(ե)ր(այ) սեղանոյ խնկոցն։

Verse: 20  Link to sept   Եւ դարձաւ առ նա քահանայն առաջին, եւ այլ քահանայքն. եւ ահա բորոտեալէր ճակատն ն(ո)ր(ա), եւ դադարեցուցին զնա անտի. քանզի եւ ինքն իսկ փութացաւ ելանել զի յանդիմանեաց զնա տ(է)ր։

Verse: 21  Link to sept   Եւ է́ր ոզիաս արքայ բորոտեալ մինչեւ ցօր վախճանի իւրոյ, եւ ՛ի տանն ափուսովթ նստէ́ր բորոտեալ. վ(ա)ս(ն) զի որոշեցաւ ՛ի տանէն տ(եառ)ն։ եւ յովաթամ որդի ն(ո)ր(ա) է́ր ՛ի վ(ե)ր(այ) թագաւորութե(ան) ն(ո)ր(ա)՝ դատել ժողովուրդ երկրին։

Verse: 22  Link to sept   Եւ մնացեալ բանքն ոզիայ առաջինք եւ վերջինք, գրեալք են յեսայեայ որդւոյ ամովսայ մարգարէէ։

Verse: 23  Link to sept   Եւ ննջեաց ոզիա ընդ հարս իւր, եւ թաղեցին զնա ը(նդ) հարս ն(ո)ր(ա) ՛ի դաշտի ՛ի գերեզմանի թագաւորացն. վ(ա)ս(ն) զի ասացին թէ բորո́տ է։
   Եւ թագաւորեաց յովաթամ որդի ն(ո)ր(ա) փոխանակ ն(ո)ր(ա)։



Chapter: 27 
ԳԼ(ՈՒԽ) Ի՜.


Verse: 1  Link to sept   Որդի քսան եւ հինգ ամաց էր յովաթամ ՛ի թագաւորելն իւրում, եւ վեշտասան ամ թագաւորեաց յե(րուսաղէ)մ. եւ անուն մօր ն(ո)ր(ա) յերուայ դուստր սադովկայ։

Verse: 2  Link to sept   եւ արար ուղղու(թ)ի(ւն) առաջի տ(եառ)ն՝ ը(նդ) ա(մենայ)նի զոր ինչ արար ոզիաս հայրն ն(ո)ր(ա). բայց ո́չ եմուտ ՛ի տաճարն տ(եառ)ն. եւ տակաւի́ն եւս ժողովուրդն ապականեալ էր։

Verse: 3  Link to sept   Նա́ շինեաց զդուռն տանն տ(եառ)ն զբարձր, եւ ՛ի պարսպին ոփղայ շինեաց բազումս։

Verse: 4  Link to sept   եւ քաղաքս շինեաց ՛ի լերինն յուդայ եւ յանտառս եւ բնակութի(ւն)ս եւ աշտարակս։

Verse: 5  Link to sept   Նա́ կռուեցաւ ընդ արքայի որդւոց ամոնայ, եւ զօրացաւ ՛ի վ(ե)ր(այ) ն(ո)ց(ա). եւ տային նմա որդիքն ամոնայ ՛ի միում տարւոջ հարիւր տաղանտ արծաթոյ, եւ տասն հազար քոռ ցորենոյ, եւ գարի տասն հազար քոռ. բերէր զայն նմա արքայն ամոնայ ամի ամի. եւ յառաջնում ամին, եւ յերկրորդին, եւ յերրորդին՝

Verse: 6  Link to sept   զօրացաւ յովաթամ. վ(ա)ս(ն) զի պատրաստեաց զճանապարհս իւր առաջի տ(եառ)ն ա(ստուծո)յ իւրոյ։

Verse: 7  Link to sept   Եւ մնացեալ բանքն յովաթամայ, եւ պատերազմն նորա, եւ մարտք իւր. ահա գրեալ են ՛ի գիրս թագաւորացն յուդայ եւ ի(սրաէ)լի։

Verse: 8  Link to sept   քսանեւհինգ ամաց էր յորժամ թագաւորեացն. եւ վեշտասան ամ թագաւորեաց յե(րուսաղէ)մ։

Verse: 9  Link to sept   Եւ քունեա́ց յովաթամ ընդ հարս իւր, եւ թաղեցաւ ՛ի քաղաքին դաւթի։
   Եւ թագաւորեաց աքազ որդի նորա փոխանակ նորա։


Chapter: 28 
ԳԼ(ՈՒԽ) Ի՜.


Verse: 1  Link to sept   Որդի քսան ամա́ց էր աքազ ՛ի թագաւորելն իւրում, եւ վեշտասան ամ թագաւորեաց յե(րուսաղէ)մ. եւ ո́չ արար ուղղութի(ւն) առաջի տ(եառ)ն իբրեւ զդաւիթ զհայր իւր։

Verse: 2  Link to sept   եւ գնաց ը(նդ) ճանապարհաց թագաւորացն ի(սրաէ)լի. քանզի արար դրօշեալս.

Verse: 3  Link to sept   եւ կռոց ն(ո)ց(ա) զոհէր յերկրին բենոմայ, եւ անցուցանէր զորդիս իւր ընդ հուր, ըստ գարշու(թ)ե(ան) ազգացն զորս սատակեաց տ(է)ր յերեսաց որդւոցն ի(սրաէ)լի.

Verse: 4  Link to sept   եւ ծխէր խունկս ՛ի վ(ե)ր(այ) բարձանց, եւ ՛ի ներքոյ ա(մենայ)ն վարսաւոր ծառոց։

Verse: 5  Link to sept   Եւ մատնեաց զնա տ(է)ր ա(ստուա)ծ ն(ո)ր(ա) ՛ի ձեռս արքային ասորեաց, եւ եհար զնա. եւ գերեաց ՛ի նոցանէ գերու(թ)ի(ւն) բազում, եւ տարաւ ՛ի դամասկոս։ Եւ ՛ի ձեռս արքային ի(սրաէ)լի մատնեաց զնա, եւ եհար զնա հարուած մեծամեծս։

Verse: 6  Link to sept   եւ կոտորեաց փակեէ որդի հռովմելայ արքայ ի(սրաէ)լի ՛ի յուդայ ՛ի միում աւուր հարիւր եւ քսանհազար արանց զօրաւորա́ց զօրութ(եամ)բ, ՛ի թողուլ ն(ո)ց(ա) զտ(է)ր ա(ստուա)ծ հարցն իւրեանց։

Verse: 7  Link to sept   Եւ սպան զեքրի զօրաւո́րն եփրեմի, զամասիաս զորդի́ արքային, եւ զեզրիկամ իշխան տա́ն ն(ո)ր(ա), եւ զեղկանա զփոխանո́րդ արքային։

Verse: 8  Link to sept   Եւ գերեցին որդիքն ի(սրաէ)լի յեղբարց իւրեանց երեքհարիւրհազար կանայս, եւ զուստերս եւ զդստերս, եւ աւար բազում առին ՛ի նոցանէ, եւ տարան զաւարն ՛ի սամարիա։

Verse: 9  Link to sept   Եւ էր անդ մարգարէ տ(եառ)ն, ովդեդ անուն ն(ո)ր(ա), ե́լ նա ընդառաջ զօրուն եկելոյ ՛ի սամարիա, եւ ասէ ցն(ո)ս(ա). ահա բարկու(թ)ի(ւն) տ(եառ)ն ա(ստուծո)յ հարցն ձերոց եղեւ ՛ի վ(ե)ր(այ) յուդայ, եւ մատնեաց զնոսա ՛ի ձեռս ձեր, եւ կոտորեցէք զն(ո)ս(ա) բարկու(թեամ)բ, եւ մինչեւ յերկինս ժամանեաց։

Verse: 10  Link to sept   Եւ արդ՝ զորդիսդ յուդայ եւ զեմ(թ)ի(ւն), դուք ասէք ստանա՞լ ՛ի ծառա՞յս եւ յաղախնա՞յս. ո՞չ ապաքէն աւասիկ եմ ը(նդ) ձեզ, վկայ լինել տ(եառ)ն ա(ստուծո)յ ձերում։

Verse: 11  Link to sept   Եւ արդ՝ լուարո́ւք ինձ, եւ դարձուցէ́ք անդրէն զգերութի(ւն)դ զորս գերեցէք դուք յեղբարց ձերոց. վ(ա)ս(ն) զի բարկութի(ւն) սրտմտու(թ)ե(ան) տ(եառ)ն լինի́ ՛ի վ(ե)ր(այ) ձեր։

Verse: 12  Link to sept   Եւ յարեան իշխանք որդւոցն եփրեմի, ազարիաս որդի յովնանայ, եւ բարաքիաս որդի մոսոքղոմովթայ, եւ եզեկիաս որդի եղեմայ, եւ մաասիաս որդի ադղիայ ՛ի վ(ե)ր(այ) եկելոցն ՛ի պատերազմէն,

Verse: 13  Link to sept   եւ ասեն ցն(ո)ս(ա). մի́ ածէք զգերութի(ւն)դ զայդ ա́յսր առ մեզ. վ(ա)ս(ն) զի մեղանչել մեզ առ տ(է)ր դուք առնէք, եւ յաւելուլ ՛ի մեղսն մեր եւ ՛ի տգիտու(թ)ի(ւն)ս. քանզի բազո́ւմ են մեղք ձեր այդոքիկ, եւ բարկու(թ)ի(ւն) սրտմտութե(ան) տ(եառ)ն լինի ՛ի վ(ե)ր(այ) ի(սրաէ)լի։

Verse: 14  Link to sept   Եւ թողին պատերազմողքն զգերու(թ)ի(ւն)ն՝ եւ զաւարն առաջի իշխանացն եւ ա(մենայ)ն եկեղեցւոյն։

Verse: 15  Link to sept   Եւ յարեան ա(մենայ)ն արք որ կոչեցան յանուանէ, եւ խնամակալու(թ)ի(ւն)ս արարին գերու(թ)ե(ա)ն. զամենեսեան մերկսն զգեցուցին յաւարէն, եւ ագուցին ն(ո)ց(ա) կօշիկս, եւ ետուն ուտել, եւ օծին իւղով. եւ առին գրաստուք զա(մենայ)ն տկարս, եւ տարան զն(ո)ս(ա) յերեքո́վ քաղաք արմաւենեաց առ եղբարսն իւրեանց, եւ ինքեանք դարձան ՛ի սամարիա։

Verse: 16  Link to sept   ՛Ի ժամանակին յայնմիկ առաքեաց աքազ առ արքայն ասորեաց օգնել նմա յայնոսիկ։

Verse: 17  Link to sept   վ(ա)ս(ն) զի եդոմայեցիքն յարձակեցան ՛ի վ(ե)ր(այ), եւ հարին զյուդայ, եւ գերեցին գերու(թ)ի(ւն)։

Verse: 18  Link to sept   եւ այլազգիքն դիմեցին ՛ի քաղաքս դաշտին, եւ լիբեացիքն եկին ՛ի յուդայ, եւ առին զբեթսամիւս, եւ զայեղոն, եւ զգադերովթ, եւ զսոկքով՝ եւ զգղեօղս ն(ո)ր(ա), եւ զթամնա՝ եւ զգեօղս ն(ո)ր(ա), եւ զգամեզեր՝ եւ զգեօղս նորա, եւ բնակեցին անդ։

Verse: 19  Link to sept   վ(ա)ս(ն) զի նկո́ւն արար տ(է)ր զյուդայ յաղագս աքազու արքայի յուդայ, զի ՛ի բա́ց եկաց ապստամբու(թեամ)բ ՛ի տ(եառն)է։

Verse: 20  Link to sept   Եւ ե́կն ՛ի վ(ե)ր(այ) ն(ո)ր(ա) թագղաթփաղնասար արքայ ասորեստանեաց, եւ եհար զնա։

Verse: 21  Link to sept   եւ ա́ռ աքազ զոր ինչ էր ՛ի տանն տ(եառ)ն եւ ՛ի տան թագաւորին եւ իշխանացն, եւ ետ արքային ասորեստանեաց. եւ ո́չ էր օգնականու(թ)ի(ւն) ինչ ն(ո)ց(ա),

Verse: 22  Link to sept   այլ նեղել զն(ո)ս(ա)։ Եւ յաւել եւս ՛ի բա́ց կալ ՛ի տ(եառն)է։

Verse: 23  Link to sept   եւ ասաց արքայն, խնդրեցի́ց զաստուածս դամասկոսի որք հարին զիս. եւ ասէ՝ եթէ աստուածք թագաւորին ասորեստանեաց նոքա́ են զօրաւորք, ն(ո)ց(ա) այսուհետեւ զոհեցից, եւ օգնեսցեն ինձ. եւ նոքա եղեն նմա խո́չ եւ ա(մենայ)ն ի(սրաէ)լի։

Verse: 24  Link to sept   Եւ ՛ի բաց արար աքազ զսպաս տանն տ(եառ)ն. կոտորեաց զայն, եւ փակեաց զդրունս տանն տ(եառ)ն։ եւ արար իւր սեղան յա(մենայ)ն անկիւնսն ե(րուսաղէ)մի։

Verse: 25  Link to sept   եւ յա(մենայ)ն քաղաքսն յուդայ արարին բարձունս, ծխել խունկս աստուածոց օտարաց, եւ բարկացուցին զտ(է)ր ա(ստուա)ծ հարցն իւրեանց։

Verse: 26  Link to sept   Եւ մնացեալ բանքն ն(ո)ր(ա) առաջինք եւ վերջինք. ահա գրեալ են ՛ի գիրս բանից թագաւորացն յուդայ ի(սրաէ)լի։ եւ քունեաց աքազ ընդ հարս իւր, եւ թաղեցաւ ՛ի քաղաքին դաւթի. վ(ա)ս(ն) զի ո́չ մուծին զնա ՛ի գերեզմանս թագաւորացն։
   Եւ թագաւորեա́ց եզեկիաս փոխանակ ն(ո)ր(ա)։


Chapter: 29 
ԳԼ(ՈՒԽ) Ի՜.


Verse: 1  Link to sept   Եւ է́ր եզեկիաս ՛ի թագաւորել իւրում քսանեւհինգ ամաց, եւ ամս քսանեւինն թագաւորեաց յե(րուսաղէ)մ. եւ անուն մօր ն(ո)ր(ա) աբաութ դուստր զաքարիայ։

Verse: 2  Link to sept   Եւ արար ուղղու(թ)ի(ւն) առաջի տ(եառ)ն, ըստ ա(մենայ)նի զոր ինչ արար դաւիթ հայրն նորա։

Verse: 3  Link to sept   Եւ եղեւ իբրեւ եկաց ՛ի թագաւորու(թ)ե(ա)ն իւրում, յառաջնում ամսեանն եբա́ց զդրունս տանն տ(եառ)ն, եւ կազմեաց զն(ո)ս(ա).

Verse: 4  Link to sept   եւ տարաւ ՛ի ներքս զքահանայսն եւ զղեւտացիս, եւ կացոյց զն(ո)ս(ա) ՛ի կողմն արեւելից։

Verse: 5  Link to sept   Եւ ասէ ցն(ո)ս(ա). լուարո́ւք ղեւտացիք. այսուհետեւ սրբեցարո́ւք, եւ սրբեցէ́ք զտունն տ(եառ)ն ա(ստուծո)յ հարցն ձերոց, եւ ՛ի բա́ց հանէք զպղծութի(ւն)սն ՛ի սրբութե(ան)ցն.

Verse: 6  Link to sept   վ(ա)ս(ն) զի ապստամբեցին հարքն մեր, եւ արարին չա́ր առաջի տ(եառ)ն, եւ թողին զնա, եւ դարձուցին զերեսս ՛ի խորանէն տ(եառ)ն. ընդվզեցան,

Verse: 7  Link to sept   եւ փակեցին զդրունս տաճարին, շիջուցին զճրագունսն, եւ խունկս ո́չ ծխեցին նմա. եւ ո́չ ողջակէզս մատուցին սրբոյն ա(ստուծո)յ ի(սրաէ)լի։

Verse: 8  Link to sept   Եւ բարկացաւ սրտմտութ(եամ)բ տ(է)ր ՛ի վ(ե)ր(այ) յուդայ եւ ե(րուսաղէ)մի, եւ ետ զն(ո)ս(ա) ՛ի յիմարութի(ւն) եւ յապականու(թ)ի(ւն), եւ ՛ի շըչիւն, ո(ր)պ(էս) դուք տեսանէք աչօք ձերովք։

Verse: 9  Link to sept   եւ ահա վիրաւորեցան հարքն մեր սուսերօք. եւ ուստերք ձեր՝ եւ դստերք ձեր՝ եւ կանայք ձեր՝ են ՛ի գերութե(ան), յերկրի ո́չ իւրեանց, ուր ե́նն այժմ։

Verse: 10  Link to sept   Եւ այսուհետեւ լիցի ՛ի սիրտս մեր, դնե́լ ուխտ տ(եառ)ն ա(ստուծո)յ ի(սրաէ)լի. եւ դարձուսցէ զսրտմտու(թ)ի(ւն) բարկութե(ան) իւրոյ ՛ի մէնջ։

Verse: 11  Link to sept   Արդ՝ մի́ ինչ նուազէք առնել յայսմհետէ. վ(ա)ս(ն) զի զձե́զ ընտրեաց տ(է)ր կա́լ պաշտել առաջի իւր, եւ լինել նմա սպասաւոր. եւ ծխել խունկս։

Verse: 12  Link to sept   Եւ յարեան ղեւտացիքն մայէթ՝ որդի ամասիայ, եւ յովէլ որդի զաքարիայ, յորդւոցն կահաթու եւ յորդւոցն մերարեայ. կիս որդի աբդիայ, եւ ազարիաս որդի յեղեղայ եւ յորդւոցն գեթսոնի՝ յովա որդի զեմաթայ, եւ յովադան որդի յովաքայ։

Verse: 13  Link to sept   եւ յորդւոցն եղիսափանայ՝ սամարի, եւ էիէղ։ եւ յորդւոցն ասափայ՝ զաքարիաս, եւ մատթանիաս։

Verse: 14  Link to sept   եւ յորդւոցն եմանայ՝ էիէլ, եւ սեմէի։ եւ յորդւոցն իդիթունայ՝ սամիաս, եւ ոզիէլ։

Verse: 15  Link to sept   Եւ ժողովեցին զեղբարս իւրեանց, եւ սրբեցան ինքեանք ը(նդ) պատուիրանի թագաւորին, հրամանաւ տ(եառ)ն, սրբել զտունն տ(եառ)ն։

Verse: 16  Link to sept   Եւ մտին քահանայքն ՛ի տունն տ(եառ)ն սրբել զնա եւ հանին արտաքս զա(մենայ)ն աղտեղու(թ)ի(ւն)ս որք գտան ՛ի տանն տ(եառ)ն եւ ՛ի սրահի տանն տ(եառ)ն. եւ առին ղեւտացիքն հանել զայն ՛ի հեղեղատն կեդրոնի արտաքս։

Verse: 17  Link to sept   Եւ սկսան յաւուրն առաջնում յամսամտին առաջնոյ ամսոյն սրբել զնա. եւ որ օր ութ էր ամսոյն՝ մտին ՛ի տաճարն տ(եառ)ն. եւ սրբեցին զտունն տ(եառ)ն յաւուրս ութ։ եւ յաւուրն վեշտասաներորդի ամսոյն առաջնոյ կատարեցին։

Verse: 18  Link to sept   Եւ մտին ՛ի ներքս առ եզեկիաս արքայ՝ եւ ասեն. սրբեցաք զա(մենայ)ն որինչ էր ՛ի տանն տ(եառ)ն։ զսեղանն ողջակիզաց եւ զսպասն ն(ո)ր(ա). զսեղանն առաջադրու(թ)ե(ան) եւ զսպասն իւր։

Verse: 19  Link to sept   եւ զա(մենայ)ն կահն զոր պղծեաց թագաւորն աքազ՝ յիւրում թագաւորութե(ա)ն, եւ յապստամբութե(ա)ն իւրում, պատրաստեցաք եւ սրբեցաք. եւ ահա է առաջի սեղանոյն տ(եառ)ն։

Verse: 20  Link to sept   Եւ կանխեաց եզեկիաս արքայ՝ ժողովեաց զիշխանս քաղաքին, եւ ել ՛ի տուն տ(եառ)ն։

Verse: 21  Link to sept   եւ եհան զուարակս եւթն, եւ խոյս եւթն, եւ ողջակէզս եւթն, եւ նոխազս այծեաց եւթն վ(ա)ս(ն) մեղաց թագաւորութե(ա)ն, եւ վ(ա)ս(ն) սրբութե(ան)ցն ի(սրաէ)լի։ եւ ասէ ցորդիսն ահարոնի ցքահանայս. մատերուք առ սեղանն տ(եառ)ն

Verse: 22  Link to sept   եւ զենէք զզուարակսն։ եւ ընկալան քահանայքն զարիւնն. եւ հեղին զնա առ սեղանովն. եւ զենին զխոյսն, եւ հեղին զարիւնն առ սեղանովն։ եւ զենին զորոջսն, եւ հեղին զարիւնն առ սեղանովն։

Verse: 23  Link to sept   Եւ մատուցին զնոխազսն զվ(ա)ս(ն) մեղացն առաջի արքային եւ ժողովրդեանն, եւ եդին զձեռս իւրեանց ՛ի վ(ե)ր(այ) ն(ո)ց(ա).

Verse: 24  Link to sept   եւ զենին զն(ո)ս(ա) քահանայքն, եւ քաւեցին զարիւնն ն(ո)ց(ա) առ սեղանովն. եւ արարին քաւութի(ւն)ս ա(մենայ)ն ի(սրաէ)լի։ զի յաղագս ա(մենայ)ն ի(սրաէ)լի ասաց թագաւորն զողջակէզսն եւ զվ(ա)ս(ն) մեղացն առնել։

Verse: 25  Link to sept   Եւ կացուցին զղեւտացիսն ՛ի տանն տ(եառ)ն, ծնծղայիւք եւ տաւղօք եւ քնարօք, ը(նդ) պատուիրանին դաւթայ արքայի, եւ գադայ տեսանողի թագաւորին, եւ նաթանայ մարգարէի. վ(ա)ս(ն) զի պատուիրանա́ւ տ(եառ)ն էր հրամանն ՛ի ձեռն մարգարէիցն։

Verse: 26  Link to sept   Եւ կացին ղեւտացիքն նուագարանօքն դաւթայ, եւ քահանայքն փողովքն։

Verse: 27  Link to sept   Եւ ասաց եզեկիա հանել զողջակէզսն ՛ի վ(ե)ր(այ) սեղանոյն. եւ իբրեւ սկսան հանել զողջակէզսն, սկսան երգել տ(եառ)ն փողովքն եւ նուագարանօքն դաւթայ արքայի ի(սրաէ)լի.

Verse: 28  Link to sept   եւ ա(մենայ)ն եկեղեցին երկի́ր պագանէր։ եւ սաղմոսանուագքն երգէին, եւ հարկանէին զփողսն մինչեւ կատարեցան ողջակէզքն։

Verse: 29  Link to sept   Եւ իբրեւ կատարեցին մատուցանել. խոնարհեցաւ թագաւորն եւ ա(մենայ)ն քահանայքն եւ երկի́ր պագին։

Verse: 30  Link to sept   եւ ասաց արքայ եզեկիաս եւ իշխանքն ցղեւտացիսն օրհնել զտ(է)ր բանիւքն դաւթի, եւ ասափայ մարգարէի։ եւ օրհնէին ուրախութ(եամ)բ՝ եւ անկան ՛ի վ(ե)ր(այ) երեսաց եւ երկի́ր պագին։

Verse: 31  Link to sept   Պատասխանի ետ եզեկիաս եւ ասէ. այժմ լցէ́ք զձեռս տ(եառ)ն, մերձեցարո́ւք այսուհետեւ եւ բերէ́ք։ եւ եբե́ր եկեղեցին պատարագս օրհնու(թ)ե(ան) ՛ի տուն տ(եառ)ն, եւ ա(մենայ)ն որ ոք յօժարեալ էր սրտիւ՝ ողջակէզս։

Verse: 32  Link to sept   Եւ եղեւ թիւ ողջակիզին զոր մատոյց եկեղեցին. զուարակս եւթանասուն, խոյք հարիւր, որոջք երկերիւր, յողջակէզսն տ(եառ)ն ամենեքեան այնոքիկ։

Verse: 33  Link to sept   Եւ որք նուիրեցան, զուարակք վեցհարիւր, ոչխարք երեք հազար։

Verse: 34  Link to sept   Այլ քահանայքն էին սակաւք՝ եւ ո́չ կարէին զենուլ զողջակէզսն. եւ օգնէին ն(ո)ց(ա) եղբարքն իւրեանց ղեւտացիքն՝ մինչեւ կատարեցաւ գործն, եւ մինչեւ սրբեցան քահանայքն. վ(ա)ս(ն) զի ղեւտացիքն յօժարութ(եամ)բ սրբեցան քան զքահանայսն։

Verse: 35  Link to sept   եւ ողջակէզքն էին բազումք ՛ի ճարպս կատարմանն, եւ ՛ի փրկու(թ)ի(ւն)սն, եւ ՛ի նուէրս ողջակիզացն. եւ յօրինեցաւ գործն ՛ի տանն տ(եառ)ն։

Verse: 36  Link to sept   Եւ ուրա́խ եղեւ եզեկիաս, եւ ա(մենայ)ն ժողովուրդն վ(ա)ս(ն) պատրաստելոյ զսպասն ա(ստուծո)յ ժողովրդեանն, քանզի յանկարծակի եղեւ բանն։


Chapter: 30 
ԳԼ(ՈՒԽ) Լ՜.


Verse: 1  Link to sept   Եւ առաքեա́ց եզեկիա յա(մենայ)ն ի(սրա)էլ եւ յուդայ՝ եւ գրեաց թուղթ յեփրեմ եւ մանասէ՝ գա́լ ՛ի տունն տ(եառ)ն յե(րուսաղէ)մ, եւ առնել զպասեքն ա(ստուծո)յ ի(սրաէ)լի։

Verse: 2  Link to sept   Եւ խորհեցաւ արքայ եւ իշխանքն, եւ ա(մենայ)ն եկեղեցին որ յե(րուսաղէ)մ, առնել զպասեքն յամսեանն երկրորդի.

Verse: 3  Link to sept   վ(ա)ս(ն) զի ո́չ կարացին առնել զնա ՛ի ժամանակին յայնմիկ, զի քահանայքն ո́չ սրբեցան բաւականք, եւ ժողովուրդն ո́չ ժողովեցաւ յե(րուսաղէ)մ։

Verse: 4  Link to sept   Եւ հաճոյ թուեցաւ բանն առաջի արքայի՝ եւ առաջի եկեղեցւոյն.

Verse: 5  Link to sept   եւ հաստատեցին բան, զի անցցեն քարոզքն ը(նդ) ա(մենայ)ն ի(սրա)էլ, ՛ի բերսաբէէ մինչեւ ՛ի դան, գա́լ եւ առնել զպասեքն տ(եառ)ն ա(ստուծո)յ ի(սրաէ)լի յե(րուսաղէ)մ. վ(ա)ս(ն) զի բազմութի(ւն)ն ո́չ արար ըստ գրոյն։

Verse: 6  Link to sept   Եւ գնացին սուրհանդակքն հանդերձ թղթովքն ՛ի թագաւորէն եւ յիշխանացն՝ յա(մենայ)ն ի(սրա)էլ եւ յուդաս, ըստ հրամանի թագաւորին։ Եւ ասէին ցորդիսն ի(սրաէ)լի. դարձարո́ւք առ տ(է)ր ա(ստուա)ծ աբրահամու սահակայ եւ յակոբայ, եւ դարձցի նա առ ապրեալսդ եւ մնացեալսդ ՛ի ձեռաց արքային ասորեստանեայց։

Verse: 7  Link to sept   եւ մի́ լինիք իբրեւ զեղբարսն ձեր. եւ զհարսն ձեր որք ՛ի բաց կացին ՛ի տ(եառն)է ա(ստուծո)յ հարցն իւրեանց, եւ մատնեաց զն(ո)ս(ա) ՛ի կործանումն ո(ր)պ(էս) դուք տեսանէք։

Verse: 8  Link to sept   Եւ արդ՝ մի́ խստացուցանէք զպարանոցս ձեր. տո́ւք փառս ա(ստուծո)յ. եւ մտէ́ք ՛ի սրբու(թ)ի(ւն)ս ն(ո)ր(ա) զորս սրբեաց յաւիտեան. եւ ծառայեցէ́ք տ(եառ)ն ա(ստուծո)յ ձերում, եւ դարձուսցէ ՛ի ձէնջ զբարկու(թ)ի(ւն) սրտմտու(թ)ե(ան) իւրոյ։

Verse: 9  Link to sept   վ(ա)ս(ն) զի ՛ի դառնալն ձերում առ տ(է)ր, եղբա́րք ձեր եւ որդիք ձեր եղիցին ՛ի գթու(թ)ի(ւն)ս առաջի ա(մենայ)ն գերչացն իւրեանց, եւ դարձուսցէ զն(ո)ս(ա) յերկիրս յայս. քանզի ողորմած եւ գթա́ծ է տ(է)ր ա(ստուա)ծ մեր, եւ ո́չ դարձուսցէ զերեսս իւր ՛ի մէնջ եթէ գառնայցեմք առ նա։

Verse: 10  Link to sept   Եւ սուրհանդակքն երթային քաղաք ՛ի քաղաքէ, ՛ի լերինս եփրեմի եւ մանասէի, մինչեւ ՛ի զաբուղոն։ եւ լինէր իբրեւ ծաղր իմն առնել զնոսա՝ եւ արհամարհել։

Verse: 11  Link to sept   Բայց որք յասերայ եւ ՛ի մանասէէ, եւ ՛ի զաբուղոնէ՝ պատկառեցին, եւ եկին յե(րուսաղէ)մ

Verse: 12  Link to sept   եւ ՛ի յուդաս։ եւ եղեւ ձեռն տ(եառ)ն տա́լ ն(ո)ց(ա) սիրտ ՛ի գալ եւ առնել ը(նդ) հրամանի թագաւորին եւ իշխանացն բանիւ տ(եառ)ն։

Verse: 13  Link to sept   Եւ գումարեցաւ յե(րուսաղէ)մ ժողովուրդ բազում՝ առնել զտօն բաղարջոցն յամսեանն երկրորդի, եկեղեցի բազում յոյժ։

Verse: 14  Link to sept   Եւ յարեան քակեցին զսեղանսն որ էին յե(րուսաղէ)մ. եւ զա(մենայ)ն տեղիսն ուր ծխէին խունկս ստութե(ան)ցն, կործանեցին եւ ընկեցին ՛ի հեղեղատն կեդրոնի։

Verse: 15  Link to sept   Եւ զենի́ն զպասեքն՝ որ օր չորեքտասան էր ամսոյն երկրորդի. եւ քահանայքն եւ ղեւտացիքն պատկառեցին եւ սրբեցան. եւ տարա́ն ՛ի ներքս զողջակէզսն ՛ի տունն տ(եառ)ն։

Verse: 16  Link to sept   եւ կացին ՛ի կայանի իւրեանց ըստ օրինին իւրեանց, ը(նդ) պատուիրանին մովսիսի առնն ա(ստուծո)յ, եւ քահանայքն ընդունէին զարիւնն ՛ի ձեռաց ղեւտացւոցն.

Verse: 17  Link to sept   վ(ա)ս(ն) զի բազումք յեկեղեցւոյն ո́չ սրբեցան։ Եւ ղեւտացիքն զենուին զպասեքն ա(մենայ)նի՝ որ ո́չ կարաց սուրբ լինել տ(եառ)ն.

Verse: 18  Link to sept   քանզի յոլո́վք ՛ի ժողովրդենէն եփրեմի եւ մանասէի, եւ իսաքարայ եւ զաբուղոնի՝ ո́չ սրբեցան. այլ կերան զպասեքն արտաքոյ գրոյն։ Եւ յաղօթս եկաց եզեկիաս վ(ա)ս(ն) ն(ո)ց(ա)՝ եւ ասէ։ Տ(է)ր բարերար, քաւի́չ լեր

Verse: 19  Link to sept   ա(մենայ)ն սրտից ուղղոց, որք խնդրեն զքեզ տ(է)ր ա(ստուա)ծ հարցն իւրեանց. եւ ո́չ են ըստ սրբութե(ան) սրբու(թ)ե(ան)ց։

Verse: 20  Link to sept   Եւ լուաւ տ(է)ր եզեկիայ՝ եւ բժշկեաց զժողովուրդն։

Verse: 21  Link to sept   Եւ արարին որդիքն ի(սրաէ)լի որք գտան յե(րուսաղէ)մ զտօն բաղարջակերացն աւուրս եւթն ուրախութ(եամ)բ մեծաւ, յաջողելով տ(եառ)ն օրըս(տ)օրէ։ եւ քահանայքն եւ ղեւտացիքն նուագարանօքն տ(եառ)ն։

Verse: 22  Link to sept   Եւ խօսեցաւ եզեկիաս ՛ի սիրտս ա(մենայ)ն ղեւտացւոցն, եւ այլո́ց իմաստնոցն որք իմանային զհանճար բարի տ(եառ)ն. եւ կատարեցին զտօն բաղարջոցն աւուրս եւթն. զենուլ զզոհս փրկութե(ա)ն, եւ խոստովան լինել տ(եառ)ն ա(ստուծո)յ հարցն իւրեանց։

Verse: 23  Link to sept   Եւ խորհեցաւ եկեղեցին միանգամայն առնել ա́յլ եւս աւուրս եւթն. եւ արարին զուրախութի(ւն)ն զեւթն եւս օր.

Verse: 24  Link to sept   վ(ա)ս(ն) զի եզեկիաս սկսաւ տա́լ ՛ի յուդայ՝ եկեղեցւոյն, զուարակս հազար, եւ ոչխարս եւթն հազար։ եւ իշխանքն սկսան տալ ժողովրդեանն զուարակ հազար, եւ ոչխարս տասն հազար։ Եւ սրբեցան ՛ի քահանայիցն բազումք յոյժ։

Verse: 25  Link to sept   եւ ուրա́խ եղեւ ա(մենայ)ն եկեղեցին, քահանայքն եւ ղեւտացիքն, եւ ա(մենայ)ն ժողովուրդն յուդայ, եւ որք գտան անդ յի(սրաէ)լէ. եւ եկքն որք եկեալէին յերկրէն ի(սրաէ)լի, եւ բնակիչքն յուդայ.

Verse: 26  Link to sept   եւ եղեւ ուրախութի(ւն) մեծ յե(րուսաղէ)մ։ յաւուրցն սողոմոնի որդւոյ դաւթի արքայի ի(սրաէ)լի ո́չ եղեւ այնպէս տօն յե(րուսաղէ)մ։

Verse: 27  Link to sept   Եւ յարեա́ն քահանայքն եւ ղեւտացիք՝ օրհնեցին զժողովուրդն, եւ լսելի́ եղեւ ձայն ն(ո)ց(ա)։ եւ եկին աղօթք ն(ո)ց(ա) ՛ի բնակու(թ)ի(ւն) ս(ուր)բ տ(եառ)ն յերկինս։


Chapter: 31 
ԳԼ(ՈՒԽ) Լ՜.


Verse: 1  Link to sept   Եւ իբրեւ կատարեցա́ւ այն ա(մենայ)ն, եւ ա(մենայ)ն ի(սրա)էլ գտեալքն ՛ի քաղաքսն յուդայ, եւ փշրեցին զարձանսն, եւ կոտորեցին զանտառսն, եւ կործանեցին զբարձաւանդակսն եւ զբագինսն յա(մենայ)ն հրէաստանի եւ բենիամինի, եւ յեփրեմի, եւ ՛ի մանասէի մինչեւ ՛ի սպառ։ եւ դարձաւ ա(մենայ)ն ի(սրա)էլ իւրաքանչիւրոք ՛ի ժառանգութի(ւն) իւր, եւ ՛ի քաղաքսն իւրեանց։

Verse: 2  Link to sept   Եւ կարգեաց եզեկիաս հանապազորդեան պաշտօնեայս քահանայից եւ ղեւտացւոց, եւ զհանապազօրեայս իւրաքանչիւր ուրուք ըստ պաշտաման իւրում, քահանայից եւ ղեւտացւոց. յողջակէզսն եւ ՛ի զոհսն փրկութե(ան), եւ յօրհնելն եւ խոստովան լինել, եւ պաշտել ՛ի դրունս սրահից տանն տ(եառ)ն։

Verse: 3  Link to sept   Եւ մասն թագաւորին յընչից իւրոց յողջակէզսն առաւօտու եւ երեկորին, եւ յողջակէզսն շաբաթուցն եւ ամսամտիցն եւ ՛ի տօնսն՝ գրեալսն յօրէնս տ(եառ)ն։

Verse: 4  Link to sept   Եւ ասաց ժողովրդեանն՝ որ բնակէին յե(րուսաղէ)մ, տա́լ զմասն քահանայիցն եւ ղեւտացւոց. զի զօրասցին ՛ի սպասու տանն տ(եառ)ն։

Verse: 5  Link to sept   Եւ ո(ր)պ(էս) հրամայեաց բանն, յաւելի́ն եւս որդիքն ի(սրաէ)լի զպտուղ ցորենոյն եւ գինւոյ եւ ձիթոյ եւ մեղու, եւ զա(մենայ)ն արմտեաց անդաստանաց, եւ զտասանորդսն զա(մենայ)ն բերին բազում յոյժ,

Verse: 6  Link to sept   որդիքն ի(սրաէ)լի եւ որդիքն յուդայ, որք բնակեալ էին ՛ի քաղաքսն յուդայ. եւ նոքա ածին զտասանորդս զուարակացն եւ ոչխարաց, եւ բերեալ կուտեցին շե́ղջս շեղջս։

Verse: 7  Link to sept   յամսեանն երրորդի սկսան շեղջքն սկիզբն առնուլ, եւ յեւթներորդում ամսեանն կատարեցան։

Verse: 8  Link to sept   Եւ եկն եզեկիաս եւ իշխանքն՝ եւ տեսին զշեղջսն, եւ օրնեցին զտ(է)ր, եւ զժողովուրդն ն(ո)ր(ա) զի(սրա)էլ։

Verse: 9  Link to sept   Եւ հարցանէր եզեկիաս ցքահանայսն եւ ցղեւտացիսն վ(ա)ս(ն) շեղջոցն։

Verse: 10  Link to sept   Եւ ասէ ցնա ազարիաս քահանայ՝ իշխան ՛ի տանէն սադովկայ. յորմէ հետէ սկսան զպտուղսդ բերել ՛ի տուն տ(եառ)ն. կերաք եւ արբաք՝ եւ թողաք զմնացորդսդ. վ(ա)ս(ն) զի տ(է)ր տ(է)ր օրհնեաց զժողովուրդդ իւր, եւ մնաց եւս յոլովութի(ւն)դ այդ։

Verse: 11  Link to sept   Եւ ասէ եզեկիաս. պատրաստեցէք եւ ա́յլ եւս շտեմարանս ՛ի տանն տ(եառ)ն. եւ պատրաստեցին։

Verse: 12  Link to sept   եւ բերին անդր զպտուղսն, եւ զտասանորդսն հաւատովք։ Եւ էր ն(ո)ց(ա) վերակացու՝ քովքենիաս ղեւտացի, եւ սեմէի եղբայր ն(ո)ր(ա) փոխանորդ նորին։

Verse: 13  Link to sept   եւ յէիէլ, եւ ոզիաս, եւ նաթան, եւ ասայէլ, եւ յերիմովթ, եւ յովղաբադ, եւ եզիէլ, եւ սամաքիա, եւ մաաթ, եւ բանէաս, եւ որդիք ն(ո)ր(ա) որք կային անդ, ՛ի ձեռն քովքենեայ, եւ սեմեայ եղբօք ն(ո)ր(ա) ո(ր)պ(էս) եւ հրամայեաց արքայ եզեկիաս։ Եւ ազարիաս առաջնորդ տանն տ(եառ)ն.

Verse: 14  Link to sept   եւ կորէ որդի յեմնայ ղեւտացի՝ դռնապան ւնդ արեւելս կողմն ՛ի վերայ տանեացն տա́լ զպտուղսն տ(եառ)ն։ Եւ զսրբութի(ւն) սրբութե(ան)ցն,

Verse: 15  Link to sept   ՛ի ձեռն ոդոմայ, եւ բենիամինի, եւ յեսուայ, եւ սեմեայ, եւ մարիսայ, եւ սեքինեայ, ՛ի ձեռն քահանայիցն հաւատարմութ(եամ)բ. տա́լ եղբարց ն(ո)ց(ա) ըստ հանապազորդեան պաշտօնէիցն, ըստ մեծի եւ փոքու.

Verse: 16  Link to sept   բա́ց ՛ի ծննդոց արուացն յերեմենիցն եւ ՛ի վեր. եւ ա(մենայ)ն որ մտանէր ՛ի տուն տ(եառ)ն, ՛ի համարի աւուրցն յաւուրս, ՛ի պաշտօնն հանապազորդեան ըստ կարգին իւրեանց։

Verse: 17  Link to sept   Եւ ա́յս էր համար քահանայիցն ըստ տանց տոհմիցն, եւ ղեւտացիքն ՛ի հանապազորդեան պաշտամանն ՛ի քսանամենից եւ ՛ի վեր, ՛ի կարգի ըստ համարուն։

Verse: 18  Link to sept   յա(մենայ)ն ծնունդս ուստերաց ն(ո)ց(ա) եւ դստերաց, հանդերձ ա(մենայ)ն յոլովութ(եամ)բ. վ(ա)ս(ն) զի հաւատովք սրբեցին զսրբու(թ)ի(ւն) որդւոցն ահարոնի,

Verse: 19  Link to sept   որք լինէին քահանայք։ Եւ ՛ի քաղաքացն ն(ո)ց(ա), յա(մենայ)ն քաղաքի ա́րք անուանիք որք անուանեցան տա́լ զբաժին ա(մենայ)ն արուի քահանայիցն, եւ յա(մենայ)նի որ մտեալ էր ՛ի թի́ւ ղեւտացւոցն։

Verse: 20  Link to sept   Եւ արար այնպէս եզեկիաս ա(մենայ)ն յուդայ. եւ արար բարի́ եւ ուղղութի(ւն) առաջի տ(եառ)ն ա(ստուծո)յ իւրոյ.

Verse: 21  Link to sept   եւ ա(մենայ)ն գործովք որովք սկսաւ գործել ՛ի տանն տ(եառ)ն, ըստ օրինացն տ(եառ)ն՝ եւ ըստ հրամանաց. խնդրեաց զա(ստուա)ծ իւր յա(մենայ)ն սրտէ իւրմէ, արա́ր եւ յաջողեցաւ։


Chapter: 32 
ԳԼ(ՈՒԽ) Լ՜.


Verse: 1  Link to sept   Եւ յե́տ բանիցս այսոցիկ՝ եւ ճշմարտու(թ)ե(ան)ս այսորիկ, եկն սենեքերիմ արքայ ասորեստանեայց ՛ի վ(ե)ր(այ) յուդայ, եւ բանակեցաւ զպարսպաւոր քաղաքօքն. եւ ասէր առնո́ւլ զն(ո)ս(ա)։

Verse: 2  Link to sept   Եւ ետես եզեկիաս թէ եկն սենեքերիմ դէմ յանդիման ն(ո)ր(ա) պատերազմել ընդ ե(րուսաղէ)մի.

Verse: 3  Link to sept   խորհեցաւ ընդ ծերսն եւ ընդ զօրաւորսն խնո́ւլ զջուր աղբիւրացն որք էին արտաքոյ քաղաքին, եւ խցին զն(ո)ս(ա)։

Verse: 4  Link to sept   եւ գումարեաց ժողովուրդ բազում, եւ խցին զջուրս աղբերացն, եւ զգետն որ բաժանէր անցանելով ը(նդ) մէջ քաղաքին, եւ ասեն՝ մի́ գուցէ եկեալ արքայն ասորեստանի՝ գտցէ́ ջուր բազում, եւ զօրասցի։

Verse: 5  Link to sept   Եւ հզօրացաւ եզեկիաս, եւ շինեաց զա(մենայ)ն պարիսպս կործանեալս, եւ զաշտարակս. եւ արտաքոյ զառաջին պարիսպսն՝ եւ զմեւսն եւս. եւ զօրացոյց զպատուարսն քաղաքին դաւթի. եւ կազմեաց զէնս բազումս։

Verse: 6  Link to sept   եւ արար իշխանս պատերազմի ՛ի վ(ե)ր(այ) զօրուն, եւ ժողովեցան առ նա ՛ի հրապարակ ձորոյն։ Խօսեցա́ւ ՛ի սիրտս ն(ո)ց(ա)՝ եւ ասէ.

Verse: 7  Link to sept   զօրացարո́ւք եւ քա́ջ լերուք, մի́ երկնչիք յերեսաց թագաւորին ասորեստանեայց, եւ մի́ յերեսաց ա(մենայ)ն ազգացն որ ընդ նմա. վ(ա)ս(ն) զի ընդ մե́զ բազումք են քան ը(նդ) նմա.

Verse: 8  Link to sept   ընդ նմա բազուկք մարմնեղէնք, եւ ընդ մեզ տ(է)ր ա(ստուա)ծ մեր ապրեցուցանել զմեզ, եւ պատերազմել զպատերազմ մեր։ եւ քաջալերեցաւ ժողովուրդն բանիւքն եզեկիայ արքայի յուդայ։

Verse: 9  Link to sept   Եւ յետ այսորիկ առաքեաց սինեքերիմ արքայ ասորեստանեայց զծառայս իւր յե(րուսաղէ)մ, եւ ինքն էր ՛ի ղաքիս, եւ ա(մենայ)ն զօրք ընդ նմա։ եւ առաքեաց առ եզեկիա արքայ յուդայ յե(րուսաղէ)մ, եւ ասէ.

Verse: 10  Link to sept   Ա́յսպէս ասէ սենեքերիմ արքայ ասորեստանեայց. յո՞ դուք յուսացեալ նստիք յամրոցդ ե(րուսաղէ)մի.

Verse: 11  Link to sept   ո́չ ապաքէն եզեկիաս խաբէ զձեզ, մատնել զձեզ ՛ի մահ, ՛ի սով, եւ ՛ի ծարաւ. եւ ասէ. տ(է)ր ա(ստուա)ծ ձեր փրկեսցէ զձեզ ՛ի ձեռաց արքային ասորեստանեայց.

Verse: 12  Link to sept   ո՞չ ա́յդ եզեկիաս է, որ քակեաց զսեղանս ն(ո)ր(ա) եւ զբարձունս նորա. եւ ասաց ցյուդայ եւ ցբնակիչսն ե(րուսաղէ)մի. առաջի սեղանոյս այսորիկ միայն երկիր պագէք, եւ ՛ի վ(ե)ր(այ) սորա́ զոհեցէք։

Verse: 13  Link to sept   Ո՞չ գիտացէք զի՞նչ արարի՝ ե́ս եւ հարքն իմ ա(մենայ)ն ժողովրդոց եւ գաւառաց. միթէ կարելով կարացի՞ն աստուածք ազգաց ա(մենայ)ն երկրի փրկե́լ զժողովուրդ իւրեանց ՛ի ձեռաց իմոց։

Verse: 14  Link to sept   զո՞ ոք յա(մենայ)ն աստուածոց ազգացն այնոցիկ ոչ սատակեցին հարքն իմ. միթէ կարացի՞ն ապրեցուցանել զժողովուրդ իւրեանց ՛ի ձեռաց իմոց. եւ զիա՞րդ կարասցէ ա(ստուա)ծդ ձեր փրկել զձեզ ՛ի ձեռաց իմոց։

Verse: 15  Link to sept   Արդ՝ մի́ խաբեսցէ զձեզ եզեկիաս, եւ մի́ յուսացուսցէ զձեզ յայդ. մի́ հաւատայք դմա. վ(ա)ս(ն) զի ո́չ կարացին աստուածք ա(մենայ)ն ազգաց եւ թագաւորու(թ)ե(ան)ց ապրեցուցանել զժողովուրդս իւրեանց ՛ի ձեռաց իմոց եւ ՛ի ձեռաց հարցն իմոց. եւ ա(ստուա)ծդ ձեր ո́չ փրկէ զձեզ ՛ի ձեռաց իմոց։

Verse: 16  Link to sept   Եւ ա́յլ եւս խօսեցան ծառայք ն(ո)ր(ա) ՛ի տ(է)ր ա(ստուա)ծ՝ եւ յեզեկիաս ծառայ ն(ո)ր(ա)։

Verse: 17  Link to sept   Եւ թուղթ գրեաց թշնամանել զտ(է)ր ա(ստուա)ծ ի(սրաէ)լի, եւ ասաց յաղագս նորա. զոր օրինակ աստուածք ազգաց երկրի՝ ո́չ փրկեցին զժողովուրդ իւրեանց ՛ի ձեռաց իմոց. նոյնպէս եւ ա(ստուա)ծդ եզեկիայ զժողովուրդ իւր ո́չ ապրեցուսցէ ՛ի ձեռաց իմոց։

Verse: 18  Link to sept   Եւ գոչեաց մեծաձայն հրէարէն առ ժողովուրդն ե(րուսաղէ)մի որ է́ ՛ի վ(ե)ր(այ) պարսպին, օգնական լինել ինքեանց՝ եւ կործանել զպարիսպն, զի վաղվաղակի́ առցեն զքաղաքն։

Verse: 19  Link to sept   եւ խօսեցաւ յա(ստուա)ծն ե(րուսաղէ)մի եւ յաստուածս ժողովրդոց երկրի՝ ՛ի գործս ձեռաց մարդկան։

Verse: 20  Link to sept   Եւ յաղօթս կացին եզեկիաս արքայ, եւ եսայիաս որդի ամովսայ մարգարէ յաղագս այնորիկ՝ եւ գոչեցին յերկինս։

Verse: 21  Link to sept   Եւ առաքեաց տ(է)ր հրեշտակ, եւ սատակեաց զա(մենայ)ն զօրաւոր եւ պատերազմօղ, զիշխան եւ զզօրագլուխ ՛ի բանակի արքային ասորեստանեայց։ եւ դարձոյց զերեսս իւր ամօթով յերկիր իւր, եւ չոգաւ ՛ի տուն աստուածոյն իւրոյ. եւ որք ելանէին յորովայնէ ն(ո)ր(ա)՝ ընկեցին զնա անդ սրով։

Verse: 22  Link to sept   Եւ ապրեցոյց տ(է)ր զեզեկիաս եւ զբնակիչս ե(րուսաղէ)մի ՛ի ձեռաց սենեքերիմայ՝ արքային ասորեստանեայց, եւ ՛ի ձեռաց ամենեցունց. եւ հանգո́յց զնա շուրջանակի։

Verse: 23  Link to sept   Եւ բազումք բերէին պատարագս տ(եառ)ն յե(րուսաղէ)մ, եւ ընծայս եզեկիայ արքայի յուդայ. եւ ամբարձաւ առաջի աչաց ա(մենայ)ն ազգաց։ Եւ յետ այսորիկ

Verse: 24  Link to sept   յաւուրսն յայնոսիկ հիւանդացաւ եզեկիաս մե́րձ ՛ի մահ. եւ յաղօթս եկաց առ տ(է)ր. եւ լուաւ նմա, եւ ետ նմա նշան։

Verse: 25  Link to sept   Եւ ո́չ ըստ հատուցմանն զոր ետ նմա ա(ստուա)ծ՝ հատոյց անդրէն եզեկիաս, այլ բարձրացաւ սիրտ ն(ո)ր(ա)։ եւ եղեւ ՛ի վ(ե)ր(այ) ն(ո)ր(ա) բարկու(թ)ի(ւն), եւ ՛ի վ(ե)ր(այ) յուդայ եւ ե(րուսաղէ)մի։

Verse: 26  Link to sept   Եւ խոնարհեցաւ եզեկիաս ՛ի բարձրութ(են)է սրտին իւրոյ՝ եւ բնակիչքն (թ)ե(ան)մի։ եւ ո́չ եկն ՛ի վ(ե)ր(այ) ն(ո)ց(ա) բարկութի(ւն) տ(եառ)ն յաւուրս եզեկիայ։

Verse: 27  Link to sept   Եւ եղեւ եզեկիայ մեծու(թ)ի(ւն) եւ փառք բազում յոյժ. եւ արա́ր իւր գանձս ոսկւոյ եւ արծաթոյ, եւ ականց պատուականաց, եւ խունկս, եւ զէնս, եւ անօթս ցանկալիս։

Verse: 28  Link to sept   եւ քաղա́քս յարմտիս ցորենոյ, եւ գինւոյ, եւ ձիթոյ. եւ գեօղս, եւ կայանս ա(մենայ)ն անասնոց, եւ գոմս հօտից։

Verse: 29  Link to sept   եւ քաղաքս զոր շինեաց իւր, եւ պատրաստու(թ)ի(ւն) խաշանց եւ արջառոց բազում. վ(ա)ս(ն) զի ե́տ նմա տ(է)ր ստացուածս բազումս յոյժ։

Verse: 30  Link to sept   Ինքն եզեկիաս եխից զելս ջրոցն գեհոնի զվերին, եւ ուղղեաց զնա խոնարհագոյն յարեւմուտս կողմն քաղաքին դաւթի։ եւ յաջողեցաւ եզեկիայ յա(մենայ)ն ՛ի գործսն իւր։

Verse: 31  Link to sept   Եւ ա́յսպէս արար հրեշտակաց եւ իշխանաց որք ՛ի բաբելոնէ առաքեցան առ նա հարցանել վ(ա)ս(ն) ն(ո)ր(ա), եւ նշանաց որ եղեն ՛ի վ(ե)ր(այ) երկրի։ եւ եթող զնա տ(է)ր փորձել զնա՝ եւ գիտել թէ զի՞նչ է ՛ի սրտի ն(ո)ր(ա)։

Verse: 32  Link to sept   Եւ մնացեալ բանքն եզեկիայ՝ եւ ողորմու(թ)ի(ւն) ն(ո)ր(ա), ահա գրեալ է ՛ի մարգարէութի(ւն)ն եսայեայ որդւոյ ամովսայ մարգարէի, եւ ՛ի գիրս թագաւորացն յուդայ եւ ի(սրաէ)լի։

Verse: 33  Link to sept   Եւ քունեա́ց եզեկիաս ընդ հարս իւր եւ թաղեցին զնա ՛ի բարձուանդակի գերեզմանաց որդւոցն դաւթի։ եւ փառս եւ պատիւ ետուն նմա ՛ի մահուն ն(ո)ր(ա) ա(մենայ)ն յուդայ՝ եւ բնակիչք ե(րուսաղէ)մի։
   Եւ թագաւորեաց մանասէ որդի ն(ո)ր(ա) փոխանակ նորա։


Chapter: 33 
ԳԼ(ՈՒԽ) Լ՜.


Verse: 1  Link to sept   Է́ր ամաց երկոտասանից մանասէ ՛ի թագաւորելն իւրում, եւ յիսուն եւ հինգ ամ թագաւորեաց յե(րուսաղէ)մ։

Verse: 2  Link to sept   Եւ արար չար առաջի տ(եառ)ն յա(մենայ)ն գարշութե(ան)ցն ազգացն զորս սատակեաց տ(է)ր յերեսաց որդւոցն ի(սրաէ)լի։

Verse: 3  Link to sept   եւ դարձաւ շինեաց զբարձաւանդակս զոր կործանեաց եզեկիաս հայրն ն(ո)ր(ա), եւ կանգնեաց արձանս բահաղիմայ, եւ արար անտառս. եւ երկիր եպագ ա(մենայ)ն զօրու(թ)ե(ան) երկնից, եւ ծառայեաց նոցա։

Verse: 4  Link to sept   Եւ շինեաց սեղան ՛ի տանն տ(եառ)ն. յորում ասաց տ(է)ր յե(րուսաղէ)մ եղիցի անուն իմ յաւիտեան։

Verse: 5  Link to sept   շինեաց անդ սեղան ա(մենայ)ն զօրութե(ան) երկնի յերկոսեան ՛ի սրահս տանն տ(եառ)ն։

Verse: 6  Link to sept   Եւ ինքն անցուցանէր զորդիս իւր ընդ հուր յերկրին բեննոմայ, եւ հմայէր, եւ հաւահարց լինէր, եւ գիւթէր. եւ արար վհուկս եւ թովիչս. բազմացոյց առնել չա́ր առաջի տ(եառ)ն առ ՛ի բարկացուցանելոյ զնա։

Verse: 7  Link to sept   եւ դրօշեալ եւ ձուլածոյ եւ պատկեր զոր արար ՛ի տանն տ(եառ)ն։ զորմէ ասաց ա(ստուա)ծ ցդաւիթ եւ ցսողոմոն որդի ն(ո)ր(ա). ՛ի տա́նս յայսմ եւ յե(րուսաղէ)մ, զոր ընտրեցի յա(մենայ)ն ցեղիցն ի(սրաէ)լի եդի́ց զանուն իմ յաւիտեան։

Verse: 8  Link to sept   եւ ո́չ եւս յաւելից սասանեցուցանել զոտն ի(սրաէ)լի յերկրէս զոր ետու հարց ն(ո)ց(ա), բայց միայն թէ պահեսցեն առնել զա(մենայ)ն որինչ պատուիրեցի ն(ո)ց(ա), ըստ ա(մենայ)ն օրինաց եւ սահմանաց՝ եւ իրաւանց ՛ի ձեռն մովսիսի։

Verse: 9  Link to sept   Եւ մոլորեցոյց մանասէ զյուդաս, եւ զբնակիչսն ե(րուսաղէ)մի, առնել չա́ր առաւել քան զա(մենայ)ն ազգսն զորս եբարձ տ(է)ր յերեսաց որդւոց ի(սրաէ)լի։

Verse: 10  Link to sept   Եւ խօսեցաւ տ(է)ր ընդ մանասէի եւ ընդ ժողովրդեան ն(ո)ր(ա), եւ ո́չ լուան։

Verse: 11  Link to sept   եւ ած տ(է)ր ՛ի վ(ե)ր(այ) ն(ո)ր(ա) զիշխանս զօրու արքային ասորեստանեայց. կալան զնա եւ կապեցին կապանօք, եւ տարան ՛ի բաբելոն։

Verse: 12  Link to sept   Եւ իբրեւ վտանգեցաւ, խնդրեաց զերեսս տ(եառ)ն ա(ստուծո)յ իւրոյ. եւ խոնարհեցաւ յոյժ յերեսաց ա(ստուծո)յ հարցն իւրոց։

Verse: 13  Link to sept   Յաղօ́թս եկաց առ նա. եւ լուաւ գոչման ն(ո)ր(ա), եւ դարձոյց զն յե(րուսաղէ)մ ՛ի թագաւորութի(ւն)ն իւր. եւ ծանեաւ մանասէ, եթէ տ(է)ր՝ նա́ է ա(ստուա)ծ։

Verse: 14  Link to sept   Եւ յետ այսորիկ շինեաց պարիսպ արտաքոյ քաղաքին դաւթի յարեւմտից ընդ հարաւակողմն ՛ի հեղեղատին, եւ յելս դրանցն շուրջանակի յոփղայ, եւ բարձրացոյց յոյժ։ եւ կացոյց իշխանս զօրուց յա(մենայ)ն քաղաքս պարսպաւորս յուդայ։

Verse: 15  Link to sept   Եւ ՛ի բա́ց եբարձ զաստուածսն օտարս, եւ զդրօշեալսն ՛ի տանէն տ(եառ)ն. եւ զա(մենայ)ն սեղանսն զորս շինեաց ՛ի լերին տանն տ(եառ)ն եւ յե(րուսաղէ)մ, եւ արտաքոյ քաղաքին։

Verse: 16  Link to sept   Եւ ուղղեաց զսեղանն տ(եառ)ն, եւ զոհեաց ՛ի վ(ե)ր(այ) ն(ո)ր(ա) զոհս փրկութե(ան) եւ օրհնութե(ան). եւ ասաց ցյուդաս՝ ծառայել տ(եառ)ն ա(ստուծո)յ ի(սրաէ)լի։

Verse: 17  Link to sept   Բայց ժողովուրդն տակաւին եւս երթա́յր ՛ի բարձունսն. սակայն տ(է)ր ա(ստուա)ծ էր ն(ո)ց(ա)։

Verse: 18  Link to sept   Եւ մնացեալ բանքն մանասէի, եւ աղօթք ն(ո)ր(ա) որ առ ա(ստուա)ծ է, եւ բանք տեսանողացն որք խօսեցան ընդ նա յանուն տ(եառ)ն ա(ստուծո)յ ի(սրաէ)լի, ահա են ՛ի բանս

Verse: 19  Link to sept   աղօթից ն(ո)ր(ա), եւ յորս լուաւն նմա. եւ ա(մենայ)ն մեղք ն(ո)ր(ա) եւ ապստամբութի(ւն) ն(ո)ր(ա). եւ տեղիքն զորս շինեաց զբարձրաւանդակսն, եւ արար անտառս եւ դրօշեալս յառաջ քան զդառնալն իւրում, ահա գրեալեն ՛ի բանս տեսանողաց։

Verse: 20  Link to sept   Եւ քունեաց մանասէ ընդ հարս իւր. եւ թաղեցին զնա ՛ի դրախտի տանն իւրոյ։

Verse: 21  Link to sept   Եւ թագաւորեաց փոխանակ ն(ո)ր(ա) ամովս որդի ն(ո)ր(ա)։ Է́ր ամաց քսան եւ երկուց ամովս ՛ի թագաւորելն իւրում. եւ երկոտասան ամ թագաւորեաց յե(րուսաղէ)մ։

Verse: 22  Link to sept   եւ արար չա́ր առաջի տ(եառ)ն՝ ո(ր)պ(էս) արար մանասէ հայր ն(ո)ր(ա). եւ ամենեցուն կռոցն զոր արար հայր ն(ո)ր(ա) մանասէ՝ զոհեաց ամովս եւ ծառայեաց ն(ո)ց(ա)։

Verse: 23  Link to sept   Եւ ո́չ խոնարհեցաւ առաջի տ(եառ)ն, ո(ր)պ(էս) խորհեցաւ մանասէ հայր ն(ո)ր(ա). այլ որդի նորա ամովս յաճախեաց ՛ի մեղս։

Verse: 24  Link to sept   եւ յարեան ՛ի վ(ե)ր(այ) ն(ո)ր(ա) ծառայքն իւր, եւ հարին զնա ՛ի տան իւրում։

Verse: 25  Link to sept   եւ եհար ժողովուրդ երկրին զյարուցեալսն ՛ի վ(ե)ր(այ) թագաւորին։
   Եւ թագաւորեցոյց ժողովուրդ երկրին զյովսիաս որդի նորա փոխանակ նորա։


Chapter: 34 
ԳԼ(ՈՒԽ) Լ՜.


Verse: 1  Link to sept   Է́ր ութ ամաց յովսիաս ՛ի թագաւորելն իւրում, եւ երեսուն եւ մի ամ թագաւորեաց յե(րուսաղէ)մ։

Verse: 2  Link to sept   Եւ արար ուղղու(թ)ի(ւն) առաջի տ(եառ)ն. գնա́ց ՛ի ճանապարհս դաւթի հօր իւրոյ, եւ ո́չ խոտորեցաւ յաջ՝ եւ ո́չ յահեակ։

Verse: 3  Link to sept   Եւ յութերորդ ամի թագաւորութե(ա)ն իւրոյ, եւ ինքն էր տակաւին եւս մանուկ, սկսա́ւ խնդրել զտ(է)ր ա(ստուա)ծ դաւթի հօր իւրոյ. եւ յերկոտասաներորդ ամի թագաւորութե(ա)ն իւրոյ, սկսաւ սրբել զյուդայ եւ զե(րուսաղէ)մ ՛ի բարձանցն եւ յանտառացն եւ ՛ի ձուլածոյիցն։

Verse: 4  Link to sept   եւ կործանեա́ց դէմ յանդիման իւր զսեղանս բահաղիմայցն, եւ զբարձաւանդակսն յորոց վերայ էին. եւ կոտորեաց զանտառսն, եւ զդրօշեալսն, եւ զձուլածոյսն փշրեաց եւ մանրեաց եւ ընկէց յանդիման շիրմացն այնոցիկ որք զոհէին ն(ո)ց(ա)։

Verse: 5  Link to sept   Եւ զոսկերս քրմացն այրեաց ՛ի վ(ե)ր(այ) սեղանոցն, եւ մաքրեացզյուդաս եւ զե(րուսաղէ)մ։

Verse: 6  Link to sept   եւ զքաղաքսն եփրեմի եւ մանասէի, եւ զշմաւոնի, եւ զնեփթաղիմայ, եւ զտեղիսն ն(ո)ց(ա) շուրջանակի։

Verse: 7  Link to sept   եւ ՛ի բա́ց եբարձ զանտառսն, եւ զբագինսն, եւ զկուռսն փշրեաց մանր. եւ զա(մենայ)ն բարձունսն ՛ի բա́ց եբարձ յերկրէն ի(սրաէ)լի. եւ դարձաւ յե(րուսաղէ)մ։

Verse: 8  Link to sept   Եւ յամին ութուտասաներորդի թագաւորու(թ)ե(ա)ն իւրոյ, յորժամ վախճանեաց մաքրել զերկիրն՝ եւ զտուն թագաւորութե(ա)ն. առաքեաց զսափան որդի սեղիայ, եւ զմասիաս իշխան քաղաքին, եւ զյովսիաս որդի յովաքազայ զդպիր յիշատակացն իւրոց, զօրացուցանել զտունն տ(եառ)ն ա(ստուծո)յ իւրոյ։

Verse: 9  Link to sept   Եւ եկին առ քեղկիաս քահանայ մեծ. եւ ետ զարծաթն որ մտեալ էր ՛ի տունն տ(եառ)ն, զոր ժողովեցին ղեւտացիքն պահապանք դրանն, ՛ի ձեռանէ մանասէի եւ եփրեմի, եւ իշխանացն, եւ յա(մենայ)ն մնացորդացն ի(սրաէ)լի. եւ յորդւոցն յուդայ եւ բենիամինի, եւ բնակչացն ե(րուսաղէ)մի։

Verse: 10  Link to sept   Եւ ետուն զայն ՛ի ձեռս, որք ունէին զգործն, որք կային ՛ի տանն տ(եառ)ն՝ կազմել եւ զօրացուցանել զտունն։

Verse: 11  Link to sept   եւ ետուն հիւսանցն եւ շինողացն դնել քարինս չորեքանկիւնիս մեծս, եւ փայտս ՛ի գերանս՝ յարկանել զտունսն զորս քակեցին թագաւորքն յուդայ։

Verse: 12  Link to sept   Եւ արքն այնոքիկ կային հաւատովք ՛ի վ(ե)ր(այ) գործոյն. եւ վերակացուքն ն(ո)ց(ա)՝ յէթ, եւ աբդիաս, ղեւտացիք յորդւոցն մերարեայ, եւ զաքարիաս, եւ մեսողամ յորդւոցն կահաթու ա́յց առնել։ եւ ա(մենայ)ն ղեւտացի որ ոք էր իմաստուն նուագարանօք երգոցն·

Verse: 13  Link to sept   Եւ ՛ի վ(ե)ր(այ) բեռնակրացն. եւ ՛ի վ(ե)ր(այ) այնոցիկ որք առնէին զգործն, եւ զպատրաստութի(ւն) գործոյն եւ ՛ի ղեւտացւոցն էին դպրապետք, եւ դատաւորք, եւ դռնապանք։

Verse: 14  Link to sept   Եւ ՛ի հանելն ն(ո)ց(ա) զարծաթն մտեալ ՛ի տուն տ(եառ)ն. եգիտ քեղկիաս քահանայ գիրս օրինացն տ(եառ)ն որ ՛ի ձեռն մովսիսի։

Verse: 15  Link to sept   Պատասխանի ետ քեղկիաս՝ եւ ասէ ցսափան դպրապետ. գի́րս օրինաց գտի ՛ի տանն տ(եառ)ն։ եւ ետ քեղկիաս զգիրս ցսափան.

Verse: 16  Link to sept   եւ տարաւ սափան զգիրսն առ արքայ. եւ ետ արքայի զհամար ա(մենայ)ն տուելոյ արծաթոյն ՛ի ձեռս ծառայիցն ն(ո)ր(ա) որք առնէին զգործն։

Verse: 17  Link to sept   Եւ ձուլեցին զարծաթն գտեալ ՛ի տուն տ(եառ)ն, եւ ետուն զայն ՛ի ձեռս վերակացուացն, եւ ՛ի ձեռս այնոցիկ որք առնէին զգործն։

Verse: 18  Link to sept   Եւ պատմեաց սափան դպրապետ արքայի՝ եւ ասէ. գի́րս օրինաց ետ ցիս քեղկիաս քահանայ. եւ ընթերցաւ զայն սափան առաջի թագաւորին։

Verse: 19  Link to sept   եւ եղեւ իբրեւ լուաւ արքայ զբանս օրինացն, պատառեաց զպատմուճան իւր։

Verse: 20  Link to sept   Եւ պատուիրեաց արքայ քեղկիայ, եւ աքիկամայ որդւոյ սափանայ, եւ աբդիայ որդւոյ միքեայ, եւ սափանայ դպրապետի, եւ ասայիայ՝ մանկան արքայի, եւ ասէ.

Verse: 21  Link to sept   երթա́յք խնդրեցէք ՛ի տ(եառն)է վ(ա)ս(ն) իմ, եւ վ(ա)ս(ն) ամենեցուն մնացելոց յի(սրաէ)լէ եւ յուդայ, յաղագս բանից գրոցդ այդոցիկ որք գտան. վ(ա)ս(ն) զի մե́ծ սրտմտու(թ)ի(ւն) տ(եառ)ն բորբոքեալ է ՛ի մեզ. զի ո́չ լուան հարքն մեր զբանս տ(եառ)ն առնել ըստ ա(մենայ)նի որ ինչ գրեալէ ՛ի գիրսդ յայդոսիկ։

Verse: 22  Link to sept   Եւ գնաց քեղկիաս՝ եւ որոց ասացն արքայ, առ ողդան մարգարէ կին սեղեմայ՝ որդւոյ թակուաթայ որդւոյ եսերայ, որ պահէր զպատուիրանսն. եւ ինքն բնակէր յե(րուսաղէ)մ ՛ի մասենա. եւ խօսեցան ընդ նմա ը(նդ) բանիցն այնոցիկ։

Verse: 23  Link to sept   Եւ ասէ ցն(ո)ս(ա). ա́յսպէս ասէ տ(է)ր ա(ստուա)ծ ի(սրաէ)լի. Ասասջի́ք ցայրն որ առաքեաց զձեզ առ իս.

Verse: 24  Link to sept   ա́յսպէս ասէ տ(է)ր. ահա ես ածեմ չարիս ՛ի վ(ե)ր(այ) տեղւոյդ այդորիկ, զա(մենայ)ն բան գրեալս ՛ի գիրսդ զոր ընթերցան առաջի արքայիդ յուդայ.

Verse: 25  Link to sept   փոխանակ զի թողին զիս, եւ զոհեցին աստուածոց օտարաց. զի բարկացուցանիցեն զիս գործովք ձեռաց իւրեանց, եւ բորբոքեցաւ սրտմտու(թ)ի(ւն) իմ ՛ի տեղւոջդ յայդմիկ. եւ ո́չ եւս շիջցի։

Verse: 26  Link to sept   Եւ ցթագաւորն յուդայ որ առաքեաց զձեզ խնդրել զտ(է)ր, ա́յսպէս ասասջի́ք ցնա. այսպէս ասէ տ(է)ր ա(ստուա)ծ ի(սրաէ)լի, զբանսդ զոր լուար դու.

Verse: 27  Link to sept   եւ պատկառեաց սիրտ քո, եւ խոնարհեցաւ առաջի երեսաց իմոց ՛ի լսել զբանսդ իմ ՛ի վ(ե)ր(այ) տեղւոյդ այդորիկ, եւ ՛ի վ(ե)ր(այ) բնակչացդ դորա. եւ դու խոնարհեցար առաջի իմ, պատարեցեր զպատմուճանս քո, եւ լացեր յանդիման իմ. եւ ես լուայ ասէ տ(է)ր։

Verse: 28  Link to sept   Ահա յաւելի́ց զքեզ առ հարս քո, եւ դիցեն զքեզ ՛ի շիրմին քում խաղաղութ(եամ)բ. եւ ո́չ տեսցեն աչք քո զա(մենայ)ն չարիսն զոր ես ածից ՛ի վ(ե)ր(այ) տեղւոյդ այդորիկ, եւ ՛ի վ(ե)ր(այ) բնակչաց դորա։ եւ ետուն թագաւորին զբանսս զայսոսիկ։

Verse: 29  Link to sept   Եւ առաքեաց արքայ եւ ժողովեաց զծերսն յուդայ եւ զե(րուսաղէ)մի։

Verse: 30  Link to sept   եւ ել արքայ յուդայ ՛ի տունն տ(եառ)ն, եւ ա(մենայ)ն յուդաս եւ բնակիչք ե(րուսաղէ)մի, եւ քահանայքն եւ ղեւտացիք, եւ ա(մենայ)ն ժողովուրդն ՛ի մեծէ մինչեւ ՛ի փոքր. եւ ընթերցաւ յականջս ն(ո)ց(ա) զա(մենայ)ն բանս կտակին գտելոյ ՛ի տանն տ(եառ)ն։

Verse: 31  Link to sept   Եւ յարեա́ւ թագաւորն՝ եկաց ՛ի վ(ե)ր(այ) սեանն, եւ եդ ուխտ առաջի տ(եառ)ն երթալ զհե́տ տ(եառ)ն, պահե́լ զպատուիրանս ն(ո)ր(ա), եւ զվկայութի(ւն)ս ն(ո)ր(ա), եւ զհրամանս ն(ո)ր(ա), ՛ի բոլոր սրտէ, եւ ՛ի բոլոր անձնէ, զբանս ուխտին՝ զգրեալսն ՛ի գիրսն յայնոսիկ։

Verse: 32  Link to sept   եւ կացոյց զամենեսեան զգտեալսն յե(րուսաղէ)մ, եւ ՛ի բենիամին. եւ արարին բնակիչքն ե(րուսաղէ)մի ուխտ ՛ի տանն ա(ստուծո)յ հարցն իւրեանց։

Verse: 33  Link to sept   Եւ ՛ի բա́ց եբարձ յովսիաս զա(մենայ)ն գարշելիս յա(մենայ)ն երկրէ, որ է́ր որդւոցն ի(սրաէ)լի. եւ արար ա(մենայ)ն գտելոցն յե(րուսաղէ)մ եւ յի(սրաէ)լի ծառայել տ(եառ)ն ա(ստուծո)յ իւրեանց։ զամենայն աւուրս իւր՝ ո́չ խոտորեցաւ ՛ի հետոց տ(եառ)ն ա(ստուծո)յ հարցն իւրոց։


Chapter: 35 
ԳԼ(ՈՒԽ) Լ՜.


Verse: 1  Link to sept   Եւ արա́ր յովսիաս զպասեքն տ(եառ)ն ա(ստուծո)յ իւրոյ. եւ զենին զպասեքն ՛ի չորեքտասաներորդում աւուր ամսոյն առաջնոյ։

Verse: 2  Link to sept   եւ կացոյց զքահանայսն ՛ի վ(ե)ր(այ) պահպանութե(ան) իւրեանց. եւ զօրացոյց զն(ո)ս(ա) ՛ի գործս տանն տ(եառ)ն։

Verse: 3  Link to sept   Եւ ասէ ցղեւտացիսն եւ ցզօրաւորսն յա(մենայ)ն ի(սրաէ)լի, սրբել զն(ո)ս(ա) տ(եառ)ն։ եւ եդին զտապանակն սրբու(թ)ե(ան) ՛ի տանն զոր շինեաց սողոմոն որդի դաւթի արքայի ի(սրաէ)լի։ եւ ասէ արքայ. ո́չ է ձեզ բառնալ ՛ի վ(ե)ր(այ) ուսոց՝ եւ ո́չ ինչ. արդ՝ պաշտեցէ́ք զտ(է)ր ա(ստուա)ծ ձեր, եւ զժողովուրդ նորա զի(սրա)էլ։

Verse: 4  Link to sept   եւ պատրա́ստք լերուք ըստ տանց տոհմից ձերոց, եւ ըստ օրամտից պաշտաման ձերոյ, ը(նդ) գրոց դաւթայ արքայի ի(սրաէ)լի, եւ ՛ի ձեռն թագաւորին սողոմոնի որդւոյ ն(ո)ր(ա)։

Verse: 5  Link to sept   Եւ կացէ́ք ՛ի տաճարիդ՝ ըստ որոշման տանց տոհմից ձերոց, առաջի եղբարց ձերոց, եւ որդւոց ժողովրդեան ձերոյ. եւ բաժին տան ցեղիդ ղեւտացւոց։

Verse: 6  Link to sept   եւ զոհեցէ́ք զպասեքդ, եւ պատրաստեցէ́ք զսրբութի(ւն)սդ եղբարց ձերոց, առնել ըստ բանիդ տ(եառ)ն որ ՛ի ձեռն մովսիսի։

Verse: 7  Link to sept   Եւ սկսաւ յովսիաս տալ որդւոց ժո·ովրդեանն, խոյս, եւ որոջս, եւ նոխազս յորդւոց այծեացն, զա(մենայ)ն ՛ի պասեքն. եւ զամենեսեան որ ինչ գտաւ՝ թուով երեսուն հազար. եւ զուարակս երեք հազար. այսոքիկ ՛ի ստացուածո́ց թագաւորին։

Verse: 8  Link to sept   Եւ իշխանքն ն(ո)ր(ա) սկսան տալ ժողովրդեանն, եւ քահանայիցն, եւ ղեւտացւոցն։ եւ ետուն՝ քեղկիաս, եւ զաքարիաս, եւ յէի(սրա)էլ. եւ իշխանք տանն ա(ստուծո)յ, քահանայիցն ետուն ՛ի պասեքն. խոյս, եւ որոջս, եւ նոխազս երկու հազար եւ վեց հարիւր, եւ զուարակս երեք հարիւր։

Verse: 9  Link to sept   Եւ քոնենիաս, եւ բանէաս, եւ սամէաս, եւ նաթանայէլ եղբայր ն(ո)ր(ա), եւ ասաբիաս, եւ յէիէլ, եւ յովզաբադ իշխանք ղեւտացւոցն, սկսան տալ ցղեւտացիսն ՛ի պասեքն. խոյս հինգ հազար, եւ զուարակս հինգ հարիւր։

Verse: 10  Link to sept   Եւ ուղղեցաւ պաշտօնն. եւ կացին քահանայքն ՛ի կարգն իւրեանց. եւ ղեւտացիքն ՛ի զատուցմանն իւրեանց, ըստ պատուիրանի արքային։

Verse: 11  Link to sept   Եւ զենին զպասեքն, եւ հեղին քահանայքն զարիւնն ՛ի ձեռացն իւրեանց. եւ ղեւտացիքն յօշեցին,

Verse: 12  Link to sept   եւ պատրաստեցին զողջակէզսն տա́լ ն(ո)ց(ա) իւրաքանչիւրումեք ը(նդ) զատուցմանն, վ(ա)ս(ն) տանց տոհմից որդւոց ժողովրդեանն մատուցանե́լ տ(եառ)ն. ո(ր)պ(էս) եւ գրեալ է ՛ի գիրս օրինացն մովսիսի. նոյնպէս եւ յառաւօտինս։

Verse: 13  Link to sept   Եւ խորովեցին զպասեքն հրով ըստ օրինին. եւ զսրբու(թ)ի(ւն)ն եփեցին կաթսայիւք, եւ սանիւք. եւ յաջողեցաւ։ եւ ընթացան առ ամենեսեան որդիս ժողովրդեանն։

Verse: 14  Link to sept   Եւ յետ պատրաստելոյն ն(ո)ց(ա) եւ քահանայիցն։ վ(ա)ս(ն) զի քահանայքն էին մատուցանել զճարպսն եւ զողջակէզսն մինչեւ ՛ի գիշերին. եւ ղեւտացիքն պատրաստեցին իւրեանց եւ եղբարցն իւրեանց որդւոցն ահարոնի։

Verse: 15  Link to sept   Եւ սաղմոսանուագքն որդիք ասափայ ՛ի կարգին իւրեանց ըստ պատուիրանին դաւթայ. եւ ասափ, եւ եման, եւ իդիթուն՝ մարգարէք արքային։ Եւ իշխանք, եւ դռնապանք դրանն, եւ դրան. եւ ո́չ էր ն(ո)ց(ա) հնար շարժել ՛ի պաշտամանէ սրբութե(ա)ն. վ(ա)ս(ն) զի եղբարք ն(ո)ց(ա) ղեւտացիքն պատրաստեցին ն(ո)ց(ա)։

Verse: 16  Link to sept   Եւ ուղղեցաւ եւ պատրաստեցաւ ա(մենայ)ն պաշտօնն տ(եառ)ն յաւուր յայնմիկ առնել զպասեքն, եւ մատուցանել զողջակէզսն ՛ի վ(ե)ր(այ) սեղանոյն տ(եառ)ն, ըստ պատուիրանին յովսիայ արքայի։

Verse: 17  Link to sept   Եւ արարին որդիքն ի(սրաէ)լի որք գտան անդ՝ զպասեքն ՛ի ժամանակին յայնմ, եւ զտօն անխմորիցն՝ զեւթն օր։

Verse: 18  Link to sept   Եւ ո́չ երբէք եղեւ պասեք նման նմա յի(սրաէ)լի, յաւուրցն սամուելի մարգարէի. եւ ա(մենայ)ն թագաւորքն ի(սրաէ)լի ո́չ արարին պասեք՝ ո(ր)պ(էս) արար յովսիաս եւ քահանայքն, եւ ղեւտացիք, եւ ա(մենայ)ն յուդաս եւ ի(սրա)էլ որ գտաւ անդ, եւ բնակիչքն եմ(թ)ի(ւն),

Verse: 19  Link to sept   արարին տ(եառ)ն յութտասներորդ ամի թագաւորութե(ա)ն յովսիայ։ Եւ զվհուկս, եւ զգէտս, եւ զդիւթս, եւ զկուռս, եւ զկախարդս, որք էին յերկրին յուդայ եւ յե(րուսաղէ)մ, ՛ի բա́ց եբարձ. եւ այրեաց հրով արքայ յովսիա, զի հաստատեսցէ զբանս օրինացն զգրեալսն ՛ի գիրս զոր եգիտ քեղկիա քահանայ ՛ի տանն տ(եառ)ն։ Նման նմա ո́չ եղեւ յառաջ քան զնա, որ դարձաւ առ տ(է)ր ա(ստուա)ծ ՛ի բոլոր սրտէ իւրմէ, եւ ՛ի բոլոր անձնէ իւրմէ, եւ յա(մենայ)ն զօրութ(են)է իւրմէ, ը(նդ) ա(մենայ)ն օրինաց մովսիսի. եւ յետ ն(ո)ր(ա) ո́չոք յարեաւ նման նմա։ Սակայն ո́չ դարձաւ տ(է)ր ՛ի բարկութ(են)է սրտմտու(թ)ե(ան) իւրոյ մեծէ, զոր բարկացաւ սրտմտութ(եամ)բ տ(է)ր ՛ի վ(ե)ր(այ) յուդայ, ա(մենայ)ն բարկութ(եամ)բքն որով բարկացոյց զնա մանասէ։ եւ ասաց տ(է)ր, այլեւ զյուդաս մերժեցից յերեսաց իմոց, որպէս մերժեցի զի(սրա)էլ. եւ ՛ի բա́ց արարից զքաղաքն զոր ընտրեցի զե(րուսաղէ)մ, եւ զտունն զորմէ ասացի՝ եղիցի անո́ւն իմ անդ։

Verse: 20  Link to sept   Եւ ե́լ փարաւոն նեքաւով՝ արքայ եգիպտոսի ՛ի վ(ե)ր(այ) արքային ասորեստանեայց, առ գետովն եփրատայ. եւ գնաց արքայ յովսիա ընդդէմ նորա.

Verse: 21  Link to sept   եւ առաքեաց առ նա հրեշտակս, եւ ասէ. զի՞նչ կայ իմ եւ քո արքայ յուդայ. ո́չ եմ եկեալ ՛ի վ(ե)ր(այ) քո այսօր պատերա́զմ առնել։ եւ ա(ստուա)ծ ասաց փութալ ինձ. զգո́յշ լեր յա(ստուծո)յ՝ որ է ընդ իս. մի́ գուցէ ապականիցէ զքեզ։

Verse: 22  Link to sept   Եւ ոչ դարձոյց յովսիա զերեսս իւր ՛ի նմանէ, այլ պատերազմել ընդ նմա զօրացաւ։ եւ ո́չ լուաւ բանիցն նեքաւովայ՝ որ ՛ի բերանոյ տ(եառ)ն։ եւ եկն պատերազմել ՛ի դաշտին մակեդդովայ։

Verse: 23  Link to sept   Եւ հարին աղեղնաւորքն զարքայ յովսիաս։ եւ ասէ արքայ ցծառայս իւր. հանէք զիս աստի. վ(ա)ս(ն) զի վտանգեցայ յոյժ։

Verse: 24  Link to sept   եւ հանին զնա ծառայքն նորա ՛ի կառացն իւրոց, եւ եդին զնա ՛ի կառսն յերկրորդս որ էր ն(ո)ր(ա), եւ տարան զնա յե(րուսաղէ)մ. եւ մեռաւ եւ թաղեցաւ ը(նդ) հարս իւր։ եւ ա(մենայ)ն յուդաս եւ ե(րուսաղ)էմ սո́ւգ առին ՛ի վերայ յովսիայ։

Verse: 25  Link to sept   Եւ ասաց ո́ղբս երեմիաս ՛ի վ(ե)ր(այ) յովսիայ։ եւ ա(մենայ)ն իշխանքն՝ ա́րք եւ կանայք՝ ասացին զողբսն ՛ի վերայ յովսիայ մինչեւ ցայսօր։ եւ ետուն զայն իբրեւ հրամանաւ ՛ի մէջ ի(սրաէ)լի. եւ ահա գրեալք են ՛ի ճառս ողբոցն։

Verse: 26  Link to sept   Եւ էին բանքն յովսիայ, եւ յոյս ն(ո)ր(ա) գրեալ յօրէնսն տ(եառ)ն։

Verse: 27  Link to sept   Եւ մնացեալ բանքն ն(ո)ր(ա) առաջինք եւ վերջինք, ահա գրեալ են ՛ի գիրս թագաւորացն ի(սրաէ)լի՝ եւ յուդայ։


Chapter: 36 
ԳԼ(ՈՒԽ) Լ՜.


Verse: 1  Link to sept   Եւ ա́ռ ժողովուրդ երկրին զյովաքազ որդի յովսիայ, եւ օծին զնա. եւ կացուցին զնա թագաւոր փոխանակ հօր ն(ո)ր(ա) յե(րուսաղէ)մ։

Verse: 2  Link to sept   Որդի քսան եւ երից ամաց էր յովաքազ ՛ի թագաւորելն իւրում, զերի́ս ամիսս թագաւորեաց յե(րուսաղէ)մ։ եւ անուն մօր ն(ո)ր(ա) ամիտաղ, դուստր երեմիայի ՛ի ղոբնայ։ եւ արար չա́ր առաջի տ(եառ)ն, ըստ ա(մենայ)նի զոր ինչ արարին հարքն ն(ո)ր(ա)։

Verse: 3  Link to sept   Եւ կապեաց զնա փարաւոն նեքաւով ՛ի դեբղաթայ՝ յերկիրն եմաթայ, ո́չ եւս թագաւորել նմա յե(րուսաղէ)մ. եւ տարաւ զնա արքայն յեգիպտոս. եւ ա́րկ ՛ի վ(ե)ր(այ) երկրին հարկ հարիւր տաղանտ արծաթոյ, եւ տաղանտ մի ոսկւոյ։

Verse: 4  Link to sept   Եւ կացոյց փարաւոն նեքաւով զեղիակիմ որդի յովսիայ արքայի յուդայ փոխանակ յովսիայ հօր ն(ո)ր(ա). եւ փոխեաց զանուն ն(ո)ր(ա) յովակիմ։ եւ զյովաքազ եղբայրն ն(ո)ր(ա) ա́ռ փարաւոն նեքաւով, եւ տարաւ յեգիպտոս. եւ մեռաւ անդ։ եւ զարծաթն եւ զոսկին ետուն փարաւոնի։ Յա́յնմ հետէ սկսաւ տա́լ հարկս երկիրն. եւ ետուն զարծաթն ըստ բերանոյ փարաւոնի, եւ յիւրաքանչիւր ումեքէ ըստ զօրութե(ան) իւրոյ պահանջէին զարծաթն եւ զոսկին ՛ի ժողովրդենէ երկրին, տա́լ զայն փարաւոնի նեքաւովայ։

Verse: 5  Link to sept   Է́ր քսան եւ հինգ ամաց յովակիմ ՛ի թագաւորել իւրում, եւ զմետասան ամ թագաւորեաց յե(րուսաղէ)մ. եւ անուն մօր ն(ո)ր(ա) զեկքովրայ դուստր ներիայ ՛ի հռամայ. եւ արար չա́ր առաջի տ(եառ)ն ըստ ա(մենայ)նի զոր ինչ արարին հարքն ն(ո)ր(ա)։ Յաւուրս ն(ո)ր(ա) ե́լ նաբուքոդոնոսոր արքայ բաբելոնի յերկիրն. եւ ծառայեաց նմա ամիսս երիս, եւ ապստամբեաց ՛ի նմանէ։ Եւ առաքեաց տ(է)ր զքաղդէացիսն, եւ զաւազակսն ասորեաց, եւ զաւազակսն մովաբացւոց, եւ որդւոցն ամոնայ, եւ սամարիայ։ Եւ ՛ի բա́ց կացին յետ բանիցս այսոցիկ ըստ բանի տ(եառ)ն ՛ի ձեռն ծառայից իւրոց մարգարէից։ սակայն սրտմտութի(ւն) ՛ի տ(եառն)է է́ր ՛ի վ(ե)ր(այ) յուդայ, ՛ի բա́ց բառնալ զնա յերեսաց իւրոց, վ(ա)ս(ն) մեղացն մանասէի յա(մենայ)նի զոր ինչ արար, եւ անպարտ արեանցն զոր եհեղ մանասէ, եւ ելից զե(րուսաղէ)մ անպարտ արեամբ. եւ ո́չ կամեցաւ տ(է)ր սատակել զն(ո)ս(ա)։

Verse: 6  Link to sept   Եւ ել ՛ի վ(ե)ր(այ) նաբուքոդոնոսոր արքայ բաբելոնի, եւ կապեաց զնա պղնձի կապանօք, եւ տարաւ զնա ՛ի բաբելոն։

Verse: 7  Link to sept   եւ մասն ինչ ՛ի սպասուց տանն տ(եառ)ն տարաւ ՛ի բաբելոն, եւ ե́դ զայն ՛ի տաճարին իւրում որ ՛ի բաբելոն։

Verse: 8  Link to sept   Եւ մնացեալ բանքն յովակիմայ, եւ ա(մենայ)ն ինչ զոր արար. ո՞չ աւանիկ գրեալ են նոքա ՛ի գիրս բանից աւուրց թագաւորացն յուդայ։ եւ քունեաց յովակիմ ը(նդ) հարս իւր, եւ թաղեցաւ ՛ի գանովզայ՝ ը(նդ) հարս իւր։ Եւ թագաւորեաց յեքոնիա որդի ն(ո)ր(ա) փոխանակ նորա։

Verse: 9  Link to sept   Որդի ութտասան ամա́ց էր յեքոնիաս ՛ի թագաւորելն իւրում, եւ ամիսս երիս եւ աւուրս տասն թագաւորեաց յե(րուսաղէ)մ. եւ արար չա́ր առաջի տ(եառ)ն։

Verse: 10  Link to sept   Եւ ՛ի դառնալ տարւոյն առաքեաց արքայն նաբուքոդոնոսոր եւ տարաւ զնա ՛ի բաբելոն, հանդերձ ցանկալի սպասուք տանն տ(եառ)ն։ Եւ թագաւորեցոյց զսեդեկիաս եղբայր հօր ն(ո)ր(ա) ՛ի վ(ե)ր(այ) յուդայ յե(րուսաղէ)մ։

Verse: 11  Link to sept   Ամաց քսան եւ միոյ էր սեդեկիա ՛ի թագաւորել իւրում. եւ մետասան ամ թագաւորեաց յե(րուսաղէ)մ։

Verse: 12  Link to sept   եւ արար չա́ր առաջի տ(եառ)ն ա(ստուծո)յ իւրոյ։ ո́չ պատկառեաց յերեսաց երեմիայի մարգարէի՝ եւ ՛ի բանիցն տ(եառ)ն։

Verse: 13  Link to sept   Եւ յապստամբելն ն(ո)ր(ա) ՛ի նաբուքոդոնոսորայ արքայէ, եւ անցանելոյ զերդմամբքն զոր երդմնեցոյց զնա յա(ստուա)ծ իւր. խստացոյց զպարանոցն իւր, եւ զսիրտ իւր կարծրացոյց՝ ո́չ եւս դառանլ առ տ(է)ր ա(ստուա)ծ ի(սրաէ)լի։

Verse: 14  Link to sept   Եւ ա(մենայ)ն փառաւորքն յուդայ, եւ քահանայք, եւ ժողովուրդք երկրին յաճախեցին անօրինե́լ անօրէնութի(ւն)ս ըստ գարշելեաց ազգացն, եւ պղծեցին զտունն տ(եառ)ն յե(րուսաղէ)մ։

Verse: 15  Link to sept   Եւ առաքեաց տ(է)ր ա(ստուա)ծ հարցն ն(ո)ց(ա) ՛ի ձեռն մարգարէիցն, կանխեալ առաքեաց զհրեշտակս իւր. վ(ա)ս(ն) զի խնայէր ՛ի ժողովուրդն իւր, եւ ՛ի սրբութի(ւն)ն իւր։

Verse: 16  Link to sept   Արհամարհէին զհրեշտակս ն(ո)ր(ա), եւ անդոսնէին զբանս ն(ո)ր(ա). եւ խա́ղ առնէին զմարգարէսն. մինչեւ եղեւ բարկութի(ւն) տ(եառ)ն ՛ի վ(ե)ր(այ) ժողովրդեան իւրոյ. եւ ո́չ եւս գոյր այնուհետեւ ն(ո)ց(ա) բժշկութի(ւն)։

Verse: 17  Link to sept   Եւ ած ՛ի վ(ե)ր(այ) ն(ո)ց(ա) զթագաւորն քաղդէացւոց. կոտորեաց զերիտասարդս ն(ո)ց(ա) սրով ՛ի տան սրբութե(ան) իւրոյ. եւ ո́չ խնայեաց ՛ի սեդեկիաս։ կուսանաց ն(ո)ց(ա)՝ ո́չ ողորմեցաւ, եւ զծերս ն(ո)ց(ա) զամենեսեան մատնեաց ՛ի ձեռս ն(ո)ց(ա)։

Verse: 18  Link to sept   Եւ զա(մենայ)ն սպաս տանն ա(ստուծո)յ զմեծամեծս եւ զփոքունս, եւ զա(մենայ)ն գանձն արքային եւ մեծամեծացն, զա(մենայ)ն տարաւ ՛ի բաբելոն։

Verse: 19  Link to sept   եւ այրեաց զտունն տ(եառ)ն. եւ կործանեաց զպարիսպն ե(րուսաղէ)մի, եւ զապարանսն որ ՛ի նմա այրեաց հրով. եւ զա(մենայ)ն անօթ գեղեցիկ ապականեաց։

Verse: 20  Link to sept   եւ գերեաց զմնացորդսն ՛ի բաբելոն։ Եւ էին անդ՝ նմա եւ որդւոց ն(ո)ր(ա) ՛ի ծառայութի(ւն), մինչեւ ՛ի թագաւորութի(ւն)ն մարաց։

Verse: 21  Link to sept   Առ ՛ի լնուլ բանին տ(եառ)ն ՛ի բերանոյ երեմիայի մինչեւ ընկալաւ երկիրն զշաբաթս իւր. եւ շաբաթանալով զա(մենայ)ն աւուրս աւերածոյն իւրոյ, շաբաթացաւ ՛ի կատարումն ամացն իւթանասնից։

Verse: 22  Link to sept   Յառաջնում ամին կիւրոսի արքային պարսից, յե́տ լնլոյ բանին տ(եառ)ն ՛ի բերանոյ երեմիայի. զարթո́յց տ(է)ր զհոգի կիւրոսի պարսից արքայի։ Եւ պատուիրեաց քարոզել յա(մենայ)ն թագաւորու(թ)ե(ա)ն իւրում գրո́վ՝ եւ ասել։

Verse: 23  Link to sept   Այսպէս ասէ կիւրոս արքայ պարսից. զա(մենայ)ն թագաւորութի(ւն)ս երկրի ետ ինձ տ(է)ր ա(ստուա)ծ երկնից. եւ նա́ պատուիրեաց ինձ շինել իւր տո́ւն յե(րուսաղէ)մ, ՛ի հրէաստանի։ որ ոք ՛ի ձէնջ յա(մենայ)ն ժողովրդենէ նորա́ իցէ, տ(է)ր ա(ստուա)ծ իւր եղիցի ընդ նմա՝ եւ ելցէ́։






Book: Esr.I_(Esr.III) 
Esra I

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ԳԻՐՔ ԵԶՐԻ ԱՌԱՋԻՆ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԱՐԱՐ ՅՈՎՍԻԱ ԹԱԳԱՒՈՐ՝ զզատիկն տ(եառ)ն յե(րուսաղէ)մ. եւ եղեն զզատիկն տ(եառ)ն ՛ի չորեքտասան ամսոյն առաջնոյ։

Verse: 2  Link to sept   Եւ կարգեա́ց կացոյց զքահանայսն ՛ի տաճարին տ(եառ)ն, ըստ ա(մենայ)ն օրաթուին, զգեցեալ զպատմուճան քահանայութե(ան)։

Verse: 3  Link to sept   եւ ասաց ցղեւտացիսն սպասաւորս. սրբեցէ́ք զանձինս ձեր, եւ պատրաստեցէ́ք ը(ս)տ սրբու(թ)ե(ան) տապանակին կտակարանացն տ(եառ)ն, ՛ի տաճարին զոր շինեաց սողոմոն թագաւոր որդի դաւթի։

Verse: 4  Link to sept   Եւ մի́ գտցի ՛ի ձեզ աղտեղութի(ւն) եւ պղծու(թ)ի(ւն). եւ արդ՝ պաշտեցէ́ք զպաշտօն տ(եառ)ն ա(ստուծո)յ ձերոյ, եւ ժողովեցէ́ք եւ պատրաստեցէ́ք զա(մենայ)ն ազգն ի(սրաէ)լի, եւ կարգեցէ́ք զն(ո)ս(ա) ը(ս)տ կարգի հայրապետացն՝ եւ ցեղիցն իւրեանց.

Verse: 5  Link to sept   ո(ր)պ(էս) կարգեաց եւ գրեաց դաւիթ թագաւոր ի(սրաէ)լի, եւ որդի ն(ո)ր(ա) մե́ծ սողոմոն. եւ կացցեն ՛ի տաճարին ղեւտացիքն ըստ կարգի իւրաքանչիւր հարց իւրեանց, առաջի եղբարց իւրեանց որդւոցն ի(սրաէ)լի։

Verse: 6  Link to sept   Եւ ըստ առաջին կարգացն զենէ́ք զզատիկն, եւ պատրաստեցէ́ք զզոհսն, եւ արարէ́ք զզատիկն ըստ հրամանի տ(եառ)ն ո(ր)պ(էս) եւ հրամայեաց ՛ի ձեռն մովսիսի։

Verse: 7  Link to sept   Եւ շնորհեալ պարգեւեաց յովսիա ժողովրդեանն, գառինս եւ ուլս՝ երեսուն հազար. որթս՝ երեք հազար։

Verse: 8  Link to sept   զա́յս ա(մենայ)ն տուեալ ը(ս)տ հրամանի թագաւորին ժողովրդեանն, եւ քահանայիցն եւ ղեւտացւոց։ Եւ դարձեալ ետ քեղկիայ եւ զաքարիայ՝ քահանայապետիցն, եւ առաջնորդաց ժողովրդեանն, եւ քահանայիցն ոչխարս երկու հազար եւ վեց հարիւր։

Verse: 9  Link to sept   Եւ յեքոնիաս, եւ սամէաս, եւ նաթանայէլ եղբայր, եւ ռաբիաս, եւ ոզիէլ, եւ յովրամ հազարապետք, ետուն ղեւտացւոցն վ(ա)ս(ն) զատկին ոչխարս՝ հինգ հազար, եւ որթս հինգ հարիւր։

Verse: 10  Link to sept   Եւ առեալ զայս ա(մենայ)ն քահանայիցն, մեծապէս եւ ա(մենայ)ն վայելչու(թեամ)բ զարմանազան պատրաստեցին զզատիկն բաղարջակերաց.

Verse: 11  Link to sept   ըստ տոհմս իւրեանց, եւ ըստ կարգաց դասուց հարցն իւրեանց. յօրինեալ կացին քահանայքն առաջի ժողովրդեանն, մետուցանել տ(եառ)ն զզատիկն ը(ս)տ գրեցելոյն յօրէնսն մովսիսի։

Verse: 12  Link to sept   Եւ ա́յսպէս ընդ առաւօտսն խորովեալ հրով պատրաստեցին զզատիկն տ(եառ)ն. եւ զա́յլ հումն հանդերձ անուշութ(եամ)բ եփեցին ՛ի կաթսայս եւ ՛ի սանս,

Verse: 13  Link to sept   եւ մատուցին յերեսաց ժողովրդեանն։ Եւ զհետ այսորիկ քահանյապետքն պատրաստեցին զինքեանս. եւ զեղբարսն իւրեանց զորդիսն ահարոնի.

Verse: 14  Link to sept   քանզի քահանայքն մատուցանէին զճարպ հրոյն կիզման։ եւ ղեւտացիքն պատրաստեցին զինքեանս եւ զեղբարս իւրեանց զքահանայս՝ զորդիս ահարոնի։

Verse: 15  Link to sept   Եւ որդիքն ասափայ՝ երգիչք սաղմոսաց՝ պատրաստեցին զինքեանս, ո(ր)պ(էս) եւ էր կարգեալ դաւթայ թագաւորի. զասափ, եւ զզաքարիա, եւ զեղդինոն։

Verse: 16  Link to sept   Եւ դռնապանքն իւրաքանչիւր դրանցն էին զգուշացեալք ըստ իւրաքանչիւր կարգի աւուրն. քանզի էին եւ նոքա որդիք ղեւեայ, եւ պատրաստեցին զինքեանս։

Verse: 17  Link to sept   Եւ ամենեքեան միաբան կատարեցին զզոհն տ(եառ)ն յաւուր յայնմիկ.

Verse: 18  Link to sept   եւ մատուցին զզատիկն տ(եառ)ն ՛ի վ(ե)ր(այ) սեղանոյն ըստ հրամանի թագաւորին յովսիայ։

Verse: 19  Link to sept   Եւ արարին որդիքն ի(սրաէ)լի որք գտան ՛ի ժամանակի յայնմիկ զզատիկն տ(եառ)ն, եւ զտօն բաղարջակերացն աւուրս եւթն։

Verse: 20  Link to sept   Եւ ո́չ եղեւ երբէք՝ այնպիսի զատիկ ՛ի մէջ ի(սրաէ)լի. քան զի ո́չոք արար զատիկ ՛ի ժամանակացն սամուելի մարգարէի։

Verse: 21  Link to sept   եւ ո́չ ա(մենայ)ն թագաւորքն ի(սրաէ)լի արարին զզատիկս ա́յսպէս, որպէս արար յովսիա թագաւոր. եւ քահանայքն, եւ ղեւտացիքն, եւ հրէայքն, եւ ա(մենայ)ն ի(սրա)էլ որ բնակեալ էին ՛ի ժամանակին յայնմիկ յե(րուսաղէ)մ.

Verse: 22  Link to sept   յութտասաներորդի ամի թագաւորութե(ա)ն յովսիայ արա́ր զզատիկն զայն։

Verse: 23  Link to sept   Եւ էին ուղի́ղ գործք յովսիայ առաջի տ(եառ)ն ա(ստուծո)յ իւրոյ. եւ ծառայէր տ(եառ)ն ա(մենայ)ն սրտիւ եւ մտօք իւրովք։

Verse: 24  Link to sept   եւ այլ թագաւորք որ եղեն յառաջ քան զնա, վ(ա)ս(ն) որոյ գրեալ իսկ է. որք մեղան եւ անօրինեցան յա(մենայ)ն ազգս. եւ տրտմեցուցին զտ(է)ր, եւ կացին ընդդէմ բանի ն(ո)ր(ա) ՛ի մէջ ի(սրաէ)լի։

Verse: 25  Link to sept   Եւ յետ այսր ա(մենայ)նի առաքինու(թ)ե(ան)ց յովսիայ՝ ե́կն փարաւոն թագաւոր եգիպտացւոց պատերազմել ՛ի կարքամուս, ՛ի կողմանս եփրատայ. եւ ե́լ պատերազմել ընդդէմ նորա յովսիա։

Verse: 26  Link to sept   Եւ յղեաց առնա թագաւորն եգիպտացւոց՝ եւ ասէ. զի՞ կայ՝ ի́մ եւ քո թագաւորդ հրէաստանի,

Verse: 27  Link to sept   ո́չ եթէ առ քեզ ինչ առաքեաց զիս տ(է)ր ա(ստուա)ծ. քանզի ՛ի կողմանս եփրատայ երթամ պատերազմել, եւ այժմ տ(է)ր ընդի́ս է. եւ մի́ խափաներ զիս. զի ստիպէ զիս տ(է)ր երթալ պատերազմե́լ ՛ի կողմանս եփրատայ, ՛ի բա́ց կաց յինէն, եւ մի́ ընդդիմանար տ(եառ)ն։

Verse: 28  Link to sept   Եւ ո́չ դարձոյց յովսիա զկառս իւր, այլ ՛ի պատերազմել ընդ նմա ձեռնարկեաց։ եւ ո́չ լուաւ բանիցն երեմիայի մարգարէի, զոր խօսէր ը(նդ) նմա ՛ի բերանոյ տ(եառ)ն.

Verse: 29  Link to sept   այլ խմբեաց տա́լ պատերազմ ընդ փարաւոնի ՛ի դաշտին եդդաւուս. եւ իջին իշխանքն առ թագաւորն յովսիայ։

Verse: 30  Link to sept   եւ ասէ յովսիա թագաւորն ցծառայս իւր, հանէ́ք զիս ՛ի բաց ՛ի պատերազմէս. քանզի տկարացայ յոյժ. եւ վաղվաղակի հանին զնա ՛ի բա́ց ծառայքն ն(ո)ր(ա) ՛ի պատերազմէն։

Verse: 31  Link to sept   Եւ ել յերկրորդ ՛ի կառս իւր. եւ հասեալ յե(րուսաղէ)մ վախճանեցաւ, եւ թաղեցաւ ընդ հարսն իւր։

Verse: 32  Link to sept   եւ ա(մենայ)ն ժողովուրդն ողբացին, եւ սո́ւգ առին ՛ի վ(ե)ր(այ) յովսիայ։ Եւ եհան երեմիա մարգարէ ո́ղբս ՛ի վ(ե)ր(այ) յովսիայ. եւ նստեալ ը(նդ) կանայս ողբան զողբսն երեմիայի մինչեւ ցայսօր. եւ ետուն հրաման հանապազ յազգս իւրեանց ողբա́լ ՛ի մէջ ի(սրաէ)լի։

Verse: 33  Link to sept   Ա́յս ա(մենայ)ն գրեալէ ՛ի գիրս պատմութե(ան)ց թագաւորու(թ)ե(ան)ց ի(սրաէ)լի. զգործն զոր գործեաց յովսիա, եւ զառաքինու(թ)ի(ւն)սն զոր առաքինացաւ. եւ վ(ա)ս(ն) մե́ծ արդարութե(ան) ն(ո)ր(ա) եւ փառաց, եւ զիմաստու(թ)ի(ւն) զգուշութե(ան) իւրոյ զոր ունէր առ օրէնսն տ(եառ)ն։ եւ զայս ա(մենայ)ն մինչեւ ցայժմ պատմեն գիրք թագաւորութե(ա)ն ի(սրաէ)լի եւ յուդայ։

Verse: 34  Link to sept   Եւ առեալ թագաւորեցուցին յազգէ ն(ո)ր(ա) զյեքոնիա որդի յովսիայ. եւ թագաւորեաց յեքոնիա փոխանակ հօր իւրոյ յովսիայ. լեա́լ ամաց քսան եւ երից։

Verse: 35  Link to sept   եւ թագաւորեաց հրէաստանի եւ ե(րուսաղէ)մի ամիսս երիս։ եւ արգե́լ թագաւորն եգիպտացւոց՝ զի մի́ ոք թագաւորեսցէ յե(րուսաղէ)մ։

Verse: 36  Link to sept   եւ արար ծախ ն(ո)ց(ա) հարիւր տաղանտ արծաթոյ, եւ տաղանտ մի ոսկւոյ։

Verse: 37  Link to sept   Եւ կացոյց ն(ո)ց(ա) թագաւորն եգիպտացւոց՝ թագաւոր զյովակի́մ զեղբայր յեքոնիայ։ եւ թագաւորեաց յովակիմ հրէաստանի եւ ե(րուսաղէ)մի։

Verse: 38  Link to sept   եւ կապեաց յովակիմ զմեծամեծս եւ զիշխանս տանն ի(սրաէ)լի. եւ զարա զեղբայր իւր եհան եւ ած առ իւր յերկրէն եգիպտացւոց։

Verse: 39  Link to sept   Եւ էր ամաց քսան եւ հնգից յովակիմ, յորժամ թագաւորեաց ՛ի վ(ե)ր(այ) հրէաստանի եւ ե(րուսաղէ)մի. եւ արար չա́ր առաջի տ(եառ)ն։

Verse: 40  Link to sept   Յաւուրս ն(ո)ր(ա) ե́լ նաբուքոդոնոսոր արքայ բաբելացւոց, եւ կապեաց զնա պղնձի կապանօք եւ տարաւ զնա ՛ի բաբելոն։

Verse: 41  Link to sept   եւ ՛ի սպասուէ տանն տ(եառ)ն ա́ռ նաբուքոդոնոսոր, եւ տարաւ եւ ե́դ ՛ի պահեստի ՛ի տան կռոց իւրոց ՛ի բաբելոն։

Verse: 42  Link to sept   Զա́յս ա(մենայ)ն վ(ա)ս(ն) ն(ո)ր(ա)՝ եւ վ(ա)ս(ն) պղծութե(ան)ց ն(ո)ր(ա) եւ անօրէնութե(ան)ց՝ գրեալէ ՛ի գիրս ժամանակաց թագաւորացն։

Verse: 43  Link to sept   Եւ թագաւորեաց փոխանակ ն(ո)ր(ա) յովակիմ որդի ն(ո)ր(ա), որ էր ամաց ութեւտասնից։

Verse: 44  Link to sept   եւ թագաւորեաց ամիսս երիս, եւ աւուրս տասն յե(րուսաղէ)մ. եւ արար չա́ր առաջի տ(եառ)ն։

Verse: 45  Link to sept   Եւ զհետ ամի միոյ՝ առաքեաց նաբուքոդոնոսոր, եւ տարաւ զնա ՛ի բաբելոն հանդերձ գանձի́ւ տանն տ(եառ)ն։

Verse: 46  Link to sept   Եւ կացոյց զսեդեկիա թագաւոր ՛ի վ(ե)ր(այ) հրէաստանի եւ ե(րուսաղէ)մի. եւ էր սեդեկիա ամաց քսան եւ միոյ, եւ թագաւորեաց ամս մետասան։

Verse: 47  Link to sept   եւ արար չա́ր առաջի տ(եառ)ն, եւ ո́չ դարձաւ ՛ի չարեաց իւրոց՝ եւ ոչ լուաւ բանից երեմիայի մարգարէի զոր խօսեցաւ ընդ նմա ՛ի բերանոյ տ(եառ)ն։

Verse: 48  Link to sept   եւ զերդումն զոր երդուաւ նաբուքոդոնոսո́ր արքայի անուամբ տ(եառ)ն, ո́չ եկաց յերդմանն. այլ ստեաց եւ հեռացաւ ՛ի նաբուքոդոնոսորայ. եւ խստացոյց զպարանոց եւ զսիրտ իւր յօրինաց տ(եառ)ն ա(ստուծո)յ ի(սրաէ)լի։

Verse: 49  Link to sept   Եւ իշխանք ժողովրդեանն եւ քահանայք բազո́ւմ ամպարշտութի(ւն)ս արարին, եւ անօրինեցան, եւ բազմացուցին զպղծու(թ)ի(ւն)ս իւրեանց քան զա(մենայ)ն հեթանոսս. եւ պղծեցին զտաճարն սրբութե(ան) տ(եառ)ն յե(րուսաղէ)մ։

Verse: 50  Link to sept   Եւ առաքեաց ա(ստուա)ծ հարցն ն(ո)ց(ա) զհրեշտակս եւ զմարգարէս իւր առ նոսա զի դարձցին. վ(ա)ս(ն) զի խնայէր ՛ի ն(ո)ս(ա), եւ ՛ի տաճարն սրբու(թ)ե(ան) իւրոյ։

Verse: 51  Link to sept   եւ արհամարհեցին զհրեշտակս ն(ո)ր(ա). եւ յաւուր յորում խօսէր ը(նդ) ն(ո)ս(ա) տ(է)ր, կատակէին եւ ծաղր առնէին զմարգարէս ն(ո)ր(ա)։

Verse: 52  Link to sept   Եւ ցասեաւ տ(է)ր ՛ի վ(ե)ր(այ) ազգի ն(ո)ց(ա). եւ վ(ա)ս(ն) ամպարշտու(թ)ե(ան) ն(ո)ց(ա) ած ՛ի վ(ե)ր(այ) ն(ո)ց(ա) զթագաւորսն քաղդեացւոց։

Verse: 53  Link to sept   եւ նոքա սպանին զերիտասարդս ն(ո)ց(ա) սրով, եւ հեղին զարիւնս ն(ո)ց(ա) շուրջ զսրբութե(ան) տաճարաւն, եւ ո́չ խնայեցին ՛ի մանկունս եւ ՛ի կուսանս, ՛ի ծերս եւ յերիտասարդս ն(ո)ց(ա)։

Verse: 54  Link to sept   Այլ զայս ա(մենայ)ն ետ ՛ի ձեռս ն(ո)ց(ա). եւ զա(մենայ)ն սպաս տանն տ(եառ)ն զմեծ եւ զփոքր, եւ զկահ եւ զսպաս տապանակին տ(եառ)ն, եւ զգանձս թագաւորին ի(սրաէ)լի. զա(մենայ)ն առեալ տարան ՛ի բաբելոն։

Verse: 55  Link to sept   Եւ հրկէ́զ արարին զտաճարն տ(եառ)ն, եւ քակեալ քանդեցին զպարիսպն եմ(թ)ի(ւն). եւ զաշտարակս ն(ո)ր(ա) հրկիզեցին հրով։

Verse: 56  Link to sept   եւ եղեւ վախճան ա(մենայ)ն փառաց ն(ո)ր(ա). եւ զմնացեալսն վարեալ առաջի սրով՝ գերեցին ՛ի բաբելոն։

Verse: 57  Link to sept   Եւ եղեն ՛ի ծառայութի(ւն) ն(ո)ց(ա) եւ որդւոց ն(ո)ց(ա) մինչեւ ՛ի թագաւորս պարսից, ՛ի կատարել բանին տ(եառ)ն զոր խօսեցաւ ՛ի բերան երեմիայի մարգարէի։

Verse: 58  Link to sept   մինչեւ հաճեսցի տ(է)ր ը(նդ) երկիրն դատարկացեալ։ շաբաթացոյց զնա, եւ զա(մենայ)ն ժամանակս զոր եղեւ անապատ համարեցաւ նմա ՛ի շաբաթումն. մինչեւ կատարեաց ա́մս եւթանասուն։
   Յառաջնում ամի թագաւորու(թ)ե(ա)ն կիւրոսի՝ եւթանասուն ամ գերութե(ա)ն կատարէր յուդայ եւ բենիամինի. եւ ընդ ա(մենայ)ն թագաւորեաց կիւրոս ամս երեսուն։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ ՛ի թագաւորու(թ)ե(ա)ն կիւրոսի պարսից՝ յամին առաջնում կատարեցաւ բանն տ(եառ)ն, զոր խօսեցաւ ՛ի բերան երեմիայի մարգարէի։

Verse: 2  Link to sept   Եւ յարոյց տ(է)ր զոգի կիւրոսի թագաւորին պարսից. եւ հրամայեաց կիւրոս յա(մենայ)ն թագաւորու(թ)ե(ան) իւրում քարո́զ կարդալ՝ եւ ասել։

Verse: 3  Link to sept   Ա́յսպէս ասէ թագաւորն պարսից կիւրոս. ինձ յայտնեաց թագաւորն ա(մենայ)ն տիեզերաց տ(է)ր ա(ստուա)ծ ի(սրաէ)լի, տ(է)ր բարձրեալ.

Verse: 4  Link to sept   եւ նշանակեալ յայտնեաց ինձ, շինե́լ նմա տաճար յե(րուսաղէ)մ հրէաստանի։

Verse: 5  Link to sept   Արդ՝ ո ոք եւ իցէ́ եւ կայցէ առ նմա յազգացն հրէից. եւ տ(է)ր ա(ստուա)ծ եղիցի ը(նդ) նմա. եւ ելեալ յե(րուսաղէ)մ ընդ հրէայսն շինեսցէ զտաճարն տ(եառ)ն ա(ստուծո)յ ի(սրաէ)լի։ ա́յս է տ(է)ր, որ բնակէն յե(րուսաղէ)մ։

Verse: 6  Link to sept   եւ ա(մենայ)ն ոք որ յիւրաքանչիւր տեղիս բնակեալեն, օգնեսցե́ն ն(ո)ց(ա) ոսկւով եւ արծաթով.

Verse: 7  Link to sept   ձիովք եւ ա(մենայ)ն խաշամբք, եւ ա(մենայ)ն կազմածովք իւրեանց նուիրեսցեն ՛ի տաճարն տ(եառ)ն ա(ստուծո)յ յե(րուսաղէ)մ։

Verse: 8  Link to sept   Եւ կացցեն իշխանք ըստ ազգացն եւ հայրապետաց ազգին յուդայ, եւ ցեղին բենիամինի, եւ քահանայիցն եւ ղեւտացւոց. եւ ամենեցուն զորոց զարթոյց տ(է)ր զոգիս ն(ո)ց(ա), ելանե́լ եւ շինել զտունն տ(եառ)ն յե(րուսաղէ)մ եւ շուրջ զնոքօք.

Verse: 9  Link to sept   օգնեսցեն ամենեքեան արծաթով եւ ոսկւով, ձիովք եւ խաշամբք, ուխտեսցեն տ(եառ)ն որչափ եւ ՛ի միտս իւրեանց անկցի։

Verse: 10  Link to sept   Եւ թագաւորն կիւրոս՝ ե́տ բերել զսուրբ սպասն տ(եառ)ն, զոր բերեալէր նաբուքոդոնոսորայ յե(րուսաղէ)մէ, եւ եդեալէր ՛ի պա́հ ՛ի տան կռոցն իւրոց.

Verse: 11  Link to sept   ե́տ բերել կիւրոս թագաւոր պարսից, եւ հրամայեաց տա́լ զսպասն միթրիդատայ գանձաւորի իւրոյ։

Verse: 12  Link to sept   եւ համարեալ միթրիդատայ՝ ե́տ ցսամանասար հանդերձապետ յուդայ։

Verse: 13  Link to sept   Եւ ա́յս էր թիւ սպասու կահուն տ(եառ)ն. սպաս ոսկեղէն հազար, եւ սպաս արծաթի էր հազար. խմբարգեայք արծաթիք քսանեւինն, եւ ափսէք ոսկիք երեսուն, եւ արծաթիք երկու հազար չորեքհարիւր քսան. եւ ա́յլ կահ հազար։

Verse: 14  Link to sept   իսկ ա(մենայ)ն կահն զոր բերին ոսկի եւ արծաթի, հոնգհազար չորեքհարիւր վաթսունեւինն։

Verse: 15  Link to sept   Եւ տուեալ զայս ա(մենայ)ն ՛ի ձեռս սամանասարայ՝ առեալ հանդերձ ա(մենայ)ն գերութ(եամ)բ հանէին ՛ի բաբելոնէ յե(րուսաղէ)մ։

Verse: 16  Link to sept   ՛Ի ժամանակս թագաւորութե(ա)ն արտաշէսի պարսից արքայի, գրեցին առ նա որք բնակեալէին շուրջ զհրէաստանիւ եւ զե(րուսաղէ)մաւ. բաաղսամոս, եւ միթրիդատ, եւ բեղղիոս, եւ հռաթիմոս, եւ բեղտէթմոս, եւ սամեղիոս գրիչ. եւ ա́յլ եւս բազումք ընդ ն(ո)ս(ա), որք բնակեալք էին առ ծովեզերբն՝ քանանացիք եւ տիւրացիք, ամոնացիք եւ մովաբացիք, եւ շամրտացիք, եւ այլ բազումք ետեղակալք։ գրեցին թուղթ՝ զա́յս օրինակ։

Verse: 17  Link to sept   Թագաւոր արտաշէս տէ́ր մեր, ծառայք քո, հռաթիմոս՝ որ երկրպագէ քեզ, եւ սամեղիոս գրիչ, եւ ա(մենայ)ն խորհրդակիցք մեր, եւ դատաւորք կողմանց ասորւոց եւ քանանացւոց։

Verse: 18  Link to sept   Ա́յժմ գիտո́ւն լիցի քեզ տէր մեր եւ թագաւոր, վ(ա)ս(ն) հրէիցն որ ելին ՛ի ձէնջ առ մեզ, երթեալ յե(րուսաղէ)մ ՛ի քաղաքն ապստամբող եւ դառնացող. եւ շինեն զնա եւ զհրապարակս ն(ո)ր(ա), եւ զպարիսպս ն(ո)ր(ա) կամին ամրացուցանել. եւ զտաճարն ն(ո)ր(ա) կամին բարձրաբե́րձ շինել։

Verse: 19  Link to sept   արդ՝ եթէ զքաղաքս զայս շինեսցեն, եւ զպարիսպ ն(ո)ր(ա) կատարեսցեն. հարկս՝ ումեք ո́չ հարկանեն, այլ եւ թագաւորաց եւս ընդդէ́մ կան։

Verse: 20  Link to sept   քանզի պանծացեալ յուսա́ն ՛ի տաճարն իւրեանց։ Արդ՝ բարւո́ք թուեցաւ մեզ, եթէ փոյթ արասցես ա́յսմ իրաց՝

Verse: 21  Link to sept   տէ́ր մեր թագաւոր, եւ փորձեալ տեսցես զոր գրեցին հարք քո եւ նախնիք.

Verse: 22  Link to sept   եւ գտցես գիր յիշատակարանաց. եւ գիտասցես թէ քաղաքս այս՝ ապստամբողաց է. եւ թագաւորք սորա՝

Verse: 23  Link to sept   եւ հրէայք ապստամբօղք, եւ ստերդմունք բնակիչք սորա յաւիտեան. վ(ա)ս(ն) որոյ եւ քաղաքս այս՝ աւերեալ անապա́տ եղեւ։

Verse: 24  Link to sept   Արդ՝ ցուցանեմք տեառն մերոյ եւ թագաւորի, եթէ քաղաքս այս շինեսցի, եւ պարիսպք ն(ո)ր(ա) կանգնեսցին՝ քո իշխանու(թ)ի(ւն) եւ ճանապարհ ՛ի կողմանս ասորւոց եւ քանանացւոց ո́չ եւս լիցի։

Verse: 25  Link to sept   Յայնժամ գրեա́ց արտաշէս թագաւոր, հռաթեմու, եւ բեղտեթմու, եւ սամեղի գրչի, եւ այլոց ամենեցուն որ բնակեալ են ՛ի կողմանս սամարիայ, եւ ասորւոց եւ քանանացւոց որք գրեցին առ նա։

Verse: 26  Link to sept   Կարդացի ասէ զթուղթն ձեր զոր գրեցէք առիս, եւ հրամայեցի տեսանել ՛ի մատեանս յիշատակարանաց. եւ գտաւ քաղաքդ այդ յիսկզբանցն եւ ՛ի յաւիտեանց՝ ընդդէմ ա(մենայ)ն թագաւորաց։

Verse: 27  Link to sept   եւ երկնային պատերազմօղք ը(նդ) ա(մենայ)ն կողմանս որ բնակեալ էին ՛ի դմա. եւ թագաւորք զօրաւորք եւ խիստք, որք բնակեալէին յե(րուսաղէ)մ, տիրացեալք հա́րկս հանէին ՛ի կողմանցն ասորւոց եւ քանանացւոց։

Verse: 28  Link to sept   Արդ՝ այժմ հրամայեցի արգելո́ւլ զարսդ զայդ ՛ի շինելոյ զքաղաքդ. եւ դուք փո́յթ յանձին կալայք

Verse: 29  Link to sept   զի մի́ եւս առաւելեսցի չարութի(ւն) դոցա՝ եւ ընդդիմասցին, եւ աշխատեսցեն զթագաւորութի(ւն)ս մեր։

Verse: 30  Link to sept   Եւ յայնժա́մ կարդացեալ զգիր թագաւորին արտաշիսի, հռաթիմոս, եւ սամեղ գրիչ, եւ այլք բազումք ընդ ն(ո)ս(ա), ելի́ն փութով յե(րուսաղէ)մ երիվարօք եւ զօրօք հանդերձ,

Verse: 31  Link to sept   եւ արգելին զհրէայսն ՛ի շինելոյ։ Եւ խափանեցաւ շինուած տաճարին տ(եառ)ն յե(րուսաղէ)մ մինչեւ յեկրորդ ամ թագաւորութե(ան) դարեհի պարսից արքայի։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ թագաւորն դարեհ արար խրախութի(ւն) մեծ. եւ ժողովեաց զա(մենայ)ն իշխանս իւր, եւ զընտոծինս իւր, եւ զա(մենայ)ն մեծամեծս մարաց, պարսից, քաղդեացւոց։

Verse: 2  Link to sept   եւ զա(մենայ)ն նախարարս եւ զզօրագլուխս, եւ զետեղակալս ընդ նոսա ՛ի կողմանցն հնդկաց, մինչեւ ՛ի կողմանս եթւովպացւոց. եւ էին նախարարք հարիւր քսանեւեւթն։

Verse: 3  Link to sept   եւ կերա́ն եւ արբին, եւ յագեցան, եւ ուրա́խ եղեն։ Եւ յորժամ վախճա́ն եղեւ՝ դարեհ թագաւոր եմո́ւտ ՛ի սենեակ իւր. եւ ելեալ ՛ի գահոյս իւր ՛ի քո́ւն եղեւ։

Verse: 4  Link to sept   Յայնժամ երեք պատանիք որ էին սենեկապանք ն(ո)ր(ա). եւ մինչդեռ ՛ի քո́ւն կայր թագաւորն, նոքա ՛ի ներքս ՛ի սենեկի սպա́ս կալեալ եւ պա́հ ունէին նմա։ Խօսել սկսան ընդ միմեանս եւ ասեն.

Verse: 5  Link to sept   եկա́յք՝ իւրաքանչիւր ասասցուք բան մի, եւ որ ասասցէ իմաստո́ւն եւ առաւել զօրաւոր քան զընկերս իւր՝ տացէ́ նմա դարեհ թագաւոր պարգե́ւս մեծամեծս. եւ մեծ եւ անուանի երեւեսցի քան զամենեսեան.

Verse: 6  Link to sept   եւ ծիրանիս զգեցուսցէ նմա, եւ ոսկի սպասուք արբցէ եւ կերիցէ, եւ ՛ի վ(ե)ր(այ) ոսկեղինաց նստցի, եւ ննջեսցէ. եւ վարեսցէ երիվարս ոսկեսանձս. եւ խոյր բեհեզեայ թա́գ կապեսցէ նմա, եւ մանեակ ոսկի ՛ի պարանոցի ն(ո)ր(ա)։

Verse: 7  Link to sept   եւ երկրորդ յաթոռն դարեհի նստցի վ(ա)ս(ն) իմաստութե(ան) իւրոյ, եւ ազգական դարեհի անուանեսցի։

Verse: 8  Link to sept   Եւ յայնժամ իւրաքանչիւր գրեալ զիւր բան, կնքեցին եւ եդին ը(նդ) սնարս դարեհի արքայի։

Verse: 9  Link to sept   եւ ասեն՝ յորժամ յարիցէ՝ տացուք ցնա զգիրդ. եւ ընտրեսցէ թագաւորն, եւ երեք մեծամեծք իշխանք պարսից. եւ որոյ գտցի բան իմաստնագոյն՝ նմա́ տացէ զյաղթողական պարգեւն։

Verse: 10  Link to sept   Եւ գրեաց առաջինն, ասէ. յաղթօղ եւ զօրաւո́ր է քան զա(մենայ)ն գինի։

Verse: 11  Link to sept   Եւ գրեաց երկրորդն, եւ ասէ. յաղթօղ եւ զօրաւո́ր քան զա(մենայ)ն թագաւոր։

Verse: 12  Link to sept   Եւ երրորդն գրեաց, եւ ասէ. յաղթօղ եւ զօրաւո́ր են քան զա(մենայ)ն կանայք, եւ քան զա(մենայ)ն յաղթէ ճշմարտութի(ւն)։

Verse: 13  Link to sept   Եւ յորժամ զարթեաւ թագաւորն, առեալ զգիրն զոր ետուն ցնա, կարդա́ց։

Verse: 14  Link to sept   եւ առաքեալ կոչեաց զա(մենայ)ն մեծամեծս պարսից եւ մարաց, եւ զնախարարս, եւ զսպարապետս, եւ զտեղակալս, եւ զիշխանս։

Verse: 15  Link to sept   Եւ նստեալ ՛ի տեղւոջ յայգորիլի́. եւ կարդացին զգիրն առաջի ամենեցուն։

Verse: 16  Link to sept   Եւ ասէ թագաւորն. կոչեցէ́ք այսր զպատանիսն, եւ նոքա մեկնեսցեն զբանս իւրեանց։ եւ կոչեալ մտին առաջի.

Verse: 17  Link to sept   եւ ասեն ցն(ո)ս(ա) ամենեքեան. պատմեցէ́ք մեզ զգրեալսդ։ Եւ սկսաւ ասել առաջինն, որ ասաց վ(ա)ս(ն) զօրութե(ան) գինւոյ։

Verse: 18  Link to sept   եւ ասէ այսպէս. Ո́ արք. զիա՞րդ ո́չ է զօրաւոր գինի. զի ա(մենայ)ն մարդիկ որ ըմպեն զնա՝ յիմարեցուցանէ զմիտսն.

Verse: 19  Link to sept   եւ զթագաւորաց եւ զտառապելոց՝ մի միտս առնէ. նո́յնպէս զտեառն եւ զծառայի, զմեծատանց եւ զաղքատաց։

Verse: 20  Link to sept   եւ զամենեցուն միտս դարձուցանէ, եւ շրջէ յուրախութի(ւն). եւ ո́չ երբէք յիշեն զտրտմու(թ)ի(ւն) եւ զախտս ինչ։

Verse: 21  Link to sept   Քանզի զամենեցուն սիրտ՝ լնո́ւ զուարթու(թեամ)բ եւ մեծու(թեամ)բ։

Verse: 22  Link to sept   եւ ո́չ յիշէ զթագաւորս կամ զիշխանս. եւ տա́յ խօսել զմեծամեծս։ եւ յորժամ ըմպէ, ո́չ յիշէ զսիրելիս եւ զեղբարս, եւ զթշնամիս. եւ բազում անգամ հանեալ սուր։

Verse: 23  Link to sept   եւ յորժամ թափի գինին՝ ո́չ յիշէ զինչ գործեաց։

Verse: 24  Link to sept   Ո́վ արք՝ զիա՞րդ ոչ է զօրաւոր գինի, որ զայս ա(մենայ)ն բռնադատէ գործել։ Եւ ասացեալ զայս ա(մենայ)ն լռեա́ց։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ սկասաւ խօսել երկրորդն, որ ասաց վ(ա)ս(ն) զօրու(թ)ե(ան) թագաւորի։

Verse: 2  Link to sept   Ո́ արք՝ ո՞չ ապաքէն զօրացեալ են մարդիկ որ ունին զծո́վ եւ զցամաք, եւ զա(մենայ)ն որ ինչ ՛ի ն(ո)ս(ա)։

Verse: 3  Link to sept   Իսկ թագաւոր զօրացեալ տիրէ́ ա(մենայ)ն երկրի եւ մարդկան. եւ զորինչ ասէ եւ հրամայէ՝ վաղվաղակի առնե́ն, եթէ հրամայէ պատերազմել՝ ընկեր ընդ ընկերի իւրում, ո́չ իշխեն անցանել զբանիւ։

Verse: 4  Link to sept   եւ եթէ առաքէ զն(ո)ս(ա) ՛ի պատերազմ ընդ թշնամիս՝ երթեալ վաղվաղակի գործեն մենքենայս, եւ լերինս, եւ պարիսպս, եւ աշտարակս.

Verse: 5  Link to sept   սպանանեն, եւ մեռանին. եւ զհրամանաւ թագաւորին ո́չ կարեն անցանել։ եւ եթէ յաղթեսցեն՝ զա(մենայ)ն բարու(թ)ի(ւն)ս բերեն թագաւորին։

Verse: 6  Link to sept   Եւ ո́չ միայն զորական պատերազմողք, այլեւ մշակք որ գործեն զերկիր. յորժամ սերմանեն եւ հնձեն, զարդիւնս իւրեանց բերեն թագաւորին։ եւ հարկահանք դարձեալ բռնադատեալ զաշխարհ, հանեն հարկս թագաւորի։

Verse: 7  Link to sept   Եւ թագաւոր՝ միա́յն զօրացեալ իշխան է ՛ի վ(ե)ր(այ) ա(մենայ)նի. եւ եթէ հրամայէ սպանանել՝ սպանանեն. եւ եթէ կեցուցանել՝ կեցուցանեն.

Verse: 8  Link to sept   եւ եթէ շինել՝ շինեն.

Verse: 9  Link to sept   եւ եթէ քակել՝ քակեն. եւ եթէ տնկել՝ տնկեն։

Verse: 10  Link to sept   եւ ա(մենայ)ն աշխարհ՝ թագաւորի́ զօրու(թ)ե(ան) եւ հրամանի լսեն. եւ ինքն արքայ՝ զինչ եւ կամի՝ գործէ։ եւ ինքն ՛ի հանգստեա́ն կայ. բազմի, ուտէ, ըմպէ, եւ ՛ի քուն մտանէ.

Verse: 11  Link to sept   եւ այլք ամենեքեան շո́րջ պահեն զնա, եւ հրամանի ն(ո)ր(ա) անսան. եւ ո́չ իշխեն ը(ս)տ կամս իւրեանց երթա́լ ուրեք, եւ կամ գործել. եւ ո́չ իշխեն անցանել զհրամանաւ թագաւորի։

Verse: 12  Link to sept   Արդ՝ ո́ արք, զիա՞րդ ո́չ զօրաւոր է թագաւոր, որոյ բան հրամանի իւրոյ ա́յսչափ զօրացեալ իշխէ ՛ի վ(ե)ր(այ) ամենեցունց։ Եւ զայս ասացեալ՝ լռեա́ց։

Verse: 13  Link to sept   Եւ երրորդն՝ որ ասաց վ(ա)ս(ն) զօրութե(ան) կանանց, եւ վասն ճշմարտու(թ)ե(ան). ա́յս է զորաբաբել. սկսաւ խօսել՝ եւ ասէ։

Verse: 14  Link to sept   Ո́ արք՝ եթէ մեծ է թագաւոր՝ եւ կամ ա́յլ բազում մարդիկ, եւ կամ զօրաւո́ր է գինի. ո՞ է որ յաղթեալ ունի եւ տիրէ ՛ի վ(ե)ր(այ) ամենեցուն։

Verse: 15  Link to sept   Ո՞չ ապաքէն կանայք. քանզի կանայք են որ ծնանին զթագաւորս. եւ ա(մենայ)ն մարդիկ որ տիրեն ծովու եւ ցամաքի՝

Verse: 16  Link to sept   ՛ի նոցանէ ծնան. եւ կանայք ծնան եւ սնուցին զմշակս որ տնկեն զայգիս՝ ուստի լինի́ գինի։

Verse: 17  Link to sept   եւ նոքա́ են որ առնեն զհանդերձս արանց, եւ նոքօք զարդարին եւ փառաւորին մարդիկ. եւ ո́չ է հնար առանց նոցա լինել մարդկան։

Verse: 18  Link to sept   Եւ եթէ ժողովեսցեն զոսկի եւ զարծաթ՝ եւ զա(մենայ)ն բարու(թ)ի(ւն)ս, եւ տեսեալ կին մի գեղեցիկ՝

Verse: 19  Link to sept   դարձեալ ՛ի նա՝ եւ բերանաբաց եղեալ հային ընդ նա. եւ ա(մենայ)ն կամօք իւրեանց սիրեն զնա առաւել քան զոսկի եւ քան զարծաթ՝ եւ քան զա(մենայ)ն բարութի(ւն)ս։

Verse: 20  Link to sept   եւ թողեալ զհայր՝ եւ զմայր իւր, որ ծնան եւ սնուցին զնա, եւ զաշխարհ իւր. երթա́յ զհետ կնոջ իւրոյ։

Verse: 21  Link to sept   եւ այնպէս միացեալ ոգեխառնի ընդ նմա, մինչեւ ո́չ յիշէ զհայր իւր եւ ո́չ զմայր եւ ո́չ զաշխարհ։

Verse: 22  Link to sept   Եւ յայսմանէ արժա́ն է ձեզ գիտել՝ թէ տիրեն ՛ի վ(ե)ր(այ) ձեր կանայք ձեր. զի զա(մենայ)ն ինչ՝ զոր գործէք եւ աշխատիք, բերէք եւ տայիք ցկանայս ձեր։

Verse: 23  Link to sept   Եւ առեալ առն զսուր իւր, գնա́յ ՛ի ճանապարհ հեռի. եւ եթէ շահի ինչ, կամ աւազակէ եւ գողանայ, կամ ը(նդ) ծով եւ ընդ գետս նաւէ.

Verse: 24  Link to sept   եւ գազանաց պատահէ, եւ ը(նդ) խաւարուտ գնայ. եւ յորժամ գողանայ եւ յափշտակէ, եւ ընդ ա(մենայ)ն վիշտս անցանէ, գայ բերէ զա(մենայ)ն վաստակսն առ կին իւր.

Verse: 25  Link to sept   քանզի առաւե́լ սիրէ մարդ զկին իւր՝ քան զհայր իւր եւ զմայր իւր։

Verse: 26  Link to sept   Եւ բազումք յիմարեցան ՛ի մտաց իւրեանց. եւ վ(ա)ս(ն) կանանց իւրեանց անկա́ն ՛ի ծառայութի(ւն)։

Verse: 27  Link to sept   եւ բազումք ՛ի կորուստ մատնեցան, եւ մեռան, եւ սպանին. եւ սխալեալ անկան ՛ի մեծամեծ մեղս վ(ա)ս(ն) կանանց։

Verse: 28  Link to sept   Եւ այժմ ո́չ հաւատայք ինձ. ո՞չ մեծ թագաւորդ անձնիշխա́ն է ինքն. եւ ա(մենայ)ն ոք ՛ի մրդկանէ ո́չ իշխէ մերձենալ ՛ի դա։

Verse: 29  Link to sept   Տեսանէի́ ես զդուստր հարճի թագաւորի, զի նստէր ընդաջմէ թագաւորիդ.

Verse: 30  Link to sept   եւ առեալ զթագն ՛ի գլխոյ դորա՝ դնէր ՛ի գլուխ իւրում. եւ ածեալ ապտակ թագաւորիդ։

Verse: 31  Link to sept   եւ առ այս թագաւորդ ո́չ ցասնոյր. այլ բացեալ զբերան իւր հայէր ընդդէմ ն(ո)ր(ա), եւ եթէ ծիծաղէր՝ ծիծաղէր ընդդէմ նորա. եւ եթէ տրտմէր՝ թագաւորդ ողոքէր, մինչեւ սթափեցուսցէ զնա։

Verse: 32  Link to sept   Արդ՝ ո́ արք. զիա՞րդ ո́չ են զօրաւոր կանայք՝ որ զայս ա(մենայ)ն առնեն։

Verse: 33  Link to sept   Եւ յայնժամ թագաւորն եւ մեծամեծք ն(ո)ր(ա) սկսան հայել ա́յր ը(նդ) ընկեր իւր։ Եւ սկսաւ խօսել զորաբաբէլ վասն ճշմարտիւթե(ան)՝ եւ ասէ։

Verse: 34  Link to sept   Ո́ արք՝ ո՞չ ապաքէն զօրաւոր են կանայք, մե́ծ է երկիր, բա́րձր են երկինք, եւ երագընթաց է արեգակն. վ(ա)ս(ն) զի ունի արշաւանս ընդ կամարաձեւ խորանն երկնից. եւ դարձեալ վաղվաղակի սլացեալ հասանէ ՛ի տեղի իւր ՛ի միում աւուր։

Verse: 35  Link to sept   Ո՞չ ապաքէն մեծ է այն՝ որ զայս ա(մենայ)ն արար։ Արդարեւ՝ ճշմարտու(թ)ի(ւն) մե́ծ եւ զօրաւոր է քան զամենեսեան։

Verse: 36  Link to sept   ա(մենայ)ն երկիր ապաւինի ՛ի ճշմարտու(թ)ի(ւն), եւ երկինք օրհնեն զճշմարտութի(ւն). եւ ա(մենայ)ն գործք շարժին եւ դողան առաջի ն(ո)ր(ա). եւ ո́չ է ՛ի ճշմարտութե(ան) անիրաւու(թ)ի(ւն) եւ ո́չ մի։

Verse: 37  Link to sept   Անիրա́ւ է գինի. անիրա́ւ է թագաւոր. անիրա́ւ են եւ կանայք. անիրա́ւ են եւ ա(մենայ)ն որդիք մարդկան. անիրա́ւ են եւ ա(մենայ)ն գործք ն(ո)ց(ա). եւ ո́չ գոյ ՛ի ն(ո)ս(ա) ճշմարտու(թ)ի(ւն), եւ յանիրաւու(թ)ե(ան) իւրեանց կորնչին։

Verse: 38  Link to sept   Իսկ ճշմարտու(թ)ի(ւն) կա́յ եւ մնայ, եւ զօրաւո́ր է յաւիտեան. եւ կենդանի է, եւ ունի իշխանութի(ւն) ն(ո)ր(ա) յաւիտեանս յաւիտենից։

Verse: 39  Link to sept   եւ ո́չ գոյ ՛ի նմա ակնառու(թ)ի(ւն), եւ ո́չ երբէք փոփոխի, այլ իրաւունս առնէ. եւ մերժեալ է ՛ի նմանէ անիրաւութի(ւն) եւ չարու(թ)ի(ւն). եւ ա(մենայ)ն գործք ճշմարտութե(ան) հաճո́յ են ամենեցուն։

Verse: 40  Link to sept   եւ ո́չ գոյ ՛ի դատաստանի ն(ո)ր(ա) անիրաւու(թ)ի(ւն). քանզի ճշմարտութի(ւն) է զօրութի(ւն) թագաւորաց, եւ իշխանու(թ)ի(ւն) եւ մեծութի(ւն)։ եւ է օրհնեալ տ(է)ր ա(ստուա)ծ ճշմարտութե(ան)։

Verse: 41  Link to sept   Եւ ասացեալ զայս՝ լռեաց ՛ի խօսելոյն։ Եւ ա(մենայ)ն ժողովն յայնժամ մեծաձայն աղաղակեցին՝ եւ ասեն. մե́ծ է ճշմարտութի(ւն)՝ եւ յաղթօղ եւ զօրաւոր։

Verse: 42  Link to sept   Յայնժամ թագաւորն ասէ ցնա. խնդրեա́ զինչ եւ կամիս. եւ տա́ց ե́ւս առաւել քան զգրեալսդ. վ(ա)ս(ն) զի գտար իմաստո́ւն քան զամենեսեան։ եւ երկրո́րդ յաթոռ իմ նստջիր. եւ ազգական իմ անուանեսջիր։

Verse: 43  Link to sept   Յայնժամ ասէ զորաբաբէլ ցթագաւորն. յիշեա́ զուխտն զոր ուխտեցեր վ(ա)ս(ն) շինուածոյն ե(րուսաղէ)մի. յաւուր յորում առեր դու զթագաւորութի(ւն)դ քո. եւ ասացեր՝

Verse: 44  Link to sept   զա(մենայ)ն կահ եւ սպաս ե(րուսաղէ)մի դարձուցանել անդրէն, զոր որոշեալ մեկնեաց կիւրոս, յորժամ եհար զբաբելոն, եւ ուխտեաց նա դարձուցանել զսպասն տ(եառ)ն։

Verse: 45  Link to sept   Նո́յնպէս եւ դու թագաւոր՝ ուխտեցեր շինել զտաճարն տ(եառ)ն, զոր այրեցին եդոմայեցիք յորժամ արարին անապատ զհրէաստան քաղդեացիքն։

Verse: 46  Link to sept   Եւ այժմ աղաչե́մ զքեզ տէր իմ եւ թագաւոր, եւ խնդրե́մ ՛ի քէն. եւ զա́յս մեծ պարգեւ շնորհեա́ դու ինձ. եւ վասն այսորիկ աղաչեմ զքեզ, կատարեա́ զուխտն զոր ուխտեցեր թագաւորին երկնաւորի. արա́ ըստ այնմ որ ե́լ ՛ի բերանո́յ քումմէ։

Verse: 47  Link to sept   Յայնժամ յարուցեալ դարեհ թագաւոր եւ համբուրեաց զզորաբաբէլ. եւ գրեաց նմա թուղթս առ ա(մենայ)ն գաւառապետս, եւ տեղակալս, եւ զօրագլուխս, եւ առ նախարարս, զի յուղարկեսցեն զնա, եւ որք ընդ նմայն էին՝ ելանե́լ եւ շինե́լ զե(րուսաղէ)մ։

Verse: 48  Link to sept   Եւ առ ա(մենայ)ն տեղակալս կողմանցն ասորւոց եւ փիւնիկեցւոց, եւ որ են ՛ի կողմանս լիբանանու. գրեա́ց թուղթ՝ զի իջուսցեն մա́յր փայտ ՛ի լիբանանէ յե(րուսաղէ)մ, եւ շինեսցեն հանդերձ զորաբաբելիւ զքաղաքն։

Verse: 49  Link to sept   Եւ գրեցաւ առ ա(մենայ)ն հրէայս որ ելեալէին ՛ի թագաւորութե(ա)ն իւրում, եւ ազատեաց զնոսա ՛ի հարկաց. եւ ասէ ցա(մենայ)ն զօրաւորս եւ նախարարս, եւ տեղակալս, եւ գաւառապետս՝ մի́ ոք վ(ա)ս(ն) հարկաց մերձեսցի ՛ի դրունս ն(ո)ց(ա)։

Verse: 50  Link to sept   եւ զա(մենայ)ն տեղիս զոր եւ ունին՝ անհա́րկ եւ ազատ լիցի. եւ ա(մենայ)ն եդովմայեցիք տացեն ՛ի բա́ց զգեօղս եւ զտեղիս զոր ունին զհրէից։

Verse: 51  Link to sept   Եւ ՛ի շինուած տաճարին տացեն յարքունուստ՝ յամի քսան տաղանտ, մինչեւ շինեսցի տաճարն։

Verse: 52  Link to sept   Եւ ՛ի սեղան ողջակիզացն տացեն զա(մենայ)ն աւուրս, ո(ր)պ(էս) եւ գրեալ է յօրէնսն, զեւթներորդս. եւ զտասներորդս անխափա́ն մատուցանել։ եւ այլեւս տաղանտս տասն՝ յամի։

Verse: 53  Link to sept   եւ ամենեքեան որ ելանեն յե(րուսաղէ)մ շինեսցեն զքաղաքն, եւ լիցին ազատք եւ առանց հարկաց. ինքեա́նք եւ ազգք իւրեանց, եւ ա(մենայ)ն քահանայքն։

Verse: 54  Link to sept   Եւ հրամայեաց գրե́լ եւ տալ զա(մենայ)ն դարման, եւ զպատմուճան քահանայիցն որով կատարէին զպաշտօնն տ(եառ)ն։

Verse: 55  Link to sept   եւ ղեւտացւոցն գրեաց տա́լ ռոճիկս զաւուրս, մինչեւ կատարեսցի տաճարն տ(եառ)ն, եւ ե(րուսաղ)էմ շինեսցի։

Verse: 56  Link to sept   եւ ամենեցուն ոյք պահէին զքաղաքն՝ գրեաց տա́լ ն(ո)ց(ա) ժառանգու(թ)ի(ւն) երկրի՝ եւ ռոճիկս։

Verse: 57  Link to sept   Եւ առաքեաց զա(մենայ)ն կահ եւ զսպաս տաճարին, զոր որոշեաց կիւրոս ՛ի բաբելոնէ. եւ զա(մենայ)ն զորինչ ասաց կիւրոս՝ դարեհ զնոյն արա́ր եւ կատարեաց. եւ ե́տ տանել զա(մենայ)ն սպասն տ(եառ)ն։

Verse: 58  Link to sept   Եւ յորժամ ե́լ արտաքս ՛ի թագաւորէն զորաբաբէլ, համբա́րձ զձեռս իւր յերկինս ընդ կողմն ե(րուսաղէ)մի. եւ օրհնեաց զտ(է)ր թագաւոր երկնից,

Verse: 59  Link to sept   եւ ասէ. ՛Ի քէ́ն է յաղթութի(ւն), եւ ՛ի քէ́ն է իմաստութի(ւն). եւ քե́զ վայելեն փառք. եւ ես ծառա́յ քո եմ.

Verse: 60  Link to sept   եւ օրհնեմ զքեզ որ ետուր ինձ իմաստու(թ)ի(ւն), եւ գոհանա́մ զքէն ա(ստուա)ծ հարցն մերոց։

Verse: 61  Link to sept   Եւ ա́ռ զթուղթսն եւ գնաց. եւ եկն եմո́ւտ ՛ի բաբելոն, եւ պատմեաց զա(մենայ)ն եղբարց իւրոց։

Verse: 62  Link to sept   եւ օրհնեցին զա(ստուա)ծ հարցն իւրեանց. վ(ա)ս(ն) զի շնորհեաց ն(ո)ց(ա) ընդարձակութի(ւն), եւ արար թողութի(ւն)

Verse: 63  Link to sept   ելանել եւ շինել զե(րուսաղէ)մ, եւ զտաճարն տ(եառ)ն՝ յորում անուանեցաւ անուն նորա ՛ի նմա. եւ արարին ուրախու(թ)ի(ւն) մեծ, հանդերձ ա(մենայ)ն նուագարանօք զաւուրս եւթն։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ զհետ այսր ա(մենայ)նի ընտրեցին զնահապետս եւ զառաջնորդս տանց, եւ ազգաց, եւ ցեղից, ելանել յե(րուսաղէ)մ հանդերձ կանամբք իւրեանց, եւ որդւովք եւ դստերօք եւ ծառայիւք, եւ ա(մենայ)ն կահիւ եւ կազմածով իւրեանց։

Verse: 2  Link to sept   Եւ դարեհ առաքեաց ընդ ն(ո)ս(ա) ձիս հազար, մինչեւ երթեալ հասանիցեն յե(րուսաղէ)մ խաղաղու(թեամ)բ, եւ հանդերձ նուագարանօք՝ թմբկաւ եւ փողով,

Verse: 3  Link to sept   եւ պարու. եւ ա(մենայ)ն ուրախուբ արձակեաց զնոսա յե(րուսաղէ)մ։

Verse: 4  Link to sept   Եւ ա́յս են անուանք արանց որ ելին յե(րուսաղէ)մ, ըստ անուանց հարցն իւրեանց, ըստ ցեղս տոհմիցն իւրեանց։

Verse: 5  Link to sept   ՛Ի քահանայիցն էին. որդիք փենեէսի որդւոյ ահարոնի, յեսու յովսեդեկեանց, եւ յովակիմ՝ որ եւ զորաբաբէլ սաղաթիելեանց, յազգէն դաւթայ ՛ի տոհմէն փարեսեանց, ՛ի ցեղէն յուդայ.

Verse: 6  Link to sept   որ եւ խօսեցաւ առաջի դարեհի արքայի զբանս իմաստու(թ)ե(ան)՝ յերկրորդ ամի թագաւորութե(ան) ն(ո)ր(ա), յամսեանն նիսան՝ յամսեանն առաջնում։

Verse: 7  Link to sept   Էին սոքա ամենեքեան հրէայք՝ որք արձակեալք ՛ի գերութ(են)էն ելին յե(րուսաղէ)մ, որք էին գերեալք ՛ի նաբուքոդոնոսորայ արքայէ բաբելոնի։ եւ ելեալք յե(րուսաղէ)մ

Verse: 8  Link to sept   բնակեցին ՛ի հրէաստանի յիւրաքանչիւր քաղաքս։ Եւ էին առաջնորդք ն(ո)ց(ա)՝ զորաբաբէլ, եւ յեսու յովսեդեկեանց։ Եւ էին յազգէ քահանայիցն՝ նեեմի, զարեհ, հռեսէ, անանիա, մուրդքէ. բեեղսար, ասփարաս, բորոէլ, հռուիբ, բաանա։

Verse: 9  Link to sept   Եւ ա́յս են թիւք նահապետաց ազգացն, եւ իշխանք ն(ո)ց(ա). Որդիք փորոսայ՝ երկու հազար հարիւր եւթանասուն եւ երկու։ Որդիք սափատայ՝ չորեքհարիւր եւթանասուն եւ երկու։

Verse: 10  Link to sept   Որդիք արեսայ՝ եւթնհարիւր եւթանասուն եւ վեց։

Verse: 11  Link to sept   Որդիք նեփթաղեմի մովաբացւոյ, եւ որդւոց յեսուայ եւ հռովաբայ՝ երկուհազար ութհարիւր եւ երկոտասան։

Verse: 12  Link to sept   որդիք յեղամայ՝ երկուհազար երկերիւր յիսուն եւ չորս։ որդիք զատոնայ՝ իննհարիւր քառասուն եւ եւթն, որդիք բորքեայ՝ եւթնհարիւր յիսուն։ որդիք բանեայ՝ վեց հարիւր քառասուն եւ ութ։

Verse: 13  Link to sept   որդիք բերեայ՝ վեցհարիւր քսան եւ երեք. որդիք արգեայ՝ երեքհազար երեքհարիւր քսան եւ երկու։

Verse: 14  Link to sept   որդիք ադոնիկամայ, վեց հարիւր եւթանասուն եւ եւթն։ որդիք բոսորեայ՝ երկուհազար վեցհարիւր եւ վեց։ որդիք ոդինեայ՝ չորեքհարիւր յիսուն եւ չորս։

Verse: 15  Link to sept   որդիք ազերեզեկիայ՝ իննսուն եւ երկու։ որդիք իլանայ եւ զետայ՝ վաթսուն եւ եւթն. որդիք ազարայ, չորեքհարիւր երեսուն եւ երկու։

Verse: 16  Link to sept   որդիք գերդաղայ՝ վեցհարիւր երեսուն եւ երկու։ որդիք անանիայ՝ հարիւր քսան։ որդիք արոմայ՝ երեք հարիւր քսան եւ երեք։

Verse: 17  Link to sept   որդիք արսիփուրայ՝ հարիւր երկոտասան։ որդիք բետերայ՝ երեքհազար իննսուն եւ հինգ։ որդիք բեթղոմայ՝ հարիւր քսան եւ երեք։

Verse: 18  Link to sept   ՛Ի նատոբայ՝ յիսուն եւ եւթն։ ՛ի նատթայ՝ հարիւր յիսուն եւ ութ։ ՛ի բեթասմովթայ՝ քառասուն եւ երկու։

Verse: 19  Link to sept   ՛ի կարիաթարիմայ՝ քսան եւ հինգ։ ՛ի քափիրայ եւ թերոնայ՝ եւթնհարիւր քառասուն եւ ութ։ ՛ի քադիասեայ եւ ամիդիայ՝ չորեքհարիւր քսան եւ երկու։

Verse: 20  Link to sept   ՛ի կիմարայ եւ կաբեսայ՝ վեցհարիւր քսան եւ մի։ ՛ի մակաղովնայ՝ հարիւր քսան եւ երկու։

Verse: 21  Link to sept   ՛Ի բետողիամայ՝ յիսուն եւ երկու։ որդիք նեփիսայ՝ հարիւր յիսուն եւ վեց։

Verse: 22  Link to sept   որդիք կաղամողայ եւ ոնիայ՝ եւթն հարիւր քսան եւ հինգ։

Verse: 23  Link to sept   որդիք յերեքոայ՝ երեքհարիւր քառասուն եւ հինդ։ որդիք սանասսայ՝ երեքհազար երեքհարիւր երեսուն եւ մի։ Եւ որդիք քահանայիցն։

Verse: 24  Link to sept   որդիք յեդդուտայ՝ որդւոյ յիսուայ՝ իննհարիւր երեսուն եւ երկու։ որդիք եմմերայ՝ հազար յիսուն եւ երկու։

Verse: 25  Link to sept   որդիք փասորայ՝ հազար երկերիւր քառասուն եւ հինգ։ որդիք քարմեայ՝ հազար եւթն եւ տասն։

Verse: 26  Link to sept   Իսկ ղեւտացւոցն. որդի յիսուայ՝ մի. եւ կոդողիայ եւ բանեայ եւ սուդիայ՝ եւթանասուն եւ չորս։

Verse: 27  Link to sept   Եւ որք էին յազգէ քահանայիցն սաղմոսասացք, որդիք ասափայ՝ հարիւր քառասուն եւ ութ։

Verse: 28  Link to sept   Եւ դռնապանք, որդիք սաղոմեայ. որդիք ատերայ. որդիք տողմանեայ. որդիք գակուբեայ. որդիք ատերայ. որդիք սաբեայ, ամենեքեան հարիւր երեսուն եւ ինն։

Verse: 29  Link to sept   Եւ ծառայք քահանայիցն, որդիք ասաիփայ. որդիք տաբազայ. որդիք կերայ. որդիք սուայ. որդիք փաղեայ. որդիք ղաբանեայ. որդիք ադաբեայ.

Verse: 30  Link to sept   որդիք ակուդեայ. որդիք ուտայ. որդիք կեդաբայ. որդիք ագաբայ. որդիք սուբայիմայ. որդիք աստանայ. որդիք կաթուայ. որդիք գելլուրայ։

Verse: 31  Link to sept   որդիք յաբուայ. որդիք դեսանայ. որդիք նորայ. որդիք ասեբայ. որդիք գազերայ. որդիք ոքոզիայ. որդիք փանեայ որդիք ասասրայ. որդիք բասեայ. որդիք ասանայ. որդիք մաանայ. որդիք նափիսայ. որդիք ակումայ. որդիք աքիփայ. որդիք ասուրայ. որդիք փարակայ. որդիք փասաղովթայ։

Verse: 32  Link to sept   որդիք դեդանայ. որդիք կութայ. որդիք քարեսայ. որդիք բարքուսայ. որդիք սէսարայ. որդիք թումայի. որդիք նասայ. որդիք ատեփայ։

Verse: 33  Link to sept   Որդիք ծառայիցն սողոմոնի. որդիք սափփիովթայ. որդիք փարիդայ. որդիք յեեղայ. որդիք ղողոնայ. որդիք ստելայ. որդիք սափիայ։

Verse: 34  Link to sept   որդիք ագիայ. որդիք փաքարեայ. որդիք սաբիայ. որդիք սարովթայ. որդիք մասսեայ. որդիք գասայայ. որդիք ադուսայ. որդիք սուբասայ. որդիք ափփերայ. որդիք բարովդեայ. որդիք սափատայ. որդիք ալլոնեայ։

Verse: 35  Link to sept   Ամենայն ծառայք քահանայիցն, եւ ծառայք սողոմոնի՝ երեք հարիւր եւթանասուն եւ երկու։

Verse: 36  Link to sept   Սոքա́ էին որ ելեալէին ՛ի բաբելոնէ, եւ թերմաղէթ, եւ թեղեսիաս իշխանք ն(ո)ց(ա). եւ քարաթաղան, եւ աղղաար։

Verse: 37  Link to sept   Եւ զայլս եւս ո́չ կարաց թուել. ո́չ զհարս, եւ ո́չ զազգսն. որ էին յի(սրաէ)լէ. որդիք դաղանայ. որդիք տուբանայ. որդիք նեկոդանայ. վեց հարիւր յիսուն եւ երկու։

Verse: 38  Link to sept   Եւ ՛ի քահանայիցն որք պաշտէին զքահանայու(թ)ի(ւն)ն՝ ո́չ գտան. որդիք նորդիայ. որդիք ակբոսեայ. որդիք յոգուսայ, որք առին իւրեանց կանայս ՛ի դստերացն բերզեղեայ.

Verse: 39  Link to sept   եւ կոչեցան ըստ անուան ն(ո)ց(ա). եւ խնդրեալ զսոսա ո́չ գտին ՛ի գիրս ազգահամարին ՛ի տեղի վիճակի ն(ո)ց(ա)։ եւ իբրեւ ո́չ գտին յազգահամարին, ՛ի բա́ց որոշեցին զն(ո)ս(ա), եւ ո́չ մօտեցին ՛ի քահանայու(թ)ի(ւն)։

Verse: 40  Link to sept   Եւ ասացին ցնոսա նէմիա, եւ ատթարիա, մի́ մերձենալ ՛ի սրբութի(ւն)սն՝ մինչեւ յարիցէ քահանայապետ որոյ զգեցեալ իցէ զյայտնութի(ւն)ն եւ զճշմարտու(թ)ի(ւն)ն։

Verse: 41  Link to sept   Եւ էին ա(մենայ)ն ի(սրա)էլ յերկոտասանամենից եւ ՛ի վեր, թո́ղ զծառայս եւ զաղախնայս. բեւրք չորք, եւ երեքհազար եւ երեքհարիւր վաթսուն։

Verse: 42  Link to sept   ծառայք եւ աղախնայք ն(ո)ց(ա)՝ եւթն հազար երեքհարիւր երեսուն եւ հինգ։ Սաղմոսասացք եւ պաշտօնեայք՝ երկերիւր քառասուն եւ հինգ։

Verse: 43  Link to sept   Ուղտք՝ չորեքհարիւր երեսուն եւ հինգ.ձիք՝ եւթն հազար քառասուն եւ վեց. եւ ջորիք՝ երկերիւր քառասուն եւ հինգ. էշք՝ հինգ հազար հինգ հարիւր քսան եւ հինգ։

Verse: 44  Link to sept   Եւ իշխանք ըստ հայրապետացն իւրեանց եկեալ մտին ՛ի տեղի տաճարին ա(ստուծո)յ որ էր յե(րուսաղէ)մ. եւ եդեալ ուխտս զի կանգնեսցի տաճարն ՛ի տեղւոջ իւրում։ Եւ ը(ս)տ կարգի իւրեանց

Verse: 45  Link to sept   արկանէին ՛ի գանձանակ տաճարին ՛ի նպաստաւորութի(ւն) գործոյն՝ ոսկի՝ հազար մնաս, եւ արծաթ՝ մնաս հինգ հազար, եւ պատմուճանս քահանայականս՝ հարիւր։

Verse: 46  Link to sept   Եւ բնակեցին քահանայքն եւ ղեւտացիքն՝ եւ ժողովուրդքն յե(րուսաղէ)մ, եւ ՛ի տեղիս նորա. եւ սաղմոսասաց պաշտօնեայքն, եւ դռնապանքն. եւ ա(մենայ)ն ի(սրա)էլ ՛ի գեօղս եւ յագարակս իւրեանց։

Verse: 47  Link to sept   Եւ յարուցեալ յեւթներորդ ամսեանն ա(մենայ)ն որդիքն ի(սրաէ)լի, յիւրաքանչիւր տեղեաց ժողովեցան միաբան յընդարձակ տեղին՝ ՛ի դուռնն առաջին՝ ՛ի կողմնն արեւելից։

Verse: 48  Link to sept   Եւ կարգեալ յեսու յովսեդեկեանց եւ եղբարք ն(ո)ր(ա), եւ ա(մենայ)ն բազմութի(ւն)ք քահանայիցն, եւ զորաբաբէլ սաղաթիելեանց եւ եղբարք նորա՝ պատրաստեցին սեղան տ(եառ)ն ա(ստուծո)յ ի(սրաէ)լի,

Verse: 49  Link to sept   մատուցանե́լ ՛ի վ(ե)ր(այ) ն(ո)ր(ա) ողջակէզս՝ որպէս եւ գրեալ է ՛ի գիրս մովսիսի առնն ա(ստուծո)յ։

Verse: 50  Link to sept   Եւ ժողովեցան նոքա՝ եւ որոշեցան յայլո́ց ՛ի հեթանոսաց երկրին. եւ ուղղեցին սեղան զոհարանաց ՛ի տեղւոջն իւրում։ եւ թէպէտ էին ն(ո)ց(ա) թշնամիք հեթանոսք՝ սակայն լինէին ն(ո)ց(ա) օգնականք ա(մենայ)ն ազգք երկրի, եւ բերէին նոքա ընծայս եւ պատարագս՝ ըստ ժամանակս ժամանակս, եւ ողջակէզս տ(եառ)ն ընդ առաւօտս եւ ը(նդ) երեկոյս։

Verse: 51  Link to sept   Եւ արարին զտօն տաղաւարահարացն, ո(ր)պ(էս) եւ գրեալ է յօրէնսն մովսիսի, եւ մատուցանէին զոհս զօրհանապազ՝ ո(ր)պ(էս) եւ հրամայեալ էր։

Verse: 52  Link to sept   Եւ յետ այսորիկ մատուցանէին ողջակէզս ըստ ժամանակս ժամանակս, եւ զողջակէզս շաբաթուցն եւ զամսամտիցն. եւ զա(մենայ)ն սուրբ տօնս կարգէին եւ կատարէին,

Verse: 53  Link to sept   եւ որ ինչ միանգամ ուխտս ուխտէին ա(ստուծո)յ. յամսամտէն եւթներորդ ամսոյն սկսան մատուցանել զողջակէզս տ(եառ)ն ա(ստուծո)յ։ եւ տաճարն տ(եառ)ն ա(ստուծո)յ ո́չեւս էր շինեալ։

Verse: 54  Link to sept   Եւ ետուն գինս գաղատոսաց եւ հիւսանց, եւ կերակուրս ն(ո)ց(ա)։

Verse: 55  Link to sept   նո́յնպէս եւ սիդոնացւոց եւ տիւրացւոց, զի բերցե́ն նոքա ՛ի լիբանանէ մայր փայտ։ եւ բերեալ նաւօք ՛ի նաւահանգիստն յոպպէ, որպէս եւ հրամայեաց եւ կարգեաց ն(ո)ց(ա) յառաջագոյն կիւրոս թագաւոր պարսից։

Verse: 56  Link to sept   Եւ յամի երկրորդի ելիցն իւրեանց յե(րուսաղէ)մ, յամսեանն երկրորդում, սկսան շինել զտաճարն. զորաբաբէլ սաղաթիելեանց, եւ յեսու յովսեդեկեանց՝ եւ եղբարք ն(ո)ց(ա), եւ քահանայապետքն եւ ղեւտացիք. եւ ա(մենայ)ն որ ելեալէին ՛ի գերութ(են)էն յե(րուսաղէ)մ։

Verse: 57  Link to sept   Եւ արկին հիմն տանն տ(եառ)ն ա(ստուծո)յ յամսամտի երկրորդ ամսեանն, յերկրորդի ամի ելիցն իւրեանց ՛ի հրէաստան եւ յե(րուսաղէ)մ։

Verse: 58  Link to sept   եւ կարգեցին զղեւտացիսն ՛ի քսանամենից եւ ՛ի վեր ՛ի գործ սպասու տ(եառ)ն։ Եւ կարգեցան յեսու եւ որդիք եւ եղբարք ն(ո)ր(ա). եւ կադմեէլ եղբայր ն(ո)ր(ա). եւ որդիք յեբուհեմա բաբուն, եւ որդիք յովիդայ եղիադեանց, հանդերձ եղբարբք իւրեանց. ա(մենայ)ն ղեւտացիքն միաբանեալ գործէին զգործ տանն տ(եառ)ն։ եւ գաղատոսք շինօղք շինեցին զտունն տ(եառ)ն։

Verse: 59  Link to sept   Եւ կարգեցան քահանայապետքն զգեցեալ զպճղնաւորն՝ հանդերձ նուագարանօք եւ փողովք։ եւ ղեւտացիքն որդիք ասափայ ունէին զծնծղայսն

Verse: 60  Link to sept   հանդերձ երգովք սաղմոսէին եւ օրհնէին զա(ստուա)ծ. ո(ր)պ(էս) եւ կարգեաց զերգս նուագարանաց դաւիթ թագաւոր ի(սրաէ)լի։

Verse: 61  Link to sept   եւ մեծաձա́յն օրհնէին եւ գոհանային զտ(եառն)է ա(ստուծո)յ. վ(ա)ս(ն) զի բարերարու(թ)ի(ւն) ա(ստուծո)յ եւ փառք տաւիտեան են յա(մենայ)ն ի(սրաէ)լի։

Verse: 62  Link to sept   եւ մեծաձայն ա(մենայ)ն ժողովուրդքն հարկանէին զփողս իւրեանց, եւ գոչէին ձայնիւ մեծաւ. եւ օրհնէին զտ(է)ր, որ կանգնեաց զտաճար իւր սուրբ։

Verse: 63  Link to sept   Եւ եկին մտին քահանայապետք ղեւտացիք՝ որք էին գահերիցունք, եւ առաջնորդք ը(ս)տ նահապետու(թ)ե(ան) հարցն իւրեանց, որոց տեսեալէր զտաճարն յառաջ քան զայս շինուած։

Verse: 64  Link to sept   Եւ մեծաւ ձայնիւ, եւ լալով, եւ բազում փողովք եւ ուրախու(թեամ)բ մեծաւ՝

Verse: 65  Link to sept   մինչեւ չլսէին բազմութի(ւն)ն զձայն փողոցն ՛ի ձայնէ լալոյ ժողովրդեանն. զի թէպէտ էին բազումք որ հարկանէին զփողսն, որ երթայր ձայնն եւ ՛ի հեռաւո́ր տեղիսն։

Verse: 66  Link to sept   Եւ լուան զձայնն թշնամիք ազգին յուդայ՝ եւ բենիամինի, եւ եկին ՛ի տեսանել եւ գիտե́լ թէ զի́նչ իցէ ձայն փողոցն։

Verse: 67  Link to sept   եւ գիտացին՝ թէ ելեալքն ՛ի բաբելոնէ ՛ի գերու(թեն)էն են որ շինեն զտաճարն տ(եառ)ն ա(ստուծո)յ ի(սրաէ)լի։

Verse: 68  Link to sept   եւ մատուցեալ առ զորաբաբէլ, եւ յեսու յովսեդեկեանց, եւ առ ա́յլ իշխանս հայրապետացն, եւ ասեն ցն(ո)ս(ա). շինեսցո́ւք եւ մեք ը(նդ) ձեզ զտաճարն տ(եառ)ն։

Verse: 69  Link to sept   եւ ո(ր)պ(էս) դուք՝ նոյնպէս եւ մե́ք լուարո́ւք տ(եառ)ն ա(ստուծո)յ ձերում. քանզի եւ մեք էաք ցանկացեալք ելից ձերոց, յօրէ յայնմանէ յորմէ գերեաց սաղմանասար թագաւորն ասորեստանեայց, եւ ած բնակեցո́յց զմեզ աստ։

Verse: 70  Link to sept   Եւ ասեն ցն(ո)ս(ա) զորաբաբէլ, եւ յեսու յովսեդեկեանց, եւ այլ իշխանք հայրապետացն ի(սրաէ)լի. ո́չ է մեզ եւ ձեզ արժան շինել զտուն տ(եառ)ն ա(ստուծո)յ մերոյ.

Verse: 71  Link to sept   մե́ք միայն շինեսցուք զտաճարն տ(եառ)ն ա(ստուծո)յ, ո(ր)պ(էս) եւ հրամայեաց մեզ կիւրոս թագաւոր պարսից։

Verse: 72  Link to sept   Քանզի ա́յս ազգք էին որ հաղո́րդ էին ը(նդ) թշնամիս յուդայ, որք արգելուին ՛ի շինելոյ

Verse: 73  Link to sept   ՛ի ժամանակս կիւրոսի թագաւորի. զի հրամայեաց նա շինել զտաճարն ՛ի կենդանութե(ան) իւրում. եւ յետ մահուան ն(ո)ր(ա) արգելին ամս երկոտասան՝ մինչեւ յերկրորդ ամն դարեհի։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ յերկրորդ ամի դարեհի արքայի մարգարէանային անգէ եւ զաքարիա, եւ մարգարէանային ՛ի հրէաստանի եւ յե(րուսաղէ)մ յանուն տ(եառ)ն ա(ստուծո)յ ի(սրաէ)լի։

Verse: 2  Link to sept   Յայնժամ զորաբաբէլ սաղաթիելանց, եւ յեսու յովսեդեկեանց. սկասան շինել զտաճարն տ(եառ)ն յե(րուսաղէ)մ, հանդերձ մարգարէիւքն տ(եառ)ն որ օգնէին ն(ո)ց(ա)։

Verse: 3  Link to sept   ՛Ի նմին ժամանակի եկին առ ն(ո)ս(ա), սիսին իշխանք կողմանցն ասորւոց եւ փիւնիկեցւոց, եւ սաթրաբուզան, եւ այլ ընկերք ն(ո)ց(ա).

Verse: 4  Link to sept   եւ ասեն ցն(ո)ս(ա). ո՞յր հրամանաւ շինէք զտաճարդ զայդ՝ եւ զսրահս դորա. եւ կամ ո՞ այնոքիկ իցեն որք կամիցին զդա շինել՝ եւ կատարել։

Verse: 5  Link to sept   Եւ եղեւ շնո́րհ այցելութե(ան) ՛ի տ(եառն)է ՛ի վ(ե)ր(այ) քահանայիցն եւ հրէաստանեայցն.

Verse: 6  Link to sept   եւ ո́չ արգելին զն(ո)ս(ա) ՛ի շինելոյ, մինչեւ գրեսցեն առ դարեհ թագաւոր, եւ առցեն հրամա́ն ՛ի նմանէ։ Թուղթն զոր գրեցին՝ եւ առաքեցին առ դարեհ արքայ։

Verse: 7  Link to sept   Սիսին՝ իշխան ասորւոց եւ փիւնիկեցւոց, եւ սաթրաբուզան, եւ որք ընդ ն(ո)ս(ա)՝ ասորւոց եւ փիւնիկեցւոց գործակալք եւ գլխաւորք՝ թագաւորի դարեհի ողջո́յն։

Verse: 8  Link to sept   Գիտո́ւն լիցի քեզ տէ́ր մեր թագաւոր. քանզի երթեալ հասաք մեք յերկիրն հրեաստանի, եւ մտաք ՛ի քաղաքն ե(րուսաղ)էմ, եւ գտաք անդ զելեալսն ՛ի գերու(թեն)է, եւ զքահանայապետս ն(ո)ց(ա) ՛ի քաղաքին ե(րուսաղ)էմ. եւ տեսաք զի շինէին զտաճարն տ(եառ)ն մեծ,

Verse: 9  Link to sept   եւ նորասքանչ՝ քարամբք կոփածոյիւք եւ մեծամեծօք, եւ փայտեայ պահանգս կապէին ՛ի մէջ որմոյն։

Verse: 10  Link to sept   եւ էր գործն մեծաւ փութով եւ յաջողութ(եամ)բ ՛ի ձեռս ն(ո)ց(ա). եւ մեծապէ́ս փառօք կամին վաղվաղակի կատարել զնա։

Verse: 11  Link to sept   Եւ յայնժամ մեր հարցեալ ցծերսն ասեմք. ո՞յր հրամանաւ շինէք զտունդ զայդ, եւ կամ ո՞յր բանիւ արկէք հիմունս դորա։

Verse: 12  Link to sept   եւ հարցեալ ցն(ո)ս(ա)՝ զի տացուք գիտել քեզ, եւ ցուցցո́ւք քեզ զարսն զառաջնորդս ն(ո)ց(ա), եւ գրեսցուք զանուանս ն(ո)ց(ա)՝ որք իցեն իշխանք գործոյ ն(ո)ց(ա)։

Verse: 13  Link to sept   Եւ ն(ո)ց(ա) պատասխանի տուեալ ասեն ցմեզ. մեք՝ ե́մք ծառայք տ(եառ)ն ա(ստուծո)յ որ արար զերկինս եւ զերկիր։

Verse: 14  Link to sept   եւ էր շինեալ զտաճարս զայս յառաջ քան զբազում ամս ՛ի ձեռն մեծ եւ զօրաւոր թագաւորին ի(սրաէ)լի։

Verse: 15  Link to sept   եւ յորժամ հարքն մեր դառնացուցին՝ եւ մեղան առ տ(է)ր ա(ստուա)ծ ի(սրաէ)լի որ արար զերկինս եւ զերկիր, մատնեաց զն(ո)ս(ա) ՛ի ձեռս նաբուքոդոնոսորայ արքայի բաբելացւոց, որ էր թագաւոր քաղդեացւոց։

Verse: 17  Link to sept   Յառաջնում ամի թագաւորու(թ)ե(ա)ն կիւրոսի ՛ի բաբելոն, գրեաց արքայ կիւրոս, եւ հրամայեաց շինե́լ զտաճարս զայս.

Verse: 18  Link to sept   եւ զա(մենայ)ն կահ եւ սպաս տաճարին զոսկեղէն եւ զարծաթեղէն՝ զոր ա́ռ նաբուքոդոնոսոր արքայ ՛ի տաճարէն տ(եառ)ն յե(րուսաղէ)մէ, եւ ետ ՛ի պահեստ ՛ի տան կռոց իւրոց. դարձեալ կիւրոս ա́ռ ՛ի տանէ կռոցն բաբելացւոց, եւ ետ ցզորաբաբէլ եւ ցսամանասար.

Verse: 19  Link to sept   եւ հրամայեաց ն(ո)ց(ա) բերել եւ դնել զկահս եւ զսպասս ՛ի տաճարին տ(եառ)ն յե(րուսաղէ)մ. եւ զտաճարս զայս տ(եառ)ն հրամայեաց շինել ՛ի տեղւոջ իւրում։

Verse: 20  Link to sept   յայնժամ սամանասար ելեալ յե(րուսաղէ)մ, արկ հիմունս տաճարիս այսորիկ. եւ յա́յնմ ժամանակաց հետէ մինչեւ ցա́յժմ շինեմք. եւ դեռեւս ո́չ է կատարեալ։

Verse: 21  Link to sept   Արդ այժմ տէր մեր եւ թագաւոր դարեհ. խնդի́ր արա եւ տե́ս ՛ի տուն մատենագրաց, ուր կա́ն գիրք յիշատակարանաց ՛ի պահեստ թագաւորի կիւրոսի։

Verse: 22  Link to sept   եւ եթէ գտցի հրամանա՞ւ թագաւորի կիւրոսի, եւ բանի՞ւ ն(ո)ր(ա) շինիցեն զտուն տ(եառ)ն յե(րուսաղէ)մ. եւ հասեալ ՛ի վ(ե)ր(այ) հրամանացն կիւրոսի թագաւորի՝ առ մեզ տեղեկութ(իւն)ի́ տացես վ(ա)ս(ն) իրացս այսր ա(մենայ)նի։

Verse: 23  Link to sept   Յայնմ ժամանակի թագաւորն դարեհ հրամայեաց խնդիր առնել ՛ի տունս մատենագրաց թագաւորացն, որ կային ՛ի բաբելոնի. եւ գտաւ ՛ի բատանբարիտենի, ՛ի մարաց աշխարհին, ՛ի տեղւոջ ուր կային գիրք յիշատակարանաց։ ուր էր գրեալ ա́յսպէս։

Verse: 24  Link to sept   Յամին առաջնում թագաւորութե(ա)ն կիւրոսի արքայ կիւրոս հրամայեաց շինե́լ զտունն տ(եառ)ն յե(րուսաղէ)մ, ուր մատուցանեն զոհս յայտնու(թեամ)բ ՛ի ձեռն հրոյ։

Verse: 25  Link to sept   Եւ հրամայեաց զա́յս չափ օրինակ շինել. զբարձրու(թ)ի(ւն)ն կանգունս վաթսուն, եւ լայնութի(ւն) կանգունս վաթսուն. եւ դնել կարգս երիս քարակոփս, եւ կարգ մի ՛ի փայտէ նորոյ. եւ զծախսն հրամայեալէր յարքունուստ տալ։

Verse: 26  Link to sept   Եւ զկահ սպասու տանն տ(եառ)ն՝ զոսկեղէնս եւ զարծաթեղէնս զոր բերեալէր նաբուքոդոնոսորայ ՛ի բաբելոն ՛ի տաճարէն տ(եառ)ն որ էր յե(րուսաղէ)մ, հրամայեաց տանել կիւրոս թագաւոր ՛ի տուն տ(եառ)ն որ էր յե(րուսաղէ)մ, զի դիցեն անդ՝ ո(ր)պ(էս) եւ է́ր յառաջագոյն։

Verse: 27  Link to sept   Եւ յաւե́լ եւս յայս հրաման՝ դարեհ արքայ, եւ ասէ. սիսին՝ իշխա́ն ա(մենայ)ն ասորւոց եւ փիւնիկեցւոց, եւ սաթրաբուզան՝ եւ այլ ընկերք ձեր որ կարգեալ են ՛ի գործակալութի(ւն) ասորւոց եւ փիւնիկեցւոց. ՛ի բա́ց կացէք ՛ի տեղւոյդ յայդմանէ. եւ մի́ մերձենայք ՛ի ծառայդ տ(եառ)ն զորաբաբէլ, որ է իշխան հրէից. եւ մի ՛ի քահանայապետս հրէից, որք միանգամ շինեն զտունն տ(եառ)ն ՛ի տեղւոջ իւրում։

Verse: 28  Link to sept   Եւ ե́ս հրամայեցի, զի ամենեւին բովանդա́կ շինեսցի. եւ եղէ́ց օգնական հրէիցդ որք ելինյե(րուսաղէ)մ, մինչեւ կատարեսցեն զտաճարդ տ(եառ)ն ա(ստուծո)յ իւրեանց։

Verse: 29  Link to sept   Եւ ՛ի հարկաց կողմանցդ ասորւոց եւ փիւնիկեցւոց՝ պատուիրանաւ հրամայեցի, զի տացե́ն արանց այդոցիկ ՛ի նպաստութի(ւն) զոհից տ(եառ)ն. եւ առցէ զորաբաբէլ իշխան՝ զուարակս եւ խոյս եւ գառինս.

Verse: 30  Link to sept   ը(ս)տ նմին օրինակի եւ ցորեան, եւ աղ, եւ գինի, եւ ձէթ. եւ եղիցի այդ ա(մենայ)ն կարգեալ ամ ըստ ամէ, որչափ եւ ժամանակս քահանայքն յե(րուսաղէ)մ հրամայեսցեն ՛ի ծախս տ(եառ)ն. օրըստօրէ անխափան տացեն։

Verse: 31  Link to sept   զի մատուսցեն պատարագս տ(եառ)ն ա(ստուծո)յ բարձրելոյ՝ վասն թագաւորին եւ զօրաց ն(ո)ր(ա), եւ արասցեն աղօթս վ(ա)ս(ն) կենաց թագաւորին։

Verse: 32  Link to sept   Եւ հրամայեցի, եթէ ոք հեղգասցի եւ կամ անցցէ զհրամանաւ իմով զոր գրեցի՝ պատժեսցի. եւ տուժեսցի զա(մենայ)ն յիւրմէ. եւ կախեսցի, եւ խոշտանգեսցի. եւ զա(մենայ)ն ստացուածս ն(ո)ր(ա) յարքունի́ս առցեն։

Verse: 33  Link to sept   վ(ա)ս(ն) զի ուր անուանեցաւ անուն տ(եառ)ն, ա́նդ հրամայեալ է զա(մենայ)ն դարմանս թագաւորու(թ)ե(ա)ն եւ ազգաց. եւ նա իշխեաց ձեռնարկել եւ արգելուլ՝ եւ խորհեցաւ չա́ր վ(ա)ս(ն) տաճարին տ(եառ)ն որ յե(րուսաղէ)մ։

Verse: 34  Link to sept   Ե́ս թագաւոր դարեհ, մեծա́ւ զգուշութ(եամ)բ հրամայեցի լինել՝ եւ կատարե́լ այսմ ամենայնի։



Chapter: 7 
ԳԼ(ՈՒԽ) Է՜.


Verse: 1  Link to sept   Յայնժամ սիսին մեծ իշխան, որ էր կողմանցն ասորւոց եւ փիւնիկեցւոց, եւ սաթրաբուզան, եւ ա́յլ ընկերք ն(ո)ց(ա), որ արգելուին զգործ տաճարին. յորժամ առին զհրամանն ՛ի դարեհէ թագաւորէ,

Verse: 2  Link to sept   սկսան վերակացու լինել՝ եւ հո́գ տանել գործոյն. եւ եղեն գործակիցք ծերոցն հրէից, եւ քահանայապետից։

Verse: 3  Link to sept   եւ յաջողէր գործ տաճարին. քանզի մարգարէանային անգէ́ եւ զաքարիա։

Verse: 4  Link to sept   Եւ կատարեցաւ տաճարն ը(ս)տ հրամանի տ(եառ)ն ա(ստուծո)յ ի(սրաէ)լի, եւ ը(ս)տ հրամանի կամաց կիւրոսի եւ դարեհի։ Յամին վեցերորդի դարեհի թագաւորի,

Verse: 5  Link to sept   կատարեցաւ տաճարն սուրբ ՛ի քսաներորդ ամսոյն ադար։ ՛ի վեցերորդ ամի թագաւորու(թ)ե(ա)ն դարեհի։

Verse: 6  Link to sept   Եւ արարին որդիքն ի(սրաէ)լի՝ եւ քահանայք՝ եւ ղեւտացիք, եւ ա(մենայ)ն ելեալքն ՛ի գերու(թեն)է, ո(ր)պ(էս) կարգեալ եւ հրամայեալ էր ՛ի գիրս օրինացն մովսիսի։

Verse: 7  Link to sept   Եւ մատուցին զնաւակատիս տանն տ(եառ)ն. զուարակս հարիւր, խոյս երկերիւր, գառինս չորեքհարիւր,

Verse: 8  Link to sept   եւ ամիկս վ(ա)ս(ն) մեղաց ա(մենայ)ն ի(սրաէ)լի երկոտասան. ըստ թուոյ ցեղից իշխանացն ի(սրաէ)լի։

Verse: 9  Link to sept   Եւ կարգեցան քահանայքն եւ ղեւտացիքն ըստ ազգացն, զգեցեալք զպճղնաւորն առաջի տ(եառ)ն ա(ստուծո)յ ի(սրաէ)լի, ըստ հրամանացն ՛ի գիրսն մովսիսի։ եւ դռնապանքն ըստ իւրաքանչի́ւր դրանցն։

Verse: 10  Link to sept   Եւ արարին որդիքն ի(սրաէ)լի որք ելեալ էին ՛ի գերութ(են)է՝ զզատիկն տ(եառ)ն ՛ի չորեքտասաներորդի աւուր ամսեանն առաջնոյ. քանզի սրբեցան քահանայքն եւ ղեւտացիք միանգամայն.

Verse: 11  Link to sept   եւ ա(մենայ)ն որ ելեալքն էին ՛ի գերութ(են)է։ եւ եղեալք սուրբք ղեւտացիքն,

Verse: 12  Link to sept   զենին զզատիկն տ(եառ)ն ա(մենայ)ն որդւոցն ի(սրաէ)լի որք ելեալ էին ՛ի գերութ(են)է՝ եւ եղբարց իւրեանց, եւ ինքեանց՝ եւ քահանայիցն։

Verse: 13  Link to sept   Եւ կերան որդիքն ի(սրաէ)լի որք ելեալ էին ՛ի գերութ(են)էն, ամենեքին որք որոշեցան ՛ի պղծու(թ)ե(ան)ցն հեթանոսաց, եւ որ խնդրեցին զտ(է)ր ա(ստուա)ծ։

Verse: 14  Link to sept   Եւ արարին զզատիկն բաղարջակերաց զեւթն օր. եւ լինէին ուրախ առաջի տ(եառ)ն.

Verse: 15  Link to sept   վ(ա)ս(ն) զի դարձո́յց տ(է)ր զխորհուրդ թագաւորին ասորւոց ՛ի ն(ո)ս(ա). եւ զօրացո́յց զձեռն ն(ո)ց(ա) ՛ի գործ տ(եառ)ն ա(ստուծո)յ ի(սրաէ)լի։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ յորժամ եղեւ եւ կատարեցա́ւ այս ամ։
   Թագաւորեաց արտաշէս արքայ ՛ի վ(ե)ր(այ) պարսից. Առ որ երթեալ եզրի, որդւոյ ազարիայ, որդւոյ եզերիայ, որ ՛ի քաղկեայ, որ ՛ի սաղեմայ,

Verse: 2  Link to sept   որ ՛ի յադուկայ, որ ՛ի յաքիտովբայ, որ ՛ի յամարէթայ, որ ՛ի յաղեկայ, որ ՛ի մարերովթայ, որ ՛ի զարեայ, որ ՛ի սեուիայ, որ ՛ի բովկեայ, որ ՛ի յաբասեայ, որ ՛ի փենեեսէ, որ յեղիազարայ, որ յահարոնէ առաջին քահանայէ։

Verse: 3  Link to sept   Ա́յս եզր որ ել ՛ի բաբելոնէ. որ է գրիչ յաջողակ օրինաց մովսիսի տուելոց յա(ստուծո)յ ի(սրաէ)լի։

Verse: 4  Link to sept   Եւ ետ նմա թագաւորն մեծ փառս. եւ գտեալ շնորհս առաջի ն(ո)ր(ա) փառաւորեաց զնա մեծաւ պատուով։

Verse: 5  Link to sept   Եւ ելին ընդ նմա յորդւոցն ի(սրաէ)լի, եւ ՛ի քահանայիցն, եւ ՛ի ղեւտացւոց, եւ ՛ի պաշտօնէիցն փսալտաց, եւ ՛ի դռնապանաց, եւ ՛ի ծառայից քահանայիցն յե(րուսաղէ)մ։

Verse: 6  Link to sept   Յամի եւթներորդի թագաւորութե(ա)ն արտաշեսի արքայի, յամսեանն հինգերորդի, որ էր ամ եւթներորդ թագաւորին. ելեալ ՛ի բաբելոնէ յամսամտին առաջնոյ ամսեանն, եւ յամսամտի հինգերորդ ամսեանն

Verse: 7  Link to sept   եմուտ յե(րուսաղէ)մ. ո(ր)պ(էս) եւ յաջողեաց նմա տ(է)ր զճանապարհն։

Verse: 8  Link to sept   Քանզի լցեալ էր եզր ա(մենայ)ն իմաստութ(եամ)բ, եւ ո́չ ինչ պակա́ս էր ՛ի նմանէ յա(մենայ)ն ՛ի պատուիրանացն տ(եառ)ն. եւ ըստ օրինացն տ(եառ)ն ուսուցանէր ի(սրաէ)լի զա(մենայ)ն դատաստանս եւ զիրաւունս։

Verse: 9  Link to sept   Եհա́ս գիր հրամանի արտաշիսի թագաւորի առ եզր քահանայ եւ պատմիչ օրինացն տ(եառ)ն. եւ էր գրեալ զա́յս օրինակ։

Verse: 10  Link to sept   Թագաւո́ր արտաշէս՝ եզրի քահանայի՝ եւ պատմչի օրինացն տ(եառ)ն ողջոյն։

Verse: 11  Link to sept   Ա(մենայ)ն մարդասէր կամօք կշռելով իմ. հրամայեցի ա(մենայ)ն ազգաց հրէաստանի, որ կամիցին ելանել յե(րուսաղէ)մ. եւ քահանայապետիցն եւ ղեւտացւոց, համարձակու(թ)ի(ւն) լիցի ընդ քե́զ երթալ յե(րուսաղէ)մ։

Verse: 12  Link to sept   եւ ո(ր)պ(էս) փափաքեն ցանկութ(եամ)բ հասանել ՛ի հրէաստան՝ եւ յե(րուսաղէ)մ. հրամայեցաք ե́ս՝ եւ եւթն խորհրդակիցք իմ.

Verse: 13  Link to sept   զի երթեալ՝ ըստ օրինացն կատարեսցեն զա(մենայ)ն,

Verse: 14  Link to sept   եւ մատուսցեն զպատարագս տ(եառ)ն ա(ստուծո)յ ի(սրաէ)լի. ո(ր)պ(էս) ուխտեցաք ե́ս եւ սիրելիք իմ յե(րուսաղէ)մ. եւ զա(մենայ)ն ոսկի եւ արծաթ՝ որչափ եւ գտցի յերկրիս բաբելացւոց, տ(եառ)ն ա(ստուծո)յ մատուսցեն պատարագս յե(րուսաղէ)մ։

Verse: 15  Link to sept   Եւ առեալ նպաստաւորութի(ւն) յերկրէս բաբելացւոց քահանայից տ(եառ)ն ա(ստուծո)յ տարցին յե(րուսաղէ)մ, ոսկի եւ արծաթ, եւ զուարակս, խոյս եւ գառինս, եւ զայլ ա(մենայ)ն զոհս նուիրացն

Verse: 16  Link to sept   մատուսցեն ՛ի սեղան տ(եառ)ն ա(ստուծո)յ յե(րուսաղէ)մ։

Verse: 17  Link to sept   Եւ զա(մենայ)ն ինչ՝ որպէս եւ կամիցիս հանդերձ եղբարբքդ քովք՝ արասցե́ս, վ(ա)ս(ն) ոսկւոյ եւ արծաթոյ հարկացն ըստ կամաց՝ տ(եառ)ն ա(ստուծո)յ քոյ կատարեսջիր։

Verse: 18  Link to sept   եւ զքահանայական զկահ, եւ զսպասն տ(եառ)ն տարեալ յե(րուսաղէ)մ

Verse: 19  Link to sept   արասջի́ր ըստ պիտոյից տաճարին տ(եառ)ն ա(ստուծո)յ. եւ եդեալ զա(մենայ)ն առաջի տ(եառ)ն ա(ստուծո)յ քոյ յե(րուսաղէ)մ.

Verse: 20  Link to sept   եւ զա́յլ եւս աւելորդս եւ մնացուածս որինչ եւ իցեն ՛ի պէտս տաճարին, դիցեն զայն ՛ի տունս գանձից թագաւորաց։

Verse: 21  Link to sept   Եւ ե́ս արտաշէս թագաւոր հրամայեցի գանձաւորաց որ են յասորեստանի, եւ ՛ի կողմանս քանանացւոց, որչափ եւ կամեսցի́ առնուլ եզր քահանայ եւ պատմիչ օրինաց տ(եառ)ն ա(ստուծո)յ բարձրելոյ, անխափան տաջիք նմա արծաթ՝ տաղանտս հարիւր. ըստ նմին օրինակի

Verse: 22  Link to sept   եւ ցորեան քոռս հարիւր, եւ գինի եւ ձէթ՝ նո́յնչափ։

Verse: 23  Link to sept   եւ զա(մենայ)ն ըստ օրինացն առեալ կատարեսցեն տ(եառ)ն ա(ստուծո)յ բարձրելոյ. զի մի́ լիցի ցասումն յա(ստուծո)յ ՛ի վ(ե)ր(այ) թագաւորութե(ան) իմոյ՝ եւ որդւոյ իմոյ։

Verse: 24  Link to sept   Եւ հրամայեալ վ(ա)ս(ն) ձեր քահանայիցդ եւ ղեւտացւոց, եւ սաղմոսասաց պաշտօնէիցդ, եւ դռնապանաց, եւ ծառայից քահանայից, եւ սպասաւորաց տան տ(եառ)ն.

Verse: 25  Link to sept   մի́ զհարկս ինչ՝ եւ մի́ զայլ ինչ՝ ոք ամենեւին իշխեսցէ ՛ի դոցանէ պահանջել։

Verse: 26  Link to sept   Եւ դու՝ եզր, ըստ իմաստութե(ան) քում որ տուեալ է քեզ յա(ստուծո)յ, կացո́ վերակացուս եւ դատաւորս, որք դատեսցին զկողմանս ասորւոց եւ փիւնիկեցւոց. ամենեքեան որոց ուսեալիցէ զօրէնս տ(եառ)ն ա(ստուծո)յ քո։

Verse: 27  Link to sept   եւ որ ո́չն գիտիցեն՝ ուսուսջի́ր. եւ ամենեքեան որ անցանիցեն զօրինօքն տ(եառ)ն ա(ստուծո)յ քոյ, եւ զօրինօք մեր թագաւորաց. տուեալ քեզ իշխանու(թ)ի(ւն) պատուհասե́լ եւ խոշտանգել. եւ եթէ մահապարտ իցեն՝ սպանանե́լ, կամ թէ պատուհասի արժանի՝ պատուհասել՝ եւ տուգա́նս պահանջել։

Verse: 28  Link to sept   Եւ ասէ եզր գրիչ օրինացն տ(եառ)ն. Օրհնեալէ տ(է)ր ա(ստուա)ծ հարցն մերոց, որ ե́տ զայս ա(մենայ)ն ՛ի սիրտս թագաւորի փառաւորե́լ զտաճարն տ(եառ)ն որ յե(րուսաղէ)մ։

Verse: 29  Link to sept   եւ զիս մեծապէ́ս պատուեաց առաջի թագաւորին, եւ առաջի ա(մենայ)ն խորհրդականաց ն(ո)ր(ա), եւ սիրելեաց՝ եւ ա(մենայ)ն մեծամեծաց ն(ո)ր(ա).

Verse: 30  Link to sept   եւ եղէ ես զուարճացեալ յոյժ օգնութ(եամ)բք տ(եառ)ն ա(ստուծո)յ իմոյ։ Եւ ժողովեաց զա(մենայ)ն արս ի(սրաէ)լի որք ելեալ էին ընդ նմա յե(րուսաղէ)մ։

Verse: 31  Link to sept   Եւ ա́յս են իշխանք ըստ նահապետու(թ)ե(ան) հարցն իւրեանց. եւ ըստ բաժնից ցեղիցն իւրեանց որք ելին ընդ եզրի ՛ի բաբելոնէ, ՛ի թագաւորութե(ա)ն արտաշիսի արքայի։

Verse: 32  Link to sept   Յորդւոցն փեենեէսի՝ գերսոն. յորդւոցն իթամարայ՝ գամայէլ. յորդւոցն դաւթայ՝ փարէս։

Verse: 33  Link to sept   յորդւոցն փորոսեայ՝ զաքարիաս, եւ որք ընդ նմա էին գերեալ արք հարիւր յիսուն։

Verse: 34  Link to sept   Յորդւոցն փաաթ՝ մովաբ, եղիա, ովնիաս, զարեա, եւ ընդ նմա արք երկերիւր։

Verse: 35  Link to sept   յորդւոցն զաթսեսայ՝ յեզոնիաս, յեթեղեայ, եւ ընդ նմա արք երեքհարիւր։

Verse: 36  Link to sept   Յորդւոցն ադինոբայ՝ յովնաթանու, եւ ընդ նմա արք երեքհարիւր յիսուն. յորդւոցն եղամեսեայ՝ գոդողիա, եւ ընդ նմա արք եւթանասուն։

Verse: 37  Link to sept   յորդւոցն սափատիայ՝ զաքարիաս միքայելեանց, եւ ընդ նմա արք եւթանասուն։

Verse: 38  Link to sept   Յորդւոցն յովաբայ՝ աբադիսեր եզելեանց, եւ ընդ նմա արք երկերիւր եւ երկոտասան։

Verse: 39  Link to sept   յորդւոցն բանեայ՝ ասաղիմովթ յովսափեանց, եւ ընդ նմա արք հարիւր վաթսուն։

Verse: 40  Link to sept   Յորդւոցն բէերայ՝ զաքարիայ բերեայ, եւ ը(նդ) նմա արք քսան եւ ութ։

Verse: 41  Link to sept   յորդւոցն աստաթայ՝ յովհանէս կատանայ, եւ ը(նդ) նմա արք հարիւր տասն։

Verse: 42  Link to sept   Յորդւոցն ադոնիկամայ՝ էսփատայ։ եւ այս անուանք ն(ո)ց(ա). եղիփաղատ, գեւուէլ, սամեաս, եւ ընդ ն(ո)ս(ա) արք եւթանասուն։ յորդւոցն բանեայ ութիաստաւկ ուրեանց, եւ ընդ նմա արք եւթանասուն։

Verse: 43  Link to sept   Եւ ժողովեալ զնոսա յեզր գետոյն, որ անուանի թերա՝ եւ արարեալ օթեւանս անդ աւուրս երիս. եւ արարեալ համար ամենեցուն.

Verse: 44  Link to sept   յորդւոցն քահանայից, եւ յորդւոցն ղեւտացւոց՝ ո́չ ոք գտաւ առ ն(ո)ս(ա)։

Verse: 45  Link to sept   Եւ առաքեցի առ եղիազար. եւ եկին առ իս սամեաս, եւ որիբոն, եւ նաթան, եննատան, զաքարիա, եւ մոսողաբոն։ ա́յս իշխանքն եւ վարդապետք օրինացն։

Verse: 46  Link to sept   Եւ ասացի ցնոսա երթալ առ ղոդէոն իշխան գանձաւորացն.

Verse: 47  Link to sept   եւ պատուիրեցի ն(ո)ց(ա) ասել ցղոդէոն, եւ ցեղբարս նորա, եւ որ միանգամ ե́ն ՛ի տեղւոջ գանձաւորացն, առաքել առ մեզ ՛ի քահանայիցն տանն տ(եառ)ն։

Verse: 48  Link to sept   Եւ ածին առ մեզ արք որ էին զօրաւո́րք ը(ս)տ բանի տ(եառ)ն. եւ գիտո́ւնք յօրէնս տ(եառ)ն։ որդւոցն մոողեայ, որ ՛ի ղեւեայն, եւ յի(սրաէ)լէ, ասերեւան, եւ զորդիս նորա եւ զեղբարս ութեւտասն։

Verse: 49  Link to sept   եւ ասեբիան, եւ անունոն, եւ ոսետան եղբայր։ յորդւոցն քանունեայ՝ եւ որդիք ն(ո)ր(ա) արք քսան։

Verse: 50  Link to sept   եւ ՛ի ծառայից քահանայիցն զորս ե́տ դաւիթ իշխան ՛ի գո́րծ սպասաւորու(թ)ե(ան) ղեւտացւոց, որոց գրեցան անուանք նշանաւորացն քսան։

Verse: 51  Link to sept   Եւ քարոզեցաք անդ պա́հս, եւ մատուցաք աղօ́թս առաջի տ(եառ)ն ա(ստուծո)յ մերոյ, խնդրե́լ դիւրութի(ւն) եւ յաջողութի(ւն), մե́զ եւ որդւոց մերոց. եւ ա(մենայ)ն ինչ որ ընդ մե́զ էր.

Verse: 52  Link to sept   վ(ա)ս(ն) զի ծանրութի(ւն) համարեցաք խնդրել ՛ի թագաւորէն հետեւակս եւ հեծեալս յուղարկաւորս ընդ մեզ վ(ա)ս(ն) զգուշու(թ)ե(ան) այնոցիկ որք ը(նդ)դիմանային մեզ.

Verse: 53  Link to sept   քանզի ասացաք ցթագաւորն այսպէս, թէ զօրութի(ւն) տ(եառ)ն ա(ստուծո)յ մերո́յ է ընդ մեզ, եւ ը(նդ) ամենեսեան ոյք խնդրեն զնա։

Verse: 54  Link to sept   Եւ վ(ա)ս(ն) ա́յսր ա(մենայ)նի քարոզեալ պահս եւ խնդրուածս, զի տ(է)ր պահեսցէ զմեզ, եւ յաջողեսցէ մեզ ՛ի ճանապարհս խաղաղութե(ան)։

Verse: 55  Link to sept   Եւ որոշեցաք զգլխաւորս ցեղից քահանայիցն՝ արս երկոտասան, եւ զեսեբիան, եւ զասամիան, եւ ը(նդ) ն(ո)ս(ա) յեղբարց ն(ո)ց(ա) արս տասն։

Verse: 56  Link to sept   Եւ կշռեցաք եւ տուաք ցն(ո)ս(ա) զարծաթ եւ զոսկի, եւ զսպաս քահանայու(թ)ե(ան) կահու տանն տ(եառ)ն՝ զոր պարգեւեաց մեզ թագաւորն եւ խորհրդակիցք ն(ո)ր(ա), եւ իշխանք՝ եւ ա(մենայ)ն ի(սրա)էլ։

Verse: 57  Link to sept   եւ կշռեալ ետու ցն(ո)ս(ա) արծաթ՝ տաղանտս վեցհարիւր յիսուն. եւ սպաս արծաթոյ հարիւր տաղանտ. եւ ոսկւոյ տաղանտս հարիւր.

Verse: 58  Link to sept   եւ այլ կահ ոսկւոյ քսան. եւ կահ պղնձոյ սուրբ եւ մաքուր ոսկեգոյն՝ երկոտասան։

Verse: 59  Link to sept   Եւ ասացի ցն(ո)ս(ա). եւ դուք սրբեալք տ(եառ)ն էք, եւ ա(մենայ)ն սպասդ սուրբ՝ տ(եառ)ն է, եւ ոսկեղէնք եւ արծաթեղէնք. աղօ́թս արարէք առ տ(է)ր. եւ տ(է)ր ա(ստուա)ծ հարցն մերոց պահեսցէ եւ հասուսցէ խաղաղու(թեամ)բ ՛ի տեղի սրբութե(ան) իւրոյ։

Verse: 60  Link to sept   Արթո́ւն կացէք եւ պահեցէ́ք, մինչեւ հասուցեալ տարջիք զդոսա ցգլխաւորս քահանայիցն եւ ղեւտացւոց՝ եւ ցիշխանս հայրապետաց ի(սրաէ)լի որ ն յե(րուսաղէ)մ։

Verse: 61  Link to sept   զոր առեալ պահապանաց տաճարին տ(եառ)ն, եւ քահանայապետիցն եւ ղեւտացւոց զարծաթ եւ զոսկի, եւ զկահ սպասուդ՝ տարցին ՛ի տաճարն տ(եառ)ն որ է յե(րուսաղէ)մ։

Verse: 62  Link to sept   Եւ յարուցեալ չուեցաք ՛ի գետոյն թերայ, որ օր երկոտասան էր ամսոյն առաջնոյ, եւ եկաք հասաք յե(րուսաղէ)մ. պահպանեալք բարձրացեալ եւ զօրացեալ ձեռամբ տ(եառ)ն։ եւ փրկեաց զմեզ տ(է)ր ա(ստուա)ծ մեր յա(մենայ)ն թշնամեաց մերոց. եւ հասաք ողջամբ եւ խաղաղու(թեամ)բ յե(րուսաղէ)մ։

Verse: 63  Link to sept   Եւ յորժամ հանգեաք աւուրս երիս յե(րուսաղէ)մ, յաւուրն չորրորդի կշռեալ տուաք զարծաթն եւ զոսկի ՛ի տուն տ(եառ)ն ա(ստուծո)յ մերոյ ցքահանայն մարմոթի ուրեանց, եւ որ ընդ նմա էին,

Verse: 64  Link to sept   եղիազար փենեէսեանց, եւ յովսաբդոս յեսովեան, եւ մեթոր սաբանեան. եւ ա́յլ ղեւտացիք՝ ցորս տուաք կշռով եւ համարով։

Verse: 65  Link to sept   եւ գրեցաւ կշիռ համարոյն յաւուր յայնմիկ։

Verse: 66  Link to sept   Եւ որք ելեալն էին ընդիս ՛ի գերու(թեն)էն բաբելացւոց՝ մատուցին պատարագս տ(եառ)ն ա(ստուծո)յ ի(սրաէ)լի. զուարակս երկոտասան վ(ա)ս(ն) ա(մենայ)ն ի(սրաէ)լի, խոյս իննսուն,

Verse: 67  Link to sept   գառինս եւթանասուն եւ երկու, նոխազս վ(ա)ս(ն) փրկութե(ան) երկոտասան։ զայս ա(մենայ)ն զո́հս մատուցին առաջի տ(եառ)ն ա(ստուծո)յ ի(սրաէ)լի։

Verse: 68  Link to sept   Եւ ետուն զգիր հրամանի թագաւորին ցգործակալս թագաւորին, եւ ցիշխանս եւ ցգաւառապետս ասորւոց եւ փիւնիկեցւոց, եւ մեծա́ւ պատուով փառաւորեցաւ ազգն մեր՝ եւ տաճարն տ(եառ)ն։

Verse: 69  Link to sept   Եւ ՛ի կատարե́լ այսր ա(մենայ)նի, եկին առաջի իմ նահապետք եւ իշխանք որդւոցն ի(սրաէ)լի՝ եւ ասեն. անխտի́ր եղեւ ա(մենայ)ն ազգ որդւոցն ի(սրաէ)լի՝ եւ իշխանք ն(ո)ց(ա), եւ քահանայքն եւ ղեւտացիք։

Verse: 70  Link to sept   Խառնակեցա́ն ընդ հեթանոսս՝ եւ ը(նդ) այլազգի́ս, եւ ընդ պղծութի(ւն)ս ա(մենայ)ն անհաւատիցն. ը(նդ) քանանացիսն, եւ ընդ քետացիսն, եւ ընդ փերեզացիսն, եւ ընդ յեբուսացիսն, եւ ընդ մովաբացիսն, եւ ը(նդ) ամովնացիսն, եւ ընդ գերգեսացիսն, եւ ընդ եդոմայեցին.

Verse: 71  Link to sept   վ(ա)ս(ն) զի ամուսնացան ընդ դստերս ն(ո)ց(ա). ինքեա́նք եւ որդիք իւրեանց. եւ խառնեցաւ սերմն սրբութե(ան) իւրեանց ը(նդ) այլազգի́ս հեթանոսաց երկրին. եւ ընկալան իշխանք եւ մեծամեծք իւրաքանչիւր զանօրէնու(թ)ի(ւն)ս զայս յանձինս իւրեանց քանզի նոքա եղեն առաջնորդք չա́ր խառնակութե(ան)ս այսոցիկ։

Verse: 72  Link to sept   Եւ եղեւ յորժամ լուա́յ ես զբանս զայսոսիկ, պատառեցի́ զհանդերձս իմ. եւ ո́ղբս առեալ փետէի զվարսս գլխոյ իմոյ, եւ զմօրուաց իմոց, եւ նստայ ՛ի սո́ւգ մեծ տրտմեալ։

Verse: 73  Link to sept   Եւ ժողովեցան առիս ամենեքեան իբրեւ լուան զպղբսն իմ, որ էր վ(ա)ս(ն) տ(եառ)ն ա(ստուծո)յ ի(սրաէ)լի։ եւ տեսեալ զիս զոր ինչ արարի ՛ի վ(ե)ր(այ) անօրէնութե(ան) ն(ո)ց(ա). քանզի նստայ այնպէս տրտմեալ մինչեւ յերեկս, ՛ի հասանել ժամու զոհից երեկորին.

Verse: 74  Link to sept   եւ յարուցեալ ՛ի սգոյն այնպէս պատառեալ էին հանդերձք իմ, եւ հանդերձ ողբովք կորացեալէի։ եւ համբարձեալ զձեռս իմ առ տ(է)ր ա(ստուա)ծ աղաղակեցի́,

Verse: 75  Link to sept   եւ ասեմ. Տ(է)ր՝ ամաչե́մք եւ դողա́մք առաջի երեսաց քոց,

Verse: 76  Link to sept   քանզի մեղք մեր բազմացան առաւե́լ քան զգլուխս մեր, եւ անօրէնութի(ւն)ք մեր բարձրացան առաւե́լ ՛ի վերոյ քան զերկինս,

Verse: 77  Link to sept   յամաց եւ ՛ի ժամանակաց հարցն մերոց. եւ ե́մք մեք ՛ի մեղս մեծամեծս մինչեւ ցայսօր։

Verse: 78  Link to sept   Եւ վ(ա)ս(ն) մեղաց մերոց՝ եւ յանցանաց հարցն մերոց մատնեցաք մեք ՛ի գերու(թ)ի(ւն) հանդերձ եղբարբք մերովք, եւ թագաւորօքն մերովք, եւ քահանայապետօքն մերովք. եւ ա(մենայ)ն թագաւորք երկրի արկեալ զմեզ ՛ի սո́ւր սուսերի՝ գերեցին զմեզ, եւ աւերեցին զտեղիս մեր, եւ եղեալք մեք ամօթ՝ մինչեւ ցայսօր ժամանակի։

Verse: 79  Link to sept   Եւ այժմ որչափ եղեւ ՛ի վ(ե)ր(այ) մեր ողորմութի(ւն) քո տ(է)ր, ՛ի թողուլ արմատ եւ զաւակ, եւ անուն ՛ի տեղւոջս յայսմ ՛ի սրբու(թ)ե(ան) քում։

Verse: 80  Link to sept   եւ յայտնեցեր զլոյս ՛ի տաճարի տ(եառ)ն ա(ստուծո)յ մերոյ. եւ ետո́ւր մեզ կերակուր ՛ի ժամանակս ծառայութե(ան) մերոյ։

Verse: 81  Link to sept   եւ ՛ի գերութե(ա)ն ո́չ թողեր զմեզ ՛ի ձեռաց՝ այլ եղեր մեզ տ(է)ր օգնական. եւ ետուր մեզ գտանել շնո́րհս առաջի թագաւորին պարսից. եւ պատուեաց զմեզ, եւ դարմանեաց ա(մենայ)ն կազմածով։

Verse: 82  Link to sept   եւ փարաւորեաց զտաճարն տ(եառ)ն ա(ստուծո)յ մերոյ. եւ կանգնեաց եւ շինեաց զանապատն սիոն. եւ հաստատեաց զմեզ ՛ի հրէաստանի եւ յե(րուսաղէ)մ։

Verse: 83  Link to sept   Եւ այժմ զի՞նչ տացուք պատասխանի առաջի քո տ(է)ր վ(ա)ս(ն) այսր ա(մենայ)նի. քանզի անցաք զօրինօք եւ զհրամանօք քովք տ(է)ր, զոր ետուր ՛ի ձեռն ծառայիցն քոց մարգարէից,

Verse: 84  Link to sept   ասելով ա́յսպէս. Եթէ երկիրն զոր մտցես դու ժառանգել զնա, է́ երկիր պղծեալ ՛ի պղծութե(ան)ցն ազգաց երկրին այնորիկ, եւ աղտեղութի(ւն)քն իւրեանց լցին զնա։

Verse: 85  Link to sept   եւ արդ մի́ առնուցուս դու ՛ի դստերաց ն(ո)ց(ա) որդւոց քոց կանայս, եւ զդստերսն ձեր մի́ տայցէք որդւոց ն(ո)ց(ա)։

Verse: 86  Link to sept   եւ մի́ խնդրեսցես առնել խաղաղութի(ւն) ընդ ն(ո)ս(ա) զա(մենայ)ն ժամանակս. եւ եղիջիր դու զօրաւո́ր ուտել զբարութի(ւն)ս երկրին. եւ ժառանգեսցեն որդիք քո զերկիրն զայն յաւիտեանս ժամանակաց։

Verse: 87  Link to sept   Եւ որինչ գա́մ մի անցք անցին ը(նդ) մեզ վ(ա)ս(ն) գործոց մերոց, եւ վ(ա)ս(ն) չարու(թ)ե(ան) մեղաց մերոց։

Verse: 88  Link to sept   այլ դու տ(է)ր բազմագութ(իւն) թողե́ր զմեղս մեր, եւ ետուր մեզ այսպիսի զաւակ եւ արմատ. մեք դարձեալ խոտորեցաք անցանել զօրինօք քովք, եւ խառնակեցաք ընդ աղտեղութի(ւն)ս հեթանոսաց երկրիս։

Verse: 89  Link to sept   եւ ո́չ բարկացար մեզ ՛ի կորուսանել զմեզ, մինչեւ ցայն վայր եթէ ո́չ մնասցէ արմատ, եւ զաւակ, եւ անուն մեր։

Verse: 90  Link to sept   Տ(է)ր ա(ստուա)ծ ի(սրաէ)լի, դո́ւ արդար եւ ճշմարի́տ ես. ո́չ սպառեցեր զզաւակ մեր, այլ մնացաք զաւակ եւ արմատ մինչեւ ցայսօր։

Verse: 91  Link to sept   Եւ արդ՝ ա́ւասիկ եմք այսօր առաջի քո յանօրէնութի(ւն)ս մեր, եւ ո́չեւս կարեմք կա́լ առաջի երեսաց քոց. զի բազմացան անօրէնութի(ւն)ք եւ չարիք մեր՝ առաւել քան զգլուխս մեր։

Verse: 92  Link to sept   Եւ յորժամ եկաց յաղօթս եզր՝ հանդերձ խոստովանութ(եամ)բքս այսոքիւք, եւ ողբովք մեծամեծօք. անկեա́լ էր ՛ի վ(ե)ր(այ) երեսաց երկրի առաջի տաճարին տ(եառ)ն։ ժողովեցան առ նա ա(մենայ)ն որ էին յե(րուսաղէ)մ, ժողովուրդք բազումք՝ արք եւ կանայք, երիտասարդք եւ կուսանք. ք(ան)զի ո́ղբք մեծամեծք էին ՛ի բազմու(թ)ե(ա)ն։

Verse: 93  Link to sept   Եւ կարդա́ց յեքոնիա իեղու յորդւոցն ի(սրաէ)լի, եւ ասէ ցեզր. մեք մեղաք առ տ(է)ր ա(ստուա)ծ, եւ առաք կանայս յայլազգեաց երկրիս այսորիկ.

Verse: 94  Link to sept   եւ այժմ են այսօր անօրէնութի(ւն)ք ՛ի միջի մերում. եկա́յք ամենեքեան՝ դիցուք երդմունս առաջի տ(եառ)ն, եւ հանցուք ՛ի բա́ց զկանայս մեր զոր առաք յայլազգեաց, հանդերձ որդւովք իւրեանց.

Verse: 95  Link to sept   ո(ր)պ(էս) եւ հրամայէ յօրէնս տ(եառ)ն ա(ստուծո)յ մերոյ։ Արի́ վաղվաղակի՝ եւ կատարեա́.

Verse: 96  Link to sept   զի առ քեզ են ա(մենայ)ն իրք մեր, եւ մեք ընդ քեզ. զինչ եւ հրամայեսցես՝ արասցո́ւք։

Verse: 97  Link to sept   Եւ յարուցեալ եզր երդմնեցոյց զիշխանս ցեղից քահանայիցն եւ ղեւտացւոց. եւ զա(մենայ)ն ի(սրաէ)լի առնե́լ ը(ս)տ այսմ օրինակի. եւ երդուան։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ յարուցեալ եզր ՛ի սրահէ տաճարին տ(եառ)ն, չոգաւ ՛ի տունն յոիվհաննայ եղիսաբեանց.

Verse: 2  Link to sept   եւ ա́նդ ագաւ. հաց ո́չ ճաշակեաց, եւ ջուր ո́չ արբ, եւ ողբացեալ ՛ի վ(ե)ր(այ) անօրէնութե(ան)ցն, եւ մեծամեծ մեղաց բազմու(թ)ե(ա)ն։

Verse: 3  Link to sept   Եւ քարո́զ կարդաց յա(մենայ)ն հրէաստան՝ եւ յե(րուսաղէ)մ, թէ ամենեքեան. որ ելեալ էին ՛ի գերութ(են)էն, եկեսցե́ն եւ ժողովեսցին յե(րուսաղէ)մ։

Verse: 4  Link to sept   եւ զհետ երկուց եւ երից աւուրց որք ո́չ ժամանեսցեն անդր՝ դատեալք յառաջնորդացն եւ ՛ի ծերոցն, յափշտակեսցեն զստացուածս ն(ո)ց(ա), եւ նոքա օտարացեալ արտա́քս ելցեն քան զբազմութի(ւն) ժողովրդոց գերու(թ)ե(ա)ն։

Verse: 5  Link to sept   Եւ ժողովեցան ամենեքեան որ էին յազգէն յուդայ եւ բենիամինի մինչեւ ցերիս աւուրս յե(րուսաղէ)մ, յամսեանն իններորդի՝ ՛ի քսաներորդ աւուր ամսոյն։

Verse: 6  Link to sept   եւ նստան ընդ նմա ա(մենայ)ն բազմութի(ւն)ն՝ յընդարձակու(թ)ե(ան) սրահի տանն տ(եառ)ն. եւ սարսռացեալք դողային վ(ա)ս(ն) ցրտութե(ան) ձմերանոյն։

Verse: 7  Link to sept   Եւ յարուցեալ եզր՝ ասէ ցն(ո)ս(ա). դուք էք որ մեղայք՝ եւ արարէք կանայս ՛ի դստերաց այլազգեաց, եւ յաւելէք զանօրէնու(թ)ի(ւն) ՛ի վ(ե)ր(այ) ի(սրաէ)լի։

Verse: 8  Link to sept   եւ արդ՝ տո́ւք զխոստովանու(թ)ի(ւն) եւ զփառս տ(եառ)ն ա(ստուծո)յ հարցն մերոց.

Verse: 9  Link to sept   եւ արարէ́ք զկամս ն(ո)ր(ա), եւ զատեալ որոշեցա́յք յա(մենայ)ն հեթանոսաց երկրի, եւ ՛ի կանանց այլազգեաց զորս արարէք։

Verse: 10  Link to sept   Եւ միաբանեալ ա(մենայ)ն բազմութի(ւն)ն՝ աղաղակեցին մեծաձայն՝ եւ ասեն. ա́յդպէս արասցուք ո(ր)պ(էս) ասացերդ։

Verse: 11  Link to sept   այլ վ(ա)ս(ն) զի ժամանակս ձմեռն է, եւ մեք բազմութի(ւն) յոյժ, եւ ո́չ կարեմք այսպէս ժուժեալ վշտաց նեղութե(ան)ս. եւ գործս ո́չ թէ զմի օր է՝ կամ զերկուս, վ(ա)ս(ն) զի յոյժ սաստիկ մեղաք յիրսս յայս։

Verse: 12  Link to sept   Արդ՝ կացցեն իշխանք եւ առաջնորդք ՛ի վ(ե)ր(այ) բազմութե(ան)ս, եւ ա(մենայ)ն ուրուք որոյ իցէ ՛ի տուն իւր կին այլազգի,

Verse: 13  Link to sept   երթեալ պահանջեսցե́ն ՛ի նմանէ ժամանակս. եւ իւրաքանչիւր տեղեացն կացցեն ծերք եւ դատաւորք, եւ լուծեալ քաւեսցեն ՛ի մէնջ զբարկու(թ)ի(ւն) տ(եառ)ն. զմեծամեծ չարեացս այսոցիկ զոր գործեցաք։

Verse: 14  Link to sept   Յովնաթան ազայելեանց, եւ եզեկիա թովկեանց՝ ընկալա́ն յանձին առնել զայս. եւ մոսողամոս՝ եւ ղեւի՝ եւ սաբատէոս, որք միաբանեցին ընդ ն(ո)ս(ա).

Verse: 15  Link to sept   եւ արարին ըստ ա(մենայ)նի ո(ր)պ(էս) հրամայեցին որք ելեալ էին ՛ի գերութ(են)էն։

Verse: 16  Link to sept   Եւ ընտրեաց եզր ա́րս քահանայս իշխանս եւ հայրապետս ըստ անուանց իւրեանց. եւ նստան յամսամտին՝ յամսեանն տասներորդի, զի վճարեսցին իրքն։

Verse: 17  Link to sept   եւ ժողովեալ ածին զարսն եւ զկանայս, որք ունէին զայլազգիսն՝ մինչեւ յամիսն առաջներորդ։

Verse: 18  Link to sept   Եւ գտա́ն ՛ի քահանայիցն որ ժողովեալ էին, որք ունէին զկանայս այլազգեացն, եւ էին խառնակեալ ը(նդ) ամպարշտութի(ւն)սն։

Verse: 19  Link to sept   Յորդւոցն յեսովայ յովսեդեկեանց եւ եղբօրն ն(ո)ր(ա)՝ մաթեղա, եւ եղիազարոս, եւ յորիբոս, եւ յովադան.

Verse: 20  Link to sept   եւ սկսան հանել զկանայս իւրեանց զայլազգիս. եւ մատուցին իւրաքանչիւր խոյս՝ վ(ա)ս(ն) թողութե(ան) մեղացն անգիտութե(ան)։

Verse: 21  Link to sept   Եւ յորդւոցն էմմովրայ՝ անանիա, եւ բադդէոս, եւ մանաս, եւ սամաէաս, եւ յերիէլ, եւ ազարիաս։

Verse: 22  Link to sept   Եւ յորդւոցն փասուր՝ աղիանաս, եւ մասսիաս, իսմայէլ, եւ նաթանայէլ. եւ սկէթղեդոս, եւ սաղթոս։

Verse: 23  Link to sept   Եւ յորդւոցն ղեւտացւոց՝ յոզապտոս, եւ սեմիս, եւ կոնոս, ա́յս ինքն է սաղիտաս, եւ փաթէաս, որ եւ յուդաս, եւ յովնաս։

Verse: 24  Link to sept   ՛Ի սաղմոսասաց պաշտօնէիցն, եղիասիբոս, բաքուրոս։

Verse: 25  Link to sept   ՛ի դռնապանացն, սաղոիմոս, եւ տողբանէս։

Verse: 26  Link to sept   Եւ յի(սրաէ)լէ. յորդւոցն փորոսայ՝ յերամաս, եւ յեդդիաս, եւ մեղքիաս, եւ միաղէս, եւ եղիազարոս, եւ ասաբիաս, եւ բանեաս։

Verse: 27  Link to sept   Եւ յորդւոցն եղիակիմ՝ մատթանիաս, զաքարիաս, յեզորիէլ. յովադիոս, յերիմովթ, եւ այէդիաս։

Verse: 28  Link to sept   Եւ յորդւոցն զաթոմ, եղիադաս. եղիասիմոս, ոթոնիաս, արիմովթ, եւ սաբաթոս, եւ զարգէաս։

Verse: 29  Link to sept   Եւ յորդւոցն բեբեա՝ յովաննէս, եւ անանիաս, եւ յովզաբդոս, եւ եմաթոս։

Verse: 30  Link to sept   Եւ յորդւոցն մանի՝ եւ զամոս, սամումոս, յեդէոս, յասուբոս, յասաելոս, եւ յերեմովթ։

Verse: 31  Link to sept   Եւ յորդւոցն ադդի՝ նաթոս, եւ մոոսիաս, ղակունոս, նաիդաս, մատաթիաս, եւ եսթէլ, եւ բաղունոս, եւ մանասէ։

Verse: 32  Link to sept   Եւ յորդւոցն աննաս՝ եղիովնաս, եւ ասսէաս, եւ մեղքիաս, եւսաբէոս, եւ սիմոն, եւ քոսամէոս։

Verse: 33  Link to sept   Եւ յորդւոցն ասոմատ՝ աննէոս, եւ մատաթիաս, եւ բանէուս, եւ եղիփաղատ, եւ մանասէ, եւ սեմէի։

Verse: 34  Link to sept   Եւ յորդւոցն բաանի՝ երեմիաս, եւ մոմդիոս, իսմաերոս, եւ յուէլ, մամբդէ, եւ պէդիաս, եւ տնոս, րաբասիոն, եւ անասիբոս, եւ մամնիտանեմոս, եղիասիս, բանուս, եղիաղի, սոմէիա, սեղեմիաս, նաթանիաս։ Եւ յորդւոցն եզովրա՝ այէմ, եզրիէլ, ազայէլ, սամատոս, զամբրի, յովսէփ։

Verse: 35  Link to sept   Եւ յորդւոցն նաումայ՝ զազիկեաս, զաբադիաս, եդեսիուէլ, բենեսիաս։

Verse: 36  Link to sept   Ա́յսք ամենեքեան էին որոց առեալ էր զկանայս այլազգեացն. եւ արձակեցին ՛ի բա́ց զկանայս իւրեանց եւ զորդիս իւրեանց։

Verse: 37  Link to sept   Եւ բնակեցին քահանյքն եւ ղեւտացիք, եւ յ(թ)ի(ւն)լէ՝ յե(րուսաղէ)մ, եւ ՛ի գաւառին. յամսամտին յամսեանն հինգերորդի։ եւ որդիքն ի(սրաէ)լի բնակեցին ՛ի բնակութի(ւն)ս իւրեանց։

Verse: 38  Link to sept   Եւ ժողովեցան ա(մենայ)ն բազմու(թ)ի(ւն)ն միաբան, յընդարձակ տեղի կողմանն արեւելից, առաջի դրան տաճարին։

Verse: 39  Link to sept   եւ ասացին ցե́զր քահանայապետ եւ պատմիչ օրինացն, զի բերցէ զօրէնսն մովսիսի, զտուեալսն ՛ի տ(եառն)է ա(ստուծո)յ ի(սրաէ)լի։

Verse: 40  Link to sept   եւ եբեր ՛ի մէջ եզր զօրէնսն առաջի ա(մենայ)ն արանց եւ կանանց, եւ առաջի ա(մենայ)ն քահանայիցն։ Եւ լուան զօրէնսն տ(եառ)ն յամսամտին եւթներորդ ամսեանն։

Verse: 41  Link to sept   եւ կարդայր յառաջնում դրան տաճարին յընդարձակին, յառաւօտէ մինչեւ ցօրհասարակ առաջի ա(մենայ)ն արանց եւ կանանց, եւ լսէին եւ ՛ի միտ առնուին ա(մենայ)ն բազմու(թ)ի(ւն)ն զօրէնսն տ(եառ)ն ա(ստուծո)յ։

Verse: 42  Link to sept   Եւ կա́յր եզր քահանայ եւ պատմիչ օրինացն տ(եառ)ն ՛ի վ(ե)ր(այ) փայտեղէն բեմի, զոր կազմեալ էր։

Verse: 43  Link to sept   եւ կային մօ́տ առ նմա յաջմէ կողմանէ՝ մատաթի, սամուս, անանիաս, ազարիաս, ուրիաս, եզէկիաս, բաաղսամոս։

Verse: 44  Link to sept   եւ յահեկէ կողմանէ՝ փաղթէոս, միսայէլ, մեղքիաս, ղովթաս, ուբոս, նաբարիաս, զաքարիաս։

Verse: 45  Link to sept   Եւ առեալ ՛ի ձեռն եզրի զգիրս օրինացն. քանզի նստէր մեծաւ փառօք առաջի ամենեցուն. եւ ա(մենայ)ն բազմութի(ւն)ն նստէին առաջի ն(ո)ր(ա)։

Verse: 46  Link to sept   Եւ յորժամ եբաց զգիրս օրինացն՝ յոտն կացին ա(մենայ)ն բազմութի(ւն)ն. եւ օրհնեաց եզր զտ(է)ր ա(ստուա)ծ բարձրեալ՝ զա(ստուա)ծ զսաբաւովթ եւ զամենակալ։

Verse: 47  Link to sept   եւ միաբան ա(մենայ)ն բազմութի(ւն)ն ասէր, ամէն։ եւ ամբարձեալ զձեռս իւրեանց ՛ի վեր՝ անկանէին յերկի́ր ՛ի վ(ե)ր(այ) երեսաց իւրեանց, եւ երկի́ր պագանէին տ(եառ)ն ա(ստուծո)յ։

Verse: 48  Link to sept   Եւ յեսուս, եւաննուս, եւ ասրաբիաս, եւ յադինոս, եւ յակուբաս, սաբատէոս, աւդեաս, մաննէաս, եւ կաղիտաս, ազարիաս, եւ յոզաբդոս, եւ անանիաս փիղաթոս։

Verse: 49  Link to sept   Ա́յս էին ղեւտացիքն, որ ուսուցանէին ժողովրդեանն զօրէնս տ(եառ)ն, եւ տային ն(ո)ց(ա) ՛ի մի́տ առնուլ. եւ լնուին օրինօքն տ(եառ)ն ա(ստուծո)յ։

Verse: 50  Link to sept   Եւ ասէ ատտարատէս՝ ցեզր քահանայ եւ պատմիչ օրինացն տ(եառ)ն եւ ցղեւտացիսն, որք ուսուցանէին զբազմու(թ)ի(ւն)ն։

Verse: 51  Link to sept   ասէ ցն(ո)ս(ա) առաջի ամենեցուն. օրս այս է́ օր սրբութե(ան) տ(եառ)ն. եւ ամենեքեան են լուծեալք ՛ի լսել օրինացն տ(եառ)ն.

Verse: 52  Link to sept   գնացէ́ք եւ երթա́յք կերայք զպարարտու(թ)ի(ւն), եւ արբէ́ք զքաղցրու(թ)ի(ւն). եւ առաքեցէ́ք զգիր այնոցիկ որք ո́չն ունիցին ինչ.

Verse: 53  Link to sept   վ(ա)ս(ն) զի սո́ւրբ է օրս այս տ(եառ)ն, եւ մի́ տրտմեցուցանէք զսա. քանզի տ(է)ր ա(ստուա)ծ է որ փառաւորեաց զմեզ։

Verse: 54  Link to sept   Եւ ղեւտացիքն ա(մենայ)ն հրամայեցին բազմութե(ա)ն՝ եւ ասեն. օրս այս սո́ւրբ է՝ եւ մի́ տրտմեցուցանէք զսա։

Verse: 55  Link to sept   Եւ ասեն ցբազմու(թ)ի(ւն)ն, որոյ կայցէ՝ կերիցէ եւ արբցէ՝ եւ ուրա́խ լիցի. եւ տացէ́ այնմիկ որոյ ո́չն կայցէ, եւ եղիցին ամենեքեան ուրա́խ այսօր յոյժ. վ(ա)ս(ն) զի լցա́յք եւ ՛ի մի́տ առէք զբանս օրինաց տ(եառ)ն, յորս դուք ժողովեցայք, եւ մեք ուսուցա́ք ձեզ։





Book: Esr.II_(Esr.) 
Esra II

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ԵԶՐԱՅ ԵՐԿՐՈՐԴ

Chapter: 1 
ԳԼ(ՈՒԽ) Ա՜.


Verse: 1  Link to sept   ՅԱՌԱՋՆՈՒՄ ԱՄԻՆ ԿԻՒՐՈՍԻ արքայի պարսից, ՛ի կատարե́լ բանին տ(եառ)ն ՛ի բերանոյ երեմիայի մարգարէի. զարթո́յց տ(է)ր զոգին կիւրոսի թագաւորին պարսից, եւ ե́տ հրաման պատուիրանի յա(մենայ)ն թագաւորու(թ)ե(ան) իւրում. եւ գրեաց առ ամենեսեան օրինակ զա́յս։

Verse: 2  Link to sept   Ա́յսպէս ասէ կիւրոս թագաւոր պարսից. զա(մենայ)ն թագաւորու(թ)ի(ւն)ս երկրի ե́տ ինձ տ(է)ր ա(ստուա)ծ երկնից. եւ նա́ հրամայեաց ինձ առնել եւ շինել նմա տաճար յե(րուսաղէ)մ հրէաստանի։

Verse: 3  Link to sept   Ո́ ոք եւ իցէ́ ՛ի ձեզ յա(մենայ)ն ժողովրդեան տ(եառ)ն, ը(նդ) որում է́ ա(ստուա)ծ ն(ո)ր(ա) ը(նդ) նմա՝ ելցէ́ յե(րուսաղէ)մ հրէաստանի, եւ շինեսցէ́ զտուն տ(եառ)ն ա(ստուծո)յ ի(սրաէ)լի. եւ ինքն ա(ստուա)ծ որ բնակեալ է յե(րուսաղէ)մ, եղիցի́ ընդ նմա։

Verse: 4  Link to sept   Եւ զա(մենայ)ն պատրաստու(թ)ի(ւն) իւր առցէ ը(նդ) իւր, եւ տարցի ՛ի տեղին յայն ուր ինքն բնակեսցէ. եւ առցէ այր ը(նդ) իւր զա(մենայ)ն կազմած իւր՝ որ ինչ եւ իցէ, արծաթեղէն եւ ոսկեղէն, եւ զա́յլ կահ եւ զանասուն՝ հանդերձ ընկերօք իւրեանց առցեն ը(նդ) իւրեանս ՛ի պատրաստու(թ)ի(ւն) տաճարին տ(եառ)ն ա(ստուծո)յ յե(րուսաղէ)մ։

Verse: 5  Link to sept   Եւ յարեան իշխանք հայրապետաց որդւոցն յուդայ եւ բենիամինի, եւ քահանայքն եւ ղեւտացիք ամենեքեան՝ զորոց զարթոյց տ(է)ր ա(ստուա)ծ զոգիս ն(ո)ց(ա) ելանել եւ շինել զտաճարն տ(եառ)ն ա(ստուծո)յ յե(րուսաղէ)մ։

Verse: 6  Link to sept   Եւ ամենեքեան որ շուրջ էին զնոքօք՝ օգնէին եւ զօրացուցանէին զձեռս ն(ո)ց(ա)՝ տալով արծա́թ եւ ոսկի, եւ զկահ եւ զանասուն, եւ ընծայիւք եւ պատարագօք լցուցանէին զն(ո)ս(ա)։

Verse: 7  Link to sept   Եւ թագաւորն կիւրոս ե́տ բերել զա(մենայ)ն սպասս եւ զկահ տաճարին տ(եառ)ն զոր ա́ռ նաբուքոդոնոսոր յե(րուսաղէ)մէ. եւ ետ ՛ի պահ ՛ի տուն աստուածոց իւրոց.

Verse: 8  Link to sept   ետ բերել զայն ա(մենայ)ն կիւրոս թագաւոր պարսից ՛ի ձեռն միթրադատայ գանձաւորի, եւ համարեալ՝ ետ ցսամանասար իշխան յուդայ։

Verse: 9  Link to sept   Եւ ա́յս է թիւ համարուցն, զոհարանք ոսկեղէնք երեսուն, եւ զոհարանք սպասուն արծաթեղէնք՝ հազար քսան եւ ինն.

Verse: 10  Link to sept   սկաւառակք ոսկիք՝ երեսուն, եւ արծաթեղէնք՝ կրկին հազար.

Verse: 11  Link to sept   ա(մենայ)ն կահք ոսկեղէնք եւ արծաթեղէնք՝ հինգ հազար եւ չորեքհարիւր։
   Եւ ընդ ա(մենայ)ն որ էին ընդ սամանասարայ եւ ընդ ելելոյ գերութե(ա)ն ՛ի բաբելոնէ յե(րուսաղէ)մ։



Chapter: 2 
ԳԼ(ՈՒԽ) Բ՜.


Verse: 1  Link to sept   Ա́յս են որդիքն ի(սրաէ)լի, ըստ իւրաքանչիւր տեղեացն, որ ելանէին ՛ի գերութ(են)էն զոր գերեաց նաբուքոդոնոսոր թագաւոր բաբելացւոց ՛ի բաբելոն, զորս եւ դարձոյց կիւրոս ՛ի բաբելոնէ յե(րուսաղէ)մ եւ ՛ի հրէաստան՝ ա́յր յիւրաքանչիւր քաղաք։

Verse: 2  Link to sept   Եւ որք էին ելեալ ը(նդ) զորաբաբելի, յեսուս, նեեմի, սարեաս, հռէի, ղեաս, մարդոքէոս, բաղասան, մասփար, բագուար, հռէում, բաանայ։ Ա́յս է թիւ ժողովրդեան որդւոցն ի(սրաէ)լի։

Verse: 3  Link to sept   Որդիք փորոսայ՝ երկու հազար հարիւր եւթանասուն եւ երկու։

Verse: 4  Link to sept   որդիք սափատայ՝ չորեքհարիւր եւթանասուն եւ երկու։

Verse: 5  Link to sept   որդիք արեսայ՝ եւթն հարիւր եւթանասուն եւ վեց։

Verse: 6  Link to sept   որդիք նեփթաղիմի մովաբացւոյ, եւ որդւոց յեսուայ, եւհռովաբայ՝ երկու հազար ութհարիւր եւ երկոտասան։

Verse: 7  Link to sept   Որդիք յեղամայ՝ երկուհազար երկերիւր յիսուն եւ չորս։

Verse: 8  Link to sept   որդիք զատոնայ՝ ինն հարիւր քառասուն եւ հինգ։

Verse: 9  Link to sept   որդիք քորբայ՝ եւթնհարիւր յիսուն։

Verse: 10  Link to sept   որդիք բանեայ՝ հազար քառասուն եւ ութ։

Verse: 11  Link to sept   որդիք բիբեայ՝ ութհարիւր քսան եւ երեք։

Verse: 12  Link to sept   Որդիք արգեայ՝ երեքհազար երեքհարիւր քսան եւ երկու։

Verse: 13  Link to sept   որդիք ադոնիկամայ՝ ութ հարիւր եւթանասուն եւ եւթն։

Verse: 14  Link to sept   որդիք բոսերայ՝ երկու հազար ութհարիւր եւ վեց։

Verse: 15  Link to sept   որդիք ադդինեայ՝ չորեքհարիւր յիսուն եւ չորս։

Verse: 16  Link to sept   Որդիք ազերեզեկիայ՝ իննսուն եւ վեց։

Verse: 17  Link to sept   որդիք բեսսեայ՝ երեք հարիւր քսան եւ երեք։

Verse: 18  Link to sept   որդիք գաբերի՝ իննսուն եւ հինգ։

Verse: 19  Link to sept   որդիք բեթղեհէմ՝ հարիւր քսան եւ երեք։

Verse: 20  Link to sept   որդիք նետափայ՝ յիսուն եւ վեց։

Verse: 21  Link to sept   որդիք անաթովթ՝ հարիւր քսան եւ ութ։

Verse: 22  Link to sept   որդիք ասմովթ՝ քառասուն եւ երկու։

Verse: 23  Link to sept   Որդիք կարիաթարիմ քափիրայ եւ բերովթ՝ եւթնհարիւր քառասուն եւ երեք։

Verse: 24  Link to sept   որդիք հռասամայ եւ գայեբայ՝ հազար քսան եւ մի։

Verse: 25  Link to sept   որդիք մաքմաս հարիւր քսան եւ երկու։

Verse: 28  Link to sept   որդիք բեթեղեայ եւ յեգեայ՝ չորեքհարիւր քսան եւ երեք։

Verse: 29  Link to sept   որդիք նաբովթ՝յիսուն եւ երկու։

Verse: 30  Link to sept   որդիք մակեբիս՝ հարիւր յիսուն եւ վեց։

Verse: 31  Link to sept   որդիք եղամարայ՝ հազար երկերիւր յիսուն եւ չորս։

Verse: 32  Link to sept   որդիք երամ՝ երեք հարիւր քսան։

Verse: 33  Link to sept   որդիք զիդղոն զովգադ ՛ի ղեւոնայ՝ եւթն հարիւր քսան եւ հինգ։

Verse: 34  Link to sept   որդիք յերիքոյ՝ երեքհարիւր քառասուն եւ հինգ։

Verse: 35  Link to sept   որդիք սեննայ՝ երեքհազար վեցհարիւր երեսուն։

Verse: 36  Link to sept   Եւ որդիք քահանայիցն, որդիք յեդուայ տանն յեսուայ յովսեդեկեանց՝ իննհարիւր եւթանասուն եւ երեք։

Verse: 37  Link to sept   որդիք եմեր՝ հազար յիսուն եւ երկու։

Verse: 38  Link to sept   որդիք փասուր՝ հազար երկերիւր քառասուն եւ հինգ։

Verse: 39  Link to sept   որդիք երեմ՝հազար եւթնհարիւր։

Verse: 40  Link to sept   Եւ ղեւտացիքն, որդիք յեսու եւ կարմիէլ որդւոցն սեգուիա՝ եւթանասուն եւ չորս։

Verse: 41  Link to sept   Եւ որ էին սաղմոսասացք եւ երգեցիկք. որդիքն ասափայ՝ հարիւր քսան եւ ութ։

Verse: 42  Link to sept   Որդիք դռնապանացն. որդիք էղում. որդիք ատտեր. որդիք տեղմոն. որդիք ակուբբ. որդիք ատիտայ. որդիք սուբայի. ամենեքեան հարիւր երեսուն եւ ինն։

Verse: 43  Link to sept   Եւ նաթանայ՝ որդիք առաղայ. որդիք ասուփայ. որդիք տաբովթ.

Verse: 44  Link to sept   որդիք կերաւս. որդիք սիայ. որդիք փագովն։

Verse: 45  Link to sept   որդիք ղաբանայ, որդիք ագաբայ, որդիք ակուբ։

Verse: 46  Link to sept   որդիք ադաբ. որդիք սաղամէի. որդիք անան.

Verse: 47  Link to sept   որդիք գեդդէլ. որդիք գաար. որդիք հռագիայ.

Verse: 48  Link to sept   Որդիք հռասովն. որդիք նեկովդան. որդիք գազամ։

Verse: 49  Link to sept   որդիք գազայ. որդիք փասէ. որդիք բասի.

Verse: 50  Link to sept   որդիք ասենայ. որդիք մովանիմ. որդիք նեփուսիմ.

Verse: 51  Link to sept   որդիք բակութ. որդիք ակուփայ. որդիք արուր.

Verse: 52  Link to sept   որդիք բաւաղովթ. որդիք միդայ. որդիք արսայ.

Verse: 53  Link to sept   որդիք բարկոս.որդիք սիսարայ. որդիք թամայ.

Verse: 54  Link to sept   որդիք նեսուայ. որդիք ատուփայ։

Verse: 55  Link to sept   Որդիք ծառայի́ց սողոմոնի. որդիք սոտէ. որդիք ասոփերաթ. որդիք փակդուրայ.

Verse: 56  Link to sept   որդիք յեզայ. որդիք կերդովն. որդիք կերդիէլ.

Verse: 57  Link to sept   որդիք սափատիայ. որդիք ատտիղ. որդիք փաքերովթայ ասաբում. որդիք եմէի։

Verse: 58  Link to sept   Ամենայն որդիք նաթանայ, եւ որդիք ծառայից սողոմոնի, երեքհարիւր իննսուն եւ երկու։

Verse: 59  Link to sept   Եւ ա́յս են ելեալքն ՛ի թեղմեղէք թեղարեսա, քերուբ՝ եդար՝ եմեր։ եւ ո́չ կարացին պատմել զտուն հարցն իւրեանց, եթէ իցէ զաւակ ն(ո)ց(ա) յի(սրաէ)լի։

Verse: 60  Link to sept   Որդիք գաւազայ. որդիք տուբիու. որդիք նեկովդայ, վեցհարիւր յիսուն եւ երկու։

Verse: 61  Link to sept   Եւ յորդւոց քահանայիցն՝ որդիք աբաիայ. որդի ակուս. որդիք բերզեղայի. իբրեւ առին ՛ի դստերացն բերզեղայի գաղադացւոյ իւրեանց կանայս, եւ եղեւ մոռացումն անուանց ն(ո)ց(ա)։

Verse: 62  Link to sept   Եւ խնդրեցաւ ազգահամար գրոց ն(ո)ց(ա)՝ եւ ո́չ գտաւ, եւ որոշեցին զն(ո)ս(ա) ՛ի քահանայիցն։

Verse: 63  Link to sept   եւ ասէ անամեսիթա ցն(ո)ս(ա), չէ́ արժան ձեզ ուտել ՛ի սրբութե(ան) սրբու(թ)ե(ան)ցն՝ մինչեւ յարիցէ քահանայապետ՝ եւ յայտնեալ ցուցցէ, եւ նովաւ լուսաւորեսցի ա(մենայ)ն մինչեւ ՛ի սպառ։

Verse: 64  Link to sept   Եւ էր ա(մենայ)ն եկեղեցին միանգամայն, չորք բեւրք եւ երկուհազար եւ երեքհարիւր վաթսուն.

Verse: 65  Link to sept   առանց ծառայից եւ աղախնաց իւրեանց. եւ կրտսերք ն(ո)ց(ա) եւթն հազար երեք հարիւր երեսուն եւ հինգ։ եւ երգիչք սաղմոսասաց ն(ո)ց(ա) արք եւ կանայք՝ երկերիւր։

Verse: 66  Link to sept   Ձիք ն(ո)ց(ա)՝ եւթն հարիւր երեսուն եւ վեց։ ջորիք ն(ո)ց(ա)՝ երկերիւր քառասուն եւ եւթն։

Verse: 67  Link to sept   ուղտք ն(ո)ց(ա)՝ չորեքհարիւր երեսուն եւ հինգ։ էշք ն(ո)ց(ա)՝ վեցհազար եւթն հարիւր քսան։

Verse: 68  Link to sept   Եւ իշխանք հայրապետացն որք եկին ՛ի տունն տ(եառ)ն յե(րուսաղէ)մ, նպաստաւորեցան ՛ի տունն ա(ստուծո)յ ՛ի պատրաստութի(ւն) շինութե(ան) ն(ո)ր(ա).

Verse: 69  Link to sept   որչափ եւ է́ր ՛ի զօրու(թ)ի(ւն) ն(ո)ց(ա), ետուն ՛ի կազմած գանձու գործաւորու(թ)ե(ա)ն. ոսկի՝ դիդրաքմայս վեց բեւր եւ հազար, եւ հարիւր պատմուճանս քահանայիցն։

Verse: 70  Link to sept   Եւ նստան քահանայքն եւ ղեւտացիքն, եւ ՛ի ժողովրդոցն, եւ երգեցիկքն, եւ դռնապանքն, եւ նաթանացիքն ՛ի քաղաքս իւրեանց. եւ ա(մենայ)ն ի(սրա)էլ յիւրաքանչիւր քաղաքս։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ ժամանեաց եհաս ամիսն եւթներորդ. եւ էին որդիքն ի(սրաէ)լի յիւրաքանչիւր քաղաքս. եւ ժողովեցան ա(մենայ)ն ժողովուրդն իբրեւ զմի այր յե(րուսաղէ)մ։

Verse: 2  Link to sept   Եւ յարեաւ յեսու յովսեդեկեանց՝ եւ եղբարք ն(ո)ր(ա) քահանայք. եւ զորաբաբէլ որդի սաղաթիելի, եւ եղբարք ն(ո)ր(ա) վեց. եւ շինեցին սեղա́ն զոհից տ(եառ)ն ա(ստուծո)յ ի(սրաէ)լի մատուցանել ՛ի վերայ ն(ո)ր(ա) ողջակէզս. ըստ գրելոցն յօրէնսն մովսիսի առնն ա(ստուծո)յ։

Verse: 3  Link to sept   եւ պատրաստեցին զզոհարանն ը(ս)տ կազմու(թ)ե(ան) իւրում. վ(ա)ս(ն) զի կասկածէին յազգաց երկրին. եւ մատուցին ՛ի վ(ե)ր(այ) ն(ո)ր(ա) ողջակէզս վաղվաղակի տ(եառ)ն ա(ստուծո)յ իւրեանց. մի ընդ առաւօտս, եւ մի՝ ընդ երեկոյս։

Verse: 4  Link to sept   Եւ արարին զտօն տաղաւարահարացն ըստ գրելոցն, եւ ողջակէզս օրըստօրէ ՛ի մի թուեալ ո(ր)պ(էս) եւ պատուիրեալ էր ն(ո)ց(ա)։

Verse: 5  Link to sept   եւ մատուցանէին ա́յլեւս ողջակէզս յամսագլուխս, եւ ՛ի շաբաթս, եւ յա(մենայ)ն տօնս տարեկանաց տ(եառ)ն սրբութե(ան)ց. եւ զա(մենայ)ն ակամայիցն զոր մեղանչէին տ(եառ)ն։

Verse: 6  Link to sept   Եւ յառաջնում ամսեանն եւթներորդի սկսան մատուցանել ողջակէզս տ(եառ)ն ա(ստուծո)յ։ եւ տանն ո́չ եւս էր հիմն արկեալ։

Verse: 7  Link to sept   Եւ ետուն արծաթ քարահատացն եւ հիւսանցն, եւ կերակուրս եւ ըմպելիս եւ ձէթ՝ սիդոնացւոց՝ եւ տիւրացւոց, եւ բերէին փա́յտս մայրս ՛ի լիբանանէ ը(նդ) ծով ՛ի յոպպէ՝ ո(ր)պ(էս) եւ հրամայեաց ն(ո)ց(ա) կիւրոս թագաւոր պարսից։

Verse: 8  Link to sept   Եւ յերկրորդ ամի ելանելոյն ն(ո)ց(ա) յորժամ եկին ՛ի տաճարն տ(եառ)ն յե(րուսաղէ)մ յամսեանն երկրորդի՝ սկսաւ զորաբաբէլ սաղաթիելեանց՝ եւ յեսու յովսեդեկեանց, եւ եղբարք ն(ո)ց(ա), եւ քահանայքն եւ ղեւտացիքն եւ ա(մենայ)ն եկեալքն ՛ի գերութ(են)էն յե(րուսաղէ)մ. եւ կացուցին զղեւտացիսն ՛ի քսանամենից եւ ՛ի վեր՝ վերակացուս ՛ի վ(ե)ր(այ) գործոց տանն տ(եառ)ն։

Verse: 9  Link to sept   Եւ յեսու, եւ որդիք ն(ո)ր(ա) եւ եղբարք ն(ո)ր(ա). կադմիէլ եւ որդիք ն(ո)ր(ա). եւ որդիք յուդայ վերակացուք ՛ի վ(ե)ր(այ) գործոյ տանն տ(եառ)ն. որդիք ենադադ եւ եղբարք նորա ղեւտացիք։

Verse: 10  Link to sept   Եւ արկին հիմն, եւ սկսան շինել զտունն տ(եառ)ն. եւ կային քահանայքն զգեցեալ զպատմուճանսն, եւ հարկանէին զփողս իւրեանց. եւ ղեւտացիքն որդիք ասափայ ծնծղայիւք օրհնէին զտ(է)ր ա(ստուա)ծ՝ ո(ր)պ(էս) եւ կարգեաց դաւիթ թագաւոր ի(սրաէ)լի։

Verse: 11  Link to sept   եւ ասեն այր ցընկեր իւր. խոստովա́ն եղերուք՝ եւ գոհացարո́ւք զտ(եառն)է, զի քաղցր է զի յաւիտեան է ողորմութի(ւն) ն(ո)ր(ա) ՛ի վ(ե)ր(այ) ի(սրաէ)լի։ Եւ ա(մենայ)ն ժողովուրդն մեծաձայն օրհնէին զտ(է)ր ա(ստուա)ծ ի(սրաէ)լի. վ(ա)ս(ն) զի անկան հիմունք տանն տ(եառ)ն։

Verse: 12  Link to sept   եւ բազումք ՛ի քահանայիցն՝ եւ յղեւտացւոցն, եւ յիշխանաց՝ եւ ՛ի հազարապետացն՝ եւ ՛ի ծերոցն՝ որոց տեսեալէր զտաճարն տ(եառ)ն. եւ յայնժամ տեսին աչօք իւրեանց զհիմնն ն(ո)ր(ա), լային մեծաձայն. եւ ժողովուրդքն ա(մենայ)ն նշանակէին զուրախու(թ)ի(ւն), եւ բարձրացուցանէին զձայնս իւրեանց։

Verse: 13  Link to sept   եւ ո́չոք էր ՛ի ժողովրդեանն որ կարէր գիտել՝ եւ լսել զձայն ուրախութե(ա)ն. վ(ա)ս(ն) զի ժողովուրդն աղաղակէր մեծաձայն, եւ լսելի լինէր ձայնն մինչեւ ՛ի հեռուստ տեղիս։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ լուա́ն որք նեղէին զյուդայ եւ զբենիամին, եթէ որդիքն ի(սրաէ)լի ելեալքն ՛ի գերութ(են)էն շինե́ն զտունն ա(ստուծո)յ ի(սրաէ)լի.

Verse: 2  Link to sept   եւ մերձեցան առ զորաբաբէլ եւ առ իշխանս հայրապետացն, եւ ասեն ցնոսա. շինեսցո́ւք եւ մեք ընդ ձեզ, եւ ո(ր)պ(էս) եւ դուք խնդրեսցուք ՛ի տ(եառն)է ա(ստուծո)յ ձերմէ. քանզի եւ մեք նոյնպէս զոհեմք զոհս, յօրէ յորմէ ասորդան թագաւոր ասորւոց ած զմեզ այսր։

Verse: 3  Link to sept   Եւ ասեն ցն(ո)ս(ա) զորաբաբէլ՝ եւ յեսու յովսեդեկեանց՝ եւ մնացորդք իշխանաց հայրապետացն ի(սրաէ)լի. ո́չ է արժան մեզ եւ ձեզ հասարակ շինել զտուն տ(եառ)ն ա(ստուծո)յ մերոյ, մեք մեզէ́ն իսկ շինեսցուք զտուն տ(եառ)ն ա(ստուծո)յ ի(սրաէ)լի, ո(ր)պ(էս) հրամայեաց մեզ կիւրոս թագաւոր պարսից։

Verse: 4  Link to sept   Եւ ժողովուրդք երկրին այնորիկ լքուցանէին զձեռս ժողովրդեանն հրէասատանի, եւ խափանէին զն(ո)ս(ա) ՛ի շինելոյ.

Verse: 5  Link to sept   եւ կալեալ վարձաւորս՝ խորհէին զն(ո)ս(ա) խափանել զա(մենայ)ն աւուրս կիւրոսի թագաւորու(թ)ե(ա)ն պարսից, մինչեւ յաւուրս դարեհի պարսից արքայի։

Verse: 6  Link to sept   ՛Ի թագաւորութե(ա)ն ասարսոյերու պասից՝ իսկզբան թագաւորու(թ)ե(ան) ն(ո)ր(ա) գրեցին թուղթ որք բնակեալ էին ՛ի հրէաստանի եւ յե(րուսաղէ)մ։

Verse: 7  Link to sept   եւ գրեցին յաւուրս արսասէսի՝ միթրիդատէս, տաբեեղ, հանդերձ եւ ա́յլ ծառայիւք ն(ո)ր(ա) հարկահանօքն, եւ գրեցին գիր ասորերէն. եւ էր զնա թարգմանեալ հռէում բաաղտիմ։

Verse: 8  Link to sept   Եւ ա́յս են բանք թղթոյն զոր առաքեցին նոքա առ արսասաս թագաւոր։ ծառայք քո որ եմք բնակեալ յա́յսմ կողմն գետոյն. հռէում բաաղտեմ, եւ սամսայի գրիչ, եւ այլեւս ծառայակիցք մեր, գեենէս, սփսաթ, աքայիլէ, տարփաղէէ, ափերսէէ, ոքուէէ, բաբելոնէէ, սուսանա, քեէդաւեէ։

Verse: 9  Link to sept   եւ այլ մնացեալ ազգք, զորս բնակեցոյց ասենափար մեծ եւ պատուական ՛ի քաղաքս սոմորոմ, այսինքն սամարիա յայս կողմն գետոյն։

Verse: 10  Link to sept   առ արսասա թագաւոր խաղաղութի(ւն)։ Այժմ գիտութի(ւն) լիցի քեզ թագաւոր՝ որ եթէ քաղաքն այն շինեսցի, եւ պարիսպք ն(ո)ր(ա) կանգնեսցին, հա́րկս քեզ ո́չոք տայ.

Verse: 11  Link to sept   այլեւ ընդդիմադա́րձ եւս լիցին թագաւորաց. եւ զայնպիսի յանդգնու(թ)ի(ւն) մեք ը(նդ)դէմ թագաւորաց՝ ո́չ կամիմք տեսանել։ եւ վ(ա)ս(ն) այսր ա(մենայ)նի գրաեաք առ ձեզ թագաւոր.

Verse: 12  Link to sept   զի տեսցե́ս եւ արասցես, եւ գտցես ՛ի գիրս յիշատակարանաց հարցն քոց, եւ գիտացեալ եթէ քաղաքս այս ապստամբողաց է. եւ յա(մենայ)ն ժամ ընդդէ́մ կացին թագաւորաց, եւ ապաստա́ն են ա(մենայ)ն փախստէից յա(մենայ)ն ժամանակս յաւիտենից. եւ վ(ա)ս(ն) այսորիկ քաղաքս այս իսկ աւերեցաւ։

Verse: 13  Link to sept   Արդ տուաք մեք քեզ գիտել թագաւոր, եթէ քաղաքս այս շինեսցի՝ եւ պարիսպք սորա կանգնեսցին՝ չէ́ քեզ խաղաղու(թ)ի(ւն)։

Verse: 14  Link to sept   Եւ առաքեաց թագաւորն առ հռեում բաաղտեմա՝ եւ կամսայի գրչի, եւ այլ ծառայակցաց ն(ո)ց(ա) որք բնակեալէին ՛ի սամարիա, եւ մնացոեդացն յայնկողմն գետոյն, եւ ասէ։ Խաղաղութի(ւն) ընդ ձեզ.

Verse: 15  Link to sept   զհարկահանս զորս առաքեցէք առիս, մտեալ առաջի իմ եւ տեղեկացուցեալ ինձ զա(մենայ)ն.

Verse: 16  Link to sept   հասի́ ՛ի վ(ե)ր(այ), եւ գտի զի քաղաքդ այդ յաւիտեանս ժամանակաց ապստա́մբ է, եւ ընդդէմ թագաւորաց լեա́լ է.

Verse: 17  Link to sept   եւ թագաւորք հզօրք եւ բռնաւորք կացեալ են յե(րուսաղէ)մ, բռնացեալ կալեալ զայն կողմն արեւմտից՝ յա́յն կողմն եփրատ գետոյ։ Արդ՝ դիք ՛ի վերայ դոցա հարկս եւ հա́սս, զի մի́ եւ այլ կամակարեալ բռնասցին։

Verse: 18  Link to sept   արդ ա́յժմ տուեալ ձեզ տեղեկութի(ւն), երթա́յք արգելէ́ք եւ խափանեցէ́ք զգործս ն(ո)ց(ա), զի մի́ շինեսցի քաղաքն։

Verse: 19  Link to sept   եւ մի́ ներէք ն(ո)ց(ա) եւ թողացուցանէք, այլ փոյթ յանձին կալեալ պահանջե́լ զա(մենայ)ն հարկս եւ զհասս. զի մի́ երբէք բազմասցին եւ զօրասցին, եւ լիցին ընդդէ́մ թագաւորաց։

Verse: 20  Link to sept   Յայնժամ հարկահան արսասաս թագաւորի՝ ա́յսինքն է արտաշիսի՝ բերեալ կարդաց զգիրն առաջի հռեսիմայ՝ եւ սամայի գրչի, եւ ծառայակցաց ն(ո)ր(ա)։ եւ ելեալ փութապէս յե(րուսաղէ)մ եւ ՛ի հրէաստան մեծաւ զօրու(թեամ)բ՝ եւ այրուձիով՝ արգելին եւ խափանեցին զհրէայսն ՛ի շինելոյ։

Verse: 21  Link to sept   Յայնժամ խափանեալ դատարկացա́ւ գործ տաճարին տ(եառ)ն ա(ստուծո)յ յե(րուսաղէ)մ. եւ էր դատարկացեալ մինչեւ յերկրորդ ամն դարեհի արքայի պարսից։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ մարգարէանային անգեաս եւ զաքարիաս ադդովայ, մարգարէանային ՛ի վերայ հրէաստանի եւ ե(րուսաղէ)մի յանուն տ(եառ)ն ա(ստուծո)յ ի(սրաէ)լի։

Verse: 2  Link to sept   Յայնժամ յարեան զորաբաբէլ սաղաթիելեանց, եւ յեսու յովսեդեկեանց՝ եւ սկսան շինել զտուն տ(եառ)ն ա(ստուծո)յ ի(սրաէ)լի, եւ միաբանեալ ընդ ն(ո)ս(ա) մարգարէքն ա(ստուծո)յ օգնէի́ն ն(ո)ց(ա)։

Verse: 3  Link to sept   Յա́յնմ ժամանակի եկն առ ն(ո)ս(ա) թաթանա իշխան կողմանց գետոյն եփրատու, եւ սաթրաբուզան, եւ ծառայակիցք ն(ո)ց(ա), եւ ասեն ցն(ո)ս(ա). ո՞ հրամայեաց ձեզ շինել զտունս զայս, եւ կամ ո՞յր բանիւ կանգնեցէք զաշտարակս դորա

Verse: 4  Link to sept   եւ կամ զի՞նչ անուանք են արանցն այնոցիկ որք են առաջնորդք շինելոյ զքաղաքս զայս։

Verse: 5  Link to sept   Եւ էին աչք տ(եառ)ն ա(ստուծո)յ ՛ի վ(ե)ր(այ) հրէիցն դարձելոցն ՛ի գերութ(են)էն. եւ ո́չ խափանեցին զնոսա մինչեւ տացեն գիտե́լ դարեհի արքայի։ եւ յայնժամ առաքեցին զհարկահանս վ(ա)ս(ն) իրացս այսոցիկ՝ զի տեղեկասցին գրով։

Verse: 6  Link to sept   Եւ ա́յս է գրեալն։ Թաթանա իշխան կողմանց գետոյն, եւ սաթրաբուզան՝ եւ ծառայակիցք ն(ո)ր(ա), փարսաքեէ եւ ռեսիմ.

Verse: 7  Link to sept   դարեհի թագաւորի խաղաղու(թ)ի(ւն) բազում.

Verse: 8  Link to sept   գիտու(թ)ի(ւն) լիցի թագաւորիդ, զի երթեալ մեր յերկիրն հրեաստանի ՛ի քաղաքն ե(րուսաղ)էմ, տեսաք զտաճարն տ(եառ)ն ա(ստուծո)յ մեծի, զի շինէին ընտիր քարամբք, եւ փայտս պահանկս դնէին յորմսն. եւ գործն էր յաջողակ, եւ յառաջէր ՛ի ձեռն ն(ո)ց(ա)։

Verse: 9  Link to sept   Յայնժամ հարցաք ցծերս ն(ո)ց(ա) եւ ասեմք, ո՞ հրամայեաց ձեզ շինել զտունս զայս, եւ կամ ո՞յր բանիւ հաստատէք զդա։

Verse: 10  Link to sept   եւ խնդրեալ զանուանս առաջնորդացն, զի տացուք տեղեկու(թ)ի(ւն) ձեզ. եւ զի գրեսցուք զանուանս արանց իշխանաց ն(ո)ց(ա)։

Verse: 11  Link to sept   Եւ զա́յս պատասխանի արարեալ հրէիցն ասեն ցմեզ։ Մեք եմք ծառա́յք տ(եառ)ն ա(ստուծո)յ երկնի եւ երկրի, եւ շինեմք զտունս զայս ո(ր)պ(էս) եւ է́ր շինեալ յառաջ քան զբազում ամս, զոր շինեաց թագաւորն ի(սրաէ)լի մեծն սողոմոն. ըստ այնմ օրինակի եւ մեք հաստատեմք զսա։

Verse: 12  Link to sept   վ(ա)ս(ն) զի հարքն մեր բարկացուցին զա(ստուա)ծ երկնի եւ երկրի. եւ ե́տ զն(ո)ս(ա) ՛ի ձեռս նաբուքոդոնոսորայ արքային բաբելացւոց եւ քաղդեացւոց, եւ զտունս զայս քակեաց, եւ զժողովուրդն պանդխտեցոյց ՛ի բաբելոն։

Verse: 13  Link to sept   Եւ յառաջնում ամի կիւրոսի թագաւորի բաբելացւոց, կիւրոս թագաւոր հրամայեաց շինել զտունս զայս տ(եառ)ն ա(ստուծո)յ։

Verse: 14  Link to sept   եւ զկահ տանս այսորիկ զարծաթեղէնս եւ զոսկեղէնս՝ զորս նաբուքոդոնոսոր ա́ռ յե(րուսաղէ)մէ, եւ եկն եբեր ՛ի տուն աստուածոց իւրոց. առեալ զայն կիւրոսի թագաւորի ՛ի տանէ թագաւորին, եւ ետ ցսամանասար գանձաւոր.

Verse: 15  Link to sept   եւ ասէ ցնա, զա(մենայ)ն սպասդ եւ զկահ ա́ռ եւ ե́րթ յե(րուսաղէ)մ ՛ի տուն տ(եառ)ն որ է անդ։ եւ տա́ր գի́ր զկահդ ՛ի տեղւոջ իւրում։

Verse: 16  Link to sept   յայնժամ սամանասար եկն՝ եւ արկ զհիմն տաճարիս տ(եառ)ն ա(ստուծո)յ յե(րուսաղէ)մ. եւ յայնմ հետէ շինեմք, եւ ո́չ եւս է կատարեալ։

Verse: 17  Link to sept   Արդ եթէ բարւո́ք թուի քեզ թագաւոր, ա́յց արա եւ տե́ս ՛ի տունս պահպանութե(ան) գրոց յիշատակարանաց թագաւորաց բաբելացւոց. զի գիտասցես թէ արդարեւ կիւրոս թագաւորն հրամայեաց շինել զտունս տ(եառ)ն ՛ի հրեաստանի յե(րուսաղէ)մ. եւ տեղեկացեալ քո թագաւոր վ(ա)ս(ն) իրացս այսոցիկ՝ առաքեսջի́ր առ մեզ։



Chapter: 6 
ԳԼ(ՈՒԽ) Զ՜.


Verse: 1  Link to sept   Յայնժամ դարեհ թագաւոր ա́յց արար՝ խնդրեաց եւ եգիտ ՛ի տունս թագաւորաց գրոց յիշատակարանացն ՛ի բաբելոնի։

Verse: 2  Link to sept   եւ գտեալ յամաթստի քաղաքի բատանացւոց՝ գլուխ մի գրոյ տաւմարի. եւ զայս ինչ գրեալ էր ՛ի գիրս յիշատակարանին։

Verse: 3  Link to sept   Յամին առաջնում կիւրոսի. կիւրոս թագաւոր հրաման ետ վ(ա)ս(ն) տանն տ(եառ)ն որ յե(րուսաղէ)մ. ասէ, շինեսցի́ տաճարն տ(եառ)ն, եւ տեղին ուր զոհեն զզոհսն տ(եառ)ն։ եւ ե́տ զչափ բարձրու(թ)ե(ա)ն կանգունս վաթսուն, եւ լայնու(թ)ե(ա)ն կանգունս վաթսուն.

Verse: 4  Link to sept   եւ կարգք երեք ՛ի զօրաւոր քարանց. եւ կարգ մի փայտեղէն. եւ ա́յսպէս շինեսցի եւ յարկցի ա(մենայ)ն տաճարն։

Verse: 5  Link to sept   Եւ զկահ տանն տ(եառ)ն՝ զարծաթեղէնս եւ զոսկեղէնս զոր եբեր նաբուքոդոնոսոր ՛ի տանէ տ(եառ)ն յե(րուսաղէ)մէ՝ եւ ե́դ ՛ի բաբելոն. արդ տացին ՛ի բա́ց՝ եւ տարցին ՛ի տաճարն տ(եառ)ն յե(րուսաղէ)մ. եւ երթեալ տարցին ՛ի տեղի իւր ՛ի տունն ա(ստուծո)յ ուր լեալ էր։

Verse: 6  Link to sept   Յայնժամ դարեհ ետ զգիր հրամանիս իշխանաց կողմանց գետոյն. սաթրաբուզանայ եւ ծառայակցացն ն(ո)ր(ա) ՛ի կողմանս գետոյն, եւ ե́ւս ՛ի հեռագոյն տեղիս։

Verse: 7  Link to sept   Եւ արդ յայսմ հետէ թո́յլ տուք շինել զտունն ա(ստուծո)յ, իշխանացն հրէից եւ ծերոցն ի(սրաէ)լի, եւ շինեսցե́ն զտունն ա(ստուծո)յ ՛ի տեղւոջ իւրում։

Verse: 8  Link to sept   եւ ի́մ հրամայեալ՝ մի́ ոք արգելցէ զծերսն ի(սրաէ)լի ՛ի շինել զտուն տ(եառ)ն ա(ստուծո)յ իւրեանց։ եւ յիշխանութ(են)է թագաւորութե(ան) իմոյ որ են հարկահանք կողմանց գետոյն ա(մենայ)ն զգուշութ(եամ)բ տացե́ն զծախս արանցն այնոցիկ՝ եւ մի́ խափանեսցեն։

Verse: 9  Link to sept   եւ զորդիս ցլուց՝ եւ խոյս, եւ ամիկս յողջակէզս տ(եառ)ն ա(ստուծո)յ երկնից. ցորեան, եւ աղ, եւ գինի, եւ ձէթ, ո(ր)պ(էս) եւ հրամայեսցեն քահանայապետքն յե(րուսաղէ)մ. եւ լիցի անխափա́ն տուեալ օր ըստ օրէ ո(ր)պ(էս) եւ խնդրեսցեն։

Verse: 10  Link to sept   եւ մատուսցեն պատարագ ՛ի հոտ անուշից տ(եառ)ն ա(ստուծո)յ երկնից, եւ արասցեն աղօթս վ(ա)ս(ն) կենաց թագաւորի՝ եւ որդւոց ն(ո)ր(ա)։

Verse: 11  Link to sept   Եւ յինէն ել հրամանս այս. եւ ա(մենայ)ն մարդ որ կացցէ ընդդէմ հրամանի իմոյ՝ քակեսցի́ տուն ն(ո)ր(ա), եւ առեալ փայտ ՛ի տանէ ն(ո)ր(ա) ուղղեսցեն՝ եւ բեւեռեսցեն զայրն ՛ի նմա որ եկաց ընդդէմ հրամանի իմոյ. եւ եղիցի նմա ՛ի նախատինս յաւիտենից։

Verse: 12  Link to sept   Եւ ա(ստուա)ծ՝ որոյ բնակեալէ անուն ն(ո)ր(ա) անդ՝ ելցէ եւ աւերեսցէ զթագաւորութի(ւն)ն եւ զժողովուրդն, որ յանդգնեցաւ ձգել զձեռն իւր եւ արգելուլ ապականել զտունն ա(ստուծո)յ որ յե(րուսաղէ)մ։ ես դարե́հ թագաւոր՝ եդի զհրամանս զայս, եւ մի́ ոք իշխեսցէ անցանել։

Verse: 13  Link to sept   Յա́յնմ ժամանակի իշխան կողմանց գետոյն՝ եւ սաթրաբուզան եւ ծառայակիցք ն(ո)ր(ա), առ որս առաքեաց դարեհ թագաւոր, վաղվաղակի կատարէին զհրամանս ն(ո)ր(ա)։

Verse: 14  Link to sept   եւ ծերքն հրէից՝ եւ ղեւտացիքն շինէին. ՛ի ժամանակս մարգարէութե(ա)ն անգեայ՝ եւ զաքարիայ որդւոյ ադդովայ։
   Եւ շինեցին եւ հաստատեցին ըստ հրամանի տ(եառ)ն ա(ստուծո)յ ի(սրաէ)լի. եւ ո(ր)պ(էս) հրամայեցին կիւրոս թագաւոր՝ եւ դարեհ. եւ ՛ի ժամանակս արտասասայ թագաւորին պարսից։

Verse: 15  Link to sept   Եւ որ օր երե́ք էր ամսոյն ադարայ՝ յամին վեցերորդի դարեհի արքայի կատարեցա́ւ տաճարն։

Verse: 16  Link to sept   Եւ արարին որդիքն ի(սրաէ)լի քահանայիքն՝ եւ ղեւտացիքն, եւ որք ելեալ էին ՛ի գերու(թեն)է նաւակատիս տանն տ(եառ)ն մեծաւ ուրախու(թեամ)բ։

Verse: 17  Link to sept   Եւ մատուցանէին ՛ի նաւակատիս տանն տ(եառ)ն զուարակս հարիւր, խոյս երկերիւր, գառինս չորեքհարիւր. եւ ամիկս յայծեաց վ(ա)ս(ն) մեղաց ա(մենայ)ն ի(սրաէ)լի, երկոտասան՝ ըստ թուոյ ցեղիցն ի(սրաէ)լի։

Verse: 18  Link to sept   Եւ կացուցին զքահանայսն ըստ տեղեաց իւրեանց, եւ զղեւտացիսն ըստ վիճակի բաժանմանն իւրեանց ՛ի սպասաւորութի(ւն) տ(եառ)ն ա(ստուծո)յ յե(րուսաղէ)մ. երկու հազար երկերիւր որպէս եւ գրեալ է ՛ի գիրս մովսիսի։

Verse: 19  Link to sept   Եւ արարին որդիքն ի(սրաէ)լի ելեալք ՛ի գերու(թեն)էն զզատիկն տ(եառ)ն ՛ի չորեքտասաներորդ ամսոյն առաջնոյ։

Verse: 20  Link to sept   եւ սրբեցան քահանայքն եւ ղեւտացիք. եւ եղեն ամենեքեան սուրբք. եւ զենին զզատիկն տ(եառ)ն, ա(մենայ)ն որք ելեալ էին ՛ի գերութէն, եւ եղբարք իւրեանց եւ քահանայք։

Verse: 21  Link to sept   եւ կերան որդիքն ի(սրաէ)լի զզատիկն ամենեքեան որք որոշեալէին ՛ի պղծութե(ան)ց ազգաց երկրին. եւ որք եկեալէին առ ն(ո)ս(ա) խնդրել զտ(է)ր ա(ստուա)ծ ի(սրաէ)լի։

Verse: 22  Link to sept   Եւ արարին զտօն բաղարջակերացն զեւթն օր, եւ ուրա́խ եղեն յե(րուսաղէ)մ. վ(ա)ս(ն) զի ուրախ արար զն(ո)ս(ա) տ(է)ր ա(ստուա)ծ ի(սրաէ)լի։ եւ տ(է)ր դարձոյց զսիրտ թագաւորին ասորւոց առ ն(ո)ս(ա) զի օգնեսցէ եւ զօրացուսցէ զձեռս ն(ո)ց(ա) ՛ի գործ տաճարին տ(եառ)ն ա(ստուծո)յ ի(սրաէ)լի։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ յետ բանիցս այսոցիկ ՛ի թագաւորու(թ)ե(ա)ն արտաշէսի արքայի պարսից, ե́լ եզրա որդի սարուայ, որդւոյ ազարիայ, որդւոյ քեղկեայ.

Verse: 2  Link to sept   որդւոյ սեղումայ, որդւոյ սադովկայ, որդւոյ աքիտովբայ.

Verse: 3  Link to sept   որդւոյ սամարիայ, որդւոյեզրայ, որդւոյ մարովթսայ.

Verse: 4  Link to sept   որդւոյ զարեայ, որդւոյ ոզիայ, որդւոյ բովկայ.

Verse: 5  Link to sept   որդւոյ աբիսուայ, որդւոյ փենեէսի, որդւոյ եղիազարու, որդւոյ ահարոնի առաջին քահանայի։

Verse: 6  Link to sept   Ա́յս եզրա՝ որ ել ՛ի բաբելոնէ։ եւ սա էր գրիչ արագագիր օրինացն մովսիսի զոր ետ տ(է)ր ա(ստուա)ծ ի(սրաէ)լի. եւ ետ նմա թագաւորն զա(մենայ)ն որինչ խնդրեաց ՛ի նմանէ. զի ձեռն տ(եառ)ն ա(ստուծո)յ է́ր ը(նդ) նմա։

Verse: 7  Link to sept   Եւ ելին ընդ նմա յորդւոցն ի(սրաէ)լի՝ եւ ՛ի քահանայից՝ եւ յղեւտացւոց, եւ յերգեցիկ պաշտօնէից, եւ ՛ի դռնապանաց՝ եւ ՛ի նաթանայացւոցն յե(րուսաղէ)մ։ Յամին եւթներորդի արտաշիսի թագաւորի.

Verse: 8  Link to sept   ելին յե(րուսաղէ)մ յամսեանն հինգերորդի, որ էր ամ եւթներորդ թագաւորին։

Verse: 9  Link to sept   եւ յամսամտին հինգերորդ ամսեանն ե́կն եզրա յե(րուսաղէ)մ. վ(ա)ս(ն) զի ձեռն տ(եառ)ն ա(ստուծո)յ բարութ(եամ)բ էր ընդ ն(ո)ս(ա)։

Verse: 10  Link to sept   Եւ ե́դ եզրա ՛ի սրտի իւրում խնդրել զօրէնսն տ(եառ)ն, եւ գրել զնա, եւ ուսուցանել ի(սրաէ)լի զհրամանս եւ զդատաստանս։

Verse: 11  Link to sept   Եւ ա́յս են իրք հրամանի զոր ետ արտաշէս թագաւոր եզրի քահանայի եւ գրչի գրոց բանի օրինացն տ(եառ)ն, եւ հրամանաց ն(ո)ր(ա) ՛ի վ(ե)ր(այ) ի(սրաէ)լի։

Verse: 12  Link to sept   Արտաշէս թագաւորաց թագաւոր, եզրի գրչի օրինացն տ(եառ)ն ա(ստուծո)յ երկնից.

Verse: 13  Link to sept   ա(մենայ)ն հաստատութ(եամ)բ ետու ես հրաման ՛ի վ(ե)ր(այ) ամենեցուն որ են ը(նդ) թագաւորութ(եամ)բ իմով, եւ ժողովրդոցն ի(սրաէ)լի, եւ քահանայից եւ ղեւտացւոցն, զի ելցեն ամենեքեան յե(րուսաղէ)մ ը(նդ) քեզ։

Verse: 14  Link to sept   Յերեսաց թագաւորի, եւ եւթն խորհրդակցացն առաքեցաւ գիրս այս, ա́յց առնել հրէիցն՝ եւ ե(րուսաղէ)մացւոցն առաջնորդու(թեամ)բ եզրի, որոյ են օրէնք ա(ստուծո)յ ՛ի ձեռին իւրում։

Verse: 15  Link to sept   Եւ հրամայեաց թագաւորն տա́լ ՛ի տուն տ(եառ)ն արծաթ եւ ոսկի, հանդերձ խորհրդակցօք իւրովք յե(րուսաղէ)մ, եւ դնել ՛ի տաճարին առաջի տ(եառ)ն ա(ստուծո)յ ի(սրաէ)լի։

Verse: 16  Link to sept   եւ ա(մենայ)ն որոյ գտցի արծաթ եւ ոսկի՝ հրէայք որք իցեն պանդուխտք ՛ի բաբելոն՝ ժողովուրդք եւ քահանայք, առցե́ն՝ը իւրեանս եւ տարցին ՛ի տուն տ(եառ)ն յե(րուսաղէ)մ։

Verse: 17  Link to sept   Եւ ամենեքեան որք ելցեն՝ պատրաստեսցեն զա́յս օրինակ, ո(ր)պ(էս) եւ գրեցաք. Զուարակս, խոյս, գառինս, եւ զզոհս եւ զնուէրս իւրեանց. եւ մատուսցեն ՛ի վ(ե)ր(այ) սեղանոյ տ(եառ)ն ա(ստուծո)յ իւրեանց յե(րուսաղէ)մ։

Verse: 18  Link to sept   Ե́ւս առաւել վ(ա)ս(ն) քո՝ ասէ, եւ վ(ա)ս(ն) եղբարց քոց արարի բարութի(ւն), եւ թողի́ զարծաթ եւ զոսկի, որպէս վայելէ́ ա(ստուծո)յ ձերոյ՝ արարէ́ք։

Verse: 19  Link to sept   եւ զկահ տուեալ քեզ ՛ի սպասաւորութի(ւն) տանն տ(եառ)ն, ա́ռ ընդ քեզ՝ եւ տա́ր յե(րուսաղէ)մ։

Verse: 20  Link to sept   եւ զաւելորդսն տաջի́ր ՛ի պահեստ գանձու տան թագաւորաց։

Verse: 21  Link to sept   Ե́ս արտաշէս թագաւոր ետու հրաման ա(մենայ)ն գանձաւորաց որ իցեն յա́յն կողմն եփրատ գետոյն, զա(մենայ)ն ինչ զոր եւ խնդրեսցէ ՛ի ձէնջ եզրա քահանայ եւ գրիչ օրինացն տ(եառ)ն ա(ստուծո)յ երկնից, տաջի́ք ՛ի տուն տ(եառ)ն ա(ստուծո)յ ն(ո)ր(ա)։

Verse: 22  Link to sept   Պատրա́ստ արարէք արծաթ՝ տաղանտս հարիւր. եւ ցորեան՝ քոռս հարիւր, եւ գինի՝ նո́յնչափ, եւ ձէթ՝ նո́յնչափ։

Verse: 23  Link to sept   եւ մի́ ոք կացցէ ընդդէմ հրամանաց թագաւորի։ Զա(մենայ)ն ինչ զոր հրամայեցի ՛ի տուն տ(եառ)ն ա(ստուծո)յ երկնից եւ երկրի՝ այս եղիցի։ եւ մի́ ոք ձեռնարկեսցէ խափանե́լ ՛ի տանէ տ(եառ)ն ա(ստուծո)յ ի(սրաէ)լի. զի մի́ եղիցի բարկութի(ւն) ՛ի տ(եառն)է ա(ստուծո)յ ՛ի վերայ թագաւորու(թ)ե(ան) իմոյ՝ եւ որդւոյ իմոյ։

Verse: 24  Link to sept   Եւ ետու ձեզ գիտել թէ ա(մենայ)ն որ իցեն ՛ի քահանայից եւ յղեւտացւոց՝ եւ ՛ի սաղմոսերգողաց՝ դռնապանացն եւ նաթանացւոցն, եւ որք իցեն սպասաւորք տանն ա(ստուծո)յ՝ մի́ տացեն հարկս, եւ մի́ ոք իշխեսցէ ծառայեցուցանել զն(ո)ս(ա)։

Verse: 25  Link to sept   Եւ դու եզրա՝ որոյ է իմաստու(թ)ի(ւն) ա(ստուծո)յ ՛ի ձեռին քում, կացո́ գրիչս եւ դատաւորս՝ զի դատեսցեն զա(մենայ)ն ժողովուրդս որ են յա́յն կողմն գետոյն, եւ ուսուսցեն ամենեցուն որք ո́չ գիտիցեն զօրէնս ա(ստուծո)յ քոյ։ Եւ ամենեքեան որք ո́չ գիտիցեն.

Verse: 26  Link to sept   եւ ամենեքեան որք ո́չ առնիցեն ըստ օրինացն տ(եառ)ն՝ եւ ը(ս)տ օրինաց թագաւորին, մատնեալք լիցին ՛ի դատաստան ըստ գործոց իւրեանց, եթէ ՛ի մահ, եթէ ՛ի տանջանս, եթէ ՛ի տուգանս, եւ եթէ ՛ի կապանս։

Verse: 27  Link to sept   Օրհնեա́լ է տ(է)ր ա(ստուա)ծ հարցն մերոց՝ որ արկ զայս ՛ի սիրտ թագաւորին, եւ փառաւորեաց զանուն տ(եառ)ն ա(ստուծո)յ մերոյ որ է յե(րուսաղէ)մ։

Verse: 28  Link to sept   եւ արար առիս զողորմու(թ)ի(ւն)՝ եւ պատուեաց զիս առաջի թագաւորին եւ խորհրդակցաց ն(ո)ր(ա), եւ առաջի ա(մենայ)ն իշխանաց թագաւորին։ եւ ես զօրացայ. վ(ա)ս(ն) զի ձեռն տ(եառ)ն ա(մենայ)ն բարու(թեամ)բ է́ր ընդիս. ժողովեցի զա(մենայ)ն իշխանս ի(սրաէ)լի ելանել ընդիս։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ ա́յս են իշխանք հայրապետացն որ ելանէին ընդիս ՛ի թագաւորու(թ)ե(ա)ն արտաշէսի թագաւորի բաբելացւոց։

Verse: 2  Link to sept   Յորդւոցն փենեէսի՝ գեթսոն. յորդւոցն իթամարայ՝ դանիէլ. յորդւոցն դաւթայ՝ յատուս։

Verse: 3  Link to sept   յորդւոցն նաաքա՝ նիա։ յորդւոցն փորոսայ՝ զաքարիա, եւ ը(նդ) նմա արք հարիւր յիսուն։

Verse: 4  Link to sept   յորդւոցն փաաթմովաբ՝ եղիանա որդի զարա, եւ ընդ նմա երկերիւր արանց։

Verse: 5  Link to sept   յորդւոցն զատուէլի՝ սեքենիա որդի ազիելի, եւ ընդ նմա երեք հարիւր արանց։

Verse: 6  Link to sept   յորդւոցն ագինայ՝ աբէն որդի յովնաթանայ, եւ ընդ նմա յիսուն արանց։

Verse: 7  Link to sept   յորդւոցն եղամի՝ իսաիաս որդի աթաղիայ, եւ ընդ նմա եւթանասուն արանց։

Verse: 8  Link to sept   յորդւոցն սափատիայ՝ զամբդիա որդի միքայելի, եւ ընդ նմա եւթանասուն արանց։

Verse: 9  Link to sept   յորդւոցն յովաբայ՝ բադիա որդի յեւելի, եւ ը(նդ) նմա երկերիւր եւ ութտասն արանց։

Verse: 10  Link to sept   յորդւոցն բաանայ սեղիմութ որդի յովսեփու, եւ ընդ նմա հարիւր վաթսուն արանց։

Verse: 11  Link to sept   յորդւոցն բաբէի՝ զաքարիաս որդի բաբի, եւ ընդ նմա քսան եւ ութ արանց։

Verse: 12  Link to sept   յորդւոցն ադոնիկամայ եւ ազդադայ եւ յովնան որդի սակատանայ, եւ ը(նդ) նմա հարիւր եւ տասն արանց։

Verse: 13  Link to sept   Յորդւոցն ադոնիկամ՝ էսքարի, եւ ա́յս են անուանք ն(ո)ց(ա), եղիփաղաթ, յէիեղ, եւ սամա, եւ ընդ նմա վաթսուն արանց։

Verse: 14  Link to sept   յորդւոցն բադուի՝ ութայի, եւ զաբութ, եւ ընդ նմա եւթանասուն արանց։

Verse: 15  Link to sept   Եւ ժողովեցի զն(ո)ս(ա) առ եզր գետոյն որ գայ յեւի, եւ առեալ անդ օթեւանս աւուրս երիս. եւ ՛ի բազմութի(ւն) ժողովրդեանն յորդւոց քահանայիցն, եւ յորդւոցն ղեւեայ ո́չ գտի զոք։

Verse: 16  Link to sept   Եւ առաքեցի առ եղիազար, եւ առ արիէլ, եւ առ սեմեայ. եւ զառնաամ, եւ զարիբ, եւ զեղնաթան, եւ զնաթան, եւ զզաքարիա, եւ զմէսողաամ, եւ զյովարիբ, եւ զյեղամաթամ.

Verse: 17  Link to sept   եւ իմացուցեալ ածին զն(ո)ս(ա) առաջի իշխանացն որ էին ՛ի տեղւոջ գանձաւորացն, եւ եդի բանս ՛ի բերանս ն(ո)ց(ա) խօսել ընդ եղբարս իւրեանց. նաթանիմ, որ էր ՛ի տեղի գանձաւորաց զորս ածին առ մեզ. որք երգէին ՛ի տան ա(ստուծո)յ մերոյ։

Verse: 18  Link to sept   եւ եկին առ մեզ. քանզի էր ձեռն տ(եառ)ն ՛ի բերութի(ւն) ընդ մեզ. Յորդւոցն ղեւեայ որդւոյ ի(սրաէ)լի. եւ զառաջինն եկին առ մեզ որդիք ն(ո)ր(ա) եւ եղբարք ն(ո)ր(ա) ութեւտասն։

Verse: 19  Link to sept   Եւ ասեբիա եւ յեսեա որդի մերարեայ, եւ եղբարք ն(ո)ր(ա) եւ որդիք ն(ո)ր(ա)՝ արք քսան։

Verse: 20  Link to sept   Եւ ՛ի նաթանայ զոր ետ դաւիթ եւ իշխանքն ՛ի ծառայութի(ւն) ղեւտացւոցն, եւ ՛ի նաթանայիմ երկերիւր եւ քսան. ամենեքեան ժողովեցան ըստ անուան իւրեանց։

Verse: 21  Link to sept   Եւ քարոզեցաք անդ պա́հս առ եզր գետոյն առիս, եւ մատուցաք անդ աղօթս առաջի տ(եառ)ն ա(ստուծո)յ մերոյ, խնդրել ՛ի նմանէ ճանապարհ ուղղու(թ)ե(ան)՝ մե́զ եւ որդւոց մերոց՝ եւ ա(մենայ)նի որ ընդ մեզ։

Verse: 22  Link to sept   վ(ա)ս(ն) զի ամաչեցաք խնդրել ՛ի թագաւորէն հեծեալս ապրեցուցանել զմեզ ՛ի թշնամեացն մերոց ՛ի ճանապարհին. վ(ա)ս(ն) զի ասացաք ցթագաւորն ա́յսպէս, եթէ ձեռն տ(եառ)ն մերոյ օգնէ ամենեցուն որ խնդրեն զնա ՛ի բարութի(ւն). եւ զօրու(թ)ի(ւն) ն(ո)ր(ա) եւ բարկու(թ)ի(ւն) ն(ո)ր(ա) ՛ի վերայ ամենեցուն ոյք թողուն զնա։

Verse: 23  Link to sept   եւ պահեցաք, եւ խնդրեցաք յա(ստուծո)յ մերոյ վ(ա)ս(ն) այսր ա(մենայ)նի՝ եւ լուաւ տ(է)ր։

Verse: 24  Link to sept   Եւ առաքեցաք յիշխանացն քահանայից երկոտասան, զսարաբիա, եւ զասաբիա, եւ ընդ նոսա յեղբարց ն(ո)ց(ա) տասն։

Verse: 25  Link to sept   եւ կշռեցաք եւ տուա́ք ցն(ո)ս(ա) զարծաթ եւ զոսկի, եւ զսպաս առաջաւորու(թ)ե(ան) տանն ա(ստուծո)յ մերոյ. զոր բարձրացոյց զմեզ թագաւորն եւ խորհրդակիցք ն(ո)ր(ա) եւ իշխանք ն(ո)ր(ա), եւ ա(մենայ)ն ի(սրա)էլ որ միանգամ էին անդ։

Verse: 26  Link to sept   եւ կշռեալ ետու ցն(ո)ս(ա) արծաթ տաղանտս՝ վեցհարիւր յիսուն, եւ կահ արծաթոյ՝ հարիւր, եւ ոսկւոյ՝ տաղանտս հարիւր։

Verse: 27  Link to sept   եւ այլ կահ ոսկւոյ՝ քսան եւ երեք, եւ կահ պղնձոյ սուրբ եւ մաքուր ոսկեզօծ։

Verse: 28  Link to sept   Եւ ասացի ցն(ո)ս(ա), եւ դուք սրբեալք տ(եառ)ն ա(ստուծո)յ էք, եւ ա(մենայ)ն կահ սուրբ է տ(եառ)ն, եւ ոսկեղէնք եւ արծաթեղէնք ընտրեալք տ(եառ)ն ա(ստուծո)յ հարցն մերոց.

Verse: 29  Link to sept   արթո́ւն կացէք եւ պահեցէ́ք՝ մինչեւ կշռեսջիք զդոսա առաջի իշխանաց քահանայիցն եւ ղեւտացւոցն, եւ իշխանաց հայրապետացն ի(սրաէ)լի՝ որ են յե(րուսաղէ)մ ՛ի խորանս տան տ(եառ)ն։

Verse: 30  Link to sept   Եւ առեալ քահանայիցն եւ ղեւտացւոցն զհամար ոսկւոյ եւ արծաթոյ՝ եւ զկահս ՛ի տանել յե(րուսաղէ)մ ՛ի տուն ա(ստուծո)յ մերոյ։

Verse: 31  Link to sept   Եւ յարուցեալ չուեցա́ք ՛ի գետոյն էոս՝ որ օր երկոտասան էր ամսոյն առաջնոյ, եւ եկեալ հասաք յե(րուսաղէ)մ. եւ ձեռն տ(եառ)ն ա(ստուծո)յ մերոյ է́ր ընդ մեզ, եւ փրկեաց զմեզ ՛ի ձեռաց թշնամեաց մերոց, եւ ՛ի պատերազմողաց զճանապարհայն։

Verse: 32  Link to sept   եւ եկաք յե(րուսաղէ)մ, եւ հանգեաք անդ աւուրս երիս։

Verse: 33  Link to sept   եւ յաւուրն չորրորդի կշռեալ տուաք զարծաթ եւ զոսկի եւ զկա́հ ՛ի տուն տ(եառ)ն ա(ստուծո)յ մերոյ, ՛ի ձեռն մարեմովթ որդի ոնիայ քահանայի, եւ որ է́ր ը(նդ) նմա եղիազար որդի փենեէսի, եւ յովաբաթ որդի յեսուայ, եւ նովադիա որդի բանեայ եւ ա́յլ ղեւտացիք։

Verse: 34  Link to sept   Եւ էր թուով եւ համարով ա(մենայ)ն, եւ գրեցաւ ա(մենայ)ն կշիռ համարոյն բովանդակ։

Verse: 35  Link to sept   Եւ ՛ի ժամանակին յայնմիկ որք եկեալէին ՛ի գերութ(են)էն որդիք պանդխտութե(ան), մատուցին ողջակէզս տ(եառ)ն ա(ստուծո)յ ի(սրաէ)լի, զուարակս՝ երկոտասան վ(ա)ս(ն) ա(մենայ)ն ի(սրաէ)լի. խոյս՝ իննսուն եւ վեց. գառինս՝ եւթանասուն եւ եւթն. ամիկս վ(ա)ս(ն) մեղաց՝ երկոտասան։ Զա́յս ա(մենայ)ն ողջակէզս մատուցին տ(եառ)ն ա(ստուծո)յ։

Verse: 36  Link to sept   եւ ետուն զգիր կարասւոյն, զոր հրամայեալ էր թագաւորին ցիշխանս կողմանց գետոյն եփրատու. եւ փառաւորեցին զժողովուրդն եւ զտաճարն ա(ստուծո)յ։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ ՛ի կատարել այսր ա(մենայ)նի՝ մերձեցա́ն առիս իշխանքն եւ ասեն, ո́չ որոշեցան ժողովուրդն ի(սրաէ)լի եւ քահանայքն եւ ղեւտացիքն ՛ի ժողովրդոց՝ եւ յերկրէ՝ որ են հեռագոյն ՛ի նոցանէ. քանանացին, եւ քետացին, եւ փերեզացին, եւ յեբուսացին, եւ ամմոնացին, եւ մովաբացին, եւ եգիպտացին, եւ ամովրհացին։

Verse: 2  Link to sept   Քանզի արարին կանա́յս ՛ի դստերաց ն(ո)ց(ա), ինքեա́նք եւ որդիք իւրեանց. եւ խառնակեալ պղծեցաւ սերմն սրբու(թ)ե(ան) ն(ո)ց(ա) ը(նդ) ժողովուրդ երկրին այնորիկ. եւ եղեւ սկիզբն անօրենութե(ան)ս այսորիկ յիշխանացն։

Verse: 3  Link to sept   Եւ եղեւ յորժամ լուա́յ ես զբանս զայսոսիկ՝ պատառեցի զհանդերձս իմ, եւ փետեցի́ զհերս եւ զմօրուսս իմ, եւ այնպէս նստէի ՛ի սուգ։

Verse: 4  Link to sept   Եւ ժողովեցան առիս ամենեքեան որք էին երկիւղածք յա(ստուծո)յ ի(սրաէ)լի. որք էին ժողովեալք յելիցն պանդխտութե(ան). եւ ես ա́յնպէս նստէի ՛ի սուգ մինչեւ ՛ի ժամ զոհի́ երեկոյին։

Verse: 5  Link to sept   Եւ ՛ի զոհի երեկոյին՝ յարեա́յ ՛ի տառապանաց իմոց եւ պատառեալ հանդերձիւք իմովք, խոնարհեալ կորանայի ՛ի վ(ե)ր(այ) ծնգաց իմոց. եւ տարածեալ ամբարձեալ զձեռս իմ առ տ(է)ր ա(ստուա)ծ,

Verse: 6  Link to sept   եւ ասեմ. Ա(ստուա)ծ իմ եւ տ(է)ր՝ ամաչե́մք եւ զարհուրի́մք ՛ի քէն. բարձրացո́ տ(է)ր ա(ստուա)ծ իմ զերեսս իմ առ քեզ. վ(ա)ս(ն) զի անօրէնութի(ւն)ք մեր բազմացան ՛ի վ(ե)ր(այ) գլխոց մերոց, եւ մե́ղք մեծացան եւ բարձրացան մինչեւ յերկինս.

Verse: 7  Link to sept   յամա́ց եւ ՛ի ժամանակաց հարցն մերոց, եւ եմք մեք ՛ի մեղս մեծամեծս մինչեւ ցայսօր. եւ վ(ա)ս(ն) մեղաց մերոց մատնեցե́ր զմեզ եւ զթագաւորս մեր, եւ զորդիս մեր՝ ՛ի ձեռն թագաւորացն հեթանոսաց, եւ ՛ի սուր եւ ՛ի գերու(թ)ի(ւն) եւ ՛ի յափշտակու(թ)ի(ւն), եւ յամօթ երեսաց մերոց եղեա́ք մինչեւ յօրս յայս։

Verse: 8  Link to sept   Եւ այժմ գթու(թ)ի(ւն)ք քո եղե́ն ՛ի վ(ե)ր(այ) մեր տ(է)ր ա(ստուա)ծ մեր, եւ շնորհեցեր մեզ փրկութի(ւն), եւ հաստատեցե́ր զմեզ ՛ի տեղի սրբութե(ան) քոյ, եւ լուսաւորեցեր զաչս մեր այսօր տ(է)ր ա(ստուա)ծ մեր. եւ ետուր մեզ կենդանութի(ւն) փոքր ՛ի շատէ ՛ի ծառայու(թ)ե(ա)ն մերում։

Verse: 9  Link to sept   վ(ա)ս(ն) զի ծառա́յ եղաք. եւ ՛ի ծառայութե(ա)ն մերում ո́չ թողեր զմեզ տ(է)ր ա(ստուա)ծ մեր, եւ խոնարհեցան առ մեզ ողորմու(թ)ի(ւն)ք քո առաջի թագաւորին պարսից տա́լ զմեզ ՛ի կենդանութի(ւն), եւ բարձրացուցանել զտուն ա(ստուծո)յ մերոյ, կանգնե́լ եւ շինել զանապատս զայս. եւ արկանել ցանգ եւ պարիսպ ամրութե(ան) յուդայ եւ ե(րուսաղէ)մի։

Verse: 10  Link to sept   Եւ արդ զի՞նչ տացուք պատասխանի առաջի քո տ(է)ր՝ եւ զհրամանօք,

Verse: 11  Link to sept   զոր ետո́ւր ՛ի ձեռն ծառայից քոց մարգարէից, ասելով ա́յսպէս. եթէ երկիրն յոր մտանելոց ես ժառանգել զնա, է́ երկիր պղծեալ ՛ի պղծութե(ան)ց ազգաց երկրին այնորիկ, եւ աղտեղութ(եամ)բք իւրեանց լցին զնա։

Verse: 12  Link to sept   Եւ արդ՝ մի́ առնուցուս ՛ի դստերաց ն(ո)ց(ա) կանայս որդւոց քոց, եւ զդստերս քո մի́ տաս կանայս որդւոց ն(ո)ց(ա), եւ մի́ խնդրեսցես առնել խաղաղութի(ւն) ընդ ն(ո)ս(ա) զա(մենայ)ն ժամանակս. եւ եղիջիր դու զօրաւոր ուտել զբարութի(ւն) երկրին, եւ ժառանգեսցեն որդիք քո զերկիրն զայն յաւիտեա́նս ժամանակաց։

Verse: 13  Link to sept   Եւ որինչ միանգամ ա́նցք անցին ընդ մեզ վ(ա)ս(ն) գործոց մերոց, եւ չարութե(ան) մեղաց մերոց. այլ դո́ւ տ(է)ր բազում անգամ թողեր զմեղս մեր, եւ ետուր մեզ այսպիսի́ զաւակ եւ արմատ։

Verse: 14  Link to sept   եւ մեք դարձեալ խոտորեցաք անցեալ զօրինօք քովք, եւ խառնակեցա́ք ընդ աղտեղութի(ւն)ս հեթանոսաց երկրին. եւ ո́չ բարկացար մեզ ՛ի կորուսանել զմեզ մինչեւ ցայս վայր, եթէ ո́չ մնասցէ արմա́տ եւ զաւակ անուան մեր։

Verse: 15  Link to sept   Տ(է)ր ա(ստուա)ծ ի(սրաէ)լի՝ դու արդա́ր եւ ճշմարիտ ես, որ ո́չ սպառեցեր զզաւակ մեր. այլ մնաց մեր արմա́տ եւ զաւակ մինչեւ ցայսօր։ եւ արդ ահաւասիկ ե́մք այսօր առաջի քո յանօրէնու(թ)ի(ւն)ս մեր, եւ ո́չ եւս կերեմք ամբառնալ զգլուխ մեր՝ եւ կա́լ առաջի երեսաց քոց. զի բազմացա́ն անօրէնութի(ւն)ք մեր եւ չարիք՝ առաւե́լ քան զգլուխս մեր։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ յորժամ եկա́ց եզրաս յաղօթս հանդերձ խոստովանութ(եամ)բս այսոքիւք, եւ ողբովք մեծամեծօք անկեալ էր ՛ի վ(ե)ր(այ) երեսաց երկրի առաջի տ(եառ)ն. ժողովեցա́ն առ նա ա(մենայ)ն որ էին յե(րուսաղէ)մ ժողովուրդ բազում, ա́րք եւ կանայք՝ երիտասարդք եւ կուսանք, եւ ողբայր ժողովուրդն, եւ համբարձին զձայնս լալոյ իւրեանց։

Verse: 2  Link to sept   Եւ պատասխանի ետ յեքոնիա որդի եղեայ որդւոյն եղամայ, եւ ասէ ցեզրա՝ մեք մեղա́ք առ տ(է)ր ա(ստուա)ծ մեր, եւ արարաք զկանայս յայլազգեաց երկրիս այսորիկ. եւ այժմ ե́ն անօրէնութի(ւն)ք այսօր ՛ի մէջ ի(սրաէ)լի։

Verse: 3  Link to sept   Եւ արդ՝ ուխտեսցուք ուխտս առաջի տ(եառ)ն ա(ստուծո)յ մերոյ հանե́լ զա(մենայ)ն կանայս այլազգիս, եւ զզաւակս որ ՛ի ն(ո)ց(ա)նէ։ եւ արդ՝ ո(ր)պ(էս) կամիս արի́ եւ կեցո́ զսոսա օրինօքն տ(եառ)ն ա(ստուծո)յ. եւ ո(ր)պ(էս) պատուիրանք հրամայեն,

Verse: 4  Link to sept   արի́ եւ լուիցուք ՛ի բերանոյ քումմէ, եւ մեք ընդ քեզ. զօրացի́ր եւ արա́ ո(ր)պ(էս) եւ հրամայեալէ ՛ի տ(եառն)է ա(ստուծո)յ։

Verse: 5  Link to sept   Եւ յարուցեալ եզրայ երդմնեցոյց զիշխանս ցեղից քահանայից եւ ղեւտացւոց. եւ զա(մենայ)ն ի(սրա)էլ առնէր ըստ այսմ օրինակի երդման։

Verse: 6  Link to sept   Եւ յարուցեալ եզրայ յերեսաց տանն ա(ստուծո)յ, երթեալ ՛ի տուն գանձին առ յոհան որդի եղիսուբայ՝ հաց ո́չ եկեր, եւ ջուր ո́չ արբ, եւ ողբացեալ ՛ի վ(ե)ր(այ) անօրէնութե(ա)ն՝ եւ մեծամեծաց մեղաց բազմութե(ա)ն։

Verse: 7  Link to sept   Եւ քարո́զ կարգային ՛ի հրէաստանի եւ յե(րուսաղէ)մ,

Verse: 8  Link to sept   ա(մենայ)ն ոք՝ որ ո́չ եկեսցէ յե(րուսաղէ)մ մինչեւ յերիս աւուրս, յիշխանաց եւ ՛ի ծերոցն՝ եղիցի նզովեա́լ, եւ ա(մենայ)ն ստացուածք ն(ո)ր(ա), եւ ինքն ՛ի բա́ց եղիցի յեկեղեցւոյ ժողովրդոցն ի(սրաէ)լի։

Verse: 9  Link to sept   Եւ ժողովեցան ա(մենայ)ն արք յուդայ եւ բենիամինին յե(րուսաղէ)մ յերիս աւուրս, յիններորդ ամսեանն որ օր քսան էր ամսոյն. եւ նստան ա(մենայ)ն ժողովուրդն ՛ի հրապարակի տան տ(եառ)ն. եւ էին զարհուրեալք ՛ի բանից ն(ո)ր(ա), եւ ՛ի ցրտու(թեն)է ձմերայնոյն։

Verse: 10  Link to sept   Եւ յարուցեալ եզրայ ասէ ցնոսա. դո́ւք էք որ մեղայք, եւ արարէք կանայս զդստերս այլազգեաց. եւ յաւելիք զմեղս եւ զանօրէնու(թ)ի(ւն)ս ՛ի վ(ե)ր(այ) ի(սրաէ)լի։

Verse: 11  Link to sept   եւ արդ՝ տուք զօրհնու(թ)ի(ւն) տ(եառ)ն ա(ստուծո)յ հարցն մերոց, եւ արարէ́ք զհաճոյսն առաջի ն(ո)ր(ա). եւ զատեալ որոշեցա́յք յա(մենայ)ն հեթանոսաց երկրի, եւ ՛ի կանանց այլազգեաց զորս արարէք։

Verse: 12  Link to sept   Եւ պատասխանի ետուն ա(մենայ)ն եկեղեցին՝ եւ ասեն. մե́ծ է բանս այս զոր ասես դու ՛ի վ(ե)ր(այ) մեր։

Verse: 13  Link to sept   վ(ա)ս(ն) զի ժողովուրդ բազումք եմք, եւ ժամանակս ձմե́ռն է. եւ ո́չ կարեմք կալ արտաքոյ, եւ գործդ ո́չ է զմի օր կամ զերկու, վ(ա)ս(ն) զի սաստիկ մեղաք յիրս յայս։

Verse: 14  Link to sept   Կացցե́ն իշխանք յա(մենայ)ն տեղիս եւ ՛ի քաղաքս, եւ որոց իցէ արարեալ կանայս յայլազգեաց՝ եկեսցեն ՛ի ժամանակն, զոր ծերքն եւ հայրապետքն կարգեսցեն ՛ի քաղաքս քաղաքս՝ եւ դատեալ քաւեսցեն զմեղս զայս ՛ի մէնջ, եւ դարձուսցեն զբարկութի(ւն) ա(ստուծո)յ ՛ի մէնջ որ վ(ա)ս(ն) բանիս այսորիկ։

Verse: 16  Link to sept   Եւ արարին ա́յսպէս որ ելեալ էին ՛ի գերութ(են)էն. եւ ընտրեաց եզրաս արս իշխանս ՛ի հայրապետաց տանն իւրոյ՝ զարս անուանիս. եւ շրջեցան յամսամտի տասներորդ ամսոյն՝ եւ վճարեցին։

Verse: 17  Link to sept   եւ որոշեցին զա(մենայ)ն արս որք ունէին կանայս յայլազգեացն մինչեւ ՛ի մո́ւտ ամսոյն առաջնոյ։

Verse: 18  Link to sept   Եւ գտան յորդւոցն քահանայիցն որք ունէին զկանայս՝ յայլազգեացն. յորդւոցն յեսովայ յովսեդեկեանց, եւ եղբօր ն(ո)ր(ա) մանասէի եւ եղիազարու, յարիր՝ եւ գադաղիա։

Verse: 19  Link to sept   եւ սկսան հանել զկանայս այլազգեացն՝ յինքեանց։ եւ մատուցին իւրաքանչիւր՝ խո́յս վ(ա)ս(ն) թողութե(ան) մեղացն անգիտութե(ան)։

Verse: 20  Link to sept   Եւ յորդւոցն երամ՝ մասիս,եղիա, սամարիա, եւ եղոզիաս։

Verse: 22  Link to sept   եւ յորդւոցն փասուր՝ եղիանաս, մասիէլ, միսայէլ, նաթանայէլ, յովզաբաթ, եւ եղասա։

Verse: 23  Link to sept   եւ յորդւոցն ղեւտացւոց՝ յեւզաբաթ, սամութ, կովղիա՝ այս է՝ կովղիտոս, եւ ափեթիաս, եւ յուդաս. եւ եղեազար։

Verse: 24  Link to sept   Եւ ՛ի սաղմոսերգացն՝ եղիսափ. եւ ՛ի դռնապանացն՝ կողէմ, էտեղէս, եւ ուրի։

Verse: 25  Link to sept   Եւ յի(սրաէ)լէ, յորդւոցն փորոսայ՝ հռամայիա, յավիա, մեղքիա, էակիմ, եղեազար, ասաբիա, նիբանիա։

Verse: 26  Link to sept   Եւ յորդւոցն եղամ՝ մատտաթանիա, զաքարիա, յաւեղ, աբդիա, երիմովթ, եղիա։

Verse: 27  Link to sept   Եւ յորդւոցն զաթուայ՝ եղիոնէ, եղիսաբ, մատթանա, յարմովթ, զաբադ, զազիա։

Verse: 28  Link to sept   Եւ յորդւոցն բաբէի՝ յոհան, անանի, եւզաբուոթաղի։

Verse: 29  Link to sept   Եւ յորդւոցն բանի՝ մոսողամ, մաղաք, ադիաս, իասուբ, սաաղ, հռեմովթ։

Verse: 30  Link to sept   Եւ յորդւոցն փաաթ մովաբ՝ ադնէքաղել, բանայիա, մասեա, մատթա, բեսեէլ, մանասէ։

Verse: 31  Link to sept   Եւ յորդւոցն երամ՝ եղիեզի, եսիա, մեղքիա, սամերաս, սիմէոն,

Verse: 32  Link to sept   բենիամին, մաղուք սմարիա։

Verse: 33  Link to sept   Եւ յորդւոցն ասէմ՝ մատթանիա, մատաթիա, զարաթ, եղիփաղէթ, յերեմի, մաասէ, սամէի։

Verse: 34  Link to sept   Եւ յորդւոցն բանի՝ մովադիա, ամրամ, ուէլ,

Verse: 35  Link to sept   բանեա, բադաիա, քեղիա,

Verse: 36  Link to sept   ուանիա, մարիովթ, եղիասիբ,

Verse: 37  Link to sept   մաթանիա, մաթանա։

Verse: 38  Link to sept   Եւ արարին որդիքն բանի, եւ որդիքն սեմէի,

Verse: 39  Link to sept   սեղեմիաս, նաթան, ադազիաս,

Verse: 40  Link to sept   մաքնա, գայադու, սէսէարու,

Verse: 41  Link to sept   եզրիէլ, սաղամիաս, սամարիաս,

Verse: 42  Link to sept   սեղում, ատարիաս, յովսէփ։

Verse: 43  Link to sept   Յորդւոցն աբուրէ՝ իէուէլ, մատաթիաս, զաբաթ, զեբիննաս, յագայի, յադէ, յովեդ, բանայիա։

Verse: 44  Link to sept   Ա́յսք էին ամենեքեան որ ունէին զկանայս յայլազգեացն, եւ ծնան ՛ի նոցանէ ուստերք եւ դստերք։





Book: Esr.II_(Neh.) 
Nehemia

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 8.11.2005

ԲԱՆՔ ՆԵԵՄԱՅ ՈՐԴՒՈՅ ԱՔԱՂԻԱՅ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ԵՂԵՒ ՅԱՄՍԵԱՆն քասղեւ յամի քսաներորդի արտաշէսի արքայի, ես էի ՛ի շա́ւշ ՛ի մայր քաղաքացն աբիրայ։

Verse: 2  Link to sept   եւ եկն առիս յեղբարցն իմոց. նա՝ եւ արք յուդայ, եւ հարցի́ ցն(ո)ս(ա) վ(ա)ս(ն) փրկելոցն որք ապրեցան եւ ելին ՛ի գերութ(են)էն՝ եւ վ(ա)ս(ն) ե(րուսաղէ)մի։

Verse: 3  Link to sept   Եւ ասեն ցիս, զերծեալքն ՛ի գերութ(են)էն՝ ե́ն անդէն յաշխարհին իւրեանց ՛ի մեծ նեղութի(ւն) եւ ՛ի նախատինս։ եւ պարիսպքն ե(րուսաղէ)մի կա́ն նոյնպէս քակեալ եւ աւերեալ, եւ դրունք ն(ո)ր(ա) հրկիզեալ հրով։

Verse: 4  Link to sept   Եւ եղեւ յորժամ լուայ ես զբանս զայս՝ նստա́յ եւ լայի եւ սո́ւգ առի զաւուրս, եւ պահեցի պահս, եւ կացի յաղօթս առաջի տ(եառ)ն ա(ստուծո)յ երկնից,

Verse: 5  Link to sept   եւ ասեմ։ տ(է́)ր ա(ստուա)ծ երկնի եւ երկրի՝ որ զօրաւորդ ես եւ մե́ծ եւ ահարկու, պահես զուխտս եւ զողորմութի(ւն)ս ոյք սիրեն զքեզ, եւ ոյք առնեն զօրէնս քո։

Verse: 6  Link to sept   եւ եղիցի ականջք քո ՛ի լսե́լ, եւ աչք քո ՛ի տեսանե́լ։ Եւ արդ՝ լո́ւր եւ տե́ս զաղօթս ծառայի քոյ զոր ես այսօր մատուցանեմ առաջի քո, վ(ա)ս(ն) որդւոցն ի(սրաէ)լի ծառայից քոց, որք մատնեցաք ՛ի նեղութի(ւն) վ(ա)ս(ն) մեղաց մերոց զոր մեղաքն՝ ե́ս եւ տուն հօր իմոյ մեղա́ք.

Verse: 7  Link to sept   վ(ա)ս(ն) զի յանցանելով յանցեաք՝ եւ ո́չ պահեցաք զօրէնս եւ զհրամանս, եւ զդատաստանս քո զոր պատուիրեցեր մեզ ՛ի ձեռն ծառային քոյ մովսիսի։

Verse: 8  Link to sept   Յիշեա́ տ(է)ր զբանն քո զոր պատուիրեցեր ծառային քոյ մովսիսի եւ ասացեր, եթէ դուք ո́չ պահեսջիք զօրէնս իմ, եւ ես ցրուեցից զձեզ ընդ հեթանոսս։

Verse: 9  Link to sept   եւ եթէ դարձջիք՝ եւ պահիցէք զօրէնս իմ եւ արասջիք զն(ո)ս(ա). եւ եթէ իցէք ցրուեալք մինչեւ ՛ի ծագս երկրի, եւ անտի ժողովեցից եւ ածից զձեզ ՛ի տեղին զոր ընտրեցից, եւ յորում բնակէ անուն իմ ՛ի նմա։

Verse: 10  Link to sept   Եւ արդ՝ սոքա ծառայք քո եւ ժողովուրդք զորս փրկեցեր զօրութ(եամ)բ քո մածաւ՝ եւ բարձր բազկաւ.

Verse: 11  Link to sept   մի́ թողուր ՛ի ձեռաց քոց, այլ եղիցին ականջք քո հայե́լ յաղօթս ծառայից քոց, եւ անսալ խնդուածոց որոց երկնչին յանուանէ քումմէ. եւ յաջողեա́ զխնդրուածս ծառայի քոյ այսօր. եւ տո́ւր ինձ գտանե́լ գթութի(ւն)ս առաջի առնս այսորիկ։ Եւ ես էի́ տակառապետ թագաւորին։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ եղեւ յամսեանն նիսան ՛ի քսաներորդ ամի արտաշէսի արքայի. եւ խնդեաց յինէն գինի. եւ առեալ զգինին ետու թագաւորին, եւ էր թագաւորն միա́յն։ եւ յորժամ արբ զգինին,

Verse: 2  Link to sept   ասէ ցիս. ընդէ՞ր տրտո́ւմ եւ տխուր են երեսք քո. եւ ո́չինչ են այսմ պատճառք, եթէ ոչ չարութի(ւն) սրտի քոյ։ Եւ ես երկեա́յ յոյժ,

Verse: 3  Link to sept   եւ ասեմ ցթագաւորն. արքայ՝ դու յաւիտեա́ն կեաց. ընդէ՞ր ոչ տրտում եւ տխուր լինիցին երեսք իմ. զի քաղաքն եւ տուն հօր իմոյ անապա́տ է, եւ դրունքն ապականեալ ՛ի հրոյ։

Verse: 4  Link to sept   Եւ ասէ ցիս թագաւորն. վ(ա)ս(ն) որո՞յ իրաց խնդրես դու զայս։ եւ կացեալ իմ յաղօթս եւ ամբարձեալ զմիտս իմ առ տ(է)ր ա(ստուա)ծ երկնից,

Verse: 5  Link to sept   ասեմ ցթագաւորն. եղիցի ՛ի վ(ե)ր(այ) թագաւորու(թ)ե(ան)դ քում բարութի(ւն). եւ եթէ եգիտ ծառայ քո շնորհս առաջի երեսաց քոց, եւ կամիս՝ յղեա́ զիս ՛ի հրէաստան ՛ի քաղաք յիշատակարանաց հարցն մերոց, եւ ես բանի́ւ հրամանի քոյ շինեցի́ց զնա։

Verse: 6  Link to sept   Եւ ասէ ցիս թագաւորն եւ հարճ ն(ո)ր(ա) որ նստէ́ր առ նմա. յո՞րժամ ժամանեսցես դու, եւ կամ ե՞րբ դարձցիս։ Եւ արա́ր առ իս բարու(թ)ի(ւն) թագաւորն՝ եւ արձակեաց զիս. եւ ես կալայ առ նմա ժամանակ,

Verse: 7  Link to sept   եւ ասացի ցթագաւորն. եթէ գտի շնորհս առաջի քո՝ տո́ւր ինձ թուղթս առ իշխանս կողմանց գետոյն, եւ տարցին զիս մինչեւ երթա́յց ՛ի հրէաստան։

Verse: 8  Link to sept   եւ թուղթ մի առ ասափ, որ է պահապան դրախտին արքունի. զի տացէ ինձ փայտս ՛ի կազմած դրանցն եւ պարսպաց քաղաքին, եւ տանն յոր ես մտից անդր։ եւ ե́տ ինձ թագաւորն. վ(ա)ս(ն) զի ձեռն ա(ստուծո)յ իմոյ է́ր ընդիս ՛ի բարութի(ւն)։

Verse: 9  Link to sept   Եւ եկի́ առ իշխանս գետոյն, եւ ետու առ ն(ո)ս(ա) զթուղթս թագաւորին։ եւ առաքեաց ընդիս թագաւորն առաջնորդս զօրաւորս՝ եւ ձիս։

Verse: 10  Link to sept   Եւ լուան սանաբաղատ իշխան. եւ տուբիա ծառայ ամոնի, եւ չա́ր թուեցաւ առաջի ն(ո)ց(ա). վ(ա)ս(ն) զի խնդրեցի արս ՛ի բարութի(ւն)ս եւ ՛ի պէտս ի(սրաէ)լի։

Verse: 11  Link to sept   Եւ եկի յե(րուսաղէ)մ, եւ եղէ անդ աւուրս երիս.

Verse: 12  Link to sept   եւ յարեայ ՛ի գիշերի ե́ս եւ սակաւ արք ընդ իս. եւ ո́չ պատմեցի արանցն, եթէ զի՞նչ ա(ստուա)ծ արկ ՛ի սիրտ իմ առնել վասն ի(սրաէ)լի. եւ գրաստ ո́չ էր ընդիս, բայց միայն գրաստն յորոյ վ(ե)ր(այ) նստէ́ի ես։

Verse: 13  Link to sept   Եւ ելի́ ես ընդ դուռն հեղեղատին, եւ առ բերանով երկրի թզենւոյն՝ եւ մինչեւ ՛ի դուռն աղբերցն. եւ ճնշէի́ ՛ի նեղութ(են)է անցիցն առ պարսպաւն ե(րուսաղէ)մի, զոր էին ն(ո)ց(ա) սրբեալ. եւ դրունք ն(ո)ր(ա) ապականեալ էին ՛ի հրոյ։

Verse: 14  Link to sept   եւ անցի ընդ դուռն աղբերն առ ջրբղխօք թագաւորին. եւ ո́չ էր անդ տեղի գրաստու իմոյ՝ անցանել ընդ նա հեծեալ։

Verse: 15  Link to sept   Եւ ելաներ ՛ի վեր ՛ի պարիսպն առ հեղեղատաւն գիշերի, եւ՛ի նեղութ(են)էն էի ճնշեալ ՛ի պարսպէն, եւ էի առ դրան ձորոյն. եւ դարձայ

Verse: 16  Link to sept   եւ ո́չ գիտացին պահապանքն եթէ զի՞նչ էի երթեալ՝ եւ կամ զի՞նչ առնէի։ եւ հրէիցն եւ քահանայիցն եւ պատուականացն եւ զօրագլխաց, եւ այլոցն որք վճարէին զիրս գործոյն՝ մինչեւ ցայն վայր ո́չ պատմեալէր ն(ո)ց(ա)։

Verse: 17  Link to sept   Եւ ասացի ցնոսա. դուք տեսէք զչարիսս յորում եմք այժմ. եւ զիա́րդ ե(րուսաղ)էմ անապա́տ է եւ դրունք սորա հրկէզ. եկա́յք եւ շինեսցուք զպարիսպս ե(րուսաղէ)մի, եւ ո́չ եւս եղիցուք ՛ի նախատինս։

Verse: 18  Link to sept   Եւ պատմեցի ն(ո)ց(ա) զձեռն տ(եառ)ն որ էր ընդ իս բարութ(եամ)բ. եւ զբանս թագաւորին զոր ասաց ցիս. եւ ասեմ ցն(ո)ս(ա), արդ եկա́յք՝ յարեսցուք եւ շինեսցուք. եւ զօրացան ձեռք ն(ո)ց(ա) ՛ի բարութի(ւն)։

Verse: 19  Link to sept   Եւ լուան սանաբաղատ եւ տուբիա ծառայ ամոնի, եւ գեսամ արաբացի, եւ ծա́ղր առնէին զմեզ. եւ եկին առ մեզ եւ ասեն ցմեզ. զի՞նչ են իրքդ այդ զոր դուքդ առնէք, եւ կամիք դուք ՛ի թագաւորէն ապստամբել։

Verse: 20  Link to sept   Եւ ետու պատասխանի ն(ո)ց(ա)՝ եւ ասեմ. ա(ստուա)ծ երկնից եւ եկրի յաջողեաց մեզ, եւ մեք ծառայք ն(ո)ր(ա) եմք սուրբք, եւ շինեմք զքաղաքս. եւ ձեզ ո́չ գոյ բաժին՝ եւ յիշատակ՝ եւ արդարութի(ւն) յե(րուսաղէ)մ։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ յարեա́ւ եղիասաբ քահանայ մեծ եւ եղբարք ն(ո)ր(ա) քահանայք, եւ շինեցին զդուռն աւազանաց ջրմղին. եւ սրբեցին զնա, եւ կանգնեցին զդրունս ն(ո)ր(ա). եւ կանգնեցին զնա մինչեւ յաշտարակն անամայելի.

Verse: 2  Link to sept   ՛ի ձեռն որդւոցն արանց երիքովի, եւ ՛ի ձեռն որդւոց զաքուր, որդւոցն ամարի։

Verse: 3  Link to sept   Եւ զդուռն նեքտիւրբան շինեցին որդիքն ասանայ, եւ նոքա յարդարեալ կազմեցին զնա, եւ զփականս եւ զնիգս ն(ո)ր(ա)։

Verse: 4  Link to sept   Եւ՛ի ձեռանէ ն(ո)ց(ա) ունէին մոսողամ որդի բարաքի որդի մասիզեբէղ։ եւ ՛ի ձեռանէ ն(ո)ց(ա) ունէին սադովկ որդի բասանայ։

Verse: 5  Link to sept   եւ ՛ի ձեռանէ ն(ո)ց(ա) ունէին թեկումադորեմ. եւ ո́չ արկին զպարանոցս ՛ի ծառայու(թ)ի(ւն) ն(ո)ց(ա)։

Verse: 6  Link to sept   Եւ զդուռնն հին ունէին յուդայ որդիք, փասեկ, եւ մեսողամ, որդի բասոդիայ. եւ սոքա կազմեցին զնա, եւ կանգնեցին զդրունս ն(ո)ր(ա), եւ զդռնափակս եւ զնիգս։

Verse: 8  Link to sept   Եւ զհետ ն(ո)ց(ա) ՛ի կարգին կալա́ւ անանիա որդի հռոսէկէիմ եւ եթող ե(րուսաղէ)մացւոցն մինչեւ ՛ի պարիսպն հրապարակաց։

Verse: 9  Link to sept   Եւ զհետ ն(ո)ց(ա) կալաւ հռափիա իշխան կողմանց տեղեացն ե(րուսաղէ)մի։

Verse: 10  Link to sept   եւ ՛ի ձեռանէ ն(ո)ր(ա) կալաւ յերադիա որդի յերոմաք, եւ ՛ի կողմանէ տանն իւրոյ. եւ ՛ի ձեռանէ ն(ո)ր(ա) կալաւ ատտուս որդի սաբանիայ։

Verse: 11  Link to sept   Եւ երկրորդ կալաւ եղքիաս որդի երամ. եւ ասուբ որդի փաադմովաբ, մինչեւ յաշտարակն թանուրիմ։

Verse: 12  Link to sept   եւ ՛ի ձեռանէ ն(ո)ր(ա) կալաւ սաղում որդի աղոհեմ իշխան կիսոյ կողմանն ե(րուսաղէ)մի.ինքն եւ դստերք իւր։

Verse: 13  Link to sept   Եւ զդրունս ձորոյն կալաւ անու, եւ որք բնակեալէին զանու. նոքա շինեցին զնա, եւ կանգնեցին զդրունս ն(ո)ր(ա), եւ զդռնափակս եւ զնիգս, եւ հազար կանգուն շինեցին ՛ի պարսպէն մինչ ՛ի դուռն մոխրոցին։

Verse: 14  Link to sept   Եւ զդուռն մոխրոցին կալաւ մեղքիա որդի հռեքաբ՝ իշխան տեղեացն բեթաքարմայ, ինքն եւ տեղիք իւր. եւ յարկին զնա, եւ կանգնեցին զդրունս եւ զփակս եւ զնիգս ն(ո)ր(ա)։

Verse: 15  Link to sept   Եւ զպարիսպ ջրբո́ւղխ աղբերն կալաւ ադիոն՝ իշխան թագաւորին, մինչեւ յաստիճանսն որ իջանէ ՛ի քաղաքէն դաւթի։

Verse: 16  Link to sept   եւ զհետ ն(ո)ր(ա) կալաւ նեեմաս որդի աղբուք՝ իշխան կողմանն բեթսուր մինչեւ ՛ի պարտէզ տեղեացն դաւթի, մինչեւ ՛ի ջրբուղխսն կազմելոյ, եւ մինչեւ ցբեթագաբարին։

Verse: 17  Link to sept   Եւ զհետ ն(ո)ր(ա) կալան ղեւտացիքն, հռայում որդի բանեայ։ եւ ՛ի ձեռանէ ն(ո)ց(ա) կալաւ ասաբիա՝ իշխան կողմանցն կէիղայ։

Verse: 18  Link to sept   եւ զհետ ն(ո)ր(ա) կալան եղբարք ն(ո)ր(ա), բենայի որդի ադադ՝ իշխան կողմանց կէիղայ։

Verse: 19  Link to sept   Եւ զհետ ն(ո)ր(ա) կալաւ ազուր որդի յեսու, իշխան մասփեայ, չա́փ երկրորդ պարսպին, որ ելանէր եւ խառնէր յանկիւնս աշտարակին։

Verse: 20  Link to sept   եւ զհետ ն(ո)ր(ա) կալաւ բարուք որդի զաբու, չա́փ երկրորդ յանկիւնէն մինչեւ ՛ի դուռն բեթեղիասուբ, ուր կայր քահանայն մեծ։

Verse: 21  Link to sept   Եւ զհետ նորա կալաւ մերամովթ որդի ուրիայ, որդի ակովմ. չա́փ երկրորդ ՛ի դրանցն բեթեղիասուբ մինչեւ ՛ի սպառուած ն(ո)ր(ա)։

Verse: 22  Link to sept   Եւ զհետ ն(ո)ր(ա) կալան քահանայքն արքաքերայ։

Verse: 23  Link to sept   եւ զհետ ն(ո)ր(ա) կալան բենիամին եւ ասուբ առաջի տանց իւրեանց. եւ զհետ ն(ո)ր(ա) կալաւ ազարիա որդի մասու, որդի անանիայ՝ մօտ առ տամբն իւրով։

Verse: 24  Link to sept   եւ զհետ ն(ո)ր(ա) կալաւ բանի որդի ենգադայ չա́փ երկրորդ ՛ի բեթազարայ մինչեւ յանկիւնն։

Verse: 25  Link to sept   Եւ զշրջան դարձի տեղւոյն կալաւ փաղաք որդի ուզայի՝ ընդդէ́մ անկեանն. եւ զաշտարակն որ էր արտաքոյ ապարանից թագաւորին վերագոյն քան զդաւիթ բանտին. եւ զհետ ն(ո)ր(ա) փաթաւա որդի փորոնեայ։

Verse: 26  Link to sept   Եւ նաթանայիմքն որ բնակեալէին ոփաղէոս պարտիզի դրան ջրոյն կողմանն արեւելից. եւ աշտարակն որ արտաքոյ կողմանն։

Verse: 27  Link to sept   Եւ զհետ ն(ո)ր(ա) կալան թեկուացիքն չա́փ երկրորդ ը(նդ)դէմ աշտարակին մեծի, որ էր արտաքոյ մինչեւ ՛ի պարիսպն սոփեղայ։

Verse: 28  Link to sept   Եւ վերագոյն դրան ձիոցն կալան քահանայքն՝ ա́յր իւրաքանչիւր հանդէպ տանց իւրեանց։

Verse: 29  Link to sept   եւ զհետ ն(ո)ր(ա) կալաւ սադովկ որդի եմեր, հանդէպ տա́ն իւրոյ։ եւ զհետ ն(ո)ր(ա) կալաւ սամեիա, որդի սեքենիայ, որ էր պահապան արեւելից։ եւ զհետ նորա կալաւ անանիա որդի սեղեմիայ, եւ անոն որդի սեղեփայ չա́փ երկրորդ։ Եւ զհետ ն(ո)ր(ա) կալաւ մեսեղամ որդի բարաքայ՝ ընդդէմ գանձու տանն իւրոյ։

Verse: 30  Link to sept   եւ զհետ ն(ո)ր(ա) կալաւ մեղքիա որդի սերեփի, մինչեւ ՛ի բեթանաթան։ եւ այլ մեծատունք քաղաքին հանդէպ դրանն մափկաթ մինչեւ յելս շրջանակին։

Verse: 31  Link to sept   Եւ ՛ի մէջ դրանն ջրբղխին կալան քեղկիա, եւ մեծատունք քաղաքին։։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ եղեւ իբրեւ լուաւ սանաբաղատ, եթէ շինե́մք զպարիսպն, եւ կանգնեմք զաշտարակս նորա, չա́ր թուեցաւ առաջի ն(ո)ր(ա)՝ եւ զայրացեալ ուժգին ծա́ղր առնէր զհրէաստան։

Verse: 2  Link to sept   եւ ասէր առաջի եղբարց իւրոց. ա՞յս է զօրու(թ)ի(ւն) ձեր՝ ո́վ սամարացիք, եւ զիա՞րդ հրէայք շինեն եւ ամրացուցանեն զքաղաքս իւրեանց։

Verse: 3  Link to sept   Եւ տուբիա աման ՛ի տե́ս եկեալ առ ն(ո)ս(ա) ասէր, մի́ կարիցեն շինել. եւ զոհել զոհս, եւ կամ ուտել զնուէրսն ՛ի տեղւոջ իւրեանց. եւ ո՞չ ելանեն այժմ աղուեսք, եւ քակեն զքարինս պարսպաց ն(ո)ր(ա)։ Եւ ասեմք մեք.

Verse: 4  Link to sept   լո́ւր մեզ տ(է)ր ա(ստուա)ծ մեր, զի եղաք մեք յարհամարհանս եւ ՛ի թշնամանս, եւ դարձո́ զնախատինս ն(ո)ց(ա) ՛ի գլուխս իւրեանց. եւ տո́ւր զն(ո)ս(ա) ՛ի թշնամանս առաջի գերչաց ն(ո)ց(ա)։

Verse: 5  Link to sept   եւ մի́ ծածկեսցին անօրէնութի(ւն)ք ն(ո)ց(ա)։

Verse: 7  Link to sept   Եւ եղեւ իբրեւ լուան սանաբաղատ եւ տուբիա, արաբացիք եւ ամոնացիք՝ թէ աջողեցաւ շինուած պարսպին ե(րուսաղէ)մի. եւ սկսաք իւրաքանչիւր տեղեացն զգործն երեւեցուցանել, թուեցաւ չա́ր առաջի ն(ո)ց(ա).

Verse: 8  Link to sept   եւ ժողովեցան ամենեքեան ՛ի միասին, գա́լ եւ պատերազմել ը(նդ) ե(րուսաղէ)մի։

Verse: 9  Link to sept   Եւ կացաք յաղօթս առ տ(է)ր ա(ստուա)ծ մեր, եւ կացուցաք պահանորդս ՛ի վ(ե)ր(այ) մեր ՛ի տուէ եւ ՛ի գիշերի առ ՛ի յերեսաց թշնամեացն։

Verse: 10  Link to sept   Եւ ասեն արք հրեաստանի. ո́չ բաւեմք այսպիսի՝ պատերազմել եւ շինե́լ միանգամայն. այլ ոմանք կա́զմ կացցեն զինու, եւ ոմանք շինեսցեն։

Verse: 11  Link to sept   եւ ասեն որք զմեզ նեղէին. ո́չ տամք ն(ո)ց(ա) գիտել՝ եւ ո́չ տեսանել. մինչեւ յիւրաքանչիւր տեղեաց յարուցեալ եկեսցուք ՛ի մէջ ն(ո)ց(ա) եւ սպանցուք զն(ո)ս(ա), եւ խափանեսցուք զգործս ն(ո)ց(ա)։

Verse: 12  Link to sept   Եւ եղեւ իբրեւ եկին հրէայքն որ բնակեալէին ՛ի տեղիս տեղիս, եւ ասացին ցմեզ, եթէ ելանեն յանկարծակի յա(մենայ)ն տեղեաց ՛ի վ(ե)ր(այ) մեր.

Verse: 13  Link to sept   եւ կացուցի ՛ի խոնարհագոյն տեղիսն յետոյ պարսպին ը(նդ) յարկօքն ա́րս հանդերձ զինու եւ գեղարդեամբ եւ աղեղամբ իւրեանց։

Verse: 14  Link to sept   Եւ ի́մ յարուցեալ ասեմ ցարսն որ կա́զմ պատրաստեալ կային, եւ ցզօրագլուխս ն(ո)ց(ա)՝ եւ ցա́յնս որ տեղեաց տեղեաց պահապանքն էին մի́ երկնչիք յերեսաց ն(ո)ց(ա), յիշեցէ́ք զա(ստուա)ծ մեր զմե́ծ եւ զահարկու, եւ պատերազմեցարո́ւք վ(ա)ս(ն) եղբարց ձերոց, եւ վ(ա)ս(ն) կանանց եւ որդւոց եւ դստերաց եւ տանց ձերոց։

Verse: 15  Link to sept   Եւ եղեւ յորժամ լուան թշնամիքն մեր եթէ իմացա́ք եւ կազմեալ պատրաստեցաք. ցրուեաց ա(ստուա)ծ զխորհուրդս ն(ո)ց(ա), եւ մեք ամենեքեան դարձաք ՛ի շինել զպարիսպն՝ ա́յր յիւրաքանչիւր գործ իւր։

Verse: 16  Link to sept   Եւ եղեւ յօրէ յայնմանէ. կէսքն կարգեալ լինէին ՛ի գործն, եւ կէսքն զինեալ ընդդէմ թշնամեացն. եւ գեղարդն եւ ասպար եւ աղեղն ՛ի ձեռին իւրեանց, եւ կա́յր պատրաստ այր իւրաքանչիւր յետոյ եղբօր իւրում

Verse: 17  Link to sept   որ շինէր զպարիսպն։ եւ է́ր ժամ զի օգնէր եղբօր իւրում կրելով զզէնն ՛ի ձեռին իւրում, եւ միւսով ձեռամբն տայր ցեղբայր իւր զխիճն՝ կամ զտաղախ։

Verse: 18  Link to sept   եւ որք շինէինն՝ ունէր այր զսուսեր իւր ը(նդ) մէջ իւր, եւ զմիասայրի ՛ի վ(ե)ր(այ) բարձի իւրոյ. եւ այնպէս շինէին զպարիսպն ե(րուսաղէ)մի։ եւ որ հարկանէր զփողն եղջերեայ՝ կա́յր մօտ առ ն(ո)ս(ա)։

Verse: 19  Link to sept   Եւ ասե́մ ցայնս որք կային զինեալ եւ պատրաստեալ, եւ ցիշխանս ն(ո)ց(ա). գործս մե́ծ եւ ընդարձա́կ է, եւ մեք ցրուեալ եմք ՛ի շինուած պարսպիս, եւ հեռի́ եմք ՛ի միմեանց այր յեղբօրէ իւրմէ։

Verse: 20  Link to sept   արդ կացուսցուք ՛ի տեղիս տեղիս զարսն որ հարկանեն զփողսն. եւ յորժամ լսէ ոք ձայն եղջեր փողոյն, ա́նդր ժողովեսցին ամենեքեան, եւ ա(ստուա)ծ մեր պատերազմեսցի ընդ թշնամիս մեր վ(ա)ս(ն) մեր։

Verse: 21  Link to sept   Եւ կէսքն գործէին, եւ կէսքս ունէին զզէնսն պատրա́ստ, ՛ի ծագելոյ առաւօտուն մինչեւ յելանե́լ աստեղն։

Verse: 22  Link to sept   Եւ ասեմ ես ցարս ժողովրդեանն, եկեսցուք եւ բնակեսցուք ՛ի մէջ քաղաքիս ե(րուսաղէ)մի, եւ զցայգ պա́հ արկցուք զմեւք շուրջ, եւ զցերեկ գործեսցուք։

Verse: 23  Link to sept   եւ կացի́ ես՝ եւ արքն շուրջ զինեւ որ պահէին զիս. եւ ո́չոք ՛ի մէնջ մերկանայր եւ կամ հանէր զզէն իւր յինքենէ։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ եղեւ աղաղա́կ մեծ ՛ի ժողովրդեանն, եւ կանանց իւրեանց՝ ա́յր առ եղբայր իւր։

Verse: 2  Link to sept   եւ ասեն՝ վասն որդւոց մերոց եւ դստերաց մերոց, որոց պակասեցին կերակուրք՝ երթիցուք գնասցուք՝ եւ կեցցուք։

Verse: 3  Link to sept   Եւ ոմանք ասէին՝ զանդաստանս մեր եւ զայգիս դիցո́ւք ՛ի գրաւի, եւ առցուք ցորեան եւ կերիցուք։

Verse: 4  Link to sept   եւ էին ոմանք որ ասէին՝ տուա́ք զստացուածս մեր, եւ առաք ոսկի եւ արծաթ, եւ տուա́ք ՛ի հարկս թագաւորի։

Verse: 5  Link to sept   Եւ արդ՝ ո(ր)պ(էս) մարմինք եղբարց մերոց են մարմինք մեր, եւ ո(ր)պ(էս) որդիք ն(ո)ց(ա)՝ որդիք մեր. եւ արդ՝ ընդէ՞ր տուաք մեք զորդիս մեր ՛ի ծառայու(թ)ի(ւն), եւ դստերք մեր վարեալ են ՛ի բռնութի(ւն), եւ ո́չ գոյ ՛ի ձեռս մեր կա́ր՝ որով փրկեսցուք զն(ո)ս(ա)։

Verse: 6  Link to sept   Եւ տրտմեցայ ես յո́յժ յորժամ լուայ զաղաղակն՝ եւ զբանս ն(ո)ց(ա).

Verse: 7  Link to sept   եւ արարի խորհուրդ ը(նդ) միտս իմ։ եւ կագեցայ ընդ պատուականս եւ ընդ իշխանս ն(ո)ց(ա), եւ ասեմ ցն(ո)ս(ա). դո՞ւք էր որ խնդրէք զհարկս յեղբարց ձերոց։ Եւ հրամայեցի ն(ո)ց(ա) լինել ժողո́վ մեծ.

Verse: 8  Link to sept   եւ ասեմ ցն(ո)ս(ա). մե́ք փրկեսցուք զեղբարս մեր զհրէայս որ վաճառեցան հեթանոսաց, զոր մեք ո́չ գիտացաք. եւ դուք վաճառեցէ՞ք զն(ո)ս(ա)։ եւ լռեցին, եւ ո́չինչ կարացին տա́լ պատասխանի։

Verse: 9  Link to sept   Եւ ասացի ցն(ո)ս(ա), ո́չ բարւոք է գործդ զոր դուքդ առնէք, վ(ա)ս(ն) զի ո́չ երկնչիք յա(ստուծո)յ. եւ վ(ա)ս(ն) այսորիկ ո́չ եւս զերծաք մեք ՛ի նախատանաց հեթանոսաց՝ եւ ՛ի թշնամեաց մերոց։

Verse: 10  Link to sept   Եւ ասեմ ես ցեղբարսն իմ եւ ցծանօթս. եւ ե́ս եւ դուք տացուք արծաթ եւ արդիւնս ՛ի փրկանս զոր խնդրեն հարկահանքդ,

Verse: 11  Link to sept   եւ դարձուսցուք այսօր զանդաստանս զայգիս եւ զձիթենիս եւ զտունկս դոցա. եւ ընդ արծաթոյ մերոյ գնեսցեն զցորեան՝ զգինի՝ եւ զձէթ, եւ բերցեն դոցա։

Verse: 12  Link to sept   Եւ ասեն իշխանքն եւ այլ մեծամեծքն. դարձուսցո́ւք անդրէն՝ եւ ՛ի դոցանէ ո́չ ինչ խնդրեսցուք, եւ ա́յդպէս արասցուք ո(ր)պ(էս) հրամայեցերդ։ Եւ կոչեցի զքահանայսն՝ եւ երդմնեցուցի զն(ո)ս(ա) վ(ա)ս(ն) բանիս այսորիկ.

Verse: 13  Link to sept   եւ զարկանելին իմ թօթափեցի ուժգին, եւ ասեմ. ա́յսպէս թօթափեսցէ ա(ստուա)ծ զա(մենայ)ն այր որ ո́չ կատարեսցէ զբանս զայս՝ ՛ի կենաց իւրոց, եւ ՛ի տեղեաց իւրոց, եղիցի ո(ր)պ(էս) ունայնացեալ եւ թօթափեալ ՛ի կենաց իւրոց։ եւ ասացին ա(մենայ)ն ժոպղովուրդ եկեղեցւոյն այնորիկ, ամէն։ եւ օրհնեցին զտ(է)ր. եւ արարին եւ կատարեցին ա(մենայ)ն ժողովուրդքն զբանս զայս։

Verse: 14  Link to sept   Եւ յօրէն յայնմանէ յորմէհետէ պատուիրեցի՝ զի մի́ լիցին ն(ո)ց(ա) իշխանք յուդայ։ ՛ի քսաներորդ ամէն՝ մինչեւ յամն երեսներորդ երկրորդ արտաշէսի արքայի զերկոտասան ամ, ե́ս եւ եղբարք իմ եղաք իշխանք. Բռնի́ զուրուք մեք ո́չ կերաք եւ արբաք։

Verse: 15  Link to sept   եւ որք էին բռնացեալ զառաջինն՝ ծանրացուցի ն(ո)ց(ա), եւ առի́ ՛ի ն(ո)ց(ա)նէ զհաց եւ զգինի, եւ զա́յլ ա(մենայ)ն. արծաթ դիդրաքմայս քառասուն, եւ դարձուցի ՛ի տեարս իւրեանց, եւ ՛ի բա́ց արարի զն(ո)ս(ա) յիշխանու(թեն)է ժողովրդեանն, եւ ես ո́չ եղէ իբրեւ զն(ո)ս(ա) վ(ա)ս(ն) երկիւղին ա(ստուծո)յ։

Verse: 16  Link to sept   Եւ յաջողէր գործ պարսպին. եւ ո́չ զուրուք բռնացայ ունել զանդաստանս եւ կամ զայգիս. եւ ամենեքեան էին անխափան ՛ի գործ պարսպին։

Verse: 17  Link to sept   Եւ արս հարիւր ՛ի հրէիցն, եւ այլք որ գային ՛ի հեթանոսաց առ մեզ որ շուրջ էին զմեւք՝ ե́ս ծախէի՝ եւ խառնէի ՛ի ճաշն իմ։

Verse: 18  Link to sept   Եւ լինէր յաւուր միում զուարակ մի, եւ ոչխարք վեց ընտիրք, եւ ամիկ մի. եւ ա́յս էր յաւուր ծախքն իմ։ եւ ընդ մէջ տասն աւուր անխնա́յ տայի զգինին ըմպել ամենեցուն. եւ ո́չ յումեքէ առի զհաց բռնի, քանզի գիտէի եթէ ծանր էր գործ ժողովրդեանն։

Verse: 19  Link to sept   Յիշեսցէ զիս ա(ստուա)ծ ՛ի բարութի(ւն), ո(ր)պ(էս) արարի ա(մենայ)ն ժողովրդեանն։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ եղեւ յորժամ լուան սանաբաղատ եւ տուբիա՝ եւ երկիրն արաբացւոց՝ եւ այլք բազումք ՛ի թշնամեաց մերոց, եթէ շինեցի զպարիսպն. եւ ո́չ մնաց ՛ի ն(ո)ս(ա) զօրութի(ւն). եւ ցա́յն ժամ եւս զդրունսն ո́չ էր կազմեալ։

Verse: 2  Link to sept   Եւ առաքեաց սանաբաղատ եւ դեսամ առ իս, եւ ասեն. ե́կ՝ եւ ժողովեսցուք ՛ի միասին ՛ի գե́ղ մի ՛ի դաշտին ովնոյ։ եւ նոքա կամէին խորհել չա́ր ՛ի վ(ե)ր(այ) իմ։

Verse: 3  Link to sept   Եւ առաքեցի առ նոսա հրեշտակս, եւ ասեմ. գո́րծս զոր գործեմ ես՝ գործ մե́ծ է, եւ ո́չ ժամանաեմ իջանել առ ձեզ, զի մի խափանեսցի գործս. յորժամ կատարեմ զսա՝ ապա́ իջից առ ձեզ։

Verse: 4  Link to sept   Եւ առաքեցին առիս բազում անգամ, եւ ես զնո́յն պատասխանի արարի ն(ո)ց(ա)։

Verse: 5  Link to sept   եւ առաքեաց առ իս սանաբաղատ զպատանի իւր, եւ ունէր ՛ի ձեռին իւրում թուղթ արձակ.

Verse: 6  Link to sept   յորում գրեալ էր ա́յսպէս. Յա(մենայ)ն հեթանոսս լո́ւր եղեւ, եթէ դո́ւ՝ եւ ա(մենայ)ն հրէայք կամիք ապստամբել ՛ի թագաւորէն. եւ վ(ա)ս(ն) այնորիկ շինես դու զպարիսպդ՝ եւ ամրացուցանես զաշտարակս դորա, վ(ա)ս(ն) զի կամիս դու թագաւորել։

Verse: 7  Link to sept   վ(ա)ս(ն) այսորիկ կացուցեր քեզ մարգարէս, զի կամիս նստել յե(րուսաղէ)մ, եւ թագաւորել ՛ի վ(ե)ր(այ) հրէաստանի, արդ՝ գուցէ պատմեսցեն զբանս զայս թագաւորին. ե́կ՝ եւ վ(ա)ս(ն) այսր խորհեսցուք երկոքեան։

Verse: 8  Link to sept   Եւ առաքեցի առ նա՝ եւ ասեմ. ո́չ ուստեք են բանքդ այդ զոր դու խօսիս, այլ զքէն ՛ի սրտէ քումմէ դու ասես զայդ։

Verse: 9  Link to sept   զի ամենեքեան զարհուրեցուցանեն զմեզ՝ եւ ասեն, լքցի́ն ձեռք իւրեանց, եւ մի́ կատարեսցեն զգործս իւրեանց։ եւ արդ՝ զօրացուցի զձեռս իմ մինչեւ կատարեսցի գործս ՛ի գլուխ։

Verse: 10  Link to sept   Եւ ես մտի́ ՛ի տուն սիմայ որդւոյ գաղայիայ, որդւոյ մետաբեղայ. եւ նա լռեալ էր ՛ի տան իւրում։ եւ ասէ ցիս. ժողովեսցուք ՛ի տուն տ(եառ)ն, եւ ամրասցո́ւք ՛ի միջի դորա, եւ փակեսցո́ւք զդրունս դորա. զի մի́ գուցէ եկեալ թշնամիքն գիշերի սպանանիցեն զմեզ։

Verse: 11  Link to sept   Եւ ասե́մ ես, ո՞վ է ա́յն այր յորմէ ես փախեայց. եւ կամ ո՞ ոք իբրեւ զիս՝ այր որ մտցէ ՛ի տուն տ(եառ)ն, եւ կարասցէ ապրել։

Verse: 12  Link to sept   եւ գիտացի՝ եթէ ո́չ էր ա(ստուծո)յ առաքեալ. եւ ո́չ էր բան մարգարէի վ(ա)ս(ն) իմ։

Verse: 13  Link to sept   Եւ տուբիաս եւ սանաբաղատ կալան վարձկանս, եւ ժողովս բազումս վ(ա)ս(ն) իմ, զի երկեայց եւ մտից ՛ի տուն տ(եառ)ն՝ եւ մեղա́յց, եւ դիցեն ՛ի վ(ե)ր(այ) իմ անուն չար։

Verse: 14  Link to sept   Յիշեսցէ́ ա(ստուա)ծ ըս(տ) նենգութե(ա)ն տուբիայ եւ սանաբաղտայ ոյք խորհեցան ՛ի վերայ իմ չար, եւ ստիպէին սո́ւտ մարգարէանալ, զի զարհուրեցուսցեն եւ երկեցուսցեն զիս։

Verse: 15  Link to sept   Եւ կատարեցաւ պարիսպն ՛ի քսաներորդ հինգերորդ ամսոյն իլուլ ՛ի յերկոտասան ամս։

Verse: 16  Link to sept   Եւ եղեւ յորժամ լուան ա(մենայ)ն թշնամիքն մեր, զարհուրեցան ա(մենայ)ն հեթանոսքն որ մուրջ զմեւք, եւ անկաւ ՛ի վ(ե)ր(այ) ն(ո)ց(ա) ահ եւ երկիւղ յոյժ. եւ գիտացին թէ յա(ստուծո)յ էր կատարումն գործոյն մերոյ։

Verse: 17  Link to sept   Եւ յաւուրսն յայնոսիկ մեծաւ պատուով առաքէր թուղթ ՛ի հրէիցն առ տուբիա, եւ տուբիա գայր առ ն(ո)ս(ա).

Verse: 18  Link to sept   քանզի էր ընտանութի(ւն) մե́ծ առ միմեանս. զի էր փեսայ մեքենիայ որդւոյ երայ, եւ յովնաթան որդի ն(ո)ր(ա) արար կին զդուստր մեսողոմայ որդւոյ բարաքիայ։

Verse: 19  Link to sept   Եւ զբանս ն(ո)ր(ա) էին որ բերէին առ իս, եւ զբանս իմ պատմէին նմա. եւ թուղթս բազումս տայր առ ՛ի յերկեցուցանե́լ զիս։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ եղեւ յորժամ կատարեցաւ պարիսպն, եւ կանգնեցի զդրունս ն(ո)ր(ա). եւ կացին դռնապանք եւ երգեցիկք, սաղմոսասացք եւ ղեւտացիք։

Verse: 2  Link to sept   եւ պատուիրեցի եղբարցն իմոց՝ եւ անանիայ որ էր իշխան ՛ի վ(ե)ր(այ) ե(րուսաղէ)մի. վ(ա)ս(ն) զի նա́ էր ճշմարիտ այր՝ եւ երկիւղած յա(ստուծո)յ քան զբազումս։

Verse: 3  Link to sept   Եւ ասեմ ցն(ո)ս(ա), մի́ բանայցէք վաղվաղակի զդրունսն մինչեւ ՛ի ծագել արեւուն, եւ մինչդեռ ամենեքեան արթունք իցեն՝ կալցեն զդրունսն, եւ փակ արկեալ պնդեսցեն զն(ո)ս(ա). եւ կացցեն պահապանք դրանց եւ բնակչաց ե(րուսաղէ)մի, այր ՛ի պահու իւրում, եւ այր իւրաքանչիւր ՛ի տան իւրում.

Verse: 4  Link to sept   վ(ա)ս(ն) զի քաղաքս մե́ծ եւ ը(նդ)արձակ է՝ եւ ժողովուրդս սակաւ ՛ի սմա. եւ ո́չ եւս են դեռ ա(մենայ)ն ապարանք շինեալ։

Verse: 5  Link to sept   եւ ա́րկ ա(ստուա)ծ ՛ի սի́րտ իմ, եւ ժողովեցի զպատուականսն եւ զիշխանսն՝ եւ ժողովուրդն ՛ի ժողով մի։ եւ գտի զգիրսն ազգահամարին որ էին ելեալ յառաջնում ՛ի գերութ(են)էն. եւ էր գրեալ ՛ի նմա ա́յսպէս։

Verse: 6  Link to sept   Ա́յս են անուանք որդւոցն ի(սրաէ)լի որք ելին ՛ի գերու(թեն)էն՝ զորս պանդխտեցոյց նաբուքոդոնոսոր թագաւոր բաբելացւոց, եւ դարձան յե(րուսաղէ)մ ՛ի հրէաստան, ա́յր իւրաքանչիւր ՛ի քաղաք իւր։

Verse: 7  Link to sept   որք եկին ընդ զորաբաբելի եւ ը(նդ) յեսուայ եւ ընդ նեեմեայ ազարիանց։ դայեղիմայ, նայեմանի, մերտեքու, բեղմա, մատատփարաթ, եզրա, բադուիէ, նաւում, բարանա, մոփրա։ Ա́րք ժողովրդեանն ի(սրաէ)լի։

Verse: 8  Link to sept   որդիք փորոսայ՝ երկուհազար հարիւր եւթանասուն եւ երկու։

Verse: 9  Link to sept   որդիք սափատիայ, երեքհարիւր եւթանասուն եւ երկու։

Verse: 10  Link to sept   որդիք արեսայ, վեցհարիւր յիսուն եւ վեց։

Verse: 11  Link to sept   որդիք փաաթմովաբ յորդւոցն յեսուայ եւ յովաբայ, երկուհազար երկերիւր ութեւտասն։

Verse: 12  Link to sept   Որդիք եղամ, հազար երկուհարիւր յիսուն եւ չորս։

Verse: 13  Link to sept   որդիք զաթուայ, ութ հարիւր քառասուն եւ հինգ։

Verse: 14  Link to sept   որդիք զաքու, եւթնահարիւր վաթսուն։

Verse: 15  Link to sept   որդիք բանուայ, վեց հարիւր քառասուն եւ ութ։

Verse: 16  Link to sept   Որդիք բիբէի՝ վեցհարիւր քառասուն եւ ութ։

Verse: 17  Link to sept   որդիք աղիայ, երկուհազար երեքհարիւր քսան եւ երկու։

Verse: 18  Link to sept   Որդիք ադոնիկամայ, վեցհարիւր յիսուն եւ եւթն։

Verse: 19  Link to sept   որդիք բազուէի, երկուհազար վաթսուն եւ եւթն։

Verse: 20  Link to sept   որդիք ադինայ, վեցհարիւր յիսուն եւ չորս։

Verse: 21  Link to sept   որդիք ատտերեզիայ, իննսուն եւ ութ։

Verse: 23  Link to sept   որդիք բէասի, երեքհարիւր քսան եւ չորս։

Verse: 24  Link to sept   որդիք քարիբ, հարիւր տասն եւ երկու։

Verse: 26  Link to sept   Որդիք բեթղահէմ, հարիւր քսան եւ երեք։ որդիք նետոփայ, յիսուն եւ վեց։

Verse: 27  Link to sept   որդիք անաթովթ, հարիւր քսան եւ ութ։

Verse: 28  Link to sept   որդիք բեթազմայ, քառասուն եւ երկու։

Verse: 29  Link to sept   որդիք կարիաթարիմ քաբիրայ եւ բերովթ, ութ հարիւր քառասուն եւ երեք։

Verse: 30  Link to sept   որդիք արամայ եւ գաբայ, վեցհարիւր քսան եւ մի։

Verse: 31  Link to sept   որդիք մաքիմար, հարիւր քսան եւ երկու։

Verse: 32  Link to sept   որդիք բեթէղեւարայ, հարիւր քսան եւ երեք։

Verse: 33  Link to sept   որդիք նաբիայ, հարիւր յիսուն եւ երկու։ որդիք մակեբոս, հարիւր յիսուն եւ վեց։

Verse: 34  Link to sept   որդիք եղամայ, հազար յիսուն եւ չորս։

Verse: 35  Link to sept   որդիք երամ, երեքհարիւր քսան։

Verse: 36  Link to sept   որդիք երեքով, երեքհարիւր քառասուն եւ հինգ։

Verse: 37  Link to sept   որդիք զոդադիդ եւ անովն, եւթնհարիւր քսան եւ երեք։

Verse: 38  Link to sept   որդիք անանայ երեքհազար հարիւր երեսուն։

Verse: 39  Link to sept   Եւ քահանայք որդիք յովիդեայ՝ տասն, յեսուայ՝ իննհարիւր եւթանասուն եւ երեք։

Verse: 40  Link to sept   որդիք եմեր, հազար յիսուն եւ երկու։

Verse: 41  Link to sept   որդիք փասէուր, հազար երկերիւր քառասուն։

Verse: 42  Link to sept   որդիք երամ, հազար տասն եւ եւթն։ Եւ ղեւտացիք,

Verse: 43  Link to sept   որդիք յեսուայ՝ կադմիէլ. յորդւոցն

Verse: 44  Link to sept   յուդայիդ՝ եւթանասուն եւ երեք։ Եւ երգեցիկք սաղմոսասացք,

Verse: 45  Link to sept   որդիք ասափայ՝ հարիւր քառասուն եւ ութ։

Verse: 46  Link to sept   Եւ դռնապանք՝ որդիք եղումայ. որդիք ատտեր. որդիք տեմիովն. որդիք ակուբ. որդիք ատիտայ. որդիք սաբէի, հարիւր երեսուն եւ ութ։

Verse: 47  Link to sept   Եւ նաթանիմացիք, որդիք սիլայ. որդիք ասիփայ. որդիք տաբովթ.

Verse: 48  Link to sept   որդիք սարիաս. որդիք սիայ. որդիք փասովն. որդիք ղաբանու. որդիք ադաբայ. որդիք ակուդ. որդիք ուտայ. որդիք կետար. որդիք ագաբ. որդիք սեղեմի։

Verse: 49  Link to sept   որդիք անան. որդիք գադեղ. որդիք գայար։

Verse: 50  Link to sept   Որդիք հռեայ. որդիք հռասոն. որդիք նեկոդայ։

Verse: 51  Link to sept   որդիք գեեղամ. որդիք ոզի. որդիք փեսէ։

Verse: 52  Link to sept   որդիք բեսէի. որդիք մէինոս. որդիք նեփովայիս.

Verse: 53  Link to sept   որդիք բաբովկ. որդիք աքիբայ. որդիք արուր։

Verse: 54  Link to sept   որդիք ասաղովթ. որդիք մեիդայ. որդիք ադասան

Verse: 55  Link to sept   որդիք բարկուէ. որդիք սիսարայ. որդիք թեմայ.

Verse: 56  Link to sept   որդիք նեսիայ. որդիք սարիփայ։

Verse: 57  Link to sept   Որդիք ծառայիցն սողոմոնի. որդիք սուտի. որդիք սափարաթ. որդիք փարեդայ.

Verse: 58  Link to sept   որդիք յէաղէ. որդիք դորկովն. որդիք գադէլ։

Verse: 59  Link to sept   որդիք սափատիայ. որդիք ետէմ. որդիք փաքարաթ. որդիք սաբայիմ. որդիք հեմիս։

Verse: 60  Link to sept   Ամենայն նաթանայիմք, եւ որդիք ծառայիցն սողոմոնի՝ երեքհարիւր իննսուն եւ երկու։

Verse: 61  Link to sept   Եւ ա́յսք էին որք ելին ՛ի թեմեղիքայ. թեղայոր սաքերուբ, երոն, եմեր, եւ ո́չ կարացին պատմել զտուն հարց իւրեանց, եւ ո́չ զազգն իւրեանց որ յ(թ)ի(ւն)լէ իցեն։

Verse: 62  Link to sept   Որդիք դաղաայ. որդիք բուայ. որդիք տուբիայ. որդիք նեկովդայ՝ վեցհարիւր քառասուն եւ երկու։

Verse: 63  Link to sept   Եւ ՛ի քահանայիցն, որդիք եբէրա. որդիք ակովմ. որդիք եղիսայ. վ(ա)ս(ն) զի ա́ռ կին ՛ի դստերաց բրզելեայ գաղաադացւոյ, եւ կոչեցաւ ըս(տ) անուան ն(ո)ր(ա)։

Verse: 64  Link to sept   Սոքա խնդրեցին գրել զազգահամար իւրեանց. եւ ո́չ գտաւ, եւ մերժեցան ՛ի քահանայիցն։

Verse: 65  Link to sept   Եւ ասաց արթարսասթա ցն(ո)ս(ա). մի́ կերիցեն ՛ի սրբութե(ան)ցն սրբութե(ան)ց, մինչեւ յարիցէ քահանայ՝ եւ լուսաւորեալ յայտնեսցէ զն(ո)ս(ա)։

Verse: 66  Link to sept   Եւ եղեւ ա(մենայ)ն ժողով եկեղեցւոյն չորս բեւր եւ երկերիւր վաթսուն,

Verse: 67  Link to sept   թո́ղ զծառայս եւ զաղախնայս իւրեանց՝ որք էին եւթնհազար երեքհարիւր երեսուն եւ եւթն։ եւ որք էին երգեցիկք սաղմոսասացք արք եւ կանայք՝ երկերիւր քառասուն եւ հինգ։

Verse: 68  Link to sept   Ձիք՝ եւթնհարիւր երեսուն եւ վեց. ջորիք՝ երկերիւր քառասուն եւ հինգ.

Verse: 69  Link to sept   ուղտք՝ չորեքհարիւր երեսուն եւ հինգ. էշք՝ վեցհազար քսան եւ եւթն։

Verse: 70  Link to sept   Եւ իշխանք ըս(տ) հայրապետացն իւրեանց ետուն ՛ի գործն։ եւ աթրասարթա ե́տ ՛ի գանձն ոսկի սկաւոռակս յիսուն, եւ պատմուճանս քահանայիցն երեսուն։

Verse: 71  Link to sept   Եւ իշխանք հայրապետացն ետուն ՛ի գանձս գործոյն՝ ոսկի երկու բեւրս. եւ արծաթ բեւր մնասս. եւ երկու հազար երկերիւր։

Verse: 72  Link to sept   եւ այլ ժողովուրդն ետ դահեկանս երկուս բեւրս, եւ կահարծաթի երկու հազար, եւ պատմուճանս քահանայիցն վաթսուն եւ եւթն։

Verse: 73  Link to sept   Եւ նստան քահանայքն՝ եւ ղեւտացիքն՝ եւ դռնապանքն՝ եւ երգեցիկք սաղմոսասացքն՝ եւ ՛ի ժողովրդենէն՝ եւ նաթանիմացիքն, եւ ա(մենայ)ն ի(սրա)էլ ՛ի քաղաքս իւրեանց։
   Եւ ժամանեաց եհաս ամիսն եւթներորդ. եւ էին որդիքն ի(սրաէ)լի ՛ի քաղաքս իւրեանց։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ ժողովեցան ա(մենայ)ն ժողովուրդքն իբրեւ զայր մի ՛ի հրապարակն առաջի դրան ջուրցն. եւ ասացին ցեզրա գրիչ օրինացն տ(եառ)ն, զի բերցէ զօրէնսն մովսիսի զոր հրամայեալէ տ(եառ)ն ա(ստուծո)յ ի(սրաէ)լի։

Verse: 2  Link to sept   Եւ եբեր եզրա քահանայ զօրէնսն առաջի եկեղեցւոյն, ուր ժողովեալէին արք եւ կանայք, եւ ամենեքեան որք կամէին լսել յամսամտին եւթներորդ ամսոյն։

Verse: 3  Link to sept   Եւ սկսաւ կարդա́լ զնա յառաւօտէ յորժամ ծագէր արեգակն մինչեւ ցօր հասարակ առաջի արանց եւ կանանց. եւ իմանային ամենեքեան՝ եւ դնէին ո́ւնկն ա(մենայ)ն ժողովուրդն ՛ի լսել ա(մենայ)ն գրելոց օրինացն։

Verse: 4  Link to sept   Եւ կա́յր եզրա քահանայ եւ գրիչ ՛ի վ(ե)ր(այ) բեմի փայտեղինի. եւ կային առ նմա մատաթիաս, եւ սամեաս, եւ անանիաս, եւ ուրիաս, եւ քեղկիա, եւ մասիա՝ ը(նդ) աջմէ ն(ո)ր(ա)։ եւ ը(նդ) ահեկէ ն(ո)ր(ա)՝ փադիաս, եւ միսայէլ, եւ մեղքիաս, եւ ասամ, եւ սարդանա, եւ զաքարիա, եւ մոսողամ։

Verse: 5  Link to sept   Եւ յորժամ եբաց եզրա զգիրսն առաջի ա(մենայ)ն ժողովրդեանն, վ(ա)ս(ն) զի նա́ էր վերակացու ա(մենայ)ն ժողովրդեանն. եւ եղեւ ՛ի բանալ ն(ո)ր(ա) զգիրսն, կա́յր ժողովուրդն առաջի ն(ո)ր(ա)։

Verse: 6  Link to sept   եւ օրհնեաց եզրա զտ(է)ր ա(ստուա)ծ մեծ. եւ ասեն ա(մենայ)ն ժողովուրդն. ամէն։ եւ համբարձին զձեռս իւրեանց, եւ խոնարհեալ երկրպագեցին տ(եառ)ն ա(ստուծո)յ ՛ի վ(ե)ր(այ) երեսաց իւրեանց յերկիր։

Verse: 7  Link to sept   Եւ յեսուս, եւ բանեաս, եւ սարարիա́ս էին որ իմացուցանէին զօրէնսն ժողովրդեանն։ եւ ժողովուրդքն կային ըստ կարգի իւրեանց։

Verse: 9  Link to sept   Եւ ասէ նեեմի՝ որ է աթերսասթա՝ եւ եզրա քահանայ եւ գրիչ, եւ ղեւտացիքն ոե իմացուցանէին ժողովրդեանն.

Verse: 10  Link to sept   եւ ասեն ա(մենայ)ն ժողովրդեանն. օրս այս՝ օր սուրբ է տ(եառ)ն ա(ստուծո)յ մերոյ, մի́ սգայք եւ մի́ լայք։ քանզի լային ժողովուրդքն յորժամ լուան զբանս օրինացն։ եւ ասեն ցն(ո)ս(ա). երթա́յք կերա́յք եւ արբէ́ք զպարարտս եւ զքաղցունս, եւ առաքեցէ́ք, մասն որոց ո́չ գուցէ, վ(ա)ս(ն) զի օր ս(ո́ւր)բ է տ(եառ)ն ա(ստուծո)յ մերոյ. արդ զօրացարո́ւք եւ մի́ տրտմեցուցանէք զսա։

Verse: 11  Link to sept   Եւ ղեւտացիքն լռեցուցանէին զժողովուրդն՝ եւ ասէին. լո́ւռ լերուք եւ մի տրտմիք, վ(ա)ս(ն) զի օր ս(ո́ւր)բ է սա։

Verse: 12  Link to sept   Եւ գնաց ժողովուրդն յուտել եւ յըմպել եւ առաքեցին մասն որոց ո́չ գոյր. եւ առնէին ուրախու(թ)ի(ւն) մեծ, վ(ա)ս(ն) զի իմացան զբանս օրինացն զոր կարդաց ն(ո)ց(ա)։

Verse: 13  Link to sept   Եւ յաւուրն երկրորդի ժողովեցան իշխանքն հայրապետաց ա(մենայ)ն ժողովրդեանն՝ եւ քահանայք եւ ղեւտացիք առ եզրաս գրիչ օրինացն. զի տեղեկասցին եւ ուսցին ՛ի նմանէ զա(մենայ)ն բանս օրինացն։

Verse: 14  Link to sept   Եւ գտին գրեալ յօրէնսն՝ զի էր հրամայեալ տ(եառ)ն ա(ստուծո)յ մովսիսի. ո(ր)պ(էս) արժա́ն է որդւոցն ի(սրաէ)լի բնակել ՛ի տաղաւարս ՛ի տօնի եւթներորդ ամսոյն.

Verse: 15  Link to sept   եւ ո(ր)պ(էս) նշանակել փողով յա(մենայ)ն քաղաքս իւրեանց եւ յե(րուսաղէ)մ։ Եւ ասէ եզրա՝ ելէ́ք ՛ի լեառն եւ բերէ́ք տերեւս ձիթենեաց, եւ տերեւս ՛ի ծառոց սաւսեաց, եւ տերեւս մրտոց խնկենեաց, եւ տերեւս արմաւենեաց, եւ տերեւս ՛ի թաւ ոստոց ծառոց. եւ արարէ́ք ձեզ տաղաւարս ըստ գրեցելոցն։

Verse: 16  Link to sept   Եւ ելին ժողովուրդքն եւ բերին, եւ արարին իւրեանց տաղաւարս, ա́յր ՛ի տանիս իւրում. եւ ա́յր ՛ի սրահի իւրում, եւ ՛ի սրահի տանն ա(ստուծո)յ, եւ ՛ի հրապարակս քաղաքին մինչեւ ՛ի դրունս եփրեմայ։

Verse: 17  Link to sept   Եւ արարին տաղաւարս ա(մենայ)ն ժողովք եկեղեցւոյն որք դարձեալ էին ՛ի գերութ(են)էն, եւ նստա́ն ՛ի տաղաւարս. քանզի ո́չ երբէք արարին որդիքն ի(սրաէ)լի յաւուրցն յեսուայ որդւոյ նաւեայ այնպէս մինչեւ յօրն յայն. եւ եղեւ ուրախու(թ)ի(ւն) մեծ յոյժ։

Verse: 18  Link to sept   Եւ կարդայր զգիրս օրինացն օրըստօրէ, յօրէն յառաջմէ մինչեւ յօրն եւթներորդ. եւ արարին զտօնն զեւթն օր, եւ յաւուրն ութերորդի եղեւ կատարումն ըստ օրինացն։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ ՛ի քսան եւ չորս ամսոյն ժողովեցան որդիքն ի(սրաէ)լի եւ սկսան պահել պահս, եւ զգեցան քո́ւրձ, եւ արկին մոխիր ՛ի վ(ե)ր(այ) գլխոց իւրեանց։

Verse: 2  Link to sept   եւ որոշեցան որդիքն ի(սրաէ)լի յա(մենայ)ն որդւոցն այլազգեաց. եւ քաւեցին զմեղս իւրեանց՝ եւ զմեղս հարցն իւրեանց.

Verse: 3  Link to sept   եւ կային ՛ի կարգի իւրեանց։ Եւ կարդա́յր եզրա զգիրս օրինացն տ(եառ)ն ա(ստուծո)յ. եւ երկիր պագին ժողովուրդքն տ(եառ)ն ա(ստուծո)յ իւրեանց։

Verse: 4  Link to sept   եւ կային ՛ի բարձաւանդակ տեղւոջ եզրա եւ ղեւտացիք եւ յեսու յովսեդեկեանց, եւ որդիքն կադմելի. սաքանիա որդի սարեբիայ՝ որդիք անանիայ։ եւ գոչեցին մեծաձայն առ տ(է)ր ա(ստուա)ծ իւրեանց.

Verse: 5  Link to sept   եւ ասեն ղեւտացիքն յեսու եւ կադմիէլ. ե́ղբարք՝ օրհնեցէ́ք զտ(է)ր ա(ստուա)ծ մեր յաւիտեանս յաւիտենից. եւ եղիցի օրհնեալ փառք տ(եառ)ն, եւ բարձրասցի օրհնութի(ւն) ն(ո)ր(ա) եւ գոհութի(ւն)։ Եւ սկսաւ օրհնել եզրա զտ(է)ր ա(ստուա)ծ՝ եւ ասէ։

Verse: 6  Link to sept   Դո́ւ ես նոյն ինքն տ(է)ր ա(ստուա)ծ միայն. դո́ւ արարեր զերկինս՝ եւ զերկինս երկնից, եւ զա(մենայ)ն կարգս ն(ո)ր(ա), եւ զերկիր եւ զա(մենայ)ն կարգս ն(ո)ր(ա), եւ զա(մենայ)ն ինչ որ է ՛ի նմա, զծով եւ զա(մենայ)ն որ է ՛ի նմա. եւ դո́ւ կենդանացուցեր զամենեսեան. եւ քե́զ երկրպագեն զօրք երկնից, եւ զքե́զ փառաւորեն երկինք երկնից.

Verse: 7  Link to sept   վ(ա)ս(ն) զի դու միա́յն ես տ(է)ր ա(ստուա)ծ մեր։ Դո́ւ ընտրեցեր զաբրամ, եւ հաներ զնա յերկրէն քաղդեացւոց, եւ եդիր նմա անուն աբրաամ.

Verse: 8  Link to sept   եւ գտեր զսիրտ ն(ո)ր(ա) հաւատացեալ առաջի քո. եւ եդի́ր դու նմա ուխտ, տալ նմա զերկիրն քանանացւոց, եւ քետացւոց, եւ ամովրհացւոց, եւ փերեզացւոց, եւ յեբուսացւոց, եւ գերգեսացւոց, եւ զաւակի ն(ո)ր(ա) մինչեւ յաւիտեան. եւ հաստատեցեր զբանս քո, վ(ա)ս(ն) զի արդար ես։

Verse: 9  Link to sept   Եւ տեսեր զնեղութի(ւն)ս հարցն մերոց որ յեգիպտոս, եւ լուա́ր աղաղակի ն(ո)ց(ա) ՛ի վ(ե)ր(այ) կարմիր ծովուն.

Verse: 10  Link to sept   եւ արարեր ն(ո)ց(ա) նշա́ն յեգիպտոս՝ եւ ՛ի փարաւոն եւ յա(մենայ)ն ծառայս ն(ո)ր(ա), եւ յա(մենայ)ն ժողովուրդ երկրի ն(ո)ր(ա). քանզի գիտացեր եթէ հպարտացաւ ՛ի վ(ե)ր(այ) ժողովրդեան քոյ, եւ արարե́ր քեզ անուն մեծ մինչեւ յայս օր։

Verse: 11  Link to sept   եւ զծովն կարմիր հերձեր առաջի ն(ո)ց(ա), եւ անցին ընդ մէջ ծովուն իբրեւ ընդ ցամաք. եւ զհալածիչս ն(ո)ց(ա) ընկղմեցեր իբրեւ զվէ́մս ՛ի ջուրս բազումս։

Verse: 12  Link to sept   եւ սեամբ ամպոյ առաջնորդեցեր ն(ո)ց(ա) ՛ի տուէ, եւ սեամբ հրոյ ՛ի գիշերի́. վ(ա)ս(ն) զի լուսաւորէր զճանապարհս նոցա ընդ որ գնային։

Verse: 13  Link to sept   Եւ ՛ի լեառնն սինա՝ իջե́ր եւ խօսեցար ընդ ն(ո)ս(ա) յերկնից. եւ ետուր նոցա զդատաստանս ուղիղս, եւ օրէնս ճշմարիտս, հրամա́նս եւ զպատուիրանս բարիս.

Verse: 14  Link to sept   եւ զշաբաթս քո ս(ուր)բս ծանուցեր ն(ո)ց(ա), եւ զպատուիրանս եւ զհրամանս եւ զօրէնս ետուր ն(ո)ց(ա) ՛ի ձեռն մովսիսի ծառայի քոյ։

Verse: 15  Link to sept   Եւ զհաց երկնից ետուր ն(ո)ց(ա) ՛ի կերակուր, եւ զջուր բղխեցուցեր ՛ի վիմէ եւ արբուցեր ն(ո)ց(ա). եւ բացեր ն(ո)ց(ա) մտանել ժառանգել զերկիրն յոր համբարձեր զձեռն քո տա́լ ն(ո)ց(ա)։

Verse: 16  Link to sept   Եւ ինքեա́նք իսկ հարքն մեր հպարտացան եւ անօրինեցան, եւ խստացուցին զպարանոցս իւրեանց, եւ ո́չ լուան պատուիրանաց քոց.

Verse: 17  Link to sept   եւ ակնկորեցին յօրինաց քոց, եւ ո́չ յիշեցին զսքանչելիս քո զոր արարեր դու ընդ ն(ո)ս(ա). այլ խստացուցին զպարանոցս իւրեանց, եւ դարձուցին զթիկունս իւրեանց. եւ կամեցան դառնալ ՛ի ծառայութի(ւն) անդրէն յեգիպտոս։ Այլ դու տ(է)ր ա(ստուա)ծ մեր գթա́ծ ես եւ ողորմած, երկայնամի́տ եւ բազումողորմ, եւ ո́չ ՛ի սպառ մերժեցեր զնոսա։

Verse: 18  Link to sept   Եւ դարձեալ արարին իւրեանց որթ ձուլածոյ՝ եւ ասացին, ա́յս են աստուածք որ հանին զմեզ յերկրէն եգիպտացւոց. եւ արարին մեծամեծ բարկու(թ)ի(ւն)ս։

Verse: 19  Link to sept   եւ դու ըստ բազում գթու(թ)ե(ան) եւ ողորմութե(ան) քում ո́չ թողեր եւ ցրուեցեր զն(ո)ս(ա) յանապատին. եւ զսիւն ամպոյն ո́չ հեռացուցեր ՛ի նոցանէ որ առաջնորդէր նոցա ՛ի տուէ, եւ զսիւն հրոյն որ լուսաւորէր զնոսա ՛ի գիշերի՝ զճանապարհս զոր երթային։

Verse: 20  Link to sept   Եւ զհոգի քո ս(ուր)բ զբարերար՝ ետո́ւր ն(ո)ց(ա) իմանալ զօրենսն։ եւ զմանանայն ո́չ հեռացուցեր ՛ի բերանոց ն(ո)ց(ա). եւ ետուր ն(ո)ց(ա) ջուր ՛ի ծարաւոյ վիմէ։

Verse: 21  Link to sept   եւ զքառասուն ամ շրջեցուցեր զն(ո)ս(ա) յանապատին. հանդերձք ն(ո)ց(ա) ո́չ մաշեցան, եւ կօշիկք ն(ո)ց(ա) ո́չ հնացան։

Verse: 22  Link to sept   եւ հարեր առաջի նոցա զթագաւորս եւ զժողովուրդս. եւ բաժանեցին եւ կալա́ն զերկիր ն(ո)ց(ա) ՛ի ժառանգութի(ւն), զերկիրն սեհոնի թագաւորին եսեբոնայ, եւ զերկիրն ովգայ թագաւորին բասանու։

Verse: 23  Link to sept   Եւ զորդիս ն(ո)ց(ա) բազմացուցեր իբրեւ զաստեղս երկնից. եւ ածեր զն(ո)ս(ա) յերկիր զոր խոստացար հարցն ն(ո)ց(ա), եւ ժառանգեցին զնա.

Verse: 24  Link to sept   վ(ա)ս(ն) զի սատակեցեր առաջի ն(ո)ց(ա) զբնակիչս երկրին քանանացւոց, եւ ետուր զերկիրն ն(ո)ց(ա) ՛ի ձեռս ն(ո)ց(ա). եւ զթագաւորս ն(ո)ց(ա) եւ զժողովուրդ երկրին սպառեցե́ր՝ ո(ր)պ(էս) եւ կամեցար ըստ կամաց իւրեանց։

Verse: 25  Link to sept   եւ առին զքաղաքս բարձրաբերձս՝ եւ զպարիսպս, եւ ժառանգեցին զտունս լի́ ա(մենայ)ն բարութ(եամ)բ. ջրհորս փորեալս եւ կազմեալս. այգի́ս եւ ձիթենիս եւ զա(մենայ)ն ծառս պտղաբերս ՛ի կերակուրս լիութե(ան) ն(ո)ց(ա)։ Կերան եւ յագեցան՝ գիրացան եւ փափկեցան ՛ի բարութի(ւն)ս մեծամեծս զոր ետուր ն(ո)ց(ա).

Verse: 26  Link to sept   եւ հեռացան եւ մերժեցան ՛ի քէն, եւ յե́տս դարձան յօրինաց քոց. եւ զմարգարէսն քո կոտորեցին, որք քարոզեցին ն(ո)ց(ա) դառնալ առ քեզ. եւ արարին զբարկութի(ւն) մեծ առաջի քո։

Verse: 27  Link to sept   Եւ ետուր զն(ո)ս(ա) ՛ի ձեռս նեղչաց ն(ո)ց(ա), եւ նեղեցին զն(ո)ս(ա). եւ աղաղակեցին առ քեզ ՛ի ժամանակս նեղութե(ան) իւրեանց. եւ դու յերկնից լուար ն(ո)ց(ա). եւ բազում գթու(թեամ)բ եւ ողորմութ(եամ)բ փրկեցեր զն(ո)ս(ա). եւ հաներ զն(ո)ս(ա) ՛ի ձեռաց նեղչաց նոցա։

Verse: 28  Link to sept   Եւ յորժամ հանգեան՝ դարձա́ն եւ արարին չարիս առաջի քո. եւ թողեր զն(ո)ս(ա) ՛ի ձեռս թշնամեաց ն(ո)ց(ա), եւ չարչարեցին զնոսա. եւ դարձեալ աղաղակեցին առ քեզ, եւ դու յերկնից լուար ն(ո)ց(ա), եւ փրկեցեր զնոսա բազում ողորմութ(եամ)բ քով.

Verse: 29  Link to sept   եւ դարձեալ եդիր վկայութի(ւն) առ նոսա՝ դառնալ յօրէնս քո։ Իսկ նոքա անմտացեալք յիմարութ(եամ)բ ոչ լուան օրինաց քոց. եւ ՛ի հրամանս քո եւ ՛ի պատուիրանս քո մեղա́ն. զոր դու ասացեր՝ եւ հրամայեցեր, զի ո ոք արասցէ ՛ի մարդկանէ զբան պատուիրանաց քոց՝ կեցցէ́ նոքիմբք. իսկ նոքա դարձուցին զթիկունս իւրեանց, եւ եղեն խստապարանոցք՝ եւ ո́չ լուան բանի քում։

Verse: 30  Link to sept   եւ դու երկայնամտեցեր առ ն(ո)ս(ա). եւ առաքեցեր ՛ի վկայութի(ւն) զմարգարէսն հոգւով քո սրբով, սակայն եւ այնպէս ո́չ լուան. եւ մատնեցեր զն(ո)ս(ա) ՛ի ձեռս ժողովրդոց օտարաց երկրին, որք տառապեցուցին զն(ո)ս(ա) յոյժ։

Verse: 31  Link to sept   եւ դու ըստ բազում գթութե(ան) եւ ողորմութե(ան) քում ո́չ թողեր զն(ո)ս(ա) մինչեւ ՛ի սպառ, եւ ո́չ մերժեալ հեռացուցեր զն(ո)ս(ա) ՛ի քէն. զի դու հզօ́ր ես գթած եւ ողորմած՝ երկայնամիտ եւ բազումողորմ։

Verse: 32  Link to sept   Եւ այժմ տ(է)ր ա(ստուա)ծ մեր՝ զօրաւո́ր եւ մեծ, ամենակալ եւ ահարկու՝ արդա́ր եւ ճշմարիտ, պահեա́ զուխտ եւ զողորմութի(ւն)՝ եւ հայեա́ց ՛ի տառապանս մեր եւ ՛ի նեղութի(ւն)ս, եւ ՛ի թագաւորացն մերոց եւ իշխանացն մերոց, եւ քահանայից եւ մարգարէիցն մերոց, եւ ա(մենայ)ն հարցն մերոց. եւ ժողովրդեան քոյ զոր տառապեցուցին, եւ բռնացան ՛ի վ(ե)ր(այ) մեր թագաւո́րք ասորեստանեայց մինչեւ ցայսօր։

Verse: 33  Link to sept   Եւ դու արդա́ր ես յա(մենայ)նի զոր ածեր ՛ի վ(ե)ր(այ) մեր վ(ա)ս(ն) մեղաց մերոց. վ(ա)ս(ն) զի ճշմարտութ(եամ)բ արարեր։

Verse: 34  Link to sept   քանզի մեղա́ք մեք՝ եւ թագաւորք մեր եւ իշխանք եւ քահանայք, եւ հարքն մեր՝ եւ ո́չ արարաք զպատուիրանս քո, եւ ո́չ հայեցաք յօրէնս քո եւ ՛ի վկայութի(ւն)ս զոր եդիր առ մեզ։

Verse: 35  Link to sept   եւ զգթութի(ւն)ս քո՝ եւ զբազում բարութի(ւն)ս զոր ետուր մեզ, եւ յերկրիս յայսմիկ՝ ՛ի լա́յնս եւ յընդարձակ եւ ՛ի պարարտ զոր ետուր մեզ, ո́չ գիտացաք ծառայել քեզ, այլ դարձուցա́ք զսիրտս մեր յօրինաց քոց. եւ մատնեցաք մեք ՛ի գերու(թ)ի(ւն) վ(ա)ս(ն) մեղաց մերոց։

Verse: 36  Link to sept   եւ ահաւասիկ եմք այսօր ՛ի ծառայութի(ւն), եւ երկիրս զոր ետուր հարցն մերոց ուտել զպտուղ եւ զբարութի(ւն) սորա ազատութ(եամ)բ։

Verse: 37  Link to sept   Արդ՝ այսօր թագաւորք օտա́րք տիրեն ՛ի վ(ե)ր(այ) մեր եւ ուտեն զսա՝ վ(ա)ս(ն) մեղաց մերոց, եւ անկեալք ՛ի ծառայութի(ւն) տամք հարկս. եւ վարեն զմեզ եւ զանասունս մեր ո(ր)պ(էս) եւ կամին, եւ եմք ՛ի նեղութե(ան) եւ ՛ի վիշտս մեծ այսօր վ(ա)ս(ն) մեղաց մերոց։

Verse: 38  Link to sept   Եւ արդ՝ ՛ի վ(ե)ր(այ) այսր ա(մենայ)նի՝ մեք դնեմք ո́ւխտս եւ հաւտարմու(թ)ի(ւն)ս. եւ հաւատա́մք յօրէնս քո, եւ առնե́մք զն(ո)ս(ա), եւ որինչ գրեալ է ՛ի նոսա։ եւ զբանս զայս գրով հաստատեմք եւ կնքեմք, ա(մենայ)ն իշխանք մեր, եւ ղեւտացիք մեր, եւ քահանայք մեր։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ ա́յս են որ կնքեն զգիրս զայս հաւատարմութե(ան) առ քեզ. նեեմիա որդի աքաղիայ. եւ սեդեկիա որդի

Verse: 2  Link to sept   սարերա. եւ ազարիա. եւ երեմիա.

Verse: 3  Link to sept   եւ փասուր. Ամարիա. միքիա.

Verse: 4  Link to sept   ատտուս. ասաբանիա. մաղուք.

Verse: 5  Link to sept   եմաթ. մարամովթ. աբդիա.

Verse: 6  Link to sept   դանիէլ. կանաթոն. բարուք.

Verse: 7  Link to sept   մեսուղամ. աբիա. միամին.

Verse: 8  Link to sept   մադիա. բեղդեէ. սեմէի։ Ա́յս ա(մենայ)նքեան են քահանայք՝

Verse: 9  Link to sept   եւ ղեւտացիք. Յեսուս որդի ազանիա. բանիա որդւոյ ենագադայ. գաղմիէլ,

Verse: 10  Link to sept   եւ եղբարք ն(ո)ր(ա). սեբանիա. ոդուիա. կաղիտան. փեղիաման.

Verse: 11  Link to sept   միքա. հռովբա. սեբի.

Verse: 12  Link to sept   զաքուր. սարաբիա. սատանիա։

Verse: 13  Link to sept   Որդիք բանունեայ.

Verse: 14  Link to sept   իշխանք ժողովրդեանն. փորխ. փարադմովաբ. եղամ. զատթուրա։

Verse: 15  Link to sept   Որդիք բանեայ՝ աղուրաթ. բերայի.

Verse: 16  Link to sept   ադոնիա. բադու. եգինատեր.

Verse: 17  Link to sept   եզեկիա. աղուիայիդա.

Verse: 18  Link to sept   ասամ. բեսէի.

Verse: 19  Link to sept   արիփ. անաթովթ. նովրա.

Verse: 20  Link to sept   մոդափէս. մեսուղամ. եզր.

Verse: 21  Link to sept   մենոզաբէէլ. զադուկ. եդովք.

Verse: 22  Link to sept   փաղիտա. անան. անիա.

Verse: 23  Link to sept   ասէէ. անանիաս.

Verse: 24  Link to sept   հռայում. էսաբանան. մայաղուտ.

Verse: 25  Link to sept   այիա. էնան. աւնան.

Verse: 26  Link to sept   մաղուս. հռէում։

Verse: 28  Link to sept   Եւ ա́յլեւս մնացորդք ժողովրդեանն՝ քահանայք եւ ղեւտացիք, դռնապանք՝ երգեցիկ՝ նաթանացիք. եւ ամենեքեան ժողովուրդքս որք լսեմք զօրէնս տ(եառ)ն ա(ստուծո)յ մերոյ, դնեմք վկայու(թ)ի(ւն) այսօր առաջի քո՝ ա́րք եւ կանայք. որդիք եւ դստերք իւրեանց։

Verse: 29  Link to sept   Եւ որ միանգամ անցցէ զօրինօք քովք, երդմամբ հաստատեմք այսօր առաջի քո. եղիցի́ նա ՛ի նզո́վս եւ յանէծս, որ ո́չ պահեսցէ զօրէնս քո որ տուաւ ՛ի ձեռն մովսիսի ծառայի քոյ. այլ ա(մենայ)ն կամօք մերովք պահեսցուք, եւ արասցուք զա(մենայ)ն պատուիրանս տ(եառ)ն ա(ստուծո)յ, եւ զդատաստանս ն(ո)ր(ա) եւ հրամանս։

Verse: 30  Link to sept   Եւ մի́ տացուք զդստերս մեր ուստերաց ժողովրդոց օտարաց, եւ զդստերս հեթանոսաց այսորիկ ո́չ առցուք որդւոց մերոց։

Verse: 31  Link to sept   Եւ ժողովուրդ երկրիս այսորիկ ո́չ բերիցեն առ մեզ վաճառս յաւուր շաբաթու. եւ ո́չ գնեսցուք ՛ի նոցանէ շաբաթուն. զի օր սո́ւրբ է, եւ սո́ւրբ պահեսցուք զօրն եւթներորդ։

Verse: 32  Link to sept   Եւ տացուք զողորմու(թ)ի(ւն)ս երրորդ դիդրաքմայի ամ ըստ ամէ ՛ի հա́րկ տանն ա(ստուծո)յ։

Verse: 33  Link to sept   եւ զհաց զառաջէից, եւ զզոհս ըստ ժամանակս ժամանակս եւ զողջակէզս յա(մենայ)ն տօնս եւ ՛ի տարեկանս, եւ ՛ի շաբաթս, եւ յամսամուտս, եւ ՛ի նաւակատիս՝ եւ ՛ի սրբութի(ւն)ս, եւ վ(ա)ս(ն) մեղաց՝ որ են ՛ի քաւութիս ի(սրաէ)լի՝ եւ ՛ի գործս տաճարին տ(եառ)ն ա(ստուծո)յ մերոյ։

Verse: 34  Link to sept   Եւ վիճա́կս արկցուք վ(ա)ս(ն) ժառանգութե(ան) փայտիցն, որ երթայ քահանայիցն եւ ղեւտացւոցն, եւ ժողովուրդն բերցէ́ ՛ի տուն ա(ստուծո)յ մերոյ՝ ՛ի տունս հարցն մերոց ըս(տ) ժամանակս ժամանակս ամ ըստ ամէ՝ զորս արժա́ն է այրել ՛ի վ(ե)ր(այ) սեղանոյ զոհից տ(եառ)ն ա(ստուծո)յ մերոյ, ո(ր)պ(էս) եւ գրեալ է յօրէնսն մովսիսի։

Verse: 35  Link to sept   Եւ տացուք զպտուղս զառաջաւորութե(ան) երկրի մերում, եւ զպտուղս ծառոց մերոց ամ ըս(տ) ամէ ՛ի տուն տ(եառ)ն ա(ստուծո)յ մերոյ։

Verse: 36  Link to sept   եւ զդիդրաքմայս անդրանկաց որդւոց մերոց, եւ զանդրանիկս անասնոց մերոց՝ ո(ր)պ(էս) եւ գրեալ է յօրէնսն մովսիսի. եւ զանդրանիկս արջառոց մերոց եւ հօտից բերցո́ւք ՛ի տուն ա(ստուծո)յ մերոյ՝ քահանայից մերոց ղեւտացւոց՝ որք կա́ն ՛ի սպասու տա́ն տ(եառ)ն։

Verse: 37  Link to sept   եւ զառաջաւորս ցորենոյ, եւ զպտուղս ծառոց՝ գինւոյ եւ ձիթոյ բերցուք առ քահանայսն ՛ի տուն գանձանակին ա(ստուծո)յ։ Եւ զտասանորդս երկրիս մերոյ ղեւտացիքն շրջեսցին՝ եւ առցեն զա(մենայ)ն բովանդակ։

Verse: 38  Link to sept   եւ եղիցի քահանայ որդի ահարոնի, որ տասանորդեսցէ́ զղեւտացիսն. եւ ղեւտացիքն ՛ի տասանորդաց մերոց տասանորդեսցե́ն քահանային մեծի ՛ի տուն ա(ստուծո)յ մերոյ, ՛ի տուն գանձանակին որ կան ՛ի տաճարին տ(եառ)ն։

Verse: 39  Link to sept   վ(ա)ս(ն) զի կացցէ ՛ի գանձե́լ ՛ի համբարս որդւոց ղեւտացւոցն, եւ սպասաւորաց՝ ՛ի տեղիսն ուր կահ սրբութե(ան)ցն. եւ եղիցի քահանայիցն եւ ղեւտացւոց եւ դռնապանաց, եւ երգեցկա́ց սաղմոսասաց. եւ մի́ պակասեսցէ նոցա ռոճիկ երբէք ՛ի տանէ ա(ստուծո)յ մերոյ. եւ մի́ նոքա զսպաս տ(եառ)ն խափանեսցեն։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ նստան իշխանք ժողովրդոցն յե(րուսաղէ)մ. եւ արկին վիճակս զի մի ՛ի տասանց՝ որում եւ ելցէ վիճակն՝ նստցի́ յե(րուսաղէ)մ քաղաք սրբու(թ)ե(ան). եւ իններորդքն գնասցեն յիւրաքանչիւր քաղաքս։

Verse: 2  Link to sept   Եւ օրհնեաց ժողովուրդն զարսն զայնս որ որոշեցան, եւ նստան յե(րուսաղէ)մ։

Verse: 3  Link to sept   եւ ա́յս են իշխանք երկրին՝ որ նստան յե(րուսաղէ)մ, եւ քահանայք եւ ղեւտացիք եւ նաթանացիք, եւ որդիք ծառայիցն սողոմոնի։

Verse: 4  Link to sept   Եւ որք նստան յե(րուսաղէ)մ, էին յազգէն յուդայ եւ բենիամինի։ Եւ ա́յս են յորդւոցն յուդայ. աթեէ որդի ոզիայ. որդի զաքարիայ. որդի սամաբիայ. որդի սափատիայ. որդի մաղեեղայ։ Եւ յորդւոցն փարեսայ

Verse: 5  Link to sept   եւ մաղասիա. որդի բարուք. որդի աղազայ որդի ոզիայ. որդի ադիայ. որդի յովարիբ. որդի զաքարիայ. որդի եղովնի։

Verse: 6  Link to sept   Ամենեքեան որդիք փարէսի որ նստան յե(րուսաղէ)մ. չորեքհարիւր վաթսուն եւ ութ՝ ա́րք զօրաւորք։

Verse: 7  Link to sept   Եւ ա́յս են որդիք բենիամինի. սեղոն որդի մեսեղովմ. որդի յովադ. որդի փադայի. որդի կովղիայ. որդի մաասայ. որդի աթիէլ. որդի յեսուայ։

Verse: 8  Link to sept   Եւ զհետ ն(ո)ր(ա) դեբէի, սեղէի, իննհարիւր քառասուն եւ ութ։

Verse: 9  Link to sept   Եւ յովսէս որդի ղեքրի՝ այցելո́ւ եւ վերակացու ՛ի վ(ե)ր(այ) ն(ո)ց(ա). եւ յուդա որդի ասանայ որ էր երկրորդ ՛ի քաղաքին։

Verse: 10  Link to sept   Եւ ՛ի քահանայիցն՝ ագդիդ որդի յովարիբ, իաքին, տարիա.

Verse: 11  Link to sept   որդի եղքիայ. որդի մեսուղամ. որդի սադովկ. որդի մարաւովթ. որդի ետովբ։ Եւ էին տունք իւրեանց մօտ ՛ի տաճարն տ(եառ)ն.

Verse: 12  Link to sept   եւ եղբարք նորա որ գործէին զգործ սպասաւորու(թ)ե(ան) տանն տ(եառ)ն ութ հարիւր քսան եւ երկու։ եւ ադայի որդի երովմ. որդւոյ փաղայիայ. որդւոյ ամասեայ. որդի զաքարիայ. որդի փասեուր. որդի մեղքիայ։

Verse: 13  Link to sept   Եւ եղբարք նորա իշխանք հայրապետացն, երկերիւր քառասուն եւ երկու։ եւ ամասիա որդի եզրիէլ.

Verse: 14  Link to sept   եւ եղբարք ն(ո)ր(ա) զօրաւորք յա(մենայ)նի քսան եւ ութ. եւ այցելուք՝ եւ վերակացուք ն(ո)ց(ա) զեքրիէլ որ էր ՛ի մեծաց իշխանաց։

Verse: 15  Link to sept   Եւ յղեւտացւոցն սամէիա որդի ասուբ. որդի եզքովմ։

Verse: 17  Link to sept   Եւ նաթանացիք որդի միքայ, եւ յորէբ. որդիք սամուի երկերիւր եւթանասուն եւ չորս։

Verse: 19  Link to sept   Եւ դռնապանք, ակուբ զտեղամին. եւ եղբարք ն(ո)ր(ա)՝ հարիւր եւթանասուն եւ երկու։

Verse: 22  Link to sept   Եւ այցելո́ւք եւ վարակացուք ղեւտացւոցն յե(րուսաղէ)մ, ազա որդի բանի. որդի ասաբիայ. որդի մատթանի. որդի միքայ. յորդւոցն ասափայ որ էին երգեցիկք մօտ առ տուն տ(եառ)ն.

Verse: 23  Link to sept   վ(ա)ս(ն) զի հրաման թագաւորին է́ր առ ն(ո)ս(ա) լինե́լ անդ, եւ անխափան ունել զպաշտօնն։

Verse: 24  Link to sept   Եւ փաթաւա որդի մեսիզաբիւղայ։ զարեհ որդի յուդայ՝ որ ՛ի ձեռանէ թագաւորին ունէր զա(մենայ)ն կազմած,

Verse: 25  Link to sept   եւ բնակէր յագարակի իւրում։ Եւ յորդւոցն յուդայ որք նստան ՛ի կարիաթարբա. եւ յեսու. եւ բերսաբէէ. եւ բնակու(թ)ի(ւն) ն(ո)ց(ա)

Verse: 30  Link to sept   ղաքիս։ եւ ագարակք իւրեանց՝ որք եւ ունէին զբերսաբէէ։

Verse: 31  Link to sept   Եւ որդիք բենիամինի ՛ի գաբա՝ մաքմաս։

Verse: 36  Link to sept   եւ ղեւտացւոցն բաժին յուդա́յ եւ բենիամին։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ ա́յս են քահանայք եւ ղեւտացիք որ ելին ը(նդ) զորաբաբիլի սաղաթիելեանց, եւ յեսուայ յովսեդեկեանց. սարայիա, երեմիա, եզրա,

Verse: 2  Link to sept   եւ ամարիա, մաղուք, արտուս, սեդեկիա։

Verse: 3  Link to sept   Ա́յս են իշխանք քահանայիցն եւ եղբարք ն(ո)ց(ա) յաւուրս յեսուայ։

Verse: 8  Link to sept   Եւ ղեւտացիք՝ յեսու, բանուի, կադմիէղ, սարաբիա, յուդայ, մատթանիա, եւ եղբարք ն(ո)ց(ա) որ են կարգեալ օրըստօրէ։ եւ յովակիմա, եղիասիր. եւ եղիասիբայ,

Verse: 9  Link to sept   յովադէ. եւ յովադայեայ, յովնաթան. եւ յովնաթանա́յ յատդուս։ Եւ յաւուրս յովակիմայ եղբարք ն(ո)ր(ա) էին իշխանք եւ քահանայք հայրապետացն. սարիա, եմարիա, անանիա, ազարիա, եզրա, մեսուղամ, ամարիա, յովնան, մաղուք։

Verse: 22  Link to sept   Եւ ղեւտացիք յաւուրս եղիասաբ. յովդա, եւ յովա, եւ յովնան, եւ իդուա գրեալք իշխանք հայրապետացն։ Եւ այս ա(մենայ)ն քահանայք էին ՛ի թագաւորութե(ա)ն դարեհի։

Verse: 23  Link to sept   որդիք ղեւեայ իշխանք հայրապետացն գրեալք ՛ի գիրս բանից աւուրց համարոյն, մինչեւ ցովնան՝ որդի եղիասիբ։

Verse: 24  Link to sept   Եւ իշխանք ղեւտացւոց ասաբիա, եւ արաբիա եւ յեսու. եւ որդիք կադմէլ. եւ եղբարք ն(ո)ր(ա) մօտ առ նմա, օրհնե́լ եւ սաղմոս ասել, ո(ր)պ(էս) եւ հրամայեաց դաւիթ այրն ա(ստուծո)յ,

Verse: 25  Link to sept   օրըստօրէ զօրհանապազ ՛ի ժողովս իւրեանց հանդերձ դռնապանօք։

Verse: 26  Link to sept   Սոքա́ էին յաւուրս յովակիմայ որդւոյ յեսուայ, որդւոյ յովսեդեկայ, եւ յաւուրս նեեմայ, եւ եզրայ քահանայի եւ գրչի օրինացն տ(եառ)ն։

Verse: 27  Link to sept   Եւ ՛ի նաւակատիս պարսպին ե(րուսաղէ)մի, խնդրեցին զղեւտացիսն ՛ի տեղիս իւրեանց՝ ածե́լ զն(ո)ս(ա) յե(րուսաղէ)մ, եւ առնել զնաւակատիս ուրախութ(եամ)բ հանդերձ՝ եւ գոհու(թեամ)բ եւ երգովք նուագարանօք՝ ծնծղայիւք եւ թմբկօք, եւ սաղմոսարանօք ՛ի ձայն եղջե́ր փողոյ։

Verse: 28  Link to sept   Եւ ժողովեցան ամենեքեան որք երգէին եւ սաղմոսէին շուրջանակի յա(մենայ)ն կողմանց ե(րուսաղէ)մի,

Verse: 29  Link to sept   ՛ի քաղաքաց եւ ՛ի գիւղից եւ ՛ի բնակութե(ան)ց իւրեանց, գա́լ ՛ի սպաս պաշտամանն յե(րուսաղէ)մ։

Verse: 30  Link to sept   Եւ սրբեցան ա(մենայ)ն քահանայքն եւ ղեւտացիքն, եւ սրբեցին զժողովուրդն՝ եւ զդռնապանս մեծի դրա́նց պարսպին։

Verse: 31  Link to sept   Եւ հանին ՛ի վեր զիշխանս յուդայ ՛ի պարիսպն. եւ երթային զհետ ն(ո)ց(ա) երգովք նուագարանօք երկու երկու,

Verse: 32  Link to sept   յովսիա եւ ոզիա՝ եւ կէս իշխանացն յուդայ։

Verse: 33  Link to sept   ազարիաս, եզրա, եւ մոսողամ։

Verse: 34  Link to sept   յուդայ եւ բենիամին. եւ սամէաս՝ եւ երեմիաս։

Verse: 35  Link to sept   Եւ յորդւոց քահանայիցն էին որք հարկանէին զփողսն՝ զաքարիաս որդի յովնանայ. որդի սամայի. որդի մաթանիա. որդի միքայ. որդի զաքուր. որդի ասափ։

Verse: 36  Link to sept   Եւ եղբարք նոցա սամէիա եւ եզրիէլ օրհնէին զերգս եւ զսաղմոսս դաւթի առն ա(ստուծո)յ զորս նուագեաց։ Եւ եզրաս գրիչ երթա́յր առաջի ն(ո)ց(ա) ՛ի վ(ե)ր(այ) դրանցն։

Verse: 37  Link to sept   եւ որք երգէին երթային ընդդէմ ն(ո)ր(ա)։ Եւ ելին յաստիճանս քաղաքին դաւթի յելս պարսպին՝ ՛ի վերոյ քան զապարանսն դաւթի, մինչեւ ՛ի դուռն ջրոյն եփրեմի, եւ ընդ կողմն արեւելից։

Verse: 39  Link to sept   եւ ՛ի դուռն եքթերան. եւ յաշտարակն անամայելի մինչեւ ՛ի դուռն ջրբղխացն. եւ լսե́լի եղեւ ձայն երգոցն մինչեւ յա(մենայ)ն տեղիս. քանզի հրամայեաց եզր կալ ՛ի վ(ե)ր(այ) ա(մենայ)ն դրանցն՝ եւ երգել։

Verse: 43  Link to sept   Եւ զոհեցին յաւուր յայնմիկ զոհս մեծամեծս, եւ ուրա́խ եղեն յոյժ. վ(ա)ս(ն) զի ա(ստուա)ծ արա́ր ուրախ զնոսա յուրախութի(ւն) մեծ. եւ կանայք ն(ո)ց(ա) եւ որդիք ն(ո)ց(ա) ուրա́խ եղեն. եւ լսելի եղեւ ուրախու(թ)ի(ւն) ն(ո)ց(ա) յե(րուսաղէ)մէ մինչեւ ՛ի հեռաւոր տեղիս։

Verse: 44  Link to sept   Եւ կացուցին յաւուր յայնմիկ ՛ի վերայ գանձանակի գանձուցն, եւ զառաջաւորացն, եւ տասանորդացն, եւ որ միանգամ ժողովեալէր անդր յիշխանաց քաղաքին. ո(ր)պ(էս) հրամայեալէր յօրէնս մովսիսի քահանայիցն եւ ղեւտացւոց. քանզի ուրախութի(ւն) մեծ էր ՛ի յուդայ՝ եւ ՛ի քահանայս եւ յղեւտացիս։ եւ զգուշացան սրբու(թ)ե(ան)ցն ա(ստուծո)յ. եւ պահեցին զսրբու(թ)ի(ւն)ն որ էին երգեցիկք սաղմոսասացքն։ եւ դռնապանքն ո(ր)պ(էս) կարգեալ էր դաւթի եւ որդւոյ ն(ո)ր(ա) սողոմոնի։

Verse: 45  Link to sept   Քանզի յաւուրս դաւթի՝ ասա́փ էր իշխան եւ առաջնորդ երգո́ց սաղմոսացն, որք նուագէին երգէին եւ փառաւո́ր առնէին զա(ստուա)ծ։

Verse: 46  Link to sept   Եւ ա(մենայ)ն ի(սրա)էլ յաւուրս զորաբաբելի եւ յաւուրս նեեմիայ՝ տային մասն եւ բաժին երգեցկացն եւ դռնապանացն՝ որպէս եւ կարգեալէր օրըստօրէ. եւ առնէին սո́ւրբ զղեւտացիսն, եւ ղեւտացիքն զորդիսն ահարոնի։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Յաւուր յայնմիկ կարդային զգիրս մովսիսի ՛ի լսելիս ժողովրդեանն. եւ գտաւ ՛ի նմա գրեալ ա́յսպէս, թէ մի́ մտցէ ամմանացի եւ մովաբացի յեկեղեցի ա(ստուծո)յ յաւիտեանս ժամանակաց։

Verse: 2  Link to sept   վ(ա)ս(ն) զի ո́չ ելին ը(նդ) առաջ որդւոցն ի(սրաէ)լի հացիւ եւ ջրով. այլ կալա́ն ՛ի վարձու զբաղաամ գէտ՝ անիծանել զն(ո)ս(ա). եւ դարձոյց ա(ստուա)ծ մեր զանէծսն յօրհնու(թ)ի(ւն)։

Verse: 3  Link to sept   Եւ եղեւ յորժամ լուան յօրինացն՝ որոշեցին ՛ի բա́ց զա(մենայ)ն խառնեալսն յի(սրա)էլ։

Verse: 4  Link to sept   Եւ յառաջ քան զայս եղիասիբ քահանայ է́ր ՛ի գանձանակի տանն ա(ստուծո)յ մերոյ, եւ ետ տեղի տուբիայ.

Verse: 5  Link to sept   եւ շինեաց իւր անդ տո́ւն գանձի մեծ։ եւ ա́նդ էր յառաջնում ուր տային զմաննայն եւ զլիբանոն, եւ զկահն սրբու(թ)ե(ան), եւ զտասանորդս ցորենոյն եւ գինւոյ եւ ձիթոյ եւ իւղոյ, եւ զռոճիկսն ղեւտացւոցն, եւ երգեցկաց, եւ դռնապանաց, եւ զառաջաւորս քահանայիցն։

Verse: 6  Link to sept   Եւ մինչ զայս ա(մենայ)ն արարեալ էր, ես ո́չ էի յե(րուսաղէ)մ. քանզի յա(մենայ)նի երեսներորդի երկրորդի արտաշիսի թագաւորի բաբելացւոց՝ մտի առ թագաւորն. եւ յետ բազում աւուրց խնդրեցի ՛ի թագաւորէն,

Verse: 7  Link to sept   եւ ելի յե(րուսաղէ)մ։ Եւ իմացայ զա(մենայ)ն չարութի(ւն)ս զոր արար եղիասիբ վ(ա)ս(ն) տուբիայ. զի ետ նմա շինել տո́ւն գանձու ՛ի գաւթի տանն տ(եառ)ն.

Verse: 8  Link to sept   եւ չա́ր թուեցաւ առաջի իմ յոյժ։ Եւ ընկեցի արտաքս զա(մենայ)ն կահ տուբիա ՛ի տանէն գանձու.

Verse: 9  Link to sept   եւ հրամայեցի սրբել զտուն գանձուն տ(եառ)ն. եւ դարձուցի անդրէն զկահ զսպաս տանն տ(եառ)ն, եւ զմաննայն եւ զլիբանոն։

Verse: 10  Link to sept   Եւ գիտացի եւ հասի ՛ի վերայ՝ եթէ զբաժին ղեւտացւոցն ո́չ էր տուեալ, եւ նոքա էին գնացեալ յագարակս իւրեանց։ եւ ղեւտացիքն եւ երգեցիկքն գործէին զգործ մշակութե(ան)։

Verse: 11  Link to sept   եւ կագեցայ ընդ իշխանսն եւ ասեմ. ընդէ՞ր պակասեցին ռոճիկք ՛ի տանէ տ(եառ)ն։ Եւ ժողովեցի զա(մենայ)ն սպասաւորսն, եւ կարգեցի զն(ո)ս(ա), ՛ի տեղիս իւրեանց։

Verse: 12  Link to sept   եւ ա(մենայ)ն հրէայք բերէին զտասանորդս ցորենոյ եւ գինւոյ եւ ձիթոյ ՛ի գանձանակ տան տ(եառ)ն։

Verse: 13  Link to sept   եւ հրամայեցի տալ ՛ի ձեռս եղիմայ քահանայի եւ սադովկայ գրչի, եւ փաղայիայ որ է́ր յղեւտացւոցն, եւ ՛ի ձեռանէ ն(ո)ց(ա) անանի որդի զաքուր, որդի մաթանայի. վ(ա)ս(ն) զի հաւատարի́մ էին նոքա որք բաժանէին՝ եւ տային եղբա́րց իւրեանց։

Verse: 14  Link to sept   Յիշեսցէ́ զիս ա(ստուա)ծ յայնմ ա(մենայ)նի. եւ մի́ ՛ի բացէ́ արասցէ զողորմու(թ)ի(ւն) իւր յինէն. վ(ա)ս(ն) զի արարի զայս ա(մենայ)ն ՛ի տա́ն տ(եառ)ն ա(ստուծո)յ ի(սրաէ)լի։

Verse: 15  Link to sept   Յաւուրսն յայնոսիկ տեսանէին ՛ի հրէաստանի՝ զի հարկանէին հնձանս յաւուր շաբաթու, եւ բերէին զորայսն ընդ դրունս ե(րուսաղէ)մի. եւ կախէին բեռն գրաստուց զգինի եւ զխաղող եւ զթուզ. բարձեալ բեռինս բերէին յե(րուսաղէ)մ յաւուր շաբաթու։ եւ կալեալ վկայս զի վաճառէին յաւուր շաբաթու.

Verse: 16  Link to sept   եւ նստէին ՛ի տեղի վաճառուցն որք բերէին զձուկնն եւ զա(մենայ)ն վաճառսն, եւ գնէին յաւուր շաբաթու հրէայքն ՛ի ներքս յե(րուսաղէ)մ։

Verse: 17  Link to sept   Եւ կագեցայ ես ընդ որդիս հրէիցն որք էին յե(րուսաղէ)մ, եւ ընդ իշխանսն յուդայ, եւ ասեմ ցն(ո)ս(ա). զի՞նչ է անօրէնու(թ)ի(ւն)ս այս զոր դուք գործէք՝ եւ պղծէք զաւուրս սուրբ զշաբաթու։

Verse: 18  Link to sept   ո՞չ այսպէս արարին հարքն ձեր՝ եւ ած ՛ի վ(ե)ր(այ) ն(ո)ց(ա) ա(ստուա)ծ զչարիսս զայս ա(մենայ)ն, եւ ՛ի վերայ քաղաքիս այսորիկ. եւ արդ՝ դուք ընդէ՞ր յաւելուք զբարկու(թ)ի(ւն) ՛ի վ(ե)ր(այ) ի(սրաէ)լի, եւ պղծէք զօրն սուրբ զշաբաթուց։

Verse: 19  Link to sept   Եւ եղեւ յորժամ կանգնեցի զդրունս ե(րուսաղէ)մի՝ յառաջ քան զշաբաթն հրամայէի փակե́լ զդրունսն, եւ ո́չ տայի բանալ զն(ո)ս(ա) մինչեւ անցանէ́ր շաբաթն։ եւ դարձեալ կացուցի մանկունս պահապանս, զի մի́ իշխեսցէ մտանել ոք բեռամբ յաւուր շաբաթու ը(նդ) դրունսն ե(րուսաղէ)մի։

Verse: 20  Link to sept   Եւ ագանէին ամենեքեան որք վաճառէին՝ արտաքո́յ ե(րուսաղէ)մի միանգամ եւ երկիցս։

Verse: 21  Link to sept   Եւ ասե́մ ցն(ո)ս(ա), ընդէ՞ր ագանիք դուք արտաքոյ պարսպիդ. եթէ ա́յլ տեսանեմ զանօրէնութի(ւն)դ զայդ՝ տա́մ հրաման ա́յսպէս զի ո́չ մտանիցէք դուք ՛ի շաբաթս մեր՝ եւ ՛ի քաղաքս։

Verse: 22  Link to sept   Եւ ասե́մ ցղեւտացիսն որք էին սրբեալ, եւ գային պահէին զդրունսն, եւ սրբէին յաւուր շաբաթու. եւ յայնմհետէ ո́չ պղծեցին զշաբաթսն։ Եւ յա́յսմ ա(մենայ)նի յիշեսցէ զիս ա(ստուա)ծ՝ եւ խնայեսցէ յիս ըստ բազում ողորմու(թ)ե(ան) իւրում։

Verse: 23  Link to sept   Եւ յաւուրսն յայնոսիկ տեսի զհրէայսն, զի նստէին կանայք ազովտացիք՝ եւ ամովնացիք՝ եւ մովաբացիք,

Verse: 24  Link to sept   եւ որդիք ն(ո)ց(ա). եւ ոմանք ՛ի կանանցն խօսէին ազովտացի, եւ ո́չ գիտէին խօսել հրեէրէն։

Verse: 25  Link to sept   Եւ կագեցա́յ ընդ ն(ո)ս(ա), եւ նզովեցի զն(ո)ս(ա), եւ հարի́ ՛ի նոցանէ արս բազումս. եւ երդմնեցուցի́ զն(ո)ս(ա) յանուն ա(ստուծո)յ, զի մի́ տացեն զդստերս իւրեանց որդւոց ն(ո)ց(ա), եւ մի́ զդստերս ն(ո)ց(ա) ածցեն որդւոց իւրեանց։ Եւ ասեմ ցնոսա.

Verse: 26  Link to sept   ո́չ յայդմ ա(մենայ)ն մեղաւ սողոմոն թագաւոր ի(սրաէ)լի, եւ ո՞վ էր իբրեւ զնա իմաստուն յա(մենայ)ն թագաւորս մեր. եւ սիրելի́ էր նա ա(ստուծո)յ, եւ կացոյց զնա ա(ստուա)ծ թագաւո́ր ՛ի վերայ ա(մենայ)ն ի(սրաէ)լի. եւ զայսպիսի սիրելի ա(ստուծո)յ եւ զիմաստուն եւ զմեծ թագաւոր, խոտորեցուցին եւ յանցուցին ՛ի մեղս կանա́յք այլազգեաց։

Verse: 27  Link to sept   Եւ արդ՝ մի́ լուայց եթէ ոք արասցէ զայնպիսի մեծ չարու(թ)ի(ւն)ս, եւ մեղիցէ առ ա(ստուա)ծ, եւ արասցէ կին այլազգի։

Verse: 28  Link to sept   Եւ յորդւոցն յովիդեայ եւ յեղիասիբայ մե́ծ քահանային, լուայ՝ թէ էր կին ն(ո)ր(ա) դուստր սանաբաղատայ, եւ մերժեալ հալածեցի զնա յինէն։

Verse: 29  Link to sept   յիշեսցէ́ զն(ո)ս(ա) ա(ստուա)ծ ՛ի ժառանգու(թ)ե(ան) եւ յուխտի քահանայութե(ան)։

Verse: 30  Link to sept   Եւ զղեւտացիսն սրբեցի յա(մենայ)ն այլազգեաց՝ եւ կարգեալ կազմեցի զն(ո)ս(ա) օրըստօրէ զքահանայսն եւ զղեւտացիսն, ա́յր իւրաքանչիւր ՛ի գործ իւր։

Verse: 31  Link to sept   եւ ետու կա́զմ բերել զա(մենայ)ն փայտ ողջակիզացն յիւրաքանչիւր ժամանակս, եւ զառաջաւորսն պտղոյ իւրեանց։ Յիշեսցէ́ զիս ա(ստուա)ծ մեր յա(մենայ)ն բարութի(ւն)ս արդարու(թ)ե(ան). ա́յն որ օրհնեա́լն է յաւիտեան։ ամէն։





Book: Esth. 
Esther

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 8.11.2005

ԵՍԹԵՐ

Chapter: 11 
ԳԼ(ՈՒԽ) Ժ՜Ա.


Verse: 2  Link to sept   ՅԱՄԻՆ ԵՐԿՐՈՐԴԻ ՛Ի ԹԱԳԱՒՈՐՈՒ(Թ)Ե(Ա)Ն արտաշէսի արքայի մեծի. յառաջնում աւուր ամսո́յն ադարայ, որ է հայերէն արեգ. տեսի́լ ետես մուրդքեւս որդի յայիրայ, որդւոյ սամեայ, որդւոյ կիսեայ. յազգէ բենիամինի։

Verse: 3  Link to sept   այր հրէայ, եւ էր բնակեալ ՛ի սիսիս քաղաքի. այր մեծ եւ հաւատարիմ ա(մենայ)ն իրաց տան թագաւորին։

Verse: 4  Link to sept   Եւ է́ր նա ՛ի գերու(թեն)է անտի զոր գերեաց նաբուքոդոնոսոր արքայ բաբելացւոց յե(րուսաղէ)մէ, յեքոնիաւ հանդերձ արքայիւն հրէաստանի։

Verse: 5  Link to sept   Եւ ա́յս է երազ տեսլեան ն(ո)ր(ա) զոր տեսանէր. Ձա́յն խռովութե(ան)ց՝ եւ որոտմանց եւ շարժմանց. եւ է́ր խռովութի(ւն) մեծ ՛ի վերայ երկրի։

Verse: 6  Link to sept   Եւ ահաւասիկ երկու վիշապք մեծք յոյժ, պատրաստեալ ելանէին ՛ի կռի́ւ ը(նդ) միմեանս։

Verse: 7  Link to sept   եւ եղեւ ՛ի նոցանէն ձա́յն մեծ. եւ ՛ի ձայնէ բարբառոյ ն(ո)ց(ա) պատրաստեցան ա(մենայ)ն ազգք ՛ի պատերազմ. զի տացեն պատերա́զմ ընդ ազգին արդարոյ։

Verse: 8  Link to sept   Եւ էր օրն խաւարին եւ մթին, տառապանաց եւ նեղութե(ան)ց, եւ է́ր խռովու(թ)ի(ւն) մեծ ՛ի վ(ե)ր(այ) երկրի։

Verse: 9  Link to sept   եւ խռովեցաւ ա(մենայ)ն արդար ազգն վ(ա)ս(ն) իւրեանց չարեացն, եւ պատրաստեցան ՛ի կորուստ. եւ կարդացին նոքա առ ա(ստուա)ծ։

Verse: 10  Link to sept   Եւ ՛ի ձայնէ անտի նոցա եղեւ իբրեւ ՛ի փոքրիկ աղբիւրէ գե́տ մեծ յստակ։

Verse: 11  Link to sept   եւ արեգակն ծագեաց, եւ խոնարհքն բարձրացան՝ եւ կերան զփառաւորսն։

Verse: 12  Link to sept   Եւ զարթեաւ մուրդքէ ՛ի տեսլենէ́ աստի յայսմանէ. զոր ա(ստուա)ծն խորհեցաւ առնել. եւ ունէր զտեսի́լ երազոյն ՛ի սրտի իւրում. եւ յա(մենայ)ն զօրու(թեն)է իւրմէ կամէր գիտել, եթէ զի՞նչ իցէ տեսիլն, զոր ետես անդէն ՛ի նմին գիշերի։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ դադարեա́ց մուրդքէ յապարանսն՝ գաբիթեաւ հանդերձ եւ թառայիւ՝ երկոքումբք ներքինեօք թագաւորին, որ էին պահապանք ապարանից թագաւորին։

Verse: 2  Link to sept   Եւ իբրեւ գիտա́կ եղեւ մուրթքէ խորհրդո́ց ներքինեացն, եւ զկամս սրտից ն(ո)ց(ա) քննեաց՝ եթէ պատրաստեալ են նոքա ձե́ռն արկանել ՛ի թագաւորն արտաշէս, եցո́յց արքային զխորհուրդս ն(ո)ց(ա)։

Verse: 3  Link to sept   Եւ եհարց թագաւորն զերկոսին ներքինիսն, եւ նոքա խոստովա́ն եղեն նմա. եւ հրամայեաց զնոսա կապե́լ։

Verse: 4  Link to sept   Եւ գրեաց թագաւորն զբա́նս զայսոսիկ ՛ի յիշատակս. եւ մուրթքէ գրեա́ց վ(ա)ս(ն) բանիցս այսոցիկ։

Verse: 5  Link to sept   Եւ ետ հրաման թագաւորն մուրթքէի, մեծա́ւ զգուշութ(եամ)բ առաւե́լ եւս դարմա́ն տանել տան թագաւորին. եւ ետ նմա պարգեւս։ Եւ էր համան ամադովթեայ բովկեցւոյ փառաւո́ր առաջի արքային, եւ կամեցաւ չարչարե́լ զմուրթքէ եւ զժողովուրդ ն(ո)ց(ա) վ(ա)ս(ն) երկո́ւց ներքինեացն։

Verse: 6  Link to sept   Եւ եղեւ յետ բանիցս այսոցիկ յաւո́ւրս արտաշէսի, որ եւ ա́յս
Chapter: 1 
ԳԼ(ՈՒԽ) Ա՜.


Verse: 1  Link to sept   Արտաշէս կալաւ ՛ի հնդկաց աշխարհէն մինչեւ յեթովպիա հարիւր քսան եւ եւթն գաւառ.

Verse: 2  Link to sept   ՛ի նմին աւուրս յորս նստաւ ՛ի սիսիս քաղաքի։

Verse: 3  Link to sept   Յամին երրորդի թագաւորութե(ա)ն իւրում. արա́ր թագաւորն կոչունս սիրելեաց իւրոց մեծամեծաց, եւ այլո́ց եւս ազգաց՝ պարսից եւ մարաց՝ եւ ա(մենայ)ն իշխանաց նախարարացն։

Verse: 4  Link to sept   Եւ իբրեւ եցո́յց ն(ո)ց(ա) զմեծու(թ)ի(ւն) թագաւորու(թ)ե(ա)ն իւրոյ, եւ զփառաւորս ուրախութե(ան) վայելչու(թ)ե(ա)ն զաւուրս հարիւր եւ ութսուն։

Verse: 5  Link to sept   Եւ յորժամ յա́նգ ելանէին աւուրք հարսանեացն. դարձեալ միւսանգամ հրամա́ն ետ կոչել ՛ի հարսանիսն զռամիկ քաղաքակիցս իւր ՛ի գաւիթ տանն արքունի զաւուրս վեց։

Verse: 6  Link to sept   եւ էր զարդարեալ բեհեզովք եւ կերպասովք՝ զորս էր կարգեալ եւ կազմեալս զլարեօ́քն ծիրանեօք եւ բեհեզովք. եւ զորս էր կարգեալ ՛ի խոյակսն ոսկիս, եւ ՛ի ծիրանիս ուր կային ՛ի վերայ սեանցն պատուականաց. եւ ՛ի խարսխացն ոսկեղինաց որ կային գահոյք բազումք ոսկեղէնք եւ արծաթեղէնք ընդելուզեալք մարգարտովք եւ ակամբք պատուականօք՝ լցեալս պաստառւօք. եւ գոյնագոյն նկարօք, եւ պատուական հանդերձիւք ՛ի վ(ե)ր(այ) վարդայատակ դաւթին։

Verse: 7  Link to sept   ուր կային թակոյկք եւ ըմպելիք թագաւորին ոսկեղէնք եւ արծաթեղէնք, որք էին յերից բիւրոց քանքարաց.

Verse: 8  Link to sept   եւ գինի յո́յժ արքայի ըմպելի։ Այլ կոչունքս՝ ո́չ որպէս օրէն էր եղեւ. վ(ա)ս(ն) զի ա́յսպէս կամեցաւ թագաւորն առնել պաշտօնեայ ծառայիցն։

Verse: 9  Link to sept   Եւ ասթինէ կին թագաւորին արա́ր կոչունս կանանց յապարանս թագաւորին արտաշէսի։

Verse: 10  Link to sept   Եւ յաւուրն եւթներորդի յանձն իւր զուարճացեալ լինէր թագաւորն. եւ ասէ ցաման, եւ ցբազան, եւ ցթառա, եւ ցբուրազէ, եւ ցթառաբբա, ցեւթանէո́րն ներքինեաց ցպաշտօնեայս իւր,

Verse: 11  Link to sept   կոչել զկինն յարքունիս թագաւորեցուցանե́լ զնա, եւ ցուցանել ա(մենայ)ն իշխանաց եւ ազգաց զգեղեցկութի(ւն) ն(ո)ր(ա). զի էր գեղեցի́կ յոյժ։

Verse: 12  Link to sept   եւ ո́չ լուաւ նմա ասթանէ գա́լ առ նա ընդ ներքինիսն։ Եւ տրտմեցաւ թագաւորն՝ եւ բարկացա́ւ յոյժ։

Verse: 13  Link to sept   եւ ասէ ցսիրելիսն իւր զիրսն զոր արար ասթինէն. արդ՝ արարէ́ք ասէ թագաւորն այսուհետեւ օրէ́նս եւ իրաւունս։

Verse: 14  Link to sept   Եւ մատեան առաջի ն(ո)ր(ա) արքինսէոս եւ առնաթեւ եւ մաղիսեար, իշխանք պարսի́ց եւ մարաց որ էին մերձաւորք եւ աթոռակի́ցք արքային։

Verse: 15  Link to sept   եւ պատմեցին եթէ ո՞(ր)պ(էս) օրէն է առնել ասթանեայ կնոջ թագաւորին, զի ո́չ արար զհրամանս արքային, զոր հրամայեաց նմա ՛ի ձեռն ներքինեացն։

Verse: 16  Link to sept   Եւ ասէ ոմիքեւս ցարքայ եւ ցիշխանսն. ո́չ եթէ արքայի́ միայն ընդդէմ դարձաւ ասթինէ տիկնա́նց տիկին, այլ ա(մենայ)ն իշխանաց եւ կուսակալա́ց արքայի։

Verse: 17  Link to sept   Սո́յնպէս եւ ա(մենայ)ն կանայք լինին անհնազա́նդ իշխանաց պարսից եւ մարաց.

Verse: 18  Link to sept   յորժամ լսեն զարհամարհանս կնոջ թագաւորիս, համարձակին իշխե́լ անարգել զարս իւրեանց։

Verse: 19  Link to sept   Արդ՝ եթէ կա́մք իցեն եւ հաճո́յ թուեսցի արքայի, մի́ մտցէ նա առ արքայ. եւ զտիկնութի(ւն) ն(ո)ր(ա) տացէ կնոջ որ լա́ւ եւս իցէ քան զնա։

Verse: 20  Link to sept   Եւ լուիցեն զօրէնսս զոր հրամայես ՛ի թագաւորու(թ)ե(ան)դ քում. եւ պատուեսցեն կանայք զարս իւրեանց պատուով մեծաւ՝ յաղքատաց մինչեւ ՛ի մեծամե́ծս։

Verse: 21  Link to sept   Եւ հաճո́յ թուեցաւ բանն արքայի, եւ ա(մենայ)ն իշխանաց ն(ո)ր(ա). եւ արար թագաւորն ո(ր)պ(էս) խօսեցա́ւ մուրդքեւս։

Verse: 22  Link to sept   Եւ առաքեա́ց ը(նդ) ա(մենայ)ն թագաւորութի(ւն)ն իւր ՛ի գաւառսն ա(մենայ)ն, ըստ հրամանին որ եդաւ ՛ի վերայ ա(մենայ)ն կանանց։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ յետ բանի́ցս այսոցիկ դադարեաց թագաւորն ՛ի բարկութ(են)է անտի. եւ ո́չ յաւել յիշել եւս զասթինէ. զի ՛ի մտի ունէր զոր խօսեցաւն նա։ եւ այսպէս մերժեա́լ ընկեցաւ կինն։

Verse: 2  Link to sept   Եւ ասե́ն սպասաւորք թագաւորին. խնդրեսցեն արքայի աղջկունս կոյսս՝ գեղեցիկս տեսանելով։

Verse: 3  Link to sept   եւ հրամայեսցէ արքայ գաւառապետս կացուցանել ընդ ա(մենայ)ն երկիր թագաւորութե(ան)դ քոյ. եւ ընտրեսցեն աղջկունս կոյսս եւ տացին ածե́լ ՛ի սուսէն քաղաք՝ ՛ի կուսանոց մի. եւ տացեն զնա ցներքինիսն արքունի. որ պահապանն է կանանց, եւ հրամայեսցէ́ արքայ տալ ն(ո)ց(ա) եւղ եւ աւճառ, եւ զա(մենայ)ն դարմանս։

Verse: 4  Link to sept   եւ կին՝ որ հաճո́յ լիցի արքայի, թագաւորեսցէ́ նա փոխանակ ասթինեայ։ եւ հաճո́յ թուեցաւ արքայի իրքն. արա́ր այնպէս։

Verse: 5  Link to sept   Եւ է́ր այր մի հրէայ ՛ի սիսիս քաղաքի, եւ անուն ն(ո)ր(ա) մուրթքէոս, որդի յայիրայ, որդւոյ սեմեայ, որդւոյ կիսեայ յազգէ բենիամինի.

Verse: 6  Link to sept   որ էր գերի́ եկեալ յա(մենայ)նէ զոր գերեաց նաբուքոդոնոսոր արքայն բաբելացւոց։

Verse: 7  Link to sept   Եւ էր նորա մանուկ սնուցեալ զդուստր ամինադաբայ, եղբօր հօրն իւրոյ. եւ անուն էր ն(ո)ր(ա) եսթեր. եւ յառնուլ զնա ՛ի մօրէն եւ ՛ի հօրէն իւրմէ, կամէր առնուլ ի́ւր կնութե(ան)։ եւ էր աղջիկն բարի́ յոյժ տեսանելով։

Verse: 8  Link to sept   Եւ յորժամ լո́ւ եղեւ հրաման թագաւորին, ժողովեցան աղջկունք բազումք ՛ի սիսան քաղաք, որ էր ը(նդ) ձեռամբ ովգեայ։ Տարա́ն զեսթեր առ ովգա, որ էր ներքինի ՛ի վ(ե)ր(այ) կանանց.

Verse: 9  Link to sept   եւ հաճո́յ եղեւ նմա աղջիկն. եւ եգիտ նա շնորհս առաջի ն(ո)ր(ա), եւ փութացաւ նմա տալ զաճառն եւ զմասն դարմանոյ նորա. եւ զեւթն աղջիկն զորս տուեալ էր ն(ո)ր(ա) նաժիշտ յարքունուստ. եւ դարմանէր զեսթեր առաւելագոյն քան զա́յլ ընկերս ն(ո)ր(ա), եւ զնաժիշտս ն(ո)ր(ա) նո́յնպէս։

Verse: 10  Link to sept   Եւ ո́չ եցոյց եսթեր զազգն եւ ո́չ զգաւառն. վ(ա)ս(ն) զի պատուիրեա́ց նմա մուրթքէ՝ մի́ պատմել։

Verse: 11  Link to sept   Եւ յաճախէր մուրթքէ զա(մենայ)ն օր շրջել առ տամբ կանանցն, եւ տեսանել թէ որպիսի՞ անցք անցցեն ընդ եսթեր.

Verse: 12  Link to sept   զի մե́րձ էր ժամանակ աղջճանն մտանե́լ առ թագաւորն, յորժամ լնուին ամիսք երկոտասան. զի ա́յսպէս կատարէին աւուրք դարմանոյ նոցա, ամիսք երեք օծանէին իւղովք անուշիւք, եւ ամիսս վեց ՛ի խունկս անուշունս, եւ յաճառս, եւ ՛ի լուանալ կանանցն։

Verse: 13  Link to sept   եւ ապա մտանէր առ արքայն. եւ որում կամէր տալ զնա ՛ի ձեռս ն(ո)ր(ա), մտանէր ը(նդ) նմա ՛ի սենեակն առաջի թագաւորին։

Verse: 14  Link to sept   ընդերե́կս մտանէր առ թագաւորն. եւ ցերեակ երթա́յր անդրէն առ ընկերս իւր, եւ առ ովգա́ ներքինի պահապան կանանցն. եւ կա́յր անդէն, մինչեւ կոչէին զնա յականէ ՛ի սենեա́կ թագաւորին։

Verse: 15  Link to sept   Եւ իբրեւ լնոյր ժամանակն եսթերայ՝ դստերն ամինադաբայ եղբօր հօրն մուրթքէի մտանե́լ առ արքայն։ եւ ո́չինչ ապախտ արար զոր միանգամ պատուիրեաց նմա ներքինին, որ էր պահապան կանանցն. զի է́ր եսթերայ գտեալ շնորհս յամենեցունց որ միանգամ տեսանէին զնա։

Verse: 16  Link to sept   Եւ եմո́ւտ եսթեր առ արքայն յերկոտասաներորդ ամսեանն ադար, որ է հայերէն արեգ. յեւթներորդ ամի թագաւորութե(ան) ն(ո)ր(ա)։

Verse: 17  Link to sept   եւ հաճո́յ թուեցաւ եսթեր արքայի յոյժ, եւ եգիտ նա շնորհս քան զա(մենայ)ն կանայսն, եւ ե́դ ՛ի վ(ե)ր(այ) գլխոյ ն(ո)ր(ա) զթագ կանանցն։

Verse: 18  Link to sept   Եւ արար թագաւորն կոչմունս ա(մենայ)ն սիրելեաց իւրոց, եւ զօրացն իւրոց զաւուրս եւթն, եւ բարձրացոյց նա զհարսանիսն եսթերայ. եւ հրամա́ն ետ թողութի(ւն) առնել ամենեցուն որ ընդ թագաւորութ(եամ)բ ն(ո)ր(ա) էին։ եւ մուրթքէ դարմանէր եւ կազմէր զտունն թագաւորին։

Verse: 20  Link to sept   Այլ եսթեր՝ ո́չ եցոյց զերկիր հայրենի գաւառին իւրոյ. զի ա́յսպէս պատուիրեալ էր նմա մուրթքէի. երկնչե́լ յա(ստուծո)յ՝ եւ առնել զհրամանս ն(ո)ր(ա), ո(ր)պ(էս) էր նա առ նմա յառաջ. եւ եսթեր ո́չ փոխեաց զիւր կարգն։

Verse: 21  Link to sept   Եւ տրտմեցա́ն երկու ներքինիք արքային՝ որ պահպանապետքն էին մարդկանն. վ(ա)ս(ն) զի նախանձէին ընդ մուրթքէի՝ առաւե́լ քան զն(ո)ս(ա) պատուելոյ ՛ի թագաւորէն, եւ կամէին սպանանել զարտաշէս արքայ։

Verse: 22  Link to sept   Եւ ա́զդ եղեւ մուրթքէի բանս այս, եւ յայտնեաց եսթերայ։ եւ եսթեր եցոյց արքայի զխորհուրդս մահուն։

Verse: 23  Link to sept   Եւ արքայն կշտամբեաց զերկոսին ներքինիսն, եւ կախեաց զն(ո)ս(ա) զփայտէ։ եւ հրամայեաց թագաւորն զիրսն զայն գրել զգուշու(թեամ)բ. եթէ ո՞(ր)պ(էս) հաւատարի́մ եղեւ առ նա մուրթքէոս։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ եղեւ յետ այսորիկ, եւ փառաւորեաց արքայ արտաշէս զհաման՝ դաթուբաւ հանդերձ ընկերօք ն(ո)ր(ա), եւ բարձրացոյց զնա յառաջին աթոռ քան զա(մենայ)ն սիրելիս իւր։

Verse: 2  Link to sept   եւ ամենեքին որ միանգամ էին ՛ի տան թագաւորին՝ երկի́ր պագանէին նմա. զի ա́յսպէս հրամայեաց թագաւորն առնել։ Այլ մուրթքէ ո́չ պագանէր նմա երկիր։

Verse: 3  Link to sept   եւ խօսեցան մեծամեծք թագաւորին ը(նդ) մուրթքէի՝ եւ ասեն. մո́ւրթքէ՝ ընդէ՞ր ո́չ պագանես դու երկիր համանայ ըս(տ) հրամանի́ թագաւորին։

Verse: 4  Link to sept   զի յա(մենայ)ն օր խօսէին ը(նդ) նմա. եւ նա ո́չ լսէր ն(ո)ց(ա)։ եւ ամբաստա́ն եղեն զմուրթքէէ առաջի համանայ. եւ մուրթքէ ո́չ հնազանդեցաւ հրամանացն արքայի՝ քանզի հրեա́յ էր։

Verse: 5  Link to sept   Եւ յորժամ գիտաց աման՝ եթէ ո́չ պագանէ նմա երկիր, բարկացա́ւ յոյժ.

Verse: 6  Link to sept   եւ խորհո́ւրդ արար զի կորուսցէ զհրէայսն որ ընդ թագաւորութ(եամ)բն արտաշէսի արքայի իցեն. եւ արարին հանդէ́ս համարոյ,

Verse: 7  Link to sept   յամին երկոտասաներորի թագաւորու(թ)ե(ա)ն արտաշէսի։ եւ արկանէր վիճակ օր յօրէ՝ եւ ամիս յամսոյ. զի ո՞րպէս կորուսցէ ՛ի միում աւուր զա́զգն մուրթքէի, եւ անկաւ վիճակն ՛ի չորեքտասան ամսոյն ադար։

Verse: 8  Link to sept   Եւ խօսեցա́ւ ընդ արքային՝ եւ ասէ. գո́յ ազգ ցրեալ ը(նդ) հեթանոսս, եւ ընդ ա(մենայ)ն թագաւորութե(ան) քում, որք են ապիրատք եւ խորամանգք քան զամ(ենայն) ազգս, եւ օրինաց արքունի ո́չ հնազանդին. եւ ո́չ օգո́ւտ են արքայի եթէ թողուս դու զն(ո)ս(ա)։

Verse: 9  Link to sept   արդ՝ եթէ կա́մք իցեն արքայի, հրամա́ն տացես կորուսանել զն(ո)ս(ա). եւ ես կարգեցից ՛ի գանձս արքունի՝ բե́ւր քանքար արծաթոյ։

Verse: 10  Link to sept   Եւ եհան արքայ զմատանին իւր եւ ե́տ զնա ՛ի ձեռս ամանայ գրե́լ զհրէիցն՝ եւ կնքե́լ առ ՛ի կորուսանել զն(ո)ս(ա)։

Verse: 11  Link to sept   եւ ասէ թագաւորն ցաման. զարծաթդ կա́լ ընդ քեզ, եւ զազգդ զայդ՝ արա́ ո՝պ եւ կամիս։

Verse: 12  Link to sept   Եւ կոչեցին զդպիրսն արքունի յամսեանն առաջնում, յաւուրն երեքտասաներորդի. եւ գրեցին ո(ր)պ(էս) եւ հրամայեաց ն(ո)ց(ա) համան։ Զօրավարաց իշխանաց ը(նդ) ա(մենայ)ն գաւառս՝ ՛ի հնդկաց մինչեւ յեթովպացիս, հարիւր քսան եւ եւթն գաւառս. եւ իշխանացն ազգաց՝ գի́ր իւրաքանչիւր լեզուաւ արտաշէսի հրամանաւ։

Verse: 13  Link to sept   Եւ առաքեցան հրովարտակքն ՛ի ձեռն հրեշտակաց ընդ ա(մենայ)ն իշխանու(թ)ի(ւն)ն արտաշէսի՝ կորուսանե́լ զազգն հրէից յաւուր միում, յամսեանն երկոտասաներորդի որ է ադար, եւ յափշտակել զա(մենայ)ն ինչս եւ զստացուածս ն(ո)ց(ա)։

Verse: 14  Link to sept   Եւ հրաման հրովարտակին՝ էր ա́յսպէս։



Chapter: 4 
ԳԼ(ՈՒԽ) Ժ՜Գ.


Verse: 1  Link to sept   Արքա́յ մեծ արտաշէս՝ ձեզ որ էք ՛ի կողմանց հնդկաց եւ եթւովպացւոց, իշխանաց եւ պետաց, ձե́զ հնազանդելոցդ,

Verse: 2  Link to sept   եւ ա(մենայ)ն երկրիս զա́յս գրեմ։ Կամեցեալ՝ ո́չ ցասմամբ իշխանու(թ)ե(ան)ս հպարտացեալ՝ այլ քաղցրութ(եամ)բ եւ խոնարհու(թեամ)բ կարգեալ. զի զայնոսիկ որ ՛ի հնազանդութե(ա)ն իցեն՝ անշուշտ յա(մենայ)ն ժամ հաստատե́լ զկեանս ն(ո)ց(ա), զթագաւորութի(ւն)ն կացեալ խաղաղութ(եամ)բ մինչեւ ՛ի ծա́գս երկրիս, տա́լ նորոգել զխաղաղութի(ւն)ն որում ցանկացան ա(մենայ)ն մարդիկ.

Verse: 3  Link to sept   հաւատացեա́լ իմ որ խորհրդակի́ցս են իմ, զի ո(ր)պ(էս) ՛ի գլուխ տարցի զիրսս, որ զիմաստութի(ւն) եւ զխնամ առանց փոփոխելոյ հաստատուն հաւատովք յայտնեալ. որով արժանի́ լեալ երկրորդ աթոռակցութե(ան) իմոյ համան։

Verse: 4  Link to sept   եւ եցո́յց մեզ որ ընդ ա(մենայ)ն տիեզերս ա́զգ խառնեալ են դժընդակ ժողովո́ւրդ ոմն, խափա́ն օրինաց, որք ընդդէ́մ կան թագաւորաց, եւ ՛ի բա́ց մերժեն յիւրեանց զհրամանս առ ՛ի չլսել ն(ո)ց(ա), որ ՛ի մէնջ ուղղեալ եւ հաստատեալ անշո́ւշտ մերոյ իշխանու(թ)ե(ան)ս։

Verse: 5  Link to sept   Արդ կալեալ զազգս միայն բովանդա́կ ազգաւ իւրեանց առաջի ա(մենայ)ն մարդոյ որք միանգամ իցեն, եւ զկարգս զօրինաց զօտարաց ՛ի բա́ց փոխել. եւ որ դժընդակքն են, եւ ընդդէմ մերոյ իրաց. յորոց ձեռաց կատարին ա(մենայ)ն չարիք, որք են թշնամի́ք մերոյ թագաւորու(թ)ե(ան)ս։

Verse: 6  Link to sept   Կարգեցաք այժմիկ՝ վ(ա)ս(ն) որոյ ձեզ ա́զդ արարաք գրո́վս մերով այսուիկ, եւ ՛ի համանայ որ հաստատեալ կացեալս է ՛ի վ(ե)ր(այ) իրացս այսոցիկ, եւ երկրորդի հօր մերոյ. զամենեսեան կանամբք եւ որդւովք հանդերձ կորուսանե́լ խլե́լ սրով թշնամեաց՝ առա́նց գթալոյ եւ խնայել. յամսեանն երկոտասաներորդում, ՛ի չորրորդ աւուրն՝ որ է ադար,

Verse: 7  Link to sept   ՛ի տարւոջս յայսմիկ մահո́ւ չարաւ ՛ի դժո́խս իջցեն յաւուր միում։ եւ յետ այսր ժամանակի եղիցի խաղաղու(թ)ի(ւն) մեզ՝ ՛ի կատարե́լ իրացդ այդոցիկ։

Verse: 8  Link to sept   Եւ պատճէնք հրովարտակացն սփռեալ գրէին ընդ ա(մենայ)ն գաւառսն։ եւ իբրեւ ե́լ հրամանն այն, ամենեքին պատրաստք լինէին աւուրն այնմիկ։ փութանակի հասանէին իրքն այն եւ ՛ի շուշան քաղաք։ եւ թագաւորն եւ համան՝ զարդարէին զվարսս իւրեանց։ եւ խռովէին ա(մենայ)ն քաղաքն։



Chapter: 5 
ԳԼ(ՈՒԽ) Դ՜.


Verse: 1  Link to sept   Եւ մուրթքէ իբրեւ գիտաց զիրսն՝ պատառեաց զպատմուճան իւր, եւ զգեցաւ քուրձ, եւ ցանեաց մոխի́ր զգլխով իւրով. եւ ընթացաւ ընդ հրապարակս քաղաքին, ՛ի ձա́յն բարձր աղաղակէր եւ ասէր. արդ՝ ընդէ՞ր բառնայք զո́ւր օտար տարապարտուց զազգս իմ, որ ո́չինչ գործեաց չարիս։

Verse: 2  Link to sept   Եւ եկն մինչեւ ՛ի դրունս տանն արքունի եւ եկաց. զի ո́չ իսկ էր արժան նմա մտանել ՛ի գաւիթն արքունի, զի զգեցեալ էր զքուրձ եւ զմոխիր։

Verse: 3  Link to sept   Եւ ը(նդ) ա(մենայ)ն գաւառս ուր եւ կարդային զգիրն՝ աղաղա́կ եւ կոծումն՝ եւ սո́ւգ մեծ լինէր հրէիցն. եւ արկանէին քուրձ եւ մոխիր զիւրեամբք։

Verse: 4  Link to sept   Եւ մտին ներքինիքն եւ նաժիշտքն տիկնանց տիկնոջն, եւ պատմեցին եսթերայ. եւ խռովեցա́ւ յոյժ իբրեւ լուաւ վ(ա)ս(ն) հրամանին զոր ետ թագաւորն. եւ առաքեաց զգեցուցանել զհանդերձն մուրթքէի, եւ հանե́լ ՛ի նմանէ զքուրձն. եւ նա ո́չ հաւանեցաւ նմա։

Verse: 5  Link to sept   Եւ եսթեր կոչեաց զառնաթեւ ներքինի իւր որ կա́յր հանապազ առաջի ն(ո)ր(ա), եւ առաքեաց ճշմարտե́լ ՛ի մուրթքէէ՝ թէ արդարեւ՝ ա՞յնպէս իցէ։

Verse: 7  Link to sept   եւ մուրթքէ եցո́յց նմա զգիրսն ո(ր)պ(էս) եւ լեալ էին, եւ զխոստումն զոր խոստացաւ համան արքայի, տա́լ գանձս բեւր քանքար, զի կորուսցէ զհրէայսն։

Verse: 8  Link to sept   եւ զպատճէնն որ ՛ի սուսիս քաղաքի կարդացեալ էր առ ՛ի կորուսանել զն(ո)ս(ա), ե́տ զայն ցներքինին զի ցուցցէ́ եսթերայ։



Chapter: 6 
ԳԼ(ՈՒԽ) Ժ՜Ե.


Verse: 1  Link to sept   Եւ ասէ ցնա պատուիրելով, զի մտցե́ս եւ խնդրեսցե́ս յարքայէ. եւ աղաչեսցես վ(ա)ս(ն) ժողովրդեանն։

Verse: 2  Link to sept   զի յիշեսցե́ս զաւուրսն տառապանաց քոց որպէս եւ սնա́րն ՛ի ձեռս իմ. վ(ա)ս(ն) զի համան՝ երկրո́րդ արքայի խօսեցաւ զմէնջ ՛ի մահ։

Verse: 3  Link to sept   արդ՝ աղաչեսցես զտ(է)ր ա(ստուա)ծ խնդրուածովք, եւ խօսեսցի́ս՝ ասէ՝ թագաւորիդ վասն մեր, եւ փրկեսցես զմեզ ՛ի մահուանէս։

Verse: 4  Link to sept   Եւ եմուտ առնաթեւ, եւ խօսեցաւ ընդ նմա զա(մենայ)ն զբանս զայս։

Verse: 5  Link to sept   եւ ասէ եսթեր ցառնաթեւ. գնա́ դու առ մուրթքէ՝ եւ ասա́.

Verse: 6  Link to sept   եթէ ազգ ա(մենայ)ն թագաւորու(թ)ե(ան)ս գիտէ. եթէ ա(մենայ)ն այր կամ կին՝ որ մտանիցէ առ արքայ ՛ի ներքին սենեակն առանց կոչելոյ ն(ո)ր(ա), չի́ք փրկու(թ)ի(ւն). բայց միայն առ որ ձգէ արքայ զոսկի գաւազանն, նա միա́յն ապրի։ եւ ես ո́չ եմ կոչեցեալ մտանել առ արքայ, զի են այս աւուրք երեսուն։



Chapter: 7 
ԳԼ(ՈՒԽ) Դ՜.


Verse: 12  Link to sept   Եւ պատմեաց առնաթեւ մուրթքէի զա(մենայ)ն զբանսն եսթերայ։

Verse: 13  Link to sept   Եւ ասէ մուրթքէ ցառնաթեւ՝ ե́րթ եւ ասա́ դու նմա, թէ եսթե՞ր մի́ ասեր դու յանձն քո, եթէ ես միա́յն ապրիցիմ ՛ի թագաւորութե(ան)ս յա(մենայ)ն հրէից։

Verse: 14  Link to sept   եւ ո́չ լուիցես ՛ի ժամանակիս յայսմիկ. այլուստ լինի օգնականու(թ)ի(ւն) եւ փրկու(թ)ի(ւն) հրէից, այլ դու եւ տուն հօր քոյ կորնչի́ք. եւ ո́ իսկ գիտէ եթէ ՛ի ժամանակի յայսմիկ թագաւորեցեր։

Verse: 15  Link to sept   Եւ առաքեաց միւսանգամ եսթեր առ մուրթքէ՝ եւ ասէ.

Verse: 16  Link to sept   գնա́ դու ժողովեա́ զհրէայսն որ են ՛ի սիսիս քաղաքի, եւ պահեցէ́ք ինձ պա́հս, եւ մի́ կերիջիք եւ մի́ ըմպիջիք զաւուրս երիս, մի́ զտիւ եւ մի́ զգիշեր, եւ ես եւ նաժիշտք իմ զգուշանամք պահել։ Եւ ապա մտից ես առ արքայ, քանզի առնե́լ զայս՝ արտաքո́յ է օրինաց թագաւորին. արարի́ց զայդ, եւ եթէ իցէ ինձ մեռանել, եւ ո́չ յապաղեցից։

Verse: 17  Link to sept   Եւ գնա́ց մուրթքէ՝ եւ արար ո(ր)պ(էս) պատուիրեաց նմա եսթեր։



Chapter: 13 
ԳԼ(ՈՒԽ) Ժ՜Գ.


Verse: 8  Link to sept   Եւ աղաչեաց խնդրուածովք զտ(է)ր. ՛ի մի́տ առեալ եւ յիշեալ զգործս մեծամեծս տ(եառ)ն. եւ ասէ։

Verse: 9  Link to sept   Տ(է)ր ա(ստուա)ծ՝ թագաւոր ամենակալ, զի քո́ւմ հրամանիդ սպասէ ա(մենայ)ն ոք. ո́չոք է որ ընդդէմ կայ քեզ՝ յորժամ կամիս կեցուցանել դու զժողովուրդ քո զի(սրա)էլ.

Verse: 10  Link to sept   զի դո́ւ տ(է)ր արարեր զերկինս եւ զերկիր եւ զա(մենայ)ն սքանչելիս.

Verse: 11  Link to sept   եւ դո́ւ տիրես ՛ի վ(ե)ր(այ) ա(մենայ)նի, եւ ո́չոք է որ հակառա́կ կայ քում տէրու(թ)ե(ան)դ։

Verse: 12  Link to sept   որ զա(մենայ)ն գիտես. զի ո́չ հպարտու(թեամ)բ ինչ, եւ ո́չ ամբարտաւանու(թեամ)բ, եւ ո́չ թշնամանօք արարի զայս չպագանելս իմ երկիր ամբարտաւանին համանայ։

Verse: 13  Link to sept   Այլ հաճէի եւ կամէի պագանել զգարշապա́րս ոտից ն(ո)ր(ա) առ ՛ի փրկու(թ)ի(ւն) տանս ի(սրաէ)լի։

Verse: 14  Link to sept   այլ արարից զայս, զի մի́ տաց փառս մարդոյ, այլ քե́զ միայն ճշմարտի́դ ա(ստուծո)յ։ եւ ո́չ երկի́ր պագից ումեք՝ բայց քե́զ տ(եառ)ն իմում. եւ ո́չ արարի զայս ամբարտաւանութ(եամ)բ։

Verse: 15  Link to sept   Արդ տ(է)ր ա(ստուա)ծ աբրահամու՝ խնայեա́ դու ՛ի ժողովուրդ քո, զի յարուցեա́լ են ՛ի վ(ե)ր(այ) մեր ապականիչք՝ զի ցանկացեալ են կորուսանել զժառանգութի(ւն) քո որ է́ր իսկզբանէ.

Verse: 16  Link to sept   մի́ անտես առներ զբաժին քո զոր դու քեզէ́ն փրկեցեր յերկրէն եգիպտացւոց։

Verse: 17  Link to sept   Լո́ւր տ(է)ր ձայնի աղօթից իմոց. եւ քաւի́չ լեր ժառանգութե(ան) քում, եւ դարձո́ զսուգս մեր յուրախութի(ւն). զի կենդանիքս օրհնեսցուք զանունդ քո մեծ տ(է)ր. եւ մի́ ապականեր զբերան զայն որ օրհնէն զքեզ։

Verse: 18  Link to sept   Եւ ա(մենայ)ն ի(սրա)էլ կարդացին առ տ(է)ր յա(մենայ)ն զօրու(թեն)է իւրեանց. զի մա́հն առաջի ն(ո)ց(ա) էր։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ եսթեր տիկինն ապաստանեալ առ տ(է)ր, եւ հաստատեալ էր ՛ի ճիգն մեծ։

Verse: 2  Link to sept   Եւ եհան յուրմէ զհադերձ փառաց թագաւորութե(ան) իւրոյ, եւ զգեցաւ նա՝ քո́ւրձ նեղու(թ)ե(ան) եւ սգոյ. եւ փոխանակ պէսպէս պատուական իւղոցն եւ խնկոցն՝ մոխրով եւ աղբով ելի́ց զգլուխն իւր. եւ զմարմինս իւր ՛ի բազո́ւմ աշխատու(թ)ի(ւն)ս խոնարհեցոյց. եւ զա(մենայ)ն տեղի զարդու զցնծութե(ան) իւրոյ՝ ելի́ց ՛ի գիսոյ հերաց իւրոց։

Verse: 3  Link to sept   եւ մատուցեալ բազում աղօթիւք խնդրուածոց հայցէ́ր ՛ի տ(եառն)է ա(ստուծո)յ ի(սրաէ)լի՝ եւ ասէր. Տ(է)ր իմ եւ թագաւո́ր մեր, դո́ւ միայն օգնեա́ ինձ միայնումս. որ ո́չ ունիմ ինձ օգնական բա́ց ՛ի քէն։

Verse: 4  Link to sept   զի վտանգ մեծ է առաջի իմ։

Verse: 5  Link to sept   Ես լսէի ՛ի ծննդենէ իմմէ՝ ՛ի հայրենի ազգէն իմմէ, եթէ դու տ(է)ր առեր զի(սրա)էլ յա(մենայ)ն ազգաց, եւ զհարսն մեր յազգատոհմէն իւրեանց ՛ի ժառանգու(թ)ի(ւն) քեզ յաւիտեան. եւ արարեր ն(ո)ց(ա) զա(մենայ)ն զոր խօսեցար։ Եւ դարձեալ ե́ւս յաճախեալ յաղօթսն իւր այսպէս ասէր. Ա(ստուա)ծ աբրահամու, ա(ստուա)ծ սահակայ, ա(ստուա)ծ յակոբայ՝ դո́ւ ես օրհնեալ յաւիտեանս։ ես լսէի ՛ի հայրենի գրոց. զի դու տ(է)ր փոխեցեր յերկրէ յերկինս զենոք, յապաշխարութ(են)է ՛ի կեանսն յաւիտենից։ ես լուա́յ ՛ի հայրենի գրոց տ(է)ր՝ եթէ դու զնոյ ՛ի ջուրցն հեղեղէ ապրեցուցեր։ ես լուա́յ ՛ի հայրենի գրոց տ(է)ր՝ եթէ դու աբրահամու՝ առաջի արանցն իւրոց ՛ի մէջ թագաւորացն ետուր փառս։ ես լուա́յ ՛ի հայրենի գրոց տ(է)ր՝ եթէ դու զյովնան ՛ի կէտ ձկանն ապրեցուցեր։ ես լուայ ՛ի հայրենի իմոց գրոց տ(է)ր՝ ետէ դու զերիս մանկունսն ՛ի հնոցէ հրոյն փրկեցեր։ եւ զդանիէլ՝ ՛ի գբոյ առիւծուցն ապրեցուցեր։ ես լուա́յ ՛ի հայրենի իմոց գրոց տ(է)ր՝ եթէ դու զեզեկիա արքայն հրէաստանի՝ մահո́ւն դատապարտեալ՝ փրկեցեր, եւ ՛ի կալ ն(ո)ր(ա) յաղօթս առ քեզ վ(ա)ս(ն) կենաց իւրոց ողորմեցա́ր, եւ շնորհեցեր եւ յաւելեր ՛ի կեանս նորա ամս հնգետասան։ ես լուա́յ ՛ի հայրենի իմոց գրոց տ(է)ր՝ եթէ դու ՛ի խնդրելն ՛ի քէն տ(է)ր՝ աննայի, աղօթի́ւք եւ խնդրուածովք՝ զաւա́կ շնորհեցեր նմա զմեծն սամուէլ։

Verse: 6  Link to sept   Եւ արդ՝ այժմ մեք տ(է)ր մեղա́ք առաջի քո, եւ մատնեցեր զմեզ ՛ի ձեռս թշնամեաց մերոց.

Verse: 7  Link to sept   փոխանակ ա́յնր զի փառաւորեցաք մեք զաստուածս ն(ո)ց(ա). արդա́ր ես դու տ(է)ր։

Verse: 8  Link to sept   եւ այսու ո́չ շատացան ՛ի ծառայելս մերում ն(ո)ց(ա). այլ եդին զձեռս իւրեանց ՛ի վ(ե)ր(այ) կռոց իւրեանց,

Verse: 9  Link to sept   բառնա́լ զայն զոր սահմանեաց բերանդ քո, եւ եղծանել զժառանգութի(ւն)ս քո. եւ խնո́ւն զբերանս որ օրհնեն զքեզ, եւ շիջուցանեն զփառս տան քոյ եւ զսեղանոյ սրբոյ քոյ։

Verse: 10  Link to sept   եւ բանալ զբերանս ազգաց ՛ի փառաւորել զոչինչ աստուածս իւրեանց, եւ փառաւորե́լ զթագաւորս մարմնաւորս յաւիտենիս այսորիկ։

Verse: 11  Link to sept   Եւ արդ տ(է)ր ա(ստուա)ծ՝ մի́ մտաներ զվիճակ ժառանգութե(ան) քոյ ՛ի ձեռս այնոցիկ որ ո́չն իսկ են բնաւ, զի մի́ ուրախութ(եամ)բ ցնծասցեն ՛ի վ(ե)ր(այ) կործանմանս մերոյ. այլ դարձո́ զխորհուրդս ն(ո)ց(ա) անդրէն ՛ի նոսին, եւ զայն որ յարուցեալ է ՛ի վերայ մեր՝ խայտառակեա́։

Verse: 12  Link to sept   Յիշեա́ տ(է)ր, եւ մի́ անտես առներ ՛ի ժամանակի նեղու(թ)ե(ան)ս մերում։ Եւ զիս համարձակեցո́ որ թագաւորդ ես ա(մենայ)ն թագաւորաց՝ եւ տ(է)ր տերանց։

Verse: 13  Link to sept   եւ տո́ւր ինձ բան դիւրի́ն ՛ի բերան, որով գտանիցե́մ զշնորհս առաջի թագաւորին. եւ դարձո́ զսիրտ ն(ո)ր(ա) յատելութի(ւն) թշնամւոյն մերոյ, առ ՛ի կոտորումն նմին եւ կամակցաց ն(ո)ր(ա)։

Verse: 14  Link to sept   այլ զմեզ փրկեա́ բարձր բազկաւ քով, եւ օգնեա́ ինձ միայնումս՝ որում ո́չոք է օգնական բա́ց ՛ի քէն տ(է)ր։

Verse: 15  Link to sept   Տ(է)ր դու զամենեցուն զսիրտս գիտես եւ ճանաչես, եւ ես ատեցի́ զփառս անօրինացս, եւ գարշեցեալ եմ յանկողմէ անթլփատիցս. եւ յա(մենայ)ն օտար ստացուածոցս։

Verse: 16  Link to sept   Դո́ւ գիտես տ(է)ր զկարիս իմ, զի գարշելի է ինձ թագս որ է ՛ի վ(ե)ր(այ) գլխոյ իմոյ. գարշի́մ ՛ի սմանէ ո(ր)պ(էս) ՛ի կապերտէ որ լինի ըստ օրինաց կանանց, եւ ո́չ զգենում զնա յորժամ ՛ի ներքս դադարեմ։

Verse: 17  Link to sept   Եւ ոչ կերաւ աղախին քո ՛ի սեղանոյ անտի ամանայ, եւ ո́չ փառաւորեցի զգինարբուս թագաւորին, եւ ո́չ արբի զգինի սպանդից ն(ո)ց(ա)։

Verse: 18  Link to sept   եւ ո́չ ուրախ եղեւ աղախին քո յօրէն յայնմանէ յորմէհետէ մտեա́լ եմ առ թագաւորն մինչեւ ցայժմ. բայց ՛ի քեզ տ(է)ր՝ տ(է)ր ա(ստուա)ծ աբրահամու։

Verse: 19  Link to sept   Ա(ստուա)ծ հզօր ՛ի վ(ե)ր(այ) ամենեցունց, լո́ւր ձայնից անյուսացս, եւ փրկեա́ զմեզ ՛ի ձեռաց որ չարչարենս զմեզ, եւ փրկեա́ զիս յերկիւղէ անտի զոր երկնչիմս. եւ ապրեցո́ զժողովուրդ քո զի(սրա)էլ։



Chapter: 15 
ԳԼ(ՈՒԽ) Ժ՜Ե.


Verse: 4  Link to sept   Եւ եղեւ յաւուրն երրորդի՝ իբրեւ դադարեաց յաղօթիցն իւրոց, մերկացա́ւ յիւրմէ զհանդերձ սգոյն, եւ զգեցաւ զծիրանիսն իւր, եւ եղեւ երեւելի́ յոյժ։

Verse: 5  Link to sept   Եւ կարդա́ց նա առ տեսուչն իւր ա(ստուա)ծ եւ փրկիչն ա(մենայ)նի։ եւ ա́ռ նա զերկուս նաժիշտսն իւր զսիրելիս.

Verse: 6  Link to sept   մին ունէր զստորոտ զգեստու ն(ո)ր(ա) ՛ի վե́ր.

Verse: 7  Link to sept   եւ զմիւսովն արկեալ զձեռն իւր։

Verse: 8  Link to sept   Եւ նա՝ զամօթի հարեալ երկնչէր վ(ա)ս(ն) գեղոյ մանկու(թ)ե(ա)ն իւրոյ. եւ երեսք ն(ո)ր(ա) զուա́րթք առ ՛ի սիրել, այլ սիրտ ն(ո)ր(ա) նեղեալ էր ՛ի յահէ́ անտի։

Verse: 9  Link to sept   Եւ եմո́ւտ նա ը(նդ) ա(մենայ)ն դրունս ապարանիցն, եւ եկա́ց նա առաջի թագաւորին։ եւ նա նստէր յաթոռ թագաւորութե(ա)ն իւրոյ. եւ զգեցեալ էր զպատմուճան փառացն իւրոց, որ էր ընդելուզեալ ոսկւով եւ մարգարտով եւ ակամբք պատուականօք. եւ էր ահաւո́ր յոյժ։

Verse: 10  Link to sept   Եւ ՛ի վե́ր համբարձ զերեսս իւր, զի էին կարմրացեալ փառօք՝ եւ նայեցաւ. եւ գլորեցա́ւ տիկինն, եւ փոխեաց նա զգոյն իւր, եւ եղեւ նա իբրեւ զթալացեալ, եւ խոնարհեցաւ ՛ի գլուխ նաժշտին որ երթայր առաջի ն(ո)ր(ա)։

Verse: 11  Link to sept   Եւ դարձո́յց ա(ստուա)ծ զոգի թագաւորին ՛ի հեզու(թ)ի(ւն), եւ փութացեալ վաղվաղակի էջ մեծաւ երկիւղիւ յաթոռոյ անտի իւրմէ թագաւորն, եւ ա́ռ զտիկինն ՛ի վերայ գրկաց իւրոց եւ կանգնեաց զնա, եւ աղաչէր եւ մխիթարէր զնա բանիւք խաղաղութե(ան). եւ ասէր ցնա,

Verse: 12  Link to sept   զի՞ է քեզ եսթեր տիկին, ես՝ եղբա́յր քո եմ, համարձակեա́ց.

Verse: 13  Link to sept   ո́չ մեռանիս. զի ՛ի միասին է իմ եւ քո հրամանս։ Մատի́ր դու.

Verse: 14  Link to sept   եւ առ զգաւազանն զոսկի՝ եւ դիր ՛ի վ(ե)ր(այ) պարանոցի տիկնոջդ. եւ համբուրեաց զնա,

Verse: 15  Link to sept   եւ ասէ՝ խօսեա́ց ընդ իս։

Verse: 16  Link to sept   Եւ ասէ ցնա եսթեր. տեսի́ զքեզ տէր՝ իբրեւ զհրեշտակ ա(ստուծո)յ, խռովեցաւ սիրտ իմ յահէ փառաց քոց.

Verse: 17  Link to sept   զի սքանչելի́ ես տէր իմ. եւ երեսք քո լի́ են շնորհօք։

Verse: 18  Link to sept   Եւ մինչդեռ խօսէր ը(նդ) նմա՝ գլորեցաւ միւսանգամ յահէ թագաւորին։

Verse: 19  Link to sept   եւ թագաւորն խռովեալ էր յոյժ, եւ ա(մենայ)ն ծառայք ն(ո)ր(ա). եւ սպասաւորք թագաւորին աղաչէին զտիկինն։ Եւ ասէ թագաւորն, զի՞նչ կամիս եսթեր, եւ զի՞նչ են աղաչանքդ քո. արդարեւ ասե́մ քեզ, եթէ խնդրեսցես մինչեւ ՛ի կէս թագաւորութե(ան)ս իմոյ, տա́ց քեզ։



Chapter: 5 
ԳԼ(ՈՒԽ) Ե՜.


Verse: 4  Link to sept   Եւ ասէ եսթեր՝ օրս իմ այս նշանաւո́ր է. եթէ կա́մք իցեն արքայի, եկեսցե́ս դու եւ համան ՛ի կոչունսն իմ զոր առնելոց են այսօր։

Verse: 5  Link to sept   Եւ ասէ թագաւորն, կոչեցէ́ք վաղվաղակի զհաման, եւ կատարեսցո́ւք զբանն եսթերայ։ եկին երկոքեան նոքա ՛ի կոչունսն զոր ասաց եսթեր։

Verse: 6  Link to sept   Եւ մինչդեռ ըմպէին գինի, ասէ արքայն ցեսթեր. զի՞նչ կամիս տիկին եսթեր, տաց քեզ զորինչ եւ խնդրեսցես։

Verse: 7  Link to sept   Եւ ասէ եսթեր. աղաչանք իմ եւ խնդրուածք իմ ա́յս են.

Verse: 8  Link to sept   եթէ գտի ես շնորհս առաջի արքայի, եկեսցէ արքայ եւ համան ՛ի կոչունսն զոր առնեմ ձեզ վաղիւ միւսանգամ։

Verse: 9  Link to sept   եւ ել աման յերեսաց արքայի ուրախութ(եամ)բ մեծաւ եւ զուարթութ(եամ)բ։ Եւ իբրեւ ետես համան զմուրթքէ զայրն հրեայ ՛ի տան թագաւորին՝ բարկացա́ւ յոյժ։

Verse: 10  Link to sept   Եւ եմուտ նա ՛ի տուն իւր, եւ կոչեաց զսիրելիս իւր, եւ զովսարրա զկին իւր.

Verse: 11  Link to sept   եւ եցոյց ն(ո)ց(ա) զմեծութի(ւն) եւ զփառսն իւր զոր ե́տ նմա թագաւորն. եւ ո՞րպէս արար զնա առաջի ՛ի թագաւորու(թ)ե(ա)ն իւրում։

Verse: 12  Link to sept   Եւ ասէ համան. ո́չ կոչեաց տիկինն եսթեր ՛ի կոչունս իւր ընդ արքայի զոք՝ բա́ց յինէն. եւ դարձեալ առ վաղի́ւ եւս հրաւիրեաց զիս։

Verse: 13  Link to sept   եւ արդ՝ այս ո́չ թուի ինձ հաճոյ, յորժամ տեսանեմ զմուրդքէ՝ զայր հրեայ ՛ի տանն թագաւորին։

Verse: 14  Link to sept   Եւ ասէ ցնա զովսարրա կինն իւր եւ սիրելիքն իւր. հրամա́ն տուր հատանել քեզ փայտ մի յիսուն կանգուն, եւ ը(նդ) առաւօտն ասասցես արքայի, եւ կախեսցի մուրդքէ զփայտէն. եւ դու մտանիցես ՛ի կոչունսն հանդերձ արքայիւ, եւ ուրա́խ լինիցիս ընդ նմա։ եւ հաճո́յ թուեցաւ համանայ՝ բանն, եւ պատրաստեցին զփայտն։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ տ(է)ր ա(ստուա)ծ մերժեա́ց զքուն յարքայէ զգիշերն զայն. եւ ասէ ցդպրապետն իւր՝ բերե́լ առաջի իւր զգիր հրովարտակին եւ կարդալ։

Verse: 2  Link to sept   Եւ եգիտ նա զհրովարտակն զոր գրեալ էր վ(ա)ս(ն) մուրդքէի, եթէ ո՞րպէս պատմեաց վ(ա)ս(ն) երկոցունց ներքինեացն ն(ո)ր(ա), յորժամ պահէին զապարանս թագաւորին, եւ կամէին սպանանել զարքայ արտաշէս։

Verse: 3  Link to sept   Եւ ասէ թագաւորն. եւ զի՞նչ շնորհս եւ կամ փառս տուաք մուրդքէի։ եւ ասեն սպասաւորքն արքայի. չարարե́ր եւ ոչինչ նմա՝ յորժամ հասեր ՛ի վ(ե)ր(այ) խնամոյ հաւատարմութե(ան) ն(ո)ր(ա) առ քեզ։ Եւ ընդ առաւօտսն եկին ՛ի գաւիթ թագաւորին։

Verse: 4  Link to sept   եւ ասէ արքայ. ո՞վ է ՛ի գաւիթս։ եւ աման եկն եմուտ հրամա́ն առնուլ ՛ի թագաւորէն, զի կախեսցէ զմուրդքէ զփայտէն զոր պատրաստեաց։

Verse: 5  Link to sept   Եւ ասեն սպասաւորքն արքայի. ահաւասիկ համան՝ արտաքո́յ է։ եւ ասէ արքայ, կոչեսցի́ ՛ի ներքս։

Verse: 6  Link to sept   Եւ ասէ թագաւորն ցաման. զի՞նչ արարից ե́ս առնն զոր ես կամիմ փառաւորել։ եւ խորհեցաւ աման, եւ ասէ ՛ի միտս իւր. զո՞վ կամի արքայ փառաւորել եթէ ոչ զի́ս։

Verse: 7  Link to sept   Եւ ասէ ցարքայ. զայրն զոր արքայ կամի փառաւորել.

Verse: 8  Link to sept   բերցեն զպատմուճանն զարքունի, եւ զերիվարն յորում արքայ հեծանէր, եւ տացեն առն այնորիկ սիրելւոյն արքայի ՛ի փառաւորաց անտի։

Verse: 9  Link to sept   եւ զգեցուսցեն զպատմուճանն առնն այնմիկ զոր արքայն սիրէ, եւ հեծուսցե́ն զնա յերիվարն արքունի. եւ քարո́զ կարդասցի ընդ հրապարակս քաղաքիս, եւ ասասցէ́՝ ա́յսպէս եղիցի ա(մենայ)ն առնն զոր արքայ փառաւորէ։

Verse: 10  Link to sept   Եւ ասէ արքայ ցաման, բարւո́ք խօսեցար՝ զա́յդ արասցես մուրդքէի առն հրէի՝ խնամակալի́ տան իմում, եւ մի́ վրիպեսցի բա́ն մի ՛ի բանից քոց զոր խօսեցարդ։

Verse: 11  Link to sept   Եւ ա́ռ աման զպատմուճանն՝ եւ զերիվարն արքունի. եւ զգեցոյց զմուրդքէ, եւ հեծոյց զնա յերիվարն, եւ անց նա ընդ փողոցս քաղաքին. եւ քարոզն աղաղակէր եւ ասէր՝ ա́յսպէս լիցի ա(մենայ)ն մարդոյ զոր արքայ կամի փառաւորել։

Verse: 12  Link to sept   Եւ դարձաւ մուրդքէ յապարանս արքունի. եւ համան գնա́ց ՛ի տուն իւր գլխարկեալ՝ լի́ տրտմու(թեամ)բ։

Verse: 13  Link to sept   եւ պատմեաց համան՝ որ զի́նչ անց ընդ նա՝ զովսարրայի կնոջ իւրում, եւ սիրելեաց իւրոց։ Եւ ասեն ցնա սիրելիքն եւ կինն իւր. եթէ յազգէ հրէից էր մուրդքէ՝ եւ եղեւ իշխան, հնազանդեա́ նմա. զի ո́չ կարես դու նմա չա́ր հատուցանել. քանզի տ՝ր ա(ստուա)ծ ընդ նմա է, եւ նա́ մեծացոյց զնա։

Verse: 14  Link to sept   Եւ մինչդեռ նոքա խօսէին՝ եկի́ն երկու ներքինիքն կոչել զհաման ՛ի ճա́շ տիկնոջն։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ եմուտ թագաւորն եւ համան ՛ի գիներբուս տիկնոջն։

Verse: 2  Link to sept   Եւ ասէ արքայ ցեսթեր յաւուրն երրորդի մինչդեռ ըմպէին գինի. զի՞ է քեզ եսթեր տիկին. եւ զի՞նչ է խնդրուածդ քո՝ եւ կամ աղաչանքդ. եղիցի́ քեզ մինչեւ ՛ի կէս թագաւորու(թ)ե(ան)ս իմոյ։

Verse: 3  Link to sept   եւ պատասխանի́ ետ եսթեր՝ եւ ասէ. եթէ գտի ես շնորհս առաջի քո արքայ՝ տացի́ անձն մի խնդրոյս իմում, եւ բան աղաչանացս իմոց ընդունելի́ քեզ լիցի։

Verse: 4  Link to sept   վ(ա)ս(ն) զի վաճառեցաք ես եւ ժողովուրդ իմ ՛ի կորուստ՝ եւ ՛ի ծառայու(թ)ի(ւն) եւ ՛ի յափշտակու(թ)ի(ւն)՝ մե́ք եւ որդիք մեր, եւ ես ո́չ հաւատացի։ արդ՝ ո́չ է առն բանսարկու(թ)ի́(ւն) արժան ՛ի տան թագաւորի լինել։

Verse: 5  Link to sept   Եւ ասէ արքայն՝ ո՞ւր է որ իշխեաց առնել զիրսս զայս։

Verse: 6  Link to sept   եւ ասէ եսթեր՝ ա́յրս թշնամի համան, որ չա́րս է՝ սա́ արար։ Եւ համան զահիհարեալ խռովեցաւ յոյժ յարքայէ եւ ՛ի տիկնոջէն։

Verse: 7  Link to sept   Եւ յարեա́ւ թագաւորն ՛ի ճաշոյ անտի, եւ եմուտ ՛ի ծաղկոցն արքունի։ եւ համան կամէր հրաժարել ՛ի տիկնոջէն, քանզի էր յերկիւղի́ մեծի։

Verse: 8  Link to sept   Եւ դարձաւ թագաւորն ՛ի ծաղկոցէ անտի, եւ ետես զհաման զի կայր անկեալ առաջի գահոյից տիկնոջն՝ եւ աղաչէր զնա վ(ա)ս(ն) փրկութե(ան) իւրոյ։ Եւ ասէ թագաւորն. արդ՝ յա́յդ չափ հասեր, զի կամիս զկի́ն իմ բռնադատել ՛ի տա́ն իմում։ եւ համան իբրեւ լուաւ, զահի́ զամօթի հարեալ անկա́ւ ՛ի վ(ե)ր(այ) երեսաց իւրոց։

Verse: 9  Link to sept   Եւ ասէ բուգաթան մի ՛ի ներքինեաց անտի ցարքայ. ահա համա́ն եւ փայտ մի կազմեաց մուրդքի սիրելւո́յ արքայի, եւ կանգնեաց զնա ՛ի ան իւրում յիսուն կանգնեան։ Եւ ասէ թագաւորն՝ խաչեսցի́ ՛ի վ(ե)ր(այ) ն(ո)ր(ա)։

Verse: 10  Link to sept   Եւ կախեցին զհաման զփայտէն, զոր պատրաստեաց մուրդքէի։ եւ ապա թագաւորն դադարեաց ՛ի բարկութ(են)է իւրմէ։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ յա́յնմ աւուր պարգեւեա́ց թագաւորն եսթերայ զգանձն համանայ քսուի։ եւ զմուրդքէ կոչեցեալ թագաւորին՝ քանզի պատմեաց նմա եսթեր եթէ ազգակա́ն իմ է։

Verse: 2  Link to sept   Եւ ա́ռ թագաւորն զմատանին զոր եհա́ն ՛ի համանայ, եւ ե́տ զնա մուրդքէի, եւ կացոյց եսթեր զմուրդքէ ՛ի վերայ ա(մենայ)ն ընչից ամանայ։

Verse: 3  Link to sept   Եւ յաւե́լ եւս խօսել ընդ արքայի, եւ անկա́ւ առաջի ոտից ն(ո)ր(ա), եւ աղաչէր՝ զի մի́ մինչեւ ՛ի վախճան լիցի պատուհասն ՛ի վ(ե)ր(այ) հրէիցն զոր հասոյց համան։

Verse: 4  Link to sept   Եւ ձգեաց արքայ առ եսթեր զգաւազանն ոսկի. եւ յարեաւ եսթեր՝ երթեա́լ ՛ի սենեակն արքայի։

Verse: 5  Link to sept   Եւ ասէ եսթեր՝ եթէ կա́մք իցեն քեզ, եւ գտեալ է իմ շնորհս առաջի քո, առաքեսցէ́ արքայ հրէշտակս եւ դարձուսցէ́ զհրովարտակսն որ գրեցանն ՛ի համանայ կորուսանել զհրեայսն որք են ՛ի քում թագաւորութե(ան)դ.

Verse: 6  Link to sept   եւ զիա՞րդ կարիցե́մ ես տեսանել զչարիս ժողովրդեան իմոյ, եւ կամ զիա՞րդ կարացից ապրել ես ՛ի բնակչաց հայրենի գաւառին իմոյ։

Verse: 7  Link to sept   Եւ ասէ թագաւորն ցեսթեր. իսկ եթէ զա(մենայ)ն ինչս՝ եւ զստացուածս համանայ ետո́ւ շնորհեցի́ քեզ, եւ զնա կախեցի զփայտէ, զի ձեռն եարկ նա ՛ի հրէայսն. զինչ ա́յլ եւս ինչ խնդրես՝

Verse: 8  Link to sept   գրեցէ́ք արդ դուք հրամանա́ւ բանի իմոյ ո(ր)պ(էս) կա́մք իցեն ձեզ, եւ կնքեսցի մատանեաւս իմով, զի որչափ եւ գրէք՝ ի́մ արքայի հրաման տուեալ զի մի́ ոք գտցի դիմակաց ա́յնց հրամանաց։

Verse: 9  Link to sept   Եւ կոչեցին զդպիրսն յառաջնում աւուրն յամսեանն նիսան՝ որ է արեգ, ՛ի քսաներորդի յերրորդի ամի. եւ գրեցաւ՝ ո(ր)պ(էս) եւ ետ հրաման աշխարհամա́ր դպրացն. որք միանգամ իշխանքն եւ կուսակալքն էին ՛ի գաւառս, նախարարացն, եւ իշխանաց նախարարացն. ՛ի հնդկաց մինչեւ յեթւովպացիս՝ հարիւր քսան եւ եւթն կուսակալացն, ըստ գաւառաց գաւառաց յիւրաքանչիւր լեզո́ւս ն(ո)ց(ա),

Verse: 10  Link to sept   հրամանաւ թագաւորին. եւ կնքեցաւ մատանեա́ւ նորա։ Եւ առաքեցին զհրովարտակսն ՛ի ձեռն հրեշտակաց. ո(ր)պ(էս) զի կացցեն հրէայք ո́ղջ եւ անարատք՝

Verse: 11  Link to sept   իւրեանց օրինօք յա(մենայ)ն քաղաքի։ օգնակա́նք եւ թիկո́ւնք լինել առ ՛ի հատուցանել ն(ո)ց(ա) զփոխարէն թշնամեաց իւրեանց. ո(ր)պ(էս) եւ կամիցին յաւուրս իմում ընդ ա(մենայ)ն տեղիս թագաւորութե(ան) իմում,

Verse: 12  Link to sept   յաւուրն երեքտասաներորդի ամսոյն ադարայ։ Եւ ա́յս էր պատճէն հրովարտակին զոր կնքեալ էր մատանեաւ թագաւորին։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Թագաւո́ր մեծ արտաշէս. Ձեզ՝ որ էք ՛ի հնդկաց կողմանսդ եւ յեթւովպացւոց հարիւր քսան եւ եւթն գաւառաց, նախարարացդ եւ իշխանացդ, որ ՛ի մերո́ւմ մտի եւ ՛ի խորհրդեան մերում էք, ողջո́յն։

Verse: 2  Link to sept   Բազո́ւմս բազում անգամ ՛ի բարերար քաղցրու(թ)ե(ան)ց աստի, ստէպ ստէպ պատուեալք՝ աւելի́ իմն եւ մեծամեծ խորհուրդս խորհեցան։

Verse: 3  Link to sept   Եւ ո́չ միայն զմեր հնազանդեալսն խնդրեն չարչարել. այլ եւ ո́չ իւրեանց յանդգնու(թեամ)բն՝ եւ մեծութե(ան)ց կարեն համբերել, եւ յիւրեա́նց բարերարսն ձեռնարկել մենքենայեն։

Verse: 4  Link to sept   եւ զգովութի(ւն)ս ո́չ միայն ՛ի մարդկանէ աստի բառնան առնուլ, այլ եւ ՛ի չմարթնոց գովութի(ւն)ս բարձրացեալ յղփացեալ խնդրեն։ ոչ գիտեն որոց ա(մենայ)նի տեսուչ յաւէժ ա(ստուա)ծ է։ եւ ատելութի(ւն) իմն չարու(թ)ե(ան) համարին փախչել ՛ի դատաստանէն։

Verse: 5  Link to sept   Բազո́ւմ անգամ զբազումս որք յիշխանու(թ)ե(ան) կարգեալ են՝ որոց հաւատարմու(թեամ)բ զգործ ՛ի ձեռն առեալ է, հանգիստ եւ մխիթարու(թ)ի(ւն) անձանց համարին առ ՛ի հեղուլ զարիւն անբիծ։

Verse: 6  Link to sept   Վ(ա)ս(ն) որոյ կրեաց իսկ զարժան պատուհասն չարակամութ(եամ)բ ստութ(եամ)բ առանց խորհելոյ, ամբաստանու(թ)ի(ւն) մատուցանել մեզ. վ(ա)ս(ն) այսորիկ որք ՛ի մէ́նջն պատուեցան։ Այլ արդ՝ զգուշանալ արժա́ն է։

Verse: 7  Link to sept   ո́չ այնչափ միայն, որչափ եւ յառաջնում նուագին ուսուցաք ձեզ առնել. որչափ եւ գրեցան ձեզ առանց սրբութե(ան), որ եղեւդ այնոցիկ որք արժանաւորութ(եամ)բքն զօրացեալ էին՝ ժանտութ(եամ)բք իւրեանց։

Verse: 8  Link to sept   Արդ հայեցեալ ձեր ՛ի թագաւորութի(ւն)ս. առանց խռովութե(ան) ա(մենայ)ն մարդկան շնորհեցաք կեա́լ խաղաղութ(եամ)բ։

Verse: 9  Link to sept   Արդ արարէ́ք զդարձ փոխարինին ՛ի նոյն։ եւ որ առաջին հրամանն էր՝ այն ՛ի բա́ց մերժեսցի. եւ հեզութ(եամ)բ եւ խաղաղու(թեամ)բ ընդառաջ ելանել։

Verse: 10  Link to sept   Եւ մի́ո(ր)պ(էս) համանն ամադովթեանց մակեդովնացի ճշմարտու(թ)ե(ան)ց օտար լեալ ՛ի զաւակէն պարսից. եւ յոյժ ատեցեալ եւ մերժեալ ՛ի մերմէ քաղցրութ(են)է աստի։

Verse: 11  Link to sept   եւ օտարացեալ զոր ունիմք առ ա(մենայ)ն ազգս մարդասիրութի(ւն)ս. ա́յնչափ եւս՝ զի եւ կոչեցաւ մեր աթոռակից. որում երկի́ր պագանեն ամենեքեան որք են ընդ մերով իշխանութ(եամ)բս. զոր յերկրորդ աթոռս իմում նստուցեալ պատուեցաք։

Verse: 12  Link to sept   Եւ ո́չ հանդարտեա́ց նա իւրո́ւմ ամբարտաւանութե(ա)ն՝ մենքենայել ջանացաւ՝ յիշխանութ(են)է աստի զմեզ ՛ի բաց մերժել. եւ յոգւոց աստի մերոց.

Verse: 13  Link to sept   եւ զմեր փրկիչն եւ զերախտաւոր՝ զմուրդքէ. եւ չքնաղ եւ զանարատ, զհաւասար թագաւորութե(ան)ս իմոյ զեսթեր տիկնանց տիկին, ա(մենայ)ն ազգաւն իւրեանց հանդերձ՝ լսողում զո́ւր ՛ի նանիր վնաս ՛ի վ(ե)ր(այ) եդեալ առանց պատճառի, խնդրեաց զսոսա ՛ի կորուստ։

Verse: 14  Link to sept   զի նա այսո́ւ օրինակաւ խորհեցաւ առնուլ զիշխանութի(ւն)ս պարսից յանապատ աւերակ, եւ ՛ի մակեդոնացի́ս անդրէն դարձուցանել։

Verse: 15  Link to sept   Այլ մեք ՛ի բազմահնար սատակչէ յայնմանէ որք մատնեցան ՛ի կորուստ հրեայ քո, տեսանեմք զի ո́չ ինչ գործք չարու(թ)ե(ան) ՛ի սոսա գտանին. եւ արդար օրինաց վարիչք։

Verse: 16  Link to sept   Եւ են իսկ սոքա որդի́ք բարձրելոյն մեծի́ կենդանւոյն ա(ստուծո)յ. որ ուղղէ զմեր եւ զազգիս մերոյ զթագաւորու(թ)ի(ւն)ս յիւրմէ բարեսէր առատութե(ա)ն։

Verse: 17  Link to sept   Եւ արդ բարւո́ք արարէք զի ո́չինչ ձեռնամուխ եղէք ըս(տ) հրամանի գրոյ հրովարտակացն համանայ՝ որ առաքեցաւ առ ձեզ.

Verse: 18  Link to sept   վ(ա)ս(ն) զի եւ նա́ ինքն զա́յս յինքենէ գործեաց, մե́րձ ՛ի դրունս սիսացւոց քաղաքիս ա(մենայ)ն ընտանեօք իւրովք հանդերձ, ՛ի փա́յտ ելեալ է. զարժանն վրիժուց հատուցումն անդրէն յանձն իւր ընկալեալ յամենակալէն ա(ստուծո)յ, որ հատո́յց նմա վաղվաղակի զդատաստանն։

Verse: 19  Link to sept   Եւ զպատճէն հրովարտակիս այսորիկ յառաջ հանեալ՝ եդեա́լ եւ տարածեալ ա(մենայ)ն զգուշու(թեամ)բ, եթէ հրէից վարել զիւրեանց օրէնսն։

Verse: 20  Link to sept   Արդ՝ քաջալերեսցի́ն նոքա. զի ո(ր)պ(էս) ՛ի ժամանակի նեղութե(ա)ն ստիպէին զն(ո)ս(ա) չարչարել. հատուսցե́ն զհատուցումն ՛ի թշնամիս իւրեանց, յերկոտասաներորդ եւ յերեքտասաներորդ ամսեանն ադար՝

Verse: 21  Link to sept   ՛ի նմին աւուր։ զի զայս իսկ ամենազօրն ա(ստուա)ծ փոխանակ սատակելոյ ընտրեալ ազգին՝ արա́ր ն(ո)ց(ա) ուրախութի(ւն)։

Verse: 22  Link to sept   Եւ դուք այժմ ՛ի կա́րգս ձեր եւ ՛ի տօնս տարեկանաց ձերոց, եւ յաւո́ւր նշանաւորի ուրախու(թ)ի(ւն)ս արասջիք.

Verse: 23  Link to sept   զի ո(ր)պ(էս) ցայժմ, եւ ա́րդ զկնի այսորիկ փրկու(թ)ի(ւն) եղիցի մեզ՝ եւ վաստակաւորաց պարսկաց։ Եւ որք ՛ի մե́ր վ(ե)ր(այ) զխորհուրդ մահու խորհին՝ ն(ո)ց(ա) յիշատա́կ կորստեան։

Verse: 24  Link to sept   Ա(մենայ)ն քաղաքք եւ ա(մենայ)ն գաւառք որ ո́չ առնիցեն ըս(տ) բանից մերոց այսորիկ՝ սրով եւ հրով եւ բարկու(թեամ)բ մաշեսցին. ո́չ միայն ՛ի մարդկանէ անապատ լիցի, այլ եւ գազանք երկրի եւ թռչունք երկնից՝ մինչեւ յաւիտեան ՛ի բա́ց մերժեալք ընկեսցին։



Chapter: 8 
ԳԼ(ՈՒԽ) Ը՜.


Verse: 13  Link to sept   Եւ պատճէնք հրովարտակացն ցուցեալ կարդացեալ լիցի առաջի ա(մենայ)ն աչաց՝ յիմո́ւմ թագաւորու(թ)ե(ան)ս. եւ որ պատրաստել հանդերձեալ էին կորուսանել զհրէայսդ՝ յաւուր յայսմիկ կորուսանե́լ զթշնամիս դոցա։ Ո́ղջ լերուք։

Verse: 14  Link to sept   Եւ հրեմտակքն ելին փութով կատարե́լ որ ՛ի թագաւորէն կարգեալ էր։ եւ գրեցա́ հրամանն եւ եդաւ ՛ի սիսիս քաղաքի։ Եւ յաւուրսն յայնոսիկ յորժամ եղե́ւ այս.

Verse: 15  Link to sept   եւ մուրթքէ ել, եւ զգեցեալէր զպատմուճանն զարքունի, եւ պսա́կ ունէր ոսկի, եւ թա́գ ՛ի բեհեղոյ եւ ՛ի ծիրանւոյ. եւ տեսին որ ՛ի սիսիս քաղաքին էին, եւ ուրախ եղեն յոյժ։

Verse: 16  Link to sept   Եւ հրէիցն լոյս մեծ ծագեաց, եւ ուրախու(թ)ի(ւն) յոյժ

Verse: 17  Link to sept   յա(մենայ)ն քաղաքի եւ ՛ի գաւառս, ուր եւ ընթեռնուին զհրամանս արքունի՝ խնդութի(ւն) եւ ուրախութի(ւն) լինէր ն(ո)ց(ա). եւ բազումք ՛ի հեթանոսացն դառնային ՛ի հրէութի(ւն) անդր, եւ թլփատէին վ(ա)ս(ն) ահին հրէից։



Chapter: 9 
ԳԼ(ՈՒԽ) Թ՜.


Verse: 1  Link to sept   Զի յերկոտասաներորդ ամսոյն՝ եւ յերեքտասաներորդ աւուրն որ է ադար. ե́կն եհաս հրովարտակն՝ որ գրեալ էր յարքունուստ։ ՛Ի նմին աւուր կորնչէին որ միանգամ ընդդիմադարձ լինէին հրէիցն։

Verse: 2  Link to sept   եւ ո́չոք էր որ ընդդէմ դառնայր ն(ո)ց(ա) ամենեւին. քանզի զահի հարան ՛ի նոցանէն։

Verse: 3  Link to sept   Զի իշխանքն որ ՛ի վ(ե)ր(այ) նախարարացն ն(ո)ց(ա) կացեալ էին, եւ կուսակալք՝ եւ արքունի դպրապետք՝ պատուէին զհրէայսն, զի ա́հն մուրդքէի կա́յր ՛ի վերայ ն(ո)ց(ա).

Verse: 4  Link to sept   քանզի հրաման տուեալէր հրովարտակաւ թագաւորին՝ անուանել զնա ընդ ա(մենայ)ն թագաւորութի(ւն)ն իւր։

Verse: 6  Link to sept   Եւ ՛ի սիսիս քաղաքի կոտորեցին հրէայքն արս իբրեւ հինգհարիւր։

Verse: 7  Link to sept   Զփարակն, եւ զնեստէն, եւ զդովփոն, եւ զփազգա,

Verse: 8  Link to sept   եւ զփարդաթա, եւ զբարեա, եւ զսարաբաքա, եւ զմարմասիս

Verse: 9  Link to sept   եւ զարուփէսն, եւ զարսէսն, եւ զարբութեթան,

Verse: 10  Link to sept   զորդիսն համանայ որդւոյն ամադովթայ, որդւոյ բերգեայ թշնամւոյն հրէիցն։

Verse: 11  Link to sept   Եւ յափշտակեցին ՛ի նմին աւուր՝ եւ մատուցին զթիւն արքայի զկորուսելոցն ՛ի սիսի́ս քաղաքի։

Verse: 12  Link to sept   Եւ ասէ արքայ ցեսթեր. կորուսի́ն հրէայքն ՛ի սիսիս քաղաի արս հինգ հարիւր. եւ շուրջ զքաղաքաւն որչափ եւս առաւել յոյժ կարծես. արդ զի՞նչ եւս կամիս՝ զի արարից քեզ։

Verse: 13  Link to sept   Եւ ասէ ցարքայ եսթեր. տացէ́ հրաման արքայ հրէիցն սո́յնպէս առ վաղիւ, զի զորդիսն համանայ կախեսցեն։

Verse: 14  Link to sept   Եւ ետ հրաման առնել ա́յսպէս, եւ հան արտաքս առ հրէայսն որ ՛ի քաղաքին էին՝ զմարմինս որդւոցն համանայ հանել ՛ի փա́յտ։

Verse: 15  Link to sept   Եւ ժողովեցան հրեայքն ՛ի սիսիս, յաւուրն չորեքտասաներորդի ադարայ, եւ կուտեցին արս երեքհարիւր. եւ ո́չինչ յափշտակեցին։

Verse: 16  Link to sept   եւ որ այլքն էին ՛ի հրէից անտի որ ը(նդ) թագաւորու(թեամ)բ ն(ո)ր(ա) էին ժողովեցան, եւ անձանց իւրեանց օգնէին։ Եւ հանգեան նոքա, եւ դադարեցին յայնցանէ որք պատերազմէին ընդ նոսա. զի կորուսին ՛ի նոցանէ իբրեւ հինգ հազար ոգի։

Verse: 17  Link to sept   յերեքտասաներորդի ամսոյն ադարայ. եւ ո́չինչ յափշտակեցին։ Եւ հանգեան նոքա յերեքտասաներորդ աւուրն նորին ամսոյն. եւ կարգեցին զօրն զայն օր հանգստեան՝ խնդութ(եամ)բ եւ ուրախու(թեամ)բ։

Verse: 18  Link to sept   Եւ հրէայքն որ էին ՛ի սիսիս քաղաքի, ժողովեցան ՛ի չորեքտասաներորդ աւուր ամսոյն, եւ ո́չ հանգեան. եւ կարգեցին զհնգետասաներորդ օրն ցնծութե(ան) եւ ուրախու(թ)ե(ան)·

Verse: 19  Link to sept   Վ(ա)ս(ն) այսորիկ հրեայքն ընդ ա(մենայ)ն երկիր, եւ ընդ գաւառս առնէին տօնս ուրախութե(ան). զօրն չորեքտասանեորորդ ադա́ր ամսոյ, օր բարի́ ուրախու(թ)ե(ան)։ եւ առաքեն նուէ́րս այր ընկերի́ իւրոյ, եւ բնակիչքն որ բնակեալէին ՛ի մայրաքաղաքսն. եւ զհնգետասաներորդ զօրն զադարայ առնէին նոյնպէս բարեաց եւ ուրախու(թ)ե(ան)։

Verse: 20  Link to sept   Եւ գրեա́ց զմուրդքէ զբանս զայս ՛ի գիրս մատենից, եւ առաքեաց հրէիցն որ էին ընդ իշխանութ(եամ)բ արտաշէսի արքայի, մերձաւորա́ց եւ հեռաւորաց,

Verse: 21  Link to sept   հաստատել կարգել զաւուրս զայսոսիկ առնել տօնս ուրախութե(ան)՝ զչորեքտասաներորդ եւ զհնգետասաներորդ աւուրն ադարայ։

Verse: 22  Link to sept   վ(ա)ս(ն) զի յայսմ երեսուն աւուրս հանգեան հրեայքն ՛ի թշնամեաց իւրեանց. եւ յամսեանն որ դարձաւ սուգ ն(ո)ց(ա) յուրախութի(ւն), ա́յսինքն է ադար. եւ ՛ի ցաւոցն որ դարձաւ յուրախու(թ)ի(ւն), կատարել զաւուրսն զայն՝ աւուրս հարսանեաց։

Verse: 23  Link to sept   ո(ր)պ(էս) եւ գրեաց ն(ո)ց(ա) մուրդքէ,

Verse: 24  Link to sept   եթէ ո՞(ր)պ(էս) համան ամադովթեանց մակեդովնացի պատերա́զմ տայր ը(նդ) ն(ո)ս(ա), եւ ո՞(ր)պ(էս) եհան ն(ո)ց(ա) թիւ համարոյ եւ վիճակ կորուսանել զնոսա.

Verse: 25  Link to sept   եւ կամ ո՞(ր)պ(էս) եմուտ առ արքայն՝ եւ խնդրէր կախել զմուրդքէ զփայտէն. եւ ո՞րչափ ձեռն ՛ի գործ արկեալ ածէ́ր ՛ի վ(ե)ր(այ) հրէիցն զչարիսն։ Եւ եկին մթերեցան լցան չարիք ն(ո)ր(ա). եւ կախեցա́ւ նա՝ եւ որդիք ն(ո)ր(ա) զփայտէ։

Verse: 26  Link to sept   վ(ա)ս(ն) ա́յնորիկ կարգեցան աւուրքս այս պահոց. վ(ա)ս(ն) զի եւ ժամանակն իւրեանց բարբառովն ասի պա́հք, վ(ա)ս(ն) բանից հրովարտակիս այսորիկ. եւ որ ինչ միանգամ անց ընդ ն(ո)ս(ա), եւ որինչ եղեւ ն(ո)ց(ա),

Verse: 27  Link to sept   հաստատեաց կացոյց։ եւ ընդունին զայս հրէայքն յանձինս իւրեանց, ուսուցանէին եւ որդւոց իւրեանց. եւ ա́յլ որ ինչ յաւելո́յր ՛ի նոսա. եւ ո́չ զամիսն այլափոխեն.

Verse: 28  Link to sept   եւ աւուրքս այս յիշատակ լինին յազգս ազգս, ՛ի քաղաքս եւ ՛ի գաւառս, եւ աւուրքն այն պահոց պատուեսցին. եւ յիշատակ նոցա մի́ պակասեսցէ ազգէ մինչեւ յազգս։

Verse: 29  Link to sept   Եւ գրեաց եսթեր դուստր ամինադաբայ, եւ մուրդքէ այր հրեայ. եւ հաստատեցին զպահպանու(թ)ի(ւն) հրովարտակիս այսորիկ։

Verse: 31  Link to sept   Եւ մուրդքէ եւ եսթեր՝ կացուցին իւրեանց առանձինն. եւ ուխտեցին իւրեանց ուխտ, եւ խորհուրդ կատարեցին։

Verse: 32  Link to sept   Եւ եսթեր երդմամբ հաստատեաց մինչեւ յաւիտեանս ժամանակաց. եւ գրեցա́ւ ՛ի յիշատակս։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ գրեաց թագաւորն յիշխանու(թ)ե(ան) իւրում ը(նդ) ծով եւ ընդ ցամաք։

Verse: 2  Link to sept   զզօրու(թ)ի(ւն)ն իւր, եւ զքաջալերութի(ւն) իւր. եւ զմեծութի(ւն)՝ եւ զփառս թագաւորութե(ան) ն(ո)ր(ա). Ահաւասիկ գրեալ է ՛ի գիրս յիշատակաց պարսի́ց եւ մարաց։

Verse: 3  Link to sept   Եւ իբրեւ առնո́յր մուրդքէ զթագաւորու(թ)ի(ւն)ն յարտաշիսէ, եւ էր մեծ ՛ի թագաւորու(թ)ե(ա)ն իւրում. եւ մէր զիրսն եղեալսն ա(մենայ)ն ազգատոհմին իւրում։

Verse: 4  Link to sept   Եւ ասէ մուրդքէ. յա(ստուծո)յ եղեւ այս.

Verse: 5  Link to sept   վ(ա)ս(ն) զի յիշեաց զտեսիլ երազոյն՝ զոր ետես վ(ա)ս(ն) բանիցս այսոցիկ. զի ո́չ զա́նց եղեւ ՛ի նոցանէ բան մի։

Verse: 6  Link to sept   Փոքրիկ աղբերն որ եղեւ գե́տ մեծ. եւ էր լոյս եւ արեւ՝ եւ ջուր յոյժ. եսթեր է գետն, զոր ամուսնացաւ թագաւորն, եւ արար զնա տիկին։

Verse: 7  Link to sept   Եւ երկու վիշապքն՝ ե́ս եմ եւ համան։

Verse: 8  Link to sept   եւ ազգք որք ժողովեալ էին կորուսանել զանուն հրէիցն՝

Verse: 9  Link to sept   որ է ի(սրա)էլ։ Եւ կարդացին առ ա(ստուա)ծ եւ կեցին. եւ ապրեցոյց տ(է)ր զժողովուրդ իւր, եւ փրկեաց զմեզ տ(է)ր յա(մենայ)ն չարեաց մերոց. եւ արար ա(ստուա)ծ զնշանս եւ զարուեստս իւր մեծամեծս, որ ո́չ եղեն երբէք ՛ի հեթանոսս։

Verse: 10  Link to sept   Վ(ա)ս(ն) այսորիկ արար վիճակս երկուս, զմին ժողովրդեան ա(ստուծո)յ, եւ զմին ա(մենայ)ն հեթանոսաց։

Verse: 11  Link to sept   Եւ եկին այս երկու վիճակքս ՛ի ժամս եւ ՛ի ժամանակս. եւ յաւուրն դատաստանի առաջի ա(ստուծո)յ յա(մենայ)ն հեթանոսս·

Verse: 12  Link to sept   Եւ յիշեա́ց ա(ստուա)ծ զժողովուրդ իւր, եւ արդարացո́յց զժառանգութի(ւն) իւր։

Verse: 13  Link to sept   Եւ եղիցին ն(ո)ց(ա) աւուրքս այս յամսեանն ադարայ ՛ի չորեքտասան աւուր, եւ ՛ի հնգետասաներորդի նմին ամսոյ, ժողովուրդքն հանդերձ ցնծութ(եամ)բ եւ ուրախու(թեամ)բ առաջի ա(ստուծո)յ, ըստ ազգս յաւիտենից ՛ի ժողովրդեանն ի(սրաէ)լի։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Յամին չորրորդի թագաւորութե(ա)ն փտողոմեայ եւ կղեոպատրայ, եմոյծ դովսիթեոս քահանա́յ եւ ղեւտացի, եւ պտղոմեոս որդի ն(ո)ր(ա), զազնուական գրեալ հրովարտակն, զփրուրեանն. որ անուանի լիւսիմաքոս պտղոմեայ, ա́յն որ յե(րուսաղէ)մ։





Book: Jud. 
Judith

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 8.11.2005

ՅՈՒԴԻԹ Է՜ ԳԻՐՔՍ

Chapter: 1 
ԳԼ(ՈՒԽ) Ա՜.


Verse: 1  Link to sept   ՅԱՄԻՆ ԵՐԿՈՏԱՍԱՆԵՐՈՐԴԻ թագաւորու(թ)ե(ա)ն նաբուքոդոնոսորայ որ թագաւորեա́ց ասորեստանեայցն՝ ՛ի նինուէի մեծի քաղաքի։ յաւուրս արփաքսադայ որ թագաւորեացն մարաց՝ յեկբատանացւոց երկրին.

Verse: 2  Link to sept   շինեա́ց նա անդ քաղաք, եւ ա́ծ շուրջ զեկբատանացւովքն պարիսպս կոփածոյ քարանց, ՛ի լայնութի(ւն) կանգնոց երից, եւ յերկայնութի(ւն) ՛ի վեց կանգնոյ. եւ արա́ր բարձրութի(ւն) պարսպին եւթանասուն կանգուն.

Verse: 3  Link to sept   եւ զաշտարակս ն(ո)ր(ա) հաստատեաց հոմամբք յայսկոյս եւ յայնկոյս դրանցն, կանգունս հարիւր յերկայնու(թ)ի(ւն), եւ զլայնու(թ)ի(ւն) ն(ո)ր(ա) ՛ի հիմանէն հաստատեաց վաթսուն կանգուն։

Verse: 4  Link to sept   Եւ արար զդրունս ն(ո)ր(ա) անդրէն. եւ բարձրութի(ւն) ն(ո)ր(ա) կանգունք եւթանասուն, եւ լայնու(թ)ի(ւն) ն(ո)ր(ա) ՛ի քառասուն կանգնոյ. յե́լս զօրութե(ան)ց զօրավարաց զօրաց ն(ո)ր(ա), եւ ՛ի կարգս հրամանի հետեւակա́ց ն(ո)ր(ա)։

Verse: 5  Link to sept   Եւ արա́ր պատերազմ յաւուրսն յայնոսիկ նաբուքոդոնոսոր արքայ ընդ արքային արփաքսադայ ՛ի դաշտին մեծի, որ է ՛ի սահմանս հռագաւայ։

Verse: 6  Link to sept   Եւ ժողովեցան գումարեցան առ նա բնակիչք լեռնակողմանն, եւ ա(մենայ)ն որ բնակեալէին զգետովն եփրատայ, եւ զդկղաթաւ, եւ զհիւդասպ գետով, եւ զդաշտն արիովքայ արքային եղիմացւոց. եւ ժողովեցան ազգք բազումք յոյժ պատերա́զմ տալ ընդ որդիսն քիղովթայ։

Verse: 7  Link to sept   Եւ առաքեաց նաբուքոդոնոսոր արքայ ասորւոց առ բնակի́չս պարսից, եւ առ բնակիչսն արեւմտեայց, բնակիչսն կիւլիկեցւոց եւ զդամասկոսի եւ զլիբանանու, եւ զա(մենայ)ն բնակիչսն որ բնակեալ էին դէ́մ յանդիման ծովեզերեայցն.

Verse: 8  Link to sept   եւ որք յազգէն կարմեղացւոց են, եւ զգաղաադ, եւ զվերին գալիլեա, եւ զմեծ դաշտն յեզրայէլ.

Verse: 9  Link to sept   եւ զա(մենայ)ն շմրին, եւ որ ՛ի քաղաքս ն(ո)ր(ա) էին. եւ յա́յնկոյս յորդանան գետոյ մինչեւ յե(րուսաղէ)մ. եւ ՛ի բետանն, եւ ՛ի քեղուս, եւ ՛ի կադես. եւ ՛ի գետոյն եգիպտացւոց, եւ ՛ի տափնաս, եւ զռամեսսէն.

Verse: 10  Link to sept   եւ զա(մենայ)ն երկիրն գերսեմ, մինչեւ ՛ի գալ ՛ի մեմփա. եւ ՛ի տանեա, եւ զա(մենայ)ն բնակիչս եգիպտացւոց, մինչեւ ՛ի սահմանս եթւովպացւոց։

Verse: 11  Link to sept   Եւ ստահակեալ ապա́խտ արարին զբանսն նաբուքոդոնոսորայ արքային ասորեստանեայց, ա(մենայ)ն բնակիչք երկրին. եւ ո́չ հաւանեցան ընդ նմա́ երթալ ՛ի պատերազմ. քանզի ո́չ երկեան ՛ի նմանէ. եւ էին առաջի նոցա հրեշտակք վատթարեալք եւ անարգեալք յոյժ։

Verse: 12  Link to sept   Եւ բարկացաւ նաբուքոդոնոսոր ՛ի վ(ե)ր(այ) երկրին յոյժ. եւ երդուաւ յի́ւր թագաւորու(թ)ի(ւն)ն եւ յաթոռն իւր եթէ խնդրեցի́ց ես ասէ վրէժ ՛ի լերանց անտի, կիւլիկեցւոց, եւ դամասկացւոց, եւ ասորւոց, սպառե́լ զամենեսին սրով, զբնակիչսն մովաբու, եւ զորդիսն ամոնայ. եւ զա(մենայ)ն զհրէաստան, եւ զա(մենայ)ն եգիպտացիս, մինչեւ ՛ի սահմանս երկուց ծովուցն։

Verse: 13  Link to sept   Եւ պատրաստեցաւ եւ ճակատեցաւ ա(մենայ)ն զօրութ(եամ)բ իւրով ՛ի վ(ե)ր(այ) արփաքսադայ արքայի, յամի եւթն եւ տասներորդի. եւ զօրացաւ ՛ի պատերազմին իւրում, եւ դարձո́յց առ իւր զա(մենայ)ն զօրու(թ)ի(ւն)ս արփաքսադայ, եւ զա(մենայ)ն երիվարս ն(ո)ց(ա), եւ զա(մենայ)ն զէնս եւ զկառս ն(ո)ց(ա).

Verse: 14  Link to sept   եւ տիրեաց ՛ի վ(ե)ր(այ) քաղաքաց ն(ո)ր(ա)։ եւ չոգաւ մինչեւ յեկբատանս, եւ կալաւ զաշտարակս ն(ո)ր(ա). եւ քանդէր եւ աւա́ր հարկանէր զհրապարակս ն(ո)ր(ա). եւ զզա́րդ ն(ո)ր(ա) դնէր ՛ի նախատինս նորուն։

Verse: 15  Link to sept   Եւ ա́ռ նա զարփաքսադ ՛ի սահմանս հռագուայ. եւ սպա́ն սատակեաց զնա սրով իւրով։

Verse: 16  Link to sept   եւ դարձո́յց անդրէն զզօրս իւր որ եկեալ էին ընդ նմա յայլազգեաց անտի բազմութի(ւն) յոյժ։ Եւ է́ր անդ յանհոգութե(ան) եւ յուրախու(թ)ե(ան), ի́նքն եւ ա(մենայ)ն զօրք իւր զաւուրս հարիւր քսան։



Chapter: 2 
ԳԼ(ՈՒԽ) Բ՜.


Verse: 1  Link to sept   Յամին ութ եւ տասներորդի, յաւուրն երկոտասաներորդի՝ ամսո́յն առաջնոյ՝ հանդէ́ս առնէր զօրաց իւրոց, եւ խորհէ́ր ընդ նոսա զի խնդրեսցէ զվրէժ յա(մենայ)ն երկրէ,

Verse: 2  Link to sept   եւ կոչեաց նա զա(մենայ)ն մեծամեծս իւր, եւ զկուսակալս իւր.

Verse: 3  Link to sept   եւ ասէ ցն(ո)ս(ա) զխորհուրդս կամաց իւրոց. եւ կատարեաց զա(մենայ)ն չարիս երկրին ՛ի բերանոյ իւրմէ յականջս զօրացն։

Verse: 4  Link to sept   Եւ ն(ո)ց(ա) պատասխանի́ տուեալ ասեն. սատակեսցի́ ա(մենայ)ն մարդ դիմակացք թագաւորի, եւ որ ոչ հնազանդեսցի բանի հրամանաց ն(ո)ր(ա)։

Verse: 5  Link to sept   Եւ եղեւ իբրեւ կատարեաց զխորհուրդս զայս, կոչեաց նաբուքոդոնոսոր արքայ ասորեստանեայց զհողեփեռնէս զսպարապետ ա(մենայ)ն զօրաց իւրոց՝ եւ ասէ ցնա. Ա́յսպէս ասէ արքայ մեծ՝ տէ́ր՛ի վ(ե)ր(այ) ա(մենայ)ն երկրիս. ահաւասիկ դու ելանիցես առաջի երեսաց իմոց, եւ ընտրեսցես առցես դու ընդ քեզ որք յուսացեալ են ՛ի զօրու(թ)ի(ւն)ս իւրեանց, հետեւակս հազարս հարիւր քսան. եւ բազմութի(ւն) յոյժ հեծելոց բեւրս երկոտասան։ եւ ելցես դու ընդ կողմն արեւմտից. քանզի ապա́խտ արարին զբանիւք հրամանաց իմոց։ Եւ պատուիրեսցես ն(ո)ց(ա), զի պատրաստեսցեն զերկիրն եւ զջուրսն. զի ելանե́մ ես բարկութ(եամ)բ իմով ՛ի վ(ե)ր(այ) ն(ո)ց(ա), եւ ծածկե́մ զերեսս ա(մենայ)ն երկրի, եւ առնեմ կոխա́ն ոտից զօրու(թեամ)բ իմով, եւ մատնեցից զն(ո)ս(ա) ՛ի յափշտակութի(ւն) ա(մենայ)ն զօրաց իմոց. եւ վիրաւորք ն(ո)ց(ա) լցցեն զձորս եւ զծործորս իւրեանց, եւ գե́տք խաղասցեն յարենէ ն(ո)ց(ա). եւ ածի́ց ես զգերութի(ւն) ՛ի վերայ ն(ո)ց(ա) ՛ի ծագաց երկրէ։ Եւ դու ելանիցես պատիցե́ս պաշարիցե́ս ինձ զսահմանս ն(ո)ց(ա). եւ ապա մատնիցեն քեզ զանձինս իւրեանց. եւ պահիցես ինձ զն(ո)ս(ա) յաւուր նեղու(թ)ե(ան) եւ կշտամբանա́ց ն(ո)ց(ա)։

Verse: 6  Link to sept   եւ ո́չ անխայեսցէ ակն իմ ՛ի վ(ե)ր(այ) այնոցիկ որ ապա́խտ արարին զիս՝ տա́լ զն(ո)ս(ա) ՛ի մահ եւ յափշտակութի(ւն) յա(մենայ)ն երկրի քում. զի կենդանի́ եմ ես զօրու(թեամ)բ թագաւորութ(եամ)բ իմով. խօսեցա́յ՝ եւ առնե́մ զա(մենայ)ն զկամս իմ. եւ դու մի́ զանց առնիցես, եւ մի́ զմիով բանիւ զոր ետու քեզ հրաման. այլ կատարելով կատարեսցե́ս զա(մենայ)ն ո(ր)պ(էս) եւ ասացի քեզ։ եւ ո́չ յերկարեսցես առնել զայդ։

Verse: 7  Link to sept   Եւ ե́լ հողոփեռն յերեսաց տեառն իւրոյ. եւ կոչեա́ց առ ինքն զա(մենայ)ն իշխանս եւ զզօրագլուխս ասորւոց, եւ ընտրէ́ր ՛ի նոցանէ եւ թուէ́ր արս ՛ի պատերազմ. ո(ր)պ(էս) եւ հրաման ետ նմա տէրն իւր՝ բեւրս երկոտասան. եւ զհեծելազօրս աղեղնաւորս՝ բեւրս երկոտասան։

Verse: 8  Link to sept   եւ կարգէ́ր կազմէ́ր զն(ո)ս(ա) ճակատեալս ՛ի պատերազմ։ Եւ ա́ռ նա ո́ւղտս եւ գրաստս բազումս յոյժ, բառնա́լ զկահ եւ զկարասի, եւ խաշն՝ եւ արջառս, եւ երամակս այծից ՛ի դարմանս իւրեանց, որոց ո́չ գոյր թիւ։

Verse: 9  Link to sept   Եւ տայր ա(մենայ)նի ն(ո)ց(ա) թոշա́կ ՛ի ճանապարհ,

Verse: 10  Link to sept   ոսկի եւ արծաթ ՛ի տանէ́ թագաւորին բազում յոյժ։

Verse: 11  Link to sept   Ե́լ ինքն եւ ա(մենայ)ն զօրքն ընդ նմա ՛ի պատերազմ, զի պատրաստեսցէ թագաւորին՝ ելանել ծածկել զերեսս ա(մենայ)ն երկրին արեւմտեայց՝ զինու կառօք եւ երիվարօք, եւ ընտիր ընտի́ր հետեւակօք, եւ որ այլեւս խառնեալ էին ՛ի ն(ո)ս(ա) իբրեւ զբազմու(թ)ի(ւն) մարախոյ, եւ իբրեւ զաւազ երկրի. զի ո́չ գոյր թիւ բազմու(թ)ե(ան) ն(ո)ց(ա)։

Verse: 12  Link to sept   Եւ գնացին նոքա ՛ի նինուէ քաղաքէ՝ գնա́ց երից աւուրց ՛ի դամտն բեկեղիթայ, եւ բանակեցան նոցա մե́րձ առ լերինն ՛ի ձախակողմն վերին կիլիկիայ. եւ ա́ռ զա(մենայ)ն զօրս իւր՝ զհեծեալս եւ զհետեւակս, եւ զէնս եւ զկառս, եւ գնա́ց նա անտի ՛ի լեռնակողմն.

Verse: 13  Link to sept   եւ եհար նա զփուդ, եւ զղուդ. քանդէր եւ աւար հարկանէր զա(մենայ)ն որդիսն հռամասեայ եւ զիսմայելի, որ բնակեալ էին ընդ երեսս անապատին, ընդ հարաւակողմն քեղովնեայ։

Verse: 14  Link to sept   Եւ անց ընդ եփրատ գետ, եւ շրջեցաւ նա ը(նդ) միջագետս, եւ եհար վանեաց զա(մենայ)ն քաղաքս բարձունս որ ՛ի վ(ե)ր(այ) ձորոյն նաբովրայ էին, մինչեւ ՛ի սահմանս ծովուն։

Verse: 15  Link to sept   եւ հասանէր ունէր զսահմանս կիլիկեցւոց, եւ հարկանէր սատակէր զա(մենայ)ն դիմադարձս իւր։ Եւ եկն մինչեւ ՛ի սահմանս յափեթայ ՛ի հարաւակողմն, որ է́ դէմ յանդիման արաբիայ.

Verse: 16  Link to sept   եւ արգելեալ փակեաց զա(մենայ)ն որդիսն մադիամու, եւ հրձի́գ արար զա(մենայ)ն յարկս եւ զխորանս ն(ո)ր(ա), եւ աւերէր քանդէր զա(մենայ)ն գոմս խաշանց ն(ո)ց(ա)։

Verse: 17  Link to sept   Եւ է́ջ նա ՛ի դաշտն դամասկոսի յաւուրս հնձոց ցորենոյ, եւ հրձի́գ արար զա(մենայ)ն զանդս եւ զագարակս ն(ո)ց(ա), եւ զհօտս եւ զանդեա́յս ն(ո)ց(ա) արա́ր յապականութի(ւն). եւ զքաղաքս ն(ո)ց(ա) աւա́ր հարկանէր, եւ զմանկունս ն(ո)ց(ա) ջարդէր. եւ հարկանէ́ր սատակէր զերիտասարդս ն(ո)ց(ա) ՛ի բերան սրոյ։

Verse: 18  Link to sept   Եւ անկաւ ա́հ եւ երկեւղ ՛ի վ(ե)ր(այ) բնակչաց ծովեզերեայց՝ տիւրոսի եւ սիդոնի, եւ ՛ի վ(ե)ր(այ) բնակչացն սիւրիայ, եւ իւկինեայ. զա(մենայ)ն բնակիչսն յեմնանու։ Եւ որք բնակեալ էին յազովտոս, եւ յասակաղոն՝ երկեա́ն յոյժ ՛ի նմանէ.



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ առաքեցին առ նա՝ խօսել ը(նդ) նմա բանիւք խաղաղու(թ)ե(ան), եւ ասեն.

Verse: 2  Link to sept   ահաւասիկ մեք ծառա́յք նաբուքոդոնոսորայ եմք, եւ կացեալեմք առաջի քո, արա́ ը(նդ) մեզ՝ ո(ր)պ(էս) եւ հաճոյ թուի քեզ։

Verse: 3  Link to sept   զի ահա տունք մեր, եւ ա(մենայ)ն դաշտք ցորենոյ, եւ հօտք եւ անդեայք՝ եւ ա(մենայ)ն գոմք խաշանց մերոց՝ առաջի աչաց քոց, արա́ որպէս եւ բարի́ թուի քեզ. զի ահա եւ քաղաքք մեր՝ եւ բնակիչք ն(ո)ց(ա) ծառա́յք քո եմք, ե́կ մո́ւտ ՛ի սոսա, որպէս եւ բարի թուի́քեզ։

Verse: 6  Link to sept   Եւ եկին արք հրեշտակք առ հողափեռնէս, եւ պատմեցին նմա ըս(տ) բանիցս ըս(տ) այսոցիկ։

Verse: 7  Link to sept   եւ էջ ՛ի ծովեզրն ի́նքն եւ զօրք իւր, եւ պահապա́նս կացուցանէր ՛ի քաղաքս բարձունս։ Եւ ա́ռ նա ՛ի քաղաքաց անտի ա́ր ընտիրս պատերազմակիցս իւր։

Verse: 9  Link to sept   եւ ելին ընդառաջ ն(ո)ր(ա) քաղաքքն այնոքիկ

Verse: 10  Link to sept   երգովք եւ պսակօք՝ եւ ծնծղայիւք եւ թմբկօք։

Verse: 11  Link to sept   եւ փորեաց նա զսահմանս ն(ո)ց(ա). եւ ՛ի բա́ց ընկէց զա(մենայ)ն զանտառ ն(ո)ց(ա)։

Verse: 12  Link to sept   Եւ էր հրաման տուեալ նմա սատակե́լ զաստուածս երկրին.

Verse: 13  Link to sept   զի միայն նաբուքոդոնոսորա́յ պաշտօն տարցին ա(մենայ)ն ազգք եւ ազինք. կարդասցեն զնա աստուած։

Verse: 14  Link to sept   Եւ եկն նա դէմ յանդիման եզրայելոմեայ, որ մե́րձ էր առ բնակիչսն, որ է դէմ յանդիման սարոյն մեծի́ հրէաստանի։

Verse: 15  Link to sept   եւ բանակեցա́ւ նա ՛ի մէջ գայեայ եւ բիշանու. եւ եղեւ անդ՝ ամիս մի ժողովե́լ ռոճիկս եւ դարմանս զօրաց իւրոց։



Chapter: 4 
ԳԼ(ՈՒԽ) Դ՜.


Verse: 1  Link to sept   Իբրեւ զա́յն լուան որդիքն ի(սրաէ)լի եւ բնակիչքն հրէաստանի, զոր արար հողոփեռնէս ընդ ազգս եւ ընդ հեթանոսս, եւ զօրագլուխք արքային ասորեստանեայց. եւ ո՞րպէս քանդեաց զա(մենայ)ն մեհեանս ն(ո)ց(ա), եւ արա́ր զն(ո)ս(ա) յապականութի(ւն).

Verse: 2  Link to sept   եւ երկեան նոքա յոյժ յերեսաց ն(ո)ր(ա). եւ վ(ա)ս(ն) ե(րուսաղէ)մի՝ եւ տանն ա(ստուծո)յ իւրեանց խռովեցան. զի ընդ ա́յն ժամանակս էին դարձեալ ՛ի գերու(թեն)է անտի իւրեանց. եւ իբրեւ նո́րք էին ժողովեալք ՛ի հրէաստան. եւ զսեղանն տ(եառ)ն ա(ստուծո)յ իւրեանց՝ եւ զսպասսն եւ զտունն ՛ի պղծու(թեն)է անտի դե́ռեւս էին սրբեալ։

Verse: 3  Link to sept   Եւ առաքեցին նոքա յա(մենայ)ն սահմանս շամրնի, եւ ՛ի կոնոբեթորովն, եւ ՛ի բեղմային, եւ յերեքով, եւ ՛ի քովքա, եւ ՛ի սովմայն, եւ ՛ի հովիտսն ղաղիմայ։

Verse: 4  Link to sept   եւ հասին կալան զա(մենայ)ն գլուխս լերանց բարձանց. եւ պարսպեցին զգեօղս որ էին ՛ի ն(ո)ս(ա). եւ կազմեցին եւ եդին անդ զդարմանս ՛ի գործ պատերազմի. զի ը(նդ) ա́յն ժամանակս էին հնձեալ զանդս ն(ո)ց(ա)։

Verse: 5  Link to sept   Եւ գրեա́ց յովակիմ քահանայ մեծ՝ որ էր յաւուրսն յայնոսիկ յե(րուսաղէ)մ, բնակչաց բատիղուայ, եւ բետոմեսթեայ, որ է ընդդէմ եզրոմելայ, ընդդէմ դաշտին՝ որ է մերձ առ դովթայիմ.

Verse: 6  Link to sept   եւ ասէ՝ ելէ́ք կալէ́ք զանցս լեռնային կողմանն։ զի ը(նդ) ա́յն էին մուտք ՛ի հրէաստան. եւ էր դիւրին ն(ո)ց(ա) արգելուլ զն(ո)ս(ա), քանզի նե́ղ էին անցք կրճից՝ զոր կարէին պահել ա́րք երկու։

Verse: 7  Link to sept   Եւ արարին որդիքն ի(սրաէ)լի՝ ո(ր)պ(էս) եւ հրամայեաց ն(ո)ց(ա) յովակիմ քահանայ մեծ, եւ ծերակոյտք ժողովրդեանն ի(սրաէ)լի որ նստէին յե(րուսաղէ)մ։

Verse: 8  Link to sept   Եւ կարդացին առ տ(է)ր ա(մենայ)ն այր ի(սրաէ)լի՝ յա(մենայ)ն սրտէ իւրեանց. եւ խոնարհեցուցին զանձինս իւրեանց՝ ինքեանք եւ կանա́յք իւրեանց.

Verse: 9  Link to sept   եւ ա(մենայ)ն պանդուխտք եւ վարձկանք՝ հանդերձ անասնօք իւրեանց պաշարեցան, եւ արծաթագին ծառայք նոցա արկին քո́ւրձ զմիջովք իւրեանց։

Verse: 10  Link to sept   եւ ա(մենայ)ն այր ի(սրաէ)լի կանամբք եւ մանկամբք իւրեանց որ բնակեալ էին յե(րուսաղէ)մ, ՛ի գո́ւճս իջեալ առաջի տաճարին տ(եառ)ն աղաչէին, եւ արկին մոխիր զգլխովք իւրեանց, եւ թօթափէին զքուրձն առաջի տ(եառ)ն, եւ զսրբու(թ)ե(ան) սեղանօքն քո́ւրձ արկանէին. եւ կարդացին նոքա առ ա(ստուա)ծ ի(սրաէ)լի ՛ի միասին յա(մենայ)ն սրտէ, զի մի́ մատնեսցէ ՛ի յափշտակութի(ւն) զտղայս ն(ո)ց(ա) յաւար, եւ զկանայս ն(ո)ց(ա) յաւար, եւ զքաղաքս ժառանգու(թ)ե(ան) ն(ո)ց(ա) յապականութի(ւն), եւ զսրբու(թ)ի(ւն)ն ՛ի պղծու(թ)ի(ւն) եւ ՛ի նախատինս՝ եւ յայպն հեթանոսաց։ Եւ լուաւ տ(է)ր ձայնի́ ն(ո)ց(ա), եւ ետես զնեղութի(ւն)ս ն(ո)ց(ա)։ եւ էր ժողովուրդն ՛ի պահս բազումս ընդ ա(մենայ)ն հրէաստան եւ յե(րուսաղէ)մ առաջի սրբութե(ան)ցն տ(եառ)ն ամենակալի։

Verse: 16  Link to sept   Եւ յովակիմ քահանայ մեծ՝ եւ ամենեքեան որ կային առաջի տ(եառ)ն՝ քահանայք եւ պաշտօնեայքն տ(եառ)ն քո́ւրձ զգեցեալէին, եւ մատուցանէին զողջակէզս հանապազորդս եւ զաղօթս, եւ զկամա́ւ յօժարու(թ)ե(ա)ն, եւ զպատարագս ժողովրդեանն։

Verse: 17  Link to sept   եւ էր մոխիրն ՛ի վերայ վարշամակաց ն(ո)ց(ա) որ կայր ՛ի վ(ե)ր(այ) գլխոց ն(ո)ց(ա). եւ գոչէին առ տ(է)ր յա(մենայ)ն սրտէ իւրեանց, յայցելութի(ւն) եւ ՛ի բարիս առնել տանն ի(սրաէ)լի։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ պատմեցին հողոփեռնեայ զօրագլխի զօրացն ասուր, եթէ որդիքն ի(սրաէ)լի պատրաստեցան ՛ի պատերազմ, եւ զանցս լեռնային կողմանցն փակեցին, եւ պարսպեցին զա(մենայ)ն գլուխս լերանց բարձանց, եւ թաքուցին ՛ի դաշտս որոգայթս։

Verse: 2  Link to sept   Եւ բարկացաւ յոյժ հողոփեռնես բարկութ(եամ)բ մեծաւ. եւ կոչեաց նա զա(մենայ)ն իշխանսն մովաբայ, եւ զզօրագլուխսն ամովնայ, եւ զա(մենայ)ն նախարարս ծովեզերեայս.

Verse: 3  Link to sept   եւ ասէ ցն(ո)ս(ա). պատմեցէ́ք դուք ինձ որդիք քանանու, ո՞վ են ժողովուրդս այս որ նստին ՛ի լեռնակողմանս. եւ զի՞նչ քաղաքք են յորում բնակեալ են սոքա՝ եւ կամ բազմութի(ւն) զօրա՞ց ն(ո)ց(ա). եւ ի՞ւ է ոյժ ն(ո)ց(ա) եւ կամ զօրու(թ)ի(ւն). կամ ո՞վ է թագաւոր ն(ո)ց(ա) եւ առաջնորդ զօրաց նոցա։

Verse: 4  Link to sept   եւ ընդէ՞ր թիւրեցին զմիտս իւրեանց, զի մի́ եկեսցեն ընդ առա́ջ իմ. այլ հպարտացան քան զա(մենայ)ն բնակիչս արեւմտեայցս։

Verse: 5  Link to sept   Եւ ասէ ցնա աքիովր առաջնորդ ա(մենայ)ն որդւոցն ամոնայ. լուիցէ տէր բանից ծառայի քոյ, եւ պատմեցից քեզ զճշմարիտն՝ վ(ա)ս(ն) ժողովրդեանդ որ բնակեալ են ՛ի լեռնակողմանդ յայդմ որ մերձ առ քե́զս է. եւ ո́չինչ ելանէ ստութի(ւն) ՛ի բերանոյ ծառայի քոյ։

Verse: 6  Link to sept   Ժողովուրդս այս են յազգէ́ քաղդեացւոց.

Verse: 7  Link to sept   եւ պանդխտեցան զառաջինն ՛ի միջագետս. զի ո́չ կամեցան պաշտել զդիս հարց իւրեանց յերկրին քաղդեացւոց.

Verse: 8  Link to sept   եւ ելին նոքա ՛ի հայրենի երկրէն իւրեանց. եւ երկիր պագին ա(ստուծո)յ երկնաւորի զոր ճշմարտեալ ծանեան։ եւ եկեալ գնացին նոքա ՛ի միջագետս՝ եւ պանդխտեցան անդ աւուրս բազումս. եւ ասէ ցն(ո)ս(ա) ա(ստուա)ծն ն(ո)ց(ա)՝ ելանել ն(ո)ց(ա) ՛ի պանդխտութ(են)էն եւ գալ յերկիրս քանանու. եւ բնակեցին անդ, եւ մեծացան ոսկւով եւ արծաթով՝ եւ անասնով բազմով։

Verse: 9  Link to sept   Եւ իջին նոքա յեգիպտոս, քանզի եղեւ սով յերկրին քանանացւոց, եւ պանդխտեցան անդ մինչեւ սնան, եւ եղեն անդ բազում յոյժ. եւ ո́չ էր թիւ ազգի ն(ո)ց(ա)։

Verse: 10  Link to sept   եւ յարեաւ ՛ի վ(ե)ր(այ) ն(ո)ց(ա) արքայն եգիպտացւոց չարչարե́լ զն(ո)ս(ա) ցաւովք, եւ աղիւսովք, եւ արկին զն(ո)ս(ա) ՛ի ծառայու(թ)ի(ւն)։

Verse: 11  Link to sept   Եւ կարդացին նոքա առ ա(ստուա)ծ իւրեանց, եւ եհա́ր նա զերկիրն եգիպտացւոց հարուածովք անբժշկութե(ան)։ եւ հալածեցին հանին զն(ո)ս(ա) եգիպտացիքն յերեսաց իւրեանց։

Verse: 12  Link to sept   եւ ցամաքեցո́յց ա(ստուա)ծ զծովն կարմիր առաջի ն(ո)ց(ա),

Verse: 13  Link to sept   եւ ած զն(ո)ս(ա) ՛ի ճանապարհն սինայ, եւ ՛ի կադէսբառնեայ. եւ հանին զա(մենայ)ն բնակիչս անապատին։

Verse: 14  Link to sept   եւ բնակեցուցին յերկրին ամովրհացւոց. եւ զա(մենայ)ն զեսեբովնացիս սատակեցին զօրու(թեամ)բ իւրեանց։ Եւ անցին նոքա ը(նդ) յորդանան, եւ ժառանգեցին զա(մենայ)ն երկիրն.

Verse: 20  Link to sept   եւ մերժեցին հանին յերեսաց իւրեանց զքանանացին, եւ զփերեզացին, եւ զյեբուսացին, եւ զսիւքեմ, եւ զա(մենայ)ն գերգեսացիս, եւ բնակեցին յերկրին աւուրս բազումս։

Verse: 21  Link to sept   Եւ մինչ ո́չ մեղանչէին առաջի ա(ստուծո)յն իւրեանց՝ էր ընդ նոսա ա(մենայ)ն բարութի(ւն). զի ա(ստուա)ծ որ ատեայ զանիրաւութի(ւն)՝ է́ր ընդ ն(ո)ս(ա)։

Verse: 22  Link to sept   եւ յորժամ ՛ի բա́ց մերժեցին յիւրեանց զճանապարհս ուխտին ա(ստուծո)յ, սատակեցա́ն ՛ի պատերազմունս բազումս յոյժ. եւ գերեցան յերկիր օտար որ ո́չ իւրեանց էր. եւ տաճարն ա(ստուծո)յ իւրեանց եղեւ ՛ի կործանումն. եւ քաղաքք ն(ո)ց(ա) մատնեցան ՛ի ձեռս թշնամեաց ն(ո)ց(ա)։

Verse: 23  Link to sept   Եւ այժմ դարձա́ն առ տ(է)ր ա(ստուա)ծ իւրեանց՝ եւ ժողովեցան ՛ի գերու(թեն)է իւրեանց ուր էին ցրուեալք, եւ կալան զքաղաքն զե(րուսաղէ)մ ուր էր սրբութի(ւն)ն. եւ բնակեցին ՛ի լեռնակողմանն, զի էր աւերակ։

Verse: 24  Link to sept   Եւ արդ այժմ տէր, եթէ անգիտութի(ւն) ինչ լինի ՛ի ժողովրդեան ն(ո)ց(ա), եւ մեղանչիցեն ա(ստուծո)յ իւրեանց, ակնկալեալ սպասեսցուք այսմիկ, զի ա́յս է ն(ո)ց(ա) գայթագղութի(ւն). եւ ապա գումարեսցուք ՛ի վ(ե)ր(այ) ն(ո)ց(ա), եւ տացուք ՛ի վ(ե)ր(այ) ն(ո)ց(ա) պատերազմ։

Verse: 25  Link to sept   Ապա թէ չիցէ́ ինչ ն(ո)ց(ա) անիրաւու(թ)ի(ւն) առ ա(ստուա)ծն իւրեանց՝ զա́նց արասցուք առ նոքօք տէր. գուցէ պաշտպանիցէ ն(ո)ց(ա) տ(է)ր ա(ստուա)ծն իւրեանց, եւ լինիցիմք մեք յամօ́թ նախատանաց ա(մենայ)ն երկրի։

Verse: 26  Link to sept   Եւ եղեւ իբրեւ դադարեաց աքիովր ՛ի խօսելոյ զբանս զայս, տրտնջեաց ա(մենայ)ն բանակն որ շուրջ զխորանաւն։

Verse: 27  Link to sept   եւ ասեն իշխանքն ցհողոփեռն, եւ որ բնակիչքն էին ծովեզերեայց եւ մովաբացւոց, զի պատուհասեսցէ զաքիովր. զի ո́չինչ երկնչիմք մեք յորդւոցն ի(սրաէ)լի. ժողովուրդ որ ո́չ ունի կա́ր ինչ զօրութե(ան) պատերազմի։

Verse: 28  Link to sept   Արդ՝ ելցո́ւք մեք, եւ լիցին նոքա կերակուր ամենայն զօրաց քոց տէր հողոփեռն։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ յորժամ դադարեցին ՛ի խօսելոյ իւրեանց, որ շուրջ էին զխորանաւն իւրեանց. եւ ասէ հողոփեռնէս զօրագլուխ զօրացն ասուր՝ ցաքիովր, առաջի ա(մենայ)ն զօրացն այլազգեաց. Ո՞վ ե́ս դու աքիովր, որ դիմակա́ց ես ժողովրդեանն այլազգեաց ամենեցուն՝ եւ առ որդիս մովաբայ, եւ որ վարձկանքս են յեփրեմայ.

Verse: 2  Link to sept   զի մարգարէացար մեզ ո(ր)պ(էս) եւ օրս այս, եւ ասես եթէ մի́ տացուք պատերազմ ընդ որդիսն ի(սրաէ)լի. զի ա(ստուա)ծն նոցա պաշտպանէ ն(ո)ց(ա). եւ ո՞վ է ա(ստուա)ծ բաց ՛ի նաբուքոդոնոսորայ։ նա́ առաքէ զզօրու(թ)ի(ւն) իւր, եւ սատակէ զն(ո)ս(ա) յերկրէ. եւ ո́չ փրկէ զն(ո)ս(ա) ա(ստուա)ծն ն(ո)ց(ա)։

Verse: 3  Link to sept   Այլ մեք ծառայք ն(ո)ր(ա) վանե́մք զն(ո)ս(ա) իբրեւ զայր մի. եւ ո́չ կարասցեն կա́լ ընդդէմ հեծելազօր երիվարաց մերոց, եւ ջնջեսցո́ւք զն(ո)ս(ա) նոքօք. եւ զլերինս ն(ո)ց(ա) արբուցան ե́մք յարենէ նոցա. եւ դաշտք նոցա լցցին դիակամբք ն(ո)ց(ա). եւ ո́չ եւս կարասցեն կալ առաջի մեր, այլ կորնչելով կորնչիցին.

Verse: 4  Link to sept   ասէ արքայ նաբուքոդոնոսոր տէ́ր ա(մենայ)ն երկրի. քանզի ասաց՝ եւ ո́չ ընդունայնացան բանք բերանոյ ն(ո)ր(ա)։

Verse: 5  Link to sept   Այլ դու աքիովր վարձկան ամոնայ եւ խօսեցար զբանս զայս յանիրաւու(թ)ե(ան) քում. եւ ո́չ եւս յաւելցես տեսանել զերեսս իմ յօրէս յայսմանէ մինչեւ խնդրեցից վրէ́ժ յազգէն որ յեգիպտոսէն ելին. եւ ապա́ անցցէ սուր զօրաց իմոց ը(նդ) կողս քո.

Verse: 6  Link to sept   եւ կործանեսցիս ը(նդ) վիրաւորս բազումս յորժամ դարձայց։ այլ այժմ դարձուսցեն զքեզ ծառայք իմ ՛ի լեռնակողմն՝ եւ պահեսցեն զքեզ յանցս քաղաքի միոյ որ յանցս ճանապարհացն է, եւ մի́ կորնչիցիս մինչեւ սատակեսցիս նոքօք հանդերձ. եւ եթէ յուսա սրտիւ քով եթէ ոչ մատնին՝ յայդ ինչ մի́ վստա́հ լինիցիս. զի խօսեցայ՝ եւ ո́չ անցանէ բան մի́ ՛ի բանից իմոց։

Verse: 7  Link to sept   Եւ ե́տ հրաման հողոփեռնէս ծառայից իւրոց որ կային առաջի ն(ո)ր(ա), կապե́լ զաքիովր, եւ տանել զնա ՛ի բետիուղա, եւ մատնել զնա ՛ի ձեռս որդւոցն ի(սրաէ)լի։

Verse: 8  Link to sept   եւ կալան զնա ծառայք ն(ո)ր(ա), եւ ածին զնա արտաքոյ բանակին ՛ի դաշտ անդր, եւ գնացին նոքա ՛ի դաշտէ անտի, եւ եկին ՛ի լեռնակողմն աղբերցն ՛ի ներքոյ բետիուղայ, որ է շամրին։ Եւ իբրեւ տեսին զն(ո)ս(ա) արք քաղաքին ՛ի վ(ե)ր(այ) գլխոյ լերինն, առին նոքա զզէնս իւրեանց եւ յարձակեցան ՛ի վ(ե)ր(այ) ն(ո)ց(ա) ՛ի գլուխ լերինն. եւ ա(մենայ)ն այր պարսաւոր կալան զելս ն(ո)ց(ա) եւ քարաձի́գ արարին ՛ի վ(ե)ր(այ) ն(ո)ց(ա)։

Verse: 9  Link to sept   եւ մտին նոքա ը(նդ) լեռնոտամբն, եւ կապեցին զաքիովր, եւ ընկեցին զնա առ լեռնոտինն. եւ նոքա գնացին դարձան առ տէրն իւրեանց։

Verse: 10  Link to sept   Եւ իջին որդիքն ի(սրաէ)լի ՛ի քաղաքէ անտի եւ հասին ՛ի վ(ե)ր(այ) ն(ո)ր(ա)՝ եւ լուծին զնա, եւ տարան ՛ի բետուղա. եւ կացուցին զնա ը(նդ) իշխանս քաղաքին իւրեանց

Verse: 11  Link to sept   որք էին յաւուրսն յայնոսիկ՝ ոզիա որդի միքեայ յազգէ շմաւոնի, եւ քարմի որդի եղքիէլի։

Verse: 12  Link to sept   Եւ ժողովեցին զա(մենայ)ն զծերս քաղաքին՝ եւ զա(մենայ)ն երիտասարդս, եւ զա(մենայ)ն կանայս յեկեղեցին. եւ կոչեցին զաքիովր ՛ի մէջ ա(մենայ)ն ժողովրդեանն. եւ հարցանէ́ր զնա ոզիա, եթէ վ(ա)ս(ն) է՞ր եղեւ ը(նդ) քեզ ա́յդ անցք. եւ նա տա́յր պատասխանի, եւ պատմէր զբանս խորհրդոյն հողոփեռնեայ. եւ զա(մենայ)ն բանսն զոր խօսեցաւ ինքն ՛ի մէջ իշխանացն որդւոցն ասուր.

Verse: 13  Link to sept   զորինչ միանգամ մեծաբանեալ խօսեցաւ հողոփեռնես վ(ա)ս(ն) տանն ի(սրաէ)լի։

Verse: 14  Link to sept   Եւ ՛ի գո́ւճս իջեալ ա(մենայ)ն ժողովուրդն երկրին երկի́ր պագանէին ա(ստուծո)յ, աղաղակէին եւ ասէին։

Verse: 15  Link to sept   Տ(է)ր ա(ստուա)ծ երկնից՝ տե́ս զամբարտաւանու(թ)ի(ւն) ն(ո)ց(ա), եւ ողորմեաց խոնարհու(թ)ե(ան) ազգիս մերում, եւ նայեա́ց ՛ի սրբու(թ)ի(ւն) քո տ(է)ր յաւուրս յայսմիկ։

Verse: 16  Link to sept   եւ աղաչեցին։ Եւ մխիթարեցին զաքիովր, եւ գովեցին յոյժ զնա։

Verse: 17  Link to sept   եւ ա́ռ զնա ոզիա յեկեղեցւոյ անտի եւ տարա́ւ ՛ի տուն իւր.

Verse: 18  Link to sept   եւ արար նմա կոչունս ծարոցն եւ քահանայիցն։ եւ կարդացին զգիշերն զայն ա(մենայ)ն առ տ(է)ր ա(ստուա)ծ ի(սրաէ)լի։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ ՛ի վաղիւ անդր պատուիրեաց հողոփեռն զօրաց իւրոց, եւ ժողովեցան որ եկեալն էին նմա յօգնականու(թ)ի(ւն), չուել գնա́լ ՛ի բետիղուա, եւ ՛ի վ(ե)ր(այ) ելից լեռնակողմանն, եւ հասանե́լ տալ պատերազմ ընդ որդիսն ի(սրաէ)լի։

Verse: 2  Link to sept   Եւ կազմեցան պատրաստեցան՝ գնացին յաւուրն յայնմիկ, ա(մենայ)ն այր պատերազմի, եւ ա(մենայ)ն հետեւակազօր պատերազմողացն հարիւր եւթանասուն հազար, եւ հեծելազօրքն վառեալք երկոտասան հազար. թող զայլ ռամիկն ա(մենայ)ն, եւ զկա́հ եւ զկարասի բազում սաստիկ յոյժ։

Verse: 3  Link to sept   Եւ բանակեցան նոքա ՛ի հովիտն որ մե́րձ էր ՛ի բետիղուա ՛ի վ(ե)ր(այ) աղբերն. եւ հանին զառաջս բանակացն ը(նդ) հարաւակողմն ՛ի լայնութի(ւն) մինչեւ ՛ի գովթայիմ, մինչեւ ՛ի բեղբեմ. եւ յերկայնու(թ)ի(ւն) ՛ի բետիղուայ մինչեւ ՛ի կիամ, որ է ընդդէմ յեզրայելովմայ, ա́յս ինքն է յեզրայէլ։

Verse: 4  Link to sept   Եւ որդիքն ի(սրաէ)լի իբրեւ տեսին զա́յնչափ բազմութի(ւն)ն խռովեցան յոյժ, եւ ասեն ա́յր ցընկեր իւր. այժմ լիզո́ւն նոքա զա(մենայ)ն երեսս երկրի, եւ ո́չ լերինք բարձունք, եւ ո́չ ձորք եւ բլուրք կարասցեն կա́լ առաջի զօրութե(ան) դոցա։

Verse: 5  Link to sept   Եւ առին որդիքն ի(սրաէ)լի ա́յր իւրաքանչիւր զզէն իւր, եւ լուցանէին ջահս ՛ի վ(ե)ր(այ) աշտարակացն քաղաքին, եւ կային պահէին զա(մենայ)ն գիշերն զայն։

Verse: 6  Link to sept   Եւ յաւուրն երկրորդի եհան հողոփեռնես զա(մենայ)ն զհեծելազօրն դէմ յանդիման որդւոցն ի(սրաէ)լի որ էին ՛ի բետիղուա, եւ հաս նա ՛ի վ(ե)ր(այ) ելից քաղաքին նոցա, եւ զաղբերս ջրոցն քննեաց, եւ աճապարէր պաշարել զն(ո)ս(ա). եւ հարկանէր ՛ի վ(ե)ր(այ) ն(ո)ց(ա) բանակս բանակս յարա́նց պատերազմողաց. եւ ինքն չուէր գնայր անդրէն ՛ի բանակն իւր։

Verse: 8  Link to sept   Եւ մատեան առ նա ա(մենայ)ն որդիքն ամովնայ, եւ ա(մենայ)ն ժողովք եւ առաջնորդք որդւոցն մովաբաու, եւ զօրագլուխք ծովեզերեայցն՝ եւ ասեն։

Verse: 9  Link to sept   Լուիցէ́ բանից ծառայից իւրոց տէր մեր, զի մի́ լիցին հարուածք զօրաց քոց. զի ժողովուրդ որդւոցս ի(սրաէ)լի ո́չ են յուսացեալ ՛ի նիզակս իւրեանց, եւ ո́չ ՛ի զէնս այլ ՛ի վ(ե)ր(այ) լերանց բարձանց իւրեանց յորում բնակեալ են ՛ի ն(ո)ս(ա). ո́չ իսկ հնա́ր է հասանել ՛ի ն(ո)ս(ա)։ Եւ արդ տէր՝ մի́ տար դու ը(նդ) ն(ո)ս(ա) մարտ պատերազմի՝ ո(ր)պ(էս) եւ լինի պատերազմ. եւ ո́չ անկցի մի այր ՛ի զօրաց քոց. այլ հանդարտեա́ եւ մնա դու ՛ի բանակիս քում, եւ ապրեցուսցես դու զզօրս քո. այլ կալցին ծառայք քո զաղբերս ջուրցն որ ելանէ ՛ի լեռնոտանէ անտի. քանզի անտի́ ըմպեն ա(մենայ)ն բնակիչք քաղաքիդ. եւ սատակին նոքա ՛ի ծառաւոյ, եւ ապա ինքեա́նք իսկ մատնեսցեն զքաղաքն ՛ի ձեռս քո. եւ ա(մենայ)ն զօրավարօք մերովք ելանեմք ՛ի վերայ լերանց բարձանց որ մերձաւորքս իցեն, եւ բնակեսցուք ՛ի վ(ե)ր(այ) ն(ո)ց(ա) իբրեւ զայր մի. քանզի սպառեսցին նոքա ՛ի սովոյ եւ ծառաւոյ, ինքեանք եւ կանայք իւրեանց եւ որդիք իւրեանց մինչչե́ւ եկեալ իցէ ՛ի վ(ե)ր(այ) ն(ո)ց(ա) սուր. տապաստ անկցին ՛ի հրապարակս քաղաքին իւրեանց, եւ հատուսցես ն(ո)ց(ա) զհատուցումն չարութե(ան) ն(ո)ց(ա). փոխանակ զի ՛ի կռիւ կացին եւ ո́չ հնազանդեցան քեզ խաղաղութ(եամ)բ։

Verse: 10  Link to sept   Եւ հաճո́յ թուեցաւ խորհուրդն՝ հողոփեռնեայ եւ ա(մենայ)ն ծառայից ն(ո)ր(ա), եւ հրաման ետ առնել ո(ր)պ(էս) եւ խօսեցանն։ եւ գնաց բանակ որդւոցն ամոնայ, եւ ընդ ն(ո)ս(ա) հազարք հինգ յորդւոցն ասուր, եւ բանակեցան նոքա ՛ի ձոր հովտին, եւ հասին կալան նոքա զաղբերս ջուրցն զորդւոցն ի(սրաէ)լի։ Եւ ելին որդիքն եսաւայ, եւ որդիքն ամոնայ, եւ բանակեցան ընդ կողմն լերինն ընդդէ́մ դովթայիմայ. եւ առաքեցին ՛ի ն(ո)ց(ա)նէն ՛ի հարաւակողմն կոյս՝ եւ ընդ հիւսւսի ընդդէ́մ եգրեբիղայ՝ որ է մերձ ընդ քուշ, որ է ՛ի վ(ե)ր(այ) ձորոյն քումուրայ։ եւ այլ զօրք ասորեստանեայցն բանակեցան ՛ի դաշտին՝ եւ ծածկեցին զա(մենայ)ն երեսս երկրին։ եւ այլ ռամիկքն՝ կահիւ եւ կարասով եւ խորանօք հանդերձ բանակեցան անդէն բ(ա)զ(ու)մ մեծութ(եամ)բ։ Եւ որդիքն ի(սրաէ)լի գոչեցին առ տ(է)ր ա(ստուա)ծ իւրեանց, զի զահի հարեալ սպառեալ էին ոգիք ն(ո)ց(ա). քանզի պատեալ պաշարեալ էր զնոսա թշնամեաց ն(ո)ց(ա). եւ ո́չինչ էր հնար ն(ո)ց(ա) ելանել ՛ի միջոյ ն(ո)ց(ա). եւ կացին պաշարեցին զնոսա զօրքն ասուրայ զինու կառօք եւ երիվարօք իւրեանց զաւուրս երեսուն եւ չորս։

Verse: 11  Link to sept   Եւ լքան պարտասեցան ա(մենայ)ն բնակիչք բետիղուայ. եւ ա(մենայ)ն ամանք ն(ո)ց(ա) սպառեալ էին ՛ի ջրոյ, եւ գուբք սպառեալ թափեալ էին. եւ ո́չ գոյր ըմպելի միում աւուր, եւ զոր ըմպէին չափով եւ կշռով ըմպէին։

Verse: 12  Link to sept   եւ ՛ի վարանի եւ ՛ի տարակուսի կային կանայք եւ մանկունք ն(ո)ց(ա). եւ երիտասարդք ն(ո)ց(ա) լքեալ էին ՛ի ծառաւոյ, եւ գլորեալք կային ընդ հրապարակս քաղաքին, եւ ը(նդ) անցս դրանցն. եւ ո́չ ուստեք էր ն(ո)ց(ա) մխիթարու(թ)ի(ւն)։ Եւ ժողովեցան ա(մենայ)ն ժողովուրդն ՛ի վ(ե)ր(այ) ոզիայ՝ եւ ՛ի վ(ե)ր(այ) իշխանաց քաղաքին, երիտասարդք եւ կանայք եւ մանկտին, եւ լացին ն(ո)ք(ա) ձայնիւ մեծաւ, եւ ասեն առաջի ա(մենայ)ն ծերոց ժողովրդեանն։

Verse: 13  Link to sept   Դա́տ արասցէ ա(ստուա)ծ ՛ի մէջ մեր եւ ՛ի մէջ ձեր, զի արարէք առ մեզ իրս անիրաւու(թ)ե(ան), առ ՛ի չխօսելոյ ձեր ՛ի խաղաղութի(ւն) ընդ որդիսն ասուր։

Verse: 14  Link to sept   եւ արդ՝ ո́չոք է որ օգնէ մեզ, այլ մատնեաց զմեզ ա(ստուա)ծ ՛ի ձեռս ն(ո)ց(ա), զի տապա́ստ անկցուք մեք առաջի ն(ո)ց(ա), եւ ՛ի կորուստ մեծի ծարաւոյ։

Verse: 15  Link to sept   Արդ այժմ աղաչեցէ́ք դուք զն(ո)ս(ա), եւ տո́ւք յաւար նոցա զքաղաքս ա(մենայ)ն։

Verse: 16  Link to sept   զի լա́ւ է մեզ լինել ՛ի յափշտակութի(ւն) ն(ո)ց(ա) եւ ՛ի ծառայու(թ)ի(ւն)՝ եւ կեցցեն անձինք մեր. քանզի ո́չ կարեմք տեսանել զմահ տղայոց եւ զկանանց աչօք մերովք, զի պակասեալ սպառեալ են ոգիք ն(ո)ց(ա)։

Verse: 17  Link to sept   արդ վկայե́մք ձեզ առաջի երկնից եւ երկրի, եւ ա(ստուծո)յ հարցն մերոց որ խնդրէ զվրէժ անձանց մերոց, եւ ըստ մեղաց մերոց. զի մի́ արասցէ ըս(տ) բանիցս այսոցիկ յաւուրս յայնոսիկ։

Verse: 18  Link to sept   Եւ եղեւ լալումն եւ ողբումն մե́ծ ՛ի վ(ե)ր(այ) եկեղեցւոյն ամենեցուն ՛ի միասին, եւ գոչեցին նոքա առ տ(է)ր ա(ստուա)ծ ձայնիւ մեծաւ։

Verse: 23  Link to sept   Եւ ասէ ցն(ո)ս(ա) ոզիա. քաջալերեցարո́ւք եղբարք, եւ համբերեցէ́ք աւուրս եւս հինգ, յորում աւուր առաքէ տ(է)ր զողորմութի(ւն) իւր ՛ի վ(ե)ր(այ) մեր.

Verse: 24  Link to sept   զի ո́չ թողու նա զմեզ ՛ի սպառ.

Verse: 25  Link to sept   եւ յորժամ անցանիցեն ա́յս աւուրք, եւ ո́չ եկեսցէ ՛ի վ(ե)ր(այ) մեր օգնութի(ւն)՝ արարի́ց ձեզ ըս(տ) բանիցս այսոցիկ։ եւ արձակեաց զժողովուրդս ՛ի տունս իւրեանց. եւ յաշտարակս եւ ՛ի պարիսպս քաղաքին զգուշանալ ՛ի թշնամեացն։ եւ էին ՛ի վարանս եւ ՛ի մեծ տարակուսանս։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ լուաւ յաւուր յայնմիկ յուդիթ դուստր մերարեայ. որդւոյ ոքոզեայ. որդւոյ յովսեփու. որդւոյ ոզիելեայ. որդւոյ եղկիեայ. որդւոյ եղիեսու. որդւոյ քեղկեայ. որդւոյ եղիաբու. որդւոյ նաթանայելի. որդւոյ սամամիեղեայ. որդւոյ սարա սադդէ. որդւոյ ի(սրաէ)լի։

Verse: 2  Link to sept   եւ այր ն(ո)ր(ա) մանասէ՝ յազգէ նորուն, եւ ՛ի հայրենեաց ն(ո)ր(ա)։ եւ մեպա́ւ այր ն(ո)ր(ա) յաւուրս հնձոց գարեաց.

Verse: 3  Link to sept   զի կա́յր նա ՛ի վ(ե)ր(այ) հնձողաց իւրոց ՛ի դաշտին. զի յընթանալ խորշակին եւ գա́լ հասանել ՛ի վ(ե)ր(այ) գլխոյ նորա. յորմէ եւ մեռաւ իսկ ՛ի բետիղուա ՛ի քաղաքի իւրում. եւ թաղեցաւ նա առ հարս իւր յագարակին որ մե́րձ էր առ դովթայիմն, եւ ՛ի բաղսովն։

Verse: 4  Link to sept   Եւ նստեր յուդիթ այրի́ ՛ի տան իւրում ա́մս երիս եւ ամիսս չորս։

Verse: 5  Link to sept   եւ արար նա տաղաւար ՛ի տանիս տանն իւրոյ. եւ ած քուրձ ՛ի վ(ե)ր(այ) միջոյ իւրում. եւ է́ր արկեալ զիւր եւ հանդերձ այրութե(ան).

Verse: 6  Link to sept   եւ պահէր նա՝ զա(մենայ)ն աւուրս այրու(թ)ե(ա)ն իւրոյ. բայց միայն զօր շաբաթուն եւ զամսամտից եւ զտարեկանացն, եւ զուրախութե(ան) տանն ի(սրաէ)լի։

Verse: 7  Link to sept   Եւ է́ր նա գեղեցիկ յոյժ տեսանելով. եւ եթող նմա մանասէ այր նորա ոսկի եւ արծաթ, ծառայս եւ աղախնայս, եւ ա́նդս եւ ագարակս, եւ անասուն. եւ ինքն յուդիթ դարմանէ́ր զայն։

Verse: 8  Link to sept   եւ ո́չ ոք ինչ ասէր վ(ա)ս(ն) ն(ո)ր(ա) բա́ն չարու(թ)ե(ան). զի երկիւղա́ծ էր նա յոյժ ՛ի տ(եառն)է։

Verse: 9  Link to sept   Եւ իբրեւ լուաւ նա զբանն ժողովրդեանն զոր խօսեցան ապիրատութ(եամ)բ ընդ իշխանին. զի պակասեալ էին նոքա ՛ի ծառաւոյ։ եւ լուաւ յուդիթ զբանսն ոզիայ զոր խօսեցաւ ընդ ժողովուրդսն, եւ ո(ր)պ(էս) վկայեա́ց նոցա՝ մատնել զքաղաքն յետ հինգ աւուրն ՛ի ձեռս ասորեստանեացն։ Եւ առաքեաց զնաժիշտն իւր՝ որ էր ՛ի վերայ ա(մենայ)ն ընչից իւրոց, եւ կոչեաց զոզիայ, եւ զքաբրին, եւ զքարմին, եւ զծերս ա(մենայ)ն քաղաքին իւրոյ.

Verse: 10  Link to sept   եւ եկին առ նա։ եւ ասէ ցն(ո)ս(ա). Լուարուք ինձ բնակիչք բետիղուայ, զի ո́չ ուղիղ են բանք ձեր զոր խօսեցարուք առաջի ժողովրդեանդ յաւուրս յայսմիկ. եւ երդմամբ հաստատեցէք զոր խօսեցարուքն առաջի ա(ստուծո)յ ՛ի միջի ձերում, եւ ասացէք մատնել զքաղաքս ՛ի ձեռս թշնամեաց մերոց, եւ եթէ ո́չ տ(է)ր առաքէ զօգնականու(թ)ի(ւն) մեզ։

Verse: 11  Link to sept   Եւ արդ դուք որ փորձէքդ զա(ստուա)ծ յաւուրս յայսմիկ. արդ հաստատեալ կայ այդ ՛ի մէջ որդւոց մարդկան։

Verse: 12  Link to sept   եւ ահա այժմ զտ(է)ր զամենակալ ո́չ հարցէք, եւ ո́չ ինչ գիտացէք.

Verse: 13  Link to sept   զի խորու(թ)ի(ւն) սրտի մարդոյ ո́չ գտանի, եւ բանից սրտից ն(ո)ց(ա) ո́չ հասանէք. զիա՞րդ զա(ստուա)ծ որ արա́ր զայս ա(մենայ)ն քննել մարտիցէք, եւ զկամս ն(ո)ր(ա) գիտիցէք, եւ կամ ՛ի խորհուրդս ն(ո)ր(ա) հայիցիք. քա́ւ լիցի ձեզ եղբարք. մի́ բարկացուցանիցէք զտ(է)ր ա(ստուա)ծ մեր։

Verse: 14  Link to sept   եթէ ո́չ կամիցի յաւուրս հինգ օգնել մեզ. նա ունի զիշխանութի(ւն)ն. յորս կամի պաշտպան լինի մեզ յորում եւ իցէ, եւ կամ սատակե́լ զմեզ առաջի թշնամեաց մերոց։

Verse: 15  Link to sept   Այլ դուք մի́ գրաւէք ՛ի ձեզ զխորհուրդս տ(եառ)ն ա(ստուծո)յ ձերոյ, զի ո́չ ո(ր)պ(էս) մարդո́յ է ա(ստուծո)յ սպառնալիք, եւ ո́չ ո(ր)պ(էս) որդւոյ մարդոյ մարդոյ զի տանջէ։

Verse: 16  Link to sept   այլ այժմ կացեալ ա́կնկալցուք գտանե́լ ՛ի նմանէ զողորմութի(ւն), աղաչեսցո́ւք եւ կարդասցուք առ նա յօգնականութի(ւն) մեզ. եւ լուիցէ́ ձայնի աղօթից մերոց՝ եթէ իցէ նմա հաճոյ։

Verse: 17  Link to sept   զի ո́չ երբէք յարուցեալ է այդպիսի ՛ի վ(ե)ր(այ) ազգիս մերոյ, եւ ո́չ լեա́լ է այդպիսի մինչեւ ցայսօր, ո́չ յասգիս մերում, եւ ոչ ՛ի տոհմի մերում, եւ ոչ ՛ի ժողովրդեան մերում, եւ ո́չ ՛ի քաղաքս մեր։ Ո́չ պագանեն երկիր ձեռագործաց

Verse: 18  Link to sept   որպէս եղեւ յաւուրսն առաջինս. վ(ա)ս(ն) որոյ մատնեցան ՛ի սո́ւր եւ ՛ի յափշտակութի(ւն) հարքն մեր, եւ կործանեցան կործանումն մե́ծ առաջի թշնամեաց իւրեանց։

Verse: 19  Link to sept   Այլ մեք զա́յլ ա(ստուա)ծ ո́չ գիտացաք բա́ց ՛ի նմանէ յոր յուսամքն զի ո́չ անտես առնէ զմեզ.

Verse: 20  Link to sept   եւ ո́չ զազգս մեր մատնել այսպէս՝ որպէս եւ ուխտեցէք դուք. եւ կամ աւա́ր հարկանել զսրբութի(ւն)ս մեր. եւ կամ թէ չխնդրիցէ զվրէժ անարգանաց թշնամեաց սրբու(թ)ե(ան)ս, եւ զմա́հ զեղբարցս մերոց, եւ զգերութի(ւն) երկրիս, եւ զաւերումն ժառանգու(թ)ե(ան)ս մերոյ դարձուցանէ ՛ի գլուխս մեր, յա(մենայ)ն հեթանոսս՝ ուր եւ ծառայիցեմք ն(ո)ց(ա). եւ եղիցուք յամօթ եւ ՛ի նախատինս առաջի այնոցիկ որոց ստացեալն իցէ զմեզ։ զի ո́չ ուղղեսցի ծառայութի(ւն)ս մեր ն(ո)ց(ա) յուրախութի(ւն), այլ յանարգութի(ւն) եւ ՛ի կործանումն ն(ո)ց(ա) արասցէ զմեզ տ(է)ր ա(ստուա)ծ մեր։

Verse: 21  Link to sept   Եւ արդ եղբարք՝ ցուցցո́ւք մեք եղբարց մեր, զի ՛ի մե́զ կան կախեալ ոգիք ն(ո)ց(ա), եւ սրբութի(ւն)քն եւ սեղանն՝ եւ տաճարն հաստատեալ կայ ՛ի մեզ։ եւ արդ՝ ՛ի վ(ե)ր(այ) ա(մենայ)նի այսորիկ գոհացարուք զա(ստուծո)յ մերմէ, որ փորձէն զմեզ, ո(ր)պ(էս) եւ զհարսն մեր։

Verse: 22  Link to sept   Յիշեցէ́ք ո՞րչափ արար ընդ աբրահամուն, եւ ո՞(ր)պ(էս) արար ընդ սահակայ, եւ կամ ընդ յակոբայ ՛ի միջագետս ասորւոց, ՛ի հովուել ն(ո)ր(ա) խաշանցն ղաբանու եղբօր մօր իւրոյ։

Verse: 23  Link to sept   զի ո́չ եթէ որպէս զնոսայն փորձեաց առ ՛ի ճանաչել զխորհուրդս սրտից նոցա, եւ զմեր մեղս ո́չ խնդրեսցէ. այլ ՛ի խրատե́լ եւ ուսուցանե́լ տանջէ տ(է)ր զմերձաւորս իւր։

Verse: 28  Link to sept   Եւ ասէ ցնա ոզիա. զա(մենայ)ն զոր ինչ ասացերդ՝ ՛ի լրութ(են)է սրտի եւ ՛ի բարւոք մտէ խօսեցար, եւ ո́չոք է որ ընդդէմ դառնայ բանից քոց. զի ո́չ միայն այսօր յայտնեցաւ իմաստու(թ)ի(ւն)դ քո, այլ յաւուրցն առաջնոց գիտաց ա(մենայ)ն ժողովուրդդ զհանճարդ քո. վ(ա)ս(ն) զի բարւոք են ասեղծուածք սրտի քոյ։ այլ ժողովուրդս ծարաւեաց յոյժ, եւ հա́րկ եղեւ մեզ առնել՝ ո(ր)պ(էս) եւ խօսեցաք ընդ դոսա. եւ ածել ՛ի վ(ե)ր(այ) մեր զերդումն զորով ո́չ կարեմք անցանել։

Verse: 29  Link to sept   արդ աղաչեա́ դու խնդրուածովք զա(ստուա)ծ, զի կին արդա́ր ես դու, եւ առաքեսցէ́ տ(է)ր զանձրեւ՝ եւ լցցին գուրքս, եւ ո́չեւս պակասեսցուք։

Verse: 30  Link to sept   Եւ ասէ ցն(ո)ս(ա) յուդիթ. լուարո́ւք դուք ինձ. եւ արարից ես իրս մի, որ պատմեսցի ազգաց մինչեւ յազգս, եւ որդւոց մինչեւ յորդիս։

Verse: 32  Link to sept   Դուք կացջի́ք առ դրան քաղաքիս՝ զգիշերս զայս, եւ ելից ես նաժշտաւս իմով. եւ յաւուրս յայս յոր ուխտեցէք մատնել զքաղաքս զայս ՛ի ձեռս թշնամեաց մերոց, այցելո́ւ լիցի տ(է)ր ա(ստուա)ծ ՛ի ձեռն իմ։

Verse: 33  Link to sept   եւ դուք մի́ քննէք զգործսն իմ զոր գործելոց եմ. քանզի ո́չ իսկ ասացից ձեզ, մինչեւ կատարեսցի այն զոր ե́սն առնեմ։

Verse: 34  Link to sept   Եւ ասէ ոզիա՝ իշխանօքն հանդերձ ցնա. գնա́ դու ՛ի խաղաղութի(ւն). եւ տ(է)ր ա(ստուա)ծ ի(սրաէ)լի եղիցի ը(նդ) քեզ խնդրե́լ զվրէժ ՛ի թշնամեաց մերոց։ Եւ նոքա դարձան ՛ի տաղաւարէ անտի յուդթայ յիւրաքանչիւր տեղիս պահպանու(թ)ե(ան) պարսպացն։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ անկաւ յուդիթ ՛ի վ(ե)ր(այ) երեսաց իւրոց. եւ ՛ի բա́ց առ զքուրձն որ զգեցեալ էր ինքեան, եւ ցանեաց մոխիր ՛ի վ(ե)ր(այ) գլխոյ իւրոյ։ եւ էին ՛ի նմին ժամու խունկք մատուցեալք երեկոյինք յե(րուսաղէ)մ ՛ի տաճարին տ(եառ)ն։ եւ կարգաց նա ձայնիւ մեծաւ առ տ(է)ր ա(ստուա)ծ. եւ ասէ յուդիթ։

Verse: 2  Link to sept   Տ(է)ր ա(ստուա)ծ հօրն իմոյ շմաւոնի, որում ետո́ւր զսուրն ՛ի ձեռն խնդրել զվրէժն յայլազգեաց,

Verse: 3  Link to sept   որք լուծին զարգանդ կուսին ՛ի պղծութի(ւն), եւ մերկացուցին զանդամս ՛ի նախատինս, եւ խայտառակեցին զկուսու(թ)ի(ւն)ն ՛ի թշնամանս. որ ո́չ եղեն հաճոյ առաջի քո. վ(ա)ս(ն) որոյ ետուր իսկ զիշխանս ն(ո)ց(ա) հանդերձ անկողնովքն որով դատապարտեցանն յարիւն. եւ սատակեցեր զծառայսն հանդերձ տերամբք իւրեանց, եւ զհարսն ՛ի վերայ աթոռոց իւրեանց. եւ ետուր զկանայս ն(ո)ց(ա) յաւար, եւ զդստերս ն(ո)ց(ա) ՛ի գերու(թ)ի(ւն). եւ զա(մենայ)ն զաւարն ՛ի բաժինս որդւոց սիրելեաց քոց որ նախանձեցան զնախանձ քո. եւ գարշանս համարեցան զպղծութի(ւն) քեռն իւրեանց, եւ կարդացին զքեզ յօգնականու(թ)ի(ւն)։ Եւ արդ տ(է)ր ա(ստուա)ծ իմ, լո́ւր ձայնի աղախնոյ քոյ, եւ նայեաց ՛ի խնդրուածս այրւոյս.

Verse: 4  Link to sept   զի դո́ւ արարեր զայն յառաջ ընդ ն(ո)ս(ա), եւ յետ այնորիկ, եւ այժմ, եւ որ գալոցն է զայն դո́ւ խորհեցար. եւ որ եղեւ ո(ր)պ(էս) եւ կամեցար, եւ յանդիմա́ն եղեն քեզ ո(ր)պ(էս) եւ խորհեցար։

Verse: 5  Link to sept   եւ ասացին, ահաւասիկ մեք. զի ա(մենայ)ն ճանապարհք քո պատրա́ստ են, եւ դատաստանք քո կանխագէ́տք են։

Verse: 6  Link to sept   Զի ահաւասիկ ասորեստանեայն ելից զօրօք իւրովք զերկիրս. եւ բարձրացան հեծելովք երիվարացն, եւ հպարտացեալ մեծամտեաց ՛ի բազուկ հետեւակացն բազմու(թ)ե(ան), եւ յուսացան ՛ի նիզակս եւ ՛ի սպառազինու(թ)ի(ւն)ս, եւ ՛ի կորովս աղեղնաւորացն եւ պարսաւորացն. եւ ո́չ գիտացին թէ դո́ւ տ(է)ր ես որ խորտակես զպատերազմունս, եւ տ(է)ր է անուն քո։ Փրկեա́ զմեզ ՛ի նեղութ(են)էս։

Verse: 11  Link to sept   եւ ցրուեա́ զզօրու(թ)ի(ւն)ս ն(ո)ց(ա) տ(է)ր ամենակալ. եւ խորտակեա́ ընկեա́ զզօրութի(ւն)ս ն(ո)ց(ա) բարկութ(եամ)բ քով. զի կամեցան պղծել զսրբութի(ւն)ս քո եւ զյարկս անուան բնակութե(ան) փառաց քոց, եւ կործանել երկաթով զեղջերս սեղանոյ սրբոյ քոյ։

Verse: 12  Link to sept   Նայեա́ց եւ տես զամբարտաւանութի(ւն)ս ն(ո)ց(ա), եւ առաքեա́ զբարկութի(ւն)ս քո ՛ի վ(ե)ր(այ) գլխոց ն(ո)ց(ա), եւ տո́ւր ձեռն աղախնոյ քոյ, եւ այրւոյս զօրու(թ)ի(ւն)՝ զոր խորհեցայս առնել.

Verse: 15  Link to sept   եւ հա́ր կործանեա́ զծառայն խաբանօք շրթանց իմոց, եւ զիշխանն ծառայիւքն իւրովք. եւ խորտակեա́ զսաստկու(թ)ի(ւն) ն(ո)ց(ա) ՛ի ձեռն կնոջս։

Verse: 16  Link to sept   զի ոչ եթէ ՛ի բազմու(թեն)է է քո զօրու(թ)ի(ւն)դ. եւ ո́չ կարըդ քո յայնս է որ հզօրքն են. այլ խոնարհա́ց ես տ(է)ր ա(ստուա)ծ, եւ կարօտելո́ց ես օգնական, տկարա́ց ես ընդունելութի(ւն), կարօտելո́ց ես խնդրակ, անյուսի́ց ես փրկիչ։

Verse: 17  Link to sept   Այո́ ա(ստուա)ծ հօրմ իմոյ, եւ ա(ստուա)ծ ժառանգութե(ա)ն ի(սրաէ)լի. տ(է)ր երկնից եւ երկրի, արարի́չ ջուրց. թագաւոր ա(մենայ)ն ստացուածոց քոց դո́ւ ես։

Verse: 18  Link to sept   լո́ւր աղօթից աղախնոյ քոյ. տո́ւր ինձ բանս զի խօսեցա́յց զն(ո)ս(ա) ՛ի կործանումն նոցին՝ որ եկեալ են ՛ի վ(ե)ր(այ) կտակարանաց քոց, եւ ՛ի վերայ տա́ն քոյ՝ եւ բարձունս սիոնի, եւ ՛ի վ(ե)ր(այ) բնակութե(ան) որդւոց քոց, զի խորհեցան զխորհուրդս խի́ստս.

Verse: 19  Link to sept   եւ ծանո́ զբարձր բազուկ քո ժառանգութե(ան) քոյ, եթէ դո́ւ ես ա(ստուա)ծ՝ որ տիրես ա(մենայ)ն զօրութե(ան)ց եւ իշխանութե(ան)ց. զի ո́չ ոք է որ պաշտպա́ն լինի ազգիս ի(սրաէ)լի բա́ց ՛ի քէն տ(է)ր։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ իբրեւ դադարեաց յուդիթ յաղօթից իւրոց, եւ կատարեաց զբանս զայս. եւ յո́տն եկաց յերեսացն խոնարհելոց.

Verse: 2  Link to sept   եւ կոչեաց զնաժիշտն իւր, եւ էջ ՛ի տուն իւր նա ուր կատարէր զաւուրս շաբաթուց, եւ զաւուրս տօնիցն։

Verse: 3  Link to sept   Մերկացա́ւ յիւրմէ զքուրձն զոր զգեցեալն էր, եւ ՛ի բա́ց եհան զհանդերձն այրութե(ան) իւրոյ, եւ լաց զմարմինս իւր ջրով, եւ օծա́ւ իւղով անուշիւ. եւ եհիւս զհեր գլխոյ իւրոյ, եւ կապեաց զապարաւշն ՛ի ճակատ իւր. եւ զգեցա́ւ զհանդերձ ուրախու(թ)ե(ան) իւրոյ, զոր զգենոյր առ կենդանութ(եամ)բ առն իւրոյ մանասէի.

Verse: 4  Link to sept   եւ ագանէր կօշիկս ոսկեղօծս. եւ արկանէր ապարանջանս ՛ի ձեռս իւր, եւ արկանէր քայռս յականց պատուականաց ընդելուզեալս մարգարտով ՛ի պարանո́ց իւր, եւ մատանիս ՛ի մատունս իւր, եւ զգորմապահանգս ՛ի գլուխ իւր. եւ յօրինէր կազմէր ա(մենայ)ն զարդու իւրով, եւ պայծառանայր առաւել յոյժ առ ՛ի խաբել եւ պատրել զամենեսին ՛ի գեղ երեսաց իւրոց՝ որ տեսանիցենն զնա։

Verse: 5  Link to sept   Եւ ետ ցաղախինն իւր զմախաղն. եւ ելից զնա փոխնդով եւ պաղատակօք եւ հացիւք սրբովք. եւ զհադաղակն գինւոյ, եւ զսրուակն իւղոյ. եւ սրբէր կազմէր զա(մենայ)ն ըստ օրինին իւրեանց, եւ տա́յր ցաղախինն իւր։

Verse: 6  Link to sept   Եւ ելի́ն նոքա ընդ դուռն քաղաքին բետիղուայ. եւ տեսին անդ զոզիա զի կա́յր առդրանն՝ եւ զա́յլ քահանայս քաղաքին ընդ նմա, եւ զքարբին եւ զքարմին։

Verse: 7  Link to sept   Եւ իբրեւ տեսին նոքա զյուդիթ՝ զի էր փոխեալ ն(ո)ր(ա) զգեղ երեսաց իւրոց՝ եւ զգեստ հանդերձին իւրոյ, զարմացան նոքա ը(նդ) գեղ ն(ո)ր(ա) յոյժ։

Verse: 8  Link to sept   եւ ասեն ցնա. ա(ստուա)ծ ա(ստուա)ծ հարցն մերոց տացէ́ քեզ շնորհս, եւ կատարեսցէ́ զկամս սրտի քոյ ՛ի ցնծութի(ւն) եւ յուրախու(թ)ի(ւն) որդւոցն ի(սրաէ)լի, եւ ՛ի բարութի(ւն) ե(րուսաղէ)մի։ եւ երկի́ր պագին ա(ստուծո)յ։

Verse: 9  Link to sept   Եւ ասէ ցն(ո)ս(ա) յուդիթ. հրամայեցէ́ք ինձ բանա́լ զդրունս քաղաքիս, զի ելից ես՝ կատարե́լ զբանս զոր խօսեցայք ընդ իս։ եւ հրամայեցին դռնապանացն բանա́լ, ո(ր)պ(էս) եւ խօսեցանն՝ եւ արարին ա́յնպէս։

Verse: 10  Link to sept   Եւ ել յուդիթ ի́նքն եւ աղախինն իւր ը(նդ) նմա։ եւ մի́տ դնէին նմա արք քաղաքին յերթալն ն(ո)ր(ա), մինչեւ եղեւ նա ընդ լերամբն, մինչեւ անց նա ը(նդ) ծործոր հովտին. եւ ապա ո́չ եւս տեսին զնա։

Verse: 11  Link to sept   Եւ ե́րթային նոքա ընդ ծործոր հովտին ուղի́ղ ընդ ճանապարհն։ եւ պատահեցին ն(ո)ց(ա) պահապանքն ասորեստանեայցն,

Verse: 12  Link to sept   եւ կալան զնոսա. հարցին եւ ասեն՝ ոյ՞ր ես դու՝ եւ ուստի́ գաս, կամ յո՞ երթաս։ Եւ ասէ ցն(ո)ս(ա) յուդիթ. դո́ւստր եմ ես եբրայեցւոց, եւ փախուցեալ եմ ես յերեսաց ն(ո)ց(ա), զի մատնելո́ց են նոքա ՛ի կերակուր ձեզ.

Verse: 13  Link to sept   եւ ես եկի կա́լ առաջի հողոփեռնեայ իշխանի զօրաց ձերոց՝ պատմել նմա զբանս ճշմարտութե(ան), եւ ցուցանե́լ նմա զճանապարհն ընդ որ երթայցէ, եւ տիրեսցէ ա(մենայ)ն լեռնային կողմանցն. եւ ո́չ միում ումէք լիցի վնա́ս ՛ի զօրաց դորա։

Verse: 14  Link to sept   Եւ իբրեւ լուան արքն զբանսս յուդթայ, եւ նայեցան նոքա յերեսս ն(ո)ր(ա), եւ էր առաջի ն(ո)ց(ա) գեղեցկու(թ)ի(ւն) յոյժ. եւ ասեն ցնա.

Verse: 15  Link to sept   ապրեցուցեր դու զանձն քո այսօր. արդ փութա́ դու իջանել տեսանե́լ զերեսս տեառն մերոյ, եւ մատիցե́ս դու առ խորան ն(ո)ր(ա) մեւք հանդերձ, եւ տացուք զքեզ ՛ի ձեռս ն(ո)ր(ա)։

Verse: 16  Link to sept   եւ յորժամ կացցես առաջի ն(ո)ր(ա), մի́ երկնչիցիս ՛ի սրտի քում, այլ պատմեսցե́ս դու նմա ըստ բանիցդ այդոցիկ. եւ բարի́ արասցէ քեզ։ Եւ ընտրեցին յիւրեանց արս հարիւր՝ եւ յղեցին ընդ նմա։ եւ ածին զն(ո)ս(ա) ՛ի խորանն հողոփեռնեայ. եւ պարմեցին զգեղեցկու(թ)ի(ւն) ն(ո)ր(ա), եւ զգալն՝ յա(մենայ)ն բանակին. եւ գային ՛ի տեսանել զնա մինչ դեռ կա́յր արտաքոյ խորանին հողոփեռնեայ, մինչդեռ պատմէին հողոփեռնեայ.

Verse: 17  Link to sept   եւ զարմանային յոյժ ընդ գեղեցկութի(ւն) ն(ո)ր(ա), եւ ը(նդ) ա(մենայ)ն որդւոցն ի(սրաէ)լի։

Verse: 18  Link to sept   Եւ ասեն այր ցընկեր իւր. իսկ արդ ո՞ կարէ չար ինչ խորհել ՛ի վ(ե)ր(այ) ազգիս այսորիկ որք ունին զայդպիսի գեղեցկու(թ)ի(ւն) կանայք ն(ո)ց(ա)։ արդ՝ ո́չ պարտին ապրել արք ն(ո)ց(ա), զի եղիցին դստերք ն(ո)ց(ա) մեզ կնութե(ան). զի թէ ապրեն՝ վնա́ս են նոքա ա(մենայ)ն երկրի։ Եւ ելին սպասաւորքն հողոփեռնեայ եւ ա(մենայ)ն ծառայք նորա, եւ տարան զնա ՛ի խորանն։

Verse: 19  Link to sept   եւ հողոփեռն նստէր ՛ի գահոյսն իւր. եւ էր փակեալ զնա վարագուրօք շուրջանակի. զորս էր ընդելուզեալ ոսկւով եւ մարգարտով՝ եւ ակամբք պատուականօք։ Եւ իբրեւ լուա́ւ նա զյուդթայ, ե́լ նա արտաքս ՛ի սրա́հ խորանին ջահիւք եւ լապտերօք արծաթեօք, քանզի գիշե́ր էր։

Verse: 20  Link to sept   եւ իբրեւ ետես զնա հողոփեռնէս, զարմացա́ւ ընդ տեսիլ գեղոյ ն(ո)ր(ա)։ Եւ անկեալ ՛ի խոնարհ երկի́ր պագանէր յուդիթ հողոփեռնեայ. եւ կանգնեցին զնա ծառայք ն(ո)ր(ա)։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ ասէ ցնա հողոփեռնէս. համարձակեա́ց կին դու, եւ մի́ երկնչիր. զի ես ո́չ չարչարեմ զմարդ որ կամի ծառայել նաբուքոդոնոսորայ արքայի որ տիրէ ա(մենայ)ն երկրիս։

Verse: 2  Link to sept   Եւ արդ՝ ժողովուրդ քո այդ՝ որ բնակեալդ է ՛ի լեռնակողմանդ, եթէ ո́չ էր ապստամբեալ դոցա յինէն, ո́չ էր իմ առեալ զնիզակ իմ ՛ի վ(ե)ր(այ) դոցա. այլ դոքա ինքեա́նք արարին անձանց իւրեանց զայս։

Verse: 3  Link to sept   Արդ՝ ասա́ դու ինձ, վ(ա)ս(ն) որո՞յ ես դու փախուցեալ ՛ի ն(ո)ց(ա)նէն, եւ եկեալ ես առ մեզ. քաջալերեա́ց զի ՛ի փրկութի(ւն) եկեալ ես, զի կենդանի́ ես ՛ի գիշերիս յայսմիկ, եւ զա(մենայ)ն աւուրս քո, եւ ո́չոք է որ վնասէ́ քեզ. այլ բարի́ լիցի քեզ, ո(ր)պ(էս) եւ լինի ծառայից տեառն իմոյ նաբուքոդոնոսորայ։

Verse: 4  Link to sept   Եւ ասէ ցնա յուդիթ. ընկա́լ զբանս աղախնոյ քոյ, եւ խօսեսցի աղախին քո առաջի քո. եւ ո́չ ինչ ստութի(ւն) պատմեմ տեառն իմում ՛ի գիշերիս յայսմիկ։ եթէ զհետ եկեսցես եւ լուիցես բանից աղախնոյ քոյ, գործ կատարեալ գործէ ը(նդ) քեզ ա(ստուա)ծ, եւ ո́չ անկցի բա́ն քո ընդունայն.

Verse: 5  Link to sept   զի կենդանի́ է նաբուքոդոնոսոր արքայ ա(մենայ)ն երկրի, եւ կենդանի́ է զօրութի(ւն) ն(ո)ր(ա) որ առաքեաց զքեզ յուղղու(թ)ի(ւն) ա(մենայ)ն մարդոյ. զի ո́չ եթէ մարդիկս միայն ծառայեն նմա ՛ի ձեռն քո, այլ եւ գազանք վայրի, եւ անասունք՝ եւ թռչունք երկնից քե́ւ կեցցեն նաբուքոդոնոսոր եւ ա(մենայ)ն տուն ն(ո)ր(ա)։

Verse: 6  Link to sept   վ(ա)ս(ն) զի լուա́ք զիմաստութի(ւն) եւ զհանճար անձին քոյ որ եւ պատմեալ իսկ է յամ(ենայն) երկրի, զի դու միայն ես բարերար յա(մենայ)ն ՛ի թագաւորու(թ)ե(ան) ն(ո)ր(ա), եւ հզօ́ր ես բանիւք, եւ սքանչելի́ ես ՛ի մէջ պատերազմօղ զօրացս։

Verse: 7  Link to sept   Արդ զբանսն զոր խօսեցաւ աքիովր ՛ի խորհուրդեան սենեկի քում, լուա́ք եւ մեք. եւ զի խնայեցին ՛ի նա արք բետիուղայ՝ եւ նա պատմեաց զա(մենայ)ն ո(ր)պ(էս) եւ խօսեցաւ ընդ քեզ։ եւ արդ՝ այժմ տէր՝ մի́ անցներ զբանիւք ն(ո)ր(ա), այլ հաստատեա́ զնոսա ՛ի սրտի քում. քանզի ճշմարիտ են։

Verse: 8  Link to sept   զի ո́չոք կարէ չարչարել զազգս մեր, եւ ո́չ սուր թշնամւոյ վնասէ մեզ. բայց յորժամ մեղանչիցեն ա(ստուծո)յ իւրեանց։

Verse: 9  Link to sept   Եւ արդ մի́ վնասիցիս տէր իմ, դու եւ զօրք քո. քանզի հասեալ իսկ է ժամանակ մահու ն(ո)ց(ա)՝ վ(ա)ս(ն) մեղացն զոր մեղան ա(ստուծո)յն իւրեանց. քանզի արարին նոքա մեղս մե́ծ անօրէնութե(ան)։

Verse: 10  Link to sept   զի պակասեցին ն(ո)ց(ա) ջուրք եւ կերակուր,

Verse: 11  Link to sept   խորհեցան նոքա եւ արկին զձեռս իւրեանց յանասունս զոր ո́չ էր հրամայեալ ուտել՝ ա(ստուծո)յն իւրեանց.

Verse: 12  Link to sept   եւ զպտուղ ցորենոյ՝ եւ զտասանորդս գինւոյ եւ իւղոյ որ էր սրբեալ քահանայիցն որ պաշտօնեայքն են յե(րուսաղէ)մ, առաջի ա(ստուծո)յն մերոյ. սկսան ուտել զայն՝ զոր ո́չ էր օրէն ուտել ն(ո)ց(ա)՝ բայց միայն քահանայիցն։ եւ առաքեցին յե(րուսաղէ)մ, զի որք անդն իցեն՝ արասցեն ա́յնպէս. վ(ա)ս(ն) որոյ լինէր ն(ո)ց(ա) թողութի(ւն) յա(ստուծո)յ ՛ի ձեռն քահանայիցն։ եւ արդ յորժամ արարին զայս մեղս, եւ մատնին ՛ի սատակումն։

Verse: 13  Link to sept   Արդ՝ ե́ս աղախին քո՝ յորժամ գիտացի զայս՝ փախեաց ՛ի ն(ո)ց(ա)նէն։ եւ առաքեաց զիս առնել ը(նդ) քեզ գո́րծ մեծ՝ զորմէ զարմասցի ա(մենայ)ն երկիրս որ միանգամ լուիցեն զայն։

Verse: 14  Link to sept   զի աղախին քո ա(ստուա)ծապա́շտ է, եւ աղաչեմ զցայգ եւ զցերեկ զտ(է)ր ա(ստուա)ծ երկնից։ Եւ արդ մնացի́ց ես առ քեզ տէր իմ. եւ ելցէ աղախին քո ՛ի գիշերիս յայսմիկ ՛ի ծործորն հովտին, եւ կացից յաղօթս առ տ(է)ր ա(ստուա)ծ իմ. եւ պատմէ́ ինձ յորժամ մեղանա́ն նմա.

Verse: 17  Link to sept   եւ ես գա́մ եւ պատմեմ քեզ. եւ դու ելցես ա(մենայ)ն զօրօք քովք հանդերձ, եւ ո́չ իցէ ՛ի նոցանէն որ ապրիցէ ՛ի քէն. եւ տարա́յց զքեզ ընդ մէջ հրէաստանի, մինչեւ տարայց զքեզ յե(րուսաղէ)մ, եւ արկցես զաթոռ քո ՛ի միջի ն(ո)ր(ա), եւ ժողովեսցես զն(ո)ս(ա) ո(ր)պ(էս) զհօտ՝ որոց ո́չ իցէ հովիւ. եւ ո́չ հաջեսցէ շո́ւն մի լեզուաւ իւրով ընդդէ́մ քո։ եւ ինձ պատմեցա́ւ այս լինել յա(ստուծո)յ, եւ եկի́ ցուցանել քեզ։

Verse: 18  Link to sept   Եւ հաճո́յ թուեցան բանք ն(ո)ր(ա) առաջի հողոփեռնեայ՝ եւ առաջի ա(մենայ)ն ծառայից ն(ո)ր(ա), եւ զարմանային ընդ իմաստութի(ւն) ն(ո)ր(ա), եւ ասեն.

Verse: 19  Link to sept   ո́չ գտանի կի́ն գեղեցիկ համեմա́տ սմա, ՛ի ծագաց երկրի մինչեւ ՛ի ծագս՝ իմաստութ(եամ)բ բանիւք եւ գեղեցկու(թեամ)բ երեսաց իւրոց։

Verse: 20  Link to sept   Եւ ասէ ցնա հողոփեռնէս. բարի́ արար ա(ստուա)ծ զի առաքեա́ց զքեզ առաջնորդել ժողովրդեանս. զի լիցի հզօրացեալ տէրու(թ)ի(ւն)ս մեր՝ եւ որք ապստամբեցին ՛ի մէնջ կորիցեն։ Եւ արդ տեսանե́մ զքեզ կայտա́ռ տեսլեամբ, եւ բարի́ զա(մենայ)ն բանս քո.

Verse: 21  Link to sept   զի թէ արասցէ ո(ր)պ(էս) խօսեցար՝ ա(ստուա)ծն քո եղիցի́ նա եւ ի́մ ա(ստուա)ծ. եւ դու ՛ի տան նաբուքոդոնոսորայ նստցիս, եւ եղիցիս անուանի քան զա(մենայ)ն երկիր։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ հրամայեաց տանե́լ զնա ՛ի տուն գանձին։ Եւ հրամայեա́ց նմա ռոճիկս յիւրո́ց խորտկացն, եւ ՛ի գինւոյ անտի զոր ինքն ըմպէր։

Verse: 2  Link to sept   Եւ ասէ յուդիթ՝ ո́չ կերայց ես ՛ի դոցանէն, զի մի́ լինիցին ինձ ՛ի գայթագղու(թ)ի(ւն), այլ տացե́ս ինձ հրաման՝ ուտե́լ ինձ անտի զոր բերին ինձ ՛ի քաղաքէ անտի։

Verse: 3  Link to sept   Եւ ասէ ցնա հողոփեռնէս, եթէ պակասեսցէ այն՝ ուստի՞ տացուք քեզ նմա́ն ն(ո)ց(ա). զի ո́չ ոք է ընդ մեզ յազգէդ քումմէ։

Verse: 4  Link to sept   Եւ ասէ ցնա յուդիթ. կենդանի́ է անձն քո տէ́ր իմ, եթէ ո́չ ծախէ աղախին քո զկերակուրն որ եկեալն է ընդիս՝ մինչեւ արասցէ ՛ի ձեռն իմ զոր խօսեցաւն։ Եւ ածին զնա ծառայքն հողոփեռնեայ ՛ի խորան անդր. եւ ննջեա́ց՝ նա անդ մինչեւ ՛ի մէ́ջ գիշեր։ Եւ յարեաւ յուդիթ յառաւօտին պահուն.

Verse: 5  Link to sept   եւ առաքեաց առ հողոփեռնէս եւ ասէ. հրամայեսցէ́ տէր իմ թողուլ զաղախին իւր ելանե́լ կա́լ յաղօթս։

Verse: 6  Link to sept   եւ հրամայեաց հողոփեռնէս պահապանացն՝ մի́ արգելուլ զնա։ Եւ եղեւ նա ՛ի բանակի անդ՝ աւուրս երիս։

Verse: 7  Link to sept   եւ ելանէր նա ՛ի գիշերին ՛ի ձո́րն բետիղուայ. եւ մկրտէր ՛ի բանակի անդ՝ յաղբեւրս ջուցն ըստ օրինի հրէիցն։

Verse: 8  Link to sept   եւ իբրեւ մկրտէր՝ կայր յաղօթս առ տ(է)ր ա(ստուա)ծ ի(սրաէ)լի զի յաջողեսցէ զճանապարհս ն(ո)ր(ա), ՛ի փրկու(թ)ի(ւն) որդւոց ժողովրդեան իւրոյ։

Verse: 9  Link to sept   եւ նա մտանէր սրբեալ. եւ լինէ́ր ՛ի խորանին՝ մինչեւ առնոյր տանէր զիւր կերակուրսն առ ինքն ը(նդ) երեկս։

Verse: 10  Link to sept   Եւ եղեւ յաւուրն չորրորդի, արար հողոփեռնէս կոչունս ծառայիցն իւրոց միայն. եւ կոչեա́ց ՛ի կոչունսն եւ ո́չ զմի ոք յօտարա́ց անտի։ եւ ասէ ցբագու ցներքինին իւր, որ էր հազարապետ հաւատարիմ ՛ի վ(ե)ր(այ) ա(մենայ)ն ընչից ն(ո)ր(ա). ե́րթ հաւանեցո́ դու ասէ զկինն հեբրայեցի որ է́ առ քեզ, ուտե́լ եւ ըմպե́լ ընդ մեզ։

Verse: 11  Link to sept   եւ զի՞նչ է այդ այպն կատականաց, թողուլ մեզ զայդպիսի կին, եւ ո́չ բնաւ խօսել ընդ նմա. արդ եթէ ոչ առցուք զմարդդ եւ մերձեցուսցուք առ մեզ, գուցէ ծա́ղր ինչ առնիցէ զմեզ։

Verse: 12  Link to sept   Եւ ել բագու յերեսաց հողոփեռնեայ. եւ եմո́ւտ առ նա եւ ասէ ցնա. մի́ դանդաղեսցի աղախինդ գեղեցիկ գա́լ առ տէր իմ՝ եւ փառաւորել ՛ի նմանէն. եւ ըմպել ընդ նմա զգինի ուրախութե(ա)ն մեւք հանդերձ. եւ եղիցիս դու այսօր իբրեւ զդո́ւստր մի յորդւոց ասուրայ, որք կա́ն ՛ի սպասու նաբուքոդոնոսորայ արքայի։

Verse: 13  Link to sept   Եւ ասէ ցնա յուդիթ. եւ ո՞վ ոք եմ ես որ ընդդէմ դառնամ տ(եառ)ն իմում։

Verse: 14  Link to sept   զի զա(մենայ)ն որ ինչ հաճո́յ է առաջի աչաց քոց փութալո́վ առնեմ. եւ եղիցի ինձ ՛ի ցնծու(թ)ի(ւն) մինչեւ յօր մահուան իմոյ։

Verse: 15  Link to sept   Եւ յարեա́ւ զարդարեցաւ զարդու իւրով՝ ըստ զարդու կանանց։ եւ մատեաւ նաժիշտ իւր, եւ արկ նմա բազմական ՛ի գետնի դէմ յանդիման հողոփեռնեայ զակումբն մաշկեայ, զոր ա́ռ նա ՛ի բագուայ ՛ի հանապազորդ սպաս նմա. եւ բազմեցաւ յուդիթ ՛ի վ(ե)ր(այ) ն(ո)ր(ա)։

Verse: 16  Link to sept   եւ յիմարեցաւ հողոփեռնէս ՛ի գութ երեսաց ն(ո)ր(ա), եւ խռովեցաւ անձն ն(ո)ր(ա). եւ է́ր ՛ի ցանկու(թ)ե(ան) մեծի լինել ընդ նմա. եւ խնդրէր հողոփեռնէս խաբե́լ զնա յօրէն յայնմանէ յորմէ ետես զնա։

Verse: 17  Link to sept   Եւ ասէ ցնա հողոփեռնէս, ա́րբ դու եւ լե́ր առ մեզ ուրախ։ եւ ասէ յուդիթ՝ այո́ տէր, զի մեծացան յիս կեանք իմ այսօր՝ քան զա(մենայ)ն աւուրս ՛ի ծննդենէ իմմէ։

Verse: 18  Link to sept   եւ ա́ռ կերաւ եւ արբ առաջի ն(ո)ր(ա) զոր պատրաստեաց նմա աղախինն իւր։

Verse: 19  Link to sept   Եւ ուրա́խ եղեւ հողոփեռնէս ՛ի վերայ ն(ո)ր(ա). եւ արբ նա գինի սաստիկ յոյժ. որչափ ո́չ էր արբեալ ն(ո)ր(ա) այնչափ յաւուրս իւրում, յօրէ ծննդենէ իւրմէ։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ իբրեւ երեկո́յ փութացո́յց զծառայսն իւր գնա́լ արտաքս. եւ բագու փակեաց զդուրս խորանին։ եւ գնացին նոքա յիւրաքանչիւր անկողինս իւրեանց արտաքո́յ քան զխորանն.

Verse: 2  Link to sept   քանզի էին ամենեքեան խո́նջք եւ վաստակք ՛ի բազում գիներբուաց անտի։

Verse: 3  Link to sept   եւ մնացին յուդիթ եւ հողոփեռնէս միա́յն ՛ի խորանին։

Verse: 4  Link to sept   Եւ հողոփեռնէս մտեալ ՛ի գահոյս իւր՝ ՛ի քո́ւն եղեւ, եւ էր թմբրեալ յոյժ ՛ի գինւոյ անտի։

Verse: 5  Link to sept   Եւ ասէ յուդիթ ցաղախինն իւր՝ զի կացցէ արտաքոյ խորանին եւ սպասեսցէ նմա՝ յորժամ ելանիցէ արտաքս ո(ր)պ(էս) եւ յա́յլ աւուրսն. զի ասաց նմա թէ երթամ կալ յաղօթս ըստ սովորութե(ա)ն. եւ ընդ բագուայ խօսեցաւ ըս(տ) բանիցս այսոցիկ։

Verse: 6  Link to sept   եւ գնացին ամենեքեան ՛ի սենեկէ անտի, եւ ո́չոք մնաց ամենեւին անդ։ Եւ եկաց յուդիթ առ գահոյս ն(ո)ր(ա)՝ եւ ասէ. Տ(է)ր ա(ստուա)ծ զօրութե(ան)ց՝ նայեա́ց ՛ի ժամուս յայսմիկ ՛ի գործս ձեռաց իմոց՝ եւ ՛ի բարձրութի(ւն) ե(րուսաղէ)մի.

Verse: 7  Link to sept   զի ա́յժմ է ժամանակ ա́յց առնել քեզ ժառանգութե(ան) քում, եւ առնել զգործս զայս ՛ի ձեռս իմ ՛ի սատակումն թշնամեաց մերոց որք յարուցեալ են ՛ի վ(ե)ր(այ) մեր։

Verse: 8  Link to sept   Եւ մատեա́ւ առ քանուն գահոյիցն, որ էր ընդ սնարսն հողոփեռնեայ, եւ եհան զդաշոյն ն(ո)ր(ա) յաղգերէ́ ն(ո)ր(ա).

Verse: 9  Link to sept   եւ կալա́ւ զհերաց ն(ո)ր(ա)՝ եւ ասէ. զօրացո́ զիս ա(ստուա)ծ ի(սրաէ)լի յաւուրս յայսմիկ։

Verse: 10  Link to sept   Եւ եհա́ր ՛ի պարանոցի ն(ո)ր(ա) երկիցս զօրու(թեամ)բ իւրով։ եւ հատեալ եբարձ զգլուխ ն(ո)ր(ա).

Verse: 11  Link to sept   եւ թաւալեցոյց ընկէ́ց զմարմին ն(ո)ր(ա) ՛ի գահոյից անտի։ եւ յետ ժամու միոջ՝ ել եւ ետ նաժշտին իւրում զգլուխն հողոփեռնեայ.

Verse: 12  Link to sept   եւ ընկէց ՛ի մախաղ կերակրոյն իւրոյ։ Եւ ելին երկոքին ՛ի միասին ըստ սովորու(թ)ե(ա)ն իւրեանց, եւ անցին նոքա ըստ բանակն, եւ շրջեցան եկին ը(նդ) ձորն. եւ ելին նոքա ՛ի լեառնն բետիղուայ.

Verse: 13  Link to sept   եւ եկին նոքա ՛ի դրունս քաղաքին։ Եւ ասէ յուդիթ ՛ի հեռաստանէ ցպահապանս դրանցն. բացէ́ք բացէ́ք արդ զդրունսդ. զի ընդ մե́զ է տ(է)ր ա(ստուա)ծ մեր, արասցէ́ եւս զօրու(թ)ի(ւն) յի(սրաէ)լի, եւ ՛ի բեկումն թշնամեաց մերոց. ո(ր)պ(էս) եւ արա́ր այսօր։

Verse: 14  Link to sept   Եւ եղեւ իբրեւ լուան արք քաղաքին ն(ո)ր(ա) զձայն նորա, փութացա́ն իջանել ՛ի դրունս քաղաքին իւրեանց. եւ կարդացին նոքա զքահանայսն եւ զծերս ժողովրդեանն։

Verse: 15  Link to sept   եւ ժողովեցան ՛ի փոքուէ մինչեւ ցմեծամեծս, քանզի զարմացեալ էին նոքա յոյժ ընդ գնալն ն(ո)ր(ա)։ Եւ բացի́ն զդուռն քաղաքին, եւ առին զն(ո)ս(ա) ՛ի ներքս.

Verse: 16  Link to sept   եւ լուցին զլապտերս իւրեանց, եւ կացի́ն շուրջ զնոքօք։

Verse: 17  Link to sept   Եւ ասէ յուդիթ բարձրաձա́յն բարբառով. ո́րդիք ի(սրաէ)լի օրհնեցէ́ք զա(ստուա)ծ,

Verse: 18  Link to sept   որ ո́չ մերժեաց զողորմու(թ)ի(ւն) իւր ՛ի տանէս ի(սրաէ)լի. այլ եհար վանեաց զթշնամիս մեր ՛ի ձեռն իմ ՛ի գիշերիս յայսմիկ։

Verse: 19  Link to sept   Եւ եհան զգլուխն ՛ի մախաղէն եւ եցոյց ն(ո)ց(ա). եւ ասէ ցն(ո)ս(ա), ահաւասիկ գլուխն հողոփեռնեայ զօրագլխի զօրացն ասուրայ. եւ ահա վարագո́յրքն պատուականք ը(նդ) որով անկեալ դնէր յարբեցու(թ)ե(ան) իւրում՝ եւ սատակեաց զնա տ(է)ր ա(ստուա)ծ ՛ի ձեռն կնոջս։

Verse: 20  Link to sept   Կենդանի́ է տ(է)ր որ պահեաց զիս ՛ի ճանապարհին յայնմիկ յորում գնացին. զի խաբեաց զնա տեսիլ երեսաց իմոց ՛ի կորո́ւստ նմին, եւ ո́չ արար նա ընդիս պղծութի(ւն) ՛ի նախատինս անձին իմոյ։

Verse: 22  Link to sept   Եւ գոհացան ա(մենայ)ն ժողովուրդքն, եւ խոնարհեալ երկի́ր պագին ա(ստուծո)յ. եւ ասեն միաձայն ամենեքին. օրհնեա́լ ես դու տ(է)ր ա(ստուա)ծ մեր, որ յամօթ արարեր այսօր զթշնամիս ժողովրդեան քոյ։

Verse: 23  Link to sept   Եւ ասէ ոզիա ցյուդիթ, օրհնեալ ես դու դուստր՝ յա(ստուծո)յ բարձրելոյ, քան զա(մենայ)ն կանայս որ ՛ի վերայ երկրի.

Verse: 24  Link to sept   եւ օրհնեալ տ(է)ր ա(ստուա)ծ որ արար զերկինս եւ զերկիր. որ յաջողեացն քեզ ՛ի վ(ե)ր(այ) գլխոյ իշխանիդ այդորիկ թշնամւոյ մերոյ։

Verse: 25  Link to sept   եւ ո́չ պակասեսցէ անունդ քո ՛ի մարդկանէ, առ ՛ի յիշելոյ զքեզ առաջի ա(ստուծո)յ մինչեւ յաւիտեան. եւ արասցէ զքեզ տ(է)ր ա(ստուա)ծ իմ ՛ի բարձրութի(ւն) անձին քո, եւ այցելո́ւ լիցի քեզ ՛ի բարիս. փոխանակ զի ո́չ խնայեցեր դու յանձն քո վ(ա)ս(ն) տառապանաց ազգի մերոյ. այլ խնդրեցեր զվրէժ կործանման հարուածոցս մեր. գնացեալ քո ուղիղ զճանապարհս առաջի տ(եառ)ն մերոյ։

Verse: 26  Link to sept   Եւ ասէ ա(մենայ)ն ժողովուրդն՝ եղիցի́ եղիցի։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ ասէ յուդիթ ցն(ո)ս(ա). լուարո́ւք դուք ինձ եղբարք զոր ասեմս ձեզ. եւ առէ́ք զգլուխս զայս, եւ կախեցէ́ք զսա առաջի մահարձանաց պարսպաց քաղաքիս։

Verse: 2  Link to sept   եւ եղիցի յորժամ մերկասցի առաւօտն եւ ծագեսցէ արեգակն յերկիր, վառեցարո́ւք ա(մենայ)ն արք զօրաւորք պատերազմի, եւ կացուցանիցէք ՛ի վերայ ձեր զօրավարս, եւ ելանիցէք արտաքոյ քաղաքիս, իբրեւ թէ իջանիցէք ՛ի դաշտ անդր ՛ի թեւ մի պարսկապանա́ց որդւոցն ասուր. եւ անդր մի́ իջանիցէք.

Verse: 3  Link to sept   այլ խռո́վ հարկանիցէք ն(ո)ց(ա). եւ նոքա առցեն զզէնս իւրեանց, եւ գնասցեն ՛ի բո́ւն բանակն իւրեանց, եւ յարուցանիցեն զզօրգլուխսն ասուր. եւ ժողովեալք դիմեսցեն ՛ի խորանն հողոփեռնեայ, եւ զնա ո́չ գտանիցեն.

Verse: 4  Link to sept   եւ անկանիցի ՛ի վերայ ն(ո)ց(ա) ա́հ. եւ ՛ի փախուստ դարձցին նոքա յերեսաց ձերոց։

Verse: 5  Link to sept   եւ դուք զկնի́ մտեալ, եւ ա(մենայ)ն բնակիչք սահմանացս ի(սրաէ)լի՝ տապա́ստ արկեալ վանիճիք զն(ո)ս(ա) յա(մենայ)ն ճանապարհս ն(ո)ց(ա)։ Եւ արդ մինչչե́ւ արարեալ զայս, կոչեցէ́ք առիս զաքիովր ամոնացի, զի տեսցէ́ զայս որ ընդո́տն եհար զտունս ի(սրաէ)լի. որ կապեացն զնա, եւ ե́տ ածել այսր ՛ի մահ։ Եւ կարդացին զաքիովր ՛ի տանէն ոզիայ։ եւ իբրեւ եկն ետե́ս նա զգլուխն հողոփեռնեայ ՛ի ձեռն ա́ռն միոջ ՛ի ժողովրդեանն, անկա́ւ ՛ի վ(ե)ր(այ) երեսաց իւրոց՝ եւ թաւալեցաւ։ եւ իբրեւ անդէ́ն զօրացաւ, անկեալ առ ոտս յուդթայ՝ երկի́ր եպագ նմա՝ եւ ասէ. օրհնեա́լ ես դու յա(մենայ)ն բնակութի(ւն)ս յուդայ. եւ ընդ ազգս ա(մենայ)ն ուր եւ լսիցեն զանուն քո զարմասցին։ եւ արդ՝ պատմեա́ դու ինձ, ո՞(ր)պ(էս) արարեր յաւուր յայնմիկ։ Եւ պատմեաց նմա յուդիթ առաջի ա(մենայ)ն ժողովրդեանն իւրոյ, զոր էր ն(ո)ր(ա) արարեալ յօրէ յայնմանէ յորում ել նա մինչեւ ցա́յն ժամ։ Եւ իբրեւ դադարեաց յուդիթ ՛ի խօսից իւրոց, աղաղակեաց ժողովուրդն մեծաձայն փառաւորե́լ զա(ստուա)ծ ՛ի քաղաքին իւրեանց։

Verse: 6  Link to sept   Եւ իբրեւ ետես աքիովր զայն ա(մենայ)ն զոր արար ա(ստուա)ծն ի(սրաէ)լի, հաւատա́ց յա(ստուա)ծ ա(մենայ)ն սրտիւ իւրով. եւ թլփատէր ՛ի մարմին անթլփատութե(ան) իւրոյ, եւ տաւելաւ նա ՛ի տունն ի(սրաէ)լի մինչեւ ցա́յս օր։

Verse: 7  Link to sept   Եւ յորժամ ծագեաց առաւօտն, կախեցին զգլուխն հողոփեռնեայ ՛ի պարսպէ́ անտի. եւ վառեցաւ ա(մենայ)ն այր զզէն իւր. եւ ելին նոքա առնել զայն ընդ անցս կողմանն ՛ի վ(ե)ր(այ) լերինն։ եւ որդիքն ասուր իբրեւ տեսին զն(ո)ս(ա)՝ ա́զդ արարին նոքա առ առաջնորդս իւրեանց, եւ եկին նոքա առ զօրագլուխս եւ առ իշխանս եւ առ հազարապետս ն(ո)ց(ա).

Verse: 8  Link to sept   եւ դիմեցին նոքա ՛ի խորանն հողոփեռնեայ, եւ ասեն ցսենեկապետ ն(ո)ր(ա). արդ մուտ յարո́ զտէրդ մեր. զի իշխեցին ծառայքն ՛ի վ(ե)ր(այ) մեր ՛ի պատերազմ. զի սատակեսցուք զնոսա ՛ի սպառ։

Verse: 13  Link to sept   Եւ եմուտ բագու եւ բախեա́ց զդուրս սենեկին. քանզի կարծէր թէ ՛ի քո́ւն իցէ հանդերձ յուդթաւ։

Verse: 14  Link to sept   իբրեւ ո́չոք ետ նմա պատասխանի, քաջալերեալ եմուտ ՛ի ներքս ՛ի սենեակն, եւ ետես զի անկեա́լ կայր ՛ի վերայ գետնոյն մե́րկ, եւ գլուխն իւր բարձեալ էր ՛ի նմանէն։ Եւ գոչեաց բագու ձայնիւ մեծաւ, եւ լալո́վ եւ ողբմամբ յոյժ, եւ պատառեա́ց նա զպատմուճան իւր.

Verse: 15  Link to sept   եւ եմուտ նա ՛ի սենեակն յուդթեայ՝ եւ ո́չ եգիտ զնա. եւ ել ընթացա́ւ նա առ զօրսն եւ ասէ.

Verse: 16  Link to sept   ապստամբեցին ծառայքն, զի արար ամօթ նախատանաց կի́ն մի հեբրայեցի տան արքայի նաբուքոդոնոսորայ, զի ահաւասիկ հողոփեռն յերկի́ր կործանեալ, եւ գլուխ իւր չէ́ առ նմա։

Verse: 17  Link to sept   Եւ իբրեւ լուան զայս բանս իշխանք զօրացն ասուրայ, պատառեցին ամենեքեան զպատմուճանս իւրեանց եւ երկեա́ն յոյժ.

Verse: 18  Link to sept   եւ գոչեցին նոքա ՛ի մէջ բանակին։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ իբրեւ լուան որք ՛ի վրանսն էին, յիմարեցան վ(ա)ս(ն) իրացն որ եղեն։

Verse: 2  Link to sept   եւ անկաւ ՛ի վ(ե)ր(այ) ն(ո)ց(ա) ա́հ եւ դողումն յոյժ. եւ ապա ո́չ մնացին ամենեւին ա́յր ընկերի իւրում։

Verse: 3  Link to sept   եւ հեղեալք զբաղեալք առհասարակ ՛ի փախո́ւստ դարձան ՛ի դաշտակողմանն եւ ՛ի լեռնակողմանն

Verse: 4  Link to sept   շուրջ զբետիղուա. եւ դարձեալ անտի փախստեայք լինէին։ եւ ապա ա(մենայ)ն այր պատերազմօղ որդւոցն ի(սրաէ)լի յարձակեցան ՛ի վ(ե)ր(այ) ն(ո)ց(ա)։

Verse: 5  Link to sept   Եւ առաքեաց ոզիա ՛ի բետմեսթե́մ, եւ ՛ի քոբա, եւ ՛ի կովլա, եւ յա(մենայ)ն սահմանս ի(սրաէ)լի աւետաւորս վ(ա)ս(ն) իրացն որ եղեն. զի ամենեքին առ հասարակ ժողովեսցին եւ մտցեն զհետ ն(ո)ց(ա) սատակե́լ զն(ո)ս(ա)։

Verse: 6  Link to sept   Եւ իբրեւ լուան որդիքն ի(սրաէ)լի, ամենեքեան առ հասարակ յարձակէին անկանէին ՛ի վերայ ն(ո)ց(ա), եւ կոտորէին հարկանէին զն(ո)ս(ա) մինչեւ ՛ի քոբա. սոյնպէս եւ ե(րուսաղ)էմացիքն առնէին։ եւ ամենեքեան որք ՛ի լեռնակողմանցն եկեալ էին՝ պատմեցին ն(ո)ց(ա) որ եղեւ ՛ի բանակին. եւ որք ՛ի գաղաադն էին, եւ որք ՛ի գալիլեայ, հասանէին հարկանէին վանէին զն(ո)ս(ա), մինչեւ անցուցանէին զն(ո)ս(ա) ընդ դամասկոս եւ ընդ սահմանս ն(ո)ր(ա)։

Verse: 7  Link to sept   Եւ այլ բնակիչքն բետիղուայ ելանէին անկանէին ՛ի վ(ե)ր(այ) բնակչացն բնադրացն ասուրայ, աւա́ր հարկանել՝ ժողովել զառ զապուռ բանակացն, յորս յղփացան լցան մեծացա́ն յոյժ բնակիչքն բետիղուայ։

Verse: 8  Link to sept   Եւ որդիքն ի(սրաէ)լի դարձա́ն ՛ի կոտորածէ անտի. եւ սկսանէին ժողովել զկապուտ կողոպուտ զանկելոցն։ եւ գեօղքն եւ ագարակքն լեռնակողմանցն եւ դաշտականացն եկեալ առնուին զմնացորդս յոյժ աւարացն։

Verse: 9  Link to sept   Եւ յովակիմ քահանա́յ մեծ՝ եւ ծերակոյտ որդւոցն ի(սրաէ)լի որք բնակեալ էին յե(րուսաղէ)մ, եկին տեսանել զբարու(թ)ի(ւն)սն զոր արար տ(է)ր ա(ստուա)ծ ի(սրաէ)լի, եւ տեսանել զյուդիթ՝ եւ խօսել ընդ նմա զխաղաղու(թ)ի(ւն)։

Verse: 10  Link to sept   Եւ իբրեւ մտեալ տեսին զնա՝ օրհնեցին զնա ամենեքեան միաբան՝ եւ ասե́ն ցնա։ դո́ւ բարձրութի(ւն) ե(րուսաղէ)մի. դո́ւ ցնծութի(ւն) ի(սրաէ)լի. դո́ւ պարծանք ազգիս մերոյ.

Verse: 11  Link to sept   զի արարեր զայս ամ(ենայն) բարութի(ւն)ս ձեռօք քովք ի՝լի. եւ հաճեցա́ւ ընդ ն(ո)ս(ա) ա(ստուա)ծ. եւ օրհնեա́լ եղիջիր դու յամենակալէն ա(ստուծո)յ մինչեւ յաւիտեան։

Verse: 12  Link to sept   եւ ասէ ա(մենայ)ն ժողովուրդն՝ եղիցի́։

Verse: 13  Link to sept   Եւ ժողովուրդն կրէին զաւար բանակին զաւուրս երեսուն։ եւ ետուն յուդթայ զխորանն հողոփեռնեայ, եւ զա(մենայ)ն զարծաթ խորանին՝ եւ զգահոյսն. եւ զա(մենայ)ն զսպասսն զոսկւոյ եւ զարծաթոյ ն(ո)ր(ա)։ եւ ն(ո)ր(ա) առեալ կուտէ́ր զայն ՛ի սայլս իւր, եւ ՛ի վ(ե)ր(այ) գրաստուց իւրոց եւ բերէր ՛ի ներքս ՛ի քաղաքն։

Verse: 14  Link to sept   Եւ եկին առ նա ա(մենայ)ն կանայք որդւոցն ի(սրաէ)լի տեսանե́լ զնա. եւ օրհնեցին զնա. եւ նուագէին նմա ե́րգս պարուք։ եւ առեալ ն(ո)ր(ա) ո́ստս արմաւենեաց եւ ձիթենեաց ծաղկօք հանդերձ, եւ տա́յր ն(ո)ց(ա)։

Verse: 15  Link to sept   Եւ ա́յլեւս կանայք մեծամեծք տեղեացն գային գունդագունդք՝ գովե́լ զնա։ եւ ա(մենայ)ն ի(սրա)էլ զկնի́ երթային ն(ո)ց(ա) վառեալք եւ կազմեալք՝ պսա́կս գունակս գունակս ՛ի գլուխս իւրեանց. եւ օրհնու(թ)ի(ւն)ք ամենեցուն ՛ի բերանս իւրեանց փառաւորե́լ զա(ստուա)ծ։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ սկսաւ յուդիթ օրհնել զօրհնու(թ)ի(ւն)ս զայս. եւ ա(մենայ)ն ի(սրա)էլ նուագէի́ն ընդ նմա։

Verse: 2  Link to sept   եւ ասէ յուդիթ. Երգեցէ́ք տ(եառ)ն թըմբկօք, եւ օրհնեցէ́ք զնա ծնծղայիւք. եւ ուղղեցէ́ք նմա երգս եւ օրհնու(թ)ի(ւն)ս։ բա́րձր արարէք զնա եւ կարդացէ́ք զանուն ն(ո)ր(ա)։

Verse: 3  Link to sept   զի ա(ստուա)ծ խորտակէ զպատերազմունս տ(է)ր.

Verse: 4  Link to sept   եւ զբանակս նորա ՛ի մէջ ժողովրդոց. փրկեաց զիս ՛ի ձեռաց հալածչաց իմոց։

Verse: 5  Link to sept   Ե́կն ասուր ՛ի լերանցն հիւսւսոյ. ե́կն ՛ի բիւրաւորս զօրօք իւրովք, որոց բազմութի(ւն)ն ծածկեաց զձորս. եւ բազմութի(ւն) երիվարաց ն(ո)ր(ա) ծածկեաց զբլուրս։

Verse: 6  Link to sept   եւ ասաց հրձի́գ առնել զսահմանս իմ, եւ զերիտասարդս իմ ընդաթո́ւր հարկանել. եւ զաղայս իմ աւա́ր հարկանել. եւ զկուսանս իմ վարե́լ ՛ի գերութե(ան)։

Verse: 7  Link to sept   Տ(է)ր ա(ստուա)ծ ամենակալ կործանեա́ց զն(ո)ս(ա) ՛ի ձեռն կնոջ։

Verse: 8  Link to sept   զի ո́չ անկաւ հզօրն ն(ո)ց(ա) յերիտասարդաց, եւ ո́չ որդիք տիտանացւոց սատակեցին զնա, եւ ո́չ բարձունք հսկայք յարեան ՛ի վ(ե)ր(այ) ն(ո)ր(ա). այլ յուդիթ դուստր մերարեայ, գեղեցկութի(ւն) երեսաց յո́յժ խաբեաց զնա։

Verse: 9  Link to sept   զի մերկացաւ զհանդերձն այրութե(ան) իւրոյ՝ ՛ի բարձրութի(ւն) այնոցիկ որք կռփեալք էին յի(սրաէ)լի։

Verse: 10  Link to sept   Եւ օծ զերեսս իւր յանոյշ իւղոց. եւ յօրինեաց զգլուխ իւր զարդու իւրով. եւ ա́ռ զշղաշատեռն ՛ի խաբէութի(ւն) ն(ո)ր(ա).

Verse: 11  Link to sept   եւ ՛ի գեղ ոտից կօշկաց ն(ո)ր(ա) մոլորեցաւ սիրտ ն(ո)ր(ա). եւ գեղեցկութի(ւն) ն(ո)ր(ա) գերեա́ց զանձն ն(ո)ր(ա). եւ էա́նց դաշոյնն ընդ փողս ն(ո)ր(ա)։

Verse: 12  Link to sept   Դողացան պարսիկք ՛ի քաջասրտութ(են)է ն(ո)ր(ա). եւ մա́րք ՛ի քաջութ(են)է ն(ո)ր(ա) խռովեցան։

Verse: 13  Link to sept   յա́յս ժամ աղաղակեցին տառապեալքն իմ, եւ գոչեցին հիւանդքն իմ, եւ յաղթեցա́ն. բարձրացուցին զձայնս իւրեանց եւ լքան։

Verse: 14  Link to sept   Որդիք աղջկանց խոցոտեցին զն(ո)ս(ա). եւ ո(ր)պ(էս) զորդիս տնանկաց պանդխտաց կոտորէին. եւ կորեա́ն ՛ի պատերազմէ տ(եառ)ն իմոյ։

Verse: 15  Link to sept   Օրհնեցից զտ(է)ր ա(ստուա)ծ իմ յօրհնութի(ւն) նոր։

Verse: 16  Link to sept   տ(է)ր մե́ծ ես դու եւ փառաւորեալ. սքանչելի́ ես զօրութ(եամ)բ անպակաս։

Verse: 17  Link to sept   Քե́զ ծառայեսցեն ա(մենայ)ն ստացուածքս քո. զի ասացե́ր եւ եղեն. առաքեցեր զհոգի́դ քո՝ եւ ստացան եւ շինեցա́ն, եւ ո́չոք է որ ընդդէմ կայ ձայնի քոյ։

Verse: 18  Link to sept   Քանզի լերինք ՛ի հիմանէ ջրովքն հանդերձ սասանեցան. եւ վէմք առաջի երեսաց քոց իբրեւ զմոմ հալեցան. եւ երկիւղածա́ց քոց քաւիչ լինիս դու ն(ո)ց(ա)։ եւ ա(մենայ)ն սակաւիկ զոհ ՛ի հո́տ անուշութե(ան), եւ չնչի́ն ճարպն՝ քեզ յողջակէզս է։

Verse: 19  Link to sept   այլ որ երկիւղածն է՝ նա մե́ծ է յաւիտեան։

Verse: 20  Link to sept   Վա́յ ազգացն այնոցիկ որք յարուցեալ են ՛ի վ(ե)ր(այ) ազգիս մերոյ. եւ տ(է)ր ամենակալն խնդրեսցէ վրէ́ժ ՛ի նոցանէ յաւուրն դատաստանի։

Verse: 21  Link to sept   եւ տայ հուր եւ զորդունս ՛ի մարմինս ն(ո)ց(ա), եւ լացցեն նոքա ՛ի սգման մինչեւ յաւիտեան։

Verse: 22  Link to sept   Եւ իբրեւ չոգա́ն նոքա յե(րուսաղէ)մ, երկի́ր պագին ա(ստուծո)յ. եւ յորժամ սրբեցաւ ժողովուրդն, հանի́ն զողջակէզսն իւրեանց, եւ զկամայականսն եւ զպատարագս իւրեանց։

Verse: 23  Link to sept   Եւ եհան նուիրեա́ց յուդիթ զա(մենայ)ն զկահն եւ զկարասին հողոփեռնեայ, եւ ե́տ զայն ՛ի նուէրս տ(եառ)ն ա(ստուծո)յ։

Verse: 24  Link to sept   եւ ուրա́խ լինէր ժողովուրդն յե(րուսաղէ)մ դէ́մ յանդիման սրբոցն զամիսս երիս։ եւ յուդիթ մնա́յր ընդ նոսա։

Verse: 25  Link to sept   եւ յետ աւուրցս այսոցիկ՝ չուեցին գնացին իւրաքանչիւր ՛ի ժառանգութի(ւն)ս իւրեանց։ Եւ յուդիթ գնաց ՛ի բետիղուա, եւ դարմանէ́ր զտուն իւր։

Verse: 26  Link to sept   եւ եղեւ ՛ի ժամանակէ անտի յայնմանէ փառաւորէր անուն ն(ո)ր(ա) ընդ ա(մենայ)ն երկիր։

Verse: 27  Link to sept   եւ բազումք ցանկացան նմա զա(մենայ)ն աւուրս կենաց ն(ո)ր(ա), յորմէ հետէ մեռաւ մանասէ այրն ն(ո)ր(ա) եւ յաւելաւ ՛ի ժողովուրդ իւր։

Verse: 28  Link to sept   Եւ լինէր յուդիթ մեծացեալ եւ պատուեալ օր քան զօր։ եւ ծերացա́ւ նա անդէն ՛ի տան առնն իւրոյ ամս հարիւր հինգ. եւ ազատեաց նա զնաժիշտն իւր։ եւ մեռաւ նա ՛ի բետիղուա. եւ թաղեցին զնա ՛ի շիրմի առն իւրոյ մանասէի։

Verse: 29  Link to sept   եւ սո́ւգ առին ՛ի վ(ե)ր(այ) ն(ո)ր(ա) ա(մենայ)ն տունն ի(սրաէ)լի զաւուրս եւթն։ Եւ բաժանեա́ց նա զինչս իւր՝ մինչչե́ւ մեռեալ էր ինքն՝ ամենեցուն որ ազգականք էին մանասէի առն ն(ո)ր(ա), եւ ամենեցուն որք մերձաւորք էին իւր, սո́յնպէս բաժանեաց։

Verse: 30  Link to sept   Եւ ո́չոք էր որ զարհուրեցուցանէր զորդիսն ի(սրաէ)լի յաւուրս յուդթայ, եւ յե́տ մեռանելոյ նորա զաւուրս բազումս։





Book: Tob. 
Tobias

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ՏՈՎԲԻԹ

Chapter: 1 
ԳԼ(ՈՒԽ) Ա՜.


Verse: 1  Link to sept   ԳԻՐՔ ԲԱՆԻՑ ՏՈՎԲԻԹԱՅ որդւոյ տովբեղեայ. որդւոյ անանիելեայ։ որդւոյ անաւեղայ. որդւոյ գաբայեղայ. ՛ի զաւակէ սասիէղայ. յազգէ նեփթաղիմայ։

Verse: 2  Link to sept   Որ գերեցաւն յաւուրս ենեմեսարու թագաւորին ասորեստանեայց ՛ի թեզբուէ. որ է ընդ աջմէ կողմանցն նեփթաղիմայ ՛ի գալիլեայ ՛ի վերայ ասէի։

Verse: 3  Link to sept   Ե́ս տուբիթ զճանապարհս ճշմարտութե(ան) գնացի, եւ յարդարութե(ան) զա(մենայ)ն աւուրս կենաց իմոց. եւ ողորմութի(ւն)ս բազումս արարի ես եղբարց իմոց՝ եւ ազգին իմում որ ընդիսն էին յերկրին ասորեստանեայց ՛ի նինուէ։

Verse: 4  Link to sept   Եւ յորժամ էի ես ՛ի գաւառին իմում յերկիրն ի(սրաէ)լի, եւ մինչդեռ մանուկն էի, ա(մենայ)ն ազգն նեփթաղիմայ հօրն իմոյ մերժեցա́ն ՛ի բա́ց եղեն ՛ի տաճարէն ե(րուսաղէ)մէ. զոր ընտրեալն էր յա(մենայ)ն ազգացն ի(սրաէ)լի զոհե́լ յա(մենայ)ն տոհմս. եւ սրբեցաւ տաճարն բնակութե(ան) բարձրելոյն, եւ շինեցաւ յա(մենայ)ն աւուրս յաւիտենից։

Verse: 5  Link to sept   Եւ ա(մենայ)ն ազգքն որք ապստամբք էին՝ ՛ի զոհելն բահաղու երնջուն, եւ տունն նեփթաղիմայ հօրն իմոյ։

Verse: 6  Link to sept   Եւ ես միայն երթեայի բազում անգամ յե(րուսաղէ)մ ՛ի տօնս տարեկանաց, ո(ր)պ(էս) եւ գրեալ է ամ(ենայն) ի(սրաէ)լի հրամանա́ւ յաւիտենից. զպտուղս եւ զտասանօրդս զարդեանց, եւ զպատարագսն զոր ունէին. եւ տայի զայն քահանայիցն որդւոցն ահարոնի, առաջի սեղանոյն յա(մենայ)ն արդեանցն։ Եւ զտասանորդսն տայի որդւոցն ղեւեայ, որք պաշտօնեայքն էին յե(րուսաղէ)մի։

Verse: 7  Link to sept   եւ զերկրորդ տասանորդսն ժողովէի եւ վաճառէի, եւ երթայի ծախէի զայն ա(մենայ)ն յե(րուսաղէ)մ ըստ ա(մենայ)ն տարեկանի։

Verse: 8  Link to sept   եւ զերրորդն տայի́ որոց արժա́ն էր. ո(ր)պ(էս) պատուիրեաց դերուրա մայր հօրն իմոյ. զի ո́րբ մնացեալ էի ես ՛ի հօրէն իմմէ·

Verse: 9  Link to sept   Եւ յորժամ եղէ́ այր՝ առի ես ինձ կին ՛ի զաւակէ հայրենի իմոյ, եւ ծնայ ես ՛ի նմանէ զտուբի։

Verse: 10  Link to sept   Եւ յորժամ գերի́ վարեցայ ՛ի նինուէ, ա(մենայ)ն եղբարք իմ եւ ա́զգ իմ ուտէին ՛ի հացէ անտի հեթանոսաց.

Verse: 12  Link to sept   եւ ես պահեցի́ զանձն իմ, զի մի́ կերայց քանզի յիշէի ես զա(ստուա)ծ յա(մենայ)ն անձնէ իմմէ։

Verse: 13  Link to sept   Եւ ե́տ ինձ բարձրեալն շնորհս՝ եւ գեղեցկութի(ւն) առաջի նեմեսարայ, եւ էի ն(ո)ր(ա) վաճառական.

Verse: 15  Link to sept   երթայի ես ՛ի մարս։ եւ եդի ես ՛ի պահեստի առ գաբայէղայ եղբօրն գուրիայ, ՛ի հռագա յերկիրն մարաց՝ արծաթոյ քանքարս տասն։

Verse: 18  Link to sept   Եւ յորժամ մեռաւ նեմեսար, եւ թագաւորեաց սենեքերիմ որդի ն(ո)ր(ա) փոխանակ ն(ո)ր(ա). եւ զի էր խռո́վ յամս ն(ո)ր(ա), ո́չ եղեւ ինձ երթալ յերկիրն մարաց։

Verse: 19  Link to sept   Եւ յաւուրս նեմեսարայ ողորմութի(ւն)ս բազումս առնէին ես եղբարց իմոց.

Verse: 20  Link to sept   զհա́ց իմ տայի քաղցելոց, եւ զձորձ իմ մերկոց. եւ զոր տեսանէի ես յազգէն իմմէ թէ մեռեալէր, եւ ընկենուին զնա արտաքոյ պարսպին, եւ ե́ս թաղէի։ եւ կամ թէ յորժամ սոանանէր զոք սենեքերիմ արքայ՝

Verse: 21  Link to sept   յորժամ եկն փախստական ՛ի հրէաստանէ. դողանայի́ եւ թաղէի զն(ո)ս(ա). վ(ա)ս(ն) զի զբազո́ւմս կոտորեաց սրտմտութ(եամ)բ իւրով, եւ յետոյ խնդի́ր արար մարմնոց դիականցն, եւ ո́չ եգիտ։

Verse: 22  Link to sept   Եւ եմուտ միոմն ՛ի նինուէացւոց անտի, եւ իմացուցանէր թագաւորին վ(ա)ս(ն) իմ զդիակունսն թաղելոյ. եւ թաքեայ, զի գիտացի́ ես եթէ խնդրէն սպանանել զիս. եւ զահի́ հարեալ փախստեայ գնացի։ եւ յափշտակեցան ա(մենայ)ն ինչք իմ՝

Verse: 23  Link to sept   եւ ո́չ մնաց բնա́ւ ինչ, բայց միայն կա́յ կինն իմ. եւ տուբի՝ որդին իմ։

Verse: 24  Link to sept   Եւ ո́չ անցին աւուրք յիսուն. մինչեւ սպանին զնա երկոքին որդիքն իւր. եւ փախեան նոքա ՛ի լերինս հայոց։ Եւ թագաւորեաց ասորդան որդի ն(ո)ր(ա) ընդ ն(ո)ր(ա). եւ կարգեաց նա զաքիաքարոս զանայէլ որդի եղբօր իմոյ ՛ի վ(ե)ր(այ) ա(մենայ)ն իշխանաց թագաւորութե(ա)ն իւրոյ, եւ ՛ի վ(ե)ր(այ) ա(մենայ)ն տա́ն իւրոյ։ եւ աղաչեաց աքիաքարոս զթագաւորն վ(ա)ս(ն) իմ,

Verse: 25  Link to sept   եւ եկին դարձուցանել զիս. եւ եկի́ ես ՛ի նինուէ։ Եւ էր աքիաքարոս տակառապետ, եւ ա(մենայ)ն գիր համարոյ ելի́ մտի́ տան թագաւորին՝ ՛ի ձեռին ն(ո)ր(ա). եւ կացոյց զնոսա քերդոյն երկրո́րդ իւր. եւ է́ր նա եղբօրորդի իմ։ եւ յորժամ եկի ես ՛ի տունն իմ, եւ ետուն ինձ զաննա կինն իմ, եւ զտուբի զորդին իմ։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ ՛ի տօնին մեծի որ է սո́ւրբն յեւթներորդ շաբաթուն, արարին ինձ ճա́շ մեծ. եւ բազմեցայ ուտել եւ ըմպել։

Verse: 2  Link to sept   եւ տեսի́ ես առաջի իմ խորտիկս բազմապատիկս, եւ ասեմ ես ցորդին իմ. ե́րթ ա́ծ դու յեղբարցն մերոց յաղքատաց զորս եւ գտանես, եւ ես մնա́մ քեզ։

Verse: 3  Link to sept   Եւ եկն՝ եւ ասէ. հա́յր, մի́ոմն յազգէս մերմէ՝ որոյ թափեալ են ոտք ն(ո)ր(ա), եւ անկեալ պճղունք ն(ո)ր(ա). եւ կա́յ ՛ի հրապարակի անդ մեռեա́լ։

Verse: 4  Link to sept   եւ իմ մինչչե́ւ էր ճաշակեալ՝ չոգայ առի́ զնա եւ բերի ՛ի տուն իմ մինչեւ եմուտ արեգակն.

Verse: 5  Link to sept   եւ ընդ երեկս լուացայ եւ ուտէի զհացն իմ տրտմութ(եամ)բ։

Verse: 6  Link to sept   Եւ յիշեցի́ ես զմարգարէութի(ւն)ն ամովսայ՝ ո(ր)պ(էս) եւ ասացն. դարձցի́ն տարեկանքն ձեր ՛ի սուգ, եւ ա(մենայ)ն ուրախութի(ւն)ք ձեր ՛ի տրտմու(թ)ի(ւն)։ եւ լացի յոյժ։

Verse: 7  Link to sept   եւ յորժամ եմուտ արեգակն, փորեցի եւ թաղեցի զնա։

Verse: 8  Link to sept   Եւ մերձաւորքն իմ ա́յպն առնէին՝ եւ ասէին, արդ ո՞չ եւս երկնչի մեռանել վասն իրացն այսոցիկ. զի վ(ա)ս(ն) որոյ հալածեցաւն. դարձեալ եկեալ թաղէ՞ զդիակունսն։

Verse: 9  Link to sept   Եւ ՛ի նմին գիշերի դարձա́յ իբրեւ թաղեցին.

Verse: 10  Link to sept   եւ ննջեցի ես պղծեալ առ որմոյ դաւթին եւ զերեսս իմ ո́չ ծածկեցի։

Verse: 18  Link to sept   Եւ ո́չ գիտէի թէ ճնճղուկք նստէին յառաստաղս անդ. եւ աչօք բացօք ՛ի վեր հայէի, եւ ծրտէին ծագքն ջերմաջերմ յաչս իմ։ եւ երթեալ իմ առ բժիշկս ո́չ ինչ օգնէին ինձ։ եւ աքիաքարոս դառմանէր զիս ռոճկօք իւրովք, մինչեւ չոգա́յ ես յեղմայիդայ։

Verse: 19  Link to sept   Եւ կինն իմ մանէ́ր եւ գործէր ձեռօք իւրովք՝ եւ տայր տերանցն։

Verse: 20  Link to sept   եւ նոքա տային զվարձս ն(ո)ր(ա). եւ յաւելին եւ ետուն նմա ո́ւլ մեւս եւս։

Verse: 21  Link to sept   եւ յորժամ եկն նա առ իս, սկսաւ կագե́լ ընդիս. եւ ասեմ ես ցնա, ուստի՞ բերեր դու զուլդ զայդ, մի՞թէ գողունի́ է, տո́ւր անդր ցտեարս իւր. զի ո́չ են ինձ օրէն ուտել զգողունի։

Verse: 22  Link to sept   եւ ասէ կինն իմ, պատի́ւ ետուն ինձ վ(ա)ս(ն) վարձուց իմոց։ եւ ես անհաւատացի նմա, այլ ստիպէի տա́լ ցտեարս իւր. եւ ես իբրեւ զամօթի հարկանէի ՛ի նմանէ։ եւ նա ասէ ցիս. ո՞ւր են արդ ողորմութի(ւն)քն քո եւ արդարու(թ)ի(ւն)քն. զի ահաւասիկ յայտնի́ եղեն քեզ։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ ես տրտմեցա́յ եւ լացի. եւ յարեա́յ կացի յաղօթս զայրագին սրտիւ.

Verse: 2  Link to sept   եւ ասեմ. Արդա́ր ես դու տ(է)ր՝ եւ ա(մենայ)ն գործք քո, եւ ա(մենայ)ն ճանապարհք քո ողորմութի(ւն) եւ զդատաստանս՝ եւ զճշմարիտն եւ զարդարն դատես մինչեւ յաւիտեան։

Verse: 3  Link to sept   նայեա́ առ իս եւ յիշեա́ զիս, եւ մի́ հատուցաներ ինձ ը(ս)տ մեղս իմ, եւ ը(ս)տ չարիս իմ, եւ հարց իմոց որք մեղան առաջի քո։

Verse: 4  Link to sept   զի անցի́ն նոքա զպատուիրանօք քովք, ետուր զմեզ ՛ի յափշտակութի(ւն) եւ ՛ի գերութի(ւն) եւ ՛ի մահ, եւ յառակս նախատանաց ընս ա(մենայ)ն հեթանոսս ուր եւ ցրուեալքս եմք։ Եւ արդ այժմ տ(է)ր՝ բազո́ւմ են իրաւունք ճշմարտու(թ)ե(ան) քոյ

Verse: 5  Link to sept   զոր արարեր ընդիս եւ ընդ հարս մեր. զի ո́չ արարաք զպատուիրանս քո, եւ ո́չ եւս գնացաք ճշմարտու(թեամ)բ առաջի քո։

Verse: 6  Link to sept   արդ՝ արա́ ընդ իս ըստ հաճու(թ)ե(ան) կամաց քոց. եւ տո́ւր հրաման առնուլ զոգի́ իմ, զի եղէց արձակեալ ՛ի հոգւոյս՝ եւ եղէ́ց հող. վասն զի լա́ւ է ինձ մեռանել քան զայս կեանս իմ. զի նախատինս սո́ւտ լուայ, եւ տրտմու(թ)ի(ւն) բազո́ւմ է յիս. արձակեա́ զիս ՛ի վշտաց իմոց ՛ի տեղին յաւիտենից, եւ մի́ դարձուցաներ զերեսս քո յինէն։

Verse: 7  Link to sept   Քանզի եւ ՛ի նմին իսկ աւուր էր լուեալ ն(ո)ր(ա) զիրսն, որ էր անցեալ ընդ սարրա ը(նդ) դուստրն հռագուելայ. որ էր յեկբատանս ՛ի մարաց գաւառին։

Verse: 8  Link to sept   զի նախատէին զաղջիկն աղախնայք հօրն իւրոյ զոր էր տուեալ արանց եւթն. եւ ազմոդ՝ ե́ւս դեւն չար սպանանէ́ր զն(ո)ս(ա), մինչչեւ մրձեցեալ էին ՛ի նա ըստ օրինի արանց եւ կանանց։ եւ նախատէին զնա աղախնայքն եւ ասէին. ո՞չ իմանաս՝ զի հեղձուցանես զարսդ քո, ահա եւթն այր առեր, եւ ոչ ՛ի միո́ւմ ո́չ վայելեցեր.

Verse: 9  Link to sept   արդ զմեզ զի՞ տանջես, ընդէ՞ր եւ ոչ դո́ւ ընդ ն(ո)ս(ա) կորեար. զի ո́չ տեսանէաք մեք զզաւակ քո մինչեւ յաւիտեան։

Verse: 10  Link to sept   Զայս իբրեւ լուաւ աղջիկն՝ տրտմեցա́ւ յոյժ, եւ կամէր խեղդե́լ զինքն։ եւ ասէ́ր՝ մի եմ ես միամօր հօրն իմում. արդ եթէ առնե́լ զայս՝ նախատինս առնե́մ նմա, եւ իջուցանեմ ես զծերու(թ)ի(ւն) ն(ո)ր(ա) ցաւօք ՛ի դժոխս։

Verse: 11  Link to sept   Եւ կա́յր նա յաղօթս ընդ պատուհանն որ էր ընդդէմ ե(րուսաղէ)մի։ եւ ասէր.

Verse: 13  Link to sept   Օրհնեալ ես դու տ(է)ր ա(ստուա)ծ իմ. եւ օրհնեալ է անունդ քո սուրբ եւ պատուակա́ն մինչեւ յաւիտեան։

Verse: 14  Link to sept   եւ արդ տ(է)ր՝ բոլորով սրտիւ իմով աղաչեցի զքեզ.

Verse: 15  Link to sept   եւ ասացի հրաժարե́լ հոգւո́յս ՛ի մարմնոյս իմմէ. զի մի́ եւս յաւելից լսել զնախատինսն.

Verse: 16  Link to sept   զի դու տ(է)ր գիտես զի սո́ւրբ եմ ես յա(մենայ)ն մեղաց կուսու(թեամ)բս իմով։

Verse: 17  Link to sept   եւ ո́չ է իմ աղտեղեալ զանուն իմ եւ զանուն հօր իմոյ, եւ միամօր եմ ես հօր իմոյ. եւ ո́չ գոյ որդի որ ժառանգէ զսա, եւ ո́չ իւր եղբայր մերձաւոր, եւ ո́չ եղբօրորդի՝ զի պահեցից ես զանձն իմ նմա կնութե(ան). զի ահաւասիկ կորեան իմ եւթն այր, արդ զի՞նչ օգուտ է ինձ բնաւ կեալ։ արդ եթէ ո́չ կամիս զմեռանելս տ(է)ր՝ նայեա́ առ իս՝ եւ ողորմեա́ ինձ. զի մի́ եւս լուայց ես զնախատինսն։

Verse: 24  Link to sept   Եւ լսելի́ եղեն աղօթք երկոցունն առաջի մեծին հռափայելայ։

Verse: 25  Link to sept   եւ առաքեցաւ նա բժշկել զերկոսեան.տուբիթայ՝ կեղեւել զլուսնն յաչաց նորա. եւ զսառայի զդստերն հռագուելի հանել զազմոդ դեւն, եւ տալ զնա կին տուբիայ որդւոյ տուբիթայ. վ(ա)ս(ն) զի տուբիայ ա́նկ իսկ էր ժառանգել զնա։ Եւ ՛ի նմին ժամանակի դարձա́ւ տուբիթ եւ եմուտ ՛ի տունն իւր. եւ սառա դուստրն հռագուելայ է́ջ ՛ի վերնատանէ իւրմէ։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ յաւուր յայնմիկ յիշեաց զարծաթն, զոր եդ առ գաբայելայ ՛ի հռագիւս քաղաքի յերկրին մարաց։ եւ ասէ նա ՛ի միտս իւր. ես խնդրեցի մա́հ անձինս իմոյ, ընդէ՞ր ո́չ կոչեմ զտուբիա զորդին իմ, եւ ցուցանեմ նմա զա(մենայ)ն մինչչե́ւ մեռեալ իցեմ։

Verse: 2  Link to sept   Եւ կոչեաց զնա եւ ասէ ցնա. որդեա́կ իմ.

Verse: 3  Link to sept   եթէ մեռանիցիմ ես՝ թաղեսջի́ր զիս՝ եւ մի́ անարգիցես, եւ կամ անտես առնիցես զմայրս քո. այլ պատուեսցե́ս զսա զա(մենայ)ն աւուրս կենաց քոց, եւ արասցես սմա զա(մենայ)ն ինչ որ հաճո́յ է սմա, եւ մի տրտմեցուցանե́ս զսա.

Verse: 4  Link to sept   եւ յիշեսցես դու զի բազում ճգունս կրեաց վ(ա)ս(ն) քո՝ յորժամ էի́ր դու յորովայնին։

Verse: 5  Link to sept   եւ յորժամ մեռանիցի՝ տաղեսցես ընդիս ՛ի նմի́ն շիրմի։

Verse: 6  Link to sept   Եւ յիշեա́ դու տ(է)ր ա(ստուա)ծ քո զա(մենայ)ն աւուրս կենաց քոց. եւ մի́ մեղանչիցես դու, եւ կամ անցանիցես զպատուիրանօք ն(ո)ր(ա). այլ առնիցես զարդարութի(ւն) յա(մենայ)ն ՛ի կեանս քո. եւ մի́ գնասցես դու ՛ի ճանապարհս անիրաւութե(ան). զի յորժամ առնիցես դու զճշմարտութի(ւն)՝ յաջողեսցի́ն ա(մենայ)ն գործք քո. եւ ամենեցուն որոց գործեն զարդարու(թ)ի(ւն)։

Verse: 7  Link to sept   Յընչից քոց առնիցես զողորմութի(ւն)ս. եւ մի́ ագահիցէ ակն քո յորժամ առնիցես զողորմութի(ւն)ն. եւ մի́ դարձուցանիցես զերեսս քո յա(մենայ)ն աղքատոյ. եւ ՛ի քէն ո́չ դարձուսցէ տ(է)ր ա(ստուա)ծ զերեսս իւր։

Verse: 8  Link to sept   Որչափ եւ իցէ́ քո՝ ըստ նմին բազմու(թ)ե(ան) արասցես զողորմու(թ)ի(ւն)սն.

Verse: 9  Link to sept   եթէ սակա́ւ իցէ քո՝ ըստ սակաւին, եւ մի́ յապաղիցես առնել զողորմու(թ)ի(ւն)սն.

Verse: 10  Link to sept   զի գանձս բարիս գանձեսցես քեզ յաւուրն կենաց քոց.

Verse: 11  Link to sept   զի ողորմու(թ)ի(ւն)ք փրկեն ՛ի մահուանէ. եւ ո́չ տան մտանել ՛ի խաւարն։

Verse: 12  Link to sept   պարգեւք բարի́ք են ողորմութի(ւն)ք ամենեցուն որ առնեն զնա առաջի ա(ստուծո)յ։

Verse: 13  Link to sept   Եւ զգո́յշ լինիջիր դու անձին քում ՛ի պոռնկութ(են)է. եւ առնուցո́ւս դու կին՝ ՛ի զաւակէ́ հարց քոց. եւ մի́ առնուցուս դու կին՝ յազգէ օտարէ. զի որդիք մարգարէի́ց եմք՝ նոյ, աբրահամու, սահակայ, եւ յակոբու հարցն մերոց առաջնոց։ յիշեա́ դու որդեակ՝ զի սոքա ամենեքեան առին կանայս յեղբա́րց իւրեանց, եւ օրհնեցան յորդիս իւրեանց. եւ զաւակ ն(ո)ց(ա) ժառանգեսցէ զերկիր։ Եւ դու որդեակ՝ սիրեսցե́ս զեղբարս քո, եւ մի́ դարձուսցես զերեսս քո, եւ մի́ դարձուցանիցես զսիրտ քո յեղբարց քոց, յորդւոց եւ ՛ի դստերաց ժողովրդեան քոյ, առնուլ քեզ ՛ի ն(ո)ց(ա)նէ կին։

Verse: 14  Link to sept   Վ(ա)ս(ն) զի յամբարտաւանութ(են)է՝ կորուստ եւ խռովութի(ւն) յոյժ. եւ ՛ի պղծութ(են)է՝ պակասու(թ)ի(ւն) եւ կարօտու(թ)ի(ւն) մեծ. զի պղծութի(ւն) է մա́յր սովոյ։

Verse: 15  Link to sept   Եւ վարձք վարձկանի քոյ առ քեզ մի́ ագցին, այլ հատուսցե́ս դու առժամայն. եթէ ծառայեսցես դու ա(ստուծո)յ՝ հատուսցէ քեզ ՛ի բարիս։ զգո́յշ լինիջիր դու որդեակ յա(մենայ)ն գործս քո, եւ լե́ր դու խրատեալ յա(մենայ)ն կեանս քո։

Verse: 16  Link to sept   եւ զոր դու ատես՝ ումեք մի́ առնիցես։ Գինի արբեցու(թ)ե(ան) մի́ ըմպիցես. եւ մի́ երթայցես դու արբեալ ՛ի ճանապարհ։

Verse: 17  Link to sept   ՛ի հացէ́ քումմէ տացե́ս քաղցելոց, ՛ի հանդերձէ քումմէ մերկոց. եւ ա(մենայ)ն որ յաւելուցուն քեզ՝ առնիցես ողորմութի(ւն)։

Verse: 18  Link to sept   սփռեսցե́ս դու զհացն քո ՛ի վ(ե)ր(այ) գերեզմանա́ց արդարոց, եւ մի տացես զայն մեղաւորաց։

Verse: 19  Link to sept   Խորհուրդ՝ յա(մենայ)ն մարդոյ խնդրեսցես. եւ մի́ արհամարհեսցես զա(մենայ)ն խորհուրդս պիտանեաց։

Verse: 20  Link to sept   Եւ յա(մենայ)ն ժամ օրհնեսցես դու զտ(է)ր ա(ստուա)ծ քո, եւ ՛ի նմանէն խնդրեսցես դու՝ ո́(ր)պ(էս) ուղղեսցին ճանապարհք քո, եւ ա(մենայ)ն խորհուրդք քո եւ գնա́ցք քո յաջողեսցին. զի ա(մենայ)ն խորհուրդ մարդոյ ոչի́նչ են. այլ տ(է)ր ինքնին տայ զխորհուրդս բարեացն, եւ զորս կամի խոնարհեցուսցէ ո(ր)պ(էս) եւ հաճոյ է նմա։ Եւ արդ որդեա́կ իմ, յիշեսցե́ս դու զա(մենայ)ն զպատուիրանս իմ զոր պատուիրեմ ես քեզ. մի́ ջնջեսցին նոքա ՛ի սրտէ քումմէ։

Verse: 21  Link to sept   Եւ արդ՝ ես ցուցանեմ քեզ զտասն քանքար արծաթոյն զոր եդի́ ես ՛ի պահ առ գաբայելայ որդւոյ գաբրիայ, ՛ի հռագա́ւ յերկրին մարաց։

Verse: 23  Link to sept   Եւ մի́ երկնչիցիս որդեակ զի աղքատացաք յոյժ. գան քո բազում ինչք եւ ստացուածք՝ եթէ երկնչիցիս դու յա(ստուծո)յ, եւ ՛ի բա́ց լինիցիս յա(մենայ)ն մեղաց. եւ արասցես դու զհաճոյս առաջի նորա։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ պատասխանի ետ տուբիա՝ եւ ասէ ցնա. հա́յր՝ արարի́ց զա(մենայ)ն ինչ զոր պատուիրեցեր ինձ։

Verse: 2  Link to sept   այլ ես զիա՞րդ կարացից գտանել զարծաթն, զի ո́չ գիտեմ զայրն։

Verse: 3  Link to sept   Եւ ե́տ նմա զգիր առնն որում կայր գանձն յաւանդի։

Verse: 4  Link to sept   եւ ասէ ցնա. խնդրեա́ դու քեզ այր որ եկեսցէ́ ը(նդ) քեզ. եւ ես տաց զվարձս ն(ո)ր(ա)՝ մինչեւ կենդանիս եմ, եւ երթիցես առցես զարծաթն։

Verse: 5  Link to sept   եւ գնաց տուբի խնդրե́լ ընդ իւր վարձաւոր։ Եւ եգի́տ նա զհռափայէլ հրեշտակ։

Verse: 6  Link to sept   եւ նա ո́չ գիտէր ո՞վ իցէ նա։

Verse: 7  Link to sept   եւ ասէ ցնա տուբիա. կարե՞ս գալ դու ընդիս ՛ի հռագաւ յերկիրն մարաց. եւ կամ ե՞ս դու տեղեակ խելամո́ւտ տեղեացն։

Verse: 8  Link to sept   Ասէ ցնա հրեշտակն. եկի́ց ես ընդ քեզ, եւ ճանապարհին տեղեա́կ եմ, եւ ճանաչեմ զգաբայէլ զեղբայրն մեր։

Verse: 9  Link to sept   Եւ ասէ ցնա տուբիա. մնա́ դու վայրիկ մի աստէն՝ մինչեւ մտից հարցի́ց ես զհայրն իմ։ եւ ասէ ցնա՝ ե́րթ, եւ մի́ յամիցես։

Verse: 10  Link to sept   Եւ եմո́ւտ պատմեաց հօրն, ահաւասիկ գտի́ ընկեր որ գայ ընդիս։ եւ ասէ ցնա հայր իւր. կոչեա́ դու զնա առ իս զի գիտացից թէ յորմէ՞ ազգէ է նա, եւ կամ թէ հաւատարի՞մ է գալ ը(նդ) քեզ։

Verse: 11  Link to sept   եւ նա կոչեաց զնա ՛ի ներքս. եւ ողջոյն ետուն միմեանց։

Verse: 16  Link to sept   Եւ ասէ ցնա տովբիթ. եղբայր՝ յորմէ՞ ցեղիցն մերոց ես դու՝ պատմեա́ ինձ։

Verse: 17  Link to sept   եւ ասէ ցնա. զազգատո́հմ իմ խնդրես՝ թէ վարձաւոր որ երթայ ը(նդ) որդւոյդ քում։ եւ ասէ ցնա տովբիթ, կամի́մ եղբայր՝ գիտե́լ զազգն քո եւ զանուն։

Verse: 18  Link to sept   Եւ ասէ. անուն է իմ ազարիա անանիա որդի մեծի եղբարցն քոց։

Verse: 19  Link to sept   Եւ ասէ ցնա տովբիթ. ո́ղջ եկիր եղբայր՝ եւ մի́ ցասնուր ինձ զի խնդրեցի զազգատոհմն քո գիտել, զի դու եղբա́յր իմ իսկ ես, ՛ի բարի եւ յազնուական յազգէ. զի ճանաչէի եւ ես զանանիա եւ զյաթան՝ եւ զորդիսն, եւ զսեմա, եւ զմեծի. յորժամ երթայաք մեք ՛ի միասին երկի́ր պագանել յե(րուսաղէ)մ, եւ մատուցանե́լ զանդրանիկս եւ զտասանորդս արգեանց. եւ ո́չ մոլորեցան նոքա ըստ մոլորութե(ան) եղբարցն մերոց։ յարմատոյ եւ յազգէ մեծամեծա́ց ես եղբայր։

Verse: 20  Link to sept   Այլ արդ՝ ասա́ դու ինձ, զի՞նչ տայցեմ քեզ վարձս. դրա́մ մի յաւուր, եւ զռոճիկն ո(ր)պ(էս) որդւոյն իմում։

Verse: 21  Link to sept   եւ յաւել եւս ՛ի վարձն քո՝ եթէ ողջու(թեամ)բ դառնայցէք այսրէն։ եւ հաճո́յ թուեցաւ նոցա առնել ա́յսպէս։

Verse: 22  Link to sept   Եւ ասէ ցնա տուբիա. պատրաստեա́ դու որդեակ ՛ի ճանապարհն, եւ յաջողեսցի ձեզ։ եւ պատրաստեաց մանուկն զթոշակ ճանապարհին։ եւ ասէ ցնա հայրն իւր. գնա́ դու որդեակ ընդ առնդ ընդ այդմիկ, այլ որ բնակեալն է յերկինս ա(ստուա)ծ՝ յաջողեսցէ́ զճանապարհն ձեր, եւ հրեշտակն ն(ո)ր(ա) ուղղեկի́ց լիցի ձեզ։

Verse: 23  Link to sept   Եւ ելին գնացին երկոքեան ՛ի միասին, եւ շուն պատանեկին ընդ ն(ո)ս(ա)։ Եւ ասէ մայրն ն(ո)ր(ա) լալով. տուբիթ՝ զի՞ արձակեցեր զորդեակն ՛ի մէնջ. ո՞չ դա́ է ցուպ ծերութե(ան) մերոյ, մտանել եւ ելանել առաջի մեր։

Verse: 24  Link to sept   արծաթ արծաթոյ մի́ ժամանեսցէ. այլ եղիցի փոխանակ որդեկին մերոյ։

Verse: 25  Link to sept   քանզի որ պատրաստեալս է մեզ յա(ստուծո)յ՝ բաւակա́ն է մեզ։

Verse: 26  Link to sept   Եւ ասէ ցնա տուբիթ. մի́ լիցի քեզ տրտմութի(ւն) քո́յր. զի ողջու(թեամ)բ եկեսցէ, եւ աչք քո տեսցեն զնա։

Verse: 27  Link to sept   զի հրեշտակ ն(ո)ր(ա) բարի առաջնորդէ́ ն(ո)ր(ա), եւ աջողեսցէ զճանապարհս ն(ո)ր(ա). եւ դարձցի́ այսրէն ողջութ(եամ)բ։

Verse: 28  Link to sept   Եւ ապա դադարեաց մայրն ՛ի լալոյ անտի։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ նոքա գնացին ՛ի ճանապարհն։ Եւ եկին ՛ի գետն դկղաթ, եւ հանգեան անդ առ ափամբն։

Verse: 2  Link to sept   եւ պատանեակն էջ լուանա́լ յեզր գետոյն. եւ վազեաց ձուկն մի ՛ի գետոյ անտի, եւ կամէր կլանել զպատանեակն։

Verse: 4  Link to sept   Եւ հրեշտակն ասէ ցպատանեակն. բո́ւռն հար՝ կա́լ զձուկնդ. եւ կալաւ պատանեակն զձուկն, եւ հան զնա ՛ի ցամաք։

Verse: 5  Link to sept   Եւ ասէ ցնա հրեշտակն. բա́ց դու զփոր ձկանդ, եւ հա́ն զսիրտդ եւ զլեարդդ՝ եւ զլեղիդ, եւ դի́ր զգուշութ(եամ)բ։

Verse: 6  Link to sept   եւ արար պատանեակն ո(ր)պ(էս) եւ ասաց ցնա հրեշտակն. եւ զձուկնն խորովեցին եւ կերան. եւ ապա գնացին երկոքեան ՛ի միասին, մինչեւ մօտ եղեն յեկբատանս։

Verse: 7  Link to sept   Եւ ասէ պատանեակն ցհրեշտակն. ազարիա́ եղբայր՝ վ(ա)ս(ն) ո՞յր բարձաք զսիրտս՝ եւ զլեարդս՝ եւ զլեղիս ձկանս։

Verse: 8  Link to sept   Եւ ասէ ցնա՝ սի́րտդ՝ եւ լեարդդ, եթէ զոք ունի դեւ՝ կամ այսն պիղծ, զայս արժա́ն է ծխել առաջի ա́ռն կամ կնոջ, եւ այլ ո́չեւս դիւահարեսցէ.

Verse: 9  Link to sept   եւ լեղիս՝ եթէ ոք ունի զլուսն յաչս իւր, օծանի́ սովաւ եւ բժշկի։

Verse: 10  Link to sept   Եւ իբրեւ մերձեցան նոքա ՛ի հռագուէ,

Verse: 11  Link to sept   ասէ հրեշտակն ցպատանեակն. ե́ղբայր՝ այսօր ունիմք մեք հանգչե́լ առ հռագուելայ, եւ նա ինքն ազգական է քո. եւ է́ ն(ո)ր(ա) դուստր, եւ անո́ւն է նորա սառա. արդ խօսեցա՞յց ես վ(ա)ս(ն) ն(ո)ր(ա), զի տացէ զնա քեզ կին.

Verse: 12  Link to sept   զի քե́զ ա́նկ է ժառանգութի(ւն) աղջկանն. եւ դու միա́յն ես յազգէ ն(ո)ր(ա), եւ աղջիկն արդարեւ բարւո́ք է, զգա́ստ է եւ իմաստուն։ եւ արդ լո́ւր ինձ,

Verse: 13  Link to sept   եւ խօսեցա́յց ը(նդ) հօր աղջկանն, եւ յորժամ դարձցուք մեք այսրէն ՛ի հռագուացւոց անտի՝ արասցուք քեզ զհարսանիսն. քանզի գիտե́մ ես զհռագուէլ, զի ո́չ տացէ զնա առն օտարի ը(ս)տ օրինացն մովսիսի, որ ո́չ է մերձաւոր արեան. վ(ա)ս(ն) զի եւ զժառանգու(թ)ի(ւն)ն քեզ արժան է առնուլ քան ա(մենայ)ն մարդոյ։

Verse: 14  Link to sept   Յայնժամ ասէ́ պատանեակն ցհրեշտակն. եղբայր ազարիա՝ ի́մ այսպէս լուեալ է վ(ա)ս(ն) աղջկանն, թէ տուեալ է զնա եւթն առն, եւ ամենեքեան նոքա մեռեալեն յառագաստի անդ.

Verse: 15  Link to sept   եւ ես մի́ եմ միամօր հօրն իմում. երկնչիմ գուցէ́ մտանիցեմ, եւ մառանիցի́մ ո(ր)պ(էս) եւ առաջինքն. զի ունի զաղջիկն դե́ւ, եւ սիրէ զնա. որում ո́չ մերձենայ մեղանչել ումեք, բայց միայն որոց մերձենան առնուլ զնա կնութե(ան). արդ եթէ առնե́մ զայս՝ երկնչի́մ գուցէ իջուցանիցեմ ես զհայրն իմ եւ զմայրն իմ ցաւօք ՛ի վ(ե)ր(այ) իմ ՛ի գերեզմանն իւրեանց. եւ որդի այլ ո́չ գոյ որ թաղէ զն(ո)ս(ա)։

Verse: 16  Link to sept   Եւ ասէ ցնա հրեշտակն. ո՞չ յիշես դու զբանս պատուիրանաց հօրն քոյ, առնուլ քեզ կին յազգէ քումմէ. եւ արդ լո́ւր դու ինձ, զի քե́զ եղիցի նա ՛ի կնութի(ւն)։

Verse: 17  Link to sept   եւ վ(ա)ս(ն) դիւին մի́ ինչ հոգար, զի ՛ի գիշերիս յայսմիկ առցես դու զնա քեզ կնութե(ան)։

Verse: 18  Link to sept   Եւ յորժամ մտանիցես յառագա́ստ անդր՝ առցես դու աճիւնախառն կրակ յորում խունկք ծխեալ են, եւ դիցես դու ՛ի վ(ե)ր(այ) ն(ո)ր(ա) ՛ի սրտէ անտի եւ ՛ի լերդէ ձկանն՝ եւ ծխեսցես։

Verse: 19  Link to sept   եւ հոտոտիցէ դեւն, եւ փախիցէ. եւ ո́չ եւս դարձցի անդրէն մինչեւ յաւիտենից։

Verse: 20  Link to sept   Եւ յորժամ մտանիցէք դու եւ աղջիկն ՛ի սենեա́կ անդր, յարիջիք դուք երկոքեան՝ եւ գոչեսջի́ք առ ողորմածն ա(ստուա)ծ լալով մեծաւ. եւ կեցուսցէ́ զձեզ, եւ ողորմեսցի́ ձեզ.

Verse: 21  Link to sept   զի քե́զ էր պատրաստեալ իսկզբանէ իւրմէ, եւ դո́ւ ապրեցուսցես զնա. եւ նա ընդ քե́զ եկեսցէ ՛ի տուն քո, եւ կարծեմ թէ որդիք լինին քո ՛ի նմանէն։

Verse: 22  Link to sept   Եւ իբրեւ լուաւ զայս տուբիա, անկաւ նմա գութ ը(նդ) աղջկանն, եւ ոգի ն(ո)ր(ա) կցեցա́ւ ՛ի սէր ն(ո)ր(ա)։



Chapter: 7 
ԳԼ(ՈՒԽ) Է՜.


Verse: 1  Link to sept   Եւ եկին նոքա յեկբատանս, եւ մտին նոքա ՛ի տուն հռագուելայ. եւ ե́լ ընդառաջ ն(ո)ց(ա) սառա, եւ ողջոյն ետ ն(ո)ց(ա)՝ եւ նոքա նմա, եւ տարաւ զնոսա ՛ի տուն։

Verse: 2  Link to sept   Եւ հռագուէլ ասէ ցհեդնա ցկին իւր, տեսանե՞ս զի նմա́ն է պատանեակս տուբիթայ եղբօրորդւոյն իմոյ։

Verse: 3  Link to sept   եհարց ցն(ո)ս(ա) հռագուէլ եւ ասէ. ուստի՞ էք եղբարք։ եւ ասեն ցնա. յորդւոցն նեփթաղիմա́յ եմք որք գերեալն են ՛ի նինուէ։

Verse: 4  Link to sept   Եւ ասէ ցն(ո)ս(ա), ճանաչէ՞ք դուք զտուբիթ զեղբայրն մեր։ եւ ասեն՝ ճանաչեմք։ եւ ասէ ցն(ո)ս(ա), ո́ղջ է։

Verse: 5  Link to sept   եւ նոքա ասեն. ո́ղջ է, եւ կենդանի է։ եւ ասէ տուբիա, հա́յր իմ է։

Verse: 6  Link to sept   Եւ յարուցեալ վաղվաղակի հռագուէլ համբուրեաց զնա, եւ ելաց յոյժ.

Verse: 7  Link to sept   եւ օրհնեաց զնա՝ եւ ասէ ցնա, բարւոյ եւ բարերարի առն որդի։ եւ իբրեւ լուաւ թէ տուբիթայ կացին աչքն, ելա́ց.

Verse: 8  Link to sept   եւ տրտմեցաւ ի́նքն՝ եւ հեդնա կինն իւր, եւ սառա դուստր ն(ո)ց(ա)։ Եւ ընկալան՝ եւ հանգուցին զն(ո)ս(ա) մեծաւ ուրախութ(եամ)բ։

Verse: 9  Link to sept   եւ զենին ն(ո)ց(ա) խո́յ մի ՛ի խաշանց, եւ յօրինեցին եդին առաջի ն(ո)ց(ա) խորտիկս բազումս։ Եւ ասէ տուբիա ցհռափայէլ. եղբա́յր ազարիա՝ արդ խօսեա́ց դու վ(ա)ս(ն) որոյ խօսէիրն դու ՛ի ճանապարհի անդ, զի եղիցի ա́յնպէս։ եւ դարձոյց զբանսն անդրէն առ հռագուէլ։ Եւ ասէ հռագուէլ ցտուբիա, կե́ր ա́րբ եւ ուրա́խ լեր զի քեզ ա́նկ է առնուլ զմանուկն իմ. բայց ասե́մ քեզ զճշմարիտն, ետո́ւ ես զմանուկդ իմ եւթն առն, եւ յորժամ կամէի́ն մտանել առ դա՝ մեռանէին ՛ի նմին գիշերի։ այլ դու այժմ որդեակ իմ ուրա́խ լեր։

Verse: 10  Link to sept   Եւ ասէ տուբիա. ո́չինչ ճաշակեմ ես աստ՝ մինչեւ հաստատէք առիս զիրսդ։

Verse: 13  Link to sept   Եւ ասէ հռագուէլ. եւ ա́ռ զնա քեզ ը(ս)տ օրինաց. զի դու եղբայր ես աղջկանն, եւ քե́զ լիցի.

Verse: 14  Link to sept   այլ ողորմածն ա(ստուա)ծ աջողեսցէ́ ձեզ ՛ի բարիս։

Verse: 15  Link to sept   Եւ կոչեաց նա զսառա զդուստրն իւր, եւ կալաւ նա զձեռանէ ն(ո)ր(ա), եւ ետ զնա տուբիայ կնու(թ)ե(ան)։ եւ ասէ, ահաւասիկ ըստ օրինացն մովսիսի ա́ռ դու զնա. եւ տա́ր դու զնա առ հայր քո։ եւ օրհնեաց զն(ո)ս(ա)։

Verse: 16  Link to sept   Եւ կոչեաց նա զհեդնա զկինն իւր, եւ առեալ նա տա́յր աղջկանն զա(մենայ)ն ինչս զտանն. եւ հաստատէ́ր մուհակօք եւ կնքէր։

Verse: 17  Link to sept   եւ ապա սկսան ուտել եւ ըմպել՝ եւ ուրախ լինել։

Verse: 18  Link to sept   Եւ կոչեաց հռագուէլ զհեդնա զկին իւր՝ եւ ասէ ցնա. քո́յր պատրաստեա́ դու զմեւս սենեակն՝ եւ տա́ր անդր զաղջիկն։

Verse: 19  Link to sept   Եւ արա́ր ո(ր)պ(էս) եւ հրամայեաց նմա, եւ տարա́ւ զնա անդր, եւ ելաց. եւ ջնջէ́ր մաքրէր մայրն զարտասուս աղջկանն.

Verse: 20  Link to sept   եւ ասէր ցնա. քաջալերեա́ց դուստր՝ տ(է)ր երկնից եւ երկրի տացէ́ քեզ ուրախութի(ւն) եւ ցնծութի(ւն), փոխանակ տրտմութե(ան)ս այսորիկ. քաջալերեա́ց դուստր՝ քաջալերեա́ց։



Chapter: 8 
ԳԼ(ՈՒԽ) Ը՜.


Verse: 1  Link to sept   Եւ իբրեւ կատարեցին նոքա ուտե́լ զընթրիսն, տարա́ն զտուբիա առ աղջիկն։

Verse: 2  Link to sept   Եւ իբրեւ եմուտ, յիշեաց նա զբանսն հռափայելի. եւ ա́ռ նա զաճիւնախառն զկրակն խնգոցն. եւ ե́դ ՛ի վ(ե)ր(այ) ն(ո)ր(ա) զսիրտ ձկանն եւ զլեարդն՝ եւ ծխեաց։ եւ իբրեւ հոտոտեցաւ դեւն զհոտն զայն՝ փախեա́ւ ՛ի վերին կողմն սահմանացն եգիպտոսի.

Verse: 3  Link to sept   եւ կապեաց զնա հրեշտակն։ Եւ իբրեւ մտին յանկողին երկոքին։

Verse: 4  Link to sept   յարեա́ւ տուբիա ՛ի գահոյց անտի՝ եւ ասէ. արի́ եւ դու քոյր՝ եւ կացցուք յաղօթս՝ եւ ողորմեսցի մեզ ա(ստուա)ծ։ Եւ սկսաւ տուբիա կալ յաղօթս։

Verse: 7  Link to sept   եւ ասէ. Օրհնեալ ես դու տ(է)ր ա(ստուա)ծ հարցն մերոց, եւ օրհնեալ է անուն քո ս(ուր)բ՝ եւ փառաւորեալ մինչեւ յաւիտեանս. օրհնեսցե́ն զքեզ երկինք եւ ա(մենայ)ն ստացուածք քո։

Verse: 8  Link to sept   Դո́ւ արարեր զադամ եւ ետուր նմա օգնական զեւա, հաստատութի(ւն) նմա զկինն ն(ո)ր(ա). եւ ՛ի ն(ո)ց(ա)նէն եղեւ ա(մենայ)ն զաւակ մարդկան. դու ասացեր՝ եթէ ո́չ է բարւոք լինել մարդոյն միայն. արասցուք նմա օգնական նման նմա։

Verse: 9  Link to sept   Եւ արդ տ(է)ր՝ ո́չ եթէ վ(ա)ս(ն) պոռնկու(թ)ե(ան) ինչ առնում ես ինձ զքոյրս զայս՝ այլ ճշմարտու(թեամ)բ. նայեա́ց տ(է)ր

Verse: 10  Link to sept   եւ ողորմեա́ց ինձ, զի ՛ի միասին ծերասցուք։ եւ ասէ աղջիկն ընդ նմա։ Եւ ննջեցին երկոքին ՛ի միասին ՛ի գիշերին յայնմիկ։

Verse: 11  Link to sept   Եւ չոգաւ հռագուէլ. եւ փորեաց նմա գերեզման.

Verse: 12  Link to sept   քանզի երկնչէր, եթէ գուցէ եւ նա մեռանիցի։

Verse: 13  Link to sept   Եւ եկն հռագուէլ ՛ի տուն իւր.

Verse: 14  Link to sept   եւ ասէ ցհեդնա ցկին իւր. յղեա́ դու զմի ոք յաղախնա́ց այգի, եւ տեսցէ թէ կենդանի́ է. ապա թէ ոչ՝ թաղեսցո́ւք զնա՝ եւ մի́ ոք գիտասցէ։

Verse: 15  Link to sept   Եւ եմուտ աղախինն, եւ ետես զերկոսեան զի ննջէին։

Verse: 16  Link to sept   եւ ել նա եւ պատմեաց ն(ո)ց(ա)՝ եթէ կենդանի́ են։

Verse: 17  Link to sept   Եւ օրհնեաց հռագուէլ զա(ստուա)ծ՝ եւ ասէ. օրհնեա́լ ես դու տ(է)ր ա(ստուա)ծ յա(մենայ)ն օրհնու(թ)ի(ւն)ս եւ ՛ի փառս քո. եւ օրհնեսցեն զքեզ ա(մենայ)ն սուրբք քո, եւ ա(մենայ)ն ստեղծուածք քո, եւ ընտրեալք քո օրհնեսցեն զքեզ մինչեւ յաւիտեանս։

Verse: 18  Link to sept   Օրհնեա́լ ես դու տ(է)ր ա(ստուա)ծ զի ուրա́խ արարեր զիս, եւ ո́չ անց ընդ իս ո(ր)պ(էս) եւ կարծէին. այլ ըստ բազում ողորմութե(ան)դ քոյ արարե́ր դու ընդ մեզ։

Verse: 19  Link to sept   Օրհնեա́լ ես դու տ(է)ր զի ողորմեցար երկոցունց միամօրուցս. արա́ դու տ(է)ր ընդ սոսա զողորմութի(ւն)ս քո. կատարեա́ դու զկեանս սոցա ողջու(թեամ)բ եւ ուրախու(թեամ)բ։

Verse: 20  Link to sept   Եւ հրամայեաց նա ծառայից իւրոց խնուլ զգերեզմանն։

Verse: 22  Link to sept   եւ արար ն(ո)ց(ա) հարսանիս աւուրս չորեքտասան։

Verse: 23  Link to sept   Եւ ասէ ցնա հռագուէլ. երդմնեցուցանե́մ զքեզ՝ մի́ գնասցես դու աստի մինչեւ կատարեսցին աւուրք չորեքտասան հարսանեացս.

Verse: 24  Link to sept   եւ ապա առցես դու զկէս ընչից իմոց, եւ երթիցես դու եւ աղջիկդ խաղաղութ(եամ)բ առ հայրն քո. եւ զայլն ա(մենայ)ն առնուցուք՝ յորժամ մեռանիցիմք ես եւ կինս իմ։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ կոչեաց տուբի զհռափայէլ՝ եւ ասէ ցնա. ե́ղբայր ազարիա,

Verse: 2  Link to sept   ա́ռ դու ընդ քեզ պատանի մի, եւ երկուս ուղտս. եւ գնա́ դու ՛ի հռագիւս մարաց առ գաբայէլ, եւ բե́ր դու ինձ զարծաթն անտի, եւ զնա առեալ ը(նդ) քեզ ածցես ՛ի հարսանիսս.

Verse: 3  Link to sept   վ(ա)ս(ն) զի երդուաւ հռագուէլ եթէ ո́չ արձակեմ զքեզ.

Verse: 4  Link to sept   արդ հայրն իմ համարէ զաւուրսս. եւ եթէ յամեմք՝ մեծա́ւ վշտօք ՛ի տրտմութե(ան) լինի։

Verse: 5  Link to sept   Եւ գնա́ց հռափայէլ՝ եւ հանգեաւ առ գաբայելայ, եւ ետ նմա զգիր մուրհակին. եւ եբե́ր նմա զպարսկն կնքօքն հանդերձ, եւ ետ ցնա։

Verse: 6  Link to sept   Եւ կանխեալ ընդ առաւօտսն՝ գնացին նոքա ՛ի հարսանիս անդր։ եւ հաճեցաւ տուբիա ընդ կինն իւր։



Chapter: 10 
ԳԼ(ՈՒԽ) Ժ՜.


Verse: 1  Link to sept   Եւ տուբիթ հայրն ն(ո)ր(ա) զա(մենայ)ն աւուրս խորհէ́ր ՛ի սրտի իւրում։ Յորժամ կատարեցան աւուրք ժամանակելոյն՝ եւ ո́չ եկին.

Verse: 2  Link to sept   եւ ասէ. արդեւք մեռաւ գաբայէլ, եւ ո́չոք ետ նմա զարծաթն. եւ նա ո́չ կամի գալ յամօթոյ։ եւ տրտո́ւմ էր նա յոյժ։

Verse: 3  Link to sept   Եւ ասէ ցնա կինն իւր. կորեա́ւ մանուկն, զի յամեաց ա́յսչափ։

Verse: 4  Link to sept   եւ սկսաւ նա լա́լ եւ սգա́լ զնա.

Verse: 5  Link to sept   եւ ասէ. ո́չ է ինձ պէտս ո́րդեակ իմ եւ ո́չ ինչ. այլ ընդէ՞ր բնաւ թողի զքեզ լոյս աչաց իմոց։

Verse: 6  Link to sept   Եւ ասէ ցնա տուբիթ. լո́ւռ լեր, եւ մի́ հոգար. ո́ղջ է։

Verse: 7  Link to sept   եւ նա ասէ ցնա. դո́ւ լուռ լեր, եւ մի́ խաբեր զիս, զի մանկիկն իմ կորեա́ւ։ Եւ ելանէր զօրհանապազ եւ գա́յր ՛ի ճանապարհն ընդ որ գնացինն ՛ի տուէ հաց ո́չ ուտէր, եւ ՛ի գիշերի ո́չ դադարէր ՛ի սգալոյ զտուբիա զորդին իւր, մինչեւ կատարեցան աւուրք չորեքտասան հարսանեացն, զոր երդուաւ հռագուէլ լինել ն(ո)ց(ա) անդ։

Verse: 8  Link to sept   Եւ ասէ տուբիա ցհռագուէլ. արձակեա́ զիս, զի հայր իմ եւ մայր իմ ո́չ եւս ակն ունին տեսանել զիս ՛ի հոգոց։

Verse: 9  Link to sept   Եւ ասէ ցնա աներն իւր. կա́ց մնա դու աստ առիս, եւ ե́ս յղեցից մանկունս առ հայրն քո, եւ նոքա պատմեսցեն նմա վ(ա)ս(ն) քո։

Verse: 10  Link to sept   եւ ասէ տուբիա. ո́չ է այդպէս, այլ արձակեսցես զիս առ հայր իմ։ Եւ յարեաւ հռագուէլ՝ եւ ետ նմա զսառա զկին ն(ո)ր(ա), եւ զկէս ընչից իւրոց, եւ զծառայ եւ զաղախին եւ զանասուն եւ զարծաթ.

Verse: 11  Link to sept   եւ օրհնեաց զն(ո)ս(ա). եւ արձակեաց եւ ասէ՝ յաջողեսցէ́ ձեզ որդեակ իմ տ(է)ր ա(ստուա)ծ երկնից մինչչե́ւ մեռեալ իցեմ ես։

Verse: 12  Link to sept   Եւ ասէ ցդուստրն իւր. պատուեա́ դու որդեակ իմ զսկեսուրն քո, եւ զսկեսրայրն, քանզի արդ նոքա́ են քո հայր եւ մայր, եւ ՛ի բա́ց լեր դու ՛ի բանից ատելու(թ)ե(ան)ց. եւ համբուրեաց զնա։

Verse: 13  Link to sept   Եւ հեդնաս ասէ ցտուբիա. եղբա́յր սիրելի՝ ողջու(թեամ)բ տարցի զքեզ տ(է)ր ՛ի տուն քո. եւ տացէ́ տեսանել ինձ զաւակ ՛ի սառայէ դստերէս իմմէ. զի բերկրեցա́յց ես առաջի տ(եառ)ն. եւ արդ՝ յա́նձն առնեմ զսա քեզ, եւ յա́նձն լիցի. մի́ տրտմեցուցանիցես զսա յետ այսորիկ։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ տուբիա երթայր, եւ օրհնէր զա(ստուա)ծ, զի յաջողեաց նմա զճանապարհն ն(ո)ր(ա). օրհնէ́ր հռագուէլ զկինն իւր, եւ նա երթա́յր ընդ ն(ո)ս(ա) մինչեւ մերձեցան նոքա ՛ի նինուե։

Verse: 2  Link to sept   Եւ ասէ հռափայէլ ցտուբիա. արդ ո՞չ գիտես դու եղբայր՝ ո́րպէս թողեր դու զհայրն քո.

Verse: 3  Link to sept   ե́կ յառա́ջ անցցուք մեք քան զկինդ քո, եւ պատրաստեսցուք մեք զտունն։

Verse: 4  Link to sept   եւ ա́ռ դու ՛ի ձեռն քո զլեղի ձկանն։ եւ գնացին նոքա. եւ եկն շունն զկնի նոցա։

Verse: 5  Link to sept   Եւ աննա՝ նստէ́ր եւ սպասէր ըստ սովորու(թ)ե(ա)ն ճանապարհին որդւոյն իւրոյ։

Verse: 6  Link to sept   եւ ետես նա զնա զի գայր, եւ ասէ՝ ահաւասիկ որդին քո գայ. եւ այրն որ ընկե́րն չոգաւ ընդ նմա։

Verse: 7  Link to sept   Եւ ասէ հռափայէլ. գիտե́մ ես զի բանան աչք հօրն քոյ։

Verse: 8  Link to sept   Արդ օ́ծ շուրջ զաչօքն զլեղիդ, եւ նա կսկծեցուսցէ եւ հանցէ զլուսնն յաչաց նորա, եւ տեսանիցէ։

Verse: 9  Link to sept   Եւ ընթացաւ ընդառաջ աննա, եւ անկաւ ՛ի վ(ե)ր(այ) պարանոցի որդւոյն իւրոյ՝ եւ ասէ ցնա. տեսի՞ ես զքեզ որդեակ իմ, արդ՝ այսուհետեւ անհո́գ մեռանիմ։ եւ լացին երկոքին։

Verse: 10  Link to sept   Եւ տուբիթ ելանէր արտաքոյ առ դրունսն, խարխաբէր գլորէր. որդին ընթացաւ առ նա, եւ յարուցանէր կանգնէր զհայրն իւր։

Verse: 11  Link to sept   Եւ ցանէր նա զլեղին յաչս հօրն իւրոյ, եւ ասէր՝ ժուժեա́ հայրիկ եւ համբերեա́։

Verse: 12  Link to sept   եւ իբրեւ եկաց վայր մի, վաղվաղակի կեղեւեցան եւ անկան լուսունքն յաչաց ն(ո)ր(ա).

Verse: 13  Link to sept   եւ ետես նա զորդին իւր, եւ անկա́ւ նա զպարանոցաւ ն(ո)ր(ա)։

Verse: 14  Link to sept   եւ լայր, եւ ասէր. Օրհնեա́լ ես տ(է)ր ա(ստուա)ծ, եւ օրհնեալ է անուն քո յաւիտեանս։ եւ օրհնեալ են ա(մենայ)ն սուրբք քո հրեշտակք։

Verse: 15  Link to sept   զի խրատեցեր՝ եւ ողորմեցար ինձ, զի տեսանե́մ ես զտուբիա զորդի իմ· Եւ եմո́ւտ որդի նորա ՛ի ներքս խնդութ(եամ)բ, եւ պատմեաց նա հօրն իւրում զմեծամեծսն որ եղեն նմա ՛ի մա́րս։

Verse: 16  Link to sept   Եւ ե́լ տուբիթ ընդառաջ նըւոյն իւրոյ խնդութ(եամ)բ, եւ օրհնէր զա(ստուա)ծ առ դրունսն նինուէի, եւ զարմանային ոյք տեսանէին զնա, զի յընթանալն իւրում տեսանէր։

Verse: 17  Link to sept   Եւ տուբիթ գոհանա́յր առաջի ն(ո)ց(ա), թէ ո՞րպէս ողորմեցաւ ն(ո)ց(ա) ա(ստուա)ծ։ եւ իբրեւ մօտ եղեւ տուբիթ առ հարսնն իւր, օրհնեա́ց զնա եւ ասէ. եկիր ողջութ(եամ)բ դուստր, օրհնեա́լ է ա(ստուա)ծ՝ որ ա́ծդ զքեզ առ մեզ, եւ հա́յրն քո եւ մայրն քո։ եւ եղեւ ուրախութի(ւն) ամենեցուն եղբարցն ն(ո)ր(ա) որք էին ՛ի նինուէի։

Verse: 18  Link to sept   եւ արարին նմա անդ հարսանի́ս աւուրս եւթն։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ կոչեա́ց տուբիթ զտուբիա զորդին իւր՝ եւ ասէ ցնա. տե́ս արդ որդեակ զվարձս ա́ռնդ որ եկն ը(նդ) քեզ. եւ յաւելուլ յայն արժա́ն է։

Verse: 2  Link to sept   Եւ ասէ ցնա՝ հա́յր, ո́չինչ պակասէ́ ինձ եթէ տա́մ դմա զկէ́ս ընչից իմոց զոր բերին.

Verse: 3  Link to sept   զի զիս ած առ քեզ ո́ղջ, եւ զկինն իմ ողջացո́յց, եւ զարծաթն իմ եբե́ր, եւ զքեզ նո́յնպէս ողջացոյց։

Verse: 4  Link to sept   Եւ ասէ ծերն. յիրաւի́ է տալ նմա։

Verse: 5  Link to sept   Եւ կոչեա́ց նա զհրեշտակն՝ եւ ասէ ցնա. ա́ռ դու զկէսս այնր ա(մենայ)նի զոր բերերն։

Verse: 6  Link to sept   Եւ կոչեաց յայնժամ զնոսա զերկոսին՝ եւ ասէ ցն(ո)ս(ա). Օրհնեցէ́ք դուք զա(ստուա)ծ, եւ խոստովա́ն եղերուք դուք նմա. եւ տո́ւք նմա զփառս. եւ խոստովա́ն եղերուք առաջի ա(մենայ)ն կենդանեաց վ(ա)ս(ն) այդր զոր արա́րդ ը(նդ) ձեզ. զի բարի́ է օրհնել զա(ստուա)ծ, եւ բարձրացուցանել զանուն ն(ո)ր(ա). եւ զպատգամս գործո́ց ա(ստուծո)յ՝ պատուով մեծացուցանել, եւ մի́ յապաղէք խոստովա́ն լինել նմա։

Verse: 7  Link to sept   Զխորհուրդ թագաւորի բարւո́ք է ծածկել, այլ զգործս ա(ստուծո)յ յայտնել փառօք։ Զբարիս գործեսջիք, եւ չար ձեզ ո́չ պատահեսցէ։

Verse: 8  Link to sept   Բարի́ են աղօթք՝ պահօք եւ ողորմութ(եամ)բք եւ արդարու(թեամ)բք. բարի́ է սակաւիկ մի արդարու(թեամ)բ, քան զբազում ինչս անիրաւութ(եամ)բ. բարի́ է առնել զողորմութի(ւն)ս՝ քան դնել զգանձս ոսկւոյ.

Verse: 9  Link to sept   զի ողորմութի(ւն) ՛ի մահուանէ փրկէ, եւ նա ինքն սրբէ յա(մենայ)ն մեղաց. որք առնեն զողորմու(թ)ի(ւն)ս եւ զարդարու(թ)ի(ւն)ս՝ լցցի́ն կենօք.

Verse: 10  Link to sept   եւ ոյք մեղանչենն՝ պատերազմօ́ղք են իւրեանց կենացն։

Verse: 11  Link to sept   Արդ՝ ո́չ ծածկեցից ես ՛ի ձէնջ բա́ն մի. զի ասացի́ իսկ եթէ զխորհուրդս արքայի ծածկել բարիոք է, այլ զգործս ա(ստուծո)յ յայտնե́լ փառօք։

Verse: 12  Link to sept   Յորժամ կացեր դու յաղօթս՝ եւ նուն քո սառա, ե́ս մատուցի զյիշատակս աղօթից ձերոց առաջի սրբոյն։ եւ յորժամ թաղէիր դու զմեռեալսն՝ ե́ս ընդ քեզ էի։

Verse: 13  Link to sept   եւ յորժամ ո́չն դանդաղեցար ՛ի յառնելն եւ թողուլ զճաշն քո, զի երթիցես եւ ամփոփիցես զմեռեալն՝ ո́չ մոռացայ զքեզ յորժամ զբարիսն գործէիր. այլ ը(նդ) քե́զ էի։

Verse: 14  Link to sept   Եւ առաքեաց զիս ա(ստուա)ծ բժշկել զքեզ՝ եւ զնուն քո սառա։

Verse: 15  Link to sept   Ե́ս եմ հռափայէլ յեւթա́նց անտի ՛ի սրբոցն հրեշտակաց՝ որք հանեն մատուցանեն զաղօթս սրբոցն, եւ մտանեն առաջի փառաց սրբոյն։

Verse: 16  Link to sept   Եւ խռովեցան երկոքին՝ եւ անկան ՛ի վերայ երեսաց իւրեանց, զի զահի հարան յոյժ։

Verse: 17  Link to sept   Եւ ասէ ցն(ո)ս(ա)՝ մի́ երկնչիք, խաղաղութի(ւն) լիցի ձեզ՝ եւ զա(ստուա)ծ օրհնեցէք.

Verse: 18  Link to sept   զի ո́չ եթէ իմով ինչ շնորհօք եկի ես, այլ կամօք ա(ստուծո)յ ձերոյ եկի. օրհնեցէ́ք զնա յաւիտեան։

Verse: 19  Link to sept   վ(ա)ս(ն) զի զա(մենայ)ն զաւուրսն զոր յայտնէի́ ես ձեզ. ո́չ կերայ եւ ո́չ արբի, այլ իբրեւ տեսիլ տեսանէիք։

Verse: 20  Link to sept   Եւ արդ՝ այժմ խոստովա́ն եղերուք ա(ստուծո)յ ձերում, զի ելանեմ ես առ ա́յն որ առաքեացն զիս։ եւ գրեցէ́ք դուք զայս ա(մենայ)ն որ եղեւս՝ եւ կատարեցաւ։

Verse: 21  Link to sept   եւ գրեցաւ ՛ի գիրսս։ եւ այլ ո́չ եւս տեսին զնա։

Verse: 22  Link to sept   Գոհանային զգործոյն եւ զմեծամեծացն ա(ստուծո)յ, եւ ո́(ր)պ(էս) երեւեցաւ ն(ո)ց(ա) հրեշտակն տ(եառ)ն։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ տուբիթ գրեաց զաղօթս ՛ի ցնծու(թ)ի(ւն)՝ եւ ասէ. Օրհնեալ է ա(ստուա)ծ որ կենդանին է յաւիտեանս՝ եւ արքայութի(ւն) ն(ո)ր(ա).

Verse: 2  Link to sept   զի նա հարկանէ́ եւ ողորմի, իջուցանէ ՛ի դժոխս եւ հանէ. եւ ո́չոք է որ փախչի ՛ի ձեռաց նորա։

Verse: 3  Link to sept   Խոստովա́ն եղերուք նմա որդիք ի(սրաէ)լի առաջի ազգաց.

Verse: 4  Link to sept   զի նա́ ցրուեաց զմեզ անդր ՛ի ն(ո)ս(ա)։ յայտնեցէ́ք զմեծութի(ւն)ս ն(ո)ր(ա), բարձրացուցէ́ք զնա առաջի ա(մենայ)ն կենդանեաց, զի նա́ իսկ է տ(է)ր ա(ստուա)ծ մեր. ա(ստուա)ծ հա́յր մեր մինչեւ յա(մենայ)ն յաւիտեանս։

Verse: 5  Link to sept   եւ տանջեսցէ́ զմեզ յա(մենայ)ն յանիրաւութի(ւն)ս մեր. եւ դարձեալ ողորմեսցի́ մեզ, եւ ժողովեսցէ զմեզ յա(մենայ)ն ազգաց յորս եւ ցրուեցաք ՛ի նա բոլորով սրտիւ ձերով՝ եւ յա(մենայ)ն անձնէ, եւ արասջիք դուք առաջի ն(ո)ր(ա) զճշմարտութի(ւն), յա́յնժամ դարձցի́ նա առ ձեզ. եւ մի́ ծածկեսցէ նա զերեսս իւր ՛ի ձէնջ։

Verse: 6  Link to sept   եւ տեսանիցէ́ք դուք՝ զոր առնիցէն ընդ ձեզ. եւ խոստովան եղիջիք դուք նմա ա(մենայ)ն բերանովք ձերովք. եւ օրհնեցէ́ք զտ(է)ր որ արդարն է, եւ բա́րձր արասջիք զթագաւորն յաւիտենից։

Verse: 7  Link to sept   Եւ ես յերկրի գերու(թ)ե(ան)ս իմում գոհացա́յ զնմանէ, եւ ցուցից զզօրութի(ւն) եւ զմեծու(թ)ի(ւն) ն(ո)ր(ա) ազգա́ց մեղաւորաց։ եւ արդ՝ դարձարո́ւք մեղաւորք՝ եւ արարէ́ք զարդարու(թ)ի(ւն) առաջի նորա. զի ո՞վ գիտէ, հաճեսցի՝ եւ ողորմեսցի́ ձեզ։

Verse: 9  Link to sept   Այլ ես զա(ստուա)ծ իմ օրհնեցի́ց՝ եւ անձն իմ զթագաւորն երկնից, եւ ցնծացա́յց ես ՛ի մեծութե(ան) ն(ո)ր(ա)։

Verse: 10  Link to sept   ասասցե́ն զայս ա(մենայ)ն ազգք, եւ խոստովա́ն եղեն նմա յե(րուսաղէ)մ ՛ի քաղաքն սուրբ.

Verse: 11  Link to sept   եւ խրատեսցէ́ նա զորդիս ժողովրդեան քոյ, եւ դարձցի́ եւ ողորմեսցի́ որդւոցն արդարոց։

Verse: 12  Link to sept   Գոհասցես դու զտ(եառն)է բարերարէ, եւ օրհնեսցե́ս դու զթագաւորն յաւիտենից. զի դարձեալ զխորանն իւր շինեսցէ́ ՛ի քեզ ուրախութ(եամ)բ։

Verse: 13  Link to sept   եւ բերկրեսցին ՛ի քեզ որ գերեալքն են. եւ սիրեսցեն զքեզ որք չուառացեալքն են յա(մենայ)ն ազգսն յաւիտենից։

Verse: 14  Link to sept   Ազգք բազումք ՛ի հեռաստանէ եկեսցեն. յանուն տ(եառ)ն ա(ստուծո)յ բարձեալ բերիցեն զպատարագս իւրեանց ՛ի ձեռս իւրեանց, մատուցանե́լ զայն թագաւորին երկնաւորին. եւ տացեն քեզ զուրախութի(ւն) ազգէ մինչեւ յազգ։

Verse: 16  Link to sept   Եւ անիծեա́լ լիցին ա(մենայ)ն ատելիք քո, եւ եկեսցեն օրհնու(թ)ի(ւն)ք ՛ի վերայ սիրելեաց քոց։

Verse: 17  Link to sept   ցնծա́ եւ ուրա́խ լեր դու ՛ի վ(ե)ր(այ) որդւոցն արդարոց. եւ ժողովեսցի́ն նոքա ՛ի միասին, եւ օրհնեսցե́ն զտ(է)ր արդարութե(ան)ց ՛ի միասին։

Verse: 18  Link to sept   Երանեա́լք իցեն որք սիրեսցեն զքեզ, եւ ցնծասցե́ն նոքա ՛ի խաղաղութե(ան) քում. եւ երանի́ իցէ այնոցիկ որք տրտմեցանն ՛ի վ(ե)ր(այ) բեկման քո, զի անդրէն ՛ի քեզ բերկրեսցին, ՛ի տեսանել ն(ո)ց(ա) զփառսն քո. եւ ուրա́խ լիցին մինչեւ յաւիտեանս։

Verse: 19  Link to sept   Անձն իմ օրհնեսցէ զա(ստուա)ծ զթագաւորն մեծ։

Verse: 21  Link to sept   զի շինեսցի ե(րուսաղ)էմ ՛ի քարանց պատուականաց, ՛ի շափիղայ եւ ՛ի սուտակէ, եւ ա́յլ եւս պատուական քարամբք. պարիսպք քո եւ աշտարակք, մարտկոցքն քո յոսկւոյ սրբոյ։

Verse: 22  Link to sept   եւ ա(մենայ)ն հրապարակքն ե(րուսաղէ)մի բիւրեղ եւ գահանակ եւ սարդիոն ակամբք կազմեսցին։

Verse: 23  Link to sept   Եւ ասասցեն յամենայն փողոցս ե(րուսաղէ)մի. ալէլուիա։ եւ օրհնեսցեն՝ եւ ասիցեն. օրհնեալ է ա(ստուա)ծ որ բարձրացո́յց զամենայն աշխարհս յաւիտեանս։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Եւ իբրեւ դադարեաց տուբիթ յօրհնութե(ա)նէս յայսմանէ։

Verse: 2  Link to sept   եւ էր ինքն ամաց յիսուն եւ ութ՝ յորժամ կացին աչք ն(ո)ր(ա), եւ յետ ամաց ութից՝ բացա́ն միւսանգամ աչք ն(ո)ր(ա)։

Verse: 3  Link to sept   եւ առնէր նա ողորմութի(ւն)ս. եւ յաւե́լ եւս երկնչել ՛ի տ(եառն)է ա(ստուծո)յ, եւ խոստովա́ն լինել նմա։

Verse: 4  Link to sept   Եւ ծերացա́ւ նա յոյժ։

Verse: 5  Link to sept   Կոչեա́ց նա զորդին իւր, եւ զորդի́ որդւոյ իւրոյ՝ եւ ասէ ցնա. որդեակ՝ ա́ռ դու զորդիս քո, զի ահաւասիկ ես ծերացեալ եմ եւ մե́րձ եմ ՛ի մեռանել։ արդ ե́րթ դու յերկիրն մարա́ց որդեակ իմ.

Verse: 6  Link to sept   զի հաւատա́մ ես, ո(ր)պ(էս) եւ խօսեցաւ յունան մարգարէ վ(ա)ս(ն) նինուէի եթէ կործանեսցի́, եւ յերկիրն մարաց եղիցի խաղաղութի(ւն) մինչեւ ՛ի ժամանա́կ մի։ Զի եղբարք մեր ցրուեսցին ՛ի բարի երկրէս, եւ ե(րուսաղ)էմ եղիցի աւերակ եւ անապատ, եւ տունն ա(ստուծո)յ ՛ի նմին հրձի́գ լիցի, եւ յաւե́ր լիցի մինչեւ ՛ի ժամանակս։

Verse: 7  Link to sept   Եւ դարձեալ ողորմեսցի́ ն(ո)ց(ա) ա(ստուա)ծ. եւ դարձուսցէ զնոսա անդրէն յերկիրն, եւ շինեսցեն նոքա զտունն. ո́չ եթէ ըստ օրինակի առաջնոյն՝ մինչեւ լցցին ժամանակք յաւիտենից։ եւ յետ այսորիկ դարձցին ՛ի գերութ(են)է աստի, եւ շինեսցեն զե(րուսաղ)էմ փառօք՝ եւ մեծաւ պատուով եւ տաճարն ա(ստուծո)յ ՛ի նմին շինեսցի́ յա(մենայ)ն ազգս յաւիտենից, շինուա́ծս փառաւորս ո(ր)պ(էս) եւ խօսեցա́ն զնմանէ մարգարէքն։

Verse: 8  Link to sept   Եւ ա(մենայ)ն հեթանոսք դարձցին ճշմարտութ(եամ)բ երկնչե́լ ՛ի տ(եառն)է ա(ստուծո)յ. եւ կործանեսցեն եւ ՛ի բա́ց մերժեսցեն զկուռս իւրեանց.

Verse: 9  Link to sept   եւ օրհնեսցեն ա(մենայ)ն հեթանոսք զտ(է)ր, եւ ժողովուրդն խոստովան լիցի առ ա(ստուա)ծ իւր։ Եւ բարձրացուսցէ́ տ(է)ր զժողովուրդն իւր. եւ ցնծասցեն ամենեքեան ոյք սիրեն զտ(է)ր ա(ստուա)ծ ճշմարտութ(եամ)բ եւ արդարու(թեամ)բ. եւ արասջի́ք դուք ողորմութի(ւն) հարց ձերոց։

Verse: 10  Link to sept   Եւ արդ՝ որդեակ իմ, գնա́ դու աստի. զի լինելո́վ լինի զոր ասաց մարգարէն յունան։

Verse: 11  Link to sept   Այլ դու պահեսցե́ս զօրէնս եւ զհրամանս. եւ լե́ր դու ողորմած եւ արդար, զի բարի́ լինիցի քեզ։

Verse: 12  Link to sept   եւ թաղեսցես զիս՝ եւ զմայր քո ընդիս, եւ մի́ եւս հանգիցես դու ՛ի նինուէ։ Որդեա́կ իմ, տե́ս դու ո́րպէս արար ադամ աքիաքարայ որ սնո́յց զնա, ո́րպէս ՛ի լուսոյ տարաւ զնա ՛ի խաւար, ո́րչափ չա́ր անցոյց ընդ նա։ այլ աքիաքարոս ապրեցա́ւ, եւ նմա́ հատուցումն անդրէն հատուցաւ, եւ էջ նա փոխանակ ն(ո)ր(ա) ՛ի խաւարն։ եւ մանասէ արա́ր զողորմութի(ւն)ս, եւ ապրեցաւ յաւուր մահու՝ զոր թաքոյցն նմա. եւ ադամ անկաւ յորոգայթ՝ եւ կորեաւ։

Verse: 13  Link to sept   Եւ արդ դու որդեակ իմ, տե́ս, որպիսի́ առնէ ողորմութի(ւն), կամ ո́րպէս փրկէ արդարու(թ)ի(ւն)։ Եւ իբրեւ զայս ասաց, կատարեաց զհոգին ՛ի վ(ե)ր(այ) մահճացն. զի էր նա ամաց հարիւր եւ յիսուն։ եւ թաղեաց զնա որդին իւր լի փառօք՝ եւ բարի́ վախճանաւ։

Verse: 14  Link to sept   եւ յորժամ մեռաւ աննա՝ թաղեաց եւ զնա առ հօրն իւրում։ Եւ գնա́ց տուբիա կնաւ իւրով՝ եւ որդւովք իւրովք հանդերձ յեկբատանս մարաց՝ առ հռագուէլ աներ իւր։

Verse: 15  Link to sept   Եւ ծերացաւ նա պատուով մեծաւ. եւ թաղեա́ց նա զաներն իւր՝ եւ զզոքանչն, փառօք եւ պատուով. եւ ժառանգեաց զտունն նոցա, եւ զտունն տուբիթայ հօրն իւրոյ։

Verse: 16  Link to sept   Եւ մեռաւ նա ամաց հարիւր եւ քսան եւ եւթն, յեկբատանս մարաց։

Verse: 17  Link to sept   եւ մինչչե́ւ մեռեալ էր նա, լուաւ ինքն զկործանմանէն նինուէի՝ զոր գերեաց նաբուքոդոնոսոր ասուերոսն։ եւ ուրա́խ եղեւ տուբիա՝ մինչչե́ւ մեռեալ էր նա, ՛ի վերայ նինուէի. փա́ռս ետ գոհանալով զա(ստուծո)յ. որում փա́ռք յաւիտեանս յաւիտենից։ ամէն։





Book: Macc.I 
Maccabaeorum I

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 8.11.2005

ԳԻՐՔ ԱՌԱՋԻՆ ՄԱԿԱԲԱՅԵՑՒՈՑ

Chapter: 1 
ԳԼ(ՈՒԽ) Ա՜.


Verse: 1  Link to sept   ԵՒ ՅԵՏ ՀԱՐՈՒԱԾՈՑՆ աղեքսանդրի կայսեր մակեդոնացւոց որդւոյ փիլիպպեայ. որ խաղա́ց գնաց նա յերկրէն քետիմացւոց, ՛ի ժամանակի զի հարկանէր զդարեհ արքայ զպարսից եւ զպարթեւաց. եւ որ թագաւորեաց իսկ յետ ն(ո)ր(ա), ՛ի վերայ յունաց աշխարհին եւ հռոմոց։

Verse: 2  Link to sept   Եւ զօրաժողո́վ լինէր մեծա́ւ պատերազմաւ, զամուրս հարկանէր, զբազումս թագաւորս ՛ի սո́ւր սուսերի իւրոյ սատակէր.

Verse: 3  Link to sept   առնո́յր զօր բազում ազգաց ազգաց հեթանոսաց. եւ սարսէր երկիրս ա(մենայ)ն առաջի ն(ո)ր(ա)։

Verse: 4  Link to sept   Զօրաժողո́վ լինէր զօրօք բազմօք, եւ հասանէր ՛ի վ(ե)ր(այ) երկրի, յա(մենայ)ն պետու(թ)ե(ան)ցն զօրութե(ան)ց,

Verse: 5  Link to sept   եւ զաշխարհս ա(մենայ)ն ՛ի հարկի́ կացուցանէր։

Verse: 6  Link to sept   Եւ յետ այսր անկանէր ՛ի մահիճս իւր եւ զա́խտս մահու ջերանէր։ եւ իբրեւ ետես թէ մեռանիմ,

Verse: 7  Link to sept   կոչեա́ց նա զծառայսն դայեկորդիսն իւր, զչորեսին փառաւորեալս ՛ի նմանէ, որ ընդ նմա́ իսկ սնեալ էին ՛ի մանկութ(են)է. եւ բաժանեաց եւ ետ ն(ո)ց(ա) զարքայութի(ւն)ն իւր, մինչդեռ ինքն կենդանի́ էր։

Verse: 8  Link to sept   եւ թագաւորեա́ց աղէքսանդրոս ամս երկոտասան՝ եւ մեռաւ։

Verse: 9  Link to sept   Յետ ն(ո)ր(ա) զատեալ հաստատեցան կացին յիւրաքանչիւր տէրութե(ան) դայեկորդիքն իւր,

Verse: 10  Link to sept   թա́գ կապեցին իւրաքանչիւր յետ մահուան ն(ո)ր(ա). եւ որդիք ն(ո)ց(ա) յետ ն(ո)ց(ա)՝ ամս բազումս. բազմացուցին զանօրէնու(թ)ի(ւն)ս, եւ լցի́ն զերկիր չարեօք իւրեանց։

Verse: 11  Link to sept   ՛Ի նոցանէ բղխէր արմատ չարի, շառաւի́ղ դառնութե(ան) անօրէնն անտիոք, որդի անտիոքայ արքայի, որ էր մնացեալ ՛ի պատա́նդս ՛ի հռոմ քաղաքի։ եւ թագաւորեաց նա յամին հարիւրորդի երեսներորդի եւթներորդի թագաւորութե(ա)ն յունաց։

Verse: 12  Link to sept   Յաւուրս ժամանակացն այնոցիկ, ելի́ն զատա́ն յորդւոցն ի(սրաէ)լի ա́րք անօրէնք, ՛ի բանս պատիրս՝ ՛ի բա́նս հրապուրանաց արկի́ն զբազումս՝ եւ ասեն. եկայք՝ երթիցո́ւք ո́ւխտ դիցուք եւ դաշինս կռեսցուք՝ ընդ ա(մենայ)ն ազգս հեթանոսաց՝ որ շուրջ զմեւքդ բնակեալ են. զի յաւուրցն ժամանակաց հետէ՝ յորմէ անջատաք մեկնեցաք մեք ՛ի նոցանէ, չարիք բազումք կարեւորք եկի́ն հասին ՛ի վերայ մեր։

Verse: 13  Link to sept   հաճօ́յ թուեցաւ բանն ՛ի միտս բազմաց,

Verse: 14  Link to sept   յօժարեցին ոմանք ՛ի ժողովրդենէ անտի երթալ յանդիմա́ն լինել թագաւորին։ Եւ ե́տ ն(ո)ց(ա) իշխանու(թ)ի(ւն) թագաւորն՝ գործել զա(մենայ)ն իրաւունս ը(ս)տ օրինա́ցն հեթանոսաց։

Verse: 15  Link to sept   Եւ շինեցին հրապարակս մեհենիցն յե(րուսաղէ)մ ըստ օրինացն հեթանոսաց.

Verse: 16  Link to sept   եւ հաստատեցին իւրեանց օրէնս անթլփատու(թ)ե(ան), եւ ապստա́մբ եղեն յուխտէ կտակարանացն սրբութե(ան). զուգեցա́ն ընդ հեթանոսս, յօժարեցին կանխեցին առնել զչարիս։

Verse: 17  Link to sept   Եւ իբրեւ աջողեցաւ թագաւորութի(ւն)ն առաջի անտիոքայ, ե́դ ՛ի մտի իւրում նա՝ թագաւորել եւ ՛ի վերայ երկրին եգիպտացւոց՝ միաբանել զերկոսին թագաւորութի(ւն)սն։

Verse: 18  Link to sept   Դիմեա́ց խաղա́ց գնա́ց նա ՛ի վերայ երկրին եգիպտացւոց զօրօք բազմօք՝ կառօք եւ փղօք, եւ նաւուք բազմօք,

Verse: 19  Link to sept   տա́լ պատերազմ ընդ պտղոմեայ թագաւորին եգիպտացւոց։ ՛ի պարտութ(իւն)ի́ մատնեցաւ պտղոմէոս յերեսաց նորա, եւ փախստակա́ն լինէր առաջի ն(ո)ր(ա)։ Յա́յնմ մարտի բազում վիրաւորք անկանէին։

Verse: 20  Link to sept   ասպատա́կ սփռեր ընդ աշխարհն ա(մենայ)ն անտիոքոս. վա́ղ հասանէին, արագարա́գ զաւարն ժողովէին, եւ առնուին զամուրս ա(մենայ)ն երկրին եգիպտացւոց։

Verse: 21  Link to sept   Եւ յետ հարուածոց եգիպտացւոցն դարձաւ անտիոքոս։ Յամին հարիւրորդի քառասներորդի երրորդի

Verse: 22  Link to sept   եկն եհաս ՛ի վերայ քաղաքին ե(րուսաղ)էմացւոց մեծա́ւ պատերազմաւ։

Verse: 23  Link to sept   եւ եկն եմուտ ՛ի սրբու(թ)ի(ւն) անդր մեծաւ հպարտութ(եամ)բ. եւ ա́ռ նա զսեղանն ոսկի, եւ զաշտանակն լուսոյ, եւ զա(մենայ)ն կա́հ գանձին. զսեղանն պատարագաց, զսկիհսն, եւ զտաշտսն, եւ զխնկաղացսն, եւ զվարագոյրսն ա(մենայ)ն. զպսակսն, եւ զզարդն ոսկի։

Verse: 24  Link to sept   Եւ զառաջինն դիմեաց յանդիման տաճարին. կեղեւեաց ձուլեաց զա(մենայ)ն. եւ ա́ռ նա զարծաթն եւ զոսկին, զզէնն եւ զզարդն, եւ զա(մենայ)ն զկահն պատերազմին. եւ ա́ռ նա զգանձս ծածկեալս զոր եգիտ, եւ զա(մենայ)ն անօթ ցանկալի. եւ գնաց նա յերկիր իւր։

Verse: 25  Link to sept   Եհեղ արիւն բազում, եւ գործեաց մահուանս անհամարս. խօսեցաւ զամբարտաւանութի(ւն) մեծա́ւ հպարտութ(եամ)բ։

Verse: 26  Link to sept   Եւ եղեւ սո́ւգ մեծ ՛ի վերայ ի(սրաէ)լի. ընդ ա(մենայ)ն տեղիս իւրեանց

Verse: 27  Link to sept   հեծեցին իշխանք եւ ծերք. կուսանք եւ երիտասարդք տկարացան. եղծա́ւ գեղ կանանց.

Verse: 28  Link to sept   եւ ա(մենայ)ն փեսայից լի́ եղեն բերանք ողբոց լալու(թ)ե(ան). եւ ա(մենայ)ն հարսանց եղեն արգելանք սգոյ սրսկապանք իւրեանց.

Verse: 29  Link to sept   եւ շարժեցաւ երկիր ՛ի վերայ բնակչաց իւրոց. եւ ա(մենայ)ն տունն յակոբայ զգեցաւ զամօթ զանարգանաց։

Verse: 30  Link to sept   Զհետ երկուց ամաց ժամանակացն այնոցիկ, արձակեա́ց արքայ անտիոքոս իշխա́ն հարկահա́ն ՛ի քաղաքսն հրէաստանի, եւ եկն յե(րուսաղէ)մ զօրօք բազմօք,

Verse: 31  Link to sept   խօսե́լ սկսաւ բանիւք խաղաղութե(ան) նենգու(թեամ)բ. եւ նոքա հաւատացին նմա։

Verse: 32  Link to sept   Եւ անկա́ւ նա ՛ի վ(ե)ր(այ) քաղաքին յանկարծակի, եւ հար զնոսա հարուածս մեծամեծս. եւ սատակեա́ց ժողովս բազումս յի(սրաէ)լէ։

Verse: 33  Link to sept   եւ ա́ռ նա զաւար քաղաքին, եւ հրձի́գ արար զա(մենայ)ն փայտակերտ զապարանից ն(ո)ր(ա). քակեաց եւ աւերեաց շուրջ զպարիսպս քաղաքին, եւ զա(մենայ)ն զորմս շինուածոց զապարանի́ց ն(ո)ր(ա)։

Verse: 34  Link to sept   ՛ի գերութի(ւն) վարեցին զկանայս եւ զմանկունս, եւ զա(մենայ)ն անասունս ն(ո)ց(ա) ՛ի ժառանգութի(ւն) իւրեանց։

Verse: 35  Link to sept   Եւ շինեցին զամրակողմնն զգլո́ւխ քաղաքին ՛ի պարիսպս ամուր, յաշտարակս հզօրաց. եւ եղեւ ն(ո)ց(ա) այն իբրեւ բե́րդ ՛ի բերդի ամրացեալ քաղաքին։

Verse: 36  Link to sept   եւ անդր մուծին ազգ մեղաւոր զարս անօրէնս, ամրացուցին լցին զինու. հանդերձեցին լցին համբարօք, եւ զա(մենայ)ն զօրն ե(րուսաղէ)մի

Verse: 37  Link to sept   ՛ի նե́րքս կուտեցին. եւ եղեն յորոգայթ մեծ,

Verse: 38  Link to sept   եւ ՛ի խափան սրբու(թ)ե(ա)ն եւ ՛ի սատանայ չա́ր տանն ի(սրաէ)լի հանապազորդ։

Verse: 39  Link to sept   եւ հեղին զարիւն զարդար շուրջ զսրբութ(եամ)բն, եւ պղծեցին զսրբութի(ւն)սն։

Verse: 40  Link to sept   Փախստեա́յ գնացին այնուհետեւ բնակիչքն ե(րուսաղէ)մի վ(ա)ս(ն) ն(ո)ց(ա). եւ եղեւ նա բնակութի(ւն) օտարաց, եւ ինքն օտարացաւ ՛ի զաւակէ յիւրոց ծննդոց. զի որդիք ն(ո)ր(ա) թողին զնա.

Verse: 41  Link to sept   եւ սրբութի(ւն) ն(ո)ր(ա) աւերեցաւ եւ եղեւ յանապատ։ դարձա́ն տօնք տարեկանաց ն(ո)ր(ա) ՛ի սուգ, եւ շաբաթք ն(ո)ր(ա) յամօթ նախատանաց. պատի́ւ ն(ո)ր(ա) անարգեցաւ,

Verse: 42  Link to sept   եւ փառք ն(ո)ր(ա) լցա́ն անարգանօք. եւ բարձրու(թ)ի(ւն) ն(ո)ր(ա) ՛ի սո́ւգ կործանեցաւ։

Verse: 43  Link to sept   Ընդ ա(մենայ)ն աշխարհս հրովարտակք արձակեցան, զի թողցեն ա(մենայ)ն բնակիչք երկրի զօրէնս իւրաքանչիւր, եւ ՛ի մի օրէնս ն(ո)ր(ա) կացցեն։

Verse: 44  Link to sept   Յա́նձն առին ազգք ա(մենայ)ն, ըստ հրամանին արքունի։

Verse: 45  Link to sept   եւ բազումք եւս յի(սրա)էլացւոց անտի դարձա́ն ՛ի պաշտօնն անօրէնութե(ան), եւ զոհեցին կռոց ն(ո)ց(ա), եւ պղծեցին զշաբաթս իւրեանց։

Verse: 46  Link to sept   Հրեշտակս արձակեաց թագաւորն հրովարտակօք հանդերձ յե(րուսաղէ)մ, ՛ի քաղաքսն հրէաստանի՝ դարձուցանել զն(ո)ս(ա) յօրէնս օտարոտիս.

Verse: 47  Link to sept   եւ խափա́ն առնել ողջակիզացն պատարագաց, եւ զոհիցն սրբութե(ան).

Verse: 48  Link to sept   պղծե́լ զշաբաթս՝ եւ զտօնս տարեկանաց.

Verse: 49  Link to sept   եւ ապականել զսրբու(թ)ի(ւն)ն. եւ նուիրեալ

Verse: 50  Link to sept   սեղանս կանգնել. երեւեցուցանել անդս մեհենից, յաղել զխոզս, եւ խառնա́կ զանասունս։

Verse: 51  Link to sept   եւ թողուլ զորդիս ն(ո)ց(ա) անթլփատս. պղծե́լ զանձինս ն(ո)ց(ա) յա(մենայ)ն պղծութի(ւն) անօրէնութե(ան). զի մոռասցին ամենեւին զօրէնս, եւ փոխեսցեն զիրաւունս։

Verse: 52  Link to sept   եւ որ ո́չ կացցէ ՛ի հրամանի թագաւորին, մահո́ւ մեռցի։

Verse: 53  Link to sept   Ըստ ա(մենայ)ն բանի զոր գրեաց թագաւորն՝ արար ոստիկանս ըստ ա(մենայ)ն տեղիս։

Verse: 54  Link to sept   եւ պատուէ́ր ետ քաղաքացն հրէաստանի մատուցանե́լ զոհս քաղաքի քաղաքի։

Verse: 55  Link to sept   Եւ ժողովեցան առ ն(ո)ս(ա) այր ա(մենայ)ն որ ապստամբ լեալ էր յօրինաց անտի, եւ լցին չարեօք զերկիրն.

Verse: 56  Link to sept   եւ արարին ամրախիտ զի(սրա)էլ յա(մենայ)ն տեղիս ամրու(թ)ե(ան) ապաստանաց ն(ո)ց(ա)։

Verse: 57  Link to sept   Յամին հարիւորդի քառասերորդի հինգերորդի, ամսեանն որ օր քսան եւ հինգ էր ամսոյն. շինեա́ց նա պատկեր պղծութե(ան) անապատի ՛ի վ(ե)ր(այ) սեղանոյն.

Verse: 58  Link to sept   ընդ ա(մենայ)ն հրէաստան շուրջ զքաղաքօք շինեցին մեհեանս, եւ ՛ի վ(ե)ր(այ) ա(մենայ)ն դրանց ապարանիցն, եւ ընդ ա(մենայ)ն գնացս քաղաքացն՝ խո́ւնկս արկանէին։

Verse: 59  Link to sept   Եւ զգիրս ա(մենայ)ն կտակարանացն զոր գտանէին, պատառէին եւ հուրբ կիզուին։

Verse: 60  Link to sept   եւ ուր առ ումեք գտանէին գիրք կտակարանաց, կամ թէ ոք ուրեք ընդ օրէնս հաւասարէր, հրաման թագաւորին զնա մահո́ւ սպանանէր։

Verse: 61  Link to sept   Եւ ա́յդպէս սաստկացեալ էր հրամանն ՛ի վ(ե)ր(այ) ի(սրա)էլացւոց, առնել ն(ո)ց(ա) զոր գտանէին ամսոյ ամսոյ ՛ի մէջ քաղաքացն։

Verse: 62  Link to sept   Եւ ըստ քսան եւ հինգ եւ քսան եւ հինգ ամսոյ զո́հս ՛ի բագինս բագինս մատուցանէին, որ է ՛ի վերայ սեղանոյն։

Verse: 63  Link to sept   Եւ զկանայսն որոց զմանկունսն իւրեանց թլփատեալ էր՝ սպանանէին ը(ս)տ հրամանին.

Verse: 64  Link to sept   եւ զմանկունսն զպարանոցէ մարցն կախէին ըստ հրամանին արքունի, եւ զթլփատիչսն եւ զորդիս ն(ո)ց(ա) ըստ նմի́ն օրինակի։

Verse: 65  Link to sept   Եւ բազումք յե(րուսաղէ)մացւոցն հաստատեցան պնդեցին զանձինս իւրեանց՝ զի մի́ կերիցեն ՛ի պղծու(թեն)է անտի. յա́նձն առին յօժարութ(եամ)բ մեռանել, եւ ո́չ պղծել զանձինս իւրեանց ՛ի խառնա́կ կերակրոյ անտի.

Verse: 66  Link to sept   զի մի́ սուրբ կտակարանքն պղծիցին։ եւ մեռան բազումք ՛ի նոցանէ։

Verse: 67  Link to sept   եւ եղեւ տօ́ն ուրախութե(ան) ՛ի վերայ ի(սրաէ)լի մե́ծ յոյժ։



Chapter: 2 
ԳԼ(ՈՒԽ) Բ՜.


Verse: 1  Link to sept   Յաւուրս ժամանակացն այնոցիկ համբարձա́ւ մատաթի շմաւոնեան որդի յովհաննու, քահանայ յորդւոցն յովարիմ յե(րուսաղէ)մէ, եկն եւ նստաւ նա յամուրս այրիցն ՛ի մովդիիմ։

Verse: 2  Link to sept   Եւ ն(ո)ր(ա) էին որդիք հինգ. յովհաննէս՝ որ անուանեալ կոչի կադդիշ։

Verse: 3  Link to sept   Շմաւոն՝ որ անուանեալ թարսսի։

Verse: 4  Link to sept   Յուդաս՝ որ անուանեալ է մակաբէ։

Verse: 5  Link to sept   Եղիազար՝ որ անուանեալ է աւարան։ Յովնաթան՝ որ կոչեցաւ սափութ։

Verse: 6  Link to sept   Եւ իբրեւ ետես նա զհայհոյու(թ)ի(ւն)սն որ լինէին ՛ի հրէաստանի եւ ՛ի մէջ ե(րուսաղէ)մի.

Verse: 7  Link to sept   սկսաւ ողբալ յանձն իւր՝ եւ ասէ. վա́յ ինձ. իսկ ընդէ՞ր պատրաստեցաւ բնաւ տեսանել ինձ զբեկումն ժողովրդեան իմոյ, եւ կամ տեսանել զբեկումն սրբոյ քաղաքին ե(րուսաղէ)մի. զի կա́ց մնա́ց նա մատնեալ ՛ի ձեռս թշնամեաց իւրոց։

Verse: 8  Link to sept   եւ սրբութի(ւն)ն մատնեցաւ ՛ի ձեռս օտարաց։ եւ եղեւ տաճարն իբրեւ ա́յր մի զի անկեալ ՛ի փառաց.

Verse: 9  Link to sept   եւ սպաս փառաց ն(ո)ր(ա) իբրեւ մարդ՝ որ մատնեցաւ ՛ի գերութի(ւն)։ Կոտորեցան տղայք ն(ո)ր(ա) ՛ի փողոցս իւրում, եւ երիտասարդք ն(ո)ր(ա) ՛ի սուր թշնամեաց։

Verse: 10  Link to sept   Իսկ ո՞ր ազդ իցէ որ ո́չ ժառանգեաց զտէրութի(ւն) ն(ո)ր(ա). եւ կամ ո՞վ ոցէ՝ որ ոչ հար աւար զկապուտ ն(ո)ր(ա), եւ ոչ յաղթիցին աւարի ն(ո)ր(ա)։

Verse: 11  Link to sept   Ամենայն զարդք ն(ո)ր(ա) զերծաւ ՛ի նմանէ. փոխանակ ազատութե(ա)ն՝ մատնեցաւ ՛ի ստրկու(թ)ի(ւն)։

Verse: 12  Link to sept   եւ ա(մենայ)ն գեղ զարդուն մերոյ, եւ սրբութի(ւն)ն մեր, եւ փառքն մեր յաւա́ր կործանեցան։ եւ զայս ա(մենայ)ն պղծեցին հեթանոսք։

Verse: 13  Link to sept   եւ զի՞ պիտոյ են բնաւ մեզ այս կեանք։

Verse: 14  Link to sept   Յա́յնմ ժամանակի մատաթի եւ որդիքն ձեռն զօձեօք արկանէին եւ զպատմուճանս պատառէին, քրձազգա́ծ լինէին, եւ ՛ի սո́ւգ մտանէին։

Verse: 15  Link to sept   Եկի́ն հասին ՛ի թագաւորէ անտի՝ որ ստիպաւ տագնապէին զապըստամբութի(ւն)ն. եւ եկին ՛ի քաղաքն ՛ի մովդիիմ, զի անդ զոհս մատուսցեն։

Verse: 16  Link to sept   եւ բազումք յի(սրա)էլացւոց անտի ընդ ն(ո)ս(ա). եկի́ն ժողովեցան առ ն(ո)ս(ա)՝ եւ մատաթի եւ որդիքն։

Verse: 17  Link to sept   Հա́պա, խօսել սկսան որ եկեալ էին ՛ի թագաւորէ անտի, եւ ասեն ցմատաթի. իշխան փառաւո́ր ես դու՝ եւ մե́ծ ես դու ՛ի քաղաքիս յայսմիկ. որդւովք եւ եղբարբք հաստատեալ դու ՛ի մէջ սոցա։

Verse: 18  Link to sept   Արդ մատի́ր նախ՝ դո́ւ արա́ զհրաման կամաց թագաւորին, որպէս եւ արարին զագքն ա(մենայ)ն արք հրէաստանեայք, եւ ա(մենայ)ն որ բնակեալ են յե(րուսաղէ)մ. եւ եղիջի́ք դուք բարեկամք արքայի, եւ դու՝ եւ որդիքդ պատուեսջիք ոսկւով եւ արծաթով, եւ հրովարտակօք արքունի։

Verse: 19  Link to sept   Պատասխանի́ ետ մատաթի ՛ի ձայն մեծ եւ ասէ. եթէ ա(մենայ)ն ազինք ՛ի տա́ն թագաւորին ունկնդիր են հրամանաց թագաւորին, ապստամբեալ եւ ելեալ են յիւրաքանչիւր հա́րցն օրինաց, եւ ընտրեցին նոքա զպատուէրն թագաւորին։

Verse: 20  Link to sept   Սակայն ե́ս եւ որդիք եւ եղբարք իմ ը(ս)տ պատուիրանա́ց հարցն մերոց գնասցուք։

Verse: 21  Link to sept   քա́ւ լիցի մեզ թողուլ զօրէնս եւ զիրաւունս ա(ստուծո)յ,

Verse: 22  Link to sept   եւ ՛ի հրամանս դառնալ թագաւորի։ ո́չ թողումք զպաշտօն հարցն. ո́չ թիւրիմք յա́ջ կամ յահեակ. եւ ո́չ անսամք հրամանի թագաւորին։

Verse: 23  Link to sept   Ա́յն ինչ ն(ո)ր(ա) բանքն ՛ի բերան էին, ա́յր մի ՛ի հրէից անտի՝ յանդիման ամենեցուն յառա́ջ կաց զո́հս մատուցանել առաջի մեհինին ՛ի բագնի անդ ՛ի մովդիիմ, ըստ հրամանի թագաւորին։

Verse: 24  Link to sept   Իբրեւ ետես մատաթի՝ ՛ի նախանձ բարկութե(ան) բրդեցաւ, երիկամունք իւր զդողանի́ հարան, եւ լի́ եղեւ սրտմտու(թեամ)բ բարկու(թեամ)բ ը(ս)տ օրինաց դատաստանին. զո́տս արձակեաց՝ հար զհրեայն եւ անդէն սատակեաց առաջի բագնին։

Verse: 25  Link to sept   Եւ զա́յրն որ արքունի հրամանաւն պագնապէր զզոհսն մատուցանել, անդէ́ն սպանանէր, զբագինն կործանէր զմեհեանն աւերէր,

Verse: 26  Link to sept   խնդրէր զնախանձն օրինաց. ո(ր)պ(էս) արար փանէէս ընդ զամբրի ընդ որդին եդոմայ։

Verse: 27  Link to sept   ՛Ի ձա́յն բարձր աղաղակել սկսաւ՝ եւ ասել. հա́պա՝ ա(մենայ)ն մարդ որ դիցէ ՛ի մտի իւրում խնդրել զնախանձ վրիժուց օրինացն. որ ընդ հաստատու(թ)ի(ւն) կամիցի օրինացն՝ զհե́տ իմ ելցէ։

Verse: 28  Link to sept   Խաղացին փախստեա́յ գնացին, նա́ եւ եղբա́րք իւր ընդ լերինս, եւ թողին զա(մենայ)ն զինչս իւրեանց անդէն ՛ի քաղաքի։

Verse: 29  Link to sept   Յայնմ ժամանակի իջին բազումք որք խնդրէին զիրաւունս եւ զարդարու(թ)ի(ւն) յանապա́տ անդր,

Verse: 30  Link to sept   նստել անդ կանամբք եւ որդւովք եւ անասնովք հանդերձ. զի խոստացան չարիքն ՛ի վ(ե)ր(այ) ն(ո)ց(ա)։

Verse: 31  Link to sept   Ա́զդ եղեւ իշխանաց թագաւորին եւ զօրաց որ եին ՛ի քաղաքին դաւթի, եթէ իջին արք ոմանք յամուրս անապատի որ իշխեցին ցրել զհրաման թագաւորին, եւ բազումք միաբանեալ իջին ընդ ն(ո)ս(ա)։

Verse: 32  Link to sept   Ժա́մ ետուն, կազմեցան, պատրաստեցան, հեծան, հասին, պատեցին զամուրս անապատին. եկին ՛ի մա́րտ պատերազմի, եւ փակեցին զն(ո)ս(ա) յաւուրս շաբաթուց։

Verse: 33  Link to sept   Նախ բանագնաց եղեն, սկսան խօսել ընդ ն(ո)ս(ա)՝ եւ ասեն. գոնէ արդ յայսմհետէ կացէ́ք ՛ի հրամանի թագաւորին, եւ կեցջիք։

Verse: 34  Link to sept   Անդուստ խօսել սկսան եւ ասեն. ո́չ ըստ ամուրս ելանեմք. ո́չ ըստ այդմ բանի հրամանի թագաւորին պղծեմք զշաբաթս մեր. եւ ո́չ անօրինիմք յօրէնս մեր։

Verse: 35  Link to sept   Իբրեւ զայն բան լուան, սաստկացուցի́ն զպատերազմ առաւե́լ ՛ի վերայ ն(ո)ց(ա), եւ պնդեցին զամուրսն յառնուլ զն(ո)ս(ա)։

Verse: 36  Link to sept   Նոքա ո́չ զկիրճս առին, ո́չ գիլս արձակեցին, ո́չ զամուրսն փակեցին, եւ ո́չ բնաւ բանիցն ետուն պատասխանի, վ(ա)ս(ն) աւուրն շաբաթուն.

Verse: 37  Link to sept   բայց միայն լո́կ զմիմեանս քաջալերէին։ ասէ, աստէ́ն մեռցուք ՛ի սրտմտու(թ)ե(ան) մերում. զի ա́ւադիկ վկա́յ են մեզ երկինք եւ երկիր, զի ՛ի զո́ւր տարապարտուց կորուսանէք զմեզ. այլ մեզ լա́ւ լիցի մեռանել, քան թէ ըստ օրէնս անցանիցեմք, եւ զշաբաթս պղծիցեմք։

Verse: 38  Link to sept   Իբրեւ զայն լուան, սաստկացուցին զպատերազմ յաւուրն շաբաթու, եւ սպանին ՛ի ն(ո)ց(ա)նէ հազար ոգի, թո́ղ զմարդ եւ զանասուն զոր ՛ի գերութե(ան) վարեցին։

Verse: 39  Link to sept   Իբրեւ զայն լուան մատաթի եւ եղբարքն իւր, սուգ մե́ծ առին եւ տրտմեցան յոյժ։

Verse: 40  Link to sept   սկսան խօսել ա́յր ընդ ընկերի՝ եւ ասեն. եթէ ամենեքին զա́յն օրինակ ունիմք զոր արարին եղբարքն մեր, եւ ո́չ ելին տալ պատերազմ ը(նդ) հեթանոսս ՛ի վ(ե)ր(այ) անձանց՝ եւ ՛ի վ(ե)ր(այ) իրաւանց մերոց, քան սակաւ ինչ ժամանակ անցեալ իցէ, զմեզ արագագոյն եւս սատակեսցեն քան զառաջինսն։

Verse: 41  Link to sept   Հա́պա, ժողովեցան, ուխտ եդին, խորհուրդ խորհեցան ը(նդ) միմեանս՝ եւ ասեն. ա(մենայ)ն մարդ որ եկեսցէ ՛ի վ(ե)ր(այ) մեր ՛ի մարտ պատերազմի յաւուրս շաբաթու, համարձա́կ մարտիցուք եւ մի́ առհասարակ ամենեքեան սատակեսցուք, որպէս եւ եղբարքն մեր որ ապրեալ էին յանապատի անդ։

Verse: 42  Link to sept   Յայնմժամանակի ժողով լինէր առ ն(ո)ս(ա) բազում զօրաց ասիտացւոց, ազգ հզօր եւ պատերազմօղ յորդւոցն ի(սրաէ)լի. այր ա(մենայ)ն ինքնակամ նահատակեա́լ ՛ի վ(ե)ր(այ) օրինացն։

Verse: 43  Link to sept   եւ ա(մենայ)ն փախստեայք յիւրաքանչիւր չարեաց՝ գային յաւելուին ՛ի ն(ո)ս(ա). եւ լինէր ն(ո)ց(ա) հաստատութի(ւն) զօրութե(ան)։

Verse: 44  Link to sept   Զօր կազմեցին եւ գո́ւնդ բովանդակեցին, պատրաստեցան, հարին զմեղաւորս ՛ի զօրութի(ւն) բարկու(թ)ե(ան) իւրեանց, եւ զզօրս անօրէնս ՛ի սրտմտութի(ւն) բարկու(թ)ե(ան) իւրեանց. եւ որ զմնացեալսն փախստեայս ՛ի հեթանոսս արկանէին.

Verse: 45  Link to sept   զհե́տ խաղայր մատաթի եղբարքն եւ բարեկամօքն հանդերձ, հասանէր հարկանէր աւերէր զմեհեանսն, կործանէր զբագինսն,

Verse: 46  Link to sept   թլփատէր զմանկունս անթլփատս. եւ զօրանա́յր ՛ի վ(ե)ր(այ) սահմանացն ի(սրա)էլացւոց,

Verse: 47  Link to sept   հալածակա́նս առնէր զորդիսն հպարտու(թ)ե(ան)։ Եւ աջողեցաւ գործն ՛ի ձեռս ն(ո)ց(ա),

Verse: 48  Link to sept   այցելու լինել օրինացն, վրէժխնդի́ր լինել ՛ի ձեռացն հեթանոսաց, եղծանել զանօրէն հրաման թագաւորին. եւ ո́չ ետուն բարձրանալ եղջեւրն ամբարտաւանութե(ան)։

Verse: 49  Link to sept   Իբրեւ մերձեցան աւուրքն մատաթեայ մեռանելոյ, կոչեաց զորդիսն առաջի իւր, եւ ասէ ցն(ո)ս(ա). այժմիկ հաստատեցա́ւ հպարտութի(ւն) եւ ամբարտաւանու(թ)ի(ւն). եւ ահա հասեալէ ժամանակ կշտամբութե(ան) կործանման եւ հպարտու(թ)ե(ան)։

Verse: 50  Link to sept   Բայց արդ որդեա́կք իմ, եկա́յք նախանձեցարո́ւք զնախանձ օրինացն, փոխանակեցէ́ք դուք զանձինս ձեր փոխանակ հա́րցն կտակարանաց։

Verse: 51  Link to sept   յիշեցէ́ք զգործս հարցն ձերոց, որինչ քաջութի(ւն)ս արարին ՛ի դարս իւրաքանչիւր. ստացարո́ւք փառս աւագու(թ)ե(ան), եւ ժառանգեցէ́ք զանուն յաւիտենից։

Verse: 52  Link to sept   Աբրահամ ապաքէն ՛ի փորձու(թ)ե(ան) ՛ի հանդիսի գտաւ հաւատարիմ, եւ համարեցա́ւ նմա յարդարութի(ւն)։

Verse: 53  Link to sept   Յովսէփ ՛ի ժամանակի նեղու(թ)ե(ան) իւրոյ պահեա́ց զպատուիրանն, եւ եղեւ տէ́ր ՛ի վ(ե)ր(այ) երկրին եգիպտացւոց։

Verse: 54  Link to sept   Փենէէս հա́յր մեր նախանձայո́յզ՝ նախանձեցաւ զնախանձն արդարութե(ան), եւ ա́ռ կտակ յաւիտենից զքահանայու(թ)ե(ա)ն։

Verse: 55  Link to sept   Յեսու որդի նաւեայ՝ առ հաստատել կատարել զպատգամս տ(եառ)ն, եղեւ դատաւոր որդւոցն ի(սրաէ)լի։

Verse: 56  Link to sept   Քաղեբ՝ վ(ա)ս(ն) վկայելոյն ՛ի մէջ ժողովրդեանն, տէ́ր եղեւ ժառանգութե(ա)ն։

Verse: 57  Link to sept   Դաւիթ՝ վ(ա)ս(ն) հեզութե(ան) արդարու(թ)ե(ան) ողորմութե(ան)՝ ժառանգեաց զաթոռ թագաւորու(թ)ե(ան) յաւիտենից։

Verse: 58  Link to sept   Եղիա՝ վ(ա)ս(ն) նախանձայոյզ նախանձու խնդրելոյ զվրէժն օրինաց՝ վերացաւ յերկինս։

Verse: 59  Link to sept   Անանիա՝ ազարիա՝ եւ միսայէլ՝ հաւատովքն իւրեանց ապրեցա́ն ՛ի հրոյն ՛ի հնոցէ։

Verse: 60  Link to sept   Դանիէլ՝ ՛ի խորհուրդս միամտութե(ան) իւրոյ՝ փրկեցաւ յառիւծուցն բերանոյ։

Verse: 61  Link to sept   Արդ՝ ա́յդպէս ածէք զմտաւ, եթէ ամենեքին որ յուսացեալ են ՛ի նա ըստ ազգս իւրեանց՝ ո́չ տկարասցին։

Verse: 62  Link to sept   Եւ ՛ի բանից առն ամբարշտի մի́ զանգիտիցէք, զի փառք ն(ո)ր(ա) աղբեղէ́նք են.

Verse: 63  Link to sept   այսօր եւ վաղիւ, եւ այլ ո́չ գտանի. զի դառնա́յ նա ՛ի հող իւր, եւ կորնչին ա(մենայ)ն խորհուրդք ն(ո)ր(ա)։

Verse: 64  Link to sept   զօրացարո́ւք որդիք, քա́ջ լերուք ՛ի վերայ օրինացն, զի ՛ի նմին փառաւորեսջիք։

Verse: 65  Link to sept   Եւ աւադիկ շմաւոն եղբայր ձեր, գիտեմ զի այր խորհրդակա́ն է, դմա́ լուիջիք. դա ձեզ լիցի ՛ի դմա́ տեղւոջ հօր։

Verse: 66  Link to sept   Եւ յուդա մակաբէ. դա լիցի ձեզ սպարապետ զօրավա́ր զորացդ, եւ տացէ պատերա́զմ ընդ զօրս։

Verse: 67  Link to sept   Բայց եւ դուք յարեսջի́ք ՛ի ձեզ զա(մենայ)ն զօրինակիրս օրինաց. նախանձայո́յզ լիջիք, խնդրել զվրէժ ժողովրդեանն ձերոյ։

Verse: 68  Link to sept   հատուցէ́ք զհատուցումն ՛ի հեթանոսս, եւ հայեցարո́ւք ՛ի հրամանս օրինացն։

Verse: 69  Link to sept   Օրհնեա́ց զն(ո)ս(ա), եւ ինքն կատարեցաւ փոխեցա́ւ առ հարս իւր։

Verse: 70  Link to sept   Եւ մեռա́ւ նա յամին հարիւրորդի քառասներորդի ութերորդի. եւ եդին զնա ՛ի շիրիմս հարցն իւրոց ՛ի մովդիիմ. եւ կոծեցան զնա ա(մենայ)ն ի(սրա)էլ զկոծ մեծ։



Chapter: 3 
ԳԼ(ՈՒԽ) Գ՜.


Verse: 1  Link to sept   Համբարձա́ւ յուդա որ անուանեալ կոչէր մակաբէ, որդի ն(ո)ր(ա) ընդ նորա։

Verse: 2  Link to sept   եւ ձեռնտու օգնական եղեն նմա ա(մենայ)ն եղբարք նորա, եւ ամենեքեան որ երթեալէին զհետ հօր ն(ո)ր(ա)։ Տային պատերազմ ՛ի վ(ե)ր(այ) ի(սրա)էլացւոց խնդութ(եամ)բ եւ ուրախութ(եամ)բ.

Verse: 3  Link to sept   եւ մե́ծ լինէին փառքն ՛ի վ(ե)ր(այ) ժողովրդեանն։ Զգեցա́ւ զէն իբրեւ զհսկայ, եւ հանդերձեցաւ ՛ի զարդ պատերազմի. մղէ́ր զմեծամեծս ՛ի պատերազմի, եւ հովանի́ լինէր ա(մենայ)ն գնդին իւրո́վ նիզակաւն։

Verse: 4  Link to sept   Նմանեցաւ առիւծու գործովք իւրովք. եւ իբրեւ զկորիւն առիւծուց՝ որ յորս մռնչէր։

Verse: 5  Link to sept   հալածեա́ց զանօրէնսն ՛ի քննելն իւրում, եւ հրձի́գ արար զխռովիչս ժողովրդեան իւրոյ։

Verse: 6  Link to sept   Սարսեցին անօրէնք յահէ ն(ո)ր(ա). եւ ա(մենայ)ն սատարք անօրէնութե(ան) խռովեցան. եւ աջողեցաւ փրկութի(ւն) ՛ի ձեռս ն(ո)ր(ա)։

Verse: 7  Link to sept   Եւ դառնացո́յց զթագաւորս բազումս. եւ ուրա́խ արար զյակիբ ՛ի գործս իւր, եւ մինչեւ յաւիտեանս յիշատակ նորա օրհնութ(եամ)բ։

Verse: 8  Link to sept   Եւ հասանէ́ր նա ՛ի վերայ քաղաքաց հրէաստանի, եւ ջնջէր զամպարիշտս ՛ի նոցանէ՝ դարձուցանել զբարկութի(ւն) յի(սրաէ)լէ։

Verse: 9  Link to sept   ժողովէր զցրուեալս, եւ գտանէր զկորուսեալս։

Verse: 10  Link to sept   Հա́պա. զօրաժողով լինէր ապողոնիոս հեթանոսօք հանդերձ, եւ բազում եւս զօրս ՛ի շամրաացւոց ժողովէր՝ գա́լ տա́լ ընդ ի(սրաէ)լի պատերա́զմ։

Verse: 11  Link to sept   Իբրեւ ետե́ս յուդա՝ ե́լ ընդառաջ ն(ո)ր(ա). հար սպա́ն զնա, եւ արկանէր բազում վիրաւորս՝ ՛ի զօրաց ն(ո)ր(ա), եւ զմնացեալսն ՛ի փախուստ դարձուցանէր։

Verse: 12  Link to sept   առնո́յր զկապուտ զաւար ն(ո)ր(ա). եւ զսուսերն ապողոնեայ առնոյր յուդա, եւ այնո́ւ իսկ հարկանէր զզօրս ն(ո)ց(ա) զա(մենայ)ն աւուրս կենաց իւրոց։

Verse: 13  Link to sept   Իբրեւ զայն լսէր նրէն իշխան զօրացն ասորեստանեայց, եթէ զօրաժողո́վ է յուդա, եւ բազում հաւատացեալք ը(նդ) նմա որ գային ՛ի պատերազմ.

Verse: 14  Link to sept   խորհեցաւ յանձն իւր եւ ասէ, արարից եւ ե́ս անուն եւ փառաւորեցա́յց յարքայութե(ան) իմում, տա́ց պատերազմ ը(նդ) յուդայի եւ պարտեցի́ց զայնոսիկ որ անարգեն զհրաման թագաւորի։

Verse: 15  Link to sept   Դարձեալ կրկնէր՝ լինէ́ր զօրաժողով, եւ բազում զօրք ը(նդ) նմա անօրինացն ՛ի թիկունս հասանէին, գա́լ հասանել խնդրել վրէժ յորդւոցն ի(սրաէ)լի։

Verse: 16  Link to sept   եւ եկն եհաս մինչեւ ՛ի կողմանս բեթովրայ։ Ել յուդա ընդառաջ ն(ո)ր(ա) սակաւուք։

Verse: 17  Link to sept   իբրեւ տեսին զգունդն զի գայր ճակատեա́լ ընդդէմ ն(ո)ց(ա). սկսան խօսել որ ը(նդ) յուդային էին՝ եւ ասեն. զիա՞րդ կարասցուք մեք սակաւաձեռն մարտնչել ընդ այնչափ պնդակա́զմ գնդի, մանաւանդ զի լքեալք եւ լուծեալք. զի այսօր քանի́ է զի նօթի́ եմք։

Verse: 18  Link to sept   Քաջալերե́լ սկսաւ զն(ո)ս(ա) յուդա́ եւ ասէ. գո́ծ մի դիւրին է ա(ստուծո)յ մատնել զբազումս ՛ի ձեռս սակաւուց. եւ ո́չինչ է խտիր առաջի երկնաւորին ընդ բազումս կամ ընդ սակաւս։

Verse: 19  Link to sept   զի ո́չ եթէ բազում զօրօք յաղթութի(ւն)ն կանգնի, այլ յերկնի́ց է զօրու(թ)ի(ւն) յաղթութե(ան)։

Verse: 20  Link to sept   Նոքա գա́ն ՛ի վերայ մեր ՛ի հպարտու(թ)ի(ւն) ամբարտաւանութե(ան) անօրէնութ(եամ)բ զմեզ ջնջել, զկանայս եւ զորդիս մեր վարե́լ ՛ի գերու(թ)ե(ան).

Verse: 21  Link to sept   մեք մարտնչիմք վ(ա)ս(ն) անձանց մերոց, եւ վ(ա)ս(ն) օրինաց մերոց.

Verse: 22  Link to sept   եւ տ(է)ր սատակեսցէ́ զն(ո)ս(ա) առաջի ոտից մերոց. եւ դուք զօրացարո́ւք, քա́ջ լերուք՝ մի́ զանգիտէք։

Verse: 23  Link to sept   Ա́յն ինչ բանքն ՛ի բերան էին, յարձակէր ՛ի վ(ե)ր(այ) գնդին. զա́յն թեւ բեկանէր յորում վառեալ կայր նրէն արքայ, եւ շարժէր զգունդն ՛ի տեղւոջէ, եւ զզօրսն ա(մենայ)ն առաջի ն(ո)ր(ա) նովա́ւ հանդերձ ՛ի փախուստ դարձուցանէր։

Verse: 24  Link to sept   եւ ինքեանք զհետ լինէին ն(ո)ց(ա) մինչեւ ՛ի կողմանս բեթովրայ դաշտին. եւ բազում վիրաւորս ՛ի նոցանէ դիաթաւալ յերկի́ր կացուցանէին. եւ անկանէին ՛ի նոցանէ իբրեւ արք ութ հարիւր. եւ որ մնացեալքն էին՝ փախստեայք անկանէին ՛ի փիղիստիմ։

Verse: 25  Link to sept   Եւ սկսաւ ա́հն եւ հոյն երթա́լ առաջի յուդայ եւ եղբարցն։ յօժարէին այնուհետեւ ասպատակ տա́լ ՛ի հեթանոսս որ շուրջ էին զնոքօք։

Verse: 26  Link to sept   եւ եկն եհա́ս մինչեւ ՛ի թագաւորն անուն ն(ո)ր(ա). եւ վ(ա)ս(ն) պատերազմացն պատմէին հեթանոսքն։

Verse: 27  Link to sept   Իբրեւ լուաւ անտիոքոս կայսր զբանս զայս, բարկացաւ ՛ի սրտմտութի(ւն) բարկութե(ան) իւրոյ. զօրաժողով լինէր յա(մենայ)ն աշխարհաց իւրոց, զօրս կուտէր բազում յոյժ.

Verse: 28  Link to sept   գա́նձ բանայր՝ պարգե́ւս բաշխէր զօրացն տարւոյ միոջ. եւ պատուէ́ր տայր կա́լ ն(ո)ց(ա) պատրաստ յիրս ա(մենայ)ն։

Verse: 29  Link to sept   Իբրեւ ետես թէ գանձք սպառեցան, եւ հարկ աշխարհին նուաղեաց, վ(ա)ս(ն) երկպառակութ՝են եւ հարուածոցն, որ ած նա ՛ի վ(ե)ր(այ) երկրի, յեղծանել օրինաց նախնեացն, որ էին իսկզբանէ աւուրց ժամանակաց.

Verse: 30  Link to sept   զարհուրեցա́ւ թէ գուցէ ո́չ բաւեցուսցէ զպարգեւսն եւ զռոճիկս, ո(ր)պ(էս) յառաջ առատաձեռն բաշխէր.

Verse: 31  Link to sept   վարանէր յանձն իւր. խորհեցաւ մտանել յաշխարհն պարսից. առնուլ հա́րկ յաշխարհաց անտի կուտել արծա́թ յոյժ։

Verse: 32  Link to sept   Եւ եթո́ղ նա անդ զլուսի՝ այր փառաւոր յազգէ թագաւորու(թ)ե(ա)ն, ՛ի վ(ե)ր(այ) իրացն արքունի ՛ի կողմանցն եփրատու, եւ ՛ի սահմանս եգիպտացւոց,

Verse: 33  Link to sept   սնուցանե́լ զորդի իւր զանտիոքոս, մինչեւ դարձցի նա անդրէն.

Verse: 34  Link to sept   եւ եթո́ղ առ նմա զկէս զօրացն եւ զփիղսն. եւ պատուէ́ր ետ նմա վ(ա)ս(ն) ա(մենայ)նի որ ինչ կամէր, եւ որ զինչ խորհեցաւ. եւ վ(ա)ս(ն) բնակչացն հրէաստանի եւ ե(րուսաղէ)մի։

Verse: 35  Link to sept   Եւ գումարտա́կ արար ՛ի վ(ե)ր(այ) ն(ո)ց(ա) սատակել զն(ո)ս(ա), եւ ջնջե́լ զզօրութի(ւն)ն ի(սրաէ)լի, եւ զմնացորդսն ե(րուսաղէ)մի. եւ ջնջել ՛ի տաղւոջէ անտի զյիշատա́կ ն(ո)ց(ա)։

Verse: 36  Link to sept   եւ բնակեցուցանե́լ անդ զորդիս օտարաց ընդ ա(մենայ)ն սահմանս ն(ո)ց(ա). լարաբաժի́ն առնել զա(մենայ)ն երկիր ն(ո)ց(ա).

Verse: 37  Link to sept   եւ ինքն ա́ռ զկէս ՛ի զօրաց անտի։ Խաղա́ց գնաց յանտիոք քաղաքէ ՛ի տանէ թագաւորութե(ան) իւրոյ. յամի հարիւրորդի քառասներորդի. եւ անց նա ըստ գետն մեծ ըստ եփրատ, եւ երթա́յր ընդ կողմն վերնագաւառացն։

Verse: 38  Link to sept   Եւ ընտրեաց լիւսիաս զպտղոմէոս պարգեւական, եւ զնիկանովր, եւ զգորդիաս, ա́րս հզօրս բարեկա́մս խորհրդականս արքայի։

Verse: 39  Link to sept   եւ ընդ ն(ո)ս(ա) առնէր գումարտակ քառասուն հազար հեծեալ, եւ եւթնհազար ձի ասպաստանիկ, գալ հասանել ՛ի վերայ երկրին հրէաստանի, հարկանել սատակել զաշխարհն, յապականութի(ւն) դարձուցանել զերկիրն ը(ս)տ հրամանի թագաւորին։

Verse: 40  Link to sept   Խաղացին գնացին ա(մենայ)ն զօրօքն հանդերձ, եւ եկին հասին բանակեցան մե́րձ ՛ի յամուով, ՛ի տափակողմն ՛ի դաշտագետին վայրին։

Verse: 41  Link to sept   Լո́ւ եղեւ վաճառականաց աշխարհին, եթէ եկեալ հասեալեն զօրք՝ աւա́ր առնուլ զերկիրն հրէաստանի, ՛ի գերութի(ւն) վարել զորդիս եւ զդստերս ն(ո)ց(ա). առին զարծաթ եւ զոսկի իւրեանց, եւ մարդիկ բազում որչափ ձեռնհա́ս էին օգնականք իւրեանց. գա́լ գնել զորդիսն ի(սրա)էլացւոց յամաշխարհիկս իւրեանց։ եւ յաւելան ՛ի ն(ո)ս(ա) զօրք ասորւոց, եւ երկի́րն այլազգեաց։

Verse: 42  Link to sept   Իբրեւ ետես յուդա եւ եղբարք իւր՝ եթէ եկին հասին ա(մենայ)ն չարիքն ՛ի վ(ե)ր(այ) ն(ո)ց(ա). եւ ա́յս զօրք ա(մենայ)ն եկեալ հասեալ պաշարեալ պահէին զսահմանս ն(ո)ց(ա)։ եւ գիտացին զհրամանս թագաւորին, զոր պատուիրեաց սատակել զժողովուրդն ՛ի կորուստ եւ յապականութի(ւն).

Verse: 43  Link to sept   սկսան խօսել ա́յր ընդ ընկերի եւ ասեն, եկա́յք պնդեսցուք զանձինս մեր, կանգնեսցո́ւք զգլորումն ժողովրդեան մերոյ, տացո́ւք պատերազմ ՛ի վ(ե)ր(այ) սրբութե(ան)ցն՝ եւ ՛ի վ(ե)ր(այ) ազգաց մերոց։

Verse: 44  Link to sept   Եւ ժողովեցան ժողովք ՛ի պատրաստու(թ)ի(ւն) պատերազմի. կայի́ն յաղօթս եւ խնդրէին զողորմու(թ)ի(ւն) ՛ի տ(եառն)է։

Verse: 45  Link to sept   Եւ էր ե(րուսաղ)էմ աւերակ թափո́ւր, եւ ո́չոք էր որ մտանէր եւ ելանէր յազգաց ն(ո)ր(ա), եւ սրբու(թ)ի(ւն)ն կայր կոխա́ն յորդւոցն այլազգեաց։ եւ ամրակողմն գլուխ քաղաքին բնակութի(ւն) եղեւ հեթանոսաց. եւ բարձա́ն ուրախու(թ)ի(ւն)ք յակոբայ, պակասեցին փողք եւ տաւիղք, եւ լռեցին ա(մենայ)ն ցանկալի ուրախութի(ւն)ք արուեստականաց։

Verse: 46  Link to sept   Եկին ժողովեցան ամենեքին ՛ի մասեփա՝ դէմ յանդիման ե(րուսաղէ)մի. զի ա́նդ էր տեղի աղօթից յառաջ ի(սրա)էլացւոցն ՛ի մասեփա։

Verse: 47  Link to sept   Ծո́մ կարդացին, քրձազգա́ծ լինէին, խո́րգ եւ մոխի́ր առնուին, հող ՛ի գլո́ւխ լինէին, զօձիս պատառէին։

Verse: 48  Link to sept   Զմատեանս օրինացն տարածանէին, վ(ա)ս(ն) որոյ պնդէին զն(ո)ս(ա) հեթանոսք.

Verse: 49  Link to sept   եւ բերէին զհանդերձս քահանայութե(ա)ն, եւ զծնունդս անդրանկացն, եւ զտասանորդսն ՛ի մէջ առնուին։ յարուցանէին եւ ածէի́ն զուխտաւորսն որոց լցեալ էր զաւուրս իւրեանց։

Verse: 50  Link to sept   ՛ի ձայն բարձր միաբարբա́ռ աղաղակէին յերկինս եւ ասէին. արդ զի՞ արասցուք զայսոսիկ, կամ յո՞ տարցուք.

Verse: 51  Link to sept   զի սրբութի(ւն)ք քո կոխա́ն եղեն, եւ քահանայք քո ՛ի սո́ւգ եւ ՛ի տառապանս նստին։

Verse: 52  Link to sept   եւ ա(մենայ)ն հեթանոսք ժողովեալ են աւասիկ ջնջե́լ զմեզ. դու գիտես որ ինչ խորհին նոքա ՛ի վ(ե)ր(այ) մեր։

Verse: 53  Link to sept   արդ՝ զիա՞րդ կարասցուք մեք զդէ́մ ունել՝ եթէ ոչ դու օգնեսցես մեզ։

Verse: 54  Link to sept   փո́ղ հարկանէին, զաղաղա́կ դնէին, ՛ի ձա́յն բարձր յերկինս կարդային։

Verse: 55  Link to sept   Յե́տ այսորիկ կարգել սկսաւ յուդա զժողովուրդսն, եւ կացոյց ՛ի վ(ե)ր(այ) նոցա իշխանս՝ հազարապետս, եւ հարիւրապետս, եւ յիսնապետս, եւ տասնապետս։

Verse: 56  Link to sept   եւ ասեն ցայնոսիկ որ շինէին շինուածս, եւ խօսէին կանայս, եւ տնկէին այգիս, եւ պատուէ́ր տային վատասրտացն զի դարձցին ՛ի տունս իւրեանց ը(ս)տ օրինացն։

Verse: 57  Link to sept   եւ ա(մենայ)ն զօրքն հասանէին եւ բանակէին ՛ի թիկանց ամաւոյ։

Verse: 58  Link to sept   Անդուստ քաջալերել սկսաւ յուդա զզօրսն՝ եւ ասէ. վառեցարո́ւք պատրաստեցարո́ւք զօրացարո́ւք, վաղորդայն տա́լ պատերազմ ընդ հեթանոսս ընդ այսոսիկ որ ժողովեալ են ՛ի վ(ե)ր(այ) մեր ջնջե́լ զմեզ՝ եւ զսրբու(թ)ի(ւն)ս մեր.

Verse: 59  Link to sept   զի լա́ւ լիցի մեզ մեռանե́լ ՛ի պատերազմի, քան տեսանել զչարչարանս ազգի մերոյ եւ սրբութե(ան)ցն մերոց։

Verse: 60  Link to sept   ո(ր)պ(էս) եւ իցեն կամք տ(եառ)ն յերկինս, ա́յնպէս եւ կատարեսցին։



Chapter: 4 
ԳԼ(ՈՒԽ) Դ՜.


Verse: 10  Link to sept   Եւ յիշեսցէ́ զուխտ կտակարանացն որ ընդ հարսն մեր է, եւ բեկցէ́ զզօրս զայս առաջի ոտից մերոց։

Verse: 11  Link to sept   գիտասցեն հեթանոսք եթէ գո́յ ա(ստուա)ծ որ փրկէ զի(սրա)էլ։

Verse: 12  Link to sept   Եւ ամբարձին զաչս իւրեանց յայլազգիքն, եւ տեսին զի յարձակեալ գային ընդդէմ ն(ո)ց(ա),

Verse: 13  Link to sept   եւ ելին յառաջ քան զգունդն ՛ի պատերազմ։ Փո́ղ հարին ՛ի կողմանցն յուդայի.

Verse: 14  Link to sept   ՛ի մի́ վայր ժողովեցան, ՛ի վերա́յ յարձակէին. ձեռն ՛ի գո́րծ առնէին, ՛ի փախուստ դարձուցանէին։

Verse: 15  Link to sept   զբազումս առ ետե́ղ սատակէին. զբազումս փախստակա́նս առնէին ընդ երեսս դաշտին, ՛ի սո́ւր սուսերի իւրեանց անկանէին՝ մինչ ՛ի սահմանս գազիրոնայ, ՛ի կողմանս եդոմայեցւոց, եւ յազովտայ, եւ յամենա։ եւ անկանէին յաւուր յայնմիկ վիրաւորք իբրեւ երեքհազարք այր։

Verse: 16  Link to sept   Եւ դառնա́յր յուդա զօրօքն հանդերձ. իբրեւ գայր հասանէր ՛ի տեղի պատերազմին,

Verse: 17  Link to sept   խօսել սկսաւ ը(նդ) զօրսն՝ եւ ասէ. Մի́ ինչ աչս արձակէք դուք յաւա́ր ՛ի կապուտ դիականցն անկելոց.

Verse: 18  Link to sept   զի դեռ աւանիկ գորգիոս վառեալ պատրաստեալ՝ ընդդէ́մ կայ մեր զօրօք իւրովք. այլ կացէ́ք կալարո́ւք զտեղի, զդէ́մ կալարուք թշնամեաց ձերոց. ապա յետ մարտին յաղթութե(ան) դարձջի́ք համարձակութ(եամ)բ։

Verse: 19  Link to sept   Մինչդեռ նա զա́յն ընդ ն(ո)ս(ա) խօսէր՝ տեսին զի գունդ մի երեւրցա́ւ ՛ի լեռնէ անտի։

Verse: 20  Link to sept   եւ գիտացին եթէ ՛ի պարտու(թ)ի(ւն) մատնեալ հո́ւր արկանել սկսան ՛ի բանակի անդ. եւ ծուխն որ դիզանէր՝ նշա́ն լինէր գործոյն եղելոց։

Verse: 21  Link to sept   Նոքա իբրեւ զա́յն տեսանէին՝ կասէին. մանաւանդ իբրեւ հայէին ՛ի գունդն յուդայեան, ո(ր)պ(էս) ճակատեալ կայր պատրաստու(թեամ)բ ՛ի մա́րտ պատերազմի։

Verse: 22  Link to sept   զո́տս արձակէին, փախստեա́յ գնային յերկիրն փղշտացւոց։

Verse: 23  Link to sept   Եւ յուդա դառնա́յր ՛ի տեղին պատերազմի, ՛ի կապուտ կողոպուտ յաւա́ր դիականցն անկելոց. եւ առնոյր ՛ի բանակէ անտի ն(ո)ց(ա) զոսկի եւ զարծաթ՝ զհանդերձս պատուականս, զկարմիր, զկապուտակ, զծովու ծիրանիս, մեծութի(ւն) բազում։

Verse: 24  Link to sept   Եւ իբրեւ դարձա́ն անտի, սկսան գոհանալով օրհնել զտ(է)ր յերկինս, եւ ասել. զի բարի́ է՝ զի յաւիտեան է ողո́րմ ն(ո)ր(ա)։

Verse: 25  Link to sept   եւ եղեւ ՛ի փրկութի(ւն) մեծ ՛ի վ(ե)ր(այ) ի(սրաէ)լի յաւուր յայսմիկ։

Verse: 26  Link to sept   Եւ որք միանգամ յայլազգեաց անտի ապրեցան, եկեալ պատմէին լիւսւայ զա(մենայ)ն գործն որ գործեցաւ։

Verse: 27  Link to sept   Իբրեւ զայն լսէր լիւսիայ՝ տրտմէր, խոնարհէր անկանէր ՛ի վ(ե)ր(այ) երեսաց իւրոց. զի ո́չ այնպէս կամք կատարեցան ո(ր)պ(էս) նա́ խորհէր ՛ի վ(ե)ր(այ) ի(սրա)էլացւոցն, եւ որպէս նմա́ ետ պատուէր թագաւորն, այն՝ ոչ կատարեցաւ։

Verse: 28  Link to sept   ՛Ի գալուստ ամին միւսոյ, զօ́ր հատանէր, այրեւձի́ առնէր՝ իբրեւ վեց հազար հետեւակ, հինգհազար հեծեալ սպառազէն. գա́լ հասանել՝ աւա́ր առնուլ զերկիրն հրէաստանի։

Verse: 29  Link to sept   եկին հասին՝ ճակատեցան ՛ի կողմանս բեթսովրայ։ Ե́լ նոցա ընդ յառաջ յուդա մետասան հազար արամբ։

Verse: 30  Link to sept   եւ իբրեւ տեսին զգունդն ստուա́ր եւ հզօր. սկսա́ն կալ յաղօթս, օրհնել զա(ստուա)ծ՝ եւ ասեն. Տ(է)ր ա(ստուա)ծ՝ դու ա́յն ես որ խորտակեցեր զզօրու(թ)ի(ւն) յարձակելոյ հզօրին ՛ի ձեռն ծառայի քոյ դաւթի, եւ մատնեցեր զբանակս այլազգեաց ՛ի ձեռս յովնաթանու որդւոյ շաւուղի։

Verse: 31  Link to sept   արդ՝ խորտակեա́ դու զզօրութի(ւն) զօրացս այսոցիկ ՛ի ձեռս ի(սրաէ)լի. շիջցի́ զօրու(թ)ի(ւն) ն(ո)ց(ա) երիվարօք եւ զօրօքն հանդերձ։

Verse: 32  Link to sept   ա́րկ զնոքօք զվատութի(ւն), եւ հալածեա́ զզօրութի(ւն) հպարտու(թ)ե(ան) ն(ո)ց(ա). շարժեսցի́ն նոքա ՛ի բեկումն իւրեանց։

Verse: 33  Link to sept   կործանեսցե́ս արկցե́ս զն(ո)ս(ա) ՛ի սուր սիրելեաց քոց. եւ օրհնեսցե́ն զքեզ յօրհնութի(ւն)ս որ ճանաչեն զանուն քո։

Verse: 34  Link to sept   Եւ հարա́ն միմեանց ՛ի դիմի. եւ անկան ՛ի ժամանակին յայնմիկ ՛ի գնդէ́ անտի լիւսիայ՝ հինգհազար հեծեալ առաջի ն(ո)ց(ա)։

Verse: 35  Link to sept   Եւ իբրեւ ետես լիւսիա զպարտու(թ)ի(ւն) գնդին իւրոյ, եւ զյաղթութի(ւն) քաջութե(ան) գնդին յուդայ, եւ ո(ր)պ(էս) զի պատրա́ստ էին ՛ի կեալ եւ ՛ի մեռանել ՛ի վ(ե)ր(այ) անուան քաջի́ յաղթութե(ան). չուեա́ց խաղաց գնաց ՛ի կողմանս անտիոքացւոց։ դարձեալ զօրաժողո́վ լինէր, կազմել պատրաստել անդէն. անդրէն արշաւե́լ ՛ի կողմանս հրէաստանի։

Verse: 36  Link to sept   Խօսե́լ սկսաւ յուդա եղբարբքն հանդերձ ընդ ժողովուրդսն՝ եւ ասէ. ահաւասիկ խորտակեցան թշնամիք մեր ՛ի ներքոյ ոտից մերոց. եկա́յք երթիցուք մաքրեսցուք զսրբութի(ւն)սն, մաքրեսցո́ւք զտաճարն առնել նաւակատիս ՛ի նմա։

Verse: 37  Link to sept   Ժողովեցան ժողովքն ա(մենայ)ն, եկին հասի́ն ՛ի լեառն սիոն.

Verse: 38  Link to sept   տեսին զսրբու(թ)ի(ւն)սն աւերեալ, եւ զսեղանն աղտեղեալ, զդրունսն այրեցեալ, թուփ առ թուփ բուսեալ ՛ի սրահսն իբրեւ յանտառի, կամ իբրեւ միոյ միոյ լերանց. զկոնքս աւերեալս, եւ զվարագոյրաձիգսն խաթարեալս։

Verse: 39  Link to sept   Ձեռս զօձեօ́ք արկանէին, զպատմուճանս պատառէին, հող ՛ի գլո́ւխ լինէին,

Verse: 40  Link to sept   ընդ երկի́ր թաւալէին. փողանշա́նս հարկանէին, յերկինս աղաղակէին։

Verse: 41  Link to sept   Յայնմ ժամանակի հրամա́ն տայր յուդա՝ զօրահատո́յց առնէր ՛ի վ(ե)ր(այ) միջնաբերդին պաշարե́լ զնա, զի մաքրեսցէ զսրբութի(ւն)սն։

Verse: 42  Link to sept   Եւ ընտրեա́ց նա քահանայս անարատս, կամարարս օրինացն։

Verse: 43  Link to sept   եւ սրբեաց զսրբու(թ)ի(ւն)ն. եւ ՛ի բա́ց առին զվէմսն՝ որ պղծեալ էին, եդին մեկուսի ՛ի տեղի մի.

Verse: 44  Link to sept   եւ խորհո́ւրդ կալան ՛ի վերայ սեղանոյ ողջակիզացն, որ պղծեալ էր ՛ի թշնամեաց անտի, եթէ զի՞նչ արասցեն զնա։

Verse: 45  Link to sept   Հաստատեցա́ւ բանս այս ՛ի խորհրդի անդ, քակե́լ զսեղանն զի պղծեալ էր ՛ի թշնամեաց. զի մի́ լիցի ն(ո)ց(ա) այն ՛ի խիղճ մտաց, եւ ՛ի նախատինս յաւիտենից։ եւ քակեցին զսեղանն.

Verse: 46  Link to sept   եւ տարա́ն եդին զքարինսն ՛ի դիպա́ն տեղւոջ, մինչեւ եկեսցէ մարգարէ եւ խօսեսցի վ(ա)ս(ն) ն(ո)ց(ա)։

Verse: 47  Link to sept   Եւ առին վէմս անկոփս ըստ օրինացն, եւ շինեցին զսրբութի(ւն)սն։

Verse: 48  Link to sept   եւ ո́չինչ էր ՛ի ներքս ՛ի տաճարի անդ։ եւ զսրահսն սրբեցին։

Verse: 49  Link to sept   եւ սպա́ս սրբու(թ)ե(ան) նո́ր գործեցին. եւ տարա́ն ՛ի ներքս զաշտանակն լուսոյ, եւ զսեղանն խնկոց, եւ զսեղանն տաճարին։

Verse: 50  Link to sept   Եւ արկանէին խունկս ՛ի վ(ե)ր(այ) սեղանոյն. ճրագս լուցանէին, եւ լո́յս տային տաճարին։

Verse: 51  Link to sept   գնէին ՛ի վ(ե)ր(այ) սեղանոյն զհացն հանապազորդ. եւ ձգէին զվարագոյրսն, եւ կատարէին զգործսն զա(մենայ)ն սպասուն զոր առնէին։

Verse: 52  Link to sept   Կանխէին ընդ առաւօտն յաւուրն քսաներորդի հինգերորդի՝ յամսեանն իններորդի. յամին հարիւրորդի քառասներորդի.

Verse: 53  Link to sept   մատուցանէին պատարագ ըստ օրինացն ՛ի վերայ սեղանոյ ողջակիզացն, որոյ նո́ր արարին ը(ս)տ ժամանակին։

Verse: 54  Link to sept   Յաւուրսն յայնոսիկ յորս պղծեցին հեթանոսքն, ՛ի նմին ժամանակի եւ նորոգեցաւ յերգս օրհնութե(ան), ՛ի փո́ղ եւ ՛ի քնար եւ ՛ի սրինգ։

Verse: 55  Link to sept   Եւ անկանէին ա(մենայ)ն ժողովուրդքն ՛ի վ(ե)ր(այ) երեսաց իւրեանց, անկանէին ՛ի խոնարհ, երկի́ր պագանէին. օրհնէին զա(ստուա)ծ յերկինս որ յաջողեաց ն(ո)ց(ա)։

Verse: 56  Link to sept   Եւ արարին զնաւակատիս սեղանոյն աւուրս ութ. եւ մատուցին զողջակէզսն ուրախու(թեամ)բ, եւ մատուցին պատարագս փրկու(թ)ե(ան) եւ օրհնու(թ)ե(ան)։

Verse: 57  Link to sept   Զարդարեցին զկոնքսն՝ եւ զվարագոյրաձիգսն՝ յանդիման տաճարին, ոսկի́ պսակօք՝ եւ ոսկւովք տապակօք. եւ նորոգեցին զդրունսն, եւ կանգնեցին զդրունսն։

Verse: 58  Link to sept   եւ եղեւ ուրախու(թ)ի(ւն) մեծ ՛ի վ(ե)ր(այ) ժողովրդեանն յոյժ. եւ ջնջեցան նախատանք հեթանոսաց ՛ի նոցանէ։

Verse: 59  Link to sept   Եւ հաստատեաց յուդա եղբարբքն հանդերձ, եւ ա(մենայ)ն ժողովքն ի(սրա)էլացւոց, հանապազ կացցեն աւուրքս այս նաւակատեաց սեղանոյն ՛ի ժամանակի իւրեանց տարոջէ ՛ի տարի, ՛ի գլուխ տարեկանի աւուրս ութ ՛ի հինգերորդ քսաներորդ՝ իններորդի ամսոյն՝ ուրախութ(եամ)բ եւ ցնծութ(եամ)բ։

Verse: 60  Link to sept   եւ շինեցին նոքա ՛ի ժամանակին յայնմիկ զլեառն սիոն շուրջանակի, ՛ի պարիսպս բարձրացեալս, եւ յաշտարակս ամրացեալս, գուցէ գայցեն հեթանոսք, եւ կոխա́ն առնիցեն զդոսա. ո(ր)պ(էս) արարին զառաջինն։

Verse: 61  Link to sept   եւ զօր թողոյր ՛ի վ(ե)ր(այ)՝ պահապան նմա. եւ ամրացո́յց զնա։ պաշարել զբեթսուրա. զի լիցի ամրութի(ւն) զօրացն ՛ի կողմանցն եդոմայեցւոց։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ եղեւ իբրեւ լուան հետանոսքն շուրջանակի։ եթէ շինեցաւ սեղանն, եւ նորոգեցաւ սրբութի(ւն)ն միւսանգամ, ո(ր)պ(էս) է́ր զառաջինն, բարկացա́ն յոյժ։

Verse: 2  Link to sept   խորհեցան գա́լ հասանել ջնջե́լ զազգն յակոբեան որք էին ՛ի մէջ ն(ո)ց(ա). եւ սկսան կոտորել եւ սպառե́լ զնոսա։

Verse: 3  Link to sept   Եւ տա́յր պատերազմ հանապազ յուդա ընդ որդիսն եսաւայ որ են ՛ի կողմանս եդոմայեցւոց ակրաբատեանց. զի շուրջանակի եկեալ պատեալ պաշարեալ նստէին շուրջ զի(սրաէ)լիւ. հարկանէր զն(ո)ս(ա) ՛ի հարուածս բազումս, եւ նուա́զ առնէր զն(ո)ս(ա), եւ առնոյր նա զկապուտ զաւար ն(ո)ց(ա)։

Verse: 4  Link to sept   Եւ յիշէր զչարութի(ւն) որդւոցն բեանայ, որ էին լեալ ժողովրդեանն յորոգայթ գայթագղու(թ)ե(ան), վարանել զնոսա ՛ի ճանապարհս իւրեանց։

Verse: 5  Link to sept   Փախստեա́յ լինէին ՛ի նմանէ, եւ ամրանային ՛ի բերդս իւրեանց. գա́յր՝ շուրջ, պա́հ դնէր զնոքօք, եւ հրձի́գ առնէր զամուրս ն(ո)ց(ա) ա(մենայ)ն բնակչօքն հանդերձ։

Verse: 6  Link to sept   Եւ անցանէր խաղա́յր նա ՛ի վ(ե)ր(այ) որդւոցն ամոնայ. եւ ա́նդ գտանէր ձեռն հզօր, զօրս բազումս. եւ զտիմոթէոս զօրագլուխ ն(ո)ց(ա)։

Verse: 7  Link to sept   հարկանէր ն(ո)ց(ա) ՛ի դիմի, եւ բազում անգամ պատերազմաւ սաստկանայր ՛ի վերայ ն(ո)ց(ա).

Verse: 8  Link to sept   հարկանէր վանէր, եւ առնոյր նա զազեր քաղաք՝ եւ զդստերս իւր, եւ դառնայր ՛ի կողմանս հրէաստանի։

Verse: 9  Link to sept   Եւ ժողովեցան ա(մենայ)ն հեթանոսք ՛ի գաղաադ վ(ա)ս(ն) ի(սրաէ)լի, որ էին ՛ի կողմանս ն(ո)ց(ա), զի ջնջեսցեն զն(ո)ս(ա). եւ նոքա փախստեայք անկանէին յամուրսն ՛ի գովթայիմ։

Verse: 10  Link to sept   Եւ արձակեցին նոքա հրեշտակս առ յուդա եւ առ եղբարսն՝ եւ ասեն. ժողովեալ են ահաւասիկ ՛ի վ(ե)ր(այ) մեր ա(մենայ)ն հեթանոսք, պատեալ պաշարեալ պնդեն զմեզ ջնջե́լ ՛ի տեղւոջէ աստի.

Verse: 11  Link to sept   պատրա́ստ են յառնուլ զամուրս յոր անկեա́լ եմք. եւ տիմոթէոս զօրագլո́ւխ ն(ո)ց(ա)։

Verse: 12  Link to sept   Արդ՝ եթէ իցէ́ ինչ ՛ի ձեռս՝ արագեսցե́ս փրկե́լ զմեզ ՛ի ձեռաց ն(ո)ց(ա). զի անկա́ն բազումք ՛ի մէնջ.

Verse: 13  Link to sept   եւ ա(մենայ)ն եղբարք որ էին ՛ի տովբա կոտորեցան. եւ ՛ի գերութե(ան) վարեցան կանայք ն(ո)ց(ա) եւ որդիք ն(ո)ց(ա), ա(մենայ)ն կահիւ կարասեաւ իւրեանց առհասարակ կորեա́ն նոքա, որչափ ՛ի կողմն մի աւագի հազարապետութե(ան) միոջ։

Verse: 14  Link to sept   Ա́յն ինչ դեռ թուղթքն ՛ի ձեռին էին, ա́յլ գուժկանք հասանէին ՛ի կողմանցն գալիլեացւոց անտի, զօձիս պատառեալ, զճակատ հարեալ, եւ զգոյժս զա́յս տային.

Verse: 15  Link to sept   եւ ասեն. ժողովեցան ՛ի վ(ե)ր(այ) մեր ՛ի պտողոմեայ, եւ ՛ի ծուրայ, եւ ծայդանայ, եւ ա(մենայ)ն կողմանք գալիլեացւոց յայլազգեաց կուսէ, ջնջե́լ զմեզ անտի։

Verse: 16  Link to sept   Եւ իբրեւ լուան զբանսն զայն՝ յուդա́ եւ ժողովուրդն, ՛ի խորհո́ւրդ ժողովեցան վաղվաղակի. զի խորհեսցին զինչ գործ գործեսցեն վ(ա)ս(ն) եղբարցն որ էին ՛ի նեղութե(ան), եւ ճգնին ՛ի ձեռաց պատերազմողաց։

Verse: 17  Link to sept   Խօսե́լ սկսաւ յուդա ընդ շմավոնեայ ընդ եղբօր իւրում եւ ասէ. ընտրեա́ դու քեզ արս հզօրս, եւ ե́րթ փրկել զեղբարսն որ են ՛ի նեղութե(ան) ՛ի կողմանս գալիլեացւոց. եւ ե́ս եւ յովնաթան եղբայր իմ երթիցուք ՛ի կողմանս գաղաադու։

Verse: 18  Link to sept   Եւ եթո́ղ անդ զյովսեպոս զաքարեանց, եւ զզաքարի զօրագլուխ ընտիր ընտի́ր զօրօք հանդերձ՝ յերկրին հրէաստանի պահապանս։

Verse: 19  Link to sept   պատուէ́ր ետ ն(ո)ց(ա)՝ եւ ասէ. առաջնորդեսջիք ժողովրդեանս այսմիկ, եւ մի́ տայցէք դուք մա́րտ պատերազմի ընդ հեթանոսս մինչեւ ՛ի դա́րձ գալստեան մերոյ անտի։

Verse: 20  Link to sept   Զօրահատո́յց արարին, ընդ երկո́ւ զզօրսն բաժանեցին. գնացին երեքհազարք ընդ շմաւոնեայ ՛ի կողմանս գալիլեացւոց, եւ ութ հազար յերկիրն գաղաադու։

Verse: 21  Link to sept   Եւ գնաց շմաւոն յերկիրն գալիլեացւոց, տա́յր պատերազմ ընդ հեթանոսս. եւ խորտակեցան հեթանոսք առաջի երեսաց ն(ո)ր(ա). եւ հալածակա́ն տանէր զնոսա մինչեւ ՛ի դրունս պտողոմեայ։

Verse: 22  Link to sept   Յա́յնմ աւուր անկանէին ՛ի հեթանոսաց անտի երեքհազար վառեալք սպառազէն.

Verse: 23  Link to sept   եւ առնոյր զաւար ն(ո)ց(ա) ՛ի կողմանցն կալիլեացւոց, եւ յարաբաթուց, կանա́մբք եւ որդւովք հանդերձ, եւ ա(մենայ)ն կարասեաւ հանդերձ, եւ գանձի կահիւ. եւ եկին ածին զայն ա(մենայ)ն ցնծութ(եամ)բ եւ ուրախու(թեամ)բ յերկիրն հրէաստանի։

Verse: 24  Link to sept   Եւ յուդա մակաբէ, եւ յովնաթան եղբայր ն(ո)ր(ա) անցին յա́յն կողմն յորդանան գետոյն, եւ գնացին երից աւուրց գնա́ց ճանապարհի, յերկիր յանապատ։

Verse: 25  Link to sept   Եւ ընդառա́ջ եղեն ն(ո)ց(ա) նաբատացիք խաղաղութ(եամ)բ, եւ պատմէին նոցա զա(մենայ)ն անցսն որ անցին ընդ եղբարսն յերկիրն գաղաադու։

Verse: 26  Link to sept   եւ բազումք ՛ի նոցանէ յաւա́ր երթեալ էին ՛ի քաղաքս բոսորայ, եւ բոսաղումայ եւ սէրփվրմակեդեայ, եւ զառնասպասեայ, ա́յս քաղաքք ամուրք եւ մեծամեծք են.

Verse: 27  Link to sept   եւ այլոցն քաղաքացն ՛ի կողմանցն գաղաադու. եւ ՛ի մի վայր միաժողո́վ են առ վաղիւ, ժամադի́ր են փակե́լ պատել զամուրսն, առնուլ ջնջել սատակել զամենեսին յաւուր միում։

Verse: 28  Link to sept   Իբրեւ զայն լուաւ յուդա՝ գո́ւնդ կազմեաց վաղվաղակի. ճանապա́րհ կալաւ ընդ անապատ, յանկարծակի անկանէր ՛ի վ(ե)ր(այ) բոսորայ. յանկարծակի յաղեկարծո́ւմ ժամու զա(մենայ)ն քաղաքն ՛ի բուռն առնոյր. անդ ՛ի մի սուր սուսերի իւրոյ սպանանէր զա(մենայ)ն արու մանուկ, եւ առնոյր զա(մենայ)ն զաւար քաղաքին բոսորացւոց։ եւ զքաղաքն ա(մենայ)ն հրձի́գ առնէր։

Verse: 29  Link to sept   եւ ինքն գիշերայն գնդաւն հանդերձ դիմէ́ր ՛ի վ(ե)ր(այ) ամրոցն պաշարելոց։

Verse: 30  Link to sept   Ա́յն ինչ կամէր առաւօտն ՛ի գիշերոյն մերկանալ, զա́չս ՛ի վեր ամբարձին, տեսին զօրս բազումս զի ո́չ գոյր ն(ո)ց(ա) թիւ. զի բարձեալ բերէին սանդուղխս եւ մանգլիոնս, եւ պէսպէս մենքենայս ՛ի վերայ ամրոցն, մա́րտ եդեալ եւ ՛ի պատերա́զմ մատուցեալ։

Verse: 31  Link to sept   Եւ իբրեւ ընդ ա́յն հայեցաւ յուդա, եւ ետես զի սկիզբն էր մարտին, անտի՝ աղաղակ քաղաքին, եւ աստի՝ զօրացն որ պաշարեալ պահէին, ձա́յն մարտի, ձա́յն պատերազմի, ձա́յն փողոյ առ հասարակ յերկինս ելանէր։

Verse: 32  Link to sept   Սկսաւ խօսել ընդ զօրսն իւր՝ եւ ասէ. հա́պա ժի́րք լերուք, պի́նդ կացէք. գործ՝ այսօ́ր է մարտնչել ձեզ ՛ի վ(ե)ր(այ) եղբարց ձերոց։

Verse: 33  Link to sept   Եւ զզօրսն ա(մենայ)ն յերի́ս գունդս բաժանէր, եւ շո́ւրջ զնոքօք ճակատեալ ՛ի մարտ մատուցանէր. փո́ղ հարին, խրախո́յս բարձին. գոչեցին աղօթիւք առ ա(ստուա)ծ, ՛ի վ(ե)ր(այ) յարձակեցան։

Verse: 34  Link to sept   Ա́զգ եղեւ տիմոթեայ եւ զօրացն, եթէ մակաբէ զօրօքն ՛ի վ(ե)ր(այ) հասեալ է. իբրեւ հայեցան տեսին, շրտեա́ն լքան կասեցին, ընկեցին զիւրաքանչիւր մենքենայս, եւ ՛ի փախո́ւստ դարձան։ Եւ հարկանէր յաւուր յայնմիկ զն(ո)ս(ա) ՛ի հարուածս սաստիկս. տանէին փախստեայս առաջի իւրեանց. մի առ միոջ դիաթաւալ կացուցանէին. արկանէին ՛ի սուր սուսերի իւրեանց իբրեւ արս ութ հարիւր հազար սպառազէն։

Verse: 35  Link to sept   եւ ինքն դառնայր ՛ի կողմն մայափայ. մա́րտ պատերազմի դնէր զնովաւ՝ եւ առնոյր զնա, եւ ՛ի նմա սպանանէր զա(մենայ)ն արու մանուկ ն(ո)ց(ա). եւ առնոյր զա(մենայ)ն ինչս եւ զստացուածս ն(ո)ց(ա) յաւարի, եւ զքաղաքն այրէր հրով։

Verse: 36  Link to sept   Անտի խաղայր գայր պատէր զքասփովն մակեթ, եւ զբոսոր, եւ զմնացեալ քաղաքս գաղաադու։

Verse: 37  Link to sept   Յետ ա́յսց ժամանակաց՝ դարձեալ զօրաժողո́վ լինէր տիմոթէոս, եւ գայր բանակէր դէմ յանդիման ռափովնայ, յայնկոյս գետոյն։

Verse: 38  Link to sept   Դէ́տ արձակեաց յուդա զի տեսցէ զբանակս ն(ո)ց(ա)։ եկին պատմեցին՝ եւ ասեն. միաժողո́վ եղեն ա(մենայ)ն ազգք եւ ազինք յոյժ, որ շուրջ զմեւք բանակեա́լ են, եւ զօրք բազումք կուտեալ են յոյժ։

Verse: 39  Link to sept   եւ արուայիկս բազումս ածեալ է ՛ի վարձու յօգնականու(թ)ի(ւն) իւրեանց. եւ բանակեալ են յայնկոյս գետոյն, պատրաստեալ են գա́լ անկանել ՛ի վ(ե)ր(այ) քո։ իբրեւ զա́յն լսէր յուդա, նո́յնժամայն խաղա́յր գնայր ՛ի վ(ե)ր(այ) ն(ո)ց(ա)։

Verse: 40  Link to sept   Իբրեւ ետես տոմոթէոս՝ խօսե́լ կալաւ ընդ իշխանսն՝ եւ ասէ. մի́տ դիջիք դուք յուդայ եւ գնդին ն(ո)ր(ա) առ հասանել յափն գետոյն, եթէ զհասանելն եւ զանցանելն մի արասցէ՝ ապա մեք ո́չ կարեմք լինել դիմակա́լ ն(ո)ր(ա), զի յաղթելով յաղթեսցէ նա մեզ։

Verse: 41  Link to sept   ապա թէ հասցէ յափն գետոյն եւ ճակատեսցի՝ յա́յտ արար՝ թէ զանգիտեա́ց, մե́ք անցցուք մարտիցուք եւ յաղթեսցո́ւք նմա։

Verse: 42  Link to sept   Ա́յն ինչ ն(ո)ր(ա) բանք ՛ի բերան էին, եւ յուդա զօրօքն հասանէ́ր յափն գետոյն։ ա́նդ՝ առ ափն գետոյն կացուցանէր զաշխար համար դպիրսն, եւ տա́յր ն(ո)ց(ա) պատուէր, զի մի́ զոք ամենեւին թողցեն առ ափն գետոյն բանակել. այլ զա(մենայ)ն զայր պատերազմօղ զկնի ն(ո)ր(ա) փողեսցեն։

Verse: 43  Link to sept   Եւ ինքն զհասանելի՝ զանցանելն՝ զյարձակելն ՛ի վ(ե)ր(այ)՝ մի առնէր, եւ նախ զգունդն նահատակաց ՛ի ներքս բեկանէր, զզօրսն ա(մենայ)ն ՛ի փախո́ւստ դարձուցանէր. եւ ա(մենայ)ն ազգք եւ ազինք զէնընկեցք փախստեա́յ գնային յամրակողմն, ՛ի նուիրեալ տեղին մեհենին ՛ի կառնային։

Verse: 44  Link to sept   Սոքա եկի́ն հասին պատեցին զքաղաքն, հրձի́գ արարին զամուրն՝ մեհենիւն հանդերձ. եւ կառնային նեղէր, եւ ո́չ կարէր հանդարտել ընդդէմ յուդայ։

Verse: 45  Link to sept   Հրամա́ն ետ յուդա խաղացուցանել զա(մենայ)ն ազգս հրէից որ էին ՛ի կողմանս գաղաադու, կանամբք եւ մանկաւով ա(մենայ)ն կահիւ հանդերձ, ածել հասուցանել յերկիրն հրէաստանի. եւ էին նոքա բանա́կք մեծամեծք։

Verse: 46  Link to sept   եւ եկին հասին ՛ի դուռն եփրոն քաղաքի. եւ այս քաղաք՝ է́ մեծ ՛ի վ(ե)ր(այ) ճանապարհի յամուր վայրի. եւ ո́չ գոյր ն(ո)ց(ա) ա́յլ ճանապարհ խոտորել յաջ կամ յահեակ, բայց երթալ ընդ նէջ քաղաքին։

Verse: 47  Link to sept   իբրեւ տեսին զօրք քաղաքին զամբոխ զօրացն, եւ զբազմու(թ)ի(ւն) բանակացն՝ զդրունսն փակեցին, զդրանդսն սեղմեցին վիմօք. եւ ո́չ տային անցանել ն(ո)ց(ա)։ Իբրեւ զա́յն ետես յուդա. առաքեա́ց առ ն(ո)ս(ա) բանս խաղաղու(թեամ)բ

Verse: 48  Link to sept   եւ ասէ. թո́յլ տուք՝ անցից ընդ երկիր քո, երթալ անցանել ինձ յաշխարհ իմ, եւ ո́չ ոք ինչ մեղիցէ քեզ. բայց այնչափ որչափ ոտի́ւք մերովք կոխեսցուք զերկիր քո։ եւ ո́չ առին յանձն նոքա նմ(ա) բանալ զդրունսն։

Verse: 49  Link to sept   Ապա հրաման ետ յուդա փո́ղ հարկանել, քարո́զ կարդալ եւ ասել. հա́պա՝ իւրաքանչիւր գունդ յորում վայրի եւ կացցէ ՛ի նե́րքս խաղասցէ։

Verse: 50  Link to sept   Եւ մատեան զօրքն յիւրաքանչիւր տեղւոջ յորում կային ՛ի մա́րտ պատերազմի, զա(մենայ)ն տիւն եւ զա(մենայ)ն գիշերն ՛ի մարտ, մինչեւ մատնեցաւ քաղաքն ՛ի ձեռս ն(ո)ց(ա)։

Verse: 51  Link to sept   Ա́նդ սատակեցին զա(մենայ)ն արու մանուկ ն(ո)ց(ա) ՛ի սուր սուսերի իւրեանց. խլեցին զն(ո)ս(ա) յարմատոց, խաղացուցին զաւար քաղաքին, եւ ինքեանք անցին ը(նդ) մէջ քաղաքին, գնային երթային ՛ի վ(ե)ր(այ) դիականցն անկելոց.

Verse: 52  Link to sept   եւ անցին նոքա ը(նդ) յորդանան գետ ՛ի տափակողմն ՛ի դաշտ մի մեծ. եւ ա́նդ բանակեցան դէմ յանդիման բեթսովնայ։

Verse: 53  Link to sept   եւ անդ յանձանձէր զկաց մնաց ժողովրդեանն, մխիթարէր զամենեսին յուդա ընդ ա(մենայ)ն չո́ւս ճանապրհին ա́յսպէս առնէր մինչեւ ածէր հասուցանէր յերկիրն հրէաստանի։

Verse: 54  Link to sept   Եւ եկին հասի́ն ելին ՛ի լեառն սիովն ցնծութ(եամ)բ եւ ուրախու(թեամ)բ. ա́նդ մատուցանէին զողջակէզս եւ զպատարագս. զի ո́չ ծախեցաւ ՛ի ն(ո)ց(ա)նէ, մինչեւ եկին հասին անդրէն ՛ի տեղի իւրեանց խաղաղու(թեամ)բ։

Verse: 55  Link to sept   Եւ յաւուրսն յայնոսիկ է́ր յուդա եւ յովնաթան յերկիրն գաղաադու. եւ շմաւոն եղբայր ն(ո)ց(ա) էր յերկիրն գալիլեացւոց, յանդիման պտղոմեայ։ Իբրեւ զայն քաջու(թ)ի(ւն)ս պատերազմին լսէին

Verse: 56  Link to sept   յովսեպոս զաքարեանց, եւ զաքարի իշխան զօրացն մնացելոց,

Verse: 57  Link to sept   ասեն՝ եկա́ք եւ մե́ք երթիցուք տացուք մարտ պատերազմի ընդ հեթանոսս որ շո́ւրջ զմեւք են, եւ արասցուք եւ մեք մե́զ անուն։

Verse: 58  Link to sept   ժա́մ ետուն զօրացն, խաղացին գնացին ՛ի կողմանս յամնեայ։

Verse: 59  Link to sept   Եւ ե́լ գորգի ՛ի քաղաքէ անտի զօրօք հանդերձ որ ը(նդ) Ի́ւր էին ՛ի մարտ պատերազմի, եւ հարա́ւ ՛ի դիմի ն(ո)ց(ա)։

Verse: 60  Link to sept   ՛ի պարտութի(ւն) մատնեցան յովսեպոս եւ զաքարիա, եւ հալածականս երթային մինչեւ ՛ի սահմանս երկրին հրէաստանի։ Յայնմ աւուր անկանէին ՛ի ն(ո)ց(ա)նէ արք իբրեւ երկու հազարք. եւ եղեն կործանումնն այն սաստի́կ ՛ի վ(ե)ր(այ) ժողովրդեանն։

Verse: 61  Link to sept   զի ո́չ անսացին նոքա յուդայի եւ եղբարց ն(ո)ր(ա). խորհեցան՝ թէ մեք իբրեւ զնա առցուք անուն քաջու(թ)ե(ան).

Verse: 62  Link to sept   բայց նոքա չէին ՛ի զաւակէ անտի արանցն այնոցիկ, որոց տուեալ էր զփրկու(թ)ի(ւն) ի(սրաէ)լի ՛ի ձեռս ն(ո)ց(ա)։

Verse: 63  Link to sept   Եւ ի́նքն յուդա եւ եղբարք իւր փառաւո́ր լինէին յաչս ժողովրդեանն՝ առաջի ա(մենայ)ն ազգաց հեթանոսաց. ուր եւ լսէին զանուն ն(ո)ց(ա),

Verse: 64  Link to sept   Ժողովէին՝ եւ օրհնէին զն(ո)ս(ա)։

Verse: 65  Link to sept   եւ ե́լ յուդա եղբարբքն հանդերձ, տա́լ պատերազմ ընդ որդիսն եսաւայ ՛ի հարաւակո́ղմ կուսէ անդ։ ա́նդ հարկանէր զքեբրոն քաղաք՝ եւ զդստերս իւր. քակէ́ր կործանէ́ր զա(մենայ)ն ամուրս ն(ո)ց(ա) եւ հրձի́գ առնէր զաշտարակս նորա շուրջանակի ուր եւ գտանէր։

Verse: 66  Link to sept   Եւ ե́լ դիմեաց գնալ նա յերկիրն այլազգեաց, գայր հասանէր ՛ի կողմ մարիսայ։

Verse: 67  Link to sept   յաւուր յայնմիկ անկա́ն քահանայք ՛ի պատերազմի անդ, մինչ նա դեռ կամէր քաջու(թ)ի(ւն) ինչ առնել. զի ե́լ նա տա́լ պատերազմ առանց խորհրդոց։

Verse: 68  Link to sept   Եւ դարձա́ւ յուդա ՛ի կողմն ազովտայ յերկիրն այլազգեաց, աւերէր զմեհեանս ն(ո)ց(ա), եւ կործանէր զկուռս նոցա, եւ հրձի́գ առնէր զքաղաքս ն(ո)ց(ա), ՛ի գերու(թ)ե(ան) վարէր զինչս եւ զստացուածս նոցա, եւ դառնայր գնայր յերկիրն հրէաստանի։



Chapter: 6 
ԳԼ(ՈՒԽ) Զ՜.


Verse: 1  Link to sept   Եւ անտիոքոս կայսր՝ գնա́յր նա ը(նդ) վերնագաւառսն. ապա լո́ւ եղեւ նմա եթէ է́ քաղաք մի ՛ի կողմանս ղիմնեայ ՛ի պարսից աշխարհին, քաղաք փառաւո́ր, լի́ ոսկւով եւ արծաթով։

Verse: 2  Link to sept   եւ մեհեանն որ ՛ի նմա, է́ մեծագանձ յոյժ, եւ կուռք ոսկեղէնք ձուլածոյք մեծամեծք ՛ի նմա։ Ա́ռ նա՝ զէն բազում, զրահք եւ պատեանք որ թողեալէր աղէքսանդրի կայսեր մակեդոնացւոց, որ թագաւորեաց նախ ՛ի վ(ե)ր(այ) յունաց աշխարհին։

Verse: 3  Link to sept   եկն եհաս նա ՛ի քաղաքն յայն, եւ խնդրէր առնուլ աւարաբար։ Ա́զդ եղեւ քաղաքացւոցն.

Verse: 4  Link to sept   ՛ի մա́րտ պատերազմի պատրաստեցան, եւ ո́չ ետուն մտանել։ Զահի́ հարաւ՝ խաղա́ց գնաց ՛ի կողմանցն արեւելից յերկիրն բաբելացւոց։

Verse: 5  Link to sept   Ա́նդր գուժկան հասանէր առ կայսր անտիոքոս ՛ի կողմանցն հարաւոյ, թէ ՛ի պարտութի(ւն) մատնեցան զօրքն՝ որ ելեալ էին յերկիրն հրէաստաի։

Verse: 6  Link to sept   Զի չոգաւ զառաջին նուագն լիւսի զօրօք բազմօք, եւ ՛ի պարտու(թ)ի(ւն) մատնեցաւ յերեսաց ն(ո)ց(ա)։ զօրացան զինուք, զօրօք, եւ լցան աւարաւ բազմաւ, կոտորեցին զբանակս ն(ո)ց(ա). զինչս եւ զստացուածս ն(ո)ց(ա) ՛ի գերու(թ)ի(ւն) վարեցին.

Verse: 7  Link to sept   զմեհեանս աւերեցին. զկուռս կործանեցին որ շինեալ էր ՛ի վ(ե)ր(այ) սեղանոյն յե(րուսաղէ)մ, եւ զսրբութի(ւն)ն փակեցին պարսպօք բարձրու(թ)ե(ան) ո(ր)պ(էս) զառաջինն, եւ ը(նդ) նմին զքաղաքն բեթսուր։

Verse: 8  Link to sept   Եւ եղեւ իբրեւ լուաւ զբանս զայս թագաւորն, հիացա́ւ զարմացա́ւ թմբրեցա́ւ՝ եւ խռովեցա́ւ յոյժ. անկա́ւ ՛ի մահիճս իւր եւ հիւանդացաւ, զի ո́չ կատարեցաւ խորհուրդ հրամանի ն(ո)ր(ա)։

Verse: 9  Link to sept   եւ անդ դնէր նա բազում աւուրս, զի նորոգեցան ՛ի վ(ե)ր(այ) նորա տրտմու(թ)ի(ւն)ք բազումք։ Ած զմտաւ՝ թէ մեռանի́մ։

Verse: 10  Link to sept   կոչեա́ց զա(մենայ)ն բարեկամս իւր՝ եւ ասէ ցն(ո)ս(ա). Քուն հատա́ւ յերեսաց իմոց. պախեալ եմ ՛ի սիրտ իմ հոգոց իմոց։

Verse: 11  Link to sept   խօսեցա́յ ընդ սրտի իմում եւ ասեմ, ցո́ր վայր նեղութե(ան)ց հասանես, եւ խռովութե(ան) բազմի, յորում այժմիկ պաշարեալ կամ. զի քաղցր եւ բարերար եւ սիրելի́ էի զօրաց իմոց։

Verse: 12  Link to sept   Արդ՝ յո́ւշ եղեն ինձ չարիքն այն՝ զոր գործեցի ես յե(րուսաղէ)մ, եւ առի ես զա(մենայ)ն սպասն զայն զոսկւոյ եւ զարծաթոյ. եւ զօ́րս եւս գումարեցի տարապարտուց ՛ի վ(ե)ր(այ) ն(ո)ց(ա) ջնջե́լ զն(ո)ս(ա)։

Verse: 13  Link to sept   Արդ գիտե́մ եթէ վ(ա)ս(ն) այսորիկ գտին զիս չարիքս այս ա(մենայ)ն, եւ կորնչիմ աւասիկ տրտմութ(եամ)բ յօտա́ր երկրի։

Verse: 14  Link to sept   Եւ կոչեա́ց նա զփիլիպպոս՝ մի ՛ի բարեկամաց անտի իւրոց, կացո́յց զնա ՛ի վ(ե)ր(այ) ա(մենայ)ն թագաւորութե(ան) իւրոյ։

Verse: 15  Link to sept   եւ ետ ցնա թա́գ եւ պատմուճան՝ եւ զմատանին զիւր, ածե́լ զորդի իւր զանտիոքոս, սնուցանե́լ եւ յիւր տեղի թագաւորեցուցանել զնա։

Verse: 16  Link to sept   Եւ մեռա́ւ անդ՝ անտիոքոս արքայ, յամին հարիւրորդի քառասներորդ իններորդի։

Verse: 17  Link to sept   Ա́զդ եղեւ լիւսիայ եթէ մեռա́ւ արքայ՝ եւ կացոյց թագաւոր զորդի իւր անտիոքոս, եւ ե́դ անուն նմա հօրամոյն անտիոքոս։

Verse: 18  Link to sept   Եւ որ ՛ի միջնաբերդին էին արգելեալք՝ որ նեղէին զի(սրա)էլ, եւ շուրջ զսրբութ(եամ)բն խնդրէին զչարի́ս հանապազ, եւ զօրու(թ)ի(ւն) էին նոքա հեթանոսացն.

Verse: 19  Link to sept   խորհեցա́ն քաղաքացիքն ջնջել զն(ո)ս(ա)։ Եւ իբրեւ ժողովեաց զա(մենայ)ն ժողովս զօրացն,

Verse: 20  Link to sept   եւ եկին նստան շուրջ զնոքօք. եւ ժողովեցան ՛ի մի վայր, եւ պաշարեցին զնա։ Յամին հարիւրորդի յիսներորդի, շինեցին պատուարս եւ նետակալս եւ մենքենայս բազումս։

Verse: 21  Link to sept   Եւ եկին ելին ն(ո)ք(ա) յարգելանէ անտի, եւ կցեցան յարս անօրէնս յի(սրա)էլացւոց անտի.

Verse: 22  Link to sept   եւ գնացին ն(ո)ք(ա) առ արքայն եւ ասեն. մինչեւ յե՞րբ ո́չ արասցես դու զդատաստանն, եւ զվրէ́ժ խնդրեսցես եղբարցն մերոց։

Verse: 23  Link to sept   մեք հաւանեալեմք ծառայէլ հօր քում, եւ երթալ զհետ հրամանաց ն(ո)ր(ա)։

Verse: 24  Link to sept   Եւ նստէին զնովաւ որդիք ժողովրդեան մերոյ, վ(ա)ս(ն) այսորիկ օտարանային բազումք ՛ի մէնջ. բայց զոր գտանէին ՛ի մէնջ՝ մահո́ւ մեռուցանէին, եւ ժառանգու(թ)ի(ւն)ք մեր ՛ի յափշտակութի(ւն) մատնէին։

Verse: 25  Link to sept   եւ ո́չ ՛ի մեզ միայն ձե́ռս մխեցին, այլ եւ յա(մենայ)ն սահմանս իւրեանց։

Verse: 26  Link to sept   եւ այժմ եկեալ պաշարեալ շուրջ զմեւք, եւ աւադիկ եկեալ փակեալ պաշարեալ պահեն զմիջնաբերդն ե(րուսաղէ)մի առնուլ զնա, եւ զսրբու(թ)ի(ւն)ն. եւ զբեթսովրա ամրացուցին։

Verse: 27  Link to sept   Եւ եթէ ոչ վա́ղ աճապարեսջիք՝ ե́ւս մեծամեծ ինչ քան զայս գործիցեն, եւ դուք զառաջս ո́չ կարիցէք ունել։

Verse: 28  Link to sept   Իբրեւ զայն լուաւ թագաւորն՝ բարկացա́ւ յոյժ, հրամայեաց կոչել զբարեկամս իւր, եւ զիշխանս որ ՛ի վ(ե)ր(այ) զօրացն էին։

Verse: 29  Link to sept   եւ յայլմէ թագաւորու(թեն)է, եւ յայլոց կղզեաց եկին առ նա զօրք բազումք ՛ի վարձու։

Verse: 30  Link to sept   եւ էր թիւ զօրաց ն(ո)ր(ա) հարիւրհազար ասպա́ր ՛ի ձեռին տիգաւոր հետեւակ, եւ քսանհազար հեծեալ սպառազէն, երեսուն եւ երկու փիղք վառեալք երիվարիկք։

Verse: 31  Link to sept   Եւ եկին անցին ը(նդ) ադոմ. ճակատեցան պատեցին զբեթսովր քաղաք, եւ մա́րտ պատերազմի եդին շուրջ զնովաւ աւուրս բազումս։ կազմեցին շուրջ զմանգղիոնս եւ մենքենայս։ եւ ելին ՛ի քաղաքէ անտի, այրեցին զմենքենայսն, եւ մա́րտ եդին ընդ ն(ո)ս(ա) քաջու(թեամ)բ։

Verse: 32  Link to sept   Չուեա́ց խաղաց գնաց յուդա ՛ի միջնաբերդ ամրոցէ անտի, եւ եկն բանակեցաւ ՛ի բեթսակարիա, դէմ յանդիման բանակի արքային։

Verse: 33  Link to sept   Կանխեա́ց ընդ առաւօտն թագաւորն, ա́ռ զբանակն՝ տարա́ւ բանակեցոյց ՛ի միջոյ անտի ըստ ճանապարհին բեթսակարիա. եւ զզօրսն սփռեա́ց ճակատեցոյց ՛ի մա́րտ պատերազմի. փո́ղ հարին,

Verse: 34  Link to sept   կազմեցին պատրաստեցին զփիղսն՝ ճաշակեցուցին յարիւն խաղողոյ, ՛ի զըմուռս եւ ՛ի գինիս։

Verse: 35  Link to sept   Եւ կարգեցա́ն բաշխեցին ՛ի գունդս գունդս. եւ կարգեցին առ փի́ղ փիղ հազա́ր հազա́ր այր սպառազէն. եւ պահապան գլուխ գնդիցն հինգհազար հեծեալ վառեալ նժո́յգ ՛ի ձեռն պաշտպան գնդիցն.

Verse: 36  Link to sept   զի ուր եւ կայցեն գազանքն՝ կայցե́ն եւ նոքա. եւ ուր եւ գնայցեն՝ գնայցեն եւ նոքա։

Verse: 37  Link to sept   եւ վանդակակապ մարտկոցս մենքենայիւք ՛ի վ(ե)ր(այ) փղացն կազմեցին, եւ զփլապանն ՛ի վ(ե)ր(այ) գլխոյն նստուցին։

Verse: 38  Link to sept   եւ զայլ այրուձին յա́ջ եւ յահեակ թե́ւս գնդին կազմեցին։

Verse: 39  Link to sept   Իբրեւ անտի արեգակն ծա́յրս արձակէր, առհասարակ ՛ի զրահաւոր պատենազէն պղնձապատ վահանացն նշոյլքն զլերամբքն փայլատակէին, եւ ճառագայթք հատանէին իբրեւ ՛ի փայլատակա́նց հրոյ։

Verse: 40  Link to sept   Եւ երկայնէ́ր ճակատն, զեղո́յր որ զբարձամբք լերանցն, որ զձորովք եւ զխորովք եւ զդաշտիւք.

Verse: 41  Link to sept   եւ խաղային յառաջ՝ առհասարակ կարգեալք եւ կազմեալք. միաբան շարժէին առ հասարակ ամենեքին որ լսէին զձայն բարբառոյ բազմութե(ա)ն, զշաչիւն զինու, զչառաչիւն զերիվարացն թնդիւն, զոտնաձայն վահանաւոր վառելոցն։

Verse: 42  Link to sept   Ե́կն եհա́ս յուդա իւրով գնդաւն, կարգեցա́ւ կազմեցա́ւ ճակատեցա́ւ պատրաստեցա́ւ, յարձակեցաւ, ՛ի դիմի́ հարաւ գնդի թագաւորին. յա́յնմ տեղւոջ յանդիման թագաւորին՝ վեցհարիւր հեծեալ սպառազէն դիթաւա́լ կացուցանէր յանդիման թագաւորին։

Verse: 43  Link to sept   յա́յնմ վայրի դէտ ա́կն ՛ի վե́ր ամբառնայր։ Եղիազա́ր աւարան տեսանէր մի ՛ի գազանաց անտի վառեա́լ զարդարեալ, ՛ի զէն արքունի վառեալ՝ եւ նշանս արձակեալ, համարեցաւ թէ արքա́յն իսկ ՛ի նմին իցէ։

Verse: 44  Link to sept   Յարձակեցաւ ՛ի վերայ գնդին՝ յա́ջ յահեակ կոտորեաց, չոգա́ւ մինչեւ եհաս ՛ի փի́ղ անդր նշանաւոր, զէ́ն վերացոյց,

Verse: 45  Link to sept   եւ եմուտ ՛ի ներքոյ, եհար՝ եւ անդէն կործանեաց.

Verse: 46  Link to sept   եւ է́ջ նստաւ փիղն ՛ի վերայ՝ եւ զնա անդէն ճմլեաց։

Verse: 47  Link to sept   Նոքա իբրեւ տեսին զզօրութի(ւն) զօրաց թագաւորին՝ խո́յս ետուն ՛ի նոցանէ։

Verse: 48  Link to sept   սակայն յոր կողմ եւ գային, ընդառա́ջ լինէին ն(ո)ց(ա) գունդքն արքունի, մինչեւ եկին ՛ի կողմանս ե(րուսաղէ)մի։ եւ եկն արքայն եւ բանակեցան ՛ի հրէաստանի, եւ ՛ի լեառնն սիոն։

Verse: 49  Link to sept   Եւ խօսեցաւ նա ՛ի հաշտութի(ւն) խաղաղութե(ան) բեթսովր քաղաքին։ եւ ելին սփռեցան նոքա ՛ի քաղաքէ անտի, զի ո́չ գոյին ն(ո)ց(ա) անդ համբարք. զի բազում ժամանակաց արգելեալ պաշարեալէին։ եւ ամն իսկ ընդ աշխարհն շաբա́թ դիպեցաւ։

Verse: 50  Link to sept   Եւ ա́ռ թագաւորն զբեթսովր քաղաք, եւ հրամայեաց զզօրն ՛ի ներքս տանել պահապան քաղաքին։

Verse: 51  Link to sept   եւ ինքն պաշարեալ պահէր զսուրբ քաղաքն աւուրս բազումս։ եւ շուրջ զնովաւ կանգնէին մանգղիոնս եւ մենքենայս, հրացանս եւ քարընկէցս՝ ռմբաքարս, եւ բալիստր, նետաձի́գ աշտարակս, եւ աշտարակս պարսաւորաց։

Verse: 52  Link to sept   Դարձեալ եւ նոքա ՛ի քաղաքէ անտի սկսան կազմել մենքենայս առ մենքենայս նոցա մա́րտ եդեալ կռուէին աւուրս բազումս.

Verse: 53  Link to sept   բայց համբար ինչ ո́չ գտանէին. զի այն ամ եւթներորդ էր ընդ երկիրն, զի գաղթկանք աշխարհին սպառեցին զհամբարսն մթերեալս։

Verse: 54  Link to sept   մնացեալէին սակաւք ՛ի սուրբս անդ. զի սփռեալէին՝ը իւրաքանչիւր տեղիս, զի սովն սատակացեա́լ էր ՛ի վ(ե)ր(այ) ն(ո)ց(ա). եւ ցրուեցան յիւրաքանչիւր տեղիս։

Verse: 55  Link to sept   Իբրեւ լուաւ լիւսի՝ եթէ փիլիպպոս որում հրամայեաց ինքնին անտիոքոս սնուցանել զորդի իւր զանտիոքոս, զի կացուսցէ զնա արքայ.

Verse: 56  Link to sept   իբրեւ դարձաւ նա ՛ի պարսից եւ ՛ի պարթեւաց, եթէ զօրքն ա(մենայ)ն ՛ի նա հատան. եւ ինքն կամի հասանել ՛ի վ(ե)ր(այ) իրաց աշխարհին։

Verse: 57  Link to sept   Եկն՝ եւ ասէ նա ցարքայն եւ ցա(մենայ)ն մեծամեծս զօրացն. նեղի́ն զօրքս հանապազ, համբարք նուազեալ են, եւ կերակուր կարճեալ են. եւ տեղիդ յորոյ վ(ե)ր(այ) պատերազմդ է՝ ամո́ւր է եւ անհնարին է, եւ գործ թագաւորու(թ)ե(ան) ՛ի մեզ հասեալ է։

Verse: 58  Link to sept   Արդ եկա́յք ՛ի հաշտութի(ւն) խօսեցարուք, դաշինս կռեսցուք, խաղաղութի(ւն) արասցուք ը(նդ) ա́րս ը(նդ) ազգիդ այդմիկ։

Verse: 59  Link to sept   բանս հաստատեսցուք մեք ը(նդ) ն(ո)ս(ա). կա́լ ն(ո)ց(ա) յիւրաքանչիւր օրէնս իբրեւ զառաջինն. զի վ(ա)ս(ն) օրինացն իսկ իւրեանց յորում խռովեցաք զն(ո)ս(ա)՝ բարկացան նոքա ՛ի մէնջ, ՛ի վէ́գ եկին՝ եւ արարին զայս ա(մենայ)ն։

Verse: 60  Link to sept   Հաճո́յ թուեցաւ բանն առաջի թագաւորին եւ իշխանաց նորա. եւ արձակեաց նա հրեշտակս խօսել ՛ի խաղաղութի(ւն)։ եւ ընկալան։

Verse: 61  Link to sept   երդումն երդուաւ նոցա թագաւորն եւ իշխանքն։ եւ ապա նոքա ելին յամրոցաց անտի։

Verse: 62  Link to sept   Եւ եմուտ թագաւորն ՛ի լեառն սիոն, եւ ետես զամրու(թ)ի(ւն) տեղւոյն. եւ ստեա́ց զերդումն զոր երդուաւ. հրամա́ն ետ քակել շուրջանակի զպարիսպս ն(ո)ր(ա)։

Verse: 63  Link to sept   Չո́ւ արար վաղվաղակի ՛ի կողմանս անտիոքայ, եւ եգիտ նա զփիլիպպոս տիրեալ քաղաքին. մարտեաւ ը(նդ) նմա, եւ ա́ռ զքաղաքն բռնութ(եամ)բ։



Chapter: 7 
ԳԼ(ՈՒԽ) Է՜.


Verse: 1  Link to sept   Յամին հարիւրորդի յիսներորդի յառաջնում, համբարձաւ դեմետրիոս սելեւկեան ՛ի հռոմ քաղաքէ. եւ ե́կն նա սակաւ զօրօք ՛ի քաղաքն ծովեզերեայ, եւ թագաւորեաց նա ՛ի նմա։

Verse: 2  Link to sept   Եւ եղեւ իբրեւ մտանել կամէր անտիոքոս ՛ի տուն թագաւորու(թ)ե(ան) հարց իւրոց. շո́ւրջ եղեն պատեցին զնա զօրք բազումք, ձերբակա́լ արարին զլիւսի, եւ զանտիոքոս կալեալ կապեալ ածին առ դեմետր։

Verse: 3  Link to sept   Իբրեւ ցուցին դեմետրի զբանսն, հրամա́ն ետ՝ եւ ասէ. բնա́ւ զերեսս ն(ո)ց(ա) ինձ յակն մի́ արկանէք։

Verse: 4  Link to sept   եւ առին արտաքուստ արտաքս զօրօքն, եւ տարան սպանին զն(ո)ս(ա)։ եւ նստաւ յաթոռ թագաւորութե(ա)ն դեմետր։

Verse: 5  Link to sept   եւ եկին առաջի ն(ո)ր(ա) արք անօրէնք ամբարիշտք յազգացն ի(սրաէ)լի. եւ յակիմոս գլո́ւխ էր ն(ո)ց(ա), զի ինքն իսկ անսայր քահանայութե(ա)ն.

Verse: 6  Link to sept   ամբաստա́ն եղեն զժողովրդենէն, եւ ասեն. կորո́յս սպառեաց յուդա զմեզ զեղբարս իւր, եւ զքո զբարեկամս, եւ զմեզ ցրուեաց յերկրէ անտի։

Verse: 7  Link to sept   արդ առաքեա́ դու արս հաւատարիմս որ եկեսցեն տեսցեն զչարչարանս ազգին, եւ զսատակումնն զոր հասոյց ՛ի վ(ե)ր(այ) մեր. զի սատակեա́ց նա զերկիրն արքունի, եւ վշտացոյց զօգնականս ն(ո)ց(ա)։

Verse: 8  Link to sept   Եւ ընտրեա́ց կայսր՝ զբաքիդդ սիրելի զարքայի՝ զիշխան յայն կողմն գետոյն, իշխան մեծ հաւատարիմ յարքայութե(ան) իւրում. եւ արձակեցին զնա,

Verse: 9  Link to sept   եւ զանօրէնն յակիմոս ը(նդ) նմա. եւ յա́նձն արարին նմա զքահանայու(թ)ի(ւն)ն. եւ ետ հրաման խնդրել զվրէ́ժ որդւոցն ի(սրաէ)լի։

Verse: 10  Link to sept   Չո́ւ արար՝ խաղաց գնաց բաքիդ. եւ հրեշտակս արձակեաց ՛ի տեղւոջէ առ յուդա եւ առ եղբարս ն(ո)ր(ա)՝ խօսել ընդ ն(ո)ս(ա) ՛ի խաղաղու(թ)ի(ւն) բանիւք նենգութ(եամ)բ։

Verse: 11  Link to sept   Եւ նոքա ո́չինչ անսացին բանից նորա զի տեսին զնա հասեալ զօրօք բազմօք։

Verse: 12  Link to sept   Սկսան ժողովել առ բաքիդ եւ առ յակիմոս ժողովք դպրաց որ խնդրէին զիրաւունս։

Verse: 13  Link to sept   Նախ ասիդացիքն էին յորդւոցն ի(սրաէ)լի որ խնդրէին զխաղաղու(թ)ի(ւն)։

Verse: 14  Link to sept   զի ա́յսպէս համարեցան եթէ այր քահանայ ՛ի զաւակէ ահարոնի եկեալ է ընդ զօրսն, ո́չ ինչ տացէ մեղանչել մեզ։

Verse: 15  Link to sept   Եւ խօսեցաւ ընդ ն(ո)ս(ա) բանս խաղաղու(թեամ)բ, եւ երդմնի́ եղեւ ն(ո)ց(ա). եթէ ո́չինչ տաց մեղանչել ձեզ. եւ ո́չ բարեկամաց ձերոց։

Verse: 16  Link to sept   Եւ հաւատացին ՛ի նա. եւ նա ա́ռ ՛ի նոցանէն արս վաթսուն, եւ սպան յաւուր միում ըստ բանին որպէս եւ գրեալ է,

Verse: 17  Link to sept   ընկեցին զմարմինս սրբոց քոց թռչնոց երկնից, եւ հեղին զարիւնս ն(ո)ց(ա) շուրջ զե(րուսաղէ)մաւ, եւ ո́չոք էր որ թաղէր զն(ո)ս(ա)։

Verse: 18  Link to sept   Եւ անկաւ ա́հ եւ երկեւղ ՛ի վ(ե)ր(այ) ժողովրդեանն, զի ասացին թէ չիք ՛ի ն(ո)ս(ա) իրաւունք եւ ո́չ ճշմարտութի(ւն). զի անցին ըստ հաստատութի(ւն), եւ ը(ս)տ երդումն զոր երդուան։

Verse: 19  Link to sept   Չուեա́ց բաքիդ յե(րուսաղէ)մէ, եւ եկն բանակեցաւ ՛ի բերաէթ. եւ առաքեաց կալաւ նա զբազումս ՛ի նոցանէ՝ յարանցն ինքնեկաց, եւ զբազումս ՛ի ժողովրդենէ անտի. եւ հրամայեաց փողոտել ՛ի ջրհո́ր անդր ՛ի ներքս։

Verse: 20  Link to sept   եւ եդ զաշխարհն ՛ի ձեռն յակիմայ. եւ եթող առ յակիմայ զօրս բազումս օգնական նմա։ եւ գնաց բաքիդ առ արքայ։

Verse: 21  Link to sept   Եւ ջանայր յակիմոս վասն քահանայապետու(թ)ե(ան).

Verse: 22  Link to sept   եւ ժողովեցան առ նա ա(մենայ)ն խռովիչք ժողովրդեանն, եւ յաղթահարեցին զերկիրն յուդայ. եւ արարին հարուածս մեծամեծս ՛ի վերայ ի(սրաէ)լի։

Verse: 23  Link to sept   Իբրեւ ետես յուդա զչարիսն զոր արար յակիմոս, եւ որ ը(նդ) նմա էին որդիքն ի(սրաէ)լի.

Verse: 24  Link to sept   յարձակեցա́ւ նա ՛ի վ(ե)ր(այ) հրէաստանի շուրջանակի զսահմանօք ն(ո)ր(ա), եւ արար վրէժխնդրութի(ւն) ՛ի վ(ե)ր(այ) արանցն որ ինքնակամ գնացեալ էին ՛ի հեթանոսս։ եւ կարճեցան ն(ո)ք(ա) այնուհետեւ դառնա́լ անդրէն յերկիրն հրէաստանի։

Verse: 25  Link to sept   Իբրեւ ետես յակիմոս՝ եթէ միւսանգա́մ եւս զօրացաւ յուդա, եւ գիտաց թէ ո́չ կարեմ ժո́յժ ունել նմա, դարձա́ւ անդրէն առ թագաւորն չարախօս լինել զնմանէ։

Verse: 26  Link to sept   Եւ առաքեաց թագաւորն զնիկոնովրա, մի ՛ի փառաւոր յիշխանաց անտի որ մանաւանդ ատեայր եւ թշնամութ(եամ)բ կայր ընդ կողմն ի(սրաէ)լի. պատուէ́ր ետ նմա զի ջնջեսցէ զժողովուրդն ՛ի տեղւոջէն։

Verse: 27  Link to sept   Եւ եկն եհաս նիկանովր զօրօք բազմօք. եւ առաքեաց նա առ յուդայ եւ առ եղբարս նորա բանս խաղաղութե(ան) նենգութ(եամ)բ։

Verse: 28  Link to sept   մի́ եղիցի կռիւ ընդ ի́ս եւ ընդ ձեզ. եկի́ց ես սակաւ արամբք տեսանել զերեսս ձեր խաղաղու(թեամ)բ։

Verse: 29  Link to sept   Եւ եկն առ յուդա, եւ ողջո́յն ետուն միմեանց խաղաղու(թեամ)բ. եւ զօրքն ճակատեալ պատրաստեալէին յարձակել եւ ձերբակալ առնել զյուդա։

Verse: 30  Link to sept   Իբրեւ ա́զդ եղեւ բանն այն առ յուդա, եթէ նենգութ(եամ)բ եկեալէ զնմանէ, խռովեցա́ւ խորշեցաւ մերժեցաւ հեռացաւ՝ եւ այլ ո́չ կամէր տեսանել զերեսս ն(ո)ր(ա)։

Verse: 31  Link to sept   Իբրեւ ետես նիկանովր եթէ յայտնեցաւ խորհուրդս նմա, խաղա́ց պատահել նմա պատերազմաւ ՛ի կողմանս փարսաղայ։

Verse: 32  Link to sept   եւ անկաւ ՛ի կողմանցն նիկանովրայ իբրեւ արք հինգ հարիւր, եւ փախստեա́յ եղեն ՛ի քաղաքն դաւթի։

Verse: 33  Link to sept   Եւ յետ այսց բանից՝ եկն ել նիկանովր ՛ի լեառն սիոն։ եւ եկին ելին ՛ի քահանայից անտի սրբոց ը(նդ) նմա. ողջո́յն տալ նմա խաղաղութ(եամ)բ, եւ ցուցանել նմա զողջակէզս պատարագաց զոր մատուցանէին հանապազորդ վասն կենաց թագաւորին։

Verse: 34  Link to sept   Նա անարգեա́ց զն(ո)ս(ա), եւ ծիծաղէր զնոքօք. եւ պղծեաց զնոսա բանիւք հպարտու(թեամ)բ եւ ամբարտաւանութ(եամ)բ.

Verse: 35  Link to sept   եւ եհար զն(ո)ս(ա). եւ ասէ ցասմամբ, եթէ ոչ ՛ի ձեռս իմ տաջիք զյուդա գնդաւն իւրով, այժմ ահա է́ ո(ր)պ(էս) իցէ. բայց թէ ը(նդ) սոյն դարձայց խաղաղութ(եամ)բ, զա́յն տաճար հրով դատեցայց, եւ ՛ի ձէ́նջ վրէժ խնդրեցից։ եւ անց գնաց սրտմտութ(եամ)բ եւ մեծաւ բարկու(թեամ)բ։

Verse: 36  Link to sept   Եւ քահանայքն՝ եկին մտին կացին յանդիման սեղանոյն եւ տաճարին, սկսան լա́լ եւ ասեն։

Verse: 37  Link to sept   Դո́ւ ընտրեցեր զտաճարս քո զայս՝ կոչել զանուն ս(ուր)բ քո ՛ի վերայ սորա. զի լիցի դա տուն ուխտից խնդրուածոց ժողովրդեան քոյ։

Verse: 38  Link to sept   դու խնդրեա́ զվրէժ յառնէ այտի յանդիմանէ, եւ ՛ի բանակէ դորա, եւ անկցին ինքեանք ՛ի սուր իւրեանց։ յիշեա́ դու զհայհոյու(թ)ի(ւն)ս ն(ո)ց(ա), եւ մի́ տար ն(ո)ց(ա) դադար։

Verse: 39  Link to sept   Եւ ել նիկանովր յ(թ)ե(ան)մէ, բանակեցաւ ՛ի բեթսորովն. ընդ առաջ եղեն նմա զօրք ասորեստանեայք։

Verse: 40  Link to sept   Եւ յուդա ինքն բանակեալէր յադասա երիւք հազար արամբք. սկսաւ կալ յաղօթս՝ եւ ասել։

Verse: 41  Link to sept   Յա́յնժամ որ ՛ի թագաւորէ անտի եկեալ հայհոյէին, ել հրեշտակ քո եւ եհա́ր զնոսա ՛ի հարիւր ութսուն եւ հինգհազար, եւ անդէն սատակեաց, ըստ ա́յնմ օրինակի սատակեա́ դու զբանակս զայս այսօր, եւ գիտասցեն մնացեալքն թէ ՛ի նանի́ր խօսեցաւ ՛ի վ(ե)ր(այ) սրբու(թ)ե(ան) քոյ. եւ դատեա́ դու զնա ըստ իւրում չարու(թ)ե(ան)։

Verse: 42  Link to sept   Հասի́ն ճակատքն երկոքեան ՛ի միմեանս, եւ ընդ միմեանս բախեցան յաւուրն երեքտասաներորդի յամսեանն ադարայ. ՛ի պարտութի(ւն) մատնեցաւ, խորտակեցաւ գունդն նիկանովրայ, եւ անկաւ նախ ի́նքն ՛ի սուր սուսերի ՛ի մէջ երկուց ճակատուցն։

Verse: 43  Link to sept   Իբրեւ ետես գունդն եթէ անկաւ նիկանովր՝ զէնընկէ́ց լինէին, ՛ի փախուստ դառնային։

Verse: 45  Link to sept   սոքա զհետ երթային ն(ո)ց(ա) օր մի յադասայ մինչեւ եկին հասին յազերա. եւ հարկանէին զփողս նշանաց զհետ ն(ո)ց(ա).

Verse: 46  Link to sept   եւ ելանէին յա(մենայ)ն քաղաքաց անտի հրէաստանի շուրջանակի, եւ կրճատէին զն(ո)ս(ա)։ Դարձեալ անդրէն առ միմեանս միմեանց ընդդէմ ՛ի մի́ վայր ժողովէին. եւ անկան յայնմ աւուր ամենեքին ՛ի սուր սուսերի, եւ ո́չ մնաց ՛ի նոցանէ եւ ո́չ մի։

Verse: 47  Link to sept   Եւ եկին խառնեցան ը(նդ) աւա́ր ընդ կապուտ՝ ը(նդ) զէն՝ ընդ գանձ ը(նդ) կահ բանակին։ եւ զգլուխն նիկանովրայ աջով ձեռամբն հանդերձ զոր իշխեաց ձգել նա հպարտութ(եամ)բ ՛ի տաճար անդր, եւ բերին պրկեցին զնա յանդիման ե(րուսաղէ)մի։

Verse: 48  Link to sept   Եւ ուրա́խ եղեւ ժողովուրդն յոյժ։ եւ արարին զօրն զայն տարեկան մեծ.

Verse: 49  Link to sept   եւ կարգեցին ամ յամէ զօրն զայն տօ́ն տարեկանաց, զերեքտասաներորդ ամսոյն ադարայ։

Verse: 50  Link to sept   Եւ լռեաց երկիրն յուդայ աւուրս քանի́ մի։



Chapter: 8 
ԳԼ(ՈՒԽ) Ը՜.


Verse: 1  Link to sept   Իբրեւ լուաւ յուդա զանուն հռովմայեցւոց, եթէ են նոքա հզօրք զօրու(թեամ)բ իւրեանց. եւ ն(ո)ց(ա) բարւո́ք թուի թէ ոք թիկունս առնէ զն(ո)ս(ա), եւ դաշնաւո́ր լինի ն(ո)ց(ա). եւ զի զօրացեալ են զօրութ(եամ)բ ՛ի վ(ե)ր(այ) երկրի։

Verse: 2  Link to sept   եւ վ(ա)ս(ն) մարտից պատերազմի, զի հարկանէին քաջութ(եամ)բ իւրեանց զկողմանս գաղատացւոց, զի զօրացան ՛ի վ(ե)ր(այ) ն(ո)ց(ա), եւ կացուցին զն(ո)ս(ա) ՛ի հարկի։

Verse: 3  Link to sept   Եւ որինչ միանգամ արարին նոքա ը(նդ) կողմանս սպանիացւոց. եւ թափեցին ՛ի ն(ո)ց(ա)նէ զբովսն ուստի ոսկին եւ արծաթն հատանի. եւ ընբռնեցին նոքա զտեղիսն զայն ա(մենայ)ն խորհրդովք իւրեանց, եւ երկայնմտութ(եամ)բ իւրեանց. զի էր տեղին կարի բացարձա́կ ՛ի նոցանէ.

Verse: 4  Link to sept   եւ ՛ի թագաւորաց անտի որ եկեալ էին ՛ի վ(ե)ր(այ) ն(ո)ց(ա) ՛ի ծագաց երկրի մինչեւ հարի́ն զն(ո)ս(ա)։ եւ հարին զն(ո)ս(ա) ՛ի հարուածս մեծամեծս, եւ ջնջեցին զն(ո)ս(ա), եւ զմնացորդսն ՛ի հարկի կացուցին տա́լ ն(ո)ց(ա) հարկ ամ յամէ։

Verse: 5  Link to sept   Եւ զփիլիպպոս, եւ զարքայն կինէացւոց որ յարուցեալ էին ՛ի վ(ե)ր(այ) ն(ո)ց(ա), սատակեցին զն(ո)ս(ա) ՛ի պատերազմի եւ յաղթեցին ն(ո)ց(ա)։

Verse: 6  Link to sept   Եւ զանտիոքոս մեծ արքայն ասիացւոց, որ եկեալ էր ՛ի վ(ե)ր(այ) ն(ո)ց(ա) մեծաւ պատերազմաւ, ընդ իւր ունէր հարիւր քսան փիղ, եւ կառս եւ երիվարս բազում յոյժ, եւ պարտեցա́ւ ՛ի նոցանէ.

Verse: 7  Link to sept   զի ձերբակա́լ արարին զնա կենդանւոյն, եւ կացուցին զնա ՛ի տեղի մի հա́րկ հարկանել։

Verse: 8  Link to sept   եւ զթագաւորս որ ըստ նմանէ́ էին տա́լ պատանդս եւ գրաւականս։ եւ զաշխարհն հնդկաց, եւ պարթեւաց, եւ լիդացւոց, զընտիր ընտի́ր գաւառաց ն(ո)ց(ա). եւ առին զա́յնս եւ ՛ի ձե́ռս ետուն եւմենեայ արքայի։

Verse: 9  Link to sept   Իբրեւ զա́յն եւս լուան եթէ յոյնք խորհեցան գա́լ սատակել զն(ո)ս(ա). եւ իբրե́ւ ա́զդ եղեւ բանն ն(ո)ց(ա).

Verse: 10  Link to sept   արձակեցին մի ՛ի զօրավարաց անտի, եւ եկն եհար սատակեաց զն(ո)ս(ա) մեծաւ պատերազմաւ, եւ արկին ՛ի նոցանէ ՛ի սուր իւրեանց վիրաւորս բազումս. ՛ի գերու(թ)ե(ան) վարեցին զկանայս եւ զորդիս ն(ո)ց(ա). յաւարի́ առին զինչս եւ զստացուածս ն(ո)ց(ա)։ կալա́ն զերկիրն ՛ի ծառայու(թ)ե(ան). զամուրսն քակեցին, զաշխարհն ՛ի հարկի ծառայու(թ)ե(ան) կացուցին մինչեւ յօրս յայս։

Verse: 11  Link to sept   եւ զա́յլ թագաւորութի(ւն)սն եւ զկղզիսն՝ որ խլըրտէին՝ սատակեցին եւ ՛ի ծառայութե(ան) կացուցին։

Verse: 12  Link to sept   Բայց ը(նդ) բարեկամս իւրեանց՝ եւ որ թիկունս առնէ զն(ո)ս(ա), հաստատու(թեամ)բ սէ́ր առնէր ը(նդ) ն(ո)ս(ա)։ եւ հզօրացան նոքա ՛ի վ(ե)ր(այ) ա(մենայ)ն թագաւորութե(ան)ց՝ որ մե́րձ էին եւ որ հեռի́ էին։ եւ որ միանգամ լսէին զանուն ն(ո)ց(ա)՝ երկնչէին ՛ի նոցանէ։

Verse: 13  Link to sept   ում կամէին տայի́ն զթագաւորութի(ւն), զո́ կամէին՝ հանէին ՛ի տէրութ(են)է։ եւ բարձրացան յոյժ։

Verse: 14  Link to sept   Եւ ՛ի վ(ե)ր(այ) այսր ա(մենայ)նի ո́չ ոք ՛ի նոցանէ յա́նձն առ թա́գ առնուլ՝ եւ ծիրանիս արկանել՝ զի հաստատեսցի տէրութի(ւն)ն։

Verse: 15  Link to sept   այլ տո́ւն խորհրդոց շինեցին, եւ հանապա́զ օր երեք հարիւր եւ քսան այր ՛ի խորհո́ւրդ մտանէին վ(ա)ս(ն) զօրաց՝ զի զաշխարհն շէ́ն կալցին։

Verse: 16  Link to sept   եւ մի մի այր ՛ի նոցանէն որ հաւատարիմ էր իշխան, գլո́ւխ կացուցանէին տարւոյն, զի տիրեսցէ ՛ի վերայ ա(մենայ)ն երկրի ն(ո)ց(ա), եւ ամենեքեան ահնազանդու(թեամ)բ լսէին միում. եւ ո́չինչ գոյր հեռ եւ նախանձ ՛ի մէջ ն(ո)ց(ա)։

Verse: 17  Link to sept   Ապա կարգեաց արս ընտիրս յուդա յիւրաքանչիւր գնդէ անտի. զապողեմոս զակկոսեան զորդի յովնաթանու, եւ զյասոն զորդի եղիազարու. եւ առաքեաց զն(ո)ս(ա) ՛ի հռոմ քաղաք, խնդրե́լ ՛ի ն(ո)ց(ա)նէ զհաշտութի(ւն) եւ թիկունս։

Verse: 18  Link to sept   եւ զի բարձցեն զլուծն ՛ի պարանոցէ ն(ո)ց(ա). քանզի ծանրացուցեա́լ էր յունաց զլուծ ծառայութե(ան) ՛ի վ(ե)ր(այ) պարանոցին ի(սրա)էլացւոց։

Verse: 19  Link to sept   Եւ գնացին ՛ի կողմանս հռոմայեցւոց։ եւ էր ճանապարհն մեծ. եկին հասին հրեշտակքն, եւ յանդիմա́ն եղեն ն(ո)ց(ա) ՛ի տաճարին խորհրդոց։ կացին ՛ի մէջ, եւ սկսան տա́լ զպատգամն։

Verse: 20  Link to sept   Յուդա մակաբէ եւ եղբարք իւր, եւ ա(մենայ)ն սպայ հրէաստանեայց. խօսել ը(նդ) ձեզ ՛ի հաշտութի(ւն). առնել զձեզ թիկունս, եւ խնդրել ՛ի ձէնջ խաղաղու(թ)ի(ւն). զի եւ ձե́զ եւս կամ լիցի, գրել ձեզ զմեզ նիզակակիցս եւ բարեկամս։

Verse: 21  Link to sept   եւ հաճո́յ թուեցաւ բանն առաջի նոցա։

Verse: 22  Link to sept   Եւ ա́յս այն պատճէն է հրովարտակի ն(ո)ց(ա) զոր գրեցին նոքա առ ն(ո)ս(ա) ՛ի տախտակս պղնձիս եւ առաքեցին յե(րուսաղէ)մ. եւ առ իւրեանս թողին յիշատակ թիկանց եւ խաղաղութե(ան)։

Verse: 23  Link to sept   Խաղաղու(թ)ի(ւն) եւ բարի́ք լիցին ընդ հրէաստան, եւ ը(նդ) հռոմայեցւոց՝ ընդ ա(մենայ)ն ը(նդ) ծով եւ ը(նդ) ցամաք. սուր եւ թշնամի հեռի́ լիցի ՛ի նոցանէ։

Verse: 24  Link to sept   Ապա եթէ հասցէ պատերազմ նա́խ ՛ի վերայ հռոմայեցւոց, կամ ուրեք բարեկամաց ն(ո)ց(ա)՝ ընդ ա(մենայ)ն տեղիս տէրութե(ան) ն(ո)ց(ա),

Verse: 25  Link to sept   ՛ի թիկունս վաղվաղակի հասցէ գունդն հրէաստանեայց, ո(ր)պ(էս) ժամանակն ցուցանէ ն(ո)ց(ա)՝ մտադեւր սրտի մտօք։

Verse: 26  Link to sept   եւ՛ի թշնամի ինչ մի́ տացեն, եւ մի́ ձեռնտու լիցին արծաթով կամ ոսկւով՝ կամ զինու՝ կամ նաւօք։ ա́յսպէս եւս հաճո́յ թուեցաւ հռոմայեցւոց. զի պահեսցեն զպատուիրանդ զայդ առանց կաշառոյ։

Verse: 27  Link to sept   սո́յնպէս եթէ ՛ի վ(ե)ր(այ) ազգին հրէից հասանիցէ պատերազմ, ՛ի թիկո́ւնս վաղվաղակի հասցեն հռոմայեցիք՝ միամտութ(եամ)բ սրտի մտօք. ո(ր)պ(էս) ժամանակն ն(ո)ց(ա) ցուցանիցէ։

Verse: 28  Link to sept   եւ ՛ի թշնամի ինչ ո́չ տացեն, ոսկի կամ արծաթ կամ զէն կամ նաւս. ո(ր)պ(էս) հաճոյ թուեցաւ հռոմայեցւոց։ պահեսցեն զպատուիրանս զայս առանց նենգութե(ան)։

Verse: 29  Link to sept   եւ ըստ բանիցս այսոցիկ ա́յսպէս հաստատեցին հռոմայեցիք ը(նդ) գնդին հրէից։

Verse: 30  Link to sept   Ապա եթէ յետ այդց բանից խորհուրդ ինչ ՛ի մէջ մտցէ սոցա կամ ն(ո)ց(ա)՝ հանե́լ կամ յաւելուլ, որինչ դէպն տացէ՝ կարգեսցեն հասարակ հաւանու(թեամ)բ, եւ հաստատո́ւն կացցեն։

Verse: 31  Link to sept   Եւ վ(ա)ս(ն) չարեաց արքային դեմետրեայ որ հատուցանէ նոցա, գրեսցուք առ նա. գոգցուք, ընդէ՞ր ծանրացուցանէք զլուծ ՛ի վ(ե)ր(այ) պարանոցի նիզակակից բարեկամաց մերոց։

Verse: 32  Link to sept   Զա́յս գիտասջիք՝ եթէ զքէն ամբաստան լիցին դոքա. դատաստա́ն յիրաւի կալցուք, մա́րտ պատերազմի տացուք ընդ քեզ, եթէ ընդ ծո́վ իցէ՝ եթէ ընդ ցամաք։



Chapter: 9 
ԳԼ(ՈՒԽ) Թ՜.


Verse: 1  Link to sept   Եւ ո́չ ինչ լուաւ դեմետր. զի անկեալ կործանեալ էր նիկանովր գնդաւն իւրով ՛ի նոցանէ պատերազմաւ։ Եւ նա դարձեալ անդրէն կրկնեալ յղեա́ց զբաքիս եւ զյակիմոս, եւ զյառաջակողմն թեւոյն իւրոյ ընդ ն(ո)ս(ա) յերկրի́ն հրէաստանի։

Verse: 2  Link to sept   Եւ գնացին ՛ի ճանապարհ գաղգաղայ. եւ եկին ճակատեցան ՛ի մեսաղովթ յերկիրն արբեղացւոց, եւ առին զնա, եւ սատակեցին անձինս բազումս մարդկան ՛ի նմա։

Verse: 3  Link to sept   Յամսեանն առաջնում յամին հարիւրորդի յիսներորդի երրորդի, բանակեցան մերձ առ յե(րուսաղէ)մ։

Verse: 4  Link to sept   եւ չուեցին գնացին հասին ՛ի բերէթ քսանհազար մկնդաւոր արամբք. եւ երկուք հազարօք հեծեալ սպառազինաւ։

Verse: 5  Link to sept   Եւ յուդա էր բանակեալ յեղիշա. եւ երեքհազար սպառազէն ընտիրք.

Verse: 6  Link to sept   իբրեւ տեսին զամբոխ բազմութե(ան) գնդին, եւ երկեան յոյժ, եւ բազումք թօթափեցան ՛ի նմանէ. եւ ո́չոք մնաց առ յուդայի, բայց ութհարիւր հեծեալ սպառազէն։

Verse: 7  Link to sept   Իբրեւ ետես յուդա թէ թօթափեցան զօրքն ՛ի նմանէ, եւ պատերազմ նեղէ́ր զնա, նեղեցաւ ՛ի սիրտ իւր. զի ո́չ էր ժամանօղ միւսանգամ ժողովե́լ զն(ո)ս(ա). լուծաւ լքաւ անկաւ։

Verse: 8  Link to sept   սկսա́ւ խօսել ընդ մնացեալսն եւ ասէ. եկա́յք հարցուք ՛ի դիմի, թերեւս կարասցուք կծանե́լ ինչ ՛ի նոցանէ։

Verse: 9  Link to sept   Եւ ինքն յարձակ յարձա́կ խաղայր. եւ զօրքն մատուցեալ պաշարէին դարձուցանել անդրէն. սկսան խօսել ընդ նմա՝ եւ ասեն. ա́յր դու՝ նոցա ինչ մեք ո́չ կարեմք ստնանել. բայց այժմ զանձն ապրեցուցանել ո́ւշ դիցուք. հապա դարձցուք ժողովեսցուք զեղբարս մեր. ապա մարտիցուք. թէպէտ եւ իցեմք սակաւք։

Verse: 10  Link to sept   Պատասխանի ետ ն(ո)ց(ա) յուդա՝ եւ ասէ. քա́ւ լիցի ինձ առնել զիրսդ զայդ, ՛ի փախո́ւստ դառնալ ինձ ՛ի նոցանէ. եթէ հասեալ իցէ ժամանակ մեր՝ մեռցո́ւք քաջութ(եամ)բ ՛ի վ(ե)ր(այ) եղբարց մերոց, եւ ո́չ խառնեսցուք զանուն վատութե(ան) մերոյ ընդ արւու(թ)ի(ւն)ս քաջութե(ան)։

Verse: 11  Link to sept   Եւ ելին զօրքն յիւրաքանչիւր բանակէ, եւ ճակատեցան դէմ յանդիման միմեանց. երկո́ւ գունդք լինէին՝ գունդքն բաքիդեան սպառազինաւ։ պարսաւորքն եւ աղեղնաւորքն առաջի գնդին խաղային, եւ նահատակքն յառաջագոյն խաղացեալ էին։

Verse: 12  Link to sept   Բայց բաքիդ յաջո́ւմ թեւի անդ ճեպէր զզօրսն ՛ի ձայն փողոյ տագնապաւ յառաջ մատուցանէր։

Verse: 13  Link to sept   Եւ գունդն յուդայեան փո́ղ հարեալ ՛ի վ(ե)ր(այ) յարձակեալ գային, մինչեւ երկիրն շարժէր յամբոխ յաղաղակէ անտի յերկոցունց կողմանց։ եւ եղեւ պատերազմն խառնեալ անդադար, յառաւօտէ մինչեւ յերեկոյ։

Verse: 14  Link to sept   Իբրեւ ետես յուդա՝ եթէ բաքիդդ ընտիր ընտիր զօրօք յաջում թեւի ա́նդ է, զընտիր ընտիր սպառազինաց յիւրմէ գնդէ անտի յառաջ կոչէր, քաջալերէր եւ անդէն ՛ի վ(ե)ր(այ) յարձակէր։

Verse: 15  Link to sept   ՛Ի նմին ժամանակի զաջակողմն թեւին բեկանէր, եւ զձախուն արկանէր. եւ անդստին առաջի արկեալ փախստեա́յս տանէր մինչեւ ՛ի կողմանս վերինս հազովտայ։

Verse: 16  Link to sept   Եւ որ ՛ի ձախակողմն թեւի ա́նդ էին, իբրեւ տեսին թէ աջակողմն թեւին բեկաւ առաջի յուդայեանց, գային խառնէին, եւ զյուդայ գնդաւն հանդերձ ՛ի մէ́ջ արկանէին։

Verse: 17  Link to sept   Յայնմ վայրի վիրաւորք յերկուց կողմանց անկեալ ընդ երկիր թաւալէին։

Verse: 18  Link to sept   Ա́նդ անկանէր յուդա՝ առաջին նահատակօքն. եւ որ մնացեալ էին ՛ի փախուստ դառնային։

Verse: 19  Link to sept   Դարձան յովնաթան եւ շմաւոն եղբարքն երկոքին, բարձին զյուդա, տարան թաղեցին ՛ի շիրիմս հարց իւրեանց ՛ի մովդիիմ։

Verse: 20  Link to sept   Լացին կոծեցան որդիքն ի(սրաէ)լի կո́ծ մեծ. սո́ւգ առին աւուրս բազումս, եւ սկսան խօսել.

Verse: 21  Link to sept   եւ ասեն. զիա́րդ անկաւ կործանեցաւ հզօրն փրկիչն ի(սրաէ)լի։

Verse: 22  Link to sept   Այլ ուրեք ուրեք մարտ՝ կամ ճակատ՝ կամ մղել պատերազմի, կամ քաջութի(ւն)ս ինչ որ արարեա́լ է յուդայի՝ գրեցաւ իսկ ո́չ յայսմ մատենի. զի բազո́ւմ էր կարի յոյժ։

Verse: 23  Link to sept   Եւ եղեւ յետ մահուանն յուդայի՝ բրեցին անօրէնքն շուրջ զսահմանօքն ի(սրա)էլացւոց, բուսան՝ բղխեցին, եւ բազմացա́ն որ գործէին զանօրէնութի(ւն)։

Verse: 24  Link to sept   Յաւուրսն յայնոսիկ եղեւ սո́վ մեծ, եւ ինքնակամ գնացին մարդիկն ՛ի ն(ո)ս(ա). եւ աշխարհն ձեռնտու էր ՛ի ն(ո)ս(ա)։

Verse: 25  Link to sept   Եւ ընտրեաց բաքիդդ արս անօրէնս, եւ կացոյց իբրեւ տեարս ՛ի վ(ե)ր(այ) նոցա,

Verse: 26  Link to sept   որ քննէին եւ խնդրէին եւ ածէին զբարեկամսն յուդայի առ բաքիդդ, եւ խնդրէին վրէժ ՛ի նոցանէ. տառապեցուցանէին եւ ա́յպն առնէին.

Verse: 27  Link to sept   եւ նեղէին եւ ծաղր առնէին զի(սրա)էլ. զի ոչ երբէք լեա́լ էր այս յորմէ հետէ երեւեցաւ մարգարէ։

Verse: 28  Link to sept   Եւ ժողովեցան ա(մենայ)ն բարեկամքն յուդայի, եւ չոգան առ յովնաթան ափուս՝ եւ ասեն.

Verse: 29  Link to sept   եղբայր քո յուդա մեռա́ւ, եւ այր չի́ք որ նմա́ն է նմա ելանել ընդդէմ թշնամւոյ, տա́լ պատասխանի այդոցիկ որ եկեալ թշնամութ(եամ)բ նեղեն զազգս մեր։

Verse: 30  Link to sept   Այլ զքե́զ ընտրեցաք մեք ՛ի տեղի նորա, զի եղիցես դու իշխան ՛ի վ(ե)ր(այ) մեր. լինել մեզ առաջնո́րդ՝ եւ տա́լ պատերազմ ընդ թշնամիս մեր։

Verse: 31  Link to sept   Եւ յա́նձն առ յովնաթան ՛ի ժամանակին յայնմիկ զառաջնորդու(թ)ի(ւն). եւ համբարձաւ նա փոխանակ յուդայի եղբօր իւրոյ։

Verse: 32  Link to sept   Իբրեւ գիտաց բաքիդդ՝ խնդրէր սպանանել զյովնաթան եւ զշմաւոն զեղբայր ն(ո)ր(ա).

Verse: 33  Link to sept   եւ փախեան նոքա յանապատն թակովեայ. եւ եկին բանակեցան ՛ի ջուր անդր ակուսասփառ։

Verse: 34  Link to sept   Եւ դիտեաց բաքիդ զօրն շաբաթուց, եւ եկն ինքն բանակեցաւ զօրօքն իւրովք յա́յնկոյս յորդանան գետոյ։

Verse: 35  Link to sept   եւ առաքեաց առ նոսա զեղբայր մի զիւր՝ զօրագլուխ զօրաց բազմաց, եւ աղաչեցին զնաբատացիս զբարեկամս իւրեանց, յա́նձն առնէին նոցա զկահ եւ զգրաստ՝ եւ զա(մենայ)ն ինչս որ մնացեալէր ՛ի բնի իւրեանց։

Verse: 36  Link to sept   Եւ ելին որդիքն յամբրեայ որ ՛ի մէջ դամասայն էին, ըմբռնեցին զյոհաննէս, եւ առին գնացին կահիւ հանդերձ ընդ իւրեանցն։

Verse: 37  Link to sept   Յետ ժամանակացս այսոցիկ ա́զդ եղեւ յովնաթանու եւ շմաւոնի եղբարց ն(ո)ր(ա), եթէ որդիքն ամբրեայ հարսանիս արարին. եւ առեալ ածէին զհարսն յաբղաղաթայ՝ դուստր միոյ ուրումն ՛ի մեծամեծաց աւագաց քանանացւոց անտի, մեծա́ւ չուով անչափ հանդերձիւ։

Verse: 38  Link to sept   եւ յիշեցին նոքա զյոհաննէս զեղբայրն իւրեանց. ելին մտին նոքա ՛ի դարան ՛ի ծործո́ր լերինն։

Verse: 39  Link to sept   եւ ամբարձին զաչս իւրեանց, տեսին զի գայր չո́ւ մեծ՝ եւ ամբոխ բազում. եւ ե́լ փեսայն փեսաւիրօքն եւ եղբարբքն հանդերձ, եւ փողովք եւ թմբկաւ, եւ պէսպէ́ս արուեստականօք, եւ բազո́ւմ վառելովք։

Verse: 40  Link to sept   Եւ ելին սոքա ՛ի դարանէ աստի, սպանին զբազումս, եւ բազում վիրաւորս արձակեցին, եւ զվառեալսն փախստեա́յ արարին. եւ առին յաւարի զկահ եւ զհանդերձ. եւ զչուն աւա́ր հարկանէին։

Verse: 41  Link to sept   եւ դարձան հարսանիքն ՛ի կոծ, եւ ձայն արուեստականացն՝ ՛ի սուգ եւ յողբս դարձաւ։

Verse: 42  Link to sept   եւ խնդրեցին սպառ սպուռ զվրէժ արեան եղբօրն իւրեանց. եւ դարձան ՛ի մա́րգն յորդանան գետոյ։

Verse: 43  Link to sept   Իբրեւ գիտաց բաքիդդ՝ ա́ռ զօրս եւ խաղաց ՛ի վերայ նոցա, եւ եկն եհաս յանձաւսն յորդանան գետոյ։

Verse: 44  Link to sept   Ասէ յովնաթան ցզօրսն իւր. եկայք յարիցուք մա́րտ դիցուք վ(ա)ս(ն) ոգւոց մերոց. զի ո́չ է այսօր իբրեւ զերեկն եւ իբրեւ զեռանտն։

Verse: 45  Link to sept   եւ ահաւասիկ զօրք ճակատեալ յանդիման մեր. ո́չ ամուր թաքստի՝ ո́չ դաշտ փախստի. եւ գետս յորդանան շուրջ զմեւք պատեալ է։

Verse: 46  Link to sept   արդ եկա́յք ձայն բարձցուք յերկինս, յարձակեսցո́ւք ՛ի վ(ե)ր(այ), թերեւս ապրեսջիք ՛ի ձեռաց թշնամեաց մերոց։ Զբանսն ասաց, եւ անդէն խառնեցաւ յարձակեցաւ ՛ի վերայ բաքիդեայ։

Verse: 47  Link to sept   ա́յն ինչ լինէր զոգիսն ՛ի գիրկս իւր թափել, եւ նա յե́տս կոյս կործանեցաւ.

Verse: 48  Link to sept   եւ հոսեցան յովնաթան եւ որ ընդ նմա էին ՛ի դարէ́ անտի։

Verse: 49  Link to sept   ա́նդ հարին կոտորեցին բաքիդեանք՝ ՛ի յուդայի գնդէ անտի արս հազար մի. եւ դարձան յե(րուսաղէ)մ։

Verse: 50  Link to sept   Սկսան շինել քաղաքս ամուրս յերկրին հրէաստանի, եւ զամուրսն երիքովի, եւ զամավեայ, եւ զբեթորեայ, եւ զբեթելայ, եւ զմինաթարովթայ, եւ զստեփայ. ՛ի պարիսպս ամրացեալս, եւ ՛ի դրունս հզօրս, եւ ՛ի նիգս հաստատունս։

Verse: 51  Link to sept   եւ պահապանս կացուցին թշնամու(թեամ)բ ՛ի վ(ե)ր(այ) ի(սրա)էլացւոց.

Verse: 52  Link to sept   եւ ամրացուցին զքաղաքն բեթսովրայ, եւ զգաղերամ, եւ զակառն. եւ կացո́յց ՛ի նմա զօրս բազումս՝ եւ համբարս յոյժ։

Verse: 53  Link to sept   եւ ա́ռ նա զորդիս իշխանաց երկրին ՛ի պատանդս, եւ եդ զն(ո)ս(ա) յակառն ե(րուսաղէ)մի ՛ի պահեստ։

Verse: 54  Link to sept   Յամին հարիւրորդի տասներորդի. յամսեանն երկրորդում, հրամայեաց յակիմոս քակել զպարիսպսն սրահիցն սրբութե(ան) ներքնոյ։ եւ սկսան քակել զգործն մարգարէից։

Verse: 55  Link to sept   ՛Ի ժամանակին յայնմիկ հարաւ յակիմոս, եւ խափանեցան գործք ն(ո)ր(ա). քակեցան երախք ն(ո)ր(ա). պապանձեցաւ եւ ո́չ կարէր խօսել բան մի եւ հրամա́ն տալ վ(ա)ս(ն) տան իւրոյ։

Verse: 56  Link to sept   եւ մեռաւ յակիմոս ՛ի ժամանակին յայնմիկ մեծաւ տանջանօք։

Verse: 57  Link to sept   Իբրեւ ետես բաքիդդ եթէ մեռաւ յակիմոս, դարձա́ւ անդրէն առ արքայն. եւ դադարեաց երկիրն հրէաստանի ամս երկուս։

Verse: 58  Link to sept   Խորհեցան անօրէնքն եւ ասեն. ահաւադիկ յովնաթան եւ որ ընդ նմա են՝ խաղաղութ(եամ)բ նստին բնակութ(եամ)բ յանհոգս. արդ՝ եկա́յք ածցուք զբաքիդդ, եւ ըմբռնեսցէ զդոսա ամենեսին ՛ի գիշերի միում։

Verse: 59  Link to sept   գնացին խորհեցան ընդ նմա։

Verse: 60  Link to sept   նա՝ խաղա́ց գալ վաղվաղակի զօրօք բազմօք։ եւ առաքեաց նա հրովարտակս գաղտ՝ առ խորհրդակիցս իւր որ էին ՛ի հրէաստանի, զի ըմբռնեսցեն զյովնաթան եւ որ ընդ նմա էին. եւ ո́չ կարէին, զի ազդ եղեւ նմա բանք խորհրդին։

Verse: 61  Link to sept   եւ կալան նոքա ա́րս յերկրին առաջնորդաց չարեացն յիսուն մի, եւ անդէն խոխողեցին։

Verse: 62  Link to sept   Եւ խո́յս ետուն յովնաթան եւ շմաւոն եւ որք ընդ ն(ո)ս(ա) էին ՛ի բեթբէս ՛ի յանապատն. եւ խրամակարկատ արարին զնա, եւ ամրացուցին զնա։

Verse: 63  Link to sept   Եւ իբրեւ ետես բաքիդդ, զօրահատոյց լինէր, եւ գայր պաշարէր.

Verse: 64  Link to sept   մարտ եդեալ զբեթբեսեաւ, եւ մարտնչէր աւուրս բազումս. եւ առնէին կանգնէին շուրջ զնովաւ մենքենայս։

Verse: 65  Link to sept   Եւ եթող յովնաթան զշմաւոն զեղբայր իւր ՛ի քաղաքի անդ, եւ եկն ել նա ՛ի գաւառ անդր. եւ եկն արթամ.

Verse: 66  Link to sept   եհար զոդոմերա եւ զեղբարս իւր, եւ զորդիսն փասիրոնայ ՛ի խորանի իւրեանց. եւ սկսաւ ելանել հարկանել զզօրսն։

Verse: 67  Link to sept   Եւ շմաւոն եւ որ ընդ նմա էին. ելին հրձիգ արարին զմենքենա́յս.

Verse: 68  Link to sept   եւ մա́րտ պատերազմի եդին ընդ բաքիդայ. ՛ի պարտու(թ)ի(ւն) մատնեցան ՛ի նոցանէ. զի է́ր խորհուրդն այն եւ արշաւան նորին ընդունայն։

Verse: 69  Link to sept   Եւ բարկացաւ սրտմտութ(եամ)բ ՛ի վ(ե)ր(այ) արանցն անօրինաց, որ խրա́տն ետուն նմա արշաւել յերկիր նորա. սպա́ն նա զբազումս ՛ի նոցանէ, եւ խորհեցաւ նա դառնա́լ յերկիր իւր ուստի եկեալէր։

Verse: 70  Link to sept   Իբրեւ գիտաց յովնաթան՝ առաքեաց զկնի ն(ո)ր(ա) հրեշտակս, եւ խօսել ընդ նմա խաղաղութ(եամ)բ, դնել ուխտ, եւ դարձուցանել նմա զգերին ա(մենայ)ն։

Verse: 71  Link to sept   Յա́նձն առ եւ արար ո(ր)պ(էս) խօսեցա́ւ նա ընդ նմա. եւ երդուաւ նմա, թէ այլ ո́չ եւս խնդրեցից ՛ի վ(ե)ր(այ) ձեր չարիս. մինչեւ կենդանի́ իցեմ։

Verse: 72  Link to sept   Եւ դարձոյց անդրէն զգերին որ առեալէ յառաջու յերկրէն հրէաստանի. եւ ինքն գնա́ց յաշխարհ իւր, եւ այլ ո́չ եւս դիմեաց դառնալ ՛ի սահմանս ն(ո)ց(ա)։

Verse: 73  Link to sept   եւ դադարեաց սուր յի(սրաէ)լէ։ Եւ բնակեաց յովնաթան ՛ի մաքմաս։ եւ սկսաւ դատել յովնաթան զժողովուրդ իւր, եւ սատակել զանօրէնսն յ(թ)ի(ւն)լէ։



Chapter: 10 
ԳԼ(ՈՒԽ) Ժ՜.


Verse: 1  Link to sept   Յամին հարիւրորդի վաթսներորդի ե́լ աղէքսանդրոս անտիոքեան եպիփան, եւ ա́ռ նա զքաղաքն պտղոմայեցւոց. ընկալան զնա. եւ թագաւորեաց նա ա́նդ ՛ի նմա։

Verse: 2  Link to sept   Լուաւ դեմետր արքայ, եթէ ժողովեաց զօրս բազումս, եւ ե́լ տալ ընդ նմա մարտ պատերազմի։

Verse: 3  Link to sept   Եւ յղեաց առ նա դեմետր բանս խաղաղու(թեամ)բ, զի մեծարեսցեն նոքա զնա.

Verse: 4  Link to sept   աճապարեսցուք ասէ դնել ընդ նմա ո́ւխտ խաղաղութ(եամ)բ, մինչչե́ւ եդեալ իցէ ընդ ն(ո)ս(ա) ուխտ աղէքսանդրեայ վ(ա)ս(ն) մեր։

Verse: 5  Link to sept   ե́ս գիտեմ յուշ լիցին նմա չարիքն զոր անցուցաք մեք ընդ նմա եւ ընդ եղբարս ն(ո)ր(ա) եւ յազգս ն(ո)ր(ա)։

Verse: 6  Link to sept   Եւ ետ նմա իշխանութի(ւն) ժողովել զօրս, եւ պատրաստել զէն, զի լիցի նա նիզակակից նորա. եւ զպատանդսն որ էին յակառն հրամայեաց տա́լ ՛ի ձեռս նորա։

Verse: 7  Link to sept   Եւ եկն յովնաթան յե(րուսաղէ)մ. ընթերցա́ւ նա զթուղթն առաջի ա(մենայ)ն ժողովրդեանն, առաջի այնոցիկ որ յամրի́ անդ էին։

Verse: 8  Link to sept   եւ երկեա́ն նոքա երկիւղ յոյժ. զի լուան եթէ ետ նմա իշխանութի(ւն) արքայն ժողովել զօրս։

Verse: 9  Link to sept   սակայն ածին կալան զպատանդսն առաջի ն(ո)ր(ա), եւ ետ զն(ո)ս(ա) ցընտանիս իւրեանց։

Verse: 10  Link to sept   Եւ բնակեցաւ յովնաթան յե(րուսաղէ)մ, սկսաւ շինել եւ նորոգել զքաղաքն.

Verse: 11  Link to sept   եւ ասէ ցայնոսիկ, որ գործէին զգործն շինուածոց պարսպացն. շինեցէ́ք ասէ ցպարիսպդ, եւ զլեառն սիոն շուրջ, ՛ի չո́րս կոյս յորձաքար վիմաց. եւ արարին ա́յնպէս։

Verse: 12  Link to sept   Փախստեայ գնացին այլազգիքն՝ որ էին յամուրս անդ. որոց շինեաց յայնժամ բաքիդդ՝

Verse: 13  Link to sept   եւ եթող զնոսա յիւրաքանչիւր տեղւոջ. եւ գնաց նա յերկիրն ուստի էր։

Verse: 14  Link to sept   Եւ ՛ի բեթսովր մնացեալ էին ոմանք՝ որոց թողեալ էր զօրէնսն եւ զհրամանս. զի նա́ էր ամուր։

Verse: 15  Link to sept   Իբրեւ լուաւ աղէքսանդրոս արքայ զաւետիսն զոր ետ բերել դեմետրիոս առ յովնաթան, եւ պատմեցին նմա զպատերազմ քաջու(թեամ)բ, որ արարեալէր եղբարբք իւրովք, եւ զվիշտսն որ անցուցեալ էր ընդ ն(ո)ս(ա).

Verse: 16  Link to sept   եւ ասէ, միթէ կարե՞մք ուրեք գտանել ա́յր մի այնպիսի. առէ́ք առնեմք զնա մեզ բարեկա́մ եւ թիկունս։

Verse: 17  Link to sept   եւ հրամայեաց առնել առ ն(ո)ս(ա) հրովարտակ ըստ բանիցս այսոցիկ։

Verse: 18  Link to sept   Արքայ աղէքսանդրոս՝ առ եղբայր յովնաթան ողջոյն։

Verse: 19  Link to sept   ա́զդ եղեւ մեզ վ(ա)ս(ն) քո, եթէ այր քա́ջ զօրութ(եամ)բ ես, ես արժանի́ ես դու լինել մեզ բարեկամ։

Verse: 20  Link to sept   արդ կացուցա́ք մեք զքեզ այսօր գլուխ քահանայապետու(թ)ե(ան) ազգի քոյ. եւ բարեկա́մ արքայի կոչել զքեզ։ Եւ ետ տանել նմա պսակ ոսկի եւ ծիրանիս։ արդ կա́լ լիցի քեզ յուխտի մերում, եւ պահել զհաւատ բարեկամութե(ան) առ մեզ. ո́ղջ լեր։

Verse: 21  Link to sept   Եւ ա́ռ՝ զգեցաւ յովնաթան զա́յն ընտիր պատմուճան. Յամին հարիւրորդի վաթսներորդի եւթներորդի, ՛ի տօնին տարեկանաց տաղաւարահարա́ց ժողովեցին զօրս, կազմեցին զէնս, եւ ուրա́խ եղեն։

Verse: 22  Link to sept   Եւ լուա́ւ դեմետր զբանս զայս, տրտմեցաւ յոյժ.

Verse: 23  Link to sept   եւ ասէ. զի՞նչ գործ գործեցաք, զի ո́չ մեք մեզ արարաք զնոսա թիկունս։ եւ արդ աճապարեա́ց աղէքսանդրոս, եւ խօսեցաւ ընդ ն(ո)ս(ա) ՛ի հաշտու(թ)ի(ւն), եւ արար իւր ձեռն հաստատութե(ան) զհրէաստան։

Verse: 24  Link to sept   արդ առէ́ք եւ մեք գրեսցուք առ ն(ո)ս(ա) բանս մխիթարութե(ան) մեծարանաց եւ պարգեւաց, զի եղիցին նոքա մեզ յօգնականութի(ւն)։

Verse: 25  Link to sept   Եւ ետ տանել ն(ո)ց(ա) հրովարտակս ըստ բանիցս այսոցիկ. Արքայ դեմետրիոս՝ առ ազգն հրէից ողջոյն.

Verse: 26  Link to sept   քանզի պահեցէք դուք զուխտս եւ զդաշինս զոր ընդ մեզ եդիք. կացէք մնացէք դուք ՛ի մերում բարեկամու(թ)ե(ան), եւ ո́չ ձեռնտու եղէք ՛ի թշնամի. լուա́ք մեք եւ ուրախ եղեաք։

Verse: 27  Link to sept   Եւ արդ՝ կացէ́ք մնացէ́ք պահեցէ́ք դուք առ մեզ զնոյն հաւատ.

Verse: 28  Link to sept   եւ մեք հատուսցուք ձեզ թողութի(ւն)ս բազումս, եւ տացուք ձեզ պարգեւս բազումս։

Verse: 29  Link to sept   եւ արձակեսցուք զձեզ՝ եւ թողցո́ւք զա(մենայ)ն հրէայ ՛ի հարկաց, եւ զբաժ զաղտիցն եւ զպսակաց. եւ փոխանակ երրորդաց սերմանն։

Verse: 30  Link to sept   եւ զհասարակաց այգւոյն եւ զծառոյն որ գայր ինչ, թողում ձեզ յայսմ օրէ եւ առ յապա. եւ յերիցն օրինաց որ յաւելան ՛ի ձեզ, եւ ՛ի շամրտացիս, եւ ՛ի գալիլեացիս. յայսմ հետէ եւ ՛ի յաւիտեանս ժամանակաց։

Verse: 31  Link to sept   Եւ յե(րուսաղէ)մ նուիրեալ՝ սուրբ թողեալ կացցէ շուրջ զսահմանօք իւրովք հանդերձ, եւ ՛ի տասանորդէ զմաքս ձեզ թողեա́լ լիցի։

Verse: 32  Link to sept   Եւ զիշխանու(թ)ի(ւն) զամրիդ ՛ի ներքս տուեալ լիցի զքահանայապետդ, եւ կացուսցէ դա ՛ի նմա արս զոր ինքն ընտրեսցէ պահել զդա։

Verse: 33  Link to sept   Եւ ա(մենայ)ն անձն հրէի որ ՛ի գերութե(ան) գտցի՝ յրկրէն հրէաստանի յա(մենայ)ն թագաւորութե(ան) իմում, արձակեա́լ ձրի առանց փրկանաց. զա(մենայ)ն հարկս՝ հասի եւ մաքսի եւ գրաստու։

Verse: 34  Link to sept   Եւ յա(մենայ)ն տօնս տարեկանաց, շաբաթք եւ գլուխք ամսոց, եւ աւուրք յառաջ քան զտօնն, եւ երեք երեք աւուրք զկնի տօնին, եղիցին ապահարկ թողեալ ա(մենայ)ն հրէից որ իցեն ՛ի թագաւորութե(ան) իմում.

Verse: 35  Link to sept   մի́ իշխեսցէ պահանջել նեղել զոք վ(ա)ս(ն) ա(մենայ)ն իրաց իմոց։

Verse: 36  Link to sept   Եւ առաջինք գտցին նոքա ՛ի զօրս արքունի ՛ի վեց հարիւր հազար զօրական. եւ պարգեւք ելցեն ն(ո)ց(ա) ո(ր)պ(էս) օրէն է ընդ առաջին զօրս արքունի՝ ընդ մեծամեծս։

Verse: 37  Link to sept   Եւ ՛ի նոցանէ դարձեալ հաստատեսցի ՛ի ձեռանէ արքունի որ են հաւատարիմ։ եւ իշխանք եւ վերակացուք եղիցին նոցունց։ եւ գնասցեն նոքա ըստ որէնս իւրեանց ո(ր)պ(էս) հրաման ետ արքայ երկրին հրէաստանի։

Verse: 38  Link to sept   Եւ զերիս օրէնս որ յառաջագոյն եդեալ էր հրէաստանեայց, յարկրէն շամրտացւոց անդրէն դարձուցանել ՛ի հրէաստան, եւ համարել ընդ երկոսին մի օրէնս. զի մի́ այլ իշխան ձեռնահա́ս լիցի ՛ի վ(ե)ր(այ) ն(ո)ց(ա), այլ քահանյապետն։

Verse: 39  Link to sept   Եւ զքաղաքն պտղոմայեցւոց տուեալ լիցին նոցա պարգեւ ՛ի նուէրս սրբութե(ան)ցն որ յե(րուսաղէ)մն են, ՛ի պէտս ծախիցն որ ՛ի ս(ուր)բս անդր ծախիցին։

Verse: 40  Link to sept   Եւ ես տաց ամ յամէ հնգետասան հազար կշիռ արծաթոյ՝ յարքունի համբարուէ, ՛ի կողմանց ուստի արժան իցէ։

Verse: 41  Link to sept   Զա(մենայ)ն մթեր զոր նոքա ո́չն կարէին լնուլ՝ յարքունո́ւստ լիցի, ո(ր)պ(էս) ընդ առաջին ազգսն,

Verse: 42  Link to sept   յայսմ հետէ տացեն յարքունի́ տարազէ։ Եւ ՛ի վ(ե)ր(այ) այսորիկ զհինգ հազար կշիռ արծաթոյն՝ զոր առնուն ՛ի մտիցն սրբութե(ա)ն ըստ համարոյ տարւոյն. եւ ա́յդ թողեալ լիցի, զի ա́նկ է այդ քահանայից եւ պաշտօնեէից։

Verse: 43  Link to sept   Որ միանգամ դիմեսցէն ոք փախստեայ անկանե́լ ՛ի տաճար անդր յե(րուսաղէ)մ, կամ որ միանգամ ՛ի սահմանաց դորա իցէ որ պարտիցի ոք ինչ յարքունիս, թողեա́լ լիցի նմա. եւ ինքեանք արձակեա́լ լիցին։

Verse: 44  Link to sept   Եւ ա(մենայ)ն ինչ որ արատեալ կործանեալ իցէ շինուածոց սրբոցդ, շինեսցին նորոգեսցին, եւ ծախ համարոյն յարքունո́ւստ վճարեսցի։

Verse: 45  Link to sept   եւ շինեսցեն զպարիսպն ե(րուսաղէ)մի, ամրացուսցեն շուրջանակի. եւ ծախ համարոյն յարքունո́ւստ վճարեսցի։ եւ ա(մենայ)ն պարիսպք ամրա́ց հրէաստանի շինեսցին։

Verse: 46  Link to sept   Եւ իբրեւ լուաւ յովնաթան եւ ժողովուրդն զբանս զայս, ո́չ ինչ հաստատեցին՝ եւ ո́չ յանձն առին, զի յիշեցին զչարիսն մեծամեծս որ արարեալ էր յե(րուսաղէ)մ, եւ նեղու(թ)ի(ւն)ս յոյժ զոր նեղեցին նոքա զն(ո)ս(ա)։

Verse: 47  Link to sept   Այլ հաճեցան՝ հաւանեցան ընդ հաշտութի(ւն)ն աղէքսանդրի. զի նա եղեւ ն(ո)ց(ա) նախ առաջնորդ բանիցն խաղաղութե(ան). եւ էին նոքա նմա նիզակակիցք եւ թիկունք զա(մենայ)ն աւուրս կենաց իւրեանց։

Verse: 48  Link to sept   Զօրաժողո́վ լինէր արքայ, եւ կուտէր զօրս բազումս գա́լ տալ պատերազմ ընդ դեմետրեայ։

Verse: 49  Link to sept   եւ եկին բախեցան թագաւորքն երկոքին ը(նդ) միմեանս. ՛ի փախո́ւստ դառնայր գունդն դեմետրեայ, յաղթական լինէր ն(ո)ց(ա) աղէքսանդրոս.

Verse: 50  Link to sept   եւ սաստկացուցանէր զճակատ մարտին ՛ի վ(ե)ր(այ) ն(ո)ց(ա) մինչեւ արեւուն մտանելոյ։ ա́նդ յայնմ աւուր անկանէր դեմետր առաջի աղեքսանդրի. հարկանէին վանէին եւ առ օրին զգործն վճարէին։

Verse: 51  Link to sept   Հրեշտա́կս արձակէր աղէքսանդրոս յերկիրն եգիպտացւոց՝ զի դարձաւ տէրութի(ւն) իմ յիս, առ պտղոմէոս արքայ. պատգա́մ տայր ՛ի բանից ըստ օրինակիս ըստ այսմիկ, Ա́յս ինչ յայտնի լիցի քեզ արքայդ եգիպտացւոց,

Verse: 52  Link to sept   զի դարձա́ւ տէրութի(ւն) իմ յիս, եւ նստա́յ ես յաթոռ հարց իմոց, ՛ի ձեռն առի զիշխանու(թ)ի(ւն) իմ, հարի վանեցի զդեմետրիոս զօրօք իւրովք, եւ նուաճեցի́ անդրէն զաշխարհն իմ.

Verse: 53  Link to sept   ՛ի մա́րտ պատերազմի հարի վանեցի զնա եւ զզօրս իւր, եւ նստա́յ յաթոռ թագաւորութե(ան) նորա։

Verse: 54  Link to sept   Արդ ե́կ հաստատեսցուք ՛ի միջի մերում զհաստատութի(ւն) խաղաղութե(ան). տո́ւր ինձ դու զդուստր քո կնու(թ)ե(ան), զի արժանի́ լիցի ինձ, եւ ես քեզ եղէց արժանի փեսայութե(ան)։

Verse: 55  Link to sept   Ե́տ պատասխանի արքայն եգիպտացւոց եւ ասէ. օրն յաւուրս բարութե(ան) յորում դարձա́ր դու յերկիր նախնեաց քոց, եւ նստար դու յաթոռ արքայութե(ան) հարց քոց։

Verse: 56  Link to sept   եւ ես պատրաստեալ եմ ՛ի կամս քաղցրութե(ան) առնել զայս ա(մենայ)ն ո(ր)պ(էս) գրեցե́ր դու առիս. բայց ե́կ յանդիմա́ն լիցուք միմեանց ՛ի քաղաքն պտղոմացւոց, զի տեսցուք զմիմեանս. եւ փեսայացուցից զքեզ ինձ՝ ո(ր)պ(էս) եւ ասացեր.

Verse: 57  Link to sept   Եւ ե́լ պտղոմէոս արքայ յերկրէն եգիպտացւոց, ինքն կղէ́ոպատրաւ դստերբն հանդերձ ՛ի քաղաքն պտղոմէացւոց. յամին հարիւրորդի վաթսներորդի երկրորդի։

Verse: 58  Link to sept   եւ յանդիմա́ն եղեն թագաւորքն երկոքեան միմեանց, եւ ետ կղեոպատրա զդուստր իւր. եւ արարին հարսանիս մեծաւ պատրաստութ(եամ)բ՝ մեծաւ փառօք ը(ս)տ օրէնս թագաւորաց ՛ի քաղաքին պտղոմէացւոց։

Verse: 59  Link to sept   Ե́տ հրովարտակս աղէքսանդրոս առ յովնաթան, զի եկեսցէ նա առ նա։

Verse: 60  Link to sept   Խաղա́ց գնաց յովնաթան մեծաւ փառօք ՛ի քաղաքն պտղոմեացւոց, եւ եկն յանդիման եղեւ թագաւորացն երկոցուն մեծապէս պատարագօք. եւ եգիտ շնո́րհս ՛ի նոցանէ·

Verse: 61  Link to sept   Եւ կուտեցա́ն ՛ի վ(ե)ր(այ) ն(ո)ր(ա) արք անօրէնք յե(րուսաղէ)մէ, ամբաստան լինել զնմանէ. եւ ո́չինչ անսայր թագաւորն ն(ո)ց(ա)։

Verse: 62  Link to sept   Հրամա́ն ետ արքայ մերկացուցանել զյովնաթան ՛ի հանդերձից իւրոց. եւ զգեցուցին նմա ծիրանիս, եւ ընդ ի́ւր նստոյց զնա։

Verse: 63  Link to sept   եւ ասէ ցիշխանսն. արդ երթիջի́ք դուք ընդ նմա, եւ ընդ ա(մենայ)ն քաղաքս քարո́զ տաջիք կարդալ. զի մի́ ոք իշխեսցէ ամբաստան լինել վ(ա)ս(ն) դորա. եւ մի́ ոք նեղեսցէ զդա մինչեւ բանի́ւ միով։

Verse: 64  Link to sept   Եւ եղեւ իբրեւ տեսանէին զփառս ն(ո)ր(ա), եւ լսէին զձայն բարբառոյ քարոզին, եւ տեսանէին զի զգեցեալէր ծիրանիս՝ փախչէին, թաքչէին, կորնչէին ա(մենայ)ն չարախօսքն։

Verse: 65  Link to sept   Եւ փառաւորեաց զնա թագաւորն ընդ առաջին բարեկամսն, եւ արա́ր զնա սպարապե́տ կուսակալ։

Verse: 66  Link to sept   եւ գնաց յովնաթան յե(րուսաղէ)մ լի́ ուրախութ(եամ)բ եւ խաղաղութ(եամ)բ։

Verse: 67  Link to sept   Դարձեալ յամին հարիւրորդի վաթսներորդի՝ հինգերորդի. ե́կն դեմետրիոս որդի դեմետրեայ ՛ի կողմանց կրետացւոց՝ յերկիրն հարց իւրոց։

Verse: 68  Link to sept   տրտմեցա́ւ յոյժ աղէքսանդրոս՝ դարձա́ւ անդրէն ՛ի քաղաքն անտիոքացւոց։

Verse: 69  Link to sept   Եւ կացո́յց անդ դեմետրիոս՝ զապողոնիոս, որ էր յառաջ ՛ի վ(ե)ր(այ) ստորին ասորեստանեայց, եւ ժողովեաց նա զօրս բազումս. եւ եկն բանակեցաւ նա զյամնեաւ։ Առաքեաց նա առ յովնաթան քահանայապետ, եւ ասէ.

Verse: 70  Link to sept   Դու միայն վերացեալ հպարտացեալ կա́ս ՛ի վ(ե)ր(այ) մեր, եւ ես եղէ ծաղր նախատանաց վ(ա)ս(ն) քո. ընդէ՞ր դու նազիս ՛ի վ(ե)ր(այ) մեր լերամբքդ։

Verse: 71  Link to sept   արդ աղէ́ դու՝ եթէ յուսացեալ ես ՛ի զօրսդ քո. ե́կ է́ջ դու ՛ի դաշտ այսր առ մեզ զի յանդիման լիցուք միմեանց. զի գո́ն եւ աստ ընդ իս զօրք քաղաքաց։

Verse: 72  Link to sept   արդ՝ հա́րց փորձեա́ դու՝ տե́ս ո́ իցեմ ես, կամ ո́ այն իցեն որ օգնականն իցեն ձեզ։ եւ ասեն. ո́չ գոյ ձեզ ոտից կռիւ առաջի մեր. զի երկիթս անդամ ՛ի պարտութի(ւն) մատնեցան հարքն ձեր յերկրին իւրեանց։

Verse: 73  Link to sept   Եւ արդ ո́չ կարէք դուք զդէ́մ ունել զայդչափ այրուձիոյ, ՛ի դաշտի ուր ո́չ գուցէ թուփ թաքստի, եւ ո́չ տեղի փախստեան. եւ ո́չ վէմ ապաւինի. եւ ո́չ խի́ճ ՛ի ձեռն՝ ՛ի քար ձգելոյ։

Verse: 74  Link to sept   Իբրեւ լուաւ յովնաթան զպատգամն զայն զապողոնեայ՝ բարկացաւ ՛ի միտս իւր, յո́տն եկաց վաղվաղակի. ընտրէր զընտիր ընտիր զօրացն իբրեւ արս տասն հազար. եւ գա́յր ՛ի դուրս յե(րուսաղէ)մէ. ընդ առաջ եղեւ նմա շմաւոն եղբայր ն(ո)ր(ա), ձեռնտո́ւ լինէր նմա յօգնականութի(ւն)։

Verse: 75  Link to sept   եւ եկին հասին ՛ի քաղաքն յոպպէացւոց. քաղաքացիքն զդուրս ընդդէ́մ դնէին, զի պահապանք ոստիկանու(թեամ)բ կային ապողոնեայ ՛ի վ(ե)ր(այ) ն(ո)ց(ա), հարին՝ մա́րտ պատերազմի եդին ՛ի վ(ե)ր(այ) քաղաքին։

Verse: 76  Link to sept   նոքա առ երկիւղի բացին զդրունսն. սոքա մտին եւ տիրեցին ՛ի վերայ քաղաքին։

Verse: 77  Link to sept   Եւ իբրեւ զա́յն լուաւ ապողոնիոս, կազմեցաւ պատրաստեցաւ՝ ա́ռ ընդ իւր երիս հազարս սպառազէնս, եւ այլ զօրս բազումս.

Verse: 78  Link to sept   եւ գնաց ՛ի կողմանս ազովտայ, մօտ քերէր առ դաշտիւն, զի յուսացեալէր ՛ի զօրս իւր։ Զկնի́ լինէր նորա յովնաթան տա́լ մարտ պատերազմի։

Verse: 79  Link to sept   նա եթող հազար հեծեալ ՛ի դարանի զհե́տ ն(ո)ր(ա)։

Verse: 80  Link to sept   իբրեւ ետես յովնաթան եթէ դարան գործեցին զհետ ն(ո)ր(ա), եկի́ն փակեցին պաշարեցին զամրո́ց դարանակալացն, եւ շուրջ զնոքօք արկին պատնէշ, եւ կային պահէին յառաւօտէ մինչեւ յերեկոյ. ո(ր)պ(էս) հրաման ետ ն(ո)ց(ա) յովնաթան։

Verse: 81  Link to sept   Վաստակեցին՝ տաժանեցան հեծեալքն, եւ լուծան։

Verse: 82  Link to sept   զգողուղի կալաւ շմաւոն գնդիւն իւրով, եւ գայր ձորակին ՛ի վ(ե)ր(այ), եւ անկանէր զնոքօք՝ մինչդեռ նոքա կային լուծեալք եւ ձանձրացեալք, անկանէր ՛ի վերայ. զբազումս անդրէն ՛ի դարանի́ անդ սատակէր.

Verse: 83  Link to sept   զբազումս հեծելազօրս ընդ երե́սս դաշտին փախստեայ առաջի երեսսաց իւրոց տանէր, հատուցանէր մինչեւ ՛ի կողմանս հազովտայ. ա́յնչափ շտապ տագնապի ՛ի վ(ե)ր(այ) հասուցանէր, զի փախստեայքն գնային ՛ի մեհեանն դագովնայ ամրանա́լ անկանէին։

Verse: 84  Link to sept   Հասանէ́ր յովնաթան զօրօքն հանդերձ. պատէր զմեհեանն դագոնայ եւ զքաղաքն ազովտացւոց, եւ որ շուրջ զնովաւ քաղաքքն էին առնո́յր յաւարի. զմեհեանն դագովնայ ամրացելովքն հանդերձ այրէր հրով։

Verse: 85  Link to sept   Եւ եղեն անկեալքն ՛ի սրոյ՝ այրեցելովքն հանդերձ՝ իբրեւ արք ութ հարիւր հազար։

Verse: 86  Link to sept   Չուեա́ց խաղաց գնաց յովնաթան անտի, եւ եկն բանակեցաւ ՛ի կողմանս ասկաղոնեայ, եկին ելին ՛ի քաղաքէ անտի ընդառա́ջ նմա փառօք։

Verse: 87  Link to sept   Եւ դարձաւ յովնաթան յե(րուսաղէ)մ գնդաւն իւրով, եւ բազում աւարաւ. զի բերէ́ր զկապուտ զկողոպուտ բազում զթշնամեաց։

Verse: 88  Link to sept   Եւ իբրեւ լուա́ւ զայս աղէքսանդրոս, յաւե́լ փառաւորել առաւե́լ եւս զյովնաթան.

Verse: 89  Link to sept   եւ ետ տանել նմա շի́նգղ ոսկի, զորօրինակ օրէ́ն էր ունել եղբա́րց թագաւորին. եւ ետ նմա զակկարոն ա(մենայ)ն սահմանօքն հանդերձ ՛ի ժառանգութի(ւն)։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Եւ թագաւորն եգիպտացւոց զօրաժողո́վ լինէր՝ կուտէ́ր զօրս բազումս իբրեւ զաւազ առ ափին ծովուն, եւ նա́ւս բազումս. եւ խնդրէր նա ունե́լ զարքայութի(ւն)ն աղէքսանդրեայ նենգութ(եամ)բ, եւ յաւելուլ յի́ւր արքայութի(ւն)ն։

Verse: 2  Link to sept   եւ ել ընդ կողմանս ասորեստանեայց բանիւ խաղաղութ(եամ)բ. եւ նոքա դուռն բանային նմա, եւ ընդ առաջ երթային ն(ո)ր(ա). քանզի պատուէ́ր էր յաղէքսանդրեայ արքայէ՝ քանզի անե́ր էր ն(ո)ր(ա)։

Verse: 3  Link to sept   Եւ իբրեւ մտանէր պտղոմէոս ՛ի քաղաքսն, յիւրոց զօրացն պահապա́ն թողոյր իւրաքանչիւր քաղաքաց։

Verse: 4  Link to sept   Իբրեւ եկին մերձեցան նոքա ՛ի քաղաքն ազովտացւոց, ցուցի́ն նմա զմեհեանն դագովնայ այրեցեալ, զքաղաքն եւ որ շուրջ զիւրեւ էին այրեցեա́լ ՛ի ժամանակի պատերազմի, եւ զդիակունսն որ այրեցեալ էր՝ բերեալ կուտեալէր կոյտս ՛ի վ(ե)ր(այ) ճանապարհին։

Verse: 5  Link to sept   Եւ պատմէին առաջի արքային որ զինչ միանգամ գործեաց յովնաթան, եւ յաչա́ց հանէին զնա։ եւ թագաւորն լռի́կ կայր։

Verse: 6  Link to sept   Եւ եկն յանդիման եղեւ յովնաթան թագաւորին ՛ի քաղաքն յոպպէացւոց փառօք մեծօք. ողջոյն ետուն միմեանց, եւ եղեն ա́յն օր առ միմեանս։

Verse: 7  Link to sept   Եւ գնա́ց յովնաթան ընդ արքային մինչեւ ՛ի կողմանս գետոյն որ անուանեալ կոչի ազատ։ եւ դարձաւ յովնաթան անդրէն յե(րուսաղէ)մ։

Verse: 8  Link to sept   Իսկ արքայ պտղոմէոս տիրեաց ՛ի վ(ե)ր(այ) քաղաքացն ծովեզերեայց՝ մինչեւ ՛ի քաղաքն սելեւկացւոց. եւ խորհէր ՛ի վ(ե)ր(այ) աղէքսանդրեայ խորհո́ւրդ չարութե(ան)։

Verse: 9  Link to sept   Եւ արձակեա́ց նա հրովարտակս առ դեմետր արքայ եւ ասէ. ե́կ ո́ւխտ դիցուք առ միմեանս՝ եւ դաշինս կռեսցուք, եւ տա́ց քեզ զդուստր իմ զոր ունի աղէքսանդրոս արքայ, եւ տիրեսցես դու ՛ի վերայ արքայու(թ)ե(ան) հօր քոյ.

Verse: 10  Link to sept   զի զղջացեա́լ եմ թէ ընդէ՞ր ետու ես զդուստր իմ նմա կնու(թ)ե(ան). զի խորհեցաւ նա ՛ի վ(ե)ր(այ) իմ մա́հ։

Verse: 11  Link to sept   եւ ա́յսպէս յաչաց հանէր զնա, զի ի́ւր ակն եդեալ էր տէրու(թ)ե(ան) ն(ո)ր(ա)։

Verse: 12  Link to sept   Եւ եհա́ն զդուստրն, եւ ետ դեմետրի. եւ խոտորեցաւ յաղէքսանդրէ, եւ յայտնեա́ց զթշնամու(թ)ի(ւն) իւր։ Եւ եմուտ պտղոմէոս եւ տիրեաց նա ՛ի վ(ե)ր(այ) քաղաքացն, եւ սելեւկեայ ծովեզերեայց։ եւ խորհէր չարութի(ւն) ՛ի վ(ե)ր(այ) աղէքսանդրու։

Verse: 13  Link to sept   Ե́կն եմուտ ՛ի քաղաքն անտիոքացւոց. եւ եդաւ զթագ զասիացւոցն. եւ պսակեցաւ կրկին թագաւն ասիացւոց՝ եւ թագաւն եգիպտացւոց։

Verse: 14  Link to sept   Բայց աղէքսանդրոս արքայ էր ՛ի կողմանս կիւլիկեցւոց ՛ի ժամանակին յայնմիկ. զի ապստամբէին մարդիկն ՛ի նմանէ։

Verse: 15  Link to sept   Եւ լուաւ աղէքսանդրոս՝ դիմեաց գալ ՛ի վ(ե)ր(այ) ն(ո)ր(ա) մարտիւ պատերազմաւ։ եւ ել պտղոմէոս ընդ առաջ ն(ո)ր(ա) զօրօք բազմօք, եւ դարձոյց զնա ՛ի պարտութի(ւն)։

Verse: 16  Link to sept   եւ փախստեայ լինէր աղէքսանդրոս ՛ի կողմանս արաբացւոց. զի անդ թաքիցէ եւ ապրիցէ ՛ի նմանէ։ եւ արքայ պտղոմէոս բարձրացաւ։

Verse: 17  Link to sept   Եւ ե́կն զաբեէլ արուայիկ, եհա́տ զգլուխն աղէքսանդրեայ, եւ ետ տանել պտղոմոսի արքայի։

Verse: 18  Link to sept   Եւ պտղոմէոս մեռաւ յաւուրն երրորդի, եւ որ էին զամրօքն սատակեցան յամրականացն։

Verse: 19  Link to sept   Եւ թագաւորեաց դեմետր, յամին հարիւրորդի վաթսներորդի եւթներորդի։

Verse: 20  Link to sept   Ընդ աւուրսն ընդ այնոսիկ ժողովեաց յովնաթան զօրս ՛ի հրէաստան, գա́լ մա́րտ դնել զբերդաւն որ յե(րուսաղէ)մ էր. կազմեցին զնովաւ շուրհ մենքենայս բազումս։

Verse: 21  Link to sept   Ապա գնացին ոմանք որ թշնամի́ էին ազգին հրէից, ա́րք անօրէնք պատմել թագաւորին, եթէ յովնաթան մենքեանայս կազմեալ շուրջ զզբերդաւն պատեալ՝ յառնուլ պատրաստեալ։

Verse: 22  Link to sept   Իբրեւ լուաւ՝ բարկացա́ւ յոյժ. չուեաց եւ եկն ՛ի պտղոմէոս, ե́տ հրովարտակս առ յովնաթան, զի մի́ եւս զբերդն շուրջ պաշարեալ պահիցէ. այլ ինքն յարուցեալ վաղվաղակի առ նա հասանիցէ՝ ՛ի քաղաքն պտղոմէացւոց զի անդ յանդիման լիցին միմեանց։

Verse: 23  Link to sept   Իբրեւ լուաւ յովնաթան՝ ե́ւս քան զեւս պնդել հրամայեաց զպահ բերդին. եւ ինքն ա́ռ արս ընտիրս իմաստունս ՛ի ծերակոյտ ժողովրդենէ անտի, եւ ՛ի քահանայից անտի.

Verse: 24  Link to sept   հանդերձեցաւ պատարագօք, ոսկւով եւ արծաթով, եւ ե́դ զանձն ՛ի մահ, գնա́ց յանդիմա́ն լինել թագաւորին ՛ի քաղաքն պտղոմէացւոց։ եւ եգիտ նա շնորհս ՛ի նմանէ.

Verse: 25  Link to sept   թէպէտ եւ բազումք էին յանօրինաց անտի ամբաստան զնմանէ։

Verse: 26  Link to sept   Եւ մեծարեա́ց զնա թագաւորն ո(ր)պ(էս) առաջինքն իւր. եւ բարձրացոյց զնա յոյժ առաջի ա(մենայ)ն բարեկամաց իւրոց.

Verse: 27  Link to sept   եւ կարգեաց նմա զիշխանու(թ)ի(ւն) քահանայապետութե(ա)ն. եւ որ ինչ ա́յլ ինչ պատիւ ունէր յառաջագոյն քան զնա։ կացոյց կարգեաց զնա ընդ առաջին բարեկամս։

Verse: 28  Link to sept   Եւ աղաչեաց յովնաթան զարքայն, զի ապահա́րկ արասցէ զհրէաստան, եւ զերեսին կուսակալու(թ)ի(ւն)սն, եւ զշամրին։ եւ յա́նձն առ նմա տա́լ նմա երեք հարիւր քանքար։

Verse: 29  Link to sept   Եւ հաճո́յ թուեցաւ տագաւորին. եւ վ(ա)ս(ն) ա́յսր ա(մենայ)նի հրամա́ն ետ հրովարտակս տալ առ յովնաթան օրինակաւս այսուիկ։

Verse: 30  Link to sept   Արքա́յ դեմետր առ յովնաթան եղբայր՝ ողջո́յն։

Verse: 31  Link to sept   Զպատճէն հրովարտակիս այսորիկ գրեցաք մեք առ զասթենէս եղբայր մեր, նովին օրինակաւ եւ առ ձեզ գրեցաք զի գիտասջիք։

Verse: 32  Link to sept   Արքայ դեմետր՝ առ զասթենէս հայր՝ ողջոյն։

Verse: 33  Link to sept   ազգին հրէից օգնական նիզակակից՝ ուխտակա́լ բարեկամաց մերոց, իրաւունս համարեցաք դիւրել բարի́ առնել փոխանակ արդարութե(ան) միամտու(թեամ)բ զոր պահեցին նոքա առ մեզ։

Verse: 34  Link to sept   Կարգեցաք մեք զսահմանս հրէաստանի, եւ զերիս օրէնսն՝ ափարիմ, եւ ղուդա, եւ ռաթամին, յաւելցին ՛ի հրէաստանի ՛ի կողմանս շամրնի. եւ ա(մենայ)ն որինչ հասի օրէն գայցէ ՛ի նոցանէ՝ լիցի́ այն պաշտօնէից յե(րուսաղէ)մ. փոխանակ արքունական մտիցն որ գայր ՛ի ն(ո)ց(ա)նէ ա́մ յամէ յարմտեաց երկրին, եւ ՛ի բերոյ ծառոցն պտղոյն։

Verse: 35  Link to sept   եւ ա́յլ որինչ տարազք արքունի, կամ տասանորդք, կամ մաքս, կամ ինչ որինչ մուտք յարքունիս իցեն. կամ բաժ աղտից, կամ տարազ պսակաց,

Verse: 36  Link to sept   զայս ա(մենայ)ն թողցուք ՛ի ն(ո)ս(ա). եւ մի մի́ ինչ մի́ յայսցանէ անարգեալ գտցի մինչեւ յաւիտեանս ժամանակաց։

Verse: 37  Link to sept   Արդ ձեզ փո́յթ լիցի առնել պատճէն մի հրիվարտակիդ, եւ տալ առ յովնաթան՝ զի դիցի ՛ի գանձն սրբութե(ան)՝ ՛ի դիպա́ն վայր ՛ի նշանաւոր տեղւոջ։

Verse: 38  Link to sept   Իբրեւ ետես դեմետր արքայ, եթէ հնազանդեցաւ ա(մենայ)ն երկիր առաջի ն(ո)ր(ա). եւ ո́չինչ էր յաշխարհի որինչ ընդդէմ դառնայր հրամանաց նորա, հրամա́ն ետ արձակել զզօրսն յիւրաքանչիւր տեղիս. բա́ց ՛ի զօրաց յազգաց հեռաւորաց, եւ ՛ի մարզիկ գնդէ կղզեաց կղզեաց ոք։
   Եւ ՛ի թշնամու(թ)ի(ւն) դարձան ա(մենայ)ն զօրք ազգաց ընդ նմա։

Verse: 39  Link to sept   Տրիփոն անուն էր աղէքսանդրեան տոհմին, իբրեւ ետես եթէ զօրքն ա(մենայ)ն տրտո́ւնջ են զդեմետրեայ՝ գնա́ց նա առ իմաղկուս արուայիկ, որ սնուցանէր զանտիոք զպատանեակն աղէքսանդրի։

Verse: 40  Link to sept   եւ առ նմա́ կանխէր՝ զի տացէ նա ցնա́ զմանուկն, եւ ածցէ թագաւորեցուսցէ ՛ի տեղի հօր իւրոյ. եւ պատմեաց նմա որինչ միանգամ գործս գործեաց դեմետր, եւ զա(մենայ)ն թշնամու(թ)ի(ւն)ս որ միանգամ գոռային զօրքն. եւ ա́նդ լինէր առ նմա աւուրս բազումս։

Verse: 41  Link to sept   Առաքեա́ց յովնաթան առ դեմետր արքայ, զի հրամա́ն տացէ իջուցանել զզօրսն որ ՛ի միջնաբերդի անդ էին, եւ որ յամուրս անդ էին. զի էին ն(ո)ք(ա) թշնամու(թեամ)բ ընդ ի(սրաէ)լի։

Verse: 42  Link to sept   Եւ առաքեաց դեմետրիոս առ յովնաթան՝ եւ ասէ. ո́չ զայդ միայն արարից քեզ եւ ազգի քում, այլ փառօք փառաւորեցից զազգ քո՝ եթէ ժամանակ միայն գտից։

Verse: 43  Link to sept   Արդ դու բարւոք արասցե́ս, առաքեսցես առ իս գունդ մի ՛ի թիկունս, զի զօրքս աւասիկ յինէն յե́տս կացին։

Verse: 44  Link to sept   Իբրեւ լուաւ զայն յովնաթան, վաղվաղակի գունդ մի յերից հազարաց արս ընտիրս սպառազէնս արձակեաց ՛ի թիկունս թագաւորին ՛ի քաղաքն անտիոքացւոց. եւ ուրա́խ եղեւ թագաւորն ՛ի հասանել ն(ո)ց(ա) ՛ի ձեռս ն(ո)ր(ա)։

Verse: 45  Link to sept   Իբրեւ զայն լուան քաղաքացիքն. ժողովեցան յիւրաքանչիւր տեղւոջէ ՛ի մէջ քաղաքին՝ իբրեւ բեւրք երկոտասան։ ա́յն ինչ յարձակեալ էին ՛ի վ(ե)ր(այ) թագաւորին, կամէին անդէն սպանանել.

Verse: 46  Link to sept   նա խո́յս ետ ՛ի նոցանէ. եւ նոքա առին վաղվաղակի զկիրճսն ա(մենայ)ն գնացից քաղաքին. մա́րտ եդին եւ սկսան մաքառել։

Verse: 47  Link to sept   Ա́զդ եղեւ ի(սրա)էլեան գնդին. կուտեցան ՛ի վ(ե)ր(այ) ապարանից թագաւորին, ձա́յն ետուն միմեանց, եւ սփռեցան ը(նդ) ա(մենայ)ն քաղաքն.

Verse: 48  Link to sept   իբրեւ հարին՝ սպանին կոտորեցին արս իբրեւ տասն հազար. հրձի́գ արարին զա(մենայ)ն փայտակերտն զապարանից ն(ո)ր(ա). եւ զինչս եւ զստացուածս ն(ո)ց(ա) առի́ն յաւարի. արկին յիւրեանս զթագաւորն, եւ ապրեցուցին զնա ՛ի ձեռաց ն(ո)ց(ա)։

Verse: 49  Link to sept   Իբրեւ ետես մնացեալ գունդ քաղաքին, եթէ զօրացաւ գունդն ի(սրա)էլեան ՛ի վերայ ն(ո)ց(ա), եւ կամակար յաղթեցին ն(ո)ց(ա). լքան նուաղեցան, եւ տկարացան ՛ի խորհուրդս իւրեանց. ՛ի ձայն բարբառոյ ողոքանաց սկսան աղաղակե́լ առ թագաւորն՝ եւ ասեն.

Verse: 50  Link to sept   ձե́ռն տուր մեզ, եւ դադարեսցէ գունդս մոլեկան ՛ի կոտորածէ քաղաքիս։

Verse: 51  Link to sept   զա́յն բան ասէին, եւ զիւրաքանչիւր զէնս առ ոտս պատերազմողացն ընկենուին։ եւ բարձրանա́յր փառօք գունդն ի(սրա)էլեան առաջի թագաւորին, եւ առաջի ա(մենայ)ն զօրաց ն(ո)ր(ա). եւ դառնային անդրէն յե(րուսաղէ)մ անուամբ մեծաւ եւ բ(ա)զ(ու)մ աւարաւ։

Verse: 52  Link to sept   Եւ նստա́ւ դեմետր արքայ յաթոռ տէրութե(ան) իւրոյ, եւ սարսեաց երկիրն ա(մենայ)ն առաջի ն(ո)ր(ա)։

Verse: 53  Link to sept   Եւ ստեաց ի(սրա)էլացւոցն յա(մենայ)նի որինչ խոստացաւ նա ն(ո)ց(ա), եւ ամենեւին օտարացաւ յաչս յովնաթանու. եւ ո́չ հատոյց նմա ըստ միամտութե(ան) վաստակոց ն(ո)ր(ա)։

Verse: 54  Link to sept   Յետ այսորիկ դարձա́ւ տրիփոն, եւ պատանեակն անտիոքոս ը(նդ) նմա, թագաւորեալ եւ նստեալ յաթոռ տէրու(թ)ե(ան)։

Verse: 55  Link to sept   եւ առ նա́ ժողովէին զօրքն ա(մենայ)ն որ ցրուեալէր ՛ի դեմետրեայ։ եւ ետուն մարտ պատերազմի ը(նդ) դեմետրեայ, եւ փախուցին զնա վատթարեալ։

Verse: 56  Link to sept   եւ եկն ա́ռ զգազանսն տրիփոն. եւ կալաւ զքաղաքն անտիոքացւոց։

Verse: 57  Link to sept   Հրամա́ն ետ հրովարտակ առնել մանուկն անտիոքոս՝ առ յովնաթան՝ եւ ասէ. կացուցեա́լ իմ զքեզ ՛ի գո́րծ քահանայապետութե(ան), եւ հաստատեալ իմ զքեզ ՛ի վ(ե)ր(այ) չորիցն օրինաց, եւ կարգեցաք զքեզ ընդ բուն եւ ը(նդ) առաջին բարեկամս մեր։

Verse: 58  Link to sept   Եւ ե́տ տանել նմա նուագս ոսկիս, եւ սպաս տաճարին։ եւ ետ նմա իշխանութի(ւն) ըմպել ոսկի նուագօք, արկանել ծիրանիս, եւ իշխել կրել նշան շգեղ, ը(ս)տ նշանի թագաւորաց։

Verse: 59  Link to sept   Եւ զշմաւոն զեղբայր ն(ո)ր(ա) հրաման ետ իշխան զօրավար կացուցանել ՛ի կողմանցն ծուրայ մինչեւ ՛ի սահմանս եգիպտացւոց։

Verse: 60  Link to sept   Եւ ել յովնաթան շրջել յայնկոյս յորդանան գետոյ՝ եւ ը(նդ) քաղաքսն, եւ ժողովեցան առ նա ա(մենայ)ն զօրք ասորւոց ՛ի թիկունս։ եւ եկն նա ՛ի կողմանս ասկաղոնեայ. եւ ելին նմա քաղաքացիքն ընդառաջ մեծա́ւ գովութ(եամ)բ։

Verse: 61  Link to sept   Անտի գնա́ց եկն ՛ի գազայ, եւ գազացիքն փակեցին նմա զդրունսն. նստա́ւ շուրջ զնոքօք, եւ հրձիգ արար զաւանս ն(ո)ց(ա). եւ զինչս եւ զստացուածս ն(ո)ց(ա) վարեցին ՛ի գերութե(ան)։

Verse: 62  Link to sept   Ապա եկին գազացիքն առաջի կացին՝ ձե́ռն ետուն նմա, եւ մատուցին զորդիս իշխանացն իւրեանց ՛ի պատանդու(թ)ի(ւն), եւ նա ա́ռ ետ տանել զն(ո)ս(ա) յե(րուսաղէ)մ. եւ ինքն անց ը(նդ) երկիրն ՛ի կողմանս դամասկեայ։

Verse: 63  Link to sept   Եւ լուաւ յովնաթան եթէ հասին իշխանք դեմետրեայ ՛ի կադէս ՛ի կողմանս գալիլեացւոց զօրօք բազմօք. իբրեւ կամէին իմն թէ փոխեսցուք զնա ՛ի գործոյ անտի.

Verse: 64  Link to sept   նա եթող զեղբայր իւր զշմաւոն յերկրին վ(ե)ր(այ). եւ ինքն գնա́ց ընդ առաջ ն(ո)ց(ա)։

Verse: 65  Link to sept   Եւ շմաւոն հասանէր պատերազմաւ ՛ի վ(ե)ր(այ) բեթսովրայ, եւ պաշարէր զնա աւուրս բազումս, եւ յարգե́լ արկանէր զնոսա։

Verse: 66  Link to sept   աղաչե́լ սկսան նոքա զնա, զի դաշի́նս արասցէ ը(նդ) ն(ո)ս(ա). նա ետ ձեռն ն(ո)ց(ա), եւ եհան զն(ո)ս(ա) անտի. եւ կացո́յց անդ նա պահապանս քաղաքին։

Verse: 67  Link to sept   Եւ յովնաթան զօրօքն իւրովք եկն բանակեցաւ ՛ի վերայ ջուրցն գեննեսարեթայ, կանխեաց նա ընդ առաւօտն ՛ի դամտն նասովրայ.

Verse: 68  Link to sept   եւ գունդ մի այլազգեաց ընդ առաջ եղեւ ՛ի դաշտի անդ։ Եւ դարան գործեցին ՛ի վ(ե)ր(այ) ն(ո)ր(ա). կէսքն ՛ի դարա́ն մտին, կէսքն ՛ի դիմի́ հարան նմա.

Verse: 69  Link to sept   եւ յարեան դարանակալքն յիւրաքանչիւր տեղեաց՝ զհետ եղեն ն(ո)ց(ա), եւ զյովնաթան ՛ի մէջ արկին զօրօքն հանդերձ։

Verse: 70  Link to sept   եւ արարին զզօրսն յովնաթանու փախստեայս. եւ ո́չ մնաց առ նմա, բայց միայն մատաթի բեսաղոմեան, եւ յուդա սկափեան՝ զորավարք զօրացն։

Verse: 71  Link to sept   ձեռն զօձեօք արկանէր յովնաթան, զպատմուճանն պատառէր, հող ՛ի գլո́ւխ լինէր։

Verse: 72  Link to sept   ՛ի վ(ե)ր(այ) յարձակէր բարկու(թեամ)բ մեծաւ, եւ ՛ի պարտութի(ւն) մատնէր զնոսա։

Verse: 73  Link to sept   Յա́յնմ ժամանակի փախստեայքն ամենեքեան անդրէն ՛ի նո́յն դառնային, հալածակա́ն զթշնամիսն առնէին առաջի իւրեանց, մինչեւ ՛ի բանակն իւրեանց ՛ի կադէս. եւ եկին անկան զբանակաւն այլազգեաց.

Verse: 74  Link to sept   հարին կոտորեցին յաւուր յայնմիկ իբրեւ երեք հազար հեծեալ սպառազէնս· եւ դարձաւ յովնաթան յե(րուսաղէ)մ։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Իբրեւ ետես յովնաթան թէ ժամանակն աջողեա́լ է նմա, կոչեաց արս ընտիրս, առաքեա́ց զն(ո)ս(ա) ՛ի քաղաք հռոմայեցւոց, երթալ նորոգել զուխտ հաշտու(թ)ե(ան) ընդ ն(ո)ս(ա)։

Verse: 2  Link to sept   եւ ընդ սպարտացիս, եւ ը(նդ) այլ տեղիս տեղիս արար հրովարտակս ը(ս)տ նմին օրինակի։

Verse: 3  Link to sept   Գնացի́ն հրեշտակքն, եւ եկին հասին ՛ի քաղաքն հռոմայեցւոց. եւ յանդիմա́ն եղեն ն(ո)ց(ա) ՛ի տաճարին խորհրդոց։ եւ ասեն. յովնաթա́ն քահանայապետ՝ եւ ազգն հրէից առաքեցին զմեզ առ ձեզ նորոգել զհաշտու(թ)ի(ւն)ն առաջին. լինել նիզակակից եւ թիկունք ը(ս)տ օրինակին առաջնում։

Verse: 4  Link to sept   Յա́նձն առին՝ հաճեցան. եւ ետուն հրովարտակս ՛ի տեղիս տեղիս. զի յուղարկեսցին նոքա խաղաղութ(եամ)բ յերկիրն հրէաստանի։

Verse: 5  Link to sept   Եւ ա́յս պատճէն հրովարտակացն զոր գրեաց յովնաթան առ աշխարհակալս, իշխանս, առ կուսակա́լս ն(ո)ց(ա)։

Verse: 6  Link to sept   Յովնաթան քահանայապետ, ծերակոյտ ժողովրդեամբ հանդերձ, եւ քահանայք, գո́ւնդ եւ սպահ ազգին հրէաստանեայց. առ սպարտացիս եղբարս մեր՝ ողջո́յն։

Verse: 7  Link to sept   Քանզի յառաջ իսկ առաքեցան հրովարտակք առ ոնիա քահանայապետ՝ ՛ի դարեհէ արքայէ ՛ի թագաւորէ ձերմէ, եթէ նիզակակիցք եղբարք եւ բարեկամք մեր էք, ո(ր)պ(էս) մեզ պատճէնքս ցուցանեն։

Verse: 8  Link to sept   ընկալաւ ոնիա զայրն որ առաքեցաւ մեծաւ փառօք, եւ ա́ռ ՛ի ձեռն հրովարտակ մի՝ ուր նշանակէր զմեզ նիզակակիցս եւ թիկունս իւր, եւ սիրելի բարեկամս։

Verse: 9  Link to sept   Ա́րդ մեք՝ քանզի լի́ եւ ոչ կարօտեալք մխիթարեցաք ձերովք հրովարտակօքս,

Verse: 10  Link to sept   առաքել նորոգել միւսանգամ զնոյն հաւանութի(ւն) հարազատութե(ան), զի մի́ օտարասցուք մեք ՛ի ձէնջ. զի բազո́ւմ են այն ժամանակք որ անցին ՛ի վ(ե)ր(այ) հին հաւանու(թ)ե(ան)ցն զոր դուքն առ մեզ արարէք։

Verse: 11  Link to sept   Արդ մեք անպակաս յա(մենայ)ն ժամանակի ՛ի տօնս տարեկանաց՝ եւ յայլ աւուրս արժանաւորս՝ յիշեմք մեք զձեզ, ՛ի վերայ պատարագացն որ մատուցանեմք. յիշեմք յաղօթս մեր ո(ր)պ(էս) արժան է օրէ́ն եւ յիշել զեղբարս մեր։

Verse: 12  Link to sept   եւ ցնծամք մեք ընդ փառս ձեր։

Verse: 13  Link to sept   Արդ զմեւք պատեցան աւսիկ բազում նեղու(թ)ի(ւն)ք պատերազմաց. մա́րտ եդին աւասիկ թագաւորք որ շուրջ զմեւք են.

Verse: 14  Link to sept   եւ մեք ո́չինչ կամեցաք ցարդ նեղել զձեզ. եւ ո́չ զձեզ, եւ ո́չ որ շուրջ զձեւքդ բարեկամք նիզակակիցք մե́ր են յայս մարտս պատերազմի։

Verse: 15  Link to sept   զի գո́յր մեզ օգնու(թ)ի(ւն) յերկնից, եւ ապրեցաք մեք ՛ի ձեռաց թշնամեաց մերոց. եւ ՛ի պարտու(թ)ի(ւն) մատնեցան թշնամիք մեր առաջի մեր։

Verse: 16  Link to sept   Արդ ընտրեցաք մեք զնումենիոս զանտիոքեան, եւ զանտիպատրոս յասովնեանց, եւ առաքեցաք առ հռոմայեցիս զի նորոգեսցեն զառաջին հաշտութի(ւն) հաւանու(թ)ե(ա)ն, թիկունս բարեկամութի(ւն) եղբայրութե(ան)։

Verse: 17  Link to sept   Տուա́ք ն(ո)ց(ա) պատուէր անցանել առ ձեզ, տա́լ ն(ո)ց(ա) ձեզ ողջոյն. եւ մատուցանել թուղթս վ(ա)ս(ն) նորոգման սիրոյ եղբայրու(թ)ե(ան) մերոյ։

Verse: 18  Link to sept   արդ բարւոք արասցէք հրամա́ն տալ պատասխանի առնել մեզ։

Verse: 19  Link to sept   Եւ այս պատճէն հրովարտակացն է որ արարին անդրէն առ ոնիա քահանայ։

Verse: 20  Link to sept   Արքա́յ սպարտացւոց ոնիայ մեծ քահանայապետի ողջոյն։

Verse: 21  Link to sept   Գտան հին մատեանք վ(ա)ս(ն) սպարտիացւոց եւ հրէաստանեայց, զի են եղբարք հաւասարք՝ եւ ե́ն յաբրահամէ։

Verse: 22  Link to sept   Արդ յորմէ հետէ զայս ա́յսպէս գիտացաք. բարւոք արասցէք հանապազորդ գրե́լ առ մեզ, վ(ա)ս(ն) խաղաղութե(ան) եւ ողջունի ձեր առ մեզ։

Verse: 23  Link to sept   եւ մեր առ ձեզ։ ինչք եւ ստացուածք եւ ա(մենայ)ն անասուն մեր՝ ձեր է, ո(ր)պ(էս) եւ ձերն մեր։ արդ տա́մք զայս պատուէր, զի հանապազ պահեսջիք զայս առ մեզ։

Verse: 24  Link to sept   Եւ լուաւ յովնաթան եթէ դարձան իշխանք դեմետրեայ զօրօք բազմօք քան զառաջինն, գա́լ ՛ի վ(ե)ր(այ) ն(ո)ր(ա) ՛ի մա́րտ պատերազմի։

Verse: 25  Link to sept   Չո́ւ արար յե(րուսաղէ)մէ, խաղա́ց ՛ի վ(ե)ր(այ) ն(ո)ց(ա), եհաս ՛ի դիմի, հարա́ւ ՛ի կողմանցն ամաթիտայ վայրաց. քանզի չե́տ թոյլ նմա հասանել յուզե́լ զերկիր իւր։

Verse: 26  Link to sept   արձակեաց նա դէտ ՛ի բանակ ն(ո)ց(ա), եւ պատմէին նմա ա́յսպէս՝ եթէ պատրաստեալ են գիշերայն անկանել ՛ի վ(ե)ր(այ) մեր։

Verse: 27  Link to sept   Եւ իբրեւ արեւն ՛ի մուտս եղեւ, հրամա́ն ետ յովնաթան զօրացն զի վառեալք՝ արթունք՝ պատրաստեալք՝ միագունդ կայցեն մինչեւ յառաւօտ, ՛ի մա́րտ պատերազմի, պարեկապանս հանին, շուրջ զիւրեամբք փակեցին. եւ ինքեանք կային պատրաստեալք ՛ի մարտ պատերազմի։

Verse: 28  Link to sept   Իբրեւ լուան թշնամիքն՝ եթէ գիշերայն պատրաստեցան ՛ի պատերազմ, երկեան՝ զարհուրեցան՝ բեկան ՛ի սիրտս իւրեանց. խիտ առ խիտ խարոյկս վառեցին ընդ ա(մենայ)ն տեղիս, եւ ինքեանք գիշերայն փախստեայք մեկնեցան։

Verse: 29  Link to sept   Եւ ո́չ գիտաց յովնաթան զօրօքն հանդերձ զփախուստն ն(ո)ց(ա). զի հայէր ընդ խարոյկսն բորբոքեալս, համարէր թէ առ ետե́ղ իցեն։

Verse: 30  Link to sept   ապա թէպէտ եւ զհե́տ եղեւ ն(ո)ց(ա)՝ չկարա́ց հասանել, զի անցեալ էր ն(ո)ց(ա) ընդ գետն ազատ։

Verse: 31  Link to sept   Ապա դարձա́ւ ՛ի նոցանէ յովնաթան ՛ի վ(ե)ր(այ) արաբացւոցն, որ անուանեալ կոչին զաբդեցիք, հարկանէր՝ սատակէր՝ վանէր զբանակս ն(ո)ց(ա), եւ առնոյր զինչս եւ զստացուածս ն(ո)ց(ա) յաւարի։

Verse: 32  Link to sept   եւ դառնայր ՛ի կողմանս դամասկեայ։

Verse: 33  Link to sept   եւ հասանէր յասկաղոն, եւ առնոյր զամուրսն ա(մենայ)ն որ շուրջ զնովաւ էին, եւ դառնայր ՛ի կողմանսն յոպպայեցւոց. արագէր զզօրն ՛ի ներքս մուծանէր։

Verse: 34  Link to sept   զի լուաւ թէ ամրականքն ձե́ռն տային ՛ի դեմետր, պահապանս ոստիկանս ՛ի վ(ե)ր(այ) կացուցանէր։

Verse: 35  Link to sept   Եւ դարձաւ յովնաթան՝ զօրընտիր լինէր, զծերակոյտն ՛ի խորհուրդն կոչէր. կամէր զամուրսն շինե́լ հրէաստանի,

Verse: 36  Link to sept   եւ բարձրացուցանել ՛ի բարձրու(թ)ի(ւն) ՛ի մէջ միջնաբերդին. եւ քաղաքն ՛ի բարձրութի(ւն) մեծ, անջրպետե́լ կամէր ընդ ն(ո)ս(ա) եւ ընդ քաղաքն, զի առանձինն լիցին. զի մի́ տայցեն՝ եւ մի́ առնուցուն, մի́ գնիցեն եւ մի́ վաճառեցին։

Verse: 37  Link to sept   Եւ ժողովեցան շինել զքաղաքն. եւ ինչ որ անկեալ էր ՛ի պարսպացն յուղխաջուր հեղեղատաց ՛ի ծմակին կողմանց անտի, որ անուանեալ կոչի փակնթա։

Verse: 38  Link to sept   Եւ շմաւոն սկսաւ շինել զաղեդա յափիղայ. ամրացոյց զնա, եւ դրունս եդ նմա, եւ նըգօք հաստատեաց զնա։

Verse: 39  Link to sept   Եւ խնդրէր տրիփոն թագաւորել կողմանցն ասիացւոց, եւ դնել թագ, եւ ձգել զձեռն ՛ի վ(ե)ր(այ) արքային անտիոքացւոց։

Verse: 40  Link to sept   բայց երկեաւ զանգիտեաց, թէ գուցէ յանձն ո́չ առնուցու յովնաթան, եւ խաղայցէ ՛ի վ(ե)ր(այ) ն(ո)ր(ա) մարտիւ պատերազմաւ. եւ խնդրէր նա հնարս ըմբռնել զնա՝ եւ կորուսանել.

Verse: 41  Link to sept   խաղաց գնաց՝ եւ եկն ՛ի կողմանս բեթսանայ։ Եւ ել ը(նդ)առաջ ն(ո)ր(ա) յովնաթան քառասուն հազարաւ ընտիր վառելով պատրաստեալ պատերազմի, եւ եկն եհաս նա ՛ի բեթսա։

Verse: 42  Link to sept   Եւ ետես տրիփոն եթէ հասեալէ յովնաթան զօրօք բազմօք, եւ զանգիտեաց ձգել զձեռս իւր ՛ի նա.

Verse: 43  Link to sept   ապա ա́ռ ընկալաւ զնա փառաւորու(թեամ)բ, եւ յանդիմանեաց զնա ա(մենայ)ն բարեկամացն իւրոց. եւ ետ նմա պարգեւս, եւ հրամա́ն ետ զօրացն իւրոց զի հնազա́նդ լիցին նմա։

Verse: 44  Link to sept   Խօսել սկսաւ ընդ յովնաթանու՝ եւ ասէ. ընդէ՞ր զայդչափ զօրս կոտորեցեր, զի ո́չինչ գոյր ՛ի միջի գո́րծ պատերազմի։

Verse: 45  Link to sept   արդ արձակեա́ դու զզօրսդ յիւրաքանչիւր տեղիս, եւ ընտրեա́ դու ը(նդ) քեզ արս սակաւս որ ընդ քե́զ հանապազ շրջիցին, եւ ե́կ դու ընդ իս ՛ի քաղաքն պտղոմէացւոց, եւ տա́ց քեզ զնա ՛ի ձեռս, եւ զայլ ամուրս զօրօքն հանդերձ, ո(ր)պ(էս) ՛ի ձեռն լիցի, եւ ես դարձայց անդրէն. զի վ(ա)ս(ն) ա́յսորիկ իսկ եկեալ էի։

Verse: 46  Link to sept   Եւ հաւատաց նա ՛ի նա, եւ արա́ր ո(ր)պ(էս) հրամայեաց նմա, եւ արձակեաց զզօրսն յիւրաքանչիւր տեղիս յերկիրն հրէաստանի։

Verse: 47  Link to sept   եւ եթող առ իւր ՛ի ն(ո)ց(ա)նէ իբրեւ արս երիս հազարս։ դարձեալ եթող ՛ի նոցանէ զերկուս հազարսն յերկրին գալիլեացւոց. եւ ինքն գնա́ց ընդ նմա հազարաւ միով։

Verse: 48  Link to sept   Եւ իբրեւ եմուտ յովնաթան ՛ի քաղաքն պտղոմէացւոց, առին զդրունսն քաղաքացիքն եւ զնա ՛ի ներքս արգելին, եւ հանին ընդ սուր զամենեսին որ ընդ նմա մտեալ էին։

Verse: 49  Link to sept   Եւ արար տրիփոն զօրս ՛ի վ(ե)ր(այ) զօրաց ն(ո)ր(ա) որ էին յերկրին գալիլեացւոց՝ եւ ՛ի դաշտին մեծի, զի երթիցեն սատակեսցեն զա(մենայ)ն զօրսն յովնաթանու։

Verse: 50  Link to sept   Նոքա իբրեւ գիտացին թէ նա ՛ի ներքս արգելաւ, եւ ամենեքեան կորեան որ ընդ նմա էին, մխիթարեցին զանձինս, եւ գնացին միագունդ միաբանութ(եամ)բ ՛ի մա́րտ պատերազմի։

Verse: 51  Link to sept   Իբրեւ տեսին զօրականքն որ ՛ի վ(ե)ր(այ) երթեալ էին, թէ սրտի մտօք ՛ի վերայ իւրաքանչիւր ոգւոց մարտնչէին. զանգիտեցին, թողին եւ դարձան։

Verse: 52  Link to sept   եւ սոքա եկին հասին յերկիրն հրէաստանի խաղաղութ(եամ)բ։ Կո́ծ առին՝ լացին զյովնաթան եւ զզօրսն որ ը(նդ) նմա էին,եւ էին յերկիւղի մեծի։ եւ նստէր ՛ի սուգ ա(մենայ)ն ի(սրա)էլ, եւ լային զյովնաթան։

Verse: 53  Link to sept   Սկսա́ն խնդրել ա(մենայ)ն հեթանոսք որ շուրջ զնոքօք էին սատակել զն(ո)ս(ա), զի ասէին այսպէս,

Verse: 54  Link to sept   թէ չի́ք ոք գլուխ իշխան ՛ի վերայ ն(ո)ց(ա), որ տայ ընդ մեզ մարտ պատերազմի. արդ եկա́յք՝ հասցուք ՛ի վ(ե)ր(այ), ջնջեսցուք զյիշատակ ն(ո)ց(ա) յերկրէ։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Եւ լուաւ շմաւոն՝ եթէ ժողովեաց տրիփոն զօրս բազումս գալ հասանե́լ ՛ի վ(ե)ր(այ) երկրին հրէաստանի սատակել զն(ո)ս(ա).

Verse: 2  Link to sept   եւ ստուգեաց թէ յահի յերկիւղի մեծի է։ Եւ ինքն եկն ել յե(րուսաղէ)մ, ժողովեաց եւ նա զժողովուրդսն.

Verse: 3  Link to sept   մխիթարեաց զն(ո)ս(ա)՝ եւ ասէ. դուք ինքնին գիտէք որչափ գո́րծ գործեցաք՝ ե́ս եւ եղբարք իմ, եւ տուն հօր իմոյ. քանի́ մարտ պատերազմի մղեցաք, կամ ո՞րչափ նեղութե(ան) համբերաք ՛ի վ(ե)ր(այ) սրբութե(ան)ցն օրինաց եւ քաղաքին.

Verse: 4  Link to sept   զի վ(ա)ս(ն) ի(սրաէ)լի՝ եւ ձեր ամենեցուն կորեան եղբարքն ա(մենայ)ն, եւ ես մնացեալ եմ միայն։

Verse: 5  Link to sept   Եւ արդ քա́ւ լիցի անխայել ապաշաւել յանձն իմ, յա(մենայ)ն ժամանակս նեղու(թ)ե(ան). արու(թեամ)բ ինչ՝ չե́մ լաւ քան զեղբարսն,

Verse: 6  Link to sept   բայց սակայն զօրացա́յց խնդրել զվրէժ զազգի ՛ի վ(ե)ր(այ) սրբութեցն օրինաց, ՛ի վ(ե)ր(այ) կանանց եւ որդւոց. զի աւասիկ ժողովեալ են հեթանոսքն ա(մենայ)ն, հասանել սատակել զյիշատակս մեր յերկրէ։

Verse: 7  Link to sept   Իբրեւ զայն խօսէր՝ զուարթացուցանէր՝ մխիթարէր զա(մենայ)ն միտս ժողովրդեանն։

Verse: 8  Link to sept   Ետո́ւն պատասխանի, սկսան խօսել ՛ի ձայն մեծ՝ եւ ասեն. դո́ւ ես մեր առաջնորդ փոխանակ յուդայի եւ յովնաթանու եղբօր քոյ.

Verse: 9  Link to sept   մարտի́ր զպատերազմ մեր, եւ զա(մենայ)ն որինչ ասիցես՝ հնազանդ լիցուք քեզ։

Verse: 10  Link to sept   Եւ ժողովեաց նա զա(մենայ)ն արս պատերազմի, վաղվաղեաց՝ փութացաւ՝ շինեաց զպարիսպն ե(րուսաղէ)մի։

Verse: 11  Link to sept   եւ արձակեաց նա զյովնաթան զաբիսողոմեան զօրօք բազմօք ՛ի քաղաքն յոպպէացւոց. եւ եհան նա անտի զպահապանսն, եւ ինքն եմո́ւտ ամրացաւ, եւ պահէր զնա։

Verse: 12  Link to sept   Յետ այսորիկ խաղաց գնաց տրիփոն ՛ի քաղաքէն պտղոմէացւոց զօրօք բազմօք՝ գա́լ յերկիրն հրէաստանի. եւ ածէր ընդ իւր զյովնաթան ՛ի զգուշութի(ւն) պահպանութե(ան)։

Verse: 13  Link to sept   Եւ շմաւոն բնակեալ էր ՛ի դիդա յանդիման դաշտին։

Verse: 14  Link to sept   Եւ գիտաց տրիփոն թէ համբարձաւ շմաւոն փոխանակ յովնաթանու եղբօր իւրոյ, եւ պատրաստեալ է նա ՛ի մարտ պատերազմի. արար հրեշտակս՝ եւ արձակեա́ց առ նա եւ ասէ։

Verse: 15  Link to sept   վ(ա)ս(ն) արծաթոյն որ պարտէ́ր յովնաթան յարքունիս՝ արգելեալ կայ աստ.

Verse: 16  Link to sept   արդ տո́ւր բերել զարծաթն հարիւր քանքար, եւ երկուս որդիս յորդւոց սորա տո́ւր ածել առիս. զի մի́ յորժամ արձակեսցուք՝ ապստա́մբ լիցի սա ՛ի մէնջ։

Verse: 17  Link to sept   Եւ գիտաց շմաւոն, եթէ նենգութ(եամ)բ խօսի ընդ նմա, ե́տ տանել զարծաթն եւ զպատանեակսն. գուցէ ինչ թշնամութի(ւն) լինիցի ընդ ժողովրդեանն եւ ընդ նմա.

Verse: 18  Link to sept   եւ ասիցեն, թէ ագահեաց յարծաթն՝ եւ չե́տ տանել զպատանեակսն, եւ այրն կորեաւ։

Verse: 19  Link to sept   ապա ետ տանել զպատանեակսն՝ եւ զհարիւր քանքարն. եւ սակայն ստեաց, եւ ո́չ արձակեաց զյովնաթան։

Verse: 20  Link to sept   Եւ յետ այսորիկ եկն տրիփոն ՛ի կողմանս երկրին, շրջել եւ սատակել զն(ո)ս(ա), եւ պատեցին զճանապարհն ադովրայ։ եւ շմաւոն բանակաւ հանդերձ զառաջս ունէր ն(ո)ր(ա)՝ յոր կողմ եւ երթայր առ նա։

Verse: 21  Link to sept   Եւ որք ՛ի միջնաբերդին էին յե(րուսաղէ)մ յղեցին առ տրիփոն հրեշտակս՝ ստիպել զնա, զի եկեսցէ առ ն(ո)ս(ա) ընդ անապատն, եւ համբա́րս բերդին արասցէ։

Verse: 22  Link to sept   Եւ պատրաստեցաւ տրիփոն գնդաւն հանդերձ՝ գա́լ մտանել ՛ի գիշերին յայնմիկ. եւ ձիւնաբեր եղեւ յոյժ, վ(ա)ս(ն) այնորիկ ո́չ կարաց մտանել. չու արար եկն ՛ի կողմանս գաղաադու։

Verse: 23  Link to sept   Իբրեւ մերձեցաւ նա ՛ի բասկանա՝ ա́նդ սպան զյովնաթան, եւ անդէ́ն թաղեցաւ։

Verse: 24  Link to sept   դարձաւ անտի տրիփոն եւ եկն յաշխարհ իւր։

Verse: 25  Link to sept   Եւ առաքեաց շմաւոն՝ բարձ անտի զոսկերսն յովնաթանու եղբօր իւրոյ. եւ բերին թաղեցին զնա ՛ի մովդիիմ ՛ի քաղաքն հարց իւրոց։

Verse: 26  Link to sept   կո́ծ եդին, լացի́ն զնա ա(մենայ)ն ի(սրա)էլ, եւ սո́ւգ առին աւուրս բազումս։

Verse: 27  Link to sept   Եւ ա́նդ շինեաց շինուած ՛ի վ(ե)ր(այ) գերեզմանի հօր իւրոյ եւ եղբարց իւրոց. եւ բարձրացոյց զնա գո́րծ քարկռի քարկոփ շուրջանակի.

Verse: 28  Link to sept   եւ կանգնեաց ՛ի վերայ ն(ո)ր(ա) բրգունս դէմ ընդդէմ. եւ կացոյց անդ երիս վառեալս՝ հօրն եւ եղբարցն դէմ ընդդէմ։

Verse: 29  Link to sept   սեամբք բարձրութե(ան) վանդակապատ. եւ արար իւր անուն յաւիտենից։ Եւ եդ զկողիւք վանդակին գո́րծ քանդակի նաւա́ց նմանութե(ան). զի երեւելի կացցեն որ անցանեն ընդ ծով նաւօք,

Verse: 30  Link to sept   առ շիրմօքն զոր արարին ՛ի մովդիիմ մինչեւ յօրս յայս։

Verse: 31  Link to sept   Եւ տրիփոն գնայր նենգութ(եամ)բ ընդ արքայի անտիոքայ մանկան. սպան զնա,

Verse: 32  Link to sept   եւ թագաւորեաց ընդ ն(ո)ր(ա). եւ թա́գ ա́ռ նա զասիացւոց, եւ արար համարս մեծամեծս յերկրի։

Verse: 33  Link to sept   Եւ շինեա́ց շմաւոն զամուրսն հրէաստանի, բարձրացո́յց պարսպօք, եւ կանգնեաց զաշտարակս, դրամբք եւ նգօք հաստատեաց. եւ պնդեաց զամուրսն համբարօք։

Verse: 34  Link to sept   Եւ կոչեաց շմաւոն արս ընտիրս, եւ առաքեաց առ դեմետր, զի արասցէ թողութի(ւն) երկրին. զի ա(մենայ)ն գործքն տրիփոնեայ յափշտակութի(ւն)ք էին։

Verse: 35  Link to sept   Եւ առաքեաց դեմետր թագաւոր՝ ըստ բանիցս ըստ այսոցիկ պատասխանի ետ նմա, եւ գրեաց հրովարտակս ըստ օրինակիս ը(ս)տ այսմիկ։

Verse: 36  Link to sept   Դեմետր արքայ՝ առ շմաւոն քահանայապետ՝ առ բարեկամ թագաւորաց, եւ առ ա(մենայ)ն ծերակոյտ ազգիդ հրէից ողջո́յն։

Verse: 37  Link to sept   Պսա́կդ ոսկի՝ եւ զօրհնութի(ւն)դ որ ետուք բերել մեզ՝ ընկալա́ք, եւ պատրա́ստ եմք առնել խաղաղու(թ)ի(ւն) մեծ. եւ գրել առ իշխանս հարկահանաց, զի թողցին ձեզ պարտիքն։

Verse: 38  Link to sept   եւ զոր միանգամ հաստատեցաք առ ձեզ՝ հաստատո́ւն կացցէ. եւ ամուրքդ զոր շինէք՝ այդ ձե́զ իսկ լիցի։

Verse: 39  Link to sept   Եւ թողեալ լիցի ՛ի մէնջ ձեզ մեղք կամա́յ եւ ակամայ մինչեւ յայսօր ժամանակի։ եւ զպսակն որ պարտիք՝ եւ ինչ ա́յլինչ որ մաքս ելանէ յե(րուսաղէ)մէ՝ այլ մի́ ելցէ։

Verse: 40  Link to sept   եւ թէ ոք պիտանի́ք իցեն ձեր, եւ արժանի́ իցեն ՛ի մեր գիր մտանել՝ մտցե́ն համարձակ։ եւ եղիցի մեզ ընդ ձեզ խաղաղու(թ)ի(ւն)։

Verse: 41  Link to sept   Յամին հարիւրորդի եւթանասներորդի, բարձա́ւ լուծն հեթանոսաց յի(սրա)էլեան տոհմէ անտի։

Verse: 42  Link to sept   եւ սկսաւ ժողովուրդն գրել ՛ի մատեանս իւրեանց, եւ ՛ի կտակս վաճառաց իւրեանց։ Յամին առաջնորդի յամս շմաւոնի մեծի քահանայապետի՝ եւ առաջնորդ զօրավար ազգին հրէից։

Verse: 43  Link to sept   Յաւուրսն յայնոսիկ պատեաց նա զքաղաքն գազացւոց, եւ պաշարեաց զնա զօրօք, եւ արար անդ մենքենայս եւ մատոյց ՛ի պարիսպ անդր, եւ կործանեաց աշտարակ մի։

Verse: 44  Link to sept   Եւ ելին ՛ի մենքենայէ անտի՝ եւ յարձակեցան ՛ի ներքս ՛ի քաղաքն, եւ եղեւ խռովութի(ւն) յոյժ ՛ի քաղաքի անդ։

Verse: 45  Link to sept   Եւ դիմեցին առհասարակ քաղաքացիքն կանամբք եւ մանկտւովք հանդերձ, ճի́չ առեալ եւ զօձիս պատառեալ՝ եւ զաղաղակ բարձեալ կարդային առ շմաւոն.

Verse: 46  Link to sept   եւ աղաչէին ձե́ռն տալ ն(ո)ց(ա). զի մի́ դատեսցեն զն(ո)ս(ա) ըստ չարութե(ան) ն(ո)ց(ա). այլ ըստ ողորմու(թ)ե(ան) իւրում գթասցի ՛ի վ(ե)ր(այ) ն(ո)ց(ա)։

Verse: 47  Link to sept   Եւ կակղացաւ շմաւոն, եւ ցածոյց զպատերազմն. եւ հրամայեաց հանել զն(ո)ս(ա) արտաքս քան զքաղաքն։ եւ սրբեցին զապարանսն յա(մենայ)ն աղտեղութ(են)է պղծութե(ան) կռո́ց ն(ո)ց(ա). եւ ապա եկն եմուտ ՛ի ներքս ցնծութ(եամ)բ եւ օրհնութ(եամ)բ։

Verse: 48  Link to sept   եւ սրբեաց ՛ի նմանէ զա(մենայ)ն պղծութի(ւն)ս, եւ բնակեցոյց ՛ի նմա արս որ զօրէնսն պահիցեն. ամրացոյց եւս զնա. եւ շինեա́ց ՛ի նմա բիւրազգի́ գործած ապարանից։

Verse: 49  Link to sept   Իսկ որ ՛ի միջնաբերդին էին յե(րուսաղէ)մ, արգելեալ նեղեալ պաշարեալ կային. զի ո́չ էր ն(ո)ց(ա)՝ ո́չ ել եւ ո́չ մուտ, եւ ո́չ գին եւ ո́չ վաճառ, եւ նեղեալ սովամահէին. եւ բազումք ՛ի ն(ո)ց(ա)նէ սատակեցան։

Verse: 50  Link to sept   աղաղակեցին առ շմաւոն, աղաչէին կա́լ առաջի ն(ո)ր(ա)։ Նա ե́տ ն(ո)ց(ա)՝ ձեռն, եւ եհան զն(ո)ս(ա) անտի. եւ սրբեաց նա զմիջնաբերդն յա(մենայ)ն պղծութե(ան)ց ն(ո)ց(ա).

Verse: 51  Link to sept   եւ եկն եմուտ նա անդր ՛ի քսաներորդ ամսոյն յերկրորդում ամսեանն. յամին հարիւրորդի եւթանասներորդի մտանէր անդր՝ օրհնութ(եամ)բ գոհու(թեամ)բ, ոստովք արմաւենեօք. ՛ի ցնծու(թ)ի(ւն) փողոյ եւ սրընգի. զի խորտակեցաւ մեծ թշնամի ՛ի տանէն ի(սրաէ)լի։

Verse: 52  Link to sept   Եւ հրամա́ն ետ նա առնել զտօնն զայն ամի ամի ըստ աւուրն ը(ս)տ այնմիկ՝ ուրախութ(եամ)բ եւ ցնծու(թեամ)բ։

Verse: 53  Link to sept   ամրացոյց նա զլեառն տաճարին առ միջնաբերդաւն. եւ բնակեալէր ինքն ՛ի ներքս սեպհական գնդաւն հանդերձ։

Verse: 54  Link to sept   Եւ ետես շմաւոն զյովնաթան զորդի իւր, եթէ ա́յր կատարեալ եւ ՛ի չա́փ հասեալ է, առ՝ կացոյց զնա իշխան զօրավար առաջնորդ ՛ի վ(ե)ր(այ) ա(մենայ)ն զօրացն. եւ կացոյց զնա ՛ի կողմանս գազարայ։



Chapter: 14 
ԳԼ(ՈՒԽ) Ժ՜Դ.


Verse: 1  Link to sept   Յամին հարիւրորդի եւթանասներորդի երկրորդի, զօրաժողո́վ լինէր դեմետր արքայ, եւ անցանէր ՛ի կողմանս մարացն եւ պարթեւացն ՛ի խնդրել իւր անտի թիկունս. զի եկեսցէ տացէ́ մարտ պատերազմի ընդ տրիփոնեայ։

Verse: 2  Link to sept   Իբրեւ զա́յն լսէր արշակ արքայ պարսից եւ պարթեւաց՝ թէ եկն եմուտ դեմետր ՛ի սահմանս աշխարհի նորա, արձակեա́ց նա մի յիշխանաց իւրոց՝ երթալ ձերբակա́լ առնել զնա։

Verse: 3  Link to sept   Գնա́ց նա՝ եհար սատակեա́ց զզօրսն դեմետրեայ, եւ արար զնա ձերբակալ. ե́կն ած՝ կալա́ւ զդեմետր առաջի արշակայ. եւ հրամայեաց կապել զնա ՛ի կապանս ոստիկանս եւ դնել զնա ՛ի բանտի։

Verse: 4  Link to sept   Եւ դադարեաց ՛ի խաղաղութե(ան) երկիրն զա(մենայ)ն աւուրս շմաւոնի, եւ յաւելոյր բարիս ՛ի բարեաց վ(ե)ր(այ) ազգին իւրեանց. տիրէ́ր նա ՛ի վերայ գաւառացն.

Verse: 7  Link to sept   եւ ժողովէր զգերիս բազումս։ տիրէ́ր ՛ի վ(ե)ր(այ) կողմանցն գազիրոնայ՝ եւ բեթսովրայ, եւ ակառանց։

Verse: 8  Link to sept   եւ գործէին զերկիր իւրեանց խաղաղու(թեամ)բ. եւ երկիրն տա́յր զպտուղ իւր, եւ ա(մենայ)ն փայտ ծառատունկ տա́յր զբեր իւր առատութ(եամ)բ։

Verse: 9  Link to sept   Ծերք ՛ի հրապարակս նստէին, ճա́ռս արկեալ զբանից բարութ(են)է ընդ միմեանս խորհէին։ երիտասարդք զփառս զգեցեալ՝ զարդարեալ ՛ի զարդ պատերազմի։

Verse: 10  Link to sept   Զքաղաքս պնդէին համբարօք, եւ զանձինս պատրաստէին ՛ի պատրաստութի(ւն) զարդու ամրու(թ)ե(ան) զինու. մինչեւ երթայր անուն փառաւորութե(ան) ն(ո)ր(ա) մինչեւ ՛ի ծագս երկրի։

Verse: 11  Link to sept   եւ առնէր խաղաղութի(ւն)։ եւ ցնծայր ի(սրա)էլ յուրախու(թ)ի(ւն) մեծ.

Verse: 12  Link to sept   եւ նստէին իւրաքանչիւր ընդ այգւով իւրեանց եւ ընդ թզենեաւ իւրեանց, եւ ո́չոք զարհուրեցուցանէր զն(ո)ս(ա)։

Verse: 13  Link to sept   եւ պակասեցին ամենեքեան որ մարտնչէին ընդ ն(ո)ս(ա)՝ յերկրէ. եւ թագաւորքն խորտակեցան յաւուրս իւրեանց։

Verse: 14  Link to sept   Եւ նա հաստատեաց զօրացոյց զխոնարհս ժողովրդեանն, խնդրէր զվրէժն օրինացն. եւ զա(մենայ)ն չարս եւ զանօրէնս ջնջեաց յերկրէ։

Verse: 15  Link to sept   փառաւորեցո́յց զսրբու(թ)ի(ւն)ս, եւ բազմացոյց զսպաս սրբու(թ)ե(ա)ն։

Verse: 16  Link to sept   Լո́ւ եղեւ ՛ի հռովմայեցւոց քաղաք, եւ մինչեւ ՛ի կողմանս սպարտացւոց, եթէ մեռա́ւ յովնաթան. եւ տրտմեցա́ն յոյժ։

Verse: 17  Link to sept   Այլ իբրեւ լուան եթէ շմաւոն եղբայր նորա կա́յ ՛ի գլուխ քահանայութե(ան) ընդ ն(ո)ր(ա), եւ տիրեալ հաստատեալ ունի զգաւառս եւ զքաղաքս որ ՛ի նոսայն էին։

Verse: 18  Link to sept   Հրեշտա́կս արարին, եւ հրովարտակս գրեցին ՛ի տախտակս պղնձիս, նորոգե́լ զհին բարեկամու(թ)ի(ւն)ն զոր ուխտեցին հաստատեցին առ յուդա՝ եւ առ յովնաթան եղբայր ն(ո)ր(ա)։

Verse: 19  Link to sept   Եւ իբրեւ բերին՝ ընթերցան առաջի ժողովրդոցն ե(րուսաղէ)մի։ եւ ա́յս պատճէն հրովարտակացն զոր առաքեցին սպարտիացիք։

Verse: 20  Link to sept   Սպարտիացւոց իշխանք եւ առաջնորդք՝ մեծաւ քաղաքաւն հանդերձ, առ շմաւոն մեծ քահանայ՝ եւ առ ծերակոյտդ ի(սրա)էլացւոց՝՝ եւ առ քահանայս, եւ առ ա(մենայ)ն գունդդ հրէից եղբարս մեր՝ ողջոյն։

Verse: 21  Link to sept   Հրեշտակք որ արձակեցան ՛ի ձէնջ առ մեզ, պատմեցին մեզ վ(ա)ս(ն) փառաց եւ պատուի ձերոյ. եւ ուրա́խ եղեաք ՛ի գալստեան դոցա։

Verse: 22  Link to sept   եւ գրեցաք մեք զպատգամս ձեր ՛ի մատեանս խորհրդոց գնդի մերոյ՝ օրինակ զայս. նումենիոս զանտիոքեան, եւ անտիպատրոս յասոնեան հրեշտակք հրէից, որ եկին առ մեզ նորոգել զբարեկամու(թ)ի(ւն)ն ընդ ազգի մերում։

Verse: 23  Link to sept   Եւ հաճո́յ թուեցաւ ա(մենայ)ն սպարտացւոց ընդունե́լ զարսն մեծաւ փառօք, եւ զպատճէն բանից ն(ո)ց(ա) դնել ՛ի տեղի յերեւելի ՛ի մատեանս խորհրդոց գնդի սպարտիացւոց։ եւ պատասխանի́ արարին հրովարտակացն առ շմաւոն մեծ քահանայ։

Verse: 24  Link to sept   Դարձեալ յետ այսց ժամանակաց, շմաւոն հրէշտա́կս առնէր անդրէն ՛ի հռոմ մեծաւ պատարագաւ, եւ ոսկւով վահանաւ ՛ի հազար քանքարէ. զի երթիցէ հաստատեսցէ զառաջին բարեկամութի(ւն)ն եւ թիկունս։

Verse: 25  Link to sept   Իբրեւ լուան զայն գունդն հռոմայեցւոց, սկսան խորհե́լ եւ ասել. իսկ արդ զի՞նչ երախտեաց երախտիս դարձուսցուք շմաւոնի՝ եւ որդւոց ն(ո)ր(ա).

Verse: 26  Link to sept   զի հաստատեաց նա եւ եղբարք իւր եւ տուն հօր իւրոյ զայն որ առ մեզ բարեկամութի(ւն). հարկանելով եհա́ր զթշնամիս իւր. եւ հաստատելով հաստատեա́ց զմեզ ընդ իւր ՛ի բարեկամս եւ ՛ի թիկունս։ Եւ հաստատեցին նմա ազատու(թ)ի(ւն), եւ գրեցին զայս ՛ի տախտակս պղնձիս։ եւ կանգնեցին նմա արձա́ն ՛ի լերինն սիոն։

Verse: 27  Link to sept   Եւ ա́յս պատճէն գրոյն զոր գրեցին։ Յամին հարիւրորդի եւթանասներորդի, որ օր ութուտասն էր ամսոյն, ՛ի վ(ե)ր(այ) ամին երրորդի առ քահանայապետութ(եամ)բն շմաւոնի, ՛ի սամարէք՝

Verse: 28  Link to sept   առաջի մեծաց ժողովրդոց՝ քահանայից՝ ժողովրդեան՝ իշխանաց՝ ազգաց՝ եւ ծերակոյտ գաւառաց բազմաց։ Ա́զդ եղեւ մեզ՝ քանզի բազում մարտք պատերազմի մղեցան յերկրի անդ։

Verse: 29  Link to sept   այլ շմաւոն որդի մատաթեայ քահանայապետի որդւոցն յովարիմ, եղբարբքն հանդերձ ե́դ զգլուխ իւր ՛ի կշիռս, եւ ետ զանձն իւր ՛ի ճգնու(թ)ի(ւն) մարտի պատերազմի. դիմակա́լ եղեւ թշնամեաց ազգի ն(ո)ց(ա), զի սրբու(թ)ի(ւն)քն իւրեանց եւ օրէնքն մի́ պղծեսցին. եւ փառօք մեծօք փառաւորեաց զազգս ն(ո)ց(ա)։

Verse: 30  Link to sept   եւ ժողովեաց յովնաթան զազգսն ն(ո)ց(ա), եւ եղեւ նոցա քահանայապետ, հանգեաւ նա՝ եւ ժողովեցաւ առ հարս իւր։

Verse: 31  Link to sept   եւ կամեցան թշնամիք ն(ո)ց(ա) հասանե́լ ՛ի վ(ե)ր(այ) երկրի ն(ո)ց(ա), եւ ձգել զձեռս իւրեանց ՛ի սրբութի(ւն)ս ն(ո)ց(ա)։

Verse: 32  Link to sept   Յայնմ ժամանակի յարեա́ւ շմաւոն, եւ ետ մա́րտ պատերազմի ՛ի վերայ ազգին իւրեանց, եւ ծախեաց նա գանձս բազումս յիւրմէ եւ արար նա հանդերձս զինու զարդու արանցն պատերազմողաց ազգին իւրում, եւ կուտեաց նա համբարս եւ թոշակս զօրականին։

Verse: 33  Link to sept   եւ ամրացոյց զքաղաքսն հրէաստանի։ զբեթսովրա՝ որ ՛ի սահմանս հրէաստանի էր, ուր հանդերձեալ դնէր զզէնն ա(մենայ)ն՝ զէ́ն եւ զա́րդ առաջին զօրաց թշնամեաց ն(ո)ց(ա). եւ կացոյց նա անդ արս հրէաստանեայս պահապանս։

Verse: 34  Link to sept   եւ զքաղաքսն յոպպէացւոց ամրացոյց՝ որ ՛ի վ(ե)ր(այ) ծովուն էր. եւ զգազարայ՝ որ ՛ի վ(ե)ր(այ) սահմանաց ազովտա́յ էր, զոր յառաջ թշնամիքն ունէին. եւ բնակեցոյց անդ արս հրէաստանեայս, եւ որինչ միանգամ պէտք էին իւրեանց՝ հաստատու(թեամ)բ յօրինեաց զն(ո)ս(ա)։

Verse: 35  Link to sept   Իբրեւ զայս ա(մենայ)ն զգործս տեսին շմաւոնի ժողովուրդքն, եւ զփառսն զոր խորհէ́ր ՛ի վերայ ազգին, եւ կացուցին զնա իշխան քահանայապետ՝ զի զայս ա(մենայ)ն արարեալէր ն(ո)ր(ա) ն(ո)ց(ա). եւ զարդարութի(ւն)ն եւ զհաւատն զոր պահէր նա ՛ի վերայ ազգին իւրոյ, եւ խնդրէր նա յա(մենայ)ն հանգամանս բարձրացուցանե́լ զժողովուրդ իւր։

Verse: 36  Link to sept   Եւ յաւուրս ն(ո)ր(ա) աջողեցաւ ՛ի ձեռս ն(ո)ր(ա) ջնջե́լ հեթանոսացն յերկրէ ն(ո)ր(ա), այնոցիկ որ ՛ի միջնաբերդին էին յե(րուսաղէ)մ. ելանէին մտանէին եւ պղծէին յոյժ շուրջ զսրբու(թեամ)բն, եւ հարուածք մեծամեծք լինէին ՛ի սրբու(թ)ե(ան) անդ, արգե́լ զն(ո)ս(ա) եւ ջնջեաց զն(ո)ս(ա)։

Verse: 37  Link to sept   Նստո́յց եւ ամրացոյց անդ պահապանս վ(ա)ս(ն) զգուշութե(ան) երկրին եւ քաղաքին, եւ բարձրացո́յց զնա։

Verse: 38  Link to sept   Սակայն եւ դեմետր արքայ բարձրացոյց զքահանայապետու(թ)ի(ւն) ն(ո)ր(ա).

Verse: 39  Link to sept   վ(ա)ս(ն) այսր ա(մենայ)նի ընդ բո́ւն բարեկամս փառաւորեաց զնա ՛ի փառս մեծութե(ան)։

Verse: 40  Link to sept   զի լո́ւ եղեւ նմա եթէ անուանեալ կոչին հրէայքն բարեկամք հռոմայեցւոց, եղբարք եւ թիկունք եւ նիզակակիցք. եւ զի ընկալան զհրեշտակսն շմաւոնի փառաւորութ(եամ)բ։

Verse: 41  Link to sept   Զի հրէայքն ինքեանք եւ քահանայքն հաճեցան, յա́նձն առին՝ իշխան քահանայապետ կացուցանել զնա յաւիտեանս ժամանակի. մինչեւ կանգնեսցի մարգարէ հաւատարիմ.

Verse: 42  Link to sept   զի լիցի ն(ո)ց(ա) զօրավար յառաջնորդու(թ)ե(ան). եւ զի փո́յթ լիցի նմա վ(ա)ս(ն) սրբոցն. եւ կացուցանել ՛ի ն(ո)ր(ա) ձեռանէ ՛ի վ(ե)ր(այ) գործոց ն(ո)ց(ա), ՛ի վ(ե)ր(այ) գաւառաց ն(ո)ց(ա), ՛ի վ(ե)ր(այ) զինու զարդու ն(ո)ց(ա), եւ ՛ի վ(ե)ր(այ) ամրոցաց ն(ո)ց(ա)։

Verse: 43  Link to sept   վ(ա)ս(ն) զի փո́յթ լիցի նմա վ(ա)ս(ն) սրբոցն. եւ հնազանդեսցին ն(ո)ց(ա) ա(մենայ)ն ազգք, եւ յանուն ն(ո)ր(ա) կնքիցին ա(մենայ)ն մուրհակք աշխարհի։ Զի իշխան լիցի արկանել ծիրանիս, եւ զարդարել ոսկւով։

Verse: 44  Link to sept   եւ մի́ ոք իշխեսցէ ՛ի ժողովրդոց անտի կամ ՛ի քահանայից ընդդէ́մ դառնալ հրամանաց ն(ո)ր(ա), եւ կամ ժողովել ժողովս յերկրի ն(ո)ր(ա) առանց ն(ո)ր(ա). եւ կամ զգենուլ ծիրանիս, կամ արկանել շիգղ ոսկի։

Verse: 45  Link to sept   զի եթէ ոք մի ինչ յայսցանէ անցցէ եւ կամ անարգեսցէ՝ մահապա́րտ լիցի։

Verse: 46  Link to sept   Եւ հաճո́յ թուեցաւ ՛ի ժողովրդեանն առնել շմաւոնի ըստ բանիցս այսոցիկ։

Verse: 47  Link to sept   Ա́ռ յանձն շմաւոն, եւ հաճեցաւ կա́լ ՛ի գլուխ քահանայապետու(թ)ե(ան). լինել սպարապետ զօրավար՝ գնդին հրէաստանի, եւ կալ գլո́ւխ քահանայից, եւ առաջնորդել ամենեցուն։

Verse: 48  Link to sept   Եւ զգիրս զայս գրել ՛ի տախտակս պղնձիս, եւ հրամայեցին դնել յամրի ՛ի նշանաւոր եւ յերեւելի́ տեղւոջ ՛ի մէջ սրբութե(ան)ցն.

Verse: 49  Link to sept   եւ զպատճէնս ն(ո)ց(ա) գնե́լ ՛ի գանձ. զի շմաւոն եւ որդիք ն(ո)ր(ա) զայն առ ի́ւր ունիցին հանապազ։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Եւ առաքեաց անտիոքոս որդի դեմետրեայ արքայի՝ հրովարտակս ՛ի կղզեա́ց անտի առ շմաւոն քահանայապետ՝ եւ կուսակալ ազգին հրէից՝ եւ առ ա(մենայ)ն ազգս ն(ո)ր(ա).

Verse: 2  Link to sept   եւ էին հրովարտակքն օրինակ զայս. Արքայ անտիոքոս՝ առ շմաւոն մեծ քահանայապետ՝ եւ առ կուսակալ ազգին հրէից՝ ողջո́յն։

Verse: 3  Link to sept   Քանզի ոմանք անօրէնք եկին՝ բո́ւռն եղեն արքայութե(ան) հարցն իմոց. եւ արդ՝ ես ա́ւասիկ ՛ի խնդիր եմ անդրէն շինել կանգնե́լ հաստատել զնոյն արքայու(թ)ի(ւն) ո(ր)պ(էս) էր զառաջինն։ Արդ ես՝ զօրաժողո́վ եմ զօրօք բազմօք՝ պատրաստեալ նաւս պատերազմի,

Verse: 4  Link to sept   ելանել խնդրել զվրէժ հարցն իմոց յազգաց վնասակարաց երկրին մերոյ, եւ որ աւերեցին զքաղաքսն մեր զմեծամեծս։

Verse: 5  Link to sept   Արդ հաստատեալ իմ զքեզ, զա(մենայ)ն ուխտ հարկին զոր թողին ձեզ թագաւորքն առաջինք, եւ որ ինչ այլինչ հա́ս օրէն հարկի իցէ՝ թողեա́լ լիցի քեզ։

Verse: 6  Link to sept   եւ հրաման եւս տուաք, զի իշխա́ն լիցիս հատանել առանձինն դահեկան յաշխարհի քում.

Verse: 7  Link to sept   եւ յերուսաղէմ։ եւ սրբութի(ւն)դ ազա́տ լիցի յա(մենայ)նէ. եւ զէնդ եւ զարդդ զոր գործեցեր, եւ զամուրսդ որ ամրացուցեր՝ քե́զ լիցին այդ։

Verse: 8  Link to sept   եւ ա(մենայ)ն պարտք արքունի, հասք եւ օրէնք որ այտի գային՝ քե́զ լիցին յայսմհետէ մինչեւ յաւիտեանս ժամանակաց։

Verse: 9  Link to sept   Այլ իբրեւ հասցուք ՛ի տէրու(թ)ի(ւն) մեր, փառաւորեսցուք զքեզ եւ զազգդ քո, եւ զտաճարդ ՛ի փառս մեծու(թ)ե(ան). զի յայտնի լիցին փառքն ձեր ընդ ա(մենայ)ն երկիր։

Verse: 10  Link to sept   Յամին հարիւրորդի եւթանասներորդի չորրորդի՝ եկն եհաս անտիոքոս յերկիրն հարց իւրոց։ ժողովեցան առ նա ա(մենայ)ն զօրք, եւ սակաւք ինչ մնացին առ տրիփոնեայ։

Verse: 11  Link to sept   եւ հալածեաց զնա անտիոքոս, եւ ած արկ զնա ՛ի դովրա ծովեզերեայց.

Verse: 12  Link to sept   եւ թողին զնա ա(մենայ)ն զօրքն. եւ իբրեւ տեսին զչարիսն որ անցին ընդ նա։

Verse: 13  Link to sept   Անտիոքոս եկն բանակեցաւ շուրջ զդովրաւ երկոտասան հազարաւ՝ մարտիկ պատերազմօղ արամբ, եւ ութհազար հեծեալ սպառազինաւ.

Verse: 14  Link to sept   եւ զծովակողմն փակեաց նաւօք. եւ ՛ի նե́ղ արկ զքաղաքն ՛ի ծովէ եւ ՛ի ցամաք կուսէ. եւ ո́չ զոք թողուին ելանել։

Verse: 15  Link to sept   Եւ եկն նումէնիոս եւ որ ընդ նմա էին, բերին հրովարտակս ՛ի հռովմ քաղաքէ առ թագաւորս երկրին, յորս գրեալ էր այսպես։

Verse: 16  Link to sept   Ղեւկիոս հիւպատոս հռոմայեցւոց՝ առ արքայ պտղոմէոս ողջոյն։

Verse: 17  Link to sept   Ծերքդ ՛ի հրէաստանէ եկին առ մեզ նորոգել զառաջին սէր բարեկամութե(ան), նիզակակիցս եւ թիկունս մեզ. զորս արձակեալ առ մեզ շմաւոնի քահանայապետի՝ եւ գնդին հրէից.

Verse: 18  Link to sept   բերին մեզ վահան ոսկի ՛ի հինգհազար քանքարէ։

Verse: 19  Link to sept   վ(ա)ս(ն) այսորիկ հաճո́յ թուեցաւ մեզ գրել առ թագաւորս երկրիդ՝ եւ ա(մենայ)ն ազգացդ, զի մի́ ոք ինչ յոռի խորհիցի ՛ի վ(ե)ր(այ) ն(ո)ց(ա). եւ մի́ տայցեն մա́րտ պատերազմի ը(նդ) քաղաքս դոցա՝ եւ ընդ երկրի. զի մի́ դոքա ընկեր լիցին մարտի թշնամեաց։

Verse: 20  Link to sept   հաճո́յ թուեցաւ մեզ առնուլ զվահանն ՛ի դոցանէ։

Verse: 21  Link to sept   Արդ եթէ իցեն ոք արք անօրէնք փախուցեալք յերկրէ ն(ո)ց(ա)՝ ՛ի ձե́ռս տաջիք շմաւոնի քահանայապետի. զի խնդրե́լ մարթասցէ զվրէժ ը(ս)տ օրինացն իւրեանց։

Verse: 22  Link to sept   Եւ ա́յսպէս գրէր առ դեմետր արքայ, եւ առ աթաղա, եւ առ արիարէթ, եւ առ արշակ։

Verse: 23  Link to sept   յա(մենայ)ն գաւառս՝ որ ինչ բարւոք թուեցի սպարտիացւոց. եւ ՛ի գեղոս. եւ ՛ի միդովնա. եւ ՛ի սիկիովնա. եւ ՛ի կարադա. եւ ՛ի սամոն. եւ ՛ի պամփիլա. եւ ՛ի ղիդիա. եւ ՛ի յաղիկառնակոս. եւ ՛ի ռոդոն. եւ ՛ի փասեղիդա. եւ ՛ի սիդէն. եւ ՛ի սարադոն. եւ ՛ի պորտւնիա. եւ ՛ի կնիդոս. եւ ՛ի կիւպրոս. եւ ՛ի կիւրէն։

Verse: 24  Link to sept   Եւ ՛ի պատճէն հրովարտակացն գրեցին առ շմաւոն քահանայապետ։

Verse: 25  Link to sept   Եւ անտիոքոս արքայ եկն պաշարեաց զդովրա. եւ ՛ի վաղիւ անդր մատուցանէր առ նա մենքենայս, եւ ձե́ռն արկանէ ՛ի նա. եւ ՛ի ներքս արգելեալ պաշարեալ պահէր զտրիփոն, եւ ո́չ ել ումեք գոյր ՛ի ներքուստ արտաքս՝ եւ ո́չ մուտ արտաքուստ ՛ի ներքս։

Verse: 26  Link to sept   Եւ յղեաց շմաւոն ՛ի թիկունս նմա արս ընտիրս մարտիկ պատերազմօղս՝ երկու հազար սպառազէնս, եւ պատարագս հանդերձեալս յոյժ՝ ոսկի եւ արծաթ։

Verse: 27  Link to sept   Այլ անարգեաց զա(մենայ)ն բանսն որ ուխտեաց նմա, եւ օտարանա́յր ՛ի նմանէ։

Verse: 28  Link to sept   Եւ առաքեաց նա զաթենոբիոս՝ մի ՛ի բարեկամաց իւրոց, խօ́սս ՛ի մէջ առնել ընդ նմա՝ եւ ասել. դուք իշխեալ զօրացեալ ունի́ք զքաղաքս թագաւորութե(ան) իմոյ. զքաղաքն յոպպէացւոց, եւ գազարացւոց, եւ զմիջնաբերդն յե(րուսաղէ)մի։

Verse: 29  Link to sept   Զսահմանս ն(ո)ց(ա) աւերեցէք դուք, եւ հարուածս մեծամեծս հասուցէք ՛ի վ(ե)ր(այ) երկրին ն(ո)ց(ա), տիրեցէք դուք կողմանցն բազմաց, եւ գաւառս բազումս հատէք զիմոյ տէրութե(ան)։

Verse: 30  Link to sept   Արդ տո́ւք ՛ի դուրս զքաղաքս եւ զգաւառս եւ զկողմանս, եւ զհարկս նոցուն. եւ որինչ միանգամ բռնութ(եամ)բ կալեալ է ձեր ՛ի մէնջ արտաքոյ սահմանացն հրէաստանի։

Verse: 31  Link to sept   ապա թէ ոչ՝ տո́ւք փոխանակ այնորիկ հինգ հարիւր քանքար արծաթոյ, եւ զխափանած հարկաց քաղաքացն, որ ցայսօր խափանեցէք՝ ա́յլ հինգ հազար քանքար։ ապա թէ ոչ՝ եկեսցո́ւք հարցուք վանեսցո́ւք զերկիրն սատակեսցուք։

Verse: 32  Link to sept   Եւ իբրեւ ե́կն աթենոբիոս բարեկա́մ արքայի յե(րուսաղէ)մ, ետես զփառսն շմաւոնի, եւ զսպաս զոսկւոյ եւ զարծաթոյ, եւ զհանդերձս պատրաստու(թ)ե(ան) զօրաց բազմաց, յո́տն կայր առաջի ն(ո)ր(ա), եւ շքո́վ տայր զպատգամ թագաւորին։

Verse: 33  Link to sept   Պատասխանի ետ նմա շմաւոն՝ եւ ասէ. ո́չ յերկիր օտար ուրուք մտեալ եմք, եւ ո́չ ՛ի բաժին յուրուք տարապարտուց ձեռն բռնու(թեամ)բ մխեալ է. զվիճակս ժառանգու(թ)ե(ան) հարցն մերոց վտարանգի լեալ յանպարտ թշնամեաց տարապարտուց,

Verse: 34  Link to sept   քաջու(թեամ)բ ժամանա́կ գտեալ խնդրեցաք։

Verse: 35  Link to sept   Այլ վ(ա)ս(ն) յոպպէացւոց քաղաքին, եւ գազարայ զոր դուք խնդրէք, վնաս բազո́ւմ գործեցին ՛ի մէջ աշխարհին մերոյ, վրէ́ժ խնդրեցաք. վ(ա)ս(ն) այնորիկ տուժեսցուք հարիւր քանքար։ Եւ ո́չ ետ նմա բանիցն պատասխանի.

Verse: 36  Link to sept   եւ դարձաւ բարկութ(եամ)բ առ թագաւորն, եւ պատմեաց նմա զփառսն շմաւոնի, եւ զա(մենայ)ն պատրաստու(թ)ի(ւն) զոր ետես սպասուց ն(ո)ր(ա)։ եւ բարկացոյց յոյժ զթագաւորն։

Verse: 37  Link to sept   Եւ տրիփոն փախեաւ յորթոսիա։

Verse: 38  Link to sept   Եւ թագաւորն գումարեաց զկենդէբոս ծովեզերեա́յց սպարապետն, եւ զօրս բազումս հեծեալս եւ հետեւակս ընդ նմա.

Verse: 39  Link to sept   պատուէ́ր ետ նմա զի բնակեսցէ դէմ յանդիման հրէաստանի. եւ շինեսցեն զամուրսն ՛ի պատրաստութի(ւն) մարտի պատերազմի ընդ զօրսն ի(սրա)էլացւոց։ եւ ինքն թագաւորն զհե́տ էր տրիփոնեայ։

Verse: 40  Link to sept   Խաղաց գնաց կենդէբոս, եկն եհաս ՛ի կողմանսն յամնեայ. եւ սկսաւ գրգռել զզօրսն, եւ մխել ՛ի հրէաստան, գերել եւ սպանանել։ եւ շինեաց նա զկեգրոն,

Verse: 41  Link to sept   եւ գումարեաց անդ հեծելազօրս բազումս, զի մխեսցին ՛ի հրէաստան. եւ եւ պաշարեսցեն զճանապարհս նոցա որպէս հրամա́ն ետ թագաւորն։



Chapter: 16 
ԳԼ(ՈՒԽ) Ժ՜Զ.


Verse: 1  Link to sept   Եւ ել յովհան ՛ի գազարայ, եւ եկն պատմեաց շմաւոնի հօր իւրում. ո(ր)պ(էս) եւ գնայր կենդէբոս։

Verse: 2  Link to sept   Եւ կոչեաց շմաւոն զերկոսին որդիսն զյուդայ եւ զյովհան, եւ ասէ ցն(ո)ս(ա). ե́ս եւ եղբարք իմ եւ տուն հօր իմոյ՝ մա́րտ պատերազմի տուաք ընդ թշնամիսն ի(սրա)էլացւոց, ՛ի մանկութ(են)է մերմէ մինչեւ ցայսօր ժամանակի, եւ աջողեցան գործքն ա(մենայ)ն ՛ի ձեռս մեր, փրկել զբազումս զազգսդ ի(սրա)էլացւոց։

Verse: 3  Link to sept   բայց արդ ծերացայ, եւ դուք հերի́ք էք յամս իմ, փոխանակ իմ եւ եղբօր իմոյ. արդ ելէ́ք մարտերո́ւք ՛ի վերայ ազգիդ մերոյ. եւ զօրութի(ւն) օգնու(թ)ե(ան)ց յերկնից եղիցի ը(նդ) ձեզ։

Verse: 4  Link to sept   Եւ ընտրեաց նա յաշխարհէ անտի իբրեւ քսան հազար հեծեալ սպառազէն, եւ խաղաց ՛ի վերայ կենդեբեայ։

Verse: 5  Link to sept   Եւ եկին ագան ա́յն օր ՛ի մովդիիմ. ը(նդ) առաւօտն կանխեալ՝ լինէին դաշտամուխ։ ա́նդ տեսանէին զօրս բազումս հեծեալս եւ հետեւակս, որ գային ընդդէմ ն(ո)ր(ա). եւ հեղեղա́տ մի էր ՛ի մէջ երկոցուն։

Verse: 6  Link to sept   եւ ճակատեցաւ յանդիման ն(ո)ց(ա) ինքն եւ զօրքն։ Իբրեւ հայեցաւ ետես զզօրսն թէ դանդաղեցան անցանել ընդ հեղեղատն, յառաջ՝ ինքն նահատակեցաւ, հա́պա՝ զօրքն միագունդ զկնի́ փողեցան։

Verse: 7  Link to sept   Եւ բաժանեա́ց յերկուս գունդս զհեծելազօրն ՛ի մէջ հետեւակացն. եւ էր հեծելազօրն կարի յոյժ։

Verse: 8  Link to sept   Փո́ղ հարին՝ խրախո́յս բարձին, ՛ի վ(ե)ր(այ) յարձակեցան. ՛ի պարտու(թ)ի(ւն) մատնեցաւ կենդէբոս. եւ անկաւ ՛ի նոցանէ յաւուր յայնմիկ վիրաւորք բազումք։ եւ որ մնացեալ էին փախստեա́յ անկանէին յամուրսն։

Verse: 9  Link to sept   Յաւուր յայնմիկ խո́ց մնայր յուդա. բայց յովհան զհե́տ լինէր փախստեայցն, մինչ ածէր արկանէր զն(ո)ս(ա) ՛ի կողմանս կեդրոնայ զոր շինեաց։

Verse: 10  Link to sept   եւ մեկնեցին նոքա ընդ բրգունսն ՛ի կողմանսն ազովտայ։ եւ հրձիգ արար զն(ո)ս(ա). յայնմ ամրի այրեցան արք ՛ի հրոյ իբրեւ երկու հազար։ եւ ինքն դարձաւ ՛ի կողմանս հրէաստանի խաղաղութ(եամ)բ։

Verse: 11  Link to sept   Եւ պտղոմէոս աբբուբեանց՝ է́ր կացուցեալ ՛ի կողմանցն դաշտին յերեքով. եւ ունէ́ր նա արծաթ եւ ոսկի յոյժ.

Verse: 12  Link to sept   զի էր նա փեսայ քահանայապետին։

Verse: 13  Link to sept   Եւ հպարտացաւ ՛ի սիրտ իւր, մեծամտեաց ՛ի խորհուրդս իւր, եւ կամէր տիրե́լ ՛ի վերայ կողմանցն գաւառին. եւ խորհուրդ խորհէր նենգու(թեամ)բ ՛ի վ(ե)ր(այ) շմաւոնի եւ որդւոց ն(ո)ր(ա), ջնջե́լ զն(ո)ս(ա) ՛ի միջոյ։

Verse: 14  Link to sept   Եւ շմաւոն շրջէր ՛ի կողմանս գաւառացն. խնամէ́ր եւ տեսանէր զպէտս ն(ո)ց(ա). եւ եկն էջ յերեքով, ի́նքն եւ մատաթի եւ յուդա՝ եւ որդիք ն(ո)ր(ա). յամին հարիւրորդի եւթանասներորդի եւթներորդի, յամսեանն մետասաներորդի՝ այս ամիս շաբա́թ է։

Verse: 15  Link to sept   Եւ ընկալաւ զն(ո)ս(ա) պտղոմէոս ՛ի մեծարանս նենգու(թեամ)բ ՛ի քաղաքի անդ դովրա զոր շինեաց, եւ արար ուրախութի(ւն) կոչնոցն։ Ա́նդ՝ ՛ի գարանի́ առնէր արս։

Verse: 16  Link to sept   եւ իբրեւ կերան եւ արբին շմաւոն եւ որդիք իւր, արբեցան. յարեա́ւ պտղոմէոս թաքուցելովքն հանդերձ, առին զէնս իւրեանց, եւ մտին ՛ի վերայ շմաւոնի. եւ սպանին անդէն ՛ի տաճարի անդ զնա́ եւ զորդիս իւր՝ եւ զծառայսն որ ընդ նմա էին։

Verse: 17  Link to sept   եւ արարին անօրէնու(թ)ի(ւն) մեծ. եւ հատուցին չա́ր փոխանակ ընդ բարւոյ։

Verse: 18  Link to sept   Եւ գրեա́ց պտղոմէոս առ արքայն զի զօր ՛ի թիկո́ւնս արձակեսցէ նմա, զի ՛ի ձեռս տացէ ն(ո)ց(ա) զքաղաքսն իւրեանց՝ եւ զհարկն։

Verse: 19  Link to sept   Զկէսն արձակեաց ՛ի կողմն գազարայ՝ բառնալ անտի զյովհաննէս։ եւ գրեաց նա առ զօրագլուխսն զի եկեսցեն՝ եւ առցեն ՛ի նմանէ ոսկի եւ արծաթ եւ պարգեւս բազումս։

Verse: 20  Link to sept   Եւ այլս արձակեաց յ(երուսաղ)էմ, զի աճապարեսցեն՝ հասցեն առցեն զլեառն տաճարին։

Verse: 21  Link to sept   Ա́յր մի պնդեցաւ յառաջագոյն ՛ի գազարա, գո́յժ ետ յովհաննու՝ թէ կորեա́ւ հայր ն(ո)ր(ա) եւ եղբարք իւր, եւ զքէ́ն եւս յղեալ է նենգութ(եամ)բ զի սպանցէ́ զքեզ։

Verse: 22  Link to sept   Իբրեւ լուաւ՝ զարմացաւ յոյժ եւ յիմարեցաւ, եւ ըմբռնեաց զարսն զայնս եւ անդէն սպան զն(ո)ս(ա), իբրեւ գիտաց թէ նենգու(թեամ)բ եկեալեն կորուսանել զնա։

Verse: 23  Link to sept   Եւ ա́յլ ինչ բանք որ իցեն զյովհաննէ՝ վ(ա)ս(ն) մարտի պատերազմաց՝ կամ այլոց քաջու(թ)ե(ան)ց, կամ շինուածոց պարսպաց, կամ գործոցն բարութե(ան)։

Verse: 24  Link to sept   այն ա(մենայ)ն գրեալ է ՛ի մատեանս քահանայից, յորմէհետէ եկաց նա քահանայապետ զկնի հօր իւրոյ։





Book: Macc.II 
Maccabaeorum II

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ԳԻՐՔ ԵՐԿՐՈՐԴ ՄԱԿԱԲԱՅԵՑՒՈՑ

Chapter: 1 
ԳԼ(ՈՒԽ) Ա՜.


Verse: 1  Link to sept   ԱՌ ԵՂԲԱՐՍ ՀՐԷԱՍՏԱՆԵԱՅՍ, որ ՛ի կողմանս եգիպտացւոցդ են. յեղբարց հրէից՝ յե(րուսաղէ)մացւոց, եւ յեղբարց հրէաստանեայց առ ձեզ ողջո́յն. խաղաղութ(եամ)բ բազմաւ

Verse: 2  Link to sept   առատասցի ՛ի ձեզ ա(ստուա)ծ. եւ յիշեսցէ́ նա զուխտն զոր ե́դ ընդ աբրահամու, ընդ սահակայ, ընդ յակոբայ, ընդ հաւատարի́մ ծառայս իւր։

Verse: 3  Link to sept   Եւ տացէ ձեզ սիրտ յա(մենայ)նի պաշտե́լ զնա, եւ առնել զկամս ն(ո)ր(ա) յանձինս մտադեւրս, եւ ՛ի սիրտս կամակարս.

Verse: 4  Link to sept   բանալ զաչս եւ զականջս սրտից ձերոց յօրէնս իւր եւ ՛ի հրամանս, առնել խաղաղութի(ւն)՝

Verse: 5  Link to sept   եւ լսե́լ խնդրուածոց ձերոց. հաճեսցի́ ընդ ձեզ, եւ մի́ ՛ի ձեռաց թողցէ զձեզ ՛ի ժամանակս նեղութե(ան)։

Verse: 6  Link to sept   եւ արդ՝ այժմիկ կանխե́մք մեք յաղօթս մեր վ(ա)ս(ն) ձեր։
   Յամս թագաւորու(թ)ե(ա)ն դեմետրի՝

Verse: 7  Link to sept   յամին հարիւրորդի վաթսներորդի իններորդի. մեք հրէայք գրեցաք զայս առ ձեզ, ՛ի նեղու(թ)ե(ա)ն որ հասեա́լ էր ՛ի վ(ե)ր(այ) մեր։ ՛ի ժամանակի անդ յորում եկա́ց յետս յասոն եւ որ ընդ նմա էին ՛ի սուրբ գետնոյ եւ յարքայու(թեն)է անտի.

Verse: 8  Link to sept   եւ հրձի́գ արարին զդուռնն, եւ հեղին զարիւն անբիծ, աղօ́թս մատուցաք մեք տ(եառ)ն, եւ լուա́ւ մեզ. եւ մատուցաք մեք ուխտս եւ խունկս՝ եւ պատարագս նաշհւօք, եւ եդաք մեք զհացն յաճախաց առաջի։

Verse: 9  Link to sept   Եւ արդ՝ արասջի́ք դուք զաւուրսն տաղաւարահարաց յամսեանն քասղեւ։

Verse: 10  Link to sept   Յամին ութսներորդի ութերորդի՝ որ յե(րուսաղէ)մացւոց, եւ ՛ի ծերակոյտ հրէաստանեայց, եւ ՛ի յուդայէ՝ առ երիստաբուղոս վարդապե́տ պտղոմեայ արքայի, որ է ինքն յազգէ քահանայիցն օծելո́ց սակի, որ են ՛ի կողմանս եգիպտացւոց հրէայք. ողջո́յն ընդ ձեզ եւ խաղաղու(թ)ի(ւն)։

Verse: 11  Link to sept   ՛Ի մեծամեծ վշտացս ապրեալքս յա(ստուծո)յ, մեծապէ́ս գոհանամք զնմանէ. ո(ր)պ(էս) զի՝ զիա́րդ ՛ի մարտ պատերազմի պատրաստեալ էաք ը(նդ) առն թագաւորի. զի նա ինքնին եռացոյց, եւ եհեղ զայնոսիկ

Verse: 12  Link to sept   որ եկեալ պատեալ պաշարեալ պահէին զսուրբ քաղաքն։ Քանզի ՛ի ժամանակի իբրեւ դիմեաց ինքնին իշխանն ՛ի կողմանս պարսից,

Verse: 13  Link to sept   անթիւ անհամար զօրօքն հանդերձ. եւ անդէն անկան կործանեցան շուրջ զանանեայ տաճարաւն. ՛ի խորհուրդ յիմարու(թ)ե(ան) խորհեցան ն(ո)ք(ա) զնէեմեայ տաճարաւն։

Verse: 14  Link to sept   զի իբր բնակութ(եամ)բ իմն հասեալ կայր ՛ի տեղի անդր ինքնին անտիոքոս՝ եւ որ ընդ նմա բարեկամքն էին առնուլ զգանձսն ա(մենայ)ն իբրեւ ՛ի պատճառս վարձկանաց համարի։

Verse: 15  Link to sept   Առաջի արարին քահանայք տաճարին զա(մենայ)ն։ եւ նա յօժարեաց գալ մտանել սակաւուք ՛ի ներքս. իբրեւ եղեւ միջամուտ սրահիցն՝ համարձա́կ զդրունսն առին զարտաքինս պարսպացն ընդ որ եմուտ անտիոքոս.

Verse: 16  Link to sept   եւ բացին զպատուհանսն գաղտնիս որ ընդ առաստաղակալօքն եին, եւ ը(նդ) այնոսիկ սկսան հոսել վիրգս մեծամեծս, եւ անդէն զառաջնորդն գնդա́ւն հանդերձ սատակեցին։ իբրեւ զն(ո)ս(ա) ՛ի ներքս յօշեցին, հանին զկառափունսն եւ ընկեցին ՛ի պարսպէն ՛ի մէջ զօրացն։

Verse: 17  Link to sept   Վ(ա)ս(ն) այսր ա(մենայ)նի օրհնե́ալ է ա(ստուա)ծ որ ետ ՛ի ձեռս զամպարիշտս։

Verse: 18  Link to sept   Արդ մեք իբրեւ կամեցաք ՛ի քսաներորդի հինգերորդի ՛ի քասղեւ ամսեանն սրբել զտաճարն. լա́ւ համարեցաք զայս եւ ձեզ ցուցանել, զի եւ դուք արասջիք զայս իբրեւ զօրէնս տօնիցն տաղաւարահարացն. եւ հրոյն ո(ր)պ(էս) շինեաց նէեմի զտաճարն եւ զսեղանն, յորում մատուցանէր զպատարագսն ողջակիզացն։

Verse: 19  Link to sept   Քանզի ՛ի ժամանակի յորում վարեցա́ն հարքն մեր ՛ի կողմանս պարսից որ ա́յնց ժամանակաց պաշտօնասէր քահանայք էին, առին ՛ի սեղանոյ անտի զհուրն ՛ի ծածուկ, եւ տարան թաքուցին ՛ի խորշս կողմանցն անջո́ւր ջրհորոցն. ա́նդ զգուշու(թեամ)բ զտեղին հետախաղա́ղ ծածկէին, զի ա(մենայ)ն տեղին աներեւո́յթ լիցի։

Verse: 20  Link to sept   իբրեւ անցին ա́մք բազումք, իբրեւ կամք եղեն ա(ստուծո)յ, Առաքեաց նէեմի զհրոյն՝ հրամանաւ պարսից արքային, զթոռունս քահանայապետիցն այնոցիկ. որոց ծածկեալ էր թաքուցեալ զհուրն զի բերցեն։ Նոքա իբրեւ եկին, պատմեցին եւ ասեն. բայ՝ հո́ւր ինչ մեք անդր ո́չ գտաք, բայց գտաք մեք անդ ջուր դանդաղամած թանձրացեալ։

Verse: 21  Link to sept   ապա ետ ն(ո)ց(ա) հրաման երթալ մխոցա́ւ առնուլ՝ եւ բերել։ Եւ իբրեւ եղեւ ժա́մ պատարագացն ողջակիզաց, հրամա́ն ետ քահանայապետն նէեմի ցանե́լ զայն ՛ի վ(ե)ր(այ) փայտիցն եւ պատարագացն։

Verse: 22  Link to sept   եւ իբրեւ զայս արարին՝ փոքր մի ժամանակ անց ՛ի վ(ե)ր(այ). եւ արեգակն շո́ղ ամպագոյն ՛ի վ(ե)ր(այ) ծագեաց, բորբոքեցաւ բոց հրոյն ՛ի վերայ փայտից սեղանոյն՝ եւ մաշեա́ց զողջակէզսն, զի սքանչացեալ էին ամենեքեան։

Verse: 23  Link to sept   Ձայն առին՝ սկսան օրհնել քահանայքն մինչդեռ ողջակէզքն կատարէին. բայց առաջնորդէ́ր յովնաթան իբրեւ ՛ի բերանոյ նէեմեայ, եւ այլքն զկնի կցէին։

Verse: 24  Link to sept   Եւ է́ր աղօթիցն օրինակ՝ ա́յս։ Տ(է)ր տ(է)ր ա(ստուա)ծ ա(մենայ)ն արարածոց, ահեղ, հզօր, ճշմարիտ, արդա́ր եւ ողորմած. դո́ւ միայն թագաւոր քաղցր.

Verse: 25  Link to sept   դու միա́յն ես որ մատակարարես ա(մենայ)նի զա(մենայ)ն. դու միայն ես արդա́ր եւ ճշմարիտ, ամենակա́լ յաւիտենից. որ ապրեցուցանես զի(սրա)էլ յա(մենայ)ն չարեաց, որ արարեր զհարսն ա́յնպէս ընտրեալս, եւ սրբեցեր զնոսա։

Verse: 26  Link to sept   Ընկա́լ զպատարագս զայս փոխանակ ա(մենայ)ն ժողովրդեան քոյ, եւ պահեա́ դու զժառանգութի(ւն) քո։

Verse: 27  Link to sept   սրբեա́ եւ ժողովեա́ զցրումն գերու(թ)ե(ան) մերոյ. ազատեա́ զայնոսիկ որ կան ՛ի ծառայու(թ)ի(ւն) անարգելոց եւ պղծոց. հայեա́ց ՛ի ծառայս քո. ծանիցե́ն հեթանոսք՝ թէ դո́ւ ես ա(ստուա)ծ մեր։

Verse: 28  Link to sept   հա́ր հարուածովք քովք զայնոսիկ որ բռնադատեցին զմեզ՝ հեթանոսք պիղծք եւ անարգեալք, որ այժմ հպարտացեալ եւ ամբարտաւանեա́լ են ՛ի վ(ե)ր(այ) մեր։

Verse: 29  Link to sept   եւ անկեա́ դու զժողովուրդ քո ՛ի տեղի սրբութե(ան) քոյ, ո(ր)պ(էս) ասա́ցն մովսէս։

Verse: 30  Link to sept   Եւ քահանայքն օրհնէին զօրհնութի(ւն)ս իւրեանց։

Verse: 31  Link to sept   եւ ողջակէզքն տակաւ վառեալ բորբոքեալ մաշէին։ եւ իբրեւ վախճա́ն եղեւ պատարագացն, զջուրն մնացեալ հրամայեաց նէեմի զվիմօքն արկանել։

Verse: 32  Link to sept   Եւ իբրեւ ա́յս եղեւ, առաւել բոցն ՛ի վ(ե)ր(այ) բորբոքեցաւ. եւ իբրեւ բոցոյն նշոյլք եղեն, դարձեալ միւսանգամ վառեցաւ բորբոքեցաւ սեղանն, եւ որինչ էր մնացեալ՝ եւ ա́յն մաշեցաւ։

Verse: 33  Link to sept   Եւ իբրեւ իրքն այն համարձա́կ յայտնեցան, եւ բանքն ՛ի թագաւոր անդր հասին, եւ եկին տեսին զտեղին յորում զհուրն թաքուցեալ էր քահանայիցն գերելոց, ջո́ւր բղխեաց. ուստի եւ քահանայքն որ զնէեմեաւն էին՝ զողջակէզսն իւրեանց կատարեալ սրբեցին։

Verse: 34  Link to sept   Ապա իբրեւ եհաս թագաւորն յիրացն հաստատութե(ան) վերայ՝ հրամայեաց շուրջ փակե́լ զտեղին, եւ տաճար շինեցին։

Verse: 35  Link to sept   եւ ում կամէր շնորհս առնել թագաւորն՝ անտի́ տայր պարգեւ. եւ ում տայր՝ բազում ինչս մատուցանէին նմա։

Verse: 36  Link to sept   Եւ անո́ւն եդին նմա որ զնէեմեաւն էին՝ նեփթէ́, որ թարգմանեալ կոչի սրբի́չ։ այլ կարդային զանուն ն(ո)ր(ա) բազումք, եփրաթա։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ գտանի այս գրեալ ՛ի մատեանս առաջինս. եթէ երեմիա մարգարէ հրամա́ն ետ առնուլ ՛ի հրոյ անտի յայնմանէ յետո́յ ն(ո)ց(ա)՝ ո(ր)պ(էս) ցուցանի. եւ ետ պատուէր մարգարէն զաւակի ն(ո)ց(ա) որ յետ ն(ո)ց(ա) էին։

Verse: 2  Link to sept   եւ օրէնս եդ ն(ո)ց(ա) զի մի́ մոռասցին զհրամանս տ(եառ)ն, եւ մի́ մոլորեսցին ՛ի խորհուրդս իւրեանց, յորժամ տեսանիցեն կուռս քանդակեալս, պատկերս կերպարանեալս ոսկեղէնս եւ արծաթեղէնս, եւ որ զնոքօք զա́րդ ինչ իցէ.

Verse: 3  Link to sept   աղաչէր պատուիրանօքն, մի́ մոռանալ զօրէնս ՛ի սրտից իւրեանց։

Verse: 4  Link to sept   Եւ էր՝ գրեալ ՛ի մատեանս անդ՝ ա́յսպէս. իբրեւ զի զվրան ժամուն՝ եւ զտապանակ կտակարանացն հրամայեաց մարգարէն ըստ երկնաւոր հրամանին ընդ իւրեանս շրջեցուցանել. իբրեւ ելանէր մովսէս ՛ի լեառն անդր տեսանել զժառանգու(թ)ի(ւն)ն ա(ստուծո)յ։

Verse: 5  Link to sept   Արդ եկին եհաս երեմիա մարգարէ ՛ի տեղի́ անդր. եւ ա́նդ եգիտ այրս ամուրս անտառախիտս. զվրան ժամուն, եւ զտապանակն կտակարանաց, եւ զսեղանն խնկոց ա́նդ տարեալ դնէր ՛ի ներքս, եւ զդրունսն ինքնի́ն առարկանէր։

Verse: 6  Link to sept   Եւ անդէն մատեա́ն որ ը(նդ) նմա́յն իսկ էին նշանակել զտեղին, եւ ամենեւին ճանապարհ ՛ի տեղի անդր ո́չ կարացին գտանել։

Verse: 7  Link to sept   Իբրեւ զգաց երեմիա՝ պատուհասել սկսաւ զնոսա՝ եւ ասէ. ի՞բր ո́չ գիտէք՝ եթէ անծանօթ հրամա́ն է զտեղիդ կացուցանել, մինչեւ հաճեսցի տ(է)ր տերանց ընդ արարածս իւր, եւ ժողովել հրամայեսցէ ա(ստուա)ծ զժողովս ժողովրդեան իւրոյ։

Verse: 8  Link to sept   եւ ապա տ(է)ր յայտնեսցէ զայս. եւ երեւեսցին փառքն տ(է)ր ՛ի սիւն ամպոյ, ո(ր)պ(էս) ՛ի ժամանակսն մովսիսի։ ո(ր)պ(էս) եւ սողոմոն աղաչեաց զի տեղին սրբեսցի մեծապէս տ(եառ)ն։

Verse: 9  Link to sept   Յա́յտ իմն այսպէս առնէր, թէ իմաստութե(ան) խորհրդով մատուցին զպատարագս նաւակատեաց եւ զկատարելեաց տաճարին։

Verse: 10  Link to sept   Որպէս եւ մովսէսն եկաց յաղօթս առ տ(է)ր, եւ էջ հուր յերկնից եւ մաշեաց զփայտն, եւ զողջակէզս պատարագացն. սո́յնպէս եւ սողոմոն եկաց յաղօթս, եւ էջ հուր՝ եւ մաշեաց զողջակէզսն ՛ի վ(ե)ր(այ) սեղանոյն։

Verse: 11  Link to sept   զի մովսիսի չէ́ր հրամայեալ ուտելի առնել զվ(ա)ս(ն) մեղացն, իջանէր հուրն եւ մաշէր զպատարագսն.

Verse: 12  Link to sept   սոյնպէս եւ սողոմոն առնէր զայն զութ օրն ՛ի գլուխ։

Verse: 13  Link to sept   Եւ խնդրէին ՛ի հին մատեանսն ՛ի գիրս հարցափորձից, որ առ ամօքն նեէմեայ եղեալ. եւ իբրեւ զի́ւր եդեալ զայս ա(մենայ)ն ժողովէր, եւ զա́յլ մատեանս թագաւորաց եւ մարգարէից, եւ զդաւթի́ ինքն ՛ի գլխովին, եւ զա́յլ հրովարտակս թագաւորաց՝ որ վասն ինչ ինչ ՛ի պատիւ տաճարին տուեալ էր, զա(մենայ)ն ՛ի մի́ վայր կուտէր։

Verse: 14  Link to sept   Սոյնպէս եւ յուդա զա(մենայ)ն կործանեալն ՛ի պատերազմաց անտի եւ զցրուեալս ՛ի մի́ վայր ժողովեաց. եւ այժմ առ մեզ բովանդակեալ պահի։

Verse: 15  Link to sept   Եւ արդ ո(ր)պ(էս) զիարդ եւ պիտո́յ իցէ ձեզ՝ յղեսջի́ք, եւ մեք տացուք բերել ձեզ։

Verse: 16  Link to sept   եւ զա́յն ինչ բարի գործեսջի́ք, եթէ զաւուրս տօնիցն հանապազորդ առնիջիք։

Verse: 17  Link to sept   Այլ ինքն ա(ստուա)ծ որ փրկեա́ց զա(մենայ)ն ժողովուրդ իւր, եւ դարձոյց զա(մենայ)ն ՛ի ժառանգութի(ւն), զարքայութի(ւն) եւ զքահանայու(թ)ի(ւն)՝ եւ զսրբութի(ւն).

Verse: 18  Link to sept   ո(ր)պ(էս) եւ խոստացաւն ՛ի ձեռն կտակարանացն. յուսամք ՛ի տ(է)ր եթէ հուպ ընդ հո́ւպ ժողովեսցէ ՛ի ս(ուր)բ տեղին։

Verse: 19  Link to sept   զի փրկեա́ց իսկ զմեզ ՛ի մեծամեծ չարեաց, եւ զտեղին ՛ի սրբու(թ)ի́(ւն) դարձոյց։

Verse: 20  Link to sept   Այլ վ(ա)ս(ն) յուդայ մակաբեանց, եւ եղբարցն սորին, եւ տաճարին մեծի́ սրբու(թ)ե(ան), եւ սեղանոյն նաւակատեաց։

Verse: 21  Link to sept   եւ կամ վ(ա)ս(ն) ընդ երեւեալ անտիոքայ, կամ ընդ քաջահայր որդի ն(ո)ր(ա) ճակատամարտս.

Verse: 22  Link to sept   կամ որինչ յերկնից յայտնութի(ւն)ք եղեն։ ա́յն որինչ վ(ա)ս(ն) քաջութե(ան) պնդու(թ)ե(ան) օրինացն, եւ կամ որ զքաջութի(ւն) ՛ի մտի դնել. եւ սակաւուք զբազումս որ զաշխարհս յաչս դնէին, զխուժադուժ ազգս հալածել։

Verse: 23  Link to sept   կամ զհոյակապ ընդ ա(մենայ)ն տիեզերս զչքեղ տաճարն վերստին շինել, կամ զմեծ քաղաքն ա(մենայ)նիւ յա(մենայ)նէ յազատութի(ւն) հասանել. կամ զի ա(մենայ)ն քաղցրութ(եամ)բ հեզութ(եամ)բ, խաղաղութ(եամ)բ տ(եառ)ն ա(ստուծո)յ ընդ մեզ հա́ճ մինել։

Verse: 24  Link to sept   Զա́յն ա(մենայ)ն որինչ միանգամ ՛ի ձեռն յասոնեայ կիւրենացւոյ ՛ի հինգ գլուխս դպրու(թ)ե(ան) ցուցեալ է. զայս ա(մենայ)ն ջանասցուք ՛ի մի́ գլուխ հրովարտակիս կարճ ՛ի կարճոյ ցուցանել։

Verse: 25  Link to sept   Զի հայեցաք մեք ՛ի խուռն մեծաթիւ համարոյ բանիցդ, եւ որ ՛ի ներքս ծանրութի(ւն) թուիցի՝ որ կամիցին մխել ՛ի բանս մատենիցդ.

Verse: 26  Link to sept   այդրէն ՛ի դո́յն թաւալել վ(ա)ս(ն) թանձրու(թ)ե(ան) հիւթոյ խորու(թ)ե(ան) բանիցդ. հոգացա́ք մեք առնել ընթերցանելեացն զբօսանս իմաստնոցն՝ յիշատակ առանց աշխատու(թ)ե(ան), եւ ամենեցուն անեղծ անարատու(թ)ե(ան)։

Verse: 27  Link to sept   Եւ մեզ՝ որ զաշխատու(թ)ի(ւն)ս զայս յա́նձն առաք վասն համառօտ բանիս, մի́ դիւրին ինչ ջան համարիջիք, կամ սակաւ քրտանց եւ տքնութե(ան)ց արժանի։

Verse: 28  Link to sept   Ո(ր)պ(էս) ոք զի պատրաստիցի առնե́լ ուրախու(թ)ի(ւն) կոչնոց ընկերաց. մեծահա́ց գործիցէ զընկերացն ուրախութի(ւն), եւ ո́չ զիւր դիւրու(թ)ի(ւն) խորհիցի. սակայն վ(ա)ս(ն) բազմացն հաճու(թ)ե(ան) ջա́ն յանձն առաք։

Verse: 29  Link to sept   Զճշդե́լն եւ զճշմարտելն՝ զայն առաջնոյն թողաք. զեղչելն եւ զբազկելն, եւ զկարճառօտ բանն ՛ի համառօտ կացուցանել, զայն մեք ո́չ դանդաղեցաք։

Verse: 30  Link to sept   Ո(ր)պ(էս) վ(ա)ս(ն) հասարակաց շինու(թ)ե(ան) ապարանից՝ բազմաց զգործ բաժանեալ, բայց սկի́զբն եւ կատարածն շինուածոցն ՛ի բո́ւն ճարտարապետ անդր հայի. այլ ծեփելն եւ գունելն եւ արծնելն եւ նկարելն, այն ՛ի զարդարի́չ անդր հայի։

Verse: 31  Link to sept   Սո́յնպէս եւ մերս. հարցանելն եւ փորձելն եւ քննելն, եւ զհե́տ վարել ճշմարտութե(ան) բանիցն եւ զխորին խորհուրդս խորագիտութ(եամ)բ ՛ի վե́ր բերել. որ առաջնորդ եղեւ այնց դպրու(թ)ե(ան)ց՝ ՛ի նմանէ́ խնդրելի է.

Verse: 32  Link to sept   այլ զհամառօտ կարկառօտ բանից՝ որպէս այժմիկ պատմելոյ յանձն առեալս իցէ, յինէ́ն պահանջելի է։

Verse: 33  Link to sept   Արդ՝ աստի́ սկիզբն արասցուք բանիցդ պատմել խոստացելոց, ա́յսչափ ինչ զօդեսցու յառաջին անդր։ բայց սակայն եւ ա́յս անագորոյն մտա́ց է, զճառս մատենին յառաջագոյն երկայնել, եւ զմատեանն ՛ի գլխովին համառօտ կարճառօտ պատմել։



Chapter: 3 
ԳԼ(ՈՒԽ) Գ՜.


Verse: 1  Link to sept   Սրբոյ քաղաքին ա(մենայ)ն խաղաղութ(եամ)բ բնակելոյ, եւ օրինացն ճմմարտու(թ)ե(ան), իբրւե զի գեղեցի́կ իմն պահեցելոյ՝ վ(ա)ս(ն) ոնեա́յ քահանայապետի բարեպաշտ չարատեաց սրբութե(ա)ն։

Verse: 2  Link to sept   Զի իբրւե հարկ իմն լինէր եւ թագաւորա́ցն ինքնին մեծարել զերեւելի տաճարն, հրովարտակօք պատարագօք եւ տրօք բազմօք։

Verse: 3  Link to sept   մինչեւ սելեւկոս արքայ կողմանցն ասիացւոց ՛ի սպաս պաշտաման կայր, եւ յիւրոց մտից զա(մենայ)ն սպաս պաշտաման ՛ի պատարագս ողջակիզացն ծախէր։

Verse: 4  Link to sept   Սիմովն ոմն անուն ՛ի բաղգեղ գնդէ անտի առաջնուրդէր տոհմին իւրոյ, ընդ հակառակս ել քահանայապետին՝ վ(ա)ս(ն) իւր ՛ի քաղաք անդր անօրինելոյ։

Verse: 5  Link to sept   Իբրեւ յաղթել ինչ եւ առնել ոնեայ ո́չ կարաց, եկն եկա́ց առաջի ապողոնի դրասեանց՝ որ ըստ այնմ ժամանակի ստորին ասորւոց եւ տաճկաստանի սպարապե́տ էր.

Verse: 6  Link to sept   եւ պատմեաց նմա եթէ բազում են այն գանձք՝ որով լցեալ պահեն զտուն գանձուցն յե(րուսաղէ)մ, եւ ազգի ազգի գանձիցն զթի́ւ իսկ եւ զհամար՝ ո́չ մարթէ́ ոք ուանել. եւ պարտ՝ ա́յնպէս էր՝ ասէ, ը(նդ) ձեռամբ արքայի ՛ի սպաս զոհիցն պաշտել զայն։

Verse: 7  Link to sept   Յա́նձն առին ապողոնիոս եւ թագաւորն, ո(ր)պ(էս) եւ նմա́ պատմեցաւ վ(ա)ս(ն) գանձուցն ցուցանել։ Նա յառաջ կոչեաց զհեղէոդորոս զհանդերձապետ իւր, հրամա́ ետ նմա՝ զայսչափ գանձս հանել բերել ՛ի քաղաքէ անտի։

Verse: 8  Link to sept   Վաղվաղակի չո́ւ առնէր խաղայր գնայր հեղէոդորոս, պատճառանօք իբրեւ ստորին ասորւոցն եւ տաճկաստանի քաղաքացն զաշակերտու(թեամ)բ շրջել, բայց ՛ի սրտէ զհրաման թագաւորին վաղվաղակի կատարէր։

Verse: 9  Link to sept   Իբրեւ եկն եհաս յե(րուսաղէ)մ, ա́նդ սիրով քահանայապետն եւ քաղաքն ա(մենայ)ն առատու(թեամ)բ ընկալան զնա։ Սկսաւ նա պատմել ն(ո)ց(ա) ո(ր)պ(էս) ցուցին արքայի՝ եւ ասէ. ո́, կամ ընդէ́ր, եւ կամ ո՞(ր)պ(էս) ամբաստան եղեն զձէնջ առ արքայի, եւ կամ արդարեւ ա́յնչափ գա́նձք իցեն զոր ասացի՞նն։

Verse: 10  Link to sept   Եկա́ց յառաջ քահանայապետն՝ եւ ասէ. ե́ն ե́ն արդարեւ աւանդք այրեաց եւ որբոց ՛ի պա́հ եդեալ։

Verse: 11  Link to sept   իցեն եւս՝ եւ որկանեայ տուբեանց առն աւագի. այլ ո́չ եթէ ա́յնչափ որչափ ամբաստանօղ նամակագիրն անօրէն սիմոն խօսեցաւ։ Ընդ ա(մենայ)ն թէ քա́ջ իցեն քանքարք արծաթոյն չորեքհարիւր, եւ քանքարք ոսկւոյ երկերիւր։

Verse: 12  Link to sept   այլ զրկել զհաւատացեալս՝ վ(ա)ս(ն) մեծապատիւ շքեղ ը(նդ) ա(մենայ)ն աշխարհ ամո́ւր անխա́բ տաճարին չի́ք ինչ հնար։

Verse: 13  Link to sept   Նա իբրեւ լուաւ զբանս քահանայապետին՝ զարքունի զհրամանն ՛ի մէջ առնոյր՝ եւ ասէր. ՛ի սպա́ս եւ ՛ի պէ́տս արքունի երթալ հրամա́ն է գանձիդ այդմիկ։

Verse: 14  Link to sept   օր եւ ժամ յայտ առնէր, մտանել համարել առնո́ւլ պատրաստէր ըստ հրամանին արքունի։ Եւ անդ լինէր ո́չ սակաւ ջան եւ վտանգ խռովութե(ան) քաղաքին։

Verse: 15  Link to sept   քահանայքն ինքնին թաւալեալ անկանէին առաջի սեղանոյն նովին սրբու(թ)ե(ան) պատմուճանաւն. աղաչէին զայն՝ որ վ(ա)ս(ն) աւանդապահ զգուշութե(ան) զօրէնս հաստատեաց. որ զայս ո́ղջ անարատ յիւրաքանչիւր աւանդատուս հասուցանել մարտասցեն։

Verse: 16  Link to sept   Ա́նդ էր տեսանել զտեսիլ քահանայապետին, եւ զհալել ՛ի միտս իւր. զի տեսիլն եւ գո́յն երեսացն ցուցանէր զսրտին թախծութի(ւն)։

Verse: 17  Link to sept   զի իջեալ մածեալ պատեալ պաշարէր զնա ահ եւ երկիւղ եւ սոսկումն մարմնոյ. յա́յնմ ա(մենայ)նէ յայտնի էր տեսանելեացն զսրտին տաղտուկ։

Verse: 18  Link to sept   Դարձեալ յիւրաքանչիւր ապարանիցն դասադաս մտանէին ՛ի համաշխարհի խնդրուածս. զի մի́ յարհամարհանս՝ պատիւ մեծի տաճարին գնասցէ։

Verse: 19  Link to sept   եւ կանայք քրձազգածք ընդ հրապարակս աշխարհէին. արգելականք կուսանաց ՛ի կուսաստանաց անտի ՛ի դրունս եւ ՛ի պարիսպս ընթանային. եւ կէսք ը(նդ) պատուհանս արտաքս կարկառէին։

Verse: 20  Link to sept   եւ ամենեքեան առ հասարակ աղօթի́ց բարբառով զձեռս համբարձեալ յերկինս մատունս տատանէին։

Verse: 21  Link to sept   Եւ ա́նդ էր ողորմ տեսիլ տեսանել. զի առհասարակ անկեալ մարդկանն՝ զաղօթս թաւալելով յերկինս մատուցանել. զմեծապէս սքանչելի շտա́պ տագնապի ը(ս)տ քահանայապետին կարծեաց։

Verse: 22  Link to sept   Եւ նոքա ա́յնպէս թաւալելով անկեալ առ ամենակալն կարդային, զաւանդս հաւատացելոցն՝ ՛ի հաւատացեալսն ո́ղջ անարատ հասուցանել։

Verse: 23  Link to sept   Եւ հեղիոդորոս զյայտնու(թ)ե(ան) վճիռն գտանէր։ եւ մինչդեռ նա սպասաւորաւն հանդերձ ընդ գանձի տուն շրջէր.

Verse: 24  Link to sept   որ ՛ի վ(ե)ր(այ) ոգւոց եւ ա(մենայ)ն իշխանութե(ան)ց զօրու(թ)ի(ւն) ՛ի ձեռս իւր ունի, երեւո́յթ մի նշանի մեծ արար, զի ամենեքեան որ իշխեցին մտանել ընդ նմա, լուծան լքան ընդարմացան՝ ՛ի պարտութի(ւն)ս վատթարութե(ան) մատնեցան յա(ստուծո)յ զօրու(թեն)է անտի։

Verse: 25  Link to sept   Զի երեւեցաւ ն(ո)ց(ա) յանկարծակի երիվար մի մեծաշո́ւք հեծելով հանդերձ, երեւելի զարդու ՛ի զէն ոսկի վառելով.

Verse: 26  Link to sept   եւ այլ երկու արք երիտասարդք հզօրեղք ՛ի զարդ գեղեցիկ զարդարեալք առաջի հեծելոյն. որք մատեա́ն վաղվաղակի յաջմէ եւ յահեկէ, ՛ի մեծամե́ծ հարուածս հարկանէին զհեղիոդորոս,

Verse: 27  Link to sept   մինչեւ անկեալ յանզգայ թմբրեալ մե́րձ ՛ի մահ, բառնային զնա

Verse: 28  Link to sept   որ այնչափ շքո́վ եւ պատուով եւ սաստիւ եւ սպասաւորօք մտեալ ճեմէր ՛ի տա́ն գանձին. արդ բարձեալ բերէին յանզգայ՝ զչա́փ առեալ.

Verse: 29  Link to sept   զի յայտնապէս զորու(թ)ի(ւն)քն ա(ստուծո)յ ՛ի վ(ե)ր(այ) հասեալ՝ անմռունչ անբարբառ պակասեալ յա(մենայ)ն յուսոյ փրկութե(ան), ընկեցեալ յերկիր կիսամահ դնէր։

Verse: 30  Link to sept   Իսկ որ շուրջ զոնեաւն էին, զտ(է)ր օրհնէին. որ յա(մենայ)նի փառաւորէր զիւր տեղիսն սրբու(թ)ե(ան)։ եւ զայն որ փոքր մի յառաջ խռովու(թեամ)բ լցեալէր զտաճարն. յերեւել փառաց ամենակալ տ(եառ)ն, խնդու(թեամ)բ եւ ուրախու(թեամ)բ լնուլ, եւ անպակաս զուարթու(թեամ)բ։

Verse: 31  Link to sept   Յայնժամ փութապէս ոմանք յեկելոց անտի բարեկիրք՝ աւագք ընկերք զօրավարին, յո́տս հասանէին ոնեայ՝ խնդրե́լ ՛ի բարձրելոյն՝ գոնէ զշունչն շնորհել նմա։ ա́յնպէս անկեալ չարաչար ՛ի վերայ յետին ժամանակի այրն ցամաքեալ դնէր։

Verse: 32  Link to sept   Խորհո́ւրդ կալաւ քահանայապետն՝ գուցէ կարծի́ս ինչ տացէ թագաւորին, իբրեւ դաւո́վ ինչ ՛ի նմանէ, կամ ՛ի հրէից անտի զայրն վնասեալ. ՛ի խնդրուածս լինէր, պատարագս մատուցանէր վ(ա)ս(ն) առնն փրկութե(ան)։

Verse: 33  Link to sept   Ա́յն ինչ քաւու(թ)ի(ւն)քն ՛ի ձեռս քահանայապետին մատչէին՝ վաղվաղակի նոյն երիտասարդք գային իջանէին առաջի հեղիոդովրայ՝ նովին հանդերձիւ զարդարեալ, եւ ասէին. բազո́ւմ շնորհս դու ոնեայ քահանապետի կալջի́ր. վ(ա)ս(ն) ն(ո)ր(ա) քեզ տ(է)ր ՛ի ձեռն ն(ո)ր(ա) զոգիսդ շնորհեաց։

Verse: 34  Link to sept   այլ դու վ(ա)ս(ն) ն(ո)ր(ա) ա́յդչափ տանջանօք պատուհասեալ, պատմեսջի́ր զայդչափ մեծու(թ)ի(ւն) զօրու(թ)ե(ան)ցն ա(ստուծո)յ առ ամենեսեան։ եւ զայս իբրեւ ասացին՝ անդէ́ն վերացան։

Verse: 35  Link to sept   Հեղիոդորոս իբրեւ անձին զգաց՝ յո́տն կացեալ վաղվաղակի, ողջակէ́զս պատարագաց մատուցանէր տ(եառ)ն. ո́ւխտս եւ աղօթս մեծամեծս կատարէր տ(եառ)ն՝ որ շնորհեաց նմա զոգիսն. եւ անդէն ՛ի նո́յն չափ յառաջինն զօրացոյց։ եւ զքահանայապետն զոնիա մեծապատիւ մածապարգեւ մեծարէր։ եւ ինքն չո́ւ արար խաղաց գնաց անդրէն առ թագաւորն.

Verse: 36  Link to sept   եւ ընդ ա(մենայ)ն տեղիս լնոյր զսքանչելիսն ա(ստուծո)յ վկայութ(եամ)բ, զոր ի́նքն իսկ իւրովք աչօք տեսեալ լինէր։

Verse: 37  Link to sept   Թագաւորն իբրեւ սկսաւ հարցանել զհեղիոդորոս. թէ ո՞րպէս՝ զիա՞րդ՝ յոր գործ երթեալ էիր զի՞նչ վճարեցեր։ Սկսաւ տալ զրոյցս քանքատելով՝ եւ ասէ՝ ո́հ. յե(րուսաղէ)մ երթեա́լ երթիցէ

Verse: 38  Link to sept   որ ոք ձե́ր թշնամի եւ իրաց մեծա́ց ձերոց վնասակա́ր իցէ, զնա հրամայեսջիք յղել. եւ գաջիք զնա անտի այսր գանալի́ց չարագան, թէ ապրել միայն կարասցէ։

Verse: 39  Link to sept   զի ա́յնպէս ճշմարիտ մեծ զորութի(ւն) նստի անդ։ Զի ինքն իսկ՝ որոյ զօրութի(ւն)ն յերկնից երկինս է, այցելո́ւ եւ օգնական է նմա. եւ որ միանգամ թշնամութ(եամ)բ, կամ թէ արհամարհանօք յայն տեղի հասէ, մեծամեծ հարուածովք հարեալ՝ թէ́ արձակեսցէ եւ եթ։

Verse: 40  Link to sept   Վասն հեղիոդորայ եւ գանձին տանն պաշարելոյ ա́յսչափ բանք եղեն։



Chapter: 4 
ԳԼ(ՈՒԽ) Դ՜.


Verse: 1  Link to sept   Այլ վ(ա)ս(ն) սիմոնի́ որ գանձին եւ գաւառին նամակագի́ր էր, առաւել եւս յաճախէր՝ ամբաստան լինէր վ(ա)ս(ն) հոնեայ, եթէ նա́ ինքնին գլխովին որ զհեղիոդորոսն շարժեաց եւ լլկեաց. եւ ա(մենայ)ն չարեաց ի́նքն է առաջնորդ եւ գործելի։

Verse: 2  Link to sept   Եւ զբարերար քաղաքին եւ զայցելու, եւ զերախտաւոր զազգին, զնախանձայոյղ զվրէժխնդի́ր զօրինացն, իբրեւ զվնասակա́ր իրաց արքունի իշխէր ՛ի ներքս արկանել կշտամբելով։

Verse: 3  Link to sept   եւ ա́յնչափ վարէր զհե́ռ զնախանձ թշնամութե(ան), մինչեւ ոմանց՝ զոր ՛ի գործ կացուցեալ էր սիմոն մահո́ւ պա́րտ առնէր ն(ո)ց(ա) զսուրբն։

Verse: 4  Link to sept   Իբրեւ զա́յնչափ անհնարին տեսանէր հակառակութ(եամ)բ հոնիա, դարձեալ ՛ի մոլորութի(ւն) անդր հայէր ապողոնիա՝ որ ստորին ասորւոց եւ տաճկաստանի սպարապե́տն էր, զի եւ նա՝ չարեաց ընկեր գործոց կցորդէ́ր սիմոնի. յա́յնչափ զմիտս թագաւորին բորբոքէին։

Verse: 5  Link to sept   Անհնարին համարեցաւ այնուհետեւ զհասարակաց օգուտ ՛ի մէջ մատուցանել առանց օգնականութե(ան) թագաւորի առն հրամանի.

Verse: 6  Link to sept   մանաւա́նդ զի տեսանէր զսիմոն անդադա́ր ՛ի վ(ե)ր(այ) խարդախութե(ան)ց խորամանգութ(եամ)բ անհանգի́ստ ջանացեալ։

Verse: 7  Link to sept   Իբրեւ սելեւկոս փոխեցաւ յաշխարհէ, եւ ա́ռ զթագաւորութի(ւն)ն անտիոքոս, որ անոեւանեալն կոչէր երեւեալ. յասոն անուն ոմն՝ եղբայր հոնեայ, ջանացաւ շնութ(եամ)բ մտանել հանել զքահանայապետու(թ)ի(ւն)ն յոնեայ.

Verse: 8  Link to sept   խոստացաւ տա́լ յարքունիս վաթսուն քանքար ՛ի վ(ե)ր(այ) երեք հարիւր քանքարոյ. եւ յայլոց մտից ութսուն քանքար.

Verse: 9  Link to sept   եւ ա́յլ եւս հարիւր եւս մատուցից ասէ՝ եթէ գործն աջողեսցի. զքաղաքն ՛ի ձեզ նուաճեցից, թեատրոնս եւ կրկէսս շինեցից ասէր, եւ ե(րուսաղ)էմացւոցն ՛ի ձե́ր անուն անտիոքացիս գրեցից։

Verse: 10  Link to sept   Իբրեւ յա́նձն առ թագաւորն, եգի́տ նա զիշխանու(թ)ի(ւն)ն զոր խնդրէր՝ հետ ընդ հետ վաղվաղակի ՛ի յունաց ՛ի հեթանոսութի(ւն) անդր զընտանի օրէնսն դարձուցանէր։

Verse: 11  Link to sept   Զպարգեւսն զառաջինսն զարքունի որ ՛ի ձեռն յովհաննու, եւ փտղոմեայ հօր ՛ի ժամանակի հրեշտակութե(ա)ն՝ որ վ(ա)ս(ն) հասարակաց սիրով օգնականութե(ան) կատարեցան եւ զկրօնսն օրինաւորս ՛ի բա́ց քակեցին, եւ անօրէնութե(ան) նո́ր օրէնս ՛ի ներքս արկանէր։

Verse: 12  Link to sept   Զի ՛ի ներքս ընդ բերդա́ւն իսկ թեատրոնս եւ երիտասարդանոցս շինէր. ժիրաժիր մանկունս ընտրանաւ՝ զայն յուսումն արուեստականացն տային։

Verse: 13  Link to sept   Եւ այնպէս իմն եռա́նդն ածէին, սկի́զբն արարեալ այլազգութե(ա)ն եւ հեթանոսու(թ)ե(ա)ն վասն ամպարիշտ եւ չքահանայապետ յասոնեայ անհնարին մոլորութե(ա)ն։

Verse: 14  Link to sept   Զի այնուհետեւ թողեալ էր զպաշտօն պատարագաց սեղանոյն, եւ զսպասս տաճարին, եւ արհամարհեալ էր զողջակէզս պատարագացն. յօժարագոյնս տային զանձինս իւրեանց ազգք քահանայիցն ՛ի մարձիչս եւ ՛ի բռնամարտիկս, եւ յանօրէնս բաշխոյս կաքաւչաց, եւ արդնընկէց տէգընկէց ձայնատու ժամանակաւն։

Verse: 15  Link to sept   եւ զհայրենի́ պատիւն առ ոչինչ համարէին, բայց զանօրէն հեթանոսութե(ան) փառս քան զօրհնութե(ան) փառս լա́ւ համարէին։

Verse: 16  Link to sept   Վ(ա)ս(ն) այսորիկ իսկ եւ վա́ղ հասանէին ՛ի վ(ե)ր(այ) ն(ո)ց(ա) նեղութի(ւն)քն որ շուրջանակի հասեա́լ պատեա́լ պաշարեալ պահէին։ զի որոց ընդ բա́րս եւ ընդ գնացս նախանձէին, եւ կամէին ա(մենայ)նի́ւ նմանել նոցա, զնոսին իսկ դահիճս եւ թշնամի́ս եւ տանջիչս անձամբ անձին ինքեանք իսկ պատրաստեցին։

Verse: 17  Link to sept   Զի անօրինել ոք յա(ստուա)ծեղէն օրէնսն դիւրին մի́ համարիցի։ այլ զայս ա(մենայ)ն ժամանա́կդ որ առաջի կայ յայտնապէ́ս պատմեսցէ։

Verse: 18  Link to sept   Արդ է́ր ժամանակ եկեալ հասեալ՝ է́ր դից պաշտօնն հինգամեակ պաշտաման ՛ի ծուր քաղաքի առաջի թագաւորին։

Verse: 19  Link to sept   Յայն պաշտօն՝ անօրէն յասոն խաղալիկս եւ հանդիսականս ՛ի սուրբ յե(րուսաղէ)մ քաղաքէ անուանեալս անտիոքացիս յղէր. ՛ի ձեռն տայր ն(ո)ց(ա) երեքհարիւր սատեր ՛ի գինս զոհից վահագնի պաշտաման։ Իբրեւ եկին բերին որ բերէինն՝ աղաչեցին զի մի́ խառնեսցեն զայն արծաթ ՛ի զոհս կռոց պաշտաման. զի ո́չ էր պարտ եւ պատշաճ ՛ի սուրբ տեղւոջէ անտի գանձ՝ երթալ զոհից կռոց դի́ց պաշտաման։

Verse: 20  Link to sept   Նոքա որ առինն՝ առնուլ առին վ(ա)ս(ն) այնորիկ որ ետն բերել յանուն զոհիցն պաշտաման. բայց վ(ա)ս(ն) բերելեացն աղաչելոյ՝ անդր ինչ ո́չ խառնեցին, ա́յլ ետուն ՛ի գործ արքունի վարձ նաւաց գործելոյ։

Verse: 21  Link to sept   Այլ հետ հրեշտակութե(ա)ն ապողոնեայ մենեսթեանց յերկիրն եգիպտացւոց ա́նց փտողոմէոս թագաւորն եգիպտացւոց, եւ ա́ռ զթագ փոխանակ ն(ո)ր(ա) անտիոքոս. եւ իբրեւ օտարացեալ իմն համարէր զանձն կողմանցս այսոցիկ։ Դա́րձ արար՝ խաղաց գնաց՝ եկն ՛ի քաղաքն յոպպէացւոց. անտի եկն յե(րուսաղէ)մ.

Verse: 22  Link to sept   եւ անդ մեծապէս մեծարեցաւ ՛ի յասոնէ՝ եւ ՛ի քաղաքէ անտի, մեծամե́ծ սքանչելեօք՝ ջահիւք եւ բոցաճաճանչ սպասուք. ապա անտի խաղաց գնաց ՛ի կողմանս տանճկաստանի ա(մենայ)ն զօրօքն հանդերձ։

Verse: 23  Link to sept   Ապա յետ երից ամաց ժամանակի, արձակեաց յասոն զմենեղաւոս զեղբայր մոլեկան սիմոնի, ՛ի ձեռն ետ նմա տանել առ արքայ զգանձն զարքունի։

Verse: 24  Link to sept   Նա՝ իբրւ յանդիման եղեւ արքային, եւ մեծարեցաւ ՛ի նմանէ, յա́նձն իւր սկսաւ կորզել զքահանայու(թ)ի(ւն)ն. եւ զյանցանել զյասոնեաւ՝ յաւել եւս ՛ի սակ գանձին ա́յլ եւս երեք հարիւր քանքար.

Verse: 25  Link to sept   եւ առեալ գայր զհրաման իշխանութե(ա)ն զարքունի։ Ե́կն եհաս. քահանայապետութե(ան) ինչ արժանի գործ ո́չ գործեաց, այլ սրտմտութի(ւն) դառնութե(ան)՝ չարաչար գազանապէս վարեալ բերէր։

Verse: 26  Link to sept   Եւ յասոն որ դաւով զիւրոյ եղբօր զքահանայութի(ւն)ն ինքն շնացաւ, դարձեալ զնորա քահանայութի(ւն)ն նոյնպէս ա́յլ տարաւ։ եւ նա փախստեայ յերկիրն ամոնացւոց հալածական անկանէր։

Verse: 27  Link to sept   Իսկ մենեղաւոս առնուլ ա́ռ ՛ի ձեռս զիշխանու(թ)ի(ւն) քահանայութե(ան). բայց զայն ինչ որ թագաւորին խոստացեալ էր ողջ՝ ո́չ կարէր առնել։ իբրեւ ստիպե́լ տագնապել պահանջել սկսաւ հազարապետն դղեակ բերդին.

Verse: 28  Link to sept   զի նմա́ էր յանձն հանել հարկ զաշխարհին. վ(ա)ս(ն) այնորիկ իսկ եւ երկոքին ՛ի միասին ՛ի դուռն կոչեցան։

Verse: 29  Link to sept   Եւ իբրեւ ետես մենեղաւոս թէ չէ́ զհարկն ՛ի դուրս հատուցանելոց, եմո́ւտ ընդ փոխանակաւ, եւ կացոյց փոխանակ զլիւսիմաքոս զեղբայր իւր. եւ սուստրատոս կա́յր ՛ի վ(ե)ր(այ) գործոցն կիպրացւոց։

Verse: 30  Link to sept   Իբրեւ ա́յս իրք ա́յսպէս հաստատեալ կային, դէ́պ եղեւ տարսացւոց եւ մաղովտացւոց ժամանակն ՛ի գրգի́ռ վայրի դիպել. վ(ա)ս(ն) զի տուեալ էր զն(ո)ս(ա) յուտեստ անտիոքիդեայ հարճի թագաւորին։

Verse: 31  Link to sept   Փո́յթ կալա́ւ չո́ւ առնել հասանել ցածուցանել զնոսա. եւ թո́ղ ՛ի տեղւոջ իւրում փոխանակ իւր զանդրոնիկոս ՛ի նմին պատուի։

Verse: 32  Link to sept   Իբրեւ ժամանա́կ իւր պարապոյ գտեալ մենեղաւոս, մեղմով սպաս ոսկի գողացաւ ՛ի տաճարէ անտի. եւ ետ անդրոնիկեայ՝ նա եւ ա́յլ եւս վակառեալ էր ն(ո)ր(ա) ՛ի ծուր եւ յայլ քաղաքսն որ շուրջ զնովաւ եին։

Verse: 33  Link to sept   Ո(ր)պ(էս) յանդիմանութ(եամ)բ յայտ առնէր ոնիա յամրէ անտի, յոր անկեալ էր ՛ի դափնա անտիոքացւոց։

Verse: 34  Link to sept   վասն այնորիկ մենեղաւոս իբրեւ ի́ւր արարեալ զանդրոնիկոս՝ աղաչէր զնա, եւ նովաւ ջանայր զբռա́մբ արկանել զոնիա։ Նա գնա́ց եկն առ ոնիա, եւ հաւատացուցանէր զնա նենգութ(եամ)բ՝ եւ դաշինս հաւատարիմս կռէր ընդ նմա ծա́նր ծա́նր երդմամբք. սակայն հաւանեցոյց զնա ելանել յամրէ անտի, թէպէտ եւ է́ր ինքն ՛ի միտս կասկածոտս։ եւ անդէն իբրեւ եհան՝ խողխողեաց, ամենեւին ո́չ զանգիտեաց յիրաւանցն արդարու(թեն)է։

Verse: 35  Link to sept   վասն այսորիկ ո́չ միայն հրէայք՝ այլեւ հեթանոսք բարկացեալ էին. եւ կարի́ առաւել՝ վ(ա)ս(ն) առնն տարապարտուց մահուանն։

Verse: 36  Link to sept   Այլ թագաւորն իբրեւ դարձաւ ՛ի կողմանցն կիւլիկեայ, առաջի́ անկանէին քաղաքա́ց քաղաքաց հրէայքն, եւ հեթանոսք սրտացաւութ(եամ)բ, վ(ա)ս(ն) առնն զո́ւր մեռելոյ, տարապարտո́ւց կորուսելոյ։

Verse: 37  Link to sept   Յայնր վերայ սրտի մտօք անտիոքոս դժգմեցաւ, ՛ի գո́ւթ դարձաւ եւ արտասուեա́ց յոյժ ՛ի վ(ե)ր(այ) սրբութե(ան) եւ բազում իմաստու(թ)ե(ան) առնն։

Verse: 38  Link to sept   եւ ջեռաւ բորբոքեցաւ ՛ի սրտմտութի(ւն) բարկութե(ան) իւրոյ. եւ անդէն հրամայեաց զգլխո́վ ածել զծիրանիսն անդրոնիկեայ. եւ զանդրոնիկոս մերկացեալ ՛ի հանդերձէ իւրմէ, շո́ւրջ ածեալ զքաղաքաւն, եւ ՛ի նմին տեղւոջ ուր զոնիա́յն անօրինեցին՝ հրամայեաց զկառափն հարկանել զանօրէն մահապարտին. ՛ի տ(եառն)է զարժան տանջանս ՛ի վ(ե)ր(այ) չարագործին հասուցելոյ։

Verse: 39  Link to sept   Իբրեւ բազո́ւմ գաղտագողօնք լինէին գանձին ՛ի ձեռն լիւսիմաքեայ մենեղեայ խորհրդով, եւ համբաւն ՛ի դուրս յաճախէր, ժողովեցան զօրքն ՛ի վերայ լիւսիմաքեայ. քանզի բազում նուագս ոսկիս կորուսեալ ՛ի միջոյ համարուէն։

Verse: 40  Link to sept   իբրեւ սկսան զօրքն տագնապել, եւ լի բարկութ(եամ)բ ՛ի վ(ե)ր(այ) յարձակել. վառեցոյց լիւսիմաքոս արս իբրեւ երիս հազարս։ սկսաւ ձեռն ՛ի գործ արկանել, եւ սկիզբն առնել գործոցն չարու(թ)ե(ան). արամբ միով որ խուժադո́ւժ եւս էր տեսանելո́վ քան զմտօքն թանձրութե(ան)։

Verse: 41  Link to sept   Իբրեւ տեսին զլիւսիմաքեայ զդա́ւն եւ զնենգու(թ)ի(ւն) որ եղեւ՝ խռնեցան վաղվաղակի, ձեռն ՛ի գործ առնէին, ոմն վէմս, ոմն վի́րգս, կէսքն զաւա́զն զխիճն հողախառն առ հասարա́կ յարձակելոցն ՛ի վ(ե)ր(այ) արկանէին։

Verse: 42  Link to sept   զոմանս վիրաւորս, զոմանս կառափնատս արձակէին, զբազումս սպանանէին, եւ զամենեսին առհասարակ ՛ի փախուստ դարձուցանէին. զնոյն ինքն զսեղանազերծ զտաճարակապուտ՝ զգանձի տամբն արկանէին փախստեայ։

Verse: 43  Link to sept   վ(ա)ս(ն) այսր ա(մենայ)նի լինէին դատաստանք ընդ մենեղայայ։

Verse: 44  Link to sept   Իբրեւ եկն էջ թագաւորն ՛ի ծուր, յանդիմա́ն ն(ո)ր(ա) իսկ էին դատաստանք. զի եկին ա́րք երեք ՛ի ծերակոյտ ժողովրդենէ անտի ցուցանել զիրաւունս։

Verse: 45  Link to sept   Իբրեւ ՛ի պարտութի(ւն) մատնեցաւ մենեղաւոս, խոստացաւ գանձ բազում տալ փտողմեայ, զի հաճեսցէ զմիտս ն(ո)ր(ա)։

Verse: 46  Link to sept   վ(ա)ս(ն) այսորիկ առեալ զթագաւորն մեկուսի՝ իբրեւ զբօսանաց պատճառաւ՝ շրջեաց զմիտս ն(ո)ր(ա).

Verse: 47  Link to sept   զա(մենայ)ն չարեացապա́րտ մենեղաւոս արձակել ՛ի պարտեաց անտի։ եւ զայն տառապեալս, որ թէպէտ առաջի խաղտեաց դա́տ վարէին, իրաւ գտանէին, արձակեալք՝ գտեալք անարատք երթային, զն(ո)ս(ա) մահապարտս արարին։

Verse: 48  Link to sept   եւ վաղվաղակի զանիրաւու(թ)ե(ան) պատիժս զնոքօք արկանէին, որ վ(ա)ս(ն) քաղաքին եւ գնդին եւ սպասուն սրբութե(ան) գուժել եկեալ էին։

Verse: 49  Link to sept   Եւ վ(ա)ս(ն) ա́յսր ա(մենայ)նի ծուրացիքն չարատեացք առատապէս սրտացաւու(թեամ)բ հանդերձեցին զն(ո)ս(ա),

Verse: 50  Link to sept   եւ յղարկեցին զմենեղաւոս վ(ա)ս(ն) իշխանացն ռըժդու(թ)ե(ան) եւ ագահութե(ան)։ Հաստատեալ կայր չարախօսութի(ւն) մեծ, եղե́ռն վնասու քաղաքացւոցն իւրոց կացուցանէր։



Chapter: 5 
ԳԼ(ՈՒԽ) Ե՜.


Verse: 1  Link to sept   Եւ ժամանակօք երկրորդ գալստեանն անտիոքու յերկիրն եգիպտացւոց առաքէր ՛ի կողմանցն անտիոքացւոց։

Verse: 2  Link to sept   Իբրեւ դէ́պ լինէր ընդ ա(մենայ)ն քաղաքն յաւուրց քառասուն երեւել ընդ երկինս եւ ընդ երկիր, ա́րս հեծեալս տիգաւորս, ՛ի զարդ ոսկի

Verse: 3  Link to sept   վառեալս՝ զարդարեալս, արշաւեալս յարձակեալս խառնեալս ը(նդ) մինեանս։ ա́նդ էր լսել թընդիւն վահանաց, շկահիւն զաղեղանց, շողիւն սուսերաց, շաչիւն նշանաց, շառաչիւն նետից, զփայլիւն զոսկեղէն վառելոց։

Verse: 4  Link to sept   Եւ ամենեքեան անկեալ աղաչէին զա́յն նշանս ՛ի բարի́ ինչ կատարել։

Verse: 5  Link to sept   Իբրեւ շռի́նդն իմն յանկարծուստ համբաւի հարկանէր, իբրեւ թէ անտիոքոս փոխեալ իցէ յաշխարհէ. Առնոյր յասոն ո́չինչ պակաս քան զքսանհազար վառեալ, եւ յարձակէր ՛ի վերայ քաղաքին. եւ նոքա վ(ա)ս(ն) յանկա́ծ դաւոյն ՛ի պարսպէ անտի մերժէին։ եւ մենեղաւոս արշաւեալ ՛ի քաղա́ք անդր հասանէր.

Verse: 6  Link to sept   ուր յասոնն մոլեգին յանխնա́յ անկեալ գործէր մեծամե́ծ կոտորած քաղաքացեացն իւրոց, իբրեւ ՛ի մէջ թշնամեաց գործէր. եւ ո́չ ածէր զմտաւ զտոհմային քաղաքակից ընկերութե(ա)ն բարեկենդանու(թ)ի(ւն), զի ՛ի թշնամեա́ց անկեալ ստէպ ստէպ տագնապել, եւ ՛ի վերայ միատոհմի́ գնդին իբրեւ ՛ի վ(ե)ր(այ) թշնամւոյ նշա́ն յաղթութե(ան) կանգնել։

Verse: 7  Link to sept   Ապա իշխանութե(ան) ինչ ո́չ կարաց հասանել, բայց ՛ի կատարած զամօթ դաւոյն ժառանգէր. եւ ինքն փախստեա́յ անկանէր ՛ի կողմանս ամոնացւոց.

Verse: 8  Link to sept   յորմէ չարաչար կատարած վախճանի ընդունէր, արգելեալ ՛ի բանտի արետայ արաբացւոց արքայի։ դարձեալ ՛ի քաղաքէ́ ՛ի քաղաք փախստեայ լինէր, ատելի հալածական յամենեցունց՝ իբրեւ ապստամբ յօրինացն. պղծեալ գարշեցեալ՝ իբրեւ գաւառի եւ քաղաքի եւ գնդի՝ մատնիչ եւ դահիճ, յերկրին եգիպտացւոց եռացեալ թքաւ։

Verse: 9  Link to sept   բազո́ւմս եւ անթիւս յիւրմէ աշխարհէ օտարացոյց, եւ ինքն օտարացեալ ՛ի մէջ օտարաց կորեաւ.

Verse: 10  Link to sept   անսուգ, անխնամ, անհանդերձ, եւ գերեզմանացն հայրենեաց չեղե́ւ արժան։

Verse: 11  Link to sept   Իբրեւ ա́զդ եղեւ արքային վ(ա)ս(ն) իրացն եղելոց, ապստա́մբ համարեցաւ թագաւորն զհրէաստան յիւրմէ. վ(ա)ս(ն) այսորիկ փութացա́ւ գնաց յերկրէն եգիպտացւոց գազանացեալ սրտիւ, եկն՝ ա́ռ զքաղաքն ՛ի սուր սա́յր սուսերի՝ եւ ՛ի տէ́գ նիզակի։

Verse: 12  Link to sept   եւ հրամա́ն ետ զօրացն՝ որ ՛ի բուռն անկանիցին՝ յանխնա́յ կոտորեսցին, եւ որ յապարանս ամրասցին՝ անդէն ՛ի ներքս սատակեսցին։

Verse: 13  Link to sept   Եւ ա́նդ լինէր տղայոց եւ ծերոց առհասարակ կոտորած, կանանց եւ մանկանց առհասարակ սատակումն, կուսի́ց եւ կուսանաց առհասարակ կոտորած։

Verse: 14  Link to sept   եւ ո́ւթ բեւր յայն երիս աւուրս միանգամայն կոտորեցին. եւ չորս բեւրս ՛ի վաճառի ո́չինչ պակաս լաւութ(եամ)բ քան զսպանեալսն վաճառեցին։

Verse: 15  Link to sept   Եւ իբրեւ այսու չարեօք ո́չ յագեցաւ, իշխեաց ձեռնամուխ լինել ՛ի ս(ուր)բն ա(մենայ)ն աշխարհաց, իշխեաց մտանել ՛ի տաճար անդր. առաջնո́րդ ՛ի ձեռն ունէր զմենե·աւոս, որ օրինացն եւ աշխարհին եւ գնդին մատնիչ եւ դահի́ճ եղեալ էր։

Verse: 16  Link to sept   Եւ պիղծ եւ անօրէն ձեռօք զս(ուր)բ սպաս սեղանոյն, եւ որ յայլոց թագաւորաց եւ յայլոց քաղաքաց եդեալէր ՛ի սրբու(թ)ի(ւն)՝ յաճումն եւ ՛ի փառս տեղւոյն, զայն առեալ պղծո́ց բաշխէին։

Verse: 17  Link to sept   Թերեւս հպարտացեալ յամառեալ էր ՛ի միտս իւր անտիոքոս՝ եւ ասէր. եթէ վ(ա)ս(ն) մեղաց անօրէնու(թ)ե(ան) բնակչաց քաղաքիս բարկացեալ է սոցա տ(է)ր, վ(ա)ս(ն) այսորիկ եղեն արհամարհանք ՛ի վ(ե)ր(այ) տեղւոյն սրբու(թ)ե(ան)։

Verse: 18  Link to sept   զի եթէ ո́չ մեղօք մեծօք պաշարեալէին, լինէր ո(ր)պ(էս) հեղիոդորոսն որ առաքեցաւ ՛ի սելեւկեայ արքայէ. զի նա առաքեցաւ համա́ր առնել գանձուն. եւ սա արդեւք վաղվաղակի մտեալ՝ կործանէր ՛ի հպարտու(թեն)է իւրմէ։

Verse: 19  Link to sept   Այլ ո́չ վ(ա)ս(ն) տեղւոյն զազգն, այլ վ(ա)ս(ն) ազգին զտեղին ընտրեաց տ(է)ր։

Verse: 20  Link to sept   քանզի եւ տեղին ինքն ժառանգեաց զազգին խոտորու(թ)ի(ւն), ո(ր)պ(էս) եւ յետոյ բարեացն կցո́րդ լինիցի, ՛ի միւսանգամ հաճել մեծի ա(ստուծո)յ փառօք ուղղու(թ)ե(ան)։

Verse: 21  Link to sept   Այլ անտիոքոսն ութհարիւր քանքար ՛ի վերայ իննհարիւրոյն բարձեալ բերէր ՛ի տաճարէ անտի. արա́գ հասանէր ՛ի քաղաքն անտիոքացւոց, հպարտացեալ մտօք համարէր զծով՝ ՛ի ցամաք, եւ զցամաք՝ ՛ի ծո́վ փոփոխել։

Verse: 22  Link to sept   Եւ անդ թողոյր վարդապետս խիստս, չարչարե́լ զմնացորդսն ե(րուսաղ)էմացւոց, եւ զփիլիպոս յազգէ փրանգ, բայց ՛ի բարուց խժդժագոյն եւս էր քան զայն որ եթո́ղ զնա անդ։

Verse: 23  Link to sept   եւ ՛ի գարգարիզին՝ զանդրոնիկոս. եւ ՛ի վ(ե)ր(այ) սոցա զմենեղաւոս, որ չարաչա́ր եւս քան զն(ո)ս(ա) ՛ի վ(ե)ր(այ) հասեալ դատէր զքաղաքն։

Verse: 24  Link to sept   Բայց զի ունէր սակա́ւ մի գութ ը(նդ) հրէայսն, առաքեա́ց նա մաշուէ զապողոնիոս երկուք բիւրուք զօրօք, թո́ղ զհազարն զառաջին. զի զա(մենայ)ն մարդ հասարակաչափ կոտորեսցէ, եւ զկանայս եւ զմանկունս վաճառեսցէ։

Verse: 25  Link to sept   Սա իբրեւ եկն յե(րուսաղէ)մ, նախ զառաջինն խաղաղու(թեամ)բ դաւով եմուտ, եւ եղեւ անդ մինչեւ յօրն սուրբ՝ յօրն շաբաթուց. իբրեւ յաւուրն շաբաթուց եգիտ զհրէայսն դատարկացեալս, հրամա́ն ետ զօրացն իւրոց վառել։

Verse: 26  Link to sept   որ միանգամ ՛ի զնին տեսլեանն եկին, սո́ւր ՛ի վ(ե)ր(այ) եդեալ կոտորեաց. եւ ընդ քաղաքն ը(նդ) ա(մենայ)ն զինու հանդերձ այսր անդր վառեալք ընթանային, առհասարակ տարածեալ դիթաւա́լ կացուցանէին։

Verse: 27  Link to sept   Եւ յուդա մակաբէ՝ որ տասներորդն եղեալէր, փախստեա́յ լինէր՝ յանապա́տ ելանէր, գազանակեաց կեանս ՛ի լերինս անցուցանէր. եւ ա́յնպէս գնդաւն որ ը(նդ) նմա էին խոտաբուտ կերակուր կերակրեալ անցուցանէին զժամանակն, զի մի́ ՛ի պղծութի(ւն)ս մերձեսցին։



Chapter: 6 
ԳԼ(ՈՒԽ) Զ՜.


Verse: 1  Link to sept   Յետ բազում ժամանակաց առաքեա́ց թագաւորն զաթենեբիոս ծերունի, ստիպե́լ տագնապել զհրէայսն, անցանել զհարցն օրինօք, եւ յօրէնսն ա(ստուծո)յ այլ մի́ եւս յամենալ։

Verse: 2  Link to sept   եւ պղծել զտաճարն ե(րուսաղէ)մի, եւ անուանել զնա յայնմհետէ յանուն որմզդական դիցն ողոմպիացւոց որ ՛ի գարգարիզի́ն էին. ո(ր)պ(էս) որ զտեղին բնակեալ նստէին. հիւրասէր որմզդական գիցն վանատրի։

Verse: 3  Link to sept   եւ չարաչա́ր դժուարին նեղութի(ւն) չարեաց ՛ի վ(ե)ր(այ) հսուցանէին։

Verse: 4  Link to sept   Զտաճարն սուրբ պղծութ(եամ)բք արուեստականօք հեթանոսաց լնոյր, եւ սրբութե(ան) սրահն արամբք եւ կանամբք միմեանց խառնակու(թեամ)բք յաղտեղու(թ)ի(ւն) դարձուցանէին. եւ որինչ ո́չ եւս արժա́ն ինչ էր՝ զայն ՛ի ներքս համարձակ տանէին։

Verse: 5  Link to sept   եւ զսեղանն ինքնին եւ գլխովին անարգելովք յօրինացն եւ խոտելովք լնուին։

Verse: 6  Link to sept   Եւ ա́նդ էր ո́չ զօրէնս շաբաթուց տեսանել, եւ ո́չ զտօնս տարեկանաց զհայրենիս պահել, եւ ո́չ բնաւ ամենեւին հրեա́յ անուն անուանե́լ իշխել։

Verse: 7  Link to sept   Վարէին ածէին ստէպ ստէ́պ տագնապաւ յամսաւոր յօր տօնի ծննդեան թագաւորին՝ զի զոհեսցեն։ Իբրեւ տօն հասանէր սպանդարամետական պաշտամանն, տագնապէին զն(ո)ս(ա)՝ պսակեալս թա́ւ ոստօք սպանդարամետին կաքաւե́լ։

Verse: 8  Link to sept   Հրամա́ն առաքեցին յա(մենայ)ն մօտաքաղաքս պաշտօնաւորս լինել. եւ իբրեւ բանս ՛ի բերան եդին փտղոմայեցիքն. յոր հասո́ւ իցեն զոհիւք զպաշտօնն պաշտիցեն։

Verse: 9  Link to sept   Եւ այն՝ որ ո́չ յանձն առնուցուն զոհել՝ անդէ́ն սուր ՛ի վ(ե)ր(այ) դնել։ եւ ա́նդ էր տեսանել շտա́պ տագնապի տառապանս չարչարելոցն։

Verse: 10  Link to sept   Նամակագի́ր եղեն զերկուց կանանց՝ վ(ա)ս(ն) զորդիս իւրեանց թլփատելոյ. ածի́ն վաղվաղակի՝ զմանկունսն զստեանցն կախեցին զմարցն, եւ զն(ո)ս(ա) ընդ հրապարակսն առառակէ́ շրջեցուցանէին. ապա ՛ի պարսպաց անտի ՛ի վա́յր հոսեցին։

Verse: 11  Link to sept   Կէսքն երթեալ գաղտուկ յա́յրսն մօտաւորս՝ զշաբաթուց աւուրսն անցուցանէին. իբրեւ ՛ի վերայ հասանէին, կենդանւոյն խանձատեալս հրո́վ սպանանէին։ վ(ա)ս(ն) երկիւղածութե(ան) աւուրն փափկութե(ան) եւ օրինացն սրբու(թ)ե(ան)։

Verse: 12  Link to sept   Այլ ես՝ աղաչե́մ զամենեսեան, որ զգիրսդ յակն արկանիցէք՝ մի́ ինչ վ(ա)ս(ն) ազգին խղճիցէք, եւ զվիշտս զայս ա(մենայ)ն առ սատակման տոհմին համարիցիք, այլ ՛ի խրա́տ ազգին մերոյ։

Verse: 13  Link to sept   եւ ո́չ առ բազում ժամանակս ինչ թողուլ զանօրէնս. այլ վաղվաղակի զնշանս իւր եւ զարուեստս իւր յայտնէ։

Verse: 14  Link to sept   Զի ո́չ եթէ ո(ր)պ(էս) առ այլ հեթանոսս երկայնամիտ լինի ա(ստուա)ծ՝ մինչեւ լցցեն զչա́փ մեղաց իւրեանց, եւ եկեսցեն հասցեն ՛ի դատաստանս անհնարինս.

Verse: 15  Link to sept   այնպէս եւ առ մե́ւք կատարէ զա(մենայ)ն, զի հասցուք մեք ՛ի տեղի դատաստանի։

Verse: 16  Link to sept   այլ մօտ առ մօ́տ խրտակէ, եւ արագ արա́գ ածէ ՛ի վ(ե)ր(այ) զողորմութի(ւն)։

Verse: 17  Link to sept   Զայս բանս ը(նդ) ձեզ վ(ա)ս(ն) յիշատակի բանիցդ խօսեցաք. արդ անդրէն ՛ի գլո́ւխ պատմելոյն մատիցուք։

Verse: 18  Link to sept   Եղիազարո́ս այր մեծ ընդ առաջինսն ՛ի գնդի անդ. լցեա́լ աւուրբք՝ ծերացեալ հասակաւ, գեղեցիկ երեսօք. ածեալ գա́յլ ՛ի բերան ստիպէին ուտե́լ խողենի։

Verse: 19  Link to sept   Ն(ո)ր(ա) ՛ի մտի́ եդեալ՝ յամառեալ պնդեալ սրտիւ՝ յա́նձն առ ընդունել զմահ քաջ անուամբ՝ քան զկեանս խղճիւ, եւ ընկերաց ըստ գտանելով։ Ընտրեաց ինքնակա́մ հասանել ՛ի տանջանս. ձեռներէ́ց լինէր, թքանե́լ անարգե́լ զպաշտօնս ն(ո)ց(ա).

Verse: 20  Link to sept   ո(ր)պ(էս) օրէ́ն է համբերողաց բացէ ՛ի բա́ցանարգել ինչ՝ զոր ո́չ է օրէն յանձինս մատուցանել։

Verse: 21  Link to sept   Իսկ այն՝ որ պատրաստեալ եկեալ էին, ինքեանք առ տկարութե(ան) մտացն, վ(ա)ս(ն) անձնասէր բարոյից զոհից ՛ի պաշտօն, ծանօ́թ եւս էին առնն աւագու(թ)ե(ան). առեալ մեկուսի՝ իւրեա́նց տկարու(թ)ե(ան) մտօքն զհաստատեալ միտսն ՛ի հրապո́յրս ցոփու(թ)ե(ան) դարձուցանել ջանային։ Յա́նձն առ ասեն զհրաման թագաւորիդ՝

Verse: 22  Link to sept   եւ քեզ ա́յլ միս մատուսցուք զի լուծցեն զկարծիսն, եւ ՛ի մահուանէդ ապրեսցի́ս։

Verse: 23  Link to sept   Նա գեղեցիկ խորհուրդս հաստատուն յանձին եդեալ, զարժանի հասակին՝ ըստ ծերու(թ)ե(ա́ն) մեծութե(ա)ն, ըստ երեւելի́ վայելչութե(ա)ն, ը(ս)տ զուարթածաղիկ ալեա́ցն զուարճացելոց, ըստ գեղեցիկ ՛ի մանկութ(են)է մինչեւ յաւագո́յթ սննդեանն. մանաւանդ առաւել ը(ս)տ ա(ստուա)ծագործ սրբու(թ)ե(ան) օրինագի́ր կրօնից, ա(մենայ)ն կարգօք լի, արագ արա́գ առնէր զպատասխանին։

Verse: 24  Link to sept   Ո́չ արժան՝ ո́չ պատշաճ, ասէ՝ մերոյ չափոյ հասակի՝ կեղծաւորութ(իւն)ի́ մտանել ընդ սրբութե(ան) խոստուվանու(թ)ի(ւն)։ իցեն բազումք ՛ի մանկաւոյ այտի՝ որ ընդ ակա́մբ հայիցին. կարծի́ս ՛ի մտի դնիցեն եւ ասիցեն, եթէ եղիազարոս՝ իննըսնամեա́ն անցեալ ծերութ(եամ)բ հասեալ ՛ի դուռն վախճանի, յայլազգու(թ)ի(ւն) դարձաւ։

Verse: 25  Link to sept   եւ նոքա վ(ա)ս(ն) ի́մ կեղծաւորեալ գայթագղեսցին. եւ զայս՝ խիղՃ մտաց եւ կե́ղտ անուն ծերութե(ան)ս յաշխարհի թողից։

Verse: 26  Link to sept   Իսկ արդ՝ եթէ ամենեւին նո́յնչափ ժամանակս կենաց շնորհիցեն ինձ, եւ ՛ի ձեռս մարդկան բնաւ այլ ո́չ մատնիցիմ. սակայն յաւիտենից ՛ի մշտնջենաւոր ձեռա́ց անտի՝ ո́չ կենդանեօք եւ ո́չ յետ կենդանու(թ)ե(ան) ուրեք փախչել կարիցեմ։

Verse: 27  Link to sept   Վ(ա)ս(ն) այսորիկ քաջու(թեամ)բ փոխեցայց յաշխարհէ աստի, զի արժանի́ իմոյ ծերու(թ)ե(ան)ս երեւեցայց։

Verse: 28  Link to sept   եւ օրինակ բարեա́ց եւ առաքինու(թ)ե(ան) մանկտւոյ թողից, զի յօժարու(թեամ)բ եւ քաջութ(եամ)բ ՛ի վ(ե)ր(այ) սրբու(թ)ե(ան) օրինացն մահո́ւ չափ ջանալ մարթասցեն։ Զայս ա(մենայ)ն իբրեւ ասէր՝ ինքնակամ դիմագրաւ կամակար ՛ի վիշտս մահուն եւ տանջանացն դիմէր։

Verse: 29  Link to sept   Ն(ո)ք(ա) որ յառաջագոյն շո́ւրջ մատուցեալ մխիթարէին, զբանս մխիթարութե(ա)ն ՛ի թշնամութի(ւն) դարձուցանէին, եւ զիմաստութե(ան) խորհուրդսն իբրեւ մոլորութի(ւն) համարէին. առաւե́լ մատուցեալ ՛ի տանջանս տագնապէին։

Verse: 30  Link to sept   Նա իբրեւ մե́րձ եղեւ ՛ի տանջանաց անտի ՛ի վախճան, եբաց զբերան իւր հեծեծելով, սկսաւ խօսել ՛ի տ(է)ր որ ունի զգիտութի(ւն) սրբութե(ան) խորհրդոց՝ եւ ասէ։ Այս մի ինչ յա́յտ եղեւ, եթէ ՛ի ձեռս ի́մ էր արձակել ՛ի մահուս վշտաց. զայս խստութե(ան) տանջանս մարմնոյ ընկալեալ համբերեմ. այլ հոգւով քաջ քաղցրու(թեամ)բ վ(ա)ս(ն) ահի սաստիցն տ(եառ)ն ընդունիմ։

Verse: 31  Link to sept   Եւ սա՝ զա́յս օրինակ պատերազմեալ՝ յաշխարհէ փախեցաւ։



Chapter: 7 
ԳԼ(ՈՒԽ) Է՜.


Verse: 1  Link to sept   Դէ́պ եղեւ եղբարս եւթն մարբն հանդերձ կալեալս, ածե́լ յատեան թագաւորին, ՛ի խոշտանգա́նս գանի տագնապէին ուտե́լ խոզենի։

Verse: 2  Link to sept   Մի́ ՛ի նոցանէ նահատակեցաւ յառաջագոյն, սկսաւ խօսե́լ եւ ասէ. զի՞ կայք անցեալ, կամ զմեզ զի՞նչ հարցանելոց էք. մեք պատրա́ստ եմք ՛ի մեռանել՝ քան անցանել ը(ս)տ օրէնս հայրենիս։

Verse: 3  Link to sept   Բարկութ(եամ)բ սրտմտու(թեամ)բ լի́ եղեւ թագաւորն. հրամայեաց ջեռուցանել տապակս, եւ կատսայս, եւ անիւս, եւ պէսպէ́ս գործիս տանջանաց պատրաստել։ զայն իբրեւ վաղվաղակի ջեռուցին պատրաստեցին,

Verse: 4  Link to sept   հրամայեաց զնահատակն յառա́ջ կացուցանել. եւ նախ զլեզուն կտրեցին, եւ զգլխոյն մորթն զերեսօքն դարձուցին. ապա զոտս եւ զձեռս առաջի մօրն եւ եղբացն ծայրաքա́ղս առնէին։

Verse: 5  Link to sept   Եւ ապա իբրեւ ՛ի բանի́ց եւ ՛ի ձեռաց անպիտան առնէր՝ հրամայէր կենդանւո́յն ՛ի տապակսն ջեռուցեալս իջուցանել։ ապա իբրեւ ճենճերն ընդերկար՝ ա́յնպէս ՛ի տապակէ անտի ելեալ դիղացեալ ծառանայր, սկսան եղբարքն ը(նդ) միմեանս մա́րբն հանդերձ մխիթարե́լ եւ ասել. քաջու(թեամ)բ մեռցուք, զանուն եւ զոգի́ս ժառանգեսցուք։

Verse: 6  Link to sept   հայի́ տ(է)ր ա(ստուա)ծ ՛ի ճգնութի(ւն) պատերազմիս մերոյ, եւ ՛ի ծառայս իւր մխիթարի՝ ո(ր)պ(էս) յա́յտ յանդիմանու(թեամ)բ ասաց մովսէս յօրինու(թ)ե(ան) իւրում. եւ ՛ի ծառայս իւր մխիթարի։

Verse: 7  Link to sept   Իբրեւ առաջինն զօրինա́կ զայս յաշխարհէ փոխեցաւ. Զերկրորդն ՛ի տեղի տանջանացն մատուցանէին, եւ զգլխոյն մորթն վարսիւքն հանդերձ զերեսօքն արկանէին. եւ անդէն հարցանէին, կերիցե՞ս խոզենի միս, մինչչեւ զա(մենայ)ն մարմինդ անդամ անդամ լուծեալ է։

Verse: 8  Link to sept   Նա ե́տ պատասխանի իւրեանց բարբառովն՝ եւ ասէ, ո́չ։ վ(ա)ս(ն) այսորիկ եւ սա ՛ի նոյն տանջանսն տանջեալ վախճանէր։

Verse: 9  Link to sept   Իբրեւ յոգւոցն պարզել ապաստա́ն եղեւ. սկսաւ խօսել՝ եւ ասէ ցթագաւորն. ա́յ սէգ հպարտ եւ ամբարտաւան, դու զմեզ յա́յսց կենաց աշխարհիս կարճե́լ համարիս. իսկ ա́յն որ աշխարհաց թագաւորն է՝ թէպէտ եւ մեռանիմք մեք վ(ա)ս(ն) օրինացն, ՛ի կեանսն յաւիտենից ՛ի միւսանգամ ծննդեանն ժամանակի՝ կենաց ՛ի կեանս դարձուցանէ։

Verse: 10  Link to sept   Յետ ն(ո)ր(ա) զերրո́րդն ածին, եւ զլեզուն խնդրէին. նա վաղվաղակի մատուցանէր, եւ զձեռսն քաջասի́րտս տարածանէր։

Verse: 12  Link to sept   զի եւ թագաւորն ինքնի́ն իսկ զարմացեալ լինէր վ(ա)ս(ն) պատանւոյն ուշի́ մտացն, եւ սրտին քաջու(թ)ե(ան). զի առ ոչի́նչզցաւսն համարեցաւ։

Verse: 13  Link to sept   Եւ սա իբրեւ փոխէր՝ Չորրորդն ՛ի տեղի́ մատուցեալ, ՛ի նոյն տանջանս չարչարէին։

Verse: 14  Link to sept   իբրեւ շունչն վախճանի́ հասանէր, խօսել սկսաւ ա́յսպէս. մեզ լա́ւ է զի փոխիմք աստի ՛ի մարդկանէ. եւ յուսոյն ա́կն ունիմք միւսանգամ ծննդեանն յարու(թ)ե(ան) մեռելոց, քան քեզ ՛ի կենդանիս. զի արգելեալ փակեալ է ՛ի քէն յարութի(ւն) մեռելոց։

Verse: 15  Link to sept   Յետ սորա զհինգերորդն մատուցին ՛ի տանջանս չարչարանացն. իբրեւ զաչս ՛ի վեր եբարձ՝ հայեցա́ւ ը(նդ) թագաւորն, սկսաւ խօսել ը(նդ) նմա՝ եւ ասէ։

Verse: 16  Link to sept   Իշխանութի(ւն) առեալ մարդկան, եւ դու մա́րդ մահկանացու՝ գործե́ս զինչ եւ կամիս. բայց մի́ ՛ի վատու(թ)ի(ւն) ինչ եւ զմեր ազգս հատանիցես, կամ լքեալ թողեալ ինչ ՛ի ձեռաց ա(ստուծո)յ համարիցիս։

Verse: 17  Link to sept   Կա́ց մնա́ դու՝ եւ տեսցես զզօրութի(ւն)ս մեծամեծ սքանչելեացն. ո(ր)պ(էս) զի զքե́զ եւ զազգատոհմն քո չարաչա́ր հարուածովք չարչարիցէ։

Verse: 18  Link to sept   Յետ այսորիկ ածեալ եղեւ վեցերորդն. եւ իբրեւ մե́րձ եղեւ ՛ի մեռանել՝ ասէ. զի՞ մոլորեալ ես տարապարտուց. ընդ մեզ ա́յս անցք որ անցանեն վ(ա)ս(ն) մե́ր մեղաց. զի մեղանչեմք առ ա(ստուա)ծ արժանի́ զարմանալոյ։

Verse: 19  Link to sept   բայց դու մի́ ակնունիցիս ողջանդա́մ բարեմիտ ապրել յա(ստուա)ծամարտ մատուցեալ։

Verse: 20  Link to sept   Եւս առաւել բարեա́ց յիշատակաց արժանի՝ մայրն սքանչելի. որ զայնպիսի զեւթն որդի յիւրմէ կորուսեալ ՛ի միում աւուր ՛ի միում ժամանակի՝ վ(ա)ս(ն) յուսոյն ա(ստուծո)յ

Verse: 21  Link to sept   քաջալերեալ սրտապնդեալ զմի́ մի́ ՛ի նոցանէ քաջալերէր մխիթարէր իւրեանց բարբառովն, եւ զսիրտն եւ զմիտսն զիգութե(ան) առնապէ́ս վառեալ.

Verse: 22  Link to sept   քաջու(թեամ)բ յառաջ մատուցեալ՝ ասէր. չգիտե́մ ո́(ր)պ(էս) բնաւ դուք յարգանդիս երեւեցարուք. եւ ո́չ ես ինչ զոգիսդ՝ կամ զկեա́նսդ ձեր շնորհեցի, եւ ո́չ զկերպարանսդ ձեր զիւրաքանչիւր ես նկարեցի, եւ ոչ զհասակսդ ձեր ծնեալ եւ սնուցեալ։ Այսուհետեւ ես իմ ինչ՝ ո́չ համարեցայց.

Verse: 23  Link to sept   այլ որ աշխարհի արարիչն է, որ ստե́ղծ զծնունդս մարդկան, զկեանսդ եւ զոգիսդ ՛ի գալստեան իւրում իւրով ողորմութ(եամ)բք ՛ի ձե́զ դարձուցանէ։

Verse: 24  Link to sept   Անտիոքոս թէպէտ եւ արհամարհեա́լ զինքն համարեցաւ վասն բարբառոյ նահատակացն, սակայն մինչդեռ ոգիքն կրտսերոյ մանկանն առ ի́ւր կային, սկսաւ ո́չ միայն բանիւք մխիթարութի(ւն) մատուցանել, այլեւ արդեամբք հաստատէր՝ ՛ի մեծութի(ւն)ս յաւագու(թ)ի(ւն)ս հասուցանել, երանելի́ առնել յաշխարհի. միայն թէ ՛ի նախնեացն օրինաց փոփոխեսցի. գո́րծ ՛ի ձեռին տալ՝ եւ բարեկամ անուանել թագաւորաց։

Verse: 25  Link to sept   Իբրեւ ետես թէ ամենեւին պատանին ՛ի բանս թագաւորին ո́չ խոտորեցաւ, կոչեաց թագաւորն զմայրն, եւ աղաչէր լինել պատանւոյն կենաց նորին խորհրդական՝ զի փրկեսցի։

Verse: 26  Link to sept   Իբրեւ կարի́ շատ ստիպեաց, յա́նձն առ խօսել ը(նդ) որդւոյն. խոնարհեցաւ ՛ի նա,

Verse: 27  Link to sept   սկսաւ ծա́ղր առնել զհպարտ զամբարտաւան թագաւորն, եւ ասէ։ Ողորմեա́ց ինձ որդեակ իմ. յո́ւշ լիցի քեզ զի կրեցի զքեզ ինն ամիս յարգանդի, եւ սնուցի զքեզ զերիս ամս ՛ի գիրկս ստեամբք, եւ հասուցի զքեզ յա́յդ չափ մեծութի(ւն) հասակի։

Verse: 28  Link to sept   արդ աղաչեմ զքեզ որդեակ, հայեսցե́ս դու յերկինս եւ յերկիր, եւ որ ՛ի ն(ո)ս(ա) արարա́ծք իցեն. յո́ւշ լիցի քեզ զի յոչնչէ արար զն(ո)ս(ա) ա(ստուա)ծ. սո́յնպէս եւ ազգք մարդկան ստեղծան ՛ի նմանէ։

Verse: 29  Link to sept   մի́ զարհուրիր դու ՛ի չարաշուք դահճէ այտի, այլ եղբարցն արժանի́ եղեալ՝ ընտրեա́ զմահ քան զկեանս աշխարհի. զի ընդ ա́յն եղբարս ընկալայց զքեզ ՛ի ձեռս ողորմութե(ան) մեծին ա(ստուծո)յ։

Verse: 30  Link to sept   Եւ մինչդեռ մայրն զայն մխիթարու(թ)ի(ւն)ս մատուցանէր ՛ի միտս հաստատունս, սկսաւ խօսել պատանեակն՝ եւ ասէ. ո՞ւմ կայք, զի՞ յապաղէք։ չե́մ ինչ լսելոց հրամանի թագաւորիդ. այլ հրամանաց հնազանդեալ եմ օրինաց հարցն մերոց որ տուան ՛ի ձեռն մովսիսի։

Verse: 31  Link to sept   Այլ դու՝ որ զա(մենայ)ն ինչ չարիսդ խորամանգեցեր ՛ի վերայ որդւոցդ եբրայեցւոց, դու ո́չ ապրեսցիս ՛ի ձեռաց ա(ստուծո)յ։

Verse: 32  Link to sept   զի եթէ առ խրատո́ւ պատուհասի

Verse: 33  Link to sept   կենդանի տ(է)ր մեր առ փոքր մի ինչ բարկացեալ իցէ, դարձեալ հաճեսցի ողորմու(թեամ)բ ընդ ծառայս իւր։

Verse: 34  Link to sept   Այլ դու անօրէ́ն, ապստա́մբ, պի́ղծ, վատարա́նց. զի՞ զուր հպարտանաս յուսով քոյով սնոտեաւ ՛ի վ(ե)ր(այ) ծառայից ն(ո)ր(ա)։

Verse: 35  Link to sept   սակայն չե́ս ինչ ապրելոց յամենագէտ յամենակալ դատաստանացն ա(ստուծո)յ։

Verse: 36  Link to sept   Զի այժմիկ մեր եղբարք սակա́ւ ինչ ցաւոց համբերեալ վ(ա)ս(ն) կենացն յաւիտենից, եւ ՛ի վերայ ուխտի կտակարանացն ա(ստուծո)յ, անկեալ կան մահո́ւ տարածեալ։

Verse: 37  Link to sept   այլ ես հաւասա́ր եղբարցն իմոց զշունչ եւ զմարմին մատնել պատրաստեա́լ ունիմ ՛ի վերայ հարցն օրինաց. յուսացեալ կարդամ առ ա(ստուա)ծ, քաւու(թ)ի(ւն) ազգին ա(մենայ)նի գտանել. եւ զքեզ մեծամեծ տանջանօք հեծեծութ(եամ)բ խոստովանել՝ զի նա́ միայն է ա(ստուա)ծ, եւ այլ ոք՝ չիք։

Verse: 38  Link to sept   ինեւ եւ եղբարքն իմով զա(մենայ)ն նիւթեալ սրտմտու(թ)ի(ւն) բարկութե(ան) ջնջե́լ եւ ՛ի բա́ց անցանել։

Verse: 39  Link to sept   Յա́յնչափ քաջութե(ան) սրտի մանկանցն իւթանեցունց՝ սրտաբե́կ լինէր թագաւորն, առաւե́լ ՛ի վերայ կրտսերոյն դառնապէս տանջանս մատուցանէին։

Verse: 40  Link to sept   սակայն եւ սա́ անարատութ(եամ)բ եւ սրբութ(եամ)բ յուսացեալ ՛ի տ(է)ր մեկնեցաւ յաշխարհէ։

Verse: 41  Link to sept   Զհետ որդւոցն եւ մայրն երանելի ՛ի նոյն օրէնս կատարեցաւ։

Verse: 42  Link to sept   Ա́յն որինչ վ(ա)ս(ն) հարցմանց զոհիցն, եւ վ(ա)ս(ն) անհնարին տանջանացն՝ ցա́յս վայր ցուցեալ լիցի։



Chapter: 8 
ԳԼ(ՈՒԽ) Ը՜.


Verse: 1  Link to sept   Այլ յուդա մակաբէ՝ եւ որ ընդ նմա էին. ոյք աստ անդ գաղտագողացեալ մտանէին ՛ի գեղս՝ ՛ի քաղաքս՝ եւ յագարակս. յի́նքն արկանէին զազգատոհմն, եւ նուաճէր զհրէայսն որ կացեալ էին հաստատութ(եամ)բ յուխտին իւրեանց. գո́ւնդ լինէին յաւելու(թ)ի(ւն)ն բազմանային, լինէին իբրեւ վեցհազար այր։

Verse: 2  Link to sept   կարդային առ տ(է)ր ա́յց առնել հայել ՛ի ժողովուրդ անդր որ կոխեա́լ եղեւ ՛ի հեթանոսաց, գթա́լ ՛ի վերայ տաճարին որ յամպարշտաց ձեռացն պղծեցաւ։

Verse: 3  Link to sept   Ողորմե́լ ՛ի վերայ քաղաքին որ յապականութի(ւն) եւ ՛ի սատակումն յատակացն հասուցանելոց էր, եւ հայել ՛ի գոչումն արեանցն։

Verse: 4  Link to sept   յիշել զանմեղ մանկանցն կորուստ տարապարտուց. ածե́լ զմտաւ զհայհոյանս անուանն սրբոյ։

Verse: 5  Link to sept   Իբրեւ կազմէ́ր՝ լինէր զօրաժողով մակաբէ, դիմակալ ինչ ո́չ լինէին նմա հեթանոսքն. զի սրտմտու(թ)ի(ւն) բարկութե(ան) մեծութե(ան)ցն ա(ստուա)ծութե(ան) յողորմու(թ)ի(ւն) դարձաւ։

Verse: 6  Link to sept   Հասանէ́ր ՛ի վ(ե)ր(այ) գիւղից եւ քաղաքաց, հրձի́գ առնէր զամուր ամո́ւր տեղիս թշնամեացն։ անդրէն նուաճէ́ր դարձուցանէր զըմբռնեալսն ՛ի թշնամեացն. մեծամեծ սաստիկ հարուածս ՛ի վերայ թշնամեացն հասուցանէր։

Verse: 7  Link to sept   մանաւանդ զգիշե́ր եւս իւր օգնական գործակից գտանէր. եւ համբաւ քաջու(թ)ե(ա)ն ը(նդ) ա(մենայ)ն կողմանս ընթանայր։

Verse: 8  Link to sept   Իբրեւ զայն տեսանէր փիլիպպոս, զի գամ քան զգամ ի́րք առնն յառաջադէմ աջողէին, արքունի հրովարտակօք առ պտղոմէոս սպարապետ ստորին ասորւոց եւ տաճկաստանի՝ հրեշտակս առնէր, օգնական ՛ի թիկունս զօրս ՛ի ձեռն հասուցանել։

Verse: 9  Link to sept   Նա վաղվաղակի իբրեւ առնոյր զհրովարտակսն՝ զնիկանովր պատրոկղեանց զառաջին սիրելի աւագաց իւրոց ՛ի ձեռն գումարէր ո́չ ինչ պակաս քան զքառասուն հազարու առհասարակ բառնալ ՛ի միջոյ՝ ջնջել զազգն հրէից։ յանդիմանեաց նմա զգորգի սպարապետ՝ զայր քա́ջ իրաց պատերազմի, տեղեակ ա(մենայ)նի հմուտ։

Verse: 10  Link to sept   Յա́նձն առ նիկանովր՝ զհարկն առաջին զոր տային հռոմայեցւոց հարիւր քանքար՝ ՛ի հրէից գերութ(են)է անտի լնուլ։

Verse: 11  Link to sept   Ա́նդ հրաման տայր շուրջ զծովեզերօքն, կոչէ́ր զվաճառականսն մարդագին ՛ի հրեաստան. խոստանայր իննսո́ւն իննսո́ւն մա́րդ տալ ն(ո)ց(ա) ՛ի քանքար մի։ յայն ինչ ո́չ հայէր որ յերկնից դատաստանն յամենակալէն կանխեալ պատրաստեա́լ կայր ՛ի վ(ե)ր(այ) ն(ո)ր(ա)։

Verse: 12  Link to sept   Յուդայի էին ոմանք որ գուշա́կ լինէին վասն նիկանովրայ արշաւանին։

Verse: 13  Link to sept   նոքա առ վատասրտել իւրեանց՝ ա́յսր անդր խուսափէին.

Verse: 14  Link to sept   եւ որինչ իւրեանց մնացեալ էր վաճառէին. եւ առհսարակ զտ(է)ր ամենակա́լ աղաչէին, ապրե́լ յանօրէն յանարժան ձեռանէ նիկանովրայ. որ մինչչե́ւ տեսեալ էր ն(ո)ր(ա), ը(նդ) վաճառականս՝ անձանց նոցա գինս հատանէր։

Verse: 15  Link to sept   Իսկարդ եթէ ո́չ իսկ վ(ա)ս(ն) ն(ո)ց(ա), բայց սակայն վ(ա)ս(ն) ընդ հարսն ուխտիցն եւ կտակարանացն, եւ վ(ա)ս(ն) մեծի եւ սրբոյ անուանն իւրոյ փրկէ́ր զն(ո)ս(ա) ՛ի նմանէ։

Verse: 16  Link to sept   Զօրաժողո́վ լինէր մակաբէ որ զիւրեաւն էին արամբք իբրեւե վեցհազարաւ. մխիթարէր զն(ո)ս(ա)՝ զի մի́ պակասիցեն յայնչափ զօրաց բազմութ(են)է, եւ մի́ վհատեսցին զո́ւր տարապարտուց ՛ի վ(ե)ր(այ) եկելոց կուտելոց բազմու(թ)ե(ան) հեթանոսաց գնդին. այլ կա́լ եւ մարտնչել քաջութ(եամ)բ։

Verse: 17  Link to sept   նախա́նձ ՛ի մտի դնել զսրբութե(ան) տեղւոյն զկատարեալ անարգանսն, եւ զհարեալ քաղաքին գերութե(ան) զչարչարանսն. զնախնեաց սրբու(թ)ե(ան) զվարատել օրինացն։

Verse: 18  Link to sept   Եւ նոքա ասէ՝ ՛ի զէնս յուսացեալ են եւ ՛ի զօրու(թ)ի(ւն)ս իւրեանց. մեք յամենակալն ա(ստուա)ծ որ կարօղ է զայնոսիկ որ զմեզ յաչսն դնեն եւ զաշխարհ ա(մենայ)ն, ՛ի մի շունչ ոգւոյ զօրու(թ)ե(ան) սատակել։

Verse: 19  Link to sept   Եւ սկսաւ յո́ւշ առնել զմիոյ միոյ զառանոցն քաութի(ւն)ս, եւ զօգնականութի(ւն)ս որ եղեալ էին ՛ի տ(եառն)է։ Յիշեցէ́ք զսենեքերիմ, եւ զութուտասն բիւրուն սատակումն միանգամայն։

Verse: 20  Link to sept   Յո́ւշ լիցի ձեզ պատերազմն հռոմայեցւոց ընդ գաղատացիս. զի ամենեքին առհասարակ ՛ի գո́րծ անդր հասեալէին երկոտասան բիւրու. սոքա ելին վեցհազարու, առհասարակ ՛ի միում ժամանակի զերկոտասան բեւրն առհասարա́կ կոտորեցին, օգնականու(թեամ)բ լցեալ բարձրելոյն։

Verse: 21  Link to sept   Եւ այսու մխիթար քաջալե́ր բանիւք վառէ́ր պատրաստէր զն(ո)ս(ա) ՛ի վ(ե)ր(այ) օրինացն եւ աշխարհին իւրեանց՝ մտադե́ւր մարտնչել՝ համարձա́կ մեռանել։

Verse: 22  Link to sept   Յերի́ս գունդս զզօրսն բաժանէր, երկոցունց գնդացն՝ զերկոսին զեղբարսն զշմաւոն եւ զյովսէպ զօրավա́ր կացուցանէր։

Verse: 23  Link to sept   Դարձեալ առ քաջալերութե(ան) առ մխիթարու(թ)ե(ան) զօրացն՝ բերեալ զս(ուր)բ զեզրեայ մատեանսն առաջի՝ ընթեռնոյր։ իւրաքանչիւր զօրացն յանուն տ(եառ)ն նշանս բաշխէր. եւ առաջնոյ գնդին ինքնի́ն զօրագլուխ պատրաստեալ, յարձակէ́ր ՛ի դիմի́ հարկանէր նիկանովրայ։

Verse: 24  Link to sept   Իբրեւ օգնականու(թ)ի(ւն) յամենակալէն՝ ն(ո)ց(ա) ՛ի վ(ե)ր(այ) իջանէր, հասանէին հարկանէին ՛ի զօրաց անտի թշնամեացն աւելի քան զիննհազար սպառազէն, յառաջնում յարձակել անդ պակա́ս առնէին։ եւ զայն խոց եւ խեղս եւ վիրաւորս առնէին. եւ շուրջ զբանակաւն՝ պա́հ արկանէին։

Verse: 25  Link to sept   եւ զինչս եւ զգանձս մարդագին վաճառականացն՝ իւրեա́նց առնուին։ եւ զմնացեալ զօրսն նիկանովրայ առաջի իւրեանց փախստակա́նս առնէին, մինչ օրն տարաժամէր։

Verse: 26  Link to sept   Իբրեւ ժամ աւուրն ՛ի տարաժամել անկանէր, այսրէ́ն վաղվաղակի տագնապաւ դառնային, եւ ո́չ ընդերկար հալածէին զն(ո)ս(ա) զի ՛ի վաղիւ անդր շաբա́թ էր։

Verse: 27  Link to sept   այլ հասեալ այսրէն՝ ունէին զճակատո́ւն տեղի. զզէնս քաղէին զանկելոցն, դիազերծ առնէին զվիրաւորսն. եւ ինքեանք շաբաթուն պատրաստէին։ օրհնէի́ն խոստովա́ն լինէին՝ փառաւո́ր առնէին զտ(է)ր, զի փրկեաց զն(ո)ս(ա) ՛ի ն(ո)ց(ա)նէ յաւուր յայնմիկ։ զա́յն օր ողորմու(թ)ե(ան) առնէին՝ եւ նշան յաղթու(թ)ե(ան)։

Verse: 28  Link to sept   Յետ շաբաթուն՝ նեղելո́ց եւ այրեա́ց՝ եւ որբո́ց մա́սն առնէին յաւարէ անտի. եւ ապա́ ինքեանք ընդ բաժինս աւարին խառնէին։

Verse: 29  Link to sept   Իբրեւ զայս գործեցին՝ առհասարակ աղօթս անկեալ մատուցանէին առ ողորմածն ա(ստուա)ծ. աղաչէին մինչ ՛ի վախճան հա́շտ լինել ընդ ծառայս իւր։

Verse: 30  Link to sept   Տիմոթէոս եւ բադիդէս յոր գործ հասեալէին. հասանէին բախէին հարկանէին սպանանէին ՛ի նոցանէ աւելի́ քան զերկուս բեւրս. ամուրս բազումս եւ զբարձունս քաջու(թեամ)բ ունէին, բազում գանձս ընչի́ց եւ ստացուածոց ն(ո)ց(ա) յաւարի́ տանէին. բաժանակի́ցս իւրեանց զտնանկս եւ զորբս եւ զծերս աւարին իւրեանց առնէին։

Verse: 31  Link to sept   զզէնս սպանանելոցն քաղէին, ՛ի պիտոյս տեղիս թողուին։ եւ ինքեանք աւարաւն յե(րուսաղէ)մ առ նահապետս ազգացն գային։

Verse: 32  Link to sept   Անդ սպանեալ լինէր ն(ո)ց(ա) զտիմոթէոս, որ բազում չարչարանս ՛ի վ(ե)ր(այ) ազգին հրէից հասուցանէր։

Verse: 33  Link to sept   Ժողովեցին զմարդիկ գաւառացն. օր ուրախու(թ)ե(ան) առնէին, նշա́ն յաղթու(թ)ե(ան) կանգնէին. ածէին զկալիսթենէս փախստեա́յ եւ որ զնովաւն էին, որոց զդրունսն լուցեալ էր՝ կենդանւոյն այրէին։

Verse: 34  Link to sept   Իսկ յա(մենայ)ն կողմանց թշուառացեալ նիկանովր. որ զհազար վաճառականսն ՛ի մարդագի́ն ածէր որդւոց հրէիցն.

Verse: 35  Link to sept   մեծա́ւ տառաոանօք թշուառութ(եամ)բ անկեալ ՛ի փառացն հանդերձէ հրամանաւ տ(եառ)ն, գձձեալ ը(նդ) մուրօղս անկեալ, մե́ծ սուգ առեալ վ(ա)ս(ն) զօրացն կորստեան, փախստեա́յ կորացեալ ՛ի քաղաքն անտիոքացւոց անկանէր։

Verse: 36  Link to sept   Եւ որ զհռոմայեցւոցն խոստանայր զհարկն յե(րուսաղէ)մացւոց գերութ(են)է անտի լնուլ, ինքնին նովի́ն բերանով պատմէր՝ թէ յայտնի ա(ստուա)ծ է ն(ո)ց(ա) օգնական. վ(ա)ս(ն) այսորիկ ողջանդամք եւ առանց խոցոտելոյ ՛ի պատերազմէ ելանեն. զի հաստատու(թեամ)բ ուրեմն պահեն զօրէնս որ ՛ի նմանէ կալեալ է։



Chapter: 9 
ԳԼ(ՈՒԽ) Թ՜.


Verse: 1  Link to sept   Ընդ այն ժամանակս դէ́պ եղեւ դառնալ անտիոքայ մեծաւ անարգանօք ՛ի կողմանցն պարսից. քանզի էր երթեալ նա ՛ի քաղաքն ՛ի բո́ւն ն(ո)ց(ա), խորհեցաւ ձեռն արկանել զգանձիւն. եւ թէ հնարեսցի զքաղա́քն իսկ աւերել ջանայր։ Իբրեւ զա́յն զգացին զօրք քաղաքին, առհասարակ ՛ի զէնս իւրեանց ընթացան. եւ զա́յն որ մեծաւ սաստկութ(եամ)բ ՛ի վ(ե)ր(այ) երթեալ էր. անարժա́ն կորակո́ր յանձանց ՛ի բա́ց մերժէին։

Verse: 2  Link to sept   Իբրեւ չո́ւ առնէր խաղայր գնայր ամօթալից անտիոքոս ՛ի կողմանցն պարսից, գայր հասանէր ՛ի կողմանս եկբատանայ։ ա́զդ լինէր նմա որ ինչ անցք անցեալէին ընդ նա։

Verse: 3  Link to sept   Զմտա́ւ ածէր զստահակու(թ)ի(ւն) քաղաքացւոցն որ զնա ՛ի փախո́ւստ դարձուցին։

Verse: 4  Link to sept   Լցեա́լ սրտմտութ(եամ)բ՝ զերկոցունց կողմանցն զմտաւ ածէր յե(րուսաղէ)մացիս անդ յագեցուցանել զսրտմտութի(ւն) բարկութե(ան) իւրոյ. վ(ա)ս(ն) այսորիկ հրամա́ն տայր կառավարին, ստէ́պ տագնապաւ անդադար տայր վարել։ միտ եդեալ ճանապարհին։ Զայն ինչ ո́չ ածէր զմտաւ, թէ յերկնից իրաւունք ինչ ո́չ երթային. բայց ինքն մեծամե́ծս փքայր ՛ի հպարտութի(ւն) ամբարտաւանու(թ)ե(ան) իւրոյ, եւ ասէր անմարդի́ զե(րուսաղէ)մ հրէից հասուցանել։

Verse: 5  Link to sept   Իսկ ամենակալ բարձրեալն տ(է)ր ա(ստուա)ծ ի(սրաէ)լի եհար զնա աներեւոյթ հարուածովք։ ա́յն ինչ բանքն ՛ի բերան ն(ո)ր(ա) էին, ցա́ւք սաստիկք եւ անհնարին ոսկերաց ՛ի վ(ե)ր(այ) հասանէին, եւ դառնութե(ան) խիթք ՛ի փո́ր անկանէին։

Verse: 6  Link to sept   Կարի́ յիրաւունս. զի որ բազում նորանոր չարաչար ցաւս յայլոց մարմինս տանջանօք հասուցանէր, նոյն սաստկու(թ)ե(ան) ցաւ զնովաւ անկեալ պաշարեալ պահէին։

Verse: 7  Link to sept   Սակայն եւ այնպէս ո́չ կասէր ՛ի հպարտու(թեն)է անտի, այլ առաւել բորբոքէր ամբարտաւանութ(եամ)բ բարկու(թեամ)բ ՛ի վ(ե)ր(այ) հեբրայեցւոց. ստիպէ́ր ճեպել ՛ի ճանապարհ, մինչ դէ́պ եղեւ նմա անկանել ՛ի կառաց անտի՝ մինչդեռ գայր նա տագնապաւ։ Ա́նդ անկանէր ՛ի չարաչա́ր տանջանս. զի ա(մենայ)ն ոսկերքն առհասարակ խորտակէին։

Verse: 8  Link to sept   եւ այն՝ որ ա́յնինչ կամէր ՛ի վ(ե)ր(այ) ալեաց ծովու սաստել վ(ա)ս(ն) անօրէն հպարտութե(ա)ն, եւ զվերին լերանցն ներքի́ն առնել, եւ զներքին վերին. զնա ինքն յերկիր հողեալ, շալակա́ւ շրջեցուցանէին. յայտնապէս ա(ստուծո)յ զօրութե(ան)ցն երեւեցելոց։

Verse: 9  Link to sept   մինչեւ յաչա́ց անտի անօրինին եռանդն որդանց բղխեալ սորսորել. եւ կենդանու(թեամ)բ իւրով ախտին ցաւոց զանդամսն ՛ի միմեանց յօշել։ Եւ ՛ի նեխո́յն հոտոյ զօրացն ա(մենայ)նի նեղել տագնապաւ։

Verse: 10  Link to sept   եւ որ յառաջն հպարտացեալ մտօք զաստեղս երկնից ամփոփե́լ համարէր, այսր անդր շրջշրջել ո́չոք կարէր վ(ա)ս(ն) նեխոյն հոտոյ տագնապի։

Verse: 11  Link to sept   Յայնմ վայրի սկսաւ բեկանել ՛ի հպարտ յամբարտաւան խստու(թեն)է անտի, եւ ՛ի միտս իւր իջանէր առ տանջանացն ա(ստուծո)յ. միով միով ցաւօք ՛ի վ(ե)ր(այ) հարեալ մարմնոյն զայրացելոյ.

Verse: 12  Link to sept   զի եւ ինքն իսկ ո́չ կարէր ժո́յժ ունել ՛ի նեխոյ հոտո́յ անտի։ Սկսաւ ա́յսպէս խօսել. պա́րտ եւ պատշա́ճ է հնազանդ լինել տ(եառ)ն ա(ստուծո)յ, եւ մի́ ՛ի մարմինս մահկանացուս ա(ստուա)ծակե́րպ օրինակ բարձրանալ։

Verse: 13  Link to sept   Աղաչէ́ր, ո́ւխտս դնէր առ ա́յն որ չէ́ր նմա ողորմելոց։

Verse: 14  Link to sept   վասն զս(ուր)բ քաղաքն հարթ յատա́կ եւ անմարդի́ կացուցանել, զայն մարդաշա́տ եւ ազատ ցուցանել։

Verse: 15  Link to sept   Զհեբրայեցիսն որոց սպառնայր՝ ո́չ պատանաց եւ ո́չ թաղելոյ արժանի առնել, այլ կանամբք եւ մանկտւով ՛ի հաւակերի́ դնել գազանաբե́կս արարեալ, զն(ո)ս(ա) քաղաքակի́ցս իւր՝ հաւասա́րս աթենացւոց գրով մուրհակօք կացուցանել։

Verse: 16  Link to sept   Եւ զտաճարն ս(ուր)բ՝ զոր յառաջ սպառնայր կապո́ւտ թողուլ, գեղեցի́կ պատարագօք զարդարեցից։ եւ զզարդ եւ զսպաս տաճարին որ յառաջ անտի տարեալ իցէ, բազմապատի́կ անդրէն դարձուցանել։ եւ զկարգս մտից պիտոյ պատարագաց յարքունո́ւստ լնուլ։

Verse: 17  Link to sept   Եւ ՛ի վ(ե)ր(այ) այսր ա(մենայ)նի հեբրայեցի́ եւս լինել. եւ յա(մենայ)ն մարդաշէն տեղիս հասանել պատմե́լ զզօրութի(ւն) մեծութե(ան)ցն ա(ստուծո)յ։

Verse: 18  Link to sept   Իբրեւ ո́չինչ էր հնա́ր ցաւոցն դադարել, զի հասեա́լ էր ՛ի վ(ե)ր(այ) ն(ո)ր(ա) պատուհասն ՛ի տ(եառն)է արդա́ր դատաստանաւ. իբրեւ ակն ինչ ո́չ կալաւ այնուհետեւ ապրելոյ իւրոյ. հրովարտա́կս առնէր առ եբրայեցիսն մեծա́ւ խոնարհութ(եամ)բ՝ օրինակաւս այսուիկ։

Verse: 19  Link to sept   Առ քա́ղցր հեբրայեցիս. առ ընկերս եղբարս քաղաքակիցս, ողջո́յն յոյժ։

Verse: 20  Link to sept   Շնո́րհ յոյժ ունիմ վ(ա)ս(ն) ձեր յա(ստուծո)յ։

Verse: 21  Link to sept   եւ ես ՛ի տկարու(թ)ե(ան) իմում յանհնարին հիւանդութե(ան) մեծա́ւ գթով յիշեցի զձեզ։ դարձեա́լ եմ ես ՛ի կողմանց պարսից, եւ անկա́յ ՛ի հիւանդու(թ)ի(ւն) դժուարին. եւ այսպէս լա́ւ համարեցայ ՛ի մտի իմում վ(ա)ս(ն) օգտի հասարակաց եւ շինու(թ)ե(ան)։

Verse: 22  Link to sept   եւ իմ՝ ո́չ եթէ յո́յս ինչ հատեալ է վ(ա)ս(ն) կենաց, այլ ա́կն ունիմ ապրել ՛ի դժուարին հիւանդութ(են)է աստի։

Verse: 23  Link to sept   Բայց եւ յա́յն վայր հայեցայ, եթէ հայրն ՛ի ժամանակի յորում վերակողմն կողման չուեալ գնացեալ երթայր՝ ցո́յց նա զփոխանակն իւր.

Verse: 24  Link to sept   զի եթէ որ ինչ անցք անցցեն ընդ նա, կամ համբաւ ինչ դժուարին եկեսցէ՝ գիտիցե́ն ում պահեալ կայ՝ եւ յա́նձն է տեղին, եւ մի́ խռովեսցին։

Verse: 25  Link to sept   Եւ թո́ղ զայս՝ հայեցայ ես շուրջ զմեւք ՛ի մերձաւորս արքայութե(ան) մերոյ, եւ որ շուրջ զմեւք՝ ընդ ակամբ հայէին ՛ի մեզ. յա́յտ արարի ես զորդի իմ զանտիոքոս ՛ի տեղի իմ թագաւորութե(ան). զոր բազում անգամ արդեւք իբրեւ չո́ւ արարեալ իմ գնայի, ՛ի վերին կողմանս երթանայի. բազմա́ց ումեք ՛ի ձէնջ յանձն արարեալ՝ եւ ՛ի ձեռն եդեա́լ երթայի։ այլ ես՝ եւ առ ն(ո)ս(ա) գրեցի պատճէնիւդ այդուիկ, զոր առ ձեզդ ՛ի ներքոյ գրեցի։

Verse: 26  Link to sept   Արդ աղաչե́մ զձեզ՝ յիշե́լ ձեզ զերախտիսն զառհասարակ բարեացն. եւ սէր օգուտ առ իւրաքանչիւր՝ պահել ընդ իս զհաւանութի(ւն) միաբանու(թ)ե(ան)՝ եւ առ որդիդ իմ.

Verse: 27  Link to sept   զի զայս ինչ հաստատեա́լ հաւատացեալ գիտեմ, թէ քաղցրագոյն մարդասիրագոյն եւս յանկիցէ́ ՛ի ձեզ՝ զիմոց բարուց զկնի́ հայեցեալ։

Verse: 28  Link to sept   Եւ մարդախոշո́շն՝ անօրէն հայհոյիչն, զա́յս օրինակ անկեալ կործանեալ սատակամա́հ լինէր, յօտար լերինս չարաչար տանջանօք զոր ը(նդ) այլս անցոյց՝ կարճէր ՛ի կենաց անտի։

Verse: 29  Link to sept   Իսկ փիլիպպոս դայեկորդի իւր որ առեալ տանէր զմարմին նորա՝ երկեա́ւ յորդւոյ անտի. առ պտղոմէո́ս յերկիրն եգիպտացւոց հատուածով փախստեա́յ լինէր։



Chapter: 10 
ԳԼ(ՈՒԽ) Ժ՜.


Verse: 1  Link to sept   Մակաբէոս եւ որ ընդ նմա էին յօգնականութ(են)է տ(եառ)ն զօրացեալ, գերեդա́րձ առնէին քաղաքին եւ տաճարին։

Verse: 2  Link to sept   Եւ զբագինսն որ ՛ի մէջ քաղաքին էին, որ յայլազգեացն արարեալ էր, եւ զտեղիս պաշտամանց քակէին.

Verse: 3  Link to sept   եւ զտաճարն սրբէին, եւ ա́յլ սեղան շինէին սրբեալ զվէմսն հրով։ եւ դարձեալ ՛ի նոցունց հուր առնուին, եւ մատուցանէին զողջակէզսն պատարագաց՝ յետ երկեամ ժամանակի. ճրագունս եւ խունկս, եւ զդնել զնուէրս հանապազո́րդս յաճախա́ց հացին։

Verse: 4  Link to sept   Եւ զայս իբրեւ արարին, անկեա́լ տարածեա́լ ՛ի վ(ե)ր(այ) երեսաց իւրեանց զտ(է)ր աղաչէին՝ զի այլ մի́ կրկնեսցին ՛ի վ(ե)ր(այ) ն(ո)ց(ա) նոյն չարիք։ այլ թէպէտ եւ երբէք յանցաիցեն ինչ՝ ՛ի ձեռն ի́ւր հեզու(թեամ)բ խրատել, եւ մի́ ՛ի ձեռն հայհոյիչ խուժադուժ հեթանոսաց մատնե́լ զմեզ։

Verse: 5  Link to sept   Արդ յորում աւուր տաճարն ՛ի ձեռս հեթանոսաց պղծեցաւ՝ դէ́պ եղեւ ՛ի նմին աւուր ՛ի նոյն ժամանակի զսրբութի(ւն)ն անդրէն նորոգել, ՛ի քսաներորդի հինգերորդի ամսոյն որ անուանեալ կոչի քասղեւ՝

Verse: 6  Link to sept   ցնծութ(եամ)բ եւ ուրախու(թեամ)բ առնել զտօն աւուրցն զութ օր, ըստ բանի աւուրցն տաղաւարահարաց։ Զի յո́ւշ լիցի ն(ո)ց(ա)՝ ո(ր)պ(էս) յառաջ զտօնս տաղաւարահարացն ՛ի լերինս պաշտէին՝ յայրս եւ ՛ի քարածերպս, զօրէն երէոց խոտաճարակ շրջել։

Verse: 7  Link to sept   վ(ա)ս(ն) այսորիկ ոստս առեալ գեղեցիկս ՛ի թա́ւ ծառոց, եւ ոստս արմաւու՝ ա́յնմիկ որ աջողեաց ն(ո)ց(ա) սրբել զիւր տեղին։

Verse: 8  Link to sept   Հրամա́ն տուաք ածել զաւուրս զայս ՛ի տօն տարեկանաց բարեկենդանու(թ)ե(ան) ցնծութ(եամ)բ եւ ուրախութ(եամ)բ՝ ՛ի հասարակաց համարուէ ազգին եբրայեցւոց՝ ածե́լ զայս տօն տարեկանաց ՛ի կարգի աւուրց իւրոց։

Verse: 9  Link to sept   Այլ վ(ա)ս(ն) անտիոքայ երեւեալն անուանելոյ մահուանն՝ ա́յսչափ բանք։

Verse: 10  Link to sept   բայց վ(ա)ս(ն) հօրամոյն անտիոքայ անօրէն զաւակի, ցուցցո́ւք համառօտ որինչ անցք ընդ քաղաքսն անցանէին։

Verse: 11  Link to sept   Իբրեւ ա́ռ թա́գ անտիոքոս, կացոյց ՛ի վերայ իրացն արքունի կողմանցն ստորին ասորւոց եւ տաճկաստանի զլիւսիաս,

Verse: 12  Link to sept   եւ զպտղոմէոս՝ որում բարձրա́նձնն ասէին։ զիրաւունս հաստատո́ւն պահէր առ եբրայեցիս, վասն ուխտիցն եդելոց՝ եւ իրաւանցն զրկելոց՝ ջանայր խաղաղու(թեամ)բ անցանել։

Verse: 13  Link to sept   Վ(ա)ս(ն) այսորիկ ամբաստան լինէին զնմանէ ընկերքն իւր առ անտիոքոս. եւ մատնի́չ կոչէին զնա յայն սակս, զի կողմանքն կիպրացւոց ՛ի ձե́ռն էին ն(ո)ր(ա) ՛ի փիղովմիտովրայ հրամանէ. թո́ղ զնա եւ եկն առ անտիոքոս. նա իբրեւ ո́չ համբերէր նախատանացն, գե́ղս ա́ռ անձամբ իւրով եւ մեռաւ։

Verse: 14  Link to sept   Գորգիաս զօրավար վայրացն զօրաժողո́վ լինէր եդովմայեցւովքն հանդերձ, հասանե́լ հարկանե́լ խուզե́լ զամուր ամուր կողմանսն։

Verse: 15  Link to sept   ընդելանէին ընդելուզանէին փախուցանել զնոսա յե(րուսաղէ)մէ, գո́ւնդ գործեին, մարտի́ պատրաստէին։

Verse: 16  Link to sept   Իսկ որ զմակաբէացւովքն էին՝ խնդրուածս առ ա(ստուա)ծ առնէին, օգնական ՛ի ձեռն կոչէին. զի ինքեա́նք կանխեսցեն հարկանել զամուրսն եդովմայեցւոց։

Verse: 17  Link to sept   Իբրեւ եկին հասին պատեցին, խո́ւմբ արարին, առհասարա́կ ՛ի վ(ե)ր(այ) յարձակեցան, զամուրսն փլուցին, հարին կոտորեցին, զոր ՛ի ձե́ռն առին առհասարակ սատակեցին։

Verse: 18  Link to sept   Էին ոմանք որ փախստեա́յ գնացին, եւ եկին ամրացան ՛ի բերդս երկուս ամուրս։ եւ նոքա ընդ իւրեանս ունէին զա(մենայ)ն կահ մենքենայից, շուրջ պա́հ եդին, եւ զմենքենայսն առ պարիսպսն կանգնեցին։

Verse: 19  Link to sept   Եւ մակաբէոս եթող ՛ի վերայ բերդին զշիմոն, եւ զյովսէպ, եւ զզաքէ, եւ որ ընդ ն(ո)ս(ա) զօրք էին՝ վասն բերդիցն պաշարման. եւ ինքն գնաց։

Verse: 20  Link to sept   Իսկ շիմոնեանք որ զբերդաւն նստէին՝ ՛ի պատգամս անկանէին, կաշառագնաց լինէին. առնուին յամրականաց անտի եւթն բեւր սատեր կրկին արծաթոյ, եւ թո́յլ տային ն(ո)ց(ա) ելանել սփռել յամրոցաց անտի։

Verse: 21  Link to sept   Իբրեւ ա́զդ եղեւ մակաբեայ վ(ա)ս(ն) իրացն որ եղեն, ժողովէր զիշխանսն ա(մենայ)ն, ամբաստա́ն լինէր, յա́յտ առնէր՝ զի արծաթոյ վաճառեցին զեղբարսն, եւ արձակեցին զթշնամիսն։

Verse: 22  Link to sept   Զայնոսիկ որ ա́յնպէս մա́տն եղեն օրինացն, ածին սատակեցին զնոսա. եւ ինքեանք ՛ի բե́րդն արշաւեցին.

Verse: 23  Link to sept   հասին պատեցին պաշարեցին, զի յաջողումն ՛ի ձեռն ն(ո)ր(ա) լինէր. եւ յայնմ կոտորեցին աւելի քան քսանհազար։

Verse: 24  Link to sept   Եւ տիմոթէոս որ յառաջ ՛ի պարտու(թ)ի(ւն) մատնեցաւ ՛ի ձեռաց հեբրայեցւոցն, դարձեալ զուարթանայր, դարձեալ զօրաժողով լինէր յօտարակողմն կուսաց. բազում զայրուձի զասիացւոցն կուտեալ, ՛ի մտի́ եդեալ՝ գա́յր ՛ի տէգս նիզակաց վարե́լ ՛ի գերու(թ)ի(ւն) զերկիրն հրէաստանի։

Verse: 25  Link to sept   Իսկ որ զմակաբայեցւովքն էին՝ ը(նդ) մերձենա́լ ն(ո)ց(ա) ՛ի խնդրուածս պնդէին առ ա(ստուա)ծ. հող ՛ի գլո́ւխ քրձազգած լինէին.

Verse: 26  Link to sept   առաջի սեղանոյն անկեալ զաշտիճանօքն թաւալէին. խնդրէին յայսմ հետէ հա́շտ լինել ընդ ն(ո)ս(ա), վանե́լ զթշնամիս ն(ո)ց(ա). հակառա́կ կալ ընդ հակառակորդս ն(ո)ց(ա). եւ զա(մենայ)ն աղօթս ո(ր)պ(էս) օրէնքն հրամայէին՝ աղաչէին։

Verse: 27  Link to sept   Իբրեւ զաղօթսն կատարեցին՝ առհասարակ ՛ի զէ́ն դարձան, վառեցան կազմեցան պատրաստեցան, հարո́ւստ մի ըստ քաղաքն արտաքս ելին. իբրեւ մերձ եղեն ՛ի գունդն թշնամեաց, կարգեցան կազմեցան օրինօ́ք ճակատեցան։

Verse: 28  Link to sept   Ա́յն ինչ վարդագո́յն ծայրակարմիր արեգակն ը(նդ) երկիր ծաւալել կամէր, եւ նոքա կողմանքն երկոքին ընդ միմեանս խառնէին. կիսոցն՝ օր բարենշան՝ զուարթու(թեամ)բ պատրաստեալ, զյաղթութի(ւն) զուարճացեալ մատուցանէր. զի փառքն զօրութե(ան)ց յերկնից օգնականու(թ)ե(ան) տ(եառ)ն իւրեանց լուսով իջեալ շուրջանակի պատեա́լ հաստատեալ պահէին։ կիսոցն սրտմտութի(ւն) բարկու(թ)ե(ան) ը(ս)տ հպարտութե(ան) զօրավարացն ածեալ պնդեա́լ շտա́պ տագնապի ՛ի տեղին հասուցանէին։

Verse: 29  Link to sept   Այն ինչ լինէր ն(ո)ր(ա) զանաչա́ռ զանողորմ ձեռն պատերազմի ՛ի գո́րծ արկանել. եւ երեւեցան յերկնից արք հինգ հեծեալ սպառազէն վառեալ ՛ի զէ́ն ոսկի՝ եւ ՛ի զարդ ոսկի, որ եկին իջին առ գնդաւն թշնամեացն. գային խառնէին ՛ի գունդ եբրայեցւոց։

Verse: 30  Link to sept   Որք ՛ի մէջ առեալ զյուդա մակաբէ, յառա́ջ խաղային իւրեանց զինուքն ծածուկ վառեալ, առաւել յառաջ տանէին քան իւրով զինուն. զի յա(մենայ)ն կողմանց նետք եւ տէգք որ գային ՛ի վ(ե)ր(այ)՝ առհասարակ ՛ի բա́ց թօթափէին. եւ ինքեանք իւրեանց նետիւք լի բարկու(թեամ)բ զաչս թշնամեացն՝ բուռն դէ́պ կալեալ առհասարակ ՛ի կուրու(թ)ի(ւն) դարձուցանէին. եւ խռովեալ զօրքն թշնամեացն ը(նդ) միմեանս խառնէին։

Verse: 31  Link to sept   Յա́յնժամ յա́յնմ աւուր անկեալ գտանէր ՛ի գնդէ անտի թշնամեացն առաջի ն(ո)ց(ա) քսան հազար եւ հինգ հարիւր սպառազէն։

Verse: 32  Link to sept   եւ ինքն տիմոթէոս պրծեալ ընդ ամբոխն ՛ի փախուստ դառնայր. եկն անկաւ ՛ի գազարա քաղաք մի ամուր, ուր ինքնին քերէաս զօրագլուխ էր։

Verse: 33  Link to sept   Եւ մակաբէ զօրօքն եկն փակեաց պաշարեաց զամուրն ՛ի չո́րս աւուրս։

Verse: 34  Link to sept   Իսկ այն որ ՛ի ներքս անդ էին, յամրու(թ)ի(ւն) քաղաքին յուսացեալ էին, ա́յպն կատա́կ լինէին եբրայեցւոցն. եւ բանս կոկծելիս թշնամանաց առ իւրեանց չարի ՛ի նոսա́ արձակէին։

Verse: 35  Link to sept   Իբրեւ օրն հինգօրեայ շաբաթուց լուսանա́լ կամէր, արք ընտիրք քսան ՛ի գնդէ անտի եբրայեցւոցն՝ մակաբէիւ հանդերձ՝ լի́ նախանձու բարկու(թեամ)բ զէ́նս առեալ ընդ դուռն քաղաքին ՛ի ներքս յարձակեցան քաջութ(եամ)բ գազանաբար։ զորս առդրանն գտին առ ո́տս իւրեանց կոտորեցին։

Verse: 36  Link to sept   եւ զօրքն առհասարակ շուրջ զպարսպօքն յարձակեցան. եւ զայն աղմուկ եւ զաղաղակ ՛ի վ(ե)ր(այ) քաղաքին հասուցանէին, զի որ զօրք պարսպապահ ՛ի վե́ր անդ կային, որ ՛ի ներքս՝ որ արտաքս՝ քան զտեղ քան զտարափ թանձր եւ արագ վերուստ ՛ի վայր թօթափէին. եւ ինքեանք առհասարակ ՛ի ներքս անկանէին. զաշտարակս բերդին եւ զա(մենայ)ն փայտակերտ քաղաքին հրձի́գ առնէին. զդրունսն այրէին եւ զմենքենայսն. եւ զա(մենայ)ն երեւելի եւ երեւելի́ գործի՝ ՛ի բա́ց ապականէին։ Ապա խարոյկս ՛ի մէջ քաղաքին արկանէին, եւ զհայհոյիչ թշնամանօղսն ՛ի նմա այրէին։

Verse: 37  Link to sept   եւ զա(մենայ)ն զինչս եւ զստացուածս եւ զօրէնս եւ զկարգս քաղաքին, զայն ՛ի ձեռն առնուին. մինչեւ զտիմոթէոս եկին գտին փախուցեալ թաքուցեալ ՛ի գբի միոջ. զնա եւ զքերէոս եղբայր նորա, եւ զապողոփանէս ՛ի նո́յն գուբ փողոտեցին։

Verse: 38  Link to sept   Զայս ամենայն իբրեւ գործեցին կազմեցին՝ օրհնութ(եամ)բ ցնծութ(եամ)բ գոհութ(եամ)բ ուրախութ(եամ)բ օրհնէին զտ(է)ր, որ մեծաւ քաջութ(եամ)բ քաջ անուամբ զյաղթու(թ)ի(ւն) պատրաստեաց ՛ի ձեռն իսրայէլի։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Յետ սակա́ւ ժամանակաց հազարապետն արքայի լիւսիաս իբրեւ լուաւ, մեծա́ւ բարկու(թեամ)բ՝ լի́ նախանձու ծանրացեալ տրտմէր ՛ի վերայ գործոցն եղելոց։

Verse: 2  Link to sept   Զօրաժողով լինէր, կուտէր ութսուն հազար. եւ զա(մենայ)ն զօրսն հեծելազօր՝ ո́ւթ բիւրուն հանդերձ ընդ ի́ւր առնոյր. ընդ իւր առեալ խաղայր ՛ի վ(ե)ր(այ) եբրայեցւոցն, ՛ի մտի́ եդեալ զքաղաքն գլխաւոր բնակութի(ւն) առնել հեթանոսաց։

Verse: 3  Link to sept   եւ զտաճարն սրբու(թ)ե(ան) դրամաժողով ՛ի վարձո́ւ կացուցանել իբրեւ զայլ մեհեանս. եւ զքահանայապետութի(ւն)ն ինքնին վարձկան գանձուն կացուցանել ամ յամէ։

Verse: 4  Link to sept   Զմտաւ ինչ ո́չ ածէր զզօրութի(ւն)ն ա(ստուծո)յ՝ հպարտացեալ մտօք ՛ի բեւրս բիւրուց զհետեւակն եւ զհեծելազօրն, եւ զփիղսն աղխաղխեալ տանէր։

Verse: 5  Link to sept   Այլ իբրեւ ՛ի հրէաստան մխեցաւ, եւ մե́րձ եղեւ յամուրսն բեթսովրայ որ մերձ է յ(երուսաղ)էմ իբրեւ ասպարիսօք հինգ, պատէ́ր բիւրուքն, եւ ՛ի նե́ղ մեծ զամուրն հասուցանէր։

Verse: 6  Link to sept   Իբրեւ ա́զդ եղեւ մակաբէացւոցն պաշարումն ամրոյն իւրեանց, ողբո́վք եւ արտասուօք անկեալ ժողովրդովքն հանդերձ աղաչէին զա(ստուա)ծ, հրեշտակ բարութե(ան) առաքել ՛ի փրկութի(ւն) ի(սրա)էլացւոց։

Verse: 7  Link to sept   Եւ ինքն մակաբէ նախ յառաջագոյն ՛ի զէն ընթանայր. եւ զօրացն հրամա́ն տայր վառել կազմել պատրաստել՝ աշխատութի(ւն) յանձն առնուլ, լինել օգնական եղբարցն որ ՛ի նեղութե(ա)ն էին։

Verse: 8  Link to sept   յայնմ ժամանակի՝ միաբան միահաւան վառեալ պատրաստեալ յառաջ մատչէին։ Ա́յն ինչ լինէր ն(ո)ց(ա) մերձ ՛ի կողմն քաղաքին ե(րուսաղէ)մացւոց հասանել. եկն է́ջ առաջի նոցա այր մի սպիտակաձի յոսկիազէն վառեալ, ճօճէր զնիզակն եւ պատրաստէր յարձակել։

Verse: 9  Link to sept   Եւ առհասարակ ամենեքին խրախո́յս բարձեալ օրհնէին զողորմածն ա(ստուա)ծ։ եւ ա́յնպէս քաջալերեալք եւ զօրացեալք էին, ՛ի մտի եդեալ յարձակեալ երթային. իբրեւ ո́չ եթէ մարդկան ՛ի դիմի́ հարկանելոց երթային, այլ թէ եւ գազանք ինչ՝ անհնարին պատահեսցեն, եւ կամ պարիսպք երկաթիք, հարկանել սատակել կործանել թա́փ անցանել,

Verse: 10  Link to sept   համարձա́կ յարձակէին. նիզակակից զերկնաւորն ողորմութ(եամ)բ իւրով յանձինս ընկալեալ։

Verse: 11  Link to sept   Եւ ա́յնպէս վարազախառն առիւծաբար յա́ր արձակեցան ՛ի վերայ գնդին թշնամեաց. եւ անդէն ՛ի նմին տեղւոջ հարին տապաստ արկին մետասան հազար զընտիր զօր, եւ հազար հեծեալ ՛ի վ(ե)ր(այ) հազարացն։

Verse: 12  Link to sept   եւ զա(մենայ)ն զօրսն ՛ի փախուստ դարձուցանէին. եւ բազումք ՛ի ն(ո)ց(ա)նէ խո́ց վիրաւորք՝ եւ ապիկար մերկանդա́մք փախստեայք ապրեցան։ Եւ ինքն լիւսիաս կորակոր փախուցեալ մազապո́ւր լինէր։

Verse: 13  Link to sept   իբր ո́չ եթէ անմիտ ինչ լինէր յանձն իւր վ(ա)ս(ն) իւրոյ վատթարութե(ա)ն։ ՛ի մտի́ եդեալ խօսէր անհնարինս առ յաղթութի(ւն) ասէր զեբրայեցիսն, հզօրին ա(ստուծո)յ օգնական լինել ն(ո)ց(ա). եւ առաքեաց զն(ո)ս(ա)։ Եւ յղեաց զկնի ն(ո)ց(ա) հաշտու(թ)ի(ւն) առնել ՛ի վ(ե)ր(այ) ա(մենայ)ն իրաւանցն։

Verse: 14  Link to sept   եւ թագւորն եւս յա́նձն առ. եւ զթագաւորին միտս հաճեաց, բարեկամ լինել ը(նդ) նմա։

Verse: 15  Link to sept   Յա́նձն առ յուդա զոր միանգամ լիւսին աղաչեաց զնա, վ(ա)ս(ն) օգտի ուխտի խորհրդոցն հասարակաց. եւ որչափ միանգամ մակաբէ նամակեաց լիւսիաս վ(ա)ս(ն) հրէիցն, թողացո́յց ն(ո)ց(ա) արքայն։

Verse: 16  Link to sept   Եւ էին առ հրէայս թուղթք գրեալ օրինակաւս այսուիկ. Լիւսիա́ս առ գունդն հրէից ողջոյն։

Verse: 17  Link to sept   յոհաննէս եւ աբեսաղոմ որ առ մեզ ՛ի ձէնջ առաքեցան, մատուցին մեզ իբրեւ ՛ի ձէնջ գիրն էր, եւ աղաչէին որ ինչ ՛ի նմա գրեալ էր։ եւ որչափ ինչ թողուլ արժան էր՝ թողի́.

Verse: 18  Link to sept   եւ որչափ ինչ ցուցանել էր թագաւորին՝ ցուցի. զի թո́յլ լիցի ձեզ վ(ա)ս(ն) ձերոց իրաց.

Verse: 19  Link to sept   ինչ որ գրեալ էր մեզ ը(նդ) ձեզ խնա́մ անկցի։ Եւ յայսմ հետէ առաւե́լ եւս ջանացայց լինել ձեզ պատճառք բարեաց։

Verse: 20  Link to sept   եւ որ յապա ինչ իցէ, պատուէր տուաք խօսել ը(նդ) ձեզ։

Verse: 21  Link to sept   եւ դուք ո́ղջ լիջիք։ Յամին հարիւրորդի քառասներորդի ութերորդի, յորմզդական տօնին, որ օր քսանեւչորք էին։

Verse: 22  Link to sept   Իսկ հրովարտակք արքունի գրեալ էր ա́յսպէս։ Արքայ անտիոքոս՝ առ եղբայր լիւսիաս՝ ողջո́յն։

Verse: 23  Link to sept   Հայրն մեր իբրեւ ՛ի դիցն պաշտօն փոխեցաւ, կամեցաք զի որ ընդ մերով թագաւորու(թեամ)բ իցեն՝ առանց խռովութե(ան) լիցին։

Verse: 24  Link to sept   Զո՞ այլ զոք առաւել քան զհրէայսդ. զի նախ նոքա́ ոչ հաճեցան զհօրն ՛ի հեթանոսութի(ւն) դառնալոյ. վ(ա)ս(ն) այսորիկ աղաչեցին թողութի(ւն) առնել զօրէնսն իւրեանց։

Verse: 25  Link to sept   Յա́նձն առաք եւ զայս ազգ առանց խռովու(թ)ե(ան) լինել. հրամա́ն տուաք՝ զտաճարն անդրէն նոցին դարձուցանել, եւ զն(ո)ս(ա) գրգել ը(ս)տ օրէնս նախնեաց իւրեանց։

Verse: 26  Link to sept   Արդ լա́ւ եւ բարւո́ք արասցես. առաքեսցե́ս դու առ ն(ո)ս(ա), ո́ւխտ արասցես, եւ դաշի́նս կռեսցես. զի գիտասցեն նոքա զմե́ր առ իւրեանս զխնամ կամաց, եւ խրախամիտ լիցին. մտադիւրագո́յն շրջիցին, օգնականութի(ւն) գտեալ զիւրեանցն օրինաց։

Verse: 27  Link to sept   Հրովարտակն արքունի օրինակաւս այսուիկ գրեալ էր. Արքա́յ անտիոքոս՝ առ ծերակոյտն հրէից, եւ առ զօրս եւ առ գունդս հրէից ընտանի́ ողջոյն։

Verse: 28  Link to sept   Ո́ղջ լիջիք. եւ եղիցի ա(մենայ)ն ո(ր)պ(էս) եւ մեք կամիմք. եւ մեք իսկ ո́ղջ եմք։

Verse: 29  Link to sept   Եցո́յց ա́յսպէս մեզ լիւսիաս, եթէ կամիցիք դուք իջանել առ հրէայսդ որ են յե(րուսաղէ)մ.

Verse: 30  Link to sept   ա́յն որ այժմիկ գնա́ւ ունիցին՝ մինչեւ յերեսունն ահեկանի ամսեան ձե́ռն տուեալ լիցի. դաշի́նս հաստատեալ

Verse: 31  Link to sept   թողու(թ)ե(ան) դիւրութե(ան) քաղցրու(թ)ե(ան)՝ ընդ հրէայսն, կա́լ դոցա յիւրեանց օրէնս եւ ՛ի կրօնս ո(ր)պ(էս) յառաջն, եւ մի́ ումեք նեղել զն(ո)ս(ա) մի́ով իւիք օրինակաւ։

Verse: 32  Link to sept   այլ մեք արձակեցաք զլիւսիաս, եւ զմենեղաւոս՝ մխիթարե́լ զձեզ. եւ դուք ո́ղջ լիջիք։

Verse: 33  Link to sept   Յամին հարիւրորդի քառասներորդի ութերորդի, յամսեանն ահեկանի, որ օր հնգետասա́ն էր։

Verse: 34  Link to sept   Առաքեցին եւ հռոմայեցիքն օրինակաւս այսուիկ. Կոյինդոս մեմիոս, տիտոս մանիոս՝ գլխաւորք հռոմայեցւոց, առ ժողովուրդդ հեբրայեցւոց ողջո́յն։

Verse: 35  Link to sept   Վ(ա)ս(ն) որոյ իրաց լիւսիաս եղբայր թագաւորին թողու(թ)ի(ւն) արար ձեզ, հաճեա́լ եմք եւ մեք։

Verse: 36  Link to sept   Այլ ինչ որ զինչ արժա́ն է ՛ի մէնջ մատուցանել արքայի ինչ՝ տո́ւք արագագոյն բերել խորհեցեալ իմաստութ(եամ)բ, զի դիցուք օրէնս մի ո(ր)պ(էս) արժա́ն իցէ օգտե́լ վ(ա)ս(ն) ձեր. զի մեք աւադիկ յառաջագոյն երթամք ՛ի քաղաքն անտիոքացւոց.

Verse: 37  Link to sept   վասն այսորիկ փութացարո́ւք, եւ յղեցէ́ք դուք զոք, զի եւ մեք գիտասցո́ւք յորպիսի խորհուրդս կայք դուք։

Verse: 38  Link to sept   ո́ղջ լիջիք։ Յամին հարիւրորդի քառասներորդի ութերորդի, յորմզդական տօնին եդան դաշինքս այս։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Լիւսիաս անց գնաց անդրէն առ թագաւորն. հրէայք՝ անդրէն զգործովք զարաւրով, զարդեամբք պատաղեցան։

Verse: 2  Link to sept   Որ զօրացն զօրավարքն էին՝ տիմոթէոս եւ ապողոնիոս քաջեան, եւ յերոնիմոս, եւ դիմոփոն, եւ ՛ի վ(ե)ր(այ) սոցա նիկանովր՝ ամենեւին ո́չ տային գլա́լ եւ դադարել նոցա։

Verse: 3  Link to sept   Այլ յոպպէացիքն այնչափ ինչ համարձակեցան անօրէնու(թ)ի(ւն) գործել. եկին բարեխօսք՝ ստիպէին որ շուրջ զնոքօք հրէայք էին՝ կանամբք եւ մանկտւով ածե́լ զն(ո)ս(ա) նաւուք՝

Verse: 4  Link to sept   առհասարա́կ քաղաքին միաբանու(թեամ)բ։ եւ ն(ո)ք(ա) յանձն առին իբրեւ թէ ՛ի խաղաղութի(ւն) միաբանու(թ)ե(ան) ածել զն(ո)ս(ա). սոքա յանձն առին՝ իբր ո́չ ինչ կասկած կամ կարծիս ՛ի մտի ունել. ածին զն(ո)ս(ա)՝ ընկլուզին ՛ի ծով ոչինչ սակաւ քան զերկերիւր մարդ։

Verse: 5  Link to sept   Իբրեւ զգա́ստ եղեւ յուդա վ(ա)ս(ն) անօրէն խակու(թ)ե(ան) վնասին որ եղեւ, ե́տ պատուէր զօրացն որ զիւրեաւն էին, կարդալ առ արդար դատաւորն։

Verse: 6  Link to sept   Յա́յն վայր վաղվաղակի հասանէր ՛ի վ(ե)ր(այ) մահապարտացն, եւ գիշերայն զնաւահանգիստսն հրձի́գ արարին, եւ զնաւսն այրեցին, եւ որ ՛ի ն(ո)ս(ա) ապաստա́ն եղեն՝ անդէն խոցոտեցին։

Verse: 7  Link to sept   Եւ զամուրսն ՛ի պահ զգուշու(թ)ե(ան) փակեալ. դարձեալ ժամակալ լինէր ՛ի դարձին միւսանգամ առհասարակ սատակել զազգն յոպպայեցւոց։

Verse: 8  Link to sept   Եհա́ս նա եւ ՛ի վ(ե)ր(այ) յամնէացւոցն, իբրեւ զնոյն գործ կամէին գործել եւ ՛ի վ(ե)ր(այ) իւրեանց քաղաքակից հեբրայեցւոցն։

Verse: 9  Link to sept   Գիշերախառն հասանէր ՛ի վ(ե)ր(այ) յամնէացւոցն եւ զնաւահանգիստն նաւուքն հանդերձ հրձի́գ առնէր. մինչեւ ճառագայթք հրոյն յե(րուսաղէ)մ երեւէին. զի էր անտի անդր վտաւանք իբրեւ չորեքհարիւր ութսուն։

Verse: 10  Link to sept   Եւ անտի կարթեցին իբրեւ քսան վտաւանաւ ՛ի վ(ե)ր(այ) տիմոթէի, եւ անկանել կամեցան. ընդառա́ջ եղեն նմա տաճիկք իբրեւ հինգ հազար եւ հինգ հարիւր հեծեալ։

Verse: 11  Link to sept   եւ իբրեւ մարտն սաստկացաւ, գունդքն ՛ի միմեանս հասին, գունդն յուդայեան յուսացեալ յօգնականու(թ)ի(ւն) տ(եառ)ն զբարէնշան նշա́ն յաղթութե(ան) առաջի աչաց տեսանէին։ Իբրեւ ՛ի պարտութի(ւն) մատնեցան արօտականքն, առաջի́ կացին գնդին յուդայեան, եւ հնազանդեալ առաջի անկեալ դաշինս հաստատել խնդրէին. եւ խոստացան եւս խաշինս տալ ն(ո)ց(ա). եւ ՛ի բազում պէտս պէտս օգտակա́ր լինել ն(ո)ց(ա)։

Verse: 12  Link to sept   Խորհեցաւ յուդա եթէ շա́տ ինչ իրք են յորում օգո́ւտ են նոքա ն(ո)ց(ա). յա́նձն առ, ներեաց եւ արար ընդ ն(ո)ս(ա) խաղաղու(թ)ի(ւն)։ նոքա իբրեւ դաշինս հաստատեցին, յիւրաքանչիւր բանակս սփռեցան։

Verse: 13  Link to sept   Սոքա ասպատա́կ եդին ՛ի կողմն մի, զքաղաք մի ամրացեալ պարսպօք, լցեալ պէսպէս խառնիճաղանճ ազգաւն բնակեցեալ զօրօք՝ դէկասպ անուն. եւ զայն պատեալ պաշարեալ պահէին։

Verse: 14  Link to sept   Իսկ որ ՛ի ներքս անդ էին՝ ՛ի պարսպացն ամրու(թ)ի(ւն) յուսացեալէին, եւ ՛ի համբարոցն բազմութի(ւն) հայէին. հպարտագոյնս արհամարհանօք ը(նդ) յուդա եւ ընդ զօրսն հայէին. եւ բանի́ւք եւս նախատանաց կսկծելեօք հայհոյէին զն(ո)ս(ա), եւ խօսէին զա́յն ինչ զոր ո́չ էր արժան։

Verse: 15  Link to sept   Իսկ նոքա զամենազօրն զմեծն՝ զհզօրն երկնից եւ երկրի օգնակա́ն կոչէին. որ առանց հոյոց մանգղոնից մենքենայից զերեքովն կործանեաց ՛ի ժամանակս յեսուայ որդւոյ նաւեայ։ խո́ւմբ արարին, առհասարակ ՛ի վերայ պարսպացն գազանաբար յարձակեցան,

Verse: 16  Link to sept   հասին առին զամրացեալ քաղաքն կամօքն ա(ստուծո)յ. եւ անդ ՛ի նմա բազո́ւմ կոտորածս զօրացն գործեցին. մինչեւ ծովակն որ զնովաւ շուրջ էր, զի էր ինքն որչափ քան զերկուս վտաւանս՝ խառնեա́լ արեամբ երեւէր։

Verse: 17  Link to sept   Եւ անտի պարզեցան մեկնեցան ՛ի կողմն քարայի, իբրեւ վտաւանօք հինգհարիւր եւ յիսուն, առ անուանեալ տուբէական հրէայսն մերձանային։

Verse: 18  Link to sept   Եւ անդ գտանէին զտիմոթէոս՝ ո́չ ինչ գործ ՛ի ձեռս յաջողեալ, լուծեալ լքեալ ՛ի զօրութ(են)է իւրմէ. սակայն թողեալ էր պահապանս զօրս ՛ի տեղւոջ միոջ ուժգին ամրացեալ։

Verse: 19  Link to sept   Ապա՝ դովսիթէոս եւ սոսիպատրոս արք հզօ́րք զօրավարք ՛ի մակաբայեցւոց գնդէ անտի, իբրեւ արտաքս ը(ս)տ զօրեսն ելեալ շրջէին գնդաւն իւրեանց, եկին դիպեցա́ն ամրոյն այնմի́կ, հարի́ն սպանին կոտորեցին ՛ի նմա իբրեւ աւելի́ քան զտասնհազար այր։

Verse: 20  Link to sept   Իսկ մակաբէոս զզօրն ա(մենայ)ն ՛ի գունդս գունդս բաժանէր. եւ ինքն իւրով գնդաւն ՛ի վ(ե)ր(այ) տիմոթէոսի հասանէր։ եւ զնովաւ էին զօրք վահան ՛ի ձեռին երկոտասան բեւր, եւ հեծեալք իբրեւ երկուհազար եւ հինգ հարիւր։

Verse: 21  Link to sept   Տիմոթէոս իբրեւ զգայր զարշաւանն մակաբէացւոց ՛ի վ(ե)ր(այ) ն(ո)ր(ա), արձակեաց վաղվաղակի զկահ եւ զգանձ, եւ զկին եւ զմանուկ զօրացն որ ընդ իւրն էին, յամուր անդր կառնացւոց յուղարկէր. եւ ինքն ամուրն անհնարին էր առ պաշարել վ(ա)ս(ն) դժուարամատոյց նեղու(թ)ե(ան) ամրու(թ)ե(ան) վայրացն։

Verse: 22  Link to sept   Այլ իբրեւ երեւեցաւ գունդն յուդայեան, յառաջ զեռեալ սկսան զօրքն թշնամւոյն. զի ա́հ ամենակալին ՛ի վերայ անկեալ, սրտաթափս անդէն եւ ա́նդ մրըրկեալ ը(նդ) միմեանս պողէր պղտորէր. եւ առհասարակ ընդ ա(մենայ)ն կողմանս ՛ի փախո́ւստ դարձուցանէր։ եւ այնք բազո́ւմ էին՝ որ առ ահին յիմարու(թ)ե(ան) ընդ իւրեանց զէնս ելանէին։

Verse: 23  Link to sept   Իսկ գունդն յուդայեան սաստկագոյն հալածանօք բուռն ՛ի վ(ե)ր(այ) եդեալ զփախստեայսն տանէր, խառն խոցել խառն հարկանել. ՛ի նմին տեղւոջ տապաստ արկանէին իբրեւ երիս բեւրս ա́յր պատերազմի ՛ի մարտիկ զօրէ անտի։

Verse: 24  Link to sept   եւ ինքն տիմոթէոս դիպէր առաջի գնդին դովսիթեան եւ սոսիպատրեայ։ Արդ ՛ի ձեռն անկեալ ն(ո)ց(ա)՝ աղաչէ́ր զն(ո)ս(ա) մեծաւ դիւրութ(եամ)բ թողո́ւլ զնա կենդանի. զի ասէր, բայ՝ բազմաց ՛ի ձէնջ են ընտանիք առ մեզ եւ եղբարք. զամենեսին զն(ո)ս(ա) ո́ղջս բովանդակս փոխանակ միոյ գլխոյս իմոյ ՛ի ձե́զ արձակեցից։

Verse: 25  Link to sept   եւ այնու բանիւք հաստատեալ, փոխանակ իւր զբազումս արձակելոյն. թո́յլ ետուն նմա վ(ա)ս(ն) եղբարցն փրկու(թ)ե(ան)։

Verse: 26  Link to sept   Նա իբրեւ ե́լ անկաւ յամուր անդր, կշիռ ՛ի բնի ՛ի շռընչանան վերայ, ած կոտորեաց յայնցանէ զոր խոստացաւն արձակել աւելի́ քան զերկուս բեւրս մարդկան։

Verse: 27  Link to sept   Նոքա նոյն հետա́յն արշաւեցին ՛ի քաղաք մի ամուր եփրոն անուն. յորում էր բնակեալ ինքնին լիւսիաս։ եւ հռովսաղեցին բազումք արտաքոյ պարսպացն ապաստան յամուրն եւ ՛ի հանդերձս մենքենայից նետիցն եւ ՛ի զինո́ւն պատրաստու(թ)ի(ւն) հաստատեալ կային, մտադիւրագոյնս ներքուստ արտաքս մարտնչէին։

Verse: 28  Link to sept   Իսկ սոքա զամենակա́լ հզօրն յօգնականութի(ւն) կոչէին, որ կարօղ է խորտակել զպատերազմողաց զօրութի(ւն). վաղվաղակի զքաղաքն ամրու(թեամ)բն հանդերձ ՛ի ձե́ռն առնուին. ա́նդ ՛ի ներքս հարկանէին կոտորէին տապաստ արկանէին՝ իբրեւ երկուս բեւրս եւ հինգհազար այր։

Verse: 29  Link to sept   Անտի՝ ասպատակ դնէին ՛ի քաղաք մի սկիւթացւոց՝ որ ՛ի բացեայ էր յե(րուսաղէ)մէ իբրեւ վեց հարիւր վտաւանաւ. որք գանձինս իւրեանց երախտաւորս համարէին առ ազգն հրէից։

Verse: 30  Link to sept   Եւ ինքեանք եւս հրէայքն որ ՛ի ներքս բնակեալ էին՝ վկայութի(ւն) տային երախտեացն որ ն(ո)ց(ա) ՛ի քաղաքացեացն գտեալ էր ՛ի ժամանակի նեղութե(ան) իւրեանց։

Verse: 31  Link to sept   Նոքա իբրեւ խաղաղութե(ան) պատահար ՛ի մակաբայեցւոց գնդէ անտի աջողեցաւ, ձայն բարձեալ ՛ի գունդ անդր. յայսմ հետէ յառաջ առաւել եւս յազգս ն(ո)ց(ա) հնազանդու(թ)ի(ւն) պահելոյ։ Սոքա զանցին զնոքօք փութացեալ ՛ի քաղաքն ե(րուսաղէ)մացւոց. զի տօնք եւթներորդ շաբաթակրօնիցն մե́րձ ՛ի վ(ե)ր(այ) հասեալ կային։

Verse: 32  Link to sept   Այլ իբրեւ կատարեցաւ տօն պենտակոստէիցն. դիմեցին նոքա ՛ի վերայ գորգեայ, որ կողմնապա́հ կայր կողմանցն եդովմայեցւոց։

Verse: 33  Link to sept   նա՝ ել ընդ առաջ ն(ո)ց(ա) երիւք բիւրուք վահանաւոր զօրու, եւ չորիւք հազարօք հեծելազօր գնդաւ։

Verse: 34  Link to sept   Իբրեւ յայսկոյս յայնկոյս միմեանց ընդդէ́մ ճակատեցան. դէ́պ եղեւ սակաւուց յեբրայեցւոց գնդէ անտի անկանել ՛ի մէջ երկուց ճակատուցն։

Verse: 35  Link to sept   Դովսիթէոս ոմն անուն ՛ի տովբեկենացւոց գնդէ անտի, ա́յր հզօր սպառազէն պատերազմօղ, յարձակեալ գայր ՛ի վ(ե)ր(այ) գորգեայ. եւ այն ինչ կամէր զանօրէնն ձերբակալ կալեալ կապեալ առաջի մակաբէացւոց գնդին պատարա́գ մատուցանել։ եւ անտի վառեալ մի ՛ի թրակայ գնդէ անտի զուս հարկանէր, ՛ի վայր քարշէր. եւ զգորգին ՛ի ձեռաց ն(ո)ր(ա) թափէր, մազապուր ճողոպրեալ յամուրն միմարէն փախստեա́յ անկանէր։

Verse: 36  Link to sept   Այլ եզրայ ն(ո)ց(ա) իբրեւ երկայնագոյն լինէր ն(ո)ց(ա) մարտ պատերազմի, եւ բազում կոտորածք ՛ի միջի լինէին։ Յայնմ ժամանակի գունդն մակաբայեցւոց զամենազօրն զամենակալն ա(ստուա)ծ յօգնականութի(ւն) կոչէին, երեւե́լ առաջնորդել պատերազմին։

Verse: 37  Link to sept   եւ ա́յնպէս խրախոյս բարձեալ իւրեանց բարբառովն, ձեռն ՛ի գործ առնէին. եւ ՛ի նմին ժամանակի զգորգի հանդերձ զօրօքն ՛ի փախո́ւստ դարձուցանէին։

Verse: 38  Link to sept   Եւ յուդա զզօրսն առնոյր, ՛ի քաղաք մի սոդոմ անուն հասուցանէր. եւ իբրեւ շաբաթն մերձենայր՝ ըստ իւրեանց օրինացն սրբեալք եւ լուսացեալք զշաբաթն անցուցանէին։

Verse: 39  Link to sept   ՛Ի վաղիւ գային ը(նդ) կողմն հրէաստանի ամփոփել զմարմինս անկելոցն ՛ի պատերազմի. եւ տոհմային եղբարբք հանդերձ յիւրաքանչիւր շիրիմս առ հարսն իւրեանց ծածկիցեն։

Verse: 40  Link to sept   Եւ իբրեւ հասանէին ՛ի ճակատուն տեղի, գտանէին զիւրեանց եղբարց դիակունսն, եւ ՛ի ներքոյ հանդերձից ն(ո)ց(ա) յուռո́ւթ ուլունս, եւ բժըժանս յա(մենայ)ն կռոց, ուսընդանո́ւթ ունէին. ուստի մանաւանդ գարշէին օրէնքն, եւ զհեբրայեցիսն յայնպիսի գործոց ամենեւին ՛ի բա́ց մերժէին։ Ապա իբրեւ զա́յն գտին, ստուգեցին ՛ի միտս իւրեանց եթէ կոտորած ն(ո)ց(ա) յա́յնց պատճառաց լեալ իցէ։

Verse: 41  Link to sept   Ապա ամենեքին առհասարակ օրհնէին զարդար զդատաւորն զտ(է)ր, որ զգաղտնի ծածկեալսն ՛ի յայտնութի(ւն) դարձուցանէ։

Verse: 42  Link to sept   եւ անկեալ խնդրուածս առնէին, զեղեալ անցեալ զմեղսն զայն սրտի մտօք թողո́ւլ նոցա։ Քաջի́կ եւս յուդա մխիթարէր զզօրսն, եւ աղաչէր զգո́յշ լինել վ(ա)ս(ն) նորին մեղաց. զի ձերովք աչօք տեսէք ասէ՝ զպատուհասդ եղեալ վ(ա)ս(ն) մեղա́ցն եղելոց։

Verse: 43  Link to sept   Քաջութ(եամ)բ խորհրդովք չորս սատերս կրկին ժողովէր, եւ տայր տանել յե(րուսաղէ)մ, մատուցանել պատարագս վասն մեղացն։ կարի́ բարւոք իմաստութ(եամ)բ. զի վ(ա)ս(ն) յարու(թ)ե(ան) մեռելոց խորհէր առնել զոր առնէր։

Verse: 44  Link to sept   Զի եթէ յարութ՝(թ)ե(ան) ակն ո́չ ունէր, անկելոցն ՛ի պատերազմէն զո́ւր տարապարտուց լինէր վ(ա)ս(ն) մեռելոցն աղօթս մատուցանել։

Verse: 45  Link to sept   Այլ հայէր նա ուղիղ, ննջեցելոցն գեղեցիկ պահեալ զշնորհս պարգեւաց։

Verse: 46  Link to sept   արութ(եամ)բ քաջութ(եամ)բ վ(ա)ս(ն) մեռելոցն զմտա́ւ ածէր ա́յց լինել մեղացն թողութե(ան)։



Chapter: 13 
ԳԼ(ՈՒԽ) Ժ՜Գ.


Verse: 1  Link to sept   Յամին հարիւրորդի քառասներորդի իններորդի. դէ́պ եղեւ առ ժամանակօքն յուդայ, եկն անտիոքոս բազում զօրօք

Verse: 2  Link to sept   լիւսիաւ հանդերձ ՛ի հրէաստան՝ մետասա́ն բիւրու վահանաւոր զօրօք. հինգ հազար եւ երեքհարիւր հեծելազօր գնդաւ, եւ քսան եւ երկու փղօք. երեքհարիւր գերանդազէն կառօք։

Verse: 3  Link to sept   Անկեա́լ էր եւ շիմոն ՛ի ն(ո)ս(ա) ՛ի խե́լս կերպարանեալս՝ իբրեւ թէ բարեխօ́ս էր ՛ի խաղաղու(թ)ի(ւն) աշխարհին, բայց սրտի́ խորհրդով ցանկացեալ էր քահանայապետու(թ)ե(ան) աշխարհին։

Verse: 4  Link to sept   Իսկ արքայ՝ արքայից արքայ, յո́յժ յուզեաց զսրտմտութի(ւն) բարկու(թ)ե(ան) անտիոքայ ՛ի վ(ե)ր(այ) անօրէն շիմոնի. մանաւանդ լիւսի́ եւս ցուցանէր, թէ սա́ է պատճառք ա(մենայ)ն չարեաց որ լինին յաշխարհի անդ. հրամա́ն տայր ըստ օրինի ՛ի նմին տեղւոջ կալեալ կորուսանել։

Verse: 5  Link to sept   Եւ է́ր ՛ի տեղւոջ անդ աշտարակ մի յիսուն կանգուն շինեալ՝ մի́ մոխրով, գործած բոլորշի́ յա(մենայ)ն կողմանց.

Verse: 6  Link to sept   դուռն առ շեղ ՛ի ներքսակողմ ՛ի մոխիր անդ առ լեգ շինեալ, յա́յն արկանէր զվնասակար տաճարին. եւ կամ զպա́րտ այլոց մեծամեծ չարեաց ընկենուլ, հասարակ հաւանու(թեամ)բ շուրջ լինել մէն ձե́ռն մատուցեալ։

Verse: 7  Link to sept   այսպիսի օրհասաւ հրամայեցին զանօրէն շիմոն ՛ի միջո́յ ջնջել։

Verse: 8  Link to sept   զի մի́ հողոյ եւ մի́ պատանաց յիւրում բնակու(թ)ե(ան) աշխարհին արժանի լիցի։ Քանզի բազում չարիս էր ցուցեալ ն(ո)ր(ա) ՛ի սեղան անդր, ուր հուրն սրբութե(ան) կայր՝ եւ աճիւնն. վ(ա)ս(ն) ա́յնորիկ մոխրահեղձո́յց մահու զկատարած իւր վախճանէր։

Verse: 9  Link to sept   Անտիոքոս արքայ՝ առաւել վայրենացեալ խորհրդովք գայր՝ պատրաստեալ չարաչար տանջանս քան որ առ հարբն եղեն՝ հասուցանել ՛ի վերա́յ հեբրայեցւոց։

Verse: 10  Link to sept   Իբրեւ զա́յն զգայր յուդա, պատուէ́ր տայր ժողովրդոցն ցայգ եւ զցերեկ կարդալ առ տ(է)ր. զի ո(ր)պ(էս) ա́յլ երբէք, եւ արդ օգնական լիցի այնոցիկ,

Verse: 11  Link to sept   որ ՛ի հարցն օրինաց եւ ՛ի սրբոյ տաճարէն մերժե́լ կամին. եւ մի́ յա́նձն առցէ հեթանոսաց անօրինաց ՛ի ձե́ռս տալ։

Verse: 12  Link to sept   Իբրեւ ամենեքին առհասարակ միաբանու(թեամ)բ յա́յսմ ուխտի կային արտասուօք եւ պահովք, առաջի անկեալ թաւալէին անպակաս զերիս աւուրս, մխիթարեա́ց զն(ո)ս(ա) յուդա անձի́ն զգալ։

Verse: 13  Link to sept   Եւ ինքն առնոյր զծերակոյտ ժողովրդեանն առանձինն՝ ՛ի խորհուրդ մտանէր. պնդեսցուք ասէ զքաղաքսդ, մինչչե́ւ զօրաց թագաւորին ՛ի ներքս ՛ի հրէաստան մտեալ է։

Verse: 14  Link to sept   եւ մեք ելցուք քաջութ(եամ)բ կամօքն ա(ստուծո)յ, մահո́ւչափ մարտնչել ՛ի վերայ օրինացն, քաղաքին եւ տաճարին՝ աշխարհի́ եւ տէրութե(ան)։ Իբրեւ զա́յն ասէր՝ պնդէին վաղվաղակի ՛ի կողմն մովդիիմ քաղաքի զօրօքն հանդերձ։ բանա́կ հարկանէր.

Verse: 15  Link to sept   զնշան բաշխէր. յա́նձն առնէր ա(ստուծո)յ զանձն եւ զզօրսն, եւ զյաղթու(թ)ի(ւն) գնդին։ Եւ առնոյր զարիստիդէս ընտի́ր ընտիր երիտասարդ վառելովք. անկանէր գիշերի ընդ բանակս թագաւորին ՛ի ներքս զսրահակօքն, կոտորէր զգիշերապահ դռնապահսն իբրեւ չորս հազար այր. եւ զգլխաւոր փղացն փղապետաւն հանդերձ անդէն սպանանէր. եւ այնպէս զդռնապահսն տապաստ արկեալ այսրէ́ն դիմէր։

Verse: 16  Link to sept   Յա́յնմ ժամանակի զա(մենայ)ն բանակն խռովութ(եամ)բ եւ դողու(թեամ)բ լնո́յր։

Verse: 17  Link to sept   եւ ամենեքին լքեալք եւ լուծեալք եւ սպառեալք եւ տարակուսեալք՝ յա́յն առաւօտն հասանէին։

Verse: 18  Link to sept   Իսկ թագաւորն՝ վ(ա)ս(ն) յերկնի́ց օգնականու(թ)ե(ա)ն, այսպիսի ճաշակս քաջասրտութե(ան) քաջու(թ)ե(ան) զեբրայեցւոց գնդին առնոյր՝ խելօք, միւսանգամ փո́րձ փորձէր. ՛ի կորէ́ս ելանէր

Verse: 19  Link to sept   եւ ՛ի բեթսո́վր ասպատակեալ, պահ պատնէշ պաշարումն մատուցանէր։ սակայն եւ անդ յարձակեալ մարտուցեալ ՛ի պարտու(թ)ի(ւն) մատնէր։

Verse: 20  Link to sept   Զի որ ՛ի ներքս ա́նդ էին, ինքնին յուդա՝ նետ եւ զէն եւ համբարս ընդ աներեւո́յթ կողմանս ՛ի ներքս մատուցանէր։

Verse: 21  Link to sept   Ա́յսց խորհրդոց առ թշնամի անդր՝ ռոդոկ անուն ՛ի հրէից գնդէ անտի մա́տն եւ գուշա́կ լինէր։ քննեցաւ, խնդրեցաւ, գտաւ, պատժեցաւ, ՛ի սո́ւր սպառեցաւ։

Verse: 22  Link to sept   Իբրեւ ա́զդ զգուշութե(ան) եղեւ ամրականա́ցն բռնու(թ)ի(ւն) թագաւորին. սկսա́ւ՝ թողեալ զզօրութի(ւն)ն, նենգա́ւ ջանալ ընդ ամրականսն. դաշի́նս կռէր, եւ յառնո́ւլ առնէր զամուրսն։

Verse: 23  Link to sept   Անդէն անդո́ւստ յարձակէր ՛ի կողմն յուդայեանց. եւ յերկոցունց կողմանց ՛ի պարտութի(ւն) մատնեալ վատթարեա́լ գտանէր։ Ապա ա́զդ եղեւ նմա մոլեգին գնացքն փիլիպպայ, զի բռնութ(եամ)բ տիրաբար ՛ի վերայ իրացն արքունի հասեալ շրջէ́ր յաշխարհին. լուծաւ լքաւ տրտմեցաւ, աղաչեաց զեբրայեցիս՝ եւ հաւանեցաւ ն(ո)ց(ա). ուխտ եդ, երդմնի́ արար՝ զա(մենայ)ն իրաւունս նոցա անդրէն դարձուցանել, զխաղաղութի(ւն) հաշտութե(ան) ՛ի մէջ հաստատեաց. մատո́յց պատարագ, եւ մեծարեաց զտաճարն. ՛ի գութ սէր քաղցրու(թ)ե(ան) մարդասէ́ր լինէր ընդ ա(մենայ)ն տեղիս ն(ո)ց(ա)։

Verse: 24  Link to sept   Փառաւորեաց զմակաբէ, եւ ճոխագո́յն եւս կացոյց զնա ՛ի վերայ ն(ո)ց(ա) քան զառաջինն· եւ եթող անդ սպարապետ ՛ի վ(ե)ր(այ) աշխարհին զհեգեմոնիդէս ՛ի դովրայ մինչեւ ՛ի գերար.

Verse: 25  Link to sept   ինքն եկն եմուտ ՛ի պտղոմայիս։ Բարկացեալ յո́յժ էին քաղաքացիքն վ(ա)ս(ն) ուխտիցն հաշտու(թ)ե(ան). ո́չ հանդարտէին, այլ ՛ի նմին խռովութե(ան) կային, զի անդրէն լուծցէ զհաշտութի(ւն) հաւանութե(ա)ն։

Verse: 26  Link to sept   Մատեաւ ինքնին լիւսիաս, առաջի եկաց իմաստաբար, հաճեաց զմիտսն, մեղմացոյց։ դա́րձ արար անդրէն ՛ի կողմանս անտիոքացւոց։ ա́յն արշաւան ասպատակի թագաւորին՝ այսպիսի դարձիւ վճարեցաւ։



Chapter: 14 
ԳԼ(ՈՒԽ) Ժ՜Գ.


Verse: 1  Link to sept   Յետ երից ամա́ց ժամանակի դէ́պ եղեւ դիմել դեմետրեայ սելեեւկեանց ՛ի վ(ե)ր(այ) հեբրայեցւոց ընդ երե́ք քաղաքեան նաւահանգիստ՝ մեծա́ւ գնդաւ, բազում զօրօք ՛ի ներքս

Verse: 2  Link to sept   յաշխարհամիջի անդր արշաւել, մերժել զանտիոքոս եւ զնորո́ւն եղբայր լիւսիաս։

Verse: 3  Link to sept   Աղկիմոս ոմն անուն է́ր քահանայապետ լեալ յառաջ, կամօք իւրովք պղծեաց զառաջինն խառնակութ(եամ)բ ժամանակաց։ խորհեցաւ ՛ի միտս իւր եւ ասէ՝ թէ ո(ր)պ(էս) եւ է, սակայն անհնա́ր է նմա գտանել փրկութի(ւն), եւ ո́չ այլ գոյր նմա մերձենալ առ սեղանն սրբու(թ)ե(ան)։

Verse: 4  Link to sept   Եկն եկաց առաջի արքայի դեմետրեայ ՛ի հարիւրորդի յիսներորդի յառաջնում ամի, մատուցանէր նմա պսակս ոսկիս եւ արմաւենիս, եւ ոստս թաւս ՛ի պատիւ մեհենին։ եւ զայն օր լո́ւռ լինէր.

Verse: 5  Link to sept   բայց ժամանակի́ սպասէր իւրում անմտու(թ)ե(ա)ն օգնակա́ն գտանելոյ։ Իբրեւ դէ́պ եղեւ օր մի ՛ի խորհուրդ կոչել զնա դեմետրեայ. սկսաւ հարցանել զնա արքայն. յի՞նչ օրէնս, յի՞նչ կամս, յի՞նչ խորհուրդս կա́ն ընդ մեզ հեբրայեցիքդ՝ որ ՛ի հրէաստանի են։

Verse: 6  Link to sept   Ա́յսպէս ետ պատասխանի. ասիդացիքդ որ անուանեալ են ՛ի մէջ հրէիցդ՝ որոց սպարապետ եւ զօրավար յուդա մակաբէ համբարձեալ է, զօրաժողո́վ են՝ ՛ի մա́րտ պատերազմի պատրաստեալ են, յուզեն հանապազ զժողովս ն(ո)ց(ա). եւ ո́չ տան խաղաղութ(եամ)բ հնազանդել ձերում տէրու(թ)ե(ան)դ։

Verse: 7  Link to sept   Վասն այսորիկ իմ աւասիկ թողեալ ՛ի բաց զփա́ռսն հայրենի՝ զքահանայութի(ւն), եկեալ հասեալ եմ առ քեզ.

Verse: 8  Link to sept   նախ՝ վասն իրացս արքունի սրտացաւութ(եամ)բ ցուցանել, եւ ապա վ(ա)ս(ն) մե́ր. զի մեծաւ ծփանօք մտախո́հ հասի առ քեզ վ(ա)ս(ն) արանցն անկա́ն ՛ի խռովութե(ան)։

Verse: 9  Link to sept   Այլ որպէս ընդ կողմանս կողմանս եւ ընդ աշխարհս ա(մենայ)ն խորհուրդս խաղաղութե(ան)՝ եւ կա́մս մարդասէրս ունիք, զայն ա(մենայ)ն տեղեկացեալ գիտեմ։

Verse: 10  Link to sept   այլ մինչ յուդա կենդանի է՝ անհնա́ր է խաղաղու(թ)ի(ւն) առնուլ իրաց արքունի ՛ի հրէաստանի։

Verse: 11  Link to sept   Իբրեւ նա ա́յսպէս սկսաւ խօսել վասն ն(ո)ր(ա), ա́յլ աւադանին որ թշնամութ(եամ)բ ոխս պահէին յուդայ, առաւել եւս շուրջ զայրացուցին զթագաւորն։

Verse: 12  Link to sept   մինչ անդրէ́ն վաղվաղակի հրամայեաց կոչել զփղապե́տն նիկանովր, ե́տ զօրս ՛ի ձեռն, եւ կացոյց սպարապետ կողմանցն հրէաստանի. արձակեաց մեծաւ հանդերձաւ,

Verse: 13  Link to sept   բազում պատուիրանաւ զի զյուդայ ինքնին ՛ի գլխովին զբռա́մբ արկանել, եւ զգունդն ա(մենայ)ն յա́յսկոյս՝ յա́յնկոյս ցրել։ ա́նդ կացուցանել զաղկիմոս քահանայապետ մեծի տաճարին։ Ա́յն որ ՛ի հրէաստանէ

Verse: 14  Link to sept   անտի ազգքն փախստական գնացեալ էին վասն յուդայ, գային պառակտեալք՝ եւ անդէն խառնէին ՛ի գունդն նիկանովրայ. զհրէիցն թշուառութի(ւն) իւրեանց փառաւորու(թ)ի(ւն) համարէին։

Verse: 15  Link to sept   Սոքա իբրեւ լսէին զնիկանովրայ զարշաւանն. եւ զայնչափ յոյզսն հեթանոսաց. հող ՛ի գլո́ւխ լինէին, առաջի թաւալէին, որ իսկզբանէ յաւիտենից հաստատեաց զի́ւր ժողովուրդ, եւ յա(մենայ)ն ժամանակի յայտնապէս ձեռնկալո́ւ լինէր իւրոյ վիճակին։

Verse: 16  Link to sept   Իբրեւ հրամա́ն տայր զօրավարն՝ փութանակի ը(նդ) առա́ջ եղեւ նմա ՛ի գեօղ մի դեսաոմ անուն՝

Verse: 17  Link to sept   շմաւոն եղբայր յուդայ, ՛ի դիմի́ հարաւ նիկանովրայ. եւ առ փոքր մի նիզակակցացն յանզգաստութ(են)է ՛ի պարտու(թ)ի(ւն) մատնեալ։

Verse: 18  Link to sept   Սակայն լուեա́լ էր նիկանովրայ զարանցն քաջութե(ան), եւ զմարտ պատերազմի ՛ի վ(ե)ր(այ) աշխարհին ճգնու(թ)ե(ան) քաջութ(եամ)բ, երկնչէր զիրս դատաստանին արեամբ վճարել։

Verse: 19  Link to sept   վ(ա)ս(ն) այսորիկ յղեաց կոչեա́ց նա զպոսիդոնիոս, եւ զթէոդոտոս, եւ զմատաթէոս, տա́լ եւ առնուլ՝ եւ կռել դաշինս։

Verse: 20  Link to sept   Իբրեւ բազում տարուբեր եւ խորհուրդք ՛ի մէջ լինէին, եւ ՛ի բազումս եւս զօրագլուխն զխորհուրդն սփռէր. եւ զօրքն եւս միաբանութ(եամ)բ միով հաւանութ(եամ)բ զհաշտութ(իւն)ի́ յանձն առնուին։

Verse: 21  Link to sept   Եդի́ն զուխտն առաջի՝ եւ դաշինս կռեցին։ ժամադի́ր լինէին միմեանց, յորում աւուր ՛ի մի́ վայր հասեալ զուխտսն հաստատեսցեն։ եկին առ միմեանս, աթո́ռս արկին, խորհո́ւրդ խորհեցան, դաշի́նս կռեցին։

Verse: 22  Link to sept   Յուդա հրամա́ն ետ իւրեանց գնդին՝ վառե́լ պատրաստե́լ՝ դարանամո́ւտ լինել, զի մի դա́ւ ինչ չարագործու(թ)ե(ան) ն(ո)ց(ա) ՛ի թշնամեացն լինիցի։ եւ ա́յնպէս զգուշութ(եամ)բ զյօրինի դաշինս ը(նդ) միմեանս հաստատէին։

Verse: 23  Link to sept   Եւ մտեալ շրջէր յե(րուսաղէ)մ ո́չինչ անկարգ եւ անօրէն գնացիւք։ զայն որ խառնիճաղանճ զօրս յինքն կուտեալ էր՝ յիւրաքանչիւր տեղիս արձակէր։

Verse: 24  Link to sept   եւ ունէր նիկանովրայ զյուդայ գրդանօք փափկու(թեամ)բ՝ եւ մտադեւր սիրով։

Verse: 25  Link to sept   Աղաչեաց կի́ն առնուլ ՛ի նմանէ, զի գո́ւթ անկցի, եւ զաւակ խառնեսցի։ յա́նձն առ յուդա, հաւանեցաւ, հաստատեաց, ընտանեցաւ։

Verse: 26  Link to sept   Իբրեւ ետես աղկիմոս զն(ո)ց(ա) ընդ միմեանս հաւասարութի(ւն), եւ դաշինք որ ՛ի մէջ կռեցան, վարեա́ց ե́կն վաղվաղակի առ դեմետրիոս. ամբաստա́ն լինէր զնիկանովրայ. եւ ցուցանէր՝ օտարաձա́յն այլամիտ խորհուրդս ունել նմա ը(նդ) օրէնս արքունի. զի զվնասակարն իրաց արքունի՝ յորդէգիրս առեալ ժառանգ՝ ի́ւր անձին փոխանակ կացուցանէ։

Verse: 27  Link to sept   Իբրեւ լսէ́ր զբանս անօրէն բանսարկուին՝ ՛ի սրտմտու(թ)ի(ւն) բրդեցաւ թագաւորն. հրամա́ն ետ թագաւորն հրովարտա́կս տալ, յա́յտ առնել թէ չէ́ հաճեալ ը(նդ) դաշինս հաւանու(թ)ե(ա)ն։ ՛Ի նմին հրովարտակի հրամա́ն տայր՝ կապեա́լ ոտիւք եւ կապեալ ձեռօք տա́լ ածել զմակաբէ ՛ի քաղաքն անտիոքացւոց։

Verse: 28  Link to sept   Իբրեւ ա́յս ա(մենայ)ն ա́զդ եղեւ նիկանովրայ, խոնարհեալ կործանեալ՝ կայր տրտմեալ ՛ի միտս իւր թէ ստութի(ւն) ինչ մտցէ ՛ի դաշինս անդր. եւ ուխտքն եղիցին տարապարտուց, յոչի́նչ վնասու ՛ի վ(ե)ր(այ) առնն արդարոյ։

Verse: 29  Link to sept   Բայց քանզի զհրամա́ն զինչ ո́չ անցանել ըստ թագաւորին, սպա́ս արար մարթանօք զհրամանն կատարել։

Verse: 30  Link to sept   Իսկ մակաբէոս՝ իբրեւ ետես յայրատագո́յնս իմն մատուցեալ զնա նիկանովրայ. եւ զօրէն նուաճու(թ)ե(ա)ն խստագոյնս եւ շինականագոյնս մերձենալ ն(ո)ր(ա) ՛ի նա. ո́չ լա́ւ համարեցաւ զյանդգնութի(ւն)ն նիկանովրայ. անդէն յանդիման ն(ո)ր(ա) շա́տ զոք ընդ իրեարս շփոթեաց. եւ ինքն ե́լ գնաց յերեսաց նիկանովրայ։

Verse: 31  Link to sept   Իբրեւ ետես նիկանովր, թէ ա́յնպէս զձեռօք ո́չ կարաց ածել զա́յրն ո(ր)պ(էս) կամէր. ե́կն եհաս ՛ի վ(ե)ր(այ) քահանայիցն ՛ի տաճարին սրբութե(ան)՝ մինչդեռ նոքա զպատարագսն մատուցանէին, սաստէր ն(ո)ց(ա)՝ զայրն ՛ի ձեռս տալ վաղվաղակի։

Verse: 32  Link to sept   Նոքա երդմամբ հաստատեցին՝ թէ ամենեւին զայն այր եւ տեսեալ չի́ք մեր. ձգեա́ց զձեռն իւր ՛ի տաճա́ր անդր,

Verse: 33  Link to sept   եւ ա́յսպէս երդուաւ. եթէ ոչ կապեալ ոտիւք եւ ձեռօք զյուդա ՛ի ձեռս իմ տայցէք, զայդ տաճար ա(ստուծո)յ հա́րթ յատակ արարից, եւ զսեղանդ կործանեցից, եւ զտաճարդ զայդ նուիրեալ որմզդակա́ն դից հաստատեցից։

Verse: 34  Link to sept   եւ զայս իբրեւ ասաց՝ ե́լ գնաց։ Քահանայքն ձե́ռս բարձին յերկինս, կարդային առ որ յա(մենայ)ն ժամանակի օգնական եւ պաշտպա́ն լինէր ազգին իւրեանց՝ եւ ասէին։

Verse: 35  Link to sept   Դու տ(է)ր ա(մենայ)նի, աննիազ յա(մենայ)նէ, լի́ ա(մենայ)նիւ. քեզ կամք ա́յնպէս ե·են, հաստատել զտաճար բնակութե(ան) քոյ ՛ի միջի մերում։

Verse: 36  Link to sept   եւ արդ՝ յա(մենայ)նի սրբութ(եամ)բ տ՝ր, պահեա́ դու յաւիտեան զայս նորոգապէս սրբութ(եամ)բ զտաճար քո։

Verse: 37  Link to sept   Հռա́քս ոմն անուն՝ ՛ի ծերակոյտ ժողովրդենէ անտի ՛ի զօրացն ե(րուսաղէ)մի ա́յր ընդընկերասէր, մարդասէր յոյժ, բարենշան բարեհամբաւ, ըստ խնամոտ մտաց՝ հա́յր կարդացեալ եբրայեցւոց։

Verse: 38  Link to sept   Զի յառա́ջ ժամանակի անդ՝ զանխառն զանապակ օրէնսն օրինադի́ր լինէր հրէու(թ)ե(ան) ոգւով եւ մարմնով. յառաջ տուեալ էր զանձն ա(մենայ)ն ազատութե(ան)։

Verse: 39  Link to sept   Իբրեւ կամեցաւ նիկանովր յա́յտ յանդիմանութ(եամ)բ զթշնամու(թ)ի(ւն) յայտնել զոր ունէր ընդ հրէայսն, հատոյց զօր աւելի քան զհինգհարիւր, երթալ ՛ի բուռն առնուլ զն(ո)ս(ա)։

Verse: 40  Link to sept   զի ա́յսպէս ասաց, թէ այդք եւս ամաչեցեալք դարձցին, գործ մեծ գործեցից ՛ի վ(ե)ր(այ) քաղաքիդ։

Verse: 41  Link to sept   Իբրեւ հասին զօրքն, զաշտարակն պատեցին, եւ ՛ի վ(ե)ր(այ) դրանն գո́ւն գործեցին. ձա́յն տային միմեանց հո́ւր մատուցանել՝ զի զդուռն հրձի́գ արասցեն։

Verse: 42  Link to sept   Իբրեւ այնչափ ՛ի վարան տագնապի մտանէր այրն, ո́ւշ առնէր, անձին հրամայէր, դնէր սուսեր ընդ պորտով, կամէր ազատօրէն մեռանել քան անկանել ՛ի ձեռս անօրինաց, եւ պղծել զանձին ազնուու(թ)ի(ւն)։

Verse: 43  Link to sept   եւ սրովն ուղղո́րդ ՛ի ներքս երթայր վ(ա)ս(ն) ճապոյն վտանգի։ եւ զօրացն ը(նդ) դրունսն խուժելոյ. կամէր ելանել ՛ի վեր եւ զանձն ՛ի բարձուէ ընդ պարիսպն հոսել։

Verse: 44  Link to sept   Նոքա իբրեւ յիւրեանս ա́յսր ա́նդր խուճապեցան, եւ ՛ի նմանէ ամբոխն փարատեցաւ. ե́դ զսուսերն եւ չոգաւ զիւրովին.

Verse: 45  Link to sept   եւ կանգնեցաւ անդէն, մինչեւ զօրն եւ ոգիքն անդէն կային. եկն յայտ անդր զայրագին լի́ բարկու(թեամ)բ, մինչեւ արիւնն գունդագունդ արտաքս հոսէր, եւ վէրքն չարաչար պատարեալէին, եւ ամբոխն առաջի անդ յա́յսկոյս յա́յնկոյս փարատէր։

Verse: 46  Link to sept   Ե́լ եկաց ՛ի վերայ վիմի միոջ, յանդիման կողմանցն երկոցուն. խոնարհեցաւ ա́ռ ՛ի գիրկս իւր զազիսն արեամբն հանդերձ, եւ ցո́յց ՛ի վեր յերկինս, կարդա́ց զտ(է)ր կենդանութե(ան) զոգւոց եւ զմարմնոց՝ եւ ասէ. զսո́յն հատուցումն հատուսջիր դու նմա։ եւ նա զա́յս օրինակ փոխեցաւ յաշխարհէ։



Chapter: 15 
ԳԼ(ՈՒԽ) Ժ՜Ե.


Verse: 1  Link to sept   Իսկ նիկանովր՝ իբրեւ ա́զդ եղեւ նմա վ(ա)ս(ն) յուդայեանց ՛ի կողմանցն շամրտացւոց, խորհեցաւ պատրաստեցաւ յաւուր պահոց շաբաթու անկանել ՛ի վերայ։

Verse: 2  Link to sept   եւ հրէայքն՝ որ ընդ նմա էին, բռնադատեալ տանէր նիկանովր, սկսան աղաչել եւ ասել. քա́ւ քեզ տէր, մի́ այդպէս խիստ եւ խըժաբար կատարեր զկամս քո. այլ տո́ւր փառս, եւ դի́ր պատիւ աւուրս որ պատուեցաւ ՛ի պատիւ հանգստեան յամենակա́լ սրբոյդ։

Verse: 3  Link to sept   Սկսա́ւ անդէն հարցանել անօրէնն՝ եւ ասէ. եւ գո՞յ ա(ստուա)ծ ամենակալ յերկինս որ հրամայեաց ձեզ փափուկ ունել զօրն շաբաթուց։

Verse: 4  Link to sept   Նոքա պատասխանի ետուն՝ եւ ասեն. ա́յո, գոյ տ(է)ր ամենազօր կենդանի́, որ հրամայեաց փափուկ ունել զեւթներորդ շաբաթուց։

Verse: 5  Link to sept   Եւ ժանտաժուտն ասէ արհամարհանօք. ասէ՝ հզօրն երկրիս է. որ տայ գործել զինու եւ զարդու, եւ գործել զգործ արքունի։ եւ սակայն ո́չ մեղմացաւ անօրէնն ՛ի հպարտութ(են)է անտի։

Verse: 6  Link to sept   Եւ նիկանովր ա(մենայ)ն հպարտութ(եամ)բ խստապարանո́ց գնացեալ, համարէր հասանել ՛ի վ(ե)ր(այ) յուդայեանց. հասանե́լ սատակե́լ՝ եւ նշան յաղթութե(ան) կանգնել։

Verse: 7  Link to sept   Իսկ մակաբէոս յա(մենայ)ն ժամ յուսացեալ էր ՛ի տ(է)ր, որ հանապազօր զօգնու(թ)ի(ւն) իւր ո́չ առնէր պակաս ՛ի նմանէ։

Verse: 8  Link to sept   մխիթարէ́ր զայնոսիկ որ ընդ իւրն էին, մի́ ձանձրանալ՝ մի́ զանգիտել յանօրէն հեթանոսաց. յարձակել, եւ դնել ՛ի մտի զգործսն քաջութե(ան) զառաջինս։ եւ որ օգնականու(թ)ի(ւն)քն ձեզ յերկնից գտան. եւ արդ՝ ակն ունել զնոյն ՛ի տ(եառն)է զյաղթութի(ւն) եւ զմխիթարու(թ)ի(ւն)։

Verse: 9  Link to sept   Եւ մխիթարէր զն(ո)ս(ա) յօրինացն եւ ՛ի մարգարէից. առ յիշեցուցանել ն(ո)ց(ա) զմարտ պատերազմաց որ ՛ի ձեռս նոցա կատարեցաւ.

Verse: 10  Link to sept   պնդասրտեալ յօժարագո́յնս եւ առնէր զն(ո)ս(ա), զհեթանոսացն եւս ստու(թ)ի(ւն)ս ՛ի մէջ բերելով, եւ զուխտիցն անցանել, եւ զերդմանցն անարգել։

Verse: 11  Link to sept   եւ զմի́ մի ՛ի նոցանէ առաւել վառէր մխիթարու(թ)ե(ան) բանիւք, քան զինուքն՝ տիգօք եւ ասպարօք։ Եւ երա́զ եւս սկսաւ պատմել ն(ո)ց(ա) արժանի ժամանակին, զի առաւել զուարթացոյց զամենեսեան։

Verse: 12  Link to sept   եւ էր տեսիլ երազոյն օրինակ ա́յս. Ոնիա ոմն որ յայնժամ լեալ էր քահանայապետ. գեղեցիկ հայելով, շքեղ տեսանելով, հեզ բարոյիւք, եւ հանդարտ սրտիւ. եկեալ խօսս արկանէր գեղեցիկ, ո(ր)պ(էս) սովո́ր էր ՛ի մանկութ(են)է, զա(մենայ)ն զանձին քաջութ(են)է. համբարձեալ զձեռս իւր աղաչէր ՛ի վ(ե)ր(այ) ազգացն հեբրայեցւոց հաստատու(թ)ե(ան)։

Verse: 13  Link to sept   Ապա դարձեալ տեսանէր զծերու(թ)ի(ւն) փառաւորութե(ան) սքանչելի́ եւ կարի́ վայելուչ իմն, որ շուրջ զնովաւ բա́կ առեալ ունէր՝ եւ ասէ։

Verse: 14  Link to sept   անդուստ խօսել սկսաւ ոնիա՝ եւ ասէր. ե́ղբայր ծերս այս. սա́ է որ բազում աղօթս անպակաս յաճա́խ մատուցանէ ա(ստուծո)յ երեմիա́ մարգարէ ա(ստուծո)յ։

Verse: 15  Link to sept   եւ ձգէր զաջ ձեռն իւր երեմիա, եւ տայր ձեռն ՛ի ձեռն ցյուդայ սուսե́ր մի ոսկեհանդերձ. եւ ընդ տալն՝ ասէր ա́յսպէս։

Verse: 16  Link to sept   Ա́ռ զսուսերդ զայդ սուրբ պարգե́ւ ՛ի տ(եառն)է, զի դովաւ սատակեսցես զթշնամիս ա(մենայ)ն։

Verse: 17  Link to sept   Մխիթարեցան ՛ի բանից անտի յուդայ՝ ՛ի զօրեղ եւ ՛ի գեղեցիկ, եւ բարձրացան յոյժ քաջալերու(թեամ)բ. եւ անձինք երիտասարդաց վերստին նորոգեցան։ եդին ՛ի մտի այնուհետեւ ո́չ այսր անդր սայթաքել, այլ հաստատուն զոտս ՛ի բո́յս հարկանել, յենուլ ՛ի համբերութի(ւն), պնտել ՛ի պատերազմի. ժառանգե́լ զանուն քաջութե(ան), հաստատե́լ ՛ի վ(ե)ր(այ) իրաց ուխտին հաւասարութե(ան), առնուլ յանձն զճգնութի(ւն) ՛ի վ(ե)ր(այ) քաղաքին.

Verse: 18  Link to sept   ՛ի վ(ե)ր(այ) կանանց եւ մանկանց, եւ եղբարց հարազատաց, ՛ի վ(ե)ր(այ) դայեկաց բնակաց տոհմային քաղաքացւոց։ եւ առաւե́լ քան զայս ա(մենայ)ն ճգնու(թ)ի(ւն) պատերազմի էր ն(ո)ց(ա) ՛ի վերայ մեծի́ տաճարին սրբելոյ։

Verse: 19  Link to sept   Է́ր սակայն եւ ՛ի ներքս քաղաքացւոցն ո́չ թեթեւ վիշտ պատերազմի, կարծիք վշտագին դատաստանին։

Verse: 20  Link to sept   Այլ իբրեւ կողմանք զօրացն երկոցունց ՛ի միմեանս հասանէին, փո́ղ հարկանէր, պատրաստութի(ւն) լինէր, ճակատ յարդարէր, զփիղսն վառեալս գնդաց գնդաց ՛ի գլուխ յօրինեալ կացուցանէին, զհեծելազօրն յա́ջ յահեա́կ թեւս գործէին։

Verse: 21  Link to sept   Զայն ահեղ տեսիլ՝ յուդա հայեցեալ տեսանէր՝ զգնդացն դրօշու դրօշու պատրաստութի(ւն), զզինուցն զպէսպէս սրբութի(ւն), զնշանացն փողփողել, զմեծամեծ գազանացն զանհնարին գազանու(թ)ի(ւն), զձեռս յերկինս համբարձեալ՝ ՛ի նշանագործ տ(է)րն կարդայր. որ ո́չ թէ ըստ կամս մարդկան, այլ ըստ կամս իրաւա́նց իւրոց տայ զյաղթու(թ)ի(ւն) արժանեաց իւրոց։

Verse: 22  Link to sept   Եւ սկսաւ ասել յաղաչելն իւր ա́յսպէս. դո́ւ տ(է)ր տերանց՝ առաքեցեր զհրեշտակ քո ՛ի ժամանակս եզեկիայ արքայի, եւ սատակեցեեր դու ՛ի զօրաց անտի սենեքերիմայ հարիւր ութսուն եւ հինգհազար հեծեալ սպառազէն։

Verse: 23  Link to sept   Եւ արդ տ(է)ր ամենազօր որ բնակեալ ես յերկինս, առաքեա́ զհրեշտակ քո առաջի մեր, յա́հ յերկեւղ ՛ի դողումն, ՛ի զօրու(թ)ի(ւն) բազկի քոյ, զի զահի հարցին՝ եւ պակիցեն,

Verse: 24  Link to sept   որ հայհոյութ(եամ)բ հասեալեն ՛ի վերայ ժողովրդեան քոյ։ եւ սա զբանս իւր վախճանեաց։

Verse: 25  Link to sept   Իսկ նիկանովր՝ մեծաշուք ՛ի գոչիւն փողոյ, բազում արուեստականաց ձայնիւ զճակատն յառա́ջ մատուցանէր։

Verse: 26  Link to sept   Սոքա աստի բազում աղօթիւք խնդրուածոց ՛ի վ(ե)ր(այ) յարձակէին.

Verse: 27  Link to sept   զձեռս ՛ի գո́րծ արարեալ, եւ զսիրտս առ ա(ստուա)ծ աղօթիւք յերկինս։ հասանէին հարկանէին գունդն մակաբեան յուդայ ՛ի զօրացն հեթանոսաց, ո́չինչ պակաս յերից բիւրոց եւ ՛ի հինգ հազարէ. մեծապէս զուարճացեալք յերեւել օգնականութե(ան) մեծութե(ան)ցն ա(ստուծո)յ։

Verse: 28  Link to sept   եւ ա́յսպէս զգործն ուրախութե(ան) վճարեալ խնդութ(եամ)բ դառնային։ Ա́նդ գտանէին անկեալ զնիկանովր առաջի գնդին կոտորելոց՝ զինուն զարդուն նշանօք հանդերձ ՛ի մէջ երկուց ճակատոցն։

Verse: 29  Link to sept   ՛ի ձա́յն բարձր գոչման մեծ աղաղակաւ զամենազօրն ա(ստուա)ծ յիւրեանց հայրենի բարբառն օրհնէին։

Verse: 30  Link to sept   Հրաման տայր որ զօրութ(եամ)բն հաստատու(թեամ)բ՝ առհասարակ քաջութ(եամ)բ նահատակու(թեամ)բ՝ մտադեւր հաւանու(թեամ)բ ՛ի վ(ե)ր(այ) ազգին նահատակեալ՝ Հրամայեաց զգլուխն հատանել զնիկանովրայ, եւ զաջ ձեռն թիկամբն հանդերձ, եւ տանել յե(րուսաղէ)մ։

Verse: 31  Link to sept   Իբրեւ եկն ինքն՝ եհաս, կոչեաց զազգատոհմն, զքահանայսն առաջի սեղանոյն. եւ ետ ածել զամրապահ միջնաբերդին զակառանց.

Verse: 32  Link to sept   եւ ցո́յց ն(ո)ց(ա) զանօրէն զհայհոյիչ զնիկանովրայ զգլուխն, եւ զձեռն զոր իշխեաց ձգել ՛ի տաճար անդր յամենակալի ա(ստուծո)յ պարծանօք հպարտու(թեամ)բ։

Verse: 33  Link to sept   Եւ զլեզուն հրամայեաց զանօրէն նիկանովրայ հատանել. եւ ասէ, մանր մանր կոտորեալ զայս թռչնո́ց գէշագէ́շ ջամբեցից։ եւ զանմտու(թ)ե(ան) բազուկն յանդիման տաճարին հրամայեաց կախել։

Verse: 34  Link to sept   Այլ ամենեքին յերկինս օրհնէին զերեւելին ա(ստուա)ծ՝ եւ ասէին. օրհնեա́լ որ պահեաց անարատ զսուրբ տեղի իւր։

Verse: 35  Link to sept   Եւ կախեաց զնիկանովրայ զգլուխն զբարձրամուր աշտարակէն յա́յտ յանդիման ամենեցուն. եւ յայտնապէս օգնականութե(ան) տ(եառ)ն նշա́ն յաղթու(թ)ե(ան) կանգնեցաւ։

Verse: 36  Link to sept   Ո́ւխտ եդին առհասարակ, հրամա́ն ետուն ընդ ա(մենայ)ն ազգն ՛ի հասարակ կամաց հաւանու(թեն)է առնել զօրն զայն օր տօնից տարեկանաց. զի մի́ թողցեն աննշան զօրն զայն։

Verse: 37  Link to sept   Եւ էր նշան աւուրն թիւ երեքտասաներո́րդ օր, երկոտասաներորդ ամսենն ադարայ, որ անուանեալ կոչի յասորւոց բարբառոյ անտի ա́յսպէս. որ միով աւուրբ յառաջէր քան զամիսն մարդքէական։

Verse: 38  Link to sept   Այն որ ինչ վ(ա)ս(ն) նիկանովրայ իրացն՝ խօ́սք են, ա́յսչափ։ եւ յայնց ժամանակաց յորում հասո́ւ եղեն հեբրայեցիք քաղաքին՝ ՛ի նմին վայրի եւ ես զբանս վախճանեցից։

Verse: 39  Link to sept   Եւ թէ իցեն ՛ի կարգի՝ գովեցա́յց ՛ի կարգել անդ. զայս եւ ե́ս կամիմ. ապա թէ հետեւակս ինչ՝ եւ տկարս ինչ խօսեալ իցէ, ես ա́յդչափ ինչ կարող էի։

Verse: 40  Link to sept   Զի որպէս զգինի ոք առանձինն ըմպիցէ՝ եւ դարձեալ զջուր առանձինն՝ անա́րգ է. այլ զորօրինակ զջուր ընդ գինի ոք խառնէ, քաղցր եւ անո́յշ առնէ զշնորհս ն(ո)ր(ա). սո́յնպէս եւ բանից կազմութի(ւն) զուարթացուցանէ զլսելիս որ ընդունին զսա։ Յայսմ վայրի լիցի վախճան բանիցս։





Book: Macc.III 
Maccabaeorum III

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 28.4.2006

ԳԻՐՔ ԵՐՐՈՐԴ ՄԱԿԱԲԱՅԵՑՒՈՑ

Chapter: 1 
ԳԼ(ՈՒԽ) Ա՜.


Verse: 1  Link to sept   ԱԶԴ ԵՂԵՒ ՓԻՂՈՎՊԱՏՈՎՐԱՅ ՛ի դարձելո́ց անտի վ(ա)ս(ն) կողմանցն յորոց մերժէ́ր զնա՝ եւ զզօրս իւր անտիոքոս. ժա́մ տայր՝ հրամա́ն հանէր ա(մենայ)ն զօրաց իւրոց հետեւակաց եւ հեծելոց, եւ առնոյր ընդ իւր զքոյր իւր զարսինոյէ. չո́ւ առնէր, խաղայր գնայր գայր հասանէր ՛ի կողմանս հռափայեցւոց, ուր էին հասեալ բանակեալ անտիոքոս ա(մենայ)ն զօրօք իւրովք։

Verse: 2  Link to sept   Թէոդոտոս ոմն անուն՝ գո́րծ ՛ի միտ արկանէր, առնոյր գունդ մի որ ը(նդ) իւրով ձեռամբ էր, ծածո́ւկ վառէր. հասանէր գիշերի ՛ի վ(ե)ր(այ) խորանին փտողոմեայ, ՛ի նե́րքս անկանել՝ եւ զնա անդէ́ն սպանանել. եւ միայն անձամբ վճարել զգործ պատերազմին։ Նմա պատահեալ առաջնորդէր դովսիթէոս անուն յազգէ հրէայ, օտարացեալ ՛ի նախնեացն օրինաց։ անդէն ՛ի խորանի անդ արա́գ արա́գ շիջուցանէին. եւ ա́յսպէս մարտն բորբոքէր, եւ իրքն անտիոքայ առաւե́լ յաջողէին։

Verse: 3  Link to sept   Յառնէ́ր վաղվաղակի արսինոյէ, ՛ի ձա́յն ողորմ լալոյ, զգէսս արձակեալ առաջի զօրացն աղաչէր, այսուհետեւ ՛ի վ(ե)ր(այ) անձանց եւ որդւոց մարտնչել։ Եւ եթէ ինչ յաղթութե(ան) հնա́րս գտանել մարթասցեն, խոստանայր տալ ն(ո)ց(ա) յայր՝ երկուս երկուս մանեակս ոսկիս։ եւ ա́յնպէս դէ́պ լինէր թշնամին ՛ի ձեռս անտիոքայ եւ զօրացն ապականել բազումս կոտորելով, եւ բազումս ՛ի գերու(թ)ե(ան) վարելով։

Verse: 4  Link to sept   Իբրեւ այս խորհուրդք յաղթեցան, եւ գործն այն ՛ի ձեռս իւր պատրաստեցաւ. ե́դ ՛ի մտի իւրում հասանել ինքն ՛ի վ(ե)ր(այ) քաղաքաց որ շուրջ զիւրեւ էին, եւ տալ ն(ո)ց(ա) մխիթար։ զա́յս առնէր կատարէր, ընդ ա(մենայ)ն տեղիս պաշտամանց պարգեւս բաշխէր. քաջալերեալս եւ մխիթարեալս ընդ իւրեւ կացուցանէր։

Verse: 5  Link to sept   Արձակեցին եւ հեբրայեցիքն ՛ի ծերակոյտ ժողովրդենէ անտի հարցանե́լ զողջոյն. մատուցանել պատարագս. յա́յտ առնել զխնդալ վ(ա)ս(ն) յաղթութե(ա)ն ուրախութե(ան). եւ նա եդ ինքն ՛ի մտի իւրում յօժարել հասանել սիրով ուրախու(թեամ)բ ՛ի մէջ ն(ո)ց(ա)։

Verse: 6  Link to sept   Իբրեւ եկն եհաս յե(րուսաղէ)մ մեծաւ շքով բազում պաշտամամբք, ողջակէզս պատարագաց մատուցանէր մեծին ա(ստուծո)յ, գոհանայր եւ շնորհս մատուցանէր։ եւ ինչ մի կամէր աւելի պամտօն ՛ի տեղի անդր ցուցանել։ Իբրեւ եկն եհաս ՛ի տեղին ս(ուր)բ, է́ր զարմացեալ ընդ գեղեցկութի(ւն) վայելչու(թ)ե(ան)ց տաճարին, եւ ընդ օրէնս սպասուցն. խորհեցաւ ցանկացաւ մտանել ինքն ՛ի տաճա́ր անդր։

Verse: 7  Link to sept   Ն(ո)ք(ա) կացին առաջի եւ ցուցանէին, եթէ ո́չ օրէն եւ պատշաճ է զայդ առնել. քանզի եւ հրէից իսկ ո́չ է մարթ մտանել, եւ ո́չ քահանայից ամենեցուն. բայց միայն միում քահանայապետին, սակայն եւ նմա տարոջէ́ ՛ի տարի, միանգամ ՛ի տարւոջ։

Verse: 8  Link to sept   Նածուկայի ո́չ ինչ թուլանայր. թէպէտ եւ բերէին զօրէնսն, առաջի ընթեռնուին. եւ այնպէս ո́չ թուլանայր. յամառեալ պնդեալ էր զանձն ՛ի ներքս մատուցանել. եթէ նոքա չիցեն ասէ արժանի ՛ի ներքս մտանել՝ սակայն ինձ արժա́ն է զայդ պատիւ առնել։

Verse: 9  Link to sept   Բայց աղէ՝ դու քե́զ ասեմ. զիա՞րդ է զի յա(մենայ)ն տեղիս պաշտամանց անխտի́ր համարձակ մտանեմ. եւ ո́չոք է որ արգել առնէ։ Եւ այլ ոք անդուստ յանդգնագո́յնս բարբառեցաւ՝ ասէ. զի՞ պնդեալ յամառեալ ես. իցեն ինչ արդեւք՝ վ(ա)ս(ն) որոյ չիցէ́ արժան մտանել։ նա ասէ, ա́յի́, չի́ք ինչ հնար. թէ կամիք, եւ եթէ ոչ կամիք. բայց թէ մտանե́մ։

Verse: 10  Link to sept   Անդ քահանայքն ա(մենայ)ն պատուական հանդերձիւքն իւրեանց, անկանէին սողէին, աղաչէին զա(ստուա)ծ օգնել ն(ո)ց(ա), եւ փոխել զխորհուրդն զայն ՛ի նմանէ. աղաղակաւ արտասուօք զտաճարն լնուին. եւ որ ինչ անդ դիպեալ էին քաղաքացիքն խռովեալ յանկարծակի յա́յն վայր հասանէին վաղվաղակի, զի՞նչ իրք իցեն շշընջէին։ Կոյսք ՛ի կուսաստանաց մարբքն հանդերձ ՛ի հրապարակսն հասանէին. հո́ղ արկեալ զվարսիւք, ճչի́ւ աղաղակաւ զքաղաքամէջսն լնուին.

Verse: 11  Link to sept   եւ որ ա́րդ եւս նորամուտ հարսունք առագաստեալք յօրինեալք նստէին, զօրինաւոր զամօթն մոռացեալ, ընթացս յանդգնութե(ան) ընդ քաղաքամէջսն ընթանային։ Սոյնպէս մատաղամարքն մանկամբքն հանդերձ, զդարման մանկանցն թողեալ, եւ ա́յնպէս անզգայութ(եամ)բ ընդ անդաստանս առանց դարձադարձի յաւագամեծար տաճար պնդեալ ժողովէին։ բիւրապատիկ իմն էին յայս եւ ՛ի սոյն աղօթք ժողովելոցն. վ(ա)ս(ն) այսորիկ որ անօրէնութ(եամ)բն խորհէր ձեռն յանձին հարեալ զինքն ՛ի ներքս մատուցանել. Յայսր վ(ե)ր(այ) քաղաքացիքն բարկացեալ չառնուին յանձն զայնչափ տարապարտուց զառնն բռնու(թ)ի(ւն)։

Verse: 12  Link to sept   Իբրեւ տեսին թէ պնդեալ հաստատեալ կայ զի́ւր կամսն կատարել. ձա́յն ետուն միմեանց, եւ յիւրաքանչիւր զէնս գնացին, վառել կազմել պատրաստել մարտնչել՝ մեռանե́լ ՛ի վ(ե)ր(այ) կարգացն նախնեաց՝ եւ հայրենի օրինացն. եւ անդէն վաղվաղակի մե́ծ խռով ՛ի տեղւոջն կացուցանէին. մինչեւ հազի́ւհազ ծերակո́յտ ժողովրդեանն ցածուցանէին զամբոխն. եւ զպատրաստեալսն ՛ի մարտէ անտի անդրէն ՛ի նոյն ժողովսն խնդրուածոց դարձուցանէին։ եւ զօրք քաղաքին անդրէն ՛ի նոյն խնդրուածս դառնային։

Verse: 13  Link to sept   Իսկ որ զթագաւորաւն ծերք եւ մեծամեծք ժողովրդեանն էին՝ ջանային զմի́տսն հպարտացեալս ցածուցանել. եւ զհեստեալ յամառութի(ւն)ն զիջուցանել. եւ ն(ո)ր(ա) չէ́ր ինչ հնար, այլ պնդեալ յամառեալ էր զգոյն կամս կատարել՝ զոր յառա́ջն խորհեցաւ։

Verse: 14  Link to sept   Նոյնպէս դարձեալ եւ որ զնովաւն էին՝ իբրեւ յառնն պնդու(թ)ի(ւն) հայեցան, այսրէն ՛ի խնդրուածսն դարձան, զամենազօրն աղաչել զա(ստուա)ծ. այցելո́ւ օգնական լինել. զի մի́ արհամարհեսցէ, եւ մի́ ՛ի ձեռաց թողցէ, եւ մի́ ընդ ոտս տացէ հպարտութե(ան) խորհրդոց՝ զօրէնսն օրինաւորս։ Եւ այնպիսի ստէպ ստէպ սրտի մտօք աղաղա́կ էր զօրացն ժողովելոց. անհնարի́ն գոչիւն ՛ի նմին լինէր. զի կարծեալ ա́յսպէս էր. եթէ ո́չ միայն մարդիկն աղաղակիցեն, այլ եւ պարիսպքն եւ յատակքն հնչիցեն. զի ա(մենայ)ն մարդկանն ՛ի մտի եդեալ՝ զմահ ընդ կենաց փոխանակել, քան տեսանել զտեղին սրբու(թ)ե(ան) ՛ի պղծու(թ)ի(ւն) դարձուցեալ։



Chapter: 2 
ԳԼ(ՈՒԽ) Բ՜.


Verse: 1  Link to sept   Սկսան աղաչե́լ եւ ասել. Տ(է)ր տ(է)ր թագաւո́ր երկնից, եւ տ(է)ր ա(ստուա)ծ ա(մենայ)ն արարածոց, ս(ուր)բ սրբոց, ամենազօր ամենակալ, հայեա́ց ՛ի ցաւագնութի(ւն)ս մեր որ ՛ի ձեռն անօրինին եւ պղծոյն՝ որ յանդգնութ(եամ)բ հպարտացեալ է։

Verse: 2  Link to sept   Դո́ւ ստեղծեր զա(մենայ)ն. դու որ զա(մենայ)ն ընդունիս հեղու(թեամ)բ եւ արդարու(թեամ)բ. արդա́ր ես դու տ(է)ր, եւ որ հպարտու(թեամ)բ եւ ամբարտաւանու(թեամ)բ ինչ գործեն՝ դատի́ս զն(ո)ս(ա). դու՝ որ յառաջ զանօրէնութի(ւն)սն գործէին հսկայս՝ որ յանձանց զօրութի(ւն) եւ ՛ի քաջու(թ)ի(ւն) յուսացեալ էին՝ ջնջեցեր, ածե́ր ՛ի վերայ ն(ո)ց(ա) զանչա́փ ջուրցն սաստկութի(ւն)։

Verse: 3  Link to sept   Դու՝ որ գործէին զամբարտաւանութի(ւն) զսոդոմացիսն՝ յա́յտ յանդիմանու(թեամ)բ չարեօքն իւրեանց հանդերձ՝ խայտառակեցեր, ՛ի հո́ւր եւ ՛ի ծծումբ դատեցեր, եւ առակ խայտառակու(թ)ե(ան) յետնոց թողեալ։

Verse: 4  Link to sept   Դու՝ զյանդուգն զբուռն արքայն սաստիկ զփարաւոն՝ որ արկ ՛ի ծապայու(թ)ի(ւն) զժողովուրդ քո սուրբ զի(սրա)էլ՝ պէսպէ́ս հարուածովք կշտամբեցեր. ցուցեր զքո զօրու(թ)ի(ւն), եւ ցուցեր դու նմա զմեծու(թ)ի(ւն) զօրու(թ)ե(ան) քոյ, զի պատրաստեալ զհետ հեծանէր ժողովրդեան քոյ բազում զօրօք՝ կառօք եւ երիվարօք, ընկլուզեր զնա ՛ի ծով կարմիր։

Verse: 5  Link to sept   բայց զայնոսիկ որ հաւատացինն ՛ի քեզ, ՛ի վ(ե)ր(այ) ա(մենայ)ն արարածոց զօրացեալս պահեցեր. որք իբրեւ տեսին զգործս ձեռաց քոց, օրհնեցի́ն զքեզ տ(է)ր ամենակալ։ Դու՝ թագաւոր, որ ստեղծեր զանչափ զանքննին զերկինս ա(մենայ)ն, եւ ընտրեցեր քեզ զքաղաքս զայս, եւ սրբեցեր զտեղիս զայս յանուն քո քե́զ որ աննիա́զդ ես յա(մենայ)նի։

Verse: 6  Link to sept   դո́ւ ժողովեցեր զսա ՛ի փառս մեծու(թ)ե(ան), եւ ՛ի պատիւ անուան քոյ. դո́ւ սիրեցեր զտաճարս զայս, եւ խոստացար դու տանս ի(սրաէ)լի, բա́մ ինչ դէպք որ հասանիցեն, կամ նեղութի(ւն)ք որ գայցեն ՛ի վ(ե)ր(այ), գալ հասանել յայս տեղի սրբութե(ան) խնդրուածովք, լսելի́ առնել զաղօթս մեր։ Արդ հաւատարի́մ է բան քո՝ եւ ճշմարիտ.

Verse: 7  Link to sept   քանզի բազում անգամ յորժամ նեղեցան հարքն մեր՝ օգնեցե́ր դու ն(ո)ց(ա) ՛ի խոնարհու(թ)ե(ան) իւրեանց, եւ փրկեցե́ր դու զն(ո)ս(ա) ՛ի մեծամեծ չարեաց։ Արդ աւասի́կ եւ մե́ք ս(ուր)բ թագաւոր, վ(ա)ս(ն) մեծամեծ եւ բազում մեղաց մերոց չարչարեալք, հնազանդեալ եմք ՛ի թշնամեա́ց մերոց պարտասեալք եւ տարակուսեալք ՛ի տկարութե(ան) մերում, եւ յաւուրս նեղութե(ան) յայսմիկ. պիղծս հպարտս եւ ամբարտաւանս սարդէ հնարել ՛ի նե́րքս անկանել, թշնամանել զտեղի սրբութե(ան) զանուանի ընդ ա(մենայ)ն երկիր երեւեալ տաճա́ր փառաց անուան քոյ։

Verse: 8  Link to sept   Թէպէտ եւ բնակու(թ)ի(ւն) քո երկնից երկի́նք են, աներեւոյթ անձեռնհաս ձեռին մարդոյ. սակայն վ(ա)ս(ն) զի հաճեցար փառօք քովք ը(նդ) վայելչութի(ւն) ի(սրաէ)լի. սրբեցեր զտեղիս զայս. թէպէտ եւ յանցաւո́ր եմք քեզ, մի́ խնդրեր զվրէժն զայն հեթանոսաց պղծու(թեամ)բ. եւ մի́ պարծեսցին անօրէնք յիւրեանց հպարտութի(ւն)ն, եւ մի́ ցնծասցեն յամբարտաւանութի(ւն) խօսից իւրեանց. խօսիցեն՝ թէ մեք կոխեցաք զտաճարն սրբութե(ան), զորօրինակ կոխիցին խառնակոխ յատակք մեհենից։

Verse: 9  Link to sept   Ջնջեա́ զմեղս մեր, եւ ցրուեա́ զա(մենայ)ն յանցանս մեր, երեւեցո́ զողորմութի(ւն)ս քո ըստ ժամանակիս ըստ այսմիկ։ վաղվաղակի ժամանեսցե́ն մեզ ողորմու(թ)ի(ւն)ք քո. եւ տո́ւր օրհնութի(ւն) ՛ի բերան կործանելոցս եւ չարչարելոց. եւ արա́ ընդ մեզ խաղաղութի(ւն)։

Verse: 10  Link to sept   Իսկ ս(ուր)բն որ ՛ի ս(ուր)բս բնակեալ է, ամենազօրն ամենակա́լն ա(ստուա)ծ լուաւ զօրինաւոր զաղօթս խնդրուածոց ժողովրդեանն։ Զայն՝ որ արդեւս հպարտութ(եամ)բ ամբարտաւանու(թեամ)բ մեծաւ ՛ի վ(ե)ր(այ) ն(ո)ց(ա) համարձակ սաստկացեալ էր. հարկանէր զնա աստի անտի սաստիկ. տանէ́ր եւ շարժէ́ր զնա իբրեւ զեղէգն ՛ի հողմոյ, եւ անդէն զգետնէր։ եւ նա ա́յնպէս անկեալ դնէր անզգայ ընդարմացեալ անմռունչ՝ անդամալոյծ լուծեալ յա(մենայ)ն յօդից. զի սաստիկ եւ արագ արագ հասանէր ՛ի վերայ ն(ո)ր(ա) դատաստանքն հպարտու(թ)ե(ան)։

Verse: 11  Link to sept   Բարեկամքն եւ որ զնովաւ սպասաւորքն էին, իբրեւ տեսին թէ այնպէս արագ հասանէր ՛ի վ(ե)ր(այ) ն(ո)ր(ա) դատաստանն, զահի հարկանէին, թէ գուցէ եւ ոգիքն սպառիցին. եւ վաղվաղակի զնա ՛ի ներքուստ արտաքս քարշէին. զարհուրեալք ՛ի սաստիկ հարուածոց անտի։

Verse: 12  Link to sept   Իբրեւ ժա́մք հարուստ ՛ի վերայ անցին, եւ առնն միտք յինքն եկին։ սակայն ո́չ եթէ զղջացաւ ՛ի միտս իւր յե́տ մեծի պատուհասին, այլ սաստկագո́յնս եւս սկսաւ սպառնալ։
   Հրամայէր չու դարձս առնել։

Verse: 13  Link to sept   Իբրեւ եկն եհաս յերկիրն եգիպտացւոց. եւ զչարութի(ւն)ն ե́ւս քան զեւս յանձն իւր աճեցուցանէր, տաճարակից ընկերովքն իւրովք՝ մեկնելովք յա(մենայ)ն իրաւանց. եւ ոչ միայն անթիւ աղտեղութ(եամ)բքն չյագեցաւ, եւ յանչափ յանդգնութի(ւն) հասանէր, զի հայհոյու(թեամ)բ զտեղին լնոյր։ զի բ(ա)զ(ու)մք ՛ի բարեկամաց անտի իբրեւ ը(նդ) թագաւորն նայէին՝ եւ ինքեանք զհետ երթային կամաց ն(ո)ր(ա)։

Verse: 14  Link to sept   Գի́ր առնէր՝ եւ ՛ի հրապարակս տայր տարածանել, բամբասանս՝ եւ հայհոյութի(ւն)ս։ եւ զսրահիւն շուրջ ՛ի վ(ե)ր(այ) աշտարակացն արձա́նս հրամայէր կանգնել, եւ գի́ր հաստատել, հրամա́ն տալ սաստկութ(եամ)բ։ ապա թէ իցէ ոք այնր՝ գտցի որ ո́չ զոհիցէ. մի́ իշխել ամենեւին մտանել ՛ի տաճար անդր։ Եւ զա(մենայ)ն ազգն հրէից յաշխարհագի́ր խառնել, ՛ի կարգս հարկի ծառայութե(ան) օրինի։ եւ որ սակաւ մի խեռեալ ընդդէմ դառնայցեն, պատուհաս մահու ՛ի վերայ ն(ո)ց(ա). եւ զոր ոչն սպանանիցեն, դրոշմեալս հրով նշանաւորս որմզդական դիցն տօնի ո́ստս ՛ի ձեռն պսակաւորս կաքաւեցուցանել։

Verse: 15  Link to sept   Այլ զի մի́ ամենեցուն իբրեւ զթշնամի երեւեսցի, զա́յս եւս հրամայեաց գրել ՛ի հրովարտակի անդ. ապա թէ իցեն ոմանք ՛ի նոցանէ որ յօժարիցեն զօրէնս արքունի յանձինս իւրեանց ունել, զսոսա քաղաքակի́ցս աղեքսանդրացւոց համարել։

Verse: 16  Link to sept   Բազումք ՛ի նոցանէ ծանծաղամիտք, որ յառա́ջն իսկ գայթի գայթի կային յօրէնսն առաջինս, դիւրաւ տային զանձինս իւրեանց ՛ի ներքս. իբրեւ մե́ծ իմն անուն փառաց ժառանգել խորհէին, եթէ մտաց թագաւորին հնազանդեսցին։

Verse: 17  Link to sept   Բազումք ՛ի նոցանէ պնդեցան հաստատեցան ՛ի սիրտս իւրեանց. եւ ո́չ դրդուեցան յօրինացն իւրեանց սրբու(թ)ե(ան). արկին առաջի զգանձս իւրեանց՝ տա́լ փոխանակ անձանց իւրեանց. զի յաներկե́ւղս զանձինս իւրեանց փրկեսցեն ՛ի գրոյ անտի. եւ յուսո́վ հաստատեսցին օգնականու(թ)ի(ւն) գտանել։ Եւ որ մեկնէին ՛ի նոցանէ, խորշէին՝ գարշէին, եւ զն(ո)ս(ա) պիղծս համարէին. որոշէին զատանէին յօրինացն հայրենի. եւ յազնուութ(են)է անտի սրբութե(ան) զն(ո)ս(ա) ՛ի բա́ց մերժեցին։



Chapter: 3 
ԳԼ(ՈՒԽ) Գ՜.


Verse: 1  Link to sept   Իբրեւ ՛ի վ(ե)ր(այ) հասանէր անօրէնն՝ խորհրդոց ն(ո)ց(ա), յայնչափ սրտմտութի(ւն) բարկու(թ)ե(ան) բրդէր, մինչեւ հրամա́ն տայր՝ ո́չ միայն յե(րուսաղէ)մացւոցն ածել, այլ ընդ ա(մենայ)ն երկիր ուր բնակեալ իցեն որդիք հեբրայեցւոց, հրամա́ն տայր ածել ժողովել կուտել զն(ո)ս(ա), եւ չարաչա́ր մահու սպանանել զկեանս ն(ո)ց(ա) յերկրէ։

Verse: 2  Link to sept   Իբրեւ այս հրաման դարռնու(թ)ե(ան) սաստիկ ելանէր անօրէն, չա́ր թուէր ն(ո)ց(ա) նեղու(թ)ի(ւն) փոփոխելոյ օրինացն քան զմահուն դառնու(թ)ի(ւն)։

Verse: 3  Link to sept   Իսկ որդիքն հեբրայեցւոց՝ զօրէնս միամտու(թեամ)բ ը(նդ) արքային՝ արդա́ր պահէին, եւ ՛ի տ(է)ր ա(ստուա)ծ իւրեանց հաստատո́ւն կային, եւ զօրէնսն տուեալս հաստատուն պահէին. մեկնութի(ւն) առնէին յապստամբացն անօրէնու(թեն)է. վ(ա)ս(ն) այսորիկ շատի́ց յաչաց ելանէին։

Verse: 4  Link to sept   Բայց վ(ա)ս(ն) հաստատու(թ)ե(ան) գործոյ սպասուն օրինաց՝ առաջի ա(մենայ)ն մարդկան փառաւորեալ կային. վ(ա)ս(ն) այսորիկ զարգասիսն բարեաց ազգին՝ այլազգիքն ՛ի համար ո́չ բերէին։ բայց զպաշտօնն եւ զօրէնս կերակրոցն ՛ի հակառակու(թ)ի(ւն) ապստամբու(թ)ե(ան) տանէին՝ ասէին. առհասարակ արքայի եւ զօրացն արքունի թշնամի́ է ազգս այս։ եւ այսպիսի բանիւք հայհոյութե(ան) վնաս արքունի եւ պատուհաս մե́ծ ՛ի վ(ե)ր(այ) հասուցեալ դնէին։

Verse: 5  Link to sept   Իսկ որ ՛ի քաղաքի անդ հեթանոսք էին, իբրեւ տեսին զյանկարծակի խռովութի(ւն) մարդկանն, եւ զա́յնչափ հալածանսն յանկարծակի հասեալ ՛ի վ(ե)ր(այ), օգնել ինչ ո́չ կարէին, եւ ո́չ ընդդէմ դառնալ հրամանացն արքունի։

Verse: 6  Link to sept   բայց սակայն արգահատէին մխիթարէին քաջալերէին՝ եւ խնդրէին անցուցանե́լ վաղվաղակի զժամն բարկու(թ)ե(ան), եւ ասէին. ո́չ թողու տ(է)ր ա(ստուա)ծ իւրեանց զայդպիսի գունդ տարապարտուց կորուսանել։ եւ որ ա́յլ ոք բարեկամք եւ մերձաւորք՝ եւ վաճառակիցք էին, լռելեայն ո́ւխտ դնէին օգնական լինել՝ որչափ ձեռնհա́ս լինէին։

Verse: 7  Link to sept   Բայց անօրէնն ա́յնչափ համբարձեալ էր ՛ի հպարտութի(ւն)ն առ ժամանակ անդր, եւ ամենեւին ո́չ հայէր ՛ի զօրու(թ)ի(ւն) մեծին ա(ստուծո)յ. բայց ա́յսպէս ածէր զմտաւ՝ թէ մշտնջեան իցէ իւրոց խորհրդոցն իշխանութի(ւն)։ Արդ՝ հրովարտակս առնէր ը(նդ) ա(մենայ)ն աշխարհ՝ օրինակ զայս։

Verse: 8  Link to sept   Արքայ անտիոքոս՝ կողմանցդ եգիպտացւոց ՛ի տեղիս տեղիս, առ սպարապետս, եւ առ զօրավարս, եւ առ զօրս՝ ողջո́յն. ո́ղջ լիջի́ք. եւ ես ինձէ́ն իսկ ո́ղջ եմ ա(մենայ)ն իրօք, զօրօք, տէրութե(ան) օրինօք։

Verse: 9  Link to sept   Ձեր ինքնին լուեալ իցէ վ(ա)ս(ն) առնուձիոյ ճանապարհին, որպիսի́ գնդաւ մտի ես դի́ցն օգնականու(թեամ)բ ՛ի ճանապարհին. ո́չ զօրու(թ)ե(ան) բռնութ(եամ)բ, ո́չ ՛ի տէգ նիզակաց, ո́չ ՛ի հաստապինդ բռնութի(ւն) աղեղանց. այլ հեզութ(եամ)բ եւ խոնարհու(թեամ)բ, մարդասէր խորհրդովք, իբրեւ դայեկաբա́ր սնուցանել զա(մենայ)ն կողմանս ստորին ասորւոց եւ տաճկաստանի. ընս ա(մենայ)նի ա(մենայ)ն բարեաւ եղէ.

Verse: 10  Link to sept   մեծապատիւ մեծապարգեւ արարաք զա(մենայ)ն կողմանս քաղաքացն։ Եկաք իջաք եւ ՛ի քաղաքն ե(րուսաղէ)մացւոց, եկաք կամեցաք մտանել ՛ի տաճարն ՛ի չարագործա́ց վայր անդր, որ ո́չ կամէին կասել երբէք ՛ի խորամանգութ(են)է չարեաց իւրեանց։

Verse: 11  Link to sept   Նոքա վեր ՛ի վերոյ բանիւք խնդացին զմեր ՛ի ն(ո)ս(ա) հասանել, բայց արդեամբք խորամանգեցին չմերձենալ ՛ի մեզ. եւ ո́չ զմեզ ՛ի տաճար անդր մերձեցուցին, եւ ո́չ զերեւելի դահամունս պատարագաց մերոց ՛ի տաճար անդր իւրեանց ընկալան, ՛ի հպարտութի(ւն) ամբարտաւանութե(ան) յեցեալ, յայն որ ՛ի հնոց ժամանակաց հետէ ունէին, արգելին զմեզ ՛ի ներքս մտանելոյ։ Կարօտացա́ն պակասեցան ՛ի մերմէ բարեաց մարդասէր զօրութ(են)է՝ զոր ունիմք առ ա(մենայ)ն մարդիկ։

Verse: 12  Link to sept   եւ զիւրեանց զանհնարին մտացն թշնամու(թ)ի(ւն) զոե ունէին ընդ մեզ, յայտնապէ́ս կամեցան ցուցանել. իբրեւ միայն ՛ի մէջ ա(մենայ)ն ազգաց կամեցան կնճանալ ելանել տիրել թագաւորել հպարտանալ՝ ամբարտաւանել յո́ղն կալ, բարձրապարանոց երեւել ՛ի վերայ երախտաւորաց իւրեանց։

Verse: 13  Link to sept   Մեք իբրեւ կամեցաք ըստ ն(ո)ց(ա) անմտու(թ)ե(ա)ն զմեր միտս զնստուցանել, մեծաւ յաղթու(թեամ)բ դարձաք անտի ՛ի կողմանս երկրի́ն եգիպտացւոց։ զա(մենայ)ն ազգս եւ զազինս մարդասէր հեզութ(եամ)բ խնամով՝ ո(ր)պ(էս) պա́րտ պատշա́ճ էր օրինի մերում նուաճեցաք։

Verse: 14  Link to sept   եւ զազգատոհմն ն(ո)ց(ա) առանց ո́խս ՛ի մտի ունելոյ, վ(ա)ս(ն) բազմապատիկ յանդգնութե(ա)ն եւ ժպրհու(թ)ե(ան) ն(ո)ց(ա). սակայն հրամայեցաք աղեքսանդրացւոց քաղաքակից արժանիս առնել ՛ի համարի։

Verse: 15  Link to sept   Նոքա եւս վատթար յետսամիտ խորհրդովք՝ եւ տնկակից խորամանգու(թեամ)բք զայն բարիս յանձանց մերժեցին։ եւ քանզի հանապազ զմիտս իւրեանց ՛ի չարին հաւանութե(ան) ունէին, ո́չ միայն ՛ի բաց մերժեցին զերեւելի պատիւ մեծարանաց ընկերութե(ա)ն. այլ գարշին եւ անարգեն, եւ պիղծ համարին բանիւք եւ լռութ(եամ)բ։ եւ զա́յն եւս սակաւս որ ՛ի մեզ գթով նուաճեցան, խոտեն եւ անարգեն, եւ անկեաց կեանս շտապ տագնապաւ ՛ի վ(ե)ր(այ) հասուցանեն. կարճ ՛ի կարճոյ վաղվաղակի՝ կործանումն իրաց ն(ո)ց(ա) խոստանան ցուցանել։

Verse: 16  Link to sept   Յայսմ ա(մենայ)նէ հաստատեցաք ն(ո)ց(ա) ը(նդ) մեզ թշնամութի(ւն). եւ խորհուրդս ՛ի մտի եդաք, եթէ գուցէ առ այնպիսի խորամանգ բարոյիւք ն(ո)ց(ա) յանկարծակի խռովութի(ւն) ինչ ՛ի մեր վերայ հասանիցէ. եւ նոքա ըստ իւրեանց անօրէնու(թ)ե(ան) զթիկունս հա́ստ առնիցեն, մատընտու ՛ի ներքուստ արտաքս առ թշնամիս անդր գտանիցեն։ Հրամա́ն տուաք՝ վաղվաղակի իբրեւ ՛ի ձեռն առնուցուք զայդ մեր առ ձե́զ հրովարտակս. զմոլեկան չարագործսդ կնաւ եւ մանկամբք հանդերձ մեծաւ թշնամանօք եւ աշխատութ(եամ)բ, ոտիւք ձեռօք պարանոցօք կապելովք, շուրջանակի պատեալ պաշարեալ պահապանօք, ահագին պատուհասիւք առ մե́զ արձակել։

Verse: 17  Link to sept   Զի իբրեւ նոքա՝ խորամանգ ըստ անօրէն չարագործու(թ)ե(ա)ն պատի́ժ եւ պատուհաս ըստ իւրեանց արժանի գործոցն կրեսցեն. խաղաղագոյն եւ գիւրին մերոց իրաց կազմած հաստատութ(եամ)բ պատրաստեսցի։ Ապա թէ գտցի՝ որ թաքուսցէ ոք ՛ի նոցանէ ա́յր մի՝ կամ կին մի, կամ տղա́յ մանուկ մի՝ յանցեալ ծերութ(են)է մինչեւ ՛ի դիեցիկն ՛ի գրկի, չարաչա́ր տանջանօք պատուհասո́ւ մահու զնա տոհմաւ հարցեն։

Verse: 18  Link to sept   Ապա թէ ոք գտցի, որ զղօղեալն թաքուցեալն գուշակեսցէ, ինչքն եւ ստացուածքն գուշակելեացն լիցին, եւ յարքունի գանձէ նմա պարգեւ լիցի, եւ ազատութե(ան) պսակաւ պատուեալ ՛ի հրապարակս եկեսցէ կոչեցեալ։

Verse: 19  Link to sept   Եւ ա(մենայ)ն տեղի՝ ուր երեւեսցի ՛ի նմա ՛ի նոցանէ ոք ղօղեալ եւ թաքուցեալ, աւե́ր հրձիգ եւ անապատ լիցի. եւ ա(մենայ)ն ազգի մարդկան յա(մենայ)ն պէտս՝ անպէ́տ կացցէ մինչեւ յաւիտեանս ժամանակաց։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ հրովարտակն՝ արքունի օրինակ զա́յս գրեցաւ։ Բայց ը(նդ) ա(մենայ)ն տեղիս ուր եւ հասանէր հրաման հրովարտակին, գաւառակոյտ քաղաքաժողով ուրախութի(ւն) լինէր հեթանոսացն, մեծաւ ցնծու(թեամ)բ եւ ուրախութ(եամ)բ, զառագաստեալ խորամանգ նենգութ(եամ)բ զոխու(թ)ի(ւն) խորհրդոցն գաղտնեաց՝ յայտնութ(եամ)բ համարձակութ(եամ)բ զթշնամու(թ)ի(ւն) ցուցանէին։

Verse: 2  Link to sept   Եւ քաջացն սո́ւգ անհնարին՝ եւ գերարտօսրալից գոչմամբ եռանդն ՛ի վե́ր հասեալ զսիրտս ճմլէր։ յանկարծակի հրամանն դառնութե(ան) որ ՛ի սատակումն զամենեսեան առհասարակ հրաւիրէր։

Verse: 3  Link to sept   Քանզի զի՞նչ օրէնք կամ քաղաք, կամ բնա́ւ ամենեւին տեղի բնակեալ մարդկամբ, կամ ո՞ր անցք փողոցաց ընդ ա(մենայ)ն քաղաքս, որ ո́չ գուժիւ աղաղակաւ կոծով ՛ի վ(ե)ր(այ) ն(ո)ց(ա) չէին լցեալ ճփելով։

Verse: 4  Link to sept   Զի ա́յսպէս մեծաւ սաստիւ դառնու(թեամ)բ, եւ անողորմ հրամանաւ զազգն ընտրեալ ՛ի քաղաքաց քաղաքաց ժողովեալ յուղարկէին ՛ի ձեռն զօրավարաց գաւառացն, զի արտաքոյ բնակութե(ան) ՛ի տար պայման հրամանին տարապարտուց մեռանել։ եւ ա́յնչափ աղէտ տարակուսի էր ՛ի վ(ե)ր(այ) անհնարին վշտացն, մինչեւ սիրտն ոխակալ եւ ակն նախանձալից՝ վ(ա)ս(ն) հաւասար գթոյն յա́յն ողորմ տեսիլ չարչարանաց մարդկանն, արտասուք քամէին։ Զի յանկարծակի զթշուառութե(ան) ճանապարհօքն՝

Verse: 5  Link to sept   զի երթային տանէին զբազմութի(ւն) ծերակոյտ ալեացն հնացելոց, հիւանդաքայլ ոտիւք տարակուսեա́լ տկարութ(եամ)բ ՛ի հնու(թ)ե(ան) ժամանակի։ Իսկ որ ա́րդ եւս նորոգ ամուսնութի(ւն)ք ՛ի միմեանս հասեալ թերալից ուրախու(թեամ)բ նորասէ́ր առագաստիցն, չարաչար գուժիւ մերկացեալք, ուղղոյ լինէին։

Verse: 6  Link to sept   Եւ ամրածածուկ քօղաձիգ ծնկասէր հարսունք, վարսս մերկացեալ՝ գո́յժ առեալ՝ զիւղաթուրմ ցցունսն յանդգնեալ հոլանեալ՝ հող ՛ի գլո́ւխ տանէին։ փոխանակ երգոցն ուրախու(թ)ե(ան) ձայնակի́ց ընկերօք, անընդե́լ աշխատու(թ)ե(ան) տառապանօք, հերարձակ ցտեալք՝ եւ կապեալք ընդ հրապարակսն, մինչ ՛ի նաւացն նաւահանգիստսն բռնութ(եամ)բ քարշեալք երթային։

Verse: 7  Link to sept   եւ նոցին ամուսինքն՝ տոռն ընդ անձն փոխանակ երիտասարդու(թ)ե(ան) ցնծու(թ)ե(ա)ն՝ ձեռակապօք խառանաձիգ ՛ի մռընչի́ւն լալոյ վ(ա)ս(ն) հասեալ ժամանակին, անդէն առ ոտս իւրեանց զօրհաս մահուն՝ դէմ յանդիման առ ՛ի գժոխս նկարէին։

Verse: 8  Link to sept   Եւ ա́յսպէս զամենեսին իբրեւ զգազանս ինչ ՛ի վայրէ երկաթակա́պս ածեալ, ընդ խե́լս նաւաց զպարանոցս կապէին՝ եւ նովին շղթայիւք բեւեռէին։ կիսոցն զոտիցն եւ զձեռաց կապելո́ց առեալ՝ ընդ վերնակողմ տախտակամա́ծ նաւին բեւեռէին։ յա(մենայ)ն կողմանց թմբրեալք եւ յիմարեալք, զի անձին ինչ հրամայել յերթալ նաւացն նենգութ(եամ)բ ինչ մի́ կարասցեն։

Verse: 9  Link to sept   Իբրեւ ա́յնպէս զամենեսին զն(ո)ս(ա) ՛ի նա́ւ անդր՝ ամացեալ տանէին, եւ ընդ հողմոյն աջողել ը(ս)տ հրամանի թագաւորին ՛ի տեղի հասուցանէին։ Հրաման ետուն արտաքոյ քաղաքին յասպարիսի անդ՝ յը(նդ)արձակ տեղւոջ յաշխարհակոյտ վայրի վ(ա)ս(ն) խայտառակութե(ան) ազգին. զի ամենեցուն համարձակ իցէ տեսանել որ յայսկոյս յայնկոյս շահատակէին. զառաջին քինու վրէժն զամենեցունց ը(նդ) ա́յն հանէին։

Verse: 10  Link to sept   Իբրեւ այս ա(մենայ)ն լինէր. դարձեալ լո́ւ լինէր, թէ ազգակիցքն գաղտուկ ելանեն արտասուաց կցո́րդ լինել, վասն յանկարծակի թշուառութե(ա)ն ՛ի վ(ե)ր(այ) ազգին հասելոյ։ իբրեւ այն ա́զդ լինէր՝ ՛ի սրտմտութի(ւն) բարկութե(ան) բրդէր թագաւորն. Հրաման տայր եւ այնոցիկ որ ՛ի ներքս ՛ի քաղաքի անդ էին՝ ածել խառնել ը(նդ) ն(ո)ս(ա), եւ առհասարակ ՛ի նմին պատժի պատուհասի արժանի մահո́ւ առնել զամենեսեան. եւ ընդ միով աշխարհամար գրովն զազգատոհմն ա(մենայ)ն յանուանէ գրել։

Verse: 11  Link to sept   Զի առ յառաջ սակաւ մի յայտնելոյ գործոցն վ(ա)ս(ն) սրտացաւու(թ)ե(ան) պաշտամանն պատուիրեալ էր, սաստի́կ պատուհասիւք մեծամեծ տանջանօք ՛ի միում ժամանակի արագ արա́գ կորուսանել։

Verse: 12  Link to sept   Եւ ն(ո)ց(ա) գիր համարոյն ա́յսպէս դառնութե(ան) սաստիկ հրամանին սրտացաւու(թ)ե(ան) պնդապէս յարեւելից մինչեւ ՛ի մուտս արեւու անվախճան կատարած յաւուրս քառասուն ձգտէր։

Verse: 13  Link to sept   Առաւե́լ մեծապէս քան զօրէն հանապազորդ՝ թագաւորն լի́ ցմծութ(եամ)բ հրամա́ն տայր՝ մեծի տաճարին կոչնականս նուիրել յա(մենայ)ն մեծամեծաց. մոլորեալ մտօք ՛ի ճշմարտութ(են)է, անօրէն պիղծ բերանովն զանշրշունչ զանձայն զանմռունչ կուռսն՝ յարգէր գովէր. եւ յօրինաւոր սրբութի(ւն)սն խօսէ́ր որինչ ո́չ էր արժան։

Verse: 14  Link to sept   Եւ յետ ժամանակեալ ժամադիր ժամուն, եկին մատուցին աշխարհահամար դպիրքն զգիրն առաջի թագաւորին. սկսան պաղատել, եւ անհնա́ր համարեցան առնել գիր զաշխարհամար հրէիցն. ասէ, ո́չ յաղթեմք վ(ա)ս(ն) անչա́փ բազմութե(ա)ն. զի բազում ա́յն են ասէ, որ ցա́ն ա́ստ անդ ընդ աշխարհ անհամա́ր մնացեալ են արտաքոյ ա́յդր գրոյ անհամա́ր կան. եւ որ ՛ի տեղիս տեղիս՝ յապարանս ապարանս ՛ի կողմանս երկրին եգիպտացւոց անհամա́ր կան։

Verse: 15  Link to sept   Իբրեւ զա́յն լսէր թագաւորն, պատուհասակո́ծ առնէր զդպիրսն իբրեւ զկաշառաբեկս, իբրեւ զայն ինչ խելս մենքենայից խառնեալ՝ զի ապրեցուցանել մարթասցեն նոքա զն(ո)ս(ա)։

Verse: 16  Link to sept   Նոքա՝ հաստատէին եւ ասէին, յա́յտ յանդիման ցուցանէին զքարտէսն պակասեալ, եւ զգրիչսն մաշեալս։ եւ այս ա(մենայ)ն լինէր վ(ա)ս(ն) օգնականութե(ան) բարձրելոյն, որ ցուցանէր զգթութի(ւն) խնամոց ՛ի վ(ե)ր(այ) եբրայեցւոցն։



Chapter: 5 
ԳԼ(ՈՒԽ) Ե՜.


Verse: 1  Link to sept   Յա́յնմ ժամանակի կոչէր նա զհերմոն փղապետ, մեծա́ւ սաստկութ(եամ)բ վառել զփիղսն ՛ի վաղիւ անդր. զի առանց յապաղելոյ պատրաստեսցէ գինեզէնս խնկալիցս՝ զայրացեալս կնդրկաւ՝ գազանացեալս անապակաւ, ՛ի հրապարա́կ ածել՝ թուով իբրեւ եւթնհարիւր. ածե́լ պատրաստել ահագին պատուհաս ազգին եբրայեցւոց։

Verse: 2  Link to sept   Եւ թագաւորն զա́յս հրաման տայր փղապետին, ինքն յուրախութի(ւն) դառնայր՝ բազում զօրօք մեծամեծ աւագանով, որ առաւե́լ եւս թշնամու(թեամ)բ էին ը(նդ) ազգին եբրայեցւոց քան զթագաւորն։

Verse: 3  Link to sept   Իսկ փղապետն իբրեւ լուա́ւ զհրամանն սաստկու(թեամ)բ՝ կատարէր, ՛ի ժամ անդ զփիղսն պատրաստէր. եւ ա́յլ սպասաւորքն ելանէին կապէին զտառապելոցն զոտս եւ զձեռս, եւ զա́յլ պահ գիշերապահ շո́ւրջ զնոքօք զգուշու(թեամ)բ բիւրազգի ածէին։ ընդ միտս իւրեանց համարեալ, ը(նդ) այգն ընդ առաւօտն վախճան սատակման ածեալ ՛ի վ(ե)ր(այ) ազգին տեսանէին։

Verse: 4  Link to sept   Իսկ հրէայքն յա(մենայ)ն կողմանց զանձինս իւրեանց անզօր եւ առանց օգնականու(թ)ե(ան) գէ́շ անկեալ հեթանոսացն համարէին. զամենակալն ա(ստուա)ծ, եւ զա(մենայ)ն զօրութե(ան)ց զօրացուցիչ զողորմածն ա(ստուա)ծ՝ անդադար բարբառով արտասուօք կարդային։ անկեալ առհասարակ աղաչէին՝ դարձուցանել շրջել զխորհուրդն անօրէնութե(ան). մեծապէս յայտնութ(եամ)բ անցուցանել զօրհասն, որ անդէն մօտաշուտ զոտիւք զձեռօք պատեալ է։

Verse: 5  Link to sept   Փղապետն զանողորմ գազանսն՝ գինեզէնս խնկալիցս զայրացուցեալ ընդ առաւօտն ՛ի դուռն թագաւորին հասուցանէր։

Verse: 6  Link to sept   Իսկ ա́յն որ յաւիտենից ժամանակաց գեղեցիկ արարածք, բարւո́ք բաժին տունջեան եւ գիշերոյ վիճա́կ ելեալ յերկնաւոր ՛ի պարգեւատու յառատաձեռնն ա(ստուծո)յ, ելանէր պարգեւ մասն մի քնոյ՝ զոր առաքէր ՛ի վ(ե)ր(այ) թագաւորին. եւ անդէն թանձր եւ խորին, եւ քաղցր եւ անոյշ քնով ՛ի զօրութի(ւն) տ(եառ)ն կապէր զթագաւորն, եւ զնա յանշարժ խորհրդոցն անտի խաբեալ վրիպեալ կացուցանէր։

Verse: 7  Link to sept   Ա́նդ որդիք եբրայեցւոցն՝ զժամանակեալ զմահաբեր զօրհասի́ ժամանակն զանցուցեալ, զս(ուր)բն զերկնաւորն ա(ստուա)ծ օրհնէին։ եւ դարձեալ անկեալ ՛ի վ(ե)ր(այ) երեսաց իւրեանց՝ աղաչէին կատարել զպարգեւն ՛ի մեծազօր բազկէ անտի, ՛ի մէջ հպարտացեալ հեթանոսացն երեւեցուցանել։

Verse: 8  Link to sept   Իբրեւ ընդ մէջ լինէր ժամ տա́սներորդ. եւ սպաս տաճարին ա(մենայ)ն պատրաստեալ էր, եւ կոչնականքն յիւրաքանչիւր ՛ի չափս յօրինեալ կային. յանկարծակի խթեաց ա́զդ արար, մերձ յանցանել լինել ժամ ուրախութե(ան) տաճարին։ Զա́յն ժամ զուրախու(թ)ե(ան) զմտաւ ածէր թագաւորն, եւ անդէն բազմեալ վաղվաղակի հրամայէր զկոչնականսն ՛ի ներքս կոչել, սպա́ս առնել տաճարին բարձի́ցն պատրաստութե(ան), զա́յր ա́յր յիւրաքանչիւր գահ հրամայէր մատուցանել.

Verse: 9  Link to sept   ՛ի ձե́ռն առեալ զուրախու(թ)ի(ւն) խրախունս առնէր տաճարին, զանագան ժամուն ընդ ուրախութի(ւն) զուարթու(թ)ե(ան) անցուցանել։ Իբրեւ յերկարագո́յն նուագօք զբանիւք անկանէին. կոչեաց զփղապետն ահե́ղ սաստկութ(եամ)բ դառնապէս պատուհասէր. ընդէ՞ր կամ զմէ՞ զժամադիր սաստիկ հրամանի զօրահասաւ՝ անցեալ հրեայքն, եւ զայս օր կեցեալ գտանէին։

Verse: 10  Link to sept   Նա՝ կա́յր ցուցանէր նմա զհրամանն արքունի՝ գիշերախառն կատարեալ. եւ նոքին կոչնականքն վկայէին բանիցն փղապետին։ ապա թագաւորն զդառնութի(ւն) գազանութե(ա)ն ցածուցանէր՝ եւ ասէ, ե́րթ դու քեզ՝ զայս օր քնո́յ շնո́րհ կալցին նոքա։ բայց անվրէպ զվաղիւ օրն պատրաստեսջի́ր ՛ի նմի́ն գազանութե(ան) զփիղսն ՛ի վ(ե)ր(այ) անօրէն ազգին հրէից սատակման հասուցանելոյ։

Verse: 11  Link to sept   Իբրեւ զա́յն ասէր թագաւորն. եւ ամենեքին լի́ ուրախութ(եամ)բ ընդ մի́ բերան զհրամանն գովէին, յիւրաքանչիւր վանս ՛ի միմեանց բաժանեալք, վ(ա)ս(ն) անագան ժամուն մեկնէին. եւ սակայն այնչափ ո́չ տային քնոյ զանձինս, որչափ զգիշերն ա(մենայ)ն զմտաւ ածէին մենքենայել զինչ նոր նոր չարչարանս ՛ի վ(ե)ր(այ) տառապելոցն հասուցանե́լ մարթասցեն։

Verse: 12  Link to sept   Ա́յն ինչ՝ հա́ւ խօսեցաւ, կանուխ ընդ առաւօտն գազանացուցեալ՝ վառեալ զգազանսն ՛ի գինի եւ ՛ի խունկ, ածեալ պատրաստէր. եւ ինքն իջեալ ՛ի մեծի սրահի անդ ճե́մ առեալ շրջէր։ իսկ որ ՛ի քաղաքի անդ էին, առհասարակ ելեալ հեղեալ՝ եկեալ ժողովեալ էին. դէ́տ ակն ունէին թշուառու(թ)ե(ան) տեսլեանն, որ ընդ այգն ը(նդ) առաւօտն ՛ի վ(ե)ր(այ) հրէից սպառնացեալ պահէր։

Verse: 13  Link to sept   Եւ հրէայքն ժամ ՛ի ժամ անցեալ զօրհասաւն, բազում արտօսր՝ պահոց պնդու(թ)ե(ան) ՛ի ձայն ողո́րմ ողբոց, զձեռս յերկինս բարձեալ՝ զմե́ծ զամենազօրն ա(ստուա)ծ աղաչէին, միւսանգամ այցելու լինել փրկել զն(ո)ս(ա) յանհնարին յօրհասէն։

Verse: 14  Link to sept   Չե́ւ լինէր արեգական ճառագայթիցն յաշխարհ սփռեալ, եւ թագաւորն յարուցեալ դէտ ակն ունէր մեծամեծացն։ հասեալ ՛ի դուռն փղապետին, աչօք ցուցանել զպատրաստութի(ւն) փղացն, ո́րպէս վառեալ պատրաստեալ ՛ի դուռն հասեալ էր։

Verse: 15  Link to sept   թագաւորն շնորհակա́լ լինէր. զարմացեա́լ էր ը(նդ) պատրաստու(թ)ի(ւն)ն։ Դարձեալ միւսանգամ անդրէն զառածանէր, զի՞նչ իրք իցեն վ(ա)ս(ն) անօրէն ճեպոյն. դարձեալ զմիտս դարձուցանէր, պատուհա́ս ՛ի վ(ե)ր(այ) փղապետին կապէր, թէ որինչ հրաման տուեալէր, զայն ո́չ վաղվաղակի ՛ի գլուխ հանեալ ցուցանէր։

Verse: 16  Link to sept   Եւ այս ա(մենայ)ն լինէր ՛ի հրամանէ տ(եառ)ն ամենակալի, զանհնարին զօրհասին պնդութե(ան) խորհուրդսն յապուշ դարձուցանէր։ արդ մատուցեալ փղապետն զմեծամեծս յաւագանւոյն ՛ի վկայու(թ)ի(ւն) տանէր. ո́րպէս կանխաւ փիղքն վառեալ եւ զօրքն պատրաստեալ, զհրամանն արքունի հաստատուն ՛ի գլո́ւխ կատարեալ ցուցանէր։

Verse: 17  Link to sept   Դարձեալ յայնմ ժամանակի թագաւորն լնոյր մեծաւ բարկութ(եամ)բ վ(ա)ս(ն) մեծու(թ)ե(ան)ց գթոյն ա(ստուծո)յ, զի կամէր ցրուել զխորհուրդս ն(ո)ր(ա)։ որ անդէն իսկ մեծաւ բարկութ(եամ)բ՝ սաստիկ պատուհասիւք հայեցաւ ընդ փղապետն. Սկսաւ խօսել՝ եւ ասէ։

Verse: 18  Link to sept   որ միանգամ հարք եւ մարք եւ որդիք ՛ի տեսանել իսկ եկեալ իցեն, գրեսցի կո́ւր արկանել գազանացն. եւ զքեզ ը(նդ) ն(ո)ս(ա) փոխանակ անմեղացդ այդոցիկ, որ իսկզբանէ́ նախնեաց մինչեւ ՛ի նախնիս անարատ զարդարութի(ւն) եւ զհաւատս՝ մեզ պահեալ է եբրայեցւոցդ այդոցիկ։ եւ եթէ ոչ վասն դայեկատոհմ միասնունդ սիրոյն էր, զքաղցր արեւդ յաչա́ցդ հատանէի, եւ զքեզ նենգաւո́ր չարագործ ՛ի միջոյ պակա́ս առնէի։

Verse: 19  Link to sept   Փղապետն ա́յսպէս յանկարծ ժամանակի յեղեռնաւո́ր պատուհասէն մազապուր ելանէր. եւ յառաջին զուարթութ(են)է անտի զիջեալ տրտմագոյն երեսօք այր զարամբ զինքն ՛ի միջո́յ անտի ՛ի բա́ց մերժէր. եւ բարեկամքն իւրաքանչիւր գլուխ ՛ի վայր արկեալ, զամբոխն ժողովեալ յիւրաքանչի́ւր պէտս հրաման տուեալ ցրուէին։

Verse: 20  Link to sept   Որդիքն եբրայեցւոց իբրեւ լուան զթագաւորին. զերեւելին զտ(է)ր ա(ստուա)ծ, զթագաւորն թագաւորաց օրհնել սկսան. առաւել իբրեւ զա́յս օգնութի(ւն) եւս ՛ի վ(ե)ր(այ) անձանց իւրեանց գտին։ Եւ անդէն վաղվաղակի թագաւորն հրաման տայր կոչնականացն յուրախութի(ւն) դառնալ։

Verse: 21  Link to sept   Կոչեաց զփղապետն դարձեալ մեծա́ւ պատուհասիւ, սկսաւ խօսել ընդ նմա եւ ասէ. քանի՞ցս անգամ քեզ վ(ա)ս(ն) ն(ո)ց(ա), ա́յ թշուառ՝ պատուէր տուեալ է, վառել կազմել պատրաստել զփիղսն. գոնէ արդ՝ առ վաղիւ պատրաստեսցես յեղեռնաւոր թշուառական ազգին հրէիցն։

Verse: 22  Link to sept   Իբրեւ զա́յն լսէին բազմականքն ա(մենայ)ն առաւե́լ զարմանային ը(նդ) յեղյեղուկ միտս թագաւորին։ եւ ասեն. ցե՞րբ է այդ արքայ, ցե՞րբ ՛ի միտս քո փորձես զմեզ. այդ՝ երիցս անգամ հրամայեալ է սատակել զազգդ ժպիրհ. եւ դարձեալ միւսանգամ զքոյին հրաման անդրէն եղծանես։ զիա՞րդ վասն այսորիկ եւ քաղաքս ա(մենայ)ն ՛ի ժողովս իւրեանց առաւել վշտացեալ են քան զայն չարագործս։

Verse: 23  Link to sept   Զայսմանէ ամենայնիւ վրիպակ արքայն լի́ եղեալ յիմարու(թեամ)բ ՛ի վարանս մտանէր. եւ յա́յն ինչ ո́չ հայէր՝ որ յերկնից այցելութի(ւն) էր ՛ի վ(ե)ր(այ) հեբրայեցւոց։ Դարձեալ սաստկու(թեամ)բ երդնոյր զերդումն անկատար, ասէ. առանց իրիք յերկուանալոյ՝ զն(ո)ս(ա) ՛ի դժոխս յուղարկեցից առաթո́ւր կոխեալս անհնարին գազանացն. զօրաժողով լինել առհասարակ ՛ի վ(ե)ր(այ) հրէաստանի, զփայտակերտն հրով դատել, եւ զկաւակերտն ջուրբ լուանալ. ՛ի գերու(թ)ե(ան) վարել առհասարակ, զինչս եւ զստացուածս, եւ զորինչ կայ ՛ի նմա։ եւ զայն պահեստ ՛ի մէնջ զտաճարն ն(ո)ց(ա) հրձի́գ առնել, եւ զնա տուն զոհից զա(մենայ)ն աւուրս ժամանակաց կացուցանել։

Verse: 24  Link to sept   Յայնմ ժամանակի հաստատու(թեամ)բ բանս լուեալ կոչնականքն, եւ բարեկամք տոհմային սիրելիք, հաստատութ(եամ)բ զբանն լուեալ՝ զուարճացեալ գնային. հրամա́ն տային զօրացն՝ յամուր վայրի արգելեալս, շուրջ գիշերապահս եւ խրամապահս կացուցանել։

Verse: 25  Link to sept   Իսկ փղապետն յանհնարին մոլու(թ)ի(ւն) զգազանսն վառեալ պատրաստէր. խնգեալ գինւով կնդրկախառն յահեղ պատրաստու(թ)ի(ւն)ն վառէր զդիւագին գազանսն առ վաղիւ անդր, անթիւ գէշ անկեալ հասեալ յասպարիսի անդ։ Արդ՝ ե́կն եմուտ ՛ի սրահ անդր, ստիպէր տագնապաւ զթագաւորն ՛ի կոտորո́ւմն կապեալ ժողովրդեան։

Verse: 26  Link to sept   Յայնմ ժամանակի ա(մենայ)ն զօրքն՝ անհնարին գազանօքն դիմեալ գայր ՛ի դուրս թագաւորն, ՛ի մտի եդեալ անգութ աչօք, անողորմ սրտիւ, ինքնին տեսանել զվշտագին սատակումն թշուառական գնդին։

Verse: 27  Link to sept   Իբրեւ եկին հասին փղօքն պատրաստելովք, եւ զօրօք վառելովք ՛ի դուռն քաղաքին. ա́զդ լինէր հրէիցն թնդիւն զօրացն, փայլիւն զինուն. փոշին որ ելանէր դիզանէր՝ յա́մպս հասանէր. ամբոխն աղաղակէին զնոքօք պատեալ, զմիտսն յապուշ դարձուցանէր. եւ զայս յետին կատարած համարեցան ՛ի վերայ թշուառու(թ)ե(ան) կարծեացն։ Յողորմ գութ խանգաղատեալ հարք եւ մարք, ոստերք եւ դստերք, քորք եւ եղբարք, տոհմային բարեկամք սիրելիք, զմիմեանց պարանոցօք անկեալ փարեալ պատեալ համբուրէին։

Verse: 28  Link to sept   եւ կէսք զմատաղածին մանկունս ՛ի գի́րկս առեալ յետին զա́յն ծուծ ստին ՛ի բերան եդեալ տղայոցն՝ համարէին։ Եւ մինչդեռ յայնմ յաղէտս տարակուսի եւ ՛ի շտապ տագնապի երիթամածեալ կային, յիշեցին զառաջին օգնականու(թ)ի(ւն)ն որ եղեւ յերկնից. առհասարակ միաբան ՛ի միմեանց մեկնէին, եւ ՛ի տղայ մանկանցն բերանոյ զստինսն ՛ի բա́ց կորզէին. եւ առհասարակ անկեալ առաջի մեծու(թ)ե(ան)ցն ա(ստուա)ծու(թ)ե(ա)ն թաւալէին։ Ձա́յն բարձեալ մեծաւ բարբառով ՛ի գոչիւն լալոյ. զամենազօրն զամենակալն աղաչէին, ՛ի գո́ւթ դառնալ մեծաւ ողորմութ(եամ)բ. փրկել զհատեալս ՛ի յուսոյ, զհասեալ մերձեցեալսն ՛ի դրունս դժոխոց։



Chapter: 6 
ԳԼ(ՈՒԽ) Զ՜.


Verse: 1  Link to sept   Եղիազարոս ոմն անուն՝ ա́յր երեւելի ՛ի գնդէ́ քահանայիցն, յեցեալ ՛ի ծերութի(ւն), զարդարեալ լուսաւորեալ ա(մենայ)ն քաջութ(եամ)բ եւ արդարութ(եամ)բ ՛ի մանկու(թեն)է, հազի́ւ ինչ՝ ծերս քանի մի որ զիւրեւն էին՝ հանդարտեցուցանէր, եւ առ ինքն յարեալ ՛ի ս(ուր)բն ա(ստուա)ծ աղօթս մատուցանէր, եւ ասէր ա́յսպէս։

Verse: 2  Link to sept   Թագաւո́ր մեծազօր, բարձրեալ ամենակալ ա(ստուա)ծ. որ զա(մենայ)ն վարես եւ ուղղես ՛ի գթութի(ւն) ողորմութե(ան)ց քոց. հայեա́ց ՛ի վ(ե)ր(այ) աբրահամեան զաւակիս, ՛ի սրբոյ սահակայ՝ յորդիս յակոբայ, ՛ի բաժին ժառանգութե(ան) քոյ՝ ՛ի ժողովուրդ օտար՝ յօտար երկրի ՛ի կորուստ մատնեալ։

Verse: 3  Link to sept   Դու այն ա(ստուա)ծ ես, որ զփարաւոն բազմացեալ կառօք եւ երիվարօք եւ զօրօքն եգիպտացւոց, զհպարտացեալ բարձրացեալ մեծաբանեալ ամբարտաւան զօրօքն հանդերձ՝ ծովամացս ՛ի կորուստ յուղարկեալս ընկղմեցեր։

Verse: 4  Link to sept   Դու՝ որ զանթիւ զօրսն պերճացեալ պարծեցեալս՝ սանատրուկ արքայի ասորեստանեայց սատակեցեր, որ ՛ի մի սայր սուսերի, եւ ՛ի մի տէգ նիզակաց առեալ հաւաքէր ամփոփել զերկիրն ա(մենայ)ն հրէաստանի. հպարտացաւ եւս հասանել ծանր բարբառով՝ յանդուգն սաստկու(թեամ)բ մեծա́ւ նախատանօք ՛ի վ(ե)ր(այ) քաղաքին սրբոյ։ Դու տ(է)ր հարեր բեկեր կործանեցեր, իյա́յտ յանդիմանու(թեամ)բ ցուցեր զզօրութ(իւն) բազկի քոյ ա(մենայ)ն հեթանոսաց։

Verse: 5  Link to sept   Դու՝ եւ որ յերկիրն բաբելացւոց երեք մանկունքն ինքնակամ զանձինս ՛ի հուրն մատնեցին՝ զի մի́ երկի́ր պագցեն սնոտի պաշտամանց, փրկեցեր, զի եւ հերոյ վարսից նոցա ո́չ մեղանչէր հուրն. ճարա́կ ետուր հրոյն զօրու(թ)ե(ան)ց զթշնամիսն։

Verse: 6  Link to sept   Դու՝ եւ որ ՛ի նախանձ նենգու(թ)ե(ան) ՛ի գո́ւբ արկեալ զդանիէլ ՛ի բերան անհնարին գազանացն, ՛ի լո́յս ածեր անարատ պահեալ։

Verse: 7  Link to sept   Դու՝ եւ որ զհե́ւրն անդնդոց. որ տեսեր զի մաշէր ՛ի պորտ ձկանն. անարա́տ ածեալ, յանդիման ընտանեաց իւրոց կացուցանէիր։

Verse: 8  Link to sept   Դո́ւ հայր եւ արդ՝ ամբարտաւանատեաց, բարեսէր, ողորմած, ապաւէն ա(մենայ)նի, արա́գ երեւեա́ց ՛ի վ(ե)ր(այ) ազգիս ի(սրա)էլացւոց, որ ՛ի ձեռս պղծոց անօրինաց հեթանոսաց անկեալ չարաչար կա́ն ՛ի պատուհասի։

Verse: 9  Link to sept   Ապա եթէ ըստ ամպարշտութե(ան) կեանքս մեր ՛ի վախճան մահու այսո́ւ սաստիւք հասեալ իցեն. ՛ի ձեռաց թշնամեացս միայն փրկեա́ զմեզ. եւ որով կամիցիս սաստիկ պատիժ պատուհասիւք դատեսջի́ր զմեզ. զի մի́ ընդունայնամիտ զրախորհուրդ հեթանոսք պարծեսցին առաջի սնոտեաց իւրեանց ՛ի վ(ե)ր(այ) մերոյ կորստեան, եւ ասիցեն՝ թէ եւ ո́չ ա(ստուա́)ծն իւրեանց փրկեաց զնոսա ՛ի ձեռա́ց մերոց։

Verse: 10  Link to sept   Այլ դու որ զա(մենայ)ն զօրու(թ)ի(ւն)ս՝ եւ զիշխանու(թ)ի(ւն)ս եւ զպետու(թ)ի(ւն)ս յաւիտենից ՛ի ձեռս քո ունիս, անուշակ անմահ ողորմա́ծ ա(ստուա)ծ՝ ողորմեա́ց գթա́ ՛ի մեզ, որ ա́յսչափ անօրէն թշնամանօք զանկարգ զանիմաստ պատուհաս մահու յանձինս կրեալ ՛ի կենաց ՛ի մա́հ՝ զօրէն չարագործաց յուղարկիմք։

Verse: 11  Link to sept   Հաշեսցէ մաշեսցէ զհեթանոսս զօրութի(ւն) յաղթու(թ)ե(ան) քոյ. զի գո́յ զօրութի(ւն) փրկութե(ան) պատուի քում ՛ի վ(ե)ր(այ) փրկու(թ)ե(ան) յակովբեան տոհմիս։

Verse: 12  Link to sept   Անկեալ աղաղակէին աւասիկ ա(մենայ)ն աղածրի երա́մ երա́մ բազմութի(ւն) տղայոց. եւ նոցունց հարք եւ մարք արտասուօք, զի ողորմութի(ւն) քո յայտնի լիցի ա(մենայ)ն հեթանոսաց, եթէ դու տ(է)ր մեր ընդ մե́զ ես, եւ ո́չ դարձուցեր զերեսս քո ՛ի մէնջ. այլ ո(ր)պ(էս) յառա́ջ իսկ խոստացար՝ թէ եւ յերկրի թշնամեաց ն(ո)ց(ա) զն(ո)ս(ա) ՛ի ձեռաց ո́չ թողից. արդ զնո́յն բան հրամանի քոյ կատարեսջի́ր տ(է)ր։

Verse: 13  Link to sept   Այն ինչ լինէր եղիազարու զաղօթսն առ ա(ստուա)ծ մատուցանել. եւ թագաւորն գազանօքն եւ զօրօքն հանդերձ ՛ի տեղի հանդիսին յասպարէ́ս անդր մեծա́ւ բարկու(թեամ)բ հասանէր։ Զաչս ՛ի վեր բարձին որդիք եբրայեցւոցն, իբրեւ զայն տեսին՝ ՛ի ձա́յն մեծ գոչման յերկինս զաղաղակ բարձին։ Յա́յն ձայն գոչման առհասարակ լերինք եւ հովիտք անդրէն կրկնեալ բարբառով ը(նդ)դէմ հնչեցին. անհնարին խռովու(թ)ի(ւն) յերկոցունց աղաղակէ գոչմանն ՛ի վ(ե)ր(այ) զօրացն հասանէր։

Verse: 14  Link to sept   Յայնմ ժամանակի բարձրեալն փառօք՝ մեծապատիւ ամենակա́լ ճշմարիտն ա(ստուա)ծ երեւեցո́յց զերեսս իւր. բաց նա զդրունս երկնից. ուստի եկին իջին երկու ահեղ փառաւորեալք աներեւոյթ հրեշտակք. զի ո́չ ումեք ոչ երեւէին՝ բայց միայն հրէիցն։

Verse: 15  Link to sept   եւ հարան ՛ի դիմի թշնամեացն, եւ լցին զզօրսն խռովութ(եամ)բ, եւ լի́ արարին ահիւ եւ դողու(թեամ)բ. եւ առհասարակ զամենեսեան անշարժ կապեալ պատեալ պաշարեալ պահէին։ Եւ թագաւորին իսկ գլխովին՝ սոսկացեալ դողացեալ քստմնեալ լինէին ոսկերք եւ մարմինքն. սաստն խռովութե(ան) գազանու(թ)ե(ա)ն՝ եւ սրտմտու(թ)ի(ւն) բարկութե(ա)ն անդէն յապո́ւշ միտս եղծանէին։ եւ գազանքն անդէն յետս ՛ի վ(ե)ր(այ) վառեալ զօրացն յարձակէին, եւ բազումս ՛ի նոցանէ առաթուր հարեալ անդէն առ ոտս իւրեանց սատակէին։

Verse: 16  Link to sept   Ի նմին տեղւոջ վաղվաղակի թագաւորին բարկութի(ւն)ն ՛ի գութ յարտասուս վ(ա)ս(ն) առաջին պնդութե(ան) յամառութե(ան) խստու(թ)ե(ա)ն հարկանէր. զի իբրեւ լուաւ զգոչիւն բարբառոյն, եւ զմտաւ ած զկորուստն բազմաց, զայրացաւ՝ հարա́ւ յարտասուս. Խօսել սկսաւ ընդ բարեկամսն լի́ բարկու(թեամ)բ՝ եւ ասէ։

Verse: 17  Link to sept   Անցէք զանցէք ապաքէն, բռնացարուք, թագաւորել կամիք. եւ զիս իսկ ՛ի վ(ե)ր(այ) ա(մենայ)ն երախտեաց, ՛ի մտաց խորհրդոց՝ ՛ի տէրութ(են)է առհասարակ մերժե́լ կամիք. գողացարուք աւադիկ զմիտս իմ խորհրդակա́նքդ առաքինիք. եւ զինչ ո́չ է օգուտ տէրութե(ան) մերում, զա́յն առնել տալ մենքենայիւք։

Verse: 18  Link to sept   Ո՞ է որ զհզօր զաշտարակդ հաւատարիմ սասանէ, զաւանդապահսդ ուխտից մերոց։ ո՞ է որ զսոսա յիւրաքանչի́ւր տեղեաց բնակութ(են)է իբրեւ զգազա́նս չարագործս յայս տեղի կապեալս կուտեալս պաշարեալս պահէ։ ո՞ է որ զսոսա որ իսկզբանէ ընդ մեզ միաբանու(թեամ)բ եւ արդարու(թեամ)բ քան զա(մենայ)ն ազգս եւ ազինս ՛ի մէջ բազում պատերազմաց եւ խռովութե(ան) ժամանակի, հաւանու(թ)ի(ւն) արդարու(թ)ե(ան) պահեալ, այսպիսի անօրէն չարաչար տանջանօք ածեալ կապեալ պատեալ պաշարեալ պահէ։

Verse: 19  Link to sept   Լուծէ́ք արձակեցէ́ք զանօրէն կապանսդ, յիւրաքանչիւր տեղիս խաղաղութ(եամ)բ յուղարկեցէ́ք, զառաջին զեղեալ լլկութի(ւն)սն ՛ի գրգութի(ւն)ս ողոքանաց. մխիտարեցէ́ք զորդիսդ ամենակալի́ ա(ստուծո)յ երկնաւորի կենդանւոյ, որ ՛ի սկզբանն նախնեաց մինչեւ ցայսօր անարգե́լ տէրութի(ւն) եւ հաստատուն իրաւունք՝ տուեալ են մեզ։ եւ թագաւորն յա́յսմ օրինակի զբանս իւր մերկանայր։

Verse: 20  Link to sept   Իսկ հեբրայեցիքն վաղվաղակի յակա́ն թօթափել, լուծեալք ՛ի կապանաց անտի, զամենակալ փրկիչ զս(ուր)բն ա(ստուա)ծ իւրեանց օրհնէին. ա́յն ինչ մազապուր ՛ի դրաց մահուանէ չհաւատալի զերծեալք։

Verse: 21  Link to sept   Իբրեւ զայն դիւրու(թ)ի(ւն) դիւրէր հեբրայեցւոց՝ թագաւորն ինքն ՛ի ներքս ՛ի քաղաքն դառնայր, կոչե́լ հրամայէր զմտից դպիրն՝ եւ ասէ. հա́պա, վաղվաղակի գինի́ եւ նաշիհ, եւ որ զինչ պիտի յուրախու(թ)ե(ան) հանդերձ հրէիցն մատուցանել զեւթն օր։ զի հրամայեցաւ ն(ո)ց(ա) ՛ի նմին տեղւոջ ուր համարեցան զեղեռնաւոր սատակումն անձանց իւրեանց կատարել, անդէն զայն եւթն օր փրկութե(ան) ուրախու(թեամ)բ անցուցանէին։

Verse: 22  Link to sept   Յայնմ ժամանակի՝ որ յառա́ջ մատնցո́յց նախատանօք եկեալ հասեալ ՛ի մահ, մա́նաւանդ թէ մտեալ իսկ էին ը(նդ) դրունս դժոխոց. փոխանակ դա́ռն այնր օրահասին՝ խնճո́յս ուրախութե(ան) կացուցեալ ՛ի փրկութե(ան) տեղւոջն, ուր սատակմանն եւ վհին ակն ունէին։ Բազմականս բազմականս բաշխեալ լի́ ուրախու(թեամ)բ յիւրաքանչիւր կողմանս բաժանէին։

Verse: 23  Link to sept   եւ փոխանակ արտասուալից ողբոցն, ե́րգս առեալ ՛ի ձայն օրհնութե(ան) հայրենի բարբառովն զնշանագործ փրկիչն զա(ստուա)ծ օրհնէին։ զլալիւն եւ զհեծեծու(թ)ի(ւն) ՛ի բա́ց մերժեցին. պա́ր առեալ ուրախու(թ)ե(ան) խաղաղութե(ան) ցնծու(թ)ե(ան) նշան կանգնէին։

Verse: 24  Link to sept   Սո́յն օրինակ եւ թագաւորն վ(ա)ս(ն) ն(ո)ց(ա) ՛ի մեծի́ տաճարին ժա́մ տուեալ ուրախութ(եամ)բ բազմաւ զկոչնականսն հրամայէր ՛ի ներքս կոչել, անպակաս բերանով յերկինս հայեցեալ, բազմապատիկ ՛ի վ(ե)ր(այ) յանկարծակի սքանչելի փրկու(թ)ե(ան) ժողովրդեանն զա(ստուա)ծ ՛ի վե́ր օրհնէին։ Եւ որ յառաջն ՛ի սատակումն գազանագէշ հաւակերի զժողովուրդն նուիրէին խնդու(թեամ)բ, յոգո́ց ելանէին անօթ եւ վնաս յանձին կալեալ. եւ զհրաշո́ւնչ բարկութի(ւն)ն իւրեանց շիջուցեալ, ցնծու(թեամ)բ զուրախու(թ)ի(ւն) զուարթացուցանէին։

Verse: 25  Link to sept   Իսկ հրէայքն ո(ր)պ(էս) ասացաք յառաջագոյն՝ պա́րս ուրախութե(ան) կազմեալ զեւթնօրեայ ժամանակն զուարթու(թեամ)բ ցնծութ(եամ)բ օրհնէին զա(ստուա)ծ։ ՛ի հաւասար միաբանութ(են)է

Verse: 26  Link to sept   օրէնս դնէին յա(մենայ)ն տեղիս բնակու(թ)ե(ան) իւրեանց՝ ածե́լ զաւուրսն զայն ուրախու(թ)ե(ան). ո́չ վ(ա)ս(ն) հպարտութե(ան), եւ ո́չ վ(ա)ս(ն) որկորստութե(ան), այլ վ(ա)ս(ն) գոհութե(ան) եւ փրկու(թ)ե(ան) զոր արա́ր ը(նդ) ն(ո)ս(ա) ա(ստուա)ծ։

Verse: 27  Link to sept   կարգեցին խառնել զաւուրսն զայնս ՛ի տօնս տարեկանաց իւրեանց։ եւ ապա խնդրեցին ՛ի թագաւորէ́ անտի արձակել զինքեանս յիւրաքանչիւր տեղիս։ յաշխարհահամար խառնէին ՛ի հինգերորդ քսաներորդ պաքոնայ, մինչեւ ՛ի չորրորդն եպիփայ՝ աւուրս քառասուն։

Verse: 28  Link to sept   Դարձեալ հրաման եւս արարին ՛ի տեղւոջն առնել զե́լս եւ զծախս ՛ի հինգերորդէ անտի եպիփայ մինչեւ յօր երրորդ ամսոյ աւուրցն, յորում մեծապէս փառաւորեցո́յց ա(ստուա)ծ զողորմութի(ւն) իւր, եւ փրկեաց զն(ո)ս(ա) անարատս առհասարակ. եւ ա́յնպէս ուրախ լինէին ՛ի հրամանէ թագաւորին։

Verse: 29  Link to sept   զի հրամայեալ էր տալ զա(մենայ)ն հանդերձանս զուարակութե(ան), մինչեւ յօրն չորեքտասաներորդ, յորում գտին զվճիռ արձակելոյն իւրեանց։ Յա́նձն առ թագաւորն. հրամա́ն ետ տալ հրովարտակս ՛ի քաղաքս քաղաքս՝ առ զօրավար զօրավար օրինակ զա́յս։



Chapter: 7 
ԳԼ(ՈՒԽ) Է՜.


Verse: 1  Link to sept   Արքայ փիղովպատովր պտողոմէոսս՝ առ զօրավարս եւ առ ա(մենայ)ն իշխանս՝ եւ պետս, որ ՛ի վ(ե)ր(այ) իրաց արքունի են՝ ողջո́յն. դուք խրա́խ լիջի́ք, զի ո́ղջ եմք որդւովք եւ եղբարբք, եւ ա(մենայ)ն զօրօք հանդերձ, որպէս եւ աջողեաց ա(ստուա)ծ զիրս մեր, որպէս մեր իսկ միտք խնդրէին։

Verse: 2  Link to sept   Արդ ոմանք ՛ի ներքին բարեկամաց աստի մերոց՝ ըստ իւրեանց չարաբարութե(ան) կանխեալ մերձենային չարախօս լինել. գրգռէին զմիտս մեր, մինչեւ ածին ՛ի հաւանու(թ)ի(ւն)՝ տալ հրաման ժողովել զա(մենայ)ն հրեայ ազգ՝ որ ընդ մերո́վ իշխանութ(եամ)բ, խռնել ՛ի մի́ վայր՝ կոտորել ՛ի նորանշան տեսիլ տանջանաց։

Verse: 3  Link to sept   եւ ամենեւին թոյլ ո́չ ետուն՝ պատճառս եդեալ զոխու(թ)ի(ւն) որ ունէին ընդ ա(մենայ)ն հեթանոսս, մինչեւ ածին ժողովեցին. զորս եւ կապեալս եւս ածին, բազում լլկութ(եամ)բ եւ չարչարանօք իբրեւ զանաշխարհիկս, մա́նաւանդ թէ իբրեւ զչարագոծս. առանց ա(մենայ)ն հարցափորձի քննութե(ան). յօժարեցին կոտորել զնոսա միանգամայն· քան զխուժ եւ զդուժս վայրենագոյն եւս զգածեալ էր զիւրեամբք զգազանու(թ)ի(ւն)ն։

Verse: 4  Link to sept   Այլ մեք ո(ր)պ(էս) սովո́ր եմք՝ զսոսա խստագոյնս պատուհասեցաք. այլ ո(ր)պ(էս) եւ մարդասիրու(թ)ի(ւն) ունիմք ընդ մարդիկ, հազիւ՝ մինչ ն(ո)ց(ա) զոգիսն շնորհեցաք, եւ մեք զա(ստուա)ծ երկնաւոր ծանեաք, զի ճշմարտութ(եամ)բ այցելո́ւ եղեւ հրէիցն, որպէս հայր որդւոց լինիցի։

Verse: 5  Link to sept   Եւ դարձեալ զսոցա սէր եւ զմիամտու(թ)ի(ւն), որպէս զի հաստատո́ւն ունէին ընդ մեզ ՛ի նախնեացն մինչեւ ՛ի նախնիս. խորհեցաք հրաման տուաք արձակել զդոսա. եւ թողաք դոցա զա(մենայ)ն վնաս զոր եդին ՛ի վերայ։ եւ զայն եւս հրաման տուաք, զի զամենեցուն զդոցա՝ զոյր ինչ ուրուք եւ առեալ իցէ՝ յիւրաքանչիւր տէ́ր դարձուցանել, զի ոք ՛ի նոցանէ ամենեւին մի́ զրկեսցի. եւ մի́ ոք իշխեսցէ նախատել զնոսա վ(ա)ս(ն) իրացդ եղելոց։

Verse: 6  Link to sept   Զի զայս գիտասջիք. եթէ ինչ զդոսա խորամանգել կամ տրտմեցուցանել յօժարեսցուք, ո́չ առ մարդ մեղանչեմք, այլ առ այն՝ որ ա(մենայ)ն զօրութե(ան)ց եւ բարձրու(թ)ե(ան)ց տիրէ ա(ստուա)ծ. եւ ո́չ եթէ ՛ի մարդոյ միայն հատուցումն գտանէ այնպիսին, այլ անվրէպ ա(մենայ)ն իրօք եւ ՛ի բարձրելոյն գտանէ։ եւ դուք ո́ղջ լիջիք։

Verse: 7  Link to sept   Իբրեւ առին զհրովարտակն զայն՝ ո́չ եթէ փութացուցանել վաղվաղակի, այլ մտեալ առ թագաւորն անդր՝ աղօթս մատուցանել՝ եւ ասել. յազգէ աստի հրէից՝ որ ս(ուր)բն ա(ստուա)ծ ինքնակամն ուրացան. եւ անցին ըստ օրէնսն ա(ստուծո)յ, հրամայել տա́լ ՛ի ձեռս ն(ո)ց(ա), ըստ արժանի օրինացն ածել զպատուհաս ՛ի վերայ ն(ո)ց(ա)։ Դնէին եւս ՛ի վ(ե)ր(այ) եւ ասէին. եթէ մարդք՝ որ վ(ա)ս(ն) պորտոցն աղետի եւ որկորոյն չարու(թ)ե(ան) յօժարեցին անցին ըստ օրէնս նախնեացն, երբէք նոքա յիրս արքունի արդարանալ միամտու(թեամ)բ ո́չ կարեն։

Verse: 8  Link to sept   Իրաւո́ւնս համարեցաւ թագաւորն, եւ ետ ն(ո)ց(ա) իշխանու(թ)ի(ւն)՝ զի սատակեսցեն զյանցաւորս օրինացն ա(ստուծո)յ, ընդ ա(մենայ)ն տեղիս տէրու(թ)ե(ան) թագաւորին ուր եւ գտցեն՝ ա(մենայ)ն համարձակու(թեամ)բ. եւ ոք ընդդէմ մի́ դարձցի՝ մի́ իւիք սաստիւք արքունի։

Verse: 9  Link to sept   Յա́յնմ ժամանակի գոհացան օրհնեցին՝ որպէս օրէնք էին քահանայիցն, եւ ա(մենայ)ն ժողովուրդքն. եւ գլուխ բանից բարբառոյն եւ վախճան՝ եդին զալէլուիա։ Ինքեանք ցնծութ(եամ)բ եւ ուրախութ(եամ)բ պագին երկիր, եւ ՛ի թագաւորէ անտի գնացին։

Verse: 10  Link to sept   Իբրեւ անկա́ն յուղի. որ միանգամ անցեալ էին ըստ օրէնսն, եւ անօրինեալ պղծեալ էին յազգատոհմէ անտի, տանջանօք առակելով սատակէին։ եւ յայնմ ՛ի միում աւուր անդ սպանին աւելի́ քան զարս երեք հարիւր. եւ զայն օր ուրախութ(եամ)բ կատարէին. զի զպիղծս զանօրէնս զյանցաւորս օրինաց իւրեանց՝ ձերբակալս ըմբռնեալ սատակէին. քանզի ինքեանք ՛ի դրանց մահու յա(ստուծո)յ ողորմութե(ան)ցն զփրկու(թ)ի(ւն) գտեալ լինէին։

Verse: 11  Link to sept   Չուեցի́ն խաղացին գնացին ՛ի քաղաքէ անտի ազգի́ անուշութ(եամ)բ, եւ ՛ի գոյնագոյն ծաղիկս պսակեալք ուրախութ(եամ)բ եւ ցնծու(թեամ)բ եւ օրհնութ(եամ)բ ՛ի ձայն քաղցրու(թ)ե(ան) գոհանային զա(ստուծո)յ հարցն ն(ո)ց(ա), որ յաւիտենիցն է փրկիչ ի(սրաէ)լի։

Verse: 12  Link to sept   Եւ իբրեւ եկին հասին ՛ի քաղաքն փտողոմէացւոց՝ որ անուանեալ կոչի վ(ա)ս(ն) տեղւոյն յայտնութե(ան)՝ վարդաբերք. քանզի իսկ անցեալ կացեալ մնային ն(ո)ց(ա) նաւքն, որովք եկեալ անդ՝ ՛ի հասարակաց հաւանու(թեն)է, երեկացին աւուրս եւթն։ ուրախ լինէին, զի հրամա́ն տուեալ էր ն(ո)ց(ա) թագաւորին առատապէ́ս հանդերձս առնել ՛ի պէտս ճանապարհին, մինչեւ երթիցեն յիւրաքանչիւր տեղիս։

Verse: 13  Link to sept   եւ իբրեւ հասանէին ՛ի տեղի, ըստ արժանի իւր պարգեւացն գոհանային։ Դարձեալ եդի́ն օրէնս, եւ զայն աւուրս եւս խառնել ՛ի տօն տարեկանաց իւրեանց, կատարել յուրախու(թ)ի(ւն). նուէրս մատուցին, արձանս կանգնեցին ըստ տեղեաց ուրախութե(ան). խառնեցին զօրն զայն ՛ի տօնս տարեկանաց։

Verse: 14  Link to sept   ՛Ի մի́ վայր ժողովեցան, աղօթս մատուցին եւ գոհացան. մեկնեցա́ն ՛ի միմեանց ողջք եւ անարատք, ազատեալք, խրախամիտք, զուարթացեալք, ապրեալք ընդ ծով եւ ընդ ցամաք եւ ընդ գետս՝ ՛ի հրամանաց տ(եառ)ն, ՛ի հրամանէ թագաւորին յիւրաքանչիւր տեղիս սփռեցան։

Verse: 15  Link to sept   որ յառաջ ընդ ձեռամբ թշնամւոյն էին՝ ապա իշխանութե(ան) փառօք եւ շքով գնային, զի ամենեւին զնոսա այնուհետեւ ո́չոք կարէ խռովել։ Եւ զիւրաքանչիւր ինչս եւ զստացուածս՝ յաշխարհագրին զա(մենայ)ն ժողովեցին. զի ահիւ եւ դողութ(եամ)բ ամենեքին որ զինչ առ ումեք կայր՝ բերէին տային ՛ի դո́ւրս վասն փրկու(թ)ե(ան) մեծին ա(ստուծո)յ։ Օրհնեա́լ է ա(ստուա)ծ որ յա(մենայ)նէ փրկէ զի(սրա)էլ յա(մենայ)ն նեղութե(ան)ց՝ եւ վշտաց։ նմա փա́ռք եւ պատիւ եւ զօրու(թ)ի(ւն), այժմ եւ միշտ եւ յաւիտեանս յաւիտենից։ ամէն։





Book: Ps. 
Psalterium

entered by N. Čanṭlaʒe,
Tbilisi, 2005;
corrections by G. Kepeklian, 2005-2006;
TITUS version by J. Gippert,
Frankfurt a/M, 8.11.2005 / 28.10.2006

ԳԻՐՔ ՍԱՂՄՈՍԱՑ ԴԱՒԹԻ

Chapter: 1 
Սաղմոս ՛ի դաւիթ. Ա՜.


Verse: 1  Link to sept   ԵՐԱՆԵԱԼ Է ԱՅՐ ՈՐ Ո́Չ գնաց ՛ի խորհուրդս ամպարշտաց, ՛ի ճանապարհի մեղաւորաց նա ո́չ եկաց, եւ յաթոռս ժանտից նա ո́չ նստաւ։

Verse: 2  Link to sept   Այլ յօրէ́նս տ(եառ)ն են կամք ն(ո)ր(ա), եւ յօրէնս ն(ո)ր(ա) խորհեսցի նա ՛ի տուէ եւ ՛ի գիշերի.

Verse: 3  Link to sept   եւ եղիցի նա ո(ր)պ(էս) ծա́ռ որ տնկեալ է ՛ի գնացս ջուրց։ Որ զպտուղ իւր ՛ի ժամու տացէ, եւ տերեւ նորա մի́ թափեսցի. եւ զա(մենայ)ն զոր ինչ արասցէ յաջողեսցի́ նմա։

Verse: 4  Link to sept   Ո́չ այսպէս են ամպարիշտք, եւ ո́չ այսպէս. այլ որպէս հողմ զփոշի, զի հոսէ́ ՛ի վ(ե)ր(այ) երեսաց երկրի։

Verse: 5  Link to sept   Վասն այսորիկ ո́չ յարիցեն ամպարիշտք ՛ի դատաստան, եւ ո́չ մեղաւորք ՛ի խորհուրդս արդարոց։

Verse: 6  Link to sept   Քանզի ճանաչէ́ տ(է)ր զճանապարհս արդարոց, ճանապարհք ամպարշտաց կորիցեն։ Տունք. զ՜։



Chapter: 2 
՛Ի հեբրայեցւոց գրոց երկոքեան սոքա ընդ մի համարէն։
Սաղմոս. Բ՜։


Verse: 1  Link to sept   Ընդէ՞ր խռովեցան հեթանոսք. եւ ժողովուրդք խորհեցան ՛ի սնոտիս։

Verse: 2  Link to sept   Յանդիմա́ն եղեն թագաւորք երկրի, եւ իշխանք ժողովեցան ՛ի միասին վասն տ(եառ)ն եւ վ(ա)ս(ն) օծելոյ ն(ո)ր(ա)։

Verse: 3  Link to sept   Խզեսցուք զկապանս ն(ո)ց(ա), եւ ընկեսցո́ւք ՛ի մէնջ զլուծ նոցա։

Verse: 4  Link to sept   Բնակեալն յերկինս ծիծաղեսցի զնոքօք, եւ տ(է)ր արհամարհեսցէ զնոսա։

Verse: 5  Link to sept   Յայնժամ խօսեսցի́ ընդ ն(ո)ս(ա) բարկութ(եամ)բ իւրով, եւ սրտմտու(թեամ)բ իւրով խռովեցուսցէ զն(ո)ս(ա)։

Verse: 6  Link to sept   Ես կացի թագաւոր ՛ի նմանէ, ՛ի վերայ սիոնի լերին սրբոյ նորա՝ պատմել ինձ զհրամանս տ(եառ)ն։

Verse: 7  Link to sept   Տ(է)ր ասաց ցիս որդի իմ ես դու, եւ այսօր ծնա́յ զքեզ։

Verse: 8  Link to sept   Խնդրեա́ յինէն եւ տա́ց քեզ զհեթանոսս ՛ի ժառանգութի(ւն), եւ իշխանու(թ)ի(ւն) քեզ զա(մենայ)ն ծա́գս երկրի։

Verse: 9  Link to sept   Հովուեսցե́ս զն(ո)ս(ա) գաւազանաւ երկաթեաւ. որպէս զանօթ բրտի փշրեսցե́ս զն(ո)ս(ա)։

Verse: 10  Link to sept   Արդ թա́գաւորք՝ զայս ՛ի մի́տ առէք, խրատեցարո́ւք ամենեքեան ոյք դատիք զերկիր։

Verse: 11  Link to sept   Ծառայեցէ́ք տ(եառ)ն երկիւղի́ւ, եւ ցնծացէ́ք առաջի ն(ո)ր(ա) դողութ(եամ)բ։

Verse: 12  Link to sept   Ընկալարո́ւք զխրատ ն(ո)ր(ա)՝ զի մի́ բարկասցի տ(է)ր, եւ կորնչիցիք ՛ի ճանապարհացն արդարու(թ)ե(ան)։

Verse: 13  Link to sept   ՛Ի ժամանակի ո(ր)պ(էս) բորբոքեսցի բարկու(թ)ի(ւն) ն(ո)ր(ա)։ Երանի́ ա(մենայ)նցուն՝ ոյք յուսացեալ են ՛ի տ(է)ր։ Տունք. ժ՜դ։



Chapter: 3 

Verse: 1  Link to sept   Սաղմոս ՛ի դաւիթ. ՛ի ժամանակի զի փախուցեալ էր նա յերեսաց աբիսողոմայ որդւոյ իւրոյ. Գ՜.։


Verse: 2  Link to sept   Տ(է)ր՝ զի բազո́ւմ եղեն նեղիչք իմ, բազումք յարեան ՛ի վ(ե)ր(այ) իմ։

Verse: 3  Link to sept   Բազումք ասէին զանձնէ իմմէ, թէ չի́ք փրկութի(ւն) սորա առ ա(ստուա)ծ իւր։

Verse: 4  Link to sept   Այլ դու տ(է)ր՝ օգնական իմ ես, փա́ռք իմ եւ բարձրացուցիչ գլխոյ իմոյ։

Verse: 5  Link to sept   Ձայնիւ իմով ես առ տ(է)ր կարդացի, լուաւ ինձ ՛ի լեռնէ սրբոյ իւրմէ։

Verse: 6  Link to sept   Ես ննջեցի եւ ՛ի քուն եղէ, զարթեայ եւ տ(է)ր ընդունելի́ իմ է։

Verse: 7  Link to sept   Ո́չ երկեայց ես ՛ի բիւրուց զօրաց ն(ո)ց(ա). որ շուրջանակի պատեալ պահեալ պաշարէին զիս։ Արի տ(է)ր՝ եւ փրկեա́ զիս ա(ստուա)ծ իմ.

Verse: 8  Link to sept   զի դու հարե́ր զամենեսեան ոյք էին ընդ իս թշնամութ(եամ)բ ՛ի տարապարտուց. եւ զատամունս մեղաւորաց փշրեսցես

Verse: 9  Link to sept   Տեառն է փրկու(թ)ի(ւն). ՛ի վ(ե)ր(այ) ժողովրդեան քոյ օրհնու(թ)ի(ւն) քո։ Տունք. ը՜։ Գոբղայս. ի՜ը։



Chapter: 4 

Verse: 1 
Link to sept ՛Ի կատարած օրհնու(թ)ե(ան). Սաղմոս երգոց ՛ի դաւիթ. Դ՜.։


Verse: 2  Link to sept   ՛Ի կարդալ իմում լուար ինձ ա(ստուա)ծ ըստ արդարու(թ)ե(ան), ՛ի նեղու(թ)ե(ան) ինձ անդո́րր արարեր. ողորմեա́ ինձ եւ լո́ւր աղօթից իմոց։

Verse: 3  Link to sept   Որդի́ք մարդկան՝ մինչեւ յե՞րբ էք խստասիրտք. ընդէ՞ր սիրէք զնանրութի(ւն), եւ խնդրէք զստութի(ւն)։

Verse: 4  Link to sept   Ծաներո́ւք զի սքանչելիս արար տ(է)ր սրբոյ իւրում. եւ տ(է)ր լուիցէ́ ինձ ՛ի կարդալ իմում առ նա։

Verse: 5  Link to sept   Բարկանայք՝ եւ մի́ մեղանչէք. զոր ինչ ասէք ՛ի սիրտս ձեր յանկողինս ձեր զղջացարո́ւք։

Verse: 6  Link to sept   Մատուցէ́ք պատարագ արդարութե(ան), եւ յուսացարո́ւք ՛ի տ(է)ր։ Բազումք ասէին թէ ո՞ ցուցցէ մեզ զբարու(թ)ի(ւն).

Verse: 7  Link to sept   նշանեցաւ առ մեզ լոյս երեսաց քոց, եւ ետուր ուրախու(թ)ի(ւն) սրտից մերոց։

Verse: 8  Link to sept   ՛Ի պտղոյ ցորենոյ գինւոյ ձիթոյ իւրեանց լցուցե́ր զն(ո)ս(ա)։

Verse: 9  Link to sept   Խաղաղու(թեամ)բ յայս եւ ՛ի սոյն ննջեսցո́ւք եւ զարթիցուք.

Verse: 10  Link to sept   զի դու տ(է)ր միայն առանձին յուսո́վ քով բնակեցուցեր զմեզ։ Տունք. ը՜։



Chapter: 5 

Verse: 1 
Link to sept ՛Ի կատարած վասն վիճակելոցն։ Սաղմոս. Ե՜։


Verse: 2  Link to sept   Բանից իմոց ո́ւնկն դիր տ(է)ր, եւ ՛ի մի́տ առ զաղաղակ իմ։

Verse: 3  Link to sept   Նայեաց ՛ի ձայն աղօթից իմոց, թագաւոր իմ եւ ա(ստուա)ծ իմ։

Verse: 4  Link to sept   Ես զքեզ աղաչե́մ տ(է)ր, ընդ առաւօտս լուիցես ձայնի իմում.

Verse: 5  Link to sept   ը(նդ) առաւօտս պատրաստ եղէց յանդիմա́ն լինել քեզ։ Ո́չ թէ դու ա(ստուա)ծ կամիս զանօրէնութի(ւն),

Verse: 6  Link to sept   եւ ո́չ բնակեն առ քեզ չարք, մի́ անօրէնք բնակեսցեն առաջի աչաց քոց։

Verse: 7  Link to sept   Ատեցե́ր զայնոսիկ որ գործեն զանօրէնու(թ)ի(ւն). կորուսանե́ս զամենեսեան ոյք խօսին սուտ։ Զայր արիւնահեղ եւ նենգաւոր պի́ղծ առնես դու տ(է)ր,

Verse: 8  Link to sept   այլ ես՝ ըս(տ) բազում ողորմու(թ)ե(ան) քում մտից ՛ի տուն քո. երկիր պագից ՛ի տաճար սուրբ քո երկիւղիւ քո։

Verse: 9  Link to sept   Տ(է)ր՝ առաջնորդեա́ ինձ յարդարու(թ)ե(ան) քում. վ(ա)ս(ն) թշնամեաց իմոց ուղի́ղ արա առաջի իմ զճանապարհս քո։

Verse: 10  Link to sept   Զի ո́չ գոյ ՛ի բերանս ն(ո)ց(ա) ճշմարտու(թ)ի(ւն), եւ սիրտք ն(ո)ց(ա) նանրեալք են։

Verse: 11  Link to sept   Ո(ր)պ(էս) գերեզման բա́ց է կոկորդ ն(ո)ց(ա). լեզուօք իւրեանց նենգաւորք եղեն։ Դատեա́ զնոսա ա(ստուա)ծ զի անկցի́ն ՛ի խորհրդոց իւրեանց. ըս(տ) բազում ամպարշտութե(ան) ն(ո)ց(ա) մերժեա́ զն(ո)ս(ա)՝ զի դառնացուցին զքեզ,

Verse: 12  Link to sept   Ուրա́խ լիցին ամենեքեան ոյք յուսացեալ են ՛ի քեզ, յաւիտեան ցնծասցեն, եւ բնակեսցես դու ՛ի ն(ո)ս(ա)։ Պարծեսցի́ն ՛ի քեզ սիրելիք անուան քոյ,

Verse: 13  Link to sept   զի օրհնեսցե́ս դու զարդարն. տ(է)ր ո(ր)պ(էս) զինու հաճու(թեամ)բ քով պսակեցեր զմեզ։ Տունք. ժ՜բ։



Chapter: 6 

Verse: 1 
Link to sept ՛Ի կատարած ընդ օրհնութի(ւն)ս վասն ութերորդաց։ Սաղմոս ՛ի դաւիթ. Զ.


Verse: 2  Link to sept   Տ(է)ր՝ մի́ սրտմտու(թեամ)բ քով յանդիմաներ զիս, եւ մի́ բարկութ(եամ)բ քով խրատեր զիս։

Verse: 3  Link to sept   Ողորմեա́ ինձ տ(է)ր զի հիւա́նդ եմ ես. բժշկեա́ զանձն իմ, զի խռովեցան ոսկերք իմ։

Verse: 4  Link to sept   Անձն իմ յոյժ խռովեցաւ, եւ դու տ(է)ր՝ մինչեւ յե՞րբ։

Verse: 5  Link to sept   Դա́րձ տ(է)ր եւ փրկեա́ զանձն իմ. կեցո́ զիս տ(է)ր ըստ ողորմութե(ան) քում։

Verse: 6  Link to sept   Զի ո́չ ոք է որ ՛ի մահու յիշէ զքեզ, կամ ՛ի դժոխս խոստովան առնի առ քեզ։

Verse: 7  Link to sept   Վաստակեցի ես ՛ի հեծու(թ)ե(ան) իմում, լուացի զա(մենայ)ն գիշեր զմահիճս իմ. եւ արտասուօք իմովք զանկողինս իմ թացի։

Verse: 8  Link to sept   Խռովեցաւ ՛ի սրտմտութե(ա)նէ ակն իմ. մաշեցա́յ ես ՛ի վ(ե)ր(այ) ա(մենայ)ն թշնամեաց իմոց։

Verse: 9  Link to sept   ՛Ի բա́ց կացէք յինէն ամենեքեան, ոյք գործէք զանօրէնու(թ)ի(ւն)։

Verse: 10  Link to sept   Լուաւ տ(է)ր ձայնի լալոյ իմոյ, լուաւ տ(է)ր աղօթից իմոց. եւ տ(է)ր զխնդրուածս իմ ընկալաւ։

Verse: 11  Link to sept   Ամաչեսցեն եւ խռովեսցի́ն յոյժ ա(մենայ)ն թշնամիք իմ. դարձցին յետս եւ ամաչեսցե́ն յոյժ վաղվաղակի եւ խռովեսցին։ Տունք. ժ՜։ Գոբղայս. լ՜։



Chapter: 7 

Verse: 1 
Link to sept Սաղմոս ՛ի դաւիթ. զոր ասաց տ(եառ)ն վասն բանին փուսեայ որդւոյ յիմենայ. Է։


Verse: 2  Link to sept   Տ(է)ր ա(ստուա)ծ իմ ՛ի քեզ յուսացայ եւ փրկեա́ զիս, յա(մենայ)ն հալածչաց իմոց ապրեցո́ զիս։

Verse: 3  Link to sept   Գուցէ երբէք յափշտակիցէ ո(ր)պ(էս) առե́ւծ զանձն իմ, ո́չ ոք իցէ որ փրկիցէ, եւ ո́չ այն որ ապրեցուցանէ։

Verse: 4  Link to sept   Տ(է)ր ա(ստուա)ծ իմ թէ արարից զայս, թէ իցեն անօրէնու(թ)ի(ւն)ք ՛ի ձեռս իմ։

Verse: 5  Link to sept   Թէ հատուցի́ երբէք այնոցիկ ոյք հատուցին ինձ չար. անկա́յց եւ ես ՛ի թշնամեաց իմոց ընդունայն։

Verse: 6  Link to sept   Հալածեսցէ́ ապա թշնամին զանձն իմ. հասցէ́ կոխեսցէ յերկիր զկեանս իմ, եւ զփառս իմ ՛ի հո́ղ բնակեցուսցէ։

Verse: 7  Link to sept   Արի́ տ(է)ր բարկու(թեամ)բ քով, եւ բա́րձր լեր ՛ի սպառել թշնամեաց իմոց։ Զարթի́ր տ(է)ր ա(ստուա)ծ իմ ՛ի հրամանս քո զոր պատուիրեցեր,

Verse: 8  Link to sept   եւ ժողովք ժողովրդոց շո́ւրջ եղիցին զքեւ։ Վ(ա)ս(ն) այսորիկ ՛ի բարձունս դա́րձ տ(է)ր.

Verse: 9  Link to sept   եւ տ(է)ր դատի զժողովուրդս իւր։ Դա́տ արա ինձ տ(է)ր ըստ արդարութե(ան) իմում. ըստ անբծու(թ)ե(ան) իմում որ յիս։

Verse: 10  Link to sept   Կատարեսցի́ն չարիք ՛ի վ(ե)ր(այ) մեղաւորաց, եւ յաջողեսցե́ս դու արդարոյն։ Որ քննէ զսիրտս եւ զերիկամունս ա(ստուա)ծ արդար. յիրաւի́ է

Verse: 11  Link to sept   օգնու(թ)ի(ւն) ինձ յա(ստուծո)յ՝ որ ապրեցուցանէ զայնոսիկ, որ ուղիղ են սրտիւք։

Verse: 12  Link to sept   Ա(ստուա)ծ դատաւոր արդա́ր հզօր եւ երկայնամիտ. որ ո́չ ածէ զբարկու(թ)ի(ւն) իւր զօրհանապազ։

Verse: 13  Link to sept   Ապա թէ ո́չ դառնայք առ նա՝ զսուր իւր սրեալ է՝ եւ զաղեղն իւր լարեալ.

Verse: 14  Link to sept   ՛ի նմա է պատրաստեալ զանօթս մահու, եւ զնետս իւր այրեցելո́վք է գործեալ։

Verse: 15  Link to sept   Ահաւասիկ երկնեաց զանօրէնու(թ)ի(ւն), յղացաւ զցա́ւս եւ ծնաւ զանօրէնութի(ւն)։

Verse: 16  Link to sept   Գուբն՝ զոր փորեաց եւ պեղեաց, ՛ի նո́յն անկցի ՛ի խորխորատ զոր եւ գործեաց։

Verse: 17  Link to sept   Դարձցին ցաւք ՛ի գլուխ ն(ո)ր(ա). ՛ի վ(ե)ր(այ) գագաթա́ն ն(ո)ր(ա) անօրէնու(թ)ի(ւն)ք իւր իջցեն։

Verse: 18  Link to sept   Խոստովան եղէց տ(եառ)ն ըս(տ) արդարու(թ)ե(ան) ն(ո)ր(ա), սաղմոս ասացից անուան տ(եառ)ն բարձրելոյ։ Տունք. ժ՜է։



Chapter: 8 

Verse: 1 
Link to sept ՛Ի կատարած ՛ի վերայ հնձանացն. Սաղմոս ՛ի դաւիթ. Ը։


Verse: 2  Link to sept   Տ(է)ր տ(է)ր մեր՝ զի սքանչելի́ է անուն քո յա(մենայ)ն երկրի։ Համբարձաւ մեծվայելչութի(ւն) քո ՛ի վերո́յ քան զերկինս.

Verse: 3  Link to sept   ՛ի բերանոյ մանկանց տղայոց ստընդիեցաց կատարեսցի օրհնու(թ)ի(ւն)։ Վասն թշնամեաց քոց տ(է)ր. զի եղծցին թշնամին եւ հակառակորդն։

Verse: 4  Link to sept   Տեսից զերկինս զգործս մատանց քոց, զլուսին եւ զաստեղս զորս դո́ւ հաստատեցեր։

Verse: 5  Link to sept   Ո՞վ է մարդ զի յիշես դու զնա, կամ որդի մարդոյ թէ ա́յց ինչ արասցես դու նմա։

Verse: 6  Link to sept   Փոքր ինչ խոնա́րհ արարեր զնա քան զհրեշտակս քո, փառօք եւ պատուով պսակեցե́ր զնա,

Verse: 7  Link to sept   եւ կացուցեր զնա ՛ի վ(ե)ր(այ) ձեռակերտա́ց քոց։

Verse: 8  Link to sept   Զա(մենայ)ն ինչ հնազա́նդ արարեր ՛ի ներքոյ ոտից ն(ո)ր(ա), զխաշն եւ զարջառ՝ եւ զա(մենայ)ն ինչ։

Verse: 9  Link to sept   Եւս եւ զերէ́ վայրի, զթռչունս երկնից, զձկունս ծովուց որ շրջին ընդ շաւիղս ծովուց։

Verse: 10  Link to sept   Տ(է)ր տ(է)ր մեր՝ զի սքանչելի́ է անուն քո յա(մենայ)ն երկրի։ Տունք. թ՜։ Գոբղայս. ի՜զ։



Chapter: 9 

Verse: 1 
Link to sept ՛Ի կատարած. վասն գաղտնեաց որդւոյ։ Սաղմոս. Թ՜։


Verse: 2  Link to sept   Գոհացայց զքէն տ(է)ր բոլորո́վ սրտիւ իմով, պատմեցից զա(մենայ)ն սքանչելիս քո։

Verse: 3  Link to sept   Ուրա́խ եղէց եւ ցնծացայց ՛ի քեզ. սաղմոս ասացից անուան քում բարձրեալ։

Verse: 4  Link to sept   ՛Ի դառնալ յետս թշնամեաց իմոց, տկարասցին եւ կորիցե́ն յերեսաց քոց։

Verse: 5  Link to sept   Արարեր զդատաստա́նս իմ եւ զիրաւունս, նստար յաթոռ դատաւո́ր արդարութե(ան)։

Verse: 6  Link to sept   Սաստեցեր ՛ի հեթանոսս, եւ կորեա́ւ ամպարիշտն. զանուանս ն(ո)ց(ա) ջնջեցեր յաւիտեանս յաւիտենից.

Verse: 7  Link to sept   եւ թշնամւոյն զէն պակասեա́ց մինչ ՛ի սպառ։ Զքաղաքս աւերեցեր, եւ կորեա́ւ յիշատակ ն(ո)ց(ա) աղաղակաւ։ Ա(ստուա)ծ կայ եւ մնայ յաւիտեան,

Verse: 8  Link to sept   պատրաստ արար զաթոռ իւր ՛ի դատաստանի։

Verse: 9  Link to sept   Ինքն դատի զաշխարհս արդարու(թեամ)բ, եւ զժողովուրդս իւր ուղղութ(եամ)բ։

Verse: 10  Link to sept   Եղեւ տ(է)ր ապաւէ́ն տնանկի, օգնական ՛ի նեղու(թ)ե(ան)՝ ՛ի դէպ ժամանակի։

Verse: 11  Link to sept   Յուսասցին ՛ի քե́զ ամենեքեան ոյք գիտեն զանուն քո. զի ո́չ թողցես զայնոսիկ որ խնդրեն զքեզ տ(է)ր։

Verse: 12  Link to sept   Սաղմոս ասացէք տ(եառ)ն որ բնակեալն է ՛ի սիոն.պատմեցէ́ք ՛ի հեթանոսս զգործս ն(ո)ր(ա)։

Verse: 13  Link to sept   ՛Ի խնդրել զարիւն ն(ո)ց(ա)՝ յիշեաց եւ ո́չ մոռացաւ տ(է)ր զաղօթս տնանկաց։

Verse: 14  Link to sept   Ողորմեաց ինձ տ(է)ր՝ եւ տե́ս զխոնարհու(թ)ի(ւն) իմ ՛ի թշնամեաց իմոց.

Verse: 15  Link to sept   ո́ բարձր արարեր զիս ՛ի դրանց ՛ի մահուանէ։ Ո(ր)պ(էս) պատմեցից զա(մենայ)ն օրհնու(թ)ի(ւն)ս քո ՛ի դրունս դստեր սիոնի,

Verse: 16  Link to sept   ցնծացա́յց ՛ի փրկու(թ)ե(ան) քում։ Ընկլան հեթանոսք յապականու(թ)ե(ան) իւրեանց զոր արարին. որոգայթ՝ զոր թագուցին առցէ́ զոտս ն(ո)ց(ա)։

Verse: 17  Link to sept   Ճանաչէ տ(է)ր առնել զդատաստանս իւր, եւ ՛ի գործս ձեռաց իւրեանց կապեսցին մեղաւորք։

Verse: 18  Link to sept   Դարձցին մեղաւորք անդրէն ՛ի դժոխս, եւ ա(մենայ)ն հեթանո́սք որ մոռացան զա(ստուա)ծ։

Verse: 19  Link to sept   Ո́չ ՛ի սպառ մոռանայ տ(է)ր զաղքատն. համբերու(թ)ի(ւն) տնանկաց մի́ կորիցէ ՛ի սպառ։

Verse: 20  Link to sept   Արի́ տ(է)ր՝ եւ մի́ զօրասցի մարդ։ դատեսցին հեթանոսք առաջի քո։

Verse: 21  Link to sept   Կացո́ տ(է)ր օրէնսդիր ՛ի վ(ե)ր(այ) ն(ո)ց(ա). եւ ծանիցեն հեթանոսք՝ թէ մարդիկ են։

Verse: 1  Link to sept   Ընդէ՞ր տ(է)ր կացեր ՛ի հեռաստանէ. անտես արարեր ՛ի դէ́պ նեղութե(ան) ժամանակի։

Verse: 2  Link to sept   Յամբարտաւանել ամպարշտի՝ այրի աղքատ. արգելցին ՛ի խորհուրդս իւրեանց զոր եւ խորհեցան։

Verse: 3  Link to sept   Զի՞ գովի մեղաւոր ՛ի ցանկու(թ)ի(ւն) անձին իւրոյ. որ զրկէ, եւ նա գովի։

Verse: 4  Link to sept   Իսկ ընդէ՞ր բարկացոյց մեղաւորն զա(ստուա)ծ, ըստ բազում բարկութե(ան) իւրում եթէ ո́չ խնդրի։

Verse: 5  Link to sept   Ո́չ է ա(ստուա)ծ առաջի աչաց ն(ո)ր(ա), պիղծ են ճանապարհք ն(ո)ր(ա) յա(մենայ)ն ժամ։ Բարձեալ են իրաւունք յերեսաց ն(ո)ր(ա), ՛ի վ(ե)ր(այ) ա(մենայ)ն թշնամեաց իւրոց տիրեսցէ։

Verse: 6  Link to sept   Ասաց ՛ի սրտի իւրում թէ ո́չ սասանեցայց ազգէ յազգ առանց չարի։

Verse: 7  Link to sept   Անէծք եւ դառնութի(ւն) եւ նենգութի(ւն) լի́ է բերան ն(ո)ր(ա), ՛ի ներքոյ լեզուի ն(ո)ր(ա) ցաւք եւ վաստակք։

Verse: 8  Link to sept   Նստի դարանեա́լ ընդ մեծամեծս, ՛ի գաղտնի́ս սպանանել զանբիծն։

Verse: 9  Link to sept   Աչք ն(ո)ր(ա) ՛ի տնանկս հային. վարանի ՛ի գաղտնիս՝ ո(ր)պ(էս) զառեւծ ՛ի մորւոջ իւրում։ Դարանի յափշտակե́լ զաղքատն յափշտակել զաղքատն եւ ձգել զնա։

Verse: 10  Link to sept   Յորոգայթ իւր խոնարհեցուսցէ́ զնա, խոնարհեսցի եւ անկցի ՛ի տիրել իւրում ՛ի վ(ե)ր(այ) տնանկաց։

Verse: 11  Link to sept   Զի ասաց ՛ի սրտի իւրում թէ մոռացաւ ա(ստուա)ծ, դարձոյց զերեսս իւր զի մի́ տեսցէ ՛ի սպառ։

Verse: 12  Link to sept   Արի́ տ(է)ր ա(ստուա)ծ իմ եւ բա́րձր եղիցի ձեռն քո, եւ մի́ մոռանար զտնանկս։

Verse: 13  Link to sept   Իսկ ընդէ՞ր բարկացոյց ամպարիշտն զա(ստուա)ծ, զի ասաց ՛ի սրտի իւրում թէ ոչ քննի։

Verse: 14  Link to sept   Տեսանե́ս դու զնա ՛ի ցաւս, եւ ՛ի տրտմութի(ւն)ս՝ եւ հայիս. ՛ի քեզ թողեալ է զաղքատն եւ որբոյն դո́ւ ես օգնական։

Verse: 15  Link to sept   Խորտակեսցի́ բազուկ մեղաւորի եւ չարի. խնդրեսցին մեղք ն(ո)ր(ա) եւ նա մի́ գտցի։

Verse: 16  Link to sept   Տ(է)ր թագաւոր յաւիտեանս յաւիտենից. կորիցե́ն հեթանոսք յերկրէ ն(ո)ր(ա)։

Verse: 17  Link to sept   Զցանկութի(ւն) տնանկաց լուար տ(է)ր, ՛ի պատրաստութի(ւն) սրտից ն(ո)ց(ա) հայեցաւ ունկն քո։

Verse: 18  Link to sept   Դա́տ առնել որբոյն եւ տնանկի, զի մի́ եւս յաւելուցու մարդ ՛ի մեծաբանել իւրում ՛ի վ(ե)ր(այ) երեսաց երկրի։ Տունք. լ՜թ։



Chapter: 10 

Verse: 1 
Link to sept ՛Ի կատարած. Սաղմոս ՛ի դաւիթ. Ժ՜։


Verse: 2  Link to sept   ՛Ի տ(է)ր յուսացայ. ո՞րպէս ասիցէք ցանձն իմ, փոփոխեա́ց ՛ի լերինս ո(ր)պ(էս) ճնճղուկ։

Verse: 3  Link to sept   Զի ահա մեղաւորք լարեցին զաղեղունս իւրեանց. պատրա́ստ արարին զնետս ՛ի կապարճս, ձգե́լ ընդ խաւար այնոցիկ ոյք ուղիղ են սրտիւք։

Verse: 4  Link to sept   Զի զոր դուն շինեցեր՝ աւերեցին. իսկ արդարն զի՞ արար։

Verse: 5  Link to sept   Տ(է)ր ՛ի տաճար սո́ւրբ իւրում. տ(է)ր յերկինս յաթոռ իւրում։ Աչք նորա ՛ի տնանկս հային, արտեւանունք ն(ո)ր(ա) քննեն զորդիս մարդկան։

Verse: 6  Link to sept   Տ(է)ր քննէ զարդարն եւ զամպարիշտ, որ սիրէ զմեղս ատեայ զանձն իւր։

Verse: 7  Link to sept   Տեղասցէ ՛ի վ(ե)ր(այ) մեղաւորաց որոգա́յթ հո́ւր եւ ծծումբ, այս մրրիկ բաժին բաժակի նոցա։

Verse: 8  Link to sept   Արդար է տ(է)ր՝ զարդարութի(ւն) սիրէ, զուղղու(թ)ի(ւն) տեսանեն երեսք ն(ո)ր(ա)։ Տունք. ը՜։



Chapter: 11 

Verse: 1 
Link to sept ՛Ի կատարած ՛ի վերայ ութերորդին. Սաղմոս ՛ի դաւիթ. Ժ՜Ա։


Verse: 2  Link to sept   Ապրեցո́ զիս տ(է)ր՝ զի նուաղեա́ց ս(ուր)բ. նուաղեցին ճշմարտութի(ւն)ք յորդւոց ՛ի մարդկանէ։

Verse: 3  Link to sept   ՛Ի նանի́ր խօսեցաւ այր ը(նդ) ընկերի իւրում. շրթամբք նենգաւորօք սրտէ ՛ի սիրտ խօսեցաւ։

Verse: 4  Link to sept   Սատակէ տ(է)ր զա(մենայ)ն շրթունս նենգաւորս, եւ զլեզուս մեծաբանս։

Verse: 5  Link to sept   Ոյք ասացին, զլեզուս մեր մե́ծս արասցուք, շրթունք մեր առ մե́զ են, եւ արդ մեր ո՞վ է տ(է)ր։

Verse: 6  Link to sept   Վ(ա)ս(ն) տառապանաց աղքատին՝ եւ հեծութե(ան) տնանկի. այժմ յարեա́յց ասէ տ(է)ր. եդից զփրկու(թ)ի(ւն) իմ, եւ համարձակեցայց ՛ի ն(ո)ս(ա)։

Verse: 7  Link to sept   Բանք տ(եառ)ն բանք ս(ուր)բ են, ո(ր)պ(էս) եւ արծաթ ընտրեալ եւ փորձեալ յերկրէ, սրբեալ եւ պարզեալ եւթնպատիկ ՛ի հողոյ։

Verse: 8  Link to sept   Դու տ(է)ր պահեցեր զմեզ, եւ ապրեցուսցես յազգէ յայսմանէ մինչեւ յաւիտեան։

Verse: 9  Link to sept   Շուրջանակի́ ամպարիշտք շրջին. ըստ բարձրութե(ան) քում մե́ծ արասցես դու զորդիս մարդկան։ Տունք. ը՜։



Chapter: 12 

Verse: 1 
՛Ի կատարած. Սաղմոս ՛ի դաւիթ. Ժ՜Բ։


   Link to sept   Մինչեւ յերբ տ(է)ր մոռանաս զիս ՛ի սպառ, մինչեւ յե՞րբ դարձուցանես զերեսս քո յինէն։

Verse: 2  Link to sept   Մինչեւ յե՞րբ դնեմ զխորհուրդս յանձն իմ, եւ ցաւք սրտի իմոյ զաւուրս։

Verse: 3  Link to sept   Մինչեւ յե՞րբ բարձրանայ թշնամին ՛ի վերայ իմ.

Verse: 4  Link to sept   նայեա́ եւ լո́ւր ինձ տ(է)ր ա(ստուա)ծ իմ։ Լո́յս տուր տ(է)ր աչաց իմոց, զի մի́ երբէք ննջեցից ՛ի մահ։

Verse: 5  Link to sept   Մի́ ասասցէ թշնամին իմ թէ յաղթեցի նմա, կամ նեղիչք իմ ցնծասցեն թէ ես սասանեցայց։

Verse: 6  Link to sept   Ես յողորմութի(ւն)ս քո տ(է)ր յուսացայ, ցնծացա́ւ սիրտ իմ ՛ի փրկու(թ)ե(ան) քում. օրհնեցից զտ(է)ր զբարերարդ իմ։ Տունք. զ՜։



Chapter: 13 

Verse: 1 
՛Ի կատարած. Սաղմոս ՛ի դաւիթ. Ժ՜Գ։


   Link to sept   Ասաց անզգամն ՛ի սրտի իւրում, թէ ո́չ գոյ ա(ստուա)ծ։ Ապականեցան եւ պղծեցա́ն յանօրէնու(թ)ե(ան) իւրեանց. ո́չ ոք է որ առնէ զքաղցրու(թ)ի(ւն)։

Verse: 2  Link to sept   Տ(է)ր յերկնից նայեցաւ յա(մենայ)ն որդիս մարդկան, տեսանել թէ իցէ՞ ոք իմաստուն որ խնդրիցէ զա(ստուա)ծ։

Verse: 3  Link to sept   Ամենեքեան խոտորեցան՝ ՛ի միասին անպիտանացան· Ոչ ո́ք է որ առնէ զքաղցրու(թ)ի(ւն), եւ ոչ ոք է մինչեւ ՛ի մի։

Verse: 4  Link to sept   Ո(ր)պ(էս) ո́չ ծանիցեն ամենեքեան, որ գործեն զանօրէնու(թ)ի(ւն)։ Ոյք ուտէին զժողովուրդ իմ ո(ր)պ(էս) կերակուր հացի,

Verse: 5  Link to sept   եւ առ տ(է)ր ո́չ կարդացին։ Ա́նդ երկիցեն զերկեւղ՝ ուր ո́չ իցէ երկեւղ.

Verse: 6  Link to sept   զի տ(է)ր է յազգ արդարոց։ Զխորհուրդ աղքատի յամօթ արարին, զի տ(է)ր է յոյս նորա։

Verse: 7  Link to sept   Ո́ տացէ ՛ի սիոնէ զփրկութի(ւն)ի(սրաէ)լի. ՛ի դարձուցանել տ(եառ)ն զգերութի(ւն) ժողովրդեան իւրոյ. ցնծասցէ́ յակոբ՝ եւ ուրախ եղիցի ի(սրա)էլ։ Տունք. ժ՜։ Գոբղայս. լ՜բ։



Chapter: 14 

Verse: 1 
՛Ի կատարած. Սաղմոս ՛ի դաւիթ. Ժ՜Դ։


   Link to sept   Տ(է)ր ո՞վ կացցէ ՛ի խորանի քում, կամ ո՞վ բնակեսցէ ՛ի լեառն ս(ուր)բ քո։

Verse: 2  Link to sept   Որ գնայ անբի́ծ գործէ զարդարու(թ)ի(ւն), խօսի զճշմարտու(թ)ի(ւն) ՛ի սրտի իւրում։

Verse: 3  Link to sept   Որ ո́չ նենգաւորեաց լեզուաւ իւրով, եւ չար ընկերի իւրում նա ո́չ արար։ Նախատինս ՛ի մերձաւորաց նա ո́չ առնու.

Verse: 4  Link to sept   արհամարհեալ է առաջի ն(ո)ր(ա) չարագործ։ Զերկիւղածս տ(եառ)ն փառաւոր առնէ. երդնու ընկերի իւրում եւ ո́չ ստէ։

Verse: 5  Link to sept   Զարծաթ իւր ՛ի վարձու ո́չ տայ, կաշառ ՛ի վ(ե)ր(այ) իրաւանց ո́չ առնու. որ զայս արասցէ՝ նա մի́ սասանեսցի յաւիտեան։ Տունք. զ՜։



Chapter: 15 

Verse: 1 
Սաղմոս Յարձանագիր ՛ի դաւիթ. Ժ՜Ե։


   Link to sept   Պահեա́ զիս ա(ստուա)ծ զի ես ՛ի քեզ յուսացայ.

Verse: 2  Link to sept   ասացի տ(եառ)ն, տ(է)ր ես դու, եւ բարիք իմ ինձ ՛ի քէն են։

Verse: 3  Link to sept   Սրբոց քոց որ են յերկրի քում. սքանչելի́ արարեր զա(մենայ)ն կամս իմ ՛ի ն(ո)ս(ա)։

Verse: 4  Link to sept   Յաճախեցին հիւանդու(թ)ի(ւն)ք ն(ո)ց(ա). յետ այսորիկ ապա́ վաղվաղեցին։ Ո́չ ժողովեցայց ՛ի ժողովս ն(ո)ց(ա) յարեանց, եւ ո́չ յիշեցից զանուանս ն(ո)ց(ա) ՛ի շրթունս իմ։

Verse: 5  Link to sept   Տ(է)ր է բաժին ժառանգու(թ)ե(ան) իմոյ եւ բաժակի իմոյ. դո́ւ ես որ այսրէն դարձուցանես զժառանգու(թ)ի(ւն) իմ յիս։

Verse: 6  Link to sept   Վիճակք ելին ինձ ընդ ընտիրս, եւ ժառանգու(թ)ի(ւն) իմ հաճոյ եղեւ ինձ։

Verse: 7  Link to sept   Օրհնեցից զտ(է)ր որ իմաստո́ւն արար զիս, մինչ ՛ի գիշերի եւս խրատէին զիս երիկամունք իմ։

Verse: 8  Link to sept   Յառաջագոյն տեսանէին զտ(է)ր առաջի իմ յամենայն ժամ, զի է ընդ աջմէ իմմէ զի մի́ սասանեցայց։

Verse: 9  Link to sept   Վ(ա)ս(ն) այսորիկ ուրա́խ եղեւ սիրտ իմ, եւ ցնծացաւ լեզու իմ, եւս՝ եւ մարմին իմ բնակեսցէ յուսով։

Verse: 10  Link to sept   Զի ո́չ թողցես զանձն իմ ՛ի դժոխս, եւ ո́չ տացես սրբոյ քում տեսանել զապականութի(ւն)։ Ցուցեր ինձ զճանապարհս քո կենաց, լցուցեր զիս ուրախութ(եամ)բ երեսաց քոց ՛ի քաղցրութ(են)է վայելչութե(ան) աջոյ քո մինչեւ ՛ի սպառ։ Տունք. ժ՜ա։



Chapter: 16 

Verse: 1 
Աղօթք ՛ի դաւիթ. Ժ՜Զ։


   Link to sept   Լո́ւր տ(է)ր արդարու(թ)ե(ան). եւ նայեա́ ՛ի խնդրուածս իմ. ո́ւնկն դիր աղօթից իմոց՝ զի ո́չ շրթամբք նենգաւորօք։

Verse: 2  Link to sept   Յերեսաց քոց իրաւունք ինձ ելցեն, եւ աչք իմ տեսցեն զուղղու(թ)ի(ւն)։

Verse: 3  Link to sept   Փորձեցեր զսիրտ իմ եւ քննեցեր ՛ի գիշերի, փորձեցեր զիս՝ եւ ո́չ գտաւ յիս անիրաւութի(ւն)։

Verse: 4  Link to sept   Մի́ խօսեսցի բերան իմ զգործս որդւոց մարդկան. վ(ա)ս(ն) բանից շրթանց քոց ես պահեցի́ց զճանապարհս խիստս։

Verse: 5  Link to sept   Հաստատեա́ զշաւիղս իմ ՛ի ճանապարհի քում, զի մի́ գայթագղեսցին գնացք իմ։

Verse: 6  Link to sept   Ես առ քեզ տ(է)ր կարդացի՝ զի լուար ինձ ա(ստուա)ծ, խոնարհեցո́ առ իս զունկն քո եւ լո́ւր բանից իմոց։

Verse: 7  Link to sept   Սքանչելի́ արարեր զողորմու(թ)ի(ւն)ս քո. ո́ փրկես զայնոսիկ որ յուսացեալ են ՛ի քեզ.

Verse: 8  Link to sept   յայնցանէ որ հակառակ կամ աջոյ քո։ Պահեա́ զիս ո(ր)պ(էս) բի́ր ական. ՛ի հովանի թեւոց քոց, ծածկեսցես զիս

Verse: 9  Link to sept   յերեսաց ամպարշտաց ոյք տառապեցուցին զիս։ Թշնամիք զանձն իմ պաշարեցին,

Verse: 10  Link to sept   ՛ի ճարպս իւրեանց արգելան, եւ բերանք ն(ո)ց(ա) խօսեցան զամբարտաւանու(թ)ի(ւն)։

Verse: 11  Link to sept   Մերժեցին զիս եւ այժմ դարձեալ պատեցան զինեւ. ո́ւշ եդին խոնարհեցուցանել զիս յերկիր։

Verse: 12  Link to sept   Համարեցան ինձ ո(ր)պ(էս) առեւծ զի պատրա́ստ է յորս, որպէս կորիւն առիւծու զի նստի դարանեալ։

Verse: 13  Link to sept   Արի́ տ(է)ր ժամանեա́ ն(ո)ց(ա) եւ խափանեա́ զն(ո)ս(ա). փրկեա́ զանձն իմ յամպարշտաց ՛ի սրո́յ

Verse: 14  Link to sept   եւ ՛ի ձեռանէ թշնամւոյն։ Տ(է)ր կորո́ զն(ո)ս(ա) յերկրէ, բաժանեա́ եւ խափանեա́ զնոսա ՛ի կեանս իւրեանց։ Գաղտնեօք քովք լցա́ն որովայնք ն(ո)ց(ա), յագեցան կերակրովք եւ թողին զմնացուածս տղայոց իւրեանց։

Verse: 15  Link to sept   Ես արդարութ(եամ)բ երեւեցայց երեսաց քոց. յագեցա́յց յերեւել փառաց քոց։ Տունք. ժ՜ե։ Գոբղայս. լ՜բ։



Chapter: 17 

Verse: 1 
Link to sept ՛Ի կատարած ՛ի վերայ պատերազմօղ նահատակի ծառայի տ(եառ)ն դաւթի։ Զոր խօսեցաւ ընդ տ(եառ)ն զբանս օրհնութե(ան). յաւուր յորում փրկեաց զնա տ(է)ր ՛ի ձեռաց ա(մենայ)ն թշնամեաց, եւ ՛ի ձեռաց սաւուղայ եւ ասէ. Ժ՜Է։


Verse: 2  Link to sept   Սիրեցից զքեզ տ(է)ր զօրութի(ւն) իմ, տ(է)ր հաստատի́չ իմ ապաւէն իմ եւ փրկիչ իմ։

Verse: 3  Link to sept   Ա(ստուա)ծ օգնակա́ն իմ եւ ես յուսամ ՛ի նա. ապաւէ́ն իմ եղջեւր փրկու(թ)ե(ան) իմոյ ընդունելի իմ է։

Verse: 4  Link to sept   Օրհնելո́վ կարդացի առ տ(է)ր, եւ ՛ի թշնամեաց իմոց ապրեցոյց։

Verse: 5  Link to sept   Շուրջ եղեն զինեւ երկունք մահու. ուղխք անօրէնու(թ)ե(ան) խռովեցուցին զիս։

Verse: 6  Link to sept   Վիշտք դժոխոց պաշարեցին զիս. ժամանեցին ինձ որոգայթք մահու։

Verse: 7  Link to sept   ՛Ի նեղու(թ)ե(ան) իմում ես առ տ(է)ր կարդացի, եւ առ ա(ստուա)ծ իմ աղաղակեցի։ Լուաւ ինձ ՛ի տաճարէ սրբոյ իւրմէ ձայնի աղօթից իմոց, եւ աղաղակ իմ առաջի ն(ո)ր(ա) մտցէ յականջս ն(ո)ր(ա)։

Verse: 8  Link to sept   Խռովեցաւ եւ դողա́ց երկիր՝ եւ հիմունք լերանց սասանեցա́ն եւ խռովեցան՝ զի բարկացաւ ՛ի վ(ե)ր(այ) ն(ո)ց(ա) ա(ստուա)ծ։

Verse: 9  Link to sept   Ել ծուխ ՛ի բարկու(թեն)է ն(ո)ր(ա), եւ հո́ւր յերեսաց ն(ո)ր(ա) բորբոքեցաւ, եւ փայլատակունք հատա́ն ՛ի նմանէ։

Verse: 10  Link to sept   Խոնարհեցոյց զերկինս եւ էջ, եւ մէգ ՛ի ներքոյ ոտից ն(ո)ր(ա)։

Verse: 11  Link to sept   Ել ՛ի քրովբէս եւ թռեաւ, եւ սլացաւ նա ՛ի թեւս հողմոց։

Verse: 12  Link to sept   Եդ զխաւարն ՛ի ծածկոյթ իւր, եւ շո́ւրջ զնովաւ են յարկք իւր. եւ խաւարային ջուրք մինչեւ յամպս օդոց։

Verse: 13  Link to sept   ՛Ի փայլատակել ն(ո)ր(ա) առաջի ն(ո)ց(ա), ամպք անցուցին զկարկուտ զկայծակունս հուր։

Verse: 14  Link to sept   Որոտաց տ(է)ր յերկնից, եւ բարձրեալն ե́տ զձայն իւր ՛ի կարկուտ եւ ՛ի կայծակունս հուր։

Verse: 15  Link to sept   Առաքեաց զնետս իւր եւ ցրուեա́ց զն(ո)ս(ա), յաճախեաց զփայլատակունս իւր եւ խռովեցո́յց զն(ո)ս(ա)։

Verse: 16  Link to sept   Երեւեցան աղբեւրք ջուրց, եւ յայտնեցան հիմունք աշխարհի։ ՛Ի սաստէ քումմէ տ(է)ր, եւ ՛ի շնչել հոգւոյ բարկու(թ)ե(ան) քո։

Verse: 17  Link to sept   Առաքեաց ՛ի բարձանց եւ ընկալաւ զիս, ընկալաւ զիս ՛ի ջուրց բազմաց։

Verse: 18  Link to sept   Փրկեսցէ զիս տ(է)ր ՛ի թշնամեա́ց իմոց հզօրաց, եւ յատելեաց իմոց զի հզօր եղեն քան զիս։

Verse: 19  Link to sept   Ժամանեցին ինձ յաւուր չարչարանաց իմոց. եղեւ տ(է)ր հզօրիչ իմ,

Verse: 20  Link to sept   եւ եհան զիս յանդորր, եւ փրկեսցէ զիս տ(է)ր՝ զի կամեցաւ զիս։

Verse: 21  Link to sept   Հատուսցէ ինձ տ(է)ր ըս(տ) արդարութե(ան) իմում. ըս(տ) անբծու(թ)ե(ան) իմում հատուսցէ ինձ։

Verse: 22  Link to sept   Ես պահեցից զճանապարհս տ(եառ)ն, եւ ո́չ ամպարշտեցայց յա(ստուծո)յ իմմէ։

Verse: 23  Link to sept   Ամենայն իրաւունք ն(ո)ր(ա) առաջի իմ են. զարդարու(թ)ի(ւն) իւր ո́չ ՛ի բացէ արար յինէն։

Verse: 24  Link to sept   Եղէց եւ ես անբիծ ընդ նմա. զգուշացայց յանօրէնու(թեն)է իմմէ։

Verse: 25  Link to sept   Հատուսցէ ինձ տ(է)ր ըստ արդարու(թ)ե(ան) իմում, ըստ սրբու(թ)ե(ան) ձեռաց իմոց առաջի աչաց իւրոց։

Verse: 26  Link to sept   Ընդ սրբոյն՝ սո́ւրբ եղիցես, ընդ առն անբծի՝ անբիծ եղիցես,

Verse: 27  Link to sept   ընդ ընտրեալսն ընտրեալ եղիցես, եւ զթեւրսն կործանեսցես։

Verse: 28  Link to sept   Դու՝ զժողովուրդս խոնարհս կեցուցանես. եւ զաչս ամբարտաւանից դո́ւ խոնարհեցուցանես։

Verse: 29  Link to sept   Դու՝ լուսաւո́ր առնես զճրագ իմ տ(է)ր. ա(ստուա)ծ իմ լո́յս արա ինձ ՛ի խաւարի։

Verse: 30  Link to sept   Քեւ փրկեցայց ՛ի փորձու(թեն)է, ա(ստուծո)վ իմով անցից ընդ պարիսպս։

Verse: 31  Link to sept   Ա(ստուա)ծ իմ անբիծ են ճանապարհք քո, եւ բանք տ(եառ)ն ընտրեալ են. եւ ապաւէն ամենեցուն որ յուսան ՛ի նա։

Verse: 32  Link to sept   Վ(ա)ս(ն) զի ո՞վ է ա(ստուա)ծ բա́ց ՛ի տ(եառ)նէ, կամ ո՞վ է ա(ստուա)ծ բաց յա(ստուծո)յ մերմէ։

Verse: 33  Link to sept   Ա(ստուա)ծ որ զգեցուցեր ինձ զօրութի(ւն)՝ եւ եդիր յանբծու(թ)ե(ան) զճանապարհս իմ։

Verse: 34  Link to sept   Հաստատեցեր զոտս իմ ո(ր)պ(էս) զեղջերու(թ)ի(ւն), եւ ՛ի վ(ե)ր(այ) բարձա́նց կացուցեր զիս։

Verse: 35  Link to sept   Ուսուցեր զձեռս իմ ՛ի պատերազմ, եւ արարեր զբազուկ իմ ո(ր)պ(էս) զաղեղն հաստ.

Verse: 36  Link to sept   եւ ետուր ինձ զպաշտպանութի(ւն) փրկու(թ)ե(ան) քոյ։ Աջ քո ընկալաւ զիս՝ եւ խրատ քո կանգնեաց զիս ՛ի սպառ, եւ խրատ քո ուսուսցէ զիս։

Verse: 37  Link to sept   Ընդարձակեցեր զգնացս իմ ՛ի ստորե́ւ իմով. եւ ո́չ տկարացան շաւիղք իմ։

Verse: 38  Link to sept   Հալածեցից զթշնամիս իմ եւ հասից ն(ո)ց(ա), եւ ո́չ դարձայց ՛ի ն(ո)ց(ա)նէ՝ մինչեւ սպառեցից զն(ո)ս(ա)։

Verse: 39  Link to sept   Նեղեցից զն(ո)ս(ա) եւ այլ մի́ կարասցեն կալ. եւ անկցին ՛ի ներքոյ ոտից իմոց։

Verse: 40  Link to sept   Որ զգեցուցեր ինձ զօրու(թ)ի(ւն) ՛ի պատերազմի. զյարուցեալսն ՛ի վ(ե)ր(այ) իմ ներքո́յ իմ արարեր։

Verse: 41  Link to sept   Զթշնամիս իմ հալածականս արարեր, եւ զատելիս իմ սատակեցեր։

Verse: 42  Link to sept   Աղաղակեցին, եւ ո́չ ոք էր որ փրկէր զն(ո)ս(ա). կարդացին առ տ(է)ր եւ ո́չ լուաւ ն(ո)ց(ա)։

Verse: 43  Link to sept   Մանրեցից զն(ո)ս(ա) ո(ր)պ(էս) փոշի́ առաջի հողմոյ. ո(ր)պ(էս) կաւ գռեհաց կոխեցից զն(ո)ս(ա)։

Verse: 44  Link to sept   Փրկեսցէ զիս տ(է)ր ՛ի հակառակութ(են)է ժողովրդոց, եւ կացուսցէ զիս գլուխ հեթանոսաց։

Verse: 45  Link to sept   Ժողովուրդ զոր ո́չ գիտէի ծառայեա́ց ինձ. եւ ՛ի լուր ակընջաց լուաւ ինձ։

Verse: 46  Link to sept   Որդիք օտարաց ստեցին ինձ. որդիք օտարաց մաշեցա́ն եւ կաղացա́ն ՛ի շաւղաց իւրեանց։

Verse: 47  Link to sept   Կենդանի է տ(է)ր եւ օրհնեալ է ա(ստուա)ծ, եւ բարձր եղիցի ա(ստուա)ծ փրկութե(ան) իմոյ։

Verse: 48  Link to sept   Ա(ստուա)ծ որ խնդրէ զվրէժ իմ, եւ հնազա́նդ առնէ զժողովուրդս ընդ ինեւ։ Փրկիչ իմ ՛ի թշնամեաց իմոց բարկացողաց,

Verse: 49  Link to sept   յայնցանէ որ յարուցեալ էին ՛ի վ(ե)ր(այ) իմ բարձր արարեր զիս, եւ յառնէ անիրաւէ փրկեցեր զիս։

Verse: 50  Link to sept   Վ(ա)ս(ն) այսորիկ խոստովան եղէց քեզ ՛ի հեթանոսս, եւ անուան քում սաղմոս ասացից։

Verse: 51  Link to sept   Մեծ արարեր զփրկութի(ւն) թագաւորի ն(ո)ր(ա), առնել ողորմութի(ւն) ընդ օծելոյ ն(ո)ր(ա), ընդ դաւթի եւ ընդ զաւակի ն(ո)ր(ա) ազգէ մինչեւ յազգ։ Տունք. ծ՜։ Կանոն Գոբղայս. Է՜։ Սաղմոս. ժ՜է։ Տունս. մ՜լը։



Chapter: 18 

Verse: 1 
Link to sept ՛Ի կատարած. Սաղմոս ՛ի դաւիթ. Ժ՜Ը։


Verse: 2  Link to sept   Երկինք պատմեն զփառս ա(ստուծո)յ, եւ զարարածս ձերաց ն(ո)ր(ա) պատմէ́ հաստատութի(ւն)։

Verse: 3  Link to sept   Օր՝ աւո́ւր բղխէ զբան. եւ գիշեր՝ գիշերի́ ցուցանէ զգիտու(թ)ի(ւն)։

Verse: 4  Link to sept   Ո́չ են բանք եւ ո́չ են խօսք, որոց ո́չ լսին ձայնք նոցա։

Verse: 5  Link to sept   Ընդ ա(մենայ)ն երկիր ե́լ բարբառ ն(ո)ց(ա), մինչեւ ՛ի ծագս աշխարհի ե́ն խօսք ն(ո)ց(ա)։

Verse: 6  Link to sept   Յարեւու եհար զխորան իւր, եւ ինքն ո(ր)պ(էս) փեսայ զի ելանէ́ յառագաստէ իւրմէ, եւ ցնծայ նա ո(ր)պ(էս) սկայ յընթանալ զճանապարհս իւր։

Verse: 7  Link to sept   ՛Ի ծագաց երկնի́ց են ելք ն(ո)ր(ա), հանգիստ ն(ո)ր(ա) մինչեւ ՛ի ծագս նորուն. եւ ո́չ ոք իցէ որ թաքիցէ ՛ի տապոյ ն(ո)ր(ա)։

Verse: 8  Link to sept   Օրէնք տ(եառ)ն անբի́ծ են եւ դարձուցանեն զհոգիս. վկայու(թ)ի(ւն) տ(եառ)ն հաւատարիմ, եւ իմաստո́ւն առնէ զտղայս։

Verse: 9  Link to sept   Արդարութի(ւն) տ(եառ)ն ուղի́ղ է եւ ուրա́խ առնէ զսիրտս, պատուիրանք տ(եառ)ն լոյս են եւ լո́յս տան աչաց. երկեւղ տ(եառ)ն սուրբ, եւ մնայ յաւիտեան։

Verse: 10  Link to sept   Դատաստանք տ(եառ)ն ճշմարիտ են, եւ արդար է նոյն։

Verse: 11  Link to sept   Ցանկալի է նա քան զոսկի՝ եւ քան զակա́նս պատուականս բազումս, քաղցր է նա քան զմեղու խորիսխ։

Verse: 12  Link to sept   Քանզի ծառայ քո պահեսցէ զայս, ՛ի պահել նմա հատուցումն բազում։

Verse: 13  Link to sept   Զյանցուածս իւր ո՞վ կարէ առնուլ ՛ի միտ. ՛ի գաղտնեաց իմոց սո́ւրբ արա զիս տ(է)ր,

Verse: 14  Link to sept   եւ յօտարէ պահեա́ զծառայս քո։ Ապա թէ ոչ տիրեսցեն ինձ, յայնժամ անբիծ եղէց, եւ սո́ւրբ եղէց ՛ի մեղաց մեծաց։

Verse: 15  Link to sept   Եղիցին քե́զ հաճոյ բանք բերանոյ իմոյ, եւ խորհուրդք սրտի իմոյ առաջի քո յա(մենայ)ն ժամ. տ(է)ր օգնական իմ եւ փրկիչ իմ։ Տունք. ժ՜դ։



Chapter: 19 

Verse: 1 
Link to sept ՛Ի կատարած. Սաղմոս ՛ի դաւիթ. Ժ՜Թ։


Verse: 2  Link to sept   Լուիցէ քեզ տ(է)ր յաւուր անձկու(թ)ե(ան), օգնական եղիցի քեզ անուն ա(ստուծո)յ յակովբայ։

Verse: 3  Link to sept   Առաքեսցէ քեզ տ(է)ր օգնութի(ւն) ՛ի սրբու(թեն)է իւրմէ ՛ի սիովնէ, եւ ընկալցի́ զքեզ։

Verse: 4  Link to sept   Յիշեսցէ տ(է)ր զա(մենայ)ն պատարագս քո, եւ զուխտս քո ընդունելի́ արասցէ։

Verse: 5  Link to sept   Տացէ քեզ տ(է)ր ըստ սրտի քում, եւ զա(մենայ)ն խորհուրդս քո նա́ կատարեսցէ։

Verse: 6  Link to sept   Ցնծասցուք մեք ՛ի փրկու(թ)ե(ան) քում, յանուն ա(ստուծո)յ մերոյ մեք մե́ծք եղիցուք։

Verse: 7  Link to sept   Լցուսցէ տ(է)ր զա(մենայ)ն խնդրուածս քո. այժմ ծանեաք՝ զի կեցոյց տ(է)ր զօծեալ իւր։ Լուաւ սմա յերկնից ՛ի սրբութ(են)է իւրմէ, ՛ի զօրութի(ւն) փրկու(թ)ե(ան) աջոյ իւրոյ։

Verse: 8  Link to sept   Սոքա կառօք եւ սոքա երիվարօք, այլ մեք զանուն տ(եառ)ն ա(ստուծո)յ մերոյ կարդասցուք։

Verse: 9  Link to sept   Սոքա խափանեցան եւ անկան, մեք յարեա́ք եւ ու·իղք եղաք։

Verse: 10  Link to sept   Տ(է)ր կեցո́ զթագաւորն եւ լո́ւր մեզ, յաւուր յորում կարդասցուք առ քեզ։ Տունք. ժ՜։



Chapter: 20 

Verse: 1 
Link to sept ՛Ի կատարած. Սաղմոս ՛ի դաւիթ. Ի՜։


Verse: 2  Link to sept   Տ(է)ր ՛ի զօրութե(ան) քում ուրա́խ եղիցի թագաւորն. ՛ի փրկու(թ)ե(ան) քում ցնծասցէ յոյժ։

Verse: 3  Link to sept   Զցանկու(թ)ի(ւն) սրտի ն(ո)ր(ա) ետո́ւր նմա. եւ զկամս շրթանց նորա ո́չ արգելեր ՛ի նմանէ։

Verse: 4  Link to sept   Ժամա́ն արարեր զնա յօրհնու(թ)ի(ւն) քաղցրութե(ան) քոյ, եւ եդիր ՛ի գլուխ ն(ո)ր(ա) պսակ ՛ի քարէ́ պատուականէ։

Verse: 5  Link to sept   Կեանս խնդրեաց ՛ի քէն՝ եւ ետուր նմա ընդ երկայն աւուրս, յաւիտեանս յաւիտենից։

Verse: 6  Link to sept   Մեծ են փառք ն(ո)ր(ա) ՛ի փրկութե(ան) քում. զփառս եւ զմեծվայելչութի(ւն) դիցես ՛ի վ(ե)ր(այ) ն(ո)ր(ա)։

Verse: 7  Link to sept   Տացես զնա յօրհնութի(ւն) յաւիտեանս յաւիտենից. ուրա́խ արասցես զնա յուրախութի(ւն) երեսաց քոց։

Verse: 8  Link to sept   Թագաւոր յուսացաւ ՛ի տ(է)ր, յողորմութ(են)է բարձրելոյն նա մի́ սասանեսցի։

Verse: 9  Link to sept   Գտցի́ ձեռն քո ՛ի վ(ե)ր(այ) թշնամեաց քոց. եւ աջ քո գտցէ́ զամենայն ատելիս քո։

Verse: 10  Link to sept   Դիցես զն(ո)ս(ա) ո(ր)պ(էս) հնոց ՛ի հուր՝ ՛ի ժամանակի երեսաց քոց։ Տ(է)ր բարկու(թեամ)բ իւրով խռովեցուսցէ զն(ո)ս(ա), եւ հո́ւր կերիցէ զն(ո)ս(ա)։

Verse: 11  Link to sept   Պտուղ ն(ո)ց(ա) յերկրէ կորիցէ, եւ զաւակ նոցա յորդւոց ՛ի մարդկանէ։

Verse: 12  Link to sept   Խոտորեցան ՛ի քէն չարու(թեամ)բ. խորհեցան խորհուրդ զոր ո́չ կարացին հաստատել։

Verse: 13  Link to sept   Արասցես զնոսա հալածեալս, ՛ի մնացուածս քո պատրաստեսցես զերեսս ն(ո)ց(ա)։

Verse: 14  Link to sept   Բա́րձր լեր տ(է)ր ՛ի զօրու(թ)ե(ան) քում. օրհնեսցուք, եւ սաղմո́ս ասասցուք զօրութե(ան) քում։ Տունք. ժ՜դ։ Գոբղայս. լ՜ը։



Chapter: 21 

Verse: 1 
Link to sept ՛Ի կատարած. վասն առաւօտին օգնականու(թ)ե(ան)ց. Սաղմոս ՛ի դաւիթ. Ի՜Ա։


Verse: 2  Link to sept   Ա(ստուա)ծ ա(ստուա)ծ իմ նայեա́ց առ իս, ընդէ՞ր թողեր զիս. հեռի́ եղեր ՛ի փրկութ(են)է իմմէ՝ վ(ա)ս(ն) բանից յանցանաց իմոց։

Verse: 3  Link to sept   Ա(ստուա)ծ իմ ՛ի տուէ կարդացի առ քեզ, եւ ինձ ո́չ լուար. ՛ի գիշերի՝ եւ ինձ ո́չ անսացեր։

Verse: 4  Link to sept   Դու ՛ի սուրբս բնակեալ ես, եւ գովեա́լ յի(սրաէ)լի։

Verse: 5  Link to sept   ՛Ի քեզ յուսացան հարքն մեր, յուսացան ՛ի քեզ եւ փրկեցեր զն(ո)ս(ա)։

Verse: 6  Link to sept   Առ քեզ աղաղակեցին եւ կեցին, ՛ի քեզ յուսացան եւ ո́չ ամաչեցին։

Verse: 7  Link to sept   Այլ ես ո́րդն եմ եւ ո́չ եմ մարդ, նախատի́նք մարդկան եւ արհամարհա́նք ժողովրդոց։

Verse: 8  Link to sept   Ամենեքեան որ տեսանէին զիս արհամարհէին զինեւ, խօսէին շրթամբք՝ եւ շարժէին զգլուխս իւրեանց։

Verse: 9  Link to sept   Յուսացաւ ՛ի տ(է)ր եւ փրկեսցէ́ զնա, կեցուսցէ զնա զի կամի́ զնա։

Verse: 10  Link to sept   Դու ես որ հանա́ր զիս յարգանդի. յո́յս իմ ՛ի ստեանց մօր իմոյ։

Verse: 11  Link to sept   ՛Ի քեզ անկայ ես յարգանդէ յորովայնէ մօր իմոյ դո́ւ ես ա(ստուա)ծ իմ։

Verse: 12  Link to sept   Մի́ ՛ի բացեայ առնիր յինէն, զի նեղութի(ւն)ք մերձեալ են, եւ ո́չ ոք է որ օգնէ ինձ։

Verse: 13  Link to sept   Շուրջ եղեն զինեւ զուարակք բազումք, եւ ցուլք գէրք պաշարեցին զիս։

Verse: 14  Link to sept   Բացին ՛ի վերայ իմ զբերանս իւրեանց, ո(ր)պ(էս) առեւծ զի մռնչէ եւ յափշտակէ։

Verse: 15  Link to sept   Եւ ո(ր)պ(էս) զջուր հեղայ՝ եւ ցրուեցան ա(մենայ)ն ոսկերք իմ. եւ եղեւ սիրտ իմ ո(ր)պ(էս) մոմ հալեալ ՛ի մէջ որովայնի իմոյ։

Verse: 16  Link to sept   Չորացաւ ո(ր)պ(էս) խեցւոյ զօրու(թ)ի(ւն) իմ, լեզու իմ ՛ի քի́մս իմ կցեցաւ, եւ ՛ի հող մահո́ւ իջուցին զիս։

Verse: 17  Link to sept   Շուրջ եղեն զինեւ շո́ւնք բազումք, եւ ժողովք չարա́ց պաշարեցին զիս։

Verse: 18  Link to sept   Ծակեցին զձե́ռս իմ եւ զոտս իմ, եւ թուեցին զամենայն ոսկերս իմ. եւ նոքա հայեցա́ն եւ տեսին զիս։

Verse: 19  Link to sept   Բաժանեցան զհանդերձս իմ ՛ի մէջ իւրեանց, եւ ՛ի վերայ պատմուճանի իմոյ վիճակս արկանէին։

Verse: 20  Link to sept   Դու տ(է)ր մի́ հեռի առներ զօգնականու(թ)ի(ւն) քո յինէն. եւ տ(է)ր յօգնե́լ ինձ նայեաց։

Verse: 21  Link to sept   Փրկեա́ ՛ի սրոյ զանձն իմ, եւ ՛ի ձեռաց շանց զմիամօրու(թ)ի(ւն) իմ։

Verse: 22  Link to sept   Փրկեա́ զիս ՛ի բերանոյ առիւծու, եւ յեղջերէ միեղջերւոյ զխոնարհու(թ)ի(ւն) իմ։

Verse: 23  Link to sept   Պատմեցից զանուն քո եղբարց իմոց, ՛ի մէջ եկե·եցւոյ օրհնեցի́ց զքեզ։

Verse: 24  Link to sept   Երկիւղածք տ(եառ)ն օրհնեցէք զտ(է)ր, ամենայն զաւակն յակովբեան փառաւոր արասցեն զնա։

Verse: 25  Link to sept   Երկիցէ ՛ի տ(եառ)նէ ա(մենայ)ն զաւակն ի(սրաէ)լի, զի ո́չ արհամարհեաց եւ ո́չ անարգեաց տ(է)ր զաղօթս աղքատիս, եւ ո́չ դարձոյց զերեսս իւր յինէն. այլ ՛ի կարդալ իմում առ նա լուաւ ինձ։

Verse: 26  Link to sept   ՛Ի քէ́ն է գովութի(ւն) իմ, յեկեղեցիս մեծս օրհնեցից զքեզ։ Զուխտս իմ կատարեցից առաջի ամենա́յն երկիւղածաց ն(ո)ր(ա)։

Verse: 27  Link to sept   Կերիցեն տնանկք եւ յագեսցին. օրհնեսցեն զտ(է)ր որ խնդրեն զնա։ Կեցցեն սիրտք ն(ո)ց(ա) յաւիտեա́նս յաւիտենից.

Verse: 28  Link to sept   յիշեսցեն, եւ դարձցին առ տ(է)ր ա(մենայ)ն ծագք երկրի։ Երկի́ր պագցեն նմա ա(մենայ)ն տոհմք ազանց.

Verse: 29  Link to sept   զի տ(եառ)ն է արքայու(թ)ի(ւն), եւ նա́ տիրէ ՛ի վ(ե)ր(այ) ա(մենայ)ն հեթանոսաց։

Verse: 30  Link to sept   Կերան եւ երկի́ր պագին նմա ա(մենայ)ն պարարտք երկրի. առաջի ն(ո)ր(ա) անկցին ամենեքեան որ իջանեն ՛ի հող։

Verse: 31  Link to sept   Անձն իմ նովա́ւ կեայ. եւ զաւակ իմ ծառայեսցէ նմա։

Verse: 32  Link to sept   Պատմեցից զտ(եառ)նէ ազգի́ որ գալոցն է, պատմեսցեն զարդարու(թ)ի(ւն) ժողովրդեան որ ծնանելոցն իցէ զոր արար տ(է)ր։ Տունք. լ՜բ։



Chapter: 22 

Verse: 1 
՛Ի կատարած. Սաղմոս ՛ի դաւիթ. Ի՜Բ։


   Link to sept   Տ(է)ր հովուեսցէ զիս, եւ ինձ ինչ ո́չ պակասեսցէ։

Verse: 2  Link to sept   ՛Ի վայրի́ դալարւոջ բնակեցոյց զիս, եւ առ ջուրս հանգստեան սնոյց զիս։

Verse: 3  Link to sept   Դարձոյց զանձն իմ առ իս, առաջնորդեաց ինձ ՛ի ճանապարհս արդարու(թ)ե(ան) վասն անուան իւրոյ։

Verse: 4  Link to sept   Թէպէտ եւ գնացից ես ՛ի մէջ ստուերաց մահու, ո́չ երկեայց ՛ի չարէ զի դու տ(է)ր ը(նդ) իս ես։ Ցուպ քո եւ գաւազան, ն(ո)ք(ա) մխիթարեսցեն զիս։

Verse: 5  Link to sept   Պատրաստ արարեր առաջի իմ սեղան, ակն յանդիմա́ն նեղչաց իմոց։ Օծեր իւղով զգլուխ իմ, բաժակ քո ո(ր)պ(էս) անապակ արբեցոյց զիս։

Verse: 6  Link to sept   Ողորմու(թ)ի(ւն) քո տ(է)ր զհետ իմ եկեսցէ զա(մենայ)ն աւուրս կենաց իմոց, բնակել ինձ ՛ի տան տ(եառ)ն ընդ երկայն աւուրս։ Տունք. ը՜։



Chapter: 23 

Verse: 1 
Սաղմոս ՛ի դաւիթ. միաշաբաթուն. ԻԳ։


   Link to sept   Տ(եառ)ն է երկիր լրիւ իւրով. Աշխարհ եւ ա(մենայ)ն բնակիչք ն(ո)ր(ա)։

Verse: 2  Link to sept   Նա ինքն ՛ի վ(ե)ր(այ) ծովո́ւ հիմունս արկ նմա, ՛ի վ(ե)ր(այ) գետոց պատրաստեաց զնա։

Verse: 3  Link to sept   Ո՞վ ելցէ ՛ի լեառն տ(եառ)ն, կամ ո՞վ կացցէ ՛ի տեղւոջ սրբու(թ)ե(ան) ն(ո)ր(ա)։

Verse: 4  Link to sept   Որ ս(ուր)բ է ձեռօք եւ անբիծ սրտիւ, որ ո́չ առ զնանրութի(ւն)ս յանձն իւր, եւ ո́չ երդուաւ ընդ ընկերի իւրում նենգութ(եամ)բ։

Verse: 5  Link to sept   Սա առցէ զօգնութի(ւն) ՛ի տ(եառ)նէ, զողորմու(թ)ի(ւն) յա(ստուծո)յ փրկչէ իւրմէ։

Verse: 6  Link to sept   Այս ազգ է որ խնդրէ զտ(է)ր, խնդրէ տեսանել զերե́սս ա(ստուծո)յ յակովբայ։

Verse: 7  Link to sept   Համբարձէ́ք իշխանք զդրունս ձեր ՛ի վեր. համբարձցին դրունք յաւիտենից եւ մտցէ թագաւոր փառաց։ Հանգիստ։

Verse: 8  Link to sept   Ո՞վ է սա թագաւոր փառաց, տ(է)ր հզօր զօրութ(եամ)բ իւրով, տ(է)ր հզօր ՛ի պատերազմի։

Verse: 9  Link to sept   Համբարձէ́ք իշխանք զդրունս ձեր ՛ի վեր, համբարձցի́ն դրունք յաւիտենից եւ մտցէ թագաւոր փառաց։

Verse: 10  Link to sept   Ո՞վ է սա թագաւոր փառաց, տ(է)ր զօրու(թ)ե(ան)ց. սա ինքն է թագաւոր փառաց։ Տունք. ժ՜։ Գոբղայս. ծ՜։



Chapter: 24 

Verse: 1 
՛Ի կատարած. Սաղմոս ՛ի դաւիթ. Ի՜Դ։


   Link to sept   Առ քեզ տ(է)ր համբարձի զանձն իմ.

Verse: 2  Link to sept   ա(ստուա)ծ իմ ՛ի քեզ յուսացայ՝ մի́ ամաչեցից,

Verse: 3  Link to sept   եւ մի́ ծիծաղեսցին զինեւ թշնամիք իմ։ Ամենեքեան որ համբերեն քեզ մի́ ամաչեսցեն,

Verse: 4  Link to sept   այլ ամաչեսցեն անօրէնք յունայնութե(ան) իւրեանց։ Զճանապարհս քո տ(է)ր ցո́յց ինձ, եւ զշաւիղս քո ուսո́ ինձ։

Verse: 5  Link to sept   Առաջնորդեա́ ինձ ՛ի ճշմարտու(թ)ե(ան) քում եւ ուսո́ զիս, զի դու ես ա(ստուա)ծ փռկիչ իմ. եւ ես քեզ համբերի զօրհանապազ։

Verse: 6  Link to sept   Յիշեա́ տ(է)ր՝ զգթու(թ)ի(ւն)ս քո եւ զողորմութի(ւն)ս որ ենն յաւիտենից։

Verse: 7  Link to sept   Զմեղս մանկութե(ան) իմոյ եւ զանգիտու(թ)ե(ան) իմոյ մի́ յիշեր. այլ յիշեա́ զիս տ(է)ր ըստ ողորմութե(ան) քում՝ վ(ա)ս(ն) քաղցրու(թ)ե(ան) քոյ,

Verse: 8  Link to sept   զի քաղցր եւ ուղիղ ես տ(է)ր։ Վ(ա)ս(ն) այսորիկ օրէնսգէ́տ առնես զմեղաւորս ՛ի ճանապարհի,

Verse: 9  Link to sept   առաջնորդե́ս հեզոց ՛ի դատաստանի. ուսուցանե́ս հեզոց զճանապարհս քո։

Verse: 10  Link to sept   Ա(մենայ)ն ճանապարհք տ(եառ)ն ողորմութ(եամ)բ եւ ճշմարտութ(եամ)բ են այնոցիկ, որ խնդրեն զուխտ եւ զվկայութի(ւն) ն(ո)ր(ա)։

Verse: 11  Link to sept   Վ(ա)ս(ն) անուան քոյ տ(է)ր քաւեա́ զմեղս իմ զի բազում եղեն.

Verse: 12  Link to sept   ո́վ է մարդ որ երկնչի ՛ի տ(եառ)նէ, օրէնսգէ́տ առնէ զնա ՛ի ճանապարհ յոր եւ հաճեցաւ։

Verse: 13  Link to sept   Անձն ն(ո)ր(ա) ՛ի բարութե(ան) հանգիցէ, եւ զաւակ ն(ո)ր(ա) ժառանգեսցէ զերկիր։

Verse: 14  Link to sept   Զօրու(թ)ի́(ւն) է տ(է)ր երկիւղածաց իւրոց, եւ զկտակարանս իւր ուսուցանէ ն(ո)ց(ա)։

Verse: 15  Link to sept   Աչք իմ յա(մենայ)ն ժամ առ տ(է)ր. եւ նա́ հանէ յորոգայթէ զոտս իմ։

Verse: 16  Link to sept   Նայեա́ առ իս եւ ողորմեա́ ինձ, զի միամօր եւ աղքատ եմ ես։

Verse: 17  Link to sept   Նեղութի(ւն)ք սրտի իմոյ բազում եղեն յոյժ, եւ վշտաց իմոց հա́ն զիս։

Verse: 18  Link to sept   Տե́ս զխոնարհութի(ւն) իմ եւ զվաստակ իմ, եւ թո́ղ ինձ զա(մենայ)ն մեղս իմ։

Verse: 19  Link to sept   Տե́ս զթշնամիս իմ զի բազում եղեն, ատելու(թ)ի(ւն) զոր ՛ի նանիր ատեցին զիս։

Verse: 20  Link to sept   Պահեա́ զանձն իմ եւ փրկեա́ զիս, եւ մի́ յամօթ եղէց զի յուսացայ ՛ի քեզ։

Verse: 21  Link to sept   Անբիծք եւ ուղիղք կցորդ եղեն ինձ, եւ ես քեզ համբերի.

Verse: 22  Link to sept   փրկեա́ ա(ստուա)ծ զի(սրա)էլ յա(մենայ)ն նեղութե(ան)ց նորա։ Տունք. ժ՜ը։



Chapter: 25 

Verse: 1 
՛Ի կատարած. Սաղմոս ՛ի դաւիթ. Ի՜Ե։


   Link to sept   Դա́տ արա ինձ տ(է)ր՝ զի ես յանբծութե(ան) իմում գնացի, ՛ի տ(է)ր յուսացայ զի մի́ եղէց հիւանդ։

Verse: 2  Link to sept   Փորձեա́ զիս տ(է)ր եւ քննեա́ զիս, փորձեա́ զերիկամո́ւնս իմ եւ զսիրտ իմ։

Verse: 3  Link to sept   Ողորմու(թ)ի(ւն) քո տ(է)ր առաջի աչաց իմոց, եւ հաճո́յ եղէց ճշմարտու(թ)ե(ան) քում։

Verse: 4  Link to sept   Ո́չ նստայց ես յաթոռս նանրաց, եւ ը(նդ) անօրէնս ես ո́չ մտից։

Verse: 5  Link to sept   Ատեցի́ ես զժողովս չարաց, եւ ը(նդ) ամպարիշտս ես ո́չ նստայց։

Verse: 6  Link to sept   Լուացայց սրբու(թեամ)բ զձեռս իմ, եւ շուրջ եղէց զսեղանով քով տ(է)ր։

Verse: 7  Link to sept   Լսել ինձ զձայն օրհնու(թ)ե(ան) քոյ, եւ պատմել զա(մենայ)ն սքանչելիս քո։

Verse: 8  Link to sept   Տ(է)ր սիրեցի զվայելչու(թ)ի(ւն) տան քոյ, եւ զտեղի յարկի փառաց քոց։

Verse: 9  Link to sept   Մի́ կորուսանել ընդ ամպարիշտս զանձն իմ, եւ մի́ ը(նդ) արս արիւնահեղ զկեանս իմ։

Verse: 10  Link to sept   Որոց ձեռք իւրեանց յանօրէնու(թ)ե(ա́ն) են. եւ աջ ն(ո)ց(ա) լի́ է կաշառօք։

Verse: 11  Link to sept   Եւ յանբծու(թ)ե(ան) իմում գնացի, փրկեա́ զիս տ(է)ր եւ ողորմեա́ ինձ։

Verse: 12  Link to sept   Ոտն իմ կացցէ յուղղութե(ան), յեկեղեցիս մեծս օրհնեցի́ց զքեզ։ Տունք. ժ՜բ։



Chapter: 26 

Verse: 1 
Սաղմոս ՛ի դաւիթ. մինչչեւ օծեալ էր. ԻԶ։


   Link to sept   Տ(է)ր լո́յս իմ եւ կեանք իմ ես յումէ՞ երկեայց. տ(է)ր ապաւէ́ն կենաց իմոց ես յումէ՞ դողացայց։

Verse: 2  Link to sept   ՛Ի մերձենալ առ իս չարաց ուտել զմարմին իմ, նեղիչք իմ եւ թշնամիք իմ նոքա տկարացա́ն եւ անկան։

Verse: 3  Link to sept   Թէ պատրաստեսցի ՛ի վ(ե)ր(այ) իմ պատերազմ, ո́չ երկիցէ սիրտ իմ. թէ յարիցէ ՛ի վ(ե)ր(այ) իմ ճակատամարտ՝ սակայն եւ ա́յսուիկ ՛ի քեզ տ(է)ր յուսացայ։

Verse: 4  Link to sept   Զմի խնդրեցի ՛ի տ(եառ)նէ եւ զսոյն աղաչեմ, բնակել ինձ ՛ի տա́ն տ(եառ)ն զա(մենայ)ն աւուրս կենաց իմոց։ Տեսանել ինձ զվայելչութի(ւն) տ(եառ)ն, եւ հրամա́ն տալ ՛ի տաճարի ն(ո)ր(ա)։

Verse: 5  Link to sept   Ծածկեաց զիս ՛ի խորանի իւրում յաւուր չարի, ը(նդ) յարկա́ւ արար զիս ՛ի ծածկոյթ խորանի իւրում։

Verse: 6  Link to sept   ՛Ի վիմէ բա́րձր արարեր զիս, եւ այժմ բա́րձր արա զգլուխ իմ ՛ի վ(ե)ր(այ) թշնամեաց իմոց։ Շուրջ եղէց եւ մատուցից ՛ի խորանի ն(ո)ր(ա) պատարա́գ օրհնու(թ)ե(ան), օրհնեցից եւ սաղմոս ասացից տ(եառ)ն։

Verse: 7  Link to sept   Լո́ւր տ(է)ր ձայնի իմում զի կարդացի առ քեզ. ողորմեա́ ինձ եւ լո́ւր ինձ,

Verse: 8  Link to sept   զի քե́զ ասաց սիրտ իմ, եւ խնդրեցին երեսք իմ, զերեսս քո տ(է)ր խնդրեցին։

Verse: 9  Link to sept   Մի́ դարձուցաներ զերեսս քո յինէն, եւ մի́ խոտորիր բարկու(թեամ)բ ՛ի ծառայէ քումմէ։ Օգնական իմ լե́ր տ(է)ր, եւ մի́ անարգեր զիս, եւ մի́ թողուր զիս ա(ստուա)ծ փրկիչ իմ։

Verse: 10  Link to sept   Հայր իմ եւ մայր իմ թողին զիս, եւ տ(է)ր ընկալաւ զիս։

Verse: 11  Link to sept   Օրէնսգէ́տ արա զիս տ(է)ր ՛ի ճանապարհի քում, առաջնորդեա́ ինձ ՛ի շաւիղս քո ուղիղս։

Verse: 12  Link to sept   Վասն թշնամեաց իմոց. մի́ մատներ զիս ՛ի ձեռս նեղչաց իմոց։ Յարեան ՛ի վ(ե)ր(այ) իմ վկայք մեղաց, եւ ստեցի́ն ինձ յանօրէնութե(ան) իւրեանց։

Verse: 13  Link to sept   Հաւատացի տեսանել զբարու(թ)ի(ւն) տ(եառ)ն յերկիր կենդանեաց,

Verse: 14  Link to sept   համբե́ր տ(եառ)ն եւ քաջալերեա́ց. զօրասցի́ սիրտ քո եւ համբե́ր տ(եառ)ն։ Տունք. ժ՜զ։ Գոբղայս. խ՜զ։



Chapter: 27 

Verse: 1 
Սաղմոս ՛ի դաւիթ. Ի՜Է։


   Link to sept   Առ քեզ կարդացի ա(ստուա)ծ իմ, մի́ լռեր յինէն, մի́ երբէք լռիցես յինէն. զի մի́ նմանիցեմ այնոցիկ որ իջանեն ՛ի գուբ։

Verse: 2  Link to sept   Լո́ւր տ(է)ր ձայնի խնդրուածաց իմոց յաղաչել ինձ առ քեզ, ՛ի համբառնա́լ ձեռաց իմոց ՛ի տաճար սուրբ քո։

Verse: 3  Link to sept   Մի́ համարիր ը(նդ) ամպարիշտս զանձն իմ. մի́ ընդ այնոսիկ որ գործեն զանօրէնու(թ)ի(ւն) կորուսաներ զիս։ Ոյք խօսէին զխաղաղութի(ւն) ընդ ընկերս իւրեանց, եւ չարութի(ւն) է ՛ի սիրտս ն(ո)ց(ա)։

Verse: 4  Link to sept   Տո́ւր ն(ո)ց(ա) տ(է)ր ըստ գո́րծս ն(ո)ց(ա), ըստ անօրէնութե(ան) գնացից ն(ո)ց(ա) հատո́ ն(ո)ց(ա)։ Ըստ գործոց ձեռաց ն(ո)ց(ա) հատո́ ն(ո)ց(ա)՝ զհատուցումն նոցա նոցին։

Verse: 5  Link to sept   Ո́չ իմացան նոքա զգործս տ(եառ)ն, եւ ո́չ ՛ի գործս ձեռաց ն(ո)ր(ա) հայեցան. կործանեսցես զն(ո)ս(ա) եւ այլ մի́ շինեսցին։

Verse: 6  Link to sept   Օրհեալ է տ(է)ր զի լուաւ ձայնի́ աղօթից իմոց.

Verse: 7  Link to sept   տ(է)ր օգնակա́ն իմ եւ պաշտպան իմ։ ՛Ի նա յուսացաւ սիրտ իմ, օգտեցաւ եւ զուարճացաւ մարմին իմ. եւ ես կամօք իմովք խոստովան եղէց նմա։

Verse: 8  Link to sept   Տ(է)ր զօրու(թ)ի(ւն) ժողովրդեան իւրոյ, ապաւէն փրկու(թ)ե(ան) օծելոյ իւրոյ։

Verse: 9  Link to sept   Փրկեա́ զժողովուրդ քո. եւ օրհնեա́ զժառանգութի(ւն)ս քո, հովուեա́ եւ բարձրացո́ զն(ո)ս(ա) մինչեւ յաւիտեան։ Տունք. ժ՜ա։



Chapter: 28 

Verse: 1 
Սաղմոս ՛ի դաւիթ. օրհնու(թ)ե(ան)ց նաւակատեաց տաճարին. ԻԸ։


   Link to sept   Մատուցէ́ք տ(եառ)ն որդիք ա(ստուծո)յ, մատուցէ́ք տ(եառ)ն զորդի́ս խոյոց։

Verse: 2  Link to sept   Մատուցէ́ք տ(եառ)ն զփառս եւ զպատիւ, մատուցէ́ք տ(եառ)ն զփա́ռս անուան ն(ո)ր(ա). եւ երկի́ր պագէք տ(եառ)ն ՛ի սրահ սրբութե(ան) ն(ո)ր(ա)։

Verse: 3  Link to sept   Ձայն տ(եառ)ն ՛ի վ(ե)ր(այ) ջուրց, եւ ա(ստուա)ծ փառօք որոտաց, եւ տ(է)ր ինքն ՛ի վերայ ջուրց բազմաց։

Verse: 4  Link to sept   Ձայն տ(եառ)ն զօրութե(ան)ց, եւ ձայն տ(եառ)ն մե́ծ վայելչու(թ)ե(ան)ց։

Verse: 5  Link to sept   Ձայն տ(եառ)ն փշրէ́ զմայրս. եւ մանրէ տ(է)ր զմայրսն լիբանանու։

Verse: 6  Link to sept   Մանրեսցէ́ զն(ո)ս(ա) ո(ր)պ(էս) մատաղատունկ լիբանանու, որ սիրելին է ո(ր)պ(էս) զորդիս միեղջերոյ։

Verse: 7  Link to sept   Ձայն տ(եառ)ն հատանէ́ զբոց հրոյ.

Verse: 8  Link to sept   ձայն տ(եառ)ն շարժէ զանապատն, եւ խռովեցուցանէ տ(է)ր զանապա́տն կադէս։

Verse: 9  Link to sept   Ձայն տ(եառ)ն հաստատէ զեղջերուս, եւ յայտնի առնէ զանտառս։ ՛Ի տաճարի ն(ո)ր(ա) ա(մենայ)ն որ ասեն զփառս ն(ո)ր(ա)։

Verse: 10  Link to sept   Տ(է)ր զջրհեղեղս զնստուցանէ́ եւ ցածուցանէ, թագաւորեսցէ տ(է)ր յաւիտեան։

Verse: 11  Link to sept   Տ(է)ր զօրու(թ)ի(ւն) ժողովրդեան իւրոյ տացէ, եւ օրհնեսցէ զժողովուրդ իւր ՛ի խաղաղու(թ)ի(ւն)։ Տունք. ժ՜ա։



Chapter: 29 

Verse: 1 
Link to sept Սաղմոս օրհնու(թ)ե(ան)ց նաւակատեաց տաճարի ՛ի դաւիթ. Ի՜Թ։


Verse: 2  Link to sept   Բա́րձր առնեմ զքեզ տ(է)ր զի ընկալար զիս. եւ ո́չ ուրախ արարեր զթշնամին իմ յիս։

Verse: 3  Link to sept   Տ(է)ր ա(ստուա)ծ իմ՝ կարդացի առ քեզ եւ բժշկեցեր զիս

Verse: 4  Link to sept   տ(է)ր հաներ ՛ի դժոխոց զանձն իմ, փրկեցեր զիս յայնցանէ որ իջանեն ՛ի գուբ։

Verse: 5  Link to sept   Սաղմո́ս ասացէք տ(եառ)ն ս(ուր)բք ն(ո)ր(ա). խոստովա́ն եղերուք յիշատակի սրբու(թ)ե(ան) ն(ո)ր(ա)։

Verse: 6  Link to sept   Սրտմտու(թ)ի(ւն) է ՛ի բարկու(թ)ե(ան) ն(ո)ր(ա), եւ կեանք են ՛ի կամա́ց նորա։ Ընդ երեկոյս հանգիցեն լալիք, առաւօտու եղիցի ուրախու(թ)ի(ւն)։

Verse: 7  Link to sept   Ես ասացի ՛ի բարեկենդանութե(ան) իմում, թէ ո́չ սասանեցայց յաւիտեան։

Verse: 8  Link to sept   Տ(է)ր ՛ի կա́մս քո ետուր գեղոյ իմոյ զօրու(թ)ի(ւն), դարձուցեր զերեսս քի յինէն՝ եւ ես եղէ խռովեալ։

Verse: 9  Link to sept   Առ քեզ տ(է)ր կարդացի, առ ա(ստուա)ծ իմ աղաչեցի.

Verse: 10  Link to sept   զի՞նչ օգուտ է քեզ յարենէ իմմէ, թէ իջանեմ ես յապականութի(ւն)։ Միթէ հող խոստովա՞ն առնիցի առ քեզ, կամ պատմեսցէ՞ զճշմարտու(թ)ի(ւն)ս քո։

Verse: 11  Link to sept   Լուաւ ինձ տ(է)ր եւ ողորմեցաւ, եւ տ(է)ր եղեւ ինձ օգնական։

Verse: 12  Link to sept   Դարձոյց զսուգ իմ յուրախութի(ւն), զերծ յինէն զքուրձ, եւ ինձ զգեցոյց զուրախութի(ւն)։

Verse: 13  Link to sept   Ո(ր)պ(էս) սաղմոս ասասցեն քեզ փառք իմ. եւ այլ մի́ զղջացայց, տ(է)ր ա(ստուա)ծ իմ յաւիտեա́ն խոստովան եղէց քեզ։ Տունք. ժ՜բ։ Գոբղայս. լ՜դ։



Chapter: 30 

Verse: 1 
Link to sept ՛Ի կատարած. նահատակու(թ)ի(ւն) գովու(թ)ե(ան). Սաղմոս ՛ի դաւիթ. Լ։


Verse: 2  Link to sept   ՛Ի քեզ տ(է)ր յուսացայ մի́ ամաչեցից յաւիտեան, յարդարու(թ)ե(ան) քում փրկեա́ զիս եւ ապրեցո́ զիս։

Verse: 3  Link to sept   Խոնարհեցո́ առ իս զունկն քո, վաղվաղեա́ կեցուցանել զիս։ Լե́ր իմ ա(ստուա)ծ պաշտպան եւ տո́ւն ապաւինի ապրեցուցանել զիս

Verse: 4  Link to sept   զի հզօրիչ իմ եւ ապաւէն իմ դո́ւ ես։ Վ(ա)ս(ն) անուան քոյ առաջնորդեցե́ր ինձ, եւ սնուցեր զիս

Verse: 5  Link to sept   եւ հանցես զիս յորոգայթէ յայսմանէ որ թաքուցաւ ինձ։ Դու ես պաշտպան իմ տ(է)ր,

Verse: 6  Link to sept   եւ ՛ի ձե́ռս քո յանձն առնեմ զհոգի իմ։ Փրկեցեր զիս տ(է)ր ա(ստուա)ծ ճշմարտութ(եամ)բ քով.

Verse: 7  Link to sept   ատեցե́ր զայնոսիկ որ պահեն զերկեւղ ՛ի սնոտիս։

Verse: 8  Link to sept   Ես ՛ի տ(է)ր յուսացայ, ցնծացայց եւ ուրախ եղէց ՛ի փրկու(թ)ե(ան) քում։ Հայեցար ՛ի խոնարհու(թ)ի(ւն) իմ, եւ փրկեցե́ր ՛ի վշտաց զանձն իմ.

Verse: 9  Link to sept   եւ ո́չ մատնեցեր զիս ՛ի ձեռս նեղչաց իմոց, եւ կացուցեր յանդորրո́ւ զոտս իմ։

Verse: 10  Link to sept   Ողորմեա́ ինձ տ(է)ր զի նեղեալ եմ ես. խռովեցաւ ՛ի սրտմտութ(են)է ա́կն իմ՝ անձն իմ եւ փոր իմ։

Verse: 11  Link to sept   Պակասեցին ՛ի ցաւոց կեանք իմ, եւ ամք իմ յոգւոց ելանելոյ։ Աղքատացա́ւ ՛ի տկարութ(են)է զօրու(թ)ի(ւն) իմ, եւ ոսկերք իմ խռովեցան։

Verse: 12  Link to sept   Քան զա(մենայ)ն թշնամիս իմ եղէ ես նախատ դրացեաց իմոց՝ յոյժ ա́հ եւ երկեւղ ծանօթից իմոց։ Ամենեքեան ոյք տեսանէին զիս, արտա́քս փախչէին յինէն։

Verse: 13  Link to sept   Մոռացեալ եղէ ես ո(ր)պ(էս) մեռեալ ՛ի սրտէ. եւ եղէ ես ո(ր)պ(էս) զանօթ կորուսեալ։

Verse: 14  Link to sept   Զի լուայ ես զբամբասանս բազմաց՝ ոյք շո́ւրջ էին զինեւ, ՛ի ժողովել ն(ո)ց(ա) ՛ի միասին առնուլ զանձն իմ խորհեցան.

Verse: 15  Link to sept   այլ ես ՛ի քեզ տ(է)ր յուսացայ։ Ասացի դո́ւ ես ա(ստուա)ծ իմ,

Verse: 16  Link to sept   եւ ՛ի ձեռս քո է ժառանգութի(ւն) իմ։ Փրկեա́ զիս ՛ի ձեռա́ց թշնամեաց իմոց, եւ ՛ի հալածչաց իմոց։

Verse: 17  Link to sept   Երեւեցո́ զերեսս քո ՛ի ծառայս քո. ապրեցո́ զիս տ(է)ր ըստ ողորմութե(ան) քում.

Verse: 18  Link to sept   տ(է)ր մի́ յամօթ եղէց զի կարդացի առ քեզ։ Ամաչեսցեն ամպարիշտք եւ իջցեն ՛ի դժոխս.

Verse: 19  Link to sept   եւ հա́մր եղիցին շրթունք նենգաւորք ոյք խօսէին զարդարոյ զանիրաւութի(ւն), յամբարտաւանութե(ան) եւ յանկոսնել իւրեանց։

Verse: 20  Link to sept   Ո(ր)պ(էս) զի բազում է ողորմութի(ւն) քաղցրու(թ)ե(ան) քոյ տ(է)ր, զոր պահեցեր երկիւղածաց քոց։ Արարեր դու այնոցիկ ոյք յուսացեալ են ՛ի քեզ, առաջի որդւոց մարդկան։

Verse: 21  Link to sept   Ամրացուցեր զն(ո)ս(ա) ՛ի ծածկոյթ երեսաց քոց, ՛ի խռովութ(են)է մարդկան։ Ծածկեցեր զն(ո)ս(ա) ՛ի խորանի քում, ՛ի հակառակութ(են)է լեզուաց։

Verse: 22  Link to sept   Օրհնեալ է տ(է)ր, զի սքանչելիս արար զողորմութի(ւն) իւր ՛ի քաղաք ամուր։

Verse: 23  Link to sept   Ես ասացի ՛ի զարմանալ իմում, թէ ընկեցա́յ ուրեմն յերեսաց աչաց քոց։ Վ(ա)ս(ն) այսորիկ լուա́ր ձայնի աղօթից իմոց, յաղաղակե́լ իմում առ քեզ։

Verse: 24  Link to sept   Սիրեցէ́ք զտ(է)ր ա(մենայ)ն ս(ուր)բք ն(ո)ր(ա), զի ստուգու(թ)ի(ւն) խնդրէ տ(է)ր, եւ հատուցանէ այնոցիկ որ առաւել առնեն զամբարտաւանու(թ)ի(ւն)։

Verse: 25  Link to sept   Քաջալերեցարո́ւք եւ զօրասցին սիրտք ձեր, ամենեքեան որ յուսացեալ էք ՛ի տ(է)ր։ Տունք. ի՜ը։



Chapter: 31 

Verse: 1 
Իմաստութի(ւն) ՛ի դաւիթ. Լ՜Ա։


   Link to sept   Երանի́ ում թողու(թ)ի(ւն) եղեւ մեղաց, եւ ծածկեցա́ն ա(մենայ)ն յանցանք ն(ո)ր(ա)։

Verse: 2  Link to sept   Երանի առն որում ո́չ համարեսցի տ(է)ր զմեղս ն(ո)ր(ա), եւ ո́չ գոյ նենգութի(ւն) ՛ի բերան նորա։

Verse: 3  Link to sept   Լռեցի ես եւ մաշեցան ա(մենայ)ն ոսկերք իմ, առ աղաղակել ինձ առ տ(է)ր զօրհանապազ

Verse: 4  Link to sept   ՛ի տուէ եւ գիշերի։ Ծանրեա́ց ձեռն քո ՛ի վերայ իմ, դարձայ ՛ի թշուառութի(ւն) զի հարան յիս փուշք։ Հանգիստ։

Verse: 5  Link to sept   Զմեղս իմ ցուցից քեզ, եւ զանօրէնու(թ)ի(ւն)ս իմ ո́չ ծածկեցից ՛ի քէն։ Ասացի թէ պատմեցից ինձէն զմեղս իմ, եւ դու թողցես զա(մենայ)ն ամպարշտութի(ւն)ս մեղաց իմոց։ Հանգիստ։

Verse: 6  Link to sept   Վասն այսորիկ յաղօթս կացցեն առ քեզ ա(մենայ)ն ս(ուր)բք, ՛ի ժամ ընդունելի· Բայց միայն ՛ի ջուրցն հեղեղաց բազմաց, որ առ ն(ո)ս(ա) ինչ ո́չ մերձեսցի։

Verse: 7  Link to sept   Դու ես ապաւէն իմ ՛ի նեղութ(են)է յայսմանէ, որ շուրջ եղեն զինեւ։ Ցնծու(թ)ի(ւն) իմ փրկեա́ զիս յայնցանէ՝ որ պաշարեցին զիս։

Verse: 8  Link to sept   Իմաստուն արարից զքեզ եւ խելամո́տ ՛ի ճանապարհ յոր եւ գնասցես, եւ հաստատեցից ՛ի վ(ե)ր(այ) քո զաչս իմ։

Verse: 9  Link to sept   Մի́ լինիք ո(ր)պ(էս) զձիս եւ զջորիս զի ո́չ գոյ ՛ի նոսա իմաստութի(ւն). ՛ի սանձս եւ ՛ի դանդանաւանդս ճմլեսցես զկզակս ն(ո)ց(ա) որ առ քեզ ինչ ո́չ մերձենան։

Verse: 10  Link to sept   Բազում տանջանք են մեղաւորաց, բայց ոյք յուսան ՛ի տ(է)ր՝ ողորմու(թ)ի(ւն) տ(եառ)ն շո́ւրջ եղիցի զնոքօք։

Verse: 11  Link to sept   Ո́ւրախ եղերուք եւ ցնծացէ́ք արդարք ՛ի տ(է)ր, պարծեցարո́ւք ամենեքեան ոյք ուղիղ էք սրտիւք։ Տունք. ժ՜դ։ Գոբղայս. խ՜բ։



Chapter: 32 
Սաղմոս ՛ի դաւիթ. Լ՜Բ։


Verse: 1  Link to sept   Ցնծացէ́ք արդարք ՛ի տ(է)ր՝ ուղղոց վայելէ օրհնութի(ւն),

Verse: 2  Link to sept   խոստովա́ն եղերուք տ(եառ)ն օրհնու(թեամ)բ. տասնաղեա́ւ սաղմոսարանաւ սաղմո́ս ասացէք նմա։

Verse: 3  Link to sept   Օրհնեցէ́ք զտ(է)ր յօրհնու(թ)ի(ւն) նոր զի բարի́ է, սաղմո́ս ասացէք նմա օրհնութ(եամ)բ։

Verse: 4  Link to sept   Ուղիղ են պատգամք տ(եառ)ն, եւ ա(մենայ)ն ճանապարհք ն(ո)ր(ա) հաւատովք են,

Verse: 5  Link to sept   եւ սիրէ զողորմու(թ)ի(ւն) եւ զիրաւունս տ(է)ր։ Ողորմու(թեամ)բ տ(եառ)ն լի́ եղեւ երկիր,

Verse: 6  Link to sept   եւ բանիւ տ(եառ)ն երկինք հաստատեցան, եւ հոգւով բերանոյ ն(ո)ր(ա) ա(մենայ)ն զօրու(թ)ի(ւն)ք ն(ո)ց(ա)։

Verse: 7  Link to sept   Ժողովեաց ո(ր)պ(էս) ՛ի տի́կ զջուրս ծովու, եւ դնէ ՛ի խոր զգանձս իւր։

Verse: 8  Link to sept   Երկիցէ ՛ի տ(եառ)նէ ա(մենայ)ն երկիր, եւ ՛ի նմանէ դողասցե́ն ա(մենայ)ն բնակիչք աշխարհի։

Verse: 9  Link to sept   Նա́ ասաց եւ եղեն, ի́նքն հրամայեաց՝ եւ հաստատեցան։

Verse: 10  Link to sept   Տ(է)ր ցրուէ́ զխորհուրդս հեթանոսաց, անարգէ́ տ(է)ր զխորհուրդս ժողովրդոց, եւ արհամարհէ տ(է)ր զխորհուրդս իշխանաց։

Verse: 11  Link to sept   Խորհուրդ տ(եառ)ն յաւիտեա́ն մնայ, խորհուրդ սրտի ն(ո)ր(ա) ազգէ մինչեւ յազգ։

Verse: 12  Link to sept   Երանի ազգի որոյ տ(է)ր ա(ստուա)ծ օգնական է նմա. ժողովուրդ զոր ընտրեաց ՛ի ժառանգութի(ւն) իւր։

Verse: 13  Link to sept   Յերկնից նայեցաւ տ(է)ր յա(մենայ)ն որդիս մարդկան։,

Verse: 14  Link to sept   ՛ի պատրաստ բնակութենէ իւրմէ հայեցաւ յա(մենայ)ն բնակիչս աշխարհի։

Verse: 15  Link to sept   Ո ստեղծ առանձին զսի́րտս ն(ո)ց(ա) եւ ՛ի միտ առնու զա(մենայ)ն գործս ն(ո)ց(ա)։

Verse: 16  Link to sept   Ո́չ թէ ՛ի բազում զօրս իւր ապրեսցի թագաւոր, եւ ո́չ սկայ ՛ի բազում զօրու(թ)ե(ան) իւրում։

Verse: 17  Link to sept   Սո́ւտ է ձի ՛ի փրկութե(ան) իւրում. ՛ի բազում զօրութե(ան) իւրում ո́չ ապրեցուցանէ զհեծեալն։

Verse: 18  Link to sept   Աչք տ(եառ)ն ՛ի վ(ե)ր(այ) երկիւղածաց իւրոց, եւ ոյք յուսա́ն յողորմու(թ)ի(ւն) ն(ո)ր(ա)։

Verse: 19  Link to sept   Փրկել ՛ի մահուանէ զանձինս ն՝ց. կերակրել զն(ո)ս(ա) ՛ի սովի։

Verse: 20  Link to sept   Անձինք մեր համբերեսցեն տ(եառ)ն, զի օգնակա́ն եւ պաշտպան մեր է։

Verse: 21  Link to sept   ՛Ի նա́ ուրախ եղիցին սիրտք մեր, եւ յանուն ս(ուր)բ նորա յուսասցուք։

Verse: 22  Link to sept   Եղիցի́ ողորմութի(ւն) քո տ(է)ր ՛ի վ(ե)ր(այ) մեր, ո(ր)պ(էս) յուսացա́ք ՛ի քեզ։ Տունք. ժ՜թ։



Chapter: 33 

Verse: 1 
Link to sept Սաղմոս ՛ի դաւիթ. ՛Ի ժամանակի զի այլագունեաց զերեսս իւր առաջի աբիմելիքայ. եւ ապա արձակեաց զնա, եւ գնաց. ԼԳ։


Verse: 2  Link to sept   Օրհնեցից զտ(է)ր յա(մենայ)ն ժամ, յա(մենայ)ն ժամ օրհնութի(ւն) ն(ո)ր(ա) ՛ի բերա́ն իմ։

Verse: 3  Link to sept   ՛Ի տ(է)ր պարծեսցի անձն իմ, լուիցեն հեզք, եւ ուրա́խ եղիցին։

Verse: 4  Link to sept   Մե́ծ արարէք զտ(է)ր ինեւ, եւ բա́րձր արասցուք զանուն ն(ո)ր(ա) ՛ի միասին։

Verse: 5  Link to sept   Խնդրեցի ՛ի տ(եառ)նէ եւ լուա́ւ ինձ, յա(մենայ)ն նեղու(թեն)է իմմէ փրկեաց զիս։

Verse: 6  Link to sept   Մատի́ք առ տ(է)ր եւ առէ́ք զլոյս, եւ երեսք ձեր մի́ ամաչեսցեն։

Verse: 7  Link to sept   Այս աղքատ կարդաց առ տ(է)ր, եւ տ(է)ր լուա́ւ սմա. յա(մենայ)ն նեղու(թեն)է ս(ո)ր(ա) փրկեաց զսա։

Verse: 8  Link to sept   Բանակ հրեշտակաց տ(եառ)ն շուրջ է զերկիւղածովք, եւ պահէ զն(ո)ս(ա)·

Verse: 9  Link to sept   Ճաշակեցէ́ք եւ տեսէ́ք զի քաղցր է տ(է)ր. երանեա́լ է այր որ յուսայ ՛ի նա։

Verse: 10  Link to sept   Երկերո́ւք ՛ի տ(եառ)նէ ա(մենայ)ն սո́ւրբք ն(ո)ր(ա). զի ո́չինչ է պակասութի(ւն) երկիւղածաց ն(ո)ր(ա)։

Verse: 11  Link to sept   Մեծամեծք աղքատացա́ն եւ քաղցեան. բայց ոյք խնդրեն զտ(է)ր՝ մի պակասեսցէ ՛ի նոցանէ ա(մենայ)ն բարու(թ)ի(ւն)։

Verse: 12  Link to sept   Եկա́յք որդիք իմ եւ լուարո́ւք ինձ, եւ զերկեւղ տ(եառ)ն ուսուցի́ց ձեզ։

Verse: 13  Link to sept   Ո՞վ է մարդ որ կամի զկեանս, սիրէ զաւուրս իւր տեսանել ՛ի բարու(թ)ե(ան)։

Verse: 14  Link to sept   Լռեցո́ զլեզու քո ՛ի չարու(թեն)է. շրթունք քո մի́ խօսեսցի զնենգութի(ւն)։

Verse: 15  Link to sept   Խոտորեա́ ՛ի չարէ եւ արա́ զբարի, խնդրեա́ զխաղաղութի(ւն) եւ ե́րթ զհետ ն(ո)ր(ա)։

Verse: 16  Link to sept   Աչք տ(եառ)ն ՛ի վերայ արդարոց, ականջք ն(ո)ր(ա) ՛ի վ(ե)ր(այ) աղօթից ն(ո)ց(ա)։

Verse: 17  Link to sept   Երեսք տ(եառ)ն ՛ի վ(ե)ր(այ) չարագործաց, սատակել յերկրէ զյիշատակս ն(ո)ց(ա)։

Verse: 18  Link to sept   Կարդացին արդարք առ տ(է)ր՝ եւ տ(է)ր լուաւ ն(ո)ց(ա), յա(մենայ)ն նեղու(թեն)է ն(ո)ց(ա) փրկեա́ց զն(ո)ս(ա)։

Verse: 19  Link to sept   Մերձ է տ(է)ր առ այնոսիկ որ մաշեալ են սրտիւք, եւ զխոնարհս հոդւով կեցուցանէ։

Verse: 20  Link to sept   Բազում նեղութի(ւն)ք են արդարոց, յա(մենայ)նէ փրկէ զնոսա տ(է)ր,

Verse: 21  Link to sept   եւ պահէ զա(մենայ)ն ոսկերս ն(ո)ց(ա), եւ մի ՛ի նոցանէ ո́չ փշրեսցի։

Verse: 22  Link to sept   Մահ մեղաւորի չա́ր է. բայց որ ատեայ զարդար զղջասցի։

Verse: 23  Link to sept   Փրկէ տ(է)ր զանձինս ծառայից իւրոց, մի́ զղջասցին ամենեքեան ոյք յուսացեալ են ՛ի նա։ Տունք. ի՜ա։ Գոբղայս. խ՜։



Chapter: 34 
՛Ի կատարած. Սաղմոս ՛ի դաւիթ. Լ՜Դ։


Verse: 1  Link to sept   Դատեա́տ(է)ր զայնոսիկ ոյք դատին զիս. մարտի́ր ը(նդ) այնոսիկ որ մարտնչի́ն ընդ իս։

Verse: 2  Link to sept   Ա́ռ զզէն եւ զասպար քո, եւ արի́ յօգնել ինձ.

Verse: 3  Link to sept   հա́ն զսուր քո ընդդէմ հալածչաց իմոց, արգե́լ զն(ո)ս(ա). եւ ասա́ դու ցանձն իմ թէ փրկու(թ)ի(ւն) քո ես եմ։

Verse: 4  Link to sept   Ամաչեսցեն եւ յամօթ լիցին ոյք խնդրէին զանձն իմ. դարձցին յետս եւ ամաչեսցեն ոյք խորհէին ինձ չար։

Verse: 5  Link to sept   Եղիցին նոքա ո(ր)պ(էս) փոշի́ առաջի հողմոյ. եւ հրեշտակ տ(եառ)ն նեղեսցէ զն(ո)ս(ա)։

Verse: 6  Link to sept   Եղիցին ճանապարհք ն(ո)ց(ա) ՛ի խաւար եւ ՛ի գայթագղու(թ)ի(ւն). եւ հրեշտակ ա(ստուծո)յ հալածեսցէ զն(ո)ս(ա)։

Verse: 7  Link to sept   ՛Ի նանիր թաքուցին ինձ որոգա́յթ յապականու(թ)ե(ան) իւրեանց, եւ ՛ի նանիր նախատեցին զանձն իմ։

Verse: 8  Link to sept   Հասցէ ՛ի վ(ե)ր(այ) ն(ո)ց(ա) որոգայթ զոր ո́չ գիտացին. եւ որս զոր թաքուցին՝ առցէ́ զոտս ն(ո)ց(ա), եւ յորոգայթ ՛ի նոյն անկցին։

Verse: 9  Link to sept   Այլ անձն իմ ցնծասցէ ՛ի տ(է)ր, ուրախ եղիցի ՛ի փրկու(թ)ե(ան) ն(ո)ր(ա).

Verse: 10  Link to sept   եւ ա(մենայ)ն ոսկերք իմ ասասցեն, տ(է)ր՝ ո՞վ նման է քեզ։ Զի փրկեաց զաղքատն ՛ի ձեռաց հզօրի, զաղքատ եւ զտնանկ յանցանէ որ յափշտակեն զնա։

Verse: 11  Link to sept   Յարեան ՛ի վ(ե)ր(այ) իմ վկայք չարեաց. զոր ինչ ո́չ գիտէի հարցանէին զիս։

Verse: 12  Link to sept   Հատուցին ինձ չար փոխանակ ընդ բարւոյ. անժառանգե́լ զանձն իմ խորհեցան յորդւոց ՛ի մարդկանէ։

Verse: 13  Link to sept   Ես ՛ի նեղել ն(ո)ց(ա) քո́ւրձ զգենու(թ)ի(ւն), խոնա́րհ առնէի պահօք զանձն իմ, եւ աղօթք իմ ՛ի ծոց իմ դարձցին։

Verse: 14  Link to sept   Ո(ր)պ(էս) զեղբայր եւ զընկեր այնպէս հաճոյ լինէի, ո(ր)պ(էս) սգաւո́ր եւ տրտում այնպէս խոնարհ առնէի։

Verse: 15  Link to sept   ՛Ի վ(ե)ր(այ) իմ ուրախ եղեն եւ ժողովեցան, ժողովեցան յիս տանջանք եւ ես ո́չ ծանեայ.

Verse: 16  Link to sept   ցրուեցան եւ ո́չ զղջացան։ Փորձեցին զիս եւ արհամարհեցին, արհամարհանօք կրճտեցին ՛ի վ(ե)ր(այ) իմ զատամունս իւրեանց,

Verse: 17  Link to sept   տ(է)ր ե՞րբ տեսցես։ ՛Ի բա́ց արա զանձն իմ ՛ի խորամանկութ(են)է ն(ո)ց(ա), եւ յառիւծուց զմիամօրութիւն իմ։

Verse: 18  Link to sept   Խոստովան եղէց քեզ տ(է)ր յեկեղեցի́ս մեծս, եւ ՛ի ժողովս բազմաց օրհնեցի́ց զքեզ։

Verse: 19  Link to sept   Մի́ ուրախ եղիցին յիս թշնամիք իմ ոյք ատէին զիս տարապարտուց. ակնարկի́ առնէին յիս աչօք իւրեանց։

Verse: 20  Link to sept   Ընդ իս զխաղաղութի(ւն) խօսէին, եւ ինքեանք բարկու(թեամ)բ զնենգութի(ւն) խորհէին։

Verse: 21  Link to sept   Բացին ՛ի վ(ե)ր(այ) իմ զբերանս իւրեանց, եւ ասացին՝ այո́ այո́ տեսին աչք մեր։

Verse: 22  Link to sept   Տեսեր տ(է)ր եւ մի́ լռեր, տ(է)ր՝ մի́ ՛ի բացեայ առնիր յինէն։

Verse: 23  Link to sept   Զարթի́ր եւ հայեա́ց տ(է)ր յիրաւունս իմ, ա(ստուա)ծ իմ եւ տ(է)ր իմ ՛ի դատաստանս իմ.

Verse: 24  Link to sept   եւ իրա́ւ արա ինձ ըստ արդարու(թ)ե(ան) քում տ(է)ր ա(ստուա)ծ իմ։ Մի́ ուրախ եղիցին յիս թշնամիք իմ,

Verse: 25  Link to sept   եւ մի́ ասասցեն ՛ի սիրտս իւրեանց թէ վաշ վա́շ անձանց մերոց զի ընկլուզաք զնա։

Verse: 26  Link to sept   Ամաչեսցեն եւ յամօթ լիցին ոյք խնդային ընդ չար իմ. զգեցցին զամօթ եւ զանարգանս ոյք մեծաբանէին ՛ի վ(ե)ր(այ) իմ։

Verse: 27  Link to sept   Ցնծասցեն եւ ուրա́խ լիցին ՛ի քեզ ամենեքեան, ոյք կամին ընդ արդարութի(ւն) իմ։ Ասասցեն յա(մենայ)ն ժամ մե́ծ է ա(ստուա)ծ. եւ ոյք կամին զխաղաղութի(ւն) ծառայի քոյ։

Verse: 28  Link to sept   Լեզու իմ խօսեսցի զարդարու(թ)ի(ւն)ս քո, զօրհանապազ զգովութի(ւն)ս քո։ Տունք. ի՜է։



Chapter: 35 

Verse: 1 
Link to sept ՛Ի կատարած, ծառայի տ(եառ)ն. Սաղմոս ՛ի դաւիթ. Լ՜Ե։


Verse: 2  Link to sept   Ասէ անօրէնն ՛ի մեղանչե́լ ընդ միտս իւր, թէ չի́ք երկեւղ ա(ստուծո)յ առաջի աչաց ն(ո)ր(ա)։

Verse: 3  Link to sept   Նենգեաց առաջի ն(ո)ր(ա) գտանել զանօրէնու(թ)ի(ւն) իւր, եւ ատել զնա։

Verse: 4  Link to sept   Բանք բերանոյ ն(ո)ր(ա)՝ անօրէնու(թ)ի(ւն) եւ նենգու(թ)ի(ւն) են։ Ո́չ կամեցաւ նա իմանալ զբարի,

Verse: 5  Link to sept   զանօրէնու(թ)ի(ւն) զորհեցաւ յանկողնի իւրում։ Եկաց նա յա(մենայ)ն ճանապարհ որ ո́չ է բարի, եւ ՛ի չարէ նա ո́չ ձանձրացաւ։

Verse: 6  Link to sept   Տ(է)ր յերկինս է ողորմու(թ)ի(ւն) քո, ճշմարտու(թ)ի(ւն) քո մինչեւ յամպս։

Verse: 7  Link to sept   Արդարութի(ւն) քո ո(ր)պ(էս) լերինք ա(ստուա)ծ. իրաւունք քո ո(ր)պ(էս) զխո́րս բազումս. զմարդիկ եւ զանասուն կեցուցանես դու տ(է)ր։

Verse: 8  Link to sept   Ո(ր)պ(էս) զի բազում արարեր զողորմու(թ)ի(ւն) քո ա(ստուա)ծ. այլ որդիք մարդկան ՛ի հովանի թեւոց քոց յուսասցին։

Verse: 9  Link to sept   Արբեսցին նոքա ՛ի պարարտու(թ)ե(ան) տան քոյ, եւ զուխս փափկու(թ)ե(ան) քո տացես ըմպել ն(ո)ց(ա)։·

Verse: 10  Link to sept   ՛Ի քէն է տ(է)ր աղբեւր կենաց, եւ լուսով երեսաց քոց տեսանեմք զլոյս։

Verse: 11  Link to sept   Ծագեա́ զողորմու(թ)ի(ւն)ս քո ոյք ճանաչեն զքեզ, զարդարութի(ւն)ս քո որ ուղի́ղ են սրտիւք։

Verse: 12  Link to sept   Մի́ եկեսցէ ՛ի վերայ մեր ոտն ամբարտաւանից, եւ ձեռք մեղաւորաց մի́ դողացուսցեն զմեզ։

Verse: 13  Link to sept   Անդ անկցին ամենեքեան ոյք գործեն զանօրէնու(թ)ի(ւն), մերժեցան եւ այլ մի́ կարասցին հաստատիլ։ Տունք.ժգ։ Գոբղայս. խ՜։
   Կանոն Գոբղայս. Է՜։ Սաղմոս. ժ՜ը։ Տունս. մ՜զ։



Chapter: 36 

Verse: 1 
Սաղմոս ՛ի դաւիթ. Լ՜Զ։


   Link to sept   Մի́ նախանձիր ընդ չարս. մի́ ընդ այնոսիկ որ գործեն զանօրէնու(թ)ի(ւն)։

Verse: 2  Link to sept   Զի ո(ր)պ(էս) խոտ վաղվաղակի ցամաքեսցին. ո(ր)պ(էս) դալարի́ խոտոյ վաղվաղակի անցցեն։

Verse: 3  Link to sept   Յուսա́ ՛ի տ(է)ր՝ եւ արա́ զքաղցրու(թ)ի(ւն). բնակեա́ յերկրի՝ եւ հովուեսցիս ՛ի մեծութե(ան) ն(ո)ր(ա)։

Verse: 4  Link to sept   Ժտեա́ ՛ի տն(թեն)է՝ եւ նա́ տացէ քեզ զխնդրուածս սրտի քոյ.

Verse: 5  Link to sept   յայտնեա́ առաջի տ(եառ)ն զճանապարհս քո եւ յուսա́ ՛ի նա։ Նա արասցէ

Verse: 6  Link to sept   եւ հանցէ ո(ր)պ(էս) զլոյս զարդարու(թ)ի(ւն)ս քո, զիրաւունս քո ո(ր)պ(էս) զօրհասարակ։

Verse: 7  Link to sept   Հնազա́նդ լեր տ(եառ)ն՝ եւ ծառայեա́ նմա, եւ մի́ նախանձիր ընդ այնոսիկ որոց առակեալ իցեն ճանապարհք իւրեանց ը(նդ) մարդոյ որ գործէ զանօրէնու(թ)ի(ւն)։

Verse: 8  Link to sept   Լռեա́ ՛ի բարկու(թեն)է եւ հանգի́ր ՛ի սրտմտութ(են)է, մի́ նախանձիր ընդ չարս։

Verse: 9  Link to sept   Զի չարք վաղվաղակի սատակեսցին. բայց ոյք համբերեն տ(եառ)ն նոքա ժառանգեսցեն զերկիր։

Verse: 10  Link to sept   Փոքր մի եւ այլ ո́չ եւս իցէ ամպարիշտն. խնդրեսցես զտեղի ն(ո)ր(ա) եւ ո́չ գտցես։

Verse: 11  Link to sept   Այլ որ հեղքն են նոքա́ ժառանգեսցեն զերկիր, եւ փափկասցին ՛ի բազում խաղաղու(թ)ե(ան) իւրեանց։

Verse: 12  Link to sept   Սպասէ մեղաւոր արդարոյ, եւ կրճտէ́ ՛ի վ(ե)ր(այ) ն(ո)ր(ա) զատամունս իւր.

Verse: 13  Link to sept   այլ տ(է)ր ծիծաղեսցի́ զնովաւ։ Քանզի յառաջագոյն տեսանէ, զի հասեալ է օր ն(ո)ր(ա)։

Verse: 14  Link to sept   Սուր հանին մեղաւորք եւ լարեցի́ն զաղեղունս իւրեանց՝ հարկանե́լ զաղքատ եւ զտնանկ, սպանանել զայն որ խոնա́րհ է սրտիւ։

Verse: 15  Link to sept   Սուրք ն(ո)ց(ա) մտցեն ՛ի սի́րտս ն(ո)ց(ա), եւ աղեղունք ն(ո)ց(ա) փշրեսցին։

Verse: 16  Link to sept   Լաւ է սակաւի́կ ինչ արդարոյ քան զբազում մեծութի(ւն) մեղաւորաց,

Verse: 17  Link to sept   եւ բազուկք ամպարշտաց խորտակեսցին։ Հաստատէ տ(է)ր զարդարս

Verse: 18  Link to sept   եւ ճանաչէ զաւուրս անբծից, ժառանգութիւն ն(ո)ց(ա) յաւիտեան եղիցի։

Verse: 19  Link to sept   Մի́ ամաչեսցեն նոքա ՛ի ժամանակս չարութե(ան). այլ յաւուրս սովոյ յագեսցի́ն։

Verse: 20  Link to sept   Ահա մեղաւորք կորիցեն. այլ թշնամիք տ(եառ)ն ՛ի փառաւորել եւ ՛ի բարձրանալ իւրեանց պակասեցին ո(ր)պ(էս) ծուխ զի պակասէ։

Verse: 21  Link to sept   Փոխ առնու մեղաւորն եւ ո́չ հատուցանէ. այլ որ արդարն է ողորմի եւ տայ։

Verse: 22  Link to sept   Ոյք օրհնեն զտ(է)ր՝ ժառանգեսցեն զերկիր, եւ ոյք անիծանեն սատակեսցի́ն ՛ի նմանէ։

Verse: 23  Link to sept   ՛Ի տն(թեն)է ուղղին գնացք առն, զճանապարհս նորա նա́ կամի յոյժ։

Verse: 24  Link to sept   Թէպէտ եւ գայթագղեսցի, նա մի́ կործանեսցի, զի տ(է)ր ձեռնկալո́ւ է ն(ո)ր(ա)։

Verse: 25  Link to sept   Մանուկ էի ես եւ ծերացայ, եւ ո́չ տեսի զարդար արհամարհեալ, եւ ո́չ զզաւակ ն(ո)ր(ա) թէ մուրանա́յ հաց։

Verse: 26  Link to sept   Զօրհանապազ ողորմի եւ տայ փոխ, զաւակ ն(ո)ր(ա) օրհնեա́լ եղիցի յաւիտեան։

Verse: 27  Link to sept   Խոտորեա́ ՛ի չարէ եւ արա́ զբարի. բնակեսցես յաւիտեանս յաւիտենից ՛ի նմա։

Verse: 28  Link to sept   Տ(է)ր սիրէ զիրաւունս, եւ ո́չ ը(նդ) վայր հարկանէ զսուրբս իւր, այլ յաւիտեան պահէ զն(ո)ս(ա)։ Անօրէնք հալածեսցին ՛ի միասին, եւ զաւակ ամպարշտաց սատակեսցի։

Verse: 29  Link to sept   Այլ արդարք ժառանգեսցեն զերկիր, եւ բնակեսցեն յաւիտեանս յաւիտենից ՛ի նմա։

Verse: 30  Link to sept   Բերան արդարոյ պատմէ զիմաստութի(ւն), եւ լեզու ն(ո)ր(ա) խօսեսցի զիրաւունս։

Verse: 31  Link to sept   Օրէնք ա(ստուծո)յ իւրոյ են ՛ի սրտի իւրո́ւմ, եւ մի́ գայթագղեսցին գնացք ն(ո)ր(ա)։

Verse: 32  Link to sept   Հայի մեղաւորն ընդ արդար եւ խնդրէ սպանանել զնա,

Verse: 33  Link to sept   այլ տ(է)ր ո́չ թողաւ զնա ՛ի ձեռս ն(ո)ր(ա), եւ ո́չ դատա́պարտէ զնա յորժամ դատի զնա։

Verse: 34  Link to sept   Համբե́ր տ(եառ)ն եւ պահեա́ զճանապարհս ն(ո)ր(ա), եւ բա́րձր արասցէ զքեզ ՛ի ժառանգել զերկիր, եւ զսատակումն մեղաւորաց տեսցես։

Verse: 35  Link to sept   Տեսի զամպարիշտն վերացեա́լ բարձրացեալ ո(ր)պ(էս) զմայրս լիբանանու։

Verse: 36  Link to sept   Անցի եւ ահա՝ ո́չ էր, խնդրեցի՝ եւ ո́չ գտաւ տեղի ն(ո)ր(ա)։

Verse: 37  Link to sept   Պահեա́ զանբծու(թ)ի(ւն), եւ տե́ս զուղղու(թ)ի(ւն). զի գո́ն մնացուածք յառն խաղաղարարի։

Verse: 38  Link to sept   Անօրէնք հալածեսցի́ն ՛ի միասին, եւ զաւակ ամպարշտաց կորիցէ։

Verse: 39  Link to sept   Փրկու(թ)ի(ւն) արդարոց ՛ի տ(եառ)նէ է, վերակացու է ն(ո)ց(ա) ՛ի ժամանակս նեղու(թ)ե(ան)։

Verse: 40  Link to sept   Օգնեսցէ ն(ո)ց(ա) տ(է)ր եւ փրկեսցէ́ զն(ո)ս(ա). ապրեցուսցէ ՛ի մեղաւորաց՝ եւ կեցուսցէ́ զն(ո)ս(ա) զի յուսացան ՛ի նա։ Տունք. լ՜ը։



Chapter: 37 

Verse: 1 
Link to sept Սաղմոս ՛ի դաւիթ. առ ՛ի յիշատակ շաբաթու. ԼԷ։


Verse: 2  Link to sept   Տ(է)ր մի́ սրտմտու(թեամ)բ քով յանդիմաներ զիս. եւ մի́ բարկութ(եամ)բ քո խրատեր զիս։

Verse: 3  Link to sept   Զի նետք քո հարան յիս, եւ յի́ս հաստատեցա́ւ ձեռն քո։

Verse: 4  Link to sept   Ո́չ գոյ բժշկու(թ)ի(ւն) մարմնոյ իմոյ, յերեսաց բարկու(թ)ե(ան) քոյ։ Ո́չ է խաղաղու(թ)ի(ւն) ոսկերաց իմոց, յերեսաց մեղաց իմոց։

Verse: 5  Link to sept   Անօրէնու(թ)ի(ւն)ք իմ բարձրացան քան զգլուխ իմ, ո(ր)պ(էս) բեռն ծանր ծանրացան ՛ի վ(ե)ր(այ) իմ։

Verse: 6  Link to sept   Նեխեցան եւ փտեցան վէրք իմ, յերեսա́ց անզգամու(թ)ե(ան) իմոյ։

Verse: 7  Link to sept   Տառապեցայ եւ խոնարհ եղէ յոյժ, զօրհանապազ տրտո́ւմ գնայի,

Verse: 8  Link to sept   զի անձն իմ լի եղեւ չարչարանօք, եւ ո́չ գոյ բժշկու(թ)ի(ւն) մարմնոյ իմոյ։

Verse: 9  Link to sept   Չարչարեցայ եւ խոնարհ եղէ մինչեւ յոյժ, մռնչէի́ առ հեծու(թ)ե(ան) սրտի իմոյ։

Verse: 10  Link to sept   Տ(է)ր առաջի քո́ է ա(մենայ)ն ցանկութի(ւն) իմ, եւ հեծութի(ւն) իմ ՛ի քէն ո́չ ծածկեցաւ։

Verse: 11  Link to sept   Սիրտ իմ խռովեցաւ յիս եւ եթո́ղ զիս զօրութի(ւն) իմ. լոյս աչաց իմոց եւ այս ո́չ եղեւ ընդ իս։

Verse: 12  Link to sept   Բարեկամք իմ եւ մերձաւորք իմ առաջի իմ մերձեցա́ն եւ կացին, եւ մերձաւորք իմ հեռի́ եղեն յինէն։

Verse: 13  Link to sept   Բռնադատէին զիս եւ խնդրէին զանձն իմ ոյք խորհէին չա́ր ՛ի վ(ե)ր(այ) իմ, խօսեցան զանօրէնութի(ւն) եւ զնենգութիւն զօրհանապազ խորհեցան։

Verse: 14  Link to sept   Այլ ես ո(ր)պ(էս) խուլ զի ո́չ լսէ, ո(ր)պ(էս) համր որ ո́չ բանայ զբերան իւր։

Verse: 15  Link to sept   Եղէ ես ո(ր)պ(էս) մարդ որ ո́չ լսէ, եւ ո́չ գոն խօսք ՛ի բերան ն(ո)ր(ա)։

Verse: 16  Link to sept   Ես ՛ի քեզ տ(է)ր յուսացայ, եւ դու լուիցես ինձ տ(է)ր ա(ստուա)ծ իմ։

Verse: 17  Link to sept   Ասացի թէ մի́ ուրախ եղիցին յիս թշնամիք իմ. ՛ի սասանել ոտից իմոց ՛ի վ(ե)ր(այ) իմ մեծամե́ծս խօսեցան։

Verse: 18  Link to sept   Ես ՛ի տանջանս պատրաստ եմ, եւ ցաւք իմ առաջի իմ են յա(մենայ)ն ժամ։

Verse: 19  Link to sept   Զանօրէնութի(ւն)ս իմ պատմեցից, եւ հոգացա́յց վ(ա)ս(ն) մեղաց իմոց։

Verse: 20  Link to sept   Իսկարդ թշնամիք իմ կենդանի́ են, եւ զօրացեալ եղեն քան զիս. բազում էին ոյք ատէին զիս ՛ի տարապարտուց։

Verse: 21  Link to sept   Ոյք հատուցին ինձ չար փոխանակ ընդ բարւոյ. չա́ր խօսէին զինէն, զի ես երթայի զհետ արդարութե(ան)։

Verse: 22  Link to sept   Մի́ թողուր զիս տ(է)ր ա(ստուա)ծ իմ. եւ մի́ ՛ի բացեայ առնիր յինէն,

Verse: 23  Link to sept   հայեա́ց յօգնել ինձ տ(է)ր փրկութե(ան) իմոյ։ Տունք. ի՜ա։



Chapter: 38 

Verse: 1 
Link to sept ՛Ի կատարած. յիդիթոմ օրհնութի(ւն). ՛ի դաւիթ Սաղմոս. ԼԸ։


Verse: 2  Link to sept   Ասացի թէ պահեցից զճանապարհս իմ. զի մի́ մեղայց լեզուաւ իմով։ Եդի պահապա́ն բերանոյ իմոյ՝ ՛ի հակառակել մեղաւորին առաջի իմ։

Verse: 3  Link to sept   Խուլ եղէ եւ խոնարհեցայ. լռեցի ՛ի բարու(թեն)է՝ եւ ցաւք իմ նորոգեցան յիս։

Verse: 4  Link to sept   Ջեռաւ սիրտ իմ ՛ի փորի իմում, եւ ՛Ի խորհուրդս իմ վառեցաւ հուր։

Verse: 5  Link to sept   Խօսեցայ լեզուաւ իմով եւ ասացի. ցո́յց ինձ տ(է)ր զկատարած իմ եւ զթիւ աւուրց իմոց քանի՞օն է, զի գիտացից թէ ո՞րչափ ինչ պակասեալ է յինէն։

Verse: 6  Link to sept   Ահա չափով եդիր զաւուրս իմ, եւ կար զօրութե(ան) իմոյ ո(ր)պ(էս) ոչի́նչ է առաջի իմ. սակայն ընդունա́յն է ա(մենայ)ն մարդ մսեղի։

Verse: 7  Link to sept   Ապաքէն ո(ր)պ(էս) ՛ի պատկերի́ շրջի մարդ, սակայն զուր խռովի, գանձէ եւ ո́չ գիտէ ում ժողովէ։

Verse: 8  Link to sept   Իսկ արդ՝ ո՞վ է համբերու(թ)ի(ւն) իմ թէ ոչ դո́ւ տ(է)ր. կամ կա́ր զօրու(թ)ե(ան) իմոյ՝ թէ ոչ ՛ի քէն։

Verse: 9  Link to sept   Յա(մենայ)ն անօրէնութ(են)է իմմէ փրկեցեր զիս, նախատինս անզգամաց արարեր զիս։

Verse: 10  Link to sept   Խուլ եղէ եւ ո́չ բացի զբերան իմ, զի դու արարեր։

Verse: 11  Link to sept   ՛Ի բա́ց արա յինէն զտանջանս իմ, զի ՛ի զօրու(թեն)է ձեռին քոյ ես պակասեցայ։

Verse: 12  Link to sept   Կշտամբու(թեամ)բ վ(ա)ս(ն) մեղաց խրատեցեր զմարդ, մաշեցեր ո(ր)պ(էս) սարդիոստայն զանձն ն(ո)ր(ա). սակայն ընդունա́յն է ա(մենայ)ն մարդ։ Հանգիստ։

Verse: 13  Link to sept   լո́ւր տ(է)ր աղօթից իմոց. ո́ւնկնդիր խնդրուածաց իմոց, արտասուաց իմոց մի́ լսեր։ Պանդուխտ իմ ես առաջի քո, նժդեհ եւ անցաւոր ո(ր)պ(էս) ա(մենայ)ն հարք իմ։

Verse: 14  Link to sept   Թո́յլ արա ինձ զի հանգեայց մինչչե́ւ երթեալ իցեմ, ուստի այլ ո́չ եւս գտանիցիմ։ Տունք. ժ՜ե։



Chapter: 39 

Verse: 1 
Link to sept ՛Ի կատարած. Սաղմոս ՛ի դաւիթ. Լ՜Թ։


Verse: 2  Link to sept   Համբերելով համբերի տ(եառ)ն, եւ նայեցաւ առ իս,

Verse: 3  Link to sept   եւ լուաւ աղօթից իմոց։ Եհան զիս ՛ի գբոյ տառապանաց, ՛ի կաւոյ եւ ՛ի աղմոյ։ Հաստատեաց ՛ի վ(ե)ր(այ) վիմի զոտս իմ, եւ ուղղեա́ց զգնացս իմ։

Verse: 4  Link to sept   Արկ ՛ի բերան իմ օրհնութի(ւն) նոր, օրհնութի(ւն) տ(եառ)ն ա(ստուծո)յ մերոյ։ Տեսցեն բազումք եւ երկիցե́ն եւ յուսասցին ՛ի տ(է)ր.

Verse: 5  Link to sept   երանեալ է այր որոյ անուն տ(եառ)ն յոյս է ն(ո)ր(ա)։ Ո́չ հայեցաւ նա ՛ի նանրութի(ւն),եւ ո́չ ՛ի մոլու(թ)ի(ւն) սուտ։

Verse: 6  Link to sept   Բազում արարեր դու տ(է)ր ա(ստուա)ծ իմ զսքանչելիս քո. խորհրդոց քոց ո́չ ոք է որ նմանէ քեզ։ Պատմեցի եւ խօսեցայ՝ եւ բազում եղեն քան զթիւ.

Verse: 7  Link to sept   ընդ զոհս եւ ընդ պատարագս ո́չ հաճեցար, լսելիս հաստատեցեր ինձ. զողջակէզս եւ զվ(ա)ս(ն) մեղացն ո́չ խնդրեցեր։

Verse: 8  Link to sept   Յայնժամ ասացի թէ ահաւասիկ գա́մ ես, ՛ի գլուխս գրոց գրեալէ վ(ա)ս(ն) իմ։

Verse: 9  Link to sept   Առնել զկամս քո ա(ստուա)ծ իմ կամեցայ, եւ զօրէնս քո ՛ի մէջ որովայնի իմոյ։

Verse: 10  Link to sept   Աւետարանեցից զարդարութի(ւն)ս քո յելեղեցիս մեծս. ահա́ շրթունս իմ ո́չ արգելից ՛ի քէն։ Տ(է)ր դու գիտացեր

Verse: 11  Link to sept   զի զարդարութի(ւն)ս քո ո́չ ծածկեցի ՛ի սրտի իմում, զճշմարտու(թ)ի(ւն) քո եւ զփրկու(թ)ի(ւն) քո։ Ասացի եւ ո́չ թաքուցի զողորմու(թ)ի(ւն) քո, եւ զճշմարտու(թ)ի(ւն) քո ՛ի ժողովրդենէ մեծէ։

Verse: 12  Link to sept   Այլ դու տ(է)ր մի́ հեռի առնել զգթութի(ւն)ս քո յինէն. զի ողորմու(թ)ի(ւն) քո եւ ճշմարտու(թ)ի(ւն) քո յա(մենայ)ն ժամ ընկալցի զիս։

Verse: 13  Link to sept   Շո́ւրջ եղեն զինեւ չարք որոց ո́չ էր ն(ո)ց(ա) թիւ, հասին ինձ անօրէնութիւնք իմ, եւ ես ո́չ կարացի տեսանել։ Բազում եղեն քան զհեր գլխոյ իմոյ, եւ սիրտ իմ եթո́ղ զիս։

Verse: 14  Link to sept   Կամեա́ց տ(է)ր փրկել զիս, եւ տ(է)ր յօգնել ինձ նայեաց։

Verse: 15  Link to sept   Ամաչեսցեն եւ յամօթ լիցին ոյք խնդրէին զանձն իմ բառնա́լ զսա. դարձցին յետս եւ ամաչեսցեն՝ որ խնդրէին ինձ չար։

Verse: 16  Link to sept   Կրեսցեն զամօ́թ առ ժամայն վաղվաղակի, որ ասէին ինձ վա́շ վա́շ։

Verse: 17  Link to sept   Ցնծասցեն եւ ուրախ լիցին ՛ի քեզ, ամենեքեան որ խնդրեն զքեզ տ(է)ր։ Ասասցեն յա(մենայ)ն ժամ մե́ծ է ա(ստուա)ծ, եւ ոյք սիրեն զփրկու(թ)ի(ւն)ս քո։

Verse: 18  Link to sept   Ես աղքատ եւ տնանկ եմ ա(ստուա)ծ խորհեա́ զիս. օգնական եւ պաշտպան իմ, եւ դու ա(ստուա)ծ իմ մի́ յամենար։ Տունք. ի՜բ։ Գոբղայս. ծ՜ը։



Chapter: 40 

Verse: 1 
Link to sept ՛Ի կատարած. Սաղմոս ՛ի դաւիթ. Խ՜։


Verse: 2  Link to sept   Երանի որ խորհի զաղքատն եւ զտնանկ, յաւուր չարի փրկէ́ զնա տ(է)ր։

Verse: 3  Link to sept   Տ(է)ր փրկէ զնա եւ կեցուցանէ, երանելի́ առնէ զնա ՛ի վ(ե)ր(այ) երկրի, եւ ո́չ մատնէ զնա ՛ի ձեռս թշնամեաց իւրոց։

Verse: 4  Link to sept   Տ(է)ր օգնական է նմա ՛ի մահիճս ցաւոց իւրոց, զա(մենայ)ն անկողինս ն(ո)ր(ա) դարձուցանէ ՛ի հիւանդութ(են)է ն(ո)ր(ա)։

Verse: 5  Link to sept   Ես ասացի տ(է)ր ողորմեա́ ինձ, բժշկեա́ զանձն իմ, ես մեղայ քեզ։

Verse: 6  Link to sept   Թշնամիք իմ ասացին ինձ չար. ե՞րբ իցէ զի մեռցի եւ կորիցէ անուն նորա։

Verse: 7  Link to sept   Մտանէր տեսանել զնանրու(թ)ի(ւն), խօսէր ՛ի սիրտ իւր, ժողովէր զանօրէնութի(ւն)ս յանձն իւր։ Արտաքս ելանէր եւ զնոյն խօսէր.

Verse: 8  Link to sept   զինէն շշնջէին ա(մենայ)ն թշնամիք իմ։ Խորհեցան չա́ր ՛ի վերայ իմ,

Verse: 9  Link to sept   բան անօրէնու(թ)ե(ան) եդին ՛ի վ(ե)ր(այ) իմ։ Միթէ որ ննջիցէն այլ ո՞չ եւս յաւելուցու յառնել.

Verse: 10  Link to sept   քանզի եւ այրն խաղաղութե(ան) իմոյ յոր եւ եսն յուսացայ։ Որ ուտէր զհաց իմ յաճախեաց առնել ինձ խաբէութիւն։

Verse: 11  Link to sept   Այլ դու տ(է)ր ողորմեա́ ինձ կանգնեա́ զիս, եւ հատուցից ն(ո)ց(ա)։

Verse: 12  Link to sept   Յայսմ ծանեայց թէ հաճեցար ընդ իս, զի մի́ ուրախ եղիցին յիս թշնամիք իմ։

Verse: 13  Link to sept   Այլ զիս յանբծու(թ)ե(ան) իմում ընկալար. հաստատեցեր զիս առաջի քո յաւիտեան։

Verse: 14  Link to sept   Օրհնեալ տ(է)ր ա(ստուա)ծ ի(սրաէ)լի յաւիտեանս յաւիտենից. եղիցի եղիցի։ Տունք. ժ՜դ։



Chapter: 41 

Verse: 1 
Link to sept ՛Ի կատարած. իմաստու(թ)ե(ան) որդւոցն կորխայ. Սաղմոս ՛ի դաւիթ. Խ՜Ա։


Verse: 2  Link to sept   Որպէս փափագէ եղջերու յաղբերս ջուրց, այնպէս փափագէ անձն իմ առ քեզ ա(ստուա)ծ։

Verse: 3  Link to sept   Ծարաւի́ է անձն իմ առ քեզ ա(ստուա)ծ հզօր եւ կենդանի. ե՞րբ եկից երեւեցայց երեսացդ ա(ստուծո)յ։

Verse: 4  Link to sept   Եղեն ինձ արտասուք իմ կերակուր ՛ի տուէ եւ ՛ի գիշերի, եւ այն զի ասէին ցիս զօրհանապազ՝ թէ ո՞ւր է ա(ստուա)ծ քո։

Verse: 5  Link to sept   Զայս ո(ր)պ(էս) յիշէի տառապէ́ր յիս անձն իմ. քաջալերէի զի մտից ընդ յարկաւ սքանչելեաց տան ա(ստուծո)յ։ ՛Ի ձայն ցնծու(թ)ե(ան) խոստովանութե(ան), եւ ՛ի ձայն բարեկենդանութե(ան)։

Verse: 6  Link to sept   Արդ՝ ընդէ՞ր տրտում ես անձն իմ, կամ ընդէ՞ր խռովես զիս. յուսա́ առ ա(ստուա)ծ խոստովանեա́ նմա՝ փրկիչ երեսաց իմոց ա(ստուա)ծ է։

Verse: 7  Link to sept   Անձն իմ յոյժ խռովեցաւ, վ(ա)ս(ն) այնորիկ յիշեցի́ զքեզ յերկրէն յորդանանու, ՛ի հերմոնէ ՛ի լեռնէ փոքու(թեն)է։

Verse: 8  Link to sept   Խորք ՛ի խորոց կարդացին առ քեզ, ՛ի ձայն սահանաց քոց։ Ա(մենայ)ն զբօսանք քո, եւ ալիք քո անցին ՛ի վ(ե)ր(այ) իմ։

Verse: 9  Link to sept   ՛Ի տուէ պատուիրեաց տ(է)ր զողորմու(թ)ի(ւն) իւր, գիշերի զօրհնու(թ)ի(ւն) նոր. եւ աղօթք իմ առ ա(ստուա)ծ վ(ա)ս(ն) կենաց իմոց։

Verse: 10  Link to sept   Ասացի ա(ստուծո)յ՝ ընդունելի իմ ես. ընդէ՞ր մերժեցեր զիս, ընդէ՞ր տրտում գնամ ես ՛ի նեղել թշնամւոյ իմոյ։

Verse: 11  Link to sept   ՛Ի փշրել ոսկերաց իմոց նախատեցին զիս թշնամիք իմ, յասե́լ ցիս զօրհանապազ թէ ո՞ւր է ա(ստուա)ծ քո։

Verse: 12  Link to sept   Արդ՝ ընդէ՞ր տրտում ես անձն իմ, կամ ընդէ՞ր խռովես զիս. յուսա́ առ ա(ստուա)ծ խոստովանեա́ նմա՝ փրկիչ երեսաց իմոց ա(ստուա)ծ է։ Տունք. ժ՜գ։



Chapter: 42 

Verse: 1 
Սաղմոս ՛ի դաւիթ. Խ՜Բ։


   Link to sept   Դա́տ արա ինձ ա(ստուա)ծ, եւ իրա́ւ արա ինձ ՛ի դատաստանի իմում։ Յազգէ որ ոչ է սուրբ, ՛ի մարդոյ մեղաւորէ́ նենգաւորէ փրկեա́ զիս։

Verse: 2  Link to sept   Դու ա(ստուա)ծ հզօրիչ իմ ես ընդէ՞ր մոռացար զիս, ընդէ՞ր տրտում գնամ ես ՛ի նեղել թշնամւոյ իմոյ։

Verse: 3  Link to sept   Առաքեա́ տ(է)ր զլոյս քո եւ զճշմարտութիւն քո, զի առաջնորդեսցեն ինձ հանցեն զիս ՛ի լեառն սուրբ եւ ՛ի յարկս քո։

Verse: 4  Link to sept   Մտից առաջի սեղանոյ ա(ստուծո)յ, առ ա(ստուա)ծ որ ուրա́խ առնէ զմանկութի(ւն) իմ։ Խոստովան եղէց քեզ օրհնութ(եամ)բ ա(ստուա)ծ ա(ստուա)ծ իմ։

Verse: 5  Link to sept   Արդ՝ ընդէ՞ր տրտում ես անձն իմ, կամ ընդէ՞ր խռովես զիս. յուսա́ առ ա(ստուա)ծ խոստովանեա́ նմա՝ փրկիչ երեսաց իմոց ա(ստուա)ծ է։ Տունք. է՜։ Գոբղայս. լ՜դ։



Chapter: 43 

Verse: 1 
Link to sept ՛Ի կատարած. իմաստու(թ)ի(ւն) որդւոցն կորխայ. Սաղմոս ՛ի դաւիթ. Խ՜Գ։


Verse: 2  Link to sept   Ա(ստուա)ծ՝ ակընջօք մերովք լուաք, զոր հարքն մեր պատմեցին մեզ։ Գործն զոր գործեցեր յաւուրս ն(ո)ց(ա), յաւո́ւրսն առաջինս։

Verse: 3  Link to sept   Ձեռն քո խլեաց զհեթանոսս՝ եւ զն(ո)ս(ա) անկեցեր.չարչարեցեր զժողովուրդս եւ հաներ զն(ո)ս(ա)։

Verse: 4  Link to sept   Ո́չ թէ սրով իւրեանց ժառանգեցին զերկիր. եւ ո́չ բազուկ ն(ո)ց(ա) թէ փրկեաց զն(ո)ս(ա)։ Այլ աջ քո՝ եւ բազուկ քո՝ եւ լո́յս երեսաց քոց, զի հաճեցար դու ընդ ն(ո)ց(ա)։

Verse: 5  Link to sept   Դու ինքն ես թագաւոր իմ եւ ա(ստուա)ծ իմ, որ հրամայեցեր զփրկութե(ան)ցն յակոբայ։

Verse: 6  Link to sept   Քեւ զթշնամիս մեր հարցուք, եւ անուամբ քով արհամարհեսցուք զյարուցեալսն ՛ի վ(ե)ր(այ) մեր։

Verse: 7  Link to sept   Ո́չ թէ յաղեղն յուսացեալ եմ, եւ ո́չ սուր իմ կեցուցանէ զիս։

Verse: 8  Link to sept   Այլ դո́ւ փրկեցեր զմե́ղ ՛ի ձեռաց թշնամեաց մերոց, եւ զատելիս մեր յամօթ արարեր։

Verse: 9  Link to sept   Ա(ստուծո)վ պարծեսցուք զօրհանապազ, եւ անուան ն(ո)ր(ա) խոստովա́ն եղիցուք յաւիտեան։

Verse: 10  Link to sept   Բայց արդ՝ մերժեցե́ր եւ անարգեցեր զմեզ. եւ ո́չ ելեր ա(ստուա)ծ ընդ զօրս մեր։

Verse: 11  Link to sept   Դարձուցեր զմեզ յե́տս քան զթշնամիս մեր, եւ ատելիք մեր յափշտակեցինզ մեզ։

Verse: 12  Link to sept   Ետուր զմեզ ո(ր)պ(էս) զոչխա́ր ՛ի զենումն, եւ ընդ հեթանոսս ցրուեցեր զմեզ։

Verse: 13  Link to sept   Վաճառեցեր զժողովուրդս քո առանց գնոյ, եւ ո́չ գոյ թիւ աղաղակի մերոյ.

Verse: 14  Link to sept   Արարեր զմեզ նախատինս դրացեաց մերոց. ծա́ղր եւ այպն կատականաց այնոցիկ որ շո́ւրջ էին զմեւք։

Verse: 15  Link to sept   Արարեր զմեզ յառակս հեթանոսաց, ՛ի շարժել զգլուխս ժողովրդոց։

Verse: 16  Link to sept   Զօր ա(մենայ)ն նախատինք իմ առաջի իմ են, եւ ամօթ երեսաց իմոց ծածկեաց զիս։

Verse: 17  Link to sept   ՛Ի ձայնէ նախատորդին եւ չարախօսի, յերեսաց թշնամւոյն եւ հալածչի։

Verse: 18  Link to sept   Այս ա(մենայ)ն եկն ՛ի վ(ե)ր(այ) մեր, եւ մեք զքեզ ո́չ մոռացաք եւ ո́չ ստեցաք ուխտի քում,

Verse: 19  Link to sept   եւ ո́չ դարձաք յետս սրտիւք մերովք։ Դու դարձուցեր զշաւիւղս մեր ՛ի ճանապարհաց քոց,

Verse: 20  Link to sept   խոնա́րհ արարեր զմեզ ՛ի տեղի չարչարանաց, եւ ծածկեցին զմեզ ստուերք մահու։

Verse: 21  Link to sept   Թէ մոռացեա՞լ իցէ մեր զանուն ա(ստուծո)յ մերոյ, կամ ձգեալ իցէ զձեռս մեր յաստուածս օտարս։

Verse: 22  Link to sept   Սակայն ա(ստուա)ծ խնդրէ զայս. զի նա քննէ զգաղտնիս սրտից մերոց։ Վասն քո մեռանիմք զօրհանապազ, համարեցաք ո(ր)պ(էս) զոչխար ՛ի սպանումն։

Verse: 23  Link to sept   Զարթի́ր ընդէ՞ր ննջես տ(է)ր. արի́ եւ մի́ մերժեր զմեզ ՛ի սպառ։

Verse: 24  Link to sept   Զմէ՞ դարձուցանես զերեսս քո ՛ի մէնջ, մոռանաս զաղքատութիւն եւ զնեղութիւնս մեր։

Verse: 25  Link to sept   Խոնարհ եղեն մինչեւ ՛ի հող անձինք մեր. եւ յերկի́ր կցեցան մէջք մեր։

Verse: 26  Link to sept   Արի́ տ(է)ր օգնեա́ մեզ եւ փրկեա́ զմե́զ, վ(ա)ս(ն) անուան քոյ։ Տունք. ի՜է։



Chapter: 44 

Verse: 1 
Link to sept ՛Ի կատարած. զառանցելոց ժամանակաց, որդւոցն կորխայ իմաստութե(ան). Սաղմոս օրհնութե(ան) վասն սիրելւոյն։ Խ՜Դ։


Verse: 2  Link to sept   Բղխեսցէ́ սիրտ իմ զպատգամս քո բարիս, եւ ասացից զգործս իմ թագաւորի։ Լեզու իմ որպէս գրիչ արագագի́ր դպրի։

Verse: 3  Link to sept   գեղեցիկ տեսանելով քան զա(մենայ)ն որդիս մարդկան։ Սփռեցան շնորհք ՛ի շրթանց քոց. վ(ա)ս(ն) այնորիկ օրհնեա́ց զքեզ ա(ստուա)ծ յաւիտեան։

Verse: 4  Link to sept   Ա́ծ զսուր ընդ մէջ քո հզօր,

Verse: 5  Link to sept   զվայելչու(թ)ի(ւն) դեղոյ քոյ։ Լարեա́ ուղղեա́ եւ թագաւորեա́՝ վ(ա)ս(ն) ճշմարտու(թ)ե(ան) հեզու(թ)ե(ան) եւ արդարու(թ)ե(ան), եւ առաջնորդեսցէ քեզ սքանչելապէս աջ քո։

Verse: 6  Link to sept   Նետք քո սրեալ են հզօր, եւ ժողովուրդք ՛ի ներքոյ քոյ անկցին, ՛ի սիրտս թշնամեաց թագաւորի։

Verse: 7  Link to sept   Աթոռ քո ա(ստուա)ծ յաւիտեանս յաւիտենից, գաւազան ուղղու(թ)ե(ան) գաւազան արքայութեան քոյ։

Verse: 8  Link to sept   Սիրեցեր զարդարու(թ)ի(ւն), եւ ատեցեր զանօրէնու(թ)ի(ւն)։ Վ(ա)ս(ն) այսորիկ օծ զքեզ ա(ստուա)ծ ա(ստուա)ծ քո իւղով ուրախու(թեամ)բ, առաւել քան զընկերս քո։

Verse: 9  Link to sept   Զմուռս եւ ստաշխն եւ կասիա ՛ի զգեստէ քումմէ, ՛ի տաճարաց փղոսկրէից, ուստի ուրախ արարին զքեզ

Verse: 10  Link to sept   դստերք թագաւորաց ՛ի պատիւ քո։ Կացցէ դշխոյ ընդ աջմէ քումմէ, ՛ի հանդերձս ոսկեհուռն զարդարեալ եւ պաճուճեալ։

Verse: 11  Link to sept   Լո́ւր դուստր եւ տես՝ խորհեցո́ զունկն քո. մոռա́ զժողովուրդ քո եւ զտուն հօր քոյ.

Verse: 12  Link to sept   զի ցանկացաւ թագաւոր գեղոյ քոյ։ Սա ինքն է տ(է)ր քո՝ երկի́ր պագցեն սմա, եւ դուստր ծուրայ երկիր պագցէ սմա. եւ պատարագօք

Verse: 13  Link to sept   զերեսս սորա պաշտեսցեն մեծամեծք ժողովրդոց։

Verse: 14  Link to sept   Ա(մենայ)ն փառք դստեր թագաւորի ՛ի ներքոյ, ՛ի վերջաւորս ոկեհուռն

Verse: 15  Link to sept   զարդարեալ եւ պաճուճեալ։ Տարցին թագաւորի կուսանք զհետ ն(ո)ր(ա), եւ զընկերս ն(ո)ր(ա) տարցին նմա։

Verse: 16  Link to sept   Ածցեն ցնծու(թեամ)բ եւ ուրախու(թեամ)բ եւ տարցին ՛ի տաճար թագաւորի,

Verse: 17  Link to sept   եւ փոխանակ հարց քոց եղիցին որդիք քո։ Կացուսցես զն(ո)ս(ա) իշխա́նս ընդ ա(մենայ)ն երկիր,

Verse: 18  Link to sept   յիշեսցի անուն քո ընդ ա(մենայ)ն ազգս ազգաց։ Վ(ա)ս(ն) այսորիկ ժողովուրդք խոստովա́ն եղիցին առ քեզ, յաւիտեան՝ եւ յաւիտեանս յաւիտենից։ Տունք. ժ՜ը։



Chapter: 45 

Verse: 1 
Link to sept ՛Ի կատարած. որդւոցն կորխայ ՛ի վերայ գաղտնեաց. Խ՜Ե։


Verse: 2  Link to sept   Ա(ստուա)ծ մեր ապաւէ́ն եւ զօրու(թ)ի(ւն). օգնական ՛ի վ(ե)ր(այ) նեղութե(ան)ց որ գտին զմեզ յոյժ։

Verse: 3  Link to sept   Վասն այսորիկ ո́չ երկիցուք մեք ՛ի խռովել երկրի, ՛ի փոփոխել լերանց ՛ի սիրտ ծովու։

Verse: 4  Link to sept   Գոչեցին եւ խռովեցան ջուրք ն(ո)ց(ա), խռովեցան լերինք ՛ի զօրու(թեն)է ն(ո)ր(ա)։

Verse: 5  Link to sept   Գնացք գետոց ուրախ առնեն զքաղաքն ա(ստուծո)յ, եւ սուրբ արար զյարկս իւր բարձրեալն։

Verse: 6  Link to sept   Ա(ստուա)ծ ՛ի մէջ ն(ո)ց(ա) եւ նոքա մի́ սասանեսցին. օգնեսցէ ն(ո)ց(ա) ա(ստուա)ծ ՛ի վաղորդայնէ մինչ ՛ի վաղորդայն։

Verse: 7  Link to sept   Խռովեցան հեթանոսք, եւ խոնա́րհ եղեն թագաւորութի(ւն)ք. ետ զձայն իւր բարձրեալն՝ եւ խռովեցաւ երկիր։

Verse: 8  Link to sept   Տ(է)ր զօրութե(ան)ց ընդ մեզ, ընդունելի́ է մեր ա(ստուա)ծ յակովբայ։

Verse: 9  Link to sept   Եկա́յք եւ տեսէ́ք զգործս ա(ստուծո)յ, որ արար զնշանս եւ զարուեստս ՛ի վ(ե)ր(այ) երկրի։

Verse: 10  Link to sept   Եհա́ր զպատերազմ ՛ի ծագաց մինչ ՛ի ծագս երկրի. զաղեղունս փշրեաց, զզէնս խորտակեաց եւ զասպարս այրեաց հրով։

Verse: 11  Link to sept   Կանխեցէ́ք եւ ծաներո́ւք զի ես եմ ա(ստուա)ծ. բարձր եղէց ՛ի հեթանոսս, եւ բարձրացայց ՛ի վ(ե)ր(այ) երկրի։

Verse: 12  Link to sept   Տ(է)ր զօրու(թ)ե(ան)ց ընդ մեզ, ընդունելի́ է մեր ա(ստուա)ծ յակովբայ։ Տունք. ժ՜ա։ Գոբղայս. ծ՜զ։



Chapter: 46 

Verse: 1 
Link to sept ՛Ի կատարած. վ(ա)ս(ն) որդւոցն կորխայ. Սաղմոս ՛ի դաւիթ. Խ՜Զ։


Verse: 2  Link to sept   Ծա́փս հարէք ա(մենայ)ն հեթանոսք, աղաղակեցէ́ք առ ա(ստուա)ծ ՛ի ձայն ցնծու(թ)ե(ան)։

Verse: 3  Link to sept   Տ(է)ր բարձրեալ եւ ահարկու, թագաւոր մեծ ՛ի վ(ե)ր(այ) ա(մենայ)ն երկրի։

Verse: 4  Link to sept   Հնազանդ արար զժողովուրդս ընդ մեզ, եւ զհեթանոսս ՛ի ներքոյ ոտից մերոց։

Verse: 5  Link to sept   Ընտրեաց զմեզ իւր ՛ի ժառանգութի(ւն), գեղեցկութե(ան)ցն յակովբայ զոր եւ սիրեաց։

Verse: 6  Link to sept   Համբարձաւ ա(ստուա)ծ օրհնութ(եամ)բ, եւ տ(է)ր մեր ձայնիւ փողոյ։

Verse: 7  Link to sept   Սաղմո́ս ասացէք ա(ստուծո)յ մերում, սաղմո́ս ասացէք թագաւորին մերում սաղմո́ս ասացէք։

Verse: 8  Link to sept   Թագաւոր մեծ ՛ի վ(ե)ր(այ) ա(մենայ)ն երկրի ա(ստուա)ծ է, սաղմոս ասացէք նմա օրհնու(թեամ)բ։

Verse: 9  Link to sept   Թագաւորեաց ա(ստուա)ծ ՛ի վ(ե)ր(այ) հեթանոսաց. ա(ստուա)ծ նստաւ յաթո́ռ սրբու(թ)ե(ան) իւրոյ։

Verse: 10  Link to sept   Իշխանք ժողովրդոց ժողովեցան առ ա(ստուա)ծ աբրահամու, զի ա(ստուծո)յ զօրութի(ւն)ք յերկրէ յոյժ համբարձան։ Տունք. թ։



Chapter: 47 

Verse: 1 
Link to sept Սաղմոս օրհնու(թ)ե(ան) որդւոցն կորխայ. երկրորդ շաբաթու. Խ՜Է։


Verse: 2  Link to sept   Մեծ է տ(է)ր, եւ օրհնեալ է յոյժ, ՛ի քաղաք ա(ստուծո)յ մերոյ, ՛ի լեառն սուրբ նորա։

Verse: 3  Link to sept   Հաստարմա́տ ցնծասցէ ցնծու(թեամ)բ ա(մենայ)ն երկիր. լերինք սիոնի կողմանք հիւսւսոյ՝ քաղաք թագաւորի մեծի։

Verse: 4  Link to sept   Ա(ստուա)ծ ՛ի տաճարի իւրում յայտնի, ՛ի ժամանակի ո(ր)պ(էս) օգնական լինէր ն(ո)ց(ա)։

Verse: 5  Link to sept   Ահաւասիկ թագաւորութի(ւն)ք երկրի ժողովեցան, եւ անցին ՛ի միասին։

Verse: 6  Link to sept   Ինքեանք տեսին այսպէս եւ զարմացան, խռովեցան սասանեցան,

Verse: 7  Link to sept   եւ դո·ումն կալաւ զն(ո)ս(ա)։

Verse: 8  Link to sept   Անդ երկունք ո(ր)պ(էս) ՛ի ծննդեան, ՛ի հողմ սաստիկ փշրեսցէ զնաւս ՛ի թարսիս։

Verse: 9  Link to sept   Ո(ր)պ(էս) լուաք՝ սո́յնպէս եւ տեսաք, ՛ի քաղաք տ(եառ)ն զօրու(թ)ե(ան)ց ՛ի քաղաք ա(ստուծո)յ մերոյ։ Ա(ստուա)ծ հիմունս արկ նմա յաւիտեան.

Verse: 10  Link to sept   ընկալա́ք ա(ստուա)ծ զողորմու(թ)ի(ւն) քո ՛ի մէջ ժողովրդեան քոյ։ Հանգիստ։

Verse: 11  Link to sept   Ըստ անուան քում սոյնպէս եւ օրհնու(թ)ի(ւն) քո ընդ ա(մենայ)ն տիեզերս, արդարու(թեամ)բ լի է աջ քո։

Verse: 12  Link to sept   Ուրա́խ եղիցի լեառն սիոն, եւ ցնծասցեն դստերք յուդայ, վ(ա)ս(ն) իրաւանց քոց տ(է)ր։

Verse: 13  Link to sept   Շրջեցարո́ւք զսիովնիւ պաշարեցէ́ք զնա, եւ պատեցէ́ք զաշտարակս ն(ո)ր(ա)։

Verse: 14  Link to sept   Դի́վ՝ր զօրութե(ան)ց ն(ո)ր(ա), բաժանեցէ́ք զամուրս ն(ո)ր(ա), զի պատմել կարասջիք յազգ յայլ։

Verse: 15  Link to sept   Սա է ա(ստուա)ծ ա(ստուա)ծ մեր յաւիտեանս յաւիտենից, եւ սա հովուեսցէ́ զմեզ մինչեւ յաւիտեան։ Տունք. ժ՜գ։



Chapter: 48 

Verse: 1 
Link to sept ՛Ի կատարած որդւոցն կորխայ. Սաղմոս օրհնու(թ)ե(ան) ՛ի դաւիթ. Խ՜Ը։


Verse: 2  Link to sept   Լուարո́ւք զայս ա(մենայ)ն ազգք, ունկնդի́ր լերուք ամենեքեան ոյք բնակեալ էք յաշխարհի։

Verse: 3  Link to sept   Ծնունդք երկրի եւ որդի́ք մարդկան ՛ի միասին, մեծամեծք եւ տնանկք։

Verse: 4  Link to sept   Բերան իմ խօսեսցի զիմաստութի(ւն), եւ խորհուրդ սրտի իմոյ, զհանճար։

Verse: 5  Link to sept   Խոնարհեցուցի́ց յառակումն զունկն իմ. բացից զառակս օրհնու(թ)ե(ան) իսկզբանէ։

Verse: 6  Link to sept   Ընդէ՞ր բնաւ երկնչիմ ես յաւուր չարի, զի անօրէնութի(ւն)ք գնացից իմոց մուրջ եղեն զինեւ։

Verse: 7  Link to sept   Յուսացեալք ՛ի զօրութի(ւն) իւրեանց, ՛ի բազմու(թ)ի(ւն) մեծութե(ան) իւրեանց պարծեսցին։

Verse: 8  Link to sept   Եղբայր ո́չ փրկէ մարդ եւ ո́չ տայ ա(ստուծո)յ փրկանս,

Verse: 9  Link to sept   եւ ոչ զգի́նս փրկանաց անձին իւրոյ։ Վաստակեա́ յաւիտեան,

Verse: 10  Link to sept   եւ կեցցես մինչ ՛ի սպառ, եւ ո́չ տեսցես զապականու(թ)ի(ւն)։ Յորժամ տեսցես թէ իմաստունք մառանին, ՛ի միասին անզգա́մք եւ անմիտք կորիցեն,

Verse: 11  Link to sept   եւ թողցեն օտարաց զմեծու(թ)ի(ւն)ս իւրեանց։

Verse: 12  Link to sept   Գերեզմանք տունք ն(ո)ց(ա) եղիցին յաւիտեան, եւ յարկք ն(ո)ց(ա) ազգէ մինչեւ յազգ, եւ կարդացին անուանք ն(ո)ց(ա) ՛ի հողս իւրեանց։

Verse: 13  Link to sept   Մարդ ՛ի պատուի́ էր եւ ո́չ իմացաւ, հաւասարեաց անասնո́ց անբանից եւ նմանեաց ն(ո)ց(ա)։

Verse: 14  Link to sept   Այս ճանապարհ է գայթագղութե(ան) ն(ո)ց(ա) նոցին. յետ այսորիկ բերանօք իւրեանց հաճեսցին։

Verse: 15  Link to sept   Որպէս խաշն ՛ի դժոխս մատնեսցին, եւ մա́հ հովուեսցէ զն(ո)ս(ա), եւ տիրեսցեն ն(ո)ց(ա) ուղիղք ընդ առաւօտս։ Օգնու(թ)ի(ւն)ք ն(ո)ց(ա) մաշեսցին ՛ի դժոխս, եւ ՛ի փառաց իւրեանց անկցին։

Verse: 16  Link to sept   Բայց սակայն ա(ստուա)ծ փրկեսցէ զանձն իմ ՛ի ձեռաց դժոխոց, յորժամ ընդունին զիս։

Verse: 17  Link to sept   Մի́ երկնչիր յորժամ մեծանայ մարդ, եւ յորժամ բազում լինին փառք տան ն(ո)ր(ա)։

Verse: 18  Link to sept   Զի ո́չ թէ ՛ի մեռանել իւրում առցէ́ ընդ իւր զա(մենայ)ն. եւ ո́չ թէ իջցեն փառք տան ն(ո)ր(ա) ընդ նմա։

Verse: 19  Link to sept   Այլ անձն ն(ո)ր(ա) ՛ի կեանս իւրում օրհնեսցի, խոստովան եղիցի քեզ յորժամ բարի արասցես դու նմա։

Verse: 20  Link to sept   Մտցէ նա մինչեւ յազգ հարց իւրոց. մինչեւ յաւիտեան լոյս մի́ տեսցէ։

Verse: 21  Link to sept   Մարդ ՛ի պատու(թ)ի́(ւն) էր եւ ո́չ իմացաւ, հաւասարեաց անասնո́ց անբանից եւ նմանեաց ն(ո)ց(ա)։ Տունք. ի՜։ Գոբղայս. խ՜բ։



Chapter: 49 

Verse: 1 
Սաղմոս ՛ի դաւիթ. Խ՜Թ։


   Link to sept   Ա(ստուա)ծ աստուծոց տ(է)ր խօսեցաւ, կոչեաց զերկիր յարեւելից մինչ ՛ի մուտս արեւու։

Verse: 2  Link to sept   ՛Ի սիովնէ մեծ վայելչութի(ւն), փրկու(թ)ե(ան) գեղոյ ն(ո)ր(ա)։

Verse: 3  Link to sept   Ա(ստուա)ծ մեր յայտնապէս եկեսցէ, եւ ա(ստուա)ծ մեր մի́ դադարեսցէ։ Հուր առաջի ն(ո)ր(ա) բորբոքեսցի, եւ շուրջ զնովաւ մրրիկ յոյժ։

Verse: 4  Link to sept   Կոչեսցէ զերկինս ՛ի վերուստ՝ եւ զերկիր ՛ի դատել զժողովուրդ իւր,

Verse: 5  Link to sept   ժողովել առ ինքն զսուրբս իւր, եւ ոյք դնեն զպատարագս ուխտից ՛ի վ(ե)ր(այ) սեղանոյ։

Verse: 6  Link to sept   Պատմեսցեն երկինք զարդարութի(ւն) ն(ո)ր(ա), զի ա(ստուա)ծ դատաւոր է։ Հանգիստ։

Verse: 7  Link to sept   Լո́ւր ժողովուրդ իմ եւ խօսեցայց ընդ քեզ, եւ ի(սրա)էլ քե́զ վայեցից. զի ա(ստուա)ծ ա(ստուա)ծ քո ես եմ։

Verse: 8  Link to sept   Ո́չ թէ վասն պատարագաց քոց կշտամբեմ զքեզ. զի ողջակէզք քո առաջի իմ են յա(մենայ)ն ժամ։

Verse: 9  Link to sept   Ո́չ ը(նդ)ունիմ ՛ի տանէ քումմէ զուարակս, եւ ո́չ ՛ի հօտից քոց նոխազս։

Verse: 10  Link to sept   Ի́մ է ա(մենայ)ն գազան անտառի. երէ լերանց եւ ա(մենայ)ն անասուն։

Verse: 11  Link to sept   Գիտե́մ ես զա(մենայ)ն թռչունս երկնից, գեղեցկու(թ)ի(ւն) վայրի ը(թ)ի(ւն)ս է։

Verse: 12  Link to sept   Թէ քաղցեայց, քեզ ինչ ո́չ ասացից. զի ի́մ է աշխարհ լրիւ իւրով։

Verse: 13  Link to sept   Ո́չ ուտեմ ես զմիս զուարակաց քոց, եւ ո́չ զարիւն նոխազաց քոց ըմպեմ։

Verse: 14  Link to sept   Մատո́ ա(ստուծո)յ պատարագ օրհնու(թ)ե(ան), կատարեա́ բարձրելոյն զուխտս քո։

Verse: 15  Link to sept   Կարդասցեն առ իս յաւուր նեղութե(ան) քո, ես փրկեցից զքեզ՝ եւ դու փառաւո́ր արասցես զիս։ հանգիստ։

Verse: 16  Link to sept   Սակայն մեղաւորին ասէ ա(ստուա)ծ. իսկ դու ընդէ՞ր բնաւ պատմես զարդարու(թ)ի(ւն) իմ, կամ առնուս զուխտ իմ ՛ի բերան քո։

Verse: 17  Link to sept   Զի դու ատեծե́ր զխրատ իմ, մերժեցեր եւ յե́տս ընկեցեր զա(մենայ)ն բանս բերանոյ իմոյ։

Verse: 18  Link to sept   Թէ տեսանէիր զգողս ընթանայի́ր ընդ ն(ո)ս(ա), եւ ընդ շունս դնէիր զբաժին քո։

Verse: 19  Link to sept   Բերան քո յաճախէր զչարու(թ)ի(ւն), եւ լեզու քո նիւթէր զնենգութի(ւն)։

Verse: 20  Link to sept   Նստեալ զեղբօրէ քումմէ չարախօսէիր, եւ ՛ի վ(ե)ր(այ) որդւոյ մօր քոյ դնէիր զգայթագղու(թ)ի(ւն)։

Verse: 21  Link to sept   Զայս ա(մենայ)ն արարեր եւ ես լռեցի քեզ. կարծեցեր անօրէնդ ՛ի մտի քում, թէ եւ ես քեզ նմանիցեմ։ Արդ յանդիմանեցից եւ կացուցից զայս ա(մենայ)ն առաջի քո,

Verse: 22  Link to sept   իմացրո́ւք ամենեքեան որոց մոռացեալ իցէ զա(ստուա)ծ։ Գուցէ երբէք յափշտակիցիք, եւ ոչ ո́ք իցէ որ փրկիցէ։

Verse: 23  Link to sept   Պատարագ օրհնու(թ)ե(ան) փառաւո́ր արասցէ զիս. եւ անդ է ճանապարհ ուր ցուցից նմա զփրկութի(ւն) ա(ստուծո)յ։ տունք. ի՜դ։



Chapter: 50 

Verse: 1 
Link to sept ՛Ի կատարած. Սաղմոս ՛ի դաւիթ։


Verse: 2  Link to sept   ՛Ի ժամանակի զի եկն առ նա նաթան մարգարէ, իբրեւ զի մտեալ էր նա առ բերսաբէէ. Ծ։

Verse: 3  Link to sept   Ողորմեա́ ինձ ա(ստուա)ծ ըստ մեծի ողորմութե(ան) քում. ըստ բազում գթութե(ան) քում քաւեա́ զանօրէնու(թ)ի(ւն)ս իմ։

Verse: 4  Link to sept   Առաւել լուա́ զիս յանօրէնութ(են)է իմմէ. եւ ՛ի մեղաց իմոց սուրբ արա զիս։

Verse: 5  Link to sept   Զանօրէնու(թ)ի(ւն)ս իմ ես ինձէ́ն գիտեմ, եւ մեղք իմ առաջի իմ են յա(մենայ)ն ժամ։

Verse: 6  Link to sept   Քեզ միայն մեղայ տ(է)ր, եւ չար առաջի քո արարի։ Ո(ր)պ(էս) արդար եղիցես ՛ի բանս քո, եւ յաղթօղ ՛ի դատել քեզ։

Verse: 7  Link to sept   Անօրէնու(թեամ)բ յղացաւ, եւ ՛ի մեղս ծնաւ զիս մայր իմ։

Verse: 8  Link to sept   Դու տ(է)ր զճշմարտութի(ւն) սիրեցեր, զանյայտս եւ զծածկեալս իմաստու(թեամ)բ քով յայտնեցեր ինձ։

Verse: 9  Link to sept   Ցօղեա յիս մշտկաւ եւ ս(ուր)բ եղէց, լուա́ եւ քան զձիւն սպիտակ եղէց։

Verse: 10  Link to sept   Լսելի́ արա ինձ ցնծութի(ւն) եւ ուրախու(թ)ի(ւն),եւ ցնծասցեն ոսկերք իմ տառապեալք։

Verse: 11  Link to sept   Դարձո́ զերեսս քո ՛ի մեղաց իմոց. զա(մենայ)ն անօրէնութի(ւն)ս իմ քաւեա́ յինէն։

Verse: 12  Link to sept   Սիրտ ս(ուր)բ հաստեա́ յիս ա(ստուա)ծ, եւ հոգի ուղի́ղ նորոգեա ՛ի փորի իմում։

Verse: 13  Link to sept   Մի́ ընկենուր զիս տ(է)ր յերեսաց քոց, եւ զհոգի ս(ուր)բ քո մի́ հաներ յինէն։

Verse: 14  Link to sept   Տո́ւր ինձ ցնծու(թ)ի(ւն) փրկութե(ան), հոգւով պետու(թեամ)բ քով հաստատեա́ զիս։

Verse: 15  Link to sept   Ուսուցից անօրինաց զճանապարհս քո, եւ ամպարիշտք առ քե́զ դարձցին։

Verse: 16  Link to sept   Փրկեա́ զիս յարենէ ա(ստուա)ծ ա(ստուա)ծ փրկու(թ)ե(ան) իմոյ. ցնծասցէ́ լեզու իմ յարդարու(թ)ե(ան) քում։

Verse: 17  Link to sept   Տ՝ր եթէ զշրթունս իմ բանաս, բերան իմ երգեսցէ զօրհնու(թ)ի(ւն)ս քո։

Verse: 18  Link to sept   Թէ կամեցեալ էիր պատարագս մատուցանէաք. բայց դու ընդ ողջակէզս իսկ ո́չ հաճեցար։

Verse: 19  Link to sept   Պատարագ ա(ստուծո)յ հոգի խոնարհ, զսիրտ ս(ուր)բ եւ զհոգի խոնարհ ա(ստուա)ծ ո́չ արհամարհէ։

Verse: 20  Link to sept   Բարի́ արա տ(է)ր կամօք քովք սիոնի, եւ շինեսցին պարիսպք ե(րուսաղէ)մի։

Verse: 21  Link to sept   Յայնժամ հաճեսցիս ընդ պատարագս արդարութե(ան). ուխտից պատարագս հանցեն ՛ի սեղան քո զուարակս։ Տունք. ի՜։



Chapter: 51 

Verse: 1 
Link to sept ՛Ի կատարած իմաստութե(ան). Սաղմոս ՛ի դաւիթ։


Verse: 2  Link to sept   ՛Ի ժամանակի զի եկն դովեկ պատմեաց սաւուղայ, թէ ահաւասիկ դաւիթ ՛ի տան աքիմելիքայ է. Ծ՜Ա։

Verse: 3  Link to sept   Զի՞ պարծի ՛ի չարութե(ան) հզօր զանօրէնու(թ)ի(ւն).

Verse: 4  Link to sept   զօրհանապազ զանիրաւութի(ւն) խոնարհեցաւ ՛ի լեզուի իւրում։ Ո(ր)պ(էս) զածելի սուր սրեա́ց զնենգութի(ւն),

Verse: 5  Link to sept   սիրեաց զչարութի(ւն) քան զբարութի(ւն), զանօրէնութի(ւն) քան զխօսս արդարու(թ)ե(ան)։

Verse: 6  Link to sept   Սիրեաց նա զա(մենայ)ն խօսս կործանման, եւ զլեզուս նենգաւորս։

Verse: 7  Link to sept   Վ(ա)ս(ն) այսորիկ ա(ստուա)ծ կործանեսցէ զնա ՛ի սպառ, խլեսցէ եւ հանցէ́ զնա յարկաց իւրոց, եւ զարմատս ն(ո)ր(ա) յերկրէն կենդանեաց։

Verse: 8  Link to sept   Տեսցեն արդարք եւ երկիցեն, զնովաւ ծիծաղեսցին եւ ասասցեն։

Verse: 9  Link to sept   Այս այր է որ ո́չ արար զա(ստուա)ծ իւր օգնական. այլ յուսացաւ սա ՛ի բազում մեծութի(ւն) իւր, եւ զօրացաւ ՛ի նանրու(թ)ե(ան) իւրում։

Verse: 10  Link to sept   Այլ ես ո(ր)պ(էս) ձիթենի պտղալի́ց ՛ի տան ա(ստուծո)յ. յուսացայ յողորմութի(ւն) ա(ստուծո)յ յաւիտեան եւ յաւիտեանս յաւիտենից։

Verse: 11  Link to sept   Խոստովան եղէց քեզ յաւիտեան զի արարեր. եւ համբերից անուան քում, զի քաղցր ես առաջի սրբոց քոց։ Տունք ը՜։ Գոբղայս. ծ՜բ։



Chapter: 52 

Verse: 1 
՛Ի կատարած. վ(ա)ս(ն) մաղաղեթայ. իմաստու(թ)ի(ւն) ՛ի դաւիթ. Ծ՜Բ։


   Link to sept   Ասաց անզգամն ՛ի սրտի իւրում թէ ո́չ գոյ ա(ստուա)ծ.

Verse: 2  Link to sept   ապականեցան եւ պղծեցան յանօրէնութե(ան) իւրեանց, եւ ոչ ոք է որ առնէ զքաղցրու(թ)ի(ւն)։

Verse: 3  Link to sept   Ա(ստուա)ծ յերկնից նայեցաւ յա(մենայ)ն որդիս մարդկան, տեսանել թէ իցէ ոք իմաստուն որ խնդրիցէ զա(ստուա)ծ։

Verse: 4  Link to sept   Ամենեքեան խոտորեցան ՛ի միասին, եւ անպիտանացան։ Ոչո́ք է որ առնէ զբարի, եւ չէ́ ոք մինչեւ ՛ի մի։

Verse: 5  Link to sept   Ո(ր)պ(էս) ո́չ ծանիցեն ամենեքեան, որ գործեն զանօրէնութի(ւն)։ Ոյք ուտէին զժողովուրդ ո(ր)պ(էս) կերակուր հացի,

Verse: 6  Link to sept   եւ առ ա(ստուա)ծ ո́չ կարդացին։ Անդ երկիցեն երկեւղ ուր ո́չ իցէ երկեւղ. զի ա(ստուա)ծ ցրուեսցէ զոսկերս մարդահաճոյից։ Ամաչեսցեն եւ յամօթ լիցին, զի ա(ստուա)ծ անարգեաց զն(ո)ս(ա)։

Verse: 7  Link to sept   Ո́ տացէ ՛ի սիովնէ զփրկու(թ)ի(ւն) ի(սրաէ)լի. ՛ի դարձուցանել տ(եառ)ն զգերութի(ւն) ժողովրդեան իւրոյ, ցնծասցէ յակովբ եւ ուրախ եղիցի ի(սրա)էլ։ Տունք. թ։



Chapter: 53 

Verse: 1 
Link to sept ՛Ի կատարած. ընդ օրհնու(թ)ի(ւն)ս իմաստու(թ)ի(ւն) ՛ի դաւիթ.


Verse: 2  Link to sept   ՛Ի ժամանակի զի եկին զիփացիքն, եւ ասեն ցսաւուղ՝ ահաւասիկ դաւիթ թաքուցեալ նստի առ մեզ։ Ծ՜Գ։

Verse: 3  Link to sept   Ա(ստուա)ծ յանուան քում կեցո́ զիս, եւ ՛ի զօրութե(ան) քում իրա́ւ արա ինձ։

Verse: 4  Link to sept   Ա(ստուա)ծ լո́ւր աղօթից իմոց, ո́ւնկն դիր բանից բերանոյ իմոյ։

Verse: 5  Link to sept   Օտարք յարեան ՛ի վերայ իմ, եւ հզօրք խնդրեցին զանձն իմ, եւ ո́չ համարեցան զքեզ ա(ստուա)ծ առաջի իւրեանց։

Verse: 6  Link to sept   Ահա ա(ստուա)ծ օգնական իմ, եւ տ(է)ր ընդունելի հոգւոյ իմոյ։

Verse: 7  Link to sept   ՛Ի դարձուցանել զչարն ՛ի թշնամիս իմ, ճշմարտու(թեամ)բ քով սատակեա́ զն(ո)ս(ա)։

Verse: 8  Link to sept   Ես կամօք իմովք պատարագս մատուցից քեզ. խոստովան եղէց անուան քում տ(է)ր զի բարի է։

Verse: 9  Link to sept   Յա(մենայ)ն նեղու(թեն)է իմմէ փրկեցեր զիս, եւ ՛ի թշնամիս իմ ետես ակն իմ։ Տունք. Է՜։



Chapter: 54 

Verse: 1 
Link to sept ՛Ի կատարած. ընդ օրհնութի(ւն)ս իմաստութե. Սաղմոս ՛ի դաւիթ. Ծ՜Դ։


Verse: 2  Link to sept   Ո́ւնկնդիր ա(ստուա)ծ աղօթից իմոց, եւ մի́ անտես առներ զխնդրուածս իմ։

Verse: 3  Link to sept   Նայեա́ց առ իս եւ լո́ւր ինձ. զի տրտմեցա́յ ես ՛ի ձանձրանալ իմում եւ խռովեցայ։

Verse: 4  Link to sept   ՛Ի ձայնէ թշնամւոյն եւ ՛ի նեղել մեղաւորի խոտորեցան յիս անիրաւութ(եամ)բ, բարկու(թեամ)բ ոխս պահէին ինձ։

Verse: 5  Link to sept   Սիրտ իմ խռովեցաւ յիս, եւ երկեւղ մահու անկաւ ՛ի վ(ե)ր(այ) իմ։

Verse: 6  Link to sept   Ա́հ եւ դողումն եկն ՛ի վերայ իմ, եւ ծածկեաց զիս խաւար։

Verse: 7  Link to sept   Ասէի տայր ոք ինձ թեւս ո(ր)պ(էս) զաղաւնւոյ. զի թռչէի վերանայի,

Verse: 8  Link to sept   հեռացեալ դադարէի յանապատի։

Verse: 9  Link to sept   Ակն ունէի ա(ստուծո)յ որ փրկէր զիս ՛ի կարճմտութ(են)է զայրանալոյ, ՛ի մրրկեալ նեղսրտութ(են)է։

Verse: 10  Link to sept   Ընկլո́ տ(է)ր եւ բաժանեա́ զլեզուս ն(ո)ց(ա), զի տեսի զանօրէնութի(ւն) եւ զհակառակու(թ)ի(ւն) ՛ի քաղաքի։

Verse: 11  Link to sept   ՛Ի տուէ եւ ՛ի գիշերի շուրջ եղեն զպարսպօք ն(ո)ր(ա) անօրէնու(թ)ի(ւն). չարիք եւ մեղք են ՛ի մէջ ն(ո)ց(ա).

Verse: 12  Link to sept   եւ ո́չ պակասեաց ՛ի հրապարակաց ն(ո)ց(ա) վա́շխ եւ նենգութի(ւն)։

Verse: 13  Link to sept   Զի թէ թշնամւոյն նախատեալ էր՝ համբերէի́ արդեւք, կամ ատելւոյն մեծաբանեալ էր ՛ի վ(ե)ր(այ) իմ՝ թաքչէի արդեւք ՛ի նմանէ։

Verse: 14  Link to sept   Իսկ դո́ւ մարդ հաւասար իմ, առաջնո́րդ իմ եւ ծանօթ իմ։

Verse: 15  Link to sept   Ապաքէն ՛ի նոյն քաղցրացուցեր ի́նձ եւ քեզ կերակուր, զի գնայաք միաբանութ(եամ)բ ՛ի տան ա(ստուծո)յ։

Verse: 16  Link to sept   Եկեսցէ մա́հ ՛ի վ(ե)ր(այ) ն(ո)ց(ա), եւ կենդանւո́յն իջցեն ՛ի դժոխս. զի չարութի(ւն) է ՛ի բնակու(թ)ե(ան) ն(ո)ց(ա) եւ ՛ի մէջ ն(ո)ց(ա)։

Verse: 17  Link to sept   Ես առ ա(ստուա)ծ կարդացի, եւ տ(է)ր լուաւ ինձ

Verse: 18  Link to sept   յերեկոյս՝ ՛ի վաղորդա́յն ՛ի հասարակ աւուր։ Պատմեցի եւ ասացի եւ լուիցէ́ ձայնի իմում.

Verse: 19  Link to sept   փրկեսցէ́ խաղաղու(թեամ)բ զանձն իմ ՛ի մերձաւորաց իմոց, զի կարեօք հասին ՛ի վ(ե)ր(այ) իմ։

Verse: 20  Link to sept   Լուիցէ ա(ստուա)ծ եւ խոնարհ արասցէ զնոսա, որ յառաջն է քան զյաւիտեանս։ Զի ո́չ գոյր ն(ո)ց(ա) փոխանակ, եւ ո́չ երկեան յա(ստուծո)յ։

Verse: 21  Link to sept   Ձգեաց զձեռն իւր ՛ի հատուցանել ն(ո)ց(ա), եւ ն(ո)ք(ա) պղծեցի́ն զօրէնս ն(ո)ր(ա)։

Verse: 22  Link to sept   Բաժանեցան ՛ի սրտմտու(թեն)է երեսաց ն(ո)ց(ա). եւ եհաս ՛ի սիրտս ն(ո)ց(ա)։ Կակուղ էին բանք ն(ո)ց(ա) քան զձէթ, եւ ինքեանք էին ո(ր)պ(էս) սլաք։

Verse: 23  Link to sept   Ընկեա́ ՛ի տ(է)ր զհոգս քո եւ նա կերակրէ զքեզ, եւ ո́չ տայ յաւիտեան սասանու(թ)ի(ւն) արդարոյ։

Verse: 24  Link to sept   Դու ա(ստուա)ծ իջուսցես զն(ո)ս(ա) ՛ի գուբ ապականութե(ան), արք արիւնահեղք եւ նենգաւորք մի́ հասարակեսցեն զաւուրս իւրեանց. այլ ես ՛ի քե́զ տ(է)ր յուսացայ։ Տունք ի՜բ։ Գոբղայս. լ՜ը։ Կանոն Գոբղայս. է՜։ Սաղմոս ժ՜թ։ Տունս յ՜ի։



Chapter: 55 

Verse: 1 
Link to sept ՛Ի կատարած. վասն ժողովրդեանն, որ ՛ի սրբոյն հեռացեալ էին. ՛ի ժամանակի զի կալան զնա այլազգիքն ՛ի գէթ. Յարձանագիր. Սաղմոս ՛ի դաւիթ. Ծ՜Ե։


Verse: 2  Link to sept   Ողորմեաց ինձ ա(ստուա)ծ զի կոխեա́ց զիս մարդ. զօրհանապազ պատերազմունք նեղեցին զիս։

Verse: 3  Link to sept   Կոխեցին զիս թշնամիք իմ զօրհանապազ, բազո́ւմ եղեն ոյք մարտնչէին ընդ իս ՛ի բարձանց։

Verse: 4  Link to sept   ՛Ի տուէ ես ո́չ երկեայց զի ՛ի տ(է)ր յուսացայ. ա(ստուծո)վ գովեցին զբանս իմ.

Verse: 5  Link to sept   յա(ստուա)ծ յուսացայ՝ եւ ո́չ երկեայց զի՞ արասցէ ինձ մարդ։

Verse: 6  Link to sept   Զօրհանապազ զբանս իմ անարգեցին, զինէն էին խորհուրդք ն(ո)ց(ա) ՛ի չարու(թ)ի(ւն)։

Verse: 7  Link to sept   Պանդուխտք եղիցին եւ թաքթաքո́ւնք շրջեսցին. նոքա գարշապարի իմում սպասէին՝ որպէս սպասէին անձին իմոյ։

Verse: 8  Link to sept   Որպէս առոչընչէ́ մերժեսցես զնոսա, բարկութ(եամ)բ զժողովուրդս հնազանդեցուսցես։

Verse: 9  Link to sept   Ա́(ստուա)ծ զկեանս իմ պատմեցի́ց քեզ. եդից զարտասուս իմ առաջի քո որպէս խոստացար դու ինձ։

Verse: 10  Link to sept   Դարձցին թշնամիք յետս իւրեանց, յաւուր յորում կարդացից առ քեզ։ Ահա ծանեայ զի ա(ստուա)ծ իմ ես դու.

Verse: 11  Link to sept   զա(ստուա)ծ օրհնեցից ՛ի բանս իմ, եւ զտ(է)ր գովեցից ՛ի խօսս իմ. յա(ստուա)ծ յուսացայ եւ ո́չ երկեայց զի արասցէ ինձ մարդ։

Verse: 12  Link to sept   Յինէն են ուխտք իմ, զոր տաց քեզ ա(ստուա)ծ օրհնութ(եամ)բ։

Verse: 13  Link to sept   Փրկեցե́ր զանձն իմ ՛ի մահուանէ, զաչս իմ յարտասուաց, զոտս իմ ՛ի գայթագղու(թեն)է. հաճոյ եղէց առաջի տ(եառ)ն յերկիր կենդանեաց։ Տունք. ժ՜ա։



Chapter: 56 

Verse: 1 
Link to sept ՛Ի կատարած մի́ ապականէր. ՛ի դաւիթ արձանագիր. ՛ի ժամանակի զի փախուցեալ թաքուցեալ էր նա յերեսաց սաւուղայ՝ յայրի́ անդ. ԾԶ։


Verse: 2  Link to sept   Ողորմեա́ ինձ ա(ստուա)ծ ողորմեա́ ինձ, զի ՛ի քե́զ յուսացաւ անձն իմ։ ՛Ի հովանի թեւոց քոց յուսացայց, մինչեւ անցցէ անօրէնու(թ)ի(ւն)։

Verse: 3  Link to sept   Աղաղակեցի առ ա(ստուա)ծ բարձրեալ, առ ա(ստուա)ծ բարերար իմ։

Verse: 4  Link to sept   Առաքեաց յերկնից եւ կեցոյց զիս. ե́դ ՛ի նախատինս որ կոխէին զիս։ Առաքեաց ա(ստուա)ծ զողորմու(թ)ի(ւն) եւ զճշմարտու(թ)ի(ւն) իւր,

Verse: 5  Link to sept   եւ փրկեաց զանձն իմ ՛ի միջոյ գազանաց, զի ննջէի ես խռովեալ։ Որդւոց մարդկան ատամունք իւրեանց զէն եւ նե́տք են, եւ լեզուք ն(ո)ց(ա) ո(ր)պ(էս) սուր սուսեր։

Verse: 6  Link to sept   Բարձրեալ ես դու յերկինս ա(ստուա)ծ, յա(մենայ)ն երկրի են փառք քո։

Verse: 7  Link to sept   Որոգայթք պատրաստեցին ոտից իմոց, եւ խոնարհ արարին զանձն իմ. փորեցին առաջի իմ խորխորատ՝ եւ անկան ինքեանք ՛ի նոյն։

Verse: 8  Link to sept   Պատրաստ է սիրտ իմ ա(ստուա)ծ, պատրաստ է սիրտ իմ, օրհնել եւ սաղմոս ասել քեզ փառօք իմովք։

Verse: 9  Link to sept   Զարթի́ք փառք իմ զարթի́ք սաղմոսիւք եւ օրհնու(թեամ)բ, եւ ես զարթեայց առաւօտուց։

Verse: 10  Link to sept   Խոստովան եղէց քեզ ՛ի ժողովուրդս տ(է)ր, եւ սաղմոս ասացից քեզ յազինս։

Verse: 11  Link to sept   Մեծ եղեւ մինչեւ յերկինս ողորմու(թ)ի(ւն) քո. մինչեւ յամպս է ճշմարտութի(ւն) քո։

Verse: 12  Link to sept   Բարձրեալ ես դու յերկինս, յա(մենայ)ն երկրի են փառք քո։ Տունք. ժ՜գ։



Chapter: 57 

Verse: 1 
Link to sept ՛Ի կատարած. մի́ ապականեր. յարձանագիր. Սաղմոս ՛ի դաւիթ. Ծ՜Է։


Verse: 2  Link to sept   Թէ արդարե́ւ զարդարու(թ)ի(ւն) խօսէիք, եւ ուղիղս դատէիք որդիք մարդկան։

Verse: 3  Link to sept   Քանզի եւ ա́րդ իսկ ՛ի սրտի ձերում զանօրէնու(թ)ի(ւն) գործէիք յերկրի. անիրաւու(թ)ի(ւն) ձեռք ձեր նիւթեն։

Verse: 4  Link to sept   Օտար եղեն մեղաւորք ՛ի մօրէ, խաբեցան յարգանդէ եւ խօսեցան սուտ։

Verse: 5  Link to sept   Սրտմտութի(ւն) ն(ո)ց(ա) ըստ նմանութե(ան) օձին, ո(ր)պ(էս) իժի́ քարբի զի խցեալ է զականջս իւր։

Verse: 6  Link to sept   Զի մի́ լուիցէ նա զձայն թովչի ճարտարի, եւ մի́ առցէ դեղ ՛ի դեղատու(թեն)է́ իմաստնոյ։

Verse: 7  Link to sept   Ա(ստուա)ծ փշրեսցէ́ զատամունս ն(ո)ց(ա) ՛ի բերանս իւրեանց, եւ զժանիս առիւծուց խորտակեաց տ(է)ր։

Verse: 8  Link to sept   Անարգ եղիցին նոքա ո(ր)պ(էս) ջուր զի հեղու, ՛ի լարել աղեղան ն(ո)ր(ա) տկարասցին

Verse: 9  Link to sept   ո(ր)պ(էս) մոմ զի հալի, եւ սպառեսցին։ Անկաւ հուր եւ ո́չ տեսին զարեւ.

Verse: 10  Link to sept   մինչչե́ւ ՛ի միտ առեալ էր զփուշս իւրեանց. ո(ր)պ(էս) դժնի́կ բարկու(թ)ե(ան) կենդանւոյն կիզցէ զն(ո)ս(ա)։

Verse: 11  Link to sept   Ուրախ եղիցի արդար յորժամ տեսցէ զհատուցումն, եւ զձեռս իւր լուասցէ́ յարեան մեղաւորի։

Verse: 12  Link to sept   Եւ ասասցէ մարդ, թէ արդարե́ւ գուցէ́ պտուղ արդարոյ, եւ է ա(ստուա)ծ որ դատի զն(ո)ս(ա) յերկրի։ Տունք. ժ՜։ Գոբղայս. լ՜գ։



Chapter: 58 

Verse: 1 
Link to sept ՛Ի կատարած մի́ ապականեր. յարձանագիր. ՛Ի ժամանակի զի առաքեաց սաւուղ պաշարեաց զտուն նորա, զի սպանցէ́ զնա։ Սաղմոս ՛ի դաւիթ. Ծ՜Ը։


Verse: 2  Link to sept   Փրկեա́ զիս ՛ի թշնամեաց իմոց ա(ստուա)ծ, յայնցանէ որ յարուցեալ են ՛ի վ(ե)ր(այ) իմ ապրեցո́ զիս։

Verse: 3  Link to sept   Փրկեա́ զիս յայնցանէ ոյք գործեն զանօրէնութի(ւն), յարանց արիւնահեղաց ապրեցո́ զիս։

Verse: 4  Link to sept   Որսա́լ զանձն իմ կամեցան, եւ հասին ՛ի վ(ե)ր(այ) իմ հզօրք։

Verse: 5  Link to sept   Ո́չ մեղք իմ եւ ո́չ յանցանք, առանց մեղաց ընթացայ եւ ուղիղ եղէ։

Verse: 6  Link to sept   Զարթի́ր ընդ առաջ իմ եւ տե́ս, դու տ(է)ր զօրու(թ)ե(ան)ց ա(ստուա)ծ ի(սրաէ)լի։ Նայեաց եւ ա́յց արա ա(մենայ)ն հեթանոսաց, մի́ ողորմեր ամենեցուն ոյք գործեն զանօրէնու(թ)ի(ւն)։

Verse: 7  Link to sept   Դարձցին ընդ երեկոյս, սովեսցին ո(ր)պ(էս) շունք եւ շրջեսցին զքաղաքաւ։

Verse: 8  Link to sept   Նոքա ղօղաջեսցեն բերանովք իւրեանց, եւ սո́ւր ՛ի շրթունս ն(ո)ց(ա)։ Իսկ արդ ո՞վ լուաւ զայս,

Verse: 9  Link to sept   զի դու տ(է)ր ծիծաղեսցի́ս զնոքօք, եւ արհամարհեսցես զա(մենայ)ն հեթանոսս։

Verse: 10  Link to sept   Զզօրութի(ւն) իմ առ քե́զ պահեցից, զի ա(ստուա)ծ օգնական իմ է։

Verse: 11  Link to sept   Ա(ստուա)ծ իմ ողորմու(թ)ի(ւն) ն(ո)ր(ա) կանխեսցէ առ իս,

Verse: 12  Link to sept   եւ ա(ստուա)ծ իմ ցուցցէ ինձ ՛ի թշնամիս իմ։ Մի́ սպանաներ զնոսա, զի մի́ մոռասցին զժողովուրդս քո։ Ցրուեա́ զն(ո)ս(ա) զօրու(թեամ)բ քով եւ ընկճեա́ զն(ո)ս(ա). զի դո́ւ ես պաշտպան իմ տ(է)ր։

Verse: 13  Link to sept   Մեղք բերանոյ ն(ո)ց(ա) եւ բանք շրթանց ն(ո)ց(ա), ընկլցին ն(ո)ք(ա) յամբարտաւանու(թ)ե(ան) իւրեանց։ Յանէծս եւ ՛ի ստութի(ւն) մատնեսցին,

Verse: 14  Link to sept   ՛ի կատարածի բարկու(թ)ե(ան) սպառեսցին, եւ մի́ գտցին։ Գիտասցեն զի ա(ստուա)ծ տիրէ́ յակովբայ, եւ ա(մենայ)ն ծագաց երկրի։

Verse: 15  Link to sept   Դարձցին ը(նդ) երեկոյս, սովեսցի́ն ո(ր)պ(էս) շունք եւ շրջեսցին զքաղաքաւ։

Verse: 16  Link to sept   Նոքա սփռեսցին յուտել, ապա թէ ո́չ յագեսցին տրտնջեսցե́ն։

Verse: 17  Link to sept   Եւ օրհնեցից զօրհնութի(ւն)ս տ(եառ)ն. ցնծացայց առաւօտուց յողորմու(թ)ե(ան) քում։

Verse: 18  Link to sept   Եղեր իմ պաշտպան եւ տուն ապաւինի, յաւուր նեղու(թ)ե(ան) իմոյ

Verse: 19  Link to sept   օգնական։ Քե́զ սաղմոս ասացից ա(ստուա)ծ ապաւէն իմ, ա(ստուա)ծ ողորմու(թ)ե(ան) իմոյ։ Տունք. ի՜ա։



Chapter: 59 

Verse: 1 
Link to sept Զառանցելոց ժամանակաց առ ուսմէ։


Verse: 2  Link to sept   ՛Ի ժամանակի զի հրձիգ արար նա զմիջագէտս եւ զասորեստանն սոբողայ, եւ ՛ի դարձին հարկանէր յովաբ զձորն աղտից յերկոտասան հազարս։ Յարձանագիր. Սաղմոս ՛ի դաւիթ. Ծ՜Թ։

Verse: 3  Link to sept   Ա(ստուա)ծ մերժեցե́ր եւ աւերեցեր զմեզ, բարկացար եւ գթասցին ՛ի մեզ։

Verse: 4  Link to sept   Շարժեցեր զերկիր եւ խռովեցուցեր զսա. բժշկեա́ զհարուածս սորա զի սասանեցաւ։

Verse: 5  Link to sept   Ցուցեր ժողովրդեան քում խստու(թ)ի(ւն), եւ ետուր ըմպել մեզ գինի́ յիմարութե(ան),

Verse: 6  Link to sept   Ետուր երկիւղածաց քոց նշան, զի ապրեսցին յերեսաց աղեղան։

Verse: 7  Link to sept   Որպէս փրկեցան սիրելիք քո, կեցո́ աջով քով եւ լո́ւր մեզ։

Verse: 8  Link to sept   Ա(ստուա)ծ խօսեցաւ ՛ի սրբու(թեն)է իւրմէ, բա́րձր եղէց բաժանեցայց զսիւքէմ, եւ զհովիտսն յարկաց չափեցից։

Verse: 9  Link to sept   Իմ է գաղաաս եւ ի́մ է մանասէ, եփրեմ հզօրի́չ գլխոյ իմոյ։ Յուդայ թագաւո́ր իմ,

Verse: 10  Link to sept   մովաբ աւազան յուսոյ իմոյ։ Յեդոմէ ուղղեցից զգնացս իմ, եւ ինձ այլազգիք հնազա́նդ եղեն։

Verse: 11  Link to sept   Ո́ տարցէ զիս ՛ի քաղաք ամուր, կամ ո́ առաջնորդեսցէ ինձ մինչեւ յեդոմէ։

Verse: 12  Link to sept   Թէ ոչ դու ա(ստուա)ծ որ մերժեցեր զմեզ, եւ ո́չ ելեր ա(ստուա)ծ ընդ զօրս մեր։

Verse: 13  Link to sept   Տո́ւր մեզ օգնու(թ)ի(ւն) ՛ի նեղու(թ)ե(ան), զի ընդունա́յն է փրկութի(ւն) մարդոյ։

Verse: 14  Link to sept   Ա(ստուծո)վ արասցուք զօրու(թ)ի(ւն), եւ նա արհամարհեսցէ́ զայնոսիկ որ նեղեն զմեզ։ Տունք. ժ՜գ։



Chapter: 60 

Verse: 1 
Link to sept ՛Ի կատարած ընդ օրհնու(թ)ի(ւն). Սաղմոս ՛ի դաւիթ. Կ՜։


Verse: 2  Link to sept   Լո́ւր ա(ստուա)ծ աղօթից իմոց, եւ նայեա́ տ(է)ր յաղօթս իմ։

Verse: 3  Link to sept   ՛Ի ծագաց երկրէ կարդացի առ քեզ, մինչ ՛ի վաստակել սրտի իմոյ։ ՛Ի վիմէ բարձր արարեր զիս, առաջնորդեցեր ինձ,

Verse: 4  Link to sept   Ի́մ եղեր յոյս եւ աշտարակ հզօր եղեր ինձ յերեսաց թշնամւոյն։

Verse: 5  Link to sept   Բնակեցայց ես ՛ի յարկս քո յաւիտեան, եւ ծածկեցա́յց ընդ հովանեաւ թեւոց քոց։

Verse: 6  Link to sept   Դու ա(ստուա)ծ լուա́ր աղօթից իմոց. ետուր ժառանգութի(ւն) ոյք երկնչին յանուանէ քումմէ։

Verse: 7  Link to sept   Աւուրս յաւուրս յաւելեր թագաւորի ամաց ն(ո)ր(ա), աւուրս ազգաց մինչեւ յազգս ն(ո)ր(ա)։

Verse: 8  Link to sept   Կայ եւ մնայ յաւիտեան առաջի ա(ստուծո)յ ողորմու(թ)ի(ւն), եւ ճշմարտութի(ւն) ոյք խնդրեսցեն ՛ի նմանէ։

Verse: 9  Link to sept   Այսպէս սաղմոս ասացից քեզ յաւիտեանս յաւիտենից, եւ տաց քեզ զաղօթս իմ օրըստօրէ։ Տունք. ը՜։ Գոբղայս. խ՜բ։



Chapter: 61 

Verse: 1 
Link to sept ՛Ի կատարած. ՛ի վերայ եդիթովմայ. Սաղմոս ՛ի դաւիթ. Կ՜Ա։


Verse: 2  Link to sept   Բայց միայն ա(ստուծո)յ հնազա́նդ լեր անձն իմ, զի ՛ի նմանէ́ է ինձ փրկու(թ)ի(ւն)։

Verse: 3  Link to sept   Նա է ա(ստուա)ծ իմ եւ փրկիչ իմ. ապաւէն իմ զի մի́ սասանեցայց առաւել։

Verse: 4  Link to sept   Մինչեւ յե՞րբ յառնէք ՛ի վ(ե)ր(այ) մարդոյ՝ սպանանել ամենեքեան. որպէս զորմո́յ թիւրելոյ՝ եւ զցանգոյ մերժելոյ։

Verse: 5  Link to sept   Բայց միայն զպատիւ իմ խորհեցան մերժել յինէն, եւ ընթացան ՛ի ծարաւս իւրեանց։ Բերանօք իւրեանց օրհնէին, եւ սրտիւք իւրեանց անիծանէին։

Verse: 6  Link to sept   Բայց սակայն ա(ստուծո)յ հնազանդ լեր անձն իմ, զի ՛ի նմանէ́ է ինձ համբերու(թ)ի(ւն)։

Verse: 7  Link to sept   Նա է ա(ստուա)ծ իմ եւ փրկիչ իմ, ապաւէն իմ զի մի́ սասանեցայց։

Verse: 8  Link to sept   Յա(ստուծո)յ է զօրու(թ)ի(ւն) իմ եւ փառք իմ. ա(ստուա)ծ օգնութե(ան) իմոյ, յոյս իմ է́ առ ա(ստուա)ծ։

Verse: 9  Link to sept   Յուսացարո́ւք ՛ի նա ա(մենայ)ն ժողովք ժողովրդոց, սփռեցէ́ք առաջի նորա զսիրտս ձեր, զի ա(ստուա)ծ օգնական է մեր յաւիտեանս ժամանակաց։ Հանգիստ։

Verse: 10  Link to sept   Սակայն ընդունա́յն են որդիք մարդկան, սո́ւտ են որդիք մարդկան, ՛ի կշիռս իւրեանց մեղանչեն, եւ ինքեանք յունայնու(թ)ե(ան) են ՛ի միասին։

Verse: 11  Link to sept   Մի́ յուսայք յանիրաւու(թ)ի(ւն), յափշտակու(թ)ե(ան) մի́ ցանկայք. մեծութի(ւն) թէ առիւ գայցէ, մի́ յօժարեսցին սիրտք ձեր։

Verse: 12  Link to sept   Միանգամ խօսեցաւ ա(ստուա)ծ, եւ երկուս զա́յս լուաք։ Յա(ստուծո)յ է զօրութի(ւն).

Verse: 13  Link to sept   եւ քո́ տ(է)ր ողորմութի(ւն). եւ դու հատուցանես իւրաքանչի́ւր ըստ գործս ն(ո)ց(ա)։ Տունք. ժ՜գ։



Chapter: 62 

Verse: 1 
Link to sept Սաղմոս ՛ի դաւիթ. մինչ նստեր յանապատի հրէաստանի. Կ՜Բ։


Verse: 2  Link to sept   Ա(ստուա)ծ ա(ստուա)ծ իմ ես առ քեզ առաւօտ առնեմ. ծառաւեա́ց առ քեզ հոգի իմ, քանիպատիկ եւս եւ մարմին իմ։

Verse: 3  Link to sept   Ո(ր)պ(էս) երկիր անապատ եւ անջուր, ուր ո́չ գոյ ՛ի նմա ճանապարհ։ Այսպիսի́ ս(ուր)բս երեւեցայց քեզ, տեսանե́լ ինձ զզօրու(թ)ի(ւն) քո եւ զփառս քո։

Verse: 4  Link to sept   Վասն զի լաւ է ինձ ողորմու(թ)ի(ւն) քո քան զկեանս իմ, եւ շրթունք իմ գովեսցե́ն զքեզ։

Verse: 5  Link to sept   Այսպէս օրհնեցի́ց զքեզ ՛ի կեանս իմ, եւ յանուն քո համբարձից զձեռս իմ։

Verse: 6  Link to sept   Ո(ր)պ(էս) ՛ի ճարպոյ պարարտութ(են)է լցցի անձն իմ, շրթունք իմ ցնծութ(եամ)բ օրհնեսցէ զքեզ բերան իմ։

Verse: 7  Link to sept   Զի թէ յիշէի զքեզ յանկողնի իմում, ընդ առաւօտս կանխեալ խօսէի ընդ քեզ։

Verse: 8  Link to sept   Զի եղեր իմ օգնական, ՛ի հովանի թեւոց քոց ցնծացայց։

Verse: 9  Link to sept   Եկն զկնի քո անձն իմ եւ զիս ընկալա́ւ աջ քո.

Verse: 10  Link to sept   եւ նոքա ՛ի նանի́ր խնդրեցին զանձն իմ։ Մտցեն ՛ի ներքոյ անդնդոց երկրի,

Verse: 11  Link to sept   մատնեսցին ՛ի ձեռս սրոյ, եւ բաժինք աղուեսուց եղիցին։

Verse: 12  Link to sept   Թագաւոր յուսացաւ ՛ի տ(է)ր, գովեսցի́ն ամենեքեան որ երդնուն նովաւ, խցցին բերանք այնոցիկ ոյք խօսէին զանիրաւութի(ւն)։ Տունք. ժ՜ա։



Chapter: 63 

Verse: 1 
Link to sept ՛Ի կատարած. Սաղմոս ՛ի դաւիթ. Կ՜Գ։


Verse: 2  Link to sept   Լո́ւր ա(ստուա)ծ աղօթից իմոց յաղաչել ինձ առ քեզ, յերկիւղէ թշնամւոյն փրկեա́ զանձն իմ։

Verse: 3  Link to sept   Ծածկեսցես զիս ՛ի ժողովոց չարաց, ՛ի բազմու(թեն)է ոյք գործեն զանօրէնու(թ)ի(ւն)։

Verse: 4  Link to sept   Ոյք սրեցին ո(ր)պ(էս) սուսե́ր զլեզուս իւրեանց, լարեցին զաղեղունս իւրեանց յիրս դառնու(թ)ե(ան)։

Verse: 5  Link to sept   Ձգել ՛ի գաղտնիս այնոցիկ ոյք ուղիղ են սրտիւք,

Verse: 6  Link to sept   յանկարծակի ձգեսցեն ՛ի ն(ո)ս(ա) եւ մի́ երկիցեն։ Ոյք զօրացուցին յանձինս իւրեանց զբանս չարու(թ)ե(ան), խորհեցան թաքուցանել ինձ որոգայթ եւ ասացին ո́չ տեսանէ զայս տ(է)ր։

Verse: 7  Link to sept   Քննեցին զանօրէնութի(ւն), պատրաստեցան ՛ի քննել զքննու(թ)ի(ւն)։

Verse: 8  Link to sept   Մատիցէ այր՝ ՛ի խորու(թ)ի(ւն) սրտի իւրոյ, եւ բա́րձր եղիցի ա(ստուա)ծ։

Verse: 9  Link to sept   Նետք տղայոց եղեն վէրք նոցա, տկարացան ՛ի ն(ո)ս(ա) լեզուք իւրեանց. եւ խռովեսցին ամենեքեան ոյք հային ը(նդ) ն(ո)ս(ա)։

Verse: 10  Link to sept   Երկեաւ ա(մենայ)ն մարդ եւ պատմեցին զգործս ա(ստուծո)յ, զարարածս ն(ո)ր(ա) ՛ի միտ առին։

Verse: 11  Link to sept   Ուրա́խ եղիցի արդար ՛ի տ(է)ր, եւ յուսասցին ՛ի նա. նովաւ գովեսցի́ն ամենեքեան ոյք ուղիղ են սրտիւք։ Տունք. ժ՜։ Գոբղայս. լ՜գ։



Chapter: 64 

Verse: 1 
Link to sept ՛Ի կատարած. Սաղմոս ՛ի դաւիթ. օրհնութի(ւն) երեմիայի եզեկիելի՝ եւ ժողովրդեանն յորժամ ՛ի պանդխտութե(ա)ն կամէին ելանել։. Կ՜Դ։


Verse: 2  Link to sept   Քեզ վայելէ օրհնու(թ)ի(ւն) ա(ստուա)ծ ՛ի սիովն, եւ քեզ տացին աղօթք յե(րուսաղէ)մ։

Verse: 3  Link to sept   Լո́ւր աղօթից իմոց, զի առ քեզ ա(մենայ)ն մարմին եկեսցէ։

Verse: 4  Link to sept   Բանք անօրինաց զօրացան ՛ի վ(ե)ր(այ) մեր, զամպարշտութի(ւն)ս մեր դո́ւ քաւեսցես։

Verse: 5  Link to sept   Երանի զոր ընտրեցեր եւ ընկալար, եւ բնակեսցեն ՛ի գաւիթս քո։ Լցցո́ւք մեք ՛ի բարութ(են)է տան քոյ, սուրբ է տաճար քո

Verse: 6  Link to sept   սքանչելի արդարութ(եամ)բ։ Լո́ւր մեզ ա(ստուա)ծ փրկիչ մեր. յոյս ա(մենայ)ն ծագաց երկրի եւ որ ՛ի ծով հեռի։

Verse: 7  Link to sept   Ո պատրաստէ զլերինս զօրու(թեամ)բ իւրով, եւ զգեցեալ է զօրու(թ)ի(ւն)։

Verse: 8  Link to sept   Ո խռովեցուցանէ զմեծու(թ)ի(ւն) ծովու, եւ զձայն ալեաց ն(ո)ր(ա) ցածուցանէ։

Verse: 9  Link to sept   Խռովեսցին հեթանոսք, եւ երկիցեն բնակիչք երկրի ՛ի նշանաց քոց։ Յելս առաւօտու եւ ը(նդ) երեկո́յս զուարճասցին.

Verse: 10  Link to sept   հայեցար յերկիր արբեցուցեր զնա, եւ բազում արարեր զմեծու(թ)ի(ւն) ն(ո)ր(ա)։ Գետն ա(ստուծո)յ լի եղեւ ջուրբ. պատրաստ արարեր զկերակուր ն(ո)ր(ա), զի ա́յսպէս է պատրաստու(թ)ի(ւն)։

Verse: 11  Link to sept   Զակօս ն(ո)ր(ա) արբեցուցեր, եւ բազում արարեր զարմտիս ն(ո)ր(ա)։ ՛Ի ցօղել ն(ո)ր(ա) զուարթ եղիցի բոյս նորա.

Verse: 12  Link to sept   օրհնեսցի պսակ տարւոյ քաղցրու(թ)ե(ան) քոյ։ Դաշտք քո լցցին պարարտու(թեամ)բ,

Verse: 13  Link to sept   պարարտասցին գեղեցկութի(ւն)ք անապատի։

Verse: 14  Link to sept   Բլուրք ցնծու(թ)ի(ւն) զգեցցին, եւ զգեցցին խոյք մաքեաց։ Հովիտք բազում արասցեն ցորեան, աղաղակեսցեն եւ օրհնեսցեն։ Տունք. ժ՜զ։



Chapter: 65 

Verse: 1 
Link to sept ՛Ի կատարած. Սաղմոս ՛ի դաւիթ. յարու(թեն)է. Կ՜Ե։


Verse: 2  Link to sept   Աղաղակեցէ́ք առ ա(ստուա)ծ ա(մենայ)ն երկիր. սաղմո́ս ասացէք անուան ն(ո)ր(ա), եւ տո́ք զփառս օրհնու(թ)ե(ան) ն(ո)ր(ա)։

Verse: 3  Link to sept   Ասացէ́ք ա(ստուծո)յ ո(ր)պ(էս) զի ահեղ են գործք քո. ՛ի բազում զօրու(թ)ե(ան) քում ստեցին քեզ թշնամիք քո։

Verse: 4  Link to sept   Ամենայն երկիր երկիրպագցեն քեզ, սաղմոս ասասցեն քեզ, եւ սաղմոս ասասցեն անուան քում։

Verse: 5  Link to sept   Եկա́յք եւ տեսէք զգործս ա(ստուծո)յ, որպէս զի ահե́ղ են խորհրդովք՝ քան զա(մենայ)ն որդւոց մարդկան։

Verse: 6  Link to sept   Ո́ դարձոյց զծովն ՛ի ցամաք, եւ ընդ գետս անցցեն յոտանաւոր։ Անդ ուրախ եղիցուք մեք ՛ի նա,

Verse: 7  Link to sept   որ տիրէն զօրու(թեամ)բ իւրով յաւիտենից։ Աչք ն(ո)ր(ա) ՛ի հեթանոսս հային, ոյք դառնացուցին զնա մի́ բարձրասցին յանձինս իւրեանց։

Verse: 8  Link to sept   Օրհնեցէ́ք հեթանոսք զա(ստուա)ծ մեր, լսելի́ արարէք զձայն օրհնու(թ)ե(ան) ն(ո)ր(ա)։

Verse: 9  Link to sept   Այն որ ետ զանձն իմ ՛ի կեանս, եւ ո́չ ետ դողութի(ւն) ոտից իմոց։

Verse: 10  Link to sept   Փորձեցեր զմեզ ա(ստուա)ծ եւ քննեցեր, որպէս եւ քննի́ արծաթ։

Verse: 11  Link to sept   Իջուցեր զմեզ յորոգայթ՝ եդիր նեղու(թ)ի(ւն) ՛ի թիկունս մեր,

Verse: 12  Link to sept   եւ անցուցեր զմարդիկ ՛ի վերայ գլխոյց մերոց։ Անցանք մեք ընդ հուր եւ ընդ ջուր, եւ հաներ զմեզ ՛ի հանգիստ։

Verse: 13  Link to sept   Մտից ՛ի տուն քո պատարագօք. տաց քեզ զուխտս իմ

Verse: 14  Link to sept   զոր խոստացան քեզ շրթունք իմ, զոր բերան իմ խօսեցաւ ՛ի նեղու(թ)ե(ան)։

Verse: 15  Link to sept   Զողջակէզս ուղղալի́ցս մատուցից քեզ խոյովք եւ խնկովք. եւ քեզ մատուցից զուարակս եւ նոխազս։

Verse: 16  Link to sept   Եկա́յք լուարո́ւք ինձ, եւ պատմեցից ձեզ ամենեքեան ոյք երկնչիք յա(ստուծո)յ, որ ինչ արար անձին իմոյ։

Verse: 17  Link to sept   Առ նա բերանով իմով կարդացի, եւ բարձր արարից զնա լեզուաւ իմով։

Verse: 18  Link to sept   Զմեղս թէ տեսանէի ՛ի սրտի իմում, մի լուիցէ ինձ տ(է)ր։

Verse: 19  Link to sept   Վասն այսորիկ լուաւ ա(ստուա)ծ, եւ նայեցաւ ՛ի ձայն խնդրուածաց իմոց։

Verse: 20  Link to sept   Օրհնեալ է ա(ստուա)ծ որ ո́չ ՛ի բացէ արար զաղօթս իմ, եւ ո́չ զողորմու(թ)ի(ւն) իւր յինէն։ Տունք. ժ՜թ։



Chapter: 66 

Verse: 1 
Link to sept ՛Ի կատարած ընդ օրհնութի(ւն). Սաղմոս երգոց. Կ՜Զ։


Verse: 2  Link to sept   Ա(ստուա)ծ ողորմեա մեզ եւ օրհնեա́ զմեզ, երեւեցո́ զերեսս քո ՛ի մեզ եւ ողորմեա մեզ։

Verse: 3  Link to sept   Ճանաչել յերկրի զճանապարհս քո, յազինս ա(մենայ)ն զփրկու(թ)ի(ւն)ս քո։

Verse: 4  Link to sept   Խոստովան եղիցին առ քեզ ժողովուրդք ա(ստուա)ծ, խոստովան եղիցին առ քեզ ժողովուրդք ա(մենայ)ն։

Verse: 5  Link to sept   Ուրա́խ եղիցին ազգք եւ ցնծասցեն ազինք. զի դու դատիս զժողովուրդս յուղղու(թ)ի(ւն), եւ ազգաց երկրի դու առաջնորդես։

Verse: 6  Link to sept   Խոստովան եղիցին առ քեզ ժողովուրդք ա(ստուա)ծ, գոհասցի́ն զքէն ժողովուրդք ամ(ենայն)։

Verse: 7  Link to sept   Երկիր ետ զպտուղ իւր, եւ օրհնեաց զմեզ ա(ստուա)ծ ա(ստուա)ծ մեր։

Verse: 8  Link to sept   Ա(ստուա)ծ մեր օրհնեսցէ զմեզ, ՛ի նմանէ երկիցեն ա(մենայ)ն ծագք երկրի։ Տունք. Է՜։ Գոբղայս. խ՜բ։



Chapter: 67 

Verse: 1 
Link to sept ՛Ի կատարած. Սաղմոս ՛ի դաւիթ. Կ՜Է։


Verse: 2  Link to sept   Յարիցէ ա(ստուա)ծ եւ ցրուեսցի́ն ա(մենայ)ն թշնամիք ն(ո)ր(ա), փախիցեն ատելիք ն(ո)ր(ա) յերեսաց ն(ո)ր(ա)։

Verse: 3  Link to sept   Որպէս պակասէ ծուխ պակասեսցին, ո(ր)պ(էս) հալի մո́մ առաջի հրոյ՝ այնպէս կորիցեն մեղաւորք յերեսաց ա(ստուծո)յ։

Verse: 4  Link to sept   Արդարք ուրախ եղիցին՝ ցնծասցեն առաջի ն(ո)ր(ա), եւ զուարճասցին յուրախութե(ան) իւրեանց։

Verse: 5  Link to sept   Օրհնեցեք զա(ստուա)ծ եւ սաղմո́ս ասացէք անուան ն(ո)ր(ա). ճանապարհ արարէք այնմիկ որ նստի ընդ արեւմուտս՝ եւ տ(է́)ր է անուն ն(ո)ր(ա)։ Ցնծասցեն առաջի ն(ո)ր(ա), եւ խռովեսցին յերեսաց ն(ո)ր(ա)։

Verse: 6  Link to sept   Որ հայրն է որբոց եւ դատաւո́ր այրեաց, ա(ստուա)ծ ՛ի տեղւոջ սրբութե(ան) իւրում։

Verse: 7  Link to sept   Ա(ստուա)ծ բնակեցուցանէ́ զմիակրօնս ՛ի տան, եւ հանէ զկապեալսն քաջու(թեամ)բ իւրով, սոյնպէս եւ զդառնացօղս որ բնակեալ են ՛ի գերեզմանս։

Verse: 8  Link to sept   Ա(ստուա)ծ ընդ ելանել քեզ առաջի ժողովրդեան քոյ. ը(նդ) անցանել քեզ ընդ անապատ

Verse: 9  Link to sept   երկիր շարժեցաւ։ Քանզի եւ երկինք ցօղեցին յերեսաց ա(ստուծո)յ ՛ի սինէ, առաջի ա(ստուծո)յ ի(սրաէ)լի։

Verse: 10  Link to sept   Անձրեւ կամաց պատրաստեցեր ա(ստուա)ծ ժառանգութե(ան) քում. թէպէտ հիւանդացաւ՝ սակայն դու հաստատեցեր զնա,

Verse: 11  Link to sept   եւ գազանք քո բնակեսցեն ՛ի նմա։ Պտրաստ արարեր քաղցրութ(եամ)բ քով աղքատի ա(ստուա)ծ.

Verse: 12  Link to sept   տ(է)ր տացէ զբան ոյք աւետարանեն զօրու(թեամ)բ բազմաւ։

Verse: 13  Link to sept   Թագաւոր զօրութե(ան)ց սիրելւոյ, զգեղեցկութի(ւն) տան քո բաժանեալ յաւարի,

Verse: 14  Link to sept   թէպէտ եւ ննջեսջիք ՛ի մէջ վիճակաց։ Թեւք աղաւնւոյ արծաթապատ, եւ թիկնամէջք նորա ՛ի գոյն ոսկւոյ։

Verse: 15  Link to sept   ՛Ի գումարել երկնաւորին զթագաւորս ՛ի վ(ե)ր(այ) ն(ո)ր(ա), ձիւնասցին ՛ի սաղմոն։

Verse: 16  Link to sept   Լեառն ա(ստուծո)յ լեառն պարարտ լեառն մածեալ եւ լեառն պարարտ,

Verse: 17  Link to sept   եւ զի՞նչ կարծէք լերինք հպարտացեալք։ Լեառն ընդ որ հաճեցաւ ա(ստուա)ծ բնակիլ ՛ի նմա. քանզի եւ տ(է)ր իսկ բնակեսցէ ՛ի նմա ՛ի սպառ։

Verse: 18  Link to sept   Կառք ա(ստուծո)յ բիւրապատի́կք հազարք ուղղիչք, եւ տ(է)ր ՛ի ն(ո)ս(ա) ՛ի սինէ սրբութ(են)է իւրմէ։

Verse: 19  Link to sept   Ե́լ ՛ի բարձունս գերեաց զգերութի(ւն). ա́ռ աւար բաշխեաց պարգեւս եւ ետ որդւոց մարդկան. քանզի թերահաւատից եւս բնակեալ եղիցի ՛ի նմա։

Verse: 20  Link to sept   Տ(է)ր ա(ստուա)ծ օրհնեալ, օրհնեալ տ(է)ր զօրհանապազ, առաջնորդեսցէ́ մեզ ա(ստուա)ծ փրկիչ մեր։

Verse: 21  Link to sept   Ա(ստուա)ծ մեր ա(ստուա)ծ կենարար, եւ ՛ի տ(եառ)նէ են ելք մահու։

Verse: 22  Link to sept   Բայց սակայն ա(ստուա)ծ փշրեսցէ́ զգլուխ թշնամեաց մերոց, եւ զհերն կարճովին, որ գնան յանօրէնութե(ան) իւրեանց։

Verse: 23  Link to sept   Ասաց տ(է)ր՝ ՛ի խորոց անդնդոց դարձուցից, եւ ՛ի միջոյ ժանեաց զայն ՛ի դո́ւրս կորզեցից։

Verse: 24  Link to sept   Ո(ր)պ(էս) թացցի ոտն քո յարեան, եւ լեզուք շանց քոց յարենէ թշնամեաց քոց։

Verse: 25  Link to sept   Երեւեցան գնացք քո ա(ստուա)ծ, գնացք ա(ստուծո)յ թագաւորին մերոյ սրբոյ։

Verse: 26  Link to sept   Կանխեցին իշխանք հանել զօրհնութի(ւն), ՛ի մէջ գուսանաց եւ գովչաց։

Verse: 27  Link to sept   Յեկեղեցիս օրհնեցէք զա(ստուա)ծ, եւ զտ(է)ր յեղբարցն ի(սրաէ)լի։

Verse: 28  Link to sept   Անդ բենիամին՝ ՛ի տղայութե(ան) զարմանալի, իշխանք յուդայ առաջնորդք ն(ո)ր(ա)՝ իշխանք զաբուղոնի եւ իշխանք նեփթաղիմայ։

Verse: 29  Link to sept   Հրամայեա́ ա(ստուա)ծ զօրութ(եամ)բ քով. զօրացո́ զայս զոր հաստատեցեր ՛ի մեզ։

Verse: 30  Link to sept   ՛Ի տաճարի քում յե(րուսաղէ)մ, քեզ մատուսցեն թագաւորք զպատարագս։

Verse: 31  Link to sept   Սաստեա́ ՛ի գազան եղեգան, ՛ի ժողովս զուարակաց՝ եւ ՛ի դասս երնջուց։ Խոտեսցին այնոքիկ որ ընտրեալ են արծաթով, ցրուեա́ զհեթանոսս եւ ոյք կամին ընդ պատերազմ։

Verse: 32  Link to sept   Եկեսցեն հրեշտակք յեգիպտոսէ. հնդիկք յառաջագոյն ձեռնտո́ւ լիցին առ ա(ստուա)ծ։

Verse: 33  Link to sept   Թագաւորութի(ւն)ք երկրի օրհնեցէ́ք զա(ստուա)ծ, եւ սաղմո́ս ասացէք տ(եառ)ն։ Ճանապա́րհ արարէք այնմիկ,

Verse: 34  Link to sept   որ նստի յերկի́նս երկնից ընդ յարեւելս։ Ահա տացէ զձայն իւր ձա́յն զօրութե(ան), եւ տո́ւք փառս ա(ստուծո)յ։

Verse: 35  Link to sept   ՛Ի վ(ե)ր(այ) ի(սրաէ)լի մեծ վայելչութի(ւն) ն(ո)ր(ա), զօրութի(ւն) ն(ո)ր(ա) մինչեւ յամպս երկնից։

Verse: 36  Link to sept   Սքանչելի է ա(ստուա)ծ ՛ի վ(ե)ր(այ) սրբոց իւրոց, ա(ստուա)ծ ի(սրաէ)լի։ Նա տացէ զօրութի(ւն) հաստատութի(ւն) ժողովրդեան իւրոյ. օրհնեա́լ է ա(ստուա)ծ։ Տունք. լ՜ը։



Chapter: 68 

Verse: 1 
Link to sept ՛Ի կատարած. վասն զառանցելոց. Սաղմոս ՛ի դաւիթ. Կ՜Ը։


Verse: 2  Link to sept   Կեցո́ զիս ա(ստուա)ծ զի հասին ջուրք յանձն իմ, ընկլայ ես ՛ի խորս անդնդոց, ուր ո́չ գոյ հանգիստ։

Verse: 3  Link to sept   Եկի ես ՛ի խորս, եւ շրջանք ընկղմեցին զիս։

Verse: 4  Link to sept   Վաստակեցի ես առ աղաղակել, կերկերեցա́ւ կոկորդ իմ։ Նուաղեցին աչք իմ, առ յուսալ ինձ առ տ(է)ր ա(ստուա)ծ իմ։

Verse: 5  Link to sept   Բազում եղեն քան զհեր գլխոյ իմոյ, ոյք ատէին զիս ՛ի տարապարտուց։ Զօրացան յիս թշնամիք իմ եւ ատելիք իմ ՛ի նանիր. ինչ որ ո́չ յափշտակեալն է՝ տուժէի ն(ո)ց(ա)։

Verse: 6  Link to sept   Ա(ստուա)ծ դու ծանեար զանզգամու(թ)ի(ւն) իմ, եւ յանցանք իմ ՛ի քէն ո́չ ծածկեցան։

Verse: 7  Link to sept   Մի́ ամաչեսցեն վասն իմ որ համբերեն քեզ տ(է)ր տ(է)ր զօրութե(ան)ց. մի́ պատկառեսցեն վ(ա)ս(ն) իմ, որ խնդրեն զքեզ ա(ստուա)ծ ի(սրաէ)լի։

Verse: 8  Link to sept   Վ(ա)ս(ն) քո համբերի նախատանաց, եւ ծածկեաց ամօթ զերեսս իմ։

Verse: 9  Link to sept   Օտար եղէ ես եղբարց իմոց, եւ հիւր որդւոց մօր իմոյ։

Verse: 10  Link to sept   Նախանձ տան քոյ եկեր զիս. նախատինք նախատչաց քոց անկան ՛ի վ(ե)ր(այ) իմ։

Verse: 11  Link to sept   Խոնարհեցուցի պահօք զանձն իմ, եւ եղեն ինձ այս նախատինք.

Verse: 12  Link to sept   արարի զհանդերձս իմ քուրձ, եւ եղէ յառակ նոցա։

Verse: 13  Link to sept   Զինէն խորհէին ոյք նստէին առ դրունս. զիս ա́յպն առնէին որ ըմպէին գինի։

Verse: 14  Link to sept   Ես յաղօթս կայի առ քեզ տ(է)ր, ՛ի ժամանակ ընդունելի։ Ա(ստուա)ծ ՛ի բազում ողորմու(թ)ե(ան) քում լո́ւր ինձ, ՛ի ճշմարտութի(ւն) փրկու(թ)ե(ան) քո։

Verse: 15  Link to sept   Ապրեցո́ զիս ՛ի կաւոյ զի մի́ ընկլայց. ապրեցա́յց ես յատելեաց իմոց, եւ ՛ի խորոց ջուրց բազմաց։

Verse: 16  Link to sept   Մի́ ընկլցեն զիս պտոյք ջուրց, եւ մի́ ընկղմեսցեն զիս անդունդք խորոց. ջրհոր մի́ կափուսցէ զբերան իւր ՛ի վ(ե)ր(այ) իմ։

Verse: 17  Link to sept   Լո́ւր ինձ տ(է)ր զի քա́ղցր է ողորմութի(ւն) քո, ըստ բազում գթու(թ)ե(ան) քոյ հայեա́ յիս.

Verse: 18  Link to sept   եւ մի́ դարձուցաներ զերեսս քո ՛ի ծառայէ քումմէ. զի նեղեալ եմ ես վաղվաղակի́ լո́ւր ինձ։

Verse: 19  Link to sept   Հայեա́ յանձն իմ եւ փրկեա́ զիս, եւ վասն թշնամեաց իմոց ապրեցո́ զիս։

Verse: 20  Link to sept   Զի դու գիտես զնախատինս իմ, զամօթ իմ եւ զպատկառանս իմ։

Verse: 21  Link to sept   Առաջի քո́ են ա(մենայ)ն նեղիչք անձին իմոյ. նախատանաց համբեր սիրտ իմ եւ թշուառութե(ան)։ Ակն ունէի թէ ո́ տրտմեսցի ընդ իս, եւ ո́չ ոք էր. եւ մխիթարիչ ոք ո́չ գտաւ։

Verse: 22  Link to sept   Ետուն ՛ի կերակուր ինձ լեղի, եւ ՛ի ծարաւ իմ արբուցին ինձ քացախ։

Verse: 23  Link to sept   Եղիցին սեղանք ն(ո)ց(ա) առաջի ն(ո)ց(ա) յորոգա́յթ, ՛ի հատուցումն եւ ՛ի գայթագղու(թ)ի(ւն)։

Verse: 24  Link to sept   Խաւարեսցին աչք ն(ո)ց(ա) զի մի́ տեսցեն, եւ զթիկունս ն(ո)ց(ա) հանապազ կորացո́։

Verse: 25  Link to sept   Արկցես ՛ի վ(ե)ր(այ) ն(ո)ց(ա) զբարկութի(ւն) քո, սրտմտու(թ)ի(ւն) բարկութե(ան) քոյ հասցէ ՛ի վ(ե)ր(այ) ն(ո)ց(ա)։

Verse: 26  Link to sept   Եղիցին բնակու(թ)ի(ւն)ք ն(ո)ց(ա) աւերակ, եւ ՛ի յարկս ն(ո)ց(ա) մի́ ոք իցէ որ բնակիցէ։

Verse: 27  Link to sept   Զի զոր դուն հարեր հալածեցին, եւ ՛ի վէրս ցաւոց իմոց յաւելին։

Verse: 28  Link to sept   Դի́ր զմեղս ՛ի վ(ե)ր(այ) մեղաց ն(ո)ց(ա), զի մի́ մտցեն յարդարու(թ)ի(ւն) քո։

Verse: 29  Link to sept   Ջնջեսցին նոքա ՛ի դպրու(թեն)է քումմէ կենաց, եւ ընդ արդարս քո մի́ գրեսցին։

Verse: 30  Link to sept   Աղքատ եւ ցաւա́ծ եմ ես, փրկու(թ)ի(ւն) քո ա(ստուա)ծ ընկալցի զիս։

Verse: 31  Link to sept   Օրհնեցից զանուն ա(ստուծո)յ իմոյ օրհնութ(եամ)բ, եւ բարձր արարից զնա գովու(թեամ)բ։

Verse: 32  Link to sept   Հաճոյ եղիցի ա(ստուծո)յ քան զորթ մատաղ, որ բերէ եղջեւրս եւ կճղակս։

Verse: 33  Link to sept   Տեսցեն աղքատք եւ ուրախ եղիցին, խնդրեցէ́ք զա(ստուա)ծ եւ կեցցեն անձինք ձեր։

Verse: 34  Link to sept   Զի լուաւ տ(է)ր տնանկաց, եւ զկապեալս իւր ո́չ արհամարհեաց։

Verse: 35  Link to sept   Օրհնեսցեն զնա երկինք եւ երկիր, ծովք եւ ա(մենայ)ն որ զեռայ ՛ի ն(ո)ս(ա)։

Verse: 36  Link to sept   Ա(ստուա)ծ փրկէ զսիոն, եւ շինեսցին քաղաքք հրէաստանի. շինեսցեն բնակեսցեն եւ ժառանգեսցեն ՛ի նմա։

Verse: 37  Link to sept   Զաւակ ծառայից քոց հաստատեսցի անդ, եւ ոյք սիրեն զանուն քո բնակեսցեն ՛ի նմա։ Տունք. լ՜ը։



Chapter: 69 

Verse: 1 
Link to sept ՛Ի կատարած. ՛ի դաւիթ՝ առ յիշատակի փրկելոյ զնա տ(եառ)ն. Սաղմոս. Կ՜Թ։


Verse: 2  Link to sept   Ա(ստուա)ծ յօգնել ինձ նայեա, եւ տ(է)ր յընկերե́լ ինձ փութա։

Verse: 3  Link to sept   Ամաչեսցեն եւ յամօթ լիցին որ խնդրէին զանձն իմ. դարձցին յե́տս եւ ամաչեսցեն ոյք խորհէին ինձ չար։

Verse: 4  Link to sept   Դարձցին առ ժամայն ամաչեցեալ որ ասէին ինձ վա́շ վա́շ։

Verse: 5  Link to sept   Ցնծասցեն եւ ուրախ լիցին ՛ի քեզ, ամենեքեան որ խնդրեն զքեզ։ Ասասցեն յա(մենայ)ն ժամ մեծ է ա(ստուա)ծ, եւ ոյք սիրեն զփրկու(թ)ի(ւն)ս քո։

Verse: 6  Link to sept   Ես աղքատ եւ տնանկ եմ ա(ստուա)ծ օգնեա́ ինձ. օգնական եւ փրկիչ իմ ես եւ տ(է)ր իմ մի́ յամենար։ Տունք. զ՜։ Գոբղայս. խ՜դ։



Chapter: 70 

Verse: 1 
՛Ի կատարած. որդւոցն յովնադաբայ՝ յետ առաջնոյ գերութե(ան). Սաղմոս ՛ի դաւիթ. Հ՜։


   Link to sept   ՛Ի քեզ տ(է)ր յուսացայ մի́ ամաչեցից յաւիտեան,

Verse: 2  Link to sept   յարդարութե(ան) քում փրկեա́ զիս եւ ապրեցո́ զիս։ Խոնարհեցո́ առ իս զունկն քո, եւ կեցո́ զիս։

Verse: 3  Link to sept   Լե́ր իմ ա(ստուա)ծ ապաւէն եւ տեղի ամուր կեցուցանել զիս. զի հաստատու(թ)ի(ւն) իմ եւ ապաւէն իմ դու ես։

Verse: 4  Link to sept   Ա(ստուա)ծ իմ փրկեա́ զիս ՛ի ձեռաց մեղաւորի, ՛ի ձեռաց անօրինի եւ անիրաւի։

Verse: 5  Link to sept   Դու ես համբերու(թ)ի(ւն) իմ տ(է)ր տ(է)ր, յոյս իմ ՛ի մանկութ(են)է իմմէ։

Verse: 6  Link to sept   ՛Ի քեզ հաստատեցայ ես յարգանդէ, յորովայնէ մօր իմոյ դո́ւ ես ապաւէն իմ, եւ առ ՛ի քէն է օգնու(թ)ի(ւն) իմ յա(մենայ)ն ժամ։

Verse: 7  Link to sept   Որպէս զի նշաւակ եղէ ես բազմաց, եւ դու օգնական իմ եւ հզօրիչ իմ։

Verse: 8  Link to sept   Լցցի բերան իմ գովու(թեամ)բ, ո(ր)պ(էս) օրհնեցից զփառս քո, զօրհանապազ զմեծվայելչու(թ)ի(ւն)ս քո։

Verse: 9  Link to sept   Մի́ ընկենուր զիս տ(է)ր ՛ի ժամանակի ծերութե(ան), ՛ի պակասել զօրութե(ան) իմոյ մի́ թողուր զիս։

Verse: 10  Link to sept   Ասացին թշնամիք իմ ինձ, եւ ոյք պաշարեցին զանձն իմ, խորհեցան ՛ի միասին եւ ասացին։

Verse: 11  Link to sept   Ա(ստուա)ծ եթող զնա հալածեսցո́ւք եւ հասցո́ւք նմա, զի ո́չ ոք է որ փրկէ զնա։

Verse: 12  Link to sept   Ա(ստուա)ծ իմ մի́ հեռի առնիր յինէն, եւ ա(ստուա)ծ յօգնել ինձ նայեա́ց։

Verse: 13  Link to sept   Ամաչեսցեն եւ պատկառեսցին որ չարախօս կային զանձնէ իմմէ, զգեցցին զամօթ եւ զպատկառանս ոյք խնդրէին ինձ չար։

Verse: 14  Link to sept   Ես յա(մենայ)ն ժամ յուսացայց, եւ յաւելից յօրհնու(թ)ի(ւն)ս քո։

Verse: 15  Link to sept   Բերան իմ պատմեսցէ զարդարութի(ւն)ս քո, զօրհանապազ զգովութի(ւն)ս քո։ Ո(ր)պ(էս) ո́չ թէ խարդախութի(ւն) ինչ գիտէի ես դպրու(թ)ե(ան).

Verse: 16  Link to sept   այլ մտի ՛ի զօրու(թ)ի(ւն)ս տ(եառ)ն, եւ տ(է)ր յիշեցի զարդարութի(ւն)ս քո միայն։

Verse: 17  Link to sept   Ա(ստուա)ծ իմ ուսուցեր զիս ՛ի մանկութ(են)է իմմէ, եւ ցա́րդ եւս պատմեցից զարդարութի(ւն)ս քո։

Verse: 18  Link to sept   Մինչեւ յալեւորել եւ ՛ի ծերանալ, ա(ստուա)ծ իմ մի́ թողուր զիս։ Մինչեւ պատմեսցի բազուկ քո ազգի ա(մենայ)նի որ գալոցն է։ Զզօրութի(ւն)ս քո

Verse: 19  Link to sept   եւ զարդարութի(ւն) մինչեւ ՛ի բարձունս, զոր արարեր մեծամեծս. ա(ստուա)ծ ո́ նմանէ քեզ։

Verse: 20  Link to sept   Որչափ ցուցեր ինձ նեղութի(ւն) բազում եւ չարչարանս, դարձար մխիթարեցե́ր զիս, եւ ՛ի խորոց անդնդոց երկրէ հաներ զիս։

Verse: 21  Link to sept   Յաճախեցեր ՛ի զօրու(թ)ի(ւն)ս քո, դարձար եւ մխիթարեցեր զիս, եւ ՛ի խորոց երկրէ միւսանգամ հաներ զիս։

Verse: 22  Link to sept   Արդ եւ ես խոստովա́ն եղէց քեզ ՛ի պատրաստութի(ւն) սաղմոսաց ճշմարիտդ ա(ստուա)ծ. սաղմոս ասացից քեզ օրհնութ(եամ)բ ս(ուր)բդ ի(սրաէ)լի։

Verse: 23  Link to sept   Ցնծասցեն շրթունք իմ յորժամ սաղմոս ասիցեմ քեզ, եւ անձն իմ զոր եւ փրկեցեր։

Verse: 24  Link to sept   Եւս եւ լեզու իմ՝ զօրհանապազ խօսեսցի́ զարդարու(թ)ի(ւն)ս քո։ ՛Ի ժամանակի ո(ր)պ(էս) յամօթ լիցին, եւ ամաչեսցեն ոյք խորհէին ինձ չար։ Տունք. ի՜զ։



Chapter: 71 

Verse: 1 
Link to sept ՛Ի սողոմոն սաղմոս. Հ՜Ա։


Verse: 2  Link to sept   Ա(ստուա)ծ զիրաւունս քո արքայի́ տուր, զարդարու(թ)ի(ւն)ս քո որդւոյ թագաւորի։ Դատել զժողովուրդս քո արդարու(թեամ)բ, եւ զաղքատս քո իարաւամբք։

Verse: 3  Link to sept   Առցեն լերինք զխաղաղու(թ)ի(ւն) ժողովրդեան, եւ բլուրք զարդարութի(ւն)։

Verse: 4  Link to sept   Իրաւ արասցէ աղքատաց ժողովրդեան, եւ կեցուսցէ́ զորդիս տնանկաց, եւ խոնարհեցուսցէ́ զամբարտաւանս։

Verse: 5  Link to sept   Կացցէ եւ մնասցէ́ ը(նդ) արեւու, յառաջ քան զլուսին ազգէ մինչեւ յազգ։

Verse: 6  Link to sept   Իջցէ ո(ր)պ(էս) զանձրեւ ՛ի վ(ե)ր(այ) գեղման, ո(ր)պ(էս) ցօղ զի ցօղէ յերկիր։

Verse: 7  Link to sept   Ծագեսցի յաւուրս ն(ո)ր(ա) արդարութի(ւն) բազում խաղաղու(թ)ի(ւն), մինչեւ կատարեսցի լուսին։

Verse: 8  Link to sept   Տիրեսցէ նա ՛ի ծովէ մինչեւ ՛ի ծով, ՛ի գետոց մինչ ՛ի ծագս աշխարհի։

Verse: 9  Link to sept   Առաջի ն(ո)ր(ա) նախ հնդի́կք անկցին, եւ թշնամիք ն(ո)ր(ա) հող կերիցեն։

Verse: 10  Link to sept   Թագաւորք թարսիի եւ կղզեաց պատարագս մատուսցեն նմա. թագաւորք արաբա́յ եւ սաբայ պատարագս բերցեն նմա։

Verse: 11  Link to sept   Երկիրպագցեն նմա ա(մենայ)ն թագաւորք երկրի, եւ ա(մենայ)ն ազգք ծառայեսցեն նմա։

Verse: 12  Link to sept   Զի փրկեաց զաղքատն ՛ի հզօրէ. զաղքատ եւ զտնանկ որոյ ո́չ է իւր օգնական։

Verse: 13  Link to sept   Անխայեսցէ նա յաղքատն եւ ՛ի տնանկ, եւ զանձինս տնանկաց կեցուսցէ.

Verse: 14  Link to sept   ՛ի վաշխից չարաց փրկեսցէ զանձինս ն(ո)ց(ա)։ Պատուակա́ն է անուն ն(ո)ր(ա) առաջի ն(ո)ց(ա).

Verse: 15  Link to sept   կեցցէ եւ տացի նմա յոսկւոյն արաբացւոց։ Յաղօթս կացցեն առ նա յա(մենայ)ն ժամ, եւ զօրհանապազ օրհնեսցեն զնա։

Verse: 16  Link to sept   Եղիցի հաստատու(թ)ի(ւն) ընդ ա(մենայ)ն երկիր. եւ ՛ի վ(ե)ր(այ) գլխոց լերանց։ Բարձրասցի́ քան զլիբանան պտուղ ն(ո)ր(ա). ծաղկեսցի ՛ի քաղաքի տ(եառ)ն ո(ր)պ(էս) խոտ երկրի։

Verse: 17  Link to sept   Եղիցի անուն տ(եառ)ն օրհնեա́լ յաւիտեան. զի յառաջ քան զարեւ է անուն ն(ո)ր(ա)։ ՛Ի նա օրհնեսցին ա(մենայ)ն ազգք երկրի, ա(մենայ)ն ազինք երանիցեն նմա։

Verse: 18  Link to sept   Օրհնեալ տ(է)ր ա(ստուա)ծ ի(սրաէ)լի որ առնէ զսքանչելիս միայն.

Verse: 19  Link to sept   եւ օրհնեալ է անուն ս(ուր)բ փառաց նորա յաւիտեան. եղիցի եղիցի։ Տունք. ի՜։ Գոբղայս. խ՜զ։ Կանոն Գոբղայս. է՜։ Սաղմոս. ժ՜է։ Տունք մ՜ձ։



Chapter: 72 

Verse: 1 
Սաղմոս յասափ. Հ՜Բ։


   Link to sept   Իբրեւ զի բարի́ է ա(ստուա)ծ ի(սրաէ)լի, եւ ոյք ուղիղ են սրտիւք։

Verse: 2  Link to sept   Բայց զի ի́մ փոքր մի եւս սասանեալ էին ոտք, սակաւիկ մի եւ գայթագղեալ էին գնացք։

Verse: 3  Link to sept   Նախանձեցայ ես ընդ անօրէնս՝ զխաղաղու(թ)ի(ւն) մեղաւորաց ո(ր)պ(էս) տեսանէի,

Verse: 4  Link to sept   ո́չ գոյր վրէպ մահու ն(ո)ց(ա)։ Հաստատուն էին տանջանք ն(ո)ց(ա),

Verse: 5  Link to sept   ՛ի վաստակս մարդկան չեն նոքա, եւ ըստ մարդկան ո́չ տանջեսցին։

Verse: 6  Link to sept   Վ(ա)ս(ն) այսորիկ կալա́ւ զն(ո)ս(ա) ամբարտաւանու(թ)ի(ւն). արկան զիւրեամբք զամպարշտութի(ւն) եւ զանիրաւու(թ)ի(ւն) իւրեանց։

Verse: 7  Link to sept   Ելցէ ո(ր)պ(էս) ՛ի ճարպոյ անիրաւու(թ)ի(ւն) ն(ո)ց(ա). զի գնացին նոքա ըստ խորհրդոց սրտից իւրեանց։

Verse: 8  Link to sept   Խորհեցան եւ խօսեցա́ն չարութ(եամ)բ. զապիրատութի(ւն) ՛ի բարձունս խորհեցան։

Verse: 9  Link to sept   Եդին յերկի́նս զբերանս իւրեանց, եւ զլեզուս իւրեանց ածէի́ն զերկրաւ։

Verse: 10  Link to sept   Վ(ա)ս(ն) այսորիկ ժողովուրդ իմ դարձցին այսրէն, եւ աւուրք իմ լի́ կատարեալ գտցին ՛ի ն(ո)ս(ա)։

Verse: 11  Link to sept   Ասացին թէ զիա՞րդ գիտա՞ց ա(ստուա)ծ. կամ գուցէ՞ արդեւք գիտու(թ)ի(ւն) առ ՛ի բարձրելոյ։

Verse: 12  Link to sept   Ահա մեղաւորք են եւ յաջողեա́լ է ն(ո)ց(ա), կան եւ ունին զմեծու(թ)ի(ւն) աշխարհի։

Verse: 13  Link to sept   Ասացի՝ ՛ի զո́ւր ուրեմն արդարացուցի զսիրտ իմ. լուացայց զսրբութ(եամ)բ զձեռս իմ,

Verse: 14  Link to sept   եւ եղէ ես խոշտանկեալ զօրհանապազ. եւ կշտամբանք իմ ընդ առաւօտս։

Verse: 15  Link to sept   Թէպէտ եւ ասացի, թէ ա́յսպէս պատմեցից ահաւասիկ յազգս որդւոց քոց որոց եւ ուխտեցի։

Verse: 16  Link to sept   ՛Ի մտի եդի թէ սակայն եւ ա́յս ջան է առաջի իմ,

Verse: 17  Link to sept   մինչեւ մտից ՛ի սրբու(թ)ի(ւն) ա(ստուծո)յ եւ ՛ի միտ առից զկատարած ն(ո)ց(ա)։

Verse: 18  Link to sept   Սակայն վ(ա)ս(ն) նենգու(թ)ե(ան) ն(ո)ց(ա) տարագի́ր արասցես զնոսա. կործանեսցես զն(ո)ս(ա) յամբարտաւանութե(ան) իւրեանց։

Verse: 19  Link to sept   Իսկ զիա՞րդ եղեն յաւեր յանկարծակի, սատակեցա́ն պակասեցա́ն կորեան վ(ա)ս(ն) անօրէնու(թ)ե(ան) իւրեանց,

Verse: 20  Link to sept   եւ եղեն ո(ր)պ(էս) երազք զարթուցելոց։ Տ(է)ր ՛ի քաղաքի քում զպատկերս ն(ո)ց(ա) անարգեսցես.

Verse: 21  Link to sept   զի հուր բորբոքեցա́ւ ՛ի սրտի իմում, եւ երիկամունք իմ այլագունեցան։

Verse: 22  Link to sept   Ես արհամարհեալ եղէ եւ ո́չ գիտացի։

Verse: 23  Link to sept   ո(ր)պ(էս) զանասուն համարեցայ առաջի քո, եւ ես յա(մենայ)ն ժամ ը(նդ) քեզ եմ։

Verse: 24  Link to sept   Կալար զաջոյ ձեռանէ իմմէ, ՛ի խորհուրդս քո առաջնորդեցեր ինձ, եւ փառօք ընկալար զիս։

Verse: 25  Link to sept   Զի՞նչ կայ իմ բնաւ յերկինս, կամ ՛ի քէն զի՞նչ եւս խնդրեցից յերկրէ։

Verse: 26  Link to sept   Նուաղեաց սիրտ իմ եւ մարմին իմ. ա(ստուա)ծ սրտի իմոյ, բաժին իմ ա(ստուա)ծ յաւիտեան։

Verse: 27  Link to sept   Ահաւասիկ ոյք հեռի արարին զանձինս իւրեանց ՛ի քէն կորիցեն. սատակեսցե́ս զամենեսեան որ ապստամբ եղեն ՛ի քէն։

Verse: 28  Link to sept   Ինձ մերձենալ առ ա(ստուա)ծ բարի է, եւ դնել առ տ(է)ր զյոյս իմ։ Պատմել զա(մենայ)ն օրհնու(թ)ի(ւն)ս քո, ՛ի դրունս դստե́ր սիոնի։ Տունք. ի՜դ։



Chapter: 73 

Verse: 1 
Իմաստութի(ւն) յասափ. Հ՜Գ։


   Link to sept   Ընդէ՞ր մերժեցեր ա(ստուա)ծ ՛ի սպառ. բարկացաւ սրտմտութի(ւն) քո ՛ի վ(ե)ր(այ) խաշին արօտի քոյ։

Verse: 2  Link to sept   Յիշեա́ զժողովուրդ քո զոր ստացա́ր իսկզբանէ. փրկեցեր զվիճակ ժառանգու(թ)ե(ան) քոյ։ Լեառն սիոն ա́յս որ բնակեցեր դու ՛ի սմա.

Verse: 3  Link to sept   համբարձ զձեռն քո ՛ի վ(ե)ր(այ) ամբարտաւանու(թ)ե(ան) ն(ո)ց(ա) ՛ի սպառ։ Որ ինչ անիրաւեցաւ թշնամին ՛ի սրբութե(ան) քում,

Verse: 4  Link to sept   պարծեցան ատելիք քո ՛ի մէջ բարեկենդանութե(ան) քոյ։

Verse: 5  Link to sept   Եդին զնշանս իւրեանց ՛ի նշանս. եւ ինքեանք ո́չ ծանեան զելս ՛ի վերուստ։ Ո(ր)պ(էս) յանտառի փայտատօք

Verse: 6  Link to sept   կոտորեցին զդրունս ն(ո)ր(ա), ՛ի միասին փայտատօք եւ մրճովք կործանեցին զնա։

Verse: 7  Link to sept   Այրեցին ՛ի հուր զսրբու(թ)ի(ւն) քո. յերկրի պղծեցին զխորան անուան քոյ։

Verse: 8  Link to sept   Ասացին ՛ի սիրտս իւրեանց ազգ ն(ո)ց(ա) ՛ի միասին, եկայք լռեցուսցո́ւք զա(մենայ)ն տօնս ա(ստուծո)յ յերկրէ։

Verse: 9  Link to sept   Նշանս մեք ինչ ո́չ տեսաք, եւ ո́չ եւս գուցէ մարգարէ. եւ զմեզ ինչ ոք ո́չ ճանաչիցէ։

Verse: 10  Link to sept   Մինչեւ յե՞րբ ա(ստուա)ծ նախատէ թշնամին, բարկացուցանէ հակառակորդն զանուն սուրբ քո։

Verse: 11  Link to sept   Ընդէ՞ր դարձուցանես զձեռն քո, եւ զաջ քո ՛ի միջոյ ծոցոյ քումմէ ՛ի սպառ։

Verse: 12  Link to sept   Ա(ստուա)ծ թագաւոր մեր յառաջ քան զյաւիտեանս, որ արարեր զփրկու(թ)ի(ւն) ՛ի մէջ երկրի։

Verse: 13  Link to sept   Դու հաստատեցեր զօրու(թեամ)բ քով զծով. դու խորտակեցե́ր զգլուխս վիշապաց ՛ի վ(ե)ր(այ) ջուրց։

Verse: 14  Link to sept   Դու փշրեցեր զգլուխ վիշապին, եւ ետուր զնա կերակո́ւր զօրացն հնդկաց։

Verse: 15  Link to sept   Դու բղխեցուցե́ր զաղբեւրս եւ զվտակս, դու ցամաքեցուցեր զգետս սաստիկս։

Verse: 16  Link to sept   Քո́ է տիւ եւ քո է գիշեր, զլոյս եւ զարեւ դո́ւ հաստատեցեր.

Verse: 17  Link to sept   եւ դու հաստատեցեր զա(մենայ)ն սահմանս երկրի. զգարուն եւ զամառն դո́ւ ստեղծեր։

Verse: 18  Link to sept   Այս յո́ւշ լիցի քեզ զի թշնամին նախատեաց զտ(է)րդ. ժողովուրդ անզգամ բարկացո́յց զանուն ս(ուր)բ քո։

Verse: 19  Link to sept   Մի́ մատներ գազանաց զանձն որ խոստովան առնի առ քեզ, եւ զանձինս տնանկաց քոց մի́ մոռանար ՛ի սպառ։

Verse: 20  Link to sept   Հայեա́ յուխտ քո՝ զի լցա́ն տունք ափշելոց յերկրի անիրաւու(թեամ)բ։

Verse: 21  Link to sept   Մի դարձցի տնանկն ամաչեցեալ. այլ աղքատն եւ տնանկ օրհնեսցեն զանուն սուրբ քո։

Verse: 22  Link to sept   Արի́ ա(ստուա)ծ եւ դատեա́ զդատաստանս քո. յիշեա́ զնախատինս որ յանզգամէն զօրհանապազ։

Verse: 23  Link to sept   Մի́ մոռանար զձայն պաշտօնէից քոց. ամբարտաւանու(թ)ի(ւն) ատելեաց քոց վերասցի հանապազ։ Տունք. ի՜բ։ Գոբղայս. խ՜զ։



Chapter: 74 

Verse: 1 
Link to sept ՛Ի կատարած մի́ ապականեր. սաղմոս յասափ. երգ առ ասորեստանեայս. Հ՜Դ։


Verse: 2  Link to sept   Խոստովան եղիցուք առ քեզ ա(ստուա)ծ, խոստովան եղիցուք եւ կարդասցուք զանուն քո։ Պատմեցից զա(մենայ)ն սքանչելիս քո.

Verse: 3  Link to sept   յորժամ ժա́մ առից՝ ես ուղիղ դատեցայց։

Verse: 4  Link to sept   Մաշեցաւ երկիր եւ ա(մենայ)ն բնակիչք ն(ո)ր(ա). ես հաստատեցի զսիւնս ն(ո)ր(ա)։

Verse: 5  Link to sept   Ասացի անօրինաց թէ մի́ անօրինիք. մեղաւորաց թէ մի́ բարձրացուցանէք զեղջեւրս ձեր։

Verse: 6  Link to sept   Մի́ համբառնայք ՛ի բարձունս զեղջեւրս ձեր, եւ մի́ խօսիք զա(ստուծո)յ անիրաւու(թ)ի(ւն)։

Verse: 7  Link to sept   Զի ո́չ յարեւելից եւ ո́չ յարեւմտից եւ ո́չ յանապատէ լերանց. այլ ա(ստուա)ծ դատաւոր է։

Verse: 8  Link to sept   Զայս խոնարհ առնէ, եւ զսոյն բարձրացուցանէ.

Verse: 9  Link to sept   բաժակ ՛ի ձեռին տ(եառ)ն գինի լի́ անապակ արկեալ. եւ խոնարհեցոյց յայսմանէ յայս։ Սակայն մրուր ն(ո)ր(ա) ո́չ սպառեսցի, եւ արբցեն զնա ա(մենայ)ն մեղաւորք երկրի։

Verse: 10  Link to sept   Ես ցնծացա́յց յաւիտեան. սաղմոս ասացից ա(ստուծո)յ յակոբայ։

Verse: 11  Link to sept   Զա(մենայ)ն եղջեւրս մեղաւորաց փշրեսցես, եւ բարձր եղիցի եղջեւր արդարոյ։ Տունք. ժ՜։



Chapter: 75 

Verse: 1 
Link to sept ՛Ի կատարած ընդ օրհնութի(ւն)ս. մի́ ապականեր. Սաղմոս յասափ. երգ առ ասորեստանեայս. Հ՜Ե։


Verse: 2  Link to sept   Յայտնի́ է ՛ի հրէաստանի ա(ստուա)ծ, եւ յի(սրա)էլ մեծ է անուն ն(ո)ր(ա)։

Verse: 3  Link to sept   Եղեւ խաղաղութի(ւն) տեղի ն(ո)ր(ա), եւ բնակու(թ)ի(ւն) ն(ո)ր(ա) սիովն։

Verse: 4  Link to sept   Անդ խորտակեաց տ(է)ր զզօրութի(ւն) աղեղան, զզէ́ն զսո́ւր եւ զճակատամարտ։

Verse: 5  Link to sept   Լուսատու ես դու սքանչելապէս լերանցն յաւիտենից.

Verse: 6  Link to sept   խռովեցին ամենեքեան որ անմիտ են սրտիւք, ննջեցին զքունս իւրեանց եւ ոչ ինչ գտին։ Ամենայն արք ՛ի մեծու(թ)ե(ան) ձեռաց իւրեանց.

Verse: 7  Link to sept   ՛ի սաստէ քումմէ ա(ստուա)ծ յակոբայ ննջեցին, եւ ոյք հեծեալ էին ՛ի ձիս։

Verse: 8  Link to sept   Դու ահաւոր ես եւ ո՞վ կարէ կալ առաջի քո.

Verse: 9  Link to sept   ո(ր)պ(էս) երեւեցար դու յերկնից, յայտնի եղեւ բարկու(թ)ի(ւն) քո։ Երկիր երկեաւ եւ սարսեա́ց

Verse: 10  Link to sept   ը(նդ) յառնելն ա(ստուծո)յ ՛ի դատաստան. ընդ ապրեցուցանել զա(մենայ)ն հեզս երկրի։

Verse: 11  Link to sept   Խորհուրդք մարդկան խոստովա́ն առնին առ քեզ, եւ ծածկեալք իմաստու(թեամ)բ օրհնեսցեն զքեզ։

Verse: 12  Link to sept   Ո́ւխտս դիք եւ կատարեցէ́ք տ(եառ)ն ա(ստուծո)յ մերոյ, ամենեքեան ոյք շուրջ էք զնովաւ։ Մատուցէ́ք պատարագս ահաւորին.

Verse: 13  Link to sept   ո́ քաղէ զհոգիս իշխանաց, ահաւոր է նա քան զա(մենայ)ն թագաւորս երկրի։ Տունք. ժ՜։



Chapter: 76 

Verse: 1 
Link to sept ՛Ի կատարած. վասն եդիթովմայ. Սաղմոս յասափ. Հ՜Զ։


Verse: 2  Link to sept   Ձայնիւ իմով ես առ տ(է)ր կարդացի, ձայնիւ իմով առ ա(ստուա)ծ, եւ նայեցաւ առ իս։

Verse: 3  Link to sept   Յաւուր նեղու(թ)ե(ան) իմոյ զա(ստուա)ծ խնդրեցի ձեռօք իմովք, ՛ի գիշերի առաջի ն(ո)ր(ա) եւ ո́չ խաբեցայ։ Ո́չ կամէր մխիթարել անձն իմ,

Verse: 4  Link to sept   յիշեցի զա(ստուա)ծ եւ ուրախ եղէ. հոգայի եւ նուազէ́ր յիս հոգի իմ։ Հանգիստ։

Verse: 5  Link to sept   Ժամանեցին պահուց աչք իմ, խռովեցայ եւ ո́չ խօսեցայ.

Verse: 6  Link to sept   խորհեցայ զաւուրսն զառաջինս եւ զամս յաւիտենից յիշեցի։

Verse: 7  Link to sept   Խօսեցայ ՛ի գիշերի ընդ սրտի իմում, հոգայի՝ եւ տառապէր յիս հոգի իմ։

Verse: 8  Link to sept   Մի թէ յաւիտենից մերժեսցէ՞ զիս տ(է)ր, եւ ո՞չ եւս յաւելուցու ՛ի հաճել եւ եւս։

Verse: 9  Link to sept   Կամ ՛ի սպա՞ռ արգելցէ զողորմութի(ւն) իւր յինէն, կամ կատարեա՞ց զբան իւր ազգէ մինչեւ յազգ։

Verse: 10  Link to sept   կամ մոռասցի՞ գթալ ա(ստուա)ծ իմ եւ եւս, կամ արգելցէ՞ զգթութի(ւն) իւր բարկու(թեամ)բ իւրով։

Verse: 11  Link to sept   Ասացի թէ այժմ սկսայ. այս է նորոգումն աջոյ բարձրելոյն։

Verse: 12  Link to sept   Յիշեցի զգործս տ(եառ)ն իսկզբանէ, յիշեցի զսքանչելիս ն(ո)ր(ա)։

Verse: 13  Link to sept   Խօսեցայ յա(մենայ)ն գործս քո, եւ ՛ի ձեռագործս քո խորհեցայ։

Verse: 14  Link to sept   Ա(ստուա)ծ ՛ի սրբու(թ)ե(ան) են ճանապարհք քո. ո՞վ է ա(ստուա)ծ մեծ ո(ր)պ(էս) զա(ստուա)ծ մեր.

Verse: 15  Link to sept   դու ես ա(ստուա)ծ որ առնես զսքանչելիս։ Ցուցեր ժողովրդեան քում զզօրու(թ)ի(ւն) քո.

Verse: 16  Link to sept   փրկեցեր բազկաւ քով զժողովուրդս քո զորդիսն յակովբայ եւ յովսեփու։ Հանգիստ։

Verse: 17  Link to sept   տեսին զքեզ ջուրք ա(ստուա)ծ, տեսին զքեզ ջուրք եւ երկեան, եւ խորք խռովեցան

Verse: 18  Link to sept   ՛ի ձայնէ ջուրց բազմաց։ Ձայն ետուն ամպք, քանզի եւ նետք քո գնան

Verse: 19  Link to sept   ՛ի ձայնէ որոտալոյ քոյ անուի։ Երեւեցան փայլատակունք քո տիեզերաց, խռովեցաւ եւ դողաց երկիր։

Verse: 20  Link to sept   ՛Ի ծովո́ւ են ճանապարհք քո, եւ շաւիղք քո ՛ի ջուրս բ(ա)զ(ու)մս, եւ հետք քո ոչ եւս երեւին։

Verse: 21  Link to sept   Առաջնորդեցեր ո(ր)պ(էս) խաշին ժողովրդեան քոյ, ՛ի ձեռն մովսիսի եւ ահարոնի։ Տունք. ժ՜ը։ Գոբղայս. լ՜ը։



Chapter: 77 

Verse: 1 
Իմաստութի(ւն) յասափ. Հ՜Է։


   Link to sept   Նայեցարո́ւք ժողովուրդք յօրէնս իմ, խոնարհեցուցէ́ք զունկն ձեր ՛ի բանս բերանոյ իմոյ։

Verse: 2  Link to sept   Բացից առակօք զբերան իմ, խօսեցայց զառակս իսկզբանէ։

Verse: 3  Link to sept   Ո(ր)պ(էս) լուաք եւ ծանեաք զայս, եւ հարքն մեր պատմեցին մեզ։

Verse: 4  Link to sept   Ոչի́նչ ծածկեցաւ յորդւոց ն(ո)ց(ա) յազգ յայլ, պատմել զօրհնութի(ւն)ս տ(եառ)ն զզօրու(թ)ի(ւն) եւ զսքանչելիս իւր զոր արար։

Verse: 5  Link to sept   հաստատեաց զվկայու(թ)ի(ւն) իւր առ յակովբ, եւ օրէնս եդ ՛ի վ(ե)ր(այ) ի(սրաէ)լի։ Որինչ միանգամ պատուիրեաց հարցն մերոց, ցուցանել զայս որդւոց իւրեանց,

Verse: 6  Link to sept   զի ծանիցեն յազգ յայլ։ Որդիք որ ծնանին յարիցեն եւ պատմեսցեն զայս որդւոց իւրեանց.

Verse: 7  Link to sept   զի դիցեն առ ա(ստուա)ծ զյոյս իւրեանց, եւ մի́ մոռասցին զգործս ա(ստուծո)յ։ Զպատուիրանս ն(ո)ր(ա) խնդրելո́վ խնդրեսցեն,

Verse: 8  Link to sept   եւ մի́ եղիցին ո(ր)պ(էս) եւ հարք իւրեանց։ Ազգ չա́ր եւ դառնացօղ, ազգ որ ո́չ ուղղեաց զսիրտ իւր եւ ո́չ հաստատեաց առ ա(ստուա)ծ զոգի իւր։

Verse: 9  Link to sept   Որդիք եփրեմի լիաձիգք եւ պնդաձիգք, յաւուր պատերազմի կապարճս դարձուցին։

Verse: 10  Link to sept   Ո́չ կացին նոքա յուխտի տ(եառ)ն, եւ ըստ իրաւանց ն(ո)ր(ա) ո́չ կամեցան գնալ։

Verse: 11  Link to sept   Մոռացան զերախտիս ն(ո)ր(ա), եւ զսքանչելիսն զոր եցոյց ն(ո)ց(ա)։

Verse: 12  Link to sept   Առաջի հարց ն(ո)ց(ա) զոր արար զսքանչելիս իւր, երկրին եգիպտացւոց եւ ՛ի դաշտին տայանու։

Verse: 13  Link to sept   Հերձ զծովն եւ անցո́յց զն(ո)ս(ա), կացոյց զջուրս որպէս ՛ի տիկս։

Verse: 14  Link to sept   Առաջնորդեաց ն(ո)ց(ա) ամպով ՛ի տուէ, եւ զա(մենայ)ն գիշեր ՛ի լոյս հրոյ։

Verse: 15  Link to sept   Հերձ զվէմն յանապատի, եւ ետ ըմպել ն(ո)ց(ա) ո(ր)պ(էս) ՛ի խորոյ մեծէ։

Verse: 16  Link to sept   Հան զջուրն ՛ի վիմէ, եւ հոսեաց ո(ր)պ(էս) զգետս զջուրս։

Verse: 17  Link to sept   Սակայն յաւելի́ն ՛ի մեղանչել, եւ ե́ւս բարկացուցին զբարձրեալն յանջրդի։

Verse: 18  Link to sept   Փորձեցին զա(ստուա)ծ ՛ի սիրտս իւրեանց, ՛ի խնդրել զկերակուր անձանց իւրեանց։

Verse: 19  Link to sept   Տրտնջեցին զա(ստուծո)յ եւ ասացին, միթէ կարօ՞ղ իցէ ա(ստուա)ծ պատրաստել սեղան յանապատի։

Verse: 20  Link to sept   Քանզի հարկանէր զվէմն՝ եւ հոսէին ջուրք, եւ վտա́կք խաղային ՛ի նմանէ։ Աղէ՝ հա՞ց եւս կարասցէ տալ նա մեզ, կամ պատրաստէ սեղան ժողովրդեան իւրոյ։

Verse: 21  Link to sept   Վ(ա)ս(ն) այսորիկ լուաւ զայս տ(է)ր եւ յապաղեաց. հուր բորբոքեցաւ ՛ի յակովբ, բարկութի(ւն) ել ՛ի վ(ե)ր(այ) ի(սրաէ)լի։

Verse: 22  Link to sept   Ո́չ հաւատացին յա(ստուա)ծ, եւ ո́չ յուսացան ՛ի փրկութի(ւն) ն(ո)ր(ա)։

Verse: 23  Link to sept   Հրաման ետ ամպոց ՛ի վերուստ եւ զդրունս երկնից եբաց,

Verse: 24  Link to sept   եւ տեղեա́ց ՛ի ն(ո)ս(ա) մանանայ կերակուր։ Զհաց երկնից ե́տ ն(ո)ց(ա).

Verse: 25  Link to sept   զհաց հրեշտակաց կերան մարդիկ. իջոյց ՛ի ն(ո)ս(ա) կերակուր ՛ի լիու(թ)ի(ւն)։

Verse: 26  Link to sept   Հան զհողմ հարաւոյ, եւ ա́ծ զօրու(թեամ)բ իւրով զհիւսւսի։

Verse: 27  Link to sept   Տեղեաց ՛ի ն(ո)ս(ա) միս ո(ր)պ(էս) հող, ո(ր)պ(էս) զաւա́զ ծովու զթռչունս թեւաւորս։

Verse: 28  Link to sept   Արկ ՛ի մէջ բանակի ն(ո)ց(ա), եւ շուրջ զվրանօք ն(ո)ց(ա)։

Verse: 29  Link to sept   Կերան եւ յագեցան յոյժ, զցանկու(թ)ի(ւն) ն(ո)ց(ա) ե́տ ն(ո)ց(ա),

Verse: 30  Link to sept   եւ ոչինչ կարօտ եղեն ՛ի ցանկու(թեն)է իւրեանց։ Մինչդեռ կերակուրք ՛ի բերանս իւրեանց էին,

Verse: 31  Link to sept   բարկու(թ)ի(ւն) յա(ստուծո)յ ե́լ ՛ի վ(ե)ր(այ) ն(ո)ց(ա)։ Սպան զբազումս ՛ի ն(ո)ց(ա)նէ, եւ զընտիր ընտիրս յ(թ)ի(ւն)լէ սատակեաց։

Verse: 32  Link to sept   Յայսմ ա(մենայ)նի մեղան եւ եւս, եւ ո́չ հաւատացին սքանչելեաց ն(ո)ր(ա)։

Verse: 33  Link to sept   Պակասեցա́ն յունայնու(թ)ե(ան) աւուրք ն(ո)ց(ա), եւ ամք ն(ո)ց(ա) փութապէ́ս անցին։

Verse: 34  Link to sept   Յորժամ սոանանէր զն(ո)ս(ա) խնդրէի́ն զնա, դառնային եւ առաւօտ առնէին առ ա(ստուա)ծ։

Verse: 35  Link to sept   Յիշեցին զի ա(ստուա)ծ օգնական էր ն(ո)ց(ա), ա(ստուա)ծ բարձրեալ փրկիչ էր ն(ո)ց(ա)։

Verse: 36  Link to sept   Սիրեցին զնա բերանօք իւրեանց, եւ լեզուօք իւրեանց ստեցին նմա.

Verse: 37  Link to sept   եւ սիրտք իւրեանց ո́չ էին ուղիղ ընդ նմա, եւ ո́չ հաւատացին ուխտի ն(ո)ր(ա)։

Verse: 38  Link to sept   Այլ նա́ ինքն գթա́ծ էր, քաւէր զմեղս ն(ո)ց(ա)՝ եւ ո́չ ապականէր։ Յաճախէր դարձուցանել զբարկութի(ւն), եւ ո́չ բորբոքէր զա(մենայ)ն սրտմտու(թ)ի(ւն) իւր։

Verse: 39  Link to sept   Յիշեաց թէ մարմին են նոքա. հոգի որ ելանէ՝ եւ ոչ եւս դառնայ։

Verse: 40  Link to sept   Քանիցս անգամ դառնացուցին զնա յանապատի, բարկացուցին զբարձրեալն յանջրդի։

Verse: 41  Link to sept   Դարձան եւ փորձեցին զա(ստուա)ծ, եւ զս(ուր)բն ի(սրաէ)լի զայրացուցին։

Verse: 42  Link to sept   Ո́չ յիշեցին զձեռն ն(ո)ր(ա) յաւուր յորում փրկեաց զն(ո)ս(ա) ՛ի ձեռաց նեղչաց ն(ո)ց(ա)։

Verse: 43  Link to sept   Ո(ր)պ(էս) արար զնշանս եւ զարուեստս իւր յերկրին եգիպտացւոց, եւ ՛ի դամտին տայանու։

Verse: 44  Link to sept   Դարձոյց յարիւն զգետս ն(ո)ց(ա), եւ զանձրեւս ն(ո)ց(ա) զի մի́ արբցեն։

Verse: 45  Link to sept   Առաքեաց ՛ի ն(ո)ս(ա) շանաճանճ եւ եկե́ր զն(ո)ս(ա), եւ գորտիւ ապականեաց զն(ո)ս(ա)։

Verse: 46  Link to sept   Ետ ժանգոյ զպտուղ ն(ո)ց(ա), եւ զվաստակս ն(ո)ց(ա) մարախոյ։

Verse: 47  Link to sept   Հա́ր կարկտիւ զայգիս ն(ո)ց(ա), եւ զթզենիս ն(ո)ց(ա) եղեմամբ։

Verse: 48  Link to sept   Մատնեաց ՛ի կարկուտ զանասունս ն(ո)ց(ա), զստացուածս նոցա հրով դատեցաւ։

Verse: 49  Link to sept   Առաքեաց ՛ի ն(ո)ս(ա) զսրտմտու(թ)ի(ւն) բարկութե(ան) իւրոյ, զսրտմտութի(ւն) բարկութի(ւն) եւ զնեղութի(ւն)։ Առաքեաց ՛ի նոսա տանջանս ՛ի ձեռն հրեշտակի չարի,

Verse: 50  Link to sept   դիմեցոյց ՛ի ն(ո)ս(ա) զսրտմտութի(ւն) բարկութե(ան) իւրոյ։ Ո́չ անխայեաց ՛ի մահուանէ զանձինս ն(ո)ց(ա), եւ զանասունս ն(ո)ց(ա) ՛ի մա́հ մատնեաց։

Verse: 51  Link to sept   Եհա́ր զա(մենայ)ն անդրանիկս եգիպտացւոց, զսկիզբն ա(մենայ)ն վաստակոյ ն(ո)ց(ա) ՛ի յարկս քամայ։ Հանգիստ։

Verse: 52  Link to sept   Հորդան ետ ո(ր)պ(էս) խաշին ժողովրդեան իւրոյ. եւ եհան զն(ո)ս(ա) ո(ր)պ(էս) հօ́տ յանապատ։

Verse: 53  Link to sept   Առաջնորդեաց ն(ո)ց(ա) յուսով, եւ ո́չ երկեան, եւ զթշնամիս ն(ո)ց(ա) ծով ծածկեաց։

Verse: 54  Link to sept   Եհան զն(ո)ս(ա) ՛ի լեառն սրբու(թ)ե(ան) իւրոյ. լեառն՝ այն զոր ստացեալ էր աջոյ ն(ո)ր(ա)։ Մերժեա́ց յերեսաց ն(ո)ց(ա) զհեթանոսս, վիճակեցոյց ՛ի ն(ո)ս(ա) զվիճակ ժառանգութե(ան) իւրոյ,

Verse: 55  Link to sept   եւ բնակեցոյց ՛ի յարկս ն(ո)ց(ա) զա́զգն ի(սրաէ)լի։

Verse: 56  Link to sept   Փորձեցին դառնացուցին զա(ստուա)ծ բարձրեալ, եւ զվկայու(թ)ի(ւն) ն(ո)ր(ա) ո́չ պահեցին։

Verse: 57  Link to sept   Դարձան խոտորեցա́ն ո(ր)պ(էս) եւ հարք իւրեանց, դարձան եւ եղեն ո(ր)պ(էս) զաղեղն թեւր։

Verse: 58  Link to sept   Դարձան բարկացուցին զնա ՛ի բագինս իւրեանց, եւ դրօշելովք իւրեանց նախանձ արկին նմա։

Verse: 59  Link to sept   Լուաւ ա(ստուա)ծ եւ արհամարհեաց զն(ո)ս(ա), եւ անարգեաց յոյժ զի(սրա)էլ։

Verse: 60  Link to sept   Մերժեաց յիւրմէ զխորանն ՛ի սելով, խորան զոր բնակեցո́յց ՛ի մէջ մարդկան։

Verse: 61  Link to sept   Մատնեաց ՛ի գերութի(ւն) զզօրութի(ւն)ս ն(ո)ց(ա), եւ զգեղս ն(ո)ց(ա) ՛ի ձեռս թշնամեաց ն(ո)ց(ա)։

Verse: 62  Link to sept   Արգել ՛ի սուր զժողովուրդ իւր, եւ զժառանգութի(ւն) իւր անտես արար։

Verse: 63  Link to sept   Զերիտասարդս ն(ո)ց(ա) եկեր հուր, եւ վ(ա)ս(ն) կուսանաց ն(ո)ց(ա) ո́չ ոք սգացաւ։

Verse: 64  Link to sept   Քահանայք նոցա անկան ՛ի սուր, եւ զայրիս ն(ո)ց(ա) ո́չ ոք էր որ լայր։

Verse: 65  Link to sept   Զարթեաւ ո(ր)պ(էս) ՛ի քնոյ տ(է)ր, ո(ր)պ(էս) հզօր զի թափէ զգինի։

Verse: 66  Link to sept   Եհար յե́տս զթշնամիս իւր, նախատինս յաւիտենից արար զնոսա։

Verse: 67  Link to sept   Մերժեաց նա զխորանն յովսեփու, եւ զազգն եփրեմի նա ո́չ ընտրեաց։

Verse: 68  Link to sept   Այլ ընտրեաց նա զազգն յուդայ. լեառն սիովն զոր եւ սիրեաց։

Verse: 69  Link to sept   Շինեաց որպէս միեղջերոյ զսրբութի(ւն) ն(ո)ր(ա) յերկրի հաստատեաց զնա յաւիտեան։

Verse: 70  Link to sept   Ընտրեաց զդաւիթ ծառայ իւր եւ ընկալաւ զնա ՛ի հօտէ խաշանց, ՛ի վերջին ծնելոցն ընկալաւ զնա։

Verse: 71  Link to sept   Հովուել զյակովբ ծառայ իւր, եւ զի(սրա)էլ ժառանգութի(ւն) իւր։

Verse: 72  Link to sept   Արածէր զնոսա իմաստութ(եամ)բ սրտի իւրոյ, յանմեղութի(ւն) ձեռաց իւրոց առաջնորդէր նոցա։ Տունք. հ՜գ։



Chapter: 78 

Verse: 1 
Սաղմոս յասափ. Հ՜Ը։


   Link to sept   Ա(ստուա)ծ մտին հեթանոսք ՛ի ժառանգութի(ւն) քո. պղծեցին զտաճար սուրբ քո։ Արարին զե(րուսաղէ)մ ո(ր)պ(էս) հիղս մրգապահաց.

Verse: 2  Link to sept   արկին զդիակունս ծառայից քոց գէ́շ թռչնոց երկնից, եւ զմարմինս սրբոց քոց գազանաց երկրի։

Verse: 3  Link to sept   Հեղին զարիւնս ն(ո)ց(ա) ո(ր)պ(էս) ջո́ւր շուրջ զե(րուսաղէ)մաւ, եւ ո́չ ոք էր որ թաղէր զն(ո)ս(ա)։

Verse: 4  Link to sept   Եղաք մեք նախատինք դրացեաց մերոց. ծաղր եւ այպն կատականաց այնոցիկ որ շուրջ էին զմեւք։

Verse: 5  Link to sept   Մինչեւ յե՞րբ տ(է)ր բարկանաս դու ՛ի սպառ, բորբոքեսցի ո(ր)պ(էս) հուր նախանձ քո։

Verse: 6  Link to sept   Հե́ղ զբարկու(թ)ի(ւն) քո ՛ի վ(ե)ր(այ) ազգաց որ զքեզ ո́չ ճանաչիցեն, ՛ի վ(ե)ր(այ) թագաւորաց որ զանուն քո ո́չ կարդացին.

Verse: 7  Link to sept   զի կերան զյակովբ եւ զտեղի ն(ո)ր(ա) աւերեցին։

Verse: 8  Link to sept   Մի́ յիշեր զմեղս մեր զառաջինս, վաղվա́ղ եկեսցէ առ մեզ ողորմու(թ)ի(ւն) քո զի աղքատացաք յոյժ։

Verse: 9  Link to sept   Օգնեա́ մեզ ա(ստուա)ծ փրկիչ մեր, վասն փառաց անուան քոյ։ Տ(է)ր փրկեա́ զմեզ եւ քաւեա́ զմեղս մեր վ(ա)ս(ն) անուան քոյ։

Verse: 10  Link to sept   Մի́ երբէք ասասցեն ՛ի հեթանոսս, թէ ո́ւր է ա(ստուա)ծ ն(ո)ց(ա)։ Այլ յայտնի́ ինչ լիցի ՛ի վ(ե)ր(այ) հեթանոսաց առաջի աչաց մերոց, առ ՛ի խնդրել զվրէժ արեանց ծառայից քոց որ հեղաւ։

Verse: 11  Link to sept   Մտցէ առաջի քո հեծութի(ւն) կապելոց. ըստ մեծու(թ)ե(ան) բազկի քո շահեա́ դու զորդիս սպանելոց։

Verse: 12  Link to sept   Հատո́ դրացեաց մերոց եւթնպատիկ ՛ի ծոցն ն(ո)ց(ա), նախատինս զոր նախատեցին զքեզ տ(է)ր։

Verse: 13  Link to sept   Մեք ժողովուրդք եւ խաշն արօտի քոյ խոստովա́ն եղիցուք առ քեզ յաւիտեան, ազգէ յա́զգ պատմեսցուք զօրհնու(թ)ի(ւն)ս քո։ Տունք. ժ՜դ։



Chapter: 79 

Verse: 1 
Link to sept ՛Ի կատարած. ՛Ի վերայ զառանցելոցն վկայութի(ւն)ս. ասացեալ սաղմոս ՛ի վերայ եթւովպացւոցն. Հ՜Թ։


Verse: 2  Link to sept   Ո հովուեսդ ի(սրաէ)լի նայեա́ց, որ առաջնորդես ո(ր)պ(էս) խաշին յովսեփու։ Որ նստիսդ ՛ի քրովբէս յայտնեա́

Verse: 3  Link to sept   առաջի եփրեմի բենիամինի եւ մանսաէի։ Զարթո́ զզօրու(թ)ի(ւն) քո, եւ ե́կ կեցուցանել զմեզ։

Verse: 4  Link to sept   Ա(ստուա)ծ զօրու(թ)ե(ան)ց դարձո́ զմեզ, երեւեցո́ զերեսս քո ՛ի մեզ եւ կեցցուք։

Verse: 5  Link to sept   Տ(է)ր ա(ստուա)ծ զօրու(թ)ե(ան)ց մինչեւ յե՞րբ բարկանաս յաղօթս ծառայից քոց։

Verse: 6  Link to sept   Ջամբեցեր մեզ հաց արտասուաց, եւ արբուցեր մեզ արտասուս չափով։

Verse: 7  Link to sept   Արարեր զմեզ նախատինս դրացեաց մերոց, այպն կատականաց թշնամեաց մերոց։

Verse: 8  Link to sept   Ա(ստուա)ծ զօրութե(ան)ց դարձո́ զմեզ, երեւեցո́ զերեսս քո ՛ի մեզ եւ կեցցուք։

Verse: 9  Link to sept   Այգի յեգիպտոսէ փոխեցեր. հաներ զհեթանոսս եւ զն(ո)ս(ա) տնկեցեր,

Verse: 10  Link to sept   եւ առաջնորդեցեր նմա։ Հաստատեցեր զարմատս ն(ո)ր(ա) եւ ելից զերկիր.

Verse: 11  Link to sept   ծածկեաց զլերինս հովանի ն(ո)ր(ա), եւ բարունակք ն(ո)ր(ա) զմայր ա(ստուծո)յ։

Verse: 12  Link to sept   Ձգեաց զորթ իւր մինչեւ ՛ի ծով, մինչեւ ՛ի գետս են շառաւեղք ն(ո)ր(ա)։

Verse: 13  Link to sept   Ընդէ՞ր քակեցեր զցանգ ն(ո)ր(ա), կթեն զնա անցաւորք ճանապարհի։

Verse: 14  Link to sept   Ապականեաց զնա խոզ անտառի, եւ երէ վայրի արածեցաւ ՛ի նմա։

Verse: 15  Link to sept   Ա(ստուա)ծ զօրութե(ան)ց դա́րձ հայեա́ց յերկնից եւ տե́ս, ա́յց արա այգւոյս այսմիկ

Verse: 16  Link to sept   եւ դարման տա́ր սմա զոր տնկեաց աջ քո։ ՛Ի վ(ե)ր(այ) որդւոյ մարդոյ զոր զօրացուցեր զնա ՛ի քեզ,

Verse: 17  Link to sept   այրեցեա́լ ՛ի հուր, աւերեալ, եւ ՛ի սաստէ քումմէ կորիցէ։

Verse: 18  Link to sept   Եղիցի ձեռն քո ՛ի վ(ե)ր(այ) առն, աջ քո ՛ի վ(ե)ր(այ) որդւոյ մարդոյ զոր զօրացուցեր զնա ՛ի քեզ։

Verse: 19  Link to sept   Ո́չեւս ՛ի բացէ եղիցուք մեք ՛ի քէն. կեցուսցես դու զմեզ, եւ զանուն քո տ(է)ր կարդասցուք։

Verse: 20  Link to sept   Ա(ստուա)ծ զօրութե(ան)ց դարձո́ զմեզ, երեւեցո́ զերեսս քո ՛ի մեզ եւ կեցցուք։ Տունք. ժ՜ը։



Chapter: 80 

Verse: 1 
Link to sept ՛Ի կատարած. վասն հնձանաց. Սաղմոս յասափ. հինգերորդ շաբաթուց. Ձ՜։


Verse: 2  Link to sept   Ցնծացէ́ քառ ա(ստուա)ծ օգնական է մեր աղաղակեցէ́ք առ ա(ստուա)ծ յակովբայ։

Verse: 3  Link to sept   Առէ́ք սաղմոս եւ տո́ւք օրհնութի(ւն), սաղմոս ասացէք նմա ՛ի ձայն քաղցրու(թ)ե(ան)։

Verse: 4  Link to sept   Փո́ղ հարէք ՛ի գլուխս ամսոց, յաւուր նշանաւորի տարեկանաց մերոց։

Verse: 5  Link to sept   Հրաման է այս ի(սրաէ)լի, եւ իրաւունք են ա(ստուծո)յ յակովբայ։

Verse: 6  Link to sept   Վկայու(թ)ի(ւն)ն յովսեփու զոր եդ ը(նդ) նմա. ո(ր)պ(էս) ելանէր նա յերկրէն եգիպտացւոց, լեզու զոր ո́չ գիտէր լուաւ։

Verse: 7  Link to sept   ՛Ի բա́ց արա ՛ի բեռանց զթիկունս ն(ո)ր(ա), եւ զձեռս ն(ո)ր(ա) յարդի եւ ՛ի թիոյ ծառայու՝(թեն)է։

Verse: 8  Link to sept   ՛Ի նեղու(թ)ե(ան) կարդացեր առ իս եւ փրկեցի զքեզ, լուայ քեզ ՛ի գաղտնութ(են)է մրրկին, եւ փորձեցի զքեզ ՛ի վ(ե)ր(այ) ջուրցն հակառակութե(ան)։

Verse: 9  Link to sept   Լո́ւր ժողովուրդ իմ եւ վկայեմ քեզ, եւ ի(սրա)էլ թէ լուիցես ինձ։

Verse: 10  Link to sept   Մի́ եւս եղիցին քեզ աստուածք առժամայնք. եւ մի́ երկիրպագանիցես դու աստուծոյ օտարի։

Verse: 11  Link to sept   Ես եմ տ(է)ր ա(ստուա)ծ քո որ հանի զքեզ յերկրէն եգիպտացւոց, բա́ց զբերան քո եւ լցից զդա։

Verse: 12  Link to sept   Ժողովուրդ իմ ո́չ լուաւ ձայնի իմում, եւ ի(սրա)էլ յիս ինչ ո́չ նայեցաւ։

Verse: 13  Link to sept   Բարձի թողի զն(ո)ս(ա) երթալ զհետ կամա́ց սրտից իւրեանց, զի գնացին նոքա ըստ կա́մս անձանց իւրեանց։

Verse: 14  Link to sept   Զի թէ ժողովրդեան իմոյ լուեալ էր ինձ. կամ ի(սրաէ)լի զճանապարհս իմ գնացեալ էր։

Verse: 15  Link to sept   Ո(ր)պ(էս) զոչինչ խինա́րհ արարեալ էր իմ զթշնամիս ն(ո)ր(ա), ՛ի վ(ե)ր(այ) նեղչաց նորա արկեալ էր զձեռն իմ։

Verse: 16  Link to sept   Թշնամիք տ(եառ)ն ստեցին նմա, եղիցին ժամանակք ն(ո)ց(ա) յաշխարհի։

Verse: 17  Link to sept   Կերակրեաց զն(ո)ս(ա) ՛ի պարարտութ(են)է ցորենոյ, ՛ի վիմէ մեղր յագեցոյց ՛ի ն(ո)ս(ա)։ Տունք. ժ՜զ։



Chapter: 81 

Verse: 1 
Սաղմոս յասափ. Ձ՜Ա։


   Link to sept   Ա(ստուա)ծ եկաց ՛ի ժողովս աստուածոց, եւ ՛ի միջի ն(ո)ց(ա) դատէր զն(ո)ս(ա)։

Verse: 2  Link to sept   Մինչեւ յե՞րբ դատիք անիրաւութ(եամ)բ, եւ ակն առնուք մեղաւորաց։

Verse: 3  Link to sept   Դա́տ արարէք սրբոյն եւ այրւոյ. իրաւո́ւնս արարէք տնանկին եւ խոնարհի։

Verse: 4  Link to sept   Ապրեցուցէ́ք զաղքատն եւ զտնանկ, ՛ի ձեռաց մեղաւորի փրկեցէ́ք զն(ո)ս(ա)։

Verse: 5  Link to sept   Ո́չ իմացան եւ ո́չ ՛ի միտ առին, ՛ի խաւարի գնացին, եւ շարժեցան ա(մենայ)ն հիմունք երկրի։

Verse: 6  Link to sept   Ես ասացի թէ աստուածք իցէք, կամ որդիք բարձրելոյ ամենեքեան։

Verse: 7  Link to sept   Դուք աւադիկ ո(ր)պ(էս) մարդիկ մեռանիք, եւ ո(ր)պ(էս) զմի յիշխանաց անկանիք։

Verse: 8  Link to sept   Արի́ ա(ստուա)ծ եւ դատեա́ զերկիր, զի դո́ւ ժառանգեսցես զա(մենայ)ն հեթանոսս։ Տունք. ը՜։ Գոբղայս. ծ՜զ։



Chapter: 82 

Verse: 1 
Link to sept Օրհնութի(ւն). Սաղմոս յասափ. Ձ՜Բ։


Verse: 2  Link to sept   Ա(ստուա)ծ ո՞ քեզ նմանիցէ. մի́ լռեր եւ մի́ դադարեր ա(ստուա)ծ։

Verse: 3  Link to sept   Զի ահա թշնամիք քո գոչեցին, եւ ատելիք քո համբարձին զգլուխս իւրեանց։

Verse: 4  Link to sept   ՛Ի վ(ե)ր(այ) ժողովրդեան քո խորամանկեցին զգիտու(թ)ի(ւն), խորհեցան ՛ի վ(ե)ր(այ) սրբոց քոց եւ ասացին։

Verse: 5  Link to sept   Եկայք սատակեսցո́ւք զն(ո)ս(ա) յազգաց, եւ մի́ յիշեսցի անուն ի(սրաէ)լի եւ եւս։

Verse: 6  Link to sept   Խորհեցան միաբանութ(եամ)բ ՛ի միասին, վ(ա)ս(ն) քո ուխտ արարին։

Verse: 7  Link to sept   Բանակք եդովմայեցւոց եւ իսմայելացիք, մովաբ եւ հագարացիք

Verse: 8  Link to sept   Գեբաղ՝ ամովն՝ ամաղեկ, եւ այլազգիքն ա(մենայ)ն բնակչօքն հանդերձ ծուրաւ։

Verse: 9  Link to sept   Նա՝ եւ ասուր եկեալ էր ընդ ն(ո)ս(ա). ամենեքեան սոքա զօրավի́գն էին որդւոցն զովտայ։

Verse: 10  Link to sept   Արա́ զն(ո)ս(ա) ո(ր)պ(էս) մադիամ, ո(ր)պ(էս) զսիսարա, ո(ր)պ(էս) զյաբին ՛ի ծործորսն կիսովնի։

Verse: 11  Link to sept   Սատակեցան նոքա յակա́նս դովրայ, եւ եղեն ո(ր)պ(էս) զաղբ երկրի։

Verse: 12  Link to sept   Արա́ զիշխանս ն(ո)ց(ա) ո(ր)պ(էս) զորէ́բն, զէբն, զզէբէէ, եւ զսաղմանա եւ զա(մենայ)ն իշխանս ն(ո)ց(ա)։

Verse: 13  Link to sept   Ոյք ասացին՝ ժառանգեսցո́ւք ՛ի մեզ զսրբու(թ)ի(ւն) ա(ստուծո)յ։

Verse: 14  Link to sept   Ա(ստուա)ծ իմ արա́ զն(ո)ս(ա) ո(ր)պ(էս) զանի́ւ, որպէսզեղէգն առաջի հողմոյ։

Verse: 15  Link to sept   Ո(ր)պ(էս) հուր զի այրէ́ զանտառ, ո(ր)պ(էս) բոց զի կիզո́ւ զլերինս։

Verse: 16  Link to sept   Այսպէս հալածեսցես զն(ո)ս(ա) մրրկաւ քով, եւ բարկու(թեամ)բ քով խռովեցուսցես զն(ո)ս(ա)։

Verse: 17  Link to sept   Լի́ց զերեսս ն(ո)ց(ա) անարգանօք, եւ խնդրեսցեն զանուն քո տ(է)ր։

Verse: 18  Link to sept   Ամաչեսցեն եւ խռովեսցին յաւիտեանս յաւիտենից, եւ ամօթալից կորիցեն։

Verse: 19  Link to sept   Ծանիցեն զի անուն քո տ(է)ր է, եւ դու միա́յն բարձրեալ ես ՛ի վ(ե)ր(այ) ա(մենայ)ն երկրի։ Տունք. ժ՜ը։



Chapter: 83 

Verse: 1 
՛Ի կատարած. վ(ա)ս(ն) հնձանաց. որդւոցն կորխայ սաղմոս. Ձ՜Գ։


   Link to sept   Որպէս սիրելի́ են յարկք քո տ(է)ր զօրու(թ)ե(ան)ց,

Verse: 2  Link to sept   ցանկայ եւ փափագէ անձն իմ ՛ի գաւիթս քո։ Սիրտ իմ եւ մարմին իմ՝ ցնծասցեն առ ա(ստուա)ծ կենդանի։

Verse: 3  Link to sept   Քանզի ճնճղուկ եգիտ իւր տուն. եւ տատրակ զբո́յն ուր դիցէ զձագս իւր։ Սեղան քո տ(է)ր զօրութե(ան)ց, թագաւոր իմ եւ ա(ստուա)ծ իմ։

Verse: 4  Link to sept   Երանի́ ամենեցուն որ բնակեալ են ՛ի տան տ(եառ)ն, յաւիտեանս յաւիտենից օրհնեսցեն զքեզ։

Verse: 5  Link to sept   Երանեալ է այր որոյ օգնու(թ)ի(ւն) իւր ՛ի քէն է. ե́լս եդ ՛ի մտի իւրում

Verse: 6  Link to sept   ՛ի հովտէս տրտմութե(ան) ՛ի տեղւոջ յորում ուխտեաց։

Verse: 7  Link to sept   Զօրհնու(թ)ի(ւն) ստասցի որ զօրէնս դնէ, գնասցէ նա ՛ի զօրութ(են)է ՛ի զօրու(թ)ի(ւն), եւ երեւեսցի ա(ստուա)ծ հրեշտակաց ՛ի սիովն։

Verse: 8  Link to sept   Տ(է)ր ա(ստուա)ծ զօրու(թ)ե(ան)ց լո́ւր աղօթից իմոց, ո́ւնկն դիր ա(ստուա)ծ յակովբայ։

Verse: 9  Link to sept   Ընդունելի́ ես դու մեր, տե́ս ա(ստուա)ծ եւ նայեա́ յերեսս օծելոյ քոյ։

Verse: 10  Link to sept   Վասն զի լա́ւ է ինձ մի օր ՛ի գաւիթս քո, քան զհազարս։ Ընտրեցի ը(նդ) աղբ գալ ՛ի տան ա(ստուծո)յ, առաւել քան զբնականալ ՛ի յարկս մեղաւորաց։

Verse: 11  Link to sept   Զողորմութի(ւն) եւ զճշմարտութի(ւն) սիրէ տ(է)ր ա(ստուա)ծ, զշնորհս եւ զփառս տացէ։

Verse: 12  Link to sept   Տ(է)ր ո́չ պակաս առնէ զողորմու(թ)ի(ւն) իւր յայնցանէ, որ գնան յանբծութե(ան)։ Տ(է)ր ա(ստուա)ծ զօրութե(ան)ց երանեալ է այր որ յուսայ ՛ի քեզ։ Տունք. ժ՜դ։



Chapter: 84 

Verse: 1 
Link to sept ՛Ի կատարած. որդւոցն կորխայ սաղմոս. Ձ՜Դ։


Verse: 2  Link to sept   Հաճեցար տ(է)ր ընդ երկիր քո, եւ դարձուցե́ր զգերութի(ւն)ն յակովբայ։

Verse: 3  Link to sept   Թողեր զանիրաւու(թ)ի(ւն) ժողովրդեան քոյ, ծածկեցեր զա(մենայ)ն մեղս ն(ո)ց(ա)։

Verse: 4  Link to sept   Լռեցուցեր զա(մենայ)ն սրտմտու(թ)ի(ւն)ս քո, դարձա́ր ՛ի բարկու(թեն)է սրտմտու(թ)ե(ան) քո։

Verse: 5  Link to sept   Դա́րձ առ մեզ ա(ստուա)ծ փրկիչ մեր, եւ դարձո́ զսրտմտու(թ)ի(ւն)ս քո ՛ի մէնջ։

Verse: 6  Link to sept   Մի́ յաւիտեան բարկանար մեզ տ(է)ր, եւ մի́ ձգեր զբարկու(թ)ի(ւն)ս քո ազգէ մինչեւ յազգ։

Verse: 7  Link to sept   Ա(ստուա)ծ դու դարձեալ կեցուսցես զմեզ, ժողովուրդ քո ուրա́խ եղիցի ՛ի քեզ։

Verse: 8  Link to sept   Ցոյց մեզ տ(է)ր զողորմու(թ)ի(ւն)ս քո, եւ զփրկութի(ւն)ս քո տո́ւր մեզ։

Verse: 9  Link to sept   Լուաք զի՞նչ խօսի տ(է)ր ա(ստուա)ծ մեր, խօսեսցի զխաղաղութի(ւն) ժողովրդեան իւրոյ առ սուրբս իւր՝ եւ առ այնոսիկ որ դարձեալ են առ նա սրտիւք։

Verse: 10  Link to sept   Սակայն մե́րձ է առ երկիւղածս իւր փրկութի(ւն) ն(ո)ր(ա), բնակել փառաց նորա յերկրի մերում։

Verse: 11  Link to sept   Ողորմութի(ւն) եւ ճշմարտութի(ւն) պատահեսցին. արդարութի(ւն) եւ խաղաղու(թ)ի(ւն) համբուրեսցի։

Verse: 12  Link to sept   Ճշմարտութի(ւն) յերկրէ բուսաւ, արդարութի(ւն) յերկնից երեւեցաւ։

Verse: 13  Link to sept   Տ(է)ր տացէ զքաղցրութի(ւն) եւ երկիր մեր տացէ զպտուղ իւր։

Verse: 14  Link to sept   արդարու(թ)ի(ւն) առաջի́ ն(ո)ր(ա) գնասցէ դիցէ ՛ի ճանապարհի զգնացս իւր։ Տունք. ժ՜բ։ Գոբղայս. խ՜դ։



Chapter: 85 

Verse: 1 
Սաղմոս ՛ի դաւիթ.աղօթք. Ձ՜Ե։


   Link to sept   Խոնարհեցո́ տ(է)ր զունկն քո եւ լո́ւր ինձ. զի աղքատ եւ տնանկ եմ ես։

Verse: 2  Link to sept   Պահեա́ զանձն իմ զի սուրբ եմ ես. փրկեա́ զծառայս քո ա(ստուա)ծ իմ որ ՛ի քեզ յուսացայ։

Verse: 3  Link to sept   Ողորմեա́ ինձ տ(է)ր զի առ քե́զ աղաղակեցի զօրհանապազ,

Verse: 4  Link to sept   ուրա́խ արա զանձն ծառայի քոյ, զի առ քեզ տ(է)ր համբարձի զանձն իմ։

Verse: 5  Link to sept   Զի դու տ(է)ր քաղցր եւ ուղի́ղ ես. բազումողո́րմ առ ամենեսեան որ կարդան առ քեզ։

Verse: 6  Link to sept   Ո́ւնկն դիր տ(է)ր աղօթից իմոց, եւ նայեա́ ՛ի ձայն խնդրուածոց իմոց։

Verse: 7  Link to sept   Յաւուր նեղութե(ան) իմոյ կարդացի առ քեզ, եւ լուար ինձ։

Verse: 8  Link to sept   Ոչ ոք է նման քեզ յաստուածս տ(է)ր, եւ ո́չ ոք է ո(ր)պ(էս) զգործս քո։

Verse: 9  Link to sept   Զա(մենայ)ն ազգս զոր արարեր՝ եկեսցեն եւ երկի́ր պագցեն առաջի քո, փառաւո́ր առասցեն զանուն քո յաւիտեան։

Verse: 10  Link to sept   Մեծ ես դու տ(է)ր եւ առնես սքանչելիս, եւ դու միա́յն ես ա(ստուա)ծ։

Verse: 11  Link to sept   Առաջնորդեա́ ինձ ՛ի ճանապարհի քում, եւ գնացից ՛ի ճշարտութե(ան) քում, եւ ուրախ եղիցի սիրտ իմ՝ երկնչել յանուանէ քումմէ։

Verse: 12  Link to sept   Խոստովան եղէց առ քեզ տ(է)ր ա(ստուա)ծ իմ բոլորով սրտիւ իմով. փառաւո́ր արարից զանուն քո յաւիտեան։

Verse: 13  Link to sept   Մեծ եղեւ ՛ի վ(ե)ր(այ) իմ ողորմու(թ)ի(ւն) քո, փրկեցեր զանձն իմ ՛ի դժոխոց ներքնոց ա(ստուա)ծ։

Verse: 14  Link to sept   Անօրէնք յարեան ՛ի վ(ե)ր(այ) իմ, եւ ժողովք հզօրաց խնդրեցին զանձն իմ, եւ ո́չ համարեցան զքեզ ա(ստուա)ծ առաջի իւրեանց։

Verse: 15  Link to sept   Այլ դու տ(է)ր ա(ստուա)ծ իմ գթած ես եւ ողորմած, երկայնամի́տ բազումողո́րմ եւ ճշմարիտ,

Verse: 16  Link to sept   նայեա́ առիս եւ ողորմեա́ ինձ։ Տո́ւր զօրու(թ)ի(ւն) ծառայի քոյ, կեցո́ զորդի աղախնոյ քոյ,

Verse: 17  Link to sept   եւ արա́ առ իս նշան բարութե(ան)։ Տեսցեն ատելիք իմ եւ ամաչեսցեն, զի դու տ(է)ր օգնեցեր ինձ եւ մխիթարեցեր զիս։ Տունք. ժ՜զ։



Chapter: 86 

Verse: 1 
Սաղմոս օրհնութե(ան). որդւոցն կորխայ. Ձ՜Զ։


   Link to sept   Հիմունք ն(ո)ր(ա) ՛ի լեառն ՛ի ս(ուր)բ ն(ո)ր(ա).

Verse: 2  Link to sept   սիրէ տ(է)ր զդրունս սիովնի քան զա(մենայ)ն յարկսն յակոբայ։

Verse: 3  Link to sept   Փառաւորեալն խօսեցաւ վ(ա)ս(ն) քո, ահաւադիկ քաղաքդ ա(ստուծո)յ։

Verse: 4  Link to sept   Յիշեցի զրահաբ եւ զբաբելովն ոյք ճանաչեն զիս. ահա այլազգիք եւ ծուր եւ ժողովուրդք հնդկաց՝ սոքա եղեն անդ։

Verse: 5  Link to sept   Սիովնի ասի մայր, եւ մարդ ծնաւ ՛ի նմա, եւ ինքն հիմունս արկ նմա բարձրեալն։

Verse: 6  Link to sept   Տ(է)ր պատմեսցէ գրովք ժողովրդեան, իշխանացս այսոցիկ որ եղեն անդ։

Verse: 7  Link to sept   Ո(ր)պ(էս) զի ուրախ լիցին ՛ի քեզ ամենեքեան. որոց բնակութի(ւն) իւրեանց ՛ի քէն է։ Տունք. զ՜։



Chapter: 87 

Verse: 1 
Link to sept ՛Ի կատարած, վասն մաղաղեթայ իմաստու(թ)ի(ւն).զի ետ պատասխանի էմման իմաստութ(եամ)բ ի(սրաէ)լի. Ձ՜Է։


Verse: 2  Link to sept   Տ(է)ր ա(ստուա)ծ փրկու(թ)ե(ան) իմոյ, ՛ի տուէ կարդացի եւ գիշերի առաջի քո։

Verse: 3  Link to sept   Մտցեն աղօթք իմ առաջի քո տ(է)ր, խոնարհեսցի ունկն քո ՛ի խնդրուածս իմ։

Verse: 4  Link to sept   Զի լցան չարչարանօք անձն իմ, եւ կեանք իմ ՛ի դժոխս մերձեցաւ,

Verse: 5  Link to sept   եւ համարեցայ ես ընդ այնոսիկ ոյք իջանեն ՛ի գուբ։ Եղէ ես ո(ր)պ(էս) մարդ առանց օգնականի,

Verse: 6  Link to sept   եւ ՛ի մեռեալս ազատ։ Ո(ր)պ(էս) զվիրաւորս, որ ննջեն ՛ի գերեզմանի։ Զորս դուն ո́չ յիշեցեր, եւ նոքա ՛ի ձեռանէ քումմէ մերժեցան։

Verse: 7  Link to sept   Եդին զիս ՛ի գբի ներքնում, ՛ի խաւարի եւ ՛ի ստուերս մահու։

Verse: 8  Link to sept   Յիս հաստատեցաւ սրտմտութի(ւն) քո, զա(մենայ)ն զբօսանս քո ածեր ՛ի վ(ե)ր(այ) իմ։

Verse: 9  Link to sept   Հեռի́ արարեր յինէն զծանօթս իմ, եւ եդին զիս նշաւակ իւրեանց։ Մատնեցայ եւ ո́չ ելանէի,

Verse: 10  Link to sept   աչք իմ տկարացաւ յաղքատութ(են)է։ Աղաղակեցի առ տ(է)ր զօրհանապազ, եւ համբարձի առ քեզ զձեռս իմ։

Verse: 11  Link to sept   Միթէ մեռելոց առնիցե՞ս սքանչելիս, կամ բժիշկք յարուցանիցեն՝ խոստովան առնիցին առ քեզ։

Verse: 12  Link to sept   Մի թէ պատմեսցէ՞ ոք երբէք ՛ի գերեզմանի զողորմութի(ւն)ս քո, կամ զճշմարտութի(ւն)ս քո ՛ի կորստեան։

Verse: 13  Link to sept   Մի թէ ճանաչիցե՞ն ՛ի խաւարի սքանչելիք քո, կամ արդարութի(ւն) քո յերկիր մոռացեալ։

Verse: 14  Link to sept   Ես առ քեզ տ(է)ր աղաղակեցի, առաւօտու աղօթք իմ ժամանեսցեն առ քեզ։

Verse: 15  Link to sept   Ընդէ՞ր տ(է)ր մերժես զանձն իմ, կամ դարձուցանես զերեսս քո յինէն։

Verse: 16  Link to sept   Տնանկ եւ վաստակաւոր եմ ես ՛ի մանկութ(են)է իմմէ. ՛ի բարձրութ(են)է խոնարհեցայ եւ ապշեցայ։

Verse: 17  Link to sept   Յիս հաստատեցաւ բարկու(թ)ի(ւն) քո, արհաւիրք քո խռովեցուցին զիս։

Verse: 18  Link to sept   Շրջեցան զինեւ ո(ր)պ(էս) ջուր, զօր ա(մենայ)ն պաշարեցին զիս ՛ի միասին։

Verse: 19  Link to sept   Հեռի արարեր յինէն զբարեկամս իմ եւ զծանօթս իմ, վ(ա)ս(ն) թշուառու(թ)ե(ան) իմոյ։ Տունք. ի՜։ Գոբղայս. խ՜բ։



Chapter: 88 

Verse: 1 
Link to sept Իմաստութի(ւն) եմանայ յեզրայէլացւոյ. Ձ՜Ը։


Verse: 2  Link to sept   Զողորմութի(ւն)ս քո տ(է)ր յաւիտեան օրհնեցից, ազգէ յազգ պատմեցից զճշմարտութի(ւն)ս քո բերանով իմով։

Verse: 3  Link to sept   Ասացեր թէ աշխարհս ողորմութ(եամ)բ շինեսցի, յերկինս պատրաստ եղիցի ճշմարտութի(ւն) քո։

Verse: 4  Link to sept   Եդի ուխտ ընտրելոյ իմոյ, երդուայ դաւթի ծառայի իմոյ։

Verse: 5  Link to sept   Յաւիտեան հաստատեցից զզաւակ քո, շինեցից ազգէ յազգ զաթոռ քո։

Verse: 6  Link to sept   Խոստովան եղիցին երկինք սքանչելեաց քոց տ(է)ր, եւ ճշմարտու(թ)ի(ւն) քո յեկեղեցիս սրբոց։

Verse: 7  Link to sept   Ո՞վ է յամպս որ հաւասարէ քեզ, կամ ո՞վ նմանիցէ տ(եառ)ն յորդիս ա(ստուծո)յ։

Verse: 8  Link to sept   Ա(ստուա)ծ փառաւորեալ է ՛ի խորհուրդս սրբոց իւրոց, մեծ եւ ահաւոր ՛ի վ(ե)ր(այ) այնոցիկ որ շուրջ են զնովաւ։

Verse: 9  Link to sept   Տ(է)ր ա(ստուա)ծ զօրութե(ան)ց ո́ նմանէ քեզ. հզօր ես դու տ(է)ր՝ եւ ճշմարտութի(ւն) քո շուրջ են զքեւ։

Verse: 10  Link to sept   Դու տիրես զօրութե(ան)ց ծովու, եւ զխռովու(թ)ի(ւն) ալեաց ն(ո)ր(ա) դո́ւ ցածուցանես։

Verse: 11  Link to sept   Դու խոնարհեցուցանես ո(ր)պ(էս) վիրաւորս զամբարտաւանս, ՛ի զօրու(թ)ի(ւն) բազկի քո ցրուեցեր զթշնամիս քո։

Verse: 12  Link to sept   Քո են երկինք եւ քո́ է երկիր, զաշխարհս լրիւ իւրով դու հաստատեցեր,

Verse: 13  Link to sept   զհիւսւս եւ զհարաւ դու արարեր, թաբոր եւ հերմոն յանուն քո ցնծասցեն։

Verse: 14  Link to sept   Քո́ է բազուկ եւ քո́ է զօրու(թ)ի(ւն), զօրասցի́ աջ քո եւ բա́րձր եղիցի ձեռն քո։

Verse: 15  Link to sept   Յարդարութի(ւն) եւ յիրաւունս հաստատեալ է աթոռ քո, ողորմութի(ւն) եւ ճշմարտութի(ւն) գնասցէ առաջի երեսաց քոց։

Verse: 16  Link to sept   Երանի ժողովրդեան որ գիտեն զօրհնու(թ)ի(ւն)ս քո տ(է)ր. ՛ի լոյս երեսաց քոց գնասցեն,

Verse: 17  Link to sept   եւ յանուն քո ցնծասցեն զօրհանապազ, եւ յարդարութե(ան) քում բարձր եղիցին։

Verse: 18  Link to sept   Պարծանք զօրու(թ)ե(ան)ց մերոց դո́ւ ես, եւ ՛ի կամս քո բարձր եղիցի եղջեւր մեր։

Verse: 19  Link to sept   ՛Ի տ(եառ)նէ է օգնութի(ւն) սրբոյն ի(սրաէ)լի՝ թագաւորին մերոյ։

Verse: 20  Link to sept   Յայնժամ խօսեցար տեսլեամբ ընդ որդիս քո, եւ ասացեր եդից զօգնու(թ)ի(ւն) ՛ի վ(ե)ր(այ) հզօրին, եւ բարձր արարից զընտրեալն ՛ի ժողովրդենէ իմմէ։

Verse: 21  Link to sept   Գտի զդաւիթ ծառայ իմ, իւղով սրբով իմով օծի զնա։

Verse: 22  Link to sept   Ձեռն իմ ընկալցի զնա, եւ բազուկ իմ զօրացուսցէ զնա։

Verse: 23  Link to sept   Մի́ մեղիցէ նմա թշնամի, եւ որդի անօրէնութե(ան) մի́ չարչարեսցէ զնա։

Verse: 24  Link to sept   Հարից առաջի ն(ո)ր(ա) զթշնամիս ն(ո)ր(ա), եւ զատելիս ն(ո)ր(ա) ՛ի պարտութի(ւն) մատնեցից։

Verse: 25  Link to sept   Ճշմարտութի(ւն) իմ եւ ողորմութի(ւն) իմ ընդ նմա, եւ յանուն իմ բարձր եղիցի եղջեւր ն(ո)ր(ա)։

Verse: 26  Link to sept   Եդից ՛ի ծովու զձեռն ն(ո)ր(ա), ՛ի վ(ե)ր(այ) գետոց զաջ նորա։

Verse: 27  Link to sept   Նա կարդասցէ առ իս՝ հայր իմ ես դու, ա(ստուա)ծ ը(նդ)ունելի փրկութե(ան) իմոյ։

Verse: 28  Link to sept   Ես անդրանիկ արարից զնա. եւ բա́րձր քան զա(մենայ)ն թագաւորս երկրի։

Verse: 29  Link to sept   Յաւիտեան պահեցից նմա զողորմութի(ւն) իմ, եւ ուխտ իմ հաւատարի́մ ընդ նմա։

Verse: 30  Link to sept   Հաստատեցից յաւիտեանս յաւիտենից զզաւակ ն(ո)ր(ա), եւ զաթոռ ն(ո)ր(ա) ո(ր)պ(էս) զաւուրս երկնից։

Verse: 31  Link to sept   Թէ թողցեն որդիք ն(ո)ր(ա) զօրէնս իմ, եւ յիրաւունս իմ ո́չ կամեսցին գնալ։

Verse: 32  Link to sept   Թէ զարդարութի(ւն)ս իմ անարգեսցեն, եւ զպատուիրանս իմ ո́չ պահեսցեն։

Verse: 33  Link to sept   Հարից գաւազանաւ զանօրէնութի(ւն)ս ն(ո)ց(ա), տանջանօք զանիրաւութի(ւն)ս ն(ո)ց(ա)։

Verse: 34  Link to sept   Բայց զողորմու(թ)ի(ւն) իմ ո́չ արգելից ՛ի նոցանէ, եւ ո́չ նենգեցից ճշմարտութե(ան) իմում,

Verse: 35  Link to sept   եւ ո́չ անարգեցից զուխտ իմ, եւ ինչ որ ելանէ ընդ շրթունս իմ զայն ո́չ արհամարհեցից։

Verse: 36  Link to sept   Մինագամ երդուայ ՛ի սրբութի(ւն) իմ, թէ դաւթի ես ո́չ ստեցից։

Verse: 37  Link to sept   Զաւակ ն(ո)ր(ա) յաւիտեան կացցէ, եւ աթոռ ն(ո)ր(ա) ո(ր)պ(էս) արեգակն առաջի իմ.

Verse: 38  Link to sept   որպէս լուսին զի հաստատեալ է յաւիտեան վկայ հաւատարի́մ յերկինս։

Verse: 39  Link to sept   Իսկարդ դու մերժեցեր եւ անարգեցեր, եւ ը(նդ) վա́յր հարեր զօծեալ քո։

Verse: 40  Link to sept   Դարձուցեր զուխտ ՛ի ծառայէ քումմէ, պղծեցեր յերկրի զսրբու(թ)ի(ւն) ն(ո)ր(ա)։

Verse: 41  Link to sept   Քակեցեր զա(մենայ)ն պարիսպս ն(ո)ր(ա), եւ եդիր զամուրս ն(ո)ր(ա) ՛ի դողումն։

Verse: 42  Link to sept   Յափշտակեցին զնա անցաւորք ճանապարհի, եղեւ նա նախատ դրացեաց իւրոց։

Verse: 43  Link to sept   Բարձր արարեր զաջ նեղչաց ն(ո)ր(ա). ուրա́խ արարեր զա(մենայ)ն թշնամիս ն(ո)ր(ա)։

Verse: 44  Link to sept   Դարձուցեր զօգնու(թ)ի(ւն) ՛ի սրոյ ն(ո)ր(ա), եւ ո́չ ընկալար զնա ՛ի պատերազմի։

Verse: 45  Link to sept   Անարգեցեր զսրբու(թ)ի(ւն) ն(ո)ր(ա), զաթոռ ն(ո)ր(ա) յերկիր կործանեցեր։

Verse: 46  Link to sept   Նուազ արարեր զաւուրս ժամանակաց ն(ո)ր(ա), եւ հեղեր զնովաւ զամօթ։

Verse: 47  Link to sept   Մինչեւ յե՞րբ դարձուցանես զերեսս քո ՛ի սպառ, բորբոքեսցի ո(ր)պ(էս) հուր բարկու(թ)ի(ւն) քո։

Verse: 48  Link to sept   Իսկ արդ յիշեա́ տե́ս ով է իմ հանգիստ. միթէ ՛ի զո՞ւր ինչ ստեղծեր զա(մենայ)ն որդիս մարդկան։

Verse: 49  Link to sept   Ո́վ է մարդ որ կեցցէ եւ ո́չ տեսցէ զմահ, կամ փկեսցէ զանձն իւր ՛ի ձեռաց դժոխոց։

Verse: 50  Link to sept   Ուր են ողորմու(թ)ի(ւն)ք քո տ(է)ր առաջինք, զոր երդուար դաւթի ճշմարտու(թեամ)բ քով։

Verse: 51  Link to sept   Յիշեա́ զնախատինս ծառայի քոյ, զոր ընկալայ ՛ի ծոց իմյազգաց բազմաց։

Verse: 52  Link to sept   Զոր նախատեցին թշնամիք քո տ(է)ր, նախատեցին փոխանակ օծելոյ քոյ։

Verse: 53  Link to sept   Օրհնեալ տ(է)ր ա(ստուա)ծ յաւիտեանս յաւիտենից. եղիցի եղիցի։ Տունք. խ՜ը։ Կանոն Գոբղայս. է՜։ Սաղմոս. ժ՜զ։ տունս, յ՜խը։



Chapter: 89 

Verse: 1 
Աղօթք ՛ի մովսէս յայրն ա(ստուծո)յ. Ձ՜Թ։


   Link to sept   Տ(է)ր ապաւէն եղեր մեր ազգէ մինչեւ յազգ.

Verse: 2  Link to sept   մինչչե́ւ լերինք հաստատեալ էին, մինչչե́ւ ստեղծեալ զերկիր եւ զա(մենայ)ն տիեզերս։ Յաւիտենից մինչեւ յաւիտեանս դո́ւ ես.

Verse: 3  Link to sept   եւ մի́ դարձուցաներ զմարդ ՛ի տառապանս. եւ ասացեր դարձարո́ւք առիս որդիք մարդկան։

Verse: 4  Link to sept   Հազար ամ յաչս տ(եառ)ն ո(ր)պ(էս) օր երեկի զի անց. որպէս պահ մի գիշերոյ.

Verse: 5  Link to sept   եւ ամք ն(ո)ց(ա) անարգու(թեամ)բ եղիցին։ Ընդ առաւօտս ո(ր)պ(էս) դալարի բուսցին,

Verse: 6  Link to sept   ընդ առաւօտս ո(ր)պ(էս) դալարի զուարճասցին եւ ծաղկեսցին, ընդ երեկոյս թարշամեսցին չորասցին եւ անկցին։

Verse: 7  Link to sept   Նուաղեցա́ք մեք ՛ի բարկութ(են)է քումմէ, եւ ՛ի սրտմտութ(են)է քումմէ խռովեցաք։

Verse: 8  Link to sept   Եդիր զմեղս մեր առաջի քո, եւ զկեանս մեր ՛ի լոյս երեսաց քոց։

Verse: 9  Link to sept   Ամենայն աւուրք մեր նուաղեցան, եւ ՛ի բարկութ(են)է քումմէ խռովեցաք։ Ժամանակ ամաց մերոց անդադա́ր ո(ր)պ(էս) սարդի,

Verse: 10  Link to sept   եւ թիւ աւուրց ամաց մերոց ՛ի ն(ո)ս(ա) եւթանասուն ամ։ Ապա թէ առաւել եւս՝ ութսուն ամ. որ ինչ աւելի քան զայն ցաւօ́ք եւ հեծութ(եամ)բ։ Եկն ՛ի վ(ե)ր(այ) մեր հեզու(թ)ի(ւն), եւ խրատեցաք.

Verse: 11  Link to sept   իսկ արդ ո՞ գիտասցէ զզօրու(թ)ի(ւն) բարկու(թ)ե(ան) քո, կամ յահէ քումմէ զսրտմտու(թ)ի(ւն) քո համարիցի։

Verse: 12  Link to sept   Այսպէս ցո́յց ինձ զաջ քո. եւ որ խոնարհ են սրտիւք, զիմաստու(թ)ի(ւն)ս քո։

Verse: 13  Link to sept   Դա́րձ տ(է)ր մինչեւ յե՞րբ, մխիթարեա́ ՛ի ծառայս քո։

Verse: 14  Link to sept   Լցաք առաւօտու ողորմութ(եամ)բ քո. ցնծացաք եւ ուրա́խ եղաք զա(մենայ)ն աւուրս կենաց մերոց։

Verse: 15  Link to sept   Ուրա́խ եղաք փոխանակ աւուրցն որ խոնարհ արարին զմեզ, եւ ամացն յորս տեսաք զչարչարանս։

Verse: 16  Link to sept   Հայեա́ տ(է)ր ՛ի ծառայս քո եւ ՛ի գործս ձեռաց քոց, եւ առաջնորդեա́ որդւոց ն(ո)ց(ա).

Verse: 17  Link to sept   եղիցի լոյս տ(եառ)ն ա(ստուծո)յ ՛ի վերայ մեր։ Զգործս ձեռաց մերոց ուղի́ղ արա ՛ի մեզ տ(է)ր, զգործս ձեռաց մերոց աջողեա́ ՛ի մեզ։ Տունք. ժ՜զ։



Chapter: 90 

Verse: 1 
Օրհնութի(ւն) գովութի(ւն) ՛ի դաւիթ. Ղ՜։


   Link to sept   Ո բնակեալն է յօգնու(թ)ի(ւն) բարձրելոյ, ընդ հովանեաւ ա(ստուծո)յ յերկինս հանգիցէ։

Verse: 2  Link to sept   Ասասցէ տ(եառ)ն ընդունելի իմ ես, ապաւէն իմ ա(ստուա)ծ, եւ ես յուսամ ՛ի նա։

Verse: 3  Link to sept   Նա փրկեսցէ զիս յորոգայթէ որսողին, եւ ՛ի բանից խռովութ(են)է։

Verse: 4  Link to sept   ՛Ի թիկնամէջս իւր ընկալցի զքեզ, ՛ի հովանի թեւոց ն(ո)ր(ա) յուսասցիս։

Verse: 5  Link to sept   Որպէս զէն՝ շուրջ եղիցին զքեւ ճշմարտութի(ւն) ն(ո)ր(ա)։

Verse: 6  Link to sept   Ո́չ երկիցես դու յերկիւղէ գիշերի, եւ ո́չ ՛ի նետէ որ թռչի ՛ի տուէ։ Յիրէ որ շրջի ՛ի խաւարի, ՛ի գայթագղու(թեն)է դիւի ՛ի հասարակ աւուր։

Verse: 7  Link to sept   Անկցին ՛ի կողմանէ քումմէ հազարք եւ բեւրք ընդաջմէ քումմէ, որ առ քեզ ինչ ո́չ մերձեսցին։

Verse: 8  Link to sept   Բայց միայն աչօք քով հայեսցիս դու, զհատուցումն մեղաւորաց տեսցես.

Verse: 9  Link to sept   զի դու տ(է)ր յո́յս իմ ես։ Զբարձրեալն արարեր քեզ ապաւէն.

Verse: 10  Link to sept   ո́չ հասցեն առ քեզ չարք, տանջանք մի́ մերձեսցին ՛ի յարկս քո։

Verse: 11  Link to sept   Հրեշտակա́ց իւր պատուիրեալ է վ(ա)ս(ն) քո, պահել զքեզ յա(մենայ)ն ճանապարհս քո։

Verse: 12  Link to sept   ՛Ի բազուկս իւրեանց ընկալցին զքեզ, զի մի́ երբէք հարցես զքարի զոտն քո։

Verse: 13  Link to sept   ՛Ի վ(ե)ր(այ) իժից եւ քարբից գնասցես դու. առ ոտն կոխեսցես զառեւծն եւ զվիշապ։

Verse: 14  Link to sept   Քանզի յի́ս յուսացաւ եւ փրկեցից զնա, հովանի́ եղէց նմա, զի ծանեաւ զանուն իմ։

Verse: 15  Link to sept   Կարդասցէ առ իս՝ եւ ես լուայց նմա, եւ առ նմա եղէց ՛ի նեղու(թ)ե(ան)։ Փրկեցից փառաւո́ր արարից զնա,

Verse: 16  Link to sept   երկայն աւուրբք լցուցից եւ ցուցից նմա զփրկու(թ)ի(ւն) իմ։ Տունք. ժ՜զ։



Chapter: 91 

Verse: 1 
Link to sept Սաղմոս օրհնութե(ան) աւուր շաբաթուց ՛ի դաւիթ. Ղ՜Ա։


Verse: 2  Link to sept   Բարի է խոստովան լինել տ(եառ)ն, սաղմոս ասել անուան քում բարձրեալ։

Verse: 3  Link to sept   Պատմել առաւօտու զողորմութի(ւն)ս քո, եւ զճշմարտու(թ)ի(ւն)ս ՛ի գիշերի։

Verse: 4  Link to sept   Տասնաղեա́ւ սաղմոսարանաւ,՛ի ձայն օրհնութե(ան) գովել։

Verse: 5  Link to sept   Ուրախ արարեր զիս տ(է)ր յարարածս քո, եւ ՛ի գործս ձեռաց քոց ցնծացայց։

Verse: 6  Link to sept   Ո(ր)պ(էս) զի մեծ են գործք քո տ(է)ր, եւ յոյժ խո́ր են խորհուրդք քո։

Verse: 7  Link to sept   Այր անզգամ զայս ո́չ ծանիցէ, եւ անմիտն զայս ո́չ առնու ՛ի միտ։

Verse: 8  Link to sept   ՛Ի բուսանել մեղաւորաց ո(ր)պ(էս) խոտ, ՛ի ծաղկել այնոցիկ որ գործեն զանօրէնու(թ)ի(ւն)։ Սատակեսցին յաւիտեանս յաւիտենից,

Verse: 9  Link to sept   եւ դու բարձրեալ ես յաւիտեանս տ(է)ր։

Verse: 10  Link to sept   Զի ահա թշնամիք քո տ(է)ր, զի ահա թշնամիք քո կորիցեն. ցրուեսցին ամենեքեան ոյք գործեն զանօրէնու(թ)ի(ւն)։

Verse: 11  Link to sept   Բարձր եղիցի ո(ր)պ(էս) միեղջերոյ եղջեւր իմ, եւ ծերու(թ)ի(ւն) իմ ՛ի ձէթ պարարտու(թ)ե(ան)։

Verse: 12  Link to sept   Ետես ակն իմ ՛ի թշնամիս իմ որ յարուցեալ են ՛ի վ(ե)ր(այ) իմ չարութ(եամ)բ, ՛ի ն(ո)ս(ա) լուիցէ ունկն իմ։

Verse: 13  Link to sept   Արդարքն ո(ր)պ(էս) զարմաւենիս ծաղկեսցին. ո(ր)պ(էս) մայրքն լիբանանու բազումք եղիցին։

Verse: 14  Link to sept   Տնկեալք եղիցին ՛ի տան տ(եառ)ն, ՛ի գաւիթս ա(ստուծո)յ մերոյ ծաղկեսցին։

Verse: 15  Link to sept   Եւս՝ եւ բազումք եղիցին ՛ի ծերութի(ւն) պարարտու(թ)ե(ան), գիրգք եւ փափո́ւկք եղիցին

Verse: 16  Link to sept   ՛ի պատմել, ուղիղ է տ(է)ր ա(ստուա)ծ մեր եւ ո́չ գոյ ՛ի նմա անիրաւու(թ)ի(ւն)։ Տունք. ժ՜դ։ Գոբղայս. խ՜զ։



Chapter: 92 
Յօրն առաջին շաբաթու յոր հաստատեցաւ երկիր. օրհնու(թ)ի(ւն) գովութե(ան) ՛ի դաւիթ. Ղ՜Բ։


Verse: 1  Link to sept   Տ(է)ր թագաւորեաց վայելչու(թ)ի(ւն) զգեցաւ, զգեցաւ տ(է)ր զօրու(թ)ի(ւն)՝ ը(նդ) մէջ իւր ածաւ։ Հաստատեաց զաշխարհ զի մի́ սաստնեսցի.

Verse: 2  Link to sept   պատրաստ է աթոռ քո իսկզբանէ յաւիտեանս դու ես։

Verse: 3  Link to sept   Ամբարձան գետք ՛ի տ(է)ր, եւ համբարձին գետք զձայնս իւրեանց. յարիցեն գետք ՛ի գնացս իւրեանց։

Verse: 4  Link to sept   ՛Ի ձայնէ ջուրց բազմաց, սքանչելի եղեն զբօսա́նք ծովու։ Սքանչելի ես դու տ(է)ր ՛ի բարձունս,

Verse: 5  Link to sept   վկայութե(ան)ց քոծ մեք յո́յժ հաւատացաք։ Տա́ն քում վայելէ սրբու(թ)ի(ւն) տ(է)ր, ընդ երկայն աւուրս։ Տունք. զ՜։



Chapter: 93 
Սաղմոս ՛ի դաւիթ. չորեքշաբաթու. Ղ՜Գ։


Verse: 1  Link to sept   Ա(ստուա)ծ վրէժխնդիր, տ(է)ր ա(ստուա)ծ վրէժխնդի́ր յայտնեցար։

Verse: 2  Link to sept   Բա́րձր լեր որ դատիս զերկիր, հատո́ զհատուցումն ամբարտաւանից։

Verse: 3  Link to sept   Մինչեւ յե՞րբ մեղաւորք տ(է)ր, մինչեւ յե՞րբ մեղաւորք պարծեսցին։

Verse: 4  Link to sept   Բարբառեալ խօսեսցին զանիրաւութի(ւն), խօսեսցին ամենեքեան որ գործեն զանօրէնու(թ)ի(ւն)։

Verse: 5  Link to sept   Զժողովուրդ քո տ(է)ր խոնարհ արարին, եւ զժառանգու(թ)ի(ւն) քո չարչարեցին։

Verse: 6  Link to sept   Զյարին եւ զպանդուխտն սպանին զորբսն կոտորեցին,

Verse: 7  Link to sept   եւ ասացին ո́չ տեսանէ զայս տ(է)ր, եւ ո́չ ՛ի միտ առնու ա(ստուա)ծ յակոբայ։

Verse: 8  Link to sept   Իմացարո́ւք անզգամք ժողովրդեան, եւ անմիտք մինչեւ յե՞րբ ո́չ առնուք ՛ի միտ։

Verse: 9  Link to sept   Ո(ր)պ(էս) զի թէ որ տնկեաց զունկն՝ ինքն ո՞չ լուիցէ, կամ որ ստեղծ զակն՝ ինքն ո՞չ տեսանիցէ։

Verse: 10  Link to sept   Որ խրատէն զազինս ո(ր)պ(էս) թէ ո́չ յանդիմանեսցէ. ո́ ուսուցանէ մարդոյ գիտու(թ)ի(ւն).

Verse: 11  Link to sept   տ(է)ր ճանաչէ զխորհուրդս մարդկան զի են ընդունայն։

Verse: 12  Link to sept   Երանի́ մարդոյ զոր խրատես դու տ(է)ր, եւ յօրինաց քոց ուսուցանես դու նմա։

Verse: 13  Link to sept   Ցածուցանես դու նմա զաւուրս չարութե(ան), մինչեւ փորեսցի́ խորխորատ մեղաւորի։

Verse: 14  Link to sept   Ո́չ մերժէ տ(է)ր զժողովուրդ իւր, եւ զժառանգութի(ւն) իւր ո́չ առնէ անտես։

Verse: 15  Link to sept   Մինչեւ դարձցին իրաւունք յարդարութի(ւն). ընկալցի́ն զնա ամենեքեան ոյք ուղիղ են սրտիւք։

Verse: 16  Link to sept   Ո́ յարիցէ ընդիս ՛ի վ(ե)ր(այ) չարաց, կամ ո́ հաւասարեսցէ ինձ ՛ի վ(ե)ր(այ) այնոցիկ որ գործեն զանօրէնութի(ւն)։

Verse: 17  Link to sept   Թէ ոչ տ(եառ)ն օգնեալ էր ինձ, փոքր միւս եւս եւ բնակեալ էր անձն իմ ՛ի դժոխս։

Verse: 18  Link to sept   Եթէ ասէի թէ ահա սասանեցան ոտք իմ, ողորմութի(ւն) քո տ(է)ր օգնէր ինձ։

Verse: 19  Link to sept   Ըստ բազում ցաւոց սրտի իմոյ, մխիթարու(թ)ի(ւն) քո ուրա́խ առնէր զանձն իմ։

Verse: 20  Link to sept   Մի́ հաւասարեսցէ քեզ աթոռ անօրէնու(թ)ե(ան), ո́ պատճառէ զվաստակս ընդդէ́մ հրամանի։

Verse: 21  Link to sept   Որսացան զանձն արդարոյ, եւ զարիւն անբիծ պարտաւո́ր առնէին։

Verse: 22  Link to sept   Եղեւ տ(է)ր ապաւէն իմ, ա(ստուա)ծ օգնական յուսոյ իմոյ։

Verse: 23  Link to sept   Հատուսցէ ն(ո)ց(ա) տ(է)ր ըստ անօրէնութե(ան) ն(ո)ց(ա), ըստ չարութե(ան) ն(ո)ց(ա) կործանեսցէ զն(ո)ս(ա) տ(է)ր ա(ստուա)ծ մեր։ Տունք. ի՜ա։



Chapter: 94 
Օրհնութի(ւն) գովութե(ան) ՛ի դաւիթ. Ղ՜Դ·


Verse: 1  Link to sept   Եկա́յք ցնծասցուք ՛ի տ(է)ր, աղաղակեսցո́ւք առ ա(ստուա)ծ փրկիչ մեր։

Verse: 2  Link to sept   Կանխեսցո́ւք առաջի ն(ո)ր(ա) խոստովանու(թեամ)բ, սաղմոսիւք աղաղակեսցո́ւք առ նա։

Verse: 3  Link to sept   Ա(ստուա)ծ մե́ծ է, տ(է)ր թագաւոր մեծ ՛ի վ(ե)ր(այ) ա(մենայ)ն երկրի։

Verse: 4  Link to sept   ՛Ի ձեռս ն(ո)ր(ա) են ա(մենայ)ն տիեզերք երկրի, բարձրութի(ւն)ք լերանց ն(ո)ր(ա) են։

Verse: 5  Link to sept   Նորա́ է ծով՝ եւ նա́ արար զնա, եւ զցամաք ձեռք ն(ո)ր(ա) ստեղծին։

Verse: 6  Link to sept   Եկա́յք երկիրպագցուք նմա, անկցո́ւք եւ լացցուք առաջի տ(եառ)ն արարչին մերոյ։

Verse: 7  Link to sept   Նա ինքն է տ(է)ր ա(ստուա)ծ մեր. մեք ժողովուրդք ձեռին ն(ո)ր(ա), եւ խաշն արօտի ն(ո)ր(ա)։

Verse: 8  Link to sept   Այսօր եթէ ձայնի ն(ո)ր(ա) լսիցէք, մի́ խստացուցանէք զսիրտս ձեր

Verse: 9  Link to sept   ո(ր)պ(էս) ՛ի դարնութե(ան)։ Յաւուրն փորձութե(ան) յանապատին ուր փորձեցի́ն զիս հարքն ձեր, քննեցին զիս եւ տեսին զգործս իմ

Verse: 10  Link to sept   զքառասուն ամ։ Ջանացայ ընդ ազգին ընդ այնմիկ եւ ասացի՝ միշտ մոլորեալ են սրտիւք.

Verse: 11  Link to sept   եւ նոքա ո́չ ծանեան զճանապարհս իմ։ Ո(ր)պ(էս) երդուայ ՛ի բարկութե(ան) իմում, թէ́ մտցեն ՛ի հանգիստ իմ։ Տունք. ժ՜ա։ Գոբղայս. լ՜ը։



Chapter: 95 
Սաղմոս ՛ի դաւիթ. ՛ի ժամանակի զի տաճարն շինեցաւ. Ղ՜Ե։


Verse: 1  Link to sept   Օրհնեցէ́ք զտ(է)ր յօրհնու(թ)ի(ւն) նոր, օրհնեցէ́ք զտ(է)ր ա(մենայ)ն երկրի։

Verse: 2  Link to sept   Օրհնեցէ́ք զտ(է)ր եւ օրհնեցէ́ք զանո́ւն ն(ո)ր(ա), աւետարանեցէ́ք օրըստօրէ զփրկու(թ)ի(ւն) ն(ո)ր(ա)։

Verse: 3  Link to sept   Պատմեցէ́ք ՛ի հեթանոսս զփառս նորա, յա(մենայ)ն ժողովուրդս զսքանչելիս ն(ո)ր(ա)։

Verse: 4  Link to sept   Մեծ է տ(է)ր եւ օրհնեալ է յոյժ, ահարկո́ւ է նա ՛ի վ(ե)ր(այ) ա(մենայ)ն կռոց։

Verse: 5  Link to sept   Ամենայն կուռք հեթանոսաց դեւք են, եւ տ(է)ր զերկինս արար։

Verse: 6  Link to sept   Խոստովանութի(ւն) եւ վայելչութի(ւն) է առաջի ն(ո)ր(ա), սրբու(թ)ի(ւն) եւ մե́ծ վայելչութի(ւն) ՛ի սրբութե(ան) ն(ո)ր(ա)։

Verse: 7  Link to sept   Մատուցէ́ք տ(եառ)ն տո́հմք ազանց, մատուցէ́ք տ(եառ)ն զփա́ռս եւ զպատիւ,

Verse: 8  Link to sept   մատուցէ́ք տ(եառ)ն զփառս անուան նորա։ Առէ́ք պատարագս եւ մտէ́ք ՛ի սրահ ն(ո)ր(ա),

Verse: 9  Link to sept   երկի́ր պագէք տ(եառ)ն ՛ի գաւիթս սրբու(թ)ե(ան) ն(ո)ր(ա). եւ խռովեսցի́ յերեսաց ն(ո)ր(ա) ա(մենայ)ն երկիր։

Verse: 10  Link to sept   Ասացէ́ք ՛ի հեթանոսս թէ տ(է)ր թագաւորեաց, հաստատեաց զաշխարհ զի մի́ սասանեսցի, եւ դատի զժողովուրդս իւր ուղղութ(եամ)բ։

Verse: 11  Link to sept   Ուրա́խ եղիցին երկինք՝ եւ ցնծասցէ́ երկիր. զուարճասցի́ ծով լրիւ իւրով.

Verse: 12  Link to sept   ցնծասցեն դաշտք եւ ա(մենայ)ն որ է ՛ի նոսա։ Յայնժամ ցնծասցեն ա(մենայ)ն ծառք անտառի

Verse: 13  Link to sept   յերեսաց տ(եառ)ն զի գայ, եւ գա́յ նա ՛ի դատել զերկիր։ Դատի զտիեզերս իրաւամբք, եւ զժողովուրդս ա(մենայ)ն ճշմարտութ(եամ)բ իւրով։ Տունք. ժ՜բ։



Chapter: 96 

Verse: 1 
Սաղմոս ՛ի դաւիթ. ՛ի ժամանակի զի երկիրն հաստատեցաւ. Ղ՜Զ։


   Link to sept   Տ(է)ր թագաւորեաց՝ ցնծասցէ́ երկիր, ուրա́խ եղիցին կղզիք բազումք։

Verse: 2  Link to sept   Ամպ եւ մէգ շուրջ է զնովաւ, յիրաւունս եւ յարդարութի(ւն) ուղղեա́լ է աթոռ նորա։

Verse: 3  Link to sept   Հուր առաջի ն(ո)ր(ա) գնասցէ, այրեսցէ շուրջ զթշնամիս ն(ո)ր(ա)։

Verse: 4  Link to sept   Երեւեցան փայլատակունք ն(ո)ր(ա) տիեզերաց, ետես եւ սասանեցաւ երկիր։

Verse: 5  Link to sept   Լերինք ո(ր)պ(էս) մոմ հալեսցին յերեսաց տ(եառ)ն, յերեսաց տ(եառ)ն ա(մենայ)ն երկիր։

Verse: 6  Link to sept   Պատմեսցեն երկինք զարդարու(թ)ի(ւն) ն(ո)ր(ա). տեսին ա(մենայ)ն ժողովուրդք զփառս նորա։

Verse: 7  Link to sept   Ամաչեսցեն ամենեքեան որ երկիրպագանեն կռոց, եւ ոյք պարծին ՛ի դրօշեալս իւրեանց։ Երկիրպագցեն նմա ա(մենայ)ն հրեշտակք ն(ո)ր(ա),

Verse: 8  Link to sept   զի լուաւ եւ ուրա́խ եղեւ սիոն, եւ ցնծասցեն դստերք յուդայ վ(ա)ս(ն) իրաւանց քոց տ(է)ր։

Verse: 9  Link to sept   Զի դու բարձրեալ ես ՛ի վ(ե)ր(այ) ա(մենայ)ն երկրի, յոյժ բարձրացար ՛ի վ(ե)ր(այ) ա(մենայ)ն կռոց։

Verse: 10  Link to sept   Ոյք սիրէք զտ(է)ր ատեցէ́ք զչարու(թ)ի(ւն). պահէ́ տ(է)ր զանձինս սրբոց իւրոց, ՛ի ձեռաց մեղաւորի փրկեսցէ զն(ո)ս(ա)։

Verse: 11  Link to sept   Լոյս ծագեաց արդարոց, ուղղոց սրտից եղեւ ուրախու(թ)ի(ւն)։

Verse: 12  Link to sept   Ուրա́խ եղերուք արդարք ՛ի տ(է)ր, խոստովա́ն եղերուք յիշատակի սրբութե(ան) ն(ո)ր(ա)։ Տունք. ժ՜բ։



Chapter: 97 

Verse: 1 
Սաղմոս ՛ի դաւիթ օրհնութե(ան). Ղ՜Է։


   Link to sept   Օրհնեցէ́ք զտ(է)ր յօրհնութի(ւն) նոր, զի սքանչելիս արար։ Փրկեաց զնա աջ իւր, եւ բազուկ սուրբ իւր։

Verse: 2  Link to sept   Եցոյց տ(է)ր զփրկու(թ)ի(ւն) իւր, առաջի ազգաց յայտնեաց զարդարութի(ւն) իւր։

Verse: 3  Link to sept   Յիշեաց ողորմու(թեամ)բ իւրով զյակովբ, ճշմարտութ(եամ)բ իւրով զտունն ի(սրաէ)լի. եւ տեսին ա(մենայ)ն ծագք երկրի զփրկու(թ)ի(ւն) ա(ստուծո)յ մերոյ։

Verse: 4  Link to sept   Աղաղակեցէ́ք առ տ(է)ր ա(մենայ)ն երկիր, օրհնեցէ́ք ցնծացէ́ք եւ սաղմոս ասացէք։

Verse: 5  Link to sept   Սաղմո́ս ասացէք ա(ստուծո)յ մերում օրհնութ(եամ)բ, օրհնութ(եամ)բ եւ ՛ի ձայն սաղմոսաց։

Verse: 6  Link to sept   ՛Ի ձայն օրհնու(թ)ե(ան) կռածոյ փողոյ. օրհնութ(եամ)բ ցնծութ(եամ)բ եւ ՛ի ձայն եղջե́ր փողոյ. եւ աղաղակեցէ́ք առաջի թագաւորին տ(եառ)ն։

Verse: 7  Link to sept   Խռովեսցի ծով լրիւ իւրով, տիեզերք եւ ամենայն բնակիչք ն(ո)ր(ա).

Verse: 8  Link to sept   եւ գետք ծափս հարցեն ՛ի միասին ձեռամբ։

Verse: 9  Link to sept   Լերինք ցնծասցեն առաջի տ(եառ)ն, զի գայ եւ հասեալ է տ(է)ր ՛ի դատել զերկիր։ Դատի զաշխարհս արդարութ(եամ)բ, եւ զժողովուրդս իւր ուղղու(թեամ)բ։ Տունք. ժ՜։ Գոբղայս. լ՜դ։



Chapter: 98 
Սաղմոս ՛ի դաւիթ. Ղ՜Ը։


Verse: 1  Link to sept   Տ(է)ր թագաւորեաց բարկացան ժողովուրդք, որ նստիս ՛ի քրովբէս, սասանեցաւ երկիր։

Verse: 2  Link to sept   Տ(է)ր ՛ի սիովն մեծ է, եւ բա́րձր է ՛ի վ(ե)ր(այ) ա(մենայ)ն ժողովրդոց։

Verse: 3  Link to sept   Խոստովան եղիցուք անուան քում մեծի, զի ահաւոր եւ ս(ուր)բ է,

Verse: 4  Link to sept   եւ պատիւ թագաւորի զիրաւունս սիրէ։ Դու պատրաստեցեր զուղղութի(ւն), զիրաւունս եւ զարդարու(թ)ի(ւն) յակովբայ դո́ւ արարեր։

Verse: 5  Link to sept   Բա́րձր արարէք զտ(է)ր ա(ստուա)ծ մեր. երկի́ր պագէք պատուանդանի ոտից ն(ո)ր(ա) զի սուրբ է։

Verse: 6  Link to sept   Մովսէս եւ ահարովն երիցունք ն(ո)ր(ա). սամուէլ ը(նդ) այնոսիկ որ կարդան զանուն ն(ո)ր(ա)։ Կարդային առ տ(է)ր եւ նա լսէր ն(ո)ց(ա),

Verse: 7  Link to sept   եւ ՛ի սիւն ամպոյ խօսէր ընդ ն(ո)ս(ա)։ Պահէին զվկայու(թ)ի(ւն) ն(ո)ր(ա), եւ զհրամանս զոր ետ ն(ո)ց(ա)։

Verse: 8  Link to sept   Տ(է)ր ա(ստուա)ծ մեր դու լսէի́ր ն(ո)ց(ա), ա(ստուա)ծ դու քաւի́չ լինէիր, վրէժխնդիր ՛ի վ(ե)ր(այ) ա(մենայ)ն գործոց ն(ո)ց(ա)։

Verse: 9  Link to sept   Բա́րձր արարէք զտ(է)ր ա(ստուա)ծ մեր, երկի́ր պագէք ՛ի լեառն սուրբ ն(ո)ր(ա) զի սուրբ է տ(է)ր ա(ստուա)ծ մեր։ Տունք. ժ՜։



Chapter: 99 

Verse: 1 
Link to sept Սաղմոս խոստովանութե(ան) ՛ի դաւիթ. Ղ՜Թ։


Verse: 2  Link to sept   Աղաղակեցէ́ք առ տ(է)ր ա(մենայ)ն երկիր, ծառայեցէ́ք տ(եառ)ն ուրախութ(եամ)բ։

Verse: 3  Link to sept   Մտէ́ք առաջի ն(ո)ր(ա) ցնծու(թեամ)բ, ծաներո́ւք զի նա է տ(է)ր ա(ստուա)ծ մեր։ Նա́ արար զմեզ եւ ո́չ մեք էաք, մեք ժողովուրդք եւ խա́շն արօտի ն(ո)ր(ա)։

Verse: 4  Link to sept   Մտէ́ք ը(նդ) դրունս ն(ո)ր(ա) խոստովանութ(եամ)բ, եւ օրհնութ(եամ)բ ընդ յարկս ն(ո)ր(ա)։ Խոստովա́ն եղերուք տ(եառ)ն, եւ օրհնեցէ́ք զանուն ն(ո)ր(ա)։

Verse: 5  Link to sept   Քաղցր է տ(է)ր, յաւիտեան է ողորմու(թ)ի(ւն) նորա. ազգէ մինչեւ յա́զգ է ճշմարտութի(ւն) ն(ո)ր(ա)։ Տունք. զ՜։



Chapter: 100 

Verse: 1 
Սաղմոս ՛ի դաւիթ. Ճ։


   Link to sept   Յողորմու(թ)ի(ւն) եւ յիրաւունս օրհնեցից զքեզ տ(է)ր. սաղմոս ասացից

Verse: 2  Link to sept   եւ ՛ի մի տառից։ Ճանապարհ անբիծ մինչեւ եկեսցէ առ իս. զի գնայի ես յանբծութե(ան) սրտի իմոյ ՛ի մէջ տան իմոյ։

Verse: 3  Link to sept   Ո́չ եդի առաջի աչաց իմոց իրս անիրաւոթե(ան). ոյք առնէին զուրացու(թ)ի(ւն). ատեցի։ Ո́չ մերձեցաւ առ իս

Verse: 4  Link to sept   որ թեւրն էր սրտիւ. խոտորեալ յինէն անզգամին, եւ ես ոչ ինչ փոյթ առնէի։

Verse: 5  Link to sept   Որ խօսէր գաղտ զընկերէ իւրմէ, զնա բացէ ՛ի բա́ց հալածէի։ Որ ամբարտաւանէր աչօք՝ եւ ագահ սրտիւ, ընդ նմա եւ հա́ց ոչ ուտէի։

Verse: 6  Link to sept   Աչք իմ ՛ի հաւատացեալս երկրի, զի նստցին նոքա ը(նդ) իս։ Որ գնայր ՛ի ճանապարհ անբիծ, նա́ պաշտէր զիս։

Verse: 7  Link to sept   Ո́չ բնակէր ՛ի մէջ տան իմոյ որ առնէր զամբարտաւանութի(ւն). որ խօսէր զանօրէնութի(ւն) չէ́ր յաջողեալ նմա առաջի աչաց իմոց։

Verse: 8  Link to sept   Ընդ առաւօտս սպանանէի զա(մենայ)ն մեղաւորս երկրի. սատակեցից ՛ի քաղաքի տ(եառ)ն զամենեսեան որ գործեն զանօրէնու(թ)ի(ւն)։ Տունք. ժ՜։ Գոբղայս. ի՜զ։



Chapter: 101 

Verse: 1 
Link to sept Աղօթք ուրկի. իբրեւ ձանձրասցի՝ առաջի տ(եառ)ն սփռեսցէ զխնդրուածս իւր. ՃԱ։


Verse: 2  Link to sept   Տ(է)ր լո́ւր աղօթից իմոց աղաղակ իմ առ քե́զ եկեսցէ,

Verse: 3  Link to sept   մի́ դարձուցաներ զերեսս քո յինէն։ Յաւուր նեղութե(ան) իմոյ խոնարհեցո́ առ իս զունկն քո. յորում աւուր կարդամ առ քեզ վաղվաղակի լո́ւր ինձ։

Verse: 4  Link to sept   Սպառեցան ո(ր)պ(էս) ծուխ աւուրք իմ, եւ ոսկերք իմ ո(ր)պ(էս) խռիւ չորացան։

Verse: 5  Link to sept   Հարաւ ո(ր)պ(էս) խոտ եւ ցամաքեաց սիրտ իմ, մոռացայ ուտել զհաց իմ

Verse: 6  Link to sept   ՛ի ձայնէ հեծութե(ան) իմոյ։ Կցեցաւ ոսկր իմ ՛ի մարմին իմ.

Verse: 7  Link to sept   նմանեցի ես հաւալսան յանապատի։ Եղէ ես ո(ր)պ(էս) բու յաւերակի,

Verse: 8  Link to sept   տքնեցայ եւ եղէ ես ո(ր)պ(էս) ճնճղուկ միայն ՛ի տանիս։

Verse: 9  Link to sept   Նախատեցին զիս թշնամիք զօրհանապազ, եւ գովիչք իմ ինեւ երդնուին։

Verse: 10  Link to sept   Զմոխիր ո(ր)պ(էս) հաց կերայ, եւ զըմպելի իմ արտասուօք խառնեցի։

Verse: 11  Link to sept   Յերեսաց բարկութե(ան) սրտմտութե(ան) քո, զի դու բարձրացուցեր եւ խոնարհեցուցեր զիս։

Verse: 12  Link to sept   Աւուրք իմ ո(ր)պ(էս) հովանի́ անցին, եւ ես ո(ր)պ(էս) խոտ ցամաքեցայ։

Verse: 13  Link to sept   Դու տ(է)ր յաւիտեա́ն կաս, եւ յիշատակ քո ազգէ մինչեւ յազգ։

Verse: 14  Link to sept   Դու յարուցեալ գթասցիս ՛ի վ(ե)ր(այ) սիոնի, ժամանակ գթալոյ ն(ո)ր(ա) հասեալ է ժամ։

Verse: 15  Link to sept   Հաճեցան ծառայք քո ընդ քարինս ն(ո)ր(ա), եւ ՛ի հողս ն(ո)ր(ա) գթասցին։

Verse: 16  Link to sept   Երկիցեն հեթանոսք յանուանէ քումմէ. եւ ամենայն թագաւորք երկրի ՛ի փառաց քոց։

Verse: 17  Link to sept   Շինէ́ տ(է)ր զսիոն, եւ երեւեսցի́ փառօք իւրովք ՛ի նմա։

Verse: 18  Link to sept   Հայեցաւ նա յաղօթս խոնարհաց, եւ ո́չ արհամարհեաց զխնդրուածս նոցա։

Verse: 19  Link to sept   Գրեսցի այս յազգ յա́յլ, ժողովուրդ զոր ստացեալ է օրհնեսցէ զտ(է)ր։

Verse: 20  Link to sept   Հայեցաւ նա ՛ի բարձանց ՛ի սրբութ(են)է իւրմէ, տ(է)ր յերկնից յերկիր հայեցաւ։

Verse: 21  Link to sept   Լսել զհեծութի(ւն) կապելոց, եւ արձակել զորդիս մահապարտաց։

Verse: 22  Link to sept   Պատմել ՛ի սիոն զանուն տ(եառ)ն, եւ զօրհնութի(ւն)ս ն(ո)ր(ա) յե(րուսաղէ)մ։

Verse: 23  Link to sept   Ժողովել ժողովրդոց ՛ի միասին, եւ թագաւորաց ծառայել տ(եառ)ն։

Verse: 24  Link to sept   Պատասխանի ետ նմա ՛ի ճանապրհի զօրութե(ան) իւրոյ. զնուազութի(ւն) աւուրց իմոց ասա́ ինձ

Verse: 25  Link to sept   եւ մի́ հաներ զիս ՛ի կէս աւուրց իմոց. զի ազգ յազգ են ամք քո։

Verse: 26  Link to sept   Իսկզբանէ տ(է)ր զհիմունս երկրի հաստատեցեր, եւ գործք ձեռաց քոց երկինք են։

Verse: 27  Link to sept   Նոքա անցանեն, եւ դու կաս եւ մնաս յաւիտեան։ Ամենեքեան ո(ր)պ(էս) զձորձս մաշեսցին. ո(ր)պ(էս) վերարկո́ւս փոխեսցես զն(ո)ս(ա) եւ փոխեսցին։

Verse: 28  Link to sept   Բայց դու նոյն իսկ ես եւ ամք քո ո́չ անցանեն.

Verse: 29  Link to sept   որդիք ծառայից քոց բնակեսցեն ՛ի նմա, եւ զաւակի ն(ո)ց(ա) յաւիտեան աջողեսցի։ Տունք. ի՜զ·



Chapter: 102 
Սաղմոս ՛ի դաւիթ. Ճ՜Բ։


Verse: 1  Link to sept   Օրհնեա́ անձն իմ զտ(է)ր, եւ ա(մենայ)ն ոսկերք իմ զանուն ս(ուր)բ ն(ո)ր(ա)։

Verse: 2  Link to sept   Օրհնեա́ անձն իմ զտ(է)ր, եւ մի́ մոռանար զա(մենայ)ն տուրս ն(ո)ր(ա)։

Verse: 3  Link to sept   Ո քաւէ զմեղս քո, բժշկէ զա(մենայ)ն հիւանդութի(ւն)ս քո։

Verse: 4  Link to sept   Ո փրկէ յապականու(թեն)է զկեանս քո, պսակէ զքեզ ողորմութ(եամ)բ եւ գթութ(եամ)բ։

Verse: 5  Link to sept   Ո լնու ՛ի բարութենէ զցանկութի(ւն) քո, նորոգեսցի ո(ր)պ(էս) արծուոյ մանկութի(ւն) քո։

Verse: 6  Link to sept   Առնէ ողորմու(թ)ի(ւն)ս տ(է)ր, եւ իրաւունս ա(մենայ)ն զրկելոց։

Verse: 7  Link to sept   Եցոյց տ(է)ր զճանապարհս իւր մովսիսի, եւ որդւոցն ի(սրաէ)լի զկամս իւր։

Verse: 8  Link to sept   Գթա́ծ ողորմա́ծ է տ(է)ր, երկայնամի́տ եւ բազումողորմ։

Verse: 9  Link to sept   Ո́չ ՛ի սպառ բարկանայ տ(է)ր, եւ ո́չ յաւիտեան պահէ ոխս։

Verse: 10  Link to sept   Ո́չ ըստ մեղս մեր արար մեզ, եւ ո́չ ըստ անօրէնու(թ)ե(ան) մերում հատոյց մեզ։

Verse: 11  Link to sept   Այլ ո(ր)պ(էս) բարձր են երկինք յերկրէ, այնպէս զօրացոյց տ(է)ր զողորմու(թ)ի(ւն) իւր ՛ի վ(ե)ր(այ) երկիւղածաց իւրոց։

Verse: 12  Link to sept   Որչափ հեռի են արեւելք յարեւմտից, այնպէս հեռի́ արար ՛ի մէնջ զանօրէնութի(ւն)ս մեր։

Verse: 13  Link to sept   Ո(ր)պ(էս) գթայ հայր՛ի վ(ե)ր(այ) որդւոց իւրոց, այնպէս գթասցի տ(է)ր յերկիւղածս իւր։

Verse: 14  Link to sept   Զի նա գիտաց զստեղծուածս մեր, եւ յիշեաց թէ հող եմք։

Verse: 15  Link to sept   Մարդոյ ո(ր)պ(էս) խոտո́յ են աւուրք իւր, ո(ր)պ(էս) ծաղիկ վայրի այնպէս ծաղկէ։

Verse: 16  Link to sept   Շնչէ ՛ի նմա հողմ եւ ո́չ է, եւ ո́չ եւս երեւի տեղի ն(ո)ր(ա)։

Verse: 17  Link to sept   Բայց ողորմու(թ)ի(ւն) տ(եառ)ն յաւիտեանս յաւիտենի́ց ՛ի վ(ե)ր(այ) երկիւղածաց իւրոց, եւ արդարութի(ւն) նորա յորդւոց մինչեւ յորդիս։

Verse: 18  Link to sept   Որ պահեն զուխտս ն(ո)ր(ա), յիշեն զպատուիրանս նորա եւ առնեն զնա։

Verse: 19  Link to sept   Տ(է)ր զերկինս պատրաստեաց աթո́ռ իւր, արքայու(թ)ի(ւն) ն(ո)ր(ա) ամենեցուն տիրէ։

Verse: 20  Link to sept   Օրհնեցէ́ք զտ(է)ր ա(մենայ)ն հրեշտակք ն(ո)ր(ա), հզօրք զօրութ(եամ)բ որ առնէք զբան ն(ո)ր(ա), լսէք ձայնի պատգամաց ն(ո)ր(ա)։

Verse: 21  Link to sept   Օրհնեցէ́ք զտ(է)ր ա(մենայ)ն զօրութի(ւն)ք ն(ո)ր(ա), պաշտօնեայք եւ արարօղք կամաց ն(ո)ր(ա)։

Verse: 22  Link to sept   Օրհնեցէ́ք զտ(է)ր ա(մենայ)ն գործք ն(ո)ր(ա), ընդ ա(մենայ)ն տեղիս է տէրու(թ)ի(ւն) ն(ո)ր(ա). օրհնեա́ անձն իմ զտ(է)ր։ Տունք. ի՜բ։ Գոբղայս. խ՜ը։



Chapter: 103 

Verse: 1 
Սաղմոս ՛ի դաւիթ. ՛ի վերայ աշխարհագործ արարածոց. Ճ՜Գ։


   Link to sept   Օրհնեա́ անձն իմ զտ(է)ր, տ(է)ր ա(ստուա)ծ իմ մե́ծ եղեր յոյժ։ Խոստովանութի(ւն) եւ մեծվայելչու(թ)ի(ւն) զգեցար,

Verse: 2  Link to sept   արկար զլոյս ո(ր)պ(էս) գօթոց, ձգեցեր զերկինս ո(ր)պ(էս) խորան,

Verse: 3  Link to sept   եւ յարկար ՛ի վ(ե)ր(այ) ջուրց զվերնայարկս ն(ո)ր(ա)։ Ո դնէ́ յամպս զգնացս իւր, եւ շրջի նա ՛ի վ(ե)ր(այ) թեւոց հողմոց։

Verse: 4  Link to sept   Ո արա́ր զհրեշտակս իւր հոգիս, եւ զպաշտօնեայս իւր ՛ի հո́ւր կիզելոյ։

Verse: 5  Link to sept   Ո հաստատեա́ց զերկիր ՛ի վերայ հաստատու(թ)ե(ան) իւրոյ, զի մի́ սասանեսցի յաւիտեան։

Verse: 6  Link to sept   Խորք ո(ր)պ(էս) զգեստ վերարկու է ն(ո)ր(ա), ՛ի վերայ լերանց կացցեն ջուրք։

Verse: 7  Link to sept   ՛Ի սաստէ քումմէ փախիցեն, եւ ՛ի ձայնէ որոտալոյ քումմէ սարսիցեն։

Verse: 8  Link to sept   Ելանեն լեռնանա́ն եւ իջանեն դաշտանա́ն, ՛ի տեղի յոր հաստատեցեր զնոսա։

Verse: 9  Link to sept   Սահման եդիր եւ ո́չ անցանեն, եւ ո́չ եւս դառնան ՛ի ծածկել զերկիր։

Verse: 10  Link to sept   Առաքեցեր զաղբեւրս ընդ ծործորս, ՛ի մէջ լերանց գնասցեն ջուրք։

Verse: 11  Link to sept   Արբուցանել զա(մենայ)ն գազանս վայրի, յագեսցին ցիռք ՛ի ծարաւս իւրեանց։

Verse: 12  Link to sept   Անդ թռչունք երկնից բոյնս դիցեն, եւ ՛ի միջոյ վիմաց տացեն զձայնս իւրեանց։

Verse: 13  Link to sept   Արբուցանէ զլերինս ՛ի շտեմարանաց իւրոց, ՛ի պտղոյ գործոց իւրոց լցցի́ երկիր։

Verse: 14  Link to sept   Բուսուցեր զխոտ ՛ի լերինս, զդալարի ՛ի ծառայութի(ւն) մարդկան։ Հաներ զհաց յերկրէ,

Verse: 15  Link to sept   գինի ուրա́խ առնէ՝ եւղ զուա́րթ, եւ հաց հաստատէ զսիրտ մարդոյ։

Verse: 16  Link to sept   Յագեսցին ծառքն տ(եառ)ն, եւ մայրքն լիբանանու զորս դու տնկեցեր։

Verse: 17  Link to sept   Անդ թռչունք երկնից ձա́գս հանցեն, եւ բոյն արագլի ապաւէ́ն է նոցա։

Verse: 18  Link to sept   Լերինք բարձունք են եղջերուաց, եւ վէմք ապաւէն նապաստակաց։

Verse: 19  Link to sept   Արարեր զլուսին վ(ա)ս(ն) ժամանակի, արեգակն ծանեա́ւ զժամ մտանելոյ իւրոյ։

Verse: 20  Link to sept   Արարեր զխաւար եւ եղեւ գիշեր. ՛ի նմա գնան ա(մենայ)ն գազանք անտառի։

Verse: 21  Link to sept   Կորիւնք առիւծուց մռնչե́ն եւ յափշտակեն, եւ խնդրեն յա(ստուծո)յ զկերակուրս իւրեանց։

Verse: 22  Link to sept   ՛Ի ծագել արեւու ժողովին, եւ ՛ի մորիս իւրրեանց դադարեն։

Verse: 23  Link to sept   Ելանէ մարդ ՛ի գործս իւր, եւ ՛ի վաստակս ձեռա́ց իւրոց մինչեւ յերեկոյ։

Verse: 24  Link to sept   Ո(ր)պ(էս) զի մե́ծ են գործք քո տ(է)ր, զա(մենայ)ն ինչ իմաստութ(եամ)բ արարեր, եւ լցա́ւ երկիր ստեղծուածովք քովք։

Verse: 25  Link to sept   Այս ծով մե́ծ եւ անդորր. ՛ի սմա սողուն որ ո́չ գոյ թիւ, գազանք մեծամեծք եւ մանունք.

Verse: 26  Link to sept   ՛ի սմա եւ նա́ւք գնան. վիշապն զոր ստեղծեր խաղալ նովաւ։

Verse: 27  Link to sept   Ամենեքեան քեզ սպասեն, եւ դու տա́ս կերակուր ն(ո)ց(ա) ՛ի ժամու։

Verse: 28  Link to sept   Տաս դու նոցա եւ կերակրին, բանաս զձեռն քո կերակրե́ս զամենեսեան կամօք քովք։

Verse: 29  Link to sept   Դարձուցանես զերեսս քո ՛ի ն(ո)ց(ա)նէ եւ խռովին, հանես զոգի ՛ի ն(ո)ց(ա)նէն, պակասին եւ ՛ի հո́ղ դառնան։

Verse: 30  Link to sept   Առաքես զոգի քո եւ ստանաս զն(ո)ս(ա), եւ նորոգես զերեսս երկրի։

Verse: 31  Link to sept   Եղիցին փառք տ(եառ)ն յաւիտեան, տ(է)ր ուրա́խ եղիցի յարարածս իւր։

Verse: 32  Link to sept   Ո հայի́ յերկիր եւ տայ դողալ սմա, մերձի ՛ի լերինս եւ ծխեսցին։

Verse: 33  Link to sept   Օրհնեցից զտ(է)ր ՛ի կեանս իմ, սաղմոս ասացից ա(ստուծո)յ իմոյ մինչեւ եմ ես։

Verse: 34  Link to sept   Քաղցր եղիցի նմա օրհնու(թ)ի(ւն) իմ, եւ ես ուրախ եղէց ՛ի տ(է)ր։

Verse: 35  Link to sept   Պակասեցին մեղաւորք յերկրէ, ամպարիշտք մի́ եւս գտցին՛ի նմա. օրհնեա́ անձն իմ զտ(է)ր։ Տունք. լ՜դ։



Chapter: 104 
Ալէլուիա. Ճ՜Դ։


Verse: 1  Link to sept   Խոստովա́ն եղերուք տ(եառ)ն՝ եւ կարդացէ́ք զանուն ն(ո)ր(ա). պատմեցէ́ք ՛ի հեթանոսս զգործս ն(ո)ր(ա)։

Verse: 2  Link to sept   Օրհնեցէ́ք եւ սաղմո́ս ասացէք նմա. պատմեցէ́ք զա(մենայ)ն սքանչելիս ն(ո)ր(ա),

Verse: 3  Link to sept   եւ գովեցարո́ւք յանուն ս(ուր)բ ն(ո)ր(ա)։ Ուրա́խ եղիցին սիրտք այնոցիկ ոյք խնդրեն զտ(է)ր,

Verse: 4  Link to sept   խնդրեցէ́ք զտ(է)ր եւ հզօ́րք եղերուք, խնդրեցէ́ք զերեսս ն(ո)ր(ա) յա(մենայ)ն ժամ։

Verse: 5  Link to sept   Յիշեցէ́ք զսքանչելիս ն(ո)ր(ա) զոր արար, զարուեստս եւ զիրաւունս բերանոյ ն(ո)ր(ա)։

Verse: 6  Link to sept   Զաւակն աբրահամեան ծառայք ն(ո)ր(ա), որդիք յակովբայ ընտրեա́լք ն(ո)ր(ա)։

Verse: 7  Link to sept   Նա ինքն է տ(է)ր ա(ստուա)ծ մեր, յա(մենայ)ն երկրի են իրաւունք ն(ո)ր(ա)։

Verse: 8  Link to sept   Յիշեաց յաւիտենից զուխտ իւր, եւ զբանն զոր պատուիրեա́ց մինչեւ ՛ի հազար ամ։

Verse: 9  Link to sept   Զուխտն զոր եդ ընդ աբրահամու, եւ զերդումն իւր ընդ սահակայ։

Verse: 10  Link to sept   Հաստատեաց առ յակովբ զհրաման իւր, եւ առ ի(սրա)էլ զուխտ իւր յաւիտենից։

Verse: 11  Link to sept   Ասէ՝ ձե́զ տաց զերկիրն քանանու, զվիճակ ժառանգու(թ)ե(ան) ձերոյ։

Verse: 12  Link to sept   Զի եին նոքա թուով սակաւ, նուա́զք եւ պանդուխտք ՛ի նմա։

Verse: 13  Link to sept   Անցին նոքա ազգէ յազգ, ՛ի թագաւորու(թեն)է ՛ի ժողովո́ւրդ յայլ։

Verse: 14  Link to sept   Ո́չ եթօղ մարդկան մեղանչել ն(ո)ց(ա), կշտամբեաց զթագաւորս վ(ա)ս(ն) ն(ո)ց(ա)։

Verse: 15  Link to sept   Մի́ մերձենայք ասէ յօծեալս իմ, եւ ՛ի մարգարէս իմ մի́ մեղանչէք։

Verse: 16  Link to sept   Կոչեաց սո́վ յերկիր նոցա, զա(մենայ)ն զօրութի(ւն) հացի եբեկ։

Verse: 17  Link to sept   Առաքեաց առաջի նոցա այր, ՛ի ծառայութի(ւն) վաճառեցաւ յովսէփ։

Verse: 18  Link to sept   Խոնարհ արարին ՛ի կապանս զոտս ն(ո)ր(ա), եւ անց ը(նդ) երկաթս անձն նորա։

Verse: 19  Link to sept   Մինչեւ եկեսցէ բան ն(ո)ր(ա), եւ բան տ(եառ)ն փորձեաց զնա։

Verse: 20  Link to sept   Առաքեաց թագաւորն եւ ելոյծ զնա, իշխան ժողովրդեան եթող զնա։

Verse: 21  Link to sept   Կացոյց զնա տէ́ր տան իւրոյ, իշխան ՛ի վ(ե)ր(այ) ա(մենայ)ն ստացուածոց իւրոց։

Verse: 22  Link to sept   Խրատել զիշխանս ն(ո)ց(ա) ո(ր)պ(էս) զինքն, եւ զծերս ն(ո)ց(ա) իմաստո́ւնս արասցէ։

Verse: 23  Link to sept   Եմուտ ի(սրա)էլ յեգիպտոս, յակովբ պանդխտեցա́ւ յերկիր քամայ։

Verse: 24  Link to sept   Աճեցոյց զժողովուրդ իւր յոյժ, եւ զօրացո́յց զն(ո)ս(ա) քան զթշնամիս իւր։

Verse: 25  Link to sept   Դարձոյց զսիրտս ն(ո)ց(ա) ատե́լ զժողովուրդ իւր, եւ ՛ի նենգե́լ զծառայս իւր։

Verse: 26  Link to sept   Առաքեաց զմովսէ́ս ծառայ իւր, եւ զահարովն ընտրեալ իւր։

Verse: 27  Link to sept   Ետ ն(ո)ց(ա) զբան նշանաց իւրոց, եւ զարուեստս իւր յերկիր քամայ։

Verse: 28  Link to sept   Առաքեաց խաւա́ր եւ խաւարեցոյց զն(ո)ս(ա), զի դառնացուցին զբան ն(ո)ր(ա)։

Verse: 29  Link to sept   Դարձոյց յարիւն զգետս ն(ո)ց(ա), եւ սպան զա(մենայ)ն ձկունս նոցա։

Verse: 30  Link to sept   Եռաց յերկիր ն(ո)ց(ա) գորտ, ՛ի շտեմարանս թագաւորաց նոցա։

Verse: 31  Link to sept   Ասաց եւ եկն շանաճանճ, եւ մժիխ ընդ ա(մենայ)ն սահմանս ն(ո)ց(ա)։

Verse: 32  Link to sept   Դարձոյց զանձրեւս ն(ո)ց(ա) ՛ի կարկուտ, եւ հուր յերկիր ն(ո)ց(ա) բորբոքեցաւ։

Verse: 33  Link to sept   Եհար զայգիս եւ զթզենիս ն(ո)ց(ա), եւ փշրեաց զա(մենայ)ն ծառս սահմանաց ն(ո)ց(ա)։

Verse: 34  Link to sept   Ասաց եւ եկն մարախ, եւ խառնիճ՝ զի ո́չ գոյր թիւ։

Verse: 35  Link to sept   Եկեր զա(մենայ)ն խոտ երկրի ն(ո)ց(ա), սպառեաց զա(մենայ)ն պտուղ անդոյ նոցա։

Verse: 36  Link to sept   Եհար զա(մենայ)ն անդրանիկս եգիպտացւոց, զսկիզբն ա(մենայ)ն վաստակոյ ն(ո)ց(ա)։

Verse: 37  Link to sept   Եհան զն(ո)ս(ա) ոսկւով եւ արծաթով, եւ ո́չ գոյր յազգի ն(ո)ց(ա) հիւանդ։

Verse: 38  Link to sept   Ուրախ եղեւ եգիպտոս ընդ ելանել ն(ո)ց(ա), զի անկաւ ահ տ(եառ)ն ՛ի վերայ ն(ո)ց(ա)։

Verse: 39  Link to sept   Սփռեաց ամպ հովանի́ առնել ն(ո)ց(ա) ՛ի տուէ, եւ հրով լո́յս տայր ն(ո)ց(ա) ՛ի գիշերի։

Verse: 40  Link to sept   Խնդրեցին եւ եկն լորամարգի, եւ հացի́ւ երկնից լցոյց զն(ո)ս(ա)։

Verse: 41  Link to sept   Եհար զվէմն եւ բղխեցին ջուրք, եւ գնացին գետք ընդ անջրդիս։

Verse: 42  Link to sept   յիշեաց զբան իւր սուրբ, որ ընդ աբրահամու ծառայի իւրում։

Verse: 43  Link to sept   Եհան զժողովուրդ իւր ցնծութ(եամ)բ, եւ զընտրեալս իւր ուրախու(թեամ)բ։

Verse: 44  Link to sept   Ետ ն(ո)ց(ա) զգաւառս հեթանոսաց, ՛ի վաստակս ժողովրդոց ժառանգեցոյց զնոսա։

Verse: 45  Link to sept   Զի պահեսցեն զվկայու(թ)ի(ւն)ս ն(ո)ր(ա), եւ զօրէնս ն(ո)ր(ա) խնդրեսցեն։ Տունք. խ՜դ։ Գոբղայս. հ՜ը։



Chapter: 105 
Ալելուիա. Ճ՜Ե։


Verse: 1  Link to sept   Խոստովան եղերո́ւք տ(եառ)ն զի քաղցր է, զի յաւիտեան է ողորմութի(ւն) ն(ո)ր(ա)։

Verse: 2  Link to sept   Ո́ խօսեսցի զզօրութի(ւն)ս տ(եառ)ն, լսելի արասցէ զա(մենայ)ն օրհնութի(ւն)ս ն(ո)ր(ա)։

Verse: 3  Link to sept   Երանի ոյք պահեն զիրաւունս, եւ առնեն զարդարու(թ)ի(ւն) յա(մենայ)ն ժամ։

Verse: 4  Link to sept   Յիշեա́ զմեզ տ(է)ր ընդ հաճոյս ժողովրդեան քոյ, եւ ա́յց արա մեզ ՛ի փրկու(թ)ե(ան) քում։

Verse: 5  Link to sept   Տեսցո́ւք մեք զքաղցրու(թ)ի(ւն) ընտրելոց քոց. ուրա́խ եղիցուք յուրախու(թ)ի(ւն) ազգի քոյ, եւ գովեսցուք մեք ՛ի ժառանգու(թ)ե(ան) քում։

Verse: 6  Link to sept   Մեղաք մեք ընդ հարսն մեր, անօրինեցաք եւ յանցեաք։

Verse: 7  Link to sept   Հարքն մեր յեգիպտոս ո́չ իմացան զսքանչելիս քո, եւ ո́չ յիշեցին զբազում ողորմութի(ւն)ս քո։ Բարկացուցին զքեզ յանցանելն իւրեանց ընդ ծով կարմիր.

Verse: 8  Link to sept   փրկեաց զն(ո)ս(ա) վ(ա)ս(ն) անուան իւրոյ զի ծանիցեն զզօրութի(ւն)ս ն(ո)ր(ա)։

Verse: 9  Link to sept   Սաստեաց ՛ի ծով կարմիր եւ ցամաքեցաւ, առաջնորդեաց ն(ո)ց(ա) ընդ անդունդս ո(ր)պ(էս) ը(նդ) անապատ։

Verse: 10  Link to sept   Կեցոյց զն(ո)ս(ա) ՛ի ՛ի ձեռաց ատելեաց ն(ո)ց(ա), եւ փրկեաց զն(ո)ս(ա) ՛ի ձեռաց թշնամեաց ն(ո)ց(ա)։

Verse: 11  Link to sept   Ծածկեաց ծով զնեղիչս ն(ո)ց(ա), եւ մի ՛ի ն(ո)ց(ա)նէ ո́չ ապրեցաւ։

Verse: 12  Link to sept   Հաւատացին ՛ի բան ն(ո)ր(ա), եւ օրհնեցին զօրհնու(թ)ի(ւն) ն(ո)ր(ա)։

Verse: 13  Link to sept   Վաղվաղեցին եւ մոռացան զգործս ն(ո)ր(ա), եւ ո́չ անսացին խորհրդոյ ն(ո)ր(ա)։

Verse: 14  Link to sept   Ցանկացան զցանկու(թ)ի(ւն) յանապատի, եւ փորձեցին զա(ստուա)ծ յանջրդի։

Verse: 15  Link to sept   Ետ նոցա զխնդրուածս ն(ո)ց(ա), առաքեաց լիու(թ)ի(ւն) յանձինս ն(ո)ց(ա)։

Verse: 16  Link to sept   Բարկացուցին զմովսէս ՛ի բանակաի, եւզահարոն սուրբ տ(եառ)ն։

Verse: 17  Link to sept   Բացաւ երկիր եւ եկուլ զդադան, եւ ծածկեաց զբանակսն զաբիրովնի։

Verse: 18  Link to sept   Հուր վառեցաւ ՛ի ժողովս ն(ո)ց(ա), եւ բոց մաշեաց զմեղաւորս,

Verse: 19  Link to sept   Արարին որթ ՛ի քորեբ եւ երկի́ր պագին պատկերի,

Verse: 20  Link to sept   եւ փոխեցին զփառս իւրեանց ՛ի նմանութե(ան) որթու խստակերի։

Verse: 21  Link to sept   Մոռացան զա(ստուա)ծ կենարար իւրեանց, որ արար զմեծամեծս յեգիպտոս,

Verse: 22  Link to sept   զսքանչելիս իւր յերկիր քամայ, եւ զահ իւր ՛ի վ(ե)ր(այ) կարմիր ծովուն։

Verse: 23  Link to sept   Ասաց սատակել զն(ո)ս(ա), եթէ ոչ մովսէս ընտրեալ կայր առաջի ն(ո)ր(ա)։ Դարձաւ առ տ(է)ր եւ անցոյց զբարկութի(ւն) ն(ո)ր(ա), զի մի́ սատակեսցին նոքա։

Verse: 24  Link to sept   Անարգեցին զերկիրն ցանկալի, եւ ո́չ հաւատացին բանի նորա։

Verse: 25  Link to sept   Տրտնջեցին ՛ի բանակս իւրեանց, եւ ո́չ լուան ձայնի տ(եառ)ն։

Verse: 26  Link to sept   Համբարձ զձեռն իւր ՛ի վ(ե)ր(այ) ն(ո)ց(ա), հարկանել զն(ո)ս(ա) յանապատի։

Verse: 27  Link to sept   Ցրուեսցի́ զաւակ ն(ո)ց(ա) ը(նդ) հեթանոսս. ցրուեսցի զաւակ ն(ո)ց(ա) ը(նդ) գաւառս։

Verse: 28  Link to sept   Պղծեցան նոքա ՛ի բէլբեգովր, կերան զզոհեալ եւ զմեռելոտի։

Verse: 29  Link to sept   Բարկացուցին զնա ՛ի գործս իւրեանց, յաճախեաց ՛ի վ(ե)ր(այ) ն(ո)ց(ա) բեկումն։

Verse: 30  Link to sept   Ապա եկաց ՛ի մէջ փենէէս, քաւեաց եւ արգելաւ մահ.

Verse: 31  Link to sept   համարեցաւ նմա յարդարու(թ)ի(ւն) ազգէ յազգ մինչեւ յաւիտեան։

Verse: 32  Link to sept   Բարկացուցին զնա ՛ի ջուրսն հակառակութե(ան). չարչարեցաւ մովսէս վ(ա)ս(ն) ն(ո)ց(ա),

Verse: 33  Link to sept   զի դառնացուցի́ն զոգի նորա։ Հրամայեաց շրթամբք իւրովք,

Verse: 34  Link to sept   եւ ո́չ սատակեցին զազգսն զոր ասաց ն(ո)ց(ա) տ(է)ր։

Verse: 35  Link to sept   Խառնակեցան ընդ հեթանոսս եւ ուսան զգործս ն(ո)ց(ա).

Verse: 36  Link to sept   ծառայեցին կռոց ն(ո)ց(ա), եւ եղեւ ն(ո)ց(ա) ՛ի գայթագղութի(ւն)։

Verse: 37  Link to sept   Զոհեցին զուստերս եւ զդստերս իւրեանց դիւաց,

Verse: 38  Link to sept   եւ հեղին արիւն անբիծ։ Արիւն ուստերաց եւ դստերաց իւրեանց, զոր զոհեցին կռոցն քանանու։

Verse: 39  Link to sept   Շաղախեցաւ երկիր յարենէ ն(ո)ց(ա) եւ պղծեցաւ ՛ի գործոց նոցա, զի պոռնկեցա́ն ՛ի գնացս իւրեանց։

Verse: 40  Link to sept   Բարկացաւ սրտմտութ(եամ)բ տ(է)ր ՛ի վ(ե)ր(այ) ժողովրդեան իւրոյ, եւ գարշեցոյց զժառանգութի(ւն) իւր յոյժ։

Verse: 41  Link to sept   Մատնեաց զն(ո)ս(ա) ՛ի ձեռս հեթանոսաց, տիրեցին ն(ո)ց(ա) ատելիք իւրեանց

Verse: 42  Link to sept   եւ թշնամիք իւրեանց նեղեցին զն(ո)ս(ա), եւ խոնարհ եղեն ՛ի ներքոյ ձեռաց ն(ո)ց(ա)։

Verse: 43  Link to sept   Բազում անգամ փրկեաց զն(ո)ս(ա), եւ նոքա դառնացուցին զնա ՛ի խորհուրդս իւրեանց, եւ կորացան յանօրէնու(թ)ե(ան) իւրեանց։

Verse: 44  Link to sept   Հայեցաւ տ(է)ր ՛ի նեղութի(ւն)ս ն(ո)ց(ա), ՛ի լսել ձայնի աղօթից ն(ո)ց(ա)։

Verse: 45  Link to sept   Յիշեաց զուխտ իւր եւ զղջացաւ ըստ բազում ողորմութե(ան) իւրում.

Verse: 46  Link to sept   ետ զն(ո)ս(ա) գթու(թ)ի(ւն)ս առաջի ա(մենայ)ն գերչաց ն(ո)ց(ա)։

Verse: 47  Link to sept   Փրկեաց զմեզ տ(է)ր ա(ստուա)ծ մեր, եւ ժողովեաց զմեզ ՛ի հեթանոսաց։ Խոստովան եղիցուք անուան քում սրբոյ, եւ պարծեսցուք յօրհնութի(ւն)ս քո։

Verse: 48  Link to sept   Օրհնեալ տ(է)ր ա(ստուա)ծ ի(սրաէ)լի, յաւիտեանս յաւիտենից։ Եւ ասասցէ ա(մենայ)ն ժողովուրդն, եղիցի եղիցի։ Տունք. խ՜դ։ Կանոն Գոբղայս. Է՜։ Սաղմոս. ժ՜է։ Տունս. յ՜ժդ։



Chapter: 106 
Ալէլուիա. Ճ՜Զ։


Verse: 1  Link to sept   Խոստովան եղերուք տ(եառ)ն զի քաղցր է, զի յաւիտեան է ողուրմու(թ)ի(ւն) ն(ո)ր(ա)։

Verse: 2  Link to sept   Ասասցեն փրկեալք տ(եառ)ն, զորս փրկեաց ՛ի ձեռաց թշնամւոյն։ Յամենայն գաւառաց ժողովեաց զն(ո)ս(ա),

Verse: 3  Link to sept   յարեւելից եւ յարեւմտից ՛ի հիւսւսոյ եւ ՛ի ծովէ։

Verse: 4  Link to sept   Մոլորեցան նոքա յանապատի յանջրդի ճանապարհի, քաղաք բնակութե(ան) ո́չ գտին։

Verse: 5  Link to sept   Քաղցեա́ն եւ ծարաւեցա́ն, եւ անձինք նոցա ՛ի նոսին նուաղեցան։

Verse: 6  Link to sept   Աղաղակեցին առ տ(է)ր ՛ի նեղու(թ)ե(ան) իւրեանց, ՛ի վշտաց ն(ո)ց(ա) փրկեաց զն(ո)ս(ա)։

Verse: 7  Link to sept   Առաջնորդեաց ն(ո)ց(ա) ՛ի ճանապարհ ուղիղ, զի երթիցեն ՛ի քաղաք բնակութե(ան) իւրեանց։

Verse: 8  Link to sept   Խոստովան եղիցին տ(եառ)ն ողորմու(թ)ե(ան)ց ն(ո)ր(ա), սքանչելեաց ն(ո)ր(ա) որդիք մարդկան։

Verse: 9  Link to sept   Զի յագեցոյց զանձինս քաղցեալս, եւ զանձինս կարօտեալս լի́ արար բարութ(եամ)բ։

Verse: 10  Link to sept   Ոյք նստէին ՛ի խաւարի եւ ՛ի ստուերս մահու, կապեալ էին յաղքատու(թ)ե(ան) ո(ր)պ(էս) յերկաթս։

Verse: 11  Link to sept   Զի դառնացուցին զբանն ա(ստուծո)յ, եւ զխորհուրդս բարձրելոյն բարկացուցին։

Verse: 12  Link to sept   Խոնարհ եղեն՛ի ցաւոց սիրտք ն(ո)ց(ա), տկարացան եւ ոչ ո́ք էր որ օգնէր նոցա։

Verse: 13  Link to sept   Աղաղակեցին առ տ(է)ր նեղու(թ)ե(ան) իւրեանց, ՛ի վշտաց ն(ո)ց(ա) եհան զն(ո)ս(ա)։

Verse: 14  Link to sept   Փրկեաց զն(ո)ս(ա) ՛ի խաւարէ եւ ՛ի ստուերաց մահու, եւ խղեա́ց զկապանս ն(ո)ց(ա)։

Verse: 15  Link to sept   Խոստովան եղիցին տ(եառ)ն ողորմու(թ)ե(ան)ց ն(ո)ր(ա), սքանչելեաց ն(ո)ր(ա) որդիք մարդկան։

Verse: 16  Link to sept   Զի փշրեա́ց զդրունս պղնձիս, եւ զնոգս երկաթիս խորտակեաց։

Verse: 17  Link to sept   Օգնեա́ց ն(ո)ց(ա) ՛ի ճանապարհի անօրէնութե(ան)ց, զի վ(ա)ս(ն) մեղաց իւրեանց խոնա́րհ եղեն յոյժ։

Verse: 18  Link to sept   Յամենայն կերակրոց գարշէին սիրաք նոցա, մերձեցան մինչեւ ՛ի դրունս մահու։

Verse: 19  Link to sept   Աղաղակեցին առ տ(է)ր ՛ի նեղու(թ)ե(ան) իւրեանց, ՛ի վշտաց ն(ո)ց(ա) ապրեցո́յց զն(ո)ս(ա)։

Verse: 20  Link to sept   Առաքեաց զբան իւր եւ բժշկեա́ց զն(ո)ս(ա), եւ փրկեաց զն(ո)ս(ա) յապականու(թեն)է իւրեանց։

Verse: 21  Link to sept   Խոստովան եղիցին տ(եառ)ն ողորմու(թ)ե(ան)ց ն(ո)ր(ա), սքանչելեաց ն(ո)ր(ա) որդիք մարդկան։

Verse: 22  Link to sept   Մտուսցեն նմա պատարագ օրհնութե(ան), եւ պատմեսցեն զգործս ն(ո)ր(ա) ցնծու(թեամ)բ։

Verse: 23  Link to sept   Ոյք իջանէին ՛ի ծով նաւովք, եւ առնէին գործս ՛ի ջուրս բազումս։

Verse: 24  Link to sept   Նոքա տեսին զգործս տ(եառ)ն, եւ զսքանչելիս ն(ո)ր(ա) ՛ի խորս անդնդոց։

Verse: 25  Link to sept   Ասաց եւ յարեաւ հողմ եւ մրրիկ, եւ բարձրացան ալիք նորա։

Verse: 26  Link to sept   Ելանէին յերկինս եւ իջանէին յանդունդս, եւ անձինք ն(ո)ց(ա) յանձինս իւրեանց մաշեցան։

Verse: 27  Link to sept   Խռովեցա́ն սասանեցան ո(ր)պ(էս) արբեալք, եւ ա(մենայ)ն իմաստու(թ)ի(ւն) ն(ո)ց(ա) ընկլաւ։

Verse: 28  Link to sept   Աղաղակեցին առ տ(է)ր ՛ի նեղութե(ան) իւրեանց, ՛ի վշտաց ն(ո)ց(ա) կեցո́յց զն(ո)ս(ա)։

Verse: 29  Link to sept   Դարձոյց զմրրիկն յօդ՝ եւ դադարեցին ալիք ն(ո)ր(ա).

Verse: 30  Link to sept   ուրախ եղեն զի դադարեցին, եւ առաջնորդեաց ն(ո)ց(ա) ՛ի նաւահանգիստ կամաց իւրեանց։

Verse: 31  Link to sept   Խոստովան եղիցին տ(եառ)ն ողորմու(թ)ե(ան)ց ն(ո)ր(ա), սքանչելեաց ն(ո)ր(ա) որդիք մարդկան։

Verse: 32  Link to sept   Բարձր արասցեն զնա ՛ի ժողովս ժողովրդոց, եւ յաթոռս ծերոց օրհնեսցեն զնա։

Verse: 33  Link to sept   Զի դարձո́յց զգետս ՛ի ցամաք, եւ զգնացս ջուրց յերկիր ծարաւուտ։

Verse: 34  Link to sept   Արար զերկիրն պտղաբեր յաղտաղտո́ւկս, վ(ա)ս(ն) չարութե(ան) բնակչաց ն(ո)ր(ա)։

Verse: 35  Link to sept   Արար զանապատն ՛ի ճահիճս ջուրց, եւ զերկիրն ծարաւուտ ՛ի գնացս ջուրց։

Verse: 36  Link to sept   Բնակեցոյց ՛ի նմա քաղցեալս, եւ շինեցին քաղաք բնակու(թ)ե(ան) իւրեանց։

Verse: 37  Link to sept   Վարեցին արտս եւ տնկեցին այգիս, եւ արարին պտո́ւղ արմտեաց իւրեանց։

Verse: 38  Link to sept   Օրհնեաց զն(ո)ս(ա) եւ բազմացան յոյժ, եւ անասունք ն(ո)ց(ա) ո́չ նուազեցան։

Verse: 39  Link to sept   Նուաղեցան նոքա եւ չարչարեցան, ՛ի նեղութ(են)է չարեաց եւ ՛ի վշտաց։

Verse: 40  Link to sept   Եկն անարգու(թ)ի(ւն) ՛ի վ(ե)ր(այ) իշխանաց ն(ո)ց(ա), մոլորեցոյց զն(ո)ս(ա) յանապատի եւ ո́չ ՛ի ճանապարհի։

Verse: 41  Link to sept   Օգնեաց տնանկին յաղքատութե(ան) իւրեանց, առաջնորդեաց ո(ր)պ(էս) խաշին ազգի ն(ո)ց(ա)։

Verse: 42  Link to sept   Տեսցե́ն ուղիղք եւ ուրա́խ եղիցին, եւ ա(մենայ)ն անօրէն խցցէ́ զբերան իւր։

Verse: 43  Link to sept   Ո́վ է իմաստուն որ պահեսցէ զայս, եւ ՛ի միտ առցէ զողորմութի(ւն)ս տ(եառ)ն։ Տունք. խ՜բ։



Chapter: 107 

Verse: 1 
Link to sept Օրհնութի(ւն) սաղմոսաց ՛ի դաւիթ. Ճ՜Է։


Verse: 2  Link to sept   Պատրաստ է սիրտ իմ ա(ստուա)ծ, պատրաստ է սիրտ իմ օրհնել եւ սաղմոս ասել քեզ փառօք իմովք։

Verse: 3  Link to sept   Զարթի́ք փառք իմ զարթի́ք սաղմոսիւք եւ օրհնու(թեամ)բ, եւ ես զարթեայց առաւօտու։

Verse: 4  Link to sept   Խոստովան եղէց քեզ ՛ի ժողովուրդս տ(է)ր, եւ սաղմոս ասացից քեզ յազինս։

Verse: 5  Link to sept   Մեծ եղեւ մինչեւ յերկինս ողորմու(թ)ի(ւն) քո, մինչեւ յամպս է ճշմարտու(թ)ի(ւն) քո։

Verse: 6  Link to sept   Բարձր լեր մինչեւ յերկինս ա(ստուա)ծ, յա(մենայ)ն երկրի են փառք քո։

Verse: 7  Link to sept   Ո(ր)պ(էս) փրկեցան սիրելիք քո, կեցո́ աջով քով եւ լո́ւր մեզ։

Verse: 8  Link to sept   Ա(ստուա)ծ խօսեցաւ ՛ի սրբու(թեն)է իւրմէ, բարձր եղէց բաժանեցայց զսիւքէմ եւ զհովիտսն յարկաց չափեցից։

Verse: 9  Link to sept   Ի́մ է գաղաադ եւ իմ է մանասէ, եփրեմ հզօրիչ գլխոյ իմոյ։ Յուդայ թագաւոր իմ,

Verse: 10  Link to sept   եւ մովաբ աւազան յուսոյ իմոյ։ Յեդովմէ ուղղեցից զգնացս իմ, եւ ինձ այլազգիք հնազանդ եղեն։

Verse: 11  Link to sept   Ո́ տարցէ զիս ՛ի քաղաք ամուր, կամ ո́ առաջնորդեսցէ ինձ մինչեւ յեդովմէ։

Verse: 12  Link to sept   Թէ ոչ դու ա(ստուա)ծ որ մերժեցեր զմեզ, եւ ո́չ ելեր ա(ստուա)ծ ընդ զօրս մեր։

Verse: 13  Link to sept   Տո́ւր մեզ օգնու(թ)ի(ւն) ՛ի նեղու(թ)ե(ան), զի սուտ է փրկու(թ)ի(ւն) մարդոյ։

Verse: 14  Link to sept   Ա(ստուծո)վ արասցո́ւք զօրու(թ)ի(ւն), եւ նա յամօթ արասցէ զթշնամիս մեր։ Տունք. ժ՜գ։



Chapter: 108 

Verse: 1 
Link to sept ՛Ի կատարած. Սաղմոս ՛ի դաւիթ. Ճ՜Ը։


Verse: 2  Link to sept   Ա(ստուա)ծ օրհնու(թ)ե(ան) իմոյ մի́ լռեր, զի բերան մեղաւորի բերան նենգաւորի բացաւ ՛ի վ(ե)ր(այ) իմ։ Խօսեցան զինէն լեզուօք նենգաւորօք,

Verse: 3  Link to sept   եւ բանիւք ատելու(թ)ե(ան) պաշարեցին զիս։ Մարտեան ընդ իս ՛ի տարապարտուց,

Verse: 4  Link to sept   փոխանակ սիրոյ իմոյ մատնէին զիս, այլ ես յաղօթս կայի։

Verse: 5  Link to sept   Հատուցին ինձ չա́ր փոխանակ ընդ բարւոյ, ատելու(թ)ի(ւն) փոխանակ սիրոյ իմոյ։

Verse: 6  Link to sept   Կացո́ ՛ի վ(ե)ր(այ) ն(ո)ր(ա) մեղաւոր, սատանա́յ կացցէ ընդ աջմէ ն(ո)ր(ա)։

Verse: 7  Link to sept   ՛Ի դատաստանէ իւրմէ ելցէ դատապարտեալ, եւ աղօթք նորա ՛ի մե́ղս դարձցին։

Verse: 8  Link to sept   Եղիցին աւուրք ն(ո)ր(ա) նուազ, եւ զայցելու(թ)ի(ւն) ն(ո)ր(ա) զայն ա́յլ տարցի։

Verse: 9  Link to sept   Եղիցին որդիք ն(ո)ր(ա) որբ եւ կին ն(ո)ր(ա) այրի́.

Verse: 10  Link to sept   սահեսցին փոփոխեսցին, որդիք ն(ո)ր(ա) մուրօղք եղիցին, եւ ելցեն ՛ի բնակու(թեն)է իւրեանց։

Verse: 11  Link to sept   Քննեսցէ փոխատու զա(մենայ)ն ինչս ն(ո)ր(ա), յափշտակեսցեն օտա́րք զվաստակս ն(ո)ր(ա)։

Verse: 12  Link to sept   Մի́ գտցի ոք օգնական նմա, եւ մի́ ոք ողորմեսցի ՛ի վ(ե)ր(այ) որբոց ն(ո)ր(ա)։

Verse: 13  Link to sept   Եղիցին որդիք ն(ո)ր(ա) ՛ի սատակումն, եւ յազգէ ջնջեսցի́ անուն ն(ո)ր(ա)։

Verse: 14  Link to sept   Յիշեսցին մեղք հօր ն(ո)ր(ա) առաջի տ(եառ)ն. եւ մեղք մօր ն(ո)ր(ա) մի́ ջնջեսցին.

Verse: 15  Link to sept   եւ եղիցին առաջի տ(եառ)ն յա(մենայ)ն ժամ։

Verse: 16  Link to sept   Սատակեսցի́ յերկրէ յիշատակ ն(ո)ր(ա). փոխանակ զի ո́չ յիշեաց առնել զողորմու(թ)ի(ւն)։

Verse: 17  Link to sept   Հալածեաց զայր աղքատ եւ զտնանկ, սպանանե́լ զայն որ խոնարհ է սրտիւ։

Verse: 18  Link to sept   Սիրեաց զանէծս եւ ելցէ́ նմա. ո́չ կամեցաւ զօրհնութի(ւն), հեռի́ եղիցի ՛ի նմանէ։ Զգեցաւ զանէծս ո(ր)պ(էս) հանդերձ, մտցէ որպէս ջո́ւր ՛ի փոր ն(ո)ր(ա), ո(ր)պ(էս) ձէթ ընդ ոսկերս նորա։

Verse: 19  Link to sept   Եղիցի նմա ո(ր)պ(էս) հանդերձ զի ագանի, ո(ր)պ(էս) գօտի որ ածի́ հանապազ ընդ մէջ իւր։

Verse: 20  Link to sept   Այս գործի այնոցիկ որ չարախօս կային զինէն առ տ(է)ր, եւ ոյք խօսէին չա́ր զանձնէ իմմէ։

Verse: 21  Link to sept   Այլ դու տ(է)ր տ(է)ր՝ արա́ ընդ իս ըստ անուա́ն քում, զի քաղցր է ողորմութի(ւն) քո, փրկեա́ զիս

Verse: 22  Link to sept   զի աղքատ եւ տնանկ եմ ես։ Սիրտ իմ խռովեցաւ ՛ի փորի իմում,

Verse: 23  Link to sept   եւ ես ո(ր)պ(էս) ստուե́ր ՛ի խուսափել իմում պակասեցայ, եւ թօթափեցայ ո(ր)պ(էս) մարախ։

Verse: 24  Link to sept   Ծունկք իմ տկարացա́ն ՛ի պահոց, եւ մարմին իմ այլագունեա́ց յիւղոյ։

Verse: 25  Link to sept   Եղէ ես նախատ ն(ո)ց(ա), տեսին զիս եւ շարժեցին զգլուխս իւրեանց։

Verse: 26  Link to sept   Օգնեա́ ինձ տ(է)ր ա(ստուա)ծ իմ, եւ փրկեա́ զիս ըս(տ) ողորմութե(ան) քում։

Verse: 27  Link to sept   Ծանիցեն զի ձեռն քո ա́յս է, եւ դու տ(է)ր արարեր զայս։

Verse: 28  Link to sept   Նոքա անիծանեն եւ դու օրհնեսցես. ոյք յարուցեալ են ՛ի վ(ե)ր(այ) իմ ամօ́թ կրեսցեն. այլ ծառայ քո ուրա́խ եղիցի ՛ի քեզ։

Verse: 29  Link to sept   Զգեցցին զամօթ որ չարախօս կային զանձնէ իմմէ, եւ արկցեն ո(ր)պ(էս) կրկնո́ց զամօթ իւրեանց զիւրեամբք։

Verse: 30  Link to sept   Այլ ես խոստովան եղէց առ տ(է)ր յոյժ բերանով իմով, ՛ի մէջ բազմաց օրհնեցից զքեզ։

Verse: 31  Link to sept   Զի եկաց նա ընդ աջմէ տնանկիս, փրկել զիս յայնցանէ ոյք հալածեն զանձն իմ։ Տունք. ի՜ը։



Chapter: 109 

Verse: 1 
՛Ի կատարած. Սաղմոս ՛ի դաւիթ. Ճ՜Թ։


   Link to sept   Ասաց տ(է)ր ցտ(է)ր իմ նի́ստ ընդ աջմէ իմմէ, մինչեւ եդից զթշնամիս քո պատուանդան ոտից քոց։

Verse: 2  Link to sept   Գաւազան զօրու(թ)ե(ան) առաքեսցէ քեզ տ(է)ր ՛ի սիովնէ, եւ տիրեսցես դու ՛ի մէջ թշնամեաց քոց։

Verse: 3  Link to sept   Ընդ քեզ է ինձ սկիզբն աւուրց զօրութե(ան). ՛ի վայելչու(թ)ի(ւն) սրբոց քոց յարգանդէ յառաջ քան զարուսեակ ծնայ զքեզ։

Verse: 4  Link to sept   Երդուաւ տ(է)ր եւ ո́չ եւս զղջասցի, թէ դու ես քահանայ յաւիտեա́ն ըս(տ) կարգին մելքիսեդեկի,

Verse: 5  Link to sept   եւ տ(է)ր ը(նդ) աջմէ քումմէ։ Խորտակեսցէ́ յաւուր բարկու(թ)ե(ան) զթագաւորս.

Verse: 6  Link to sept   դատի զհեթանոսս եւ բազում առնէ զհարուածս, եւ խորտակեսցէ զգլուխս բազմաց յերկրի։

Verse: 7  Link to sept   Զուխս ՛ի ճանապարհի արբուսցէ. վ(ա)ս(ն) այնորիկ եւ բա́րձր արասցէ զգլուխս։ Տունք. զ՜։ Գոբղայս. խ՜ը։



Chapter: 110 
Ալելուիա. Ճ՜Ժ։


Verse: 1  Link to sept   Խոստովան եղէց քեզ տ(է)ր բոլորով սրտիւ իմով, ՛ի խորհուրդս ուղղոց ՛ի ժողովուրդս

Verse: 2  Link to sept   մեծ են գործք տ(եառ)ն, եւ քննեալ են յա(մենայ)նի կամք ն(ո)ր(ա)։

Verse: 3  Link to sept   Խոստովանու(թ)ի(ւն) եւ վայելչութի(ւն) են գործք ն(ո)ր(ա). արդարու(թ)ի(ւն) ն(ո)ր(ա) մնա́յ յաւիտեանս յաւիտենից։

Verse: 4  Link to sept   Յիշատա́կ արար սքանչելեաց իւրոց ուղղոց. ողորմած գթա́ծ է տ(է)ր

Verse: 5  Link to sept   կերակուր տայ երկիւղածաց իւրոց։ Յիշեաց յաւիտենից զուխտ իւր,

Verse: 6  Link to sept   զզօրու(թ)ի(ւն) գործոց իւրոց պատուիրեաց ժողովրդեան իւրոյ։

Verse: 7  Link to sept   Տալ ն(ո)ց(ա) զժառանգու(թ)ի(ւն) հեթանոսաց, եւ գործք ձեռաց ն(ո)ր(ա) արդարութի(ւն) եւ իրաւունք են։

Verse: 8  Link to sept   Հաւատարիմ են յա(մենայ)նի պատուիրանք ն(ո)ր(ա), հաստատեալ են յաւիտեանս յաւիտենից, արարեալ են ճշմարտու(թեամ)բ եւ ուղղութ(եամ)բ։

Verse: 9  Link to sept   Փրկութի(ւն) առաքեաց տ(է)ր ժողովրդեան իւրում. պատուիրեաց յաւիտենից զուխտ իւր սուրբ եւ ահե́ղ է անուն ն(ո)ր(ա)։

Verse: 10  Link to sept   Սկիզբն զգօնութե(ան) երկեւղ տ(եառ)ն, իմաստութի(ւն) բարի ամենեցուն որ առնեն զնա, եւ օրհնու(թ)ի(ւն) ն(ո)ր(ա) մնա́յ յաւիտեանս յաւիտենից։ Տունք. ը՜։



Chapter: 111 
Ալելուիա. ՛ի վերայ ապաշխարութեան, անգեայ եւ զաքարիայ. Ճ՜ԺԱ։


Verse: 1  Link to sept   Երանեալ է այր որ երկնչի ՛ի տ(եառ)նէ, զի զպատուիրանս ն(ո)ր(ա) նա́ կամի յոյժ։

Verse: 2  Link to sept   Հզօր եղիցի յերկրի զաւակ ն(ո)ր(ա), եւ ազգ ուղղոց օրհնեսցի́։

Verse: 3  Link to sept   Փառք եւ մեծու(թ)ի(ւն) են ՛ի տան ն(ո)ր(ա), արդարու(թ)ի(ւն) ն(ո)ր(ա) մնա́յ յաւիտեանս յաւիտենից։

Verse: 4  Link to sept   Ծագեաց ՛ի խաւարի լո́յս ուղղոց, ողորմած գթա́ծ եւ արդար է տ(է)ր։

Verse: 5  Link to sept   Քաղցր այր ողորմի́ եւ տայ փոխ, յօրինէ́ զբան իւր ՛ի դատաստանի,

Verse: 6  Link to sept   զի յաւիտեան նա մի́ սասանեսցի։

Verse: 7  Link to sept   Յիշատակ յաւիտենի́ց եղիցի արդար, ՛ի համբաւէ չարէ նա մի́ երկիցէ։ Պատրաստ է սիրտ ն(ո)ր(ա) յուսալ առ ա(ստուա)ծ։

Verse: 8  Link to sept   Հաստատեալ է սիրտ ն(ո)ր(ա) եւ նա մի́ երկիցէ, մինչեւ տեսցէ ՛ի թշնամիս իւր։

Verse: 9  Link to sept   Սփռեաց եւ ե́տ աղքատաց. արդարութի(ւն) ն(ո)ր(ա) մնայ յաւիտեանս յաւիտենից, եւ եղջեւր ն(ո)ր(ա) բա́րձր եղիցի փառօք։

Verse: 10  Link to sept   Մեղաւորն տեսցէ́ եւ բարկասցի, զատամունս իւր կրճտեսցէ́ եւ հալեսցի, եւ ցանկութի(ւն) մեղաւորաց կորիցէ։ Տունք. ժ՜։



Chapter: 112 
Ալելուիա. Ճ՜ԺԲ։


Verse: 1  Link to sept   Օրհնեցէ́ք մանկունք զտ(է)ր, եւ օրհնեցէ́ք զանուն տ(եառ)ն։

Verse: 2  Link to sept   Եղիցի անուն տ(եառ)ն օրհնեալ, յայսմ հետէ մինչեւ յաւիտեան։

Verse: 3  Link to sept   Յարեւելից մինչ ՛ի մուտս արեւու, օրհնեալ է անուն տ(եառ)ն։

Verse: 4  Link to sept   Բա́րձր է ՛ի վ(ե)ր(այ) ա(մենայ)ն ազգաց տ(է)ր, եւ յերկինս են փառք ն(ո)ր(ա)։

Verse: 5  Link to sept   Ո́վ է ո(ր)պ(էս) տ(է)ր ա(ստուա)ծ մեր ՛ի բարձունս բնակեալ,

Verse: 6  Link to sept   եւ զխոնարհս տեսանէ յերկնից ՛ի յերկիր։

Verse: 7  Link to sept   Յարուցանէ զաղքատս յերկրէ, եւ բա́րձր առնէ զտառապեալս յաղբեւաց։

Verse: 8  Link to sept   Նստուցանէ զնոսա իշխանս, ընդ իշխանս ժողովրդեան իւրոյ։

Verse: 9  Link to sept   Բնակեցուցանէ զամուլն ՛ի տան ուրախամիտ, ո(ր)պ(էս) մայր որդւոց բերկրեալ։ Տունք. ը՜։



Chapter: 113 
Ալելուիա. Ճ՜ԺԳ։


Verse: 1  Link to sept   Ելանելն ի(սրաէ)լի յեգիպտոսէ. տանն յակոբայ ՛ի ժողովրդենէ այլազգեաց։

Verse: 2  Link to sept   Եղեւ հրէաստան սրբու(թ)ի(ւն) ն(ո)ր(ա), եւ ի(սրա)էլ իշխանու(թ)ի(ւն) ն(ո)ր(ա)։

Verse: 3  Link to sept   Ծով ետես եւ փախեաւ, եւ յորդանան անդրէ́ն դարձաւ։

Verse: 4  Link to sept   Լերինք ցնծացին ո(ր)պ(էս) խոյք, եւ բլուրք ո(ր)պ(էս) գառինք մաքեաց։

Verse: 5  Link to sept   Զի՞է քեզ ծով, զո՞ տեսեր եւ փախեար, կամ դու յորդանան զի՞ դարձան անդրէն։

Verse: 6  Link to sept   Լերինք՝ ցնծացէ́ք ո(ր)պ(էս) խոյք, եւ բլուրք ո(ր)պ(էս) գառինք մաքեաց։

Verse: 7  Link to sept   Յերեսաց տ(եառ)ն սասանեցաւ երկիր, յերեսաց ա(ստուծո)յ յակովբայ։

Verse: 8  Link to sept   Ո դարձոյց զվէմն ՛ի վտակս ջուրց, եւ զապառաժն ՛ի յաղբերակունս։

Verse: 1  Link to sept   Մի́ մեզ տ(է)ր մի մեզ. այլ անուա́ն քում տո́ւր զփառս, վ(ա)ս(ն) անուան եւ ճշմարտու(թ)ե(ան) քում։

Verse: 2  Link to sept   Մի́ երբէք ասասցեն ՛ի հեթանոսս, թէ ո́ւր է ա(ստուա)ծ ն(ո)ց(ա)։

Verse: 3  Link to sept   Ա(ստուա)ծ մեր յերկինս եւ յերկրի, զա(մենայ)ն զոր ինչ կամեցաւ եւ արար։

Verse: 4  Link to sept   Կուռք հեթանոսաց ոսկի եւ արծաթ են, ձեռագործք են որդւոց մարդկան։

Verse: 5  Link to sept   Բերան ունին՝ եւ ո́չ խօսին, աչս ունին՝ եւ ո́չ տեսանեն։

Verse: 6  Link to sept   Ականջս ունին՝ եւ ո́չ լսեն, ունչս ունին՝ եւ ո́չ հոտոտին։

Verse: 7  Link to sept   Ձեռս ունին՝ եւ ո́չ շօշափեն, ոտս ունին՝ եւ ո́չ գնան. եւ ո́չ գոյ բարբառ ՛ի կոկորդս ն(ո)ց(ա)։

Verse: 8  Link to sept   Նման ն(ո)ց(ա) եղիցին ոյք արարին զն(ո)ս(ա). ամենեքեան ոյք յուսացեալ են ՛ի ն(ո)ս(ա)։

Verse: 9  Link to sept   տուն ի(սրաէ)լի յուսացաւ ՛ի տ(է)ր, օգնական ընդունելի́ է ն(ո)ց(ա)։

Verse: 10  Link to sept   Տուն ահարոնի յուսացաւ ՛ի տ(է)ր, օգնական ընկերելի́ է ն(ո)ց(ա)։

Verse: 11  Link to sept   Երկիւղածք տ(եառ)ն յուսացան ՛ի տ(է)ր, օգնական եւ փրկի́չ է ն(ո)ց(ա)։

Verse: 12  Link to sept   Յիշեաց զմեզ տ(է)ր եւ օրհնեաց զմեզ. օրհնեաց տ(է)ր զտունն ի(սրաէ)լի. օրհնեաց տ(է)ր զտո́ւնն ահարոնի։

Verse: 13  Link to sept   Օրհնեաց տ(է)ր զերկիւղածս իւր, զփոքրկունս եւ զմեծամեծս։

Verse: 14  Link to sept   Յաւելցէ́ ՛ի ձեզ տ(է)ր, ՛ի ձեզ եւ յորդի́ս ձեր։

Verse: 15  Link to sept   Օրհնեալ էք դուք ՛ի տն(թեն)է, որ արար զերկինս եւ զերկիր։

Verse: 16  Link to sept   Երկինք երկնից տ(եառ)ն են, եւ զերկիրս ետ որդւո́ց մարդկան։

Verse: 17  Link to sept   Ո́չ թէ մեռեալք օրհնեսցեն զքեզ, եւ ո́չ ամենեքեան որ իջանեն ՛ի դժոխս։

Verse: 18  Link to sept   Այլ կենդանիքս օրհնեսցո́ւք զտ(է)ր, յայսմ հետէ մինչեւ յաւիտեան։ Տունք. ի՜զ։ Գոբղայս. ծ՜բ։



Chapter: 114 
Ալելուիա. Ճ՜ԺԴ։


Verse: 1  Link to sept   Սիրեցի զի լուիցէ տ(է)ր զձայն աղօթից իմոց.

Verse: 2  Link to sept   խոնարհեցոյց զունկն իւր առ իս, եւ ես յաւուրս իմ կարդացի առ նա։

Verse: 3  Link to sept   Շրջեցան զինեւ երկունք մահու, եւ վիշտք դժոխոց գտին զիս։

Verse: 4  Link to sept   Զնեղու(թ)ի(ւն) եւ զանձկութի(ւն) գտի, եւ զանուն տ(եառ)ն կարդացի։

Verse: 5  Link to sept   Ո́ տ(է)ր փրկեա́ զանձն իմ. ողորմած եւ արդար է տ(է)ր ա(ստուա)ծ մեր, ողորմի

Verse: 6  Link to sept   եւ պահէ զտղայս տ(է)ր։ Ես խոնարհ եղէ եւ տ(է)ր կեցոյց զիս,

Verse: 7  Link to sept   դա́րձ անձն իմ ՛ի հանգիստ քո զի տ(է)ր օգնեաց քեզ։

Verse: 8  Link to sept   Փրկեաց զանձն իմ ՛ի մահուանէ, զաչս իմ յարտասուաց, զոտս իմ ՛ի գայթագղու(թեն)է,

Verse: 9  Link to sept   հաճոյ եղէց առաջի տ(եառ)ն յերկիր կենդանեաց։ Տունք. զ՜։



Chapter: 115 
Ալելուիա. Ճ՜ԺԵ։


Verse: 1  Link to sept   Հաւատացի զոր եւ խօսեցայ, եւ ես խոնարհ եղէ յոյժ։

Verse: 2  Link to sept   Ես ասացի ՛ի զարմանալ իմում, թէ ա(մենայ)ն մարդ սուտ է։

Verse: 3  Link to sept   Զի՞նչ տաց տրիտո́ւր տ(եառ)ն, ընդ ա(մենայ)նի զոր եւ ե́տ ինձ։

Verse: 4  Link to sept   Բաժակ փրկու(թ)ե(ան) ընկալայց, եւ զանուն տ(եառ)ն կարդացից։

Verse: 5  Link to sept   Զաղօթս իմ տ(եառ)ն տաց՝ առաջի ա(մենայ)ն ժողովրդեա́ն ն(ո)ր(ա)։

Verse: 6  Link to sept   Պատուական է առաջի տ(եառ)ն մահ սրբոց իւրոց.

Verse: 7  Link to sept   ո́ տ(է)ր ես ծառայ քո եմ, ծառայ եւ որդի աղախնոյ քոյ։

Verse: 8  Link to sept   Հատե́ր զկապանս իմ, քեզ մատուցից պատարագ օրհնու(թ)ե(ան), եւ զանուն տ(եառ)ն կարդացից։

Verse: 9  Link to sept   Զաղօթս իմ տ(եառ)ն տաց առաջի ա(մենայ)ն ժողովրդեա́ն ն(ո)ր(ա),

Verse: 10  Link to sept   ՛ի գաւիթս տան տ(եառ)ն, եւ ՛ի մէջ քո ե(րուսաղ)էմ։ Տունք. ը՜։



Chapter: 116 

Verse: 1 
Ալէլուիա. ՃԺԶ։


   Link to sept   Օրհնեցէ́ք զտ(է)ր ա(մենայ)ն ազինք. գովեցէ́ք զնա ա(մենայ)ն ժողովուրդք։

Verse: 2  Link to sept   Զօրասցի́ ողորմութի(ւն) ն(ո)ր(ա) ՛ի վերայ մեր. ճշմարտութի(ւն) տ(եառ)ն մնասցէ յաւիտեան։ Տունք. բ՜։



Chapter: 117 

Verse: 1 
Ալէլուիա. ՃԺԷ։


   Link to sept   Խոստովա́ն եղերուք տ(եառ)ն զի բարի է, զի յաւիտեան է ողորմութի(ւն) ն(ո)ր(ա)։

Verse: 2  Link to sept   Ասասցէ տուն ի(սրաէ)լի զի բարի է, զի յաւիտեա́ն է ողորմութի(ւն) ն(ո)ր(ա)։

Verse: 3  Link to sept   Ասասցէ տուն ահարոնի, զի յաւիտեան է ողորմու(թ)ի(ւն) ն(ո)ր(ա)։

Verse: 4  Link to sept   Ասասցեն երկիւղածք տ(եառ)ն զի բարի́ է, զի յաւիտեան է ողորմու(թ)ի(ւն) ն(ո)ր(ա)։

Verse: 5  Link to sept   ՛Ի նեղու(թ)ե(ան) կարդացի առ տ(է)ր, եւ լուա́ւ ինձ յանդորր։

Verse: 6  Link to sept   Տ(է)ր է իմ օգնական եւ ես ո́չ երկեայց, զի՞ արասցէ ինձ մարդ։

Verse: 7  Link to sept   Տ(է)ր է իմ օգնական, եւ ես տեսի́ց՛ի թշնամիս իմ։

Verse: 8  Link to sept   Բարի́ է յուսալ ՛ի տ(է)ր քան յուսալ ՛ի մարդիկ,

Verse: 9  Link to sept   բարի́ է յուսալ ՛ի տ(է)ր քան յուսալ յիշխանս։

Verse: 10  Link to sept   Ամենայն ազինք շրջեցան զինեւ, եւ անուամբ տ(եառ)ն յաղթեցի ն(ո)ց(ա)։

Verse: 11  Link to sept   Շրջելով շրջեցա́ն զինեւ, պաշարեցին զիս ՛ի միասին, եւ անուամբ տ(եառ)ն վանեցի զն(ո)ս(ա)։

Verse: 12  Link to sept   Շրջեցան զինեւ ո(ր)պ(էս) մեղուք, վառեցան բորբոքեցան ո(ր)պ(էս) փուշք ՛ի հուր, եւ անուամբ տ(եառ)ն մերժեցի զնոսա։

Verse: 13  Link to sept   ՛Ի մերժելն դրդուեցայ եւ եղէ մե́րձ ՛ի գլորել. եւ տ(է)ր իմ ընկալաւ զիս։

Verse: 14  Link to sept   Զօրութի(ւն) իմ եւ օգնութի(ւն) իմ տ(է)ր, եւ եղեւ ինձ ՛ի փրկութի(ւն)։

Verse: 15  Link to sept   Ձայն ցնծու(թ)ե(ան) փրկութե(ան)՝ ՛ի յարկս արդարոց։

Verse: 16  Link to sept   Աջ տ(եառ)ն արար զօրու(թ)ի(ւն), աջ տ(եառ)ն բա́րձր արար զիս, աջ տ(եառ)ն արար զօրու(թ)ի(ւն)։

Verse: 17  Link to sept   Ո́չ մեռայց, այլ կեցից եւ պատմեցի́ց զգործս տ(եառ)ն։

Verse: 18  Link to sept   Խրատելով խրատեա́ց զիս տ(է)ր, եւ ՛ի մահ ո́չ մատնեաց։

Verse: 19  Link to sept   Բացէ́ք ինձ դրունս արդարու(թ)ե(ան) զի մտից ը(նդ) այն, եւ խոստովա́ն եղեց տ(եառ)ն։ Այս դուռն տ(եառ)ն է, եւ արդարք մտանեն ընդ սա։

Verse: 20  Link to sept   Խոստովան եղէց քեզ տ(է)ր զի լուար ինձ, եւ եղեր ինձ ՛ի փրկու(թ)ի(ւն)։

Verse: 21  Link to sept   Վէմն զոր անարգեցին շինօղքն, նա եղեւ գլուխ անկեան։

Verse: 22  Link to sept   ՛Ի տն(թեն)է եղեւ այս, եւ է սքանչելի́ առաջի աչաց մերոց։

Verse: 23  Link to sept   Այսօր է զոր արար տ(է)ր, եկա́յք ցնծասցուք եւ ուրա́խ եղիցուք ՛ի սմա։

Verse: 24  Link to sept   Ո́ տ(է)ր, եկա́ք ցնծասցուք եւ ուրախ եղիցուք ՛ի սմա։

Verse: 25  Link to sept   Ո́ տ(է)ր փրկեա́ ո́ տ(է)ր առաջնորդեա́.

Verse: 26  Link to sept   օրհնեալ որ գալոցդ ես յանուն տ(եառ)ն, եւ օրհնեցաք զքեզ յանուանէ տ(եառ)ն։

Verse: 27  Link to sept   Տ(է)ր ա(ստուա)ծ մեր երեւեցաւ մեզ, արարէ́ք տօնս ուրախութե(ան) կանխաւ, մինչեւ յանկիւնս սեղանոյ։

Verse: 28  Link to sept   Ա(ստուա)ծ իմ ես դու խոստովան եղէց քեզ, ա(ստուա)ծ իմ ես դու՝ եւ բա́րձր արարից զքեզ։ Խոստովան եղէց քեզ տ(է)ր զի լուար ինձ, եւ եղեր ինձ ՛ի փրկու(թ)ի(ւն)։

Verse: 29  Link to sept   Խոստովան եղերուք տ(եառ)ն, զի բարի է զի յաւիտեա́ն է ողորմու(թ)ի(ւն) ն(ո)ր(ա)։ Տունք. ի՜ը։ Գոբղայս. խ՜դ։



Chapter: 118 
Ալելուիա. Ճ՜ԺԸ։


Verse: 1  Link to sept   Երանեալ են անբիծք ՛ի ճանապարհի, եւ ոյք գնան յօրէնս տ(եառ)ն։

Verse: 2  Link to sept   Երանի́ ոյք քննեն զվկայութի(ւն) ն(ո)ր(ա), բոլորով սրտի́ւ իւրեանց խնդրեսցեն զնա։

Verse: 3  Link to sept   Ո́չ թէ որ գործեն զանօրէնու(թ)ի(ւն), ՛ի ճանապարհս նորա գնասցեն։

Verse: 4  Link to sept   Դու պատուիրեցեր զպատուիրանս քո, ՛ի պահել ինձ յոյժ։

Verse: 5  Link to sept   Աւշ թէ յաջողեալէին ճանապարհք իմ, պահել ինձ զարդարու(թ)ի(ւն)ս քո։

Verse: 6  Link to sept   Յայնժամ ես ո́չ ամաչէի ՛ի զգուշանալ ինձ ՛ի պատուիրանս քո։

Verse: 7  Link to sept   Խոստովան եղէց քեզ տ(է)ր յուղղու(թ)ի(ւն) սրտի իմոյ. ո(ր)պ(էս) ուսայց զիրաւունս արդարու(թ)ե(ան) քո։

Verse: 8  Link to sept   Զիրաւունս քո պահեցի, մի́ թողուր զիս մինչեւ ՛ի սպառ։

Verse: 9  Link to sept   Ի՞ւ ուղղեսցէ երիտասարդ զկանապարհս իւր, այլ ՛ի պահել զբա́նս քո։

Verse: 10  Link to sept   Բոլորով սրտիւ իմով խնդրեցի զքեզ, մի́ մերժեր զիս ՛ի պատուիրանաց քոց։

Verse: 11  Link to sept   ՛Ի սրտի իմում թաքուցի զբանս քո, ո(ր)պ(էս) զի մի́ մեղայց քեզ։

Verse: 12  Link to sept   Օրհնեալ ես դու տ(է)ր, ուսո́ ինձ զարդարու(թ)ի(ւն)ս քո։

Verse: 13  Link to sept   Շրթամբք իմովք պատմեցից զա(մենայ)ն իրաւունս բերանոյ քոյ։

Verse: 14  Link to sept   ՛Ի ճանապարհս վկայութե(ան)ց քոց զուարճացայ, ո(ր)պ(էս) յա(մենայ)ն ՛ի մեծութե(ան)։

Verse: 15  Link to sept   ՛Ի պատուիրանս քո հոգացայ, եւ զգուշացա́յ ՛ի ճանապարհս քո։

Verse: 16  Link to sept   Զիրաւունս քո խօսեցայ, եւ ո́չ մոռացայ զբանս քո։

Verse: 17  Link to sept   Հատո́ ծառայի քում, զի կեցից եւ պահեցից զբանս քո։

Verse: 18  Link to sept   Զարթո́ զաչս իմ, եւ նայեցա́յց ՛ի սքանչելիս օրինաց քոց։

Verse: 19  Link to sept   Պանդո́ւխտ եմ ես յերկրի, մի́ թաքուցաներ յինէն զպատուիրանս քո։

Verse: 20  Link to sept   Փափաքեաց անձն իմ, ՛ի ցանկալ ինձ յիրաւունս քո յա(մենայ)ն ժամ։

Verse: 21  Link to sept   Սաստեցե́ր ամբարտաւանից. անիծեալ ոյք խոտորեցան ՛ի պատուիրանաց քոց։

Verse: 22  Link to sept   ՛Ի բա́ց արա յինէն զնախատինս եւ զարհամարհանս, զի զվկայու(թ)ի(ւն)ս քո խնդրեցի։

Verse: 23  Link to sept   Քանզի նստան իշխանք եւ չարախօսէին զինէն. այլ ծառայ քո խորհէր յիրաւունս քո։

Verse: 24  Link to sept   Զի վկայութի(ւն)ք քո խօ́սք իմ էին եւ խորհուրդք իմ արդարու(թ)ի(ւն) քո։

Verse: 25  Link to sept   Մերձեցաւ անձն իմ ՛ի հող, տ(է)ր կեցո́ զիս ըստ բանի քում։

Verse: 26  Link to sept   Զճանապարհս իմ պատմեցից քեզ՝ եւ լուար ինձ. ուսո́ ինձ զարդարութի(ւն)ս քո։

Verse: 27  Link to sept   ՛Ի ճանապարհս արդարութե(ան)ց քոց իմաստո́ւն արա զիս, եւ քննեցից զսքանչելիս քո։

Verse: 28  Link to sept   Տքնեցաւ անձն իմ առ ՛ի ձանձրանալ, հաստատեա́ զիս ՛ի բանս քո։

Verse: 29  Link to sept   Զճանապարհս մեղաց ՛ի բա́ց արա յինէն, եւ յօրէնս քո ողորմեա́ց ինձ։

Verse: 30  Link to sept   Զճանապարհս ճշմարտու(թ)ե(ան) քո ընտրեցի, եւ զիրաւունս քո ես ո́չ մոռացայ։

Verse: 31  Link to sept   Մերձեցայ ես ՛ի վկայու(թ)ի(ւն)ս քո, տ(է)ր մի́ յամօթ առներ զիս։

Verse: 32  Link to sept   ՛Ի ճանապարհս պատուիրանաց քոց ընթացայ, զի անդո́րր արարեր սրտի իմոյ։

Verse: 33  Link to sept   Օրէնսգէ́տ արա զիս տ(է)ր ՛ի ճանապարհս իրաւանց քոց, եւ խնդրեցից զնա յա(մենայ)ն ժամ։

Verse: 34  Link to sept   Իմաստո́ւն արա զիս, եւ քննեցից զօրէնս քո, եւ պահեցից զնա բոլորով սրտիւ իմով։

Verse: 35  Link to sept   Առաջնորդեա́ ինձ ՛ի շաւիղս պատուիրանաց քոց, զի ընդ ն(ո)ս(ա) հաճեցայ։

Verse: 36  Link to sept   Խոնարհեցո́ զսիրտ իմ ՛ի վկայու(թ)ի(ւն)ս քո, եւ մի́ յագահութի(ւն)։

Verse: 37  Link to sept   Դարձո́ զաչս իմ զի մի́ տեսից զնանրու(թ)ի(ւն), ՛ի ճանապարհս քո կեցո́ զիս։

Verse: 38  Link to sept   Հաստատեա́ ծառայի քում՝ զբան քո յերկեւղ քո։

Verse: 39  Link to sept   Հա́ն յինէն զնախատինս զոր եւ կարծեցի. զի դատաստանք քո քա́ղցր են։

Verse: 40  Link to sept   Ահա՝ ցանկացա́յ պատուիրանաց քոց,յարդարութե(ան) քում կեցո́ զիս։

Verse: 41  Link to sept   Եկեսցէ ՛ի վ(ե)ր(այ) իմ ողորմութի(ւն) քո տ(է)ր, եւ փրկու(թ)ի(ւն) քո ըստ բանի քում։

Verse: 42  Link to sept   Տաց պատասխանի ոյք նախատեն զիս բանիւք. զի ես ՛ի բանս քո յուսացայ։

Verse: 43  Link to sept   Մի́ ՛ի բացէ առներ ՛ի բերանոյ իմմէ զբան ճշմարտու(թ)ե(ան) մինչեւ յոյժ, զի յիրաւունս քո յուսացայ։

Verse: 44  Link to sept   Պահեցի զօրէնս քո յա(մենայ)ն ժամ, յաւիտեան եւ յաւիտեա́նս յաւիտենից։

Verse: 45  Link to sept   Գնայի ես յանդորրու, զի զպատուիրա́նս քո խնդրեցի։

Verse: 46  Link to sept   Խօսէի զվկայութի(ւն)ս քո առաջի թագաւորաց, եւ ո́չ ամաչէի։

Verse: 47  Link to sept   Խորհէի ՛ի պատուիրանս քո զոր սիրեցի։

Verse: 48  Link to sept   Ամբարձի զձեռս իմ ՛ի պատուիրանս քո զոր սիրեցի, եւ խորհէի́ յարդարու(թ)ե(ան) քում։

Verse: 49  Link to sept   Յիշեա́ զբան ծառայի քոյ, յոր եւ յուսացուցե́ր զիս։

Verse: 50  Link to sept   Սա՝ մխիթարեսցէ́ զիս ՛ի խոնարհու(թ)ե(ան) իմում. զի բանք քո կեցոյց զիս։

Verse: 51  Link to sept   Ամբարտաւանք անիրաւեցա́ն յիս յոյժ, այլ յօրինաց քոց ես ո́չ խոտորեցայ։

Verse: 52  Link to sept   Յիշեցի́ զիրաւունս քո յաւիտենից տ(է)ր, եւ մխիթարեցայ։

Verse: 53  Link to sept   Տրտմութի(ւն) կալաւ զիս ՛ի մեղաւորաց, եւ ոյք թողին զօրէնս քո։

Verse: 54  Link to sept   Գովելի́ են ինձ իրաւունք քո, ՛ի տեղւոջ պանդխտութ(իւն)(թ)ե(ան) իմոյ։

Verse: 55  Link to sept   Յիշեցի ՛ի գիշերի զանուն քո տ(է)ր, եւ պահեցի զօրէնս քո։

Verse: 56  Link to sept   Սա եղեւ ինձ ճանապարհ ՛ի կեանս, զի զարդարու(թ)ի(ւն)ս քո խնդրեցի։ Տունք. ծ՜զ։


Verse: 57  Link to sept   Բաժին իմ ես դու տ(է)ր, ասացի պահե́լ զօրէնս քո։

Verse: 58  Link to sept   Աղաչեցի զերեսս քո բոլորով սրտիւ իմով, ողորմեա́ ինձ ըստ բանի քում։

Verse: 59  Link to sept   Խորհեցայ ՛ի ճանապարհս իմ, եւ դարձուցի զոտս իմ ՛ի վկայութի(ւն)ս քո։

Verse: 60  Link to sept   Պատրաստեցայ եւ ո́չ խռովեցայ, զի պահեցի́ զպատուիրանս քո։

Verse: 61  Link to sept   Տոռունք մեղաց պատեցան զինեւ, այլ զօրէնս քո ես ո́չ մոռացայ։

Verse: 62  Link to sept   ՛Ի մէջ գիշերի յառնէի խոստովա́ն լինել առ քեզ տ(է)ր, վ(ա)ս(ն) իրաւա́նց եւ արդարութե(ան) քո։

Verse: 63  Link to sept   Հաղո́րդ էի ես ա(մենայ)ն երկիւղածաց քոց, որոց պահեալ է զպատուիրանս քո։

Verse: 64  Link to sept   Ողորմու(թեամ)բ քով տ(է)ր լի́ եղեւ երկիր, զարդարու(թ)ի(ւն)ս քո ուսո́ ինձ։

Verse: 65  Link to sept   Քաղցրու(թ)ի(ւն) արարեր ը(նդ) ծառայի քում տ(է)ր, ըստ բանի́ քում։

Verse: 66  Link to sept   Քաղցրութի(ւն) զխրատ եւ զգիտութի(ւն) ուսո́ ինձ, զի ՛ի պատուիրանս քո ես հաւատացի։

Verse: 67  Link to sept   Մինչչեւ խոնարհեալ էի ես մեղայ, վ(ա)ս(ն) այսորիկ զբանս քո պահեցի յոյժ։

Verse: 68  Link to sept   Քաղցր ես դու տ(է)ր, եւ քաղցրութ(եամ)բ քով ուսո́ ինձ զարդարութի(ւն)ս քո։

Verse: 69  Link to sept   Բազմացան յիս անիրաւութի(ւն)ք ամբարտաւանից. այլ ես՝ բոլորով սրտիւ իմով քննեցի զպատուիրանս քո։

Verse: 70  Link to sept   Մածաւ ո(ր)պ(էս) կաթն սիրտք ն(ո)ց(ա), այլ ես զօրէնս քո խօսեցայ։

Verse: 71  Link to sept   Բարի է ինձ զի խոնարհ արարեր զիս, ո(ր)պ(էս) ուսա́յց զարդարութի(ւն)ս քո։

Verse: 72  Link to sept   Բարի են ինձ օրէնք բերանոյ քոյ, քան զհազարս ոսկւոյ եւ արծաթոյ։

Verse: 73  Link to sept   Ձեռք քո արարին եւ ստեղծին զիս, իմաստո́ւն արա զիս՝ եւ ուսայց զպատուիրանս քո։

Verse: 74  Link to sept   Երկիւղածք քո տեսցեն զիս եւ ուրախ եղիցին, զի ես ՛ի բանս քո յուսացայ։

Verse: 75  Link to sept   Ծանեայ տ(է)ր զի արդարութ(եամ)բ են դատաստանք քո. յիրաւի́ խոնարհեցուցեր զիս։

Verse: 76  Link to sept   Եղիցի ողորմու(թ)ի(ւն) ՛ի մխիթարել զիս, ըստ բանի քում զծառայս քո։

Verse: 77  Link to sept   Եկեսցեն յիս գթութի(ւն)ք քո եւ կեցից, զի օրէնք քո խօսք իմ էին։

Verse: 78  Link to sept   Ամաչեսցեն ամբարտաւանք որ ՛ի տարապարտուց անիրաւեցան յիս, այլ ես հոգացա́յց ՛ի պատուիրանս քո։

Verse: 79  Link to sept   Խրատեսցեն զիս երկիւղածք քո, եւ ոյք ճանաչեն զվկայութի(ւն)ս քո։

Verse: 80  Link to sept   Եղիցի սիրտ իմ անբիծ յարդարու(թ)ե(ան) քում, զի մի́ ամաչեցից։

Verse: 81  Link to sept   Կարօտացաւ անձն իմ ՛ի փրկութի(ւն)ս քո, զի ես ՛ի բանս քո յուսացայ։

Verse: 82  Link to sept   Սպասեցին աչք իմ բանի քում, ասացի ե՞րբ մխիթարեսցէ զիս։

Verse: 83  Link to sept   Եղէ ես որպէս տի́կ ՛ի պարզի, զի զարդարու(թ)ի(ւն)ս քո ես ո́չ մոռացայ։

Verse: 84  Link to sept   Քանի՞ ինչ են աւուրք ծառայի քո, ե՞րբ արասցես ինձ իրաւունս ՛ի հալածչաց իմոց։

Verse: 85  Link to sept   Պատմեցին ինձ անօրէնք զխորհուրդս, այլ ո́չ ո(ր)պ(էս) զօրէնս քո։

Verse: 86  Link to sept   Ամենայն պատուիրանք քո ճշմարիտ են, ՛ի նանիր հալածեցին զիս օգնեա́ ինձ։

Verse: 87  Link to sept   Փոքր միւս եւս եւ կորուսանէին զիս յերկրէ, այլ ես ո́չ թողի զպատուիրանս քո։

Verse: 88  Link to sept   Ըստ ողորմու(թ)ե(ան) քում կեցո́ զիս, եւ պահեցից զվկայու(թ)ի(ւն)ս բերանոյ քո։

Verse: 89  Link to sept   Յաւիտեան տ(է)ր բան քո կայ յերկինս,

Verse: 90  Link to sept   ազգէ մինչեւ յազգ է ճշմարտու(թ)ի(ւն) քո։ Հաստատեցեր զերկիր, կա́յ եւ մնայ։

Verse: 91  Link to sept   Հրամանաի քում մնայ տիւ, զի ա(մենայ)ն ծառա́յ քո է։

Verse: 92  Link to sept   Եթէ ո́չ օրէնք քո խօսք իմ էին, կանխա́ւ եւս արդեւք կորուսեալ էի ՛ի խոնարհութե(ան) իմում։

Verse: 93  Link to sept   Յաւիտեան ո́չ մոռացայ զարդարութի(ւն)ս քո, զի նոքօ́ք կեցուցեր զիս։

Verse: 94  Link to sept   Քո եմ ես եւ կեցո́ զիս, զի զարդարութի(ւն)ս քո խնդրեցի։

Verse: 95  Link to sept   Ինձ սպասեցին մեղաւորք ՛ի կորուսանել, զի զվկայութի(ւն)ս քո ես ՛ի մի́տ առի։

Verse: 96  Link to sept   Յա(մենայ)ն կատարածի տեսի զվախճան, յոյժ անդո́րր են ինձ պատուիրանք քո։

Verse: 97  Link to sept   Ո(ր)պ(էս) սիրեցի զօրէնս քո, զօրհանապազ խօսք իմ էին։

Verse: 98  Link to sept   Քան զթշնամիս իմ իմաստուն արարեր զիս ՛ի պատուիրանս քո, զի յաւիտեա́ն իմ էին։

Verse: 99  Link to sept   Քան զա(մենայ)ն ուսուցիչ իմ իմաստուն եղէ, զի վկայութի(ւն)ք քո խօսք իմ էին։

Verse: 100  Link to sept   Քան զծերս իմ իմաստուն եղէ, զի զպատուիրանս քո քննեցի։

Verse: 101  Link to sept   Յամենայն ճանապարհաց չարաց արգելի́ զոտս իմ, ո(ր)պ(էս) զի պահեցից զբանս քո։

Verse: 102  Link to sept   Յիրաւանց քոց ես ո́չ խոտորեցայ, զի դու օրէնսգէ́տ արարեր զիս։

Verse: 103  Link to sept   Ո(ր)պ(էս) զի քաղցր են ՛ի քիմս իմ բանք քո՝ քան զմեղր բերանոյ իմոյ։

Verse: 104  Link to sept   ՛Ի պատուիրանաց քոց իմացեալ՝ ատեցի́ զա(մենայ)ն ճանապարհս չարաց, զի դու օրէնսգէ́տ արարեր զիս։

Verse: 105  Link to sept   Ճրա́գ է բան քո ոտից իմոց, եւ լոյս տայ շաւղաց իմոց։

Verse: 106  Link to sept   Երդուայ եւ հաստատեցի, զի պահեցից զա(մենայ)ն իրաւունս արդարութե(ան) քո։

Verse: 107  Link to sept   Խոնարհ եղէ մինչեւ յոյժ, տ(է)ր կեցո́ զիս ըստ բանի քում։

Verse: 108  Link to sept   Ընդ կամս բերանոյ իմոյ հաճեա́ տ(է)ր, եւ զիրաւունս քո ուսո́ ինձ։

Verse: 109  Link to sept   Անձն իմ ՛ի ձեռս քո յա(մենայ)ն ժամ, եւ զօրէնս քո ես ո́չ մոռացայ։

Verse: 110  Link to sept   Եդին ինձ մեղաւորք որոգայթ, ՛ի պատուիրանաց քոց ես ո́չ մոլորեցայ։

Verse: 111  Link to sept   Ժառանգեցի զվկայութի(ւն)ս քո յաւիտեան, զի ցնծութի(ւն) է սրտի իմոյ։

Verse: 112  Link to sept   Խոնարհեցուցի զսիրտ իմ առնել զարդարու(թ)ի(ւն)ս քո յաւիտեան, վ(ա)ս(ն) հատուցման։

Verse: 113  Link to sept   Զանօրէնս ատեցի, եւ զօրէնս քո սիրեցի։

Verse: 114  Link to sept   Օգնական եւ փրկի́չ իմ ես դու, եւ ես ՛ի բանս քո յուսացայ։

Verse: 115  Link to sept   ՛Ի բա́ց եղերուք յինէն չարք, եւ քննեցի́ց զպատուիրանս ա(ստուծո)յ իմոյ։

Verse: 116  Link to sept   Օգնեա́ ինձ ըստ բանի քում եւ կեցո́ զիս, եւ մի́ յամօթ առներ զիս ՛ի յուսոյ իմմէ։

Verse: 117  Link to sept   Օգնեա́ ինձ եւ ապրեցո́ զիս, եւ խորհեցա́յց յիրաւունս քո յա(մենայ)ն ժամ։

Verse: 118  Link to sept   Անարգեցեր զամենեսեան որ ապստա́մբ եղեն յարդարութե(ան)ց քոց. զի անիրաւութ(եամ)բ են խորհուրդք ն(ո)ց(ա)։

Verse: 119  Link to sept   Յանցաւորս համարեցայ զա(մենայ)ն մեղաւորս երկրի, վ(ա)ս(ն) այսորիկ սիրեցի զպատուիրանս քո։

Verse: 120  Link to sept   Բեւեռեա́ ընդ երկեւղ քո զմարմին իմ, զի ՛ի դատաստանաց քոց երկեա́յց յոյժ։ Տունք. կ՜դ։


Verse: 121  Link to sept   Արարի իրաւունս եւ արդարութի(ւն), մի́ մտաներ զիս ՛ի ձեռս նեղչաց իմոց։

Verse: 122  Link to sept   Ընկա́լ զծառայս քո ՛ի բարի, զի մի́ ամբարտաւանք զզուեսցեն զիս։

Verse: 123  Link to sept   Սպասեցին աչք իմ փրկու(թ)ե(ան) քում տ(է)ր, եւ բանից արդարու(թ)ե(ան) քո։

Verse: 124  Link to sept   Արա́ ընդ ծառայի քում ըստ ողորմութե(ան) քում, զարդարութի(ւն)ս քո ուսո́ ինձ։

Verse: 125  Link to sept   Ծառայ քո եմ ես, իմաստո́ւն արա զիս, եւ ծանեայց զվկայութի(ւն)ս քո։

Verse: 126  Link to sept   Ժամ է պաշտել զտ(է)ր, խափանեցի́ն զօրէնս քո։

Verse: 127  Link to sept   Վ(ա)ս(ն) այսորիկ սիրեցի զպատուիրանս քո, քան զա(մենայ)ն ոսկի եւ տպազիոն։

Verse: 128  Link to sept   Ա(մենայ)ն պատուիրանք քո աջողեցան ինձ, զի ատեցի́ զճանապարհս չարաց։

Verse: 129  Link to sept   Սքանչելի են վկայութի(ւն)ք քո, վ(ա)ս(ն) այնորիկ քննեա́ց զն(ո)ս(ա) անձն իմ։

Verse: 130  Link to sept   Յայտնութի(ւն) բանից քոց լուսաւոր եւ իմաստո́ւն առնէ զտղայս։

Verse: 131  Link to sept   Զբերան իմ բացի եւ առի զհոգի, ՛ի պատուիրանս քո փափաքեաց անձն իմ։

Verse: 132  Link to sept   Նայեա́ առիս եւ ողորմեա́ ինձ, ըստ իրաւունս սիրողաց անուան քում։

Verse: 133  Link to sept   Զճանապարհս իմ ուղի́ղ արա ինձ ըստ բանի քում, եւ մի́ տիրեսցեն ինձ ա(մենայ)ն մեղք։

Verse: 134  Link to sept   Փրկեա́ զիս ՛ի զպարտութ(են)է մարդկան, ես պահեցից զպատուիրանս քո։

Verse: 135  Link to sept   Երեւեցո́ զերեսս քո ՛ի ծառայս քո, եւ ուսո́ ինձ զարդարու(թ)ի(ւն)ս քո։

Verse: 136  Link to sept   Վտակ ջուրց իջին յաչաց իմոց, զի ո́չ պահեցին զօրէնս քո։

Verse: 137  Link to sept   Արդար ես դու տ(է)ր, եւ ուղի́ղ են դատաստանք քո։

Verse: 138  Link to sept   Պատուիրեցեր զարդարութի(ւն) վկայութե(ան)ց քոց, եւ ճշմարիտ են յոյժ։

Verse: 139  Link to sept   Մաշեաց զիս նախանձ քո, զի մոռացա́ն զբանս քո թշնամիք իմ։

Verse: 140  Link to sept   Ընտրեալ են բանք քո յոյժ, եւ ծառայ քո սիրեա́ց զսա։

Verse: 141  Link to sept   Մանուկ եմ ես եւ արհամարհեալ, եւ զարդարու(թ)ի(ւն)ս քո ես ո́չ մոռացայ։

Verse: 142  Link to sept   Արդարու(թ)ի(ւն) քո արդարու(թ)ի(ւն) յաւիտենից, եւ օրէնք քո ճշմարիտ են։

Verse: 143  Link to sept   Նեղութի(ւն) եւ վիշտք գտին զիս, եւ պատուիրանք քո խօ́սք իմ էին։

Verse: 144  Link to sept   Արդարութ(եամ)բ են վկայու(թ)ի(ւն)ք քո յաւիտեան. իմաստո́ւն արա կեցո́ զիս։

Verse: 145  Link to sept   Կարդացի առ քեզ բոլորով սրտիւ իմով, լո́ւր ինձ տ(է)ր զի զարդարու(թ)ի(ւն)ս քո խնդրեցի։

Verse: 146  Link to sept   Աղաղակեցի առ քեզ եւ փրկեա́ զիս, եւ պահեցից զվկայու(թ)ի(ւն)ս քո։

Verse: 147  Link to sept   Կանխեցի տարաժամու՝ աղաղակեցի, եւ ես ՛ի բանս քո յուսացայ։

Verse: 148  Link to sept   Կանխեցին աչք իմ առաւօտու, ՛ի խօսել ինձ զբանս քո։

Verse: 149  Link to sept   Ձայնի իմում լո́ւր տ(է)ր ըստ ողորմութե(ան) քում, տ(է)ր յիրաւունս քո կեցո́ զիս։

Verse: 150  Link to sept   Մերձեցուցին յիս հալածիչք իմ զանօրէնու(թ)ի(ւն), զի յիրաւանց քոց հեռի́ եղեն։

Verse: 151  Link to sept   Մերձ ես դու տ(է)ր, եւ ա(մենայ)ն պատուիրանք քո ճշմարիտ են։

Verse: 152  Link to sept   Իսկզբանէ ծանեայ ՛ի վկայութե(ան)ց քոց, զի յաւիտեան հաստատեցեր զն(ո)ս(ա)։

Verse: 153  Link to sept   Տե́ս զխոնարհութի(ւն) իմ եւ փրկեա́ զիս, զի զօրէնս քո ես ո́չ մոռացայ։

Verse: 154  Link to sept   Դատեա́ զդատաստան իմ եւ փրկեա́ զիս, եւ ըստ բանի քում կեցո́ զիս։

Verse: 155  Link to sept   Հեռի է մեղաւորաց փրկու(թ)ի(ւն), զի զիրաւունս քո ո́չ պահեցին։

Verse: 156  Link to sept   Գթու(թ)ի(ւն)ք քո բազում են տ(է)ր, եւ ըստ իրաւանց քոց կեցո́ զիս։

Verse: 157  Link to sept   Բազում են որ հալածեն եւ նեղեն զիս, ՛ի վկայութե(ան)ց քոց ես ո́չ խոտորեցայ։

Verse: 158  Link to sept   Հայէի յանագորոյնս եւ մաշէի, զի զպատուիրանս քո ո́չ պահեցին։

Verse: 159  Link to sept   Տե́ս զի զպատուիրանս քո սիրեցի, տ(է)ր ողորմու(թեամ)բ քո կեցո́ զիս։

Verse: 160  Link to sept   Սկիզբն բանից քոց ճշմարտու(թ)ի(ւն) է, յաւիտեա́ն են ա(մենայ)ն իրաւունք արդարութե(ան) քո։

Verse: 161  Link to sept   Իշխանք հալածեցին զիս ՛ի նանիր, եւ ՛ի բանից քոց երկեա́ւ սիրտ իմ։

Verse: 162  Link to sept   Ցնծացայ ես ՛ի բանս քո, ո(ր)պ(էս) այն որ գտանէ աւա́ր բազում։

Verse: 163  Link to sept   Զմեղս ատեցի եւ անարգեցի, եւ զօրէնս քո սիրեցի։

Verse: 164  Link to sept   Եւթն անգամ յաւուր օրհնեցից զքեզ, վ(ա)ս(ն) իրաւանց եւ արդարութե(ան) քոյ։

Verse: 165  Link to sept   Խաղաղութի(ւն) բազում է այնոցիկ որ սիրեն զօրէնս քո, եւ ո́չ գոյ ՛ի նոսա գայթագղութի(ւն)։

Verse: 166  Link to sept   Սպասեցի փրկու(թ)ե(ան) քում տ(է)ր, եւ զպատուիրանս քո սիրեցի։

Verse: 167  Link to sept   Պահեաց անձն իմ զվկայու(թ)ի(ւն)ս քո, եւ սիրեա́ց զն(ո)ս(ա) յոյժ·

Verse: 168  Link to sept   Պահեցի զպատուիրանս եւ զվկայու(թ)ի(ւն)ս քո. զի ա(մենայ)ն ճանապարհք իմ առաջի քո են։

Verse: 169  Link to sept   Մերձեսցին խնդրուածք իմ առաջի քո տ(է)ր, ըստ բանի քում իմաստո́ւն արա զիս։

Verse: 170  Link to sept   Մտցեն աղօթք իմ առաջի քո տ(է)ր, եւ բանիւ քով փրկեա́ զիս։

Verse: 171  Link to sept   Բղխեսցեն շրթունք իմ զօրհնութի(ւն)ս քո, յորժամ ուսուսցես ինձ զարդարութի(ւն)ս քո։

Verse: 172  Link to sept   Խօսեսցի լեզու իմ զբանս քո, զի ա(մենայ)ն պատուիրանք քո արդարութ(եամ)բ են։

Verse: 173  Link to sept   Եղիցի ձեռն քո կեցուցանել զիս, զպատուիրանս քո ընտրեցի։

Verse: 174  Link to sept   Ցանկացայ փրկու(թ)ե(ան) քում տ(է)ր, եւ օրէնք քո խօսք իմ էին։

Verse: 175  Link to sept   Կեցցէ անձն իմ եւ օրհնեցից զքեզ, եւ իրաւունք քո օգնեսցեն ինձ։

Verse: 176  Link to sept   Մոլորեցայ ես ո(ր)պ(էս) զոչխար կորուսեալ, խնդրեա́ զծառայս քո զի զպատուիրանս քո ես ո́չ մոռացայ։ Տունք. ծ՜զ։
   Կանոն Գոբղայս. Է՜։ Սաղմոս. ժ՜գ։ Տունս. յ՜կբ։



Chapter: 119 

Verse: 1 
Օրհնութի(ւն)ք Աշտիճանաց. Ճ՜ԺԹ։


   Link to sept   ՛Ի նեղու(թ)ե(ան) իմում ես առ տ(է)ր կարդացի, եւ լուաւ ինձ,

Verse: 2  Link to sept   տ(է)ր փրկեաց զանձն իմ ՛ի շրթանց նենգաւորաց եւ ՛ի լեզուէ́ չարէ։

Verse: 3  Link to sept   Զի՞տացի քեզ կամ զի՞ յաւելցի՝ լեզո́ւ նենգաւոր։

Verse: 4  Link to sept   Ո(ր)պ(էս) նետք հզօրի, զի մխեալ կայծակամբք կաղնւոյ։

Verse: 5  Link to sept   Վա́յ է ինձ՝ զի ընդ երկա́ր եղեւ պանդխտութի(ւն) իմ, բնակեցի ես ՛ի վրանս կեդարու։ Բազում անգամ բնակեաց անձն իմ

Verse: 6  Link to sept   ընդ այնոսիկ, ոյք ատէին զողջոյն։ Ես էի խաղաղարար, յորժամ խօսէի մարտնչէին ընդիս։ Տունք. զ՜։



Chapter: 120 

Verse: 1 
Օրհնութի(ւն)ք Աշտիճանաց. Ճ՜Ի։


   Link to sept   Համաբրձի զաչս իմ ՛ի լերինս, ուստի եկեսցէ́ ինձ օգնու(թ)ի(ւն)։

Verse: 2  Link to sept   Օգնութի(ւն) ինձ ՛ի տ(եառ)նէ́ եկեսցէ, որ արար զերկինս եւ զերկիր։

Verse: 3  Link to sept   Մի́ տար սասանու(թ)ե(ան) զոտն քո, եւ մի́ ննջեսցէ պահապան քո։

Verse: 4  Link to sept   Ո(ր)պ(էս) ո́չ ննջէ եւ ո́չ ՛ի քուն երթայ պահապան ի(սրաէ)լի։

Verse: 5  Link to sept   Տ(է)ր պահեսցէ զքեզ, եւ տ(է)ր ընկալցի աջով ձեռամբ իւրով։

Verse: 6  Link to sept   Արեգակն ՛ի տուէ քեզ մի́ մեղիցէ, եւ մի́ լուսին ՛ի գիշերի։

Verse: 7  Link to sept   Տ(է)ր պահեսցէ զքեզ, յա(մենայ)ն չարէ, պահեսցէ տ(է)ր զանձն քո։

Verse: 8  Link to sept   Տ(է)ր պահեսցէ զմուտ եւ զել քո՝ յայսմ հետէ մինչեւ յաւիտեան։ Տունք. ը՜։



Chapter: 121 

Verse: 1 
Օրհնութի(ւն)ք Աշտիճանաց. Ճ՜ԻԱ։


   Link to sept   Ուրախ եղէ ես ոյք ասէին ցիս,, ՛ի տուն տ(եառ)ն երթիցուք մեք։

Verse: 2  Link to sept   Հասեալ կային ոտք մեր առ դրունս քո ե(րուսաղ)էմ։

Verse: 3  Link to sept   Զե(րուսաղէ)մ շինեալ քաղաք, եւ բնակու(թ)ի(ւն) իւր շուրջ զնովաւ։

Verse: 4  Link to sept   Անդ ելին ա́զգ ա́զգ տ(եառ)ն, վկայութի(ւն)ք ի(սրաէ)լի խոստովան լինել անուան տ(եառ)ն։

Verse: 5  Link to sept   Անդ արկեալ են աթոռք դատաստանի, աթոռս արկեալ ՛ի տան դաւթի։

Verse: 6  Link to sept   Հարցէ́ք զողջունէ́ զե(րուսաղէ)մի, զշինու(թեն)է ոյք սիրէք զնա։

Verse: 7  Link to sept   Եղիցի խաղաղութի(ւն) ՛ի զօրութե(ան) քում, շինու(թ)ի(ւն) յաշտարակս յամուրս քո։

Verse: 8  Link to sept   Վ(ա)ս(ն) եղբարց եւ ընկերաց իմոց խօսեցայ զխաղաղու(թ)ի(ւն), վ(ա)ս(ն) քո

Verse: 9  Link to sept   եւ վ(ա)ս(ն) տան տ(եառ)ն ա(ստուծո)յ մերոյ խնդրեցաք զբարութի(ւն) քեզ։ Տունք. ը՜։



Chapter: 122 

Verse: 1 
Օրհնութի(ւն)ք Աշտիճանաց. Ճ՜ԻԲ։


   Link to sept   Առ քեզ տ(է)ր համբարձի զաչս իմ, որ բնակեալդ ես ՛ի յերկինս։

Verse: 2  Link to sept   Ո(ր)պ(էս) աչք ծառայից ՛ի ձեռս տերանց իւրեանց, որպէս աչք աղախնոյ ՛ի ձեռս տիկնոջ իւրոյ։ Այնպէս են աչք մեր առ քեզ տ(է)ր ա(ստուա)ծ մեր, մինչեւ ողորմեցիս ՛ի վ(ե)ր(այ) մեր։

Verse: 3  Link to sept   Ողորմեա́ց մեզ տ(է)ր ողորմեա́ց մեզ, զի բազում լցաք արհամարհանօք։

Verse: 4  Link to sept   Եւս առաւել լցան անձինք մեր նախատանօք, ոյք նախատեն զմեզ արհամարհանօք ամբարտաւանից. Տունք. ե՜։



Chapter: 123 

Verse: 1 
Օրհնութի(ւն)ք Աշտիճանաց. Ճ՜ԻԳ։


   Link to sept   Եթէ ո́չ տ(է)ր է́ր առ մեզ, ասաց ի(սրա)էլ,

Verse: 2  Link to sept   եթէ ո́չ տ(է)ր էր առ մեզ։ Ընդ յառնել մարդկան ՛ի վ(ե)ր(այ) մեր,

Verse: 3  Link to sept   կենդանւոյն կամեցան կլանել զմեզ։ Բարկանալ սրտմտու(թեամ)բ ն(ո)ց(ա) ՛ի վ(ե)ր(այ) մեր,

Verse: 4  Link to sept   ապա ՛ի ջո́ւրք ուրեմն ընկլուզանէին զմեզ։

Verse: 5  Link to sept   Ընդ ուղխս անցին անձինք մեր, անցին անձինք մեր ընդ ջուրս անդադարս։

Verse: 6  Link to sept   Օրհնեալ է տ(է)ր, որ ո́չ ետ զմեզ ՛ի յորս ատամանց ն(ո)ց(ա)։

Verse: 7  Link to sept   Անձինք մեր ապրեցա́ն ո(ր)պ(էս) ճնճղուկ, յորոգայթէ որսողաց։ Որոգայթք ն(ո)ց(ա) փշրեցան, եւ մեք ապրեցաք։

Verse: 8  Link to sept   Օգնութի(ւն) է մեզ յանուանէ տ(եառ)ն, որ արար զերկինս եւ զերկիր։ Տունք. ը՜։



Chapter: 124 

Verse: 1 
Օրհնութի(ւն)ք Աշտիճանաց. Ճ՜ԻԴ։


   Link to sept   Որ յուսայ ՛ի տ(է)ր ո(ր)պ(էս) լեառն սիովն, մի́ սասանեսցի յաւիտեան՝ բնակեալն

Verse: 2  Link to sept   յե(րուսաղէ)մ։ Լերի́նք շուրջ են զնովաւ, տ(է)ր շուրջ է զժողովրդեա́մբ իւրով, յայսմհետէ մինչեւ յաւիտեան։

Verse: 3  Link to sept   Ո́չ թողու տ(է)ր զգաւազան մեղաւորաց ՛ի վիճակս արդարոց, եւ արդարք մի́ ձգեսցեն զձեռս իւրեանց յանօրէնու(թ)ի(ւն)։

Verse: 4  Link to sept   Բարի́ առնէ տ(է)ր բարեաց, եւ այնոցիկ ոյք ուղի́ղ են սրտիւք։

Verse: 5  Link to sept   Իսկ զթիւրեալսն յափշտակու(թեամ)բ, տանի զն(ո)ս(ա) տ(է)ր ընդ այնոսիկ ոյք գործեն զանօրէնու(թ)ի(ւն). խաղաղու(թ)ի(ւն) ՛ի վ(ե)ր(այ) ի(սրաէ)լի։ Տունք. ե՜։ Գոբղայս. խ՜։



Chapter: 125 

Verse: 1 
Օրհնութի(ւն)ք Աշտիճանաց. Ճ՜ԻԵ։


   Link to sept   ՛Ի դարձուցանել տ(եառ)ն զգերու(թ)ի(ւն) սիովնի, եւ եղաք մեք մխիթարեալք։

Verse: 2  Link to sept   Յայնժամ լցան բերանք մեր խնդութ(եամ)բ, եւ լեզուք մեր ցնծու(թեամ)բ։ Յայնժամ ասասցեն ՛ի հեթանոսս, մեծ արար տ(է)ր առնել ը(նդ) ն(ո)ս(ա),

Verse: 3  Link to sept   մեծ արար տ(է)ր զյառնել իւր ընդ մեզ. եւ մեք եղաք բերկրեալք։

Verse: 4  Link to sept   Դարձո́ տ(է)ր զգերութի(ւն)ս մեր ո(ր)պ(էս) զուխս ՛ի հարաւոյ,

Verse: 5  Link to sept   ոյք վարէին արտասուօք ցնծութ(եամ)բ հնձեսցեն։

Verse: 6  Link to sept   Երթալով երթային եւ լային, ոյք բարձեալ տանէին զսերմանիս իւրեանց։ Գալով եկեսցեն եւ ցնծասցեն, ոյք առեալ բերիցեն զորայս իւրեանց։ Տունք. զ՜։



Chapter: 126 

Verse: 1 
Օրհնութի(ւն)ք Աշտիճանաց. Ճ՜ԻԶ։


   Link to sept   Եթէ ոչ տ(է)ր շինէ զտուն, ՛ի նանի́ր վաստակին շինօղք ն(ո)ր(ա)։ Եթէ ոչ տ(է)ր պահէ զքաղաք, ընդունա́յն տքնին պահապանք ն(ո)ր(ա)։

Verse: 2  Link to sept   ՛Ի նանի́ր է ձեզ յառնել կանխաւ. ա́րդ արիք՝ մինչչե́ւ էք ննջեցեալ, եւ ոյք ուտէք զհաց ցաւոց։

Verse: 3  Link to sept   ՛Ի ժամանակի ո(ր)պ(էս) տացի քուն սիրելեաց իւրոց. ժառանգութի(ւն) առն որդիք են, որոյ վա́րձք իւր են, ա́յն է պտուղ որովայնի իւրոյ։

Verse: 4  Link to sept   Ո(ր)պ(էս) նետք ՛ի ձեռս հզօրի. այնպէս են որդիքն թօթափելոց։

Verse: 5  Link to sept   Երանի́ որ ելից զցանկու(թ)ի(ւն) իւր ՛ի նոցանէն. եւ ո́չ ամաչեսցեն յորժամ խօսեսցին թշնամիք ն(ո)ց(ա) ընդ նոսա առ դրա́ն։ Տունք. զ՜։



Chapter: 127 

Verse: 1 
Օրհնութի(ւն)ք Աշտիճանաց. Ճ՜ԻԷ։


   Link to sept   Երանի ամենեցուն ոյք երկնչին ՛ի տ(եառ)նէ, եւ գնան ՛ի ճանապա́րհս ն(ո)ր(ա)։

Verse: 2  Link to sept   Զվաստակս ձեռաց քոց կերիցես, երանի́ է քեզ, եւ բարի եղիցի։

Verse: 3  Link to sept   Կին քո ո(ր)պ(էս) զայգի́ վայելուչ յանկիւնս տան քոյ. որդիք քո ո(ր)պ(էս) նորատունկ ձիթենւոյ շո́ւրջ զսեղանով քով։

Verse: 4  Link to sept   Այսպէս օրհնեսցի ա(մենայ)ն մարդ որ երկնչի ՛ի տ(եառ)նէ.

Verse: 5  Link to sept   Օրհնեսցէ́ զքեզ տ(է)ր ՛ի սիովնէ։ Եւ տեսցես դու զբարութի(ւն) յե(րուսաղէ)մ զա(մենայ)ն աւուրս կենաց քոց։

Verse: 6  Link to sept   Տեսցես դու զորդիս որդւո́ց քոց, խաղաղու(թ)ի(ւն) ՛ի վ(ե)ր(այ) ի(սրաէ)լի։ Տունք. զ՜։



Chapter: 128 

Verse: 1 
Օրհնութի(ւն)ք Աշտիճանաց. Ճ՜ԻԸ։


   Link to sept   Բազում անգամ մարտեան ը(նդ) իս ՛ի մանկու(թեն)է́ իմմէ, ասաց ի(սրա)էլ։

Verse: 2  Link to sept   Բազում անգամ մարտեան ընդիս ՛ի մանկու(թեն)է իմմէ, եւ ինձ ո́չ յաղթեցին։

Verse: 3  Link to sept   Զթիկո́ւնս իմ հարին մեղաւորք, ընդ երկա́ր արարին զանօրէնութի(ւն)ս իւրեանց։

Verse: 4  Link to sept   Տ(է)ր արդա́ր է, խորտակէ զուլն մեղաւորաց։

Verse: 5  Link to sept   Ամաչեսցեն եւ յե́տս դարձցին ամենեքեան՝ ոյք ատեան զսիովն։

Verse: 6  Link to sept   Եղիցին նոքա ո(ր)պ(էս) զխոտ տանեաց, որ մինչչե́ւ ՛ի բուռն եկեալ էր չորացաւ։

Verse: 7  Link to sept   Ուստի ո́չ ելից բուռն ի́ւր հնձօղն, եւ ո́չ զգիրկս իւր որ զորա́յն ժողովէր։

Verse: 8  Link to sept   Ո́չ ասացին ամենեքեան ոյք անցանէին առ նոքօք, թէ օրհնու(թ)ի(ւն) տ(եառ)ն ընդ ձե́զ է, եւ օրհնեցա́ք զձեզ ՛ի տանէ տ(եառ)ն։ տունք. ը(նդ)։



Chapter: 129 

Verse: 1 
Օրհնութի(ւն)ք Աշտիճանաց. Ճ՜ԻԹ։


   Link to sept   ՛Ի խորոց կարդացի առ քեզ տ(է)ր,

Verse: 2  Link to sept   տ(է)ր լո́ւր ձայնի իմում։ Եղիցին ականջք քո, լսել զձայն աղօթից իմոց։

Verse: 3  Link to sept   Թէ զանօրէնութի(ւն)ս իմ պահես տ(է)ր տ(է)ր, տ(է)ր ո́ կարէ կալ առաջի քո.

Verse: 4  Link to sept   զի ՛ի քէն է քաւութի(ւն)։ Վասն անուան քոյ համբերի տ(է)ր,

Verse: 5  Link to sept   համբե́ր անձն իմ բանի քում, յուսացաւ անձն իմ ՛ի տ(է)ր։

Verse: 6  Link to sept   ՛Ի պահէ առաւօտու մինչեւ ցերեկոյ, ՛ի պահու առաւօտու

Verse: 7  Link to sept   յուսացաւ ի(սրա)էլ ՛ի տ(է)ր։ ՛Ի տ(եառ)նէ́ է ողորմու(թ)ի(ւն) եւ բազում ՛ի նմանէ է փրկութի(ւն).

Verse: 8  Link to sept   եւ նա փրկէ զի(սրա)էլ յամ նեղութե(ան)ց նորա։ Տունք. զ՜։



Chapter: 130 

Verse: 1 
Օրհնութի(ւն)ք Աշտիճանաց. Ճ՜Լ։


   Link to sept   Տ(է)ր ո́չ բարձրացաւ սիրտ իմ, եւ ո́չ զբօսան աչք իմ։ Ո́չ գնացի ես ընդ մեծամեծս, եւ ո́չ ընդ այնոսիկ ոյք սքանչելի́ էին քան զիս։

Verse: 2  Link to sept   Բայց թէ խոնարհեցայ ես որպէս մանուկ հատուցեալ ՛ի ստենէ մօր իւրոյ, եւ դարձ ն(ո)ր(ա) անդրէն ՛ի նոյն։ Այլ հպարտացուցի արդեւք զանձն իմ, ա́յսպէս եղիցի հատուցումն անձին իմոյ,

Verse: 3  Link to sept   յուսացաւ ի(սրա)էլ ՛ի տ(է)ր յայսմհետէ մինչեւ յաւիտեան։ Տունք. դ՜։ Գոբղայս. խ՜դ։



Chapter: 131 

Verse: 1 
Օրհնութի(ւն)ք Աշտիճանաց. Ճ՜ԼԱ։


   Link to sept   Յիշեա́ տ(է)ր զդաւիթ, եւ զա(մենայ)ն հեղութի(ւն) ն(ո)ր(ա)։

Verse: 2  Link to sept   Որպէս երդուաւ տ(եառ)ն, եւ ուխտեաց ա(ստուծո)յ յակոբայ։

Verse: 3  Link to sept   Եթէ ո́չ մտից ՛ի յարկս տան իմոյ, եթէ ելից յանկողինս մահճա́ց իմոց։

Verse: 4  Link to sept   Թէ́ տաց քուն աչաց իմոց, կամ նի́նջ արտեւանաց իմոց,

Verse: 5  Link to sept   կամ հանգիստ իրանաց իմոց. մինչեւ գտից զտեղի́ յարկի տ(եառ)ն ա(ստուծո)յ յակովբայ։

Verse: 6  Link to sept   Ահա՝ լուա́ք զնմանէ յեփրաթայ, եւ գտաք զնա ՛ի դա́շտս մայրեաց։

Verse: 7  Link to sept   Մտցո́ւք ՛ի յարկս ն(ո)ր(ա), երկի́ր պագցուք ՛ի տեղւոջ ուր կացեալ են ոտք ն(ո)ր(ա)։

Verse: 8  Link to sept   Արի́ տ(է)ր ՛ի հանգիստ քո, դու եւ կտակարանք սրբութե(ան) քոյ։

Verse: 9  Link to sept   Երիցունք քո́ զգեցցին զարդարութի(ւն), եւ սուրբք քո ցնծալո́վ ցնծասցեն։

Verse: 10  Link to sept   Վ(ա)ս(ն) դաւթի սիրելւոյ քոյ, մի́ դարձուցաներ զերեսս քո յօծելոյ քումմէ։

Verse: 11  Link to sept   Երդուաւ տ(է)ր դաւթի ճշմարտութ(եամ)բ եւ ո́չ ստեաց նմա, ՛ի պտղոյ որովայնէ քումմէ նստուցից յաթոռ քո։

Verse: 12  Link to sept   Թէ պահեսցեն որդիք քո զօրէնս իմ, եւ զվկայու(թ)ի(ւն)ս իմ զոր ուսուցից ն(ո)ց(ա)։ Որդիք ն(ո)ց(ա) նստցին յաւիտեանս յաւիտենից յաթոռ քո։

Verse: 13  Link to sept   Հաճեցաւ տ(է)ր ընդ սիովն, եւ ընտրեաց բնակի́լ ՛ի նմա.

Verse: 14  Link to sept   ասէ՝ ա́յս է հանգիստ իմ յաւիտեանս յաւիտենից, ՛ի սմա բնակեցայ զի հաճեցայ ընդ սա։

Verse: 15  Link to sept   Զորս սորա՝ օրհնելով օրհնեցից, եւ զաղքատս սորա լցուցի́ց հացիւ։

Verse: 16  Link to sept   Քահանայից սորա զգեցուցից զփրկութի(ւն), եւ սուրբք սորա ցնծալո́վ ցնծասցեն։

Verse: 17  Link to sept   Անդ ծագեցից զեղջեւր ՛ի դաւիթ, պատրաստ արարից զճրա́գ օծելոյ իմոյ։

Verse: 18  Link to sept   Թշնամեա́ց ն(ո)ր(ա) զգեցուցից զամօթ, այլ ՛ի վ(ե)ր(այ) ն(ո)ր(ա) ծաղկեսցէ սրբութի(ւն) իմ։ Տունք. ժ՜է։



Chapter: 132 

Verse: 1 
Օրհնութի(ւն)ք Աշտիճանաց. Ճ՜ԼԲ։


   Link to sept   Զի՞ բարի կամ զի՞ վայելուչ, զի բնակին եղբարք ՛ի միասին։

Verse: 2  Link to sept   Ո(ր)պ(էս) եւղ զի իջանէ ՛ի գլուխ եւ ՛ի մորո́ւսն ահարովնի, ՛ի մորուացն իջանէ ՛ի գրապանս զգեստո́ւ ն(ո)ր(ա)։

Verse: 3  Link to sept   Ո(ր)պ(էս) ցօղ զի ցօղէ ՛ի հերմոնէ, ՛ի վ(ե)ր(այ) լերին սիովնի։ Անդ պատրաստեա́ց տ(է)ր զօրհնութի(ւն), եւ զկեանսն յաւիտենից։ Տունք. դ՜։



Chapter: 133 

Verse: 1 
Օրհնութի(ւն)ք Աշտիճանաց. Ճ՜ԼԳ։


   Link to sept   Աստ օրհնեցէ́ք ա(մենայ)ն ծառայք տ(եառ)ն զտ(է)ր, ո́ կայք ՛ի տուն տ(եառ)ն ՛ի դաւիթս ա(ստուծո)յ մերոյ։

Verse: 2  Link to sept   ՛Ի գիշերի համբարձէ́ք զձեռս ձեր ՛ի սրբութի(ւն), եւ օրհնեցէ́ք զտ(է)ր։

Verse: 3  Link to sept   Օրհնեսցէ զձեզ տ(է)ր ՛ի սիովնէ. այն որ արար զերկինս եւ զերկիր։ Տունք. դ՜։



Chapter: 134 

Verse: 1 
Ալելուիա. Ճ՜ԼԴ։


   Link to sept   Օրհնեցէ́ք զանուն տ(եառ)ն, օրհնեցէ́ք ծառայք տ(եառ)ն զտ(է)ր.

Verse: 2  Link to sept   ո՞ կայք ՛ի տուն տ(եառ)ն, ՛ի գաւիթս տան ա(ստուծո)յ մերոյ։

Verse: 3  Link to sept   Օրհնեցէ́ք զտ(է)ր զի բարի է, սաղմո́ս ասացէք անուան ն(ո)ր(ա) զի քաղցր է։

Verse: 4  Link to sept   Զյակովբ ընտրեաց իւր տ(է)ր, եւ զի(սրա)էլ ժառանգու(թ)ի(ւն) իւր։

Verse: 5  Link to sept   Ես ծանեայ զի մեծ է տ(է)ր, եւ տ(է)ր մեծ է քան զա(մենայ)ն կուռս։

Verse: 6  Link to sept   Զամենայն զոր ինչ կամեցաւ եւ արար տ(է)ր, յերկինս եւ յերկրի, ՛ի ծովս եւ յա(մենայ)ն խորս։

Verse: 7  Link to sept   Հանէ զամպս ՛ի ծագաց երկրէ, զփայլատակունս իւր յանձրեւս արար, եւ հանէ զհողմս ՛ի շտեմարանաց իւրոց։

Verse: 8  Link to sept   Ո եհար զա(մենայ)ն անդրանիկս եգիպտացւոց, ՛ի մարդոյ մինչեւ յանասուն։

Verse: 9  Link to sept   Առաքեաց զնշանս եւ զարուեստս իւր ՛ի մէջ քո եգիպտոս, ՛ի փարաւովն եւ յա(մենայ)ն զօրս իւր։

Verse: 10  Link to sept   Ո եհար ա́զգս բազումս, եւ սպան զթագաւորս հզօրս։

Verse: 11  Link to sept   Զսեհովն թագաւո́ր ամուրհացւոց, զովդ թագաւոր բիշանու, եւ զա(մենայ)ն թագաւորութի(ւն)ս քանանացւոց։

Verse: 12  Link to sept   Ետ զերկիրս ն(ո)ց(ա) ՛ի ժառանգութի(ւն), ժառանգութի(ւն) ի(սրաէ)լի ժողովրդեան իւրոյ։

Verse: 13  Link to sept   Տ(է)ր անուն քո յաւիտեան, տ(է)ր յիշատակ քո ազգէ́ մինչեւ յազգ։

Verse: 14  Link to sept   Դատի տ(է)ր զժողովուրդս իւր, եւ ՛ի ծառայս իւր մխիթարի։

Verse: 15  Link to sept   Կուռք հեթանոսաց արծաթ եւ ոսկի են, ձեռագործք են որդւոց մարդկան։

Verse: 16  Link to sept   Բերան գոյ՝ եւ ո́չ խօսին, աչք են՝ եւ ո́չ տեսանեն։

Verse: 17  Link to sept   Ականջք են՝ եւ ո́չ լսեն, եւ ո́չ գոյ շունչ ՛ի բերանս ն(ո)ց(ա)։

Verse: 18  Link to sept   Նման ն(ո)ց(ա) եղիցին ոյք արարին զն(ո)ս(ա), եւ ամենեքեան ոյք յուսացեալ են ՛ի նոսա։

Verse: 19  Link to sept   Տո́ւն ի(սրաէ)լի օրհնեցէ́ք զտ(է)ր. տո́ւն ահարոնի օրհնեցէ́ք զտ(է)ր։

Verse: 20  Link to sept   Տո́ւն ղեւայ օրհնեսցէ́ք զտ(է)ր. երկիւղածք տ(եառ)ն օրհնեցէ́ք զտ(է)ր։

Verse: 21  Link to sept   Օրհնեալ է տ(է)ր ՛ի սիոնէ. այն որ բնակեալն է յե(րուսաղէ)մ։ Տունք. ի՜։ Գոբղայս. խ՜դ։



Chapter: 135 

Verse: 1 
Ալելուիա. Ճ՜ԼԵ։


   Link to sept   Խոստովան եղերուք տ(եառ)ն, զի բարի է զի յաւիտեա́ն է ողորմ ն(ո)ր(ա)։

Verse: 2  Link to sept   Խոստովա́ն եղերուք ա(ստուծո)յ աստուծոց, զի յաւիտեա́ն է ողորմ ն(ո)ր(ա)։

Verse: 3  Link to sept   Խոստովա́նեղերուք տ(եառ)ն տերանց, զի յաւիտեա́ն է ողորմ ն(ո)ր(ա)։

Verse: 4  Link to sept   Արար զսքանչելիս մեծամեծս միայն, զի յաւիտեան է ողորմ ն(ո)ր(ա)։

Verse: 5  Link to sept   Զերկինս արար իաստութ(եամ)բ իւրով, զի յաւիտեան է ողորմ ն(ո)ր(ա)։

Verse: 6  Link to sept   Հաստատեաց զերկիր ՛ի վերայ ջուրց, զի յաւիտեա́ն է ողորմ ն(ո)ր(ա)։

Verse: 7  Link to sept   Արար զլուսաւորս մեծամեծս միայն, զի յաւիտեա́ն է ողորմ ն(ո)ր(ա)։

Verse: 8  Link to sept   Զարեգակն արար իշխանական տուընջեան, զի յաւիտեա́ն է ողորմ ն(ո)ր(ա)։

Verse: 9  Link to sept   Զլուսին եւ զաստեղս արար իշխանական գիշերոյ, զի յաւիտեա́ն է ողորմ ն(ո)ր(ա)։

Verse: 10  Link to sept   Եհար զերկիրն եգիպտացւոց անդրանկօք իւրովք հանդերձ, զի յաւիտեա́ն է ողորմ ն(ո)ր(ա)։

Verse: 11  Link to sept   Եւ եհան զի(սրա)էլ ՛ի միջոյ նորա, զի յաւիտեա́ն է ողորմ ն(ո)ր(ա)։

Verse: 12  Link to sept   ՛Ի ձեռն բա́րձր՝ եւ ՛ի բազուկ իւր հզօր, զի յաւիտեա́ն է ողորմ ն(ո)ր(ա)։

Verse: 13  Link to sept   Եհարձ զծովն մեծ եւ բաժանեաց յերկուս մասունս, զի յաւիտեա́ն է ողորմ ն(ո)ր(ա)։

Verse: 14  Link to sept   Եւ անցոյց զի(սրա)էլ ընդ մէջ ն(ո)ր(ա), զի յաւիտեա́ն է ողորմ ն(ո)ր(ա)։

Verse: 15  Link to sept   Ընկղմեաց զփարաւովն եւ զզօրս իւր ՛ի ծով կարմիր, զի յաւիտեա́ն է ողորմ ն(ո)ր(ա)։

Verse: 16  Link to sept   Եհան զժողովուրդ իւր յանապատ, զի յաւիտեա́ն է ողորմ ն(ո)ր(ա)։

Verse: 17  Link to sept   Ո եհար զթագաւորս մեծամեծս, զի յաւիտեա́ն է ողորմ ն(ո)ր(ա)։

Verse: 18  Link to sept   Եւ սպան զթագաւորս հզօրս, զի յաւիտեա́ն է ողորմ ն(ո)ր(ա)։

Verse: 19  Link to sept   Զսեհովն թագաւոր ամովրհացւոց, զի յաւիտեա́ն է ողորմ ն(ո)ր(ա)։

Verse: 20  Link to sept   Զովգ թագաւոր բեշանու, զի յաւիտեա́ն է ողորմ ն(ո)ր(ա)։

Verse: 21  Link to sept   Ետ զերկիր ն(ո)ց(ա) ՛ի ժառանգու(թ)ի(ւն), զի յաւիտեա́ն է ողորմ ն(ո)ր(ա)։

Verse: 22  Link to sept   Ժառանգու(թ)ի(ւն) ի(սրաէ)լի ծառայի իւրոյ, զի յաւիտեա́ն է ողորմ ն(ո)ր(ա)։

Verse: 23  Link to sept   Յիշեաց զմեզ տ(է)ր ՛ի խոնարհութե(ան) մերում, զի յաւիտեա́ն է ողորմ ն(ո)ր(ա)։

Verse: 24  Link to sept   Եւ փրկեաց զմեզ ՛ի ձեռաց թշնամեաց մերոց, զի յաւիտեա́ն է ողորմ ն(ո)ր(ա)։

Verse: 25  Link to sept   Ո տայ կերակուր ա(մենայ)ն կենդանեաց, զի յաւիտեա́ն է ողորմ ն(ո)ր(ա)։

Verse: 26  Link to sept   Խոստովա́ն եղերուք ա(ստուծո)յ երկնաւորի, զի յաւիտեա́ն է ողորմ ն(ո)ր(ա)։ Տունք. ի՜զ։



Chapter: 136 
՛Ի դաւիթ. ՛ի ձեռն երեմիայի. աննշա́ն յեբրայեցւոցն. Ճ՜ԼԶ։


Verse: 1  Link to sept   ՛Ի գետս բաբելացւոց, անդ նստէաք եւ լայաք. ո(ր)պ(էս) յիշեցաք մեք անդ զսիովն։

Verse: 2  Link to sept   ՛Ի մէջ ուռեաց ն(ո)ց(ա) կախեցա́ք զկտակարանս մեր։

Verse: 3  Link to sept   Անդ հարցանէին գերիչք մեր զբանս օրհնու(թ)ե(ան), գերեվարք մեր ստիպէին զմեզ եւ ասէին։ Օրհնեցէ́ք մեզ յօրհնութ(են)էն սիոնի.

Verse: 4  Link to sept   իսկ՝ զիա՞րդ օրհնեսցուք զօրհնու(թ)ի(ւն)ս տ(եառ)ն յերկիր օտար։

Verse: 5  Link to sept   Եթէ մոռացայց զքեզ ե(րուսաղ)էմ, մոռասցի́ զիս աջ իմ։

Verse: 6  Link to sept   Կցեսցի լեզու իմ ՛ի քիմս իմ թէ ո́չ յիշեցից զքեզ, թէ ո́չ նախ նուագեցից զքեզ ե(րուսաղ)էմ, սկի́զբն ուրախութե(ան) իմոյ։

Verse: 7  Link to sept   Յիշեա́ տ(է)ր զորդիսն եդովմայ՝ յաւորս ե(րուսաղէ)մի։ Ոյք ասէին՝ քակեցէ́ք քակեցէ́ք, մինչեւ ՛ի հիմն հասուցէ́ք։

Verse: 8  Link to sept   Դուստր բաբելացւոց թշուառական, երանի́ որ հատոյց զհատուցումն քո զոր դու մեզ հատուցեր։

Verse: 9  Link to sept   Երանի́ որ կալաւ զմանկունս քո, եւ հար զքարի։ Տունք. ժ՜։



Chapter: 137 

Verse: 1 
Սաղմոս ՛ի դաւիթ. Ճ՜ԼԷ։


   Link to sept   Խոստովա́ն եղէց քեզ տ(է)ր բոլորով սրտիւ իմով, առաջի հրեշտակաց սաղմո́ս ասացից քեզ։ Զի լուար զբանս բերանոյ իմոյ,

Verse: 2  Link to sept   երկիր պագից ՛ի տաճար ս(ուր)բ քո, եւ խոստովան եղէց անուան քում վ(ա)ս(ն) ողորմու(թ)ե(ան) եւ ճշմարտութե(ան) քոյ։ Մեծ արարեր յա(մենայ)նի զանուն ս(ուր)բ քո.

Verse: 3  Link to sept   յորում աւուր կարդամ առքեզ վաղվաղակի լո́ւր ինձ, եւ բազում արասցես զօրութի(ւն)ս յանձն իմ։

Verse: 4  Link to sept   Խոստովան եղիցին առ քեզ տ(է)ր ա(մենայ)ն թագաւորք երկրի, զի լուան զբանս բերանոյ քոյ,

Verse: 5  Link to sept   եւ օրհնեսցեն զճանապարհս քո։ Մեծ են փառք տ(եառ)ն,

Verse: 6  Link to sept   բարձր է տ(է)ր զխոնարհս տեսանէ, զբարձունս ՛ի հեռաստանէ ճանաչէ։

Verse: 7  Link to sept   Թէ գնացից ես ՛ի մէջ նեղու(թ)ե(ան)ց, կեցուսցես զիս ՛ի բարկութ(են)է թշնամւոյն։ Ձգեցեր զձեռն քո եւ փրկեաց աջ քո,

Verse: 8  Link to sept   եւ տ(է)ր հատուսցէ ընդ իմ։ Տ(է)ր ողորմութի(ւն) քո յաւիտեան, զգործս ձեռաց քոց մի անտես առներ։ Տունք. ը՜։ Գոբղայս. խ՜դ։



Chapter: 138 

Verse: 1 
՛Ի կատարած. ՛ի դաւիթ սաղմոս. Ճ՜ԼԸ։


   Link to sept   Տ(է)ր փորձեցեր զիս եւ ծանեար զիս,

Verse: 2  Link to sept   դու ծանեար զնստել իմ եւ զյառնել իմ։

Verse: 3  Link to sept   ՛Ի միտ առեր զխորհուրդս իմ ՛ի հեռաստանէ, զշաւիղս իմ եւ զվիճակս իմ դու քննեցեր.

Verse: 4  Link to sept   եւ զա(մենայ)ն ճանապարհս իմ յառաջագոյն տեսե́ր, զի ո́չ նենգու(թ)ի(ւն) ՛ի լեզուի իմում։

Verse: 5  Link to sept   Ահա դու տ(է)ր ծանեար զյետին իմ եւ զառաջին իմ, դու ստեղծեր զիս եւ եդիր զձեռն քո ՛ի վ(ե)ր(այ) իմ։

Verse: 6  Link to sept   Սքանչելի́ եղեւ գիտու(թ)ի(ւն) քո յինէն, զօրացաւ եւ ո́չ հանդարտեմ նմա։

Verse: 7  Link to sept   Յո՞ երթայց ես յոգւոյ քումմէ, եւ կամ յերեսաց քոց ես յո՞ փախեայց։

Verse: 8  Link to sept   Թէ ելանեմ յերկինս՝ դու ա́նդ ես, եւ թէ իջանեմ ՛ի դժոխս՝ եւ անդր մօ́տ ես։

Verse: 9  Link to sept   Թէ առից զթե́ս իմ ընդ առաւօտս, եւ բնակեցայց յեզերս ծովու։

Verse: 10  Link to sept   Սակայն եւ անդ ձե́ռն քո առաջնորդեսցէ ինձ, եւ աջ քո ընկալցի զիս։

Verse: 11  Link to sept   Ասացի թէ խաւար ուրեմն արդեւք ծածկեաց զիս, կամ գիշեր փոխանակ լուսոյ փափկութե(ան) իմոյ։

Verse: 12  Link to sept   Խաւարն՝ ՛ի քէն ո́չ խաւարանայ, եւ գիշերն ո(ր)պ(էս) տիւ լուսաւո́ր ե·իցի, եւ խաւար ն(ո)ր(ա) ո(ր)պ(էս) եւ լոյս ն(ո)ր(ա)։

Verse: 13  Link to sept   Դու ստացար զերիկամունս իմ, եւ ընկալար զիս յորովայնէ մօր իմոյ։

Verse: 14  Link to sept   Խոստովան եղէց քեզ տ(է)ր զի ահեղ եւ սքանչելի́ ես. սքանչելի են գործք քո, եւ անձն իմ գիտաց յոյժ։

Verse: 15  Link to sept   Ո́չ թաքեաւ ոսկր իմ ՛ի քէն զոր արարեր ՛ի ծածուկ, եւ կար զօրու(թ)ե(ան) իմոյ ընդ ստորինս երկրի։

Verse: 16  Link to sept   Զանգործս իմ տեսի́ն աչք քո, եւ ՛ի գիրս քո ամենեքեան գրեցան։ ՛Ի տուէ մոլորեցան, եւ ոչ ո́ք էր որ առաջնորդէր ն(ո)ց(ա)։

Verse: 17  Link to sept   Ինձ յոյժ մեծարոյ եղեն բարեկամք քո ա(ստուա)ծ, եւ յոյժ զօրացան իշխանք ն(ո)ց(ա)։

Verse: 18  Link to sept   Թուեցի զն(ո)ս(ա) եւ քան զաւա́զ բազմացան, զարթեայ եւ արդ ընդ քե́զ եմ։

Verse: 19  Link to sept   Եթէ սպանանես զմեղաւորս ա(ստուա)ծ, ա́րք արեանց ՛ի բա́ց եղերուք յինէն։

Verse: 20  Link to sept   ՛Ի հակառակու(թ)ի(ւն) եւ ՛ի նախանձ, առցեն ՛ի նանիր զքաղաքս քո։

Verse: 21  Link to sept   Ոչ զատելիս քո տ(է)ր ատեցի, այլ ՛ի վերայ թշնամեաց քոց մաշեցայ։

Verse: 22  Link to sept   Ատելութի(ւն) կատարեալ ատեցի զն(ո)ս(ա), եւ եղեն ինձ ՛ի թշնամիս։

Verse: 23  Link to sept   Փորձեա́ զիս ա(ստուա)ծ եւ ծանի́ր զսիրտ իմ, քննեա́ զիս եւ ծանի́ր զշաւիղս իմ.

Verse: 24  Link to sept   եւ տե́ս թէ իցեն զնօրէնու(թ)ի(ւն)ք ՛ի Ճանապարհս իմ, եւ առաջնորդեա́ ինձ ՛ի ճանապարհս քո յաւիտենից։ Տունք. ի՜բ։



Chapter: 139 

Verse: 1 
Link to sept ՛Ի կատարած. Սաղմոս ՛ի դաւիթ սաղմոս. Ճ՜ԼԹ։


Verse: 2  Link to sept   Ապրեցո́ զիս տ(է)ր ՛ի մարդոյ չարէ, յառնէ անիրաւէ փրկեա́ զիս։

Verse: 3  Link to sept   Խորհեցան զանօրէնու(թ)ի(ւն) ՛ի սիրտս իւրեանց, զօր ա(մենայ)ն պատրաստեցան ՛ի պատերազմ։

Verse: 4  Link to sept   Սրեցին զլեզուս իւրեանց ո(ր)պ(էս) զօձին, եւ թո́յնք իժից ՛ի ներքոյ շրթանց ն(ո)ց(ա)։

Verse: 5  Link to sept   Պահեա́ զիս տ(է)ր ՛ի ձեռաց մեղաւորի, եւ ՛ի մարդոյ չարէ փրկեա́ զիս։ Խորհեցան խափանել զգնա́ցս իմ,

Verse: 6  Link to sept   թաքուցին ամբարտաւանք որոգայթ ինձ։ Լարս ձգեցին որոգայթ ոտից իմոց, շո́ւրջ զշաւղօք իմովք եդին ինձ գայթագղու(թ)ի(ւն)։

Verse: 7  Link to sept   Ասացի տ(է)ր ա(ստուա)ծ իմ ես դու, ո́ւնկն դիր տ(է)ր ձայնի աղօթից իմոց։

Verse: 8  Link to sept   Տ(է)ր տ(է)ր զօրու(թ)ի(ւն) փրկու(թ)ե(ան) իմոյ, հովանի գլխոյ իմոյ յաւուր պատերազմի։

Verse: 9  Link to sept   Մի́ մատներ զիս տ(է)ր ՛ի ցանկու(թ)ի(ւն) մեղաւորաց, խորհելով վ(ա)ս(ն) իմ մի́ ընդ վայր հարկաներ զիս։ Զի մի́ երբէք բարձրասցին, եւ խորհուրդք ն(ո)ց(ա) մի́ կատարեսցին.

Verse: 10  Link to sept   վախճան կատարածի ն(ո)ց(ա) վաստակ շրթանց իւրեանց ծածկեսցէ զն(ո)ս(ա)։

Verse: 11  Link to sept   Արկցես ՛ի վ(ե)ր(այ) ն(ո)ց(ա) կայծակունս հրոյ, կործանեսցես զն(ո)ս(ա). ՛ի տառապանաց մի́ կարասցեն կեալ։

Verse: 12  Link to sept   Մարդոյ լեզուանւոյ մի́ յաջողեսցի ՛ի վ(ե)ր(այ) երկրի. զայր մեղաւոր չարի́ք իւր որսասցեն ՛ի կորուստ։

Verse: 13  Link to sept   Ծանեայ զի առնէ տ(է)ր դատաստան աղքատի, եւ իրաւունս տնանկի։

Verse: 14  Link to sept   Արդարք գոհասցին զանուանէ քումմէ, բնակեսցեն ուղիղք առաջի երեսաց քոց։ Տունք. ժ՜դ։



Chapter: 140 

Verse: 1 
Սաղմոս ՛ի դաւիթ. Ճ՜Խ։


   Link to sept   Տ(է)ր կարդացի առ քեզ եւ լո́ւր ինձ, նայեա́ց ՛ի ձայն աղօթից իմոց ՛ի կարդալ իմում առ քեզ։

Verse: 2  Link to sept   Ուղի́ղ եղիցին աղօթք իմ ո(ր)պ(էս) խունկ առաջի քո տ(է)ր. համբարձումն ձեռաց իմոց պատարագ երեկոյի։

Verse: 3  Link to sept   Դի́ր տ(է)ր պահապան բերանոյ իմոյ. եւ զդուռն ամուր շրթանց իմոց,

Verse: 4  Link to sept   եւ մի́ խոտորեսցի սիրտ իմ բանիւք չարութե(ան)։ Պատճառել զպատճառս մեղաց ը(նդ) մարդս որ գործեն զանօրէնութի(ւն). ո́չ եղէց կցորդ ընտրելոց ն(ո)ց(ա)։

Verse: 5  Link to sept   Խրատեսցէ զիս արդարն ողորմու(թեամ)բ՝ ակն յանդիմա́ն արասցէ զիս, եւղ մեղաւորի մի́ օծցէ զգլուխ իմ,

Verse: 6  Link to sept   եւ աղօթք իմ ըստ կամաց նորա։ Ընկլան մերձ առ վիմին դատաւորք ն(ո)ց(ա).

Verse: 7  Link to sept   լուիցեն զբանս իմ զի քաղցունք են։ Ո(ր)պ(էս) թանձրու(թ)ի(ւն) հողոյ զի սփռեալ է ՛ի վ(ե)ր(այ) երկրի.

Verse: 8  Link to sept   ցրուեցան ոսկերք ն(ո)ց(ա) մերձ ՛ի դժոխս։ Առ քեզ տ(է)ր տ(է)ր են աչք իմ, ՛ի քեզ յուսացայ մի́ հաներ զհոգի յինէն։

Verse: 9  Link to sept   Պահեա́ զիս յորոգայթէ որ թագուցաւ ինձ, ՛ի գայթագղութ(են)է ոյք գործեն զանօրէնու(թ)ի(ւն)։

Verse: 10  Link to sept   Անկցին ՛ի ցանցս ն(ո)ր(ա) մեղաւորք, միայն եմ ես մինչեւ ուր անցից։ Տունք. ժ՜։



Chapter: 141 

Verse: 1 
Link to sept Իմաստութի(ւն) ՛ի դաւիթ. Աղօթք, ՛ի ժամանակի զի էր նա յայրի անդ. Ճ՜ԽԱ։


Verse: 2  Link to sept   Ձայնիւ իմով ես առտ(է)ր կարդացի, ձայնիւ իմով զտ(է)ր աղաչեցի։

Verse: 3  Link to sept   Սփռեմ առջի տ(եառ)ն զաղօթս իմ, եւ զնեղութի(ւն)ս իմ առաջի ն(ո)ր(ա) պատմեցից։

Verse: 4  Link to sept   ՛Ի նուաղե́լ յինէն հոգւոյ իմոյ, դու տ(է)ր ծանեար զշաւիղս իմ, ՛ի ճանապարհ յոր եւ գնայի թաքուցաւ ինձ որոգայթ։

Verse: 5  Link to sept   Հայէի յաջմէ եւ տեսանէի, եւ ոչ ո́ք էր որ ճանաչէր զիս. կորեա́ւ յինէն փախուստ իմ, եւ ո́չ ոք էր որ խնդրէր զանձն իմ։

Verse: 6  Link to sept   Աղաղակեցի առ քեզ տ(է)ր եւ ասացի, դո́ւ ես յոյս եւ բաժին իմ յերկիր կենդանեաց։

Verse: 7  Link to sept   Նայեա́ տ(է)ր յաղօթս իմ զի ես խոնարհ եղէ յոյժ. ապրեցո́ զիս ՛ի հալածչաց իմոց զի հզօր եղեն քան զիս։

Verse: 8  Link to sept   Տ(է)ր հա́ն ՛ի բանտէ զանձն իմ, գոհանամ զանուանէ քումմէ։ Ինձ սպասեն արդարք քո մինչեւ հատուսցես ինձ։ տունք. ը(նդ)։ Գոբղայս. ծ՜գ։



Chapter: 142 

Verse: 1 
Սաղմոս ՛ի դաւիթ, ՛ի ժամանակի զի հալածեաց զնա աբիսողոմ որդի նորա. Ճ՜ԽԲ։


   Link to sept   Տ(է)ր լո́ւր աղօթից իմոց, ո́ւնկն դիր խնդրուածաց իմոց ճշմարտութ(եամ)բ քով։ Լո́ւր արդարութ(եամ)բ քով,

Verse: 2  Link to sept   եւ մի́ մտաներ ոսոխ ընդ ծառայի քոյ, զի ո́չ արդարանայ առաջի քո ա(մենայ)ն մսեղի։

Verse: 3  Link to sept   Հալածեաց թշնամին զանձն իմ, խոնարհ արար յերկիր զկեանս իմ.

Verse: 4  Link to sept   նստոյց զիս ՛ի խաւարի որպէս մեռեալ յաւիտենից։ Ձանձրացա́ւ յիս հոգի իմ, եւ սիրտ իմ խռովեցաւ յիս։

Verse: 5  Link to sept   Յիշեցի զաւուրսն զառաջինս, խօսեցայ յա(մենայ)ն ՛ի գործս քո. յարարածս ձեռաց քոց խորհեցայ,

Verse: 6  Link to sept   եւ համբարձի առ քեզ զձեռս իմ։ Անձն իմ ո(ր)պ(էս) զերկիր ծարաւի́ է առ քեզ.

Verse: 7  Link to sept   վաղվաղակի լո́ւր ինձ տ(է)ր զի նուաղեա́ց յինէն հոգի իմ։ Մի́ դարձուցաներ զերեսս քո յինէն, նմանիցեմ այնոցիկ ոյք իջանեն ՛ի գուբ։

Verse: 8  Link to sept   Լսելի́ արա ինձ առաւօտուց զողորմութի(ւն)ս, զի ես ՛ի քեզ տ(է)ր յուսացայ։ Ցո́յց ինձ ճանապարհ յոր գնացից, զի առ քեզ տ(է)ր համբարձի զանձն իմ։

Verse: 9  Link to sept   Փրկեա́ զիս ՛ի թշնամեաց իմոց տ(է)ր, զի զքեզ ապաւէն ինձ արարի։ Ուսո́ ինձ առնել զկամս քո, զի դու ես ա(ստուա)ծ իմ։

Verse: 10  Link to sept   Հոգի քո բարի առաջնորդեսցէ ինձ յերկիր ուղիղ։ Վ(ա)ս(ն) անուան քո տ(է)ր կեցուսցես զիս արդարութ(եամ)բ քով,

Verse: 11  Link to sept   հանցես ՛ի նեղու(թեն)է զանձն իմ· Ողորմու(թեամ)բ քով սատակեսցես զթշնամիս իմ.

Verse: 12  Link to sept   կորուսցես զա(մենայ)ն նեղիչս անձին իմոյ, զի ես ծառայ քո եմ։ Տունք. ժ՜գ։



Chapter: 143 

Verse: 1 
՛Ի դաւիթ. առ Գողիադ. Ճ՜ԽԳ։


   Link to sept   Օրհնեալ տ(է)ր ա́(ստուա)ծ իմ, որ ուսոյց զձեռս իմ ՛ի պատերազմ, եւ զմատո́ւնս իմ ՛ի ճակատամարտ։

Verse: 2  Link to sept   Ողորմութի(ւն) իմ եւ ապաւէն իմ, օգնակա́ն իմ եւ փրկիչ իմ. ապաւէն իմ, եւ ես յուսամ ՛ի նա։ Ո հնազանդ առնէ զժողովուրդս ընդ ինեւ.

Verse: 3  Link to sept   տ(է)ր՝ ո՞է մարդ զի յայտնեցար նմա, կամ որդի մարդոյ թէ համարիս ինչ զնա։

Verse: 4  Link to sept   Մարդ նանրութե(ան) նմանեաց, եւ աւուրք ն(ո)ր(ա) ո(ր)պ(էս) հովանի́ անցին։

Verse: 5  Link to sept   Տ(է)ր խոնարհեցո́ զերկինս եւ է́ջ, մերձեա́ց ՛ի լերինս՝ եւ ծխեսցին։

Verse: 6  Link to sept   Փայլատակեա́ զփայլատակունս քո եւ խռովեա́ զն(ո)ս(ա), առաքեա́ զնետս քո եւ ցրուեա́ զն(ո)ս(ա)։

Verse: 7  Link to sept   Առաքեա́ զձեռն քո ՛ի բարձանց եւ փրկեա́ զիս ՛ի ջուրց բազմաց, եւ ՛ի ձեռաց որդւոց օտարաց։

Verse: 8  Link to sept   Որոց բերանք իւրեանց խօսեցան զնանրութի(ւն), եւ աջ ն(ո)ց(ա) ա́ջ է մեղաց։

Verse: 9  Link to sept   Ա(ստուա)ծ՝ յօրհնութի(ւն) նոր օրհնեցից զքեզ, տասնաղեա́ւ սաղմոսարանաւ սաղմոս ասացից քեզ։

Verse: 10  Link to sept   Ո́ տացէ զփրկութի(ւն) թագաւորաց մերոց, որ փրկելո́ցն իցէ զդաւիթ ծառայ իւր։ ՛Ի սրո́յ չարէ փրկեա́ զիս՝ եւ ապրեցո́ զիս,

Verse: 11  Link to sept   եւ ՛ի ձեռաց որդւոց օտարաց։ Որոց բերանք իւրեանց խօսեցան զնանրու(թ)ի(ւն), եւ աջ ն(ո)ց(ա) ա́ջ է մեղաց։

Verse: 12  Link to sept   Որոց ուստերք իւրեանց որպէս նորատունկ, հաստատուն են ՛ի մանկու(թեն)է իւրեանց. դստերք ն(ո)ց(ա) զարդարեալ եւ պաճուճեալ ՛ի նմանու(թ)ի(ւն) տաճարի։

Verse: 13  Link to sept   Շտեմարանք ն(ո)ց(ա) լի́ են եւ բղխեն ՛ի միմեանս, խաշինք նոցա բազմածինք են եւ բազմանան ՛ի գնացս իւրեանց,

Verse: 14  Link to sept   եւ ա́նդք ն(ո)ց(ա) պարարտք են։ Ո́չ գոյ խրամատու(թ)ի(ւն) ցանկոյ ն(ո)ց(ա), եւ ո́չ աղաղակ ՛ի հրապարակս ն(ո)ց(ա)։

Verse: 15  Link to sept   Արդ երանեցից ժողովրդեան որոց այս այսպէս է. նա՝ երանի ժողովրդեան որոյ տ(է)ր ա(ստուա)ծ է նոցա։ Տունք. ժ՜զ։



Chapter: 144 

Verse: 1 
Օրհնու(թ)ե(ան)ց Սաղմոս ՛ի դաւիթ. Ճ՜ԽԴ։


   Link to sept   Բարձր առնեմ զքեզ ա(ստուա)ծ իմ եւ թագաւոր իմ, եւ օրհնեմ զանուն քո յաւիտեան՝ եւ յաւիտեանս յաւիտենից։

Verse: 2  Link to sept   Զօ́րհանապազ օրհնեցից զքեզ, եւ գովեցից զանուն քո յաւիտեան եւ յաւիտեանս յաւիտենից։

Verse: 3  Link to sept   Մեծ մեզ է տ(է)ր եւ օրհնեալ է յոյժ, եւ մեծութե(ան) ն(ո)ր(ա) ո́չ գոյ չափ։

Verse: 4  Link to sept   Ազգք եւ ազգք գովեսցեն զդործս քո, եւ զզօրութի(ւն)ս քո պատմեսցեն։

Verse: 5  Link to sept   Զմեծվայելչութի(ւն) փառաց սրբու(թ)ե(ան) քոյ խօսեսցին, եւ զսքանչելիս քո պատմեսցեն։

Verse: 6  Link to sept   Զզօրութի(ւն) ահի քոյ ասասցեն, եւ զմեծութի(ւն)ս քո պատմեսցեն։

Verse: 7  Link to sept   Զյիշատակ բազում քաղցրու(թ)ե(ան) քո բղխեսցեն, եւ արդարութ(եամ)բ քով ցնծասցեն։

Verse: 8  Link to sept   Գթած ողորմած է տ(է)ր, երկայնամիտ եւ բազումողորմ։

Verse: 9  Link to sept   Քաղցր է տ(է)ր առ ամենեսեան, եւ գթութի(ւն) ն(ո)ր(ա) ՛ի վ(ե)ր(այ) ա(մենայ)ն արարածոց իւրոց։

Verse: 10  Link to sept   Խոստովան եղիցին առ քեզ տ(է)ր ա(մենայ)ն գործք քո, եւ ս(ուր)բք քո օրհնեսցեն զքեզ։

Verse: 11  Link to sept   Զփառս արքայու(թ)ե(ան) քոյ ասասցեն, եւ զզօրութի(ւն)ս քո պատմեսցեն։

Verse: 12  Link to sept   Ճանաչել որդւոց մարդկան զզօրու(թ)ի(ւն) քո, զփառս մաեծվայելչութի(ւն) արքայու(թ)ե(ան) քոյ։

Verse: 13  Link to sept   Արքայու(թ)ի(ւն) քոյ արքայութի(ւն) ա(մենայ)ն յաւիտենից. եւ տէրութի(ւն) քոյ ազգէ մինչեւ յազգ։ Հաւատարիմ է տ(է)ր յա(մենայ)ն ՛ի բանս իւր, եւ արդար է յա(մենայ)ն ՛ի գործս իւր։

Verse: 14  Link to sept   Հաստատէ տ(է)ր զա(մենայ)ն գայթագղեալս, եւ կանգնէ զա(մենայ)ն գլորեալս։

Verse: 15  Link to sept   Աչք ամենեցուն ՛ի քեզ յուսան, եւ դու տաս կերակուր նոցա ՛ի ժամու։ Տաս դու ն(ո)ց(ա) եւ կերակրին,

Verse: 16  Link to sept   բանաս զձեռն քո, լցուցանես զամենեսեան քաղցրութ(եամ)բ կամօք քովք։

Verse: 17  Link to sept   Արդա́ր է տ(է)ր յա(մենայ)ն ՛ի ճանապարհս իւր, եւ ս(ուր)բ է յա(մենայ)ն ՛ի գործս իւր։

Verse: 18  Link to sept   Մերձ է տ(է)ր առ ամենեսեան ոյք կարդան առ նա, առ ամենեսեան ոյք կարդան առ նա ճշմարտու(թեամ)բ։

Verse: 19  Link to sept   Զկամս երկիւղածաց իւրոց առնէ տ(է)ր. աղօթից ն(ո)ց(ա) լսէ եւ կեցուցանէ զն(ո)ս(ա)։

Verse: 20  Link to sept   Պահէ տ(է)ր զամենեսեան ոյք սիրեն զնա, եւ զա(մենայ)ն մեղաւորս սատակէ տ(է)ր։

Verse: 21  Link to sept   Զօրհնութի(ւն) տ(եառ)ն խօսեսցի բերան իմ. օրհնեսցէ ա(մենայ)ն կենդանի զանուն ս(ուր)բ ն(ո)ր(ա) յաւիտեան, եւ յաւիտեանս յաւիտենից։ Տունք. ի՜բ։ Գոբղայս. ծ՜բ։



Chapter: 145 

Verse: 1 
Link to sept Ալելուիա. անգեայ եւ զաքարիայ. Ճ՜ԽԵ։


Verse: 2  Link to sept   Օրհնեա́ անձն իմ զտ(է)ր. օրհնեցից զտ(է)ր ՛ի կեանս իմ, սաղմոս ասացից ա(ստուծո)յ իմոյ մինչեւ եմ ես։

Verse: 3  Link to sept   Մի́ յուսայք յիշխանս յորդիս մարդկան, զի ո́չ գոյ փրկութի(ւն) ՛ի ն(ո)ս(ա)։

Verse: 4  Link to sept   Ելցէ հոգի ՛ի նոցանէ՝ եւ դարձցին անդրէն ՛ի հող, եւ յայնմ աւուր կորիցե́ն ա(մենայ)ն խորհուրդք նոցա։

Verse: 5  Link to sept   Երանի́ ում տ(է)ր ա(ստուա)ծ յակոբայ օգնական է նմա, եւ յո́յս ն(ո)ր(ա) ՛ի տ(է)ր ա(ստուա)ծ է։

Verse: 6  Link to sept   Որ արար զերկինս եւ զերկիր, զծով եւ զա(մենայ)ն որ է ՛ի ն(ո)ս(ա)։

Verse: 7  Link to sept   Պահէ զճշմարտու(թ)ի(ւն) յաւիտեան, եւ առնէ իրաւունս զրկելոց։ Տայ հա́ց քաղցելոց,

Verse: 8  Link to sept   եւ արձակէ́ զկապեալս տ(է)ր։ Տ(է)ր բանայ զաչս կուրաց, եւ կանգնէ զգլորեալս։ Տ(է)ր սիրէ զարդարս,

Verse: 9  Link to sept   տ(է)ր պահէ զպանդուխտս. զորբս եւ զայրիս ընդունի́ տ(է)ր, եւ զճանապարհս ամպարշտաց կորուսանէ։

Verse: 10  Link to sept   Թագաւորրեսցէ տ(է)ր յաւիտեան, ա(ստուա)ծ քո սիովն ազգէ մինչեւ յազգ։ Տունք. ժ՜։



Chapter: 146 

Verse: 1 
Ալելուիա. անգեայ եւ զաքարիայ. Ճ՜ԽԶ։


   Link to sept   Օրհնեցէ́ք զտ(է)ր՝ զի բարի է. սաղմոսք ա(ստուծո)յ մերում քաղցրասցի օրհնութի(ւն)։

Verse: 2  Link to sept   Շինէ զե(րուսաղէ)մ տ(է)ր, եւ զցրուեալսն ի(սրաէ)լի ժողովէ։

Verse: 3  Link to sept   Բժշկէ զբեկեալ սիրտս, եւ պատէ զա(մենայ)ն վէրս ն(ո)ց(ա)։

Verse: 4  Link to sept   Թուէ զբազմութի(ւն) աստեղաց, եւ զամենեսեան զն(ո)ս(ա) յանուանէ́ կոչէ։

Verse: 5  Link to sept   Մեծ է տ(է)ր մեր եւ մեծ է զօրութի(ւն) ն(ո)ր(ա), իմաստութե(ան) նորա ո́չ գոյ բաւ։

Verse: 6  Link to sept   Ընդունի զհեզս տ(է)ր, եւ խոնարհ առնէ զամբարտաւանս մինչեւ յերկիր։

Verse: 7  Link to sept   Օրհնեցէ́ք զտ(է)ր խոստովանութ(եամ)բ, սաղմո́ս ասացէք նմա օրհնու(թեամ)բ։

Verse: 8  Link to sept   Զգեցո́յց զերկինս ամպովք, պատրա́ստ արար զանձրեւ իւր յերկիր։ Բուսոյց զխոտ ՛ի լերինս, զդալարի ծառայու(թ)ի(ւն) մարդկան։

Verse: 9  Link to sept   Այն որ տայ անասնոց զկերակուր իւրեանց. ձագաց ագռաւուց որ կարդան առ նա։

Verse: 10  Link to sept   Ո́չ թէ ընդ զօրութի(ւն)ս ձիոյ կամեցաւ տ(է)ր, եւ ո́չ ընդ երանս առն սկայի հաճեցաւ։

Verse: 11  Link to sept   Այլ հաճեցաւ տ(է)ր յերկիւղա́ծս իւր, եւ ընդ այնոսիկ ոյք յուսան յողորմութի(ւն) նորա։ Տունք. ժ՜բ։



Chapter: 147 
Ալելուիա. անգեայ եւ զաքարիայ. Ճ՜ԽԷ։


Verse: 12  Link to sept   Գովեա́ ե(րուսաղ)էմ զտ(է)ր։ Եւ օրհնեա́ զա(ստուա)ծ քո սիովն։

Verse: 13  Link to sept   Զի զօրացոյց զնիգս դրանց քոց, եւ օրհնեաց զորդիս քո ՛ի քեզ։

Verse: 14  Link to sept   Որ ե́դ զսահմանս քո ՛ի խաղաղու(թ)ի(ւն) պարարտութ(եամ)բ ցորենոյ լցոյց զքեզ։

Verse: 15  Link to sept   Որ առաքէ́ զբան իւր յերկիր, վաղվաղ ընթանան պատգամք ն(ո)ր(ա)։

Verse: 16  Link to sept   Դնէ զձիւն ո(ր)պ(էս) զասր, եւ զմէգ ո(ր)պ(էս) փոշի́ ցանեաց։

Verse: 17  Link to sept   Արկանէ զսառն ո(ր)պ(էս) պատառս, առաջի ցրտոյ ն(ո)ր(ա) ո́ կարէ կալ։

Verse: 18  Link to sept   Առաքէ զբան իւր եւ հալէ զն(ո)ս(ա), հնչեսցեն հողմք եւ գնասցեն ջուրք։

Verse: 19  Link to sept   Ո պատմէ զբան իւր յակովբայ, զարդարութի(ւն) եւ զիրաւունս ի(սրաէ)լի։

Verse: 20  Link to sept   Ո́չ այսպէս արար ա(մենայ)ն ազգաց տ(է)ր, եւ զդատաստանս իւր ո́չ յայտնեաց ն(ո)ց(ա)։ Տունք. ժ՜։ Գոբղայս. լ՜բ։



Chapter: 148 

Verse: 1 
Ալելուիա. անգեայ եւ զաքարիայ. Ճ՜ԽԸ։


   Link to sept   Օրհնեցէ́ք զտ(է)ր յերկնից, օրհնեցէ́ք զնա ՛ի բարձանց։

Verse: 2  Link to sept   Օրհնեցէ́ք զնա ա(մենայ)ն հրեշտակք ն(ո)ր(ա), օրհնեցէ́ք զնա ա(մենայ)ն զօրութի(ւն)ք ն(ո)ր(ա)։

Verse: 3  Link to sept   Օրհնեցէ́ք զնա արեգակն եւ լուսին, օրհնեցէ́ք զնա ա(մենայ)ն աստեղք եւ լոյս։

Verse: 4  Link to sept   Օրհնեցէ́ք զնա երկինք երկնից, ջուրք որ ՛ի վերոյ քան զերկինս օրհնեցէ́ք զանուն տ(եառ)ն։

Verse: 5  Link to sept   Զի նա ասաց եւ եղեւ, հրամայեաց եւ հաստատեցաւ։

Verse: 6  Link to sept   կարգեաց զն(ո)ս(ա) յաւիտեանս յաւիտենից, հրաման ետ եւ ո́չ անցանէ։

Verse: 7  Link to sept   Օրհնեցէ́ք զտ(է)ր յերկրէ վիշապք, եւ ամենայն խորք։

Verse: 8  Link to sept   Հուր եւ կարկուտ ձիւն եւ սառն, հողմ եւ մրրիկ որ առնեն զբան ն(ո)ր(ա)։

Verse: 9  Link to sept   Լերինք եւ ա(մենայ)ն բլուրք, ծառք պտղաբերք եւ ա(մենայ)ն մայրք։

Verse: 10  Link to sept   Գազանք եւ ա(մենայ)ն անասունք, սողունք եւ ա(մենայ)ն թռչունք թեւաւորք։

Verse: 11  Link to sept   Թագաւորք երկրի եւ զօրք իւրեանց, իշխանք եւ ա(մենայ)ն դատաւորք երկրի։

Verse: 12  Link to sept   Երիտասարդք եւ կուսանք, ծերք եւ տղայք օրհնեցէ́ք զանուն տ(եառ)ն։ Բարձրացաւ անուն նորա միայն,

Verse: 13  Link to sept   խոստուվանու(թ)ի(ւն) նմա յերկինս եւ յերկրի։ Բարձր առնէ տ(է)ր զեղջեւր ժողովրդեան իւրոյ,

Verse: 14  Link to sept   օրհնու(թ)ի(ւն) յա(մենայ)ն սրբոց ն(ո)ր(ա), որդւոցն ի(սրաէ)լի, ժողովուրդ որ մերձ է առ տ(է)ր։ Տունք. ժ՜գ։



Chapter: 149 

Verse: 1 
Ալելուիա. անգեայ եւ զաքարիայ. Ճ՜ԽԹ։


   Link to sept   Օրհնեցէ́ք զտ(է)ր յօրհնութի(ւն) նոր, օրհնու(թ)ի(ւն) նմա յեկեղեցիս սրբոց։

Verse: 2  Link to sept   Ուրախ եղեւ ի(սրա)էլ յարարիչ իւր, որդիք սիովնի ցնծասցեն ՛ի թագաւորն իւրեանց։

Verse: 3  Link to sept   Օրհնեսցեն զանուն ն(ո)ր(ա) օրհնու(թեամ)բ, սաղմոսիւք եւ օրհնութ(եամ)բ սաղմո́ս ասասցեն նմա։

Verse: 4  Link to sept   Հաճի տ(է)ր ընդ ժողովուրդս իւր ս(ուր)բ, եւ բարձր առնէ զհեղս ՛ի փրկութե(ան)։

Verse: 5  Link to sept   Պարծեսցին ս(ուր)բքն փառօք, եւ ցնծասցեն ՛ի հանգիստ իւրեանց,

Verse: 6  Link to sept   եւ բարձր արասցեն զա(ստուա)ծ բերանովք իւրեանց։ Սուրք երկսայրիք են ՛ի ձեռս ն(ո)ց(ա),

Verse: 7  Link to sept   առնուլ հատուցումն ՛ի հեթանոսաց, յանդիմանութի(ւն) ա(մենայ)ն ժողովրդոց։

Verse: 8  Link to sept   Կապել զթագաւորս ն(ո)ց(ա) կապանօք, զզօրաւորս ն(ո)ց(ա) ձեռակապաւ երկաթեաւ։

Verse: 9  Link to sept   Առնել ՛ի ն(ո)ս(ա) զդատստանն գրեալ. փառք ա́յս են յամենայն սրբոց ն(ո)ր(ա)։ Տունք. ը՜։



Chapter: 150 

Verse: 1 
Ալելուիա. Ճ՜Ծ։


   Link to sept   Օրհնեցէ́ք զա(ստուա)ծ ՛ի սրբու(թ)ե(ան) ն(ո)ր(ա), օրհնեցէ́ք զնա հաստատութե(ան) ՛ի զօրութե(ան) ն(ո)ր(ա)։

Verse: 2  Link to sept   Օրհնեցէ́ք զնա ՛ի զօրութե(ան) ն(ո)ր(ա), գովեցէ́ք զնա ՛ի բազո́ւմ մեծութե(ան) ն(ո)ր(ա)։

Verse: 3  Link to sept   Օրհնեցէ́ք զնա ՛ի ձայն օրհնութե(ան), օրհնեցէ́ք զնա սաղմոսիւք եւ օրհնութ(եամ)բ

Verse: 4  Link to sept   Օրհնեցէ́ք զնա ցնծու(թեամ)բ, գովեցէ́ք զնա ուրախու(թեամ)բ։

Verse: 5  Link to sept   Օրհնեցէ́ք զնա ՛ի բանս քաղցունս, օրհնեցէ́ք զնա ՛ի բարբառ լսելի։ Օրհնեցէ́ք զնա ՛ի ձայն գոհու(թ)ե(ան).

Verse: 6  Link to sept   ա(մենայ)ն հոգիք օրհնեցէ́ք զտ(է)ր։
   Տունք. զ՜։ Գոբղայս. ի՜ը։
   Կանոն տունք. յ՜խը։ Չորք Կանոն Տունք ռ՜յխբ։ Միահամուռ սաղմոսս՝ Գոբղայս. ծ՜զ։ Սաղմոս. ճ՜ծ։ Տունք ՛ի սմա ս՜նկբ։



Chapter: 151 
Այս սաղմոս ինքնագի́ր Դաւթի արտաքոյ թուոց։ ՛Ի ժամանակի զի ել նա նահատակ ընդդէմ գողիադու, առաջի շաւուղի։


Verse: 1  Link to sept   Փո́քր էի ես յեղբարս իմ. եւ կրտսե́ր ՛ի տան հօր իմոյ, արածէի զխաշինս հօր իմոյ։

Verse: 2  Link to sept   Ձեռք իմ արարին զսաղմոսարանս, եւ մատունք իմ կազմեցին զգործի́ օրհնութե(ան)։

Verse: 3  Link to sept   Իսկ արդ՝ ո́ պատմեսցէ զայս տ(եառ)ն իմում, ինքն տ(է)ր ա(մենայ)նի լուիցէ զա(մենայ)ն։

Verse: 4  Link to sept   Որ առաքեաց զհրեշտակ իւր եւ ամբարձ զիս ՛ի հօտէ խաշանց հօր իմոյ, եւ օծ զիս յօծումն իւղոյ իւրոյ։

Verse: 5  Link to sept   Եղբարք իմ գեղեցիկք եւ մեծամեծք, եւ ո́չ հաճեցաւ ը(նդ) ն(ո)ս(ա) տ(է)ր։

Verse: 6  Link to sept   Ելի́ ես ընդ առաջ այլազգւոյն, եւ նզովեցի զկուռս նորա։

Verse: 7  Link to sept   Ես հանի զսուսեր ՛ի նմանէ եւ հատի́ զգլուխ նորին, եւ բարձի զնախատինս յորդւոցն ի(սրաէ)լի։ Տունք. Է՜։





Book: Prov. 
Proverbia Salomonis

entered by N. Čanṭlaʒe,
Tbilisi, 2006;
TITUS version by J. Gippert,
Frankfurt a/M, 17.12.2006

ԱՌԱԿՔ ՍՈՂՈՄՈՆԻ
Որդւոյ դաւթի Թագաւորին Իսրայէլի յե(րուսաղէ)մ։

Chapter: 1 
ԳԼ(ՈՒԽ) Ա՜.


Verse: 2  Link to sept   ՃԱՆԱՉԵԼ ԶԻՄԱՍՏՈՒԹի(ւն) եւ զխրատ՝

Verse: 3  Link to sept   իմանալ զբանս հանճարոյ։ ընդունել զդարձուածս բանից։ ՛Ի մի́տ առնուլ զարդարութի(ւն) ճմմարիտ, եւ ուղղել զիրաւունս։

Verse: 4  Link to sept   Զի տացէ անմեղաց զխորագիտութի(ւն). մանկանց տղայոց զմիտս եւ զհանճար։

Verse: 5  Link to sept   Որոց իբրեւ լուիցէ իմաստունն՝ իմաստնագոյն լիցի, իսկ որ հանճարեղն իցէ՝ զառաջնորդութի(ւն) ստասցի։

Verse: 6  Link to sept   ՛ի մի́տ առցէ զառակս եւ զբանս խորինս, զճառս իմաստնոց եւ զառակս ն(ո)ց(ա)։

Verse: 7  Link to sept   Սկիզբն իմաստու(թ)ե(ան) երկեւղ տ(եառ)ն. հանճա́ր բարի ամենեցուն որ առնեն զնա։ պաշտօ́ն բարի առ ա(ստուա)ծ՝ սկիզբն զգօնու(թ)ե(ան)։ զիմաստու(թ)ի(ւն) եւ զխրատ՝ ամպարիշտք անգոսնեն։

Verse: 8  Link to sept   Լո́ւր որդեակ խրատու հօր քոյ, եւ մի́ մերժեր զօրէնս մօր քոյ.

Verse: 9  Link to sept   զի պսակ շնորհաց ընկալցի գլո́ւխ քո. եւ մանեակ ոսկի ՛ի պարանոցի քում։

Verse: 10  Link to sept   Որդեակ՝ մի́ խաբեսցեն զքեզ ա́րք ամպարիշտք. եւ մի́ ախորժեսցես՝

Verse: 11  Link to sept   եթէ կոչեսցեն զքեզ՝ եւ ասիցեն. ե́կ ը(նդ) մեզ՝ կցո́րդ լեր արեան. ծածկեսցուք յերկրի զայր արդար ՛ի տարապարտուց։

Verse: 12  Link to sept   Կլցո́ւք կենդանւոյն իբրեւ դժոխք. եւ բարձցուք զյիշատակս ն(ո)ր(ա) յերկրէ.

Verse: 13  Link to sept   եւ զստացուածս նորա զպէսպէսս ըմբռնեսցուք։ լցցուք զտունս մեր աւարաւ։

Verse: 14  Link to sept   Զվիճակ քո ա́րկ ընդ մեզ. քսակ հասարակա́ց ստասցուք ամենեքեան. գանձարան ՛ի միասին եղիցի մեր։

Verse: 15  Link to sept   Որդեակ՝ մի́ երթար ճանապա́րհ ը(նդ) ն(ո)ս(ա). խոտորեա́ զոտն քո ՛ի շաւղաց ն(ո)ց(ա)։

Verse: 16  Link to sept   Զի ոտք ն(ո)ց(ա) ՛ի չարիս ընթանան, եւ արագունք են հեղուլ զարիւն։

Verse: 17  Link to sept   Զի ո́չ եթէ տարապարտուց ձգեն գործիս թռչնոց.

Verse: 18  Link to sept   զի նոքին իսկ որ սպանու(թ)ե(ա)ն հաղորդք են՝ գանձեն անձանց իւրեանց զչարիս։ կործանումն արանց անօրինաց չար է։

Verse: 19  Link to sept   Ա́յս ճանապարհք են ամենեցուն որ գործեն զանօրէնս. զի ամպարշտութ(եամ)բն զանձինս իւրեանց սատակեն։

Verse: 20  Link to sept   Իմաստութի(ւն) յելս ճանապարհաց գովի́, եւ ՛ի հրապարակս համարձակու(թ)ի(ւն) բերէ.

Verse: 21  Link to sept   եւ ՛ի գլուխս պարսպաց քարոզի, եւ առ դրունս հզօրաց յաճախէ. եւ ՛ի դրունս քաղաքաց համարձակեալ խօսի։

Verse: 22  Link to sept   Ցորքան ժամանակս անմեղք իցեն զհետ արդարու(թ)ե(ան), մի́ ամաչեսցեն։ Իսկ անմիտք ցանկացօղք թշնամանաց՝ ամպարշտեալք ատեցին զիմաստութի(ւն).

Verse: 23  Link to sept   եւ դատապարտք եղեն յանդիմանութե(ան)ց։ Ահաւասիկ առաջի առնեմ ձեզ զհոգւոյ իմոյ զպատգամս. ուսուցից զբանս իմ ձեզ։

Verse: 24  Link to sept   Քանզի կոչէի եւ ո́չ լսէիք՝ յերկարէի զբանս իմ՝ եւ ո́չ անսայիք։

Verse: 25  Link to sept   Այլ ապա́խտ առնէիք զխորհուրդս իմ. եւ յանդիմանութե(ան)ց իմոց ո́չ անսայիք։

Verse: 26  Link to sept   Այսուհետեւ՝ ե́ս ծիծաղեցայց զկորստեամբ ձերով. եւ ոտնհա́ր եղէց՝ յորժամ գայցէ նեղու(թ)ի(ւն) եւ պաշարումն։

Verse: 27  Link to sept   Եւ յորժամ հասանիցէ ձեզ յանկարծակի խռովութի(ւն), եւ կործանումն ՛ի նմանութի(ւն) մրրկի գայցէ։ կամ յորժամ հասանիցէ ձեզ սատակումն,

Verse: 28  Link to sept   իցէ զի կարդայցէք առ իս՝ եւ ես ո́չ լսիցեմ ձեզ։ Խնդրեսցեն զիս չարք՝ եւ ո́չ գտանիցեն։

Verse: 29  Link to sept   զի ատեցին զիմաստութի(ւն). եւ զերկեւղ տ(եառ)ն ո́չ խնդրեցին։

Verse: 30  Link to sept   Եւ ո́չ կամէին անսալ խորհրդոց իմոց, եւ արհամարհեցին զյանդիմանու(թ)ի(ւն)ս իմ։

Verse: 31  Link to sept   Այսուհետեւ կերիցեն զպտուղս ճանապարհաց իւրեանց. եւ իւրեանց ամպարշտութ(եամ)բն յագեսցին։

Verse: 32  Link to sept   Փոխանակ զի զրկէին, զտղայս կոտորեցին. եւ կշտամբութի(ւն) զամպարիշտս սատակեսցէ։

Verse: 33  Link to sept   Իսկ որ ինձ լսէ՝ բնակեսցէ յուսով. եւ դադարեսցէ աներկեւղ յամ չարութ(են)է։


Chapter: 2 
ԳԼ(ՈՒԽ) Բ՜.


Verse: 1  Link to sept   Որդեակ՝ եթէ ընկալեալ զպատգամս պատուիրանի իմոյ ծածկեսցես յանձին քում.

Verse: 2  Link to sept   լուիցէ իմաստութե(ան) ունկն քո. եւ առակեսցես զսիրտ քո ՛ի հանճար. եւ աւանդեսցես զնա որդւոյ քում ՛ի խրատ։

Verse: 3  Link to sept   Զի եթէ զիմաստութի(ւն) կոչեսցես ՛ի քեզ, եւ հանճարո́յ տացես զանձն քո։

Verse: 4  Link to sept   եւ եթէ խնդրեսցես զնա իբրեւ զարծաթ ընտիր. եւ իբրեւ զգա́նձս քննեսցես զնա։

Verse: 5  Link to sept   Յայնժամ ՛ի մի́տ առցես զերկեւղ տ(եառ)ն, եւ զբարութի(ւն) ա(ստուծո)յ գտցես։

Verse: 6  Link to sept   Զի տ(է)ր տայ զիմաստութի(ւն). եւ յերեսաց ն(ո)ր(ա) գիտու(թ)ի(ւն) եւ հանճար։

Verse: 7  Link to sept   գանձէ́ ուղղոց զփրկութի(ւն). վերակացո́ւ լինի գնացից ն(ո)ց(ա)։

Verse: 8  Link to sept   Պահել զճանապարհս իրաւանց. եւ զճանապարհս երկիւղածաց իւրոց ամրացուսցէ։

Verse: 9  Link to sept   Յայնժամ ՛ի մի́տ առցես զարդարու(թ)ի(ւն) եւ զիրաւունս. եւ ուղղեսցես զա(մենայ)ն շաւիղս բարու(թ)ե(ան)։

Verse: 10  Link to sept   Զի եթէ եկեսցէ իմաստութի(ւն) ՛ի միտս քո. եւ զհանճար անձին քում բարի́ համարեսցիս լինել։

Verse: 11  Link to sept   Խորհուրդք բարեաց զգուշասցին զքեւ՝ եւ միտք սուրբք պահեսցեն զքեզ։

Verse: 12  Link to sept   Զի ապրեցուսցես զքեզ ՛ի ճանապարհէ չարէ, եւ յառնէ որ խօսիցի եւ ո́չինչ հաւատարիմս։

Verse: 13  Link to sept   Ո́հ որոց թողեալ իցէ զճանապարհս ուղիղս՝ գնա́լ ՛ի ճանապահս խաւարինս։

Verse: 14  Link to sept   Որ լինիցին ընդ չարիս, եւ խնդայցեն ընդ խոտորումն չարու(թ)ե(ան)։

Verse: 15  Link to sept   Որոց թեւր իցեն ճանապարհք իւրեանց, եւ կամակոր շաւիղք ն(ո)ց(ա)։

Verse: 16  Link to sept   Հեռի́ առնել զքեզ յուղիղ ճանապարհէ, եւ օտարացուցանել յարդար խորհրդոց։ Որդեա́կ իմ, մի́ հասցեն քեզ խորհուրդք չարք,

Verse: 17  Link to sept   որոց թողեալ իցէ զուսումն մանկութե(ան).

Verse: 18  Link to sept   եւ մոռացեալ զուխտն ա(ստուա)ծեղէն։ Զի եդ մերձ ՛ի մահ զտուն իւր, եւ մօտ ՛ի դժոխս՝ ընդ երկրածինս զշաւիղս իւր։

Verse: 19  Link to sept   Ամենեքեան որ գնան ը(նդ) ն(ո)ս(ա)՝ ո́չ դարձցին. այլ եւ ՛ի զղջումն եւս եկեսցեն։ Եւ ո́չ ժամանեսցեն ՛ի ճանապարհս ուղիղս. եւ ո́չ հասցեն ՛ի տարեկանս կենդանու(թ)ե(ան)։

Verse: 20  Link to sept   Զի եթէ գնացեալ էր ՛ի ճանապարհս բարիս, գտանէին արդեւք զշաւիղս արդարու(թ)ե(ան) զդիւրինս։ Քաղցրացեալք եղիցին բնակիչք երկրի. անմե́ղք մնասցեն ՛ի նմա։

Verse: 21  Link to sept   Զի ուղիղք բնակեսցեն յերկրի. եւ անարատք մնասցեն ՛ի նմա։

Verse: 22  Link to sept   Ճանապարհք ամպարշտաց կորիցե́ն յերկրէ. եւ անօրէնք մերժեսցին ՛ի նմանէ։


Chapter: 3 
ԳԼ(ՈՒԽ) Գ՜.


Verse: 1  Link to sept   Որդեակ՝ զօրէնս իմ մի́ մոռանար։ եւ զբանս իմ պահեսցես ՛ի սրտի քում։

Verse: 2  Link to sept   Զի ընդ երկարութի(ւն) կենաց, եւ ամք կենդանութե(ան) եւ խաղաղութե(ան) յաւելցին քեզ։

Verse: 3  Link to sept   Ողորմութի(ւն) եւ հաւատք ՛ի քէն մի́ պակասեսցեն։ Արկ զն(ո)ս(ա) ը(նդ) պարանոց քո, եւ գրեա́ զն(ո)ս(ա) յընդարձակութի(ւն) սրտի քո.

Verse: 4  Link to sept   եւ գտցես շնորհս։ Եւ խորհեա́ց զբարիս առաջի տ(եառ)ն եւ մարդկան։

Verse: 5  Link to sept   Լե́ր յուսացեալ ՛ի տ(է)ր յա(մենայ)ն սրտէ քումմէ. եւ յոմաստու(թ)ի(ւն) քո մի́ հպարտանար։

Verse: 6  Link to sept   Յա(մենայ)ն ճանապարհս քո ծանի́ր զնա զի ուղի́ղ արասցէ զճանապարհս քո։ եւ ոտն քո մի́ գայթագղեսցի։

Verse: 7  Link to sept   Մի́ լինիր իմաստուն յաչս անձին քոյ՝ այլ երկի́ր ՛ի տ(եառն)է, եւ խոտորեա́ յա(մենայ)ն չարու(թեն)է։

Verse: 8  Link to sept   Ապա բժշկութի(ւն) եղիցի մարմնոյ քում. եւ դարման ոսկերաց քոց։

Verse: 9  Link to sept   Պատուեա́ զտ(է)ր ՛ի քո́ց արդար վաստակոց. եւ հան նմա պտուղ ՛ի քո́ց արդարու(թ)ե(ան) արմտեաց։

Verse: 10  Link to sept   Զի լցցին շտեմարանք քո լիու(թեամ)բ ցորենոյ. եւ գինեաւ հնձանք քո առաւել եւս բղխեսցեն։

Verse: 11  Link to sept   Որդեակ՝ մի լքանիր ՛ի խրատու տ(եառ)ն, եւ մի́ լուծանիցիս յանդիմանեալ ՛ի նմանէ։

Verse: 12  Link to sept   Զի զոր սիրէ տ(է)ր խրատէ́ տանջէ զամենայն որդի զոր ընդունի։

Verse: 13  Link to sept   Երանեա́լ է այր որ եգիտ զիմաստութի(ւն), եւ մահկանացու՝ որ ետես զհանճար։

Verse: 14  Link to sept   Զի լա́ւ է զվաճառն զայն գտանել՝ քան զգանձս ոսկւոյ եւ արծաթոյ։

Verse: 15  Link to sept   Պատուականագո́յն է նա քան զականս պատուականս. եւ ո́չ ինչ է չար որ հակառակ կայցէ նմա։ Յայտնի́ է ամենեցուն որ մերձին ՛ի նա. եւ ա(մենայ)ն ինչ որ պատուական է՝ չարժէ զնա։

Verse: 16  Link to sept   Զի երկայնաւորք եւ ամք կենաց յաջմէ իւրմէ, եւ յահեկէ իւրմէ փառք եւ մեծութի(ւն)։ ՛Ի բերանոյ բղխէ արդարու(թ)ի(ւն). զօրէնս եւ զողորմու(թ)ի(ւն) ՛ի լեզուի իւրում կրէ։

Verse: 17  Link to sept   Ճանապարհք ն(ո)ր(ա) ճանապարհք բարեաց, եւ ա(մենայ)ն շաւիղք ն(ո)ր(ա) խաղաղութ(եամ)բ։

Verse: 18  Link to sept   Փա́յտ կենաց է ամենեցուն որ պատսպարին ՛ի նա, եւ որ յենուն ՛ի նա իբրեւ ՛ի տ(է)ր հաստատութ(եամ)բ։

Verse: 19  Link to sept   Ա(ստուա)ծ իմաստու(թեամ)բ հիմունս արկ երկրի. պատրաստեաց զերկինս խորհրդով։

Verse: 20  Link to sept   հանճարով իւրով զանդունդս պատառեաց. եւ ամպք հոսեցին զանձրեւ։

Verse: 21  Link to sept   Որդեակ՝ պահեա́ զխորհորդս իմ, եւ զիմաստու(թ)ի(ւն)։

Verse: 22  Link to sept   զի կեցցէ անձն քո, եւ շնորհք իցեն ՛ի վ(ե)ր(այ) պարանոցի քոյ. եղիցի բժշկութի(ւն) մարմնոյ քում, եւ դարմա́ն ոսկերաց քոց։

Verse: 23  Link to sept   Զի գնասցես յուսսով խաղաղութե(ան) յա(մենայ)ն ճանապարհս քո. եւ ոտն քո մի́ գայթագղեսցի։

Verse: 24  Link to sept   Զի եթէ նստիցես՝ աներկեւղ իցես. եւ եթէ ննջեսցես՝ քա́ղցր քունեսցես։

Verse: 25  Link to sept   Ո́չ երկիցես ՛ի զարհուրանաց ՛ի վ(ե)ր(այ) հասելոց եւ յարշաւանաց ամպարշտաց ՛ի վ(ե)ր(այ) եկելոց։

Verse: 26  Link to sept   Զի տ(է)ր եղիցի ՛ի վ(ե)ր(այ) ա(մենայ)ն ճանապարհաց քոց. եւ հաստատեսցէ զոտն քո զի մի́ գայթագղեսցի։

Verse: 27  Link to sept   Մի́ յապաղեր բարի առնել կարօտելոյ, յորժամ ձեռնհա́ս իցես օգնել նմա։

Verse: 28  Link to sept   Մի́ ասիցես թէ ե́րթ եւ եկեսջիր, եւ վաղիւ տաց։ զի կարօղ եւս իցես բարի առնել. զի ո́չ գիտես զինչ վաղիւն ծնանիցի քեզ։

Verse: 29  Link to sept   Մի́ նիւթեր բարեկամի քում չարիս՝ որ յեցեալ եւ յուսացեալ իցէ ՛ի քեզ։

Verse: 30  Link to sept   Մի́ թշնամանասէր լինիր մարդոյ ՛ի տարապարտուց. զի մի́ չա́ր ինչ գործեսցէ քեզ։ Մի́ ստանար նախատինս յարանց չարաց.

Verse: 31  Link to sept   եւ մի́ նախանձիր ընդ ճանապարհս ն(ո)ց(ա)։

Verse: 32  Link to sept   Զի պի́ղծ է առաջի տ(եառ)ն ա(մենայ)ն անօրէն. եւ ընդ արդարս ո́չ հաղորդի։

Verse: 33  Link to sept   Անէծք տ(եառ)ն ՛ի տունս ամպարշտաց. յարկք արդարոց օրհնին։

Verse: 34  Link to sept   Տ(է)ր ամբարտաւանից հակառա́կ կայ. եւ տայ շնորհս խոնարհաց։

Verse: 35  Link to sept   Զփառս իմաստունք ժառանգեսցեն. իսկ անմիտք բարձրացուցին զանարգանս։


Chapter: 4 
ԳԼ(ՈՒԽ) Դ՜.


Verse: 1  Link to sept   Լուարո́ւք մանկունք զխրատ հօր. եւ անսացէ́ք ստանալ զիմաստութի(ւն)։

Verse: 2  Link to sept   զի պարգեւս բարեաց պարգեւեցից ձեզ։ Զօրէնս իմ մի́ թողուք.

Verse: 3  Link to sept   զի որդի́ եղեալ եմ եւ ես հպատակ հօր իմոյ, եւ սիրեցեալ յաչս մօր իմոյ։

Verse: 4  Link to sept   Որք ուսուցանէին զիս՝ եւ ասէին. հաստատեսցի́ բան մեր ՛ի սրտի քում։ Պահեա́ զպատուիրանս իմ եւ կեա́ց.

Verse: 5  Link to sept   ստացի́ր զիմաստութի(ւն). ստացի́ր զհանճար՝ եւ մի́ մոռանար։ Մի́ արհամարհեր զպատգամս բերանոյ իմոյ, եւ մի́ խոտորիր ՛ի բանից շրթանց իմոց։

Verse: 6  Link to sept   Մի́ թողուր զնա, եւ պատսպարեսցէ զքեզ. սիրեա́ զնա՝ եւ պահեսցէ́ զքեզ։

Verse: 7  Link to sept   Սկիզբն զգօնու(թ)ե(ան) ստացի́ր զիմաստութի(ւն). եւ յա(մենայ)ն ճանապարհս քո ստացի́ր զհանճար։

Verse: 8  Link to sept   Շուրջ փակեա́ զնովաւ, եւ բարձրացուսցէ զքեզ. մեծարեա́ զնա՝ եւ գիրկս արկցէ զքեւ։

Verse: 9  Link to sept   Զի տացէ́ գլխոյ քում պսա́կ շնորհաց. եւ պսակաւն վայելչութե(ան) վերակացո́ւ լիցի քեզ։

Verse: 10  Link to sept   Լո́ւր որդեակ՝ եւ ընկա́լ զբանս իմ. եւ բազմասցին ամք կենաց քոց. եւ յաճախեսցին ճանապարհք կենաց քոց։

Verse: 11  Link to sept   Զճանապարհս իմաստու(թ)ե(ան) ուսուցանեմ քեզ. խելամո́ւտ առնեմ զքեզ ուղիղ շաւղաց։

Verse: 12  Link to sept   Զի եթէ գնայցես՝ ո́չ խափանեսցին գնացք քո. եւ եթէ ընթանայցես՝ ո́չ վաստակեսցիս։

Verse: 13  Link to sept   Բո́ւռն հար զխրատուէ իմմէ՝ եւ մի́ թողուցուս. այլ պահեա́ զնա անձին քում ՛ի կեանս։

Verse: 14  Link to sept   ՛Ի ճանապարհս ամպարշտաց մի́ երթայցես, եւ մի́ նախանձիցիս ընդ ճանապարհս անօրինաց։

Verse: 15  Link to sept   եւ ՛ի տեղւոջ ուր բնակիցեն՝ ընդ այն մի́ անցանիցես։ Խոտորեա́ ՛ի նոցանէ, եւ խորշեա́ անտի։

Verse: 16  Link to sept   զի ո́չ ննջեն, եթէ ոչ չար գործիցեն։ Բարձեալ է քուն նոցա՝ եւ ո́չ ննջեն.

Verse: 17  Link to sept   որք ուտեն զկերակուրս ամպարշտութե(ան). եւ գինւով անօրէնութե(ան) արբենան։

Verse: 18  Link to sept   Ճանապարհք արդարոց ո(ր)պ(էս) լո́յս ծագեն առաջնորդեն եւ լուսաւորեն, մինչեւ տիւն լուսաւորեսցէ։

Verse: 19  Link to sept   Ճանապարհք ամպարշտաց խաւարինք. եւ ո́չ գիտեն զիարդ գայթագղին։

Verse: 20  Link to sept   Որդեակ՝ իմոյ իմաստու(թ)ե(ան) անսա́. եւ իմո́ց բանից մատո́ զունկն քո.

Verse: 21  Link to sept   զի մի́ պակասեսցին աղբեւրք քո։ Պահեա́ զն(ո)ս(ա) ՛ի սրտի քում.

Verse: 22  Link to sept   զի կեա́նք են որոց գտանենն զնա. եւ ա(մենայ)ն մսեղւոյ՝ բժշկութի(ւն)։

Verse: 23  Link to sept   Ա(մենայ)ն պահպանու(թեամ)բ պահեա́ զսիրտ քո. զի ՛ի սոցանէ́ են ելք կենաց։

Verse: 24  Link to sept   ՛Ի բա́ց արա ՛ի քէն զբերան կամակոր. եւ զշրթունս անիրաւս մերժեա́ ՛ի քէն։

Verse: 25  Link to sept   Աչք քո ուղի́ղ հայեսցին. եւ արտեւ անունք քո արդա́ր ակնարկեսցեն։

Verse: 26  Link to sept   Զշաւիղս ուղիղս արասցես ոտից քոց, եւ զճանապարհս քո ուղղեսցե́ս։

Verse: 27  Link to sept   Մի́ յաջ խոտորիցիս՝ եւ մի́ յահեակ. դարձո́ զոտն քո ՛ի ճանապարհէ չարէ։ Զի զճանապարհս որ յաջմէ են՝ գիտէ ա(ստուա)ծ. թի́ւր են ճանապարհք՝ որ ՛ի ձախմէ են։ Այլ ինքն ուղի́ղ արասցէ զշաւիղս քո, եւ զճանապարհս քո խաղաղութ(եամ)բ յառաջեցուսցէ։


Chapter: 5 
ԳԼ(ՈՒԽ) Ե՜.


Verse: 1  Link to sept   Որդեակ՝ իմոյ իմաստու(թ)ե(ան) անսա́, եւ իմոց բանից մատո́ զունկն քո։

Verse: 2  Link to sept   զի պահեսցես զխորհուրդս բարեա́ց։ զիմաստութի(ւն) շրթանց իմոց պատուիրեմ քեզ։ Մի́ հայիր ընդ կին չար.

Verse: 3  Link to sept   զի մեղր կաթէ ՛ի շրթանց կնոջ պոռնկի, որ առ ժամանակ մի պարարէ́ զքիմս քո.

Verse: 4  Link to sept   բայց յետոյ դառնագո́յն եւս գտանի քան զլեղի. եւ սրեալ առաւե́լ քան զսո́ւր երկսայրի։

Verse: 5  Link to sept   Զի ոտք անզգամի իջուցանեն զմերձաւորս ն(ո)ր(ա) մահո́ւ հանդերձ ՛ի դժոխս.

Verse: 6  Link to sept   եւ հետք ն(ո)ր(ա) չե́ն հաստատուն։ Զի ՛ի ճանապարհս կենաց ո́չ գնան. զեղխ են ճանապարհք ն(ո)ր(ա)՝ եւ ո́չ յայտնիք·

Verse: 7  Link to sept   Արդ որդեա́կ՝ լո́ւր ինձ. եւ մի́ ապախտ առներ զբանս իմ։

Verse: 8  Link to sept   Հեռի́ արա ՛ի նմանէ զճանապարհս քո. եւ մի́ մերձենար ՛ի դրունս տանց ն(ո)ր(ա)։

Verse: 9  Link to sept   Զի մի́ մատնեսցես օտարաց զկեանս քո, եւ զստացուածս քո անողորմից։

Verse: 10  Link to sept   Զի մի́ լցցին օտարք ՛ի զօրութ(են)է քումմէ. եւ մի́ վաստակք քո ՛ի տունս այլո́ց մտանիցեն։

Verse: 11  Link to sept   Եւ զղջասցիս յետոյ յորժամ մաշիցին անդամք մարմնոյ քոյ։

Verse: 12  Link to sept   եւ ասիցես՝ թէ զիա՞րդ ատեցի զխրատ. եւ ՛ի յանդիմանութե(ան)ց խոտորեցաւ սիրտ իմ։

Verse: 13  Link to sept   Ո́չ լսէի ձայնի խրատտուի իմոյ, եւ ուսուցչի իմոյ ո́չ մատուցանէի զունկն իմ։

Verse: 14  Link to sept   Սակաւիկ մեւս եւս եւ եղեալ էի ՛ի մէջ ա(մենայ)ն չարեաց, ՛ի մէջ եկեղեցւոյ՝ եւ ժողովրդեան։

Verse: 15  Link to sept   Ա́րբ ջուր ՛ի քո́ց ամանոց, եւ ՛ի քոց ջրհորոց աղբիւրաց։

Verse: 16  Link to sept   Բղխեսցեն քեզ ջուրք քո ՛ի քումմէ աղբիւրէ, եւ ՛ի քո́ հրապարակս գնասցեն ջուրք քո։

Verse: 17  Link to sept   Եղիցին քե́զ միայնոյ լինել, եւ մի́ ոք օտար հաղորդեսցէ քեզ։

Verse: 18  Link to sept   Աղբեւր ջրոյ քոյ եղիցի քե́զ առանձին. եւ ուրա́խ լինիջիր ընդ կնոջ մանկու(թ)ե(ան) քոյ։

Verse: 19  Link to sept   Ե́ղն սիրոյ՝ եւ յաւանակ քոց շնորհաց խօսեսցի ընդ քեզ. եւ ՛ի քո իմաստու(թ)ի(ւն) համարեսցի եւ ընդ քեզ եղիցի յա(մենայ)ն ժամ։ զի եթէ զնորա սիրովն գնայցես՝ բազմապատիկ եղիցես։

Verse: 20  Link to sept   Մի́ յաճախեր առ օտարս. եւ մի́ փարիր ՛ի գիրկս՝ որ ո́չ քո իցեն։

Verse: 21  Link to sept   Զի առաջի աչացն ա(ստուծո)յ են ճանապարհք առն. եւ յա(մենայ)ն շաւիղս ն(ո)ր(ա) դիտէ́։

Verse: 22  Link to sept   Անօրէնու(թ)ի(ւն)ք որսան զայր, եւ ՛ի տոռունս մեղաց իւրոց շաղի իւրաքանչի́ւր ոք։

Verse: 23  Link to sept   Մեռանի նա ընդ անխրա́տս՝ վ(ա)ս(ն) անխրատու(թ)ե(ան)։ եւ ՛ի բազմութ(են)է կենաց իւրոց զրկեցաւ. եւ կորեաւ վ(ա)ս(ն) անզգամութե(ան)։


Chapter: 6 
ԳԼ(ՈՒԽ) Զ՜.


Verse: 1  Link to sept   Որդեակ՝ եթէ լինիցիս երաշխաւոր բարեկամի քում, մատնեցեր զանձն քո թշնամւոյ։

Verse: 2  Link to sept   Զի որոգայթ բո́ւռն են առն շրթունք իւր, եւ ըմբռնի́ բանիւ բերանոյ իւրոյ։

Verse: 3  Link to sept   Արդ՝ արա́ որդեակ զորինչ ես պատուիրեմ քեզ՝ եւ կեցցե́ս. զի անկար ՛ի ձեռս չարաց վ(ա)ս(ն) բարեկամի քոյ։ Արդ պնդեա́ եւ մի́ լքանիր. յորդորեա́ եւ զբարեկամն զոր առեր յերաշխի։

Verse: 4  Link to sept   Մի́ տար քուն աչաց, եւ մի́ նինջ արտեւանաց քոց։

Verse: 5  Link to sept   Զի ապրեսցիս ո(ր)պ(էս) զայծեամն ՛ի հաղբից, եւ իբրեւ զհաւ ՛ի ծուղակաց։

Verse: 6  Link to sept   Ե́րթ առ մրջիւն ո́վ վատ, եւ նախանձեա́ ընդ ճանապարհս ն(ո)ր(ա). եւ լե́ր իմաստնագո́յն եւս քան զնա։

Verse: 7  Link to sept   Զի ն(ո)ր(ա) ո́չ գոյ հողագործութի(ւն), եւ ո́չ հարկադիր, եւ ո́չ ընդ տերամբք է։

Verse: 8  Link to sept   Եւ պատրաստէ ամարանի զկերակուր, եւ բազում համբարս դնէ ՛ի հունձս։ Կամ ե́րթ առ մեղուն եւ ուսի́ր՝ զիա՞րդ գործօ́ն է. եւ գործ ն(ո)ր(ա) որպէս պարկեշտութ(եամ)բ գործի. զորոյ զվաստակն թագաւորք եւ տնանկք ՛ի բժշկութի(ւն) մատուցանեն։ Ցանկալի́ է ամենեցուն եւ մեծարոյ. զի թէպէտ տկա́ր է զօրութ(եամ)բ, պատուեաց զիմաստու(թ)ի(ւն)՝ եւ յարգեցաւ։

Verse: 9  Link to sept   Մինչեւ յե՞րբ յորսայսեալ կաս ո́վ վատ, կամ ե՞րբ ՛ի քնոյ զարթիցես։

Verse: 10  Link to sept   Փոքր մի ննջիցե՞ս. փոքր մի նստիցի՞ս. փոքր մի նիրհիցե՞ս. փոքր մի հանգուցանիցե՞ս զձեռն քո ՛ի վ(ե)ր(այ) լանջաց։

Verse: 11  Link to sept   Ապա հասանիցէ ՛ի վ(ե)ր(այ) քո իբրեւ զչա́ր ուղեւոր տնանկութի(ւն), եւ կարօտու(թ)ի(ւն) իբրեւ զժիր սուրհանդակ։ Ապա թէ անդանդաղ լինիցիս, հասանիցէ իբրեւ զաղբեւր ամառն քո, եւ կարօտութի(ւն) իբրեւ այր մի չար ինքնահալա́ծ։

Verse: 12  Link to sept   Այր անօրէն եւ անզգամ գնա́յ զճանապարհս թեւրս։

Verse: 13  Link to sept   Քանզի նո́յն ինքն ակնարկէ́ ակամբ, եւ նշանակէ́ ոտամբ, եւ ուսուցանէ նշանացի́ մատամբք։

Verse: 14  Link to sept   Սիրտ խոտորեալ նիւթէ զչարիս. յա(մենայ)ն ժամանակի այնպիսին խռովու(թ)ի(ւն)ս առնէ քաղաքի։

Verse: 15  Link to sept   Վ(ա)ս(ն) այնորիկ յանկարծակի հասցէ նմա կորուստ իւր. հաշումն՝ եւ մաշո́ւմն առանց բժշկու(թ)ե(ան)։

Verse: 16  Link to sept   Զի խնդա́յ ընդ ա(մենայ)ն զոր ատեայ տ(է)ր. եւ խորտակի վ(ա)ս(ն) պղծու(թ)ե(ան) անձին իւրոյ։

Verse: 17  Link to sept   Աչք թշնամանողի՝ լեզո́ւ անիրաւ, ձեռք՝ որ հեղուն զարիւն արդար։

Verse: 18  Link to sept   սիրտ՝ որ նիւթէ զխորհուրդս չարու(թ)ե(ան)։ ոտք՝ որ փութան գործել զչարիս, սատակեսցի́ն։

Verse: 19  Link to sept   Բորբոքէ́ զստութի(ւն) վկա́յ անիրաւ, եւ արկանէ գրգռու(թ)ի(ւն) ՛ի մէջ եղբարց։

Verse: 20  Link to sept   Որդեակ՝ պահեա́ զօրէնս հօր քոյ, եւ մի́ մերժեր զխրատ մօր քոյ։

Verse: 21  Link to sept   Ընկա́լ զնոսա յանձին եւ ՛ի գլուխ քո հանապազ. եւ ա́րկ իբրեւ մանեակ ՛ի պարանոց քո.

Verse: 22  Link to sept   Յորժամ շրջիցիս՝ ընդ քե́զ տարջիր, եւ ընդ քեզ եղիցի. յորժամ ննջիցես՝ պահեսցէ զքեզ. եւ յորժամ յառնիցես՝ խօսակի́ց իցէ քեզ։

Verse: 23  Link to sept   Զի ճրա́գ է պատուիրան օրինացն՝ եւ լոյս, եւ ճանապարհ կենաց՝ յանդիմանութի(ւն) եւ խրատ։

Verse: 24  Link to sept   Պահե́լ զքեզ յառնակին կնոջէ. եւ ՛ի չարախօսութ(են)է օտա́ր լեզուէ։

Verse: 25  Link to sept   Որդեակ՝ մի́ յաղթեսցէ քեզ ցանկութի(ւն) գեղոյ. եւ մի́ ըմբռնիցիս աչօք քովք. եւ մի́ յափշտակիցիս արտեւանամբք ն(ո)ր(ա)։

Verse: 26  Link to sept   Զի գինք կնոջ պոռնկի՝ որչափ նկանակի́ միոջ հացի։ քանզի կին չար՝ զարանց պատուկանաց զհոգիս որսա́յ։

Verse: 27  Link to sept   Ծրարիցէ՞ ոք հուր ՛ի գոգ՝ եւ զհանդերձսն ո́չ այրիցէ։

Verse: 28  Link to sept   կամ գնայցէ՞ ոք ՛ի վերայ կայծականց հրոյ, եւ զոտս իւր ո́չ խարշիցէ։

Verse: 29  Link to sept   Նոյնպէս եւ որ մտանէ առ առնակին՝ առանց պատժի ո́չ լիցի։ եւ ո́չ արդարասցի ա(մենայ)ն որ մերձենայ առ նա։

Verse: 30  Link to sept   Ոչինչ են զարմանք եթէ ըմբռնեսցի ոք ՛ի գողութե(ան). գողանայ՝ զի լցուսցէ զանձն իւր քաղցեալ։

Verse: 31  Link to sept   ապա թէ ըմբռնեսցի, եւթնպատիկ տուժեսցի. եւ զա(մենայ)ն ինչս իւր տուեալ ապրեցուցանէ զանձն։

Verse: 32  Link to sept   Իսկ որ շնայն՝ առ պակասութե(ան) մտաց, կորո́ւստ անձին իւրում ստանայ։

Verse: 33  Link to sept   Ցա́ւս եւ անարգանս կրէ. եւ նախատինք ն(ո)ր(ա) մի́ կորիցեն յաւիտեան։

Verse: 34  Link to sept   Լի́ է նախանձու սրտմտութի(ւն) առն ն(ո)ր(ա). եւ ո́չ խնայեսցէ յաւուր դատաստանի։

Verse: 35  Link to sept   Ո́չ փոխանակեսցէ եւ ո́չ ընդ միո́յ իրիք փրկանաց զթշնամու(թ)ի(ւն). եւ ո́չ վճարիցի բազում կաշառօք։


Chapter: 7 
ԳԼ(ՈՒԽ) Է՜.


Verse: 1  Link to sept   Որդեակ՝ պահեա́ զբանս իմ, եւ զպատուիրանս իմ ծածկեա́ յանձի́ն քում։ Որդեակ՝ պատուեա́ զտ(է)ր՝ եւ զօրացիր, եւ բա́ց ՛ի նմանէ յայլ ումեքէ մի́ երկնչիր։

Verse: 2  Link to sept   Որդեակ՝ պահեա́ զպատուիրանս իմ եւ կեցցես. եւ զբանս իմ իբրեւ զբի́բ աչաց։

Verse: 3  Link to sept   Յե́ռ զն(ո)ս(ա) ընդ մատունս քո. եւ գրեա́ յընդարձակութի(ւն) սրտի քոյ։

Verse: 4  Link to sept   Ասա́ զիմաստութի(ւն) քո́յր քեզ լինել, եւ զհանճա́ր արա քեզ ծանօթ.

Verse: 5  Link to sept   զի պահեսցէ զքեզ ՛ի կնոջէ օտարէ եւ ՛ի չարէ։ Յորժամ բանիւք զքեզ ՛ի պատրանս արկանիցէ.

Verse: 6  Link to sept   ՛ի պատուհանից տան իւրոյ ՛ի հրապարակս կարկառեալ։

Verse: 7  Link to sept   Զորս տեսանիցէ յանմիտ մանկանց, զպակասամիտս յերիտասարդաց.

Verse: 8  Link to sept   որ անցանիցեն ընդ հրապարակս առ ակա́մբ գնացից տան ն(ո)ր(ա).

Verse: 9  Link to sept   եւ խօսիցի ընդ խաւար երեկոյին. յորժամ դադարեալ ՛ի մթոց գիշերոյն իցեն։

Verse: 10  Link to sept   Եւ կինն ընդառա́ջ լինի նմա պոռնկութե(ան) կերպարանօք. որ յիմարեցուցանէ զմիտս երիտասարդաց՝ որ արբեալ եւ պակշոտեալ։

Verse: 11  Link to sept   Եւ ՛ի տան ո́չ դադարեն ոտք ն(ո)ր(ա)։

Verse: 12  Link to sept   ժամանակ ինչ արտաքոյ յածի եւ ժամանակ ինչ ընդ հրապարակս առ ա(մենայ)ն անկեան դարանակալ լինի։

Verse: 13  Link to sept   Ապա բուռն հարեալ համբուրեա́ց զնա, եւ լրբենի երեսօք ասէ ցնա։

Verse: 14  Link to sept   Ուխտք խաղաղութե(ան) են ինձ. այսօր հատուցանե́մ զաղօթս իմ։

Verse: 15  Link to sept   Սմին իրի իսկ ելի ընդ առաջ քո. ցանկացեալ երեսաց քոց գտի զքեզ։

Verse: 16  Link to sept   Երիզապա́տ պնդեցի զգահոյս իմ։ Պաստառալի́ր եգիպտացւովք զարդարեցի։

Verse: 17  Link to sept   Քրքմացան պատրաստեցի զանկողինս իմ. եւ զտուն իմ կինամոմով խնկեցի։

Verse: 18  Link to sept   Ե́կ եւ վայելեսցուք սիրով մինչեւ ցառաւօտն. ե́կ եւ խաղասցուք ցանկու(թեամ)բ։

Verse: 19  Link to sept   Զի ո́չ է այր իմ ՛ի տան. այլ գնացեալ է ճանապարհ հեռի։

Verse: 20  Link to sept   Զքսակն արծաթոյ ՛ի ձեռին իւրում առեալ, յետ բազում ժամանակաց՝ թէ́ ուրեք գայցէ ՛ի տուն։

Verse: 21  Link to sept   Եւ մոլորեցո́յց զնա բազում բանիւք, եւ խեղդիւք շրթանց իւրոց վարանեա́ց զնա։

Verse: 22  Link to sept   Եւ նա գնա́ց զկնի ն(ո)ր(ա) յիմարեալ՝ իբրեւ արջառ ՛ի սպանումն, եւ իբրեւ զշուն տոռամբ.

Verse: 23  Link to sept   կամ իբրեւ զեղջիւրու հարեալ նետիւ ընդ լերդակողմն։ եւ փութայ իբրեւ զհաւ ՛ի ծաւղակս. եւ ո́չ գիտէ թէ զոգին հալածական տանի։

Verse: 24  Link to sept   Արդ որդեակ՝ լո́ւր ինձ. եւ անսա́ բանից բերանոյ իմոյ։

Verse: 25  Link to sept   Մի́ խոտորեսցի սիրտ քո ՛ի ճանապարհս ն(ո)ր(ա), եւ մի́ մոլորիցիս ՛ի շաւիղս ն(ո)ր(ա)։

Verse: 26  Link to sept   Զի զբազո́ւմս տապաստ արկեալ է ն(ո)ր(ա) խոցոտելով, եւ անթիւ են սպանեալք ՛ի նմանէ։

Verse: 27  Link to sept   Ճանապարհք դժոխո́ց են տուն ն(ո)ր(ա). որ իջուցանեն ՛ի շտեմարանս մահու։


Chapter: 8 
ԳԼ(ՈՒԽ) Ը՜.


Verse: 1  Link to sept   Վասն այսորիկ դու զիմաստութի(ւն) քարոզեսցես, զի հանճար ձայնատո́ւ լիցի քեզ։

Verse: 2  Link to sept   Քանզի ՛ի վերայ լերանց գլխաւորա́ց է, եւ ՛ի մէջ շաւղաց հասեալ կայ.

Verse: 3  Link to sept   եւ ՛ի դրունս հզօրաց սպասէ́. եւ ՛ի մուտս օրհնի։

Verse: 4  Link to sept   Զձեզ աղաչեմ ո́վ մարդիկ, եւ բաշխեմ զբարբառ իմ որդւոց մարդկան։

Verse: 5  Link to sept   Իմացարո́ւք անմեղք զխորագիտութի(ւն). եւ անխրատք դի́ք ՛ի սիրտս ձեր։

Verse: 6  Link to sept   ունկն դիք ինձ, զի զպարկեշտս բարբառիմ. եւ բղխեմ ՛ի շրթանց իմոց զուղղու(թ)ի(ւն)ս։

Verse: 7  Link to sept   Զի զճշմարտու(թ)ի(ւն) խոկասցէ կոկորդ իմ. եւ պի́ղծ են առաջի իմ շրթունք սուտք։

Verse: 8  Link to sept   Արդարու(թեամ)բ են ա(մենայ)ն պատգամք բերանոյ իմոյ, եւ ո́չ գոյ ՛ի ն(ո)ս(ա) ծռութի(ւն) եւ ո́չ թիւրութի(ւն)։

Verse: 9  Link to sept   Ամենայն ինչ ուղի́ղ է իմաստնոց։ եւ յարմարեալ է այնոցիկ ոյք գտանեն զգիտութի(ւն)։

Verse: 10  Link to sept   Ընկալարո́ւք զխրատ՝ եւ մի զարծաթ. եւ զգիտու(թ)ի(ւն) քան զոսկի ընտիր։

Verse: 11  Link to sept   Լա́ւ է իմաստու(թ)ի(ւն) քան զականս պատուականս. եւ ա(մենայ)ն ինչ պատուական չարժէ́ զնա։

Verse: 12  Link to sept   Ես իմաստութի(ւն) բնակեցայ ՛ի խորագիտու(թ)ե(ան). զխորհուրդս եւ զգիտութի(ւն) կոչեցի յիս։

Verse: 13  Link to sept   Երկեւղ տ(եառ)ն ատեայ զանիրաւու(թ)ի(ւն). զթշնամանս՝ եւ զհպարտու(թ)ի(ւն), եւ զճանապարհս չարեաց։

Verse: 14  Link to sept   Ի́մ է խորհուրդ եւ զգուշութի(ւն), եւ ի́մ է հանճար եւ զօրութի(ւն)։

Verse: 15  Link to sept   Ինե́ւ թագաւորք թագաւորեն, եւ հզօրք գրեն զարդարու(թ)ի(ւն)։

Verse: 16  Link to sept   Ինե́ւ մեծամեծք մեծանան, եւ բռունք ինեւ ունին զերկիր։

Verse: 17  Link to sept   Ես՝ որ զիսն սիրեն՝ սիրե́մ. եւ որ զիսն խնդրեն՝ գտցեն շնորհս։

Verse: 18  Link to sept   Մեծու(թ)ի(ւն) եւ փառք՝ ի́մ իսկ են. եւ ստացուածք բազմաց եւ արդարութի(ւն)։

Verse: 19  Link to sept   Լա́ւ է զիս ստանալ՝ քան զոսկի եւ զականս պատուականս. եւ զարդիւնս իմ քան զոսկի եւ զարծաթ ընտիր։

Verse: 20  Link to sept   ՛Ի ճանապարհս արդարութե(ան) գնամ. եւ ՛ի մէջ շաւղաց արդարու(թ)ե(ան) շրջիմ։

Verse: 21  Link to sept   Զի բաշխեցից սիրելեաց իմոց զմեծու(թ)ի(ւն). եւ զգանձս նոցա լցուցից բարութ(եամ)բ։
   Եթէ պատմեցից ձեզ զհանապազորդ լինելոցն, եւ յիշեցուցից որ յաւիտենիցն համարեալ են։

Verse: 22  Link to sept   Տ(է)ր հաստատեաց զիս ՛ի սկիզբն ճանապարհաց իւրոց ՛ի գո́րծս իւր. յառաջ քան զյաւիտեանս հաստատեաց զիս։

Verse: 23  Link to sept   Իսկզբանէ յառաջ քան զերկիր առնել.

Verse: 24  Link to sept   եւ նա́խ քան զանդունդս գործել. եւ նա́խ քան զբղխել աղբիւրաց ջրոց.

Verse: 25  Link to sept   յառաջ քան զլերինս հաստատել։ յառա́ջ քան զա(մենայ)ն բլուրս ծնաւ զիս։

Verse: 26  Link to sept   Տ(է)ր արար զշէնս եւ զանշէնս. եւ զեզերս բնակեալս ՛ի ներքոյ երկնից։

Verse: 27  Link to sept   Մինչդեռ պատրաստէր զերկինս՝ ընդ նմա́ էի. եւ մինչ զատուցանէր զաթոռ իւր ՛ի վ(ե)ր(այ) հողմոց։

Verse: 28  Link to sept   Եւ յորժամ զօրացուցանէր զամպս վերինս։ եւ յորժամ հաստատուն դնէր զաղբեւրս ՛ի ներքոյ երկնից։

Verse: 29  Link to sept   ՛Ի դնել ծովու զհաստատութի(ւն) իւր. զի ջուրք մի́ անցցեն ըստ ափն ն(ո)ր(ա)։ ՛ի ժամանակի յորում հաստատուն դնէր զհիմունս երկրի.

Verse: 30  Link to sept   ե́ս էի առ նովաւ պատշաճեալ։ Եւ էի որով ուրախ լինէր տ(է)ր հանապազ, եւ ցնծայի առաջի ն(ո)ր(ա) յա(մենայ)ն ժամ։

Verse: 31  Link to sept   Յորժամ ուրա́խ լինէր ընդ աշխարհին բովանդակել։ եւ ցնծայր յորդիս մարդկան։

Verse: 32  Link to sept   Արդ ո́րդեակ՝ լո́ւր ինձ։ եւ երանելի են՝ որ զճանապարհս իմ պահիցեն։

Verse: 33  Link to sept   Լուարո́ւք իմաստու(թ)ի(ւն)՝ եւ իմաստո́ւնք լերուք. եւ մի́ պաշարիցիք։

Verse: 34  Link to sept   Երանեալ է այր որ լուիցէ ինձ, եւ մարդ որ զճանապարհս իմ պահիցէ։ տքնիցի առ դրունս իմ հանապազ. եւ պահիցէ զսեամս մտից իմոց։

Verse: 35  Link to sept   Զի ելք իմ են ելք կենաց. եւ պատրաստին կամք իմ ՛ի տ(եառն)է։

Verse: 36  Link to sept   Իսկ որ յիսն մեղանչեն՝ ամպարշտեն յանձինս իւրեանց. եւ որ ատեանն զիս՝ սիրեն զմահ։


Chapter: 9 
ԳԼ(ՈՒԽ) Թ՜.


Verse: 1  Link to sept   Իմաստութի(ւն) շինեաց ի́ւր տուն, եւ կանգնեաց սիւնս եւթն։

Verse: 2  Link to sept   Զեն զզենլիս իւր, եւ խառնեաց ՛ի խառնելիս զգինի իւր, եւ պատրաստեաց զսեղան իւր։

Verse: 3  Link to sept   Եւ առաքեաց զծառայս իւր, կոչել բա́րձր քարոզու(թեամ)բ ՛ի խառնելիս իւր՝

Verse: 4  Link to sept   եւ ասէ. Որոք իցէ անզգամ, եկեսցէ́ առիս։ եւ ցպակասամիտսն ասէ.

Verse: 5  Link to sept   եկա́ք կերա́յք ՛ի հացէ իմմէ, եւ արբէ́ք զգինի իմ զոր խառնեցի ձեզ։

Verse: 6  Link to sept   Թողէ́ք զանզգամութի(ւն) եւ կեցջիք. խնդրեցէ́ք զիմաստու(թ)ի(ւն) զի ապրեսջիք։ եւ ուղղեցէ́ք գիտու(թեամ)բ զհանճար. եւ ուղիղ ճանապարհաւ իմացարո́ւք զխրատ։

Verse: 7  Link to sept   Որ խրատէ զչարս՝ առցէ անձին իւրում անարգանս. եւ որ յանդիմանէ զամպարիշտս՝ ատեայ զանձն։

Verse: 8  Link to sept   Մի́ յանդիմաներ զչարս, զի մի́ ատեսցեն զքեզ։ յանդիմանեա́ զիմաստունն, եւ սիրեսցէ զքեզ. զանմիտն, եւ յաւելցէ ատել զքեզ։

Verse: 9  Link to sept   Տո́ւր իմաստնոյն պատճառս՝ եւ իմաստնագոյն եւս լիցի։ տեղեկացո́ զարդարն, եւ յաւելցէ ընդունել։

Verse: 10  Link to sept   Սկիզբն իմաստութե(ան)՝ երկեւղ տ(եառ)ն. եւ խորհուրդ սրբոց հանճառ։ իմանալ զօրէնս՝ մտա́ց առատաց է։

Verse: 11  Link to sept   Այսու օրինակաւ բազում ժամանակս կեցցես. եւ յաւելցին քեզ ամք կենաց։

Verse: 12  Link to sept   Որդեակ իմ՝ թէ իմաստուն լինիցիս, անձին քում իմաստո́ւն իցես՝ եւ ընկերաց։ եւ եթէ անզգամ իցես՝ միայն պեղեսցես զչարիս։ Որ հաստատի ՛ի ստութի(ւն)՝ նա զհո́ղմս արածէ եւ նոյն հալածէ զթռչունս թեւաւորս։ Զի եթող զճանապարհս այգւոյ իւրոյ, եւ ՛ի շաւղաց անդոյ իւրոյ մոլորեալ է։ Գնա́յ ընդ անջրդին եւ ընդ անապատն. եւ ընդ երկիր կարգեալ ՛ի ծարաւուտ. եւ ժողովէ ձեռօք իւրովք զանպտուղու(թ)ի(ւն)։

Verse: 13  Link to sept   Կին անզգամ եւ յանդուգն կարօ́տ լիցի հացի. եւ որ ո́չ գիտէ զամօթ։

Verse: 14  Link to sept   Նստաւ առ դրունս տան իւրոյ աթոռով յայտնապէս ՛ի հրապարակս.

Verse: 15  Link to sept   եւ կոչէ զանցաւորս որ գնայցեն ուղի́ղ զճանապարհս իւրեանց։

Verse: 16  Link to sept   Որոք իցէ ՛ի ձէնջ առաւել անմտագոյն՝ առ իս դարձցի։ եւ պակասամտացդ հրաման տամ, եւ ասեն։

Verse: 17  Link to sept   հա́ց գաղտնի մտադեւր կերիջիք, եւ ջուր գողունի՝ ախորժելով արբջիք։

Verse: 18  Link to sept   Եւ ո՞ ո́չ գիտէ թէ երկրածինք առ նմա կորնչին. եւ ՛ի թափս դժոխոց հասանեն։ Այլ դու ՛ի բա́ց ոստիր, եւ մի́ յամեր ՛ի տեղւոջ ն(ո)ր(ա). եւ մի́ հաստատեր զակն քո ՛ի նա։ Զի ա́յնպէս անցցես ընդ ջուրն օտար. եւ անցանիցես ընդ գետն օտարական։ եւ ՛ի ջրոյ օտարէ ՛ի բաց լինիցիս. եւ յօտար աղբիւրէ մի́ ըմպիցես։ Զի բազում ժամանակս կեցցես. եւ յաւելցին քեզ ամք կենաց։



Chapter: 10 
ԱՌԱԿՔ ՍՈՂՈՄՈՆԻ։
Բան Երկրորդ։

ԳԼ(ՈՒԽ) Ժ՜.


Verse: 1  Link to sept   Որդի իմաստուն՝ ուրա́խ առնէ զհայր. որդի անմիտ՝ տրտմու(թ)ի(ւն) է մօր։

Verse: 2  Link to sept   Ո́չ օգնեսցեն գանձք՝ անօրինաց. այլ արդարութի(ւն) փրկէ ՛ի մահուանէ։

Verse: 3  Link to sept   Ո́չ սովամահ առնէ տ(է)ր զանձն արդարոյ. եւ զկեանս ամպարշտաց կործանեսցէ։

Verse: 4  Link to sept   Տնանկութի(ւն) զա́յր խոնարհեցուցանէ. ձեռք ժրաց՝ մեծացուցանեն։

Verse: 5  Link to sept   Որդի խրատեալ՝ իմաստո́ւն լիցի։ եւ զանմիտն ՛ի ծառայութե(ան) վարեսցէ. Ապրեցա́ւ ՛ի խորշակէ որդի իմաստուն. խորշակահա́ր լինի ամարանի որդի́ անօրէն։

Verse: 6  Link to sept   Օրհնու(թ)ի(ւն) տ(եառ)ն ՛ի գլուխս արդարոց. զբերանս ամպարշտաց ծածկեսցէ́ սո́ւգ տարաժամ։

Verse: 7  Link to sept   Յիշատակ արդարոյ գովութ(եամ)բ. անուն ամպարշտաց շիջցի։

Verse: 8  Link to sept   Սիրտ իմաստուն ընկալցի զպատուիրանս. եւ ցո́փն շրթամբք գայթագղելով կործանեսցի։

Verse: 9  Link to sept   Որ գնայ իմաստութ(եամ)բ՝ գնայ յուսով. իսկ որ թիւրէ զճանապարհս իւր՝ յայտնի́ լիցի։

Verse: 10  Link to sept   Որ ակնարկէ ակամբ նենգու(թեամ)բ՝ ժողովէ արանց զտրտմու(թ)ի(ւն). որ յանդիմանէ համարձակութ(եամ)բ՝ առնէ զխաղաղու(թ)ի(ւն)։

Verse: 11  Link to sept   Աղբեւր կենաց յա(ստուծո)յ ՛ի ձեռին արդարոյ. զբերան ամպարշտաց ծածկեսցէ կորուստ։

Verse: 12  Link to sept   Զատելու(թ)ի(ւն) գրգռէ հակառակու(թ)ի(ւն), եւ զամենեսին որ ոչ հակառակին ծածկէ սէ́ր։

Verse: 13  Link to sept   Որ ՛ի շրթանց բղխէ զիմաստութի(ւն). իբրեւ գաւազանաւ հարկանէ զա́յր անմիտ։

Verse: 14  Link to sept   Իմաստունք ծածկեսցեն զիմաստու(թ)ի(ւն). բերան յանդգնելոյ մե́րձ է ՛ի բեկումն։

Verse: 15  Link to sept   Ստացուածք մեծատանց՝ քաղաք ամուր. բեկումն ամպարշտաց՝ աղքատութի(ւն)։

Verse: 16  Link to sept   Գործք արդարոց կեանս առնեն. եւ պտուղք ամպարշտաց մեղս։

Verse: 17  Link to sept   զճանապարհս կենաց պահէ տ(է)ր։ Խրատ առանց յանդիմանութե(ան)՝ մոլա́ր է։

Verse: 18  Link to sept   Ծածկեն զթշնամու(թ)ի(ւն) շրթունք արդարք. իսկ որ ՛ի վե́ր հանեն զբամբասանս՝ անզգամք են։

Verse: 19  Link to sept   ՛ի շատխօսու(թեն)է ո́չ ապրեսցիս ՛ի մեղաց։ թէ խնայես ՛ի շրթունս՝ իմաստո́ւն լինիս։

Verse: 20  Link to sept   Արծաթ ընտի́ր է լեզու արդարոյ. սիրտ ամպարշտի նուաղեսցի։

Verse: 21  Link to sept   Շրթո́ւնք արդարոց ճանաչեն զբարձունս. եւ անզգամք ՛ի կարօտութե(ան) սատակեսցին։

Verse: 22  Link to sept   Օրհնութի(ւն) տ(եառ)ն ՛ի գլուխս արդարոց. եւ նոյն մեծացուցանէ, եւ ո́չ եւս յաւելու տրտմութի(ւն) ՛ի սի́րտ ն(ո)ր(ա)։

Verse: 23  Link to sept   Ծիծաղելով գործէ անզգամ զչար. իսկ իմաստու(թ)ի(ւն) առն նիւթէ զհանճար։

Verse: 24  Link to sept   Ըստ կորստեան շրջի ամպարիշտ. ցանկութի(ւն) արդարոց՝ ընդունելի է։

Verse: 25  Link to sept   Յանցանել մրրկի՝ եղծանի ամպարիշտն. իսկ արդարոյն խոյս տուեալ՝ կեցցէ́ յաւիտեան։

Verse: 26  Link to sept   Որպէս ազոխ՝ ատամանց վնասակա́ր է՝ եւ ծո́ւխ աչաց, նո́յնպէս եւ անօրէնու(թ)ի(ւն)ք որոց վարին նովաւ։

Verse: 27  Link to sept   Երկեւղ տ(եառ)ն յաւելու յաւուրս. ամք ամպարշտաց նուաղեսցին։

Verse: 28  Link to sept   Յերկարի արդարոց ուրախու(թ)ի(ւն). յոյս ամպարշտաց կորիցէ։

Verse: 29  Link to sept   Ամրու(թ)ի(ւն) սրբոց երկեւղ տ(եառ)ն. եւ բեկումն այնոցիկ ոյք գործեն զչարիս։

Verse: 30  Link to sept   Արդար՝՝ յաւիտեան ո́չ դողասցէ. ամպարիշտք մի́ բնակեսցեն յերկրի։

Verse: 31  Link to sept   Բերան արդարոյ բղխէ զիմաստութի(ւն), լեզո́ւ անիրաւի սատակեսցի։

Verse: 32  Link to sept   Շրթունք արանց արդարոց բղխեսցեն զշնորհս. բերան ամբարշտաց կործանեսցի։


Chapter: 11 
ԳԼ(ՈՒԽ) Ժ՜.


Verse: 1  Link to sept   Կշիռք նենգու(թ)ե(ան) պիղծ են առաջի տ(եառ)ն. կշիռ արդար ընդունելի́ է նմա։

Verse: 2  Link to sept   Յոր վայր մտանեն թշնամանք, անդ են եւ անարգանք։ Բերան խորանհաց խոկայ զիմաստութի(ւն).

Verse: 3  Link to sept   կատարումն ուղղոց առաջնորդեսցէ́ ն(ո)ց(ա) եւ գայթագղու(թ)ի(ւն) արհամարհողաց աւերեսցէ́ զն(ո)ս(ա)։

Verse: 4  Link to sept   Ոչ օգնեսցեն ինչք յաւուր բարկութե(ան). այլ արդարութի(ւն) փրկէ ՛ի մահուանէ։ Մեռաւ արդար՝ եւ եթող զղջումն յոյժ։ յանդուգն եւ ոտնահարութի(ւն) լինի կորուստ ամպարշտաց։

Verse: 5  Link to sept   Արդարու(թ)ի(ւն) անբծի ուղղէ́ զճանապարհս, եւ յամպարշտութի(ւն)ս արկանէ անիրաւութի(ւն)։

Verse: 6  Link to sept   Արդարու(թ)ի(ւն) արանց ուղղոց փրկէ զն(ո)ս(ա). անմտու(թեամ)բ կորնչին անօրէնք։

Verse: 7  Link to sept   ՛Ի վախճանել առն արդարոյ ո́չ կորնչի յոյս. բայց պարծանք ամպարշտաց կորիցեն։

Verse: 8  Link to sept   Արդար՝ յորսողաց փրծանի, եւ փոխանակ ն(ո)ր(ա) մատնի́ ամպարիշտն։

Verse: 9  Link to sept   ՛Ի բերանս անօրինաց որոգա́յթ ընկերաց. իմաստութի(ւն) արդարոց յաջողեալ է։

Verse: 10  Link to sept   ՛Ի բարութե(ան) արդարոց յօրինեցաւ քաղաք. եւ ՛ի կորստեան ամպարշտաց եղեւ ուրախու(թ)ի(ւն)։

Verse: 11  Link to sept   Յօրհնու(թ)ե(ան) ուղղոց բարձրասցի քաղաք. եւ բերանօք ամպարշտաց կործանեսցի։

Verse: 12  Link to sept   Արհամարհէ զընկերս այր պակասամիտ. այր իմաստուն զլռութի(ւն) սիրէ։

Verse: 13  Link to sept   Այր երկխօս՝ յայտնէ զխորհուրդս յատենի, իսկ հաւատարիմն ոգւով՝ ծածկէ զիրս։

Verse: 14  Link to sept   Որոց ո́չ գոյ առաջնորդու(թ)ի(ւն)՝ թօթափին իբրեւ զտերեւ. փրկու(թ)ի(ւն) գոյ ՛ի խորհուրդս բազումս։

Verse: 15  Link to sept   Անզգամ՝ չարիս գործէ յորժամ խառնակիցի ընդ արդարոյ. եւ ատեայ զբարբառ զգուշութե(ան)։

Verse: 16  Link to sept   Կին շնորհակալ բա́րձր առնէ զփառս առն իւրոյ. եւ աթոռ անարգու(թ)ե(ան)՝ կին որ ատեայ զիրաւունս։ ՛Ի մեծութ(են)է վատք՝ կարօտեալ լինին. իսկ որ ժիրքն են՝ հաստատին մեծու(թեամ)բ։

Verse: 17  Link to sept   Անձին իւրում բարի գործէ այր ողորմած, կորուսանէ զմարմին իւր՝ ա́յր անողորմ։

Verse: 18  Link to sept   Ամպարիշտ՝ գործէ զգործս անիրաւու(թ)ե(ան). զաւակ արդարոց՝ վարձկան ճշմարտու(թ)ե(ան)։

Verse: 19  Link to sept   Որդի արդար՝ ծնանի ՛ի կեանս. հալածանք ամպարշտաց ՛ի մահ։

Verse: 20  Link to sept   Պի́ղծ են տ(եառ)ն ճանապարհք թեւրք. ընդունելի են նմա ա(մենայ)ն անբիծք ճանապարհաւ։

Verse: 21  Link to sept   Որ ձեռներէց լինի տարապարտուց, առանց պատժի ո́չ լիցի։ Իսկ որ սերմանէ զարդարութի(ւն), կալցի վարձս հաւատարիմ։

Verse: 22  Link to sept   Իբրեւ գինդ ոսկի ՛ի քիթ խոզի՝ ա́յնպէս կնոջ չարաբարոյի գեղեցկութի(ւն)։

Verse: 23  Link to sept   Ցանկու(թ)ի(ւն) արդարոց ա(մենայ)ն բարու(թեամ)բ. յոյս ամպարշտի կորիցէ։

Verse: 24  Link to sept   Ե́ն որ զիւրեանց սերմանեն՝ եւ բազմապատիկ առնեն, եւ են՝ որ յանիրաւու(թեն)է ժողովեն՝ կարօտանան։

Verse: 25  Link to sept   Ա(մենայ)ն անձն օրհնեալ՝ պարզամիտ է. եւ այր բարկացօղ՝ տգե́ղ է կերպարանօք։

Verse: 26  Link to sept   Որ խնայէ զցորեան՝ լքցէ́ զնա օտարաց. եւ որ ճշդէ զցորեան՝ հրապարականէծ լիցի. այլ օրհնու(թ)ի(ւն) ՛ի գլուխս սփռողաց։

Verse: 27  Link to sept   Որ նիւթէ զբարիս՝ խնդրէ́ զշնորհս բարութե(ան). իսկ որ խնդրէ զչար՝ հասցէ նմա։

Verse: 28  Link to sept   Որ յուսայ ՛ի մեծութի(ւն)՝ կործանեսցի, իսկ որ վերակացու լիցի արդարոց՝ նա ծագեսցէ։

Verse: 29  Link to sept   Որ ո́չ գայցէ զտամբ իւրով, նա զհողմս ժառանգեսցէ. եւ ծառայեսցէ անմիտն իմաստնոյն։

Verse: 30  Link to sept   ՛Ի պտղոյ արդարութե(ան) բուսանի ծա́ռ կենաց. բարձցին տարաժամ անձինք անօրինաց։

Verse: 31  Link to sept   Եթէ արդարն հազիւ կեցցէ, իսկ մեղաւորն եւ ամպարիշտն ո՞ւր գտանիցին։


Chapter: 12 
ԳԼ(ՈՒԽ) Ժ՜.


Verse: 1  Link to sept   Որ սիրէ զխրատ՝ սիրէ զիմաստու(թ)ի(ւն). իսկ որ ատեայ զյանդիմանութի(ւն)՝ անմի́տ է։

Verse: 2  Link to sept   Լա́ւ է որ գտանէ շնորհս ՛ի տ(եառն)է. իսկ այր անօրէն կարկեսցի́։

Verse: 3  Link to sept   Ո́չ յաջողեսցի մարդոյ յանօրէնու(թեն)է. արմատք արդարոց ո́չ հատցին։

Verse: 4  Link to sept   Կին ժրագլուխ՝ պսա́կ է առն իւրոյ։ ո(ր)պ(էս) որդն՝ փայտի վնասակա́ր է, նոյնպէս կորուսանէ զայր կի́ն չարագործ։

Verse: 5  Link to sept   Խորհուրդք արդարոց իրաւունք։ առաջնորդք են ամպարիշտք նենգու(թ)ե(ան)ց։

Verse: 6  Link to sept   Բերան ամպարշտաց նենգաորք։ բերան ուղղոց փրկեսցէ զն(ո)ս(ա)։

Verse: 7  Link to sept   Յոր կողմ եւ դարձցի ամպարիշտն՝ եղծանի. տունք արդարոց յերկարեսցին։

Verse: 8  Link to sept   Բերան իմաստնոյ գովի́ ՛ի մարդկանէ. իսկ խօթասիրտն արհամարհեսցի։

Verse: 9  Link to sept   Լա́ւ է մարդոյ խոնարհութ(եամ)բ ծառայել անձին, քան անձին շո́ւնք եդեալ՝ եւ հաց մուրանայցէ։

Verse: 10  Link to sept   Արդար ողորմի́ անասնոյ իւրում։ աղիք ամպարշտաց անողո́րմ են։

Verse: 11  Link to sept   Որ գործէ զերկիր իւր՝ յագեսցի հացիւ. իսկ որ զհետ երթան զնանրու(թ)ե(ան)՝ պակասամի́տք են։ Որ ախորժէ զգինեաց դեգերանս, թողցէ́ ՛ի բնակութի(ւն) իւր զանարգանս։

Verse: 12  Link to sept   Ցանկութի(ւն)ք ամպարշտաց՝ չա́ր են։ արմատք բարեպաշտաց՝ հաստատո́ւնք են։

Verse: 13  Link to sept   Վ(ա)ս(ն) վնասու շրթանց անկանի յորոգա́յթ մեղաւորն՝ եւ արդարն զերծանի́ ՛ի նմանէ։ Քաղցրահայեացն գթու(թ)ի(ւն) գտցէ. որ պատահէ ՛ի դրունս՝ նեղէ զոգիս։

Verse: 14  Link to sept   ՛Ի պտղոյ բերանոյ առն՝ լցցի́ անձն իւր բարու(թեամ)բ. հատուցումն շրթանց իւրոց հատուսցի́ նմա։

Verse: 15  Link to sept   ճանապարհք անմտաց՝ ուղի́ղ թուին առաջի նոցա։ Ունկնդի́ր լինի խրատու իմաստունն.

Verse: 16  Link to sept   իսկ անմիտն առ օրին յայտնէ զբարկու(թ)ի(ւն) իւր։ Թաքուցանէ զանարգանս իւր այր խորագէտ։

Verse: 17  Link to sept   եւ զյայտ հաւատս պատմէ արդար։ իսկ վկայ անօրինաց նենգաւո́ր է։

Verse: 18  Link to sept   Են՝ որ բանիւք իւրեանց խոցեն ո(ր)պ(էս) սրով. բայց լեզուք իմաստնոց բժշկեն։

Verse: 19  Link to sept   Շրթունք ճշմարիտք հաստատեն զվկայութի(ւն)։ վկայ վաղվաղուկ՝ ունի լեզու անիրաւ։

Verse: 20  Link to sept   Նենգութի(ւն) կայ ՛ի սրտի չարանիւթի։ իսկ որ կամին զխաղաղութի(ւն)՝ ուրա́խ լիցին։

Verse: 21  Link to sept   Ո́չ է հաճոյ արդարոյ՝ եւ ո́չ մի ինչ անիրաւ։ իսկ ամպարիշտք լցցին չարու(թեամ)բ։

Verse: 22  Link to sept   Պի́ղծ են առաջի տ(եառ)ն շրթունք սուտք. իսկ որ առնէ զհաւատս ընդունելի́ է նմա։

Verse: 23  Link to sept   Այր իմաստուն՝ աթո́ռ հանճարոյ. սիրտ անզգամաց պատահեսցէ նզովից։

Verse: 24  Link to sept   Ձեռն ընտրելոց դիւրա́ւ յաղթեսցէ. նենգաւորք մատնեսցին ՛ի յափշտակութի(ւն)։

Verse: 25  Link to sept   Բան ահեղ խռովեցուցանէ զսիրտ առն արդարոյ։ աւետիք բարեաց՝ ուրա́խ առնեն զնա։ Արդարն իրաւախո́հ սիրէ զանձն. խորհուրդք ամպարշտաց մեղմեխք են։ Զմեղաւորս հալածեն չարիք.

Verse: 26  Link to sept   արդարոց հասցե́ն բարութի(ւն)ք։ Ճանապարհք ամպարշտաց մոլորեցուսցէ́ զն(ո)ս(ա)։

Verse: 27  Link to sept   ո́չ պատահեսցէ որս նենգաւորի։ Ստացուածք պատուակա́ն է այր սուրբ եւ առատ։

Verse: 28  Link to sept   ՛Ի ճանապարհս արդարու(թ)ե(ան) կեանք. ճանապարհք ոխակալաց մահ։


Chapter: 13 
ԳԼ(ՈՒԽ) Ժ՜.


Verse: 1  Link to sept   Որդի խորագէտ հնազա́նդ հօր. որդի անհնազանդ՝ ՛ի կորո́ւստ եղիցի։

Verse: 2  Link to sept   ՛Ի պտղոյ արդարու(թ)ե(ան) կերիցէ առատ. անձինք անօրինաց սատակեսցին տարաժամ։

Verse: 3  Link to sept   Որ խնայէ ՛ի բերան իւր՝ պահէ զանձն. իսկ որ յանդուգն է շրթամբք՝ խռովէ զանձն իւր։

Verse: 4  Link to sept   ՛Ի կարօտու(թ)ե(ան) է ա(մենայ)ն վատ. ձեռք ժրաց ՛ի դարմանս։

Verse: 5  Link to sept   Զբան անիրաւ՝ ատեա́յ արդար. իսկ ամպարիշտն ամաչէ, եւ ո́չ գտցէ համարձակութի(ւն)։

Verse: 6  Link to sept   Արդարու(թ)ի(ւն) պահէ զանմեղս ճանապարհաւ զամպարիշտս անզգամոեցուցանեն մեղք։

Verse: 7  Link to sept   Են՝ որ մեծացուցանեն զանձինս՝ եւ ո́չինչ ունին, եւ ե́ն որ խոնարհեցուցանեն զանձինս՝ եւ լի́ են մեծութ(եամ)բ բազմաւ։

Verse: 8  Link to sept   Փրկանք անձին մարդոյ՝ մեծու(թ)ի́(ւն) իւր. իսկ տնանկն ո́չ հանդարտէ պատուհասի։

Verse: 9  Link to sept   Լոյս արդարոց՝ յա(մենայ)ն ժամ. լոյս ամպարշտաց՝ շիջցի։ Անձինք նենգաւորք՝ մոլորեսցին ՛ի մեղս. այլ արդարք՝ գթասցին եւ ողորմեսցին։

Verse: 10  Link to sept   Անզգամ թշնամանօք գործէ զչարիս. իսկ որ իրաւախոհքն են յանձինս՝ իմաստունք են։

Verse: 11  Link to sept   Մեծութի(ւն) խռկեալ անիրաւութ(եամ)բ՝ պակասեսցէ. իսկ որ ա(ստուա)ծպաշտութ(եամ)բ ժողովէ՝ բազմասցի։ Լա́ւ է իսկ զբան օգնե́լ սրտիւ. քան որ վաղվաղիցէ խոստանալ՝

Verse: 12  Link to sept   եւ կախեալ կայցէ զյուսոյ։ Արդար ողորմի՝ եւ տա́յ փոխ։ ծառ կենաց ցանկու(թ)ի(ւն) բարեաց։

Verse: 13  Link to sept   Որ արհամարհէ զիրօք՝ արհամարհեսցի́ ՛ի ն(ո)ց(ա)նէ. որ երկնչի ՛ի պատուիրանէն՝ առողջ լիցի։ Որդւոյ նենգաւորի՝ բարի ինչ մի́ եղիցի. ծառայի իմաստնոյ՝ յաջողեսցին գործք իւր, եւ ուղղեսցին ճանապարհք ն(ո)ր(ա)։

Verse: 14  Link to sept   Օրէնք իմաստնոյ աղբեւր կենաց. իսկ անմիտն ընդ որոգայթիւ մեռցի։

Verse: 15  Link to sept   Իմաստու(թ)ի(ւն) բարի՝ տա́յ շնորհս. եւ ճանաչել զօրէնս՝ մտաց բարեա́ց է։ ճանապարհ արհամարհողաց ՛ի կորուստ։

Verse: 16  Link to sept   Ա(մենայ)ն խորագէտ՝ գործէ իմաստութ(եամ)բ. իսկ ամիտն տարածէ յանձն իւր զչարիս։

Verse: 17  Link to sept   Թագաւոր յանդուգն՝ անկցի́ ՛ի չարիս. եւ հրեշտակ հաւատարիմ՝ փրկէ զնա։

Verse: 18  Link to sept   Զաղքատութի(ւն) եւ զանարգանս՝ ՛ի բա́ց բառնայ խրատ. եւ որ պահէ զյանդիմանութի(ւն)ս փառաւորեսցի։

Verse: 19  Link to sept   Ցանկութի(ւն) բարեպաշտաց քաղցրացուցանեն զոգիս. գործք ամպարշտաց՝ հեռի են ՛ի գիտութ(են)է։

Verse: 20  Link to sept   Որ գնայ ընդ իմստունս՝ իմաստո́ւն եղիցի. եւ որ թարթափի ընդ անզգամս՝ յայտնի եղիցի։

Verse: 21  Link to sept   Զմեղաւորս՝ հալածեն չարիք. եւ արդարոց՝ հասցեն բարու(թ)ի(ւն)ք։

Verse: 22  Link to sept   Այր առատ՝ ժառանգեցուցանէ զորդիս որդւոց. գանձի արդարոց՝ մեծու(թ)ի(ւն) ամպարշտաց։

Verse: 23  Link to sept   Արդարք՝ վայելեսցեն ՛ի մեծութե(ան) ա́մս բազումս. եւ անիրաւք կորնչին վաղվաղակի։

Verse: 24  Link to sept   Որ խնայէ ՛ի գաւազան՝ ատեա́յ զորդի իւր. իսկ որ սիրէն՝ խնամով խրատէ։

Verse: 25  Link to sept   Արդարն յուտել իւրում յագեցուցանէ զանձն իւր. եւ անձինք ամպարշտաց՝ կարօտեալք։



Chapter: 14 
ԳԼ(ՈՒԽ) Ժ՜.


Verse: 1  Link to sept   Իմաստուն կանայք՝ շինեցին տունս. իսկ անզգամքն ձեռօք իւրեանց կործանեցին։

Verse: 2  Link to sept   Որ գնայ ուղիղ՝ երկնչի ՛ի տ(եառն)է. եւ որ կամակորի ՛ի ճանապարհս իւր՝ անարգեսցի։

Verse: 3  Link to sept   ՛Ի բերանոյ անզգամաց՝ գաւազան թշնամանաց. շրթունք իմաստնոց զգո́յշ լինիցին ն(ո)ց(ա)։

Verse: 4  Link to sept   Ուր ո́չ գոն եզինք՝ մսուրք սուրբ են. եւ ուր բազում արդիւնք են, յայտնի́ է եզին զօրութի(ւն)։

Verse: 5  Link to sept   Վկայ հաւատարիմ՝ ո́չ ստէ. բորբոքէ́ զստութի(ւն)՝ վկայ անիրաւ։

Verse: 6  Link to sept   Խնդրեսցես զիմաստու(թ)ի(ւն) առ ՛ի չարաց՝ եւ ո́չ գտցես. եւ զհանճար առ յիմաստնոց՝ դիւրաւ։

Verse: 7  Link to sept   Ամենայն ինչ հակառա́կ է անզգամի. զէն հանճարոյ շրթունք իմաստունք։

Verse: 8  Link to sept   Իմաստութի(ւն) խորագիտաց՝ ծանիցէ զճանապարհս ն(ո)ց(ա). անմտու(թ)ի(ւն) անզգամաց՝ մոլորու(թեամ)բ։

Verse: 9  Link to sept   Տունք անօրինաց պարտաւորեսցին ՛ի սրբութ(են)է. տունք արդարոց՝ ընդունելի́ են նմա։

Verse: 10  Link to sept   Սիրտ առն ընդ մտատարի՝ տրտմութի(ւն) է անձին իւրոյ. եւ յորժամ ուրախ լինի՝ չխառնի ը(նդ) թշնամանս։

Verse: 11  Link to sept   Տունք ամպարշտաց՝ կործանեսցին. յա́րկք արդարոց՝ հաստատեսցին։

Verse: 12  Link to sept   Են ճանապարհք որ թուին մարդկան թէ ուղիղ իցեն. բայց կատարած ն(ո)ց(ա) երթայ յատա́կս դժոխոց։

Verse: 13  Link to sept   Ընդ ուրախութի(ւն)ս՝ ո́չ խառնի տրտմու(թ)ի(ւն). բայց յետոյ ուրախութի(ւն)ն ՛ի սո́ւգ գայ։

Verse: 14  Link to sept   Յիւրոց ճանապարհաց յագեսցի խստասի́րտն. եւ ՛ի խորհրդոց իւրոց ուղղեսցի այր բարերար։

Verse: 15  Link to sept   Անմեղն հաւատա́յ ա(մենայ)ն բանի. իսկ խորագէտն գա́յ ՛ի զղջումն։

Verse: 16  Link to sept   Իմաստունն զարհուրեալ՝ խոտորեցաւ ՛ի չարէ. իսկ անզգամն յանձնապաստան խառնակի́ ը(նդ) անօրինին։

Verse: 17  Link to sept   Բարկասիրտ՝ գործէ առանց խորհրդոյ. եւ այր իմաստուն՝ յո́յժ համբերէ։

Verse: 18  Link to sept   Բաժանին ամպարիշտք ՛ի չարիս. իսկ խորագէտք զօրանան իմաստութ(եամ)բ։

Verse: 19  Link to sept   Գայթագղեսցին չարք առաջի բարեաց. եւ ամպարիշտք կողկողեսցին առ դրունս արդարոց։

Verse: 20  Link to sept   Բարեկամք ատեսցեն զբարեկամս աղքատս. բարեկամք մեծատանց բազումք։

Verse: 21  Link to sept   Որ անարգէ զտնանկն՝ մեղանչէ. եւ որ ողորմի աղքատի՝ երանելի է։

Verse: 22  Link to sept   Մոլորեալք նիւթեն զչարիս. զողորմու(թ)ի(ւն) եւ զճշմարտու(թ)ի(ւն)՝ նիւթեն բարիք։ Ո́չ գիտեն զողորմութի(ւն) եւ զհաւատ՝ նիւթօղք չարեաց, ողորմու(թ)ի(ւն) եւ հաւատք ա նիւթօղս բարեաց։

Verse: 23  Link to sept   Ամենայնի որ հոգայ՝ մի ինչ աւելի է իմաստու(թ)ի(ւն). իսկ անձնդիւրն եւ անհոգն՝ ՛ի կարօտու(թ)ե(ան) եղիցի։

Verse: 24  Link to sept   Պսակ իմաստնոց՝ խորագիտու(թ)ի(ւն). եւ գնացք անմտաց՝ չարու(թ)ի(ւն)։

Verse: 25  Link to sept   Փրկէ́ զանձն՝ վկայ հաւատարիմ. եւ բորբոքէ ստու(թեամ)բ նենգաւորն։

Verse: 26  Link to sept   Յերկեւղ տ(եառ)ն՝ յոյս զօրու(թ)ե(ան). եւ որդւոց իւրոց թողու զհաստատու(թ)ի(ւն) խաղաղու(թ)ե(ան)։

Verse: 27  Link to sept   Հրաման տ(եառ)ն աղբեւր կենաց. եւ առնէ խոտորել յորոգայթից մահու։

Verse: 28  Link to sept   ՛Ի բազո́ւմ զօրս՝ փառք թագաւորի. ՛ի նուազել ժողովրդոց՝ բեկումն հզօրաց։

Verse: 29  Link to sept   Այր երկայնամիտ՝ բազմապատիկ է խորհրդովք. իսկ կարճամիտն՝ յոյժ անմիտ է։

Verse: 30  Link to sept   Այր հեզ՝ բժի́շկ է սրտի. ցե́ց ոսկերաց սիրտ հոգած։

Verse: 31  Link to sept   Որ զրպարտէ զտնանկն՝ բարկացուցանէ զարարիչ ն(ո)ր(ա), եւ որ պատուէ զնա՝ ողորմի աղքատի։

Verse: 32  Link to sept   Չարեօք իւրովք մերժի́ ամպարիշտն, եւ որ յուսայ յանձին սրբութի(ւն)՝ արդա́ր է։

Verse: 33  Link to sept   ՛Ի սիրտ առատ հանգչի իմաստութի(ւն). եւ ՛ի սիրտ անմտաց ո́չ ծանիցի։

Verse: 34  Link to sept   Արդարութի(ւն) զազգ բարձրացուցանէ. նուզեցուցանեն զազգս մեղք։

Verse: 35  Link to sept   Ընդունելի́ է թագաւորի սպասաւո́ր իմաստուն. եւ իւրով շութափութ(եամ)բ թօթափէ զանարգանս։ Բարկու(թ)ի(ւն) կորուսանէ զիմաստունս։


Chapter: 15 
ԳԼ(ՈՒԽ) Ժ՜.


Verse: 1  Link to sept   Պատասխանի ողոք՝ դարձուցանէ զսրտմտու(թ)ի(ւն)։ Բան խիստ՝ յարուցանէ զբարկու(թ)ի(ւն).

Verse: 2  Link to sept   լեզո́ւ իմաստնոյ գիտէ զբարիս։ Բերան անզգամաց պատմեն զչարիս։

Verse: 3  Link to sept   յա(մենայ)ն տեղիս աչք տ(եառ)ն գիտեն զբարիս եւ զչարս։

Verse: 4  Link to sept   Բժշկութի(ւն) լեզուի՝ ծա́ռ կենաց. եւ որ պահէն զնա՝ լցցի́ հոգւով։

Verse: 5  Link to sept   Անզգամն՝ անգոսնէ զխրատ հօր. որ պահէ զյանդիմանու(թ)ի(ւն)՝ խորագէ́տ է։ ՛Ի յաճախել արդարութե(ան)՝ զօրութի(ւն) բազում. եւ ամպարիշտք արմատաքի́ յերկրէ կորիցեն։

Verse: 6  Link to sept   Տունք արդարոց զօրութ(եամ)բ բազմաւ. պտուղք ամպարշտաց կորիցեն։

Verse: 7  Link to sept   Շրթունք իմաստնոց՝ հաստատեալ են իմաստութ(եամ)բ. սիրտք անմտաց ո́չ են անսխալք։

Verse: 8  Link to sept   Պատարագք ամպարշտաց՝ պի́ղծ են առաջի ա(ստուծո)յ։ ուխտք ուղղոց՝ ընդունելի́ են նմա։

Verse: 9  Link to sept   Պի́ղծ են առաջի տ(եառ)ն ճանապարհք ամպարշտաց. իսկ որ երթայ զհետ արդարութե(ան)՝ սիրէ զնա։

Verse: 10  Link to sept   Խրատ անմեղին՝ ճանաչի́ մերձաւորաց, իսկ որ ատեանն զյանդիմանութի(ւն)՝ վախճանեսցին անարգանօք։

Verse: 11  Link to sept   Դժոխք եւ կորուստ յայտնի́ են առաջի տ(եառ)ն. զիա՞րդ ոչ եւ սիրտք մարդկան։

Verse: 12  Link to sept   Ո́չ սիրէ անխրատն զյանդիմանիչս իւր, եւ ընդ իմաստունս ո́չ խօսեսցի։

Verse: 13  Link to sept   Սրտի բերկրեցելոյ երեսք ծաղկին. եւ ոգի որ ՛ի տրտմութե(ան) թախծեալ շրջի։

Verse: 14  Link to sept   Սիրտ ուղիղ՝ խնդրէ զիմաստու(թ)ի(ւն). եւ բերան անխրատից՝ տեղեկանա́յ չարեաց։

Verse: 15  Link to sept   Յա(մենայ)ն ժամանակս աչք չարաց՝ սպասեն չարեաց, իսկ բարիքն՝ հանդարտեն յա(մենայ)ն ժամ։

Verse: 16  Link to sept   Լա́ւ է փոքր բաժին երկիւղիւ տ(եառ)ն, քան զգանձս մեծամեծս աներկիւղու(թեամ)բ։

Verse: 17  Link to sept   Լա́ւ է կոչունք բանջարեղէնք՝ սիրո́վ եւ շնորհիւ, քան զուարակ ՛ի մսրոյ թշնամութ(եամ)բ։

Verse: 18  Link to sept   Այր բարկացօղ՝ նիւթէ́ զկռիւս. իսկ երկայնամիտն եւ զհանդերձեալն ցածուցանէ։ Այր երկայնամիտ շիջուցանէ զդատաստանս. իսկ ամպարիշտն՝ առաւել եւս գրգռէ։

Verse: 19  Link to sept   Ճանապարհք վատաց՝ կցեալ են փշովք, իսկ ժրացն վարունք են։

Verse: 20  Link to sept   Որդի իմաստուն՝ ուրա́խ առնէ զհայր. որդի անմի́տ՝ արհամարհէ զմայր իւր։

Verse: 21  Link to sept   Սիրտ անմտի կարօ́տ է հանճարոյ. այր իմաստուն ուղորդ գնայ։

Verse: 22  Link to sept   Յապաղեն զխորհուրդս՝ որ ո́չ պատուեն զխորհրդակիցս։ ՛Ի սիրտս խորհրդականաց հաստատի́ խորհուրդ։

Verse: 23  Link to sept   եւ ո́չ հնազանդի նմա անզգամ. եւ ո́չ ասիցէ դիպօղ ինչ եւ բարի հասարակաց։

Verse: 24  Link to sept   Ճանապարհք կենաց ՛ի խորհուրդս իմաստնոց, զի խորշեալ ՛ի դժոխոց՝ փրկեսցի։

Verse: 25  Link to sept   Զտունս թշնամանողաց կործանէ́ տ(է)ր. եւ հաստատէ զսահմանս սրբոց եւ այրեաց։

Verse: 26  Link to sept   Պի́ղծ է առաջի տ(եառ)ն խորհուրդ անիրաւ. բանք սրբոց պարկե́շտ են։

Verse: 27  Link to sept   Սատակէ զանձն իւր կաշառառուն. իսկ որ ատեայ զկաշառս՝ կեցցէ́։ Ողորմութ(եամ)բ եւ հաւատո́վ սրբին մեղք. երկիւղիւ տ(եառ)ն խորշի ա(մենայ)ն ոք ՛ի չարէ։

Verse: 28  Link to sept   Սիրտք արդարոց խոկան զհաւատս, բերան ամպարշտի պատասխանի տայ զչարիս։ Ընդունելի́ են առաջի տ(եառ)ն ճանապարհք մարդոց արդարոց. վ(ա)ս(ն) ն(ո)ց(ա) եւ թշնամիք բարեկամք լինին։

Verse: 29  Link to sept   Հեռի́ է ա(ստուա)ծ յամպարտաց. եւ աղօթից արդարոց՝ լսէ́։ Լա́ւ է սակաւ ինչ առնուլ արդարութ(եամ)բ, քան զբազում արդիւնս աներկիւղութ(եամ)բ։ Սիրտ առն խորհեսցի զիրաւունս. զի յա(ստուծո)յ ուղղեսցին գնացք ն(ո)ր(ա)։

Verse: 30  Link to sept   Ակն որ տեսանէ զբարիս՝ ուրա́խ առնէ զսիրտ. համբաւ բարեաց պարարէ զոսկերս։

Verse: 31  Link to sept   Որ մերժէ զխրատ՝ ատեա́յ զանձն. որ պահէ զյանդիմանութի(ւն)՝ ստանա́յ զհանճար։

Verse: 32  Link to sept   Երկեւղ տ(եառ)ն խրատ եւ իմաստու(թ)ի(ւն). եւ սկի́զբն փառաց պատասխանի արասցէ նմա։


Chapter: 16 
ԳԼ(ՈՒԽ) Ժ՜.


Verse: 1  Link to sept   Մարդո́յ իրս ինչ դնել ՛ի սրտի. ՛ի տ(եառն)է է պատասխանի լեզուի։

Verse: 2  Link to sept   Ամենայն գործք խոնարհին՝ յայտնի́ են առաջի ա(ստուծո)յ. եւ հաստատէ զոգիս տ(է)ր։

Verse: 3  Link to sept   Դարձո́ առ տ(է)ր զգործս քո. եւ հաստատեսցին խորհուրդք քո։ Որչափ ՛ի մեծութի(ւն) հասանիցես՝ ՛ի խոնարհու(թ)ե(ան) կալ զանձն քո. եւ առաջի տ(եառ)ն գտցես շնորհս։

Verse: 4  Link to sept   Զա(մենայ)ն ինչ գործէ տ(է)ր վ(ա)ս(ն) իւր. իսկ ամպարիշտք յաւուր չարի կորիցեն։

Verse: 5  Link to sept   Պի́ղծ է առաջի տ(եառ)ն ա(մենայ)ն մեծամիտ. որ ձեռնամո́ւխ լինի տարապարտուց՝ ո́չ արդարասցի։ Սկիզբն ճանապարհի բարւոյ՝ գործելն զարդարու(թ)ի(ւն). եւ ընդունելի́ են ա(ստուծո)յ աղօթք քան մատուցանել պատարագս։

Verse: 6  Link to sept   Որ խնդրէ զտ(է)ր՝ գտցէ զգիտութի(ւն) արդարու(թեամ)բ հանդերձ. եւ որ ուղղութ(եամ)բ խնդրեն զնա՝ գտցեն զխաղաղութի(ւն)։

Verse: 7  Link to sept   Զի ա(մենայ)ն գործք ա(ստուծո)յ արդարութ(եամ)բ են։ ամպարիշտ պահի աւուր չարի։

Verse: 8  Link to sept   Լա́ւ է սակաւիկ ինչ առնուլ երկիւղիւ տ(եառ)ն. քան զգանձս մեծամեծս ամպարշտութ(եամ)բ։

Verse: 9  Link to sept   Սիրտ առն խորհեսցի զիրաւունս, զի յա(ստուծո)յ ուղղեսցին գնացք ն(ո)ր(ա)։

Verse: 10  Link to sept   Մարգարէութի(ւն) ՛ի շրթունս թագաւորի, եւ ՛ի դատաստանի մի́ մոլորեսցի բերան ն(ո)ր(ա)։

Verse: 11  Link to sept   Մէտ կշռոյ է արդարութի(ւն) ՛ի տ(եառն)է. եւ գործք ն(ո)ր(ա) կշիռք արդարք։

Verse: 12  Link to sept   Գարշելի́ է թագաւորի որ առնէ զչարիս. զի արդարութ(եամ)բ հաստատի աթոռ իշխանութե(ան)։

Verse: 13  Link to sept   Ընդունելի են թագաւորի շրթունք արդարք. զբանս ուղիղս սիրէ տ(է)ր։

Verse: 14  Link to sept   Սրտմտութի(ւն) թագաւորի հրեշտա́կ մահու. եւ այր իմաստուն՝ ցածուցանէ́ զնա։

Verse: 15  Link to sept   ՛Ի լո́յս կենաց՝ որդի թագաւորի. եւ ընդունելիք՝ ն(ո)ր(ա) իբրեւ զամպ անագան։

Verse: 16  Link to sept   Դադարք իմաստութե(ան) ցանկալի են քան զոսկի. դադարք հանճարոյ՝ ցանկալի́ են քան զարծաթ։

Verse: 17  Link to sept   Շաւիղք կենաց խոտորեն ՛ի չարեաց. երկայնու(թ)ի(ւն) կենաց ճանապարհք արդարու(թ)ե(ան)։ Որ ընդունի զխրատ՝ ՛ի բարիս եղիցի, եւ որ պահէ զյանդիմանութի(ւն)՝ իմաստնասցի։ Որ զգուշանայ ճանապարհաց տ(եառ)ն՝ պահէ զանձն իւր. որ սիրէ զկեանս, խնայեսցէ ՛ի բերան իւր։

Verse: 18  Link to sept   Յառաջ քան զբեկումն՝ համարին թշնամանք. եւ նախ քան զգլորումն՝ չարաբարութի(ւն)ք։

Verse: 19  Link to sept   Լա́ւ է հանդարտասիրտն խոնարհու(թեամ)բ, քան զայն որ բաժանէ աւար ընդ թշնամանօղս։

Verse: 20  Link to sept   Որ իմաստուն է յիրս՝ գտանէ զբարիս. եւ որ յուսայ ՛ի տ(է)ր՝ երանելի́ է։

Verse: 21  Link to sept   Զիմաստունս եւ զհանճարեղս անմիտս կոչեն. եւ որ քա́ղցր են բանիւք՝ աւելի́ եւս լուիցեն։

Verse: 22  Link to sept   Աղբեւր կենաց են միտք՝ որոց ունիցին զնա. խրա́տ անմտաց չա́ր է։

Verse: 23  Link to sept   Սիրտ իմաստնոյ իմանա́յ որ ինչ յիւրմէ բերանոյ. եւ ՛ի շրթունս իւր խորհեսցի զիրաւագիտութի(ւն)։

Verse: 24  Link to sept   Խորիսխ մեղու՝ բանք բարիք. եւ քաղցրութի(ւն) ն(ո)ր(ա) բժշկու(թ)ի(ւն) հոգւոց։

Verse: 25  Link to sept   Ե́ն ճանապարհք որ թուին մարդոյ թէ ուղի́ղ իցեն, եւ կատարած ն(ո)ր(ա) հայի յատակս դժոխոց։

Verse: 26  Link to sept   Այր՝ ՛ի վաստակս ջանայ անձին իւրում. եւ բռնազբօսէ իւր զկորուստ։ իսկ թեւրն ՛ի բերան իւր կրէ զկորուստ։

Verse: 27  Link to sept   Այր անզգամ փորէ́ անձին իւրում չարիս. եւ ՛ի վ(ե)ր(այ) շրթանց իւրոց գանձէ հուր։

Verse: 28  Link to sept   Այր խորամանգ նիտայ զչարիս. եւ լապտեր նենգութե(ան) բորբոքի չարեօք, եւ քակէ զբարեկամս։

Verse: 29  Link to sept   Այր անօրէն փորձ փո́րձ առնէ զբարեկամաց, եւ տանի զն(ո)ս(ա) ՛ի ճանապարհս անբարիս։

Verse: 30  Link to sept   Որ հաստատէ զաչս իւր, եւ խորհի զկամակորս. եւ վիճէ շրթամբք իւրովք զա(մենայ)ն չարիս. այնպիսի́ն է հնոց չարեաց։

Verse: 31  Link to sept   Պսակ պարծանաց ծերութի(ւն). եւ ՛ի ճանապարհս արդարութե(ան) գտանի։

Verse: 32  Link to sept   Լա́ւ է այր երկայնամիտ քան զհզօր։ եւ այր որ ունի զիմաստու(թ)ի(ւն) քսան զանդս մեծամեծս։ եւ որ յաղթէ բարկու(թ)ե(ան). քան որ առնուցու զքաղաք հզօր։

Verse: 33  Link to sept   Անդրէն ՛ի ծոց իւրեանց դառնայ ա(մենայ)ն ինչ անիրաւաց, այլ ՛ի տ(եառն)է ամենեցուն իրաւունք են։


Chapter: 17 
ԳԼ(ՈՒԽ) Ժ՜.


Verse: 1  Link to sept   Լա́ւ է պատառ մի համով խաղաղու(թեամ)բ, քան զտունս լի́ զենլեօք եւ բարեօք թշնամութ(եամ)բ։

Verse: 2  Link to sept   Ծառայ իմաստուն տիրեսցէ տերանց անմտաց. եւ ընդ եղբարս բաժանեսցի մասն։

Verse: 3  Link to sept   Որպէս փորձի ՛ի բովս արծա́թ եւ ոսկի, նո́յնպէս ընտրէ զսիրտս ա(ստուա)ծ։

Verse: 4  Link to sept   Չարի հնազանդի լեզո́ւ անօրինաց, եւ արդար ո́չ հայի ՛ի շրթունս սուտս։ Հաւատացելոյն ա(մենայ)ն աշխարհ ընչիւք լի́ է. անհաւատին եւ ո́չ դանգ մի։

Verse: 5  Link to sept   Որ կատակէ զաղքատով՝ բարկացուցանէ զարարիչ ն(ո)ր(ա). եւ որ ո́տն հարկանէ կորուսելոյն՝ ո́չ արդարասցի։ իսկ որ գթայն՝ ողորմու(թ)ի(ւն) գտցէ։

Verse: 6  Link to sept   Պսակ ծերոց՝ որդիք որդւոց. պարծանք որդւոց հարք իւրեանց։

Verse: 7  Link to sept   Ո́չ վայելեն անզգամաց շրթունք հաւատարիմք. եւ ո́չ արդարոյ շրթունք սուտք։

Verse: 8  Link to sept   Վա́րձ շնորհաց խրատ՝ որոց կրեն զնա. զի ուր եւ դառնայցէ՝ աջողեսցի́։

Verse: 9  Link to sept   Որ ծածկէ զյանցանս՝ խնդրէ զբարեկամութի(ւն). իսկ որ ատեայ զծածկելն, քակէ զբարեկամս եւ զընտանիս։

Verse: 10  Link to sept   Փշրէ զսիրտս իմաստնոց սպառնալիք. իսկ անմիտն թէպէտ եւ բազում գան ըմպէ՝ չառնու ՛ի միտ։

Verse: 11  Link to sept   Զհակառակութի(ւն)ս յարուցանէ ա(մենայ)ն շարակամ։ իսկ տ(է)ր հրեշտակ անողո́րմ արձակէ ՛ի վ(ե)ր(այ) ն(ո)ր(ա)։

Verse: 12  Link to sept   Անկցի հո́գ ՛ի սիրտ առն իմաստնոյ. եւ անմիտք խորհին զչարիս։

Verse: 13  Link to sept   Որ հատուցանէ չար փոխանակ բարւոյ, չար ՛ի տանէ ն(ո)ր(ա) մի́ պակասեսցէ։

Verse: 14  Link to sept   Իշխանութի(ւն) բանի՝ տայ սկի́զբն արդարութե(ան). եւ առաջնորդ լինի կարօտու(թ)ե(ան)՝ հակառակութի(ւն) եւ կռիւ։

Verse: 15  Link to sept   Որ արդար համարի զանիրաւն, եւ անիրաւ զարդարն. պիղծ եւ գարշելի են առաջի տ(եառ)ն երկոքին։

Verse: 16  Link to sept   Ընդէ՞ր գտանին ստացուածք՝ անմտի. զի իմանալ զիմաստու(թ)ի(ւն) անմիտն ո́չ կարէ։ Որ բարձր առնէ զտուն իւր՝ խնդրէ զբեկումն. եւ կամակորէ́ յուսմանէ, անկցի́ ՛ի չարիս։

Verse: 17  Link to sept   Յա(մենայ)ն ժամանակի բարեկամք եղիցին քո. բայց եղբարք՝ ՛ի վիշտս եղիցին քե́զ պիտոյ. զի վ(ա)ս(ն) ա́յնորիկ իսկ ծնանին։

Verse: 18  Link to sept   Ա́յր անմիտ կայթէ եւ խնդա́յ յորժամ երաշխաւոր լինի բարեկամի իւրոյ։

Verse: 19  Link to sept   եւ վնասասէրն խնդայ ընդ կռիւ. բարձրացուցանէ զտուն իւր՝ եւ խնդրէ զբեկումն։

Verse: 20  Link to sept   եւ խստասիրտն՝ բարեաց ո́չ պատահէ։ Այր յեղյեղուկ լեզուաւ անկցի́ ՛ի չարիս։

Verse: 21  Link to sept   սիրտ անզգամի ցա́ւ է կրելեաց իւրոց։ Ո́չ ուրախ լինի հայր ՛ի վ(ե)ր(այ) որդւոյ անխրատի։ որդի իմաստուն՝ ուրա́խ առնէ զմայր իւր։

Verse: 22  Link to sept   Սիրտ ուրախ բարեմոյն առնէ. առն հոգածի՝ ցամաքեն ոսկերք։

Verse: 23  Link to sept   Որ առնու կաշառ ՛ի գոգ իւր տարապարտուց՝ ո́չ աջողին ճանապարհք ն(ո)ր(ա)։ ամպարիշտ խոտորի ՛ի ճանապարհաց արդարութե(ան)։

Verse: 24  Link to sept   Երեսք առն հանճարեղի իմաստունք. աչք անմտի զվայրօք յածին։

Verse: 25  Link to sept   Բարկու(թ)ի(ւն) հօր որդի անմիտ։ եւ ցաւք են ծնանելեաց ն(ո)ր(ա)։

Verse: 26  Link to sept   Տուժել զայր արդար՝ չէ́ բարւոք. եւ ո́չ նենգել զարդարն իշխանաց յիրաւանց վերայ։

Verse: 27  Link to sept   Որ խնայէ բան խիստ հանել՝ իմաստո́ւն է։ այր երկայնամիտ՝ հանճարե́ղ է։

Verse: 28  Link to sept   Զանմիտն հարցին՝ թէ իմաստու(թ)ի(ւն) իցէ՞ ինչ, եւ իմաստութի(ւն) համարիցի՞. պապանձեցաւ եւ համարեցաւ թէ իմաստո́ւն իցէ։


Chapter: 18 
ԳԼ(ՈՒԽ) Ժ՜.


Verse: 1  Link to sept   Պատճառս խնդրէ այր որ կամիցի քակել ՛ի բարեկամաց իւրոց. յա(մենայ)ն ժամանակի նախա́տ լիցի։

Verse: 2  Link to sept   Ո́չինչ պիտոյ է իմաստութի(ւն) պակասամտի. զի առաւե́լ եւս վարի անզգամութ(եամ)բ։

Verse: 3  Link to sept   Յորժամ հասանէ ամպարիշտ ՛ի խորս չարեաց՝ արհամարհէ. բայց գա́ն ՛ի վ(ե)ր(այ) ն(ո)ր(ա) անարգանք եւ նախատինք։

Verse: 4  Link to sept   Ջուր խո́ր է խորհուրդ ՛ի սրտի առն. գե́տ բղխեալ եւ աղբեւր կենաց։

Verse: 5  Link to sept   Ա́կն առնուլ ամպարշտի չե́ բարւոք. եւ ոչ զիրաւունս խոտորել արդարոյ ՛ի դատաստանի։

Verse: 6  Link to sept   Շրթունք անզգամի հասուցանեն զնա ՛ի չարիս. եւ բերան ն(ո)ր(ա) տանդո́ւգն մա́հ կոչէ ՛ի վ(ե)ր(այ)։

Verse: 7  Link to sept   Բերան անզգամի բեկումն է նմա. եւ շրթունք ն(ո)ր(ա) որոգա́յթ անձին իւրում։

Verse: 8  Link to sept   Զվատ կործանէ երկեւղ. անձինք կանացեաց քաղցիցեն։

Verse: 9  Link to sept   Որ զանձն իւր ո́չ բժշկէ ՛ի գործս իւր, եղբա́յր է նա այնորիկ՝ որ անձին առնիցէ։

Verse: 10  Link to sept   ՛Ի մեծու(թեն)է զօրու(թ)ե(ան) յայտնի́ է անուն տ(եառ)ն. եւ առ նա ընթացեալ արդարոց բարձրանան։

Verse: 11  Link to sept   Ստացուածք առն մեծատան քաղա́ք ամուր եւ փառք ն(ո)ր(ա) մեծապէս հովանի ունին։

Verse: 12  Link to sept   Յառաջ քան զբեկումն հպարտանայ սիրտ առն. եւ յառաջ քան զկարծիս իւր կորանայ։

Verse: 13  Link to sept   Որ տայ պատասխանի բան մինչչեւ լուեալ իցէ ինչ՝ անզգամութի(ւն) է նմա եւ նախատինք։

Verse: 14  Link to sept   Զցասումն առն հանդարտեցուցանէ ծառայ իմաստուն. այլ առն նեղասրտի ո՞վ ունիցի ժոյժ։

Verse: 15  Link to sept   Սիրտ իմաստնոյ ստանայ զհանճար. ականջք իմաստնոց խնդրեն զխորհուրդս։

Verse: 16  Link to sept   Տուրք մարդոյ ընդարձակեցուցանեն զնա, եւ ընդ իշխանս նստուցանեն զնա։

Verse: 17  Link to sept   Արդար՝ անձին իւրում չարախօսէ իսկզբան բանից իւրոց, զի յորժամ սկսանի́ ոսոխն յանդիմանի։

Verse: 18  Link to sept   Զհակառակու(թ)ի(ւն)ս ցածուցանէ լո́ւռ լուռն. եւ ՛ի մէջ բռնաւորաց ընտրէ զիրս։

Verse: 19  Link to sept   Եղբայր յեղբօրէ օգնեալ՝ իբրեւ զքաղաք ամուր. եւ զօրացեալ բարձրացեալ իբրեւ զթագաւորութի(ւն) հաստատեալ։

Verse: 20  Link to sept   ՛Ի պտղոյ բերանոյ այր յագեցուցանէ զորովայն իւր. եւ ՛ի պտղոյ շրթանց իւրոց յագեսցի։

Verse: 21  Link to sept   Մա́հ եւ կեանք ՛ի ձեռս լեզուի. եւ որ յաղթէ նմա՝ կերիցէ́ զպտուղ ն(ո)ր(ա)։

Verse: 22  Link to sept   Որ եգիտ կին բարի՝ եգիտ շնորհս. եւ ընկալաւ յա(ստուծո)յ ուրախու(թ)ի(ւն)։ Որ հարկանէ զկին բարի՝ հանէ́ զբարիս. եւ որ ունի կին շուն՝ անմի́տ է եւ ամպարիշտ։

Verse: 23  Link to sept   Յողո́ք բանի եւ եթ կայ տնանկն. եւ մեծատունն յանդուգն տայ պատասխանի։

Verse: 24  Link to sept   Այր ՛ի բոզանոց՝ լկտու(թեամ)բ գնայ։ Լա́ւ է բարեկամ մերձաւոր՝ քան զեղբայր հեռաւոր։


Chapter: 19 
ԳԼ(ՈՒԽ) Ժ՜.


Verse: 1  Link to sept   Լա́ւ է տգիտի որ գնայ միամտու(թեամ)բ իւրով. քան անզգամին որ շաղաւաշուրթն իցէ։

Verse: 2  Link to sept   Սակայն տգիտու(թ)ի(ւն) անձին իւրում ո́չ է բարւոք, եւ ՛ի ստիպել ոտից իւրոց մեղանչէ։

Verse: 3  Link to sept   Անզգամու(թ)ի(ւն) առն՝ ապականէ́ զճանապարհս ն(ո)ր(ա). եւ ա(ստուծո)յ մե́ղ դնէ ՛ի սրտի իւրում։

Verse: 4  Link to sept   Մեծութի(ւն) յաւելու բարեկամս բազումս։ եւ աղքատն՝ եւ ՛ի բո́ւն բարեկամէ անտի քակի։

Verse: 5  Link to sept   Վկայ սուտ՝ առանց պատժի ո́չ լիցի։ եւ որ մեղ դնէ տարապարտուց՝ ո́չ ապրեսցի։

Verse: 6  Link to sept   Բազումք ողոքեն զերեսս թագաւորաց. եւ ա(մենայ)ն չարակամ նախա́տ լիցի մարդկան։

Verse: 7  Link to sept   Ամենայն որ ատեայ զեղբայր աղքատ, հեռի լինի եւ ՛ի սիրոյ ն(ո)ր(ա)։ Խորհուրդ բարի՝ առ որս ճանաչենն զնա, մերձենայ. եւ այր իմաստուն գտցէ զնա։ Որ կարի չա́ր առնէ՝ կատարէ զչարիս. եւ որ գրգռէ զբանս՝ ո́չ ապրեսցի, մանաւանդ որ վարէ զբանս որ ո́չ իւր իցէ։

Verse: 8  Link to sept   Որ ստանայ զհանճար՝ սիրէ զանձն. եւ որ պահէ զիմաստու(թ)ի(ւն)՝ պահէ զբարիս։

Verse: 9  Link to sept   Վկա́յ սուտ՝ առանց պատժի ո́չ լիցի. եւ որ բորբոքէ զչարութի(ւն)՝ ընկերաց, եւ որ յուզէ զչարու(թ)ի(ւն)՝ կորիցէ։

Verse: 10  Link to sept   Ո́չ վայելէ անզգամի փափկու(թ)ի(ւն). եւ եթէ ծառայ սկսանիցի հպարտու(թեամ)բ տիրել։

Verse: 11  Link to sept   Այր ողորմած՝ երկայնամիտ լինի. եւ պարծանք ն(ո)ր(ա) գերիվերո́յ լինին անզգամաց։

Verse: 12  Link to sept   Սպառնալիք թագաւորի նմա́ն են մռնչելոյ առիւծու. զուարթու(թ)ի(ւն) ն(ո)ր(ա) իբրեւ զցօղ ՛ի վ(ե)ր(այ) դալարոյ։

Verse: 13  Link to sept   Ամօթ հօր՝ որդի անմիտ. ո́չ են սուրբ ուխտք վարձուց վարձկանաց։

Verse: 14  Link to sept   Զտո́ւնս եւ զստացուածս բաժանեն հարք որդւոց. եւ ՛ի տ(եառն)է պատշաճի կին առն։

Verse: 15  Link to sept   Վատու(թ)ի(ւն) ունի զկանացին. անձն գործատեաց՝ քաղցիցէ́։

Verse: 16  Link to sept   Որ պահէ զպատուիրանս՝ պահէ զանձն իւր, որ արհամարհէ զճանապարհ իւր՝ կորիցէ։

Verse: 17  Link to sept   Փո́խ տայ ա(ստուծո)յ որ ողորմի տնանկին, ը(նդ) տրոց ն(ո)ր(ա) հատուսցէ́ նմա։

Verse: 18  Link to sept   Խրատեա́ զորդի քո՝ զի այնպէս եղիցի քեզ յո́յս բարի. եւ ՛ի թշնամանս մի́ հպարտանար անձամբ քով։ Զի եթէ հարկանես զնա գաւազանաւ՝ ո́չ մեռանի. բայց զանձն ն(ո)ր(ա) փրկես ՛ի մահուանէ։

Verse: 19  Link to sept   Այր չարաբար՝ բազումս տուժեսցի. եւ եթէ եւս ժանտանայցէ՝ եւ զա́նձն եւս դիցէ ՛ի վ(ե)ր(այ)։

Verse: 20  Link to sept   Լո́ւր որդեակ խրատու հօր քոյ. զի իմաստո́ւն եղիցիս ՛ի վախճանի քում։

Verse: 21  Link to sept   Բազո́ւմ խորհուրդք են ՛ի սրտի առն. բայց խորհուրդ ա(ստուծո)յ յաւիտեան մնայ։

Verse: 22  Link to sept   Պտուղ առն՝ ողորմածութի(ւն) իւր։ լա́ւ է աղքատ արդար քան զմեծատուն սուտ։

Verse: 23  Link to sept   Երկեւղ տ(եառ)ն ՛ի կենդանութի(ւն) առն. իսկ աներկեւղն մոլորեալ ՛ի դրունս՝ բնակեսցէ ՛ի տեղիս ուր ո́չ լիցի այցելու(թ)ի(ւն) յաւիրտենից։

Verse: 24  Link to sept   Որ թաքուցանէ զձեռս իւր ՛ի ծոց իւր զուր, եւ ո́չ ՛ի վերան իւր տարցի զն(ո)ս(ա)։

Verse: 25  Link to sept   ՛Ի չարչարել անզգամի՝ խորագիտագոյն եւս լինի անմեղն. ապա թէ յանդիմանես զայր իմաստուն՝ ՛ի միտ առցէ զհանճար։

Verse: 26  Link to sept   Որդի որ անարգէ զհայր եւ մերժէ զմայր, ամօթ կրէ եւ նախա́տ լիցի։

Verse: 27  Link to sept   Որդի որ թողուցու պահել զխրատ հօր, խորհի զճառս չարեաց։

Verse: 28  Link to sept   Որ յերաշխի առնու զմանուկ անմիտ՝ թշնամանս առնէ օրինաց։ եւ բերան ամպարշտաց կլանէ զդատաստանս։

Verse: 29  Link to sept   Պատրաստին անխրատից տանջանք. նոյնպէս եւ պատի́ժք անզգամաց։


Chapter: 20 
ԳԼ(ՈՒԽ) Ի՜.


Verse: 1  Link to sept   Անառա́կ է գինի՝ եւ թշնամանօղ արբեցու(թ)ի(ւն). եւ ա(մենայ)ն որ խառնակի ընդ ն(ո)ս(ա)՝ չէ́ իմաստուն։

Verse: 2  Link to sept   Ո́չինչ է պակաս պատուհաս թագաւորի ՛ի ցասմանէ առիւծու. եւ որ բարկացուցանէ զնա՝ վնա́ս առնէ անձին իւրում։

Verse: 3  Link to sept   Փառք են առն խոտորել ՛ի հայհոյութե(ան)ց. իսկ ա(մենայ)ն անզգամ ընդ այնպիսիսն շաղի։

Verse: 4  Link to sept   Թէպէտ եւ նախատի վատ՝ ո́չ ամաչէ. նո́յնպէս եւ որ առնու ցորեան՝ փո́խ ամարանի։

Verse: 5  Link to sept   Ջուր՝ խո́ր է խորհուրդ սրտի առն. եւ այր իմաստուն քամէ զնա։

Verse: 6  Link to sept   Մե́ծ է մարդ եւ պատուական՝ ա́յր ողորմած. բայց զայր հաւատարիմ գո́րծ է գտանել։

Verse: 7  Link to sept   Որ շրջի անարատ յարդարու(թ)ե(ան), երանելի́ որդիս թողու զկնի իւր։

Verse: 8  Link to sept   Յորժամ թագաւոր արդար նստիցի յաթոռ. ո́չ դառնայցէ ընդդէմ աչաց ն(ո)ր(ա) ա(մենայ)ն չարագործ։

Verse: 9  Link to sept   Ո՞վ պարծեսցի սիրտ սուրբ ունել. կամ ո՞վ համարձակիցի՝ եթէ սո́ւրբ իցէ ՛ի մեղաց։

Verse: 10  Link to sept   Կշիռ մեծ եւ փոքր, եւ չա́փ կրկին պի́ղծ են առաջի ա(ստուծո)յ երկոքեան. եւ խափանեսցին նոքա, եւ որ առնենն զն(ո)ս(ա). նա եւ ՛ի գնացս իսկ իւր խափանեսցի այր։

Verse: 11  Link to sept   Երիտասարդ որ ՛ի սրբու(թ)ե(ան) է՝ ուղի́ղ են ճանապարհք նորա։

Verse: 12  Link to sept   Ո́ւնկն լսէ եւ ա́կն տեսանէ. տ(եառ)ն գործուած են երկոքեան։

Verse: 13  Link to sept   Մի́ սիրեր զչա́ր խօսել՝ զի մի́ սատակեսցիս. բա́ց զաչս քո, եւ յագեա́ց հացիւ։

Verse: 14  Link to sept   Զչարն չա́ր ասէ՝ որոյ զնոյն ստացեալ ունիցի. եւ մատուցեալ յառաջ ապա նովիմբ պարծի։

Verse: 15  Link to sept   Է́ ոսկի եւ բազմութի(ւն) անդոց. եւ անօթ պատուական՝ շրթունք գիտութե(ան)։

Verse: 16  Link to sept   Զե́րծ զհանդերձ ն(ո)ր(ա) զի երաշխաւոր եղեւ օտարի. եւ ՛ի հիւրութե(ան) գրաւեաց զնա։

Verse: 17  Link to sept   Քաղցրացա́ւ առն հաց ստու(թ)ե(ան), եւ լցցի բերան ն(ո)ր(ա) կոպճով։

Verse: 18  Link to sept   Խորհուրդք մտօ́ք պատրասեսցին, եւ պատերազմ իմաստու(թեամ)բ մղեսցի։

Verse: 19  Link to sept   Որ յայտնէ զխորհուրդս՝ գնա́յ նենգութ(եամ)բ։. եւ ընդ պատրողին շրթամբք իւրովք՝ մի́ խառնակեսցիս։

Verse: 20  Link to sept   Որ հայհոյէ զհայրն կամ զմայր՝ շիջցի́ լոյս ն(ո)ր(ա). եւ բիբք աչաց ն(ո)ր(ա) զխաւար տեսցեն։

Verse: 21  Link to sept   Մասն փութացեալ յառաջնումն, ՛ի վախճանի ո́չ օրհնեսցի։

Verse: 22  Link to sept   Մի́ ասիցես թէ առից վրէժ ՛ի թշնամւոյն. այլ համբե́ր տ(եառ)ն, զի քեզ օգնական լիցի։

Verse: 23  Link to sept   Պի́ղծ է առաջի տ(եառ)ն՝ չափ կրկին. եւ կշիռ նենգու(թ)ե(ան) ո́չ է բարւոք առաջի ն(ո)ր(ա)։

Verse: 24  Link to sept   ՛Ի տ(եառն)է ուղղին գնացք առն. եւ մահկանացուն՝ զիա՞րդ խելամուտ լիցի ճանապարհաց իւրոց։

Verse: 25  Link to sept   Որոգայթ է առն վաղվաղել եւ յիւրո́ց ընչից խոստանալ։ թերեւս յետ ուխտելոյն զղջումն լինիցի։

Verse: 26  Link to sept   Ցրումն ամպարշտաց՝ թագաւոր իմաստուն. եւ արկանէ զնոքօք անիւ։

Verse: 27  Link to sept   Լոյս տ(եառ)ն շունչ մարդկան, եւ որ քննէ զշտեմարանս սրտի։

Verse: 28  Link to sept   Ոյ́որմու(թ)ի(ւն) եւ ճշմարտութի(ւն) պահապան թագաւորի. եւ պատեսցեն արդարու(թեամ)բ զաթոռ ն(ո)ր(ա)։

Verse: 29  Link to sept   Զա́րդ երիտասարդաց իմաստութի(ւն). եւ փա́ռք ծերոց ալիք։

Verse: 30  Link to sept   Վէրք եւ հարուածք պատահեն չարաց. եւ տանջանք ՛ի շտեմարանս որովայնի։


Chapter: 21 
ԳԼ(ՈՒԽ) Ի՜.


Verse: 1  Link to sept   Որպէս սահանք ջրոց. նո́յնպէս սիրտ թագաւորի ՛ի ձեռս ա(ստուծո)յ. ընդ որ կոյս կամի հայեցուցանել՝ դարձուսցէ զնա։

Verse: 2  Link to sept   Ամենայն այր երեւի անձին իւրում արդար. բայց ուղղէ զսիրտս տ(է)ր։

Verse: 3  Link to sept   Գործել զարդարութի(ւն) եւ խօսել զճշմարտութի(ւն), հաճո́յ է առաջի տ(եառ)ն քան զարիւն զոհից։

Verse: 4  Link to sept   Մեծամի́տ է ՛ի թշնամանս այր խստասիրտ. լամպար ամպարշտաց՝ մեղք։

Verse: 5  Link to sept   Խորհուրդ համառօտ՝ սակայն յառաւելութի(ւն). եւ ա(մենայ)ն վաղվաղուկ՝ սակայն ՛ի նուազու(թ)ի(ւն)։

Verse: 6  Link to sept   Որ կուտէ զգանձս ստու(թեամ)բ լեզուի՝ զհետ երթայ սնոտեաց. եւ հասանէ յորոգայթս մահու։

Verse: 7  Link to sept   Սսատակումն ամպարշտաց հասցէ, զի ո́չ կամին առնել զիրաւունս։

Verse: 8  Link to sept   Առ խոտորեալս՝ խոտորեալ ճանապարհ առաքէ ա(ստուա)ծ. զի սո́ւրբ եւ ուղի́ղ են գործք ն(ո)ր(ա)։

Verse: 9  Link to sept   Լա́ւ է բնակել առ անկեան ՛ի ներքո́յ օգոյ, քան ՛ի բռեալս անիրաւութ(եամ)բ, եւ ՛ի տան խառնակութե(ան)։

Verse: 10  Link to sept   Անձն ամպարշտի ցանկայ չարեաց. եւ ո́չ գտցէ յումեքէ ողորմու(թ)ի(ւն)։

Verse: 11  Link to sept   ՛Ի տուժել անխրատի՝ խորագիտագո́յն եւս լինի անմեղն։ առ իմաստութե(ան) հանճառեղն ընդունի զգիտութի(ւն)։

Verse: 12  Link to sept   ՛ի մի́տ առնու արդար զսիրտ ամպարշտաց. եւ ապականեն զամպարիշտս չարիք։

Verse: 13  Link to sept   Որ խնու զլսելիս իւր զի մի́ լուիցէ տկարաց. եւ նա կարդասցէ առ տ(է)ր, եւ ո́չ լուիցէ նմա։

Verse: 14  Link to sept   Տուրք գաղտնիք՝ դարձուցանեն զբարկութի(ւն). իսկ որ խնայէ ՙի տուրս՝ սաստիկ բարկութի(ւն) յարուցանէ։

Verse: 15  Link to sept   Ուրախու(թ)ի(ւն) արդարոց առնել զիրաւունս. եւ ս(ուր)բն՝ պի́ղծ թուի չարագործաց։

Verse: 16  Link to sept   Ա́յր մոլորեալ ՛ի ճանապարհէ արդարութե(ան)՝ ՛ի ժողովս հսկայից հանգիցէ։

Verse: 17  Link to sept   Այր կարօտեալ սիրէ́ զուրախութի(ւն)։ որ սիրէ զգինի եւ զձէթ ՛ի մեծու(թ)ի(ւն)։

Verse: 18  Link to sept   Ջնջա́ն լինի արդարոյն անօրէնն. եւ ուղղոց որ անցանեն զուխտիւ։

Verse: 19  Link to sept   Լա́ւ իցէ բնակել յանապատի՝ քան ընդ կնո́ջ անզգամի լեզուանւոյ եւ բարկացողի։

Verse: 20  Link to sept   Գանձ ցանկալի հանգիցէ ՛ի բերան իմաստնոյ. ա́րք տգէտք կլցեն զնա։

Verse: 21  Link to sept   Ճանապարհք արդարութե(ան) եւ ողորմածութե(ան) գտցէ զկեանս, եւ զարդարու(թ)ի(ւն) եւ զփառս։

Verse: 22  Link to sept   ՛Ի վ(ե)ր(այ) ամուր քաղաքաց եհաս իմաստութի(ւն). եւ քակեաց զամուրս յորս յուսացեալէին ամպարիշտք։

Verse: 23  Link to sept   Որ պահէ զբերան իւր եւ զլեզու՝ պահէ́ ՛ի նեղութ(են)է զանձն իւր։

Verse: 24  Link to sept   Խիստն՝ եւ յանդուգն՝ եւ հպարտն՝ ժանտ կոչին. եւ որ պահէ ոխս անօրէն է։

Verse: 25  Link to sept   Ցանկութի(ւն)ք սպանանեն զվատ, զի ո́չ յօժարեն ձեռք ն(ո)ր(ա) գործել ինչ։

Verse: 26  Link to sept   Ամպարիշտ ցանկանայ զա(մենայ)ն աւուրս զցանկու(թ)ի(ւն) չարեաց. իսկ արդարն ողորմի եւ տա́յ առանց խնայելոյ։

Verse: 27  Link to sept   Պատարագ ամպարշտաց պի́ղծ են առաջի տ(եառ)ն. քանզի անօրէնութ(եամ)բ իսկ մատուցանեն զն(ո)ս(ա)։

Verse: 28  Link to sept   Վկա́յ սուտ՝ կորիցէ. այր հլու՝ զգուշութ(եամ)բ խօսեսցի։

Verse: 29  Link to sept   Ա́յր ամպարիշտ յանդգնու(թեամ)բ հարկանի ՛ի դիմի. իսկ ուղիղն ինքնին իմանայ զճանապարհս իւր։

Verse: 30  Link to sept   Ո́չ է մարդոյ իմաստութի(ւն)՝ ո́չ արութի(ւն), եւ ո́չ խորհուրդ առ ա(ստուա)ծ։

Verse: 31  Link to sept   Երիվար պատրաստի յաւուր պատերազմի. բայց ՛ի տ(եառն)է է օգնականութի(ւն)։


Chapter: 22 
ԳԼ(ՈՒԽ) Ի՜.


Verse: 1  Link to sept   Լա́ւ է անուն բարի քան զմեծու(թ)ի(ւն) բազում. եւ քան զարծա́թ եւ զոսկի շնո́րհ բարիք։

Verse: 2  Link to sept   Մեծատուն եւ աղքատ միմեանց պատահիցին. երկոցունց այցելու(թ)ի(ւն) առնէ տ(է)ր։

Verse: 3  Link to sept   Խորագիտի տեսեալ զչարագործն պատժեալ՝ հաստատութ(եամ)բ խրատէ զանձն. եւ անմտաց անցեալ առ նոքօք վնասեցան։

Verse: 4  Link to sept   Սկիզբն իմաստու(թ)ե(ան) երկեւղ տ(եառ)ն. եւ մեծութի(ւն) եւ փա́ռք՝ եւ կեանք։

Verse: 5  Link to sept   Տատասկ եւ որոգայթ՝ ՛ի ճանապարհս թիւրաց, իսկ որ զգո́յշ կայ անձին իւրում՝ մերեսցի ՛ի ն(ո)ց(ա)է։

Verse: 6  Link to sept   Նորոգումն երիտասարդի ը(նդ) ճանապարհա́ց իւրոց. նա՝ եւ յորժամ ծերասցի՝ ո́չ մերժեսցի ՛ի նոցանէ։

Verse: 7  Link to sept   Աղքատք տիրեսցեն մեծատանց, եւ ծառայք տերանց իւրեանց փո́խ տայցեն։

Verse: 8  Link to sept   Որ սերմանէ զանզգամու(թ)ի(ւն)՝ հնձեսցէ́ զչարիս, եւ զհարուածս գործոց իւրոց բովանդակեսցէ։

Verse: 9  Link to sept   Զայր զուա́րթ եւ զառատ՝ սիրէ ա(ստուա)ծ։ որ ողորմի տնանկի՝ ինքն կերակրեսցի, զի յիւրմէ հացէ անտի ետ տնանկի։ Զյաղթութի(ւն) եւ զպատիւ ստանայ որ տայ կաշառ, բայց զոգիս առողացն սպանանէ։

Verse: 10  Link to sept   Հա́ն զժանտն յատենէ՝ եւ ելցէ ընդ նմա եւ հակառակու(թ)ի(ւն). զի յորժամ նստիցի յատենի զամենեսեան անարգէ։

Verse: 11  Link to sept   Սիրէ տ(է)ր զսիրտ սուրբ, եւ ընդունելի են նմա ա(մենայ)ն անարատք։ Շրթամբք հովուէ թագաւոր.

Verse: 12  Link to sept   եւ աչք տ(եառ)ն պահեն զհանճար. եւ անգոսէ զբանս անօրէն։

Verse: 13  Link to sept   Պատճա́ռ դնէ վատ եւ ասէ՝ առեւծ ունի զճանապարհս, եւ զանցս հրապարակաց սպանողք։

Verse: 14  Link to sept   Գուբ խո́ր է բերան անօրինի, եւ ատեցեալն ՛ի տ(եառն)է անկցի ՛ի նա։ Են ճանապարհք չարք՝ առաջի առն, եւ ո́չ սիրէ դառնալ ՛ի ն(ո)ց(ա)նէ. բայց դառնալ պա́րտ է ՛ի թեւր եւ ՛ի չար ճանապարհէ։

Verse: 15  Link to sept   Անմտու(թ)ի(ւն) բորբոքեալ ՛ի սիրտ երիտասարդի. գաւազան եւ խրատ հեռի́ է ՛ի նմանէ։

Verse: 16  Link to sept   Որ զրպարտէ զաղքատ՝ բազում առնէ իւր չարիս. եւ որ տայ մեծատան կարօտու(թեամ)բ։

Verse: 17  Link to sept   Բանից իմաստնոց մատո́ զունկն քո, եւ լո́ւր բանից իմոց. եւ հաստատեա́ զսիրտ քո՝

Verse: 18  Link to sept   զի գիտասցես զն(ո)ս(ա)՝ թէ բարի́ են։ եւ եթէ արկցես զն(ո)ս(ա) ՛ի սրտի քում. եւ զուարճասցի միանգամայն ՛ի շրթունս քո։

Verse: 19  Link to sept   Զի եղիցի յոյս քո ՛ի տ(է)ր. եւ ցուցցէ քեզ զճանապարհս իւր։

Verse: 20  Link to sept   Եւ դու գրեա զնոսա յանձին քում երեքկին. ՛ի խորհուրդս, եւ ՛ի գիտութի(ւն), եւ ՛ի հանճար։

Verse: 21  Link to sept   Ահաւասիկ ուսուցանեմ քեզ զբանս ճշմարիտս եւ զգիտու(թ)ե(ան). հնազանդ լինել պատասխանի տալոյ զբանս ճշմարտութե(ան) որոց մատչիցին առ քեզ։

Verse: 22  Link to sept   Մի́ բուռն լինիցիս տնանկի, քանզի աղքա́տ է. եւ մի́ անարգիցես զտնանկն ՛ի դրունս.

Verse: 23  Link to sept   զի տ(է)ր դատի զդատաստանս ն(ո)ր(ա), եւ փրկեսցէ անկապուտ զանձն քո։

Verse: 24  Link to sept   Մի́ լինիր ընկեր առն բարկացողի, եւ ընդ բարեկամի զայրացողի մի́ բնակեր։

Verse: 25  Link to sept   գուցէ ուսանիցի́ս զճանապարհս ն(ո)ր(ա). եւ առնուցուս խե́ղդ ընդ անձն քո։

Verse: 26  Link to sept   Մի́ տար զանձն քո յերաշխաւորութի(ւն)՝ ակն առեալ երեսաց։

Verse: 27  Link to sept   զի թէ ո́չ ունիցիս ուստի հատուցանիցես՝ եւ առնուցուն զանկողինս որ ը(նդ) կողիւք քովք կայցեն։

Verse: 28  Link to sept   Մի́ փոխեր զսահմանս յաւիտենականս զոր եդին հարք քո։

Verse: 29  Link to sept   Զայր շո́յտ եւ զգոյշ ՛ի գործ իւր՝ թագաւորաց առաջի պարտ է կացուցանել. եւ ո́չ կացուցանել առաջի արանց խօթասրտաց։


Chapter: 23 
ԳԼ(ՈՒԽ) Ի՜.


Verse: 1  Link to sept   Յորժամ նստիցիս յընթրիս ուտե́լ ՛ի սեղան հզօրաց. իմանալո́վ իմասջի́ր որինչ առաջի դնիցի, եւ ապա́ մխեսջի́ր զձեռն քո։

Verse: 2  Link to sept   Գիտասջի́ր թէ այնպիսի ինչ եւ քեզ պա́րտ է պատրաստել։ ապա թէ ագահագոյն իցես,

Verse: 3  Link to sept   մի́ ցանկանայցես խորտկաց ն(ո)ր(ա). զի այն իսկ կցեալ երթալ զկենացն ստութ(են)է։

Verse: 4  Link to sept   Մի́ ձգտիր՝ եթէ տնանկ իցեսս՝ ընդ մեծատան, այլ քո իմաստութ(եամ)բդ մերժեա́ ՛ի նմանէ։

Verse: 5  Link to sept   Եթէ հաստատեսցես զերես քո ՛ի վ(ե)ր(այ) ն(ո)ր(ա), ո́չ ուրեք երեւի զի հանդերձեալ է ն(ո)ր(ա) ի́ւր թեւս ո(ր)պ(էս) զարծուոյ. եւ դառնայ ՛ի տուն նահապետի իւրոյ։

Verse: 6  Link to sept   Մի́ ուտեր հաց ընդ առն չարական. եւ մի́ ցանկանար կերակրոյ ն(ո)ր(ա)։

Verse: 7  Link to sept   զոր օրինակ թէ մազ ոք կլանէ՝ ա́յնպէս ուտէ եւ ըմպէ։

Verse: 8  Link to sept   Մի́ մուծանիցես զնա առ քեզ, եւ մի́ ուտիցես զհաց քո ընդ նմա, զի նողկտացուցանէ զնա. եւ ապականէ զբանս քո բարիս։

Verse: 9  Link to sept   Յակա́նջս անզգամի ամենեւին մի́ խօսիր. զի մի́ անգոսնեսցէ զիմաստուն բանս քո։

Verse: 10  Link to sept   Մի́ փոխեր զսահմանս յաւիտենականս. եւ ՛ի ստացուածս սրբոց մի́ մտանիցես։

Verse: 11  Link to sept   զի որ փրկէն զն(ո)ս(ա) տ(է)ր հզօր է. եւ դատի զդատաստանս ն(ո)ց(ա) ընդ քեզ։

Verse: 12  Link to sept   Տո́ւր ՛ի խրատ զսիրտ քո. եւ զլսելիս քո պատրաստեա́ բանից իմաստու(թ)ե(ան)։

Verse: 13  Link to sept   Մի́ խնայեար խրատել զտղայ զի եթէ հարկանես զնա գաւազանաւ՝ ո́չ մեռանի։

Verse: 14  Link to sept   դու հարկանես զնա գաւազանաւ, բայց զանձն ն(ո)ր(ա) փրկես ՛ի մահուանէ։

Verse: 15  Link to sept   Որդեակ՝ եթէ իմաստուն լինիցի սիրտ քո, ուրա́խ արասցես եւ զի́մ սիրտս։

Verse: 16  Link to sept   Եւ եթէ ընդելուզցես զշրթունս քո ը(նդ) շրթունս իմ, միայն թէ ուղի́ղ իցես։

Verse: 17  Link to sept   Մի́ նախանձիցի սիրտ քո ընդ մեղաւորս. այլ յերկեւղ տ(եառ)ն կանխեսջի́ր զօրհանապազ։

Verse: 18  Link to sept   զի եթէ պահեսցես զնա, եղիցի զաւա́կ քեզ. եւ յոյս քո մի́ մերժեսցի։

Verse: 19  Link to sept   Լո́ւր որդեակ՝ եւ լե́ր իմաստուն. եւ ուղղեա զխորհուրդս սրտի քոյ։

Verse: 20  Link to sept   Մի́ լինիր արբեցօղ. եւ մի́ նախանձիր ընդ հանգանակօղս մսո́յ վաճառաց։

Verse: 21  Link to sept   Զի ա(մենայ)ն արբշիռն եւ բոզանոցն աղքատասցի։ եւ զգեցցի պատառատունս ա(մենայ)ն քնէած։

Verse: 22  Link to sept   Լո́ւր որդեակ հօրն որ ծնաւ զքեզ. եւ մի արհամարհեր զծերու(թ)ի(ւն) մօր քոյ։

Verse: 23  Link to sept   Զճշմարտութի(ւն) ստացի́ր. եւ մի́ թողուր զիմաստութի(ւն)՝ եւ զխրատ՝ եւ զհանճար։

Verse: 24  Link to sept   Բարւո́ք սնուցանէ հայր արդար. եւ ՛ի վ(ե)ր(այ) որդւոյ իմաստնոյ ուրա́խ լինի սիրտ ն(ո)ր(ա)։

Verse: 25  Link to sept   Ուրա́խ լիցին հայր եւ մայր քո ՛ի քեզ. եւ խնդասցէ որ ծնաւն զքեզ։

Verse: 26  Link to sept   Տո́ւր ցիս որդեակ զսիրտ քո. եւ աչք քո ճանապարհա́ց իմոց սպասեսցեն։

Verse: 27  Link to sept   Կարաս՝ ծա́կ է տուն օտար. եւ ջրհոր նե́ղ օտարոտին։

Verse: 28  Link to sept   Զի այնպիսին վաղվաղակի սատակեսցի. եւ ա(մենայ)ն անօրէն սպառեցի։

Verse: 29  Link to sept   Ո՞ւմ է վայ. ո՞ւմ խռովութի(ւն)ք. ո՞ւմ են դատաստանք. ո՞ւմ դժընդակութի(ւն)ք եւ վարանք. ո՞ւմ են ջաղջախանք տարապարտուց. ո՞յր են կապուտակ ականողիք։

Verse: 30  Link to sept   Ոչ ապաքէն ա́յնոցիկ՝ որ յամենն ՛ի գինւոջ, եւ գիտեն ուր գիներբուք լինիցին։

Verse: 31  Link to sept   Մի́ արբենայք գինեաւ. այլ խօսեցարո́ւք ընդ մարդս արդարս, եւ խօսեցարո́ւք ընդ միմեանս ՛ի հրապարակս։ Ապա թէ ՛ի տաշտս եւ ՛ի բաժակս արձակիցես զաչս քո, յետոյ շրջիցիս մերկագո́յն եւս քան զսանդատոռն։

Verse: 32  Link to sept   Եւ ՛ի վախճանի իբրեւ զօձահար տարածիցիս, եւ իբրեւ իժի թոյնք սփռեսցին։

Verse: 33  Link to sept   Աչք քո իբրեւ տեսանիցէ զկին օտար, բերան քո յա́յնժամ խօսիցի զթեւրս։

Verse: 34  Link to sept   եւ անկեալ դնիցիս ՛ի սիրտ ծովու՝ եւ իբրեւ զնաւավար ՛ի մէջ բազում մրրկի։

Verse: 35  Link to sept   Եւ ասիցես՝ թէ հարկանէին զիս՝ եւ ինձ ո́չ ցաւէր. ա́յպն առնէին զիս՝ եւ ո́չ գիտէի։ ե՞րբ լիցի առաւօտ՝ զի ելեալ խնդրեցից ընդ որում շրջիցիմ։


Chapter: 24 
ԳԼ(ՈՒԽ) Ի՜.


Verse: 1  Link to sept   Որդեակ իմ՝ մի́ նախանձիր ընդ չարս. եւ մի́ ցանկանայցես կա́լ ընդ ն(ո)ս(ա)։

Verse: 2  Link to sept   Զի ստութի(ւն) խորհի սի́րտ ն(ո)ց(ա), եւ ցա́ւս խօսին շրթունք ն(ո)ց(ա)։

Verse: 3  Link to sept   Իմաստութ(եամ)բ շինի տուն, եւ հանճարով կանգնի։

Verse: 4  Link to sept   եւ խորհրդով լնուլ շտեմարանք ա(մենայ)ն մեծու(թեամ)բ պատուականաւ եւ բարեօք։

Verse: 5  Link to sept   Լա́ւ է իմաստուն քան զհզօր, եւ հանճարեղ՝ քան զայն որ ունիցի դաստակե́րտս մեծամեծս։

Verse: 6  Link to sept   Առաջնորդու(թեամ)բ մղի պատերազմ, եւ օգնականութ(եամ)բ խորհրդական սրտի։

Verse: 7  Link to sept   Իմաստու(թ)ի(ւն) եւ խորհուրդ բարեաց ՛ի դրունս իմաստնոց։

Verse: 8  Link to sept   Իմաստունք ո́չ խոտորին ՛ի բերանոյ տ(եառ)ն. այլ խորհին ՛ի ժողովս իւրեանց։

Verse: 9  Link to sept   Անխրատից պատահէ մահ. եւ մեռանի անզգամ ՛ի մեղս։ Պղծութի(ւն) զայր ժանտագործ աղտեղի առնէ յաւուր չարի.

Verse: 10  Link to sept   եւ յաւուր նեղութե(ան)՝ մինչեւ սատակեսցի։

Verse: 11  Link to sept   Փրկեա́ զորս ՛ի մահ տանին, եւ գնեա́ զմահապարտս՝ եւ մի́ խնայեար։

Verse: 12  Link to sept   Ապա թէ ասիցես, թէ ո́չ ճանաչեմ զնա՝ եւ ո́չ նա զիս ճանաչէ, գիտասջի́ր զի տ(է)ր զսիրտս ամենեցուն ճանաչէ. եւ որ ստեղծ զշունչ ամենեցուն նա́ գիտէ զա(մենայ)ն, եւ հատուցանէ իւրաքանչիւր ըստ գործս իւր։

Verse: 13  Link to sept   Կե́ր մեղր որդեակ զի բարի է. եւ խորիսխ՝ զի քաղցրասցի կոկորդ քո։

Verse: 14  Link to sept   նո́յնպէս եղիցի հանճար իմաստութե(ան) յանձին քում։ Զի եթէ զա́յն գտանիցես՝ եղիցի բարեա́ւ վախճան քո. եւ լոյս քո մի́ պակասեսցէ։

Verse: 15  Link to sept   Մի́ մատուցանէր զամպարիշտն յարօտս արդարոց. եւ մի́ խաբիր լրու(թեամ)բ որովայնի։

Verse: 16  Link to sept   Զի եթէ եւթն անգամ անկանիցի արդարն՝ կանգնեսցի. իսկ ամպարիշտք տկարասցին ՛ի չարիս։

Verse: 17  Link to sept   Եթէ կործանեսցի թշնամին քո՝ մի́ ոտն հարկաներ. եւ ՛ի գայթագղելն ն(ո)ր(ա) մի́ հպարտանար։

Verse: 18  Link to sept   Զի մի́ հայեսցի տ(է)ր, եւ ո́չ հաճեսցի ընդ այն. եւ դարձուսցէ զբարկու(թ)ի(ւն) իւր ՛ի նմանէ։

Verse: 19  Link to sept   Մի́ խնդար ը(նդ) չարագործս, եւ մի́ նախանձիր ը(նդ) մեղաւորս։

Verse: 20  Link to sept   զի ո́չ լինիցի զաւակ չարաց. ճրագ ամպարշտաց շիջցի։

Verse: 21  Link to sept   Երկի́ր յա(ստուծո)յ որդեակ՝ եւ ՛ի թագաւորէ. եւ ՛ի միոջէ ՛ի նոցանէ մի ապստամբիցես։

Verse: 22  Link to sept   Զի՝ յանկարծակի պահանջիցեն զամպարիշտս. եւ զպատուհաս երկոցունց ո՞վ ծանիցէ։

Verse: 1  Link to sept   Որդի որ զգուշանայ բանից՝ եղիցի արտաքոյ կորստեան. զի ընդունելո́վ ընկալաւ զնա։

Verse: 2  Link to sept   Մի́ ինչ ստութի(ւն) ասասցի ՛ի լեզուէ թագաւորի. եւ ո́չ ելցէ խաբէութի(ւն) ՛ի լեզուէ ն(ո)ր(ա)։

Verse: 3  Link to sept   Սուսեր սո́ւր է լեզու թագաւորի, եւ ո́չ մարմնեղէն. եւ որ նմա մատնեսցի՝ խորտակի։

Verse: 4  Link to sept   Զի եթէ սրեսցի բարկութի(ւն) ն(ո)ր(ա)՝ յօդիւք հանդերձ սատակեսցէ զմարդիկ, եւ զոսկերս արանց կերիցէ՝ եւ այրեսցէ իբրեւ զբոց. եւ իբրեւ զգէշ եղիցի ՛ի բո́յնս արծուեաց։

Verse: 5  Link to sept   Յիմոց բանից երկի́ր որդեակ. եւ յորժամ ընկալցիս զն(ո)ս(ա)՝ ապաշաւեսջիր։


Chapter: 30 
ԳԼ(ՈՒԽ) Լ՜.


Verse: 1  Link to sept   Զայս ասէ այր զհաւատացեալս ա(ստուծո)յ. եթէ լո́ւռ եղէց՝ զի անմտագոյն եմ քան զամենայն մարդիկ.

Verse: 2  Link to sept   եւ իմաստու(թ)ի(ւն) մարդոյ ո́չ գոյ յիս։

Verse: 3  Link to sept   Ա(ստուա)ծ ուսոյց ինձ իմաստութի(ւն). եւ գիտու(թ)ե(ան) սրբոց խելամուտ եղէ, եւ ճանաչե́մ զսրբութի(ւն)ս։

Verse: 4  Link to sept   Ո՞վ ել յերկինս՝ եւ էջ. ո՞վ ժողովեաց զհողմս ՛ի գոգ իւր. ո՞վ ամփոփեաց զջուրս ՛ի ձորձս իւր. ո՞վ կալաւ զծագս երկրի։ Զի՞նչ անուն է ն(ո)ր(ա). կամ զի՞նչ անուն որդւոյ ն(ո)ր(ա). զի գիտասցես

Verse: 5  Link to sept   թէ ա(մենայ)ն բանք ա(ստուծո)յ ընտրեալք են, եւ վերակացո́ւ է նա երկիւղածաց իւրոյ։

Verse: 6  Link to sept   Մի́ յաւելուցուս ՛ի բանս ն(ո)ր(ա)՝ զի մի́ յանդիմանեսցէ զքեզ, եւ սո́ւտ լինիցիս։

Verse: 7  Link to sept   Երկո́ւս ինչս խնդրեմ ՛ի քէն, մի́ հաներ յինէն զշնորհս մինչչեւ մեռեալ իցեմ։

Verse: 8  Link to sept   Զբան զուր եւ սուտ՝ հեռի́ արա յինէն։ Մեծութի(ւն) եւ տնանկու(թ)ի(ւն) մի́ տար ինձ. այլ կշռեա́ ինձ զարժանն բաւականու(թեամ)բ։

Verse: 9  Link to sept   Զի մի́ մեծացայց՝ եւ ստեցից. եւ ասիցեմ, թէ ո՞վ տեսանիցէ զիս. կամ աղքատացայց եւ դողացա́յց, եւ երդուայց յանուն ա(ստուծո)յ իմոյ։

Verse: 10  Link to sept   Մի́ մատներ զծառայ ՛ի ձեռս տեառն իւրոյ. զի մի́ երբէք անիծանիցէ զքեզ՝ եւ ապականիցիս։

Verse: 11  Link to sept   Ծնունդ չար՝ զհայր իւր անիծանէ, եւ զմայր իւր ո́չ օրհնէ։

Verse: 12  Link to sept   Ծնունդ չար՝ առ արդարս ունի զանձն իւր. եւ զելս անձին իւրոյ ո́չ լուացաւ։

Verse: 13  Link to sept   Ծնունդ չար՝ ամբարտաւան աչս ունի. եւ յարեւանունս իւր հպարտանայ։

Verse: 14  Link to sept   Ծնունդ չար՝ իբրեւ զսուսեր ունի զատամունս իւր. եւ զժանիս իւր իբրեւ զկտրոցս։ մաշե́լ եւ ուտել զխոնարհս երկրի, եւ զտնանկս ՛ի մարդկանէ։


Chapter: 24* 
ԳԼ(ՈՒԽ) Ի՜.


Verse: 1  Link to sept   Զայս ասեմ ձեզ իմաստնոցդ՝ խելամո́ւտ լինել իրաւանց մի́ ամաչէք։ ա́կն առնուլ ՛ի դատաստանի չէ́ բարւոք։

Verse: 2  Link to sept   Որ ասէ զամպարիշտն թէ արդար է՝ անիծեա́լ ՛ի ժողովրդոց լիցի, եւ ատելի́ յազգաց։

Verse: 3  Link to sept   Իսկ որ յանդիմանէն, նոքա լա́ւք երեւեսցին, եւ ՛ի վ(ե)ր(այ) ն(ո)ց(ա) եկեսցէ օրհնու(թ)ի(ւն) բարեաց։

Verse: 4  Link to sept   Շրթունք սիրեսցեն զպատասխանիս բանից բարեաց. եւ որ պատասխանի տայ բա́նս դիմադարձութե(ան), պատրաստէ անձի́ն իւրում բանս հեռանալոյ։

Verse: 5  Link to sept   Պատրաստեա́ յելս զգործս քո. եւ պատրաստեա́ ՛ի դաստակերտս քո, եւ գնա́ դու զկնի իմ. եւ շինեսցես վերստին զտուն քո։

Verse: 6  Link to sept   Մի́ լինիր վկայ սուտ՝ ընկերի քում. եւ մի́ լայնիր շրթամբք քովք։

Verse: 7  Link to sept   Մի́ ասեր՝ թէ որպէս նա ընդիս գնաց, եւ ես ընդ նա́ գնացից. հատուցից նմա՝ ո(ր)պ(էս) եւ զրկեա́ց զիս։

Verse: 8  Link to sept   Իբրեւ անդ մի այր անզգամ, եւ իբրեւ այգի այր պակասամիտ.

Verse: 9  Link to sept   եւ եթէ թողուս զնա՝ խոպանանայ եւ մոլախոտէ́ ամենեւին եւ լքանի. եւ քարինք որմոց ն(ո)ր(ա) յատակին։

Verse: 10  Link to sept   յետոյ ասիցէ՝ թէ զղջացայ ես, հայեցայ եւ ընտրեցի զխրատ։ Մինչեւ յե՞րբ անկեալ դնիս ո՞վ վատ. ե՞րբ ՛ի քնոյ զարթիցես։

Verse: 11  Link to sept   Սակաւիկ ինչ ննջիցե՞ս. սակաւիկ ինչ նիրհիցե՞ս. սակաւիկ ինչ դադարիցե՞ս. սակաւիկ ինչ ընդգրկիցե՞ս զձեռն քո ՛ի վ(ե)ր(այ) լանջաց քոց։ Եթէ զայդ առնիցես,

Verse: 12  Link to sept   եկեսցէ́ իբրեւ զկարապետ աղքատութի(ւն) քո. եւ կարօտութի(ւն) քո իբրեւ զարագո́տն սուրհանդակ։


Chapter: 30* 
ԳԼ(ՈՒԽ) Լ՜.


Verse: 15  Link to sept   Տզրկի՝ երեք դստերք էին սիրով սիրեցեալք, եւ երեքին սոքա՝ ո́չ յագեցուցին զնա. եւ չորրորդն ո́չ լցաւ ասել շատ։

Verse: 16  Link to sept   Դժոխք՝ եւ կորուստ՝ եւ սէր կանանց՝ եւ տարտարոսն. եւ երկիր՝ ո́չ յագի ջրով, եւ ջուր եւ հուր՝ ո́չ երբէք ասեն շատ։

Verse: 17  Link to sept   Ա́կն որ արհամարհէ զհայր, եւ անարգէ զծերու(թ)ի(ւն) մօր. խլեսցե́ն զնա ագռաւք ձորոց. եւ գէշ գէ́շ արասցեն զնա ձագք արծուեաց։

Verse: 18  Link to sept   Երե́ք են՝ զորս անհնար է ինձ իմանալ, եւ չորրորդն ո́չ ճանաչեմ։

Verse: 19  Link to sept   Զհետս արծուոյ թռուցելոյ. եւ զճանապարհս օձի ՛ի վ(ե)ր(այ) վիմի. եւ զշաւիղս նաւի ը(նդ) ծո́վ գնացելոյ. եւ զճանապարհս առն երիտասարդի։

Verse: 20  Link to sept   Նոյնպիսի́ եւ ճանապարհ կնոջ շնացողի. զի յորժամ գործէ́ ինչ՝ լուանայ եւ ասէ, իմ չի́ք ինչ գործեալ։

Verse: 21  Link to sept   Երիւք շարժի երկիր, եւ չորրորդին ո́չ կարէ հանդարտել։

Verse: 22  Link to sept   Եթէ ծառայ թագաւորեսցէ. եւ անմիտն՝ եթէ յագեսցի հացիւ.

Verse: 23  Link to sept   եւ աղախին՝ եթէ հանէ զտիկին իւր. եւ կին ատելի՝ եթէ դիպեսցի առն բարւոյ։

Verse: 24  Link to sept   Չո́րք են որ փո́քր են յերկրի. եւ նոքա իմաստնագոյնք են քան զիմաստունս։

Verse: 25  Link to sept   Մրջիւն՝ որոյ ո́չ գոյ զօրութի(ւն), եւ պատրաստէ ամարայնոյ զկերակուր իւր։

Verse: 26  Link to sept   Եւ ճագար՝ ազգ անհզօր, որ արարին ՛ի վէմս զդադարս իւրեանց։

Verse: 27  Link to sept   Առանց թագաւորի́ է մարախ, եւ զօրաժողով լինի իբրեւ ՛ի միոջէ հրամանէ օրինօք։

Verse: 28  Link to sept   Եւ սարդ՝ կռուեալ ձեռօք յորմ, որ դիւրին է առ որսալ, բնակէ ՛ի յարկս թագաւորաց։

Verse: 29  Link to sept   Երեք են որ պա́րծ շրջին, եւ չորրորդն գեղեցի́կ ճեմի։

Verse: 30  Link to sept   Կորիւն առիւծու հզօ́ր է քան զանասունս, որ ո́չ զանգիտէ եւ ո́չ թիկունս դարձուցանէ յանասնոց։

Verse: 31  Link to sept   եւ աքաղաղ՝ որ շրջի ՛ի մէջ մարեաց սիգալով։ եւ նոխազ՝ առաջնո́րդ հօտի։ եւ թագաւոր՝ որ հպարտախօս լինի ՛ի մէջ ազգաց։

Verse: 32  Link to sept   Եթէ զանձն դիւրու(թ)ե(ան) տացես, եւ ձեռն ՛ի բերան կռուով ձգիցես՝ անարգեսցիս։

Verse: 33  Link to sept   Կթեա́ կաթն՝ եւ եղիցի եւղ. ապա թէ կարի́ ճմլեսցես զպտկունսն, ելանէ արի́ւն։ Եւ եթէ ձգեսցես զբանս, ելցեն դատաստա́նք եւ կռիւք։


Chapter: 31 
ԳԼ(ՈՒԽ) Լ՜.


Verse: 1  Link to sept   Իմ բանք յա(ստուծո)յ խօսեցեալ են, հրաման թագաւորի զոր խրատեաց զնա մայր իւր։

Verse: 2  Link to sept   Զի որդեակ՝ ա(ստուծո)յ բանք են. անդրանիկդ քե́զ ասեմ որդի։ զի որդեակ՝ պտուղ որովայնի իմոյ. զի որդեակ՝ ուխտից իմոց։

Verse: 3  Link to sept   Մի́ տար կանանց զմեծութի(ւն) քո եւ զմիտս քո եւ զկեանս՝ ՛ի խորհուրդս յետինս։ խորհրդով գործեա́ զա(մենայ)ն, խորհրդո́վ արբ գինի։

Verse: 4  Link to sept   Մեծամեծքն բարկասիրտք են, գինի մի́ արբցեն,

Verse: 5  Link to sept   զի մի́ իբրեւ արբցեն՝ մոռանայցեն զիմաստութի(ւն), եւ ուղիղ ո́չ կարիցեն դատել զտկարն։

Verse: 6  Link to sept   Տո́ւք արբեցութի(ւն) տրտմեցելոց, եւ գինի ըմպել՝ ցաւագնոտա́ց.

Verse: 7  Link to sept   զի արբցեն՝ եւ մոռասցին զտնանկութի(ւն)ս իւրեանց, եւ զցաւս իւրեանց ո́չ եւս յիշեսցեն։

Verse: 8  Link to sept   Բա́ց զբերան քո բանիւ ա(ստուծո)յ, եւ դատեա́ զամենեսեան ողջամտութ(եամ)բ։

Verse: 9  Link to sept   եւ ընտրեա́ եւ որոշեա́ զտնանկն եւ զտկարն։


Chapter: 25 
ԳԼ(ՈՒԽ) Ի՜.


Verse: 1  Link to sept   Առակք Սողոմովնի անքնինք. զոր գրեցին բարեկամքն եզեկիայ արքայ հրէաստանի։


Verse: 2  Link to sept   Փառք ա(ստուծո)յ ծածկեն զբան. փառք թագաւորի՝ պատուեն զհրամանս։

Verse: 3  Link to sept   Երկինք բարձունք, եւ երկիր՝ խորին. սիրտ թագաւորի առանց քննելոյ։

Verse: 4  Link to sept   Փորձ տե́ս զանփորձ արծաթոյ. եւ սրբելով սրբի ա(մենայ)ն։

Verse: 5  Link to sept   Սատակեա́ զամպարիշտս յերեսաց թագաւորի. եւ ուղղեսցի արդարութ(եամ)բ աթոռ ն(ո)ր(ա)։

Verse: 6  Link to sept   Մի́ հպարտանար առաջի թագաւորի, եւ մի́ ՛ի տեղիս մեծամեծաց մատչիր.

Verse: 7  Link to sept   զի լա́ւ իցէ քեզ՝ թէ ասիցէ ոք. ՛ի վե́ր առ իս մատի́ր, քան թէ կորանայցես առաջի հզօրի։

Verse: 8  Link to sept   Զոր տեսին աչք քո՝ խօսեա́ց։ մի́ յանդուգն անկանիցիս ՛ի մարտ, զի մի́ յետոյ զղջանայցես։ Յորժամ նախատիցէ զքեզ բարեկամ քո.

Verse: 9  Link to sept   խո́յս տուր՝ մի́ արհամարհեր։

Verse: 10  Link to sept   գուցէ́ նախատիցէ զքեզ բարեկամն. եւ թշնամու(թ)ի(ւն) եւ մարտ քո ո́չ մեկնիցի. այլ լինիցի քեզ հանգո́յն մահու։ Շնորհք եւ բարեկամութի(ւն) ազատք են. հաստատեա́ զն(ո)ս(ա) ՛ի քեզ՝ զի մի́ նախա́տ լինիցիս. եւ պահեա́ զժամանակս քո հաշտու(թեամ)բ։

Verse: 11  Link to sept   Ոսկի խնծոր ընդ սարդիոն յեռեալ. ա́յնպէս է խօսել զբանս իմաստունս։

Verse: 12  Link to sept   Գինդ ոսկի՝ եւ սարդիոն ամենապայծառ յեռեալ. բա́ն իմաստուն յունկնդի́ր լսելիս։

Verse: 13  Link to sept   Ո(ր)պ(էս) ձիւնաբեր ամարայնի՝ տօթացելոյ օգնակա́ն է, նոյնպէս եւ հրեշտակ հաւատարիմ որոց առաքեցին զնա՝ զանձինս յուսացելոց իւրոց շահի։

Verse: 14  Link to sept   Ո(ր)պ(էս) հո́ղմք եւ ամպք եւ անձրե́ւք սաստիկք. նո́յնպէս են եւ որ պարծին ՛ի տուրս ստու(թ)ե(ան)։

Verse: 15  Link to sept   Յերկայնմտու(թեն)է՝ յաջողութի(ւն) թագաւորի, լեզու արձակ փշրէ́ զոսկերս։

Verse: 16  Link to sept   Մե́ղր յորժամ գտանիցես որդեակ՝ չափո́վ կերիջիր. գուցէ́ յագիցիս՝ եւ փոխիցես։

Verse: 17  Link to sept   Մի́ կտրի յաճախեր ոտիւք քովք առ բարեկամ. գուցէ յագիցի քեւ, եւ ատիցէ զքեզ։

Verse: 18  Link to sept   Իբրեւ սուսեր եւ սլաք սրեալ, նո́յնպէս եւ որ վկայէ զբարեկամէ իւրմէ՝ վկայութի(ւն) ստու(թ)ե(ան)։

Verse: 19  Link to sept   Ճանապարհք չարի եւ ոտք անօրինի՝ կորիցեն յաւուր չարի։

Verse: 20  Link to sept   Որ հանէ զբաճկոն յաւուր ցրտոյ. ո(ր)պ(էս) քացախ՝ վիրի անօգո́ւտ է, նո́յնպէս հասեալ ցաւք մարմնոյ տրտմեցուցանեն զսիրտ։ Իբրեւ ցեց հանդերձի՝ եւ որդն փայտի, նո́յնպէս սրտմտու(թ)ի(ւն) վնասակա́ր է սրտի առն։

Verse: 21  Link to sept   Եթէ քաղցեալ է թշնամին քո՝ կերակրեա́ զնա. եւ եթէ ծարաւի՝ տո́ւր նմա ըմպել։

Verse: 22  Link to sept   Զայս իբրեւ առնես՝ կայծակունս հրոյ կուտես ՛ի վ(ե)ր(այ) գլխոյ ն(ո)ր(ա)։ եւ տ(է)ր հատուսցէ քեզ բարութի(ւն)։

Verse: 23  Link to sept   Հո́ղմ հիւսւսոյ զամպս յարուցանէ. եւ երեսք լիրբք զլեզու գրգռեն։

Verse: 24  Link to sept   Լա́ւ է բնակել առ անկեան տամալոջ, քան ընդ կնոջ բամբասողի ՛ի տան միում։

Verse: 25  Link to sept   Ո(ր)պ(էս) ջուր ցուրտ անձին ծարաւոյ ախորժելի́ է, նո́յնպէս աւետիք բարեաց յերկրէ հեռաստանէ։

Verse: 26  Link to sept   Ո(ր)պ(էս) թէ ոք զակն աղբեւր խնուցու. եւ զգնացս ջուրց ապականիցէ, նո́յնպէս տգե́ղծ է արդարոյ անկանել առաջի ամպարշտի։

Verse: 27  Link to sept   Մեղր շա́տ ուտել չէ́ բարւոք. բայց յարգե́լ պարտ է զբանս պատուականս։

Verse: 28  Link to sept   Ո(ր)պ(էս) քաղաք կործանեալ ՛ի պարսպաց, նո́յնպէս եւ այր որ ո́չ խորհրդով ինչ գործիցէ։


Chapter: 26 
ԳԼ(ՈՒԽ) Ի՜.


Verse: 1  Link to sept   Որպէս ցօղ ամարայնի եւ անձրեւ ՛ի հունձս, նոյնպէս ո́չ յարգոյ անզգամի պատիւ։

Verse: 2  Link to sept   Ո(ր)պ(էս) թռչունք եւ ճնճղուկք թռանին, նո́յնպէս անէծք զուր ումեք ո́չ ելանեն։

Verse: 3  Link to sept   Ո(ր)պ(էս) մտրա́կ ձիոյ եւ խթան իշոյ, նո́յնպէս եւ գաւազան ազգի անմտի։

Verse: 4  Link to sept   Մի́ տար պատասխանի անզգամի ըստ ն(ո)ր(ա) անզգամու(թ)ե(ա)ն. զի մի́ լինիցիս նմանօղ նմա։

Verse: 5  Link to sept   Այլ տո́ւր նմա պատասխանի ը(նդ) անզգամու(թ)ե(ան) ն(ո)ր(ա). զի մի́ իմաստնագոյն երեւեսցի յանձն իւր։

Verse: 6  Link to sept   Ճանապարհաց իւրոց նախատինս առնէ, որ առաքէ զբան ՛ի ձեռն անմիտ հրեշտակի։

Verse: 7  Link to sept   Կարճեա́ զգնացս ոտից, եւ զառակս ՛ի բերանոյ անզգամի։

Verse: 8  Link to sept   Որ դնէ քար ՛ի պարսատիկս՝ նման է առն որ դնէ պատիւ անմտի։

Verse: 9  Link to sept   Փշալի́ց լինին ձեռք արբեցողի. եւ ծառայու(թ)ի(ւն) ՛ի ձե́ռս անզգամի։

Verse: 10  Link to sept   Բ(ա)զ(ու)մ ծուփս ծփին ա(մենայ)ն մարմինք անզգամաց. զի խորտակին յիմարութի(ւն)ք ն(ո)ց(ա)։

Verse: 11  Link to sept   Ո(ր)պ(էս) շուն յորժամ դառնա́յ ՛ի փոխած իւր եւ ատելի́ լինի, նո́յնպէս անզգամն իւրովք չարեօք՝ յորժամ դառնայցէ անդրէն ՛ի մեղս իւր։ Է́ ամօթ որ ածէ զմեղս, եւ է ամօթ որ ածէ զփառս եւ զշնորհս։

Verse: 12  Link to sept   Տեսի այր յա́նձն իւր պանծացեալ թէ իմաստո́ւն իցէ. բայց յոյս գոյր յանզգամին քան ՛ի նմա։

Verse: 13  Link to sept   Զվա́տ յորժամ յուղի առաքես, ասէ՝ առեւծ ունի զճանապարհս, եւ զհրապարակս սպանօղք։

Verse: 14  Link to sept   Ո(ր)պ(էս) գուրք շրջին ՛ի ծղխնւոջ, նո́յնպէս վատ ՛ի մահիճս իւր։

Verse: 15  Link to sept   Թաքուցանէ վատ զձեռս իւր ՛ի ծո́ց իւրում, եւ ՛ի բերան իւր դանդաղի́ տանել։

Verse: 16  Link to sept   Իմաստնագոյն թուի անձին իւրում վատ, քան զայն որ զմեծութե(ան) աւետիս բերիցէ։

Verse: 17  Link to sept   Որպէս որ բուռն հարկանիցէ զշան ձետոյ, նոյնպէս եւ մարդ որ անկանի յայլո́յ դատաստան։

Verse: 18  Link to sept   Ո(ր)պ(էս) փորձիչք որ ընդհարկանեն բա́նս ՛ի մարդկանէ, եւ որ վաղվաղէ ընդդէմ բանից՝ նախ նա ընկճի.

Verse: 19  Link to sept   նոյնպէս ամենեքեան որ դարանակալ լինին բարեկամաց իւրեանց. եւ յորժամ յանդիմանին, ասեն՝ մեք ընդ խա́ղ արարաք։

Verse: 20  Link to sept   ՛Ի բազում փայտից զուարթանա́յ հուր. եւ ուր ո́չ գոյ երկմիտ՝ դադարէ կռիւ։

Verse: 21  Link to sept   Կրակարանք կայծականց, եւ փայտ հրոյ. եւ ա́յր բանսարկու առ ՛ի յուղե́լ զկռիւ։

Verse: 22  Link to sept   Բանք սուտակասպասաց կակո́ւղ են, բայց արկանեն ՛ի շտեմարանս մարտի։

Verse: 23  Link to sept   Որ տա́յ արծաթ նենգութ(եամ)բ, իբրեւ ընդ խեցի համարեալ է։ շրթունք ողորկք ծածկե́ն զսիրտս տրտմագինս։

Verse: 24  Link to sept   Շրթամբք իւրովք յայտնի առնէ ա(մենայ)ն որ լա́յ զթշնամի. եւ ՛ի սրտի իւրում նիւթէ զնենգութի(ւն)։

Verse: 25  Link to sept   Եթէ աղաչիցէ զքեզ թշնամի, եւ ՛ի ձա́յն բարձր աղերսիցէ՝ մի́ հաւատար նմա. զի եւթն չարիք կան ՛ի սրտի նորա։

Verse: 26  Link to sept   Որ խղխայթէ զթշնամութի(ւն), յայտ առնէ զնենգու(թ)ի(ւն). սուզանէ́ զվնաս իւր բանգէտն յատենի։

Verse: 27  Link to sept   Որ փորէ́ խորխորատ ընկերի իւրում՝ ինքն լցցէ զնա. եւ որ գլէ վէմ՝ յանձն իւր գլեսցէ։

Verse: 28  Link to sept   Լեզո́ւ սուտ՝ ատեայ զճշմարտու(թ)ի(ւն). բերան անդադար՝ գործէ խռովու(թ)ի(ւն)ս։


Chapter: 27 
ԳԼ(ՈՒԽ) Ի՜.


Verse: 1  Link to sept   Մի́ պարծիր առ վաղիւն, զի ո́չ գիտես զինչ ծնանիցի քեզ վաղիւն։

Verse: 2  Link to sept   Գովեսցէ զքեզ ընկերն՝ եւ մի́ քո բերան, օտարն՝ եւ մի́ քո շրթունք։

Verse: 3  Link to sept   Քար՝ ծանր է, եւ աւազ դժուարին առ ՛ի բառնալ. բայց բարկու(թ)ի(ւն) անզգամի ծանրագո́յն է քան զերկոսեան։

Verse: 4  Link to sept   Անողորմ է սրտմտութի(ւն), եւ սաստի́կ է բարկու(թ)ի(ւն). այլ ոխակալն եւ ո́չ իմիք ժուժկալէ։

Verse: 5  Link to sept   Լա́ւ է յայտնութի(ւն) յանդիմանութե(ան)՝ քան զբարեկամու(թ)ի(ւն) ՛ի ծածուկ։

Verse: 6  Link to sept   Լա́ւ են հարուածք բարեկամի, քան զկամակոր համբոյրս թշնամւոյ։

Verse: 7  Link to sept   Անձն յագեալ՝ զխորիսխ եւ զմեղր արհամարհէ. բայց անձին կարօտելոյր եւ դառն իբրեւ զքաղցր թուի։

Verse: 8  Link to sept   Ո(ր)պ(էս) թռչուն որ թռանի ՛ի բունոյ իւրմէ, նո́յնպէս եւ մարդ ստրկանայ՝ յորժամ օտարանայ յիւրմէ տեղւոյ։

Verse: 9  Link to sept   Իւղո́վ եւ խնկով եւ գինւով զուարճանայ սիրտ. եւ բեկանի ՛ի տրտմութ(են)է անձն։

Verse: 10  Link to sept   Զբարեկամ քո, եւ զբարեկամ հայրենի մի́ թողուր. եւ ՛ի տուն եղբօր քոյ մի́ մտաներ թշուառացեալ։ Լա́ւ է բարեկամ մերձաւոր, քան եղբայր ՛ի հեռաստանէ բնակեալ։

Verse: 11  Link to sept   Իմաստո́ւնս լեր որդեակ՝ զի ուրախ լիցի սիրտ քո. եւ դարձո́ ՛ի քէն զբանս նախատանաց։

Verse: 12  Link to sept   Խորագէտն ՛ի գա́լ չարեաց ղօղեաց. եւ անզգամք ընդ առաջ երթեալ ՛ի տո́յժս անկցին։

Verse: 13  Link to sept   Զե́րծ ՛ի նմանէ զհանդերձս ն(ո)ր(ա), զի անց թշնամանադիրն. քանզի նա զայլոյն ապականէր։

Verse: 14  Link to sept   Որ գովէ զբարեկամ ընդ առաւօտս բարձր ձայնիւ՝ քան զանիծանօղն ո́չինչ առաւել համարեսցի։

Verse: 15  Link to sept   Կաթիլ հանէ զմարդ ՛ի տանէ իւրմէ յաւուր ձմերայնոյ. նո́յնպէս եւ կին անզգամ ՛ի տանէ իւրմէ զայր։

Verse: 16  Link to sept   Խի́ստ հողմ է հիւսւսի. բայց անուամբ աջոյ կոչի։

Verse: 17  Link to sept   Երկաթ զերկաթ խարտէ. եւ այր գրգռէ զերեսս ընկերի։

Verse: 18  Link to sept   Որ տնկէ́ թզենի՝ կերիցէ́ զպտուղ ն(ո)ր(ա), եւ որ պահէ զտէր իւր՝ պատուեսցի։

Verse: 19  Link to sept   Ո(ր)պ(էս) ո́չ են նման երեսք երեսաց, նոյնպէս եւ ո́չ սիրտք մարդկան սրտից նման են։

Verse: 20  Link to sept   Դժոխք եւ կորուստ՝ անյա́գ են. նոյնպէս եւ աչք՝ ագա́հք մարդոյ։ պի́ղծ է առաջի տ(եառ)ն որ արձակէ զաչս, եւ անխրատ՝ եւ ցոփ լեզուաւ։

Verse: 21  Link to sept   Փո́րձ արծաթոյ եւ ոսկւոյ ՛ի բովս. եւ այր՝ փորձի ՛ի բերանոյ գովչաց իւրոց։ Սիրտ անօրինի խնդրէ զչարիս. եւ սիրտ ուղիղ՝ խնդրէ զգիտութի(ւն)։

Verse: 22  Link to sept   Եթէ հարկանես զանզգամ ՛ի մէջ ատենի եւ անարգես զնա. սակայն ո́չ մերժես զանզգամու(թ)ի(ւն) ՛ի նմանէ։

Verse: 23  Link to sept   Խելամտու(թեամ)բ խելամուտ լիցես անձանց խաշանց քոց, եւ հաստատեսցես զսիրտ քո ՛ի վերայ երամակաց քոց։

Verse: 24  Link to sept   զի ո́չ յաւիտեան է առն ոյժ, եւ զօրու(թ)ի(ւն), եւ իշխանու(թ)ի(ւն). եւ ո́չ տուեալ են նմա ազգաց յազգս։

Verse: 25  Link to sept   Խնա́մ կալ բանջարոյ ՛ի դաշտի, եւ հնձեսցես խոտ. եւ ժողովեա́ զխոտ դալար.

Verse: 26  Link to sept   զի եղիցին քեզ ոչխա́րք ձորձաբերք. դարմանեա́ զդաշտս՝ զի եղիցին քեզ գառինք։

Verse: 27  Link to sept   Որդեակ՝ յինէն ուսիր զպատգամս զօրաւորս ՛ի կեանս տա́ն քոյ եւ ՛ի կեանս բարեկամաց քոց։


Chapter: 28 
ԳԼ(ՈՒԽ) Ի՜.


Verse: 1  Link to sept   Փախուցեալ է ամպարիշտն առա́նց ուրուք հալածելոյ. իսկ արդարն՝ իբրեւ զառեւծ յա́նձն ապաստա́ն է։

Verse: 2  Link to sept   Վ(ա)ս(ն) մեղաց ամպարշտաց դատաստանք յուզին. եւ այր խորագէտ շիջուցանէ զնա։

Verse: 3  Link to sept   Հզօրն առ ամպարշտութե(ան) իւրում զրպարտէ զտնանկս։ Որպէս անձրեւ սաստիկ եւ անշահ.

Verse: 4  Link to sept   նո́յնպէս եւ որ թողուն զօրէնս, եւ գովեն զանօրէնութի(ւն)։ իսկ որ սիրեն զօրէնս՝ պատեն զինքեամբ պարիսպ։

Verse: 5  Link to sept   Արք չարք ո́չ առնուն ՛ի միտ զիրաւունս. իսկ որ խնդրեն զտ(է)ր՝ խելամուտ լիցին ա(մենայ)նի։

Verse: 6  Link to sept   Լա́ւ է աղքատ՝ որ գնայ ճշմարութ(եամ)բ, քան զմեծատուն սուտ։

Verse: 7  Link to sept   Պահէ́ զօրէնս որդի իմաստուն. իսկ որ արածէ զոր կորստու(թ)ի(ւն)՝ անարգէ զհայր իւր։

Verse: 8  Link to sept   Որ լնու զտուն իւր ՛ի տոկոսեաց եւ ՛ի վաշխից, ժողովէ այնմիկ որ ողորմի աղքատաց։

Verse: 9  Link to sept   Որ խոտորեցուցանէ զունկն իւր՝ չլսէ օրինաց. եւ ինքն զի́ւր ուխտս պղծէ։

Verse: 10  Link to sept   Որ մոլորեցուցանէ զուղիղս չար ճանապարհաւ, ինքն անկցի յապականու(թ)ի(ւն)։ Անբիծք բաժանեսցեն զբարութի(ւն)ս. եւ անօրէնք անցցեն առ բարութ(եամ)բք, եւ մի́ մտցեն ՛ի ն(ո)ս(ա)։

Verse: 11  Link to sept   Իմաստուն թուի անձին իւրում այր մեծատուն. եւ աղքատ հանճարեղ ստգտանէ զնա։

Verse: 12  Link to sept   Վ(ա)ս(ն) օգնականութե(ան) արդարոց՝ բազում լինին փառք, եւ ՛ի տեղիս ամպարշտաց՝ սատակի́ն մարդիկ։

Verse: 13  Link to sept   Որ ծածկէ զամպարշտու(թ)ի(ւն)ն իւր՝ ո́չ յաջողեսցի. իսկ որ ՛ի վե́ր հանէ եւ յանդիմանէ՝ սիրելի́ լիցի։

Verse: 14  Link to sept   Երանի́ իցէ առն որ արհամարհիցէ զա(մենայ)ն վ(ա)ս(ն) երկիւղածու(թ)ե(ան). իսկ խիստն սրտիւ, անկցի ՛ի չարիս։

Verse: 15  Link to sept   Առեւծ քաղցեալ եւ գայլ ծարաւի. որ աղքատ է՝ եւ բուռն լինիցի ազգի տնանկի։

Verse: 16  Link to sept   Թագաւոր կարօտ մտօք՝ մե́ծ զրպարտօղ. իսկ որ ատեայ զանիրաւու(թ)ի(ւն)՝ երկայնակեաց լիցի։

Verse: 17  Link to sept   Այր որ զմահապա́րտ յերաշխի առնու, փախստական լինի եւ ո́չ ՛ի հաստատու(թ)ե(ան)։ Խրատեա́ զորդի քո, եւ հանգուսցէ զքեզ, եւ տացէ զարդ անձին քում. եւ ո́չ հնազանդի ընդ ազգի անօրինի։

Verse: 18  Link to sept   Որ գնայ արդարութ(եամ)բ՝ գտցէ օգնականութի(ւն). իսկ որ ելանէ ՛ի թեւր ճանապարհ՝ նովին վարակեսցի։

Verse: 19  Link to sept   Որ գործէ զերկիր իւր՝ լցցի հացի́ւ. եւ որ զհետ երթայ դատարկու(թ)ե(ան)՝ լցցի տնանկու(թեամ)բ։

Verse: 20  Link to sept   Այր հաւատարիմ օրհնեսցի́ յոյժ. եւ չարագործն ՛ի պատուհասէ մի́ ապրեսցի։ Որ ո́չ պատկառէ յերեսաց արդարոց՝ չէ́ գովելի։

Verse: 21  Link to sept   Որ ակն ածէ զերեսս անօրինաց յանդիմանել՝ չէ́ բարւոք։ այնպիսին պատառո́յ հացի վաճառէ զմարդ։

Verse: 22  Link to sept   Փութայ մեծանալ այր չարակն, եւ ո́չ գիտէ՝ թէ ողորմածն յաղթէ նմա։

Verse: 23  Link to sept   Որ յանդիմանէ զայր ՛ի ճանապարհս իւր, շնորհակալութի(ւն) գտանէ քան զսուտակասպասն լեզուաւ։

Verse: 24  Link to sept   Որ մերժէ զհայր կամ զմայր՝ եւ համարիցի չմեղանչել, կցո́րդ է նա արանց ամպարշտաց։

Verse: 25  Link to sept   Այր ագահ գրգռէ́ զհակառակու(թ)ի(ւն). իսկ որ յուսացեալ է ՛ի տ(է)ր՝ ընդ խնամո́վ կեցցէ։

Verse: 26  Link to sept   Որ յուսացեալ է ՛ի յանդգնու(թ)ի(ւն) սրտի՝ նա անզգա́մ է. իսկ որ գնայ իմաստու(թեամ)բ՝ ապրեսցի։

Verse: 27  Link to sept   Որ տայ աղքատաց՝ ո́չ կարօտասցի. իսկ որ դարձուցանէ զակն իւր ՛ի նոցանէ՝ ՛ի բազում կարօտու(թ)ե(ան) եղիցի։

Verse: 28  Link to sept   ՛Ի տեղիս ամպարշտաց հեծե́ն արդարք. բայց ՛ի նոցա կորստեան բազմանան արդարք։


Chapter: 29 
ԳԼ(ՈՒԽ) Ի՜.


Verse: 1  Link to sept   Լա́ւ է այր յանդիմանիչ՝ քան զայր խստապարանոց. զի յանկարծակի հուր հարեալ զնովաւ՝ չլինիցի բժշկու(թ)ի(ւն)։

Verse: 2  Link to sept   ՛Ի գովու(թ)ե(ան) արդարոց՝ ուրա́խ եղիցին ժողովուրդք. ընդ իշխանու(թ)ի(ւն)ս ամպարշտաց՝ հեծեն արդարք։

Verse: 3  Link to sept   Առն իմաստասիրի՝ ուրա́խ առնի հայր իւր. իսկ որ զբոզս արածէ, կորուսանէ զմեծու(թ)ի(ւն)։

Verse: 4  Link to sept   Թագաւոր արդար՝ կանգնէ զաշխարհ. եւ այր անօրէն կործանէ։

Verse: 5  Link to sept   Որ կազմէ կռիւս յերեսս բարեկամի իւրոյ, պատահեսցէ հաղբս զոտիւք իւրովք։

Verse: 6  Link to sept   Առն մեղւորի որոգայթ սաստիկ դիցի. իսկ արդարն՝ յուրախութե(ան) եւ ՛ի խնդութե(ան) եղիցի։

Verse: 7  Link to sept   Գիտէ́ արդար դատել զտնանկս. իսկ ամպարիշտն գիտու(թ)ե(ան) ո́չ խելամտէ։ եւ աղքատի՝ ո́չ գտանին միտք իրաւախոհք։

Verse: 8  Link to sept   Արք անօրէնք հո́ւր հարին զքաղաքէ. եւ իմաստունք դարձուցին զբարկու(թ)ի(ւն)։

Verse: 9  Link to sept   Այր իմաստուն դատի զազգս. եւ այր անզգամ ՛ի բարկանալ իւրում ծա́ղր լինի՝ եւ ո́չ ակնածէ։

Verse: 10  Link to sept   Արք արեանց՝ ատեան զարդար. իսկ ուղիղք փափաքեսցեն յանձն ն(ո)ր(ա)։

Verse: 11  Link to sept   Զա(մենայ)ն բարկու(թ)ի(ւն) իւր միանգամայն թափէ անզգամ. իսկ իմաստունն մեղմով համբերէ։

Verse: 12  Link to sept   թագաւոր՝ որ ունկնդի́ր է բանից անիրաւութե(ան), ամենեքեան որ ը(նդ) նովաւ են՝ անօրէնք են։

Verse: 13  Link to sept   Փոխատուի եւ փոխառուի ՛ի մի́ վայր հասելոց, երկոցունց հանդէս առնէ տ(է)ր։

Verse: 14  Link to sept   Թագաւոր յորժամ ճշմարտու(թեամ)բ դատիցի զտնանկս, աթոռ ն(ո)ր(ա) ՛ի վկայու(թ)ի(ւն) հաստատեսցի։

Verse: 15  Link to sept   Գա́նք եւ կշտամբանք տան զիմաստու(թ)ի(ւն). մանուկ մոլորեալ՝ յամօ́թ առնէ զծնօղս իւր։

Verse: 16  Link to sept   ՛Ի բազմանալ ամպարշտաց՝ յաճախեն մեղք. իսկ արդարք ՛ի ն(ո)ց(ա) կործանելն՝ զահի́ հարկանին։

Verse: 17  Link to sept   Խրատեա́ զորդի քո՝ եւ հանգուսցէ զքեզ, եւ տացէ զա́րդ անձին քում։

Verse: 18  Link to sept   Ո́չ գտցի առաջնորդ ազգի անօրինի. իսկ որ պահէ զօրէնս՝ երանելի́ է։

Verse: 19  Link to sept   Բանիւք ո́չ խրատի ծառայ խիստ. թէպէտ եւ իմանայցէ չդնէ յունկան։

Verse: 20  Link to sept   Յորժամ տեսանիցես զայր յանդուգն բանիւք, գիտասջի́ր զի յո́յս գոյ յանզգամին քան ՛ի նմա։

Verse: 21  Link to sept   Որ փափկասուն լինի ՛ի մանկութ(են)է, ՛ի ծառայու(թ)ի(ւն) մատնեսցի. եւ յետոյ մորմոքեսցի յանձն իւր։

Verse: 22  Link to sept   Այր անզգամ փորէ զհակառակութի(ւն)։ այր հեզ՝ դարձոյց զմեղս. եւ այր բարկացօղ փորեաց զմեղս։

Verse: 23  Link to sept   Ամբարտաւանութի(ւն) զայր նկո́ւն առնէ. իսկ զխոնարհս փառաւոր առնէ տ(է)ր։

Verse: 24  Link to sept   Որ բաժանակից լինի գողոց՝ ատեայ զանձն, որք յորժամ երդումն առաջի դիցի՝ լուեալ եւ ո́չ պատմիցեն,

Verse: 25  Link to sept   եւ առ երկեւղի եւ ամօթոյ մարդկան յայտնիցեն եւ կործանեսցին. իսկ որ յուսացեալ է ՛ի տ(է)ր ուրա́խ լիցի։ Ամպարշտու(թ)ի(ւն) առն ածէ գայթագղութի(ւն), եւ որ յուսայ ՛ի տ(է)ր՝ ապրեսցի։

Verse: 26  Link to sept   Բազումք ողոքեն զերեսս իշխանաց. բայց ՛ի տ(եառն)է ելանեն իրաւունք առն։

Verse: 27  Link to sept   Պի́ղծ է արդարոյ այր անօրէն, եւ պի́ղծ է անօրինի՝ ուղիղ ճանապարհ։


Chapter: 31* 
ԳԼ(ՈՒԽ) Լ՜.


Verse: 10  Link to sept   Կին ժրագլուխ եթէ գտանիցի, պատուականագո́յն է այնպիսին քան զականս պատուականս։

Verse: 11  Link to sept   Վստա́հ է ՛ի նա սիրտ առն իւրոյ. այնպիսին աւարաց երբէք ոչ կարօտասցի։

Verse: 12  Link to sept   Գործակից է առն իւրում ա(մենայ)ն բարեաց եւ կենաց՝ եւ ո́չ չարեաց։

Verse: 13  Link to sept   Գտեալ ա́սր եւ կտաւ՝ արար անօթս պիտանիս ձեռօք իւրովք։

Verse: 14  Link to sept   եւ եղեւ իբրեւ զնաւ շահաբեր. ՛ի հեռաստանէ ժողովէ իւր գանձս։

Verse: 15  Link to sept   Յառնէ ընդ արշալուրշս, եւ տայ կերակուր ընտանեաց, եւ գործ նաժշտաց։

Verse: 16  Link to sept   Տեսանէ զանդ գեղեցիկ՝ եւ գնէ զնա, եւ ՛ի պտղոյ ձեռաց իւրոց գործէ́ զերկիր։

Verse: 17  Link to sept   Գօտի ածեալ հաստատու(թեամ)բ ընդ մէջ իւր՝ մխեաց զբազուկս իւր ՛ի գործ,

Verse: 18  Link to sept   եւ ճաշակեաց՝ զի քա́ղցր է գործել, եւ ո́չ շիջանի ճրագ ՛ի նմանէ զա(մենայ)ն գիշեր։

Verse: 19  Link to sept   Զձեռս իւր ձգէ յօգուտ, եւ զմատունս իւր անձանձրո́յթ տայ ՛ի լոյս։

Verse: 20  Link to sept   Զձեռս իւր ը(նդ)արձակեաց աղքատաց, եւ կարկառ պտուղ տնանկին։

Verse: 21  Link to sept   Ո́չինչ հոգայ ՛ի տանէ կողմանէ այր ն(ո)ր(ա) յորժամ ուրեք յամիցի. զի ա(մենայ)նքին որ զնովաւ են, զգեցեալեն կրկին պատմուճանս։

Verse: 22  Link to sept   Արա́ր առն իւրում բեհեղս եւ ծիրանիս, եւ անձին իւրում արկանելի́ս։

Verse: 23  Link to sept   Եւ երեւելի́ է ՛ի դրունս այր ն(ո)ր(ա) յորժամ նստիցի ՛ի ժողովրդեան ՛ի մէջ ծերոց եւ բնակչաց երկրի։

Verse: 24  Link to sept   Կտա́ւս արար եւ վաճառեաց, եւ արկանելի́ս քանանացւոց։

Verse: 25  Link to sept   Զբերան իւր եբաց չափո́վ եւ իմաստու(թեամ)բ. եւ կա́րգ եդ լեզուի իւրում։

Verse: 26  Link to sept   Զզօրու(թ)ի(ւն) եւ զմեծ վայելչու(թ)ի(ւն) զգեցաւ. եւ ուրա́խ եղեւ յաւուրս յետինս։

Verse: 27  Link to sept   Պարկե́շտ են ճանապարհք տան նորա. հաց դատարկու(թ)ե(ան) ո́չ եկեր։

Verse: 28  Link to sept   Եւ ողորմածու(թ)ի(ւն)ք ն(ո)ր(ա) կանգնեցին զորդիս ն(ո)ր(ա) եւ մեծացուցին։ Եւ այր ն(ո)ր(ա) գովէ զնա՝ եւ ասէ։

Verse: 29  Link to sept   Բազում դստերք ստացան զմեծութի(ւն). բազո́ւմք արարին զօրու(թ)ի(ւն). բայց դու առաւել եղեր՝ եւ անցուցեր զամենեքումբք։

Verse: 30  Link to sept   Սուտ հաճութի(ւն)ք, եւ ընդունայն գե́ղ կնոջ ո́չ գոյ ՛ի քեզ. զի կին իմաստուն եւ բարեպաշտօն օրհնեսցի։ Զերկիւղածս տ(եառ)ն պատուեսցէ նա.

Verse: 31  Link to sept   տո́ւք նմա ՛ի պտղոյ շրթանց ն(ո)ր(ա). եւ գովեսցի ՛ի դրունս այր ն(ո)ր(ա)։ Զի ճանապարհք առնն առաջի երեսաց իւրոց երթիցեն, եւ աջողեսցին յաւիտեանս յաւիտենից։






Book: Eccl. 
Ecclesiastes

entered by N. Čanṭlaʒe,
Tbilisi, 2005;
TITUS version by J. Gippert,
Frankfurt a/M, 8.11.2005

ԲԱՆՔ ԺՈՂՈՎՈՂԻՆ

Chapter: 1 
ԳԼ(ՈՒԽ) Ա՜


Verse: 1  Link to sept   Որդւոյ Դաւթի թագաւորի իսրայէլի յե(րուսաղէ)մ. եկկլեսիաստէս։

Verse: 2  Link to sept   Ունայնու(թ)ի(ւն) ունայնութեանց ասաց ժողովօղն։ Ունայնու(թ)ի(ւն) ունայնութեանց ամ(ենայն) ինչ ընդունայն է։

Verse: 3  Link to sept   Զի՞նչ աւելի է մարդոյ յամ(ենայն) վաստակս իւր զոր տաժանի ընդ արեգակամբ։

Verse: 4  Link to sept   Ազգ երթայ եւ ազգ գայ՝ եւ երկիրս յաւիտեան կայ։

Verse: 5  Link to sept   Ծագէ́ արեգակն՝ եւ մտանէ արեգակն եւ ՛ի տեղի իւր ձգի։

Verse: 6  Link to sept   ՛Ի ծագել իւրում ելանէ ընդ հարաւ, եւ պատի ընդ հիւսւսիւ, պատելով պատի։ գնայ հողմ, եւ ՛ի շրջանս իւր դառնայ հողմ։

Verse: 7  Link to sept   Ամենայն ուխք ՛ի ծով գնան, եւ ծով ո́չ լնու։ ՛ի տեղի յոր ուխք գնան՝ անդ նոքին դառնան ՛ի գնալ։

Verse: 8  Link to sept   Ամ(ենայն) բան ջանիւ, եւ ո́չ կարասցէ այր խօսել։ ո́չ յագեսցի ակն տեսանելով, եւ ո́չ լցցի ունկն լսելով։

Verse: 9  Link to sept   Զի՞նչ է որ եղեւն, նոյն ինքն որ լինելոցն է. եւ զի՞նչ է որ արարաւն՝ նոյն ինքն որ առնելոցն է։

Verse: 10  Link to sept   Եւ ո́չ է ամ(ենայն) առժամայն ընդ արեգակամբ. զի զոր խօսիցի ոք՝ եւ ասիցէ՝ ահաւասիկ այս նոր է, վաղ իսկ եղեալ է ՛ի յաւիտենից եղելոցն նա́խ քան զմեզ։

Verse: 11  Link to sept   Ո́չ գոյ յիշատակ առաջնոցն. նա եւ ո́չ վերջնոցն որ լինելոց են. ո́չ գոյ յիշատակ ն(ո)ց(ա) ընդ լինելոցսն ՛ի վախճանի։

Verse: 12  Link to sept   Ե́ս եկլէսիաստէս եղէ թագաւոր ՛ի վ(ե)ր(այ) ի(սրաե)լի յե(րուսաղէ)մ.

Verse: 13  Link to sept   եւ ետու զսիրտ իմ խնդրել եւ խորհել իմաստու(թեամ)բ վ(ա)ս(ն) ամ(ենայն)ի որ եղեալ են ընդ արեգակամբ։ Զի զբաղումն չա́ր ետ ա(ստուա)ծ որդւոց մարդկան զբաղել ընդ արեգակամբ։

Verse: 14  Link to sept   Տեսի ես զամ(ենայն) արարեալս որ արարեալ են ՛ի ներքոյ արեգական. եւ ահա ամ(ենայն) ինչ ընդունայնու(թ)ի(ւն) է եւ յօժարու(թ)ի(ւն) ոգւոյ։

Verse: 15  Link to sept   Թիւրեալն՝ ո́չ կարասցէ զարդարել, եւ պակասեալն՝ ո́չ կարասցէ ՛ի թիւ անկանել։

Verse: 16  Link to sept   Խօսեցայ ՛ի սրտի իմում թէ առաւե́լ ես մեծացայ քան զամենեսեան որ էին յառաջ քան զիս յե(րուսաղէ)մ։ Եւ ետու զսիրտ իմ գիտել զիմաստու(թ)ի(ւն) եւ զգիտութի(ւն). եւ յաւելի յիմաստութի(ւն) քան զամենեսեան, որ յառաջ եղեն քան զիս յե(րուսաղէ)մ։

Verse: 17  Link to sept   Եւ սիրտ իմ ետես բազում իմաստու(թ)ի(ւն)՝ եւ գիտութի(ւն). զառակս եւ զիմաստութի(ւն) գիտացի ես. զի սակայն եւ այս յօժարու(թ)ի(ւն) ոգւոյ է։

Verse: 18  Link to sept   Զի բազմու(թ)ի(ւն) իմաստութե(ան) բազմու(թ)ի(ւն) գիտու(թ)ե(ան). եւ որ յոլովեաց ՛ի գիտու(թ)ի(ւն) յաւելցէ ՛ի ցաւս.



Chapter: 2 
ԳԼ(ՈՒԽ) Բ՜.


Verse: 1  Link to sept   Ասացի ես ՛ի սրտի իմում. ե́կ եւ փորձեցից զքեզ յուրախութե(ան). եւ տեսից ՛ի բարութե(ան)։ եւ ահա եւ այս ինքն ունայնութի(ւն) է։

Verse: 2  Link to sept   Ծաղուն ասացի զբօսանս. եւ ուրախութե(ան)ն զի՞ գործես զայդ։

Verse: 3  Link to sept   Եւ խորհեցայ թէ սիրտ իմ ձգեսցէ իբրեւ զգինի զմարմին իմ։ եւ սիրտ իմ առաջնորդեաց իմաստութ(եամ)բ. եւ զօրանալ յուրախու(թ)ե(ան) մինչեւ տեսից ո՞ր իցէ բարին որդւոց մարդկան զոր արասցեն ՛ի ներքոյ արեգական, ՛ի թիւ աւուրց կենաց իւրեանց։

Verse: 4  Link to sept   Յաճախեցի ինձ արարս, շինեցի ինձ ապարանս, տնկեցի ինձ այգիս։

Verse: 5  Link to sept   Արարի ինձ պարտէզս եւ դրախտս, եւ տնկեցի ՛ի նոսա փայտս ամենաբերս։

Verse: 6  Link to sept   Արարի́ ինձ աւազանս ջուրց արբուցանել ՛ի նոցանէ զանտառախիտս մայրեաց։

Verse: 7  Link to sept   Ստացայ ծառայս եւ աղախնայս՝ եւ ընդոծինք եղեն ինձ։ եւ ստացուածք անդւոց եւ հօտից բազում եղեն ինձ քան զամենեցուն որ յառաջ եղեալ էին քան զիս յե(րուսաղէ)մ։

Verse: 8  Link to sept   Ժողովեցի ինձ արծաթ եւ ոսկի. եւ ստացուածս բազումս զթագաւորաց եւ զգաւառաց։ Արարի ինձ գուսանս եւ երգեցիկս՝ արս եւ կանայս, եւ զփափկութի(ւն)ս որդւոց մարդկան։ արարի ինձ տակառապետս՝ արս եւ կանայս։

Verse: 9  Link to sept   եւ մեծացա́յ առաւել քան զամենեսին որ յառաջ էին քան զիս յե(րուսաղէ)մ, նաեւ իմասաութի(ւն) յաւելաւ ինձ։

Verse: 10  Link to sept   Եւ զամենայն զոր ինչ խնդրեցին աչք իմ, ո́չ զրկեցի ՛ի նոցանէն, եւ ո́չ արգելի զսիրտ իմ յամենայն ուրախութ(են)է։ Զի սիրտ իմ ուրախ եղեւ յամ(ենայն) վաստակս իմ. եւ այս եղեւ բաժին իմ յա(մենայ)ն վաստակոց իմոց։

Verse: 11  Link to sept   Եւ հայեցա́յ ես յամ(ենայն) արարս իմ զոր արարին ձեռք իմ, եւ ՛ի վաստակս զոր վաստակեցայ առնել, եւ ահա ամ(ենայն) ընդունայնու(թ)ի(ւն) է եւ յօժարու(թ)ի(ւն) ոգւոյ. եւ ո́չինչ է առաւելու(թ)ի(ւն) ՛ի ներքոյ արեգական։

Verse: 12  Link to sept   Եւ հայեցայ ես տեսանե́լ զիմաստու(թ)ի(ւն), եւ զբօսանս, եւ զանզգամութի(ւն), եթէ ո՞վ է մարդ որ երթիցէ զհետ խորհրդոյն զոր ինչ արար։

Verse: 13  Link to sept   Եւ տեսի ես եթէ է առաւելութի(ւն) իմաստու(թ)ե(ան) քան անմտութե(ան). ո(ր)պ(էս) է առաւելու(թ)ի(ւն) լուսոյ քան զխաւարի։

Verse: 14  Link to sept   Իմաստնոյն աչք իւր ՛ի գլուխ իւրում, եւ որ անմիտն է՝ ընդ խաւար գնայ։ Եւ գիտացի ես թէ պատահար մի́ պատահելոց է ամենեցուն ն(ո)ց(ա)։

Verse: 15  Link to sept   Եւ ասացի ես ՛ի սրտի իմում. թէ ո(ր)պ(էս) պատահարն անզգամին՝ եւ ինձ պատահեսցէ նոյն, եւ ընդէ՞ր իմաստնացայ։ Եւ զաւելորդս խօսեցայ ՛ի սրտի իմում. զի եւ ա́յս իսկ ունայնու(թ)ի(ւն) է։ զի անզգամն ՛ի յաւելորդաց անտի խօսի։

Verse: 16  Link to sept   վ(ա)ս(ն) զի ո́չ գոյ յիշատակ իմաստնոյն ընդ անզգամի յաւիտեան. զի արդարեւ իսկ յաւուրցն որ գալոց են ամ(ենայն) ինչ մոռացօնք են։ եւ զիա՞րդ մեռանիցի իմաստունն ընդ անմտին։

Verse: 17  Link to sept   Եւ ատեցի ես զկեանս իմ. զի չար էր ինձ արարածն, որ արարեալն էր ՛ի ներքոյ արեգական. զի ամ(ենայն) ինչ ունայնու(թ)ի(ւն) է եւ յոժարու(թ)ի(ւն) ոգւոյ.

Verse: 18  Link to sept   Եւ ատեցի ես զամ(ենայն) վաստակս իմ զոր ջանացայ ը(նդ) արեգակամբ, զի թողում ես զնա մարդոյ՝ որ լինելոց է յետ իմ։

Verse: 19  Link to sept   Եւ ո՞վ գիտէ՝ իմաստուն լինիցի թէ անմիտ. եւ կամ իշխելո՞ց իցէ ամ(ենայն) վաստակոցն իմոց զոր եսն վաստակեցի, եւ յորս իմաստնացայ ընդ արեգակամբ։ սակայն եւ այս ունայնու(թ)ի(ւն) է։

Verse: 20  Link to sept   Եւ դարձայ ես հրաժարեալ սրտիւ իմով, յամ(ենայն) վաստակոց իմոց զոր վաստակեցի ընդ արեգակամբ։

Verse: 21  Link to sept   Զի է́ մարդ՝ զի վաստակ ն(ո)ր(ա) իմաստութ(եամ)բ եւ գիտութ(եամ)բ եւ արու(թեամ)բ. եւ մարդ՝ որ ո́չինչ վաստակեաց ՛ի նոյն՝ տացի՞ նմա մասն ն(ո)ր(ա)։ սակայն եւ այս ընդունայնու(թ)ի(ւն) է եւ չարութի(ւն) մեծ։

Verse: 22  Link to sept   Զի՞ լինի մարդոյն յամ(ենայն) վաստակս իւր, եւ ՛ի յօժարու(թ)ե(ան) սրտի իւրոյ՝ յորում ինքն ջանայ ՛ի ներքոյ արեգական։

Verse: 23  Link to sept   Զի ամ(ենայն) աւուրք ն(ո)ր(ա) ցաւոց, եւ տրտմու(թ)ե(ան) զբօսանք իւր, եւ գիշերի ո́չ ննջէ սիրտ ն(ո)ր(ա)։ սակայն եւ այս ընդունայնութի(ւն) է։

Verse: 24  Link to sept   Եւ ո́չ գոյ բարի ինչ մարդոյ, բայց զոր ուտեն՝ եւ ըմպէն. եւ եցոյց անձին իւրում բարիս ՛ի վաստակս իւր։ Սակայն եւ զայն տեսի́ զի ՛ի ձեռանէ ա(ստուծո)յ է.

Verse: 25  Link to sept   քանզի ո՞վ իցէ որ ուտիցէ եւ ըմպիցէ առանց ն(ո)ր(ա)։

Verse: 26  Link to sept   Զի մարդոյ բարւոյ՝ ետ զիմաստութի(ւն) եւ զգիտութի(ւն)՝ եւ զուրախութի(ւն)։ եւ մեղանչականին ետ զբազում եւ, յաճախել եւ ժողովել, եւ տալ բարւոյն առաջի երեսաց ա(ստուծո)յ։ Սակայն եւ այն ունայնու(թ)ի(ւն) է՝ եւ յօժարու(թ)ի(ւն) ոգւոյ։



Chapter: 3 
ԳԼ(ՈՒԽ) Գ՜.


Verse: 1  Link to sept   Ամենեցուն ժամանակ է՝ եւ ժամ ամ(ենայն) իրաց ՛ի ներքոյ երկնից։

Verse: 2  Link to sept   Ժամանակ ծնանելոյ, եւ ժամանակ մեռանելոյ։ Ժամանակ տնկելոյ, եւ ժամանակ խլելոյ զանկեալն։

Verse: 3  Link to sept   Ժամանակ սպանանելոյ, եւ ժամանակ բժշկելոյ։ Ժամանակ քակելոյ, եւ ժամանակ շինելոյ։

Verse: 4  Link to sept   Ժամանակ լալոյ, եւ ժամանակ ծիծաղելոյ։ Ժամանակ կոծելոյ, եւ ժամանակ կաքաւելոյ։

Verse: 5  Link to sept   Ժամանակ ցրելոյ քարինս, եւ ժամանակ ժողովելոյ քարինս։ Ժամանակ գիրկս արկանելոյ, եւ ժամանակ հեռանալոյ ՛ի զիրկս արկանելոյ։

Verse: 6  Link to sept   Ժամանակ խնդրելոյ, եւ ժամանակ կորուոանելոյ։ Ժամանակ պահելոյ, եւ ժամանակ արտաքս հանելոյ։

Verse: 7  Link to sept   Ժամանակ պատառելոյ, եւ ժամանակ կարկատելոյ։ Ժամանակ լռելոյ, եւ ժամանակա́խօսելոյ։

Verse: 8  Link to sept   Ժամանակ սիրելոյ, եւ ժամանակ ատելոյ։ Ժամանակ պատերազմի, եւ ժամանակ խաղաղու(թ)ե(ան)։

Verse: 9  Link to sept   Արդ՝ զի՞նչ առաւելու(թ)ի(ւն) է այնմ որ առն է որով ինքն ջանայ։

Verse: 10  Link to sept   Տեսի ես զա(մենայ)ն զբաղումն զոր ետ ա(ստուա)ծ որդւոց մարդկան զբաղնուլ ՛ի նմա։

Verse: 11  Link to sept   Ամենայն ինչ զոր գործեաց բարի է ՛ի ժամանակի իւրում։ նա՝ եւ զամ(ենայն) յաւիտեանս ետ ՛ի սիրտս ն(ո)ց(ա). զի մի́ գտցէ մարդ զարարածն զոր արար ա(ստուա)ծ իսկզբանէ մինչ ցկատարած։

Verse: 12  Link to sept   Գիտացի՝ թէ ո́չ գոյ բարի ՛ի ն(ո)ս(ա)՝ եթէ ո́չ ուրախ լինել՝ եւ գործել բարիս ՛ի կեանս իւրում.

Verse: 13  Link to sept   քանզի ամ(ենայն) մարդ՝ որ ուտիցէ եւ ըմպիցէ, եւ տեսանիցէ բարի յամ(ենայն) վաստակս իւր, այն պարգեւ ա(ստուծո)յ է։

Verse: 14  Link to sept   Գիտացի՝ թէ զամ(ենայն) զոր արար ա(ստուա)ծ՝ այն կայ յաւիտեան. ՛ի ն(ո)ս(ա) ոչինչ յաւելուլ, եւ ՛ի ն(ո)ց(ա)նէ ոչինչ գոյ պակասեցուցանել։ եւ արար ա(ստուա)ծ, զի երկիցեն յերեսաց ն(ո)ր(ա)։

Verse: 15  Link to sept   Որ ինչ եղեւն այն ահա կայ, եւ որ ինչ լինելոցն էր՝ ահա եղեւ. եւ ա(ստուա)ծ խնդրեսցէ զհալածեալն։

Verse: 16  Link to sept   Դարձեալ տեսի ՛ի ներքոյ արեգական տեղի դատաստանի՝ եւ անդ ամպարիշտ. եւ տեղի արդարոյ՝ եւ անդ բարեպաշտ։

Verse: 17  Link to sept   Եւ ասացի ես ՛ի սրտի իմում, թէ զարդարն եւ զամպարիշտն դատի́ ա(ստուա)ծ. զի ժամանակ է ամ(ենայն) իրաց, եւ ՛ի վ(ե)ր(այ) ամ(ենայն) արարածոց ժամ եւ ժամանակ։

Verse: 18  Link to sept   Ա́նդ ասացի ես ՛ի սրտի իմում վ(ա)ս(ն) խօսից որդւոց մարդկան՝ եթէ դատի զն(ո)ս(ա) ա(ստուա)ծ. եւ զի ցուցցէ եթէ նոքա անասունք են.

Verse: 19  Link to sept   Սակայն եւ ՛ի մէջ ն(ո)ց(ա) պատահար է որդւոց մարդկան։ եւ պատահար է անասնոց, եւ պատահար յամենեսին ՛ի ն(ո)ս(ա)։ Ո(ր)պ(էս) մահ սորա՝ նոյնպէս եւ մահ ն(ո)ր(ա)։ եւ շունչ է յամենեսին։ եւ զի՞նչ առաւելութի(ւն) եղեւ մարդոյ քան զանասնոյ, եւ ոչինչ. զի ամ(ենայն) ինչ ընդունայն է։

Verse: 20  Link to sept   Ամենայն ՛ի մի տեղի երթայ. ամ(ենայն) եղեւ ՛ի հողոյ, եւ ամ(ենայն) դառնայ ՛ի հող։

Verse: 21  Link to sept   Եւ ո՞վ գիտէ զոգի որդւոց մարդկան՝ թէ ելանէ ՛ի վեր, եւ զշունչ անասնոց՝ թէ իջանէ ՛ի խոնարհ յերկիր։

Verse: 22  Link to sept   Եւ տեսի զի ո́չ գոյ բարի։ բայց թէ ուրախ լիցի մարդ յարարածս իւր. զի այն է բաժին ն(ո)ր(ա)։ զի ո՞վ ածիցէ զնա տեսանել զայն ինչ որ յետ ն(ո)ր(ա) լինիցի.



Chapter: 4 
ԳԼ(ՈՒԽ) Դ՜.


Verse: 1  Link to sept   Դարձայ եւ տեսի ես զամ(ենայն) զրպարտութիւնս որ լինին ընդ արեգակամբ, եւ ահա արտասուք զրպարտելոցն. եւ ո́չոք էր որ մխիթարէր զնոսա. եւ ՛ի ձեռս զպարտչաց նոցա բռնու(թ)ի(ւն)ք։

Verse: 2  Link to sept   Եւ գովեցի́ ես զամ(ենայն) մեռեալսն որ յառաջագոյն մեռան.քան զկենդանիսն՝ որ ցայժմ կենդանի իցեն։

Verse: 3  Link to sept   Եւ քան զնոսա երկոսին լաւ այն է որ չե́ւեւս իցէ լեալ. որ ո́չ ետես զամ(ենայն) արարածն չար որ արարաւ ՛ի ներքոյ արեգական։

Verse: 4  Link to sept   Եւ տեսի ես զամ(ենայն) վաստակս, եւ զամ(ենայն) չարութի(ւն) արարածոցն. զի նախանձ առն ՛ի մերձաւորէ իւրմէ։ սակայն եւ այն ունայնու(թ)ի(ւն) է եւ յօժարու(թ)ի(ւն) ոգւոյ։

Verse: 5  Link to sept   Անզգամն բուռն եհար զբազկաց իւրոց, եւ եկեր զմարմին իւր։

Verse: 6  Link to sept   Լաւ է բուռն մի́ հանգստեամբ, քան զլիու(թ)ի(ւն) երկուց բռանց՝ ջանալով եւ յօժարութ(եամ)բ ոգւոյ.

Verse: 7  Link to sept   Դարձայ ես եւ տեսի ընդունայնութի(ւն) ՛ի ներքոյ արեգական։

Verse: 8  Link to sept   Զի մի է, եւ ո́չ կրկին. եւ որդի եւ եղբայր ո́չ գոյ ն(ո)ր(ա). եւ ո́չ է վախճան ամ(ենայն) վաստակոյ ն(ո)ր(ա). եւ սակայն ակն ն(ո)ր(ա) ո́չ յագի մեծութ(եամ)բ։ Եւ արդ՝ ո՞ւմ ջանամ ես, եւ զլանամ զանձն իմ ՛ի բարութ(են)է։ զի եւ այն ընդունայնութի(ւն) է՝ եւ զբաղումն չար։

Verse: 9  Link to sept   Լաւ են երկու քան զմի, որոց գոն վարձք բարի ՛ի վաստակս ն(ո)ց(ա)։

Verse: 10  Link to sept   Զի եթէ գլորիցի մին՝ կանգնեսցէ զնա ընկեր իւր. եւ վայ միումն յորժամ գլորիցի, եւ ո́չ գուցէ մեւս՝ որ յարուցանիցէ զնա։

Verse: 11  Link to sept   Զի եթէ ննջիցեն երկու՝ ջեռուցանեն զմիմեանս. եւ մին՝ զիա՞րդ ջեռնուցու։

Verse: 12  Link to sept   Եւ եթէ բռնացի մին՝ երկուքն կայցեն ընդդէմ ն(ո)ր(ա)։ եւ առասան երեքկին՝ ո́չ վաղվաղակի խզեսցի։

Verse: 13  Link to sept   Լաւ է մանուկ աղքատ եւ իմաստուն՝ քան զթագաւոր ծեր եւ անմիտ։ որ ո́չ իմացաւ հայել եւս

Verse: 14  Link to sept   եթէ ՛ի տանէ կապանաց ելանիցէ թագաւորել։ նա եւ ՛ի թագաւորու(թ)ե(ան) իւրում եղեւ աղքատ։

Verse: 15  Link to sept   Տեսի ես զամ(ենայն) կենդանիս որ գնան ՛ի ներքոյ արեգական, հանդերձ երիտասարդաւն երկրորդաւ որ յարիցէ փոխանակ ն(ո)ր(ա)։

Verse: 16  Link to sept   Ո́չ գոյ կատարումն ամ(ենայն) ժողովրդեանն, ամենեցուն որք եղեն յառաջ քան զն(ո)ս(ա)։ Նա եւ յետ ինքն ո́չ լինին ուրախ ՛ի վ(ե)ր(այ) ն(ո)ր(ա). զի եւ այն ինքն ունայնու(թ)ի(ւն) է եւ յօժարու(թ)ի(ւն) ոգւոյ։

Verse: 17  Link to sept   Զգուշացիր ոտին քում որով երթայցես ՛ի տուն ա(ստուծո)յ։ եւ մերձ լեր ՛ի լսել.

Verse: 18  Link to sept   Քանզի պատուական է քան զտուրս անզգամաց՝ զոհ քո. զի ո́չ եթէ գիտակ ինչ են առնելոյ բարիս։



Chapter: 5 
ԳԼ(ՈՒԽ) Ե՜.


Verse: 1  Link to sept   Մի́ փութար բերանով քով, եւ մի́ վաղվաղեսցէ սիրտ քո հանել բանս առաջի ա(ստուծո)յ. զի ա(ստուա)ծ յերկինս է՝ եւ դու յերկրի. վասն այնորիկ եղիցին բանք քո սակաւք։

Verse: 2  Link to sept   Զի հասանէ երազ ՛ի բազմութի(ւն) փորձութե(ան). եւ ձայն անզգամին ՛ի բազմութե(ան) բանից։

Verse: 3  Link to sept   Եւ ո(ր)պ(էս) ինչ եւ ուխտիցես դու ա(ստուծո)յ, մի́ յամիցես հատուցանել զնա. զի ո́չ են կամք ՛ի ձեռս անզգամաց։ Դու որչափ ուխտիցես՝ հատո.

Verse: 4  Link to sept   զի լաւ է քեզ չուխտել, քան ուխտել եւ ո́չ հատուցանել։

Verse: 5  Link to sept   Մի́ տար զբերան քո առ ՛ի յանցուցանելոյ զմարմին քո։ եւ մի́ ասեր առաջի ա(ստուծո)յ թէ անգիտութի(ւն) է. զի մի́ բարկասցի ա(ստուա)ծ ՛ի բարբառ քո, եւ ապականեսցէ զգործս ձեռաց քոց։

Verse: 6  Link to sept   Զի ՛ի բազմութե(ան) երազոց՝ եւ ընդունայնութե(ան)ց եւ բանից բազմաց. սակայն դու երկիր յա(ստուծո)յ։

Verse: 7  Link to sept   Եթէ զզրպարտու(թ)ի(ւն) տնանկի եւ զյափշտակու(թ)ի(ւն) իրաւանց եւ արդարութե(ան) տեսանիցես յերկրի, մի́ զարմանայցես ՛ի վ(ե)ր(այ) իրացն. զի բարձր ՛ի վ(ե)ր(այ) բարձու պահէ, եւ բարձունք ՛ի վ(ե)ր(այ) ն(ո)ց(ա), եւ յաճախութի(ւն) հողոյ։

Verse: 8  Link to sept   ՛ի վ(ե)ր(այ) յամ(ենայն)ի է թագաւոր ՛ի վ(ե)ր(այ) անդոյն գործելոյ։ Եւ լիջիր դու հաւատարիմյա(մենայ)նէ ՛ի ծանր յափշտակելոյ անտի։

Verse: 9  Link to sept   Որ սիրէ զարծաթ՝ ո́չ յագեսցի արծաթով. եւ որ սիրեաց ՛ի բազմութե(ան) իւրում զարդիւնս.քանզի եւ այն ունայնութի(ւն) է։

Verse: 10  Link to sept   ՛Ի բազմու(թ)ե(ան) արդարութե(ան) յագեցան որք ուտէին զնա. եւ զի՞նչ արւութի(ւն) է նմա առ ՛ի նմանէ, զի սկիզբն տեսանելոյ՝ աչք իւր են։

Verse: 11  Link to sept   Քաղցր քուն է ծառայի՝ եթէ սակաւ եւ եթէ շատ կերիցէ. եւ որում յագին մեծանալով չէ նմա համարձակ ՛ի քուն մտանել։

Verse: 12  Link to sept   է խրատ մի́ զոր տեսի ՛ի ներքոյ արեգական. մեծութի(ւն) պահեալ ումեք առ ՛ի նմանէ չարոյ իւրում։

Verse: 13  Link to sept   եւ կորիցէ մեծութի(ւն) ն(ո)ր(ա)՝ եւ նա ՛ի բազման չարի է։ ծնաւ որդի́ եւ ո́չ գոյ ՛ի ձեռին ն(ո)ր(ա) եւ ոչինչ։

Verse: 14  Link to sept   Որպես ել յորովայն է մօր իւրոյ մերկ, դառնայ երթալ՝ ո(ր)պ(էս) եւ եկեալն էր՝ եւ ոչինչ առցէ ՛ի վաստակոյ իւրմէ, եթէ երթիցէ ՛ի ձեռին իւրում։

Verse: 15  Link to sept   Նա եւ այն իսկ ախտ չար է, զի ո(ր)պ(էս) եկն՝ նոյնպէս եւ երթիցէ. եւ զի՞չ օգուտ իցէ նմա վաստակոց անտի զոր ջանայ նա հողմոյ։

Verse: 16  Link to sept   Զի ամ(ենայն) աւուրք ն(ո)ր(ա) խաւար եւ սուգ. եւ ՛ի բազում սրտմաու(թ)ե(ան) եւ ՛ի հիւանդու(թ)ե(ան) եւ ՛ի բարկու(թ)ե(ան)։

Verse: 17  Link to sept   Արդ աւասիկ զոր տեսի ես՝ բարի է ուտելն եւ ըմպել, եւ տեսանել զքարութի(ւն) յամ(ենայն) վաստակս իւր զոր ջանայցէ ընդ արեգակամբ ՛ի թիւ աւուրց կենաց իւրոց զոր ետ նմա ա(ստուա)ծ. զի այն է բաժին նորա։

Verse: 18  Link to sept   Քանզի ամ(ենայն) մարդ՝ որում ետ նմա աստուած մեծութի(ւն) եւ ինչս, եւ իշխան արար զնա ուտել ՛ի նոցանէ. եւ առնուլ զբաժին իւր, եւ ուրախ լինել ՛ի վաստակս իւր. այն պարգեւ աստուծոյ է։

Verse: 19  Link to sept   Զի ո́չ բազում աւուրս յիշեսցէ զկենաց իւրոց. զի աստուած զբօսացուցանէ զնա յուրախութի(ւն) սրտի իւրոյ։



Chapter: 6 
ԳԼ(ՈՒԽ) Զ՜.


Verse: 1  Link to sept   ՛Ի չարութի(ւն) զոր տեսի ՛ի ներքոյ արեգական, եւ բազում է յոյժ ՛ի վ(ե)ր(այ) մարդոյ։

Verse: 2  Link to sept   Այր մի որում տացէ աստուած մեծութի(ւն)ս եւ ինչ եւ փառս, եւ ոչինչ պակաս իցէ անձին իւրում յամ(ենայն)է որումցանկանայցէ. եւ ո́չ առնիցէ զնա աստուած իշխան ուտել ՛ի նմանէ. զի այր օտար կերիցէ զնա։ եւ այն ընդունայնութի(ւն) է եւ ախտ չար։

Verse: 3  Link to sept   եթէ ծնցի այր հարիւր, եւ ամս բազումս կեցցէ, եւ եւս բազում եղիցին աւուրք ամաց ն(ո)ր(ա). եւ անձն ն(ո)ր(ա) ո́չ յագեսցի ՛ի բարեաց անտի, եւ գերեզման եւս ո́չ գտցի նմա. ես ասացի թէ լաւ է քան զնա վիժածն։

Verse: 4  Link to sept   զի ունայնութեամբ եկն՝ եւ խաւարաւ գնաց, եւ ՛ի խաւարի անուն նորա ծածկեսցի։

Verse: 5  Link to sept   քանզի զարեւ ո́չ ետես՝ եւ ո́չ գիտաց, զի՞նչ է հանգիստ սորա քան զնորա։

Verse: 6  Link to sept   Եւ եթէ եկաց նա զհազար ամաց ելս, եւ զբարութի(ւն) ինչ ո́չ ետես՝ միթէ ո՞չ երթայցէ ամենայն ՛ի մի տեղի։

Verse: 7  Link to sept   Ամենայն ջան մարդոյ ՛ի բերան իւր, եւ սակայն անձն ն(ո)ր(ա) ո́չ յագեսցի։

Verse: 8  Link to sept   Զի՞նչ առաւելութիւն է իմաստնոյն քան զանմտին, զի տնանկն գիտէ երթալ առաջի կենաց իւրոց.

Verse: 9  Link to sept   Լաւ է տեսիլ աչաց քան զգնացեալն ոգւով սակայն եւ այն, ունայնու(թ)ի(ւն) է եւ յօժար(թ)ի(ւն) ոգւոյ։

Verse: 10  Link to sept   Որինչ եղեւն՝ ահա անուն կոչեցեալ է նմա եւ յայտնի եղեւ որպիսի ինչ է մարդ եւ ո́չ կարէ դատել ընդ հզօրին քան զնա։

Verse: 11  Link to sept   Զի են բազում բանք որ յաճախեն զընդունայնութի(ւն)։



Chapter: 7 
ԳԼ(ՈՒԽ) է՜.


Verse: 1  Link to sept   Զինչ առաւելու(թ)ի(ւն) է մարդոյ։ Զի ո՞ գիտէ զինչ բարի է մարդոյ ՛ի կեանս իւրում ՛ի թիւ աւուրց կենաց ընդունայնութեան ն(ո)ր(ա). եւ արար զայն ՛ի ստուեր։ Զի ո՞վ է որ պատմեսցէ մարդոյն զինչ լինելոց է զկնի նորա ընդ արեգակամբ։

Verse: 2  Link to sept   Բարի է անուն բարի՝ քան զողորմու(թ)ի(ւն) բարի, եւ օր մահուան իւրոյ՝ քան զօր ծննդեան իւրոյ։

Verse: 3  Link to sept   Բարի է երթալ ՛ի տուն սգոյ՝ քան երթալ ՛ի տուն արբեցութեան, զի այն ինքն է կատարած ամենայն մարդոյ. եւ որ կենդանի է՝ տացէ բարու(թ)ի(ւն) սիրտ իւր։

Verse: 4  Link to sept   Լաւ է սրտմտու(թ)ի(ւն) քան զծաղր. զի չարութեամբ երեսաց զուարթասցի սիրտ։

Verse: 5  Link to sept   Սիրտ իմաստնոյ ՛ի տան սգոյ, եւ սիրտ անմտի ՛ի տան ուրախութեան։

Verse: 6  Link to sept   Լաւ է լսել զպատուհաս իմաստնոյ, քան լսել մարդոյ զերգս անմտաց։

Verse: 7  Link to sept   Զի ո(ր)պ(էս) ձայն փշոց (թ)ի(ւն) ներքոյ կատսայի այնպէս ծաղր. անմտաց. սակայն եւ այն ընդունայնու(թ)ի(ւն) է։

Verse: 8  Link to sept   Զրպարտու(թ)ի(ւն) ծփեցուցանէ զիմաստունս. եւ կորուսանէ զսիրտ ազնուու(թ)ե(ան) ն(ո)ր(ա)։

Verse: 9  Link to sept   Բարի է կատարած բանից՝ քան զսկիզբն իւրեանց։ բարի է երկայնամիտ՝ քան զհպարտացեալն ոգւով։

Verse: 10  Link to sept   Մի փութայր յոգի քո բարկանալ, զի բարկութի(ւն) ՛ի ծոց անզգամաց հանգիցէ։

Verse: 11  Link to sept   Մի ասիցես զինչ գործեցաւ. զի աւուրքն առաջինք լաւ են քան զաւուրսս զայս. զի ո́չ իմաստութեամբ հարցեր վ(ա)ս(ն) այդորիկ։

Verse: 12  Link to sept   Բարի է իմաստութիւն ընդ ժառանգութեան, եւ յաւելուած որոց տեսանեն զարեգակն.

Verse: 13  Link to sept   զի բնդ հովանեաւ ն(ո)ր(ա) իմաստու(թ)ի(ւն) է իբրեւ զհովանի արծաթոյ։ Եւ առաւելու(թ)ի(ւն) գիտութեան իմաստու(թ)ե(ա)ն կենդանացուսցէ զայն որ առ (թ)ի(ւն) նմանէ։

Verse: 14  Link to sept   Տե́ս զգործս աստուծոյ զի ո՞վ է այն որ կարօղ լինիցի զարդարեալ՝ զոր աստուածն խանգարիցէ։

Verse: 15  Link to sept   Յաւուր բարու(թ)ե(ան) կեցջիր ՛ի բարիս. եւ տե́ս յաւուր չարութեան։ Տե́ս սակայն նմին միաբան։ Զայն արար աստուած վ(ա)ս(ն) խօսեցի́ զի մի գտցէ զմարդ զկնի իւր եւ մի ինչ։

Verse: 16  Link to sept   Զամ(ենայն) ինչ տեսի յաւուրս ունայնու(թ)ե(ան) իմոյ։ է́ արդար կորուսեալ յարդարու(թ)ե(ան) իւրում, եւ է́ ամպարիշտ որ կայ չարութ(եամ)բ իւրով։

Verse: 17  Link to sept   Մի́ կարի արդար լինիր, եւ մի́ ճարտարեր առաւել զի մի թիւրեսցիս։

Verse: 18  Link to sept   Մի́ ամպարշտեր կարի, եւ մի́ լինիր խիստ՝ զի մի́ տարաժամ մեռցիս։

Verse: 19  Link to sept   Բարի է թէ ՛ի կողմն այսոսիկ լինիցիս. սակայն եւ այսմիկ մի́ պղծեր զձեռն քո. զի որ երկնչի յա(ստուծո)յ՝ անցցէ ընդ ամ(ենայն).

Verse: 20  Link to sept   Իմաստու(թ)ի(ւն) օգնեսցէ իմաստնոյն քան զտասն իշխան որ իցեն ՛ի քաղաքի։

Verse: 21  Link to sept   Զի մարդ ո́չ գոյ ՛ի վ(ե)ր(այ) երկրի՝ որ գործէ զբարիս, եւ ո́չ մեղանչիցէ։

Verse: 22  Link to sept   Սակայն յամ(ենայն) բանս զոր խօսիցին ամպարիշտք մի́ դներ ՛ի սրտի քում։ Զի մի լուիցես դու անէծս ՛ի ծառայէ քումմէ՝ որ զքեզ անիծանիցէ։

Verse: 23  Link to sept   Զի բազումս անգամ չարահաւեսցի ընդ քեզ, եւ ՛ի նուագս բազումս չարչարեսցէ զսիրտ քո. սակայն եւ դու մի անիծաներ այլոց.

Verse: 24  Link to sept   Զայս ա(մենայ)ն փորձեցի ես իմաստութ(եամ)բ, եւ ասացի́ բա́ իմաստնացայ. եւ նա հեռացաւ յինէն,

Verse: 25  Link to sept   հեռագոյն քան որպէս էրն. եւ զխորու(թ)ի(ւն) խորոց ո՞վ կարասցէ գիտել։

Verse: 26  Link to sept   Շուրջ եկի ես եւ սիրտ իմ, ճանաչել՝ նա եւ խորհել եւ խնդրել զիմաստու(թ)ի(ւն) եւ զհանճար. գիտել զամպարշտի զուրախութի(ւն) եւ զլլկանս եւ զծփանս։

Verse: 27  Link to sept   Եւ գտի ես զնա. եւ ասեմ թէ դառն է քան զմահ կնաւն հանդերձ. որ է որս եւ թակարդ սրտի ն(ո)ր(ա), եւ կապանք ՛ի ձեռս ն(ո)ր(ա)։ Բարին առաջի երեսաց ա(ստուծո)յ զերծցի ՛ի նմանէ, եւ որ մեղաւորն է ըմբռնեսցի ՛ի նմա։

Verse: 28  Link to sept   Ահա զայս ա(մենայ)ն գտի ասէ էկլեսիաստէս. մի́ միոջ գտանել խորհուրդս,

Verse: 29  Link to sept   զոր խնդրեաց անձն իմ, եւ ո́չ գտի. այր մի ՛ի հազարաց գտի։ բայց կին՝ ամենեւին ո́չ։

Verse: 30  Link to sept   Ահա արդ զայ՞ս գտի. զոր արար ա(ստուա)ծ զմարդն ուղիղ, եւ նոքա խնդրեցին զխորհուրդս չարութե(ան)։ ո՞վ գիտէ զիմաստունս՝ եւ ով գիտէ զմեկնու(թ)ի(ւն) բանից։



Chapter: 8 
ԳԼ(ՈՒԽ) Ը՜.


Verse: 1  Link to sept   Իմաստութի(ւն) առն լուսաւոր առնէ զերեսս իւր. եւ որ ժպիրհն է երեսօք իւրովք ատելի լիցի։

Verse: 2  Link to sept   Բերանոյ թագաւորի զգո́յշ լեր, եւ ՛ի բան երդման ա(ստուծո)յ մի́ վաղվաղիցես։

Verse: 3  Link to sept   Յերեսաց ն(ո)ր(ա) գնասցես, եւ մի́ կացցես ՛ի բանի չարի. զի զամ(ենայն) զորինչ կամիցի՝ արասցէ.

Verse: 4  Link to sept   Իբրեւ զթագաւոր իշխանու(թեամ)բ խօսի. եւ ո՞վ կարէ ասել ցնա՝ թէ զինչ գործեցեր։

Verse: 5  Link to sept   Որ պահէ զպատուիրան՝ ոչ գիտասցէ զբան չարու(թ)ե(ան). եւ ժամանակ իրաւանց ճանաչէ սիրտ իմաստնոց։

Verse: 6  Link to sept   Զի ամ(ենայն) իրաց ժամանակ է եւ իրաւունք. զի գիտու(թ)ի(ւն) մարդոյն բազում է ՛ի վ(ե)ր(այ) ն(ո)ր(ա)

Verse: 7  Link to sept   Քանզի ոչ գիտէ զինչ լինելոց է. զի ո(ր)պ(էս) ինչ լինելոց իցէ ո́վ պատմեսցէ նմա։

Verse: 8  Link to sept   Ո́չ է մարդ իշխան ոգւոյ՝ արգելուլ զոգի, եւ ո́չ գոյ իշխանութի(ւն) ն(ո)ր(ա) յաւուր մահուան. եւ ո́չ գոյ հրեշտակու(թ)ի(ւն) յաւուր պատերազմի. եւ ո́չ ապրեցուցանէ ամպարշտու(թ)ի(ւն) զմերձաւորս իւր։

Verse: 9  Link to sept   Զամենայն զայս տեսի, եւ ետու զսիրտ իմյամենայն արարածս որ արարեալ են ՛ի ներքոյ արեգական. որում միանգամ իշխան եղեւ մարդն ՛ի վ(ե)ր(այ) մարդոյ չարչարել զնա։

Verse: 10  Link to sept   Եւ ապա տեսի ես ամպարիշտս մուծեալս ՛ի գերեզմանս. եւ ՛ի սրբոց անտի գնացին, եւ սուգ առին ՛ի քաղաքին. զի այսպէս արարին. սակայն եւ այն ընդունու(թ)ի(ւն) է։

Verse: 11  Link to sept   Զի ո́չ գոյ ընդդէմ դառնալ յայնցանէ որ վաղվաղակի գործեն զչար. վասն այնորիկ համարձակեցան սիրտք որդւոց մարդկան յանձինս իւրեանց գործել զչար։

Verse: 12  Link to sept   Որ մեղաւն արար զչարիս, յայսմհետէ եւ ՛ի վաղնջուց։ քանզի գիտեմ եւ ես զինչ է բարին երկիւղածաց աստուծոյ, զի երկնչիցին նոքա յերեսաց ն(ո)ր(ա)։

Verse: 13  Link to sept   Եւ բարի ինչ ո́չ եղիցի ամպարշտի. ո́չ յերկարեսցէ աւուրս ընդ հովանեաւ որ. ո́չ իցէ երկիւղած յաստուծոյ։

Verse: 14  Link to sept   Գոյ ընդունայնութի(ւն) որ եղեալէ ՛ի վ(ե)ր(այ) երկրի։ զի են արդարք՝ որ որոց ժամանեն առ ն(ո)ս(ա) գործք ամպարշտաց. եւ են ամպարիշտք զի հասանեն ն(ո)ց(ա) իբրեւ զգործս արդարոց։ եւ ասացի ես թէ սակայն եւ այն ընդունայնութի(ւն) է։

Verse: 15  Link to sept   Եւ գովեցի ես զուրախու(թ)ի(ւն) զի ո́չ է բարի մարդկան ՛ի ներքոյ արեգական, բաց յուտելոյ եւ յըմպելոյ եւ յուրախ լինելոյ. եւ այն երթայ ընդ նմա ՛ի ջանալ նմա զաւուրս կենաց իւրոց, որչափ ետ նմա աստուած ՛ի ներքոյ արեգական։

Verse: 16  Link to sept   Յոր միանգամ ետու զսիրտ. իմ գիտել զիմաստութի(ւն), եւ տեսանել զզբաղումն որ արարեալ է ՛ի վ(ե)ր(այ) երկրի, զի ՛ի տուէ եւ ՛ի գիշերի քուն յաչս ն(ո)ր(ա) ո́չ է տեսանել

Verse: 17  Link to sept   Եւ տեսի ես զամենայն արարածս աստուծոյ. զի ո́չ կարասցէ մարդ գտանել զարարածն արարեալ ՛ի ներքոյ արեգական. որքան ջանասցի մարդ խնդրել՝ եւ ո́չ գտցէ։ քանզի որչափ ասասցէ իմասաունն գիտել ո́չ կարասցէ գտանել։



Chapter: 9 
ԳԼ(ՈՒԽ) Թ՜.


Verse: 1  Link to sept   Զի զամենայն զայս ետու ՛ի սիրտ իմ. եւ սիրտ իմ ետես զայս ամենայն։ Որպես արդարքն եւ իմասաունքն, եւ գործք նոցա ՛ի ձեռս աստուծոյ. քանզի սէր եւ զատելութի(ւն) ո́չ գիտէ մարդն։

Verse: 2  Link to sept   Ամենայն ինչ առաջի երեսաց ն(ո)ր(ա) է. եւ ու նայնութիւն է յամենայն մի։ Պատահար է յարդարն եւ յամպարիշտն, ՛ի բարին եւ ՛ի չարն, ՛ի սրբումն եւ ՛ի պղծում, որ մատուցանէ պատարագ՝ եւ որ ո́չն մատուցանէ։ Որպես որ բարին՝ եւ որպես որ մեղանչէն. որպես որ երդնուն՝ եւ որպես որ յերդմանէն երկուցեալ է։

Verse: 3  Link to sept   Ա́յս է որ չարն է յա(մենայ)նի որ արարեալն է ընդ արեգակամբ. զի պատահար է յամենայնի։ Քանզի սիրտ որդւոց մարդկան լի եղեւ չարութեամբ. եւ բազումն ՛ի սիրտս նոցա ՛ի կենդանութեան իւրեանց եւ զկնի նոցա առ մեռեալսն։

Verse: 4  Link to sept   Քանզի ո՞վ են՝ որ հաւասարեն առ ամենայն կենդանիս։ գոյ յոյս թէ շուն որ կենդանի է լաւ է քան զառեւծ մեռեալ։

Verse: 5  Link to sept   Քանզի որ կենդանիքն են՝ գիտեն նոքա թէ մեռանելոց են. եւ մեռեալքն ո́չ են գիտակ եւ ո́չ իմիք։ Եւ ո́չ եւս գոն ն(ո)ց(ա) վարձք՝ զի մոռացաւ յիշատակ ն(ո)ց(ա).

Verse: 6  Link to sept   եւ սէր իսկ ն(ո)ց(ա) եւ ատելու(թ)ի(ւն) նոցա եւ նախանձն ն(ո)ց(ա)՝ ահա կորեաւ. եւ բաժին իսկ ո́չ գոյ նոցա յաւիտեանս յա(մենայ)նի յայսմիկ՝որ արարեալ են ընդ արեգակամբ։

Verse: 7  Link to sept   Եկ կեր ուրախութեամբ զհաց քո, եւ արբ սրտիւ զուարճացելով զգինի քո. զի արդէն իսկ հաճեցաւ աստուած ընդ գործս քո։

Verse: 8  Link to sept   Յամենայն ժամ եղիցին ձորձք քո սպիտակ, եւ եւղ ՛ի գլխոյ քումմէ մի պակասեսցէ։

Verse: 9  Link to sept   Եւ տես կեանս ընդ կնոջ քո՝ զոր սիրեցեր զամենայն աւուրս կենաց ընդունայնութեան քոյ, որ տուեալ է քեզ ընդ արեգակամբ. ամենայն աւուրք վախճանի քոյ. Զի այն է բաժին քո ՛ի կեանս քո, եւ ՛ի վաստակս զոր վաստակես ՛ի ներքոյ արեգական։

Verse: 10  Link to sept   Զամենայն ինչ որինչ գտցէ ձեռն քո գործել, որչափ ՛ի կարի քում իցէ գործեսջիր. զի ո́չ է խորհուրդ եւ գիտութի(ւն) եւ իմաստու(թ)ի(ւն) ՛ի դժոխս յոր դու երթալոցն ես։

Verse: 11  Link to sept   Դարձեալ եւ տեսի ՛ի ներքոյ արեգական, զի ո́չ թե թեւեաց են ընթացք, եւ ո́չ զօրաւորաց պատերազմն, եւ ո́չ իմաստնոց հաց, եւ ո́չ հանճարեղաց մեծութի(ւն), եւ ո́չ գիտնոց շնորհք։ Զի ժամանակ է, եւ պատահար պատահէ ամենեցուն ն(ո)ց(ա)։

Verse: 12  Link to sept   Քանզի ո́չ իսկ գիտաց մարդն զժամանակ իւր։ Որպես ձկունք որսացեալք ցանցիւք չարեօք, եւ որպես թռչունք որսացեալք ՛ի ծուղակս նոյնպես հարկանին յորոգայթս որդիք մարդկան ՛ի ժամանակի չարի՝ յորժամ հասանիցէ ՛ի վ(ե)ր(այ) նոցա յանկարծակի։

Verse: 13  Link to sept   Սակայն եւ զայս իմաստութի(ւն) մի́ տեսի ՛ի ներքոյ արեգական, եւ մեծ թուի ինձ։

Verse: 14  Link to sept   Քաղաք փոքր՝ եւ իցեն ՛ի նմա արք սակաւք եւ գայցէ ՛ի վ(ե)ր(այ) ն(ո)ր(ա) թագաւոր մեծ՝ եւ պատիցէ զնա, եւ շինիցէ ՛ի վերա նորա պատնեշս մեծամեծս։

Verse: 15  Link to sept   Եւ գտցի ՛ի նմա այր մի տնանկ իմաստուն՝ եւ ապրեցուցանիցէ զքաղաքն իմաստու(թեամ)բ իւրով. եւ մարդ ո́չ յիշեաց զայն տնանկ։

Verse: 16  Link to sept   Եւ ասացի ես՝ բարի է իմաստութի(ւն) քան զզօրու(թ)ի(ւն). եւ իմաստութի(ւն) տնանկին արհամարհեալ է, եւ բանք ն(ո)ր(ա) ո́չ լինին լսելի։

Verse: 17  Link to sept   Բանք իմաստնոց մեղմով լսին՝ քան զաղաղակ իշխանաց անզգամութեամբ։

Verse: 18  Link to sept   Բարի է իմաստու(թ)ի(ւն) քան զանօթս պատերազմի. եւ յանցաւոր մի́ կորուսանէ զօրու(թ)ի(ւն)ս բազումս։ Լաւ է իմասաուն քան զզէն պատերազմի, եւ ՛ի մեղանչելոյ միոյն կորուսանէ զբարու(թ)ի(ւն) բազումս։



Chapter: 10 
ԳԼ(ՈՒԽ) Ժ՜.


Verse: 1  Link to sept   Ճանճք մեռեալք զազրացուցանեն զեւղս անուշունս։ Պատուական է սակաւիկ ինչ յիմաստութենէ, քան զմեծ փառս անմտութեամբ։

Verse: 2  Link to sept   Սիրտ իմաստնոյ յաջակողմ իւր, եւ սիրտ անմտի ՛ի ձախակողմ իւր։

Verse: 3  Link to sept   Քանզի եւ ՛ի ճանապարհի յորժամ գնայցէ անմիտն, սիրտ ն(ո)ր(ա) կասեսցի. եւ զոր ինչ խորհի՝ աենայն անմտու(թ)ի(ւն) է։

Verse: 4  Link to sept   Եթէ հոգի իշխանին ելցէ ՛ի վ(ե)ր(այ) քո́ մի թողուր զտեղի քո. զի ողոքումն դարձուցանէ զմեղս մեծամեծս։

Verse: 5  Link to sept   է չարու(թ)ի(ւն) զոր տեսի ՛ի ներքոյ արեգական որ իբրեւ յակամայ կամս ել յերեսաց իշխանին։

Verse: 6  Link to sept   Տուաւ անմիտն ՛ի բարձրութի(ւն)ս մեծամեծս. եւ մեծատունք ՛ի խոնարհութե(ան) նստցին։

Verse: 7  Link to sept   Տեսի ես զծառայս հեծեալս ՛ի ձիս, եւ իշխանս զի գնային իբրեւ զծառայս յերկրի։

Verse: 8  Link to sept   Որ փորէ խորխորատ՝ ՛ի նոյն անկցի, եւ որ քակէ զցանգ՝ հարցէ զնա օձ։

Verse: 9  Link to sept   Եւ որ բառնայ քարինս՝ նոքիմք չարչարեսցի, եւ որ պատառէ փայտ՝ նովին ճգնեսցի։

Verse: 10  Link to sept   Եթէ անկցի եւս երկաթն՝ եւ նա տրտմեցո́յց զերեսս իւր. եւ զօրութի(ւն)ք զօրացուցանեն, եւ է առաւելութի(ւն) քաջ իմաստութե(ա)ն։

Verse: 11  Link to sept   Եթէ հարցէ օձ ՛ի թովել, ո́չ ինչ է առաւելութիւն թովչին։

Verse: 12  Link to sept   Բանք բերանոյ իմաստնոյ շնորհք. եւ շրթունք անմտի ընկղմեն զնա։

Verse: 13  Link to sept   Սկիզբն բանից բերանոյ նորա։ անմտութի(ւն). եւ վախճան ն(ո)ր(ա) ծուփ չարու(թ)ե(ան)։

Verse: 14  Link to sept   եւ որ անմիտն է յաճախէ զբանս։ Ո́չ գիտէ մարդ զինչ եղեալ է եւ զինչ լինելոց է, զի զկնի ն(ո)ր(ա) ով պատմեսցէ նմա։

Verse: 15  Link to sept   Ջան անմտին չարչարեսցէ զնա. որ ո́չ գիտաց երթալ ՛ի քաղաք։

Verse: 16  Link to sept   Վա́յ քեզ քաղաք որոյ թագաւոր քո մանուկ է, եւ իշխանք քո ընդ առաւօտս ուտեն։

Verse: 17  Link to sept   Երանի́ քեզ երկիր, որոյ թագաւոր քո որդի ազատի է, եւ իշխանք քո ՛ի ժամու ուտեն զօրութ(եամ)բ՝ եւ ո́չ ամաչեսցեն։

Verse: 18  Link to sept   ՛Ի վատութեան խոնարհեսցին հեծանաձգութի(ւն)ք. եւ ՛ի դատարկութեան ձեռաց կաթեսցէ տուն։

Verse: 19  Link to sept   ՛Ի ծաղր առնեն զհաց, եւ գինի եւ եւղ ուրախ առնեն զկենդանիս. եւ արծաթոյ լուիցէ ամենայն ինչ։

Verse: 20  Link to sept   Սակայն եւ ՛ի մտի քում մի́ անիծաներ թագաւորի, եւ ՛ի շտեմարանս սենեկաց քոց մի́ անիծաներ մեծի. զի թռչունք երկնից հասուցանեն զբարբառ քո, եւ որոց թեւք են պատմեն զբան քո։



Chapter: 11 
ԳԼ(ՈՒԽ) Ժ՜Ա.


Verse: 1  Link to sept   Առաքեայա́ դու զհաց քո ՛ի վ(ե)ր(այ) ջրոց, զի ՛ի բաղմու(թ)ե(ան) աւուրց քոց գտցես զնա.

Verse: 2  Link to sept   Տուր բաժինս եւթանց այլ եւ ութից. զի ո́չ գիտես զինչ չարութի(ւն) է ՛ի վերայ երկրի.

Verse: 3  Link to sept   թէ լցցին ամպք անձրեւով ՛ի վ(ե)ր(այ) երկրի հեղուն։ Եթէ անկցի փայտն ՛ի հարաւ՝ եւ կամ ՛ի կողմն հիւսւսոյ ուր անկցի փայտն անդ կացցէ։

Verse: 4  Link to sept   Որ խտրէ զհողմս՝ ո́չ սերմանէ, եւ որ հայի ընդ ամպս՝ ո́չ հնձեսցէ.

Verse: 5  Link to sept   որովք ո́չ է հնար գիտել զինչ է ճանապարհ հողմոյ։ Իբրեւ զոսկերս յարգանդի յղւոյ։ նոյնպէս ո́չ գիտասցես դու զարարածս աստուծոյ զոր ինչ առնիցէ նա զամենայն։

Verse: 6  Link to sept   Ընդ առաւօտս սերմանեսցես դու զսերմն քո, եւ ըստ երեկոյս մի լքցին ձեռք քո. զի ո́չ գիտես՝ ո՞ր պատկանի այս թէ այն, կամ թէ երկոքեան ՛ի միասին՝ բարի իսկ է։

Verse: 7  Link to sept   Քաղցր է լոյս, եւ բարի աչաց տեսանել ընդ արեգակամբ.

Verse: 8  Link to sept   զի թէ ամս բազումս կեցցէ մարդ, եւ յամենայն ՛ի նոսա ուրախ լինիցի. եւ յիշեսցէ նա զաւուրս խաւարի, զի բազում իցեն. ամենայն ինչ որ գալոցն իցէ ընդունայնու(թ)ի(ւն) է։

Verse: 9  Link to sept   Ուրա́խ լեր երիտասարդ ՛ի մանկութե(ան) քում. եւ զուարճացուսցէ զքեզ սիրտ քո յաւուրս մանկու(թ)ե(ան) քոյ։ Եւ գնաա́ դու ՛ի ճանապարհս սրտի քո անբիծ, եւ ՛ի տեսիլ աչաց քոց. եւ գիտասցես թէ վ(ա)ս(ն) այսր ա(մենայ)նի ածցէ զքեզ աստուած ՛ի դատաստան։

Verse: 10  Link to sept   Եւ ՛ի բա́ց արա զսրտմաու(թ)ի(ւն) ՛ի սրտէ քումմէ, եւ անցո́ զչարու(թ)ի(ւն) ՛ի մարմնոյ քումմէ զի մանկութի(ւն) եւ անմտու(թ)ի(ւն) ընդունայնութի(ւն) է։



Chapter: 12 
ԳԼ(ՈՒԽ) Ժ՜Բ.


Verse: 1  Link to sept   Եւ յիշեայա́դու զայն որ հաստատեացն զքեզ յաւուրս մանկութեան քոյ. մինչեւ հասեալ իցեն աւուրք չարութեան, եւ հասցեն ամք յորս ասասցես ո́չ են կամք իմ ՛ի դոսա։

Verse: 2  Link to sept   Մինչե́ւ խաւարեալ իցեն արեգակն՝ եւ լոյս՝ եւ լուսին՝ եւ աստեղք, եւ դարձցին ամպոք զկնի անձրեւաց։

Verse: 3  Link to sept   Յաւուր յորում շարժեսցին պահապանք տանն, եւ թիւրեսցին արք զօրութեան. եւ դատարկացան աղօրիք զի նուազեցան. եւ խաւարեսցին որք տեսանեն ընդ ծակս։

Verse: 4  Link to sept   Եւ փակեսցեն զդրունս ՛ի հրապարակս ՛ի տկարութենէ ձայն ՛ի աղօրւոյն, եւ յարիցեն ՛ի ձայն հաւուն, եւ նկուն լիցին դստերք երգոց։

Verse: 5  Link to sept   Եւ ՛ի բարձունս հայեսցին, եւ ապշութի(ւն) ՛ի ճանապարհին։ եւ ծաղկեսցի նշին, եւ թանձրասցի մարախն, եւ տարածեսցի կապարն. զի գնաց մարդ ՛ի տուն իւր յաւիտենից, եւ շուրջ եղեն կոծօղք ՛ի հրապարակս։

Verse: 6  Link to sept   Մինչեւ կործանեալ իցէ լար արծաթոյն, եւ խորտակեալ մանեակ ոսկւոյն. եւ մանրեալ սափորն յաղբեւրն, եւ ընկրկեալ անիւն ՛ի գուբն։

Verse: 7  Link to sept   Եւ դարձցի հողն յերկիր ո(ր)պ(է ս) եւ էրն, եւ հոգին դարձցի առ ա(ստուա)ծ որ ետ զնա։

Verse: 8  Link to sept   Ունայնութի(ւն) ունայնու(թ)ե(ան)ց ասաց ժողովօղն, ամ(ենայն) ինչ ընդունայն է։ Եւ աւելի իմն է՝

Verse: 9  Link to sept   զի եղեւ ժողովօղն իմաստուն. զի ուսուցանէր ժողովրդեանն զգիտու(թ)ի(ւն). եւ ունկն քննէ զզարդ առակաց։

Verse: 10  Link to sept   Յոյժ խնդրեաց ժողովօղն գտանել զբանս կամաց, եւ գրել զգիրս ուղղու(թ)ե(ան) բանից ճշմարտու(թ)ե(ան)։

Verse: 11  Link to sept   Բանք իմաստնոց իբրեւ զխթան եզանց. եւ իբրեւ բեւեռք հարեալք ՛ի մուրհակաց տուան ՛ի հովուէ միոջէ.

Verse: 12  Link to sept   եւ աւելորդ ՛ի նոցանէ։ Որդեակ իմ զգո́յշ լեր ՛ի ստանալոյ գիրս բազումս, զի ո́չ գոյ վախճան. եւ վարժ բազում աշխատութի(ւն) է մարմնոյ։

Verse: 13  Link to sept   Եւ վախճան բանիս՝ զամ(ենայն) ինչ լուր. յԱ(աստուծո)յ երկիր՝ եւ զպատուիրանս ն(ո)ր(ա) պահեա́. զի այս է մարդն ամենեւին։

Verse: 14  Link to sept   Զի զամ(ենայն) արարածս ածցէ ա(ստուա)ծ ՛ի դատաստան, յամ(ենայն)ի անտես արարելոցն՝ եթէ բարի եւ եթէ չար։






Book: Cant. 
Canticum

The Song of Songs,
entered by J. Gippert and N. Č̣anṭlaʒe,
Frankfurt a/M, 2003-2004 / Tbilisi, May 2004;
TITUS version by J. Gippert,
Frankfurt a/M, 30.5.2004


ԵՐԳ ԵՐԳՈՑ
ՈՐ Է
ՕՐՀՆՈՒԹԻՒՆ ՕՐՀՆՈՒԹԵԱՆՑ։

Ասացեալ Սողոմոնի Արքայի Ի(սրայէ)լի։

Chapter: 1 
ԳԼ(ՈՒԽ) Ա՜.

Հարսն ասէ։


Verse: 1  Link to sept   ՀԱՄԲՈՒՐԵՍՑԷ ԶԻՍ ՛Ի համբուրից բերանոյ իւրոյ. զի բարի́ են ոտինք քո քան զգինի,

Verse: 2  Link to sept   եւ հոտ իւղոց քոց քան զամ(ենայն) խունկս։ Ե́ւղ անոյշ հեղեալ էանուն քո. վ(ա)ս(ն) այսորիկ օրիորդք սիրեցին զքեզ,

Verse: 3  Link to sept   եւ ձգեցին զքեզ։ Զհե́տ հոտոյ իւղոց քոց ընթասցուք մեք։ Օրիորդացն պատմէ հարսնն վ(ա)ս(ն) փեսային՝ զոր ինչ շնորհեաց նմա։ Տարա́ւ զիս արքայ ՛ի սենեակ իւր։ Հարսինն պատմեալ որիորդացն. Եւ նոքա ասեն։ Ցնծասցո́ւք՝ եւ ուրա́խ լիցուք մեք ՛ի քեզ. եւ սիրեսցո́ւք զստինս քո քան զգինի։ Օրիորդքն հարսինն բարբառին զանուն փեսային։ Ուղղութի(ւն) սիրեաց զքեզ։ Հարսնն ասէ։

Verse: 4  Link to sept   Սեա́ւ եմ ես եւ գեղեցիկ դստերք ե(րուսաղէ)մի, իբրեւ զվրանս կեդարու, եւ իբրեւ զխորանն սողոմոնի։

Verse: 5  Link to sept   Մի́ հայիք ընդ իս, զի ես սեւացեալ թխացայ։ Քանզի խեթիւ հայեցաւ ընդ իս արեգակն։ Որդիք մօր իմոյ մարտեան ընդ իս, եւ եդին զիս պահապան այգեստանի. զի զայգին իմ ո́չ պահեցի։ Հարսնն ցփեսային ասէ։

Verse: 6  Link to sept   Պատմեա́ ինձ զոր սիրեաց անձն իմ. ո՞ւր հովուես, ո՞ւր հանգուցանես ՛ի միջօրէի. գուցէ լինիցիմ իբրեւ զընկեցեալն յերամակս ընկերաց քոց։ Փեսայն ցհարսնն ասէ։

Verse: 7  Link to sept   Եթէ ո́չ ծանիցես զանձն քո գեղեցիկդ ՛ի կանայս. ելեր դու զհետ գարշապարացն հօտից, եւ արածես զուլս քո ՛ի վրանս հովուաց։

Verse: 8  Link to sept   Երիվարացն իմոց ՛ի կառսն փարաւոնի նմանեցուցի զքեզ մերձաւորդ իմ։ Օրիորդքն ցհարսնն ասեն։

Verse: 9  Link to sept   Քանզի գեղեցկացան ծնօտք քո իբրեւ զտատրակի. պարանոց քո իբրեւ զմանեակս։

Verse: 10  Link to sept   Նմանու(թ)ի́(ւն) ոսկւոյ արասցուք քեզ՝ հանդերձ կիտուածովք արծաթոյ,

Verse: 11  Link to sept   մինչեւ արքա́յ ՛ի գիրկս իւր ընկալցի զքեզ։ Հարսնն ցիւր, եւ ցփեսայն ասէ։ Նարդոս իմ ե́տ զհոտ իւր.

Verse: 12  Link to sept   ծրար ստաշչխին է եղբօրորդին իմ ինձ. ՛ի մէջ ստեանց իմոց հանգիցէ։

Verse: 13  Link to sept   Ողկոյզ նոճոյ է եղբօրորդին իմ ինձ. ՛ի մէջ այգեստանեա́ցն ենգադդայ։ Փեսայն ցհարսնն ասէ։

Verse: 14  Link to sept   Ահա́ւադիկ կաս գեղեցի́կ մերձաւոր իմ. ահա́ւադիկ կաս գեղեցիկ. ա́չք քո աղաւնիք։ Հարսնն ցփեսայն ասէ։

Verse: 15  Link to sept   Ահա́ւադիկ կաս բարենշան եղբօրորդեակ իմ. այլ եւ գեղեցիկ առ գահոյս մեր հովանաւոր։

Verse: 16  Link to sept   Գերանք տանց մերոց մայրք. դարանաւանդք մեր նո́ճք։



Chapter: 2 
ԳԼ(ՈՒԽ) Բ՜.

Փեսայն ցիւր եւ ցհարսնն ասէ։


Verse: 1  Link to sept   Ես ծաղի́կ դաշտաց՝ շուշան հովտաց։

Verse: 2  Link to sept   Իբրեւ շուշա́ն ՛ի մէջ փշոց. ա́յնպէս մերձաւորդ իմ ՛ի մէջ դստերաց։ Հարսնն ցփեսայն ասէ։

Verse: 3  Link to sept   Իբրեւ խնծորի ՛ի փա́յտս անտառի, ա́յնպէս եղբօրորդիդ իմ ՛ի մէջ ուստերաց։ Ընդ հովանեա́ւ ն(ո)ր(ա) ցանկացայ նստել՝ եւ նստայ. եւ պտուղ ն(ո)ր(ա) քա́ղցր է ՛ի կոկորդի իմում։ Ցօրիորդսն հարսնն ասէ։

Verse: 4  Link to sept   Մուծէ́ք զիս ՛ի տուն գինւոյ, կարգեցէ́ք ՛ի վ(ե)ր(այ) իմ զսէր.

Verse: 5  Link to sept   հաստատեցէ́ք զիս իւղով. կուտեցէ́քհաստատեցէ́ք զիս իւղով. կուտեցէ́ք յիս խնձոր. զի խանդակա́թ եմ ես սիրով։

Verse: 6  Link to sept   Ձա́խ ն(ո)ր(ա) ընդ գլխով իմով. եւ աջ ն(ո)ր(ա) պւատեսցէ զինեւ։ Հարսնն ցօրիորդսն ասէ։

Verse: 7  Link to sept   Երդմնեցուցանեմ զձեզ դստերք ե(րուսաղէ)մի ՛ի զօրութի(ւն)ս եւ յուժգնու(թ)ի(ւն)ս անդաստանի, եթէ յառնիցէք՝ զարթուսջի́ք զսէրն մինչեւ կամեսցի։ Լուաւ զձայն փեսային եւ ասէ։

Verse: 8  Link to sept   Ձա́յն եղբօրորդւոյ իմոյ. ահաւասիկ սա եկն վազս առնու ՛ի վ(ե)ր(այ) լերանց՝ խաղաղացեալ ՛ի վ(ե)ր(այ) բլրոց։

Verse: 9  Link to sept   Նման է եղբօրորդին իմ այծեման կամ որթուց եղանց ՛ի վ(ե)ր(այ) լերանց բեթելայ։ Հարսնն նշա́ն տայ օրիորդացն զփեսայէն, եւ ասէ։ Ահա́ւասիկ սա եկաց յայնկոյս որմոյն մերոյ, կարկառեալ ընդ պատուհանս, հայեցեալ ընդ վանդակապատն։

Verse: 10  Link to sept   Պատասխանի́ տայ եղբօրորդին իմ ինձ՝ եւ ասէ, արի́ եկ մերձաւոր իմ, գեղեցիկ իմ, աղաւնի իմ։

Verse: 11  Link to sept   Զի ահա ձմեռն անց. անձրեւք անցին եւ գնացեալ մեկնեցան.

Verse: 12  Link to sept   ծաղիկք երեւեցան յերկրի մերում. ժամանակ եհաս յատանելոյ՝ ձայն տատրակի լսելի́ եղեւ յերկրի մերում։

Verse: 13  Link to sept   Թզենի արձակեաց զբողբոջ իւր. որթք մեր ծաղկեալք ետո́ւն զհոտ իւրեանց։ Արի́ եկ մերձաւոր իմ, գեղեցի́կ իմ,

Verse: 14  Link to sept   աղաւնի իմ՝ եւ եկ դու աղաւնեակ իմ ընդ հովանեաւ վիմիդ առ պատուարաւ պարսպիդ։ Երեւեցո́ ինձ զերեսս քո, եւ լսելի́ արա ինձ զբարբառ քո. զի բարբառ քո քաղցր է՝ եւ տեսիլ քո գեղեցիկ։ Ցօրիորդսն փեսայն ասէ զաիյս ինչ։

Verse: 15  Link to sept   Կալարո́ւք մեզ աղուեսունս մանրկունս զապականիչս այգեաց. եւ որթք մեր ծաղկեսցեն։ Հարսն ասէ զայս ինչ։

Verse: 16  Link to sept   Եղբօրորդին իմ ինձ՝ եւ ես նմա́ որ հովուէն ՛ի մէջ շուշանաց՝

Verse: 17  Link to sept   մինչեւ տիուն լուսաւորեսցէ՝ եւ ստուերքն շարժեսցին։ Դարձի́ր նմանեա́ց դու եղբօրորդի իմ այծեման կամ որթուց եղանց ՛ի վերայ լերանց խնկաբերաց։




Chapter: 3 
ԳԼ(ՈՒԽ) Գ՜.


Verse: 1  Link to sept   Յանկողնի իմում ՛ի գիշերի խնդրեցի զոր սիրեաց անձն իմ, խնդրեցի զնա՝ եւ ո́չ գտի. կոչեցի՝ եւ ո́չ ետ ինձ ձայն։

Verse: 2  Link to sept   Յարեա́յց եւ շրջեցայց ընդ քաղաքն ը(նդ) փողոցս եւ ընդ հրապարակս՝ եւ խնդրեցի́ց զոր սիրեաց անձն իմ։ Խնդրեցի զնա՝ եւ ո́չ գտի. կոչեցի զնա՝ եւ ո́չ ետ ինձ ձայն։

Verse: 3  Link to sept   Գտին զիս պահապանքն որ շրջէին ը(նդ) քաղաքն։ Հարսնն ցպահապանսն ասէ։ միթէ զոր սիրեաց անձն իմ տեսէ՞ք։

Verse: 4  Link to sept   Իբրեւ սակաւ մի անցի ը(նդ) ն(ո)ս(ա), գտի́ զոր սիրեաց անձն իմ։ Գտեալ զփեսայն ասէ։ Կալա́յ զնա, եւ ո́չ թողի զնա, մինչեւ տարայց զնա ՛ի տուն մօր իմոյ, եւ ՛ի սենեակ յղացելոյն զիս։ Զօրիորդսն երդմնեցուցանէ երկրորդ անգամ հարսնն։

Verse: 5  Link to sept   Երդմնեցուցից զձեզ դստերք ե(րուսաղէ)մի ՛ի զօրու(թ)ի(ւն)ս եւ ՛ի հաստատու(թ)ի(ւն)ս ագարակի, եթէ յառնիցէք զարթուսջիք զսէրն մինչեւ կամեսցի։ Փեսայն վ(ա)ս(ն) հարսինն ասէ։

Verse: 6  Link to sept   Ո՞վ է սա որ ելեալ գայ յանապատէ՝ իբրեւ զծուխ ծառացեալ բարձրացեալ, զմուռս եւ կնդրուկ յամ(ենայն) փոշւոյ իւղագործաց։ Օրիորդքն ասացին զա́յս ինչ։

Verse: 7  Link to sept   Ահա գահոյք սողոմոնի. վաթսուն սպառազղէնք շուրջ զնովաւ ՛ի քաջացն ի(սրայէ)լի.

Verse: 8  Link to sept   ամենեքեան սուսերաւորք հմուտք պատերազմի, այր իւրաքանչիւր սուր յազդեր յարհաւորաց գիշերոյ։

Verse: 9  Link to sept   Արար իւր գահաւորակ արքայ սողոմոն ՛ի փայտից լիբանանու։

Verse: 10  Link to sept   զսիւնս ն(ո)ր(ա) գործեաց արծաթիս, զկոնք ն(ո)ր(ա) ոսկի, եւ զձեղուն ն(ո)ր(ա) ծիրանի, զմէջ ն(ո)ր(ա) ականակապ. տարածեալ զսէրն ՛ի դստերացն ե(րուսաղէ)մի։

Verse: 11  Link to sept   Ելէ́ք հայեցարո́ւք դստերք սիոնի յարքայ սողոմոն ՛ի պսակն որով պսակեաց զնա մայր իւր յաւուր փեսայու(թ)ե(ան) իւրոյ, եւ յաւուր ուրախութե(ան) սրտի իւրոյ։




Chapter: 4 
ԳԼ(ՈՒԽ) Դ՜.

Փեսայն ասէ։


Verse: 1  Link to sept   Ահաւադիկ կաս գեղեցիկ մերձաւո́ր իմ՝ ահաւադիկ կաս գեղեցիկ. աչք քո աղաւնիք բա́ց ՛ի լռու(թեն)էդ քումմէ։ Վա́րսք քո իբրեւ զերամակս այծից որք երեւեցան ՛ի գաղաադէ։

Verse: 2  Link to sept   Ատամունք քո իբրեւ զերամակս կտրելոց որք ելանեն ՛ի լուալեաց։ ամենեքեան երկուորիք են, եւ անորդի ո́չ գոյ ՛ի ն(ո)ս(ա)։

Verse: 3  Link to sept   Իբրեւ զթել որդան են շրթունք քո. եւ խոսք քո գեղեցիկ։ իբրեւ զկեղեւ նռան են այտք քո՝ բա́ց ՛ի լռու(թեն)էդ քումմէ։

Verse: 4  Link to sept   Իբրեւ զաշտարակն դաւթի պարանոց քո՝ որ շինեալն է ՛ի թալպիովթ. հազար վահանք կախեալ են զնմանէ, եւ ամ(ենայն) նետք սպառազինաց։

Verse: 5  Link to sept   Երկո́ւ ստինք քո իբրեւ զերկուս ուլս երկուորիս այծեման, որ արածիցին ՛ի մէջ շուշանաց,

Verse: 6  Link to sept   մինչեւ տիւն նուաղեսցէ, եւ ստուերքն շարժեսցին։ Գնացի́ց ես ինձէն ՛ի լեառն զմըռնենեաց, եւ ՛ի բլուրն կնդրկի։

Verse: 7  Link to sept   Ամենեւին գեղեցիկ ես մերձաւոր իմ, եւ արատ ինչ ո́չ գոյ ՛ի քեզ։

Verse: 8  Link to sept   Ե́կ ՛ի լիբանանէ հարսն, ե́կ այսր ՛ի լիբանանէ։ եկեսցես եւ անցցես ՛ի գլխոյ հաւատոց՝ ՛ի կատարէ սանիրայ եւ հերմոնի, ՛ի մայրեաց առիւծուց, եւ ՛ի լերանց ընծուց։

Verse: 9  Link to sept   Սրտակա́թ արարեր զմեզ քոյր մեր հարսն. սրտակա́թ արարեր զմեզմ միով ակամբ քով, եւ միով քառամանեկաւ պարանոցի քոյ։

Verse: 10  Link to sept   Քանզի գեղեցկացան ստինք քո քոյր իմ հարսն. քանզի գեղեցկացան ստինք քո ՛ի գինւոյ, եւ հոտ հանդերձից քոց քան զամ(ենայն) խունկս։

Verse: 11  Link to sept   Մե́ղր կաթեցուցանեն շրթունք քո քոյր իմ հարսն. մեղր եւ կա́թն ՛ի ներքոյ լեզուի քոյ, եւ հոտ հանդերձից քոց իբրեւ զհո́տ կնդրկի։

Verse: 12  Link to sept   Պարտէ́զ փակեալ քոյր իմ հարսն, պարտէզ փակեալ եւ աղբեւր կնքեալ։

Verse: 13  Link to sept   Պատգամաւորու(թ)ի(ւն) քո դրախտ նռնենեաց հանդերձ պտղովք մրգաբերաց։ Կիպրոս հանդերձ նարդոսիւ։

Verse: 14  Link to sept   Նարդոս եւ քրքում խունկեղէգն եւ կինամոմոն, հանդերձ ամ(ենայն) ծառօք լիբանանու։ Զըշմուռս եւ հալուէ, հանդերձ ամ(ենայն) գլխաւոր խնկօք։

Verse: 15  Link to sept   Աղբեւր բուրաստանաց եւ ակն ջրոյ կենդանւոյ՝ բղխեալ ՛ի լիբանանէ։

Verse: 16  Link to sept   Արի́ հիւսւիսի եւ ե́կ հարաւ, շնչեա́ ՛ի պարտէզ իմ, եւ բուրեսցին խունկք իմ։



Chapter: 5 
ԳԼ(ՈՒԽ) Ե՜.

Հարսնն աղաչէ զի իջցէ փեսայն իւր։


Verse: 1  Link to sept   Իջցէ եղբօրորդի իմ ՛ի պարտէզ իւր. եւ կերիցէ զպտուղս ծառոց իւրոց։ փեսայն ցհարսն ասէ։ Մտի́ ՛ի պարտեզ իմ քոյր իմ հարսն, կթեցի́ զմուռս իմ հանդերձ խնկօք իմովք. կերայ զհաց իմ մեղու իմով. արբի զգինի իմ կաթամբ իմով։ Կերա́յք մերձաւորք իմ եւ արբէ́ք, եւ արբեցարո́ւք եղբօրորդիք իմ։

Verse: 2  Link to sept   Ես ննջեմ, եւ սիրտ իմ արթո́ւն կայ։ Հարսնն զգայ զփեսային բախել զդուռնն։ Ձա́յն եղբօրորդւոյ իմոյ բախէ ՛ի դրանն։ Փեսայն ասէ։ Բա́ց ինձ քո́յր իմ, մերձաւո́ր իմ, աղաւնի́ իմ, կատարեա́լ իմ. զի գլուխ իմ լցաւ ցզօղով, եւ վարսք իմ ՛ի շաղի́ց գիշերոյ։ Հարսնն ասէ զայս ինչ։

Verse: 3  Link to sept   Մերկացա́յ զպատմուճան իմ, զի՞արդ ագանիցիմ զնա. լւացի զոտս իմ, զի՞արդ աղտեղացուցից զն(ո)ս(ա)։

Verse: 4  Link to sept   Եղբօրորդին իմ ձգեաց զձեռն իւր ընդ պատուհանն, եւ որովայն իմ խռովեցա́ւ ՛ի նա։

Verse: 5  Link to sept   Յարեա́յ ես ՛ի բանալ եղբօրորդւոյ իմոյ։ Ձեռք իմ կաթեցուցին զմուռս. եւ մատունք իմ զմուռս լցեալս

Verse: 6  Link to sept   ՛ի վ(ե)ր(այ) ձեռաց փակաղակին։ Բացի́ ես եղբօրորդւոյ իմոյ. եղբօրորդի իմ անց, եւ ոգի իմ ե́լ ընդ բանի ն(ո)ր(ա)։ Խնդրեցի զնա՝ եւ ո́չ գտի. կոչեցի զնա՝ եւ ո́չ ետ ինձ ձայն։

Verse: 7  Link to sept   Գտին զիս պահապանքն որ շրջէին ՛ի քաղաքին։ հարին եւ վիրաւորեցին զիս. հանին յինէն զխլայն իմ պահապանք պարսպացն։

Verse: 8  Link to sept   Երդմնեցուցից զձեզ դստերք ե(րուսաղէ)մի՝ ՛ի զօրութի(ւն)ս եւ ՛ի հաստատութի(ւն)ս ագարկի, եթէՏԵ գտանիցէք զեղբօրորդին իմ պատմեսջի́ք նմա, եթէ կաթոգին եմ ես ՛Ի սէր քո։ Դստերքն ե(րուսաղէ)մի եւ պահապանք պարսպացն հարցանեն զհարսն։

Verse: 9  Link to sept   Զի՞նչ է եղբօրորդին քո յեղբօրորդեաց՝ գեղեցիկդ ՛ի կանայս. զի՞նչ է եղբօրորդին քո յեղբօրորդեաց, զի ա́յդպէս երդմնեցուցեր զմեզ։ Հարսնն նշա́ն տայ զեղբօրորդւոյն զինչ ոք էրն։

Verse: 10  Link to sept   Եղբօրորդին իմ սպիտա́կ է եւ կարմիր՝ ընտրեալ ՛ի բիւրուց։

Verse: 11  Link to sept   Գլո́ւխ ն(ո)ր(ա) յոսկւոյ կեփազեայ. վարսք ն(ո)ր(ա) կռածոյք սեա́ւ իբրեւ զագռաւ։

Verse: 12  Link to sept   Աչք ն(ո)ր(ա) իբրեւ զաղաւանիս ՛ի վ(ե)ր(այ) լիութե(ան) ջրոց, լուացեալ կաթամբ, նստեալ ՛ի վ(ե)ր(այ) ջրոց լրութե(ան)։

Verse: 13  Link to sept   Ծնօտք ն(ո)ր(ա) իբրեւ զտաշտս խնկոց բուրեն զանուշահոտութի(ւն)Ի իւղագործաց։ շրթունք ն(ո)ր(ա) շուշանք՝ բուրեն զմուռս լիու(թ)ե(ան)։

Verse: 14  Link to sept   Ձեռք ն(ո)ր(ա) ոսկիք ճախարակեայք՝ լցեալ ակամբք թարսսայ։ որովա́յն ն(ո)ր(ա) տախտակ փղոսկրեայ ականակապ յականց շափիղայ։

Verse: 15  Link to sept   Սրո́ւնք նորա սիւնք մարմարեայք հաստատեալք ՛ի վ(ե)ր(այ) ոսկեաց խարսխաց։ Տտեսիլ ն(ո)ր(ա) իբրեւ զընտիր եղեւնափֆայտից լիբանանու։

Verse: 16  Link to sept   Կոկորդ ն(ո)ր(ա) լի́ քաղցրու(թեամ)բ. եւ ամենեւին ցանկալի։ Ա́յն է եղբօրորդին իմ, եւ ա́յն է մերձաւոր իմ՝ դստե́րք ե(րուսաղէ)մի։ Հարցանեն դստերքն ե(րուսաղէ)մի՝ ո՞ւր անց եղբօրորդի ն(ո)ր(ա). ա́յսինքն է՝ հարսինն։

Verse: 17  Link to sept   Յո՞ գնաց եղբօրորդին քո գեղեցիկդ ՛ի կանայս. յո՞ր կողմն գիտեաց եղբօրորդին քո՝ եւ խնդրեսցուք եւ մեք զնա ընդ քեզ։



Chapter: 6 
ԳԼ(ՈՒԽ) Զ՜.

Պատասխանի տայ հարսնն եւ ասէ։


Verse: 1  Link to sept   Եղբօրորդին իմ էջ ՛ի պարտէզ իւր ՛ի տաշտս խնգոց. հովուել ՛ի բուրաստանս՝ եւ ժողովել շուշանս։

Verse: 2  Link to sept   Ես եղբօրորդւոյ իմոյ՝ եւ եղբօրորդին իմ ինձ որ հովուէն ՛ի մէջ շուշանաց։ Փեսայն ցհարսնն ասէ։

Verse: 3  Link to sept   Բարենշա́ն ես մերձաւոր իմ իբրեւ զհաճութի(ւն), գեղեցի́կ իբրեւ զե(րուսաղէ)մ, զարմանալի յօրինեալ։

Verse: 4  Link to sept   Դարձո́ զաչս քո յինէն, վ(ա)ս(ն) զի դոքա սրարբեցուցին զիս։ վարսք քո իբրեւ զերամակս այծից որք երեւեցան ՛ի գաղաադէ։

Verse: 5  Link to sept   Ատամունք քո իբրեւ զերամակս կտրելոց որք ելանեն ՛ի լուալեաց. ամենեքին երկուորիք են, եւ անծնունդ ո́չ գոյ ՛ի ն(ո)ս(ա)։

Verse: 6  Link to sept   Իբրեւ զթել կարմիր շրթունք քո, եւ խզօսք քո գեղեցիկք։ իբրեւ կեղեւ նռան այտք քո՝ բա́ց ՛ի լռու(թեն)էդ քումմէ։

Verse: 7  Link to sept   Վաթսո́ւն են թագուհիք, եւ ութսո́ւն հարճք. եւ օրիորդք որոց ո́չ գոյ թիւ։

Verse: 8  Link to sept   Մի́ է աղաւնի իմ կատարեա́լ իմ. մի է մօր իւրոյ ընտրեա́լ ծնողի իւրոյ։ տեսին զնա դստերք՝ եւ երանեցին նմա. թագուհիքն եւ հարճք գովեցին զնա։ Դստերքն եւ տագուհիք տեսին զհարսնն, եւ երանեցին նմա։

Verse: 9  Link to sept   Ո՞վ սա որ երեեւալս է իբրեւ զառաւօտ, գեղեցի́կ իբրեւ զլուսին, ընտի́ր իբրեւ զարեգակն. զարմանալիի յօրինեալ։ Փեսայն ցհարսնն ասէ։

Verse: 10  Link to sept   ՛Ի պարտէզս ընգուզեացն իջի հաւյել յարդիւնս վտակացն. տեսանե́լ թէ ծաղկեա՞լ իցէ որթ, թէ ծաղկեա՞լ իցէ նոճ, թէ ծաղկեալ իցեն նռնենիք։ հարսնն ցփեսայն ասէ։

Verse: 11  Link to sept   Ա́նդ տաց զստինս իմ քեզ, ո́չ ծանեաւ անձն իմ. ե́դ զիս իբրեւ զկառսոն ամինադաբայ։ Դստերքն եւ թագուհիքն ցհարսնն ասեն։

Verse: 12  Link to sept   Դարձի́ր ոդողոմացիդդ դարձի́ր, դարձի́ր եւ տեսցուք մեք ՛ի քեզ։




Chapter: 7 
ԳԼ(ՈՒԽ) Է՜.

Ցդստերսն եւ ցթագուհիսն փեսայն զայս ինչ ասէ։


Verse: 1  Link to sept   Զի՞նչ տեսանէք յոդողոմացիդ որ դիմեալ գայ իբրեւ զգունդս բանակաց. ք(ան)զի գեղեցկացան գնացք քո կօշկօք դո́ւստր ամինադաբայ։ Ձեւ բարձինց քոց նմա́ն է ուլանց յեռելոց գործոյց ճարտարի։

Verse: 2  Link to sept   Պո́րտ քո թակոյկ ճախարակեայ անպակաս ՛ի գինւոյ խառնելոյ։ որովայն քո՝ իբրեւ զշեղջ ցորենոյ փակեալ շուշանաւ։

Verse: 3  Link to sept   Երկո́ւ ստինք քո՝ իբրեւ երկուս ուլս երկուորիս այծեման։

Verse: 4  Link to sept   պարանոց քո՝ իբրեւ աշտարա́կ փղոսկրեայ։ Աչք քո՝ իբրեւ զծովակն եսեբոնի ՛ի դրունս դստերաց բազմաց։ Ըռնգունք քո՝ իբրեւ զաշտարակն լիբանանու, որ գիտէ հանդէպ դամասկոսի։

Verse: 5  Link to sept   Գլուխ քո ՛ի վերայ քո իբրեւ զկարմելոս։ եւ հեւսք գլխոյ քոյ իբրեւ զծիրանի իբրեւ զթագաւոր, տթա́գ ՛ի գլուխ յասպարէսս։

Verse: 6  Link to sept   Քանի՞ գեղեցկացար՝ եւ քանի՞ քաղցրացար, սէր ՛ի փափկութե(ան) քում։

Verse: 7  Link to sept   Նմանեցաւ մեծու(թ)ի(ւն)Ի քո արմաւենւոյ, եւ ստինք քո ողկուզաց։

Verse: 8  Link to sept   Ասացեր՝ թէ ելի́ց յարմաւենին, բո́ւռն հարից զբարձրութե(ան)ց ն(ո)ր(ա)։ Եւ եղիցին ստինք քո իբրեւ զողկոյզս որթոյ. եւ հոտ ըռնգանց քոց իբրեւ զխնձո́ր.

Verse: 9  Link to sept   եւ կոկորդ քո իբրեւ զգինի ազնիւ։ Երթեալ զհետ եղբօրորդւոյ իմոյ յուղղու(թ)ի(ւն)ս, բաւականեալ շրթամբք իմովք՝ եւ ատամամբք։

Verse: 10  Link to sept   Ե́ս եղբօրորդւոյ իմոյ՝ եւ առ ի́ս դարձ ն(ո)ր(ա)։

Verse: 11  Link to sept   Ե́կ եղբօրորդի իմ ելցուք յագարակս, ագցուք ՛ի շէնս եւ ՛ի պարտէզս.

Verse: 12  Link to sept   կանխեսցուք յայգիս։ Տեսցուք թէ ծաղկեա՞լ իցէ որթ, թէ ծաղկեա՞լ իցէ նոճ, թէ ծաղկեա՞լ իցէ նռնենի. ա́նդ տաց զստինս իմ քեզ։

Verse: 13  Link to sept   Մանրագո́րք ետուն զհոտ իւրեանց. եւ առ դուրս մեր ամենայն մրգաբերք։ Զնոր առ հնով, զոր ետ ինձ մայր իմ, պահեցի́ քեզ եղբօրորդի իմ։



Chapter: 8 
ԳԼ(ՈՒԽ) Ը՜.


Verse: 1  Link to sept   Ո́վ տայր քեզ եղբօրորդի իմ դիտել զստինս մօր իմոյ։ Գտեալ արտաքոյ՝ համբուրեցի́ց զքեզ, եւ ո́չ անգոսնեսցես զիս։

Verse: 2  Link to sept   Առեալ ածից զքեզ ՛ի տուն մօր իմոյ՝ եւ ՛ի սենեակ յղացելոյն զիս։ արբուցից քեզ ՛ի գինւո́յ իւղագործաց, յօշարակէ́ նռնենեաց իմոց։

Verse: 3  Link to sept   Ձա́խ ն(ո)ր(ա) ը(նդ) գլխով իմով, եւ ա́ջ ն(ո)ր(ա) պատեսցի զինեւ։

Verse: 4  Link to sept   Երդմնեցուցից զձեզ դստերք ե(րուսաղէ)մի ՛ի զօրու(թ)ի(ւն)ս եւ ՛ի հաստատութի(ւն)ս ագարակի, եթէ յառնիցէք զարթուսջի́ք զսէրն մինչեւ կամեսցի։ Դստերքն եւ թագուհիքն ասեն։

Verse: 5  Link to sept   Ո́վ է սա որ ելեալ գայ սպիտակացեալ. յենո́ւ գայ յեղբօրորդի իւր։ Փեսայն ցհարսն ասէ։ ՛Ի ներքոյ խնձորւոյն զարթուցի զքեզ. ա́նդ երկնեաց զքեզ մայր քո. ա́նդ երկնեաց որ ծնաւն զքեզ։

Verse: 6  Link to sept   Դի́ր զիս իբրեւ զկնիք ՛ի սրտի քում, եւ իբրեւ զմատանի յաջոյ ձեռին քոյ։ զի բո́ւռն է իբրեւ զմահ սէր, եւ խիստ իբրեւ զդժոխս նախանձ։ թռիչք ն(ո)ր(ա) իբրեւ զթռիչս բոցո́յ հրոյ։

Verse: 7  Link to sept   Ջուրք բազումք ո́չ կարասցեն զսէր շիջուցանել. եւ գետք ո́չ արգելցեն զնա։ Եթէ տացէ այր զամ(ենայն) զկեանս իւր ընդ սիրոյ, անգդոսնելո́վ անգոսնեսցեն զնա։

Verse: 8  Link to sept   Քոյր մեր փոքրիկ եւ ստինք ո́չ գոյ ն(ո)ր(ա). զի՞նչ արասցուք քեռ մերում յաւուր յորում պատմեսցի նմա։

Verse: 9  Link to sept   Եթէ պարի́սպ իցէ՝ շինեսցո́ւք ՛ի վ(ե)ր(այ) ն(ո)ր(ա) մահարձանս արծաթիս։ եթէ դուռն իցէ՝ յօրինեսցուք ՛ի նմա տախտակս եղեւնափայտեայս։ Հարսնն համարձակի եւ ասէ։

Verse: 10  Link to sept   Ես եմ պարիսպ՝ եւ ստինք իմ իբրեւ զաշտարակս, ե́ս էի յաչս ն(ո)ր(ա) ո(ր)պ(էս) որ գտանիոցէ զխաղաղութի(ւն)։

Verse: 11  Link to sept   Ա́յգի եղեւ սողոմոնի ՛ի բեելմաւոն. ե́տ զայգին իւր ցպահապանս. բերցէ այր իւրաքանչիւր ընդ պտղոյ ն(ո)ր(ա) հազա́րս արծաթոյ։

Verse: 12  Link to sept   Այգի իմ ինձ առաջի իմ. հազա́րք սողոմոնի, եւ երկերիւր պահապանաց որ պահեն զպտուղ ն(ո)ր(ա)։ Հարսնն ասէ։

Verse: 13  Link to sept   Որ նստիսդ ՛ի պարտէզս ա́յլք անսան քեզ. լսելի́ արա ինձ զբարբառ քո։

Verse: 14  Link to sept   Փախի́ր եղբօրորդի՝ իմ, եւ նմանեա́ց այծեման. կամ որթուց եղանց ՛ի վերայ լերանց խնկաբերաց։




Chapter: 8a 
Այլուստ իմն գտեալ ՛ի սմին երգոյ։

Օրիորդքն եւ թագուհիքն ասեն։


Verse: 1  Link to sept   Գիտացի զի մարմին զբօսացուցանէ զմանկու(թ)ի(ւն) բարձրացուսցէ ՛ի շտեմարանս իւր։ թագաւոր մեր ՛ի գահոյս մեր։ իբրեւ արմաւ ոսկեղէն զըմռսալից լցցին տաշտաք մեր։

Verse: 2  Link to sept   Դարձցի թագաւորն անդրէն ՛ի մանկութի(ւն)։

Verse: 3  Link to sept   Սիրելին ՛ի սենեա́կս մեր. երգեսցո́ւք զսէրն։ Փեսայն ասէ։

Verse: 4  Link to sept   Ե́ս իսկ եմ ՛ի սաղմոսարանին. երգեցի́ց ընդ ընկերս իմ։ երգեսցո́ւք եւ ուրա́խ լիցուք։ Հարսնն եւ դստերքն եւ օրիորդքն ասէն։

Verse: 5  Link to sept   թագաւոր սիրելի, թէպէտ եւ ծածկեցաք ՛ի տեսլենէ, աչք մեր յսնաւորք։

Verse: 6  Link to sept   Տ(է)ր արար զքեզ, հաստատեաց զքեզ, պատրաստեա́ց զքեզ յարգանդէ. գեղեցիկդ ՛ի կանայս. մա́յր քո ծնցի մարմին անտխիղծ։ Առ նոյն՝ յայլմէ տեսչութ(են)է, զի ա́յսպէս ունէր։





Book: Sap.Sal. 
Sapientia Salomonis

The Wisdom of Salomon,
entered by J. Gippert and N. Č̣anṭlaʒe,
Frankfurt a/M, 2003-2004 / Tbilisi, May 2004;
TITUS version by J. Gippert,
Frankfurt a/M, 30.5.2004


ԻՄԱՍՏՈՒԹԻՒՆ
ՍՈՂՈՄՈՆԻ

Chapter: 1 
ԳԼ(ՈՒԽ) Ա՜.


Section: 1 

Verse: 1   Link to sept   ՍԻՐԵՑԷ́Ք զարդարութիւն՝ ոյք դատիք զերկիր։ Խորհեցարո́ւք զտ(եառն)է բարու(թեամ)բ. եւ միամտու(թեամ)բ սրտիւ խնդրեցէ́ք զնա։

Verse: 2   Link to sept   Զի գտանի́ այնոցիկ որ ո́չ փորձեն զնա. եւ երեւի́ որոց ո́չ թերահաւատեն ՛ի նմանէ։

Verse: 3   Link to sept   Զի խորհո́ւրդք թեւրք անջատեն յա(ստուածո)յ. եւ զօրութի(ւն) փորձ՝ յանդիմանէ́ զանզգամս։

Verse: 4   Link to sept   Զի յանձն չարարուեստ՝ իմաստութի(ւն) ո́չ մտցէ, եւ ո́չ բնակէ ՛ի մարմնի վարեցելո́յ մեղօք։

Verse: 5   Link to sept   Զի ս(ուր)բ հոգին իմաստութե(ան) փախիցէ́ ՛ի նենգութ(են)է. եւ մերժեսցի ՛ի խորհրդոց անմտաց, եւ յանդիմանեսցէ́ ՛ի հասանել ՛ի վ(ե)ր(այ) անիրաւութե(ան)ց։

Verse: 6   Link to sept   Զի մարդասէր հոգին իմաստու(թ)ե(ան)՝ ո́չ արդարացուցանէ զհայհոյիչն ՛ի շրթանց իւրոց. զի երիկամանց ն(ո)ր(ա) է վկա́յ ա(ստուա)ծ, եւ սրտի ն(ո)ր(ա) ոստիկա́ն ճշմարիտ. եւ լեզուի ն(ո)ր(ա) ունկնդիր։

Verse: 7   Link to sept   Զի հոգի տ(եառ)ն ելից զտիեզերս, եւ որ ունի զամ(ենայն)՝ ունի́ զգիտու(թ)ի(ւն)Ի բարբառոյ։

Verse: 8   Link to sept   Վ(ա)ս(ն) այնորիկ՝ եւ որ շըշնջեն զանիրաւս ո́չ ծածկեսցի. եւ ո́չ իրաւունք առ նովաւ առանց կշտամբու(թ)ե(ան) անցցեն։

Verse: 9   Link to sept   Զի խորհրդոց ամպարշտաց՝ հա́րց եւ փորձ եղիցի. եւ բա́նի́ց ն(ո)ց(ա) լուր՝ առ տ(է)ր հասցէ ՛ի կշտամբութի(ւն) անօրէնու(թ)ե(ան)ց ն(ո)ց(ա)։

Verse: 10   Link to sept   Զի ունկն նախանձաւորութե(ան) լսէ́ զամ(ենայն). եւ շըշնջիւն քրթմնջանաց՝ ո́չ ծածկեսցի։

Verse: 11   Link to sept   Այսուհետեւ զգո́յշ լերուք յանօգուտ քրթմնջանէ. եւ ՛ի բամբասանաց խնայեցէ́ք զլեզու։ զի շըշունջ գաղտնի՝ դատարկ ո́չ անցցէ, եւ բերան ստախօս՝ սպանանէ զանձն։
Section: 2 

Verse: 12   Link to sept   Մի́ ցանկայք մահու մոլորութ(եամ)բ կենաց ձերոց. եւ մի́ ձգէք յանձինս զսատակումն գործովք ձեռաց ձերոց։

Verse: 13   Link to sept   Զի ա(ստուա)ծ զմահ ո́չ արար, եւ ո́չ խնդայ ընդ կորուստ կենդանեաց։

Verse: 14   Link to sept   Քանզի հաստատեաց ՛ի լինել զամ(ենայն). եւ ՛ի փրկութի(ւն) են գործք աշխարհի։ Չի́ք ՛ի ն(ո)ս(ա) դեղ սատակման. եւ ո́չ թագաւորութի(ւն) դժոխոց ՛ի վ(ե)ր(այ) երկրի.

Verse: 15   Link to sept   զի արդարու(թ)ի(ւն)՝ անմա́հ է։

Verse: 16   Link to sept   Իսկ ամպարիշտք ձեռօք եւ բանիւք կոչեցին զնա առ իւրեանս։ բարեկա́մ համարեցան զնա, եւ հալեցան, եւ դաշինս կռեցին ը(նդ) նմա. զի արժանի́ իսկ են բաժանակի́ց նմա լինելոյ։



Chapter: 2  
ԳԼ(ՈՒԽ) Բ՜.


Verse: 1   Link to sept   Խորհեցա́ն յանձինս իւրեանց զանուղղայս եւ ասեն. սակա́ւ եւ ցաւագին են կեանք մեր, եւ ո́չ գոյ բժշկութի(ւն) ՛ի վախճանի մարդոյ. եւ չերեւեցա́ւ որ դարձաւ ՛ի դժոխոց։

Verse: 2   Link to sept   Զի յանկարծակի́ իմն եղաք. եւ յետ այսորիկ լինիցիմք իբրեւ զչեղեալք։ Զի իբրեւ զծո́ւխ է շունչ յըռնգունս մեր, եւ իբրեւ զկայծա́կն բան ՛ի շարժման սրտի մերում։

Verse: 3   Link to sept   Յորոյ շիջանելն՝ մոխի́ր լինի մարմինն. եւ ոգին սփռի իբրեւ զօդ թոյլ։

Verse: 4   Link to sept   Եւ անունս մեր մոռասցի́ ժամանակաւ. եւ ո́չոք յիշատակեսցէ զգործս մեր։ Անցցե́ն կեանք մեր իբրեւ զհետս ամպոյ, եւ իբրեւ զչամանդա́ղ ցրուեսցին հալածեալք ՛ի ճառագայթից արեգական, եւ ՛ի տապոյ ն(ո)ր(ա) ծանրացեալք։

Verse: 5   Link to sept   Զի անցք ստուերի́ են կեանք մեր, եւ չի́ք խափան վախճանի մարդկան, զի կնքեցաւ եւ ո́չոք դարձուցանէ։

Verse: 6   Link to sept   Արդ եկա́յք՝ եւ վայելեսցուք ՛ի բարութի(ւն)ս որ կանս. եւ վարեսցուք արարածովքս զբաղեալք իբրեւ ՛ի մանկու(թ)ե(ան)։

Verse: 7   Link to sept   Պէսպէ́ս գինեօք եւ անոյշ իւղովք լցցուք. մի́ անցցէ առ մեւք ծաղիկ գարնայնոյ։

Verse: 8   Link to sept   Բոլորիւք վարդից պսակեսցուք՝ մինչչե́ւ թառամեալ իցեն։

Verse: 9   Link to sept   Մի́ոք ամենեւին լիցի անմասն ՛ի մեծամեծար ուրախութ(են)էս մերմէ. յամ(ենայն) տեղիս թողցուք զնշանակ ուրախու(թ)ե(ան)։ զի ա́յն է բաժին մեր, եւ սո́յն վիճակ։

Verse: 10   Link to sept   Բռնադատեսցուք զտնանկն անիրաւու(թեամ)բ. մի́ խնայեսցուք յայրին. մի́ խորշեսցուք ՛ի բազմանակեայ ալեաց ծերոյն։

Verse: 11   Link to sept   Եւ օրէնս արդարութե(ան) բռնութի(ւն) մեր եղիցի։ զի տկարու(թ)ի(ւն) անպիտան յանդիմանի։

Verse: 12   Link to sept   Դարանակա́լ լիցուք արդարոյն զի դժպհի եղեւ մեզ. եւ հակառա́կ կայ գործոց մերոց։ եւ նախատինս դնէ մեզ զյանցանս օրինացն. եւ բամբասէ զմեղօք մանկութե(ան) մերոյ։

Verse: 13   Link to sept   Խոստանայ ունել զգիտու(թ)ի(ւն) ա(ստուածո)յ, եւ որդի տ(եառ)ն զանձն իւր անուանէ։

Verse: 14   Link to sept   եւ եղեւ ՛ի յանդիմանու(թ)ի(ւն) մտաց մերոց։

Verse: 15   Link to sept   Ծա́նր է մեզ եւ տեսանելն զնա. զի աննմա́ն են այլոց կեանք ն(ո)ր(ա)՝ եւ այլազգի շաւիղք ն(ո)ր(ա)։

Verse: 16   Link to sept   ՛Ի գարշութի(ւն) համարեցաք նմա. եւ խորշի́ ՛ի ճանապարհաց մերոց՝ իբրեւ ՛ի պղծութե(ան)ց։ երանէ́ զվախճան արդարոց. եւ հպարտացեալ՝ կոչէ հայր զա(ստուա)ծ։

Verse: 17   Link to sept   Տեսցուք թէ ճշմարի՞տ իցեն բանք ն(ո)ր(ա). եւ փորձեսցո́ւք զվախճան նորա։

Verse: 18   Link to sept   Եթէ իցէ արդարե́ւ որդի ա(ստուածո)յ՝ պաշտպանեսցէ́ նմա. եւ փրկեսցէ զնա ա(ստուա)ծ ՛ի ձեռաց հակառակորդաց։

Verse: 19   Link to sept   Թշնամանօք եւ գանիւք խոշտանգեսցուք զնա։ Եթէ լինիցի՞ այցելու(թ)ի(ւն) նմա. զի զչա́փ առցուք զհեղու(թ)ե(ան) ն(ո)ր(ա), եւ խելամուտ լիցուք անոխակալութե(ան) ն(ո)ր(ա)։

Verse: 20   Link to sept   Մահո́ւ խայտառակու(թ)ե(ան) դատեսցուք զնա։ եթէ լինիցի՞ այցելութի(ւն) նմա ՛ի բանից իւրոց։
Section: 3 

Verse: 21   Link to sept   Զա́յս խորհեցան եւ խաբեցան. զի կուրացո́յց զնոսա չարու(թ)ի(ւ)ն իւրեանց։

Verse: 22   Link to sept   եւ ո́չ ծանեան զխորհուրդս ա(ստուածո)յ, եւ ո́չ վարձուց ա́կնկալան սրբու(թ)ե(ան). եւ ո́չ ընտրեցին զպատիւ ոգւոց անարատից։

Verse: 23   Link to sept   Զի ա(ստուա)ծ հաստատեաց զմարդն յանեղծու(թ)ե(ան), եւ ՛ի պատկեր իւրոյ բարերարու(թ)ե(ան)ն արար զնա։

Verse: 24   Link to sept   նախանձու բանսարկու(թ)ի(ւ)ն եմուտ մահ յաշխարհ։

Verse: 25   Link to sept   եւ փորձեն զնա որ ն(ո)ր(ա)՝ վիճակին սակի́ են։



Chapter: 3  
ԳԼ(ՈՒԽ) Գ՜.


Verse: 1   Link to sept   Բայց ոգիք արդարոց ՛ի ձեռի́ն ա(ստուածո)յ են, եւ ո́չ մերձեսցի ՛ի ն(ո)ս(ա) մահ։

Verse: 2   Link to sept   Թուեցան յաչս անզգամաց թէ մեռան, եւ համարեցան չարչարանք ելք ն(ո)ց(ա)՝

Verse: 3   Link to sept   եւ գնալն ՛ի մէնջ բեկո́ւմն. բայց նոքա են խաղաղու(թ)ե́(ան)։

Verse: 4   Link to sept   Զի թէպէտ եւ յաչս մարդկան տանջեցան, այլ յոյս ն(ո)ց(ա) լի́ է անմահու(թեամ)բ։

Verse: 5   Link to sept   Եւ սակաւիկ ինչ խրատեալք եւ տրտմեալք, գտցեն զմեծ բարու(թ)ի(ւն)։ զի ա(ստուա)ծ փորձեաց զն(ո)ս(ա), եւ եգիտ զնոսա իւր արժանիս։

Verse: 6   Link to sept   Իբրեւ զոսկի ՛ի բովս քննեաց զն(ո)ս(ա), եւ իբրեւ զողջակէ́զ զոհի ընկալաւ զն(ո)ս(ա)։ ՛Ի 2ամանակի այցելութե(ան) իւրեանց

Verse: 7   Link to sept   պայծառասցին, եւ իբրեւ կայծակն ընդ եղէգն ընթասցին։

Verse: 8   Link to sept   Դատեսցին զազգս՝ եւ ընկալցին զժողովուրդս. եւ թագաւորեսցէ́ նոցա տ(է)ր յաւիտեան։

Verse: 9   Link to sept   Յուսացեա́լք ՛ի նա՝ իմասցին զճշմարտութի(ւն). եւ հաւատարիմք՝ սիրո́վ ակնկալցին նմա։ զի շնորհք եւ ողորմու(թ)ի(ւն) ՛ի վ(ե)ր(այ) սրբոց ն(ո)ր(ա), եւ այցելու(թ)ի(ւն) ՛ի վ(ե)ր(այ) ընտրելոց ն(ո)ր(ա)։

Verse: 10   Link to sept   Իսկ ամպարիշտք ը(նդ) խորհրդոց իւրեանց ընկալցին զպատիժս. որ անփո́յթ արարին զիրաւանց, եւ եղեն ապստա́մբք ՛ի տ(եառն)է։

Verse: 11   Link to sept   Զի որ զիմաստութի(ւն) եւ զխրատ անարգէ՝ թշուառակա́ն է, եւ ընդունա́յն է յոյս ն(ո)ց(ա). եւ վաստակք ն(ո)ց(ա) անօգուտք, եւ անպիտա́ն գործք ն(ո)ց(ա)։

Verse: 12   Link to sept   կանայք ն(ո)ց(ա) անմիտք, եւ չարաբա́ր մանկունք ն(ո)ց(ա).

Verse: 13   Link to sept   եւ անիծեալ ծնունդք ն(ո)ց(ա)։
Section: 4 
   Զի երանեա́լ է ամուլն անարատ՝ որ ո́չ գիտաց զանկողինս յանցանաց ընկալցի́ պտուղ յայցելու(թ)ե(ան) ոգւոց։

Verse: 14   Link to sept   Եւ ներքինի՝ որ ո́չ գործեաց ձեռօք զանօրէնու(թ)ի(ւն), եւ ո́չ խորհեցաւ զտ(եառ)նէ չարութի(ւն). տացի նմա շնորհ ընտիր ըստ հաւատոցն, եւ վիճակ ցանկալի ՛ի տաճարի տ(եառ)ն։

Verse: 15   Link to sept   Զի ընդ վաստակոց բարեաց պտուղ փառաւո́ր է. եւ արմա́տ անսխալ յիմաստութ(են)է։

Verse: 16   Link to sept   Որդիք շնացելոց թերակատա́րք եղիցին. եւ զաւակ անօրէն անկողնոց սատակեսցի́։

Verse: 17   Link to sept   Եթէ երկայնակեացք եղիցին՝ յոչինչ համարեսցին, եւ անարգի́ ՛ի վախճանի ծերութի(ւն) ն(ո)ց(ա)։

Verse: 18   Link to sept   Եւ եթէ արագ սատակեսցին՝ ո́չ կալցին յոյս, եւ ո́չ յաւուրն յանդիմանութե(ան) մխիթարութի(ւն)։

Verse: 19   Link to sept   Զի ազգի անիրաւի չարաչա́ր կատարած։



Chapter: 4  
ԳԼ(ՈՒԽ) Դ՜.


Verse: 1   Link to sept   Լա́ւ է անզաւակու(թ)ի(ւն) հանդերձ քաջու(թեամ)բ. քանզի անմահութի(ւն) է յիշատակ ն(ո)ր(ա). զի եւ յա(ստուածո)յ ճանաչի՝ եւ ՛Ի մարդկանէ։

Verse: 2   Link to sept   ՛Ի հպե́լ ն(ո)ր(ա)՝ նմանօղ լինի նմա, եւ ՛ի մեկնել ն(ո)ր(ա)՝ անձկանայ առ նա. եւ ՛ի յաւիտեան պսակաւորս ճեմեցուցանէ. անթառամ նահատակու(թ)ե(ան)ցն պատերազմի յաղթեալ։

Verse: 3   Link to sept   Բազմածնունդ բազմութի(ւն) ամպարշտաց անպիտա́ն լիցի. եւ ՛ի փուտ շառաւեղաց մի́ տայցէ արմատս ՛ի խոր. եւ մի արմատ եւ հիմն խախուտ հաստատեսցի։

Verse: 4   Link to sept   Զի թէպէտ եւ ստովք առ ժամանակ մի պտկեսցէ, սակայն զաղփաղփո́ւն կանդաղեալն ՛ի հողմո́յ շարժեսցի. եւ ՛ի բռնութ(են)է հողմոյ արմատաքի́ խլեսցի։

Verse: 5   Link to sept   Բեկտեսցին շո́ւրջ զնովաւ շառաւիղք թերակատարք, եւ պտո́ւղ ն(ո)ց(ա) անպիտան տարաժամ ՛ի կերակուր, եւ յոչի́նչ պիտանացու։

Verse: 6   Link to sept   Զի յանօրէ́ն անկողնոց որդիք ծնեալք՝ վկայք են չարեաց ծնողաց իւրեանց ՛ի հարցափորձի իւրեանց։
Section: 5 

Verse: 7   Link to sept   Իսկ արդարն՝ եթէ հասցէ ՛ի վախճանել ՛ի հանգստեա́ն եղիցի։

Verse: 8   Link to sept   Զի ծերութի(ւն) պատուական՝ ո́չ բազմաժամանակեայն է, եւ ո́չ որ թուով ամացն չափիցի. այլ ալիք՝ իմաստու(թ)ի(ւն) մարդոյ են.

Verse: 9   Link to sept   եւ հասակ ծերու(թ)ե(ան) կեա́նք անարատք։

Verse: 10   Link to sept   Զի հաճոյ եղեալ ա(ստուածո)յ սիրեցաւ, եւ կենդանւոյն ՛ի միջոյ մեղաւորաց փոխեցաւ։

Verse: 11   Link to sept   Յափշտակեցաւ՝ զի մի́ չարութի(ւն) ինչ շրջեսցէ. զիմաստութի(ւն) ն(ո)ր(ա), կամ նենգու(թ)ի(ւն) պատրիցէ զանձն ն(ո)ր(ա)։

Verse: 12   Link to sept   Զի չարակնութի(ւն) անզգամու(թ)ե(ան) շլացուցանէ զբարիս. եւ յածո́ւմն ցանկութե(ան) խուճապէ միտս անմեղս։

Verse: 13   Link to sept   Կատարեալ ՛ի սակաւուն ելից ժամանակս երկայնս։

Verse: 14   Link to sept   զի ցանկալի́ էր տ(եառ)ն անձն ն(ո)ր(ա). վ(ա)ս(ն) այնորիկ տագնապեցաւ ՛ի միջոյ չարեաց։ Իսկ ժողովուրդք տեսին՝ եւ ո́չ իմացան. եւ ո́չ եդին ՛ի մտի այսպիսի ինչ.

Verse: 15   Link to sept   եթէ իրաւո́ւնք ա(ստուածո)յ ՛ի վ(ե)ր(այ) սրբոց իւրոց, եւ այցելու(թ)ի(ւն) ՛ի վ(ե)ր(այ) ընտրելոց ն(ո)ր(ա)։

Verse: 16   Link to sept   Դատապարտէ́ արդար հանգուցեալ զամպարիշտս կենդանիս, եւ մանկութի(ւն) վաղվաղակի վախճանեալ՝ զբազմամեա́յ ծերութի(ւն) անիրաւի։

Verse: 17   Link to sept   Զի տեսցեն զվախճան իմաստնոյ, եւ ո́չ իմասցին՝ զինչ խորհեցաւ վ(ա)ս(ն) ն(ո)ր(ա). եւ առ իմէ՞ զգուշացաւ նմա տ(է)ր։

Verse: 18   Link to sept   Տեսցեն եւ անգոսնեսցեն զնա. այլ զնոքօք տ(է)ր ծիծաղեսցի։

Verse: 19   Link to sept   Եւ եղիցին յետ այնորիկ ՛ի կործանումն անարգութե(ան) եւ ՛ի թշնամանս՝ ընդ մեռեալսն յաւիտենից։ Զի պայթուսցէ զնոսա անշշունչս ուռուցեալս. եւ շարժեսցէ զն(ո)ս(ա) ՛ի հիմանց. եւ մինչեւ ՛ի սպառ խոպանասցին, եւ եղիցին ՛ի ցաւս. եւ յիշատակ ն(ո)ց(ա) կորիցէ։

Verse: 20   Link to sept   Հասցեն ՛ի մթերս մեղաց իւրեանց տագնապեալ. եւ կշտամբեսցեն զն(ո)ս(ա) յանդիման անօրէնութի(ւն)ք իւրեանց։



Chapter: 5  
ԳԼ(ՈՒԽ) Ե՜.


Section: 6 
Verse: 1   Link to sept   Յայնժամ կացցէ արդարն բազում համարձակու(թեամ)բ հանդէպ նեղչաց իւրոց։ Եւ որոց անդոսնէին զվաստակս ն(ո)ր(ա),

Verse: 2   Link to sept   տեսեալ զնա՝ խռովեսցին անհնարին երկիւղիւ. եւ զարհուրեսցին ՛ի վ(ե)ր(այ) սքանչելի փրկու(թ)ե(ան) ն(ո)ր(ա)։

Verse: 3   Link to sept   Եւ զղջասցին ՛ի միտս իւրեանց. եւ առ նեղու(թ)ե(ան) անձանց յոգոց հանցեն եւ ասասցեն։ Այս ա́յն այր է զոր երբեմն մեք ծա́ղր առնէաք. եւ յառա́կս նախատանաց։

Verse: 4   Link to sept   Մե́ք անմիտք զվարս դորա մոլորու(թ)ի(ւն) համարէաք՝ եւ զվախճան դորա անարգութի(ւն)։

Verse: 5   Link to sept   Զիա՞րդ համարեցաւ ընդ որդիս ա(ստուածո)յ, եւ ընդ սուրբս վիճակ դորա։

Verse: 6   Link to sept   Ուրեմն մոլորեցա́ք ՛ի ճանապարհէ ճշմարտութե(ա)ն, եւ լոյսն արդարութե(ան) ո́չ լուսաւորեաց զմեզ, եւ արեգակն արդարու(թ)ե(ան) ո́չ ծագեաց ՛ի սիրտս մեր։

Verse: 7   Link to sept   Անօրէնութե(ան) եւ կորստեան շաւզօք զցաք. եւ գնացաք ընդ անկո́խ անապատ, եւ զճանապարհս տ(եառ)ն ո́չ ծանեաք։

Verse: 8   Link to sept   Զի՞նչ շահ եղեւ մեզ հպարտութի(ւ)ն, եւ զի՞նչ մեծու(թ)ի(ւն) ամբարտաւանութե(ա)ն իցէ մեզ նպաստաւոր։

Verse: 9   Link to sept   Ա́նց այն ամ(ենայն) իբրեւ զստուեր. եւ իբրեւ զհամբաւ առն ընթացեալ։

Verse: 10   Link to sept   եւ իբրեւ զնաւ սահեալ ՛ի ջուրց կուտակելոց։ զորոյ իբրեւ անցանիցէ՝ ո́չ գոյ զհետսն գտանել. եւ ո́չ զշաւիղս գնացից ն(ո)ր(ա) ՛ի մէջ ալեաց։

Verse: 11   Link to sept   Կամ իբրեւ զհաւու թռուցելոյ յօդս, որոյ ո́չ գտանին նշմարանք գնացից։ բաղխելով մագլացն պատառեալ զհողմն թեթեւ եւ հերձեալ բռնու(թեամ)բ ը(նդ) ոլորտս մտանէ։ յածե́լ թեւոցն յառաջադէ́մ սլանայ. եւ յետ այնորիկ ո́չ գտանի նշանակ ամբառնալոյն ՛ի նմա։

Verse: 12   Link to sept   Կամ իբրեւ ՛ի նետէ ձգելոյ ՛ի նպատակ՝ կտրեալ օդն վաղվաղակի յի́նքն կարկատեցաւ առ ՛ի չգիտելոյ զանցս ն(ո)ր(ա)։

Verse: 13   Link to sept   Նոյնպէս եւ մեք եղեալք՝ պակասեցա́ք. եւ առաքինութե(ան) նշանակ ո́չ կարացաք ցուցանել. բայց ՛ի չարիս մեր մաշեցաք։

Verse: 15   Link to sept   Զի յոյս ամպարշտի իբրեւ զփոշի յարուցեալ ՛ի հողմոյ եւ իբրեւ զսարդիոստայն եւ զեղեամն ՛ի մրրկէ հալեալ մանրի։ եւ իբրեւ զծուխ մաշեալ ՛ի հողմոյ. կամ իբրեւ զյիշատակ իջաւորի միոյ աւուր գնացելոյ։
Section: 7 

Verse: 16   Link to sept   Բայց արդարք յաւիտեա́ն կեցցեն եւ ՛ի տ(եառն)է վարձք ն(ո)ց(ա), եւ խնամք ն(ո)ց(ա) ՛ի բարձրելոյն։

Verse: 17   Link to sept   Վ(ա)ս(ն) այնորիկ ընկալցին զարքոյու(թ)ե(ան)ն վայելչութի(ւն), եւ զթագն գեղեցկու(թ)ե(ան) ՛ի ձեռանէ տ(եառ)ն. զի աջով իւրով հովանի́ լիցի նոցա, եւ բաղկաւ իւրով վերակացու լիցի ն(ո)ց(ա)։

Verse: 18   Link to sept   Առցէ́ սպառազինու(թ)ի(ւն) զնախանձ իւր, եւ վառեսցէ զարարածս առ ՛ի խնդրելոյ զվրէժս ՛ի թշնամեաց։

Verse: 19   Link to sept   Զգեցցի զրահս զարդարու(թ)ի(ւն), եւ դիցէ սաղաւարտ զդատաստանն անաչառ։

Verse: 20   Link to sept   Առցէ վահան զսրբու(թ)ի(ւն) անվկանդ։

Verse: 21   Link to sept   եւ սրեսցէ զհատու բարկու(թ)ի(ւ)ն ՛ի սուսեր. եւ պատերազմեսցի խա́ռն ընդ նմա եւ աշխարհս առ անզգամս։

Verse: 22   Link to sept   Գնասցեն նետք կորովիք փայլատականց, եւ իբրեւ ՛ի լայնալի́ճ աղեղանէ յամպոցն ոստիցեն ՛ի նպատակս։

Verse: 23   Link to sept   եւ ՛ի քարընկէց բարկութ(են)է թափեսցի́ լիով կարկուտ։ Զայրագնեսցի ՛ի վ(ե)ր(այ) ն(ո)ց(ա) ջուր ծովու, եւ գետք ողողեսցեն անխնայ։

Verse: 24   Link to sept   ՛Ի դիմի́ հարցի ն(ո)ց(ա) հողմն բռնութե(ան), եւ իբրեւ զմրրիկ հոսեսցէ զն(ո)ս(ա)։ Աւերեսցէ զամ(ենայն) երկիր անօրէնու(թ)ի(ւն). եւ խարդախու(թ)ի(ւն) կործանեսցէ զաթոռս բռնաւորաց։



Chapter: 6  
ԳԼ(ՈՒԽ) Զ՜.


Section: 8 

Verse: 2   Link to sept   Լուարո́ւք թագաւորք, եւ ՛ի մի́տ առէք. ուսարո́ւք դատաւորք ծագաց երկրի։

Verse: 3   Link to sept   Ո́ւնկն դիք որ ունիք զբազմու(թ)ի(ւն), եւ պերճացեալ էք ՛ի վ(ե)ր(այ) ամբոխից ազգաց։

Verse: 4   Link to sept   Զի ՛ի տ(եառն)է́ տուաւ ձեզ հարստու(թ)ի(ւն)դ, եւ իշխանու(թ)ի(ւն)դ ՛ի բարձրելոյն. որ պահանջեսցէ զգործս ձեր, եւ քննեսցէ զխորհուրդս։

Verse: 5   Link to sept   Զի սպասաւո́րք էք նորա թագաւորութե(ա)ն, եւ ո́չ դատիք ուղղու(թեամ)բ. եւ ո́չ պահեցէք զօրէնս ն(ո)ր(ա), եւ ո́չ գնացէք ըստ կամացն ա(ստուածո)յ.

Verse: 6   Link to sept   ահի́ւ եւ տագնապաւ հասցէ ՛ի վ(ե)ր(այ) ձեր։ Զի դատաստան անաչառ իշխանաց լինի.

Verse: 7   Link to sept   այլ ռամիկն ներելի ողորմութե(ան) է։ Հզօ́րք հզօրագոյնս պահանջեսցին.

Verse: 8   Link to sept   զի ո́չ առնու ակն ամենեցունց տ(է)րն, եւ ո́չ խորշի ՛ի մեծութ(են)է։ զի զփոքր եւ զմեծ Ի́նքն արար. եւ զմի́ օրինակ խնամ ունի ամենեցուն։

Verse: 9   Link to sept   բայց ՛ի վ(ե)ր(այ) զօրաւորաց՝ զօրաւո́ր քննութի(ւն) հասանէ։
Section: 9 

Verse: 10   Link to sept   Արդ առ ձե́զ ո́վ բռունք ե́ն բանք իմ. զի ուսանիցիք զիմաստութի(ւն), եւ մի́ սխալիցիք։

Verse: 11   Link to sept   Զի որք պահեցին սրբութ(եամ)բ զսրբու(թ)ի(ւն)՝ սրբսցին. եւ որք ուսա́ն զն(ո)ս(ա)՝ գտցեն պատասխանատրութի(ւն)։

Verse: 12   Link to sept   Արդ ցանկացարո́ւք բանից իմոց. փափաքեցարուք՝ եւ խրատեսջի́ք։

Verse: 13   Link to sept   Լուսաւո́ր եւ անթառա́մ է իմաստութի(ւն), եւ դիւրա́ւ երեւի սիրողաց իւրոց, եւ գտանի խնդրողաց իւրոց։

Verse: 14   Link to sept   Հասանէ առ ցանկացօղս իւր, առ յառաջագո́յն ճանաչելոյ։

Verse: 15   Link to sept   Որ կանխեաց առ նա՝ ո́չ վաստակեսցի. զի դեգերեալ գտցէ զնա առ դրունս իւր։

Verse: 16   Link to sept   Քանզի եւ զմտա́ւ ածել զնմանէ՝ կատարեալ իմաստութի(ւն) է. եւ որ տքնի վասն ն(ո)ր(ա)՝ վաղվաղակի անհո́գ լիցի։

Verse: 17   Link to sept   Զի ինքնի́ն շրջի խնդրել զարժանաւորս իւր. եւ ՛ի շաւիղս երեւի նոցա քաղցրութ(եամ)բ, եւ յամ(ենայն) հնարագիտութի(ւն)ս պատահէ ն(ո)ց(ա)։

Verse: 18   Link to sept   Զի սկիզբն ն(ո)ր(ա) ճշմարի́տ ցանկու(թ)ի(ւն) խրատու է.

Verse: 19   Link to sept   եւ խնամ խրատու՝ սէ́ր. եւ պահպանութի(ւն) օրինաց նորա՝ գութ. մտադիւրու(թ)ի(ւն) օրինաց՝ հաստատու(թ)ի(ւն) անեղծութե(ան)։

Verse: 20   Link to sept   Իսկ անեղծութի(ւն)՝ մերձաւո́ր լինել առնէ ա(ստուածո)յ.

Verse: 21   Link to sept   եւ ցանկու(թ)ի(ւն) իմաստու(թ)ե(ան)՝ տանի յարքայութի(ւն)։

Verse: 22   Link to sept   Արդ եթէ ցանկա́յք աթոռոց եւ գաւազանաց իշխանութե(ան)՝ բռո́ւնք ժողովրդոց՝ պատուեցէ́ք զիմաստու(թ)ի(ւն), զի յաւիտեա́ն թագաւորիցէք։
Section: 10 

Verse: 24   Link to sept   Իսկ եթէ զի՞նչ է իմաստութի(ւն), եւ ո՞(ր)պ(էս) եղեւ՝ պատմեցից, եւ ո́չ թաքուցից ՛ի ձէնջ զխորհուրդս. այլ իսկզբանէ́ արարածոց քննեցից, եւ ածից յա́յտ զգիտու(թ)ի(ւն) ն(ո)ր(ա)։ Եւ ո́չ ստերիւրեցա́յց ՛ի ճշմարտու(թեն)էն.

Verse: 25   Link to sept   եւ ո́չ նախանձո́ւ մաշեալ գնացից ընդ նմա. զի այն՝ ո́չ հաղորդի ը(նդ) իմաստութե(ան)։

Verse: 26   Link to sept   Բազմութի(ւն) իմաստնոց՝ փրկու(թ)ի(ւն) աշխարհաց. եւ թագաւոր հանճարեղ՝ հաստատու(թ)ի(ւն) ժողովրդոց։

Verse: 27   Link to sept   Այսուհետեւ խրատեցարո́ւք բանիւք իմովք՝ եւ օգտեցարո́ւք։




Chapter: 7  
ԳԼ(ՈՒԽ) Է՜.


Verse: 1   Link to sept   Ե́մ ե́մ եւ ես մարդ մահկանացու հանգոյն ամենեցուն. եւ ծնունդ հողածնի նախաստեղծին։ Եւ յորովայնի մօր նկարեցայ մարմին,

Verse: 2   Link to sept   եւ տասնամսեայ ժամանակաւ՝ մածեալ արեամբ ՛ի սերմանէ առն եւ ՛ի ցանկու(թեն)է քնոյ ՛ի վ(ե)ր(այ) հասելոյ։

Verse: 3   Link to sept   Եւ ես եղեալ՝ զհասարակաց օդն ձգեցի յիս. եւ ՛ի նոյն ՛ի նմանավեշտ յերկիր անկայ։ Զառաջին բարբառն զնմանն ամենեցուն նո́յնդունակ լացեալ,

Verse: 4   Link to sept   ՛ի խանձարուրս սնայ եւ ՛ի հոգս։

Verse: 5   Link to sept   Ո́չոք ՛ի թագաւորաց այլազգ ինչ սկիզբն կալաւ լինելոյ։

Verse: 6   Link to sept   Մի́ մուտ է ամենեցուն յաշխարհ՝ եւ մի́ ել հասարակաց։

Verse: 7   Link to sept   Վասն այնորիկ խնդրեցի աղօթիւք, եւ տուաւ ինձ հանճար. կոչեցի՝ եւ ե́կն ինձ հոգի իմաստու(թ)ե(ան)։

Verse: 8   Link to sept   Եւ նախամեծա́ր ընտրեցի զնա քան զիշխանութի(ւն)ս եւ զաթոռս։ Եւ զմեծութի(ւն) ոչի́նչ համարեցայ առ ն(ո)ր(ա) համեմատութ(եամ)բ։

Verse: 9   Link to sept   Ո́չ նմանեցուցի նմա զակա́նս պատուականս. զի ամ(ենայն) ոսկի առ նովաւ՝ իբրեւ սակաւ մի́ աւազ, եւ իբրեւ զկա́ւ համարեսցի արծաթ առաջի ն(ո)ր(ա)։

Verse: 10   Link to sept   Քան զառողջութի(ւն) եւ զգեղեցկու(թ)ի(ւն)՝ սիրեցի́ զնա, եւ ընտրեցի զնա նախ փոխանա́կ լուսոյ ունել. զի անքո́ւն է լոյսն որ ՛ի նմանէ է։

Verse: 11   Link to sept   Եւ եկին ինձ բարութի(ւն)ք միանգամայն ընդ նմա, եւ անթի́ւ մեծու(թ)ի(ւն)ք ՛ի ձեռին ն(ո)ր(ա)։

Verse: 12   Link to sept   Ուրա́խ եղէ ընդ ամենեսին որոց առաջնորդէր իմաստու(թ)ի(ւն). բայց գիտէի ո́չ զնա՝ թէ ծնո́ւնդ իցէ սոցա։

Verse: 13   Link to sept   Առանց նենգու(թ)ե(ան) ուսայ, եւ առանց նախանձո́ւ բաշխեցից։ զմեծու(թ)ի(ւն) ն(ո)ր(ա) ո́չ թաքուցից,

Verse: 14   Link to sept   զի անպակաս գանձ է նա մարդկան։ Որով որք վարեցան՝ առ ա(ստուա)ծ առաքեցին զբարեկամու(թ)ի(ւն), վ(ա)ս(ն) առ ՛ի խրատուէ պարգեւացն ընծայեալք։

Verse: 15   Link to sept   Բայց ինձ տացէ́ ա(ստուա)ծ ասել ըստ միտս, եւ խորհել արժանաւոր ըստ բանից ասացելոց։ զի նա́ իսկ եւ իմաստու(թ)ե(ան) առաջնո́րդ է, եւ իմաստնոց ուղղիչ։

Verse: 16   Link to sept   Զի ՛ի ձեռին ն(ո)ր(ա) եմք, եւ մե́ք՝ եւ բանք մեր, եւ ամ(ենայն) հանճար՝ եւ գործոց խելամտութի(ւն)։

Verse: 17   Link to sept   Զի նա́ ետ ինձ զանվրէպ գիտութի(ւն) զեղելոցս, գիտել զհաստատութի(ւն) աշխարհի, եւ զազդեցութի(ւն) բնութե(ան)ց։

Verse: 18   Link to sept   զսկիզբն եւ զկատարած եւ զմէջ ժամանակաց. զշրջանաց փոփոխումն, եւ զշրջել ժամանակաց։

Verse: 19   Link to sept   Զտարեաց բոլորմունս, եւ զաստեղաց գիրս։

Verse: 20   Link to sept   զբարս անասնոց, եւ զգազանութի(ւն) գազանաց. զհողմոց բռնու(թ)ի(ւն)ս, եւ զխօսս մարդկան. զայլակերպու(թ)ի(ւն)ս տնկոց, եւ զզօրու(թ)ի(ւն)ս արմատոց.

Verse: 21   Link to sept   որինչ ծածուկ՝ եւ որինչ յայտնի՝ գիտացի։
Section: 11 
   Զի ամենեցունց ճարտարապետն ուսո́յց ինձ իմաստու(թ)ի(ւն)։

Verse: 22   Link to sept   Զի գո́յ ՛ի նմա հոգի մտաւոր. ս(ուր)բ. միածին. բազմաբաշխ. նուրբ. դիւրաշարժ. պարզ. անարատ. յայտնի. անվրէպ. բարեսէր. երագ. անարգե́լ. բարերար.

Verse: 23   Link to sept   մարդասէր. հաստատուն. զգուշաւոր. անհոգ. ամենազօր. ամենահայեաց։ եւ ամ(ենայն) իրաց բաւական. մտաւորաց, սրբոց, նրբից։

Verse: 24   Link to sept   Քան զամ(ենայն) շարժունս շարժագո́յն է իմաստու(թ)ի(ւն). դարմանէ եւ ընդմտանէ ընդ ամ(ենայն) վ(ա)ս(ն) յստակութե(ան)։

Verse: 25   Link to sept   Քանզի ճաճա́նչ է ա(ստուածո)յ զօրու(թ)ե(ան)ն, եւ ծագումն ճշմարիտ փառաց ամենակալին. վ(ա)ս(ն) այնորիկ եւ ո́չ մի ինչ պղծեալ խառնի ՛ի նա։

Verse: 26   Link to sept   Քանզի նշո́յլ է մշտնջենաւոր լուսոյն, եւ հայելի անարա́տ ա(ստուածո)յ ազդեցութե(ա)ն. եւ պատկեր առատութե(ան) ն(ո)ր(ա)։

Verse: 27   Link to sept   Մի́ է՝ եւ ամ(ենայն)ի կտրօղ. կա́յ յինքեան՝ եւ զամ(ենայն) նորոգէ. եւ ըստ ազգաց յոգի́ս ս(ուր)բս փոփոխի. բարեկամս ա(ստուածո)յ եւ մարգարէս յարդարէ։
Section: 12 

Verse: 28   Link to sept   Ո́չ զոք սիրէ ա(ստուա)ծ՝ բայց զայն որ ընդ իմաստու(թ)ե(ան) բնակիցէ։

Verse: 29   Link to sept   Զի գեղեցկագո́յն է նա քան զարեգակն, եւ քան զամենա́յն գիրս աստեղաց։ ընդ լուսոյ համեմատեալ՝ առաւե́լ գտանի.

Verse: 30   Link to sept   զի զնա գիշեր փոխանակէ, բայց իմաստու(թ)ե(ան)ն ո́չ յաղթէ չարութի(ւն)։



Chapter: 8  
ԳԼ(ՈՒԽ) Ը՜.


Verse: 1   Link to sept   Ձգտի ՛ի ծագաց մինչ ՛ի ծագս օգտակար առողջութ(եամ)բ, եւ դարմանէ́ զամ(ենայն) քաղցրու(թեամ)բ։

Verse: 2   Link to sept   Զնա́ սիրեցի եւ քննեցի́ ՛ի մանկու(թեն)է իմմէ, եւ խնդրեցի ածե́լ ինձ հարսնու(թ)ե(ան). եւ եղէ ցանկացօղ գեղոյ ն(ո)ր(ա)։

Verse: 3   Link to sept   Զազնուականութի(ւն) փառաւորէ. զի կենաց հաղորդու(թ)ի(ւն) ունի ը(նդ) ա(ստուածո)յ, եւ ամենեցունց տ(է)րն սիրեաց զնա։

Verse: 4   Link to sept   Զի խորհրդակի́ց է ա(ստուածո)յ իմաստու(թ)ե(ան)ն, եւ ցանկացօղ գեղոյ ն(ո)ր(ա)։

Verse: 5   Link to sept   Եթէ մեծու(թ)ի(ւն) ցանկալի է ՛ի կենաց ստացուածս, իսկ զի՞նչ իցէ մեծագոյն քան զիմաստու(թ)ի(ւն)՝ որ զամ(ենայն) առնէ։

Verse: 6   Link to sept   Եթէ հանճար գործիցէ́ ինչ՝ ո՞ քան զնա յեղելոցս իցէ առաւել ճարտարապետ։

Verse: 7   Link to sept   Եթէ զարդարու(թ)ի(ւն) ոք սիրէ, վաստակք ն(ո)ր(ա) առաքինութի(ւն)ք են. զի զգիտու(թ)ի(ւն) եւ զհանճար ուսուցանէ, եւ զարդարութի(ւն), եւ զարւու(թ)ի(ւն). քան զորս պիտանագոյն ինչ՝ չի́ք ՛ի կեանս մարդկան։

Verse: 8   Link to sept   Իսկ եթէ բազմահմուտ ոք լինել ցանկանայցէ՝ գիտէ́ զառաջինն՝ եւ զհանդերձեալսն նկատել. ճանաչէ զդարձուածս բանից՝ եւ զմեկնութի(ւն)ս առակաց. զնշանս եւ զարուեստս յառաջագո́յն գիտէ. եւ զելս ժամուց եւ ժամանակաց։

Verse: 9   Link to sept   Արդ եդի ՛ի մտի՝ զնա́ ածել ինձ կենաց կցորդ, ծանուցեալ՝ թէ է́ ինձ խորհրդակից բարեաց, եւ մխիթարիչ հոգւոց եւ տրտմութե(ան)։

Verse: 10   Link to sept   Կալայց վ(ա)ս(ն) ն(ո)ր(ա) փառս ՛ի մէջ ժողովրդոց, եւ պատի́ւ առաջի ծերոց։

Verse: 11   Link to sept   Մանուկ սուր գտա́յց ՛ի դատաստանի, եւ յաչս հզօրաց փառաւորեցայց։

Verse: 12   Link to sept   ՛Ի լռե́լ իմում անսասցեն ինձ, եւ ՛ի բարբառել՝ ո́ւշ եդեալ հայեսցին յիս. եւ ՛ի խօսել իմում առաւել ափիբերան լինիցին։

Verse: 13   Link to sept   Կալայց վ(ա)ս(ն) ն(ո)ր(ա) անմահութի(ւն), եւ յիշատակ յաւիտենական ա́յնոցիկ զոր յետ իմ թողուցում։

Verse: 14   Link to sept   Դարմանեցի́ց ժողովուրդս՝ եւ ազգք հնազանդեսցի́ն ինձ։

Verse: 15   Link to sept   Սարսեսցեն յինէն՝ իբրեւ լուիցեն բռունք սոսկալիք։ ՛ի մէջ բազմու(թ)ե(ան) երեւեցայց առա́տ, եւ ՛ի մէջ պատերազմի առաքինի́։

Verse: 16   Link to sept   Մտեալ ՛ի տուն իմ հանգեա́յց նովաւ. զի ո́չ ունի դառնու(թ)ի(ւն) տնակցու(թ)ի(ւն) ն(ո)ր(ա), եւ ո́չ ցաւս հաղորդութի(ւն) կենաց ն(ո)ր(ա). այլ ուրախութի(ւն) եւ խնդու(թ)ի(ւն)։

Verse: 17   Link to sept   Զայս խորհեցայ յանձին հոգացեալ ՛ի սրտի իմում, թէ անմահութի(ւն) է ազգականու(թ)ի(ւն) իմաստութե(ան).

Verse: 18   Link to sept   եւ բարեկամութե(ան) ն(ո)ր(ա) վայեալչու(թ)ի(ւն) բարեաց. եւ ՛ի վաստակս գործոց ձեռաց ն(ո)ր(ա) մեծութի(ւն) անպակաս. եւ ՛ի կրթու(թ)ե(ան) խօսից ն(ո)ր(ա)՝ հանճար. եւ փառաւորութի(ւն) ՛ի հաղորդու(թ)ե(ան) բանից ն(ո)ր(ա)։ եւ շրջէի խնդրէի՝ ո(ր)պ(էս) զի առի́ց զնա առ իս։

Verse: 19   Link to sept   Մանո́ւկ էի մտավարժ՝ եւ ոգւոյ բարւոյ դիպեցայ։

Verse: 20   Link to sept   Մանաւանդ զի ազնուագո́յն էի, եւ եկի ՛ի մարմին անարատ։

Verse: 21   Link to sept   Գիտացի թէ ո́չ այլազգ լինիցիմ ժուժկալ՝ բայց եթէ ա(ստուա)ծ տայցէ։ Նա եւ այն իմաստու(թ)ի(ւն) է, ճանաչել թէ յումմէ՞ է շնորհն։ Անկա́յ առաջի տ(եառ)ն, եւ աղաչեցի զնա յամ(ենայն) սրտէ իմմէ։



Chapter: 9  
ԳԼ(ՈՒԽ) Թ՜.


Section: 13 

Verse: 1   Link to sept   Ա(ստուա)ծ հարց՝ եւ տ(է)ր ողորմու(թ)ե(ան) քոյ։ դո́ւ ես որ արարեր զամ(ենայն) բանիւ քով.

Verse: 2   Link to sept   եւ իմաստութ(եամ)բ քով կազմեցեր զմարդն։ Զի տիրեսցէ արարածոց ՛ի քէն եղելոց.

Verse: 3   Link to sept   եւ վարեսցէ զաշախրհ սրբու(թեամ)բ եւ արդարու(թեամ)բ, եւ ուղղու(թեամ)բ ոգւո́յ դատեսցի զդատաստան։

Verse: 4   Link to sept   Տո́ւր ինձ զքոյոց աթոռոցդ զդարանակալ իմաստու(թ)ի(ւն). եւ մի́ խոտան առներ զիս ՛ի քոց ծառայից։

Verse: 5   Link to sept   Զի ես ծառա́յ քո եմ, եւ որդի աղախնոյ քոյ. մարդ տկա́ր եւ սակա́ւ ժամանակեան, եւ կրտսեր իմաստու(թ)ե(ան) դատաստանի եւ օրինաց։

Verse: 6   Link to sept   Զի թէպէտ եւ իցէ́ ոք կատարեալ յորդիս մարդկան, եւ առ ՛ի քէն իմաստու(թ)ի(ւն)դ հեռի է ՛ի նմանէ՝ յոչինչ համարեսցի։

Verse: 7   Link to sept   Դու ընտրեցեր զիս թագաւոր ժողովրդեան քում, եւ դատաւոր ուստերաց քոց եւ դստերաց։

Verse: 8   Link to sept   Ասացեր շինել տաճար ՛ի լերին սրբութե(ան) քոյ, եւ ՛ի քաղաքի բնակութե(ան) քոյ սեղա́ն. ՛ի նմանու(թ)ի(ւն) սրբոյ խորանին, զոր յառաջագոյն պատրաստեցեր իսկզբանէ։

Verse: 9   Link to sept   Ընդ քե́զ եւ իմաստու(թ)ի(ւն) որ գիտէ զգործս քո, եւ մօ́տ էր յորժամ առնէիր զաշխարհս. եւ ճանաչէ́ր զինչ հաճոյ իցէ յաչս քո, եւ զինչ ուղղու(թ)ի(ւն) ՛ի պատուիրանս քո։

Verse: 10   Link to sept   Առաքեա́ զդա ՛ի սրբու(թ)ե(ան)ց երկնից, եւ յաթոռոյ փառաց քոց արձակեայ զդա. զի եկեալ դադարեսցէ առ իս, եւ գիտացի́ց զի́նչ հաճոյ իցէ առաջի քո։

Verse: 11   Link to sept   քանզի գիտէ́ դա զամ(ենայն), եւ խելամո́ւտ է. առաջնորդեսցէ ինձ ՛ի գործս իմ զգաստութ(եամ)բ։ Եւ պահեսցէ զիս փառօք իւրովք,

Verse: 12   Link to sept   եւ եղիցին ընդունելի́ գործք իմ։ եւ դատեցայց զժողովուրդս քո արդարու(թեամ)բ. եւ եղէց արժանի́ աթոռոյ հօր իմոյ։

Verse: 13   Link to sept   Զի ո՞վ է մարդ՝ որ գիտիցէ զխորհուրդս ա(ստուածո)յ, կամ ո՞վ ածիցէ զմտաւ թէ զինչ կամիցի տ(է)ր։

Verse: 14   Link to sept   Զի խորհուրդ մահկանացուաց՝ զանգիտօղք են, եւ զաղփաղփո́ւնք հնարագիտու(թ)ի(ւն)ք մեր։

Verse: 15   Link to sept   Զի մարմին եղծանելի՝ ծանրացուցանէ զոգի, եւ հակէ հողեղէն յարկս զմի́տս բազմահոգս։

Verse: 16   Link to sept   Եւ հազի́ւ նկատեմք զերկրաւորս, եւ որ ինչ առ ոտս կայցէ՝ աշխատու(թեամ)բ գտանեմք։ Իսկ որինչ յերկինս է՝ ո՞վ քննեսցէ։

Verse: 17   Link to sept   եւ զխորհուրդս քո ո՞վ գիտաց՝ եթէ ոչ դո́ւ ետուր իմաստու(թ)ի(ւն), եւ առաքեցեր զս(ուր)բ հոգիդ քո ՛ի բարձանց։

Verse: 18   Link to sept   Եւ ապա ուղղեցան շաւիղք երկրաւորացս, եւ զճանապարհս քո ուսա́ն մարդիկ. եւ իմաստու(թեամ)բ քո փրկեցան։



Chapter: 10  
ԳԼ(ՈՒԽ) Ժ՜.


Section: 14 

Verse: 1   Link to sept   Նա զնախաստեղծն զհայրն աշխարհի զմիայն հաստատեալ պահեաց,

Verse: 2   Link to sept   եւ փրկեաց զնա ՛ի յանցանաց իւրոց. եւ ետ նմա զօրու(թ)ի(ւն) ունելոյ զամ(ենայն)։

Verse: 3   Link to sept   Մերժեցա́ւ ՛ի նմանէ անիրաւն իւրով բարկու(թեամ)բ, ընդ եղբայրասպան սրտմտութի(ւն)ս կորեաւ։

Verse: 4   Link to sept   Վ(ա)ս(ն) որոյ եւ զհեղեղեալ երկիր միւսանգամ փրկեաց իմաստութի(ւ)ն՝ չնչին փայտիւն արդարոյն նաւապետեալ։

Verse: 5   Link to sept   Նոյն եւ ՛ի միաբանութի(ւն) չարութե(ան) ազգացն շփոթելոց, ծանեաւ զարդարն՝ եւ պահեաց զնա անարա́տ ա(ստուածո)յ։ եւ ՛ի վ(ե)ր(այ) որդւոյն գթութ(եամ)բք պահեաց զհզօրն։

Verse: 6   Link to sept   Նա զարդարն ՛ի կորստական ամպարշտաց փախուցեալ փրկեա́ց յիջանել հրոյն զհինգ քաղաքաւն։

Verse: 7   Link to sept   Որ ՛ի վկայութի(ւն) չարու(թ)ե(ան)ն ծխեալ կայ խոպանացեալ, եւ անկատար ժամանակօք տունկք մրգաբերք։ անհաւատի́ ոգւոյն յիշատակ հաստատեալ զարձանն աղի։

Verse: 8   Link to sept   Զի որոց զիմաստութ(եամ)բ զանց արարեալ՝ ո́չ միայն վնասեցան առ ՛ի չճանաչելոյ զբարիս, այլեւ զանմտու(թ)ե(ան) յիշատակ թողին յաշխարհի։ զի որովք յանցեանն մի́ կարասցեն ծածկել։

Verse: 9   Link to sept   Իմաստութի(ւն) զողոքիչս իւր փրկեաց ՛ի ցաւոց։

Verse: 10   Link to sept   Նա́ փախուցելոյ ՛ի բարկու(թեն)է եղբօրն՝ առաջնորդեաց արդարոյն ՛ի շաւիղս ուղիղս։ եցոյց նմա զարքայութի(ւն) ա(ստուածո)յ, եւ ետ զգիտու(թ)ի(ւն) սրբոց։ Յաջողեաց նմա շահս ՛ի վաստակոց իւրոց. եւ բազմացոյց զպտուղ ն(ո)ր(ա)։

Verse: 11   Link to sept   Յագահութե(ան) բռնաւորաց ն(ո)ր(ա) պաշտպանեա́ց նմա, եւ մեծացոյց զնա.

Verse: 12   Link to sept   եւ պահեաց ՛ի թշնամեաց։ Եւ ՛ի դարանակալաց ն(ո)ր(ա) զգուշացաւ, եւ ՛ի զօրաւոր պատերազմի արար զնա յաղթօղ։ Զի գիտասցէ թէ քան զամ(ենայն) ինչ զօրաւո́ր է ա(ստուա)ծպաշտութի(ւն)։

Verse: 13   Link to sept   Նա՝ զարդարն վաճառեալ ո́չ եթող ՛ի ձեռանէ. այլ ՛ի մեղաց փրկեաց զնա։ ընդ նմա էջ ՛ի գուբ,

Verse: 14   Link to sept   եւ ՛ի կապանս ո́չ եթող զնա ՛ի ձեռանէ։ Մինչեւ եբեր նմա գաւազան թագաւորու(թ)ե(ան), եւ իշխանու(թ)ի(ւն) ՛ի վ(ե)ր(այ) բռնաւորաց ն(ո)ր(ա)։ Սո́ւտ եցոյց զբամբասօղս ն(ո)ր(ա), եւ ետ նմա զփառսն յաւիտենական։

Verse: 15   Link to sept   Նա զժողովուրդն սուրբ, եւ զազգն անարատ փրկեա́ց յազգէ նեղչաց։

Verse: 16   Link to sept   Եմո́ւտ յոգի ծառայի տ(եառ)ն, եւ ընդդէ́մ դարձաւ թագաւորաց ահաւորաց՝ արուեստիւք եւ նշանօք։

Verse: 17   Link to sept   Հատո́յց սրբոցն զվարձս վաստակոց ն(ո)ց(ա). առաջնորդեաց նոցա ընդ ճանապարհ սքանչելի։ եղեւ ն(ո)ց(ա) հովանի ՛ի տուէ՝ եւ բոց աստեղաց ՛ի գիշերի։

Verse: 18   Link to sept   Անցոյց զն(ո)ս(ա) ընդ ծովն կարմիր, եւ տարաւ զն(ո)ս(ա) ընդ ջուրս բազումս։

Verse: 19   Link to sept   Զթշնամիս ն(ո)ց(ա) ընկղմեաց, եւ ՛ի խորո́ց անդնդոց ա́ծ զն(ո)ս(ա) ՛ի վեր։

Verse: 20   Link to sept   Վ(ա)ս(ն) այնորիկ արդարք կողոպտեցին զամպարիշտս, եւ օրհնեցին տ(է)ր զանուն քո ս(ուր)բ։ եւ զձեռն քո որ մարտնչէր ՛ի վ(ե)ր(այ) նոցա՝ օրհնեցին միանգամայն։

Verse: 21   Link to sept   Զի իմաստութի(ւն) եբաց զբերան համերց, եւ զլեզուս տղայոց ե́դ պարզախօսս։



Chapter: 11  
ԳԼ(ՈՒԽ) Ժ՜Ա.


Verse: 1   Link to sept   Յաջողեա́ց զգործս ն(ո)ց(ա) ՛ի ձեռն մարգարէին սրբոյ։

Verse: 2   Link to sept   Շրջեցա́ն ը(նդ) անապատ անշէն, եւ յանկոխս հարին զխորանս։

Verse: 3   Link to sept   Ընդդէմ դարձան պատերազմողաց. եւ վանեցին զթշնամիս։

Verse: 4   Link to sept   Ծարաւեցան եւ կարդացին առ քեզ, եւ տուաւ ն(ո)ց(ա) ջո́ւր յապառաժ վիմէ, եւ փափա́ք ծարաւոյ ՛ի խիստ վիմէ։

Verse: 5   Link to sept   Զի որովք տանջեցան թշնամիք ն(ո)ց(ա),

Verse: 6   Link to sept   նոքի́մբք սոքա կարօտեալք գտին բարերարութի(ւն)։

Verse: 7   Link to sept   Որոց փոխանակ մշտնջենաւոր գետոյն արեամբ կարմրացելոյ խռովեցելոց՝

Verse: 8   Link to sept   ՛ի կշտամբութի(ւն) տղայակոտո́ր հրամանին։ Ետուր ջուր առատու(թ)ե(ան) անյոյսս

Verse: 9   Link to sept   ցուցեալ վ(ա)ս(ն) յա́յն ժամու ծարաւոյ. ո(ր)պ(էս) տանջեցեր զհակառակորդսն,

Verse: 10   Link to sept   յորժամ զչա́փ առին. թէպէտ եւ ողորմութ(եամ)բ խրատեցան։ ծանեան թէ զի՞արդ բարկու(թեամ)բ դատեալ ամպարիշտք տանջիցին։

Verse: 11   Link to sept   Զսոսա իբրեւ հայր խրատեալ փիրձեցեր. եւ զն(ո)ս(ա) իբրեւ զսաստիկ թագաւոր դատապարտեալ կշտամբեցեր։

Verse: 12   Link to sept   Հեռացեալք եւ մօտեալք՝ զնո́յն օրինակ վտանկէին.

Verse: 13   Link to sept   զի կրկի́ն կալաւ զն(ո)ս(ա) տրտմութի(ւն) եւ հեծու(թ)ի(ւն) անցելոց յիշատակաց։

Verse: 14   Link to sept   Զի յորժամ լսէին իւրեանց տանջանօք երախտաւորեալք՝ առնուին զքո չափ տ(է)ր։

Verse: 15   Link to sept   Զի զոր երէ́կ եւ ՛ի վաղո́ւց հետէ ընկեցեալ ուրացան եւ ծաղր առնէին, ՛ի վախճանի նոցի́ն ելիցն զարմանայն։ զի ո́չ նման արդարոցն ծարաւեալք։

Verse: 16   Link to sept   Փոխանակ անմիտ խորհրդոց անիրաւութե(ան) իւրեանց, որովք մոլորեալն պաշտէին զանմռունչ սողունս՝ եւ զճըճիս վատթարս, արձակեցեր ՛ի վ(ե)ր(այ) ն(ո)ց(ա) բազմու(թ)ի(ւն) անխօսուն անասնոց ՛ի վրէժխնդրութի(ւն)։

Verse: 17   Link to sept   Զի գիտասցեն թէ որովք մեղանչէ ոք՝ նոքումբք եւ տանջի։
Section: 15 

Verse: 18   Link to sept   Զի ո́չ չքաւորէր ամենազօր ձեռն քո, որ հաստատեաց զաշխարհս յանկերպարան նիւթոյ՝ արձակել ՛ի վ(ե)ր(այ) ն(ո)ց(ա) բազմութի(ւն)ս արջոց, կամ առեւծս սաստիկս.

Verse: 19   Link to sept   կամ նորագործս լի́ բարկու(թեամ)բ գազա́նս անծանօթս. կամ հրաշունչս փորատօղս գոռոզութե(ան). կամ զհոսիչս ծխոյն շարաւոյ. կամ որ սաստիկ կայծակունս յաչաց փայլատակեցուցանիցեն։

Verse: 20   Link to sept   Որոց ո́չ միայն վնասն կարօղ էր խորտակել զն(ո)ս(ա), այլեւ տեսի́լն ահիւ սատակել։

Verse: 21   Link to sept   Եւ առանց այնորիկ միո́վ իսկ հողմով կարէիր կործանել. հալածեալք եւ հոսեալք ՛ի դատաստանաց ոգւոյ զօրու(թ)ե(ան) քոյ։ Այլ զամ(ենայն) չափո́վ եւ թուով եւ կշռով կարգեցեր.

Verse: 22   Link to sept   զի մեծապէս կարօ́ղ լինել յամ(ենայն) ժամ առ քե́զ է. եւ զօրու(թ)ե(ան) բազկի քոյ ո՞վ է որ Ւնդդէմ դառնայցէ։

Verse: 23   Link to sept   Զի իբրեւ զմէտ մի ՛ի նժարից կշռոց է ամ(ենայն) աշխարհս առաջի քո. եւ իբրեւ զկաթ մի առաւօտի ցօղոյ՝ որ իջանէ յերկիր։

Verse: 24   Link to sept   Այլ ողորմիս ամենեցուն՝ զի յամ(ենայն)ի կարօղ ես. եւ անտես առնես զմեղս մարդկան ապաշխարու(թեամ)բ։

Verse: 25   Link to sept   Զի սիրես զամ(ենայն) որ ինչ է. եւ ո́չ գարշիս յումեքէ յորոց արարեր. զի ո́չ եթէ առ ատել հաստատեցեր ինչ։

Verse: 26   Link to sept   Քանզի զի՞արդ կայր ինչ՝ եթէ դու ո́չ կամէիր. եւ կամ որ ՛ի քէն չէր կոչեցեալ՝ զի՞արդ պահէր։

Verse: 27   Link to sept   Խնայեա́ յամենեսեան, զի քո́ են տ(է)ր ոգեսէր։



Chapter: 12  
ԳԼ(ՈՒԽ) Ժ՜Բ.


Verse: 1   Link to sept   Զի անեղծ հոգիդ քո է յամենեսին։

Verse: 2   Link to sept   Վ(ա)ս(ն) որոյ զյանցաւորս առ սակաւ յանդիմանես, եւ որովք մեղանչենն յո́ւշ արարեալ խրատես. զի զերծեալք ՛ի չարեաց՝ հաւատասցեն ՛ի քեզ տ(է)ր։
Section: 16 

Verse: 3   Link to sept   Նա եւ զհին բնակիչս սրբոյ երկրի քոյ ատեցեր,

Verse: 4   Link to sept   վ(ա)ս(ն) զգարշելի գործսն գործելոյ։ զկախարդու(թ)ե(ան)ց՝ եւ զանսուրբ նուիրացն։

Verse: 5   Link to sept   զորդեկոտորսն զանողորմս. եւ զաղեկերսն մարդկեղէն մարմնոցն զոր սնուցանէին. եւ արեան ՛ի միջոյ խորհրդականց քոց ա(ստուա)ծեղինաց։

Verse: 6   Link to sept   Եւ զճօխս եւ զծնօղս անձանց անօգնականաց, կամեցար կորուսանել ՛ի ձեռն հարցն մերոց։

Verse: 7   Link to sept   զի արժանի գերութի(ւն) ընկալցի ծառայից ա(ստուածո)յ. որ առ ՛ի քէն քան զամ(ենայն) առաւել պատուակա́ն էր երկիրն։

Verse: 8   Link to sept   Այլեւ ՛ի ն(ո)ս(ա) իբրեւ ՛ի մարդիկ խնայեցեր։ Արձակեցեր կարապետս զօրու քոյ զպիծա́կն՝ զի զն(ո)ս(ա) առ սակաւ սակաւ սատակեսցեն.

Verse: 9   Link to sept   ո́չ տկարացեալ ՛ի պատերազմի, տա́լ զամպարիշտս ընդ ձեռամբ արդարոց։ կամ անհնարին գազանօք, կամ բանիւ միանգամայն համառօտս խորտակել։

Verse: 10   Link to sept   Այլ առ սակաւ սակաւ դատելովն տայիր տեղի ապաշխարու(թ)ե(ան)։ Ո́չ անգիտացեալ թէ չա́ր է արար ն(ո)ց(ա). եւ ընտաբոյս չարութի(ւն) ն(ո)ց(ա)։ եւ ո́չ փոխի́ն խորհուրդք ն(ո)ց(ա) յաւիտեան.

Verse: 11   Link to sept   զի զաւակ անիծեալ էր իսկզբանէ։ Ո́չ եթէ երկուցեալ ինչ յումեքէ՝ յորոյ վ(ե)ր(այ) մեղանչէինն, շնորհէիր զներելն։

Verse: 12   Link to sept   Քանզի ո́վ ասիցէ ցքեզ՝ թէ զինչ գործեցեր։ եւ կամ ո՞վ է որ ընդդէմ դառնայցէ դատաստանի քում. եւ ո՞ կշտամբեսցէ զքեզ յազգացն կորուսելոց՝ զոր դո́ւ արարեր։ կամ ո՞վ գայցէ ընդ քեզ ՛ի հակառակութի(ւն) ՛ի վրէժխնդրութի(ւն) մարդոց անիրաւաց։

Verse: 13   Link to sept   Քանզի եւ ո́չ ա(ստուա)ծ ա́յլ գոյ բաց ՛ի քէն որում փոյթ իցէ վ(ա)ս(ն) ամ(ենայն)ցուն։ զի յա́յտ արասցես՝ թէ ո́չ տարապարտուց դատեցեր։

Verse: 14   Link to sept   Եւ ո́չ թագաւոր կամ բռնաւոր՝ բառնա́լ զակն ՛ի վեր կարիցէ ընդդէմ քո՝ վ(ա)ս(ն) որոց տանջեցեր։

Verse: 15   Link to sept   Քանզի արդա́ր ես՝ եւ արդարու(թեամ)բ վարես զամ(ենայն)։ զայն որ պարտն իցէ տանջելոյ՝ տանջեցեր, օտար համարեալ ՛ի քումմէ զօրութ(են)է։

Verse: 16   Link to sept   Զի քո զօրու(թ)ի(ւն)դ իշխա́ն է արդարու(թ)ե(ան), եւ տիրելդ ամենեցուն՝ խնայե́լ տայ քեզ յամ(ենայն)։

Verse: 17   Link to sept   Ցուցանես զօրու(թ)ի(ւն) ՛ի վերայ թերահաւատին՝ կատարեալ զօրու(թեամ)բ, եւ զայնոսիկ որ ո́չ ճանաչեն զզօրութի(ւն) քո՝ յանդիմանե́ս։

Verse: 18   Link to sept   Դու որ տիրեսդ զօրութ(եամ)բ՝ հեզու(թեամ)բ դատիս, եւ բազում խնամութ(եամ)բ դարմանես զմեզ. քանզի մօտ է առ քեզ յորժամ կամիցիս կարօղ լինել։

Verse: 19   Link to sept   Ուսուցեր զժողովորդ քո այսպիսի գործովք՝ թէ պա́րտ է արդարոյն լինել մարդասէր։ եւ բարեյո́յս արարեր զորդիս քո, զի տա́ս ՛ի վերայ մեղաց ապաշխարու(թ)ի(ւն)։

Verse: 20   Link to sept   Զի եթէ զթշնամիս ծառայից քոց՝ եւ զմահապարտս ա́յնչափ ներելով պատժեցեր՝ եւ փրկեցեր. տուեալ ժամանակս եւ տեղիս՝ որովք զերծանիցին ՛ի չարեաց։

Verse: 21   Link to sept   Ամենայն ճշմարտիւ դատեցար զորդիս քո, որոց ընդ հարսն երդմունս եւ դաշինս արարեր բարեացն աւետեաց։

Verse: 22   Link to sept   Արդ զմեզ խրատեալ՝ զթշնամիսն բիւրապատի́կ տանջես։ զի զքո բերերարու(թ)ե(ան)դ զչափ առեալ հոգասցուք, եւ դատեալք՝ ակն կալցուք ողորմութե(ան)։
Section: 17 

Verse: 23   Link to sept   Ուստի եւ զայնոսիկ որ յանմտու(թ)ե(ան) կեանս կէին տարապարտուց՝ իւրեանց գարշու(թեամ)բքն տանջեցեր։

Verse: 24   Link to sept   Քանզի եւ մոլորու(թ)ե(ան) ճանապարհօք երկայնագո́յնս մոլորեցան։ աստուա́ծս համարեալ, զորս եւ յանասուն թշնամեացն անա́րգք էին, զօրէն տղայոց անմտաց խաբեալք։

Verse: 25   Link to sept   Վ(ա)ս(ն) այնորիկ իբրեւ անխօսուն մանկանց դատաստան ընդ խա́ղ արձակեցեր։

Verse: 26   Link to sept   Եւ զի նոքա խաղովք սաստիցն ո́չ խրատեցան, զարժանաւո́ր ա(ստուածո)յ դատաստանն կրեսցեն։

Verse: 27   Link to sept   Զի որովք ինքեանք ՛ի չարչարելն զայրանային, նոքիմբք զորս աստուածսն համարէին՝ տանջեսցին։ Տեսեալ զայն, որ յառաջն ուրանային՝ ծանեան զի ա(ստուա)ծ ճշմարիտ է։ վ(ա)ս(ն) որոյ եւ նշանակ դատապարտութե(ան) եկն ՛ի վ(ե)ր(այ) ն(ո)ց(ա)։



Chapter: 13  
ԳԼ(ՈՒԽ) Ժ՜Գ.


Verse: 1   Link to sept   Զի ընդունա́յն էին ամ(ենայն) մարդիկ բնութ(եամ)բ յորս էր ա(ստուա)ծանգիտութի(ւն)։ եւ երեւելի բարու(թ)ե(ան)ցն ո́չ կարացին գիտել զայն որ էրն, եւ ո́չ ՛ի գործս հայեցեալ ծանեան զճարտարապետն։

Verse: 2   Link to sept   Այլ կամ զհուր, կամ զհողմ, կամ զօդ երագ, կամ զաստեղաց շրջանս, կամ զջրոց բռնու(թ)ի(ւն)ս, կամ զլուսաւորս երկնաւորս՝ զարբանեակս աշխարհի աստուածս համարեցան։

Verse: 3   Link to sept   Ընդ որոց թէ ընդ դեղն զուարճացեալք՝ զն(ո)ս(ա) աստուածս կարծիցեն, գիտասցեն թէ որ՞չափ եւս ն(ո)ց(ա) տ(է)րն առաւե́լ լա́ւ է. զի որ գեղեցկութե(ան) արարչապետն է՝ նա́ հաստատեաց զն(ո)ս(ա)։

Verse: 4   Link to sept   Ապա թէ ընդ զօրութի(ւն)ս եւ ընդ ազդեցութի(ւն)ս զարմանայցեն, իմասցին ՛ի նոցանէն՝ որ՞չափ եւս որ կազմեացն զն(ո)ս(ա) առաւե́լ զօրաւոր է։

Verse: 5   Link to sept   Զի ՛ի մեծութ(են)է եւ ՛ի գեղեցկու(թեն)է արարածոյն ը(նդ) նմին համեմատութե(ան) եւ արարչագործն ն(ո)ց(ա) երեւի։

Verse: 6   Link to sept   Բայց սակայն տակաւին եւ ն(ո)ց(ա) գոյ սակաւ ինչ մեղադրու(թ)ի(ւն). զի եւ նոքա թերեւս մոլորեալք խնդրեն զա(ստուա)ծ՝ եւ կամին գտանել։

Verse: 7   Link to sept   Ընդ գործս ն(ո)ր(ա) յածեալ՝ քննեն, եւ հաւանին տեսլեամբն թէ բարւոք են երեւելիքս։

Verse: 8   Link to sept   Դարձեալ՝ եւ նոքա ո́չ են ներելիք։

Verse: 9   Link to sept   Զի թէ ա́յնչափ կարացին գիտել՝ զի բաւական լինիցին նկատել զաշխարհս. զս(ո)ց(ա) տ(է)րն զիա՞րդ ո́չ գտին վաղվաղակի։

Verse: 10   Link to sept   Թշուառակա́նք են՝ եւ ՛ի մեռեալս յոյս ն(ո)ց(ա). որք համարեցան աստուածս զձեռագործս մարդկան. զոսկի եւ զարծաթ զճարտարոթե(ան) արուեստ, եւ զնմանու(թ)ի(ւն) անասնոց. կամ զքա́ր անպիտան, զձեռագործս նախնեաց

Verse: 11   Link to sept   Ապա թէ ոք ատաղձագործ հեւսն՝ զփայտ ինչ գեղեցիկ սղոցեալ քերեաց ճարտարու(թեամ)բ զամ(ենայն) կեղեւ ն(ո)ր(ա), եւ հնարեալ վայելուչ անօթ պիտանի կազմեաց ՛ի սպասաւորութի(ւն) կենաց։

Verse: 12   Link to sept   Եւ զտաշիղ գործոյն ՛ի պատրաստու(թ)ի(ւն) կերակրոյ ծախեալ յագեցաւ. եւ որ ինչ ՛ի նոցանէ անպիտա́ն եւ խոտան էր։

Verse: 13   Link to sept   Զփայտն խեղաթեւր եւ ոստովք վարակեալ, առեալ դրօշեաց մտադրութ(եամ)բ գործոյն իւրոյ, եւ խելամտութ(եամ)բ իմաստութե(ան) տպաւորեաց զնա։ Եւ նմանեցոյց զնա պատկերի մարդոյ՝

Verse: 14   Link to sept   կամ անասնոյ վատթարի ճշգրտեցո́յց զնա։ Ծեփեաց բռով, եւ կարմրացոյց սնգուրաւ զգոյն ն(ո)ր(ա). եւ զամ(ենայն) խնդբունդս ն(ո)ր(ա) ծեփեաց հողով։

Verse: 15   Link to sept   Եւ արար նմա տուն ըստ նմին արժանի. ե́դ զնա առ որմ հաստատեալ երկաթով,

Verse: 16   Link to sept   եւ զգուշացաւ նմա զի մի կործանեսցի։ Գիտէ՝ թե եւ իւրո́ւմ անձինն օգտել ո́չ կարէ. քանզի է́ պատկեր՝ եւ կարօտ է օգնականութե(ան)։

Verse: 17   Link to sept   Եւ վասն ամուսնութե(ան), եւ որդւոց եւ ստացուածոց իւրոց՝ մատուցեալ շըշնջէ առ անշնչին.

Verse: 18   Link to sept   աղաչէ՝ եւ ո́չ ամաչէ։ Եւ վասն առողջութե(ան)՝ զապիկարն կարդայ. եւ վ(ա)ս(ն) կենաց՝ զմեռեա́լն աղաչէ. եւ վ(ա)ս(ն) ՛ի թիկունս հասանելոյ՝ տարակուսելո́յն մաղթէ։

Verse: 19   Link to sept   Եւ վ(ա)ս(ն) ճ(ա)ն(ա)պարհորդու(թ)ե(ան)՝ զայն որ եւ ոտն յոտանէ չկարէ́ փոխել. եւ ընչաւէտու(թ)ե(ան)՝ եւ գործո́ց եւ ձեռաց կորովու(թ)ե(ան), յանարգասաւորէն ձեռօք՝ զարդասաւորու(թ)ի(ւն) խնդրէ։



Chapter: 14  
ԳԼ(ՈՒԽ) Ժ՜Դ.


Verse: 1   Link to sept   Դարձեալ եթէ ՛ի նա́ւ ելեալ ոք՝ ընդ ամեհի ալիս կամիցի ճանապարհորդել, առ փայտն որ քան զնաւափայտն տկարագոյն է՝ աղաղակէ́։

Verse: 2   Link to sept   Զի զայն թէպէտ եւ ցանկութի(ւն) շահից հնարեցաւ՝ եւ ճարտարապետ իմաստութ(եամ)բ կազմեաց,

Verse: 3   Link to sept   սակայն քո́ հայր՝ վարէ տեսչութի(ւն)դ. զի ետուր եւ ՛ի ծովու ճանապարհ, եւ ՛ի մէջ ալեաց շաւի́ղ զգուշաւոր։

Verse: 4   Link to sept   Յա́յտ արարեալ՝ թէ յամ(ենայն)ի կարօղ ես փրկել՝ թէպէտ եւ առանց ճարտարութե(ան)՝ ոք ելանիցէ ՛ի վ(ե)ր(այ)։

Verse: 5   Link to sept   Բայց կամիս զի մի́ դատարկասցի գործ իմաստութե(ա)ն. վ(ա)ս(ն) այնորիկ չնչին փայտի հաւատան մարդիկ զանձինս իւրեանց. եւ շրջեալ ընդ ալիսն դո́յզն լաստիւն ապրեցան։

Verse: 6   Link to sept   Քանզի եւ իսկզբանէ ՛ի կորնչե́լ սկայիցն ամբարտաւանից, յոյս աշխարհի ՛ի լաստափայտն ապաւինեալ, եթող աշխարհի զաւա́կ լինելոյ քո́ ձեռամբդ նաւապետեալ։

Verse: 7   Link to sept   Զի օրհնեա́լ է փայտն որով լինի արդարութի(ւն)։

Verse: 8   Link to sept   Եւ ձեռագո́րծն անիծեալ. ինքն՝ եւ որ արար զնա։ զի նա́ արար՝ եւ սա եղծանելի աստուա́ծ անուանեցաւ։

Verse: 9   Link to sept   Առհասարա́կ ատելի են ա(ստուածո)յ, ամպարշտեալն եւ ամպարշտութի(ւն) իւր։

Verse: 10   Link to sept   Զի գո́րծն եւ գործելին առհասարա́կ տանջեսցին։

Verse: 11   Link to sept   Վ(ա)ս(ն) այնորիկ եւ ՛ի կո́ւռս հեթանոսաց այցելու(թ)ի(ւն) եղիցի։ զի ՛ի մէջ ա(ստուածո)յ արարածոց՝ ՛ի գարշութի(ւն) եղեն, եւ ՛ի գայթագղութի(ւն)ս որդւոց մարդկան, եւ յորոգայթս ոտից անզգամաց։

Verse: 12   Link to sept   Զի սկի́զբն պոռնկու(թ)ե(ան) հնարագիտութի(ւն) կռո́ց է. եւ գիւտք ն(ո)ց(ա)՝ ապականութի(ւն) կենաց։

Verse: 13   Link to sept   Զի ո́չ էր իսկզբանէ, եւ ո́չ կացցէ յաւիտեան։

Verse: 14   Link to sept   Նորակրօնութ(եամ)բ մարդկան եմուտ յաշխարհս. եւ վ(ա)ս(ն) այնորիկ ՛ի կարճո́յ հնարեցաւ վախճան ն(ո)ց(ա)։
Section: 18 

Verse: 15   Link to sept   Զի տարաժամ սգով թախծեալ հայր, վաղամեռիկ լինելոյ որդւոյ իւրոյ արար պատկեր։ Արդ զա́յն ժամու զմեռեալ մարդն՝ ա́յժմ իբրեւ զաստուած պատուեաց. եւ աւանդեաց իւրոց հնազանդելոցն խորհուրդս եւ նուէրս։

Verse: 16   Link to sept   Ապա ժամանակաւ ձգեալ ամպարիշտ սովորու(թ)ի(ւ)ն իբրեւ զօրէնս պահեցաւ։ եւ բռնաւորաց հրամանաւ կարգէին ՛ի պաշտօն դրօշեալքն։

Verse: 17   Link to sept   Զորս յանդիման պատուել ո́չ կարէին մարդիկ վ(ա)ս(ն) հեռի բնակելոյ. զբացական տեսիլն, զնոյն օրինակ քանդակեցին եւ դրօշեցին. եւ յայտնի́ պատկեր պատուելոյ թագաւորին արարին։ զի իբրեւ զմօտաւոր զհեռաւորն ողոքեսցեն փութով։

Verse: 18   Link to sept   ՛Ի յաճախու(թ)ի(ւն) պաշտաման զանգէտսն, յետ ա́յնորիկ ճարտարին համարձակեաց առատութի(ւն) արուեստգիտու(թ)ե(ան)։

Verse: 19   Link to sept   Զի նա թերեւս վ(ա)ս(ն) զիշխանին կամեցեալ զմիտսն հաճելոյ, բռնադատեաց երուեստիւն, ածե́լ զնմանութի(ւ)ն ՛ի գեղեցկութի(ւն)։

Verse: 20   Link to sept   Իսկ բազմու(թ)ի(ւ)ն պատրեալ վ(ա)ս(ն) պատշաճողութե(ան) գործոյն, զայն որ յառաջ քան զսակաւիկ մի պատուեալ էր մարդն, այժմ պաշտօն համարեցաւ։

Verse: 21   Link to sept   եւ այն եղեւ կենաց ՛ի դարանակալութի(ւն) եւ ՛ի գայթագղութի(ւն)։ Զի որում յա́յն ժամ առ վշտի բռնու(թ)ե(ան) ծառայէին մարդիկ, արդ՝ զանհաղորդական անունն՝ քարա́նց եւ փայտից եդին։

Verse: 22   Link to sept   Եւ այն ո́չ եղեւ բաւկան ն(ո)ց(ա) առ ՛ի մոլորելոյ յա(ստուածո)յ գիտութ(են)էն. այլ մինչ ՛ի մեծի պատերազմի անգիտու(թ)ե(ան)ն կէին՝ զայնպիսի չարիս խաղաղու(թ)ի(ւն) անուանէին։

Verse: 23   Link to sept   Կամ զորդեկոտոր նուէրս. կամ զգաղտնի խորհուրդսն. կամ զմոլեգին յայլոց կրօնից անառակու(թ)ի(ւն)ս բերեալ։

Verse: 24   Link to sept   Ոչ զկեանս, եւ ո́չ զամուսնու(թ)ի(ւն) տակաւին սուրբ պահեն։ Այլ զընկեր՝ կամ վարանեալ սպանանէ, կամ գաղտապէս ցականեցուցանէ։

Verse: 25   Link to sept   Եւ ամ(ենայն) ինչ խառն ՛ի խուռն. արիւն, եւ սպանութի(ւն). գողու(թ)ի(ւն), եւ նենգու(թ)ի(ւն). ապականութի(ւն). անհաւատութի(ւն). խռովու(թ)ի(ւն). երդմնստութի(ւն). աղմկութի(ւն).

Verse: 26   Link to sept   բարեաց երախտեաց անյիշատակութի(ւն). ոգւոց պղծու(թ)ի(ւն). ծննդեան փոփոխումն. ամուսնու(թ)ե(ան)ց անառակութի(ւն). շնու(թ)ի(ւն). գիջութի(ւն)։

Verse: 27   Link to sept   Զի անուն կռոցն եւ պաշտօն՝ ամ(ենայն) չարի սկիզբն, եւ պատճառք, եւ կատարա́ծ է։

Verse: 28   Link to sept   Կամ թէ ուրա́խ եղեալ՝ մոլին. կամ թէ մարգարէանան՝ ստու(թ)ի(ւն). կամ թէ կեան անիրաւու(թեամ)բ. կամ թէ ՛ի սուտ երդումն վաղվաղեն։

Verse: 29   Link to sept   Զի յանշունչ կուռսն յուսացեալք՝ երդնուն սուտ, եւ պատժի ո́չ ունին ակն։

Verse: 30   Link to sept   Արդ երկոքեան յիրաւի́ եկեսցեն ՛ի վ(ե)ր(այ) նոցա. զի չարաչար խորհեցան զա(ստուածո)յ, ունկնդիր լեալ կռոցն, եւ սուտ երդուան ՛ի կուռսն՝ արհամարհեալ զսրբութի(ւ)ն։

Verse: 31   Link to sept   Զի ո́չ թէ երդնլեացն զօրու(թ)ի(ւն), այլ մեղուցելոցն դատաստան հանէ ընդ գլուխ զանիրաւացն յանցանս։



Chapter: 15  
ԳԼ(ՈՒԽ) Ժ՜Ե.


Section: 19 

Verse: 1   Link to sept   Այլ դու ա(ստուա)ծ մեր՝ քա́ղցր եւ ճշմարիտ, երկայնամիտ եւ ողորմութ(եամ)բ դարմանես զամ(ենայն)։

Verse: 2   Link to sept   Զի թէ մեղանչեմք՝ քո́ եմք. քանզի գիտեմք զզօրութի(ւն) քո։ բայց ո́չ մեղիցուք՝ քանզի գիտեմք եթէ ՛ի քում հրամանի եմք։

Verse: 3   Link to sept   Զի եւ ճանաչելն իսկ զքեզ՝ բովանդա́կ արդարու(թ)ի(ւն) է, եւ գիտելն զզօրու(թ)ի(ւն) քո՝ արմա́տ անմահու(թ)ե(ան)։

Verse: 4   Link to sept   Զի ո́չ մոլորեցոյց զմեզ մարդկան չարարուե́ստ հնարագիտութի(ւն), եւ ո́չ ստուերագրացն անպտուղ աշխատու(թ)ի(ւն). պատկեր մենքենագործ՝ պէ́սպէս գունիւք։

Verse: 5   Link to sept   Որոց տեսիլն՝ անմտաց ՛ի ցանկու(թ)ի(ւն) գայ. փափաքէ պատկերի մեռելոյ անշունչ տեսլեան։

Verse: 6   Link to sept   Չարեաց արուեստագէտք՝ արժանի́ այնպիսի յուսոյ. եւ որք գործենն, եւ որք փափաքեն, եւ որք պաշտենն։

Verse: 7   Link to sept   Քանզի եւ բրտի լմեալ զկակուղ կաւն դնէ ՛ի վ(ե)ր(այ) դրգան, եւ ստեղծանէ անօթ՝ առ իւրաքանչի́ւր ումեք սպասու մերոյ. սակայն անդստին ՛ի կաւո́յ ստեղծ։ կամ թէ սրբութե(ան)ց ինչ սպասաւորու(թ)ե(ան) անօթս, կամ թէ գործոյից, կամ թէ ամենեւին նոցին հակառակ ըստ նմին օրինակի. եւ ՛ի նոցանէ ըստ իւրաքանչիւր ումեք են պէտքն։ դատաւոր կաւագո́րծ է եւ վշտահան։

Verse: 8   Link to sept   Զի զուր ՛ի նմին կաւոյ աստուած ստեղծանէ։ Որ յառաջ քան զփոքր մի յերկրէ ստեղծեալ՝ յետ սակաւ միոյ ՛ի նո́յն երթայ ուստի առա́ւն, եւ զպարտս ոգւոյ պահանջեալ։

Verse: 9   Link to sept   Այլ կա́յ ՛ի նմա հոդ՝ ո́չ զի աշխատելոցն է, եւ ո́չ զի սակաւախճան կեանս ունի. այլ զի ընդ ոսկերիչս եւ ընդ արծաթաձոյլս հակառակի, եւ պղնձագործա́ց նմանէ. եւ փա́ռս համարի, զի զգարշելիսն ստեղծանէ։

Verse: 10   Link to sept   Մոխի́ր է սիրտ ն(ո)ր(ա), եւ հող արհամարհեալ յոյս ն(ո)ր(ա). եւ քան զկաւն անարգագոյն կեանք նորա։

Verse: 11   Link to sept   Զի ո́չ ծանեաւ զստեղծիչն իւր, եւ ո́չ զայն որ շնչեաց ՛ի նա զշունչն ազդեցութե(ան). եւ որ փչեացն ՛ի նա հոգի կենդանական։

Verse: 12   Link to sept   Այլ խա́ղ համարեցան զկենդանու(թ)ի(ւն) մեր. եւ զկեանս՝ տօնավաճառ շահից։ զի պա́րտ է ասեն՝ ուստի եւ իցէ, թէպէտ եւ ՛ի չարեաց իցէ, շահե́լ ինչ։

Verse: 13   Link to sept   Եւ նա քան զամենեսին առաւել գիտէ թէ մեղանչէ. ՛ի հողեղէն նիւթոյ դիւրաբեկ անօթս եւ դրօշեալս գործէ։

Verse: 14   Link to sept   Եւ ամենեքին անմտագոյնք եւ խաւլք են քան զանձն տղայոյ։ Թշնամիք ժողովրդեան քոյ բռնադատեցին զնա.

Verse: 15   Link to sept   զի զամ(ենայն) կուռս հեթանոսաց աստուա́ծս համարեցան։ որոց ո́չ աչաց պիտանու(թ)ի(ւն) էր ՛ի տեսանել, եւ ո́չ ականջք առ ՛ի լսել, եւ ո́չ ունչք առ ՛ի ձգելոյ զօդ, եւ ո́չ մատունք ձեռաց առ ՛ի շօշափելոյ, եւ ոտք ն(ո)ց(ա) դատարկացեալք ՛ի գնալոյ։

Verse: 16   Link to sept   Քանզի մա́րդ արար զն(ո)ս(ա), եւ ոգի մուրացի́կ ստեղծ զն(ո)ս(ա)։ Ոչ ո́ք ՛ի մարդկանէ կարօղ է ստեղծանել նմանութի(ւն) ա(ստուածո)յ.

Verse: 17   Link to sept   քանզի մահկանացու է, եւ զմեռեալ գործ գործէ անօրէն ձեռօք. զի ինքն լա́ւ է քան զպաշտամունս իւր. յորոց ինքն կենդանի է՝ եւ նոքա ո́չ երբէք։

Verse: 18   Link to sept   Նա եւ զգարշելի անասունսն պաշտեն, եւ ա́յն է անհնարին անմտութի(ւն)։

Verse: 19   Link to sept   Զի թէ ընդ այլսն կշռեսցին՝ վատթարագո́յն գտանին։ ո́չ ո(ր)պ(էս) ցանկանան, այնպիսի գեղեցկու(թ)ի(ւն)ք ՛ի կերպարանս անասնոցն իցեն։
Section: 20 
   Բայց զի վրիպեցան յա(ստուածո)յ գիտու(թեն)էն, եւ ՛ի նորին օրհնու(թեն)էն։



Chapter: 16  
ԳԼ(ՈՒԽ) Ժ՜Զ.


Verse: 1   Link to sept   Վ(ա)ս(ն) այնորիկ ըստ նոցին նմանութե(ան) արժանապէ́ս տանջեցան. եւ վ(ա)ս(ն) բազմութե(ան) ճճեա́ցն գանալից եղեն։

Verse: 2   Link to sept   Փոխանակ ա́յնր տանջանաց դիւրեցեր ժողովրդեան քում. ՛ի ցանկութի(ւն) տենչանաց՝ նորաճաշակ կերակուր պատրաստեցե́ր զլորամարգին։

Verse: 3   Link to sept   Զի նոքա ցանկացեալք կերակրոյ ցուցելովքն որ առաքեցաւ ն(ո)ց(ա), եւ ՛ի կարեւոր կերակրոյ ցանկու(թեն)էն արգելցին։ եւ սոքա առ սակաւ մի կարօտացեալք ՛ի նո́ր ճաշակսն վայելեսցեն։

Verse: 4   Link to sept   Զի պա́րտ էր ՛ի վ(ե)ր(այ) ն(ո)ց(ա) անհրաժեշտ կարօտութե(ա)ն գալ. քանզի բռնանային։ եւ սոցա ցուցանե́լ միայն, թէ ո́րպէս ս(ո)ց(ա) թշնամիքն տանջիցին։

Verse: 5   Link to sept   Քանզի ս(ո)ց(ա) յորժամ անհնարին բարկու(թ)ի(ւն) գազանացն եհա́ս ՛ի վ(ե)ր(այ)՝ հարուածովք կամակոր օձիցն սատակէին։

Verse: 6   Link to sept   Ո́չ մինչ ՛ի սպառ յամեաց բարկութի(ւ)ն, այլ ՛ի խրատ առ սակաւ մի խռովեցան. զի նշանակ փրկու(թ)ե(ան) ունիցին, առ ՛ի յիշելոյ զպատուիրանս օրինաց քոց։

Verse: 7   Link to sept   Զի որ դառնայրն՝ ո́չ վ(ա)ս(ն) այնր զոր տեսանէրն ապրէր, այլ վ(ա)ս(ն) քո որ ամենեցուն փրկիչդ ես։

Verse: 8   Link to sept   Եւ այնու հաւանեցուցեր զթշնամիսն մեր, եթէ դո́ւ ես որ փրկես յամ(ենայն) չարէ։

Verse: 9   Link to sept   Զի զոմանս մարախոյ եւ մկանց կոտորեցի́ն հարուածք. եւ ո́չ գտաւ բժշկու(թ)ի(ւն) անձանց ն(ո)ց(ա). զի արժանի́ էին յայնպիսեա́ցն տանջելոյ։

Verse: 10   Link to sept   Բայց որդւոց քոց՝ եւ ո́չ թունաւո́ր վիշապացն յաղթեցին ժանիք. եւ ողորմութի(ւն) քո անջրպետեաց՝ եւ փրկեաց զն(ո)ս(ա)։

Verse: 11   Link to sept   Զի ՛ի յիշատակ բանից քոց անդրէն պատուաստէին եւ վաղվաղակի փրկէին։ զի մի ՛ի խոր մոռացումն անկանիցին, եւ անպատսպարանք լինիցին ՛ի քումմէ բարեարու(թեն)էդ։

Verse: 12   Link to sept   Քանզի ո́չ դեղք՝ եւ ո́չ սպեղանիք բժշկեցին զն(ո)ս(ա). այլ քո տ(է)ր բանդ որ զամ(ենայն) բժշկէ։

Verse: 13   Link to sept   Քանզի կենաց եւ մահու դո́ւ ունիս իշխանու(թ)ի(ւն), իջուցանես ՛ի դժոխս՝ եւ հանես։

Verse: 14   Link to sept   Այլ մարդ սպանանէ́ չարու(թեամ)բ իւրով. եւ ելեալ ոգին՝ անդրէն ո́չ դառնայ. եւ ո́չ պարանի շունչն գրաւեալ։

Verse: 15   Link to sept   քանզի ՛ի քումմէ ձեռանէ փախչել անհնարին է։

Verse: 16   Link to sept   Ուրանան գիտել զքեզ ամպարիշտք, բայց զօրու(թեամ)բ բազկի քոյ տանջեցան։ Նո́ր անձրեւօք կարկտի, եւ անհրաժեշտ շառաչմամբք հալածեալք, եւ հրովք ծախեալք.

Verse: 17   Link to sept   եւ որինչ նորանշան սքանչելին էր։ Զի յամենաշիջոյց ջուրն առաւել գործէր հուրն. զի վերամարտիկ արդարոց է աշխարհ։

Verse: 18   Link to sept   Երբեմն ընտանենայր բոցն, զի մի́ այրիցէ զարձակեալ գազանսն ՛ի վ(ե)ր(այ) ամպարշտաց։ այլ նոքա հայեցեալ տեսանէին, թէ ա(ստուածո)յ դատաստանաւն խուճապին։

Verse: 19   Link to sept   Եւ երբեմն ՛ի մէջ ջրոյն առաւե́լ քան զզօրութի(ւն) հրոյ բորբոքէր, զի զմեղանչական երկրին զարդիւնսն ապականեսցէ։

Verse: 20   Link to sept   Ընդ որոյ՝ կերակուր հրեշտակաց ջամբեցեր ժողովրդեան քում, եւ զպատրաստական հացն յերկնից ետուր ն(ո)ց(ա) առանց ջանալոյ։ Առ ամ(ենայն) ցանկու(թ)ի(ւն) բաւական, եւ առ ամ(ենայն) հանդերձանս ճաշակաց։

Verse: 21   Link to sept   Զի քո գոյաւորութի(ւն)դ առ քո որդիսն եցոյց զքաղցրութի(ւն) ըստ մատուցանելոյ ցանկութե(ա)ն արբանեկեալ. առ որ զինչ ոք եւ կամէր՝ խառնէր։

Verse: 22   Link to sept   Ձիւն եւ սառն կային ընդդէ́մ հրոյ՝ եւ ո́չ հալէին. զի ծանիցուք թէ զպտուղ թշնամեացն ապականէր։ հուրն բորբոքեալ ընդ կարկտի, եւ փայլատակեալ ՛ի մէջ ջրոյ։

Verse: 23   Link to sept   Եւ այն դարձեալ՝ զի արդարք կերակրեսցին, եւ զիւր զօրութի(ւ)ն մոռանայցէ։

Verse: 24   Link to sept   Զի քո արարածք քե́զ արարչիդ արբանեկէ. եւ սաստկանայ ՛ի տանջանս անիրաւաց. եւ օրհնի ՛ի բարերարութի(ւն) փոխանակ ՛ի քե́զն յուսացելոց։

Verse: 25   Link to sept   Վ(ա)ս(ն) այնորիկ եւ յա́յնժամ յամ(ենայն) ինչ փոխեալ ամենակերտկրիչ պարգեւիդ քում լինէր սպասաւոր, առ ՛ի կամս քոյոցն կարօտելոց։

Verse: 26   Link to sept   Զի ուսանիցին որդիքն քո զոր դու սիրեցեր տ(է)ր. զի ո́չ եթէ արա́րք արմտեաց կերակրեն զմարդ, այլ քո բանդ զհաւատացեալսն ՛ի քեզ պահէ։

Verse: 27   Link to sept   Զի որ ՛ի հրոյն ո́չ ապականէր վայրապար, ՛ի դոյզն ճառագայթից արեգականն ջեռեալ հալէր։

Verse: 28   Link to sept   Ո(ր)պ(էս) զի յայտ լիցի՝ թէ պա́րտ է կանխել նախ քան զարեգակն ՛ի գովու(թ)ի(ւն) քո, եւ յառաջ քան զծագել լուսոյ յանդիմա́ն լինել քեզ։

Verse: 29   Link to sept   Զի յոյս անշնոհակալին իբրեւ զսառն ձմերայնոյ հալեսցի, եւ ծորեսցէ իբրեւ զջո́ւր անպիտան։




Chapter: 17  
ԳԼ(ՈՒԽ) Ժ՜Է.


Section: 21 

Verse: 1   Link to sept   Զի մեծամե́ծ են դատաստանք քո եւ դժուարապատումք. վ(ա)ս(ն) այնորիկ անձինք անխրատք մոլորեցան։

Verse: 2   Link to sept   Կարծեցին բռնադատել զազգն սուրբ՝ անօրէնք։ կապեալք խաւարի, եւ կաշկանդեալք երկայն գիշերոյ։ արգելեալք ընդ յարկօք փախստականք ՛ի յաւիտենական տեսչու(թեն)էն անկեալ դնէին։

Verse: 3   Link to sept   Զի ղօղեալ համարէին ընդ գաղտնեօք մեղաց. ընդ անճաճանչ յիմարութե(ան) առագաստաւ ցրուեցան, անհնարինս յիմարեալք եւ խուճապեալք եւ խռովեալք։

Verse: 4   Link to sept   Քանզի եւ ո́չ՝ որ ունէր զն(ո)ս(ա) մութն, աներկեւղս պահեաց. զի բոմբիւնք շուրջ զնոքօք պահեալ սրարբեցուցանէին, եւ ցնորք անժպիտք խոժոռադիմա́ցն երեւէին։

Verse: 5   Link to sept   Եւ հրոյ եւ ո́չ մի ինչ բռնու(թ)ի(ւն) կարաց լուսաւորել. եւ ո́չ խարուկածին բորբոքեալ բոցք հանդարտէին լրջացուցանել զտխուր գիշերն։

Verse: 6   Link to sept   Բայց միայն երեւէր ն(ո)ց(ա) ինքնակաց խտրոյկ լի́ երկիւղիւ. զարհուրեալք յաներեւոյթ տեսլենէն այնորիկ, համարէին չար՝ ե́ւս քան զոր տեսանէինն։

Verse: 7   Link to sept   ՛Ի դիւթական արուեստի խաբէութի(ւն)ս անկանէին, եւ ՛ի խորհուրդս ամբարհաւաճու(թ)ե(ան), կշտամբու(թ)ի(ւն) թշնամանալից։

Verse: 8   Link to sept   Զի որք խոստանային զարհաւիրս եւ զխռովութի(ւն)ս հալածել յանձնէ ախտացելոց, նոքա զծաղրալից երկիւղն ախտանային։

Verse: 9   Link to sept   Զի թէպէտ եւ ո́չինչ նորա նշան զարհուրեցուցանէր, ճճեաց անցիւ, եւ սողնոց շչմամբ խուճապեալք եւ դողացեալք սատակէին։ եւ յանուրեք յանփախուստ օդն հայելոյ ուրանային։

Verse: 10   Link to sept   Զի երկչոտին՝ առանձի́ն իմն չարու(թ)ի(ւն)՝ ինքեա́մբ վկայէ դատապարտեալ. մի́շտ կանխէ զանհնարինս նեղեալ ՛ի խղճէ մտաց։

Verse: 11   Link to sept   Քանզի ո́չ ինչ է երկեւղ՝ եթէ ո́չ մատնութի(ւն) մտացն օգնականութե(ան)։

Verse: 12   Link to sept   Մինչդեռ ՛ի նե́րքս է, սակա́ւ ինչ է ակնկալութի(ւն), եւ բազում համարի զանգիտու(թ)ե(ան)ցն. որ ածէ́ ՛ի վ(ե)ր(այ) զպատճառս տանջանացն։

Verse: 13   Link to sept   Եւ նոքա զսաստիկ զանհնարին զգիշերն, եւ յանմատուցից մթից դժոխոցն հասելոց ՛ի վ(ե)ր(այ)՝ զնո́յն քուն ննջեցին։

Verse: 14   Link to sept   Է́ր զի նշանօք ցնորիցն պակչէին. եւ էր զի ոգւոցն մատնու(թեամ)բք լքանէին. զի յանկարծօրէն եւ յանկարծուստ մածանէր ահն ՛ի վ(ե)ր(այ)։

Verse: 15   Link to sept   Ապա այն զի ե́ւ արդ եւ էր՝ ա́նդ յանգէր, եւ պահէր յաներկաթ բա́նտն արգելեալ։

Verse: 16   Link to sept   Եթէ հողագո́րծ էր, եւ եթէ հովիւ, եւ եթէ անապատական աշխատու(թ)ե(ան)ցն գործաւոր՝ ըմբռնեալ յանլոյծ տագնապ հասանէր։

Verse: 17   Link to sept   Քանզի միով խաւարային շղթայիւ ամենեքեան կապեցան։ եթէ հո́ղմ շնչէր, եւ եթէ թանձրախիտ ոստոց քաղցրաձայն հաւուց բարբառ հնչէր. եթէ յորդու(թ)ի(ւն) ջրոց հոսելոց բռնու(թեամ)բ.

Verse: 18   Link to sept   եւ եթէ բոմբիւնք սպառնալեաց վիմաց հոլովելոց. եւ եթէ ընթա́ցք աներեւոյթք անասնոց կայտռելոց. եւ եթէ բարբառ ահագին գազանաց գոչելոց, կամ անդրէն յանձն բեկելոյ՝ ՛ի քարանձաւա́ց լերանց ձայնի́ց արձագանգաց, լքո́յց զն(ո)ս(ա) զարհուրեցուցեալ։

Verse: 19   Link to sept   Զի ամ(ենայն) աշխարհ պայծառացեալ լուսով լուսաւորէր, եւ անխափան գործով կայր պնդակազմ։

Verse: 20   Link to sept   Բայց միայն ՛ի վ(ե)ր(այ) նոցա́ տարածանէր ծանր գիշեր, օրինակ խաւարին որ յաջորդելոց է զնոսա. ինքեանք ինքեանց իսկ ծանրագոյնք էին քան զխաւար։



Chapter: 18  
ԳԼ(ՈՒԽ) Ժ՜Ը.


Verse: 1   Link to sept   Բայց սրբոց քոց լո́յս մե́ծ էր զորոց զբարբառն լսէին, եւ զկերպարանսն ո́չ տեսանէին։ զի եւ նոքա որ զայսպիսի չարչարանս կրեցին՝ երանէին։

Verse: 2   Link to sept   Եւ զի ո́չ վնասէին յառաջագոյն զրկեալքն՝ գոհանային. եւ վ(ա)ս(ն) անցանելոյ աղաչէին։

Verse: 3   Link to sept   Ընդ որոյ սիւն բոցոյ առաջնորդէր անծանօթ ճանապարհին։ զարեգակն անվնաս ետուր առա́տ ասպնջականութե(ա)ն։

Verse: 4   Link to sept   Քանզի արժանի́ իսկ էին նոքա վրիպելոյ ՛ի լուսոյ, եւ արգելլոյ ՛ի խաւարի. որք արգելականս պահէին զորդիս քո։ որովք հանդերձեալ էր անեղծ օրինացն լո́յս կենաց աշխարհի պարգեւել։
Section: 22 

Verse: 5   Link to sept   Զի խորհեալ էին նոքա զտղայս սրբոցն կոտորել. եւ ընդ միոյ մանկան ընկեցիկ եղելոյ եւ ապրելոյ, ՛ի յանդիմանութի(ւն) զն(ո)ց(ա) զբազմութի(ւն) որդւոցն կոտորեցեր եւ սատակեցեր, եւ առհասարակ կորուսեր ՛ի ջուրս սաստիկս։

Verse: 6   Link to sept   Այն գիշեր յառաջածանօթ եղեւ հարցն մերոց. զի հաստատութ(եամ)բ տեսեալ, յերդմունս յոր հաւատացին՝ խրախամի́տ լինիցին։

Verse: 7   Link to sept   Ակնկալութի(ւն) եղեւ ժողովրդեան քում արդարո́ցն փրկու(թ)ի(ւն), եւ թշնամեա́ցն կորուստ։

Verse: 8   Link to sept   Զի որով պատժեցեր զհակառակորդսն, նովի́ն զմեզ առ քեզ կոչեցեալ փառաւորեցեր։

Verse: 9   Link to sept   Զի գա́ղտ զոհէին որդիք ազնուացն, եւ զսրբու(թ)ե(ան)ն օրէնս միաբանու(թեամ)բ ուխտէին։ ըստ նմին օրինակի բարու(թ)ե(ան)ց՝ եւ վշտաց սրբոցն հաղորդակից լինել։ անդ հայր՝ քաղցրացուցանէին զօրհնութի(ւն)։

Verse: 10   Link to sept   Նա ա́ւանիկ հակառակ ձայնատո́ւ էր անմիաբան բարբառ թշնամեացն. եւ ձա́յն ողորմ ելանէր մանկանցն սգացելոց։

Verse: 11   Link to sept   Զնո́յն օրինակ ծառայք հանդերձ տերամբք տանջեալ, եւ ռամիկն տագաւորաւն զնո́յն չարչարեալ։

Verse: 12   Link to sept   Առհասարակ ամ(ենայն)քին միո́վ անուամբ մահու ունէին մեռեալս անհամարս. զի եւ թաղելո́յ անգամ չէին բաւական կենդանիք։ քանզի ՛ի միում վայրկենի պատուական ազգն ն(ո)ց(ա) սատակէր։

Verse: 13   Link to sept   Զի ամ(ենայն)ի չհաւատային վ(ա)ս(ն) կախարդութե(ան)ցն, բայց ՛ի սատակելոյ անդրանկացն՝ խոստովանեցին ժողովուրդ քո լինել։

Verse: 14   Link to sept   Մինչդեռ խաղաղու(թ)ե(ան)ն պատեալ էր զամ(ենայն), եւ այն ինչ գիշերն իւրով երագու(թեամ)բն ընդմիջէր։

Verse: 15   Link to sept   Ամենազօ́ր բան քո յերկնից յաթոռոց արքունեաց սաստիկ պատերազմօղ ՛ի մէջ սատակման երկրին հասանէր։

Verse: 16   Link to sept   Սուսեր պողովատիկ զանաչառ հրամանդ քո բերեալ, եւ ՛ի մէջ անցեալ զամենեսին լնո́յր մահուամբ։ անդ՝ առ երկնիւք քերէր, եւ այսր յերկի́ր հասանէր։

Verse: 17   Link to sept   Յա́յնժամ վաղվաղակի ցնորք անհնարին երազոց խռովեցուցանէին զն(ո)ս(ա), եւ արհաւիրք անկարծք ՛ի վ(ե)ր(այ) հասանէին։

Verse: 18   Link to sept   Եւ ա́յլոք ա́յլ ուր անկեալ կիսամահ, վ(ա)ս(ն) որոյ պատճառանաց մեռանէր՝ յա́յտ առնէր։

Verse: 19   Link to sept   Զի երազոցն խռովեցուցեալ զն(ո)ս(ա), զնո́յն յառաջագոյն գուշակէին. զի մի́ յանգէտս վ(ա)ս(ն) որոյ չարաչարն տանջէին՝ կորնչիցին։

Verse: 20   Link to sept   Մատեա́ւ եւ յարդարսն երբեմն փորձ մահու, եւ սատակումն բազմու(թ)ե(ան)ն եղեւ յանապատին. այլ ո́չ ընդ երկար կալաւ բարկութի(ւն) քո։

Verse: 21   Link to sept   Զի փութացեալ այրն անարատ՝ մատեաւ յառաջ ՛ի կռիւ՝ իւրով պաշտաման զինուն, աղօթիւք եւ խնկօք ուղերձեալ զքաւու(թ)ի(ւ)ն. եկա́ց ընդդէմ բարկու(թ)ե(ան)ն, եւ արար վախճա́ն հարուածոցն.

Verse: 22   Link to sept   յայտ արարեալ թէ քո ծառայ է։ Յաղթեաց բազում ամբոխի, ո́չ զօրութ(եամ)բ մարմնոյ՝ եւ ո́չ զինուց ազդեցու(թեամ)բ. այլ բանիւ զտանջիչն հնազանդեաց։ Զերդմունս եւ զդաշինս հարցն յիշատակեալ

Verse: 23   Link to sept   զշեղջաշեղջ դիականցն անկելոց առ միմեանս՝ կացեալ ՛ի մէջ դադարեցոյց զբարկու(թ)ի(ւն)։ եհե́րձ ճանապարհ ընդ մէջ կենդանեաց եւ մեռելոց։

Verse: 24   Link to sept   Քանզի պճղնաւոր հանդերձի́ն էր ամ(ենայն) զարդն, եւ փառք հարցն ՛ի չորեքկարգեան ականսն քանդակեալս, եւ մեծութի(ւն) քո թագ ՛ի վ(ե)ր(այ) գլխոց ն(ո)ց(ա)։

Verse: 25   Link to sept   Յա́յնց խորշեցաւ սատակիչն, եւ ՛ի նոցունց զարհուրեցաւ. զի բաւական էր միայն փորձ բարկութե(ա)ն։



Chapter: 19  
ԳԼ(ՈՒԽ) Ժ՜Թ.


Verse: 1   Link to sept   Բայց ամպարշտացն մինչեւ ՛ի սպա́ռ եհաս ՛ի վ(ե)ր(այ) անողորմ սրտմտու(թ)ի(ւ)ն. քանզի գիտէր զն(ո)ց(ա) եւ զհանդերձեալսն։

Verse: 2   Link to sept   զի եւ նոքա դարձցին ՛ի գնալ, եւ տագնապաւ յուղարկեալ զն(ո)ս(ա)՝ հալածեսցեն զղջացեալք։

Verse: 3   Link to sept   Զի մինչդեռ տակաւին ՛ի ձեռս իւրեանց ունէին զսուգս իւրեանց, եւ ճչէին առ գերեզմանօք մեռելոցն. մե́ւս եւս անմտու(թ)ե(ան) խորհուրդ յինքեանս կորզէին. եւ զորս աղաչէինն եւ հանէին, նոցին ո(ր)պ(էս) փախստէից հետամո́ւտ լինէին։

Verse: 4   Link to sept   Զի ձգէր զն(ո)ս(ա) արժանն յա́յնր վախճանի տագնապ. եւ զանցելոց անցիցն ընդ ն(ո)ս(ա) անյիշատակութի(ւն) ՛ի միտս արկանէին, զի զմնացելոց տանջանաց լցցե́ն զպատիժս։

Verse: 5   Link to sept   եւ քո ժողովուրդ զնորասքանչ ճանապարհ գնասցէ, եւ նոքա նորանշան մա́հ գտանիցեն։

Verse: 6   Link to sept   Զի ամ(ենայն) արարածք յիւրաքանչիւր կարգի վերստին նորոգէր՝ արբանեկել քոց հրամանաց։ Զի որոց որդիքն անվնա́ս պահէին,

Verse: 7   Link to sept   ամպն ծածկեսցէ զբանակն։ Զի ՛ի ջրոյն ցամաքու(թեն)է որ ՛ի ներքո́յ կայր՝ յատակք երկրին երեւէին. եւ ՛ի կարմիր ծովուն ճանապա́րհ անխափան՝ եւ դաշտ ծաղկաբեր ՛ի պտուտից բռնու(թ)ե(ան)ն։

Verse: 8   Link to sept   վասն որոյ միագունդ անցանէին որ քո́վ ձեռամբդ ծածկեալ էին, տեսեալ զգործս սքանչելիս։

Verse: 9   Link to sept   Զի իբրեւ զձիս ճախրեցան, եւ իբրեւ զդառինս խայտացին, օրհնել զքեզ տ(է)ր որ փրկեցեր զն(ո)ս(ա)։

Verse: 10   Link to sept   Քանզի յիշէին տակաւին զիրսն որ ՛ի պանդխտու(թ)ե(ան) իւրեանց, թէ զի՞արդ փոխանակ ծննդեան անասնոց՝ բղխեա́ց երկիր նոցա մուն։ Եւ փոխանակ ջրականացն բղխեաց գետն բազմութի(ւն) գորտոց։

Verse: 11   Link to sept   Ապա յետոյ տեսին եւ նո́ր ծնունդ թռչնոյ յորժամ ցանկութ(եամ)բ տենչացեալք խնդրեցին խորտիկս կերակրոյ։

Verse: 12   Link to sept   Զի ՛ի մխիթարութի(ւն) ել ն(ո)ց(ա) լորամարգ ՛ի ծովէ, եւ պատիժք ՛ի վ(ե)ր(այ) մեղաւորաց հասին։ ո́չ առանց յառաջագոյն եղելոց նշանացն բռնու(թեամ)բ հրացան բարկութե(ան)ցն։
Section: 23 
   Քանզի յիրաւի́ չարչարեցան ըստ իւրեանց չարու(թ)ե(ան)ն, զի չարաչար օտարատեցու(թ)ի(ւն) հնարեցան։

Verse: 13   Link to sept   Զի ոմանք զանծանօթս եկեալս չընդունէին. եւ նոքա զերախտաւոր հեւրս ծառայեցուցանէին։

Verse: 14   Link to sept   Եւ ո́չ այնչափ միայն, այլ եւ այցելութի(ւն) եղիցի ն(ո)ց(ա). քանզի ատելու(թեամ)բ ընդունէին զօտարս։

Verse: 15   Link to sept   Բայց նոքա խնդու(թեամ)բ տօնիցն ընկալեալք, ընդ վաղուց ընդ նոցին արդարոցն վայելէին. անհնարին ցաւօք չարչարեցին զն(ո)ս(ա)։

Verse: 16   Link to sept   Հարին շլացութ(եամ)բ իբրեւ զայնոսիկ որ առ դուրս արդարոյն. յորժամ աննշոյլ անբա́ց խաւարաւն պատեցան, իւրաքանչի́ւրոք զիւրո́յ դրաց ելս խնդրէր։

Verse: 17   Link to sept   Զի վ(ա)ս(ն) ն(ո)ց(ա) բնու(թ)ի(ւն)ք պատշաճեալք, իբրեւ սաղմոսարանաւ իւրաքանչիւր յարդարեալ ձանիւք. զիւրաքանչիւր անուն նուագէին, յամ(ենայն) ժամ ՛ի նմին ձայնի հաստատեալք. զոր է́ ճշմարտիւ կարծել յեղելոցն տեսլենէ։

Verse: 18   Link to sept   Զի ցամաքայինքն ՛ի ջո́ւրս փոխէին, եւ լուղակքն յերկիր դառնային։

Verse: 19   Link to sept   Հուր՝ ջրո́յ յաղթէր իւրով զօրութ(եամ)բ, եւ ջուր՝ զի́ւր շիջուցիչ բնութի(ւ)ն մոռանայր։

Verse: 20   Link to sept   Եւ բոցք՝ դարձեալ զդիւրածախ անասնոցն զմարմինսն ո́չ թառամեցուցանէին ՛ի շրջելն իւրեանց. եւ ո́չ հալէին զսառնակերպ զդիւրահալ զազգ անուշակ կերակրոյն։ Զի յամ(ենայն)ի բարձրացուցեր զժողովուրդ քո եւ փառաւորեցե́ր, եւ ո́չ անտես արարեր յամ(ենայն) ժամանակի, եւ յամ(ենայն) տեղիս քոյով պաշտպանութ(եամ)բ տ(է)ր։
Section:  





Book: Hiob 
Hiob

entered by J. Gippert and N. Č̣anṭlaʒe,
Tbilisi, May 2004;
TITUS version by J. Gippert,
Frankfurt a/M, 30.5.2004

ԳԻՐՔ ՅՈԲԱՅ

Chapter: 1 
ԳԼ(ՈՒԽ) Ա՜.


Section: 1 

Verse: 1   Link to sept   Ա́ՅՐ ՈՄՆ ԷՐ ՅԱՒՍԻԴ աշխարհի որում անուն էր յո́բ։ եւ էր այրն այն ճշմարի́տ, անարատ, արդար, ա(ստուա)ծապաշտ, մեկնեա́լ յա(մենայ)ն իրաց չարութ(են)է մեղաց։

Verse: 2   Link to sept   Եղեն ն(ո)ր(ա) ուստերք եւթն՝ եւ դստերք երեք։

Verse: 3   Link to sept   եւ էին խաշինք ն(ո)ր(ա)՝ եւթն հազար. ուղտք երե́ք հազարք. լուծք եզանց հինգ հարեւր։ եւ եւ էշք մատակք արօտականք հինգ հարեւր։ եւ սպասք բազում յոյժ. եւ գործք մեծամեծք էին ն(ո)ր(ա) ՛ի վ(ե)ր(այ) երկրի։ Եւ էր այրն այն ազնուակա́ն քան զա(մենայ)ն արւեելեայսն։

Verse: 4   Link to sept   միաբանեալ գային որդիք ն(ո)ր(ա) առ միմեանս, առնէին խրախութի(ւն) զօրհանապազ. առեալ ընդ իւրեանս եւ զերեսին քորսն իւրեանց ուտել եւ ըմպել ընդ ն(ո)ս(ա)։

Verse: 5   Link to sept   Եւ իբրեւ յա́նգ ելանէին աւուրք խրախութե(ա)ն, առաքէր յոբ՝ եւ սրբէր զն(ո)ս(ա). յարուցեալ ընդ առաւօտս մատուցանէր վ(ա)ս(ն) ն(ո)ց(ա) զոհս ըստ թուոյ ն(ո)ց(ա), եւ զուարակ մի վ(ա)ս(ն) մեղաց ոգւոց ն(ո)ց(ա)։ քանզի ասէր յոբ՝ թէ գուցէ որդիքն իմ ՛ի միտս իւրեանց իմացան չարութի(ւն)Ի զա(ստուծո)յ։ ա́յսպէս առնէր յոբ զա(մենայ)ն աւուրս ն(ո)ց(ա)։

Verse: 6   Link to sept   Եւ եղեւ իբրեւ օրս այս՝ եւ ահա եկին հրեշտակք ա(ստուծո)յ կա́լ առաջի տ(եառ)ն։ եկն եւ սատանայ ընդ ն(ո)ս(ա) յածեալ ընդ երկիր եւ շրջեալ ՛ի նմա։

Verse: 7   Link to sept   Եւ ասէ տ(է)ր ցսատանայ՝ դու ուստի՞ գաս։ պատասխանի ետ սատանայ տ(եառ)ն, եւ ասէ. շրջեալ ընդ երկիր եւ յածեալ ՛ի ներքոյ երկնից՝ եկեալ կամ։

Verse: 8   Link to sept   Եւ ասէ ցնա տ(է)ր. նայեցա՞ր մտօք քովք ը(նդ) ծառայ իմ ընդ յոբ. զի ո́չ գոյ իբրեւ զնա ՛ի վ(ե)ր(այ) երկրի, այր անարատ՝ ճշմարիտ՝ ա(ստուա)ծապաշտ՝ մեկնեալ յա(մենայ)ն իրաց չարաց։

Verse: 9   Link to sept   Ե́տ պատասխանի սատանայ, եւ ասէ ընդդէմ տ(եառ)ն. միթէ ձրի՞ պաշտիցէ յոբ զտ(է)ր։

Verse: 10   Link to sept   ո՞չ դու ամրացուցեր զարտաքին ն(ո)ր(ա)՝ եւ զներքին տան ն(ո)ր(ա), եւ որինչ միանգամ արտաքոյ շուրջ զնովա́ւ է։ զգործս ձեռաց ն(ո)ր(ա) օրհնեցեր, եւ զանասուն ն(ո)ր(ա) բազմացուցեր ՛ի վերայ երկրի։

Verse: 11   Link to sept   Բայց ոչ աղէ́ առպաքեա́ դու զձեռն քո, եւ ա́րկ յա(մենայ)ն ինչս ն(ո)ր(ա). եթէ ո՞չ յերեսս իսկ օրհնեսցէ զքեզ։

Verse: 12   Link to sept   Յայնժամ ասէ տ(է)ր ցսատանայ. ահա զա(մենայ)ն ինչս ն(ո)ր(ա) տա́մ ՛ի ձեռս քո, բայց ՛ի նա մի́ մերձենայցես։ Եւ ել սատանայ յերեսաց տ(եառ)ն։

Verse: 13   Link to sept   եւ է́ր իբրեւ զօրս զայս. ուստերքն յոբայ եւ դստերք ն(ո)ր(ա), ուտէին եւ ըմպէին գինի ՛ի տան երիցու եղբօրն իւրեանց։

Verse: 14   Link to sept   Եւ ահա հրեշտակ եկն առ յոբ՝ եւ ասէ ցնա. հարկիք եղանցն վարէին, եւ էշքն մատակք արածէին առ նոկօք։

Verse: 15   Link to sept   եւ եկին գերեւարք եւ գերեցին զն(ո)ս(ա), եւ զմանկտին կոտորեցին սրով. ե́ս միայն ապրեալ՝ եկի պատմել քեզ։

Verse: 16   Link to sept   Եւ մինչդեռ նա խօսէր, այլ հրեշտակ եկն առ յոբ՝ եւ ասէ ցյոբ. հո́ւր անկաւ յերկնից՝ եւ այրեաց զհօտսն, եւ զհովիւսն ըստ նմին օրինակի եկեր. ե́ս միայն նմնացեալ՝ եկի պատմել քեզ։

Verse: 17   Link to sept   Եւ մինչդեռ նա խօսէր, ա́յլ հրեշտակ եկն՝ եւ ասէ ցյոբ. ասպատակաւորք ասպատեակեցին ՛ի մեզ երեք առաջք եւ պատեցծան զուղտուքն՝ եւ գերեցին զն(ո)ս(ա), եւ զմանկտին կոտորեցին սրով. ե́ս միայն ապրեալ՝ եկի պատմել քեզ։

Verse: 18   Link to sept   Եւ մինչդեռ նա խօսէր՝ ա́յլ հրեշտակ գայր եւ ասէր ցյոբ. մինչդեռ ուստեւրքն քո, եւ դստերք ուտէին եւ ըմպէին առ երիցու եղբօրն իւրեանց՝

Verse: 19   Link to sept   յանկարծակի հո́ղմն մեծ եկն յանապատէ՝ եւ եհա́ր զչորեսին անկիւնս տանն, եւ անկաւ տունն ՛ի վ(ե)ր(այ) որդւոցն քոց՝ եւ վախճանեցան. ե́ս միայն ապրեալ՝ եկի պատմել քեզ։

Verse: 20   Link to sept   Ապա յարուցեալ յոբ՝ պատառեաց զհանդերձս իւր, եւ կտրեաց զվարսս գլխոյ իւրոյ. եւ անկեալ ՛ի գետին երկի́ր եպագ տ(եառ)ն,

Verse: 21   Link to sept   եւ ասէ. մե́րկ իսկ եկի ես յորովայնէ մօր իմոյ, եւ մերկանդամ դարձայց անդրէն։

Verse: 22   Link to sept   Տ(է)ր ետ՝ եւ տ(է)ր առ. որպէս տ(եառ)ն հաճոյ թուեցաւ՝ նոյնպէս եւ եղեւ. եղիցի́ անուն տ(եառ)ն օրհնեալ։

Verse: 23   Link to sept   Եւ յայսմ ա(մենայ)նի անցս որ անցին ընդ նա՝ ո́չ մեղաւ յոբ առաջի տ(եառ)ն, եւ ո́չ ետ անզգամութի(ւն) ա(ստուծո)յ։



Chapter: 2  
ԳԼ(ՈՒԽ) Բ՜.


Verse: 1   Link to sept   Եւ եղեւ իբրւեւ զօրս զայս. եւ եկին հրեշտակք ա(ստուծո)յ կա́լ առաջի ա(ստուծո)յ. եկն եւ սատանայ ՛ի մէջ ն(ո)ց(ա) ընդ ն(ո)ս(ա) կա́լ առաջի տ(եառ)ն։

Verse: 2   Link to sept   Եւ ասէ տ(է)ր ցսատանա́յ. դու ուստի՞ գաս։ յայնժամ ասէ սատանայ առաջի տ(եառ)ն. սահեալ ՛ի ներքոյ երկնից՝ եւ շրջեալ ընդ ա(մենայ)ն, եկեալ կամ։

Verse: 3   Link to sept   Եւ ասէ տ(է)ր ցսատանայ. ապաքէն հայեցա՞ր ընդ ծառայ իմ ընդ յոբ. զի ո́չ գոյ իբրեւ զնա ՛ի վ(ե)ր(այ) երկրի, ա́յր ճշմարիտ անարատ, ա(ստուա)ծապաշտ, մեկնեալ յա(մենայ)ն չարութ(են)է. եւ տակաւին կա́յ յանմեղու(թ)ե(ան). եւ դու տարապա́րտ խօսեցար կորուսանել զինչս ն(ո)ր(ա)։

Verse: 4   Link to sept   Կրկնեա́ց անդրէն սատանայ՝ եւ ասէ ցտ(է)ր. մորթ ընդ մորթոյ, եւ որինչ իցէ մարդոյ ընդ անձի́ն իւրոյ տուժեսցի։

Verse: 5   Link to sept   ապա թէ ոչ՝ աղէ առաքեա́ զձեռն քո, եւ ա́րկ զոսկերօք եւ զմարմնովք ն(ո)ր(ա). եթէ ո՞չ յերեսս իսկ օրհնեսցէ զքեզ։

Verse: 6   Link to sept   Եւ ասէ տ(է)ր ցսատանայ. ահա մատնե́մ զնա քեզ, բայց միայն զոգի ն(ո)ր(ա) պահեսցե́ս։

Verse: 7   Link to sept   Եւ ել սատանայ յերեսաց տ(եառ)ն. եւ եհա́ր զյոբ չարաչար կեզով յոտից մինչեւ ցգլուխ։

Verse: 8   Link to sept   եւ առեալ խեցի քերէր զթարախն. եւ նստէր յաղբեւրս արտաքոյ քաղաքին։ Եւ իբրեւ բազում ժամանակք անցանէր ՛ի վ(ե)ր(այ)։

Verse: 9   Link to sept   ասէ ցնա կինն իւր. Մինչեւ յե՞րբ ժուժկալեալ ասիեցես՝ թէ ահա համբերեցից տակաւին՝ սակա́ւ ինչ ժամանակ ա́կն կալեալ յուսոյ փրկութե(ան) իմոյ։ Ահաւադիկ ապականեալ է յիշատակ քո ՛ի վ(ե)ր(այ) երկրի. ուստերք քո եւ դստերք՝ իմո́յ որովայնի երկք եւ երկունք. յորս տարապարտուց վաստակեցի տառապանօք։ Դու ինքնին ՛ի զազղրութի(ւն) որդանց նստիս օթագացեալ բացական. եւ ես մոլորեալ եւ հարկահա́ր, տո́ւն ՛ի տանէ, եւ տեղի ՛ի տեղւոջէ. սպասեմ թէ ե՞2րբ մտանիցէ արեգակն՝ զի հանգեա́յց ՛ի տարապանաց իմոց՝ որ այժմ պատեալ են զինեւ. Աղէ՝ ասա́ բան ինչ ՛ի տ(է)ր, եւ վախճանեաց։

Verse: 10   Link to sept   Եւ ն(ո)ր(ա) հայեցեալ ընդ նա՝ ասէ. իբրեւ զմի ՛ի կանանց անզգամաց խօսեցար։ եթէ զբարիսն ընկալա́ք ՛ի ձեռանէ տ(եառ)ն՝ չարեացս ո՞չ համբերիցեմք։ Եւ յայսմ ա(մենայ)նի որինչ ա́նցք անցին ընդ նա, ո́չ մեղաւ յոբ շրթամբք իւրովք առաջի տ(եառ)ն. եւ ո́չ ետ անզգամու(թ)ի(ւն) ա(ստուծո)յ։

Verse: 11   Link to sept   Եւ լուեալ երից բարեկամացն զչարիսն ա(մենայ)ն որ հասին ՛ի վ(ե)ր(այ) ն(ո)ր(ա), եկին յիւրաքանչի́ւր աշխարհէ առ նա։ Եղիփազ արքայ թեմնացւոց. Բաղդատ բռնաւոր սաւքեցւոց. Սովփար արքայ մինեցւոց։ եւ եկին առ նա միաբան մխիթարել եւ սփոփել զնա։

Verse: 12   Link to sept   Եւ տեսեալ զնա ՛ի բացուստ՝ ո́չ ծանեան։ եւ բարբառեալ մեծաձայն լացին. եւ պատառեցին իւրաքանչիւր զպատմուճան իւր, եւ ցանեցին հո́ղ ՛ի վ(ե)ր(այ) գլխոց իւրեանց ընդ երկի́նս հայելով։

Verse: 13   Link to sept   Եւ նստան շուրջ զնովաւ յերկրի զեւթն օոր եւ զեւթն գիշեր։ եւ ո́չոք ՛ի նցնէ խօսեցաւ ընդ նմա բան. քանզի տեսանէին զանհնարին հարուածսն եւ զմեծամեծս յոյժ։



Chapter: 3  
ԳԼ(ՈՒԽ) Գ՜.


Verse: 1   Link to sept   Եւ ապա ո́ւր ուրեմն յոբ եբաց զբերան իւր, եւ անէծ զօրն իւր,

Verse: 2   Link to sept   եւ ասէ։

Verse: 3   Link to sept   Կորիցէ́ օրն յորում ես ծնայ, եւ գիշերն յորում ասացին թէ ահա արո́ւ։

Verse: 4   Link to sept   Խաւարեսցի́ գիշերն այն, եւ մի́ խնդրեսցէ զնա տ(է)ր ՛ի վերուստ։ Մի́ եկեսցէ ՛ի վ(ե)ր(այ) ն(ո)ր(ա) լոյս։

Verse: 5   Link to sept   ընկալցի́ զնա խաւար՝ եւ ստուերք մահու։ եկեսցէ́ ՛ի վ(ե)ր(այ) ն(ո)ր(ա) մէգ։

Verse: 6   Link to sept   Անիծեա́լ լիցի օրն այն եւ գիշերն, եւ տարցի́ զնա խաւար։ մի́ եղիցի յաւուրս տարւոյ, եւ մի́ թուեսցի յաւուրս ամսոց։

Verse: 7   Link to sept   Այլ գիշերն այն եղիցի́ ՛ի ցա́ւս, եւ մի́ եկեսցէ ՛ի վ(ե)ր(այ) ն(ո)ր(ա) ուրախու(թ)ի(ւն) եւ մի ցնծու(թ)ի(ւն)։

Verse: 8   Link to sept   Այլ նզովեսցէ́ զնա որ նզովելոցն է զօրն զայն. որ զբռա́մբ ածելոցն իսկ է զմեծ վիշապն։

Verse: 9   Link to sept   Խաւարեսցի́ն աստեղք գիշերոյն այնորիկ, սպասեսցէ, եւ ՛ի լոյս մի́ տեսցէ, եւ մի́ տեսցէ զարուեսեակն ծագեալ։

Verse: 10   Link to sept   Զի ո́չ փակեաց զդրունս արգանդի մօր իմոյ, զի թերեւս մերժէ́ր զցաւս յաչաց իմոց։

Verse: 11   Link to sept   Իսկ ընդէ՞ր յորովայնի ո́չ վախճանեցայ. այլ ելի յարգանդէ եւ ո́չ անդէն վաղվաղակի կորեայ։

Verse: 12   Link to sept   Ընդէ՞ր դիպեցան ինձ ծնունդք, կամ ընդէ՞ր դգիեցի ես զստինս մօր իմոյ։

Verse: 13   Link to sept   Զի այժմ հանդարտեալ դադարէի, եւ ննջեցեալ հանգչէի́

Verse: 14   Link to sept   ընդ թագաւորս եւ ընդ խորհրդականս երկրի՝ ոյք հպարտացեալ էին ՛ի սուրս իւրեանց։

Verse: 15   Link to sept   Կկամ ընդ իշխանս որոց բազում էր ոսկի, որք լցին զտունս իւրեանց արծաթով։

Verse: 16   Link to sept   Կկամ իբրեւ զանցուցեալն, որ ելանէ յարգանդէ մօր իւրոյ, կամ իբրեւ զտղայս որ ո́չ տեսին զլոյս։

Verse: 17   Link to sept   Ա́նդ ամպարիշտք որ բորբոքեցին զսրտմտու(թ)ի(ւն) բարկու(թ)ե(ան)։ Անդ հանգեան աշխատեալքն մարմնով,

Verse: 18   Link to sept   ՛ի միասին յաւիտենականք՝ որք ո́չ լուան զձայն հարկահանի։

Verse: 19   Link to sept   Փո́քր եւ մեծ ա́նդ են, եւ ծառայ աներկեւղ ՛ի տ(եառ)նէ իւրմէ։

Verse: 20   Link to sept   Իսկ ընդէ՞ր տուեալ իցէ անձանց դառնացելոց լոյս, եւ կեանս ցաւագնելոց ոգւովք.

Verse: 21   Link to sept   որ ցանկան մահու, եւ ո́չ հասանեն։ փորեն իբրեւ զգանձս,

Verse: 22   Link to sept   եւ խնդալից լինին եթէ գտանիցեն։ Մահ՝

Verse: 23   Link to sept   մարդոյ հանգի́ստ է յորմէ ճանապարհն թաքեաւ ՛ի նմանէ. զի փակեաց զնովաւ ա(ստուա)ծ։

Verse: 24   Link to sept   Յառաջ քան զկերակուրս իմ հեծու(թ)ի(ւն) եհաս, արտասուօք եւ ահիւ նեղեալ եմ։

Verse: 25   Link to sept   Զի երկեւղն յորմէ խիթային ե́կն ՛ի վ(ե)ր(այ) իմ, եւ յորմէ կասկածէին պատահեաց ինձ։

Verse: 26   Link to sept   Ո́չ խաղաղեցայ ո́չ հանդարտեցի՝ ո́չ հանգեայ. քանզի եկն ՛ի վերայ իմ բարկութի(ւն)։



Chapter: 4  
ԳԼ(ՈՒԽ) Դ՜.


Verse: 1   Link to sept Կրկնեալ անդրէն Եղիփաղու թեմնացւոյ ասէ́։


Verse: 2   Link to sept    Միթէ բազո́ւմ անգամ լցեալ իցեն քո բանք աշխատութ(եամ)բ, եւ զօրու(թեամ)բ բանից քոց ո՞ հանդարտեսցէ։

Verse: 3   Link to sept   Զի եթէ խրատեցեեր դու զբազումս, եւ զձեռս տկարի մխիթարեցեր։

Verse: 4   Link to sept   Եւ զհիւանդացեալս կանգնեցեր բանիւք, եւ ծնկաց կթուցելոց քաջալերութի(ւն) զգեցծուցեր։

Verse: 5   Link to sept   Եւ արդ եկին հասին ՛ի վ(ե)ր(այ) քո ցաւք. սակայն դու վաղվաղեցեր։

Verse: 6   Link to sept   Ո́չ ապաքէն երկեւղդ քո անզգամութի(ւն) է. եւ կասկածդ քո, եւ անչարութի(ւն) ճանապարհի քո։

Verse: 7   Link to sept   Արդ յիշեա́ ո՞ ոք որ սուրբ էր՝ կորեաւ, կամ ճշկմմարիտք արմատաքի́ երբէք խլեցան։

Verse: 8   Link to sept   Զորօրինակ տեսի զա́յնոսիկ որ զանպատեհսն արօրադի́ր առնեն. որ սերմանեն զն(ո)ս(ա)՝ ցա́ւս հնձեսցեն ՛ի նոցանէ։

Verse: 9   Link to sept   ՛Ի հրամանէ տ(եառ)ն կորիցեն. ՛ի հոգւոյ բարկու(թ)ե(ան) ն(ո)ր(ա) սատակեսցին։

Verse: 10   Link to sept   Զօրու(թ)ի(ւն) առիւծու, գոչիւն մատակ առիւծու, պերճութի(ւն) վիշապաց՝ շիջա́ւ։

Verse: 11   Link to sept   Մրջիւնառեւծն սատակեցաւ առ ՛ի չգոյէ́ կերակրոյ. կորիւնք առիւծու լքի́ն զմիմեանս։

Verse: 12   Link to sept   Եթէ է́ր տակաւին բա́ն ճշմարիտ եղեալ ՛ի խօսս քո, ո́չ ինչ յայդպիսեաց չար պատահէր քեզ։ Ուրեմն ո՞չ ընդունիցին ունկն իմ հրաշակերտս ՛ի նմանէ,

Verse: 13   Link to sept   արհաւիրք եւ բոմբիւնք գիշերականք։ Հասեալ ա́հ ՛ի վ(ե)ր(այ) մարդկան,

Verse: 14   Link to sept   դողումն եւ սոսկումն պատահեցին ինձ. եւ մեծապէս զոսկերս իմ շարժեցին։

Verse: 15   Link to sept   Եւ եկն հողմն ՛ի վ(ե)ր(այ) երեսաց իմոց. քստմնեցին հերք իմ եւ մարմինք։

Verse: 16   Link to sept   Կանգնեցայ՝ եւ ո́չ գիտացի. տեսի եւ ո́չ էին կերպարանք առաջի աչաց իմոց, բայց միայն օդ եւ սաւսափիւն լսէի։

Verse: 17   Link to sept   Իսկ արդ՝ միթէ սո՞ւերբ լինիցի մարդ առաջի տ(եառ)ն, կամ ՛ի գործոց իւրոց անարտա՞տ այր։

Verse: 18   Link to sept   Եթէ ծառայից իւրոց ո́չ հաւատայցէ, եւ զհրեշտակաց խոտորնագոյնս ինչ իմացաւ։

Verse: 19   Link to sept   Իսկ արդ զբնակեալս ՛ի տունս կաւեղէնս, յորոց եւ ինքեանք ՛ի նմին կաւոյ եմք։ Եհար զն(ո)ս(ա) ըստ օրինակի ցեցոյ.

Verse: 20   Link to sept   եւ յառաւօտէ մինչեւ յերեկոյ ո́չեւս իցեն։ Քանզի անձամբ անձին օգնել ո́չ կարէին, կորեա́ն։

Verse: 21   Link to sept   Փչեաց ՛ի նոսա եւ ցամաքեցան. սատակեցան քանզի ո́չ էր ՛ի նոսա իմաստութի(ւն)։



Chapter: 5  
ԳԼ(ՈՒԽ) Ե՜.


Verse: 1   Link to sept   Արդ աղէ կարդա́, թէ ոք տայցէ՞ քեզ ձայն, կամ թէ զոք ՛ի հրեշտակաց սրբոց տեսցե՞ս։

Verse: 2   Link to sept   Քանզի եւ զանզգամ սպանանէ բարկութի(ւն), եւ զմոլորեալն մեռուցանէ նախանձ։

Verse: 3   Link to sept   Նա՝ ես տեսի անզգամաց արմա́տս ձգեալ, այլ վաղվաղակի հարան յարկք նոցա։

Verse: 4   Link to sept   Հեռի́ լիցին որդիք ն(ո)ց(ա) ՛ի փրկութ(են)է. կողկողեսցին առ դրունս վատթարաց, եւ ո́չոք իցէ որ փրկիցէ։

Verse: 5   Link to sept   Զի զոր նոքայն ժողովեցին՝ արդա́րք կերիցեն, եւ նոքա մի́ եղիցին ապրեալք ՛ի չարեաց. ծծեսցի́ զորութի(ւն) ն(ո)ց(ա)։

Verse: 6   Link to sept   Զի ո́չ եթէ յերկրէ ելանիցէ աշխատու(թ)ի(ւն), եւ ո́չ ՛ի լերանց բուսանիցին ցաւք։

Verse: 7   Link to sept   Այլ մա́րդ աշխատութ(եամ)բ ծնանի. ծա́գք արծուեաց ՛ի բարձո́ւնս թռչին։

Verse: 8   Link to sept   Բայց սակայն ես խնդրեցից ՛ի տ(եառն)է, եւ զտ(է)ր զամենեցո́ւն իշխանն կարդացից։

Verse: 9   Link to sept   Որ առնէ զմեծամեծս եւ զանքնինս, եւ զփառաւորս եւ զհրեշտակերտս որոց ո́չ գոյ թիւ։

Verse: 10   Link to sept   Որ տա́յ ամձրեւ յերկիր, առաքէ́ զջուրս ՛ի ներքո́յ երկնից։

Verse: 11   Link to sept   Որ առնէ զխոնարհս ՛ի բարձունս, եւ կանգնէ զկորուսեալս։

Verse: 12   Link to sept   Եւ փոփոխէ զխորհուրդս խորամանգաց, եւ ո́չ գործեսցեն ձեռք ն(ո)ց(ա) զճշմարտու(թ)ի(ւն)։

Verse: 13   Link to sept   Որ հասանէ́ իմաստնոց հանճարով, եւ զխորհուրդս բազմանիւթաց յիմարեցոյց։

Verse: 14   Link to sept   ՛Ի տուէ́ պատահիցէ ն(ո)ց(ա) խաւար, եւ ՛ի միջօրէի իբրեւ ՛ի գիշերի́ խարխափեսցեն։ Սատակեսցին պատերազմաւ.

Verse: 15   Link to sept   եւ աղքատն ապրեսցի ՛ի ձեռանէ հզօրին։

Verse: 16   Link to sept   Եղիցի́ յոյս տկարի. բերա́ն անիրաւի խցցի։

Verse: 17   Link to sept   Երանեա́լ է մարդ զոր յանդիմանեաց տ(է)ր ՛ի վ(ե)ր(այ) երկրի. եւ ՛ի խրատուէ́ ամենակալին մի́ հրաժարեսցես։

Verse: 18   Link to sept   Զի նա́ ցաւեցուցանէ, եւ միւսանգամ անդրէն հաստատէ. եհար՝ եւ ձե́ռք ն(ո)ր(ա) բժշկեցին։

Verse: 19   Link to sept   Վեցիցս ՛ի վշտա́ց փրկեսցէ զքեզ, եւ յեւթներորդումն ո́չ մերձեսցի առ քեզ չար։

Verse: 20   Link to sept   ՛Ի սովի՝ փրկեսցէ́ զքեզ ՛ի մահուանէ։ ՛ի պատերազմի ՛ի ձեռաց երկաթոյ արձակեսցէ́ զքեզ։

Verse: 21   Link to sept   ՛Ի տանջանաց լւզուի՝ ծածկեսցէ զքեզ. եւ մի́ երկիցես ՛ի չարեաց եկելոց ՛ի վ(ե)ր(այ) քո։

Verse: 22   Link to sept   զանիրաւս եւ զանօրէնս արհամարհեսցես։ ՛Ի գազանաց վայրենեաց ո́չ երկիցես։

Verse: 23   Link to sept   զի ընդ քարինս վայրի դաշինք քո. եւ գազանք վայրենիք խաղաղասցին ընդ քեզ։

Verse: 24   Link to sept   Ապա գիտասցես թէ խաղաղու(թ)ի(ւն) է տան քո, եւ բնակու(թ)ի(ւն) յարկի́ քոյ մի́ վրիպեսցի։

Verse: 25   Link to sept   Եւ ծանիցես զի բազում է զաւա́կ քո. եւ որդիք քո եղիցին իբրեւ զբանջար վայրի։

Verse: 26   Link to sept   Եւ երթիցես ՛ի գերեզման իբրեւ զցորեան հասեալ ՛ի ժամանակի հնձեալ, կամ իբրեւ զշիղջ կալոյ ՛ի ժամանակի ամփոփեալ։

Verse: 27   Link to sept   Ահաւասիկ զայս ա́յսպէս քննեցաք. ա́յս է զոր լուաքն։ բայց դու գիտասջի́ր յանձն քո զինչ գործեցեր։



Chapter: 6  
ԳԼ(ՈՒԽ) Զ՜.


Section: 2 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept   Եթէ կշրելով ոք կշռէ́ր զբարկու(թ)ի(ւն)ս իմ. եւ զցաւս իմ միանգամայն բառնայր ՛ի լուծ կշռոց,

Verse: 3   Link to sept   քան զաւազ ծովու ծանրագոյն լինէր։ նա՝ ուրեմն բանք իմ անզգա́մք են։

Verse: 4   Link to sept   Զի նետք տ(եառ)ն ՛ի մարմնի իմում, եւ սրտմտու(թ)ի(ւն) ն(ո)ր(ա) ծծէ զարիւն իմ։ յորժամ սկսանիմ խօսել կտտե́ն զիս։

Verse: 5   Link to sept   Իսկ արդ՝ զիա՞րդ, միթէ տարապարտո՞ւց խանչիցէ ցիռ, բայց եթէ կերակուր խնդրիցէ։ Կամ թէ գոչիցէ՞ եզն առ մսուր՝ յորժամ ունիցի զկերակուր։

Verse: 6   Link to sept   Կամ ուտիցի՞ հաց առանց աղի. կամ գուցէ՞ համ ՛ի բանս ունայնս։

Verse: 7   Link to sept   Սա՝ ո́չ կարէ հանդարտել անձն իմ. զի շարաւով տեսանեմ զկերակուր իմ՝ իբրեւ զհո́տ առիւծու։

Verse: 8   Link to sept   Զի եթէ տացէ՝ եւ եկեսցեն յիս խնդրուածք իմ, եւ զյոյս իմ տացէ́ տ(է)ր։

Verse: 9   Link to sept   Սկսաւ տ(է)ր խոցոտել զիս. բայց ՛ի սպառ մի́ սպանցէ զիս։

Verse: 10   Link to sept   Եղիցի ինձ քաղաքն իմ գերեզման՝ յորոյ վ(ե)ր(այ) պարսպացն ճեմէի, եւ ՛ի նա ո́չ խնայեցից. զի ո́չ սուտ արարից զբանս սրբոյն ա(ստուծո)յ իմոյ։

Verse: 11   Link to sept   Զի զի՞նչ է զօրու(թ)ի(ւն) իմ եթէ համբերեցից. կամ զի՞նչ ժամանակ՝ զի հանդարտեսցէ անձն իմ։

Verse: 12   Link to sept   Միթէ զօրութի(ւն) վիմա՞ց իցէ զօրու(թ)ի(ւն) իմ, կամ մարմինք իմ պղնձի՞ք. կամ թէ ո՞չ ՛ի նա ապաւինէի։ Արդ օգնութի(ւն) իմ մերժեցա́ւ յինէն,

Verse: 13   Link to sept   եւ ողորմութի(ւն) հրաժարեաց յինէն. այցելու(թ)ի(ւն) տ(եառ)ն անտե́ս արար զիս։

Verse: 14   Link to sept   Ո́չ հայեցան յիս մերձաւորք իմ.

Verse: 15   Link to sept   իբր զվտակ պակասեալ, եւ իբրւե զալիս անցին զինեւ։

Verse: 16   Link to sept   Որք սարսէին յինէն, արդ ահաւասիկ հասի́ն ՛ի վերայ իմ։

Verse: 17   Link to sept   Իբրեւ զձիւն կամ իբրեւ զսառն պաղեալ որ հալիցի ՛ի հասանելոյ ջերմութե(ան), եւ ո́չ ճանաչիցի թէ ո՞(ր)պ(էս) էր.

Verse: 18   Link to sept   նո́յնպէս եւ ես լքայ յամենեցունց, կորեայ եւ տնանկացայ։

Verse: 19   Link to sept   Տեսէ́ք զճանապարհս թեմնացւոց որք ՛ի շաւիղս սաբայ հայիք։

Verse: 20   Link to sept   եւ ամօթ կրեսցեն յուսացեալքն ՛ի քաղաքս եւ յինչս։

Verse: 21   Link to sept   Դա՝ եւ դուք աւադիկ անողո́րմ հասէք ՛ի վերայ իմ։ հայեցեալ ՛ի վէրս իմ՝ երկերո́ւք։

Verse: 22   Link to sept   Արդ ես զձեզ ինչ խնդրեցի՞։

Verse: 23   Link to sept   կամ ձերո՞վ զօրութ(եամ)բդ կարօտեալ իցեմ ապրեցուցանե́լ զիս ՛ի թշնամեաց. կամ ՛ի ձեռաց հզօրաց փրկել զիս։

Verse: 24   Link to sept   Ուսուցէ́ք զիս՝ եւ ես լռեցից. եւ եթէ մոլորեա՞լ ինչ իցեմ, արարէ́ք զիս խելամուտ։

Verse: 25   Link to sept   Այլ ուրեմն խոտա́ն են բանք ճշմարտի. քանզի ո́չ եթէ ՛ի ձէնջ խնդրեմ զօրութի(ւն)։

Verse: 26   Link to sept   Եւ ո́չ կշտամբանք բանից ձերոց լռեցուցանեն զիս. եւ ո́չ բարբառոյ բանից ձերոց անսացից։

Verse: 27   Link to sept   Բայց զի իբրեւ ՛ի վ(ե)ր(այ) որբոյ յարուցեալ էք ՛ի վ(ե)ր(այ) իմ. եւ խաղացեալ էք ՛ի վ(ե)ր(այ) բարեկամի ձերոյ։

Verse: 28   Link to sept   Բայց արդ հայեցեալ յերեսս ձեր ո́չ ստեցից։ նստարո́ւք, եւ մի́ ինչ լիցի անիրաւու(թ)ի(ւն) ՛ի դատաստանի։

Verse: 29   Link to sept   եւ դարձեալ իրաւանց ո́ւշ ունիցիք։

Verse: 30   Link to sept   Զի ո́չ գոյ ՛ի լեզուի իմում անիրաւու(թ)ի(ւն). կամ կոկորդ իմ ոչ խոկասցէ յիմաստու(թ)ի(ւն)։



Chapter: 7  
ԳԼ(ՈՒԽ) Է՜.


Verse: 1   Link to sept   Ոչ ապաքէն իբրեւ զփորձութի(ւն)՞ են վարք մարդոյ ՛ի վերայ երկրի, եւ իբրեւ զառօրեայ վարձք վարձկանի կեա́նք ն(ո)ր(ա)։

Verse: 2   Link to sept   Կամ իբրեւ զծառայ երկուցեալ ՛ի տեառնէ իւրմէ՝ եւ զօղեալ ընդ հովանեաւ, եւ իբրեւ զվարձկան որ սպասիցէ վարձուց իւրոց.

Verse: 3   Link to sept   նոյնպէս եւ ե́ս սպասեցի ամսոց սնոտեաց։ Գիշերք ցաւագի́ն տուեալ են ինձ.

Verse: 4   Link to sept   եթէ ննջեցից՝ ասեմ ե՞րբ իցէ տիւ. եւ եթէ յառնիցեմ՝ դարձեալ թէ ե՞րբ իցէ երեկ։ լի́ ցաւօք լինիմ յերեկորեայ մինչեւ ցառաւօտ։

Verse: 5   Link to sept   Թաթաւին մարմինք իմ զազրութ(եամ)բ որդանց. մաշեցի́ զկոշտս երկրի առ ՛ի զթարախս քերելոյ։

Verse: 6   Link to sept   Եւ կեանք իմ թեթեւագո́յնք են քան զխօսս, եւ կորեա́ն յունայնու(թ)ե(ան) յուսոյ։

Verse: 7   Link to sept   Յիշեա́ զի փուք են կեանք իմ, եւ ո́չ դարձցի ակն իմ ՛ի տեսանել զբարի։

Verse: 8   Link to sept   եւ ո́չ հայեսցի յիս ակն տեսողի։ Աչք քո յիս՝ եւ ես ո́չ եւս իցեմ,

Verse: 9   Link to sept   իբրեւ զամպ ջնջեալ յերկնից։ Զի եթէ իջանիցէ մարդ ՛ի դժոխս, ո́չ եւս ելցէ.

Verse: 10   Link to sept   եւ ո́չ դարձցի ՛ի տուն իւր. եւ ո́չ եւս ծանիցէ զնա տեղի իւր։

Verse: 11   Link to sept   Այսուհետեւ ո́չ եւս խնայեցից ՛ի բերան իմ. խօսեցա́յց մինչեւ իցեմ ՛ի վիշտս. բացի́ց զդառնութի(ւն) անձին իմոյ տագնապաւ։

Verse: 12   Link to sept   Միթէ ծո́վ իցեմ կամ վիշա́պ՝ զի կարգեցեր զինեւ պահ։

Verse: 13   Link to sept   Ասացի թէ մխիթարեսցեն զիս մահիճք իմ. վճարեցի́ց յինէն զբանս յանկողնի իմում։

Verse: 14   Link to sept   Զարհուրեցուցանես զիս երազովք, եւ տեսլեամբք հարկանես զիս։

Verse: 15   Link to sept   Թափես զոգի յանձնէ իմմէ, եւ ՛ի մարմնոյ զշունշ իմ. եւ ՛ի մահուանէ զկեանս իմ։

Verse: 16   Link to sept   զի ո́չ եթէ յաւիտեան կեամ, եթէ երկայնամի́տ եղէց։ ՛Ի բա́ց կաց յինէն՝ զի ընդունա́յն են կեանք իմ։

Verse: 17   Link to sept   Զի զի՞նչ է մարդ զի մեծացուցեր զնա, կամ զի հայիցիս ՛ի նա մտօք։

Verse: 18   Link to sept   Կամ այցելու(թ)ի(ւն) առնիցես նմա մինչեւ ցառաւօտ. եւ ՛ի հանգիստ դատիցիս զնա։

Verse: 19   Link to sept   Մինչեւ յե՞րբ ո́չ թողուցուս զիս, եւ ո́չ ընդարձակիցես ինձ. մինչեւ ցաւովք կլանիցեմ զտողուկս իմ։

Verse: 20   Link to sept   Զի թէ մեղայ՝ զի՞նչ կարիցեմ առնել քեզ, որ գիտեսդ զմիտս մարդկան։ Ընդէ՞ր եդիր զքեզ ոսոխ, եւ իցեմ քեզ բեռն։

Verse: 21   Link to sept   եւ ընդէ՞ր ո́չ արարեր մոռացումն անօրէնութե(ան) իմոյ՝ եւ սրբութի(ւն) մեղաց իմոց։ Արդ ահա յերկի́ր դառնայցեմ կանխեալ, եւ այլ ո́չ եւս իցեմ։



Chapter: 8  
ԳԼ(ՈՒԽ) Ը՜.


Verse: 1   Link to sept Կրկնեալ անդրէն Բաղդատայ սաւքեցւոյ ասէ։


Verse: 2   Link to sept   Մինչեւ ցե՞րբ խօսիցիս զայդ. եւ ոգի մեծաբանութե(ան) ՛ի բերան քո։

Verse: 3   Link to sept   Միթէ անիրա՞ւ դատիցի տ(է)ր. կամ որ զա(մենայ)ն արար պղտորիցէ՞ զիրաւունս։

Verse: 4   Link to sept   Եթէ որդիքն քո մեղամ առաջի ա(ստուծո)յ, առաքեաց ՛ի ձեռին զանօրէնութի(ւն)ս ն(ո)ց(ա)։

Verse: 5   Link to sept   Բայց դու կանխեա́ առ տ(է)ր ամենակալ աղօթիւք.

Verse: 6   Link to sept   եթէ սուրբ եւ ճշմարիտ իցես՝ աղօթից քոց լուիցէ́։ Դարձուսցէ́ քեզ զյարկն արդարութե(ան).

Verse: 7   Link to sept   եւ լինիցին առաջինքն քո սակաւք, եւ վերջինքն քո անբաւք։

Verse: 8   Link to sept   Բայց աղէ հարց զազգն առաջին, եւ քննեա́ ըստ տոհմից հարցն։

Verse: 9   Link to sept   Զի երիկեանք եմք, եւ ո́չ գիտեմք. քանզի ստուեր են կեանք մեր ՛ի վ(ե)ր(այ) երկրի։

Verse: 10   Link to sept   Կամ թէ ո՞չ նոքին իսկ ուսուսցեն զքեզ. պատմեսցեն եւ ՛ի սրտէ́ հանցեն զբանս։

Verse: 11   Link to sept   Միթէ կանաչանա՞յ պրտու առանց ջրոյ. կամ բարձրանայցէ՞ կնիւն առանց ըմպելոյ։

Verse: 12   Link to sept   Մինչդեռ անդէն ՛ի վերայ արմատոց իւրոց է՝ ո՞չ հնձեսցի. յառաջ քան զարբենալ ա(մենայ)ն բանջար եթէ ո́չ ոռոգանի՝ ո՞չ ցամաքիցի։

Verse: 13   Link to sept   Արդ ա́յնպէս եղիցի վախճան ամենեցուն որ մոռանայցեն զտ(է)ր. զի յո́յս ամպարշտի կորիցէ։

Verse: 14   Link to sept   Անշէ́ն լիցի տուն ն(ո)ր(ա). անցցէ́ իբրեւ սարդիոստայն յա́րկ ն(ո)ր(ա)։

Verse: 15   Link to sept   Թէպէտ եւ հաստատեսցէ զտուն իւր՝ մի́ կացցէ յարկանել ձեռին ն(ո)ր(ա), մի́ հանդարտեսցէ։

Verse: 16   Link to sept   Զի խոնաւութի(ւն) յարեգականէ́ է. եւ ՛ի նեխու(թեն)է ն(ո)ր(ա) ելցէ շառաւիղ իւր։

Verse: 17   Link to sept   ՛Ի վ(ե)ր(այ) կարկառի քարանց ննջեսցէ, եւ ՛ի մէջ մանրախիճ քարանց կեցցէ։

Verse: 18   Link to sept   եթէ ընկլցէ զնա տեղին ստեսցէ́։ Ո՞չ տեսեր այսպիսի ինչ.

Verse: 19   Link to sept   զի կործանումն ամպարշտի այսպիսի́ է. եւ յերկրէ ա́յլ բուսցի։

Verse: 20   Link to sept   Զի տ(է)ր ո́չ մերժէ զանմեղն. զա(մենայ)ն պատարագ ամպարշտի ո́չ ընկալցի։

Verse: 21   Link to sept   Բերանք ճշմարտից լցցի́ն ծաղու, եւ շրթունք նոցա գոհու(թեամ)բ։

Verse: 22   Link to sept   Թշնամիք ն(ո)ց(ա) զգեցցի́ն զամօթ. յարկք ամպարշտի ո́չ եւս իցեն։



Chapter: 9  
ԳԼ(ՈՒԽ) Թ՜.


Section: 3 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept   Ճշմարտի́ւ գիտեմ թէ այդ՝ ա́յդպէս իցէ. քանզի զիա՞րդ լինիցի մարդ արդա́ր առաջի ա(ստուծո)յ։

Verse: 3   Link to sept   Զի եթէ կամիցի դատե́լ ընդ նմա՝ ո́չ լուիցէ նմա. զի եւ մի բան հազար բանի պատասխանի ո́չ տացէ։

Verse: 4   Link to sept   Զի իմաստո́ւն է մտօք՝ զօրաւոր եւ մե́ծ։ ո՞ խստացաւ ընդդէմ ն(ո)ր(ա), եւ հանդարտեաց։

Verse: 5   Link to sept   Որ հնացուցանէ զլերինս եւ ոչ գիտեն. որ տապալէ զն(ո)ս(ա) բարկու(թեամ)բ։

Verse: 6   Link to sept   Որ շարժէ́ զառ ՛ի ներքոյս երկնից ՛ի հիմանց, եւ սիւնք նորա դողան։

Verse: 7   Link to sept   Որ ասէ արեգական եւ ո́չ ծագէ, եւ ընդդէմ աստեղաց կնքէ́։

Verse: 8   Link to sept   Որ ձգեաց զերկինս միայն, եւ շրջի ՛ի վերայ ծովու իբրեւ յատակի։

Verse: 9   Link to sept   Որ արա́ր զբազմաստեղսն, եւ զգիշերավարն, եւ զսայլն, եւ զշտեմարանս հարաւոյ։

Verse: 10   Link to sept   Որ առնէ զմեծամեծս եւ զանքնինս, եւ զփառաւորս եւ զհրաշակերտս որոց ո́չ գոյ թիւ։

Verse: 11   Link to sept   Եթէ վերասցի քան զիս՝ ո́չ տեսից. եւ եթէ անցցէ առինեւ՝ եւ ո́չ այնպէս գիտացից։

Verse: 12   Link to sept   Եւ եթէ սատակեսցէ՝ ո՞ դարձուսցէ, կամ ո՞վ ասիցէ ցնա թէ զի՞նչ արարեր։

Verse: 13   Link to sept   Զի նա́ դարձաւ ՛ի բարկութ(են)է, եւ ՛ի նմանէ սարսեցին կէտք որ ՛ի ներքոյ երկնից։

Verse: 14   Link to sept   Իցէ՞ թէ լույցէ ինձ, եւ իրաւացուցանիցէ զբանս իմ։

Verse: 15   Link to sept   Եթէ իցեմ արդար՝ ո́չ լուիցէ ինձ. եւ զդատաստան ն(ո)ր(ա) աղաչեցի́ց։

Verse: 16   Link to sept   Եւ եթէ կարդացից եւ անսասցէ՝ չհաւատամ թէ լուաւ իսկ ինձ.

Verse: 17   Link to sept   եւ ո́չ միգով սատակեսցէ զիս։ Բազո́ւմ են հարուածք զոր արար ինձ տարապարտուց.

Verse: 18   Link to sept   եւ ո́չ տայ ինձ հանգչել. եւ լցոյց զիս դառնութ(եամ)բ.

Verse: 19   Link to sept   քանզի հզօր է՝ բռնանայ։ իսկ արդ ո՞ իցէ, որ դատաստանի նորա կայցէ հակառակ։

Verse: 20   Link to sept   Իսկ եթէ իցեմ եւս արդար՝ սակայն բերան իմ ամպարշտեսցէ. եւ եթէ իցեմ անարատ՝ կամակո́ր գտանիցիմ։

Verse: 21   Link to sept   Զի եթէ ամպարշտեցի յանձն իմ՝ ո́չ գիտեմ. բայց զի բառնան յինէն կեանք իմ։

Verse: 22   Link to sept   վասն որոյ ասացի, թէ զմեծն եւ զհզօրն կորուսանէ բարկութի(ւն)։

Verse: 23   Link to sept   Զի չարք յանհնարի́ն մահու կորիցեն. այլ արդարք ծա́ղր լինին.

Verse: 24   Link to sept   զի մատնին ՛ի ձեռս ամպարշտի։ Զերեսս դատաւորաց ն(ո)ր(ա) ծածկեսցէ. եւ եթէ ոչ նա́ է՝ ո՞վ իցէ։

Verse: 25   Link to sept   Այլ իմ կեանք թեթեւագոյն են քան զսուրհանդակ. փոխեան եւ ո́չ երեւեցան։

Verse: 26   Link to sept   Եւ կամ թէ իցեն նաւաց հետք ճանապարհի, եւ կամ արծուոյ թռուցելոյ որ խնդրիցէ զկերակուր։

Verse: 27   Link to sept   Եթէ ասիցեմ եթէ խօսեցայց՝ մոռանա́մ. զերեսս ՛ի վայր արկեալ հեծեծեցի́ց։

Verse: 28   Link to sept   Շարժեա́լ եմ ա(մենայ)ն անդամօք իմովք. զի գիտեմ զի անարատ զիս ո́չ թողուցուս։

Verse: 29   Link to sept   Որովհետեւ ամպարշտէի՝ ընդէ՞ր ոչ մեռայ։

Verse: 30   Link to sept   Եթէ լուացայց ձեռամբ, եւ սրբեցայց ձեռօք սրբեցելովք.

Verse: 31   Link to sept   սաստկացեալ աղտով էնե́րկ զիս. զազրացոյց զիս պատմուճան իմ։

Verse: 32   Link to sept   Զի ո́չ ես իբրեւ զիս մարդ՝ ընդ որում դատեցայց, եթէ հասարակ եկեսցուք ՛ի դատաստան։

Verse: 33   Link to sept   իսկ յանկարծ գո́յր միջնորդ, եւ յանդիմանէր եւ լսէր ՛ի մէջ երկոցունց։

Verse: 34   Link to sept   ՛Ի բա́ց արասցէ յինէն զգաւազանն, եւ ահ ն(ո)ր(ա) զիս մի́ զարհուրեցուսցէ։

Verse: 35   Link to sept   եւ մի́ երկեայց՝ այլ խօսեցայց։ նա եւ ո́չ այնպէս ես գիտեմ, աշխատել անձամբ իմով։



Chapter: 10  
ԳԼ(ՈՒԽ) Ժ՜.


Verse: 1   Link to sept   Հեծեծելո́վ հասուցից ՛ի նա զբանս իմ. խօսեցայց դառնու(թեամ)բ անձին թախծեալ։

Verse: 2   Link to sept   Եւ ասացից՝ տ(է)ր մի́ ուսուցաներ զիս ամպարշտել. եւ ընդէ՞ր այսպէս դատեցար զիս։

Verse: 3   Link to sept   Կամ թէ բարւո՞ք թուիցի քեզ թէ անիրաւիցեմ. զի մերժեցե́ր զգործս ձեռաց քոց, եւ ՛ի խորհուրդս ամպարշտաց հայեցար։

Verse: 4   Link to sept   Միթէ որպէս հայի՞ այր՝ հայիցիս. կամ ո(ր)պ(էս) տեսանիցէ՞ մարդ՝ տեսանիցես։

Verse: 5   Link to sept   Կամ թէ ամք քո իբրեւ զա՞ռն.

Verse: 6   Link to sept   զի վերստին խնդրեցեր զանօրէնութի(ւն)ս իմ, եւ զմեղս իմքննեցեր։

Verse: 7   Link to sept   Գիտե́ս զի ո́չ ամպարշտեցայ. այլ ո́վ է որ ՛ի ձեռաց քոց հանիցէ։

Verse: 8   Link to sept   Ձեռք քո արարին զիս եւ ստեղծին. եւ ապա շրջեցար հարե́ր զիս։

Verse: 9   Link to sept   Յիշեա́ զի կա́ւ ստեղծեր զիս, եւ յերկի́ր միւսանգամ դարձուցանես զիս։

Verse: 10   Link to sept   Կամ թէ ո՞չ իբրեւ զկաթն կթեցեր զիս. եւ մածուցե́ր զիս իբրեւ զպանիր։

Verse: 11   Link to sept   Մորթ՝ եւ միս զգեցուցեր ինձ. ոսկերօք եւ ջլօք հանար զիս։

Verse: 12   Link to sept   Զկեանս եւ զողորմու(թ)ի(ւն) եդիր ՛ի վ(ե)ր(այ) իմ. այցելու(թ)ի(ւն) քո պահեաց զոգի իմ։

Verse: 13   Link to sept   Զայս ա(մենայ)ն ունի́ս ՛ի քեզ։ գիտեմ զի յա(մենայ)նի կարօղ ես, եւ ո́չինչ տկարանայ քեզ։

Verse: 14   Link to sept   թէ եւ մեղանչեմ՝ պահե́ս զիս. եւ յանօրէնութ(են)է անարատ ո́չ արարեր զիս։

Verse: 15   Link to sept   Եթէ ամպարշտեցայց՝ վա́յ է ինձ. եւ եթէ արդարացայց՝ ո́չ կարեմ հայել ՛ի վեր, զի լի́ եմ անարգանօք։

Verse: 16   Link to sept   Որսացեա́լ եմ իբրեւ զառեւծ ՛ի սոանումն։ Դարձեալ կրկնեալ չարաչա́ր սատակես զիս.

Verse: 17   Link to sept   նորոգե́ս ՛ի վ(ե)ր(այ) իմ զհարուածս իմ։ Բարկութ(եամ)բ մեծաւ ձեռնարկեր յիս. եւ ածեր ՛ի վ(ե)ր(այ) իմ հէն։

Verse: 18   Link to sept   Ընդէ՞ր հաներ զիս յորովայնէ, եւ ո́չ անդէն մեռայ. եւ ական չէ́ր տեսեալ զիս,

Verse: 19   Link to sept   եւ իբրեւ զչեղեալ լինէի։ Ընդէ՞ր յարգանդէ ՛ի գերեզման ո́չ վճարեցայ։

Verse: 20   Link to sept   Կամ թէ ո՞չ սակաւ իցէ ժամանակ կենաց իմոց։ թո́յլ արա ինձ սակաւիկ մի հանգչել,

Verse: 21   Link to sept   մինչչե́ւ երթեալ իցեմ՝ ուստի ո́չ դառնայցեմ։ Յերկի́ր խաւարին եւ մթին.

Verse: 22   Link to sept   յերկիր աղջամղջին յաւիտենական, ուր ո́չ գոյ լոյս, եւ ո́չ տեսանել զկեանս մարդկան։



Chapter: 11  
ԳԼ(ՈՒԽ) Ժ՜Ա.


Verse: 1   Link to sept Կրկնեալ անդրէն Սովփարայ մինեցւոյ ասէ։


Verse: 2   Link to sept   Որ շատ խօսի՝ ապաքէն ընդ նմին եւ լսիցէ. կամ որ խօսօղն իցէ՝ կարիցէ՞ բանիւք արդարանալ։

Verse: 3   Link to sept   Օրհնեա́լ է ծնունդ կանանց սակաւակեաց։ Մի́ զբազում բանիւք անկանիր. զի ո́չ գոյ որ տայցէ քեզ պատասխանի։

Verse: 4   Link to sept   Մի́ ասեր թէ սուրբ եմ գործովք, եւ անարատ առաջի տ(եառ)ն։

Verse: 5   Link to sept   Այլ թէ զիա՞րդ տ(է)ր խօսեցի ընդ քեզ, եւ բացցէ զշրթունս իւր ընդ քեզ։

Verse: 6   Link to sept   Ապա պատմեսցէ քեզ զօրութի(ւն) իմաստու(թ)ե(ան), զի կրկին եղիցի քան զքոյն. եւ ապա գիտասցես՝ թէ արժանի ըստ որոց մեղա́րն անց ընդ քեզ ՛ի տ(եառն)է։

Verse: 7   Link to sept   Եթէ զհետս տ(եառ)ն գտանիցե՞ս, կամ ՛ի վերջինսն հասանիցե՞ս զոր արա́ր ամենակալն։

Verse: 8   Link to sept   Բա́րձր են երկինք՝ եւ զի՞ գործիցես. խո́ր են դժոխք՝ եւ դու զի՞ խելամտեսցես.

Verse: 9   Link to sept   երկա́յն է չափ երկրի. լա́յն է ծով։

Verse: 10   Link to sept   Եւ եթէ տապալեսցէ զա(մենայ)ն, ո՞վ ասասցէ ցնա թէ զինչ գործեցեր։

Verse: 11   Link to sept   Ինքն գիտէ զգործս անօրինաց. տեսեալ զանարժանս ո́չ արասցէ անտես։

Verse: 12   Link to sept   Բայց մարդ ՛ի խօսել ընդ վայր, ղօղի բանիւք։ այր կանանցածին՝ հանգո́յն է ցռոյ անապատականի։

Verse: 13   Link to sept   Իսկ եթէ դու սուրբ եդիր զսիրտ քո, տարածեա́ առ նա զձեռս քո։

Verse: 14   Link to sept   Ապա թէ իցէ ՛ի ձեռին քում անօրէնու(թ)ի(ւն), հեռի́ արա զայն ՛ի քէն. եւ անօրէնութի(ւն) ՛ի յարկի քում մի́ ագցի։

Verse: 15   Link to sept   Ապա́ ծագեսցեն երեսք քո իբրեւ զջուր յստակ։ մերկասցես զաղտեղու(թ)ի(ւն)՝ եւ ո́չ երկիցես.

Verse: 16   Link to sept   եւ մոռասցիս զաշխատու(թ)ի(ւն) իբրեւ զալիս անցեալս, եւ ո́չ զարհուրեսցիս։

Verse: 17   Link to sept   Աղօթք քո իբրեւ զարուսեակն։ ՛ի միջօրէի ծագեսցեն քեզ կեանք. վստահացեալ լիցիս՝ զի կա́յ քո յոյս. ՛ի հոգւոց եւ ՛ի տատամսու(թեն)է երեւեսցի քեզ խաղաղու(թ)ի(ւն)։

Verse: 18   Link to sept   Հանդարտեսցես՝ եւ ո́չոք իցէ որ պատերազմիցի ընդ քեզ։

Verse: 19   Link to sept   Դարձցին բազումք՝ եւ աղաչեսցեն զքեզ։ փրկութի(ւն) պակասեսցէ ՛ի ն(ո)ց(ա)նէ,

Verse: 20   Link to sept   զի յոյս ն(ո)ց(ա) կորուստ է անձանց իւրեանց. աչք ամպարշտաց հալեսցի։



Chapter: 12  
ԳԼ(ՈՒԽ) Ժ՜Բ.


|4

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept   Արդ եւ դո՞ւք մարդիկ իցէք. կամ ընդ ձե՞զ վախճանիցի իմաստութի(ւն)։

Verse: 3   Link to sept   Եւ իմ սիրտս իբրեւ զձե́րդ է։

Verse: 4   Link to sept   Զի այր արդար եւ անարատ եղեւ ՛ի կատակա́նս։

Verse: 5   Link to sept   ՛Ի ժամանա́կ սահմանեալ պատրաստեցաւ։ կործանեալ յօտարէ, զտունս իւր ետես աւերեալս յանօրինաց։

Verse: 6   Link to sept   Սակայն մի́ ոք որ չա́ր իցէ՝ յուսասցի անպա́րտ լինել։ ա(մենայ)ն որ միանգամ բարկացուցանեն զտ(է)ր. միթէ ո՞չ լինիցի ն(ո)ց(ա) խնդիրք։

Verse: 7   Link to sept   Բայց աղէ հա́րց զչորքոտանիս՝ եթէ ասիցեն քեզ. զթռչունս երկնից՝ եթէ պատմեսցեն քեզ։

Verse: 8   Link to sept   Ճառեա́ երկրի, եթէ խելամուտ արասցէ զքեզ, եւ կամ պատմեսցեն քեզ ձկո́ւնք ծովու։

Verse: 9   Link to sept   Ո՞վ է որ ո́չ գիտաց այսու ա(մենայ)նիւ թէ ձեռն տ(եառ)ն արար զայս։

Verse: 10   Link to sept   Եւ եթէ ո՞չ ՛ի ձեռին ն(ո)ր(ա) իցէ շունչ ա(մենայ)ն կենդանեաց, եւ ոգի ա(մենայ)ն մարդոյ։

Verse: 11   Link to sept   Զի միտք զբա́նս քննեն, եւ քիմք զկերակուրս ճաշակեն։

Verse: 12   Link to sept   Բազո́ւմ ժամանակաւ իմաստութի(ւն), եւ ՛ի բազում կեանս հանճար։

Verse: 13   Link to sept   ՛Ի նմանէ́ է իմաստու(թ)ի(ւն) եւ զօրու(թ)ի(ւն). նորա́ է խորհուրդ եւ հանճար։

Verse: 14   Link to sept   Եթէ կործանեսցէ՝ ո՞ շինեսցէ. եւ եթէ փակեսցէ ընդդէմ մարդկան՝ ո́ բանայցէ։

Verse: 15   Link to sept   Եթէ արգելցէ զջուրս, ցմաքեցուցանէ́ զերկիր. եւ եթէ թո́յլ տացէ՝ կորոյս զնա կործանեալ։

Verse: 16   Link to sept   ՛Ի նմանէ́ է զօրու(թ)ի(ւն) եւ ուժգնու(թ)ի(ւն). ն(ո)ր(ա) է հանճար եւ իմաստու(թ)ի(ւն)։

Verse: 17   Link to sept   Վարէ́ զխորհրդականս ՛ի գերու(թ)ի(ւն). եւ զդատաւորս երկրի յիմարեցո́յց։

Verse: 18   Link to sept   Նստուցանէ զթագաւորս յաթոռս, եւ ածէ գօտի́ ը(նդ) մէջ ն(ո)ց(ա)։

Verse: 19   Link to sept   Առաքէ զքահանայս ՛ի գերու(թ)ի(ւն). եւ զզօրաւորս երկրի կործանեաց։

Verse: 20   Link to sept   Փոփոխէ զշրթունս հաւատարմաց. եւ զհանճար ծերոց ծանեաւ։

Verse: 21   Link to sept   Հեղու անարգութի(ւն) ՛ի վ(ե)ր(այ) իշխանաց. եւ զխոնարհս բժշկեաց։

Verse: 22   Link to sept   Յայտնէ́ զխորս խաւարի, եւ եհան ՛ի լո́յս զստուերս մահու։

Verse: 23   Link to sept   Մոլորեցուցանէ զազգս՝ եւ կորուսանէ զն(ո)ս(ա). սփռէ զազգս՝ եւ առաջնորդէ́ ն(ո)ց(ա)։

Verse: 24   Link to sept   Փոփոխէ զսիրտս իշխանաց երկրի. մոլորեցոյց զն(ո)ս(ա) ՛ի ճանապարհի զոր ո́չ գիտէին։

Verse: 25   Link to sept   Շօշափեսցեն զխաւար եւ ո́չ զլոյս. մոլորեսցի́ն իբրեւ զարբեալ։



Chapter: 13  
ԳԼ(ՈՒԽ) Ժ՜Գ.


Verse: 1   Link to sept   Ահա զայս ա(մենայ)ն ետե́ս ակն իմ, եւ լուաւ ունկն իմ։

Verse: 2   Link to sept   Եւ գիտե́մ ես որչափ եւ դուք խելամո́ւտ էք. եւ չե́մ անտագոյն քան զձեզ։

Verse: 3   Link to sept   Բայց սակայն ես ընդ տ(եառ)ն խօսեցայց. յանդիմանեցա́յց առաջի ն(ո)ր(ա), եթէ կամեսցի։

Verse: 4   Link to sept   Բայց դուք ինձ բժիշկք մեղանչականք էք. եւ ողջացուցիչք չարեաց ամենեքեան։

Verse: 5   Link to sept   Եղիցի ձեզ համրանալ՝ եւ համարեա́լ լիցի ձեզ յիմաստու(թ)ի(ւն)։

Verse: 6   Link to sept   Լուարո́ւք զյանդիմանութի(ւն) բերանոյ իմոյ, եւ դատաստանի շրթանց իմոց անսացէ́ք։

Verse: 7   Link to sept   Ո՞չ ապաքէն առաջի տ(եառ)ն խօսիցիք, եւ յանդիման ն(ո)ր(ա) նենգու(թ)ի(ւն) բարբառիք։

Verse: 8   Link to sept   Կամ թէ թանգուզիցէք. զի դուք ամենեքեան դատաւորք եղերուք։

Verse: 9   Link to sept   Զի բարւոք է եթէ քննեսցէ զձեզ։ Զի եթէ զա(մենայ)ն արարեալ յաւելուցո́ւք ՛ի նա,

Verse: 10   Link to sept   ո́չինչ սակաւ կշտամբեսցէ զձեզ։ Եւ եթէ ՛ի ծածուկ աչառիցէք.

Verse: 11   Link to sept   ո́չ ապաքէն արհաւիրք ն(ո)ր(ա) զարհուրեցուցանեն զձեզ. եւ ա́հ ն(ո)ր(ա) անկցի ՛ի վերայ ձեր։

Verse: 12   Link to sept   Եւ դիպեսցին պերճութի(ւն)քդ ձեր հանգո́յն մոխրոյ, եւ մարմին կաւեղէն։

Verse: 13   Link to sept   Կարկեցարո́ւք զի խօսեցայց ես, եւ հանգեայց ՛ի սրտմտութ(են)է։

Verse: 14   Link to sept   Առեալ զմարմինս իմ յատամունս իմ, եւ զոգի իմ եդի́ց ՛ի ձեռին իմում։

Verse: 15   Link to sept   Եթէ արկցէ զձեռն իւր զինեւ հզօրն, քանզի եւ սկսեալ իսկ է։ եթէ ո՞չ խօսեցայց եւ յանդիմանեցայց առաջի ն(ո)ր(ա)։

Verse: 16   Link to sept   Եւ ա́յն դիպեսցի ինձ ՛ի փրկութի(ւն). քանզի ո́չ մտցէ առաջի ն(ո)ր(ա) նենգութի(ւն)։

Verse: 17   Link to sept   Լուարո́ւք լուարո́ւք բանից իմոց, զի պատմեցից ձեզ լուիլու։

Verse: 18   Link to sept   Զի ահաւասիկ մերձեա́լ եմ ՛ի դատաստանս իմ, եւ գիտեմ զի արդար երեւելո́ց եմ։

Verse: 19   Link to sept   Զի ո՞վ է ոսոխն իմ որ պատասխանեսցէ ինձ. զիա՞րդ կարկեցայց՝ եւ պակասեցայց։

Verse: 20   Link to sept   Երկո́ւ ինչք պիտոյ են ինձ. եւ յայնժամ յերեսաց քոց ես ո́չ թաքեայց։

Verse: 21   Link to sept   Զձեռն քո ՛ի բա́ց արա յինէն, եւ ա́հ քո զիս մի́ զարհուրեցուսցէ։

Verse: 22   Link to sept   Եւ ապա կոչեսցես զիս՝ եւ ես լուա́յց քեզ. եւ եթէ խօսեսցիս՝ եւ ես տա́ց քեզ պատասխանի։

Verse: 23   Link to sept   Քանի́ ինչ են մեղք եւ անօրէնու(թ)ի(ւն)ք. ուսո́ ինձ՝ քանի́օն իցէ.

Verse: 24   Link to sept   ընդէ՞ր թաքուցանես յինէն։ Համարիցիս զիս քեզ ոսո՞խ.

Verse: 25   Link to sept   կամ թէ ՛ի հողմաշարժ տերեւո՞յ երկնչիցիս, կամ իբրեւ հողմավար խոտո՞յ կայցես ինձ հակառակ։

Verse: 26   Link to sept   Զի գրեցեր զինէն չարիս, եւ արկեր զինեւ զմեղս մանկու(թ)ե(ան)։

Verse: 27   Link to sept   Եդիր զմիտս իմ ՛ի պաշարման. պահեցեր զա(մենայ)ն զգործս իմ. եւ յարմա́տս ոտից իմոց հասեր։

Verse: 28   Link to sept   որ իբրեւ զտիկ հնացեալ են, կամ իբրեւ զձորձս ցեցակեր։



Chapter: 14  
ԳԼ(ՈՒԽ) Ժ՜Դ.


Verse: 1   Link to sept   Զի այր կանանցածին սակաւակեա́ց է՝ եւ լի́ բարկութ(եամ)բ։

Verse: 2   Link to sept   Որ իբրեւ զծաղիկ ծաղկեալ թօթափեցաւ. խո́յս ետ իբրեւ ստուերս եւ մի́ կացցէ։

Verse: 3   Link to sept   Ո́չ ապաքէն եւ ա́յնմ համա́ր առնիցես, եւ նմա արարեր մտանե́լ ՛ի դատաստան առաջի քո։

Verse: 4   Link to sept   Իսկ արդ ո՞վ իցէ սուրբ յաղտոյ, այլ եւ ո́չոք. թէպէտ եւ միոյ աւուր իցեն կեանք նորա ՛ի վերայ երկրի։

Verse: 5   Link to sept   Համարեալ են ամիսք ն(ո)ր(ա) առ ՛ի նմանէ. ժամանակ եդիր՝ եւ ո́չ անցցէ։

Verse: 6   Link to sept   ՛Ի բա́ց լեր ՛ի նմանէ՝ զի դադարեսցէ եւ ամոքեսցէ զկեանս իբրեւ զվարձկան։

Verse: 7   Link to sept   Զի գոյ յոյս ծառոյ անդրէն. զի թէպէտ եւ կտրեսցի՝ մի́ւսանգամ ծաղկեսցէ, եւ շառաւիղ ն(ո)ր(ա) մի́ պակասեսցէ։

Verse: 8   Link to sept   Եթէ ծերասցի յերկիր արմատ ն(ո)ր(ա)՝ եւ ՛ի քարի վախճանեսցի բո́ւն ն(ո)ր(ա),

Verse: 9   Link to sept   ՛ի հոտո́յ ջրոյ ծաղկեսցի, եւ արասցէ հունձս իբրեւ զնորատունկ։

Verse: 10   Link to sept   Բայց այր վախճանեալ գնա́ց. անկեալ մարդ եւ ո՞չ եւս իցէ։

Verse: 11   Link to sept   Զի ժամանակաւ անօսրի ծով, եւ գետք աւերեալ ցամաքեցա́ն։

Verse: 12   Link to sept   եւ մարդ ննջեաց՝ եւ ո՞չ յարիցէ։ Մինչեւ երկինք իցեն ո́չ կարկատեսցին, եւ ո́չ զարթիցեն ՛ի քնոյ իւրեանց։

Verse: 13   Link to sept   Երանի́ թէ ՛ի դժոխս պահէիր զիս, եւ թաքուցանէիր զիս մինչեւ անցանէր բարկու(թ)ի(ւն) քո. եւ ժամանակէիր ինձ ժամանակ յորում առնէիր ինձ յիշատակ։

Verse: 14   Link to sept   Եթէ մեռանիցի մարդ կեցցէ́, վախճանեալ զաւուրս կենաց իւրոց։ Սպասեցից մինչ միւսանգամ լինիցիմ.

Verse: 15   Link to sept   ապա կոչեսցես զիս, եւ ես տա́ց քեզ պատասխանի։ Զգործս ձեռաց քոց մի́ մերժեր։

Verse: 16   Link to sept   թուեցեր զգնացս իմ, եւ մի́ անցցէ ինչ զքեւ ՛ի մեղաց իմոց։

Verse: 17   Link to sept   Կնքեցեր զանօրէնութի(ւն)ս իմ ՛ի քսակի. եւ նշանակեցեր թէ ակամայ ինչ յանգեցայ։

Verse: 18   Link to sept   Սակայն եւ լեառն որ փլանելոց է, փլցի́. եւ վէմ հնասցի ՛ի տեղւոջէ իւրմէ։

Verse: 19   Link to sept   Զքարինս ողորկեցին ջուրք, եւ ողողեցին ջուրք զդաշտս թանձրութե(ան) երկրի։ Եւ զակնկալու(թ)ի(ւն) մարդոյ կորուսե́ր.

Verse: 20   Link to sept   մերժեցեր զնա ՛ի սպառ, եւ գնա́ց. հաստատեցեր ՛ի վ(ե)ր(այ) ն(ո)ր(ա) զերեսս՝ եւ արձակեցե՞ր։

Verse: 21   Link to sept   Թէպէտ եւ բազում որդիք լինիցին նորա՝ ո́չ գիտէ. եւ եթէ սակաւք առնիցին՝ ո́չ ճանաչէ։

Verse: 22   Link to sept   այլ մարմինք ն՝ր ախտացան ՛ի վ(ե)ր(այ) իւր, եւ ոգի ն(ո)ր(ա) սգացաւ զինքն։



Chapter: 15  
ԳԼ(ՈՒԽ) Ժ՜Ե.


Verse: 1   Link to sept Կրկնեալ անդրէն Եղիփաղու թեմնացւոյ ասէ։


Verse: 2   Link to sept    Ապաքէն հանճարեղն ոգւով՝ իմաստու(թեամ)բ տացէ́ պատասխանի. եւ լնուցո՞ւ աշխատու(թեամ)բ որովայնի.

Verse: 3   Link to sept   յանդիմանել բանիւք որ ո́չ իցէ արժան, խօսիւք որ ո́չ իցէ յօգուտ։

Verse: 4   Link to sept   Զորոյ եւ դու զերկեւղ մերժեցեր, եւ գումարեցեր առաջի տ(եառ)ն զայդպիսի բանս։

Verse: 5   Link to sept   Պարտաւորեցա́ր բանիւք բերանոյ քոյ, եւ ո́չ քննեցեր զբանս հզօրաց։

Verse: 6   Link to sept   Կշտամբեսցէ զքեզ քո́ բերան՝ եւ ո́չ ես, շրթունք քո հակառա́կ քեզ վկայեսցեն։

Verse: 7   Link to sept   Իսկ արդ՝ զիա՞րդ. միթէ առաջի՞ն քան զմարդիկ ծնեալ իցես. կամ յառա՞ջ քան զբլուրս հաստատեցար։

Verse: 8   Link to sept   Կամ զհրաման տ(եառ)ն լուա՞ր։ թէ ՛ի քե՞զ եհաս իմաստու(թ)ի(ւն)։

Verse: 9   Link to sept   Զի՞նչ է, զոր դու գիտիցես, եւ մեք ո́չ գիտիցեմք։ կամ զի՞նչ դու իմանայցես՝ եւ ո́չ մեք։

Verse: 10   Link to sept   Նաեւ ՛ի մե́զ ծեր եւ հի́ն աւուրց գոյ եւ երիցագոյն քան զհայր քո աւուրբք։

Verse: 11   Link to sept   Սակա́ւս քան զորս մեղարն տանջեցար, եւ առաւե́լ մեծաբանս խօսեցար։

Verse: 12   Link to sept   Ընդէ՞ր յանդգնեցաւ սիրտ քո, կամ ընդէ՞ր լինեցան աչք քո.

Verse: 13   Link to sept   զի թափեցեր զսրտմտու(թ)ի(ւն) առաջի տ(եառ)ն, եւ հաներ ՛ի բերանոյ քումմէ զբանս այդպիսիս։

Verse: 14   Link to sept   Ո՞ ոք իցէ մարդ որ եղեւ անարատ. կամ ո՞ ոք կանանցածին լինելոց է արդար։

Verse: 15   Link to sept   Զի եթէ սրբոց ո́չ հաւատայ, եւ երկինք ո́չ են անարատ առաջի նորա.

Verse: 16   Link to sept   թող թէ այր գարշ եւ անսուրբ, որ ըմպէ զանօրէնութի(ւն)ս հանգոյն ըմպելւոյ։

Verse: 17   Link to sept   Պատմեցի́ց քեզ յոբ լո́ւր ինձ. զորինչ տեսի պատմեցի́ց քեզ.

Verse: 18   Link to sept   զոր իմաստունք ասեն, եւ ո́չ թաքուցին հարք իւրեանց։

Verse: 19   Link to sept   Նոցա́ միայն տուաւ երկիր, եւ ո́չ եկն օտարածին ՛ի վ(ե)ր(այ) ն(ո)ց(ա)։

Verse: 20   Link to sept   Ա(մենայ)ն կեանք ամպարշտի հոգւովք. ա́մք թուով տուեալ են հզօրի,

Verse: 21   Link to sept   եւ ա́հ ն(ո)ր(ա) յականջս ն(ո)ր(ա)։ Յորժամ համարիցի թէ ՛ի խաղաղու(թ)ե(ան) իցէ, եկեսցէ́ կործանումն ն(ո)ր(ա)։

Verse: 22   Link to sept   Մի́ հաւատասցէ դառնալ ՛ի խաւարէ, զի հրամայեալ է արդէն ՛ի ձեռս երկաթոյ։

Verse: 23   Link to sept   Կարգեալ է ՛ի կերակուր անգեղաց. գիտէ́ ՛ի միտս իւր թէ մնալոց է ՛ի կործանումն։ Օրն մթին զարհուրեցուսցէ զնա.

Verse: 24   Link to sept   անձկութի(ւն) եւ նեղու(թ)ի(ւն) հասցէ նմա։ իբրեւ զօրավար յառաջակաց կործանեալ։

Verse: 25   Link to sept   Զի ամբարձ ձեռս ընդդէմ տ(եառ)ն, եւ առաջի տ(եառ)ն ամենակալի ընդվզեցաւ։

Verse: 26   Link to sept   Ընթացաւ առաջի ն(ո)ր(ա) հպարտութ(եամ)բ, թանձրու(թեամ)բ վահանի իւրոյ։

Verse: 27   Link to sept   Զի ծածկեաց զերեսս իւր ճարպո́վ իւրով, եւ արար երկսայրի յազդեր իւրում։

Verse: 28   Link to sept   Բնակեսցէ ՛ի քաղաքս աւերակս, եւ մտցէ ՛ի տունս անշէնս։ զոր նոքա պատրաստեցին՝ ա́յլք տարցին։

Verse: 29   Link to sept   Մի́ մեծասցի, եւ մի́ մնասցեն ինչք ն(ո)ր(ա), եւ մի́ արկցէ յերկիր զստուեր,

Verse: 30   Link to sept   եւ մի́ ապրեսցէ ՛ի խաւարէ։ Զբողբոջ ն(ո)ր(ա) թառամեցուսցէ հողմ. թօթափեսցի́ ծաղիկ նորա։

Verse: 31   Link to sept   Մի́ հաւատասցէ՝ թէ հանդարտիցէ. սնոտի́ք պատահեսցեն նմա։

Verse: 32   Link to sept   Կտրօն նորա տարաժա́մ հարցի, եւ շառաւիղ ն(ո)ր(ա) մի́ բղխեսցէ։

Verse: 33   Link to sept   Իբրեւ զխակակութն տարաժա́մ կթեսցի. թօթափեսցի իբրեւ զծաղիկ ձիթենւոյ։

Verse: 34   Link to sept   Զի վկայու(թ)ի(ւն) ամպարշտաց մա́հ է. հո́ւր այրեսցէ զտունս կաշառառուաց։

Verse: 35   Link to sept   Յղասցի́ զցաւս, դիպեսցին նմա սնոտիք. որովա́յն ն(ո)ր(ա) կրեսցէ զնենգոեթի(ւն)։



Chapter: 16  
ԳԼ(ՈՒԽ) Ժ՜Զ.


Section: 5 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept    Լուա́յ այդպիսի ինչս բազումս. մխիթարիչք չարեաց ամենեքեան։

Verse: 3   Link to sept   Իսկ արդ՝ միթէ կա՞րգ ինչ իցէ բանից հողմոյ. կամ թէ թախանձիցէ՞ ոք զքեզ, զի տացե́ս պատասխանի։

Verse: 4   Link to sept   Եւ ե́ս ընդ ձեզ խօսեցայց՝ եթէ հնազանդէր անձն ձեր ըս(տ) իմում անձին։

Verse: 5   Link to sept   Արդ՝ զկծեցուցի՞ց եւ ես զձեզ բանիւք. շարժեցի՞ց եւ ես իբրեւ զձեզ զգլուխ իմ։

Verse: 6   Link to sept   Թերեւս լիցի զօրու(թ)ի(ւն) ՛ի բերան իմ. զշարժել շրթանց իմոց ո́չ խնայեցից։

Verse: 7   Link to sept   Զի եթէ խօսեցայց՝ ոչ փարատեսցեն ցաւք վիրաց իմոց, եւ եթէ լռիցեմ, նուազագո՞յն ինչ վիրաւորիցիմ։

Verse: 8   Link to sept   Ա́յժմ կոտորեալ արար զիս, փտեալ՝ ընդարմացեալ։

Verse: 9   Link to sept   եւ բո́ւռն հարեալ զինէն ՛ի վկայութի(ւն) եղեւ ինձ։ Եւ յարոյց ինձ զստութի(ւն) իմ. քանզի արա́ր ինձ ընդդէմ պատասխանի։

Verse: 10   Link to sept   Բարկու(թեամ)բ վարեալ կործանեա́ց զիս. կրճտեաց ՛ի վ(ե)ր(այ) իմ զատամունս։ Նետք հինից ն(ո)ր(ա) խաղացին ՛ի վ(ե)ր(այ) իմ. տիգաւ աչաց խաղաց ՛ի վ(ե)ր(այ) իմ։

Verse: 11   Link to sept   Արագարա́գ եհար զիս ՛ի ծո́ւնկս։ միանգամայն ասպատակեցին ՛ի վ(ե)ր(այ) իմ։

Verse: 12   Link to sept   Քանզի մատնեա́ց զիս տ(է)ր ՛ի ձեռս անիրաւուին, եւ ՛ի մէջ ամպարշտա́ց ընկէց զիս։

Verse: 13   Link to sept   Մինչդեռ ՛ի խաղաղու(թ)ե(ան) էի, քայքայեա́ց զիս։ առեալ զվարսից իմոց փետտեաց զիս։ Կացո́յց զիս իբրեւ զդէտ.

Verse: 14   Link to sept   պատեցին զիս տէգք։ Յանխնայ խոցոտեցին զերիկամունս իմ. եհեղ յերկիր զմաղձ իմ։

Verse: 15   Link to sept   կործանեցին զիս հարուածովք ՛ի վերայ հարուածոց։ Յարձակեցան ՛ի վ(ե)ր(այ) իմ զօրաւորք։

Verse: 16   Link to sept   կարեցին քուրձ ընդ մորթ իմ։ Զօրու(թ)ի(ւն) իմ յերկիր շիջաւ։

Verse: 17   Link to sept   խարշեցա́ւ փոր իմ ՛ի լալոյ։ եւ ՛ի վ(ե)ր(այ) արտեւանանց իմոց ստուերք մահու։

Verse: 18   Link to sept   Անիրաւու(թ)ի(ւն) ինչ ո́չ էր ՛ի ձեռին իմում. աղօթք իմ սուրբ էին։

Verse: 19   Link to sept   Երկիր՝ մի́ ծածկեր զարիւն մարմնոյ իմոյ, եւ մի́ լիցի տեղի աղաղակի իմոյ։

Verse: 20   Link to sept   Եւ արդ ահա յերկի́նս է վկայն իմ, եւ իրաւագէտն իմ ՛ի բարձունս։

Verse: 21   Link to sept   Հասցեն խնդրուածք իմ առ տ(է)ր, եւ յանդիման ն(ո)ր(ա) կաթեցուսցէ ա́կն իմ։

Verse: 22   Link to sept   Եղիցի յանդիմանութի(ւն) առն առաջի տ(եառ)ն, եւ որդւոյ մարդոյ առ ընկերի իւրում։

Verse: 23   Link to sept   Ամք թուով հասին ինձ. ը(նդ) ճանապարհ անդա́ձ գնացին։



Chapter: 17  
ԳԼ(ՈՒԽ) Ժ՜Է.


Verse: 1   Link to sept   Հողմավա́ր կորնչիմ. կարօտիմ գերեզմանի՝ եւ ո́չ հասանեմ։

Verse: 2   Link to sept   Տառապիմ աշխատեալ՝ եւ զի՞նչ գործեցից։ Գողացան օտարք զստացուածս իմ։

Verse: 3   Link to sept   ո՞վ է նա ընդ ձեռին իմում կապեսցի։

Verse: 4   Link to sept   Զի զսի́րտս իւրեանց թաքուցին յիմաստու(թեն)է. վ(ա)ս(ն) այսորիկ մի́ բարձրացուսցէ զն(ո)ս(ա)։

Verse: 5   Link to sept   Մասին իւրում պատմեսցէ զչարութի(ւն)ս։ աչք իմ ՛ի վ(ե)ր(այ) որդւոց հալեցան։

Verse: 6   Link to sept   եդիր զիս բամբասանս ազգաց, եղէ ն(ո)ց(ա) ծա́ղր։

Verse: 7   Link to sept   Շլացան ՛ի բարկու(թեն)է աչք իմ. զի պաշարեալ եմ մեծապէս յամենեցունց։

Verse: 8   Link to sept   Զարմա́նք կալան զճշմարիտս ՛ի վերայ այսոցիկ. արդար ՛ի վ(ե)ր(այ) անօրինի́ յարիցէ։

Verse: 9   Link to sept   Կալցի́ հաւատարիմն զիւր ճանապարհ. սուրբն ձեռօք առցէ քաջալերու(թ)ի(ւն)։

Verse: 10   Link to sept   Բայց արդ՝ աղէ դուք եկա́յք յարեցարո́ւք ամենեքեան. քանզի ո́չ գտանեմ ՛ի ձեզ ճշմարտու(թ)ի(ւն)։

Verse: 11   Link to sept   Աւուրք իմ անցին շարաւով. պայթեցի́ն երակք սրտի իմոյ։

Verse: 12   Link to sept   Զգիշեր՝ տի́ւ եդին. լոյս մերժեալ յերեսաց խաւարի։

Verse: 13   Link to sept   Զի եթէ համբերեցից՝ դժո́խք են տուն իմ. ՛ի միգի́ տարածեալ են անկողինք իմ։

Verse: 14   Link to sept   Զմա́հ կոչեցի ինձ հայր, մայր եւ քոյր ինձ՝ զերր։

Verse: 15   Link to sept   Արդ ո՞ւր է յոյսն իմ. կամ թէ զբարութի(ւն)ս իմ տեսանիցե՞մ։

Verse: 16   Link to sept   Կամ թէ ընդի́ս իսկ ՛ի դժո՞խս իջանիցեն. կամ թէ միանգամայն ՛ի հո́ղ իջանիցեմք։



Chapter: 18  
ԳԼ(ՈՒԽ) Ժ՜Ը.


Verse: 1   Link to sept Կրկնեալ անդրէն Բաղտասարայ սաւքեցւոյ ասէ։


Verse: 2   Link to sept    Մինչեւ յե՞րբ ոչ դադարիցես. հանդարտեա́, զի մեք խօսեսցուք։

Verse: 3   Link to sept   Ընդէ՞ր իբրեւ զչորքոտանիս լռեալ եմք առաջի քո,

Verse: 4   Link to sept   եւ դու մխեալ ես բարկութ(եամ)բ։ Իսկ արդ եթէ դու մեռանիցիս՝ անշէ՞ն մնայցէ առ ՛ի ներքոյ երկնից. կամ թէ եւ լերինք ՛ի հիմանէ տապալեսցի՞ն։

Verse: 5   Link to sept   Եւ լոյս ամպարշտաց շիջանիցի́, եւ ո́չ պատահեսցէ ն(ո)ց(ա) բոց։

Verse: 6   Link to sept   Եւ լոյս ն(ո)ր(ա) խաւա́ր ՛ի յարկի իւրում, եւ ճրա́գ ՛ի վ(ե)ր(այ) նորա շիջցի։

Verse: 7   Link to sept   Որսասցեն յետինք զինչս ն(ո)ր(ա). սխալեալ են խորհուրդք ն(ո)ր(ա)։

Verse: 8   Link to sept   Անկցի́ ոտն նորա յորոգայթ, եւ շաղեսցի́ ՛ի թակարդի։

Verse: 9   Link to sept   Եկեսցե́ն ՛ի վ(ե)ր(այ) ն(ո)ր(ա) որոգայթք. զօրացուսցէ́ ՛ի վ(ե)ր(այ) ն(ո)ր(ա) զծարաւիս։

Verse: 10   Link to sept   Զի թաքուցեա́լ են յերկրի տոռունք ն(ո)ր(ա), եւ կալանք ն(ո)ր(ա) շուրջանակի ՛ի վ(ե)ր(այ) շաւղաց նորա։

Verse: 11   Link to sept   Սատակեսցեն զնա ցաւք շուրջանակի. բազումք զոտիւք ն(ո)ր(ա) պատեսցին

Verse: 12   Link to sept   ՛ի նեղութե(ան) սովոյ։ Պատրաստեալ է նմա կործանումն ահագին. կերիցին կնիք ոտից ն(ո)ր(ա)։

Verse: 13   Link to sept   Կերիցէ մահտարաժամ զգեղեցկու(թ)ի(ւն) ն(ո)ր(ա).

Verse: 14   Link to sept   վարեսցի բժշկու(թ)ի(ւն) ՛ի յարկաց ն(ո)ր(ա)։ հասցէ նմա տագնապաւ պատուհաս արքունի։

Verse: 15   Link to sept   Եւ բնակեսցէ իբրեւ ՛ի գիշերի ՛ի յարկի իւրում. ցրուեսցին վայելչութի(ւն)ք ն(ո)ր(ա) ծծըմբով։

Verse: 16   Link to sept   ՛Ի ներքո́ւստ արմատք ն(ո)ր(ա) ցամաքեսցի, եւ ՛ի վերուստ անկցին հունձք ն(ո)ր(ա)։

Verse: 17   Link to sept   Յիշատակ ն(ո)ր(ա) կորիցէ յերկրէ, եւ ո́չ գտցի անուն ն(ո)ր(ա) առ երեսօք արտաքնովք։

Verse: 18   Link to sept   Մերժեսցեն զնա ՛ի լուսոյ ՛ի խաւար. եւ մի́ եղիցի նմա ծանօթ ՛ի ժողովրդեան իւրում։

Verse: 19   Link to sept   Մի́ լիցի ապրեալ ՛ի ներքոյ երկնից տուն ն(ո)ր(ա). այլ ՛ի նորայն կացցեն օտա́րք։

Verse: 20   Link to sept   Հեծեծեսցեն ՛ի վ(ե)ր(այ) ն(ո)ր(ա) յետինք. զառաջինս կալա́ն զարմանք։

Verse: 21   Link to sept   Թէ ա՞յս են տունք անիրաւաց, եւ ա՞յս տեղի այնոցիկ որք զտ(է)ր ո́չ ճանաչիցեն։



Chapter: 19  
ԳԼ(ՈՒԽ) Ժ՜Թ.


Section: 6 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept    Մինչեւ յե՞րբ աշխա́տ առնէք զանձն իմ, եւ խախտէք զիս բանիւք.

Verse: 3   Link to sept   բայց գիտասջի́ք զի տ(է)ր արար ը(նդ) իս ա́յսպէս։ Բամբասէք զիս՝ եւ ո՞չ ամաչէք յարձակեալ ՛ի վ(ե)ր(այ) իմ։

Verse: 4   Link to sept   Այո́, արդարեւ՝ ե́ս՝ մոլորեցայ եւ յի́ս հանգուցեալ է մոլորու(թ)ի(ւն). խօսե́լ բան զոր ո́չ է արժան։ եւ բանք իմ մոլորեալ են՝ եւ ո́չ են ՛ի դէ́պ ժամանակի։

Verse: 5   Link to sept   Թողցո́ւք զայդ որ յիմ վ(ե)ր(այ) մեծաբանեալէք, եւ յարձակեալ էք ՛ի վ(ե)ր(այ) իմ նախատանօք։

Verse: 6   Link to sept   Արդ գիտասջիք՝ զի տ(է)ր է որ խռովեացն, եւ ամուրս ՛ի վ(ե)ր(այ) իմ բարձրացոյց։

Verse: 7   Link to sept   Եւ ահա ծա́ղր լինիմ նախատանօք, եւ ո́չ խօսեցայց. աղաղակեցից՝ եւ ո́չ ուստեք իցէ դատաստան։

Verse: 8   Link to sept   Շուրջ պատեալ եմ, եւ ո́չ կարացից անցանել. ե́դ ՛ի վ(ե)ր(այ) երեսաց իմոց խաւար։

Verse: 9   Link to sept   Մերկացոյց յինէն զփառս իմ. վերացո́յց զպսակն ՛ի գլխոյ իմմէ։

Verse: 10   Link to sept   Պարուրեաց շուրջ զինեւ՝ եւ գնացի. եհատ իբրեւ զծառ զյոյս իմ։

Verse: 11   Link to sept   եւ չարաչար բարկութ(եամ)բ վարեցաւ ընդ իս. համարեցաւ զիս իբրեւ զթշնամի։

Verse: 12   Link to sept   Միանգամայն հասին ՛ի վ(ե)ր(այ) իմ հէնք ն(ո)ր(ա). զճանապարհս իմ պատեցին դարանակալք։

Verse: 13   Link to sept   Հեռի́ եղեն յինէն եղբարք իմ. ծանեա́ն զօտարս քան զիս։

Verse: 14   Link to sept   Բարեկամք իմ անողո́րմք եղեն. անգոսնեցի́ն մերձաւորք իմ, եւ ծանօթք իմ մոռացա́ն զանուն իմ։

Verse: 15   Link to sept   Դրացիք տան իմոյ եւ աղախնայք իմ օտա́ր համարեցան զիս. այլազգի́ թուէի առաջի ն(ո)ց(ա)։

Verse: 16   Link to sept   Զծառայ իմ կոչեցի՝ եւ ո́չ լուաւ. բերան իմ աղաչէր՝

Verse: 17   Link to sept   եւ աղերսէի զկին իմ։ Կոչէի ողոքանօք զորդիս հարճից իմոց.

Verse: 18   Link to sept   եւ նոքա յաւիտեան ուրացան զիս. յորժամ յառնեմ, բամբասե́ն զիս։

Verse: 19   Link to sept   Գարշեցա́ն յինէն ծանօթք իմ. եւ զորս ես սիրէի յարեա́ն ՛ի վ(ե)ր(այ) իմ։

Verse: 20   Link to sept   Փտեցա́ն մարմինք իմ ընդ մորթով իմով, եւ զոսկերս իմ ունի́մ յատամունս։

Verse: 21   Link to sept   Ողորմեցարո́ւք ինձ, ողորմեցարո́ւք ինձ ո́ բարեկամք. զի ձե́ռն տ(եառ)ն մխեցաւ յիս։

Verse: 22   Link to sept   Ընդէ՞ր հալածէք դուք զիս իբրեւ զտ(է)ր, եւ մարմնովք իմովք չիցէ՞ք յագեալ։

Verse: 23   Link to sept   Ո́ տայր ինձ գրել զբանս իմ, եւ հանել զնոսա ՛ի մատեան յաւիտեան։

Verse: 24   Link to sept   գրչաւ երկաթեաւ ՛ի կապարի, կամ ՛ի վէմս քանդակեալ առ ՛ի վկայու(թ)ի(ւն)։

Verse: 25   Link to sept   Քանզի գիտեմ զի մշտնջենաւո́ր է որ լուծանելոցն է զիս յերկրի՝ յարուցանե́լ

Verse: 26   Link to sept   զմորթ իմ որ կրեաց զայս ա(մենայ)ն։ ՛Ի տ(եառն)է վճարեցաւ ինձ այս.

Verse: 27   Link to sept   զոր ես անձին իմում իրագէ́տ եմ։ զոր ակն իմ ետես՝ եւ ո́չ այլ ոք. ա(մենայ)ն ինչ վախճանեցա́ւ ՛ի ծոց իմ։

Verse: 28   Link to sept   Ապա թէ ասիցէք՝ զի՞նչ խօսեսցուք առաջի ն(ո)ր(ա), եւ արմատ բանից գտցուք ՛ի նմա. երկերո́ւք եւ դուք ՛ի ծածկելոց։ Զի բարկութի(ւն) ՛ի վ(ե)ր(այ) անօրինաց եկեսցէ, եւ ապա́ գիտասցեն թէ ո́ւր է նիւթ ն(ո)ց(ա)։



Chapter: 20  
ԳԼ(ՈՒԽ) Ի՜.


Verse: 1   Link to sept Կրկնեալ անդրէն սովփարայ մինեցւոյ ասէ։


Verse: 2   Link to sept    Ո́չ այդպէս կարծէի խօսել քեզ ընդդէմ մեր զայդ։ ոչ ապաքէն իմաստնագո́յնք իցէք քան զիս։

Verse: 3   Link to sept   Խրատո́ւ ակնածութե(ան) իմոյ լուայց, եւ ոգի յիմաստու(թեն)է արասցէ ինձ պատասխանի։

Verse: 4   Link to sept   Միթէ զայդ յայսմ հետէ՞ գիտացեր. այլ յորմէ հետէ եդա́ւ մարդ ՛ի վերայ երկրի։

Verse: 5   Link to sept   Զի ուրախութի(ւն) ամպարշտաց բեկումն անհնարին, եւ խնդու(թ)ի(ւն) անօրինաց կորուստ։

Verse: 6   Link to sept   Եթէ ելանիցեն յերկի́նս պատարագք ն(ո)ր(ա), եւ զոհք ն(ո)ր(ա) յամպս մերձեսցին։

Verse: 7   Link to sept   Յորժամ համարեսցի թէ հաստատեալ իցէ՝ յա́յնժամ ՛ի սպա́ռ կորիցէ. եւ որ գիտէին զնա՝ ասասցեն թէ ո՞ւր է։

Verse: 8   Link to sept   Իբրեւ զերա́զ թուեցեալ ո́չ գտցի, թռեաւ իբրեւ զտեսիլ գիշերական։

Verse: 9   Link to sept   Ակն որ հայեցաւ ՛ի նա՝ ո́չ յաւելցէ, եւ ոչ ծանիցէ զնա տեղի իւր։

Verse: 10   Link to sept   Զորդիս ն(ո)ր(ա) սատակեսցեն վատթարք. ձեռք ն(ո)ր(ա) բորբոքեսցի́ն ցաւովք։

Verse: 11   Link to sept   Ոսկերք ն(ո)ր(ա) յագեսցին մանկու(թեամ)բ ն(ո)ր(ա), եւ ընդ նմին ՛ի հո́ղ ննջեսցեն։

Verse: 12   Link to sept   Եթէ քաղցրասցի ՛ի բերան ն(ո)ր(ա) չարութի(ւն)՝ թաքուսցէ́ զայն ՛ի ներքոյ լեզուի իւրոյ։

Verse: 13   Link to sept   Խնայեսցէ ՛ի նա, եւ մի́ թողցէ զնա. եւ ժողովեսցէ զնա ՛ի մէջ կոկորդի իւրոյ.

Verse: 14   Link to sept   եւ մի́ կարասցէ օգնել անձին իւրում։ լեղի իժի́ ՛ի փորի իւրում։

Verse: 15   Link to sept   Մեծութի(ւն) անիրաւու(թեամ)բ ժողովեալ՝ փոխեսցի. ՛ի տանէ ն(ո)ր(ա) կորզեսցէ զնա հրեշտակ.

Verse: 16   Link to sept   Զսրտմտութի(ւն) վիշապաց ծծեսցէ. սպանցէ զնա լեզու օձի։

Verse: 17   Link to sept   Մի́ տեսցէ զկիթ արօտականաց. եւ մի́ զարօտս մեղու եւ զկոգւոյ։

Verse: 18   Link to sept   ՛Ի զո́ւր եւ ՛ի տարապարտուց վաստակեցաւ ՛ի մեծութի(ւն)՝ ուստի ո́չ ճաշակեսցէ, իբրւե զխի́ստ ինչ զանծամ եւ զանկոտոր։

Verse: 19   Link to sept   Զի զբազում տկարաց տունս խորտակեաց, եւ զյարկս յափշտակեաց եւ ո́չ հաստատեաց։

Verse: 20   Link to sept   Չի́ք փրկու(թ)ի(ւն) ստացուածոց ն(ո)ր(ա), ՛ի ցնկու(թ)ե(ան) իւրում ո́չ ապրեսցի.

Verse: 21   Link to sept   եւ մի́ լիցին մթերք կերակրոց նորա։ Վասն այնորիկ մի́ ծաղկեսցեն բարունակք ն(ո)ր(ա).

Verse: 22   Link to sept   յորժամ համարեսցի թէ ահա լցեալ իցէ՝ նեղեսցի։ Ա(մենայ)ն տագնապ հասցէ ՛ի վ(ե)ր(այ) ն(ո)ր(ա),

Verse: 23   Link to sept   թէ զիա՞րդ լնուցու որովայն ն(ո)ր(ա)։ Առաքեսցէ ՛ի վ(ե)ր(այ) ն(ո)ր(ա) զսրտմտութի(ւն) բարկութե(ան). արկցէ́ զնովաւ ցաւս։

Verse: 24   Link to sept   եւ մի́ ապրեսցի ՛ի ձեռանէ երկաթոյ։ Խոցոտեսցէ́ զնա աղեղն պղնձի.

Verse: 25   Link to sept   անցցէ ընդ մարմինս ն(ո)ր(ա) նետ։ Աստեղք շրհեսցին ՛ի յարկս ն(ո)ր(ա)՝ արհաւի́րք ՛ի վ(ե)ր(այ) ն(ո)ր(ա)։

Verse: 26   Link to sept   Ամենայն խաւար նմա մնասցէ. կերիցէ́ զնա հուր անշէջ Չարչարեսցէ եկամուտ զտուն ն(ո)ր(ա).

Verse: 27   Link to sept   յայտնեսցեն երկինք զանօրէնութի(ւն) ն(ո)ր(ա). յարիցէ ՛ի վ(ե)ր(այ) ն(ո)ր(ա) երկիր։

Verse: 28   Link to sept   Քակտեսցէ կորուստ զտուն ն(ո)ր(ա) ՛ի սպառ. հասցէ́ ՛ի վ(ե)ր(այ) նորա օր բարկու(թ)ե(ան)։

Verse: 29   Link to sept   Ա́յս բաժին է մարդոյ ամպարշտի առ ՛ի տ(եառն)է. եւ ա́յս ստացուածք ընչից ն(ո)ր(ա)՝ յայցելու(թեն)էն։



Chapter: 21  
ԳԼ(ՈՒԽ) Ի՜Ա.


Section: 7 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept    Լուարո́ւք լուարո́ւք բանից իմոց։ Երանի́ թէ մի́ լինէր ՛ի ձէնջ այդ մխիթարու(թ)ի(ւն)։

Verse: 3   Link to sept   Ներեցէ́ք ինձ եւ ես խօսեցա́յց, եթէ ոչ այպանիցէք զբանիւք իմովք։

Verse: 4   Link to sept   Իսկ արդ չե́ւ իմ կշտամբանքս ՛ի մարդկանէ իցեն. եւ կամ ընդէ՞ր ոչ բարկանայցեմ։

Verse: 5   Link to sept   Հայեցեալ ը(նդ)իս զարմանա՞յք, եդեալ ձեռն ՛ի ծնօտի։

Verse: 6   Link to sept   Եթէ յո́ւշ լինիցի ինձ, տագնապեցայց. զի ունի́ն ցաւք զմարմինս իմ։

Verse: 7   Link to sept   Ընդէ՞ր բնաւ ամպարիշտք կենդանի իցեն, հնացեալք եւ ՛ի մեծութե(ան) են։

Verse: 8   Link to sept   Սերմանք ն(ո)ց(ա) ըստ մի́տս. եւ որդիք ն(ո)ց(ա) առաջի աչաց։

Verse: 9   Link to sept   Տունք ն(ո)ց(ա) աջողեալք. եւ երկեւղ եւ ո́չ ուստեք. եւ տանջանք ՛ի տ(եառն)է չե́ն ՛ի վ(ե)ր(այ) ն(ո)ց(ա)։

Verse: 10   Link to sept   Արջառ ն(ո)ց(ա) ո́չ սխալեաց ՛ի ծննդենէ. ապրեցա́ւ յղի ն(ո)ց(ա)՝ եւ ո́չ վրիպեցաւ.

Verse: 11   Link to sept   եւ կան իբրեւ զխաշինս յաւիտենականս։ Մանկունք ն(ո)ց(ա) խաղան առաջի,

Verse: 12   Link to sept   առեալ սաղմոսարան եւ քնար. եւ ուրա́խ լինին ձայնիւ երգոց։

Verse: 13   Link to sept   Կատարեցին ՛ի բարու(թ)ե(ան) զկեանս իւրեանց, հանգստեա́մբ ննջեցին ՛ի դժոխս։

Verse: 14   Link to sept   Եւ ասէ ցտ(է)ր՝ ՛ի բա́ց կաց յինէն, զճանապարհս քո ճանաչել ո́չ կամիմ։

Verse: 15   Link to sept   Զի՞նչ շահ է՝ զի ծառայեսցուք նմա, կամ զի՞նչ օգուտ՝ զի հանդիպեցուք նմա։

Verse: 16   Link to sept   ՛Ի ձեռս նոցա էին բարութի(ւն)ք. եւ ՛ի գործս ամպարշտաց ո́չ հայի։

Verse: 17   Link to sept   Սակայն եւ ճրագ ամպարշտաց շիջցի։ եկեսցէ ՛ի վ(ե)ր(այ) ն(ո)ր(ա) կործանումն. երկունք կալցին զն(ո)ս(ա) ՛ի բարկու(թեն)է։

Verse: 18   Link to sept   Եղիցին իբրեւ զյա́րդ առաջի հողմոյ, կամ իբրեւ զփոշի զոր տարաւ մրրիկ։

Verse: 19   Link to sept   Սպառեսցեն զորդիս ինչք ն(ո)ր(ա). հատուսցէ նմա, եւ ծանուսցէ։

Verse: 20   Link to sept   Տեսցե́ն աչք ն(ո)ր(ա) զսպասումն իւր, եւ ՛ի տ(եառն)է մի́ ապրեսցի։

Verse: 21   Link to sept   Զի կամք ն(ո)ր(ա) ՛ի տան իւրում ընդ իւր, եւ զթիւ ամաչ ն(ո)ր(ա) բաժանեսցեն։

Verse: 22   Link to sept   Ոչ ապաքէն՝ տ(է)ր է որ ուսուցանէ զհանճար եւ զգիտութի(ւն), զի ինքն քննէ զիմաստունս։

Verse: 23   Link to sept   Այնպիսի մեռցի́ ՛ի սաստկութի(ւն) անզգամութի(ւն) իւրում. ամենեւին բարեկեցին եւ յաջողեալն։

Verse: 24   Link to sept   Փորն ն(ո)ր(ա) է ճարպով. ուղեղ ն(ո)ր(ա) չճեսցէ։

Verse: 25   Link to sept   Նա վախճանեսցի ՛ի դառնութ(են)է անձին, ո́չ ինչ կերեալ ՛ի բարու(թեն)է։

Verse: 26   Link to sept   Առհասարակ ննջեսցեն յերկրի. ե́րր ծածկեաց զն(ո)ս(ա)։

Verse: 27   Link to sept   Եւ արդ գիտեմ՝ զի յանդգնութ(եամ)բ հասեալ էք ՛ի վ(ե)ր(այ) իմ։

Verse: 28   Link to sept   Արդ ասացէք՝ թէ ո́ւր է տուն իշխանին. եւ ո́ւր է յարկ բնակութե(ան) ամպարշտաց։

Verse: 29   Link to sept   Հարցէ́ք զանցաւորս ճանապարհի, եւ զնշանս ն(ո)ց(ա) մի́ օտարացուցանէք։

Verse: 30   Link to sept   Զի յօ́ր կորստեան ստիպի չար. յօր բարկութե(ան) իւրոյ վարեսցի։

Verse: 31   Link to sept   Ո́ պատմեսցէ յանդիման ն(ո)ր(ա) զճանապարհս ն(ո)ր(ա). եւ զորինչ ինքն գործեաց՝ ո́ հատուսցէ նմա։

Verse: 32   Link to sept   Եւ ինքն ՛ի գերեզմանի գնաց, եւ ՛ի տապանի տքնեցաւ։

Verse: 33   Link to sept   եւ քաղցրացան նմա խիճք հեղեղատի։ Եւ զհետ ն(ո)ր(ա) ա(մենայ)ն մարդ գնասցէ, եւ յառաջ քան զնա անթիւք։

Verse: 34   Link to sept   Եւ զիա՞րդ մխիթարեցէք զիս սնոտեօք. եւ ինձ ձեւք դադարելն ո́չինչ է։



Chapter: 22  
ԳԼ(ՈՒԽ) Ի՜Բ.


Verse: 1   Link to sept Կրկնեալ անդրէն Եղիփաղու թեմնացւոյ ասէ։


Verse: 2   Link to sept    Ոչ ապաքէն տ(է)ր է՝ որ ուսուցանէ զիմաստութի(ւն) եւ զհանճար։

Verse: 3   Link to sept   Իսկ արդ զի՞ փո́յթ է տ(եառ)ն, եթէ դու էիր անարատ գործովք քովք. կամ զի՞նչ օգուտ է թէ պարզեսցես զճանապարհս քո։

Verse: 4   Link to sept   Կամ համարեա՞լ ինչ զքեզ յանդիմանեսցէ՞ զքեզ, եւ մտանիցէ՞ ընդ քեզ ՛ի դատաստան։

Verse: 5   Link to sept   Ոչ ապաքէն չարութի(ւն) քո բազո́ւմ է, եւ անթիւ են մեղք քո։

Verse: 6   Link to sept   Գրաւեցե́ր դու զեղբարս քո տարապարտուց, եւ զզգեստ մերկոց զերծե́ր։

Verse: 7   Link to sept   Ջուր ծարաւեաց ո́չ արբուցեր, եւ զհաց քաղցելոց հատեր։

Verse: 8   Link to sept   Ա́կն առեր երեսաց ոմանց, եւ բնակեցուցեր զնոսա յերկրի։

Verse: 9   Link to sept   Արձակեցեր զայրիս ունայնս, եւ զողբս չարչարեցե́ր։

Verse: 10   Link to sept   Եւ արդ պատեցան զքեւ որոգայթք, եւ տագնապեա́ց զքեզ պատերազմ անհնարին։

Verse: 11   Link to sept   Լոյսն քո քեզ խաւա́ր դիպեցաւ. եւ ՛ի քուն ծածկեաց զքեզ ջուր։

Verse: 12   Link to sept   Միթէ որ ՛ի բարձունս նայի ո՞չ տեսանիցէ. նա աւանիկ զզգածեալսն ամբարտաւանութ(եամ)բ խոնարհեցո́յց։

Verse: 13   Link to sept   Եւ ասացեր թէ զի՞ ծանեաւ հզօրն. կամ թէ ՛ի միգի՞ դատիցի։

Verse: 14   Link to sept   Ա́մպ ծածկութի(ւն) ն(ո)ր(ա), եւ ո՞չ երեւեսցի. եւ ընդ ծի՞ր երկնից շրջեսցի։

Verse: 15   Link to sept   Մի՝ զշաւիղս յաւիտենականս պահեսցէ, զորս կոխեսցեն արք արդարք՝

Verse: 16   Link to sept   որք յափշտակեցան տարաժամ։ Գե́տ բղխեալ հիմունք ն(ո)ց(ա).

Verse: 17   Link to sept   ոյք ասէին զի՞ արասցէ մեզ տ(է)ր, կամ զի՞նչ ածցէ ՛ի վ(ե)ր(այ) մեր ամենակալն։

Verse: 18   Link to sept   Եւ նա ելի́ց զտունս ն(ո)ց(ա) բարութ(եամ)բ. բայց խորհուրդ ամպարշտաց հեռի́ է ՛ի նմանէ։

Verse: 19   Link to sept   Տեսեալ արդարոց ծիծաղեցա́ն. անարատին՝ եւ արհամարհեաց։

Verse: 20   Link to sept   Եթէ չէ՞ր ապականեալ հաստատու(թ)ի(ւն) ն(ո)ց(ա). եւ զմնացորդս ն(ո)ց(ա) կերիցէ́ հուր։

Verse: 21   Link to sept   Բայց աղէ՝ լեր խի́ստ եթէ ժուժկալեսցե՞ս։ Եւ եթէ պտուղ քո եղիցի ՛ի բարութի(ւն)ս.

Verse: 22   Link to sept   ընկա́լ ՛ի բերանոյ ն(ո)ր(ա) դաւանու(թ)ի(ւն), եւ ա́ռ զբանս ն(ո)ր(ա) ՛ի սրտի քո։

Verse: 23   Link to sept   Եւ եթէ դարձցիս՝ եւ խոնարհեցուսցես զանձն քո առաջի տ(եառ)ն, հեռի́ արարեր ՛ի յարկի քում զանիրաւու(թ)ի(ւն)։

Verse: 24   Link to sept   Նստցիս յամրու(թ)ի(ւն) վիմի, եւ իբրեւ ՛ի վէմ ձորոյն սովփերայ։

Verse: 25   Link to sept   Եւ եղիցի ամենակալն օգնական քեզ ՛ի թշնամեաց. եւ յստա́կ հատուսցէ քեզ իբրեւ զարծաթ զտեալ։

Verse: 26   Link to sept   Ապա համարձակեսցիս առաջի տ(եառ)ն. հայեցեալ յերկին զուարթութ(եամ)բ։

Verse: 27   Link to sept   Յաղաչե́լ քում առ նա լուիցէ քեզ. տացէ́ քեզ հատուցանել զաղօթս քո։

Verse: 28   Link to sept   դարձուսցէ քեզ զյարկն արդարու(թ)ե(ան). եւ ՛ի ճանապարհս քո եղիցի լո́յս։

Verse: 29   Link to sept   Զի խոնարհեցուցեր զանձն, եւ ասացեր թէ ամբարտաւանեցի։ Եւ զխոնարհս աչօք՝ կեցուսցէ́։

Verse: 30   Link to sept   եւ փրկեսցէ զանարատն, եւ ապրեսցիս սրբութ(եամ)բ ձեռաց քոց։



Chapter: 23  
ԳԼ(ՈՒԽ) Ի՜Գ.


Section: 8 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept    Նա՝ եւ ե́ս գիտեմ զի ՛ի ձեռանէ իմմէ́ է յանդիմանութի(ւն) իմ։ եւ ձեռն ն(ո)ր(ա) ծանրացաւ ՛ի վ(ե)ր(այ) հեծու(թ)ե(ան) իմոյ։

Verse: 3   Link to sept   Իսկ ո՞վ ծանուսցէ եթէ գտից զնա, եւ հասից նմա ՛ի սպառ։

Verse: 4   Link to sept   Եւ ասացից առաջի ն(ո)ր(ա) զիրաւունս. լցի́ց զբերան իմ յանդիմանութ(եամ)բ։

Verse: 5   Link to sept   Ծանեա́յց զողոքանս զոր ընդիս խօսիցի. խելամո́ւտ եղէց այնմ զոր ի́նձ պատմիցէ։

Verse: 6   Link to sept   Եւ բազում զօրութ(եամ)բ եկեսցէ ՛ի վ(ե)ր(այ) իմ. եթէ զպատուհաս իւր ՛ի գործ ո́չ արկանիցէ։

Verse: 7   Link to sept   Զի ճշմարտիւ(թ)ի(ւն) եւ յանդիմանու(թ)ի(ւն) ՛ի նմանէ́ է. հանցէ՝ ՛ի սպառ զիրաւունս իմ։

Verse: 8   Link to sept   Եթէ յառաջագոյն երթայցէ՝ ո́չ եւս իցեմ. եւ զվերջինս զի՞ գիտիցեմ։

Verse: 9   Link to sept   Զձախ այնորիկ որ արարն զնա՝ ո́չ կալայ. եւ եթէ արկցէ զաջ իւր զինեւ՝ սակայն եւ այնպէս ո́չ տեսից։

Verse: 10   Link to sept   Զի ինքն գիտէ զճանապարհս իմ, եւ քննեաց զիս իբրեւ զոսկի։

Verse: 11   Link to sept   Հասի́ց ՛ի պատուիրանս ն(ո)ր(ա). զճանապարհս ն(ո)ր(ա) պահեցից եւ ո́չ եւս թիւրեցայց։

Verse: 12   Link to sept   Զպատուիրանօք ն(ո)ր(ա) ո́չ անցից՝ զի մի́ մեռանիցիմ. ՛ի ծո́ց իմ թաքուցից զբանս նորա։

Verse: 13   Link to sept   Ապա թէ նա ա́յնպէս դատեցաւ, ո՞ իցէ որ ընդդէմ դառնայցէ նմա. զի զոր ինքն կամեցաւ եւ արա́ր։

Verse: 14   Link to sept   Վ(ա)ս(ն) այնորիկ առ նա́ փութացայց. խրատեալ զնորի́ն հոգացայց։

Verse: 15   Link to sept   ՛Ի վ(ե)ր(այ) այսոցիկ յերեսաց նորա տագնապեցայց, եւ ՛ի միտ առից եւ զարհուրեցայց ՛ի նմանէ։

Verse: 16   Link to sept   Զի տ(է)ր հիւանդացոյց զսիրտ իմ, եւ ամենակալն տագնապեաց զիս։

Verse: 17   Link to sept   Զի ո́չ գիտէի թէ գայցէ ՛ի վ(ե)ր(այ) իմ խաւար. առաջի երեսաց իմոց ծածկեաց մէգ։



Chapter: 24  
ԳԼ(ՈՒԽ) Ի՜Դ.


Verse: 1   Link to sept   Ընդէ՞ր զտ(է)ր մոռացան ամպարհաւաճք.

Verse: 2   Link to sept   եւ ամպարիշտք անցին ըստ սահման։ Զհօտ հանդերձ հովուօք յափշտակեցին.

Verse: 3   Link to sept   զէշ սրբոյն վարեցին, եւ զեզն այրւոյն գրաւեցին։

Verse: 4   Link to sept   Խոտորեցուցին զտկարս ՛ի ճանապարհէ արդարու(թ)ե(ան). առհասարա́կ զօղեցուցին զհեզս երկրի.

Verse: 5   Link to sept   դիպեցան իբրեւ զցիռս ՛ի վայրի։ Վ(ա)ս(ն) իմ ծախեցին զգործ իւրեանց. քաղցրացաւ ն(ո)ց(ա) հաց ը(նդ) լկտիս։

Verse: 6   Link to sept   Զանդ տհաս որ ո́չ իւրեանց էր՝ հնձեցին. տկարք զայգիս ամպարշտաց անհա́ց եւ անվարձ գործեցին։

Verse: 7   Link to sept   Զմերկս բազումս ննջեցուցի́ն առանց հանդերձից. զգեստ անձանց ն(ո)ց(ա) զերծին։

Verse: 8   Link to sept   ՛Ի ցօղոյ լերանց տամկանան. քանզի ո́չ գոյր ն(ո)ց(ա) յարկ. արկին զինքեանց ընդ վիմաւ։

Verse: 9   Link to sept   Յափշտակեցին զորբն ՛ի ստենէ, եւ զանկածն տառապեցուցին։

Verse: 10   Link to sept   Զմերկն ննջեցուցին առանց հանդերձի տարապարտուց. հատին զհաց քաղցելոց։

Verse: 11   Link to sept   Յանձուկս դարանակալ եղեն ՛ի տարապարտուց. զճանապարհս արդարու(թ)ե(ան) ո́չ գիտացին։

Verse: 12   Link to sept   Որք ՛ի քաղաքաց եւ ՛ի տանց իւրեանց զրկեցան, անձինք տղայոց մեծամե́ծս հեծեծեցին։ եւ նա ա́յնմ այցելու(թ)ի(ւն) ընդէ՞ր ո́չ առնիցէ։

Verse: 13   Link to sept   Յերկրի էին նոքա՝ եւ ո́չ ծանեան. զճանապարհս արդարու(թ)ե(ան) ո́չ գիտասցին, եւ ընդ շաւիղս ն(ո)ր(ա) ո́չ գնացին։

Verse: 14   Link to sept   Ծանուցեալ զգործս ն(ո)ց(ա) մատնեաց զն(ո)ս(ա) ՛ի խաւար. եւ զցա́յգ եղիցին իբրեւ զգողս։

Verse: 15   Link to sept   Եւ աչք շնացելոյն պահեսցեն զխաւար. եւ ասիցէ թէ ո́չ զականիցէ զիս ակն. եւ քօղ արկ զերեսօք իւրովք։

Verse: 16   Link to sept   Փորեա́ց ընդ մութ զտուն իւր. ՛ի տուէ կնքեցին զանձինս, եւ ո́չ ծանեան զլոյս։

Verse: 17   Link to sept   Եւ եթէ միանգամայն առաւօտ նոցա ՛ի ստուերս մահու է, եւ եթէ ՛ի միտ առնուցու զխռովու(թ)ի(ւն) ստուերա́ց մահու.

Verse: 18   Link to sept   թեթեւագո́յն է ՛ի վ(ե)ր(այ) ջուրցն երեսաց։ Կործանեսցի մասն ն(ո)ց(ա) ՛ի վ(ե)ր(այ) երկրի երեւեսցի տունկ ն(ո)ց(ա) ՛ի վ(ե)ր(այ) ցամաք երկրի։

Verse: 19   Link to sept   զի զանթանոցիկ սրբոյն յափշտակեցին. ընդդէմ յիշատակեցան նմա մեղք։ Իբրեւ զմառախուղ ցօղոյ եղեւ անյայտ.

Verse: 20   Link to sept   հատուսցի նմա որինչ արարն։ Խորտակեսցի ա(մենայ)ն անիրաւ հանգոյն փայտի անբժշկականի։

Verse: 21   Link to sept   զի ամլոյն բարի ո́չ արար, եւ ամուրւոյն ո́չ ողորմեցաւ.

Verse: 22   Link to sept   սրտմտու(թեամ)բ կործանեաց զտկարս։ Եւ թէպէտ եւ յարիցէ, մի́ հաւատասցէ կենաց իւրոց։

Verse: 23   Link to sept   Հիւանդացեալ՝ եւ մի́ անկնկալցի ողջանալոյ, այլ անկցի ախտիւ. զի զբազումս չարչռարեաց բարձրու(թ)ի(ւն) ն(ո)ր(ա)։

Verse: 24   Link to sept   Թարշամեսցի́ իբրեւ զբանջար ՛ի տօթի. կամ իբրեւ զհասկ ինքնին անկեալ ՛ի ցօղնոյ։

Verse: 25   Link to sept   Ապա թէ իցէ ոք որ ասիցէ զինէն սո́ւտ խօսել, դիցէ զբանս իմ յոչինչ։



Chapter: 25  
ԳԼ(ՈՒԽ) Ի՜Ե.


Verse: 1   Link to sept Կրկնեալ անդրէն բաղդատայ սաւքեցւոյ ասէ։


Verse: 2   Link to sept    Իսկ արդ առա՞կ ինչ իցէ ա́հն առ ՛ի նմանէ, որ առնէ զա(մենայ)ն ինչ ՛ի բարձունս։

Verse: 3   Link to sept   Մի́ ոք կարծեսցէ թէ գուցէ յապաղումն հինից ն(ո)ր(ա). յո՞յր վ(ե)ր(այ) ո́չ եկեսցէ դարանակալու(թ)ի(ւն) առ ՛ի նմանէ։

Verse: 4   Link to sept   Զիա՞րդ լինիցի մարդ արդար առաջի տ(եառ)ն. կամ ո՞վ սրբեսցէ զանձն իւր ՛ի կանանցածնաց։

Verse: 5   Link to sept   Զի եթէ լուսնի́ հրամայեսցէ, եւ ո́չ ծագէ. եւ աստեղք ո́չ են սուրբ առաջի ն(ո)ր(ա)։

Verse: 6   Link to sept   թո́ղ թէ մարդ ե́րր, եւ որդի մարդոյ որդն։



Chapter: 26  
ԳԼ(ՈՒԽ) Ի՜Զ.


Section: 9 

Verse: 1   Link to sept Կրկնեալ անդրէն Յոբայ ասէ։


Verse: 2   Link to sept    Յո՞ մոտիցիս, կամ ո՞ւմ օգնակա́ն լինելոց իցես. Ո՞չ ապաքէն ա́յնմ որոյ բազո́ւմ է զօրութի(ւն), եւ որոյ հզօ́ր է բազուկ իւր։

Verse: 3   Link to sept   Ընդ ո՞ւմ խորհրդակից լինիցիս. ո՞չ ընդ այնմ որոյ ա(մենայ)ն իմաստու(թ)ի(ւն) է։

Verse: 4   Link to sept   Զո՞յր զհետ երթիցես, եթէ ո́չ որոյ մեծ է զօրութի(ւն)։ ո՞ւմ պատմեցեր բան. եւ ո՞յր շունչ՝ ել ՛ի քէն։

Verse: 5   Link to sept   Միթէ սկա́յք ծնանիցին ՛ի ներքուստ ջրոյ, եւ ՛ի դրացեաց ն(ո)ր(ա)։

Verse: 6   Link to sept   Մե́րկ են դժոխք առաջի նորա՝ եւ չի́ք զգեստ կորստեան։ Ձգեաց զհիւսւսի զոչընչի́ւ.

Verse: 7   Link to sept   կախեաց զերկիր ՛ի վ(ե)ր(այ) ոչնչի։

Verse: 8   Link to sept   Ծրարէ զջուրս յամպս իւր, եւ ո́չ պատառեցաւ մէ́գ ՛ի ներքոյ ն(ո)ր(ա)։

Verse: 9   Link to sept   Որ ունի զերեսս աթոռոյ, թռուցանէ́ նովաւ զմէգ իւր։

Verse: 10   Link to sept   Հրամա́ն պատեաց զերեսօք ջրոյ՝ մինչ ՛ի վախճան լուսոյ ընդ խաւարի։

Verse: 11   Link to sept   Սիւնք երկնից թռեան եւ զարհուրեցան ՛ի սաստէ ն(ո)ր(ա)։

Verse: 12   Link to sept   Զօրու(թեամ)բ հանդարտեցոյց զծով. իմաստու(թեամ)բ ն(ո)ր(ա) տարածեալ է համատարածն։

Verse: 13   Link to sept   Աղխ երկնից սարսեցին ՛ի նմանէ։ հրամանաւ իւրով սպան զվիշապն ապստամբ։

Verse: 14   Link to sept   Ահա ա́յս է մասն ճանապարհի ն(ո)ր(ա)։ Եւ տակաւին զշիթս բանից ն(ո)ր(ա) լուիցո́ւք նովաւ։ զզօրութի(ւն) որոտման ն(ո)ր(ա) ո՞ գիտէ՝ յորժամ առնիցէ։



Chapter: 27  
ԳԼ(ՈՒԽ) Ի՜Է.


Section: 10 

Verse: 1   Link to sept Դարձեալ յաւելեալ Յոբայ յառակի իւրում ասէ։


Verse: 2   Link to sept    Կենդանի́ է տ(է)ր որ այսպէս դատեցաւ զիս. եւ ամենակալն որ դառնացոյց զանձն իմ։

Verse: 3   Link to sept   Եթէ տակաւին իցէ յիս շունչ իմ. եւ հոգի ա(ստուա)ծեղէն շուրջ զինեւ յռընդունս.

Verse: 4   Link to sept   ո́չ խօսեսցին շրթունք իմ անօրէնու(թ)ի(ւն), եւ ո́չ անձն իմ խորհեսցի անիրաւու(թ)ի(ւն)։

Verse: 5   Link to sept   Մի́ լիցի ինձ ասել զձեզ արդարս մինչեւ մեռանիցիմ. զի ո́չ փոխեցից զանմեղութի(ւն) իմ։

Verse: 6   Link to sept   Արդարու(թ)ե(ան)՝ անսացեալ եւ ո́չ մեկնեցայց. զի ո́չ գիտեմ զանձին գործեալ զանպատեհս։

Verse: 7   Link to sept   Սակայն թէ եւ էին թշնամիք իմ իբրեւ զկործանումն ամպարշտաց, եւ յարուցեալքն ՛ի վ(ե)ր(այ) իմ իբրեւ զկորուստ անօրինաց։

Verse: 8   Link to sept   Եւ զի՞նչ է յոյս ամպարշտի զի յեցեալ կայցէ. վստահացեալ ՛ի տ(է)ր թէ ապրիցէ՞.

Verse: 9   Link to sept   կամ թէ խնդրուածոց ն(ո)ր(ա) լուիցէ տ(է)ր։ Եթէ ՛ի հասանել ՛ի վ(ե)ր(այ) ն(ո)ր(ա) տագնապի,

Verse: 10   Link to sept   ոչ ունիցի համարձակու(թ)ի(ւն) առաջի ն(ո)ր(ա). կամ ՛ի կարդալ ն(ո)ր(ա) առ նա, լուիցէ՞ նմա։

Verse: 11   Link to sept   Այլ պատմեցի́ց ձեզ զինչ է ՛ի ձեռին տ(եառ)ն, եւ որ իցէ́ յամենակալին, ո́չ ստեցից։

Verse: 12   Link to sept   Ահաւասիկ ամենեքին իսկ գիտէք. զի սնոտիս զսնոտւովք պատէք։

Verse: 13   Link to sept   Ա́յս մա́սն է մարդոյ ամպարշտի ՛ի տ(եառն)է. ստացուած հզօրաց եկեսցէ ՛ի վ(ե)ր(այ) ն(ո)ր(ա) յամենակալէն։

Verse: 14   Link to sept   Զի եթէ բազում ծնանիցին նմա որդիք, ՛ի սպանո́ւմն եղիցին։ եւ եթէ յերիտասարդու(թ)ի(ւն) հասցեն՝ մուրացիկ շրջեսցին։

Verse: 15   Link to sept   Եւ որ զնովաւն իցեն մահուա́մբ վախճանեսցին։ այրեաց ն(ո)ց(ա) մի́ ոք ողորմեսցի։

Verse: 16   Link to sept   Եւ եթէ ժողովեսցէ իբրեւ զհող զարծաթ, եւ հանգոյն կաւոյ պատրաստեսցէ զոսկի,

Verse: 17   Link to sept   զայն ա(մենայ)ն արդա́րք ստասցին, եւ զինչս նորա ճշմարիտք կալցին։

Verse: 18   Link to sept   Եղեւ տուն ն(ո)ր(ա) իբրեւ զցեց, եւ իբրեւ զսարդիոստայն։

Verse: 19   Link to sept   Մեծատուն ննջեաց, եւ ո́չ եւս յաւելցէ յառնել. զաչս իւր եբա́ց՝ եւ ոչ եւս իցէ։

Verse: 20   Link to sept   Պատահեսցին նմա իբրեւ զջուր ցաւք. գիշերի ծածկեաց զնա մութ։

Verse: 21   Link to sept   Առցէ́ զնա խորշակ եւ գնայցէ.

Verse: 22   Link to sept   եւ հոսեսցէ զնա ՛ի տեղւոջէ իւրմէ.

Verse: 23   Link to sept   եւ ընկեսցէ զնա՝ եւ մի́ խնայեսցէ. ՛ի ձեռանէ ն(ո)ր(ա) փախստիւ փախիցէ։ Ծափ զծափի́ հարցէ ՛ի վերայ ն(ո)ր(ա), եւ քարշեսցէ́ զնա ՛ի տեղւոջէ իւրմէ։



Chapter: 28  
ԳԼ(ՈՒԽ) Ի՜Ը.


Verse: 1   Link to sept   Զի է́ տեղի արծաթոյ՝ ուստի լինի, եւ տեղի ոսկւոյ ուստի կղկղի։

Verse: 2   Link to sept   Երկաթ ՛ի հողոյ լինի, եւ պղինձ հանգոյ քարի տաշի։

Verse: 3   Link to sept   Կա́րգ եդ խաւարի. եւ զա(մենայ)ն վախճան ինքն ճշմարտէ, զքա́ր եւ զխաւար՝ եւ զստուերս մահու.

Verse: 4   Link to sept   զխրամ հղեղատի ՛ի փոշւոյ։ Եւ որ մոռանան զճանապարհս արդարու(թ)ե(ան)՝ տկարասցին ՛ի մարդկանէ։

Verse: 5   Link to sept   Երկիր՝ ՛ի նմանէ́ ելցէ հաց, եւ ՛ի ներքոյ ն(ո)ր(ա) իբրեւ զհուր շրջեցաւ։

Verse: 6   Link to sept   Տեղի շափիղայի քարինք ն(ո)ր(ա)՝ եւ հող ն(ո)ր(ա) ոսկի́։

Verse: 7   Link to sept   Շաւի́ղ է զոր ո́չ ծանեաւ թռչուն, եւ ո́չ գիտեաց զնա ա́կն անգեղ։

Verse: 8   Link to sept   եւ ո́չ կոխեցին զնա որդիք ամբարտաւանից։ ո́չ անց ՛ի նա առեւծ։

Verse: 9   Link to sept   Յապառաժն ձգեաց զձեռն իւր. տապալեա́ց զլերինս ՛ի հիմանէ։

Verse: 10   Link to sept   Զպոյտ գետոց պատառեաց։ զա(մենայ)ն պատուականս ետես ակն իմ։

Verse: 11   Link to sept   Զխորս գետոց յայտնեա́ց. եւ եցոյց զզօրութի(ւն) իւր ՛ի լոյս։

Verse: 12   Link to sept   Իսկ իմաստու(թ)ի(ւն) ուստի՞ գտաւ, կամ զի՞նչ տեղի իցէ հանճարոյ։

Verse: 13   Link to sept   Ո́չ գիտէ մարդ զճանապարհս ն(ո)ր(ա), եւ ո́չ գտաւ ՛ի մէջ մարդկան։

Verse: 14   Link to sept   Անդունդք ասացին թէ չէ́ առիս, եւ ծով ասաց թէ չէ́ ընդ ինեւ։

Verse: 15   Link to sept   Ո́չ տացի գրաւական ընդ ն(ո)ր(ա), եւ ո́չ կշռեսցի արծաթ ընդ գնոց ն(ո)ր(ա)։

Verse: 16   Link to sept   Եւ ո́չ բարձցի ըդ ոսկւոյն սովփերայ. ընդ եղնգանն պատուականի՝ եւ ընդ շափիղայի։

Verse: 17   Link to sept   Ո́չ զուգեսցի ընդ նմա ոսկի եւ ապակի. եւ ՛ի գինս ն(ո)ր(ա) անօթք ոսկեղէնք։

Verse: 18   Link to sept   Բարձրու(թ)ի(ւն)ք եւ խորութի(ւն)ք ո́չ յիշեսցին։ եւ ձգեաց զիմաստու(թ)ի(ւն) քան զներքսագոյնս։

Verse: 19   Link to sept   Ո́չ հաւասարեսցէ նմա տպազիոնն եթւովպացւոց. ընդ ոսկւոյ սրբոյ ո́չ բարձցի։

Verse: 20   Link to sept   Իսկ իմաստութի(ւն) ուստի՞ գտաւ, եւ զի՞նչ իցէ տեղի հանճարոյ։

Verse: 21   Link to sept   Ղօղեա́լ է ՛ի մարդկանէ, եւ ՛ի թռչնոց երկնից ծածկեցաւ։

Verse: 22   Link to sept   Կորուստ եւ մահ ասացին. լուա́ք զփառաւորութ(են)է ն(ո)ր(ա)։

Verse: 23   Link to sept   Եւ տ(է)ր դիւրաւ ընծայեցոյց զճանապարհս ն(ո)ր(ա)։

Verse: 24   Link to sept   Քանզի ինքն գիտէ զտեղի ն(ո)ր(ա), եւ ինքն տեսանէ զա(մենայ)ն առ ՛ի ներքոյ երկնից։ Քանզի ինքն գիտէ զա(մենայ)ն

Verse: 25   Link to sept   զոր արար յերկրի, զկշիռ հողմոյ, եւ զչափ ջրոց զոր արար։

Verse: 26   Link to sept   Ինքն ետես եւ համարեցաւ. եւ զճանապարհ ն(ո)ր(ա) արձակմամբ բարբառոյ։

Verse: 27   Link to sept   Յայնժամ ետես զնա՝ եւ պատմեա́ց զնմանէ։ Պատրաստեալ քննեաց,

Verse: 28   Link to sept   եւ ասէ́ ցմարդ. ահա Ա(ստուա)ծպաշտութի́(ւն) է իմաստութի(ւն), եւ մեկնե́լ ՛ի չարեաց է հանճար։



Chapter: 29  
ԳԼ(ՈՒԽ) Ի՜Թ.


Section: 11 

Verse: 1   Link to sept Դարձեալ յաւելեալ Յոբայ յառակի իւրում ասէ։


Verse: 2   Link to sept    Ո́ առնէր զիս ըստ ամսոց աւուրցն առաջնոց, յորս ա(ստուա)ծ պահէր զիս։

Verse: 3   Link to sept   Յորժամ լուսաւո́ր էր ճրագ ն(ո)ր(ա) ՛ի վ(ե)ր(այ) գլխո́յ իմոյ։ Յորժամ լուսո́վ ն(ո)ր(ա) գնայի ՛ի խաւարի։

Verse: 4   Link to sept   Յորժամ կայի զուարճացեալ ՛ի ճանապարհի։ Յորժամ տ(է)ր այցելութի(ւն) առնէր տա́ն իմում։

Verse: 5   Link to sept   Յորժամ զգածեալն էի մեծութ(եամ)բ, եւ շուրջ զինեւ ծառայք։

Verse: 6   Link to sept   Յորժամ թանային ճանապարհք իմ կոգւով, եւ ոռոգանէին լերինք իմ կաթամբ։

Verse: 7   Link to sept   Յորժամ ելանէի ընդ առաւօտս ՛ի քաղաքն, եւ արկանէր ՛ի հրապարակս աթոռ իմ։

Verse: 8   Link to sept   Տեսանէին զիս երիտասարդք՝ եւ թաքչէին. եւ ծերք՝ եւ յոտն կային։

Verse: 9   Link to sept   Ճո́խք դադարէին ՛ի խօսելոյ, եւ դնէին մատունս ՛ի վ(ե)ր(այ) բերանոյ իւրեանց։

Verse: 10   Link to sept   Ոյք լսէին զինէն՝ երանէին ինձ. եւ լեզուք ն(ո)ց(ա) ՛ի քիմս իւրեանց կցեցան։

Verse: 11   Link to sept   Զի ունկն որ լսէր՝ երանի́ տայր ինձ. եւ ակն որ տեսանէր՝ խորշէր յինէն։

Verse: 12   Link to sept   Զի փրկեցի զաղքատն ՛ի ձեռանէ հզօրին. եւ սրբոյ որոյ ո́չ էր օգնական՝ օգնեցի́։

Verse: 13   Link to sept   Օրհնութի(ւն) կորուսելոյն ՛ի վ(ե)ր(այ) իմ եկեսցէ. եւ բերան այրւոյն զիս օրհնեաց։

Verse: 14   Link to sept   Զարդարու(թ)ի(ւն) զգեցեալ էի, եւ արկեալ զիրաւունս հանգոյն կրկնոցի։

Verse: 15   Link to sept   Ա́չք էի կուրաց, եւ ո́տք կաղաց։

Verse: 16   Link to sept   հա́յր էի ես տկարաց։ Դատաստան զոր ոչ գիտէի քննէի́։

Verse: 17   Link to sept   Խորտակէի զկզակս անիրաւաց, եւ ՛ի միջոյ ժանեաց նոցա կորզէի զյափշտակութի(ւն)։

Verse: 18   Link to sept   Ասէի՝ թերեւս հասա́կ իմ ծերասցի, եւ իբրեւ զծառ արմաւոյ բազո́ւմ ժամանակս կեցից։

Verse: 19   Link to sept   Արմատ ընդարձակեալ ՛ի վ(ե)ր(այ) ջրոց, եւ ցօղ հանգիցէ ՛ի վ(ե)ր(այ) հնձոց իմոց։

Verse: 20   Link to sept   Կարծիքն իմ ընդունայն եղեն ինձ. գործիք իմ եւ աղեղն իմ ՛ի ձեռին ն(ո)ր(ա) գնաց։

Verse: 21   Link to sept   Յինէ́ն լուեալ անսային, եւ կարկէին ՛ի խորհրդեան իմում.

Verse: 22   Link to sept   ՛ի բանս իմ ո́չ յաւելուին։ Խնդալից լինէին յորժամ խօսէի ընդ ն(ո)ս(ա)։

Verse: 23   Link to sept   Իբրեւ զերկիր ծարաւի որ սպասիցէ անձրեւի՝ եւ նոքա իմո́ց խօսից։

Verse: 24   Link to sept   Եթէ ծիծաղէի ընդ ն(ո)ս(ա), ո́չ հաւատային. եւ լոյս երեսաց իմոց ո́չ նուաղէր։

Verse: 25   Link to sept   Ընտրէի́ զճանապարհս ն(ո)ց(ա), եւ նստէի իշխան. եւ բնակէի իբրեւ զթագաւոր ՛ի մէջ զօրականաց։ Զոր օրինակ գրգանօքն մխիթարէի։



Chapter: 30  
ԳԼ(ՈՒԽ) Լ՜.


Verse: 1   Link to sept   Արդ ծիծաղին զինեւ յետինք։ Արդ խրատեն զիս ՛ի միասին, զորոց պախարակէի զհարս ն(ո)ց(ա). զոր ո́չ համարէի լինել հաւասար շանց արօտականաց իմոց։

Verse: 2   Link to sept   Նաեւ զօրութի(ւն) ձեռաց ն(ո)ց(ա) ընդէ՞ր է ինձ։ ՛Ի վ(ե)ր(այ) ն(ո)ց(ա) կորեաւ վախճան.

Verse: 3   Link to sept   ՛ի կարօտու(թ)ե(ան) եւ ՛ի սովի անծնունդ։ որ փախչէին երէկ յանջրդւոյ, յանձկութ(են)է եւ ՛ի թշուառութ(են)է։

Verse: 4   Link to sept   Որք պատէին խարշափո́ւն բանջարով. որոց բանջա́րն իսկ էր կերակուր։ Անարգք եւ արհամարհեալք կարօտեալք յա(մենայ)ն բարութ(են)է,

Verse: 5   Link to sept   որք եւ զարմատս փայտից ծամէին ՛ի սաստի́կ սովոյ· Յարեա́ն ՛ի վ(ե)ր(այ) իմ գողք.

Verse: 6   Link to sept   որոց տունք իւրեանց էին ծակք վիմաց, ՛ի մէջ արծագանգաց գոչեսցեն.

Verse: 7   Link to sept   որք ընդ խռուովք վայրենեօք բնակեալ էին։

Verse: 8   Link to sept   Որդիք անզգամաց եւ անուանարկաց, եւ շիջելափառք յերկրէ։

Verse: 9   Link to sept   Արդ քնար եմ ես ն(ո)ց(ա), եւ զիս ունին բամբասանս։

Verse: 10   Link to sept   Գարշեցա́ն յինէն մեկնեալք ՛ի հեռաստանէ. եւ յերեսաց իմոց թուք ո́չ խնայէին։

Verse: 11   Link to sept   Զի բացեալ զկապարճս իւր խոցոտեա́ց զիս, եւ սա́նձս երեսաց իմ առաքեաց։

Verse: 12   Link to sept   Յարեա́ն ՛ի վ(ե)ր(այ) աջոյ շարաւեղի։ զոտս իւր ձգեաց՝ եւ ճանապա́րհ արար ՛ի վ(ե)ր(այ) իմ։

Verse: 13   Link to sept   Ընդ շաւիղս կորստեան ն(ո)ց(ա) շփեցան շաւիղք իմ։ Մերկացոյց զպատմուճան իմ. նետի́ւք իւրովք խոցոտեաց զիս։

Verse: 14   Link to sept   մատուցեալ ո(ր)պ(էս) եւ կամի։ Ցաւօք վարակեալ եմ.

Verse: 15   Link to sept   դարձեալ են յիս ցաւք։ Գնա́ց յինէն յոյս իբրեւ զհողմ, եւ իբրեւ զմէգ փրկու(թ)ի(ւն) իմ։

Verse: 16   Link to sept   եւ արդ զինեւ զեղծցի անձն իմ։ Ոնին զիս աւուրք ցաւոց.

Verse: 17   Link to sept   գիշերի ոսկերք իմ խարշեցան, եւ ջիլք իմ լուծեալ են։

Verse: 18   Link to sept   Բազում զօրութ(եամ)բ ձեռն արկ զպատմուճանաւ իմով, եւ իբրեւ զժապաւէն պատմուճանի իմոյ շո́ւրջ կալաւ զիս։

Verse: 19   Link to sept   Համարի զիս հանգոյն կաւոյ. ՛ի հող եւ ՛ի մոխիր է բաժին իմ։

Verse: 20   Link to sept   Աղաղակեցի առ քեզ՝ եւ ո́չ լուիցես ինձ. կացին եւ հայեցան յիս։

Verse: 21   Link to sept   Պատահեցա́ր ինձ անողորմ, հզօ́ր ձեռամբ հարեր զիս։

Verse: 22   Link to sept   Կարգեցեր զիս ՛ի ցաւս, եւ ընկեցեր զիս ՛ի փրկու(թեն)է։

Verse: 23   Link to sept   Գիտեմ զի մա́հ սատակեսցէ զիս. զի բնակու(թ)ի(ւն) ա(մենայ)ն մահկանացուի երկի́ր է։

Verse: 24   Link to sept   Երանի թէ կարէի զանձն իմ վարժել, կամ աղաչել զա́յլ՝ եւ առնէր ինձ զայն։

Verse: 25   Link to sept   Եւ ես ՛ի վ(ե)ր(այ) ա(մենայ)ն տկարի լայի, եւ հեծեծէի յորժամ տեսանէի զայր ՛ի վիշտս,

Verse: 26   Link to sept   եւ ունէի ՛ի բարու(թ)ե(ան)։ եւ ահաւասիկ պատահեցին ինձ առաւել աւուրք չարեաց։

Verse: 27   Link to sept   Որովայն իմ եռայ, եւ ո́չ դադարեսցէ. ժամանեցին ինձ աւուրք աղքատու(թ)ե(ան)։

Verse: 28   Link to sept   Նեղեալ շրջեցայց առանց բերանակապի։ կացի ՛ի մէջ եկեղեցւոյ աղաղակ բարձեալ։

Verse: 29   Link to sept   Եղբայր եղէ համբարուաց, եւ ընկեր ջայլամանց։

Verse: 30   Link to sept   Մորթ իմ սեւացա́ւ սաստկագոյն, եւ ոսկերք իմ ՛ի տօթոյ։

Verse: 31   Link to sept   Դարձաւ ՛ի սուգ քնար, եւ սիրտ իմ եւ երգ իմ ՛ի լալիւն։



Chapter: 31  
ԳԼ(ՈՒԽ) Լ՜Ա.


Verse: 1   Link to sept   Ուխտ եդի ընդ աչս իմ եւ ո́չ հայեցաւ ՛ի կոյս.

Verse: 2   Link to sept   եւ բաժանեաց ա(ստուա)ծ ՛ի վերուստ, եւ ժառանգու(թ)ի(ւն) բաւականին ՛ի բարձանց։

Verse: 3   Link to sept   Ոչ ապաքէն կորո́ւստ անիրաւին, եւ տարագրու(թ)ի(ւն) այնոցիկ ոյք գործեն զանօրէնութի(ւն)։

Verse: 4   Link to sept   Ոչ ապաքէն ինքն տեսցէ զճանապարհս իմ. եւ ա(մենայ)ն գնացք իմ թուեսցին։

Verse: 5   Link to sept   Եթէ գնացեա́լ իցեմ ընդ այպանօղս. եթէ վաղվաղեա́ց ոտն իմ ՛ի նենգութի(ւն)։

Verse: 6   Link to sept   Զի կշռեա́լ եմ ՛ի կշի́ռս արդարու(թ)ե(ան), եւ գիտէ տ(է)ր զանմեղու(թ)ի(ւն) իմ։

Verse: 7   Link to sept   Եթէ թիւրեցա́ւ ոտն իմ ՛ի ճանապարհէ. եթէ չոգաւ սիրտ իմ զկնի ական իմոյ. եթէ հպեցայ ձեռօ́ք իմովք ՛ի կաշառս։

Verse: 8   Link to sept   Ապա ես սերմանեցից՝ եւ ա́յլք կերիցեն. եւ անարմա́տ եղէց յերկրի։

Verse: 9   Link to sept   Եթէ գնա́ց սիրտ իմ զհետ կնոջ ա́ռն այլոյ. եթէ դարանակա́լ եղէ առ դրունս տան ն(ո)ր(ա)։

Verse: 10   Link to sept   Ապա լիցի հաճոյ եւ ի́մ կինն այլում, եւ մանկունք իմ տառապեսցին։

Verse: 11   Link to sept   Զի սրտմտութի(ւն) անժո́յժ բարկու(թ)ե(ան) է պղծել զկին առն։

Verse: 12   Link to sept   հո́ւր վառեալ է յա(մենայ)ն անդամս ն(ո)ր(ա). զի յոր կոյս հասցէ յարմատո́յ խլեսցէ։

Verse: 13   Link to sept   Եթէ խոտեցի́ երբէք զիրաւունս ծառայի կամ աղախնոյ մատիցելոյ առիս յատեան։

Verse: 14   Link to sept   եւ զի՞նչ գործեցից եթէ հարցուփո́րձ արասցէ ինձ տ(է)ր. եւ եթէ այցելութի(ւն), զի՞նչ պատասխանի արարից։

Verse: 15   Link to sept   Ոչ ապաքէն ո(ր)պ(էս) եղէ յարգանդի՝ եւ նոքա եղեն, ՛ի նմին որովայնի եղաք։

Verse: 16   Link to sept   Իսկ տկարք որոց պէտք ինչ էին, ո՞չ արդեւք երբէք վճարեցի։ Զակն այրւոյ ո́չ կողկողեցուցի։

Verse: 17   Link to sept   Եթէ կերա՞յ արդեւք զպատառն իմ միայն՝ եւ որբոյն ո́չ կարկառեցի։

Verse: 18   Link to sept   Զի ՛ի մանկու(թեն)է իմմէ սնուցի իբրեւ զհայր, եւ յարգանդէ մօր իմոյ առաջնորդեցի։

Verse: 19   Link to sept   Եթէ արարի՞ անտես զմերկն կորուսեալ՝ եւ ոչ զգեցուցի։

Verse: 20   Link to sept   Եթէ ո՞չ օրհնեցին զիս տկարք. եւ ՛ի կտրոց խաշանց իմոց ջեռան թիկունք ն(ո)ց(ա)։

Verse: 21   Link to sept   Եթէ վերացուցի ձեռն ՛ի վ(ե)ր(այ) որբոյն՝ յուսացեալ թէ բազում է իմ օգնականութի(ւն).

Verse: 22   Link to sept   ապա թափեսցի յանկարէ ուս իմ, եւ բազուկ իմ յարմկանէ իմմէ խորտակեսցի։

Verse: 23   Link to sept   Զի ահ տ(եառ)ն կալաւ զիս, եւ առաջի ն(ո)ր(ա) ո́չ հանդարտեցի։

Verse: 24   Link to sept   Եթէ կարգեցի զոսկի ՛ի հող իմ. եթէ յականս պատուականս յուսացայ։

Verse: 25   Link to sept   Եթէ ուրա́խ եղէ ՛ի բազում մեծութե(ան) եկելոց ինձ. եթէ ՛ի վերայ անթուոց եդի́ զձեռն իմ։

Verse: 26   Link to sept   Կամ թէ ո՞չ տեսանիցեմք զարեգակն լուսաւորիչ նուաղեալ, եւ զլուսին մաշեալ.

Verse: 27   Link to sept   եւ ո́չ ՛ի նոցանէ։ Եթէ խաբեցաւ գա́ղտ սիրտ իմ. եթէ ձեռն եդեալ ՛ի վերայ բերանոյ իմոյ համբուրեցի։

Verse: 28   Link to sept   Ապա այն ՛ի մե́ծ անօրէնութի(ւն) համարեսցի ինձ, զի ստեցի առաջի տ(եառ)ն բարձրելոյ. ՛ի նմանէ է զօրութի(ւն) եւ կար, իմաստութի(ւն) եւ հանճար։

Verse: 29   Link to sept   Եթէ ոտնհա́ր եղէ ՛ի վ(ե)ր(այ) գլորման թշնամւոյ իմոյ, եւ ասացի ՛ի սրտի իմում թէ՝ վա́շ։

Verse: 30   Link to sept   ապա լուիցէ́ ունկն իմ զանէծս իմ. զզուեցայց ապա եւ ես ՛ի ժողովրդենէ իմմէ դսրովեալ։

Verse: 31   Link to sept   Եթէ ասացին զինէն բազում անգամ աղախնայք իմ, ո́ տայր մեզ յագել ՛ի մարմնոց ն(ո)ր(ա). զի յո́յժ քաղցր էի ն(ո)ց(ա)։

Verse: 32   Link to sept   Արտաքոյ ո́չ ագանէր օտար, զի դուռն իմ բա́ց էր ա(մենայ)ն եկելոց։

Verse: 33   Link to sept   Եթէ թաքուցի զմեղս իմ ակամա́յ մեղուցեալ.

Verse: 34   Link to sept   զի ո́չ ամաչէի ՛ի բազմակոյտ ամբոխէ, առ ՛ի չպատմելոյ առաջի նոցա։ Եթէ արձակեցի́ երբէք զտկարն՝ ունայն գոգով ելանել ՛ի դրաց իմոց։

Verse: 35   Link to sept   Ո́ տացէ ինձ լսել եթէ ձեռն տ(եառ)ն չէ́ր զարհուրեցուցեալ։ Կամ թէ մուրհակ՝ զոր ունէի զումեքէ,

Verse: 36   Link to sept   իբրեւ զպսակ ՛ի վերայ ուսոց եդեալ ընթեռնու(թ)ի(ւն)։

Verse: 37   Link to sept   եւ ո՞չ պատառէի զայն եւ անդրէն դարձուցանէի, ո́չինչ առեալ ՛ի պարտականէն։

Verse: 38   Link to sept   Եթէ հեծեաց երբէք երկիր վ(ա)ս(ն) իմ. եթէ ակօսք ն(ո)ր(ա) լացի՞ն առհասարակ։

Verse: 39   Link to sept   եւ եթէ զզօրու(թ)ի(ւն) ն(ո)ր(ա) կերա՞յ միայն առանց գնոց։ Եթէ զանձն տեառն երկրին զայրացուցեալ տրտմեցուցի՞։

Verse: 40   Link to sept   ապա փոխանակ ցորենոյ բուսցի եղի́ճ, եւ փոխանակ գարւոյ՝ մորենի́։



Chapter: 32  
ԳԼ(ՈՒԽ) Լ՜Բ.


Verse: 1   Link to sept Եւ դադարեաց Յոբ ՛ի խօսից։ Լռեցին եւ երեքին բարեկամք ն(ո)ր(ա) այնուհետեւ ՛ի խօսելոյ ընդդէմ յոբայ. քանզի էր յոբ՝ արդա́ր առաջի նոցա։


Verse: 2   Link to sept   Եւ բարկացաւ եղիուս բարաքիելի բուզացի, յազգականու(թեն)է արամայ՝ աշխարհին աւստացւոց, բարկացա́ւ յոբայ յոյժ. զի երեւեցոյց զանձն արդար առաջի տ(եառ)ն։

Verse: 3   Link to sept   Եւ ՛ի վ(ե)ր(այ) երեցուն բարեկամացն բարկացաւ յոյժ, զի ո́չ կարացին տալ պատասխանի ընդդէմ յոբայ. եւ եդեալ զնա լինե́լ ամպարիշտ։

Verse: 4   Link to sept   Եւ եղիուս հանդարտեաց ՛ի տալոյ պատասխանի յոբայ. զի ծերագոյն քան զնա էին աւուրբք։

Verse: 5   Link to sept   Եւ ետես եղիուս եթէ ո́չ գոյ պատասխանի ՛ի բերան երեցունց արանցն, եւ սրտմտեցաւ բարկութի(ւն) ն(ո)ր(ա)։

Verse: 6   Link to sept   Կրկնեալ անդրէն եղիուսայ բարաքիելի բուզացւոյ՝ ասէ́։ Մանո́ւկ եմ ես ժամանակաւ, եւ դուք էք ծերագո́յնք. վասն որոյ լո́ւռ եղէ, երկուցեալ պատմել զանձին իմոյ զիմաստու(թ)ի(ւն)։

Verse: 7   Link to sept   Ասացի թէ բազմաժամանակեայք իցեն որ խօսիցին, եւ բազում ամօք գիտիցեն զիմաստութի(ւն)։

Verse: 8   Link to sept   Եւ ո́չ այնպէս. այլ ոգի́ է մարդկան, եւ շունչ ամենակալի́ է որ ուսուցանէ։

Verse: 9   Link to sept   Ո́չ բազմաժամանակեա́յք են իմաստունք, եւ ո́չ ծերք գիտեն զիրաւունս։

Verse: 10   Link to sept   Վ(ա)ս(ն) որոյ ասացի՝ լուարո́ւք ինձ, եւ պատմեցից ձեզ զոր գիտեմ։

Verse: 11   Link to sept   ունկիդիք բանից իմոց. Ասացից ձեզ լու ՛ի լու, մինչեւ քննիցէք զբանս։

Verse: 12   Link to sept   թէ ձեւք չափ իմանայցեմ։ Եւ ահա ցէ́ր որ յանդիմանէր զյոբ, եւ տայր պատասխանի բանից ն(ո)ր(ա) ՛ի ձէնջ։

Verse: 13   Link to sept   Զի մի́ ասիցէք, գտա́ք զիմաստութի(ւն) ՛ի տ(է)ր յաւելեալք.

Verse: 14   Link to sept   եւ ա́ռն միում համարձակեցէք խօսել բանս այսպիսի։

Verse: 15   Link to sept   Զարհուրեցան՝ եւ ո́չ եւս ետուն պատասխանի. հնացուցին յինքեանց զբանս։

Verse: 16   Link to sept   հանդարտեցին եւ ո́չ խօսեցան. զի կացին եւ ո́չ ետուն պատասխանի։

Verse: 17   Link to sept   Կրկնեալ անդրէն եղիուսայ ասէ։ Դարձեալ խօսեցայց

Verse: 18   Link to sept   զի լի́ եմ բանիւք. քանզի սատակէ́ զիս ոգի որովայնի.

Verse: 19   Link to sept   եւ որովայն իմ իբրեւ զտիկ քաղցուո́յ կապեալ՝ եռայ, կամ իբրեւ զփուքս դարբնաց ուռուցեալ։

Verse: 20   Link to sept   Խօսեցայց զի հանգեայց. բացեա́լ զշրթունս իմ։

Verse: 21   Link to sept   եւ ՛ի մարդոյ ո́չ ամաչեցից, եւ ՛ի մարդկանէ ո́չ պատկառեցից։

Verse: 22   Link to sept   Քանզի ո́չ գիտեմ աչառել երեսաց. ապա թէ ոչ՝ եւ զի́ս ցեց կերիցէ։



Chapter: 33  
ԳԼ(ՈՒԽ) Լ՜Գ.


Verse: 1   Link to sept   Բայց աղէ դու յոբ՝ լո́ւր զբանս իմ, եւ ո́ւնկն դիր խօսից իմոց։

Verse: 2   Link to sept   Ահաւասիկ բացի զբերան իմ, եւ խօսեցա́ւ լեզու իմ։

Verse: 3   Link to sept   Սո́ւրբ է սիրտ իմ բանիւք. իմաստու(թ)ի(ւն) շրթանց իմոց յստա́կ իմասցի։

Verse: 4   Link to sept   Հոգի ա(ստուա)ծեղէ́ն է որ արար զիս՝ եւ շունչ ամենակալի է որ ուսուցանէ զիս։

Verse: 5   Link to sept   Եթէ կարօ́ղ ես տո́ւր ինձ առ այս պատասխանի. ապա թէ ոչ՝ հանդա́րտ լեր.

Verse: 6   Link to sept   կա́ց ընդ իս՝ եւ ես ընդ քեզ։ ՛Ի կաւոյ կազմեալ ես եւ դու իբրեւ զիս, անդըստին կազմեալ եմք։

Verse: 7   Link to sept   Արդ՝ մի́ ահ իմ զարհուրեցուսցէ զքեզ, եւ մի́ ձեռն իմ ծանրասցի ՛ի վ(ե)ր(այ) քո։

Verse: 8   Link to sept   Սակայն խօսեցար յականջս իմ, եւ զբարբառ բանից քոց լուա́յ։

Verse: 9   Link to sept   զի ասացեր թէ սո́ւրբ եմ, եւ ո́չ մեղայ. անարա́տ եմ զի ո́չ անօրինեցի։

Verse: 10   Link to sept   Մեղադրու(թ)ի(ւն) եգիտ զինէն, համարեցաւ զիս իբրեւ զհակառակորդ։

Verse: 11   Link to sept   ե́դ ՛ի կոճեղ զոտն իմ. պահեաց զա(մենայ)ն ճանապարհս իմ։

Verse: 12   Link to sept   Զիա՞րդ ասես թէ արդա́ր եմ, եւ ո́չ լուաւ ինձ. զի յաւիտենական է որ ՛ի վ(ե)ր(այ) մարդկան է։

Verse: 13   Link to sept   Եւ ասես՝ թէ ընդէ՞ր տակաւին դատաստանի իմում ոչ լուաւ։ ա(մենայ)ն բանի

Verse: 14   Link to sept   ՛ի միում նուագի խօսեսցի տ(է)ր։ եւ յերկրորդումն Երազով,

Verse: 15   Link to sept   կամ զբազմամբ գիշերականաւ. յորժամ անկանիցին արհաւիրք անհնարինք ՛ի վ(ե)ր(այ) մարդկան՝ նիրհմա́մբ յանկողնի.

Verse: 16   Link to sept   յայնժամ յայտնին միտք մարդկան։ Այնպիսի տեսլեամբ ահի զարհուրեցո́յց զն(ո)ս(ա)։

Verse: 17   Link to sept   դարձուցանել զմարդ յանիրաւութ(են)է, եւ զմարմին ն(ո)ր(ա) փրկեաց ՛ի կործանմանէ։

Verse: 18   Link to sept   Խնայեաց զանձն ն(ո)ր(ա) ՛ի մահուանէ, չանկանել նմա ՛ի պատերազմի։

Verse: 19   Link to sept   Դարձեալ կշտամբեա́ց զնա Հիւանդու(թեամ)բ անկողնի. եւ զբազմակոյտ ոսկերաց ն(ո)ր(ա) ընդարմացոյց։

Verse: 20   Link to sept   ա(մենայ)ն ուտելի կերակրոց ո́չ կարասցէ ակն ունել. եւ անձն ն(ո)ր(ա) ցանկասցի կերակրոց,

Verse: 21   Link to sept   մինչեւ նեխեսցին մարմինք ն(ո)ր(ա), եւ ցուցցէ զոսկերս ն(ո)ր(ա) սո́սկ։

Verse: 22   Link to sept   Մերձեցաւ ՛ի մահ անձն ն(ո)ր(ա), եւ կեանք ն(ո)ր(ա) ՛ի դժոխս։

Verse: 23   Link to sept   Եթէ իցեն հազա́ր հրեշտակք մահաբերք, մի ՛ի ն(ո)ց(ա)նէ զնա մի́ խոցեսցէ։

Verse: 24   Link to sept   եթէ իմասցի սրտիւ իւրով դառնալ առ տ(է)ր։ Պատմեսցէ մարդ զվնաս իւր, եւ ցուցցէ զանմտու(թ)ի(ւն) իւր։ պաշտպանեսցէ առ ՛ի չանկանելոյ նմա ՛ի մահ։

Verse: 25   Link to sept   Նորոգեսցէ́ զմարմին ն(ո)ր(ա) իբրեւ զծեփ որմոյ, եւ ոսկերք ն(ո)ր(ա) լցցին ուղղով։ Փափկացուսցէ զմարմին ն(ո)ր(ա) իբրեւ զտղայոյ. հաստատեսցէ զնա երիտասարդացեալ ՛ի մէջ մարդկան։

Verse: 26   Link to sept   Յաղաչել իւրում առ տ(է)ր ընդունելի́ եղիցի նմա. մտցէ լուրջ երեսօք դաւանութե(ան), հատուսցէ մարդկան զարդարու(թ)ի(ւն)։

Verse: 27   Link to sept   Ապա մեղադի́ր լիցի մարդ՝ ինքն ցի́նքն ասիցէ. թէ զորպիսիս վճարէի, եւ ո́չ արժանի ըստ որոց մեղա́յն պատժեաց զիս։

Verse: 28   Link to sept   Փրկեա́ց զանձն իմ զի մի́ մտցէ յապականութի(ւն), եւ կեանք իմ տեսցե́ն զլոյս։

Verse: 29   Link to sept   Ահա զայս ա(մենայ)ն գործէ հզօրն. երիս ճանապարհս ընդ առն։

Verse: 30   Link to sept   Այլ փրկեա́ց զանձն իմ ՛ի մահուանէ. զի կեանք իմ ՛ի լոյս օրհնեսցեն զնա։

Verse: 31   Link to sept   Ո́ւնկնդիր յոբ եւ լո́ւր ինձ, կարկեա́ց եւ ե́ս խօսեցայց։

Verse: 32   Link to sept   Եթէ գուցէ́ բան՝ տո́ւր ինձ պատասխանի. քանզի կամի́մ թէ արդարասցիս։

Verse: 33   Link to sept   Ապա թէ ոչ՝ լո́ւր ինձ դու, կարկեաց՝ եւ ուսուցից քեզ զիմաստու(թ)ի(ւն)։



Chapter: 34  
ԳԼ(ՈՒԽ) Լ՜Դ.


Verse: 1   Link to sept Կրկնեալ անդրէն Եղիուսայ ասէ́։


Verse: 2   Link to sept    Լուարո́ւք ինձ իմաստունք, ունկնդի́ր լերուք հանճարեղք։

Verse: 3   Link to sept   Զի ունկն զբանս քննէ, եւ կոկորդ զկերակո́ւրս ճաշակէ։

Verse: 4   Link to sept   Ընտրեսցո́ւք մեզ դատաստան. եւ գիտասցուք ՛ի միջի մերում թէ բարի́ է։

Verse: 5   Link to sept   Զի ասաց յոբ թէ արդա́ր եմ ես, եւ տ(է)ր զընկէց զիրաւունս իմ,

Verse: 6   Link to sept   եւ ստեաց դատաստանի իմում. բռնու(թեամ)բ է նետս իմ առանց անիրաւու(թ)ե(ան)։

Verse: 7   Link to sept   Ո́վ է իբրեւ զյոբ՝ որ ըմպէ զարհամարհանս իբրեւ զջուր։

Verse: 8   Link to sept   Ոչ մեղուցեալ՝ եւ ոչ ամպարշտեալ, կամ հաղորդեալ ճանապարհի որոց գործեն զանօրէնութի(ւն), գնա́լ ընդ ամպարիշտս։

Verse: 9   Link to sept   Մի́ ասիցես չի́ք այցելութի(ւն) ՛ի վ(ե)ր(այ) առն, եւ այցելու(թ)ի(ւն) նմա ՛ի տ(եառն)է։

Verse: 10   Link to sept   Վ(ա)ս(ն) որոյ հանճարեղք սրտիւք լուարո́ւք ինձ։ Մի́ լիցի ինձ ամպարշտել առաջի տ(եառ)ն, եւ առաջի ամենակալին աղմկել զիրաւունս։

Verse: 11   Link to sept   Այլ հատուսցէ մարդոյ ըստ իւրաքանչիւր գործոց ն(ո)ց(ա), եւ ՛ի ճանապարհի առն գտցէ զնա։

Verse: 12   Link to sept   Համարիցիս զտ(եառն)է անկա՞րգս ինչ առնել. կամ թէ ամենակալն պղտորիցէ՞ զիրաունս։

Verse: 13   Link to sept   Ո́ արար զերկիր. ո́ է որ արար զառ ՛ի ներքոյս երկնից, եւ զա(մենայ)ն որ ՛ի միջոցի։

Verse: 14   Link to sept   Եթէ կամեսցի պնդել եւ զշունչ առ ինքեան արգելուլ.

Verse: 15   Link to sept   վախճանեսցի ա(մենայ)ն մարմին առհասարակ, եւ ա(մենայ)ն մարմին ՛ի հո́ղ դարձցի ուստի եւ ստեղծաւ։

Verse: 16   Link to sept   Ապա թէ ոչ խրատեսցիս, լո́ւր զայս՝ ո́ւնկնդիր բարբառոյ բանից իմոց։

Verse: 17   Link to sept   Եթէ դու ո́չ համարիցիս զայն որ ատեայ զանիրաւութի(ւն), եւ կորուսանէ զչարիս։ արդ արք յաւիտեան կեան։ Ամպարի́շտ է

Verse: 18   Link to sept   որ ասէ ցթագաւոր թէ անիրա́ւ ես։ ամպարշտագոյն քան զիշխանս,

Verse: 19   Link to sept   որ ո́չ պատկառեաց ՛ի պատուական երեսաց։ եւ ո́չ գիտաց պատի́ւ դնել եւ մեծարել զերեսս ն(ո)ց(ա)։

Verse: 20   Link to sept   Ընդունա́յն լիցի ն(ո)ց(ա) աղաղակելն եւ աղաչել զայլս. զի վարեցան անօրէնութ(եամ)բ խոտորեցուցանե́լ զտկարս։

Verse: 21   Link to sept   Զի ի́նքն է տեսօղ գործոց մարդկան. եւ ղօղեաց ինչ ո́չ ՛ի նմանէ՝ զոր գործեցին։

Verse: 22   Link to sept   Եւ չի́ք տեղի թաքչելոյ այնոցիկ՝ որ գործեն զանօրէնութի(ւն).

Verse: 23   Link to sept   զի ո́չեւս դիցէ ՛ի վ(ե)ր(այ) առն. քանզի տ(է)ր զամենեսեան տեսանէ։

Verse: 24   Link to sept   Որ հասանէ անքննականաց, փառաւորաց եւ հրաշակերտաց՝ որոց ո́չ գոյ թիւ։

Verse: 25   Link to sept   Որ ճանաչէ զգո́րծս ն(ո)ց(ա), եւ դարձուցանէ ՛ի գիշեր. եւ խոնարհեսցին։

Verse: 26   Link to sept   Շիջո́յց զամպարիշտս. մատնցո́յցք եղեն առաջի թշնամեաց իւրեանց։

Verse: 27   Link to sept   Զի խոտորեցան յիրաւանց ա(ստուծո)յ, եւ զիրաւունս ն(ո)ր(ա) ո́չ ծանեան։

Verse: 28   Link to sept   Ածե́լ զնովաւ զաղաղակ տնանկի. եւ զբողոք աղքատաց լուիցէ։

Verse: 29   Link to sept   Եւ ինքն տացէ լռու(թ)ի(ւն), եւ ո́ պատժեսցէ զնա։ եւ ծածկեսցէ զերեսս՝ եւ ո́ տեսանիցէ զնա։ եւ ազգաց եւ մարդկան միանգամայն։

Verse: 30   Link to sept   Թագաւորեցուցանէ զայր կեղծաւոր՝ վ(ա)ս(ն) խստութե(ան) ժողովրդեան։

Verse: 31   Link to sept   Զի որ ասէ ընդդէմ հզօրին՝ թէ առի́ եւ գրաւեցի առանց քո։

Verse: 32   Link to sept   եթէ տեսեր՝ ցոյց ինձ. եւ եթէ անիրաւու(թ)ի(ւն) արարի, այլ ո́չ յաւելից։

Verse: 33   Link to sept   Միթէ ՛ի քէ́ն ոք պահանջիցէ զայն, զի́ մերժես. դո́ւ ընտրեցեր՝ եւ ո́չ ես. եւ եթէ գիտիցես ինչ՝ խօսեա́ց։

Verse: 34   Link to sept   Վ(ա)ս(ն) որոյ հանճարեղք սրտիւք խօսեսցին զայս. եւ ա́յր իմաստուն լուաւ զայս։

Verse: 35   Link to sept   Բայց յոբ՝ ո́չ իմաստութ(եամ)բ խօսեցաւ, եւ բանք ն(ո)ր(ա) ո́չ են հանճարով։

Verse: 36   Link to sept   Բայց սակայն ուսի́ր յոբ. եւ մի́ տացես տակաւին պատասխանի իբրեւ զանզգամ. զի մի́ յաւելուցուք ՛ի մեղս ձեր. եւ անօրէնու(թ)ի(ւն) համարեալ լիցի ձեզ ՛ի բազում բա́նս խօսելոյ առաջի տ(եառ)ն։



Chapter: 35  
ԳԼ(ՈՒԽ) Լ՜Ե.


Verse: 1   Link to sept Կրկնեալ անդրէն Եղիուսայ ասէ́։


Verse: 2   Link to sept    Զի՞նչ իրաւունս համարեցար զայդ։ ո́վ ես դու զի ասես թէ արդա́ր եմ առաջի տ(եառ)ն.

Verse: 3   Link to sept   եւ կամ ասես թէ մեղայ, զի՞նչ արարից։

Verse: 4   Link to sept   Ե́ս տաց քեզ պատասխանի, եւ երեցուն բարեկամացդ քոց։

Verse: 5   Link to sept   Հայեա́ց յերկինս եւ տե́ս։ նշմարեա́ զամպս՝ ո՞րչափ բա́րձր են ՛ի քէն։

Verse: 6   Link to sept   եթէ մեղար՝ զի՞նչ գործեսցես, եւ եթէ բազում անօրինեցա́ր՝ զի՞նչ կարօղ ես առնել։

Verse: 7   Link to sept   Արդ եթէ արդար իցես՝ զի՞նչ տացես նմա, կամ զի՞նչ առցէ ՛ի ձեռաց քոց։

Verse: 8   Link to sept   Առն նմանոյ քեզ ամպարշտութի(ւն)ն քո, եւ որդւոյ մարդոյ արդարու(թ)ի(ւն)ն քո։

Verse: 9   Link to sept   ՛Ի բազմու(թեն)է զպարտեալք աղաղակեսցեն ՛ի բազկէ բազմաց։

Verse: 10   Link to sept   եւ ո́չ ասաց՝ թէ ուր է ա(ստուա)ծ որ արար զայս։ Որ պահէ զպահս գիշերականս.

Verse: 11   Link to sept   որ մեկնէ զիս ՛ի չորքոտանեաց երկրի՝ եւ ՛ի թռչնոց երկնից։

Verse: 12   Link to sept   Ա́նդ աղաղակեսցեն՝ եւ մի́ լուիցես. զի այն պատահումն ՛ի հպարտութ(են)է չարեա́ց է.

Verse: 13   Link to sept   զի զանկարգութի(ւն)ս տեսանել տ(է)ր ո́չ կամի։ Զի ինքն ամենակալն՝ տեսանօղ է այնոցիկ՝ որ կատարեն զանօրէնութի(ւն), եւ փրկեսցէ́ զիս։

Verse: 14   Link to sept   Դատեա́ց առաջի ն(ո)ր(ա), եթէ կարասցես գովել զնա ո(ր)պ(էս) էն։

Verse: 15   Link to sept   Եւ արդ քանզի չէ́ որ կրեաց զբարկութի(ւն) ն(ո)ր(ա), եւ ո́չ որ գիտաց զյանցանս իւր յոյժ։

Verse: 16   Link to sept   Ապա ուրեմն յոբ՝ զո́ւր բանայ զբերան իւր, եւ ծանրացուցանէ անգիտու՝բ զբանս։



Chapter: 36  
ԳԼ(ՈՒԽ) Լ՜Զ.


Verse: 1   Link to sept Կրկնեալ անդրէն Եղիուսայ ասէ́։


Verse: 2   Link to sept    Մնա́ ինձ տակաւին սակաւիկ մի, զի ուսուցից քեզ զոր դու ո́չ գիտես. զի տակաւին գոյ յիս բանք.

Verse: 3   Link to sept   առեալ ՛ի հեռաստանէ զհանճա́ր իմ։ Արգեամբք զիրաւունս իմ խօսեցայց

Verse: 4   Link to sept   ճշմարտու(թեամ)բ, եւ ո́չ անիրաւ բանս տարապարտուց իմացեալ։

Verse: 5   Link to sept   Գիտեա́ զի տ(է)ր ո́չ մերժէ զանմեղն։ Հզօ́ր է զօրու(թեամ)բ։

Verse: 6   Link to sept   ՛ի սիրտ ամպարշտի ո́չ կենդանացուսցէ. եւ իրաւունս տացէ աղքատի։

Verse: 7   Link to sept   Ո́չ արկցէ զաչս իւր յարդարոյ։ եւ որ գտանի առաջի ն(ո)ր(ա)՝ ընդ թագաւո́րս է յաթոռ. եւ նստուսցէ զն(ո)ս(ա) ՛ի սպառ՝ եւ բարձրասցին։

Verse: 8   Link to sept   Եւ չարք կապեալք ձեռակապօք՝ վարակեսցին տոռամբք տնանկութե(ան)։

Verse: 9   Link to sept   Եւ պատմեսցէ ն(ո)ց(ա) զգործս ն(ո)ց(ա), եւ զյանցանս ն(ո)ց(ա) թէ զօրացան։

Verse: 10   Link to sept   Եւ արդարոյն լուիցէ, եւ ասասցէ՝ զի դարձցին յանիրաւութ(են)է։

Verse: 11   Link to sept   Եթէ լուիցեն՝ եւ ծառայեսցեն նմա, կատարեսցե́ն զաւուրս իւրեանց ՛ի բարու(թ)ե(ան), եւ զամս իւրեանց ՛ի վայելչութի(ւն)ս։

Verse: 12   Link to sept   Բայց զամպարիշտս ո́չ կեցուսցէ, զի ո́չ կամեցան նոքա ճանաչել զտ(է)ր. եւ զի խրատեալք եւ անհնազանդք էին։

Verse: 13   Link to sept   Կեղծաւորք սրտիւք գրգռեսցեն զսրտմտու(թ)ի(ւն). ո́չ գուժեսցեն զի կապեաց զն(ո)ս(ա)։

Verse: 14   Link to sept   Մեռցի յերիտասարդու(թ)ի(ւն) անձն ն(ո)ց(ա). եւ կեանք ն(ո)ց(ա) խոցոտեալք ՛ի հրեշտակաց։

Verse: 15   Link to sept   Փոխանակ զի նեղեցին զտկա́րն եւ զանզօրն։ Եւ իրաւունս հեզոց հանցէ.

Verse: 16   Link to sept   եւ զերծոյց զքեզ ՛ի բերանոյ թշնամւոյ։ Անդունդք որոյ տարածումն ՛ի ներքոյ իւր. եւ էջ սեղան քո լի պարարտու(թեամ)բ։

Verse: 17   Link to sept   Մի́ պակասեսցեն իրաւունք արդարոյ. սրտմտու(թ)ի(ւն) ՛ի վ(ե)ր(այ) ամպարշտաց հասցէ.

Verse: 18   Link to sept   վ(ա)ս(ն) ամպարշտութե(ան) կաշառաց՝ զոր ընդունէին անիրաւութ(եամ)բ։

Verse: 19   Link to sept   Մի́ թիւրեսցեն զքեզ միտք կամակորութե(ան) խնդրուածոց՝ յորժամ ՛ի վի́շտս իցեն տկարք։ Եւ զա(մենայ)ն զօրաւորս զօրութ(եամ)բ.

Verse: 20   Link to sept   մի́ ձգեսցես ՛ի գիշերի ելանել ժողովրդոց փոխանակ ն(ո)ց(ա)։

Verse: 21   Link to sept   այլ զգո́յշ լեր, գուցէ գործեսցես զանպատեհս։ Քանզի զնա փրկեցեր յաղքատու(թեն)է։

Verse: 22   Link to sept   ահա հզօրն զօրացուսցէ զօրու(թեամ)բ իւրով։ Քանզի ո՞վ է իբրեւ զնա զօրաւոր.

Verse: 23   Link to sept   կամ ո՞վ է որ քննէ զգործս ն(ո)ր(ա). կամ ո́վ է որ ասիցէ, անիրա́ւս գործեաց զոր գործեաց։

Verse: 24   Link to sept   Յիշեա́ զի մեծամեծ են գործք ն(ո)ր(ա), զոր սկսան արք արդարք։

Verse: 25   Link to sept   Ամ(ենայն) մարդ ետես ինքեամբ, ո́րչափ խոցոտեալ են մարդիկ։

Verse: 26   Link to sept   Ահա հզօրն սաստի́կ է, ո́չ իմասցուք։ թի́ւք ամաց ն(ո)ր(ա) անսպառ։

Verse: 27   Link to sept   Թուեալ են նմա շիթք անձրեւի, եւ զեղցին անձրեւով յամպս։

Verse: 28   Link to sept   Բղխեսցեն հնացեալք։ հովանեցոյց զամպս ՛ի վերայ անբա́ւ մարդկան, միգացին ՛ի վ(ե)ր(այ) բազում մարդկան։ Ժամանա́կ եդ անասնոց. եւ գիտեն զկարգս ծննդեան։ ՛Ի վ(ե)ր(այ) այսր ա(մենայ)նի ո՞չ իցեն զարմացեալ միտք քո, ո՞չ սարսիցէ սիրտ քո ՛ի մարմնի քում. զի արար զմեծամեծս զոր ո́չ գիտէաք։ Հրաման տայ ձեան թէ լե́ր ՛ի վերայ երկրի. եւ ձմերայնւոյ անձրեւաց զզորութի(ւն)ս իւրեանց։ ՛Ի ձեռն ա(մենայ)ն մարդոյ կնքէ, զի ծանիցէ ա(մենայ)ն մարդ զիւր տկարու(թ)ի(ւն)։

Verse: 29   Link to sept   Եթէ իմանայցե՞ս զտարածանել ամպոց, զհաւասարու(թ)ի(ւն) խորանի ն(ո)ր(ա)։

Verse: 30   Link to sept   Ա́հ ձգէ ՛ի վ(ե)ր(այ) ն(ո)ր(ա) ճանապարհաւ, զարմատս ծովու ծածկեաց։

Verse: 31   Link to sept   զի նոքօք դատեսցի զժողովուրդս։ տացէ կերակուր զօրացելոյն։

Verse: 32   Link to sept   ՛Ի ձե́ռս ծածկեաց զլոյս. եւ ետ պատուէր վ(ա)ս(ն) ն(ո)ր(ա) պատահելոյ։

Verse: 33   Link to sept   Պատմեսցէ́ զնա բարեկամաց իւրոց, եւ զստացուածոց եւ զանիրաւութ(են)է։



Chapter: 37  
ԳԼ(ՈՒԽ) Լ՜Է.


Verse: 1   Link to sept   Եւ ՛ի վ(ե)ր(այ) այնորիկ խռովեցաւ սիրտ իմ, եւ ծորեաց ՛ի տեղւոջէ իւրմէ։

Verse: 2   Link to sept   Լո́ւր զլուր զբարկութե(ան) սրտմտու(թ)ե(ան) տ(եառ)ն. եւ խորհուրդ ՛ի բերանոյ ն(ո)ր(ա) ելցէ։

Verse: 3   Link to sept   ՛Ի ներքոյ ա(մենայ)ն երկնից իշխանու(թ)ի(ւն) ն(ո)ր(ա). եւ լոյս ն(ո)ր(ա) ՛ի վ(ե)ր(այ) ծագաց երկրի։

Verse: 4   Link to sept   Զկնի ն(ո)ր(ա) գոչեսցէ բարբառ. որոտայցէ ձայնիւ բարձրութե(ան) իւրոյ. եւ ո́չ փոխանակեսցէ զն(ո)ս(ա). զի լսելի արասցէ զձայն իւր.

Verse: 5   Link to sept   եւ որոտասցէ հզօրն սքանչելի́ բարբառով իւրով։ քանզի արա́ր մեծս՝ զոր ո́չ գիտէաք։

Verse: 6   Link to sept   Հրաման տայ ձեան թէ լե́ր յերկրի։ եւ ձմերայնոյ անձրեւաց ըստ զօրութե(ան) իւրեանց։

Verse: 7   Link to sept   ՛ի ձեռին ա(մենայ)ն մարդոյ կնքէ, զի ծանիցէ ա(մենայ)ն մարդ զի́ւր տկարութի(ւն)։

Verse: 8   Link to sept   Մտին գազանք ՛ի դադարս, ղօղեցին ՛ի խշտիս։

Verse: 9   Link to sept   ՛ի շտեմարանաց ելանեն ցօղք, եւ ՛ի բարձուանդակաց ցուրտ.

Verse: 10   Link to sept   եւ ՛ի շնչելոյ հզօրին տացէ սառամանիս։ Յեղյեղու զջուրս ո(ր)պ(էս) եւ կամի.

Verse: 11   Link to sept   եւ զընտիր ամպ ցանեսցէ։ Ցրուէ́ մէգ զլոյս ն(ո)ր(ա).

Verse: 12   Link to sept   եւ ինքն դարձուսցէ զշրջանակս։ Ուր կամեցաւ՝ ե́դ զգործ ն(ո)ց(ա). եւ զա(մենայ)ն ինչ զոր հրամայեսցէ ն(ո)ց(ա). սոքա կարգեալ են առ ՛ի նմանէ ՛ի վ(ե)ր(այ) երկրի։

Verse: 13   Link to sept   եթէ ՛ի խրա́տ, եւ եթէ յերկեւղ, եթէ յողորմու(թ)ի(ւն)՝ գտցեն զնա։

Verse: 14   Link to sept   Ո́ւնկն դիր այսմիկ յոբ՝ կա́ց եւ խրատեա́ց զզօրու(թ)ի(ւն) տ(եառ)ն։

Verse: 15   Link to sept   Գիտեմք զի ա(ստուա)ծ եդ զգործս իւր. լո́յս արար խաւարի։

Verse: 16   Link to sept   Գիտէ́ զքննու(թ)ի(ւն) ամպոց։ արհաւի́րք են յանցանք չարագործաց։

Verse: 17   Link to sept   Եւ քո՝ ջերմ պատմուճան հանդարտեալ կայ ՛ի վ(ե)ր(այ) երկրի։ ՛Ի հարաւոյ

Verse: 18   Link to sept   հաստատեսցես ընդ նմա ՛ի հնութի(ւն)ս, զօրացուցանել իբրեւ զտեսիլ եղեման։

Verse: 19   Link to sept   Բայց ընդէ՞ր իսկ՝ աղէ́ ուսո́ զիս. զի՞նչ ասասցուք նմա, եւ դադարեսցուք ՛ի բազումս խօսելոյ։

Verse: 20   Link to sept   Միթէ մատեա՞ն կամ դպի՞ր մերձ կայցէ առիս, զի զմարդկան գրեալ լռեցուցից։

Verse: 21   Link to sept   Ո́չ ամենեցուն է լոյս տեսանելի։ փայլածո́ւն է ՛ի հնու(թ)ի(ւն)ս, ո(ր)պ(էս) որ ՛ի նմանէն ՛ի վերայ ամպոց։

Verse: 22   Link to sept   ՛Ի հիւսւսոյ ա́մպ ոսկէճաճանչ. ՛ի վ(ե)ր(այ) այսոցիկ մե́ծ են փառք եւ պատիւ ամենակալին.

Verse: 23   Link to sept   եւ ոչ գտանեմք զայլ ոք նմանօղ զօրութե(ան) ն(ո)ր(ա)։ որ զարդարն դատի՝ ո՞չ համարիցիս լսել նմա։

Verse: 24   Link to sept   Վասն որոյ երկիցե́ն ՛ի նմանէ մարդիկ, երկիցեն ՛ի նմանէ եւ իմաստունք սրտիւք։



Chapter: 38  
ԳԼ(ՈՒԽ) Լ՜Ը.


Verse: 1   Link to sept Յետ դադարելոյ Եղիուսայ ՛ի խօսելոյ, ասէ տ(է)ր ցյոբ ՛ի մրրկէ եւ յամպոյ։


Section: 12 

Verse: 2   Link to sept   Ո՞ է դա՝ որ թաքուցանէ յինէն զխորհուրդս, ժողովեալ զբանս ՛ի սրտի. եւ համարի յինէն թաքուցանել։

Verse: 3   Link to sept   Պնդեա́ իբրեւ այր զմէջ քո, հարցից զքեզ՝ եւ տո́ւր ինձ պատասխանի։

Verse: 4   Link to sept   Ո՞ւր էիր մինչ ես հիմունս արկանէի երկրի։ պատմեա́ ինձ եթէ խելամո́ւտ ես հանճարոյ։

Verse: 5   Link to sept   Ո՞վ եդ զչա́փ դորա թէ գիտիցես. կամ ո՞վ արկ ՛ի վ(ե)ր(այ) դորա լար։

Verse: 6   Link to sept   Յէ՞ր վ(ե)ր(այ) հաստատեցան աղխք դորա։ ո՞վ է որ արկ զվէմն անկեան ՛ի դմա։

Verse: 7   Link to sept   Յորժամ եղեն աստեղք ծերք, ա(մենայ)ն հրեշտակք աստեղած օրհնեցին զիս մեծաձայն. եւ ա(մենայ)ն հրեշտակք իմ գովեցին։

Verse: 8   Link to sept   Փակեցի́ զծով դրամբք, յորժամ ծնաւ յորովայնէ մօր իւրոյ ելանել։

Verse: 9   Link to sept   Եդի́ նմա զմէգ ՛ի հանդերձ, եւ զմառախուղ նմա ՛ի խանձարուրս։

Verse: 10   Link to sept   Եդի́ նմա սահմանս՝ եդեալ փականս եւ դրունս։

Verse: 11   Link to sept   Ասացի՝ ցա́յդ վայր եկեսցես՝ եւ այլ մի́ անցանիցես, այլ այդրէն ՛ի քեզ խորտակեսցին ալիք քո։

Verse: 12   Link to sept   Եթէ առ քեւ՞ կարգեցի զլոյսն առաւօտին։ Արուսեակն ետե́ս զկարգ իւր

Verse: 13   Link to sept   հասանել ՛ի վ(ե)ր(այ) թեւոց երկրի։ թօթափե́լ զամպարիշտս ՛ի նմանէ։

Verse: 14   Link to sept   Կամ թէ քո՞ առեալ զհողն կաւ՝ ստեղծեր կենդանի՝ եւ խօսուն եդիր զնա յերկրի։

Verse: 15   Link to sept   Եւ մերժեցե՞ր զլոյսն յամպարշտաց, զբազուկս ամբարտաւանից խորտակեցե՞ր։

Verse: 16   Link to sept   Հասեա՞լ իցես յակն ծովու, եւ ընդ հետս անդնդոց շրջեցա՞ր։

Verse: 17   Link to sept   Բանայցե՞ն քեզ ահիւ դրունք մահու։ բարապանաց դժոխոց ՛ի տեսանել զքեզ սարսիցե՞ն։

Verse: 18   Link to sept   Խելամո՞ւտ իցես լայնու(թ)ե(ան) առ ՛ի ներքոյ երկնիցս։ աղէ՝ պատմեա́ ինձ ո՞րչափ իցէ։

Verse: 19   Link to sept   Զի՞նչ երկիր իցէ յորում լոյսն ագանիցի, կամ զի՞նչ տեղի խաւարի։

Verse: 20   Link to sept   Տանիցի՞ս զիս ՛ի սահմնանս ն(ո)ց(ա). եթէ խելամո՞ւտ իցես շաւղաց ն(ո)ց(ա)։

Verse: 21   Link to sept   Թերեւս գիտիցե՞ս՝ եւ ընդ ա́յն ժամանակս իսկ ծնեալ իցես. եւ թիւ աւուրց քոց բազում իցէ։

Verse: 22   Link to sept   Երթեա՞լ իցես ՛ի շտեմարանս ձեան։ եւ զգանձս կարկտի տեսեա՞լ իցես։

Verse: 23   Link to sept   Համբարեա՞լ կայցէ քեզ ՛ի ժամանակս թշնամեաց, յօր մարտի եւ պատերազմի։

Verse: 24   Link to sept   Ուստի՞ ելանիցէ եղեամն. կամ սփռեսցի հարա́ւ ՛ի ներքոյ երկնից։

Verse: 25   Link to sept   Ո՞ պատրաստեաց զհոսանս սաստիկս անձրեւաց, եւ զճանապարհս ամպրոպաց տեղեալ յերկիր

Verse: 26   Link to sept   ուր ո́չ գոյ մարդ յանապա́տ յանմարդի,

Verse: 27   Link to sept   յագեցուցանել զանկոխն եւ զանշէն, եւ բղխեցուցանել զբոյս դալարոյ։

Verse: 28   Link to sept   Ո՞ է հայր անձրեւի, եւ ո՞վ է որ ծնաւ զշաղս ցօղոյ։

Verse: 29   Link to sept   Յո՞յր արգանդէ ելանէ սառն, եւ զեղեամն ո՞ ծնաւ յերկինս՝

Verse: 30   Link to sept   որ իջանէ իբրեւ զջուր ծորեալ։ եւ զերեսս երկնից ո՞ հալեաց։

Verse: 31   Link to sept   Խելամո՞ւտ իցես կարգի բազմաստեղաց. եւ քո բացեա՞լ իցէ զպատրուակ հայկին։

Verse: 32   Link to sept   Կամբանայցես զմազարովթն ՛ի ժամանակի իւրում։ եւ զգիշերավարն ՛ի վերայ վարսից իւրոց ածիցե՞ս ընդ ն(ո)ս(ա)։

Verse: 33   Link to sept   Գիտիցե՞ս զշրջանակս երկնից, կամ առհասարակ զլեալսն ՛ի ներքոյ երկնից։

Verse: 34   Link to sept   Կոչիցե՞ս զմէգ բարբառով. եւ գողութ(եամ)բ լի́ սաստիկ ջրով լուիցէ քեզ։

Verse: 35   Link to sept   Արձակիցե՞ս շանթս՝ եւ գնայցեն. եւ ասիցեն ցքեզ թէ զի՞նչ է։

Verse: 36   Link to sept   Ո՞վ ետ կանանց իմաստութի(ւն) ոստայնանկու(թ)ե(ան)՝ կամ հանճար նկարակերտութե(ան)։

Verse: 37   Link to sept   Ո՞ թուէ զամպս իմաստու(թեամ)բ, եւ զերկինս յերկիր խոնարհեցոյց։

Verse: 38   Link to sept   եւ հեղեալ կայ իբրեւ զհող փոշի. մածուցի զնա իբրեւ զվիմաւ խորանարդ։

Verse: 39   Link to sept   Որսայցե՞ս առիւծուց կերակուր. եւ զանձինս վիշապաց յագեցուցանիցե՞ս։

Verse: 40   Link to sept   Սարսեցին ՛ի խշտիս իւրեանց. եւ նստիցին դարանակալք ՛ի մայրիս։

Verse: 41   Link to sept   Ո՞ պատրաստեաց ագռաւուց կերակուր՝ զի ծագք ն(ո)ր(ա) առ տ(է)ր աղաղակեցին. մոլորեալք խնդրեն կերակուր։



Chapter: 39  
ԳԼ(ՈՒԽ) Լ՜Թ.


Verse: 1   Link to sept   Եթէ գիտիցե՞ս զժամանակ ծննդեան յամուրաց քարանձաւաց։ զգուշանայցես երկանց եղանց։

Verse: 2   Link to sept   Թուիցե՞ս լիով զամիսս ծննդեան ն(ո)ց(ա). լուծանիցե՞ս զերկունս ն(ո)ց(ա)։

Verse: 3   Link to sept   Սնուցանիցե՞ս զմանուկս ն(ո)ց(ա) առանց երկիւղի։ մերժիցես ՛ի նոցանէ զերկունս։

Verse: 4   Link to sept   Փրծանիցի՞ն որդիք ն(ո)ց(ա)։ բազմանայցե՞ն ՛ի ծննդեան իւրեանց. ելանիցեն՝ եւ անդրէն ո́չ կրկնիցին։

Verse: 5   Link to sept   Ո՞ եթող զցիռ՝ ազատացեալ։ ո՞վ ելոյծ զկապանս ն(ո)ր(ա)։

Verse: 6   Link to sept   Եդ ՛ի նմա կապանս զառապարս, եւ բնակութի(ւն) նմա զաղտաղտուկս։

Verse: 7   Link to sept   Ծա́ղր առնէ զբազմամբոխ քաղաքաց, եւ զբամբասանս հարկահանաց ո́չ լսէ.

Verse: 8   Link to sept   դիտէ զլերինս արօտի իւրոյ. եւ զհետս ա(մենայ)ն դալարւոյ շրջի խնդրել։

Verse: 9   Link to sept   Եթէ կամիցի քեզ միեղջուրուն ծառայել, կամ հանգչել առ մսուր քո.

Verse: 10   Link to sept   կապիցե՞ս սամետիւք լո́ւծ նմա, կամ ձգիցէ՞ ակօս ՛ի դաշտի քում։

Verse: 11   Link to sept   Յուսայցե՞ս ՛ի նա՝ զի բազում է զօրութի(ւն) ն(ո)ր(ա). եւ թողուցո՞ւս ՛ի նա զա(մենայ)ն գործս քո։

Verse: 12   Link to sept   Հաւատասցե՞ս եթէ հատուցանիցէ քեզ զսերմանիս. եւ ամփոփիցէ զկալ քո։

Verse: 13   Link to sept   Թեւք թռուցելոց նէեղասաց։ եթէ յղասցի՞ ասիդն եւ նէեսայն։

Verse: 14   Link to sept   Զի արկցէ յերկի զձուս իւր, եւ ջերուսցէ զհողով.

Verse: 15   Link to sept   եւ մոռացաւ թէ ուր ցրուիցէ. եւ գազանք անապատի կոխեսցեն։

Verse: 16   Link to sept   Ուծացաւ յորդւոց իւրոց՝ իբրեւ ո́չ յիւրմէ։ ՛ի զո́ւր վաստակեցաւ առանց երկիւղի.

Verse: 17   Link to sept   զի լռեցոյց ա(ստուա)ծ ՛ի նմանէ զիմաստութի(ւն)ս, եւ ո́չ ետ նմա բաժին ՛ի հանճարոյ։

Verse: 18   Link to sept   ՛Ի ժամանակի բարձրասցի́ ՛ի բարձունս. ծա́ղր առնէ զերիւարաւ եւ զհեծելով ն(ո)ր(ա)։

Verse: 19   Link to sept   Եթէ դո՞ւ ագուցեր ձիոյ զօրու(թ)ի(ւն), եւ զգեցուցեր զրահ ընդ պարանոցաւ ն(ո)ր(ա).

Verse: 20   Link to sept   արկեր զնովաւ սպառազինութի(ւն), եւ փառս լանջաց ն(ո)ր(ա) զյանդգնու(թ)ի(ւն)։

Verse: 21   Link to sept   Որոտայ ՛ի դաշտի՝ եւ դա́փր հատանէ. ելանէ ՛ի դաշտ զօրու(թեամ)բ։

Verse: 22   Link to sept   ՛ի պատահել նետից՝ արհամարհէ, եւ ո́չ դարձցի յերկաթոյ։

Verse: 23   Link to sept   ՛Ի վ(ե)ր(այ) ն(ո)ր(ա) շողան աղեղն եւ սուսեր, եւ շարժիւն վահանի եւ նիզակի.

Verse: 24   Link to sept   եւ բարկութ(եամ)բ ապականէ զերկիր։ Եւ ո́չ հաւատայ՝ մինչեւ փո́ղ արկանիցի.

Verse: 25   Link to sept   եւ իբրեւ փող հարկանի՝ նա վա́շ վա́շ կարգայ։ ՛ի հեռաստանէ առնու զհոտ պատերազմի՝ վազս առնելով եւ փռնչելով։

Verse: 26   Link to sept   Եթէ ՛ի քումմէ իմաստութ(են)է եկաց բաղէ տարածեալ զթեւս, անշա́րժ դիտել ընդ հարաւ։

Verse: 27   Link to sept   Կամ թէ քո՞ հրամանաւ վերանայարծուի։ եւ անկղ ՛ի վ(ե)ր(այ) բունոյ իւրոյ նստեալ դադարիցէ

Verse: 28   Link to sept   ՛ի քարանձաւս վիմաց եւ ՛ի ծածուկս՝

Verse: 29   Link to sept   ա́նդ կա́յ եւ խնդրէ զկերակուր։ ՛Ի հեռաստանէ դիտեն աչք իւր.

Verse: 30   Link to sept   եւ ձագք ն(ո)ր(ա) արեամբ թաթաւին։ ուր ուրեք իցէ́ գեշ՝ ա́նդր վաղվաղակի գտանին։

Verse: 31   Link to sept   Եւ պատասխանի ետ տ(է)ր ա(ստուա)ծ յոբայ՝ եւ ասէ։

Verse: 32   Link to sept   Միթէ զդատաստան ոք բաւականին թիւրիցէ՞. եւ յանդիմանիցէ՞ զա(ստուա)ծ. եւ տայցէ՞ նմա պատասխանի։


Verse: 33   Link to sept Կրկնեալ անդրէն Յոբայ՝ ասէ ցտ(է)ր։


Verse: 34   Link to sept   Զի՞ եւս տակաւին դատիցիմ, կշտամբեալ եւ յանդիմանեալ. ՛ի տ(եառ)նէ լսեմ զայդպիսի բանս։ զի ես ոչինչ մի եմ, զի՞նչ տաց առ այդ պատասխանի, բայց եթէ ափիբերան լինիցիմ։

Verse: 35   Link to sept   Մի անգամ խօսեցայ՝ եւ յերկրորդումն ո́չ յաւելից։



Chapter: 40  
ԳԼ(ՈՒԽ) Խ՜.


Verse: 1   Link to sept Դարձեալ կրկնեա́լ տ(եառ)ն յամպոյն՝ ասէ ցյոբ։


Verse: 2   Link to sept    Ո́չ այդպէս՝ այլ պնդեա́ իբրեւ այր զմէջ քո. ես հարցից՝ եւ դու տո́ւր ինձ պատասխանի։

Verse: 3   Link to sept   Մի́ զընկենուր զդատաստան իմ, եւ մի́ համարիր ա́յլ ինչ ա́զգ արարեալ առ քեզ յայտնութի(ւն). բայց եթէ զի երեւեսցի́ս արդար։

Verse: 4   Link to sept   Եթէ բազո́ւկ առ բազուկ իցէ քո տ(եառ)ն։ եթէ բարբա՞ռ հանգոյն նմա որոտայցես։

Verse: 5   Link to sept   Արդ աղէ առ բարձրութի(ւն). եւ զօրու(թ)ի(ւն) եւ փառս եւ պատիւ զգեցի́ր։

Verse: 6   Link to sept   Առաքեա́ զհրեշտակս բարկութ(եամ)բ, եւ զա(մենայ)ն հպարտս խոնարհեցո́՝ եւ շիջո́ զամբարտաւանս։

Verse: 7   Link to sept   Փտեա́ վաղվաղակի զամպարիշտս։

Verse: 8   Link to sept   եւ ծածկեա́ յերկրի բացէ ՛ի բաց առհասարակ. եւ լի́ց զերեսս ն(ո)ց(ա) անարգանօք։

Verse: 9   Link to sept   Իսկ յանձի՞ն կալայց արդեւք եթէ կարօղ փրկել ա́ջ քո։

Verse: 10   Link to sept   Իսկ այդ քո առաջի́ է, զի գազանք իբրեւ զարջառ խո́տ ճարակին։

Verse: 11   Link to sept   Ահաւանիկ ո́յժ իւր զմիջով իւրով, եւ զօրութի(ւն) զպորտիւ որովայնի իւրոյ։

Verse: 12   Link to sept   Կանգնեաց զտտուն իւր իբրւե զնոճի. ջիլք իւր զմիմեամբք պատեալ.

Verse: 13   Link to sept   կողք իւր պղնձիք, եւ ողն իւր ձո́յլ երկաթոյ։

Verse: 14   Link to sept   Նա́ է սկիզբն արարածո́ց տ(եառ)ն, արարեալ խաղալիք հրեշտակաց ն(ո)ր(ա)։

Verse: 15   Link to sept   Հասեալ ՛ի վ(ե)ր(այ) առապար լերին, արար խնդութի(ւն) չորքոտանեաց ՛ի տարտարոսն։

Verse: 16   Link to sept   Ընդ ազգի ազգի́ ծառովք ննջէ, առ պրտուով եւ եղեգամբ եւ կնիւնով։

Verse: 17   Link to sept   Հովանոցանան ընդ նովաւ ծա́ռք մեծամեծք հանդերձ անտառօք՝ եւ ձո́ղք հանգնւոյ։

Verse: 18   Link to sept   Եթէ լինիցի հեղեղ՝ ո́չ զգնասցէ։ յանձնապաստա́ն է, զի եթէ յորդանան դիմեսցէ ՛ի վ(ե)ր(այ) ն(ո)ր(ա),

Verse: 19   Link to sept   յակնակապիճս իւր ընկալցի զնա. ՛ի խուսափել ն(ո)ր(ա) ծակիցե՞ս զռնգունս ն(ո)ր(ա)։

Verse: 20   Link to sept   Վերացուցանիցե՞ս զվիշապն կարթիւ. դնիցե՞ս պախուցս շուրջ զցռկով ն(ո)ր(ա)։

Verse: 21   Link to sept   Եթէ կապիցե՞ս անուբ ՛ի քիթս ն(ո)ր(ա). անցուցանիցե՞ս դանդանաւանդ ը(նդ) կզակս ն(ո)ր(ա)։

Verse: 22   Link to sept   Խօսիցի՞ ընդ քեզ հեզութ(եամ)բ. եւ կակուղ բարբառով դնիցէ ը(նդ) քեզ ուխտ։

Verse: 23   Link to sept   Նուաճիցե՞ս զնա ծառայ յաւիտենական։

Verse: 24   Link to sept   Խաղայցե՞ս դու նովաւ իբրեւ հաւու. եւ կապիցե՞ս զնա իբրեւ զձագ կապով։

Verse: 25   Link to sept   Կերակրեսցին նովաւ ազինք, եւ բաժանեսցեն զնա ազգք փիւնիկեցւոց։

Verse: 26   Link to sept   Ա(մենայ)ն նաւալուզակն ՛ի մի վայր ժողովեալ, ո́չ բարձցեն թեփ մի ՛ի տտնոյ ն(ո)ր(ա), եւ ՛ի նաւս ձկնորսաց խալա́մ ն(ո)ր(ա)։

Verse: 27   Link to sept   Դնիցես դու զձեռն քո ՛ի վ(ե)ր(այ) ն(ո)ր(ա)։ յիշատակեալ զպատերազմ որ լինելոց է ՛ի մարմնի ն(ո)ր(ա), զի այլ ո́չ եւս լինիցի։

Verse: 28   Link to sept   Ո́չ տեսեր զնա, եւ ոչ ՛ի վ(ե)ր(այ) բանիցս ասացելոց զարմանայցես։



Chapter: 41  
ԳԼ(ՈՒԽ) Խ՜Ա.


Verse: 1   Link to sept   Ո́չ երկնչիցիս՝ զի եւ ինձ պատրաստեալ է. բայց ո՞վ իցէ որ ինձ հակառակ կայցէ. կամ ո՞վ իցէ որ ինձ ընդդէ́մ դառնայցէ՝ եւ հանդարտիցէ։

Verse: 2   Link to sept   Եթէ ա(մենայ)ն առ ՛ի ներքոյ երկնից ի́մ է։

Verse: 3   Link to sept   ո́չ լռեցից վ(ա)ս(ն) նորա. եւ բան հզօրին ողորմեցի զուդականին ն(ո)ր(ա)։

Verse: 4   Link to sept   Ո́ մերկասցէ զպատրուակ երեսաց ն(ո)ր(ա). եւ ընդ աղխս պատենից ն(ո)ր(ա) ո մտանիցէ։

Verse: 5   Link to sept   զդրունս երեսաց ն(ո)ր(ա) ո́ բանայցէ։ Շուրջ զատամամբք ն(ո)ր(ա) ա́հ։

Verse: 6   Link to sept   փոր ն(ո)ր(ա) փղձիք, յօդք ն(ո)ր(ա) իբրեւ գայլախազ՝

Verse: 7   Link to sept   մի զմիո́յ կնի կցեալ. եւ օդ ո́չ անցցէ ընդ նա։

Verse: 8   Link to sept   Այր զեղբօր զհետ երթիցէ.

Verse: 9   Link to sept   զմիմեանց կալցին, եւ մի́ մեկնեսցին։ ՛Ի փռնչելոյ նորա փայլատակունք հատանին. աչք ն(ո)ր(ա) իբրեւ զտեսիլ արուսեկի։

Verse: 10   Link to sept   ՛Ի բերանոյ ն(ո)ր(ա) լամպա́րք բորբոքեալք, եւ հատանին անկանին շանթք հրոյ։

Verse: 11   Link to sept   Ընդ ռընգունս նորա ծուխ ելանէ հնոցի հրոյ կայծականց։

Verse: 12   Link to sept   Անձն նորա կայծակունք, եւ բոց ՛ի բերանոյ ն(ո)ր(ա) ելանէ։

Verse: 13   Link to sept   ՛Ի պարանոցի ն(ո)ր(ա) բնակէ զօրութի(ւն). առաջի ն(ո)ր(ա) կորուստ ընթանայ։

Verse: 14   Link to sept   Անդամք մարմնոյ ն(ո)ր(ա) մածեալք. եթէ զեղցէ ՛ի վ(ե)ր(այ) ն(ո)ր(ա)՝ ո́չ խլրտասցէ։

Verse: 15   Link to sept   զի սիրտ ն(ո)ր(ա) սալացեալ է իբրեւ զվէմ. եւ հաստատեալ կայ՝ իբրեւ զսա́լ դարբնաց անշարժ։

Verse: 16   Link to sept   ՛Ի խլրտել ն(ո)ր(ա) ա́հ գազանաց եւ չորքոտանեաց, եւ զեռնոց երկրի։

Verse: 17   Link to sept   Եթէ պատահեսցեն նմա արդունք, ո́չ ստնանեն զէնք եւ նիզակք։

Verse: 18   Link to sept   Քանզի համարի զերկաթ յարդ. եւ զպղինձ իբրեւ զփայտ փուտ։

Verse: 19   Link to sept   Ո́չ խոցոտէ զնա աղեղն պղնձի. համարի զռըմբաքար խոտ։

Verse: 20   Link to sept   Եւ իբրեւ զեղէգն համարեցան նմա ուռունք։ ծա́ղր առնէ զշարժումն հրալից։

Verse: 21   Link to sept   Անկողինք նորա տէ́գք սրեալք։ ա(մենայ)ն ոսկի ծովու ընդ նովաւ իբրեւ զկա́ւ անբաւ։

Verse: 22   Link to sept   Եռացուցանէ զանդունդս իբրւե զկատսայ։ համարի զծով իբրեւ զոչինչ։

Verse: 23   Link to sept   եւ զտարտարոսն անդնդոց իբրւ զգերի մի։ համարեցաւ զանդունդս իւր ճեմելի։

Verse: 24   Link to sept   Եւ չի́ք ինչ յերկրի՝ որ նման է նմա. արարեալ խաղալիկ հրեշտակաց իմոց։

Verse: 25   Link to sept   Զա(մենայ)ն բարձունս տեսանէ. եւ ի́նքն է թագաւոր ա(մենայ)նի՝ որ ՛ի ջուրսն են։



Chapter: 42  
ԳԼ(ՈՒԽ) Խ՜Բ.


Verse: 1   Link to sept Կրկնեալ անդրէն յոբայ ասէ́ ցտ(է)ր։


Verse: 2   Link to sept    Գիտե́մ զի կարօղ ես յա(մենայ)նի, եւ տկարանայ ինչ ո́չ քեզ։

Verse: 3   Link to sept   Ո՞վ է որ ծածկէ ՛ի քէն զխորհուրդ՝ խնայեալ ՛ի բանս կարծիցէ թագուցանել. ո́ պատմեսցէ ինձ զոր ո́չ գիտէի. զմեծամեծս եւ զզարմանալիս՝ որոց ո́չ էի խելամուտ։

Verse: 4   Link to sept   Արդ լո́ւր ինձ տ(է)ր՝ զի եւ ես խօսեցայց. հարցի́ց զքեզ՝ եւ դու ուսո́ զիս։

Verse: 5   Link to sept   ՛Ի լուր ակնջաց լսէի զքէն յառաջագոյն. բայց արդ՝ եւ ա́կն իմ իսկ ետես զքեզ։

Verse: 6   Link to sept   Վ(ա)ս(ն) որոյ խոտեցի́ զանձն՝ եւ հալեցայ. եւ համարիմ զանձն իմ հո́ղ եւ մոխիր։


Verse: 7   Link to sept Եւ եղեւ յետ խօսելոյ տ(եառ)ն զբանս զայսոսիկ ընդ Յոբայ, Ասէ ցեղիփազ թեմնացի։


Verse: 8   Link to sept   Մեղա́ր դու, եւ երկոքին բարեկամք քո. զի ո́չ խօսեցարուք առաջի իմ

Verse: 9   Link to sept   ճշմարիտ, եւ ո́չ ինչ իբրեւ զծառայ իմ զյոբ։

Verse: 10   Link to sept   Բայց արդ առէ́ք զուարակս եւթն եւ խոյս եւթն, եւ երթա́յք առ ծառայ իմ յոբ. եւ արասցէ ողջակէ́զս վ(ա)ս(ն) ձեր. եւ յոբ ծառայ իմ արասցէ աղօթս վ(ա)ս(ն) ձեր։ Զի թէ ոչ նմա ակն առեալէր, եւ եթէ ոչ վ(ա)ս(ն) ն(ո)ր(ա) էր, կորուսեալ էր իմ արդեւք զձեզ. զի ո́չ խօսեցարուք ճշմարտու(թ)ի(ւն) զծառայէ իմմէ զյոբայ։

Verse: 11   Link to sept   Եւ գնա́ց եղիփազ թեմնացի, եւ բաղդատ սաւքեցի, եւ սովփար մինեցի. եւ արարին որպէս հրամայեաց ն(ո)ց(ա) տ(է)ր. եւ ելոյծ զմեղս ն(ո)ց(ա) վ(ա)ս(ն) յոբայ։

Verse: 12   Link to sept   Եւ տ(է)ր աճեցոյց զյոբ. եւ յառնել ն(ո)ր(ա) աղօթս ՛ի վ(ե)ր(այ) բարեկամացն՝ եթօ́ղ զմեղս նոցա։ Եւ ետ տ(է)ր կրկին քան որչափ ինչ էրն յառաջագոյն յոբայ ՛ի յաճախու(թ)ի(ւն)։

Verse: 13   Link to sept   Եւ լուա́ն ա(մենայ)ն եղբարք ն(ո)ր(ա) եւ քորք ն(ո)ր(ա) զա(մենայ)ն անցսն՝ որ անցին ընդ նա, եւ եկին առ նա, եւ ամենեքին ոյք յառաջագոյն գիտէին զնա. կերան եւ արբին առ նմա. եւ մխիթարեցին զնա, եւ զարմացան ՛ի վ(ե)ր(այ) ա(մենայ)նի զոր ած ՛ի վ(ե)ր(այ) ն(ո)ր(ա) տ(է)ր։ եւ ետուն նմա իւրաքանչիւր մէ́ն մի որոջ, եւ չորեքդրամեա́ն մի ոսկի անգիր։

Verse: 14   Link to sept   Եւ տ(է)ր օրհնեաց զվերջինն յոբայ քան զառաջինն։ եւ էին խաշինք ն(ո)ր(ա)՝ ոչխարք բեւր, եւ չորեքհարեւր. ուղտք վեցհազարք. լուծք եզանց հազար. էշք մատակք արօտականք հազար։

Verse: 15   Link to sept   Եւ ծնան նմա ուստերք եւթն, եւ դստերք երեք։

Verse: 16   Link to sept   Եւ կոչեաց զառաջինն տի́ւ. եւ զերկրորդն կասիա. եւ զերրորդն ամաթեղջեւր։

Verse: 17   Link to sept   Եւ ո́չ գտան համեմատ դստերացն յոբայ ազնուագոյնք ՛ի ներքոյ երկնից։ եւ ետ ն(ո)ց(ա) ժառանգու(թ)ի(ւն) ընդ եղբարս իւրեանց։

Verse: 18   Link to sept   Եւ եկաց յետ հարուածոցն ամս հարեւր եւ եւթանասուն։ եւ ա(մենայ)ն ամք զոր եկաց՝ երկերի́ւր քառասո́ւն եւ ութ։ եւ ետես յոբ զորդիս իւր՝ եւ զորդիս որդւոց իւրոց ազգ չորրորդ։ Եւ վախճանեցա́ւ յոբ ծերացեալ եւ լցեալ աւուրբք։ Եւ գրեալ է նմա յառնել ընդ որս տ(է)ր յարուցանէ։

Verse: 19   Link to sept   Սա թարգմանի յասորի գրոց։ բնակէր յերկրին աւստայ. ՛ի սահմանս եդովմայեցւոց եւ արաբացւոց։ յառաջ՝ էր անուն ն(ո)ր(ա) յոբաբ. եւ առեալ կին արաբացի, ծնաւ որդի որում անուն էր էննով։ Եւ էր հայր նորա զարեհ, որդի որդւոյն եսաւայ. եւ մայր ն(ո)ր(ա) բոսորացի́։ ո(ր)պ(էս) զի լինել նմա հինգերորդ յաբրահամէ։ Եւ ա́յս են թագաւորք որ թագաւորեցին յեդոմ։ առաջին բաղակ բէովրայ. եւ անուն քաղաքի ն(ո)ր(ա) գենաբայ։ յետ բաղակայ յոբաբ՝ որ կոչեցաւ յոբ։ յետ ն(ո)ր(ա) ասովմ, որ էր զօրավար յերկրին թեմնացւոց։ յետ ն(ո)ր(ա) ադադ որդի բարադայ, որ կոտորեաց զմադիամ ՛ի դամտին մովաբայ. եւ անուն քաղաքի ն(ո)ր(ա) գէթեմ։ Եւ որ եկին առ նա բարեկամքն. եղիփազ՝ յորդւոցն եսաւայ՝ արքայ թեմնացւոց. բաղդատ բռնաւոր սաւքեցւոց. սովփար արքայ մինեցւոց։
Section:  





Book: Is. 
Isaia

entered by J. Gippert and N. Čanṭlaʒe,
Frankfurt a/M, 2003-2004 / Tbilisi, July 2004;
TITUS version by J. Gippert,
Frankfurt a/M, 3.10.2004


ՄԱՐԳԱՐԷՈՒԹԻՒՆ
ԵՍԱՅԱՅ

Chapter: 1 
ԳԼ(ՈՒԽ) Ա՜.


Verse: 1  Link to sept Տեսիլ Եսայայ որդւոյ Ամովսայ. զոր ետես ՛ի վ(ե)ր(այ) հրէաստանի, եւ ՛ի վ(ե)ր(այ) Ե(րուսաղէ)մի։ ՛Ի թագաւորու(թ)ե(ա)ն Ողիայ՝ եւ Յովաթամայ՝ եւ Աքազու՝ եւ Եզեկիայ, որք թագաւորեցին հրէաստանի։


Section: 1 

Verse: 2   Link to sept   ԼՈ́ՒՐ ԵՐԿԻՆ ԵՒ Ո́ՒՆԿՆդիր երկիր՝ զի տ(է)ր խօսեցաւ։ Որդիս ծնայ եւ բարձրացուցի, եւ նոքա զիս անարգեցի́ն։

Verse: 3   Link to sept   Ծանեաւ եզն զստացիչ իւր, եւ էշ զմսուր տեառն իւրոյ. եւ ի(սրա)էլ զիս ո́չ ծանեաւ, եւ ժողովուրդ իմ զիս ՛ի միտ ո́չ առ։

Verse: 4   Link to sept   Վա́յ ազգին մեղաւորի. ժողովուրդ որ լի́ է մեղօք, սե́րմն ժանտ, որդիք անօրէ́նք. թողէք զտ(է)ր եւ բարկացուցէք զս(ուր)բն ի(սրայէ)լի։ օտարացա́ն եւ յետս կացին։

Verse: 5   Link to sept   զի՞ եւս յաւելուք վէրս յանօրէնու(թ)ի(ւն)ս։ Ա(մենայ)ն գլուխ ՛ի ցաւս, եւ ամ(ենայն) սիրտ ՛ի տրտմու(թ)ի(ւն)։

Verse: 6   Link to sept   յոտից մինչեւ ցգլուխ՝ չի́ք ՛ի նմա առողջութի(ւն). ո́չ վէրք՝ ո́չ այտումն, ո́չ հարուածք խխայթեալք. չի́ք սպեղանի ՛ի վ(ե)ր(այ) դնել, ո́չ ձէթ՝ եւ ո́չ պատանս։

Verse: 7   Link to sept   Երկիր ձեր՝ աւերակ. քաղաքք ձեր՝ հրձիգք. զաշխարհն ձեր առաջի ձեր օտա́րք կերիցեն, աւերեալ եւ կործանեալ յազգաց օտարաց։

Verse: 8   Link to sept   Լքեա́լ թողցի դուստր սիովնի իբրեւ զտաղաւար յայգւոջ, եւ իբրեւ զհովանի մրգապահաց ՛ի մէջ սեխենեաց. եւ իբրեւ զքաղա́ք պաշարեալ։

Verse: 9   Link to sept   Եւ եթէ ոչ տ(եառ)ն զօրու(թ)ե(ան)ց թողեալ էր մեզ զաւակ՝ իբրեւ զսոդոմ լինէաք, եւ գոմորա́յ նմանէաք։

Verse: 10   Link to sept   Լուարո́ւք զբան տ(եառ)ն իշխանք սոդոմածւոց. ո́ւնկն դիք օրինաց ա(ստուածո)յ ժողովուրդք գոմորացւոց։

Verse: 11   Link to sept   Զի՞ կայ՝ ի́մ եւ յաճախելոյ զոհիցդ ձերոց՝ ասէ տ(է)ր. յագեա́լեմ ողջակիզօք խոյոց ձերոց. եւ զճարպս գառանց, եւ զարիւն ցլուց նոխաղաց ո́չ կամիմ։

Verse: 12   Link to sept   եւ ո́չ թէ գայցէք յանդիման լինել ինձ։ Ո՞վ իսկ խնդրեաց զայդ ՛ի ձեռաց ձերոց։ կոխել զգաւիթս իմ մի́ յաճախէք։

Verse: 13   Link to sept   Եթէ մատուցանիցէք ինձ նաշիհ՝ զուր է։ եւ խունկք ձեր պի́ղծ են ինձ. զգլուխս ամսոց ձերոց՝ եւ զշաբաթս՝ եւ զօրն մեծ՝ ո́չ առնում յանձն։

Verse: 14   Link to sept   զպահս եւ զդատարկութի(ւն)ս, եւ զամսագլուխս ձեր, եւ զտօնս ձեր ատեա́ց անձն իմ։ Յագեալ եմ ձեւք, ո́չ եւս ներեցից մեղաց ձերոց։

Verse: 15   Link to sept   յորժամ համբառնայցէք զձեռս ձեր՝ դարձուցի́ց զերեսս իմ ՛ի ձէնջ. եւ եթէ յաճախիցէք յաղօթս՝ ո́չ լուայց ձեզ. զի ձեռք ձեր լի́ են արեամբ։

Verse: 16   Link to sept   Լուացարո́ւք, սրբեցարո́ւք. ընկեցէ́ք զչարիս ձեր յանձանց ձերոց առաջի աչաց իմոց։ դադարեցէ́ք ՛ի չարեաց ձերոց։

Verse: 17   Link to sept   ուսարո́ւք զբարիս գործել։ խնդրեցէք զիրաւունս. փրկեցէ́ք զզրկեալն. դա́տ արարէք որբոյն, եւ տո́ւք իրաւունս այրւոյն։

Verse: 18   Link to sept   Եւ եկայք խօսեցարուք ընդ միմեանս՝ ասէ տ(է)ր. եւ եթէ իցեն մեղք ձեր իբրեւ զձանձախարիթ՝ իբրեւ զձիւն սպիտա́կ արարից. եւ եթէ իցեն իբրեւ զորդան կարմիր՝ իբրեւ զա́սր սուրբ արարից։

Verse: 19   Link to sept   Եւ եթէ ախորժեսջիք եւ լուիջիք ինձ՝ զբարութի́(ւն)ս երկրի կերիջիք։

Verse: 20   Link to sept   ապա թէ ոչ կամիցիք լսել ինձ, սո́ւր կերիցէ զձեզ. քանզի բերան տ(եառ)ն խօսեցաւ զայս։

Verse: 21   Link to sept   Զի՞արդ եղեւ պոռնիկ քաղաքն հաւատարիմ սիոն, լի́ հաւատովքն՝ յորում արդարու(թ)ի(ւն) հանգուցեալ էր, եւ արդ՝ սպանօղք են։

Verse: 22   Link to sept   Արծաթ ձեր անփորձ. վաճառականք ձեր խառնեն ջուր ը(նդ) գինի։

Verse: 23   Link to sept   իշխանք ձեր ապստամբք, գողակիցք են գողոք, սիրեն զկաշառս, վրիժագործք. որբոց իրաւունս ո́չ առնեն, եւ դատաստանի այրեաց՝ ունկն ո́չ դնեն։

Verse: 24   Link to sept   Վ(ա)ս(ն) այդորիկ ա́յսպէս ասէ տ(է)ր տ(է)ր զօրութե(ան)ց հզօրն ի(սրայէ)լի. վա́յ ձեզ հզօրքդ ի(սրայէ)լի, զի ո́չեւս դադարեսցէ բարկութի(ւն) իմ ՛ի հակառակորդաց իմոց. եւ դատաստանօք դատեցայց զթշնամիս իմ։

Verse: 25   Link to sept   Եւ արկից զձեռն իմ ՛ի վ(ե)ր(այ) քո. եւ ածից քեզ եռա́նդն ՛ի սրբութի(ւն) ապստամբացդ, եւ զապստամբսդ կորուսից. եւ բարձից ՛ի քէն զամ(ենայն) անօրէնս. եւ զամ(ենայն) ամբարտաւանս խոնարհեցուցի́ց։

Verse: 26   Link to sept   եւ կացուցից ՛ի վ(ե)ր(այ) քո դատաւորս իբրեւ զառաջինն, եւ զխորհրդականս քո ո(ր)պ(էս) իսկզբանէ́ն։ եւ ապա կոչեսջիր դու քաղաք արդարութե(ան)՝ մա́յր քաղաքաց հաւատարիմ սիովն։

Verse: 27   Link to sept   Զի իրաւամբք եւ արդարու(թեամ)բ փրկեսցի գերու(թ)ի(ւն) ն(ո)ր(ա), եւ ողորմու(թեամ)բ։

Verse: 28   Link to sept   Եւ խորտակեսցի́ն անօրէնք եւ մեղաւորք ՛ի միասին. եւ ոյք թողին զտ(է)ր՝ վախճանեսցին ՛ի միասին։

Verse: 29   Link to sept   Քանզի արդ՝ ամաչեսցեն ՛ի կուռս իւրեանց ընդ որս ինքեանք հաճեալ էին. եւ զգեցցին զամօթ ՛ի դրօշեալս իւրեանց զորս ինքեանքն արարին։ եւ ամաչեսցեն ՛ի պարտէզս իւրեանց որոց ցանկացան։

Verse: 30   Link to sept   Զի եղիցին իբրեւ զբեւեկնի́ տերեւաթափ, եւ իբրեւ զդրախտ որոյ ո́չ գուցէ ջուր։

Verse: 31   Link to sept   Եւ եղիցի զօրու(թ)ի(ւն) ն(ո)ց(ա) իբրեւ զծեծա́ծ վշոյ. եւ գործք ն(ո)ց(ա) իբրեւ զկայծակունս հրոյ. եւ այրեսցին անօրէնք եւ մեղաւորք ՛ի միասին. եւ ո́չ ոք իցէ որ շիջուցանիցէ։



Chapter: 2  
ԳԼ(ՈՒԽ) Բ՜.


Verse: 1   Link to sept Բանն որ եղեւ առ Եսայի որդի ամովսայ՝ ՛ի վերայ հրէաստանի եւ ՛ի վերայ ե(րուսաղէ)մի։


Section: 2 

Verse: 2   Link to sept   Զի եղիցի յաւուրս յետինս յայտնի́ լեառն տ(եառ)ն. եւ տուն ա(ստուածո)յ ՛ի վ(ե)ր(այ) գլխոց լերանց։ եւ բարձրասցի ՛ի վ(ե)ր(այ) բլրոց. եւ եկեսցե́ն ՛ի նա ամ(ենայն) հեթանոսք։

Verse: 3   Link to sept   Եւ երթիցեն ժողովուրդք բազումք, եւ ասասցեն. եկա́յք ելցուք ՛ի լեառն տ(եառ)ն եւ ՛ի տուն ա(ստուածո)յ յակովբայ. եւ պատմեսցէ մեզ զճանապարհս իւր, եւ գնասցուք ընդ նա։ Զի ՛ի սիոնէ ելցեն օրէնք, եւ բան տ(եառ)ն յե(րուսաղէ)մէ։

Verse: 4   Link to sept   եւ դատեսցի ՛ի մէջ հեթանոսաց, եւ յանդիմանեսցէ զժողովուրդս բազումս։ Եւ ձուլեսցեն զսուսերս իւրեանց ՛ի խոփս, եւ զսուինս իւրեանց ՛ի մանգաղս։ եւ ո́չ առնուցու ազգ յազգի վ(ե)ր(այ) սուր. եւ ո́չեւս ուսանիցին տալ պատերազմ։
Section: 3 

Verse: 5   Link to sept   Եւ արդ դու տուն յակոբու՝ եկա́յք երթիցուք ՛ի լո́յս տ(եառ)ն։

Verse: 6   Link to sept   քանզի եթո́ղ նա զժողովուրդ իւր զտունն յակովբայ. զի լցա́ւ իբրեւ զառաջինն աշխարհ ն(ո)ց(ա) հմայիւք իբրեւ զայլազգեաց, եւ որդիք բազումք՝ այլազգիք ծնան ն(ո)ց(ա)։

Verse: 7   Link to sept   Լցա́ւ աշխարհ ն(ո)ց(ա) ոսկւով եւ արծաթով՝ եւ ո́չ էր թիւ գանձուց ն(ո)ց(ա)։ լցա́ւ երկիր ն(ո)ց(ա) երիվարօք՝ եւ ո́չ թիւ կառաց ն(ո)ց(ա)։

Verse: 8   Link to sept   Լցա́ւ երկիր ն(ո)ց(ա) գարշելեօք գործոց ձեռաց իւրեանց, եւ երկի́ր պագին որոց արարին մատունք ն(ո)ց(ա)։

Verse: 9   Link to sept   խոնարհեցաւ մարդ, եւ յերկի́ր կործանեցաւ այր. եւ ո́չ ներեցից ն(ո)ց(ա)։

Verse: 10   Link to sept   Եւ արդ երթա́յք մտէ́ք ընդ վիմօք, եւ թաքերո́ւք յերկրի յերեսաց ահի տ(եառ)ն, եւ ՛ի փառաց զօրու(թ)ե(ան) ն(ո)ր(ա). յորժամ յարիցէ վանել զերկիր։

Verse: 11   Link to sept   Զի աչք տ(եառ)ն բարձո́ւնք են, եւ մարդ տառապեալ։ եւ խոնարհեսցի́ բարձրու(թ)ի(ւն) մարդկան, եւ բարձրասցի տ(է)ր միայն յաւուր յայնմիկ։

Verse: 12   Link to sept   Զի օ́ր տ(եառ)ն զօրութե(ան)ց ՛ի վ(ե)ր(այ) ամ(ենայն) հպարտից եւ ամբարտաւանից, եւ ՛ի վ(ե)ր(այ) ամ(ենայն) բարձրացելոց եւ վերացելոց, եւ խոնարհեսցին։

Verse: 13   Link to sept   Եւ ՛ի վ(ե)ր(այ) ամ(ենայն) մայրից լիբանանու բարձրացելոց եւ վերացելոյ. եւ ՛ի վ(ե)ր(այ) ամ(ենայն) ծառոց կաղնեաց բասանու։

Verse: 14   Link to sept   եւ ՛ի վ(ե)ր(այ) ամ(ենայն) լերանց բարձանց։ եւ ՛ի վերայ ամ(ենայն) բլրոց բարձրացելոց։

Verse: 15   Link to sept   Եւ ՛ի վ(ե)ր(այ) ամ(ենայն) աշտարակաց բարձրացելոց։ եւ ՛ի վ(ե)ր(այ) ամ(ենայն) պարսպաց բարձրացելոց։

Verse: 16   Link to sept   եւ ՛ի վ(ե)ր(այ) ամ(ենայն) նաւաց ծովու։ եւ ՛ի վ(ե)ր(այ) ամ(ենայն) նադիսի գեղեցկութե(ան) նաւաց։

Verse: 17   Link to sept   Եւ խոնարհեսցի́ ամ(ենայն) մարդ, եւ անկցի́ հպարտու(թ)ի(ւն) մարդկան. եւ բարձրասցի տ(է)ր միայն յաւուր յայնմիկ։

Verse: 18   Link to sept   Եւ զձեռագործս իւրեանց զամ(ենայն) տարցին

Verse: 19   Link to sept   թաքուսցեն յայրս եւ ՛ի ծերպս վիմաց՝ եւ ՛ի սորս երկրի, յերեսաց ահի տ(եառ)ն եւ ՛ի փառաց զօրու(թ)ե(ան) նորա, յորժամ յարիցէ վանել զերկիր։

Verse: 20   Link to sept   Զի յաւուր յայնմիկ հանցէ մարդ զգարշելիս իւր զարծաթեղէնս եւ զոսկեղէնս զոր արարին, երկի́ր պագանել սնոտեաց եւ չղջիկանաց.

Verse: 21   Link to sept   մտանե́լ ՛ի ծակս վիմի հաստատնոյ՝ եւ ՛ի ծերպս վիմաց. յերեսաց ահի տ(եառ)ն՝ եւ ՛ի փառաց զօրութե(ան) ն(ո)ր(ա), յորժամ յարիցէ վանել զերկիր։

Verse: 22   Link to sept   Լռե́լ ձեզ ՛ի մարդոյն յորում գոյ շունչ յռընգունս ն(ո)ր(ա). զի ընդ ո՞ւմ ումեք համարեսցի նա։



Chapter: 3  
ԳԼ(ՈՒԽ) Գ՜.


Verse: 1   Link to sept   Ահաւասիկ տ(է)ր տ(է)ր զօրու(թ)ե(ան)ց բարձցէ́ ՛ի հրէաստանէ եւ յե(րուսաղէ)մէ զայր հզօր՝ եւ զկին զօրաւոր, զզօրու(թ)ի(ւն) հացի, եւ զզօրու(թ)ի(ւն) ջրոյ։

Verse: 2   Link to sept   զհսկայն եւ զզօրաւորն, եւ զայր պատերազմօղ, եւ զդատաւոր, եւ զմարգարէ, եւ զքննիչ, եւ զծեր.

Verse: 3   Link to sept   եւ զյիսնապետ, եւ զսքանչելի խորհրդական, եւ զիմաստուն ճարտարապետ, եւ զհաճարե́ղն զունկնդիր։

Verse: 4   Link to sept   Եւ կացուցից ՛ի վ(ե)ր(այ) ն(ո)ց(ա) մանկո́ւնս իշխանս. եւ խաբեբա́յք տիրեսցեն ն(ո)ց(ա)։

Verse: 5   Link to sept   Եւ անկցի́ ժողովուրդն՝ այր ընդ այր, եւ այր ընդ ընկերի իւրում։ ընդ հարցի մանուկն ընդ ծերոյն, եւ անարգն ընդ պատուականին։

Verse: 6   Link to sept   Զի բուռն հարկանիցէ այր զեղբօրէ իւրմէ, կամ զընտանւոյ հօր իւրոյ, եւ ասիցէ. հանդերձք գո́ն քո, լե́ր մեր իշխան. եւ կերակուր մեր ընդ քե́զ լիցի։

Verse: 7   Link to sept   Տացէ́ պատասխանի յաւուր յայնմիկ՝ եւ ասասցէ. ո́չ եղէց իշխան, զի ո́չ գոյ ՛ի տա́ն իմում հաց՝ եւ ո́չ հանդերձ. եւ ո́չ եղէց իշխան ժողովրդեանս ա́յսմիկ։

Verse: 8   Link to sept   Զի լքա́ւ ե(րուսաղ)էմ, եւ հրէաստան կործանեցաւ. եւ լեզուք ն(ո)ց(ա) անօրէնութ(եամ)բ ՛ի տ(եառն)է ապստամբեցին։

Verse: 9   Link to sept   Վ(ա)ս(ն) որոյ խոնարհեցա́ն փառք ն(ո)ց(ա), եւ ամօթ երեսաց ն(ո)ց(ա) ծածկեա́ց զն(ո)ս(ա). զի զամպ փառաց ն(ո)ր(ա) թշնամանեցին. եւ զմեղս իւրեանց իբրեւ զսոդոմացւոցն պատմեցին եւ յա́յտ արարին։ Վա՞յ անձանց ն(ո)ց(ա) զի խորհեցան խորհուրդ չար առանձինն՝

Verse: 10   Link to sept   եւ ասեն. կապեսցո́ւք զարդարն՝ զի դժպհի́ եղեւ մեզ։ Այսուհետեւ զարդիւնս գործոց իւրեանց կերիցեն։

Verse: 11   Link to sept   Վա́յ անօրինին։ չարիք ըստ գործոց ձեռաց իւրոց անցցեն ը(նդ) նա։

Verse: 12   Link to sept   Ժողովո́ւրդ իմ՝ հարկահանք ձեր ճռաքա́ղ առնեն զձեզ, եւ պահանջօղք տիրե́ն ձեզ։ ժողովուրդ իմ որ երանենդ ձեզ՝ խաբեն զձեզ, եւ զշաւիղս ոտից ձերոց խռովեցուցանե́ն։

Verse: 13   Link to sept   Այլ արդ հասցէ́ տ(է)ր ՛ի դատաստան, եւ կացուսցէ յայտնի զժողովուրդ իւր.

Verse: 14   Link to sept   ինքնի́ն տ(է)ր ՛ի դա́տ եկեսցէ ընդ ծերս ժողովրդեան իւրոյ՝ եւ ընդ իշխանս ն(ո)ց(ա)։ դուք զի՞ հրկէ́զ արարէք զայգի իմ, եւ յափշտակութի(ւն) թնանկի́ն է ՛ի տունս ձեր։

Verse: 15   Link to sept   դուք զի՞ զրկէք զժողովուրդ իմ, եւ զերեսս տնանկաց լի́ առնէք ամօթով, ասէ տ(է)ր տ(է)ր զօրութե(ան)ց։
Section: 4 

Verse: 16   Link to sept   Ա́յսպէս ասէ տ(է)ր։ փոխանակ զի հպարտացան դստերք սիովնի, եւ գնացին ՛ի բա́րձր պարանոց. յօնիւքն ակնարկէին, եւ ՛ի գնացս իւրեանց քարշէին զստորոտս իւրեանց, եւ ոտիւքն կաքաւէին։

Verse: 17   Link to sept   Եւ խոնարհեցուսցէ ա(ստուա)ծ զիշխանս դստեր սիոնի, եւ մերկասցէ́ տ(է)ր զզարդ ն(ո)ց(ա)

Verse: 18   Link to sept   յաւուր յայնմիկ։ եւ հանցէ տ(է)ր զփառս հանդերձից ն(ո)ց(ա), եւ զպատմուճանս նոցա.

Verse: 19   Link to sept   եւ զհեւսս, զծամակալս, եւ զպսակակալս,

Verse: 20   Link to sept   եւ զմահիկս, եւ զզարդ երեսաց ն(ո)ց(ա). եւ զպատճուճանս զարդու փառաց ն(ո)ց(ա), եւ զքօղէս, եւ զապարանջանս, եւ զմեհեւանդս, եւ զդինգս.

Verse: 21   Link to sept   եւ զմատանիս, եւ զկշտապանակս նոցա, զդիպակս, եւ զճեղանակս։

Verse: 22   Link to sept   Զեզրածիրանին, եւ զմիջնածիրանին, զառտնին արկանելի, եւ զերեւելի լակոնացին։

Verse: 23   Link to sept   զբեհեզն, եւ զերկնագոյն, եւ զկարմիր շղաշատեռն, եւ զճամկաւորն, եւ զոսկեճամուկն, եւ զոսկէտտուն։

Verse: 24   Link to sept   Եւ եղիցի փոխանակ հոտոցն անուշից՝ փոշի́. եւ փոխանակ կամարացն՝ չուա́ն գօտի. եւ փոխանակ ոսկեզարդո́ւ գլխոյն կնդութի(ւն)՝ վ(ա)ս(ն) գործոց քոց. եւ փոխանակ ոսկեհուռ դիպակին՝ քո́ւրձ զգեցցիս։

Verse: 25   Link to sept   Եւ որդիդ քո սիրելի զոր սիրես՝ սրո́վ մեռցի. եւ իշխանք ձեր սրո́վ անկցին։

Verse: 26   Link to sept   եւ թշուառասցին, եւ սո́ւգ զգեցցին սապատք զարդուց ձերոց։ եւ մնասջիր միայն, եւ յերկի́ր կործանեսջիր։



Chapter: 4  
ԳԼ(ՈՒԽ) Դ՜.


Verse: 1   Link to sept   եւ բուրն հարկանիցեն եւթն կին զառնէ́ միոջէ՝ եւ ասիցեն. հաց՝ զմե́ր կերիցուք՝ եւ հանդերձ՝ զմե́ր զգեցցուք. բայց միայն անո́ւն քո կոչեսցի ՛ի վ(ե)ր(այ) մեր. բա́րձ ՛ի մէնջ զնախատինս մեր։

Verse: 2   Link to sept   Յաւուր յայնմիկ ծագեսցէ ա(ստուա)ծ խորհրդովք փառօք իւրովք յերկիր, բարձրացուցանե́լ եւ փառաւո́ր առնել զմնացորդս ի(սրայէ)լի։

Verse: 3   Link to sept   Եւ մնացօրդքն սիովնի, եւ մնացորդքն ե(րուսաղէ)մի սո́ւրբք կոչեսցին՝ ամենեքեան որ գրեցան յե(րուսաղէ)մ ՛ի կեանս։

Verse: 4   Link to sept   Զի լւասցէ տ(է)ր զաղտն ուստերաց եւ դստերաց սիոնի եւ զե(րուսաղէ)մի. եւ զարիւնն ՛ի բաց սրբեսցէ ՛ի միջոյ ն(ո)ց(ա) հոգւով դատաստանաց, եւ հոգւով այրման։

Verse: 5   Link to sept   Եւ եկեսցէ եւ հասցէ տ(է)ր, եւ եղիցի ամ(ենայն) տեղի լերինն սիոնի, եւ ամ(ենայն) որ շուրջ զնովաւ իցէ՝ հովանի́ ամպոյ ՛ի տուէ. իբրեւ զծուխ եւ զլոյս հրոյ բորբոքելոյ ՛ի գիշերի. ամ(ենայն) փառօք ծածկեսցի։

Verse: 6   Link to sept   Եւ եղիցի հովանի́ ՛ի տօթոյ, եւ յա́րկ ծածկութե(ան) ՛ի խստութ(են)է անձրեւոյ։



Chapter: 5  
ԳԼ(ՈՒԽ) Ե՜.


Verse: 1   Link to sept Երգիցից սիրելւոյ այգւոյ իմոյ զերգս սիրելւոյ նորա։


Section: 5 
   Այգի́ եղեւ սիրելւոյն յանկեան. ՛ի տեղւոջ պարարտութե(ան)։

Verse: 2   Link to sept   Ցանգով փակեցի՝ ամրու(թեամ)բ պարսպեցի ձիղաբա́րձ զարդարեցի. եւ տնկեցի որթ սորէկ։ աշտարակ շինեցի ՛ի միջի ն(ո)ր(ա). եւ գո́ւբ հնծան փորեցի ՛ի նմա. եւ մնացի զի բերցէ խաղող, եւ եբեր փո́ւշ։

Verse: 3   Link to sept   Եւ այժմ ա́րք յուդայ եւ բնակիչք ե(րուսաղէ)մի. դա́տ արարէք ընդիս եւ ը(նդ) այգի իմ։

Verse: 4   Link to sept   զի՞նչ առնե́լ էր այգւոյ իմում, եւ ես ոչ արարի նմա. մնացի զի բերցէ խաղող՝ եւ եբեր փուշ։

Verse: 5   Link to sept   Եւ արդ՝ ես ինձէ́ն պատմեցից զինչ արարից ը(նդ) այգի իմ. քակեցի́ց զցանգ ն(ո)ր(ա), եւ եղիցի յափշտակու(թ)ի(ւն). կործանեցից զպարիսպս ն(ո)ր(ա), եւ եղիցի ՛ի կոխումն։

Verse: 6   Link to sept   եւ թողի́ց զայգի իմ. եւ մի́ յատցի, եւ մի́ բրեսցի. եւ բուսցի ՛ի նմա փո́ւշ իբրեւ ՛ի խոպանի։ եւ պատուէ́ր տաց ամպոց իմոց զի մի́ տեղասցեն յայգի իմ։

Verse: 7   Link to sept   Զի այգի տ(եառ)ն զօրու(թ)ե(ան)ց՝ տունն ի(սրայէ)լի է. եւ մարդն յուդայ նորատո́ւնկ սիրելի. մնացի զի արասցէ իրաւունս՝ եւ արա́ր անիրաւութի(ւն), եւ ո́չ արդարու(թ)ի(ւն)՝ այլ աղաղա́կ։
Section: 6 

Verse: 8   Link to sept   Վա́յ այնոցիկ որ յարեն տուն ՛ի տուն, եւ ագարակ առ ագարա́կ մերձեցուսցեն, զի զընկերին հանիցեն։ միթէ միա՞յն բնակելոց իցէք յերկրի։

Verse: 9   Link to sept   Նա աւանիկ ա́զդ եղեւ յականջս տ(եառ)ն զօրու(թ)ե(ան)ց այդ ամ(ենայն)։ Զի եթէ եղիցին տունք բազումք, սակայն յաւե́ր դարձցին. եւ եթէ մեծամեծք եւ գեղեցիկք իցեն, ո́չ ոք իցէ որ բնակիցէ ՛ի ն(ո)ս(ա)։

Verse: 10   Link to sept   Զի ուր գործիցեն տա́սն լուծք եզանց, եղիցի անդ սափո́ր մի. եւ որ սերմանիցէ արդո́ւս վեց, ժողովեսցէ գրիւս երիս։

Verse: 11   Link to sept   Վայ այնոցիկ որ յառնեն ը(նդ) առաւօտս՝ եւ զհե́տ լինին ցքւոյն. որ երեկանա́ն ՛ի նմին. զի գինին իսկ անդէն զնոսին այրէ́։

Verse: 12   Link to sept   Փողովք եւ թմբկաւ եւ քնարաւ, եւ երդովք զգինին ըմպեն. եւ ՛ի գործս տ(եառ)ն ո́չ հային, եւ զգործս ձեռաց ն(ո)ր(ա) ո́չ առնուն ՛ի միտ։

Verse: 13   Link to sept   Այսուհետեւ ՛ի գերու(թ)ի́(ւն) մատնեցաւ ժողովուրդ իմ, վ(ա)ս(ն) չճանաչելոյ ն(ո)ց(ա) զտ(է)ր. եւ բազո́ւմ եղեն դիակունք ն(ո)ց(ա) վ(ա)ս(ն) սովոյ հացի եւ ծարաւոյ ջրոյ։

Verse: 14   Link to sept   Եւ լայնեցի́ն դժոխք զանձինս իւրեանց՝ եւ բացին զբերանս իւրեանց՝ զի մի́ դադարեսցեն։ եւ իջցե́ն փառաւորք՝ եւ մեծամեծք, եւ մեծատունք եւ ժանտագործք ն(ո)ց(ա), եւ զուարճացեալն ՛ի նմա։

Verse: 15   Link to sept   Եւ խոնարհեսցի́ մարդ, եւ անարգեսցի́ այր։ եւ աչք ամբարտաւանք խոնարհեսցին։

Verse: 16   Link to sept   եւ բարձրասցի տ(է)ր զօրութե(ան)ց իրաւամբք, եւ ս(ուր)բն փառաւորեսցի արդարութ(եամ)բ։

Verse: 17   Link to sept   Եւ արածեսցի́ն յափշտակեալքն իբրեւ ցուլք. եւ զաւերակս մնացելոցն գառի́նք կերիցեն։

Verse: 18   Link to sept   Վա́յ այնոցիկ ոյք ձգեն զմեղս իւրեանց իբրեւ երկա́յն պարանաւ. եւ իբրեւ փոկով լծոյ երնջոց զանօրէնու(թ)ի(ւն)ս։

Verse: 19   Link to sept   Ոյք ասեն թէ վաղվաղակի մերձեսցի զոր առնելո́ցն իցէ՝ զի տեսցո́ւք. եւ եկեսցէ խորհուրդ սրբոյն ի(սրայէ)լի՝ զի գիտասցո́ւք։

Verse: 20   Link to sept   Վա́յ այնոցիկ ոյք ասիցեն զչա́րն բարի, եւ զբարի́ն չար. ոյք դնիցեն զլոյսն խաւար, եւ զխաւար լոյս. ոյք դնիցեն զդառն քաղցր, եւ զքաղցրն դառն։

Verse: 21   Link to sept   Վա́յ այնոցիկ որ զանձինս առ իմաստո́ւնս ունիցին, եւ յաչս անձանց իւրեանց խորհրդականս։

Verse: 22   Link to sept   Վա́յ հզօրաց ձերոց որ ըմպեն զգինին, եւ իշխանացդ որ խառնեն զցքին.

Verse: 23   Link to sept   որ արդարացուցանեն զամպարիշտն վ(ա)ս(ն) կաշառոց, եւ զիրաւունս գողանան զարդարոյն։

Verse: 24   Link to sept   Վ(ա)ս(ն) այնորիկ ո(ր)պ(էս) վառի եղէգն ՛ի կայծականց հրոյ, ա́յնպէս այրեսցին ՛ի բորբոքեալ բոցոյ։ եւ արմա́տ ն(ո)ց(ա) իբրեւ զմղեղ եղիցի. եւ ծաղիկ ն(ո)ց(ա) իբրեւ զփոշի́ ելանիցէ։ զի ո́չ կամեցան զօրէնս տ(եառ)ն զօրութե(ան)ց, այլ գրգռեցին եւս զբանս սրբոյն ի(սրայէ)լի։

Verse: 25   Link to sept   Եւ բարկացա́ւ սրտմտու(թեամ)բ տ(է)ր զօրու(թ)ե(ան)ց ՛ի վ(ե)ր(այ) ժողովրդեան իւրոյ, եւ արկ զձեռն իւր ՛ի վ(ե)ր(այ) ն(ո)ց(ա)՝ եւ սատակեաց զն(ո)ս(ա)։ բարկացա́ւ ՛ի վ(ե)ր(այ) լերանց, եւ եղեն դիակունք ն(ո)ց(ա) իբրեւ աղբ զճանապարհաւ։ ՛Ի վ(ե)ր(այ) այսր ամ(ենայն)ի ո́չ դարձաւ սրտմտութի(ւն) ն(ո)ր(ա), այլ տակաւին ձեռն իւր բարձրացեալ է։
Section: 7 

Verse: 26   Link to sept   Այսուհետեւ ամբարձցէ́ նշան յազգս հեռաւորս, եւ ածցէ զնոսա ՛ի ծագաց երկրի. եւ ահա վաղվաղակի արա́գս ընթասցին, եւ թեթե́ւս հասանիցեն։

Verse: 27   Link to sept   Ո́չ քաղցիցեն, եւ ո́չ վաստակեսցեն, եւ ոչ նիրհասցեն, եւ ո́չ ննջեսցեն, եւ ո́չ լուծցեն զգօտիս ՛ի միջոյ իւրեանց, եւ ո́չ հատցին խրացք կօշկաց ն(ո)ց(ա)։

Verse: 28   Link to sept   Որոց նե́տք իւրեանց սրեալ են, եւ աղեղունք լարեալ։ սմբա́կք երիվարաց ն(ո)ց(ա) իբրեւ զվէմ հաստատուն համարեցան։ անի́ւք կառաց ն(ո)ց(ա) իբրեւ զմրրիկ։

Verse: 29   Link to sept   Դիմեսցե́ն իբրեւ զառիւծունս, եւ հասցեն իբրեւ զկորիւնս առիւծուց. գոչեսցեն՝ եւ յարձակեսցին, եւ հատցեն գազանաբար. եւ ո́չ ոք իցէ որ փրկիցէ զն(ո)ս(ա)։

Verse: 30   Link to sept   Աղաղա́կ արասցէ վ(ա)ս(ն) նոցա յաւուր յայնմիկ, իբրեւ զձայն ծովու ամբոխելոյ ալեօք։ Հայեսցին յերկինս ՛ի վեր՝ եւ յերկիր ՛ի խոնարհ, եւ ահա խաւա́ր խստու(թ)ե(ան) ՛ի տարակուսանս ն(ո)ց(ա)։



Chapter: 6  
ԳԼ(ՈՒԽ) Զ՜.


Section: 8 

Verse: 1   Link to sept   Եւ եղեւ յամին յորում մեռաւ ոզիա արքայ, տեսի́ զտ(է)ր նստեալ յաթոռ բարձրութե(ան) եւ վերացելոյ. եւ լի́ էր տունն փառօք ն(ո)ր(ա)։

Verse: 2   Link to sept   Եւ սրոբէք կային շո́ւրջ զնովաւ. վե́ց թեւք միոյ՝ եւ վե́ց թեւք միոյ. երկունք ծածկէին զերեսս իւրեանց, եւ երկունք ծածկէին զոտս իւրեանց, եւ երկունք թռուցեալ։

Verse: 3   Link to sept   Աղաղակէին մի առ մի՝ եւ ասէին. ս(ուր)բ. ս(ուր)բ. ս(ուր)բ. Տ(է)ր զօրութե(ան)ց՝ լի́ է ամ(ենայն) երկիր փառօք ն(ո)ր(ա)։

Verse: 4   Link to sept   Եւ վերացաւ դրանդն ՛ի ձայնէն զոր աղաղակէին, եւ տունն լի́ եղեւ ծխով։

Verse: 5   Link to sept   Եւ ասեմ, վա́յ է ինձ՝ ես ա́յր տառապեալ զի՞արդ կա́մս, հիացեալ։ զի մարդ եմ՝ եւ պի́ղծ շրթունս ունիմ, եւ ՛ի մէջ պղծաշուրթն ժողովրդեան բնակեալ եմ ես. եւ զտ(է)ր զօրութե(ան)ց տեսի աչօք իմովք։

Verse: 6   Link to sept   Եւ առաքեցաւ առ իս մի ՛ի սրովբէից անտի, եւ ՛ի ձեռին իւրում ունէր կայծակն. զոր առեալ ունելեօք ՛ի սեղանոյ անտի, եբեր

Verse: 7   Link to sept   մերձեցո́յց ՛ի բերան իմ, եւ ասէ. ահաւասիկ մերձեցաւ ա́յդ ՛ի շրթունս քո, եւ հանցէ զանօրէնութի(ւն)ս քո, եւ զմեղս քո սրբեսցէ́ ՛ի քէն։

Verse: 8   Link to sept   Եւ լուայ զբարբառ տ(եառ)ն որ ասէր. զո՞ առաքեցից * եւ կամ ո՞վ երթիցէ առ այն ժողովուրդ։ եւ ասեմ, ահաւասիկ ես՝ առաքեա́ զիս։

Verse: 9   Link to sept   Եւ ասէ, ե́րթ եւ ասա́ ցժողովուրդն ցայն. լսելով լուիջիք՝ եւ մի́ իմասջիք, եւ տեսանելով տեսջիք՝ եւ մի́ գիտասջիք։

Verse: 10   Link to sept   Զի թանձրացա́ւ սիրտ ժողովրդեանդ այդորիկ, եւ ակընջօք իւրեանց ծանունս լուան. եւ զաչս իւրեանց կափուցին զի մի́ երբէք տեսանիցեն աչօք, եւ լուիցեն ակընջօք, եւ իմանայցեն սրտիւք, եւ դարձցին՝ եւ բժշկեցից զն(ո)ս(ա)։

Verse: 11   Link to sept   Եւ ասեմ. մինչեւ յե՞րբ տ(է)ր։ եւ ասէ՝ մինչեւ աւերեսցին քաղաքք ՛ի բնակչաց, եւ տունք առ ՛ի չգոյէ́ մարդկան. եւ մնասցէ երկիրդ աւերա́կ։

Verse: 12   Link to sept   Եւ յետ այսորիկ յերկարեսցէ ա(ստուա)ծ մարդկան, եւ բազմասցին մնացեալքն յերկրի։

Verse: 13   Link to sept   Սակայն եւ ՛ի նմանէ́տասանորդեսցեն. եւ դարձեալ եղիցին ՛ի գերու(թ)ի(ւն) եւ յափշտակութի(ւն), իբրեւ զբեւեկնի տերեւաթափ, եւ իբրեւ զկաղին թօթափեալ յիւրաքանչիւր պատենից * զաւակն ս(ուր)բ արձանութի(ւն) ն(ո)ր(ա)։



Chapter: 7  
ԳԼ(ՈՒԽ) Է՜.


Section: 9 

Verse: 1   Link to sept   Եւ եղեւ յաւուրս աքազու յովաթամայ որդւոյ ոզիայ՝ թագաւորին հրէաստանի. ե́լ հռասիմ արքայ արամայ, եւ փակէէ որդի հռովյելայ արքայի ի(սրայէ)լի ՛ի վ(ե)ր(այ) ե(րուսաղէ)մի, տա́լ ընդ նմա պատերազմ. եւ ո́չ կարացին պաշարե́լ զնա։

Verse: 2   Link to sept   Ա́զդ եղեւ ՛ի տուն դաւթի՝ եւ ասէ, միաբանեաց արամ ընդ եփրեմայ. եւ զարհուրեցա́ւ անձն ն(ո)ր(ա), եւ աձնձ ժողովրդեան նորա, զիւրօրինակ շարժեսցի յանտառի ծա́ռ մի ՛ի հողմոյ։

Verse: 3   Link to sept   Եւ ասէ տ(է)ր ցեսայի. ե́լ ընդ առաջ աքազու՝ դու եւ մնացեալ որդին քո յասուբ, հանդէ́պ աւազանին վերին ճանապարհի ագարակին թափչի։

Verse: 4   Link to sept   եւ ասասցե́ս ցնա. զգո́յշ լեր՝ հանդարտեա́, եւ մի́ երկնչիր. եւ մի́ զարհուրեսցի անձն քո յերկուց փայտից խանձողացն ծխելոց. զի յորժամ հասանիցէ բարկութի(ւն) սրտմտութե(ան) իմոյ, դարձեա́լ բժշկեցից։ եւ որդին արամայ՝ եւ որդին ռովմելայ։

Verse: 5   Link to sept   զի խորհեցան խորհուրդ չար* եփրեմ եւ որդին ռովմելայ զքէն՝ եւ ասեն։

Verse: 6   Link to sept   Ելցո́ւք ՛ի հրէաստան՝ խօսեսցո́ւք ը(նդ) ն(ո)ս(ա), դարձուսցո́ւք զն(ո)ս(ա) առ մեզ. եւ կացուսցուք նոցա թագաւոր զորդին տաբելայ։

Verse: 7   Link to sept   Ա́յսպէս ասէ տ(է)ր զօրու(թ)ե(ան)ց. մի́ կացցէ խորհուրդն այն, եւ մի́ եղիցի։

Verse: 8   Link to sept   այլ գլուխ արամայ դամասկոս, եւ գլուխ դամասկոսի հռասիմ. եւ ա́յլեւս վաթսուն եւ հինգ ամ, եւ պակասեսցէ թագաւորութի(ւն)ն եփրեմի ՛ի ժողովրդենէ անտի։

Verse: 9   Link to sept   Եւ գլուխ եփրեմայ սոմորովն, եւ գլուխ սոմորովնի որդին ռովմելայ։ եւ եթէ ո́չ հաւատայցէք, եւ ո́չ ՛ի միտ առնուցուք։

Verse: 10   Link to sept   Եւ յաւել տ(է)ր խօսե́լ ընդ աքազու՝ եւ ասէ.

Verse: 11   Link to sept   խնդրեա́ դու քեզ նշան ՛ի տ(եառն)է ա(ստուածո)յ քումմէ ՛ի խորու(թ)ե(ան) կամ ՛ի բարձրու(թ)ե(ան)։

Verse: 12   Link to sept   Եւ ասէ աքազ. ո́չ խնդրեցից՝ եւ ո́չ փորձեցից զտ(է)ր։

Verse: 13   Link to sept   եւ ասէ՝ արդ լուարո́ւք տուն դաւթի. թեթեւ՞ ինչ թուիցի ձեզ աշխատութի(ւն) հասուցանել մարդկան. եւ զի՞արդ հասուցանէք աշխատու(թ)ի(ւն) տ(եառ)ն։

Verse: 14   Link to sept   Վ(ա)ս(ն) այդորիկ տացէ́ ձեզ տ(է)ր ինքնին նշան։ Ահա կո́յսն յղասցի՝ եւ ծնցի որդի, եւ կոչեսցեն զանուն ն(ո)ր(ա) Ե́մմանուէլ։

Verse: 15   Link to sept   իւղ եւ մեղր կերիցէ. մինչչե́ւ ինչ իցէ ծանուցեալ ն(ո)ր(ա). կամ ախորժեալ յառաջագոյն զչարու(թ)ի(ւն), ընտրսցէ́ զբարին։

Verse: 16   Link to sept   Վ(ա)ս(ն) այնորիկ մինչչե́ւ ծանուցեալ իցէ մանկանն զբարի կամ զչար, անարգեսցէ́ զչարն՝ եւ ընտրեսցէ զբարին։ եւ մնասցէ երկիրդ՝ յորմէ գուդ կասկածես յերեսաց երկուց թագաւորացն։

Verse: 17   Link to sept   Այլ ածցէ́ ա(ստուա)ծ ՛ի վ(ե)ր(այ) քո, եւ ՛ի վ(ե)ր(այ) ժողովրդեան քոյ, եւ ՛ի վ(ե)ր(այ) տան հօր քոյ աւուրս՝ որ չե́ւ եւս են եկեալ, յորմէ օրէ եհա́ն եփրեմ ՛ի հրէաստանէ զարքայն ասորեստանեայց։

Verse: 18   Link to sept   եւ եղիցի յաւուր յայնմիկ շարժեսցէ́ տ(է)ր զճանճիւռնն որ տիրեսցէ յայնկոյս գետոյն եգիպտացւոց, եւ զձիաստացն որ է յերկրին ասորեստանեայց։

Verse: 19   Link to sept   Եւ եկեսցեն ամենեքեան, եւ հանգիցեն ՛ի ձորս երկրիդ, եւ ՛ի ծերպս վիմաց, եւ յայրս, եւ յամ(ենայն) փապարս, եւ յամ(ենայն) փայտս։

Verse: 20   Link to sept   Յաւուր յայնմիկ գերծցէ́ տ(է)ր սրովն մեծաւ եւ արբեցելով, յա́յնկոյս գետոյն թագաւորին ասորեստանեայց, զգլո́ւխ եւ զմա́զ ոտից, եւ զմօրուսն սրբեսցէ։

Verse: 21   Link to sept   Եւ եղիցի յաւուր յայնմիկ բուծցէ́ մարդ երինջ մի յարջառոց, եւ մտքիս երկուս.

Verse: 22   Link to sept   եւ եղիցի * ՛ի բազմւոթ(են)է կաթինն՝ կերիցէ եւղ. զի եւղ եւ մեղր կերիցէ ամ(ենայն) որ մնացեալ իցէ յերկրին։

Verse: 23   Link to sept   Եւ եղիցի յաւուր յայնմիկ ամ(ենայն) տեղի՝ ուր իցէ հազա́ր որթ՝ հազա́ր կշռոյ սկեղ. խոպանասցի́ եւ ՛ի փուշ դարձցի։

Verse: 24   Link to sept   նետողք եւ աղեղնաւորք մտանիցեն անդր։ Զի խոպանացեալ եւ փշաբեր եղիցի ամ(ենայն) երկիր,

Verse: 25   Link to sept   եւ ամ(ենայն) լեառնն արօրադի́ր ակօսաբե́կ լիցի. եւ մի́ հասցէ անդր երկեւղ. զի եղիցի ՛ի խոպանէն եւ ՛ի փշոյ՝ յարօտ գառին եւ ՛ի կոխան եզին։



Chapter: 8  
ԳԼ(ՈՒԽ) Ը՜.


Verse: 1   Link to sept   Եւ ասէ ցիս տ(է)ր, ա́ռ դու քեզ տոմս մի նո́ր մեծ. եւ գրեսցես ՛ի նմա՝ գրչաւ առն ճարտարի, արագարա́գ զաւար հարկանել՝ եւ վաղվաղակի́ զապուռ ժողովել. քանզի հասեալ է։

Verse: 2   Link to sept   Եւ վկա́յս կացուսցես ինձ արս հաւատարիմս, զուրիա քահանայ՝ եւ զզաքարիա որդի բարաքեայ։

Verse: 3   Link to sept   Եւ մերձեցայ առ կինն իմ մարգարէ, եւ յղացաւ եւ ծնաւ որդի։ եւ ասէ ցիս տ(է)ր, կոչեա́ զանուն ն(ո)ր(ա) արագարա́գ կապտեսջիր՝ եւ վաղվաղակի աւա́ր հարկանիջիր։

Verse: 4   Link to sept   քանզի մինչչեւ ծանուցեալ իցէ մանկանն կոչել զհայր կամ զմայր, առցէ զզօրու(թ)ի(ւն) դամսկոսի, եւ զաւար սամարեայ, յանդիման թագաւորին ասորեստանեայց։

Verse: 5   Link to sept   Եւ յաւե́լ եւս խօսել ընդիս տ(է)ր՝ եւ ասէ.

Verse: 6   Link to sept   փոխանակ զի ո́չ ախորժեաց ժողովուրդդ այդ զջուրն սելովայ՝ որ գնայ խաղաղ.* այլ կամեցան առնել իւրեանց թագաւորս զռասիմ զորդին ռոմելայ։

Verse: 7   Link to sept   Վ(ա)ս(ն) այդորիկ ահաւադիկ ածցէ տ(է)ր ՛ի վ(ե)ր(այ) ձեր զջուր գետոյն զհզօրն եւ զյորդ՝ զարքայն ասորեստանի եւ զփառս ն(ո)ր(ա)։ Եւ եկեսցէ́ եւ հասցէ́ յամ(ենայն) ձորս ձեր, եւ ճեմեսցի́ ՛ի վ(ե)ր(այ) պարսպաց ձերոց։

Verse: 8   Link to sept   եւ հանցէ յերկրէդ հրէաստանէ զայր որ կարօղ իցէ ամբառնալ զգլուխ իւր. եւ զզօրաւորն որ կարիցէ գործել ինչ. եւ եղիցի բանակ ն(ո)ր(ա) լնուլ զլայնու(թ)ի(ւն) երկրիդ քո։

Verse: 9   Link to sept   Ընդ մե́զ Ա(ստուա)ծ՝ գիտացէ́ք հեթանոսք՝ եւ պարտեցարո́ւք. լսելի́ արարէք մինչեւ ՛ի ծագս երկրի. հզօրացեա́լքդ պարտեցարուք։ Զի թէպէտ եւ դարձեալ զօրանայցէք՝ դարձեալ ՛ի պարտու(թ)ի(ւն) մատնեսջիք։

Verse: 10   Link to sept   Եւ զոր խորհուրդ եւ խորհիցիք՝ ցրուեսցէ́ տ(է)ր. եւ զոր բան եւ խօսիցիք՝ մի́ հաստատեսցի առ ձեզ. քանզի ը(նդ) մե́զ տ(է)ր ա(ստուա)ծ։

Verse: 11   Link to sept   Ա́յսպէս ասէ տ(է)ր առ այնոսիկ որ զօրու(թեամ)բ ձեռին ն(ո)ր(ա) ընդդէ́մ դառնան ըստ գնացից ճանապարհի ժողովրդեանս այսորիկ եւ ասեն

Verse: 12   Link to sept   թէ ո́չ երբէք խօսիցին խստու(թ)ի(ւն)։ զի ամ(ենայն) զորինչ խօսի ժողովուրդդ այդ՝ խստութի́(ւն) է։ եւ յերկիւղէ ն(ո)ց(ա) մի́ երկնչիցիք, եւ մի խռովիջիք։

Verse: 13   Link to sept   Զտ(է)ր զօրու(թ)ե(ան)ց զնո́յն ս(ուր)բ արարէք, եւ նա́ եղիցի քեզ յերկեւղ։ եւ եթէ ՛ի նա յուսացեալ իցես,

Verse: 14   Link to sept   եղիցի քեզ ՛ի սրբութի(ւն)։ եւ ոտն քո զքարի ո́չ հարկանիցի, եւ գայթագղութի(ւն) քեզ ո́չ պատահիցէ։ Բայց տուն յակովբու յորոգայթ եւ ՛ի ծործո́րս դարանակալաց ե(րուսաղէ)մի։

Verse: 15   Link to sept   վ(ա)ս(ն) այնորիկ տկարասցին ՛ի նմա բազումք. անկցին եւ խորտակեսցին. եւ մերձեսցին ՛ի պաշարումն* մարդիկ որ ՛ի շինութե(ան) իցեն։

Verse: 16   Link to sept   Յայնմ ժամանակի յայտնեսցին որ կնքիցեն զօրէնս, զի մի́ ոք ուսանիցի,

Verse: 17   Link to sept   եւ ասիցէ. կացից մնացից ա(ստուածո)յ որ դարձոյց զերեսս իւր ՛ի տանէն յակովբու, եւ եղէ́ց յուսացեալ ՛ի նա։

Verse: 18   Link to sept   Ահաւասիկ ե́ս եւ մանկունք իմ զոր ետ ինձ ա(ստուա)ծ. եւ եղիցին նշանք եւ արուեստք ՛ի վ(ե)ր(այ) տանն ի(սրայէ)լի, ՛ի սաբաւովթ տ(եառ)նէ՝ որ բնակեալ է ՛ի լերին սիովնի։

Verse: 19   Link to sept   Եւ եթէ ասիցեն ցձեզ. խնդրեցէ́ք զվհուկս եւ զգետնակոչս եւ զրախօս, եւ զորովայնակոչս. ո́չ իբրեւ զազգ ոք որ յա(ստուածո)յ իւրմէ խնդրիցէն։ Զի՞նչ խնդրիծեն վ(ա)ս(ն) կենդանեաց ՛ի մեռելոց անտի։

Verse: 20   Link to sept   զի զօրէնս յօգնականութի(ւն) ետ. զի ասիցեն թէ ո́չ իբրեւ զբանս զայս, վ(ա)ս(ն) որոյ չի́ք կաշառս տալ վասն ն(ո)ր(ա)։

Verse: 21   Link to sept   Եւ եկեսցէ ՛ի վ(ե)ր(այ) ձեր սո́վ խստութ(եամ)բ. եւ եղիցի իբրեւ քաղցիցէք՝ տրտմեսջիք, եւ հայհոյեսջիք զիմխանս եւ զաշխարհ։ Եւ ամբարձցեն զաչս իւրեանց յերկինս ՛ի վեր՝

Verse: 22   Link to sept   եւ հայեսցին յերկիր ՛ի խոնարհ, եւ ահա կարօտութի(ւն)՝ եւ տառապանք՝ եւ խաւար, նեղու(թ)ի(ւն) եւ անձկու(թ)ի(ւն) եւ մութ. զի ո́չոք կարիցէ տեսանել. եւ որ իցէ ՛ի նեղութե(ա)ն՝ մի́ նուազեսցի մինչեւ ՛ի ժամանակն։



Chapter: 9  
ԳԼ(ՈՒԽ) Թ՜.


Section: 10 

Verse: 1   Link to sept   Հա́պա նախ զայդ ա́րբ, վաղվաղակի հե́տ արա. երկիր զաբուղովնի՝ եւ երկիր նեփթաղեմի՝ ճանապարհ ծովու. եւ ա́յլք որ բնակեալ էք զծովեզերբդ, եւ յա́յն կոյս յորդանանու. գալիլեա հեթանոսաց, կողմանք հրէաստանի։

Verse: 2   Link to sept   Ժողովուրդ որ գնայր ընդ խաւար՝ ետես լոյս մեծ. եւ որ բնակեալ էք յաշխարհի եւ ՛ի ստուերս մահու, լո́յս ծագեսցէ ձեզ։

Verse: 3   Link to sept   Զմե́ծ մասն ժողովրդեանդ զոր իջուցեր յուրախու(թ)ի(ւն) քո. եւ ուրա́խ եղիցին առաջի քո ո(ր)պ(էս) ուրախ լինիցին ՛ի հունձս, եւ ո(ր)պ(էս) որ բաժանիցենն զաւար։

Verse: 4   Link to sept   զի վերացա́ւ ՛ի ն(ո)ց(ա)է լո́ւծն՝ որ կայր ՛ի վ(ե)ր(այ), եւ գաւազանն որ ՛ի վ(ե)ր(այ) պարանոցի́ ն(ո)ց(ա)։ Զի զգաւազանն պահանջողաց մերժեաց՝ ո(ր)պ(էս) եւ յաւուրն մադիամու։

Verse: 5   Link to sept   Զի զամ(ենայն) պատմուճան եւ զհանդերձ ժողովեալ նենգու(թեամ)բ, տուգանօ́ք տուժեսցին։ Այլ նոքա կամէին թե հրձի́գ լեալ էին։

Verse: 6   Link to sept   զի մանուկ ծնա́ւ մեր, որդի́ տուաւ մեզ։ որոյ իշխանու(թ)ի(ւն) իւր եղեւ ՛ի վերայ ուսոց իւրոց. եւ անուն կոչեցաւ նմա հրեշտա́կ մեծի́ խորհրդոյ. սքանչելի խորհրդակից. Ա(ստուա)ծ. հզօր. իշխան. հա́յր հանդերձելոյ աշխարհին։

Verse: 7   Link to sept   Եւ ես ածից զխաղաղութի(ւն) ՛ի վ(ե)ր(այ) իշխանաց ն(ո)ր(ա), եւ առողջու(թ)ի(ւն) նմա. մե́ծ է իշխանու(թ)ի(ւն) ն(ո)ր(ա), եւ խաղաղու(թ)ե(ան) ն(ո)ր(ա) չի́ք սահման։ Յաթոռն դաւթի նստցի, եւ զարքայութի(ւն) ն(ո)ր(ա) յաջողեսցէ. եւ զօրացուսցէ զնա իրաւամբք եւ արդարու(թեամ)բ, յայսմհետէ եւ յաւիտեա́նս ժամանակաց. նախա́նձ տ(եառ)ն զօրու(թ)ե(ան)ց արասցէ զայս։

Verse: 8   Link to sept   Մա́հ արձակեաց տ(է)ր ՛ի վ(ե)ր(այ) յակովբայ, եկն եհաս ՛ի վ(ե)ր(այ) ի(սրայէ)լի։

Verse: 9   Link to sept   Եւ ծանիցե́ն ամ(ենայն) ժողովուրդն եփրեմեան՝ եւ որ նստինն ՛ի սամարիա։ որ հպարտու(թեամ)բ եւ ամբարտաւանու(թեամ)բ սրտից խօսեցան՝ եւ ասեն.

Verse: 10   Link to sept   աղիւսք անկան, այլ եկայք վէ́մս տաշեսցուք. զմա́յրս եւ զեղեւնափայտս հարցուք, եւ շինեսցուք մեզ աշտարա́կ։

Verse: 11   Link to sept   Եւ կործանեսցէ ա(ստուա)ծ զյարուցեալսն ՛ի վերայ լերին սիովնի, եւ զթշնամիս յուդայ ցրուեսցէ։

Verse: 12   Link to sept   զասորեստան յելիցն արեւու, եւ զյոյնս ՛ի մտիցն արեւու. ոյք ուտէին զի(սրա)էլ բերանալիր ամ(ենայն) բերանով։ ՛Ի վ(ե)ր(այ) այսր ամ(ենայն)ի ո́չ դարձաւ բարկութի(ւն) ն(ո)ր(ա), այլ տակաւին ձեռն իւր բարձրացեալ է։

Verse: 13   Link to sept   Եւ ժողովուրդն ո́չ դարձաւ՝ մինչեւ վիրաւորեցաւ. եւ զտ(է)ր* զօրու(թ)ե(ան)ց ո́չ խնդրեցին։

Verse: 14   Link to sept   Եւ բարձ տ(է)ր յի(սրայէ)լէ զգլուխն եւ զվերջն, զմեծն եւ զփոքր ՛ի միում աւուր։

Verse: 15   Link to sept   Զծերն եւ զակնառուն՝ այն առա́ջն է. եւ զմարգարէն որ զանօրէնու(թ)ի(ւն)ն ուսուցանէր՝ այն վե́րջն է։

Verse: 16   Link to sept   Եւ եղիցի որ երանիցեն ժողովրդեանս այսմիկ՝ մոլորեալք եւ մոլորեցուցանիցեն. ո(ր)պ(էս) զի կլանիցեն զդոսա եւ ապա յայտնեսցին։

Verse: 17   Link to sept   Վ(ա)ս(ն) այսորիկ ՛ի վ(ե)ր(այ) երիտասարդաց ն(ո)ց(ա) ո́չ եղիցի ուրախ ա(ստուա)ծ, եւ սրբո́ց ն(ո)ց(ա) եւ այրեաց մի́ ողորմեսցի. զի ամենեքին անօրէնք են չա́րք, եւ ամ(ենայն) բերան խօսի զանիրաւու(թ)ի(ւն)։ ՛Ի վ(ե)ր(այ) այսր ամ(ենայն)ի ո́չ դարձաւ բարկութի(ւն)ն, այլ տակաւին ձեռն իւր բարձրացեալ է։

Verse: 18   Link to sept   Եւ վառեսցի́ իբրեւ զհուր անօրէնութի(ւն), եւ իբրեւ զսէզ չորացեալ այրեսցի́ ՛ի հրոյ, եւ վառեսցի յանտառս մայրեաց. եւ շուրջ զամ(ենայն) բլրովք ն(ո)ց(ա) հո́ւր ճարակեսցի։

Verse: 19   Link to sept   Վ(ա)ս(ն) սրտմտու(թ)ե(ան) բարկու(թ)ե(ան) տ(եառ)ն հրձիգ լիցի երկիրն ամ(ենայն). եւ եղիցի ժողովուրդն այրեցեա́լ իբրեւ ՛ի հրոյ։ Այր՝ եղբօր իւրում մի́ ողորմեսցի։

Verse: 20   Link to sept   այլ խոտորեսցի յաջակողմն իւր առ քաղցի, եւ կերիցէ զձախակողմն իւր, եւ մի́ յագեսցի մարդ՝ ուտելով զմարմինս բազկաց իւրոց. զի կերիցէ մանասէ զեփրեմ, եւ եփրեմ զմանասէ.

Verse: 21   Link to sept   եւ ՛ի միասին պաշարեսցեն զյուդայ։ ՛Ի վ(ե)ր(այ) այսր ամ(ենայն)ի ո́չ դարձաւ բարկութի(ւն), այլ տակաւին ձեռն իւր բարձրացեալ է։



Chapter: 10  
ԳԼ(ՈՒԽ) Ժ՜.


Verse: 1   Link to sept   Վա́յ այնոցիկ որ գրեն զչարիս, գրելո́վ գրեն զչարիս իւրեանց։

Verse: 2   Link to sept   խոտորե́ն զդատաստանս աղքատաց, եւ զիրաւունս տնանկաց ժողովրդեան իմոյ յափշտակեն. զի լինիցի ն(ո)ց(ա)՝ այրին ՛ի յափշտակու(թ)ի(ւն), եւ որբն յաւար։

Verse: 3   Link to sept   եւ զի՞նչ գործեսցեն յաւուրն այցելութե(ան)։ Զի նեղութի(ւն) ձեր ՛ի հեռաստանէ́ եկեսցէ. եւ առ ո՞ փախստեայ անկանիցիք ՛ի յօգնականու(թ)ի(ւն)։ եւ ո՞ւր թողուցուք զփառսն ձեր.

Verse: 4   Link to sept   եթէ ոչ մատնեսցի ՛ի գերութի(ւն). եւ ՛ի ներքոյ սպանելոցն մտանիցեն։ ՛Ի վ(ե)ր(այ) այսր ամ(ենայն)ի ո́չ դարձաւ բարկու(թ)ի(ւն)ն, այլ տակաւին ձեռն իւր բարձրացեալ է։
Section: 11 

Verse: 5   Link to sept   Վա́յ ասորեստանեայցն. գաւազան բարկու(թ)ե(ան) եւ սրտմտութե(ան) իմոյ ՛ի ձեռս ն(ո)ց(ա)։

Verse: 6   Link to sept   զի զբարկութի(ւն) իմ յա́զգ անօրէն արձակեցից. եւ իմում ժողովրդեան կարգեցից առնել զաւար եւ զյափշտակու(թ)ի(ւն)։ կոխա́ն առնել զքաղաքս, եւ դնել զն(ո)ս(ա) ՛ի փոշի́։

Verse: 7   Link to sept   Իսկ նա ո́չ այսպէս ած զմտաւ, եւ ո́չ այսպէս համարեցաւ յանձին. այլ դարձո́յց զմիտս իւր սատակել զազգս ո́չ սակաւս։

Verse: 8   Link to sept   եւ եթէ ասիցեն ցնա. դու միա՞յն իցես իշխան. ասիցէ.

Verse: 9   Link to sept   ո՞չ առի զաշխարհն որ ՛ի վե́ր է քան զբաբելովն, եւ զքաղանէ ուր աշտարակն շինեցաւ։ Առի́ եւ զարաբիա, եւ զդամասկոս,եւ զսամարիա։

Verse: 10   Link to sept   ո(ր)պ(էս) զնոսայն առի ձեռամբ իմով, նո́յնպէս առից եւ զամ(ենայն) իշխանու(թ)ի(ւն)ս։ Ողբացէ́ք դրօշեալք որ յե(րուսաղէ)մ եւ ՛ի սամարիա։

Verse: 11   Link to sept   զի զորօրինակ արարի́ ընդ սամարիա՝ եւ ընդ ձեռագործս իւր, նո́յնպէս արարից ընդ ե(րուսաղ)էմ՝ եւ ընդ կո́ւռս իւր.

Verse: 12   Link to sept   Եւ եղիցի յորժամ կատարեսցէ տ(է)ր առնե́լ զամ(ենայն) ինչ ՛ի լերին սիոնի եւ յե(րուսաղէ)մ, ածցէ́ ՛ի վ(ե)ր(այ) մեծամտին բարկու(թ)ի(ւն). ՛ի վերայ իշխանին ասորեստանեայց, եւ ՛ի վ(ե)ր(այ) հպարտացեալ փառաւորաց աչաց ն(ո)ր(ա)։

Verse: 13   Link to sept   Քանզի ասաց թէ զօրութ(եամ)բ իմով արարից, եւ իմաստութ(եամ)բ խորհրդոց իմոց բարձի́ց զսահմանս ազգաց. եւ առից աւար զզօրութի(ւն) ն(ո)ց(ա)։ շարժեցից զքաղաքս բնակեալս։

Verse: 14   Link to sept   հասի́ց ՛ի վերայ ամ(ենայն) տիեզերաց ձեռամբ իմով իբրեւ ՛ի վ(ե)ր(այ) բունոյ, եւ բարձից իբրեւ զձուս մնացեալս. եւ ո́չ ոք իցէ որ ապրիցէ յինէն, եւ ո́չ որ ընդդէմ դառնայցէ ինձ*, եւ բանայցէ զբերան իւր՝ եւ ճի́կ հանիցէ։

Verse: 15   Link to sept   Այսպէս ասէ տ(է)ր. միթէ վերանայցէ՞ փայտատ առանց փայտահարի, կամ բարձրանայցէ՞ սղոց առանց ուրուք ձգելոյ. նո́յնպէս թէ զգաւազան ոք կամ զփայտ ինչ առնուցու. նա եւ ո́չ այնպէս։

Verse: 16   Link to sept   Այլ առաքեսցէ տ(է)ր զօրու(թ)ե(ան)ց ՛ի պատիւ քո անարգանս, եւ ՛ի փառս քո հո́ւր վառեալ բորբոքեսցի։

Verse: 17   Link to sept   Եւ եղիցի լոյսն ի(սրայէ)լի ՛ի հուր. եւ սրբեսցէ զն(ո)ս(ա) հրով բորբոքելով, եւ կերիցէ́ իբրեւ զխոտ զանտառն։ Յաւուր յայնմիկ

Verse: 18   Link to sept   շիջցին լերինք եւ բլուրք եւ անտառք. եւ կերիցէ ՛ի շնչոյ մինչեւ ՛ի մարմին։ եւ եղիցի ապրեալն իբրեւ զայն որ ապրեալն իցէ ՛ի բորբոքեալ բոցոյ։

Verse: 19   Link to sept   Եւ մնացեալքն ՛ի նոցանէ թուո́վ եղիցին, եւ մանուկ տղայ գրեսցէ զնոսա։
Section: 12 

Verse: 20   Link to sept   Եւ եղիցի յաւուր յայնմիկ ո́չ եւս յաւելցին մնացորդքն ի(սրայէ)լի եւ ապրեալքն յակովբայ. եւ ո́չ եւս ապաստան լինիցին ՛ի զրկիչսն իւրեանց. այլ եղիցին ապաստա́ն յա(ստուա)ծ ս(ուր)բն ի(սրայէ)լի ճշմարտու(թեամ)բ։

Verse: 21   Link to sept   Եւ եղիցին մնացեալք յակովբայ յա(ստուա)ծ զօրացեալ։

Verse: 22   Link to sept   Եւ եթէ եղիցի ժողովուրդն իբրեւ զաւազ ծովու, սակա́ւ ինչ մնացորդք մնասցեն ՛ի նոցանէ. զի բան մի հակիրճ եւ համառօտ արդարու(թեամ)բ,

Verse: 23   Link to sept   զբանն համառօտ արասցէ տ(է)ր զօրու(թ)ե(ան)ց ընդ ամ(ենայն) տիեզերս։

Verse: 24   Link to sept   Վ(ա)ս(ն) այսորիկ ա́յսպէս ասէ տ(է)ր՝ տ(է)ր զօրու(թ)ե(ան)ց. մի́ երկնչիր ժողովուրդ իմ որ բնակեալդ ես ՛ի սիովն՝ յասորեստանեայց. զի եթէ հարկանիցէ զքեզ գաւազանաւ, քանզի ե́ս ածեմ ՛ի վերայ քո զհարուածսն, ճանաչել քեզ զճանապարհն եգիպտացւոց։

Verse: 25   Link to sept   զի փոքր մի եւս դադարեսցէ բարկու(թ)ի(ւն)ն. բայց սրտամտու(թ)ի(ւն) իմ ՛ի վ(ե)ր(այ) խորհրդո́ց ն(ո)ց(ա)։

Verse: 26   Link to sept   Եւ յարուսցէ տ(է)ր ա(ստուա)ծ ՛ի վ(ե)ր(այ) ն(ո)ց(ա) զհարուածս ըստ հարուածոցն մադիամու ՛ի տեղին չարչարանաց. եւ սրտմտութի(ւն) ն(ո)ր(ա) ըստ ճանապարհի ծովուն որ յելիցն եգիպտացւոց։

Verse: 27   Link to sept   Եւ եղիցի յաւուր յայնմ բարձցի երկեւղ ն(ո)ր(ա) ՛ի քէն, եւ լուծ ն(ո)ր(ա) ՛ի պարանոցէ քումմէ. եւ խորտակեսցի́ լուծն յուսոց ձերոց։

Verse: 28   Link to sept   Քանզի հասցէ ՛ի քաղաքն անդէ, եւ անցցէ ՛ի մակեդով եւ ՛ի մաքմա́ս դիցէ զկազմած իւր։

Verse: 29   Link to sept   Եւ անցցէ ընդ ձորս, եւ հասցէ ՛ի վերայ գաբաւոնացւոց. ա́հ առցէ զհռամա զքաղաքն սաւուղի փախիցէ դուստր դաղիմայ։

Verse: 30   Link to sept   Խխնջեա́ ձայնիւ քով, լո́ւր լիցի ՛ի լաիս, լո́ւր լիցի յանաթովթ։

Verse: 31   Link to sept   զարհուրեսցի́ մադեբանա, եւ որ բնակեալ են ՛ի գեբիմ։ մխիթարեսցի

Verse: 32   Link to sept   այսօր ագանել ՛ի ճանապարհին. մխիթարեսցէ ձեռամբ լեառն դուստր սիովնի, եւ բլուրքն որ յե(րուսաղէ)մ։

Verse: 33   Link to sept   Զի ահաւասիկ տ(է)ր, տ(է)ր զօրութե(ան)ց խռովեցուսցէ զփառաւորեալսն զօրութ(եամ)բ. եւ բարձրացեալքն ամբարտաւանութ(եամ)բ՝ խորտակեսցին։

Verse: 34   Link to sept   եւ անկցին բարձունքն սրով. եւ լիբանան բարձամբք իւրովք կործանեսցի́։



Chapter: 11  
ԳԼ(ՈՒԽ) Ժ՜Ա.


Section: 13 

Verse: 1   Link to sept   Եւ բղխեսցէ́ գաւազան յարմատոյն յեսսեայ. եւ ելցէ ծաղի́կ յարմատոյ անտի։

Verse: 2   Link to sept   Եւ հանգիցէ ՛ի վ(ե)ր(այ) նորա հոգի́ ա(ստուածո)յ. հոգի իմաստութե(ան) եւ հանճարոյ. հոգի խորհրդո́յ եւ զօրութե(ան). հոգի գիտու(թ)ե(ան) եւ ա(ստուա)ծպաշտու(թ)ե(ան)։

Verse: 3   Link to sept   եւ լցցէ́ զնա հոգի երկիւղի ա(ստուածո)յ։ Ո́չ ՛ի կարծ դատեսցի, եւ ո́չ ըստ խօսից յանդիմանեսցէ։

Verse: 4   Link to sept   Այլ արասցէ իրաւունս տնանկին, եւ յանդիմանեսցէ́ զխոնարհս երկրի։ եւ հարցէ զերկիր բանի́ւ բերանոյ իւրոյ. եւ հոգւով շրթանց իւրոց սատակեսցէ զամպարիշտս։

Verse: 5   Link to sept   Եւ եղիցի արդարու(թ)ի(ւն) ածեալ ընդ մէջ իւր, եւ ճշմարտութ(եամ)բ պատեալ զկողս իւր։

Verse: 6   Link to sept   Եւ ճարակեսցէ́ գայլ ընդ գառին. եւ ինծ՝ առ ուլո́ւ մակաղեսցի. եւ որթ, եւ ցուլ, եւ առեւծ՝ ՛ի միասին ճարակեսցին։ եւ մանուկ մատաղ՝ ածցէ́ զն(ո)ս(ա)։

Verse: 7   Link to sept   Եզն եւ արջ ՛ի միասին ճարակեսցին. եւ որդեակք ն(ո)ց(ա) խա́ռն շրջեսցին։ եւ առեւծ իբրեւ զե́զն յարդ կերիցէ։

Verse: 8   Link to sept   Եւ մանուկ մատաղ ՛ի ծակ իժից եւ ՛ի բոյն կորեա́նց իժից արկցէ́ զձեռն իւր.

Verse: 9   Link to sept   եւ ոչ մեղիցեն, եւ ո́չ կարասցեն հարկանել զոք ՛ի լերին սրբութե(ան) իմոյ. զի լցա́ւ երկիր ամ(ենայն)՝ գիտու(թեամ)բ տ(եառ)ն՝ իբրեւ զջուրս բազումս որ ծածկեն զծովս։

Verse: 10   Link to sept   Եւ եղիցի յաւուր յայնմիկ արմատն յեսսեայ, եւ որ կանգնելոցն է՝ իշխա́ն հեթանոսաց. եւ ՛ի նա́ հեթանոսք յուսասցին։ եւ եղիցի հանգի́ստ ն(ո)ր(ա) պատուով։

Verse: 11   Link to sept   Եւ եղիցի յաւուր յայնմիկ. յաւելցէ տ(է)ր ցուցանել զձեռն իւր. նախանձելի́ս առնել զմնացորդս ժողովրդեան իւրոյ որ մնացեալ իցեն յասորեստանեայց՝ եւ յեգիպտացւոց՝ եւ ՛ի բաբելացւոց՝ եւ յեթւովպացւոց՝ եւ յելամացւոց՝ եւ յելիցն արեւու՝ եւ յարաբացւոց*, եւ ՛ի կղզեաց ծովու։

Verse: 12   Link to sept   Եւ բարձրացուսցէ́ նշան ՛ի հեթանոսս, եւ ժողովեսցէ́ զկորուսեալսն ի(սրայէ)լի. եւ զցրուեալսն յուդայ ժողովեսցէ ՛ի չորից անկեանց երկրի։

Verse: 13   Link to sept   Եւ բարձցի́ նախանձն եփրեմի. եւ թշնամիքն յուդայ կորիցե́ն։ եփրեմ ո́չ նախանձեսցի ընդ յուդայ, եւ յուդայ՝ ո́չ նախանձեսցի ընդ եփրեմայ։

Verse: 14   Link to sept   Եւ թռիցեն նաւք այլազգեաց. եւ առցեն աւար միանգամայն զծովակողմն եւ զարեւելեայսն, եւ զեդովմայեցիսն։ արկցեն զձեռս իւրեանց նախ ՛ի մովաբ. եւ որդիքն ամովնայ յառահագոյն հնազանդեսցին։

Verse: 15   Link to sept   Եւ փլուսցէ́ տ(է)ր զծովն եգիպտացւոց. եւ արկցէ զձեռն իւր ՛ի վ(ե)ր(այ) գետոյն հոգւով սաստկութ(եամ)բ, եւ հարցէ́ զեւթնաձորն. զի համարձակ լիցի գնալ ընդ նա եւ ագելոյն։

Verse: 16   Link to sept   Եւ եղիցի անց մնացելոց ժողովրդեան իմոյ որ յեգիպտոս. եւ եղիցի իսրայէլ որպէս յաւուրսն յորում ե́լ յերկրէն եգիպտացւոց։



Chapter: 12  
ԳԼ(ՈՒԽ) Ժ՜Բ.


Verse: 1   Link to sept   Եւ ասասցես յաւո́ւր յայնմիկ. օրհնեցի́ց զքեզ տ(է)ր. զի բարկացա́ր ինձ, եւ դարձուցեր զսրտմտու(թ)ի(ւն) քո յինէն, եւ ողորմեցա́ր ինձ։

Verse: 2   Link to sept   Ահաւասիկ ա(ստուա)ծ իմ փրկի́չ իմ տ(է)ր, եւ յուսացեա́լ եղէց ՛ի նա՝ եւ ո́չ երկեայց. զի փա́ռք իմ եւ օրհնութի(ւն) իմ տ(է)ր, եւ եղեւ ինձ ՛ի փրկութի(ւն)։

Verse: 3   Link to sept   Եւ առէ́ք ջուր ուրախու(թ)ե(ան) յաղբիւրացն փրկութե(ան)։

Verse: 4   Link to sept   Եւ ասասցես յաւուր յայնմիկ. օրհնեցէ́ք զտ(է)ր. հնչեցէ́ք զանուն ն(ո)ր(ա). պատմեցէ́ք ՛ի հեթանոսս զփա́ռս ն(ո)ր(ա). յիշեցէ́ք զի բարձրացաւ անուն ն(ո)ր(ա)։

Verse: 5   Link to sept   Օրհնեցէ́ք զանուն տ(եառ)ն զի մեծամեծս արար. պատմեցէ́ք զայս ամ(ենայն) երկիր։

Verse: 6   Link to sept   Ցնծացէ́ք եւ ուրա́խ լերուք բնակիչք սիովնի, զի բարձրացաւ ս(ուր)բն ի(սրայէ)լի ՛ի մէջ ն(ո)ր(ա)։



Chapter: 13  
ԳԼ(ՈՒԽ) Ժ՜Գ.


Verse: 1   Link to sept Տեսիլ բաբելացւոց. Զոր ետես Եսայի որդի ամովսայ։


Section: 14 

Verse: 2   Link to sept   ՛Ի վ(ե)ր(այ) լերինն դաշտականի առէ́ք նշան։ բարձրացուցէ́ք զբարբառ ձեր ՛ի վ(ե)ր(այ) ն(ո)ց(ա)։ մի́ երկնչիք կոչեցէ́ք ձեռամբ. բացէ́ք իշխանք,

Verse: 3   Link to sept   եւ ե́ս տաց հրաման։ Նուիրեալք են՝ եւ ես ածից զն(ո)ս(ա), դիմեա́լ գան սկայք յագեցուցանել զսրտմտութի(ւն) իմ. խնդա́ն՝ գա́ն միանգամայն, եւ թշնամանեն։

Verse: 4   Link to sept   Ձա́յն ազգաց բազմաց ՛ի վ(ե)ր(այ) լերանց՝ ՛ի նմանութի(ւն) ազգաց բազմաց։ ձա́յն թագաւորաց եւ ազանց միահամուռ ժողովելոց։ Տ(է)ր զօրու(թ)ե(ան)ց հրաման ետ ազգաց սպառազինաց,

Verse: 5   Link to sept   գա́լ յերկրէ հեռաստանէ ՛ի ծագա́ց հիմանց երկնից։ Հասեա́լ է տ(է)ր իւրովք սպառազինօք սատակե́լ զամ(ենայն) տիեզերս։

Verse: 6   Link to sept   Ողբացէ́ք զի մերձ է օր տ(եառ)ն, եւ բեկումն յա(ստուածո)յ հասեալ է։

Verse: 7   Link to sept   վասն այսորիկ ամ(ենայն) ձեռք լքցի́ն, եւ ամ(ենայն) անձն արդոյ դողասցէ́։

Verse: 8   Link to sept   Խռովեսցի́ն հրեշտակք, եւ երկո́ւնք կալցին զն(ո)ս(ա) իբրեւ զկանայս ծննդականս։ փռընկայցե́ն այր ընդ ընկերի՝ եւ զայրասցին. եւ զդէմս իւրեանց ՛ի բոցագոյն դարձուսցեն։

Verse: 9   Link to sept   Զի ահաւասիկ տ(է)ր զօրու(թ)ե(ան)ց հասեալ է անհնարին լի բարկու(թեամ)բ՝ ոխակալու(թեամ)բ սրտմտութ(եամ)բ. առնել զտիեզերս անապատ, եւ զմեղաւորս սատակե́լ ՛ի նմանէ։

Verse: 10   Link to sept   Զի աստեղք երկնից հայկի́ւն հանդերձ, եւ ամ(ենայն) զարդուն երկնից լոյս մի́ տացեն. եւ խաւարեսցի արեգակն ՛ի ծագել իւրում, եւ լուսին մի́ տացէ զլոյս իւր։

Verse: 11   Link to sept   Եւ հրամա́ն տաց ընդ ամ(ենայն) տիեզերս զչարիս, եւ ամպարշտաց զմե́ղս իւրեանց. եւ կորուսից զհպարտու(թ)ի(ւն) զանօրինաց, եւ զբարձու(թ)ի(ւն) ամբարտաւանից խոնարհեցուցի́ց։

Verse: 12   Link to sept   Եւ եղիցին մնացեալքն պատուականք առաւե́լ քան զոսկի անհուր. եւ մարդն պատուակա́ն եղիցի քան զականս սովփերայ։

Verse: 13   Link to sept   Զի երկինք զայրասցի́ն, եւ երկիր սասանեսցի́ ՛ի հիմանց իւրոց, վ(ա)ս(ն) սրտմտու(թ)ե(ան) բարկու(թ)ե(ան) տ(եառ)ն զօրու(թ)ե(ան)ց. յաւուր յորում հասեալ իցէ սրտմտու(թ)ի(ւն) ն(ո)ր(ա)։

Verse: 14   Link to sept   Եւ եղիցին մնացեալքն իբրեւ զայծեա́մն փախուցեալ, եւ իբրեւ զոչխա́րս մոլորեալ. եւ ո́չ ոք իցէ որ ժողովիցէ։ զի մարդն անդրէն ՛ի ժողովուրդ իւր դարձցի, եւ ա́յր իւրաքանչիւր յերկի́ր իւր հալածեսցի։

Verse: 15   Link to sept   Զի որ ըմբռնեսցի՝ ՛ի պարտութի(ւն) մատնեսցի, եւ ժողովեալքն ՛ի սո́ւր անկցին։

Verse: 16   Link to sept   Եւ զորդիս ն(ո)ց(ա)՝ առաջի ն(ո)ց(ա) սատակեսցեն, եւ զտունս ն(ո)ց(ա) աւա́ր հարկանիցեն, եւ զկանայս ն(ո)ց(ա) խայտառակեսցե́ն։

Verse: 17   Link to sept   Ահաւասիկ յարուցանեմ ՛ի վ(ե)ր(այ) ձեր զմարս՝ որ ո́չինչ համարին զարծա́թ եւ զոսկի։

Verse: 18   Link to sept   Զաղեղունս երիտասարդաց խորտակեսցեն, եւ որդւոցն ձերոց մի́ ողորմեսցին, եւ ՛ի մանկունս ձեր ո́չ խնայեսցէ ակն ն(ո)ց(ա)։

Verse: 19   Link to sept   Եւ եղիցի բաբելովն որ փառաւորն կոչի ՛ի թագաւորէն քաղդէացւոց. ո(ր)պ(էս) կործանեա́ց ա(ստուա)ծ զսոդո́մ եւ զգոմոր։

Verse: 20   Link to sept   Եւ ո́չ բնակեսցէ յաւիտեանս ժամանակաց. եւ մի́ մտցեն ՛ի նմա յազգս բազումս, եւ մի́ եւս անցցեն ընդ նա արաբացիք. եւ հովիւք մի́ հանգիցեն ՛ի նմա։

Verse: 21   Link to sept   Այլ անդ հանգիցեն գազա́նք վայրենիք. եւ լցցի́ն տունք ն(ո)ց(ա) աղաղակաւ. եւ ա́նդ հանգիցեն համբարուք, եւ անդ դե́ւք կաքաւեսցեն.

Verse: 22   Link to sept   եւ յուշկապարի́կք բնակեսցեն ՛ի նմա, եւ ոզնիք ձա́գս հանցեն յապարանս ն(ո)ր(ա)։



Chapter: 14  
ԳԼ(ՈՒԽ) Ժ՜Դ.


Verse: 1   Link to sept   Վաղվաղակի հասեա́լ եւ գայ, եւ ո́չ անագանեսցի.* եւ աւուրք ն(ո)ր(ա) մի́ յերկարեսցին։ Եւ ողորմեսցի տ(է)ր յակովբայ, եւ ընտրեսցէ միւսանգամ զի(սրա)էլ. եւ հանգիցէ́ն յերկրի իւրեանց։ եւ յաւելցի́ պանդուխտն ՛ի տունն յակովբայ։

Verse: 2   Link to sept   Ընկալցի́ն զն(ո)ս(ա) հեթանոսք, եւ ածցեն ՛ի տեղիս իւրեանց՝ եւ ժառանգեսցեն։ եւ բազմասցի́ն յերկրին ա(ստուածո)յ ՛ի ծառայս եւ յաղախնայս։ եւ եղիցին գերիք գերեվարք ն(ո)ց(ա), եւ անկցի́ն ՛ի ծառայութի(ւն) որ տիրէին ն(ո)ց(ա)։

Verse: 3   Link to sept   Եւ եղիցի յաւուր յայնմիկ, հանգուսցէ́ զքեզ տ(է)ր ՛ի ցաւոց եւ ՛ի սրտմտու(թեն)է քումմէ. եւ ՛ի ծառայու(թեն)է խստութե(ան) զոր ծառայեցեր ն(ո)ց(ա)։

Verse: 4   Link to sept   Եւ առցես զողբս զայս ՛ի վ(ե)ր(այ) թագաւորին բաբելացւոց, եւ ասասցես յաւուր յայնմիկ. զի՞արդ դադարեալ կայ պահանջօղն, հանգեա́ւ տագնապողն։

Verse: 5   Link to sept   Զի խորտակեա́ց տ(է)ր զլուծ մեղաւորացն՝ զլո́ւծ իշխանացն.

Verse: 6   Link to sept   սատակեաց զազգսն սրտմտու(թեամ)բ. անհնարին հարուածովք բարկու(թեամ)բ յանխնա́յ։

Verse: 7   Link to sept   հանգեա́ւ յուսով երկիր ամ(ենայն), եւ գոչէ́ ուրախութ(եամ)բ։

Verse: 8   Link to sept   Եւ փայտքն լիբանանու ոտնահա́ր եղեն քեզ։ եւ մայրքն լիբանանու ասեն. թէ յորմէ հետէ դու դադարեցեր՝ ո́չ ելին ՛ի մեզ փայտահարք։

Verse: 9   Link to sept   Դժոխք ՛ի ներքուստ դառնացա́ն ՛ի պատահելն քեզ. կանգնեցա́ն միանգամայն հսկայքն ամ(ենայն) որ լեալ էին իշխանք երկրի. որ յարուցին յաթոռոց իւրեանց զամ(ենայն) թագաւորս ազգաց։

Verse: 10   Link to sept   Ամենեքեան պատասխանի́ տացեն քեզ՝ եւ ասասցեն. եւ դո́ւ իբրեւ զմեզ ըմբռնեցար, եւ ընդ մե́զ համարեցար։

Verse: 11   Link to sept   իջին ՛ի դժոխս փառք քո, եւ բազում ուրախու(թ)ի(ւն)ն քո։ ՛ի ներքոյ քոյ մէ́ցս տարածեսցեն, եւ ՛ի վ(ե)ր(այ) քո ո́րդն յարկցի։

Verse: 12   Link to sept   Զի՞արդ անկաւ յերկնից արուեսեակն՝ որ ընդ առաւօտն ծագէր. անկա́ւ յերկիր, խորտակեցա́ւ՝ որ առաքէր առ ամ(ենայն) ազգս։

Verse: 13   Link to sept   Դու ասէիր ՛ի մտի քում. ելի́ց յերկինս, ՛ի վերոյ քան զաստեղս երկնից արկի́ց զաթոռ իմ. նստա́յց ՛ի լերինն բարձու, ՛ի վ(ե)ր(այ) լերանց բարձանց հիւսւսոյ։

Verse: 14   Link to sept   ելից ՛ի վե́ր քան զամպս, եղէ́ց նմանօղ բարձրելոյն։

Verse: 15   Link to sept   Արդ՝ ահաւադիկ ՛ի դժո́խս իջցես եւ ՛ի հիմունս երկրի։

Verse: 16   Link to sept   որք տեսանիցեն զքեզ՝ զարմասցին ՛ի վ(ե)ր(այ) քո եւ ասասցեն. այս այն ա́յր է որ զայրացուցաներ զերկիր, շարժէր զթագաւորս։

Verse: 17   Link to sept   որ առնէր զամ(ենայն) տիեզերս աւերակ, եւ քակէ́ր զքաղաքս ն(ո)ց(ա). գերեաց գերեդարձ ո́չ արար։

Verse: 18   Link to sept   Ա(մենայ)ն թագաւորք ազգաց ննջեցին պատուո́վ. այր իւրաքանչիւր ՛ի տան իւրում։

Verse: 19   Link to sept   եւ դու անկցի́ս ՛ի վերայ լերանց իբրեւ զմեռեալ. գարշելի́ ՛ի մէջ բազում դիականց կոտորելոց սրով՝ իջելոց ՛ի դժոխս։ Իբրեւ զձորձս արեամբ թաթաւեալ որ ո́չ իցէ սուրբ.

Verse: 20   Link to sept   նո́յնպէս եւ դու ո́չ սրբեսցիս. զի ապականեցե́ր զերկիր իմ, եւ զժողովուրդ իմ կոտորեցեր. մի́ մնասցես յաւիտեանս ժամանակաց։ Զաւա́կ չար

Verse: 21   Link to sept   պատրաստեա́ զորդիս քո ՛ի սպանումն վ(ա)ս(ն) մեղաց հարց իւրեանց. զի մի́ յարիցեն եւ ժառանգեսցեն զերկիր, եւ լցցեն զերկիր պատերազմօք։

Verse: 22   Link to sept   Յարեա́յց ՛ի վ(ե)ր(այ) ն(ո)ց(ա) ասէ տ(է)ր սաբաւովթ. եւ կորուսից զանուանս ն(ո)ց(ա)՝ եւ զզա́րմ եւ զզաւակ։ Ա́յսպէս ասէ տ(է)ր զօրու(թ)ե(ան)ց. արարից զբաբելովն աւերակ,

Verse: 23   Link to sept   զի բնակեսցեն ՛ի նմա ոզնի́ք. եւ եղիցի յոչի́նչ։ եւ արարից զնա խորխորատ աղմոյ ՛ի կորուստ։ Ա́յսպէս ասէ տ(է)ր զօրու(թ)ե(ան)ց.

Verse: 24   Link to sept   զոր օրինակ ասացի՝ ա́յնպէս եղիցի. եւ ո(ր)պ(էս) խորհեալեմ՝

Verse: 25   Link to sept   այն կացցէ. սատակել զասորեստանեայս յերկրի իմում եւ ՛ի վ(ե)ր(այ) լերանց իմոց։ եւ եղիցին ՛ի կոխո́ւմն. եւ բարձցի́ ՛ի ձէնջ լուծ ն(ո)ց(ա), եւ գոռոզութի(ւն) ն(ո)ց(ա) ՛ի պարանոցէ ձերմէ վերասցի́։

Verse: 26   Link to sept   Ա́յս խորհուրդ է զոր խորհեցաւ տ(է)ր ՛ի վ(ե)ր(այ) ամ(ենայն) տիեզերաց. եւ ա́յս ձեռն բարձրացեալ ՛ի վ(ե)ր(այ) ամ(ենայն) ազգաց։

Verse: 27   Link to sept   Զի զոր ս(ուր)բն ա(ստուա)ծ խորհեցաւ, ո՞վ իցէ որ զայն ցրիցէ. եւ զբարձրացեալ ձեռն ն(ո)ր(ա)՝ ո՞վ իցէ որ դարձուցանիցէ։

Verse: 28   Link to sept   Յամին յորում մեռաւ աքազ արքայ, եղեւ պատգամս այս ՛ի վ(ե)ր(այ) այլազգեացն։
Section: 15 

Verse: 29   Link to sept   Մի́ ուրախ լինիք ամ(ենայն) այլազգիք, եթէ խորտակեցաւ լուծ հարկանողացն ձերոց. զի ՛ի զաւակէ օձին ելցեն ծնունդք իժից, եւ ՛ի ն(ո)ց(ա) ծննդոց ելցեն օձք թեւաւորք։

Verse: 30   Link to sept   Եւ բուծցի́ն աղքատք նովաւ, եւ տկար մարդիկ ՛ի խաղաղու(թ)ե(ան) բնակեսցեն. եւ սատակեսցեն ՛ի սովոյ զզաւակ քո, եւ զմնացորդս քո սատակեսցէ։

Verse: 31   Link to sept   Ողբացէ́ք դրունք քաղաքաց. ձա́յնս արկցեն քաղաքք խռովեալք ամ(ենայն) այլազգիք. ծո́ւխ ել ՛ի հիւսւսոյ, եւ ո́չեւս գտանիցի։

Verse: 32   Link to sept   Եւ զի՞նչ տայցեն պատասխանի թագաւորք ազգաց. զի տ(է)ր հաստատեաց զհիմունս սիովնի, եւ նովա́ւ փրկեսցին խոնարհք ժողովրդեանն։



Chapter: 15  
ԳԼ(ՈՒԽ) Ժ՜Ե.


Verse: 1   Link to sept Պատգամ ՛ի վերայ մովաբացւոց։


Section: 16 
   Գիշերի́ սատակեսցի մովաբացին. գիշերի́ կործանեսցի պարիսպ մովաբացւոյն։

Verse: 2   Link to sept   Սո́ւգ առէք յանձինս, զի կորեաւ գեդեբոն՝ տեղի մեհենին ձերոյ. ա́նդր ելանիցէք լալ ՛ի նաբա́ւ մովաբացւոց։ Ողբացէ́ք զի ամ(ենայն) գլուխ ՛ի կնդու(թ)ի(ւն), եւ ամ(ենայն) բազուկք խորտակեալք։

Verse: 3   Link to sept   ՛ի հրապարակս ն(ո)ր(ա) քո́ւրձ զգեցարուք, եւ ՛ի վ(ե)ր(այ) տանեաց ն(ո)ր(ա) կոծեցարո́ւք, եւ ՛ի փողոցս ն(ո)ր(ա) ողբացէ́ք լալով։

Verse: 4   Link to sept   Զի գուժեաց եսեբոն, եւ ելէիլա. մինչեւ յասա լսելի́ եղեն ձայնք ն(ո)ց(ա)։ վ(ա)ս(ն) այսորիկ երկար մովաբացւոյն գոչէ, եւ անձն իւր ծանիցէ.

Verse: 5   Link to sept   սիրտ մովաբացւոյն գոչէ յանձն իւր մինչեւ ՛ի սեգովր։ քանզի երինջ երեմեա́ն է։ Եւ ընդ ելսն ղովիթայ լալո́վ ելցեն առ քեզ։ ՛ի ճանապարհի արոնիիմ, գոչէ բեկումն եւ շարժումն։

Verse: 6   Link to sept   ջուրն նեմերիմայ պակասեսցէ եւ ցամաքեսցի. եւ խոտ ն(ո)ր(ա) նուազեսցէ. եւ դեղ դալար՝ անդ մի́ գտցի։

Verse: 7   Link to sept   միթէ եւ ա́յնպէս ապրելո՞ց իցէ։ Քանզի ածից ՛ի վ(ե)ր(այ) ձորոց զարաբացիս, եւ առցեն զնա։

Verse: 8   Link to sept   զի կցեցաւ բողոք սահմանաց մովաբացւոյն ընդ բողոքս գաղիմացւոյն. եւ ողբումն ն(ո)ր(ա) մինչեւ ՛ի ջրհորն ելիմ՝ ողբումն ն(ո)ր(ա)։

Verse: 9   Link to sept   Եւ ջուրն ռեմովնայ լցցի́ արեամբ. զի ածի́ց ՛ի վ(ե)ր(այ) ռեմովնայ զարաբացիս, եւ բարձից զզաւակն մովաբու. եւ զարիէլ, եւ զմնացորդսն ադեմայ, առաքեցից իբրեւ սողունս ընդ երկիր։



Chapter: 16  
ԳԼ(ՈՒԽ) Ժ՜Զ.


Verse: 1   Link to sept   Միթէ ապառա՞ժ աւերա́կ իցէ լեառն դստեր սիոնի։

Verse: 2   Link to sept   եւ եղիցի իբրեւ հաւու թռուցելոյ ձա́գ մնացեալ դուստր մովաբացւոց։

Verse: 3   Link to sept   Բայց ապա եւ դո́ւ առնովն աւելի́ ինչ խորհեաց առնել յա́րկս սգոյն ն(ո)ց(ա). հանապա́զ ՛ի միջօրէի իբրեւ ը(նդ) խաւա́ր փախիցեն։

Verse: 4   Link to sept   Զարհուրեցան, եւ ո́չ վարեսցիս. զի պանդխտեսցին առ քեզ փախստականքն մովաբու. եղիցին ձեզ ապաւէն յերեսաց հալածչի. զի բարձաւ ընկեր մարտին քոյ, եւ իշխանն կորեաւ որ կոխէր զերկիր։
Section: 17 

Verse: 5   Link to sept   Եւ ուղղեսցի ողորմութ(եամ)բ աթոռ, եւ նստցի ՛ի վ(ե)ր(այ) ն(ո)ր(ա) ճշմարտու(թեամ)բ ՛ի յարկսն դաւթի. դատեսցի՝ եւ խնդրեսցէ զիրաւունս, եւ փութասցի́ առնել զարդարութի(ւն)։

Verse: 6   Link to sept   Լուա́ք զամբարտաւանու(թ)ի(ւն)ն մովաբու՝ զի հպարտացեալ էր յոյժ. հպարտութի(ւն) ն(ո)ր(ա) եւ ոխակալու(թ)ի(ւն)՝ եւ զամբարտաւանու(թ)ի(ւն)ն քո բարձի́ ՛ի քէն։ ո́չ այնպէս որպէս դիւթութի(ւն)ն քո։

Verse: 7   Link to sept   եւ ո́չ այնպէս ո(ր)պ(էս) ըղձա́նն ՛ի մովաբ։ Զի ՛ի մովաբ ողբասցեն ամենեքեան զայնոսիկ՝ որ բնակեալ են ՛ի դեսեթ. մրմնջեսցեն՝ եւ ո́չ պատկառեսցեն։

Verse: 8   Link to sept   Դաշտքն եսեբոնայ սո́ւգ առցեն, եւ այգիքն սեբիմայ որ կլանէին զազգս։ կոխեցէ́ք զայգիս ն(ո)ր(ա) մինչեւ յազեր՝ եւ մի́ հասջիք. մոլորեցայք յանապատի։ առաքեալք ն(ո)ր(ա) լքան, քանզի անցին ընդ ծովն։

Verse: 9   Link to sept   Վ(ա)ս(ն) այսորիկ լացուցի́ց իբրեւ զլալիւնն յազերայ զայգիս սեբիմայ։ եւ զծառատունկն քո կոտորեաց եսեբոն եւ ելիլայ։ զի զհունձս քո եւ զկութս քո կոխեցի́ց, եւ ամենեքեան կործանեսցին։

Verse: 10   Link to sept   Եւ բարձցի ուրախութի(ւն) եւ ցնծութի(ւն) յայգեաց, եւ յայգեստանի քում ուրախու(թ)ի(ւն) մի́ լիցի. եւ մի́ կոխեսցեն գինի ՛ի հնծանս քո, քանզի պակասեաց։

Verse: 11   Link to sept   Վ(ա)ս(ն) այսորիկ որովայն իմ ՛ի վ(ե)ր(այ) մովաբու իբրեւ զքնա́ր հնչեսցէ. եւ զփոր իմ իբրեւ զպարիսպ նորոգեցեր։

Verse: 12   Link to sept   Եւ եղիցի քեզ այն յամօ́թ. զի աշխատեցաւ մովաբ ՛ի մեհեանս իւր. եւ մտցէ ուխտաւոր ՛ի ձեռագործս իւր. եւ մի́ կարասցեն փրկել զն(ո)ս(ա)։

Verse: 13   Link to sept   Այս բան է զոր խօսեցաւ տ(է)ր երբեմն ՛ի վերայ մովաբու։

Verse: 14   Link to sept   Եւ այժմ դարձեալ խօսեցաւ եւ ասէ։ Յերի́ս ամս ըստ ամաց վարձանի անարգեսցին փառքն մովաբու յամ(ենայն) ՛ի բազում մեծու(թ)ե(ան) իւրում. եւ մնասցէ սակաւաւո́ր եւ ո́չ պատուական։



Chapter: 17  
ԳԼ(ՈՒԽ) Ժ՜Է.


Verse: 1   Link to sept Պատգամ ՛ի վերայ դամասկոսի։


Section: 18 
   Ահաւասիկ դամասկոս բարձցի́ ՛ի քաղաքաց, եւ եղիցի ՛ի կործանո́ւմն։

Verse: 2   Link to sept   լքեա́լ յաւիտեան. ՛ի մակաղատե́ղս հօտից, եւ ՛ի հանգրուա́նս անդւոց. եւ ո́չոք իցէ որ հալածիցէ։

Verse: 3   Link to sept   Եւ ո́չ եւս եղիցի ամուր ապաստանի եփրեմի. եւ ո́չեւս կացցէ թագաւորութի(ւն) ՛ի դամասկոս, եւ ո́չ մնասցեն մնացորդք ասորւոց. զի ո́չ դու լա́ւ ես քան զորդիսն ի(սրայէ)լի եւ զփառս ն(ո)ց(ա)։ Այսպես ասէ տ(է)ր զօրու(թ)ե(ան)ց.

Verse: 4   Link to sept   եղիցի յաւուր յայնմիկ պակասու(թ)ի(ւն) փառացն յակովբայ, եւ յաճախութի(ւն) փառաց ն(ո)ր(ա) շարժեսցի։

Verse: 5   Link to sept   Եւ եղիցի ո(ր)պ(էս) ոք զի ժողովէ որա́յ կանգուն ՛ի գիրկս իւր, եւ շրջիցի հասկաքաղ զկնի ն(ո)ր(ա)։ եւ եղիցի ո(ր)պ(էս) քաղիցէ ոք հա́սկ ՛ի ձորն հաստատու(թ)ե(ան).

Verse: 6   Link to sept   եւ մնասցէ ՛ի նմա խողան։ եւ կամ իբրեւ զպտուղս ձիթենւոյ երկո́ւս կամ երի́ս ՛ի բարձրու(թ)ե(ան) ծայրիցն, կամ չո́րք կամ հի́նգ յոստան մնայցեն։ Ա́յսպես ասէ տ(է)ր ա(ստուա)ծ ի(սրայէ)լի.

Verse: 7   Link to sept   յաւուր յայնմիկ յուսացեալ եղիցի մարդն յարարիչ իւր. եւ աչք ն(ո)ր(ա) ՛ի ս(ուր)բն ի(սրայէ)լի հայեսցին։

Verse: 8   Link to sept   Եւ մի́ եւս յուսացեալ եղիցին ՛ի մեհեանս, եւ մի́ ՛ի գործս ձեռաց իւրեանց զոր արարին մատունք ն(ո)ց(ա)։ այլ եղիցին յուսացեալ ՛ի ս՝բն ի(սրայէ)լի. եւ ո́չ եւս հայեսցին յանտառս իւրեանց, եւ ո́չ ՛ի գարշելիսն իւրեանց։

Verse: 9   Link to sept   Յաւուր յայնմիկ եղիցին քաղաքք քո լքեալք. զոր օրինակ լքա́ն ամուրհացիքն եւ խեւացիքն յերեսաց որդւոցն ի(սրայէ)լի, եւ եղիցին աւերա́կք.

Verse: 10   Link to sept   փոխանակ զի թողեր զա(ստուա)ծ զփրկիչ քո, եւ զտ(է)ր զօգնական քո ո́չ յիշեցեր։ վ(ա)ս(ն) այսորիկ տնկեսցես տունկ անհաւատ, եւ սերմն անհաւատ։

Verse: 11   Link to sept   յաւուր յորում տնկեսցես, վրիպեսցիս։ Ընդ առաւօտս եթէ սերմանեսցես, ծաղկեսցէ յամառն։ յաւուր յորում ժառանգեցուսցես՝ ո(ր)պ(էս) հա́յր զի թողուցու զժառանգութի(ւն) որդւոց իւրոց։

Verse: 12   Link to sept   Վա́յ բազմու(թ)ե(ան) ազգաց բազմաց. իբրեւ զծո́վ ալեօք կուտակեալ ա́յնպէս խռովեսջիք. եւ մկանունք ազգաց բազմաց իբրեւ զջուր գոչեսցեն։

Verse: 13   Link to sept   Իբրեւ զջուրս բազումս ազգք բազումք. իբրեւ ջուրց բազմաց բռնութի(ւն) հոսանաց. եւ վատեսցէ́ զն(ո)ս(ա), եւ բացուստ ՛ի բա́ց հալածեսցէ։ Իբրեւ զունգ յարդի հոսեալ յերեսաց հողմոյ, եւ իբրեւ զփոշի́ անուոյ ՛ ի փոթորկէ́ մրրկեալ։

Verse: 14   Link to sept   Ընդ երեկոյս սո́ւգ առցեն. յառաջ քան զառաւօտն՝ եւ այլ ո́չ եւս իցեն։ ա́յս է բաժին աւարառուացն ձերոց,եւ ժառանգու(թ)ի(ւն) որ զձեզն ժառանգէին։



Chapter: 18  
ԳԼ(ՈՒԽ) Ժ՜Ը.


Verse: 1   Link to sept   Վա́յ երկրին ՛ի թեւս նաւացն յայնկոյս գետոյն եթւովպացւոց։

Verse: 2   Link to sept   Որ առաքէր պատարագս ը(նդ) ծով, եւ թուղթս մագաղաթեայս ՛ի վ(ե)ր(այ) ջուրցն մկանանց. զի երթիցեն հրեշտակք երագունք յազգ հպարտացեալ՝ յազգ օտար եւ ՛ի չար։ զի ո́չ եւս ոք իցէ քան զնա անդր, յա́զգ անյոյս եւ ՛ի կոխեալ։

Verse: 3   Link to sept   Եւ այժմ գետք ամ(ենայն) երկրին իբրեւ զաշխարհ բնակեալ. բնակեսցէ աշխարհ ն(ո)ց(ա)՝ իբրեւ զնշան ՛ի լեռնէ բարձցի, եւ իբրեւ զձայն փողոյ լսելի́ եղիցի։

Verse: 4   Link to sept   Զի ա́յսպէս ասաց ցիս տ(է)ր. զգուշու(թ)ի(ւն) եղիցի յիմում քաղաքի՝ իբրեւ զլոյս տօթագին ՛ի միջօրէի, եւ իբրեւ զա́մպ ցօղագին յաւուրս ամարայնոյ։

Verse: 5   Link to sept   Յառա́ջ քան զհունձս յորժամ բովանդակեսցի ծաղոկն. եւ աղոխն ծաղկեսցէ ծաղիկն աղոխացեալ. եւ հատանիցէ զմանր մանր ողկուզացն մանգտղաւ, եւ զուռսն կտրիցէ եւ ՛ի բա́ց հատանիցէ։

Verse: 6   Link to sept   Եւ թողուցու միանգամայն թռչնոց երկնից եւ գազանաց երկրի. եւ ժողովեսցին ՛ի վ(ե)ր(այ) ն(ո)ց(ա) թռչունք երկնից, եւ ամ(ենայն) գազանք երկրի հասանիցեն ՛ի վ(ե)ր(այ) ն(ո)ց(ա)։

Verse: 7   Link to sept   ՛Ի ժամանակի յայնմիկ մատչիցին պատարա́գն տ(եառ)ն զօրութե(ան)ց ՛ի նեղեալ եւ ՛ի խոնարհ ժողովրդենէ. եւ ՛ի մեծէ ժողովրդենէ յայնմհետէ եւ յաւիտեանս ժամանակաց. ա́զգ յուսացեալ եւ կոխեալ՝ որ է ՛ի կողմն գետոյ աշխարհի ն(ո)ց(ա), ՛ի տեղւոջ ուր անուն տ(եառ)ն զօրու(թ)ե(ան)ց կոչեցաւ ՛ի վ(ե)ր(այ) լերին սիովնի։



Chapter: 19  
ԳԼ(ՈՒԽ) Ժ՜Թ.

Տեսիլ եգիպտացւոց։


Section: 19 

Verse: 1   Link to sept   Ահաւասիկ տ(է)ր նստեալ ՛ի վ(ե)ր(այ) թեթեւ ամպոյ, եկեսցէ́ յեգիպտոս։ եւ շարժեսցի́ն ձեռագործք եգիպտացւոց յերեսաց ն(ո)ր(ա). եւ սիրտք ն(ո)ց(ա) լքցին ՛ի ն(ո)ս(ա)։

Verse: 2   Link to sept   Եւ յարիցեն եգիպտացիքն ՛ի վ(ե)ր(այ) եգիպտացւոցն, եւ տայցեն պատերազմ այր ընդ եղբօր, եւ այր ընդ ընկերի. քաղաք ընդ քաղաքի, եւ օրէնք ընդ օրէնս։

Verse: 3   Link to sept   Եւ խռովեսցին ոգիք եգիպտացւոցն յանձինս իւրեանց. եւ զխորհուրդ ն(ո)ց(ա) ցրեցԷ́ց։ եւ հարցանիցեն զդիսն իւրեանց եւ զպատկերս իւրեանց, եւ զգետնակոչս՝ եւ զվհուկս։

Verse: 4   Link to sept   Եւ մատնեցից զեգիպտացիս ՛ի ձեռս արանց տերանց՝ խստասրտաց. եւ թագաւորք խստասիրտք տիրեսցեն ն(ո)ց(ա)։ Ա́յսպէս ասէ տ(է)ր սաբաւովթ։

Verse: 5   Link to sept   եւ արբցեն եգիպտացիքն զջրշեղջսն ծովափնեայս. քանզի գետն նուազեսցէ, եւ ցամաքեսցի́։

Verse: 6   Link to sept   Եւ պակասեսցեն գետքն եւ ջրադարձք գետոյն, եւ ցամաքեսցին ամ(ենայն) ժողովք ջուրցն. եւ յամ(ենայն) մարգագետինս, եւ յամ(ենայն) ամուրս եղեգան եւ պրտուոյ եւ ՛ի լաւռամարգս։

Verse: 7   Link to sept   ամ(ենայն) կանաչ որ շուրջ զգետովն իցէ, եւ ամ(ենայն) արտավարք որ ընդ գետոյն ջրով վարեալ իցեն խորշակահա́ր ցամաքեսցին։

Verse: 8   Link to sept   Եւ տրտմեսցին ձկնորսքն, եւ յոգո́ց հանիցեն ամ(ենայն) կարթընկէցք գետոյն. եւ ցանցորդքն եւ ուռկանաւորքն աո́ւգ առցեն։

Verse: 9   Link to sept   Ամաչեսցե́ն եւ կտաւագործքն բարակամանք, եւ որ գործեն զբեհեզն։

Verse: 10   Link to sept   եւ եղիցին ճարտարքն ամ(ենայն) լի́ տրտմութ(եամ)բ. եւ ամ(ենայն) տարապազագործք ն(ո)ց(ա) տրտմեսցին, եւ ցաւեսցեն սիրտք իւրեանց։

Verse: 11   Link to sept   Եւ յիմարեսցին իշխանքն տայանու իմաստունք խորհրդականք թագաւորին. եւ յիմարեսցի́ն խորհուրդք ն(ո)ց(ա)։ զի՞արդ ասիցէք ցարքայն՝ թէ որդիք իմաստնո́ց եմք մեք, եւ որդիք թագաւորաց որ իսկզբանէն էին։

Verse: 12   Link to sept   Արդ՝ ո՞ւր են իմաստունքն քո. պատմեսցե́ն քեզ եւ ասասցեն զի՞նչ խորհուրդ խորհեցաւ տ(է)ր զօրու(թ)ե(ան)ց ՛ի վ(ե)ր(այ) եգիպտոսի։

Verse: 13   Link to sept   յիմարեցան իշխանք տայանու, եւ բարձրացան իշխանքն մեմփացւոց. եւ մոլորեցուսցեն զեգիպտացիս ըստ ազգաց ազգաց իւրեանց։

Verse: 14   Link to sept   Քանզի տ(է)ր խառնեաց ն(ո)ց(ա) ոգի մոլորու(թ)ե(ան), եւ մոլորեցուցին զեգիպտոս յամ(ենայն) ՛ի գործս իւրեանց. ո(ր)պ(էս) մոլորիցի արբեալ՝ եւ որ փոխիցէն։

Verse: 15   Link to sept   Եւ մի́ եւս եղիցի եգիպտացւոցն գործ՝ մի́ յետս եւ մի́ յառաջ, մի́ իսկզբանն եւ մի́ ՛ի կատարածի։

Verse: 16   Link to sept   Յաւուր յայնմիկ եղիցին եգիպտացիք իբրեւ զկանա́յս դողացեալք եւ զարհուրեալք յերեսաց ձեռին տ(եառ)ն զօրութե(ան)ց՝ զոր արկցէ ինքնին ՛ի վ(ե)ր(այ) ն(ո)ց(ա)։

Verse: 17   Link to sept   Եւ եղիցի երկիրն հրէաստանի ՛ի խրտուի́լ եգիպտացւոցն. եւ ամ(ենայն) որ անուանեսցէ զանուն երկրին առ ն(ո)ս(ա), զարհուրեսցին վ(ա)ս(ն) խորհրդին զոր խորհեցաւ տ(է)ր զօրու(թ)ե(ան)ց ՛ի վ(ե)ր(այ) ն(ո)ր(ա)։

Verse: 18   Link to sept   Յաւուր յայնմիկ եղիցին հինգ քաղաք յերկրին եգիպտացւոց՝ որ խօսիցին զքանանացւոց լեզուն, եւ երդնուցուն յանուն տ(եառ)ն զօրու(թ)ե(ան)ց. քաղաք ասեդե́կ կոչեսցի մի քաղաք։

Verse: 19   Link to sept   Յաւուր յայնմիկ եղիցի սեղան տ(եառ)ն յերկրին եգիպտացւոց, եւ արձա́ն կանգնեալ տ(եառ)ն ՛ի սահմանս ն(ո)ր(ա)։

Verse: 20   Link to sept   եւ եղիցի ՛ի նշա́ն յաւիտենից տ(եառ)ն յերկրին եգիպտացւոց։ Զի աղաղակեսցեն առ տ(է)ր վ(ա)ս(ն) նեղու(թ)ե(ան) իւրեանց. եւ առաքեսցէ ն(ո)ց(ա) տ(է)ր ա́յր մի որ փրկեսցէ զն(ո)ս(ա), եւ դատաստանա́ւ փրկեսցէ զն(ո)ս(ա)։

Verse: 21   Link to sept   Եւ ծանիցի́ տ(է)ր եգիպտացւոցն. եւ ծանիցեն եգիպտացիքն զտ(է)ր յաւուր յայնմիկ։ եւ մատուսցեն զոհս եւ պատարագս, եւ դիցեն ուխտս տ(եառ)ն՝ եւ կատարեսցեն։

Verse: 22   Link to sept   Եւ հարցէ տ(է)ր զեգիպտացիսն մեծամե́ծ հարուածովք, եւ բժշկելով բժշկեսցէ զն(ո)ս(ա)։ եւ դարձցի́ն առ տ(է)ր՝ եւ լուիցէ́ ն(ո)ց(ա)՝ եւ բժշկեսցէ́ զն(ո)ս(ա)։

Verse: 23   Link to sept   Յաւուր յայնմիկ եղիցին ճանապա́րհ եգիպտացւոցն առ ասորեստանայս. եւ մտցեն ասորեստանայքն յեգիպտոս, եւ եգիպտացիքն երթիցեն առ ասորեստանայս. եւ ծառայեսցեն եգիպտացիքն ասորեստանեայցն։

Verse: 24   Link to sept   Յաւուր յայնմիկ եղիցի երրո́րդ ի(սրա)էլ ՛ի մէջ եգիպտացւոցն եւ ՛ի մէջ ասորեստանեայցն. օրհնեալ յերկրին

Verse: 25   Link to sept   զոր օրհնեա́ց տ(է)ր զօրու(թ)ե(ան)ց, եւ ասէ. օրհնեա́լ եղիցի ժողովուրդ իմ որ յեգիպտոս, եւ որ յասորեստանայսն, եւ ժառանգութի(ւն) իմ յ(թեն)էլ։



Chapter: 20  
ԳԼ(ՈՒԽ) Ի՜.


Verse: 1   Link to sept Յաւուր յորում էին տանաթան յազովտոս՝ ՛ի ժամանակին իբրեւ արձակեցաւ յառանայ արքայէ ասորեստանեայց. եւ ետ պատերազմ ընդ ազովտայ, եւ առ զնա։

Verse: 2   Link to septՅայնժամ խօսեցա́ւ տ(է)ր ընդ եսայայ որդւոյ ամովսայ՝ եւ ասէ։


Section: 20 
   Ե́րթ եւ ՛ի բա́ց հան զքուրձդ ՛ի միջոյ քումմէ. եւ լո́յծ զհողաթափս յոտից քոց։ եւ արա́ր այնպէս. եւ գնայր մե́րկ եւ բոկ։

Verse: 3   Link to sept   Եւ ասէ տ(է)ր. զոր օրինակ գնայ ծառայ իմ եսայի մերկ եւ բոկ, ա́յդպէս զերիս ամս եղիցին նշանք եւ արուեստք եգիպտացւոցն, եւ եթեովպացւոց։

Verse: 4   Link to sept   Եւ ՛ի միտ առցեն՝ թէ այդպէս տարցի արքայն ասորեստանեայց ՛ի գերութե(ան) զեգիպտացիսն՝ եւ զեթւովպացիսն, զերիտասարդս եւ զծերս՝ մերկս եւ բոկս խայտառակեալ զամօթ եգիպտացւոցն։

Verse: 5   Link to sept   Եւ ամաչեսցեն ՛ի պարտութի(ւն) մատնեալ եգիպտացիքն ՛ի վ(ե)ր(այ) եթւոպացւոցն, յորս յուսացեալ էին եգիպտացիքն, որք էին ն(ո)ց(ա) փա́ռք։

Verse: 6   Link to sept   Եւ ասասցեն բնակիչք կղզոյդ այդորիկ յաւուր յայնմիկ. ահաւասիկ մեք յուսացեալ էաք ապաստա́ն լինել ՛ի սոսա յօգնականութի(ւն). եւ սոքա ո́չ կարացին ապրեցուցանել՝ եւ ո́չ զանձինս իւրեանց յարքայէն ասորեստանեայց. եւ մեք զի՞արդ ապրեսցուք։




Chapter: 21  
ԳԼ(ՈՒԽ) Ի՜Ա.


Verse: 1   Link to sept Տեսիլ անապատին ՛ի ծովու։


Section: 21 
   Իբրեւ մրրիկ ընդ անապա́տ անցցէ, յանապատէ եկեալ յերկրէ։ Ահագին է տեսիլն,

Verse: 2   Link to sept   եւ խստու(թ)ի(ւն) պատմեցաւ ինձ։ որ արհամարհելոցն է՝ արհամարհէ, եւ որ անօրինելոցն է՝ անօրինէ։ ՛Ի վ(ե)ր(այ) իմ հասին ելամացիք, եւ հրեշտակք պարսից գա́ն ՛ի վ(ե)ր(այ) իմ. արդ հեծեծից՝ եւ մխիթարեցի́ց զանձն իմ։

Verse: 3   Link to sept   Վ(ա)ս(ն) այսորիկ լցա́ւ մէ́ջ իմ գողու՝բ, եւ երկունք կալա́ն զիս իբրեւ զծննդական. պնդեցայ՝ զի մի́ լուայց, փութացայ՝ զի մի́ տեսից։

Verse: 4   Link to sept   Սիրտ իմ դարձաւ ՛ի մոլորու(թ)ի(ւն), եւ անօրէնու(թ)ի(ւն) դեռ ընկղմէր զիս. անձն իմ եկաց ՛ի դողու(թ)ե(ան)։ դիտեա́ զդիտաւորու(թ)ի(ւն) քո.

Verse: 5   Link to sept   պատրաստեա́ սեղան, կե́ր ա́րբ. արի́ք իշխանք պատրաստեցէ́ք վահանս։

Verse: 6   Link to sept   Զի ա́յսպէս ասաց ցիս տ(է)ր. գնա́ դու անձամբ անձին գէ́տ լինիջիր, եւ զոր ինչ տեսանիցես պատմեսջի́ր։

Verse: 7   Link to sept   Եւ տեսի հեծեալս երկուս. հեծեալ մի իշոյ, եւ հեծեալ մի ուղտու. լսել լուր բազում* ունկնդրութե(ան)։ Եւ կոչեա́ զուրիա ՛ի դիտանոցդ, ասէ տ(է)ր։

Verse: 8   Link to sept   Եւ կացի զտիւն ողջոյն՝ եւ զգիշերն ամ(ենայն) ՛ի վ(ե)ր(այ) բանակին.

Verse: 9   Link to sept   եւ տեսի զի գայր նո́յն հեծեալ երկձի։ պատասխանի́ ետ եւ ասէ. անկա́ւ կործանեցաւ բաբելովն, եւ ամ(ենայն) պատկերք ն(ո)ր(ա) եւ ձեռագործք իւր կործանեցա́ն յերկրի։

Verse: 10   Link to sept   Լուարո́ւք մնացորդք եւ ցաւագնեալք. լուարո́ւք զոր լուայ ՛ի տ(եառն)է զօրու(թ)ե(ան)ց, զոր ա(ստուա)ծ ի(սրայէ)լի պատմեաց մեզ։
Section: 22 

Verse: 11   Link to sept   Տեսիլ եդովմայեցւոցն։ Առի́ս կոչեա́ ՛ի սէիր լեռնէ. պահեցէ́ք զմահարձանս։

Verse: 12   Link to sept   պահեցի́ց ը(նդ) առաւօտն եւ զցայգ։ եթէ խնդրիցես, խնդրեսջիր եւ առի́ս բնակեսջիր։

Verse: 13   Link to sept   Առած ՛ի վ(ե)ր(այ) արաբացւոց։ Ընդ երեկո́յս ննջեսցես յանտառի ճանապարհին դովդանիմ։

Verse: 14   Link to sept   Բերէ́ք ջուր ընդառաջ ծարաւեաց բնակիչք թեմանու։ Հացի́ւ ընդ առաջ ելէք փախստէից։

Verse: 15   Link to sept   վ(ա)ս(ն) բազմութե(ան) սպանելոցն. եւ վ(ա)ս(ն) բազմութե(ան) մոլորելոցն, եւ վ(ա)ս(ն) բազմու(թ)ե(ան) սրոյն, եւ վ(ա)ս(ն) բազմու(թ)ե(ան) աղաղանցն լարելոց, եւ վ(ա)ս(ն) բազմու(թ)ե(ան) անկելոցն ՛ի պատերազմի։

Verse: 16   Link to sept   Զի ա́յսպէս ասաց ցիս տ(է)ր. ա́մ մի եւս իբրեւ զտարի վարձանի, եւ պակասեսցեն փառք որդւոցն կեդարու։

Verse: 17   Link to sept   Եւ մնացորդք աղեղնաւորաց զօրաւորաց որդւոցն կեդարու եղիցին սակաւաւո́րք։ զի տ(է)ր ա(ստուա)ծ ի(սրայէ)լի խօսեցաւ։



Chapter: 22  
ԳԼ(ՈՒԽ) Ի՜Բ.


Verse: 1   Link to sept Պատգամ ձորոյն սիովնի։


   Զի՞ դու. զի՞ ընդ քեզ. զի՞ ելէք դուք այժմ ամենեքեան ՛ի տանի́ս նանրութե(ան)։

Verse: 2   Link to sept   Լցա́ւ քաղաքդ գուժկանօք,* քաղաքդ պերճացեալ։ վիրաւո́րք քո ո́չ վիրաւորք սուսերի, եւ ո́չ դիակունք քո՝ դիակունք պատերազմաց։

Verse: 3   Link to sept   Ամ(ենայն) իշխանք քո փախստեայք, եւ կալանաւորք քո կապեալք սաստկու(թեամ)բ. եւ հզօրք քո առհասարակ կապեցան, բացէ́ ՛ի բաց փախստականք։

Verse: 4   Link to sept   Վ(ա)ս(ն) այսորիկ ասացի, թո́յլ տուք ինձ լացի́ց դառնապէս. մի́ բռնադատէք մխիթարել զիս ՛ի վ(ե)ր(այ) բեկման դստեր ազգի իմոյ։

Verse: 5   Link to sept   Զի օր խռովութե(ան) եւ կորստեան եւ կոխման եւ մոլորութե(ան) ՛ի տ(եառն)է զօրու(թ)ե(ան)ց ՛ի ձորն սիովնի։ մե́ծ եւ փոքր առհասարակ մոլորեալք դանդաչեն ՛ի վ(ե)ր(այ) լերանց։

Verse: 6   Link to sept   Իսկ ելամացւոց առեալ զկապարճս, հեծեալք յերիվարս. եւ գունդք ճակատելոց։

Verse: 7   Link to sept   եւ ընտիր ընտիր ձորք քո լցցին կառօք, եւ հեծեալք երիվարօք խցցեն զդրունս քո։

Verse: 8   Link to sept   Եւ կործանեսցեն զդրունս յուդայ. եւ տեսցեն յաւուր յայնմիկ զընտի́ր ընտիր ապարանս քաղաքին։

Verse: 9   Link to sept   եւ յայտնեսցեն զծածուկս ապարանից բարձանցն դաւթի։ Եւ տեսին զի բազումք էին։ եւ զի դարձուցին զհին ջրմուղն ՛ի քաղաքն։

Verse: 10   Link to sept   եւ զի քակեցին զապարանսն ե(րուսաղէ)մի յամրութի(ւն) պարսպաց քաղաքին։

Verse: 11   Link to sept   Եւ հանէք ձեզ ջուր ՛ի մէջ երկուց պարսպաց, ներքսագոյն քան զհին ջրմուղն. եւ ո́չ հայեցարուք յայն որ արարն զնա իսկզբանէ, եւ զհաստիչ ն(ո)ր(ա) ՛ի հեռուստ ո́չ ծաներուք։

Verse: 12   Link to sept   Եւ կոչեաց տ(է)ր սաբաւովթ յաւուր յայնմիկ լալո́ւմն եւ կոծումն եւ աշխարումն եւ գերծումն, եւ զգածումն քրձի։

Verse: 13   Link to sept   Եւ նոքա արարին ուրախութի(ւն) եւ ցնծու(թ)ի(ւն). սպանանէին զուարակս եւ զենուին ոչխարս, զի կերիցեն միս՝ եւ արբցեն գինի. եւ ասասցեն՝ կերիցո́ւք եւ արբցո́ւք՝ քանզի վաղիւ մեռանիմք։

Verse: 14   Link to sept   Եւ այն յայտնեալ կայ յականջս տ(եառ)ն զօրու(թ)ե(ան)ց, զի ո́չ թողցուն ձեզ մեղքդ այդոքիկ՝ մինչեւ մեռանիցիք* ասէ տ(է)ր զօրութե(ան)ց։

Verse: 15   Link to sept   Ա́յսպէս ասէ տ(է)ր տ(է)ր սաբաւովթ։ գնա́ դու եւ մո́ւտ ՛ի դիւան անդր առ սոմնաս հանդերձապետ, եւ ասասցես ցնա։

Verse: 16   Link to sept   Զի ՞ եկեալ ես այսր. եւ զի՞նչ խնդիր է քո աստ. զի փորեցեր դու քեզ աստ գերեզման, եւ արարեր քեզ յա́րկ ՛ի վիմիդ։

Verse: 17   Link to sept   Ահաւասիկ տ(է)ր զօրութե(ան)ց հանցէ́ եւ սատակեսցէ զքեզ ա́յր դու, եւ հանցէ́ զպատմուճան քո.

Verse: 18   Link to sept   եւ զպսակդ փառաց քոց. եւ ընկեսցէ́ զքեզ յերկիրն մեծ եւ յանչափ, եւ ա́նդ մեռանիցիս։ եւ արասցէ զկառսն քո զգեղեցիկս յանարգութի(ւն), եւ զտուն իշխանութե(ան) քոյ ՛ի կոխումն։

Verse: 19   Link to sept   Եւ մերժեսջի́ր ՛ի պետութ(են)է քումմէ, եւ ՛ի հաստատութ(են)է քումմէ։

Verse: 20   Link to sept   Եւ եղիցի յաւուր յայնմիկ՝ կոչեցից զծառայ իմ զեղիակիմ քեղկէայ,

Verse: 21   Link to sept   եւ զգեցուցից նմա զպատմուճանդ քո, եւ տա́ց նմա զպսակդ քո ճոխու(թեամ)բ, եւ տաց ՛ի ձեռս ն(ո)ր(ա) զհազարապետութի(ւն)դ քո. եւ եղիցի իբրեւ հա́յր բնակչացդ ե(րուսաղէ)մի եւ բնակչացդ յուդայ։

Verse: 22   Link to sept   Եւ տա́ց զփականս դաւթի նմա. իշխեսցէ, եւ ո́չոք իցէ որ նմա ընդդէմ դառնայցէ։

Verse: 23   Link to sept   Եւ կացուցից զնա իշխան ՛ի հաւատարիմ տեղւոջ, եւ նստցի յաթո́ռ փառաց տան հօր իւրոյ։

Verse: 24   Link to sept   Եւ եղիցին ՛ի նա́ յուսացեալք ամ(ենայն) փառաւորք տան հօր իւրոյ, ՛ի փոքրկանց մինչեւ ՛ի մեծամեծս. եւ զամ(ենայն) անօթս ՛ի փոքուէ մինչեւ յանօթս ագանովթայ։ բացցէ՝ եւ ո́չոք իցէ որ փակիցէ, եւ փակիցէ՝ եւ ո́չոք իցէ որ բանայցէ. եւ եղիցին կախեալ զնմանէն,

Verse: 25   Link to sept   յաւուր յայնմիկ։ Ա́յսպէս ասէ տ(է)ր զօրու(թ)ե(ան)ց. չարժեսցի մարդ հաստատուն ՛ի հաւատարիմ տեղւոջէ. անկցի եւ կործանեսցի́.* եւ բարձցին փառք ն(ո)ր(ա) ՛ի նմանէն. զի տ(է)ր խօսեցաւ։



Chapter: 23  
ԳԼ(ՈՒԽ) Ի՜Գ.


Verse: 1   Link to sept Պատգամ տիւրոսի։


Section: 23 
   Ողբացէ́ք նաւք կարքեդովնացւոց, զի կորեա́ն եւ ո́չ եւս գայցեն յերկրէն կիտացւոց. վարեցան ՛ի գերու(թ)ե(ան)։

Verse: 2   Link to sept   Ո՞ւմ նմանեցան բնակիչք կղզոյդ այդորիկ։ վաճառականք փիւնիկեցւոց որ անցանեն ընդ ծով, ը(նդ) ջուրս բազումս.

Verse: 3   Link to sept   զաւակ գնողիցն իբրեւ զարդիւնս ամարայնոյ ամփոփելոյ վաճառականք ազգացն։

Verse: 4   Link to sept   Յամօթ լեր սիդոն՝ ասէ ծով. եւ զօրու(թ)ի(ւն) ծովու ասասցէ, ո՞չ երկնեցի, եւ ո՞չ ծնայ, եւ ո՞չ սնուցի երիտասարդս, եւ ո՞չ բարձրացուցի կուսանս։

Verse: 5   Link to sept   Իսկ յորժամ լո́ւր լիցի, յերկիրն եգիպտացւոց, ցա́ւք կալցին զնա վասն տիւրոսի։

Verse: 6   Link to sept   Երթա́յք ՛ի կարքեդոն. ողբացէ́ք բնակիչք կղզոյդ այդորիկ։

Verse: 7   Link to sept   Ո՞չ ա́յդ իսկ էր ամբարտաւանութի(ւն) ձեր իսկզբանէ, մինչչե́ւ մատնեալ էր ն(ո)ր(ա). եւ վարեսցի́ նա յոտից իւրոց ՛ի պանդխտու(թ)ի(ւն) հեռաւոր։

Verse: 8   Link to sept   Իսկ ո՞ խորհեցաւ զայս ՛ի վ(ե)ր(այ) տիւրոսի. միթէ ՛ի վա՞յր ինչ ոք էր՝ կամ տկա՞ր ոք. նա՝ վաճառականք ն(ո)ր(ա) փառաւորք* քանանացւոց, եւ առգնօղք ն(ո)ր(ա) իշխանք երկրի։

Verse: 9   Link to sept   Տ(է)ր զօրութե(ան)ց խորհեցաւ քակե́լ զամ(ենայն) ամբարտաւանութի(ւն) փառաւորաց. եւ անարգե́լ զամ(ենայն) պատուական ՛ի վ(ե)ր(այ) երեսաց երկրի։

Verse: 10   Link to sept   Գործեա́ զերկիր քո, զի այսուհետեւ ո́չեւս գան նաւք ՛ի կարքեդոնայ։

Verse: 11   Link to sept   եւ ձեռն քո ո́չ եւս զօրասցի ՛ի վ(ե)ր(այ) ծովու. որ զայրացուցանէիր զթագաւորս։ Տ(է)ր զօրութե(ան)ց հրամայեաց վ(ա)ս(ն) քանանու՝ կորուսանել զզօրու(թ)ի(ւն) ն(ո)ր(ա)։

Verse: 12   Link to sept   Եւ ասասցեն՝ եթէ այսուհետեւ մի́ եւս յաւելուցուք թշնամանել եւ զրկել զկոյս դուստր սիովնի. այլ յո́տն կաց՝ եւ ա́նց ընդ ծով. եւ թէպէտ եւ դիմեսցես ՛ի կիտիիս. եւ ո́չ անդ լիցի քեզ հանգիստ։

Verse: 13   Link to sept   Եւ եթէ յերկիրն քաղդէացւոց. սակայն եւ ա́յն աւերեալ է յասորեստանեայց. եւ անդ դո́ւլ եւ դադար քեզ ո́չ գտանիցի։ Արկ զհիմն նորա սիհիմ.* կանգնեաց զմահարձանս նորա, եւ յարոյց զաշտարակս ն(ո)ր(ա). արդ անկա́ւ կործանեցաւ պարիսպ ն(ո)ր(ա)։

Verse: 14   Link to sept   Ողբացէ́ք նաւք կարքեդոնացւոց, զի կորեա́ւ ամրու(թ)ի(ւն) ձեր։

Verse: 15   Link to sept   Եւ եղիցի յաւուր յայնմիկ, լքեա́լ լիցի տիւրոս ամս եւթանասուն իբրեւ զժամանակ թագաւորի միոյ, եւ իբրեւ զժամանակ կենաց մարդոյ միոյ։ եւ յետ ամացն եւթանասնից եղիցի տիւրոս իբրեւ ե́րգ պոռնկի միոջ։

Verse: 16   Link to sept   Ա́ռ քնար, յածեա́ց, կործեա́ց լքեալ քաղաք պոռնկութե(ան), քա́ջ հար. յաճախեա́ երգել՝ զի քո́ յիշատակ մնասցէ։

Verse: 17   Link to sept   Եւ եղիցի յետ ամացն եւթանասնից, ա́յց արասցէ տ(է)ր տիւրոսի. եւ միւսանգամ անդրէն ՛ի նոյն յառաջի́ն կարգն հաստատեսցի։ եւ եղիցի ՛ի նմա վաճա́ռ ամ(ենայն) թագաւորաց տիեզերաց* ը(նդ) ամ(ենայն) երեսս երկրի։

Verse: 18   Link to sept   Եւ եղիցի վարձ վաճառի ն(ո)ր(ա) տ(եառ)ն նուիրեալ։ ո́չ անձանց ինչ ժողովեսցեն, այլ բնակելոցն առաջի տ(եառ)ն եղիցին ամ(ենայն) վաճառք ն(ո)ր(ա), ուտել ըմպել՝ եւ ուրախ լինել ՛ի նշան յիշատակաց առաջի տ(եառ)ն։



Chapter: 24  
ԳԼ(ՈՒԽ) Ի՜Դ.


Section: 24 

Verse: 1   Link to sept   Ահաւադիկ տ(է)ր ապականեսցէ́ զտիեզերս. եւ աւերեսցէ́ զնա, եւ տապանեսցէ́ ղատակս ն(ո)ր(ա). եւ ցրուեսցէ́ զբնակեալսն ՛ի նմա։

Verse: 2   Link to sept   Եւ եղիցի ժողովուրդն իբրեւ զքահանայն, եւ ծառայն իբրեւ զտէրն, եւ աղախինն իբրեւ զտիկինն։ եւ եղիցի գնօղն իբրեւ զվաճառականն, եւ փոխատուն իբրեւ զփոխառուն, եւ պարտապանն իբրեւ զպարտատէ́րն։

Verse: 3   Link to sept   Ապականելով ապականեսցի́ երկիր*, եւ յափշտակու(թեամ)բ յափշտակեսցի́ երկիր. զի բերա́ն տ(եառ)ն խօսեցաւ զայս։

Verse: 4   Link to sept   Սո́ւգ առ՝ կործանեցաւ երկիր*. կործանեցան եւ ապականեցան տիեզերք։ սո́ւգ առին բարձունք երկրի։

Verse: 5   Link to sept   Քանզի երկիր անօրինեցաւ բնակչօք իւրովք. վ(ա)ս(ն) զի անցին զօրինօքն տ(եառ)ն, եւ կոխեցին զհրամանս ն(ո)ր(ա)*, եւ ցրեցին զուխտն յաւիտենից։

Verse: 6   Link to sept   Վ(ա)ս(ն) այսորիկ նզո́վք կերիցեն զերկիր. զի մեղան բնակիչք ն(ո)ր(ա)։ վ(ա)ս(ն) այսորիկ տնա́նկք եղիցին բնակիչք ն(ո)ր(ա), եւ մնասցեն մարդք սակաւաւորք։

Verse: 7   Link to sept   Սո́ւգ առցէ գինի, սո́ւգ առցէ այգի. յոգո́ց հանցեն ամ(ենայն) խրախճանք յանձինս իւրեանց։

Verse: 8   Link to sept   Լռեցի́ն ուրախութի(ւն)ք թմբկաց, լռեցին հպարտութի(ւն)ք եւ մեծու(թ)ի(ւն)ք ամպարշտաց. լռեցին ձայնք քնարաց։

Verse: 9   Link to sept   յամօթ եղեն եւ ո́չ ըմպէին գինի. դառնացաւ ցքի ըմպելեաց։

Verse: 10   Link to sept   Աւերեցա́ն ամ(ենայն) քաղաքք. դրունք ապարանից կարկեցա́ն, զի ո́չոք էր որ մտանէր։

Verse: 11   Link to sept   Ողբացէ́ք ՛ի վ(ե)ր(այ) գինւոյ ընդ ամ(ենայն) տեղիս. լռեա́ց ամ(ենայն) ուրախու(թ)ի(ւն). պարտեցա́ւ ուրախու(թ)ի(ւն) երկրի։

Verse: 12   Link to sept   լքցի́ն քաղաքք աւերակք, եւ ապարանք մնացեալք կորիցե́ն։

Verse: 13   Link to sept   Ա́յս ամ(ենայն) եղիցի յերկրի ՛ի մէջ հեթանոսաց։ Զոր օրինակ եթէ ճռաքա́ղ ոք առնիցէ զձիթենի, ա́յնպէս ճռաքա́ղ առնիցեն զնոսա. եւ եթէ դադարեսցեն կութք,

Verse: 14   Link to sept   նոքա մեծաձայն աղաղակեսցեն։ Բայց մնացեալքն յերկրի՝ ուրա́խ լինիցին միանգամայն փառօքն տ(եառ)ն, եւ խռովեսցին ջուրք ծովու։

Verse: 15   Link to sept   Վ(ա)ս(ն) այսորիկ փառք տ(եառ)ն ՛ի կղզիս ծովու, եւ անուն տ(եառ)ն փառաւոր եղիցի։ Տ(է)ր ա(ստուա)ծ ի(սրայէ)լի.

Verse: 16   Link to sept   ՛ի ծագաց երկրի արուեստս լուաք. յո́յս բարեպաշտին, եւ ասիցեն * խորհուրդ իմ ինձ. խորհուրդ իմ ի́նձ եւ իմոցն։ վա́յ արհամարհողաց որ արհամերհեն, եւ արհամարհանօք արհամարհիցեն զօրէնս։

Verse: 17   Link to sept   Ահ, գուբ, եւ որոգայթ ՛ի վ(ե)ր(այ) ձեր բնակիչք երկրի։

Verse: 18   Link to sept   Եւ եղիցի որ փախիցէ յահէ անտի՝ անկցի́ ՛ի գուբն. եւ որ ելանիցէ ՛ի գբոյն, ըմբռնեսցի́ յորոգայթն։ Զի պատուհանք բացան յերկնից, շարժեսցին հիմունք երկրի։

Verse: 19   Link to sept   Խռովու(թեամ)բ խռովեսցի́ երկիր, եւ տարակուսելո́վ տարակուսեսցի երկիր. խոնարհեցաւ։

Verse: 20   Link to sept   Շարժելով շարժեսցի́ երկիր, իբրեւ զտաղաւար մրգապահաց. իբրեւ զարբեալն եւ զսխալակ, գլորեսցի եւ մի́ կարասցէ կանգնել. զի սաստկացաւ ՛ի վ(ե)ր(այ) ն(ո)ր(ա) անօրէնու(թ)ի(ւն)։

Verse: 21   Link to sept   Եւ եղիցի յաւուր յայնմիկ, ածցէ́ ա(ստուա)ծ ՛ի վ(ե)ր(այ) զարդուն երկնից զձեռն իւր. եւ ՛ի վերայ թագաւորաց երկրի՝ որ ՛ի վ(ե)ր(այ) երկրի։

Verse: 22   Link to sept   Եւ ժողովեսցեն զժողովս ն(ո)ր(ա) ՛ի կապանս, եւ պաշարեսցեն յամուրս. եւ յետ բազո́ւմ ազգաց այցելու(թ)ի(ւն) եղիցի ն(ո)ց(ա)։

Verse: 23   Link to sept   Եւ հալեսցի́ աղիւսն, եւ կործանեսցի́ պարիսպն. զի թագաւորեսցէ տ(է)ր ՛ի լերին սիովնի եւ յե(րուսաղէ)մ, եւ առաջի ծերոց փառաւորեսցի́։



Chapter: 25  
ԳԼ(ՈՒԽ) Ի՜Ե.


Verse: 1   Link to sept   Տ(է)ր ա(ստուա)ծ իմ փառաւո́ր արարից զքեզ. օրհնեցի́ց զանուն քո, զի արարեր սքանչելի́ իրս, զխորհուրդն առաջին զճշմարիտ։

Verse: 2   Link to sept   Այո́ տ(է)ր. զի եդիր զքաղաքս ՛ի հողաբլուրս, եւ զքաղաքս ամուրս ՛ի կործանումն հիմանց ն(ո)ց(ա). քաղաքք ամպարշտաց յաւիտենից մի́ շինեսցի։

Verse: 3   Link to sept   Վ(ա)ս(ն) այսորիկ օրհնեսցէ́ զքեզ ժողովուրդ աղքատ, եւ քաղաքք մարդկան զրկելոց օրհնեսցե́ն զքեզ։

Verse: 4   Link to sept   զի եղեր ամ(ենայն) քաղաքի խոնարհի օգնական, եւ տրտմելոց վ(ա)ս(ն) կարօտութե(ան)՝ յա́րկ տպաւինի. ՛ի մարդոց չարաց փրկեցեր զն(ո)ս(ա)։

Verse: 5   Link to sept   Ապաւէն ծարաւեաց եւ ոգի մարդկան զրկելոց.* իբրեւ մարդոց թալկացելոց՝ ծարաւեաց ՛ի սիովն. ՛ի մարդոց ամպարշտաց որոց մատնեցե́ր զմեզ։

Verse: 6   Link to sept   Եւ արասցէ տ(է)ր սաբաւովթ ամ(ենայն) հեթանոսաց ՛ի լերինս յայսմիկ։ արբցե́ն ուրախու(թ)ի(ւն), արբցեն գինի. օծցի́ն իւղով ՛ի մրրոյ պարզելոյ,

Verse: 7   Link to sept   եւ ընկլցին ՛ի լերինս յայսմիկ։ Պատմեա́ զայս ամ(ենայն) հեթանոսաց. զի ա́յս խորհուրդ է ՛ի վ(ե)ր(այ) ամ(ենայն) ազգաց։

Verse: 8   Link to sept   Զօրացա́ւ մահ եւ եկո́ւլ. եւ դարձեալ եհատ ա(ստուա)ծ զամ(ենայն) արտօսր յամ(ենայն) երեսաց, եւ զնախատինս ժողովրդեանն եբա́րձ յամ(ենայն) երկրէ. զի բերան տ(եառ)ն խօսեցաւ։ զտապն հովանեաւ ամպոյ, եւ զբազուկս հզօրաց խոնարհեցուսցէ։

Verse: 9   Link to sept   Եւ ասասցեն յաւուր յայնմիկ. ահաւասիկ տ(է)ր ա(ստուա)ծ մեր յոր յուսացեալեաք, եւ ապրեցուսցէ́ զմեզ. զի սա́ է տ(է)ր, եւ սպասէա́ք սմա. եւ ցնծասցուք՝ եւ ուրա́խ եղիցուք ՛ի փրկու(թ)ե(ան) մերում։

Verse: 10   Link to sept   Եւ տացէ մեզ հանգիստ ա(ստուա)ծ ՛ի լերինս յայսմիկ։ եւ լիցի կոխան մովաբացին, զոր օրինակ կոխիցէ ոք զկա́լ կամնասայլիւք.

Verse: 11   Link to sept   եւ հանգուցանիցէ զձեռս իւր. նոյնպէս եւ նա́ չուառեցոյց զն(ո)ս(ա) ՛ի կորուսանել։ եւ խոնարհեցուսցէ́ զբարձրու(թ)ի(ւն) ն(ո)ր(ա), յոր արկանէր զձեռս իւր։

Verse: 12   Link to sept   Եւ զբարձրու(թ)ի(ւն) ապաստանի պարսպաց քոց խոնարհեցուսցէ́. եւ իջցե́ն մինչեւ ՛ի յատակս։




Chapter: 26  
ԳԼ(ՈՒԽ) Ի՜Զ.


Verse: 1   Link to sept   Յաւուր յայնմիկ երգեսցեն զերգս զայս յերկրին հրէաստանի. թե ահա́ւասիկ քաղաք զօրացեալ եւ փրկութի(ւն) մեր. կանգնեսցէ պարիսպ եւ պատուարս։

Verse: 2   Link to sept   Բացէ́ք զդրունս ձեր, եւ մտցէ ժողովուրդ որ պահէ զարդարութի(ւն)։

Verse: 3   Link to sept   եւ պահէ զճշմարտութի(ւն). վերակացո́ւ ճշմարտութե(ան). եւ պահէ զխաղաղութի(ւն). խաղաղութի(ւն)։

Verse: 4   Link to sept   Զի ՛ի քե́զ յուսով յուսացաք տ(է)ր մինչեւ յաւիտեան։

Verse: 5   Link to sept   Որ խոնարհեցուցեր իջուցե́ր զբնակիչս բարձանց. զքաղաքս հզօրս կործանեսցես, եւ իջուսցե́ս զն(ո)ս(ա) մինչեւ ՛ի յատակս։

Verse: 6   Link to sept   Կոխեսցեն զնոսա ոտք հեզոց եւ խոնարհաց, գնացք տնանկաց։

Verse: 7   Link to sept   Ճանապարհք բարեպաշտաց ուղի́ղ են. դիւրեալ եւ պատրաստեալ են ճանապարհք ա(ստուա)ծապաշտաց։

Verse: 8   Link to sept   Զի ճանապարհք տ(եառ)ն իրաւո́ւնք են. յուսացա́ք յանուն քո՝ եւ ՛ի յիշատակս ցանկութ(եամ)բ ոգւոց որում ցանկացա́ւ անձն մեր։

Verse: 9   Link to sept   Գիշերա́ց կանխէ հոգի իմ առ քեզ ա(ստուա)ծ, զի լո́յս են հրամանք քո ՛ի վերայ երկրի. զարդարու(թ)ի(ւն) ուսարուք բնակիչք երկրի։

Verse: 10   Link to sept   զի կարկեցա́ւ ամպարիշտն։ եւ ամ(ենայն) որ ո́չ ուսանի զարդարու(թ)ի(ւն) յերկրի, ո́չ արասցէ ճշմարտու(թ)ի(ւն)։ բարձցի́ ամպարիշտն, զի մի́ տեսցէ զփառս տ(եառ)ն։

Verse: 11   Link to sept   Տ(է)ր բազուկ քո բարձր, եւ ո́չ ծանեան. ծանիցեն՝ եւ ամաչեսցեն, եւ նախա́նձ առցէ զժողովուրդն անխրատ։ եւ այժմ հո́ւր զհակառակորդս կերիցէ։

Verse: 12   Link to sept   Տ(է)ր ա(ստուա)ծ մեր տո́ւր մեզ զխաղաղու(թ)ի(ւն). զամ(ենայն) ինչ հատուցեր մեզ։

Verse: 13   Link to sept   Տ(է)ր ա(ստուա)ծ մեր ստացի́ր զմեզ. տ(է)ր՝ բա́ց ՛ի քէն զայլոք ո́չ գիտեմք, եւ զանուն քո անուանեմք։

Verse: 14   Link to sept   Իսկ մեռեալք՝ զկեանս ո́չ տեսանիցեն, եւ բժիշկք ո́չ յարուսցեն։ Վ(ա)ս(ն) այսորիկ ածե́ր սատակեցե́ր եւ կորուսե́ր զամ(ենայն) արո́ւ ն(ո)ց(ա)։

Verse: 15   Link to sept   յաւե́լ ն(ո)ց(ա) տ(է)ր չարիս, յաւե́լ չարիս ՛ի վ(ե)ր(այ) փառաւորաց երկրի. յերկարեցեր ամ(ենայն) ծագաց երկրի։

Verse: 16   Link to sept   տ(է)ր ՛ի նեղու(թ)ե(ան) յիշեցաք զքեզ, զի փո́քր նեղու(թ)ի(ւն) է խրատ քո մեզ։

Verse: 17   Link to sept   եւ ո(ր)պ(էս) որ երկնիցէն մե́րձ ՛ի ծնանել, եւ առ ցաւս իւր ճչիցե. ա́յնպէս եղեաք սիրելւոյն քում։ Վասն երկիւղի քոյ տ(է)ր,

Verse: 18   Link to sept   յղացաք՝ երկնեցաք՝ եւ ծնաք զհոգի փրկու(թ)ե(ան) քոյ. արարա́ք ՛ի վ(ե)ր(այ) երկրի։ Ո́չ եւս կործանեսցուք մեք, այլ կործանեսցին բնակիչք երկրի։

Verse: 19   Link to sept   Յարիցեն մեռեալք՝ եւ կանգնեսցի́ն որ իցեն ՛ի գերեզմանս, եւ ուրա́խ եղիցին յերկրի, զի ցօղդ որ ՛ի քէն է՝ բժշկու(թ)ի(ւն) է ն(ո)ց(ա)։ բայց երկիր ամպարշտաց կործանեսցի́։

Verse: 20   Link to sept   Գնա́ ժողովուրդ իմ՝ մուտ ՛ի շտեմարանս քո. փակեա́ զդուրս քո. թաքի́ր առ ժամանակ մի, մինչեւ անցցէ́ բարկութի(ւն) տ(եառ)ն։

Verse: 21   Link to sept   Զի ահաւասիկ տ(է)ր ՛ի սրբու(թեն)է իւրմէ ածցէ բարկու(թ)ի(ւն) ՛ի վ(ե)ր(այ) բնակչաց երկրի. եւ յայտնեսցէ́ երկիր զարիւն իւր, եւ ո́չ ծածկեսցէ զսպանեալսն։



Chapter: 27  
ԳԼ(ՈՒԽ) Ի՜Է.


Section: 25 

Verse: 1   Link to sept   Յաւուր յայնմիկ ածցէ́ տ(է)ր զսուրն սուրբ եւ զմեծ եւ զհզօր ՛ի վերայ վիշապ օձին փախուցելոյ, եւ ՛ի վ(ե)ր(այ) վիշապ օձին կամակորի. եւ սպանցէ́ զվիշապն * ՛ի մէջ ծովուն

Verse: 2   Link to sept   յաւուր յայնմիկ։ Այգի վայելուչ ցանկալի տիրել ՛ի վ(ե)ր(այ) ն(ո)ր(ա)։

Verse: 3   Link to sept   Ե́ս քաղաք ամուր. քաղաք զո́ւր պաշարեալ. արբուցից զնա զի առցի́ ՛ի գիշերի, եւ ՛ի տուէ կործանեսցի պարիսպ ն(ո)ր(ա)։

Verse: 4   Link to sept   Զի չէ́ր որ ոչ ձեռնամուխ լինէր ՛ի նա. ո՞ դիցէ զիս պահել զո́ճ արտոյ յագարակի. վ(ա)ս(ն) այսր պատերազմողի անարգեցի́ զնա այսուհետեւ։ Վ(ա)ս(ն) այսորիկ արա́ր տ(է)ր զամ(ենայն) ինչ զոր կարգեաց. այրեցա́ք ասէ.

Verse: 5   Link to sept   բողոքեսցեն բնակիչք ն(ո)ր(ա). արասցուք ընդ նմա խաղաղու(թ)ի́(ւն)։

Verse: 6   Link to sept   Ժողովեալք որդիք լցցին տիեզերք պտղով ն(ո)ր(ա)։

Verse: 7   Link to sept   Միթէ ո(ր)պ(էս) նա́յն եհար, սա այնպէս վիրաւորեսցի՞. կամ ո(ր)պ(էս) նա́յն սպան, այնպէս սատակեսցի՞։

Verse: 8   Link to sept   պատերազմաւ եւ նախատանօք արձակեսցէ զն(ո)ս(ա)։ ո՞չ դու էիր որ խորհէիր խստացեալ մտօք սպանանել զն(ո)ս(ա) ոգւո́վ բարկութ(եամ)բ։

Verse: 9   Link to sept   Վ(ա)ս(ն) այսորիկ բարձցի́ անօրէնու(թ)ի(ւն) յակոբայ. եւ ա́յս է օրհնութի(ւն) ն(ո)ր(ա), յորժամ բարձի́ց ՛ի նմանէ զմեղս ն(ո)ր(ա)։ ՛ի ժամանակի յորում մանրեսցես իբրեւ զփոշի մանր զամ(ենայն) քարինս մեհենաց քոց. եւ մի́ մնասցեն գործք պաշտամանցն ն(ո)ց(ա)։

Verse: 10   Link to sept   Այլ կոտորեսցեն իբրեւ զմայր ՛ի փայտահարաց։ եւ որ շէնն մնասցէ՝ եղիցի իբրեւ զհօ́տ մակաղեալ, եւ իբրեւ զխա́չն լքեալ. եւ եղիցի բազում ժամանակս յարօտս երէոց. եւ ա́նդ հանգիցեն։

Verse: 11   Link to sept   եւ յետ բազում ժամանակաց ո́չ գտցի ՛ի նմա դե́ղ դալար, զի ցամաքեցաւ։ Կանայք՝ որ դիմեալ գայք ՛ի հանդիսէ յառա́ջ մատիք. զի ո́չ եթէ ժողովուրդ է՝ յորում գո́յ իմաստու(թ)ի(ւն)։ վ(ա)ս(ն) այնորիկ մի́ գթասցի ՛ի ն(ո)ս(ա) ա(ստուա)ծ որ արա́րն զնոսա. մի́ որ ստեղծն զն(ո)ս(ա) ողորմեսցի ն(ո)ց(ա)։

Verse: 12   Link to sept   Եւ եղիցի յաւուր յայնմիկ, արգե́լ արկցէ տ(է)ր ՛ի փոսոյ գետոյն մինչեւ ՛ի կողմանս ռինոյ կորուրայ. բայց դուք մի մի ժողովեցէ́ք զորդիսն ի(սրայէ)լի։

Verse: 13   Link to sept   Եւ եղիցի յաւուր յայնմիկ՝ հարցեն փո́ղ աւագափող. եւ եկեսցեն ցրուեալքն յերկրէն ասորեստանեայց, եւ կորուսեալք յերկիրն եգիպտացւոց. եւ երկի́ր պագցեն տ(եառ)ն ՛ի վերայ լերին սրբոյ յե(րուսաղէ)մ։



Chapter: 28  
ԳԼ(ՈՒԽ) Ի՜Ը.


Verse: 1   Link to sept   Վա́յ ՛ի պսակդ հպարտութե(ան) վարձկանացդ եփրեմի։ ծաղի́կ թօթափեալ ՛ի փառաց ՛ի վ(ե)ր(այ) գլխոյ լերինդ թանձրացելոյ, որ արբեալդ էք եւ ո́չ ՛ի գինւոյ։

Verse: 2   Link to sept   Ահաւասիկ սաստի́կ եւ խիստ բարկութի(ւն) տ(եառ)ն, իբրեւ զկարկո́ւտ իջեալ՝ եւ ո́չ գուցէ յարկ։ եւ իբրեւ զբռնու(թ)ի(ւն) հեղեղաց ջուրց բազմաց որ ողողէ զերկիր. եւ արասցէ հանգիստ երկրի ձեռօք։

Verse: 3   Link to sept   Եւ կոխան լիցի պսակն հպարտու(թ)ե(ան) վարձկանացդ եփրեմի։

Verse: 4   Link to sept   եւ եղիցի ծաղիկն յուսոյ թօթափեալ ՛ի փառաց անտի՝ ՛ի վ(ե)ր(այ) գլխոյ լերինն բարձու, իբրեւ զվաղահասուկն թզոյ. զոր տեսեալ ուրուք մինչչե́ւ ՛ի ձեռն առեալ՝ կամիցի կլանել։

Verse: 5   Link to sept   Յաւուր յայնմիկ եղիցի տ(է)ր զօրութե(ան)ց՝ պսակ յուսոյ գործեալ ՛ի փառս մնացելոց ժողօվրդեանն,

Verse: 6   Link to sept   զի մնասցեն ոգւով դատաստանի. եւ դատաստանա́ւ եւ զօրութ(եամ)բ արգելուցու ՛ի ծուլութ(են)է։

Verse: 7   Link to sept   Զի նոքա գինւո́վ մոլորեալ են, մոլորեցան վ(ա)ս(ն) ցքւոյն. քահանայն եւ մարգարէ յիմարեցա́ն վ(ա)ս(ն) ցքւոյ, ընկղմեցա́ն վ(ա)ս(ն) գինւոյ. դանդաչեցի́ն յարբեցութ(են)է ցքոյն. մոլորեցան՝ զի ա́յն ինքն է յիմարութի(ւն)։

Verse: 8   Link to sept   Նզո́վք կերիցեն զխորհուրդն զայն. զի ա́յն խորհուրդ ՛ի յագահու(թեն)է́ է։

Verse: 9   Link to sept   Ո՞ւմ պատմեսցուք զչարիսն, ո՞ւմ գոյժ տացուք. անջատելո՞ցն ՛ի կաթանէ, հատուցելո՞ցն ՛ի ստենէ։

Verse: 10   Link to sept   նեղութի(ւն)ք ՛ի վ(ե)ր(այ) նեղութե(ան)ց։ ընկա́լ կասկածանս ՛ի վ(ե)ր(այ) կասկածանաց։ Փոքր մեւս եւս. փոքր մեւս եւս վասն անզգամութե(ան) շրթանց,

Verse: 11   Link to sept   յօտար լեզուս խօսիցին ընդ ժողովրդեանդ ընդ այդմիկ.

Verse: 12   Link to sept   եւ ասիցեն ցդոսա. թէ ա́յն է հանգիստ քաղցելոյն, եւ սոյն բեկումն. եւ ո́չ կամեցան լսել։

Verse: 13   Link to sept   Եւ եղիցի ն(ո)ց(ա) բանն տ(եառ)ն՝ նեղու(թ)ի(ւն)ք ՛ի վ(ե)ր(այ) նեղութե(ան)ց։ ընկա́լ ընկա́լ կասկածանս ՛ի վ(ե)ր(այ) կասկածանաց։ Փո́քր մեւս եւս. փո́քր մեւս եւս՝ մինչ գնասցեն, եւ յետս ընդդէ́մ կործանեսցին. եւ խորտակեսցին եւ չարչարեսցին եւ սատակեսցին։
Section: 26 

Verse: 14   Link to sept   Վ(ա)ս(ն) այսորիկ լուարո́ւք զբան տ(եառ)ն ա́րք նեղեալք, իշխանք ժողովրդեանդ այդորիկ յե(րուսաղէ)մ։

Verse: 15   Link to sept   Զի ասացէք՝ եդաք ո́ւխտ ընդ դժոխս, եւ ընդ մահու դաշի́նս կռեցաք. մրրիկ փոթորկեալ եթէ յարիցէ՝ ո́չ եկեսցէ ՛ի վ(ե)ր(այ) մեր. զի եդաք սուտ զյոյսն մեր, եւ ստու(թեամ)բ ծածկեսցուք։

Verse: 16   Link to sept   Վ(ա)ս(ն) այնորիկ ա́յսպէս ասէ տ(է)ր տ(է)ր։ Ահաւասիկ ես դնեմ ՛ի հիմունս սիովնի վէմ բազմապատիկ, զընտիր զգլուխ անկեան, զպատուականն ՛ի հիմունս ն(ո)ր(ա). եւ որ հաւատասցէ ՛ի նա՝ մի́ ամաչեսցէ։

Verse: 17   Link to sept   Եւ եդից զիրաւունս ՛ի յո́յս, եւ զողորմու(թ)ի(ւն) իմ ՛ի կշի́ռս. եւ ոյք յուսացեալ իցեն զո́ւր ՛ի ստութի(ւն), թէ ո́չ հասցէ առ մեզ մրրիկն.

Verse: 18   Link to sept   եւ ո́չ բարձցէ զուխտն մեր՝ որ ընդ մահուն է։ Յոյսն ձեր որ ՛ի դժոխս է մի́ հաստատեսցի. զի մրրիկ փոթորկեալ եթէ գայցէ ՛ի վ(ե)ր(այ), եղիջիք նմա ՛ի կոխո́ւմն։

Verse: 19   Link to sept   Զի յորժամ անցանիցէ՝ առցէ́ զձեզ. յառաւօտէ յառաւօ́տ անցցէ, ՛ի տուէ եւ ՛ի գիշերի եղիցի կասկած չարեաց։ Ուսարո́ւք լսել նեղեալքդ։

Verse: 20   Link to sept   մարտնչել եւս ո́չ կարեմք. քանզի տկարացաք ՛ի ժողովելն մերում

Verse: 21   Link to sept   իբրեւ զլեառն ամպարշտաց։ Յարիցէ տ(է)ր իբրեւ ՛ի ձո́րն գաբաւոնացւոց լի́ բարկու(թեամ)բ. գործիցէ զգործ իւր գո́րծ դառնու(թ)ե(ան)։ զի սրտմտու(թ)ի(ւն) նորա օտարաբար դատեսցի, եւ դառնու(թ)ի(ւն) ն(ո)ր(ա) օտարաբար հասցէ։

Verse: 22   Link to sept   Եւ դուք մի́ ցնծայք, եւ մի́ զօրասցին կապանք ձեր. զի ի́րս հաստատեալս եւ համառօտս լուայ ՛ի տ(եառ)նէ։ տ(է)ր զօրու(թ)ե(ան)ց զոր առնելո́ց է ՛ի վ(ե)ր(այ) ամ(ենայն) երկրի։

Verse: 23   Link to sept   Ո́ւնկն դիք եւ լուարո́ւք բարբառոյ իմոյ. անսացէք եւ լուարո́ւք բանից իմոց։

Verse: 24   Link to sept   միթէ զօրն ա(մենա՞յ)ն հերկիցէ որ հերկէն, կամ թէ սերմն յառաջագոյն ցանիցէ՞, մինչչեւ զերկիրն գործեալ իցէ։

Verse: 25   Link to sept   Ո՞չ ապաքէն նախ կակղէ զերեսս ն(ո)ր(ա)՝ եւ ապա սերմանէ փոքր մի արջնդեղ եւ չաման. եւ ապա սերմանեսցէ ցորեան եւ գարի՝ կորեա́կ եւ հաճա́ր ՛ի սահմանս իւր։

Verse: 26   Link to sept   Եւ խրատեսցիս դու իրաւամբք ա(ստուածո)յ քոյ, եւ ուրա́խ եղիցես։

Verse: 27   Link to sept   զի ո́չ եթէ խստի́ւ ինչ սրբի արջնդեղն, եւ ո́չ զանիւ կամնասայլին ածեն ՛ի վ(ե)ր(այ) չամանոյն. այլ գաւազանաւ թափի արջնդեղն,

Verse: 28   Link to sept   եւ չամանն հացի́ւ ուտի։ Զի ո́չ եթէ յաւիտեան բարկանայցեմ ձեզ, եւ ո́չ ձայն դառնութե(ան) իմոյ կոխիցէ զձեզ։

Verse: 29   Link to sept   Եւ այս նշանք ելին ՛ի սաբաւովթ տ(եառն)է։ արդ խորհեցարո́ւք՝ բարձէ́ք ՛ի ձէնջ զընդունայն մխիթարու(թ)ի(ւն)ն ձեր։



Chapter: 29  
ԳԼ(ՈՒԽ) Ի՜Թ


Verse: 1   Link to sept   Վա́յ քեզ արիէլ քաղաք.* արիէլ զոր դաւիթն պաշարեաց, զի տօնքն ամբոխեսցին։ ժողովեցէ́ք արմտիս եւ կերա́յք ամ յամէ. եւ կերիջիք մովաբաւ հանդեձ։

Verse: 2   Link to sept   Զի նեղեցի́ց զարիել, եւ եղիցի զորութի(ւն) եւ մեծութի(ւն) ն(ո)ր(ա) ի́նձ։

Verse: 3   Link to sept   եւ պաշարեցից զքեզ՝ ո(ր)պ(էս) եւ դաւիթն, եւ ածի́ց զքեւ պատնէշ. եւ կանգնեցից շուրջ զքեւ աշտարա́կս։

Verse: 4   Link to sept   Եւ խոնարհեսցին յերկիր բանք քո, եւ պատգամք քո ը(նդ) գետին մտցեն. եւ եղիցի իբրեւ գետնաձայնաց բարբառ քո, եւ ՛ի յատակս բարբառն քո տկարասցի́։

Verse: 5   Link to sept   Եւ եղիցի իբրեւ զփիշի́ անուոյ մեծու(թ)ի(ւն) ամպարշտաց. * Եւ իբրեւ զունգ մաղեալ բազմութի(ւն) զրկողացն քոց։

Verse: 6   Link to sept   Եւ եղիցի որչափ յական թօթափէլ ՛ի սաբաւովթ տ(եառն)է՝ այցելու(թ)ի(ւն) շարժմամբ եւ որոտմամբ եւ մեծաձայն բարբառով, մրրիկ փոթորկեալ եւ բոց հրոյ որ ուտիցէ։

Verse: 7   Link to sept   Եւ եղիցի՝ ո(ր)պ(էս) ոք զի տեսանիցէ երա́զ ՛ի տեսլեան գիշերոյ, մեծութի(ւն) ամ(ենայն) հեթանոսաց յարձակելոց ՛ի վ(ե)ր(այ) ե(րուսաղէ)մի. եւ ամ(ենայն) ժողովելոցն ՛ի վ(ե)ր(այ) ն(ո)ր(ա), եւ որ նեղեցինն զնա։

Verse: 8   Link to sept   Եւ եղիցին ո(ր)պ(էս) որք յերազի քաղցեալ իցեն՝ եւ ուտիցեն. եւ իբրեւ յառնիցեն՝ զուր է տեսիլն։ եւ զոր օրինակ ծարաւի́ ոք իցէ յերազի եւ ըմպիցէ. եւ յառնիցէ՝ եւ դարձեալ ծարաւիցի, ՛ի զուր յուսացաւ անձն ն(ո)ր(ա). ա́յնպէս եղիցի մեծութի(ւն) ամ(ենայն) հեթանոսաց, որ զօրաժողո́վ եղեն ՛ի վ(ե)ր(այ) ե(րուսաղէ)մի՝ եւ ՛ի վ(ե)ր(այ) լերին սիովնի։

Verse: 9   Link to sept   Զարմացարո́ւք. յիմարեցարո́ւք. թմբրեցարո́ւք, եւ առաւե́լ թմբրեցարուք. արբեցարո́ւք ոչ ՛ի գինւոյ եւ ո́չ ՛ի ցքւոյ։

Verse: 10   Link to sept   Զի արբո́յց ձեզ տ(է)ր ոգի́ յիմարու(թ)ե(ան). եւ խցցէ զաչս ձեր՝ եւ զմարգարէից ձերոց, եւ զիշխանաց ձերոց, եւ զծածկատեսա́ցն ձերոց։

Verse: 11   Link to sept   Եւ եղիցին ձեզ պատգամքս այս ամ(ենայն) իբրեւ զբան թղթոյ կնքելոյ. զոր իբրեւ տայցեն ցայր մի գրագէտ՝ եւ ասիցեն ցնա, ընթերցի́ր զայդ։ եւ ասիցէ՝ ո́չ կարեմ ընթերնուլ զի կնքեալ է։

Verse: 12   Link to sept   Եւ տացի նո́յն գիր ՛ի ձեռս առն՝ որ ո́չ գիտիցէ գիրս, եւ ասասցեն ցնա՝ ընթերցի́ր զայդ. եւ ասիցէ՝ ո́չ գիտեմ դպրութի(ւն)։

Verse: 13   Link to sept   Եւ ասէ տ(է)ր. մե́րձ է առ իս ժողովուրդս այս բերանով իւրով, եւ շրթամբք իւրեանց պատուեն զիս. եւ սրտիւք իւրեանց հեռացեալ մեկուսի́ են յինէն. զո́ւր պաշտեն զիս, ուսուցանեն զպատուէրս մարդկան՝ եւ զվարդապետու(թ)ի(ւն)ս։

Verse: 14   Link to sept   Վ(ա)ս(ն) այնորիկ ահաւադիկ ես յաւելից փոփոխե́լ զժողովուրդդ զայդ. եւ փոփոխեցի́ց զդոսա։ եւ կորուսի́ց զիմաստութի(ւն) իմաստնոց, եւ զխորհուրդս խորհրդականաց արհամարհեցից։

Verse: 15   Link to sept   Վա́յ այնոցիկ՝ որ խորհին խորհուրդս խորինս՝ եւ ո́չ տ(երամ)բ. վա́յ այնիցիկ որ խորհին խորհուրդս ծածուկս. եւ եղիցին ընդ խաւար գործք ն(ո)ց(ա), եւ ասիցեն թէ ո՞ տեսանիցէ զմեզ, եւ ո՞ գիտասցէ զինչ գործեմք։

Verse: 16   Link to sept   Ոչ ապաքէն իբրեւ զկաւ բրտի՞ համարեալ իցէք. միթէ ասիցէ՞ ստեղծուածն ցստեղծիչն իւր, թէ ո́չ դու զիս ստեղծեր. կամ արարածն ցարարիչն թէ ո́չ իմաստութ(եամ)բ արարեր զիս։
Section: 27 

Verse: 17   Link to sept   Ոչ եւս յետ սակաւ ժամանակի, եւ եղիցի լիբանան իբրեւ զլեա́ռն քերմէլ. եւ քերմէլ յանտա́ռ համարեսցի։

Verse: 18   Link to sept   Եւ լուիցեն յաւուր յայնմիկ խուլք զբանս գրոյն այնորիկ. եւ որք ՛ի խաւարին եւ ՛ի միդին իցեն, տեսցեն աչք կուրացելոցն։

Verse: 19   Link to sept   եւ ցնծասցե́ն աղքատք յաղագս տ(եառ)ն ուրախութ(եամ)բ, եւ անյոյսքն ՛ի մարդկանէ լցցի́ն ուրախութ(եամ)բ։

Verse: 20   Link to sept   Պակասեաց անօրէնն, եւ կորեաւ ամբարտաւանն. եւ սատակեցան անօրէնք ՛ի չարիս,

Verse: 21   Link to sept   եւ ոյք առնեն մեղանչել մարդկան բանիւք։ ամ(ենայն) յանդիմանչացն դնէին ՛ի դրունս զգայթագղու(թ)ի(ւն), եւ խոտորէին անիրաւու(թեամ)բ զիրաւունս։

Verse: 22   Link to sept   Վ(ա)ս(ն) այսորիկ ա́յսպէս ասէ տ(է)ր ՛ի վ(ե)ր(այ) տաննյակովբայ զոր ընտրեացն յաբրահամէ. ո́չ այժմ ինչ ամաչեսցէ յակովբ, եւ ո́չ այժմ զերեսս այլագունեսցէ ի(սրա)էլ։

Verse: 23   Link to sept   այլ յորժամ տեսցեն որդիք ն(ո)ր(ա) զգործս իմ. վ(ա)ս(ն) իմ ս(ուր)բ արասցեն զանուն իմ, եւ ս(ուր)բ արասցեն զս(ուր)բն յակովբայ, եւ երկիցեն յա(ստուածո)յն ի(սրայէ)լի։

Verse: 24   Link to sept   Եւ ծանիցեն մոլորեալք հոգւով զիմաստու(թ)ի(ւն). եւ տրտնջօղք ուսցին զհնազանդու(թ)ի(ւն). եւ լեզուք թոթովախօսք ուսցին խօսել զխաղաղութի(ւն)։



Chapter: 30  
ԳԼ(ՈՒԽ) Լ՜.


Section: 28 

Verse: 1   Link to sept   Ա́յսպէս ասէ տ(է)ր. վա́յ ձեզ որդիք ապստամբք, զի խորհեցարուք խորհուրդ եւ ո́չ ինեւ, եւ դաշինս կռեցէք՝ եւ ո́չ իմով հոգւով. յաւելուլ մե́ղս ՛ի վ(ե)ր(այ) մեղաց։

Verse: 2   Link to sept   Որ գնայիք իջանել յերկիրն եգիպտացւոց, եւ զիս ո́չ հարցանէիք. գտանե́լ օգնականու(թ)ի(ւն) ՛ի փարաւոնէ, եւ թիկո́ւնս առնել զեգիպտացին։

Verse: 3   Link to sept   Եւ եղիցի ձեզ թիկունք փարաւոն յամօթ, եւ յուսացելոց յեգիպտացիսն նախատինք։

Verse: 4   Link to sept   Զի են յերկրին տայանու իշխանք հրեշտակք չա́րք։

Verse: 5   Link to sept   զո́ւր ջանան առ ժողովուրդն՝ որ ո́չ լինի դոցա շահ յօգնականութի(ւն). ո́չ յօգուտ, այլ յամօթ եւ ՛ի նախատինս։

Verse: 6   Link to sept   Տեսիլ զորքոտանեաց յանապատի, ՛ի նեղութե(ան) եւ յանձկութե(ան)։ Առեւծ, եւ կորիւն առիւծու. եւ ՛ի նոցանէն իժք, եւ կորիւնք իժից։ թռչունք ամբարձեալ բերեն իշոց զգանձս իւրեանց, եւ լցեալ ուղտուց զմեծութի(ւն) իւրեանց. առ ազգ մի՝ որ ո́չինչ օգուտ լինիցի ն(ո)ց(ա) յօգնականութի(ւն), այլ յամօթ եւ ՛ի նախատինս։

Verse: 7   Link to sept   Եգիպտացիքն որ զո́ւր եւ տարապարտ օգնիցեն ձեզ. պատմեա́ ն(ո)ց(ա) եթէ ՛ի զո́ւր է այդ մխիթարութի(ւն) ձեր։

Verse: 8   Link to sept   Արդ նի́ստ՝ եւ գրեա́ ՛ի տախտակի եւ ՛ի գիրս. զի եղիցի այդ յաւուր իւրում եւ ՛ի ժամանակս յաւիտենից։

Verse: 9   Link to sept   թէ ժողովուրդ անհաւա́ն է, եւ որդիք սո́ւտք. եւ ո́չ կամեցան լսել զօրէնս ա(ստուածո)յ։

Verse: 10   Link to sept   Որք ասէին ցմարգարէսն՝ թէ մի́ պատմէք մեզ. այլ խօսեցարո́ւք ընդ մեզ, եւ պատմեցէ́ք մեզ ա́յլ մոլորութի(ւն)։

Verse: 11   Link to sept   եւ դարձուցէ́ք զմեզ ՛ի ճանապարհէդ յայդմանէ, եւ ՛ի բա́ց արարէք ՛ի մէնջ զշաւիղդ զայդ. եւ հանէ́ք ՛ի մէնջ զօրէնս ա(ստուածո)յ ի(սրայէ)լի։

Verse: 12   Link to sept   Վ(ա)ս(ն) այսորիկ ա́յսպէս ասէ տ(է)ր՝ ս(ուր)բն ի(սրայէ)լի. փոխանակ զի անարգեցէք դուք զբանսդ զայդոսիկ, եւ յուսացարուք ՛ի ստութի(ւն) սնոտի. եւ զի տրտնջեցէք՝ եւ յուսացարուք ՛ի բանդ յայդ։

Verse: 13   Link to sept   Վ(ա)ս(ն) այնորիկ եղիցին ձեզ մեղքդ այդոքիկ ՛ի նզովս՝ իբրեւ զպարիսպ կործանեալ առժամայն ամո́ւր քաղաքի առելոյ, որում յանկարծակի́ հասանիցէ կործանումն։

Verse: 14   Link to sept   Եւ կործանումն ն(ո)ր(ա) եղիցի իբրեւ զբեկումն խեցեղէն անօթոյ բրտի՝ մա́նր խորտակելոյ, զի մի́ ոք գտանիցէ ՛ի նմանէ որով հուր բառնայցէ՝ կամ որով մարթիցէ́ առնուլ սակաւ մի ջուր։

Verse: 15   Link to sept   Զի ա́յսպէս ասէ տ(է)ր տ(է)ր ս(ուր)բն ի(սրայէ)լի. յորժամ դարձցիս եւ յոգոց հանիցես, յայնժամ կեցցես, եւ գիտասցես՝ թէ ո́ւր իցես։ Զի յուսացեալ էիր դու ՛ի սնոտիսն, սնոտի́ եղեւ եւ զօրութի(ւն) ձեր։ եւ ո́չ կամէիք լսել.

Verse: 16   Link to sept   այլ ասէիք, երիվարօ́ք մերովք փախիցո́ւք. վ(ա)ս(ն) այսորիկ փախստականք լինիցիք։ եւ ասիցէք՝ երագ երիվարօք մերովք փախիցուք. վ(ա)ս(ն) այնորիկ երագագո́յնք քան զձեզ եղիցին որ հալածենն զձեզ։

Verse: 17   Link to sept   Զի ՛ի միոջէ́ բարբառոյ հազա́րք փախիցեն, եւ ՛ի բարբառո́յ հնգից բազո́ւմք փախիցեն. մինչեւ մնասջիք իբրեւ զձո́ղ ցցեալ ՛ի վ(ե)ր(այ) լերին, եւ իբրեւ զկոթո́ղ կանգնեալ ՛ի վ(ե)ր(այ) բլրոց։

Verse: 18   Link to sept   Եւ դարձեալ կանխեսցէ ա(ստուա)ծ գթալ ՛ի ձեզ, եւ վ(ա)ս(ն) այսորիկ բարձրասցի ողորմել ձեզ. զի դատաւոր տ(է)ր ա(ստուա)ծ մե́ր է։ Երանի́ ամենեցուն ոյք սպասեն նմա։

Verse: 19   Link to sept   զի ժողովուրդ ս(ուր)բ ՛ի սիոն բնակեսցէ։ եւ ե(րուսաղ)էմ լալով ելաց՝ եթէ ողորմեաց ինձ։ ողորմեսցի́ քեզ։ ձայնի աղաղակի քում իբրեւ ետես՝ եւ լուաւ քեզ։

Verse: 20   Link to sept   Եւ տացէ քեզ տ(է)ր հա́ց նեղու(թ)ե(ան)՝ եւ ջուր կարօտանաց. եւ ո́չեւս մերձեսցին ՛ի քեզ որ մոլորեցուցանէին զքեզ. զի աչք քո տեսցեն ՛ի միլորեցուցիչսն քո,

Verse: 21   Link to sept   եւ ականջք քո լուիցեն բանս զհետ մոլորեցուցչացն քոց. որք ասէին եթէ այս է ճանապարհ, եւ գնասցուք ը(նդ) սա, կամ թէ յա́ջ կամ թէ յահեակ։

Verse: 22   Link to sept   Եւ գարշեցուսցես զկուռսն զարծաթապատս եւ զոսկիապատս. մանրեսցե́ս զն(ո)ս(ա) եւ հոսեսցես իբրեւ զջուր դաշտանաց, եւ իբրեւ զա́ղբ մերժեսցես զն(ո)ս(ա)։

Verse: 23   Link to sept   Յայնժամ եղիցի անձրեւ սերմանեաց երկրին քում, եւ հա́ց արդեանց երկրի քոյ եղիցի յադո́ւրդ եւ ՛ի պարա́ր։ եւ ճարակեսցին խաշինք քո յաւուր յայնմիկ ՛ի տեղւոջ պարարտութե(ան) եւ յանդորրու։

Verse: 24   Link to sept   զուարակք ձեր եւ եզի́նք որ գործեն զերկիր՝ կերիցեն յա́րդ խառնեալ ընդ գարի, հոսեալ ՛ի կալոյ։

Verse: 25   Link to sept   Եւ եղիցի ՛ի վ(ե)ր(այ) ամ(ենայն) լերանց բարձանց, եւ ՛ի վ(ե)ր(այ) բլրոց բարձուանդակաց ջուր բղխեալ յաւուր յայնմիկ. յորժամ կորիցեն բազումք, եւ կործանեսցին աշտարակք։

Verse: 26   Link to sept   Եւ եղիցի լոյսն լուսնի իբրեւ զլոյս արեգական, եւ լոյսն արեգական եւթնպատի́կ եղիցի՝ իբրեւ զլոյս աւուրցն եւթանց։ Յաւուր յայնմիկ բժշկեսցէ տ(է)ր զբեկումն ժողովրդեան իւրոյ, եւ զցաւո վիրաց քոց բժշկեսցէ́։

Verse: 27   Link to sept   Ահաւասիկ անուն տ(եառ)ն գա́յ յամայր ամս, յետ բազում ժամանակաց. վառեալ բարկութ(եամ)բ՝ եւ լի́ փառօք։ բանք շրթանց ն(ո)ր(ա), եւ բանք բերանոյ ն(ո)ր(ա) լի́ բարկութ(եամ)բ. եւ բարկու(թ)ի(ւն) սրտմտութե(ան) ն(ո)ր(ա) իբրեւ զհո́ւր կերիցէ։

Verse: 28   Link to sept   եւ հոգի ն(ո)ր(ա) իբրեւ զջուր ձորալիր պարանոցաթա́ղ յորդեսցէ։ Եւ բաժանեսցի խռովեցուցանել զազգս վ(ա)ս(ն) սնոտի մոլորութե(ա)ն. եւ հալածեսցէ զն(ո)ս(ա) մոլորութի(ւն)ն, եւ հասցէ ն(ո)ց(ա) յանդիմա́ն նոցին։

Verse: 29   Link to sept   Միթէ հանապա՞զ պա́րտ իցէ ձեզ ուրախու(թեամ)բ մտանել ՛ի սրբու(թ)ի(ւն)ս իմ. յամ(ենայն) ժամ տօնիւք եւ ուրախութ(եամ)բ եւ փողո՞վք մտանել ՛ի լեառն տ(եառ)ն՝ * առ ա(ստուա)ծ ս՝բն ի(սրայէ)լի։

Verse: 30   Link to sept   Եւ լսելի՞ արասցէ զփառս բարբառոյ իւրոյ, եւ զսրտմտու(թ)ի(ւն) բազկի իւրոյ ցուցցէ՞ բարկու՝բ՝ եւ սրտմտութ(եամ)բ եւ բոցո́վ որ ուտիցէ. եւ սաստիկ բարկութ(եամ)բ հրացանից, եւ ջրով, եւ կարկտիւ միանգամայն հոսելով բռնու(թեամ)բ։

Verse: 31   Link to sept   Զի ՛ի բարբառոյ տ(եառ)ն ընկճեսցին ասորեստանեայք. հարուածովքն զոր հարկանիցէ զն(ո)ս(ա)։

Verse: 32   Link to sept   Եւ եկեսցէ նմա շոերջ յօգնականաց իւրոց՝ յոր կողմ եւ յուսացեալ իցէ։ զի նոքա փողո́վք եւ թմբկաւ՝ * եւ պէսպէս պատերազմաւ փոխփոխ մարտիցեն ընդ նմա։ եւ դու ո́չ յառաջագոյն քան զաւուրսն պահանջիցին։

Verse: 33   Link to sept   Իսկ արդ եւ քե́զ պատրաստեալ իցէ թագաւորել ՛ի վ(ե)ր(այ) ձորոյն խորոյ. փայտ դիզեալ, հուր եւ փայտակոյտ բազում վառեալ. սրտմտու(թ)ի(ւն) տ(եառ)ն իբրեւ զձոր, լի́ ծծըմբով բորբոքեալ։



Chapter: 31  
ԳԼ(ՈՒԽ) Լ՜Ա.


Verse: 1   Link to sept   Վա́յ ոյք իջանեն յեգիպտոս վ(ա)ս(ն) օգնականու(թ)ե(ան). որ ՛ի հեծեալս եւ ՛ի կառս յուսացեալ իցեն՝ թէ բազումք են, եւ բազմու(թ)ի(ւն) երիվարաց յոյժ. եւ ո́չ էին յուսացեալ՛ի ս(ուր)բն ի(սրայէ)լի, եւ զա(ստուա)ծ ո́չ խնդրեցին։

Verse: 2   Link to sept   Եւ նա իմաստո́ւն էր՝ եւ ածէ́ր ՛ի վ(ե)ր(այ) ն(ո)ց(ա) չարիս. եւ բան ն(ո)ր(ա) ո́չ անարգեսցի։ եւ յարիցէ ՛ի վ(ե)ր(այ) տանց մարդոց չարաց, եւ ՛ի վ(ե)ր(այ) սնոտի յուսոյն ն(ո)ց(ա)։

Verse: 3   Link to sept   Յա́յր եգիպտացի՝ եւ ո́չ յա(ստուա)ծ. ՛ի մարմինս երիվարաց՝ եւ ո́չ գոյր օգնականու(թ)ի(ւն)։ այլ տ(է)ր արկցէ́ ՛ի վ(ե)ր(այ) ն(ո)ց(ա) զձեռն իւր, եւ տաժանեսցին օգնականքն, եւ կործանեսցին օգնեալքն ՛ի նոցանէն. եւ առհասարա́կ ամենեքեան սատակեսցին։

Verse: 4   Link to sept   Զի ա́յսպէս ասաց ցիս տ(է)ր. թէ զոր օրինակ գոչեսցէ առեւծ՝ եւ կորիւն առիւծու յո́րս յոր հասանիցէ, կաւշեսցէ ՛ի վ(ե)ր(այ)՝ եւ լցցէ զլերինս բարբառով իւրով. եւ ՛ի պարտութի(ւն) մատնեսցին, եւ ՛ի սաստակութ(են)է սրտմտու(թ)ե(ան) ն(ո)ր(ա) հալեսցին։ Ա́յնպէս իջցէ տ(է)ր զօրու(թ)ե(ան)ց ՛ի լեառն սիովն, եւ ՛ի վ(ե)ր(այ) լերանց դորա.

Verse: 5   Link to sept   իբրեւ զթռչո́ւնս թռուցեալս, ա́յնպէս հովանի լիցի տ(է)ր զօրութե(ան)ց ՛ի վ(ե)ր(այ) ե(րուսաղէ)մի։ ՛ի թիկունս իջցէ. օգնեսցէ եւ փրկեսցէ եւ կեցուսցէ́։

Verse: 6   Link to sept   Դարձարո́ւք ոյք խորհիք խորհուրդս խորինս եւ զանօրէնս՝ որդիք ի(սրայէ)լի։

Verse: 7   Link to sept   զի յաւուր յայնմիկ բարձցե́ն մարդիկզձեռագործս իւրեանց զարծաթեղէնս եւ զոսկեղէնս՝ զոր արարին ձեռք ն(ո)ց(ա) մեղս։

Verse: 8   Link to sept   Եւ անկցի́ ասորեստանեայն, ո́չ սրով առն, եւ ո́չ սուր մարդոյ կորիցէ զնա. եւ ՛ի փախո́ւստ դարձցի՝ ո́չ յերեսաց սուսերի. եւ երիտասարդք ն(ո)ր(ա) ՛ի պարտու(թ)ի(ւն) մատնեսցին։

Verse: 9   Link to sept   Եւ եղիցին վիմարգելք իբրեւ զորմարգելս. եւ ՛ի պարտութի(ւն) մատնեսցին. եւ որ փախիցէն, ըմբռնեսցի́։
Section: 29 
   Այսպէս ասէ տ(է)ր. երանի́ որ ունիցի զաւա́կ ՛ի սիովն, եւ ընտանեա́կք իցեն ն(ո)ր(ա) յե(րուսաղէ)մ:



Chapter: 32  
ԳԼ(ՈՒԽ) Լ՜Բ.


Verse: 1   Link to sept   Զի ահաւասիկ թագաւոր արդա́ր թագաւորեսցէ, եւ իշխանք իրաւա́մբք տիրեսցեն։

Verse: 2   Link to sept   Եւ եղիցի մարդն որ թաքուցանիցէ զբանս իւր, թաքիցէ́ իբրեւ ՛ի ջուրցն սաստկութ(են)է։ Եւ եղիցի սիոն իբրեւ զգետ յորդեալ փառաւոր ՛ի ծարաւուտ երկրի։

Verse: 3   Link to sept   Եւ ո́չ եւս եղիցին յուսացեալ ՛ի մարդիկ. այլ տացեն զականջս առ ՛ի լսել,

Verse: 4   Link to sept   եւ սիրտք տկարաց անսայցեն ՛ի լսել. եւ լեզուք թոթովք՝ արագարա́գ ուսցին խօսել զխաղաղու(թ)ի(ւն)։

Verse: 5   Link to sept   Եւ ո́չ եւս ասասցեն ցյիմարն լինել ն(ո)ց(ա) իշխան։ եւ ո́չեւս ասասցեն պաշտօնեայք քո՝ թէ լո́ւռ լեր։

Verse: 6   Link to sept   Քանզի յիմարն յիմարու(թ)ի(ւն) խօսեսցի, եւ սիրտ ն(ո)ր(ա) զնանրու(թ)ի(ւն) խորհեսցի. կատարել զանօրէնութի(ւն), եւ խօսել առ ա(ստուա)ծ զհայհոյու(թ)ի(ւն). ցրուել զանձինս քաղցեալս, եւ զանձինս ծարաւեալս՝ ունա́յնս արձակել։

Verse: 7   Link to sept   Զի խորհուրդք չարաց՝ անօրէնս խորհին. ապականե́լ զխոնարհս բանիւք անիրաւութ(եամ)բ, եւ ցրուել զբանս տնանկաց ՛ի դատաստանի։

Verse: 8   Link to sept   իսկ ուղիղք իմաստո́ւնս խորհեցան, եւ խորհուրդն այն կա́յ՝ մնայ։

Verse: 9   Link to sept   Կանայք մեծատունք, արի́ք եւ լուարո́ւք բարբառոյ իմոյ. եւ դստերք կասկածանօք լուարո́ւք զբանս իմ։

Verse: 10   Link to sept   Յո́ւշ լիցին ձեզ աւուրքն տարեկանաց ցաւովք եւ կասկածանօք. նուաղեցա́ն կութք. դադարեցին սերմանք, եւ այլ ո́չ եւս եկեսցեն։

Verse: 11   Link to sept   Զարհուրեցարո́ւք բարեկեցիկք. տրտմեցարո́ւք յանձնապաստանքդ. մերկացարո́ւք՝ կողոպտեցարո́ւք՝ քրձազգա́ծք եղերուք։

Verse: 12   Link to sept   կործեցարո́ւք ՛ի վ(ե)ր(այ) արդեանց, վ(ա)ս(ն) անդոցն ցանկալեաց, եւ վ(ա)ս(ն) այգեացն բերոց։

Verse: 13   Link to sept   Յերկիր ժողովրդեան իմոյ փո́ւշ եւ խո́տ բուսցի. եւ յամ(ենայն) ապարանից ուրախութի(ւն) բարձցի́։ քաղաքիդ մեծացելոյ

Verse: 14   Link to sept   ապարանք լքեալք. զմեծութի(ւն) քաղաքիդ լքցե́ն եւ զտունս ցանկալիս. եւ եղիցին աւանք քո ա́յրք յաւիտենից։ ուրախու(թ)ի(ւն) ցռո́ւց եւ ճարակք հօտից։

Verse: 15   Link to sept   Մինչեւ եկեսցէ ՛ի վ(ե)ր(այ) ձեր հոգի́ ՛ի բարձանց։ եւ եղիցի յանապա́տ քերմէլ, եւ քերմէլ յանտա́ռ համարեսցի։

Verse: 16   Link to sept   եւ հանգիցեն իրաւունք յանապատի, եւ արդարութի(ւն) ՛ի քերմէլ բնակեսցէ։

Verse: 17   Link to sept   Եւ եղիցին գործք արդարու(թ)ե(ան) խաղաղութ(եամ)բ. եւ կալցի արդարու(թ)ի(ւն) զհանգի́ստ. եւ յուսացեալքն եղիցին մինչեւ յաւիտեան։

Verse: 18   Link to sept   Եւ բնակեսցէ ժողովուրդ իմ ՛ի քաղաքին խաղաղու(թ)ե(ան), եւ բնակեսցէ յուսով, եւ հանգիցեն մեծութ(եամ)բ։

Verse: 19   Link to sept   այլ կարկուտ եթէ իջանիցէ, ո́չ ՛ի հեր վ(ե)ր(այ) եկեսցէ։ եւ եղԷցի որ բնակեալ իցեն յանտառին, յանհո́գս իբրեւ զայնոսիկ ոյք իցէնն ՛ի դաշտի։

Verse: 20   Link to sept   Երանի́ որ սերմանիցեն ընդ ամ(ենայն) ջրով ուր ե́զն եւ էշ կոխիցեն։



Chapter: 33  
ԳԼ(ՈՒԽ) Լ՜Գ.


Verse: 1   Link to sept   Վա́յ այնոցիկ որ թշուառացուցանենն զձեզ. բայց զձեզ ո́չ ոք կարէ թշուառացուցանել։ եւ որ արհամարհէն՝ ո́չ զձեզ արհամարհեաց. զի մատնեսցին ՛ի պարտու(թ)ի(ւն) որ զձեզն արհամարհեն. եւ իբրեւ զցեց ՛ի վ(ե)ր(այ) ձորձոց՝ ա́յնպէս մատնեսցին ՛ի պարտութի(ւն)։
Section: 30 

Verse: 2   Link to sept   Տ(է)ր ողորմեա́ց մեզ՝ զի ՛ի քե́զ յուսացաք. եղեւ զաւակ անհաւատիցն ՛ի կորո́ւստ. այլ մեր փրկութի(ւն) ՛ի քէ́ն է ՛ի ժամանակի նեղութե(ան)։

Verse: 3   Link to sept   Վ(ա)ս(ն) բարբառոյ ահի քոյ յիմարեցան ժողովուրդք. եւ յերկիւղէ քումմէ ցրուեցան հեթանոսք։

Verse: 4   Link to sept   Եւ արդ ժողովեսցի կապուտն ձեր մեծի́ եւ փոքու. որպէս ոք զի ժողովեսցէ զմարա́խ իբրեւ ՛ի գբոյ, ա́յնպէս այպն առնիցեն զձեզ։

Verse: 5   Link to sept   ս(ուր)բ է տ(է)ր ա(ստուա)ծ մեր որ բնակեալն է ՛ի բարձունս. լցա́ւ սիոն իրաւամբք եւ արդարութ(եամ)բ։

Verse: 6   Link to sept   օրինօք մատնեսցին, եւ գանձուք եղիցի փրկութի(ւն)ն մեր։ եհաս իմաստու(թ)ի(ւն) եւ հանճար եւ ա(ստուա)ծպաշտութի(ւն) տ(եառ)ն. ա́յս են գանձք արդարութե(ան)։

Verse: 7   Link to sept   Ահաւադիկ յահէդ ձերմէ երկիցեն. յորոց երկնչէիքն՝ երկիցեն ՛ի ձէնջ։ հրեշտա́կս արձակեսցեն որ լայցեն դառնապէս՝ եւ խնդրեսցեն զխաղաղութի(ւն)։

Verse: 8   Link to sept   զի հատա́ն ճահապարհք ն(ո)ց(ա). հանդարտեա́ց ահն հեթանոսաց, եւ բարձա́ւ ուխտն որ ընդ ն(ո)ս(ա). եւ մի́եւս համարիցիք զն(ո)ս(ա) ՛ի մարդիկ։

Verse: 9   Link to sept   Սո́ւգ առ՝ եւ տկարացաւ երկիր. յամօ́թ եղեւ լիբանան, ՛ի դա́շտ մարգագետին համարեցաւ սարոն։ յայտնի́ եղեւ գալիլեա եւ կարմելոս։

Verse: 10   Link to sept   Արդ՝ յարեա́ց ասէ տ(է)ր. արդ՝ փառաւորեցա́յց. արդ՝ բարձրացա́յց։

Verse: 11   Link to sept   արդ՝ տեսջի́ք. արդ՝ յամօթ լիջիք. ընդունա́յն լիցի զօրութի(ւն) ոգւոց ձերոց, եւ հո́ւր կերիցէ զձեզ։

Verse: 12   Link to sept   Եւ եղիցին հեթանոսք խարշեալք իբրեւ զփո́ւշ ագարակի՝ այրեցեալ եւ ընկեցեալ։

Verse: 13   Link to sept   Լուիցե́ն հեթանոսք զոր արարի. ծանիցեն մերձաւորք զզօրու(թ)ի(ւն) իմ։

Verse: 14   Link to sept   մերժեցա́ն ՛ի սիովնէ անօրէնք. դողո́ւմն կալցի զամպարիշտս։ Իսկ արդ ո՞ պատմեսցէ ձեզ եթէ հուր բորբոքեալ կայ. կամ ո՞ պատմեսցէ ձեզ զտեղւոյն յաւիտենից։

Verse: 15   Link to sept   Որ գնայ արդարութ(եամ)բ, խօսի զուղիղ ճանապարհէ. ատեայ զանօրէնու(թ)ի(ւն) եւ զանիրաւու(թ)ի(ւն), թօթափէ զձեռս իւր ՛ի կաշառոց. ծանրացուցանէ զականջս առ ՛ի չլսելոյ զդատաստան արեան, խնո́ւ զաչս իւր զի մի́ տեսցէ զանիրաւութի(ւն)։

Verse: 16   Link to sept   Նա́ բնակեսցէ ՛ի բարձր այրի վիմի հաստատնոյ. հա́ց տացի նմա՝ եւ ջուր ն(ո)ր(ա) հաւատարի́մ։

Verse: 17   Link to sept   Զթագաւորն փառաց տեսջիք։ եւ աչք ձեր տեսցեն զերկիրն ՛ի հեռուստ։

Verse: 18   Link to sept   եւ անձինք ձեր խոկասցե́ն յերկիւղ տ(եառ)ն։ ո՞ւր են դպիրքն. ո՞ւր են խրատտուքն. ո՞ւր է որ ունի զհամար պահակերաց զմեծի եւ զփոքու՝

Verse: 19   Link to sept   ժողովրդեանն, ը(նդ) որում ո́չինչ խորհեցաւ. զի չէ́ր տեղեակ ծանրաձայնին վ(ա)ս(ն) չլսելոյ։ ժողովուրդ յոռացեալ, եւ ո́չ գոյ լսողին ՛ի միտ առնուլ։
Section: 31 

Verse: 20   Link to sept   Ահաւասիկ սիոն քաղաք փրկութե(ան) մերոյ. աչք ձեր տասցեն զե(րուսաղէ)մ քաղաք մեծացեալ, խորանք որ ո́չ շարժեսցին. եւ մի́ շարժեսցին ցիցք խորանի ն(ո)ր(ա) յաւիտեանս ժամանակաց, եւ մի́ խզեսցին ապաւանդակք ն(ո)ր(ա).

Verse: 21   Link to sept   զի անուն տ(եառ)ն մեծ է ՛ի ձեզ։ Ձե́զ լիցի տեղին յորում գետք եւ ջրադարձք լայնք եւ ընդարձակք. ո́չ երթիցես ը(նդ) այն ճանապարհ, եւ մի́ գնասցեն նաւք քո վարեալք. զի ա(ստուա)ծ իմ մե́ծ է, եւ ո́չ արասցէ զա́նց զինեւ։

Verse: 22   Link to sept   Տ(է)ր հայր մեր. տ(է)ր դատաւոր մեր. տ(է)ր իշխան մեր. տ(է)ր թագաւոր մեր. տ(է)ր փրկիչ մեր՝ եւ նա́ փրկեսցէ զմեզ։

Verse: 23   Link to sept   Խզեցա́ն պարանք քո զի ո́չ հանդարտեցին. նո́յնպէս եւ կայմն խոնարհեցաւ՝ եւ ո́չ պարզեսցէ զառագաստն, եւ ո́չ արձակեսցէ զնշանն մինչեւ մատնեսցի ՛ի կորուստ։ Այսուհետեւ բազում կաղք աւա́ր առնուցուն։

Verse: 24   Link to sept   եւ մի́ ասասցեն թէ վաստակեցաք, ժողովուրդն որ բնակեալ իցէ ՛ի ն(ո)ս(ա). զի թողա́ն մեղք ն(ո)ց(ա)։



Chapter: 34  
ԳԼ(ՈՒԽ) Լ՜Դ.


Section: 32 

Verse: 1   Link to sept   Մատերուք հեթանոսք եւ լուարո́ւք. ո́ւնկն դիք իշխանք. լուիցէ́ երկիր եւ որ ՛ի նմա տիեզերք, եւ ժողովուրդք որ ՛ի նմա։

Verse: 2   Link to sept   Զի սրտմտութի(ւն) տ(եառ)ն ՛ի վ(ե)ր(այ) ամ(ենայն) ազգաց, եւ բարկու(թ)ի(ւն) ՛ի վ(ե)ր(այ) ամ(ենայն) թուոց ն(ո)ց(ա). սատակել զն(ո)ս(ա)՝ եւ մատնել զն(ո)ս(ա) ՛ի սպանումն։

Verse: 3   Link to sept   եւ վիրաւորք ն(ո)ց(ա) դի́ տապա́ստ անկցին, եւ ելցէ հոտ ն(ո)ց(ա). եւ թացցին լերինք յարենէ ն(ո)ց(ա)։

Verse: 4   Link to sept   Եւ հալեսցին ամ(ենայն) զօրու(թ)ի(ւն)ք երկնից. եւ գալարեսցին երկինք իբրեւ զմագաղաթ, եւ ամ(ենայն) աստեղք թօթափեսցին իբրեւ զաերեւ յորթոյ՝ եւ ո(ր)պ(էս) անկանի տերեւ ՛ի թզենւոյ։

Verse: 5   Link to sept   Զի արբեցա́ւ սուր իմ յերկինս. արդ՝ ՛ի վ(ե)ր(այ) եդովմայեցւոցն իջցէ, եւ ՛ի վ(ե)ր(այ) կորստական ժողովրդեանն դատաստանօք։

Verse: 6   Link to sept   Սո́ւր տ(եառ)ն լցաւ արեամբ. ուռուցաւ ճարպով գառանց, եւ ճարպով ցլուց եւ խոյոց։ Զի զոհ տ(եառ)ն է ՛ի բոսոր, եւ սպա́նդ մեծ յերկրին եդովմայեցւոց։

Verse: 7   Link to sept   եւ ընկճեսցին մեծամեծք ը(նդ) ն(ո)ս(ա)՝ եւ խոյք եւ ցուլք. եւ արբեսցի երկիրն յարենէ ն(ո)ց(ա). եւ հող ն(ո)ց(ա) ՛ի ճարպոյ ն(ո)ց(ա) լցցի։

Verse: 8   Link to sept   Զի օր դատաստանի տ(եառ)ն է, եւ տարեկան հատուցման դատաստանի սիովնի։

Verse: 9   Link to sept   եւ դարձցին ձորք ն(ո)ր(ա) ՛ի ձիւթ, եւ երկիր ն(ո)ր(ա) ՛ի ծծումբ։ եւ եղիցի երկիր ն(ո)ր(ա) իբրեւ զձիւթ վառեալ

Verse: 10   Link to sept   ՛ի տուէ եւ ՛ի գիշերի. եւ մի́ շիջցի յաւիտեանս ժամանակաց։ Եւ բարձրասցի ծուխ ն(ո)ր(ա) ՛ի վ(ե)ր(այ), եւ աւերեսցի յազգս ազգաց. եւ ՛ի բազում ժամանակս աւերեսցի, եւ ո́չոք իցէ որ անցանիցէ ընդ նա։

Verse: 11   Link to sept   Եւ բնակեսցեն ՛ի նմա թռչունք եւ ոզնիք, եւ ցինք եւ ագռաւք. եւ անկցին ՛ի նմա լարաբաժինք աւերակի. եւ յուշկապարիկք բնակեսցեն ՛ի նմա։

Verse: 12   Link to sept   Եւ եղիցին իշխանք ն(ո)ր(ա) իբրեւ չեղեալք, եւ թագաւորք ն(ո)ր(ա) եւ մեծամեծք եղիցին ՛ի կորուստ։

Verse: 13   Link to sept   եւ բուսցի́ ՛ի քաղաքս ն(ո)ր(ա) եւ յամուրս փա́յտ փշաբեր։ Եւ եղիցի բնակու(թ)ի(ւն) համբարեաց եւ հանգիստ ջայլամանց։

Verse: 14   Link to sept   եւ պատահեսցեն դեւք յուշկապարկաց, եւ տայցեն ձայն միմեանց։ Ա́նդ հանգիցեն յուշկապարիկք, զի գտին իւրեանց հանգիստ։

Verse: 15   Link to sept   ա́նդ եհան ձագս ոզնի, եւ սնոյց երկիր զձագս ն(ո)ր(ա) զգուշութ(եամ)բ։ Ա́նդ պատահեցին միմեանց եղջերուք, տեսին զերեսս իրերաց։

Verse: 16   Link to sept   թուով անցին, եւ մի ՛ի նոցանէ ո́չ վրիպեաց. ընկեր զընկեր ո́չ խնդրեցին։ Զի տ(է)ր հրամայեաց ն(ո)ց(ա), եւ ոգի ն(ո)ր(ա) ժողովեաց զն(ո)ս(ա)։

Verse: 17   Link to sept   եւ նոյն վիճակեցոյց զն(ո)ս(ա). եւ ձեռն ն(ո)ր(ա) բաժանեաց ն(ո)ց(ա) ճարակս՝ յաւիտեանս ժամանակաց։ Ժառանգեսցեն ազգաց յազգս, եւ հանգիցե́ն ՛ի նմա։



Chapter: 35  
ԳԼ(ՈՒԽ) Լ՜Ե.


Verse: 1   Link to sept   Ուրա́խ լեր անապատ ծարաւի. ցնծասցէ անապատն եւ ծաղկեսցէ́ իբրեւ զշուշան։

Verse: 2   Link to sept   Եւ ծաղկեսցէ եւ ցնծասցէ անապատն յորդանանու. եւ փառքն լիբանանու տացի նմա, եւ պատիւն կարմելայ։ եւ ժողովուրդ իմ տեսցէ զփա́ռս տ(եառ)ն, եւ զբարձրու(թ)ի(ւն) ա(ստուածո)յ մերոյ։

Verse: 3   Link to sept   Զօրացարո́ւք ձեռք լքեալք՝ եւ ծունկք կթուցեալք։

Verse: 4   Link to sept   մխիթարեցարո́ւք կարճամիտք սրտիւք. զօրացարո́ւք եւ մի́ երկնչիք։ Ահաւասիկ ա(ստուա)ծ մեր հատուցանէ դատաստան՝ եւ հատուսցէ. ինքնին եկեսցէ՝ եւ փրկեսցէ զմեզ։

Verse: 5   Link to sept   Յայնժամ աչք կուրաց բացցին՝ եւ ականջք խլից լուիցե́ն։

Verse: 6   Link to sept   յայնժամ վազեսցէ կաղն իբրեւ զեղջերու, եւ պա́րզ լիցի լեզու ծանրախօսաց։ Զի ջուր բղխեաց յանապատի, եւ գե́տ ՛ի ծարաւուտ երկրի։

Verse: 7   Link to sept   եւ եղիցի անջուրն յեղտեւրս եւ աղբեւր ջուրց ՛ի ծարաւո́ւտ երկրի։ Անդ եղիցի ուրախու(թ)ի(ւն) հաւուց, եւ մակաղատեղք խաշանց. ա́նդ մարգագետինք եւ խաղք։

Verse: 8   Link to sept   Անդ եղիցին ճանապարհ մաքրեալ, եւ ճանապարհ սո́ւրբ կոչեսցի. մի́ անցցէ ընդ նա պիղծ, եւ մի́ եղիցի անդ ճանապարհ պղծոյ. այլ ցրուեալքն գնասցեն ընդ նա՝ եւ մի́ մոլորեսցին։

Verse: 9   Link to sept   Մի́ եղիցի անդ առեւծ, եւ մի́ ՛ի գազանաց չարաց ընդ այն մի́ անցանիցէ. եւ մի́ ամենեւին գտցի ՛ի նմա. այլ ընդ նա գնասցեն փրկեալքն եւ ժողովեալքն վ(ա)ս(ն) տ(եառ)ն։

Verse: 10   Link to sept   Դարձցին՝ եւ եկեսցեն ՛ի սիովն ցնծու(թեամ)բ՝ եւ ուրախութի(ւն) յաւիտենից ՛ի վ(ե)ր(այ) գլխոց ն(ո)ց(ա). զի ՛ի վերայ գլխոց ն(ո)ց(ա) օրհնութի(ւն) եւ ցնծու(թ)ի(ւն), եւ ուրախու(թ)ի(ւն) հասցէ ն(ո)ց(ա). մերժեցան ցա́ւք՝ եւ տրտմու(թ)ի(ւն)ք եւ հեծութի(ւն)ք։



Chapter: 36  
ԳԼ(ՈՒԽ) Լ՜Զ.


Section: 33 

Verse: 1   Link to sept   Եւ եղեւ ՛ի չորեքտասաներորդի ամի թագաւորու(թ)ե(ա)ն եզեկիայ, ել սենեքերիմ արքայ ասորեստանեայց ՛ի վ(ե)ր(այ) ամուր քաղաքաց հրէաստանի, եւ ա́ռ զն(ո)ս(ա)։

Verse: 2   Link to sept   Եւ առաքեաց արքայն ասորեստանեայց զռափսակ ՛ի լաքիսայ յե(րուսաղէ)մ առ արքայն եզեկիայ զորօք բազմօք. եւ եկն եկաց ՛ի վ(ե)ր(այ) ջրմղի վենրոյ աւազանին ՛ի ճանապարհի ագարակին թափշաց։

Verse: 3   Link to sept   Եւ ելին առ նա եղիակիմ քեղկեայ որ հազարեպե́տն էր, եւ սովմնաս՝ հրովարտակաց դպիր, եւ յովաք ասափայ՝ յիշատակաց դպիր։

Verse: 4   Link to sept   Եւ ասէ ցն(ո)ս(ա) ռափսակ. երթա́յք ասացէ́ք ցեզեկիա, ա́յսպես ասէ մեծ արքայն ասորեստանեայց յո՞ յուսացեալ իցես.

Verse: 5   Link to sept   միթէ խորհրդո́վ կամ բանիւ շրթանց պատերա՞զմ վճարիցի. իսկ արդ՝ յո՞ յուսացեալ իցես զի ո́չ հնազանդիս ինձ։

Verse: 6   Link to sept   Ահաւասիկ յուսացեալ ես ՛ի ցո́ւպն եղեգնեայ՝ ՛ի ջախջա́խ յեգիպտացին. յոր թէ յենուցու ոք՝ խորտակի եւ ընդ ձեռս ելանէ. ա́յնպէս է փարաւոն արքայն եգիպտացւոց, եւ ամենեքեան որ յուսացեալ են ՛ի նա։

Verse: 7   Link to sept   Իսկ եթէ ասիցէք, եթէ ՛ի տ(է)ր ա(ստուա)ծ մեր յուսացեալ եմք. ո՞չ ապաքէն նա է՝ վ(ա)ս(ն) որոյ քակեաց եզեկիա զբարձունս եւ զսեղանս ն(ո)ց(ա). եւ պատուէր ետ հրէաստանի՝ եւ ե(րուսաղէ)մի, առաջի ն(ո)ր(ա) սեղանոյն միայն երկի́ր պագանել։

Verse: 8   Link to sept   Այլ արդ՝ եկա́յք խառնեցարո́ւք ը(նդ) տեառն իմում արքային ասորեստանեայց. եւ տա́ց ձեզ երկուս հազարս երիվարաց, եթէ կարիցէք տալ հեծեալս ՛ի վ(ե)ր(այ) ն(ո)ց(ա)։

Verse: 9   Link to sept   Եւ զի՞արդ կարիցէք ՛ի դիմի́ հարկանել միո́ւմ յաշխարհակալաց ծառայից տեառն իմոյ, որք յուսացեալ էք յեգիպտոս ՛ի հեծեալս եւ յերիւարս ն(ո)ց(ա)։

Verse: 10   Link to sept   Իսկ արդ մեք առանց տ(եառ)ն՞ եկեալ իցեմք յերկիրս յայս տա́լ ընդ սմա պատերազմ. տ(է)ր ասաց ցիս, ե́լ յերկիրն յա́յն, եւ ապականեա́ զնա։

Verse: 11   Link to sept   Եւ ասէ ցնա եղիակիմ, եւ սովմնաս, եւ յովաք. խօսեա́ց ընդ ծառայս քո ասորերէն՝ զի լսեմք, եւ մի́ խօսիր ընդ մեզ հրէարէն. եւ ընդէ՞ր խօսիս յականջս մարդկանս որ անկեալ կան զպարսպաւս։

Verse: 12   Link to sept   Ասէ ցն(ո)ս(ա) ռափսակ. միթէ առ տէ՞րն ձեր՝ կամ առ ձե՞զ առաքեաց զիս տէր իմ խօսել զբանս զայսոսիկ. ո՞չ ապաքէն առ մարդիկդ որ նստին ՛ի վերայ պարսպիդ. զի մի́ ուտիցեն զաղբ եւ ըմպիցեն զմէ́զս իւրեանց ձեւք հանդերձ։

Verse: 13   Link to sept   Յո́տն եկա́ց ռափսակ՝ եւ աղաղակեաց ՛ի ձայն մեծ հրէարէն՝ եւ ասէ. լւարո́ւք զպատգամս թագաւորին մեծի արքային ասորեստանեայց։

Verse: 14   Link to sept   Ա́յսպէս ասէ արքայ. մի́ պատրեսցէ զձեզ եզեկիա բանիւք՝ որովք ոչ կարէ փրկել զձեզ։

Verse: 15   Link to sept   Եւ մի́ խաբեսցէ զձեզ եզեկիա՝ թէ ա(ստուա)ծ փրկեսցէ զձեզ, եւ ո́չ մատնիցի քաղաքս ՛ի ձեռս թագաւորին ասորեստանեայց։

Verse: 16   Link to sept   մի́ անսայք եզեկիայ։ Ա́յսպէս ասէ արքայն ասորեստանեայց. եթէ կամիցիք դիւրե́լ անձանց, եկայք ելէ́ք առ իս. եւ կերիջի́ք իւրաքանչիւր զայգի իւր եւ զթզենի, եւ արբջիք ջուր ՛ի ջրհորոց ձերոց։

Verse: 17   Link to sept   մինչեւ եկից եւ տարա́յց զձեզ յերկիրն՝ որ իբրեւ զերկիրս ձեր է. երկիր ցորենոյ եւ գինւոյ, հացաւետ եւ գինաւետ։

Verse: 18   Link to sept   Մի́ խաբեսցէ զձեզ եզեկիա՝ եւ ասասցէ թէ ա(ստուա)ծ փրկէ զձեզ. միթէ փրկեցի՞ն աստուածք ազգաց զիւրաքանչիւր երկրի ՛ի ձեռաց արքային ասորեստանեայց։

Verse: 19   Link to sept   Ո՞ւր է աստուած եմաթայն՝ եւ արփաթայ. եւ ո՞ւր է աստուած քաղաքին սեփարուիմ. միթէ կարացի՞ն փրկել զսամարիա ՛ի ձեռաց իմոց։

Verse: 20   Link to sept   Ո՞ ոք յաստուածոց ամ(ենայն) ազգացն այնոցիկ կարաց փրկել զերկի́ր իւր ՛ի ձեռաց իմոց, զի եւ ձեր ա(ստուա)ծդ փրկեսցէ զե(րուսաղէ)մ ՛ի ձեռաց իմոց։

Verse: 21   Link to sept   Լո́ւռ եղեն եւ ո́չինչ ետուն պատասխանի, վ(ա)ս(ն) հրամանի թագաւորին չտալ պատասխանի·

Verse: 22   Link to sept   Եւ եմո́ւտ եղիակիմ քեզկեայ որ հազատրապետն էր՝ եւ սովմնաս հրովարտակաց դպիր՝ եւ յովաք ասափայ յիշատակաց դպիր առ եզեկիա՝ զօձիս պատառեալ, եւ պատմեցին նմա զբանս ռափսակայ։



Chapter: 37  
ԳԼ(ՈՒԽ) Լ՜Է.


Verse: 1   Link to sept   Եւ եղեւ իբրեւ լուաւ եզեկիա արքայ, պատառեա́ց զպատմուճան իւր՝ եւ քո́ւրձ զգեցաւ, եւ ել ՛ի տուն տ(եառ)ն։

Verse: 2   Link to sept   Եւ առաքեաց զեղիակիմ հազարապետն, եւ զսովմնաս հրովարտակաց դպիր, եւ զձերս ՛ի քահանայից անտի քրձազգածս առ եսայի մարգարէ որդի ամովսայ։

Verse: 3   Link to sept   Եւ ասէ ցնա. ա́յսպէս ասէ եզեկիա՝ ա́յսօր է օր նեղու(թ)ե(ան) եւ նախատանաց, եւ կշտամբու(թ)ե(ան) եւ բարկութե(ան). յորում աւուր հասեալ են երկունք ծննդականի՝ եւ ո́չ կարէ ծնանել։

Verse: 4   Link to sept   Լուիցէ́ տ(է)ր ա(ստուա)ծ քո զբանս ռափսակայ, զոր առաքեաց արքայն ասորեստանեայց տէրն նորա նախատել զա(ստուա)ծ կենդանի. եւ նախատել բանի́ւք զորս լուաւ տ(է)ր ա(ստուա)ծ քո։ եւ արդ խնդրեսցե́ս ՛ի տ(եառն)է ա(ստուածո)յ քումմէ վ(ա)ս(ն) մնացելոցս այսոցիկ։

Verse: 5   Link to sept   Եւ եկին ծառայքն եզեկիայի արքայի առ եսայի։

Verse: 6   Link to sept   եւ ասէ ցնոսա եսայի, զա́յս ասասջիք ցտէրն ձեր. Ա́յսպէս ասէ տ(է)ր. ո́չ երկիցես ՛ի բանիցն զոր լուար, որովք նախատեցին զիս հրեշտակք արքային ասորեստանեայց։

Verse: 7   Link to sept   Ահաւասիկ ես արկանե́մ ՛ի նա ոգի խռովու(թ)ե(ան). եւ լուեալ համբաւ դարձցի յաշխարհ իւր, եւ անկցի ՛ի սո́ւր յերկրի իւրում։

Verse: 8   Link to sept   Եւ դարձեալ անդրէն ռափսակայ եհա́ս առ արքայն ասորեստանեայց, զի պաշարեալ էր զղոբնան. եւ լուաւ թէ արքայն ասորեստանեայց չուեա́ց ՛ի լաքիսայ։

Verse: 9   Link to sept   Եւ ել թարակ արքայ եթւովպացւոց պաշարել զնա. եւ դարձաւ անդրէն։ Եւ առաքեաց հրեշտակս առ եզեկիա՝ եւ ասէ.

Verse: 10   Link to sept   ա́յսպէս ասացէ́ք ցեզեկիա արքայ հրէաստանի. մի́ խաբեսցէ զքեզ ա(ստուա)ծ՝ յոր դու յուսացեալ ես. եւ ասիցէ՝ թէ ո́չ մատնեսցի ե(րուսաղ)էմ ՛ի ձեռս արքային ասորեստանեայց։

Verse: 11   Link to sept   Արդ՝ ահա չիցէ՞ լուեալ քո զորինչ արարին թագաւորք ասորեստանեայց ընդ ամ(ենայն) երկիր, ո(ր)պ(էս) սատակեցին զն(ո)ս(ա). իսկարդ դու ապրելո՞ց իցես։

Verse: 12   Link to sept   միթէ ապրեցուցի՞ն աստուածք ազգացն զայնոսիկ զորս կորուսին հարքն իմ, զգովզան եւ զխառան եւ զռափեթ, որ են յերկիրն եմաթայ։

Verse: 13   Link to sept   ո՞ւր են թագաւորք եմաթայն եւ արփաթայ. եւ ո՞ւր են թագաւորք քաղաքին սեփարուիմ, անայն եւ զաւայ։

Verse: 14   Link to sept   Եւ ա́ռ եզեկիա զհրվարտակն ՛ի ձեռաց հրեշտակացն, ընթերցաւ, եւ եմուտ ՛ի տուն տ(եառ)ն, եւ տարածեա́ց առաջի տ(եառ)ն։

Verse: 15   Link to sept   Եւ եկաց յաղօթս եզեկիա առ տ(է)ր՝ եւ ասէ։

Verse: 16   Link to sept   Տ(է)ր սաբաւովթ ա(ստուա)ծ ի(սրայէ)լի՝ որ նստիս ՛ի քրովբէս. դո́ւ ես ա(ստուա)ծ միայն՝ ամ(ենայն) թագաւորու(թ)ե(ան)ց տիեզերաց. դո́ւ արարեր զերկինս եւ զերկիր։

Verse: 17   Link to sept   խոնարհեցո́ տ(է)ր զունկն քո՝ եւ լո́ւր. բա́ց տ(է)ր զաչս քո, նայեա́ց տ(է)ր. լո́ւր տ(է)ր, եւ տե́ս զպատգամս զոր առաքեաց սենեքերիմ արքայ ասորեստանեայց նախատե́լ զա(ստուա)ծ կենդանի։

Verse: 18   Link to sept   Եւ արդարեւ աւերեցին թագաւորքն ասորեստանի զաշխարհս ամ(ենայն) եւ զերկիր ն(ո)ց(ա).

Verse: 19   Link to sept   եւ հրձի́գ արարին զկուռս նոցա. քանզի չէին ա(ստուա)ծք, այլ ձեռագործք մարդկան, փայտեղէնք եւ քարեղէնք, եւ կորուսին զն(ո)ս(ա)։

Verse: 20   Link to sept   Բայց արդ տ(է)ր ա(ստուա́)ծ մեր՝ ապրեցո́ զմեզ ՛ի ձեռաց ն(ո)ր(ա). զի ծանիցեն ամ(ենայն) թագաւորութի(ւն)ք երկրի՝ թէ դո́ւ միայն ես ա(ստուա)ծ։

Verse: 21   Link to sept   Եւ առաքեցաւ եսայի որդի ամովսայ առ եզեկիա՝ եւ ասէ ցնա. ա́յսպէս ասէ տ(է)ր ա(ստուա)ծ ի(սրայէ)լի. լուա́յ աղօթիցն զոր աղաչեցեր առ իս՝ վ(ա)ս(ն) սենեքերիմայ արքային ասորեստանեայց։

Verse: 22   Link to sept   արդ ա́յս բան է զոր խօսեցաւ վ(ա)ս(ն) ն(ո)ր(ա) ա(ստուա)ծ։ Անգոսնեա՞ց արհամարհեա՞ց զքեզ դուստր սիովնի. գլո՞ւխ շարժեաց ՛ի վ(ե)ր(այ) դո́ւստր ե(րուսաղէ)մի։

Verse: 23   Link to sept   զո՞ նախատեցեր եւ գրգռցեր, եւ առ ո՞ բարձրացուցեր զբարբառ քո. եւ ո́չ ամբարձեր զաչս ՛ի բարձունս ՛ի ս(ուր)բն ի(սրայէ)լի։

Verse: 24   Link to sept   զի՞ ՛ի ձեռն հրեշտակաց նախատեցեր զտ(է)ր։ Դու ասէիր թէ բազմութ(եամ)բ կառաց իմոց ելից ՛ի բարձրու(թ)ի(ւն) լերանց, եւ ՛ի ծագս լիբանանու. եւ կոտորեցից զբարձրութի(ւն) մայրից ն(ո)ր(ա), եւ զգեղեցկու(թ)ի(ւն) նոճից ն(ո)ր(ա)։ եւ մտից ՛ի բարձրու(թ)ի(ւն) կողմանց անտառին։

Verse: 25   Link to sept   եւ արկից կամուրջ, եւ աւերեցից զջուրսն եւ զամ(ենայն) ժողովս ջուրցն։

Verse: 26   Link to sept   Չիցէ՞ լուեալ քո զոր յառաջագոյն արարի ես յաւուրցն առաջնոց. զոր կարգեցի եւ այժմ յայտնեցի́ աւերել զհեթանոսս յամուրս իւրեանց։

Verse: 27   Link to sept   եւ զբնակիչս քաղաքաց յիւրաքանչիւր ամրոցաց, թողի́ ՛ի ձեռաց՝ եւ ցամաքեցան. եւ եղեն իբրեւ զխո́տ ցամաքեալ ՛ի վ(ե)ր(այ) տանեաց՝ եւ իբրեւ զսէզ չորացեալ։

Verse: 28   Link to sept   Արդ զկայս հանգստեան քոյ, եւ զել եւ զմուտ ճանապարհաց քոց ես ինձէն գիտեմ.

Verse: 29   Link to sept   եւ սրտմտութի(ւն) քո զոր սրամտեցեր, եւ դառնու(թ)ի(ւն) քո ե́լ առաջի իմ. եւ արկից վարապան ՛ի ցռուկք քո, եւ դանդանաւանդ ՛ի կզակս քո. եւ դարձուցից զքեզ ընդ նո́յն ճանապարհ ընդ որ եկիր։

Verse: 30   Link to sept   Այլ քեզ ա́յս եղիցի նշան. կերիցես ա́յս ամ զսերմանեալդ, եւ յամէ եւս կերիցես զմնացորդսն. եւ յամին երրորդում սերմանեսջիք եւ հնձեսջի́ք տնկեսջի́ք այգիս՝ եւ կերիջիք զպտուղ ն(ո)ր(ա)։

Verse: 31   Link to sept   Եւ եղիցին մնացորդքն հրէաստանի արձակել արմատս ՛ի խոնարհ, եւ տալ պտուղ ՛ի վեր։

Verse: 32   Link to sept   զի յե(րուսաղէ)մ եղիցին մնացեալք, եւ ՛ի լերին սիովնի ապրեալք։ զի նախանձ տ(եառ)ն զօրու(թ)ե(ան)ց արար զայս։

Verse: 33   Link to sept   Վ(ա)ս(ն) այսորիկ ա́յսպէս ասէ տ(է)ր ՛ի վ(ե)ր(այ) թագաւորին ասորեստանեաց. մի́ մտցէ ՛ի քաղաքս յայս, եւ մի նետս արկցէ ՛ի վ(ե)ր(այ) դորա. եւ մի́ փակեսցէ զդա վահանօք, եւ մի́ պաշարեսցէ զդա պատնիշօք.

Verse: 34   Link to sept   այլ ճանապարհ ընդ որ եկն ընդ նո́յն դարձցի, եւ ՛ի քաղաքն յայն մի́ մտցէ։ Ա́յսպէս ասէ տ(է)ր.

Verse: 35   Link to sept   վերակացո́ւ եղէց քաղաքիդ այդմիկ ապրեցուցանե́լ զդա, վ(ա)ս(ն) իմ եւ վ(ա)ս(ն) դաւթի ծառայի իմոյ։

Verse: 36   Link to sept   Եւ ել հրեշտակ տ(եառ)ն, եւ սատակեաց ՛ի բանակէ անտի ասորեստանեայցն՝ հարիւր ութսուն եւ հինգ հազար։ եւ յարեան ը(նդ) առաւօտն՝ գտին զայն ամ(ենայն) մարմին մեռեալ։

Verse: 37   Link to sept   Եւ դարձա́ւ անդրէն՝ գնաց սենեքերիմ արքայն ասորեստանեայց, բնակեալ ՛ի նինուէ։

Verse: 38   Link to sept   Եւ մինչդեռ երկի́ր պագանէր ՛ի տան իւրում նասրաքայ կռո́ց իւրոց, ադրամելեք եւ սարասար որդիք ն(ո)ր(ա) սպանին զնա սրով, եւ ինքեանք գնացին փախստական ՛ի հայս։ եւ թագաւորեաց ասորդան որդի ն(ո)ր(ա) ընդ ն(ո)ր(ա)։



Chapter: 38  
ԳԼ(ՈՒԽ) Լ՜Ը.


Verse: 1   Link to sept   Եւ եղեւ ՛ի ժամանակին յայնմիկ հիւանդանա́լ եզեկիայ մինչեւ ՛ի մահ։ եւ ե́կն առ նա եսայի որդի ամովսայ՝ եւ ասէ ցնա. ա́յսպէս ասէ տ(է)ր. հրաման տուր վ(ա)ս(ն) տան քոյ՝ զի մեռանիս եւ ո́չ կեաս։

Verse: 2   Link to sept   Եւ դարձոյց եզեկիա զերես իւր յորմն անդր, յաղօթս եկաց

Verse: 3   Link to sept   եւ ասէ՝ ո́ տ(է)ր. յիշեա́ զիս տ(է)ր զի գնացի առաջի քո արդարութ(եամ)բ եւ ճշմարտու(թեամ)բ սրտիւ, եւ զհաճոյս առաջի քո արարի։ եւ ելաց եզեկիա լալի́ւն մեծ։

Verse: 4   Link to sept   Եւ եղեւ բան տ(եառ)ն առ եսայի՝ եւ ասէ.

Verse: 5   Link to sept   երթ՝ եւ ասա́ ցեզեկիա. ա́յսպէս ասէ տ(է)ր ա(ստուա)ծ դաւթի հօր քո. լուայ բարբառոյ աղօթից քոց, եւ տեսի զարտասուս քո. ահաւադիկ յաւելո́ւմ ՛ի ժամանակս քո ա́մս հինգետասան։

Verse: 6   Link to sept   եւ ՛ի ձեռաց արքային ասորեստանեայց ապրեցուցի́ց զքեզ եւ զքաղաքդ զայդ, եւ վերակացո́ւ եղէց քաղաքիդ այդմիկ։

Verse: 7   Link to sept   Եւ ա́յս քեզ նշան ՛ի տ(եառն)է, թէ առնիցէ ա(ստուա)ծ զբանդ զայդ զոր խօսեցաւ։

Verse: 8   Link to sept   ահաքասիկ ես դարձուցանեմ զստուեր աշտիճանացդ, ընդ որ իջեալ է շողդ, զտասն աշտիճանաւ տան քոյ. եւ դարձուցից զշողդ զտասնեքումք աշտիճանօքդ։ Եւ ել շողն զտասնեքումք աստիճանօք՝ ընդ որ իջեալ էր ստուերին։

Verse: 9   Link to sept   Աղօթք եզեկիայ արքայի հէաստանի ՛ի ժամանակի յորում հիւանդացաւ՝ եւ յարեա́ւ ՛ի հիւանդութ(են)է իւրմէ։

Verse: 10   Link to sept   Ես ասացի ՛ի վերանալ աւուրց իմոց գնացի́ց ՛ի դրունս դժոխոց։ Թողի́ զմնացորդս ամաց իմոց։

Verse: 11   Link to sept   ասացի թէ ո́չ եւս տեսից զփրկու(թ)ի(ւն) ա(ստուածո)յ ՛ի վ(ե)ր(այ) երկրի, եւ ո́չ եւս տեսից զմարդն բնակչօք իւրովք։

Verse: 12   Link to sept   Պակասեցա́յ ես յազգատոհմէ իմմէ. թողի զմնացորդս կենաց իմոց. ելին եւ գնացին յինէն՝ ո(ր)պ(էս) որ քակէ զտաղաւար կանգնեալ։ եղեւ հոգի իմ առ յինէն իբրեւ ոստայն սատարա́ց մե́րձ ՛ի հատանել։

Verse: 13   Link to sept   Յաւուր յայնմիկ մատնեցա́յ մինչեւ յառաւօտ։ իբրեւ զառեւծ ա́յնպէս խորտակեաց զոսկերս իմ, զի ՛ի տունջենէ մինչեւ ՛ի գիշեր մատնեցայ։

Verse: 14   Link to sept   Իբրեւ զծիծառն ա́յնպէս ճչեցի, եւ իբրեւ զաղաւնի ա́յնպէս մնչեցի. զի նուաղեցան աչք իմ ՛ի հայելոյ ՛ի բարձունս երկնից առ տ(է)ր որ փրկեացն զիս, եւ փարատեցոյց զցաւս անձին իմոյ։

Verse: 15   Link to sept   եւ ինքն կարգեաց զամ(ենայն) ամս իմ ՛ի դառնու(թ)ի(ւն) անձին իմոյ։

Verse: 16   Link to sept   Տ(է)ր վ(ա)ս(ն) այսորիկ պատմեցաւ քեզ, զարթուցեր զհոգի իմ, մխիթարեցայ՝ եւ կեցի։

Verse: 17   Link to sept   Ահաւասիկ ՛ի խաղաղութի(ւն) դարձաւ դառնու(թ)ի(ւն) իմ. փրկեցեր զանձն իմ զի մի́ կորեայց, եւ ընկեցեր յետո́յ իմ զամ(ենայն) զմեղս իմ։

Verse: 18   Link to sept   Զի ո́չ թէ որ ՛ի դժոխս են՝ խոստովան առնիցին առ քեզ. եւ ո́չ մեռեալք օրհնեսցեն զքեզ, եւ ո́չ յուսասցին յողորմու(թ)ի(ւն)ս քո՝ ոյք իջանեն ՛ի գուբ։

Verse: 19   Link to sept   Այլ կենդանի́ք օրհնեսցեն զքեզ. ո(ր)պ(էս) եւ եսս այսուհետեւ մանկունս ծնայց, որ պատմեսցեն զարդարութի(ւն) քո,

Verse: 20   Link to sept   տ(է)ր փրկութե(ան) իմոյ։ Եւ ո́չ դադարեցից օրհնել զքեզ սաղմոսարանաւ զամ(ենայն) աւուրս կենաց իմոց, յանդիման տաճարիդ ա(ստուածո)յ։

Verse: 21   Link to sept   Եւ ասէ եսայի ցեզեկիա. ա́ռ դու պաղատիտս թզոյ՝ մանրեա́ եւ դի́ր ՛ի վ(ե)ր(այ) վիրիդ՝ եւ ողջասցի́ս։

Verse: 22   Link to sept   Եւ ասէ. ա́յդ եղիցի նշան եթէ ելանիցեմ ՛ի տունն ա(ստուածո)յ։



Chapter: 39  
ԳԼ(ՈՒԽ) Լ՜Թ.


Verse: 1   Link to sept   ՛Ի ժամանակին յայնմիկ առաքեաց մարովդաք բաղդան որդի բաղդանայ՝ արքայի բաբելացւոց, հրեշտակս հրովարտակօք՝ եւ պատարագս եզեկիայ. քանզի լուաւ թէ հիւանդացաւ մե́րձ ՛ի մահ՝ եւ յարեաւ։

Verse: 2   Link to sept   Եւ ուրա́խ եղեւ եզեկիա ՛ի ն(ո)ս(ա), եւ եցոյց ն(ո)ց(ա) զտունս գանձուց, եւ զխնկոց, եւ զիւզոց, եւ զոսկւոյ, եւ զարծաթոյ. եւ զամ(ենայն) տունս անօթոյ գանձու, եւ զամ(ենայն) ինչ որ էր ՛ի գանձս իւր. եւ ո́չինչ էր զոր ո́չ եցոյց ն(ո)ց(ա) եզեկիա ՛ի տան իւրում, յամ(ենայն) իշխանութե(ան) իւրում։

Verse: 3   Link to sept   Եւ եկն եսայի մարգարէ առ արքայն եզեկիա եւ ասէ ցնա. զի՞նչ ասեն արքդ այդոքիկ, եւ ուստի՞ եկեալ են առ քեզ։ եւ ասէ եզեկիա, յերկրէ հեռաստանէ եկի́ն առ իս ՛ի բաբելոնէ։

Verse: 4   Link to sept   Եւ ասէ եսայի. զի՞նչ տեսին ՛ի տան քում։ եւ ասէ եզեկիա. զամ(ենայն) ինչ որ ՛ի տան իմում էր՝ տեսին, եւ ո́չինչ էր ՛ի տան իմում զոր ո́չ տեսին. այլեւ զգա́նձս եւս զիմ։

Verse: 5   Link to sept   Եւ ասէ ցնա եսայի. արդ՝ լո́ւր զպատգամս տ(եառ)ն զօրու(թ)ե(ան)ց։

Verse: 6   Link to sept   ահա եկեսցեն աւուրք, եւ առնուցո́ւն զամ(ենայն) ինչ՝ որ ՛ի տան քում է, եւ զոր ինչ միանգամ ժողովեցին հարքն քո մինչեւ ցայսօր. տարցի́ն ՛ի բաբելովն, եւ մի́ ինչ ամենեւին թողուցուն։

Verse: 7   Link to sept   Այլ ասաց ա(ստուա)ծ, թէ եւ յորդւոց քոց որ ելանիցեն ՛ի քէն՝ զորս դո́ւն ծնանիցիս, տարցին եւ արասցեն ներքինի́ս ՛ի տան թագաւորին բաբելացւոց։

Verse: 8   Link to sept   Եւ ասէ եզեկիա ցեսայի. բարի́ է բանդ տ(եառ)ն զոր խօսեցաւ. եղիցի արդարութի(ւն) եւ խաղաղութի(ւն) յաւուրս իմ։




Chapter: 40  
ԳԼ(ՈՒԽ) Խ՜.


Section: 34 

Verse: 1   Link to sept   Մխիթարեցէ́ք, մխիթարեցէ́ք զժողօվուրդ իմ, ասէ ա(ստուա)ծ։

Verse: 2   Link to sept   քահանայքդ խօսեցարո́ւք ՛ի սիրտ ե(րուսաղէ)մի՝ եւ մխիթարեցէ́ք զդա, զի լի́ եղեւ տառապանօք։ Թողեա́լ լիցին դմա մեղք իւր, զի ընկալաւ ՛ի ձեռանէ տ(եառ)ն կրկին զհատուցումն մեղաց իւրոց։

Verse: 3   Link to sept   Ձա́յն բարբառոյ յանապատի. պատրաստ արարէք զճանապարհս տ(եառ)ն, եւ ուղի́ղ արարէք զշաւիղս ա(ստուածո)յ մերոյ։

Verse: 4   Link to sept   Ա(մենայ)ն ձորք լցցին, եւ ամ(ենայն) լերինք եւ բլուրք խոնարհեսցին. եւ եղիցին ամ(ենայն) դժուարինք ՛ի դիւրինս, եւ առապարքն ՛ի դաշտս։

Verse: 5   Link to sept   Եւ երեւեսցին փառքն տ(եառ)ն. եւ տեսցէ ամ(ենայն) մարմին զփրկութի(ւն) ա(ստուածո)յ, զի տ(է)ր խօսեցաւ։

Verse: 6   Link to sept   Ձա́յն որ ասէ՝ գոչեա́։ եւ ասեմ, զի՞նչ գոչեցից։ գոգջիր, ամ(ենայն) մարմին խո́տ է, եւ ամ(ենայն) փառք մարդոյ իբրեւ զծաղիկ խոտոյ։

Verse: 7   Link to sept   Ցամաքեցա́ւ խոտն, եւ թօթափեցաւ ծաղիկ ն(ո)ր(ա). զի ոգի տ(եառ)ն շնչեաց ՛ի նա։ արդարեւ խո́տ է ժողովուրդս այս։

Verse: 8   Link to sept   ցամաքեցաւ խոտն, եւ թօթափեցաւ ծաղիկն. եւ բա́ն տ(եառ)ն մնայ յաւիտեան։
Section: 35 

Verse: 9   Link to sept   Ե́լ ՛ի վ(ե)ր(այ) լերինդ բարձու՝ աւետարանիչդ սիոնի, բարձրացո́ զօրու(թեամ)բ զբարբառ քո աւետարանիչդ ե(րուսաղէ)մի։ բարձրացուցէ́ք, մի́ երկնչիք. ասա́ ցքաղաքդ յուդայ։

Verse: 10   Link to sept   Ահաւասիկ ա(ստուա)ծ ձեր՝ ահաւասիկ տ(է)ր, տ(է)ր գա́յ զօրութ(եամ)բ եւ բազուկն տ(է)րութ(եամ)բ իւրով. ահաւասիկ վարձք իւր ընդ իւր, եւ գո́րծք առաջի ն(ո)ր(ա)։

Verse: 11   Link to sept   Իբրեւ հովի́ւ մի հովուեսցէ զխաշինս իւր. եւ բազկաւ իւրով ժողովեսցէ́ զգառինս, եւ ՛ի ծո́ց իւր կրեսցէ զն(ո)ս(ա), եւ մխիթա́ր լիցի յղեաց։

Verse: 12   Link to sept   Ո՞ չափեաց ափով իւրով զջուրս, եւ զերկինս թզաւ, եւ զերկիր ամ(ենայն)՝ քլա́ւ։ ո՞ կշռեաց զլերինս կշռով, եւ զդաշտս կշռորդօք։

Verse: 13   Link to sept   Ո՞ գիտաց զմիտս տ(եառ)ն, եւ ո՞ եղեւ նմա խորհրդակից՝ եթէ խելամուտ արասցէ զնա։

Verse: 14   Link to sept   կամ ընդ ո՞ւմ խորհեցաւ՝ եւ արար զնա խելամուտ. կամ ո՞ եցոյց նմա զդատաստան՝ եւ զճանապարհ իմաստու(թ)ե(ան). կամ ո՞ ետ նմա փոխ յառաջագոյն՝ եւ հատուցանիցէ նմա։

Verse: 15   Link to sept   Եթէ ամենայն հեթանոսք իբրեւ զկաթիլ մի ՛ի դուլէ են, եւ իբրեւ զմէտ մի ՛ի կշռոց համարեցան, եւ իբրեւ շիթք ՛ի բերանոյ համարեսցին։

Verse: 16   Link to sept   Եթէ լիբանան՝ չէ́ բաւական յայրումն, եւ ամ(ենայն) չորքոտանիք չե́ն բաւական յողջակէզս.

Verse: 17   Link to sept   եւ ամ(ենայն) հեթանոսք ոչի́նչ են, եւ յոչի́նչ համարեցան նմա։

Verse: 18   Link to sept   Արդ ո՞ւմ նմանեցուցէք զտ(է)ր, եւ որո՞ւմ նմանութե(ան) նմանեցուցէք զնա։

Verse: 19   Link to sept   միթէ պատկե՞ր կոփեաց զնա հեւսն, կամ ոսկերի՞չ ձուլեաց զնա ոսկի՝ եւ պատեաց զնա ոսկւով, ՛ի նմանութի(ւն) պատկերի կերպարանեաց զնա։

Verse: 20   Link to sept   Զփայտ անփուտ ընտրեաց հեւսն, եւ իմաստութ(եամ)բ հնարս խնդրէ զի՞արդ կանգնեսցէ զնա զի մի́ շարժեսցի։

Verse: 21   Link to sept   Ո́չ լսէք եւ ո́չ իմանայք, եւ ո՞չ պատմեցաւ ձեզ իսկզբանէ. ո՞չ գիտացէք թէ ո́ հաստատեաց զհիմունս երկրի։

Verse: 22   Link to sept   Որ ունի զծի́ր երկրի, եւ բնակիչք ն(ո)ր(ա) իբրեւ զմարա́խ։ որ կանգնեաց զերկինս իբրեւ զկամար, եւ ձգեա́ց իբրեւ զխորան. եւ հաստատեաց զերկիր բնակել ՛ի նմա։

Verse: 23   Link to sept   որ տայ զիշխանս յոչի́նչ իշխանու(թ)ի(ւն), եւ զերկիր իբրեւ զոչի́նչ արար։

Verse: 24   Link to sept   Զի ո́չ սերմանեսցեն՝ եւ ո́չ տնկեսցեն, եւ ո́չ հաստատեսցի յերկրի արմատ ն(ո)ց(ա). շնչեաց ՛ի ն(ո)ս(ա)՝ եւ ցամաքեցան. եւ փոթրիկ իբրեւ զխռի́ւ առցէ զն(ո)ս(ա)։

Verse: 25   Link to sept   Արդ՝ ո՞ւմ նմանեցուցէք զիս, եւ զուգեցայց ասէ ս(ուր)բն ի(սրայէ)լի։

Verse: 26   Link to sept   Համբարձէ́ք ՛ի բարձունս զաչս ձեր, եւ տեսէ́ք ո՞ հաստատեաց զայս ամ(ենայն)։ ո՞ հանէ զզարդ ն(ո)ց(ա), եւ զամենեսեան յանուանէ́ կոչէ. բազում փառօք եւ սաստկու(թեամ)բ զօրութե(ան), եւ մի ինչ՝ ոչ ծածկեցաւ ՛ի քէն։

Verse: 27   Link to sept   Մի́ ասիցես յակոբ, եւ զի՞նչ խօսեցար ի(սրա)էլ. թէ ծածկեցան ճանապարհք իմ յա(ստուածո)յ, եւ ա(ստուա)ծ իմ եբարձ զիրաւունս իմ, եւ մեկնեցան։

Verse: 28   Link to sept   նա եւ այժմ ո́չ ծանեար։ Եթէ չէ́ր լւեալ՝ Ա(ստուա)ծ յաւիտենական. ա(ստուա)ծ որ հաստատեաց զծագս երկրի. ո́չ քաղցիցէ, եւ ո́չ վաստակեսցի. եւ չի́ք քննութի(ւն) իմաստու(թ)ե(ան) ն(ո)ր(ա)։

Verse: 29   Link to sept   տա́յ քաղցելոց զօրու(թ)ի(ւն), եւ անցաւաց զտրտմու(թ)ի(ւն)։

Verse: 30   Link to sept   Քաղցիցե́ն երիտասարդք, եւ վաստակեսցին մանկունք. եւ ընտիրք անզԷ́րք եղիցին·

Verse: 31   Link to sept   բայց որ սպասեն տ(եառ)ն, նորոգեսցին զօրութ(եամ)բ. նորափետո́ւր զարդարեսցին իբրեւ զարծուիս. ընթասցին, եւ մի́ վաստակեսցին. գնասցեն՝ եւ մի́ քաղցիցեն։



Chapter: 41  
ԳԼ(ՈՒԽ) Խ՜Ա.


Verse: 1   Link to sept   Նորոգեցարո́ւք առ իս կղզիք. զի իշխանք նորոգեսցին զօրու(թեամ)բ. մերձեսցին՝ խօսեսցին միանգամայն, եւ ապա զիրաւունս պատմեսցեն։

Verse: 2   Link to sept   Ո՞ զարթոյց յարեւելից զարդարու(թ)ի(ւն), եւ կոչեա́ց զնա զհետ իւր. երթիցէ եւ տացէ հատուցումն յանդիման հեթանոսաց։ զարհուրեցուսցէ զթագաւորս, եւ տացէ հողոյ զսուրս ն(ո)ց(ա). եւ իբրեւ զխռիւ մերժեսցէ զնետս ն(ո)ց(ա)։

Verse: 3   Link to sept   Եւ արասցէ զն(ո)ս(ա) փախստականս. եւ անցցէ խաղաղութ(եամ)բ զճանապարհս ստից իւրոց։ արդ՝ ասիցէ՞ք թէ ո́չ գայցէ։

Verse: 4   Link to sept   ո՞ ազդեաց՝ եւ արար զայս ամ(ենայն). կոչեաց զնա՝ որ կոչէրն յազգացն առաջնոց։ Ե́ս տ(է)ր առաջին, եւ ես նո́յն եմ առ յապա։

Verse: 5   Link to sept   Տեսի́ն զիս հեթանոսք՝ եւ երկեա́ն. եւ սարսեցին ամ(ենայն) ծագք երկրի։ մերձեցան եւ եկի́ն ՛ի միասին։

Verse: 6   Link to sept   եդին ՛ի մտի իւրաքանչիւր ընդ ընկերի եւ ընդ եղբօր օգնակա́ն լինել։ եւ ասիցեն.

Verse: 7   Link to sept   քաջալերեսցէ հեւսն զդարբին, կռել կոփել ո́ւռն հարկանել։ եւ ասիցէ նպաստ բարի եղեւ ինձ։ եւ բեւեռեցին զն(ո)ս(ա) բեւեռօք, եւ դիցեն ՛ի գետնի, եւ ո́չ շարժեսցին։

Verse: 8   Link to sept   Բայց դո́ւ ի(սրա)էլ ծառայ իմ, յակովբ՝ զոր ընտրեցի. զաւակդ աբրահամու՝ զոր սիրեցի։

Verse: 9   Link to sept   որում օգնական եղէ ՛ի ծագաց երկրի. եւ ՛ի գիտաց ն(ո)ր(ա) կոչեցի զքեզ, եւ ասացի թէ ծառա́յ իմ ես դու եւ ընտրեցի զքեզ, եւ ո́չ թողից զքեզ։

Verse: 10   Link to sept   Մի́ երկնչիր՝ զի ընդ քեզ եմ. մի́ խաբեր՝ զի ես եմ ա(ստուա)ծ քո, որ զօրացուցի զքեզ. եւ օգնեցի քեզ, եւ զգուշացայ քեզ աջով արդարութե(ան) իմոյ։

Verse: 11   Link to sept   Ահաւադիկ ամաչեսցեն՝ եւ պատկառեսցեն ամ(ենայն) հակառակորդք քո, եւ եղիցին նոքա իբրեւ զչեղեալս. եւ կորիցեն ամ(ենայն) դատախազք քո։

Verse: 12   Link to sept   Խնդրեսցես զն(ո)ս(ա), եւ ո́չ գտցես զմարդսն որ թշնամանիցեն զքեզ. եւ եղիցին իբրեւ զչեղեալս պատերազմողքն քո։

Verse: 13   Link to sept   Զի ես եմ տ(է)ր ա(ստուա)ծ քո, որ ունիմ զաջոյ ձեռանէ քումմէ։ որ ասեմ ցքեզ՝ թէ մի́ երկնչիր. ես օգնեցից քեզ։

Verse: 14   Link to sept   Մի́ երկնչիր, որդնդ յակոբեան զածածդ ի(սրա)էլեան. ե́ս օգնեցի քեզ ասէ ա(ստուա)ծ՝ որ փրկելոցն է զքեզ ս(ուր)բն ի(սրայէ)լի։
Section: 36 

Verse: 15   Link to sept   Ահաւասիկ արարի զքեզ իբրեւ զանիւս նո́րա սղոցաձեւ կամնասայլից. կամեսցես զլերինս, եւ մանրեսցես զբլուրս. եւ արասցես զն(ո)ս(ա) իբրեւ զփոշի,

Verse: 16   Link to sept   եւ հոսեսցես. հո́ղմք առցեն զն(ո)ս(ա), եւ մրրիկք ցրուեսցեն։ Բայց դու ուրա́խ լիցիս ՛ի տ(է)ր՝ ՛ի սրբութի(ւն)ս ի(սրայէ)լի։

Verse: 17   Link to sept   եւ ցնծասցեն տնանկք եւ կարօտեալք որ խնդրէին ջուր, եւ ո́չ գտանէին. եւ լեզուք ն(ո)ց(ա) ՛ի ծարաւոյ ցամաքէին։ ես տ(է)ր ա(ստուա)ծ լուայց ն(ո)ց(ա), ա(ստուա)ծ ի(սրայէ)լի, եւ ո́չ թողից զն(ո)ս(ա)։

Verse: 18   Link to sept   Այլ բացից գետս ՛ի վ(ե)ր(այ) լերանց, եւ ՛ի մէջ դաշտաց աղբեւրս։ արարից զանապատն ՛ի ճահիճս ջուրց, եւ զերկիրն ծարաւուտ ՛ի վտակս։

Verse: 19   Link to sept   եւ բղխեցուցից յանջուր երկրին զմայրն, եւ զտաւսախն, զմուրան, եւ զնոճն, եւ զսաւսն. զսարդն, եւ զսարոյն, եւ զկաղամախն, զգին, եւ զփայտն իւղոյ։

Verse: 20   Link to sept   Զի տեսցեն եւ գիտասցեն եւ ծանիցեն եւ իմասցին ՛ի միասին՝ թէ ձեռն տ(եառ)ն արա́ր զայս ամ(ենայն), եւ ս(ուր)բն ի(սրայէ)լի հաստատեաց։

Verse: 21   Link to sept   Մերձեա́լ են իրաւունք ձեր՝ ասէ տ(է)ր ա(ստուա)ծ. մերձեա́լ են իրաւունք ձեր՝ ասէ թագաւորն յակովբայ։

Verse: 22   Link to sept   մերձեսցին եւ պատմեսցեն ձեզ որ ինչ անցք անցանելոց իցեն։ Եւ կամ զառաջինսն թէ զի́նչ են՝ ասացէ́ք. ՛ի մտի դիցուք, եւ գիտասցուք զի՞նչ առաջին կամ զի՞նչ առ յապա։

Verse: 23   Link to sept   Ասացէ́ք մեզ. պատմեցէ́ք մեզ որ ինչ ՛ի վախճանի լինիցի, եւ գիտասցուք. եթէ աստուածք իցէք՝ բարի́ արարէք, չա́ր արարէք. զի տեսցուք * միանգամայն եւ զարմասցուք՝ թէ ուստի իցէք դուք,

Verse: 24   Link to sept   եւ ուստի՞ գործած ձեր։ զի յերկրէ պիղծս ընտրեցին զձեզ։

Verse: 25   Link to sept   Բայց ես զարթուցից զհիւսւսայինն, եւ զարեւելեայն. կոչեսցին յանուն իմ. եկեսցեն իշխանք, եւ իբրեւ զկաւ բրտի զոր բրուտն կոխէ՝ ա́յնպէս կոխիցիք։

Verse: 26   Link to sept   Ո՞ պատմեսցէ զայն՝ որ իսկզբանէն է, զի գիտասցուք. եւ զեւս յառաջագոյնսն, եւ ասասցուք թե ճշմարիտ է։ չի́ք որ ասէ յառաջագոյն, եւ ո́չ որ լսէ զբանս ձեր։

Verse: 27   Link to sept   Սկի́զբն արարից զսիովն, եւ զե(րուսաղէ)մ մխիթարեցի́ց ՛ի ճանապարհի։

Verse: 28   Link to sept   զի ՛ի հեթանոսաց աւադիկ ո́չ ոք է, եւ ՛ի կռոց նոցա ո́չ ոք է որ պատմէ. եւ եթէ հարցի́ց եւս զն(ո)ս(ա) թէ ուստի́ էք, ո́չ տացեն ինձ պատասխանի։

Verse: 29   Link to sept   Զի ընդունա́յն են որ առնեն զձեզ, եւ սնոտի́ են որ ստեղծանեն զձեզ։



Chapter: 42  
ԳԼ(ՈՒԽ) Խ՜Բ.


Section: 37 

Verse: 1   Link to sept   Յակովբ ծառա́յ իմ, օգնակա́ն եղէց նմա. ի(սրա)էլ ընտրեալ իմ զոր ընկալա́ւ անձն իմ. ետու զոգի իմ ՛ի վ(ե)ր(այ) ն(ո)ր(ա), եւ իրաւունս հեթանոսաց հանցէ։

Verse: 2   Link to sept   Մի́ աղաղակեսցէ եւ մի́ վիճեսցի, եւ մի́ ոք լուիցէ արտաքոյ զբարբառ ն(ո)ր(ա)։

Verse: 3   Link to sept   զեղէգն ջաղջախեալ մի́ բեկցէ, եւ զպատրոյկն առկայծեալ մի́ շիջուսցէ։

Verse: 4   Link to sept   Այլ հանցէ́ ՛ի ճշմարտութի(ւն) զիրաւունս։ ծագեսցէ՝ եւ մի́ խորտակեսցի. մինչեւ դիցէ յերկիր զդատաստան, եւ յանուն ն(ո)ր(ա) հեթանոսք յուսասցին։

Verse: 5   Link to sept   Ա́յսպէս ասէ տ(է)ր ա(ստուա)ծ՝ որ արա́ր զերկինս եւ կանգնեաց զնա, որ հաստատեաց զերկիր եւ որ ՛ի նմա. որ ետ շունչ մարդկան որ ՛ի վերայ ն(ո)ր(ա). ոգի ամենեցուն որ կոխեն զնա։

Verse: 6   Link to sept   Ես տ(է)ր ա(ստուա)ծ կոչեցի զքեզ արդարութ(եամ)բ. կալայ զաջոյ ձեռանէ քումմէ՝ եւ զօրացուցի զքեզ, եւ ետու զքեզ յուխտ ազգին՝ եւ ՛ի լոյս հեթանոսաց։

Verse: 7   Link to sept   բանալ զաչս կուրաց. հանել զկապեալս ՛ի բանտէ եւ ՛ի տանէ կապանաց որ նստէին ՛ի խաւարի։

Verse: 8   Link to sept   Ես տ(է)ր ա(ստուա)ծ՝ ա́յս է անուն իմ. զփառս իմ այլում ո́չ տաց, եւ ո́չ զքաջու(թ)ի(ւն)ս իմ դրօշելոց։

Verse: 9   Link to sept   Որ ինչ իսկզբանէ́ն էր, այն եկն եհաս, եւ զնորս ե́ս պատմիցից ձեզ. եւ մինչչեւ պատմեալ՝ ցուցաւ ձեզ։

Verse: 10   Link to sept   Օրհնեցէ́ք զա(ստուա)ծ յօրհնու(թ)ի(ւն) նոր, զի իշխանութի(ւն) ն(ո)ր(ա) ՛ի բարձունս փառաւորի, եւ անուն ն(ո)ր(ա) ՛ի ծագաց երկրի։ ոյք իջանէին ՛ի ծով նաւօք, կղզիք եւ բնակիչք ն(ո)ց(ա)։

Verse: 11   Link to sept   Ուրա́խ եղիցի անապատն եւ աւանք ն(ո)ր(ա)՝ բանակք եւ բնակիչք կեդարու. ուրա́խ եղիցին բնակիչք վիմին։ ՛ի գլխոց լերանց գոչեսցեն՝

Verse: 12   Link to sept   տացեն զփառս ա(ստուածո)յ. եւ զքաջու(թ)ի(ւն) ն(ո)ր(ա) կղզիք պատմեսցեն։

Verse: 13   Link to sept   Տ(է)ր ա(ստուա)ծ զօրու(թ)ե(ան)ց եկեսցէ, եւ հարցէ զպատերազմ. յարուսցէ զնախանձ, եւ գոչեսցէ ՛ի վ(ե)ր(այ) թշնամեաց իւրոց զօրու(թեամ)բ։

Verse: 14   Link to sept   Լո́ւռ եղէ իսկզբանէ, միթէ մի՞շտ լռիցեմ եւ անսայցեմ. ժուժկալեցի́ իբրեւ զծնընդական. արդ զարհուրեցուցի́ց եւ ցամաքեցուցի́ց միանգամայն։

Verse: 15   Link to sept   Զլերինս եւ զբլուրս յատակեցից, եւ զամ(ենայն) խոտ ն(ո)ց(ա) ցամաքեցուցից։ եդից զգետս ՛ի կղզիս, եւ զխաղս ցամաքեցուցից։

Verse: 16   Link to sept   Առաջնորդեցի́ց կուրաց ընդ ճանապարհ զոր ո́չ գիտիցեն. եւ ընդ շաւիղս՝ զոր ո́չ ճանաչէին՝ գնացուցից զն(ո)ս(ա)։ արարից ն(ո)ց(ա) զխաւարն ՛ի լոյս, եւ զդժուարինն՝ ՛ի դիւրինս։ Զայս բանս արարի́ց առ ն(ո)ս(ա), եւ ո́չ թողից զն(ո)ս(ա)·

Verse: 17   Link to sept   բայց նոքա դարձան յինէն յետս։
Section: 38 
   Ամաչեցէ́ք զամօթ մեծ՝ ոյք յուսացեալդ էք ՛ի դրօշեալս. եւ սէք ցձուլածոյս, թէ ա(ստուա)ծք մեր էք դուք։

Verse: 18   Link to sept   Խո́ւլք՝ լուարո́ւք, եւ կո́յրք հայեցարո́ւք տեսանել։

Verse: 19   Link to sept   եւ ո՞վ է կոյրն՝ եթէ ոչ ծառայքն իմ. եւ ո՞վ են խուլքն՝ եթէ ոչ որ տիրենն ն(ո)ց(ա)։ Ո՞վ է կոյրն՝ եթէ ոչ հեռացեալն. եւ կուրացան ծառայքն ա(ստուածո)յ։

Verse: 20   Link to sept   տեսէք բազում անգամ, եւ ո́չ զգուշացարուք. բա́ց էին աչք ձեր՝ եւ ո́չ լուարուք։

Verse: 21   Link to sept   Տ(է)ր ա(ստուա)ծ կամէր՝ զի արդարասցի՝ եւ բարձրացուոցէ զօրհնութի(ւն)։

Verse: 22   Link to sept   եւ տեսի զի եղեւ ժողօվուրդն յափշտակեալ եւ յաւար մատնեալ։ յամ(ենայն) ՛ի շտեմարանս որոգայթք, եւ յամ(ենայն) ապարանս միանգամայն՝ ուր եւ թաքուցին զն(ո)ս(ա). եղեն ՛ի հափշտակութի(ւն), եւ ո́չ ոք էր որ փրկէր զն(ո)ս(ա). յաւար՝ եւ ո́չոք էր որ ասէր թէ տո́ւր ՛ի դուրս։

Verse: 23   Link to sept   Ո՞վ է ՛ի ձէնջ որ ունկնդիր լինիցի այսմ ամ(ենայն)ի. եւ ՛ի մի́տ առնուցու որինչ յապայն գալոց իցէ։

Verse: 24   Link to sept   Ո՞վ ետ յափշտակութի(ւն) զյակովբ, եւ զի(սրա)էլ աւարառուաց, ոչ ապաքէն ե՞ս ա(ստուա)ծ՝ որում մեղանն, եւ ո́չ կամեցան գնալ ընդ ճանապարհս ն(ո)ր(ա), եւ ո́չ լսել օրինաց ն(ո)ր(ա)։

Verse: 25   Link to sept   Եւ ած ՛ի վ(ե)ր(այ) ն(ո)ց(ա) զսրտմտութի(ւն) բարկութե(ան) իւրոյ. եւ պատեց զն(ո)ս(ա) պատերազմ, եւ շուրջ զնոքօք հրձի́գք. եւ ո́չ գիտացին իւրաքանչիւրոք ՛ի նոցանէն, եւ ո́չ եդին ՛ի մտի։




Chapter: 43  
ԳԼ(ՈՒԽ) Խ՜Գ.


Section: 39 

Verse: 1   Link to sept   եւ արդ՝ ա́յսպէս ասէ տ(է)ր ա(ստուա)ծ որ արա́ր զքեզ յակովբ, եւ որ ստեղծ զքեզ ի(սրա)էլ։ մի́ երկնչիր զի փրկեցի́ զքեզ, եւ կոչեցի քեզ զանո́ւն քո՝ թէ ի́մ ես ա(ստուածո)յ։

Verse: 2   Link to sept   Եւ եթէ անցանիցես ը(նդ) ջուրս՝ ընդ քե́զ եմ, եւ գետք՝ զքեզ մի́ ողողեսցեն։ եւ եթէ անցանիցես ընդ հուր՝ մի́ այրեսցիս, եւ բո́ց ն(ո)ր(ա)՝ զքեզ մի́ կիղցէ։

Verse: 3   Link to sept   Զի ե́ս եմ տ(է)ր ա(ստուա)ծ քո ս(ուր)բն ի(սրայէ)լի որ փրկեմ զքեզ։ արարի փոխանակ քո զեգիպտոս եւ զեթւովպիա. եւ զսուհէն քեզ փոխանակեցի։

Verse: 4   Link to sept   Ուստի եւ պատուական իսկ եղեր, եւ առաջի իմ փառաւորեցար. եւ ես սիրեցի զքեզ։ եւ տաց զմարդիկ փոխանակ քո, եւ զիշխանս փոխանակ գլխոյ քոյ։

Verse: 5   Link to sept   Մի́ երկնչիր՝ զի ընդ քե́զ եմ. յարեւելի́ց ածից զզաւակ քո, եւ յարեւմտից ժողովեցի́ց զքեզ։

Verse: 6   Link to sept   Ասացից հիւսւսոյ՝ ա́ծ. եւ հարաւոյ՝ թէ մի́ արգելուր. ածէ́ք զորդիս իմ ՛ի հեռաստանէ, եւ զդստերս իմ ՛ի ծագաց երկրէ։

Verse: 7   Link to sept   եւ զամենեսեան որ միանգամ կոչեցեալ են յանուն իմ։ Զի փառօք իմովք հաստատեցի զնա, եւ ստեղծի զնա, եւ արարի զնա։

Verse: 8   Link to sept   եւ հանի զժողովուրդն կոյր։ եւ թէպէտ եւ աչքեն, սակայն նո́յնպէս կուրացեալ են, եւ խցեալ են ականջք իւրեանց։

Verse: 9   Link to sept   ամենայն ազգք ժողովեցան ՛ի միասին, եւ իշխանք ժողովեսցին ՛ի նոցանէ։ ո՞ պատմեսցէ զայս. եւ կամ որինչ իսկզբանէ́ն էր, ո՞ ազդ արասցէ ձեզ։ ածցեն զվկայս իւրեանց՝ եւ արդարասցին. լուիցեն եւ ասասցեն զճշմարիտն։

Verse: 10   Link to sept   Եղերո́ւք ինձ վկայք, եւ ես ձե́զ վկայ՝ ասէ տ(է)ր ա(ստուա)ծ. եւ ծառայ իմ զոր ընտրեցի. զի գիտասջիք եւ հաւատասջի́ք ինձ. եւ ՛ի միտ առնուցուք՝ թէ ե́ս եմ։ Յառա́ջ քան զիս ո́չ եղեւ այլ ա(ստուա)ծ, եւ յետ իմ ո́չ եղիցի։

Verse: 11   Link to sept   ե́ս եմ ա(ստուա)ծ՝ եւ չի́ք ոք բա́ց յինէն որ փրկիցէ։

Verse: 12   Link to sept   Պատմեցի եւ փրկեցի. նախատեցի՝ եւ ոչո́ք էր ՛ի միջի ձերում օտար. դուք ինքնի́ն իսկ վկայէք ինձ.

Verse: 13   Link to sept   եւ ես տ(է)ր ա(ստուա)ծ իսկզբանէ, եւ եւս։ եւ ո́չոք իցէ որ ՛ի ձեռաց իմոց հանիցէ. եւ արարից, եւ ո́չոք իցէ որ դարձուցանիցէ։

Verse: 14   Link to sept   Ա́յսպէս ասէ տ(է)ր ա(ստուա)ծ, որ փրկելո́ցն է զձեզ՝ ս(ուր)բն ի(սրայէ)լի։ վ(ա)ս(ն) ձեր առաքեցի́ց ՛ի բաբելովն, եւ ընդոստուցի́ց փախստական զամենեսեան. եւ քաղդեացիքն նաւուք պաշարեսցին։

Verse: 15   Link to sept   ե́ս տ(է)ր ա(ստուա)ծ ս(ուր)բն ձեր, որ յա́յտ արարի ձեզ զթագաւորն ի(սրայէ)լի։

Verse: 16   Link to sept   Ա́յսպէս ասէ տ(է)ր որ արար ճանապարհ ընդ ծով, եւ ՛ի ջո́ւրս սաստիկս շաւիղս։

Verse: 17   Link to sept   որ հանէ́ զկառս եւ զերիվարս, եւ բազում զօրս սաստիկս, այլ ննջեցին եւ ո́չ յարիցեն. շիջա́ն իբրեւ զպատրոյկ շիջեալ։

Verse: 18   Link to sept   Մի́ յիշէք զառաջինսն, եւ զհինն մի́ ածէ́ք զմտաւ։

Verse: 19   Link to sept   զի ես աւասիկ նո́ր գործեմ. որ այժմ յայտնեսցի եւ ծանիջի́ք. եւ արարից ճանապարհ ընդ անապատ, եւ յերկիր անջդի գետս բղխեցուցից։

Verse: 20   Link to sept   Օրհնեսցեն զիս գազանք անապատի. համբարուք եւ դստերք ջայլամանց. զի ետո́ւ ես ջուր յանապատ, եւ գե́տ յերկիր անջրդի. արբուցանել զազգն իմ ընտրեալ·

Verse: 21   Link to sept   եւ զժողովուրդն իմ զոր ստացայ, պատմե́լ զքաջութի(ւն)ս իմ։

Verse: 22   Link to sept   Ո́չ այժմ ինչ կոչեցի զքեզ յակովբ եւ ո́չ աշխա́տ արարի զքեզ ի(սրա)էլ։

Verse: 23   Link to sept   ո́չ մատուցեր ինձ խաշինս ողջակիզաց քոց, եւ ո́չ զոհիւք քովք փառաւորեցեր զիս։ ո́չ ծառայեցեր ինձ պատարագօք քովք, եւ ո́չ աշխատ արարի զքեզ ՛ի ծախս կնդրկաց քոց։

Verse: 24   Link to sept   ո́չ գնեցեր ինձ խունկս արծաթոյ, եւ ո́չ ցանկացայ ճարպոյ զոհից քոց. այլ ՛ի մեղս քո եւ յանօրէնու(թ)ի(ւն)ս քո վերակացու եղէց քեզ։

Verse: 25   Link to sept   Ե́ս եմ. ե́ս եմ նոյն որ ջնջեմ զանօրէնու(թ)ի(ւն)ս քո վ(ա)ս(ն) իմ, եւ զմեղս քո այլ ո́չ եւս յիշեցից։

Verse: 26   Link to sept   Բայց քեզ յո́ւշ լիցի քեզ՝ եւ * ընդ միմեանս դատեսցուք։ ասա́ դու նախ զանօրէնու(թ)ի(ւն)ս քո՝ զի արդարասցիս։

Verse: 27   Link to sept   Հարքն ձեր նա́խ մեղան, եւ իշխանքն ձեր անօրինեցա́ն յիս։

Verse: 28   Link to sept   եւ պղծեցին իշխանքն զսրբութի(ւն)ս իմ. եւ մատնեցի ՛ի կորո́ւստ զյակովբ, եւ զի(սրա)էլ ՛ի նախատինս։




Chapter: 44  
ԳԼ(ՈՒԽ) Խ՜Դ.


Verse: 1   Link to sept   Բայց արդ լո́ւր յակովբ ծառայ իմ, եւ ի(սրա)էլ զոր ընտրեցիդ։

Verse: 2   Link to sept   Ա́յսպէս ասէ տ(է)ր ա(ստուա)ծ որ արար զքեզ, եւ որ ստեղծ զքեզ յորովայնէ, եւ տակաւին օգնականու(թ)ի́(ւն) գտցես։ Մի́ երկնչիր ծառայ իմ յակոբ՝ եւ սիրեցեալդ իմ ի(սրա)էլ զոր ընտրեցի։

Verse: 3   Link to sept   զի ես տաց ջո́ւր ՛ի ծարաւ՝ որոց գնա́ն յանջրդւոջ. եդից զոգի իմ ՛ի վ(ե)ր(այ) զաւակի քո՝ եւ զօրհնութի(ւն)ս իմ ՛ի վ(ե)ր(այ) որդւոց քոց։

Verse: 4   Link to sept   Եւ զուարճասցին իբրեւ զխո́տ ջրարբի, եւ ո(ր)պ(էս) զուռ ՛ի մէջ ջրոց գնացից։

Verse: 5   Link to sept   Մին ասասցէ՝ ա(ստուածո)յ եմ ես. եւ մեւսն խրախո́յս բարձցէ յանուն ա(ստուածո)յ յակովբայ. եւ մեւսն գի́ր հանցէ ձեռամբ իւրով՝ թէ ա(ստուածո)յ եմ ես, եւ յանուն ի(սրայէ)լի խրախո́յս բարձցէ։
Section: 40 

Verse: 6   Link to sept   Ա́յսպէս ասէ ա(ստուա)ծ թագաւորն ի(սրայէ)լի, եւ որ փրկեացն զնա Ա(ստուա)ծ զօրու(թ)ե(ան)ց. եւ առաջին՝ եւ ե́ս առ յապայ. բա́ց յինէն այլ ո́չ գոյ ա(ստուա)ծ։

Verse: 7   Link to sept   Ո՞վ է իբրեւ զիս, յառա́ջ կացցէ, ձա́յն տացէ. պատմեսցէ եւ պատրաստեսցի́ ինձ՝ յորմէ հետէ արարի զմարդն յաւիտեան. եւ որինչ գալոցն իցէ, մինչչեւ եկեալ իցէ պատմեսցեն ձեզ։

Verse: 8   Link to sept   Մի́ զարմանայք եւ մի́ պատկարէք. ոչ ապաքէն իսկզբանէ՞ լուարուք՝ եւ պատմեցի ձեզ։ դուք ձեզէ́ն իսկ վկայէ́ք ինձ, թէ գուցէ՞ այլ ա(ստուա)ծ բա́ց յինէն։ Եւ յայնժամ իսկ ո́չինչ էին ամ(ենայն)քեան.

Verse: 9   Link to sept   որ ստեղծանէին եւ դրօշէին զսնոտիսն. որ առնէին ըստ ցանկու(թ)ե(ան) իւրեանց,, որք ո́չ օգնիցեն ն(ո)ց(ա)* եւ վկայք դո́ւք էք ն(ո)ց(ա), զի ո́չ տեսանեն եւ ո́չ իմանան։ Զի ամաչեսցէ

Verse: 10   Link to sept   որ ստեղծանէ զստեղծուածն, եւ ձուլէ զդրօշեալն յանօգո́ւտ.

Verse: 11   Link to sept   եւ ամենեքին որ հաղորդեսցին նմա։ Այլ ամաչեսցեն ամենեքեան որ ստեղծանեն կուռս, եւ դրօշեն զանօգուտսն. եւ ամենեքեան ուստի եղենն՝ ցամաքեցան, խլացեալք ՛ի մարդկանէ։ ժողովեսցի́ն ամենեքեան՝ յանդիման կացցեն ՛ի միասին. ամաչեսցեն եւ յամօ́թ լիցին առհասարակ։

Verse: 12   Link to sept   Զի թեքեաց հեւսն զգործի իւր. ուրա́գ սրեաց, եւ կոփեաց զնովաւ. գրով գործեա́ց եւ դրօշեաց զնա, եւ զօրութ(եամ)բ բազկի իւրոյ կանգնեաց զնա. քաղցիցէ եւ տկարասցի, եւ ո́չ արբցէ ջուր։

Verse: 13   Link to sept   Ընտրեաց հեւսն փայտ. չափո́վ կշռեաց զնա՝ եւ դրօշեաց ՛ի նմանութի(ւն) պատկերի. գրով կարգեաց զնա, եւ մածոյց զնա սոսընձով, եւ արար ՛ի պատկեր առն, եւ ՛ի զա́րդ գեղոյ երեսաց մարդոյ. հաստատեա́ց զնա ՛ի տան իւրում։

Verse: 14   Link to sept   Զա́յն փայտ զոր եհատն. զսարոյն՝ կամ զսաւսն, զկաղնին կամ զթեղաւշն. զոր տնկեաց տ(է)ր՝ եւ աճեցոյց անձրեւ,

Verse: 15   Link to sept   զի իցէ մարդկան այրելի. առեալ ՛ի նմանէ այրեաց եւ ջեռաւ. եւ ՛ի կիսոյն արար հա́ց, եւ զկէսն արար պատկեր. եւ երկի́ր եպագ ն(ո)ց(ա)։ եւ զոր իւրովի́ն պատկեր գործեաց, անկեալ առաջի այնմ երկի́ր պագանէ։

Verse: 16   Link to sept   Զորոյ զկէսն այրեաց ՛ի խարուկի, եւ եփեա́ց կայծակամբք ն(ո)ր(ա) հաց՝ եւ խորովեաց միս. կերաւ եւ յագեցաւ եւ ջեռաւ, եւ ասէ՝ վա́շ ինձ զի ջեռայ՝ եւ տեսի զկրակ։

Verse: 17   Link to sept   Եւ զկէսն արար յաստուա́ծ դրօշեալ, եւ խոնարհեալ երկի́ր եպագ նմա. յաղօթս կայ առ նա՝ եւ ասէ. փրկեա́ զիս զի ա(ստուա)ծ իմ ես դու։

Verse: 18   Link to sept   Ո́չ առին ՛ի միտ իմանալ, զի շլացա́ն տեսանել աչօք իւրեանց, եւ իմանալ սրտիւք իւրեանց։

Verse: 19   Link to sept   Եւ ո́չ ածին զմտաւ, զի ոչ ծանեան խորհրդովք՝ թէ զկէս փայտին այրեցին ՛ի հուր, եւ ՛ի վ(ե)ր(այ) կայծականց ն(ո)ր(ա) հա́ց արարին, եւ միս խորովեցին՝ եւ կերան. եւ զկէսն ՛ի նմանէ արարին պատկեր՝ եւ երկի́ր պագանեն նմա։

Verse: 20   Link to sept   Գիտասջիր զի մոխի́ր է սիրտ ն(ո)ց(ա), եւ մոլորեալ են. եւ ո́չ ոք ՛ի նոցանէ կարէ փրկել զանձինս ն(ո)ց(ա)։ տեսէք եւ ո́չ ասացէք՝ թէ խաբէութի(ւն) է ՛ի ձեռս ձեր։

Verse: 21   Link to sept   Յո́ւշ լիցի քե́զ այդ յակովբ, եւ ի(սրա)էլ զի ծառայ իմ ես դու. ի́նձ ստեղծի զքեզ ՛ի ծառայութի(ւն). եւ ի(սրա)էլ՝ մի́ մոռանար զիս։

Verse: 22   Link to sept   զի ահաւասիկ ջնջեցից իբրեւ զամպ զանօրէնու(թ)ի(ւն)ս քո, եւ իբրեւ զմէգ զմեղս քո. դա́րձ առ իս՝ եւ փրկեցից զքեզ։

Verse: 23   Link to sept   Ոարա́խ եղիցին երկինք՝ զի ողորմեցաւ ա(ստուա)ծ ի(սրայէ)լի։ փո́ղ հարէք հիմունք երկրի. գոչեցէ́ք լերինք զուրախութի(ւն), բլուրք եւ ամ(ենայն) ծառք որ ՛ի նոսա. զի փրկեաց ա(ստուա)ծ զյակովբ, եւ ի(սրա)էլ փառաւորեսցի́։

Verse: 24   Link to sept   Ա́յսպէս ասէ տ(է)ր որ փրկեացն զքեզ, եւ ստեղծ զքեզ յորովայնէ. ե́ս եմ տ(է)ր որ առնեմ, կատարե́մ զամ(ենայն). ձգեցի զերկինս միա́յն, եւ հաստատեցի զերկիր։

Verse: 25   Link to sept   Ո՞ այլոք ցրեաց զնշանս վոհկաց, եւ զըղձութի(ւն)ս ՛ի սրտից։ ո՞ դարձուցանէ զիմաստունս յետս, եւ զխորհուրդս ն(ո)ց(ա) յիմարեցուցանէ։

Verse: 26   Link to sept   եւ հաստատէ զբանս ծառայից իւրոց. եւ զխորհուրդս հրեշտակաց իւրոց արդարացուցանէ։ Ե́ս եմ որ ասեմ ցե(րուսաղէ)մ թէ բնակեսջիր. եւ ցքաղաքս հրէաստանի՝ թէ չինեսջիք վերստին, եւ զաերակս ն(ո)ր(ա) կանգնեցից։

Verse: 27   Link to sept   Որ ասեմ ցանդունդս թէ աւերեսջիր, եւ զգետս ն(ո)ր(ա) ցամաքեցուցի́ց։

Verse: 28   Link to sept   որ ասեմ ցկիւրոս թէ իմաստնասջիր, եւ զամ(ենայն) կամս իմ արասցե́ս։ որ ասեմ ցե(րուսաղէ)մ թէ շինեսջիր, եւ զտաճարն իմ սուրբ՝ հաստատեցի́ց։



Chapter: 45  
ԳԼ(ՈՒԽ) Խ՜Ե.


Verse: 1   Link to sept   Ա́յսպէս ասէ տ(է)ր ա(ստուա)ծ ցօծեալն իմ ցկիւրոս, զորոյ կալայ զաջոյ ձեռանէ ն(ո)ր(ա) հնազանդեցուցանել առաջի ն(ո)ր(ա) զազգս, եւ զզօրու(թ)ի(ւն) թագաւորաց խորտակեցից, եւ բացից առաջի ն(ո)ր(ա) զդրունս, եւ քաղաքք մի փակեսցին։

Verse: 2   Link to sept   Ես երթայց առաջի քո. զլերինս հարթեցի́ց. զդրունս պղնձիս խորտակեցի́ց, եւ զնիգս երկաթիս փշրեցի́ց։

Verse: 3   Link to sept   Եւ տա́ց քեզ զգանձս խաւարինս, եւ զաւանդս աներեւոյթս բացի́ց քեզ, զի ծանիցես թէ ե́ս եմ տ(է)ր ա(ստուա)ծ, որ կոչեցի զանուն քո՝ ա(ստուա)ծ ի(սրայէ)լի։

Verse: 4   Link to sept   Վասն յակոբայ ծառայի իմոյ, եւ ի(սրայէ)լի ընտրելոյ իմոյ. ես կոչեցից քեզ զանուն քո՝ եւ ընկալայց զքեզ. եւ դու զիս ո́չ ծանեար՝

Verse: 5   Link to sept   եթէ ես տ(է)ր ա(ստուա)ծ, եւ չի́ք այլ ոք։

Verse: 6   Link to sept   եւ ծանիցեն յարեւելից եւ յարեւմտից թէ չի́ք ոք բա́ց յինէն։

Verse: 7   Link to sept   Ե́ս եմ որ հաստատեցի զլոյս՝ եւ արարի զխաւար. ես եմ որ առնեմ զխաղաղութի(ւն)՝ եւ հաստատեմ զչար։ ես եմ տ(է)ր ա(ստուա)ծ՝ որ առնեմ զայս ամ(ենայն)·

Verse: 8   Link to sept   Ո́ւրախ եղիցին երկինք ՛ի վերուստ, եւ ամպք ցօղեսցեն զարդարու(թ)ի(ւն)։ բղխեսցէ երկիր զողորմու(թ)ի(ւն), եւ զարդարու(թ)ի(ւն) առհասարա́կ բղխեսցէ։ Ե́ս եմ տ(է)ր որ հաստատեցի զքեզ իբրեւ զլա́ւ իմն։

Verse: 9   Link to sept   Ստեղծի զքեզ իբրեւ զկա́ւ բրտի։ միթէ զօ՞րն ամ(ենայն) հերկիցէ որ հերկէն զերկիր։ միթէ ասիցէ՞ կաւն ցբրուտն՝ զի՞ կաս՝ զի՞ ո́չ գործես* չիք քո ձեռք։ միթէ ասիցէ՞ ստեղծուածն ցստեղծիչն իւր թէ ընդէ́ր այսպէս ստեղծեր զիս։

Verse: 10   Link to sept   վա́յ որ ասիցէ ցհայր իւր թէ ընդէ՞ր ծնար զիս, եւ ցմայր իւր՝ թէ ընդէ՞ր երկնեցեր զիս։

Verse: 11   Link to sept   Զի ա́յսպէս ասէ տ(է)ր ա(ստուա)ծ ս(ուր)բն ի(սրայէ)լի, որ արար զայնս որ յապա́յն գալոց են. հարցէ́ք զիս վասն որդւոցն իմոց եւ դստերաց. եւ վ(ա)ս(ն) գործոց ձեռաց իմոց պատուէր տուք ինձ։

Verse: 12   Link to sept   Ե́ս արարի զերկիր եւ զմարդն ՛ի վ(ե)ր(այ) ն(ո)ր(ա). ե́ս ձեռամբ իմով հաստատեցի զերկինս. ես ամ(ենայն) աստեղաց ետո́ւ հրաման։

Verse: 13   Link to sept   Ե́ս յարուցի զնա արդարութ(եամ)բ թագաւոր, եւ ամ(ենայն) ճանապարհք նորա ուղի́ղ են. նա́ շինեսցէ զքա́ղաքն իմ, զգերու(թ)ի(ւն) ժողովրդեան իմոյ դարձուսցէ. ո́չ կաշարօք՝ ասէ տ(է)ր զօրութե(ան)ց։

Verse: 14   Link to sept   Ա́յսպէս ասէ տ(է)ր զօրութե(ան)ց. վաստա́կ եղեւ երկիրն եգիպտացւոց. եւ վաճառք եթւովպացւոց։ եւ սաբաեցիքն արք մեծամեծք առ քե́զ անցցեն, եւ քե́զ ծառայեսցեն, եւ զկնի́ քո շրջեսցին՝ կապեալք ձեռակապօք* եւ առ քե́զ ելցեն, եւ քքե́զ երկի́ր պագանիցեն, եւ ՛ի քե́զ ուխտադիր լինիցին. զի ՛ի քեզ ա(ստուա)ծ գոյ. եւ ասասցեն թէ ո́չ գոյ ա́յլ ա(ստուա)ծ բաց ՛ի քէն։

Verse: 15   Link to sept   զի դո́ւ ես ա(ստուա)ծ՝ եւ մեք ո́չ գիտէաք. ա(ստուա)ծ ի(սրայէ)լի փրկիչ։

Verse: 16   Link to sept   Ամաչեսցե́ն՝ եւ յամօթ լիցին ամ(ենայն) հակառակորդք քո. եւ գնասցեն ամօթով։ Նորոգեցարո́ւք առ իս կղզիք.

Verse: 17   Link to sept   զի ի(սրա)էլ փրկելոց է զփրկութի(ւն) յաւիտենից. մի́ ամաչեսցեն՝ եւ մի́ եւս յամօթ լիցին մինչեւ յաւիտեանս։

Verse: 18   Link to sept   Զի ա́յսպէս ասէ տ(է)ր որ արար զերկինս. ա(ստուա)ծ՝ որ հաստատեաց զերկիր եւ արար զնա. նա́ է որ սահմանեաց զնա. եւ ՛ի զուր ինչ ո́չ արար զնա այլ ՛ի բնակու(թ)ի́(ւն) ստեղծ զնա։ Ե́ս եմ տ(է)ր՝ եւ չի́ք այլոք։

Verse: 19   Link to sept   ո́չ ՛ի ծածուկ ինչ խօսեցայ՝ եւ ո́չ ՛ի տեղւոջ խաւարին երկրի. չասացի ցզաւակն յակոբայ թէ սնոտիս խնդրեսջիք։ ե́ս եմ. ե́ս եմ տ(է)ր որ խոսի́մ զարդարութի(ւն)՝ եւ պատմեմ զճշմարտութի(ւն)։

Verse: 20   Link to sept   Ժողովեցարո́ւք եւ եկա́յք՝ խորհեցարո́ւք ՛ի միասին ապրեալքդ ՛ի հեթանոսաց. ո́չ ծանեան որ բարձեալ բերէին զփայտն դրօշեալ. եւ կային յաղօթս առ աստուածս որ ո́չ փրկէին զն(ո)ս(ա)։

Verse: 21   Link to sept   Եթէ պատմեսցեն՝ ա́ղէ մերձեսցին զի գիտասցեն ՛ի միասին. ո՞ լսելի արար զայս ամ(ենայն) իսկզբանէ. եւ յայսմհետէ պատմեցա́ւ ձեզ։ Ե́ս եմ ա(ստուա)ծ՝ եւ չի́ք այլ ոք բա́ց յինէն. արդարեւ փրկիչ, եւ չի́ք ոք բա́ց յինէն։

Verse: 22   Link to sept   դարձարո́ւք առ իս՝ եւ ապրեսջիք որ եկեալդ էք ՛ի ծագաց երկրէ։ Ե́ս եմ ա(ստուա)ծ՝ եւ չի́ք այլոք։

Verse: 23   Link to sept   յանձն իմ երդնում, եթէ որինչ ելանէ ՛ի բերանոյ իմոյ՝ արդարու(թ)ի(ւն) է. եւ բանք իմ մի́ եղծցին։

Verse: 24   Link to sept   Զի ի́նձ կրկնեսցի ամ(ենայն) ծունր. եւ խոստովա́ն լիցի ամ(ենայն) լեզու ա(ստուածո)յ։

Verse: 25   Link to sept   եւ ասասցէ՝ թէ արդարու(թ)ի(ւն) եւ փառք՝ առ նա եկեսցեն։ Եւ ամաչեսցեն ամենեքեան՝ որ որոշեն զանձինս իւրեանց ՛ի տ(եառն)է։

Verse: 26   Link to sept   արդարասցի́ն՝ եւ ա(ստուա)ծ փառաւորեսցի ամ(ենայն) զաւակ որդւոցն ի(սրայէ)լի։



Chapter: 46  
ԳԼ(ՈՒԽ) Խ՜Զ.


Verse: 1   Link to sept   Անկա́ւ բէլ. խորտակեցաւ գագովն. եղեն դրօշեալք ն(ո)ց(ա) ՛ի գազանս եւ յանասունս. բարձէ́ք զնոսա կապեալս իբրեւ զբեռն աշխատելոյն,

Verse: 2   Link to sept   լքելոյ եւ կարօտելոյ ՛ի միասին, որք ո́չ կարացին ապրել ՛ի պատերազմէ. եւ նոքա ՛ի գերու(թ)ե(ան) վարեցան։

Verse: 3   Link to sept   Լուարո́ւք ինձ տունդ յակովբայ, եւ ամ(ենայն) մնացեալքդ ի(սրայէ)լի. ընտրեալքդ յորովայնէ՝ եւ խրատեալք ՛ի մանկութ(են)է

Verse: 4   Link to sept   մինչեւ ցծերու(թ)ի(ւն), թէ ե́ս եմ. եւ մինչեւ կարի́ իսկ ծերասջիք՝ սակայն ե́ս եմ. ե́ս համբերեմ ձեզ. եւ արարի, եւ ե́ս անսացից. ե́ս ընկալայց՝ եւ ապրեցուցի́ց զձեզ։

Verse: 5   Link to sept   Ո՞ւմ նմանեցուցէք զիս. տեսէք հնարեցարո́ւք մոլորեալքդ։

Verse: 6   Link to sept   որ արկանէք ոսկի́ հանգանակ ՛ի քսակէ, եւ կշռէք զարծաթ ՛ի կշիռս, եւ ՛ի վարձո́ւ ունիք զոսկերիչս գործել կուռս ձեռագործս. եւ խոնարհեալ երկի́ր պագանէք նմա։

Verse: 7   Link to sept   Բարձեալ բերէք ՛ի վ(ե)ր(այ) ուսոց. եւ եթէ դնիցէք ՛ի գետնի, անդէ́ն ՛ի տեղւոջ մնան. եւ ո́չ շարժեսցին։ եւ եթէ ոք կարդասցէ առ նա՝ ո́չ լսէ. եւ ՛ի չարեաց ո́չ փրկեսցէ զնա։

Verse: 8   Link to sept   Յիշեցէ́ք զայս եւ յոգո́ց հանէք. ապաշաւեցէ́ք մոլորեալքդ. դարձարո́ւք սրտիւք,

Verse: 9   Link to sept   եւ յիշեցէ́ք զառաջին գործսն յաւիտենից։ զի ե́ս եմ ա(ստուա)ծ, եւ չի́ք այլոք բա́ց յինէն,

Verse: 10   Link to sept   որ պատմիցէ յառաջագոյն զվերջինսն՝ մինչչեւ եղեալ իցեն, եւ միանգամայն կատարեսցին. եւ ասացի թէ ամ(ենայն) խորհուրդք իմ հաստատեսցին, եւ զամ(ենայն) զոր կամիմ արարի́ց։

Verse: 11   Link to sept   Կոչե́լ յարեւելից թռչունս, եւ յերկրէ հեռաստանէ՝ վ(ա)ս(ն) որոյ խորհեցայն, խօսեցայ եւ ածի, հաստատեցի եւ արարի. ածի զնա՝ եւ յաջողեցի զճանապարհս ն(ո)ր(ա)։

Verse: 12   Link to sept   Լուարո́ւք ինձ կորուսեալքդ սրտիւք՝ հեռացեալքդ յարդարութ(են)էն.

Verse: 13   Link to sept   մերձեցուցից զարդարու(թ)ի(ւն) իմ * եւ այլ ո́չ հեռասցի. եւ զճշմարտու(թ)ի(ւն) եւ զփրկու(թ)ի(ւն) իմ ո́չ յամեցուցից. ետո́ւ ՛ի սիոն զփրկու(թ)ի(ւն) ի(սրայէ)լի ՛ի փառաւորու(թ)ի(ւն)։



Chapter: 47  
ԳԼ(ՈՒԽ) Խ՜Է.


Section: 41 

Verse: 1   Link to sept   Է́ջ նիստ յերկրի օրիորդ դուստր բաբելացւոց։ նիստ ՛ի գետնի, զի չի́ք աթոռ։ մո́ւտ ՛ի խաւար դուստր քաղդեացւոց. եւ ո́չ եւս յաւելուցուս կոչել գի́րգ եւ փափուկ։

Verse: 2   Link to sept   ա́ռ երկան, աղա́ ալեւր. ընկեա́ զքօղ քո, քարշեա́ զալիս քո։ բա́ց զսրունս քո, ա́նց ընդ գետ։

Verse: 3   Link to sept   յայտնեսցի́ ամօթ քո, եւ երեւեսցին նախատինք քո. զի բարձի́ց ՛ի քէն զիրաւունս քո։ Ո́չեւս մատնեսցէ զքեզ մարդկան։

Verse: 4   Link to sept   որ փրկեացն զքեզ, տ(է)ր սաբաւովթ անուն է ն(ո)ր(ա) ս(ուր)բն ի(սրայէ)լի։

Verse: 5   Link to sept   նի́ստ թախծեալ՝ զղջացեալ. մո́ւտ ՛ի խաւար դուստր քաղդեացւոց։ ո́չ եւս կոչեսցիս զօրու(թ)ի(ւն) թագաւորաց։

Verse: 6   Link to sept   Ես բարկացեալ էի ՛ի վ(ե)ր(այ) ժողովրդեան իմոյ, զի պղծեցին զժառանգութի(ւն) իմ։ ես մատնեցի զնա ՛ի ձեռս քո, եւ դու ո́չ արարեր ՛ի վ(ե)ր(այ) ն(ո)ր(ա) ողորմու(թ)ի(ւն)։ Ծանրացուցեր զլուծ ձերոց յոյժ։

Verse: 7   Link to sept   եւ ասացեր՝ յաւիտեա́ն կացից իշխան. ո́չ եդիր երբէք զայս ՛ի մտի քում, եւ ո́չ յիշեցեր զվախճան։

Verse: 8   Link to sept   Եւ արդ լո́ւր զայս փափուկդ, որ նստէիր յանձնապաստան.եւ ասէիր ՛ի սրտի քում թէ ե́ս եմ, եւ չի́ք ոք իմ ընկեր։ ո́չ նստայց յայրութե(ան), եւ ո́չ ծանեայց զորբու(թ)ի(ւն)։

Verse: 9   Link to sept   Եւ արդ հասցեն յանկարծակի ՛ի վ(ե)ր(այ) քո երկոքեան սոքա ՛ի միում աւուր. այրութի(ւն), եւ անզաւակու(թ)ի(ւն). եկեսցէ յանկարծակի ՛ի վ(ե)ր(այ) քո՝ վ(ա)ս(ն) դիւթութե(ան)ցդ քոց, եւ վ(ա)ս(ն) զօրացեալ կախարդութե(ան)ցդ քոց։

Verse: 10   Link to sept   եւ վ(ա)ս(ն) վստահութե(ան) չարութե(ան)ց քոց։ զի ասէիր՝ թէ ես եմ, եւ չի́ք ոք իմ ընկեր։ զա́յս գիտասջիր, զի առնուցո́ւս զայդ ՛ի միտ. եւ պոռնկու(թ)ի(ւն)ն քո յամօթ լիցի քեզ. զի ասացեր ՛ի սրտի քում, ե́ս եմ, եւ չիք ոք իմ ընկեր։

Verse: 11   Link to sept   Եւ հասցէ ՛ի վ(ե)ր(այ) քո կորուստ՝ զոր ո́չ գիտիցես, եւ խորխորատ՝ եւ անկցիս ՛ի նա. եւ եկեսցէ ՛ի վ(ե)ր(այ) քո թշուառու(թ)ի(ւն), եւ ո́չ կարասցես սուրբ լինել։ եւ եկեսցէ ՛ի վ(ե)ր(այ) քո յանկարծակի կորուստ, եւ ո́չ ծանիցես։

Verse: 12   Link to sept   Աղէ՝ կա́ց դու այժմ ՛ի դիւթութի(ւն)ս քո, եւ ՛ի բազում կախարդու(թ)ե(ան) քում, զոր ուսար ՛ի մանկու(թեն)է քումմէ. եթէ կարասցե՞ն ինչ օգտել.

Verse: 13   Link to sept   եթէ կարասցե՞ն կազդուրել. զի աշխատեցար ՛ի խորհուրդս քո։ Յարիցեն եւ ապրեցուսցեն զքեզ աստեղագէտքն որ նշմարեն զաստեղս երկնից. պատմեսցեն քեզ զինչ գալոց է ՛ի վ(ե)ր(այ) քո։

Verse: 14   Link to sept   Ահաւասիկ ամենեքեան իբրեւ զխռի́ւ ՛ի հուր այրեսցին, եւ մի́ապրեցուսցեն զանձինս իւրեանց ՛ի բոցոյ անտի. զի նստիս ՛ի վ(ե)ր(այ) կայծականց հրոյ, նոքա́ եղիցին քեզ յօգնականութի(ւն)։

Verse: 15   Link to sept   Վաստակ եղեն ՛ի վաճառս քո ՛ի մանկու(թեն)է իւրեանց. այր ըստ առնէ́ մոլորեցան. եւ քեզ ո́չ եղիցի փրկութի(ւն)։



Chapter: 48  
ԳԼ(ՈՒԽ) Խ՜Ը.


Verse: 1   Link to sept   Լուարո́ւք զայս տունդ յակովբայ՝ անուանեալդ յանուն ի(սրայէ)լի. ծնեալդ ՛ի զաւակէ յուդայ, որ երդնուք յանուն տ(եառ)ն ա(ստուածո)յ ի(սրայէ)լի, որ յիշատակէքդ ո́չ ճշմարտութ(եամ)բ՝ եւ ո́չ արդարու(թեամ)բ։

Verse: 2   Link to sept   Որ խրախուսէք յանուն քաղաքին սրբոյ, եւ հաստատեալ համարիք յանուն ա(ստուածո)յ ի(սրայէ)լի։ Տ(է)ր սաբաւովթ անուն ն(ո)ր(ա)։

Verse: 3   Link to sept   զառաջինսն տակաւին պատմե́մ. ե́լ ՛ի բերանոյ իմմէ, եւ լսելի́ եղեւ. յանկարծակի́ արարի՝ եւ եկն եհաս։

Verse: 4   Link to sept   Գիտեմ զի խի́ստ ես, եւ ջիլք երկաթի́ք պարանոց քո, եւ ճակատ քո պղնձի́։

Verse: 5   Link to sept   պատմեցա́ւ քեզ առաջինն, եւ մինչչե́ւ հասեալ էր առ քեզ լսելի́ արարի քեզ։ մի́ երբէք ասիցես թէ կուռքն իմ արարին, եւ մի́ ասիցես թէ դրօշմեալքն եւ ձուլածոյքն պատմեցին ինձ։

Verse: 6   Link to sept   Լուարո́ւք զամ(ենայն)՝ եւ ո́չ առէք ՛ի միտ, այլեւ լսելի́ արարի քեզ զնորն՝ որ յայսմհետէ լինելոց է։

Verse: 7   Link to sept   եւ ո́չ ասացեր թէ այժմ լինի, եւ ո́չ ՛ի վաղուց հետէ յաւուրցն առաջնոց. եւ ո́չ եղեր ունկնդիր այնմիկ։ Մի́ ասիցես, թէ այո́ գիտեմ զայդ։

Verse: 8   Link to sept   զի ո́չ գիտես՝ եւ ո́չ իմանաս, եւ ոչ իսկզբանէ բացեր զականջս քո. զի գիտացի թէ արհամարհելով արհամարհեսցես, եւ անօրէն անդոտին յորովայնէ կոչեսցիս։

Verse: 9   Link to sept   Վ(ա)ս(ն) անուան իմոյ ցուցի́ քեզ զբարկու(թ)ի(ւն) իմ եւ զփառաւորու(թ)ի(ւն)ս իմ, զոր ածի ՛ի վ(ե)ր(այ) քո զի մի́ սատակեցից զքեզ։

Verse: 10   Link to sept   Ահաքասիկ վաճառեցի զքեզ ո́չ վ(ա)ս(ն) արծաթոյ, եւ զերծուցի́ զքեզ ՛ի հնոցէ աղքատու(թ)ե(ան).

Verse: 11   Link to sept   վ(ա)ս(ն) ի́մ արարի քեզ զայդ, զի մի́ անուն իմ հայհոյեսցի. եւ զփառս իմ այլում ո́չ տաց։

Verse: 12   Link to sept   Լո́ւր ինձ յակովբ, եւ ի(սրա)էլ զոր եսդ կոչեմ. ե́ս եմ առաջին, եւ ե́ս եմ յաւիտեան։

Verse: 13   Link to sept   Ձե́ռն իմ արկ հիմունս երկրի, եւ աջ իմ հաստատեաց զերկինս. կոչեցից զամենեսեան զն(ո)ս(ա), եւ կայցեն ՛ի միասին.

Verse: 14   Link to sept   ժողօվեսցին ամենեքեան եւ լուիցեն՝ թէ ո՞ պատմեաց ն(ո)ց(ա) զայն։ Առ սէ́ր քո արարի զկամս քո ՛ի վ(ե)ր(այ) բաբելովնի, բառնա́լ զզաւակն քաղդեացւոց։

Verse: 15   Link to sept   ե́ս կոչեցի եւ ե́ս խօսեցայ. ածի́ զնա՝ եւ յաջողեցի զճանապարհս ն(ո)ր(ա)։

Verse: 16   Link to sept   Մատերո́ւք ապիս՝ եւ լուարո́ւք զայս։ ո́չ իսկզբանէ ՛ի ծածուկ ինչ խօսեցայ, եւ ո́չ ՛ի տեղւոջ խաւարին երկրի։ յորժամ լինէրն իսկ՝ ես ա́նդ էի։ Եւ արդ՝ տ(է)ր տ(է)ր առաքեաց զիս, եւ հոգի ն(ո)ր(ա)։

Verse: 17   Link to sept   Ա́յսպէս ասէ տ(է)ր՝ որ փրկեացն զքեզ ս(ուր)բն ի(սրայէ)լի. ե́ս եմ ա(ստուա)ծ քո, ցուցի́ քեզ գտանել ճանապարհ ընդ որ գնայցես։

Verse: 18   Link to sept   Եւ եթէ լուեալ էր քո պատուիրանաց իմոց՝ լինէր քեզ իբրեւ զգե́տ խաղաղութի(ւն) քո, եւ արդարութի(ւն) քո իբրեւ զալիս ծովու։

Verse: 19   Link to sept   Եւ լինէր իբրեւ զաւազ զաւակ քո, եւ ծնունդք որովայնի քոյ իբրեւ զհո́ղ երկրի. սակայն եւ արդ՝ ո́չ սատակեսցիս, եւ ո́չ կորիցէ անուն քո առաջի իմ։

Verse: 20   Link to sept   Ելէ́ք ՛ի բաբելովնէ. փախերո́ւք ՛ի քաղդեացւոց. ձա́յն ուրախութե(ան) պատմեցէ́ք, եւ լսելի́ եղիցի. պատմեցէ́ք մինչեւ ՛ի ծագս երկրի՝ զոր ասէքդ՝ թէ փրկեաց տ(է)ր զծառայս իւր զյակովբ։

Verse: 21   Link to sept   Եւ եթէ ծարաւեսցեն յանապատին, հանցէ́ ն(ո)ց(ա) ջուր ՛ի վիմէ. վէ́մ պատառեսցի, ջուրք բղխեսցեն, եւ արբցէ́ ժողովուրդ իմ։ ո́չ գոյ ուրախութի(ւն) ամպարշտաց, ասէ տ(է)ր։



Chapter: 49  
ԳԼ(ՈՒԽ) Խ՜Թ.


Verse: 1   Link to sept   Լուարո́ւք ինձ կղզիք, եւ ո́ւնկն դիք հեթանոսք։ յետ բազում ժամանակաց հաստատեսցի́ այդ ասէ տ(է)ր։ Յարգանդէ կոչեաց զիս, եւ յորովայնէ մօր իմոյ կարդաց զանուն իմ։

Verse: 2   Link to sept   եդ զբերան իմ իբրեւ զսուսեր սուր, եւ ընդ հովանեաւ ձեպին իւրոյ թաքո́յց զիս։ եւ եդ զիս իբրեւ զնետ մի ընտիր, եւ ՛ի կապարճս իւր թաքոյց զիս։

Verse: 3   Link to sept   եւ ասէ ցիս. ծառա́յ իմ ես դու ի(սրա)էլ, եւ ՛ի քե́զ փառաւորեցայց։

Verse: 4   Link to sept   Եւ ասեմ, զո́ւր ուրեմն վաստակէի տարապարտուց, յոչի́նչ ետու զզօրու(թ)ի(ւն) իմ։ վ(ա)ս(ն) այսորիկ իրաւունք իմ ՛ի տ(եառն)է, եւ վաստա́կ իմ առաջի ա(ստուածո)յ իմոյ։

Verse: 5   Link to sept   Եւ արդ՝ ա́յսպէս ասէ տ(է)ր որ ստեղծ զիս յորովայնէ ծառայ իւր, ժողովել զյակովբ եւ զի(սրա)էլ առ ինքն. եւ ժողովեցայց եւ փառաւորեցայց առաջի տ(եառ)ն, եւ ա(ստուա)ծ իմ է ինձ զօրու(թ)ի(ւն)։

Verse: 6   Link to sept   Եւ ասէ ցիս. մեծ է քեզ այդ, կոչել զքեզ ծառա́յ իմ. հաստատել զազգսն յակովբայ՝ եւ զցրուեալսն ի(սրայէ)լի դարձուցանել։ Ահաւասիկ եդի զքեզ յուխտ ազգի եւ ՛ի լոյս հեթանոսաց, լինել փրկութի(ւն) մինչեւ ՛ի ծագս երկրի։

Verse: 7   Link to sept   Ա́յսպէս ասէ տ(է)ր որ փրկեացն զքեզ ա(ստուա)ծ ի(սրայէ)լի. սրբեցէ́ք զայն որ խոտէն զանձն իւր, զաղարտեալն յազգաց ՛ի ծառայիցն իշխանաց։ թագաւորք տեսցեն զնա՝ եւ յո́տն կացցեն, իշխանք՝ եւ երկի́ր պագցեն նմա վ(ա)ս(ն) տ(եառ)ն. զի հաւատարի́մ է ս(ուր)բն ի(սրայէ)լի՝ եւ որ ընտրեաց զքեզ։

Verse: 8   Link to sept   Այսպէս ասէ տ(է)ր ցի(սրա)էլ ՛ի ժամանակի ընդունելու(թ)ե(ան) լուա́յ քեզ, եւ յաւուր փրկու(թ)ե(ան) օգնեցի քեզ. եւ ստեղծի զքեզ, եւ ետու զքեզ յո́ւխտ հեթանոսաց հաստատել զերկիր, եւ ժառանգեցուցանել զժառանգու(թ)ի(ւն)ս աւերակ։

Verse: 9   Link to sept   ասել կապելոց՝ թէ ելէ́ք, եւ որ ՛ի խաւարին իցեն՝ թէ յայտնեցարո́ւք։ Յամ(ենայն) ճանապարհս արածեսցին, եւ յամ(ենայն) շաւիղս ճարակք ն(ո)ց(ա)։

Verse: 10   Link to sept   ո́չ քաղցիցեն եւ ո́չ ծարաւեսցին, եւ ո́չ խորշակահար լիցին յարեւու. ա́յլ որ ողորմելոցն է մխիթարեսցէ զն(ո)ս(ա), եւ ընդ աղբիւրակո́ւնս ածցէ զն(ո)ս(ա)։

Verse: 11   Link to sept   եւ եդից զամ(ենայն) լերինս ՛ի ճանապարհ, եւ զամ(ենայն) շաւիղս յարօտս ն(ո)ց(ա)։

Verse: 12   Link to sept   Ահաւասիկ ոմանք եկեսցե́ն ՛ի հեռաստանէ, ոմանք ՛ի հիւսւսոյ եւ ՛ի ծովէ, եւ ոմանք յերկրէ́ պարսից։

Verse: 13   Link to sept   Ուրա́խ լերուք երկինք՝ եւ ցնծասցէ երկիր. գոչեսցե́ն լերինք զցնծութի(ւն), եւ բլուրք զարդարութի(ւն). զի ողորմեցաւ ա(ստուա)ծ ժողովրդեան իւրում, եւ զխոնարհս ժողովրդեան իւրոյ մխիթարեա́ց։

Verse: 14   Link to sept   Բայց սիովն ասաց. եթո́ղ զիս տ(է)ր եւ մոռացաւ զիս ա(ստուա)ծ։

Verse: 15   Link to sept   Միթէ մոռանայցէ՞ կին զմանուկ իւր, կամ թէ ո՞չ գթասցի ՛ի ծնունդս որովայնի իւրոյ։ եւ եթէ մոռանայցէ զայն կին՝ սակայն ես ո́չ մոռացայց զքեզ ասէ տ(է)ր։

Verse: 16   Link to sept   Ահաւասիկ ՛ի վ(ե)ր(այ) ձեռաց իմոց նկարեցի զպարիսպ քո. եւ առաջի́ իմ ես դու յամ(ենայն) ժամ։

Verse: 17   Link to sept   եւ արա́գ շինեսջիր յայնցանէ որ քակեցին զքեզ, եւ որ աւերեցինն զքեզ՝ ՛ի քէն ՛ի բա́ց մերժեսցին։

Verse: 18   Link to sept   Ամբա́րձ շուրջ զքեւ զաչս քո, եւ տե́ս զամենեսին. զի ահաւասիկ ժողովեցան եւ եկի́ն առ քեզ։ կենդանի́ եմ ես ասէ տ(է)ր. զի զամենեսին զն(ո)ս(ա) իբրեւ զպատմուճա́ն զգեցցիս, եւ արկցես զն(ո)ս(ա) զքեւ իբրեւ զզարդ հարսին։

Verse: 19   Link to sept   Զի աւերակքն եւ ապականեալքն՝ եւ կործանեալքն քո, արդ նեղեսցի́ն ՛ի բնակչացն իւրեանց։ եւ հեռասցին ՛ի քէն՝ որ կլանէինն զքեզ։

Verse: 20   Link to sept   Զի ասասցեն յականջս քո որդիքն քո զորս կորուսեր. նե́ղ է մեզ տեղիս, ընդարձակեա́ մեզ զի բնակեսցուք։

Verse: 21   Link to sept   եւ ասասցես ՛ի սրտի քում. ո՞ ծնաւ ինձ զսոսա. զի ես անզաւա́կ եւ այրի́ էի*, պամդուխ եւ արգելական. եւ զսոսա ինձ ո՞ սնոյց, զի ես միայն մնացեալէի, եւ սոքա ո՞ւր էին։

Verse: 22   Link to sept   Այսպէս ասէ տ(է́)ր տ(է)ր. ահաւադիկ ամբարձից զձեռս իմ ՛ի վ(ե)ր(այ) ազգաց, եւ ՛ի կղզի́ս կանգնեցից զնշան իմ. եւ ածցեն զորդիս քո ՛ի ծոցս իւրեանց, եւ զդստերս քո ՛ի վ(ե)ր(այ) ուսոց իւրեանց բարձեալ բերիցեն։

Verse: 23   Link to sept   Եւ եղիցին թագաւորք դայեակք քո, եւ կանայք ն(ո)ց(ա) մանկակա́լք քո. ՛ի վ(ե)ր(այ) երեսաց երկրի երկի́ր պագանիցեն քեզ, եւ զհող ոտից քոց լիզեսցեն. եւ ծանիցես թէ ե́ս եմ տ(է)ր. եւ ո́չ ամաչեսցեն ոյք սպասեն ինձ։

Verse: 24   Link to sept   Միթէ հանիցէ՞ ոք զկողոպտած սկայի. կամ վարիցէ՞ ոք տարապարտուց գերի՝ եւ ապրիցի՞։

Verse: 25   Link to sept   Ա́յսպէս ասէ տ(է)ր. եթէ ոք վարիցէ զսկայ գերի, առցէ զաւա́ր ն(ո)ր(ա). եւ քաջ ապրէ՝ որ առնուցու զաւար սկայի։ Այլ ես զդատաստա́ն իմ դատեցայց. եւ զորդիս իմ փրկեցի́ց։

Verse: 26   Link to sept   եւ կերիցեն նեղիչք քո զմարմինս իւրեանց, եւ արբցեն իբրեւ զգինի նո́ր զարիւնս իւրեանց՝ եւ արբեսցին. եւ ծանիցէ ամ(ենայն) մարմին եթե ես եմ տ(է)ր՝ որ փրկեցի զքեզ, եւ օգնեցի́ քեզ եւ զօրացուցի զյակովբ։



Chapter: 50  
ԳԼ(ՈՒԽ) Ծ՜.


Verse: 1   Link to sept   Ա́յսպէս ասէ տ(է)ր. ո՞ւր է թուղթն ապահարզանի որով արձակեցի զմայրն ձեր. կամ ո՞ւր է գրաւական վաճառականացն, որով վաճառեցի զձեզ։ այլ ՛ի մեղս ձեր վաճառեցայք. եւ վ(ա)ս(ն) անօրէնութե(ան)ց ձերոց արձակեցի զմայրն ձեր։

Verse: 2   Link to sept   Զի եկի, եւ ո́չ գոյր մարդ. կոչեցի՝ եւ ոչո́ք էր որ լսէր։ միթէ ո՞չ կարէ փրկել ձեռն իմ. կամ ո՞չ զօրեմ ապրեցուցանել։ ահա կշտամբու(թեամ)բ իմով աւերեցի զծով, եւ զգետս ապականեցից. եւ ցամաքեսցի́ն ձկունք ն(ո)ց(ա) ՛ի ջուրցն պակասութ(են)է. եւ մեռցին ՛ի ծարաւոյ։

Verse: 3   Link to sept   զգեցուցի́ց զերկինս խաւարաւ, եւ իբրեւ զքո́ւրձ արարից զհանդերձ ն(ո)ր(ա)։

Verse: 4   Link to sept   Տ(է)ր տ(է)ր տա́յ ինձ լեզու խրատու, զի գիտացից խօսե́լ ՛ի ժամու զբանն։ պատրաստեաց զիս ընդ առաւօտս։ յաւե́լ ինձ ունկն ՛ի լսել։

Verse: 5   Link to sept   եւ խրատ տ(եառ)ն բանայ զականջս իմ։ եւ ես ո́չ խստանամ եւ ո́չ ընդդէմ դառնամ։

Verse: 6   Link to sept   Զթիկունս իմ ետո́ւ ՛ի հարուածս, եւ զծնօտս իմ յապակս. եւ զերեսս իմ ո́չ դարձուցի յամօթոյ ընդ երեսս թքանելոյ։

Verse: 7   Link to sept   Եւ տ(է)ր տ(է)ր եղեւ իմ օգնական. վ(ա)ս(ն) այնորիկ ո́չ ամաչեցի. այլ արարի զդէմս իմ իբրեւ զվէ́մ հաստատուն։ Եւ գիտացի թէ ո́չ ամաչեցից։

Verse: 8   Link to sept   զի մե́րձ է որ արդարացուցանէ զիս։ ո՞վ է ոսոխն իմ, եկեսցէ եւ կացցէ́ ՛ի մէջ. եւ ո՞վ է որ դատին զիս, մերձեսցի առ իս։

Verse: 9   Link to sept   զի ահաւասիկ տ(է)ր տ(է)ր օգնակա́ն է ինձ, ո՞վ է որ չարչարիցէն զիս։ Ահաւադիկ դուք ամենեքեան իբրեւ զձորձս հնասջիք, եւ ցեց մեցամէ́ս կերիցէ զձեզ։

Verse: 10   Link to sept   Ո՞վ իցէ ՛ի մէնջ որ երկնչի ՛ի տ(եառն)է, լուիցէ́ զձայն ծառայի ն(ո)ր(ա). որ գնային ընդ խաւար՝ եւ ո́չ գոյր ն(ո)ց(ա) լոյս. յուսացեալք յանուն տ(եառ)ն եւ խրախուսեալք յա(ստուա)ծ։

Verse: 11   Link to sept   Ահաւադիկ դուք ամենեքեան հո́ւրբ վապեալ պարտեսջիք իբրեւ ՛ի բոցոյ. գնասջիք ՛ի լոյս հրո́յ ձերոյ, եւ բորբոքեսջիք բոցով։ վ(ա)ս(ն) ի́մ եղեւ ձեզ այդ, եւ ՛ի տրտմութե(ան) ննջեսջիք։



Chapter: 51  
ԳԼ(ՈՒԽ) Ծ՜Ա.


Verse: 1   Link to sept   Լուարո́ւք ինձ որ հալածէքդ զիրաւունս՝ եւ խնդրէք զտ(է)ր։ Նայեցարո́ւք ՛ի վէմն հաստատուն յորմէ կոփեցարուք, եւ ՛ի գո́ւբ հորոյն յորմէ փորեցարուք։

Verse: 2   Link to sept   նայեցարուք յաբրահամ հայրն ձեր, եւ ՛ի սառա որ երկնեացն զձեզ. զի մի էր՝ եւ կոչեցի զնա. եւ օրհնեցի զնա, եւ սիրեցի զնա եւ բազմացուցի զնա։

Verse: 3   Link to sept   Եւ արդ մխիթարեցի́ց զքեզ սիովն, եւ մխիթարեցից զամ(ենայն) զաւերակս ն(ո)ր(ա). եւ արարից զամ(ենայն) աւերակս ն(ո)ր(ա) իբրեւ զդրախտ, եւ զկողմն արեւմտից իբրեւ զդրախտ տ(եառ)ն. ուրախու(թ)ի(ւն) եւ ցնծու(թ)ի(ւն) գտցեն ՛ի նմա, խոստովանու(թ)ի(ւն) եւ ձա́յն օրհնու(թ)ե(ան)։
Section: 42 

Verse: 4   Link to sept   Լուարո́ւք ինձ՝ լուարո́ւք ինձ ժողովուրդ, եւ թագաւորք ունկնդի́ր լերուք ինձ. զի օրէնք յինէ́ն ելցեն, եւ դատաստան իմ ՛ի լո́յս հեթանոսաց։

Verse: 5   Link to sept   Արագ արա́գ մերձեսցի արդարութի(ւն) իմ, եւ ելցէ իբրեւ զլո́յս փրկութի(ւն) իմ. ՛ի բազո́ւկ իմ հեթանոսք յուսասցին. ի́նձ կղզիք սպասեալ մնան, եւ ՛ի բազուկ իմ յուսասցին։

Verse: 6   Link to sept   Ամբարձէ́ք յերկինս զաչս ձեր, եւ հայեցարո́ւք յերկիր ՛ի խոնարհ. զի երկինք իբրեւ զծո́ւխ հաստատեալ են, եւ երկիր իբրեւ զձո́րձս մաշեսցի. եւ բնակիչք ն(ո)ր(ա) իբրեւ զնո́յն կորիցեն։ այլ փրկու(թ)ի(ւն) իմ յաւիտեա́ն կացցէ, եւ արդարու(թ)ի(ւն) իմ մի́ պակասեսցէ։

Verse: 7   Link to sept   Լուարո́ւք ինձ որ գիտէք զիրաւունս, ժողովուրդ իմ՝ որոց օրէնք իմ ՛ի սիրտս ձեր։ Մի́ երկնչիք ՛ի նախատանաց մարդկան. եւ բազմբասանք նոցա զձեզ յամօթ մի́ արասցեն։

Verse: 8   Link to sept   զի իբրեւ ձորձք ընդ ժամանակա́ւ մաշեսցին, եւ իբրեւ զասր որ ուտիցի ՛ի ցեցոյ։ բայց արդարու(թ)ի(ւն) իմ յաւիտեա́ն կացցէ, եւ փրկու(թ)ի(ւն) ազգա́ց յազգս։

Verse: 9   Link to sept   Զարթի́ր զարթի́ր ե(րուսաղ)էմ, եւ զգեցի́ր զզօրութի(ւն) բազկի քո. զարթի́ր իբրեւ յաւուրցն իսկզբանէ, իբրեւ յազգացն յաւիտենից։ Ո՞չ դու այն ես որ տաշեցեր զլայնութի(ւն)ն, վանեցեր զվիշապն։

Verse: 10   Link to sept   ո՞չ դու ա́յն ես որ աւերեցեր զծովն, զբազմու(թ)ի(ւն) ջուրցն անդնդոց. որ արարեր զխորս ծովուն ճանապարհ անցից փրկելոցն եւ ապրելոց։

Verse: 11   Link to sept   Զի ՛ի տ(եառն)է եղիցի դարձ, եւ եկեսցեն ՛ի սիովն ցնծութ(եամ)բ եւ ուրախու(թեամ)բ յաւիտենից։ զի ՛ի վ(ե)ր(այ) գլխոց ն(ո)ց(ա) օրհնութի(ւն), եւ ուրախութի́(ւն) հասցէ ն(ո)ց(ա)։ մերժեցան ցաւք եւ տրտմու(թ)ի(ւն)ք եւ հեծութի(ւն)ք։

Verse: 12   Link to sept   Ե́ս եմ, ե́ս եմ * նոյն որ մխիթարեցի զքեզ։ Ծանի́ր զինչ ոք էիր. եւ երկեար ՛ի մահկանացո́ւ մարդոց, եւ յորդւոյ մարդոյ որ իբրեւ զխո́տ ցամաքեցան։

Verse: 13   Link to sept   Եւ մոռացա՞ր զա(ստուա)ծ զարարիչ քո, որ արար զերկինս եւ հաստատեաց զերկիր։ եւ երկնչէիր միշտ զամ(ենայն) աւուրս յերեսաց սրտմտութե(ան) նեղչին քոյ՝ ո(ր)պ(էս) խորհեցաւ ջնջել զքեզ։ Եւ արդ՝ ո՞ւր է սրտմտութի(ւն) նեղչին քոյ։

Verse: 14   Link to sept   զի ՛ի փրկու(թ)ե(ա)ն քում ո́չ կարասցէ կեալ. եւ ո́չ յամեսցէ, եւ ո́չ սպանցէ զքեզ յապականութի(ւն), եւ ո́չ պակասեսցէ հացն քո։

Verse: 15   Link to sept   Ե́ս եմ տ(է)ր ա(ստուա)ծ քո՝ որ խռովեմ զծով, եւ գոչեցուցանեմ զալիս ն(ո)ր(ա). տ(է)ր սաբաւովթ անուն է իմ։

Verse: 16   Link to sept   Եդի́ց զբանս իմ ՛ի բերանս քո, եւ ընդ հովանեա́ւ ձեռին իմոյ ծածկեցից զքեզ. որով կանգնեցի զերկինս, եւ արկի զհիմունս երկրի. եւ ասացի ցսիովն, ժողովո́ւրդ իմ ես դու։

Verse: 17   Link to sept   Զարթի́ր զարթի́ր արի́ կա́ց ե(րուսաղ)էմ, որ արբեր ՛ի ձեռանէ տ(եառ)ն զբաժակն բարկու(թ)ե(ան) ն(ո)ր(ա). զբաժակն կործանման, զբաժակն սրտմտութե(ան), զոր արբերն՝ եւ սթափեցեր։

Verse: 18   Link to sept   Եւ ո́չոք էր որ մխիթարէր զքեզ յամ(ենայն) որդւոցն քոց զոր ծնար։ եւ ո́չոք էր որ ձեռնտո́ւ լինէր քեզ յամ(ենայն) որդւոցն քոց զորս բարձրացուցեր։

Verse: 19   Link to sept   Երկո́ւ ինչ հակառա́կ կան քեզ. եւ ո՞վ է որ տրտմակից լինիցի քեզ. կործանո́ւմն եւ բեկումն, սո́վ եւ սուր. եւ ո՞ է որ մխիթարիցէ զքեզ։

Verse: 20   Link to sept   Որդիքն քո տարակուսեալք՝ որ ննջեն ՛ի կիցս ամ(ենայն) ճանապարհաց, իբրեւ զճակնդեղ կիսեփեաց, լի́ էին ՛ի բարկութ(են)է տ(եառ)ն. լուծեալք ՛ի տ(եառն)է ա(ստուածո)յ։

Verse: 21   Link to sept   Վ(ա)ս(ն) այնորիկ լո́ւր տառապեալդ՝ որ արբեալդ ես եւ ո́չ ՛ի գինւոյ։

Verse: 22   Link to sept   Ա́յսպէս ասէ տ(է)ր ա(ստուա)ծ որ դատի զժողովուրդ իւր. ահաւասիկ ՛ի բաց արարի ՛ի ձեռանէ քումմէ զբաժակն կործանման, զբաժակն սրտմտութե(ան) իմոյ * եւ ո́չ եւս յառելցես ըմպել զնա։

Verse: 23   Link to sept   Եւ տա́ց ՛ի ձեռս վնասակարացն քոց, եւ ՛ի ձեռս այնոցիկ որ տապապեցուցինն զքեզ։ որք ասէինն ցանձն քո, խոնարհեա́ց՝ թո́ղ անցցուք։ եւ եդին հաւասա́ր երկրի զմէջ քո, արտաքոյ անցաւորաց քոց։



Chapter: 52  
ԳԼ(ՈՒԽ) Ծ՜Բ.


Verse: 1   Link to sept   Զարթի́ր զարթի́ր սիովն. զգեցի́ր զզօրութի(ւն) քո սիովն. եւ դու զգեցի́ր զփառս քո ե(րուսաղ)էմ քաղաքդ սուրբ։ զի ո́չեւս յաւելցեն անցանել ընդ քեզ պիղծք եւ անթլփատք։

Verse: 2   Link to sept   Թօթափեա́ զփոշիդ, յո́տն կաց եւ նի́ստ ե(րուսաղ)էմ։ լո́յծ զկապ պարանոցի քոյ գերիդ դուստր սիովնի։

Verse: 3   Link to sept   Զի ա́յնպէս ասէ տ(է)ր. ձրի́ վաճառեցայք, եւ ո́չ արծաթով փրկեսջիք։

Verse: 4   Link to sept   Ա́յսպէս ասէ տ(է)ր. յերկի́րն եգիպտացւոց էջ ժողօվուրդ իմ զառաջինն՝ բնակել անդ նժդեհու(թեամ)բ։ եւ յասորեստան բռնու(թեամ)բ վարեցան։

Verse: 5   Link to sept   եւ արդ՝ ընդէ՞ր էք աստ։ Ա́յսպէս ասէ տ(է)ր. զի՞ վարեցաւ ժողովուրդն իմ ձրի. զարմացեա́լ էին եւ լային։ Ա́յսպէս ասէ տ(է)ր. վ(ա)ս(ն) ձե́ր անուն իմ հանապազ հայհոյի ՛ի մէջ հաթանոսաց։

Verse: 6   Link to sept   վ(ա)ս(ն) այնորիկ ծանիցէ́ ժողովուրդ իմ զանուն իմ յաւուր յայնմիկ. թէ ես նո́յն եմ որ խօսէին, եւ արդ եկի հասի́։
Section: 43 

Verse: 7   Link to sept   Իբրեւ զի գեղեցի́կ են ՛ի վ(ե)ր(այ) լերանց ոտք աւետարանչի համբաւուն խա·աղութե(ան), իբրեւ աւետարանչի́ բարու(թ)ե(ան)ց. զի լսելի́ արարից զփրկութի(ւն) քո, ասել ցսիոն թէ թագաւորեսցէ քեզ ա(ստուա)ծ։

Verse: 8   Link to sept   Զի ձայն պահապանաց քոց բարձրացաւ, եւ ՛ի նո́յն բարբառ առհասարա́կ ցնծասցեն. զի դէմ յանդիման տեսցեն զժամանակ յորում ողորմեսցի տ(է)ր սիովնի։

Verse: 9   Link to sept   Լերինք գոչեսցեն աւերակօքն հանդերձ ե(րուսաղէ)մի զցնծութի(ւն). զի ողորմեցա́ւ նմա տ(է)ր, եւ փրկեաց զե(րուսաղէ)մ։

Verse: 10   Link to sept   Եւ յայտնի արասցէ տ(է)ր զբազուկ իւր ս(ուր)բ առաջի ամ(ենայն) ազգաց։ եւ տեսցեն ամ(ենայն) ծագք երկրի զփրկութի(ւն) ա(ստուածո)յ մերոյ։

Verse: 11   Link to sept   ՛Ի բա́ց կացէք, ՛ի բա́ց կացէք. ելէ́ք այտի, եւ ՛ի պիղծս մի́ մերձենայք. ելէք ՛ի միջոյ ն(ո)ց(ա), եւ մեկնեցարո́ւք՝ որ բարձեալ բերէք զսպաս տ(եառ)ն։

Verse: 12   Link to sept   Զի ո́չ խռովութ(եամ)բ ելջիք. եւ ո́չ փախստեամբ գնասջիք. զի առաջի ձեր տ(է)ր ինքնի́ն գնասցէ. եւ որ ժողովէն զձեզ ա(ստուա)ծ ի(սրայէ)լի։
Section: 44 

Verse: 13   Link to sept   Ահաւադիկ ՛ի մի́տ առցէ մանուկ իմ. վերասցի́ եւ բարձրասցի եւ փառաւորեսցի́ յոյժ։

Verse: 14   Link to sept   Զոր օրինակ զարմասցին բազումք ՛ի վ(ե)ր(այ) քո, ա́յնպէս անշքեսցի տեսիլ քո ՛ի մարդկանէ, եւ փառք քո յորդւոց ՛ի մարդկանէ։

Verse: 15   Link to sept   Ա́յնպէս զարմասցին ազգք բազումք ՛ի վ(ե)ր(այ) քո, եւ կարկեսցե́ն թագաւորք զբերանս իւրեանց. զի որոց ո́չ պատմեցաւ վ(ա)ս(ն) ն(ո)ր(ա)՝ տեսցեն, եւ որոց չիցէ́ լուեալ ՛ի մի́տ առցեն։



Chapter: 53  
ԳԼ(ՈՒԽ) Ծ՜Գ.


Verse: 1   Link to sept   Տ(է)ր ո՞ հաւատաց լրոյ մերում, եւ բազուկ տ(եառ)ն ո́ւմ յայտնեցաւ։

Verse: 2   Link to sept   Պատմեցաք առաջի ն(ո)ր(ա) իբրեւ զմանուկ, իբրեւ զարմատ ՛ի ծարաւո́ւտ երկրէ։ ո́չ գոյր ն(ո)ր(ա) տեսիլ՝ եւ ո́չ փառք. տեսա́ք մեք զնա՝ եւ ո́չ գոյր ն(ո)ր(ա) տեսիլ՝ եւ ո́չ գեղեցկութի(ւն)։

Verse: 3   Link to sept   այլ տեսիլ նորա անա́րգ՝ նուազեալ քան զամ(ենայն) որդւոց մարդկան։ Ա́յր մի ՛ի հարուածս, եւ գիտէ համբերել ցաւոց։ զի դարձուցեալ զերեսս իւր անարգեցաւ. եւ ո́չինչ համարեցաւ։

Verse: 4   Link to sept   Նա զմեղս մեր բառնայ՝ եւ վ(ա)ս(ն) մեր չարչարի́. եւ մեք համարեցաք զնա ՛ի ցաւս եւ ՛ի հարուածս եւ ՛ի չարչարանս իբրեւ յա(ստուածո)յ։

Verse: 5   Link to sept   Բայց նա վիրաւորեցա́ւ վ(ա)ս(ն) մեղաց մերոց, եւ պատժեցա́ւ վ(ա)ս(ն) մերոց անօրէնու(թ)ե(ան)ց. խրատ խաղաղութե(ան) մերոյ ՛ի նմա, եւ ն(ո)ր(ա) վիրօրքն բժշկեցաք։

Verse: 6   Link to sept   Ամենեքեան իբրեւ ոչխարք մոլորեալք. այր ՛ի ճանապարհի իւրում մոլորեցաւ, եւ տ(է)ր մատնեաց զնա առ մեղս մեր։

Verse: 7   Link to sept   եւ նա առ վշտին ո́չ բանայ զբերան իւր։ Իբրեւ ոչխա́ր ՛ի սպանդ վարեցաւ. իբրեւ որոջ առաջի կտրչի անմռունչ կայ. այնպէս ո́չ բանայ զբերան իւր։

Verse: 8   Link to sept   Առ խոնարհութե(ան) ն(ո)ր(ա) դատաստան ն(ո)ր(ա) բարձաւ. եւ զազգատոհմն նորա ո՞ պատմեսցէ. զի բառնան յերկրէ կեանք ն(ո)ր(ա). յանօրէնութե(ան)ց ժողովրդեան իմոյ ՛ի մա́հ վարեցաւ։

Verse: 9   Link to sept   Եւ տաց զչարս փոխանակ գերեզմանի ն(ո)ր(ա). եւ զմեծամեծս փոխանակ մահու ն(ո)ր(ա). զի անօրէնութի(ւն) ո́չ գործեաց, եւ ո́չ գտաւ նենգու(թ)ի(ւն) ՛ի բերան ն(ո)ր(ա)։

Verse: 10   Link to sept   եւ տ(է)ր կամի սրբե́լ զնա ՛ի վիրաց անտի։ Եթէ տաջիք զվ(ա)ս(ն) մեղացն, անձինք ձեր տեսցեն զզաւակ երկայնակեաց։ եւ կամի տ(է)ր ՛ի ձեռս ն(ո)ր(ա) բառնալ ՛ի ցաւոց անձին նորա։

Verse: 11   Link to sept   ցուցանել նմա լոյս՝ եւ ստեղծուլ իմաստու(թեամ)բ։ արդարացուցանել զարդարն՝ որ մտադեւրն ծառայեաց բազմաց, եւ զմեղս ն(ո)ց(ա) նա́ վերացուսցէ։

Verse: 12   Link to sept   Վ(ա)ս(ն) այնորիկ նա́ ժառանգեսցէ զբազումս, եւ զաւար հզօրաց բաշխեսցէ. փոխանակ զի ՛ի մա́հ մատնեցաւ անձն ն(ո)ր(ա), եւ ընդ անօրէնս համարեցաւ։ եւ նա զմեղս բազմաց վերացո́յց՝ եւ վ(ա)ս(ն) անօրէնու(թ)ե(ան)ց ն(ո)ց(ա) մատնեցաւ։



Chapter: 54  
ԳԼ(ՈՒԽ) Ծ՜Դ.


Section: 45 

Verse: 1   Link to sept   Ուրա́խ լեր ամուլ որ ո́չ ծնանէիր. գոչեա́ եւ աղաղակեա́ որ ո́չդ երկնէիր. զի բազում են որդիք սկնդկիդ՝ առաւե́լ քան զարամբւոյն։ Քանզի ասաց տ(է)ր։

Verse: 2   Link to sept   ընդարձակեա́ զտեղի խորանաց քոց, եւ զսրահից քոց. կանգնեա́, եւ մի́ խնայեար. երկայնեա́ զապաւանդակս քո. հաստատեա́ զցիցս քո։

Verse: 3   Link to sept   յաջ եւ յահեակ թռուսջիր, եւ զաւակ քո զհեթանոսս ժառանգեսցէ։ եւ զքաղաքս աւերեալս շինեսցես։

Verse: 4   Link to sept   Մի́ երկնշիցիս զի յամօթ արարին զքեզ. մի́ պատկառեսցես զի նախատեցին զքեզ. զի զամօթն յաւիտենից մոռասցիս, եւ նախատինք այրու(թ)ե(ան) քոյ ո́չ եւս յուշ լիցին քեզ։

Verse: 5   Link to sept   Զի տ(է)ր է որ առնէ քեզ զայդ. տ(է)ր սաբաւովթ անուն է ն(ո)ր(ա). եւ որ փրկեացն զքեզ նո́յն ա(ստուա)ծ ի(սրայէ)լի ամ(ենայն) երկրի կոչեսցի։

Verse: 6   Link to sept   Ո́չ եթէ իբրեւ զկին մի լքեալ տարակուսեալ կոչեաց զքեզ տ(է)ր. եւ ո́չ իբրեւ զկին մի ատեցեալ ՛ի մանկու(թեն)է։ այլ ասա́ց ա(ստուա)ծ,

Verse: 7   Link to sept   առ ժամանակ մի թողի զքեզ, եւ ողորմու(թեամ)բ մեծաւ ողորմեցայց քեզ։

Verse: 8   Link to sept   առ փոքր մի սրտմտու(թ)ե(ան) դարձուցի զերեսս իմ ՛ի քէն, եւ ողորմու(թեամ)բ յաւիտենից ողորմեցայց քեզ. ասա́ց որ փրկեացն զքեզ տ(է)ր։

Verse: 9   Link to sept   Եւ ՛ի ջուրցն հեղեղէ առ նոյիւ՝ այս է ինձ, եւ ո(ր)պ(էս) երդուայն նմա ՛ի ժամանակին յայնմիկ չբարկանա́լ երկրի, նո́յնպէս եւ ո́չ քեզ։

Verse: 10   Link to sept   եւ ո́չ ապառնալեօք իմովք շարժել զլերինս, եւ փոփոխել զբլուրս. ո́չ ողորմութի(ւն) իմ պակասեսցէ ՛ի քէն, եւ ո́չ ուխտ խաղաղութե(ան) քոյ անցցէ։ Ասա́ց տ(է)ր։

Verse: 11   Link to sept   Հաշտեա́լեմ ընդ քեզ տառապեալդ եւ խախտեալ, մինչեւ մխիթարեսցիս։ ահաւասիկ պատրաստեալ եմ կարկեհան զքարինս քո, եւ զհիմունս քո շափիղայ։

Verse: 12   Link to sept   եւ կանգնեցից զաշտարակս քո յասպիս, եւ զդրունս քո յականց վանեայց. եւ ածից շուրջ զքեւ պարիսպ յընտիր ականց պատուականաց։

Verse: 13   Link to sept   եւ զամ(ենայն) որդիս քո փրկեալս յա(ստուածո)յ, եւ ՛ի բազում խաղաղու(թ)ե(ան) մանկունք քո։

Verse: 14   Link to sept   եւ արդարու(թեամ)բ շինեսջիր։ ՛Ի բա́ց լեր յանիրաւէ անտի, եւ ո́չ երկիցես. եւ դողումն ՛ի քեզ ո́չ մերձեսցի։

Verse: 15   Link to sept   զի ահաւասիկ եկք՝ առ քեզ վասն իմ մերձեսցին. եւ առ քեզ պանդխտեսցին, եւ զքե́զ ապաստան արասցեն։

Verse: 16   Link to sept   Ահաւասիկ՝ եւ հաստատեցի զքեզ. ո́չ ո(ր)պ(էս) դարբին մի որ փքովք կայծակունս արծարծանէ եւ յառաջ բերէ անօթս ՛ի գործ, այլ ես հաստատեցի զքեզ ո́չ ՛ի կորուստ ապականու(թ)ե(ան)։

Verse: 17   Link to sept   Ամենայն անօթ վնասակար ՛ի քեզ ո́չ աջողեսցի. եւ զամ(ենայն) բարբառ որ յարիցէ ՛ի վերայ քո ՛ի դատաստան, պարտեսցե́ս. եւ ամ(ենայն) դատախաղք քո ՛ի նմին։ Զի գո́յ ժառանգու(թ)ի(ւն) պաշտօնէից տ(եառ)ն. եւ դուք եղիցիք ինձ իրաւացիք ասէ տ(է)ր։



Chapter: 55  
ԳԼ(ՈՒԽ) Ծ՜Ե.


Verse: 1   Link to sept   Ո́ որ ծարաւիդ էք՝ երթա́յք ՛ի ջուր. եւ որ միանգամ ո́չ ունիք արծաթ, երթա́յք գնեցէ́ք. եւ կերիջի́ք առանց արծաթոյ՝ եւ գնոց գինւոյ։

Verse: 2   Link to sept   եւ զճարպ բնաւ ընդէ՞ր իսկ գնէք արծաթոյ՝ եւ ոչ հացի. եւ զվաստակս ձեր ո́չ ՛ի յագուրդ։ Լուարո́ւք ինձ՝ եւ կերիջի́ք զբաբու(թ)ի(ւն)ս. եւ վայելեսցեն ՛ի բարու(թ)ե(ան) անձինք մեր։

Verse: 3   Link to sept   ոենկնդիր լերուք լսելեօք ձերովք՝ զհե́տ եկայք ճանապարհաց իմոց։ Լուարո́ւք ինձ, եւ կեցցեն ՛ի բարու(թ)ե(ան) անձինք ձեր։ եւ եդից ընդ ձեզ ո́ւխտ յաւիտենական զսրբութի(ւն)սն դաւթի զհաւատարիմս։

Verse: 4   Link to sept   Ահաւասիկ ՛ի վկայու(թ)ի(ւն) հեթանոսաց ետու զնա. իշխա́ն եւ հրամանատար ազգաց։

Verse: 5   Link to sept   ազգք որ ո́չ գիտիցեն, կարդասցե́ն առ քեզ. եւ ժողովուրդք որ զքեզ ո́չ ճանաչէին՝ ապաստա́ն արասցեն զքեզ. վ(ա)ս(ն) տ(եառ)ն ա(ստուածո)յ քո սրբոյն ի(սրայէ)լի. զի փառաւո́ր արար զքեզ։

Verse: 6   Link to sept   Խնդրեցէ́ք զտ(է)ր. եւ յորժամ գտանիցէք զնա, կարդացէ́ք առ նա։ եւ իբրեւ մերձեսցի առ ձեզ,

Verse: 7   Link to sept   թողցէ́ ամպարիշտն զճանապարհս իւր, եւ այր անօրէն զխորհուրդս իւր։ եւ դարձցի́ առ տ(է)ր եւ գտէ զողորմութի(ւն). եւ առ ա(ստուա)ծ մեր՝ զի բազմապատիկ թողցէ զանօրէնութի(ւն)ս ձեր։

Verse: 8   Link to sept   Զի ո́չ են խորհուրդք իմ իբրեւ զխորհուրդս ձեր, եւ ո́չ ճանապարհք իմ իբրեւ զճանապարհս ձեր՝ ասէ տ(է)ր։

Verse: 9   Link to sept   Այլ ո(ր)պ(էս) հեռի́ են երկինք յերկրէ. ա́յնպէս հեռի́ են ճանապարհք իմ ՛ի ճանապարհաց ձերոց, եւ խորհուրդք իմ ՛ի խորհրդոց ձերոց։

Verse: 10   Link to sept   Զոր օրինակ եթէ իջանիցէ անձրեւ կամ ձիւն յերկնից, եւ անդրէն ո́չ դառնայ մինչեւ արբուսցէ զերկիր, ծնցի եւ բղխեսցէ. եւ տացէ սերմն սերմանողի՝ եւ հաց ՛ի կերակուր։

Verse: 11   Link to sept   Ա́յնպէս եղիցի բանն իմ, որ ելանէ ՛ի բերանոյ իմմէ. մի́ դարձցի դատարկ՝ մինչեւ կատարեսցէ զորինչ կամիցիմ. եւ դիւրեցից զճանապարհս քո, եւ զճանապարհս իմ պահեսցե́ս։

Verse: 12   Link to sept   Զի ուրախու(թեամ)բ ելջիք, եւ ցնծու(թեամ)բ ուսանիջիք։ զի լերինք եւ բլուրք կայառեսցե́ն ընդունել ուրախութ(եամ)բ. եւ ամ(ենայն) ծառք անտառի ծա́փս հարցեն ոստօք իւրեանց։

Verse: 13   Link to sept   Եւ փոխանակ ցրդւոյն նո́ճ բուսցի, եւ փոխանակ դժնկին՝ մո́ւրտ ելցէ. եւ եղիցի տ(եառ)ն յանուն եւ ՛ի նշա́ն յաւիտենից, եւ մի́ պակասեսցէ։



Chapter: 56  
ԳԼ(ՈՒԽ) Ծ՜Զ.


Verse: 1   Link to sept   Ա́յսպէս ասէ տ(է)ր, զգո́յշ կացէք իրաւանց՝ եւ գործեցէ́ք զարդարու(թ)ի(ւն). զի եկեալ հասեալ է փրկութի(ւն) իմ, եւ յայտնելո́ց է ողորմութի(ւն) իմ։

Verse: 2   Link to sept   Երանի́ առն որ առնիցէ զայն, եւ մարդոյ որ կայցէ ՛ի նմին. եւ պահիցէ զշաբաթս իմ եւ ո́չ պղծիցէ, եւ պահիցէ զձեռս իւր յառնելոյ զանիրաւու(թ)ի(ւն)։

Verse: 3   Link to sept   Մի́ ասիցէ օտարազգին որ եկեալ յեցեալ իցէ ՛ի տ(է)ր, եթէ մերժելով մերժէ զիս տ(է)ր ՛ի ժողովրդենէ իւրմէ. եւ մի́ ասիցէ ներքինին՝ թէ ե́ս եմ փայտ չոր։

Verse: 4   Link to sept   Ա́յսպէս ասէ տ(է)ր ցներքինիսն որ պահիցեն զպահպանութի(ւն)ս իմ, եւ ընտրեսցեն զոր կամիմ, եւ կայցեն յուխտին իմում։

Verse: 5   Link to sept   տա́ց ն(ո)ց(ա) ՛ի տա́ն իմում, եւ ընդ յարկաւ իմով տեղի́ անուանի, առաւե́լ քան զուստերաց եւ զդստերաց. եւ անուն յաւիտենակա́ն տաց ն(ո)ց(ա)՝ եւ մի́ պակասեսցէ։

Verse: 6   Link to sept   Եւ զայլազգիսն որ եկեալ յեցեալ իցեն ՛ի տ(է)ր՝ ծառայել նմա, եւ սիրել զանուն ն(ո)ր(ա), լինե́լ նմա ՛ի ծատՋԶ̣այս եւ յաղախնայս. եւ զամ(ենայն) ոյք պահիցեն զշաբաթս իմ՝ եւ ո́չ պղծիցեն, եւ կայցեն յուխտին իմում։

Verse: 7   Link to sept   Տարա́յց զն(ո)ս(ա) ՛ի լեառն սրբութե(ան) իմոյ. եւ ուրա́խ արարից զն(ո)ս(ա) ՛ի տան աղօթից իմոց։ ողջակէզք ն(ո)ց(ա) եւ պատարագք ն(ո)ց(ա) ընդունելի́ եղիցին ՛ի վ(ե)ր(այ) սեղանոյ իմոյ։ զի տուն իմ տո́ւն աղօթից կոչեսցի ամ(ենայն) հեթանոսաց։

Verse: 8   Link to sept   Ասաց տ(է)ր տ(է)ր, որ ժողովէ զցրուեալսն ի(սրայէ)լի, եթէ ժողովեցից ՛ի վ(ե)ր(այ) ն(ո)ր(ա) ժողովս ամ(ենայն) գազանաց անապատի։

Verse: 9   Link to sept   Եկա́յք կերա́յք ամ(ենայն) գազանք անապատի։

Verse: 10   Link to sept   Տեսէ́ք զի կուրացան ամենեքին, եւ ո́չ գիտեն զհանճար. ամենեքին իբրեւ շունք համրացեալք որ ո́չ կարիցեն հաջել։ յերազանան յանկողինս իւրեանց. սիրեն զնիրհել։

Verse: 11   Link to sept   Իբրեւ շո́ւնք լիրբք եղեն յանձինս իւրեանց՝ որ ո́չ գիտեն զյադուրդ. եւ են չարք՝ եւ ո́չ ճանաչեն զհանճար։ ամենեքին ըստ իւրաքանչիւր ճանապարհաց իւրեանց գնացին*։

Verse: 12   Link to sept   Եկա́յք առցո́ւք գինի, եւ գինեհարեսցո́ւք արբեցութ(եամ)բ. եւ եղիցի այնպիսի օրն մեզ զո́հ մեծ առաւել յոյժ։



Chapter: 57  
ԳԼ(ՈՒԽ) Ծ՜Է.


Verse: 1   Link to sept   Տեսէ՞ք զիարդ կորեաւ արդարն, եւ չիք ոք որ անսայ սրտիւ. եւ արք արդարք բառնան, եւ ո́չոք հայի. զի յերեսաց անիրաւութե(ան) բառնայ արդար։

Verse: 2   Link to sept   Եղիցի խաղաղութ(եա́մ)բ գերեզման նորա, զի բարձաւ ՛ի միջւոյ։

Verse: 3   Link to sept   Բայց մատի́ք յառաջ՝ որդիք անօրէնք. որդիք պոռնկորդիք. որդիք շնութե(ան)։

Verse: 4   Link to sept   ի՞ւ պերճացարուք, կամ յո՞յր վ(ե)ր(այ) բացէք զբերանս ձեր, կամ առ ո՞ արձակեցէք զլեզուս ձեր. ո՞չ դուք որդիք կորստեան էք՝ զաւակ անօրէնութե(ան)։

Verse: 5   Link to sept   որ անկեալ աղաչէիք զկուռսն ձեր ՛ի ներքոյ անտառախիտ ծառոց. զոհէիք զուստերս ձեր ՛ի խորաձորս ՛ի մէջ գլխոց վիմաց,

Verse: 6   Link to sept   եւ ՛ի կողմանս ձորոցն։ Ա́յն է բաժին քո՝ եւ նոյն վիճակ քո. նոցա́ հեղեր նուէրս, եւ նոցին մատուցեր զոհս։ ՛ի վ(ե)ր(այ) այսր ամ(ենայն)ի ո՞չ բարկանայցեմ ասէ տ(է)ր։

Verse: 7   Link to sept   ՛Ի լերինն մեծի եւ բարձու՝ անդ է անկողին քո. եւ անդր ելեր զոհել զոհս։

Verse: 8   Link to sept   եւ յետոյ դրանդեաց դրանց քոց հաստատեցեր զյիշատակս քո։ կարծէիր եթէ յինէն ՛ի բաց կայցես՝ աւելի́ ինչ գտանիցես։ Լայնեցեր զանկողինս քո, եւ տարածեցեր զքեզ առ նոքօք. սիրեցեր զհոմանիս քո,

Verse: 9   Link to sept   եւ բազմացուցեր զպոռնկութի(ւն)ս քո առ ն(ո)ս(ա)։ եւ բազումս ՛ի հեռաւորաց արարեր քեզ, եւ առաքեցեր զհրեշտակս արտաքոյ սահմանաց քոց։ Նկո́ւն եղեր եւ իջեր ՛ի դժոխս։

Verse: 10   Link to sept   աշխատեցար ՛ի բազում ճանապարհորդու(թ)ի(ւն)ս քո. եւ ո́չ ասէիր թէ արդ հանգեայց, զի զայն առ ուժի գործէիր. վասն այնորիկ ո́չ հնազանդեցար ինձ։

Verse: 11   Link to sept   Յումէ՞ զանգիտեալ զարհուրեցար. զի ստեցեր ինձ՝ եւ ո́չ յիշեցեր զիս՝ եւ ո́չ ածեր զմտաւ՝ եւ ո́չ եդիր ՛ի սրտի քում։ եւ ես տեսի զքեզ՝ եւ անտե́ս արարի։Ես ա́յն եմ որ յաւիտենիցն եմ, եւ դու յինէն ո́չ զանգիտեցեր։

Verse: 12   Link to sept   Արդ ես պատմեցից զարդարու(թ)ի(ւն) իմ՝ եւ զչարիսն քո, որք ո́չ օգնեսցեն քեզ

Verse: 13   Link to sept   յորժամ աղաղակիցես. եւ ո́չ ապրեցուսցեն զքեզ ՛ի նեղութ(են)է քումմէ. զի զամենեսեան զն(ո)ս(ա) հո́ղմք առցեն եւ մրրի́կք բաժանեսցեն։ Իսկ որ յիսն յուսացեալ են՝ ստասցին զերկիր, եւ ժառանգեսցեն զլեառն սրբու(թ)ե(ան) իմոյ։

Verse: 14   Link to sept   եւ ասասցեն. հորդեցէ́ք առաջի ն(ո)ր(ա) զճանապարհս, եւ ՛ի բա́ց արարէք զխոչ եւ զխութ ՛ի ճանապարհէ ժողովրդեան իմոյ։

Verse: 15   Link to sept   Ա́յսպէս ասէ բարձրեալն՝ որ ՛ի բարձունս բնակեալ է յաւիտեան, ս(ուր)բն ՛ի մէջ սրբոց. որոյ անունն բարձրեալ է՝ եւ ՛ի սուրբս հանգուցեալ. որ տա́յ երկայնմտութի(ւն) տարակուսելոց, եւ կեանս այնոցիկ՝ որ մաշեալ են սրտիւք։

Verse: 16   Link to sept   եւ ո́չ յաւիտեան խնդրեցից վրէժս ՛ի ձէնջ, եւ ո́չ ցանդ բարկացայց ձեզ. զի հոգի յինէն ելցէ, եւ զամ(ենայն) շունչ ես արարի։

Verse: 17   Link to sept   Վ(ա)ս(ն) մեղաց առ սակաւ մի տրտմեցուցի́ զնա. հարի́ զնա՝ եւ դարձուցի զերեսս իմ ՛ի նմանէ. եւ տրտմեցաւ եւ գնաց թախծեալ առաջի իմ զճանապարհս իւր։

Verse: 18   Link to sept   Զճանապարհս սրտի ն(ո)ր(ա) տեսի, եւ բժշկեցի զնա. մխիթարեցի զնա, եւ ետո́ւ նմա մխիթարութի(ւն) ճշմարտութե(ան). եւ սգաւորաց ն(ո)ր(ա)

Verse: 19   Link to sept   հաստատեցի́ պտուղ։ խաղաղութի(ւն) ՛ի վ(ե)ր(այ) խաղաղու(թ)ե(ան)՝ հեռաւորաց եւ մերձաւորաց, ասէ տ(է)ր։ եւ ես բժշկեցի́ց զն(ո)ս(ա)։

Verse: 20   Link to sept   Այլ անօրէնք իբրեւ զծո́վ ծփեսցին, եւ հանգիստ մի́ գտցեն. եւ կորիցէ ջուր ն(ո)ր(ա) ՛ի կոխո́ւմն եւ ՛ի կաւ։

Verse: 21   Link to sept   Ո́չ գոյ խաղաղութի(ւն) ամպարշտաց՝ ասէ տ(է)ր։



Chapter: 58  
ԳԼ(ՈՒԽ) Ծ՜Ը.


Verse: 1   Link to sept   Գոչեա́ զօրութ(եամ)բ, եւ մի́ խնայեար. բարձրացո́ իբրեւ զփողոյ զբարբառ քո. պատմեա́ ժողովրդեան իմում զմեղս ն(ո)ց(ա), եւ տանն յակովբայ զանօրէնութի(ւն)ս ն(ո)ց(ա)։

Verse: 2   Link to sept   Զիս օր ըստ օրէ խնդրեն՝ եւ ճանաչել զճանապարհս իմ ցանկան, իբրեւ ժողովրդեան որոյ զարդարու(թ)ի́(ւն) գործեալ իցէ, եւ զիրաւունս ա(ստուածո)յ իւրոյ չիցէ́ թողեալ. արդ եկեալ խնդրեն զիրաւունս արդարու(թ)ե(ան)։ Կարօտին մերձենա́լ առ ա(ստուա)ծ,

Verse: 3   Link to sept   եւ ասեն. զի՞ է զի պահեցաք մեք՝ եւ դու ո́չ տեսեր. խոնարհեցուցաք զանձինս մեր՝ եւ դու ո́չ գիտացեր։ Զի յաւուրս պահոց ձերոց գտանին կամք ձեր կատարեալ. եւ կսկծեցուցանէք զամենեսեան որ ընդ ձեռամբ ձերով են։

Verse: 4   Link to sept   ՛Ի հակառակութի(ւն)ս եւ ՛ի կռի́ւս պահէք, եւ կռփէք զանաւագն. իսկ զի՞նչ պիտոյ է ինձ այնպիսւոյ աւուր պահք. գալ բողոքել ձեր առիս, եւ ինձ ո́չ լսել ձեզ։

Verse: 5   Link to sept   ո́չ զայդպիսի պահս ընտրեցի, եւ ո́չ զօրն յորում կարկամեցուցանէ մարդ զանձն իւր։ Զի եթէ կորացուսցես իբրեւ զանուր զպարանոց քո, եւ քուրձ եւ մոխիր ՛ի ներքոյ տարածանիցես. սակայն եւ ո́չ զայն կոչեցի պահս՝ եւ օր ընդունելի·

Verse: 6   Link to sept   ո́չ զայնպիսի պահս ընտրեցի՝ ասէ տ(է)ր։ Այլ լո́յծ զկնճիռն անիրաւութե(ան). քակեա́ զխարդախու(թ)ի(ւն) բռնու(թ)ե(ան) վաճառաց քոց։ արձակեա́ զնեղեալս թողու(թեամ)բ, եւ զամ(ենայն) մուրհակս անիրաւու(թ)ե(ան) պատառեա́։

Verse: 7   Link to sept   Բրդեա́ քաղցելոց զհաց քո, եւ զաղքատս անյարկս տա́ր ՛ի տուն քո. եթէ տեսանիցես զմերկս՝ զգեցուցանիջի́ր, եւ յընտանեաց զաւակի քոյ՝ զակն մի́ արկանիցես։

Verse: 8   Link to sept   Յայնժամ ծաւալեսցի կանուխ լոյս քո, եւ բժշկու(թ)ի́(ւն) քեզ վաղվաղակի հասցէ. եւ գնասցէ առաջի քո արդարու(թ)ի(ւն) քո, եւ փա́ռքն ա(ստուածո)յ զքեւ փակեսցին։

Verse: 9   Link to sept   Յայնժամ կարդասցես, եւ ա(ստուա)ծ լուիցէ քեզ. եւ մինչդեռ խօսիցիս, ասասցէ թէ ահաւասիկ հասեալ կամ։ Եւ եթէ մերժեսցես դու ՛ի քէն զկնճիռն եւ զձեռնարձակու(թ)ի(ւն)՝ եւ զբանս տրտնջման.

Verse: 10   Link to sept   եւ տացե́ս քաղցելոց զհաց քո սրտի մտօք, եւ զանձինս կարօտեալս յագեցուցես։ Յա́յնժամ ծագեսցէ ՛ի խաւարի լոյս քո, եւ խաւարն քո իբրեւ զմիջօրեայ։

Verse: 11   Link to sept   եւ եղիցի ա(ստուա)ծ քո ընդ քե́զ յամ(ենայն) ժամ. եւ լցցի́ ը(նդ) ցանկութե(ան) անձին քո, եւ ոսկերք քո պարարեսցին. եւ եղիցես իբրեւ զպարտէզ ջրալից, եւ իբրեւ զաղբեւր ուստի ջուր ո́չ պակասեսցէ։

Verse: 12   Link to sept   Եւ շինեսցին աւերակք քո յաւիտենից, եւ եղիցին հիմունք քո մշտնջենաւորք ազգաց յազգս. կանգնեսջիր եւ կոչեսջիր խրամակարկատ ցանգոյ. եւ զընդմիջնաշաւիղս նոցա դադարեցուսցե́ս։

Verse: 13   Link to sept   Եթէ դարձուսցես զոտն քո չառնե́լ զկամս քո յաւուրն սրբու(թ)ե(ան). եւ կոչեսցեն զշաբաթսն փափուկս նուիրեալս ա(ստուածո)յ, եւ փապաւորեալս։ եւ ո́չ փոխեսցես զոտն քո ՛ի գործ, եւ ո́չ խօսեսցիս բա́ն ինչ բարկու(թ)ե(ան) բերանով քով.

Verse: 14   Link to sept   եւ եղիցես յուսացեալ ՛ի տ(է)ր։ Եւ տարցի զքեզ ՛ի բարութի(ւն)ս երկրին, եւ ջամբեսցէ քեզ զժառանգու(թ)ի(ւն) յակովբայ հօր քոյ. զի բերան տ(եառ)ն խօսեցաւ զայս։



Chapter: 59  
ԳԼ(ՈՒԽ) Ծ՜Թ.


Verse: 1   Link to sept   Միթէ ո՞չ իցէ կարօղ ձեռն տ(եառ)ն փրկել. կամ ծանրացո́յց ինչ զունկն իւր՝ զի մի՞ լուիցէ։

Verse: 2   Link to sept   այլ մեղք ձեր որոշեն ՛ի մէջ ձեր՝ եւ ՛ի մէջ ա(ստուածո)յ։ եւ վ(ա)ս(ն) անօրէնութե(ան)ց ձերոց դարձոյց զերեսս իւր ՛ի ձէնջ՝ զի մի́ ողորմեսցի։

Verse: 3   Link to sept   Զի ձեռք ձեր պղծեալ են արեամբ. եւ մատունք ձեր ՛ի մե́ղս։ շրթունք ձեր խօսեցան զանօրէնութի(ւն), եւ լեզուք ձեր խոկա́ն զանիրաւութի(ւն)։

Verse: 4   Link to sept   Չի́ք ոք որ խօսի զարդարու(թ)ի(ւն), եւ ո́չ գոն իրաւունք ճշմարտութե(ան)։ յուսացեա́լ են ՛ի սնոտիս, եւ խօսին զունայնութի(ւն). զի յղանան զցաւս, եւ ծնանին զանօրէնութի(ւն)։

Verse: 5   Link to sept   Զձուս քարբից ծակեցին, եւ զոստայնս սարդից անկանէին. եւ որ կամիցի ուտե́լ ՛ի ն(ո)ց(ա)նէն, ծակեա́ց բա́ց՝ եւ եգիտ ջուր, եւ ՛ի նմին քա́րբ։

Verse: 6   Link to sept   Ոստայնք ն(ո)ց(ա) ո́չ ձորձեսցին, եւ ո́չ զգեցցին ՛ի գործոց ձեռաց իւրեանց. քանզի գործք ն(ո)ց(ա) գո́րծք անօրէնու(թ)ե(ան) են, եւ գործք անօրէնու(թ)ե(ան) ՛ի ձեռս ն(ո)ց(ա)։

Verse: 7   Link to sept   Ոտք ն(ո)ց(ա) ՛ի չարիս ընթանան, վաղվաղեն հեղուլ զարիւն անպարտ։ խորհուրդք ն(ո)ց(ա)՝ խորհուրդք անզգամաց. բեկումն եւ թշուառութի(ւն) ՛ի ճանապարհս ն(ո)ց(ա)։

Verse: 8   Link to sept   եւ զճանապարհս խաղաղու(թ)ե(ան) ո́չ ծանեան, եւ ո́չ գոն իրաւունք ՛ի ճանապարհս ն(ո)ց(ա). զի շաւիղք ն(ո)ց(ա) ընդ որ գնան խոտորեալք են, եւ ո́չ ծանեան զխաղաղութի(ւն)։

Verse: 9   Link to sept   Վ(ա)ս(ն) այնորիկ հեռացա́ն ՛ի նոցանէ իրաւունք, եւ մի́ հասցէ առ ն(ո)ս(ա) արդարութի(ւն)։ մինչդեռ ա́կնունէին լուսոյ՝ եղեւ ն(ո)ց(ա) խաւար. եւ մինչդեռ սպասէին նմա, ընդ մո́ւթ շրջեցան։

Verse: 10   Link to sept   շօշափեսցեն զորմս իբրեւ կոյրք, եւ իբրեւ զաչացո́ւ խարխափեսցեն։ եւ գլորեսցին ՛ի միջօրէի իբրեւ ՛ի հասարակ գիշերի։ եւ իբրեւ օրհասականք ընդ ոգիս ջանա́յցեն։

Verse: 11   Link to sept   եւ իբրեւ զարջ եւ իբրեւ զաղաւնիս առհասարա́կ սահեսցին։ Կացա́ք մնացաք իրաւանց՝ եւ ո́չ էր. փրկու(թ)ե(ան)՝ եւ հեռացաւ ՛ի մէնջ։

Verse: 12   Link to sept   Զի բազո́ւմ են անօրէնու(թ)ի(ւն)ք մեր առաջի քո, եւ մեղք մեր հակառա́կ կացին մեզ. զի անօրէնութի(ւն)ք մեր ՛ի մե́զ են, եւ զանիրաւութի(ւն)ս մեր՝ մեք մեզէ́ն գիտեմք։

Verse: 13   Link to sept   Ամպարշտեցաք եւ ստեցաք տ(եառ)ն, եւ դարձա́ք յետս յա(ստուածո)յ մերմէ։ խօսեցաք զանիրաւու(թ)ի(ւն)՝ եւ հեստեցաք։ յղացաք՝ եւ որոճացաք ՛ի սիրտս մեր զբանս անիրաւու(թ)ե(ան)։

Verse: 14   Link to sept   յե́տս հարաք զիրաւունս, եւ արդարու(թ)ի(ւն) հեռացա́ւ ՛ի մէնջ։ Զի սպառեցաւ ՛ի ճանապարհաց ն(ո)ց(ա) ճշմարտութի(ւն), եւ ընդ ուղորդն ո́չ կարացին գնալ։

Verse: 15   Link to sept   եւ արդարու(թ)ի(ւն) բարձա́ւ ՛ի նոցանէ. մերժեցին զսիրտս իւրեանց յիմանալոյ։ Ետե́ս տ(է)ր՝ եւ ո́չ հաճեցաւ, զի ո́չ գոյին իրաւունք։

Verse: 16   Link to sept   հայեցաւ՝ եւ ո́չ գոյր մարդ. ետես՝ եւ ո́չ գոյր որ օգնական լինէր։ եւ հատոյց ն(ո)ց(ա) բազկաւ իւրով, եւ ըստ ողորմութե(ան) իւրում հաստատեաց։

Verse: 17   Link to sept   Եւ զգեցաւ իբրեւ զրա́հս զարդարութի(ւն). եւ ե́դ ՛ի գլուխ իւր իբրեւ զսաղաւարտ զփրկու(թ)ի(ւն), եւ արկաւ զիւրեւ հանդերձ եւ պատմուճան վրէժխնդրու(թ)ե(ան)՝ հատուցանել զհատուցումն.

Verse: 18   Link to sept   եւ նախատինս հակառակորդաց* եւ կղզեաց հատուսցէ զհատուցումն։

Verse: 19   Link to sept   Եւ երկիցեն յարեւմուտս յանուանէ տ(եառ)ն, եւ յարեւելս ՛ի փառաւորեալ անուանէ ն(ո)ր(ա)։ զի եկեսցէ իբրեւ զգետ բռնութ(եամ)բ բարկու(թ)ի(ւն) ՛ի տ(եառ)նէ. հասցէ́ սրտմտութ(եամ)բ։

Verse: 20   Link to sept   Եկեսցէ ՛ի սիովնէ փրկիչ, եւ դարձուսցէ զամպարշտութի(ւն)ս յակովբայ՝ ասէ տ(է)ր։

Verse: 21   Link to sept   եւ ա́յս ն(ո)ց(ա) որ յինէն ուխտ՝ ասէ տ(է)ր։ հոգին իմ որ է ՛ի քեզ, եւ բանք զոր ետու ՛ի բերան քո, մի́ պակասեսցէ ՛ի բերանոյ քումմէ, եւ ՛ի բերանոյ զաւակի քոյ. եւ ՛ի բերանոյ զաւակէ զաւակի́ քոյ՝ ասէ տ(է)ր, յայսմհետէ մինչեւ յաւիտեան։



Chapter: 60  
ԳԼ(ՈՒԽ) Կ՜.


Verse: 1   Link to sept   Լուսաւորեա́ց՝ լուսաւորեա́ց ե(րուսաղ)էմ, զի հասեալ է լոյս քո, եւ փառք տ(եառ)ն ՛ի վ(ե)ր(այ) քո ծագեսցեն։

Verse: 2   Link to sept   Զի ահա խաւա́ր ծածկեաց զերկիր, եւ մառախուղ զհեթանոսս. բայց ՛ի քեզ տ(է́)ր յայտնեսցի, եւ փառք ն(ո)ր(ա) ՛ի քե́զ երեւեսցին։

Verse: 3   Link to sept   Եւ գնասցեն թագաւորք ՛ի լոյս քո, եւ հեթանոսք ՛ի ծագել լուսոյ քոյ։

Verse: 4   Link to sept   համբա́րձ շուրջ զքեւ զաչս քո, եւ տե́ս ժողովեալ առ քեզ զամ(ենայն) մանկունս քո. զի եկին հասին ՛ի հեռաստանէ որդիք քո, եւ դստերք քո ՛ի վ(ե)ր(այ) ուսոց ն(ո)ց(ա) բարձեալ բերիցին։

Verse: 5   Link to sept   Յա́յնժամ տեսցես՝ եւ խնդասցես. երկիցե́ս եւ զարհուրեսցիս ՛ի սրտի քում. զի փոխեսցի ՛ի քեզ մեծութի(ւն) ծովու, եւ ազգաց՝ եւ ժողովրդոց։

Verse: 6   Link to sept   Եկեսցեն ՛ի քեզ երամակք ուղտուց, եւ ծածկեսցեն զքեզ ուղտերամակքն մադիամու եւ գեփայ։ ամենեքեան ՛ի սաբա́յ եկեսցեն, բերել ոսկի́ եւ կնդրուկ՝ եւ ականս պատուականս. եւ զփրկութե(ան) տ(եառ)ն առցեն զաւետիս։

Verse: 7   Link to sept   Եւ ամ(ենայն) խաշինքն կեդարու ժողովեսցին առ քեզ, եւ խոյքն նաբէովթայ ածցին եւ մատուսցին ընդունելի պատարագ ՛ի վ(ե)ր(այ) սեղանոյ իմոյ. եւ տուն աղօթից իմոց փառաւորեսցի́։

Verse: 8   Link to sept   Ո՞վ են սոքա որ իբրեւ զամպս թռուցեալ են, եւ իբրեւ զաղաւնիս ձագախա́ռն երամովին գան առ իս։

Verse: 9   Link to sept   Ի́նձ ակն ունին կղզիք եւ նաւք թարսսի, յառաջագոյն ածել զորդիս քո ՛ի հեռաստանէ. զարծաթն եւ զոսկի ը(նդ) իւրեանս՝ վ(ա)ս(ն) անուան տ(եառ)ն սրբոյն, եւ վասն սրբո́յն ի(սրայէ)լի փառաւորելոյ։

Verse: 10   Link to sept   Եւ շինեսցեն որդիք այլազգեաց զպարիսպ քո, եւ թագաւորք ն(ո)ց(ա) ընծայեսցին քեզ։ զի վ(ա)ս(ն) բարկութե(ան) իմոյ հարի զքեզ, եւ վ(ա)ս(ն) ողորմու(թ)ե(ան) իմոյ սիրեցի́ զքեզ։

Verse: 11   Link to sept   Եւ բացցի́ն դրունք քո հանապազորդք ՛ի տուէ եւ ՛ի գիշերի. եւ մի́ փակեսցին, կրել ՛ի քեզ զզօրու(թ)ի(ւն) ազգաց. եւ զթագաւորս իւրեանց ածիցեն առ քեզ։

Verse: 12   Link to sept   զի ազգք եւ թագաւորք որ քեզ ո́չ ծառայիցեն՝ կորիցեն, եւ ազգքն աւերելո́վ աւերեսցին։

Verse: 13   Link to sept   Եւ փա́ռքն լիբանանու առ քե́զ եկեսցեն. սարդիւն եւ սաւսիւ, եւ նոճով եւ մայրիւ՝ առհասարակ փառաւո́ր առնել զտեղի սրբութե(ան) իմոյ*. եւ զտեղի ոտից իմոց փառաւորեցի́ց։

Verse: 14   Link to sept   Եւ եկեսցեն առ քեզ զարհուրեալք որդիք նեղչացն քոց՝ զայրացուցչաց, երկի́ր պագցեն հետոյ ոտից քոց, ամենեքին որ զարհուրեցուցանէինն զքեզ. եւ կոչեսջիր քաղա́ք տ(եառ)ն սրբոյն ի(սրայէ)լի։

Verse: 15   Link to sept   Վ(ա)ս(ն) զի եղեր դու լքեալ եւ ատեցեալ, եւ ոչոք էր որ օգնէր քեզ։ եւ արարից զքեզ յուրախու(թ)ի(ւն) յաւիտենական. ցնծու(թ)ի(ւն) ազգաց յազգս։

Verse: 16   Link to sept   Եւ դիեսցես զկաթն հեթանոսաց, եւ զմեծութի(ւն) թագաւորաց կերիցես։ եւ ծանիցես թէ ես եմ տ(է)ր, որ ապրեցուցանեմ եւ փրկեմ զքեզ ա(ստուա)ծ ի(սրայէ)լի։

Verse: 17   Link to sept   Եւ փոխանակ պղնձոյն՝ բերից քեզ ոսկի, եւ փոխանակ երկաթոյն՝ բերից քեզ արծաթ, եւ փոխանակ փայտի՝ բերից քեզ պղի́նձ, եւ փոխանակ քարի՝ տա́ց քեզ երկաթ։ եւ տաց զիշխանս քո ՛ի խաղաղութի(ւն)՝ եւ զայցելոյս քո յարդարութի(ւն)։

Verse: 18   Link to sept   Եւ ո́չ եւս լիցի անիրաւու(թ)ի(ւն) յերկրի քում, եւ ո́չ բեկումն եւ թշուառութի(ւն) ՛ի սահմանս քո. այլ կոչեսցին ՛ի փրկութի(ւն) պարիսպք քո, եւ դրունք քո ցնծու(թ)ի(ւն)։

Verse: 19   Link to sept   Եւ ո́չ եւս եղիցի քեզ արեգակն ՛ի լոյս տունջեան, եւ ո́չ ծագումն լուսնի տացէ քեզ լոյս ՛ի գիշերի. այլ եղիցի քեզ տ(է)ր լոյս յաւիտենական, եւ փառք քո ա(ստուա)ծ։

Verse: 20   Link to sept   Ո́չ մտցէ քեզ արեգակն, եւ լուսին ՛ի քէն ո́չ պակասեսցէ. զի եղիցի քեզ տ(է)ր լո́յս յաւիտենական։ Եւ կատարեսցի́ն աւուրք սգոյ քոյ։

Verse: 21   Link to sept   եւ ժողովուրդ քո ամենեւին արդար, եւ յաւիտեանս ժառանգեսցեն զերկիր։ եւ պահել զնորատունկ գործոց ձեռաց իւրեանց ՛ի փառս։

Verse: 22   Link to sept   Սակաւաւորն հազարաւո́ր եղիցի, եւ կրտսերն յազգ մեծ։ զի ես տ(է)ր ընդ ժամանակս ժամանակս ժողովեցից զն(ո)ս(ա)։



Chapter: 61  
ԳԼ(ՈՒԽ) Կ՜Ա.


Section: 46 

Verse: 1   Link to sept   Հոգի́ տ(եառ)ն ՛ի վ(ե)ր(այ) իմ, վ(ա)ս(ն) որոյ եւ օծ իսկ զիս։ աւետարանե́լ աղքատաց առաքեաց զիս. բժշկել զբեկեալս սրտիւք. քարոզել գերեաց զթողութի(ւն), եւ կուրաց տեսանել։

Verse: 2   Link to sept   կոչել ա́մ տ(եառ)ն ընդունելի* եւ օր հատուցման ա(ստուածո)յ մերոյ։ Մխիթարել զամ(ենայն) սգաւորս։

Verse: 3   Link to sept   տա́լ սգաւորաց սիովնի փառս. փոխանակ մոխրոյն՝ օծումն ուրախու(թ)ե(ան). եւ սգաւորացն հանդերձ փառաց՝ փոխանակ ոգւոցն վհատութե(ան)։ Եւ կոչեսցին նոքա ազգք արդարու(թ)ե(ան)՝ տունկ տ(եառ)ն ՛ի փառս։

Verse: 4   Link to sept   եւ շինեսցեն զաւերակսն յաւիտենից, եւ զյառաջագոյն աւերեալսն կանգնեսցեն. եւ նորոգեսցեն զքաղաքս աւերեալս ազգաց մինչեւ յազգս։

Verse: 5   Link to sept   Եւ եկեսցեն օտարածինք հովիւք խաշանց քոց. եւ այլազգիք մաճակալք եւ այգեգործք քո։

Verse: 6   Link to sept   Բայց դուք քահանայք տ(եառ)ն կոչեսջիք. պաշտօնեայք ա(ստուածո)յ մերոյ անուանեսջիք. զզօրութի(ւն) ազգաց կերիջիք, եւ մեծու(թեամ)բ ն(ո)ց(ա) սքանչելի́ լինիջիք։

Verse: 7   Link to sept   Փոխանակ ամօթոյ ձերոյ կրկի́ն ուրախու(թ)ի(ւն), եւ փոխանակ անարգանաց ձերոց ցնծութի(ւն). եւ ապա́ զերկիրն յերկրորդում ժառանգեսցեն. եւ ուրախութի́(ւն) յաւիտենից ՛ի վ(ե)ր(այ) գլխոց ն(ո)ց(ա)։

Verse: 8   Link to sept   Զի ե́ս եմ տ(է)ր որ սիրեմ զարդարութի(ւն), եւ ատեամ զյափշտակութի(ւն) յանիրաւութ(են)է. տաց զվաստակս ն(ո)ց(ա) արդարոց, եւ ո́ւխտ յաւիտենից ուխտեցից ընդ ն(ո)ս(ա)։

Verse: 9   Link to sept   Եւ ծանիցի́ ՛ի մէջ ազգաց զաւակն ն(ո)ց(ա), եւ ծնունդք ն(ո)ց(ա) ՛ի մէջ ժողօվրդոց։ ամենեքին որ տեսանիցեն՝ ճանաչիցեն զն(ո)ս(ա)՝ թէ սոքա են զաւակ օրհնեալ յա(ստուածո)յ. եւ ուրախու(թեամ)բ ուրա́խ եղիցին ՛ի տ(է)ր։

Verse: 10   Link to sept   Ցնծասցէ́ անձն իմ ՛ի տ(է)ր, զի զգեցո́յց ինձ հանդերձ փրկութե(ան)՝ եւ պատմուճա́ն ուրախու(թ)ե(ան). իբրեւ փեսայի ե́դ ինձ պսակ, եւ իբրեւ հարսն զարդու զարդարեաց զիս։

Verse: 11   Link to sept   Եւ իբրեւ երկիր որ աճեցուցանէ զծաղիկս իւր, եւ իբրեւ զպարտէզ որ բուսուցանէ զսերմանիս իւր. ա́յնպէս ծագեսցէ տ(է)ր զարդարութի(ւն) իւր, եւ ցնծու(թ)ի(ւն) առաջի ամ(ենայն) ազգաց։



Chapter: 62  
ԳԼ(ՈՒԽ) Կ՜Բ.


Verse: 1   Link to sept   Վ(ա)ս(ն) սիովնի ո́չ լռեցից, եւ վ(ա)ս(ն) ե(րուսաղէ)մի ո́չ ներեցից. մինչեւ ծագեսցէ իբրեւ զլո́յս արդարու(թ)ի(ւն) ն(ո)ր(ա), եւ փրկու(թ)ի(ւն) ն(ո)ր(ա) իբրեւ փայլակն վառեսցի։

Verse: 2   Link to sept   Եւ տեսցե́ն ամ(ենայն) հեթանոսք զարդարութի(ւն) քո, եւ թագաւորք զփառս քո։ եւ կոչեսցի քեզ անուն նոր, զոր տ(է)ր անուանեսցէ։

Verse: 3   Link to sept   Եւ եղիցես պսակ վայելչութե(ան) ՛ի ձեռին տ(եառ)ն, եւ թա́գ արքայու(թ)ե(ան) ՛ի ձեռին ա(ստուածո)յ քոյ։

Verse: 4   Link to sept   եւ ո́չեւս կոչեսցիս լքեալ, եւ երկիրն քո ո́չեւս կոչեսցի աւերակ։ Զի քեզ անուն կոչեսցին կա́մք իմ, եւ երկրին քում շինութի(ւն) բնակութե(ան). զի հաճեսցի տ(է)ր ընդ քեզ, եւ երկիրն քո խռնեսցի́ ՛ի բնակու(թ)ի(ւն)։

Verse: 5   Link to sept   Զի օրինակ բնակեսցէ երիտասարդ ընդ կուսի՝ ա́յնպէս բնակեսցեն որդիք քո ՛ի քեզ։ եւ եղիցի զոր օրինակ ուրա́խ լինի փեսայ առ հարսին, ա́յնպէս ուրախ լիցի տ(է)ր ՛ի քեզ։

Verse: 6   Link to sept   Եւ ՛ի վ(ե)ր(այ) պարսպացն քոց ե(րուսաղ)էմ՝ պահապա́նս կացուցից, զօրն ողջոյն եւ զգիշերն ամ(ենայն). որ մինչեւ ցայգ՝ մի́ դադարեսցեն յիշել զտ(է)ր։

Verse: 7   Link to sept   Զի ո́չ գոյ նման քեզ, եթէ ուղղեսցէ՝ եւ, արասցէ զե(րուսաղէ)մ ՛ի պարծանս ՛ի վ(ե)ր(այ) երկրի։

Verse: 8   Link to sept   Երդուա́ւ տ(է)ր ՛ի փառս իւր՝ եւ ՛ի զօրութի(ւն) բազկի իւրոյ, եթէ ո́չ տաց զցորեան քո եւ զկերակուր ՛ի ձեռս թշնամեաց քոց։ եւ ո́չ արբցեն որդիք օտարաց զգինի քո յորում դուն վաստակեցեր։

Verse: 9   Link to sept   Այլ որ ամփոփեցինն կերիցեն զնա՝ եւ օրհնեսցեն զտ(է)ր. եւ որ ժողովեցինն զնա, արբցե́ն ՛ի սրահս սրբու(թ)ե(ան)ց իմոց։

Verse: 10   Link to sept   Երթայք մտէ́ք ընդ դրունս իմ, կազմեցէ́ք զճանապարհս՝ հորդեցէ́ք զշաւիղս։ գործեցէ́ք ճանապարհ ժողովրդեան իմոյ, եւ զքարինս ՛ի ճանապարհէ անտի ՛ի բա́ց ընկեցէք. առէք նշա́ն ՛ի հեթանոսս։

Verse: 11   Link to sept   զի ա́ւասիկ տ(է)ր լսելի́ արար մինչեւ ՛ի ծագս երկրի։ Ասացէ́ք դստեր սիովնի, ահաւասիկ փրկիչ քո հասեալ գայ՝ եւ ունի զվարձս իւր ը(նդ) իւր. եւ գործք իւր առաջի երեսաց իւրոց։

Verse: 12   Link to sept   եւ կոչեսցէ զնա ժողօվուրդ սուրբ՝ փրկեա́լ ՛ի տ(եառն)է. եւ դու կոչեսցիս խնդրեալ քաղաք՝ եւ ո́չ լքեալ։



Chapter: 63  
ԳԼ(ՈՒԽ) Կ՜Գ.


Section: 47 

Verse: 1   Link to sept   Իսկ այս ո՞վ է որ դիմեալ գայ յեդովմայ, կարմրութի(ւն) ձորձոց իւրոց՛ի բոսորայ, գեղեցի́կ պատմուճանաւ եւ բո́ւռն զօրութ(եամ)բ։ ե́ս խօսիմ զարդարու(թ)ի(ւն)եւ իրաւունս փրկութե(ան)։

Verse: 2   Link to sept   Վ(ա)ս(ն) է՞ր կարմիր են ձորձք քո, եւ հանդերձք իբրեւ հնծանահարի, լիո́յ հնծանի կոխելոյ։

Verse: 3   Link to sept   Հնծան հարի միայն, եւ ՛ի հեթանոսաց ոչոք էր ընդիս. կոխեցի զն(ո)ս(ա) սրտմտութ(եամ)բ՝ եւ ճմլեցի զն(ո)ս(ա) բարկու(թեամ)բ՝ եւ իջուցի յերկիր. եւ զամ(ենայն) հանդերձս իմ թօթափեցի́։

Verse: 4   Link to sept   զի հասեալ էր ՛ի վերայ ն(ո)ց(ա) օր հատուցման, եւ ա́մ փրկութե(ան) եկեալ հասեալ։

Verse: 5   Link to sept   Հայեցայ՝ եւ ո́չոք էր որ օգնէր. զմտա́ւ ածի՝ եւ ո́չոք էր որ ՛ի թիկունս հասանէր։ փրկեաց զն(ո)ս(ա) բազուկ իմ. եւ սրտմտութի(ւն) իմ միայն զդէմ կալաւ։

Verse: 6   Link to sept   կոխեցի զն(ո)ս(ա) բարկութ(եամ)բ իմով, եւ զենի զն(ո)ս(ա) սրտմտու(թեամ)բ իմով, եւ իջուցի́ զն(ո)ս(ա) յերկիր։
Section: 48 

Verse: 7   Link to sept   Զողորմութի(ւն) տ(եառ)ն յիշեցի, զքաջութի(ւն) տ(եառ)ն յո́ւշ արարից. յամ(ենայն)ի զոր հատուցանէ մեզ տ(է)ր։ Տ(է)ր դատաւոր բարերար տանն ի(սրայէ)լի, որ ածէ ՛ի վ(ե)ր(այ) մեր ըստ ողորմութե(ան) իւրում եւ ըստ բազում արդարու(թ)ե(ան) իւրոյ։

Verse: 8   Link to sept   եւ ասաց՝ եթէ ժողովուրդ իմ են որդիքն իմ, եւ ո́չ անարգեսցեն զիս. եւ եղեւ ն(ո)ց(ա) ՛ի փրկութի(ւն)

Verse: 9   Link to sept   յամ(ենայն) նեղութ(են)է ն(ո)ց(ա)։ Ո́չ պատգամաւո́ր ոք եւ ո́չ հրեշտակ, այլ ինքնի́ն տ(է)ր փրկեաց զն(ո)ս(ա). վ(ա)ս(ն) սիրելոյ զն(ո)ս(ա) եւ խնայելոյ ՛ի նոսա ինքնի́ն փրկեաց զն(ո)ս(ա). եւ վերացոյց եւ բարձրացոյց զամ(ենայն) աւուրս յաւիտենից։

Verse: 10   Link to sept   Բայց նոքա հեստեցին, եւ բարկացուցին զհոգի ն(ո)ր(ա) ս(ուր)բ. եւ դարձա́ւ ն(ո)ց(ա) տ(է)ր ՛ի թշնամու(թ)ի(ւն). ինքնին տ(է)ր ետ ընդ ն(ո)ս(ա) պատերազմ։

Verse: 11   Link to sept   եւ յիշեաց զաւուրսն յաւիտենից, թէ ո՞ւր է մովսէս եւ ժողովուրդն ն(ո)ր(ա)։ Որ եհան յերկրէ զհովիւն հօտից. ո՞ւր է որ եդ ՛ի ն(ո)ս(ա) զհոգին ս(ուր)բ։

Verse: 12   Link to sept   որ վերացոյց աջով իւրով զմովսէս. եւ բազուկ փառաց ն(ո)ր(ա) յաղթահարեաց զջուրսն առաջի երեսաց ն(ո)ր(ա), առնել ի́ւր անուն յաւիտենական։

Verse: 13   Link to sept   Անցոյց զն(ո)ս(ա) ընդ անդունդս ո(ր)պ(էս) ձի ընդ անապատ,

Verse: 14   Link to sept   եւ իբրեւ զդրաստ ինչ ընդ դաշտ. եւ ո́չ վաստակեցին։ Էջ հոգի տ(եառ)ն, եւ առաջնորդեաց ն(ո)ց(ա)։ ա́յնպէս ածեր զժողովուրդն քո առնել քեզ անուն փառաց։

Verse: 15   Link to sept   Եւ արդ դա́րձ ՛ի յերկնից՝ եւ տե́ս ՛ի տաճարէ սրբոյ քումմէ՝ եւ ՛ի փառաց քոց. ո՞ւր է նախանձ քո եւ զօրու(թ)ի(ւն). ո՞ւր է բազում ողորմութի(ւն) գթու(թ)ե(ան) քոյ, որով ներէիրն մեզ։

Verse: 16   Link to sept   Զի դո́ւ ես հայր. զի աբրահամ ո́չ գիտաց զմեզ, եւ ի(սրա)էլ ո́չ ծանեաւ զմեզ. արդ դու տ(է)ր հայր մեր փրկեա́ զմեզ, զի իսկզբանէ անո́ւն քո է ՛ի վ(ե)ր(այ) մեր։

Verse: 17   Link to sept   Զմէ՞ մոլորեցուցեր զմեզ տ(է)ր ՛ի ճանապարհաց քոց. խստացուցեր զսիրտ մեր չերկնչել ՛ի քէն։ դա́րձ վ(ա)ս(ն) ծառայից քոց. դա́րձ վ(ա)ս(ն) ազգաց ժառանգութե(ան) քոյ։

Verse: 18   Link to sept   գուցէ ո́չ ժառանգիցեմք զլեառն արբութե(ան) քոյ։ Հակառակորդք մեր նեղեցի́ն զմեզ՝ եւ կոխեցին զսրբութի(ւն) քո։

Verse: 19   Link to sept   եղեաք իբրեւ զառաջինն՝ յորժամ ո́չն տիրէիր մեզ, եւ ո́չ կոչեցեալ էր անուն քո ՛ի վ(ե)ր(այ) մեր։



Chapter: 64  
ԳԼ(ՈՒԽ) Կ՜Դ.


Verse: 1   Link to sept   Եթէ բացցես զերկինս՝ դողո́ւմն կալցի ՛ի քէն զլերինս։

Verse: 2   Link to sept   եւ հալեսցին իբրեւ զմոմ առաջի հրոյ, եւ այրեսցէ հուր զհակառակորդս քո, եւ յայտնի́ լիցի անուն քո ընդդիմակցաց քոց։ եւ յերեսաց քոց հեթանոսք խռովեսցին։

Verse: 3   Link to sept   յորժամ առնիցես փառաւորութի(ւն)ս, դողո́ւմն կալցի ՛ի քէն զլերինս։

Verse: 4   Link to sept   Յաւիտենից ո́չ լուաք, եւ ո́չ աչք մեր տեսին այլ ա(ստուա)ծ բա́ց ՛ի քէն. եւ զգործս քո զոր արասցես այնոցիկ որ ա́կն ունին ողորմու(թ)ե(ան) քում։

Verse: 5   Link to sept   զի ընդառաջ լիցի այնոցիկ ոյք առնեն զիրաւունս, եւ զճանապարհս քո յիշեսցեն։ Արդ՝ ահա դու բարկացար եւ մեք մեղա́ք։ վ(ա)ս(ն) այնորիկ մոլորեցաք։

Verse: 6   Link to sept   եւ եղեաք իբրեւ զպիղծս ամենեքեան. իբրեւ զհանդերձս ապարահից ամ(ենայն) արդարութ(իւն) մեր. եւ թօթափէցաք իբրեւ զտերեւ ամենեքին մեք վ(ա)ս(ն) անօրէնութե(ան)ց մերոց. հողմք մերժեցին զմեզ։

Verse: 7   Link to sept   եւ ո́չոք իցէ որ կարդայցէ զանուն քո, եւ ո́չ որ յիշիցէ ապաստա́ն առնել զքեզ. զի դարձուծեր զերեսս քո ՛ի մէնջ, եւ մատնեցեր զմեզ վ(ա)ս(ն) մեղաց մերոց։

Verse: 8   Link to sept   Եւ ա́րդ տ(է)ր՝ հայր մեր դու ես. մեք կաւ, եւ դու ստեղծիչ մեր. եւ գործք ձեռաց քոց ամենեքին մեք։

Verse: 9   Link to sept   մի́ բարկանար մեզ տ(է)ր յոյժ, եւ մի́ ՛ի ժամանակի յիշեր զմեղս մեր։ Եւ արդ հայեա́ց տ(է)ր. զի ժողովուրդ քո ամ(ենայն),

Verse: 10   Link to sept   եւ քաղա́ք սրբու(թ)ե(ան) քոյ սիովն եղեւ աւերա́կ։ իբրեւ զանապա́տ եղեւ ե(րուսաղ)էմ։

Verse: 11   Link to sept   յանէ́ծս մատնեցաւ տունն սրբու(թ)ե(ան) մերոյ. եւ փառքն զոր օրհնեցին հարքն մեր՝ եղեն հրձիգ, եւ ամ(ենայն) փառաւորութի(ւն) մեր կործանեցա́ւ։

Verse: 12   Link to sept   Եւ ՛ի վերայ ամ(ենայն)ի այսորիկ անսա՞ս տ(է)ր, եւ լռեցե՞ր. եւ խոնարհ արարեր զմեզ մինչեւ յոյժ։



Chapter: 65  
ԳԼ(ՈՒԽ) Կ՜Ե.


Verse: 1   Link to sept   Յայտնի եղէ այնոցիկ որ զինէն ո́չ հարցանէին. գտա́յ այնոցիկ որ զիսն ո́չ խնդրէին։ ասացի՝ աւասիկ եմ, ցազգն ցայն որ զանուն իմ ո́չ կարդածին։

Verse: 2   Link to sept   Զօ́ր հանապազ ձգեցի զձեռն իմ առ ժողովուրդն անհաւան եւ հակառակօղ. որ գնային զճանապարհ որ ո́չ էր բարւոք, այլ զհետ մեղածն իւրեանց։

Verse: 3   Link to sept   Ժողովուրդս այս որ բարկացուցանէր զիս. առաջի իմ զօրհանապազ զոհէին ՛ի պարտէզս իւրեանց, եւ արկանէին խունկս յաղիւսեայս իւրեանց

Verse: 4   Link to sept   դիւացն որք չէին ՛ի յիշատակս իւրեանց։ Եւ յայրս կողմանեալ ննջին վ(ա)ս(ն) երազ տեսանելոյ. որք ուտէին զխողենին եւ զարգանակ զոհիցն, եւ ամ(ենայն) անօթք ն(ո)ց(ա) պղծեալ էին։

Verse: 5   Link to sept   որք ասէին ՛ի բա́ց կաց յինէն՝ մի́ մերձենար յիս զի սուրբ եմ։ Ա́յս է ծուխ բարկու(թ)ե(ան) իմոյ՝ յորում հուր բորբոքեալ է զամ(ենայն) աւուրս։

Verse: 6   Link to sept   Ահաւասիկ գրեալ է առաջի իմ. ո́չ լռեցից՝ մինչեւ հատուցի́ց ՛ի ծոցս ն(ո)ց(ա)

Verse: 7   Link to sept   զմեղս ն(ո)ց(ա). եւ զմեղս հարց նոցա ՛ի միասին՝ ասէ տ(է)ր։ որք արկանէին խունկս ՛ի վ(ե)ր(այ) լերանց, եւ ՛ի վ(ե)ր(այ) բլրոց ուր նախատէինն զիս. հատուցի́ց զգործս ն(ո)ց(ա)* յառաջագոյն ՛ի ծոցս ն(ո)ց(ա)։
Section: 49 

Verse: 8   Link to sept   Ա́յսպես ասէ տ(է)ր. զոր օրինակ եթէ գտանիցի ճի́ռ ՛ի մէջ ոզկուզոց, եւ ասիցեն. մի́ ապականեր զդա զի օրրհնու(թ)ի(ւն) տ(եառ)ն գո́յ ՛ի դմա. ա́յնպէս արարից վ(ա)ս(ն) ծառային իմոյ, վ(ա)ս(ն) որոյ ո́չ կորուսից զամենեսեան։

Verse: 9   Link to sept   Եւ հանից զզաւակ յակովբայ եւ յուդայ, եւ ժառանգեսցեն զլեառն սրբու(թ)ե(ան) իմոյ. եւ ժառանգեսցեն ընտրեալք իմ եւ ծառայք իմ. եւ բնակեսցեն ՛ի նմա։

Verse: 10   Link to sept   Եւ եղիցի յանտառին մակաղատե́ղք հովուաց, եւ ձորն աքովրայ հանգի́ստ անդւոց ժողովրդեան իմոյ որ խնդրեցինն զիս։

Verse: 11   Link to sept   Այլ դուք որ թողէք զիս, եւ մոռացարուք զլեառն սրբու(թ)ե(ան) իմոյ։ եւ կազմէիք դիւաց սեղան, եւ խառնէիք խառնելիս բախտից։

Verse: 12   Link to sept   Ե́ս մատնեցից զձեզ ՛ի սո́ւր, եւ ամենեքեան կոտորեսջիք։ զի կոչեցի զձեզ՝ եւ ո́չ լւարուք. խօսեցայ՝ եւ ստունգանեցէք. եւ արարէք չա́ր առաջի իմ. եւ զոր ո́չ կամէի՝ ընտրեցէք։

Verse: 13   Link to sept   Վ(ա)ս(ն) ա́յսորիկ ա́յսպէս ասէ տ(է)ր. ահաւասիկ որ ծառայենն ինձ կերիցեն, եւ դուք քաղցիջիք. ահաւասիկ որ ծառայենն ինձ արբցեն, եւ դուք ծարաւեսջիք. ահաւասիկ որ ծառայենն ինձ, ուրախ լիցին եւ դուք ամաչեսջիք։

Verse: 14   Link to sept   ահաւասիկ որ ծառայենն ինձ ցնծասցեն ուրախութ(եամ)բ սրտից, եւ դուք աղաղակեսջիք առ ցաւս սրտից ձերոց, եւ առ բեկումն ոգւոց ձերոց ողբասջիք։

Verse: 15   Link to sept   զի թողջիք զանուն ձեր ՛ի յագուրդ ընտրելոց իմոց, եւ զձեզ տ(է)ր սատակեսցէ։ Եւ ծառայիցն իմոց կոչեցից անուն նոր,

Verse: 16   Link to sept   որ օրհնեսցի ՛ի վ(ե)ր(այ) երկրի. զի օրհնեսցեն զա(ստուա)ծ ճշմարիտ. եւ որ երդնուցուն ՛ի վ(ե)ր(այ) երկրի՝ երդուիցեն յա(ստուա)ծ ճշմարիտ։ զի մոռասցին զնեղու(թ)ի(ւն)ս առաջինս, եւ ո́չ եւս անկցի ՛ի սիրտս ն(ո)ց(ա)։

Verse: 17   Link to sept   Զի եղիցին երկինք նոր եւ երկիր նոր, եւ ո́չ յիշեսցեն զառաջինսն. եւ ո́չ եւս անկցի ՛ի սիրտս նոցա։

Verse: 18   Link to sept   այլ ուրախութի(ւն) եւ ցնծու(թ)ի(ւն) գտցեն ՛ի նմա,* զոր ե́ս հաստատեցից։ Զի ահաւասիկ ե́ս առնեմ զե(րուսաղէ)մ ցնծութի(ւն), եւ զժողովուրդ իմ ուրախու(թ)ի(ւն)։

Verse: 19   Link to sept   եւ ցնծացա́յց ՛ի վերայ ե(րուսաղէ)մի, եւ ուրա́խ եղէց ՛ի վ(ե)ր(այ) ժողովրդեան իմոյ։ եւ ո́չ եւս լուիցի ՛ի նմա ձայն լալոյ՝ եւ ձայն դուժի։

Verse: 20   Link to sept   Եւ մի́ լիցի անդ տարաժամ աւուրց. եւ ծեր՝ որոյ ո́չ իցէ լցեալ զժամանակս իւր։ զի եղիցի կրտսեր որդին հարիւրեմեան. եւ որ հարիւրեմեանն մեռանիցի, մեղաւոր եւ անիծեա́լ կոչեսցի։

Verse: 21   Link to sept   Շինեսցեն տունս՝ եւ ինքեա́նք բնակեսցեն. տնկեսցեն այգիս՝ եւ ինքեա́նք կերիցեն զպտուղ ն(ո)ց(ա)։

Verse: 22   Link to sept   եւ մի́ եւս նոքա շինեսցեն՝ եւ ա́յլք բնակեսցեն, եւ նոքա տնկեսցեն՝ եւ այլք կերիցեն։ Ըստ աւուրց փայտի կենաց եղիցին աւուրք ժողովրդեան իմոյ. գործք ձեռաց ն(ո)ց(ա) հնասցին։

Verse: 23   Link to sept   Եւ ընտրեալք իմ մի́ եւս վաստակեսցեն ընդունայն. եւ ո́չեւս ծնանիցին որդիս յանէծս, զի զաւակ օրհնեալ են յա(ստուածո)յ՝ եւ ծնունդք ն(ո)ց(ա) ընդ ն(ո)ս(ա)։

Verse: 24   Link to sept   Եւ եղիցի մինչե́ւ կարդացեալ իցէ ն(ո)ց(ա)՝ ե́ս լուայց ն(ո)ց(ա). եւ մինչդեռ խօսեսցին, ասացից՝ թէ զի́նչ խնդրէ։

Verse: 25   Link to sept   Յայնմ ժամանակի գայլք եւ գառինք ՛ի միասին ճարակեսցին, եւ առեւծ՝ իբրեւ զեզն յարդ կերիցէ, եւ օձ՝ զհող իբրեւ զհա́ց կերիցէ. մի́ մեղիցեն եւ մի́ վնասեսցեն ՛ի լերին սրբութե(ան) իմոյ ասէ́ տ(է)ր։



Chapter: 66  
ԳԼ(ՈՒԽ) Կ՜Զ.


Verse: 1   Link to sept   Ա́յսպէս ասէ տ(է)ր. երկինք աթո́ռ իմ են՝ եւ երկիր պատուանդան ոտից իմոց։ ո՞րպիսի տուն շինիցէք ինձ ասէ տ(է)ր, կամ ո՞րպիսի ինչ իցէ այն տեղի հանգստեան իմոյ։

Verse: 2   Link to sept   զի զայս ամ(ենայն) ձե́ռն իմ արար, եւ ի́մ է ամ(ենայն)՝ ասէ տ(է)ր. Եւ ես յո՞ հայեցայց, եթէ ոչ ՛ի հեղս եւ ՛ի խոնարհս, եւ որ դողան ՛ի բանից իմոց։

Verse: 3   Link to sept   Բայց անօրէնն որ մատուցանէ ինձ եզն պատարագ՝ այնպէ́ս է ո(ր)պ(էս) թէ հարկանիցէ ոք զկառափն մարդոյ. եւ որ մատուցանէ զոչխար պատարագ, այնպէ́ս է ո(ր)պ(էս) թէ զշուն ոք մորթիցէ. եւ որ մատուցանէ ոք նաշիհ, ա́յնպէս է ո(ր)պ(էս) թէ հեղուցու ոք զարիւն խոզի. եւ որ տայցէ զկնդրուկն ՛ի խունկս յիշատակաց, ա́յնպէս է՝ ո(ր)պ(էս) զհայհոյիչն։ եւ ինքեանք ընտրեցին զճանապարհս իւրեանց, եւ զգարշելիս իւրեանց զոր անձինք իւրեանց ախորժեցին։

Verse: 4   Link to sept   Եւ ես առի ՛ի ձեռն զխաբէու(թ)ի(ւն)ս ն(ո)ց(ա), եւ ըստ մե·ա́ց ն(ո)ց(ա) հատուցից ն(ո)ց(ա). զի կոչեցի զն(ո)ս(ա)՝ եւ ո́չ լուան ինձ, խօսեցայ՝ եւ ո́չ անսացին. եւ արարին չա́ր առաջի իմ, եւ զոր ո́չն կամէի ընտրեցին։
Section: 50 

Verse: 5   Link to sept   Լուարո́ւք զպատգամս տ(եառ)ն, եւ որ դողայք ՛ի բանից ն(ո)ր(ա)։ խօսեցարո́ւք եղբարք մեր ընդ ատելիս ձեր եւ ընդ գարշեցուցիչս. զի անուն տ(եառ)ն փառաւորեսցի́, եւ երեւեսցի յուրախու(թ)ե(ա)ն ձերում՝ եւ նոքա ամաչեսցեն։

Verse: 6   Link to sept   Ձա́յն բարբառոյ ՛ի քաղաքէ. ձա́յն ՛ի տաՃարէ. ձայն տ(եառ)ն հատուցանէ զհատուցումն հակառակորդաց։

Verse: 7   Link to sept   եւ մինչչե́ւ իցէ յղւոյն ծնեալ, եւ մինչչե́ւ հասեալ իցեն ցաւք երկանց, ապրեցաւ եւ ծնաւ արո́ւ։

Verse: 8   Link to sept   Ո՞ լուաւ, ո՞ ետես այսպիսի ինչ. եթէ երկնեաց երկիր ՛ի միում աւուր, եւ ծնաւ ազգ մի ողջոյն միանգամայն. զի երկնեաց սիովն, եւ ծնա́ւ զմանկունս իւր։

Verse: 9   Link to sept   ե́ս ետու քեզ զյոյսդ զայդ, եւ դու ո́չ յիշեցեր զիս՝ ասէ տ(է)ր։ ո՞չ ապաքէն զամուլն եւ զծննդականն ե́ս արարի՝ ասէ ա(ստուա)ծ քո։

Verse: 10   Link to sept   Ուրա́խ լեր ե(րուսաղ)էմ, եւ ժողովեցարո́ւք առնել տօն ՛ի դմա. ամենեքեան ոյք սիրէք զդա, խնդացէ́ք եւ ուրա́խ լերուք ՛ի միասին որ նստէիք ՛ի սուգ վ(ա)ս(ն) դորա։

Verse: 11   Link to sept   զի դնիցէք եւ յագիցիք ՛ի ստեանց մխիթարութե(ան) դորա. եւ կշտապի́նդ վայելիցէք ՛ի գալստենէ փառաց դորա։

Verse: 12   Link to sept   Զի ա́յսպէս ասէ տ(է)ր. ահաւասիկ ես դարձուցանեմ ՛ի դոսա իբրեւ զգե́տ զխաղաղու(թ)ի(ւն), եւ իբրեւ զհեղեղա́տ յորդեալ զփառս հեթանոսաց. զմանկունս դոցա ՛ի վերայ ուսոց իւրեանց բարձեալ բերիցեն, եւ ՛ի վ(ե)ր(այ) ծնդաց իւրեանց գըգուիցեն։

Verse: 13   Link to sept   ո(ր)պ(էս) մայր որ զմանուկ իւր գըգուիցէ, ա́յնպէս գըգուեցից զձեզ։ եւ յե(րուսաղէ)մ մխիթարեսջիք.

Verse: 14   Link to sept   եւ տասջիք եւ խնդասցեն սիրտք ձեր, եւ ոսկերք ձեր իբրեւ զդալարի զուարճասցին. եւ ծանիցի ձեռն տ(եառ)ն երկիւղածաց իւրոց, եւ սպառնասցի́ անհաւատիցն։

Verse: 15   Link to sept   Զի ահաւասիկ տ(է)ր իբրեւ զհո́ւր եկեսցէ, եւ կառք ն(ո)ր(ա) իբրեւ զմրրիկ. հատուցանել արտմտու(թեամ)բ զհատուցումն իւր, եւ բոցո́վ հրոյ զարհամարհանս իւր։

Verse: 16   Link to sept   Զի ՛ի հուր տ(եառ)ն դատեսցի երկիր ամ(ենայն), եւ ՛ի սո́ւր ն(ո)ր(ա) ամ(ենայն) մարմին։ բազումք եղիցին վիրաւորք ՛ի տ(եառն)է,

Verse: 17   Link to sept   որ սրբինն եւ մաքրին ՛ի պարտէզս եւ ՛ի սրահս իւրեանց։ որ ուտեն միս խոզենի՝ եւ զգարշելիսն՝ եւ զմուկնն, ՛ի միասին սատակեսցին նոքա՝ ասէ տ(է)ր։

Verse: 18   Link to sept   Եւ ես զգործս ն(ո)ց(ա) եւ զխորհուրդս ն(ո)ց(ա) գիտե́մ։ Գա́մ ժողովել զամ(ենայն) ազգս եւ զլեզուս. եկեսցեն եւ տեսցեն զփառս իմ։

Verse: 19   Link to sept   եւ թողից ՛ի վ(ե)ր(այ) ն(ո)ց(ա) նշան։ Եւ առաքեցից ՛ի նոցանէ փրկեալս յազգս. ՛ի թարսիս, եւ ՛ի փուդ, եւ ՛ի լուդ, եւ ՛ի մոսոգ, եւ ՛ի թոբէլ, եւ յելլադա, եւ ՛ի կղզիս հեռաւորս՝ որոց չիցէ́ լուեալ զանուն իմ, եւ ո́չ եւս տեսեալ զփառս իմ. եւ պատմեսցեն զփառս իմ եւ զանուն իմ ՛ի մէջ ազգաց։

Verse: 20   Link to sept   եւ ածցեն զե́ղբարս իւրեանց յամ(ենայն) ազգաց պատարա́գ տ(եառ)ն. հեծեալս կառօք՝ հանդերձ պալարակապ երիվարօք հովանոցօք ՛ի սուրբ քաղաքն ե(րուսաղ)էմ, ասէ տ(է)ր։ Ո(ր)պ(էս) մատուցին ինձ որդիքն ի(սրայէ)լի զպատարագս իւրեանց սաղմոսիւք ՛ի տան տ(եառ)ն։

Verse: 21   Link to sept   եւ ՛ի նոցանէ առի́ց ինձ ՛ի քահանայս եւ ՛ի ղեւտացիս՝ ասէ տ(է)ր։

Verse: 22   Link to sept   Զոր օրինակ երկինք նոր՝ եւ երկիր, զոր ե́սն առնեմ կալ առաջի իմ, ասէ տ(է)ր. նո́յնպէս կացցէ զաւակն ձեր։

Verse: 23   Link to sept   Եւ եղիցի ամիս յամսոյ՝ եւ շաբաթ ՛ի շաբաթէ, եկեսցէ ամ(ենայն) մարմին երկի́ր պագանել առաջի իմ յե(րուսաղէ)մ՝ ասէ տ(է)ր ա(ստուա)ծ։ Եւ ելցեն՝ եւ տեսցեն զոսկերս մարդկան առիս յանցուցելոց. զի որդն ն(ո)ց(ա) ո́չ վախճանեսցի, եւ հուր ն(ո)ց(ա) ո́չ շիջցի։ եւ եղիցին ՛ի տեսիլ ամ(ենայն) մսեղեաց։
Section:  





Book: Hos. 
Propheti Minores

entered by J. Gippert and N. Čanṭlaʒe,
Frankfurt a/M, 2003-2004 / Tbilisi, July 2004;
TITUS version by J. Gippert,
Frankfurt a/M, 3.10.2004

ԳԻՐՔ ՏԵՍԼԵԱՆՑ ԵՐԿՈՏԱՍԱՆ
ՍՈՒՐԲ ՄԱՐԳԱՐԷԻՑ։
ՄԱՐԳԱՐԷՈՒԹԻՒՆ
ՈՎՍԵԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Բան տ(եառ)ն որ եղեւ առ ովսէէ որդի երէայ. Յաւուրս ոզիայ, եւ յովաթամու, եւ աքազու, եւ եզեկիայ՝ թագաւորաց յուդայ. եւ յաւուրս յերոբովամայ որդւոյ յովասայ թագաւորի ի(սրայէ)լի։


Section: 1 

Verse: 2   Link to sept   ՍԿԻԶԲՆ ԲԱՆԻՑ ՏԵԱՌՆ առ ովսէէ։ Եւ ասէ տ(է)ր ցովսէէ. գնա ա́ռ դու քեզ կին պոռնկութե(ան), եւ որդի́ս պոռնկութե(ան). զի պոռնկելով պոռնկեսցի երկիր ՛ի տ(եառն)է։

Verse: 3   Link to sept   Եւ չոգա́ւ ա́ռ զգոմեր՝ դո́ւստր դաբելայիմայ։ եւ յղացաւ՝ եւ ծնաւ նմա որդի։

Verse: 4   Link to sept   Եւ ասէ ցնա տ(է)ր. կոչեա́ զանուն ն(ո)ր(ա) յիզրայէլ։ քանզի սակաւիկ մեւս եւս խնդրեցից զարիւնն յիզրայէլի ՛ի տանէն յէուայ։ եւ դադարեցուցի́ց զթագաւորու(թ)ի(ւն) տանն ի(սրայէ)լի։

Verse: 5   Link to sept   եւ եղիցի յաւուր յայնմիկ խորտակեցի́ց զաղեղն ի(սրայէ)լի ՛ի ծործորն յիզրայելի։

Verse: 6   Link to sept   Յղացա́ւ միւսանգամ, եւ ծնաւ դուստր։ եւ ասէ ցնա. կոչեա́ զանուն ն(ո)ր(ա) չողորմեալ. զի ո́չ եւս յաւելից ողորմել տա́նն ի(սրայէ)լի. այլ ընդդէ́մ կացից ն(ո)ց(ա) հակառակու(թեամ)բ։

Verse: 7   Link to sept   Բայց որդւոցն յուդայ ողորմեցա́յց, եւ փրկեցից զն(ո)ս(ա) տ(երամ)բ ա(ստուծո)վ իւրեանց. եւ ո́չ փրկեցից զն(ո)ս(ա) եղեղամբ, եւ ո́չ սրով, եւ ո́չ պատերազմաւ. ո́չ կառօք, եւ ո́չ երիվարօք, եւ ո́չ հեծելօք։

Verse: 8   Link to sept   եւ մեկնեաց ՛ի ստենէ զչողորմեալն։ Դարձեալ յղացաւ եւ ծնաւ որդի։

Verse: 9   Link to sept   եւ ասէ՝ կոչեա́ զանուն ն(ո)ր(ա)՝ ո́չ ժողովուրդ իմ. զի դուք չէ́ք ժողովուրդ իմ. եւ ես ո́չ ինչ եմ ձեր։

Verse: 10   Link to sept   Եւ էր թիւ որդւոցն ի(սրայէ)լի իբրեւ զաւա́զ ծովու անչափ եւ անթիւ։ եւ եղիցի ՛ի տեղւոջ յորում ասացաւ՝ ո́չ ժողովուրդ իմ դուք, ա́նդ կոչեսցին նոքա որդիք ա(ստուծո)յ կենդանւոյ։

Verse: 11   Link to sept   Եւ ժողովեսցին որդիքն յուդայ եւ որդիքն ի(սրայէ)լի ՛ի միասին. եւ դիցեն իւրեանց իշխանութի(ւն) մի. եւ ելցեն յերկրէ անտի. զի մե́ծ է օրն յեզրայելի։



Chapter: 2  
ԳԼ(ՈՒԽ) Բ՜.


Section: 2 

Verse: 1   Link to sept   Ասացէ́ք ցեղբայր ձեր՝ ժողովուրդ իմ. եւ ցքոյրն չողորմեալ։

Verse: 2   Link to sept   դատեցարո́ւք ընդ մօրն ձերում, դատեցարո́ւք։ զի այն ո́չ է իմ կին, եւ ես ո́չ եմ այր ն(ո)ր(ա). եւ բարձից զպոռնկութի(ւն) ն(ո)ր(ա) յերեսաց իմոց, եւ զշնու(թ)ի(ւն) ն(ո)ր(ա) ՛ի միջոյ ստեանց իւրոց։

Verse: 3   Link to sept   Զի արարից զնա մերկ, եւ կացուցից զնա ըստ աւուրց ծննդեան իւրոյ. եւ եդից զնա իբրեւ զանապատ, եւ կարգեցից զնա իբրեւ զերկի́ր անջուր, եւ սպանից զնա ՛ի ծարաւոյ։

Verse: 4   Link to sept   եւ որդւոց ն(ո)ր(ա) ո́չ ողորմեցայց, զի որդիք պոռնկութե(ան) են։

Verse: 5   Link to sept   Զի պոռնկելով պոռնկեցաւ մայր ն(ո)ց(ա), եւ յամօթ արար որ ծնաւն զն(ո)ս(ա)։ զի ասաց՝ երթայց զհետ հոմանեաց իմոց, ոյք տայցեն ինձ զհաց իմ եւ զջուր, եւ զհանդերձ, եւ զկտաւ իմ, եւ զգինի իմ, եւ զձէթ իմ, եւ զա(մենայ)ն ինչ որ պիտո́յ է ինձ։

Verse: 6   Link to sept   Վասն այնորիկ ե́ս փակեցից զճանապարհս ն(ո)ր(ա) պատնիշօք, եւ առականեցից զճանապարհս ն(ո)ր(ա), եւ զշաւիղս իւր մի́ գտցէ։

Verse: 7   Link to sept   եւ ընթասցի զհետ հոմանեաց իւրոց, եւ մի́ հասցէ ն(ո)ց(ա). խնդրեսցէ զն(ո)ս(ա)՝ եւ մի́ գտցէ զն(ո)ս(ա)։ եւ ասասցէ՝ երթայց եւ դարձայց առ այրն իմ առաջին, զի յայնժա́մ բարի էր ինձ քան արդ։

Verse: 8   Link to sept   Եւ նա ո́չ գիտաց՝ թէ ես ետու նմա զցորեանն, եւ զգինին, եւ զձէթն, եւ բազմացուցի նմա արծաթ։ եւ նա արար արծաթեղէնս, եւ ոսկեղէնս յաճախեա́ց բահաղու։

Verse: 9   Link to sept   Վ(ա)ս(ն) այնորիկ դարձուցից՝ եւ առից զցորեանն իմ ՛ի ժամանակի իւրում՝ եւ զգինին իմ, եւ զձէթն ՛ի ժամանակի իւրեանց. եւ զերծի́ց ՛ի նմանէ զհանդերձ իմ, եւ զկտա́ւ իմ. զի մի́ ծածկեսցէ զծանականս իւր։

Verse: 10   Link to sept   Եւ արդ յայտնեցից զպղծութի(ւն) ն(ո)ր(ա) առաջի հոմանեաց իւրոց. եւ ո́չոք հանիցէ զնա ՛ի ձեռաց իմոց։

Verse: 11   Link to sept   եւ դարձուցից զա(մենայ)ն բարեկենդանու(թ)ի(ւն)ս ն(ո)ր(ա), եւ զտօնս ն(ո)ր(ա), եւ զամսագլուխս ն(ո)ր(ա), եւ զշաբաթս ն(ո)ր(ա), եւ զա(մենայ)ն վաճառս ն(ո)ր(ա)։

Verse: 12   Link to sept   եւ ապականեցից զայգիս ն(ո)ր(ա)՝ եւ թզենիս ն(ո)ր(ա). զոր միանգամ ասաց՝ թէ կապէ́նք ի́մ են այս՝ որ ետուն ինձ հոմանիքն իմ. եւ եդի́ց զայն ՛ի վկայու(թ)ի(ւն)։ եւ կերիցեն զայն գազանք անապատի՝ եւ թռչունք երկնից՝ եւ սողունք երկրի։

Verse: 13   Link to sept   Եւ խնդրեցից ՛ի նմանէ վրէժ զաւուրցն բահաղիմայ՝ յորս զոհէր ն(ո)ց(ա)։ դնէր գինդս, եւ արկանէր զքառամանեակս իւր, եւ երթայր զհետ հոմանեաց իւրոց. եւ զիս մոռացեալ էր՝ ասէ տ(է)ր։

Verse: 14   Link to sept   Վ(ա)ս(ն) այնորիկ ահաւասիկ ես ստերիւրեցի́ց զնա, եւ կարգեցի́ց զնա իբրեւ զանապատ. եւ խօսեցա́յց ՛ի սիրտ նորա։

Verse: 15   Link to sept   եւ տաց նմա զստացուածս իւր անտի. եւ զծործորն աքովրայ՝ բանալ զմիտս ն(ո)ր(ա). եւ խոնարհեսցի անդ ըստ աւուրց տղայու(թ)ե(ան) իւրոյ, ե́ւ ըստ աւուրց ելանելոյ ն(ո)ր(ա) յերկրէն եգիպտացւոց։

Verse: 16   Link to sept   Եւ եղիցի յաւուր յայնմիկ՝ ասէ տ(է)ր. կոչեսցէ զիս ա́յր իմ, եւ ո́չ կոչեսցէ զիս բահաղիմ։

Verse: 17   Link to sept   եւ բարձից զանուանս բահաղիմայ ՛ի բերանոյ ն(ո)ր(ա). եւ մի́ եւս յիշեսցին անուանք ն(ո)ց(ա)։

Verse: 18   Link to sept   Եւ եդից ն(ո)ց(ա) ուխտ յաւուր յայնմիկ հանդերձ գազանօք անապատի՝ եւ թռչնովք երկնից՝ եւ սողնօք երկրի. եւ զաղեղն, եւ զսուսեր, եւ զճակատամարտ խորտակեցի́ց յերկրէ. եւ բնակեցուցից զքեզ յուսով։

Verse: 19   Link to sept   եւ խոսեցայց զքեզ ինձ յաւիտեան. եւ խօսեցայց զքեզ ինձ արդարութ(եամ)բ՝ եւ իրաւամբք՝ եւ ողորմութ(եամ)բ՝ եւ գթու(թեամ)բք։

Verse: 20   Link to sept   եւ խօսեցայց զքեզ ինձ հաւատովք. եւ ծանիցես զտ(է)ր։

Verse: 21   Link to sept   Եւ եղիցի յաւուր յայնմիկ՝ ասէ տ(է)ր. լուա́յց ես երկնից. եւ երկինք լուիցեն երկրի։

Verse: 22   Link to sept   եւ երկիր լուիցէ ցորենոյ եւ գինւոյ եւ ձիթոյ, եւ նոքա լուիցեն յեզրայելի։

Verse: 23   Link to sept   եւ սերմանեցից զնա ինձ ՛ի վ(ե)ր(այ) երկրի։ Եւ ողորմեցայց չողորմելոյն։

Verse: 24   Link to sept   եւ ասացից ցոչ ժողովուրդ իմ, ժողովո́ւրդ ի́մ ես դու. եւ նա ասասցէ, տ(է)ր ա(ստուա)ծ իմ ես դու։



Chapter: 3  
ԳԼ(ՈՒԽ) Գ՜.


Section: 3 

Verse: 1   Link to sept   Եւ ասէ ցիս տ(է)ր դարձեալ. ասէ՝ ե́րթ դու եւ սիրեա́ կին մի որ սիրիցէ զչարու(թ)ի(ւն)՝ եւ իցէ շո́ւն։ ո(ր)պ(էս) սիրեաց ա(ստուա)ծ զորդիսն ի(սրայէ)լի, եւ նոքա հայէին յաստուածս օտարս, եւ սիրէին կտապս չամչեղէնս։

Verse: 2   Link to sept   Եւ վարձեցա́յ ես հնգետասան արծաթոյ, եւ քոռի́ միոջ գարւոյ եւ մարո́ւ միոջ գինւոյ։

Verse: 3   Link to sept   եւ ասե́մ ցնա. աւո́ւրս բազումս նստցես դու ինձ՝ եւ ո́չ եւս պոռնկեսցիս, եւ ո́չ եւս եղիցես առն այլում։

Verse: 4   Link to sept   Զի աւո́ւրս բազումս նստցին որդիքն ի(սրայէ)լի առա́նց թագաւորի՝ եւ առանց իշխանի՝ եւ առանց պատարագաց՝ եւ առանց սեղանոյ՝ եւ առանց քահանայու(թ)ե(ան)՝ եւ առանց յայտնու(թ)ե(ան)ց։

Verse: 5   Link to sept   Եւ յետ այնորիկ դարձցին որդիքն ի(սրայէ)լի, եւ խնդրեսցեն զտ(է)ր ա(ստուա)ծ իւրեանց, եւ զդաւիթ արքա́յ իւրեանց. եւ զօրասցին ՛ի տ(է)ր՝ եւ ՛ի բարութի(ւն)ս ն(ո)ր(ա) յաւո́ւրս կատարածի։



Chapter: 4  
ԳԼ(ՈՒԽ) Դ՜.


Section: 4 

Verse: 1   Link to sept   Լուարո́ւք զբանս տ(եառ)ն որդի́ք ի(սրայէ)լի. զի դատաստա́ն տ(եառ)ն է ընդ բնակիչս երկրի. զի ո́չ գոյ ՛ի ն(ո)ս(ա) ճշմարտութի(ւն), եւ ո́չ ողորմու(թ)ի(ւն), եւ ո́չ գիտութի(ւն) ա(ստուծո)յ ՛ի վ(ե)ր(այ) երկրի։

Verse: 2   Link to sept   Անէ́ծք եւ ստու(թ)ի(ւն) եւ սպանութի(ւն), եւ գողու(թ)ի(ւն)՝ եւ շնու(թ)ի(ւն) հեղեալ ՛ի վ(ե)ր(այ) երկրի. եւ արիւն ընդ արիւնս խառնեն։

Verse: 3   Link to sept   Վ(ա)ս(ն) այնորիկ սո́ւգ առցէ երկիր. եւ նուազեսցի ա(մենայ)ն բնակչօք իւրովք, եւ գազանօք անապատի, եւ սողնովք երկրի, եւ թռչնովք երկնից. եւ ձկունք ծովու պակասեսցին։

Verse: 4   Link to sept   զի ո́չոք իցէ որ դատիցէ՝ եւ ո́չ այն որ յանդիմանեսցէ։ Բայց ժողովուրդ իմ իբրեւ զքահանայն հակառակօղ։

Verse: 5   Link to sept   եւ տկարասցին ՛ի տուէ. եւ տկարասցի եւ մարգարէն ընդ քեզ։ գիշերոյ նմանեցուցի զմայրն քո։

Verse: 6   Link to sept   նմանեցաւ ժողովուրդ իմ այնմիկ՝ յորում ո́չ գոյր գիտու(թ)ի(ւն)։ Զի դու զգիտու(թ)ի(ւն) մերժեցեր, մերժեցից եւ ե́ս զքեզ զի մի́ քահանայասցիս ինձ։ եւ մոռացար զօրէնս ա(ստուծո)յ քոյ, մոռացայց եւ ես զորդիսն քո։

Verse: 7   Link to sept   Ըստ բազմու(թ)ե(ան) իւրեանց՝ նոյնպէս եւ մեղա́ն ինձ. զփառս ն(ո)ց(ա) յանարգութի(ւն) հասուցից։

Verse: 8   Link to sept   զմեղս ժողովրդեան իմոյ կերիցեն, եւ անօրէնութ(եամ)բք իւրեանց առցեն զանձինս իւրեանց։

Verse: 9   Link to sept   Եւ եղիցի ո(ր)պ(էս) ժողովուրդն՝ նոյնպէս եւ քահանայն։ եւ խնդրեցից վրէ́ժ ՛ի նմանէ. ըստ ճանապարհաց ն(ո)ր(ա) եւ ըստ խորհրդո́ց նորա հատուցից նմա։

Verse: 10   Link to sept   Կերիցեն՝ եւ մի́ յագեսցին. պոռնկեցան՝ եւ մի́ յաջողեսցին. զի տ(է)ր թողին, անխտի́ր լինել ՛ի պոռնկութի(ւն)։

Verse: 11   Link to sept   եւ զգինի եւ զարբեցու(թ)ի(ւն) ընկալաւ սիրտ ժողովրդեան իմոյ։

Verse: 12   Link to sept   ՛Ի քուայս հարցանէին՝ եւ գաւազանօք ն(ո)ր(ա) պատմէին նմա։ այսո́վ պոռնկութե(ան) մոլորեցան, եւ պոռնկեցան յա(ստուծո)յ իւրեանց։

Verse: 13   Link to sept   ՛Ի գլուխս լերանց զոհէին՝ եւ ՛ի վ(ե)ր(այ) բլրոց զենուին, ՛ի ներքոյ կաղնեաց՝ եւ կաղամախեաց՝ եւ վարսաւոր ծառոց. զի հաճո́յ թուէր հովանին։ Վասն այնորիկ պոռնկեսցին դետերք ձեր, եւ շնասցին հարսունք ձեր։

Verse: 14   Link to sept   եւ ո́չ արարից ա́յց դստերաց ձերոց՝ յորժամ պոռնկեսցին, եւ հարսանց ձերոց՝ յորժամ շնասցին. զի նոքա ընդ պոռնի́կս թաթաւէին, եւ ընդ նուիրեալսն զոհէին. եւ ժողովուրդն քո որ ո́չ իմանայր զայն՝ խառնակէր ընդ պոռնիկս։

Verse: 15   Link to sept   Բայց դու ի(սրայ)էլ մի́ տգէ́տ լինիր. եւ յուդա՝ մի́ մտանէք ՛ի գաղգաղայ, եւ մի́ ելանէք ՛ի տուն ովնայ. եւ մի́ երդնուցուք ՛ի տ(է)ր կենդանի։

Verse: 16   Link to sept   Զի իբրեւ երինջ լծընկէ́ց եղեւ ինձ ի(սրայ)էլ։ արդ՝ արածեսցէ զն(ո)ս(ա) տ(է)ր իբրեւ զգառն յանդորրու։

Verse: 17   Link to sept   Հաղո́րդ կռոց եփրեմ. ե́դ անձին իւրում գայթաղու(թ)ի(ւն). ցանկացան կռոցն քանանացւոց. ամենեքեան սիրեցին զգինի՝ թողէ́ք նմա։

Verse: 18   Link to sept   Պոռնկեցա́ն պոռնկութ(եամ)բ. սիրեցին զանարգու(թ)ի(ւն) ՛ի հպարտու(թեն)է ն(ո)ր(ա)։

Verse: 19   Link to sept   մրրիկ հողմոյ շնչեսցէ ՛ի թեւս ն(ո)ր(ա). եւ ամաչեսցեն ՛ի սեղանոց իւրեանց։



Chapter: 5  
ԳԼ(ՈՒԽ) Ե՜.


Verse: 1   Link to sept   Լուարո́ւք զայս քահանայք, եւ անսացէ́ք տունդ ի(սրայէ)լի. եւ տուն թագաւորիդ ունկնդի́ր լերուք։ քանզի ընդ ձե́զ է դատաստան. զի որոգայթ եղերուք գիտանոցին, եւ իբրեւ զվա́րմ ձգեալ ՛ի գլո́ւխ գահաւանդի՝

Verse: 2   Link to sept   զոր որսորդք յո́րս հաստատեցին։ Ե́ս եմ խրատիչ ձեր։

Verse: 3   Link to sept   եւս ծանեայ զեփրեմ, եւ ի(սրայ)էլ ո́չ է ՛ի բացեայ յինէն. քանզի այժմ պոռնկեցա́ւ եփրեմ, եւ պղծեցա́ւ ի(սրայ)էլ։

Verse: 4   Link to sept   Ո́չ ետուն զխորհուրդս իւրեանց դառնալ առ ա(ստուա)ծ իւրեանց. զի ա́յս պոռնկութե(ան) է ՛ի ն(ո)ս(ա). եւ զտ(է)ր ո́չ ծանեան։

Verse: 5   Link to sept   եւ խոնարհեսցի հպարտութի(ւն) ի(սրայէ)լի յերե́սս ն(ո)ր(ա). եւ ի(սրայ)էլ եւ եփրեմ տկարասցին յանօրէնութի(ւն)ս իւրեանց. տկարասցի եւ յուդայ ընդ ն(ո)ս(ա)։

Verse: 6   Link to sept   Յորձիւք եւ պատարագօք երթիցեն խնդրել զտ(է)ր, եւ մի́ գտցեն զնա. զի խո́յս ետ ՛ի նոցանէ։

Verse: 7   Link to sept   զի զտ(է)ր թողին. քանզի որդիք օտա́րք ծնան ն(ո)ց(ա). արդ՝ այժմ կերիցէ́ զն(ո)ս(ա) երեւիլ, եւ զվիճակս ն(ո)ց(ա)։
Section: 5 

Verse: 8   Link to sept   Փո́ղ հարէք ՛ի վ(ե)ր(այ) բլրոց. գոչեցէ́ք ՛ի վ(ե)ր(այ) բարձանց. քարո́զ կարդացէք ՛ի տուն ովնայ. թէ յիմարեցաւ բենիամին,

Verse: 9   Link to sept   եւ եփրեմ եղեւ յապականու(թ)ի(ւն)։ յաւուրս յանդիմանութե(ան) ՛ի մէջ ազգաց ի(սրայէ)լի ցուցի́ զհաւատարմութի(ւն)ս։

Verse: 10   Link to sept   Եղեն իշխանք յուդայ՝ ո(ր)պ(էս) որ փոփոխեն զսահմանս. ՛ի վ(ե)ր(այ) նոցա հեղից իբրեւ զջո́ւր զասպատակ իմ։

Verse: 11   Link to sept   Զրկեաց եփրեմ զոսոխ իւր, եւ կոխեաց զիրաւունս. զի սկսաւ երթա́լ զհետ սնոտեաց։

Verse: 12   Link to sept   եւ ես իբրեւ զխռո́վ եղէց եփրեմի, եւ իբրեւ զխայթո́ց տանն յուդայ։

Verse: 13   Link to sept   Ետես եփրեմ զա́խտ իւր, եւ յուդա զցաւս իւր. եւ գնաց եփրեմ առ ասորեստանեայս, եւ առաքեաց հրեշտակս առ արքայն յարիմայ. եւ նա ո́չ կարաց փրկել զձեզ, եւ ո́չ հանգուցանել զձեզ ՛ի ցաւուց։

Verse: 14   Link to sept   Զի ե́ս եմ իբրեւ յաւազ ՛ի վ(ե)ր(այ) եփրեմի, եւ իբրեւ զառեւծ ՛ի վ(ե)ր(այ) տանն յուդայ. եւ յարձակեցայց եւ յափշտակեցից զն(ո)ս(ա). առից, եւ ո́չոք իցէ որ փրկիցէ։

Verse: 15   Link to sept   գնացից եւ դարձա́յց ՛ի տեղի իմ, մինչեւ ապականեսցին։ Եւ խնդրեսցեն զերեսս իմ։



Chapter: 6  
ԳԼ(ՈՒԽ) Զ՜.


Verse: 1   Link to sept   ՛Ի նեղութե(ան) իւրեանց։ կանխեսցեն առիս եւ ասասցեն. Դարձցո́ւք եւ երթիցո́ւք առ տ(է)ր ա(ստուա)ծ մեր։

Verse: 2   Link to sept   զի նա եհար զմեզ՝ եւ նո́յն բժշկեսցէ. վիրաւորեաց՝ եւ պատեսցէ զմեզ։

Verse: 3   Link to sept   եւ ողջացուսցէ́ զմեզ՝ յետ երկուց աւուրց, եւ յաւո́ւրն երրորդի յարիցուք եւ կեցցուք առաջի ն(ո)ր(ա). եւ ծանիցուք եւ զհե́տ երթիցուք ճանաչել զտ(է)ր։ Իբրեւ զառաւօտ պատրաստական գտցուք զնա. եւ եկեսցէ մեզ իբրեւ զանձրե́ւ կանուխ եւ զանագան յերկրի։

Verse: 4   Link to sept   Զի՞նչ արարից ընդ քեզ եփրեմ, եւ կամ զի՞նչ անցուցից ընդ քեզ յուդայ. զի ողորմու(թ)ի(ւն) ձեր իբրեւ զամպ վաղորդայնի, եւ իբրեւ զցօղ առաւօտու որ անցանէ։

Verse: 5   Link to sept   Վ(ա)ս(ն) այնորիկ հնձեցի զմարգարէս ձեր, եւ կոտորեսցի́ զնոսա բանիւ բերանոյ իմոյ. եւ իրաւունք քո իբրեւ զլոյս ծագեսցեն։

Verse: 6   Link to sept   Զի զողորմութի(ւն) կամիմ, ե́ւ ո́չ զպատարագ. եւ զգիտու(թ)ի(ւն) ա(ստուծո)յ՝ քան զողջակէզս։

Verse: 7   Link to sept   եւ նոքա եղեն իբրեւ զմա́րդ ոք որ անցանէ զուխտիւ։ արդ արհամարհեաց զիս

Verse: 8   Link to sept   գաղաադ քաղաք որ առնէ սնոտիս, եւ խռովէ զջուրս։

Verse: 9   Link to sept   եւ զօրութի(ւն) քո իբրեւ զառն աւազակի։ Թաքուցին քահանայք զճանապարհս. սպանին զսիկիմ, զի զանօրէնու(թ)ի(ւն) գործեցին

Verse: 10   Link to sept   ՛ի տանն ի(սրայէ)լի։ Տեսի զարհաւիրս. արդ պոռնկեցաւ եփրեմ, եւ պղծեցաւ ի(սրայ)էլ

Verse: 11   Link to sept   եւ յուդա սկի́զբն արար կթոց. ՛ի դարձուցանել ինձ զգերութի(ւն) ժողովրդեան իմոյ։



Chapter: 7  
ԳԼ(ՈՒԽ) Է՜.


Verse: 1   Link to sept   ՛Ի բժշկել ինձ զի(սրայ)ել։ եւ յայտնեսցին չարիքն եփրեմայ եւ չարիքն շամրնի, զի արարին ստու(թ)ի(ւն)։ գո́ղ մտցէ առ նա, եւ աւազակ մերկացուսցէ ՛ի ճանապարհս ն(ո)ր(ա)։

Verse: 2   Link to sept   զի մրմնջեցեն ՛ի միասին, ո(ր)պ(էս) մրմնջեն ՛ի միտս իւրեանց։ զա(մենայ)ն չարիս ն(ո)ց(ա) յիշեցի։ արդ՝ պաշարեցին զն(ո)ս(ա) խորհուրդք ն(ո)ց(ա). յանդիման երեսաց իմոց եղեն։

Verse: 3   Link to sept   Չարեօք իւրեանց ուրա́խ արարին զթագաւորն, եւ ստութ(եամ)բ իւրեանց զիշխանս։

Verse: 4   Link to sept   Ամենեքին շնացեալք, իբրեւ զթոնիր վառեալ յեփել, բորբոքեա́լ ՛ի բոցոյ՝ եւ ՛ի զանգուածոյ ճարպոյ. մինչեւ խմորեսցին նոյն

Verse: 5   Link to sept   աւուրք թագաւորաց ձերոց։ սկսան իշխանք զայրանալ ՛ի գինւոյ. եւ ձգեցին զձե́ռս իւրեանց ՛ի ժանտագործս։

Verse: 6   Link to sept   զի բորբոքեցան իբրեւ զհնոց սիրտք ն(ո)ց(ա) յանիծանել զն(ո)ս(ա)։ Զգիշերն ա(մենայ)ն քնով յանգեցաւ եփրեմ. եղեւ առաւօտ՝ եւ բորբոքեցա́ն իբրեւ զբոց հրոյ։

Verse: 7   Link to sept   Ամենեքին ջեռան իբրեւ զհնոց վառեալ, եւ հո́ւր եկեր զդատաւորս ն(ո)ց(ա). ա(մենայ)ն դատաւորք նոցա անկան, եւ ո́չ ոք էր ՛ի նոցանէ որ կարգայր առիս.

Verse: 8   Link to sept   Եփրեմ ընդ ժողովուրդս խառնակէր. եւ եղեւ եփրեմ նկան չդարձուցեալ։

Verse: 9   Link to sept   կերան օտարք զզօրութի(ւն) ն(ո)ր(ա)՝ եւ նա ո́չ գիտաց։ Ծաղկեցին ալիք ն(ո)ր(ա), եւ նա ո́չ զգաց։

Verse: 10   Link to sept   եւ խոնարհեսցի հպարտու(թ)ի(ւն)ն ի(սրայէ)լի յերեսս ն(ո)ր(ա)։ եւ ո́չ դարձան առ տ(է)ր ա(ստուա)ծ իւրեանց, եւ ո́չ խնդրեցին զնա յա(մենայ)նի յայսմիկ։

Verse: 11   Link to sept   Եւ էր եփրեմ իբրեւ զաղաւնի անմիտ՝ որոյ ո́չ իցէ սիրտ. յեգիպտոԷ́ս խրախուսէին, եւ առ ասորեստանեայս գնացին։

Verse: 12   Link to sept   Ո́ւրեւ երթայցեն՝ արկի́ց ՛ի վ(ե)ր(այ) ն(ո)ց(ա) զվարմ իմ, եւ իբրեւ զթռչունս երկնից իջուցից զն(ո)ս(ա). եւ խրատեցից զն(ո)ս(ա) համբաւով նեղութե(ան) ն(ո)ց(ա)։
Section: 6 

Verse: 13   Link to sept   Վա́յ ն(ո)ց(ա) զի վաղեցին զինեւ. եւ եղո́ւկ են՝ զի ամպարշտեցան յիս։ Ե́ս փրկեցի զն(ո)ս(ա) եւ նոքա բամբասեցին զիս սուտ,

Verse: 14   Link to sept   եւ ո́չ աղաղակեցին առիս սիրտք ն(ո)ց(ա)։ այլ ողբացին յանկողինս իւրեանց. եւ ՛ի վ(ե)ր(այ) ցորենոյ եւ գինւոյ ցտէին. խրատեցան ինեւ՝

Verse: 15   Link to sept   եւ ես զօրացուցի զբազուկս ն(ո)ց(ա). եւ ՛ի վ(ե)ր(այ) իմ խորհեցան չարութի(ւն)։

Verse: 16   Link to sept   Դարձան յոչինչ, եւ եղեն իբրեւ զաղեղն լարեալ։ անկցին ՛ի սո́ւր իշխանք ն(ո)ց(ա), վ(ա)ս(ն) անխրատու(թ)ե(ան) խստու(թ)ե(ան) լեզու(թ)ի(ւն) իւրեանց. զի այս անզգամու(թ)ի(ւն) ն(ո)ց(ա) յերկրին եգիպտացւոց։



Chapter: 8  
ԳԼ(ՈՒԽ) Ը՜.


Verse: 1   Link to sept   ՛ի ծոցս ն(ո)ց(ա) իբրեւ զերկիր, եւ իբրեւ զարծուի ՛ի վերայ տանն տ(եառ)ն. փոխանակ զի անցին զուխտիւ իմով, եւ յօրէնս իմ ամպարշտեցան։

Verse: 2   Link to sept   Առի́ս աղաղակեսցեն, ա(ստուա)ծ՝ ծանեաք զքեզ.

Verse: 3   Link to sept   զի ի(սրայ)էլ դարձաւ ՛ի բարեաց. հալածեցին զթշնամի։

Verse: 4   Link to sept   Անձամբ թագաւորեցին՝ եւ ո́չ ինեւ. տիրեցին եւ ո́չ ցուցին ինձ. զարծաթ իւրեանց եւ զոսկի արարին իւրեանց կուռս զի սատակեսցին։

Verse: 5   Link to sept   Խորտակեա́ զորթն քո շամրին. բարկացաւ սրտմտութի(ւն) իմ ՛ի վ(ե)ր(այ) ն(ո)ր(ա). մինչեւ յե՞րբ ոչ կարասցեն սրբել յի(սրայէ)լի։

Verse: 6   Link to sept   եւ զայն հեւսն գործեաց՝ եւ ո́չ է ա(ստուա)ծ. քանզի մոլորեցուցիչ է ո́րթն քո շամրին։

Verse: 7   Link to sept   զի խորշակահար սերմանեցին, եւ կործանումն ն(ո)ց(ա) ընկալցի զայն։ Որայ ն(ո)ց(ա) ո́չ արասցէ զօրու(թ)ի(ւն) խիւսոյ. թէ եւ առնիցէ զայն՝ օտա́րք կերիցեն։

Verse: 8   Link to sept   Ընկղմեցա́ւ ի(սրայ)էլ. արդ ա́յժմ եղեւ ՛ի մէջ ազգաց իբրեւ զանօթ անպիտան։

Verse: 9   Link to sept   զի գնացին առ ասորեստանեայս։ զուարթացաւ առանձինն եփրեմ, սիրեաց զկաշառս.

Verse: 10   Link to sept   վ(ա)ս(ն) այնորիկ մատնեսցին ՛ի մէջ ազգաց։ Բայց ա́յժմ ընկալայց զն(ո)ս(ա)՝ եւ դադարեսցեն փոքր մի յօծանելոյ թագաւո́րս եւ իշխանս։

Verse: 11   Link to sept   Զի յաճախեաց եփրեմ սեղանս. եւ եղեն նմա ՛ի մեղս սեղա́նք սիրեցեալք։

Verse: 12   Link to sept   Գրեցից ՛ի վերայ ն(ո)ց(ա) բազմութի(ւն). եւ կրօնք ն(ո)ր(ա) յօտարոտի́ս համարեցան։

Verse: 13   Link to sept   Սեղանքն սիրեցեալք։ զի թէպէտ եւ զոհեսցեն զոհս, եւ ուտիցեն զմիսն՝ տ(է)ր ո́չ ընկալցի զայն։ արդ յիշեսցէ զանիրաւու(թ)ի(ւն)ս ն(ո)ց(ա), եւ զանօրէնու(թ)ե(ան)ց ն(ո)ց(ա) վրէ́ժ խնդրեսցէ։ զի նոքա յեգիպտոս դարձան, եւ ՛ի մէջ ասորեստանեայց պղծութի(ւն)ս կերիցեն։

Verse: 14   Link to sept   Մոռացա́ւ ի(սրայ)էլ զարարիչ իւր, եւ շինեցին մեհեանս. եւ յաճախեաց յուդայ քաղաքս պարսպաւորս. եւ առաքեցից հուր ՛ի քաղա́քս նորա, եւ կերիցէ́ զհիմունս նոցա։



Chapter: 9  
ԳԼ(ՈՒԽ) Թ՜.


Verse: 1   Link to sept   Մի́ խնդար ի(սրայ)էլ, եւ մի́ ուրախ լինիր ո(ր)պ(էս) ժողովուրդք երկրի. զի պոռնկեցա́ր յա(ստուծո)յն քումմէ։ սիրեցեր զկաշառս ՛ի վ(ե)ր(այ) ա(մենայ)ն կալոց ցորենոյ։

Verse: 2   Link to sept   կա́լք եւ հնծանք զն(ո)ս(ա) ո́չ ծանեան, եւ գինի ստեա́ց ն(ո)ց(ա)։

Verse: 3   Link to sept   Ո́չ բնակեցին յերկրի տ(եառ)ն. բնակեսցէ եփրեմ յեգիպտոս. եւ ՛ի մէջ ասորեստանեայց պի́ղծս կերիցեն։

Verse: 4   Link to sept   Ո́չ նուիրեցին տ(եառ)ն գինի, եւ ո́չ քաղցրացուցին նմա. զոհք ն(ո)ց(ա) իբրեւ զհա́ց սգոյ եղիցի ն(ո)ց(ա). ամենեքեան որ ուտիցեն ՛ի նմանէ պղծեսցին. զի հա́ցն իւրեանց անձանց իւրեանց լիցի, եւ մի́ մտցէ ՛ի տուն տ(եառ)ն։

Verse: 5   Link to sept   Զինչ գործիցէք յաւուրս տարեկանի՝ եւ յաւուրս տօնի տ(եառ)ն։

Verse: 6   Link to sept   վ(ա)ս(ն) այնորիկ ահա գնասցեն ՛ի թշուառութի(ւն) եգիպտացւոց. եւ ընկալցի զն(ո)ս(ա) մեմփիս, եւ թաղեսցէ զն(ո)ս(ա) մաքմաս։ զարծաթ ն(ո)ց(ա) կորո́ւստ ժառանգեսցէ, եւ յարկս ն(ո)ց(ա) փո́ւշ բուսցի։

Verse: 7   Link to sept   Հասեա́լ են իրաւունք վրէժխնդրու(թ)ե(ան) քոյ. հասեալ են աւուրք հատուցման քոյ. եւ չարչարեսցի ի(սրայ)էլ իբրեւ զմարգարէ յիմարեալ, իբրեւ զա́յր մի այսակիր. ՛ի բազմութ(են)է անիրաւու(թ)ե(ան)ց քոց յաճախեաց մոլորու(թ)ի(ւն)։

Verse: 8   Link to sept   Դէ́տ է եփրեմ ընդ ա(ստուծո)յ մարգարէ՝ որոգայթ գայթագղու(թ)ե(ան) յա(մենայ)ն ճանապարհս ն(ո)ր(ա). մոլորու(թ)ի(ւն) տան ա(ստուծո)յ տնկեցին։

Verse: 9   Link to sept   ապականեցան ըստ աւուրցն բարձանց. յիշեսցէ́ զանօրէնու(թ)ի(ւն)ս ն(ո)ց(ա), եւ վրէժ խնդրեսցէ մեղաց ն(ո)ց(ա)։

Verse: 10   Link to sept   Իբրեւ զխաղո́ղ յանապատի գտի զի(սրայ)էլ. եւ իբրեւ զգիտակ ՛ի թղենւոջ վաղահատուկ տեսի զհարս ն(ո)ց(ա)։ նոքա մտին ՛ի բելփեգո́վր, եւ օտարացան յամօթ իւրեանց. եւ եղեն գարշելիքն իբրեւ զսիրեցեալս։

Verse: 11   Link to sept   Եփրեմ իբրեւ զհա́ւ թռեաւ. եւ փառք ն(ո)ց(ա) ՛ի տոկոսեաց՝ եւ յերկանց՝ եւ յղու(թ)ե(ան)ց։

Verse: 12   Link to sept   թէպէտ եւ սնուսցեն զորդիս իւրեանց, անզաւակեսցին ՛ի մարդկանէ. քանզի վա́յ է ն(ո)ց(ա)։ մարմին իմ ՛ի նոցանէ́։

Verse: 13   Link to sept   Զեփրեմ ո(ր)պ(էս) տեսի՝ յո́րս կացուցին յանդիման զորդիս իւրեանց. եւ սկսաւ եփրեմ հանել ՛ի խոցոտումն զորդի́ս իւր։

Verse: 14   Link to sept   Տո́ւր նոցա տ(է)ր։ զի՞նչ տացես ն(ո)ց(ա). տո́ւր ն(ո)ց(ա) արգա́նդ անորդի, եւ ստի́նս ցամաքեալս։

Verse: 15   Link to sept   Ա(մենայ)ն չարիք ն(ո)ց(ա) ՛ի գազգաղա. զի ա́նդ ատեցի զն(ո)ս(ա) վ(ա)ս(ն) չարութե(ան) գնացից ն(ո)ց(ա)։ ՛ի տանէ իմմէ մերժեցի́ց զն(ո)ս(ա), եւ ո́չ եւս յաւելից սիրել զն(ո)ս(ա)։ Ա(մենայ)ն իշխանք ն(ո)ց(ա) ապստամբք։

Verse: 16   Link to sept   ախտացան արմատք եփրեմայ. չարացա́ն եւ պտուղ ո́չ եւս տացեն։ զի թէպէտ եւ ծնցին՝ անզաւակեցից զցանկալիս որոայնի́ց նոցա։

Verse: 17   Link to sept   Մերժեսցէ́ զն(ո)ս(ա) ա(ստուա)ծ՝ զի ո́չ լուան նմա, եւ եղիցին մոլորակա́նք ՛ի մէջ ազգաց։



Chapter: 10  
ԳԼ(ՈՒԽ) Ժ՜.


Verse: 1   Link to sept   Այգի́ տաշտաւոր պտղալից ի(սրայ)էլ. ըստ բազմութե(ան) պտղոց ն(ո)ր(ա) յաճախեաց սեղանս. ըստ պարարտութե(ան) երկրի իւրեանց կանգնեցին արձա́նս։

Verse: 2   Link to sept   Բաժանեցին զսիրտս իւրեանց, արդ ապականեսցի́ն։ նա կործանեսցէ զսեղանս ն(ո)ց(ա). թշուառասցին արձա́նք ն(ո)ց(ա)։

Verse: 3   Link to sept   Քանզի այժմ ասասցեն. ո́չ գոյ մեր թագաւոր՝ զի ՛ի տ(եառն)է ո́չ երկեաք. այլ թագաւոր մեզ զի՞ առնիցէ։

Verse: 4   Link to sept   եթէ բանս խօսեսցի՝ պատճառք ստութե(ան) են. ուխտեսցէ ուխտ։ եւ բուսցին իբրեւ զսէ́զ իրաւունք ՛ի կո́րդ ագարակի,

Verse: 5   Link to sept   որթուն տանն ովնայ։ Եւ եղիցին պանդո́ւխտք բնակիչք շամրնի. զի սո́ւգ առ ժողովուրդ ն(ո)ր(ա) ՛ի վ(ե)ր(այ) ն(ո)ր(ա). եւ ո(ր)պ(էս) դառնացուցին զնա, ոտնհա́ր լիցին ՛ի վ(ե)ր(այ) փառաց ն(ո)ր(ա). զի գերեցա́ն ՛ի նմանէն։

Verse: 6   Link to sept   Եւ զնա յասորեստանեայս կապեա́լս տարցին պատարա́գ արքային յարիմայ։ կաշառօ́ք ընկալցի զեփեմ. ամաչեսցէ́ ի(սրայ)էլ ՛ի խորհուրդս իւր։

Verse: 7   Link to sept   մերժեաց շամրին զթագաւոր իւր՝ իբրեւ զխռիւ յերեսաց ջրոյ։

Verse: 8   Link to sept   եւ բարձցին մեհեանքն ովնայ՝ մեղքն ի(սրայէ)լի։ փուշ եւ տատա́սկ բուսցի ՛ի սեղանս ն(ո)ց(ա). եւ ասասցեն լերանց թէ անկերո́ւք ՛ի վ(ե)ր(այ) մեր, եւ ցբլուրս թէ ծածկեցէ́ք զմեզ։

Verse: 9   Link to sept   Յորմէհետէ բարձո́ւնք են՝ մեղա́ւ ի(սրայ)էլ. անդ առին զտեղի, եւ մի́ հասցէ ն(ո)ց(ա) ՛ի բարձունս։

Verse: 10   Link to sept   պատերա́զմ եկն ՛ի վ(ե)ր(այ) որդւոցն անօրէնութե(ան)ց խրատել զն(ո)ս(ա). եւ ժողովեսցին ՛ի վ(ե)ր(այ) ն(ո)ց(ա) ազգք, խրատե́լ զն(ո)ս(ա) ՛ի վ(ե)ր(այ) երկուց անիրաւութե(ան)ց ն(ո)ց(ա)։

Verse: 11   Link to sept   Եփրեմ երինջ կիրթ՝ սիրել զհակառակութի(ւն). բայց ես հասի́ց ՛ի վ(ե)ր(այ) գեղո́յ պարանոցի ն(ո)ր(ա)։ ելի́ց ՛ի վ(ե)ր(այ) եփրեմայ, եւ անփո́յթ արարից զյուդայէ. եւ զօրասցի ՛ի վ(ե)ր(այ) ն(ո)ր(ա) յակովբ։

Verse: 12   Link to sept   Սերմանեցէ́ք ձեզ յարդարու(թ)ի(ւն), եւ հնձեցէ́ք պտուղ կենաց. լուսաւո́ր արարէք ձեզ զլոյս գիտու(թ)ե(ան). խնդրեցէ́ք զտ(է)ր՝ մինչեւ եկեսցեն ձեզ արդիւնք արդարու(թ)ե(ան)։

Verse: 13   Link to sept   Զմէ՞ խլխլեցէք զամպարշտութի(ւն), եւ զանօրէնու(թ)ի(ւն)ս ն(ո)ր(ա) գրգեցէք, եւ կերայք պտուղ ստու(թ)ե(ան). զի յուսացար ՛ի կառս քո ՛ի բազմու(թ)ի(ւն) զօրութե(ան) քոյ։

Verse: 14   Link to sept   Եւ յարիցէ կորուստ ՛ի վ(ե)ր(այ) ժողովրդեան քոյ. եւ ա(մենայ)նպարսպաւորք քո կործանեսցին։ իբրեւ իշխան սաղմանա ՛ի տանէն յերոբովա յաւուրս պատերազմին՝ զմայր առ որդիս հարին,

Verse: 15   Link to sept   նո́յնպէս արասցեն ձեզ տունդ ի(սրայէ)լի։ յերեսաց չարեաց ձերոց ընկեցան։



Chapter: 11  
ԳԼ(ՈՒԽ) Ժ՜Ա.


Section: 7 

Verse: 1   Link to sept   Ընդ առաւօտս. ընկեցաւ թագաւորն ի(սրայէ)լի։ Քանզի տղա́յ էր ի(սրայ)էլ, եւ ես սիրեցի զնա, եւ յեգիպտոսէ́ կոչեցի զորդիս ն(ո)ր(ա)։

Verse: 2   Link to sept   Ո(ր)պ(էս) կոչեցի զն(ո)ս(ա)՝ նոյնպէս մերժեցան յերեսաց իմոց. նոքա բահաղիմա́յ զոհէին, եւ դրօշելոց խո́ւնկս արկանէին։

Verse: 3   Link to sept   Եւ ես խափանեցի զեփրեմ, եւ ընկալայ զնա ՛ի վ(ե)ր(այ) բաղկաց իմոց. եւ ո́չ գիտացին թէ բժշկեմ զն(ո)ս(ա)

Verse: 4   Link to sept   յապականութ(են)է մարդկան։ ձգեցի զն(ո)ս(ա) կապանօք սիրոյ իմոյ. եւ եղէց ն(ո)ց(ա) ո(ր)պ(էս) ածիցէ ոք ապտա́կ ՛ի ծնօտս նորա. հայեցա́յց ՛ի նա՝ եւ յաղթեցից նմա։

Verse: 5   Link to sept   Բնակեաց եփրեմ յեգիպտոս, եւ ասորեստանեայն թագաւո́ր նմա. զի ո́չ կամեցան դառնալ։

Verse: 6   Link to sept   եւ տկարացաւ սրով ՛ի քաղաքս իւր, եւ դադարեաց ՛ի ձեռս ն(ո)ր(ա), եւ կերիցեն ՛ի խորհրդոց իւրեանց։

Verse: 7   Link to sept   Եւ ժողովուրդ ն(ո)ր(ա) կախեա́լ կայցէ զբնակութ(են)է ն(ո)ր(ա). եւ ա(ստուա)ծ ՛ի վ(ե)ր(այ) պատուականաց ն(ո)ր(ա) բարկասցի́, եւ մի́ բարձրացուսցէ զն(ո)ս(ա)։

Verse: 8   Link to sept   Զի՞նչ անցուցից ընդ քեզ եփրեմ. այլ պաշտպա́ն լինիցիմ քեզ ի(սրայ)էլ. զի՞նչ անցուցից ընդ քեզ եդից զքեզ. իբրեւ զադամայ՝ եւ իբրեւ զսեբոյիմ։ Դարձա́ւ սիրտ իմ ՛ի նոյն. յուզեցա́ւ խնամք իմ։

Verse: 9   Link to sept   եւ ո́չ արարից ըստ բարկու(թ)ե(ան) սրտմտու(թ)ե(ան) իմոյ։ եւ ոչ թողից ջնջել զեփրեմ։ Զի ա(ստուա)ծ եմ ես՝ եւ ո́չ մարդ, ՛ի միջի ձերում ս(ուր)բ. եւ ո́չ մտից ՛ի քաղաք։

Verse: 10   Link to sept   այլ զկնի տ(եառ)ն գնացից։ իբրեւ առեւծ մռնչեսցէ. զի ինքն մռնչեսցէ, եւ յիմարեցուսցէ զորդիս ջուրց։

Verse: 11   Link to sept   Թռիցեն եկեսցեն իբրեւ զհաւ յեգիպտոսէ, եւ իբրեւ զաղաւնիս յերկրէն ասորեստանեայց. եւ պատսպարեցուցից զն(ո)ս(ա) ՛ի տունս իւրեանց՝ ասէ տ(է)ր։

Verse: 12   Link to sept   Պաշարեա́ց զիս ստու(թեամ)բ եփրեմ, եւ ամպարշտու(թեամ)բ տունն ի(սրայէ)լի եւ յուդայ։ արդ ծանեա́ւ զն(ո)ս(ա) ա(ստուա)ծ, եւ ժողովուրդ սուրբ կոչեսցի ա(ստուծո)յ։



Chapter: 12  
ԳԼ(ՈՒԽ) Ժ՜Բ.


Verse: 1   Link to sept   Այլ եփրեմ ա́յս չար՝ զհե́տ եղեւ խորշակի։ զօրհանապազ զնանրու(թ)ի(ւն) եւ զսնոտիս յաճախեաց։ ե́դ ուխտ ընդ ասորեստանեայս՝ եւ եւղ յեգիպտոս տանէր։

Verse: 2   Link to sept   Եւ դատաստան տ(եառ)ն ընդ յուդայ. խնդրել վրէ́ժ ՛ի յակովբայ։ ըս(տ) ճանապարհաց ն(ո)ր(ա) եւ ըստ գնացի́ց ն(ո)ր(ա) հատուսցէ́ նմա։

Verse: 3   Link to sept   Յարգանդի խաբեաց զեղբայր իւր, եւ յաշխատու(թ)ի(ւն)ս իւր զօրացաւ առ ա(ստուա)ծ։

Verse: 4   Link to sept   եւ ժուժկալեաց ը(նդ) հրեշտակին, եւ զօրացաւ։ Լացին եւ խնդրեցին զիս, եւ ՛ի տան իմում գտին զիս ա́նդ պատմեցաւ ն(ո)ց(ա).

Verse: 5   Link to sept   եւ տ(է)ր ա(ստուա)ծ ամենակալ եղիցի յիշատակ ն(ո)ց(ա)։

Verse: 6   Link to sept   Եւ դու յա(ստուա)ծ քո դարձցիս. ողորմութի(ւն) եւ իրաւունս պահեսցես. եւ մերձեսցիս առ տ(է)ր ա(ստուա)ծ քո յա(մենայ)ն ժամ։

Verse: 7   Link to sept   Կշիռք անիրաւու(թ)ե(ան) ՛ի ձեռս քանանու, եւ սիրեւց յաղթահարել։

Verse: 8   Link to sept   եւ ասաց եփրեմ, մեծացա́յ գտի հանգիստ անձին իմոյ։ ա(մենայ)ն վաստակք ն(ո)ր(ա) մի́ գտցին նմա, զի վ(ա)ս(ն) անօրէնու(թ)ե(ան)ց յանցեաւ։

Verse: 9   Link to sept   Բայց ես տ(է)ր ա(ստուա)ծ քո որ հանի զքեզ յերկրէ́ն եգիպտացւոց, դարձեալ բնակեցուցից զքեզ ՛ի խորանս՝ ըստ աւուրցն տօնից։

Verse: 10   Link to sept   եւ խօսեցա́յց ը(նդ) մարգարէսն։ Եւ ես տեսի́լս յաճախեցից, եւ ՛ի ձեռս մարգարէից նմանեցայց։

Verse: 11   Link to sept   Եթէ ոչ գաղաագ էր, ապա սո́ւտ էին ՛ի գաղգաղա իշխանքն որ զոհէին. եւ սեղանք ն(ո)ց(ա) իբրեւ զկրայս ՛ի կո́րդ ագարակի։

Verse: 12   Link to sept   Եւ գնա́ց յակովբ ՛ի դաշտն ասորւոց. եւ ծառայեաց ի(սրայ)էլ վ(ա)ս(ն) կնոջ, եւ ՛ի ձեռն կնոջ զգուշացաւ։

Verse: 13   Link to sept   Եւ ՛ի ձեռն մարգարէին եհան տ(է)ր զի(սրայ)էլ յերկրէն եգիպտացւոց, եւ մարգարէի́ւ պահեցաւ։

Verse: 14   Link to sept   Բարկացո́ւյց զիս ի(սրայ)էլ՝ եւ զայրացոյց, եւ արիւն ն(ո)ր(ա) ՛ի վերայ նորա հեղցի։ զնախատինս նորա հատուսցէ նմա տ(է)ր։



Chapter: 13  
ԳԼ(ՈՒԽ) Ժ՜Գ.


Verse: 1   Link to sept   Ըստ բանիցն եփրամայ. իրաւունս առ նա ա(ստուծո)յ ի(սրայէ)լի. եւ ե́դ զայն ՛ի բահաղու՝ եւ մեռաւ։

Verse: 2   Link to sept   Եւ արդ դարձեալ յաւելին ՛ի մեղանչել. եւ արարին իւրեանց ձուլածո́յս յարծաթոյ իւրեանց ՛ի նմանութի(ւն) պատկերի կռոց. գործ ճարտարաց նուիրել ն(ո)ց(ա)։ եւ նոքա ասեն, զոհեցէ́ք մարդիկ, զի պակասեցին որթք։

Verse: 3   Link to sept   Վ(ա)ս(ն) այնորիկ եղիցին իբրեւ զամպ առաւօտու, եւ իբրեւ զցօղ վաղորդայնոյ որ անցանէ. եւ իբրեւ զփոշի հոսեալ ՛ի կալոյ, եւ իբրեւ զծուխ ՛ի պատուհանից։

Verse: 4   Link to sept   Ե́ս եմ տ(է)ր ա(ստուա)ծ քո, որ հաստատեցի զերկինս, եւ հաստատեցի զերկիր, որոյ ձեռք հաստատեցին զա(մենայ)ն զօրս երկնից, եւ ո́չ ցուցի քեզ երթալ զհետ ն(ո)ց(ա). եւ ես հանի զքեզ յերկրէն եգիպտացւոց. եւ ա(ստուա)ծ բա́ց յինէն ո́չ ծանիցես, եւ փրկիչ՝ ո́չ գոյ բա́ց յինէն։

Verse: 5   Link to sept   Ե́ս հովուէի́ քեզ յանապատի յանշէն երկրի,

Verse: 6   Link to sept   ըստ արօտի ն(ո)ց(ա) յագեցան եւ զմայլեցան, եւ հպարտացան սրտիւք իւրեանց. վ(ա)ս(ն) այնորիկ մոռացան զիս։

Verse: 7   Link to sept   Եւ ես եղէց ն(ո)ց(ա) իբրեւ զյովազ, եւ իբրեւ զինծ ՛ի ճանապարհին ասորեստանեայց։

Verse: 8   Link to sept   պատահեցից ն(ո)ց(ա) իբրեւ արջ քաղցեալ, եւ պատառեցի́ց զառագաստ սրտից ն(ո)ց(ա). եւ կերիցեն զն(ո)ս(ա) կորիւնք անտառի. եւ գազա́նք վայրի կեղեքեսցեն զն(ո)ս(ա)։

Verse: 9   Link to sept   Յապականութե(ան) քում ի(սրայ)էլ՝ ո՞վ իցէ որ օգնիցէ քեզ։

Verse: 10   Link to sept   Ո՞ւր է թագաւորն քո, նա́ փրկեսցէ զքեզ. յա(մենայ)ն քաղաքս քո իրա́ւ արասցէ քեզ։ զորմէ ասացերն թէ տո́ւր ինձ թագաւոր եւ իշխան։

Verse: 11   Link to sept   եւ ետու քեզ թագաւոր բարկութ(եամ)բ իմով, եւ կարճեցի սրտմտու(թեամ)բ իմով։

Verse: 12   Link to sept   Ծրա́ր անիրաւութե(ան)ց եփրեմ. եւ ծածկեալ կան մեղքն ն(ո)ր(ա)։

Verse: 13   Link to sept   երկունք իբրեւ ծննդականի հասցեն նմա. դա́ է որդին քո իմաստուն. վասն այնորիկ այժմիկ չկարասցէ հանդարտել ՛ի բեկման որդւոց։

Verse: 14   Link to sept   ՛Ի ձերաց դժոխոց ապրեցուցի́ց զն(ո)ս(ա). եւ ՛ի մահուանէ փրկեցի́ց զն(ո)ս(ա)։ Ո՞ւր է յաղթութի(ւն) քո մահ. ո՞ւր է խայթոցք քո դժոխք։ Մխիթարու(թ)ի(ւն) ծածկեալ է յաչաց իմոց.

Verse: 15   Link to sept   քանզի նա ՛ի մէջ եղբարց զատուսցէ։ Ածցէ ՛ի վ(ե)ր(այ) ն(ո)ր(ա) տ(է)ր հո́ղմ խորշակի յանապատէ. եւ ցմաքեցուսցէ զերակս ն(ո)ր(ա). եւ աւերեսցէ զաղբեւրս ն(ո)ր(ա)։ Սա ցամաքեցուսցէ́ զերկիր ն(ո)ր(ա), եւ զա(մենայ)ն անօթս ն(ո)ր(ա) ցանկալիս։



Chapter: 14  
ԳԼ(ՈՒԽ) Ժ՜Դ.


Verse: 1   Link to sept   Ապականեսցի շամրին զի ընդդէ́մ դարձաւ ա(ստուծո)յ իւրոյ։ ՛ի սո́ւր անկցին. եւ ստնդիա́ցք նորա զքարի́ հարցին, եւ յղիք ն(ո)ր(ա) պայթեսցեն։

Verse: 2   Link to sept   Դա́րձ ի(սրայ)էլ առ տ(է)ր ա(ստուա)ծ քո. զի տկարացա́ր յանօրէնու(թ)ի(ւն)ս քո։

Verse: 3   Link to sept   Առէ́ք ը(նդ) ձեզ բանս՝ եւ դարձարո́ւք առ տ(է)ր ա(ստուա)ծ ձեր. եւ ասացէ́ք ցնա. կարօ́ղ ես թողուլ զմեղս մեր զի մի́ առնուցուք անիրաւութի(ւն), այլ ընդունիցիք զբարիս. եւ հատուսցուք զպտուղ շրթանց մերոց. եւ վայելեսցեն ՛ի բարութե(ան) սիրտք ձեր։

Verse: 4   Link to sept   Ասորեստանեայն ո́չ փրկէ զմեզ, եւ յերիւարս ո́չ հեծցուք. եւ մի́ եւս ասասցուք աստուա́ծ մեզ զձեռագործս մեր։ զի որ ՛ի քեզդ է՝ ողորմեսցի́ որբոց։

Verse: 5   Link to sept   Բժշկեցից զբնակու(թ)ի(ւն)ս ն(ո)ց(ա). եւ սիրեցի́ց զն(ո)ս(ա) համօրէն. զի դարձա́ւ բարկու(թ)ի(ւն) իմ ՛ի նոցանէ։

Verse: 6   Link to sept   Եւ եղիցի իբրեւ զցօղ ի(սրայէ)լի. եւ ծաղկեսցէ իբրեւ զշուշան. եւ արձակեսցէ զարմատ իւր իբրեւ զլիբանոս։

Verse: 7   Link to sept   արձակեսցին ոստք ն(ո)ր(ա), եւ եղիցին իբրեւ զձիթենի պտղալից. եւ բուրեսցէ հոտ նորա իբրեւ զկնդրկի։

Verse: 8   Link to sept   Դարձցին եւ նստցի́ն ընդ յարկաւ ն(ո)ր(ա), կեցցեն եւ հաստատեսցին ցորենով. եւ ծաղկեսցէ իբրեւ զորթ յիշատակ ն(ո)ր(ա), եւ իբրեւ զգինի լիբանանու եղիցի

Verse: 9   Link to sept   եփրեմայ։ Զի՞ եւս կայ ն(ո)ր(ա) եւ կռոց, ե́ս խոնարհեցուցի զնա, եւ ես զօրացուցից զնա. ե́ս իբրեւ զայգի պտղախայծ՝ յինէ́ն գտաւ պտուղ ՛ի քեզ։

Verse: 10   Link to sept   Ո՞վ է իմաստուն՝ եւ իմասցի զայս. հանճարեղ՝ եւ ծանիցէ զայս։ զի ուղի́ղ են ճանապարք տ(եառ)ն. եւ արդարք գնասցեն ընդ ն(ո)ս(ա). եւ ամպարիշտք տկարասցին ՛ի նոսա։
Section:  




Book: Am. 
ՄԱՐԳԱՐԷՈՒԹԻՒՆ
ԱՄՈՎՍԱՅ


Chapter: 1 
ԳԼ(ՈՒԽ) Ա՜.


Verse: 1  Link to sept Պատգամք ամովսայ որ եղեն յակկարիմ թեկուայ, զորս ետես ՛ի վերայ ե(րուսաղէ)մի. Յաւուրս ոզիայ արքայի հրէաստանի, եւ յաւուրս յարոբովամայ որդւոյ յովասայ արքայի ի(սրայէ)լի։ Երկուք ամօք յառաջ քան զգետնաշարժն. եւ ասէ։


Section: 1 

Verse: 2   Link to sept   ՏԷՐ ՛Ի ՍԻՈվՆԷ ԲԱՐԲԱՌԵՑԱՒ, եւ յե(րուսաղէ)մէ ետ զձա́յն իւր. եւ սո́ւգ առին արօտք հօտից. եւ ցամաքեցա́ն բարձունք կարմելայ։

Verse: 3   Link to sept   Եւ ասէ́ տ(է)ր ՛ի վ(ե)ր(այ) երիցն անօրէնութե(ան)ցն դամասկեայ, եւ ՛ի վ(ե)ր(այ) չորիցն՝ ո́չ դարձայց ՛ի նմանէ։ փոխանակ զի կտրէին զյղիս գաղաադացւոց սղոցօք երկաթեօք։

Verse: 4   Link to sept   Եւ առաքեցից հո́ւր ՛ի տունն ազայելի, եւ կերիցէ զհիմունս որդւոյ ադերայ։

Verse: 5   Link to sept   եւ խորտակեցից զնիգս դամասկեայ. եւ սատակեցից զբնակիչս դաշտացն աւնայ. եւ կոտորեցից զազգն յարանց խառանու. եւ գերեսցի ժողովուրդն ասորւոց՝ ասէ տ(է)ր·

Verse: 6   Link to sept   Ա́յսպէս ասէ տ(է)ր, ՛ի վ(ե)ր(այ) երից ամպարշտութե(ան)ցն գազայ, եւ ՛ի վ(ե)ր(այ) չորիցն՝ ո́չ դարձայց ՛ի նոցանէն. փոխանակ զի գերեցին զգերու(թ)ի(ւն) սողոմոնի արգելուլ յեդովմ։

Verse: 7   Link to sept   Եւ առաքեցից հո́ւր ՛ի վերայ պարսպացն գազայ, եւ կերիցէ զհիմունս ն(ո)ր(ա)։

Verse: 8   Link to sept   եւ սատակեցից զբնակիչս յազովաայ, եւ բարձցի́ ազգն յասկաղոնէ. եւ ածի́ց զձեռն իմ ՛ի վ(ե)ր(այ) ակկարոնի, եւ կորիցեն մնացորդք այլազգեացն ասէ́ տ(է)ր տ(է)ր։

Verse: 9   Link to sept   Ա́յսպէս ասէ տ(է)ր. ՛ի վ(ե)ր(այ) երից ամպարշտու(թ)ե(ան)ցն ծուրայ, եւ ՛ի վ(ե)ր(այ) չորիցն՝ ո́չ դարձայց ՛ի նմանէ։ փոխանակ զի արգելին զգերու(թ)ի(ւն)ն սողոմոնի յեդոմ, եւ ո́չ յիշեցին զուխտ եղբարց։

Verse: 10   Link to sept   Եւ առաքեցից հո́ւր ՛ի վ(ե)ր(այ) պարսպացն ծուրայ, եւ՝ կերիցէ́ զհիմունս ն(ո)ր(ա)։

Verse: 11   Link to sept   Ա́յսպէս ասէ տ(է)ր. ՛ի վ(ե)ր(այ) երից ամպարշտու(թ)ե(ան)ցն եդոմայ, եւ ՛ի վ(ե)ր(այ) չորիցն՝ ո́չ դարձայց ՛ի նոցանէ։ փոխանակ զի հալածեա́ց սրով զեղբայր իւր, եւ ապականեաց զեղբայր յերկրի. եւ յափշտակեաց ՛ի վկայութի(ւն) զսոսկո́ւմն իւր. եւ զյանդգնու(թ)ի(ւն) իւր պահեաց ՛ի հակառակու(թ)ի(ւն)։

Verse: 12   Link to sept   Եւ առաքեցից հո́ւր ՛ի թեման, եւ կերիցէ հուր զհիմունս պարսպաց ն(ո)ր(ա)։

Verse: 13   Link to sept   Այսպէս ասէ տ(է)ր. ՛ի վ(ե)ր(այ) երից ամպարշտութե(ան)ց որդւոցն ամոնայ, եւ ՛ի վ(ե)ր(այ) չորիցն՝ ո́չ դարձայց ՛ի ն(ո)ց(ա)նէ։ փոխանակ զի հերձոյին զյղիս գաղաադացւոց,զի ընդարձակեսցեն զսահմանս իւրեանց։

Verse: 14   Link to sept   Բորբոքեցից հո́ւր ՛ի վ(ե)ր(այ) պարսպացն հռաբայ, եւ կերիցէ́ զհիմունս ն(ո)ր(ա) աղաղակաւ յաւուր պատերազմի. եւ շարժեսցի յաւուր վախճանի իւրոյ։

Verse: 15   Link to sept   եւ գնասցեն ՛ի գերու(թ)ի(ւն) թագաւորք ն(ո)ց(ա). քուրմք ն(ո)ց(ա)՝ եւ իշխանք ն(ո)ց(ա) ՛ի միասին, ասէ տ(է)ր տ(է)ր։



Chapter: 2  
ԳԼ(ՈՒԽ) Բ՜.


Verse: 1   Link to sept   Ա́յսպէս ասէ տ(է)ր. ՛ի վ(ե)ր(այ) երից ամպարշտու(թ)ե(ան)ցն մովաբու, եւ ՛ի վ(ե)ր(այ) չորիցն՝ ո́չ դարձայց ՛ի նմանէն։ փոխանակ զի այրեցին զոսկերս թագաւորացն եդովմայեցւոց ՛ի մոխրե́լ։

Verse: 2   Link to sept   Առաքեցի́ց հուր ՛ի վ(ե)ր(այ) մովաբու, եւ կերիցէ հուր զհիմունս քաղաքաց ն(ո)ր(ա). եւ մեռցի ՛ի տկարու(թ)ե(ան) մովաբ, աղաղակաւ եւ ձայնիւ փողոյ։

Verse: 3   Link to sept   եւ սատակեցից զդատաւո́ր ՛ի նմանէ, եւ զա(մենայ)ն իշխանս նորա կոտորեցից ընդ նմին՝ ասէ տ(է)ր։

Verse: 4   Link to sept   Ա́յսպէս ասէ տ(է)ր. ՛ի վ(ե)ր(այ) երից ամպարշտու(թ)ե(ան)ց որդւոցն յուդայ, եւ ՛ի վ(ե)ր(այ) չորիցն՝ ո́չ դարձայց ՛ի նմանէն։ փոխանակ զի մերժեցին զօրէնս տ(եառ)ն, եւ զհրամանս ն(ո)ր(ա) ո́չ պահեցին. եւ մոլորեցուցին զն(ո)ս(ա) սնոտեօք իւրեանց զոր արարին, զորոց զհե́տ գնացին հարքն ն(ո)ց(ա)։

Verse: 5   Link to sept   Առաքեցից հո́ւր ՛ի վ(ե)ր(այ) հրեաստանի՝ եւ կերիցէ́ զհիմունս ե(րուսաղէ)մի։

Verse: 6   Link to sept   Ա́յսպէս ասէ տ(է)ր. ՛ի վ(ե)ր(այ) երից ամպարշտու(թ)ե(ան)ցն ի(սրայէ)լի, եւ ՛ի վ(ե)ր(այ) չորիցն՝ ո́չ դարձայց ՛ի նմանէ։ փոխանակ զի վաճառեցին զարդա́րն արծաթոյ, եւ զտնանկն ընդ կօշկաց։

Verse: 7   Link to sept   որ կոխեն զհող երկրի. եւ կռփէին զգլուխս աղքատաց, եւ զճանապարհս խոնարհաց թիւրէին։ եւ հայր եւ որդի առ մի բոզ մտանէին, զի պղծեսցեն զանուն ա(ստուծո)յ իւրեանց։

Verse: 8   Link to sept   Եւ զձորձս իւրեանց առագա́ստ ձգէին ընդ ինքեանս՝ եւ ընդ սեղանն. եւ գինի զրպարտու(թ)ե(ան)ց ըմպէին ՛ի տա́ն աստուծոյ իւրեանց։

Verse: 9   Link to sept   Բայց ես բարձի́ զամովրհացին յերեսաց ն(ո)ր(ա). որոյ բարձրութի(ւն) իւր բարձրու(թ)ի(ւն) մայրի, եւ հզօր էր իբրեւ զկաղնի. եւ բարձի́ զպտուղ ն(ո)ր(ա) ՛ի վերուստ, եւ զարմատս ն(ո)ր(ա)՝ ՛ի ներքուստ։

Verse: 10   Link to sept   Եւ ես հանի զձեզ յերկրէն եգիպտացւոց, եւ շրջեցուցի զձեզ յանապատ ամս քառասուն՝ ժառանգեցուցանել զերկիրն ամովրհացւոց։

Verse: 11   Link to sept   Եւ առի́ յորդւոց ձերոց ՛ի մարգարէս,եւ յերիտասարդաց ձերոց յուխտաւորս. միթէ ո՞չ իցեն այդ որդիք ի(սրայէ)լի՝ ասէ տ(է)ր։

Verse: 12   Link to sept   Եւ արբուցանէիք ուխտաւորացն իմոց ըմպել գինի, եւ մարգարէիցն պատուիրէիք զի մի́ մարգարէասցին։

Verse: 13   Link to sept   Վ(ա)ս(ն) այդորիկ ահաւասիկ ես հոլովեցուցանեմ ՛ի ներքոյ ձեր՝ զոր օրինակ հոլովի սայլ լի օրանաւ։

Verse: 14   Link to sept   եւ կորիցէ փախուստ յընթացողէն. եւ որ զօրաւորն իցէ մի́ զօրասցի ՛ի զօրու(թ)ե(ան) իւրում, եւ պատերազմօղն մի́ զօրասցի ՛ի զօրու(թ)ե(ան) իւրում, եւ պատերազմօղն մի́ ապրեցուսցէ զանձն իւր։

Verse: 15   Link to sept   եւ աղեղնաւորն՝ մի́ կարասցէ ունել զդէմ։ եւ որ արագն իցէ ոտիւք՝ մի́ ապրեսցի, եւ հեծեալն՝ մի́ ապրեցուսցէ զանձն իւր։

Verse: 16   Link to sept   եւ մի́ գտցի սիրտ իւր ՛ի զօրութի(ւն)։ մերկն հալածեսցի յաւուր յայնմիկ՝ ասէ տ(է)ր։



Chapter: 3  
ԳԼ(ՈՒԽ) Գ՜.


Section: 2 

Verse: 1   Link to sept   Լուարո́ւք զպատգամս զայս զոր խօսեցաւ տ(է)ր ՛ի վ(ե)ր(այ) ձեր տունդ ի(սրայէ)լի. եւ ՛ի վ(ե)ր(այ) ա(մենայ)ն ազգաց զորս հանի յերկրէն եգիպտացւոց։

Verse: 2   Link to sept   Բայց զձեզ ընտրեցի յա(մենայ)ն ազգաց երկրի. վ(ա)ս(ն) այնորիկ ՛ի ձէնջ խնդրեցից զվրէժ ա(մենայ)ն չարեա́ց ձերոց։

Verse: 3   Link to sept   Թէ գնասցե՞ն ամենեւին երկու ՛ի միասին, թէ ոչ ճանաչիցեն զմիմեանս։

Verse: 4   Link to sept   եթէ գոչիցէ՞ առեւծ յանտառէ՝ եւ ո́չ իցէ որս արարեալ ն(ո)ր(ա)։ եթէ տայցէ՞ կորիւն առիւծու զձայն իւր ՛ի մայրւոյ իւրմէ, եւ ո́չ ինչ իցէ յափշտակեալ ն(ո)ր(ա)։

Verse: 5   Link to sept   եթէ անկանիցի՞ թռչուն ՛ի յերկիր առանց որսորդի։ եթէ ճայթիցէ՞ որոգայթ ՛ի վ(ե)ր(այ) երկրի՝ եւ ո́չ ինչ իցէ ըմբռնեալ։

Verse: 6   Link to sept   եթէ հարկանիցի՞ փող ՛ի քաղաքի, եւ ազգն ո́չ խռովեսցի։ եթէ իցե՞ն չարիք ՛ի քաղաքի՝ եւ տ(եառ)ն չիցէ արարեալ։

Verse: 7   Link to sept   Վ(ա)ս(ն) այնորիկ ո́չ արասցէ տ(է)ր ա(ստուա)ծ ի́րս ինչ, եթէ ոչ յայտնեսցէ զխրատն ծառայից իւրոց մարգարէից։

Verse: 8   Link to sept   Առե́ւծ գոչիցէ՝ եւ ո՞վ իցէ որ ո́չ սարսիցէ։ Տ(է)ր ա(ստուա)ծ խօսեցաւ՝ եւ ո՞վ իցէ որ ո́չ մարգարէասցի։

Verse: 9   Link to sept   Պատմեցէ́ք ՛ի գաւառս ասորեստանեայց. եւ ՛ի գաւառս երկրին եգիպտացւոց, եւ ասացէ́ք՝ ժողովեցարո́ւք ՛ի լեառն շամրնի, եւ տեսէ́ք սքանչելիս բազումս ՛ի մէջ ն(ո)ր(ա). եւ զբռնութի(ւն) ՛ի մէջ ն(ո)ր(ա)։

Verse: 10   Link to sept   եւ ո́չ ծանեաւ զլինելոց եղե́ռն իւր՝ ասէ տ(է)ր. որ գանձէին անօրէնու(թ)ի(ւն) եւ թշուառութի(ւն) ՛ի գաւառս իւրեանց։

Verse: 11   Link to sept   Վ(ա)ս(ն) այնորիկ ա́յսպէս ասէ տ(է)ր ա(ստուա)ծ ցտիւրոս, երկի́րդ որ շուրջ զքե́ւ է՝ աւերեսցի. եւ խորտակեսցի ՛ի քէն ա(մենայ)ն զօրութի(ւն) քո, եւ յափշտակեսցին գաւառք քո։

Verse: 12   Link to sept   Զի ա́յսպէս ասէ տ(է)ր. զոր օրինակ թէ կարասցէ թափել հովիւ ՛ի բերանո́յ առիւծու՝ աքեա́ցս երկուս, կամ բլթա́կ մի ունկան. ա́յնպէս զերծցին որդիքն ի(սրայէ)լի որ բնակեալ են ՛ի սամարիա, դէմյանդիման ազգին, եւ ՛ի մէջ դամասկացւոց։

Verse: 13   Link to sept   Քահանայք լուարո́ւք եւ վկայու(թ)ի(ւն) դի́ք տանդ յակովբայ՝ ասէ տ(է)ր ամենակալ։

Verse: 14   Link to sept   Զի յաւուր յայնմիկ յորժամ խնդրեցից զվրէժ ամպարշտու(թ)ե(ան)ցն ի(սրայէ)լի ՛ի նմանէ, առից վրէժ եւ զսեղանոյն բեթելայ. եւ փշրեսցին եղջեւրք սեղանոյն՝ եւ անկցին յերկիր։

Verse: 15   Link to sept   Եւ խորտակեցից զապարանս թեւաւորս, ՛ի վ(ե)ր(այ) ամարաստուն ապարանիցն. եւ ապականեսցին ապարանքն փղոսկրեայք. եւ բազում եւ այլ ապարանք անկցին՝ ասէ տ(է)ր։



Chapter: 4  
ԳԼ(ՈՒԽ) Դ՜.


Section: 3 

Verse: 1   Link to sept   Լուարո́ւք զբան տ(եառ)ն երինջք բասանու՝ որ էք ՛ի լերինս շամրնի. որ զրկէք զաղքատս, եւ առ ոտն հարկանէք զտնանկն. որ ասէիք ցտեարս ձեր՝ մատուցէ́ք մեզ գինի զի արբցուք։

Verse: 2   Link to sept   Երդնո́ւ տ(է)ր ՛ի սրբու(թ)ի(ւն)ս իւր. եթէ ահա աւուրք եկեսցեն ՛ի վ(ե)ր(այ) ձեր, եւ առցեն զձեզ զինուք, եւ զդոսա որ ը(նդ) ձեզդ են արկցեն ՛ի սա́նս ջեռուցեալս։

Verse: 3   Link to sept   եւ ելանիցէք մերկք միմեա́նց դէմ ը(նդ)դէմ, եւ անկանիցիք ՛ի լերինն ռեմանայ՝ ասէ տ(է)ր։

Verse: 4   Link to sept   Մտէ́ք ՛ի բեթէլ՝ եւ ամպարշտեցայք, եւ ՛ի գաղգաղա յաճախեցէ́ք ամպարշտել. եւ մատուցէ́ք զզոհս ձեր ընդ առաւօտս, եւ յերիր աւուր զտասանորդս ձեր։

Verse: 5   Link to sept   Ընթեռնոյին օրէնս արտաքոյ, եւ կոչէին խոստովանութի(ւն)ս։ պատմեցէ́ք թէ զայս սիրեցին որդիքն ի(սրայէ)լի՝ ասէ տ(է)ր։

Verse: 6   Link to sept   Եւ ես արկի́ զձեւք ցաւ ատամանց յա(մենայ)ն քաղաքս ձեր, եւ կարօտու(թ)ի(ւն) հացի յա(մենայ)ն տեղիս ձեր. եւ ո́չ դարձարուք առիս՝ ասէ տ(է)ր։

Verse: 7   Link to sept   Եւ արգելի́ ՛ի ձէնջ զանձրեւ՝ երիւք ամսօք յառաջ քան զկութս. ՛ի մի քաղաք տեղացից, եւ ՛ի միւս քաղաք ո́չ տեղացից. մի վիճակ թացից՝ եւ ՛ի միւս յորում ո́չ տեղացից՝ ցամաքեսցի́։

Verse: 8   Link to sept   Եւ ժողովեսցին երկու եւ երեք քաղաք ՛ի մի քաղաք ըմպել ջուր, եւ մի́ յագեսցին. եւ ո́չ դարձարուք առիս՝ ասէ տ(է)ր։

Verse: 9   Link to sept   Հարի́ զձեզ տապով, եւ արկի́ զձեւք դալուկն։ եւ յաճախեցէք ՛ի պարտէզս ձեր, եւ յայգիս եւ ՛ի թզենիս ձեր՝ եւ ՛ի ձիթենիս. եւ եկեր թրթուր։ սակայն եւ այնպէս ո́չ դարձարուք առիս՝ ասէ տ(է)ր։

Verse: 10   Link to sept   Առաքեցի ՛ի վ(ե)ր(այ) ձեր մա́հ ՛ի ճանապարհին եգիպտացւոց, եւ կոտորեցի սրով զերիտասարդս ձեր հանդերձ գերու(թեամ)բ երիվարաց ձերոց. եւ ծախեցի զբանակս ձեր հրով բարկու(թ)ե(ան) իմոյ։ սակայն եւ այնպէս ո́չ դարձարուք առիս՝ ասէ տ(է)ր։

Verse: 11   Link to sept   Կործանեցի́ զձեզ՝ ո(ր)պ(էս) կործանեաց ա(ստուա)ծ զսոդոմ եւ զգոմոր. եւ եղերուք իբրեւ զխանձող զերծեալ ՛ի հրոյ։ սակայն եւ այնպէս ո́չ դարձարուք առիս՝ ասէ տ(է)ր։

Verse: 12   Link to sept   Վ(ա)ս(ն) այնորիկ ա́յսպէս արարից զքեզ ի(սրայ)էլ։ բայց զի ա́յսպէս առնելոց եմ քեզ՝ պատրաստեա́ կարդա́լ զանուն տ(եառ)ն ա(ստուծո)յ քոյ ի(սրայէ)լի։

Verse: 13   Link to sept   Զի ահաւասիկ ե́ս եմ որ հաստատեմ զերկինս, եւ հաստատեմ զհողմս։

Verse: 14   Link to sept   եւ պատմէ ՛ի մէջ մարդկան զօծեալ իւր. առնէ առաւօտ եւ մէգ, եւ ելանէ ՛ի վ(ե)ր(այ) բարձանց երկրի. տ(է)ր ա(ստուա)ծ ամենակալ անուն է ն(ո)ր(ա)։



Chapter: 5  
ԳԼ(ՈՒԽ) Ե՜.


Section: 4 

Verse: 1   Link to sept   Լուարո́ւք զբանս զայս զոր ես առի́ց ՛ի վ(ե)ր(այ) ձեր ողբս։ Անկա́ւ տունդ ի(սրայէ)լի, եւ ո́չ եւս յաւելուցու յառնել։

Verse: 2   Link to sept   Կոյս ի(սրայէ)լի կործանեցաւ յերկրի իւրում, եւ չի́ք ոք որ կանգնիցէ զնա։

Verse: 3   Link to sept   քանզի ա́յսպէս ասէ տ(է)ր տ(է)ր. ՛Ի քաղաքէ յորմէ ելանէին հազարք՝ մնասցէ հարեւր, եւ յորմէ ելանէին հարեւր՝ մնասցէ տասն տանդ ի(սրայէ)լի։

Verse: 4   Link to sept   Քանզի այսպէս ասէ տ(է)ր առ տունդ ի(սրայէ)լի. խնդրեցէ́ք զիս եւ կեցջիք։

Verse: 5   Link to sept   եւ մի́ խնդրէք զբեթէլ, եւ ՛ի գաղգաղա մի́ մտանէք, եւ ՛ի ջրհորն երդման մի́ ելանէք. զի գաղգաղա գերելով գերեսցի, եւ բեթէլ եղիցի իբրեւ զչեղեալ։

Verse: 6   Link to sept   Խնդրեցէ́ք զտ(է)ր եւ կեցջիք. զի մի́ բորբոքեսցի իբրեւ զհուր տունն յովսեփայ՝ եւ կերիցէ զնա. եւ ոչո́ք իցէ որ շիջուցանիցէ։

Verse: 7   Link to sept   Որ առնէ ՛ի բարձունս իրաւունս, եւ արդարու(թ)ի(ւն) եդ յերկրի։

Verse: 8   Link to sept   որ առնէ զա(մենայ)ն եւ նորոգէ, եւ դարձուցանէ յայգ զստուերս մահու, եւ զտիւ ՛ի գիշե́ր մթացուցանէ։ որ կոչէ զջուրս ծովու՝ եւ հեղու ՛ի վ(ե)ր(այ) երեսաց երկրի. տ(է)ր ամենակալ անուն է ն(ո)ր(ա)։

Verse: 9   Link to sept   որ բաշխէ զբեկումն ՛ի վ(ե)ր(այ) զօրու(թ)ե(ան), եւ ածէ զթշուառու(թ)ի(ւն) ՛ի վ(ե)ր(այ) ամրոցաց։

Verse: 10   Link to sept   Ատեցին ՛ի դրունս զյանդիմանիչս, եւ զբանս սուրբս պի́ղծս արարին։

Verse: 11   Link to sept   Վ(ա)ս(ն) այնորիկ փոխանակ զի կռփէիք զաղքատս, եւ կաշառս ընտրանաւ առնոյք ՛ի նոցանէն. ապարանս զարդարեա́լս շինեսջիք՝ եւ մի́ բնակեսջիք ՛ի ն(ո)ս(ա)։ այգիս ցանկալիս տնկեսջիք՝ եւ զգինի ն(ո)ց(ա)՝ մի́ արբջիք։

Verse: 12   Link to sept   զի գիտացի ես զբազում ամպարշտութի(ւն)ս ձեր. եւ սաստի́կ են մեղք ձեր։ Առ ո́տս կոխէիք զարդարն առնլով փոխանակս, եւ խոտորեցուցանէիք զաղքատն ՛ի դրունս։

Verse: 13   Link to sept   Վ(ա)ս(ն) այնորիկ որ իմաստունն է՝ ՛ի ժամանակին յայնմիկ լռեսցէ, զի ժամանակն չա́ր է։

Verse: 14   Link to sept   Խնդրեցէ́ք զբարի եւ մի́ զչար՝ զի կեցջիք, եւ եղիցի ընդ ձեզ տ(է)ր ա(ստուա)ծ ամենակալ։ զոր օրինակ ասացէքն՝

Verse: 15   Link to sept   թէ ատեցաք զչարիս, եւ սիրեցաք զբարիս։ Հաստատեցէ́ք զիրաւունս ՛ի դրունս ձեր, զի ողորմեսցի տ(է)ր ա(ստուա)ծ մնացորդաց յովսեփայ։

Verse: 16   Link to sept   Վ(ա)ս(ն) այդորիկ ա́յսպէս ասէ տ(է)ր ա(ստուա)ծ ամենակալ. յա(մենայ)ն հրապարակս կո́ծ, եւ յա(մենայ)ն ճանապարհս ասասցի վա́յ վա́յ։ կոչեսցի մշակ ՛ի սուգ եւ ՛ի կոծ եւ ՛ի ձայնարկուս։

Verse: 17   Link to sept   եւ յա(մենայ)ն ճանապարհս կոծ. քանզի անցի́ց ընդ մէջ քո՝ ասէ տ(է)ր։

Verse: 18   Link to sept   Վա́յ որ ցանկայ աւուրն տ(եառ)ն. զի՞ կայ ձեր եւ աւուր տ(եառ)ն. եւ նա խաւա́ր է, եւ ո́չ լոյս։

Verse: 19   Link to sept   Զոր օրինակ թէ փախիցէ մարդ յերեսաց առիւծու, եւ պատահեսցէ նմա արջ, եւ փախնուցու ՛ի տուն՝ եւ յեցուսցէ ձեռս իւր յորմն, եւ հարկանիցէ զնա ոձ։

Verse: 20   Link to sept   ո՞չ ապաքէն խաւա́ր է օր տ(եառ)ն՝ եւ ո́չ լոյս. աղջամղջին՝ եւ ո́չ գոյ ՛ի նմա ճաճանչ։
Section: 5 

Verse: 21   Link to sept   Ատեցի́ մերժեցի́ զտօնս ձեր. եւ ՛ի տարեկանս ձեր ո́չ հոտոտեցայց։

Verse: 22   Link to sept   զի թէ մատուցանէք զողջակէղս եւ զզոհս ձեր՝ ո́չ ընկալայց, եւ յերեւելիս փրկութե(ան)ց ձերոց ես ո́չ հայեցայց։

Verse: 23   Link to sept   ՛Ի բա́ց արա յինէն զձայն երգոց քոց. եւ զնուագս սրընգաց քոց ես ո́չ լուայց։

Verse: 24   Link to sept   եւ յորդեսցեն իբրեւ զջո́ւր իրաւունք, եւ արդարու(թ)ի(ւն) իբրեւ զհեղեղ անհուն։

Verse: 25   Link to sept   Միթէ սպա՞նդ եւ զոհս մատուցէք ինձ յանապատի́ անդ զքառասուն ամ տո́ւնդ ի(սրայէ)լի։

Verse: 26   Link to sept   եւ առէք զվրանն մողոքայ՝ եւ զաստղ աստուածոյն ձերոյ զհռեմփայ, զպատկերս ն(ո)ց(ա) զոր արարէք ձեզ։

Verse: 27   Link to sept   Եւ փոխեցից զձեզ անդր քան զդամասկոս՝ ասէ տ(է)ր, ա(ստուա)ծ ամենակալ անո́ւն է ն(ո)ր(ա)



Chapter: 6  
ԳԼ(ՈՒԽ) Զ՜.


Verse: 1   Link to sept   Վա́յ որ անգոսնեն զսիոն, եւ յուսացեալ իցեն ՛ի լեա́ռն շամրնի։ կթեցին զիշխանու(թ)ի(ւն)ս ազգաց, եւ մտին ՛ի ն(ո)ս(ա) տունդ ի(սրայէ)լի։

Verse: 2   Link to sept   Անցէ́ք ամենեքին ՛ի քանան՝ եւ տեսէ́ք. եւ անցէ́ք անտի ՛ի մեծն եմա́թ հռաբայ, եւ իջէ́ք ՛ի գէթ այլազգեաց, զօրաւորս քան զա(մենայ)ն քաղաքսն այնորիկ, եթէ իցեն մեծ սահմանք ն(ո)ց(ա) քան զսահմանս ձեր։

Verse: 3   Link to sept   Որ գայքդ յօր չարեաց. որ մերձենայքդ հասանել ՛ի շաբաթս ստութե(ան)ց։

Verse: 4   Link to sept   Որ ննջէ́քդ ՛ի գահոյս փղոսկրեայս, եւ փափկանայք յանկողինս ձեր. եւ ուտէք ուլս ՛ի հօտից, եւ որթս դիեցիկս յանդւոց։

Verse: 5   Link to sept   Որ կայթս հարկանէիք ը(նդ)դէմ սրընդաց. զորս իբրեւ հաստատունս համարեցայք՝ եւ ո́չ անցաւորս։

Verse: 6   Link to sept   եւ ըմպէք պարզեալ գինի. եւ անոյշ իւղով օծանիք. եւ ո́չ ցաւէր ձեզ վասն բեկմանն յովսեփու։

Verse: 7   Link to sept   Վ(ա)ս(ն) այնորիկ արդ ՛ի գերութի(ւն) վարեսցին յիշխանու(թեն)է բռնաւորաց, եւ հատցի խըխընջիւն երիվարացն եփրեմայ։

Verse: 8   Link to sept   Զի երդուա́ւ տ(է)ր յանձն իւր. եւ ասէ տ(է)ր ա(ստուա)ծ զօրու(թ)ե(ան)ց՝ թէ գարշեցուցից զա(մենայ)ն հպարտութի(ւն)ս յակոբայ, եւ զաշխարհս ն(ո)ր(ա) ատեցից. եւ բարձից զքաղաքս ն(ո)ր(ա) ա(մենայ)ն բնակչօք։

Verse: 9   Link to sept   Եւ եղիցի եթէ մնասցէն տա́ն այր՝ ՛ի տասն միում, եւ մեռանիցին.

Verse: 10   Link to sept   եւ մնացորդքն առնուցուն զընտանիս իւրեանց, եւ իջանեն հանել զոսկե́րս ն(ո)ց(ա) ՛ի տանէ անտի. եւ ասասցեն ցա́յնոսիկ որք կայցեն առաջի տանն. եթէ ա՞յլ ինչ մնաց ա́յդր առ քեզ։

Verse: 11   Link to sept   եւ նա ասասցէ՝ թէ ո́չ. եւ մի́ ասասցէ թէ լո́ւռ լեր. վ(ա)ս(ն) ա́յնորիկ է՝ զի ո́չ անուանէին զանուն տ(եառ)ն։

Verse: 12   Link to sept   Զի ահաւասիկ տ(է)ր հրամա́ն տացէ, եւ հարցէ զմե́ծ ապարանսն կործանմամբ, եւ զփոքր ապարանս պատառմամբ։

Verse: 13   Link to sept   Իցէ՞ թէ արշաւեսցեն երիվարք ընդ վէմս, կամ հանդարտիցեն ՛ի մէջ մատակաց. զի խոտորեցէք զիրաւունս ՛ի ցասումն, եւ զպտուղ արդարութե(ան) ՛ի դառնութի(ւն)։

Verse: 14   Link to sept   եւ ուրա́խ լինէիք յոչինչ բանս։ Ոյք ասէին՝ եթէ ո́չ զօրու(թեամ)բ մերով եղեն մեզ եղջեւրք։

Verse: 15   Link to sept   Վասն այդորիկ ահաւադիկ ես յարուցից ՛ի վ(ե)ր(այ) ձեր տունդ ի(սրայէ)լի՝ ասէ տ(է)ր զօրութե(ան)ց, ազգ մի՝ որ նեղեցեն զձեզ՝ զի մի́ եւս մտանիցէք յեմաթ, եւ մինչեւ ՛ի հեղեղատն արեւմտից։



Chapter: 7  
ԳԼ(ՈՒԽ) Է՜.


Section: 6 

Verse: 1   Link to sept   Ա́յսպէս եցոյց ինձ տ(է)ր տ(է)ր. եւ ահա ծնունդ մարախոյ գա́յր ը(նդ) առաւօտս. եւ ահա ջորեակ մի գո́վգ արքայ։

Verse: 2   Link to sept   եւ եղիցի եթէ վախճանեսցէ ուտել զխոտերկրին։ Եւ ասեմ՝ տ(է)ր տ(է)ր խնայեա́. քանզի ո՞վ իցէ որ կանգնեսցէ զյակոբ, զի սակաւաւո́ր է։

Verse: 3   Link to sept   ապաշաւեա́ տ(է)ր ՛ի վ(ե)ր(այ) այդորիկ։ եւ այդ եւս մի́ լիցի՝ ասէ տ(է)ր։

Verse: 4   Link to sept   Ա́յսպէս եցոյց ինձ տ(է)ր տ(է)ր. եւ ահա կոչեաց դատաստան հրով տ(է)ր տ(է)ր. եւ եկեր զխորս բազումս, եւ եկեր զվիճակն։

Verse: 5   Link to sept   Եւ ասեմ՝ տ(է)ր տ(է)ր դադարեցո́ զայդ. քանզի ո՞վ է որ յարուցանէ զյակոբ, զի սակաւաւո́ր է։

Verse: 6   Link to sept   ապաշաւեա́ տ(է)ր ՛ի վ(ե)ր(այ) այդորիկ. եւ այդ եւս մի́ լիցի՝ ասէ տ(է)ր։

Verse: 7   Link to sept   Ա́յսպես եցոյց ինձ տ(է)ր տ(է)ր. եւ ահա այր մի կայր ՛ի վ(ե)ր(այ) ադամանտեա́յ պարսպի, եւ ՛ի ձեռին իւրում ադամանա։

Verse: 8   Link to sept   եւ ասէ ցիս տ(է)ր. զի՞նչ տեսանես ա́մովս։ եւ ասեմ ադամա́նտ։ Եւ ասէ ցիս տ(է)ր. ահաւասիկ ես հաստատեցից ադամանտ ՛ի մէջ ժողովրդեան իմոյ ի(սրայէ)լի, եւ ո́չ եւս յաւելից անցուցանել զնովաւ։

Verse: 9   Link to sept   եւ ապականեսցին բագինք կատակութե(ան), եւ մեհեանք ի(սրայէ)լի աւերեսցին։ եւ յարեայց ՛ի վերայ տանն յերոբովամայ սրո́վ։

Verse: 10   Link to sept   Եւ առաքեաց ամասիա քուրմ բեթելայ առ յերոբովամ արքայ ի(սրայէ)լի՝ եւ ասէ. ժողովս կուտէ ՛ի վ(ե)ր(այ) քո ամովս ՛ի մէջ տանս ի(սրայէ)լի, եւ երկիրս ո́չ կարէ հանդարտել ա(մենայ)ն բանից ն(ո)ր(ա)։

Verse: 11   Link to sept   Զի ա́յսպէս ասէ ամովս.յերոբովամ սրով վախճանեսցի, եւ ի(սրայ)էլ գերելո́վ գերեսցի յերկրէ իւրմէ։

Verse: 12   Link to sept   Եւ ասէ ամասիա ցամովս. տեսանօղդ՝ տո́ւր տեղի, գնա́ յերկիրն հրեաստանի. անդ կեա́ց՝ եւ անդէ́ն մարգարէասջիր։

Verse: 13   Link to sept   ՛ի բեթէլ մի́ եւս յաւելուցուս մարգարէանալ՝ զի սրբութի(ւն) թագաւորի է, տո́ւն թագաւորու(թ)ե(ան)։

Verse: 14   Link to sept   Պատասխանի ետ ամովս եւ ասէ ցամասիա. ես ո́չ մարգարէ էի՝ եւ ո́չ որդի մարգարէի, այլ հովի́ւ էի, եւ թութ քաղէի։

Verse: 15   Link to sept   եւ ա́ռ զիս տ(է)ր ՛ի հօտից, եւ ասէ ցիս տ(է)ր. գնա́ դու եւ մարգարէա́ ՛ի վ(ե)ր(այ) ժողովրդեա́ն իմում ի(սրայէ)լի։

Verse: 16   Link to sept   Եւ արդ՝ լո́ւր զպատգամս տ(եառ)ն. դու ասես մի́ մարգարէանար ՛ի վ(ե)ր(այ) ի(սրայէ)լի. եւ մի́ ժողովս ժողովեր ՛ի վ(ե)ր(այ) տանն յակովբու։

Verse: 17   Link to sept   վասն այդորիկ ա́յսպէս ասէ տ(է)ր տ(է)ր. կին քո ՛ի քաղաքի́դ պոռնկեսցի. եւ ուստերք քո եւ դստերք քո ՛ի սո́ւր անկցին. եւ երկի́րդ քո լարաբաժին բաժանեսցի. եւ դու յերկրի պղծում վախճանեսցիս. եւ ի(սրայ)էլ գերելո́վ գերեսցի յերկրէ իւրմէ։



Chapter: 8  
ԳԼ(ՈՒԽ) Ը՜.


Section: 7 

Verse: 1   Link to sept   Ա́յսպէս եցոյց ինձ տ(է)ր տ(է)ր, եւ ահա գործի հաւորսաց

Verse: 2   Link to sept   եւ ասէ՝ զինչ տեսանես ամովս։ եւ ասեմ՝ գործի հաւորսաց։ Եւ ասէ ցիս տ(է)ր. հասեա́լ է վախճան ՛ի վ(ե)ր(այ) ժողովրդեան իմոյ ի(սրայէ)լի. եւ ո́չ եւս յաւելցին անցուցանել զնովաւ։

Verse: 3   Link to sept   եւ ողբասցեն յարկք տաճարին յաւուր յայնմիկ՝ ասէ տ(է)ր. բազումք անկանիցին, եւ յա(մենայ)ն տեղիս արկից լռութի(ւն)։

Verse: 4   Link to sept   Լուարո́ւք զայս, որք նեղէիք զտնանկն ընդ առաւօտս, եւ զրկէիք զաղքատ յերեկորեայ։

Verse: 5   Link to sept   եւ ասէիք՝ ե՞րբ անցցէ ամիսս եւ շահեսցուք, եւ շաբաթս՝ եւ բացցուք զգանձս, եւ առնել զչափ փոքր, եւ մեծացուցանել զկշիռս, եւ առնել կշիռս ստութե(ան)։

Verse: 6   Link to sept   ստանալ արծաթով զաղքատս, եւ զտնանկս ՛ի գնոց կօշկաց. եւ յամենայն ՛ի վաճառս մեր շահեսցուք։

Verse: 7   Link to sept   Երդնո́ւ տ(է)ր ՛ի վ(ե)ր(այ) հպարտութե(ա)ն յակովբու. թէ ո́չ մոռասցին ՛ի սպառ ա(մենայ)ն գործք ձեր։

Verse: 8   Link to sept   եւ ՛ի վ(ե)ր(այ) այդորիկ խռովեսցի́ երկիր. սո́ւգ առցեն ա(մենայ)ն բնակիչք ն(ո)ր(ա). եւ ելցէ իբրեւ զգետ վախճան ն(ո)ր(ա), եւ իջցէ իբրեւ զգետն եգիպտացւոց։

Verse: 9   Link to sept   Եւ եղիցի յաւուր յայնմիկ ասէ տ(է)ր տ(է)ր՝ մտցէ́ արեգակն ՛ի միջօրէի, եւ խաւարեսցի յերկրի լոյս ՛ի տուէ։

Verse: 10   Link to sept   եւ դարձուցից ՛ի սուգ զտօնս ձեր, եւ զա(մենայ)ն երգս ձեր յողբս։ եւ ածից ՛ի վ(ե)ր(այ) ա(մենայ)ն հասակաց քո́ւրձ. եւ ՛ի վ(ե)ր(այ) ա(մենայ)ն գլխոց կնդու(թ)ի(ւն)։ եւ արարից նմա իբրեւ սուգ սիրելւոյ, եւ որոց ընդ նմա́յն իցեն իբրեւ օր ցաւոց։

Verse: 11   Link to sept   Ահա աւուրք գա́ն ասէ տ(է)ր տ(է)ր. եւ առաքեցից սո́վ յերկիր. ո́չ սով հացի, եւ ո́չ ծարաւ ջրոյ. այլ սով լսելո́յ զբանն տ(եառ)ն։

Verse: 12   Link to sept   Եւ խռովեսցին ջուրք ՛ի ծովէ́ մինչեւ ՛ի ծով, եւ ՛ի հիւսւսոյ մինչեւ յարեւելս. ընթասցին խնդրել զբանն տ(եառ)ն, եւ մի́ գտցեն։

Verse: 13   Link to sept   Յաւուր յայնմիկ նեղեսցին կոյսք գեղեցիկ եւ երիտասարդք ՛ի ծարաւոյ.

Verse: 14   Link to sept   ոյք երդնոյին ՛ի քաւութի(ւն)ս շամրնի, եւ ասէին՝ կենդանի́ է աստուած քո դա́ն, եւ կենդանի́ է աստուած քո բերսաբեէ. եւ կործանեսցին, եւ մի́ եւս կանգնեսցին։



Chapter: 9  
ԳԼ(ՈՒԽ) Թ՜.


Verse: 1   Link to sept   Տեսի́ զտ(է)ր զի կայր ՛ի վ(ե)ր(այ) սեղանոյ՝ եւ ասէ. բախեա́ զսեղանդ՝ եւ շարժեսցին դրանդիք, եւ կտրեա́ արկ ՛ի գլուխս ամենեցուն. եւ զմնացորդս ն(ո)ց(ա) սրո́վ կոտորեցից. եւ մի́ ապրեսցէ ՛ի նոցանէն փախուցեալն. եւ մի́ զերծցի ՛ի ն(ո)ց(ա)նէ զերծեալն։

Verse: 2   Link to sept   Զի եթէ ծածկեսցին ՛ի դժոխս, անտի́ ձեռն իմ կորզեսցէ զն(ո)ս(ա)։ եւ եթէ ելանիցեն յերկինս, եւ անտի́ իջուցից զն(ո)ս(ա). եւ եթէ թաքիցեն ՛ի բարձունս կարմելայ, եւ անտի́ յուղեցից եւ առից զն(ո)ս(ա)։

Verse: 3   Link to sept   Եւ եթէ ընկեսցին յաչաց իմոց ՛ի խորս ծովու, եւ անդ հրամայեցից վիշապին խայթել զն(ո)ս(ա)։

Verse: 4   Link to sept   եւ եթէ գնայցեն ՛ի գերու(թ)ի(ւն) առաջի թշնամեաց իւրեանց, եւ անդ հրաման տաց սրոյ՝ եւ սատակեսցէ զն(ո)ս(ա)։ Եւ հաստատեցից ՛ի վ(ե)ր(այ) ն(ո)ց(ա) զաչս իմ ՛ի չարութի(ւն) եւ ո́չ ՛ի բարութի(ւն)։

Verse: 5   Link to sept   եւ տ(է)ր ա(ստուա)ծ ամենակալ որ մերձենայ յերկիր եւ շարժէ զնա, եւ սո́ւգ առցեն ա(մենայ)ն բնակիչք ն(ո)ր(ա). եւ ելցէ իբրեւ զգե́տ վախճան ն(ո)ր(ա), եւ իջցէ իբրեւ զգետն եգիպտացւոց։

Verse: 6   Link to sept   Որ շինէ յերկինս զհամբառնալ իւր, եւ զաւետիս իւր յերկիր հաստատէ. որ կոչէ զջուրս ծովու՝ եւ հեղու զնա ՛ի վ(ե)ր(այ) երեսաց երկրի. տ(է)ր ամենակալ անուն է ն(ո)ր(ա)։

Verse: 7   Link to sept   Ոչ ապաքէն իբրեւ զորդիս եթւովպացւոց էք դուք ինձ որդիք ի(սրայէ)լի՝ ասէ տ(է)ր։ ո՞չ զի(սրայ)էլ հանի յերկրէն եգիպտացւոց, եւ զայլազգիս՝ ՛ի գամրաց, եւ զասորիս ՛ի բոթորայ։

Verse: 8   Link to sept   Ահաւասիկ աչք տ(եառ)ն ՛ի վ(ե)ր(այ) թագաւորու(թ)ե(ան)դ մեղաւորաց. եւ բարձի́ց զդա յերեսաց երկրէ։ սակայն ՛ի սպառ ո́չ ջնջեցի́ց զտունն յակոբու՝ ասէ տ(է)ր։

Verse: 9   Link to sept   Զի ահաւասիկ ես հրաման տամ, եւ ցրուեցի́ց զձեզ ընդ ա(մենայ)ն ազգս տո́ւնդ ի(սրայէ)լի։ զոր օրինակ հոսի հոսչաւ, եւ մի́ անկցի մանրուած ն(ո)ր(ա) յերկիր։

Verse: 10   Link to sept   Սրո́վ վախճանեսցին ա(մենայ)ն մեղաւորք ժողովրդեան իմոյ. որք ասէին՝ ո́չ մերձեսցին՝ եւ ոչ հասցեն ՛ի վ(ե)ր(այ) մեր չարիք։

Verse: 11   Link to sept   Յաւուր յայնմիկ կանգնեցի́ց զխորանն դաւթի զանկեալն, եւ կանգնեցից զկործանեալս ն(ո)ր(ա). եւ զյատակեալս ն(ո)ր(ա) վերստին կանգնեցից. եւ շինեցից զնա ըստ աւուրցն յաւիտենից։

Verse: 12   Link to sept   Որպէս զի խնդրեսցեն զիս մնացորդք մարդկան. եւ ա(մենայ)ն ազգք յորոց վ(ե)ր(այ) կոչեցեալ է անուն իմ. ասէ տ(է)ր՝ որ առնէ զայս։

Verse: 13   Link to sept   Ահա աւուրք գա́ն ասէ տ(է)ր, եւ հասցեն կալք կթոց, եւ խայծեսցի́ խաղաղ ՛ի հարաւունս. եւ բղխեսցե́ն լերինք զքաղցրութի(ւն), եւ ա(մենայ)ն բլուրք անտառախի́տք եղիցին։

Verse: 14   Link to sept   Եւ դարձուցի́ց զգերու(թ)ի(ւն) ժողովրդեան իմոյ ի(սրայէ)լի, եւ շինեսցեն զքաղաքս ապականեալս եւ բնակեսցեն. եւ տնկեսցեն այգիս, եւ արբցեն զգինի ն(ո)ց(ա)։ արասցեն պարտէզս՝ եւ կերիցեն զպտուղ ն(ո)ց(ա)։

Verse: 15   Link to sept   եւ տնկեցի́ց զն(ո)ս(ա) յերկրի իւրեանց. եւ մի́ եւս մերժեսցին յերկրէ իւրեանց, զոր ետու ես ն(ո)ց(ա)՝ ասէ տ(է)ր ա(ստուա)ծ ամենակալ։
Section:  




Book: Mi. 
ՄԱՐԳԱՐԷՈՒԹԻՒՆ
ՄԻՔԻԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Եւ եղեւ բան տ(եառ)ն առ միքիէ մորստացի. Յաւուրս յովաթամայ, եւ աքազու, եւ եզեկիայ՝ թագաւորաց յուդայ։ Զոր ետես ՛ի վերայ շամրնի եւ ՛ի վերայ ե(րուսաղէ)մի։


Section: 1 

Verse: 2   Link to sept   ԼՈՒԱՐՈ́ՒՔ ԺՈՂՈՎՈՒՐԴՔ ա(մենայ)ն. եւ ո́ւնկն դիցէ երկիր՝ եւ ա(մենայ)ն բնակիչք նորա։ եւ եղիցի տ(է)ր ա(ստուա)ծ ՛ի միջի ձերում ՛ի վկայու(թ)ի(ւն). տ(է)ր ՛ի տանէ սրբոյ իւրմէ։

Verse: 3   Link to sept   Զի ահաւասիկ խաղասցէ ՛ի տեղւոջէ իւրմէ. իջցէ եւ հասցէ́ ՛ի վերայ բարձա́նց երկրի.

Verse: 4   Link to sept   եւ շարժեսցին լերինք ՛ի ներքոյ ն(ո)ր(ա). եւ ձորք հալեսցին իբրեւ զմո́մ առաջի հրոյ, եւ իբրեւ զջուր հոսեալ ընդ զառիվայր։

Verse: 5   Link to sept   վ(ա)ս(ն) ամպարշտու(թ)ե(ան)ցն յակովբո́ւ է այն ա(մենայ)ն, եւ վ(ա)ս(ն) մեղա́ց տանն ի(սրայէ)լի։ իսկ արդ ո՞վ է ամպարշտութի(ւն)ն յակովբայ՝ թէ ոչ շամրին, եւ ո՞վ է մեղք տանն յուդայ՝ եթէ ոչ ե(րուսաղ)էմ։

Verse: 6   Link to sept   Եւ եդից զշամրին իբրեւ զտաղաւար մրգապահաց ագարակի, եւ ՛ի տո́ւնկ այգւոյ։ եւ կործանեցից ՛ի խորխորա́տ զվէմս նորա, եւ զհիմունս ն(ո)ր(ա) մերկացուցի́ց։

Verse: 7   Link to sept   Եւ զա(մենայ)ն դրօշեալս ն(ո)ր(ա) կոտորեսցեն, եւ զա(մենայ)ն արձանս ն(ո)ր(ա) այրեսցեն հրով. եւ զա(մենայ)ն կուռս նորա արարից յապականութի(ւն), զի ՛ի կապինաց պոռնկութե(ան) ժողովեաց, եւ ՛ի կապինաց պոռնկութե(ան) ամփոփեաց։

Verse: 8   Link to sept   Վ(ա)ս(ն) այնորիկ կոծեսցի́ եւ ողբասցի, եւ գնասցէ մե́րկ եւ բո́կ. եւ արասցէ կո́ծ իբրեւ զվիշապաց, եւ սուգ իբրեւ զդստերաց համբարեաց։

Verse: 9   Link to sept   զի սաստկացան հարուածք ն(ո)ր(ա). քանզի հասին մինչեւ ՛ի յուդայ, եւ մերձեցան մինչեւ ՛ի դրունս ժողովրդեան իմոյ եւ յե(րուսաղէ)մ։

Verse: 10   Link to sept   Որ ՛ի գէթդ էք՝ մի́ մեծաբանէք. եւ որ յակարոնդ էք՝ մի́ նորոգէք ՛ի տանէ զկատակութի(ւն). հող ՛ի գլո́ւխ լերուք ՛ի վ(ե)ր(այ) բնակու(թ)ե(ան) ձերոյ։

Verse: 11   Link to sept   Բնակեալն բարութ(եամ)բ ո՞չ ել ՛ի քաղաքաց իւրոց։ բնակիչք սենարայ կո́ծ առէք ՛ի վ(ե)ր(այ) տանն որ մե́րձ է առ նա. բարձցէ́ ՛ի ձէնջ զհարուածս ցաւոց։

Verse: 12   Link to sept   Ո́վ արար սկիզբն բարեաց բնակելոյն ՛ի մէջ ցաւոց. զի իջին չարիք ՛ի տ(եառն)է ՛ի վ(ե)ր(այ) դրանցն ե(րուսաղէ)մի։

Verse: 13   Link to sept   Շաչիւն կառաց՝ եւ դրընդիւն երիւարաց. բնակիչք լաքիսայ, նա́ է առաջնորդ մեղաց դստեր սիոնի. զի ՛ի քե́զ գտան ամպարշտութի(ւն)քի(սրայէ)լի։

Verse: 14   Link to sept   Վ(ա)ս(ն) այնորիկ տացէ արձակեալս մինչեւ ժառանգութի(ւն) ՛ի գեթայ, զտունս սնոտիս, ՛ի նանի́ր եղեն թագաւորացն ի(սրայէ)լի։

Verse: 15   Link to sept   մինչեւ ցժառանգիչս քո ածցեն բնակիչդ լաքիսայ ժառանգու(թեամ)բ. մինչեւ յոդողամ հասցէ փառք դստեր սիոնի։

Verse: 16   Link to sept   Գերծի́ր եւ կտրեա́ ՛ի վերայ փափուկ որդւոցն քոց։ լայնեա́ զխղումն քո իբր զարծուոյ՝ զի գերեցան ՛ի քէն։



Chapter: 2  
ԳԼ(ՈՒԽ) Բ՜.


Verse: 1   Link to sept   Եղեն խորհել զվաստակս, եւ գործեն զչարի́ս յանկողինս իւրեանց. եւ ընդ այգ ընդ լոյսն զնոյն կատարէին. զի ո́չ ամբարձին զձեռս իւրեանց առ ա(ստուա)ծ։

Verse: 2   Link to sept   Ցանկային անդոց, եւ յափշտակէին զորբս, եւ զտունս բռնադատէին։ յափշտակէին զայր՝ եւ զտուն ն(ո)ր(ա), զայր՝ եւ զժառանգութի(ւն) ն(ո)ր(ա)։

Verse: 3   Link to sept   Վ(ա)ս(ն) այնորիկ ա́յսպէս ասէ տ(է)ր. ահաւասիկ ես խորհիմ ՛ի վ(ե)ր(այ) ազգիդ այդորիկ չարի́ս՝ ուստի ո́չ համբառնայցէք զպարանոցս ձեր, եւ ո́չ գնայցէք կանգուն յանկարծակի. զի ժամանակ չա́ր է։

Verse: 4   Link to sept   Յաւուր յայնմիկ առից ՛ի վ(ե)ր(այ) ձեր առակ. ողբասցեն ո́ղբս ձայնիւ՝ եւ ասասցեն, թշուառութ(եա́մ)բ թշուառացաք։ մասն ժողովրդեան իմոյ լարո́վ չափեցաւ. եւ ո́չ ոք էր որ արգելոյր զնա դարձուցանել։ անդք մեր բաժանեցան.

Verse: 5   Link to sept   վ(ա)ս(ն) այնորիկ ո́չ ոք իցէ որ արկանիցէ լարաբաժին ՛ի վիճակ։ Յեկեղեցւոջ տ(եառ)ն

Verse: 6   Link to sept   մի́ լայք արտասուօք, եւ մի́ արտասուեսցեն ՛ի վերայ այդորիկ. զի ո́չ մերժեսցէ զնախատինս։

Verse: 7   Link to sept   Որ ասաց՝ թէ տունի(սրայէ)լի բարկացո́յց զոգի տ(եառ)ն.եթէ այս գնացք ն(ո)ր(ա) իցեն, ո́չ են բարւոք բանք ն(ո)ր(ա) ընդ նմա. եւ ո́չ ուղիղ գնացեալ է առաջի իմ ժողովուրդ իմ։

Verse: 8   Link to sept   ՛ի թշնամու(թ)ի(ւն) հակառակեցաւ ընդդէմ խաղաղութե(ան) իւրոյ։ Զմորթ ն(ո)ր(ա) մորթեսցեն բառնա́լ զյոյս, զբեկումն պատերազմի

Verse: 9   Link to sept   վ(ա)ս(ն) այնորիկ առաջնորդք ժողովրդեան իմոյ անկցին ՛ի տանց փափկու(թ)ե(ան)ց իւրեանց. վ(ա)ս(ն) չարու(թ)ե(ան) գնացից իւրեանց մերժեցան։ Մերձեցարո́ւք ՛ի լերինսն յաւիտենից։

Verse: 10   Link to sept   Յո́տն կաց եւ գնա́, զի ո́չ գոյ քեզ այդր հանգիստ։ վ(ա)ս(ն) պղծութե(ան) ապականեցայք ապականութ(եամ)բ.

Verse: 11   Link to sept   հալածեցա́յք առանց ուրուք հալածելոյ։ Ա́յս սուտ յարեաւ՝ կաթեա́ց ՛ի քեզ գինի եւ արբեցու(թ)ի(ւն). եւ եղիցի ՛ի կաթուածոյ անտի ժողովրդեանս այսմիկ։

Verse: 12   Link to sept   Ժողովելո́վ ժողովեսցի յակոբ ամենեքումբք հանդերձ, եւ ընդունելով ընկալցի զմնացորդս ի(սրայէ)լի. եւ ՛ի միասին արարից զդա́րձ ն(ո)ց(ա)։ իբրեւ ոչխարք ՛ի նեղութե(ան). իբրեւ հօտք ՛ի մէջ մակաղատեղի իւրեանց. վարեսցին ՛ի մարդկանէ ընդ խրամ,

Verse: 13   Link to sept   զի առաջի երեսաց ն(ո)ց(ա) խրամատեսցին. եւ անցին ը(նդ) դուռն, եւ ելին ընդ նա։ ել եւ թագաւորն առաջի երեսաց ն(ո)ց(ա). եւ տ(է)ր առաջնորդեսցէ ն(ո)ց(ա)։



Chapter: 3  
ԳԼ(ՈՒԽ) Գ՜.


Section: 2 

Verse: 1   Link to sept   Եւ ասասցէ. լուարո́ւք իշխանք տանն յակոբայ, եւ մնացորդք տանն ի(սրայէ)լի։ Ո՞չ ձե́ր է գիտել զիրաւունս.

Verse: 2   Link to sept   որ ատեա́յքդ զբարիս, եւ խնդրէք զչարիս. զերծանէք զմորթ ն(ո)ց(ա) ՛ի նոցանէ, եւ զմարմին ն(ո)ց(ա) յոսկերաց իւրեանց։

Verse: 3   Link to sept   Զոր օրինակ կերա́ն զմարմինս ժողովրդեան իմոյ, եւ զմորթ ն(ո)ց(ա) մորթեցին ՛ի նոցանէն. եւ զոսկերս ն(ո)ց(ա) փշրեցին։ եւ յօշեցին զմարմինս ն(ո)ց(ա) իբրեւ ՛ի կաթսայս, եւ զմիս ն(ո)ց(ա) իբրեւ ՛ի պուտանս։

Verse: 4   Link to sept   Նո́յնպէս աղաղակեսցեն առ տ(է)ր՝ եւ ո́չ լուիցէ ն(ո)ց(ա). եւ դարձուսցէ զերեսս իւր ՛ի նոցանէն ՛ի ժամանակին յայնմիկ. փոխանակ զի չարչարեցին զն(ո)ս(ա) ՛ի գործս իւրեանց։

Verse: 5   Link to sept   Ա́յսպէս ասէ տ(է)ր ՛ի վ(ե)ր(այ) մարգարէիցն՝ որ մոլորեցուցանեն զժողովուրդ իմ. որ խածանեն ատամամբք իւրեանց, եւ քարոզեն նմա զխաղաղութի(ւն). եւ ո́չ տուաւ ՛ի բերան ն(ո)ց(ա). եւ յարուցին ՛ի վ(ե)ր(այ) ն(ո)ց(ա) պատերազմ։

Verse: 6   Link to sept   Վ(ա)ս(ն) այնորիկ գիշե́ր լիցի ձեզ ՛ի տեսլենէ, եւ նսեմասցի ձեզ յղձութ(են)է. մտցէ արեգակն ՛ի վ(ե)ր(այ) մարգարէիցն, եւ խաւարեսցի ՛ի վ(ե)ր(այ) ն(ո)ց(ա) տիւ։

Verse: 7   Link to sept   Եւ ամաչեսցեն երազատեսքն, եւ ծա́ղր կայցեն իղձքն. եւ բամբասեսցեն զնոսա ամենեքեան. զի ո́չոք իցէ որ լսիցէ ն(ո)ց(ա)։

Verse: 8   Link to sept   Բայց ես լցա́յ հոգւով զօրութ(եամ)բ տ(եառ)ն, դատաստանաւ եւ զօրութ(եամ)բ. պատմել յակոբու զամպարշտութի(ւն)ս ն(ո)ր(ա), եւ ի(սրայէ)լի զմեղս ն(ո)ր(ա)։

Verse: 9   Link to sept   Լուարո́ւք զայս առաջնորդք տանդ յակոբայ, եւ մնացորդք տանդ ի(սրայէ)լի. որ անարգէք զիրաւունս, եւ թիւրէք զա(մենայ)ն ուղորդս։

Verse: 10   Link to sept   որ շինէք զսիոն արեամբ, եւ զե(րուսաղէ)մ անիրաւութ(եամ)բ։

Verse: 11   Link to sept   Առաջնորդք ն(ո)ր(ա) կաշառօք դատէին, եւ քահանայք ն(ո)ր(ա) վարձուք տային պատասխանի. եւ մարգարէք ն(ո)ր(ա) արծաթո́վ պատմէին զըղձութի(ւն)ս. եւ ՛ի տ(է)ր ապաստան լինէին եւ ասէին, ո՞չ ապաքէն տ(է)ր ը(նդ) մե́զ է՝ եւ ո́չ եկեսցէ ՛ի վ(ե)ր(այ) մեր չարիք։

Verse: 12   Link to sept   Վ(ա)ս(ն) այդորիկ ՛ի ձե́ր սակս, սիոն արօրադի́ր լիցի, եւ ե(րուսաղ)էմ իբրեւ զտաղաւար մրգապահաց, եւ լեառն տաճարին յանտա́ռ մայրւոյ։



Chapter: 4  
ԳԼ(ՈՒԽ) Դ՜.


Section: 3 

Verse: 1   Link to sept   Եւ եղիցի յաւուրս յետինս յայտնի́ լեառն տ(եառ)ն. պատրաստեալ ՛ի գլուխս լերանց։ եւ բարձրասցի́ ՛ի վ(ե)ր(այ) բլրոց, եւ փութասցին ՛ի նա ժողովուրդք բազումք։

Verse: 2   Link to sept   եւ երթիցեն ազգք բազումք եւ ասիցեն. եկա́յք ելցուք ՛ի լեառն տ(եառ)ն՝ եւ ՛ի տուն ա(ստուծո)յ յակոբայ, եւ ցուցցեն մեզ զճանապարհս ն(ո)ր(ա)՝ եւ գնասցուք ՛ի շաւիղս ն(ո)ր(ա)։ Զի ՛ի սիոնէ ելցեն օրէնք, եւ բան տ(եառ)ն յե՝մէ։

Verse: 3   Link to sept   եւ դատեսցի ՛ի մէջ ժողովրդոց բազմաց, եւ յանդիմանեսցէ զազգս հզօրս մինչեւ ցհեռաւորս. եւ կոտորեսցեն զսուսերս իւրեանց ՛ի խոփս, եւ զգեղարդունս իւրեանց ՛ի մանգաղս։ եւ ո́չ եւս առցէ ազգ յազգի վերայ սուր, եւ ո́չ եւս ուսանիցին պատերազմել։

Verse: 4   Link to sept   Եւ հանգիցէ իւրաքանչիւր ընդ որթով իւրով՝ եւ ընդ թղենեաւ իւրով, եւ ո́չոք իցէ որ զարհուրեցուցանիցէ. զի բերա́ն տ(եառ)ն ամենակալի խօսեցաւ զայս։

Verse: 5   Link to sept   Եթէ ա(մենայ)ն ժողովուրդք գնասցեն իւրաքանչիւր ՛ի ճանապարհս իւրեանց. այլ մեք գնասցուք յանուն տ(եառ)ն ա(ստուծո)յ մերո́յ յաւիտեա́նս եւ առ յապայ։

Verse: 6   Link to sept   Յաւուր յայնմիկ ասէ տ(է)ր, ժողովեցից զմանրեալն, եւ զհեպացեալն ընկալա́յց՝ եւ զորս մերժեցին։

Verse: 7   Link to sept   եւ արարից զբեկեալն ՛ի զաւակ, եւ զմանրեալնյա́զգ հզօր. եւ թագաւորեսցէ տ(է)ր ՛ի վ(ե)ր(այ) ն(ո)ց(ա) ՛ի լերինն սիոնի յայսմհետէ մինչեւ յաւիտեան։
Section: 4 

Verse: 8   Link to sept   Եւ դու աշտարա́կ հօտի, մթին դուստր սիոնի, ՛ի վ(ե)ր(այ) քո եկեսցէ եւ մտցէ առաջին իշխանու(թ)ի(ւն) թագաւորութե(ան) ՛ի բաբելոնէ դստե́ր ե(րուսաղէ)մի։

Verse: 9   Link to sept   Եւ արդ ընդէ՞ր ծանեար զչար. միթէ թագաւոր ո՞չ գոյր քո, կամ թէ խորհուրդն քո կորեա՞ւ. զի սաստկացան երկունք քո իբրեւ զծննդականի։

Verse: 10   Link to sept   երկնեա́ եւ զօրացի́ր, եւ մերձեա́ դուստր սիոնի իբրեւ զծննդական։ Զի այժմ ելցե́ս ՛ի քաղաքէ, եւ բնակեցուցի́ց զքեզ ՛ի դաշտի. եւ հասցես մինչեւ ՛ի բաբելոն. եւ անտի փրկեսցէ զքեզ՝ եւ անտի ապրեցուսցէ զքեզ տ(է)ր ա(ստուա)ծ քո ՛ի ձեռաց թշնամեաց քոց։

Verse: 11   Link to sept   Եւ արդ ժողովեցան ՛ի վ(ե)ր(այ) քո ազգք բազումք. որք ասէին՝ եկայք ոտնահա́ր լոցուք, եւ տեսցեն աչք մեր ՛ի վ(ե)ր(այ) սիոնի։

Verse: 12   Link to sept   Եւ նոքա ո́չ գիտացին զխորհուրդ տ(եառ)ն. եւ ո́չ ՛ի միտ առին զկամս ն(ո)ր(ա)։ զի ժողովեաց զն(ո)ս(ա) իբրեւ զօրան ՛ի կալ.

Verse: 13   Link to sept   կանգնեա́ց եւ կա́ս զն(ո)ս(ա) դուստր սիովնի։ Զի զեղջիւրս քո արարից երկաթիս, եւ զկճղակս քո պղնձիս. եւ մանրեսցես զժողովուրդս բազումս, եւ փշրեսցես նոքօք զազգս. եւ մատուսցես տ(եառ)ն զբազմու(թ)ի(ւն) ն(ո)ց(ա), եւ զզօրու(թ)ի(ւն) ն(ո)ց(ա) տ(եառ)ն ամենակալի։



Chapter: 5  
ԳԼ(ՈՒԽ) Ե՜.


Verse: 1   Link to sept   Արդ պաշարեսցի դուստրն ցանգով. զի նեղու(թ)ի(ւն) կարգեաց ՛ի վերայ ձեր. զաւազանաւ հարցեն զծնօտս ազգաց ի(սրայէ)լի։
Section: 5 

Verse: 2   Link to sept   Եւ դո́ւ բեդղահէմ տուն եփրաթայ սակաւաւոր՝ իցե́ս լինել ՛ի հազարաւո́րս յուդայ։ ՛ի քէ́ն ելցէ ինձ լինել իշխան ի(սրայէ)լի. եւ ելք ն(ո)ր(ա) իսկզբանէ աւուրց աշխարհի։

Verse: 3   Link to sept   Վ(ա)ս(ն) այնորիկ տացէ զն(ո)ս(ա) մինչեւ ՛ի ժամանա́կ ծննդականին. ծնցի՝ եւ մնացորդք եղբարց ն(ո)ր(ա) դարձցին առ որդիսն ի(սրայէ)լի։

Verse: 4   Link to sept   Եւ կացցէ́, եւ տեսցէ́ եւ հովուեսցէ́ հօտի իւրոյ զօրու(թեամ)բ տ(եառ)ն, եւ ՛ի փառս անուան տ(եառ)ն ա(ստուծո)յ իւրեանց հաստատեսցին։ Զի այժմ մեծասցին մինչեւ ՛ի ծա́գս երկրի.

Verse: 5   Link to sept   եւ եղիցի նմա խաղաղու(թ)ի(ւն). յորժամ եկեսցէ ասորեստանեայն յերկիր ձեր՝ եւ յորժամ հասցէ յաշխարհ ձեր։ յարուսցէ ՛ի վ(ե)ր(այ) ն(ո)ր(ա) եւթն հովիւ՝ եւ ո́ւթ վարիչ մարդկան։

Verse: 6   Link to sept   եւ հովուեսցեն զասորեստանեայն սրով. եւ զերկիրն նեբրովթայ ՛ի պատնիշի իւրում։ եւ փրկեսցէ զքեզ յասորեստանւոյն՝ յորժամ եկեսցէ յերկիր ձեր. եւ յորժամ հասցէ ՛ի վ(ե)ր(այ) սահմանաց ձերոց։

Verse: 7   Link to sept   Եւ եղիցի մնացորդքն յակոբայ ՛ի հեթանոսս ՛ի մէջ ազգաց բազմաց՝ իբրեւ զցօղ անկեալ ՛ի տ(եառ)նէ, եւ իբրեւ զգառինս ՛ի վ(ե)ր(այ) սիզոյ, ո(ր)պ(էս) զի ժողովեսցէ եւ մի́ մի. եւ մի́ մնասցէ ՛ի մէջ որդւոց մարդկան։

Verse: 8   Link to sept   Եւ եղիցին մնացորդքն յակոբայ ՛ի հեթանո́սս ՛ի մէջ ազգաց բազմաց իբրեւ զառեւծ՛ի մէջ խաշին յանտառի, եւ իբրեւ զկորիւն առիւծու՝ ՛ի մէջ հօտից խաշանց. զոր օրինակ յորժամ անցեալ զատուցանիցէ́ եւ յափշտակիցէ՝ եւ ո́չ ոք իցէ որ թափիցէ։

Verse: 9   Link to sept   Բարձրասցի́ ձեռն քո ՛ի վ(ե)ր(այ) նեղչաց քոց, եւ ա(մենայ)ն թշնամիք քո սատակեսցին։

Verse: 10   Link to sept   Եւ եղիցի յաւուր յայնմիկ՝ ասէ տ(է)ր. սատակեցից զերիվարս քո ՛ի միջոյ քումմէ, եւ կորուսից զկառս քո.

Verse: 11   Link to sept   եւ սատակեցից զքաղաքս երկրի քո, եւ բարձից զա(մենայ)ն ամուրս քո. եւ բարձից զա(մենայ)ն կախարդու(թ)ի(ւն)ս քո ՛ի ձեռաց քոց. եւ հարցուկք ո́չ եղիցին ՛ի քեզ։

Verse: 12   Link to sept   Ջնջեցից զդրօշեալս քո, եւ զարձանս քո ՛ի միջոյ քումմէ. եւ ո́չ եւս երկիրպագցեն գործոց ձեռաց քոց։

Verse: 13   Link to sept   եւ կոտորեցից զանտառսդ ՛ի միջոյ քումմէ, եւ ապականեցից զքաղաքս քո,

Verse: 14   Link to sept   եւ արարից բարկութ(եամ)բ եւ սրտմտու(թեամ)բ վրէժխնդրու(թ)ի(ւն) ՛ի մէջ ազգաց։ փոխանակ զի ո́չ լուան։



Chapter: 6  
ԳԼ(ՈՒԽ) Զ՜.


Section: 6 

Verse: 1   Link to sept   Լուարո́ւք զայս զոր ասաց տ(է)ր. արի́ եւ դատեա́ց ընդ լերինս եւ բլուրք լուիցեն ձայնի քում։

Verse: 2   Link to sept   Լուարո́ւք բլուրք զդատաստան տ(եառ)ն, եւ ձորք եւ հո́ւնք երկրի. զի դատաստա́ն է տ(եառ)ն ընդ ժողովրդեան իւրում. եւ ընդ ի(սրայէ)լի յանդիմանեսցի։

Verse: 3   Link to sept   Ժողովուրդ իմ զի՞ արարի քեզ, կամ ի՞ւ տրտմեցուցի զքեզ, կամ ի՞ւ նեղեցի զքեզ. տո́ւր ինձ պատասխանի։

Verse: 4   Link to sept   Փոխանակ զի հանի զքեզ յերկրէն եգիպտացւոց, եւ ՛ի տանէ ծառայու(թ)ե(ան) փրկեցի́ զքեզ. եւ առաքեցի առաջի քո զմովսէ́ս եւ զահարոն եւ զմարիամ։

Verse: 5   Link to sept   Ժողովուրդ իմ յիշեա́ զինչ խորհեցաւ վ(ա)ս(ն) քո բաղա́կ թագաւոր մովաբացւոց. եւ զի՞նչ ետ նմա պատասխանի բաղաամ որդի բէովրայ. ՛ի վիճակացն մինչեւ ցգաղգաղ. զի ծանիցի արդարու(թ)ի(ւն) տ(եառ)ն։

Verse: 6   Link to sept   Ի՞ւ կանխեցից առ տ(է)ր. ապաւինեցա́յց յա(ստուա)ծ իմ բարձրեալ, եթէ կանխեցից առ նա ողջակիզօք, եւ որթովք տարեւորօք։

Verse: 7   Link to sept   եթէ իցէ՝ ընկալցի՞ տ(է)ր ը(նդ) հազարաւորս խոյոց, կամ ընդ բիւրաւորս նոխազաց պարարտաց. եթէ տա́ց զանդրանիկս իմ վ(ա)ս(ն) ամպարշտութե(ան)ց, եւ զպտուղ միջոյ իմոյ վ(ա)ս(ն) մեղաց անձին իմոյ։

Verse: 8   Link to sept   Պատմեցա́ւ քեզ ո́վ մարդ՝ զի՞նչ է բարի, կամ զի՞նչ խնդրէ ՛ի քէն տ(է)ր. բայց առնե́լ զիրաւունս, եւ սիրել զողորմու(թ)ի(ւն). եւ պատրա́ստ լինել երթալոյ զկնի տ(եառ)ն ա(ստուծո)յ քոյ։

Verse: 9   Link to sept   ձայն տ(եառ)ն ՛ի վ(ե)ր(այ) քաղաքի կոչեսցի, եւ ապրեցուսցէ զերկիւղածս անուան ն(ո)ր(ա)։ Լո́ւր ազգ, ո́ հանդերձեսցէ զքաղաք,

Verse: 10   Link to sept   եթէ ոչ հուր, եւ տուն անօրինի որ գանձէ զգանձս անօրէնս, եւ հպարտու(թեամ)բ անիրաւութե(ան)։

Verse: 11   Link to sept   Եւ իցէ՞ թէ արդարասցի կաշառովք անօրէնն, եւ պայուսակա́ւ կշռոց նենգութե(ան).

Verse: 12   Link to sept   ուստի զտունս իւրեանց լցին ամպարշտութ(եամ)բք. եւ բնակիչք ն(ո)ր(ա) խօսեցան անիրաւու(թ)ի(ւն). եւ լեզուք ն(ո)ց(ա) մեծաբանեցին ՛ի բերանս իւրեանց։

Verse: 13   Link to sept   Եւ ես հարի զքեզ ապականութ(եամ)բ վ(ա)ս(ն) մեղաց քոց։

Verse: 14   Link to sept   Դու կերիցես եւ մի́ յագեսջիր. եւ մերժեցի́ զքեզ. եւ ըմբռնեսցիս՝ եւ մի́ ապրեսցիս. եւ որ միանգամ ապրեսցին ՛ի սո́ւր մատնեսցին։

Verse: 15   Link to sept   Դու սերմանեսցես՝ եւ ո́չ հնձեսցես։ դու կթեսցես ձէթ՝ եւ մի́ օծցիս իւղով. եւ գինի՝ եւ մի́ արբցես գինի։

Verse: 16   Link to sept   Եւ ապականեսցին անօրէնք ժողովրդեան իմոյ, եւ ա(մենայ)ն գործք տանն աքաաբու։ եւ գնացէք ըստ խորհրդոց ն(ո)ր(ա). զի մատնեցից զձեզ յապականութի(ւն), եւ զբնակիչս քո ՛ի շչիւն, եւ զնախատինս ժողովրդոց ընկալջիք։



Chapter: 7  
ԳԼ(ՈՒԽ) Է՜.


Verse: 1   Link to sept   Վա́յ ինձ, զի եղեւ իբրեւ զհասկաքա́ղ ՛ի հունձս, եւ իբրեւ զճռաքա́ղ ՛ի կութս. եւ ո́չ գոյր ողկոյզ յառաջին բերոյն ուստի ուտէի։

Verse: 2   Link to sept   Վա́յ անձին իմում. զի կորեա́ւ երկիւղած յերկրէ. եւ ո́չ գոյ ուղիղ ՛ի մէջ մարդկան. ամենեքին արեամբ դատին. իւրաքանչիւր զընկեր իւր նեղելով նեղեն։

Verse: 3   Link to sept   զձեռս իւրեանց պատրաստեն ՛ի չար։ Իշխանն խնդրէ, եւ դատաւորն խօսի բանս խաղաղութե(ան) ըստ ցանկու(թ)ե(ան) անձին իւրոյ։

Verse: 4   Link to sept   եւ հանից զբարու(թ)ի(ւն) ն(ո)ց(ա) իբրեւ զցեց որ ուտէ եւ շրջի ՛ի վ(ե)ր(այ) կանոնի յաւուր այցելութե(ան)։ Վա́յ վա́յ, վրէժխնդրութի(ւն)ք քո եկին հասին. արդ եղիցին լալիք ն(ո)ց(ա)։

Verse: 5   Link to sept   Մի́ հաւատայք սիրելեաց, եւ մի́ յուսայք յիշխանս. եւ յանկողնակցէ քումմէ զգո́յշ լեր պատմել ինչ նմա։

Verse: 6   Link to sept   Զի որդի՝ անարգէ զհայր, եւ դուստր՝ յարիցէ ՛ի վ(ե)ր(այ) մօր իւրոյ. նու՝ ՛ի վ(ե)ր(այ) ակեսրի իւրոյ, եւ թշնամիք առն՝ ընտանիք իւր։

Verse: 7   Link to sept   Այլ ես տ(եառ)ն ակն կալայց. սպասեցից ա(ստուծո)յ փրկչի իմոյ, եւ լուիցէ́ ինձ տ(է)ր ա(ստուա)ծ իմ։

Verse: 8   Link to sept   Մի́ ոտնհա́ր լինիր ինձ թշնամի իմ. զի գլորեցայ՝ միւսանգա́մ կանգնեցայց. զի թէ նստայց ՛ի խաւարի՝ տ(է)ր է իմ լոյս։

Verse: 9   Link to sept   Բարկութե(ան) տ(եառ)ն համբերեցից՝ զի մեղա́յ նմա, մինչեւ արդարացուսցէ զդատաստան իմ, եւ արասցէ ինձ իրաւունս, եւ հանցէ զիս ՛ի լոյս. եւ տեսից զարդարութի(ւն) ն(ո)ր(ա)։

Verse: 10   Link to sept   Եւ տեսցէ զիս թշնամին իմ, եւ ծածկեսցէ զնա ամօթ. որ ասէր ցիս ո՞ւր է տ(է)ր ա(ստուա)ծ քո. աչք իմ տեսցեն ՛ի նա. արդ եղիցի կոխա́ն իբրեւ զկաւ ՛ի ճանապարհի։

Verse: 11   Link to sept   Օր ծեփա́յ աղիւսոյ, եւ ջնջո́ւմն քո եղիցի օրն այն. մերժեսցէ զիրաւունս քո օրն այն։

Verse: 12   Link to sept   Եւ քաղաքք քո եկեսցեն ՛ի պաշարումն՝ եւ յաւար ասորեստանեայց. եւ քաղաքք քո ամուրք՝ ՛ի բաժինս, ՛ի ծուրայ մինչեւ ցգետն, եւ ՛ի ծովէ մինչեւ ցծով, եւ ՛ի լեռնէ մինչեւ ցլեառն։

Verse: 13   Link to sept   եւ եղիցի երկիրն յապականու(թ)ի(ւն) հանդերձ բնակչօքն իւրովք ՛ի պտղոյ գործոց ն(ո)ց(ա)։

Verse: 14   Link to sept   Արածեա́ զժողովուրդ քո գաւազանաւ ցեղի́ցդ քոց, եւ զխաշինս ժառանգու(թ)ե(ան) քոյ որ բնակեալ են առանձինն յանտառի՝ ՛ի մէջ կարմելայ. արածեսցին ՛ի բասան, եւ ՛ի գաղաադ ըստ աւո́ւրցն յաւիտենից։

Verse: 15   Link to sept   Եւ ըստ աւուրց ելիցն քոց յերկրէն եգիպտացւոց, ցուցին ն(ո)ց(ա) սքանչելիս։

Verse: 16   Link to sept   տեսցեն հեթանոսք՝ եւ ամաչեսցեն յա(մենայ)ն զօրու(թեն)է իւրեանց. դիցեն զձեռս ՛ի վ(ե)ր(այ) բերանոց իւրեանց, եւ ականջք ն(ո)ց(ա) խլասցեն։

Verse: 17   Link to sept   Լիզեսցեն զհող իբրեւ օ́ձք որ սողին ընդ երկիր. խռովեսցին ՛ի պաշարման իւրեանց, եւ ՛ի տ(եառն)է ա(ստուծո)յ մերմէ զարհուրեսցին, եւ երկիցեն ՛ի քեն։

Verse: 18   Link to sept   Ո՞վ է ա(ստուա)ծ իբրեւ զքեզ որ բառնայ զանօրէնութի(ւն)ս, եւ զա́նց առնէ զանիրաւու(թեամ)բք մնացորդաց երկրի ժառանգութե(ան) իւրոյ. եւ ո́չ ունի ՛ի վկայութի(ւն) զբարկու(թ)ի(ւն) իւր, զի կամեցօղ ողորմու(թ)ե(ան) է։

Verse: 19   Link to sept   Դարձցի եւ գթասցի ՛ի մեզ. եւ ընկղմեսցէ́ զմեղս մեր, եւ ընկեսցէ ՛ի խորս ծովու զա(մենայ)ն զանօրէնութի(ւն)ս մեր։

Verse: 20   Link to sept   Տացէ ճշմարտութի(ւն) յակովբայ, ողորմու(թ)ի(ւն) աբրահամու. ո(ր)պ(էս) երդուաւ հարցն մերոց՝ ըստ աւուրցն առաջնոց։
Section:  




Book: Joel 
ՄԱՐԳԱՐԷՈՒԹԻՒՆ
ՅՈՎԵԼԵԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Պատգամ տ(է)ր որ եղեւ առ Յովէլ բաթուելի Յաւելի
Յաւուրս եզեկիայ։


Section: 1 

Verse: 2   Link to sept   ԼՈՒԱՐՈ́ՒՔ ԶԱՅՍ ԾԵՐՔ, եւ ո́ւնկն դիք ա(մենայ)ն բնակիչք երկրի. եթէ եղեա՞լ է այսպիսի ինչ յաւուրս ձեր, կամ յաւուրս հարցն ձերոց։

Verse: 3   Link to sept   Պատմեցէ́ք զայս որդւոց ձերոց. եւ որդի́ք ձեր որդւոց իւրեանց. եւ որդիք ն(ո)ց(ա) յա́զգ յայլ։

Verse: 4   Link to sept   Զմնացորդս թրթրոյ եկեր մարախ, եւ զմնացորդս մարախոյ՝ եկեր ջորեակ, եւ զմնացորդս ջորեկի եկե́ր երեւիլ։

Verse: 5   Link to sept   Սթափեցարո́ւք արբեալք ՛ի գինւոյ, եւ լացէ́ք եւ զգացարո́ւք ամենեքեան որ ըմպէք գինի ցարբենալ։ զի բարձա́ւ ՛ի բերանոյ ձերմէ ուրախութի(ւն) եւ խնդու(թ)ի(ւն)։

Verse: 6   Link to sept   Զի ա́զգ մի ել յերկիր իմ հզօր եւ անթիւ. ատամունք ն(ո)ր(ա) ատամունք առիւծու, եւ ժանիք ն(ո)ր(ա) կորեա́ն առիւծու։

Verse: 7   Link to sept   Արա́ր զորթ իմ յապականութի(ւն), եւ զթզենիս իմ ՛ի խորտակումն. յուզելո́վ յուզեաց եւ ընկէ́ց զնա, եւ լսնեցոյց զուռս ն(ո)ր(ա)։

Verse: 8   Link to sept   Ողբա́յ առիս իբրեւ զհարսն քրձազգած ՛ի վ(ե)ր(այ) առն իւրոյ ամուսնոյ։

Verse: 9   Link to sept   Բարձա́ն զոհք եւ սպանդք ՛ի տանէ տ(եառ)ն. սո́ւգ առէք քահանայք, պաշտօնեայք սեղանոյ.

Verse: 10   Link to sept   զի թշուառացա́ն դաշտք։ սո́ւգ առցէ երկիր՝ զի թշուառացա́ւ ցորեան, ցամաքեցա́ւ գինի, նուազեաց ձէթ։

Verse: 11   Link to sept   Ողբացէ́ք մշակք ստացուածովք ՛ի վերայ ցորենոյ՝ եւ գարւոյ. զի կորեա́ն կութք յագարակէ։

Verse: 12   Link to sept   ցամաքեցաւ որթ, նուազեաց թուզ՝ եւ նուռն. եւ արմաւ՝ եւ խնձոր. եւ ա(մենայ)ն փայտ ագարակի գօսացաւ. զի յամօ́թ արարին զուրախու(թ)ի(ւն)։ որդիք մարդկան՝

Verse: 13   Link to sept   քրձազգա́ծք եղերուք։ կործեցարո́ւք քահանայք. սո́ւգ առէք պաշտօնեայք սեղանոյ. մտէ́ք ննջեցէ́ք խորգով պաշտօնեայք ա(ստուծո)յ. զի պակասեցի́ն ՛ի տանէ ա(ստուծո)յ ձերոյ զոհք եւ սպանդք։

Verse: 14   Link to sept   Սրբեցէ́ք պահս՝ քարոզեցէ́ք պաղատանս. ժողովեցէ́ք զծերս ա(մենայ)ն բնակիչք երկրիդ ՛ի տուն ա(ստուծո)յ ձերոյ, եւ աղաղակեցէ́ք առ տ(է)ր սրտի մտօք։

Verse: 15   Link to sept   Վա́յ ինձ. վա́յ ինձ. վա́յ ինձ յաւուր յայնմիկ. զի մե́րձ է օր տ(եառ)ն. իբրեւ թշուառութի(ւն) ՛ի թշուառու(թեն)է հասցէ

Verse: 16   Link to sept   առաջի աչաց ձերոց։ պակասեցան կերակուրք ՛ի տանէ ա(ստուծո)յ ձերոյ, ուրախութի(ւն) եւ խնդու(թ)ի(ւն)։

Verse: 17   Link to sept   Խայտացին երինջք ՛ի մսուրս իւրեանց. ապականեցա́ն գանձք. տապալեցա́ն շտեմերանք՝ զի խորշակահա́ր եղեւ ցորեան։

Verse: 18   Link to sept   զի՞նչ համբարեցից ՛ի ն(ո)ս(ա)։ լացին դասակք անդւոց, զի ո́չ գոյր ն(ո)ց(ա) արօտ՝ եւ հօտք խաշանց սատակեցան։

Verse: 19   Link to sept   Առ քեզ տ(է)ր աղաղակեցից՝ զի հուր սատակեաց զգեղեցկութի(ւն) անապատի, եւ բոց ծախեաց զա(մենայ)ն փայտս ագարակի։

Verse: 20   Link to sept   եւ երէ վայրի ՛ի քեզ հայեցաւ. զի ցամաքեցան վտակք ջուրց, եւ հուր եկեր զգեղեցկու(թ)ի(ւն)ս անապատի։



Chapter: 2  
ԳԼ(ՈՒԽ) Բ՜.


Section: 2 

Verse: 1   Link to sept   Փո́ղ հարէք ՛ի սիոն. քարո́զ կարդացէք ՛ի լերին սրբութե(ան) իմոյ. ժողովեսցին ա(մենայ)ն բնակիչք երկրի. զի հասեալ է օր տ(եառ)ն. զի մերձ է

Verse: 2   Link to sept   օր խաւարի եւ միգի. օր ամպոյ եւ մարախղոյ։ իբրեւ առաւօ́տ տարածեսցի ՛ի վ(ե)ր(այ) լերանց զօր բազում եւ հզօր. նման նմա ո́չ եղեւ յաւիտենից, եւ զհետ նորա ո́չ եւս յաւելցի լինել ազգաց մինչեւ յազգս։

Verse: 3   Link to sept   Առաջ ն(ո)ր(ա) հուր ծախիչ, եւ վերջ նորա բոց բորբոքեալ։ իբրեւ զդրախտ փափկութե(ան) երկիրդ առաջի ն(ո)ր(ա), եւ զկնի ն(ո)ր(ա) դաշտ ապականու(թ)ե(ան). եւ ապրեալ ո́չ իցէ ՛ի նմանէն։

Verse: 4   Link to sept   Իբրեւ զտեսի́լ երիվարաց տեսիլ ն(ո)ր(ա). իբրեւ զհեծեալս արշաւեսցեն։

Verse: 5   Link to sept   եւ իբրեւ զշաչիւն կառաց ՛ի վ(ե)ր(այ) գլխոց լերանց ասպատակեսցեն. իբրեւ զձա́յն բոցոյ հրոյ որ ուտիցէ զեղէգն. իբրեւ զօր բազում եւ հզօր պատրաստեալ ՛ի պատերազմ։

Verse: 6   Link to sept   Յերեսաց ն(ո)ր(ա) խորտակեսցին ազգք, եւ ա(մենայ)ն դէմք իբրեւ զայրեցած պուտան։

Verse: 7   Link to sept   իբրեւ զախոյա́նս յարձակեսցին. եւ իբրեւ զարս պատերազմօղս ելցեն ՛ի վերայ պարսպաց։ իւրաքանչիւր զիւր ճանապարհ գնասցեն, եւ մի́ խոտորեսցին ՛ի շաւղաց իւրեանց։

Verse: 8   Link to sept   այր յեղբօրէ եւ յընկերէ իւրմէ մի́ զատցի։ Ծանրացեալք զինուք իւրեանց գնասցեն, եւ նետիւք իւրեանց անկցին եւ մի վախճանեսցին։

Verse: 9   Link to sept   հասցեն ՛ի վ(ե)ր(այ) քաղաքին, եւ ընթասին ՛ի վ(ե)ր(այ) պարսպաց. ելցեն յապարանս, եւ մտցեն ընդ պատուհանս իբրեւ զգողս։

Verse: 10   Link to sept   Յերեսաց ն(ո)ր(ա) խռովեսցի երկիր, եւ երկինք շարժեսցի́ն. արեգակն եւ լուսին խաւարեսցին, եւ աստեղք ծածկեսցեն զլոյս իւրեանց։

Verse: 11   Link to sept   Եւ տ(է)ր տացէ զձայն իւր առաջի երեսաց զօրու(թ)ե(ան) իւրոյ, զի բազո́ւմ է յոյժ բանակ ն(ո)ր(ա), եւ հզօր գործ պատերազմաց ն(ո)ր(ա). զի մե́ծ է օր տ(եառ)ն, մեծ եւ երեւելի́ յոյժ. եւ ո՞վ իցէ նմա բաւական։

Verse: 12   Link to sept   Եւ արդ ասէ́ տ(է)ր ա(ստուա)ծ ձեր. դարձարո́ւք առիս յա(մենայ)ն սրտէ ձերմէ, պահօք եւ լալով եւ կոծելով։

Verse: 13   Link to sept   Պատառեցէ́ք զսիրտս ձեր՝ եւ մի զհանդերձս, եւ դարձարո́ւք առ տ(է)ր ա(ստուա)ծ ձեր. զի ողորմած եւ գթա́ծ է, երկայնամիտ եւ բազո́ւմ ողո́րմ. եւ զղջանայ ՛ի վ(ե)ր(այ) չարեաց մարդկան։

Verse: 14   Link to sept   ո́ գիտէ եթէ դարձցի՝ եւ ապաշաւեսցէ, եւ թողցէ զկնի իւր օրհնու(թ)ի(ւն). եւ զոհս եւ սպանդ տ(եառ)ն ա(ստուծո)յ մերում։

Verse: 15   Link to sept   Փո́ղ հարէք ՛ի սիոն. սրբեցէ́ք պահս. քարոզեցէք պաղատանս։

Verse: 16   Link to sept   ժողովեցէ́ք զժողովուրդսդ։ սրբեցէ́ք զեկեղեցի. ընտրեցէ́ք զծերս. ժողովեցէ́ք զտղայս ստնդիացս։ ելցէ́ փեսայ ՛ի սենեկէ իւրմէ, եւ հարսն յառագաստէ։

Verse: 17   Link to sept   Ընդ աստիճանս եւ ընդ սեղանն լացցեն քահանայք եւ պաշտօնեայք տ(եառ)ն, եւ ասասցեն. Խնայեա́ տ(է)ր ՛ի ժողովուրդս քո, եւ մի́ տար զժառանգութի(ւն) քո ՛ի նախատինս տիրե́լ ՛ի վ(ե)ր(այ) ն(ո)ր(ա) ազգաց. զի մի́ ասասցեն ՛ի հեթանոսս՝ թէ ո́ւր է ա(ստուա)ծ ն(ո)ց(ա)։

Verse: 18   Link to sept   Եւ նախանձեցա́ւ տ(է)ր վ(ա)ս(ն) երկրի իւրոյ. եւ խնայեա́ց ՛ի ժողովուրդ իւր։

Verse: 19   Link to sept   եւ պատասխանի ետ տ(է)ր ժողովրդեան իւրոյ՝ եւ ասէ. Ահաւասիկ ես առաքե́մ ՛ի ձեզ զցորեան եւ զգինի եւ զեւղ, եւ լցջի́ք ՛ի նոցանէն. եւ ո́չ եւս տաց զձեզ ՛ի նախատինս ազգաց։

Verse: 20   Link to sept   եւ զհիւսւսայինն հալածեցի́ց ՛ի ձէնջ, եւ մերժեցից զնա յերկիր անջուր. եւ ապականեցից զառա́ջ ն(ո)ր(ա) ՛ի ծովն առաջին, եւ զվերջ ն(ո)ր(ա) ՛ի ծովն վերջին. եւ ելցէ́ շարաւ ն(ո)ր(ա), եւ բուրեսցէ հոտ ն(ո)ր(ա). զի մեծացա́ն գործք ն(ո)ր(ա)։

Verse: 21   Link to sept   Քաջալերեա́ց երկիր. խնդա եւ ուրա́խ լեր, զի մեծացո́յց տ(է)ր զառնել իւր քեզ։

Verse: 22   Link to sept   քաջալերեա́ երէ վայրի, զի դալարացան դաշտք անապատի. զի ծառ՝ ե́տ զպտուղ իւր. որթ եւ թզենի ետուն զզօրուի իւրեանց։

Verse: 23   Link to sept   Որդիք սիոնի, ցնծացէ́ք եւ ուրա́խ լերուք ՛ի տ(է)ր ա(ստուա)ծ ձեր. զի ե́տ ձեզ տ(է)ր կերակուր արդարու(թ)ե(ան)։ եւ տեղասցէ ձեզ անձրեւ կանո́ւխ եւ անագան իբրեւ զառաջինն։

Verse: 24   Link to sept   եւ լցցի́ն կալք ցորենոյ. եւ զեղցին հնծանք գինւոյ եւ իւղոյ։

Verse: 25   Link to sept   Եւ հատուցից ձեզ փոխանակ՝ ամացն յորս եկեր մարախն՝ եւ ջորեակն՝ եւ թրթուրն, զօ́ր իմ մեծ զոր առաքեցի ՛ի վ(ե)ր(այ) ձեր։

Verse: 26   Link to sept   եւ ուտելով կերիջիք՝ եւ յագեսջիք, եւ օրհնեսջիք զանուն տ(եառ)ն ա(ստուծո)յ ձերոյ՝ որ արա́ր ընդ ձեզ սքանչելիս. եւ մի́ եւս ամաչեսցէ ժողովուրդ իմ յաւիտեան։

Verse: 27   Link to sept   Եւ ծանիջիք թէ ՛ի մէջ ի(սրայէ)լի եմ ես։ եւ ես տ(է)ր ա(ստուա)ծ ձեր, եւ չի́ք ոք բա́ց յինէն. եւ ո́չ ամաչեսցէ ժողովուրդ իմ յաւիտեան։
Section: 3 

Verse: 28   Link to sept   Եւ եղիցի յետ այսորիկ հեղի́ց յոգւոյ իմոյ ՛ի վերայ ա(մենայ)ն մարմնոյ. եւ մարգարէասցին ուստերք ձեր, եւ դստերք ձեր. եւ ծերք ձեր երազովք երազեսցին, եւ երիտասարդք ձեր տեսի́լս տեսցեն։

Verse: 29   Link to sept   Եւ ՛ի վ(ե)ր(այ) ծառայից իմոց, եւ ՛ի վ(ե)ր(այ) աղախնաց իմոց յաւուրսն յայնոսիկ հեղի́ց յոգւոյ իմմէ, եւ մարգարէսցին։

Verse: 30   Link to sept   Եւ տա́ց նշանս յերկինս ՛ի վեր, եւ նշանս յերկիր ՛ի խոնարհ, արիւն եւ հուր եւ մրրիկ ծխոյ։

Verse: 31   Link to sept   արեգակն դարձցի ՛ի խաւա́ր եւ լուսին յարիւն, մինչչեւ եկեալ իցէ օր տ(եառ)ն մեծն եւ երեւելին։

Verse: 32   Link to sept   եւ եղիցի ա(մենայ)ն որ կարդասցէ զանուն տ(եառ)ն կեցցէ։ Զի ՛ի լեառն սիոն եւ յե(րուսաղէ)մ եղիցի ապրեա́լ՝ ո(ր)պ(էս) եւ ասաց տ(է)ր. եւ աւետարանեալ զորս տ(է)ր կոչեսցէ առ ինքն։



Chapter: 3  
ԳԼ(ՈՒԽ) Գ՜.


Verse: 1   Link to sept   Զի ահաւասիկ ես յաւուրսն յայնոսիկ եւ ՛ի ժամանակին յայնմիկ՝ դարձուցի́ց զգերութի(ւն) հրէաստանի եւ զե(րուսաղէ)մի։

Verse: 2   Link to sept   եւ ժողովեցից զա(մենայ)ն ազգս, եւ իջուցից զն(ո)ս(ա) ՛ի ձորն յովսափաթու. եւ դատեցայց զն(ո)ս(ա) անդ, վ(ա)ս(ն) ժողովրդեան իմոյ՝ եւ ժառանգու(թ)ե(ան) իմոյ ի(սրայէ)լի. որ ցրուեցան ընդ ա(մենայ)ն ազգս, եւ զերկիր իմ բաժանեցին,

Verse: 3   Link to sept   եւ ՛ի վ(ե)ր(այ) ժողովրդեան իմոյ վիճակս արկանէին։ եւ ետուն զպատանեակս կապէ́նս պոռնկաց, եւ զաղջկունս վաճառէին ընդ գինւոյ՝ եւ ըմպէին։

Verse: 4   Link to sept   Եւ դուք եւս տակաւին ինձ ծո́ւր եւ ծայդան՝ եւ ա(մենայ)ն գալիլեա այլազգեաց. միթէ հատուցո՞ւմն ինչ հատուցանիցէք ինձ, կամ ոխս պահիցէք ինձ. վաղվաղակի տագնապա́ւ հատուցից զհատուցումն ձեր ՛ի գլուխս ձեր։

Verse: 5   Link to sept   Փոխանակ զի զարծաթն իմ եւ զոսկին առէք, եւ զընտիր ընտիրսն եւ զգեղեցիկ անօթսն տարայք ՛ի մեհեանս ձեր։

Verse: 6   Link to sept   եւ զորդիսն յուդայ՝ եւ զորդիսն ե(րուսաղէ)մի վաճառեցէք որդւոցն յունաց. զի մերժեցէք զն(ո)ս(ա) ՛ի սահմանաց իւրեանց։

Verse: 7   Link to sept   Արդ՝ ե́ս կանգնեցից զն(ո)ս(ա) ՛ի տեղւոջէ՝ ուր վաճառեցէք զնոսա անդր, եւ հատուցից զհատուցումն ձեր ՛ի գլուխս ձեր։

Verse: 8   Link to sept   եւ մատնեցից զուստերս ձեր՝ եւ զդստերս ձեր ՛ի ձեռս որդւոցն յուդայ, եւ վաճառեսցեն զն(ո)ս(ա) ՛ի գերու(թ)ի(ւն) յազգ հեռաւո́ր բացական. զի տ(է)ր խօսեցաւ։

Verse: 9   Link to sept   Քարո́զ կարդացէք զայդ յազգս. Ժա́մ տուք մարտի, զարթուցէ́ք զպատերազմօղս. ժողովեցարո́ւք եւ ելէ́ք ա(մենայ)ն արք պատերազմի.

Verse: 10   Link to sept   կոտորեցէ́ք զխոփս ձեր ՛ի սուսե́րս, եւ զգերանդիս ձեր ՛ի գեղարգո́ւնս։ Տկարն խրախուսեսցէ թէ հզօր եմ ես։

Verse: 11   Link to sept   ժողովեցարո́ւք եւ մտէ́ք ազգք ա(մենայ)ն շուրջանակի ա́նդր գումարեցարուք. հանդարտն պատերազմօ́ղ եղիցի։

Verse: 12   Link to sept   Զարթիցեն եւ ելցեն ա(մենայ)ն ազգք ՛ի ձորն յովսափաթու. զի անդ նստայց դատե́լ զա(մենայ)ն ազգս շուրջանակի։

Verse: 13   Link to sept   Արկէ́ք մանգաղ՝ զի հասեալ են կութք. մտէ́ք կոխեցէ́ք զի լցեա́լ են հնծանք՝ եւ զեղո́ւն գուբք. զի բազմացա́ն չարիք ն՝ց։

Verse: 14   Link to sept   Ձա́յնք հնչեցին ՛ի ձորն դատաստանի. զի մե́րձ է օր տ(եառ)ն ՛ի ձորն դատաստանի։

Verse: 15   Link to sept   արեգակն եւ լուսին խաւարեսցին, եւ աստեղք ծածկեսցեն զլոյս իւրեանց։

Verse: 16   Link to sept   Եւ տ(է)ր ՛ի սիոնէ գոչեսցէ, եւ յ(թ)ե(ան)մէ տացէ զձայն իւր. եւ շարժեսցի́ն երկինք եւ երկիր։

Verse: 17   Link to sept   այլ տ(է)ր խնայեսցէ ՛ի ժողովուրդ իւր՝ եւ զօրացուսցէ զորդիսն ի(սրայէ)լի։

Verse: 18   Link to sept   եւ ծանիջիք թէ ես եմ տ(է)ր ա(ստուա)ծ որ բնակեալ եմ ՛ի սիոն լերին սրբու(թ)ե(ան) իմոյ։ եւ եղիցի ե(րուսաղ)էմ սո́ւրբ, եւ այլազգիք ո́չեւս անցցեն ընդ նա։

Verse: 19   Link to sept   Եւ եղիցի յաւուր յայնմիկ բղխեսցե́ն լերինք զքաղցրութի(ւն), եւ բլուրք յորդեսցեն զկաթն, եւ ա(մենայ)ն աղբեւրք յուդայ բղխեսցեն ջուրս։ Եւ աղբեւր ՛ի տանէ տ(եառ)ն ելցէ, եւ արբուսցէ զձորն վիճակաց։

Verse: 20   Link to sept   եգիպտոս յապականութի(ւն) եղիցի, եւ եդոմ ՛ի դա́շտ ապականու(թ)ե(ան), յանիրաւութե(ան)ց որդւոցն յուդայ. փոխանակ զի հեղին արիւն արդար ՛ի մէջ իւրեանց։

Verse: 21   Link to sept   Բայց հրէաստան յաւիտեան բնակեսցէ, եւ ե(րուսաղ)էմ ազգաց յազգս։

Verse: 22   Link to sept   եւ խնդրեցից զարիւն ն(ո)ց(ա), եւ ո́չ արարից անպարտ։ եւ տ(է)ր բնակեսցէ ՛ի սիովն։
Section:  




Book: Abd. 
ՄԱՐԳԱՐԷՈՒԹԻՒՆ
ԱԲԴԻՈՒ



Chapter: _ 


Verse: 1  Link to sept Տեսիլ Աբդիու որ եղեւ յառաջ քան զելս ասորեստանւոյն Յաւուրս աքաաբու։


Verse: 2  Link to sept   Ա́ՅՍՊԷՍ ԱՍԷ ՏԷՐ ՑԵԴՈՄ    լուր լուայ ՛ի տ(եառն)է. եւ պաշարումն առաքեաց ՛ի հեթանոսս։ արի́ք եւ յարիցուք ՛ի վ(ե)ր(այ) ն(ո)ր(ա) ՛ի պատերազմ։

Verse: 3  Link to sept   Ահա սակաւաւո́ր ետու զքեզ յազգս. եւ անարգեա́լ ես դու յոյժ։

Verse: 4  Link to sept   հպարտութի(ւն) սրտի քոյ բարձրացոյց զքեզ բնակե́լ ՛ի ծա́կս վիմաց։ բարձրացուցանել զբնակութի(ւն) իւր, եւ ասել ՛ի սրտի իւրում ո՞վ իջուսցէ զիս յերկիր։

Verse: 5  Link to sept   Եթէ բարձրասցիս իբրեւ զարծուի, եւ եթէ ՛ի մէջ աստեղաց դիցես զբոյն քո, եւ անտի́ իջուցից զքեզ ասէ տ(է)ր։

Verse: 6  Link to sept   Եթէ գողոց մտեալէր առ քեզ՝ կամ աւազակաց գիշերոյ՝ ուր եւ էր՝ զօղէիր. եւ ո́չ արդեւք գողանային բաւական իւրեանց։ եւ եթէ կթօղք մտեալ էին ՛ի քեզ, եւ ո՞չ եթէ ճիռ մի ո́չ թողուին։

Verse: 7  Link to sept   Զիա՞րդ քննեցաւ եսաւ՝ եւ ըմբռնեցան ծածուկք ն(ո)ր(ա)։

Verse: 8  Link to sept   Մինչեւ ՛ի սահմա́նս առաքեցին զքեզ. ա(մենայ)ն արք ուխտի քոյ դարձան ընդդէ́մ քո. զօրացան ՛ի վ(ե)ր(այ) քո արք խաղաղու(թ)ե(ան) քոյ. վարեցին զքեզ. եւ ո́չ գոյր իմաստու(թ)ի(ւն) ՛ի նմա։

Verse: 9  Link to sept   Յաւուր յայնմիկ, ասէ տ(է)ր. կորուսից զիմաստու(թ)ի(ւն) յերկրէն եդոմայ, եւ զհանճար ՛ի լեռնէն եսաւայ։

Verse: 10  Link to sept   եւ սարսեսցեն պատերազմօ́ղք քո որ ՛ի թեմանայ. զի բարձցի́ մարդ ՛ի լեռնէն եսաւայ,

Verse: 11  Link to sept   վ(ա)ս(ն) սպանման եւ ամպարշտութե(ան) եղբօրն յակոբայ։ Ծածկեսցէ զքեզ ամօթ, եւ ջնջեսցիս յաւիտեան,

Verse: 12  Link to sept   յօրէ յորմէ կացեր հակառակ, յաւուրն գերելոյ այլազգեաց զզօրու(թ)ի(ւն) ն(ո)ր(ա)։ եւ օտարք մտին ընդ դրունս ն(ո)ր(ա). եւ ՛ի վ(ե)ր(այ) ե(րուսաղէ)մի վիճակս արկանէին. եւ դուք էիք իբրեւ զմի ՛ի նոցանէն։

Verse: 13  Link to sept   Եւ մի́ տեսցես զաւեր եղբօրն քոյ յաւուրն օտարաց, եւ մի́ ոտնհար լիցիս որդւոցն յուդայ յաւուրս կորստեան ն(ո)ց(ա). եւ մի́ մեծաբանեսցես յաւուր նեղու(թ)ե(ան)։

Verse: 14  Link to sept   եւ մի́ մտանիցես ընդ դրունս ժողովրդոց յաւուր ցաւոց ն(ո)ր(ա). եւ մի́ տեսցես զժողովս ն(ո)ց(ա) յաւուր սատակման ն(ո)ց(ա). եւ մի́ ՛ի վերայ հարկանիցիս զօրու(թ)ե(ան) ն(ո)ց(ա) յաւուր կորստեան ն(ո)ց(ա)։

Verse: 15  Link to sept   Եւ մի́ առնուցուս զկիրճս ն(ո)ց(ա) սատակել զապրեալսն ՛ի ն(ո)ց(ա)նէ. եւ մի́ պաշարեսցես զփախստեայս ն(ո)ց(ա) յաւուր նեղու(թ)ե(ան) ն(ո)ց(ա)։

Verse: 16  Link to sept   զի մերձ է օր տ(եառ)ն ՛ի վ(ե)ր(այ) ա(մենայ)ն ազգաց։ Զոր օրինակ արարեր դու՝ եղիցի́ քեզ. եւ հատուցումն քո հատուսցի ՛ի գլուխ քո։

Verse: 17  Link to sept   Զի զոր օրինակ արբեր ՛ի վ(ե)ր(այ) լերին սրբութե(ան) իմոյ, արբցեն ա(մենայ)ն ազգք գինի. արբցեն եւ զիջցին, եւ եղիցին իբրեւ չեղեա́լք։

Verse: 18  Link to sept   Բայց ՛ի լեառն սիոն եղիցի փրկութի(ւն), եւ եղիցի սո́ւրբ. եւ ժառանգեսցեն տունն յակովբու զժառանգիչս իւրեանց։

Verse: 19  Link to sept   Եւ եղիցի տունն յակովբու հո́ւր, եւ տունն յովսեփու բո́ց, եւ տունն եսաւայ եղէգն. վարեսցի́ն զնովաւ եւ կերիցեն զնա. եւ մի́ մնասցէ կրակաբեր տանն եսաւայ. զի տ(է)ր խօսեցաւ։

Verse: 20  Link to sept   Եւ ժառանգեսցեն նագեբացիք զլեա́ռն եսաւայ, եւ սեփելացիք զայլազգիս. եւ ժառանգեսցե́ն զլեառն եփրեմայ, եւ զդաշտն շամրնի եւ զբենիամին, եւ զգաղաադացին։

Verse: 21  Link to sept   Եւ գերութե(ան) սկիզբն ա́յն իցէ որդւոցն ի(սրայէ)լի։ երկիր քանանացւոց մինչեւ ՛ի սարփաթ. եւ գերութի(ւն)ն ե(րուսաղէ)մի մինչեւ յեփրաթա. եւ ժառանգեսցեն զքաղաքսն նագեբայ։

Verse: 22  Link to sept   Եւ ելցեն ապրեալք ՛ի լեռնէ սիոնի՝ առնուլ վրէ́ժ ՛ի լեռնէն եսաւայ։ եւ եղիցի տ(եառ)ն արքայութի(ւն)։




Book: Jon. 
ՄԱՐԳԱՐԷՈՒԹԻՒՆ
ՅՈՎՆԱՆՈՒ



Chapter: 1 
ԳԼ(ՈՒԽ) Ա՜.


Verse: 1  Link to sept Որ եղեւ յաւուրս Ոզիայ


Verse: 2  Link to sept   ԵՒ ԵՂԵՒ ԲԱՆ ՏԵԱՌՆ ԱՌ յովնան ամաթեայ՝ եւ ասէ։

Verse: 3  Link to sept   արի́ եւ գնա́ ՛ի նինուէ քաղաք մեծ, եւ քարոզեսջի́ր անդ զի ե́լ աղաղակ չարութե(ան) ն(ո)ր(ա) առիս։

Verse: 4  Link to sept   Եւ յարեաւ յովնան փախչել ՛ի թարսիս յերեսաց տ(եառ)ն։ էջ ՛ի յոպպէ եւ եգի́տ նաւ որ երթայր ՛ի թարսիս. ե́տ գինս՝ եւ եմո́ւտ ՛ի նա նաւե́լ ընդ ն(ո)ս(ա) ՛ի թարսիս յերեսաց տ(եառ)ն։

Verse: 5  Link to sept   Եւ տ(է)ր յարոյց հողմ ՛ի ծովուն՝ եւ եղեւ մրրիկ մեծ ՛ի ծովուն։ եւ նաւն ՛ի վտանգի կայր ՛ի խորտակել։

Verse: 6  Link to sept   Եւ երկեա́ն նաւավարքն երկեւղ մեծ, եւ աղաղակէին առ իւրաքանչիւր աստուածս իւր։ եւ ընկեցին զկարասին որ էր ՛ի նաւին ՛ի ծով անդր՝ զի թեթեւացուսցեն յինքեանց։ Եւ յովնան իջեալ ՛ի խորշ մի նաւին՝ ննջէ́ր եւ խորդայր։

Verse: 7  Link to sept   մատեաւ առ նա նաւապէտն՝ եւ ասէ. զի՞նչ է այդ՝ զի խորդասդ, արի́ կարդա́ զտ(է)ր ա(ստուա)ծ քո. թերեւս ապրեցուսցէ զմեզ ա(ստուա)ծ՝ եւ մի́ կորիցուք։

Verse: 8  Link to sept   Եւ ասեն իւրաքանչիւր ցշնկեր իւր. եկա́յք արկցուք վիճակս՝ եւ գիտասցուք, վ(ա)ս(ն) ո՞յր են չարիքս այս ՛ի վերայ մեր։ արկին վիճակս՝ եւ ել վիկակնյովնանու։

Verse: 9  Link to sept   Եւ ասեն ցնա. պատմեա́ մեզ, վ(ա)ս(ն) է՞ր են չարիքս այս մեզ. զի՞նչ արուեստ է քո. ուստի՞ գաս՝ կամ յո՞ երթաս, յորմէ՞ աշխարհէ ես՝ կամ յորմէ՞ ժողովրդենէ։

Verse: 10  Link to sept   Ասէ ցն(ո)ս(ա). ծառա́յ տ(եառ)ն եմ ես, եւ զտ(է)ր ա(ստուա)ծ երկնից պաշտեմ որ արա́ր զծով եւ զցամաք։

Verse: 11  Link to sept   Եւ երկեան արքն երկեւղ մեծ։ եւ ասեն ցնա. զի՞նչ գործեցեր զայդ։ զի գիտացին թէ յերեսաց տ(եառ)ն փախուցեալ էր, քանզի պատմեաց ն(ո)ց(ա)։

Verse: 12  Link to sept   եւ ասեն ցնա. զի́նչ արասցուք քեզ՝ եւ դադարեսցէ ծովս ՛ի մէնջ։ զի ծովն առաւել եւս խռովեալ էր՝ եւ յարուցանէր մրրի́կ ՛ի վ(ե)ր(այ) ն(ո)ց(ա)։ Եւ ասէ ցնոսա յունան. առէ́ք ընկեցէ́ք զիս ՛ի ծովդ՝ եւ դադարեսցէ ՛ի ձէնջ ծովդ։ զի գիտեմ ես եթէ վ(ա)ս(ն) ի́մ է մրրի́կս այս մեծ ՛ի վ(ե)ր(այ) ձեր։

Verse: 13  Link to sept   Եւ ջանային արքն դարձուցանե́լ զնաւն ՛ի ցամաք՝ եւ ո́չ կարէին. զի ծովն ե́ւս քան զե́ւս խռովէր եւ սաստկանա́յր ՛ի վ(ե)ր(այ) ն(ո)ց(ա)։

Verse: 14  Link to sept   Աղաղակեցին առ տ(է)ր՝ եւ ասեն, քա́ւ լիցի տ(է)ր. մի́ կորիցուք վասն անձին առնս այսորիկ. մի́ ածեր ՛ի վ(ե)ր(այ) մեր արիւն արդար, զի դու տ(է)ր ո(ր)պ(էս) կամեցար՝ եւ արարեր։

Verse: 15  Link to sept   Եւ առին զյովնան եւ ընկեցին ՛ի ծովն. եւ դադարեա́ց ծովն ՛ի խռովութ(են)է իւրմէ։

Verse: 16  Link to sept   եւ երկեան արքն երկեւղ մեծ ՛ի տ(եառն)է։ զենին զոհս տ(եառ)ն՝ եւ ուխտեցին ո́ւխտս։



Chapter: 2 
ԳԼ(ՈՒԽ) Բ՜.


Verse: 1  Link to sept   Եւ հրամա́ն ետ տ(է)ր կիտին մեծի կլանել զյովնան։ եւ էր յովնան ՛ի փո́ր կիտին զերիս տիւս եւ զերիս գիշերս։

Verse: 2  Link to sept   Եւ եկա́ց յովնան յաղօթս առ տ(է)ր ա(ստուա)ծ ՛ի փոր կիտին.

Verse: 3  Link to sept   եւ ասէ. ՛Ի նեղութե(ան) իմում աղաղակեցի առ տ(է)ր ա(ստուա)ծ իմ. եւ լուաւ ինձ յորովայնէ դժոխոց աղաղակի իմում. լո́ւր տ(է)ր ձայնի իմում։

Verse: 4  Link to sept   ընկեցեր զիս ՛ի խո́րս սրտից ծովու, եւ գետք պաշարեցին զիս։ Ա(մենայ)ն զբօսանք քո եւ ալիք քո անցին ՛ի վ(ե)ր(այ) իմ.

Verse: 5  Link to sept   եւ ասացի՝ թէ մերժեցա́յ յաչաց քոց։ արդ՝ իցէ՞ թէ յաւելից հայել ՛ի տաճար ս(ուր)բ քո։

Verse: 6  Link to sept   հեղան զինեւ ջուրք մինչեւ յոգիս. անդունդք անհնարինք պամարեցին զիս։ Եմո́ւտ գլուխ իմ

Verse: 7  Link to sept   ընդ փապարս լերանց։ իջի յերկիր որոյ նիգք իւր աղխք յաւիտենից, ելցեն յապականութ(են)է կեանք իմ։

Verse: 8  Link to sept   Առ քեզ տ(է)ր ա(ստուա)ծ իմ ՛ի նուազել հոգւոյ իմոյ կարդացի, զտ(է)ր յիշեցի. եւ եկեսցեն աղօթք իմ ՛ի տաճար ս(ուր)բ քո։

Verse: 9  Link to sept   Որ պահէին զունայնու(թ)ի(ւն) եւ զստու(թ)ի(ւն)՝ զողորմութի(ւն)ս իւրեանց թողին։

Verse: 10  Link to sept   այլ ես ՛ի ձայն օրհնութե(ան) եւ խոստովանու(թ)ե(ան)՝ մատուցի́ց քեզ պատարագ զոր ուխտեցի, եւ հատուցից փրկութե(ան) տ(եառ)ն։

Verse: 11  Link to sept   Եւ հրամայեցա́ւ ՛ի տ(եառն)է վիշապ ձկանն՝ եւ եթուք զնա ՛ի ցամաք։



Chapter: 3 
ԳԼ(ՈՒԽ) Գ՜.


Verse: 1  Link to sept   Եւ եղեւ բան տ(եառ)ն առ յովնան երկրո́րդ անգամ եւ ասէ.

Verse: 2  Link to sept   արի́ գնա ՛ի նինուէ քաղաք մեծ, եւ քարոսջի́ր ՛ի նա ըստ առաջին քարոզու(թ)ե(ա)ն զոր խօսեցայ առ քեզ։

Verse: 3  Link to sept   Յարեա́ւ յովնան եւ գնա́ց ՛ի նինուէ, ո(ր)պ(էս) խօսեցաւ ընդ նմա տ(է)ր։ եւ նինուէ էր քաղաք մե́ծ ա(ստուծո)յ, իբրեւ գնաց երից աւուրց ճանապարհի։

Verse: 4  Link to sept   Եւ սկսաւ յովնան մտանել ՛ի քաղաքն իբրեւ աւուր միոջ գնաց ճանապարհի. քարոզեա́ց եւ ասէ, ա́յլ եւս երեք աւուրք՝ եւ նինուէ կործանեսցի։

Verse: 5  Link to sept   Եւ հաւատացին արք նինուէացիք յա(ստուա)ծ, եւ քարոզեցին պահս՝ եւ քո́ւրձ զգեցան ՛ի մեծամեծաց մինչեւ ցփոքունս իւրեանց։

Verse: 6  Link to sept   Էհաս բանն առ թագաւորն նինուէացւոց. յարեա́ւ յաթոռոյ իւրմէ՝ եւ մերկացաւ զպատմուճան իւր. զգեցա́ւ քուրձ՝ եւ նստաւ ՛ի վ(ե)ր(այ) մոխրոյ։

Verse: 7  Link to sept   Եւ քարոզեցաւ եւ պատմեցաւ ՛ի նինուէ, ՛ի թագաւորէն եւ ՛ի մեծամեծաց իւրոց. թէ մա́րդ եւ անասուն՝ խաշն եւ արջառ՝ մի ինչ ճաշակեսցեն՝ եւ մի́ ճարակեսցին, եւ մի́ ջուր արբցեն։

Verse: 8  Link to sept   Եւ զգեցան քուրձ մա́րդ եւ անասուն, եւ աղաղակեցին առ ա(ստուա)ծ սրտի մտօք. եւ դարձա́ն յիւրաքանչիւր ճանապարհաց իւրեանց չարաց, եւ յանօրէնութ(են)է որ ՛ի ձեռս իւրեանց.

Verse: 9  Link to sept   եւ ասեն՝ ո՞ գիտէ ապաշաւեսցէ ա(ստուա)ծ եւ դարձցի ՛ի բարկութ(են)է սրտմտու(թ)ե(ան) իւրոյ, եւ մի́ կորիցուք։

Verse: 10  Link to sept   Եւ ետես ա(ստուա)ծ զգործս ն(ո)ց(ա), զի դարձա́ն իւրաքանչիւր ՛ի ճանապարհաց իւրեանց չարաց. եւ զղջացա́ւ ա(ստուա)ծ ՛ի վ(ե)ր(այ) չարեացն՝ զոր խօսեցաւ առնել ն(ո)ց(ա)՝ եւ ո́չ արար։



Chapter: 4 
ԳԼ(ՈՒԽ) Դ՜.


Verse: 1  Link to sept   Եւ տրտմեցա́ւ յովնան տրտմու(թ)ի(ւն) մեծ՝ եւ խռովեցաւ։

Verse: 2  Link to sept   եւ եկաց յաղօթս առ տ(է)ր ա(ստուա)ծ՝ եւ ասէ. Ո́վ տ(է)ր՝ ո՞չ այս ա́յն բանք են իմ մինչ էի անդէն յերկրին իմում. վ(ա)ս(ն) այնորիկ աճապարեցի փախչել ՛ի թարշիշ. զի գիտէի թէ ողորմա́ծ ես դու՝ եւ գթած, երկայնամիտ եւ բազումողորմ, եւ զղջանա́ս ՛ի վ(ե)ր(այ) չարեաց։

Verse: 3  Link to sept   եւ արդ՝ տ(է)ր տ(է)ր՝ ա́ռ զոգի իմ յինէն. զի լա́ւ է ինձ մեռանել՝ քան թէ իցեմ կենդանի։

Verse: 4  Link to sept   Եւ ասէ տ(է)ր ցյունան՝ թէ արդարեւ յո՞յժ տրտմեալ իցես։

Verse: 5  Link to sept   Եւ ել յունան ՛ի քաղաքէ անտի, եւ նստա́ւ յանդիման քաղաքին, եւ արա́ր իւր հովանի, եւ նստաւ ընդ հովանեաւն. մինչեւ տեսանիցէ թէ զի՞նչ լինիցի քաղաքին։

Verse: 6  Link to sept   Եւ հրամա́ն ետ ա(ստուա)ծ,դդմենւոյն եւ ել ՛ի վ(ե)ր(այ) գլխոյն յովնանու՝ լինել նմա հովանի ՛ի վ(ե)ր(այ) գլխոյ ն(ո)ր(ա). զովացուցանե́լ զնա ՛ի տառապանաց իւրոց։ եւ ուրախ եղեւ յունան ՛ի վ(ե)ր(այ) դդմենւոյ ուրախութի(ւն) մեծ։

Verse: 7  Link to sept   Եւ հրաման ետ ա(ստուա)ծ որդանն՝ առաւօտուն ՛ի վաղիւ անդր. եհար զդդմենին՝ եւ ցամաքեցաւ։

Verse: 8  Link to sept   եւ եղեւ ՛ի ծագել արեւուն հրամայեաց ա(ստուա)ծ հողմո́յ խորշակի տապախառնի, եւ անկաւ արեւն զգլխովն յունանու. եւ կա́յր ՛ի տարակուսի եւ քաղէին ոգիք նորա. եւ ասէր՝ լա́ւ էր ինձ մեռանել քան զայս կեանս իմ։

Verse: 9  Link to sept   Եւ ասէ տ(է)ր ա(ստուա)ծ ցյովնան. թէ արդարեւ յո՞յժ տրտմեալ իցես ՛ի վ(ե)ր(այ) դըդմենվոյն. եւ ասէ՝ յո́յժ տրտմեալ իցեմ մինչեւ ցմահ։

Verse: 10  Link to sept   Եւ ասէ տ(է)ր, դու խնայեցե՞ր ՛ի դըդմենին՝ յոր ո́չ եղեր ինչ աշխատ, եւ ո́չ սնուցեր զնա. որ գիշերի ել, եւ միւս գիշերի կորեա́ւ։

Verse: 11  Link to sept   Ես՝ ո՞չ խնայեցից ՛ի նինուէ քաղաք մեծ. յորում բնակեալ են աւելի́ քան զերկոտասան բե́ւր մարդիկ որ ո́չ ծանեան զաջ եւ զահեակ իւրեանց, եւ անասո́ւն բազում։




Book: Nah. 
ՄԱՐԳԱՐԷՈՒԹԻՒՆ
ՆԱՒՈՒՄԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Առած նինուէի։ Գիրք տեսլեան նաւումայ եղկէսացւոյ։


Verse: 2  Link to sept   ԱՍՏՈՒԱԾ ՆԱԽԱՆՁՈ́Տ՝ եւ վրէժխնդիր տ(է)ր, եւ վրէժխնդիր է տ(է)ր բարկութ(եամ)բ. եւ խնդրէ տ(է)ր վրէժ ՛ի հակառակորդաց իւրոց. եւ բառնա́յ ինքն զթշնամիս իւր։

Verse: 3  Link to sept   Տ(է)ր երկայնամիտ՝ եւ մե́ծ է զօրութի(ւն) ն(ո)ր(ա). եւ արդարացուցանելով ո́չ արդարացուցանէ տ(է)ր. վախճանա́ւ եւ շարժմա́մբ է ճանապարհ ն(ո)ր(ա). հողմ երիվար ն(ո)ր(ա), եւ ամպք փոշի ոտի́ց ն(ո)ր(ա)։

Verse: 4  Link to sept   Սաստէ́ ծովու՝ եւ ցամաքեցուցանէ զնա. եւ զա(մենայ)ն գետս աւերէ։ նուազեաց բասանացին եւ կարմելոս. եւ ա(մենայ)ն ծաղիկք լիբանանու պակասեցին։

Verse: 5  Link to sept   Լերինք շարժեցան ՛ի նմանէ, եւ բլուրք սասանեցա́ն. խախտեցա́ւ երկիր յերեսաց ն(ո)ր(ա), եւ համօրէն ա(մենայ)ն բնակիչք ն(ո)ր(ա)։

Verse: 6  Link to sept   Առաջի բարկու(թ)ե(ան) ն(ո)ր(ա) ո́ հանդարտեսցէ, եւ ո՞ կայցէ ընդդէմ բարկու(թ)ե(ան) սրտմտու(թ)ե(ան) ն(ո)ր(ա)։ սրտմտու(թ)ի(ւն) ն(ո)ր(ա) հալէ զիշխանութի(ւն)ս. եւ վէմք խորտակեցան ՛ի նմանէ։

Verse: 7  Link to sept   Քա́ղցր է տ(է)ր որոց սպասեն նմա յաւո́ւր նեղութե(ան). եւ ճանաչէ զերկիւղածս իւր։

Verse: 8  Link to sept   եւ հեղեղաւ ճանապարհաց արասցէ վախճա́ն յարուցելոց ՛ի վ(ե)ր(այ). եւ զթշնամիս ն(ո)ր(ա) խաւա́ր հալածեսցէ։

Verse: 9  Link to sept   Զինչ խորհի́ք զտ(եառ)նէ, կատարած ինքն արասցէ. եւ ո́չ խնդրեսցէ կրկին զնոյն վրէժխնդրու(թ)ի(ւն) ՛ի նեղու(թ)ե(ան)։

Verse: 10  Link to sept   Զի մինչեւ ՛ի հիմն իւրեանց խոպանասցին։ իբրեւ զգեղձ պատեալ կերիցի. եւ իբրեւ զեղէգն լի երաշտու(թեամ)բ։

Verse: 11  Link to sept   ՛ի քէն ելցէ խորհուրդ զտ(եառն)է, չարի́ս խորհել հակառակու(թեամ)բ։

Verse: 12  Link to sept   Ա́յսպէս ասէ տ(է)ր ՛ի վ(ե)ր(այ) իշխանաց ջուրց բազմաց՝ ա́յնպէս զատուսցին. եւ լուր քո ո́չ եւս լուիցի։

Verse: 13  Link to sept   Եւ արդ խորտակեցից զգաւազան ն(ո)ր(ա) ՛ի քէն, եւ զկապանս քո խզեցի́ց։

Verse: 14  Link to sept   եւ պատուիրեսցէ վ(ա)ս(ն) քո տ(է)ր. եւ ո́չ եւս սերմանեսցի յանուանէ քումմէ։ ՛ի տանէ ա(ստուծո)յ քումմէ ջնջեցից զդրօշեալս, եւ զձուլածոյսն արարից ՛ի գերեզմա́ն քեզ։

Verse: 15  Link to sept   Զի ահա երա́գ են ՛ի վ(ե)ր(այ) լերանց ոտք աւետարանչին, եւ որ պատմէ զխաղաղու(թ)ի(ւն)։ Տօնեա́ զտօնս քո յուդա. հատո́ զուխտս քո. զի ո́չ եւս յաւելցին անցանել ՛ի հնանալ։ վախճանեցա́ւ՝ մաշեցաւ եւ բարձաւ։



Chapter: 2 
ԳԼ(ՈՒԽ) Բ՜.


Verse: 1  Link to sept   Քանզի ե́լ որ փչէ ընդ երեսս քո, եւ ապրեցուցանէ ՛ի նեղութ(են)է։ գիտեա́ ճանապարհ, պնդեա́ զմէջ. զօրացի́ր զօրու(թեամ)բ յոյժ։

Verse: 2  Link to sept   զի դարձոյց տ(է)ր զհպարտու(թ)ի(ւն)ն յակովբայ՝ իբրեւ զհպարտութի(ւն)ն ի(սրայէ)լի։ Զի թօթափելով թօթափեցին զն(ո)ս(ա), եւ զո́ւռս ն(ո)ր(ա) ապականեցին

Verse: 3  Link to sept   զզէն զօրու(թ)ե(ան) ն(ո)ր(ա) ՛ի մարդկանէ. զարս հզօրս որ խաղացին ընդ հրոյ. երասանակք կառաց ն(ո)ց(ա) խռովեսցին հեծեալք ՛ի ճանապարհս.

Verse: 4  Link to sept   եւ խռովեսցին ՛ի հրապարակս. տեսիլ ն(ո)ր(ա) իբրեւ զլամբարաց հրոյ, եւ իբրեւ զփայլակն յայսկո́յս եւ յա́յնկոյս ընթանան։

Verse: 5  Link to sept   Յիշեսցեն մեծամեծք ն(ո)ր(ա)՝ եւ փախիցեն ՛ի տուէ. եւ կասեսցին ՛ի ճանապարհս իւրեանց. եւ փութասցին ՛ի պարիսպս, եւ պատրաստեսցեն զառաջապահս իւրեանց։

Verse: 6  Link to sept   Դրունք քաղաքաց բացան. եւ կործանեցան արքունիք։

Verse: 7  Link to sept   եւ ստացուածք յայտնեցան։ Ինքն ելանէր, եւ նաժիշտք իւր առաջի գային, իբրեւ զաղաւնիս ՛ի սրտից իւրեանց մնչէին։

Verse: 8  Link to sept   Եւ ջուրք նինուէի իբրեւ զջուրս աւազանի. եւ նոքա փախեան ՛ի քէն՝ եւ ո́չ կալան զտեղի. եւ ո́չոք էր որ հայէր։

Verse: 9  Link to sept   յափշտակէին զարծաթ. յափշտակէին զոսկի. եւ ո́չ գոյր չափ զարդու ն(ո)ր(ա)։ ծանրացա́ն քան զա(մենայ)ն սպասք ն(ո)ր(ա) ցանկալիք։

Verse: 10  Link to sept   Թօթափումն եւ ձգտումն եւ սոսկումն սրտի՝ եւ լքումն ծնգաց. եւ երկունք ՛ի վ(ե)ր(այ) ա(մենայ)ն միջոյ. եւ երեսք ամենեցուն իբրեւ զայրեցած պուտան։

Verse: 11  Link to sept   Ո՞ւր են մայրիք առիւծուցն եւ որսք կորեանց ն(ո)ց(ա). ուր չոգա́ւ առեւծն մտանել, կորիւն առիւծուն՝ եւ ոչո́ք էր որ զարհուրեցուցանէր։

Verse: 12  Link to sept   Առեւծ՝ որսացա́ւ բաւական կորեանց իւրոց, եւ հեղձո́յց կորեանց իւրոց. եւ ելից զմայրիս իւր որսով, եւ զբնակու(թ)ի(ւն) իւր յափշտակութ(եամ)բ։

Verse: 13  Link to sept   Ահաւասիկ ե́ս ՛ի վ(ե)ր(այ) քո՝ ասէ տ(է)ր ամենակալ, եւ այրեցից ծխով զբազմութի(ւն) քո՝ եւ կերիցէ սուր զառեւծս քո. եւ բարձից յերկրէ զորս քո. եւ ո́չ եւս ուիցին գո́րծք քո։



Chapter: 3 
ԳԼ(ՈՒԽ) Գ՜.


Verse: 1  Link to sept   Ո́ քաղաք արեանց, ամենեւին սուտ՝ լի́ անիրաւութ(եամ)բ. որոյ զննեսցի որսդ։

Verse: 2  Link to sept   Ձա́յն հարուածոյ, ձա́յն շարժման անուոյ, շաչիւն կառաց, շահատակիւն հեծելոց

Verse: 3  Link to sept   փայլի́ւն զինու, շողալ սուսերի. թաւալագլոր խաղալ վիրաւորաց, եւ ո́չ գոյր չափ ազգաց ն(ո)ց(ա)։ եւ տկարասցին ՛ի մարմինս իւրեանց

Verse: 4  Link to sept   ՛ի բազում պոռնկու(թեն)է։ Պոռնի́կ գեղապանձ. գլուխ կախարդաց, որ վաՃառէ́ր զազգս ՛ի պոռնկութե(ան) իւրում, եւ զտոհմս կախարդանօք իւրովք։

Verse: 5  Link to sept   Ահաւասիկ ե́ս ՛ի վ(ե)ր(այ) քո՝ ասէ տ(է)ր ա(ստուա)ծ ամենակալ. եւ յայտնեցից զյետուստ քո, եւ արկից զերեսօք քովք. եւ ցուցից ազգաց զամօթ քո, եւ թագաւորու(թ)ե(ան)ց զանարգանս քո։

Verse: 6  Link to sept   եւ ընկեցից ՛ի վ(ե)ր(այ) քո զպղծութի(ւն)ս եւ զաղտեղու(թ)ի(ւն)ս քո. եւ արարից զքեզ խայտառա́կ։

Verse: 7  Link to sept   Եւ եղիցի ա(մենայ)ն որ տեսանիցէ զքեզ՝ զիջանիցէ́ եւ ասիցէ. եղո́ւկ դու նինուէ, ո՞վ իցէ որ հեծիցէ վ(ա)ս(ն) քո. ուստի՞ խնդրեսցուք քեզ մխիթարութի(ւն)։

Verse: 8  Link to sept   Պատրաստեա́ բաժին՝ կազմեա́ ջնար վիճակդ ովնայ. որ բնակեալ է ՛ի մէջ գետոց, եւ ջո́ւրք շուրջ զնովաւ. որոյ սկիզբն ծիվ՝ եւ ջուրք պարիսպ նորա։

Verse: 9  Link to sept   Եթւովպացիք եւ եգիպտոս զօրութի(ւն) ն(ո)ր(ա), եւ չի́ք չափ փախստեան ն(ո)ր(ա). եւ լիբէացիք եղեն օգնականք նորա։

Verse: 10  Link to sept   Սակայն եւ նա յողդողդեալ գերի́ գնայցէ. եւ զտղայս ն(ո)ր(ա) զքարի́ հարցեն, իսկզբան ճանապարհաց ն(ո)ր(ա). եւ ՛ի վ(ե)ր(այ) ա(մենայ)ն պատուականաց ն(ո)ր(ա) վիճա́կս արկանիցեն։ եւ ա(մենայ)ն մեծամեծք ն(ո)ր(ա) ձեռակապովք կապեսցին։

Verse: 11  Link to sept   Եւ դու արբցես եւ յիմարեսցիս. եւ խնդրեսցես քեզ ոտնկայ ՛ի թշնամեաց քոց։

Verse: 12  Link to sept   եւ ա(մենայ)ն ամուրք քո իբրեւ զգիտակ թզոյ, որ թէ շարժեսցի՝ անկցի́ ՛ի բերան ուտելեաց։

Verse: 13  Link to sept   Ահա ազգք քո իբրեւ զկանայս են ՛ի քեզ. թշնամեաց քոց բացցին բանալով դրունք երկրին քոյ, եւ կերիցէ հուր զնիգս քո։

Verse: 14  Link to sept   Լի́ց քեզ ջուր պաշարման, եւ պնդեա́ զամուրս քո. մո́ւտ ՛ի կաւ՝ եւ կոխեա́ ընդ յորդի։ եւ պնդեա́ քան զաղիւս։

Verse: 15  Link to sept   ա́նդ կերիցէ զքեզ հուր, եւ սատակեսցէ զքեզ սուր. եւ կերիցէ զքեզ իբրեւ զմարախ, եւ ծարաւեսցի իբրեւ զջորեակ։

Verse: 16  Link to sept   Բազմացուցեր զվաճառս քո իբրեւ զաստեղս երկնից։ դիմեա́ց ջորեակ՝ եւ թռեաւ,

Verse: 17  Link to sept   խաղաց իբրեւ զգրուիճ. եւ խառնիճաղանջն քո իբրեւ զմարախ մածեալ զցանգով յաւուր ցրտոյ։ ծագեա́ց արեւ՝ եւ խաղաց, եւ ոչ ծանեաւ զտեղի իւր։ Վա́յ ն(ո)ց(ա)։

Verse: 18  Link to sept   նիրհեցին հովիւք քո. թագաւորն ասորեստանեայց կոտորեաց զզօրս քո. չուեաց ազգ քո ՛ի լերինս, եւ ո́չոք էր որ մնայր։

Verse: 19  Link to sept   Թարտխեցա́ն վէրք քո, եւ չի́ք բժշկութի(ւն) բեկման քում. ամենեքին որ լուան զգոյժ քո՝ ծա́փս հարցեն ՛ի վերայ բեկման քոյ. քանզի յո՞յր վերայ ո́չ չոգաւ չարութի(ւն) քո հանապազ։




Book: Hab. 
ՄԱՐԳԱՐԷՈՒԹԻՒՆ
ԱՄԲԱԿՈՒՄԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Առած զոր ետես Ամբակում մարգարէ։


Section: 1 

Verse: 2   Link to sept   ՄԻՆՉԵՒ ՅԵ՞ՐԲ ՏԷՐ աղաղակիցեմ, եւ ո́չ լուիցես. գոչիցեմ առ քեզ զրկեալ՝ եւ ո́չ փրկիցես։

Verse: 3   Link to sept   Ընդէ՞ր ցուցեր ինձ աշխատութի(ւն)ս եւ վաստակս, տեսանել զթշուառու(թ)ի(ւն) եւ զամպարշտութի(ւն)։ Առաջի իմ եղեւ դատաստան, եւ առնոյր դատաւորն կաշառս։

Verse: 4   Link to sept   վ(ա)ս(ն) այնորիկ ցրուեցան օրէնք, եւ իրաւունք ՛ի գլուխ ո́չ ելանեն. զի ամպարիշտն յաղթահարէ զարդարն. վ(ա)ս(ն) այնորիկ ելանէր դատաստանն թեւր։

Verse: 5   Link to sept   Տեսէ́ք արհանարհոտք՝ եւ հայեցարո́ւք, եւ զարմացարո́ւք զարմանս՝ եւ եղծարո́ւք. զի գործ մի գործե́մ ես յաւուրս ձեր, որում ո́չ հաւատայցէք՝ թէպէտ եւ ոք պատմեսցէ ձեզ։

Verse: 6   Link to sept   Զի ահա ես զարթուցանեմ զքաղդէացիս, զազգ դառն եւ զերագ, որ գնայ ընդ լայնութի(ւն) երկրի ժառանգել զխորանս որ ո́չ իւր են։

Verse: 7   Link to sept   ահե́ղ եւ երեւելի եւ դատաստան ն(ո)ր(ա) յանձնէ իւրմէ եղիցի. եւ առած իւր յինքենէ ելցէ։

Verse: 8   Link to sept   Վաղեսցեն առաւել քան զինծս երիվարք ն(ո)ց(ա). երագո́ւնք քան զգայլս արաբացւոց։ ասպատակեսցեն սպառազէնք ն(ո)ր(ա), եւ դիմեսցեն ՛ի հեռաստանէ. եւ սլասցին իբրեւ զարծուիս յօժարութ(եամ)բ ՛ի վ(ե)ր(այ) կերակրոյ։

Verse: 9   Link to sept   Կատարած ամպարշտաց հասցէ՝ դարձելոցն ընդդէմ երեսաց ն(ո)ր(ա)։ կուտեսցէ զգերի իբրեւ զաւազ։

Verse: 10   Link to sept   եւ ինքն ընդ թագաւորս փափկասցի. եւ բռնաւորք խաղալիկք ն(ո)ր(ա)։ եւ ինքն ընդ ա(մենայ)ն ամուրս խաղալո́վ խաղասցէ. եւ կուտեսցէ հողակոյտս, եւ կալցի́ զնա։

Verse: 11   Link to sept   Յայնժամ փոխեսցին միտք ն(ո)ր(ա), անցցէ եւ հաճեսցի́. այս զօրութի(ւն) ա(ստուծո)յ իմոյ է։

Verse: 12   Link to sept   Ոչ ապաքէն դո́ւ ես իսկզբանէ տ(է)ր ա(ստուա)ծ մեր. եւ մի́ մեռցուք՝ տ(է)ր ՛ի դատաստա́ն եդիր զնա. եւ ստեղծեր զիս յանդիմանել զխազ ն(ո)ր(ա)։

Verse: 13   Link to sept   Ս(ուր)բ է ակն քո ՛ի տեսանելոյ զչարիս, եւ հայել յաշխատու(թ)ի(ւն)ս ո́չ կարասցես։ Զմէ՞ հայեցար յարհամարհոտս եւ ստունգանեցեր, ՛ի կլանել ամպարշտի զարդարն։

Verse: 14   Link to sept   եւ առնիցես զմարդիկ իբրեւ զձկո́ւնս ծովու. եւ իբրեւ զսողո՞ւնս որոց ո́չ գոյ առաջնորդ։

Verse: 15   Link to sept   զվախճան կարթիւ կորզեաց, եւ ձգեաց զնա ցանցիւ իւրով. եւ ժողովեաց զնա ուռկանօք իւրովք։ Վ(ա)ս(ն) ա́յնորիկ ուրա́խ եղիցի եւ ցնծասցէ սիրտ ն(ո)ր(ա).

Verse: 16   Link to sept   եւ վ(ա)ս(ն) նորին զոհեսցէ ուռկանին իւրում, եւ խունկս ծխեսցէ ցանցին իւրում. զի նոքօք պարարեաց զբաժին իւր, եւ կերակուր իւր ընտիր։

Verse: 17   Link to sept   վ(ա)ս(ն) այնորիկ սփռեսցէ զցանցն իւր, եւ միշտ կոտորել զազգս ո́չ խնայեսցէ։



Chapter: 2  
ԳԼ(ՈՒԽ) Բ՜.


Section: 2 

Verse: 1   Link to sept   ՛Ի պահո́ւ իմում կացից, եւ ելից ՛ի վ(ե)ր(այ) վիմի. եւ դիտեցից տեսանել զի՞նչ խօսիցի ընդիս, եւ զի́նչ տացէ պատասխանի յանդիմանու(թ)ե(ան) իմոյ։

Verse: 2   Link to sept   Պատասխանի ետ ինձ տ(է)ր՝ եւ ասէ. գրեա́ զտեսիլդ զայդ յայտնապէս ՛ի տախտակս. զի որ ընթեռնուն՝ համարձա́կ ընթեռնուցու։

Verse: 3   Link to sept   զի տակաւին տեսիլդ ՛ի ժամանակս է։ եւ ծագեսցէ ՛ի սպառ՝ եւ ո́չ յունայնու(թ)ե(ան)։ Բայց եթէ անագանեսցի՝ համբե́ր նմա. զի որ գալոցն է եկեսցէ՝ եւ ո́չ անագանեսցի։

Verse: 4   Link to sept   եւ եթէ երկմտեսցէ ոք՝ ո́չ հաճեսցի ընդ նա անձն իմ։ Զի արդարն իմ ՛ի հաւատոց իմոց կեցցէ։

Verse: 5   Link to sept   այլ կարծօղն եւ արհամարհօղն՝ ա́յր ամբարտաւա́ն է՝ եւ ո́չինչ վճարեսցէ։ Որ ընդարձակեաց իբրեւ զդժոխս զանձն իւր, եւ անյա́գ եղեւ իբրեւ զմահ. եւ ժողովեաց առ ինքն զա(մենայ)ն հեթանոսս, եւ զազգս ա(մենայ)ն յի́նքն ամփոփեսցէ։

Verse: 6   Link to sept   Ոչ ապաքէն զայս ա(մենայ)ն առակ՝ զնմանէ́ առակեսցեն. եւ զնա արկցեն յերգ եւ ասասցեն։ վա́յ որ յաճախէ անձին իւրում որ ո́չ իւր իցէ. եւ մինչեւ ցե՞րբ ծանրացուցանէ զանուր իւր ծարու(թեամ)բ։

Verse: 7   Link to sept   զի յանկարծակի́ յարիցեն կերիչք ն(ո)ր(ա), եւ զարթիցեն դաւաճանք ն(ո)ր(ա). եւ եղիցես ն(ո)ց(ա) յափշտակութի(ւն)։

Verse: 8   Link to sept   Զի դո́ւ կողոպտեցեր զազգս բազումս, եւ զքեզ կողոպտեսցեն ա(մենայ)ն մնացորդք ժողովրդոց՝ վ(ա)ս(ն) արեանց մարդկան, եւ ամպարշտու(թ)ե(ան) երկրի եւ քաղաքի՝ եւ ա(մենայ)ն բնակչաց ն(ո)ր(ա)։

Verse: 9   Link to sept   Վա́յ որ ագահէ զագահու(թ)ի(ւն) չար՝ տա́ն իւրոյ, դնել ՛ի բարձունս զբոյն իւր, կորզել ՛ի ձեռաց չարաց։

Verse: 10   Link to sept   Խորհեցա́ր զամօթ տան քոյ. սպառեցեր զազգս բազումս. եւ յանցեա́ւ անձն քո։

Verse: 11   Link to sept   զի քա́ր ՛ի հիմանէ աղաղակեսցէ. եւ ո́րդն ՛ի փայտէ գոչեսցէ զայդ։

Verse: 12   Link to sept   Վա́յ որ շինէ զքաղաք արեամբ, եւ պատրաստէ զքաղաք անիրաւութ(եամ)բ։

Verse: 13   Link to sept   ո՞չ այս ա(մենայ)ն ՛ի տ(եառն)է ամենակալէ է. եւ պակասեսցին ժողովուրդք բազումք ՛ի հրոյ, եւ ազգք բազումք նուազեցան։

Verse: 14   Link to sept   զո լցցի երկիր գիտութ(եամ)բ փառաց տ(եառ)ն իբրեւ զջուրս բազումս որ ծածկեն զծովս։

Verse: 15   Link to sept   Վա́յ որ արբուցանէ ընկերի իւրում հրապո́յրս պղտորս. եւ արբուցանէ զի հայեսցի յայրս ն(ո)ց(ա)։

Verse: 16   Link to sept   զյագուրդ անարգանաց ՛ի փառաց, ա́րբ եւ դու, շարժեա́ց եւ դողա́։ Պաշարեաց զքեզ բաժակ աջո́յ տ(եառ)ն. եւ ժողովեցաւ անարգութի(ւն) ՛ի վ(ե)ր(այ) փառաց քոց։

Verse: 17   Link to sept   զի ամպարշտու(թ)ի(ւն) լիբանանու ծածկեսցէ զքեզ, եւ թշուառու(թ)ի(ւն) գազանաց զարհուրեցուսցէ զքեզ. վ(ա)ս(ն) արեանց մարդկան եւ ամպարշտութե(ան) երկրի եւ քաղաքի՝ եւ ա(մենայ)ն բնակչա́ց նորա։

Verse: 18   Link to sept   Զի՞նչ օգուտ է դրօշեալ զի դրօշեցին զնա. ստեղծին զնա ձուլածոյ, երեւոյթ սուտ։ զի յուսացաւ որ ստեղծն ՛ի ստեղծուածն իւր առնե́լ իւր կուռս անօգուտս։

Verse: 19   Link to sept   Վա́յ որ ասէ ցփայտ՝ սթափեա́ց եւ զարթի́ր, եւ ցքարն՝ թէ բարձրացի́ր, եւ նա́ է երեւոյթ առաչօք. եւ նա́ է կռած արծաթոյ եւ ոսկւոյ, եւ ամենեւին շունչ ո́չ գոյ ՛ի ն(ո)ս(ա)։

Verse: 20   Link to sept   Այլ տ(է)ր ՛ի տաճարի́ սրբու(թ)ե(ան) իւրում. եւ երկիցէ յերեսաց ն(ո)ր(ա) ա(մենայ)ն երկիր։



Chapter: 3  
ԳԼ(ՈՒԽ) Գ՜.


Verse: 1   Link to sept Աղօթք ամբակումայ մարգարէի երգով։


Verse: 2   Link to sept   Տ(է)ր՝ զլուր քո լուա́յ եւ երկեայ։ տ(է)ր՝ հայեցայ ՛ի գործս քո՝ եւ զարհուրեցայ։ ՛Ի մէջ երկո́ւց գազանաց ծանիցիս. ՛ի մերձենալ ամացն յայտնեսցիս. ՛ի հասանե́լ ժամանակին երեւեսցիս։ ՛ի խռովել անձին իմոյ ՛ի բարկութե(ան) զողորմութի(ւն)ս յիշեսցես։

Verse: 3   Link to sept   Ա(ստուա)ծ ՛ի թեմանայ եկեսցէ, եւ ս(ուր)բն ՛ի հովանաւոր եւ յանտառախիտ լեռնէ։ Հանգիստ։ Ծածկեցին զերկինս փառք ն(ո)ր(ա). օրհնութ(եամ)բ ն(ո)ր(ա) լի́ եղեւ երկիր։

Verse: 4   Link to sept   Ճառագայթք նորա իբրեւ զլոյս եղիցին, եւ եղջեւրք ՛ի ձեռին նորա։

Verse: 5   Link to sept   եւ հաստատեաց զսէր սաստիկ զօրու(թ)ե(ան) իւրոյ։ Առաջի երեսաց ն(ո)ր(ա) գնասցէ բան. եւ ելցէ ՛ի դաշտս զկնի ն(ո)ր(ա)։

Verse: 6   Link to sept   եկաց՝ եւ շարժեցաւ երկիր, հայեցաւ՝ եւ հալեցան ազգք։ լերինք խորտակեցան բռնութ(եամ)բ, եւ բլուրք յաւիտենականք հալեցան։ Զգնացս ն(ո)ր(ա) յաւիտենական

Verse: 7   Link to sept   փոխանակ աշխատու(թ)ե(ան)ց տեսի։ խորանք եթւովպացւոց զարհուրեցան. եւ խորանք երկրին մադիամու։

Verse: 8   Link to sept   Միթէ գետոց բարկասցի́ս տ(է)ր. կամ սրտմտու(թ)ի(ւն) քո ՛ի վ(ե)ր(այ) գետոց, կամ ասպատակ քո ՛ի վ(ե)ր(այ) ծովու։ զի ելցե́ս յերիվարս քո, եւ հեծելութի(ւն) քո փրկու(թ)ի(ւն) է։

Verse: 9   Link to sept   Լարելո́վ լարեսցես զաղեղն քո ՛ի վ(ե)ր(այ) իշխանու(թ)ե(ան) ասէ տ(է)ր։ գետո́ց պատառեցաւ երկիր.

Verse: 10   Link to sept   տեսցեն զքեզ ազգք՝ եւ երկնեսցեն. որ ցանես զջուրս գնացից։ Ետո́ւն անդունդք զձայնս իւրեանց, զբարձրութի(ւն) սաստկութե(ան) իւրեանց։

Verse: 11   Link to sept   բարձաւ արեգակն, եւ լուսին եկաց ՛ի կարգի իւրում։ գնասցեն նետք քո ՛ի լոյս, ՛ի փայլի́ւն փայլատականց զինուց քոց։

Verse: 12   Link to sept   Սպառնալեօք նուազեցուցեր զերկիր. եւ բարկու(թեամ)բ զիջուսցես զազգս։

Verse: 13   Link to sept   ելեր ՛ի փրկութի(ւն) ժողովրդեան քոյ՝ փրկե́լ զօծեալս քոյ. արկեր զգլխով անօրինաց մահ. զարթուցեր զկապանս մինչեւ ցպարանոցս ՛ի սպառ։ Հանգիստ։

Verse: 14   Link to sept   Խորտակեցեր ապշութ(եամ)բ զգլո́ւխս բռնաւորաց. սասանեսցին ՛ի նմա. արձակեսցեն զերասանակս իւրեանց իբրեւ զտնանկ գաղտակեր։

Verse: 15   Link to sept   Հաներ ՛ի ծով զերիվարս քո, պղտորել զջուրս բազումս։

Verse: 16   Link to sept   զգուշացայ եւ զարհուրեցա́ւ սիրտ իմ ՛ի ձայնէ աղօթից շրթանց իմոց։ եմուտ դողումն յոսկերս իմ. եւ խռովեցաւ փո́ր իմ ՛ի ներքուստ։ հանգեա́յց յաւուր նեղու(թ)ե(ան), ելանե́լ ինձ ՛ի ժողովուրդ պանդխտութե(ան) իմոյ։

Verse: 17   Link to sept   Զի թզենի ո́չ տացէ զպտուղ իւր, եւ մի́ եղիցի ծնունդ որթոոյ. ստեսցէ́ բեր ձիթենւոյ, եւ դաշտք մի́ արասցեն զկերակուր։ պակասեսցեն հօտք ՛ի ճարակոյ, եւ ո́չ իցեն եզինք ՛ի մսուրս։

Verse: 18   Link to sept   Այլ ես ՛ի տ(է)ր ցնծացայց, եւ ուրա́խ եղէց յա(ստուա)ծ փրկիչ իմ։

Verse: 19   Link to sept   Տ(է)ր ա(ստուա)ծ զօրութի(ւն) իմ, եւ կարգեսցէ զոտս իմ ՛ի վախճան. եւ հանցէ զիս ՛ի բարձունս յաղթել երգով ն(ո)ր(ա)։
Section:  




Book: Soph. 
ՄԱՐԳԱՐԷՈՒԹԻՒՆ
ՍՈՓՈՆԻԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Բանն որ եղեւ առ սոփոնիա քուսեայ, որդւոյ գողգողիայ,ամարեայ՝ եզեկիայ՝ յաւուրս յովսիայ որդւոյ ամովնայ արքայի յուդայ։


Section: 1 

Verse: 2   Link to sept   ՊԱԿԱՍԵԼՈՎ ՊԱԿԱՍԵՍՑԷ ա(մենայ)ն յերեսաց երկրէ՝ ասէ տ(է)ր։

Verse: 3   Link to sept   Պակասեսցէ մարդ եւ անասուն։ պակասեսցեն թռչունք երկնից, եւ ձկունք ծովու. եւ տկարասցին ամպարիշտք. եւ բարձից զանօրէնս յերեսաց երկրէ՝ ասէ́ տ(է)ր։

Verse: 4   Link to sept   Եւ ձգեցից զձեռն իմ ՛ի վ(ե)ր(այ) յուդայ, եւ ՛ի վ(ե)ր(այ) ա(մենայ)ն բնակչաց ե(րուսաղէ)մի. եւ բարձի́ց ՛ի տեղւոջէդ յայդմանէ զանուն բահաղու։ եւ զանուն քրմացն հանդերձ քահանայիւքն,

Verse: 5   Link to sept   որ երկի́ր պագանեն ՛ի տանիս զօրութե(ան)ց երկնից. եւ որք երդնուին յանուն տ(եառ)ն՝ արքային իւրեանց, եւ որք խոտորէին ՛ի տ(եառն)է.

Verse: 6   Link to sept   եւ որք ո́չ խնդրէին զտ(է)ր. եւ որք ո́չ ՛ի տ(եառ)ն կո́ղմն լինէին։

Verse: 7   Link to sept   Երկերո́ւք յերեսաց տ(եառ)ն ա(ստուծո)յ. զի մերձ է օ́ր տ(եառ)ն. զի պատրաստեաց տ(է)ր զզոհս իւր, եւ հրաւիրեաց զկոչնականս իւր։

Verse: 8   Link to sept   եւ եղիցի յաւուր զոհի տ(եառ)ն՝ խնդրեցի́ց զվրէժ յիշխանաց՝ եւ ՛ի տանէ թագաւորին, եւ յա(մենայ)նէ որ զգեցեալ են զհանդերձս օտարս։

Verse: 9   Link to sept   Եւ խնդրեցից վրէժ յայտնապէս յամենեցունց առաջի դրանդեացն յաւուր յայնմիկ. որք լնույն զտուն տ(եառ)ն ա(ստուծո)յ իւրեանց ամպարշտութ(եամ)բ եւ նենգու(թեամ)բ։

Verse: 10   Link to sept   Եւ եղիցի յաւուր յայնմիկ՝ ասէ տ(է)ր. ձա́յն աղաղակի ՛ի դրանէ խոցոտելոցն, եւ դոյժ յերկրորդ դրանէն. եւ բեկումն մե́ծ ՛ի բլրոց։

Verse: 11   Link to sept   Ողբացէ́ք բնակիչք կոտորելոց. զի նմանեցաւ ա(մենայ)ն ժողովուրդդ քանանացւոց։ սատակեցան ամենեքեան որ հպարտացեալ էին արծաթով։

Verse: 12   Link to sept   Եւ եղիցի յաւուր յայնմիկ՝ քննեցից զե(րուսաղէ)մ ճրագաւ, եւ խնդրեցից վրէժ յարանցն որ արհամարհեցին զպահպանու(թ)ի(ւն)ս իւրեանց։ որ ասէին ՛ի սիրտս իւրեանց. ո́չ բարի ինչ առնէ տ(է)ր, եւ ո́չ չար։

Verse: 13   Link to sept   Եւ եղիցի զօրութի(ւն) ն(ո)ց(ա) ՛ի յափշտակու(թ)ի(ւն), եւ տունք ն(ո)ց(ա) յապականու(թ)ի(ւն)։ շինեսցեն տունս եւ մի́ բնակեսցեն ՛ի նմա. տնկեսցեն այգիս եւ մի́ արբցեն զգինի ն(ո)ց(ա)։

Verse: 14   Link to sept   Զի մե́րձ է օր տ(եառ)ն մեծն, մե́րձ է եւ արագ յոյժ։ ձա́յն աւուր տ(եառ)ն խի́ստ եւ դառն։ կարգեալ զօրաւոր։

Verse: 15   Link to sept   օր բարկութե(ան) օրն այն. օր նեղու(թ)ե(ան) եւ վտանգի. օր թշուառութե(ան) եւ ապականութե(ան). օր խաւարի եւ միգի. որ ամպոյ եւ մառախղոյ։

Verse: 16   Link to sept   օր փողոյ եւ աղաղակի ՛ի վ(ե)ր(այ) ամուր քաղաքաց, եւ ՛ի վ(ե)ր(այ) անկեանց բարձանց։

Verse: 17   Link to sept   Եւ նեղեցից զմարդիկ, եւ գնասցեն իբրեւ զկոյրս. զի տ(եառ)ն մեղան, եւ առին զանուն ն(ո)ր(ա) ՛ի վ(ե)ր(այ) սնոտեաց. որք ո́չինչ կարասցեն օգնել ն(ո)ց(ա)։ եւ հեղցէ զարիւն ն(ո)ց(ա) իբրեւ զհող, եւ զմարմինս ն(ո)ց(ա) իբրեւ զաղբ։

Verse: 18   Link to sept   Արծաթ ն(ո)ր(ա) եւ ոսկի մի́ կարասցեն փրկել զն(ո)ս(ա) յաւուր բարկութե(ան) տ(եառ)ն. եւ հրով նախանձու ն(ո)ր(ա) մաշեսցի ա(մենայ)ն երկիր։ զի վախճան եւ տագնա́պ արասցէ ՛ի վ(ե)ր(այ) ա(մենայ)ն բնակչաց երկրի։



Chapter: 2  
ԳԼ(ՈՒԽ) Բ՜.


Verse: 1   Link to sept   Ժողովեցարո́ւք եւ խնդրեցէ́ք ա́զգք անխրատք։

Verse: 2   Link to sept   մինչե́ւ եղեալ իցէք իբրեւ զծաղիկ անցաւոր, մինչչե́ւ եկեալ իցէ օր բարկութե(ան) սրտմտու(թ)ե(ան) տ(եառ)ն։

Verse: 3   Link to sept   Խնդրեցէ́ք զտ(է)ր ա(մենայ)ն խոնարհք երկրի։ իրաւունս արարէ́ք եւ զարդարութի(ւն) խնդրեցէ́ք. եւ տո́ւք պատասխանի ն(ո)ց(ա), զի ծածկեսջիք յաւուր բարկութե(ան) տ(եառ)ն։
Section: 2 

Verse: 4   Link to sept   Զի գազա յափակեալ լիցի. եւ ասկաղոն յապականութի(ւն). եւ ազովտոս ՛ի միջօրէի կործանեսցի եւ ակկարոն յարմատոյ խլեցի։

Verse: 5   Link to sept   Վա́յ որ բնակեալդ էք ՛ի վիճակս ծովու բնակիչք կրետացւոց։ Պատգամ տ(եառ)ն ՛ի վ(ե)ր(այ) ձեր քանան՝ երկի́րդ այլազգեաց. եւ կորուսից զձեզ ՛ի բնակութ(են)է։

Verse: 6   Link to sept   եւ եղիցի կրետ՝ ճարակք հօտից, եւ դոմք խաշանց։

Verse: 7   Link to sept   Եւ եղիցի վիճակ ծովուն մնացորդաց տա́նն յուդայ, եւ ՛ի նոսա́ ճառակեսցին. եւ ՛ի տունս ասկաղոնայ առ օ́թ դադարեսցեն յերեսաց որդւոցն յուդայ. զի ելեալ է ն(ո)ց(ա) յա́յց տ(է)ր ա(ստուա)ծ իւրեանց. եւ դարձո́յց զգերութի(ւն) ն(ո)ց(ա)։

Verse: 8   Link to sept   Լուա́յ զնախատինս մովաբու, եւ զկռփանս որդւոցն ամոնայ որովք նախատէին զժողովուրդ իմ, եւ մեծաբանէին ՛ի վ(ե)ր(այ) սահմանաց իմոց։

Verse: 9   Link to sept   Վս այնորիկ կենդանի́ եմ ես՝ ասէ տ(է)ր ա(ստուա)ծ զօրու(թ)ե(ան)ց՝ ա(ստուա)ծ ի(սրայէ)լի. զի մովաբ՝ իբրեւ զսոդոմ եղիցի, եւ որդիքն ամոնայ իբրեւ զգոմոր. եւ դամասկոս լքեալ իբրեւ զշեղջ կալոյ՝ եւ ապականեալ յաւիտեան։ մնացորդք ժողովրդեան իմոյ յափշտակեսցեն զն(ո)ս(ա), եւ մնացորդք ազգի իմոյ ժառանգեսցեն զն(ո)ս(ա)։

Verse: 10   Link to sept   Եւ ա́յն ն(ո)ց(ա) փոխանակ հպարտութե(ան) ն(ո)ց(ա). զի նախատեցին եւ մեծաբանեցին ՛ի վ(ե)ր(այ) տ(եառ)ն ամենակալի։

Verse: 11   Link to sept   Երեւեսցի́ տ(է)ր ՛ի վ(ե)ր(այ) ն(ո)ց(ա), եւ սատակեսցէ զա(մենայ)ն աստուածս ազգաց. եւ երկի́ր պագցեն նմա իւրաքանչիւր ՛ի տեղւոջէ իւրեանց՝ ա(մենայ)ն կղզիք ազգաց։

Verse: 12   Link to sept   Եւ դուք եթովպացիք հարեա́լք սուսերի իմոյ էք։

Verse: 13   Link to sept   եւ ձգեցից զձեռն իմ ՛ի վ(ե)ր(այ) հիւսւսոյ, եւ սատակեցից զասորեստանեայն, եւ եդից զնինուէ յապականութի(ւն). անջրդի իբրեւ զանապատ։

Verse: 14   Link to sept   եւ արածեսցին ՛ի միջի ն(ո)ր(ա) հօտք եւ ա(մենայ)ն գազանք երկրի, եւ գետնառեւծք՝ եւ ոզնիք ՛ի յարկս ն(ո)ր(ա) բնակեսցեն. եւ գազանք գոչեսցեն ՛ի նկո́ւղս ն(ո)ր(ա). եւ սակռուք ՛ի դրունս ն(ո)ր(ա). քանզի իբրեւ զմա́յր է բարձրութի(ւն) ն(ո)ր(ա)։

Verse: 15   Link to sept   Ա́յս քաղաք վրիժագործ բնակեալ յուսով. որ ասէր ՛ի սրտի իւրում, ե́ս եմ, եւ ո́չ եւս ոք իցէ յետ իմ։ զի՞արդ եղեւ յապականութի(ւն) ճարա́կ գազանաց. ա(մենայ)ն որ անցանիցէ ընդ նա, չփեսցէ եւ շարժեսցէ զգլուխ իւր։



Chapter: 3  
ԳԼ(ՈՒԽ) Գ՜.


Verse: 1   Link to sept   Ո́վ երեւելիդ փրկեալ քաղաք յովնանու.

Verse: 2   Link to sept   ո́չ լուաւ ձայնի, եւ ո́չ ընկալավ զխրատ. ՛ի տ(է)ր ո́չ յուսացաւ, եւ առ ա(ստուա)ծ ո́չ մերձեցաւ։

Verse: 3   Link to sept   Իշխանք նորա իբրեւ առիւծունք գոչեսցեն, եւ դատաւորք ն(ո)ր(ա) իբրեւ զգայլս արաբացւոց, որ ո́չ թողուն ինչ ՛ի վաղիւ։

Verse: 4   Link to sept   Մարգարէք ն(ո)ր(ա) այստկիրք, արհամարհօղք. քահանայք ն(ո)ր(ա) պղծեն զսրբու(թ)ի(ւն)ս, եւ ամպարշտեն յօրէնս։

Verse: 5   Link to sept   Այլ տ(է)ր արդա́ր է ՛ի միջի ն(ո)ր(ա), եւ ո́չ արասցէ անիրաւութի(ւն)։ ընդ առաւօտս կանխաւ տացէ զիրաւունս իմ ՛ի լոյս, եւ ո́չ թաքիցէ. եւ ո́չ ծանիցէ զանիրաւու(թ)ի(ւն) ՛ի պահանջել։

Verse: 6   Link to sept   եւ ո́չ ՛ի սպառ զանօրէնութի(ւն)ս. ապականու(թեամ)բ կործանեսցէ զամբարտաւանս։ Ապականեցան անկիւնք ն(ո)ց(ա). աւերեցից զճանապարհս ն(ո)ր(ա), ամենեւին մի́ եւս գնա́լ ընդ ն(ո)ս(ա)։ պակասեսցին քաղաքք ն(ո)ց(ա) առ ՛ի չգոյէ բնակչաց։

Verse: 7   Link to sept   Ասացի թէ երկերո́ւք յինէն՝ եւ ընկալարո́ւք զխրատ. եւ ո́չ սատակեսջիք յերեսաց ն(ո)ր(ա) ըստ ա(մենայ)նի որչափ ինչ առից վրէժ ՛ի նմանէ։ Պատրաստեա́ կանխեաց ընդ առաւօտս. պակասեցան ա(մենայ)ն ճիռք ն(ո)ր(ա).

Verse: 8   Link to sept   վ(ա)ս(ն) այդորիկ սպասեա́ ինձ՝ ասէ տ(է)ր՝ յաւուր յարութե(ան) իմոյ ՛ի վկայու(թ)ի(ւն)։ Զի դատաստանք իմ ՛ի վ(ե)ր(այ) ազգաց յըմբռնել զթագաւորս, ՛ի հեղուլ ՛ի վ(ե)ր(այ) ն(ո)ց(ա) զբարկու(թ)ի(ւն) իմ, զա(մենայ)ն բարկութի(ւն) սրտմտութե(ան) իմոյ. զի հրո́վ նախանձու իմոյ մաշեսցի́ ա(մենայ)ն երկիր։

Verse: 9   Link to sept   Զի յա́յնժամ դարձուցից ՛ի վ(ե)ր(այ) ժողովրդոց լեզու յազգս ն(ո)ց(ա), ՛ի կարդալ ամենեցուն զանուն տ(եառ)ն, ՛ի ծառայել ն(ո)ց(ա) նմա ընդ միո́վ լծով։

Verse: 10   Link to sept   ՛ի գետոյն եթւովպացւոց ընկալայց զն(ո)ս(ա) ընդ ցրուեալսն, մատուցանիցեն ինձ պատարագ։

Verse: 11   Link to sept   Յաւուր յայնմիկ ո́չ ամաչեսցես յա(մենայ)ն գործոց քոց, որովք ամպարշտեցեր առիս. զի յայնժամ զերծից ՛ի քէն զչարութի(ւն) ամբարտաւանու(թ)ե(ան) քոյ, եւ ո́չ եւս յաւելցես մեծաբանել ՛ի վ(ե)ր(այ) լերին սրբութե(ան) իմոյ։

Verse: 12   Link to sept   Թողի́ց քեզ ժողովուրդ հեզ եւ խոնարհ, եւ երկիցեն յանուանէ տ(եառ)ն

Verse: 13   Link to sept   մնացորդք ի(սրայէ)լի։ եւ ո́չ արասցեն անիրաւութի(ւն), եւ ո́չ խօսիցին սնոտիս. եւ ո́չ գտցի ՛ի բերան ն(ո)ց(ա) լեզու նենգաւոր. զի նոքա արածեսցեն եւ մակաղեսցին. եւ ո́չ ոք իցէ որ զարհուրեցուցանիցէ զն(ո)ս(ա)։
Section: 3 

Verse: 14   Link to sept   Ուրա́խ լեր յոյժ դուստր սիովնի, եւ քարոզեա́ ե(րուսաղ)էմ. ուրա́խ լեր՝ եւ զուրճացի́ր յա(մենայ)ն սրտէ քումմէ դուստր ե(րուսաղէ)մի։

Verse: 15   Link to sept   զի եհան ՛ի քէն տ(է)ր շուրջ զանիրաւու(թ)ի(ւն)ս. փրկեա́ց զքեզ տ(է)ր ՛ի ձեռաց թշնամեաց քոց. թագաւոր ի(սրայէ)լի տ(է)ր ՛ի միջի քում, եւ ո́չ եւս տեսցես զչարիս։

Verse: 16   Link to sept   ՛Ի ժամանակին յայնմիկ ասէ տ(է)ր ցե(րուսաղէ)մ. քաջալերեա́ց սիոն՝ մի́ լքցին ձեռք քո։

Verse: 17   Link to sept   Տ(է)ր ա(ստուա)ծ ՛ի քե́զ է հզօրն, փրկեսցէ́ զքեզ. ածցէ́ ՛ի վ(ե)ր(այ) քո ուրախու(թ)ի(ւն), եւ նորոգեսցէ զքեզ սիրով իւրով. եւ ուրա́խ լիցի ՛ի քեզ զուարճու(թեամ)բ իբրեւ յաւուր տօնի։

Verse: 18   Link to sept   եւ ժողովեցից զմանրեալսն քո։ Վա́յ որ նախատիցէ զնա։

Verse: 19   Link to sept   Ահաւասիկ ես առնեմ վ՝ս քո ՛ի ժամանակին յայնմիկ. եւ փրկեցի́ց զճնչեալն, եւ զմերժեալն ընկալա́յց. եւ արարից զնոսա ՛ի պարծանս, եւ անուանի́ս ընդ ա(մենայ)ն երկիր։

Verse: 20   Link to sept   Եւ ամաչեսցեն ՛ի ժամանակին յայնմիկ՝ յորժամ բարի́ արարից ձեզ, եւ ՛ի ժամանակի յորժամ ընկալա́յց զձեզ։ զի տա́ց զձեզ անուանիս եւ ՛ի պարծանս ընդ ամենայն ազգս երկրի. ՛ի դարձուցանե́լ ինձ զգերութի(ւն) ձեր առաջի ձեր՝ ասէ տ(է)ր։
Section:  




Book: Agg. 
ՄԱՐԳԱՐԷՈՒԹԻՒՆ
ԱՆԳԵԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Յամին երկրորդի դարեհի արքայի. յամսեանն վեցերորդի, որ օր մի էր ամսոյն. Եղեւ բան տ(եառ)ն ՛ի ձեռն Անգէի մարգարէի, եւ ասէ։


Section: 1 

Verse: 2   Link to sept   ԽՕՍԵԱ́Ց ԸՆԴ ԶՈՐԱԲԱԲԻԼԻ որդւոյ սաղաթիէլի յազգէ յուդայ, եւ ընդ յեսուայ որդւոյ յովսեդեկեայ քահանայի մեծի՝ եւ ասասցես։

Verse: 3   Link to sept   Ա́յսպէս ասէ տ(է)ր ամենակալ. ժողովուրդդ այդ ասեն. ո́չ է հասեալ ժամանակ շինելոյ զտունն տ(եառ)ն։

Verse: 4   Link to sept   Եւ եղեւ բան տ(եառ)ն ՛ի ձեռն անգէի մարգարէի՝ եւ ասէ։

Verse: 5   Link to sept   Եթէ ձեզ միայ՞ն իցէ ժամանակ բնակել ՛ի տունս գմբեթայս. եւ տունդ իմ աւե́ր կայ.

Verse: 6   Link to sept   եւ արդ՝ ա́յսպէս ասէ տ(է)ր ամենակալ. կարգեցէ́ք զսիրտս ձեր ՛ի ճանապարհս ձեր։

Verse: 7   Link to sept   Վարէիք բազում եւ ժողովէիք սակա́ւ. ուտէիք՝ եւ ո́չ յագէիք. ըմպէիք՝ եւ ո́չ լինէր ՛ի յագուրդ. զգենուիք՝ եւ ո́չ ջեռնուիք նոքօք. եւ որ զվարձս իւր ժողովէր՝ ՛ի ծրարս ծակոտեալս ժողովէր։

Verse: 8   Link to sept   Ա́յսպէս ասէ տ(է)ր ամենակալ. դի́ք զսիրտս ձեր ՛ի ճանապարհս ձեր,

Verse: 9   Link to sept   ելէ́ք ՛ի լեառն,հարէ́ք փայտ, եւ շինեցէ́ք զտունդ. եւ հաճեցա́յց դովաւ՝ եւ փառաւորեցայց՝ ասէ տ(է)ր։

Verse: 10   Link to sept   Հայեցարուք ՛ի բազում՝ եւ եղեւ սակաւ. եւ դուք ՛ի ներքս ՛ի տունս կրեցէք՝ եւ ես արտա́քս փչեցի զայն։ Վ(ա)ս(ն) այդորիկ ա́յսպէս ասէ տ(է)ր ամենակալ. փոխանակ զի տունդ իմ աւե́ր է, եւ դուք ճեպեալ էք յիւրաքանչիւր տուն իւր։

Verse: 11   Link to sept   Վ(ա)ս(ն) այդորիկ երկինք կալցին զանձրեւ քո. եւ երկիր արգելցէ զարդիւնս իւր.

Verse: 12   Link to sept   եւ ածից սո́ւր ՛ի վ(ե)ր(այ) երկրի, եւ ՛ի վ(ե)ր(այ) ցորենոյ. եւ ՛ի վ(ե)ր(այ) գինւոյ, եւ ՛ի վ(ե)ր(այ) իւղոյ, եւ ՛ի վ(ե)ր(այ) ա(մենայ)ն բուսոյ երկրի, եւ ՛ի վ(ե)ր(այ) մարդկան, եւ ՛ի վ(ե)ր(այ) անասնոյ, եւ ՛ի վ(ե)ր(այ) ա(մենայ)ն վաստակոց ձեռաց ն(ո)ց(ա)։

Verse: 13   Link to sept   Եւ լուաւ զորաբաբէլ որդի սաղաթիելի յազգէ յուդայ, եւ յեսու յովսեդեկեայ քահանայ մեծ, եւ ա(մենայ)ն մնացորդք ժողովրդեանն ձայնի տ(եառ)ն ա(ստուծո)յ իւրեանց. եւ զպատգամս անգէի մարգարէի, ո(ր)պ(էս) առաքեաց զնա տ(է)ր ա(ստուա)ծ ն(ո)ց(ա) առ ն(ո)ս(ա). եւ երկրեա́ւ ժողովուրդն յերեսաց տ(եառ)ն։

Verse: 14   Link to sept   Եւ ասէ անգէոս հրեշտակն տ(եառ)ն ՛ի հրեշտակս տ(եառ)ն ցժողովուրդն. ե́ս ընդ ձեզ եմ՝ ասէ տ(է)ր։

Verse: 15   Link to sept   Եւ զարթոյց տ(է)ր զոգի զորաբաբիլի որդւոյ սաղաթիելի յազգէ յուդայ, եւ զոգի յեսուայ յովսեդեկեայ քահանայի մեծի, եւ զոգի ա(մենայ)ն մնացորդաց ժողովրդեանն. եւ մտանէին եւ գործէին զգործ ՛ի տան տ(եառ)ն ամենակալի ա(ստուծո)յ իւրեանց,



Chapter: 2  
ԳԼ(ՈՒԽ) Բ՜.


Verse: 1   Link to sept   ՛Ի քսան եւ ՛ի չորս ամսոյն վեցերորդի։
Section: 2 
   Յամին երկրորդի դարեհի արքայի,

Verse: 2     Link to sept   յամսեանն եւթներորդի, որ օր քսան եւ մի էր ամսոյն։ Խօսեցաւ տ(է)ր ՛ի ձեռն անգէի մարգարէի՝ եւ ասէ.

Verse: 3     Link to sept   ասա́ ցզորաբաբէլ որդի սաղաթիելի յազգէ յուդայ, եւ ցյեսու յովսեդեկեայ քահանայ մեծ, եւ ցա(մենայ)ն մնացորդս ժողովրդեանն։

Verse: 4     Link to sept   Ո՞յր ՛ի ձէնջ տեսեալ իցէ զտունս զայս ՛ի փառաւորութե(ան) իւրում զառաջինն. եւ ո՞րպէս արդ տեսանէք զդա ո(ր)պ(էս) զոչինչ առաջի ձեր։

Verse: 5     Link to sept   Եւ արդ զօրացի́ր դու զորաբաբել՝ ասէ տ(է)ր,եւ զօրացի́ր յեսու յովսեդեկեայ քահանայ մեծ, եւ զօրացի ա(մենայ)ն ժողովուրդ երկրիդ՝ ասէ տ(է)ր, եւ գործեցէ́ք զի ես ընդ ձե́զ եմ ասէ տ(է)ր ամենակալ։

Verse: 6     Link to sept   Եւ բանն զոր ուխտեցի ընդ ձեզ՝ յելանելն յերկրէն եգիպտացւոց։ եւ հոգին իմ որ կա́յ ՛ի միջի ձերում. քաջալերեցարո́ւք։

Verse: 7     Link to sept   զի ա́յսպէս ասէ տ(է)ր ամենակալ. Դարձեալ միւսանգամ շարժեցից զերկինս եւ զերկիր, եւ զծով եւ զցամաք։

Verse: 8     Link to sept   եւ միանգամայն շարժեցից զա(մենայ)ն ազգս. եւ եկեսցէ ընտիր ընտիր ընչից ա(մենայ)ն ազգաց, եւ լցուցից զտունդ զայդ փառօք՝ ասէ տ(է)ր ամենակալ։

Verse: 9     Link to sept   Ի́մ է արծաթ՝ եւ ի́մ է ոսկի, ասէ տ(է)ր ամենակալ։

Verse: 10     Link to sept   զի մեծ եղիցին փառք տանդ այդորի վերջինդ քան զառաջինն՝ ասէ տ(է)ր ամենակալ։ Եւ ՛ի տեղւոջդ յայդմիկ տա́ց խաղաղութի(ւն)՝ ասէ տ(է)ր ամենակալ. եւ խաղաղու(թ)ի(ւն) ոգւոց փրկու(թ)ի(ւն) ա(մենայ)նի, որ գործիցէ յարուցանել զտաճարդ զայդ։
Section: 3 

Verse: 11     Link to sept   ՛Ի քսաներորդի եւ չորրորդի, իններորդի ամսեանն. յամի երկրորդի դարեհի. եղեւ բան տ(եառ)ն առ անգէ մարգարէ՝ եւ ասէ։

Verse: 12     Link to sept   Ա́յսպէս ասէ տ(է)ր ամենակալ. հա́րց օրէնս ՛ի քահանայիցդ եւ ասասցես։

Verse: 13     Link to sept   եթէ առնուցո́ւ մարդ միս սուրբ ՛ի դրօշակ հանդերձի իւրոյ, եւ մերձեսցի ձորձք իւր ՛ի հաց, կամ ՛ի թան, կամ ՛ի գինի, կամ յեւղ, կամ յա(մենայ)ն կերակուրս՝ իցէ՞ թէ սրբեսցի։ պատասխանի ետուն քահանայքն եւ ասեն. ո́չ։

Verse: 14     Link to sept   Եւ ասէ անգէաս. թէ մերձենայցէ պիղծն՝ կամ անսուրբն ոգւով յա(մենայ)ն ինչ յայնպիսեաց՝ իցէ՞ թէ պղծեսցի։ պատասխանի ետուն քահանայքն եւ ասեն՝ պղծի։

Verse: 15     Link to sept   Պատասխանի ետ անգէոս եւ ասէ. նո́յնպէս եւ ժողովուրդս այս. նո́յնպէս եւ ազգս այս առաջի իմ ասէ տ(է)ր։ նո́յնպէս եւ ա(մենայ)ն գործք ձեռաց նոցա, որ ինչ մերձենայցէ անդր, պղծեսցի։ վ(ա)ս(ն) առիցն իւրեանց առաւօտնոց. եւ մորմոքեսցին յերեսաց չարեացն իւրեանց. եւ ատեցիք ՛ի դրունս զյանդիմանիչս։

Verse: 16     Link to sept   Եւ արդ՝ դի́ք ՛ի սիրտ ձեր յօրէ յայսմ հետէ եւ յառաջ. մինչչե́ւ եդեալ քար ՛ի քարի վ(ե)ր(այ) տաճարին տ(եառ)ն։

Verse: 17     Link to sept   Ո՞վ էիք յորժամ արկանէիք յամանս ձեր քսան քոռ գարւոյ, եւ լինէր տա́սն քոռ գարւոյ. եւ մուծանէիք ՛ի հեծանս ձեր հանել յիսո́ւն մար, եւ լինէր քսան։

Verse: 18     Link to sept   Հարի́ զձե անպտղու(թեամ)բ՝ եւ խորշակաւ՝ եւ կարկտիւ, եւ զա(մենայ)ն գործս ձեռաց ձերոց. եւ ո́չ դարձարուք առիս՝ ասէ տ(է)ր։

Verse: 19     Link to sept   Կարգեցէ́ք զսիրտս ձեր յօրէ́ յայսմանէ՝ եւ անդր. ՛ի քսաներորդէ եւ չորրորդէ իններորդի ամսեանդ, եւ յօրէ յայդմանէ յորում անկաւ հիմն տաճարիդ տ(եառ)ն։ Դի́ք ՛ի սիրտս ձեր։

Verse: 20     Link to sept   ի՞ցէ թէ յայտնեսցի ինչ ՛ի վ(ե)ր(այ) կալոյ եւ յորթ, եւ ՛ի թզենի՝ եւ ՛ի նռնենի, եւ ՛ի փա́յտ իւղոյ որ պտուղ ո́չ տային՝ յօրէ յայսմանէ օրհնեցից։
Section: 4 

Verse: 21     Link to sept   Եւ եղեւ բան տ(եառ)ն կրկին անգամ առ անգէ մարգարէ, ՛ի քսան եւ ՛ի չորս ամսոյն՝ եւ ասէ։

Verse: 22     Link to sept   ասա́ ցզորաբաբել սաղաթիելի յազգէ յուդայ. Դարձեալ միւսանգամ շարժեմ աերկինս եւ զերկիր, զծով եւ զցամաք։

Verse: 23     Link to sept   եւկործանեցից զաթոռս թագաւորաց, եւ սատակեցից զզօրութե(ան)ս թագաւորաց. եւ կործանեցից զկառս եւ զհեծեալս. եւ իջցեն երիվարք եւ հեծեալք ն(ո)ց(ա)՝ իւրաքանչիւր սրով առ եղբայր իւր։

Verse: 24     Link to sept   Յաւուր յայնմիկ ասէ տ(է)ր ամենակալ. առի́ց զքեզ զորաբաբէլ սաղաթիելի զծառայ իմ, եւ եդից զքեզ իբրեւ զկնիք։ Զի ընդ քեզ հաճեցայ ասէ տ(է)ր ամենակալ։
Section:  




Book: Zach. 
ՄԱՐԳԱՐԷՈՒԹԻՒՆ
ԶԱՔԱՐԻԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Յամսեանն ութերորդի՝ յամի երկրորդի դարեհի արքայի. Եղեւ բան տ(եառ)ն առ Զաքարիա մարգարէ որդի Բարաքեայ, որդւոյ ադդովայ՝ եւ ասէ։


Section: 1 

Verse: 2   Link to sept   ԲԱՐԿԱՑԱՒ ՏԷՐ ՛Ի ՎԵՐԱՅ հարցն ձերոց բարկու(թ)ի(ւն) մեծ։

Verse: 3   Link to sept   Եւ ասասցես ցնոսա. ա́յսպէս ասէ տ(է)ր ամենակալ. դարձարո́ւք առիս՝ ասէ տ(է)ր զօրութե(ան)ց. եւ դարձայց առ ձեզ՝ ասէ տ(է)ր զօրու(թ)ե(ան)ց։

Verse: 4   Link to sept   մի́ լինիք իբրեւ զհարս ձեր, զոր պատուհասէին մարգարէքն առաջինք՝ եւ ասէին. Ա́յսպէս ասէ տ(է)ր ամենակալ. դարձարո́ւք յա(մենայ)ն ճանապարհաց ձերոց չարաց, եւ ՛ի գնացից ձերոց չարաց. եւ ո́չ լուան, եւ ո́չ անսացին լսել ինձ՝ ասէ տ(է)ր։

Verse: 5   Link to sept   Հարքն ձեր ո՞ւր են՝ եւ մարգարէքն. միթէ յաւիտեա՞ն կեցին։

Verse: 6   Link to sept   Բայց զբանս իմ եւ զօրէնս իմ ընկալարո́ւք՝ զոր ե́ս պատուիրեմ հոգւով իմով ծառայից իմոց մարգարէից որ ժամանեցին հարցն ձերոց։ Պատասխանի ետուն՝ եւ ասեն. որպէս կարգեա́ց տ(է)ր ամենակալ առնել ըստ ճանապարհաց մերոց՝ եւ ըստ գնացից մերոց, նոյնպէս եւ արա́ր մեզ։

Verse: 7   Link to sept   ՛Ի քսաներորդի եւ չորրորդի մետասաներորդ ամսեանն. որ է ինքն արաց. յերկրորդ ամի դարեհի. եղեւ բա́ն տ(եառ)ն առ զաքարիա մարգարէ բարաքեայ որդւոյ ադովդայ՝ եւ ասէ։

Verse: 8   Link to sept   Տեսի́ ՛ի տեսլեան գիշերոյ, եւ ահա այր մի հեծեալ յաշխէ́տ ձի, եւ կայր ՛ի մէջ երկուց անտառախիտ լերանցն։ եւ զկնի ն(ո)ր(ա) ձիք աշխէտք՝ եւ պիսակք՝ եւ սպիտակք։

Verse: 9   Link to sept   Եւ ասեմ, զի՞նչ են դոքա տ(է)ր։ եւ ասէ ցիս հրեշտակն՝ որ խոսէր յիս. ե́ս ցուցից քեզ զինչ են դոքա։

Verse: 10   Link to sept   Պատասխանի ետ այրն որ կայր ՛ի մէջ լերանցն՝ եւ ասէ ցիս. դոքա́ են չորս առաքեաց տ(է)ր շրջել ընդ երկիր։

Verse: 11   Link to sept   Պատասխանի ետուն հրեշտակին տ(է)ր՝ որ կայր ՛ի մէջ լերանցն՝ եւ ասեն. շրջեցա́ք ընդ ա(մենայ)ն երկիր. եւ ահա ա(մենայ)ն երկիր բնակեալ եւ դադարեալ է։

Verse: 12   Link to sept   Պատասխանի ետ հրեշտակն՝ եւ ասէ. Տ(է)ր ամենակալ, մինչեւ ցե՞րբ ոչ ողորմեսցիս ՛ի վ(ե)ր(այ) ե(րուսաղէ)մի եւ քաղաքացնյուդայ, զորս անտե́ս արարեր այս եւթանասո́ւն երորդ ամ։

Verse: 13   Link to sept   Եւ պատասխանի ետ տ(է)ր ամենակալ հրեշտակին՝ որ խօսէր յիս՝ բանս բարեա́ց՝ եւ բանս մխիթարութե(ան)։

Verse: 14   Link to sept   Եւ ասէ ցիս հրեշտակն որ խօսէր յիս. աղաղակեա́ եւ ասա́։ Ա́յսպէս ասէ տ(է)ր ամենակալ. նախանձեցայ վ(ա)ս(ն) ե(րուսաղէ)մի եւ վ(ա)ս(ն) սիոնի նախանձ մեծ։

Verse: 15   Link to sept   եւ բարկութ(եամ)բ մեծաւ բարկացեալ եմ ՛ի վ(ե)ր(այ) ազգացն՝ որ միանգամայն հարա́ն ՛ի վ(ե)ր(այ) ն(ո)ց(ա). փոխանակ զի ես սակաւիկ ինչ բարկացեալ էի ՛ի վ(ե)ր(այ) ն(ո)ց(ա), եւ նոքա միանգամա́յն հարան ՛ի վ(ե)ր(այ) ՛ի չարիս։

Verse: 16   Link to sept   Վ(ա)ս(ն) այնորիկ ա́յսպէս ասէ տ(է)ր. դարձա́յց առ ե(րուսաղ)էմ զթու(թեամ)բ. եւ տունն իմ վերստին շինեսցի՝ ասէ տ(է)ր ամենակալ. եւ չա́փ ձգեսցի միւսանգամ ՛ի վերայ ե(րուսաղէ)մի։

Verse: 17   Link to sept   Եւ ասէ ցիս հրեշտակն որ խօսէր յիս. աղաղակեա́ եւ ասա́։ ա́յսպէս ասէ տ(է)ր ամենակալ. դարձեալ զեղցին քաղաքք բարութ(եամ)բ, եւ ողորմեսցի տ(է)ր սիոնի, եւ հաճեսցի միւսանգամ ընդ ե(րուսաղ)էմ։

Verse: 18   Link to sept   Եւ ամբարձի զաչս իմ եւ տեսի, եւ ահա չորք եղջեւրք։

Verse: 19   Link to sept   եւ ասեմ ցհրեշտակն որ խօսէր յիս. զի՞նչ են այդոքիկ տ(է)ր։ եւ ասէ ցիս. ա́յդ եղջեւրք են որ ցրուեցին զյուդայ՝ եւ զի(սրայ)էլ։

Verse: 20   Link to sept   Եւ եցո́յց ինձ տ(է)ր չորս հիւսունս։

Verse: 21   Link to sept   եւ ասեմ. իսկ դոքա զի՞նչ գան գործել։ Եւ ասէ ցիս. ա́յդ եղջեւրք են որ ցրուեցին զյուդայ՝ եւ զի(սրայ)էլ խորտակեցին. եւ ո́չ ոք ՛ի նոցանէ ամբարձ զգլուխ իւր. եւ ելին սոքա սրե́լ զն(ո)ս(ա) ՛ի ձեռս նոցա։ զչորս եղջեւրս՝ զազգս յարուցեալս եղջեւր, ՛ի վերայ երկրի տ(եառ)ն ցրուել զնա։



Chapter: 2  
ԳԼ(ՈՒԽ) Բ՜.


Section: 2 

Verse: 1   Link to sept   Ամբարձի́ զաչս իմ եւ տեսի, եւ ահա այր՝ եւ ՛ի ձեռին իւրում ունէր լար երկրաչափ։

Verse: 2   Link to sept   եւ ասեմ ցնա՝ յո՞վ երթաս։ եւ ասէ ցիս՝ չափե́լ զե(րուսաղէ)մ, եւ տեսանել թէ ո՞րչափ է լայնու(թ)ի(ւն) ն(ո)ր(ա)՝ եւ ո́րչափ երկայնու(թ)ի(ւն)։

Verse: 3   Link to sept   Եւ ահա հրեշտակն որ խօսէր յիս՝ զտեղի́ առեալ կայր։ եւ այլ հրեշտակ ելանէր ընդ առաջ ն(ո)ր(ա)։

Verse: 4   Link to sept   եւ ասէ ցնա. ընթա́ եւ խօսեա́ց ընդ երիտասարդին ընդ այնմիկ՝ եւ ասասցես. Պտղալի́ց շինեսցի ե(րուսաղ)էմ ՛ի բազմութ(են)է մարդոյ եւ անասնոյ՝ ՛ի մէջ ն(ո)ր(ա)։

Verse: 5   Link to sept   եւ ես եղէ́ց նմա պարիսպ հրեղէն շուրջանակի. եւ ՛ի փառս բնակեցայց ՛ի միջի ն(ո)ր(ա)։

Verse: 6   Link to sept   Ո́ ո́, փախերո́ւք յերկրէ հիւսւսոյ՝ ասէ տ(է)ր. զի ՛ի չորից հողմոց երկնից ժողովեցից զձեզ՝ ասէ տ(է)ր։

Verse: 7   Link to sept   ՛ի սիոն դիմեալ ապրեցարուք բնակիչք դստեր բաբելոնի։

Verse: 8   Link to sept   Զի ա́յսպէս ասէ տ(է)ր ամենակալ. Զփառաց զկնի արձակեաց զիս յազգսն՝ որ կողոպտեցին զձեզ։ զի որ մարձենա́յ ՛ի ձեզ՝ ո(ր)պ(էս) որ ընդ հարկանիցի́ ընդ բի́բ ական իւրոյ։

Verse: 9   Link to sept   Զի ահաւասիկ ես ածից զձեռն իմ ՛ի վ(ե)ր(այ) ն(ո)ց(ա). եւ եղիցին յաւա́ր ծառայեցուցիչքն ն(ո)ց(ա)։ եւ ծանիջիք թէ տ(է)ր ամենակալ առաքեաց զիս։

Verse: 10   Link to sept   Խնդա́ եւ ուրա́խ լեր դուստր սիոնի.զի ահա ես եկից եւ բնակեցա́յց ՛ի միջի քում՝ ասէ տ(է)ր։

Verse: 11   Link to sept   եւ ապաւինեսցին ազգ բազումք ՛ի տ(է)ր յաւուր յայնմիկ. եւ եղիցի́ն նմա ժողովուրդ, եւ բնակեսցին ՛ի միջի քում. եւ ծանիցես՝ թէ տ(է)ր ամենակալ առաքեաց զիս առ քեզ։

Verse: 12   Link to sept   Եւ ժառանգեսցէ տ(է)ր զյուդայ զբաժին իւր յերկրին սրբու(թ)ե(ան), եւ հաճեսցի́ միւսանգամ ընդ ե(րուսաղ)էմ։

Verse: 13   Link to sept   եւ երկիցէ ա(մենայ)ն մարմին յերեսաց տ(եառ)ն. զի զարթուցեալ է ՛ի յամպոց սրբոց իուրոց։



Chapter: 3  
ԳԼ(ՈՒԽ) Գ՜.


Verse: 1   Link to sept   Եւ եցոյց ինձ տ(է)ր զյեսու քահանայ մեծ, զի կա́յր առաջի հրեշտակին տ(եառ)ն։ եւ սատանայ կա́յր ընդաջմէ ն(ո)ր(ա) հակառակել ընդ նմա։

Verse: 2   Link to sept   Եւ ասէ տ(է)ր ցսատանայ. սաստեսցէ́ ՛ի քեզ տ(է)ր՝ սատանայ, եւ սաստեսցէ տ(է)ր ՛ի քեզ՝ որ ընտրեացն զե(րուսաղէ)մ։ ո՞չ ապաքէն դա աւադիկ իբրեւ զխանձող մի զերծեալ ՛ի հրոյ։

Verse: 3   Link to sept   Եւ յեսու՝ էր զգեցեալ հանդերձս աղտեղիս, եւ կա́յր առաջի հրեշտակին տ(եառ)ն։

Verse: 4   Link to sept   պատասխանի ետ՝ եւ ասէ ցայնոսիկ որ կային առաջի ն(ո)ր(ա). ՛ի բա́ց արարէք զհանդերձս աղտեղիս ՛ի նմանէ։ եւ ասէ ցնա, ահա բարձի́ ՛ի քէն զանօրէնութի(ւն)ս քո. եւ ագուցէ́ք դմա պճղնաւոր։

Verse: 5   Link to sept   եւ դի́ք խոյր սուրբ ՛ի գլուխ դորա։ եւ եդին խոյր սուրբ ՛ի գլուխ նորա։ եւ զգեցուցին նմա հանդերձս։ Եւ հրեշտակ տ(եառ)ն կայր.

Verse: 6   Link to sept   եւ դնէր վկայութի(ւն) հրեշտակն տ(եառ)ն ընդ յեսուայ՝ եւ ասէր։

Verse: 7   Link to sept   Ա́յսպես ասէ տ(է)ր ամենակալ. եթէ ՛ի ճանապարհս իմ գնասցես, եւ զհրամանս իմ պահեսցես, դո́ւ դատեսցիս զտուն իմ։ եւ եթէ պահեսցես զսրահս իմ, տա́ց քեզ որ շրջիցին ՛ի մէջ դոցա որ կանգ աւադիկ։

Verse: 8   Link to sept   Բայց լո́ւր յեսու քահանայ մեծ, դո́ւ եւ մերձաւորք քո որ նստինդ առաջի քո. զի արք կիւսահմա́յք են։ Զի ահաւասիկ ես ածեմ զծառայ իմ զծագումն։

Verse: 9   Link to sept   զի զվէմն զոր ետու առաջի երեսաց յեսուայ, ՛ի վ(ե)ր(այ) վիմին եւթն աչք են։ ահաւասիկ ես փորեցից խորխորատ՝ ասէ տ(է)ր ամենակալ. եւ շօշափեցից զա(մենայ)ն անօրէնու(թ)ի(ւն)ս երկրին այնորիկ յաւուր միում։

Verse: 10   Link to sept   Յաւուր յայնմիկ ասէ տ(է)ր ամենակալ, կոչեսջիք ամենեքեան զընկեր իւր ընդ որթով եւ ընդ թզենեաւ։



Chapter: 4  
ԳԼ(ՈՒԽ) Դ՜.


Verse: 1   Link to sept   Եւ դարձա́ւ հրեշտակն որ խօսէր ցիս. եւ զարթո́յց զիս՝ զոր օրինակ յորժամ զարթնուցու ա́յր ՛ի քնոյ իւրմէ.

Verse: 2   Link to sept   եւ ասէ ցիս. զի՞նչ տեսանես դու։ եւ ասեմ, տեսանեմ ահա՝ աշտանակ ոսկի ձոյլ, եւ գո́ւնդ ՛ի վ(ե)ր(այ) ն(ո)ր(ա), եւ եւթն ճրագ ՛ի վ(ե)ր(այ) նորա, եւ եւթն բերանք ճրագացն որ ՛ի վ(ե)ր(այ) ն(ո)ր(ա)։

Verse: 3   Link to sept   եւ երկու ձիթենիք ՛ի վ(ե)ր(այ) ն(ո)ր(ա). մի ընդ աջմէ գնդին լուցելոյ, եւ մի ընդ ահեկէ։

Verse: 4   Link to sept   Հարցի, եւ ասեմ ցհրեշտակն որ խօսէր ցիս. զի՞նչ են այդոքիկ տ(է)ր։

Verse: 5   Link to sept   պատասխանի ետ հրեշտակն որ խօսէր ցիս՝ եւ ասէ ցիս. ո՞չ գիտես զինչ են այդոքիկ։ եւ ասեմ, ո́չ տ(է)ր։

Verse: 6   Link to sept   Պատասխանի́ ետ հրեշտակն եւ ասէ ցիս։ ա́յս բան տ(եառ)ն է առ զորաբաբէլ։ ասէ, ո́չ զորու(թեամ)բ մեծաւ եւ ո́չ ուժգնութ(եամ)բ, այլ հոգւով իմով ասէ տ(է)ր ամենակալ։

Verse: 7   Link to sept   Ո՞վ ես դու լեառն մեծ կանգնեալ առաջի զորաբաբիլի։ եւ հանի́ց զվէմն ժառանգութե(ան) զհաւասարութի(ւն) շնորհաց շնորհել նմա։

Verse: 8   Link to sept   Եւ եղեւ բան տ(եառ)ն առիս՝ եւ ասէ։

Verse: 9   Link to sept   ձեռք զորաբաբիլի հիմն արկին տանդ այդմիկ, եւ ձեռք ն(ո)ր(ա) կանգնեսցեն զդա։ եւ ծանիցես՝ թէ տ(է)ր ամենակալ առաքեաց զիս առ քեզ։

Verse: 10   Link to sept   Քանզի ո՞վ է որ անգոսնեաց զաւուրս փոքունս՝ եւ խնդայցէ։ եւ տեսցեն զվէմն անագեայ ՛ի ձեռին զորաբաբիլի։ ա́յս են եւթն աչքն որ հային ընդ ա(մենայ)ն երկիր։

Verse: 11   Link to sept   Պատասխանի́ ետու եւ ասեմ ցնա. իսկ զի՞նչ են երկու ձիթենիքն որ կան ընդ աջմէ́ եւ ընդ ահեկէ աշտանակին։

Verse: 12   Link to sept   եւ հարցի կրկին՝ եւ ասեմ ցնա. զի՞նչ երկու ոստք ձիթենեացն որ ՛ի ձեռս երկուց ճրագաբերանացն ոսկեաց, արկանելեաց, եւ ՛ի վեր հանելեաց զճաշակսն ոսկիս։

Verse: 13   Link to sept   Եւ ասէ ցիս. ո՞չ գիտես զինչ են այդոքիկ. եւ ասեմ, ո́չ տ(է)ր։ Եւ ասէ ցիս. դոքա́ են որդիք պարարտու(թ)ե(ան)՝ որ կան առաջի տ(եառ)ն ամենայն երկրի։



Chapter: 5  
ԳԼ(ՈՒԽ) Ե՜.


Section: 3 

Verse: 1   Link to sept   Եւ դարձայ ամբարձի զաչս իմ եւ տեսի, եւ ահա գերանդի թռուցեալ։

Verse: 2   Link to sept   եւ ասէ ցիս՝ զի՞նչ տեսանես. եւ ասեմ, գերանդի թրուցեալ տեսամեն ես. քսա́ն կանգուն յերկայնութի(ւն), եւ տա́սն կանգուն լայնութի(ւն)։

Verse: 3   Link to sept   Եւ ասէ ցիս. ա́յդ են անէծք որ ելանեն ՛ի վ(ե)ր(այ) երեսաց ա(մենայ)ն երկրի։ զի ա(մենայ)ն գողոյ վրէժ մահո́ւչափ, դովա́ւ խնդրեսցի, եւ ա(մենայ)ն ստերդման վրէժ մահո́ւչափ՝ դովաւ խնդրեսցի։

Verse: 4   Link to sept   Եւ հանից զդա՝ ասէ տ(է)ր ամենակալ, եւ մտցէ ՛ի տունս գողոց, եւ ՛ի տունս որոց երդնուցուն սո́ւտ յանուն իմ, եւ բնակեսցէ ՛ի մէջ տան ն(ո)ր(ա), եւ վախճանեսցէ զնա. եւ զփայտ ն(ո)ր(ա)՝ եւ զքարինս ն(ո)ր(ա)։

Verse: 5   Link to sept   Եւ ել հրեշտակն որ խօսէր յիս, եւ ասէ ցիս, հայեա́ց աչօք քովք՝ եւ տե́ս զայն որ ելանէն։

Verse: 6   Link to sept   եւ ասեմ՝ զի՞նչ է։ եւ ասէ ցիս. ա́յդ է չափ որ ելանէ. եւ ասէ այդ է անիրաւութի(ւն) ն(ո)ց(ա) ընդ ա(մենայ)ն երկրի։

Verse: 7   Link to sept   Եւ ահա կշի́ռ մի կապարեայ ամբարձեալ՝ եւ կին մի նստէր ՛ի մէջ չափոյն։

Verse: 8   Link to sept   եւ ասէ. ա́յդ է անիրաւու(թ)ի(ւն)։ եւ ընկէց զնա ՛ի մէջ չափոյն եւ ընկէց զվէմն կապարեայ ՛ի բերան նորա։

Verse: 9   Link to sept   Եւ ամբարձի զաչս իմ եւ տեսի, եւ ահա երկու կանայք ելանէին, եւ հողմ ՛ի թե́ւս ն(ո)ց(ա). եւ էին թեւք ն(ո)ց(ա) իբրեւ զթեւս յոպոպոյ. եւ ամբարձին զչափն ընդ երկիր եւ ընդ երկինս։

Verse: 10   Link to sept   Եւ ասեմ ցհրեշտակն որ խօսէր յիս. յո՞ տանին նոքա զչափն։

Verse: 11   Link to sept   եւ ասէ ցիս. շինե́լ նմա տուն յերկրին բաբելացւոց, եւ պատրաստել։ եւ դիցեն զնա անդ՝ ՛ի վ(ե)ր(այ) պատրաստութե(ան) իւրոյ։



Chapter: 6  
ԳԼ(ՈՒԽ) Զ՜.


Verse: 1   Link to sept   Դարձա́յ ամբարձի զաչս իմ եւ տեսի, եւ ահա չո́րք կառք ելանէին ՛ի միջոյ երկուց լերանց. եւ լերինք էին լերինք պղնձիք։

Verse: 2   Link to sept   ՛Ի կա́ռսն առաջինս ձի́ք աշխէտք, եւ ՛ի կա́ռսն երկրորդս ձի́ք սեաւք.

Verse: 3   Link to sept   եւ ՛ի կառսն երրորդս ձի́ք սպիտակք. եւ ՛ի կառսն չորրորդս ձի́ք պէսպէս պիսակք։

Verse: 4   Link to sept   Պատասխանի ետու, եւ ասեմ ցհրեշտակն որ խօսէր յիս. զի՞նչ են այդոքիկ տ(է)ր։

Verse: 5   Link to sept   Պատասխանի ետ հրեշտակն՝ որ խօսէր յիս՝ եւ ասէ. դոքա́ են չորք հողմք երկնից, որ ելանեն կալ առաջի տ(եառ)ն ա(մենայ)ն երկրի։

Verse: 6   Link to sept   Յորում էին ձիքն սեաւք, ելանէին ը(նդ) երկիր հիւսւսոյ. եւ սպիտակքն ելանէին զհետ ն(ո)ց(ա). եւ պիսակքն ելանէին ընդ երկիր հարաւոյ.

Verse: 7   Link to sept   եւ հայէին շրջել ընդ ա(մենայ)ն երկիր։ եւ ասէ, գնացէ́ք եւ շրջեցարո́ւք ընդ երկիր։ եւ շրջեցան ը(նդ) երկիր։

Verse: 8   Link to sept   Եւ աղաղակեաց՝ եւ ասէ ցիս. ահա որ ելանեն ընդ երկիր հիւսւսոյ, հանգուցին զսրտմտութի(ւն) իմ յերկրին հիւսւսոյ։
Section: 4 

Verse: 9   Link to sept   Եւ եղեւ բան տ(եառ)ն առիս՝ եւ ասէ։

Verse: 10   Link to sept   ա́ռ դու ինձ ՛ի գերու(թեն)է անտի յիշխանաց, եւ ՛ի պիտանեաց ն(ո)ր(ա), եւ ՛ի գիտնոց ն(ո)ր(ա). եւ մտցես յաւուր յայնմիկ ՛ի տուն յովսիայ որդւոյ սոփոնիայ՝ որ եկեալ է ՛ի բաբելոնէ։

Verse: 11   Link to sept   Եւ առցես ոսկի եւ արծաթ, եւ արասցես պսակ, եւ դիցես ՛ի գլուխ յեսուայ յովսեդեկեայ քահանայի մեծի։

Verse: 12   Link to sept   եւ ասասցես ցնա։ Այսպէս ասէ տ(է)ր ամենակալ, ահա այր՝ եւ ծագումն անուն ն(ո)ր(ա), եւ ՛ի ներքոյ իւրմէ ծագեսցէ. եւ շինեսցէ զտուն տ(եառ)ն։

Verse: 13   Link to sept   եւ նա́ առցէ զքաջու(թ)ի(ւն). նստցի եւ տիրեսցէ ՛ի վ(ե)ր(այ) աթոռոյ իւրոյ. եւ եղիցի քահանայն ընդաջմէ ն(ո)ր(ա), եւ խորհուրդ խաղաղութե(ան) եղիցի ՛ի մէջ երկոցունց։

Verse: 14   Link to sept   Եւ պսակդ եղիցի այնոցիկ՝ որ ակն ունին. եւ պիտանեաց նորա, եւ որոց ճանաչեն զնա, եւ ՛ի շնորհս որդւոյ սոփոնիայ, եւ յերգս տան տ(եառ)ն։

Verse: 15   Link to sept   Եւ հեռաւորք ՛ի նոցանէ եկեսցեն եւ շինեսցեն զտո́ւն տ(եառ)ն. եւ ծանիջիք թէ տ(է)ր ամենակալ առաքեաց զիս առ ձեզ։ եւ եղիցի եթէ լսելով լուիցէք ձայնի տ(եառ)ն ա(ստուծո)յ ձերոյ։



Chapter: 7  
ԳԼ(ՈՒԽ) Է՜.


Section: 5 

Verse: 1   Link to sept   Եւ եղեւ յամին չորրորդի դարեհի արքայի, եղեւ բան տ(եառ)ն առ զաքարիա. որ օր չորք էին ամսոյն իններորդի, որ է քասղեւ։

Verse: 2   Link to sept   Եւ առաքեա́ց ՛ի բեթելայ սարասար՝ եւ աբուսադ՝ թագաւորք եւ արք իւրեանց աղաչել զտ(է)ր.

Verse: 3   Link to sept   եւ ասել ցքահանայսն որ էին ՛ի տան տ(եառ)ն ամենակալի եւ ցմարգարէսն։ եթէ մո՞ւտ այդր յամսեանն հինգերորդի սրբու(թ)ի(ւն). քանզի առնէին զայն զա́մս բազումս։

Verse: 4   Link to sept   Եւ եղեւ բան տ(եառ)ն զօրութե(ան)ց առիս՝ եւ ասէ։

Verse: 5   Link to sept   խօսեա́ց ընդ ժողովրդեան երկրիդ՝ եւ ը(նդ) քահանայս՝ եւ ասասցես, եթէ պահիցէք եւ կոծիցէք ՛ի հինգերորդս կամ յեւթներորդս ամսոց։ ահա եւթանասուն ամ. միթէ պա՞հս պահիցէք ինձ։

Verse: 6   Link to sept   եւ եթէ ուտէք եւ ըմպէք, ո՞չ ապաքէն դուք ուտէք եւ ըմպէք։

Verse: 7   Link to sept   Ո՞չ այս բանք են զոր խօսեցաւ տ(է)ր ՛ի ձեռս մարգարէիցն իւրոց առաջնոց՝ մինչդեռ շէ́ն էր ե(րուսաղ)էմ եւ ՛ի բարութե(ան), եւ քաղաքք ն(ո)ց(ա) շուրջանակի. եւ լեռնայի́նքն եւ դաշտայինքն բնակեալէին։

Verse: 8   Link to sept   Եւ եղեւ բան տ(եառ)ն առ զաքարիա՝ եւ ասէ։

Verse: 9   Link to sept   ա́յսպէս ասէ տ(է)ր ամենակալ. Դատաստան արդա́ր դատեցարուք, եւ ողորմութի(ւն) եւ գթութի(ւն) արարէ́ք իւրաքանչիւր եղբօր իւրոյ։

Verse: 10   Link to sept   զայրին եւ զորբն եւ զպանդուխտն՝ եւ զտնանկն մի́ յաղթահարէք. եւ ոխս չարեաց ընկերի իւրում մի́ ոք կալցի ՛ի սիրտս ձեր։

Verse: 11   Link to sept   Եւ ո́չ հաւանեցան անսալ. այլ ետուն զթիկունս իւրեանց ՛ի յիմարու(թ)ի(ւն), եւ ծանրացուցին զականջս իւրեանց առ ՛ի չլսել։

Verse: 12   Link to sept   եւ զսիրտս իւրրեանց կարգեցին անհնազանդս, առ ՛ի չլսելոյ օրինաց իմոց եւ բանից զոր առաքեաց տ(է)ր ամենակալ հոգւո́վ իւրով ՛ի ձեռն մարգարէիցն առաջնոց. եղեւ բարկու(թ)ի(ւն) մեծ ՛ի տ(եառ)նէ ամենակալէ։

Verse: 13   Link to sept   Եւ եղիցի զոր օրինակ խօսեցաւն՝ եւ ո́չ լուան նմա. նո́յնպէս աղաղակեսցեն՝ եւ ո́չ լուիցէ ն(ո)ց(ա), ասէ տ(է)ր ամենակալ։

Verse: 14   Link to sept   Եւ հանից զն(ո)ս(ա) ընդ ա(մենայ)ն ազգս զորս ո́չ գիտիցեն. եւ երկիրդ ապականեսցի զկնի ն(ո)ց(ա), զի ո́չոք իցէ որ ելանիցէ՝ եւ դառնայցէ. եւ եդին զերկիրն ընտիր՝ յապականութի(ւն)։



Chapter: 8  
ԳԼ(ՈՒԽ) Ը՜.


Verse: 1   Link to sept   Եւ եղեւ բան տ(եառ)ն ամենակալի առիս, եւ ասէ.

Verse: 2   Link to sept   տՋԶ̣յսպտՋԶ̣ս ասէ տ՝ր ամենակալ. նախանձեցայ վ՝ս ե(րուսաղէ)մի եւ վ(ա)ս(ն) սիոնի նախա́նձ մեծ. եւ բարկութ(եամ)բ մեծաւ նախանձեցայ վ(ա)ս(ն) ն(ո)ր(ա)։
Section: 6 

Verse: 3   Link to sept   Ա́յսպէս ասէ տ(է)ր. դարձա́յց ՛ի սիոն՝ եւ բնակեցայց ՛ի մէջ ե(րուսաղէ)մի. եւ կոչեսցի ե(րուսաղ)էմ քաղա́ք ճշմարիտ, եւ լեառն տ(եառ)ն ամենակալի՝ լեա́ռն սուրբ։

Verse: 4   Link to sept   Ա́յսպէս ասէ տ(է)ր ամենակալ դարձեալ նստցին ձերք եւ պառաւունք ՛ի հրապարակս ե(րուսաղէ)մի. իւրաքանչիւր ցո́ւպ ՛ի ձեռին իւրում ՛ի բազմութ(են)է աւուրց։

Verse: 5   Link to sept   եւ հրապարակք քաղաքին լցցին պատանեկօք եւ աղջկամբք՝ որ խաղայցեն ՛ի հրապարակս ն(ո)ր(ա)։

Verse: 6   Link to sept   Ա́յսպէս ասէ տ(է)ր ամենակալ. եթէ տկարանայցէ ինչ առաջի մնացորդաց ժողովրդեանդ այդորիկ յաւուրս յայսոսիկ. միթէ եւ առաջի՞ իմ տկարանայցէ, ասէ տ(է)ր ամենակալ։

Verse: 7   Link to sept   Ա́յսպէս ասէ տ(է)ր ամենակալ. ահաւասիկ ես փրկեմ զժողովուրդ իմ յերկրէ արեւելից՝ եւ յերկրէ արեւմտից։

Verse: 8   Link to sept   եւ ածից զն(ո)ս(ա)՝ եւ բնակեցուցից ՛ի մէջ ե(րուսաղէ)մի. եւ եղիցին ինձ ժողովո́ւրդ, եւ ես եղէց ն(ո)ց(ա) ա(ստուա)ծ ճշմարտու(թեամ)բ՝ եւ արդարու(թեամ)բ։

Verse: 9   Link to sept   Ա́յսպէս ասէ տ(է)ր ամենակալ. զօրասցի́ն ձեռք ձեր որ լսէքդ յաւուրս յայսոսիկ զբանս զայս ՛ի բերանոց մարգարէիցն, յօրէ յորմէ արկէք հիմն տան տ(եառ)ն ամենակալի. եւ տաճարս յորմէ հետէ շինեցաւ։
Section: 7 

Verse: 10   Link to sept   Զի յառաջ քան զաւուրսն զայնոսիկ՝ վարձք մարդկան՝ ո́չ էին յօգուտ. եւ վարձք անասնոց ո́չ էին յարգի. եւ ելողի եւ մտողի ո́չ էր խաղաղութի(ւն) ՛ի նեղութ(են)է. եւ առաքեցից զա(մենայ)ն մարդիկ իւրաքանչիւր առ ընկեր իւր։

Verse: 11   Link to sept   Եւ արդ՝ ո́չ ըստ աւուրցն առաջնոց առնե́մ ես մնացորդաց ժողովրդեանդ այդորիկ՝ ասէ տ(է)ր ամենակալ.

Verse: 12   Link to sept   այլ ցուցից խաղաղու(թ)ի(ւն)։ այգի՝ տացէ զպտուղ իւր, եւ երկիր՝ տացէ զարատիս իւր, եւ երկինք տացեն զցօղ իւրեանց։ եւ ժառանգեցուցից մնացորդաց ժողովրդեան իմոյ զայն ա(մենայ)ն։

Verse: 13   Link to sept   Եւ եղիցի ո(ր)պ(էս) էիքն յանէծս ՛ի մէջ ազգաց տունդ յուդայ՝ եւ տունդ ի(սրայէ)լի. նոյնպէս ապրեցուցից զձեզ՝ եւ եղիջիք յօրհնութի(ւն)։ Քաջալերեցարո́ւք՝ եւ զօրասցին ձեռք ձեր։

Verse: 14   Link to sept   զի ա́յսպէս ասէ տ(է)ր ամենակալ. ո(ր)պ(էս) խորհեցայ չարչարե́լ զձեզ, ՛ի բարկացուցանել զիս հարցն ձերոց, ասէ տ(է)ր ամենակալ,

Verse: 15   Link to sept   եւ ո́չ զղջացայ. նոյնպէս պատրաստեալ եւ խորհեալ եմ յաւուրս յայսոսիկ՝ բարի́ ապնել ե(րուսաղէ)մի՝ եւ տանդ յուդայ։ քաջալերեցարո́ւք.

Verse: 16   Link to sept   այս բանք են զոր առնիցէք։ Խօսեցարո́ւք զճշմարտութի(ւն) իւրաքանչիւր ընկերի իւրում։ եւ դատաստան՝ խաղաղուտ(թ)ե(ան) եւ արդա́ր դատեցարուք ՛ի դրունս ձեր։

Verse: 17   Link to sept   եւ իւրաքանչիւր չար ընկերի իւրում մի́ խորհիք ՛ի սիրտս ձեր. եւ զերդումն սուտ՝ մի́ սիրէք. զի զա́յն ա(մենայ)ն ատեցի՝ ասէ տ(է)ր ամենակալ։

Verse: 18   Link to sept   Եւ եղեւ բան տ(եառ)ն ամենակալի առիս՝ եւ ասէ։

Verse: 19   Link to sept   ա́յսպէս ասէ տ(է)ր ամենակալ. Պահքն չորրորդք՝ եւ պահքն հինգերորդք. պահքն եւթներորդք՝ եւ պահքն տասներորդք՝ եղիցին տանդ յուդայ ՛ի խնդու(թ)ի(ւն) եւ յուրախութի(ւն) եւ ՛ի տօնս բարութե(ան)ց. եւ ուրախ լիջիք, եւ ճշմարտութի(ւն) եւ զխաղաղութի(ւն) սիրեցէ́ք։

Verse: 20   Link to sept   Ա́յսպէս ասէ տ(է)ր ամենակալ. դարձեալ եկեսցեն ժողովուրդք բազումք, եւ բնակիչք քաղաքաց բազմաց։

Verse: 21   Link to sept   եւ ժողովեսցին բնակիչք միոյ ՛ի միւս քաղաք, եւ ասասցեն երթիցո́ւք աղաչել զերեսս տ(եառ)ն, եւ խնդրել զերեսս ա(ստուծո)յ ամենակալի՝ երթա́յց եւ ես։

Verse: 22   Link to sept   եւ եկեսցեն ժողովուրդք բազումք խնդրե́լ զերեսս տ(եառ)ն ամենակալի յե(րուսաղէ)մ.եւ հաշտեցուցանել զերեսս տ(եառ)ն։

Verse: 23   Link to sept   Ա́յսպէս ասէ տ(է)ր ամենակալ՝ յաւուրսն այնոսիկ, եթէ բո́ւռն հարկանիցեն արք տասն յա(մենայ)ն լեզուաց ազգաց, բո́ւռն հարկանիցեն զդրօշակէ առն հրէի եւ ասասցեն, երթիցո́ւք մեք ընդ քեզ, զի լուաք թէ ա(ստուա)ծ ընդ քե́զ է։



Chapter: 9  
ԳԼ(ՈՒԽ) Թ՜.


Section: 8 

Verse: 1   Link to sept   Առած բանի տ(եառ)ն յերկի́ր սեդրաք, եւ ՛ի դամասկոս զո́հ ն(ո)ր(ա)։ զի տ(է)ր տեսանէ զմարդիկ՝ եւ զա(մենայ)ն ազգս ի(սրայէ)լի։

Verse: 2   Link to sept   Եւ յեմաթ ՛ի սահմանս ն(ո)ր(ա). տիւրո́ս եւ սիդոն՝ զի արհամարհեցին յոյժ։

Verse: 3   Link to sept   եւ շինեաց տիւրոս ամուրս իւր. եւ գանձեաց զարծաթ իբրեւ զհող, եւ զոսկի իբրեւ կաւ ճանապարհաց։

Verse: 4   Link to sept   վ(ա)ս(ն) այնորիկ տ(է)ր ժառանգեսցէ զնա, եւ ամասցէ ՛ի ծով զզօրու(թ)ի(ւն) ն(ո)ր(ա). եւ նա հրո́վ ծախեսցի։

Verse: 5   Link to sept   Տեսցէ ասկաղոն եւ երկնիցէ́. եւ գազա՝ մորմոքեսցի յոյժ. եւ ակկարոն՝ զի յամօթ եղեւ ՛ի վ(ե)ր(այ) յանցանաց իւրոց. եւ կորիցէ թագաւոր ՛ի գազայ։ եւ ակկարոն մի́ բնակեսցէ։

Verse: 6   Link to sept   Եւ բնակեսցեն այլազգիք յազովտոս։ եւ քակեցից զհպարտութի(ւն) այլազգեաց.

Verse: 7   Link to sept   եւ բարձից զարիւն ն(ո)ց(ա) ՛ի բերանոյ ն(ո)ց(ա), եւ զգարշելիս ն(ո)ց(ա) ՛ի միջոյ ատամանց ն(ո)ց(ա). եւ մնասցեն եւ նոքա ա(ստուծո)յ մերում. եւ եղիցին իբրեւ զհազարապետս ՛ի մէջ յուդայ. եւ ակկարոն իբրեւ զեբուսացին։

Verse: 8   Link to sept   Եւ կացուցից տա́ն իմոյ պաշտպան՝ առ ՛ի չանցնելոյ եւ չդառնալոյ. եւ մի́ եւս եկեսցէ ՛ի վ(ե)ր(այ) ն(ո)ց(ա) որ հալածեսցէ զն(ո)ս(ա)։ զի այժմ տեսի́ աչօք իմովք։
Section: 9 

Verse: 9   Link to sept   Ուրա́խ լեր յոյժ դուստր սիոնի, քարոզեա́ դուստր ե(րուսաղէ)մի. ահա թագաւոր քո գա́յ առ քեզ, արդար եւ փրկիչ, նոյն հեղ՝ եւ հեծեալ ՛ի վ(ե)ր(այ) իշոյ՝ եւ յովանակի նորոյ։

Verse: 10   Link to sept   եւ սատակեսցէ զկառս յեփրեմայ, եւ զերիվարս յե(րուսաղէ)մէ. եւ խորտակեսցի աղեղն պատերազմօղ. եւ բազմու(թ)ի(ւն) եւ խաղաղու(թ)ի(ւն) յազգաց. եւ տիրեսցէ ջրոց ՛ի ծովէ մինչեւ ՛ի ծով, եւ ՛ի գետոց մինչեւ ՛ի ծագս երկրի։

Verse: 11   Link to sept   Եւ դու արեամբ ուխտի քոյ արձակեցեր զկապեալս քո յանջրդի գբոյ։

Verse: 12   Link to sept   եւ նստջիք յամուրս կապեալք ժողովրդեանդ. եւ փոխանակ միոյ աւուր պանդխտութե(ան) քոյ կրկին հատուցից քեզ։

Verse: 13   Link to sept   Զի լարեցից զքեզ ինձ յուդայ իբրեւ զաղեղն։ լցի́ եւ զեփրեմ։ եւ զարթուցի́ց զորդիս քո սիոն ՛ի վ(ե)ր(այ) որդւոցն յունաց։ եւ շօշափեցից զքեզ իբրեւ զսուսեր պողովատիկ պատերազմողի։

Verse: 14   Link to sept   Եւ տ(է)ր եղիցի վերակացո́ւ ն(ո)ց(ա). եւ ելցէ իբրեւ զփայլակն նետ ն(ո)ր(ա). եւ տ(է)ր տ(է)ր ամենակալ փո́ղ հարցէ, եւ գնասցէ́ շարժմամբ սպառնալեաց իւրոց.

Verse: 15   Link to sept   տ(է)ր ամենակալ պաշտպանեսցէ ն(ո)ց(ա)։ Եւ սպառնեսցեն զն(ո)ս(ա), եւ թաղեսցեն զնոսա քարամբք պարսաքարաց. եւ արբցեն զարիւն ն(ո)ց(ա) իբրեւ զգինի, եւ լցցեն զտաշտս իբրեւ զսեղանն։

Verse: 16   Link to sept   եւ փրկեսցէ զն(ո)ս(ա) տ(է)ր ա(ստուա)ծ ն(ո)ց(ա) յաւուր յայնմիկ՝ իբրեւ զոչխարս զժողովուրդ իւր։ Զի քարինք սուրբք թաւալին յերկրի ն(ո)ր(ա)։

Verse: 17   Link to sept   զի որինչ բարին իցէ՝ նորա է, եւ որինչ լա́ւն նորի́ն. ցորեա́ն երիտասարդաց, եւ գինի անուշարա́ր կուսից։



Chapter: 10  
ԳԼ(ՈՒԽ) Ժ՜.


Verse: 1   Link to sept   Խնդրեցէ́ք ՛ի տ(եառն)է անձրեւ ըս(տ) ժամանակաց՝ զկանո́ւխ եւ զանագան. տ(է)ր արար զզարմանալիս, եւ զանձրեւ ձմերայնոյ տացէ ն(ո)ց(ա) իւրաքանչիւր խո́տ յանդի։

Verse: 2   Link to sept   Զի հարցո́ւկք բարբառեցան աշխատութի(ւն)ս, եւ ըղձապատումք տեսիլս սո́ւտս եւ երա́զս սուտս խօսէին. եւ ՛ի զո́ւր մխիթարէին. վ(ա)ս(ն) այնորիկ ցամաքեցան իբրեւ խաշինք. եւ չարագանեցա́ն. զի ո́չ գոյր բժշկութի(ւն)։

Verse: 3   Link to sept   ՛Ի վ(ե)ր(այ) հովուաց բարկացա́ւ սրտմտու(թ)ի(ւն) իմ, եւ ՛ի վ(ե)ր(այ) գառանց այցելութի(ւն) արարից։ եւ ա́յց արասցէ տ(է)ր ա(ստուա)ծ ամենակալ խաշին իւրոյ տա́նն յուդայ. եւ յարդարեսցէ զն(ո)ս(ա) ի́ւր իբրեւ զերիվար գեղեցիկ պատերազմի։

Verse: 4   Link to sept   Եւ ՛ի նմանէ գիտեաց, եւ ՛ի նմանէ յարդարեաց, եւ ՛ի նմանէ աղեղն իւր բարձրութ(եամ)բ. եւ ՛ի նմանէ́ ելցէ ա(մենայ)ն որ հալածիցէ ՛ի նոյն։

Verse: 5   Link to sept   եւ եղիցին իբրեւ զպատերազմօղք՝ որ կոխիցեն զկաւ ՛ի ճանապարհս պատերազմի. եւ ճակատեսցին, զի տ(է)ր ը(նդ) ն(ո)ս(ա) է։ Եւ ամաչեսցեն հեծեալք յերիվարս։

Verse: 6   Link to sept   եւ զօրացուցից զտունն յուդայ, եւ զտունն յովսեփայ ապրեցուցից, եւ բնակեցուցի́ց զն(ո)ս(ա) զի սիրեցի զն(ո)ս(ա). եւ եղիցին ո(ր)պ(էս) թէ չիցեմ դարձեալ ՛ի ն(ո)ց(ա)է. զի ե́ս եմ տ(է)ր ա(ստուա)ծ ն(ո)ց(ա), եւ լուայց ն(ո)ց(ա)։

Verse: 7   Link to sept   եւ եղիցին իբրեւ զպատերազմօղսն եփրեմի, եւ խնդասցէ սիրտ ն(ո)ց(ա) իբրեւ ՛ի գինւոյ. եւ որդիք նոցա տեսցեն եւ ուրա́խ լիցին, եւ ցնծասցեն սիրտք ն(ո)ց(ա) ՛ի տ(է)ր։

Verse: 8   Link to sept   Ա́զդ արարից ն(ո)ց(ա)՝ եւ ընկալա́յց զն(ո)ս(ա), զի ապրեցուցից զն(ո)ս(ա)՝ եւ բազմասցին ո(ր)պ(էս) էին բազումք։

Verse: 9   Link to sept   եւ սերմանեցից զն(ո)ս(ա) ընդ ազգս. եւ որ հեռաւորքն իցեն՝ յիշեսցեն զիս։ Սնուսցեն զորդիս իւրեանց եւ դարձցին։

Verse: 10   Link to sept   եւ դարձուցից զն(ո)ս(ա) յերկրէն եգիպտացւոց, եւ յասորեստանեա́յց ընկալայց զն(ո)ս(ա), եւ ՛ի գաղաադ եւ ՛ի լիբանան մուծից զն(ո)ս(ա)։ եւ ո́չ պակասեսցէ ՛ի ն(ո)ց(ա)նէ՝ եւ ո́չ մի։

Verse: 11   Link to sept   Եւ անցցեն ընդ ծովն անձուկ, եւ հարցեն զալիս ծովուն. եւ ցամաքեսցին ա(մենայ)ն խորք գետոց. եւ բարձցի́ ա(մենայ)ն հպարտու(թ)ի(ւն) ասորեստանեայց, եւ իշխանութի(ւն) եգիպտացւոց քակեսցի։ եւ զօրացուցից զն(ո)ս(ա) ՛ի տ(է)ր ա(ստուա)ծ ն(ո)ց(ա). եւ յանուն ն(ո)ր(ա) պարծեսցին՝ ասէ տ(է)ր։



Chapter: 11  
ԳԼ(ՈՒԽ) Ժ՜Ա.


Verse: 1   Link to sept   Բա́ց զդրունս քո լիբանան, եւ կերիցէ́ հուր զմայրս քո։

Verse: 2   Link to sept   Ողբասցե́ն սարոյք՝ զի մա́յրք գլորեցան, զի մեծապէ́ս մեծամեծք չուառացան։ ողբացէ́ք կաղնիք բասանու, զի քակեցաւ անտառն տնկախիտ։

Verse: 3   Link to sept   Ձա́յն ողբալոյ հովուաց, զի թշուառացաւ մեծու(թ)ի(ւն) ն(ո)ց(ա). ձա́յն գոչելոյ առիւծուց, զի թշուառացա́ւ բարձրու(թ)ի(ւն) յորդանանու։
Section: 10 

Verse: 4   Link to sept   Ա́յսպէս ասէ տ(է)ր ամենակալ. արածեա́ զխաշինս կոտորածի,

Verse: 5   Link to sept   զոր ստացօղքն կոտորէին. եւ վաճառէին զն(ո)ս(ա)՝ եւ ասէին. օրհնեա́լ տ(է)ր՝ եւ մեծացաք. եւ հովուաց ն(ո)ց(ա) ո́չինչ ցաւէր վ(ա)ս(ն) ն(ո)ց(ա)։

Verse: 6   Link to sept   Վ(ա)ս(ն) այնորիկ ո́չ եւս խնայեցից ՛ի վ(ե)ր(այ) բնակչաց երկրիդ՝ ասէ տ(է)ր։ եւ ահաւադիկ ես մատնեցից զմարդիկ իւրաքանչիւր ՛ի ձեռս ընկերի իւրոյ, եւ ՛ի ձեռս թագաւորի իւրոյ՝ եւ հարցեն, եւ ո́չ փրկեցից ՛ի ձեռաց ն(ո)ց(ա)։

Verse: 7   Link to sept   եւ հովուեցից խաշինն կոտորելոյ յերկրին քանանացւոց։ Եւ առի́ց ինձ երկուս գաւազանս. զմին՝ կոչեցից գեղեցկու(թ)ի(ւն), եւ զերկրորդն՝ կոչեցից վիճակ։ եւ արածեցից զխաշինսն.

Verse: 8   Link to sept   եւ բարձից զերիս հովիւսն ՛ի միում ամսեան. եւ ծանրասցի անձն իմ ՛ի վերայ ն(ո)ց(ա), քանզի եւ անձինք ն(ո)ց(ա) գոչէին ՛ի վերայ իմ։

Verse: 9   Link to sept   Եւ ասեմ ո́չ հովուեցից ձեզ. որ մեռանելոցն է՝ մեռցի́, եւ որ սատակելոցն է՝ սատակեսցի́. եւ մնացեալքն կերիցեն իւրաքանչիւր զմարմինս ընկերի իւրոյ։

Verse: 10   Link to sept   Եւ առից զգաւազանն իմ զգեղեցիկ, եւ ընկեցի զնա՝ ցրել զուխտ իմ զոր եդի առ ամենայն ժողովուրդս.

Verse: 11   Link to sept   եւ ցրուեսցի յաւուր յայնմիկ։ Եւ ծանիցեն քանանացիքն զխաշինս պահեստի իմոյ. զի բա́ն տ(եառ)ն է։

Verse: 12   Link to sept   եւ ասացի ցն(ո)ս(ա), թէ բարւոք թուի յաչս ձեր՝ տո́ւք զվարձս իմ. ապա թէ ոչ՝ զրո́յց արարէք։

Verse: 13   Link to sept   Եւ կշռեցին զվարձս իմ երեսուն արծաթի։ եւ ասէ ցիս տ(է)ր, ա́րկ դու զայդ ՛ի բովս, եւ քննեա́ թէ փորձ իցէ, ո(ր)պ(էս) եւ ես գտայ փորձ վ(ա)ս(ն) ն(ո)ց(ա)։ եւ առի́ զերեսուն արծաթին, եւ արկի ՛ի տուն տ(եառ)ն ՛ի բովս։

Verse: 14   Link to sept   Եւ ընկեցի զգաւազանն երկրորդ՝ զվիճակն, ցրել զուխտ իմ ՛ի մէջ յուդայ եւ ՛ի մէջ ի(սրայէ)լի։
Section: 11 

Verse: 15   Link to sept   Եւ ասէ ցիս տ(է)ր դարձեալ։ ա́ռ դու քեզ գործի́ հովու(թ)ե(ան) հովուի́ տգիտի։

Verse: 16   Link to sept   զի ահաւասիկ ես յարուցանեմ հովիւ տգէ́տ ՛ի վ(ե)ր(այ) երկրի. զվտտեալն ո́չ յանձանձիցէ, եւ զցրուեալն ո́չ խնդրիցէ, եւ զբեկեալն ո́չ բժշկեսցէ, եւ զողջն ո́չ դարմանեսցէ. եւ զմիս ընտրանացն կերիցէ, եւ զոտս ն(ո)ց(ա) փշրեսցէ։

Verse: 17   Link to sept   Ո́վ տարապա́րտ արօտք՝ որ ընդ վայր հարէք զխաշինս։ սո́ւր ՛ի բազուկ ն(ո)ր(ա)՝ եւ յա́կն իւր աջոյ. բազուկ ն(ո)ր(ա) գօսանելո́վ գօսասցի, եւ ակն իւր աջոյ՝ կուրանալո́վ կուրասցի։



Chapter: 12  
ԳԼ(ՈՒԽ) Ժ՜Բ.


Section: 12 

Verse: 1   Link to sept   Առած բանի տ՝ն ՛ի վ(ե)ր(այ) ի(սրայէ)լի։ Ասէ տ(է)ր որ ձգեաց զերկինս՝ եւ արկ հիմունս երկրի. եւ հաստատէ զոգի մարդոյ ՛ի նմա։

Verse: 2   Link to sept   Ահաւասիկ ես դնեմ զե(րուսաղէ)մ իբրեւ զսեամս շարժունս ամ(ենայն) ժողովրդոց որ շուրջ զնովաւ իցեն, եւ ՛ի հրէաստանի եղիցի պաշարումն ե(րուսաղէ)մի։

Verse: 3   Link to sept   Եւ եղիցի յաւուր յաւուր յայնմիկ՝ եդից զե(րուսաղէ)մ իբրեւ զքար մի կոխան ա(մենայ)ն հեթանոսաց. ա(մենայ)ն որ կոխիցէ զնա կատակելո́վ կատակեսցէ, եւ ժողովեսցին ՛ի վ(ե)ր(այ) նորա ա(մենայ)ն ազգք երկրի։

Verse: 4   Link to sept   Յաւուր յայնմիկ ասէ տ(է)ր ամենակալ, հարից զա(մենայ)ն երիվարս տագնապաւ, եւ զհեծեալս ն(ո)ր(ա) յիմարու(թեամ)բ. եւ ՛ի վ(ե)ր(այ) տանն յուդայ բացից զաչս իմ, եւ զա(մենայ)ն երիվարս ազգաց հարի́ց կուրու(թեամ)բ։

Verse: 5   Link to sept   եւ ասասցեն հազարապետք յուդայ ՛ի սիրտս իւրեանց. գտցուք մեք զբնակիչս ե(րուսաղէ)մի ՛ի ձեռն տ(եառ)ն ամենակալի ա(ստուծո)յ ն(ո)ց(ա)։

Verse: 6   Link to sept   Յաւուր յայնմիկ եդից զհազարապետսն յուդայ իբրեւ զխանձողս հրոյ ՛ի մէջ փայտից, եւ իբրեւ զլամպարս հրոյ ՛ի մէջ եղեգան, եւ կերիցեն յաջմէ եւ յահեկէ զա(մենայ)ն ժողովուրդս շուրջանակի։ եւ դարձեալ բնակեսցէ ե(րուսաղ)էմ առանձինն յե(րուսաղ)էմ։

Verse: 7   Link to sept   եւ ապրեցուսցէ տ(է)ր զյարկսն յուդայ որ իսկզբանէն. զի մի́ մեծաբանեսցեն պարծանք տանն դաւթի, եւ հպարտու(թ)ի(ւն) բնակչաց ե(րուսաղէ)մի ՛ի վ(ե)ր(այ) տանն յուդայ։

Verse: 8   Link to sept   Եւ եղիցի յաւուր յայնմիկ պաշտպանեսցէ տ(է)ր ա(մենայ)ն բնակչաց ե(րուսաղէ)մի։ եւ եղիցի որ տկարն իցէ յաւուր յայնմիկ՝ իբրեւ զդաւիթ. եւ տունն դաւթի՝ իբրեւ զտունն ա(ստուծո)յ, իբրեւ զհրեշտակ տ(եառ)ն առաջի ն(ո)ց(ա)։

Verse: 9   Link to sept   Եւ եղիցի յաւուր յայնմիկ խնդրեցից բառնա́լ զա(մենայ)ն ազգս եկեալս ՛ի վ(ե)ր(այ) ե(րուսաղէ)մի։

Verse: 10   Link to sept   եւ հեղից ՛ի վ(ե)ր(այ) տանն դաւթի՝ եւ ՛ի վ(ե)ր(այ) բնակչաց ե(րուսաղէ)մի հոգի շնորհաց եւ գթութե(ան)։ Եւ հայեսցին առիս փոխանակ կաքաւելոյն. եւ կոծեսցին ՛ի վ(ե)ր(այ) ն(ո)ր(ա) կո́ծ իբրեւ ՛ի վ(ե)ր(այ) սիրելւոյ. եւ աշխարեսցեն աշխա́ր իբրեւ ՛ի վերայ անդրանկան։

Verse: 11   Link to sept   Յաւուր յայնմիկ սաստկասցի́ կոծ յե(րուսաղէ)մ. իբրեւ զկոծ նռնենեաց կոտորելոց ՛ի դաշտի։

Verse: 12   Link to sept   եւ կոծեսցի երկիր ըստ ազգս ազգաց առանձինն։

Verse: 13   Link to sept   Ա́զգ տանն դաւթի առանձինն, եւ կանա́յք ն(ո)ց(ա) առանձինն. ազգ տանն նաթանայ առանձինն, եւ կանայք ն(ո)ց(ա) առանձինն. ազգ տանն ղեւեայ առանձինն, եւ կանայք ն(ո)ց(ա) առանձինն. ազգ տանն շմաւոնի առանձինն, եւ կանայք ն(ո)ց(ա) առանձինն։

Verse: 14   Link to sept   Ամենայն ազգք մնացեալք առանձինն, եւ կանա́յք ն(ո)ց(ա) առանձինն։



Chapter: 13  
ԳԼ(ՈՒԽ) Ժ՜Գ.


Verse: 1   Link to sept   Յաւո́ւր յայնմիկ եղիցի ա(մենայ)ն տեղի բացեալ տանն դաւթի՝ ՛ի փոփոխումն եւ ՛ի սրսկումն։

Verse: 2   Link to sept   Եւ եղիցի յաւուր յայնմիկ բարձցէ́ տ(է)ր զանուանս կռոց յերկրէ. եւ ո́չ եւս եղիցի յիշատակ ն(ո)ց(ա). եւ զսուտ մարգարէսն՝ եւ զա́յսս պիղծս բարձի́ց յերկրէ։

Verse: 3   Link to sept   Եւ եղիցի թէ մարգարէանայցէ ոք տակաւին, եւ ասասցեն ցնա հայր եւ մայր իւր որ ծնան զնա, մի́ կեցջիր՝ զի սո́ւտ խօսեցար յանուն տ(եառ)ն. եւ խափանեսցեն զնա հայր եւ մայր ն(ո)ր(ա) որ ծնան զնա՝ ՛ի մարգարէանալոյն։

Verse: 4   Link to sept   Եւ եղիցի յաւուր յայնմիկ ամաչեսցեն մարգարէքն յիւրաքանչիւր տեսլենէ ՛ի մարգարէանալն իւրեանց, եւ զգեցցին փեզկս մազեղէնս՝ փոխանակ զի ստեցին։

Verse: 5   Link to sept   Եւ ասասցէ. չե́մ ես մարգարէ՝ այլ այր հողագո́րծ եմ, եւ մա́րդ ծնաւ զիս ՛ի մանկութ(են)է իմմէ։

Verse: 6   Link to sept   Եւ ասացի ցնա. զի՞նչ են վէրքդ այդոքիկ ՛ի մէջ ձեռաց քոց. եւ ասասցէ, զորս վիրաւորեցայ ՛ի տան սիրելւոյ իմոյ։
Section: 13 

Verse: 7   Link to sept   Զարթի́ր սուր ՛ի վերայ հովուի իմոյ, եւ ՛ի վ(ե)ր(այ) առն ընկերի ն(ո)ր(ա), ասէ տ(է)ր ամենակալ. հարի́ց զհովիւն եւ ցրուեսցին խաշինքն. եւ դարձուցից զձեռն իմ ՛ի վ(ե)ր(այ) հովուաց։

Verse: 8   Link to sept   Եւ եղիցի յաւուր յայնմիկ՝ ասէ տ(է)ր, երկո́ւ մասունք ՛ի նմա սատակեսցին եւ պակասեսցին. եւ երրո́դն մնասցէ ՛ի նմա։

Verse: 9   Link to sept   Եւ անցուցից զերրորդ մասն ընդ հուր, եւ ջեռուցից զն(ո)ս(ա) ո(ր)պ(էս) ջեռնու արծաթ. եւ փորձեցից զն(ո)ս(ա) ո(ր)պ(էս) փորձի ոսկի։ նա կարդասցէ́ զանուն իմ, եւ ես լուայց նմա. եւ ասացից՝ ժողովո́ւրդ իմ է սա. եւ նա ասասցէ՝ տ(է)ր ա(ստուա)ծ իմ ես դու։



Chapter: 14  
ԳԼ(ՈՒԽ) Ժ՜Դ.


Verse: 1   Link to sept   Ահա աւուրք տ(եառ)ն եկեսցեն. եւ բաԺանեսցի աւարն քո ՛ի քեզ։

Verse: 2   Link to sept   եւ ժողովեսցէ զա(մենայ)ն ազգս ՛ի վ(ե)ր(այ) ե(րուսաղէ)մի ՛ի պատերազմ. եւ առցի́ քաղաքն, եւ յափշտակեսցին տունք, եւ պղծեսցին կանայք, եւ ելցէ կէ́ս քաղաքին ՛ի գերութի(ւն). եւ մնացորդք ժողովրդեան իմոյ մի́ սատակեսցին ՛ի քաղաքէ անտի։

Verse: 3   Link to sept   Եւ ելցէ տ(է)ր՝ եւ տացէ պատերազմ ընդ ազգսն ընդ այնոսիկ, իբրեւ յաւուր ճակատու իւրոյ յաւուր պատերազմի։

Verse: 4   Link to sept   Եւ կացցեն ո́տք ն(ո)ր(ա) յաւուր յայնմիկ ՛ի վ(ե)ր(այ) լերինն ձիթենեաց՝ հանդէպ ե(րուսաղէ)մի յարեւելից. եւ պատառեսցի́ լեառնն ձիթենեաց, կէսն ն(ո)ր(ա) յարեւելս, եւ կէսն ն(ո)ր(ա) ՛ի ծով, վիհ մե́ծ յոյժ. եւ խոնարհեսցի կէս լերինն առ հիւսւսի, եւ կէս ն(ո)ր(ա) առ հարաւ։

Verse: 5   Link to sept   եւ կցեսցի́ ձոր լերանց իմոց մինչեւ ցասայէլ. եւ խցցի զոր օրինակ խցաւ յերեսաց շարժմանն՝ յաւուրս ոզիայ արքայի յուդայ։
Section: 14 

Verse: 6   Link to sept   Եւ եկեսցէ հասցէ տ(է)ր ա(ստուա)ծ իմ եւ ա(մենայ)ն սուրբք ընդ նմա։

Verse: 7   Link to sept   եւ եղիցի յաւուր յայնմիկ՝ ո́չ եղիցի լոյս. եւ ցուրտ եւ պարզ՝

Verse: 8   Link to sept   եղիցի օր մի. եւ օրն այն յայտնի տ(եառ)ն, ո́չ տիւ իցէ՝ եւ ո́չ գիշեր, եւ ընդ երեկս եղիցի լոյս։

Verse: 9   Link to sept   Յաւուր յայնմիկ բղխեսցէ ջուր կենդանի յե(րուսաղէ)մ, կէս ն(ո)ր(ա) ՛ի ծո́վն առաջին, եւ կէս ն(ո)ր(ա) ՛ի ծո́վն որ յետոյ. զամա́ռն եւ զգարուն նոյնպէս եղիցի։

Verse: 10   Link to sept   եւ եղիցի տ(է)ր թագաւոր ՛ի վ(ե)ր(այ) ա(մենայ)ն երկրի։ Յաւուր յայնմիկ եղիցի տ(է)ր մի՝ եւ անուն ն(ո)ր(ա) մի,

Verse: 11   Link to sept   պատել զա(մենայ)ն երկիր, զանապատն՝ ՛ի գաբայ մինչեւ ցռեմոն ընդ կողմն հարաւոյ ե(րուսաղէ)մի։ եւ հռամ ՛ի տեղւո́ջ իւրում կացցէ. ՛ի դրանէն բենիամինի մինչեւ ՛ի տեղի դրանն առաջնոյ. մինչեւ ՛ի դո́ւռն անկեանցն, մինչեւ ցաշտարակն անամայելի, մինչեւ ՛ի հնծանս թագաւորին։

Verse: 12   Link to sept   եւ բնակեսցեն ՛ի նմա, եւ նզովք ո́չ եւս լիցին. եւ բնակեսցէ ե(րուսաղ)էմ յուսով։

Verse: 13   Link to sept   Եւ ա́յս իցեն հարուածք զոր հարցէ տ(է)ր զազգս ա(մենայ)ն որ զօրաժողո́վ եղեն ՛ի վ(ե)ր(այ) ե(րուսաղէ)մի։ հալեսցին մարմինք ն(ո)ց(ա) մինչդեռ կայցեն ՛ի վ(ե)ր(այ) ոտից իւրեանց. եւ ծորեսցին աչք ն(ո)ր(ա) ՛ի կապճաց իւրեանց, եւ լեզուք ն(ո)ց(ա) հալեսցին ՛ի բերանս իւրեանց։

Verse: 14   Link to sept   Եւ եղիցի յաւուր յայնմիկ ահ մե́ծ ՛ի տ(եառն)է ՛ի վ(ե)ր(այ) ն(ո)ց(ա). եւ բո́ւռն հարկանիցեն իւրաքանչիւր զձեռանէ ընկերի իւրոյ, եւ խառնեսցէ զձեռն իւր ընդ ձեռն ընկերի իւրոյ։

Verse: 15   Link to sept   եւ յուդայ ճակատեսցի յե(րուսաղէ)մ. եւ ժողովեսցէ զզօրութի(ւն) ա(մենայ)ն ազգաց շուրջանակի. ոսկի եւ արծաթ՝ եւ հանդերձ բազում յոյժ։

Verse: 16   Link to sept   Եւ ա́յս իցեն հառուածք՝ ձիոց եւ ջորւոց՝ եւ ուղտուց եւ իշուց, եւ ա(մենայ)ն անասնոյ որ իցեն ՛ի բանակսն յայնոսիկ ըս(տ) նմին հարուածոց։

Verse: 17   Link to sept   Եւ եղիցին որ միանգամ մնասցեն յա(մենայ)ն ազգաց եկելոցն ՛ի վ(ե)ր(այ) ե(րուսաղէ)մի, ելանիցեն ամ յամէ երկի́ր պագանել թագաւորին տ(եառ)ն ա(ստուծո)յ ամենակալի, եւ առնել զտօն տաղաւարահարացն։

Verse: 18   Link to sept   Եւ եղիցի որ միանգամ ո́չ ելանիցեն յա(մենայ)ն ազգաց երկրի յե(րուսաղէ)մ, երկի́ր պագանել թագաւորին տ(եառ)ն ա(ստուծո)յ ամենակալի, եւ սոքա ՛ի ն(ո)ս(ա) յաւելցին։

Verse: 19   Link to sept   Եւ եթէ ազգն եգիպտացւոց ո́չ ելանիցէ եւ գայցէ, եւ ՛ի վ(ե)ր(այ) ն՝ց եղիցին հարուածքն, զոր հարցէ տ(է)ր զա(մենայ)ն ազգսն որ ոչ ելանիցեն առնել զտօն տաղաւարահարացն։

Verse: 20   Link to sept   նո́յն եղիցի ՛ի մեղս եգիպտացւոցն, եւ ՛ի մե́ղս ա(մենայ)ն ազգաց, որ ո́չ ելանիցէ առնել զտօն տաղաւարահարացն։

Verse: 21   Link to sept   Յաւուր յայնմիկ որ ՛ի սանձս ձիոյն՝ իցէ սրբութի(ւն) տ(եառ)ն։

Verse: 22   Link to sept   Եւ եղիցին սանք ՛ի տան տ(եառ)ն՝ իբրեւ զտաչտս առաջի սեղանոյն։

Verse: 23   Link to sept   եւ եղիցի ա(մենայ)ն սան որ յե(րուսաղէ)մ եւ որ ՛ի յուդայ՝ նուիրեալ տ(եառ)ն ամենակալի։ Եւ եկեսցեն ամենեքեան որ մատուցանիցեն պատարագ՝ առնուցո́ւն ՛ի ն(ո)ց(ա)է եւ եփեսցեն նոքօք. եւ ո́չ եւս եղիցի քանանացի ՛ի տան տ(եառ)ն ամենակալի յաւուր յայնմիկ։
Section:  




Book: Mal. 
ՄԱՐԳԱՐԷՈՒԹԻՒՆ
ՄԱՂԱՔԻԱՅ



Chapter: 1 
ԳԼ(ՈՒԽ) Ա՜.


Verse: 1  Link to sept Առած բանի տ(եառ)ն ՛ի վ(ե)ր(այ) ի(սրայէ)լի ՛ի ձեռն հրեշտակի իւրոյ։


Section: 1 
   ԴԻ́Ք ՛Ի ՍԻՐՏՍ ՁԵՐ։

Verse: 2   Link to sept   սիրեցի́ զձեզ ասէ տ(է)ր։ ասացէք՝ ի՞ւ սիրեցեր զմեզ։ Ո՞չ եղբայր էր եսաւ յակոբու՝ ասէ տ(է)ր. եւ սիրեցի զյակոբ.

Verse: 3   Link to sept   եւ զեսաւ՝ ատեցի, եւ կարգեցի զսահմանս ն(ո)ր(ա) յապականու(թ)ի(ւն), եւ զժառանգութի(ւն) ն(ո)ր(ա) ՛ի դաշտ անապատի։

Verse: 4   Link to sept   Զի թէ ասիցէ եդոմ, թէ ահա կործանեցաւ՝ դարձցո́ւք եւ շինեսցուք զքաղաքս աւերեալս. ա́յսպէս ասէ տ(է)ր ամենակալ. նոքա շինեսցեն, եւ ես կործանեցի́ց. եւ կոչեսցին նոքա սահմանք անօրէնութե(ան). եւ ժողովուրդ ընդ որում տացէ պատերազմ տ(է)ր մինչեւ ցյաւիտեան։

Verse: 5   Link to sept   եւ աչք ձեր տեսցեն. եւ դուք իսկ ասասջիք եթէ բարձրացա́ւ տ(է)ր ՛ի վ(ե)ր(այ) սահմանաց ի(սրայէ)լի։

Verse: 6   Link to sept   Որդի փառաւո́ր առնէ զհայր, եւ ծառայ երկնչի́ ՛ի տ(եառ)նէ իւրմէ. իսկարդ՝ եթէ հա́յր եմ ես՝ ո՞ւր է փառքն իմ. եւ եթէ տ(է)ր եմ, ո՞ւր է պատիւն իմ, ասէ տ(է)ր ամենակալ։ Դուք քահանայք որ բամբասէք զանուն իմ, եւ ասէք՝ ի՞ւ բամբասեցաք զանուն քո։

Verse: 7   Link to sept   զի մատուցանէք ՛ի սեղան իմ հա́ց պղծութե(ան). եւ ասացէք, ի՞ւ պղծեցաք զն(ո)ս(ա)։ յասելն ձեր թէ սեղան տ(եառ)ն արհամարհեալ է, եւ զորինչ դնի ՛ի վ(ե)ր(այ) ն(ո)ր(ա)։

Verse: 8   Link to sept   Զի թէ մատուցանիցէք զկոյրն ՛ի պատարագ՝ չիցէ՞ չար. եւ եթէ մատուցանիցէք զկաղն կամ զհիւանդոտն՝ չիցէ՞ չար։ աղէ՝ մատո́ զնա իշխանին քում, թէ ընդունիցի՞ զքեզ, կամ թէ առնուցո՞ւ քեզ ակն, ասէ տ(է)ր ամենակալ։

Verse: 9   Link to sept   Եւ այժմ աղաչեցէ́ք զերեսս ա(ստուծո)յ ձերոյ՝ եւ հաշտեցուցէ́ք զնա. ՛ի ձեռաց ձեռոց եղեւ այդ։ եթէ առի՞ց ինչ ՛ի ձէնջ ակնառութ(եամ)բ, ասէ տ(է)ր ամենակալ։

Verse: 10   Link to sept   Զի եւ ձեզ դրունք փակեսցին, եւ մի́ մերձենայք ՛ի սեղան իմվայրապար։ զի ո́չ են կամք իմ ՛ի ձեզ՝ ասէ տ(է)ր ամենակալ. եւ զպատարագս ո́չ ընկալայց ՛ի ձեռաց ձերոց։

Verse: 11   Link to sept   Զի յարեւելից մինչեւ ՛ի մուտս արեւու փառաւորեա́լ է անուն իմ ՛ի մէջ ազգաց. եւ յա(մենայ)ն տեղիս մատչին խունկք անուան իմոյ, եւ պատարագ ս(ուր)բ. զի մե́ծ է անուն իմ ՛ի հեթանոսս՝ ասէ տ(է)ր ամենակալ։

Verse: 12   Link to sept   Եւ դուք պղծեցէք զնա՝ յասելն ձեր՝ թէ սեղան տ(եառ)ն պի́ղծ է, եւ կերակուրն որ դնի ՛ի վ(ե)ր(այ) ն(ո)ր(ա)՝ արհամարհեալ է.

Verse: 13   Link to sept   եւ ասէիք թէ այն յաշխատութ(են)է́ է։ եւ փչեցի́ց զայն արտաքս՝ ասէ տ(է)ր ամենակալ։ Եւ եթէ մատուցանիցէք ինձ յափշտակեալն՝ եւ զկաղն՝ եւ զվտիտս պատարագ, եթէ ընկալա՞յց զն(ո)ս(ա) ՛ի ձեռաց ձերոց՝ ասէ տ(է)ր ամենակալ։

Verse: 14   Link to sept   Անիծեա́լ լիցի մարդն որ կարօղ իցէ, եւ կայցէ ՛ի խաշին ն(ո)ր(ա) ո́րձ. եւ ուխտ իւր յանձին իւրում. եւ մատուցանիցէ տ(եառ)ն զարատաւորն. զի թագաւոր յաղթօղ եմ ես՝ ասէ տ(է)ր ամենակալ. եւ անուն իմ երեւելի́ ՛ի մէջ ազգաց։



Chapter: 2  
ԳԼ(ՈՒԽ) Բ՜.


Verse: 1   Link to sept   Եւ արդ՝ ա́յս պատուէր է իմ առ ձեզ քահանայքդ։

Verse: 2   Link to sept   եթէ ո́չ լսիցէք՝ եւ ո́չ դնիցէք ՛ի սրտի ձերում, տալ փառս անուան իմում՝ ասէ տ(է)ր ամենակալ. առաքեցից ՛ի վ(ե)ր(այ) ձեր անէծս, եւ անիծի́ց զօրհնու(թ)ի(ւն)ս ձեր՝ եւ նզովեցից զնա, եւ ցրուեցից զօրհնութի(ւն)ս ձեր. եւ մի́ եղիցի ՛ի միջի ձերում. զի դուք ո́չ եդիք ՛ի սրտի ձերում։

Verse: 3   Link to sept   Ահաւասիկ ես որոշեցից ձեզ թե́կն, եւ ցանեցից զապաւառն ընդ երեսս ձեր, զապաւառն տօնից ձերոց, եւ բարձից զձեզ նովաւ։

Verse: 4   Link to sept   եւ ծանիջիք՝ եթէ ե́ս առաքեցի առ ձեզ զպատուէրդ զայդ՝ լինել ուխտի իմոյ առ ղեւտացիսն, ասէ տ(է)ր ամենակալ։

Verse: 5   Link to sept   Ուխտն իմ որ ընդ նմա՝ կենա́ց եւ խաղաղութե(ան). ե́ս ետու նմա երկեւղ՝ երկնչել յինէն, եւ յերեսաց անուան իմոյ խորշել։

Verse: 6   Link to sept   օրէնք ճշմարտու(թ)ե(ան) էին ՛ի բերան ն(ո)ր(ա), եւ անօրէնութի(ւն) ո́չ գտաւ ՛ի շրթունս ն(ո)ր(ա). խաղաղութ(եամ)բ եւ ուղղութ(եամ)բ գնաց ընդիս. եւ զբազումս դարձոյց յանիրաւութ(են)է։

Verse: 7   Link to sept   Զի շրթունք քահանային զգուշասցին գիտու(թ)ե(ան). եւ օրէնս խնդրեսցեն ՛ի բերանոյ ն(ո)ր(ա). զի հրեշտա́կ տ(եառ)ն ամենակալի է։

Verse: 8   Link to sept   Իսկ դուք խոտորեցարուք ՛ի ճանապարհէ. եւ տկարացուցէք զբազումս օրինօքն. եւ ապականեցէք զուխտն ղեւեայ՝ ասէ տ(է)ր ամենակալ։

Verse: 9   Link to sept   եւ ես ետու զձեզ արհամարհեալս եւ լքեալս ընդ ա(մենայ)ն ազգս, փոխանակ զի ո́չ պահեցէք զճանապարհս իմ. այլ ա́կն առնուիք օրինօքն։

Verse: 10   Link to sept   Ոչ ապաքէն մի՞ հայր է ամենեցուն ձեր. ո՞չ մի ա(ստուա)ծ հաստատեաց զձեզ։ զի՞ է զի թողէք իւրաքանչիւր զեղբայր իւր, պղծել զուխտ հարցն ձերոց։

Verse: 11   Link to sept   Լքա́ւ յուդայ, գարշելիք գործեցան յի(սրայէ)լի եւ յ (թ)ե(ան)մ. զի պղծեաց յուդայ զսրբու(թ)ի(ւն)ս տ(եառ)ն ՛ի ձեռաց այնոցիկ զոր սիրեացն. եւ հարա́ւ յաստուածս օտարս

Verse: 12   Link to sept   Սատակեսցէ́ տ(է)ր զմարդն որ առնիցէ զայն մինչեւ նկո́ւն լիցի ՛ի հարկացն յակոբայ. եւ ՛ի մատուցանելեացն պատարագաց տ(եառ)ն ամենակալի։
Section: 2 
   Եւ զոր եսն ատէի՝ առնէիք։ ծածկեցէք արտասուօք զսեղան իմ. եւ լալով եւ քրքովք յաշխատութե(ան)ց։

Verse: 13   Link to sept   Եթէ արժա՞ն ինչ իցէ միւսանգամ հայե́լ ՛ի պատարագս ձեր, կամ առնուլ ընդունելութի(ւն) ՛ի ձեռաց ձերոց։

Verse: 14   Link to sept   Եւ ասացէք՝ բա́յ ընդէ՞ր։ զի տ(է)ր ե́դ ուխտ ՛ի մէջ քո, եւ ՛ի մէջ կնոջ մանկութե(ան) քոյ զոր թողերն. եւ նա էր ամուսին եւ կին ուխտի քոյ։

Verse: 15   Link to sept   եւ ո́չ այլոք արար եւ հատո́ր ոգւոյ նորա է։ եւ ասացէք՝ թէ զի՞նչ այլինչ խնդրէ ա(ստուա)ծ՝ եթէ ո́չ զաւակ։ Զգուշացարո́ւք յոգիս ձեր, եւ զկին մանկութե(ան) քոյ մի́ թողուր.

Verse: 16   Link to sept   բայց եթէ առ ատել արձակեսցես՝ ասէ տ(է)ր ա(ստուա)ծ ի(սրայէ)լի։ ծածկեսցէ ամպարշտութի(ւն) զխորհուրդս քո՝ ասէ տ(է)ր ամենակալ. զգո́յշ լերուք յոգիս ձեր, եւ մի́ թողուցուք։

Verse: 17   Link to sept   Որ բարկացուցանէք զա(ստուա)ծ բանիւք ձերովք, եւ ասէք ի՞ւ բարկացուցաք զնա։ յասելն ձեր թէ ա(մենայ)ն որ զչար գործէ՝ բարւո́ք թուի առաջի տ(եառ)ն, եւ ընդ ա́յն իսկ հաճեցաւ նա. եւ ո՞ւր է ա(ստուա)ծ արդարութե(ան)։



Chapter: 3  
ԳԼ(ՈՒԽ) Գ՜.


Verse: 1   Link to sept   Ահա ես առաքեմ զհրեշտա́կ իմ, եւ տեսցէ զճանապարհս իմ առաջի իմ. եւ յանկարծակի́ եկեսցէ ՛ի տաճար իւր տ(է)րն զոր դուք խնդրէք, եւ հրեշտակն ուխտի զոր դուք կամիք։ Ահաւադիկ գա́յ ասէ տ(է)ր ամենակալ։

Verse: 2   Link to sept   եւ ո՞վ ժուժկալեսցէ աւուր մտի ն(ո)ր(ա), եւ կամ ո՞ հանդարտեսցէ յայտնութե(ան) ն(ո)ր(ա)։ զի նա մտցէ իբրեւ զբո́ց հալոցի, եւ իբրեւ զաճառ լուալեաց։

Verse: 3   Link to sept   Եւ նստցի սրբել եւ ձուլել իբրեւ զարծաթ եւ իբրեւ զոսկի. եւ սրբեսցէ զորդիս ղեւեայ. եւ հալեսցէ զն(ո)ս(ա) իբրեւ զոսկի եւ իբրեւ զարծաթ. եւ եղիցի տ(եառ)ն մատուցանել զպատարագս արդարու(թեամ)բ։

Verse: 4   Link to sept   Եւ հաճո́յ եղիցի տ(եառ)ն պատարագն յուդայ եւ ե(րուսաղէ)մի. ո(ր)պ(էս) յաւուրսն յաւիտենից, եւ ո(ր)պ(էս) յամսն առաջինս։

Verse: 5   Link to sept   Եւ հասի́ց ՛ի վ(ե)ր(այ) ձեր դատաստանաւ. եւ եղէց վկայ արա́գ ՛ի վ(ե)ր(այ) կախարդաց եւ կանանց շնացելոց, եւ ՛ի վ(ե)ր(այ) այնոցիկ ոյք երդնուցուն յանուն իմ ստու(թեամ)բ. եւ որոց հատանիցեն զվարձս վարձկանի, եւ որ յաղթահարեն զայրիս՝ եւ կռփեն զորբս, եւ խոտորիցեն զիրաւունս պանդխտին. եւ որ ո́չ երկնչիցին յինէն՝ ասէ տ(է)ր ամենակալ։

Verse: 6   Link to sept   Զի ե́ս եմ տ(է)ր ա(ստուա)ծ ձեր, եւ ո́չ փոխիմ. եւ դուք որդիք յակոբու՝

Verse: 7   Link to sept   ո́չ կացէք ՛ի բաց ՛ի մեղաց հարցն ձերոց. խուսափեցէք յօրինաց իմոց, եւ ո́չ պահեցէք զն(ո)ս(ա)։ Դարձարուք առիս՝ եւ ես դառնամ առ ձեզ՝ ասէ տ(է)ր ամենակալ։ եւ ասացէք՝ ի՞ւ դարձցուք։

Verse: 8   Link to sept   Իցէ՞ թէ խաբիցէ մարդ զա(ստուա)ծ. զի դուք խաբեցէք զիս, եւ ասացէք՝ ի́ւ խաբեցաք զքեզ։ Զի տասանորդք եւ պտուղք առ ձե́զ են։

Verse: 9   Link to sept   եւ շարակնելով շարակնէք՝ եւ խաբէք զիս։

Verse: 10   Link to sept   Տարին կատարեցաւ, եւ զարդիւնս ա(մենայ)ն ՛ի շտեմարանս ձեր ժողովեցէք. եւ եղիցի յափշտակու(թ)ի(ւն) տանց ձերոց։ դարձարո́ւք այդուիկ՝ ասէ տ(է)ր ամենակալ. եթէ ո՞չ բացից ձեզ զպատուհանս երկնից, եւ զեղից ձեզ զօրհնու(թ)ի(ւն) իմ մինչեւ ՛ի շատանալ։

Verse: 11   Link to sept   Եւ զգուշացա́յց ՛ի կերակրոց ձերոց, եւ ո́չ ապականեցից զպտուղ երկրի ձերոյ. եւ մի́ վատեսցէ ո́րթ ձեր յայգւոջ՝ ասէ տ(է)ր ամենակալ։

Verse: 12   Link to sept   Եւ երանիցեն ձեզ ա(մենայ)ն ազգք. զի եղիցիք դուք ինձ երկիր կամաց, ասէ տ(է)ր ամենակալ։

Verse: 13   Link to sept   Ծանրացուցէ́ք ինձ զբանս ձեր. ասէ տ(է)ր։

Verse: 14   Link to sept   եւ ասացէք՝ ի՞ւ բամբասեցաք զքեզ. զի ասէիք՝ թէ զո́ւր է ա(մենայ)ն՝ որ ծառայէ ա(ստուծո)յ. եւ զի՞նչ աւելի է զի պահեցաք զպահպանու(թ)ի(ւն)ս ն(ո)ր(ա). եւ զի գնացաք պաղատանօք առաջի տ(եառ)ն ամենակալի։

Verse: 15   Link to sept   Եւ արդ մեք երանեմք այլո́ց. եւ բարեշէն են ամենեքին, որ գործեն զանօրէնութի(ւն), եւ ընդդէմ դարձան ա(ստուծո)յ եւ կեցին։

Verse: 16   Link to sept   Զա́յս տրտնջեցին երկիւղածքն տ(եառ)ն իւրաքանչիւր ընդ ընկերի́ իւրում։ եւ անսա́ց տ(է)ր. եւ լուա́ւ եւ գրեաց գիր յիշատակի առաջի երկիւղածա́ց տ(եառ)ն, եւ որոց սարսեն յանուանէ ն(ո)ր(ա)։

Verse: 17   Link to sept   Եւ եղիցին ինձ՝ ասէ տ(է)ր ամենակալ, յաւուր յորում ե́ս արարից փրկութի(ւն), եւ փայփայեցի́ց զն(ո)ս(ա)՝ ո(ր)պ(էս) փայփայէ հայր զորդի զբարւոք ծառայեալն նմա։

Verse: 18   Link to sept   Եւ դարձջիք եւ տեսջիք ՛ի մէջ արդարոյն եւ ՛ի մէջ անօրինին, եւ ՛ի մէջ ծառայելոյն ա(ստուծո)յ՝ եւ ՛ի մէջ չծառայելոյն։



Chapter: 4  
ԳԼ(ՈՒԽ) Դ՜.


Verse: 1   Link to sept   Զի ահա եկեսցէ օր տ(եառ)ն բորբոքեալ իբրեւ զհնոց, եւ այրեսցէ զն(ո)ս(ա). եւ եղիցին ա(մենայ)ն այլազգիք, եւ ա(մենայ)ն որ գործեն զանօրէնութի(ւն) եղէ́գն. եւ վառեսցի զնոքօք օրն որ գալոց իցէ, ասէ տ(է)ր ամենակալ. եւ մի́ մնասցէ ն(ո)ց(ա) արմատ եւ մի́ ուռ։

Verse: 2   Link to sept   Եւ ծագեսցէ́ ձեզ երկիւղածաց անուան իմոյ արեգա́կն արդարութե(ան), եւ բժշկու(թ)ի(ւն) ՛ի թեւս ն(ո)ր(ա). եւ ելջիք եւ խայտասջիք իբրեւ ո́րթք արձակեալք ՛ի կապոյ։

Verse: 3   Link to sept   եւ կոխեսջիք զանօրէնս, եւ եղիցին մոխի́ր ՛ի ներքոյ ոտից ձերոց յաւուրն զոր ե́ս արարից՝ ասէ տ(է)ր ամենակալ։
Section: 4 

Verse: 5   Link to sept   Եւ ահա ե́ս առաքեմ առ ձեզ զեղիա տեզբացի. մինչչեւ եկեալ է օր տ(եառ)ն մեծի եւ երեւելւոյ։

Verse: 6   Link to sept   որ պատրաստեսցէ զսիրտս հօր առ որդի, եւ զսիրտս առն առ ընկեր իւր, գուցէ́ եկեալ հարկանիցեմ զերկիր միանգամայն։

Verse: 4   Link to sept   Յիշեցէ́ք զօրէնսն մովսիսի ծառայի իմոյ. ո(ր)պ(էս) պատուիրեցի նմա ՛ի քորէբ, զամենայն զհրամանս եւ զիրաւունս։
Section:  




Book: Jer. 
Ieremia

entered by N. Čanṭlaʒe,
Tbilisi 2004;
TITUS version by J. Gippert,
Frankfurt a/M, 3.10.2004

ԳԻՐՔ ԵՐԵՄԻԱՅ
ՄԱՐԳԱՐԷԻ

Chapter: 1 
ԳԼ(ՈՒԽ) Ա՜.


Section: 1 

Verse: 1   Link to sept   ՊԱՏԳԱՄՆ ԱՍՏՈՒԾՈՅ, որ եղեւ ՛ի վ(ե)ր(այ) երեմիայի քաղկեայ, ՛ի քահանայի́ց անտի՝ որ բնակեալ էր յանաթովթ յերկրին բենիամինի։

Verse: 2   Link to sept   Առ որ եղեւ բան տ(եառ)ն յաւուրս յովսիայ որդւոյ ամոնայ արքայի հրէաստանի. յերեքտասաներորդի ամի թագաւորու(թ)ե(ան) ն(ո)ր(ա)։

Verse: 3   Link to sept   Եւ եղեւ յաւուրս յովակիմայ որդւոյ յովսիայ արքայի հրէաստանի, մինչեւ ՛ի վախճան մետասաներորդի ամին սեդեկիայ որդւոյ յովսիայ արքայի յուդայ՝ ցգերու(թ)ի(ւն)ն ե(րուսաղէ)մի, յամսեանն հինգերորդի։

Verse: 4   Link to sept   Եղեւ բա́ն տ(եառ)ն առիս՝ եւ ասէ.

Verse: 5   Link to sept   մինչչեւ ստեղծեալ էիր յորովայնի, գիտե́մ զքեզ. եւ մինչչե́ւ ելեալ էիր յարգանդէ, սրբեցի́ զքեզ. մարգարէ́ ՛ի հեթանոսս եդի́ զքեզ։

Verse: 6   Link to sept   Եւ ասեմ. որ ե́սդ տ(է)ր. տ(է)ր. ահաւասիկ եւ խօսել իսկ ո́չ գիտեմ, զի մանո́ւկ եմ ես։

Verse: 7   Link to sept   Եւ ասէ ցիս տ(է)ր. մի́ ասեր եթէ մանուկ եմ ես. զի առ ամենասեան առ որս առաքեցից զքեզ՝ երթիցե́ս. եւ ըստ ա(մենայ)նի զոր միանգամ պատուիրեցից քեզ՝ խօսեսցի́ս։

Verse: 8   Link to sept   մի́ երկիցես յերեսաց ն(ո)ց(ա)՝ զի ընդ քեզ եմ ՛ի փրկել զքեզ՝ ասէ տ(է)ր։

Verse: 9   Link to sept   Եւ ձգեաց տ(է)ր զձեռն իւր առիս՝ եւ մերձւցոյց ՛ի բերան իմ, եւ ասէ ցիս. ահա ետո́ւ զբանս իմ ՛ի բերան քո։

Verse: 10   Link to sept   ահա́ կացուցի́ զքեզ այսօր ՛ի վ(ե)ր(այ) ազգաց եւ թագաւորութե(ան), խլել եւ բրել, կորուսանել եւ յատակել, շինել եւ տնկել։

Verse: 11   Link to sept   Եւ եղեւ բա́ն տ(եառ)ն առիս՝ եւ ասէ. զի՞նչ տեսանես երեմիա. եւ ասեմ՝ գաւազան ընգուղի́ տեսանեմ ես։

Verse: 12   Link to sept   Եւ ասէ ցիս տ(է)ր. բարւո́ք տեսանես. զի զարթուցեալ եմ ՛ի բանս իմ առնե́լ զն(ո)ս(ա)։

Verse: 13   Link to sept   Եւ եղեւ բան տ(եառ)ն առիս կրկին անգամ եւ ասէ, զի՞նչ տեսանես. եւ ասեմ, կատսա́ յեռանդան տեսանեմ ես, եւ երեսք ն(ո)ր(ա) յերեսաց հիւսւսոյ։

Verse: 14   Link to sept   Եւ ասէ ցիս տ(է)ր. յերեսա́ց հիւսւսոյ բորբոքեսցին չարիք ՛ի վ(ե)ր(այ) բնակչաց երկրի։

Verse: 15   Link to sept   զի ահաւասիկ ես միախուռն կոչեցից զա(մենայ)ն թագաւորու(թ)ի(ւն)ս թագաւորու(թ)ե(ան)ց՝ ՛ի հիւսւսոյ երկրէ՝ ասէ տ(է)ր. եկեսցեն եւ արկցեն զիւրաքանչիւր աթոռ ՛ի վ(ե)ր(այ) սեմոց դրանցն ե(րուսաղէ)մի, եւ ՛ի վ(ե)ր(այ) ա(մենայ)ն պարսպացն ն(ո)ր(ա) շուրջանակի, եւ ՛ի վ(ե)ր(այ) ա(մենայ)ն քաղաքաց հրէաստանի։

Verse: 16   Link to sept   Եւ խօսեցայց դատաստանա́ւ ընդ ն(ո)ս(ա) վ(ա)ս(ն) ա(մենայ)ն չարեաց իւրեանց. զի թողին զիս եւ զոհեցին աստուածո́ց օտարաց, եւ երկի́ր պագին գործոց ձեռաց իւրեանց։

Verse: 17   Link to sept   Եւ դու պնդեա́ զմէջ քո, արի́ եւ ասա́ ն(ո)ց(ա) զա(մենայ)ն զոր միանգամ ես պատուիրեմ քեզ. մի́ երկիցես յերեսաց ն(ո)ց(ա), եւ մի́ զանգիտիցես առաջի ն(ո)ց(ա). զի ընդ քե́զ եմ ես՝ ՛ի փրկել զքեզ ասէ տ(է)ր։

Verse: 18   Link to sept   Բայց ես ահաւադիկ եդի́ զքեզ այսօր իբրեւ զքաղա́ք ամուր. եւ իբրեւ զսիւն երկաթի, եւ իբրեւ զպարիսպ պղնձի ամուր, ա(մենայ)ն թագաւորաց հրէաստանի եւ իշխանա́ց ն(ո)ր(ա), եւ քահանայից ն(ո)ր(ա), եւ ժողովրդեան երկրին։

Verse: 19   Link to sept   Եւ մարտիցեն ընդ քեզ՝ եւ քեզ ինչ ո́չ կարիցեն ստնանել. զի ես ընդ քե́զ եմ ՛ի փրկել զքեզ ասէ տ(է)ր։



Chapter: 2  
ԳԼ(ՈՒԽ) Բ՜.


Verse: 1   Link to sept   Եւ եղեւ բա́ն տ(եառ)ն առիս՝ եւ ասէ։

Verse: 2   Link to sept   ե́րթ եւ ընթերցի́ր յականջս որդւոցն ե(րուսաղէ)մի՝ եւ ասասցես։ Ա́յսպէս ասէ տ(է)ր, յիշեցի զքեզ՝ եւ զգութ մանկու(թ)ե(ան) քոյ, եւ զսէր կատարման քոյ՝ ՛ի գալն քեզ զհետ սրբոյն ի(սրայէ)լի։ Ասէ տ(է)ր,

Verse: 3   Link to sept   ս(ուր)բն ի(սրայէ)լի. տ(եառ)ն է սկիզբն արմտեաց ն(ո)ր(ա). ամենեքեան որ ուտեն զնա զղջասցին. չարի́ք հասցեն ՛ի վ(ե)ր(այ) ն(ո)ց(ա)՝ ասէ տ(է)ր։
Section: 2 

Verse: 4   Link to sept   Լուարո́ւք զբան տ(եառ)ն տունդ յակոբայ՝ եւ ա(մենայ)ն ազգ տանդ ի(սրայէ)լի։

Verse: 5   Link to sept   Ա́յսպէս ասէ տ(է)ր. զի՞նչ վնաս գտին յիս հարքն ձեր զի հեռացան յինէն, եւ գնացին զհետ սնոտեաց եւ սնոտի́ եղեն։

Verse: 6   Link to sept   եւ ո́չ ասացին՝ ոեր է տ(է)ր որ եհան զմեզ յերկրէն եգիպտացւոց, եւ առաջնորդեաց մեզ յանապատին, յանբաւ՝ եւ յանկո́խ՝ եւ յանջուր՝ եւ յանպտուղ երկրին եւ ՛ի ստուերս մահու. յերկիր՝ ընդ որ ո́չ անց մարդ, եւ ո́չ բնակեաց ՛ի նմա որդի մարդոյ։

Verse: 7   Link to sept   եւ տարաւ զմեզ ՛ի քերմէլ, ուտել զպտուղ նորա եւ զբարու(թ)ի(ւն)ս։ եւ մտէք եւ պղծեցէք զերկիրն իմ, եւ զժառանգութի(ւն) իմ եդիք ՛ի պղծու(թ)ի(ւն)։

Verse: 8   Link to sept   Եւ քահանայքն ո́չ ասացին՝ ուր է տ(է)ր. եւ վերակացուք օրինաց իմոց ո́չ ծանեան զիս, եւ հովիւքն ամպարշտեցան յիս։ եւ մարգարէքն մարգարէանային բահաղու. եւ զկնի անշահիցն երթային։

Verse: 9   Link to sept   Վ(ա)ս(ն) այնորիկ տակաւին դատեցա́յց ը(նդ) ձեզ՝ ասէ տ(է)ր. եւ ը(նդ) որդի́ս որդւոց ձերոց դատեցայց։

Verse: 10   Link to sept   Արդ անցէ́ք ընդ կղզիս քետիմացւոց եւ տեսէ́ք. եւ ՛ի կեդա́ր առաքեցէք՝ եւ խելամո́ւտ եղերուք յոյժ. եւ տեսէ́ք եթէ եղե́ւ այսպիսի ինչ։

Verse: 11   Link to sept   եթէ փոխեցին ազգքն զաստուածս իւրեանց, եւ նոքա ո́չ են ա(ստուա)ծք. եւ ժողովուրդ իմ փոխեաց զփառս իւր, ուստի ո́չ օգտիցին։

Verse: 12   Link to sept   Յիմարեցա́ն երկինք վ(ա)ս(ն) այսորիկ եւ սոսկացան յոյժ՝ ասէ տ(է)ր։

Verse: 13   Link to sept   զի երկուս չարիս գործեաց ժողովուրդ իմ. զիս թողին զաղբեւրս ջրոյ կենդանւոյ. եւ փորեցին իւրեանց գուբս ծակոտս, որք ո́չ կարացին ունել ջուր։

Verse: 14   Link to sept   Միթէ ծառա՞յ իցէ ի(սրայ)էլ, կամ սարո՞ւկ յակոբ, զի եղեն յաւար.

Verse: 15   Link to sept   ՛ի վ(ե)ր(այ) ն(ո)ր(ա) գոչեցին առեւծք, եւ ետուն զձայնս իւրեանց, որ արարին զերկիր ն(ո)ր(ա) աւերակ. եւ քաղաքք ն(ո)ր(ա) կործանեցա́ն առ ՛ի չգոյէ բնակչաց։

Verse: 16   Link to sept   եւ որդիք մեմփացւոց եւ տափնացւոց՝ ծանեան զքեզ եւ այպանեցին։

Verse: 17   Link to sept   Ոչ ապաքէն թողո՞ւլն զիս արար քեզ զայդ ասէ տ(է)ր ա(ստուա)ծ քո. ՛ի ժամանակի ածելոյն զքեզ ը(նդ) անապատն։

Verse: 18   Link to sept   Եւ արդ՝ զի՞նչ կայ քո եւ ճանապարհին եգիպտացւոց, ըմպել քեզ զջուր գեհոնի. եւ զի՞նչ քո եւ ճանապարհին ասորեստանեայց ըմպել զջուրն գետոց։

Verse: 19   Link to sept   Խրատեսցէ́ զքեզ ապստամբութի(ւն)դ քո, եւ չարիք քո կշտամբեսցեն զքեզ. եւ ծանիցես եւ տեսցես, թէ չա́ր եւ դառն է քեզ թողուլն զիս՝ ասէ տ(է)ր ա(ստուա)ծ քո. եւ ո́չ հաճեցայ ընդ քեզ՝ ասէ տ(է)ր ա(ստուա)ծ քո։

Verse: 20   Link to sept   Զի յաւիտենի́ց խորտակեցեր զլուծն քո, եւ խզեցե́ր դու զկապանս քո. եւ ասացեր թէ ո́չ ծառայեցից. այլ գնացից ՛ի վ(ե)ր(այ) ա(մենայ)ն բլրոց բարձանց, եւ ՛ի ներքոյ ա(մենայ)ն հովանաւոր ծառոց՝ եւ անդ չռայելեցա́յց ՛ի պոռնկութի(ւն)։

Verse: 21   Link to sept   Եւ ես տնկեցի զքեզ ո́րթ պտղաբեր ամենեւին ճշմարիտ. զիա́րդ դարձար ինձ ՛ի դառնութի(ւն) ո́րթդ օտարացեալ։

Verse: 22   Link to sept   եթէ լուասցիս բարակաւ, եւ յանճախեսցես քեզ աճառս. սակայն ծրդեա́լ կաս յանիրաւու(թ)ի(ւն)ս քո առաջի իմ՝ ասէ տ(է)ր տ(է)ր։

Verse: 23   Link to sept   Զիա՞րդ ասիցես թէ ո́չ պղծեցայ, եւ զհետ բահաղու ո́չ գանցի. տե́ս զճանապարհս քո ՛ի գերեզմանս, եւ ծանի́ր զինչ գործեցեր։

Verse: 24   Link to sept   Ընդ երեկոյս ձայն լալոյ ն(ո)ր(ա) գուժեա́ց ՛ի ճանապարհս իւր. յաճախեա́ց ՛ի ջուրս անապատի. ըստ ցանկութե(ան) անձին իւրոյ այսակիր եղեւ։ Մատնեցաւ, եւ ո՞ դարձուսցէ զնա. ամենեքեան որ խնդրիցեն զնա ո́չ աշխատեսցին. ՛ի տառապանս ն(ո)ր(ա) գտցես զնա։

Verse: 25   Link to sept   Դարձո́ զսիրտ քո ՛ի խի́ստ ճանապարհէ, եւ զկոկորդ քո ՛ի ծարաւոյ. եւ նա ասէ կարօ́ղ եմ. քանզի սիրէր զօտարոտիս՝ եւ երթայր զհետ ն(ո)ց(ա)։

Verse: 26   Link to sept   Ո(ր)պ(էս) ամաչիցէ́ գող յորժամ ըմբռնիցի, ա́յնպէս ամաչեսցեն որդիքն ի(սրայէ)լի, ինքեանք եւ թագաւորք իւրեանց, եւ իշխանք իւրեանց, քահանայք իւրեանց, եւ մարգարէք իւրեանց։

Verse: 27   Link to sept   Ցփայտն ասացին թէ հա́յր իմ ես դու. եւ քարին՝ թէ դո́ւ ծնար զիս. եւ դարձուցին յիս՝ զթիկունս եւ ո́չ զերեսս իւրեանց։ եւ ՛ի ժամանակի չարեացն իւրեանց ասասցեն՝ արի́ եւ փրկեա́ զմեզ։

Verse: 28   Link to sept   Եւ ո՞ւր են աստուածքն քո զոր արարեր քեզ. յարիցեն եւ փրկեսցեն զքեզ ՛ի ժամանակի չարեաց քոց. զի ը(նդ)ս թուոյ քաղաքացն քոց էին քեզ աստուածքն քո յուդա, եւ ըստ թուոյ անցիցն ե(րուսաղէ)մի զոհէիք բահաղու։

Verse: 29   Link to sept   Արդ՝ ընդէ՞ր խօսիք ընդիս. զի ամենեքեան դուք ամպարշտեցայք, եւ ամենեքեան դուք անօրինեցա́յք յիս՝ ասէ տ(է)ր։

Verse: 30   Link to sept   Զո́ւր հարի զորդիսն ձեր, եւ խրատ դուք ո́չ ընկալարուք, սո́ւր եկեր զմարգարէսն ձեր. իբրեւ առեւծ սատակէր, եւ ո́չ զարհուրեցարուք։

Verse: 31   Link to sept   Լուարո́ւք զպատգամս տ(եառ)ն. ա́յսպէս ասէ տ(է)ր. միթէ անապա՞տ եղէ տանդ ի(սրայէ)լի, կամ աւեր երկիր խոպանացեա՞լ. զի ասաց ժողովուրդ իմ, անտերո́ւնչք շրջեսցուք՝ եւ առ քեզ ո́չ եկեսցուք։

Verse: 32   Link to sept   Միթէ մոռասցի՞ հարսն զզարդ իւր, կամ կոյս զլանջագեղ կամա́ր իւր. բայց ժողովուրդ իմ մոռացաւ զիս զաւուրս անթիւս։

Verse: 33   Link to sept   Զի՞նչ եւս բարի հնարեսցիս ՛ի ճանապարհս քո խնդրել զհաշտութի(ւն). ո́չ այդպէս, այլ եւ դո́ւ իսկ ամզգամեցար պղծել զճանապարհս քո։

Verse: 34   Link to sept   եւ ՛ի ձեռս քո գտաւ արիւն անձանց տնանկաց անմեղաց. ո́չ ՛ի վիհս գտի զն(ո)ս(ա), այլ առ ա(մենայ)ն կաղնեօք։

Verse: 35   Link to sept   եւ ասացեր թէ անմե́ղ եմ, դարձցի́ սրտմտութի(ւն) ն(ո)ր(ա) յինէն։ Ահաւասիկ ե́ս դատեցայց ընդ քեզ, զի ասացեր թէ ո́չ մեղայ։

Verse: 36   Link to sept   զի արհամարհեցեր յոյժ կրկնեալ զճանապարհս քո. եւ յեգիպտոսէ ամաչեսցես՝ ո(ր)պ(էս) ամաչեցերն յասորեստանւոյն։

Verse: 37   Link to sept   զի եւ անտի́ եւս ձեռս ՛ի գլուխ ելցես. զի մերժեա́ց տ(է)ր զյոյսն քո, եւ ո́չ եւս աջողեսցիս ՛ի նմա։



Chapter: 3  
ԳԼ(ՈՒԽ) Գ՜.


Verse: 1   Link to sept   Եթէ արձակեսցէ այր զկին իւր, եւ գնասցէ́ ՛ի նմանէ՝ եւ լինիցի ա́ռն այլում. եթէ դառնալո́վ դարձցի անդրէն ՛ի նոյն. ո՞չ ապաքէն պղծելով պղծիցի կինն այն։ եւ դու պոռնկեցար ընդ հովիւս բազումս, եւ ո́չ դարձար առիս՝ ասէ տ(է)ր։

Verse: 2   Link to sept   Ամբա́րձ աչս քո յուղղութի(ւն)՝ եւ տե́ս, ո՞ւր ոչ թաթաւեցար ՛ի ճանապարհս քո. նստար դու ն(ո)ց(ա) իբրեւ ագռաւ միայնացեալ թափուր. եւ պղծեցեր զերկիրդ պոռնկու(թեամ)բ քո՝ եւ չարեօք քովք.

Verse: 3   Link to sept   եւ ստացար հովիւս բազումս ՛ի գայթագղութի(ւն) քեզ։ երեսք կնոջ պոռնկի́ եղեն քեզ. անամօթեցար առ ամենեսեան։

Verse: 4   Link to sept   ոչ իբրեւ զտ(է)ր կոչեցեր զիս. հա́յր եւ իշխան կուսու(թ)ե(ան) քո։

Verse: 5   Link to sept   Միթէ յաւիտեա՞ն կայցէ, կամ ՛ի սպա՞ռ պահեսցի. ահա խօսեցար՝ եւ արարեր զայդ ա(մենայ)ն չարիս՝ եւ զօրացար։
Section: 3 

Verse: 6   Link to sept   Եւ ասէ ցիս տ(է)ր յաւուրս յովսիայ արքայի. տեսե՞ր զինչ գործեաց բնակիչդ ի(սրայէ)լի. գնա́ց առանձինն ՛ի վ(ե)ր(այ) ա(մենայ)ն լերանց բարձանց՝ եւ ՛ի ներքոյ ա(մենայ)ն անտառախի́ստ ծառոց, եւ ա́նդ պոռնկեցաւ։

Verse: 7   Link to sept   Եւ ասացի յետ ա́յնչափ պոռնկութե(ան) ն(ո)ր(ա). դա́րձ առիս, եւ ո́չ դարձաւ. եւ ետես զցոփութի(ւն) ն(ո)ր(ա) ուխտադրուժն յուդա։

Verse: 8   Link to sept   եւ տեսի թէ յա(մենայ)նի որովք շնացաւ բնակիչն ի(սրայէ)լի ըմբռնեցաւ. արձակեցի́ զնա, եւ ետո́ւ նմա թուղթ ապահարզանի ՛ի ձեռս ն(ո)ր(ա). եւ ո́չ զարհուրեցաւ ուխտադրուժն յուդա քոյր ն(ո)ր(ա). այլ գնաց եւ պոռնկեցաւ եւ նա́։

Verse: 9   Link to sept   Եւ եղեւ յոչինչ պոռնկու(թ)ի(ւն) ն(ո)ր(ա). եւ շաղախէր զերկիրն, զի շնայր ը(նդ) քարի եւ ընդ փայտին։

Verse: 10   Link to sept   եւ ՛ի վ(ե)ր(այ) այսր ա(մենայ)նի ո́չ դարձաւ առիս ուխտադրուժ քոյր ն(ո)ր(ա) յուդա՝ յա(մենայ)ն սրտէ իւրմէ, այլ ստու(թեամ)բ՝ ասէ տ(է)ր։

Verse: 11   Link to sept   Եւ ասէ ցիս տ(է)ր, արդարացո́յց զանձն իւր ապստամբութի(ւն)ն ի(սրայէ)լի առ ուխտազանցու(թեամ)բն յուդայ։

Verse: 12   Link to sept   Այլ ե́րթ եւ ընթերցի́ր զպատգամս զայսոսիկ ՛ի կողմանս հիւսւսոյ, եւ ասասցես. դա́րձ առիս բնակիչդ ի(սրայէ)լի՝ ասէ տ(է)ր. եւ ո́չ հաստատեցից զերեսս իմ ՛ի վ(ե)ր(այ) ձեր, զի ողորմած եմ ես՝ ասէ տ(է)ր. եւ ո́չ պահեցից ձեզ ոխս յաւիտեան։

Verse: 13   Link to sept   Բայց ծանի́ր զանիրաւութի(ւն)ս քո, զի ՛ի տ(է)ր ա(ստուա)ծ քո ամպարշտեցար. եւ տարածեցեր զճանապարհս քո օտարաց ՛ի ներքոյ ա(մենայ)ն անտառախիտ ծառոց. եւ ձայնի իմում ո́չ լուար՝ ասէ տ՝ր։

Verse: 14   Link to sept   Դարձարո́ւք առիս որդիք հեռացեալք՝ ասէ տ(է)ր, զի ես տիրեցից ձեզ. եւ առից զձեզ մի ՛ի քաղաքէ́ եւ երկուս յազգէ, եւ տարա́յց զձեզ ՛ի սիովն։

Verse: 15   Link to sept   եւ տաց ձեզ հովիւ ըստ սրտի իմում. եւ հովուելով հովուեսցեն զձեզ իմաստութ(եամ)բ։

Verse: 16   Link to sept   Եւ եղիցի եթէ բազմանայցէք եւ աճիցէք ՛ի վ(ե)ր(այ) երկրի յաւուրսն յայսոսիկ՝ ասէ տ(է)ր, ո́չ եւս ասիցեն՝ տապանակ կտակարանաց սրբոյն ի(սրայէ)լի. եւ ո́չ անկցի ՛ի սիրտ. եւ ո́չ անուանեսցի ՛ի նմա. եւ ո́չ եւս խնդրեսցի, եւ ո́չ գործեսցի։ Յաւուրսն յայնոսիկ

Verse: 17   Link to sept   եւ ՛ի ժամանակին յայնմիկ կոչեսցեն զե(րուսաղէ)մ աթոռ տ(եառ)ն. եւ ժողովեսցին ա(մենայ)ն ազգք յանուն տ(եառ)ն յե(րուսաղէ)մ. եւ ո́չ եւս գնասցեն զհետ խորհրդոց սրտից իւրեանց չարաց։

Verse: 18   Link to sept   Յաւուրսն յայնոսիկ ժողովեսցին տունն ի(սրայէ)լի առ տունն յուդայ. եւ եկեսցեն ՛ի միասին ՛ի հիւսւսոյ՝ եւ յա(մենայ)ն գաւապաց յերկիրն յորում ժառանգեցուցի զհարս ն(ո)ց(ա)։

Verse: 19   Link to sept   եւ ե́ս ասեմ, եղիցի́ տ(է)ր։ Զի կարգեցի́ց զձեզ յորդիս, եւ տա́ց ձեզ զերկիրն ընտիր, ժառանգու(թ)ի(ւն) անուանի ա(ստուծո)յ ամենակալի ազգաց. եւ ասացից թէ հա́յր կոչեսցես զիս, եւ ո́չեւս դառնայցես յինէն

Verse: 20   Link to sept   Բայց ո(ր)պ(էս) անգոսնէ կին զամուսին իւր. ա́յնպէս անգոսնեաց զիս տունդ ի(սրայէ)լի՝ ասէ տ(է)ր։

Verse: 21   Link to sept   Ձա́յն ՛ի շրթանց գուժեաց՝ լալոյ եւ պաղատանաց որդւոցն ի(սրայէ)լի. զի անիրաւեցան ՛ի ճանապարհս իւրեանց եւ մոռացան զա(ստուա)ծ ս(ուր)բն իւրեանց։

Verse: 22   Link to sept   Դարձարո́ւք որդիք՝ դարձի́ք, եւ ես բժշկեցից զբեկումն ձեր. եւ ասացին, աւասիկ կամք. զի դո́ւ ես տ(է)ր ա(ստուա)ծ մեր։

Verse: 23   Link to sept   արդարեւ՝ սո́ւտ իսկ էին բլուրք եւ զօրութի(ւն)ք բարձանց. բայց ՛ի ձեռն տ(եառ)ն ա(ստուծո)յ մերոյ է փրկութի(ւն) տանն ի(սրայէ)լի։

Verse: 24   Link to sept   եւ ամօթ մաշեաց զվաստակս հարցն մերոց ՛ի մանկութ(են)է իւրեանց. զխաշինս ն(ո)ց(ա) եւ զանգեայս, եւ զուստերս եւ զդստերս իւրեանց։

Verse: 25   Link to sept   Ննջեցաք ամօթով մերով, եւ ծածկեցին զմեզ անարգանք մեր. քանզի առաջի ա(ստուծո)յ մերոյ մեղաք մե́ք եւ հարքն մեր ՛ի մանկութ(են)է մինչեւ ցայսօր. եւ ո́չ լուաք ձայնի տ(եառ)ն ա(ստուծո)յ մերոյ։



Chapter: 4  
ԳԼ(ՈՒԽ) Դ՜.


Section: 4 

Verse: 1   Link to sept   Եթէ դարձցի́ առիս ի(սրայ)էլ՝ ասէ տ(է)ր տ(է)ր, դարձցի́. եւ եթէ ընկեսցէ զգարշելիս իւր ՛ի բերանոյ իւրմէ. վ(ա)ս(ն) ա(ստուծո)յ ե(րուսաղէ)մի, եւ յերեսաց իմոց երկիցէ։

Verse: 2   Link to sept   եւ երդնուցու՝ թէ կենդանի է տ(է)ր ճշմարտու(թեամ)բ՝ եւ իրաւամբք՝ եւ արդարութ(եամ)բ։ օրհնեսցի́ն նովաւ ազգք, եւ նոքիմբք գովեսցին։

Verse: 3   Link to sept   Զի ա́յսպէս ասէ տ(է)ր ցա́րսդ յուդայ եւ ցբնակիչսդ ե(րուսաղէ)մի։ Հերկեցէ́ք ձեզ հերկս, եւ մի́ սերմանէ́ք ՛ի վ(թ)ե(ան)րայ փշոց։

Verse: 4   Link to sept   թլփատեցարո́ւք ա(ստուծո)յ ձերում, եւ թլփատեցէ́ք զանթլփատու(թ)ի(ւն) սրտից ձերոց արք յուդայ եւ բնակիչք ե(րուսաղէ)մի. գուցէ ելանիցէ իբրեւ զհո́ւր սրտմտութի(ւն) իմ. բորբոքեսցի, եւ ո́չ ոք իցէ որ շիջուցանիցէ յերեսա́ց չար գործոց ձերոց։

Verse: 5   Link to sept   Գո́յժ տուք ՛ի հրէաստան. լո́ւ լիցի յե(րուսաղէ)մ. եւ ասացէ́ք՝ փո́ղ հարէք ՛ի վերայ երկրին. զաղաղա́կ բարձէք. գոգէ́ք. ժողովեցարո́ւք եւ մտէք ՛ի քաղաքս պարսպաւորս։

Verse: 6   Link to sept   Առէ́ք փոխերո́ւք ՛ի սիովն. փութացարո́ւք՝ մի́ կայք. զի ածից ես չարիս ՛ի հիւսւսոյ, եւ բեկումն մեծ։

Verse: 7   Link to sept   Ե́լ առեւծ ՛ի մորւոյ իւրմէ սատակե́լ զազգս. խաղաց եւ ել ՛ի տեղւոջէ իւրմէ՝ առնել զերկիր քո աւերակ. եւ քաղաքք քո քակտեսցին առ ՛ի չգոյէ բնակչաց ՛ի ն(ո)ս(ա)։

Verse: 8   Link to sept   ՛Ի վ(ե)ր(այ) այդորիկ քրձազգա́ծ եղերուք՝ կոծեցարո́ւք, ճի́չ բարձէք. զի ո́չ դարձաւ սրտմտու(թ)ի(ւն) բարկութե(ան) տ(եառ)ն ՛ի ձէնջ։

Verse: 9   Link to sept   Եւ եղիցի յաւուր յայնմիկ՝ ասէ տ(է)ր. կորիցէ́ սիրտ թագաւորին՝ եւ սիրտ իշխանացն. քահանայքն յիմարեսցին, եւ մարգարէքն զարմասցին։

Verse: 10   Link to sept   Եւ ասեմ, ո́ տ(է)ր տ(է)ր, խաբելով ուրեմն խաբեցեր զժողովուրդն զայն՝ եւ զե(րուսաղէ)մ. զի ասացեր թէ խաղաղու(թ)ի(ւն) եղիցի ձեզ, եւ հասանիցէ սուր մինչեւ յանձինս նոցա։

Verse: 11   Link to sept   ՛Ի ժամանակին յայնմիկ ասասցես ցժողովուրդդ ցայդ՝ եւ ցե(րուսաղէ)մ, ա́յս մոլորու(թ)ե(ան) յանապատի։ Ճանապարհ դստեր ժողովրդեան իմոյ՝ ո́չ մաքրութի(ւն) եւ ո́չ ՛ի սրբու(թ)ի(ւն).

Verse: 12   Link to sept   ոգի́ լրութե(ան) ՛ի ն(ո)ց(ա)նէ եկեսցէ ինձ։ Այսուհւտեւ ե́ս խօսեցայց ը(նդ) ն(ո)ս(ա) դատաստանօք իմովք։

Verse: 13   Link to sept   ահա իբրեւ զա́մպ ելցէ՝ եւ իբրեւ զմրրիկ կառք ն(ո)ր(ա). արագագոյն քան զարծուիս երիվարք ն(ո)ր(ա)։ Վա́յ մեզ՝ զի չուառացաք։

Verse: 14   Link to sept   լուա́ ՛ի չարեաց զսիրտ քո ե(րուսաղ)էմ՝ զի ապրեսցի́ս. մինչեւ ցե՞րբ գտանիցին ՛ի քեզ խորհուրդք ցաւոց քոց։

Verse: 15   Link to sept   Զի ձա́յն գուժկանի ՛ի դանայ, եւ լուիցին ցաւք ՛ի լեռնէ եփրեմի։

Verse: 16   Link to sept   գո́յժ արկէք զայս ազգաց. ահաւադիկ հասեալ են յե(րուսաղէ)մ. պատմեցէ́ք թէ գունդք գան յերկրէ հեռաստանէ, ձա́յն ետուն ՛ի քաղաքս հրէաստանի.

Verse: 17   Link to sept   իբրեւ պահապանք ագարակի շուրջ պատեցան զնովաւ։ Զի անփոյթ արարեր զինէն՝ ասէ տ(է)ր։

Verse: 18   Link to sept   Ճանապարհք քո եւ գնա́ցք քո արարին քեզ զայդ ա(մենայ)ն. ա́յդ իսկ է չարու(թ)ի(ւն) քո՝ եւ դառնու(թ)ի(ւն), զի եհաս ՛ի սրտի քում։

Verse: 19   Link to sept   Որովա́յն իմ, որովայն իմ ցաւէ́, եւ ճաշակելիք սրտի իմոյ հեծէ́. սիրտ իմ գելու, եւ անձն իմ ո́չ դադարեսցէ. զի ձայն փողո́յ լուաւ անձն իմ, զգո́յժ պատերազմի եւ զթշուառութե(ան)։

Verse: 20   Link to sept   Բեկո́ւմն ՛ի վ՝ր բեկման. բողո́ք բարձէք, զի թշուարացաւ ա(մենայ)ն երկիր յանկարծակի. չուառացաւ խորանն, եւ քակտեցան փեղկք խորանի իմոյ։

Verse: 21   Link to sept   Մինչեւ յե՞րբ տեսանիցեմ փախստականս. լսիցեմ զձայն փողոյ։

Verse: 22   Link to sept   զի իշխանք ժողովրդեան իմոյ զիս ո́չ ծանեան. զի որդիք անմիտք են, եւ ո́չ հանճարեղք. իմաստունք են ՛ի չա́ր գործել, եւ զբարի ինչ առնել ո́չ գիտասցին։

Verse: 23   Link to sept   Հայեցայ յերկիր՝ եւ ահա թափուր, եւ ո́չ ինչ գոյր, եւ յերկինս՝ եւ ո́չ էր լոյս ն(ո)ց(ա)։

Verse: 24   Link to sept   տեսի զլերինս՝ եւ կային յերերի, եւ զա(մենայ)ն բլուրս խպովեալս։

Verse: 25   Link to sept   հայեցայ՝ եւ ահա ո́չ գոյր մարդ. եւ ա(մենայ)ն թռչունք երկնից սարսեցին։

Verse: 26   Link to sept   տեսի՝ եւ ահա աւերա́կ էր կարմելոս, եւ ա(մենայ)ն քաղաքք ն(ո)ր(ա) հրձիգք. յերեսաց տ(եառ)ն, եւ յերեսաց բարկու(թ)ե(ան) սրտմտութե(ան) ն(ո)ր(ա) ապականեցան։

Verse: 27   Link to sept   Ա́յսպէս ասէ տ(է)ր. աւերեսցի երկիր ա(մենայ)ն. եւ վախճան ո́չ արարից։

Verse: 28   Link to sept   ՛ի վ(ե)ր(այ) այսր ա(մենայ)նի սո́ւգ առցէ երկիր՝ եւ խաւարեսցին երկինք ՛ի վերուստ. զի խօսեցայ՝ եւ ո́չ զղջացայց, դիմեցի՝ եւ ո́չ դարձայց ՛ի ն(ո)ց(ա)նէն։

Verse: 29   Link to sept   ՛Ի ձայնէ հեծելոց եւ ՛ի գրկալիր աղեղանց խուսեաց աշխարհն ա(մենայ)ն, եւ սորեցին յայրս, եւ թաքեան յանտառս, եւ ելին ՛ի քարանձաւս։ ա(մենայ)ն քաղաքք լքա́ն՝ եւ ո́չ բնակէր ՛ի ն(ո)ս(ա) մարդ։

Verse: 30   Link to sept   Եւ դու թշուառական զի՞ գործեսցես. եթէ կարմիր զգեցցիս, եւ զարդու ոսկւով զարդարեսցիս, եւ ամասցես ծիրանիս յաչս քո. ՛ի զո́ւր են զարդարանքն քո։ մերժեցին զքեզ հոմանիքն քո, եւ խնդրեն զքեզ։

Verse: 31   Link to sept   Զի զձայն իբրեւ զերկանց անդրանկածնի լուայ զհեծութե(ան) քոյ. ձա́յն դստեր սիոնի մեղկասցի, եւ լքցէ զձեռս իւր։ Վա́յ ինձ, զի պակասեաց անձն իմ ՛ի վերայ սպանելոցն։



Chapter: 5  
ԳԼ(ՈՒԽ) Ե՜.


Verse: 1   Link to sept   Ընթացարո́ւք յա́յսկոյս եւ յայնկոյս ընդ ճանապարհս ե(րուսաղէ)մի. եւ տեսէ́ք եւ ծաներո́ւք, եւ խնդրեցէ́ք ՛ի հրապարակս ն(ո)ր(ա) եթէ գտանիցէք այր մի որ առնիցէ զիրաւունս, եւ խնդրիցէ հաւատս. եւ եղէց ն(ո)ց(ա) քաւիչ՝ ասէ տ(է)ր։

Verse: 2   Link to sept   Եթէ ասիցեն կենդանի է տ(է)ր. թէպէտ եւ սո́ւտ իսկ երդնուցուն։

Verse: 3   Link to sept   Տ(է)ր տ(է)ր աչք քո ՛ի հաւատս. տանջեցեր զն(ո)ս(ա), եւ ն(ո)ց(ա) ո́չ ցաւեաց. վախճանեցեր զն(ո)ս(ա), եւ ո́չ կամեցան ընդունել զխրատ։ կործրացուցին զերեսս իւրեանց քան զվէմ, եւ ո́չ կամեցան դառնալ։

Verse: 4   Link to sept   Եւ ես ասացի՝ թերեւս աղքա́տք իցեն. վ(ա)ս(ն) այնորիկ ո́չ կարացին իմանալ զճանապարհս տ(եառ)ն, եւ զիրաւունս ա(ստուծո)յ։

Verse: 5   Link to sept   երթայց առ հարուստսն՝ եւ խօսեցայց ընդ ն(ո)ս(ա), թէ նոքա գիտացին զճանապարհ տ(եառ)ն եւ զիրաւունս ա(ստուծո)յ։ եւ նոքա աւանիկ առհասարա́կ խորտակեցին զլուծն, եւ խղեցին զսամետէս։

Verse: 6   Link to sept   Վ(ա)ս(ն) այնորիկ եհար զն(ո)ս(ա) առեւծ յանապատի, եւ գա́յլ մինչեւ ՛ի տունս նոցա սատակեաց զնոսա։ զարթեաւ ինծ ՛ի վ(ե)ր(այ) քաղաքաց ն(ո)ց(ա), եւ ամենեքեան որ ելանիցեն ՛ի ն(ո)ց(ա)նէ՝ անկցին գէ́շ. զի յաճախեցին զամպարշտու(թ)ի(ւն)ս իւրեանց, զօրացան յապստամբու(թ)ե(ան) իւրեանց։

Verse: 7   Link to sept   Ո՞րովք այսոքիւք հաշտեցայց ը(նդ) քեզ։ որդիքն քո թողին զիս, եւ երդնուին ՛ի չաստուածսն. յագեցուցի զն(ո)ս(ա)՝ եւ շնային, եւ ՛ի պոռնկանո́ցս օթեվանս առնէին։

Verse: 8   Link to sept   ձիք մատակախանձք եղեն, իւրաքանչիւր ՛ի կին ընկերի իւրոյ վրընջէին։

Verse: 9   Link to sept   Միթէ ՛ի վ(ե)ր(այ) այսր ա(մենայ)նի ո՞չ առնիցեմ այցելու(թ)ի(ւն)՝ ասէ տ(է)ր. կամ յազգէ այնպիսւոյ ո՞չ խնդրէ վրէժ անձն իմ։
Section: 5 

Verse: 10   Link to sept   Ելէ́ք ՛ի մարտկոցս ն(ո)ր(ա) եւ կործանեցէ́ք. բայց վախճան մի́ առնիցէք։ թողէ́ք զհիմունս նորա՝ զի տ(եառ)ն են։

Verse: 11   Link to sept   Զի արհամարհելով արհամարհեցի́ն զիս տունն ի(սրայէ)լի՝ եւ տունն յուդայ, ասէ տ(է)ր։

Verse: 12   Link to sept   ստեցի́ն տ(եառ)ն իւրեանց, եւ ասեն ո́չինչ է այդ. եւ ո́չ եկեսցեն ՛ի վ(ե)ր(այ) մեր չարիք, եւ զսո́ւր եւ զսով ո́չ տեսցուք։

Verse: 13   Link to sept   Մարգարէքն մեր էին ՛ի հողմն, եւ բան տ(եառ)ն ո́չ գոյր ՛ի ն(ո)ս(ա)։ ա́յնպէս եղիցի ն(ո)ց(ա)։

Verse: 14   Link to sept   Վ(ա)ս(ն) այդորիկ ա́յսպէս ասէ տ(է)ր ա(ստուա)ծ ամենակալ. փոխանակ զի խօսեցայք զբանդ զայդ՝ ահաւասիկ ես ետու զբան իմ ՛ի բերան քո հո́ւր, եւ զժողովուրդդ զայդ փայտ. եւ կերիցէ́ զն(ո)ս(ա)։

Verse: 15   Link to sept   Զի ահաւասիկ ես ածից ՛ի վ(ե)ր(այ) ձեր ա́զգ ՛ի հեռաստանէ տունդ ի(սրայէ)լի՝ ասէ տ(է)ր, ա́զգ որ առաջին. ա́զգ որ յաւիտենից. ազգ որոյ ո́չ լսիցես զլեզուս ն(ո)ր(ա), եւ ո́չ իմանայցես զխօսս ն(ո)ր(ա)։

Verse: 16   Link to sept   Կապարճք ն(ո)ր(ա) իբրեւ զգերեզմանս բա́ց են. ամենեքին զօրաւորք։

Verse: 17   Link to sept   եւ կերիցեն զհունձս ձեր՝ եւ զհաց. եւ կերիցեն զուստերս ձեր՝ եւ զդստերս. եւ կերիցեն զոչխար եւ զարջառ ձեր. եւ կերիցեն զայգիս եւ զթզենիս ձեր եւ զձիթենիս։ եւ կասեսցեն զամուր ամուր քաղաքս ձեր. եւ յորս դուքն պանծացեալ էք՝ սրով սատակեսցեն։

Verse: 18   Link to sept   Եւ եղիցի յաւուր յայնմիկ ասէ տ(է)ր ա(ստուա)ծ քո. ո́չ արարից զձեզ ՛ի վախճան։

Verse: 19   Link to sept   եւ եղիցի յորժամ ասիցեն՝ վ(ա)ս(ն) է՞ր արար տ(է)ր ա(ստուա)ծ մեր մեզ զայս ա(մենայ)ն, ասիցես ցն(ո)ս(ա). փոխանակ զի թողէք զիս՝ եւ ծառայեցէք աստուածոց օտարաց յերկրի ձերում, նո́յնպէս ծառայեսջիք օտարաց յերկրի՝ որ ո́չ ձեր իցէ։
Section: 6 

Verse: 20   Link to sept   Պատմեցէ́ք զայդ ՛ի տուն յակոբայ, եւ լսելի́ լիցի ՛ի տուն յուդայ, եւ ասացէ́ք.

Verse: 21   Link to sept   լուարո́ւք զայս ժողովուրդք յիմար եւ անմիտ, որոց աչք են եւ ո́չ տեսանեն, եւ ականջք եւ ո́չ լսեն։

Verse: 22   Link to sept   Եթէ յինէն ո՞չ երկնչիցիք՝ ասէ տ(է)ր, կամ յերեսաց իմոց ո՞չ սարսիցէք. որ կարգեցի զաւազ սահման ծովու. հրաման յաւիտենական՝ եւ ո́չ անցցէ զնովաւ. խռովեսցի՝ եւ ո́չ կարասցէ ելանել. գոչեսցեն ալիք ն(ո)ր(ա)՝ եւ ո́չ անցանեն զնովաւ։

Verse: 23   Link to sept   Եւ ժողովրդեանս այսորիկ եղեւ սիրտ անհնազանդ՝ եւ անհաւան. թիւրեցան՝ եւ անցին գնացին։

Verse: 24   Link to sept   եւ ո́չ ասացին ՛ի սիրտս իւրեանց. երկիցուք ՛ի տ(եառ)նէ ա(ստուծո)յ մերմէ. որ տայ մեզ զանձրեւ զկանուխ եւ զանագան, ըստ ժամանակի լրութե(ան) հրամանի հնձոց՝ եւ պահեսցէ զմեզ։

Verse: 25   Link to sept   Անօրէնութի(ւն)ք մեր վրիպեցուցին զայն, եւ մեղք մեր մերժեցին զբարու(թ)ի(ւն)ս ՛ի մէնջ։

Verse: 26   Link to sept   զի գտան ՛ի մէջ ժողովրդեան իմոյ ամպարիշտք. եւ որոգայթս իբրեւ զվարմս հաւորսաց կանգնեցին ապականե́լ զմարդիկ։

Verse: 27   Link to sept   եւ ըմբռնէին իբրեւ զորոգայթս անկեալս լի́ թռչնովք. ա́յնպէս լի են տունք ն(ո)ց(ա) նենգութ(եամ)բ։ Վ(ա)ս(ն) այսորիկ ստուարացան մեծացան՝

Verse: 28   Link to sept   գիրացան եւ պարարտացան, եւ անցին զբանիւք իմովք ՛ի չարութի(ւն). դատաստան արդար ո́չ դատեցան. զիրաւունս որբոյն՝ ո́չ իրաւացուցին. եւ զդատաստան այրւոյն՝ ո́չ դատեցան։

Verse: 29   Link to sept   Միթէ ՛ի վ(ե)ր(այ) այսր ա(մենայ)նի ո՞չ առնիցեմ այցելու(թ)ի(ւն)՝ ասէ տ(է)ր. կամ յազգէ այնպիսւոյ ո՞չ խնդրիցէ վրէժ անձն իմ։

Verse: 30   Link to sept   Յիմարութի(ւն)ք եւ արհաւիրք եղեն ՛ի վ(ե)ր(այ) երկրի։

Verse: 31   Link to sept   մարգարէք սո́ւտ մարգարէանան, եւ քահանայք ծա́փ հարկանեն ն(ո)ց(ա). եւ ժողովուրդ իմ սիրեա́ց զայն. եւ զի՞նչ գործիցէք առ յապայ։



Chapter: 6  
ԳԼ(ՈՒԽ) Զ՜.


Verse: 1   Link to sept   Զօրացարո́ւք որդիք բենիամինի ՛ի մէջ ե(րուսաղէ)մի. փո́ղ հարէք ՛ի թեկու(թեն)է, եւ ՛ի վ(ե)ր(այ) բեթաքարմայ առէ́ք նշան. զի չարիք կարկառեալ գան ՛ի հիւսւսոյ, եւ բեկումն մե́ծ

Verse: 2   Link to sept   եղիցի գեղեցկին եւ փափկացելոյն։ եւ բարձցի́ բարձրու(թ)ի(ւն) քո դուստր սիովնի։

Verse: 3   Link to sept   Եկեսցեն ՛ի նա հովիւք եւ խաշինք իւրեանց, եւ կանգնեսցեն շուրջ զնովաւ զխորանս իւրեանց. եւ հովուեսցեն իւրաքանչի́ւր ձեռամբ։

Verse: 4   Link to sept   Պատրաստեցարո́ւք ՛ի վերայ ն(ո)ց(ա) ՛ի պատերազմ. արի́ք եւ ելցուք ՛ի վ(ե)ր(այ) ն(ո)ր(ա) ՛ի նոջօրէի։ վա́յ մեզ՝ զի տի́ւն կարճատեաց, եւ հասին մեզ ստուերք երեկորւոյ։

Verse: 5   Link to sept   Արի́ք եւ ելցուք գիշերի, եւ ապականեսցուք զհիմունս ն(ո)ր(ա)։

Verse: 6   Link to sept   զի ա́յսպէս ասէ տ(է)ր զօրութե(ան)ց. ջարդեցէ́ք զփայտակերտս ն(ո)ր(ա), արկէ́ք ՛ի վ(ե)ր(այ) ե(րուսաղէ)մի զօր. զի նա́ է քաղաք ամենեւին սուտ. բռնութի(ւն) ՛ի մէջ նորա։

Verse: 7   Link to sept   Զոր օրինակ ցրտացուցանէ գուբ ջուր իւր, ա́յնպէս եւ նա ցրտացուցանէ զչարիս իւր։ ամպարմտու(թ)ի(ւն)՝ եւ չարութի(ւն) լուիցի ՛ի միջի ն(ո)ր(ա), յանդիման իւր հանապազ։ Ցաւովք եւ տանջանօք

Verse: 8   Link to sept   խրատեսցիս ե(րուսաղ)էմ, գուցէ երբէք վերասցի անձն իմ ՛ի քէն. գուցէ երբէք արարից զքեզ անապա́տ երկիր՝ ուր ո́չ ոք երբէք բնակեցաւ։

Verse: 9   Link to sept   Զի ա́յսպէս ասէ տ(է)ր զօրութե(ան)ց. կթեցէ́ք՝ կթեցէ́ք. ճռաքաղ արարէք զմնացորդսդ ի(սրայէ)լի, եւ անդրէն կրկնեսջիք ո(ր)պ(էս) կթօղ յոճ իւր։

Verse: 10   Link to sept   Արդ՝ ընդ ո՞ւմ խօսեցայց, եւ ո՞ւմ եդից վկայու(թ)ի(ւն)՝ եւ լուիցէ. ահաւադիկ անթլփատ են ականջք ն(ո)ց(ա), եւ ո́չ կարեն լսել։ ահա բան տ(եառ)ն եղեւ ն(ո)ց(ա) ՛ի նախատինս, եւ ո́չ եւս ախորժեսցեն զնա։

Verse: 11   Link to sept   Եւ ես զբարկութի(ւն) իմ լցի եւ արգելի, եւ ո́չ վախճանեցի զն(ո)ս(ա)։ հեղի́ց ՛ի վ(ե)ր(այ) տղայոց արտաքուստ, եւ ՛ի ժողովս երիտասարդաց ՛ի միասին. զի ա́յր եւ կին առհասարակ ըմբռնեսցին. ծեր՝ հանդերձ կատարելովն աւուրբք ընկրկեսցին։

Verse: 12   Link to sept   Եւ ըմբռնեսցին տունք ն(ո)ց(ա) ՛ի ձեռս օտարաց. ա́նդք եւ կանայք ն(ո)ց(ա) ՛ի միասին։ զի ձգեցից զձեռն իմ ՛ի վ(ե)ր(այ) բնակչաց երկրին այնորիկ՝ ասէ տ(է)ր։

Verse: 13   Link to sept   Զի ՛ի փոքունց ն(ո)ց(ա) մինչեւ ցմեծամեծս, ամենեքեան կատարեցին զանօրէնութի(ւն)ս. ՛ի քահանայէ մինչեւ ՛ի սո́ւտ մարգարէ, ամենեքեան արարին ստութի(ւն)։

Verse: 14   Link to sept   Եւ բժշկեցին զհարուածս դստեր ժողովրդեան իմոյ ընդ արհամարհանս. եւ ասէին՝ խաղաղութի(ւն), խաղաղութի́(ւն). եւ ո՞ւր է խաղաղութի(ւն)։

Verse: 15   Link to sept   Յամօ́թ եղեն զի պակասեցան. եւ ո́չ ո(ր)պ(էս) ամաչեցեալք ամաչեցին, եւ զանարգանս իւրեանց ո́չ առին ՛ի միտ։ վ(ա)ս(ն) այնորիկ անկցին ՛ի կործանումն իւրեանց. եւ ՛ի ժամանակի այցելութե(ան) իւրեանց սատակեսցին, ասէ տ(է)ր։
Section: 7 

Verse: 16   Link to sept   Ա́յսպէս ասէ տ(է)ր. կացէ́ք ՛ի ճանապարհս եւ դիտեցէ́ք, եւ հարցէ́ք զյաւիտենական շաւղաց տ(եառ)ն. եւ տեսէ́ք ո՞ր է ճանապարհ բարի, եւ գնացէ́ք ընդ նա, եւ գտջիք սրբու(թ)ի(ւն) անձանց ձերոց։ եւ ասացին թէ ո́չ երթիցուք։

Verse: 17   Link to sept   կացուցի ՛ի վ(ե)ր(այ) ձեր դէտս, լուարո́ւք բարբառոյ փողոյն. եւ ասեն, ո́չ լուիցուք։

Verse: 18   Link to sept   վասն այնորիկ լուան ազգք, եւ որ հովուէին զհօտս ՛ի ն(ո)ս(ա)։

Verse: 19   Link to sept   Լո́ւր երկիր, ահաւադիկ ես ածից ՛ի վ(ե)ր(այ) ժողովրդեանդ այդորիկ չարի́ս, ըստ պտղոյ ապստամբութե(ան) իւրեանց. զի բանից իմոց ո́չ անսացին, եւ զօրէնս իմ մերժեցին։

Verse: 20   Link to sept   Ընդէ՞ր է այդ զի բերես ինձ խունկս ՛ի սաբայ, եւ կինամոմոն յերկրէ հեռաստանէ։ ողջակէղքն ձեր՝ չե́ն ընդունելի, եւ զոհք ձեր ինձ ո́չ քաղցրացան։

Verse: 21   Link to sept   Վ(ա)ս(ն) այդորիկ ա́յսպէս ասէ տ(է)ր. ահաւադիկ ես տա́ց ՛ի վ(ե)ր(այ) ժողովրդեանդ այդորիկ ա́խտ, եւ ախտասցին ՛ի նմին, հարք եւ որդիք ՛ի միասին. դրացին եւ ընկեր իւր կորիցեն։

Verse: 22   Link to sept   Ա́յսպէս ասէ տ(է)ր. ահաւադիկ զօր գայ ՛ի հիւսւսոյ, ազգ մեծ. թագաւորք բազումք զարթիցեն ՛ի ծագաց երկրէ,

Verse: 23   Link to sept   աղեղնաւորք եւ տիգաւորք. ազգ ժպի́րհ եւ անողորմ. ձայն ն(ո)ր(ա) իբրեւ զձայն ծովու յարուցելոյ. կառօք եւ երիվարօք ճակատեսցի, եւ լաստեսցի իբրեւ զհուր ՛ի պատերազմ ՛ի վ(ե)ր(այ) քո դուստր սիովնի։

Verse: 24   Link to sept   լուաք զլուր ն(ո)ց(ա)՝ եւ լքան ձեռք մեր. նեղութի(ւն)ք կալան զմեզ իբրեւ երկունք ծննդականի։

Verse: 25   Link to sept   Մի́ ելանէք յանդս, եւ ընդ ճանապարհս մի գնայք. զի սուր թշնամեաց շուրջ պատեալ է։

Verse: 26   Link to sept   Դո́ւստր ժողովրդեան իմոյ քո́ւրձ զգեցի́ր. մոխիր տարածեա́. ա́ռ զսուգ սիրելւոյ, եւ կոծեա́ կոծ ողորմ. զի յանկարծակի եկեսցէ թշուառութի(ւն) ՛ի վ(ե)ր(այ) քո։

Verse: 27   Link to sept   Փորձի́չ ետու զքեզ ժողովրդոց պաշարելոց, եւ գիտասջի́ր ՛ի փորձել ինձ զճանապարհս դոցա։

Verse: 28   Link to sept   ամենեքեան անհնազանդք գնան կամակարութ(եամ)բ. իբրեւ զպղինձ եւ զերկաթ՝ ամենեքեան ապականեալք։

Verse: 29   Link to sept   Պակասեցի́ն փուքք ՛ի հրոյ. պակասեաց կապար. զո́ւր աշխատի արծաթագործն, եւ նոցա չարիքն ո́չ հալեցան։

Verse: 30   Link to sept   արծաթ խոտա́ն կոչեցէք զն(ո)ս(ա), զի խոտեաց զնոսա տ(է)ր։ լուարո́ւք զպատգամս տ(եառ)ն ա(մենայ)ն հրէաստան։



Chapter: 7  
ԳԼ(ՈՒԽ) Է՜.


Section: 8 

Verse: 1   Link to sept   Պատգամն որ եղեւ առ երեմիա ՛ի տ(եառն)է՝ եւ ասէ։

Verse: 2   Link to sept   Կա́ց ՛ի դրան տանն տ(եառ)ն՝ եւ ընթերցի́ր անդ զբանս զայս, եւ ասասցես։ լուարո́ւք զբան տ(եառ)ն ա(մենայ)ն հրէաստան որք մտանէք ընդ դրունսդ ընդ այդոսիկ երկիրպագանել տ(եառ)ն։

Verse: 3   Link to sept   Ա́յսպէս ասէ տ(է)ր զօրութե(ան)ց՝ ա(ստուա)ծ ի(սրայէ)լի. ուղի́ղ արարէք զճանապարհս ձեր՝ եւ զգնացս, եւ բնակեցուցից զձեզ ՛ի տեղւոջս յայսմիկ։

Verse: 4   Link to sept   եւ մի́ յանձնապաստա́ն լինիք ՛ի բանս ստու(թ)ե(ան). զի ամենեւին ո́չ օգնեսցեն ձեզ՝ որ ասեն՝ տաճա́ր տ(եառ)ն է։

Verse: 5   Link to sept   Թէ ուղղելով ուղղիցէք զճանապարհս ձեր եւ զգնացս. եւ եթէ առնելով առնիցէք իրաւունս ՛ի մէջ ա́ռն եւ ընկերի իւրոյ։

Verse: 6   Link to sept   եւ զե́կն եւ զո́րբն եւ զայրին ո́չ յաղթահարիցէք. եւ արիւն անպա́րտ ո́չ հեղուցուք ՛ի տեղւոջդ յայդմիկ. եւ զհետ աստուածոց օտարաց ո́չ երթիցէք չարի ձերում։

Verse: 7   Link to sept   Բնակեցուցից զձեզ ՛ի տեղւոջդ յայդմիկ, յերկրի զոր ետու հարցն ձերոց յաւիտենից մինչեւ յաւիտեանս։

Verse: 8   Link to sept   Ապա թէ դուք յանձնապաստա́ն իցէք ՛ի բանս ստութե(ան), ուստի ո́չ ինչ օգտիցիք։

Verse: 9   Link to sept   եւ գողանայցէք, եւ սպանիցէք, եւ շնայցէք, եւ երդնուցուք սուտ, եւ արկանիցէք խունկս բահաղու, եւ երթիցէք զհետ աստուածոց օտարաց. զորս ո́չ գիտիցէք, ստո́ց՝ ուստի եւ չա́ր լինիցի ձեզ։

Verse: 10   Link to sept   Եւ գայցէք կայցէք առաջի իմ ՛ի տանս յայսմիկ՝ յորոյ վ(ե)ր(այ) կոչեցեալ է անուն իմ. եւ ասիցէք, մերժեցաք յառնելոյ զա(մենայ)ն գարշելիսն զայնոսիկ։

Verse: 11   Link to sept   Միթէ այրս աւազակա՞ց եղեւ տունդ իմ. յորոյ վ(ե)ր(այ) կոչեցեալ է անուն իմ այդր առաջի ձեր. եւ ես ահաւասիկ տեսի́ ասէ տ(է)ր։

Verse: 12   Link to sept   զի չոգայք ՛ի տեղին իմ ՛ի սելով, ուր բնակեցուցի զանուն իմ ա́նդ զառաջինն. եւ տեսէք զինչ արարի ընդ նա յերեսաց չարեաց ժողովրդեան իմոյ ի(սրայէ)լի։

Verse: 13   Link to sept   Եւ արդ փոխանակ զի արարէք զայդ ա(մենայ)ն գործս՝ ասէ տ(է)ր. եւ խօսեցայ ընդ ձեզ ընդ առաւօտս խօսելով՝ եւ ո́չ լուարուք ինձ. կոչեցի́ զձեզ՝ եւ ո́չ ետուք ինձ պատասխանի։

Verse: 14   Link to sept   եւ արարից ընդ տունդ ընդ այդ՝ յորոյ վ(ե)ր(այ) կոչեցեալ է անուն իմ, յոր դուքդ ապաստա́ն էք։ եւ ընդ տեղիդ զոր ետու ձեզ եւ հարցն ձերոց. ո(ր)պ(էս) արարի́ ընդ սելով։

Verse: 15   Link to sept   եւ ընկեցից զձեզ յերեսաց իմոց՝ ո(ր)պ(էս) ընկեցի զեղբարս ձեր՝ զա(մենայ)ն զաւակն եփրեմեան։

Verse: 16   Link to sept   Եւ դու մի́ կար յաղօթս ՛ի վ(ե)ր(այ) ժողովրդեանդ այդորիկ, եւ մի́ խնդրեր ՛ի վերայ դոցա ողորմութի(ւն). եւ մի́ աղաչեր՝ եւ մի́ անկանիր առաջի իմ վասն դոցա. զի ո́չ լսեմ քեզ։

Verse: 17   Link to sept   Եթէ ո՞չ տեսանես զինչ գործեն դոքա ՛ի քաղաքս յուդայ եւ ՛ի ճանապարհս ե(րուսաղէ)մի։

Verse: 18   Link to sept   որդիք ն(ո)ց(ա) փա́յտ քաղեն եւ հարքն ն(ո)ց(ա) հրատս արկանեն, եւ կանայք ն(ո)ց(ա) հա́յս հարկանեն, առնել կարկանդակս զօրութե(ան)ց երկնից. եւ նուիրեն նուէրս աստուածոց ոտարաց, զի բարկացուցանիցեն զիս։

Verse: 19   Link to sept   Միթէ զի՞ս բարկացուցանիցեն՝ ասէ տ(է)ր. եւ ո՞չ զանձինս, զի ամաչեսցեն երեսք ն(ո)ց(ա)։

Verse: 20   Link to sept   Վ(ա)ս(ն) այսորիկ ա́յսպէս ասէ տ(է)ր. ահա զբարկու(թ)ի(ւն) եւ զսրտմտու(թ)ի(ւն) իմ հեղից ՛ի վերայ տեղւոյդ այդմիկ, ՛ի վ(ե)ր(այ) մարդոյ եւ անասնոյ, եւ ՛ի վ(ե)ր(այ) փայտի́ ագարակի. եւ ՛ի վ(ե)ր(այ) արդեանց երկրի։ բորբոքեսցի եւ ո́չ շիջցի։
Section: 9 

Verse: 21   Link to sept   Ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. զողջակեզս ձեր ժողովեցէ́ք հանդերձ զոհիւք ձերովք, եւ կերայք մի́ս։

Verse: 22   Link to sept   զի ո́չ խօսեցայ ը(նդ) հարսն ձեր, եւ ո́չ պատուէր ետու ն(ո)ց(ա) յաւուրն յորում հանի զն(ո)ս(ա) յերկրէն եգիպտացւոց՝ վ(ա)ս(ն) բանի ողջակիզաց եւ զոհից։

Verse: 23   Link to sept   Այլ զա́յս բան պատուիրեցի ն(ո)ց(ա)՝ եւ ասեմ. լուարո́ւք ձայնի իմում, եւ ես եղէց ձեզ յա(ստուա)ծ. եւ դուք եղիջիք ինձ ՛ի ժողովո́ւրդ, եւ գնասջիք յա(մենայ)ն ճանապարհս իմ զոր պատուիրեցի ձեզ, զի բարի́ լինիցի ձեզ։

Verse: 24   Link to sept   Եւ ո́չ լուան ինձ, եւ ո́չ անսաց ունկն ն(ո)ց(ա). այլ գնացին ըստ խորհրդոց սրտից իւրեանց չարաց. եւ եղեն յե́տս եւ ո́չ յառաջ,

Verse: 25   Link to sept   յօրէ յորմէ ելին հարքն ն(ո)ց(ա) յերկրէն եգիպտացւոց մինչեւ ցայսօր։ Եւ արդ՝ առաքեցի առ ձեզ զա(մենայ)ն ծառայս իմ զմարգարէս, ՛ի տուէ՝ եւ ընդ առաւօտս առաքեալ։

Verse: 26   Link to sept   եւ ո́չ լուան ինձ, եւ ո́չ անսաց ունկն ն(ո)ց(ա). եւ խստացուցին զպարանոցս իւրեանց առաւե́լ քան զհարց իւրեանց։

Verse: 27   Link to sept   Եւ ասասցես ցն(ո)ս(ա) զբանս զայս, եւ ո́չ լուիցեն քեզ. եւ կոչեսցես զն(ո)ս(ա)՝ եւ ո́չ տայցեն քեզ պատասխանի։

Verse: 28   Link to sept   եւ ասասցես առ ն(ո)ս(ա). ա́յս ա́զգ է որ ո́չ լուան ձայնի տ(եառ)ն ա(ստուծո)յ իւրեանց. եւ ո́չ ընկալան զխրատ։ պակասեցի́ն հաւատք, եւ բարձաւ ճշմարտութի(ւն) ՛ի բերանոց ն(ո)ց(ա)։

Verse: 29   Link to sept   Կարեա́ զհերս քո եւ ՛ի բա́ց ընկեա. եւ ա́ռ զողբս ՛ի շրթունս. զի խոտեաց տ(է)ր՝ եւ մերժեաց զազգն որ առնէր զայս։

Verse: 30   Link to sept   Զի արարին որդիքն յուդայ չա́ր առաջի իմ՝ ասէ տ(է)ր։ կարգեցին զգարշելիսն իւրեանց ՛ի տանն յորոյ կոչեցեալ էր անուն իմ ՛ի վ(ե)ր(այ) ն(ո)ր(ա) պղծե́լ զնա.

Verse: 31   Link to sept   եւ շինեցին բագին տափեթայ, որ է ՛ի ձոր որդւոցն ենովմայ, այրել զուստերս եւ զդստերս իւրեանց ՛ի հուր. զոր ո́չ հրամայեցի ն(ո)ց(ա), եւ ո́չ զմտաւ ածի ՛ի սրտի իմում։

Verse: 32   Link to sept   Վ(ա)ս(ն) այնորիկ ահա աւուրք եկեսցեն՝ ասէ տ(է)ր, եւ ո́չ եւս ասասցեն բագին տափեթայ, եւ ձո́ր որդւոցն ենովմայ, այլ ձոր կոտորելոց, եւ թաղեսցեն ՛ի տափեթն առ ՛ի տեղւոյն չբաւելոյ։

Verse: 33   Link to sept   Եւ եղիցին դիակունք ժողովրդեանդ այդորիկ՝ ՛ի կերակուր թռչնոց երկնից՝ եւ գազանաց երկրի. եւ ո́չոք իցէ որ հալածիցէ։

Verse: 34   Link to sept   Եւ բարձի́ց ՛ի քաղաքացն յուդայ եւ յանցիցն ե(րուսաղէ)մի զձայն խրախճանաց, եւ զձայն ցնծացելոց. զձա́յն հարսին, եւ զձայն փեսայի. զի յանապա́տ եղիցի երկիրն։



Chapter: 8  
ԳԼ(ՈՒԽ) Ը՜.


Verse: 1   Link to sept   ՛Ի ժամանակին յայնմիկ՝ ասէ́ տ(է)ր, հանցեն զոսկերս թագաւորացն յուդայ՝ եւ զոսկերս իշխանաց ն(ո)ց(ա), եւ զոսկերս քահանայից, եւ զոսկերս մարգարէից, եւ զոսկերս բնակչացն ե(րուսաղէ)մի՝ ՛ի գերեզմանաց իւրեանց։

Verse: 2   Link to sept   եւ ցամաքեցուսցեն յարեւու, եւ ընդ լուսնով, եւ ընդ ա(մենայ)ն աստեղբք, եւ առաջի ա(մենայ)ն զօրութե(ան)ց երկնից զոր սիրեցինն՝ եւ որոց ծառայեցինն, եւ որոց զհե́տն գնացին, եւ յորս ապաստան լինէին, եւ երկի́ր պագանէին ն(ո)ց(ա)։ ո́չ կոծեսցին, եւ ո́չ լայցեն, այլ ՛ի նշաւա́կ եղիցին ՛ի վ(ե)ր(այ) երեսաց երկրի։

Verse: 3   Link to sept   զի ախորժեցին զմահ՝ եւ ո́չ զկեանս։ Եւ զմնացորդս որ մնացեալ իցեն յազգէ անտի չարէ. ընդ ա(մենայ)ն տեղիս մնացելոցն ուր եւ մերժեցից զն(ո)ս(ա) անդր՝ ասէ́ տ(է)ր զօրութե(ան)ց։

Verse: 4   Link to sept   Եւ ասասցես ցն(ո)ս(ա). ա́յսպէս ասէ տ(է)ր. միթէ որ գլորին՝ ո՞չ յառնիցէ. կամ որ խոտորին՝ ո՞չ եւս դառնայցէ։

Verse: 5   Link to sept   արդ՝ ընդէ՞ր խոտորեցաւ ժողովուրդդ այդ եւ ե(րուսաղ)էմ՝ խոտորումն ժպիրհ. եւ պնդեցան կամօք իւրեանց՝ եւ ո́չ կամցեան դառնալ։

Verse: 6   Link to sept   Ո́ւնկընդիք եւ լուարո́ւք, ո́չ այդպէս խօսին. եւ ո́չ գոյ մարդ որ զղջանայ ՛ի վ(ե)ր(այ) չարեաց իւրոց, եւ ասէ թէ զինչ գործեցի. կասեաց ընթացօղն յընթացից իւրոց՝ իբրեւ զձի́ ընդ քիրտն մտեալ ՛ի խըխնջել իւրում։

Verse: 7   Link to sept   Արդ՝ արսինն յերկինս ծանեաւ զժամանակ իւր. տատրակ եւ ծիծա́ռն թռչունք վայրի՝ պահեցին զժամանակս մտից իւրեանց. եւ ժողովուրդ իմ ո́չ ծանեաւ զիրաւունս տ(եառ)ն։

Verse: 8   Link to sept   Զիա՞րդ ասիցէք՝ թէ իմաստունք եմք, եւ օրէնք ա(ստուծո)յ են ՛ի մեզ. վ(ա)ս(ն) այդորիկ զո́ւր եղեւ սուտ վիճակն դպրացն։

Verse: 9   Link to sept   յամօթ եղեն իմաստունքն. զարհուրեցա́ն եւ պարտեցան. զի զբան տ(եառ)ն անարգեցին. զի՞նչ իմաստութի(ւն) իցէ ՛ի ն(ո)ս(ա)։

Verse: 10   Link to sept   Վ(ա)ս(ն) այնորիկ տա́ց զկանայս նոցա այլոց, եւ զագարակս ն(ո)ց(ա) օտա́ր ժառանգաց. զի ՛ի փոքու(թեն)է մինչեւ ՛ի մեծամեծս ն(ո)ց(ա) ա(մենայ)ն ոք ագահէ́ զագահութի(ւն). ՛ի մարգարէէ մինչեւ ցքահանայն՝ ա(մենայ)ն ոք առնէ անիրաւութի(ւն)։

Verse: 11   Link to sept   Եւ բժշկէին զբեկումն դստեր ժողովրդեան իմոյ ընդ արհամարհանս. եւ ասէին խաղաղութի(ւն) խաղաղու(թ)ի(ւն), եւ ո́չ գոյր խաղաղու(թ)ի(ւն)։

Verse: 12   Link to sept   Ամաչեսցեն զի արարին զպղծու(թ)ի(ւն). սակայն եւ այնպէս ո́չ ամաչեցին ամօթով, եւ զպատկառանս ո́չ առին ՛ի միտ։ վ(ա)ս(ն) այնորիկ անկցին ընդ անկեալսն ՛ի ժամանակի այցելութե(ան) իւրեանց, եւ տկարասցին՝ ասէ տ(է)ր։

Verse: 13   Link to sept   Եւ ժողովեսցեն զարդիւնս իւրեանց՝ ասէ տ(է)ր. չի́ք խաղող յայգիս ն(ո)ց(ա), եւ ո́չ թուզ ՛ի թզենիս ն(ո)ց(ա). եւ տերեւն թօթափեցաւ. ետու ն(ո)ց(ա)՝ եւ ա́նց զնոքօք։

Verse: 14   Link to sept   Արդ մեք՝ զի՞ նստիցեմք, այլ ժողովեցարո́ւք՝ եւ մտցուք ՛ի քաղաքս ամուրս, եւ ա́նդր անկցուք. զի տ(է)ր ա(ստուա)ծ մեր ընկէց զմեզ, եւ արբոյց մեզ ջուր դառնութե(ան), զի մեղաք առաջի ն(ո)ր(ա)։

Verse: 15   Link to sept   Ժողովեցա́ք ՛ի խաղաղութի(ւն), եւ ո́չ գոյր բարու(թ)ի(ւն)։ ՛ի ժամանակի բժշկութե(ան)՝ եւ ահա տագնա́պ։

Verse: 16   Link to sept   ՛Ի դանա́յ լուիցուք զձայն երագու(թ)ե(ան) երիվարաց ն(ո)ր(ա). ՛ի ձայնէ խըխնջելոց հեծելոց ն(ո)ր(ա) շարժեցաւ երկիր ա(մենայ)ն. եկեսցէ եւ կերիցէ զերկիր լրիւ իւրով, զքաղաքս եւ զբնակիչս ն(ո)ր(ա)։

Verse: 17   Link to sept   Քանզի ես աւասիկ արձակե́մ ՛ի ձեզ օձս կոտորիչս, յորս ո́չ մտանիցեն թովչութիք, եւ հարկանիցեն զձեզ՝ ասէ տ(է)ր.

Verse: 18   Link to sept   եւ յանբժշկական ցաւս սրտից ձերոց տարակուսելոց։

Verse: 19   Link to sept   Ահա ձա́յն գուժի դստեր ժողովրդեան իմոյ յերկրէ́ հեռաստանէ. միթէ տ(է)ր ո՞չ գուցէ ՛ի սիովն. կամ թագաւո́ր անդ՝ ո՞չ իցէ. ընդէ՞ր բարկացուցին զիս դրօշելովք իւրեանց, եւ սնոտւովք օտարոտւովք։

Verse: 20   Link to sept   Անցի́ն հունձք, ա́նց ամառն. եւ մեք ո́չ փրկեցաք։

Verse: 21   Link to sept   ՛Ի վ(ե)ր(այ) բեկման դստեր ժողովրդեան իմոյ խորտակեցա́յ. խաւարեցա́յ տարակուսանօք. յաղթահարեցին զիս երկունք իբրեւ ծննդականի։

Verse: 22   Link to sept   Միթէ դեղ ո՞չ գուցէ ՛ի գաղաադ, կամ բժիշկ ո՞չ կայցէ անդ. ընդէ՞ր ո́չ եղեւ բժշկութի(ւն) դստեր ժողովրդեան իմոյ։



Chapter: 9  
ԳԼ(ՈՒԽ) Թ՜.


Verse: 1   Link to sept   Ո́ տայր զգլուխս իմ ջուր, եւ զաչս իմ աղբեւրս արտասուաց. եւ լայի զժողովուրդս զայս զտիւ եւ զգիշեր, եւ զվիրաւորեալս դստեր ժողովրդեան իմոյ։

Verse: 2   Link to sept   Ո́ տայր ինձ յանապատի դո́յղն օթեւանս. եւ թողուի զժողովուրդ իմ, եւ գնայի ՛ի դոցանէ. զի ամենեքեան շնան՝ առհասարակ ժողովուրդք արհամարհողաց։

Verse: 3   Link to sept   Եւ լարեցին զլեզուս իւրեանց իբրեւ զաղեղն։ ստութի(ւն)՝ եւ ո́չ հաւատք զօրացան ՛ի վ(ե)ր(այ) երկրի. զի ՛ի չարեաց ՛ի չարիս ելին, եւ զիս ո́չ ծանեան՝ ասէ տ(է)ր։

Verse: 4   Link to sept   Իւրաքանչիւր յընկերէ իւրմէ զգո́յշ լերուք, եւ յեղբա́րս ձեր մի́ յուսայք։ Զի ա(մենայ)ն եղբայր՝ խաբելով խաբէ, եւ ա(մենայ)ն բարեկամ նեղու(թեամ)բ գնայ։

Verse: 5   Link to sept   Իւրաքանչիւր զբարեկամ իւր այպանեն, եւ ճշմարտութի(ւն) ո́չ խօսին. ուսաւ լեզու ն(ո)ց(ա) խօսել ստութի(ւն). զրկեցին, եւ ո́չ դադարեցին

Verse: 6   Link to sept   ժողովել վաշխս ՛ի վ(ե)ր(այ) վաշխից, եւ նեղութի(ւն) ՛ի վ(ե)ր(այ) նենգութե(ան)ց. եւ ո́չ կամեցան զիս ճանաչել՝ ասէ տ(է)ր։

Verse: 7   Link to sept   Վ(ա)ս(ն) այնորիկ այնորիկ այսպէս ասէ տ(է)ր՝ տ(է)ր զօրու(թ)ե(ան)ց. ահաւադիկ ես ջեռուցից զն(ո)ս(ա), եւ փորձեցից զն(ո)ս(ա). զի արարից յերեսաց չարեաց դստեր ժողովրդեան իմոյ

Verse: 8   Link to sept   բալի́ստր խոցոտիչ։ լեզուք ն(ո)ց(ա) նենգաւորք. եւ բանք բերանոյ նոցա ընդ ընկերի իւրում խօսին զխաղաղու(թ)ի(ւն), եւ ՛ի սրտի իւրում ունին զթշնամութի(ւն)։

Verse: 9   Link to sept   Միթէ ՛ի վ(ե)ր(այ) այսոցիկ ո՞չ արարից այցելութի(ւն)՝ ասէ տ(է)ր. կամ յազգէ այնպիսւոյ ո՞չ խնդրեսցէ վրէժ անձն իմ։

Verse: 10   Link to sept   կո́ծ առէք ՛ի վ(ե)ր(այ) լերանց, եւ ձայնս ՛ի վ(ե)ր(այ) բլրոց անապատի. ողբացէ́ք, քանզի պակասեցին առ ՛ի չգոյէ մարդկան անցաւորաց, եւ ո́չ լուան զձայնս ստացուածոց. ՛ի թռչնոց երկնից մինչեւ ցանասունս յիմարեցա́ն եւ գնացին։

Verse: 11   Link to sept   Եւ տաց զե(րուսաղէ)մ ՛ի գերու(թ)ի(ւն) եւ ՛ի բնակութի(ւն) վիշապաց. եւ զքաղաքս յուդայ եդից յապականու(թ)ի(ւն), առ ՛ի չգոյէ բնակչաց։

Verse: 12   Link to sept   Ո՞վ է այր իմաստուն՝ եւ ՛ի մի́տ առցէ զայս, եւ առ ո՞ւմ բան բերանոյ տ(եառ)ն, պատմեսցէ մեզ թէ վ(ա)ս(ն) է՞ր կորեաւ երկիր. լքա́ւ իբրեւ զանապատ առ ՛ի չգոյէ անցաւորաց։

Verse: 13   Link to sept   Եւ ասէ ցիս տ(է)ր, վ(ա)ս(ն) թողլոյն դոցա զօրէնս իմ զոր եդի առաջի աչաց ն(ո)ց(ա), եւ ո́չ լուան ձայնի իմում։

Verse: 14   Link to sept   եւ գնացին զհետ հաճոյից սրտից իւրեանց չարաց, եւ զհետ կռոցն զոր ցուցին ն(ո)ց(ա) հարքն ն(ո)ց(ա)։

Verse: 15   Link to sept   Վ(ա)ս(ն) այնորիկ ա́յսպէս ասէ տ(է)ր զօրութե(ան)ց՝ ա(ստուա)ծ ի(սրայէ)լի. ահաւասիկ ես ջամբե́մ ժողովրդեանդ այդորիկ վտանգ. եւ արբուցանեմ դոցա ջո́ւր դառնու(թ)ե(ան)։

Verse: 16   Link to sept   եւ ցրուեցից զդոսա ընդ ազգս զորս ո́չ գիտացին դոքա, եւ ոչ հարքն իւրեանց. եւ արձակեցից ՛ի վ(ե)ր(այ) դոցա սո́ւր, մինչեւ սատակեցից զդոսա նովաւ։

Verse: 17   Link to sept   Ա́յսպէս ասէ տ(է)ր զօրու(թ)ե(ան)ց. զմտա́ւ ածէ́ք՝ եւ կոչեցէ́ք զձայնարկուս՝ եւ եկեսցեն. եւ առ իմաստուն կանայս առաքեցէ́ք, եւ ճչեսցեն։

Verse: 18   Link to sept   եւ ստիպեսցեն, եւ առցեն ո́ղբս ՛ի վ(ե)ր(այ) ձեր. եւ իջուսցեն աչք ձեր արտասուս, եւ արտեւանունք ձեր բղխեսցեն ջուր։

Verse: 19   Link to sept   Զի ձա́յն ողորմ գուժեաց ՛ի սիովն. զիարդ թշուառացա́ք, ամաչեցաք յո́յժ, զի լքա́ք զերկիր, եւ ընկեցա́ք զբնակու՝իս մեր։

Verse: 20   Link to sept   Լուարո́ւք կանայք զպատգամս տ(եառ)ն ա(ստուծո)յ, եւ ընկալցին ականջք ձեր զբանս բերանոյ ն(ո)ր(ա). եւ արդ՝ ուսուցե́ք դստերաց ձերոց ձայնս. եւ կին՝ ընկերի իւրում ո́ղբս։

Verse: 21   Link to sept   զի ե́լ մահ ընդ պատուհանս ձեր, եւ եմո́ւտ յերկիր ձեր. ջնջել զտղայս արտաքո́ւստ, եւ զերիտասարդս ՛ի հրապարակաց։

Verse: 22   Link to sept   Ա́յսպէս ասէ տ(է)ր. եղիցին դիակունք մարդկան նշաւա́կ ընդ երեսս դաշտաց երկրի ձերոյ, եւ իբրեւ զխոտ զկնի հնձողի. եւ ո́չ ոք իցէ որ ժողովիցէ։
Section: 10 

Verse: 23   Link to sept   Ա́յսպէս ասէ տ(է)ր, մի́ պարծեսցի իմաստունն յիմաստութի(ւն) իւր, եւ մի́ պարծեսցի հզօրն ՛ի զօրութի(ւն) իւր, եւ մի́ պարծեսցի մեծն ՛ի մեծու(թ)ի(ւն) իւր.

Verse: 24   Link to sept   այլ ա́յն պարծիցի՝ որ պարծիցի́ իմանալ եւ ճանաչե́լ զիս, թէ ես եմ տ(է)ր ա(ստուա)ծ. որ առնեմ զիրաւունս եւ զողորմու(թ)ի(ւն), եւ զարդարութի(ւն) ՛ի վ(ե)ր(այ) երկրի. եւ ՛ի նո́յնս են կամք իմ՝ ասէ տ(է)ր։

Verse: 25   Link to sept   Ահա աւուրք եկեսցեն ասէ տ(է)ր, եւ արարից ա́յց ՛ի վ(ե)ր(այ) ա(մենայ)ն թլփատելոց յանթլփատու(թ)ե(ան) իւրեանց.

Verse: 26   Link to sept   ՛ի վ(ե)ր(այ) եգիպտոսի, եւ ՛ի վ(ե)ր(այ) յուդայ, եւ ՛ի վ(ե)ր(այ) եդոմայ, եւ ՛ի վ(ե)ր(այ) որդւոցն ամովնայ, եւ ՛ի վ(ե)ր(այ) որդւոցն մովաբու, եւ ՛ի վ(ե)ր(այ) ա(մենայ)ն յապաւելոցն զերեսօք բնակչա́ց անապատի։ զի ա(մենայ)ն ազգ անթլփատ են մարմնով. եւ ա(մենայ)ն ի(սրայ)էլ անթլփա́տ են սրտիւք իւրեանց։



Chapter: 10  
ԳԼ(ՈՒԽ) Ժ՜.


Verse: 1   Link to sept   Լուարո́ւք զպատգամս զոր խօսեցաւ տ(է)ր ՛ի վ(ե)ր(այ) ձեր՝ տունդ ի(սրայէ)լի։

Verse: 2   Link to sept   Ա́յսպէս ասէ տ(է)ր ըստ ճանապարհաց հեթանոսաց մի́ ուսանիք, եւ ՛ի նշանաց երկնից մի́ զարհուրիք. զի նոքա երկնչին յերեսաց ն(ո)ց(ա)։

Verse: 3   Link to sept   Զի ա(մենայ)ն կուռք հեթանոսաց սնոտի́ք են. փայտ յանտառէ հատեալ, գործք ձեռաց հիւսանց։

Verse: 4   Link to sept   ձոյլ արծաթոյ եւ ոսկւոյ զարդարեալք. ուռամբք եւ բեւեռօք հաստատեցին զնոսա՝ զի ո́չ շարժեսցին. արծա́թ ճախարակեայ, արծաթ ՛ի գործ արկեալ ՛ի թարշշէ, եւ ոսկի եկեալ ՛ի մեմփաթայ։

Verse: 5   Link to sept   Եւ ձեռն ոսկերչի գործեաց գործ ճարտարաց. կապուտակ եւ ծիրանի զգեցուցանեն ն(ո)ց(ա). եւ ո́չ գնասցեն, այլ բառնալով բարձցին. եւ ո́չ քայլ մի ոտին փոխեսցեն, եւ ո́չ ինքնին ՛ի կրելիսն ամբարձցին։ մի́ երկնչիք ՛ի նոցանէ, զի ո́չ չար առնեն, եւ բարի իսկ ո́չ գոյ ՛ի ն(ո)ս(ա)

Verse: 6   Link to sept   Չի́ք ոք իբրեւ զքեզ տ(է)ր. մե́ծ ես՝ եւ մե́ծ է անուն քո զօրութ(եամ)բ։

Verse: 7   Link to sept   ո՞ ոչ երկիցէ ՛ի քէն թագաւոր ազգաց. զի քե́զ իսկ վայելէ. զի յա(մենայ)ն իմաստունս հեթանոսաց, եւ յա(մենայ)ն թագաւորս ն(ո)ց(ա) ո՞վ է իբրեւ զքեզ։

Verse: 8   Link to sept   Եւ միանգամայն այրեսցին, եւ տկարասցին սիրտք սնոտեաց. զի փա́յտ են։

Verse: 9   Link to sept   եւ արծա́թ ընտի́ր եկեալ ՛ի թարշշայ, եւ ոսկի ՛ի սովփաթայ, գործ ճարտարա́ց ա(մենայ)ն, եւ ձեռաց ոսկերչաց. կապուտա́կ եւ ծիրանի հանդերձք ն(ո)ց(ա). գո́րծ իմաստնոց ա(մենայ)ն։

Verse: 10   Link to sept   Այլ տ(է)ր ա(ստուա)ծ մեր ճշմարիտ. է ա(ստուա)ծ կենդանի, եւ թագաւոր յաւիտենական. եւ ՛ի սրտմտութ(են)է ն(ո)ր(ա) շարժեսցի́ երկիր՝ եւ ո́չ հանդարտեսցեն ազգք բարկու(թ)ե(ան) ն(ո)ր(ա)։

Verse: 11   Link to sept   Եւ ա́յսպէս ասասջիք ցն(ո)ս(ա). աստուածք որ զերկինս եւ զերկիր ո՞չ արարին՝ կորիցե́ն յերկրէ, եւ ՛ի ներքոյ երկնիցս այսոցիկ։

Verse: 12   Link to sept   Տ(է́)ր է՝ որ արար զերկիր զօրութ(եամ)բ իւրով, եւ կանգնեաց զտիեզերս իմաստութ(եամ)բ իւրով. եւ խորհրդով իւրով ձգեաց զերկինս։

Verse: 13   Link to sept   եւ ՛ի տալոյ զձայն իւր՝ լնո́ւ բազմու(թ)ի(ւն) ջուրցն յերկինս. հանէ զամպս ՛ի ծագաց երկրէ՝ եւ զփայլատակունս իւր յանձրեւս արար. հանէ զհողմս յշտեմարանաց իւրոց։

Verse: 14   Link to sept   Յիմարեցաւ ա(մենայ)ն մարդ ՛ի գիտութ(են)է. յամօ́թ եղեն ա(մենայ)ն ոսկերիչք դրօշելովք իւրեանց. զի սո́ւտ ձուլեցին, եւ չի́ք շունչ ՛ի նոսա.

Verse: 15   Link to sept   սնոտի́ են՝ եւ գործք խաբէու(թ)ե(ան)։ ՛ի ժամանակի այցելութե(ան) իւրեանց կորիցեն։

Verse: 16   Link to sept   Այլ ո́չ այնպիսի ինչ է բաժինն յակովբայ. զի որ ստեղծն զա(մենայ)ն՝ նա́ է բաժին ն(ո)ր(ա). եւ ի(սրայ)էլ գաւազան ժառանգու(թ)ե(ան) ն(ո)ր(ա)։ Տ(է)ր զօրութե(ան)ց անուն է ն(ո)ր(ա)։

Verse: 17   Link to sept   ժողովեա́ ՛ի բացուստ զզօրութի(ւն) քո բնակեալդ ՛ի մէջ ընտրելոց։

Verse: 18   Link to sept   Ա́յսպէս ասէ տ(է)ր. ահաւասիկ ես քարընդոտնե́մ զբնակիչս երկրիդ այդորիկ նեղու(թեամ)բ. եւ նեղեցի́ց զն(ո)ս(ա) զի մի́ գտցին։

Verse: 19   Link to sept   Վա́յ ՛ի վ(ե)ր(այ) բեկման քոյ, զի ցաւագի́ն են հարուածք քո։ եւ ասեմ, արդարեւ ա́յդ իսկ են վէրք իմ, եւ եհաս յիս։

Verse: 20   Link to sept   խորանն իմ չուառացաւ, կորեաւ. եւ ա(մենայ)ն խորանափեղկք իմ քակտեցա́ն. որդիք իմ եւ խաշինք իմ ո́չ ուրեք էին, եւ ո́չ եւս գոյ տեղի խորանի իմոյ, եւ ո́չ տեղի խորանափեղկաց իմոց։

Verse: 21   Link to sept   Զի հովիւքն անմտացան, եւ զտ(է)ր աչ խնդրեցին. վ(ա)ս(ն) այնորիկ ո́չ իմացան ա(մենայ)ն արօտականքն, եւ ցրուեցան։

Verse: 22   Link to sept   Ձայն գուժի եկեսցէ, եւ շարժումն մե́ծ յերկրէ հիւսւսոյ, կարգել զքաղաքս յուդայ յապականու(թ)ի(ւն)՝ եւ ՛ի դադարս ջայլամանց։

Verse: 23   Link to sept   Գիտե́մ տ(է)ր՝ զի ո́չ մարդոյ է ճնապարհ իւր. եւ ո́չ այր գնասցէ, եւ յաջողեսցէ զճանապարհս իւր։

Verse: 24   Link to sept   Խրատեա́ զմեզ տ(է)ր. բայց իրաւա́մբք, եւ մի́ ցասմամբ. զի մի́ սակաւաւո́րս արասցես զմեզ։

Verse: 25   Link to sept   Հե́ղ զբարկութի(ւն) քո ՛ի վ(ե)ր(այ) հեթանոսաց որ ո́չ գիտեն զքեզ, եւ ՛ի վերայ ազգաց որ զանուն քո ո́չ կարդացին. զի կերան զյակովբ՝ եւ սպառեցին զնա. եւ վախճանեցին զնա, եւ զարօտս ն(ո)ր(ա) աւերեցին։



Chapter: 11  
ԳԼ(ՈՒԽ) Ժ՜Ա.


Section: 11 

Verse: 1   Link to sept   Բանն որ եղեւ առ երեմիա՝ ՛ի տ(եառն)է եւ ասէ։

Verse: 2   Link to sept   Լուարո́ւք զբան ուխտիս այսորիկ, եւ խօսեցարո́ւք ընդ արսդ յուդայ՝ եւ ընդ բնակիչսդ ե(րուսաղէ)մի։

Verse: 3   Link to sept   Եւ ասասցես ցն(ո)ս(ա). ա́յսպէս ասէ տ(է)ր ա(ստուա)ծ ի(սրայէ)լի. Անիծեա́լ լիցի մարդն որ ո́չ լուիցէ բանից ուխտիս այսորիկ։

Verse: 4   Link to sept   զոր պատուիրեցի հարցն ձերոց, յաւուր յորում հանի զնոսա յերկրէն եգիպտացւոց՝ ՛ի հնոցէ երկաթոյն. եւ ասեմ, լուարո́ւք ձայնի իմում, եւ արարէք զայդ ըստ ա(մենայ)նի զոր ինչ պատուիրեմ ձեզ. եւ եղիջիք ինձ ՛ի ժողովո́ւրդ, եւ ես եղէց ձե́զ յա(ստուա)ծ։

Verse: 5   Link to sept   Եւ հաստատեցից զերդումն իմ զոր արդուայ հարցն ձերոց, տա́լ ն(ո)ց(ա) զերկիրն որ բղխէ զմեղր եւ զկաթն. ո(ր)պ(էս) եւ այսօր։ Պատասխանի́ ետու՝ եւ ասեմ, այո́ տ(է)ր՝ եղիցի։

Verse: 6   Link to sept   Եւ ասէ ցիս տ(է)ր. ընթերցի́ր զա(մենայ)ն զբանսդ զայդոսիկ ՛ի քաղաքսդ յուդայ՝ եւ արտաքոյ ե(րուսաղէ)մի, եւ ասասցես. լուարո́ւք զպատգամ ուխտիդ այդորիկ, եւ արարէ́ք զդոսա։

Verse: 7   Link to sept   Զի վկայու(թեամ)բ եդի զվկայութի(ւն) հարցն ձերոց՝ յաւուրն հանելոյ իմոյ զն(ո)ս(ա) յերկրէն եգիպտացւոց, եւ մինչեւ ցայսօր. կանխել ընդ առաւօտս՝ եւ դնել վկայութի(ւն)՝ եւ ասել, լուարո́ւք ձայնի իմում, եւ ո́չ լուան։

Verse: 8   Link to sept   Եւ խոտորեցուցին զլսելիս իւրեանց, եւ գնացին այր ըստ յօժարութե(ան) սրտից իւրեանց ՛ի չարիս։ եւ ածից ՛ի վ(ե)ր(այ) ն(ո)ց(ա) զա(մենայ)ն բանս ուխտիս այսորիկ՝ զոր պատուիրեցի ն(ո)ց(ա) առնել՝ եւ ո́չ արարին։

Verse: 9   Link to sept   Եւ ասէ ցիս տ(է)ր. գտա́ւ կնճիռն յարսդ յայդոսիկ՝ եւ ՛ի բնակիչսդ ե(րուսաղէ)մի։

Verse: 10   Link to sept   դարձան յանիրաւութի(ւն)ս հարցն իւրեանց առաջնոց, որք ո́չ կամեցան լսել բանից իմոց. եւ ահաւադիկ երթան զհետ աստուածոց օտարաց ծառայե́լ ն(ո)ց(ա)։ եւ ցրեցին տունն ի(սրայէ)լի եւ տունն յուդայ զուխտն իմ, զոր ուխտեցի ընդ հարս նոցա։

Verse: 11   Link to sept   Վ(ա)ս(ն) այնորիկ ա́յսպէս ասէ տ(է)ր. ահաւադիկ ես ածի́ց ՛ի վ(ե)ր(այ) դոցա չարիս, յորոց ո́չ կարասցեն ելանել. եւ աղաղակեսցեն առիս՝ եւ ո́չ լուայց ն(ո)ց(ա)։

Verse: 12   Link to sept   Եւ գնասցեն քաղաքք յուդայ՝ եւ բնակիչք ե(րուսաղէ)մի, եւ աղաղակեսցեն առ դիսն իւրեանց որոց արկանէին խունկս. եւ փրկելով ո́չ փրկեսցեն զնոսա ՛ի ժամանակի չարեաց իւրեանց։

Verse: 13   Link to sept   Զի ըստ թուոյ քաղաքացն քոց էին դիքն քո յուդայ, եւ ըստ թուոյ անցիցն ե(րուսաղէ)մի կարգեցէք բագինս եւ սեղանս ամօթոյ, արկանել խո́ւնկս բահաղու։

Verse: 14   Link to sept   Եւ դու՝ մի́ կար յաղօթս վասն ժողովրդեանդ այդորիկ, եւ մի́ աղաչեր վասն դոցա խնդրուածովք, եւ պաղատիր, զի ո́չ լսեմ ՛ի ժամանակի յորում կարդասցեն առիս՝ ՛ի ժամանակի չարեա́ց իւրեանց։

Verse: 15   Link to sept   Զի ընդ սիրելին ասեմ՝ զի ՛ի ներքս ՛ի տաճարին իմում արա́ր գարշելիս. միթէ աղօ՞թք, եւ մի́ս նուիրեալ՝ անոցուցանիցեն ՛ի քէն զչարիս քո. կամ թէ այնպիսեօ՞ք ապրիցիս։

Verse: 16   Link to sept   Ձիթենի գեղեցիկ վարսաւոր տեսլեամբ կոչեաց տ(է)ր զանուն քո.՛ի ձայնէ թլփատութե(ան) ն(ո)ց(ա). մե́ծ է նեղու(թ)ի(ւն) ՛ի վ(ե)ր(այ) քոյ, անպիտանացա́ն ոստք քո։

Verse: 17   Link to sept   Եւ տ(է)ր ա(ստուա)ծ զորութե(ան)ց որ տնկեաց զքեզ՝ խօսեցաւ ՛ի վ(ե)ր(այ) քո չարի́ս փոխանակ չարեաց տանն ի(սրայէ)լի, եւ տանն յուդայ։ զի արարին անձամբ անձանց ՛ի բարկացուցանե́լ զիս, յարկանել ն(ո)ց(ա) խունկս բահաղու։
Section: 12 

Verse: 18   Link to sept   Տ(է)ր ծանո́ ինձ եւ ծանեայց. յայնժամ տեսի զգործս ն(ո)ց(ա)։

Verse: 19   Link to sept   Ես իբրեւ զգառն անմե́ղ վարեալ ՛ի սպանդ. ո́չ գիտացի թէ զինէն խորհեցան խորհուրդ չար, եւ ասեն. եկա́յք արկցուք փա́յտ ՛ի հաց ն(ո)ր(ա), եւ ջնջեսցուք զնա յերկրէն կենդանեաց. եւ անուն ն(ո)ր(ա) մի́ եւս յիշեսցի։

Verse: 20   Link to sept   Տ(է)ր զօրութե(ան)ց որ ընտրե́ս զիրաւունս, եւ քննե́ս զերիկամունս եւ զսիրտս, տեսից առ ՛ի քէն զվրէժխնդրութի(ւն) առ ՛ի նոսա. զի քե́զ յայտնեցի զիրաւունս իմ։


Verse: 21   Link to sept   Վասն այնորիկ ա́յսպէս ասէ տր ՛ի վ(ե)ր(այ) արանցն անաթովթայ որ խնդրեն զանձն քո, եւ ասեն մի́ մարգարէանար վ(ա)ս(ն) մեր, ապա թէ ոչ՝ մեռանի́ս ՛ի ձեռաց մերոց։

Verse: 22   Link to sept   Վ(ա)ս(ն) այդորիկ ա́յսպէս ասէ տ(է)ր զօրութե(ան)ց. ահաւասիկ ես ա́յց արարից ՛ի վ(ե)ր(այ) ն(ո)ց(ա). երիտասարդք ն(ո)ց(ա) սրո́վ մեռցին, եւ ուստերք եւ դստերք ն(ո)ց(ա) սովո́վ վախճանեսցին։

Verse: 23   Link to sept   Եւ մնացորդք ո́չ եղիցի ն(ո)ց(ա). զի ածից չարի́ս ՛ի վերայ բնակչացն անաթովթայ յա(մենայ)նի́ այցելութե(ան) նոցա։



Chapter: 12  
ԳԼ(ՈՒԽ) Ժ՜Բ.


Verse: 1   Link to sept   Արդա́ր ես դու տ(է)ր, եւ մատուցից առաջի քո աղե́րս. բայց խօսեցայց զիրաւո́ւնս։ զի՞ է զի ճանապարհք ամպարշտաց յաջողեալ են, եւ երջանկացան ամենեքեան որ արհամարհէին զարհամարհանս։

Verse: 2   Link to sept   Տնկեցեր զն(ո)ս(ա)՝ եւ արմատացա́ն. ծնան որդիս՝ եւ արարին պտո́ւղ։ մե́րձ ես դու տ(է)ր ՛ի բերանս ն(ո)ց(ա), եւ հեռի ես յերիկամանց ն(ո)ց(ա)։

Verse: 3   Link to sept   Եւ դու տ(է)ր գիտես զիս. տեսեր զիս՝ եւ փորձեցեր զսիրտ իմ առաջի քո։ ժողովեա́ զն(ո)ս(ա) իբրեւ զոչխար ՛ի սպանումն, եւ նուիրեա́ զն(ո)ս(ա) յաւուր սպանման նոցա։

Verse: 4   Link to sept   Մինչեւ յե՞րբ սո́ւգ ունիցի երկիր, եւ խո́տ ա(մենայ)ն վայրի ցամաքեսցի́. ՛ի չարեաց բնակչաց երկրին ապականեցան անասուն եւ թռչուն։ զի ասացին թէ ո́չ տեսցէ ա(ստուա)ծ զճանապարհս մեր։

Verse: 5   Link to sept   Ոտք քո ընթանան՝ եւ լքուսցեն զքեզ. զի՞արդ կազմիցիս երիվարօք։ իսկ արդ՝ յերկի՞րդ խաղաղութե(ան) յուսացեալ ես. զի՞ գործիցես ՛ի վերանալ յորդանան գետոյ։

Verse: 6   Link to sept   Քանզի եւ եղբարքն քո՝ եւ տուն հօր քոյ. եւ նոքա դաւաճանեցին զքեզ, եւ նոքին աղաղակեցին զկնի քո, կուտեցա́ն ՛ի վ(ե)ր(այ) քո. մի́ հաւատար ն(ո)ց(ա) զի խօսեսցին զքէն չարու(թ)ի(ւն)։

Verse: 7   Link to sept   Լքի́ զտուն իմ. թողի́ զժառանգութի(ւն) իմ. ետո́ւ զսիրելին անձին իմոյ ՛ի ձեռս թշնամեաց իւրոց։

Verse: 8   Link to sept   եղեւ ժառանգութի(ւն) իմ ինձ իբրեւ առեւծ յանապատի. ե́տ ՛ի վ(ե)ր(այ) իմ զբարբառ իւր, վ(ա)ս(ն) այնորիկ ատեցի զնա։

Verse: 9   Link to sept   Միթէ որջ բորենւո՞յ իցէ ժառանգութի(ւն) իմ ինձ, կամ ա́յրք շուրջ զնովաւ, շրջեցարուք ժողովեցէ́ք զա(մենայ)ն գազանս անապատի՝ եւ եկեսցեն ուտե́լ զն(ո)ս(ա)։

Verse: 10   Link to sept   Հովիւք բազումք ապականեցին զայգի իմ. եղծի́ն զբաժին իմ։ արարին զվիճակն իմ ցանկալի́ յանապատ անկոխ. եդաւ յապականութի(ւն) կորստեան։ Վ(ա)ս(ն) իմ ապականեցաւ ապականութ(եամ)բ ա(մենայ)ն երկիր. զի ո́չ ընդ հուպ արարի հատուցանել. զի ո́չ գոյ մարդ որ դնէ ՛ի սրտի։

Verse: 11   Link to sept   Ընդ ա(մենայ)ն ելս անապատի անցի́ն չուառացեալք. զի սուր տ(եառ)ն կերիցէ́ ՛ի ծագաց մինչեւ ՛ի ծագս երկրի, եւ ո́չ գոյ խաղաղու(թ)ի(ւն) ա(մենայ)ն մարմնոյ։

Verse: 12   Link to sept   ցորեան սերմանեցէք, եւ փո́ւշ հնձեսջիք. եւ վիճակքն ձեր ո́չ եղիցին ձեզ յօգուտ։ Յամօ́թ լերուք ՛ի պարծանաց ձերոց՝ ՛ի նախատանաց առաջի տ(եառ)ն։

Verse: 13   Link to sept   զի ա́յսպէս ասէ տ(է)ր, վ(ա)ս(ն) ա(մենայ)ն դրացեացդ չարաց որ մերձենան ՛ի ժառանգու(թ)ի(ւն) իմ, զոր բաշխեցի ժողովրդեան իմում ի(սրայէ)լի։ Ահաւասիկ ես կորզեցի́ց զն(ո)ս(ա) յերկրէն իւրեանց, եւ զտունն յուդայ հանից ՛ի միջոյ ն(ո)ց(ա).

Verse: 14   Link to sept   եւ եղիցի յետ հանելոյն զն(ո)ս(ա). դարձա́յց եւ ողորմեցայց ն(ո)ց(ա). եւ բնակեցուցից զն(ո)ս(ա)՝ իւրաքանչիւր ՛ի ժառանգու(թ)ե(ան) իւրում, եւ իւրաքանչիւր յերկրի իւրում։

Verse: 15   Link to sept   Եւ եղիցի եթէ ուսանելով ուսանիցին զճանապարհ ժողովրդեան իմոյ, երդնուլ յանուն իմ թէ կենդանի́ է տ(է)ր. ո(ր)պ(էս) ուսուցին զժողովուրդն իմ երդնուլ ՛ի բահաղ. եւ շինեսցին ՛ի մէջ ժողովրդեան իմոոյ։

Verse: 16   Link to sept   Եւ եթէ ո́չ դառնայցեն՝ ջնջեցի́ց զազգն զայն, եւ բարձի́ց կորստեամբ ասէ տ(է)ր։



Chapter: 13  
ԳԼ(ՈՒԽ) Ժ՜Գ.


Section: 13 

Verse: 1   Link to sept   Ա́յսպէս ասէ տ(է)ր. գնա́ եւ ստացի́ր քեզ սփածանելի կտաւի, եւ ա(ստուա)ծ զմիջով քո. եւ ընդ ջուր մի́ անցանիցես։

Verse: 2   Link to sept   Եւ ստացայ սփածանելի ըստ բանին տ(եառ)ն, եւ ածի́ զմիջով իմով։

Verse: 3   Link to sept   Եւ եղեւ բան տ(եառ)ն առիս կրկին անգամ՝ եւ ասէ։

Verse: 4   Link to sept   ա́ռ զսփածանելիդ զոր ատացա́ր ՛ի միջոյ քումմէ. եւ արի́ գնա յափն եփրատու, եւ թաքուսցես զդա անդ ՛ի ծակ վիմի։

Verse: 5   Link to sept   եւ չոգա́յ եւ թաքուցի զնա յեփրատ, ո(ր)պ(էս) պատուիրեաց ինձ տ(է)ր։

Verse: 6   Link to sept   Եւ եղեւ յետ բազում աւուրց՝ ասէ ցիս տ(է)ր. արի գնա յափն եփրատայ, եւ առցես անտի զսփածանելին զոր հրամայեցի քեզ անդ թաքուցանել։

Verse: 7   Link to sept   Եւ գնացի յափն եփրատ գետոյ, փորեցի եւ առի զսփածանելին ՛ի տեղւոջէ անդ ուր թաղեցի զնա. եւ ահա ապականեալ էր սփածանելին, եւ ահա չէ́ր ինչ իմիք պիտանացու։

Verse: 8   Link to sept   Եւ եղեւ բան տ(եառ)ն առիս՝

Verse: 9   Link to sept   եւ ասէ. ա́յսպէս ասէ տ(է)ր. ա́յդպէս ապականեցից զհպարտու(թ)ի(ւն) յուդայ եւ զհպարտու(թ)ի(ւն) ե(րուսաղէ)մի։

Verse: 10   Link to sept   Զքաղաքն եւ զժողովուրդն իմ չար՝ որք ո́չ կամէին լսել բանից իմոց. որք գնա́ն ըստ յօժարութե(ան) սրտից իւրեանց չարաց, եւ երթան զհետ աստուածոց օտարաց ծառայե́լ ն(ո)ց(ա)՝ եւ երկի́ր պագանել։ եւ եղիցին իբրեւ զսփածանելիդ զայդ՝ որ ոչ եմիք է́ պիտանացու։

Verse: 11   Link to sept   Զի զոր օրինակ մեծանի սփածանելի զմիջով մարդոյ, նո́յնպէս մածուցի զինեւ զա(մենայ)ն տունդ ի(սրայէ)լի, եւ զա(մենայ)ն տունդ յուդայ՝ ասէ տ(է)ր. լինե́լ ինձ ժողովուրդ անուանի, եւ ՛ի պարծանս եւ ՛ի փառս. եւ ո́չ անսացին ինձ։

Verse: 12   Link to sept   Եւ ասասցես ժողովրդեանդ զպատգամսդ զայդ. ա́յսպէս ասէ տ(է)ր ա(ստուա)ծ ի(սրայէ)լի. ա(մենայ)ն տիկ գինւով լցցի։ եւ եղիցի եթէ ասիցեն ցքեզ. միթէ չգիտիցե՞մք գիտելով. եթէ ա(մենայ)ն տիկ գինւով լցցի։

Verse: 13   Link to sept   Եւ ասասցես ցն(ո)ս(ա). ա́յսպէս ասէ տ(է)ր. ահա ես լնո́ւմ զա(մենայ)ն բնակիչս երկրիդ այդորիկ, եւ զթագաւորս որդիս դաւթի որ նստին յաթոռ ն(ո)ր(ա), եւ զքահանայս եւ զմարգարէս, եւ զյուդա եւ զա(մենայ)ն բնակիչս ե(րուսաղէ)մի արբեցութ(եամ)բ։

Verse: 14   Link to sept   Եւ ցրուեցից զդոսա՝ զայր եւ զեղբայր իւր, զհայր եւ զորդիս իւրեանց ՛ի միասին՝ ասէ տ(է)ր. ո́չ գթացայց եւ ո́չ խնայեցից, եւ ո́չ ողորմեցայց ապականել զդոսա։

Verse: 15   Link to sept   Լուարո́ւք եւ ունկնդի́ր լերուք, եւ մի́ հպարտանայք՝ զի տ(է)ր խօսեցաւ։

Verse: 16   Link to sept   Տո́ւք տ(եառ)ն ա(ստուծո)յ ձերում փառս, մինչչե́ւ խաւարեալ եւ գայթագղեալ ոտից ձերոց ՛ի վ(ե)ր(այ) խաւարին լերանց։ ա́կն ունիցիք լուսոյ, եւ անդ ստուերք մահու. եւ դնիցիք ՛ի խաւարի։

Verse: 17   Link to sept   Եւ եթէ ո́չ լսիցէք նմա՝ գաղտադողի լայցեն անձինք ձեր յերեսաց թշնամեաց, եւ արտասուալի́ց իցէք արտասուօք. եւ իջուսցեն աչք ձեր արտասուս, զի խորտակեցա́ւ հօտն տ(եառ)ն։

Verse: 18   Link to sept   Ասացէ́ք ցթագաւորն եւ ցբռնաւորսն, թէ կորացարո́ւք եւ նստարո́ւք. զի անկա́ւ ՛ի գլխոց ձերոց պսակ փառաց ձերոց։

Verse: 19   Link to sept   փակեցան քաղաքք որ ընդ հարաւակողմն, եւ ո́չ ոք էր որ բանայր. գերեցաւ յուդա զվախճանեալ գերու(թ)ի(ւն), զկատարեալն հատուցմանց։

Verse: 20   Link to sept   Ամբա́րձ զաչս քո ե(րուսաղ)էմ, եւ տե́ս զարձակեալսդ ՛ի հիւսւսոյ. ո՞ւր է հօտն որ տուավ զքեզ, խաշինք փառաց քոց.

Verse: 21   Link to sept   զի՞նչ տացես պատասխանի ՛ի ժամանակի յորում պահանջիցեն ՛ի քէն. դո́ւ իսկ ուսուցեր զն(ո)ս(ա) ուսումն՝ տիրել ՛ի վ(ե)ր(այ) քո։ Ո՞չ ահա երկունք ունիցին զքեզ իբրեւ կնոջ ծննդականի։

Verse: 22   Link to sept   եւ եթէ ասիցես ՛ի սրտի քում, թէ ընդէ՞ր պատահեաց ինձ այս. վ(ա)ս(ն) բազմութե(ան) անիրաւու(թ)ե(ան) քոյ՝ յայտնեցաւ յետուստ քո խայտառակեալ զկրկունս քո։

Verse: 23   Link to sept   Եթէ փոխիցէ հնդիկ զմորթ իւր, եւ ինծ զխայտուցս իւր. եւ դուք կարօղ լինիցիք գործել զբարիս ուսեալք զչարիս։

Verse: 24   Link to sept   եւ ցրուեցից զն(ո)ս(ա) իբրեւ զխռիւ հողմակոծեալ յանապատի։

Verse: 25   Link to sept   Ա́յգ է վիճակ քո՝ եւ մասն չհաւանելդ ձեզ ինձ։ զի մոռացար զիս եւ յուսացար ՛ի ստու(թ)ի(ւն)ս։

Verse: 26   Link to sept   եւ ես մերկացից զյետուստ քո, եւ արկից զգլխով քո եւ զերեսօք, եւ երեւեսցին անարգանք քո։

Verse: 27   Link to sept   շնութի(ւն) եւ վրընջիւն քո, եւ օտարանալն յինէն պոռնկու(թեամ)բ քով։ ՛Ի բագինս եւ յանդս տեսի զգարմելիս քո։ Վա́յ քեզ ե(րուսաղ)էմ՝ զի ո́չ սրբեսցիս զկնի իմ. մինչեւ ցե՞րբ իցէ քեզ այդ։



Chapter: 14  
ԳԼ(ՈՒԽ) Ժ՜Դ.


Verse: 1   Link to sept   Եւ եղեւ բան տ(եառ)ն առ երեմիա վ(ա)ս(ն) երաշտու(թ)ե(ան) անձրեւի։

Verse: 2   Link to sept   Սո́ւգ առ հրէաստան, եւ դրունք ն(ո)ր(ա) թափո́ւր եղեն. խաւարեցան ՛ի վերայ երկրի, եւ աղաղակն ե(րուսաղէ)մի բարձրացաւ։

Verse: 3   Link to sept   եւ մեծամեծք ն(ո)ց(ա) առաքեցին զերիտասարդս իւրեանց զջրոյ. եկին ՛ի ջրհորս, եւ ո́չ գտին ջուր. դարձուցին ունայն զամանս իւրեանց։ Ամաչեցին յամօթ եղեն՝ եւ ծածկեցին զգլուխս իւրեանց։

Verse: 4   Link to sept   եւ գործ երկրին պակասեաց. զի ո́չ եղեւ անձրեւ ՛ի վերայ երկրի։ յամօթ եղեն մշակք, ծածկեցին զգլուխս իւրեանց։

Verse: 5   Link to sept   եղինք ՛ի վայրի ծնան, եւ թողին զծնունդս զի ո́չ գոյր բանջար։

Verse: 6   Link to sept   եւ ցիռք ՛ի դաշտս ծծեցին զօդս իբրեւ զվիշապս. եւ սորեցին աչք իւրեանց զի ո́չ գոյր խոտ։

Verse: 7   Link to sept   Եթէ մե́ղք մեր հակառակ կացին մեզ. դու տ(է)ր արա́ վ(ա)ս(ն) անուանդ քոյ. զի բազում են մեղք մեր առաջի քո. քե́զ մեղաք

Verse: 8   Link to sept   ակնկալութի(ւն)դ ի(սրայէ)լի։ Տ(է)ր փրկեա́ զմեզ ՛ի ժամանակի չարեաց. ընդէ՞ր եղեր իբրեւ զպանդուխտ յերկրի. կամ իբրեւ զբնակ երկրի որ դառնայցէ յօթեվանս։

Verse: 9   Link to sept   Միթէ իցե́ս իբրեւ զմարդ որ ննջէ՞. կամ իբրեւ զայր որ ո́չ կարէ ապրեցուցանել։ եւ դու ՛ի միջի մերում ես տ(է)ր, եւ անուն քո կոչեցեալ է ՛ի վերայ մեր. մի́ մոռանար զմեզ։

Verse: 10   Link to sept   Ա́յսպէս ասէ տ(է)ր ժողովրդեանդ այդմիկ. ա́յնպէս սիրեցին շարժել զոտս իւրեանց՝ եւ ոչ խնայեցին. եւ ա(ստուա)ծ ո́չ հաճեցաւ ընդ նոսա. արդ յիշեսցէ զանիրաւութի(ւն)ս ն(ո)ց(ա), եւ ա́յց արասցէ մեղաց ն(ո)ց(ա)։

Verse: 11   Link to sept   Եւ ասէ ցիս տ(է)ր. մի́ կար յաղօթս վ(ա)ս(ն) ժողովրդեանն այնորիկ ՛ի բարիս։

Verse: 12   Link to sept   զի թէ պահեսցեն, ո́չ լուայց խնդրուածոց ն(ո)ց(ա). եւ եթէ մատուսցեն ողջակէզս եւ զոհս՝ ո́չ հաճեցայց ընդ այն. զի սրով եւ ս ովով եւ մահուամբ սպառեցից զն(ո)ս(ա)։

Verse: 13   Link to sept   Եւ ասեմ. ո́վ՝ որ եսդ տ(է)ր տ(է)ր. ահա մարգարէքն ասեն ն(ո)ց(ա)՝ թէ ո́չ տեսջիք զսուր, եւ սով՝ ո́չ եղիցի ՛ի միջի ձերում. զի ճշմարտութի(ւն) եւ խաղաղութի(ւն) տացի ՛ի վ(ե)ր(այ) երկրի, եւ ՛ի տեղւոջդ յայդմիկ։

Verse: 14   Link to sept   Եւ ասէ́ ցիս տ(է)ր. սո́ւտ մարգարէանան մարգարէքն յանուն իմ. ո́չ առաքեցի զն(ո)ս(ա), եւ ո́չ պատուիրեցի ն(ո)ց(ա), եւ ո́չ խօսեցայ ը(նդ) ն(ո)ս(ա). զի տեսիլս սուտս, եւ ըղձու(թ)ի(ւն)ս, եւ հմայս, եւ զկամս սրտից իւրեանց մարգարէանան նոքա ձեզ։

Verse: 15   Link to sept   Վ(ա)ս(ն) այսորիկ ա́յսպէս ասէ տ(է)ր ՛ի վ(ե)ր(այ) մարգարէիցն, որ մարգարէանան յանուն իմ, եւ ես ո́չ առաքեցի զն(ո)ս(ա) եւ ո́չ պատուիրեցի ն(ո)ց(ա). որ ասեն՝ թէ սուր եւ սով ո́չ եղիցի յերկրիս յայսմիկ։ յա́խտ ծիւրական մահու՝ եւ ՛ի սուր եւ ՛ի սով սպառեսցին մարգարէքն այնոքիկ,

Verse: 16   Link to sept   եւ ժողովուրդն որոց նոքայն մարգարէանան։ եւ եղիցին ընկեցեալս յանցս ե(րուսաղէ)մի՝ յերեսաց սրոյ եւ սովո́յ, եւ ո́չ ոք իցէ որ թաղիցէ զն(ո)ս(ա). ինքեանք՝ եւ կանայք իւրեանց, եւ ուստերք եւ դստերք ն(ո)ց(ա). եւ հեղից ՛ի վ(ե)ր(այ) ն(ո)ց(ա) զչարիս իւրեանց։

Verse: 17   Link to sept   Եւ ասասցե́ս ցն(ո)ս(ա) զա́յս բան. իջուցէ́ք ընդ աչս ձեր արտասուս ՛ի տուէ եւ ՛ի գիշերի, եւ մի́ պակասեսցին. զի բեկմա́մբ մեծաւ բեկաւ կոյս դուստր ժողովրդեան իմոյ, եւ ցաւագին հարուածովք յոյժ։

Verse: 18   Link to sept   Եթէ ելի́ց ՛ի դաշտ՝ ահա վիրաւո́րք սրոյ, եւ եթէ մտից ՛ի քաղաք՝ ահա ցա́ւք սովոյ. զի մարգարէ եւ քահանայ գնացին յերկիր զոր ո́չ գիտէին։
Section: 14 

Verse: 19   Link to sept   Միթէ խոտելով խոտեցե՞ր զյուդայ, կամ վերանալով վերացա՞ւ անձն քո. ընդէ՞ր հարեր զմեզ, եւ ո́չ գոյ մեր բժշկութի(ւն). ա́կն կալաք խաղաղութե(ան), եւ ո́չ գոյր բարութի(ւն). ժամանակի բժշկութե(ան)՝ եւ ահա խռովու(թ)ի(ւն)։

Verse: 20   Link to sept   Ծանեա́ք տ(է)ր զմեղս մեր, եւ զանիրաւու(թ)ի(ւն)ս հարց մերոց. զի մեղա́ք առաջի քո։

Verse: 21   Link to sept   դադարեա́ վ(ա)ս(ն) անուանդ քոյ. մի́ կորուսաներ զաթոռ փառաց քոց։ յիշեա́, մի́ ցրեր զուխտն քո որ ընդ մեզ։

Verse: 22   Link to sept   Միթէ իցէ՞ ՛ի կուռս հեթանոսաց՝ որ տեղասցէ. կամ թէ երկինք տայցե՞ն զլրութի(ւն) իւրեանց. ոչ ապաքէն դո՞ւ ես նոյն տ(է)ր ա(ստուա)ծ մեր, եւ ակնկալցուք քեզ զի դու արարեր զայս ա(մենայ)ն։



Chapter: 15  
ԳԼ(ՈՒԽ) Ժ՜Ե.


Verse: 1   Link to sept   Եւ ասէ ցիս տ(է)ր, եթէ կացցեն մովսէս եւ սամուէլ առաջի երեսաց իմոց, ո́չ եղիցի անձն իմ ը(նդ) ն(ո)ս(ա). ՛ի բա́ց արձակեա զժողովուրդդ զայդ յերեսաց իմոց՝ եւ ելցե́ն։

Verse: 2   Link to sept   Եւ եղիցի եթէ ասիցեն ցքեզ՝ յո՞վ ելցուք. ասասցես ցն(ո)ս(ա)՝ ա́յսպէս ասէ տ(է)ր, որք ՛ի մահ՝ ՛ի մահ, եւ որք ՛ի սուր՝ ՛ի սուր, եւ որք ՛ի սով՝ ՛ի սով, եւ որք ՛ի գերութի(ւն)՝ ՛ի գերութի(ւն)։

Verse: 3   Link to sept   Եւ խնդրեցից ՛ի ն(ո)ց(ա)է վրէժս չորիւք օրինակօք՝ ասէ տ(է)ր. զսուր ՛ի սպանանել, եւ զշունս ՛ի պատառել, եւ զթռչունս երկնից՝ եւ զգազանս երկրի՝ յուտել եւ յապականել։

Verse: 4   Link to sept   Եւ մատնեցից զն(ո)ս(ա) ՛ի վտանգ ա(մենայ)ն թագաւորութե(ան)ց երկրի. վ(ա)ս(ն) մանասէի որդւոյ եզեկիայ թագաւորին յուդայ, եւ վ(ա)ս(ն) ա(մենայ)նի զոր արար յե(րուսաղէ)մ։

Verse: 5   Link to sept   Ո՞ խնայեսցէ ՛ի քեզ ե(րուսաղ)էմ, կամ ո՞ տրտմեսցի ՛ի վ(ե)ր(այ) քո, կամ ո՞ դարձցի հարցանել զխաղաղութ(են)է քումմէ։

Verse: 6   Link to sept   զի դու դարձար յինէն՝ ասէ տ(է)ր. եւ յե́տս երթիցես։ Եւ ձգեցից զձեռն իմ ՛ի վ(ե)ր(այ) քո, եւ ապականեցի́ց զքեզ. եւ ո́չեւս անսացից ն(ո)ց(ա)։

Verse: 7   Link to sept   եւ ցրեցից ցն(ո)ս(ա) ՛ի սփի́ռս։ ՛ի դրունս ժողովրդեան իմոյ անզաւակեցան. զի կորուսին զժողովուրդ իմ վ(ա)ս(ն) չարեաց իւրեանց, եւ ո́չ դարձան։

Verse: 8   Link to sept   Բազմացան զինեւ չարիք ն(ո)ց(ա) քան զաւազ ծովու. ածի ՛ի վ(ե)ր(այ) ն(ո)ց(ա)՝ եւ ՛ի վ(ե)ր(այ) մօրն զերիտասարդս։ թշնամու(թ)ի(ւն) ՛ի միջօրէի արկից զնովաւ. եկն յանկարծակի դողումն եւ տագնապ։

Verse: 9   Link to sept   Ունայնացա́ւ եւթնածինն, ձանձրացա́ւ անձն ն(ո)ր(ա). եմուտ նմա արե́ւ զմիջօրէիւ, եղեւ յամօթ եւ ՛ի նախատինս։ զմնացորդս ն(ո)ց(ա) տաց ՛ի սուր առաջի թշնամեաց ն(ո)ց(ա), ասէ տ(է)ր։
Section: 15 

Verse: 10   Link to sept   Վա́յ ինձ, վա́յ ինձ մայր իմ. իբրեւ զո՞ ոք ծնար զիս. ա́յր դատափետեալ եւ ձգձգեալ ՛ի դատաստա́ն յա(մենայ)ն երկրի. ո́չ պարտիմ ինչ, եւ ո́չոք պարտի ինչ ինձ. եւ զօրութի(ւն) պակասեաց՝ յանիծանելեաց իմոց։

Verse: 11   Link to sept   Եղիցի տ(է)ր, եւ յաջողեսցի ն(ո)ց(ա) ՛ի բարութի(ւն)ս. եթէ ո́չ կացի առաջի քո, ՛ի ժամանակի չարեաց ն(ո)ց(ա), եւ ՛ի ժամանակի նեղութե(ան) ն(ո)ց(ա) ՛ի բարիս ընդդէմ թշնամւոյ։

Verse: 12   Link to sept   Իցէ՞ թէ ճանաչիցի երկաթ. եւ քաղաքո́րմ պղնձի զօրութի(ւն) քո։

Verse: 13   Link to sept   եւ զգանձս քո տա́ց օտարաց ՛ի փրկանս վ(ա)ս(ն) ա(մենայ)ն մեղաց քոց՝ յա(մենայ)ն սահմանս քո։

Verse: 14   Link to sept   Եւ ծառայեցուցից զքեզ թշնամեաց քոց յերկրի զոր ո́չ գիտիցես. զի հո́ւր վառեալ է ՛ի սրտմտու(թեն)է իմմէ, եւ ՛ի վ(ե)ր(այ) ձեր բորբոքեսցի։

Verse: 15   Link to sept   Դո́ւ գիտես տ(է)ր. յիշեա́ զիս տ(է)ր. ա́յց արա ինձ. անարա́տ արա զիս ՛ի հալածչաց իմոց, եւ մի́ յերկարեր վ(ա)ս(ն) իմ. ծանիր՝ ո՞րչափ առի վ(ա)ս(ն) քո նախատինս

Verse: 16   Link to sept   յարհամարհողաց բանից քոց։ վախճանեա́ զն՝ս, եւ եղիցի բան քո ինձ յուրախու(թ)ի(ւն) եւ ՛ի ցնծութի(ւն) սրտի իմոյ. զի կոչեցեալ է անուն քո ՛ի վ(ե)ր(այ) իմ, տ(է)ր ա(ստուա)ծ ամենակալ։

Verse: 17   Link to sept   Ո́չ նստայց յատենի այպանողաց. այլ սարսեցի յերեսաց ձեռին քո. առանձին նստէի զի լցա́յց դառնութ(եամ)բ։

Verse: 18   Link to sept   Ընդէ՞ր որ տրտմեցուցանեն զիս՝ զօրանան, եւ վէրք իմ սաստիկք՝ ուստի՞ բժշկեցայց։ լինելով եղեւ ինձ իբրեւ զջուր ցուրտ, յորում ո́չ գոյ հաւատ։

Verse: 19   Link to sept   Վ(ա)ս(ն) այդորիկ ա́յսպէս ասէ տ(է)ր. եթէ դարձցիս այսրէն՝ պատսպարեցի́ց զքեզ, եւ առաջի երեսսաց իմոց կացցես։ եւ եթէ հանցես զպատուականն յանարգէ, իբրեւ զբերա́ն իմ եղիցես։ եւ եթէ դարձցին նոքա առ քեզ, եւ ո́չ եւս դու դարձցիս առ ն(ո)ս(ա)։

Verse: 20   Link to sept   տա́ց զքեզ ժողովրդեանդ այդմիկ ՛ի պարիսպ պղնձի ամուր. մարտիցեն ընդ քեզ, եւ ո́չ կարիցեն ստնանել. զի ընդ քե́զ եմ ապրեցուցանել եւ փրկել, ասէ տ(է)ր։

Verse: 21   Link to sept   Եւ զերծուցից զքեզ ՛ի ձեռաց չարաց, եւ փրկեցից զքեզ ՛ի ձեռաց ժանտաց՝ ասէ տ(է)ր ա(ստուա)ծ ի(սրայէ)լի։



Chapter: 16  
ԳԼ(ՈՒԽ) Ժ՜Զ.


Section: 16 

Verse: 2     Link to sept   Եւ դու մի́ առնուցուս քեզ կին. եւ մի́ ծնցին քեզ ուստերք եւ դստերք ՛ի տեղւոջդ յայդմիկ։

Verse: 3     Link to sept   Զի ա́յսպէս ասէ տ(է)ր, վ(ա)ս(ն) ուստերաց եւ դստերաց որ ծնանիցին ՛ի տեղւոջդ յայդմիկ, եւ վ(ա)ս(ն) մարց ն(ո)ց(ա) որ ծնանին զն(ո)ս(ա), եւ վ(ա)ս(ն) հարց ն(ո)ց(ա) որ ծնանին զն(ո)ս(ա) յերկրիդ յայդմիկ։

Verse: 4     Link to sept   Ծիւրեալ ախտիւ մեռցին, մի́ կոծեսցին՝ եւ մի́ թաղեսցին, այլ խայտառա́կ եղիցին ընդ երեսս երկրի. սրո́վ անկցին, եւ սովով սպառեսցին։ եւ եղիցին դիակունք ն(ո)ց(ա) ՛ի կերակուր թռչնոց երկնից եւ գազանաց երկրի։

Verse: 5     Link to sept   Ա́յսպէս ասէ տ(է)ր. յաշխարումն ն(ո)ց(ա) մի́ մտանիցես, եւ ՛ի կոծ ն(ո)ց(ա) մի́ երթիցես, եւ սուգ ՛ի վ(ե)ր(այ) ն(ո)ց(ա) մի́ առնուցուս. զի ՛ի բա́ց արարի զխաղաղու(թ)ի(ւն) իմ ՛ի ժողովրդենէն յայնմանէ՝ ասէ տ(է)ր. եւ զողորմու(թ)ի(ւն)ս եւ զգթութի(ւն)ս։

Verse: 6     Link to sept   Եւ մեռանիցին մեծամեծք եւ փոքունք յերկրին յայնմիկ. մի́ կոծեսցին, եւ մի́ ցտեսցին, եւ մի́ խզեսցին, եւ մի́ լացցին, եւ մի́ թաղեսցին։

Verse: 7     Link to sept   եւ մի́ բեկցի հաց սգոյ ն(ո)ց(ա) ՛ի մխիթարութի(ւն) ՛ի վ(ե)ր(այ) մեռելոյ. եւ մի́ արբուսցեն բաժակ մխիթարու(թ)ե(ան) ՛ի վ(ե)ր(այ) հօր եւ մօր իւրոյ։

Verse: 8     Link to sept   ՛Ի տուն ըմպելեաց մի́ մտանիցես նստել ընդ ն(ո)ս(ա)՝ ուտե́լ եւ ըմպել։

Verse: 9     Link to sept   զի ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. ահաւասիկ՝ ես խափանեցից ՛ի տեղւոջէդ յայդմանէ առաջի աչաց իմոց՝ եւ ՛ի ձե́ր իսկ աւուրս, զձայն ցնծու(թ)ե(ան) եւ զձայն ուրախու(թ)ե(ան), զձայն փեսայի եւ զձայն հարսին։

Verse: 10     Link to sept   Եւ եղիցի յորժամ պատմեսցե́ս ժողովրդեանն այնմիկ զա(մենայ)ն պատգամսդ զայդոսիկ, եւ ասասցեն զքեզ. ընդէ՞ր խօսեցաւ տ(է)ր ՛ի վ(ե)ր(այ) մեր զայդ ա(մենայ)ն չարիս մեծամեծս. զի՞նչ անիրաւու(թ)ի(ւն) է ՛ի մեզ, կամ ո՞ր մեղք զոր մեղաք առաջի տ(եառ)ն ա(ստուծո)յ մերոյ։

Verse: 11     Link to sept   Եւ ասասցես ցն(ո)ս(ա). փոխանակ զի թողին զիս հարքն ձեր՝ ասէ́ տ(է)ր, եւ գնացին զհետ աստուածոց օտարաց, եւ ծառայեցին ն(ո)ց(ա), եւ երկիրպագին ն(ո)ց(ա). եւ զիս թողին, եւ զօրէնս իմ ո́չ պահեցին։

Verse: 12     Link to sept   Եւ դուք անզգամեցայք առնել առաւե́լ քան զհարսն ձեր։ եւ ահաւադիկ դուք երթայք իւրաքանչիւր զհետ հաճոյից սրտից ձերոց չարաց առ ՛ի չլսե́լ ինձ։

Verse: 13     Link to sept   Եւ ընկեցից զձեզ յերկրէդ յայդմանէ յերկիր՝ զոր ո́չ գիտիցէք դուք եւ հարքն ձեր. եւ ծառայեսջիք անդ աստուածոց օտարաց՝ ՛ի տուէ եւ ՛ի գիշերի, եւ ո́չ արասցեն ձեզ ողորմութի(ւն)։

Verse: 14     Link to sept   Վ(ա)ս(ն) այսորիկ ահա աւուրք գա́ն ասէ տ(է)ր.եւ ո́չ եւս ասասցեն՝ կենդանի է տ(է)ր որ եհան զորդիսն ի(սրայէ)լի յերկրէն եգիպտացւոց։

Verse: 15     Link to sept   այլ թէ կենդանի́ է տ(է)ր որ եհան զորդիսն ի(սրայէ)լի յերկրէն հիւսւսոյ, եւ յա(մենայ)ն աշխարհաց ոեր եւ մերժեցան անդ. եւ պատսպարեսցէ զն(ո)ս(ա) անդրէն յերկրին իւրեանց զոր ե́տ հարցն ն(ո)ց(ա)։
Section: 17 

Verse: 16     Link to sept   Ահաւասիկ ես առաքեմ ձկնորսս բազումս՝ ասէ տ(է)ր, եւ որսասցեն զն(ո)ս(ա). եւ յետ այնորիկ առաքեցից որսո́րդս բազումս, եւ որսասցեն զն(ո)ս(ա) ՛ի վ(ե)ր(այ) ա(մենայ)ն լերանց՝ եւ ՛ի վ(ե)ր(այ) ա(մենայ)ն բլրոց՝ եւ ՛ի ծակուց վիմաց։

Verse: 17     Link to sept   Զի աչք իմ ՛ի վ(ե)ր(այ) ա(մենայ)ն ճանապարհաց ն(ո)ց(ա), եւ ո́չ թաքեան յերեսաց իմոց, եւ ո́չ ծածկեցան անիրաւու(թ)ի(ւն)ք ն(ո)ց(ա) առաջի աչաց իմոց։

Verse: 18     Link to sept   Եւ հատուցից ն(ո)ց(ա) նա́խ կրկին զանիրաւու(թ)ի(ւն)ս ն(ո)ց(ա). եւ զմեղս ն(ո)ց(ա) որովք պղծեցին զերկիր իմ մեռելոտւովք գարշելեացն իւրեանց. եւ անօրէնութ(եամ)բք նոցա՝ որովք լցի́ն զժառանգութի(ւն) իմ։
Section: 18 

Verse: 19     Link to sept   Տ(է)ր զօրու(թ)ի(ւն) իմ՝ եւ օգնու(թ)ի(ւն) իմ եւ ապաւէն իմ յաւուր չարեաց։ առ քեզ հեթանոսք եկեսցեն ՛ի ծագա́ց երկրէ եւ ասասցեն. ո(ր)պ(էս) սո́ւտ գործէին հարքն մեր կուռս, եւ ո́չ գոյր օգո́ւտ ՛ի ն(ո)ց(ա)նէ։

Verse: 20     Link to sept   եթէ առնիցէ մարդ անձամբ անձին աստուածս՝ եւ նոքա չե́ն ա(ստուա)ծք։

Verse: 21     Link to sept   Վ(ա)ս(ն) այնորիկ ահաւասիկ ես ցուցից ն(ո)ց(ա) ՛ի ժամանակի յայսմիկ զձեռն իմ, ծանուցից ն(ո)ց(ա) եւ զզօրութի(ւն) իմ. եւ գիտասցեն՝ թէ անուն իմ տ(է)ր է։



Chapter: 17  
ԳԼ(ՈՒԽ) Ժ՜Է.


Verse: 1   Link to sept   Մեղք յուդայ գրեալ են գրչա́ւ երկաթեաւ, ադամանտեա́յ եղեգամբ. մածեալ է ՛ի տախտակս սրտից ն(ո)ց(ա), եւ յեղջեւրս սեղանոց ձերոց

Verse: 2   Link to sept   ՛ի ժամանակի յորում յիշեսցեն որդիք ն(ո)ց(ա) զմեղանս իւրեանց, եւ զանտա́ռս իւրեանց ՛ի վ(ե)ր(այ) ծառոց վարսաւորաց՝ եւ ՛ի վ(ե)ր(այ) բլրոց բարձանց,

Verse: 3   Link to sept   եւ ՛ի վ(ե)ր(այ) լերանց վայրի։ զզօրութի(ւն) քո, եւ զա(մենայ)ն գանձս քո բաշխեցի́ց յաւարի։ զբարձունս քո մեղօք յա(մենայ)ն սահմանս քո։

Verse: 4   Link to sept   Եւ լքջիր եւ նկո́ւն լիջիր ՛ի ժառանգու(թեն)է քումմէ զոր ետո́ւ քեզ։ եւ հանի́ց զքեզ ՛ի ձեռս թշնամեաց քոց յերկիր զոր ո́չ գիտիցես. զի հուր վառեա́լ է ՛ի սրտմտու(թ)ե(ան) իմում. մինչեւ յաւիտեա́ն բորբոքեսցի։

Verse: 5   Link to sept   Ա́յսպէս ասէ տ(է)ր. անիծեա́լ լիցի մարդ որ արասցէ զյոյս իւր ՛ի մարդ, եւ ապաստան լինիցի ՛ի մարմին բազկի ն(ո)ր(ա). եւ ապստամբիցէ ՛ի տ(եառն)է սիրտ ն(ո)ր(ա)։

Verse: 6   Link to sept   Եւ եղիցի իբրեւ զմոշավայրի́ յանապատի. եւ մի́ տեսցէ յորժամ գայցէ բարու(թ)ի(ւն). եւ բնակեսցէ յաղտաղտուկս անապատի, յերկի́ր աղտաղտուկ՝ ուր ոչ երբէք բնակիցին։

Verse: 7   Link to sept   Եւ օրհնեա́լ լիցի մարդն որ յուսացաւ ՛ի տ(է)ր, եւ եղիցի տ(է)ր յոյս ն(ո)ր(ա)։

Verse: 8   Link to sept   եւ եղիցի իբրեւ զծառ զուարճացեալ ՛ի գնացս ջուրց. եւ ընդ գնացս ջուրց ձգտեցուսցէ զարմատս իւր. եւ մի́ երկիցէ յորժամ հասանիցէ տօթ։ եւ եղիցի ստեղն ն(ո)ր(ա) անտառացեալ շուրջ զնովաւ. յամէ երաշտութե(ան) մի́ երկիցէ, եւ մի́ կասեսցէ ՛ի տալոյ զպտուղ։

Verse: 9   Link to sept   Խորի́ն է սիրտ քան զա(մենայ)ն, եւ մա́րդ է՝ եւ ո՞վ ծանիցէ զնա։

Verse: 10   Link to sept   Ես տ(է)ր քննեմ զսիրտս՝ եւ փորձեմ զերիկամունս, տա́լ իւրաքանչիւր ըստ ճանապարհաց իւրոց, եւ ըստ պտղոյ գործոց իւրոց։

Verse: 11   Link to sept   Ձա́յն արար կաքաւ. ժողովեա́ց զոր ո́չ իւր ծնեալ։ որ ժողովէ զմեծութի(ւն) առանց իրաւանց, ՛ի կէ́ս աւուրց իւրոց թողցէ զնա, եւ ՛ի վախճանի իւրում եղիցի անզգա́մ։

Verse: 12   Link to sept   Աթո́ռ փառաց բարձրացեալ իսկզբանէ տեղի սրբութե(ան) մերոյ։

Verse: 13   Link to sept   ակնկալութի(ւն) ի(սրայէ)լի տ(է)ր։ ամենեքեան որ թողին զքեզ՝ ամաչեսցեն. հեռացեալքն՝ յերկրի գերեսցին, զի թողին զտ(է)ր զաղբեւր ջրոյ կենաց։
Section: 19 

Verse: 14   Link to sept   Բժշկեա́ զիս տ(է)ր՝ եւ բժշկեցա́յց, փրկեա́ զիս տ(է)ր՝ եւ փրկեցա́յց. զի պարծանք իմ դո́ւ ես։

Verse: 15   Link to sept   Ահաւանիկ նոքա ասեն ցիս. ո՞ւր է բան տ(եառ)ն, եկեսցէ́ այսր։

Verse: 16   Link to sept   բայց ես ո́չ ձանձրացայց գալ զկնի քո. եւ աւուր մարդոյ ո́չ ցանկացայ։ դո́ւ իսկ գիտես՝ որինչ ելանէ ընդ շրթունս իմ, առաջի երեսա́ց քոց է։

Verse: 17   Link to sept   Մի́ լինիր ինձ յօտարու(թ)ի(ւն)։ խնայեա́ դու յիս յաւուր չարի։

Verse: 18   Link to sept   յամօ́թ լիցին հալածիչքն իմ, եւ մի́ ես ամաչեցից. զարհուրեսցին նոքա՝ եւ մի́ ես զարհուրեցայց։ ա́ծ ՛ի վ(ե)ր(այ) ն(ո)ց(ա) օր չար, կրկին բեկմամբ բե́կ զն(ո)ս(ա)։
Section: 20 

Verse: 19   Link to sept   Ա́յսպէս ասէ ցիս տ(է)ր. ե́րթ կա́ց ՛ի դրունս ժողովրդեան քոյ՝ ը(նդ) որ մտանեն եւ ելանեն թագաւորքն յուդայ, եւ յա(մենայ)ն դրունս ե(րուսաղէ)մի։

Verse: 20   Link to sept   եւ ասասցես ցն(ո)ս(ա). լուարո́ւք զպատգամս տ(եառ)ն թագաւորք յուդայ, եւ ա(մենայ)ն հրէաստան, եւ ա(մենայ)ն բնակիչքդ ե(րուսաղէ)մի որ մտանէք ընդ դրունդ ընդ այդոսիկ։

Verse: 21   Link to sept   Ա́յսպէս ասէ տ(է)ր. զգո́յշ լերուք անձանց ձերոց. եւ մի́ բառնայք բեռինս յաւուր շաբաթուց. եւ մի́ ելանէք ընդ դրունս ե(րուսաղէ)մի,

Verse: 22   Link to sept   եւ մի́ հանէք բեռինս ՛ի տանց ձերոց յաւուր շաբաթուց. եւ զա(մենայ)ն գործ մի́ գործէք. եւ սրբեցէ́ք զօրն շաբաթուց որպէս պատուիրեցի հարցն ձերոց։

Verse: 23   Link to sept   Եւ ո́չ լուան, եւ ո́չ խոնարհեցուցին զունկն իւրեանց. եւ խստացուցին զպարանոցս իւրեանց առաւե́լ քան զհարցն իւրեանց. առ ՛ի չլսելոյ ինձ՝ եւ ընդունելոյ զխրատ։

Verse: 24   Link to sept   Եւ եղիցի եթէ լսելով լուիցէք ինձ՝ ասէ տ(է)ր, չբերել բեռն ընդ դրունս քաղաքիս այսորիկ յաւուր շաբաթուց. եւ սրբել զօրն շաբաթու, չգործե́լ ՛ի նմա զա(մենայ)ն գործ։

Verse: 25   Link to sept   եւ մտցեն ընդ դրունս քաղաքիդ այդորիկ թագաւորք եւ իշխանք՝ որ նստիցին յաթոռն դաւթի. եւ ելանիցեն ՛ի կառս եւ յերիվարս իւրեանց, եւ իշխանք ն(ո)ց(ա)՝ արք յուդայ եւ բնակիչք ե(րուսաղէ)մի. եւ բնակեսցի́ քաղաքդ այդ յաւիտեան։

Verse: 26   Link to sept   Եւ եկեսցեն ՛ի քաղաքացն յուդայ շուրջանակի յե(րուսաղէ)մ, եւ ՛ի բենիամինէ, եւ ՛ի դաշտականաց, եւ ՛ի լեռնակողմանց, եւ ՛ի կողմանց հարաւոյ բերել ողջակէղս՝ եւ խունկս՝ եւ մաննա՝ եւ կնդրուկ. մատուցանելով օրհնու(թ)ի(ւն) ՛ի տան տ(եառ)ն։

Verse: 27   Link to sept   Ապա թէ ո́չ լուիցէք ինձ սրբել զօրն շաբաթուց՝ չբառնալ բեռինս եւ մտանել ընդ դրունս ե(րուսաղէ)մի յաւուր շաբաթուց. վառեցից հո́ւր ՛ի դրունս ն(ո)ր(ա), եւ կերիցէ շուրջ զե(րուսաղէ)մաւ, եւ մի́ շիջցի։



Chapter: 18  
ԳԼ(ՈՒԽ) Ժ՜Ը.


Section: 21 

Verse: 1   Link to sept   Բանն որ եղեւ առ երեմիա ՛ի տ(եառն)է՝ եւ ասէ։

Verse: 2   Link to sept   արի́ էջ ՛ի տուն բրտին, եւ ա́նդ լուիցես զբանս իմ։

Verse: 3   Link to sept   Իջի́ ՛ի տուն բրտին, եւ ահա նա գործէր ՛ի վերայ վիմաց։

Verse: 4   Link to sept   Եւ անկաւ աման մի՝ զոր ինքն գործէր ՛ի կաւոյն՝ ՛ի ձեռաց ն(ո)ր(ա). եւ դարձեալ արար զնա ա́յլ աման, ո(ր)պ(էս) հաճոյ եղեւ առաջի ն(ո)ր(ա) առնել։

Verse: 5   Link to sept   Եւ եղեւ բան տ(եառ)ն առիս՝ եւ ասէ։

Verse: 6   Link to sept   եթէ իբրեւ զբրուտդ զայդ ո՞չ կարիցեմ առնել ձեզ տունդ ի(սրայէ)լի՝ ասէ տ(է)ր։ ահաւադիկ իբրեւ զկաւդ ՛ի ձեռս բրտիդ, ա́յդպէս էք ՛ի ձեռս իմ տունդ ի(սրայէ)լի։
Section: 22 

Verse: 7   Link to sept   Եթէ վախճա́ն խօսեցայց ՛ի վերայ ազգի՝ կամ թագաւորու(թ)ե(ան)ց, բառնալ զն(ո)ս(ա)՝ եւ քակել եւ կորուսանել։

Verse: 8   Link to sept   եւ դարձցի ազգն այն ՛ի չարեաց իւրեանց զոր խօսեցայ ՛ի վ(ե)ր(այ) ն(ո)ց(ա). զղջացայց եւ ես ՛ի վ(ե)ր(այ) չարեացն զոր խորհեցայ առնել ն(ո)ց(ա)։

Verse: 9   Link to sept   Եւ եթէ վախճան խօսեցայց ազգի եւ թագաւորու(թ)ե(ան)՝ շինե́լ եւ տնկել։

Verse: 10   Link to sept   եւ արասցեն չարիս առաջի իմ, չլսե́լ բարբառոյ իմոյ. զղջացայց եւ ե́ս ՛ի վ(ե)ր(այ) բարեացն զոր խօսեցայ առնել ն(ո)ց(ա)։

Verse: 11   Link to sept   Եւ արդ՝ խօսեա́ց ընդ արսդ յուդայ՝ եւ ընդ բնակիչսդ ե(րուսաղէ)մի, եւ ասասցես. ա́յսպէս ասէ տ(է)ր, ահաւասիկ ես նիւթե́մ ՛ի վ(ե)ր(այ) ձեր չարիս, եւ խորհիմ ՛ի վ(ե)ր(այ) ձեր խորհուրդ։ արդ դարձցի́ իւրաքանչիւրոք ՛ի ճանապարհէ իւրմէ չարէ. եւ ուղի́ղ արարէք զգնացս ձեր եւ զճանապարհս ձեր։

Verse: 12   Link to sept   Եւ ասեն՝ քաջացարուք, զհետ ապստամբութե(ան)ց մերոց գնասցուք, եւ իւրաքանչիւրոք զհաճո́յս սրտի իւրոյ չարի արասցուք։
Section: 23 

Verse: 13   Link to sept   Վ(ա)ս(ն) այդորիկ ա́յսպես ասէ տ՝ր։ արդ՝ ա́ղէ հարցէ́ք ընդ ազգս՝ ո՞վ ոք լուաւ այնպիսի արհաւիրս զոր արար յոյժ կո́յսդ ի՝լի։

Verse: 14   Link to sept   Միթէ պակասեսցե՞ն ստինք ՛ի վիմէ, կամ ձի́ւն ՛ի լիբանանէ. կամ թէ դառնայցե՞ն ջուրք բռնուբ ՛ի սաստկու(թեն)է հողմոյ։

Verse: 15   Link to sept   Զի մոռացաւ զիս ժողովուրդ իմ. տարապարտո́ւց արկին խունկս. եւ տկարասցին ՛ի ճանապարհս իւրեանց ՛ի վիճակս յաւիտենից. ելանել ՛ի շաւիղս որ ո́չ իցէ ճանապարհ գնալոյ

Verse: 16   Link to sept   կարգել զերկիր ն(ո)ց(ա) յապականու(թ)ի(ւն) եւ ՛ի շչիւն յաւիտենից. ամենեքին որ անցանեն ընդ այն՝ զարմասցի́ն, եւ շարժեսցեն զգլուխս իւրեանց։

Verse: 17   Link to sept   Իբրեւ հո́ղմ տապախառն ցրուեցից զնոսա առաջի թշնամեաց իւրեանց, ՛ի պարանոցս եւ ո́չ յերեսս։ ցուցից նոցա զօր կորստեան իւրեանց։

Verse: 18   Link to sept   Եւ ասացին. եկա́յք խորհեսցուք խորհուրդ ՛ի վ(ե)ր(այ) երեմիայի́. զի ո́չ կորնչին օրէնք ՛ի քահանայէ, եւ խորհուրդ յիմաստնոց, եւ բան ՛ի մարգարէէ։ եկա́յք եւ հարցուք զնա լեզուաւ, եւ ո́չ լուիցուք զա(մենայ)ն բանս ն(ո)ր(ա)։

Verse: 19   Link to sept   Լո́ւր ինձ տ(է)ր, եւ անսա բարբառոյ իրաւանց իմոց։

Verse: 20   Link to sept   իցէ՞ թէ հատուցանիցի չար փոխանակ բարւոյ. զի խորհեցան ՛ի միասին բանս զանձնէ իմմէ, եւ զտանջանս իւրեանց թաքուցին։ յո́ւշ լիցի քեզ ՛ի կալն իմում առաջի քո, խօսել վ(ա)ս(ն) ն(ո)ց(ա) բարու(թ)ի(ւն), դարձուցանել զսրտմտու(թ)ի(ւն) քո ՛ի նոցանէ։

Verse: 21   Link to sept   վ(ա)ս(ն) այնորիկ տո́ւր զորդիս ն(ո)ց(ա) ՛ի սո́վ, եւ ժողովեա́ զն(ո)ս(ա) ՛ի ձեռս սրոյ. եղիցին կանայք ն(ո)ց(ա) անորդիք եւ այրիք, եւ արք ն(ո)ց(ա) եղիցին կոտորեալք մահուամբ, եւ երիտասարդք ն(ո)ց(ա) անկեալք սրով ՛ի պատերազմի։

Verse: 22   Link to sept   Եղիցի գո́յժ ՛ի տունս ն(ո)ց(ա). զի ածիցես ՛ի վ(ե)ր(այ) ն(ո)ց(ա) յանկարծակի աւաղակս։ զի բանս ՛ի գո́րծ արարին ունե́լ զիս, եւ որոգայթս թաքուցին ինձ։

Verse: 23   Link to sept   Եւ դու տ(է)ր գիտացեր զա(մենայ)ն խորհուրդս ն(ո)ց(ա) զինէն ՛ի մահ. մի́ քաւեսցես զանօրէնու(թ)ի(ւն)ս ն(ո)ց(ա), եւ զմեղս ն(ո)ց(ա) յերեսաց քոց մի́ ջնջեսցես։ եղիցի հիւանդութի(ւն) ն(ո)ց(ա) առաջի քո. ՛ի ժամանակի սրտմտութե(ան) քո արա́ ՛ի նոսա։



Chapter: 19  
ԳԼ(ՈՒԽ) Ժ՜Թ.


Section: 24 

Verse: 1   Link to sept   Յայնժամ ասէ́ ցիս տ(է)ր. ե́րթ ստացիր քեզ կո́ւժ մի ստեղծալ ՛ի կաւոյ, եւ ածցես ՛ի ծերոց ժողովրդեանն, եւ ՛ի ծերոց քահանայիցն։

Verse: 2   Link to sept   եւ ելցես ՛ի գերեզմանս որդւոցն ն(ո)ց(ա)՝ որ է առաջի մտից դրանն քարսիդեայ, եւ ընթերցցես անդ զա(մենայ)ն զբանս զոր խօսեցայց ընդ քեզ։

Verse: 3   Link to sept   Եւ ասասցե́ս ցն(ո)ս(ա). լուարո́ւք զպատգամ տ(եառ)ն թագաւորք յուդայ, եւ արք հրէաստանի, եւ բնակիչք ե(րուսաղէ)մի։ Ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. ահաւադիկ ես ածի́ց ՛ի վ(ե)ր(այ) տեղւոյդ այդորիկ չարի́ս. ո(ր)պ(էս) զի ա(մենայ)նի որ լսիցէ՝ հնչեսցեն ականջք իւր.

Verse: 4   Link to sept   փոխանակ զի թողին զիս, եւ օտարացուցին զտեղիս զայս յինէն. եւ արկանէին ՛ի սմա խունկս աստուածոց օտարաց, զորս ո́չ գիտէին ինքեանք եւ հարք իւրեանց։ Եւ թագաւորքն յուդայ լցին զտեղիս զայս արեամբ անմեղաց։

Verse: 5   Link to sept   եւ շինեցին բագինս բահաղու, այրե́լ զորդիս իւրեանց հրով՝ ողջակէզս բահաղու. զոր ո́չ պատուիրեցի եւ ո́չ խօսեցայ, եւ ո́չ ածի զմտաւ ՛ի սրտի իմում։

Verse: 6   Link to sept   Վ(ա)ս(ն) այդորիկ ահա աւուրք գա́ն ասէ տ(է)ր. եւ ո́չ եւս կոչեսցի անուն տեղւոյդ այդորիկ գլորումն, եւ գերեզման որդւոցն ենովմայ, այլ ձո́ր կոտորածի։

Verse: 7   Link to sept   Եւ խափանեցից զխորհուրդն յուդայ, եւ զխորհուրդն ե(րուսաղէ)մի ՛ի տեղւոջն յայնմիկ. եւ արկից զն(ո)ս(ա) տապա́ստ սրով առաջի թշնամեաց իւրեանց, եւ ՛ի ձեռս խնդրողաց անձանց ն(ո)ց(ա). եւ տա́ց զդիակունս ն(ո)ց(ա) ՛ի կերակուր թռչնոց երկնից, եւ գազանաց երկրի։

Verse: 8   Link to sept   Եւ կարգեցից զքաղաքն զայն յապականութի(ւն) եւ ՛ի շչիւն. ա(մենայ)ն որ անցանէ ընդ նա տրտմեսցի́. եւ շչեսցէ́ ՛ի վերայ ա(մենայ)ն հարուածոց ն(ո)ր(ա)։

Verse: 9   Link to sept   Եւ կերիցեն զմարմինս ուստերաց՝ եւ զմարմինս դստերաց իւրեանց, եւ իւրաքանչիւր զմարմին ընկերի իւրոյ, ՛ի նեղութե(ան) եւ ՛ի պաշարման զոր պաշարեցին զն(ո)ս(ա) թշնամիք իւրեանց՝ որք խնդրէին զանձինս ն(ո)ց(ա)։

Verse: 10   Link to sept   Եւ խորտակեսցես զկուժն առաջի արանցն որ ելանիցեն ընդ քեզ,

Verse: 11   Link to sept   եւ ասասցես ցն(ո)ս(ա)։ Ա́յսպէս ասէ ցիս տ(է)ր զօրու(թ)ե(ան)ց. ա́յդպէս խորտակեցից զժողովուրդդ զայդ՝ եւ զքաղաքդ, ո(ր)պ(էս) խորտակի աման խեցեղէն, որ ո́չ կարիցէ միւսանգամ բժշկել. եւ ՛ի տափէ́թ թաղեսցին առ ՛ի չգոյէ́ տեղի թաղելոյ։

Verse: 12   Link to sept   Ա́յսպէս արարից տեղւոյդ այդմիկ՝ ասէ տ(է)ր, եւ բնակչա́ցդ որ ՛ի դմա. տա́ց զքաղաքդ զայդ ՛ի գլորո́ւմն։

Verse: 13   Link to sept   եւ եղիցի տունք ե(րուսաղէ)մի եւ տունք թագաւորացն յուդայ՝ իբրեւ զտեղի́ սպանելոց. վասն պղծութե(ան)ց զոր արարին յա(մենայ)ն տունս, յորս արկանէին խունկս ՛ի վ(ե)ր(այ) տանեաց իւրեանց՝ ա(մենայ)ն զօրութե(ան)ց երկնից, եւ նուիրէին նուէրս աստուածոց օտարաց։

Verse: 14   Link to sept   Եւ ե́կն երեմիա ՛ի գլորմանէն տափեթայ՝ ուր առաքեաց զնա տ(է)ր անդ մարգարէանալ. եւ եկա́ց ՛ի սրահի տանն տ(եառ)ն. եւ ասէ ցա(մենայ)ն ժողովուրդն։

Verse: 15   Link to sept   ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. Ահաւասիկ ես ածեմ ՛ի վ(ե)ր(այ) քաղաքիդ այդորիկ, եւ ՛ի վ(ե)ր(այ) ա(մենայ)ն քաղաքաց դորա՝ եւ աւանաց զա(մենայ)ն չարիս զոր խօսեցայ ՛ի վ(ե)ր(այ) դորա, զի խստացուցին զպարանոցս իւրեանց չլսել բանից իմոց։



Chapter: 20  
ԳԼ(ՈՒԽ) Ի՜.


Verse: 1   Link to sept   եւ լուաւ պասքովր որդի եմմերայ քահանայ, եւ ինքն էր հրամանատար եւ իշխան տանն տ(եառ)ն, յերեմիայէ ՛ի մարգարէանալն զբանս զայսոսիկ։

Verse: 2   Link to sept   Եւ եհա́ր պասքովր զերեմիա մարգարէ, եւ արգել զնա ՛ի վերնադրանդն. որ էր ՛ի դրանն բենիամինի, ՛ի վերնատանն որ էր ՛ի տան տ(եառ)ն։

Verse: 3   Link to sept   Եւ եղեւ ՛ի վաղիւ անդր, եհա́ն պասքովր զերեմիա ՛ի վերնադրանդէ անտի։ եւ ասէ ցնա երեմիա. ո́չ պասքովր կոչեաց զանուն քո տ(է)ր, այլ գերի́ թափառական։

Verse: 4   Link to sept   Զի ա́յսպէս ասէ տ(է)ր. ահաւադիկ ես տա́ց զքեզ ՛ի գերու(թ)ի(ւն) հանդերձ ա(մենայ)ն բարեկամօք քովք, եւ անկցին ՛ի սուր թշնամեաց իւրեանց. եւ աչք քո տեսցեն։ եւ զքեզ եւ զա(մենայ)ն տունդ յուդայ տա́ց ՛ի ձեռս թագաւորին բաբելացւոց. եւ գերեսցեն զն(ո)ս(ա) ՛ի բաբելոն, եւ կոտորեսցեն զն(ո)ս(ա) սրով։

Verse: 5   Link to sept   Եւ տաց զամ(ենայն) զօրու(թ)ի(ւն)ս քաղաքիդ այդորիկ. եւ զա(մենայ)ն վաստակս դորա, եւ զա(մենայ)ն պատիւ դորա, եւ զա(մենայ)ն գանձս թագաւորին յուդայ, տա́ց ՛ի ձեռս թշնամեաց իւրեանց. եւ յափշտակեսցեն եւ առցեն զնոսա եւ տարցին ՛ի բաբելոն։

Verse: 6   Link to sept   Եւ դո́ւ պասքովր՝ եւ ա(մենայ)ն բնակիչք տան քոյ, երթիջիր գերի́ ՛ի բաբելոն, երթիցես եւ ա́նդ մեռանիցիս, եւ ա́նդ թաղեսցիս. դո́ւ եւ ա(մենայ)ն բարեկամք քո՝ որոց մարգարէացա́րն ստու(թ)ի(ւն)։

Verse: 7   Link to sept   Խաբեցեր զիս տ(է)ր, եւ խաբեցա́յ, յաղթահարեցե́ր եւ զօրացա́ր. եղէ ՛ի կատականս. զօր ա(մենայ)ն հանի ՛ի գլո́ւխ այպանեալ։

Verse: 8   Link to sept   զի դառնու(թեամ)բ բանից իմոց արարից ա́յպն զարհամարհութի(ւն), եւ ՛ի չուառու(թեն)է բողոք բարձից. զի եղեւ ինձ բան տ(եառ)ն ՛ի նախատինս եւ ՛ի կատակա́նս զօրհանապազ։

Verse: 9   Link to sept   Եւ ասացի՝ ո́չ անուանեցից զանուն տ(եառ)ն, եւ ո́չեւս խօսեցայց յանուն ն(ո)ր(ա)։ Եւ եղեւ ՛ի սրտի իմում իբրեւ զհո́ւր վառեալ, բորբոքեալ ընդ ոսկերս իմ. եւ լքա́յ յա(մենայ)ն կողմանց, եւ ո́չ կարեմ հանդարտել։

Verse: 10   Link to sept   Զի լուայ զպարսաւանս բազմաց շուրջ զինեւ միահամուռն ժողովելոց. թէ արի́ք եւ յարիցուք ՛ի վ(ե)ր(այ) նորա ա(մենայ)ն արք բարեկամք դորա. հնարեցարո́ւք նմա հնարս, թերեւս խաբեսցի՝ եւ յաղթեսցուք նմա. եւ խնդրեսցուք զվրէժ մեր ՛ի նմանէ։

Verse: 11   Link to sept   Եւ տ(է)ր ընդ ի́ս էր իբրեւ զպատերազմօղ՝ եւ զօրացուցանէր. վ(ա)ս(ն) այնորիկ հալածեցին, եւ իմանալ զհնարս ո́չ կարէին. յամօթ եղեն յոյժ, զի ո́չինչ իմացան. անարգանք ն(ո)ց(ա) յաւիտենից մի́ մոռասցին։

Verse: 12   Link to sept   Եւ տ(է)ր զօրու(թ)ե(ան)ց որ կշռես զիրաւունս՝ եւ քննես զսիրտս եւ զերիկամունս, տեսի́ց առ ՛ի քէն զվրէժխնդրու(թ)ի(ւն) վերայ ն(ո)ց(ա). զի առ քեզ յայտնեցի զաղերս իմ։

Verse: 13   Link to sept   Օրհնեցէ́ք զտ(է)ր. գովեցէ́ք զնա, զի փրկեաց զանձն տնանկի ՛ի ձեռաց չարաց։

Verse: 14   Link to sept   Անիծեա́լ լիցի օրն յորում ծնայ, եւ օրն յորում ծնաւ զիս մայր իմ, մի́ եղիցի ուխտադրութի(ւն)։

Verse: 15   Link to sept   Անիծեա́լ լիցի մարդն որ ետ աւետիս հօր իմոյ, եւ ասէ՝ թէ ծնաւ քեզ արո́ւ մանուկ. եւ ուրախութ(եամ)բ ուրա́խ առնէր զնա։

Verse: 16   Link to sept   Եւ եղիցի մարդն այն իբրեւ զքաղաքս՝ զոր կործանեաց տ(է)ր սրտմտու(թեամ)բ՝ եւ ո́չ զղջացաւ։ լուիցէ́ դոյժ ընդ առաւօտս եւ աղաղակ ՛ի միջօրեայ ժամանակի։

Verse: 17   Link to sept   Զի ո́չ սպան զիս անդէն յարգանդի, եւ լինէր ինձ մայրն իմ գերեզման. եւ արգանդ յղու(թ)ե(ան) յաւիտենից։

Verse: 18   Link to sept   Ընդէ՞ր է ինձ այս. զի ելի յարգանդէ տեսանել զցաւս եւ զվաստակս, եւ վախճանեցան ամօթով աւուրք իմ։



Chapter: 21  
ԳԼ(ՈՒԽ) Ի՜Ա.


Section: 25 

Verse: 1   Link to sept   Բան որ եղեւ առ երեմիա ՛ի տ(եառն)է. յորժամ առաքեաց առ նա սեդեկիա զպասքովր որդի մելքեայ, եւ զսոփոնիա որդի մասերայ զքահանայ՝ եւ ասէ։

Verse: 2   Link to sept   Հա́րց վ(ա)ս(ն) մեր զտ(է)ր. զի նաբուքոդոնոսոր արքայ բաբելացւոց եհա́ս ՛ի վ(ե)ր(այ) մեր. թերեւս արասցէ տ(է)ր ՛ի վ(ե)ր(այ) մեր՝ ըստ ա(մենայ)ն իւրոցն սքանչելեաց, եւ դարձուսցէ́ ՛ի մէնջ։

Verse: 3   Link to sept   Եւ ասէ ցն(ո)ս(ա) երեմիա. ա́յսպէս ասացէ́ք ցսեդեկիա։

Verse: 4   Link to sept   Ա́յսպէս ասէ տ(է)ր ա(ստուա)ծ ի(սրայէ)լի. ահաւադիկ ես դարձուցանեմ զզէնս ձեր ՛ի պատերազմի՝ զոր ունիք ՛ի ձեռս ձեր, որով դուք պատերազմիք ընդ արքային բաբելացւոց՝ եւ ը(նդ) քաղդեացիս որք պաշարեցին զձեզ արտաքոյ պարսպացդ։ եւ ժողովեցից զն(ո)ս(ա) ՛ի մէջ քաղաքիդ այդորիկ։

Verse: 5   Link to sept   Եւ տաց պատերազմ ե́ս իսկ ընդ ձեզ՝ վերացեալ ձեռամբ՝ եւ բարձրացեալ բազկաւ, սրտմտու(թեամ)բ եւ բարկութ(եամ)բ եւ մեծա́ւ ցասմամբ։

Verse: 6   Link to sept   եւ հարից զա(մենայ)ն բնակիչս քաղաքիդ այդորիկ, զմարդ եւ զանասուն մեծա́ւ մահուամբ՝ եւ մեռցին։

Verse: 7   Link to sept   Եւ յետ այնորիկ՝ այսպէս ասէ տ(է)ր. մատնեցից զսեդեկիա արքայ յուդայ՝ եւ զծառա́յս իւր եւ զժողովուրդ՝ որ մնացեալ իցէ ՛ի քաղաքիդ յայդմիկ, ՛ի մահուանէ, եւ ՛ի սրոյ, եւ ՛ի սովոյ, ՛ի ձեռս նաբուքոդոնոսորայ արքայի բաբելացւոց, եւ ՛ի ձեռս թշնամեաց իւրեանց, եւ ՛ի ձեռս որ խնդրէին զանձինս դոցա. եւ կոտորեսցե́ն զդոսա ՛ի բերան սրոյ, եւ ո́չ խնայեցից ՛ի դոսա, եւ ոչ ողորմեցայց դոցա, եւ ո́չ գթացայց ՛ի դոսա։

Verse: 8   Link to sept   Եւ ցժողովուրդն ասասցես. ա́յսպէս ասէ տ(է)ր. ահաւադիկ ես եդի առաջի երեսաց ձերոց զճանապարհս կենաց, եւ զճանապարհ մահու։

Verse: 9   Link to sept   Որ նստցի ՛ի քաղաքիդ յայդմիկ՝ սրով եւ սովով եւ մահու մեռցի. եւ որ ելանէ՝ կացցէ առաջի քաղդէացւոցն, որոց պաշարեալն է զձեզ՝ կեցցէ́. անձն իւր ինքեա́ն պարգեւ լիցի եւ կեցցէ́։

Verse: 10   Link to sept   Զի հաստատեցի զերեսս իմ ՛ի վ(ե)ր(այ) քաղաքիդ այդորիկ ՛ի չարիս՝ եւ ո́չ ՛ի բարիս՝ ասէ տ(է)ր։ ՛ի ձեռս թագաւորին բաբելացւոց մատնեսցի, եւ այրեսցէ́ զդա հրով։

Verse: 11   Link to sept   Տո́ւն արքայիդ յուդայ

Verse: 12   Link to sept   եւ տո́ւն դաւթի, լուարո́ւք զպատգամ տ(եառ)ն. Ա́յսպէս ասէ տ(է)ր դատեցարուք ընդ առաւօտս դատաստան, եւ իրաւացուցէ́ք իրաւունս. փրկեցէ́ք զյափշտակեալն ՛ի ձեռաց զրկողին իւրոյ, զի մի́ բորբոքեսցի իբրեւ զհուր բարկութի(ւն) իմ. վառեսցի՝ եւ ո́չ ոք իցէ որ շիջուցանիցէ յերեսաց անիրաւու(թ)ե(ան) գնացից ձերոց։

Verse: 13   Link to sept   Ահաւադիկ ե́ս ՛ի վ(ե)ր(այ) քո որ բնակեալդ ես ՛ի ծործորս դաշտականս տիւրոսի՝ ասէ տ(է)ր։ որք ասէին՝ ո՞ զարհուրեցուսցէ զմեզ, կամ ո՞ մտանիցէ ՛ի բնակութի(ւն)ս մեր։

Verse: 14   Link to sept   Եւ արարից այցելու(թ)ի(ւն) ՛ի վ(ե)ր(այ) ձեր, ըստ չարու(թ)ե(ան) գնացից ձերոց՝ ասէ տ(է)ր. եւ վառեցից զհուր յանտառս ն(ո)ր(ա) եւ կերիցէ շուրջ զնովաւ զա(մենայ)ն։



Chapter: 22  
ԳԼ(ՈՒԽ) Ի՜Բ.


Verse: 1   Link to sept   Ա́յսպէս ասէ տ(է)ր. ե́րթ եւ է́ջ ՛ի տուն թագաւորին յուդայ, եւ խօսեսցի́ս անդ զբանդ զայդ,

Verse: 2   Link to sept   եւ ասասցես. Լո́ւր զպատգամս տ(եառ)ն թագաւորդ յուդայ, որ նստիս յաթոռ դաւթի. դո́ւ եւ ծառայք քո եւ ժողովուրդ քո, որ մտանեն ընդ դրունս ընդ այնոսիկ։

Verse: 3   Link to sept   Ա́յսպէս ասէ տ(է)ր. արարէ́ք իրաւունս եւ արդարութի(ւն). փրկեցէ́ք զյափշտակեալն ՛ի ձեռաց զրկողին իւրոյ, զպանդուխտն, եւ զորբն, եւ զայրին, մի́ բռնադատէք՝ եւ մի́ ամպարշտէք. եւ արիւն անպարտ մի́ հեղուցուք ՛ի տեղւոջդ յայդմիկ։

Verse: 4   Link to sept   Զի թէ առնելով առնիցէք զբանդ զայդ՝ մտցեն ընդ դրունս տանդ այդորիկ թագաւորք որ նստիցին յաթոռ դաւթի. եւ ելանիցեն ՛ի կառս եւ յերիվարս, ինքն եւ ծառայք իւր՝ եւ ժողովուրդ իւր։

Verse: 5   Link to sept   Ապա թէ ո́չ առնիցէք զբանսդ զայդոսիկ, յա́նձն իմ երդուայ՝ ասէ տ(է)ր, զի յաւերակ եղիցի տունդ այդ։

Verse: 6   Link to sept   Զի ա́յսպէս ասէ տ(է)ր ՛ի վ(ե)ր(այ) տա́ն թագաւորիդ յուդայ. գաղաադ՝ դո́ւ ես ինձ գլուխ լիբանանու. եթէ ո́չ եդից զքեզ յաւերակ եւ ՛ի քաղաքս չբնակեալս։

Verse: 7   Link to sept   Եւ հանից ՛ի վ(ե)ր(այ) քո սատակիչս՝ զայր եւ զտապար իւր, եւ կոտորեսցեն զընտիր մայրից քոց, եւ արկցեն ՛ի հուր։

Verse: 8   Link to sept   Եւ անցցեն ազգք բազումք ընդ մէջ քաղաքիդ այդորիկ, եւ ասասցեն իւրաքանչիւր ցընկեր իւր. ընդէ՞ր արար տ(է)ր ա(ստուա)ծ այդպէս զայդ՝ քաղաքիդ մեծի։

Verse: 9   Link to sept   Եւ ասասցեն. փոխանակ զի թողին զուխտ տ(եառ)ն ա(ստուծո)յ իւրեանց, եւ երկիրպագին աստուածոց օտարաց՝ եւ ծառայեցի́ն ն(ո)ց(ա)։
Section: 26 

Verse: 10   Link to sept   Մի́ լայք զմեռեալն՝ եւ մի́ ողբայք զնա. այլ լացէ́ք լալով ՛ի վ(ե)ր(այ) այնորիկ որ ելանիցէ՝ եւ այլ ո́չ դառնայցէ, եւ ո́չ տեսցէ զերկիր ազգի իւրոյ։

Verse: 11   Link to sept   Զի ա́յսպէս ասէ տ(է)ր ՛ի վ(ե)ր(այ) սելլենեայ որդւոյ յովսիայ, որ թագաւորեաց փոխանակ յովսիայ հօր իւրոյ. որ ե́լ ՛ի տեղւոջէդ յայդմանէ, եւ ո́չ եւս դարձցի անդրէն։

Verse: 12   Link to sept   զի ՛ի տեղւոջ յորում գերեցին զնա՝ անդ մեռցի, եւ զերկիրդ զայդ ո́չ եւս տեսցէ։

Verse: 13   Link to sept   Ո́հ, որ շինէ զտուն իւր՝ եւ ոչ արդարու(թեամ)բ, եւ զվերնայարկս իւր՝ եւ ո́չ իրաւամբք. եւ ՛ի մերձաւորէ իւրմէ գործի նմա գործ ձրի, եւ զվարձս իւր ո́չ հատուցանէ նմա։

Verse: 14   Link to sept   Զի շինեցեր քեզ տուն պատշաճօղ՝ վերնատուն հովանոց, յօրինեալ պատուհանիւք, տախտակամածս ՛ի մայրից, ծեփեալ նաւթիւ։

Verse: 15   Link to sept   Միթէ թագաւորեսցես՝ զի զայրացար ՛ի մայրակերտս հօր քոյ. մի́ կերիցեն եւ մի́ արբցեն, զի զիրաւունս եւ զարդարութի(ւն) եւ զբարու(թ)ի(ւն) ո́չ ծանեան։

Verse: 16   Link to sept   եւ ո́չ արարին իրաւունս տնանկին, եւ զաղքատն ո́չ իրաւացուցին։ ո՞չ այն իսկ է չճանաչելն զիս՝ ասէ տ(է)ր։

Verse: 17   Link to sept   Ահաւադիկ ո́չ իսկ են քո աչք. եւ սիրտ քո ո́չ է ՛ի բարու(թ)ի(ւն), այլ յագահութի(ւն), եւ ՛ի հեղուլ զարիւն անպարտ, եւ յանիրաւութի(ւն)՝ եւ յառնել սպանումն։

Verse: 18   Link to sept   Վ(ա)ս(ն) այդորիկ ա́յսպէս ասէ տ(է)ր ՛ի վ(ե)ր(այ) յովակիմայ որդւոյ յովսիայ արքայի յուդայ. զայրդ մի́ կոծեսցեն, եւ մի́ ասասցեն՝ վա́յ վա́յ եղբայր. մի́ կոծեսցեն՝ եւ ասասցեն վա́յ վա́յ տէր. վա́յ վա́յ սիրելի։

Verse: 19   Link to sept   զթաղո́ւմն իշոյ թաղեսցի. նեխեալ ընկեսցի արտաքոյ դրանն ե(րուսաղէ)մի։

Verse: 20   Link to sept   Ե́լ ՛ի լիբանան՝ եւ գուժեա́, եւ ՛ի բասան տաջիր զձայն քո. աղաղա́կ բարձ յայնկոյս ծովուն, զի խորտակեցան ՛ի միասին ա(մենայ)ն հոմանիք քո։

Verse: 21   Link to sept   Խօսեցա́յ ընդ քեզ ՛ի սխալելն քում. եւ ասացեր թէ ո́չ լուայց քեզ։ ա́յդ է ճանապարհ քո ՛ի մանկու(թեն)է քումմէ, զի ո́չ լուար բարբառոյ իմոյ։

Verse: 22   Link to sept   Զա(մենայ)ն հովիւս քո հո́ղմք արածեսցեն, եւ ա(մենայ)ն հոմանիք քո ՛ի գերու(թ)ի(ւն) գնասցեն. զի յայնժամ ամաչեսցես եւ անարգեսցիս յա(մենայ)ն սիրելեաց քոց։

Verse: 23   Link to sept   բնակեալդ ՛ի լիբանան՝ ամրացեալդ ՛ի մէջ մայրից, հեծեծեսցե́ս ՛ի հասանել քեզ ցաւոց եւ երկանց իբրեւ ծննդականի։

Verse: 24   Link to sept   Կենդանի́ եմ ես՝ ասէ տ(է)ր, եթէ լինլելով լինիցի յեքոնիա որդի յովակիմայ արքայի յուդայ՝ կնիք յաջոյ ձեռին իւրում, եւ անտի́ կորզեցից զքեզ։

Verse: 25   Link to sept   եւ մատնեցից զքեզ ՛ի ձեռս խնդրողաց անձին քոյ, եւ ՛ի ձեռս այնոցիկ յորոց զարհուրէիր յերեսաց ն(ո)ց(ա). եւ ՛ի ձեռս նաբուքոդոնոսորայ արքայի բաբելացւոց, եւ ՛ի ձեռս քաղդէացւոց։

Verse: 26   Link to sept   եւ ընկեցից զքեզ՝ եւ զմայր քո յերկիր օտար՝ յոր ո́չ իջեր, եւ ա́նդ մեռջիք։

Verse: 27   Link to sept   Եւ յերկիրս յոր ուխտադի́ր լինիցին ոգւովք իւրեանց դառնալ այսրէն, մի́ դարձցին։

Verse: 28   Link to sept   զի անկա́ւ ինքն եւ զաւակ իւր. եւ եղեւ տարագիր բերանն արհամարհեալ. թօթափեալ անարգեցաւ այրն յեքոնիա իբրեւ զաման մի́ անպիտան. անկաւ յերկիր զոր ո́չ գիտէր։

Verse: 29   Link to sept   Երկի́ր, երկի́ր, երկի́ր, լո́ւր զպատգամս տ(եառ)ն։

Verse: 30   Link to sept   Ա́յսպէս ասէ տ(է)ր՝ գրեա́ զայրդ զայդ՝ ա́յր տարագիր. զի մի́ աճեսցէ յաւուրս իւր, եւ մի́ աճեսցէ ՛ի զաւակէ դորա այր՝ որ նստիցի յաթոռն դաւթի իշխան տանն յուդայ։



Chapter: 23  
ԳԼ(ՈՒԽ) Ի՜Գ.


Verse: 1   Link to sept   Ո́ հովիւք. որ կորուսին՝ եւ ցրեցին զխաշինս արօտի քոյ, ասէ տ(է)ր։

Verse: 2   Link to sept   Վ(ա)ս(ն) այդորիկ ա́յսպէս ասէ տ(է)ր ա(ստուա)ծ ի(սրայէ)լի, ՛ի վերայ հովուացդ որ հովուեն զժողովուրդ իմ. դուք ցրուեցէք զխաշինս իմ, եւ մերժեցէք զն(ո)ս(ա), եւ ո́չ յանձանձեցէք զն(ո)ս(ա)։ Արդ՝ ահաւասիկ ես խնդրեցից զվրէժս ՛ի ձէնջ, ըստ չարու(թ)ե(ան) գնացից ձերոց՝ ասէ տ(է)ր։

Verse: 3   Link to sept   եւ ես ընկալայց զմնացորդս ժողովրդեան իմոյ յա(մենայ)ն երկրէ ոեր մերժեցից զն(ո)ս(ա) անդր, եւ հաստատեցից զն(ո)ս(ա) յարօտս իւրեանց. աճեսցեն եւ բազմասցի́ն։

Verse: 4   Link to sept   եւ յարուցից հովիւս որ հովուեսցեն ն(ո)ց(ա). եւ ո́չ եւս երկիցեն, եւ ո́չեւս զարհուրեսցին, եւ ո́չ լիցին անտես՝ ասէ տ(է)ր։
Section: 27 

Verse: 5   Link to sept   Ահա աւո́ւրք գան՝ ասէ տ(է)ր. եւ յարուցից դաւթի ծագո́ւմն արդարութե(ան). եւ թագաւորեսցէ թագաւոր, եւ ՛ի մի́տ առցէ. եւ արասցէ իրաւունս եւ արդարութի(ւն) ՛ի վ(ե)ր(այ) երկրի։

Verse: 6   Link to sept   Յաւուրս ն(ո)ր(ա) փրկեսցի́ յուդա, եւ ի(սրայ)էլ բնակեսցէ յուսո́վ. եւ ա́յս է անուն նորա զոր կոչեսցէ նմա տ(է)ր՝ յովսեդեկ ՛ի մարգարէս արդարու(թ)ի(ւն) մեր։

Verse: 7   Link to sept   Վ(ա)ս(ն) այդորիկ ահա աւուրք գան ասէ տ(է)ր. եւ ո́չ եւս ասասցեն՝ եթէ կենդանի́ է տ(է)ր՝ որ եհան զտունն ի(սրայէ)լի յերկրէն եգիպտացւոց,

Verse: 8   Link to sept   այլ թէ կենդանի́ է տ(է)ր՝ որ եհան զա(մենայ)ն զաւակ ի(սրայէ)լի յերկրէն հիւսւսոյ, եւ յա(մենայ)ն աշխարհաց ուր մերժեաց զն(ո)ս(ա) անդր. եւ պատսպարեցո́յց զն(ո)ս(ա) անդրէն յերկի́ր իւրեանց։

Verse: 9   Link to sept   ՛Ի վ(ե)ր(այ) մարգարէից բեկա́ւ սիրտ իմ յիս. շարժեցա́ն ա(մենայ)ն ոսկերք իմ. եւ եղէ իբրեւ զայր մի աղճատեալ, եւ իբրեւ զայր մի չարալլուկ ՛ի գինւոյ, յերեսաց տ(եառ)ն՝ եւ յերեսաց մեծ վայելչութե(ան) փառաց ն(ո)ր(ա)։

Verse: 10   Link to sept   Զի լցա́ւ երկիր շնացողօք. զի յերեսաց երդման սո́ւգ առ երկիր. ցամաքեցա́ն արօտք անապատի. եւ եղեն ընթացք ն(ո)ց(ա) ՛ի չարու(թ)ի(ւն)։ Եւ ուժգնութի(ւն) նոցա ո́չ այնպէս։

Verse: 11   Link to sept   զի մարգարէ եւ քահանայ պղծեցան, եւ ՛ի տան իմում գտի զչարիս ն(ո)ց(ա)՝ ասէ տ(է)ր։

Verse: 12   Link to sept   Վ(ա)ս(ն) այնորիկ եղիցի ճանապարհն նոցա նոցին ՛ի գայթագղութի(ւն)։ ՛ի միգի́ գայթագղեսցին՝ եւ կործանեսցին ՛ի նմին. զի ածից ՛ի վ(ե)ր(այ) ն(ո)ց(ա) չարի́ս յամի այցելու(թ)ե(ան) իւրեանց՝ ասէ տ(է)ր։

Verse: 13   Link to sept   Եւ ՛ի մարգարէսն շամրնի տեսի անօրէնութի(ւն). մարգարէացան ՛ի ձեռն բահաղու, եւ մոլորեցուցին զժողովուրդ իմ զի(սրայ)էլ։

Verse: 14   Link to sept   Եւ ՛ի մարգարէսն ե՝մի տեսի արհաւիրս. զի շնային եւ երթային զհետ ստու(թ)ե(ան)ց, եւ օգնական լինէին ձեռաց չարաց, առ ՛ի չդառնալոյ իւրաքանչիւր ումեք ՛ի ճանապարհէ իւրմէ չարէ։ եղե́ն ինձ ամենեքին իբրեւ զսոդոմ, եւ բնակիչք ն(ո)ր(ա) իբրեւ զգոմոր։

Verse: 15   Link to sept   Վ(ա)ս(ն) այնորիկ ա́յսպէս ասէ տ(է)ր զօրու(թ)ե(ան)ց ՛ի վ(ե)ր(այ) մարգարէիցն. ահաւադիկ ես ջամբեցից դոցա ցա́ւս, եւ արբուցից դոցա ջո́ւր դառնու(թ)ե(ան). զի ՛ի մարգարէիցն ե(րուսաղէ)մի ել պղծութի(ւն) ընդ ա(մենայ)ն երկիր։

Verse: 16   Link to sept   Ա́յսպէս ասէ տ(է)ր զօրութե(ան)ց. մի́ լսէք բանից մարգարէիցն որ մարգարէանան ձեզ. զի զրաբանե́ն դոքա զձեզ. զտեսիլս սրտից իւրեանց խօսին, եւ ո́չ ՛ի բերանոյ տ(եառ)ն.

Verse: 17   Link to sept   Ասեն ապստամբելոցն ՛ի բանէն տ(եառ)ն, թէ խաղաղութի(ւն) եղիցի ձեզ. եւ ամենեցուն որ գնան ըստ կամաց իւրեանց, եւ ա(մենայ)նի որ գնայ ըստ մոլորու(թ)ե(ան) սրտի իւրոյ, ասեն՝ ո́չ եկեսցէ ՛ի վ(ե)ր(այ) քո չար։

Verse: 18   Link to sept   Զի ո՞վ եկաց ՛ի հաստատութե(ան) տ(եառ)ն, եւ ետես եւ լուաւ զբան ն(ո)ր(ա)։ Ո՞վ ունկն եդ բանի իմում՝ եւ լուաւ։

Verse: 19   Link to sept   ահաւադիկ մարժումն ՛ի տ(եառն)է, եւ բարկութի(ւն) մրրկեալ շարժմամբ եկեսցէ ՛ի վերայ ամպարշտաց։ եկեսցէ

Verse: 20   Link to sept   եւ մի́ դարձցի սրտմտութի(ւն) տ(եառ)ն, մինչեւ արասցէ եւ հաստատեսցէ զյօժարութի(ւն) սրտի ն(ո)ր(ա). յետին ժամանակս իմասցին զայն իմանալով։

Verse: 21   Link to sept   Ո́չ առաքեցի զմարգարէսն՝ եւ նոքա ընթանային. ո́չ խօսեցայ ընդ ն(ո)ս(ա), եւ նոքա մարգարէանային։

Verse: 22   Link to sept   Եթէ կացեալ էիր ՛ի հաստատութե(ան) իմում. եւ լուուցեալէր զբանս իմ ժողովրդեան իմում, եւ դարձուցեալէր զն(ո)ս(ա) ՛ի ճանապարհաց իւրեանց չարաց, եւ ՛ի գնացից ն(ո)ց(ա) չարաց։

Verse: 23   Link to sept   Ա(ստուա)ծ մերձաւո́ր եմ ես՝ ասէ տ(է)ր, եւ ո́չ ա(ստուա)ծ հեռաւոր։

Verse: 24   Link to sept   եթէ թաքիցէ մարդ ՛ի թաքստեան, եւ ես ո́չ տեսից զնա՝ ասէ տ(է)ր։ միթէ զերկինս եւ զերկիր ես ո՞չ լնում ասէ տ(է)ր։

Verse: 25   Link to sept   Լուա́յ զինչ խօսին մարգարէքն՝ զոր մարգարէանային յանուն իմ սուտ. եւ ասէին, երա́զ երազեցա́ւ ինձ։

Verse: 26   Link to sept   Մինչեւ յե՞րբ լինիցի ՛ի սրտի մարգարէիցդ որ մարգարէանան ստու(թ)ի(ւն)։ եւ ՛ի մարգարէանալ զկամս սրտից իւրեանց, խորհին

Verse: 27   Link to sept   մոռանալոյ ժողովրդեան իմոյ զօրէնս իմ երազօք իւրեանց՝ զոր պատմէին իւրաքանչիւր ընկերի́ իւրում. զոր օրինակ մոռացան հարքն դոցա զանուն իմ ՛ի ձեռն բահաղու։

Verse: 28   Link to sept   Մարգարէն յորում երա́զն իցէ՝ պատմեսցէ́ զերազն իւր. եւ յորում բանն իմ իցէ՝ պատմեսցէ զբանն իմ ճշմարտութ(եամ)բ։ Զի՞նչ է յարդ առ ցորենաւ՝ ասէ տ(է)ր։

Verse: 29   Link to sept   ո՞չ ապաքէն բանք իմ իբրեւ զհո́ւր են՝ ասէ տ(է)ր, եւ իբրեւ զմուրճ որ հատանէ զվէմ։

Verse: 30   Link to sept   Վ(ա)ս(ն) այդորիկ ահա ես ՛ի վ(ե)ր(այ) մարգարէիցդ՝ ասէ տ(է)ր. որք գողանան զբանս իմ իւրաքանչիւր յընկերէ իւրմէ։

Verse: 31   Link to sept   ահաւասիկ ես ՛ի վ(ե)ր(այ) մարգարէիցդ՝ ասէ տ(է)ր. որք մերժեն զմարգարէս ՛ի լեզուոյ, եւ նիրհեն զնիրհս իւրեանց։

Verse: 32   Link to sept   Ահաւասիկ ես ՛ի վ(ե)ր(այ) մարգարէիցդ, որ մարգարէանան երազս ստու(թ)ե(ան)՝ ասէ տ(է)ր. եւ պատմեն զայն. եւ մոլորեցուցանեն զժողովուրդն իմ ստու(թեամ)բ իւրեանց. եւ ես ո́չ առաքեցի զն(ո)ս(ա), եւ ո́չ պատուիրեցի ն(ո)ց(ա). եւ օգտութի(ւն) ինչ ո́չ օգտեսցեն ժողովրդեանդ այդմիկ՝ ասէ տ(է)ր։

Verse: 33   Link to sept   Եւ եթէ հարցանիցէ զքեզ ժողովուրդդ այդ, կամ մարգարէ՝ կամ քահանայ՝ եւ ասասցէ. զի՞նչ է առածդ տ(եառ)ն. եւ ասասցես ցն(ո)ս(ա), դո́ւք էք առածն. եւ կործանեցի́ց զձեզ ասէ տ(է)ր։

Verse: 34   Link to sept   Եւ մարգարէ՝ եւ քահանայ՝ եւ ժողովուրդ՝ որ ասիցեն առած տ(եառ)ն. եւ խնդրեցից զվրէժ ՛ի մարդոյն յայնմանէ՝ եւ ՛ի տանէ ն(ո)ր(ա)։

Verse: 35   Link to sept   Զի՞ ոչ նո́յնպէս ասիցէք իւրաքանչիւր ցընկեր իւր, եւ իւրաքանչիւր ցեղբայր իւր՝ թէ զի՞նչ պատասխանի արար տ(է)ր. եւ զի՞նչ խօսեցաւ տ(է)ր։

Verse: 36   Link to sept   եւ առած տ(եառ)ն մի́ եւս անուանէք. զի առած տ(եառ)ն եղիցի մարդոյ բա́նն նորա. եւ դարձուցանիցէք զբանս ա(ստուծո)յ կենդանւոյ՝ տ(եառ)ն զօրու(թ)ե(ան)ց ա(ստուծո)յ մերոյ։

Verse: 37   Link to sept   Այլ այդպէս ասասջիք ցմարգարէն. զի՞նչ արար քեզ պատասխանի տ(է)ր, եւ զի՞նչ խօսեցաւ տ(է)ր։

Verse: 38   Link to sept   Եթէ առած տ(եառ)ն ասիցէք. վ(ա)ս(ն) այդորիկ ա́յսպէս ասէ տ(է)ր. փոխանակ զի ասիցէք զբանդ առած տ(եառ)ն, եւ ես ո́չ առաքեցի առ ձեզ՝ ասել. մի́ ասիցէք առած տ(եառ)ն։

Verse: 39   Link to sept   Վ(ա)ս(ն) այդորիկ ահաւասիկ ես առից զձեզ առի́ւ. եւ կործանեցից զձեզ, եւ զքաղաքդ զոր ետու ձեզ եւ հարցն ձերոց յերեսաց իմոց։

Verse: 40   Link to sept   եւ տա́ց ՛ի վ(ե)ր(այ) ձեր նախատինս յաւիտենից, եւ անարգանս յաւիտենից՝ որ ո́չ մոռասցին։



Chapter: 24  
ԳԼ(ՈՒԽ) Ի՜Դ.


Section: 28 

Verse: 1   Link to sept   Եւ եցո́յց ինձ տ(է)ր երկուս կողովս թզոյ, որ կային առաջի տաճարին տ(եառ)ն. յետ գերելոյն նաբուքոդոնոսորայ արքային բաբելացւոց զյեքոնիա որդի յովակիմայ արքայի յուդայ, եւ զիշխանս յուդայ, եւ զարուեստագէտսն, եւ զկալանաւորակապսն, եւ զմեծամեծս յ(թ)ե(ան)մէ. եւ տարաւ զն(ո)ս(ա) ՛ի բաբելոն։

Verse: 2   Link to sept   Կողովն մի էր յոյժ քաղցր թզոյ՝ իբրեւ զկանխահաս թզոյ. եւ կողովն երկրորդ՝ ժանտահա́մ թզոյ, որ ո́չ ուտիցի ՛ի ժանտութ(են)է իւրմէ։

Verse: 3   Link to sept   Եւ ասէ ցիս տ(է)ր՝ զի՞նչ տեսանես երեմիա. եւ ասեմ թո́ւզ թո́ւզ քաղցր, եւ առաւե́լ քաղցր. եւ թո́ւզ ժանտ՝ եւ առաւե́լ ժանտ, որ ո́չ ուտիցի ՛ի ժանտու(թեն)է իւրմէ։

Verse: 4   Link to sept   Եւ եղեւ բան տ(եառ)ն առ երեմիա, եւ ասէ։

Verse: 5   Link to sept   Ա́յսպէս ասէ տ(է)ր ա(ստուա)ծ ի(սրայէ)լի. երբ զթուզդ քաղցր, ա́յդպէս ծանեայ զգերեալսդ յուդայ՝ զորս առաքեցի ՛ի տեղւոջէդ յայդմանէ յերկիրն քաղդեացւոց ՛ի բարու(թ)ի(ւն)։

Verse: 6   Link to sept   եւ հաստատեցի́ց զաչս իմ ՛ի վ(ե)ր(այ) ն(ո)ց(ա) ՛ի բարու(թ)ի(ւն). եւ պատսպարեցի́ց զն(ո)ս(ա) ՛ի սո́յն երկիր. եւ շինեցից զն(ո)ս(ա), եւ ո́չ քակեցից. եւ տնկեցից զն(ո)ս(ա) եւ ո́չ խլեցից։

Verse: 7   Link to sept   Եւ տա́ց նոցա սիրտ ճանաչել զիս՝ թէ ե́ս եմ տ՝ր. եւ եղիցին ինձ ՛ի ժողովուրդ, եւ ես եղէց ն(ո)ց(ա) յա(ստուա)ծ։ զի դարձցին առիս յա(մենայ)ն սրտէ իւրեանց։

Verse: 8   Link to sept   Եւ իբրեւ զթուզդ ժանտ որ ո́չ ուտի ՛ի ժանտութ(են)է իւրմէ. ա́յսպէս ասէ տ(է)ր՝ ա́յդպէս մատնեցից զսեդեկիա արքայ յուդայ, եւ զմեծամեծս ն(ո)ր(ա), եւ զմնացորդս ե(րուսաղէ)մի, եւ զմնացորդս երկրիդ այդորիկ, եւ զբնակեալսն յեգիպտոս։

Verse: 9   Link to sept   Եւ տա́ց զն(ո)ս(ա) ՛ի ցրումն ընդ ա(մենայ)ն ազգս եւ թագաւորու(թ)ի(ւն)ս երկրի, եւ ՛ի նախատինս, եւ յառակ, եւ յատելութի(ւն), եւ յանէծս, եւ յա(մենայ)ն տեղիս ուր մերժեցից զն(ո)ս(ա) ա́նդր։

Verse: 10   Link to sept   Եւ առաքեցից ՛ի դոսա սով եւ սուր եւ մա́հ, մինչեւ պակասեսցին յերկրէդ զոր ետու դոցա եւ հա́րց իւրեանց։



Chapter: 25  
ԳԼ(ՈՒԽ) Ի՜Ե.


Section: 29 

Verse: 1   Link to sept   Բանն որ եղեւ առ երեմիա վ(ա)ս(ն) ժողովրդեանն յուդայ, յամին չորրորդի յովակիմայ որդւոյ յովսիայ արքայի յուդայ. ա́յն ամ առաջին էր նաբուքոդոնոսորայ արքային բաբելացւոց։

Verse: 2   Link to sept   Զբանն զոր խօսեցաւ երեմիա մարգարէ առ ա(մենայ)ն ժողովուրդն յուդայ, եւ առ բնակիչս ե(րուսաղէ)մի՝ եւ ասէ։

Verse: 3   Link to sept   Յերեքտասաներորդէ ամէ յովսիայ որդւոյամովնայ արքայի յուդայ մինչեւ ցայսօր. այս քսանեւերե́ք ամք, զի եղեւ բան տ(եառ)ն առիս, եւ խօսեցայ ընդ ձեզ կանխեալ ընդ առաւօտս եւ ասէի, եւ ո́չ լուարուք։

Verse: 4   Link to sept   Եւ առաքեցի առ ձեզ զծառայս իմ զմարգարէս ընդ առաւօտս արձակեալ, եւ ո́չ լուարուք, եւ ո́չ անսացէք ակընջօք ձերովք լսել։

Verse: 5   Link to sept   Ասէի՝ դարձարո́ւք իւրաքանչիւր ՛ի ճանապարհէ իւրմէ չարէ, եւ ՛ի գնացից ձերոց չարաց. եւ բնակեսջիք յերկի́րդ զոր ետու ձեզ՝ եւ հարց ձերոց յաւիտենից մինչեւ ցյաւիտեանս։

Verse: 6   Link to sept   եւ մի́ երթայք զհետ աստուածոց օտարաց ծառայե́լ ն(ո)ց(ա)՝ եւ երկի́ր պագանել։ եւ մի́ բարկացուցանէք զիս գործովք ձեռաց ձերոց չարչարե́լ զձեզ։

Verse: 7   Link to sept   Եւ ո́չ լուարուք ինձ՝ ասէ տ(է)ր. զի բարկացուցանիցէք զիս գործովք ձեռաց ձերոց չարչարե́լ զձեզ։

Verse: 8   Link to sept   Վասն այդորիկ ա́յսպէս ասէ տ(է)ր զօրուտթեց. զի ո́չ հաւատեցէք բանից իմոց,

Verse: 9   Link to sept   ահաւասիկ ես առաքեմ, եւ առի́ց զա(մենայ)ն ազգս հիւսւսոյ՝ ասէ տ(է)ր, եւ զնաբուքոդոնոսոր արքայ բաբելացւոց զծառայ իմ. եւ ածից զն(ո)ս(ա) ՛ի վ(ե)ր(այ) երկրիդ այդորիկ՝ եւ ՛ի վ(ե)ր(այ) բնակչաց դորա, եւ ՛ի վ(ե)ր(այ) ա(մենայ)ն ազգաց որ շուրջ զդովաւ. եւ աւերեցից զդոսա, եւ տա́ց զդոսա յապականութի(ւն) եւ ՛ի շչիւն՝ եւ ՛ի նախատինս յաւիտենից։

Verse: 10   Link to sept   եւ կորուսից ՛ի դոցանէ զձայն ուրախու(թ)ե(ան) եւ զձայն ցնծութե(ան), եւ զձայն փեսայի եւ զձայն հարսին. զձայն երկանի եւ զլոյս ճրագի։

Verse: 11   Link to sept   Եւ եղիցի ա(մենայ)ն երկիրդ այդ յաւերակ եւ յապականու(թ)ի(ւն). եւ ծառայեսցեն ազգացն այնոցիկ՝ եւ արքային բաբելացւոց զեւթանասուն ամ։

Verse: 12   Link to sept   եւ ՛ի կատարել ամացն իւթանասնից, խնդրեցից զվրէժս ՛ի թագաւորէն բաբելացւոց. եւ յազգէն յայնմանէ՝ ասէ տ(է)ր, ըստ անօրէնութե(ան)ց ն(ո)ց(ա), եւ յերկրէն քաղդեացւոց. եւ եդից զն(ո)ս(ա) յապականու(թ)ի(ւն) յաւիտենական։

Verse: 13   Link to sept   Եւ ածի́ց ՛ի վ(ե)ր(այ) ա(մենայ)ն երկրին այնորիկ զա(մենայ)ն բանս իմ զոր խօսեցայ վ(ա)ս(ն) ն(ո)ր(ա)՝ ըստ ա(մենայ)ն գրելոցս ՛ի գիրս յայսմիկ։ Զոր մարգարէացա́ւ երեմիա ՛ի վ(ե)ր(այ) ա(մենայ)ն ազգաց,

Verse: 14   Link to sept   զի ծառայեցին ՛ի մէջ ն(ո)ց(ա)։ քանզի եւ նոքա ազգք բազումք՝ եւ թագաւորութի(ւն)ք մեծամեծք են. եւ հատուցից ն(ո)ց(ա) ըստ անօրէնու(թ)ե(ա)ն ն(ո)ց(ա). եւ ըստ գործոց ձեռաց ն(ո)ց(ա)։

Verse: 15   Link to sept   Զի ա́յսպէս ասէ ցիս տ(է)ր ա(ստուա)ծ ի(սրայէ)լի. ա́ռ զբաժակ գինւոյս անապակիս այսորիկ ՛ի ձեռաց իմոց, եւ արբուսցես զդա ա(մենայ)ն ազգաց առ որս առաքեմ զքեզ։

Verse: 16   Link to sept   արբցեն՝ եւ քամեսցեն՝ եւ մոլեսցին յերեսաց սրոյն, զոր ես առաքեցից ՛ի մէջ դոցա։

Verse: 17   Link to sept   Եւ առի́ զբաժակն ՛ի ձեռանէ տ(եառ)ն, եւ արբուցի́ ա(մենայ)ն ազգաց առ որս առաքեա́ց զիս տ(է)ր։

Verse: 18   Link to sept   ե(րուսաղէ)մի, եւ քաղաքացն յուդայ, եւ թագաւորաց նորա, եւ իշխանաց նր. դնել զն(ո)ս(ա) յաւերակ՝ եւ յանապատ՝ եւ ՛ի շչիւն, եւ յանէ́ծս ըստ աւուրս ըստ ա́յսմիկ։

Verse: 19   Link to sept   Եւ փարաւոնի արքայի եգիպտացւոց, եւ ծառայից ն(ո)ր(ա), եւ մեծամեծաց ն(ո)ր(ա), եւ ա(մենայ)ն ազգի ն(ո)ր(ա).

Verse: 20   Link to sept   եւ ա(մենայ)ն խառնիճաղանճ զօրաց ն(ո)ր(ա), եւ ա(մենայ)ն թագաւորաց կղզւոյն, եւ ա(մենայ)ն թագաւորաց երկրին այլազգեաց՝ ասկաղոնի եւ գազայ, եւ ակկարովնի, եւ մնացորդացն ազովտայ.

Verse: 21   Link to sept   եւ եդոմայ, եւ մովաբացւոցն, եւ որդւոցն ամովնայ։

Verse: 22   Link to sept   Եւ ա(մենայ)ն թագաւորացն տիւրոսի, եւ ա(մենայ)ն թագաւորացն սիդովնացւոց. եւ թագաւորաց կղզւոյն որ յա́յն կոյս ծովուն.

Verse: 23   Link to sept   եւ դեդանայ, եւ թեմանայ, եւ բովկայ. եւ ա(մենայ)ն յապաւելոցն զերեսօք։

Verse: 24   Link to sept   Եւ ա(մենայ)ն թագաւորացն արաբացւոց, եւ ա(մենայ)ն թագաւորաց խառնաղանճից. օթագելոցն յանապատին։

Verse: 25   Link to sept   եւ ա(մենայ)ն թագաւորացն զամբրեայ, եւ ա(մենայ)ն թագաւորացն ելամայ, եւ ա(մենայ)ն թագաւորացն պարսից։

Verse: 26   Link to sept   Եւ ա(մենայ)ն թագաւորացն հիւսւսոյ արեւելից. մերձաւորաց եւ հեռաւորաց իւրաքանչիւր առ եղբօր իւրում եւ ա(մենայ)ն թագաւորաց երկրի, որ ՛ի վ(ե)ր(այ) երեսաց երկրի։ եւ թագաւորն սիսակ արբցէ́ յետ ամենեցուն։

Verse: 27   Link to sept   Եւ ասասցես ցն(ո)ս(ա). ա́յսպէս ասէ տ(է)ր ամենակալ ա(ստուա)ծ ի(սրայէ)լի. արբէ́ք եւ արբեցարո́ւք, յիմարեցարո́ւք, եւ կործանեցարո́ւք. եւ մի́ կանգնեսջիք յերեսաց սրոյն զոր եսն առաքեցից ՛ի մէջ ձեր։

Verse: 28   Link to sept   Եւ եղիցի յորժամ ո́չ կամիցին ընդունել զբաժակն ՛ի ձեռանէ քումմէ ըմպել, ասասցես ցն(ո)ս(ա). Ա́յսպէս ասէ տ(է)ր զօրութե(ան)ց՝ ըմպելով արբջի́ք։

Verse: 29   Link to sept   զի ահա ՛ի քաղաքէն յորում կոչեցեալ է անուն իմ, ՛ի նմա́ արարից սկիզբն չարչարելոյ. եւ դո́ւք սրբելով սրբիցի՞ք. ո́չ սրբեսջիք. զի սո́ւր կոչեցի ես ՛ի վ(ե)ր(այ) ամենեցուն որ բնակեալ են յերկրի, ասէ տ(է)ր զորու(թ)ե(ան)ց։

Verse: 30   Link to sept   Եւ դու մարգարէասցիս ՛ի վ(ե)ր(այ) ն(ո)ց(ա) զա(մենայ)ն զպատգամս զայսոսիկ, եւ ասասցես ցն(ո)ս(ա). Տ(է)ր ՛ի բարձանց ՛ի սրբութ(են)է իւրմէ տացէ́ հրաման. տացէ́ զձայն իւր. զբա́ն հրամանի ՛ի տեղւոջէ́ իւրմէ։ եւ նոքա իբրեւ կթօղք տացեն պատասխանի ՛ի վ(ե)ր(այ) ա(մենայ)ն բնակչաց երկրին,

Verse: 31   Link to sept   թէ եկն սատակումն ՛ի կողմանէ երկրին. զի դատաստան տ(եառ)ն է ՛ի մէջ ազգաց, եւ դատեսցի ինքն զա(մենայ)ն մարմին. եւ ամպարիշտք տուան ՛ի սուր՝ ասէ տ(է)ր։
Section: 30 

Verse: 32   Link to sept   Ա́յսպէս ասէ տ(է)ր զօրու(թ)ե(ան)ց. ահաւադիկ չարիք գան յազգէ ՛ի վ(ե)ր(այ) ազգի, եւ մրրի́կ մեծ ելցէ ՛ի ծագաց երկրէ։

Verse: 33   Link to sept   եւ եղիցին վիրաւո́րք ՛ի տ(եառն)է յաւուր տ(եառ)ն. ՛ի կողմանէ մինչեւ ցկողմ երկրին. մի́ կոծեսցին եւ մի́ ժողովեսցին, ը(նդ) երեսս դաշտին իբրեւ զա́ղբ ընկեսցին։

Verse: 34   Link to sept   Գուժեցէ́ք հովիւք եւ աղաղակեցէ́ք, եւ կոծեցարո́ւք խոյք մաքեաց. զի կատարեցան աւուրք ձեր ՛ի սպանումն, եւ ՛ի ցրումն ձեր. կործանեսջիք իբրեւ խո́յք ընտիրք։

Verse: 35   Link to sept   եւ կորիցէ փախուստ ՛ի հովուաց. եւ փրկութի(ւն) ՛ի խոյո́ցն մաքեաց։

Verse: 36   Link to sept   Ձա́յն գուժի հովուաց, եւ աղաղակ խոյոցն մաքեաց. զի սպառեաց տ(է)ր զարօտս ն(ո)ց(ա)։

Verse: 37   Link to sept   Եւ դադարեսցէ գեղեցկութի(ւն) խաղաղու(թ)ե(ա)ն յերեսաց բարկութե(ան) սրտմտութե(ան) տ(եառ)ն։

Verse: 38   Link to sept   Թողի́ն իբրեւ առեւծ զմորի իւր. եւ եղեւ երկիր ն(ո)ց(ա) յանապատ, յերեսաց բարկու(թ)ե(ան) սրտմտու(թ)ե(ան) սրոյն մեծի, եւ յերեսաց բարկութե(ան) սրտմտութե(ան) նորա։



Chapter: 26  
ԳԼ(ՈՒԽ) Ի՜Զ.


Verse: 1   Link to sept   Ի սկզբան թագաւորու(թ)ե(ան) յովակիմայ որդւոյ յովսիայ արքայի յուդայ. եւ ղեւ բանս այս ՛ի տ(եառն)է՝ եւ ասէ։

Verse: 2   Link to sept   Ա́յսպէս ասէ տ(է)ր։ կա́ց ՛ի սրահի́ տանն տ(եառ)ն, եւ մարգարէասցիս ա(մենայ)ն տանն յուդայ ոյք գայցեն երկիրպագանել ՛ի տանն տ(եառ)ն. զա(մենայ)ն բանսդ զոր կարգեցի առ քեզ մարգարէանալ ն(ո)ց(ա), մի́ հատանիցես ինչ ՛ի բանիցդ։

Verse: 3   Link to sept   Թերեւս լուիցեն, եւ դարձցին իւրաքանչիւր ՛ի ճանապարհէ իւրմէ չարէ. եւ մեղմացա́յց ես ՛ի չարեացն զոր խորհիմ ես առնել ն(ո)ց(ա) վ(ա)ս(ն) չարութե(ան) գնացից ն(ո)ց(ա)։

Verse: 4   Link to sept   Եւ ասասցես ցն(ո)ս(ա). ա́յսպէս ասէ տ(է)ր՝ եթէ ո́չ լսիցէք ինձ գնալ յօրէնս իմ զոր ետու յանդիման ձեր,

Verse: 5   Link to sept   լսե́լ բանից ծառայից իմոց մարգարէից՝ զոր ես առաքեցի առ ձեզ կանխաւ. եւ առաքեցի՝ եւ ո́չ լուարուք։

Verse: 6   Link to sept   եւ արարից զտունդ զայդ իբրեւ զսելովմ, եւ զքաղաքս տաց յանէ́ծս ա(մենայ)ն ազգաց երկրի։

Verse: 7   Link to sept   Եւ լուան քահանայքն եւ սուտ մարգարէքն՝ եւ ա(մենայ)ն ժողովուրդն ՛ի խօսել երեմիայի զբանս զայսոսիկ ՛ի տանն տ(եառ)ն։

Verse: 8   Link to sept   Եւ եղեւ ՛ի դադարել երեմիայի ՛ի խօսիցն՝ ըստ ա(մենայ)նի զոր հրամա́ն ետ նմա տ(է)ր խօսել առ ա(մենայ)ն ժողովուրդն։ կալան զնա քահանայքն եւ սուտ մարգարէքն եւ ա(մենայ)ն ժողովուրդն՝ եւ ասեն. մահո́ւ մեռցիս.

Verse: 9   Link to sept   զի մարգարէացար յանուն տ(եառ)ն, եւ ասացեր՝ թէ իբրեւ զսելովմ եղիցի տունս այս, եւ քաղաքս աւերեսցի ՛ի բնակչաց։ եւ կուտեցաւ ժողովուրդն ՛ի վ(ե)ր(այ) երեմիայի ՛ի տան տ(եառ)ն։

Verse: 10   Link to sept   Եւ լուան իշխանքն յուդայ զբանս զայսոսիկ, եւ ելին ՛ի տանէ թագաւորին ՛ի տունն տ(եառ)ն. եւ նստան առաջի դրանն տ(եառ)ն նորոյ։

Verse: 11   Link to sept   Եւ ասեն քահանայքն եւ սուտ մարգարէքն ցիշխանսն՝ եւ ցա(մենայ)ն ժողովուրդն. դատաստան մահո́ւ է առնդ այդմիկ, զի մարգարէացաւ զքաղաքէս զայսմանէ, ո(ր)պ(էս) ձերովք իսկ ակնջօք լուարուք։

Verse: 12   Link to sept   Եւ ասէ երեմիա ցամանեսին ցիշխանսն եւ ցա(մենայ)ն ժողովուրդն։ տ(է)ր առաքեաց զիս մարգարէանալ ՛ի վ(ե)ր(այ) տանդ այդորիկ՝ եւ ՛ի վ(ե)ր(այ) քաղաքիս զա(մենայ)ն բանսդ զոր լուարուք։

Verse: 13   Link to sept   եւ արդ՝ ուղղեցէ́ք զճանապարհս ձեր՝ եւ զգործս ձեր, եւ լուարո́ւք ձայնի տ(եառ)ն ա(ստուծո)յ ձերոյ. եւ մեղմասցի́ տ(է)ր ՛ի չարեացն ձերոց՝ զոր խօսեցաւ ՛ի վ(ե)ր(այ) ձեր։

Verse: 14   Link to sept   եւ ես աւասիկ կա́մ ՛ի ձեռս ձեր, արարէ́ք ընդիս ո(ր)պ(էս) եւ ձեզ օգո́ւտ եւ լա́ւ իցէ։

Verse: 15   Link to sept   Բայց գիտելով գիտասջի́ք՝ զի թէ սպանանէք դուք զիս՝ արիւն անպա́րտ արկանէք ՛ի վ(ե)ր(այ) ձեր, եւ ՛ի վ(ե)ր(այ) քաղաքիս այսորիկ, եւ ՛ի վ(ե)ր(այ) բնակչաց սորա։ զի ճշմարտու(թեամ)բ առաքեաց զիս տ(է)ր առ ձեզ՝ խօսել յականջս ձեր զա(մենայ)ն բանս զայսոսիկ։

Verse: 16   Link to sept   Եւ ասեն իշխանքն եւ ա(մենայ)ն ժողովուրդն ցքահանայս եւ ցսո́ւտ մարգարէսն. ո́չ է դատաստան մահու առնդ այդորիկ. զի յանուն տ(եառ)ն ա(ստուծո)յ խօսեցաւ առ մեզ։

Verse: 17   Link to sept   Յոտն կացին արք ՛ի ծերոց երկրին, եւ ասեն ցա(մենայ)ն ժողովս ժողովրդոցն։

Verse: 18   Link to sept   Միքիէ մորստացի մարգարէանայր յաւուրս եզեկիայ արքայի յուդայ. խօսեցաւ ընդ ա(մենայ)ն ժողովրդեանն յուդայ՝ եւ ասէ. Ա́յսպէս ասէ տ(է)ր զօրու(թ)ե(ան)ց. սիո́վն իբրեւ զագարակ արօրադիր լիցի, եւ ե(րուսաղ)էմ՝ իբրեւ զհիղս մրգապահաց, եւ լեառն տանդ՝ եղիցի́ իբրեւ զանտառ մայրւոյ։

Verse: 19   Link to sept   Միթէ սպանանելով սպա՞ն զնա եզեկիա արքայ յուդայ՝ եւ ա(մենայ)ն հրէաստան. ոչ ապաքէն զահի́ հարան ՛ի տ(եառն)է, եւ խնդրեցին յերեսաց տ(եառ)ն. եւ դադարեաց տ(է)ր յա(մենայ)ն չարեացն զոր խօսեցաւ ՛ի վ(ե)ր(այ) ն(ո)ց(ա)։ Եւ մեք արարաք չարիս մեծամեծ յանձինս մեր։

Verse: 20   Link to sept   եւ ա́յր մի մարգարէանայր յանուն տ(եառ)ն, ուրիա որդի սամեայ ՛ի կարիաթարիմայ. եւ մարգարէացաւ ՛ի վ(ե)ր(այ) քաղաքիս այսորիկ, եւ ՛ի վ(ե)ր(այ) երկրիս այսորիկ ըստ ա(մենայ)ն բանից երեմիայի։

Verse: 21   Link to sept   Եւ լուաւ արքայ յովակիմ, եւ ա(մենայ)ն զօրաւորք իւր, եւ ա(մենայ)ն իշխանք զա(մենայ)ն բանս ն(ո)ր(ա). եւ խնդրէին սպանանե́լ զնա։ եւ լուաւ ուրիա, երկեաւ՝ եւ փախեաւ եւ գնաց յերկիրն եգիպտացւոց։

Verse: 22   Link to sept   եւ առաքեաց արքայ յովակիմ արս յեգիպտոս. զեղնաթան որդի աքովբերայ եւ ա́րս ընդ նմա յեգիպտոս։

Verse: 23   Link to sept   եւ հանին զնա անտի՝ եւ ածին առ արքայն յովակիմ, եւ սպանին զնա սրով. եւ ընկէց ՛ի շիրիմ որդւոց ժողովրդեան իւրոյ։

Verse: 24   Link to sept   Բայց ձե́ռն աքիկամայ որդւոյ սափանայ՝ էր ընդ երեմիայի. զի մի́ մատնեսցի ՛ի ձեռս ժողովրդեանն սպանանել զնա։



Chapter: 27  
ԳԼ(ՈՒԽ) Ի՜Է.


Section: 31 

Verse: 1   Link to sept   Ի սկզբան թագաւորութե(ա)ն յովակիմայ որդւոյ յովսիայ՝ արքայի յուդայ. եղեւ բանս այս առ երեմիայ ՛ի տ(եառն)է՝ եւ ասէ։

Verse: 2   Link to sept   Ա́յսպէս ասէ տ(է)ր ցիս. արա́ դու քեզ կապանս եւ անուրս՝ եւ ա́րկ ընդ պարանոց քո։

Verse: 3   Link to sept   եւ առաքես զայն առ թագաւորն եդովմայեցւոց, եւ առ թագաւորն մովաբացւոց, եւ առ թագաւոր որդւոցն ամովնայ, եւ առ թագաւորն տիւրոսի, եւ առ թագաւորն սիդոնացւոց, ՛ի ձեռն հրեշտակաց նոցա որ գա́ն յե(րուսաղէ)մ առ սեդեկիա արքայ յուդայ։

Verse: 4   Link to sept   եւ պատուիրեսցես նոցա ասել ցտեարս իւրեանց. Ա́յսպես ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. ա́յսպէս ասասջիք ցտեարսն ձեր։

Verse: 5   Link to sept   ե́ս արարի զերկիր, եւ զմարդիկ, եւ զանասուն, եւ որ ինչ ՛ի վ(ե)ր(այ) երեսաց երկրի, զօրու(թեամ)բ իմով մեծաւ, եւ բազկաւ իւրով բարձու. եւ տաց զնա՝ ում եւ կա́մ իցէ առաջի աչաց իմոց։

Verse: 6   Link to sept   Եւ արդ ե́ս եմ որ ետու զա(մենայ)ն երկիր ՛ի ձեռս նաբուքոդոնոսորայ արքային բաբելացւոց ծառայի իմոյ. նաեւ զգազանս անապատի ՛ի գործ արկանել, եւ ետո́ւ նմա ՛ի ծառայու(թ)ի(ւն)։

Verse: 7   Link to sept   ծառայեսցեն նմա ա(մենայ)ն ազգք, եւ որդւոց ն(ո)ր(ա), եւ որդւոց որդւոց ն(ո)ր(ա), մինչեւ եկեսցէ ժամանակ բարկութե(ան) երկրի ն(ո)ր(ա), եւ ն(ո)ր(ա). եւ ծառայեսցեն նմա ազգ բազումք եւ թագաւորք մեծամեծք։

Verse: 8   Link to sept   Եւ եղիցի՝ ազգ եւ թագաւորութի(ւն) որ ո́չ ծառայեսցեն նաբուքոդոնոսորայ արքայի բաբելացւոց, եւ որք միանգամ ո́չ մուծցեն զպարանոցս իւրեանց ընդ լծով արքային բաբելացւոց. սրո́վ եւ սովո́վ եւ մահուամբ արարից այցելութի(ւն) ՛ի վ(ե)ր(այ) ազգին այնմիկ՝ ասէ տ(է)ր. մինչեւ սատակեսցին ՛ի ձեռաց ն(ո)ր(ա)։

Verse: 9   Link to sept   Եւ դուք մի́ լսէք մարգարէից ձերոց, եւ ըղձութե(ան)ց ձերոց, եւ երազոց ձերոց, եւ կիւսից ձերոց, եւ հաւահմայից ձերոց, եւ կախարդաց ձերոց. որք ասեն ձեզ թէ ո́չ հարկիցէք արքային բաբելացւոց.

Verse: 10   Link to sept   զի սո́ւտ մարգարէանան դոքա ձեզ՝ առ ՛ի հեռացուցանելոյ զձեզ յերկրէդ ձերմէ. եւ ցրուեցի́ց զձեզ եւ կորիջի́ք։

Verse: 11   Link to sept   Եւ ազգ որ մուծանիցէ զպարանոց իւր ընդ լծով արքային բաբելացւոց, եւ կայցեն նմա ՛ի հարկի՝ թողի́ց զնա յերկրի իւրում՝ ասէ տ(է)ր. գործեսցէ զնա, եւ բնակեսցէ́ ՛ի նմա։

Verse: 12   Link to sept   Եւ առ սեդեկիա արքայ յուդայ խօսեցայ ըստ ա(մենայ)ն բանիցս այսոցիկ, եւ ասեմ. մուծէ́ք զպարանոցս ձեր ընդ լծով արքային բաբելացւոց, եւ ծառայեցէ́ք նմա եւ ազգի ն(ո)ր(ա)՝ եւ կեցջի́ք։

Verse: 13   Link to sept   Եւ ընդէ՞ր մեռանիք դուք, եւ ժողովուրդ քո, սրով եւ սովով եւ մահուամբ. ո(ր)պ(էս) եւ խօսեցաւ տ(է)ր առ ազգ՝ որ ո́չ ծառայիցէ արքային բաբելացւոց։

Verse: 14   Link to sept   Մի́ լսէք բանից մարգարէիցն որ ասեն ձեզ՝ թէ մի́ հարկիք արքային բաբելացւոց. զո́ւր մարգարէանան նոքա ձեզ։

Verse: 15   Link to sept   Զի́ ոչ առաքեցի զն(ո)ս(ա)՝ ասէ տ(է)ր։ եւ նոքա մարգարէանան յանուն իմ սո́ւտ, առ ՛ի կորուսանելոյ զձեզ. եւ կորիցէք դուք եւ մարգարէքդ՝ որ մարգարէանան ձեզ տարապարտուց ստու(թեամ)բ։

Verse: 16   Link to sept   Եւ ցքահանայս եւ ցա(մենայ)ն ժողովուրդն՝ զոր խօսեցայ ասասցես. Ա́յսպէս ասէ տ(է)ր. մի́ լսէք բանից մարգարէիցն որ մարգարէանան ձեզ՝ եւ ասեն. ահա սպաս տան տ(եառ)ն դարձցի ՛ի բաբելոնէ այժմ ընդ հուպ։ զո́ւր մարգարէանան ձեզ. եւ ես ո́չ առաքեցի զն(ո)ս(ա)։

Verse: 17   Link to sept   Մի́ լսէք ն(ո)ց(ա). այլ ծառայեցէ́ք արքային բաբելացւոց՝ եւ կեցջիք։ եւ ընդէ՞ր լինիցի քաղաքդ աւերակ։

Verse: 18   Link to sept   Եթէ մարգարէ́ք իցեն, եւ իցէ բան տ(եառ)ն առ ն(ո)ս(ա), եկեսցեն եւ յանդիմա́ն լիցին ինձ։ Զի ա́յսպէս ասէ տ՝ր. եւ մնացեալ սպասն զոր ո́չ առ արքայն բաբելացւոց՝ յորժամ գերեաց զյեքոնիա յե(րուսաղէ)մէ, ՛ի բաբելոն երթիցէ՝ ասէ տ(է)ր զօրութե(ան)ց։ Այլ վ(ա)ս(ն) չերթալոյ սպասուցն մնացելոց ՛ի տան տ(եառ)ն եւ ՛ի տան թագաւորին յուդայ յե(րուսաղէ)մէ ՛ի բաբելոն։

Verse: 19   Link to sept   Ա́յսպէս ասէ տ(է)ր զօրութե(ան)ց վ(ա)ս(ն) սեանցն, եւ վ(ա)ս(ն) ծովուն, եւ վ(ա)ս(ն) մեքենովթիցն, եւ մնացորդաց սպասուցն՝ որ մնացին ՛ի քաղաքիդ յայդմիկ.

Verse: 20   Link to sept   զոր ո́չ առ նաբուքոդոնոսոր արքայ բաբելացւոց, ՛ի գերելն իւրում զյեքոնիա որդի յովակիմայ արքայի յուդայ յե(րուսաղէ)մէ ՛ի բաբելովն, եւ զա(մենայ)ն ազատսն յուդայ եւ զե(րուսաղէ)մի։

Verse: 21   Link to sept   Ա́յսպէս ասէ տ(է)ր զօրութե(ան)ց՝ ա(ստուա)ծ ի(սրայէ)լի. վ(ա)ս(ն) սպասուցն մնացելոց ՛ի տան տ(եառ)ն, եւ ՛ի տան թագաւորին յուդայ եւ յե(րուսաղէ)մ։

Verse: 22   Link to sept   ՛Ի բաբելո́վն երթիցեն եւ ա́նդ եղիցին՝ մինչեւ յօրն յորում ա́յց արարից ն(ո)ց(ա)։ ա́յսպէս ասէ տ(է)ր. հանի́ց զնոսա, եւ դարձուցից ՛ի տեղիդ յայդ։



Chapter: 28  
ԳԼ(ՈՒԽ) Ի՜Ը.


Verse: 1   Link to sept   Եւ եղեւ յամին յայնմիկ իսկզբան թագաւորութե(ա)ն սեդեկիայ արքայի յուդայ. յամին չորրորդի՝ յամսեանն հինգերորդի. ասէ ցիս անանիա որդի ազովրայ սուտ մարգարէ ՛ի գաբաւովնէ, ՛ի տան առաջի քահանայիցն եւ ա(մենայ)ն ժողովրդեանն։

Verse: 2   Link to sept   Ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. խորտակեսցի́ լուծ արքային բաբելացւոց

Verse: 3   Link to sept   յետ ա́յլ եւս երկուց ամաց աւուրց. եւ ես դարձուցից ՛ի տեղիդ յայդ զա(մենայ)ն սպաս տանն տ(եառ)ն, զոր միանգամ ա́ռ նաբուքոդոնոսոր արքայ բաբելացւոց ՛ի տեղւոջէդ յայդմանէ, եւ տարա́ւ ՛ի բաբելովն։

Verse: 4   Link to sept   Եւ յեքոնիա որդի յովակիմայ արքայի յուդայ, եւ զա(մենայ)ն գերու(թ)ի(ւն) հրէաստանի որք մտին ՛ի բաբելոն՝ դարձուցից ես ՛ի տեղիս յայս՝ ասէ տ(է)ր, եւ զյեքոնիա, եւ զգերու(թ)ի(ւն)ն յուդայ.զի խորտակեցից զլուծ արքային բաբելացւոց։

Verse: 5   Link to sept   Եւ ասէ երեմիա մարգարէ ցանանիա սուտ մարգարէ, առաջի քահանայիցն եւ առաջի ա(մենայ)ն ժողովրդեանն որ կային ՛ի տան տ(եառ)ն.

Verse: 6   Link to sept   արդարեւ ա́յդպէս արասցէ տ(է)ր. հաստատեսցէ զբանսդ քո զոր մարգարէացար, դարձուցանել զսպաս տա́նդ այդորիկ, եւ զա(մենայ)ն գերին ՛ի բաբելոնէ ՛ի տեղիս յայս։

Verse: 7   Link to sept   Բայց լուարո́ւք զպատգամս տ(եառ)ն՝ զոր ես ասեմ յականջս ձեր, եւ յականջս ա(մենայ)ն ժողովրդեանդ։

Verse: 8   Link to sept   Մարգարէք որ եղեն յառաջ քան զիս՝ եւ զքեզ՝ յաւիտենից, եւ մարգարէացան ՛ի վ(ե)ր(այ) բազում աշխարհաց եւ մեծամեծ թագաւորու(թ)ե(ան)ց, ՛ի պատերազմ, եւ ՛ի չարիս, եւ ՛ի մահ։

Verse: 9   Link to sept   մարգարէ որ մարգարէանայ խաղաղու(թ)ի(ւն)՝ եւ լիցի́ բան մարգարէին, ծանիցեն զմարգարէն զոր առաքեաց ն(ո)ց(ա) տ(է)ր հաստատու(թեամ)բ։

Verse: 10   Link to sept   Եւ ա́ռ անանիա մարգարէ առաջի ա(մենայ)ն ժողովրդեանն զանուրսն ՛ի պարանոցէ երեմիայ մարգարէի՝ եւ խորտակեաց։

Verse: 11   Link to sept   Եւ ասէ անանիա առաջի ա(մենայ)ն ժողովրդեանն. ա́յսպէս ասէ տ(է)ր. ա́յդպէս խորտակեցից զլուծ նաբուքոդոնոսորայ արքայի բաբելացւոց, յետ երկուց ամաց աւուրց ՛ի պարանոցէ ա(մենայ)ն ազգաց։

Verse: 12   Link to sept   Եւ գնաց երեմիա մարգարէ զճանապարհս իւր։ Եւ եղեւ բան տ(եառ)ն առ երեմիա յետ խորտակելոյն անանիայ մարգարէի զանուրսն ՛ի պարանոցէ երեմիա մարգարէի, եւ ասէ.

Verse: 13   Link to sept   ե́րթ խօսեա́ց ընդ անանիայ՝ եւ ասասցես. Այսպէս ասէ տ(է)ր. անուրս փայտեղէնս խորտակեցեր, եւ արարից ընդ այնր անուրս երկաթիս։

Verse: 14   Link to sept   զի ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. լո́ւծ երկաթի եդի ՛ի վ(ե)ր(այ) պարանոցի ա(մենայ)ն ազգացդ այդոցիկ՝ հարկել նաբուքոդոնոսորայ արքային բաբելացւոց, եւ ծառայեսցեն նմա. նա՝ եւ զգազանս անապատի ետու նմա։

Verse: 15   Link to sept   Եւ ասէ երեմիա մարգարէ ցանանիա մարգարէ· արդ՝ լո́ւր անանիա, ո́չ առաքեաց զքեզ տ(է)ր, եւ դու ՛ի զո́ւր յուսացուցեր զժողովուրդդ զայդ ՛ի նանրութի(ւն)ս։

Verse: 16   Link to sept   Վ(ա)ս(ն) այդորիկ ա́յսպէս ասէ տ(է)ր. ահա ես արձակեցից զձեզ յերեսաց երկրիդ. եւ ՛ի սմին տարւոջ մեռջի́ր դու, զի խոտորումն խօսեցար ՛ի տ(եառ)նէ։

Verse: 17   Link to sept   Եւ մեռաւ անանիա մարգարէ յամին յայնմիկ, յամսեանն եւթներորդի։



Chapter: 29  
ԳԼ(ՈՒԽ) Ի՜Թ.


Section: 32 

Verse: 1   Link to sept   Եւ ա́յս բանք են թղթոյն զոր առաքեաց երեմիա մարգարէ յե(րուսաղէ)մէ առ ծերս գերու(թ)ե(ա)ն, եւ առ քահանայս, եւ առ սուտ մարգարէսն։ Թուղթ ՛ի բաբելոն առ գերին, եւ առ ա(մենայ)ն ժողովուրդն զորս գերեաց նաբուքոդոնոսոր յե(րուսաղէ)մէ ՛ի բաբելովն։

Verse: 2   Link to sept   յետ տանելոյ յեքոնիայ արքայի, ՛ի տիկնոջն, եւ ներքինեաց, եւ իշխանաց յուդայ յե(րուսաղէ)մէ. եւ ա(մենայ)ն ազատաց, եւ արուեստագիտաց, եւ կալանաւորակապաց յե(րուսաղէ)մէ։

Verse: 3   Link to sept   ՛Ի ձեռն ելարեայ որդւոյ սափանայ, եւ գամարեայ որդւոյ քեղկեայ. զորս առաքեաց սեդեկիա արքայ առ նաբուքոդոնոսոր արքայ բաբելացւոց ՛ի բաբելոն. եւ ասէ։

Verse: 4   Link to sept   Ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի, վ(ա)ս(ն) գերութե(ան)դ որ գերեցաւ յե(րուսաղէ)մէ ՛ի բաբելովն։

Verse: 5   Link to sept   տո́ւնս շինեցէ́ք՝ եւ բնակեցէ́ք. դրա́խտս տնկեցէ́ք, եւ կերա́յք զպտուղս ն(ո)ց(ա).

Verse: 6   Link to sept   առէ́ք կանայս, եւ եղիցին ուստերք եւ դստերք. եւ առէ́ք կանայս ուստերաց ձերոց, եւ զդստերս ձեր տո́ւք արանց, եւ ծնցին ուստերս եւ դստերս. եւ բազմասջի́ք այդր, եւ մի́ նուազեսջիք։

Verse: 7   Link to sept   Եւ կեցջիք խաղաղու(թեամ)բ յերկրիդ յոր գերեցի զձեզ այդր, եւ աղօ́թս արարէք ՛ի վ(ե)ր(այ) դոցա առ տ(է)ր. զի ՛ի դոցա խաղաղու(թ)ե(ա)ն եղիցի եւ ձեզ խաղաղութի(ւն)։

Verse: 8   Link to sept   Զի ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. մի́ հրապուրեսցեն զձեզ սուտ մարգարէքդ ձեր որ ՛ի միջի ձերում են, եւ ըղձապատումքդ ձեր. եւ մի́ անսայք երազոց ձերոց զոր դուք տեսանէք։

Verse: 9   Link to sept   զի սո́ւտ մարգարէանան դոքա ձեզ յանուն իմ. եւ ես ո́չ առաքեցի՝ ասէ տ(է)ր։

Verse: 10   Link to sept   Զի ա́յսպէս ասէ տ(է)ր. յորժամ մերձիցի լնուլ բաբելոնի եւթանասուն ամ, ա́յց արարից ձեզ. եւ հաստատեցից ՛ի վ(ե)ր(այ) ձեր զբանս իմ զբարիս, դարձուցանել զձեզ ՛ի տեղիս յայս։

Verse: 11   Link to sept   Զի ես գիտեմ զխորհուրդս զոր խորհիմ, եւ խորհեցայց ՛ի վ(ե)ր(այ) ձեր՝ ասէ տ(է)ր, խորհուրդ խաղաղութե(ան)՝ եւ ո́չ չարութե(ան). տաց ձեզ յետ այդորիկ յո́յս։

Verse: 12   Link to sept   եւ կարդասջիք առիս. եւ երթիջիք եւ յաղօթս կացջիք առիս, եւ ես լուայց ձեզ։

Verse: 13   Link to sept   Եւ խնդրեսջիք զիս՝ եւ գտջիք. զի խնդրիցէք զիս յա(մենայ)ն սրտէ ձերմէ։

Verse: 14   Link to sept   եւ երեւեցա́յց ձեզ ասէ տ(է)ր. եւ դարձուցից զգերութի(ւն) ձեր, եւ ժողովեցից զձեզ յա(մենայ)ն ազգաց, եւ յա(մենայ)ն տեղեաց ուր ցրուեցի զձեզ անդր՝ ասէ տ(է)ր. եւ դարձուցից զձեզ ՛ի տեղիդ՝ ուստի գերեցի́ զձեզ այտի։

Verse: 15   Link to sept   զի ասիցէք՝ թէ կացոյց տ(է)ր ՛ի մեզ մարգարէս ՛ի բաբելոն։

Verse: 16   Link to sept   Զի ա́յսպէս ասէ տ(է)ր ցթագաւորդ որ նստի յաթոռ դաւթի. եւ ցա(մենայ)ն ժողովուրդդ որ բնակեալ է ՛ի քաղաքիդ յայդմիկ։ Եղբարք ձեր որ ո́չ ելին ընդ ձեզ ՛ի գերու(թ)ի(ւն)։

Verse: 17   Link to sept   ա́յսպէս ասէ տ(է)ր զօրու(թ)ե(ան)ց. ահաւասիկ ես առաքե́մ ՛ի ն(ո)ս(ա) սո́վ եւ սո́ւր եւ մահ, եւ արարից զդոսա իբրեւ զթուզ ժանտ սուարի́մ որ ո́չ ուտիցի ՛ի ժանտութ(են)է իւրմէ։

Verse: 18   Link to sept   Եւ հալածեցից զն(ո)ս(ա) սրով եւ սովով եւ մահուամբ. եւ տա́ց զն(ո)ս(ա) ՛ի շարժումն ա(մենայ)ն թագաւորութե(ան)ց երկրի. ՛ի նզովս եւ յապականու(թ)ի(ւն)՝ եւ ՛ի շչիւն եւ ՛ի նախատինս՝ ՛ի մէջ ա(մենայ)ն ազգաց ուր ցրուեցից զն(ո)ս(ա) անդր։

Verse: 19   Link to sept   Փոխանակ զի ո́չ լուան բանից իմոց՝ ասէ տ(է)ր. զի առաքեցի առ ն(ո)ս(ա) զծառայս իմ զմարգարէս կանխեալս եւ առաքեալ, եւ ոչ լուարուք՝ ասէ տ(է)ր։

Verse: 20   Link to sept   Եւ դուք լուարո́ւք զբան տ(եառ)ն ա(մենայ)ն գերիդ՝ զոր առաքեցի յե(րուսաղէ)մէ ՛ի բաբելովն։

Verse: 21   Link to sept   Ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի, ՛ի վ(ե)ր(այ) աքիաբայ որդւոյ ուղկեայ, եւ ՛ի վ(ե)ր(այ) սեդեկիայ որդւոյ մաասայ՝ որ մարգարէացա́ն ձեզ յանուն իմ զուր. ահաւսիկ ես տաց զն(ո)ս(ա) ՛ի ձեռս նաբուքոդոնոսորայ արքային բաբելացւոց, եւ սատակեսցէ զն(ո)ս(ա) առաջի աչաց ձերոց։

Verse: 22   Link to sept   Եւ առցեն ՛ի նոցանէն անէծս ՛ի մէջ ա(մենայ)ն գերու(թ)ե(ա)ն յուդայ որ է ՛ի բաբելովն՝ եւ ասասցեն. արասցէ́ զքեզ տ(է)ր՝ որպէս արար սեդեկիայ եւ աքիաբայ, զորս տապակեաց արքայն բաբելացւոց ՛ի հուր։

Verse: 23   Link to sept   Վ(ա)ս(ն) զի գործեցին զանօրէնու(թ)ի(ւն)ս յի(սրայէ)լի, եւ շնային ընդ կանայս քաղաքայնոց իւրեանց. եւ խօսէին պատգամս յանուն իմ սուտ, զոր ո́չ հրամայեցի ն(ո)ց(ա). եւ ես ինձէ́ն իրագէտ եւ վկա́յ եմ ասէ տ(է)ր։

Verse: 24   Link to sept   Եւ ցսամեա ելիմացի ասասցես։

Verse: 25   Link to sept   Այսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. փոխանակ զի առաքեցեր դու յանուն իմ թուղթս առ ա(մենայ)ն ժողովուրդն յե(րուսաղէ)մ, եւ ես ո́չ առաքեցի զքեզ յանուն իմ։ եւ առ սոփոնոա որդի մաասայ քահանայ՝ եւ առ ա(մենայ)ն քահանայսն ասել,

Verse: 26   Link to sept   թէ տ(է)ր ետ զքեզ քահանայ փոխանակ յովիդայեայ քահանայի, լինել վերակացու ՛ի տան տ(եառ)ն ա(մենայ)ն մարդոյ որ մարգարէանայ, եւ ՛ի վերայ ա(մենայ)նի որ պատմէ ըղձութի(ւն). եւ տացես զն(ո)ս(ա) յարգելան ՛ի վերնադրանդն։

Verse: 27   Link to sept   Եւ արդ՝ ընդէ՞ր ո́չ արարէք պատուհաս երեմիայի անաթովթացւոյ՝ որ մարգարէանայ ձեզ։

Verse: 28   Link to sept   զի առաքեաց առ մեզ ՛ի բաբելովն եւ ասէ, թէ հեռի́ է ժամանակն. շինեցէ́ք տունս՝ եւ բնակեցէ́ք, տնկեցէ́ք դրախտս՝ եւ կերայք զպտուղս ն(ո)ց(ա)։

Verse: 29   Link to sept   Եւ ընթերցաւ սոփոնիա քահանայ զթուղթն յականջս երեմիայի մարգարէի։

Verse: 30   Link to sept   Եւ եղեւ բան տ(եառ)ն առ երեմիայ՝ եւ ասէ.

Verse: 31   Link to sept   առաքեա́ առ ա(մենայ)ն գերին՝ եւ ասասցես. ա́յսպէս ասէ տ(է)ր ՛ի վ(ե)ր(այ) սամեայ ելիմացւոյ. փոխանակ զի մարգարէացաւ ձեզ սամեայ՝ եւ ես ո́չ առաքեցի զնա. եւ յուսացո́յց զձեզ ՛ի նանրու(թ)ի(ւն)։

Verse: 32   Link to sept   Վ(ա)ս(ն) այսորիկ ա́յսպէս ասէ տ(է)ր. ահաւասիկ ես արարից հանդէս ՛ի վ(ե)ր(այ) սամեայ եղիմացւոյ, եւ ՛ի վ(ե)ր(այ) ազգի դորա. եւ ո́չ եղիցի դորա մարդ ոք՝ որ նստիցի ՛ի միջի ձերում տեսանել զբարու(թ)ի(ւն) զոր ես արարից ձեզ՝ ասէ տ(է)ր. զի խոտորո́ւմն խօսեցաւ ՛ի տ(եառն)է։



Chapter: 30  
ԳԼ(ՈՒԽ) Լ՜.


Verse: 1   Link to sept   Բա́նն որ եղեւ առ երեմիա ՛ի տ(եառն)է ասել։

Verse: 2   Link to sept   Ա́յսպէս ասէ տ(է)ր ա(ստուա)ծ ի(սրայէ)լի. գրեա́ դու քեզ զա(մենայ)ն զբանս զոր ետու քեզ հրաման ՛ի մատենի։

Verse: 3   Link to sept   Զի ահա աւուրք գան ասէ տ(է)ր, եւ դարձուցի́ց զգերութի(ւն) ժողովրդեան իմոյ ի(սրայէ)լի եւ զյուդայ՝ ասէ տ(է)ր. եւ դարձուցից զդոսա յերկրիդ՝ զոր ետու հարցն նոցա, եւ տիրեսցեն դմա։

Verse: 4   Link to sept   Եւ ա́յս բանք են զոր խօսեցաւ տ(է)ր ՛ի վ(ե)ր(այ) ի(սրայէ)լի եւ յուդայ։

Verse: 5   Link to sept   ա́յսպէս ասէ տ(է)ր, ձա́յն ահի լուիջիք, եւ զձա́յն ահեղ գուժի, յորմէ դողայցեն մէջք. եւ փրկութի(ւն) եւ խաղաղու(թ)ի(ւն) ո́չ իցէ։

Verse: 6   Link to sept   Հարցէ́ք եւ տեսէ́ք՝ եթէ ծնա́ւ երբէք արու. զի տեսի զա(մենայ)ն այր՝ եւ ձեռք իւր ՛ի վերայ միջոյ իւրոյ իբրեւ ծննդականի, եւ գանձան երեսք ա(մենայ)ն ՛ի գո́յն դալնկան.

Verse: 7   Link to sept   զի մե́ծ է օրն այն, եւ չի́ք այնպիսի. եւ անհնարին նեղու(թեամ)բ է ժամանակն յակովբայ, եւ ապրեսցի ՛ի նմանէ։

Verse: 8   Link to sept   Եղիցի յաւուր յայնմիկ՝ ասէ տ(է)ր զօրութե(ան)ց, խորտակեցի́ց զլուծն ՛ի պարանոցէ ն(ո)ց(ա), եւ զկապանս ն(ո)ց(ա) խզեցից. եւ ո́չ եւս կայցեն նոքա ՛ի հարկի օտարաց։

Verse: 9   Link to sept   այլ հարկասցին տ(եառ)ն ա(ստուծո)յ իւրեանց, եւ զդաւիթ արքայ իւրեանց յարուցից ն(ո)ց(ա)։

Verse: 10   Link to sept   Բայց դու մի́ երկնչիր ծառայ իմ յակովբ՝ ասէ տ(է)ր, եւ մի́ զարհուրեսցիս ի(սրայ)էլ. զի ահաւասիկ ես փրկեցից զքեզ ՛ի հեռաստանէ, եւ զզաւակ քո յերկրէ գերու(թ)ե(ան) ն(ո)ց(ա). եւ դարձցի յակովբ՝ եւ դադարեսցէ, եւ բարկեցի́կ լիցի. ոչո́ք իցէ որ զարհուրեցուսցէ։

Verse: 11   Link to sept   Զի ընդ քեզ ե́մ ես՝ ասէ տ(է)ր՝ ՛ի փրկե́լ զքեզ. զի արարից նուազու(թ)ի(ւն) ՛ի մէջ ազգաց, յորս ցրուեցի́ց զքեզ անդր. եւ քեզ ո́չ արարից վախճան. եւ խրատեցից զքեզ իրաւամբք, եւ քաւելով ո́չ քաւեցից զքեզ։

Verse: 12   Link to sept   Ա́յսպէս ասէ տ(է)ր. սաստկացուցի զբեկումն քո, եւ ցաւագի́ն են հարուծք քո.

Verse: 13   Link to sept   ո́չոք է որ դատի զդատաստանս քո։ ՛ի ցաւս քո բժշկեցար, եւ օգուտ ո́չ եղեւ քեզ։

Verse: 14   Link to sept   ա(մենայ)ն բարեկամք քո մոռացա́ն զքեզ, եւ ո́չ հարցանիցեն զքէն. զի զհարուածս թշնամւոյ հարի զքեզ՝ խրատ սաստիկ։ վ(ա)ս(ն) ա(մենայ)ն անիրաւու(թ)ե(ան)ց քոց, բազմացան մեղք քո։

Verse: 15   Link to sept   Զի՞ գոչես ՛ի վ(ե)ր(այ) բեկման քոյ, սակայն ո́չ արարից քեզ վախճան. բո́ւռն են ցաւք քո. վ(ա)ս(ն) բազմութե(ան) անօրէնու(թ)ե(ան) քոյ սաստկացան. մե́ղք քո արարին քեզ զայդ։

Verse: 16   Link to sept   Վ(ա)ս(ն) այդորիկ ամենեքին որ ուտէին զքեզ՝ կերիցին. եւ ա(մենայ)ն թշնամիք քո կերիցեն զմարմինս իւրեանց. վ(ա)ս(ն) բազում անիրաւու(թ)ե(ան)ց քոց որ յաճախեցին. եւ մեղք քո արարին քեզ զայդ։ եւ եղիցին ապականիչք քո յապականութի(ւն), եւ զա(մենայ)ն աւարառուս քո տաց յաւա́ր։

Verse: 17   Link to sept   Զի ածից զբժշկութի(ւն) քո ՛ի ցաւագին վիրաց քոց, եւ բժշկեցից զքեզ՝ ասէ տ(է)ր։ զի ցրուեալ կոչեցար սիովն, եւ դո́յն է որս ձեր. զի որ խնդրիցէ ո́չ գտանիցէ զն(ո)ս(ա)։

Verse: 18   Link to sept   Ա́յսպէս ասէ տ(է)ր. ահաւասիկ ես դարձուցից զվտարանգութի(ւն) յարկացն յակովբայ, եւ գերութե(ա)ն ն(ո)ր(ա) ողորմեցա́յց. եւ շինեսցի քաղաքն ՛ի բարձրու(թ)ե(ան) իւրում. եւ տաճարն ը(նդ)ս իրաւանց իւրոց կանգնեսցի։

Verse: 19   Link to sept   եւ ելցեն ՛ի դոցանէ երգիչք եւ ձա́յն խաղալկաց, եւ բազմացուցից զդոսա՝ եւ մի́ նուազեսցին. տարածեցից զդոսա՝ եւ մի́ նուազեսցին։

Verse: 20   Link to sept   Եւ մտանիցեն դոքա իբրեւ զառաջինն, եւ վկայու(թ)ի(ւն)ք դոցա կանգո́ւն կայցեն առաջի աչաց իմոց։ Եւ հանդէ́ս արարից ՛ի վերայ նեղչաց դոցա։

Verse: 21   Link to sept   եւ եղիցին բռնագոյնք քան զն(ո)ս(ա) ՛ի վ(ե)ր(այ) ն(ո)ց(ա). եւ իշխան դոցա ՛ի դոցանէ ելցէ։ Եւ ժողովեցից զդոսա, եւ դարձցին առ իս։ զի ո́վ է այն որ ետ զսիրտ իւր դառնալ առ տ(է)ր, ասէ տ(է)ր։

Verse: 22   Link to sept   Եւ եղիջիք ինձ ՛ի ժողովուրդ, եւ ես եղէ́ց ձեզ յա(ստուա)ծ։

Verse: 23   Link to sept   զի բարկութի(ւն) տ(եառ)ն ե́լ ցասմամբ. ե́լ բարկութի(ւն) մրրկեալ ՛ի վ(ե)ր(այ) ամպարշտաց։

Verse: 24   Link to sept   եկեսցէ՝ եւ մի́ դարձցի բարկութի(ւն) սրտմտութե(ան) տ(եառ)ն՝ մինչեւ արասցէ եւ կատարեսցէ զյօժարութի(ւն) սրտի իւրոյ ՛ի վախճանի աւուրց։ Եւ ծանիջիք զայն



Chapter: 31  
ԳԼ(ՈՒԽ) Լ՜Ա.


Verse: 1   Link to sept   ՛Ի ժամանակի յայնմիկ՝ ասէ տ(է)ր։ եւ եղէց յա(ստուա)ծ ազգիդ ի(սրայէ)լի, եւ դոքա եղիցին ինձ ՛ի ժողովուրդ։

Verse: 2   Link to sept   Ա́յսպէս ասէ տ(է)ր. գտին տապ յանապատի անդ, սատակելովքն հանդերձ սուսերաւ։ Երթա́յք՝ մի́ սատակէք զի(սրայ)էլ.

Verse: 3   Link to sept   բացէ ՛ի բաց տ(է)ր երեւեցաւ նմա. սէ́ր յաւիտենական սիրեցի զքեզ, վ(ա)ս(ն) այնորիկ ձգեցի զքեզ ՛ի գթութի(ւն)։

Verse: 4   Link to sept   Դարձեալ շինեցի́ց զքեզ, եւ շինեսջիր կոյսդ ի(սրայէ)լի. դարձեալ առցես զթմբուկ քո՝ եւ ելցես ը(նդ) ժողովս խաղալկաց։

Verse: 5   Link to sept   Դարձեալ տկեսջիք այգիս ՛ի լերին սամարեայ. տնկեսջիք տունկս՝ եւ օրհնեսջիք։

Verse: 6   Link to sept   զի հասեալէ օր կոչման հրաւիրակի ՛ի լերինս եփրեմի. արի́ք եւ ելցո́ւք ՛ի սիովն առ տ(է)ր ա(ստուա)ծ մեր։

Verse: 7   Link to sept   Ա́յսպէս ասէ տ(է)ր. ցնծու(թ)ի(ւն) առնել յակովբայ. ուրա́խ լերուք՝ եւ գոչեցէք ՛ի վ(ե)ր(այ) գլխոց ազգաց. լսելի́ արարէք՝ օրհնեցէ́ք եւ ասացէ́ք. փրկեա́ց տ(է)ր զժողովուրդ իւր, զմնացորդս ի(սրայէ)լի։

Verse: 8   Link to sept   Ահաւսիկ ես ածից զն(ո)ս(ա) յերկրէ հիւսւսոյ, եւ ժողովեցից զն(ո)ս(ա) ՛ի ծագաց երկրէ ՛ի տօնն պասեք. եւ ծնցին որդիս ՛ի բազմութի(ւն) յոյժ ՛ի միջի ն(ո)ց(ա). կո́յրն կաղն յղին եւ ծնեալն՝ միահամուռ ժողովուրդ մեծ. դարձցին այսր։

Verse: 9   Link to sept   լալո́վ ելին. եւ մխիթարութ(եամ)բ ածից զն(ո)ս(ա), հանգուցանե́լ ՛ի վ(ե)ր(այ) ջուրց վտակաց, ընդ ճանապարհ ուղիղ՝ եւ մի́ մոլորեսցին ՛ի նմա. զի եղէ ի(սրայէ)լի ՛ի հա́յր, եւ եփրեմ անդրանիկ իմ է։

Verse: 10   Link to sept   Լուարո́ւք զպատգամս տ(եառ)ն ազգք, եւ պատմեցէ́ք ՛ի կղզիս հեռաւորս՝ եւ ասացէ́ք. որ հոսեացն զի(սրայ)էլ՝ ժողովեսցէ զնա, եւ պահեսցէ զնա իբրեւ տուարածական զհօտ իւր։

Verse: 11   Link to sept   զի փրկեաց տ(է)ր զյակովբ, եւ ապրեցոյց զնա ՛ի ձեռաց բռնաւորաց ն(ո)ր(ա)։

Verse: 12   Link to sept   Եկեսցեն եւ ուրա́խ լիցին՝ եւ ցնծասցեն ՛ի լերին սիովնի։ եկեսցեն ՛ի բարու(թ)ի(ւն)ս տ(եառ)ն՝ յերկիր ցորենոյ եւ գինւոյ՝ եւ արդեանց եւ խաշանց, արջառոյ եւ ոչխարի. եւ եղիցին անձինք ն(ո)ց(ա) իբրեւ զծառ պտղալից, եւ ո́չ եւս քաղցիցեն։

Verse: 13   Link to sept   Յայնժամ ցնծասցեն կոյսք ՛ի ժողովս երիտասարդաց. եւ ծերք խնդասցեն. եւ դարձուցից զսուգ ն(ո)ց(ա) ՛ի խնդութի(ւն), եւ ուրա́խ արարից զն(ո)ս(ա) ՛ի տրտմու(թեն)է իւրեանց։

Verse: 14   Link to sept   Զմայլեցուցից եւ արբեցուցի́ց զանձինս քահանայից որդւոցն ղեւեայ, եւ ժողովուրդ իմ լցցի իմովքն բարութ(եամ)բք՝ ասէ տ(է)ր։
Section: 34 

Verse: 15   Link to sept   Ա́յսպէս ասէ տ(է)ր. ձա́յն ՛ի հռամայ լսելի եղեւ՝ ողբումն եւ լալումն եւ գուժումն. ռաքել լա́յր զորդիս իւր, եւ ո́չ կամէր մխիթարել ՛ի վ(ե)ր(այ) որդւոց իւրոց՝ զի ո́չ գոյն։

Verse: 16   Link to sept   Ա́յսպէս ասէ տ(է)ր. դադարեսցէ́ անձն քո ՛ի լալոյ, եւ աչք քո յարտասուաց. զի գո́ն վարձք գործոց քոց՝ ասէ տ(է)ր, եւ դարձցին յերկրէ թշնամեաց։

Verse: 17   Link to sept   եւ եղիցի յոյս վախճանի քոյ՝ ասէ տ(է)ր, բնակաւոր որդւոց քոց ՛ի սահմանս ն(ո)ց(ա)։

Verse: 18   Link to sept   լսելով լուայց զողբումն եփրեմի։ Խրատեցեր զիս տ(է)ր եւ խրատեցայց, եւ ո́չ ուսայ իբրեւ զընջո́ւղ տրմուղ. դարձո́ զիս եւ դարձայց՝ զի դու ես տ(է)ր ա(ստուա)ծ իմ։

Verse: 19   Link to sept   Եւ յետ գերութե(ան) իմոյ ապաշաւեցի, եւ յետ իմանալոյն իմոյ յոգոց հանէի՝ ՛ի վ(ե)ր(այ) աւուր ամօթոյն իմոյ. եւ ցուցի́ քեզ թէ առի նախատինս ՛ի մանկութ(են)է իմմէ։

Verse: 20   Link to sept   Եւ թէ որդի սիրելի́ իցէ իմ եփրեմ մանո́ւկ գրգանաց, փոխանակ զի բանք իմ ե́ն ՛ի նմա. յիշելով յիշեցից զնա միւսանգամ. վասն այնորիկ փութացայ յաղագս նորա. ողորմելով ողորմեցայց նմա՝ ասէ տ(է)ր։
Section: 35 

Verse: 21   Link to sept   Մատի́ր անձամբ անձին արա́ դու քեզ սիոն պատուհաս. ընկեա́ զսիրտ քո ՛ի թիկունս. գնա́ զճանապարհ. դարձի́ր կոյսդ ի(սրայէ)լի, դարձի́ր անդրէն ՛ի քաղաքս քո զգացեալ։

Verse: 22   Link to sept   Մինչեւ յե՞րբ թափառիցիս դո́ւստր անարգեալ. զի հաստատեաց տ(է)ր զփրկութի(ւն) ՛ի ձեռատունկն. նո́ր փրկութ(եամ)բ շրջիցին մարդիկ։

Verse: 23   Link to sept   Ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. դարձեալ ասասցեն զբանս զայս յերկրին յուդայ՝ եւ ՛ի քաղաքս ն(ո)ր(ա), յորժամ դարձուցից զգերութի(ւն)ս ն(ո)ր(ա). օրհնեա́լ է տ(է)ր յարդար եւ ՛ի սուրբ լերին իւրում։

Verse: 24   Link to sept   Եւ բնակիչքն հրէաստանի ա(մենայ)ն քաղաքօքն իւրեանց եւ գործաւորօքն, յղփասցին հօտիւքն։

Verse: 25   Link to sept   Զի արբուցի զա(մենայ)ն անձն ծարաւի, եւ զա(մենայ)ն անձն քաղցեալ լցուցի։

Verse: 26   Link to sept   վ(ա)ս(ն) այնորիկ զարթեայ եւ տեսի, եւ քուն իմ քաղցրացա́ւ ինձ։

Verse: 27   Link to sept   Ահա աւուրք գան ասէ տ(է)ր. եւ սերմանեցի́ց զտունն ի(սրայէ)լի, եւ զտունն յուդայ ՛ի զաւա́կ մարդկան եւ ՛ի զաւա́կ անասնոյ։

Verse: 28   Link to sept   եւ եղիցի զոր օրինակ զարթուցեալէի ՛ի վ(ե)ր(այ) ն(ո)ց(ա) ՛ի խլե́լ եւ ՛ի կործանե́լ, ՛ի քակե́լ եւ ՛ի կորուսանել՝ եւ ՛ի չարչարել, նո́յնպէս զարթեայց ՛ի վ(ե)ր(այ) ն(ո)ց(ա)՝ ՛ի շինել եւ ՛ի տնկել՝ ասէ տ(է)ր։

Verse: 29   Link to sept   Յաւուրսն յայնոսիկ մի́ եւս ասիցեն՝ թէ հարքն աղո́խ կերան, եւ որդւոց ատամունք առին։

Verse: 30   Link to sept   այլ իւրաքանչիւր ՛ի մե́ղս իւր մեռցի. ա(մենայ)ն մարդ որ ուտիցէ զաղոխն՝ նորին ատամունքն առցին։

Verse: 31   Link to sept   Ահաւասիկ աւուրք գա́ն ասէ տ(է)ր. եւ ուխտեցից տանդ ի(սրայէ)լի եւ տանդ յուդայ ո́ւխտ նոր։

Verse: 32   Link to sept   Ո́չ ըստ ուխտին զոր ուխտեցի ընդ հարս ն(ո)ց(ա)՝ յաւուր յորում առի զձեռանէ ն(ո)ց(ա) հանել զնոսա յերկրէն եգիպտացւոց։ զի նոքա ո́չ կացին յուխտին իմում, եւ ես անփո́յթ արարի զնոցանէ՝ ասէ տ(է)ր։

Verse: 33   Link to sept   Այլ ա́յս է ուխտն զոր ուխտեցից տանդ ի(սրայէ)լի. յետ աւուրցն այնոցիկ ասէ տ(է)ր, տա́ց զօրէնս իմ ՛ի միտս ն(ո)ց(ա), եւ ՛ի սիրտս ն(ո)ց(ա) գրեցից զն(ո)ս(ա). եւ եղէց ն(ո)ց(ա) յա(ստուա)ծ, եւ նոքա եղիցին ինձ ՛ի ժողովուրդ։

Verse: 34   Link to sept   Եւ մի́ եւս ուսուցանիցեն իւրաքանչիւր զընկեր իւր, եւ իւրաքանչիւր զեղբայր իւր ասել՝ թէ ծանի́ր զտ(է)ր. զի ամենեքին ծանիցեն զիս ՛ի փոքրկանց ն(ո)ց(ա) մինչեւ ՛ի մեծամեծս՝ ասէ տ(է)ր. զի քաւիչ եղէց անօրէնու(թ)ե(ան)ց ն(ո)ց(ա), եւ զմեղս ն(ո)ց(ա) ո́չ եւս յիշեցից։

Verse: 35   Link to sept   Ա́յսպէս ասէ տ(է)ր՝ որ ետ զարեգակն ՛ի լոյս տուընջեան հաստատու(թեամ)բ, զլուսին եւ զաստեղս ՛ի լոյս գիշերոյ, եւ աղաղակ ՛ի ծովու, եւ գոչեն ալիք ն(ո)ր(ա). տ(է)ր ամենակալ անո́ւն է ն(ո)ր(ա)։

Verse: 36   Link to sept   Եթէ դադարեսցեն օրէնքս այս յերեսաց իմոց՝ ասէ տ(է)ր. ապա եւ ազգն ի(սրայէ)լի դադարեսցէ ՛ի լինելոյ յա́զգ առաջի աչաց իմոց զա(մենայ)ն աւուրս։

Verse: 37   Link to sept   Ա́յսպէս ասէ տ(է)ր, եթէ վերասցին երկինք ՛ի բարձունս, եւ եթէ խոնարհեսցին յատակք երկրի ՛ի խոնարհ. եւ ո́չ խոտեցից զա(մենայ)ն ազգդ ի(սրայէ)լի՝ ասէ տ(է)ր՝ վ(ա)ս(ն) ա(մենայ)նի զոր արարին։

Verse: 38   Link to sept   Ահա աւուրք գան ասէ տ(է)ր. եւ շինեսցի քաղաք տ(եառ)ն յաշտարակէ անտի անամայելի եւ մինչեւ ՛ի դուռն անկեանն։

Verse: 39   Link to sept   Եւ ելցէ տակաւին կասկած. եւ չափ ն(ո)ր(ա) յանդիման ն(ո)ց(ա) մինչեւ ցբլուրն գարեբայ. եւ բոլորեսցի շուրջանակի յընտիր ընտիր վիմաց։

Verse: 40   Link to sept   Եւ ա(մենայ)ն ձորն փաքադիմայ եւ մոխրոցն, եւ ա(մենայ)ն սարեմովթն, մինչեւ ՛ի ձորն կեդրոնի, մինչեւ ցանկիւն դրանն ասպաստանացն արեւելից՝ սրբութի(ւն) տ(եառ)ն։ եւ մի́ եւս խլեսցին, եւ մի́ եւս քակեսցին մինչեւ յաւիտեան։



Chapter: 32  
ԳԼ(ՈՒԽ) Լ՜Բ.


Section: 36 

Verse: 1   Link to sept   Բանն որ եղեւ ՛ի տ(եառ)նէ առ երեմիա, յամին տասներորդի սեդեկիայ արքայի յուդայ. ա́յն ամ ութուտասն էր նաբուքոդոնոսորայ արքայի բաբելացւոց։

Verse: 2   Link to sept   Եւ յա́յնժամ զօր արքային բաբելացւոց պաշարեաց զե(րուսաղէ)մ։ եւ երեմիա մարգարէ կայր ՛ի կալանս ՛ի սրահի բանտին՝ որ էր յապարանս թագաւորին յուդայ։

Verse: 3   Link to sept   յոր արգելն զնա սեդեկիա՝ եւ ասէ, ընդէ՞ր դու մարգարէանաս եւ ասես. ա́յսպէս ասէ տ(է)ր, ահաւասիկ ես տամ զքաղաքդ զայդ ՛ի ձեռս թագաւորին բաբելացւոց՝ եւ առցէ զդա։

Verse: 4   Link to sept   եւ սեդեկիա արքայ յուդայ մի́ ապրեսցի ՛ի ձեռաց քաղդեացւոցն. զի մատնելով մատնեսցի ՛ի ձեռս թագաւորին բաբելացւոց. եւ խօսեսցի բերան ՛ի բերան ընդ նմա, եւ աչք դորա զաչս ն(ո)ր(ա) տեսցեն։

Verse: 5   Link to sept   եւ ՛ի բաբելովն մտցէ սեդեկիա, եւ անդ նստցի մինչեւ ա́յց արարից դմա՝ ասէ տ(է)ր։ զի՞ մարտնչիք ընդ քաղդէացիսն՝ ուստի ո́չինչ յաջողիցիք։

Verse: 6   Link to sept   Եւ եղեւ բան տ(եառ)ն առ երեմիա՝ եւ ասէ։

Verse: 7   Link to sept   Ահաւադիկ անամայէլ որդի սելովմայ հօր եղբօր քոյ գա́յ առ քեզ՝ եւ ասէ, ստացի́ր դու քեզ զագարակն իմ, որ է յանաթովթ. զի քե́զ իսկ է անկ ըստ մերձաւորու(թ)ե(ան) առնո́ւլ ՛ի ստացուած։

Verse: 8   Link to sept   Եւ եկն առիս անամայէլ որդի սելովմայ հօր եղբօ́ր իմոյ, ը(նդ)ս բանի տ(եառ)ն ՛ի սրա́հ բանտին՝ եւ ասէ ցիս. ստացի́ր զագարակն իմ որ է յանաթովթ յերկրին բենիամինի. զի քե́զ պարտ է ստանալ զժառանգութի(ւն)ն. եւ դո́ւ իսկ երիցագոյն ես։ Եւ գիտացի՝ թէ բան տ(եառ)ն է։

Verse: 9   Link to sept   եւ ստացայ զագարակն յանամայելայ որդւոյ հօր եղբօր իմոյ՝ որ է յանաթովթ. եւ կշռեցի նմա արծաթ եւթն սիկղ եւ տասն արծաթոյ.

Verse: 10   Link to sept   եւ գրեցի մուրհակս եւ կնքեցի. եւ կացուցի վկայս, եւ կշռեցի զարծաթն ՛ի կշիռս։

Verse: 11   Link to sept   Եւ առի զմուրհակ ստացուածոյն զկնքեալն՝ ը(նդ)ս հրամանի եւ ըստ իրաւանց՝ եւ զարձակն։

Verse: 12   Link to sept   եւ ետու զմուրհակ ստացուածոցն ցբարուք որդի ներեայ որդւոյ մաասայ առաջի անամայելի որդւոյ հօրեղբօր իմոյ, եւ առաջի այնոցիկ որ կային անդ. եւ գրեցին ՛ի մուրհակի ստացուածոցն առաջի ա(մենայ)ն հրէից՝ որ նստէին ՛ի սրահի բանտին։

Verse: 13   Link to sept   Եւ պատուիրեցի բարուքայ առաջի ն(ո)ց(ա) եւ ասեմ։

Verse: 14   Link to sept   Ա́յսպէս ասէ տ(է)ր ամենակալ ա(ստուա)ծ ի(սրայէ)լի. ա́ռ զմուրհակդ զայդ զմուրհակ ստացուածոց զկնքեալն, եւ զմուրհակն արձակ, եւ դիցես ՛ի խեցեղէն ամանի, զի կացցէ աւուրս բազումս։

Verse: 15   Link to sept   Զի ա́յսպէս ասէ տ(է)ր ամենակալ ա(ստուա)ծ ի(սրայէ)լի. դարձեալ ստասցին տունս եւ ագարակս՝ եւ այգիս յերկրիդ յայդմիկ։

Verse: 16   Link to sept   Եւ կացի յաղօթս առ տ(է)ր, յե́տ տալոյն զմուրհակ ստացուածոյն ցբարուք որդի ներեայ. եւ ասեմ։

Verse: 17   Link to sept   Որ ե́սդ տ(է)ր տ(է)ր. դու արարեր զերկինս եւ զերկիր զօրու(թեամ)բ քո մեծաւ՝ եւ բազկա́ւ քով բարձու։ զի ո́չ ինչ է բան որ ծածկեցի ՛ի քէն։

Verse: 18   Link to sept   առնես զողորմու(թ)ի(ւն) ՛ի հազար դար. եւ հատուցանես զմեղս հարց ՛ի ծոց որդւոց իւրեանց յետ նոցա։ Ա(ստուա)ծ մե́ծ եւ հզօր. տ(է)ր զօրու(թ)ե(ան)ց անուն ն(ո)ր(ա).

Verse: 19   Link to sept   մե́ծդ խորհրդովք՝ եւ զօրաւո́ր գործովք։ Ամենակալ մեծանունդ տ(է)ր. աչք քո բա́ց են յա(մենայ)ն ճանապարհս որդւոց մարդկան, տա́լ իւրաքանչիւր ըստ ճանապրհի իւրում, եւ ըստ պտղոյ գնացից իւրեանց։

Verse: 20   Link to sept   Որ արարեր նշանս եւ արուեստս յերկրին եգիպտացւոց՝ մինչեւ ցա́յսօր ՛ի մէջ ի(սրայէ)լի, եւ ՛ի մէջ ծննդոց երկրի, եւ արարեր քեզ անուն իբրեւ յաւուր յայսմիկ։

Verse: 21   Link to sept   եւ հաներ զժողովուրդ քո զի(սրայ)էլ յերկրէն եգիպտացւոց՝ նշանօք եւ արուեստիւք, հզօր ձեռամբ՝ եւ բա́րձր բազկաւ, եւ մեծամեծ տեսլեամբք։

Verse: 22   Link to sept   Եւ ետուր ն(ո)ց(ա) զերկիրս զայս զոր երդուար հարցն ն(ո)ց(ա)՝ տա́լ ն(ո)ց(ա) զերկիր որ բղխէ զկաթն եւ զմեղր։

Verse: 23   Link to sept   եւ մտին եւ ժառանգեցին զնա։ եւ ո́չ լուան ձայնի քում, եւ ըստ հրամանաց քոց ո́չ գնացին. ըստ ա(մենայ)նի զոր պատուիրեցեր ն(ո)ց(ա) առնել, եւ ո́չ արարին։ եւ արարին ՛ի պատահել իւրեանց ա(մենայ)ն չարեացս այսոցիկ։

Verse: 24   Link to sept   Եւ արդ՝ ահա հասեալ է զօր ՛ի քաղաքս առնո́ւլ զսա. եւ մատնեցաւ քաղաքս ՛ի ձեռս քաղդեացւոցն որ տա́ն ընդ սմա պատերազմ յերեսաց սրոյ եւ սովոյ եւ մահու. ո(ր)պ(էս) եւ խօսեցա́ր նոյնպէս եւ եղեւ՝ զոր դո́ւ իսկ տեսանես։

Verse: 25   Link to sept   Եւ դու տ(է)ր ասե́ս ցիս, ստացի́ր քեզ ագարակ արծաթոյ. եւ գրեցին մուրհակ եւ կնքեցի, եւ կացուցի վկա́յս. եւ քաղաքս մատնեցաւ ՛ի ձեռս քաղդեացւոցն։

Verse: 26   Link to sept   Եւ եղեւ բան տ(եառ)ն առիս՝ եւ ասէ։

Verse: 27   Link to sept   ահա ես տ(է)ր ա(ստուա)ծ ա(մենայ)ն մսեղեաց. միթէ թաքչիցի՞ ա(մենայ)ն բան յինէն։

Verse: 28   Link to sept   Վ(ա)ս(ն) այսորիկ ա́յսպէս ասէ տ(է)ր. մատնելով մատնեսցի քաղաքդ ՛ի ձեռս քաղդեացւոցն, եւ ՛ի ձեռս նաբուքոդոնոսորայ արքային բաբելացւոց, եւ առցէ զդա։

Verse: 29   Link to sept   Եւ եկեսցեն քաղդեացիքն պատերազմել ընդ քաղաքիդ, եւ այրեսցեն զդա հրով. եւ հրձի́գ արասցեն զտունս յորս արկանէին խունկս ՛ի վերայ տանեաց ն(ո)ց(ա) բահաղու, եւ զոհէին զոհս աստուածոց օտարաց վ(ա)ս(ն) զի́ս դառնացուցանելոյ։

Verse: 30   Link to sept   որդիքն ի(սրայէ)լի՝ եւ որդիքն յուդայ միա́յն գործէին զչարիս առաջի աչաց իմոց ՛ի մանկու(թեն)է իւրեանց։ Բայց որդիքն ի(սրայէ)լի բարկացուցին զիս գործովք ձեռաց իւրեանց՝ ասէ տ(է)ր։

Verse: 31   Link to sept   ՛Ի բարկութի(ւն) եւ ՛ի սրտմտու(թ)ի(ւն) էր ինձ քաղաքդ այդ, յորմէ օրէ շինեցի զդա մինչեւ ցա́յսօր. ջնջել զդա յերեսաց իմոց

Verse: 32   Link to sept   վ(ա)ս(ն) ա(մենայ)ն չարեաց որդւոցն ի(սրայէ)լի եւ որդւոցն յուդայ՝ զոր արարին ՛ի դառնացուցանել զիս, ինքեանք եւ թագաւորք իւրեանց, եւ մեծամեծք իւրեանց, եւ քահանայք իւրեանց, եւ մարգարէք իւրեանց, արք յուդայ եւ բնակիչք ե(րուսաղէ)մի։

Verse: 33   Link to sept   Դարձուցին յիս զթիկունս եւ ո́չ զերեսս. եւ ուսուցի զնոսա ընդ առաւօտս. ուսուցի եւ ո́չ անսացին ընդունել զխրատ։

Verse: 34   Link to sept   եւ եդին զպղծութի(ւն)ս իւրեանց ՛ի տան՝ յորոյ վ(ե)ր(այ) կոչեցեալ է անուն իմ։

Verse: 35   Link to sept   Եւ առ պղծու(թ)ե(ան) իւրեանց շինեցին բագինս բահաղու ՛ի ձո́ր որդւոցն ենովմայ, մատուցանել զուստերս եւ զդստերս իւրեանց մողոքայ. զոր ո́չ պատուիրեցի ն(ո)ց(ա)։ եւ ո́չ անկաւ ՛ի սիրտ իմ առնել ն(ո)ց(ա) զպղծութի(ւն)ն զայն առ ՛ի յանցուցանելոյ զյուդայ։

Verse: 36   Link to sept   Եւ արդ՝ ա́յսպէս ասէ տ(է)ր ա(ստուա)ծ ի(սրայէ)լի, վ(ա)ս(ն) քաղաքիդ այդորիկ՝ զորմէ դու ասացեր թէ մատնեցաւ ՛ի ձեռս նաբուքոդոնոսորայ արքային բաբելացւոց, ՛ի սուր՝ եւ ՛ի սո́վ՝ եւ ՛ի գերութի(ւն)։

Verse: 37   Link to sept   Ահա ես ժողովեցից զն(ո)ս(ա) յա(մենայ)ն երկրէ, ուր ցրուեցից զն(ո)ս(ա) անդր բարկութ(եամ)բ եւ սրտմտութ(եամ)բ իմով, եւ ցասմամբ մեծաւ։ եւ դարձուցից զն(ո)ս(ա) ՛ի տեղիս յայս, եւ նստուցից զն(ո)ս(ա) յուսով։

Verse: 38   Link to sept   եւ եղիցին ինձ ՛ի ժողովուրդ, եւ ես եղէց նոցա յա(ստուա)ծ։

Verse: 39   Link to sept   եւ տաց նոցա սիրտ այլ, եւ ճանապարհ մի՝ երկնչել յինէն զա(մենայ)ն աւուրս ՛ի բարու(թ)ի(ւն) իւրեանց, եւ որդւոց իւրեանց յետ ն(ո)ց(ա)։

Verse: 40   Link to sept   Եւ ուխտեցից նոցա ո́ւխտ յաւիտենական, զոր ո́չ դարձուցից յետս առնել ն(ո)ց(ա) բարի. եւ զերկեւղ իմ տաց ՛ի սիրտս ն(ո)ց(ա) առ ՛ի չապստամբելոյ ն(ո)ց(ա) յինէն։

Verse: 41   Link to sept   եւ ա́յց արարից բարի առնել ն(ո)ց(ա). եւ տնկեցից զնոսա յերկրիս յայսմիկ հաւատովք, ա(մենայ)ն սրտիւ իմով՝ եւ ա(մենայ)ն անձամբ իմով։

Verse: 42   Link to sept   Զի ա́յսպէս ասէ տ(է)ր. ո(ր)պ(էս) ածի ՛ի վ(ե)ր(այ) ժողովրդեանդ այդորիկ զա(մենայ)ն չարիս մեծամեծս. նո́յնպէս ածից ՛ի վ(ե)ր(այ) դոցա բարիս՝ զոր խօսեցայ ՛ի վ(ե)ր(այ) դոցա։

Verse: 43   Link to sept   Եւ ստասցին միւսանգամ ագարակս յերկրիս յայսմիկ, զորմէ դուդ ասացեր թէ անապա́տ է ՛ի մարդոյ եւ յանասնոյ, եւ մատնեցան ՛ի ձեռս քաղդեացւոցն։

Verse: 44   Link to sept   եւ ստասցին ագարակս արծաթոյ։ եւ գրեսցեն մուրհակս. եւ կնքեսցես, եւ կացուսցես վկայս յերկրին բենիամինի՝ եւ շուրջ զե(րուսաղէ)մաւ. եւ ՛ի քաղաքս յուդայ, եւ ՛ի քաղաքս լերինն, եւ ՛ի քաղաքս սեփելայ, եւ ՛ի քաղաքս նագեբայ. զի դարձուցից զգերու(թ)ի(ւն)ս ն(ո)ց(ա)՝ ասէ տ(է)ր։



Chapter: 33  
ԳԼ(ՈՒԽ) Լ՜Գ.


Verse: 1   Link to sept   Եւ եղեւ բա́ն տ(եառ)ն առ երեմիա երկրորդ անգամ. եւ նա՝ կա́յր տակաւին կապեալ ՛ի սրահի բանտին՝ եւ ասէ։

Verse: 2   Link to sept   Ա́յսպէս ասէ տ(է)ր՝ որ արար զերկիրդ եւ ստեղծ զդա՝ կանգնել զդա. տ(է)ր անուն է նորա։

Verse: 3   Link to sept   կարդա́ առ իս, եւ տա́ց քեզ պատասխանի, եւ պատմեցից քեզ մեծամեծս եւ զօրաւորս՝ զոր ո́չ գիտիցես։

Verse: 4   Link to sept   Զի ա́յսպէս ասէ տ(է)ր ա(ստուա)ծ ի(սրայէ)լի. վ(ա)ս(ն) տանց քաղաքիդ այդորիկ, եւ վ(ա)ս(ն) ապարանից արքայիդ յուդայ, քակելոց է ՛ի մահարձանս՝ եւ ՛ի մարտկոցս

Verse: 5   Link to sept   եկելոցն մարտնչել ընդ քաղդէացիս. եւ լնուլ զն(ո)ս(ա) դիակամբք մարդկան, զորս հարի բարկութ(եամ)բ իմով եւ սրտմտութ(եամ)բ, եւ դարձուցից զերեսս իմ ՛ի նոցանէ վ(ա)ս(ն) ա(մենայ)ն չարու(թ)ե(ան)ց ն(ո)ց(ա)։

Verse: 6   Link to sept   Ահաւասիկ ես ածից զսպիսն ՛ի բժշկութի(ւն), եւ բժշկեցից զն(ո)ս(ա), եւ յայտնեցից ն(ո)ց(ա) զհնչիւն խաղաղու(թ)ե(ան) եւ զհաւատս։

Verse: 7   Link to sept   եւ դարձուցից զգերութի(ւն)ն յուդայ եւ զգերու(թ)ի(ւն)ն ե(րուսաղէ)մի. եւ շինեցից զն(ո)ս(ա) իբրեւ զառաջինն։

Verse: 8   Link to sept   եւ սրբեցից զն(ո)ս(ա) յա(մենայ)ն անիրաւու(թ)ե(ան)ց իւրեանց՝ զոր անիրաւեցան յիս. եւ ո́չ եւս յիշեցից զմեղս ն(ո)ց(ա) զոր մեղան առիս՝ եւ ապստամբեցան յինէն։

Verse: 9   Link to sept   Եւ եղիցին ինձ յուրախու(թ)ի(ւն) եւ յօրհնութի(ւն)՝ եւ ՛ի մեծարանս առաջի ա(մենայ)ն ժողովրդոց երկրի, որք լսիցեն զա(մենայ)ն բարութի(ւն)ս՝ զոր ե́ս արարից դոցա. եւ երկիցեն՝ եւ դառնայցեն ՛ի վ(ե)ր(այ) ա(մենայ)ն բարութե(ան)ցն, եւ ՛ի վ(ե)ր(այ) ա(մենայ)ն խաղաղու(թ)ե(ան)ցն զոր ես արարից դոցա։

Verse: 10   Link to sept   Ա́յսպէս ասէ տ(է)ր. դարձեալ լուիցի ՛ի տեղւոջդ յայդմիկ՝ զորմէ դուքդ ասէք թէ աւերա́կ է ՛ի մարդոյ եւ յանասնոյ. ՛ի քաղաքս յուդայ՝ եւ արտաքոյ ե(րուսաղէ)մի յաւերակսն, առ ՛ի չգոյէ մարդկան, եւ առ ՛ի չգոյէ բնակչաց, եւ առ ՛ի չգոյէ անասնոց։

Verse: 11   Link to sept   ձայն ուրախութե(ան), եւ ձայն ցնծութե(ան). ձա́յն փեսայի, եւ ձայն հարսին. որք ասիցեն՝ գոհացարո́ւք զտ(եառն)է ամենակալէ զի քա́ղցր է զի յաւիտեան է ողորմ ն(ո)ր(ա)։ բերցեն պատարագս օրհնութե(ան) ՛ի տուն տ(եառ)ն. զի դարձուցից զգերութի(ւն) երկրիդ այդորիկ՝ ըստ առաջնոյն՝ ասէ տ(է)ր։

Verse: 12   Link to sept   Ա́սպէս ասէ տ(է)ր զօրութե(ան)ց. դարձեալ եղիցի յաւերակ տեղւոջդ առ ՛ի չգոյէ մարդոյ եւ անասնոյ, եւ յա(մենայ)ն քաղաքս դորա վանք հովուաց, եւ մակաղատեղք խաշանց

Verse: 13   Link to sept   ՛ի քաղաքս լեռնականս, եւ ՛ի քաղաքս սեփեղայ, եւ ՛ի քաղաքս նագեբայ, եւ յերկրին բենիամինի, եւ շուրջ զե(րուսաղէ)մաւ, եւ ՛ի քաղաքս յուդայ. դարձեալ անցանիցեն խաշինք ընդ ձեռն թուողի՝ ասէ տ(է)ր։

Verse: 14   Link to sept   Ահա աւուրք գան՝ ասէ տ(է)ր, եւ հաստատեցի́ց զբանս իմ բարի զոր խօսեցայ ՛ի վ(ե)ր(այ) տանդ ի(սրայէ)լի, եւ ՛ի վ(ե)ր(այ) տանդ յուդայ։

Verse: 15   Link to sept   Յաւուրս յայնոսիկ՝ եւ ՛ի ժամանակին յայնմիկ ծագեցից դաւթի ծագո́ւմն արդարութե(ան), որ առնիցէ իրաւունս եւ արդարու(թ)ի(ւն) յերկրի։

Verse: 16   Link to sept   յաւուրսն յայնոսիկ փրկեսցի յուդայ, եւ ե(րուսաղ)էմ բնակեսցէ յուսով։ եւ ա́յս է անուն՝ զոր կոչեսցէ նմա տ(է)ր. արդարութի(ւն) մեր։

Verse: 17   Link to sept   Զի ա́յսպէս ասէ տ(է)ր. մի́ պակասեսցէ դաւթի այր՝ որ նստիցի յաթոռ տանն ի(սրայէ)լի։

Verse: 18   Link to sept   եւ քահանայիցն ղեւտացւոց՝ մի́ պակասեսցէ այր յերեսաց իմոց՝ մատուցանել ողջակէզս, եւ զոհել զոհս, եւ արկանել խունկս զա(մենայ)ն աւուրս։

Verse: 19   Link to sept   Եւ եղեւ բան տ(եառ)ն առ երեմիա մարգարէ՝ եւ ասէ։

Verse: 20   Link to sept   Ա́յսպէս ասէ տ(է)ր. եթէ խափանիցէք զուխտ իմ զտուընջեան, եւ զուխտ իմ զգիշերոյ. զի մի́ լինիցի տիւ եւ գիշեր ՛ի ժամանակի իւրեանց,

Verse: 21   Link to sept   ապա եւ ուխտն իմ որ ընդ դաւթի ծառայի́ իմոյ է՝ խափանեսցի, չլինել նմա որդի որ թագաւորեսցէ յաթոռ ն(ո)ր(ա)։ եւ ՛ի քահանայիցն ղեւտացւոց պաշտօնէից իմոց։

Verse: 22   Link to sept   Զոր օրինակ ո́չ թուին զօրու(թ)ի(ւն)ք երկնից, եւ ո́չ չափի աւազ ծովու. նո́յնպէս բազմացուցից զզաւակն դաւթի ծառայի իմոյ, եւ զղեւտացիսն զպաշտոնեայս իմ։

Verse: 23   Link to sept   Եւ եղեւ բան տ(եառ)ն առ երեմիա՝ եւ ասէ.

Verse: 24   Link to sept   ո՞չ տեսանես զինչ խօսի ժողովուրդդ՝ եւ ասեն. եթէ զազգս զերկուս զոր ընտրեաց ա(ստուա)ծ՝ մերժեա́ց զն(ո)ս(ա). եւ զժողովուրդն իմ զայրացուցանեն չլինել միւսանգամ յազգ առաջի ն(ո)ց(ա)։

Verse: 25   Link to sept   Ա́յսպէս ասէ տ(է)ր, եթէ զուխտ իմ զտուընջեան եւ զգիշերոյ՝ եւ զերկնից եւ զերկիր հաստատու(թեամ)բ ո́չ կարգեցի։

Verse: 26   Link to sept   ապա եւ զզաւակն յակովբայ եւ զդաւթի ծառայի իմոյ՝ անարգեցից, չառնուլ ՛ի զաւակէ ն(ո)ր(ա) իշխան ՛ի վ(ե)ր(այ) զաւակին աբրահամու եւ սահակայ եւ յակովբայ։ զի դարձուցի́ց զդարձ նոցա եւ գթացա́յց ՛ի նոսա։



Chapter: 34  
ԳԼ(ՈՒԽ) Լ՜Դ.


Section: 37 

Verse: 1   Link to sept   Բանն որ եղեւ առ երեմիա ՛ի տ(եառն)է։ ե́լ նաբուքոդոնոսոր արքայ բաբելացւոց. եւ ա(մենայ)ն զօրականն, եւ ա(մենայ)ն երկիր որ ընդ իշխանութ(եամ)բ ձեռին ն(ո)ր(ա), եւ ա(մենայ)ն ազգք, մարտնչէին ընդ ե(րուսաղէ)մի, եւ ընդ ա(մենայ)ն քաղաքսն յուդայ։ եւ ասէ։

Verse: 2   Link to sept   ա́յսպէս ասէ տ(է)ր ա(ստուա)ծ ի(սրայէ)լի. ե́րթ առ սեդեկիա արքայ յուդայ, եւ ասասցես ցնա. ա́յսպէս ասէ տ(է)ր. մատնելով մատնեսցի́ քաղաքդ այդ ՛ի ձեռս արքային բաբելացւոց. եւ առցէ́ զդա, եւ այրեսցէ́ զդա հրով։

Verse: 3   Link to sept   եւ դու՝ ո́չ ապրեսցիս ՛ի ձեռաց ն(ո)ր(ա), այլ ըմբռնելով ըմբռնեսցիս, եւ ՛ի ձեռս ն(ո)ր(ա) մատնեսցիս, եւ աչք քո զաչս ն(ո)ր(ա) տեսցեն, եւ բերան ՛ի բերա́ն խօսեսցիս ընդ նմա. եւ ՛ի բաբելովն երթիցես։

Verse: 4   Link to sept   Արդ լո́ւր զպատգամս տ(եառ)ն՝ սեդեկիա արքայ յուդայ. ա́յսպէս ասէ տ(է)ր վ(ա)ս(ն) քո. ո́չ մեռցիս սրով,

Verse: 5   Link to sept   այլ խաղաղու(թեամ)բ մեռանիցիս։ եւ ո(ր)պ(էս) լացին զհարսն քո զթագաւորսն առաջինս, որ եղեն յառա́ջ քան զձեզ, նոյնպէս լացցեն եւ զքեզ, թէ վա́յ վա́յ տէր, եւ կոծեսցին զքեզ. զի մեծամեծս խօսեցայ՝ ասէ տ(է)ր։

Verse: 6   Link to sept   Եւ խօսեցաւ երեմիա մարգարէ առ սեդեկիա արքայ յուդայ զա(մենայ)ն զբանս զայսոսիկ յե(րուսաղէ)մ։

Verse: 7   Link to sept   Եւ զօր թագաւորին բաբելացւոց մարտնչէր ընդ ե(րուսաղէ)մի, եւ ընդ ա(մենայ)ն քաղաքսն յուդայ ընդ մնացեալսն, ընդ լաքիսայ՝ եւ ընդ ազեկայ. զի նոքա մնացեալ էին ՛ի քաղաքացն՝ յուդայ քաղաքք ամուրք։

Verse: 8   Link to sept   Բանն որ եղեւ առ երեմիա ՛ի տ(եառն)է, յետ կատարելոյ սեդեկիայ արքայի զուխտն ընդ ա(մենայ)ն ժողովրդեանն որ յե(րուսաղէ)մ. կոչե́լ ն(ո)ց(ա) թողութի(ւն),

Verse: 9   Link to sept   արձակե́լ իւրաքանչիւրումեք զծառայ իւր, եւ իւրաքանչիւր զաղախին, զայր եբրայեցի, եւ զկին եբրայեցի ազատս. եւ մի́ ծառայել ա(մենայ)ն առն յազգէ յուդայ՝ եղբօր իւրում։

Verse: 10   Link to sept   Եւ դարձան ա(մենայ)ն մեծամեծք՝ եւ ա(մենայ)ն ժողովուրդն որ մտեա́լ էին յուխտ՝ արձակել իւրաքանչիւր զծառայ իւր, եւ իւրաքանչիւր զաղախին իւր, զայր եբրայեցի եւ զկին եբրայեցի ազատս, եւ ո́չեւս ծառայել ն(ո)ց(ա)։ Լուան եւ արձակեցին։

Verse: 11   Link to sept   եւ յետոյ արձան, եւ դարձուցին անդրէն զծառայս եւ զաղախնայս, զորս արձակեցին ազա́տս. եւ կալան զն(ո)ս(ա) ՛ի ծառայս եւ յաղախնայս։

Verse: 12   Link to sept   Եւ եղեւ բա́ն տ(եառ)ն առ երեմիա ՛ի տ(եառն)է՝ եւ ասէ։

Verse: 13   Link to sept   Ա́յսպէս ասէ տ(է)ր ա(ստուա)ծ ի(սրայէ)լի. ես եդի ուխտ ընդ հարսն ձեր՝ յաւուր յորում փրկեցի զն(ո)ս(ա) յերկրէն եգիպտացւոց՝ ՛ի տանէ ծառայութե(ան), եւ ասեմ։

Verse: 14   Link to sept   Թէ յորժամ վեց ամ լցցի, արձակեսցես զեղբայրն քո զեբրայեցի՝ որ վաճառեսցի քեզ. եւ գործեսցէ քեզ զվեց ամ, եւ արձակեսցես զնա ազա́տս ՛ի քէն. եւ ո́չ լուան ինձ հարքն ձեր, եւ ո́չ խոնարհեցուցին զունկն իւրեանց։

Verse: 15   Link to sept   Եւ դարձան այսօր առնել զհաճոյս առաջի աչաց իմոց, կոչել իւրաքանչիւր թողութի(ւն) ընկերի իւրում. եւ կատարեցին զուխտն առաջի իմ ՛ի տանն յորոյ վ(ե)ր(այ) կոչեալ է անո́ւն իմ։

Verse: 16   Link to sept   Եւ շրջեցէք եւ պղծեցէք զանուն իմ, դառնա́լ իւրաքանչիւր ՛ի ծառայ իւր, եւ իւրաքանչիւր յաղախին իւր, զորս արձակեցէք ազատս ոգւոց ձերոց. եւ դարձուցէք զն(ո)ս(ա) լինել ձեզ ՛ի ծառայս եւ յաղախնայս։

Verse: 17   Link to sept   Վ(ա)ս(ն) այդորիկ ա́յսպէս ասէ տ(է)ր. դուք ո́չ լուարուք ինձ կոչել արձակո́ւրդ իւրաքանչիւր եղբօր իւրում, եւ իւրաքանչիւր մերձաւորի́ իւրում. ահաւասիկ ե́ս կոչեցից ձեզ արձակուրդ՝ ասէ տ(է)ր, ՛ի սո́ւր՝ եւ ՛ի սով՝ եւ ՛ի մա́հ։

Verse: 18   Link to sept   եւ տա́ց զձեզ ՛ի ցրումն ընդ ա(մենայ)ն թագաւորու(թ)ի(ւն)ս երկրի. եւ տա́ց զարսդ որ անցին զուխտիւ իմով, եւ ո́չ կացին ՛ի բանս ուխտի իմոյ զոր արարին առաջի իմ. զորթն զոր կտրեցին, եւ անցին ը(նդ) մէջ յօշուածոյն ն(ո)ր(ա)՝ զիշխանս յուդայ

Verse: 19   Link to sept   եւ զիշխանս ե(րուսաղէ)մի, եւ զներքինիս, եւ զքահանայս. եւ զա(մենայ)ն ժողովուրդ երկրին՝ որ անցին ընդ մէջ յօշուածոյ որթուն։

Verse: 20   Link to sept   Տա́ց զն(ո)ս(ա) ՛ի ձեռս թշնամեաց ն(ո)ց(ա), եւ ՛ի ձեռս խնդրողաց անձանց ն(ո)ց(ա). եւ արկից զդիակունս ն(ո)ց(ա) կերակուր թռչնոց երկնից՝ եւ գազանա́ց երկրի։

Verse: 21   Link to sept   Եւ զսեդեկիա արքայ հրէաստանի՝ եւ զիշխանս ն(ո)ր(ա) տա́ց ՛ի ձեռս թշնամեաց իւրեանց, եւ ՛ի ձեռս խնդրողաց անձանց ն(ո)ց(ա), եւ ՛ի ձեռս զօրու արքային բաբելացւոց, որ եկեալ հասեալ են ՛ի վ(ե)ր(այ) ն(ո)ց(ա)։

Verse: 22   Link to sept   Ահաւասիկ ես հրաման տաց՝ ասէ տ(է)ր, եւ դարձուցից զն(ո)ս(ա) այդրէն ՛ի քաղաքդ. մարտիցեն ընդ դմա, եւ առցեն զդա, եւ այրեսցեն զդա հրով. եւ զքաղաքսն յուդայ տա́ց յանապատ ՛ի բնակչաց իւրեանց։



Chapter: 35  
ԳԼ(ՈՒԽ) Լ՜Ե.


Verse: 1   Link to sept   Բանն որ եղե́ւ առ երեմիա ՛ի տ(եառ)նէ՝ յաւուրս յովակիմայ որդւոյ յովսիայ արքայի յուդայ՝ եւ ասէ։

Verse: 2   Link to sept   Ե́րթ ՛ի տուն ռաքաբիմայ, եւ կոչեա́ զն(ո)ս(ա)՝ եւ ածցես ՛ի տուն տ(եառ)ն ՛ի մի ՛ի սրահից անտի, եւ արբուսցես նոցա գինի։

Verse: 3   Link to sept   Եւ ածի զյեքոնիա որդի երեմայ որդւոյ քարասինեայ, եւ զեղբարս ն(ո)ր(ա), եւ զա(մենայ)ն որդիս ն(ո)ր(ա). եւ զա(մենայ)ն տուն ռաքաբիմայ

Verse: 4   Link to sept   ածի ՛ի տուն տ(եառ)ն, ՛ի դահլիճ որդւոյ անանայ որդւոյ գոդողեայ առն ա(ստուծո)յ. որ էր մերձ ՛ի տուն իշխանաց, ՛ի վ(ե)ր(այ) ապարանիցն մայասայ՝ որդւոյ սելովմայ վտառապահի։

Verse: 5   Link to sept   Եւ եդի առաջի որդւոցն ռաքաբիմայ ամա́ն մի լի գինւով՝ եւ բաժակս. եւ ասեմ ցն(ո)ս(ա), արբէ́ք գինի այտի́։

Verse: 6   Link to sept   Եւ ասեն՝ ո́չ արբցուք գինի. զի յովնադաբ որդի ռեքեբայ հա́յր մեր պատուիրեաց մեզ՝ եւ ասէ. մի́ ըմպիցէք գինի դուք՝ եւ որդիքն ձեր մինչեւ ցյաւիտեան։

Verse: 7   Link to sept   եւ մի́ շինիցէք տունս, եւ մի́ սերմանիցէք սերմանս, եւ մի́ տնկէք այգիս. այլ ՛ի վրա́նս բնակիցէ́ք զա(մենայ)ն աւուրս ձեր, զի կայցէք աւուրս բազումս յերկրիդ յորում շրջիցիք դուք ՛ի դմա։

Verse: 8   Link to sept   Եւ լուա́ք բարբառոյ յովնադաբայ որդւոյ ռեքեբայ հօր մերում՝ ըստ ա(մենայ)նի զոր պատուիրեաց մեզ չըմպել գինի զա(մենայ)ն աւուրս մեր. մեք՝ եւ կանայք մեր՝ եւ ուստերք եւ դստերք մեր։

Verse: 9   Link to sept   եւ ո́չ շինել տունս՝ եւ ո́չ բնակել ՛ի ն(ո)ս(ա). եւ այգիք՝ եւ անդք՝ եւ սերմանիք ո́չ եղեն մեր։

Verse: 10   Link to sept   եւ բնակեցաք վրանօք. եւ լուաք եւ արարաք ըստ ա(մենայ)նի՝ զոր պատուիրեաց մեզ յովնադա́բ հայր մեր։

Verse: 11   Link to sept   Եւ եղեւ իբրեւ ել նաբուքոդոնոսոր արքայ բաբելացւոց յերկիրս յայս՝ ասացաք, ելցուք եւ մտցուք յե(րուսաղէ)մ, յերեսաց զօրուն քաղդէացւոց, եւ յերեսաց զօրուն ասորեստանեայց, եւ բնակեսցո́ւք անդ։

Verse: 12   Link to sept   Եւ եղեւ բան տ(եառ)ն առիս՝ եւ ասէ։

Verse: 13   Link to sept   ա́յսպես ասէ տ(է)ր զօրութե(ան)ց՝ ա(ստուա)ծ ի՝լի. ե́րթ եւ ասա́ ցարս յուդայ՝ եւ զբնակիչս ե(րուսաղէ)մի. ո՞չ առնուցուք խրատ լսել բանից իմոց՝ ասէ տ(է)ր։

Verse: 14   Link to sept   Կացին ՛ի բանի́ որդիքն յովնադաբայ որդւոյ ռեքեբայ զոր պատուիրեաց որդւոց իւրոց, չըմպե́լ գինի, եւ ո́չ արբին մինչեւ ցա́յսօր. զի լուան պատուիրանի հօրն իւրեանց։ Եւ ես խօսեցա́յ ընդ ձեզ կանխաւ, եւ ո́չ լուարուք ինձ։

Verse: 15   Link to sept   եւ առաքեցի առ ձեզ զա(մենայ)ն ծառայս իմ զմարգարէս կանխեալ եւ առաքեալ. բա́մ դարձարուք իւրաքանչիւր ՛ի ճանապարհէ իւրմէ չարէ, եւ լաւագո́յնս արարէք զիրս ձեր. եւ մի́ երթայք զհետ աստուածոց օտարաց ծառայել նոցա. եւ բնակիցէ́ք յերկրիդ զոր ետու ձեզ եւ հարցն ձերոց. եւ ո́չ խոնարհեցուցէք զունկն ձեր, եւ ո́չ լուարուք ինձ։

Verse: 16   Link to sept   Եւ կացուցին որդիքն յովնադաբայ որդւոյ ռեքեբայ զպատուէր հօրն իւրեանց զոր պատուիրեաց ն(ո)ց(ա). եւ ժողովուրդդ այդ ո́չ լուան ինձ։

Verse: 17   Link to sept   Վ(ա)ս(ն) այդորիկ ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. ահաւադիկ ես ածից ՛ի վ(ե)ր(այ) յուդայ՝ եւ ՛ի վ(ե)ր(այ) ա(մենայ)ն բնակչաց ե(րուսաղէ)մի զա(մենայ)ն չարիս զոր խօսեցա́յ ՛ի վ(ե)ր(այ) ն(ո)ց(ա). փոխանակ զի խօսեցայ առ ն(ո)ս(ա)՝ եւ ո́չ լուան. կոչեցի զնոսա՝ եւ ո́չ ետուն ինձ պատասխանի։

Verse: 18   Link to sept   Եւ առ տուն ռեքեբայ ասաց երեմիա. վ(ա)ս(ն) այդորիկ ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. փոխանակ զի լուան որդիք յովնադաբայ որդւոյ ռեքեբայ պատուիրանի հօր իւրեանց. եւ պահեցին զա(մենայ)ն հրամանս ն(ո)ր(ա), առնել ըստ ա(մենայ)նի զոր պատուիրեաց ն(ո)ց(ա) հայրն իւրեանց։

Verse: 19   Link to sept   Վ(ա)ս(ն) այնորիկ ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. մի́ պակասեսցէ այր յորդւոցն յովնադաբայ որդւոյ ռեքեբայ յանդիման կալ առաջի իմ զա(մենայ)ն աւուրս երկրիդ։



Chapter: 36  
ԳԼ(ՈՒԽ) Լ՜Զ.


Section: 38 

Verse: 1   Link to sept   Եւ յամին չորրորդի յովակիմայ որդւոյ յովսիայ արքայի յուդայ, եղեւ բա́ն տ(եառ)ն առիս՝ եւ ասէ։

Verse: 2   Link to sept   Ա́ռ դու քեզ քարտէս մատենի, եւ գրեա́՛ի նմա զա(մենայ)ն զբանս՝ զոր հրամա́ն ետու քեզ ՛ի վ(ե)ր(այ) ի(սրայէ)լի, եւ ՛ի վ(ե)ր(այ) յուդայ, եւ ՛ի վ(ե)ր(այ) ա(մենայ)ն ազգաց՝ յօրէ յորմէ խօսեցայ ես ընդ քեզ՝ յաւուրցն յովսիայ արքայի յուդայ եւ մինչեւ ցա́յսօր.

Verse: 3   Link to sept   թերեւս լուիցեն տունն յուդայ զա(մենայ)ն չարիս, զոր խորհեալ եմ ես առնել ն(ո)ց(ա)։ զի դարձցին իւրաքանչիւր ՛ի ճանապարհէ իւրմէ չարէ. եւ քաւի́չ եղէց անօրէնութե(ան)ց ն(ո)ց(ա) եւ մեղաց ն(ո)ց(ա)։

Verse: 4   Link to sept   Եւ կոչեաց երեմիա զբարուք որդի ներեայ. եւ գրեաց բարուք ՛ի բերանոյ երեմիայի զա(մենայ)ն բանս տ(եառ)ն՝ զոր հրաման ետ նմա ՛ի քարտիսի մատենին։

Verse: 5   Link to sept   Եւ պատուիրեա́ց երեմիա բարուքայ՝ եւ ասէ. ես ՛ի կալա́նս եմ, եւ ո́չ կարեմ մտանել ՛ի տուն տ(եառ)ն։

Verse: 6   Link to sept   եւ դու մտցես եւ ընթերցցիս ՛ի մատենէդ՝ զոր գրեցեր ՛ի բերանոյ իմոյ զբանս տ(եառ)ն յականջս ժողովրդեանն ՛ի տան տ(եառ)ն յաւուր պահոց. եւ յականջս ա(մենայ)ն յուդայ որ մտանեն ՛ի քաղաքաց իւրեանց՝ ընթերցցիս։

Verse: 7   Link to sept   Թերեւս անկցի գութ ՛ի սիրտ նոցա առաջի տ(եառ)ն, եւ դարձցին իւրաքանչիւր ՛ի ճանապարհաց իւրեանց չարաց. զի մե́ծ է սրտմտութի(ւն) եւ բարկու(թ)ի(ւն) տ(եառ)ն, զոր խօսեցաւ տ(է)ր ՛ի վ(ե)ր(այ) ժողովրդեանդ այդորիկ։

Verse: 8   Link to sept   Եւ արա́ր բարուք որդի ներեայ ը(նդ)ս ա(մենայ)նի՝ զոր պատուիրեաց նմա երեմիա մարգարէ, ընթերցանել ՛ի մատենէն զպատգամս տ(եառ)ն ՛ի տա́ն տ(եառ)ն։

Verse: 9   Link to sept   Եւ եղեւ յամին հինգերորդի յովակիմայ որդւոյ յովսիայ արքայի յուդայ՝ յամսեանն իններորդի, ժողովեցա́ւ ՛ի պահս առաջի տ(եառ)ն, ա(մենայ)ն ժողովուրդն ե(րուսաղէ)մի, եւ ա(մենայ)ն ժողովուրդն որ գային ՛ի քաղաքացն յուդայ յե(րուսաղէ)մ, եւ տունն յուդայ։

Verse: 10   Link to sept   Եւ ընթերցաւ բարուք ՛ի մատենէն զբանս երեմիայի ՛ի տան տ(եառ)ն, ՛ի սրահին գամարեայ որդւոյ սափանեայ դպրապետի, ՛ի մուտս նորոյ դրանն տան տ(եառ)ն՝ յականջս ա(մենայ)ն ժողովրդեանն։

Verse: 11   Link to sept   Եւ իբրեւ լուաւ միքիա որդի գամարեայ որդւոյ սափանեայ զա(մենայ)ն պատգամս տ(եառ)ն ՛ի մատենէ անտի,

Verse: 12   Link to sept   էջ ՛ի տուն թագաւորին ՛ի դիւա́ն դպրապետին. եւ անդ նստէին ա(մենայ)ն իշխանքն. ելիսամա դպրապետ, եւ գաղիա որդի սամեի, եւ եղնաթան որդի աքոբովրայ, եւ գամարիա որդի սափանեայ, եւ սեդեկիա որդի անանիայ, եւ ա(մենայ)ն իշխանքն։

Verse: 13   Link to sept   Եւ պատմեաց ն(ո)ց(ա) միքիայ զա(մենայ)ն զբանս զոր լուաւ յընթեռնուլ բարուքայ ՛ի մատենէ անտի յականջս ա(մենայ)ն ժողովրդեանն։

Verse: 14   Link to sept   Եւ առաքեցին ա(մենայ)ն իշխանքն առ բարուք զյուդի որդի նաթանայ որդւոյ սելովմայ որդւոյ քուսեայ՝ եւ ասեն. զմատեանն զոր ընթեռնուիր յականջս ժողովրդեանն, ա́ռ ՛ի ձեռս քո եւ ե́կ այսր։ Եւ ա́ռ բարուք որդի ներեայ զմատեանն ՛ի ձեռս իւր՝ եւ է́ջ առ ն(ո)ս(ա)։

Verse: 15   Link to sept   եւ ասեն ցնա. աղէ՝ դարձեալ ընթերցի́ր յականջս մեր. եւ ընթերցա́ւ բարուք յականջս ն(ո)ց(ա)։

Verse: 16   Link to sept   Եւ եղեւ իբրեւ լուան զա(մենայ)ն զպատգամսն, խորհեցան իւրաքանչիւր ընդ ընկերի իւրում՝ եւ ասեն ցբարուք. պատմելով պատմեսցո́ւք արքայի զա(մենայ)ն զբանսդ զայդոսիկ։

Verse: 17   Link to sept   Հարցին զբարուք եւ ասեն. աղէ́ պատմեա́ մեզ, ուստի՞ գրեցեր զա(մենայ)ն բանսդ զայդոսիկ՝ յո՞յր բերանոյ։

Verse: 18   Link to sept   Եւ ասէ ցն(ո)ս(ա) բարուք. ՛ի բերանոյ երեմիայի. նա́ պատմեաց ինձ զա(մենայ)ն զբանս զայսոսիկ, եւ ես գրեցի ՛ի մատենիդ սեւակաւ։

Verse: 19   Link to sept   Եւ ասեն իշխանքն ցբարուք. ե́րթ թաքի́ր՝ դո́ւ եւ երեմիա, եւ մի́ ոք գիտասցէ թէ ո́ւր իցէք։

Verse: 20   Link to sept   Եւ մտին առ արքայ ՛ի սրահ անդր. եւ զմատեանն ետուն պահել ՛ի տան ելիսամայ դպրապետի, եւ պատմեցին արքայի զա(մենայ)ն զբանսն։

Verse: 21   Link to sept   Եւ առաքեաց արքայն զյուդի առնուլ զմատեանն. եւ ա́ռ զայն ՛ի տանէ ելիսամայ դպրապետի, եւ ընթերցաւ յուդի յականջս թագաւորին, եւ յականջս ա(մենայ)ն իշխանացն որ կային շուրջ զթագաւորաւն։

Verse: 22   Link to sept   եւ թագաւորն նստէր ՛ի ձմերատանն յամսեանն իններորդի, եւ կրակարան հրոյ առաջի ն(ո)ր(ա)։

Verse: 23   Link to sept   Եւ եղեւ իբրեւ ընթերցաւ յուդի երիս էջս՝ կամ չորս. եւ կարեա́ց զայն զմելինաւ դպրապետին. եւ ընկէց ՛ի կրակն որ կայր ՛ի վ(ե)ր(այ) կրակարանին, մինչեւ սպառեցաւ ա(մենայ)ն քարտէսն ՛ի հուր կրակարանին։

Verse: 24   Link to sept   Եւ ո́չ խնդրեցին, եւ ո́չ պատառեցին զպատմուճանս իւրեանց թագաւորն եւ ա(մենայ)ն ծառայք իւր որք լուան զա(մենայ)ն զբանսն զայնոսիկ։

Verse: 25   Link to sept   Եւ եղնաթան, եւ գաղեա, եւ գամարիա՝ եդին ՛ի մտի́ արքայի՝ չայրել զքարտէսն. եւ ո́չ անսաց ն(ո)ց(ա)։

Verse: 26   Link to sept   Եւ հրաման ետ արքայ յերեմիելի որդւոյ արքայի, եւ սարեայ որդւոյ եսրիելի, եւ սեմելիայ որդւոյ աբդիելի, ունել զբարուք դպրապետ՝ եւ զերեմիա մարգարէ։ եւ նոքա չոգան թաքեան։

Verse: 27   Link to sept   Եւ եղեւ բան տ(եառ)ն առ երեմիա յե́տ այրելոյ թագաւորին զքարտէսն, եւ զա(մենայ)ն բանս զոր գրեաց բարուք ՛ի բերանոյ երեմիայի։

Verse: 28   Link to sept   Եւ ասէ դարձեալ՝ ա́ռ դու ա́յլ քարտէս՝ եւ գրեա́ ՛ի նմա զամ(ենայն) զբանսն զառաջինս՝ որ էին յառաջնում քարտիսին, զոր այրեաց յովակի́մ արքայ յուդայ։

Verse: 29   Link to sept   Եւ ցյովակիմ արքայ յուդայ ասասցե́ս. ա́յսպէս ասէ տ(է)ր. դու՝ այրեցեր զմատեանն զայն եւ ասացեր, թէ ընդէ՞ր գրեցեր ՛ի նմա՝ եւ ասացեր, մտանելով մտցէ́ արքայն բաբելացւոց. եւ ջնջելով ջնջեսցէ́ զերկիրդ զայդ. պակա́ս արասցէ ՛ի դմանէ զմարդ եւ զանասուն։

Verse: 30   Link to sept   Վ(ա)ս(ն) այսորիկ ա́յսպէս ասէ տ(է)ր ՛ի վ(ե)ր(այ) յովակիմայ արքայի յուդայ. մի́ մնասցէ ն(ո)ր(ա) որ նստցի յաթոռն դաւթի, եւ դիակունք նորա եղիցին անկեալ ՛ի տուէ ՛ի տօթի, եւ գիշերի ՛ի ցուրտ.

Verse: 31   Link to sept   եւ այց արարից ՛ի վ(ե)ր(այ) ն(ո)ր(ա), եւ ՛ի վ(ե)ր(այ) ազգի ն(ո)ր(ա), եւ ՛ի վ(ե)ր(այ) ծառայից ն(ո)ր(ա)՝ ըստ անօրէնու(թ)ե(ան)ց ն(ո)ր(ա)։ եւ ածից ՛ի վ(ե)ր(այ) ն(ո)ց(ա)՝ եւ ՛ի վ(ե)ր(այ) բնակչաց ե(րուսաղէ)մի եւ ՛ի վ(ե)ր(այ) երկրիդ յուդայ զա(մենայ)ն չարիս զոր խօսեցայ ՛ի վ(ե)ր(այ) դոցա, եւ ո́չ լուան։

Verse: 32   Link to sept   Եւ ա́ռ երեմիա ա́յլ քարտէս՝ եւ ետ ցբարուք որդի ներեայ ցդպրապետ. եւ գրեաց ՛ի նմա ՛ի բերանոյ երեմիայի զա(մենայ)ն բանս մատենին զոր այրեաց յովակիմ արքայ յուդայ ՛ի կրակի. եւ ա́յլեւս բանք յաւելան ՛ի նոյն առաւե́լ քան զայնս։



Chapter: 37  
ԳԼ(ՈՒԽ) Լ՜Է.


Section: 39 

Verse: 1   Link to sept   Եւ թագաւորեաց սեդեկիա որդի յովսիայ փոխանակ յեքոնիայ որդւոյ յովակիմայ, զոր թագաւորեցոյց նաբուքոդոնոսոր արքայ բաբելացւոց՝ թագաւորել ՛ի վ(ե)ր(այ) յուդայ։

Verse: 2   Link to sept   Եւ ո́չ լուաւ նա՝ եւ ծառայք իւր, եւ ժողովուրդ երկրին զբանս տ(եառ)ն զոր խօսեցաւ ՛ի ձեռն երեմիայի մարգարէի։

Verse: 3   Link to sept   Եւ առաքեաց արքայ սեդեկիա զյովաքաղ զորդի սելիմայ, եւ զսոփոնիայ որդի մայասեայ զքահանայս առ երեմիա մարգարէ՝ եւ ասէ. կա́ց դու յաղօթս ՛ի վ(ե)ր(այ) մեր առ տ(է)ր ա(ստուա)ծ մեր։

Verse: 4   Link to sept   Եւ երեմիա անց ընդ մէջ ամբոխին՝ եւ եկն, եւ ո́չ արկին զնա ՛ի բանտ։ եւ զօրն փառաւոնի ել յերկրէն եգիպտացւոց. եւ լուան քաղդեացիքն որոց պաշարեալ էր զե(րուսաղէ)մ զլուր ն(ո)ց(ա)՝ եւ ելին յե(րուսաղէ)մէ։

Verse: 5   Link to sept   Եւ եղեւ բան տ(եառ)ն առ երեմիա մարգարէ՝ եւ ասէ։

Verse: 6   Link to sept   Ա́յսպէս ասէ տ(է)ր ա(ստուա)ծ ի(սրայէ)լի. ա́յսպէս ասասջի́ք ցարքայն յուդայ՝ որ առաքեացն զձեզ առիս խնդրել զիս. ահա զօրն փարաւովնի որ ել ձեզ յօգնականու(թ)ի(ւն)՝ դարձցի́ անդրէն յեգիպտոս.

Verse: 7   Link to sept   եւ քաղդեացիքն դարձցին այսրէ́ն. եւ մարտիցեն ընդ քաղաքիս ընդ այսմիկ, եւ առցեն զսա, եւ այրեսցե́ն զսա հրով։

Verse: 8   Link to sept   Ա́յսպէս ասէ տ(է)ր. մի́ կարծէք յանձինս ձեր՝ թէ ելին գնացին քաղդէացիքն ՛ի մէնջ. չե́ն թափելոց ՛ի ձէնջ։

Verse: 9   Link to sept   թէպէտ եւ զա(մենայ)ն զօրն քաղդեացւոց որ մարտնչէին ընդ ձեզ՝ կոտորիցէք, խոցքն որ մնայցեն ՛ի նոցանէ՝ յիւրաքանչիւր տեղւոջէ յարիցեն եւ այրեսցե́ն հրով զքաղաքդ։

Verse: 10   Link to sept   Եւ եղեւ իբրեւ մերժեցաւ զօր քաղդեացւոցն յե(րուսաղէ)մէ, յերեսաց զօրացն փարաւոնի,

Verse: 11   Link to sept   ե́լ երեմիա յե(րուսաղէ)մէ երթալ յերկիրն բենիամինի, գնե́լ անդ բաժին ՛ի մէջ ժողովրդեանն։

Verse: 12   Link to sept   եւ եկն եհա́ս ՛ի դուռն բենիամինի։ Եւ անդ էր ա́յր մի՝ առ ում մտեալէր ն(ո)ր(ա), անուն սարու որդի սելեմեայ, որդւոյ անանիայ. կալա́ւ զերեմիա մարգարէ՝ եւ ասէ, առ քաղդէացի՞սն փախուցեալ երթաս։

Verse: 13   Link to sept   Եւ ասէ երեմիա. սո́ւտ ասես, չերթա́մ փախուցեալ առ քաղդէացիսն. եւ ո́չ անսաց նմա. եւ կալաւ սարու զերեմիա, եւ ա́ծ առ իշխանսն։

Verse: 14   Link to sept   Եւ զայրացան իշխանքն ՛ի վ(ե)ր(այ) երեմիայի, գան հարին եւ ետուն զնա ՛ի տուն բանտի, յապարանս յովնաթանու դպրապետի. քանզի զնորա́ ապարանսն արարին բանտ։

Verse: 15   Link to sept   Եկն երեմիա ՛ի տուն գբոյն յայերինովթն, եւ նստաւ անդ երեմիա զաւուրս բազումս։

Verse: 16   Link to sept   Առաքեա́ց արքայ սեդեկիա՝ եւ կոչեաց զնա. եւ եհա́րց զնա թագաւորն ՛ի տան իւրում ՛ի ծածուկ՝ եւ ասէ ցնա. եթէ իցէ՞ ինչ պատգամ ՛ի տ(եառն)է։ եւ ասէ երեմիա. այո́, է́. եւ ասէ, ՛ի ձեռս թագաւորին բաբելացւո́ց մատնեսցիս։

Verse: 17   Link to sept   Եւ ասէ երեմիա ցթագաւորն սեդեկիա. զի՞նչ մեղայ քեզ՝ եւ ծառայից քոց՝ եւ ժողովրդեանն. զի տաս դու զիս ՛ի տո́ւն բանտին։

Verse: 18   Link to sept   եւ ո՞ւր են մարգարէքն ձեր որ մարգարէանային եւ ասէին՝ թէ ո́չ է գալոց արքայն բաբելացւոց ՛ի վ(ե)ր(այ) ձեր յերկիրս յայս։

Verse: 19   Link to sept   Եւ արդ՝ լո́ւր. աղաչե́մ տէ́ր իմ արքայ. անկցի́ ողորմ իմ առաջի քո. եւ ընդէ՞ր դարձուցանես զիս ՛ի տուն յովնաթանայ դպրապետի. եւ ա́նդ մեռանիցիմ։

Verse: 20   Link to sept   Հրաման ետ արքայ սեդեկիա, եւ արկին զնա ՛ի տուն բանտի. եւ տային նմա աւուրն նկանա́կ մի հաց արտաքուստ ՛ի հացարանացն, մինչեւ հատա́ւ ամենեւին հաց ՛ի քաղաքէն։ եւ նստաւ երեմիա ՛ի սրահի բանտին։



Chapter: 38  
ԳԼ(ՈՒԽ) Լ՜Ը.


Verse: 1   Link to sept   Եւ լուաւ սափատիա որդի մատթանայ, եւ գոդողիա որդի պասքովրայ, եւ յովաքաղ որդի սելեմիայ, եւ պասքովր որդի մելքեայ, զբանս երեմիայի՝ զոր խօսէր առ ա(մենայ)ն ժողովուրդն՝ եւ ասէր։

Verse: 2   Link to sept   Ա́յսպէս ասէ տ(է)ր. որ նստի ՛ի քաղաքիս յայսմիկ՝ մեռցի́ սրով եւ սովով եւ մահուամբ. եւ որ ելանէ առ քաղդէացիսն՝ կեցցէ́, եւ եղիցի նմա անձն իւր ՛ի գիւտս, եւ կեցցէ։

Verse: 3   Link to sept   Զի ա́յսպէս ասէ տ(է)ր. մատնելով մատնեսցի քաղաքդ ՛ի ձեռս զօրու թագաւորին բաբելացւոց, եւ առցեն զդա։

Verse: 4   Link to sept   Եւ ասեն իշխանքն ցթագաւորն. սպանցի́ այրն այն. զի այնո́ւ լուծանէ նա զձեռս արանց պատերազմողաց մնացորդաց քաղաքիս այսորիկ, եւ զձեռս ա(մենայ)ն ժողովրդեանդ, խօսել ընդ դոսա ըստ բանիցդ այդոցիկ. զի այրն այն ո́չ օգտի եւ խաղաղութե(ան) բանս խօսի ընդ ժողովրդեանն՝ այլ չարի́։

Verse: 5   Link to sept   Եւ ասէ արքայ սեդեկիա. ահաւանիկ կա́յ ՛ի ձեռս ձեր. քանզի ոչինչ էր ձեռնհա́ս առ ն(ո)ս(ա)՝ եւ ո́չ իւիք։

Verse: 6   Link to sept   Եւ առին զերեմիա, եւ ընկեցին զնա ՛ի գուբն մելքեայ որդւոյ թագաւորին, որ էր ՛ի սրահի բանտին։ եւ իջուցին զերեմիա պարանօք ՛ի գուբն. եւ ՛ի գբի անդ ջուր ո́չ էր. այլ լոկ տի́ղմ. եւ կա́յր երեմիա ՛ի տղմին։

Verse: 7   Link to sept   Եւ լուաւ աբդամելէք եթէովպացի՝ այր ներքինի, եւ ինքն էր յապարանս թագաւորին, թէ արկին զերեմիա ՛ի գուբն։ եւ արքայ նստէր առ դրան բենիամինի։

Verse: 8   Link to sept   եւ ել առ նա աբդամելէք յապարանից թագաւորին, եւ խօսեցաւ ը(նդ) թագաւորին՝ եւ ասէ։

Verse: 9   Link to sept   տէ́ր արքայ՝ չարի́ս գործեցին արքն այնոքիկ ըստ ա(մենայ)նի զոր արարին երեմիայի մարգարէի, զի արկին զնա ՛ի գուբն, եւ մեռանի́ ՛ի ներքս. չարի́ս գործեցեր սպանանել զայրն ա(ստուծո)յ յերեսաց սովոյս այսորիկ. զի ո́չ գտանի հաց ՛ի քաղաքիս։

Verse: 10   Link to sept   Եւ հրամայեաց թագաւորն աբդիմելեքայ եթւովպացւոյ՝ եւ ասէ. ա́ռ դու ընդ քեզ աստի արս երեսուն, եւ հանէ́ք զմարգարէն ՛ի գբոյ անտի՝ զի մի́ մեռցի։

Verse: 11   Link to sept   Եւ առ աբդիմելէք զարսն ընդ իւր, եւ եկն յապարանս թագաւորին ՛ի գետնափոր տուն գանձին. ա́ռ անտի կապերտս հինս եւ պարանս հինս. եւ ընկէց զայն առ երեմիա ՛ի գուբն։

Verse: 12   Link to sept   եւ ասէ աբդիմելէք եթւովպացի ցերեմիա, գիր զհին կապերտսդ եւ զբուրդսդ ընդ անթովք ձեռաց քոց ՛ի ներքոյ պարանացդ։ եւ արար երեմիա այնպէս։

Verse: 13   Link to sept   եւ ձգեցին զնա պարանօքն, եւ հանին զնա ՛ի գբոյ անտի։ եւ նստաւ երեմիա ՛ի սրահի́ բանտին։։

Verse: 14   Link to sept   եւ առաքեաց արքայ սեդեկիա, եւ կոչեաց առ ինքն զմարգարէն ՛ի տուն ասսաղիսայն, որ էր ՛ի տան տ(եառ)ն։ եւ ասէ ցնա արքայն. հարցանե́մ ինչ ցքեզ բան, մի ՞ իցէ թէ թաքուցանիցես յինէն զբանն։

Verse: 15   Link to sept   Եւ ասէ երեմիա ցթագաւորն. եթէ պատմեցից քեզ՝ ո́չ ապաքէն մահո́ւ սպանանիցես զիս. եւ եթէ տա́ց ինչ քեզ խրատ՝ ո́չ անսաս ինձ։

Verse: 16   Link to sept   Եւ երդուաւ նմա արքայ սեդեկիա գա́ղտ, եւ ասէ՝ կենդանի́ է տ(է)ր որ արար ՛ի մեզ զշունչս զայս, թէ իցէ սպանից զքեզ, կամ թէ եւ մատնեցի́ց ՛ի ձեռս արանցն, որ խնդրեն զանձն քո։

Verse: 17   Link to sept   Եւ ասէ ցնա երեմիա. ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի, եթէ ելանելով ելցես առ զօրավարն արքային բաբելացւոց՝ կեցցէ́ անձն քո, եւ քաղաքս ո́չ այրեսցի հրով, եւ կեցցե́ս դո́ւ եւ տուն քո։

Verse: 18   Link to sept   Ապա թէ ո́չ ելցես առ իշխանս արքային բաբելացւոց, մատնեսցի քաղաքս ՛ի ձեռս քաղդեացւոց, եւ այրեսցեն զդա հրով. եւ դու ո́չ ապրեսցիս ՛ի ձեռաց ն(ո)ց(ա)։

Verse: 19   Link to sept   Եւ ասէ սեդեկիա արքայ ցերեմիա. իմ բանք ինչ են ը(նդ) հրէայսն փախստականս առ քաղդեացիսն, գուցէ́ տացեն զիս ՛ի ձեռս ն(ո)ց(ա), եւ ձաղիցեն զիս։

Verse: 20   Link to sept   Եւ ասէ երեմիա, ո́չ մատնեսցեն զքեզ։ բայց լո́ւր զբանս տ(եառ)ն զոր ես խօսիմ ընդ քեզ, եւ լա́ւ լիցի քեզ՝ եւ կեցցէ́ անձն քո։

Verse: 21   Link to sept   Ապա թէ ո́չ կամիցիս ելանել՝ ա́յս բան է զոր եցոյց ինձ տ(է)ր։

Verse: 22   Link to sept   ահաւադիկ ա(մենայ)ն կանայք որ մնացեալ են ՛ի տան թագաւորիդ յուդայ, հանցի́ն առ իշխանս արքային բաբելացւոց. եւ նոքա ասիցեն, խաբեցի́ն զքեզ՝ եւ յաղթեցին քեզ արք խաղաղարարք, եւ արկցեն ՛ի գայթագղութի(ւն) զոտս քո, եւ դարձցին ՛ի քէն։

Verse: 23   Link to sept   Եւ զա(մենայ)ն կանայս քո եւ զորդիս քո հանցեն առ քաղդեացիսն, եւ դու ո́չ ապրեսցիս ՛ի ձեռաց ն(ո)ր(ա),. զի ՛ի ձեռս թագաւորին բաբելացւոց ըմբռնեսցիս, եւ քաղաքս այրեսցի́ հրով։

Verse: 24   Link to sept   Եւ ասէ ցնա թագաւորն. ա́յր դու՝ մի́ ոք իմասցի ինչ ՛ի բանից այտի յայսցանէ, գուցէ́ մեռանիցիս։

Verse: 25   Link to sept   Եւ եթէ լսիցեն իշխանքն եթէ խօսեցայ ընդ քեզ, եւ գայցեն առ քեզ եւ ասիցեն. պատմեա́ մեզ՝ զի՞նչ խօսեցար ընդ արքայի, մի́ թաքուցաներ ՛ի մէնջ՝ եւ ո́չ սպանցուք զքեզ. եւ կամ թէ զի՞նչ խօսեցաւ ը(նդ) քեզ արքայ

Verse: 26   Link to sept   ասասցե́ս ցն(ո)ս(ա)։ արկի́ գութս առաջի արքայի՝ զի մի́ դարձուսցէ զիս անդրէն ՛ի տուն յովնաթանայ մեռանել ինձ անդ։

Verse: 27   Link to sept   Եւ եկին ա(մենայ)ն իշխանքն առ երեմիա՝ եւ հարցին ցնա. եւ պատմեաց ն(ո)ց(ա) զա(մենայ)ն բանսն զոր պատուիրեաց նմա թագաւորն, եւ լռեցին ՛ի նմանէ զի ո́չ ե́լ ՛ի վեր բանն։

Verse: 28   Link to sept   Եւ նստաւ երեմիա ՛ի սրահի բանտին, մինչեւ ՛ի ժամանակն յորում առաւն ե(րուսաղ)էմ։ Եւ եղեւ յորժամ առաւ երուսաղէմ։



Chapter: 39  
ԳԼ(ՈՒԽ) Լ՜Թ.


Verse: 1   Link to sept   Յամին իններորդի սեդեկիա արքայի յուդայ՝ յամսեանն տասներորդի. եկն եհաս նաբուքոդոնոսոր արքայ բաբելացւոց, ինքն եւ ա(մենայ)ն զօրք իւր յե(րուսաղէ)մ, եւ պաշարեցին զնա։

Verse: 2   Link to sept   Եւ յամին մետասաերորդի սեդեկիայ՝ յամսեանն չորրորդի՝ որ օր ի́նն էր ամսոյն, պատառեցաւ քաղաքն։

Verse: 3   Link to sept   եւ մտին ա(մենայ)ն զօրավարք արքային բաբելացւոց, եւ նստան ՛ի դրանն միջնումն. ներգե́ղ, սարասար, սարմագադ, նաբուսարսեքիմ, ռափսարիս. եւ ներգեղ, սարասար, ռաբմագ. եւ ա(մենայ)ն ա́յլ եւս իշխանք արքային բաբելացւոց։

Verse: 4   Link to sept   Եւ եղեւ իբրեւ ետես զնոսա սեդեկիա արքայ յուդայ, եւ ա(մենայ)ն արք պատերազմօղք. փախեան եւ ելին գիշերի ՛ի քաղաքէ անտի ընդ ճանապարհ բուրաստանին արքունի, ընդ դուռնն որ էր ՛ի մէջ պարսպացն. եւ ելին ընդ ճանապարհն արաբիայ։

Verse: 5   Link to sept   Եւ զհե́տ եղեն ն(ո)ց(ա) զօրք քաղդեացւոցն, եւ հասին սեդեկիայ յարաբովթ երիքովայ. կալան զնա՝ եւ ածին առ նաբուքոդոնոսոր արքայ բաբելացւոց ՛ի դեղբաթա յերկիրն եմաթայ։ Եւ խօսեցաւ ընդ նմա դատաստանօք։

Verse: 6   Link to sept   եւ սպա́ն արքայն բաբելացւոց զորդիսն սեդեկիայ ՛ի դեբղաթա առաջի ն(ո)ր(ա)։ եւ զա(մենայ)ն ազատսնյուդայ կոտորեաց արքայն բաբելացւոց։

Verse: 7   Link to sept   եւ զաչսն սեդեկիայ կուրացոյց, եւ կապեաց զնա պղնձի շղթայիւք տանե́լ զնա ՛ի բաբելովն։

Verse: 8   Link to sept   Եւ զտուն թագաւորին եւ զտունս ժողովրդեանն, այրեցին քաղդեացիքն հրով, եւ զպարիսպն ե(րուսաղէ)մի քակեցին։

Verse: 9   Link to sept   եւ զմնացորդս ժողովրդեանն որ մնացին ՛ի քաղաքին, եւ զանկեալսն որ անկան ՛ի նա. եւ զսինլքորս ժողովրդեանն որ մնացին, խաղացո́յց նաբուզարդան դահճապետ ՛ի բաբելոն։

Verse: 10   Link to sept   Եւ յաղքատաց ժողովրդեանն՝ որոց ո́չինչ գոյր, եթո́ղ նաբուզարդան դահՃապետ անդրէն յերկրին յուդայ.եւ ետ ն(ո)ց(ա) այգիս եւ ջրարբիս յաւուր յայնմիկ։

Verse: 11   Link to sept   Եւ ետ պատուիրանաւ նաբուքոդոնոսոր արքայ բաբելացւոց զերեմիա ՛ի ձեռս նաբուզարդանայ դահճապետին եւ ասէ.

Verse: 12   Link to sept   ա́ռ զդա՝ եւ ա́կն ած ՛ի վ(ե)ր(այ) դորա, եւ մի́ ինչ արասցես դմա չար. այլ զոր ինչ ասասցէ ցքեզ՝ արասցե́ս դմա։

Verse: 13   Link to sept   Եւ առաքեցին նաբուզարդան դահճապետ, եւ նաբուսազաբան ներքինապետ, եւ ներդեղ եւ սարասար. եւ ռոբոգոմ, եւ ա(մենայ)ն մեծամեծք արքային բաբելացւոց.

Verse: 14   Link to sept   եւ առին զերեմիա ՛ի բանտէ անտի, եւ ետուն ցգոդողիա որդի աքիկամայ՝ որդւոյ սափանայ, եւ հանին զնա ՛ի տունն. եւ ա́նդ նստէր ՛ի մէջ ժողովրդեանն։
Section: 40 

Verse: 15   Link to sept   Եւ առ երեմիա եղեւ բա́ն տ(եառ)ն՝ մինչ էր ՛ի նեղութե(ա)ն ՛ի սրահի բանտին՝ եւ ասէ.

Verse: 16   Link to sept   ե́րթ եւ ասա́ ցաբդամելէք եթւովպացի. Ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. ահաւադիկ ածե́մ ես զբանն իմ ՛ի վ(ե)ր(այ) քաղաքիդ այդորիկ ՛ի չարիս՝ եւ ո́չ ՛ի բարիս։ եւ եղիցի առաջի աչաց քոց յաւուր յայնմիկ։

Verse: 17   Link to sept   Եւ զքեզ փրկեցից յաւուր յայնմիկ՝ ասէ տ(է)ր, եւ ո́չ տաց զքեզ ՛ի ձեռս արանցն յորոց դու երկնչիս յերեսաց ն(ո)ց(ա)։

Verse: 18   Link to sept   զի ապրեցուցանելով ապրեցուցից զքեզ, եւ ՛ի սուր մի́ անկցիս. եւ եղիցի քեզ անձն քո ՛ի գի́ւտս, զի յուսացար յիս՝ ասէ տ(է)ր։



Chapter: 40  
ԳԼ(ՈՒԽ) Խ՜.


Verse: 1   Link to sept   Բանն որ եղեւ ՛ի վ(ե)ր(այ) երեմիայի ՛ի տ(եառն)է՝ յետ արձակելոյն զնա նաբուզարդանայ դահճապետի ՛ի հռամա. քանզի առին զնա կապեալ ձեռակապօք ՛ի միջոյ ա(մենայ)ն գերուեն ե(րուսաղէ)մի եւ յուդայ՝ զոր խաղացուցին ՛ի բաբելոն։

Verse: 2   Link to sept   ա́ռ զնա դահճապետն՝ եւ ասէ ցնա։ Տ(է)ր ա(ստուա)ծ բարբառեցաւ զչարիսդ զայդ ՛ի վ(ե)ր(այ) տեղւոյս այսորիկ։

Verse: 3   Link to sept   եւ ած՝ եւ արա́ր տ(է)ր ո(ր)պ(էս) եւ խօսեցաւ. զի մեղայք տ(եառ)ն, եւ ո́չ լուայք ձայնի ն(ո)ր(ա), եւ եղեւ ընդ ձեզ բանդ այդ։

Verse: 4   Link to sept   Եւ արդ՝ ահա այժմ լուծի զքեզ այսօր ՛ի ձեռակապացդ որ էին ՛ի ձեռս քո. եթէ բարւո́ք թուի առաջի քո գա́լ ընդիս ՛ի բաբելոն՝ ե́կ, եւ ածից ՛ի վ(ե)ր(այ) քո ակն։ եւ եթէ չար թուի յաչս քո գա́լ ընդիս ՛ի բաբելոն, դադարեա́ աստէն. ահա ա(մենայ)ն երկիրս առաջի քո է ՛ի բարիս, ուր հաճոյ է քեզ երթալ՝ անդր երթիցես։

Verse: 5   Link to sept   Եւ մինչդեռ ա́ստ եմ, ե́րթ յով եւ կամիս. եւ դարձի́ր առ գոդողիա որդի աքիկամայ որդւոյ սափանայ. զոր կացոյց արքայն բաբելացւոց ՛ի վ(ե)ր(այ) երկրիդ հրէաստանի, եւ բնակեսցե́ս ընդ նմա ՛ի մէջ ժողովրդեանն։ ապա թէ ոչ՝ ըստ ա(մենայ)ն հաճութե(ան) աչաց քոց երթալոյ երթիցես։ եւ ետ նմա դահճապետն նպարակս, եւ պարգեւս՝ եւ արձակեաց։

Verse: 6   Link to sept   Եւ եկն երեմիա առ գոդողիա որդի աքիկամայ ՛ի մասեփա, եւ նստաւ անդ ՛ի մէջ ժողովրդեան երկրին մնացելոց։

Verse: 7   Link to sept   Եւ լուա́ն ա(մենայ)ն զօրավարք զօրաց որ էին ՛ի բացի, ինքեանք եւ զօրք իւրեանց, թէ կացո́յց արքայն բաբելացւոց զգոդողիա որդի աքիկամայ ՛ի վ(ե)ր(այ) երկրին. եւ յա́նձն արար նմա զարս՝ եւ զկանայս, եւ ժողովուրդ բազում. եւ յաղքատաց ժողովրդեան երկրին զորս ո́չ խաղացոյց ՛ի բաբելովն։

Verse: 8   Link to sept   Եկին առ գոդողիա ՛ի մասեփա, իսմայէլ որդի նաթանայ, եւ յովնան եւ յովնաթան որդիք կարէի. եւ սարեա որդի թանաթեմայ, եւ որդիք ովփերի որդւոյ նետոփատայ, եւ յեզոնիա որդի մաքաթայ. ինքեանք եւ արք որ ը(նդ) ն(ո)ս(ա)։

Verse: 9   Link to sept   Եւ երդուաւ ն(ո)ց(ա) գոդողիա որդի աքիկամայ որդւոյ սափանայ, եւ արանցն որ ընդ ն(ո)ս(ա)՝ եւ ասէ. մի́ երկնչիք յերեսաց ծառայիցն քաղդեացւոց, այլ բնակեցէք յերկրիս. եւ հարկեցարո́ւք արքային բաբելացւոց, եւ բարի́ եղիցի ձեզ։

Verse: 10   Link to sept   Եւ ես ահաւասիկ նստիմ ՛ի մասեփա. կա́լ ընդդէմ քաղդեացւոցն որ ելանիցեն ՛ի վ(ե)ր(այ) ձեր։ եւ դուք ժողովեցէ́ք զգինի եւ զմիրգ, եւ ժողովեցէ́ք եւղ յամանս ձեր. եւ բնակեցէ́ք ՛ի քաղաքս ձեր զորս կալայք քաջու(թեամ)բ։

Verse: 11   Link to sept   Եւ ա(մենայ)ն հրէայք որ էին յերկրին մովաբացւոց, եւ ՛ի մէջ որդւոցն ամովնայ, եւ որք յեդովմ՝ եւ որք յա(մենայ)ն երկիր, լուան եթէ թո́ղ արքայն բաբելացւոց մնացորդս ՛ի հրէաստանի. եւ կացոյց ն(ո)ց(ա) վերակացու՝ զգոդողիա որդի աքիկամայ որդւոյ սափանայ,

Verse: 12   Link to sept   դարձան անդրէն ա(մենայ)ն հրէայք յա(մենայ)ն տեղեաց ուր ցրուեցան անդր, եւ եկին յերկիրն յուդայ առ գոդողիա ՛ի մասեփա, եւ ժողովեցին գինի եւ միրգ բազում յոյժ։

Verse: 13   Link to sept   Եւ յովնան որդի կարէի, եւ ա(մենայ)ն զօրավարք զօրացն որ էին ՛ի բացի՝ եկին առ գոդողիա ՛ի մասեփա.

Verse: 14   Link to sept   եւ ասեն ցնա. զայն գիտիցե՞ս զի բայաելիս թագաւոր որդւոցն ամովնայ արձակեա́ց առ իսմայէլ որդի նաթանայ սպանանե́լ զքեզ։ եւ ո́չ հաւատաց ն(ո)ց(ա) գոդողիա որդի աքիկամայ։

Verse: 15   Link to sept   Եւ յովնան որդի կարէի՝ ասէ գաղտ ցգոդողիա ՛ի մասեփա. երթա՞յց սպանից զիսմայէլ որդի նաթանայ, եւ մի́ ոք գիտասցէ։ գուցէ՞ երբէք սպանանիցէ զքեզ, եւ ցրուեսցին հրէայք որ ժողովեալ են առ քեզ. եւ կորնչիցին մնացորդք յուդայ։

Verse: 16   Link to sept   Եւ ասէ գոդողիա որդի աքիկամայ ցյովնան որդի կարէի. մի́ արասցես ը(նդ)ս բանիդ այդորիկ, զո սո́ւտ խօսեցար դու զիսմայելէ։



Chapter: 41  
ԳԼ(ՈՒԽ) Խ՜Ա.


Verse: 1   Link to sept   Եւ եղեւ յամսեանն եւթներորդի՝ եկն իսմայէլ որդի նաթանայ, որդւոյ ելիսամայ յազգէ թագաւորին, եւ ծառայք թագաւորին, եւ տասն այր ընդ նմա առ գոդողիա որդի աքիկամայ ՛ի մասեփա. եւ կերան հաց ՛ի միասին ՛ի մասեփա։

Verse: 2   Link to sept   Եւ յարեաւ իսմայէլ որդի նաթանայ, եւ տասնեքին արքն որ ընդ նմա, եւ եհար զգոդողիա որդի աքիկամայ որդւոյ սափանայ սրով՝ եւ սպա́ն զնա. զոր կացուցեալ էր արքային բաբելացւոց ՛ի վ(ե)ր(այ) երկրին։

Verse: 3   Link to sept   եւ զա(մենայ)ն հրէայսն որ էին ընդ գոդողիա ՛ի մասեփա, եւ զա(մենայ)ն քաղդեացիս որ անդ գտան զարս պատերազմօղս, կոտորեաց իսմայէլ։

Verse: 4   Link to sept   Եւ եղեւ յերկրորդում աւուր սպանանելոյ անդ զգոդողիա. եւ ոչ ոք գիտէր։

Verse: 5   Link to sept   Եկի́ն արք ՛ի սիւքիմայ, եւ ՛ի սաղեմայ, եւ ՛ի շամրնէ, արք ութսուն. գերծեալ զմօրուս եւ պատառեալ զհանդերձս՝ կործելով, եւ մաննա եւ կնդրուկ ՛ի ձեռս ն(ո)ց(ա) տանել ՛ի տուն տ(եառ)ն։

Verse: 6   Link to sept   Եւ ել իսմայէլ որդի նաթանայ ընդ առաջ ն(ո)ց(ա) ՛ի մասեփա, երթալո́վ երթայր եւ լա́յր։ եւ եղեւ իբրեւ մերձեցաւ ՛ի ն(ո)ս(ա)՝ ասէ ցն(ո)ս(ա). մտէ́ք առ գոդողիա որդի աքիկամայ։

Verse: 7   Link to sept   եւ եղեւ իբրեւ մտին ՛ի մէջ քաղաքին, կոտորեաց զն(ո)ս(ա) իսմայէլ որդի նաթանայ ՛ի մէջ քաղաքին, եւ ամա́ց ՛ի ջրհոր՝ ինքն եւ արքն որ ընդ նմա։

Verse: 8   Link to sept   Եւ արք տասն գտան անդ, եւ ասեն ցիսմայէլ. մի́ սպանաներ զմեզ, զի գոն մեզ գանձք ՛ի բացի, ցորեան եւ գարի՝ մեղր եւ եւղ. եւ զանց արար եւ ո́չ սպան զն(ո)ս(ա) ՛ի մէջ եղբարց իւրեանց։

Verse: 9   Link to sept   Եւ ջրհորն յոր ամաց իսմայէլ զա(մենայ)ն մարմինս արանցն զոր կոտորեաց վ(ա)ս(ն) գոդողիա, ջրհոր մեծ էր՝ զոր արար արքայ ասա յերեսաց բաասայ արքայի ի(սրայէ)լի. զայն ելի́ց իսմայէլ որդի նաթանայ վիրաւորօք։

Verse: 10   Link to sept   Եւ դարձոյց իսմայէլ զա(մենայ)ն ժողովուրդն որ մնացեալ էր ՛ի մասեփա. եւ զդստերս թագաւորին հանդերձ ա(մենայ)ն սինլքորօք ժողովրդեանն որ էին ՛ի մասեփա. զորս յանձնարարեա́լ էր նաբուզարդանայ դահճապետի գոդողիայ որդւոյ աքիկամայ։ եւ կանխեաց իսմայէլ որդի նաթանայ ընդ առաւօտս, եւ գնաց յա́յն կոյս առ որդիսն ամովնայ։
Section: 41 

Verse: 11   Link to sept   Եւ լուաւ յովնան որդի կարէի՝ եւ ա(մենայ)ն զօրավարք զօրացն որ ընդ նմա էին՝ զա(մենայ)ն չարիսն զոր գործեաց իսմայէլ որդի նաթանայ։

Verse: 12   Link to sept   ժողովեցին զա(մենայ)ն զօրականն իւրեանց, եւ խաղացին երթալ տալ պատերազմ ընդ իսմայելի որդւոյ նաթանայ. եւ գտին զնա ՛ի վ(ե)ր(այ) ջուրցն բազմաց որ էին ՛ի գաբաւոն։

Verse: 13   Link to sept   Եւ եղեւ իբրեւ տեսին ա(մենայ)ն ժողովուրդն որ էին ընդ իսմայէլի, զյովնան որդի կարէի, եւ զա(մենայ)ն զօրավարս զօրացն որ էին ընդ նմա՝ ուրա́խ եղեն։

Verse: 14   Link to sept   Եւ դարձան առ ն(ո)ս(ա) ա(մենայ)ն ժողովուրդն զոր գերեաց իսմայէլ ՛ի մասեփա, եւ եկին առ յովնան որդի կարէի։

Verse: 15   Link to sept   Բայց իսմայէլ որդի նաթանայ՝ ապրեցաւ ութ արամբք յերեսացն յովնանայ, եւ անկաւ առ որդիսն ամովնայ։

Verse: 16   Link to sept   Եւ առ յովնան որդի կարէի, եւ ա(մենայ)ն զօրավարք զօրացն որ էին ընդ նմա, զա(մենայ)ն մնացորդս ժողովրդեանն զորս թափեաց յիսմայէլ յորդւոյ նաթանայ ՛ի մասեփա։ յետ սպանանելոյն զգոդողիա որդի աքիկամայ զարս հզօրս պատերազմօղս, եւ զկանայս, եւ զայլս, եւ զներքինիս, զոր ա́ռ յերկրէն դաբաւոնացւոց,

Verse: 17   Link to sept   եւ գնաց։ եւ նստան յերկրին բերութքամայ հանդէպ բեթղահէմի, երթալ մտանել յերկիրն եգիպտացւոց։

Verse: 18   Link to sept   յերեսաց քաղդեացւոցն։ քանզի զահի́ հարան յերեսաց ն(ո)ց(ա). զի սպան իսմայէլ զգոդողիա որդի աքիկամայ՝ զոր կացո́յց արքայն բաբելացւոց ՛ի վերայ երկրին։



Chapter: 42  
ԳԼ(ՈՒԽ) Խ՜Բ.


Verse: 1   Link to sept   Եւ մատեան ա(մենայ)ն զօրավարք զօրացն, եւ յովնան որդի կարէի, եւ յեղոնիա որդի ովսէի, եւ ա(մենայ)ն ժողովուրդն ՛ի փոքուէ մինչեւ ցմեծամեծս։

Verse: 2   Link to sept   եւ ասեն ցերեմիա մարգարէ. անկցի գութ մեր առաջի երեսաց քոց, եւ կա́ց յաղօթս վ(ա)ս(ն) մեր առ տ(է)ր ա(ստուա)ծ քո, եւ վ(ա)ս(ն) մնացորդացս այսոցիկ. զի մնացաք սակա́ւք ՛ի բազմաց. ո(ր)պ(էս) քո աչք տեսանեն զմեզ։

Verse: 3   Link to sept   եւ պատմեսցէ́ մեզ տ(է)ր ա(ստուա)ծ քո զճանապարհս՝ ընդ որ գնասցուք, եւ զբա́նն զոր արասցուք։

Verse: 4   Link to sept   Եւ ասէ ցն(ո)ս(ա) երեմիա մարգարէ. լուայ՝ ահաւադիկ ե́ս կացից յաղօթս առ տ(է)ր ա(ստուա)ծ մեր վ(ա)ս(ն) բանից ձերոց. եւ եղիցի զոր ինչ բան պատասխանի տացէ տ(է)ր՝ պատմեցի́ց ձեզ, եւ ո́չ թաքուցից ՛ի ձէնջ բան մի։

Verse: 5   Link to sept   Եւ նոքա ասեն ցերեմիա. եղիցի մեզ տ(է)ր ՛ի վկայ արդարեւ հաւատարիմ. եթէ ոչ ըստ ա(մենայ)ն բանի զոր առաքեսցէ զքեզ տ(է)ր ա(ստուա)ծ քո առ մեզ՝ ա́յնպէս արասցուք.

Verse: 6   Link to sept   եթէ բարի՝ եւ եթէ չար։ եւ ձայնի տ(եառ)ն ա(ստուծո)յ մերում առ որ առաքեմք զքեզ՝ լուիցուք, զի բարի եղիցի մեզ. եւ լուիցուք ձայնի տ(եառ)ն ա(ստուծո)յ մերոյ։

Verse: 7   Link to sept   Եւ եղեւ յետ աւուրց տասանց, եղեւ բան տ(եառ)ն առ երեմիա։

Verse: 8   Link to sept   եւ կոչեաց զյովնան որդի կարէի, եւ զա(մենայ)ն զօրավարս զօրացն որ էին ընդ նմա, եւ զա(մենայ)ն ժողովուրդն ՛ի փոքուէ մինչեւ ցմեծամեծսն.

Verse: 9   Link to sept   եւ ասէ ցն(ո)ս(ա)։ Ա́յսպէս ասէ տ(է)ր ա(ստուա)ծ (թ)ի(ւն)լի, առ որ առաքեցէքն զիս արկանել գութս առաջի ն(ո)ր(ա)։

Verse: 10   Link to sept   եթէ նստելով նստիցիք յերկրիս յայսմիկ, շինեցի́ց զձեզ՝ եւ ո́չ քակեցից. տնկեցից զձեզ՝ եւ ո́չ խլեցից. զի մեղմացեալ եմ ՛ի չարեաց զոր ասացի առնել ձեզ։

Verse: 11   Link to sept   Մի́ երկնչիք յերեսաց արքային բաբելացւոց. յորմէ զարհուրեալ էիք յերեսաց ն(ո)ր(ա). մի́ երկնչիք ՛ի նմանէ՝ ասէ տ(է)ր. զի ընդ ձե́զ եմ ես ՛ի փրկել զձեզ, եւ ապրեցուցանել ՛ի ձեռաց ն(ո)ց(ա)։

Verse: 12   Link to sept   եւ արկից զձեւք գութ, եւ ողորմեցայց ձեզ. եւ դարձուցից զձեզ յերկիր ձեր։

Verse: 13   Link to sept   Եւ եթէ ասիցէք՝ ո́չ նստցուք յերկրիս յայսմիկ, եւ ո́չ լուիցուք ձայնի տ(եառ)ն ա(ստուծո)յ մերոյ.

Verse: 14   Link to sept   այլ երթիցուք յերկիրն եգիպտացւոց, եւ ո́չ տեսցուք պատերազմ, եւ զձայն փողոյ ո́չ լուիցուք, եւ հացիւ ո́չ քաղցիցուք. եւ ա́նդ բնակեսցուք։

Verse: 15   Link to sept   Եւ արդ վ(ա)ս(ն) այդորիկ լուարո́ւք զպատգամս տ(եառ)ն մնացորդք հրէաստանի։ Ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. եթէ դուք տալով տացէք զերեսս ձեր մտանե́լ յեգիպտոս՝ եւ ա́նդ բնակիլ։

Verse: 16   Link to sept   եւ եղիցի սուրն յորմէ երկնչէիք, ա́նդ գտցէ զձեզ յերկրին եգիպտացւոց. եւ սովն յորմէ կասկածէք՝ անդ հասցէ ձեզ յերկրին եգիպտացւոց, եւ ա́նդ մեռանիցիք։

Verse: 17   Link to sept   Եւ եղիցի ա(մենայ)ն արք որք դէ́մ եդին մտանել յերկիրն եգիպտացւոց բնակե́լ անդ, սրո́վ եւ սովով՝ եւ մահուա́մբ սատակեսցին, եւ ո́չ ոք եղիցի ՛ի ն(ո)ց(ա)նէ ապրեալ ՛ի չարեացն զոր ե́ս ածի́ց ՛ի վ(ե)ր(այ) ն(ո)ց(ա)։

Verse: 18   Link to sept   Զի ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. ո(ր)պ(էս) կաթեաց սրտմտու(թ)ի(ւն) բարկութե(ան) իմոյ ՛ի վ(ե)ր(այ) բնակչաց ե(րուսաղէ)մի. նոյնպէս կաթեսցէ սրտմտութի(ւն) իմ ՛ի վ(ե)ր(այ) ձեր ՛ի մտանելն ձեր յեգիպտոս։ եւ եղիջիք յանապատ, եւ վտարանդիք, եւ ՛ի նզովս, եւ ՛ի նախատինս. եւ մի́ եւս տեսանիցէք զտեղիս զայս.

Verse: 19   Link to sept   զորմէ խօսեցաւ տ(է)ր ՛ի վ(ե)ր(այ) ձեր, եւ ՛ի վ(ե)ր(այ) մնացորդացն յուդայ՝ թե մի́ մտանիցէք յեգիպտոս։ Բայց այժմ գիտելով գիտասջիք. քանզի վկայու(թ)ի(ւն) դնեմ ձեզ այսօր,

Verse: 20   Link to sept   զի չարի́ս գործեցէք յանձինս ձեր։ զի առաքեցէք զիս առ տ(է)ր ա(ստուա)ծ ձեր՝ եւ ասացէք, յաղօթս կա́ց վ(ա)ս(ն) մեր առ տ(է)ր ա(ստուա)ծ մեր. եւ ըստ ա(մենայ)նի զոր ինչ խօսեսցի ընդ քեզ տ(է)ր ա(ստուա)ծ մեր, նոյնպէս պատմեա́ մեզ՝ եւ արասցուք։

Verse: 21   Link to sept   եւ պատմեցի ձեզ այսօր՝ եւ ոչ լուարուք ձայնի տ(եառ)ն ա(ստուծո)յ ձերոյ, զոր առաքեացն առ ձեզ։

Verse: 22   Link to sept   Եւ արդ՝ գիտասջիք, եթէ սրով եւ սովով՝ եւ մահուամբ սատակեսջիք ՛ի տեղւո́ջն յորում դուք կամիք մտանել բնակել անդ։



Chapter: 43  
ԳԼ(ՈՒԽ) Խ՜Գ.


Verse: 1   Link to sept   Եւ եղեւ իբրեւ դադարեաց երեմիա ՛ի խօսելոյ ընդ ա(մենայ)ն ժողովրդեանն զա(մենայ)ն բանս տ(եառ)ն ա(ստուծո)յ ն(ո)ց(ա), զորս առաքեաց տ(է)ր ա(ստուա)ծ ն(ո)ց(ա) առ ն(ո)ս(ա)։

Verse: 2   Link to sept   Եւ ասեն՝ յեզոնիա որդի ովսէի, եւ յովնան որդի կարէի, եւ ա(մենայ)ն արք ամբարտաւանք՝ ցերեմիա. սո́ւտ խօսիս դու, ո́չ առաքեաց զքեզ տ(է)ր ա(ստուա)ծ մեր առ մեզ՝ ասել. թէ մի́ մտանէք յեգիպտոս բնակել անդ։

Verse: 3   Link to sept   այլ բարուք որդի ներեայ գրգռէ́ զքեզ ընդ մեզ, զի տացես զմեզ ՛ի ձեռս քաղդեացւոց կոտորել՝ եւ տանել զմեզ գերի́ ՛ի բաբելովն։

Verse: 4   Link to sept   Եւ ո́չ լուան յովնան որդի կարէի եւ ա(մենայ)ն զօրավարք զօրացն եւ ա(մենայ)ն ժողովուրդն՝ ձայնի տ(եառ)ն բնակել յերկրին յուդայ։

Verse: 5   Link to sept   Եւ ա́ռ յովնան որդի կարէի՝ եւ ա(մենայ)ն զօրավարք զօրացն զա(մենայ)ն մնացորդս յուդայ՝ որ դարձեալ էին յա(մենայ)ն ազգաց՝ ուր ցրուեալ էին անդր, բնակե́լ յերկրին յուդայ։

Verse: 6   Link to sept   զարս եւ զկանայս եւ զմանկտիս, եւ զդստերս թագաւորին, եւ զանձինս որ մնացեալ էին ՛ի նաբուզարդանայ դահճապետէ առ գոդողիա որդի աքիկամայ որդւոյ սափանայ. եւ զերեմիա մարգարէ, եւ զբարուք որդի ներեայ։

Verse: 7   Link to sept   եւ գնացին յերկիրն եգիպտացւոց, վ(ա)ս(ն) չլսելոյ ձայնի տ(եառ)ն. եւ չոգա́ն ՛ի տափնաս։

Verse: 8   Link to sept   Եւ եղեւ բան տ(եառ)ն առ երեմիա ՛ի տափնաս՝ եւ ասէ։

Verse: 9   Link to sept   Ա́ռ դու քեզ քարինս մեծամեծս, եւ թաղեա́ զնոսա յաղիւսադրա́նն թաքըստեան, ՛ի մուտս ապարանիցն փարաւոնի ՛ի տափնաս առաջի արանցդ յուդայ,

Verse: 10   Link to sept   եւ ասասցես ցն(ո)ս(ա). Այսպէս ասէ տ(է)ր զօրութե(ան)ց ա(ստուա)ծ ի(սրայէ)լի. ահաւասիկ ես առաքեմ՝ եւ ածեմ զնաբուքոդոնոսոր արքայ բաբելացւոց զծառայ իմ, եւ արկցէ զաթոռ իւր ՛ի վերայ քարանցդ այդոցիկ զորս ծածկեցեր. եւ առցէ զզէն իւր զինքեամբ ՛ի վ(ե)ր(այ) դոցա։

Verse: 11   Link to sept   եւ մտցէ հարցէ զերկիրդ եգիպտացւոց, զոր ՛ի մահ՝ ՛ի մահ, եւ զոր ՛ի գերու(թ)ի(ւն)՝ ՛ի գերութի(ւն), եւ զոր ՛ի սուր՝ ՛ի սուր։

Verse: 12   Link to sept   Եւ արկցէ հուր ՛ի տուն աստուածոց ն(ո)ց(ա)՝ եւ այրեսցէ զն(ո)ս(ա), եւ տարցի գերի։ եւ որոնեսցէ զերկիրդ եգիպտացւոց. ո(ր)պ(էս) որոնեսցէ հովիւ զհանդերձս իւր, եւ ելցէ այտի խաղաղու(թեամ)բ։

Verse: 13   Link to sept   եւ խորտակեսցէ զսիւնս արեգ քաղաքի, որ է յերկրիդ եգիպտացւոց, եւ զմեհեանս դից նոցա այրեսցէ́ հրով։



Chapter: 44  
ԳԼ(ՈՒԽ) Խ՜Դ.


Verse: 1   Link to sept   Բանն տ(եառ)ն որ եղեւ առ երեմիայ, ՛ի վ(ե)ր(այ) ա(մենայ)ն հրէիցն որ բնակեալ էին յերկրին եգիպտացւոց, եւ որք նստէին ՛ի մագդովղ, եւ ՛ի տափնաս, եւ ՛ի մեմփիս, եւ յերկրին պաթուրէս. եւ ասէ։

Verse: 2   Link to sept   Ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. դուք ինքնին իսկ գիտէք զա(մենայ)ն չարիս զոր ածի ՛ի վ(ե)ր(այ) ե(րուսաղէ)մի, եւ ՛ի վ(ե)ր(այ) ա(մենայ)ն քաղաքացն հրեաստանի. եւ ահա կան աւերակ այսօր ՛ի բնակչաց,

Verse: 3   Link to sept   յերեսաց չարեաց իւրեանց զոր արարին ՛ի դառնացուցանել զիս։ զի գնացին խո́ւնկս արկանել եւ պաշտել զաստուածս օտարս։, զոր ո́չ գիտէիք դուք եւ հարքն ձեր։

Verse: 4   Link to sept   Եւ առաքեցի առ ձեզ զա(մենայ)ն զծառայս իմ զմարգարէս ընդ առաւօտս առաւօտս, եւ ասէի՝ մի́ գործէք զիրս պղծու(թ)ե(ան)դ այդորիկ զոր ատեցի։

Verse: 5   Link to sept   Եւ ո́չ լուան ինձ, եւ ո́չ խոնարհեցուցին զունկն իւրեանց դառնա́լ ՛ի չարեացն իւրեանց՝ չարկանել խունկս աստուածոց օտարաց։

Verse: 6   Link to sept   եւ կաթեաց բարկութի(ւն) սրտմտու(թ)ե(ան) իմոյ, եւ բորբոքեցաւ ՛ի դրունս յուդայ՝ եւ արտաքոյ ե(րուսաղէ)մի, եւ եղեն յաւեր եւ յանապա́տ ո(ր)պ(էս) եւ այսօր։

Verse: 7   Link to sept   Եւ արդ ա́յսպէս ասէ տ(է)ր սաբաւովթ՝ ա(ստուա)ծ ի(սրայէ)լի. ընդէ՞ր առնէք դուք չարիս մեծամեծս յանձինս ձեր, սատակել զձեր զայր եւ զկին, եւ զմանուկ ստինդիացս ՛ի միջոյ յուդայ, առ ՛ի չմնալոյ ումեք ՛ի ձէնջ.

Verse: 8   Link to sept   դառնացուցանել զիս գործովք ձեռաց ձերոց, արկանել խունկս աստուածոց օտարաց յերկրիդ եգիպտացւոց, յոր դուք մտէք բնակել այդր. զի սատակիցիք՝ եւ լինիցիք յանէծս եւ ՛ի նախատինս ընդ ա(մենայ)ն ազգս երկրի։

Verse: 9   Link to sept   առ ՛ի չմոռանալոյ ձեզ զչարիս հարցն ձերոց, եւ զչարիս թագաւորացն յուդայ, եւ զչարիս կանանց ն(ո)ց(ա). եւ զչարիս ձեր, եւ զչարիս կանանց ձերոց. զոր արարին յերկիրն յուդայ եւ արտաքոյ ե(րուսաղէ)մի։

Verse: 10   Link to sept   եւ ո́չ դադարեցին մինչեւ ցայսօր, եւ ո́չ երկեան, եւ ո́չ կացին յօրէնս իմ եւ ՛ի հրամանս զոր ետու առաջի երեսաց ձերոց, եւ առաջի երեսաց հարցն ձերոց։

Verse: 11   Link to sept   Վ(ա)ս(ն) այնորիկ ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. ահաւասիկ ես հաստատեմ զերեսս իմ ՛ի վ(ե)ր(այ) ձեր ՛ի չարիս, սատակե́լ զա(մենայ)ն զյուդայ։

Verse: 12   Link to sept   Եւ առցեն զմնացորդս յուդայ՝ որ գէմ եդին մտանել յերկիրս եգիպտացւոց բնակել աստ, կորուսանե́լ զա(մենայ)ն մնացորդս որ են յեգիպտոս. եւ անկցին ՛ի սուր, եւ սատակեսցին սովով, ՛ի փոքուէ մինչեւ ցմեծամեծս՝ սրով եւ սովով մեռանիցին. եւ եղիցին ՛ի նզովս եւ ՛ի կորուստ՝ եւ յանէծս եւ ՛ի նախատինս։

Verse: 13   Link to sept   Եւ ա́յց արարից ՛ի վ(ե)ր(այ) ն(ո)ց(ա) որ նստին յերկրիդ եգիպտացւոց. ո(ր)պ(էս) արարի ա́յց ե(րուսաղէ)մի սրով եւ սովով եւ մահուամբ։

Verse: 14   Link to sept   եւ ո́չ ոք ապրեսցի ՛ի մնացորդացդ յուդայ, որ բնակեալ են յերկրիդ եգիպտացւոց՝ դառնալ յերկիրն յուդայ որում ա́կն ունէին յանձինս իւրեանց դառնա́լ բնակել անդ. եւ մի́ դարձցին բայց միայն ապրեալքն։

Verse: 15   Link to sept   Եւ պատասխանի ետուն երեմիայի ա(մենայ)ն արք որք գիտէին՝ թէ արկանեն խունկս կանայք իւրեանց աստուածոց օտարաց. եւ ա(մենայ)ն կանայք որք կային անդ ժողովք մեծամեծք, եւ ա(մենայ)ն ժողովուրդն որ բնակեալ էին յերկրին եգիպտացւոց ՛ի պաթուրէս՝ եւ ասեն։

Verse: 16   Link to sept   Բանիդ զոր խօսեցար առ մեզ յանուն տ(եառ)ն՝ ո́չ լուիցուք։

Verse: 17   Link to sept   զի առնելով արասցո́ւք զա(մենայ)ն բան որ ելանէ ՛ի բերանոյ մերմէ. արկանե́լ խունկս տիկնոջն երկնից, եւ նուիրել նմա նուէրս, ո(ր)պ(էս) արարաք մեք եւ հարքն մեր. եւ թագաւորքն մեր, եւ իշխանքն մեր՝ ՛ի քաղաքս յուդայ եւ արտաքոյ ե(րուսաղէ)մի, եւ էաք հացալիցք եւ փափկացեալք. եւ չա́ր ինչ ո́չ տեսանէաք։

Verse: 18   Link to sept   եւ իբրեւ դադարեցաք յարկանելոյ խունկս տիկնոջն երկնից, եւ նուիրելոյ նմա նուէրս, նուազեցաք յա(մենայ)նէ, եւ սրով եւ սովով սատակեցաք։

Verse: 19   Link to sept   Եւ զի մե́ք արկաք խունկս տիկնոջն երկնից, եւ նուիրեցաք նմա նուէրս. միթէ առանց արա՞նց մերոց արարաք նմա հաստեայս եւ կարկանդակս, եւ նուիրեցաք նմա նուէրս։

Verse: 20   Link to sept   Ե́տ պատասխանի երեմիա ա(մենայ)ն զօրաւորաց ժողովրդեանն հանդերձ կանամբքն, եւ ամենայն ժողովրդեանն որ ետուն նմա զայն բանս պատասխանի՝ եւ ասէ։

Verse: 21   Link to sept   Ոչ ապաքէն զխո՞ւնկսն զոր արկանէիք ՛ի քաղաքսն յուդայ եւ արտաքոյ ե(րուսաղէ)մի. դո́ւք եւ հարք ձեր եւ թագաւորքն ձեր եւ իշխանքն ձեր եւ ժողովուրդ երկրին, յիշեաց տ(է)ր՝ եւ անկաւ ՛ի սիրտ նորա։

Verse: 22   Link to sept   եւ ո́չ կարաց տ(է)ր համբերել յերեսաց չարա́ց իրաց ձերոց, եւ գարշելեացն զոր առնէիք. եւ եղեւ երկիրն ձեր յաւերակ, եւ յանապատ, եւ ՛ի նզովս առ ՛ի չգոյէ բնակչաց ո(ր)պ(էս) այսօր. յերեսաց դոցա

Verse: 23   Link to sept   որոց խունկսդ արկանէքդ՝ եւ որովք մեղանչէք տ(եառ)ն. եւ ո́չ լսէք ձայնի տ(եառ)ն. եւ ըստ օրինաց ն(ո)ր(ա) եւ ըստ վկայու(թ)ե(ան)ց, եւ ըստ հրամանաց ն(ո)ր(ա) ո́չ գնայք. վ(ա)ս(ն) այնորիկ գտին զձեզ չարիքդ այդոքիկ ո(ր)պ(էս) եւ այսօրդ։

Verse: 24   Link to sept   Եւ ասէ երեմիա ցա(մենայ)ն ժողովուրդսն, եւ ցա(մենայ)ն կանայսն. լուարո́ւք զպատգամս տ(եառ)ն ա(մենայ)ն յուդայ, որ էք յերկրիս եգիպտացւոց։

Verse: 25   Link to sept   Ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. դո́ւք եւ կանայք ձեր խօսեցարուք բերանովք ձերովք, եւ ձեռօք ձերովք վճարեցէք։ ասէք՝ առնելով արասցուք զդաւանու(թ)ի(ւն)ն մեր զոր դաւանեցաք՝ արկանել խունկս տիկնոջ երկնից, եւ նուիրել նուէրս. եւ կալով կացէք ՛ի դաւանու(թ)ե(ա)ն ձերում, եւ առնելով արարէք զուխտն ձեր։

Verse: 26   Link to sept   Վասն այդորիկ լուարո́ւք զպատգամ տ(եառ)ն ա(մենայ)ն յուդայ որ բնակեալդ էք յերկրիդ եգիպտացւոց։ ահաւասիկ երդուայ յանձն իմ մեծ՝ ասէ տ(է)ր ա(ստուա)ծ. եթէ կոչեսցի́ եւս անուն իմ ՛ի բերանոյ ա(մենայ)ն առն յուդայ, ասել թէ կենդանի́ է տ(է)ր յա(մենայ)ն երկիրս եգիպտացւոց։

Verse: 27   Link to sept   զի ահաւասիկ ես զարթուցեալ եմ ՛ի վ(ե)ր(այ) դոցա չարչարել զդոսա, եւ ո́չ առնել բարի։ Եւ սատակեսցին ա(մենայ)ն արք յուդայ որ բնակեալ են յերկրիդ եգիպտաւոց սրով եւ սովով, մինչեւ նուազեսցին։

Verse: 28   Link to sept   եւ ապրեալքն ՛ի սրոյ՝ դարձցին յերկրէս եգիպտացւոց յերկիրն յուդայ՝ արք սակա́ւք թուով։ Եւ ծանիցեն ա(մենայ)ն մնացորդքն յուդայ որ բնակեալ են յերկրիդ եգիպտացւոց, թէ ո՞յր բան կայ, ի՞մ թէ ն(ո)ց(ա)։

Verse: 29   Link to sept   եւ ա́յո ձեզ նշանակ՝ ասէ տ(է)ր, եթէ արարից ձեզ ա́յց ՛ի տեղւոջդ յայդմիկ. զի գիտասջիք եթէ կալով կայցեն բանք իմ ՛ի վ(ե)ր(այ) ձեր ՛ի չարիս։

Verse: 30   Link to sept   Ա́յսպէս ասէ տ(է)ր. ահաւասիկ ես տաց զփարաւոն վափառ արքայ եգիպտացւոց ՛ի ձեռս թշնամւոյ իւրոյ, եւ ՛ի ձեռս խնդրողաց անձին իւրոյ. ո(ր)պ(էս) ետու զսեդեկիա արքայ ՛ի ձեռս նաբուքոդոնոսորայ արքայի բաբելացւոց թշնամւո́յ իւրոյ, եւ խնդրողի անձին ն(ո)ր(ա)։



Chapter: 45  
ԳԼ(ՈՒԽ) Խ՜Ե.


Verse: 1   Link to sept   Բանն զոր խօսեցաւ երեմիա մարգարէ՝ առ բարուք որդի ներեայ. յորժամ գրեաց զբանսս զայսոսիկ ՛ի մատենի ՛ի բերանոյ երեմիայի, յամին չոորորդի յովակիմայ որդւոյ յովսիայ արքայի յուդայ Ա́յսպէս ասէ տ(է)ր ա(ստուա)ծ ի(սրայէ)լի՝ ՛ի վ(ե)ր(այ) քո բարուք.

Verse: 2   Link to sept   որ ասացեր թէ վա́յ ինձ, զի յաւել տ(է)ր աշխատու(թ)ի(ւն) ՛ի վ(ե)ր(այ) ցաւոց իմոց. ննջեցի հեծութ(եամ)բք, եւ հանգիստ ո́չ գտի։

Verse: 3   Link to sept   Ա́յսպէս ասասցես ցնա։ ա́յսպէս ասէ տ(է)ր. ահա զոր ես շինեցի, ես ինձէն քակեցից, եւ զոր ես տնկեցի, ես ինձէն խլեցից՝ զա(մենայ)ն զերկիրն զայն։

Verse: 4   Link to sept   Եւ դու խնդրես քեզ մեծամե՞ծս. մի́ խնդրեր. զի ահա ես ածից չարիս ՛ի վ(ե)ր(այ) ա(մենայ)ն մարմնոյ՝ ասէ տ(է)ր. եւ տաց քեզ զանձն քո ՛ի գի́ւտս յա(մենայ)ն տեղւոջ ուր եւ երթայցես անդր։



Chapter: 46  
ԳԼ(ՈՒԽ) Խ՜Զ.


Verse: 1   Link to sept   ՛Ի վ(ե)ր(այ) եգիպտոսի։ Բա́նն տ(եառ)ն՝ որ եղեւ առ երեմիա մարգարէ ՛ի վ(ե)ր(այ) ա(մենայ)ն ազգացն եգիպտացւոց։

Verse: 2   Link to sept   եւ ՛ի վ(ե)ր(այ) զօրացն փարաւովնի նեքաւովայ արքային եգիպտացւոց, որ էր առ եփրատ գետով ՛ի քարքամիս. զոր եհար նաբուքոդոնոսոր արքայ բաբելացւոց. յամին չորրորդի յովակիմայ որդւոյ յովսիայ արքայի́ հրէաստանի։

Verse: 3   Link to sept   Առէ՞ք զէն եւ վահանս. մատերո́ւք ՛ի պատերազմ։

Verse: 4   Link to sept   կազմեցէ՞ք զերիվարս. հածարո՞ւք սպառազէնք. դի՞ք զսաղաւարտ. առէ՞ք յառաջ զգւղարդունս. զգեցարո՞ւք զզրահս ձեր։

Verse: 5   Link to sept   Իսկ այդ զի՞նչ է։ դա՝ աւադիկ զարհուրեալ իմն են, եւ յետս ընդդէմ շարժին, զի զօրաւորք ն(ո)ց(ա) հարան. ՛ի փախուստ կացին, եւ ո́չ դարձցին ՛ի դոցանէ պատեալքն շուրջանակի՝ ասէ տ(է)ր։

Verse: 6   Link to sept   Մի́ փախիցէ թեթեւն, եւ մի́ ապրեսցի հզօրն. ՛ի կողմանս հիւսւսոյ առ եփրատ գետով տկարացան, կործանեցան։

Verse: 7   Link to sept   Ո՞վ է սա որ իբրեւ զգետ յարուցեալ է, եւ իբրեւ զգետս կուտակեալս ջուր զջուրբք։

Verse: 8   Link to sept   ջուրքն եգիպտացւոց իբրեւ զգե́տ ելանէ, եւ իբրեւ զգետ խռովին ջուրք ն(ո)ր(ա). եւ ասէ, ելի́ց եւ ծածկեցից զերկիր, կորուսից զքաղաքս եւ զբնակիչս ն(ո)ր(ա)։

Verse: 9   Link to sept   Հեծեալք յերիվարս, կազմեցէ́ք կառս, ելէ́ք պատերազմօղք եթւովպացւոց. եւ լիբէացիք վառեալք զինու. եւ լիդացիք ելէ́ք լարեցէ́ք զաղեղունս։

Verse: 10   Link to sept   Զի օրն այն տ(եառ)ն ա(ստուծո)յ մերոյ, օր վրէժխնդրու(թ)ե(ան) է, առնուլ վրէ́ժ ՛ի թշնամեաց իւրոց. եւ կերիցէ́ սուր եւ յագեսցի, եւ արբեսցի յարենէ ն(ո)ց(ա)։ զի զոհ տ(եառ)ն զօրութե(ան)ց է յերկրէն հիւսւսոյ ՛ի վ(ե)ր(այ) գետոյն եփրատայ։

Verse: 11   Link to sept   Ե́լ ՛ի գաղաադ, եւ առ դե́ղ ռետին կուսի դստերն եգիպտացւոց. ՛ի զո́ւր յաճախեցեր զբժշկութի(ւն)ս քո, եւ օգուտ չի́ք ուստեք քեզ։

Verse: 12   Link to sept   Լուա́ն զգոյժ քո ազգք, եւ աղաղակաւ քով լի́ եղեւ երկիր. զի պատերազմօղ առ պատերազմողի տկարացա́ւ, եւ անկան երկոքեան ՛ի միասին։

Verse: 13   Link to sept   Բանն զոր խօսեցաւ տ(է)ր ՛ի ձեռն երեմիայ մարգարէի ՛ի գա́լ նաբուքոդոնոսորայ արքային բաբելացւոց, հարկանել զերկիրն եգիպտացւոց։

Verse: 14   Link to sept   Գո́յժ արարէք յեգիպտոս, եւ հնչեցէ́ք ՛ի մագդող, եւ պատուէ́ր տուք ՛ի մեմփիս, ա́զգ արարէք ՛ի սափնաս. թէ արի́ եւ պատրաստեա́ց, զի եկե́ր սուր զուռս քո։

Verse: 15   Link to sept   ՛ի փախո́ւստ դարձաւ ցուլն քո ընտիր, ո́չ մնաց՝ զի տ(է)ր լքոյց զնա։

Verse: 16   Link to sept   Եւ բազմու(թ)ի(ւն)ն տկարացաւ, եւ անկան իւրաքանչիւր առ ընկերի իւրում։ եւ ասեն, արի́ք եւ դարձցուք առ իւրաքանչիւր ժողովուրդ մեր, եւ յիւրաքանչիւր աշխարհ իւր՝ յերեսաց յունական սրոյն։

Verse: 17   Link to sept   Կոչեցէ́ք զանուն փառաւովնի արքային եգիպտացւոց՝ սաովն, եւ եբիր, եւ մովեդ։

Verse: 18   Link to sept   Կենդանի́ եմ ես՝ ասէ տ(է)ր, որոյ թագաւոր զօրութե(ան)ց անուն է ն(ո)ր(ա). զի իբրեւ զգահաւանդակ ՛ի լերինս, եւ իբրեւ զկարմելոս ՛ի ծովո́ւ եկեսցէ։

Verse: 19   Link to sept   Հանդերձ գերութե(ան) արա քեզ բնակեալ դուստրդ եգիպտացւոց. զի մեմփիս յապականութի́(ւն) եղիցի, եւ կոչեսցի նմա վա́յ առ չգոյէ բնակչաց ն(ո)ր(ա)։

Verse: 20   Link to sept   երինջ զարդարեալ գեղեցիկ՝ եգիպտոս։ Հա́տ հատաւ ՛ի հիւսւսոյ՝ եկն ՛ի վ(ե)ր(այ) ն(ո)ր(ա).

Verse: 21   Link to sept   եւ վարձկանք ն(ո)ր(ա) ՛ի նմա իբրեւ եզինք պարարակք. զի եւ նոքա ՛ի փախո́ւստ դարձան առհասարակ, եւ ո́չ հանդարտեցին. զի օր կորստեան եկն ՛ի վ(ե)ր(այ) ն(ո)ց(ա), եւ ժամանակ վրէժխնդրութե(ան)։

Verse: 22   Link to sept   Ձա́յն ն(ո)ր(ա) իբրեւ զօձի́ որ շչիցէ, զի ընդ աւազ գնայցեն։ տապարաւորք եկեսցեն ՛ի վ(ե)ր(այ) ն(ո)ր(ա) իբրեւ զփայտահարս։

Verse: 23   Link to sept   հարէ́ք զանտառս ն(ո)ր(ա)՝ ասէ տ(է)ր ա(ստուա)ծ՝ զորոյ ո́չոք առնուցու զչափ. զի բազմասցի առաւել քան զմարախ, եւ ո́չ է ն(ո)ց(ա) թիւ։

Verse: 24   Link to sept   Յամօ́թ եղեւ դուստրն եգիպտացւոց. մատնեցաւ ՛ի ձեռս հիւսւսային զօրացն։

Verse: 25   Link to sept   Ասէ տ(է)ր զօրութե(ան)ց ա(ստուա)ծ ի(սրայէ)լի. ահաւասիկ ես խնդրեցից զվրէժ յամովնայ որդւոյ ն(ո)ր(ա). ՛ի փարաւոնէ, եւ յեգիպտացւոց, եւ ՛ի գից ն(ո)ց(ա), եւ ՛ի թագաւորաց ն(ո)ր(ա). եւ ՛ի փարաւովնէ́ եւ ՛ի յուսացելո́ց ՛ի նա։

Verse: 26   Link to sept   եւ մատնեցից զն(ո)ս(ա) ՛ի ձեռս խնդողա́ց անձանց ն(ո)ց(ա), եւ ՛ի ձեռս նաբուքոդոնոսորայ արքային բաբելացւոց, եւ ՛ի ձեռս ծառայից ն(ո)ր(ա)։ Եւ յետ այնորիկ բնակեսցէ իբրեւ զառաջինն՝ ասէ́ տ(է)ր։

Verse: 27   Link to sept   Բայց դու մի́ երկնչիցիս ծառայ իմ յակոբ. եւ մի զարհուրիցիս ի(սրայ)էլ. զի ահաւասիկ ես զերծուցանեմ զքեզ ՛ի հեռաստանէ, եւ զզաւակ քո ՛ի գերութ(են)է ն(ո)ց(ա)։ եւ դարձցի յակովբ եւ դադարեսցէ, եւ ննջեսցէ. եւ ո́չոք իցէ որ լլկիցէ զնա։

Verse: 28   Link to sept   Եւ դու մի́ երկնչիր ծառայ իմ յակոբ՝ ասէ տ(է)ր. զի ես ընդ քե́զ եմ, թէ արարից վախճան ա(մենայ)ն ազգաց ուր ցրուեցի զքեզ անդր, այլ քեզ ո́չ արարից վախճան։ եւ խրատեցից զքեզ յիրաւունս, եւ քաւելով ո́չ քաւեցից զքեզ։



Chapter: 47  
ԳԼ(ՈՒԽ) Խ՜Է.


Verse: 1   Link to sept   ՛Ի վերայ Այլազգեաց։ Բանն տ(եառ)ն՝ որ եղեւ առ երեմիա մարգարէ ՛ի վ(ե)ր(այ) այլազգեաց, մինչչե́ւ հարեալ էր փարաւոնի զգազա։

Verse: 2   Link to sept   Ա́յսպէս ասէ տ(է)ր. ահաւադիկ ջուրք ելանեն ՛ի հիւսւսոյ, եւ եղիցին հեղեղատք յողողանել, եւ ողողեսցեն զերկիրն լրիւ իւրով, զքաղաքն եւ զբնակիչս ն(ո)ր(ա)։ Բողո́ք բաձցեն մարդիկ, եւ աղաղակեսցեն ա(մենայ)ն բնակիչք երկրին,

Verse: 3   Link to sept   ՛ի ձայնէ́ ասպատակի ն(ո)ր(ա), ՛ի զինուց ոտից ն(ո)ր(ա), եւ ՛ի շաչելոյ կառաց ն(ո)ր(ա), եւ ՛ի շառաչելոյ անուոցն ն(ո)ր(ա)։ Եւ ո́չ դարձցին հարք առ որդիս իւրեանց ՛ի լքմանէ ձեռաց իւրեանց՝

Verse: 4   Link to sept   յաւուրն յորում գայցէ կորուսանել զա(մենայ)ն այլազգիսն։ Եւ կորուսից զծո́ւր եւ զծայդան, եւ զա(մենայ)ն մնացորդս օգնականութե(ան) ն(ո)ց(ա)։ եւ սատակեսցէ տ(է)ր զայլազգիս զմնացորդս կղզեացն՝ եւ զգամրաց։

Verse: 5   Link to sept   Հասցէ́ կնգութի(ւն) ՛ի վ(ե)ր(այ) գազայ. կործանեցաւ ասկաղոն, եւ մնացորդքն ենակիմայ։ մինչեւ յե՞րբ կոտորեսցես

Verse: 6   Link to sept   սուրդ տ(եառ)ն. մինչեւ ցե՞րբ ո́չ դադարիցես. դարձի́ր ՛ի պատեանս քո, դադարեա՝ եւ վերացի́ր։

Verse: 7   Link to sept   Զիա՞րդ դադարիցէ. զի տ(է)ր հրամայեաց զնա ՛ի վ(ե)ր(այ) ասկաղովնի, եւ ՛ի վ(ե)ր(այ) ծովեզերեայցն մնացելոց զարթնուլ։



Chapter: 48  
ԳԼ(ՈՒԽ) Խ՜Ը.


Verse: 1   Link to sept   ՛Ի վ(ե)ր(այ) Մովաբու։ Ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. վա́յ ՛ի վերայ նաբաւայ, զի կորեաւ։ յամօ́թ եղեւ՝ առաւ կարիաթեմ. յամօ́թ եղեւ մասոգամբ. ՛ի պարտութի(ւն) մատնեցաւ։

Verse: 2   Link to sept   Եւ ո́չ եւս իցեն պարծանք մովաբու յեսեբոն. խորհեցաւ ՛ի վ(ե)ր(այ) ն(ո)ր(ա) չարիս. եկա́յք հարցուք զնա յազգէ եւ լռելով լռեսցէ, զկնի քո շրջեսցի հուր։

Verse: 3   Link to sept   Զի գո́յժ գուժողաց յորովնաիմայ. սատակումն ՛ի բեկումն մեծ

Verse: 4   Link to sept   բեկաւ մովաբ։ գո́յժ տուք ՛ի զոգովր.

Verse: 5   Link to sept   զի լցա́ւ աղովթ լալովք։ ելցէ́ լալով ընդ ճանապարհն որովնայիմայ։ Տագնա́պ եւ գոյժ բեկման լուայ։

Verse: 6   Link to sept   փախերո́ւք՝ եւ ապրեցուցէ́ք զանձինս ձեր. եւ եղիջիք իբրեւ զցիռ յանապատի։

Verse: 7   Link to sept   Քանզի յուսացեալ էիր յամուրս քո. եկեսցեն նեզու(թ)ի(ւն)ք եւ դու ըմբռնեսցիս, եւ ելցէ քամովս ՛ի գերու(թ)ի(ւն), քուրմք ն(ո)ր(ա) եւ իշխանք ն(ո)ր(ա)։ միանգամայն

Verse: 8   Link to sept   հասցէ սատակումն ՛ի վ(ե)ր(այ) ա(մենայ)ն քաղաքաց. եւ մի քաղաք մի́ ապրեսցի, եւ կորիցէ բնակիչ՝ եւ սատակեսցի դաշտականն։ Ա́յսպէս ասէ տ(է)ր.

Verse: 9   Link to sept   տո́ւք նշանակ մովաբու. զի տոչորելով տոչորեսցի, եւ ա(մենայ)ն քաղաքք նորա յանապատ եղիցին առ ՛ի չգոյէ բնակչաց։

Verse: 10   Link to sept   Անիծեա́լ լիցի որ գործէ զգործ տ(եառ)ն հեղգու(թեամ)բ. եւ անիծեա́լ լիցի որ վերացուսցէ զսուր իւր յարենէ ն(ո)ր(ա)։

Verse: 11   Link to sept   Հանգուցեալ էր ՛ի մանկութ(են)է իւրմէ մովաբ. եւ յուսացեալ էր ՛ի փառս իւր. եւ ո́չ թափեալ աման յամանոյ, եւ ո́չ երթեալ ՛ի գերու(թ)ի(ւն). վ(ա)ս(ն) այնորիկ կայր հա́մ ն(ո)ր(ա) ՛ի նմին, եւ հոտ ն(ո)ր(ա) ո́չ պակասեաց։

Verse: 12   Link to sept   Վ(ա)ս(ն) այնորիկ ահա աւուրք գան՝ ասէ տ(է)ր, եւ առաքեցից նմա կորացուցիչս, եւ կորացուսցեն զնա. եւ զանօթս ն(ո)ր(ա) մանրեսցեն, եւ զամանս ն(ո)ր(ա) փշրեսցեն։

Verse: 13   Link to sept   եւ ամաչեսցէ մովաբ ՛ի քամովսայ, ո(ր)պ(էս) ամաչեաց տունն ի(սրայէ)լի ՛ի բեթելայ յուսո́յն իւրեանց։

Verse: 14   Link to sept   Զիա՞րդ ասիցէք թէ հզօրք եմք, եւ արք զօրաւարք պատերազմի։

Verse: 15   Link to sept   կորեաւ մովաբ՝ եւ քաղաք ն(ո)ր(ա) եւ ընտիր երիտասարդք ն(ո)ր(ա) անկան ՛ի սպանումն. ասէ արքայ՝ որոյ տ(է)ր զօրութե(ան)ց անուն է ն(ո)ր(ա)։

Verse: 16   Link to sept   Մե́րձ է ՛ի հասանել օր մովաբու, եւ չարիք ն(ո)ր(ա) արագեն յոյժ։

Verse: 17   Link to sept   խախտեցէ́ք զնա շուրջանակի. ամենեքին ոյք գիտէք զանուն ն(ո)ր(ա), ասացէ́ք՝ զիա՞րդ խորտակեցաւ ցուպն գեղեցիկ, գաւազանն մեծարանաց։

Verse: 18   Link to sept   Է́ջ ՛ի փառաց, եւ նի́ստ ՛ի գիջի ետեղակալ դուստրդ դեբովնայ, Ի կորեաւ մովաբ. եհաս ապականիչ ամրոցաց քոց։

Verse: 19   Link to sept   Կա́ց յանցս ճանապարհաց եւ հայեա́ց՝ որ նստիսդ յարովէր, եւ հա́րց ցփախստականս՝ եւ ցապրեալս, եւ ասասջի́ր զի՞նչ գործեցաւ։

Verse: 20   Link to sept   Յամօ́թ եղեւ մովաբ զի խորտակեցաւ. Ճչեա́ եւ աղաղակեա́ եւ գո́յժ տուր յառնովն՝ թէ կորեաւ մովաբ։

Verse: 21   Link to sept   Եւ դատաստանք հասեալ գոն յերկրին միովրայ, ՛ի քիլովն եւ յասա, եւ ՛ի մովփաթ,

Verse: 22   Link to sept   եւ ՛ի դեբոն, եւ ՛ի նաբաւ, եւ ՛ի տունն դերզաթեմայ։

Verse: 23   Link to sept   եւ ՛ի կարաթեմ, եւ ՛ի տունն գամովղայ, եւ ՛ի տունն մաւովնայ,

Verse: 24   Link to sept   եւ ՛ի կարիաւովթ. եւ ՛ի բոսոր, եւ յա(մենայ)ն քաղաքս երկրիդ մովաբայ ՛ի հեպաւորս եւ ՛ի մերձաւորս։

Verse: 25   Link to sept   Խորտակեցաւ եղջեւրն մովաբու, եւ յանդգնութի(ւն) նորա խորտակեցաւ՝ ասէ տ(է)ր։

Verse: 26   Link to sept   Արբեցուցէ́ք զնա, զի ՛ի վերայ տ(եառ)ն մեծաբանեաց. ծափղծափի́ հարցէ́ մովաբ, եւ եղիցի ՛ի կատակա́նս եւ ինքն։

Verse: 27   Link to sept   Զի ո́չ եթէ ՛ի ծաղր ինչ էր քեզ ի(սրայ)էլ, եւ ՛ի գոզոնս գտան. յորժամ մարտնչէիր ընդ նմա նովա́ւ գերեսցիս։

Verse: 28   Link to sept   Թողին զքաղաքս՝ եւ բնակեցան ՛ի քարածե́րպս բնակիչք մովաբու. եղեն իբրեւ զաղաւնիս բունեալք ՛ի քարածերպս եւ ՛ի բերանս սորոց։

Verse: 29   Link to sept   Լուա́յ զհպարտու(թ)ի(ւն)ն մովաբու. զի հպարտացա́ւ յոյժ բարձրութի(ւն) ն(ո)ր(ա)՝ եւ հպարտու(թ)ի(ւն) իւր՝ եւ ամբարտաւանութի(ւն) իւր։ եւ բարձրացաւ սիրտ ն(ո)ր(ա).

Verse: 30   Link to sept   եւ ես ծանեայ զգործս ն(ո)ր(ա)։ ոչ ապաքեն ըստ կարի՞ ն(ո)ր(ա) իցեն բազուկք նորա. այլ նա ո́չ այնպէս արար։

Verse: 31   Link to sept   Վ(ա)ս(ն) այնորիկ ճի́չ բարձէք ՛ի վ(ե)ր(այ) մովաբու. գուժեցէ́ք յա(մենայ)ն կողմանց մովաբու. ՛ի վ(ե)ր(այ) արանց խզելոց՝ փետելոց՝ մրելոց։

Verse: 32   Link to sept   եւ մրմնջեսցէ իբրեւ զլալիւնն յազերայ։ լացցուք զքեզ այգիդ սաբեմայ. բարունակք քո ձգեցան ընդ ծով. քաղաքք յազերայ հասին ՛ի վ(ե)ր(այ) մրգոց քոց, եւ ՛ի վ(ե)ր(այ) կթոց քոց եհաս սատակումն։

Verse: 33   Link to sept   Մաշեցա́ւ ուրախու(թ)ի(ւն) եւ ցնծութի(ւն) ՛ի կարմելայ՝ եւ յերկրէն մովաբացւոց։ գինի́ էր ՛ի հնծանս քո. ընդ առաւօտս ո́չ կոխեցին, եւ ընդ երեկս ո́չ հանին զձայն հնծանահարաց։

Verse: 34   Link to sept   յաղաղակէն յեսեբոնայ մինչեւ յելելայ եւ մինչեւ յասսա. քաղաքք ն(ո)ց(ա) ետուն զձայնս իւրեանց ՛ի սեգովրայ մինչեւ յերովնայիմ, եւ գո́յժ ՛ի սալեսայ. զի եւ ջուրն եբերիմիայ ՛ի տապ խորշակի եղիցի։

Verse: 35   Link to sept   Եւ կորուսի́ց զմովաբ՝ ասէ տ(է)ր. որ ելանէր ՛ի բագինս՝ եւ արկանէր խունկս աստուածոց օտարաց։

Verse: 36   Link to sept   Վ(ա)ս(ն) այնորիկ սիրտ իմ ՛ի վ(ե)ր(այ) մովաբու իբրեւ զփող գոչեսցէ. սիրտ իմ ՛ի վերայ արանց առ որմովքն խզելոց իբրեւ զհնչիւն փողոյ. վ(ա)ս(ն) այնորիկ զորինչ ստացաւն՝ կորեաւ ՛ի մարդկանէ։

Verse: 37   Link to sept   Ա(մենայ)ն գլուխք ընդ ա(մենայ)ն տեղիս գերծցին. եւ ա(մենայ)ն մորուք խզեսցին. եւ ա(մենայ)ն ձեռք կոծեսցին. եւ ա(մենայ)ն հասակ քրձազգածք եղիցին։

Verse: 38   Link to sept   Եւ յա(մենայ)ն տանիս մովաբայ եւ ՛ի հրապարակս ն(ո)ր(ա) ամենեւին կո́ծ. զի խորտակեցի զմովաբ իբրեւ զաման՝ որ ո́չ իմիք իցէ պիտանացու՝ ասէ տ(է)ր։

Verse: 39   Link to sept   Զիա՞րդ փոփոխեցաւ. ո́ղբս առէք. զի՞արդ դարձոյց զթիկունս իւր. ամաչեաց եւ եղեւ ՛ի ծաղր եւ ՛ի քէնս ամենեցուն որ շուրջ զնովաւ։

Verse: 40   Link to sept   Զի ա́յսպէս ասէ տ(է)ր. ահաւադիկ իբրեւ զարծու(թ)ի(ւն) դիմեսցէ, եւ տարածեսցէ զձեռս իւր ՛ի վ(ե)ր(այ)մովաբու։

Verse: 41   Link to sept   Առա́ւ կարիաւովթ, եւ ըմբռնեցան ամուրք ն(ո)ր(ա). եւ եղիցի սիրտ զօրաւորացն մովաբայ յաւուր յայնմիկ իբրեւ զսիրտ կանանց յերկունս։

Verse: 42   Link to sept   եւ կորիցէ մովաբ ՛ի բազմու(թեն)է. զի ՛ի վ(ե)ր(այ) տ(եառ)ն մեծաբանեա́ց։

Verse: 43   Link to sept   Վի́հ, եւ ա́հ, եւ որոգայթ ՛ի վերայ քո որ բնակեալդ ես ՛ի մովաբ։

Verse: 44   Link to sept   եւ որ փախիցէ յերեսաց ահին՝ անկցի ՛ի վի́հն. եւ որ եանիցէ ՛ի վհէ անտի՝ ըմբռնեսցի յորոգա́յթն. զի ածից զա(մենայ)ն ՛ի վ(ե)ր(այ) մովաբու յամին յորում հանդէ́ս արարից նմա՝ ասէ տ(է)ր։

Verse: 45   Link to sept   Եւ յարկսն յեսեբոնայ հասին փախուցեաք յորոգայթէն. զի հո́ւր ել յեսեբոնայ, եւ քննեա́ց զորդիսն ամովնայ։

Verse: 46   Link to sept   Վա́յ քեզ մովաբ, կորուսեր զժողովուրդն քամովսայ. զի առա́ն ուստերք ն(ո)ր(ա) եւ դստերք ն(ո)ր(ա) ՛ի գերութի(ւն)։

Verse: 47   Link to sept   եւ դարձուցից զգերութի(ւն)ն մովաբու յաւուրս յետինս՝ ասէ տ(է)ր։

Verse: 48   Link to sept   Մինչեւ ցա́յս վայր են դատաստանք մովաբու։



Chapter: 49  
ԳԼ(ՈՒԽ) Խ՜Թ.


Verse: 1   Link to sept   ՛Ի վ(ե)ր(այ) Որդւոցն ամովնայ։ Ա́յսպէս ասէ տ(է)ր. միթէ որդիք ո՞չ իցեն ի(սրայէ)լի. կամ յանձանձիչս ո՞չ իցէ ն(ո)ց(ա). ընդէ՞ր ամփոփեաց մեղքովմ զգադ. եւ ժողովուրդ սոցա ՛ի քաղա́քս ն(ո)ց(ա) բնակէ։

Verse: 2   Link to sept   Վ(ա)ս(ն) այդորիկ ահա աւուրք գան՝ ասէ տ(է)ր, եւլ ո́ւր արարից յռաբովթ որդւոցն ամովնայ զգո́յժ քաղաքացն. եւ եղիցին յանապա́տ եւ ՛ի կորուստ, եւ բագինք ն(ո)ց(ա) հրո́վ այրեսցին. եւ առցէ ի(սրայ)էլ զիշխանու(թ)ի(ւն) իւր՝ ասէ տ(է)ր։

Verse: 3   Link to sept   Գուժեա́ եսեբոն՝ զի կորեաւ գեհ. բողո́ք բարձէք դստերք հռաբայ. քրձազգա́ծք եղերուք՝ եւ մոլեցարո́ւք. սո́ւգ առէք՝ եւ յա́յսկոյս յայնկոյս ընթացարո́ւք զցանկովք. զի մեղքովմ ՛ի գերութի(ւն) երթիցէ, քուրմք ն(ո)ր(ա) եւ իշխանք ՛ի միասին։

Verse: 4   Link to sept   Զի՞ ցնծայցես ՛ի խորանս քո զեփ, եւ ՛ի դաշտս քո դուստր ժպրհու(թ)ե(ան). որ յուսացեալէիր ՛ի գանձս քո եւ ասէիր՝ ո՞ գայցէ ՛ի վերայ իմ։

Verse: 5   Link to sept   Ահաւասիկ ե́ս ածից ՛ի վ(ե)ր(այ) քո երկեւղ՝ ասէ տ(է)ր զօրու(թ)ե(ան)ց յա(մենայ)ն կողմանց շուրջ զքեւ բնակելոցդ. եւ ցրուեսջիք յիւրաքանչիւր կողմ. եւ ո́չոք իցէ որ ժողովիցէ զթափառականսն։

Verse: 6   Link to sept   Եւ յետ այնորիկ դարձուցից զգերութի(ւն) որդւոցն ամոնայ՝ ասէ տ(է)ր։

Verse: 7   Link to sept   ՛Ի վերայ Եդովմայ։ Ա́յսպէս ասէ տ(է)ր զօրու(թ)ե(ան)ց. ո́չեւս գոյ իմաստու(թ)ի(ւն) ՛ի թեման. կորեա́ւ խորհուրդ ՛ի հանճարեղաց. գնա́ց իմաստութի(ւն) ն(ո)ր(ա)։

Verse: 8   Link to sept   խաբեցաւ տեղի ն(ո)ր(ա)։ ծանրացուցէ́ք ՛ի նստել բնակիչք դեգանայ, զի դժուարինս արար։ ածի ՛ի վ(ե)ր(այ) ն(ո)ց(ա) ժամանակ՝ յորում ա́յց արարից նմա։

Verse: 9   Link to sept   զի կթողք հասին ՛ի վ(ե)ր(այ) քո, եւ ո́չ թողցեն ՛ի քեզ մնացորդս. իբրեւ գողք գիշերոյ դիցեն զձեռս իւրեանց ՛ի վ(ե)ր(այ) ն(ո)ց(ա)։

Verse: 10   Link to sept   Զի ես կործանեցի զեսաւ. եւ յայտնեցի զծածուկս ն(ո)ր(ա), եւ թաքչել ո́չ կարասցեն։ կորեա́ւ զաւակ ն(ո)ր(ա) ՛ի ձեռանէ եղբօր եւ դրացւոյ իւրոյ։

Verse: 11   Link to sept   եւ չի́ք մնալ որբւոյն քում թէ կեցցէ. եւ այրիք ն(ո)ց(ա) յի́ս յուսացան։

Verse: 12   Link to sept   Զի ա́յսպէս ասէ տ(է)ր. ահա որոց ո́չ էր օրէն ըմպել զբաժակն՝ արբին ըմպելով. եւ դու արդարանալով արդարանայցե՞ս. ո́չ արդարասցիս, այլ ըմպելով արբցես։

Verse: 13   Link to sept   Զի յանձն իմ երդուայ՝ ասէ տ(է)ր, թէ յապականու(թ)ի(ւն)՝ եւ ՛ի նախատինս՝ եւ յանապատս, եւ յանէ́ծս եղիցիս ՛ի մէջ բաժնի ն(ո)ր(ա), եւ ա(մենայ)ն քաղաքք ն(ո)ց(ա) եղիցին աւերակք յաւիտեան։

Verse: 14   Link to sept   Լո́ւր լուայ ՛ի տ(եառն)է, եւ հրեշտակս յազգս ազգս արձակեաց. ժողովեցարո́ւք եւ հասէ́ք ՛ի վ(ե)ր(այ) ն(ո)ր(ա). արի́ք ելէ́ք ՛ի պատերազմ։

Verse: 15   Link to sept   զի ահաւադիկ ես փոքր մեւս եւս՝ եւ տա́ց զքեզ ՛ի մէջ ազգաց արհամարհեալ ՛ի մէջ մարդկան։

Verse: 16   Link to sept   Այպանութի(ւն) քո հասոյց քեզ զայդ. լրբու(թ)ի(ւն) սրտի քոյ արար զքեզ ծակամուտ վիմաց, եւ ա́ռ զզօրու(թ)ի(ւն) բարձրացեալ բլրոյն քոյ. զի եթէ բարձրացուսցես իբրեւ զարծու(թ)ի(ւն) զբոյն քո, եւ անտի́ իջուցից զքեզ՝ ասէ տ(է)ր։

Verse: 17   Link to sept   Եւ եղիցի եդովմ յանապատ. եւ ա(մենայ)ն որ անցանիցէ ը(նդ) նա՝ զարմասցի՝, եւ շչեսցէ ՛ի վ(ե)ր(այ) ա(մենայ)ն հարուածոց ն(ո)ր(ա)։

Verse: 18   Link to sept   ո(ր)պ(էս) կործանեցաւ սոդոմ եւ գոմոր եւ բնակիչք ն(ո)ր(ա) ասէ տ(է)ր. եւ մի́ նստցի ՛ի նա մարդ՝ եւ մի́ բնակեսցէ ՛ի նմա որդի մարդոյ։

Verse: 19   Link to sept   Ահաւասիկ իբրեւ զառեւծ ելցէ ՛ի միջոյ յորդանանու ՛ի տեղին եթամմա. զի վաղվաղակի հալածական արարից զն(ո)ս(ա) ՛ի նմանէ. եւ ո՞վ է ընտրեալ ՛ի նմա, եւ ա́յց արարից նմա, կամ ո՞վ ընդդէմ դառնայցէ ինձ. կամ ո՞վ իցէ այն հովիւ որ ընդդէմ կայցէ երեսաց իմոց։

Verse: 20   Link to sept   Վ(ա)ս(ն) այդորիկ լուարո́ւք զխորհուրդ տ(եառ)ն զոր խորհեցաւ ՛ի վ(ե)ր(այ) եդովմայեցւոց, եւ զխորհուրդ ն(ո)ր(ա) զոր խորհեցաւ ՛ի վ(ե)ր(այ) բնակչաց թեմանայ։ Եթէ ո՞չ հարցին յետինք ոչխարացն, բայց եթէ յաւիտեան կայցեն քակտումն ն(ո)ց(ա)։

Verse: 21   Link to sept   ՛Ի ձայնէ կործանման ն(ո)ր(ա) շարժեցաւ երկիր. գո́յժ քո եհաս ՛ի ծով կարմիր, եւ լսելի́ եղեւ աղաղակ քո։

Verse: 22   Link to sept   ահաւանիկ իբրեւ զարծուի երեւեսցի, եւ սլասցի, եւ տարածեսցէ զթեւս իւր ՛ի վ(ե)ր(այ) ամրոցացն ն(ո)ր(ա)։ Եւ եղիցի սիրտ զօրաւորացն եդովմայ յաւուր յայնմիկ իբրեւ զսիրտս կանանց յերկունս։
Section: 43 

Verse: 23   Link to sept   ՛Ի վ(ե)ր(այ) Դամասկոսի։ Յամօ́թ եղեւ եմա́թ՝ եւ արփաթ. զի լուր չարեաց լուան, յիմարեցա́ն ՛ի ծովուն. զայրացան՝ եւ հանգչել ո́չ կարասցեն։

Verse: 24   Link to sept   Լքա́ւ դամասկոս. դարձաւ ՛ի փախուստ եւ կործանեցաւ. դողո́ւմն կալաւ զնա, եւ երկունք ճեպեցին զնա իբրեւ զծննդականի։

Verse: 25   Link to sept   եւ զիա՞րդ է. զի ո́չ թողոյր զքաղաքն իմ, զաւանն զոր սիրեցի։

Verse: 26   Link to sept   Վ(ա)ս(ն) այնորիկ անկցի́ն երիտասարդք ՛ի հրապարակս քո, եւ ա(մենայ)ն արք պատերազմօղք կործանեսցին յաւուր յայնմիկ՝ ասէ տ(է)ր զօրու(թ)ե(ան)ց։

Verse: 27   Link to sept   Ե́ս վառեցից հուր ՛ի պարիսպն դամասկոսի, եւ կերիցէ́ զհրապարակս որդւոցն ադերայ։

Verse: 28   Link to sept   ՛ի վ(ե)ր(այ)Կեդարու։ ՛Ի վ(ե)ր(այ) տիկնոջ հանգրուանին զոր եհար նաբուքոդոնոսոր արքայ բաբելացւոց։ Ա́յսպէս ասէ տ(է)ր. արի́ք ելէ́ք ՛ի վ(ե)ր(այ) կեդարու, եւ հարէ́ք զորդիսն կեդամայ։

Verse: 29   Link to sept   զխորանս ն(ո)ց(ա) եւ զխաշինս ն(ո)ց(ա). առցե́ն զհանդերձս ն(ո)ց(ա) եւ զա(մենայ)ն կահ եւ զկարասի ն(ո)ց(ա). եւ զուղտերամակս ն(ո)ց(ա) առցեն իւրեանց։ եւ կոչեցէ́ք ՛ի վ(ե)ր(այ) նոցա կորո́ւստ շուրջանակի։

Verse: 30   Link to sept   Փախուցէ́ք սաստիկ. խորեցէ́ք ՛ի նստել բնակիչք հանգրուանիդ՝ ասէ տ(է)ր. զի խորհո́ւրդ խորհեցաւ ՛ի վ(ե)ր(այ) ձեր նաբուքոդոնոսոր արքայ բաբելացւոց. խորհեցաւ ՛ի վ(ե)ր(այ) քո խորհուրդ։

Verse: 31   Link to sept   արի ե́լ ՛ի վ(ե)ր(այ) ազգին դադարելոյ որ նստի ՛ի հանգստեան՝ ասէ տ(է)ր. որոց ո́չ դրունք, եւ ո́չ նիգք, առանձին բնակեալք։

Verse: 32   Link to sept   Եւ եղիցին ուղտերամակք ն(ո)ց(ա) յաւար, եւ բազմու(թ)ի(ւն) խաշանց ն(ո)ց(ա) ՛ի կորուստ. եւ հոսեցից ը(նդ) ա(մենայ)ն հողմս զյապաւեալսն առ երեսօք, եւ յա(մենայ)ն կողմանց ն(ո)ց(ա) ածից ն(ո)ց(ա) կործանումն՝ ասէ տ(է)ր։

Verse: 33   Link to sept   Եւ եղիցի հանգրուանն բնակու(թ)ի(ւն) ջայլամանց, եւ անապատ մինչեւ յաւիտեան։ եւ մի́ բնակեսցէ ՛ի նմա մարդ, եւ մի́ նստցի ՛ի նմա որդի հողածնի։

Verse: 34   Link to sept   ՛Ի վ(ե)ր(այ) ելամայ։

Verse: 35   Link to sept   Բանն տ(եառ)ն՝ որ եղեւ առ երեմիա մարգարէ վ(ա)ս(ն) ելամայ յիսկզբան թագաւորութե(ա)ն սեդեկիայ արքայի յուդայ՝ եւ ասէ։

Verse: 36   Link to sept   Ա́յսպէս ասէ տ(է)ր զօրութե(ան)ց ա(ստուա)ծ ի(սրայէ)լի. ահաւադիկ խորտակեցա́ւ աղեղն ելամայ, իշխանութի(ւն) բռնաւորու(թ)ե(ան) ն(ո)ց(ա)։

Verse: 37   Link to sept   եւ ածից ՛ի վ(ե)ր(այ) ելամայ չորս հողմս ՛ի չորից կողմանց երկնից, եւ ցրուեցից զն(ո)ս(ա) ընդ ա(մենայ)ն հողմս ընդ այնոսիկ. եւ ո́չ իցէ ազգ յոր ո́չ հասանիցեն թափառականքն ելամայ։

Verse: 38   Link to sept   Եւ զարհուրեցուցից զն(ո)ս(ա) առաջի թշնամեաց ն(ո)ց(ա) որք խնդրէին զանձինս ն(ո)ց(ա). եւ ածից ՛ի վ(ե)ր(այ) ն(ո)ց(ա) ըստ բարկութե(ան) սրտմտութե(ան) իմոյ՝ ասէ́ տ(է)ր. եւ արձակեցից զսուր իմ զկնի ն(ո)ց(ա) մինչեւ սպառեսցէ́ զն(ո)ս(ա)։

Verse: 39   Link to sept   Արկից զաթոռ իմ յելամ, եւ կորուսի́ց անտի զթագաւորս՝ եւ զմեծամեծս՝ ասէ տ(է)ր։

Verse: 40   Link to sept   Եւ եղիցի յաւուրս յետինս դարձուցից զգերու(թ)ի(ւն) ելամայ՝ ասէ տ(է)ր։ Իսկզբան թագաւորութե(ան) սեդեկիայ արքայի եղեւ բանս այս ՛ի վ(ե)ր(այ) ելամայ։



Chapter: 50  
ԳԼ(ՈՒԽ) Ծ՜.


Verse: 1   Link to sept   ՛Ի վ(ե)ր(այ) Բաբելացւոց։ Բանն զոր խօսեցաւ տ(է)ր ՛ի վ(ե)ր(այ) բաբելոնի, առ երկիրն քաղդեացւոց ՛ի ձեռն երեմիայ մարգարէի։

Verse: 2   Link to sept   Պատմեցէ́ք յազգս՝ եւ լո́ւ արարէք. նշան կանգնեցէ́ք, լսելի́ արարէք. մի́ ծածկիցէք. ասասջի́ք առ բաբելոն. յամօ́թ եղեւ բէլ. փափուկքն աներկեւղք. մատնեցաւ մեովդաք. յամօ́թ եղեն կուռք ն(ո)ր(ա). ամաչեցին գարշելիք ն(ո)ր(ա)։

Verse: 3   Link to sept   Զի ե́լ ՛ի վ(ե)ր(այ) ն(ո)ր(ա) ա́զգ ՛ի հիւսւսոյ. նա́ դիցէ զերկիր ն(ո)ր(ա) յապականութի(ւն). եւ ո́չոք իցէ որ բնակիցէ ՛ի նմա ՛ի մարդոյ մինչեւ յանասուն. զի խախտեցան եւ գնացի́ն։

Verse: 4   Link to sept   Յաւուրսն յայնոսիկ, եւ ՛ի ժամանակին յայնմիկ ասէ տ(է)ր՝ եկեսցեն որդիքն ի(սրայէ)լի. ինքեա́նք եւ որդիքն յուդայ ՛ի միասին, շրջեսցին եւ լալով գայցեն առ տ(է)ր ա(ստուա)ծ իւրեանց, խնդրեսցեն

Verse: 5   Link to sept   մինչեւ ՛ի սիոն, հարցցեն զճանապարհէ, ա́յսր դիմեսցեն, եւ եկեսցեն՝ եւ ապաւինեսցին ՛ի տ(է)ր. զի ուխտ յաւիտենի́ց է՝ եւ ո́չ մոռասցին։

Verse: 6   Link to sept   Իբրեւ զոչխարս կորուսեալս եղեւ ժողովուրդ իմ. հովիւք ն(ո)ց(ա) մերժեցին զն(ո)ս(ա) ՛ի վ(ե)ր(այ) լերանց, մոլորեցուցին զնոսա ՛ի լեռնէ ՛ի բլուր, գնացին մոռացան զմակաղատեղս իւրեանց։

Verse: 7   Link to sept   Ամենեքեան որ գտանէին՝ սատակէին զն(ո)ս(ա)։ թշնամիք ն(ո)ց(ա) ասացին՝ մի́ ներեսցուք ն(ո)ց(ա). փոխանակ զի մեղա́ն տ(եառ)ն։ արօտք արդարութե(ան) է, եւ տ(եառ)ն որ ժողովեաց զհարսն ն(ո)ց(ա)։

Verse: 8   Link to sept   Օտարացարո́ւք ՛ի միջոյ բաբելոնի. եւ յերկրէդ բաբելացւոց ելէ́ք, եւ եղերո́ւք իբրեւ զվիշապս առաջի խաշանց։

Verse: 9   Link to sept   Զի ահաւասիկ եւ յարուցից՝ եւ ածից ՛ի վ(ե)ր(այ) բաբելացւոց զժողովս ազգաց մեծամեծաց յերկրէ հիւսւսոյ, եւ ճակատեսցին զնովաւ. եւ անտի ըմբռնեսցի։ իբրեւ նետ՝ իմաստուն պատերազմողի որ ո́չ դարձցի ունայն։

Verse: 10   Link to sept   Եւ եղիցի երկիրն քաղդեացւոց յաւար. եւ ա(մենայ)ն աւարառուքն ն(ո)ր(ա) յագեսցին՝ ասէ տ(է)ր։ զի ուրա́խ լինէիք եւ պարծէիք յափշտակել զժառանգութի(ւն) իմ։

Verse: 11   Link to sept   զի խայտայիք իբրեւ զուարա́կս ՛ի վ(ե)ր(այ) դալարոյ, եւ ոգորէիք իբրեւ զցուլս։

Verse: 12   Link to sept   Յամօ́թ եղեւ մայրն ձեր յոյժ. մա́յրն որ ՛ի բարութե(ան) էր. ահաւադիկ վախճան ազգաց՝ աւեր, անջուրք, եւ անապատ՝

Verse: 13   Link to sept   ՛ի բարկութ(են)է տ(եառ)ն։ եւ մի́ բնակեսցի, այլ եղիցի յապականութի(ւն) առհասարակ։ եւ ա(մենայ)ն որ անցանիցէ ընդ բաբելոն՝ տրտմեսցի, եւ շչեսցէ ՛ի վ(ե)ր(այ) ա(մենայ)ն հարուածոց ն(ո)ր(ա)։

Verse: 14   Link to sept   Ճակատեցարո́ւք շուրջ զբաբելոնիւ ա(մենայ)ն աղեղնաւորք. ձի́գ դիք ՛ի նա, եւ մի́խանյէք ՛ի նետս ձեր՝ զի տ(եառ)ն մեղաւ։

Verse: 15   Link to sept   Խրախո́յս բարձէք շուրջ զնովաւ, զի լքա́ն ձեռք իւր. անկա́ն մահարձանք՝ եւ կործանեցան պարիսպք ն(ո)ր(ա)՝ զի վրէժխնդրութի(ւն) յա(ստուծո)յ է. խնդրեցէ́ք վրէժս ՛ի դմանէ. ո(ր)պ(էս) արարն՝ արարէ́ք դմա։

Verse: 16   Link to sept   Սատակեցէ́ք զզաւակ ՛ի բաբելոնէ. եւ առնուցու մանգաղ ՛ի ժամանակի հնձոց. յերեսաց յունական սրոյն իւրաքանչիւր ՛ի ժողովո́ւրդ իւր դարձցին, եւ իւրաքանչիւր յերկի́ր իւր փախիցեն։

Verse: 17   Link to sept   Ոչխար մոլորեալ ի(սրայ)էլ. առեւծք մերժեցին զնա. նա́խ եկեր զնա թագաւորն ասորեստանեայց, եւ յետոյ զոսկերս նորա արքային բաբելացւոց։

Verse: 18   Link to sept   Վ(ա)ս(ն) այդորիկ ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. ահաւասիկ ես խնդրեցից վրէ́ժ յարքայէն բաբելացւոց եւ յերկրէ́ ն(ո)ր(ա), ո(ր)պ(էս) խնդրեցի վրէժ յարքայեն ասորեստանեայց։

Verse: 19   Link to sept   Եւ պատսպարեցուցից զի(սրայ)էլ անդրէն ՛ի ճարակս իւր. եւ արածեսցի ՛ի կարմելոս, եւ ՛ի բասան, եւ ՛ի լերին եփրեմի, եւ ՛ի գաղաադ. եւ յագեսցին անձինք ն(ո)ց(ա)։

Verse: 20   Link to sept   Յաւուրսն յայնոսիկ, եւ ՛ի ժամանակին յայնմիկ՝ ասէ տ(է)ր, խնդրեսցեն զանիրաւու(թ)ի(ւն)ն ի(սրայէ)լի, եւ ոչեւս իցէ. եւ զմեղս յուդայ՝ եւ ո́չ գտանիցեն. զի քաւի́չ եղէց անիրաւութե(ան)ց ն(ո)ց(ա)

Verse: 21   Link to sept   ՛ի վերայ երկրի։ Ե́լ դառնու(թեամ)բ ՛ի վ(ե)ր(այ) ն(ո)ր(ա), եւ ՛ի բնակչաց նորա խնդրեսջիր վրէժս։ սո́ւր եւ ապականու(թ)ի(ւն) զկնի ն(ո)ր(ա)՝ ասէ տ(է)ր. եւ արասջի́ր ըստ ա(մենայ)նի զոր պատուիրեցի քեզ։

Verse: 22   Link to sept   Ձա́յն պատերազմի յերկրէն քաղդէացւոց, եւ բեկումն մեծ։

Verse: 23   Link to sept   զիա՞րդ խորտակեցաւ եւ մանրեցաւ ուռնն ա(մենայ)ն երկրի. զիա՞րդ եղեւ բաբելոն յապականութի(ւն) ՛ի մէջ ազգաց։

Verse: 24   Link to sept   Յարձակեսցին ՛ի վ(ե)ր(այ), եւ ըմբռնեսցիս՝ բաբելոն, եւ ո́չ իմասցիս. գտար եւ ըմբռնեցա́ր, զի տ(եառ)ն ընդդէմ դարձար։

Verse: 25   Link to sept   Եբա́ց տ(է)ր զանձս իւր, եւ եհան զանօթս բարկութե(ան) իւրոյ. զի գործ տ(եառ)ն զօրութե(ան)ց է յերկրին քաղդեացւոց։

Verse: 26   Link to sept   եկին հասին նմա ժամանակք իւր. բացէ́ք զշտեմարանս ն(ո)ր(ա). որոնեցէ́ք զնա իբրեւ զայրս, եւ սատակեցէ́ք զնա. մի́ մնասցեն ն(ո)ց(ա) մնացորդք։

Verse: 27   Link to sept   ցամաքեցուցէ́ք զա(մենայ)ն պտուղս ն(ո)ր(ա), եւ իջցեն ՛ի սպանո́ւմն։ վա́յ ն(ո)ց(ա)՝ զի եկն օր ն(ո)ց(ա), եւ ժամանակ վրէժխնդրու(թ)ե(ան) ն(ո)ց(ա)։

Verse: 28   Link to sept   Ձա́յն փախուցելոց եւ ապրելոց յերկրէն քաղդեացւոց, պատմե́լ ՛ի սիովն զվրէժխնդրու(թ)ի(ւն) ՛ի տ(եառն)է ա(ստուծո)յ մերմէ, զվրէժխնդրու(թ)ի(ւն) տաճարի իւրոյ։

Verse: 29   Link to sept   Պատուէ́ր տուք բազմաց ՛ի վ(ե)ր(այ) բաբելոնի, ա(մենայ)ն աղեղնաւորաց՝ թէ բանակեցարո́ւք զդովաւ շուրջանակի. զի մի́ ոք իցէ որ ապրիցի ՛ի դմանէ. հատուցէ́ք դմա ըստ գործոց իւրոց, ըստ ա(մենայ)նի զոր արար՝ արարէ́ք դմա. զի տ(եառ)ն ընդդէմ դարձաւ, ա(ստուծո)յ սրբոյն ի(սրայէ)լի։

Verse: 30   Link to sept   Վասն այնորիկ անկցին երիտասարդք ն(ո)ր(ա) ՛ի հրապարակս ն(ո)ր(ա), եւ ա(մենայ)ն արք պատերազմօղք ն(ո)ր(ա) անկեալ դնիցին յաւուր յայնմիկ՝ ասէ տ(է)ր։

Verse: 31   Link to sept   Ահաւսիկ ես ՛ի վ(ե)ր(այ) քո՝ ասէ տ(է)ր զօրութե(ան)ց, ՛ի վ(ե)ր(այ) հպարտիդ. զի հասեա́լէ օր քո՝ եւ ժամանակ վրէժխնդրութե(ան) քոյ։

Verse: 32   Link to sept   եւ տկարասցի հպարտու(թ)ի(ւն) քո, եւ կործանեսցի.եւ ո́չոք իցէ որ յարուցանիցէ զնա· եւ վառեցից հո́ւր յանտառս ն(ո)ր(ա), եւ կերիցէ շուրջ զնովաւ զա(մենայ)ն։

Verse: 33   Link to sept   Ա́յսպես ասէ տ(է)ր զօրու(թ)ե(ան)ց. բռնադատեցան որդիքն իսրայէլի եւ որդիքն յուդայ. ամենեքեան որ գերեցին զն(ո)ս(ա), բռնաբարեցին զնոսա, եւ ո́չ կամէին արձակել զն(ո)ս(ա)։

Verse: 34   Link to sept   որ փրկեաց զն(ո)ս(ա) հզօրն. տ(է)ր ամենակալ անուն է ն(ո)ր(ա)։ դատեսցի́ դատաստան ը(նդ) ոսոխս իւր. զի բարձցէ զերկիրն, եւ զայրասի բնակչաց բաբելովնի։

Verse: 35   Link to sept   Սո́ւր ՛ի վ(ե)ր(այ) քաղդեացւոցն՝ ասէ տ(է)ր. եւ ՛ի վ(ե)ր(այ) բնակչացն բաբելովնի, եւ ՛ի վ(ե)ր(այ) ա(մենայ)ն մեծամեծաց ն(ո)ր(ա), եւ ՛ի վ(ե)ր(այ) խորհրդակցաց ն(ո)ր(ա)։

Verse: 36   Link to sept   Սո́ւր ՛ի վերայ ըղձութե(ան)ց ն(ո)ր(ա), եւ բարձցին. սո́ւր ՛ի վ(ե)ր(այ) պատերազմողաց ն(ո)ր(ա), եւ լքցին։

Verse: 37   Link to sept   Սո́ւր ՛ի վ(ե)ր(այ) երիվարաց եւ կառաց ն(ո)ր(ա). սո́ւր ՛ի վ(ե)ր(այ) նահատակաց ն(ո)ց(ա), եւ ՛ի վ(ե)ր(այ) ա(մենայ)ն խառնաղանճիցն որ ՛ի մէջ նորա՝ եւ եղիցին իբրեւ զկանա́յս։ Սո́ւր ՛ի վ՝ր գանձուց ն(ո)ր(ա), եւ յափշտակեսցին։

Verse: 38   Link to sept   Սո́ւր ՛ի վ(ե)ր(այ) ջուրց ն(ո)ր(ա), եւ ամաչեսցեն. զի երկիր դրօշելո́ց է. եւ ՛ի վ(ե)ր(այ) կղզեացն որովք պարծէին։

Verse: 39   Link to sept   վ(ա)ս(ն) այնորիկ ճիւա́զք բնակեսցեն ՛ի կղզիսն, եւ բնակեսցեն ՛ի նմա դստերք համբարեաց. եւ մի́ եւս շինեսցի ՛ի սպառ, եւ մի́ եւս բնակեսցէ յաւիտեան.

Verse: 40   Link to sept   ո(ր)պ(էս) սատակեաց ա(ստուա)ծ զերկիրն սոդոմացւոց եւ գոմորացւոց, եւ զսահմանակիցս ն(ո)ր(ա)՝ ասէ տ(է)ր։ եւ մի́ բնակեսցէ անդ մարդ, եւ մի́ պանդխտեսցի ՛ի նմա որդի մարդոյ։

Verse: 41   Link to sept   Ահաւասիկ գո́ւնդ գայ ՛ի հիւսւսոյ, եւ ա́զգ մեծ. եւ թագաւորք բազումք զարթիցեն ՛ի ծագաց երկրէ։

Verse: 42   Link to sept   աղեղն եւ վաղակաւո́ր ՛ի ձեռին իւրում ժպի́րհ է, եւ մի́ ողորմեսցի։ ձա́յն ն(ո)ց(ա) իբրեւ զծով գոչեսցէ. հեծեալք յերիվարս, պատրաստեալք իբրեւ զհուր ՛ի պատերազմ ՛ի վ(ե)ր(այ) քո դո́ւստր բաբելացւոց։

Verse: 43   Link to sept   Լուաւ զլուր ն(ո)ց(ա) արքայն բաբելացւոց, եւ լքան ձեռք ն(ո)ր(ա). նեղու(թ)ի(ւն) տագնապեա́ց զնա, երկունք իբրեւ ծննդականի։

Verse: 44   Link to sept   ահաւադիկ իբրեւ զառեւծ ելցէ ՛ի յորձանացն յորդանանու ՛ի տեղին եթամայ. զի երագերա́գ հալածեցից զնա ՛ի նմանէ. եւ զա(մենայ)ն երիտասարդս յարուցից ՛ի վ(ե)ր(այ) ն(ո)ր(ա)։ Զի ո՞վ ոք է իբրեւ զիս. եւ ո՞վ ընդդէմ դառնայցէ ինձ. եւ ո՞վ ոք հովիւ կայցէ հակառակ։

Verse: 45   Link to sept   Վ(ա)ս(ն) այդորիկ լուարո́ւք զխորհուրդ տ(եառ)ն զոր խորհեցաւ ՛ի վ(ե)ր(այ) բաբելովնի, եւ զխորհուրդս ն(ո)ր(ա) զոր խորհեցաւ ՛ի վ(ե)ր(այ) բնակչաց քաղդէացւոց. եթէ ո՞չ ապականեցէք զգառինս հօտից ն(ո)ց(ա). եթէ ոչ ապականիցին ՛ի նոցանէ արօտք։

Verse: 46   Link to sept   զի ՛ի ձայնէ կործանման բաբելոնի շարժեսցի́ երկիր, եւ գոյժ ն(ո)ր(ա) լուիցի́ ՛ի հեթանոսս։



Chapter: 51  
ԳԼ(ՈՒԽ) Ծ՜Ա.


Verse: 1   Link to sept   Այսպէս ասէ տ(է)ր. ահաւասիկ ե́ս յարուցից ՛ի վ(ե)ր(այ) բաբելոնի՝ եւ ՛ի վ(ե)ր(այ) բնակչաց ն(ո)ր(ա) զսիրտ յարուցելոց, եւ հողմ խորշակի սատակիչ։

Verse: 2   Link to sept   Եւ առաքեցից ՛ի բաբելովն դսրովիչս եւ դսրովեսցեն զնա, եւ ապականեսցեն զերկիր ն(ո)ր(ա). զի վա́յ ՛ի վ(ե)ր(այ) բաբելոնի շուրջանակի յաւուր չարչարանաց իւրոց։

Verse: 3   Link to sept   Լարեսցէ́ որ լարելոցն իցէ զաղեղն իւր, եւ առցէ զանձա́մբ ոյր իցէ զէն։ մի́ խնայէք յերիտասարդս ն(ո)ր(ա), եւ ապականեցէ́ք զա(մենայ)ն զօրութի(ւն) ն(ո)ր(ա)։

Verse: 4   Link to sept   Եւ անկցին վիրաւորք յերկրին քաղդեացւոց, եւ խոցոտեալք շուրջ զնովաւ։

Verse: 5   Link to sept   զո ո́չ եղեւ այրի ի(սրայ)էլ եւ յուդայ յա(ստուծո)յ իւրեանց եւ ՛ի տ(եառն)է ամենակալէ. զի երկիր ն(ո)ց(ա) լցա́ւ անօրէնութ(եամ)բ ՛ի սրբու(թ)ե(ան)ցն ի(սրայէ)լի։

Verse: 6   Link to sept   Փախերո́ւք ՛ի միջոյ բաբելոնի, եւ ապրեցուցէք իւրաքանչիւր զանձն իւր, եւ մի́ կործանիցիք յանիրաւութե(ան)ց ն(ո)ր(ա). զի ժամանակ վրէժխնդրու(թ)ե(ան) է ն(ո)ր(ա) ՛ի տ(եառն)է. զհատուցումն ն(ո)ր(ա) ինքն հատուսցէ։

Verse: 7   Link to sept   Բաժա́կ ոսկի բաբելովն ՛ի ձեռին տ(եառ)ն, որ արբուցանէ զա(մենայ)ն երկիր ՛ի գինւոյ իւրմէ. արբի́ն հեթանոսք. վ(ա)ս(ն) այնորիկ շարժեցան ազգք։

Verse: 8   Link to sept   եւ յանկարծակի կործանեցաւ բաբելովն, եւ խորտակեցաւ։ Ողբ առէք ՛ի վ(ե)ր(այ) դորա. առէ́ք դեղ ՛ի վիրաց դորա, թերեւս բժշկեսցի́։

Verse: 9   Link to sept   Բժշկեցա́ք զբաբելոն, եւ նա ո́չ բժշկեցաւ. թողցո́ւք զնա եւ գնասցո́ք իւրաքանչի́ւր յերկիր իւր. զի մերձեցան մինչեւ յերկինս դատաստանք ն(ո)ր(ա). ամբարձան մինչեւ ցաստեղս։

Verse: 10   Link to sept   եւ ա́ծ տ(է)ր դատաստան ՛ի վ(ե)ր(այ) ն(ո)ր(ա). եկա́յք՝ եւ պատմեսցո́ւք ՛ի սիոն զգործս տ(եառ)ն ա(ստուծո)յ մերոյ։

Verse: 11   Link to sept   Կազմեցէ́ք աղեղունս, լցէ́ք զկապարճս. զի զարթոյց տ(է)ր զոգի թագաւորին մարաց. զի բարկութի(ւն) ն(ո)ր(ա) ՛ի վ(ե)ր(այ) բաբելոնի, եւ ջնջեսցէ զնա. զի վրէժխնդրու(թ)ի(ւն) տ(եառ)ն է, վրէժխնդրութի(ւն) տաճարի ն(ո)ր(ա)։

Verse: 12   Link to sept   ՛Ի վ(ե)ր(այ) պարսպացն բաբելոնի կանգնեցէ́ք նշան. կացուցէ́ք պահապանս. զարթուցէ́ք զառաջապահս. պատրաստեցէ́ք զզէնս. զի ձեռն՛ի գործ արար. եւ արասցէ տ(է)ր զոր ինչ խօսեցաւ ՛ի վ(ե)ր(այ) բնակչացն բաբելոնի,

Verse: 13   Link to sept   բնակելոց առ ջուրբքն բազմօք. ՛ի վերայ բազմութե(ան) գանձուց ն(ո)ր(ա). հասեա́լէ վախճան քո. արդարե́ւ ստոյգ ՛ի փոր քո եմուտ։

Verse: 14   Link to sept   Զի երդուաւ տ(է)ր զօրու(թ)ե(ան)ց ՛ի բազուկ իւր, թէ լցի́ց զքեզ զօրօք իբրեւ մարախով, եւ բարբառեսցին ՛ի վ(ե)ր(այ) քո որ իջանեն ՛ի քեզ։

Verse: 15   Link to sept   Որ արար զերկինս զօրութ(եամ)բ իւրով, պատրաստեաց զտիեզերս իմաստութ(եամ)բ իւրով. ձգեաց զերկինս հանճարով իւրով։

Verse: 16   Link to sept   եդ ՛ի բարբառ զբազմութի(ւն) ջուրց շառաչմանց յերկինս, եւ հանէ զամպս ՛ի ծագաց երկրէ, եւ զփայլատակունս յանձրեւս արար. եհան զլոյս յըշտեմարանաց իւրոց։

Verse: 17   Link to sept   Յիմարեցա́ւ ա(մենայ)ն մարդ ՛ի գիտութ(են)է. յամօ́թ եղեւ ա(մենայ)ն ոսկերիչ ՛ի դրօշելոց իւրոց, զի սո́ւտ ձուլեցին, չի́ք ոգի ՛ի ն(ո)ս(ա)։

Verse: 18   Link to sept   սնոտի́ են գործքն ձաղանաց. ՛ի ժամանակի այցելու(թ)ե(ան) իւրեանց կորիցեն։

Verse: 19   Link to sept   Ո́չ այնպէս ինչ իցէ բաժինն յակովբայ. զի որ ստեղծ զա(մենայ)ն՝ նա́ է բաժին ն(ո)ր(ա), եւ գաւազան ժառանգու(թ)ե(ան) ն(ո)ր(ա). Տ(է)ր զօրութե(ան)ց է անուն ն(ո)ր(ա)։

Verse: 20   Link to sept   Ցրուեսցե́ս դու ինձ զանօթդ պատերազմիդ, եւ ցրուեցից ես ՛ի քեզ զարդս. եւ բարձից ՛ի միջոյ քումմէ զթագաւորս,

Verse: 21   Link to sept   եւ ցրուեցից ՛ի քեզ զայրուձի ն(ո)ր(ա). եւ ցրուեցի́ց ՛ի վ(ե)ր(այ) քո զկառս եւ զհեծեալս նորա։

Verse: 22   Link to sept   Եւ ցրուեցի́ց ՛ի քեզ զայր եւ զկին. եւ ցրուեցի́ց ՛ի քեզ զծերն եւ զերիտասարդն. եւ ցրուեցի́ց ՛ի քեզ զընտիրն եւ զկոյսն։

Verse: 23   Link to sept   եւ ցրուեցից ՛ի քեզ զհովիւն եւ զհօտ իւր. եւ ցրուեցի́ց ՛ի քեզ զհողագործն եւ զհողագործու(թ)ի(ւն) իւր. եւ ցուեցից ՛ի քեզ զզօրավարս եւ զզօրագլուխս իւր։

Verse: 24   Link to sept   Եւ հատուցից բաբելոնի եւ բնակչաց քաղդեացւոցն ըստ ա(մենայ)նի́ չարեացն ն(ո)ց(ա) զոր արարին ընդ սիոն, առաջի աչաց ձերոց՝ ասէ տ(է)ր։

Verse: 25   Link to sept   Ահաւասիկ ե́ս ՛ի վ(ե)ր(այ) քո լեառնդ ապականիչ՝ ասէ տ(է)ր, որ ապականէիր զա(մենայ)ն երկիր։ եւ ձգեցից զձեռն իմ ՛ի վ(ե)ր(այ) քո, եւ թաւալեցուցից զքեզ ՛ի վիմացդ. եւ տա́ց զքեզ ՛ի լեառն այրեցեալ։

Verse: 26   Link to sept   եւ ո́չ եւս առնուցուն ՛ի քէն վէ́մ անկեան՝ եւ վէ́մ հիման. զի յապականութի(ւն) յաւիտենի́ց եղիցես՝ ասէ տ՝ր։

Verse: 27   Link to sept   Առէ́ք նշան ՛ի վ(ե)ր(այ) երկրիդ. փո́ղ հարէք ընդ ազգս ա(մենայ)ն, հրաւիրեցէ́ք ՛ի վ(ե)ր(այ) դորա գունդս։ Պատուէ́ր տուք յինէն այրարատեա́ն թագաւորու(թ)ե(ան)ցն եւ ազքանազեա́ն գնդին. կանգնեցէ́ք զնովաւ նետակալս. ելէ́ք ՛ի վերայ. շարժեցաւ՝ եւ չարչարեցաւ, զի եկն եհաս ՛ի վ(ե)ր(այ) բաբելոնի խորհուրդ տ(եառ)ն։ երիվարք իբրեւ զբազմու(թ)ի(ւն) մարախոյ։

Verse: 28   Link to sept   Հրաւիրեցէ́ք ՛ի վ(ե)ր(այ) ն(ո)ր(ա) զազգս՝ եւ զթագաւորն մարաց. զզօրաւարս ն(ո)ր(ա), եւ զա(մենայ)ն զօրագլուխս ն(ո)ց(ա) անդր. եւ զա(մենայ)ն երկրի զիշխանութի(ւն)ս։

Verse: 29   Link to sept   գնե́լ զերկիրն բաբելացւոց յապականութի(ւն). զի մի́ լինիցի ՛ի նմա բնակութի(ւն)։

Verse: 30   Link to sept   Կասիցին նահատակքն բաբելոնի ՛ի պատերազմէ. նստցին ՛ի պաշարման. բեկա́ւ զօրութի(ւն) ն(ո)ց(ա), եւ եղեն իբրեւ զկանայս։ հրձի́գ եղեն յարկք ն(ո)ց(ա). խորտակեցան նիգք ն(ո)ց(ա)։

Verse: 31   Link to sept   Փախստեայ փախստէի́ պատահեսցէ. եւ գուժկան գուժկանի́ դիպեսցի, գո́յժ առնել թագաւորին բաբելացւոց, թէ առաւ քաղաքն ն(ո)ր(ա). ՛ի ծագաց ելի́ց իւրոց

Verse: 32   Link to sept   ըմբռնեցան, եւ ժողովք նոցա ՛ի հո́ւր այրեցան. եւ արք պատերազմօղք ՛ի դրո́ւնս դիմեցին։

Verse: 33   Link to sept   Զի ա́յսպէս ասէ տ(է)ր զօրու(թ)ե(ան)ց ա(ստուա)ծ ի(սրայէ)լի. տուն բաբելացւոց իբրեւ զօրան վականա́կ կասցի. սակաւիկ մեւս եւս՝ եւ հասցեն հունձք ն(ո)ր(ա)։

Verse: 34   Link to sept   Եկե́ր զիս՝ եհաս ՛ի վ(ե)ր(այ) իմ, բաժանեա́ց զիս նաբուքոդոնոսոր արքայ բաբելացւոց. կացո́յց զիս իբրեւ զաման մի ունայն. եկո́ւլ զիս իբրեւ զվիշապ. ելից զկուշտ իւր ՛ի փափկու(թեն)է իմմէ։ մերժեցան վաստակք իմ,

Verse: 35   Link to sept   եւ տառապանք իմ ՛ի բաբելոն գնացին. ասասցէ բնակիչն սիովնի. եւ արիւն իմ ՛ի վ(ե)ր(այ) բնակչացն քաղդէացւոց.ասասցէ ե(րուսաղ)էմ։

Verse: 36   Link to sept   Վ(ա)ս(ն) այդորիկ ա́յսպէս ասէ տ(է)ր՝ ահաւասիկ ես դատեցա́յց զոսոխն քո, եւ խնդրեցից զվրէժ քո, եւ աւերեցից զծով ն(ո)ր(ա), եւ ցամաքեցուցից զաղբեւրս ն(ո)ր(ա)։

Verse: 37   Link to sept   Եւ եղիցի բաբելոն ՛ի բլուրս՝ բնակու(թ)ի(ւն) վիշապաց, յապականու(թ)ի(ւն) եւ ՛ի շչիւն, եւ մի́ բնակեսցի

Verse: 38   Link to sept   համօրէն։ իբրեւ առիւծունք պատրաստեցան որդիք ն(ո)ց(ա). եւ իբրեւ զկորիւնս առիւծուց։

Verse: 39   Link to sept   ՛ի ջերմն խշտեաց իւրեանց տա́ց ն(ո)ց(ա) արհաւիրս, եւ արբուցից զն(ո)ս(ա). զի թմբրեսցին եւ ննջեսցեն քո́ւն յաւիտենից։ եւ մի́ զարթիցեն՝ ասէ տ(է)ր։

Verse: 40   Link to sept   Իջո́ զն(ո)ս(ա) իբրեւ զոչխարս ՛ի սպանումն, եւ իբրեւ զխոյս այծեօք հանդերձ։

Verse: 41   Link to sept   Զիա՞րդ ՛ի պարտութի(ւն)՝ մատնեցար սիսակ, եւ անկար յո́րս պարծանքդ ա(մենայ)ն երկրի։ Զիա՞րդ եղեւ բաբելոն յապականու(թ)ի(ւն) ՛ի մէջ ա(մենայ)ն ազգաց։

Verse: 42   Link to sept   Ե́լ ՛ի վ(ե)ր(այ) բաբելոնի ծովն գոչմամբ ալեաց իւրոց, եւ ծածկեցաւ։

Verse: 43   Link to sept   եղեն քաղաքք ն(ո)ր(ա) յապականու(թ)ի(ւն) յերկիր անջուր եւ յանապատ. եւ մի́ ոք իցէ որ բնակիցէ ՛ի նմա, եւ մի́ հանգիցէ ՛ի նմա որդի մարդոյ։

Verse: 44   Link to sept   Եւ խնդրեցից զվրէժ ՛ի բելայ ՛ի բաբելոն, եւ հանից զոր եկուլն ՛ի բերանոյ ն(ո)ր(ա), եւ մի́ եւս ժողովեսցին առ նա ազգք. նաեւ պարիսպքն բաբելացւոց անկան։

Verse: 45   Link to sept   Ելէ́ք ՛ի միջոյ ն(ո)ց(ա) ժողովուրդ իմ, եւ ապրեցուցէ́ք իւրաքանչիւր զանձինս ձեր ՛ի սրտմտութ(են)է բարկութե(ան) տ(եառ)ն։

Verse: 46   Link to sept   Մի́ երբէք զանգիտիցեն սիրտք ձեր. եւ մի́ երկնչիք ՛ի համբաւաց զոր լսիցէք յերկրին. զի ՛ի նմին տարւոջ մտցէ́ լուրն, եւ յետ այնր տարւոյ՝ ա́յլ լուր, եւ անիրաւու(թ)ի(ւն) յերկրին. առա́կ ՛ի վերայ առակի։

Verse: 47   Link to sept   Վ(ա)ս(ն) այդորիկ ահա աւուրք գան՝ ասէ տ(է)ր, եւ արարից հանդէ́ս ՛ի վ(ե)ր(այ) դրօշելոցն բաբելացւոց, եւ ա(մենայ)ն երկիր ն(ո)ր(ա) ամաչեսցէ, եւ ա(մենայ)ն վիրաւորք ն(ո)ր(ա) անկցին ՛ի միջի ն(ո)ր(ա)։

Verse: 48   Link to sept   եւ ցնծասցեն ՛ի վ(ե)ր(այ) բաբելոնի երկինք եւ երկիր եւ ա(մենայ)ն որ ՛ի ն(ո)ս(ա). զի ՛ի հիւսւսոյ եկեսցեն թշուառացուցիչք նորա՝ ասէ տ(է)ր։

Verse: 49   Link to sept   եւ ՛ի բաբելոն անկցին վիրաւորք ա(մենայ)ն երկրին։

Verse: 50   Link to sept   Ելէ́ք ապրեալք յերկրէդ. մի́ կայք. յիշեցէ́ք զտ(է)ր հեռաւորքդ, եւ ե(րուսաղ)էմ անկցի ՛ի սիրտ ձեր։

Verse: 51   Link to sept   Յամօ́թ եղաք՝ զի լուաք զնախատինս մեր. ծածկեցին անարգանք զերեսս մեր. մտի́ն այլազգիք ՛ի սրբու(թ)ի(ւն)ս մեր ՛ի տան տ(եառ)ն։

Verse: 52   Link to sept   Վ(ա)ս(ն) այդորիկ ահա աւուրք գան՝ ասէ տ(է)ր, եւ խնդրեցից զվրէժ ՛ի դրօշելոց ն(ո)ր(ա), եւ յա(մենայ)ն երկրի անկանիցին վիրաւորք։

Verse: 53   Link to sept   Եւ եթէ բարձասցի բաբելոն իբրեւ զերկինս, եւ եթէ ամրացուսցէ զբարձրութի(ւն) զօրու(թ)ե(ան) իւրոյ. յինէն եկեսցեն նմա սատակիչք՝ ասէ տ՝ր։

Verse: 54   Link to sept   Ձա́յն գուժի ՛ի բաբելոն, եւ բեկումն մեծ յերկրին քաղդեացւոց։

Verse: 55   Link to sept   զի սատակեաց տ(է)ր զբաբելոն, եւ կորո́յս ՛ի նմանէն զձայն մեծ՝ զգոչիւն ալեաց իւրոց, իբրեւ ջուրք բազումք ետուն զբարբառ սատակման ն(ո)ր(ա)։

Verse: 56   Link to sept   Զի եկն ՛ի վ(ե)ր(այ) բաբելոնի թշուառութի(ւն). ըմբռնեցան սպառազէնքն ն(ո)ր(ա).զարհուրեցան աղեղնաւորքն ն(ո)ր(ա)։ Զի ա(ստուա)ծ հատուցի́չ է. ինքն տ(է)ր հատուցանէ նմա զհատուցումն։

Verse: 57   Link to sept   եւ արբեցուսցէ́ արբեցութ(եամ)բ զզօրավարս ն՝ր, եւ զիմաստունս ն(ո)ր(ա). զիշխանս ն(ո)ր(ա)՝ եւ զզօրագլուխս ն(ո)ր(ա), եւ զզօրաւորս ն(ո)ր(ա)։ եւ ննջեսցեն ՛ի քուն յաւիտենից, եւ մի́ զարթիցեն։ ասէ արքայ՝ Տ(է)ր ամենակալ անուն է ն(ո)ր(ա)։

Verse: 58   Link to sept   Այսպէս ասէ տ(է)ր զօրու(թ)ե(ան)ց. պարիսպն բաբելոնի լայնեցա́ւ. կործանելով կործանեսցի, եւ դրունք ն(ո)ր(ա) բարձունք հրո́վ այրեսցին. եւ ջանասցին ժողովուրդք ընդ այն, եւ ազգ իսկզբան սատակեսցին։

Verse: 59   Link to sept   Բանն զոր պատուիրեաց տ(է)ր երեմիայի մարգարէի ասել ցսարեա որդի ներեայ՝ որդւոյ մաասայ, յորժամ երթայր ՛ի սեդեկիայ արքայէ յուդայ ՛ի բաբելոն, յամին չորրորդի թագաւորութե(ան) ն(ո)ր(ա). եւ սարեա է́ր պարգեւապետ ն(ո)ր(ա)։

Verse: 60   Link to sept   Եւ գրեաց երեմիա զա(մենայ)ն չարիս որ գալոց էին ՛ի վ(ե)ր(այ) բաբելոնի ՛ի մատենի միում. զա(մենայ)ն զբանս զայսոսիկ գրեալս ՛ի վ(ե)ր(այ) բաբելոնի։

Verse: 61   Link to sept   Եւ ասէ երեմիա ցսարեա. յորժամ երթայցես ՛ի բաբելոն, եւ տեսցես՝ եւ ընթեռնուցուս զա(մենայ)ն զբանսդ զայդոսիկ։

Verse: 62   Link to sept   եւ ասասցես, տ(է)ր՝ դո́ւ խօսեցար ՛ի վ(ե)ր(այ) տեղւոյս այսորիկ սատակե́լ զսա. մի́ եւս լինել ՛ի սմա բնակիչ ՛ի մարդո́յ մինչեւ յանասուն. զի յապականու(թ)ի(ւն) յաւիտենից եղիցի։

Verse: 63   Link to sept   Եւ եղիցի յորժամ դադարեսցես յընթեռնլո́յ զմատեանդ զայդ, կապեսցես ՛ի դմա քա́ր եւ ընկեսցես ՛ի մէջ եփրատայ.

Verse: 64   Link to sept   եւ ասասցես՝ ա́յսպէս ընկղմեսցի բաբելոն, եւ մի́ կանգնեսցի ՛ի չարեացն զոր ես ածից ՛ի վ(ե)ր(այ) դորա։ Եւ կացին մինչեւ ցայսվայր բանք երեմիայ մարգարէի։


՛Ի թագաւորութ(են)էն է այս բանքս
Կատարումն գրոցս։




Chapter: 52  
ԳԼ(ՈՒԽ) Ծ՜Բ.



Section: 44 

Verse: 1   Link to sept   Քսան եւ մի ամաց էր սեդեկիա արքայ ՛ի թագաւորել իւրում. եւ մետասան ամ թագաւորեաց յե(րուսաղէ)մ, եւ անուն մօր ն(ո)ր(ա) ամիտաաղ դուստր երեմիա ՛ի ղուբենայ։

Verse: 2   Link to sept   Եւ արար չա́ր առաջի տ(եառ)ն, ո(ր)պ(էս) արար յովակիմ։

Verse: 3   Link to sept   զի ՛ի ցասումն տ(եառ)ն էր ե(րուսաղ)էմ եւ յուդայ. մինչեւ մերժեաց զն(ո)ս(ա) յերեսաց իւրոց։ եւ ապստամբեաց սեդեկիա յարքայէն բաբելացւոց։

Verse: 4   Link to sept   Եւ եղեւ յիններորդի ամի թագաւորու(թ)ե(ան) ն(ո)ր(ա), եւ յամսեանն տասներորդի որ օր տասն էր ամսոյն. ե́կն նաբուքոդոնոսոր արքայ բաբելացւոց ա(մենայ)ն զօրօք իւրովք յե(րուսաղէ)մ, եւ պաշարեաց զնա. եւ շինեաց շուրջ զնովաւ պարիսպ առ պարիսպ՝ ՛ի չորեքկուսի վիմաց։

Verse: 5   Link to sept   Եւ եհաս քաղաքն ՛ի նեղու(թ)ի(ւն) մինչեւ յամն մետասաներորդի սեդեկիայ արքայի,

Verse: 6   Link to sept   եւ յամիսն չորրորդ՝ որ օր ինն էր ամսոյն։ եւ զօրացա́ւ սով ՛ի քաղաքին. եւ ո́չ գտանէր հաց ուտելոյ ժողովրդեան երկրին։

Verse: 7   Link to sept   Եւ խրամատեցաւ քաղաքն, եւ ա(մենայ)ն արք պատերազմօղք փախեա́ն, եւ ելին ՛ի քաղաքէ անտի ՛ի գիշերի ընդ ճանապարհ դրանն՝ ընդ պարիսպ եւ ընդ պատուհան, ընդ կողմն պարտիզին արքունի. եւ քաղդեացիքն շուրջ զքաղաքաւն էին։ եւ գնացին ընդ ճանապարհս արաբացւոց։

Verse: 8   Link to sept   Եւ զհետ եղեն զորք թագաւորին քաղդեացւոց, եւ հասին սեդեկիա́յ արքայի յանցս երիքովի. եւ ա(մենայ)ն ծառայք ն(ո)ր(ա) ցրուեցան ՛ի նմանէ։

Verse: 9   Link to sept   Եւ կալան զթագաւորն եւ ածին առ արքայն բաբելացւոց ՛ի գեբլաթա յերկիրն եմաթայ. եւ խօսեցաւ ը(նդ) նմա դատաստանօք։

Verse: 10   Link to sept   եւ կոտորեաց արքայն բաբելացւոց զորդիսն սեդեկիայ յանդիման ն(ո)ր(ա). եւ զա(մենայ)ն իշխանս յուդայ կոտորեաց ՛ի գեբլաթա։

Verse: 11   Link to sept   եւ զաչսն սեդեկիայ կուրացո́յց. եւ կապեաց զնա ձեպակապօք. եւ տարաւ զնա արքայն բաբելացւոց ՛ի բաբելոն, եւ եդ զնա ՛ի տուն աղօրեաց, մինչեւ յօր մահուան իւրոյ։

Verse: 12   Link to sept   Եւ յամսեանն հինգերորդի որ օր տասն էր ամսոյն. ա́յն ամ իննուտա́սն էր նաբուքոդոնոսորայ արքային բաբելացւոց. եկն նաբուզարդան դահճապետ որ կայր առաջի արքային բաբելացւոց։

Verse: 13   Link to sept   եւ հրձի́գ արար զտունն տ(եառ)ն, եւ զապարանսն արքունի, եւ զա(մենայ)ն տունս քաղաքին. եւ զա(մենայ)ն ապարանս մեծամեծս այրեաց հրով։

Verse: 14   Link to sept   եւ զա(մենայ)ն պարիսպսն ե(րուսաղէ)մի շուրջանակի՝ ա(մենայ)ն զօրօք քաղդեացւոց քակեցի́ն որ էին ընդ դահճապետին։

Verse: 15   Link to sept   Բայց յաղքատաց ժողովրդեանն եւ ՛ի մնացորդաց, եւ զսինլքորսն որ մնացին ՛ի քաղաքին. եւ զփախստականս որ փախեան առ արքայն բաբելացւոց, եւ զմնացորդս ժողովրդեանն եթո́ղ նաբուզարդան դահճապետ։

Verse: 16   Link to sept   եւ յաղքատաց երկրին եթող նաբուզարդան դահճապետ յայգեդործս եւ յարդիւնարարս։

Verse: 17   Link to sept   Եւ զսիւնսն պղնձիս տան տ(եառ)ն, եւ զխարիսխսն, եւ զծովն պղնձի որ էր ՛ի տան տ(եառ)ն՝ խորտակեցին քաղդէացիքն, եւ խաղացուցին զա(մենայ)ն պղինձն ՛ի բաբելոն։

Verse: 18   Link to sept   Եւ զոտսն եւ զվերնախարիսխսն, եւ զպսակսն, եւ զպաշտոնս, եւ զմսահանսն. եւ զա(մենայ)ն կահ պղնձի որովք առնէին սպաս՝ ա́ռ։

Verse: 19   Link to sept   եւ զապփովթն, եւ զամասարակովթ, եւ զպարզուտսն, եւ զաշտանակսն, եւ զճաշակսն. եւ զտուփսն, որ ոսկի՝ ոսկի, եւ որ զարծաթի՝ արծաթի, ա́ռ դահճապետն։

Verse: 20   Link to sept   Եւ սիւնք երկո́ւ էին, եւ ծով մի. եւ ցուլքն երկոտասան էին որ կային ընդ ծովուն. զորս արար արքայ սողոմոն ՛ի տան տ(եառ)ն. եւ ո́չ գոյր չափ պղնձոյն, եւ ա(մենայ)ն կահին պղնձոյ։

Verse: 21   Link to sept   Եւ սեանցն՝ երեսուն եւ հինգ կանգո́ւն էր բարձրութի(ւն) միո́յ սեան. եւ մանեակ յերկոտասան կանգնոյ շուրջ զնովաւ. եւ թանձրութի(ւն) նորա շուրջ առ չորս մասունս։

Verse: 22   Link to sept   եւ ախաւեղագեսք նորա պղնձիք. եւ բարձրութի(ւն) միոյ ախաւեղագիսին, ՛ի հինգ կանգնոյ։ եւ վանդակապատք եւ նռնաձեւք ՛ի վ(ե)ր(այ) ահաւեղագիսին շուրջ շրջանակաւ՝ ա(մենայ)ն պղնձի։ ըստ նմին օրինակի եւ երկրորդի սեանն, ութ նռնաձեւ, կանգուն առ կանգուն, յերկոտասան կանգնոյ։

Verse: 23   Link to sept   Եւ էին նռնաձեւք իննսուն եւ վեց, ՛ի միոջէ կողմանէ. եւ էին ա(մենայ)ն նռնաձեւքն հարեւր ՛ի վ(ե)ր(այ) վանդակին շուրջանակի։

Verse: 24   Link to sept   Եւ ա́ռ դահճապետն զսարեա զքահանայ զգլխաւորն, եւ զսոփոնիա զերկրորդ, եւ երիս բարապանս։

Verse: 25   Link to sept   եւ ՛ի քաղաքէ անտի ա́ռ ներքինի մի, որ էր ոստիկան արանց պատերազմողաց, եւ եւթն այր անուանի որ կային առաջի թագաւորին՝ գտեա́լս ՛ի քաղաքին. եւ զդպրապետն զիշխան զօրացն, եւ զդպրապետ ժողովրդեանն երկրին, եւ վաթսուն այր ՛ի ժողովրդենէ երկրին՝ որ գտա́ն ՛ի քաղաքին։

Verse: 26   Link to sept   եւ ա́ռ զն(ո)ս(ա) նաբուզարդան դահճապետ, եւ տարաւ առ արքայն բաբելացւոց ՛ի գեբլաթա։

Verse: 27   Link to sept   Եւ եհա́ր զն(ո)ս(ա) արքայն բաբելացւոց, եւ սպան զն(ո)ս(ա) ՛ի գեբլաթա յերկրին եմաթայ։ եւ գերեցաւ յուդայ անդո́ւստ յերկրէ իւրմէ։

Verse: 28   Link to sept   եւ ա́յս ժողովուրդ է զոր գերեաց նաբուքոդոնոսոր արքայ՝ Յամին եւթներորդի ՛ի հրէից երի́ս հազարս եւ քսան եւ երեք։

Verse: 29   Link to sept   եւ յամին ութուտասաներորդի նաբուքոդոնոսորայ, տարան յե(րուսաղէ)մէ ոգիս եւթնահարիւր երեսուն եւ երկուս։

Verse: 30   Link to sept   եւ յամին քսաներորդի եւ երրորդի նաբուքոդոնոսորայ խաղացոյց նաբուզարդան դահճապետ ՛ի հրէից ոգիս եւթնհարիւր քառասուն եւ հինգ։ ընդ ա(մենայ)ն ոգիք չո́րք հազար եւ վեց հարիւր։

Verse: 31   Link to sept   Եւ եղեւ յերեսներորդի եւթներորդի ամի գերութե(ան) յովակիմայ արքայի յուդայ, յերկոտասաներորդ ամսեանն ՛ի քսան եւ ՛ի չորս ամսոյն, բարձրացո́յց ուղմարորգաք արքայ բաբելացւոց՝ յամին յորում թագաւորեաց՝ զգլուխ յովակիմայ արքայի յուդայ. եւ եհա́ն զնա ՛ի տանէն ուր կայր ՛ի պահեստի,

Verse: 32   Link to sept   եւ խոսեցաւ ընդ նմա քաղցրու(թեամ)բ. եւ էարկ զաթո́ռ ն(ո)ր(ա) ՛ի վերոյ քան զաթոռս թագաւորացն որ էին ընդ նմա ՛ի բաբելովն։

Verse: 33   Link to sept   եւ փոխեաց զպատմուճան բանտի ն(ո)ր(ա). եւ ուտէր հա́ց հանապա́զ առաջի ն(ո)ր(ա) զա(մենայ)ն աւուրս որչափ եւ եկեաց։

Verse: 34   Link to sept   Եւ կարգեցա́ւ նմա ռոճիկ հանապազորդ, զոր տային յարքայէն բաբելացւոց օր ըստ օրէ մինչեւ ցօր մահու զամենայն աւուրս կենաց իւրոց։




Book: Bar.  
Baruch

entered by N. Čanṭlaʒe,
Tbilisi 2004;
TITUS version by J. Gippert,
Frankfurt a/M, 3.10.2004

ԹՈՒՂԹ ԲԱՐՈՒՔԱՅ

Chapter: 1  
ԳԼ(ՈՒԽ) Ա՜.


Section: 45 
Paragraph: 1 

Verse: 1   Link to sept   ԵՒ Ա́ՅՍ ԵՆ ԲԱՆՔ ԹՂԹՈՅՆ զոր գրեա́ց բարուք որդի ներեայ որդւոյ մաասայ որդւոյ սեդեկիայ որդւոյ ասադայ, որդւոյ քեղկեայ ՛ի բաբելովն։

Verse: 2   Link to sept   Յամին հինգերորդի՝ որ օր եւթն էր ամսոյն, ՛ի ժամանակի յորում առին քաղդէացիքն զե(րուսաղէ)մ, եւ այրեցին զնա հրով։

Verse: 3   Link to sept   Եւ ընթերցա́ւ բարուք զբանս թղթոյս այսորիկ յականջս յեքոնիայ որդւոյ յովակիմայ արքայի յուդայ, եւ յականջս ա(մենայ)ն ժողովրդեանն որ գային ՛ի մատեանն։

Verse: 4   Link to sept   եւ յականջս զօրացն, եւ որդւոց թագաւորացն. եւ յականջս ծերոցն. եւ յականջս ա(մենայ)ն ժողովրդեանն, ՛ի փոքուէ մինչեւ ցմեծամեծս. ամենեցուն որ բնակեալէին ՛ի բաբելովն, առ սո́ւդ գետով։

Verse: 5   Link to sept   եւ լային եւ պահէին, եւ կային յաղօթս առաջի տ(եառ)ն։

Verse: 6   Link to sept   Եւ ժողովեցին արծաթ ըստ իւրաքանչիւր կարի։

Verse: 7   Link to sept   եւ առաքեցին յե(րուսաղէ)մ առ յովակիմ որդի քեղկեայ՝ որդւոյ սաղովմայ առ քահանայ. եւ առ ա́յլ քահանայս գտեալս ընդ նմա յե(րուսաղէ)մ։

Verse: 8   Link to sept   Յառնուլ ն(ո)ր(ա) զսպաս տանն տ(եառ)ն որ ել ՛ի տաճարէն՝ դարձուցանել յերկիրն յուդայ, ՛ի տասներորդում սիւան ամսոյ զսպասն արծաթեղէնս՝ զոր արա́ր սեդեկիա որդի յովսիայ արքայի յուդայ.

Verse: 9   Link to sept   յետ գերելոյ նաբուքոդոնոսորայ արքայի բաբելացւոց՝ զյեքոնիա եւ զիմխանսն՝ եւ զկալանաւորակապսն՝ եւ զզօրաւորսն՝ եւ զժողովուրդ երկրին՝ յե(րուսաղէ)մ. եւ տարաւ զն(ո)ս(ա) ՛ի բաբելոն։

Verse: 10   Link to sept   Եւ ասեն, ահաւասիկ առաքեցաք առ ձեզ արծաթ. եւ գնեցէ́ք արծաթոյդ ողջակէզս՝ եւ զվ(ա)ս(ն) մեղացն, եւ կնդրուկ՝ եւ արարէ́ք մաննա. եւ հանէ́ք ՛ի սեղանն տ(եառ)ն ա(ստուծո)յ մերոյ։

Verse: 11   Link to sept   Եւ աղօթս արարէ́ք ՛ի վ(ե)ր(այ) կենաց նաբուքոդոնոսորայ արքայի բաբելացւոց, եւ ՛ի վ(ե)ր(այ) կենաց բաղտասարայ որդւոյ ն(ո)ր(ա). զի եղիցին աւուրք ն(ո)ց(ա) իբրեւ զաւուրս երկնից ՛ի վ(ե)ր(այ) երկրի։

Verse: 12   Link to sept   Եւ տացէ մեզ տ(է)ր զօրութի(ւն), եւ լուսաւո́ր արասցէ զաչս մեր. եւ կեցցուք ընդ հովանեաւ նաբուքոդոնոսորայ արքային բաբելացւոց, եւ ընդ հովանեաւ բաղտասարայ որդւոյ ն(ո)ր(ա). եւ ծառայեսցո́ւք ն(ո)ց(ա) աւուրս բազումս, եւ յոցուք շնորհս առաջի ն(ո)ց(ա)։

Verse: 13   Link to sept   Աղօ́թս արարէք եւ ՛ի վերայ մեր առ տ(է)ր ա(ստուա)ծ մեր. զի մեղաք տ(եառ)ն ա(ստուծո)յ մերում, եւ ո́չ դարձաւ սրտմտութի(ւն) տ(եառ)ն եւ բարկութի(ւն) ն(ո)ր(ա) ՛ի մէնջ մինչեւ ցա́յսօր։
Paragraph: 2 

Verse: 14   Link to sept   Եւ ընթերցջի́ք զթուղթդ զայդ զոր առաքեցաք առ ձեզ, դնե́լ ՛ի տունդ տ(եառ)ն՝ յաւուրս տօնի, եւ յաւուրս ժամանակի։

Verse: 15   Link to sept   Եւ ասասջի́ք, տ(եառ)ն ա(ստուծո)յ մերոյ արդարու(թ)ի(ւն) է, եւ մեր՝ ամօթ երեսաց, ո(ր)պ(էս) յաւուրս յայսմիկ ա́ռն յուդայ՝ եւ բնակչաց ե(րուսաղէ)մի։

Verse: 16   Link to sept   եւ թագաւորաց մերոց, եւ իշխանաց մերոց, եւ քահանայից մերոց, եւ մարգարէից մերոց, եւ հարց մերոց առաջի տ(եառ)ն։

Verse: 17   Link to sept   զի անհնազանդ եղաք նմա, եւ ո́չ լուաք ձայնի տ(եառ)ն ա(ստուծո)յ մերոյ գնա́լ ըստ հրամանաց տ(եառ)ն՝ զոր ե́դ առաջի մեր։

Verse: 18   Link to sept   յօրէ յորմէ եհան տ(է)ր զհարսն մեր յերկրէն եգիպտացւոց մինչեւ ցայսօր էաք անհնազանդք տ(եառ)ն ա(ստուծո)յ մերոյ, եւ խուսափեալք չլսել ձայնի ն(ո)ր(ա)։

Verse: 19   Link to sept   Եւ պատեցան զմեւք չարիքն, եւ նզո́վք զոր կարգեաց տ(է)ր ՛ի ձեռն մովսիսի ծառայի իւրոյ, յաւուր յորում եհան զհարսն մեր յերկրէն եգիպտացւոց՝ տա́լ մեզ զերկիրդ որ բղխէ զկաթն եւ զմեղր՝ ո(ր)պ(էս) եւ այսօր։

Verse: 20   Link to sept   Եւ ո́չ լուաք ձայնի տ(եառ)ն ա(ստուծո)յ մերոյ ըստ ա(մենայ)ն բանից մարգարէիցն զոր առաքեաց առ մեզ։

Verse: 21   Link to sept   եւ գնացաք իւրաքանչիւր ըստ մտաց սրտի իւրոյ չարի, հարկել աստուածոց օտարաց, առնել չար առաջի տ(եառ)ն ա(ստուծո)յ մերոյ։



Chapter: 2  
ԳԼ(ՈՒԽ) Բ՜.


Verse: 1   Link to sept   Եւ կացոյց տ(է)ր զբանս իւր զոր խօսեցաւ ՛ի վ(ե)ր(այ) մեր, եւ ՛ի վ(ե)ր(այ) դատաւորաց մերոց որ դատէին զի(սրայ)էլ, եւ ՛ի վ(ե)ր(այ) թագաւորաց մերոց, եւ ՛ի վ(ե)ր(այ) իշխանաց մերոց, եւ ՛ի վ(ե)ր(այ) ա́ռն ի(սրայէ)լի եւ յուդայ։

Verse: 2   Link to sept   ածել ՛ի վ(ե)ր(այ) մեր չարիս մեծամեծս, որ ո́չ երբէք գործեցան ՛ի ներքոյ ա(մենայ)ն երկնից, ո(ր)պ(էս) արարա́ւ ի(սրայէ)լի՝ ըստ գրելոցն յօրէնսն մովսիսի։

Verse: 3   Link to sept   ուտել մեզ զմարմին որդւոց մերոց, եւ ա́ռն զմարմին դստեր իւրոյ։

Verse: 4   Link to sept   Եւ մատնեաց զմեզ ՛ի ստրկու(թ)ի(ւն) ա(մենայ)ն թագաւորաց որ շուրջ զմեւք էին. ՛ի նախատինս եւ յանապատ ՛ի մէջ ա(մենայ)ն ժողովրդոց շուրջանակի՝ ուր ցրուեաց զմեզ տ(է)ր անդր։

Verse: 5   Link to sept   եւ եղաք ՛ի վայր՝ եւ ո́չ ՛ի վեր. զի մեղաք տ(եառ)ն ա(ստուծո)յ մերոյ առ ՛ի չլսելոյ ձայնի ն(ո)ր(ա)։

Verse: 6   Link to sept   Տ(եառ)ն ա(ստուծո)յ մերոյ արդարու(թ)ի(ւն). եւ մեր՝ եւ հարցն մերոց ամօ́թ երեսաց, ո(ր)պ(էս) եւ յաւուրս յայսմիկ։

Verse: 7   Link to sept   զոր խօսեցաւ տ(է)ր ՛ի վ(ե)ր(այ) մեր զա(մենայ)ն չարիսս զայսոսիկ որ եկին ՛ի վ(ե)ր(այ) մեր։

Verse: 8   Link to sept   Եւ ո́չ աղաչեցաք զերեսս տ(եառ)ն, դառնալ իւրաքանչիւր ՛ի խորհրդոց սրտի իւրոյ չարի։

Verse: 9   Link to sept   եւ զարթեա́ւ տ(է)ր ՛ի վ(ե)ր(այ) չարեացն, զորս զարթոյց տ(է)ր ՛ի վ(ե)ր(այ) մեր. զի արդար է տ(է)ր յա(մենայ)ն ՛ի գործս իւր՝ զոր պատուիրեաց մեզ։

Verse: 10   Link to sept   եւ ո́չ լուաք ձայնի ն(ո)ր(ա) երթալ զհետ հրամանաց տ(եառ)ն զոր ետ առաջի մեր։

Verse: 11   Link to sept   Եւ արդ տ(է)ր ա(ստուա)ծ ի(սրայէ)լի. որ հաներ զժողովուրդ քո յերկրէն եգիպտացւոց, հզօր ձեռամբ՝ նշանօք եւ արուեստիւք՝ եւ մեծամեծ զօրութ(եամ)բք՝ եւ բարձր բազկաւ, եւ արարեր քեզ անուն ո(ր)պ(էս) յաւուր յայսմիկ։

Verse: 12   Link to sept   Մեղա́ք ամպարշտեցա́ք՝ անիրաւեցաք տ(է)ր ա(ստուա)ծ մեր յա(մենայ)ն իրաւունս քո։

Verse: 13   Link to sept   դարձցի սրտմտութի(ւն) քո ՛ի մէնջ. զի մնացաք նուազք ՛ի մէջ հեթանոսաց՝ ուր ցրուեցեր զմեզ անդր։

Verse: 14   Link to sept   Լուր տ(է)ր աղօթից մերոց, եւ խնդրուածոց մերոց, եւ փրկեա́ զմեզ վ(ա)ս(ն) անուան քոյ. եւ տո́ւր մեզ շնորհս առաջի գերչաց մերոց։

Verse: 15   Link to sept   զի ծանիցէ ա(մենայ)ն երկիր՝ թէ դո́ւ ես տ(է)ր ա(ստուա)ծ մեր. զի անուն քո կոչեցաւ ՛ի վ(ե)ր(այ) ի(սրայէ)լի, եւ ՛ի վ(ե)ր(այ) ազգի ն(ո)ր(ա)։

Verse: 16   Link to sept   Տ(է)ր՝ նայեա́ց ՛ի տաճարէ սրբոյ քումմէ, եւ խորհեա́ց զմեզ. խոնարհեցո́ տ՝ր զունկն քո՝ եւ լո́ւր.

Verse: 17   Link to sept   բա́ց զաչս քո՝ եւ տե́ս. զի ո́չ եթէ մեռեալք ՛ի դժոխս որոց առան ոգիք ՛ի միջոյ ն(ո)ց(ա), տացեն փառաւորութի(ւն) եւ իրաւունս տ(եառ)ն։

Verse: 18   Link to sept   այլ անձինք տրտմեալք յանհնարին տրտմու(թ)ի(ւն)ս, որ գնան կորացեալք՝ եւ հիւանդացեալք, եւ աչք առկայծեալք՝ եւ անձինք քաղցեալք՝ տացեն քեզ փառս եւ արդարու(թ)ի(ւն)։

Verse: 19   Link to sept   Տ(է)ր՝ ո́չ եթէ առ իրաւանց հարցն մերոց եւ թագաւորաց մերոց արկանեմք գութս առաջի քո տ(է)ր ա(ստուա)ծ մեր։

Verse: 20   Link to sept   զի ածեր զսրտմտութի(ւն) քո եւ զբարկու(թ)ի(ւն) քո ՛ի վ(ե)ր(այ) մեր, ո(ր)պ(էս) եւ խօսեցար ՛ի ձեռն ծառայից քոց մարգարէից. եթէ

Verse: 21   Link to sept   ա́յսպէս ասէ տ(է)ր, խոնարհեցուցէ́ք զպարանոցս ձեր, եւ հարկեցարո́ւր արքային բաբելացւոց. եւ նստարո́ւք յերկրին զոր ետու հարցն ձերոց։

Verse: 22   Link to sept   եւ եթէ ոչ լուիցէք ձայնի տ(եառ)ն հարկել արքային բաբելացւոց, պակա́ս արարից ՛ի քաղաքացդ յուդայ եւ արտաքոյ ե(րուսաղէ)մի՝

Verse: 23   Link to sept   զձայն ուրախութե(ան), եւ զձայն ցնծու(թ)ե(ան), զձայն փեսայի եւ զձայն հարսին. եւ եղիցի ա(մենայ)ն երկիրդ յանապատ ՛ի բնակչաց։

Verse: 24   Link to sept   Եւ ո́չ լուաք ձայնի քում հարկել արքային բաբելացւոց։ եւ կացուցեր զբանս քո զոր խօսեցար ՛ի ձեռն ծառայիցն քոց մարգարէից, հանել զոսկերս թագաւորացն մերոց, եւ զոսկերս հարց մերոց ՛ի տեղւոջէ իւրեանց։

Verse: 25   Link to sept   Եւ ահա անկեա́լ կան ՛ի տօթի տունջեան, եւ ՛ի ցուրտ գիշերոյ. եւ մեռան ՛ի ցաւս չարաչարս՝ ՛ի սով եւ ՛ի սուր եւ ՛ի գերութի(ւն)։

Verse: 26   Link to sept   եւ արարեր զտաճարն քո յորոյ վ(ե)ր(այ) կոչեցաւ անուն քո, ո(ր)պ(էս) յաւուրս յայսմիկ՝ վ(ա)ս(ն) չարու(թ)ե(ան) տանն ի(սրայէ)լի եւ տանն յուդայ։

Verse: 27   Link to sept   Եւ արարեր ընդ մեզ տ(է)ր ա(ստուա)ծ մեր ըստ ա(մենայ)ն հեզութե(ան) քում, եւ ըստ ա(մենայ)նի մեծի գթու(թ)ե(ան) քոյ։

Verse: 28   Link to sept   ո(ր)պ(էս) խօսեցար ՛ի ձեռն ծառայի քոյ մովսիսի, յաւուր պատուիրելոյ քոյ նմա գրե́լ զօրէնս քո առաջի որդւոցն ի(սրայէ)լի։

Verse: 29   Link to sept   եւ ասել՝ եթէ ոչ լուիցէք ձայնի իմում. եթէ ոչ շըռինդդ մեծ եւ յոյժ դարձցի ՛ի փոքրկութի(ւն) ՛ի մէջ ազգաց ուր ցրուեցից զձեզ անդր։

Verse: 30   Link to sept   զի գիտեմ եթէ ո́չ լսիցեն ինձ, զի ժողովուրդ խստապարանո́ց է. եւ դարձուցանեն զսիրտս իւրեանց յերկրին պանդխտու(թ)ե(ան) իւրեանց։

Verse: 31   Link to sept   Եւ ծանիցեն՝ թէ ե́ս եմ տ(է)ր ա(ստուա)ծ ն(ո)ց(ա). եւ տաց ն(ո)ց(ա) սիրտ՝ եւ ականջս լսելոյ։

Verse: 32   Link to sept   եւ օրհնեսցեն զիս յերկրին գերութե(ան) իւրեանց. եւ յիշեսցեն զանուն իմ։

Verse: 33   Link to sept   եւ դարձցին ՛ի խստութ(են)է պարանոցի իւրեանց, եւ յիրաց չարեաց իւրեանց. զի յիշեսցեն զճանապարհս հարց իւրեանց մեղուցելոց առաջի իմ։

Verse: 34   Link to sept   Եւ դարձուցից զն(ո)ս(ա) յերկիրն զոր երդուայ տա́լ հարցն ն(ո)ց(ա) աբրահամու եւ սահակայ եւ յակոբայ, եւ տիրեսցեն նմա. եւ բազմացուցից զն(ո)ս(ա), եւ ո́չ նուազեսցին։

Verse: 35   Link to sept   եւ հաստատեցից ն(ո)ց(ա) ո́ւխտ յաւիտենական լինել ինձ ն(ո)ց(ա) յա(ստուա)ծ, եւ նոքա եղիցին ինձ ՛ի ժողովուրդ։ եւ ո́չ եւս խախտեցից զժողովուրդ իմ զի(սրայ)էլ յերկրէն զոր ետու ն(ո)ց(ա)։



Chapter: 3  
ԳԼ(ՈՒԽ) Գ՜.


Verse: 1   Link to sept   Տ(է)ր ամենակալ՝ ա(ստուա)ծ ի(սրայէ)լի, անձինք նեղեալք՝ եւ հոգիք ձանձրացեալք աղաղակեն առ քեզ։

Verse: 2   Link to sept   Լո́ւր տ(է)ր եւ ողորմեա́ց, զի ա(ստուա)ծ ողորմած ես. եւ ողորմեա́ց՝ զի մեղաք առաջի քո։

Verse: 3   Link to sept   զի դու բնակեալես յաւիտեան, եւ մեք կորստակա́նք յաւիտեան։

Verse: 4   Link to sept   Տ(է)ր ամենակալ՝ ա(ստուա)ծ ի(սրայէ)լի, լո́ւր աղօթից մեռելոցն ի(սրայէ)լի, եւ որդւոցն մեղուցելոց առաջի քո. որք ո́չ լուան ձայնի տ(եառ)ն ա(ստուծո)յ իւրեանց. եւ պատեցին զմեզ չարիք։

Verse: 5   Link to sept   Մի́ յիշեր զանիրաւութի(ւն)ս հարցն մերոց, այլ յիշեա́ զձեռն քո, եւ զանուն քո ՛ի ժամանակի յայսմիկ։

Verse: 6   Link to sept   զի դո́ւ տ(է)ր ա(ստուա)ծ մեր. եւ օրհնեսցուք զքեզ տ(է)ր։

Verse: 7   Link to sept   Զի վ(ա)ս(ն) այսորիկ ետուր զերկեւղ քո ՛ի սիրտս մեր կարդա́լ զանուն քո. եւ օրհնեսցո́ւք զքեզ ՛ի գերութե(ան)ս մերում. զի դարձուցաք ՛ի սիրտս մեր զա(մենայ)ն անիրաւութի(ւն)ս հարցն մերոց մեղուցելոց առաջի քո։

Verse: 8   Link to sept   Ահաւասիկ մեք այսօր ՛ի գերու(թ)ե(ան) մերում. ուր ցրուեցեր զմեզ այսր ՛ի նախատինս՝ եւ ՛ի նզովս՝ եւ ՛ի պարտիսս ըստ ա(մենայ)ն անօրէնութե(ան)ց հարց մերոց՝ որ ապստամբեցին ՛ի տ(եառն)է ա(ստուծո)յ մերմէ։
Paragraph: 3 

Verse: 9   Link to sept   Լո́ւր ի(սրայ)էլ զպատուէրս կենաց. ո́ւնկնդիք ճանաչել զիմաստու(թ)ի(ւն)։

Verse: 10   Link to sept   զի́նչ է (թ)ի(ւն)էլ. զի՞ է զի յերկիրդ թշնամեաց ես։

Verse: 11   Link to sept   հնացար յերկրի օտարութե(ան), խառնակեցար ընդ դիակունս. համարեցար ընդ իջեալս ՛ի դժոխս։

Verse: 12   Link to sept   թողե́ր զերկիրն իմաստութե(ան)։

Verse: 13   Link to sept   եթէ ՛ի ճանապարհն ա(ստուծո)յ գնացեալէիր, բնակեալ էիր խաղաղութ(եամ)բ յաւիտեանս ժամանակաց։

Verse: 14   Link to sept   Ուսի́ր՝ ո՞ւր է իմաստու(թ)ի(ւն), ո՞ւր է զօրու(թ)ի(ւն), ո՞ւր է հանճար, ճանաչել միանգամայն՝ թէ ո՞ր են կեանք երկայնակեացք. ո՞ւր է լոյս աչաց եւ խաղաղու(թ)ի(ւն)։

Verse: 15   Link to sept   ո՞ եգիտ զտեղի ն(ո)ր(ա), եւ ո՞ եմուտ ՛ի գանձս ն(ո)ր(ա)։

Verse: 16   Link to sept   Ո՞ւր են իշխանք հեթանոսաց՝ եւ որ տիրէին գազանաց երկրի։

Verse: 17   Link to sept   որ ընդ թռչունս երկնից ճախրէին.

Verse: 18   Link to sept   եւ գանձէին արծաթ եւ ոսկի՝ յոր յուսացան մարդիկ. եւ ո́չ գոյր բաւ ստացուածոց ն(ո)ց(ա). եւ որք գործեն զարծաթն եւ զոսկին, եւ հոգան. եւ ո́չ գոն հանգամանք գործոց ն(ո)ց(ա)։

Verse: 19   Link to sept   ապականեցան եւ ՛ի դժոխս իջին. եւ ա́յլք փոխանակ ն(ո)ց(ա) կանգնեցան։

Verse: 20   Link to sept   Երիտասարդք տեսին լո́յս, եւ բնակեցին յերկրի. եւ զճանապարհս իմաստութե(ան) ո́չ ծանեան։

Verse: 21   Link to sept   եւ ո́չ ՛ի միտ առին զշաւիղս ն(ո)ր(ա), եւ ո́չ կացին ՛ի վ(ե)ր(այ) ն(ո)ր(ա). որդիք ն(ո)ց(ա) ՛ի ճանապարհէ ն(ո)ր(ա) հեռի́ եղեն։

Verse: 22   Link to sept   Ո́չ լու եղեւ ՛ի քանան, եւ ո́չ երեւեցաւ ՛ի թեման։

Verse: 23   Link to sept   եւ ո́չ որդիքն հագարու խնդրեն զիմաստու(թ)ի(ւն)։ վաճառականք մերանայ եւ թեմանայ. եւ առասպելախօսք՝ եւ քննիչք իմաստութե(ան) զճանապարհն իմաստութե(ան) ո́չ ծանեան, եւ ո́չ յուշ եղեն ն(ո)ց(ա) շաւիղք ն(ո)ր(ա)։

Verse: 24   Link to sept   Ո́վ ի(սրայ)էլ՝ ո(ր)պ(էս) զի մեծ է տունն ա(ստուծո)յ, եւ ընդարձակ է տեղի ստացուածոց նորա։

Verse: 25   Link to sept   մեծ է՝ եւ ո́չ գոյ բաւ. բա́րձր եւ անչափ։

Verse: 26   Link to sept   Ա́նդ ծնան սկայքն անուանիք, իսկզբանէ եղեալք մեծամեծք, հմո́ւտք պատերազմաց։

Verse: 27   Link to sept   ո́չ եթէ զն(ո)ս(ա) ընտրեաց ա(ստուա)ծ, եւ ո́չ զճանապարհ իմաստութե(ան) ետ ն(ո)ց(ա)։

Verse: 28   Link to sept   եւ կորեան առ ՛ի չգոյէ իմաստու(թ)ե(ան), եւ սատակեցան վ(ա)ս(ն) անմտութե(ան) իւրեանց։

Verse: 29   Link to sept   Ո՞ ել յերկինս եւ ա́ռ զնա՝ եւ իջոյց զնա յամպոց։

Verse: 30   Link to sept   ո́ անց յայնկոյս ծովու՝ եւ եգիտ զնա, եւ բերիցէ զնա ընդ ընտիրս ոսկւոյ։

Verse: 31   Link to sept   չի́ք որ գիտէ զճանապարհս ն(ո)ր(ա), եւ ո́չ որ զմտա́ւ ածիցէ զշաւիղս ն(ո)ր(ա)։

Verse: 32   Link to sept   Այլ որ գիտէն զա(մենայ)ն՝ նա́ ճանաչէ զնա, եգիտ զնա իմաստու(թեամ)բ իւրով. եւ որ կազմեաց զերկիր յաւիտեանս ժամանակաց, ելի́ց զսա անասնօք եւ չորքոտանեօք։

Verse: 33   Link to sept   Որ առաքէ զլոյս՝ եւ գնայ. կոչեաց զնա՝ եւ նա լուա́ւ նմա գողու(թեամ)բ։

Verse: 34   Link to sept   եւ աստեղք ծագեցին յիւրաքանչիւր պահպանութե(ան)՝ եւ ուրա́խ եղեն։

Verse: 35   Link to sept   կոչեաց զն(ո)ս(ա)՝ եւ ասեն, ահա́ւասիկ կամք. ծագեցին ուրախութ(եամ)բ արարչի իւրեանց։

Verse: 36   Link to sept   Սա́ է Ա(ստուա)ծ մեր՝ ընդ որում ո́չ համարեսցի այլ։

Verse: 37   Link to sept   եգիտ զա(մենայ)ն ճանապարհս իմաստութե(ան). եւ ետ զնա յակոբու ծառայի իւրում, եւ ի(սրայէ)լի սիրեցելոյ ՛ի նմանէ։

Verse: 38   Link to sept   Յետ այսորիկ յերկրի երեւեցաւ՝ եւ ընդ մարդկան շրջեցաւ։



Chapter: 4  
ԳԼ(ՈՒԽ) Դ՜.


Verse: 1   Link to sept   Ա́յս են գիրք հրամանաց ա(ստուծո)յ, եւ օրէնք որ կան յաւիտեան։ Ամենեքին որ ընդունին զնա կեա́ն, եւ որք թողուն զնա մեռցի́ն։

Verse: 2   Link to sept   Դա́րձ յակովբ՝ եւ բո́ւռն հար զնմանէ, ընդ ծագումն առաջի լուսոյ ն(ո)ր(ա)։

Verse: 3   Link to sept   մի́ տար այլում զփառս քո, եւ մի́ զօգուտ ազգի օտարոտւոյ։

Verse: 4   Link to sept   Երանի́ է մեզ ի(սրայ)էլ, զի հաճոյքն ա(ստուծո)յ ծանօթք մե́ր են։

Verse: 5   Link to sept   Քաջալերեա́ց ժողովուրդ իմ. յիշեա́ ի(սրայ)էլ։

Verse: 6   Link to sept   զի վաճառեցարուք յազգս՝ եւ ո́չ ՛ի կորուստ. փոխանակ զի բարկացուցէք դուք զա(ստուա)ծ՝ մատնեցայք հակառակորդաց։

Verse: 7   Link to sept   քանզի զայրացուցէք զարարիչ ձեր. զոհեցէք դիւաց՝ եւ ո́չ ա(ստուծո)յ։

Verse: 8   Link to sept   Մոռացարուք զկերակրիչն ձեր զա(ստուա)ծ յաւիտեան. տրտմեցուցէք եւ զդայեակն ձեր զե(րուսաղէ)մ։

Verse: 9   Link to sept   զի ետես զեկեալ ՛ի վերայ ձեր զբարկութի(ւն) յա(ստուծո)յ՝ եւ ասէ։
Paragraph: 5 
   Լուարո́ւք պանդուխտք սիովնի, զի ա(ստուա)ծ ՛ի վերայ իմ տ(է)ր սուգ մեծ։

Verse: 10     Link to sept   տեսի զգերու(թ)ի(ւն) ուստերաց եւ դստերաց իմոց, զոր ա(ստուա)ծ ՛ի վ(ե)ր(այ) ն(ո)ց(ա) յաւիտենականն։

Verse: 11     Link to sept   սնուցի զն(ո)ս(ա) ուրախու(թեամ)բ, եւ յուղարկեցի զն(ո)ս(ա) լալո́վ եւ սգով։

Verse: 12     Link to sept   Մի́ ոք ոտնահա́ր լիցի այրւոյս, որ մնացի միայնացեա́լս ՛ի բազմաց. թափո́ւր եղէ վ(ա)ս(ն) բազում մեղաց որդւոց իմոց. զի խոտորեցան յօրինացն ա(ստուծո)յ,

Verse: 13     Link to sept   եւ զիրաւունս ն(ո)ր(ա) ո́չ ծանեան. եւ ո́չ գնացին ՛ի ճանապարհս պատուիրանաց ա(ստուծո)յ, եւ ո́չ ՛ի շաւիղս խրատու արդարու(թ)ե(ան) ն(ո)ր(ա) ելին։

Verse: 14     Link to sept   Եկեսցեն պանդուխտք սիովնի, եւ յիշեսցեն զգերութի(ւն) ուստերաց եւ դստերաց իմոց զոր ա(ստուա)ծ ՛ի վ(ե)ր(այ) նոցա յաւիտենականն։

Verse: 15     Link to sept   ած ՛ի վ(ե)ր(այ) ն(ո)ց(ա) ա́զգ հեռաւոր, ազգ լի́րբ եւ այլալեզու.

Verse: 16     Link to sept   որ ո́չ ակն ածէին ՛ի ծերոյն, եւ ո́չ ողորմէին տղայոյն. տարան զսիրելիս այրւոյս, եւ ՛ի դստերաց թափո́ւր արարին զմնացեալս։

Verse: 17     Link to sept   եւ ես՝ զի չէի ձեռնհաս օգնել ձեզ։

Verse: 18     Link to sept   որ ած զչարիսն ՛ի վերայ, փրկեսցէ́ զձեզ ՛ի ձեռաց թշնամեաց ձերոց։

Verse: 19     Link to sept   Գնացէ́ք որդեակք գնացէ́ք, զի ես մնացի աւերա́կ։

Verse: 20     Link to sept   մերկացայ զպատմուճան խաղաղութե(ան), եւ զգեցայ զքո́ւրձ խնդրուածոց իմոց. աղաղակեցի առ յաւիտենականն յաւուրս իմ։

Verse: 21     Link to sept   Քաջալերեցարո́ւք որդեակք. գոչեցէ́ք առ ա(ստուա)ծ եւ փրկեսցէ զձեզ ՛ի բռնու(թեն)է ձեռաց թշնամեաց։

Verse: 22     Link to sept   զի ես յուսացայ ՛ի յաւիտենականն վասն փրկու(թ)ե(ան) ձերոյ. եւ եկն ինձ ուրախու(թ)ի(ւն) ՛ի սրբոյն ՛ի վ(ե)ր(այ) ողորմութե(ա)ն, որ եկեսցէ ձեզ ընդ հուպ ՛ի յաւիտենականէ փրկչէ́ ձերմէ։

Verse: 23     Link to sept   զի յուղարկեցի զձեզ սգով եւ լալով՝ եւ տացէ ինձ ա(ստուա)ծ զձեզ ցնծու(թեամ)բ եւ ուրախու(թեամ)բ յաւիտեանս։

Verse: 24     Link to sept   Զի ո(ր)պ(էս) այժմ տեսին պանդուխտքն սիովնի զգերութի(ւն) ձեր. նոյնպէս տեսցեն ընդ հո́ւպ յա(ստուծո)յ զփրկութի(ւն)ն ձեր, որ եկեսցէ ՛ի վ(ե)ր(այ) ձեր փառօք մեծօք՝ եւ լուսաւորութ(եամ)բ ՛ի յաւիտենականէն։

Verse: 25     Link to sept   Ո́րդեակք՝ երկայնամի́տ եղերուք ՛ի վ(ե)ր(այ) բարկութե(ան) հասելոյ ձեզ յա(ստուծո)յ։ հալածեաց զքեզ թշնամին քո, եւ տեսցես զկորուստ ն(ո)ր(ա) ընդ հո́ւպ, եւ ելցես ՛ի վ(ե)ր(այ) պարանոցի նորա։

Verse: 26     Link to sept   Փափկասունք իմ գնացին զճանապարհս խիստ. վարեցան իբրեւ զհօտ յափշտակեալ ՛ի թշնամեաց։

Verse: 27     Link to sept   Քաջալերեցարո́ւք որդեակք՝ եւ գոչեցէ́ք առ ա(ստուա)ծ, զի եղիցի ձեզ յիշատա́կ ՛ի վարչէն։

Verse: 28     Link to sept   զի ո(ր)պ(էս) եղեն ձեր միտք մոլորեալք յա(ստուծո)յ. տասնպատիկ եղերուք դառնա́լ եւ խնդրել զնա։

Verse: 29     Link to sept   զի ո́ր ածն ՛ի վ(ե)ր(այ) ձեր չարիս, ածցէ́ ՛ի վ(ե)ր(այ) ձեր զյաւիտենական ուրախութի(ւն)ն հանդերձ փափկութ(եամ)բն ձերով։
Paragraph: 6 

Verse: 30     Link to sept   Քաջալերեա́ց ե(րուսաղ)էմ, մխիթարեսցէ զքեզ որ անուանեաց զքեզ։

Verse: 31     Link to sept   եղո́ւկ որ չարչարեացն զքեզ, եւ որ խնդացին ընդ կործանումն քո։

Verse: 32     Link to sept   Եղո́ւկ են քաղաքքն որոց ծառայեցին մանկունք քո. եւ եղո́ւկ է որ ընկալաւ զորդիսն քո։

Verse: 33     Link to sept   զի ո(ր)պ(էս) խնդաց նա ՛ի վ(ե)ր(այ) կործանման քոյ, եւ ուրա́խ եղեւ յանկանելն քում. նոյնպէս տրտմեսցի ՛ի վ(ե)ր(այ) աւերածին իւրոյ։

Verse: 34     Link to sept   Եւ բարձի́ց ՛ի նմանէ զուրախու(թ)ի(ւն) բազում խրախճանուեն. եւ դարձուցից ՛ի սո́ւգ զպերճութի(ւն) ն(ո)ր(ա)։

Verse: 35     Link to sept   եկեսցէ ՛ի վ(ե)ր(այ) ն(ո)ր(ա) հո́ւր ՛ի յաւիտենականէն աւո́ւրս բազումս. եւ եղիցի բնակութի(ւն) դիւաց զբազում ժամանակս։
Paragraph: 7 

Verse: 36     Link to sept   Հայեա́ց ը(նդ) արեւելս ե(րուսաղ)էմ, եւ տե́ս զեկեալ ուրախութի(ւն)ն քեզ յա(ստուծո)յ։

Verse: 37     Link to sept   ահաւադիկ գա́ն որդիքն քո զորս յուղարկեցեր. գան ժողովեալք յարեւելից մինչեւ ՛ի մուտս արեւու բաի́ւ սրբոյն. խնդացեալք փառօքն ա(ստուծո)յ։



Chapter: 5  
ԳԼ(ՈՒԽ) Ե՜.


Verse: 1   Link to sept   Մերկեա́ ե(րուսաղ)էմ զհանդերձ սգոյ եւ լալականաց քոց. եւ զգեցի́ր զվայելչու(թ)ի(ւն) փառացն ա(ստուծո)յ՝ յաւիտեան։

Verse: 2   Link to sept   ա́րկ զքեւ զկրկնոցն արդարութե(ան) յա(ստուծո)յ. դի́ր խոյր ՛ի գլուխ քո զփառաց յաւիտենականին։

Verse: 3   Link to sept   Զի ցուցցէ́ ա(ստուա)ծ ՛ի ներքոյ երկնից զա(մենայ)ն լուսաւորու(թ)ի(ւն)ս քո.

Verse: 4   Link to sept   եւ կոչեսցի քեզ անուն յա(ստուծո)յ յաւիտեան՝ խաղաղու(թ)ի(ւն), արդարութի(ւն)՝ եւ փառք ա(ստուա)ծպաշտութե(ան)։

Verse: 5   Link to sept   Արի́ ե(րուսաղ)էմ, եւ կա́ց ՛ի վ(ե)ր(այ) բարձու, եւ հայեա́ց ընդ արեւելս, եւ տե́ս ժողովեալ զորդիսն քո յարեւելից մինչեւ յարեւմուտս՝ բանիւ սրբոյն զուարճացեալս յա(ստուծո)յ յիշատակօք։

Verse: 6   Link to sept   Զի ելին ՛ի քէն հետեւա́կք՝ վարեալք ՛ի թշնամեաց. եւ ածցէ զն(ո)ս(ա) առ քեզ ա(ստուա)ծ ամբարձեալս փառօք իբրեւ զաթոռ թագաւորու(թ)ե(ան)։

Verse: 7   Link to sept   Զի հրաման ետ ա(ստուա)ծ խոնարհել ա(մենայ)ն լերանց բարձանց, եւ բլրոց մշտնջենաւորաց, եւ լնո́ւլ ձորոց ՛ի հարթութի(ւն) երկրի. զի գնասցէ ի(սրայ)էլ զգուշու(թեամ)բ փառացն ա(ստուծո)յ։

Verse: 8   Link to sept   եւ հովանի́ լիցին նմա ա(մենայ)ն անտառք. եւ ա(մենայ)ն փայտ անուշու(թ)ե(ան) ի(սրայէ)լի հրամանաւ ա(ստուծո)յ։

Verse: 9   Link to sept   Զի առաջնորդեսցէ ա(ստուա)ծ ի(սրայէ)լի ուրախու(թեամ)բ լուսով փառաց իւրոց հանդերձ ողորմութ(եամ)բ եւ արդարութ(եամ)բ ՛ի նմանէ։
Paragraph:  




Book: Lam.Jer.  
Lamentationes Ieremiae

entered by N. Čanṭlaʒe,
Tbilisi 2004;
TITUS version by J. Gippert,
Frankfurt a/M, 3.10.2004

ՈՂԲՔ ՍՐԲՈՅՆ
ԵՐԵՄԻԱՅ ՄԱՐԳԱՐԷԻ



Chapter: 1  
ԳԼ(ՈՒԽ) Ա՜.
Section: 46 
Եւ եղեւ յետ գերու(թ)ե(ա)ն ի(սրայէ)լի եւ աւերածոյն ե(րուսաղէ)մի, նստէ́ր եւ լայր եւ ողբայր երեմիա զողբս զայս ՛ի վ(ե)ր(այ) ե(րուսաղէ)մի՝ եւ ասէր։


Paragraph: alipՙ 

Verse: 1   Link to sept   ԶԻԱ՞ՐԴ ԶԱՏԱՒ, ՆՍՏԱՒ միայնացեալ քաղաքն բազմաժողով, եւ եղեւ իբրեւ կին մի այրի լցեալ տրտմու(թեամ)բ ՛ի մէջ հեթանոսաց։ իշխանն աշխարհի եղեւ հարկատու։
Paragraph: bētՙ 

Verse: 2   Link to sept   Լալո́վ ելաց ՛ի գիշերի, եւ արտասուք իւր ՛ի վերայ ծնօտից իւրոց. եւ ո́չ գտաւ մխիթարիչ նմա յայնմ աւուր ՛ի սիրելեաց իւրոց։ ա(մենայ)ն բարեկամք ն(ո)ր(ա) անարգեցին զնա. եւ եղեն նմա իբրեւ թշնամիք։
Paragraph: gamil 

Verse: 3   Link to sept   Վարեցա́ւ ՛ի գերութի(ւն) յուդայ, ՛ի բազում տառապանս։ ՛ի նեղու(թ)ե(ան), ստրկու(թ)ե(ան), ծառայու(թ)ե(ան). նստաւ ՛ի մէջ հեթանոսաց, եւ ո́չ եգիտ հանգիստ։ ա(մենայ)ն հալածիչք իւր հասի́ն նմա ՛ի մէջ թշնամեաց իւրոց։
Paragraph: dalētՙ 

Verse: 4   Link to sept   Սո́ւգ առին ճանապարհք սիոնի. զի ո́չ գոյր երթեւեկ տօնից տարեկանաց ն(ո)ր(ա). ա(մենայ)ն դրունք ն(ո)ր(ա) եղեն յապականու(թ)ի(ւն)։ եւ քահանայք նորա հաչեն՝ հառաչեն՝ եւ յոգո́ց հանեն։ կուսանք ն(ո)ր(ա) ՛ի գերութի(ւն) վարեցան. եւ ինքն դառնացեալ յանձն իւր։
Paragraph: hē 

Verse: 5   Link to sept   Եւ եղեն նեղիչք ն(ո)ր(ա) ՛ի գլուխս, եւ թմնամիք ն(ո)ր(ա) յուրախու(թ)ի(ւն). զի տ(է)ր կորացոյց զնա վ(ա)ս(ն) բազում ամպարշտու(թ)ե(ան) ն(ո)ր(ա)։ տղայք ն(ո)ր(ա) վարեցան ՛ի գերութի(ւն) առաջի նեղչաց ն(ո)ր(ա)։
Paragraph: vaw 

Verse: 6   Link to sept   Բարձա́ւ ՛ի դստերացն սիոնի ա(մենայ)ն վայելչու(թ)ի(ւն) ն(ո)ց(ա)։ եղեն իշխանք ն(ո)ց(ա) իբրեւ խոյք, որոց ո́չ գտանէր ն(ո)ց(ա) ճարակ։ ետուն զցանկալի ցանկաի ինչս իւրեանց կերակրոց. զի հանգուսցեն զանձինս իւրեանց։ երթային եւ ո́չ ՛ի միտս իւրեանց՝ առաջի նեղչաց ըստ վարել հալածչացն։
Paragraph: zē 

Verse: 7   Link to sept   Յիշեա́ց ե(րուսաղ)էմ զօր տառապանաց, եւ զօր անջատման իւրոյ. թախծեցաւ ընդ ա(մենայ)ն ցանկալի ինչս որ ստացեալ էր իսկզբանէ։ յանկանել ժողովրդեանն ՛ի ձեռս թշնամեացն, եւ ո́չոք էր որ օգնէր նմա։ տեսին ատելիք ն(ո)ր(ա), ո́տն հարին եւ մեծաղեցա́ն ՛ի վ(ե)ր(այ) գերու(թ)ե(ան) ն(ո)ր(ա)։
Paragraph: xētՙ 

Verse: 8   Link to sept   Մե́ղս մեղաւ ե(րուսաղ)էմ, վ(ա)ս(ն) այսորիկ ա(մենայ)ն գովիչք ն(ո)ր(ա) կոր ՛ի գո́ւխ առնէին զնա. զի տեսին զանարգանս ն(ո)ր(ա). զի նա ինքնին յետս դարձեալ յոգոց ելանէր։
Paragraph: tētՙ 

Verse: 9   Link to sept   Պղծու(թ)ի(ւն) ն(ո)ր(ա) առաջի ոտից իւրոց, եւ ո́չ յիշեաց նա զյետինս իւր. իջոյց արտասուս մեծամեծս, եւ ո́չոք էր որ մխիթարէր զնա։ տե́ս տ(է)ր զտառապանս իմ, զի բարձացան թշնամիք իմ ՛ի վ(ե)ր(այ) իմ։
Paragraph: yod 

Verse: 10   Link to sept   Զձեռն իւր ձգեաց նեղիչն ՛ի վ(ե)ր(այ) ցանկալեաց իմոց։ տեսի ես զհեթանոսս զի մտին ՛ի սրբութի(ւն) քո. որոց պատուիրեցեր թէ մի́ մտցեն ՛ի տեղի ժողովրդոց քոց։
Paragraph: kapՙ 

Verse: 11   Link to sept   Ա(մենայ)ն ժողովուրդք յոգո́ց ելանէին ՛ի խնդի́ր հացի. տային զա(մենայ)ն ցանկալի ինչս իւրեանց ՛ի գինս հացի. զի դարձուսցեն զանձինս իւրեանց յինքեանս։ տե́ս տ(է)ր եւ հայեա́ց. զի եղէ ես անարգեալ եւ արհամարհեալ։
Paragraph: lamētՙ 

Verse: 12   Link to sept   Ձեզ ասեմ, ձեզ ասեմ անցաւորք ճանապարհաց՝ դաարձա́յք հայեցարո́ւք եւ տեսէ́ք, թէ իցե՞ն երբէք ցաւք ըստ ցաւոց լեալ՝ որ ՛ի վ(ե)ր(այ) իմ հասին։ բարբառեցաւ յիս տ(է)ր, եւ կորացոյց զիս յաւուր բարկու(թ)ե(ան) եւ սրտմտութե(ան) իւրոյ։
Paragraph: mim 

Verse: 13   Link to sept   ՛Ի բարձանց իւրոց առաքեաց հո́ւր յոսկերս իմ. ցա́նց ձգեաց ոտից իմոց, եւ դարձոյց զիս յետս իմ. արար յապականութի(ւն) զանձն իմ,զօրհանապազ ՛ի տառապանս տրտմութե(ան)։
Paragraph: nown 

Verse: 14   Link to sept   Կանխեա́ց տ(է)ր ՛ի վ(ե)ր(այ) ամպարշտու(թ)ե(ան) իմոյ, եւ արկ զինեւ զձեռն իւր։ ծանրացո́յց զլուծ իւր ՛ի վերայ պարանոցի իմոյ. տկարացաւ զօրու(թ)ի(ւն) իմ։ մատնեաց զիս տ(է)ր ՛ի ձեռս ցաւոց իմոց, եւ ո́չ կարեմ հանդարտել։
Paragraph: sampՙatՙ 

Verse: 15   Link to sept   Ջնջեա́ց ՛ի միջոյ իմմէ զընտիր ընտիր զօրուց իմոց։ կոչեաց ՛ի վ(ե)ր(այ) ընտրելոց իմոց ժամանակ բեկման։ հնծա́ն եհար տ(է)ր կուսի դստերն յուդայ։
Paragraph: ēy 

Verse: 16   Link to sept   վ(ա)ս(ն) այսորիկ ես ահաւասիկ ՛ի լալ մատուցեալ եմ։ Ակն իմ իջոյց արտասուս. զի հեռի եղեն յինէն մխիթարիչք իմ, որ դաձուցանէ զանձն իմ յիս։ մատնեցան որդիք իմ յապականութի(ւն) զի զօրացան թշնամիք իմ։
Paragraph: pՙē 

Verse: 17   Link to sept   Տարածեաց սիովն զբազուկս իւր առ ա(ստուա)ծ, եւ ո́չոք էր որ մխիթարէր զնա. շուրջ զնովաւ նեղիչք ն(ո)ր(ա)։ եղեւ ե(րուսաղ)էմ աղտեղեալ իբրեւ կին մի ՛ի մէջ ն(ո)ց(ա)։
Paragraph: cadē 

Verse: 18   Link to sept   Արդա́ր է տ(է)ր ա(ստուա)ծ. զի ես դառնացուցի զնա։ լուարո́ւք զայս ա(մենայ)ն ժողովուրդք եւ տեսէ́ք զցաւս իմ։ օրիորդք իմ եւ երիտասարդք իմ վարեցան ՛ի գերու(թ)ի(ւն)։
Paragraph: kopՙ 

Verse: 19   Link to sept   Կոչեցի ես զսիրելիսն իմ, եւ նոքա արհամարհեցի́ն զիս. քահանայք իմ եւ երիցունք իմ աստէ́ն ՛ի քաղաքիս սատակեցան։ խնդրեցին կերակուր զի դարձուսցեն զոգիս իւրեանց, եւ ո́չ գտաւ։
Paragraph: r̄ēš 

Verse: 20   Link to sept   Տե́ս տ(է)ր զի նեղեալ եմ. ոսկերք իմ խռովեցան, սիրտ իմ գելա́ւ յիս, եւ ես գտայ դառնացեալ. արտաքուստ ժառանգեաց զիս սուր, ո(ր)պ(էս) եւ մա́հ ՛ի ներքուստ։
Paragraph: šin 

Verse: 21   Link to sept   Լուարո́ւք լուարո́ք զայս. զի ես հեծեմ հառաչեմ, եւ ոչո́ք է որ մխիթարէ զիս. ա(մենայ)ն թշնամիք իմ լուան զչարիս իմ, եւ ո́տն հարին ինձ. զի դո́ւ արարեր զօրն զայն, եւ դո́ւ կոչեցեր զժամանակն զայն. եւ եղեւ ինձ վա́յ վա́յ։
Paragraph: tՙaw 

Verse: 22   Link to sept   Մտին չարիքն ա(մենայ)ն առաջի քո, եւ ճռաքա́ղ արարեր դու զն(ո)ս(ա). զոր օրինակ արարեր ճռաքա́ղ զիս ՛ի վ(ե)ր(այ) ա(մենայ)ն մեղաց իմոց. զի բազում եղեն հեծութի(ւն)ք իմ, եւ սիրտ իմ լի́ եղեւ տրտմութ(եամ)բ։



Chapter: 2  
ԳԼ(ՈՒԽ) Բ՜.


Section: 2  
Paragraph: alipՙ 

Verse: 1   Link to sept   Զիա՞րդ խաւարեցաւ սրտմտութ(եամ)բ եւ բարկու(թեամ)բ տ(եառ)ն դուստր սիոնի. ընկէց յերկնից յերկիր զփառսն ի(սրայէ)լի, եւ ո́չ յիշեաց զպատուանդան ոտից իւրոց։
Paragraph: bētՙ 

Verse: 2   Link to sept   Յաւուր սրտմտու(թ)ե(ան) բարկու(թ)ե(ան) իւրոյ ընկլոյց տ(է)ր յանխնայ զա(մենայ)ն գեղ յակովբայ. քակեաց եւ ո́չ անխայեաց։ զամուրս դստերն յուդայ կործանեաց յերկիր. անարգեաց զիշխանս եւ զթագաւորս ն(ո)ց(ա)։
Paragraph: gamil 

Verse: 3   Link to sept   Փշրեաց տ(է)ր յաւուր սրտմտու(թ)ե(ան) բարկութե(ան) իւրոյ զա(մենայ)ն եղջեւրս ի(սրայէ)լի, եւ դարձոյց յե́տս զառաջ ն(ո)ր(ա) առաջի թշնամեաց նորա։ հո́ւր պատեաց զյակոբ. հաչեաց եւ մաշեաց զա(մենայ)ն որ շուրջ էր զնովաւ։
Paragraph: dalētՙ 

Verse: 4   Link to sept   Մո́ւտ ը(նդ) գիրկս իւր իբրեւ զթշնամի. հաստատեա́ց զաջ իւր ՛ի վ(ե)ր(այ) ն(ո)ր(ա), եւ սպան զա(մենայ)ն ցանկալիս դստեր սիոնի։ հեղ ՛ի վ(ե)ր(այ) ն(ո)ր(ա) զսրտմտութի(ւն) բարկու(թ)ե(ան) իւրոյ հրով։
Paragraph: hē 

Verse: 5   Link to sept   Եղեւ տ(է)ր իբրեւ թշնամի, եւ կործանեաց ի(սրայ)էլ. կործանեաց զթագաւոր ն(ո)ր(ա), կործանեաց զա(մենայ)ն ամուրս ն(ո)ր(ա). եւ բազմացոյց դստերն յուդայ տառապանս ՛ի վ(ե)ր(այ) տառապանաց։
Paragraph: vaw 

Verse: 6   Link to sept   Խղեաց իբրեւ զայգի զխորանս նորա, եւ ապականեաց զտօն տարեկանաց ն(ո)ր(ա)։ մոռացաւ տ(է)ր զոր արար սիովն տօնս տարեկանաց եւ զշաբաթս. եւ զայրացո́յց ՛ի մռնչել բարկութե(ան) իւրոյ՝ զթագաւորս եւ զիշխանս եւ զքահանայս։
Paragraph: zē 

Verse: 7   Link to sept   Մերժեաց տ(է)ր զսեղան իւր, եւ ՛ի բա́ց ընկէց զսրբու(թ)ի(ւն)ս իւր. կործանեաց զպարիսպ աշտարակեայս տաճարաց նորա։ ձա́յն ետուն՝ գոչեցին ՛ի տան տ(եառ)ն. իբրեւ յաւուրս տօնից տարեկանաց ն(ո)ր(ա)։
Paragraph: xētՙ 

Verse: 8   Link to sept   Ընկեցաւ կործանեալ պարիսպ դստեր սիոնի։ չա́փ արկին՝ եւ ո́չ անդրէն դարձուցին զձեռս իւրեանց։ սո́ւգ առին մահարձանք, եւ պարիսպք առհասարակ գողացեալ կործանեցան։
Paragraph: tētՙ 

Verse: 9   Link to sept   Կործանեցին յերկիր զդրունս ն(ո)ր(ա), եւ խորտակեցին զնիգս ն(ո)ր(ա). թագաւորք ն(ո)ց(ա) եւ իշխանք ն(ո)ց(ա) ՛ի մէջ հեթանոսաց։ ո́չ գոյին օրէնք եւ մարգարէք. եւ ո́չ էին այնք որ տեսանէին տեսիլս ՛ի տ(եառն)է։
Paragraph: yod 

Verse: 10   Link to sept   Իջի́ն հա́րթ եղեն գետնոյ. կարկեցան ձերք դստեր սիոնի. հո́ղ արկին զգլխով իւրեանց. քրձազգա́ծք եղեն. յերկիր կործանեցին զիշխանս կուսանացն ե(րուսաղէ)մի։
Paragraph: kapՙ 

Verse: 11   Link to sept   Պակասեցին աչք իմ յարտասուաց. խռովեցա́ւ որովայն իմ. յերկի́ր յուծան փառք իմ ՛ի վերայ բեկման դստեր ժողովրդեան իմոյ. ՛ի սատակիլ տղայոց սանդիեցաց ընդ ա(մենայ)ն փողոցս քաղաքին։
Paragraph: lamētՙ 

Verse: 12   Link to sept   ՛Ի մա́րց իւրեանց պահանջէին հաց եւ գինի. ՛ի պակասել թափել հանել զոգիս իւրեանց, ընկեցեալ ցրուեալ կային ՛ի մէջ քաղաքին։
Paragraph: mim 

Verse: 13   Link to sept   Զի՞նչ վկայութի(ւն) վկայեցից քեզ կամ զի՞նչ նմանու(թ)ի(ւն) նմանեցուցից զքեզ դուստր ե(րուսաղէ)մի. ո՞վ մխիթարեսցէ զքեզ զօրիորդ դուստր սիոնի. զի ծանրացաւ բաժակ բեկման քոյ. իսկ ո՞վ իցէ որ բժշկեսցէ զքեզ։
Paragraph: nown 

Verse: 14   Link to sept   Մարգարէքն տեսին քեզ տեսիլս զո́ւր տարապարտո́ւց եւ անօգուտ. եւ ո́չ յայտնեցին քեզ զանիրաւու(թ)ի(ւն)ս քո, զի դա́րձ լիցի քեզ ՛ի գերու(թեն)է քումմէ։ այլ պատմեցին քեզ առեղծուածս սնոտի, եւ մերժումն ՛ի տեղվոջէ իւրմէ։
Paragraph: sampՙatՙ 

Verse: 15   Link to sept   Ծափ զծափի́ հարին ա(մենայ)ն անցաւորք ճանապարհի. շչէին շարժէին զգլուխս իւրեանց ՛ի վ(ե)ր(այ) դստեր սիոնի. ա́յս այն քաղաք է ասէին, պսա́կ փառաց ուրտխու(թ)ե(ան) ա(մենայ)ն երկրի։
Paragraph: ēy 

Verse: 16   Link to sept   Արար տ(է)ր՝ զոր խօսեցաւ. կատարեաց զբանս իւր զոր պատուիրեաց յաւուրցն առաջնոց. քակեաց, եւ ո́չ անխայեաց. ուրա́խ արար ՛ի վ(ե)ր(այ) քո զթշնամիս քո, եւ բա́րձր արար զեղջեւր նեղչաց քոց։
Paragraph: pՙē 

Verse: 17   Link to sept   Բացին զբերանս իւրեանց ՛ի վ(ե)ր(այ) քո ա(մենայ)ն թշնամիք քո. շչէին եւ կրճտէին զատամունս իւրեանց՝ եւ ասէին, եկա́յք կլցուք զսա. զի այս՝ ա́յն օր է որում ակնունէաք. ահաւասիկ տեսա́ք եւ գտա́ք եւ հասա́ք մեք նմա։
Paragraph: cadē 

Verse: 18   Link to sept   Գոչեսցե́ն սիրտք նոցա առ պարիսպս դստեր սիոնի. եւ հոսեսցեն իբրեւ զհեղեղ զարտասուս ՛ի տուէ եւ ՛ի գիշերի. մի́ լռեր եւ մի́ դադարեր եւ մի́ տար դուլ՝ ական քում յարտասուաց։
Paragraph: kopՙ 

Verse: 19   Link to sept   Արի́ ՛ի խոստովանու(թ)ի(ւն) ՛ի գիշերի, ՛ի սկի́զբն ՛ի գլուխ պահոց քոց. հե́ղ իբրեւ զջուր զսիրտ քո առաջի տ(եառ)ն. համբա́րձ զձեռն քո վ(ա)ս(ն) անձանց տղայոց՝ որ լուծանէին ՛ի սովոյ ՛ի գլուխ ճանապարհաց ելից եւ մտից քոց։
Paragraph: r̄ēš 

Verse: 20   Link to sept   Տե́ս տ(է)ր եւ հայեա́ց. ո՞ւմ արարեր ա́յսպէս ճռաքաղ, եթէ կերիցեն կանայք զպտուղ որովայնի իւրեանց։ արարեր ճռաքա́ղ. արկեր ՛ի ներքս զխոհակերս, զենուլ ՛ի ներքս ՛ի սրբութե(ան) տ(եառ)ն զտղայս ստնդիայս, զքահանայն եւ զմարգարէն։
Paragraph: šin 

Verse: 21   Link to sept   Ննջեցին ՛ի վ(ե)ր(այ) ելիցն ճանապարհաց, առհասարակ ծերն եւ տղայն, կուսան եւ երիտասարդն վարեցա́ն ՛ի գերու(թ)ի(ւն). ՛ի սո́ւր արկեր՝ կոտորեցեր յաւուր բարկութե(ան) քոյ. զեներ, խոհակերեցեր, եւ ո́չ անխայեցեր։
Paragraph: tՙaw 

Verse: 22   Link to sept   կոչեցեր իբրեւ զօր տարեկանաց պանդխտութե(ան) իմոյ շո́ւրջ զինեւ. եւ ոչո́ք էր որ գտանէր յաւուր սրտմտութե(ան) բարկութե(ան) տ(եառ)ն. ապրեալք եւ մնացեալք, ՛ի բախել ՛ի բազմանալ թշնամեաց իմոց ամենեցուն։



Chapter: 3  
ԳԼ(ՈՒԽ) Գ՜.


Section: 3  
Paragraph: alipՙ 

Verse: 1   Link to sept   Ա(ստուա)ծ հզօր, հայեաց յաղքատու(թ)ի(ւն) իմ. ՛ի ձեռն գաւազանի սրտմտութե(ան) իւրոյ

Verse: 2   Link to sept   ընկլոյց զիս, եւ ած ՛ի վ(ե)ր(այ) իմ խաւար՝ եւ ո́չ լոյս։

Verse: 3   Link to sept   բայց սակայն դարձոյց ՛ի վ(ե)ր(այ) իմ զձեռն իւր հանապազ։
Paragraph: bētՙ 

Verse: 4   Link to sept   Մաշեա́ց զմորթ եւ զմարմին իմ. զոսկերս իմ փշրեաց առհասարակ։

Verse: 5   Link to sept   շինեաց ՛ի վ(ե)ր(այ) իմ, եւ պատեաց զգլխով իմով.

Verse: 6   Link to sept   եւ ջանացաւ նստոյց զիս ՛ի խաւարի իբրեւ զմեռեալ յաւիտենից։
Paragraph: gamil 

Verse: 7   Link to sept   Կուտեա́ց ՛ի վ(ե)ր(այ) իմ, եւ ո́չ եւս կարեմ խլրտել. ծանրացոյց ՛ի վերայ իմ քան զպղինձ։

Verse: 8   Link to sept   զի թէպէտ եւ ասացի՝ թէ կարդացից եւ աղաղակեցից. փակեա́լ եւ արգելեալ է առաջի իւր զաղօթս իմ։
Paragraph: dalētՙ 

Verse: 9   Link to sept   Ա́րկ արգել ճանապարհաց իմոց, եւ խից ՛ի խրտուիլ զշաւիղս իմ։

Verse: 10   Link to sept   եղեւ ինձ իբրեւ արջ դարանակալ՝ եւ իբրեւ առեւծ թաքուցեալ

Verse: 11   Link to sept   եմուտ զհե́տ իմ։ հալածեաց եւ եհաս, եւ լքոյց զիս եւ արար զիս յապականու(թ)ի(ւն)։
Paragraph: hē 

Verse: 12   Link to sept   Մուտ ընդ գիրկս իւր, եւ ելից զիս նետիւք իբրեւ զնպատակ։

Verse: 13   Link to sept   կտրեաց ընդ մէջ զերիկամունս իմ. արա́ր զի նետալից,

Verse: 14   Link to sept   եւ ծա́ղր ժողովրդեան իմոյ, եւ երգք ն(ո)ց(ա) զօրհանապազ։
Paragraph: vaw 

Verse: 15   Link to sept   Ջամբեա́ց ինձ լեղի, եւ արբոյց զիս դառնու(թեամ)բ։

Verse: 16   Link to sept   քարալի́ց արար զատամունս իմ, եւ ջամբեաց ինձ մոխիր։

Verse: 17   Link to sept   մերժեա́ց ՛ի խաղաղութ(են)է զանձն իմ. մոռացայ զբարիս։

Verse: 18   Link to sept   կորեաւ յաղթու(թ)ի(ւն) իմ, եւ յո́յս իմ ՛ի տ(եառն)է։
Paragraph: zē 

Verse: 19   Link to sept   Յիշեցի́ յաղքատու(թեն)է իմմէ եւ ՛ի հալածանաց իմոց. դառնու(թ)ի(ւն) եւ բարկու(թ)ի(ւն)

Verse: 20   Link to sept   յո́ւշ եղեն ինձ միանգամայն. ձանձրացաւ յիս անձն իմ։

Verse: 21   Link to sept   զա́յս ինչ կարգեցի ՛ի սրտի իմում։ վ(ա)ս(ն) այսորիկ համբերի́ց նմա։
Paragraph: xētՙ 

Verse: 22   Link to sept   Ողորմու(թ)ի(ւն)ք տ(եառ)ն անսպա́ռ են, եւ ո́չ նուազեն գթութի(ւն)ք ն(ո)ր(ա)։

Verse: 23   Link to sept   ՛ի նորոգումն առաւօտու բազմանայ ճշմարտու(թ)ի(ւն) քո տ(է)ր։

Verse: 24   Link to sept   ասա́ց անձն իմ բայ բաժի́ն իմ է նա. վ(ա)ս(ն) այնորիկ ա́կն կալայց նմա։
Paragraph: tētՙ 

Verse: 25   Link to sept   Բարերա́ր է ա(ստուա)ծ ՛ի վ(ե)ր(այ) համբերողաց իւրոց. զի անձն որ խնդրէ զնա՝

Verse: 26   Link to sept   բարի́ է որ համբերէ նմա ճշմարտութ(եամ)բ, եւ հանգչի նա ՛ի փրկու(թ)ե(ան) տ(եառ)ն։

Verse: 27   Link to sept   Բարի́ է մարդոյ առնուլ զլուծ խոնարհու(թ)ե(ան) ՛ի մանկութ(են)է իւրմէ։
Paragraph: yod 

Verse: 28   Link to sept   Նստցի միայն լռիկ ՛ի տա́ն իւրում. զի անձամբ իւրով ա́ռ յանձն զլուծ քո։

Verse: 29   Link to sept   Տացէ́ հողոյ զբերան իւր, վ(ա)ս(ն) զի կա́յ յոյս.

Verse: 30   Link to sept   մատուսցէ հարկանելեաց զծնօտս իւր. լցցի́ նախատանօք։

Verse: 31   Link to sept   այլ ո́չ թէ յաւիտեա́ն մերժեսցէ տ(է)ր։
Paragraph: kapՙ 

Verse: 32   Link to sept   Որ տառապեցոյց, նոյն ողորմեսցի ըստ բազում ողորմութե(ան) իւրում։

Verse: 33   Link to sept   ոչ ետ պատասխանի ՛ի սրտէ իւրմէ. եւ խոնարհեցոյց զորդիս մարդկան։
Paragraph: lamētՙ 

Verse: 34   Link to sept   Խոնարհեցուցանել ՛ի ներքոյ ոտից ն(ո)ր(ա) զա(մենայ)ն կապեալս երկրի. մատնել զմա́րդ ՛ի դատաստանի տ(եառ)ն.

Verse: 35   Link to sept   խոտել զիրաւունս առն առաջի երեսաց բարձրելոյն։

Verse: 36   Link to sept   պատժել զմարդ ՛ի դատաստանի տ(է)ր ո́չ տեսանէ։
Paragraph: mim 

Verse: 37   Link to sept   Ոչ ասաց՝ թէ այսպէս ասաց տ(է)ր՝ եւ եղեւ. ո́չ պատուիրեաց

Verse: 38   Link to sept   բերան բարձրելոյն. ո́չ ելցեն աստի չարիք՝ եւ ո́չ բարիք։

Verse: 39   Link to sept   զի́նչ տրտնջեսցէ մարդ կենդանի, կամ այր ՛ի սիրոյ եղբօր իւրոյ ՛ի վ(ե)ր(այ) մեղաց իւրոց։
Paragraph: nown 

Verse: 40   Link to sept   Քննեցա́ն ճանապարհք մեր, եւ կշտամբեցա́ն. դարձցուք մեք ՛ի տ(է)ր,

Verse: 41   Link to sept   համբարձցուք զձեռս մեր սրտիւք հանդերձ ՛ի բարձունս երկնից։

Verse: 42   Link to sept   մեղա́ք, ամպարշտեցաք. եւ ո́չ հաճեցար ընդ մեզ։
Paragraph: sampՙatՙ 

Verse: 43   Link to sept   Յա́յց ելեր սրտմտու(թեամ)բ եւ բարկու(թեամ)բ, եւ հալածեցեր զմեզ. կոտորեցեր եւ ո́չ անխայեցեր։

Verse: 44   Link to sept   փակեցեր ամպօք զերկինս՝ զի մի́ հասցեն աղօթք մեր առ քեզ։

Verse: 45   Link to sept   ընկեցեր մերժեցեր զմեզ. արհամարհեալս եւ անարգեալս արարեր զմեզ ՛ի մէջ զօրաց հեթանոսաց։
Paragraph: ēy 

Verse: 49   Link to sept   Աչք իմ ընկալան՝ եւ ո́չ լռեցից, եւ ո́չ լուայց,

Verse: 50   Link to sept   մինչեւ երեւեսցի՝ եւ տեսցէ տ(է)ր յերկնից։

Verse: 51   Link to sept   ա́կն իմ կաթեսցէ ՛ի վ(ե)ր(այ) անձին իմոյ, քան զա(մենայ)ն դստերս քաղաքաց իմոց։
Paragraph: pՙē 

Verse: 46   Link to sept   Բացե́ր ՛ի մեզ զա(մենայ)ն բերանս թշնամեաց մերոց։

Verse: 47   Link to sept   ա́հ եւ երկեւղ եկն ՛ի վ(ե)ր(այ) մեր, բեկո́ւմն եւ սատակումն։

Verse: 48   Link to sept   եւ հոսանս ջուրց իջուցին աչք մեր ՛ի վ(ե)ր(այ) բեկման դստեր ժողովրդեան իմոյ։
Paragraph: cadē 

Verse: 52   Link to sept   Որսալով որսացան զիս իբրեւ հաւորսք թշնամիք իմ. որսացա́ն զիս տարապարտուց.

Verse: 53   Link to sept   հեղձուցին ՛ի գբի զկեանս իմ. եդին վէ́մ ՛ի վ(ե)ր(այ) իմ։

Verse: 54   Link to sept   եւ զեղան ջուրք զգլխով իմով. եւ ասացի բամ ահա մերժեցայ։
Paragraph: kopՙ 

Verse: 55   Link to sept   Կարդացի ես զանուն քո տ(է)ր ՛ի գբոյ տառապանաց,

Verse: 56   Link to sept   եւ դու լուա́ր ձայնի իմում. մի́ թաքուցաներ զանուն քո ՛ի խնդրուածոց իմոց. այլ ընդարձակեա́ ինձ եւ փրկեա́ զիս։

Verse: 57   Link to sept   դու յօգնել ինձ մերձեցար, եւ ասացեր բա́մ յորում աւուր կարգասցես առիս, մի́ երկիցես։
Paragraph: r̄ēš 

Verse: 58   Link to sept   Դատեա́ տ(է)ր զդատաստան անձին իմոյ. փրկեցեր զկեանս իմ։

Verse: 59   Link to sept   տեսեր զխռովու(թ)ի(ւն)ս իմ. դատեցար տ(է)ր զդատաստանս իմ։

Verse: 60   Link to sept   տեսե՞ր զա(մենայ)ն իրաւունս իմ. հայեցար յա(մենայ)ն խորհուրդս իմ։
Paragraph: šin 

Verse: 61   Link to sept   Լուա́ր տ(է)ր զնախատինս եւ զա(մենայ)ն խորհուրդս ն(ո)ց(ա) որ զինէն։

Verse: 62   Link to sept   ՛ի շրթունս յարուցեալս ՛ի վ(ե)ր(այ) իմ զօրհանապազ։

Verse: 63   Link to sept   զնստելն ն(ո)ց(ա) եւ զյառնել ն(ո)ց(ա) ՛ի միտ առի ես ՛ի խորհրդոց անտի ն(ո)ց(ա)։
Paragraph: tՙaw 

Verse: 64   Link to sept   Հայեա́ց ՛ի հպարտութի(ւն) աչաց ն(ո)ց(ա). եւ հատուսցես ն(ո)ց(ա) տ(է)ր զհատուցումն ն(ո)ց(ա) ՛ի գլուխս ն(ո)ց(ա)։

Verse: 65   Link to sept   հատուսցես ն(ո)ց(ա) ըստ պանդխտու(թ)ե(ան) սրտից ն(ո)ց(ա)։

Verse: 66   Link to sept   հալածեսցես զն(ո)ս(ա) սրտմտու(թեամ)բ քով, եւ մաշեսցե́ս զն(ո)ս(ա) բարկու(թեամ)բ քո ՛ի ներքոյ երեսաց երկնից։



Chapter: 4  
ԳԼ(ՈՒԽ) Դ՜.


Section: 4  
Paragraph: alipՙ 

Verse: 1   Link to sept   Զիա՞րդ շլացաւ ոսկին. այլագունեաց արծաթն սպիտակ. հալեցան սփռեցան ականք ն(ո)ց(ա) ՛ի գլուխ անցից ճանապարհաց ն(ո)ց(ա)։
Paragraph: bētՙ 

Verse: 2   Link to sept   Որդիք սիոնի պատուականք, որ առաւել քան զականս պատուականս. զիա՞րդ համարեցան իբրեւ ամանք խեցեղէնք ձեռագործք որդւոց բրտից։
Paragraph: gamil 

Verse: 3   Link to sept   Մերկացուցին իբրեւ վիշապք զստինս իւրեանց, եւ դիեցուցին զկորիւնս իւրեանց. եղեն ուստերք ժողովրդեան իմոյ ՛ի տանջանս հարուածոց, զի չի́ք ն(ո)ց(ա) բժշկութի(ւն). եւ տառապեցան իբրեւ ջայլամունք յանապատի։
Paragraph: dalētՙ 

Verse: 4   Link to sept   Կցեցան լեզուք դիեցիկ մանկանց ՛ի քիմս իւրեանց ՛ի ծարաւս իւրեանց։ տղայք հա́ց խնդրեցին, եւ ո́չ ոք էր որ բրդէր ն(ո)ց(ա)։
Paragraph: hē 

Verse: 5   Link to sept   Որ ուտէին զկերակուր՝ եղծան ՛ի վ(ե)ր(այ) անցից ճանապարհաց. որ ՛ի գիրկս գրգեալք եւ գգուեալք էին, գիրկս արկեալ աղբեւաց թաթաւեալ թաւալէին։
Paragraph: vaw 

Verse: 6   Link to sept   Բազմացա́ւ անիրաւու(թ)ի(ւն) դստեր ժողովրդեան իմոյ, քան զանօրէնութի(ւն)ս սոդոմայ կործանելոյ ՛ի ճեպս ՛ի փոյթս յառնէին. եւ ո́չ ուրեք էր վաստակ ձեռաց իւրեանց։
Paragraph: zē 

Verse: 7   Link to sept   Սրբեցան ուխտաւորք ն(ո)ց(ա), իբրեւ զձիւն սպիտակացան. իբրեւ զկա́թն զտեցան, իբրեւ զականս շափիղայ ՛ի հատուցման իւրեանց։
Paragraph: xētՙ 

Verse: 8   Link to sept   Թխացա́ն քան զածուխ տեսիլք իւրեանց՝ եւ ո́չ ոք ճանաչէր զն(ո)ս(ա), զի դնէին յանցս ճանապարհաց. մածեալ էր մորթ ն(ո)ց(ա) յոսկերս ն(ո)ց(ա). բրտացա́ն նոքա, եւ եղեն իբրեւ զփայտ չորացեալ։
Paragraph: tētՙ 

Verse: 9   Link to sept   Գեղեցի́կ էին վիրաւորքն դիականց անկելոց ՛ի սրոյ, քան զանկեալսն ՛ի սովոյ. երթային վիրաւորք ազգք ազգք յարանց։
Paragraph: yod 

Verse: 10   Link to sept   Ձեռք կանանց ողորմածաց եփեցին զմանուկս իւրեանց, եւ եղեւ ն(ո)ց(ա) ՛ի կերակուր, առ ՛ի բեկումն դստեր ժողովրդեան իմոյ։
Paragraph: kapՙ 

Verse: 11   Link to sept   Ա́ծ եւ կատարեաց տ(է)ր զսրտմտու(թ)ի(ւն) բարկութե(ան) իւրոյ. եհե́ղ զսրտմտու(թ)ի(ւն) բարկութե(ան) իւրոյ, եւ բորբոքեցոյց հուր ՛ի սիոն, եւ եկե́ր զհիմունս ն(ո)ր(ա)։
Paragraph: lamētՙ 

Verse: 12   Link to sept   Ո́չ հաւատացին թագաւորք ա(մենայ)ն երկրի որ բնակեալ էին ընդ տիեզերս, եթէ մտցէ թշնամի ընդ դրունս ե(րուսաղէ)մի։
Paragraph: mim 

Verse: 13   Link to sept   ՛Ի մեղս մարգարէիցն իւրեանց, եւ ՛ի մեղս քահանայիցն իւրեանց, որ հեղոյին զարի́ւն արդարոցն ՛ի միջի իւրեանց։
Paragraph: nown 

Verse: 14   Link to sept   Շարժեցա́ն սասանեցան զօրութի(ւն)ք ն(ո)ց(ա) յելս ճանապարհաց. պղծեցան թաթաւեցան յարեան մեռելոտւոց. զի ո́չ կարէին զհանդերձս անարատ հանել ՛ի նոցանէ։
Paragraph: sampՙatՙ 

Verse: 15   Link to sept   ՛Ի բա́ց կացէք՝ պի́ղծո կարդացէք զն(ո)ս(ա). ՛ի բա́ց կացէք, ՛ի բա́ց կացէք, մի́ մերձենայք՝ զի շարժեցա́ն բորբոքեցան. ասացէ́ք ՛ի հեթանոսս՝ զի մի́ եւս յաւելցին բնակիլ ՛ի ն(ո)ս(ա)։
Paragraph: ēy 

Verse: 16   Link to sept   Կենդանութ(եամ)բ մերով նուաղեցին աչք մեր յօգնականութ(են)է մերմէ. զի տարապարտո́ւց կացուցեալ էր մեր զն(ո)ս(ա) գէտս ՛ի սնոտիս։
Paragraph: pՙē 

Verse: 17   Link to sept   Երեսք տ(եառ)ն բաժանեալ են ՛ի ն(ո)ց(ա)նէ, եւ ո́չեւս յաւելցի հայել ՛ի ն(ո)ս(ա). երեսք քահանայից ակն ո́չ առին ծերոց. ո́չ ողորմեցան ՛ի վ(ե)ր(այ) տղայոց նոցա։ գէ́տ ակն կալեալ հայէաք յազգս որ ո́չ փրկէին զմեզ.
Paragraph: cadē 

Verse: 18   Link to sept   որսացան զմեզ, փոքր մեւսեւս սատակել ջնջեալէր զմեզ ՛ի քաղաքաց մերոց։ Հաս ժամ, հասեալ է ժամանակ, կատարեցան աւուրք մեր, լցան ժամանակք։
Paragraph: kopՙ 

Verse: 19   Link to sept   թեթեւացան հալածիչք մեր ՛ի վ(ե)ր(այ) լերանց. իբրեւ զարծուիս երկնի́ց ՛ի վ(ե)ր(այ) լերանց բարձանց ճախրեցին, եւ յանապատի ՛ի դարան մտեալ պաշարեցին զմեզ։
Paragraph: r̄ēš 

Verse: 20   Link to sept   Հոգի երեսաց մերոց տ(է)ր ք(րիստո)ս, պատեցան զնովաւ յապականութե(ան) իւրեանց. մինչդեռ մեք խորհէաք թէ ը(նդ) հովանեա́ւ ն(ո)ր(ա) նստցուք եւ կեցցուք ՛ի մէջ հեթանոսաց։
Paragraph: šin 

Verse: 21   Link to sept   Ցնծա́ դու եւ ուրա́խ լեր դուստր եդոմայեցւոց. որ բնակեալդ ես յերկրիդ աւստացւոց։ եկեսցէ բաժակս այս ՛ի վերայ քո. յարիցես եւ արբցես, արբեսցիս եւ անդրէ́ն դարձուսցես։
Paragraph: tՙaw 

Verse: 22   Link to sept   Պակասեցին անօրէնութի(ւն)ք քո սիոն, եւ ո́չ եւս յաւելցէ խրատել զքեզ. ա́յց արար անօրէնութե(ան)դ քոյ դուստր եդոմայ. յայտնեաց զամենայն ամպարշտութի(ւն)ս քո։
Paragraph:  





Book: Or.Jer.  
Oratio Ieremiae

entered by N. Čanṭlaʒe,
Tbilisi 2004;
TITUS version by J. Gippert,
Frankfurt a/M, 3.10.2004

ԱՂ0ԹՔ ԵՐԵՄԻԱՅ
ՄԱՐԳԱՐԷԻ։

Chapter: 5  


Verse: 1   Link to sept   Յիշեա́ տ(է)ր որ ինչ անցք անցին ընդ մեզ. նայեա́ց եւ տե́ս զնախատինս մեր։

Verse: 2   Link to sept   Ժառանգու(թ)ի(ւն) մեր դարձաւ յօտարութի(ւն), եւ բնակու(թ)ի(ւն) մեր ՛ի նշդեհու(թ)ի(ւն)։

Verse: 3   Link to sept   Ո́րբ մնացաք մեք՝ եւ ո́չ գոյր մեր հայր։ մարք մեր իբրեւ այրիք ՛ի ժամանակաց մերոց։

Verse: 4   Link to sept   Զջուր մեր գնո́յ արբաք. եւ փայտն մեր առանց փոխանակի

Verse: 5   Link to sept   եկն ՛ի վ(ե)ր(այ) պարանոցի մերոյ։ Հալածակա́ն եղեաք, եւ ո́չ գտաք հանդիստ։

Verse: 6   Link to sept   Ձեռնաձի́գ եղեն եգիպտացիքն՝ եւ ոչ ասորեստանեայքն յագեցուցանել հացիւ։

Verse: 7   Link to sept   Հարքն մեր մեղան, եւ չի́ք ուրեք ՛ի միջի. եւ մեղք հարցն այն ընդ մեզ ելին։

Verse: 8   Link to sept   ծառայք տիրեցին մեզ. եւ այն որ փրկէրն զմեզ ՛ի ձեռաց ն(ո)ց(ա)՝ չի́ք ՛ի միջի։

Verse: 9   Link to sept   Եկայք համբարս ՛ի ներքս արասցուք յերեսաց սրոյն անապատի։

Verse: 10   Link to sept   մորթք մեր կարկամեցա́ն իբրեւ զթոնիր հնացեալ յերեսաց բարկու(թ)ե(ան) սովոյն։

Verse: 11   Link to sept   Զկանայս խայտառակեցին ՛ի սիոն, եւ զկուսանս ՛ի քաղաքս յուդայ։

Verse: 12   Link to sept   զծերս կախեցին զբութաց, եւ ՛ի պառաւունս ո́չ խնայեցին։

Verse: 13   Link to sept   ընտիր ընտիրք զձայն բարձեալ կականէին, եւ երիտասարդքն զփայտի հարեալ տկարացան։

Verse: 14   Link to sept   ծերք ՛ի գրոց մեկնեցան, եւ ընտիրքն յօրհնութե(ան)ցն լռեցին։

Verse: 15   Link to sept   Լքան յուրախութ(են)է սիրտք մեր, եւ դարձան ՛ի սուգ օրհնու(թ)ի(ւն)ք պարուց մերոց։

Verse: 16   Link to sept   անկաւ պսակն ՛ի գլխոց մերոց. վա́յ մեզ վա́յ մեզ՝ զի աղքատացաք։

Verse: 17   Link to sept   Վ(ա)ս(ն) այսորիկ տուաւ մեզ սիրտ ցաւագին. վ(ա)ս(ն) այսորիկ եւ խաւարեցան աչք մեր

Verse: 18   Link to sept   ՛ի վ(ե)ր(այ) լերին սիովնի, զի դարձաւ յապականութի(ւն). եւ աղուէսք մուտ եւ ել առնէին ՛ի սրահս ն(ո)ր(ա)։

Verse: 19   Link to sept   Եւ դու տ(է)ր յաւիտեան կաս, եւ աթոռ քո ազգէ մինչեւ յազգ։

Verse: 20   Link to sept   Ընդէ՞ր մինչեւ ՛ի սպառ մոռացար զմեզ. հարեր թողեր եւ լքցե́ս զմեզ մինչեւ յերկար ժամանակս։

Verse: 21   Link to sept   Դարձո́ զմեզ տ(է)ր՝ եւ դարձցուք։ նորոգեա́ զմեզ տ(է)ր իբրեւ զաւուրսն զառաջինս։

Verse: 22   Link to sept   զի մերժելո́վ մերժեցեր զմեզ. բարկացաւ սրտմտութի(ւն) բարկու(թ)ե(ան) քոյ ՛ի վ(ե)ր(այ) մեր մինչեւ ՛ի սպառ։
Section:  




Book: Dan. 
Daniel

entered by N. Čanṭlaʒe,
Tbilisi 2004;
TITUS version by J. Gippert,
Frankfurt a/M, 3.10.2004

ՄԱՐԳԱՐԷՈՒԹԻՒՆ
ԴԱՆԻԵԼԻ
ԴԱՆԻԷԼ ԴԱՏԱՍՏԱՆԱՑ։



Chapter: 13 
ԳԼ(ՈՒԽ) Ժ՜Գ.


Section: 1 

Verse: 1   Link to sept   ԵՒ ԷՐ ԱՅՐ ՄԻ ԲՆԱԿԵԱԼ ՛Ի բաբելովն, եւ անուն ն(ո)ր(ա) յովակիմ։

Verse: 2   Link to sept   եւ ա́ռ իւր կին՝ անուն շուշան, դուստր քեղկեայ, գեղեցիկ յոյժ՝ երկիւղած ՛ի տ(եառն)է։

Verse: 3   Link to sept   Եւ ծնօղք ն(ո)ր(ա) արդարք, եւ ուսուցին զդուստրն իւրեանց ըստ օրինացն մովսիսի։

Verse: 4   Link to sept   Եւ էր յովակիմ մեծատո́ւն յոյժ. եւ է́ր ն(ո)ր(ա) բուրաստան՝ մերձ յապարանս իւր. եւ առ նա́ ժողովէին հրէայք, զի փառաւորագո́յն էր քան զամենեսեան։

Verse: 5   Link to sept   Եւ երեւեցան երկու ծերք ՛ի ժողովրդենէ անտի դատաւորք տարւոյն այնմիկ։ զորոց խօսեցաւ տ(է)ր՝ եթէ ել անօրէնութի(ւն) ՛ի բաբելովնէ ՛ի ծերոցն դատաւորաց։ որ համարէին առաջնորդել ժողովրդեանն։

Verse: 6   Link to sept   եւ նոքա հանապազորդէին ՛ի տանն յովակիմայ. եւ գային առ ն(ո)ս(ա) ամենեքեան ՛ի դատաստան։

Verse: 7   Link to sept   Եւ լինէր իբրեւ ժողովուրդն մեկնէր զհասարակ աւուրբք՝ մտանէ́ր շուշան, եւ զգնայր ՛ի բուրաստանի առն իւրոյ։

Verse: 8   Link to sept   Եւ տեսանէին զնա երկոքին ծերքն հանապազ՝ զի մտանէր եւ զգնա́յր. եւ ցանկացան նմա։

Verse: 9   Link to sept   եւ դարձուցին զմիտս իւրեանց, եւ խոտորեցուցին զաչս իւրեանց չհայել յերկինս՝ եւ չյիշել զարդար դատաստանսն։

Verse: 10   Link to sept   Եւ էին երկոքեան հարեալ ՛ի նմա. եւ չպատմէին միմեանց զցաւս իւրեանց,

Verse: 11   Link to sept   զի պատկառէին պատմել զցանկու(թ)ի(ւն)ն իւրեանց. քանզի կամէին լինե́լ ընդ նմա։

Verse: 12   Link to sept   եւ սպասէին նմա ստէպ հանապազ տեսանել զնա։ Եւ ասեն ցմիմեանս.

Verse: 13   Link to sept   երթիցո́ւք ՛ի տուն, զի ճաշոյ ժա́մ է։ ելին մեկնեցան ՛ի միմեանց.

Verse: 14   Link to sept   եւ դարձեալ անդրէն եկին միւսանգամ առ միմեանս, եւ հարցեալ միմեանց զպատճառսն, խոստովա́ն եղեն զցանկու(թ)ի(ւն)ն իւրեանց։ ապա եղեն ժամադիր միմեանց՝ թէ ե՞րբ կարասցեն զնա միայն գտանել։

Verse: 15   Link to sept   Եւ եղեւ ՛ի սպասելն նոցա նմա ՛ի դիպող աւուր. եկն եմուտ երբեմն ո(ր)պ(էս) յերէկն եւ յեռանդն, երկու միայն աղջկամբք, եւ ցանկացաւ լուանալ ՛ի բուրաստանի անդ. քանզի տօ́թ էր,

Verse: 16   Link to sept   եւ չէր ոք անդ։ բայց միայն երկու ծերք թաքուցեալք՝ որ սպասէին նմա։

Verse: 17   Link to sept   Եւ ասէ ցաղջկունսն. երթա́յք բերէ́ք ինձ ե́ւղ եւ աճառ, եւ զդուրս բուրաստանիս փակեցէք՝ զի լուացա́յց։

Verse: 18   Link to sept   եւ արարին ո(ր)պ(էս) ասաց ն(ո)ց(ա). փակեցին զդուրս բուրաստանին, եւ ելին ՛ի կողմանէ դրանցն բերել զոր ինչ հրամայեաց ն(ո)ց(ա)։ եւ չտեսին զծերսն՝ քանզի թաքուցեալ էին։

Verse: 19   Link to sept   Եւ եղեւ իբրեւ ելին աղջկունքն, յարեա́ն երկու ծերքն, եւ դիմեցին ՛ի վ(ե)ր(այ) ն(ո)ր(ա) եւ ասեն.

Verse: 20   Link to sept   ահա դուրք բուրաստանիս փակեալ են, եւ չի́ք ոք որ տեսանէ զմեզ, եւ մեք ցանկացեալեմք քեզ. վ(ա)ս(ն) որոյ եւ քո հաւանեալ մեզ՝ լե́ր ընդ մեզ։

Verse: 21   Link to sept   ապա թէ ոչ՝ վկայե́մք զքէն, թէ ոմն պատանի́ էր ընդ քեզ, եւ վ(ա)ս(ն) այնորիկ արձակեցեր զաղջկունսն ՛ի քէն։

Verse: 22   Link to sept   Յոգո́ց եհան շուշան եւ ասէ. տագնա́պ է ինձ յա(մենայ)ն կողմանց. եթէ զայդ գործեցից՝ մա́հ է ինձ, եւ եթէ ո́չ գործեցից՝ չե́մ ապրելոց ՛ի ձեռաց ձերոց։

Verse: 23   Link to sept   բայց լա́ւ է ինձ չգործել զայդ՝ եւ անկանել ՛ի ձեռս ձեր, քան թէ մեղա́յց առաջի տ(եառ)ն։

Verse: 24   Link to sept   Եւ աղաղակեաց ՛ի ձայն մեծ շուշան. աղաղակեցին եւ երկոքին ծերքն կի́ց նմին։

Verse: 25   Link to sept   եւ ընթացաւ մին եբաց զդուրս բուրաստանին։

Verse: 26   Link to sept   Իբրեւ լուան զձայն ճշոյն ՛ի բուրաստանի անդ ընտանիքն՝ անկան ընդ կողմն դրանն ՛ի ներքս, տեսանել թէ զի՞նչ իրք ընդ նմա անցեալ իցեն։

Verse: 27   Link to sept   եւ իբրեւ ասացին ծերքն զբանս իւրեանց՝ զամօթի հարան ծնօղքն յոյժ. զի ո́չ երբէք այնպիսի բանք ասացան զշուշանայ։ Եւ եղեւ ՛ի վաղիւ անդր

Verse: 28   Link to sept   իբրեւ եկն ժողովուրդն առ այրն ն(ո)ր(ա) յովակիմ. եկին եւ երկու ծերքն անօրէն մտօք զշուշանայ՝ սպանանել զնա։

Verse: 29   Link to sept   եւ ասեն առաջի ժողովրդեանն. յղեցէ́ք զշուշանայ զդստերէ քեղկեայ, որ է կին յովակիմայ։ եւ նոքա յղեցին։

Verse: 30   Link to sept   եւ եկն նա՝ եւ ծնօղք իւր՝ եւ որդիք իւր՝ եւ ա(մենայ)ն ազգականք ն(ո)ր(ա)։

Verse: 31   Link to sept   Եւ շուշան՝ էր փափո́ւկ յոյժ եւ գեղեցիկ տեսլեամբ։

Verse: 32   Link to sept   եւ անօրէնքն հրամայեցին հոլանի́ առնել զնա՝ քանզի սքողեալ էր, զի լցցին գեղով ն(ո)ր(ա)։

Verse: 33   Link to sept   Եւ իւրքն լային. եւ ամենեքին որ ճանաչէին զնա։

Verse: 34   Link to sept   Յարեա́ն երկոքին ծերքն ՛ի միջոյ ժողովրդեանն՝ եւ եդին զձեռս իւրեանց ՛ի վ(ե)ր(այ) գլխոյ նորա։

Verse: 35   Link to sept   եւ նա լալով հայեցա́ւ յերկինս. քանզի էր սիրտ ն(ո)ր(ա) յուսացեալ ՛ի տ(է)ր։

Verse: 36   Link to sept   Ասեն ծերքն երկոքեան. մինչդեռ մեք միա́յն զգնայաք ՛ի մէջ բուրաստանին, եմուտ դա անդր երկու աղջկամբք, եւ փակեաց զդուրս բուրաստանին, եւ արձակեաց զաղջկունսն։

Verse: 37   Link to sept   ե́կն առ նա պատանի մի որ էր թաքուցեալ, եւ անկա́ւ ընդ դմա։

Verse: 38   Link to sept   եւ մեք էաք յանկեան բուրաստանին։ իբրեւ տեսաք զանօրէնութի(ւն)ն՝ ընթացա́ք առ դոսա, եւ տեսաք զլինելն դոցա ընդ միմեանս։

Verse: 39   Link to sept   զնա ո́չ կարացաք ունել, քանզի բո́ւռն էր քան զմեզ, եւ եբաց զդուրսն եւ փախեաւ արտաքս։

Verse: 40   Link to sept   զդա զոր ըմբռնեցաքդ՝ հարցաք թէ ո՞վ էր պատանին, եւ ո́չ կամեցաւ պատմել մեզ. զայդ վկայե́մք։

Verse: 41   Link to sept   Եւ հաւատա́ց ն(ո)ց(ա) ատեանն իբրեւ ծերոց ժողովրդեան՝ եւ դատաւորաց. եւ դատեցան զնա մեռանել։

Verse: 42   Link to sept   Աղաղակեաց ՛ի ձայն բարձր շուշան՝ եւ ասէ. ա(ստուա)ծ յաւիտենական ծածկագէտ, որ գիտես զա(մենայ)ն յառաջ քան զլինել ն(ո)ց(ա)։

Verse: 43   Link to sept   դո́ւ գիտես զի սո́ւտ վկայեն զինէն. եւ ահա մեռանի́մ որ ոչինչ գործեցի՝ զոր դոքա́յդ անօրինեն զինէն։

Verse: 44   Link to sept   Եւ լուաւ տ(է)ր ձայնի նորա։

Verse: 45   Link to sept   եւ մինչդեռ տանէին զնա կորուսանել, Զարթոյց ա(ստուա)ծ զհոգին ս(ուր)բ ՛ի վ(ե)ր(այ) մանկան միոյ տղայոյ որում անուն էր դանիէ́լ։

Verse: 46   Link to sept   Եւ աղաղակեաց ՛ի ձայն բարձր՝ եւ ասէ. անպա́րտ եմ ես յարենէ դորա։

Verse: 47   Link to sept   եւ դարձաւ ա(մենայ)ն ժողովուրդն առ նա՝ եւ ասեն. զի՞նչ է բաց բանդ այդ զոր դուդ խոսեցար։

Verse: 48   Link to sept   Եւ նա եկաց ՛ի մէջ ն(ո)ց(ա) եւ ասէ. ա́յդպէս անմի՞տք էք որդիք ի(սրայէ)լի. ո́չ քննեցէք, եւ ո́չ յիրաւանց վ(ե)ր(այ) հասէք, եւ դատապարտեցէ՞ք զդուստրդ ի(սրայէ)լի։

Verse: 49   Link to sept   Դարձա́յք անդրէն յատեան. քանզի սո́ւտ վկայեցին դոքա զնմանէ։

Verse: 50   Link to sept   եւ դարձաւ ժողովուրդն վաղվաղակի։ Եւ ասեն ցնա ծերքն. ե́կ նի́ստ ՛ի միջի մերում՝ եւ պատմեա́ մեզ. զի քեզ ետ ա(ստուա)ծ զերիցութի(ւն)։

Verse: 51   Link to sept   եւ ասէ ցն(ո)ս(ա) դանիէլ. մեկնեցէ́ք զդոսա ՛ի միմեանց ՛ի բա́ց եւ քննեսցո́ւք զդոսա։

Verse: 52   Link to sept   իբրեւ մեկնեցան ՛ի միմեանց, Կոչեաց զմին ՛ի նոցանէ եւ ասէ ցնա. ա́յ հնացեալ աւուրբք չարու(թ)ե(ան). այժմ ահա եկին հասին մեղք քո՝ զոր գործէիր յառաջագոյն։

Verse: 53   Link to sept   զի դատէիր զդատաստանս անիրաւու(թեամ)բ, զանմեղս դատապարտէիր, եւ զվնասակարս արձակէիր. ուր ա(ստուծո)յ ասացեալ էր՝ թէ զանմեղն եւ զարդարն մի́ սպանանիցես։

Verse: 54   Link to sept   Բայց արդ՝ եթէ տեսե՞ր զդոսա, ը(նդ) որո՞վ ծառով հասեր առ դոսա՝ մինչ խօսէին ընդ միմեանս։ եւ նա ասէ՝ ը(նդ) հերձեա́ւն։

Verse: 55   Link to sept   Ասէ դանիէլ. բարւո́ք ստեցեր ՛ի քոյին գլուխդ. ահաւասիկ հրեշտակի ա(ստուծո)յ առեալ հրաման, հերձցէ́ զքեզ ընդ մէջ։

Verse: 56   Link to sept   եւ ՛ի բաց մերժեաց զնա։ Հրամայեաց ածել զմեւսն, եւ ասէ ցնա. զաւա́կ քանանու՝ եւ ո́չ յուդայ. գե́ղ դորա պատրեա՞ց զքեզ՝ եւ ցանկու(թ)ի(ւն) շրջեա՞ց զսիրտ քո։

Verse: 57   Link to sept   ա՞յդպէս առնէիք զդստերս ի(սրայէ)լի, եւ նոքա առ երկիւղի մերձենային առ ձեզ. այլ եւ ո́չ դուստրդ յուդայ կալաւ յանձին զանօրէնութի(ւն)ս ձեր։

Verse: 58   Link to sept   Բայց արդ աղէ՝ ասա́, ընդ որո՞վ ծառով հասեր առ դոսա մինչդեռ խօսէին ընդ միմեանս. եւ նա ասէ, ընդ սղոցեա́ւն։

Verse: 59   Link to sept   Ասէ ցնա դանիէլ. բարւո́ք ստեցեր եւ դու ՛ի քոյին գլուխ, զի կայ աւասիկ հրեշտակ ա(ստուծո)յ, սուսեր մերկ ՛ի ձեռին սղոցե́լ զքեզ ընդ մէջ՝ զի սատակեսցէ զքեզ։

Verse: 60   Link to sept   Եւ աղաղակեաց ա(մենայ)ն ժողովուրդն ՛ի ձայն մեծ, եւ օրհնեցին զա(ստուա)ծ որ ապրեցուցանէ զյուսացեալս իւր։

Verse: 61   Link to sept   Եւ յարեա́ն ՛ի վ(ե)ր(այ) երկուց ծերոցն. քանզի յանդիմանեա́ց զն(ո)ս(ա) դանիէլ ՛ի նոցին բերանոց սո́ւտ վկայս. եւ արարին ընդ ն(ո)ս(ա)՝ ո(ր)պ(էս) եւ եդին չարութի(ւն) ՛ի մտի առնե́լ ընդ ընկերի,

Verse: 62   Link to sept   ըս(տ) օրինացն մովսիսի։ եւ սպանին զն(ո)ս(ա)։ եւ ապրեցա́ւ արիւն արդար յաւուր յայնմիկ։

Verse: 63   Link to sept   Իսկ քեղկեա եւ կին ն(ո)ր(ա) օրհնեցին զա(ստուա)ծ վ(ա)ս(ն) դստերն իւրեանց շուշանայ՝ հանդերձ յովակիմաւ արամբ նորա, եւ ա(մենայ)ն ազգականօք նորա. զի ո́չ գտան իրք գարշու(թ)ե(ան) ՛ի նմա։

Verse: 64   Link to sept   Եւ դանիէլ եղեւ մե́ծ առաջի ժողովրդեանն յօրէ յայնմանէ եւ անդր։



Chapter: 1  
ԳԼ(ՈՒԽ) Ա՜.

Տեսիլ Երկրորդ։


Section: 2 

Verse: 1   Link to sept   Յամին երրորդի թագաւորու(թ)ե(ա)ն յովակիմայ արքայի յուդայ. ե́կն նաբուքոդոնոսոր արքայ բաբելացւոց յե(րուսաղէ)մ, եւ պաշարեաց զնա։

Verse: 2   Link to sept   Եւ ետ տ(է)ր ՛ի ձեռս ն(ո)ր(ա) զյովակիմ արքայ յուդայ, եւ ՛ի մասնէ սպասուց տանն ա(ստուծո)յ։ եւ տարա́ւ զայն յերկիրն սենայար ՛ի տուն աստուծոյ իւրոյ. եւ զսպասն եմո́յծ ՛ի տուն գանձի աստուծոյ իւրոյ։

Verse: 3   Link to sept   Եւ ասէ թագաւորն ցաղփանէս ներքինապետ իւր, ածել յորդւոց գերութե(ա)ն ի(սրայէ)լի, եւ ՛ի զաւակէ թագաւորութե(ա)ն, եւ ՛ի պարթեւաց,

Verse: 4   Link to sept   մանկունս անարատս՝ գեղեցիկս երեսօ́ք, եւ խելամուտս ա(մենայ)ն իմաստութե(ան)՝ եւ հմուտս գիտու(թ)ե(ան), մտավարժս հանճարով՝ եւ զօրաւորս, կա́լ ՛ի տաճարին առաջի թագաւորին. եւ ուսուցանել ն(ո)ց(ա) դպրութի(ւն), եւ զլեզու քաղդէացւոց։

Verse: 5   Link to sept   Եւ կարգեաց ն(ո)ց(ա) թագաւորն ռոճիկս օր ըստ օրէ ՛ի սեղանո́յ արքայի, եւ ՛ի գինւոյ զոր ինքն ըմպէր. սնուցանել զնոսա ամս երիս. եւ ապա́ կացուցանել առաջի թագաւորին։

Verse: 6   Link to sept   Եւ էին ՛ի ն(ո)ս(ա) յորդւոցն յուդայ՝ դանիէլ, եւ անանիա, եւ միսայէլ, եւ ազարիա։

Verse: 7   Link to sept   եւ եդ ն(ո)ց(ա) ներքինապետն անուանս. դանիելի՝ բաղտասար. եւ անանիայի՝ սեդրաք, եւ միսայելի՝ միսաք, եւ ազարիայ՝ աբեդնագով։

Verse: 8   Link to sept   Եւ ե́դ դանիէլ ՛ի մտի իւրում չճաշակել ՛ի սեղանոյ թագաւորին, եւ ո́չ ՛ի գինւոյ ըմպելւոյ ն(ո)ր(ա)։ եւ աղաչեաց զներքինապետն զի մի́ ճաշակեսցէ։

Verse: 9   Link to sept   Եւ ետ ա(ստուա)ծ զդանիէլ ՛ի շնորհս եւ յողորմու(թ)ի(ւն) առաջի ներքինապետին։

Verse: 10   Link to sept   Եւ ասէ ներքինապետն ցդանիէլ. երկնչի́մ ես ՛ի տ(եառ)նէ իմմէ արքայէ, որ կարգեաց ձեզ զկերակուրդ ձեր եւ զըմպելի. գուցէ́ տեսանիցէ զերեսս ձեր տրտմագոյնս քան զայլոց մանկանց հասակակցաց ձերոց. եւ առնիցէք զիս գլխապա́րտ թագաւորին։

Verse: 11   Link to sept   Եւ ասէ դանիէլ ցամաղասադ, զոր կացուցեալն էր ներքինապետն ՛ի վ(ե)ր(այ) դանիելի՝ եւ անանիայ՝ եւ միսայելի՝ եւ ազարիայ։

Verse: 12   Link to sept   Աղէ փորձեա́ զծառայս քո աւուրս տա́սն, եւ տացեն մեզ ունտս՝ եւ կերիցուք, եւ ջո́ւր արբցուք։

Verse: 13   Link to sept   եւ երեւեսցին առաջի քո գոյնք մեր, եւ դոյն մանկանցդ՝ որ ուտեն զսեղան թագաւորին. եւ ո(ր)պ(էս) տեսանիցես արասջի́ր ընդ ծառայս քո։

Verse: 14   Link to sept   Եւ անսա́ց ն(ո)ց(ա)՝ եւ փորձեաց զն(ո)ս(ա) աւուրս տասն։

Verse: 15   Link to sept   եւ յետ կատարելոյ աւուրցն տասանց, երեւեցան երեսք ն(ո)ց(ա) նմա՝ բարիք, եւ հզօրք մարմնով քան զա(մենայ)ն մանկունսն որ ուտէին զսեղան թագաւորին։

Verse: 16   Link to sept   Եւ առնոյր ամեղասագ զընթրիս ն(ո)ց(ա), եւ զգինի ըմպելւոյ ն(ո)ց(ա), եւ տայր ունտս չորեցունց մանկանցն։

Verse: 17   Link to sept   Եւ ետ ն(ո)ց(ա) ա(ստուա)ծ իմաստու(թ)ի(ւն) եւ հանճար յա(մենայ)ն դպրութե(ան)՝ եւ իմաստու(թ)ե(ան)։ եւ դանիէլ խելամուտ էր ա(մենայ)ն տեսլեան երազոց։

Verse: 18   Link to sept   Եւ յետ կատարածի աւուրցն՝ հրամա́ն ետ թագաւորն ածել զնա. եւ ա́ծ զն(ո)ս(ա) ներքինապետն առաջի նաբուքոդոնոսորայ.

Verse: 19   Link to sept   եւ խօսեցաւ ը(նդ) ն(ո)ս(ա) արքայն։ Եւ ո́չ գտան յա(մենայ)նի նման դանիելի՝ եւ անանիայ՝ եւ միսայելի՝ եւ ազարիայ։ եւ կային առաջի թագաւորին։

Verse: 20   Link to sept   եւ յա(մենայ)ն բանս իմաստու(թ)ե(ան) եւ գիտութե(ան) զոր խնդրէր ՛ի նոցանէ թագաւորն՝ գտանէր զնոսա տասնպատիկ առաւե́լ քան զա(մենայ)ն գէտս եւ զմոգս որ էին ՛ի թագաւորութե(ան) ն(ո)ր(ա)։


Տեսիլ Երրորդ։


Verse: 21   Link to sept   Եւ եղեւ դանիէլ մինչեւ յամս կիւրոսի արքայի։



Chapter: 2  
ԳԼ(ՈՒԽ) Բ՜.


Section: 3 

Verse: 1   Link to sept   Յամին երկրորդի թագաւորոթե(ան) իւրոյ, ետես երա́զ նաբուքոդոնոսոր. եւ յիմարեցա́ւ ոգի ն(ո)ր(ա), եւ քուն հատա́ւ ՛ի նմանէ։

Verse: 2   Link to sept   Եւ ասէ թագաւորն. կոչեցէ́ք զգէտս, եւ զմոգս, եւ զկախարդս, եւ զքաղդեայս, պատմե́լ թագաւորին զերազ իւր։ եւ եկին կացին առաջի թագաւորին։

Verse: 3   Link to sept   Եւ ասէ ցն(ո)ս(ա) թագաւորն։ երա́զ տեսի, եւ յիմարեցաւ ոգի իմ խելամուտ լինել երազոյն։

Verse: 4   Link to sept   Եւ խօսեցան քաղդեայն ընդ թագաւորին ասորերէն. արքայ յաւիտեա́ն կեաց. ասա́ դու զերազն ծառայից քից, եւ մեկնու(թ)ի(ւն) ն(ո)ր(ա) ասասցո́ւք։

Verse: 5   Link to sept   Պատասխանի ետ արքայն եւ ասէ ցքաղդեայսն. բանն վերացա́ւ յինէն. արդ եթէ ո́չ ցուցանիցէք ինձ զերազն՝ եւ զմեկնութի(ւն) ն(ո)ր(ա)՝ ՛ի կորուստ լինիցիք, եւ տունք ձեր յաւա́ր լինիցին։

Verse: 6   Link to sept   ապա թէ զերազն՝ եւ զմեկնութի(ւն) ն(ո)ր(ա) ցուցանիցէք ինձ՝ պարգեւս եւ տուրս բազումս՝ եւ պատի́ւս առնուցուք յինէն։ բայց միայն զերազն եւ զմեկնութի(ւն) նորա պատմեցէ́ք ինձ։

Verse: 7   Link to sept   Պատասխանի ետուն կրկին անգամ, եւ ասեն. ասասցէ արքայ զերազն ծառայից իւրոց, եւ զմեկնութի(ւն) ն(ո)ր(ա) պատմեսցուք։

Verse: 8   Link to sept   Պատասխանի ետ արքայ եւ ասէ. ճշմարտի́ւ գիտեմ եթէ ժամավաճառ լինիք, զի տեսէք թէ բանն վերացաւ յինէն։

Verse: 9   Link to sept   արդ՝ եթէ զերազն ո́չ պատմիցէք ինձ, գիտեմ զի բան սուտ եւ զեղծուցանելի՝ միաբանեալ էք ասել առաջի իմ մինչեւ ժամանակն անցցէ։ ասացէ́ք ինձ զերազն իմ, եւ գիտացից եթէ եւ զմեկնութի(ւն) ն(ո)ր(ա) պատմելո́ց էք ինձ։

Verse: 10   Link to sept   Պատասխանի ետուն միւսանգամքաղդեացիք առաջի թագաւորին՝ եւ ասեն. ո́չ գոյ մարդ ՛ի վ(ե)ր(այ) երկրի՝ որ զբա́ն թագաւորի կարօղ է ցուցանել։ զի ա(մենայ)ն թագաւոր մեծ եւ իշխան, բան՝ զայդպիսի ո́չ հարցանէ ցգէտ՝ եւ ցմոգ՝ եւ ցքաղդեայ։

Verse: 11   Link to sept   զի բան զոր արքայ հարցանէ՝ ծանր է. եւ ա́յլ ոք չի́ք որ պատմիցէ զայդ առաջի արքայի, բայց եթէ դիքն որոց ո́չ է բնակու(թ)ի(ւն) ՛ի մէջ ա(մենայ)ն մսեղեաց։

Verse: 12   Link to sept   Յայնժամ թագաւորն բարկութ(եամ)բ բազմաւ ասաց կոտորել զա(մենայ)ն իմաստունս բաբելացւոց։

Verse: 13   Link to sept   եւ հրամանն ել, եւ իմաստունքն կոտորէին։ եւ խնդրէին զդանիէլ՝ եւ զբարեկամս ն(ո)ր(ա) սպանանել։

Verse: 14   Link to sept   Յայնժամ դանիէլ խօսեցաւ խորհուրդ եւ խրատ ը(նդ) արիովքայ դահճապետին արքային որ ելեալ կոտորէ́ր զիմաստունս բաբելացւոց՝ իշխան թագաւորին։

Verse: 15   Link to sept   եհա́րց զնա եւ ասէ. վ(ա)ս(ն) է՞ր ել հրամանդ այդ խիստ յերեսաց արքայի։ եւ յայտնեաց զբանն արիովք դանիելի։

Verse: 16   Link to sept   Եւ ասէ դանիէլ. մո́ւտ եւ աղաչեա́ զարքայն, զի տացէ նմա ժամ. եւ զմեկնութի(ւն) ն(ո)ր(ա) պատմեսցէ թագաւորին։

Verse: 17   Link to sept   Եւ եմուտ դանիէլ ՛ի տուն իւր. եւ անանիայ եւ ազարիայ եւ միսայելի բարեկամաց իւրոց՝ եցո́յց զբանն։

Verse: 18   Link to sept   եւ խնդրէին գթութի(ւն) յա(ստուծո)յ երկնից, զի մի́ կորիցէ դանիէլ՝ եւ բարեկամք իւր ընդ այլ իմաստունս բաբելաթւոց։

Verse: 19   Link to sept   Յայնժամ դանիելի ՛ի տեսլեան գիշերոյ յայտնեցաւ խորհուրդն։ եւ օրհնեաց զա(ստուա)ծ երկնից դանիէլ,

Verse: 20   Link to sept   եւ ասէ. եղիցի անուն տ(եառ)ն օրհնեալ յաւիտենից մինչեւ յաւիտեանս. զի իմաստու(թ)ի(ւն) եւ հանճար եւ զօրութի(ւն)՝ ն(ո)ր(ա) է։

Verse: 21   Link to sept   եւ նա փոփոխէ զժամանակս՝ եւ զժամս. կացուցանէ զթագաւորս եւ փոփոխէ. տա́յ իմաստութի(ւն) իմաստնոց՝ եւ խորհուրդ խորհրդականաց։

Verse: 22   Link to sept   ինքն յայտնէ զխորինս՝ եւ զգաղտնիս. գիտէ որ կայ ՛ի խաւարի եւ լոյս ընդ նմա։

Verse: 23   Link to sept   Զքէն ա(ստուա)ծ հարցն մերոց գոհանամ եւ օրհնեմ. զի իմաստութի(ւն) եւ զօրութի(ւն) ետուր ինձ. եւ ծանուցեր ինձ որինչ աղօթիւք խնդրեցաք մեք ՛ի քէն. եւ զտեսիլ թագաւորին ցուցեր ինձ։
Section: 4 

Verse: 24   Link to sept   Եւ եմո́ւտ դանիէլ առ արիովք՝ զոր կացուցեալ էր թագաւորին կորուսանել զիմաստունս բաբելացւոց։ եւ ասաց ցնա զիմաստունս բաբելացւոց մի́ կոտորեր. բայց զիս տա́ր առաջի թագաւորին, եւ ես պատմեցից զմեկնու(թ)ի(ւն)ն թագաւորին։

Verse: 25   Link to sept   Յայնժամ արիովք փութապէ́ս տարաւ զդանիէլ առաջի թագաւորին, եւ ասէ ցնա. գտի́ այր մի յորդւոց գերութե(ա)ն հրէաստանի, որ զմեկնու(թ)ի(ւն)ն պատմեսցէ արքայի։

Verse: 26   Link to sept   Պատասխանի ետ թագաւորն եւ ասէ ցդանիէլ՝ որում անուն էր բաղտասար։ եթէ կարօ՞ղ իցես պատմել ինձ զերազն զոր տեսի՝ եւ զմեկնութի(ւն) ն(ո)ր(ա)։

Verse: 27   Link to sept   Պատասխանի́ ետ դանիէլ առաջի թագաւորին՝ եւ ասէ. զխորհուրդդ զայդ զոր արքայ հարցանէ, ո́չ է իմաստնոց՝ եւ մոգուց՝ եւ գիտաց՝ եւ ըղձից՝ պատմել առաջի արքայի։

Verse: 28   Link to sept   այլ գոյ ա(ստուա)ծ յերկինս՝ որ յայտնէ զխորհուրդս։ եւ եցո́յց նաբուքոդոնոսորայ արքայի՝ որինչ լինելոց է յաւուրս յետինս։ Երազն եւ տեսիլ գլխոյ քոյ յանկողնի քում, ա́յս է արքայ։

Verse: 29   Link to sept   Խորհուրդք քո մտայո́յզ առնէին զքեզ յանկողնի քում, թէ զի́նչ լինելոց է́ յետ այսորիկ։ եւ յայտնիչն խորհրդոց եցո́յց քեզ զինչ լինելոց է։

Verse: 30   Link to sept   Եւ ինձ՝ ո́չ առ իմաստու(թ)ե(ան) ինչ՝ որ իցէ յիս քան յա(մենայ)ն կենդանիս՝ յայտնեցաւ խորհուրդն. այլ վ(ա)ս(ն) ցուցանելոյ արքայի զմեկնու(թ)ի(ւն)ն, զի ծանիցես զխորհուրդս սրտի քոյ։

Verse: 31   Link to sept   Դու ա́րքայ տեսանէիր. եւ ահա պատկեր մի մե́ծ պատկեր. եւ երեսք ն(ո)ր(ա) եւ տեսիլ ն(ո)ր(ա) ահագի́ն յոյժ։ եւ կա́յր առաջի քո. ահաւո́ր էր յոյժ պատկերն։

Verse: 32   Link to sept   Որոյ գլուխն յոսկւոյ սրբոյ։ ձեռքն եւ լանջքն եւ բազուկք իւր՝ արծաթիք։ մէջք ն(ո)ր(ա) եւ բարձք՝ պղնձիք։

Verse: 33   Link to sept   եւ սրունքն՝ երկաթիք։ եւ ոտքն՝ կէսն յերկաթոյ՝ եւ կէսն ՛ի խեցւոյ։

Verse: 34   Link to sept   Հայէիր մինչեւ հատաւ վէմ առանց ձեռին՝ եւ եհար զպատկերն ՛ի վ(ե)ր(այ) երկաթեղէն եւ խեցեղէն ոտիցն՝ եւ մանրեա́ց զն(ո)ս(ա) ՛ի սպառ։

Verse: 35   Link to sept   Յայնժամ առհասարակ մանրեցան՝ խեցին եւ երկաթ, պղինձն եւ արծաթ՝ եւ ոսկին, եւ եղեն իբրեւ զփոշի́ կալոյ ամարայնոյ։ եւ ա́ռ զն(ո)ս(ա) սաստկու(թ)ի(ւն) հողմոյ. եւ տեղի ո́չ գտանէր ն(ո)ց(ա)։ Եւ վէմն որ եհար զպատկերն՝ եղեւ լեառն մեծ, եւ ելից զա(մենայ)ն երկիր։

Verse: 36   Link to sept   Ա́յս է երազն։ եւ զմեկնութի(ւն) ն(ո)ր(ա)՝ ասասցո́ւք առաջի արքայի։

Verse: 37   Link to sept   Դու ես արքայ՝ արքայից արքայ. որում ա(ստուա)ծ երկնից թագաւորու(թ)ի(ւն) հզօր եւ պատուակա́ն ետ,

Verse: 38   Link to sept   եւ ընդ ա(մենայ)ն տեղիս ուր բնակեալ են որդիք մարդկան. զգազանս վայրի՝ եւ զթռչունս երկնից՝ եւ զձկունս ծովու ետ ՛ի ձեռս քո։ եւ կացոյց զքեզ տէ́ր ա(մենայ)նի։ Դո́ւ ես գլուխն ոսկի։

Verse: 39   Link to sept   եւ զկնի քո յարիցէ ա́յլ թագաւորութի(ւն) խոնարհագոյն քան զքեզ։ եւ թագաւորութի(ւն)ն երրորդ՝ որ է պղինձն՝ տիրեսցէ ա(մենայ)ն երկրի։

Verse: 40   Link to sept   եւ թագաւորութի(ւն)ն չորրորդ՝ հզօր իբրեւ զերկաթ. զոր օրինակ երկաթ մանրէ եւ մալէ զա(մենայ)ն, նոյնպէս մանրեսցէ́ եւ մալեսցէ զա(մենայ)ն։

Verse: 41   Link to sept   Եւ զի տեսանէիր զոտսն եւ զմատունսն, կէս կողմն յերկաթոյ, եւ կէս կողմն ՛ի խեցւոյ. թագաւորութի(ւն)ն բաժանեալ լիցի. եւ յարմատոյ երկաթոյն եղիցի ՛ի նմա, զոր օրինակ տեսանէիր զերկաթն ընդ խեցին խառնեալ։

Verse: 42   Link to sept   Եւ մատունք ոտիցն՝ կողմն մի յերկաթոյ, եւ կողմն մի ՛ի խեցւոյ. մի կողմն թագաւորու(թ)ե(ա)ն հզօ́ր կայցէ. եւ ՛ի նմանէ եղիցի ջախջախն։

Verse: 43   Link to sept   զի տեսանէիր զերկաթն ը(նդ) խեցին խառնեալ. եղիցին խառն ՛ի զաւակէ մարդկան, եւ ՛ի միմեանս ո́չ յարիցեն. զոր օրինակ ո́չ խառնի երկաթ ընդ խեցի։

Verse: 44   Link to sept   Եւ յաւուրս թագաւորացն այնոցիկ յարուսցէ ա(ստուա)ծ երկնից թագաւորու(թ)ի(ւն)՝ որ յաւիտեանս ո́չ եղծանիցի. եւ թագաւորութի(ւն) ն(ո)ր(ա) ազգի այլում ո́չ մնասցէ։ մանրեսցէ եւ հոսեսցէ́ զա(մենայ)ն թագաւորու(թ)ի(ւն)ս, եւ ինքն կացցէ́ յաւիտեանս։

Verse: 45   Link to sept   Ո(ր)պ(էս) տեսանէիր՝ զի ՛ի լեռնէն հատաւ վէմն առանց ձեռին, եւ մանրեաց զխեցին եւ զերկաթ՝ զպղինձն եւ զարծաթ եւ զոսկի։ Ա(ստուա)ծ մեծ եցո́յց արքայի որինչ լինելոց է առ յապա. եւ ճշմարիտ է երազն՝ եւ հաւատարի́մ մեկնութի(ւն) ն(ո)ր(ա)։

Verse: 46   Link to sept   Յայնժամ արքայն նաբուքոդոնոսոր անկաւ ՛ի վ(ե)ր(այ) երեսաց իւրոց, եւ երկի́ր եպագ դանիելի. եւ զոհս եւ խունկս անուշութե հրամայեաց մատուցանել նմա։

Verse: 47   Link to sept   Պատասխանի ետ թագաւորն եւ ասէ ցդանիէլ. արդարեւ՝ ա(ստուա)ծն ձեր՝ նա́ է ա(ստուա)ծ աստուծոց՝ եւ տ(է)ր տերանց՝ եւ թագաւոր թագաւորաց, որ յայտնէ́ զխորհուրդս։ զի յայտնել կարացեր զխորհուրդդ զայդ։

Verse: 48   Link to sept   Եւ մեծացո́յց թագաւորն զդանիէլ, եւ պարգեւս մեծամեծս եւ բազումս ետ նմա. եւ կացոյց զնա ՛ի վ(ե)ր(այ) աշխարհին բաբելացւոց, եւ իշխան նախարարացն։ եւ ՛ի վերայ ամենայն իմաստնոցն բաբելացւոց։

Verse: 49   Link to sept   Եւ դանիէլ խնդրեաց յարքայէ, եւ կացոյց ՛ի վերայ գործոց աշխարհին բաբելացւոց՝ զսեդրաք, միսաք, եւ զաբեդնագով։ եւ դանիէլ է́ր ՛ի դրան արքային։



Chapter: 3  
ԳԼ(ՈՒԽ) Գ՜.

Տեսիլ Չորրորդ։


Section: 5 

Verse: 1   Link to sept   Յամին ութուտասներորդի նաբուքոդոնոսորայ արքայի, արա́ր պատկեր ոսկի. բարձրութի(ւն) նորա վաթսո́ւն կանգուն, եւ լայնու(թ)ի(ւն) ն(ո)ր(ա) կանգուն վեց։ եւ կանգնեաց զնա ՛ի դաշտին դէարայ յաշխարհին բաբելացւոց։

Verse: 2   Link to sept   Եւ արձակեաց ժողովել զզօրավարս, եւ զզօրագլուխս, եւ զկուսակալս, զպետս եւ զբռնաւորս եւ զգործակալս՝ եւ զա(մենայ)ն իշխանս աշխարհաց գա́լ ՛ի նաւակատիս պատկերին՝ զոր կանգնեաց արքայն նաբուքոդոնոսոր։

Verse: 3   Link to sept   Եւ ժողովեցան կուսակալք, զօրավարք եւ զօրագլուխք՝ պե́տք եւ բռնաւորք. մեծամեծք՝ գործակալք, եւ ա(մենայ)ն իշխանք աշխարհաց, գա́լ ՛ի նաւակատիս պատկերին՝ զոր կանգնեա́ց արքայն նաբուքոդոնոսոր։ եւ կային առաջի պատկերին զոր կանգնեաց արքայն նաբուքոդոնոսոր։

Verse: 4   Link to sept   Եւ քարո́զ կարգայր զօրութ(եամ)բ եւ ասէր՝ ձե́զ ասի ազգք եւ ազինք եւ լեզուք։

Verse: 5   Link to sept   յորժամ լսիցէք զձայն փողոյ՝ սրընկի՝ թմբկի՝ եւ քնարի՝ եւ տաւղի եւ զերգոց միաբանու(թ)ե(ան), եւ զա(մենայ)ն ազգաց արուեստականաց, անկանիջիք եւ երկիրպագանիջիք պատկերին զոր կանգնեաց նաբուքոդոնոսո́ր արքայ։

Verse: 6   Link to sept   Եւ որ ո́չ անկեալ երկի́ր պագանիցէ՝ ՛ի նմին ժամու ընկեսցի ՛ի հնոցն հրո́յն բորբոքելոյ։

Verse: 7   Link to sept   Եւ եղեւ իբրեւ լուան ազգքն զձայն փողոյն՝ զսրընկին զտաւղի, եւ զնուագարանաց, եւ զա(մենայ)ն ազգաց արուեստականաց, անկանէին ա(մենայ)ն ազգքն եւ ազինք եւ լեզուք՝ եւ երկի́ր պագանէին պատկերին ոսկւոյ զոր կանգնեաց արքայն նաբուքոդոնոսոր։

Verse: 8   Link to sept   Յայնժամ մատեան արք քաղդեացիք՝ եւ եղեն չարախօս զհրէից առ նաբուքոդոնոսորայ,

Verse: 9   Link to sept   եւ ասեն. Ա́րքայ՝ յաւիտեա́ն կեաց։

Verse: 10   Link to sept   դու հրաման ետուր ա(մենայ)ն մարդոյ՝ որ լսիցէ զձայն փողոյ՝ զսրընկի՝ եւ զքնարի՝ եւ զտաւղի՝ եւ նուագարանաց. եւ զա(մենայ)ն ազգաց արուեստականաց։

Verse: 11   Link to sept   եւ որ ո́չն անկեալ երկիրպագանիցէ պատկերին ոսկւոյ՝ անկցի ՛ի հնոց հրո́յն բորբոքելոյ։

Verse: 12   Link to sept   Արդ՝ ե́ն աստ ա́րք հրէայք՝ զորս կացուցեր ՛ի վ(ե)ր(այ) գործոց աշխարհիս բաբելացւոց, սեդրաք, միսաք, եւ աբեդնագով. որ ո́չ հնազանդեցան հրամանի քում ա́րքայ. եւ զդիս քո ո́չ պաշտեն, եւ պատկերիդ ոսկւոյ զոր կանգնեցեր՝ երկիր ո́չ պագանեն։

Verse: 13   Link to sept   Յայնժամ նաբուքոդոնոսոր սրտմտու(թեամ)բ եւ բարկու(թեամ)բ հրամայեաց ածե́լ զսեդրաք՝ միսաք՝ եւ զաբեդնագով։եւ ածին առաջի թագաւորին։

Verse: 14   Link to sept   Պատասխանի ետ նաբուքոդոնոսոր՝ եւ ասէ ցն(ո)ս(ա). թէ արդարեւ՞ սեդրաք միսաք եւ աբեդնագով, զդի́ս իմ ո՞չ պաշտիցէք՝ եւ պատկերին ոսկւոյ զոր կանգնեցի երկիր ո՞չ պագանիցէք։

Verse: 15   Link to sept   Բայց արդ՝ եթէ պատրաստք լինիցիք, զի յորժամ լսիցէք զձայն փողոյ սրընկի եւ թմբկի եւ քնարի, եւ զմիաբանու(թ)ի(ւն) ա(մենայ)ն ազգաց արուեստականաց, անկանիցիք եւ երկի́ր պագանիցէք պատկերին զոր արարի։ ապա թէ ո́չ պագանիցէք երկիր՝ ՛ի նմին ժամու անկանիցիք ՛ի հնո́ց հրոյն բորբոքելոյ. եւ ո՞վ է ա(ստուա)ծ՝ որ փրկէ զձեզ ՛ի ձեռաց իմոց։

Verse: 16   Link to sept   Պատասխանի ետուն՝ սեդրաք, միսաք, եւ աբեդնագով. եւ ասեն ցարքայ նաբուքոդոնոսոր։ ո́չինչ է պիտոյ վ(ա)ս(ն) բանիդ այդորիկ տալ քեզ պատասխանի։

Verse: 17   Link to sept   զի է́ մեր ա(ստուա)ծ յերկինս՝ զոր մեքն պաշտեմք. կարօղ է փրկել զմեզ ՛ի հնոցէ հրոյդ բորբոքելոյ, եւ ՛ի ձեռաց քոց արքայ՝ ապրեցուցանել զմեզ։

Verse: 18   Link to sept   ապա թէ ոչ՝ այս ինչ յայտնի́ լիցի քեզ արքայ՝ զի զդիս քո մեք ո́չ պաշտեմք, եւ պատկերիդ ոսկւոյ զոր կանգնեցեր՝ երկիր ո́չ պագանեմք։

Verse: 19   Link to sept   Յայնժամ նաբուքոդոնոսոր լի́ եղեւ սրտմտութ(եամ)բ. եւ գոյն երեսաց ն(ո)ր(ա) շրջեցա́ւ ՛ի վ(ե)ր(այ) սեդրաքայ միսաքայ եւ աբեդնագովի։ եւ ասէ՝ ջեռուցէ́ք զհնոցն եւթնապատիկ, զի մինչեւ ՛ի վախճան այրեսցին։

Verse: 20   Link to sept   եւ արք հինգ՝ զօրաւո́րք զօրութ(եամ)բ՝ կապեսցեն զսեդրաք միսաք եւ զաբեդնագով՝ արկանե́լ ՛ի հնոց հրոյն բորբոքելոյ։

Verse: 21   Link to sept   Յայնժամ արքն այնոքիկ կապեցան պատմուճանօք եւ վարտեօք, արտախուրակօք եւ զանկապանօք իւրեանց, եւ ընկեցան ՛ի մէջ հնոցի հրոյն բորբոքելոյ։

Verse: 22   Link to sept   զի հրաման թագաւորին սաստկանայր, եւ հնոցն բորբոքէր եւթնպատի́կ առաւել յոյժ։

Verse: 23   Link to sept   Եւ երեքեան նոքա՝ սեդրաք, միսաք, եւ աբեդնագով, անկա́ն ՛ի մէջ հնոցին կապեալք։

Verse: 24   Link to sept   գնային ՛ի մէջ հրոյն։ օրհնէին եւ գովէին զտ(է)ր ա(ստուա)ծ։

Verse: 25   Link to sept   Յարեա́ւ ազարիա, եւ կաց յաղօթս ա́յսպէս. եբա́ց զբերան իւր ՛ի մէջ հրոյն՝ եւ ասէ։

Verse: 26   Link to sept   Օրհնեա́լ ես տ(է)ր ա(ստուա)ծ հարցն մերոց, գովեալ եւ փառաւորեալ է անուն քո յաւիտեանս.

Verse: 27   Link to sept   զի արդա́ր ես յա(մենայ)նի զոր ածեր ՛ի վ(ե)ր(այ) մեր, եւ ա(մենայ)ն գործք քո ճշմարիտ են։ եւ ուղի́ղ են ճանապարհք քո, եւ ա(մենայ)ն դատաստանք քո ճշմարտութի(ւն)։

Verse: 28   Link to sept   եւ իրաւունս ճշմարտու(թ)ե(ան) արարեր ըստ ա(մենայ)նի զոր արարեր մեզ, եւ քաղաքին սրբոյ հարցն մերոց ե(րուսաղէ)մի։ Զի ճշմարտութ(եամ)բ եւ յիրաւի́ ածեր զայս ա(մենայ)ն վ(ա)ս(ն) մեղաց մերոց։

Verse: 29   Link to sept   զի մեղաք եւ անօրինեցաք յապստամբ լինելն ՛ի քէն, եւ առաւել մեղաք յա(մենայ)նի.

Verse: 30   Link to sept   եւ պատուիրանաց քոց ո́չ անսացաք։ Ո́չ պահեցաք եւ ո́չ արարաք ո(ր)պ(էս) պատուիրեցեր մեզ՝ զի բարի լինիցի մեզ։

Verse: 31   Link to sept   եւ զա(մենայ)ն զոր ածեր ՛ի վ(ե)ր(այ) մեր, եւ զա(մենայ)ն զոր արարեր մեզ՝ արդա́ր դատաստանաւ արարեր։

Verse: 32   Link to sept   Եւ մատնեցեր զմեզ ՛ի ձեռս թշնամեաց մերոց, անօրինաց խստաց եւ ապստամբողաց. եւ թագաւորի՝ անիրաւի եւ չարի́ քան զա(մենայ)ն երկիր։

Verse: 33   Link to sept   Եւ արդ ո́չ գոյ մեզ բանալ զբերանս մեր, զի ամօթ եւ նախատինք եղաք ծառայից քոց պաշտօնէից։

Verse: 34   Link to sept   Այլ մի́ մատներ զմեզ ՛ի սպառ վասն անուան քոյ, եւ մի́ ցրեր զուխտ քո,

Verse: 35   Link to sept   եւ մի́ ՛ի բացէ́ առներ զողորմու(թ)ի(ւն)ս քո ՛ի մէնջ։ Վ(ա)ս(ն) աբրահամու սիրելւոյ քոյ եւ վ(ա)ս(ն) իսահակայ ծառայի քոյ՝ եւ վ(ա)ս(ն) ի(սրայէ)լի սրբոյ քոյ.

Verse: 36   Link to sept   որոց խոստացար բազմացուցանել զզաւակ ն(ո)ց(ա) իբրեւ զաստեղս երկնից, եւ իբրեւ զաւազ առ ափն ծովու։

Verse: 37   Link to sept   Եւ արդ տ(է)ր՝ նուաղեցա́ք քան զա(մենայ)ն ազգս։ եւ եմք տառապեալք յա(մենայ)ն երկրի այսօր վ(ա)ս(ն) մեղաց մերոց։

Verse: 38   Link to sept   եւ ո́չ գոյ ՛ի ժամանակի յայսմիկ իշխան՝ մարգարէ՝ եւ առաջնորդ. ո́չ ողջակէզք եւ ո́չ զոհք, եւ ո́չ պատարագք եւ ո́չ խունկք. եւ ո́չ տեղի տալոյ երախայրիս առաջի քո,

Verse: 39   Link to sept   եւ գտանել զողորմու(թ)ի(ւն)։ Այլ անձամբք բեկելովք՝ եւ հոգւովք տառապանաց ընդունելի լիցուք

Verse: 40   Link to sept   իբրեւ զողջակէզս խոյոց եւ զուարակաց. եւ իբրեւ զբիւրաւորս դառանց պարարտաց։ ա́յնպէս եղիցի պատարագս մեր այսօր առաջի քո լինել կատարեալ զկնի քո, զի չի́ք ամօթ յուսացելոցս ՛ի քեզ։

Verse: 41   Link to sept   Եւ արդ գամք զհետ քո ա(մենայ)ն սրտիւք մերովք, եւ երկնչիմք մեք ՛ի քէն, եւ խնդրեմք զերեսս քո.

Verse: 42   Link to sept   մի́ յամօթ առներ զմեզ։ այլ արա́ ընդ մեզ ըստ հեզու(թ)ե(ան) քում, եւ ըստ բազում ողորմութե(ան) քում։

Verse: 43   Link to sept   եւ փրկեա́ զմեզ վասն սքանչելեաց քոց. եւ տո́ւր փառս անուան քում տ(է)ր։

Verse: 44   Link to sept   Եւ յամօ́թ լիցին ամենեքեան ոյք ցուցանեն չարիս ծառայից քոց, եւ ամաչեսցեն յա(մենայ)ն բռնու(թ)ե(ան) իւրեանց. եւ զօրութի(ւն) ն(ո)ց(ա) խորտակեսցի́։

Verse: 45   Link to sept   եւ ծանիցեն զի դո́ւ ես տ(է)ր ա(ստուա)ծ միայն, եւ փառաւորեալ ՛ի վ(ե)ր(այ) ա(մենայ)ն տիեզերաց։

Verse: 46   Link to sept   Եւ ո́չ դադարէին որք արկին զն(ո)ս(ա) սպասաւորք թագաւորին՝ զհնոցն բորբոքելոյ, նաւթի́ւ եւ ձոթով եւ վշով եւ որթով։

Verse: 47   Link to sept   եւ ելանէր դիզանայր բոցն ՛ի վերոյ քան զհնոցն ՛ի քառասուն եւ յինն կանգուն.

Verse: 48   Link to sept   եւ շրջէր պատէր շուրջ զհնոցաւն. եւ այրէր զորս գտանէր ՛ի քաղդէացւոց անտի։

Verse: 49   Link to sept   Եւ հրեշտակ ա(ստուծո)յ էջ եկաց ընդ ազարիանս ՛ի հնոցի անդ, եւ թօթափեաց զբոց հրոյն ՛ի հնոցէ անտի։

Verse: 50   Link to sept   եւ արար ՛ի մէջ հնոցին իբրեւ զհողմ որ ցօղագին շնչիցէ, եւ ո́չ մերձենայր ամենեւին հուրն ՛ի ն(ո)ս(ա), ո́չ տրտմեցուցանէր եւ ո́չ նեղէր զն(ո)ս(ա)։

Verse: 51   Link to sept   Յայնժամ երեքեան իբրեւ ՛ի միոջէ բերանոյ, օրհնէին եւ գովէին եւ փառաւո́ր առնէին զա(ստուա)ծ ՛ի մէջ հնոցին՝ եւ ասէին։

Verse: 52   Link to sept   Օրհնեալ ես դու տ(է)ր ա(ստուա)ծ հարցն մերոց, գովեալ եւ առաւել բարձրացեալ յաւիտեանս։ եւ օրհնեալ է անուն ս(ուր)բ փառաց քոց. գովեալ եւ ա(սէին)։

Verse: 53   Link to sept   Օրհնեալ ես ՛ի տաճարի փառաց սրբու(թ)ե(ան) քոյ, գովեալ եւ (ասէին)։

Verse: 54   Link to sept   Օրհնեալ ես ՛ի վ(ե)ր(այ) աթոռոց արքայութե(ան) քոյ. գովեալ եւ ա(սէին)։

Verse: 55   Link to sept   Օրհնեալ ես որ հայիս յանդունդս, եւ նստիս ՛ի քրովբէս, գովե(ալ եւ ասէին)։

Verse: 56   Link to sept   Օրհնեալ ես՝ որ նստիս ՛ի հաստատութե(ան) երկնից, գովեալ եւ (ասէին)։

Verse: 57   Link to sept   Օրհնեցէ́ք ա(մենայ)ն գործք տ(եառ)ն զտ(է)ր. օրհնեցէ́ք եւ բա́րձր արարէք զնա յաւիտեան։

Verse: 58   Link to sept   օրհնեցէ́ք երկինք զտ(է)ր, օրհ(նեցէ́ք եւ բա́րձր արարէք զնա յաւիտեան)։

Verse: 59   Link to sept   օրհնեցէ́ք հրեշտակք տ(է)ր զտ(է)ր օրհնե(ցէ́ք եւ բա́րձր արարէք զնա յաւիտեան)։

Verse: 60   Link to sept   օրհնեցէ́ք ջուրք ա(մենայ)ն որ ՛ի վերոյ քան զերկինս օրհ(նեցէ́ք եւ բա́րձր արարէք զնա յաւիտեան)։

Verse: 61   Link to sept   օրհնեցէ́ք ա(մենայ)ն զօրու(թ)ի(ւն)ք տ(եառ)ն զտ(է)ր։

Verse: 62   Link to sept   օրհնեցէ́ք արեւ եւ լուսին զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 63   Link to sept   օրհնեցէ́ք ա(մենայ)ն աստեղք երկնից զտ(է)ր. որհ(նեցէ́ք եւ բա́րձր արարէք զնա յաւիտեան)։

Verse: 64   Link to sept   օրհնեցէ́ք ա(մենայ)ն անձրեւք եւ ցօղք զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 65   Link to sept   օրհնեցէ́ք ա(մենայ)ն հողմք զտ(է)ր. օրհնե(ցէ́ք եւ բա́րձր արարէք զնա յաւիտեան)։

Verse: 66   Link to sept   օրհնեցէ́ք հուր եւ տապ զտ(է)ր. օրհնեցէք, եւ (բա́րձր արարէք զնա յաւիտեան)։

Verse: 67   Link to sept   օրհնեցէ́ք ցուրտ եւ սառն զտ(է)ր. օրհնե(ցէ́ք եւ բա́րձր արարէք զնա յաւիտեան)։

Verse: 68   Link to sept   օրհնեցէ́ք եղեամն եւ ձիւն զտ(է)ր. օրհնե(ցէ́ք եւ բա́րձր արարէք զնա յաւիտեան)։

Verse: 69   Link to sept   Օրհնեցէ́ք տիւք եւ գիշերք զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 70   Link to sept   օրհնեցէ́ք լոյս եւ խաւար զտ(է)ր. օրհնեցէ́(ք եւ բա́րձր արարէք զնա յաւիտեան)։

Verse: 71   Link to sept   օրհնեցէ́ք ամպք եւ փայլատակունք զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 72   Link to sept   օրհնեցէ́ք երկիր զտ(է)ր. օրհնեցէք եւ բարձ(ր արարէք զնա յաւիտեան)։

Verse: 73   Link to sept   օրհնեցէ́ք լերինք եւ բարձունք զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 74   Link to sept   օրհնեցէ́ք ա(մենայ)ն բոյսք երկրի զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 75   Link to sept   Օրհնեցէ́ք աղբեւրք զտ(է)ր. օրհնե(ցէ́ք եւ բա́րձր արարէք զնա յաւիտեան)։

Verse: 76   Link to sept   օրհնեցէք ծով եւ գետք զտ(է)ր. օրհնեցէք եւ (բա́րձր արարէք զնա յաւիտեան)։

Verse: 77   Link to sept   օրհնեցէ́ք կէտք եւ ա(մենայ)ն կայտառք որ ՛ի ջուրս զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 78   Link to sept   օրհնեցէ́ք թռչունք երկնից զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 79   Link to sept   օրհնեցէ́ք ա(մենայ)ն գազանք՝ եւ անասուն զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 80   Link to sept   օրհնեցէ́ք որդիք մարդկան զտ(է)ր. օրհնե(ցէ́ք եւ բա́րձր արարէք զնա յաւիտեան)։

Verse: 81   Link to sept   Օրհնեսցէ́ ի(սրայ)էլ զտ(է)ր. օրհնե(ցէ́ք եւ բա́րձր արարէք զնա յաւիտեան)։

Verse: 82   Link to sept   օրհնեցէ́ք քահանայք զտ(է)ր. օրհնեցէք եւ (բա́րձր արարէք զնա յաւիտեան)։

Verse: 83   Link to sept   օրհնեցէ́ք ծառայք տ(եառ)ն զտ(է)ր. օրհնեց(է́ք եւ բա́րձր արարէք զնա յաւիտեան)։

Verse: 84   Link to sept   օրհնեցէ́ք հոգիք եւ շունչք արդարոց զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 85   Link to sept   օրհնեցէ́ք սուրբք եւ խոնարհք սրտիւք զտ(է)ր. օրհ(նեցէ́ք եւ բա́րձր արարէք զնա յաւիտեան)։

Verse: 86   Link to sept   Օրհնեցէ́ք անանիա՝ ազարիա՝ եւ միսայէլ զտ(է)ր. օրհնեցէ́ք եւ բա́րձր արարէք զնա յաւիտեան։ Զի փրկեա́ց զմեզ ՛ի դժոխոց, եւ ՛ի ձեռաց մահու ապրեցոյց զմեզ. եւ փրկեաց զմեզ ՛ի հնոցէս, եւ ՛ի միջոյ բորբոքեալ բոցոյս, եւ ՛ի միջոյ հրոյս փրկեաց զմեզ։

Verse: 87   Link to sept   Գոհացարո́ւք զտ(եառն)է, զի քաղցր է զի յաւիտեան է ողորմ ն(ո)ր(ա)։

Verse: 88   Link to sept   Օրհնեցէ́ք ա(մենայ)ն պաշտօնեայք տ(եառ)ն զա(ստուա)ծն աստուծոց, օրհնեցէ́ք եւ գոհացարո́ւք, զի յաւիտեա́ն է ողորմ ն(ո)ր(ա)։

Verse: 89   Link to sept   Եւ նաբուքոդոնոսոր իբրեւ լուաւ զօրհնու(թ)ի(ւն)ս ն(ո)ց(ա)՝ զարմացաւ։ յարեաւ տագնապաւ՝ եւ ասէ ցմեծամեծս իւր։ ո՞չ արս երիս կապեալս արկաք ՛ի մէջ հրոյն։ եւ ասեն ցթագաւորն. այո́ արդա́ր ասես արքայ։

Verse: 90   Link to sept   Եւ ասէ թագաւորն, այլ ես տեսանեմ արս չո́րս արձակս, եւ գնան ՛ի մէջ հրոյն. եւ ապականու(թ)ի(ւն) ինչ՝ ո́չ գոյ ՛ի ն(ո)ս(ա)։ եւ տեսիլ չորրորդին նմա́ն է որդւոյ ա(ստուծո)յ։

Verse: 91   Link to sept   Յայնժամ մատեաւ նաբուքոդոնոսոր ՛ի դուռն հնոցին հրո́յն բորբոքելոյ. եւ ասէ, սեդրաք՝ միսաք՝ եւ աբեդնագով՝ ծառայք ա(ստուծո)յ բարձրելոյ, ելէ́ք եւ եկա́յք։ Եւ ելին սեդրաք՝ միսաք՝ եւ աբեդնագով ՛ի միջոյ հրոյն։

Verse: 92   Link to sept   եւ ժողովեցան նախարարքն եւ կուսակալք՝ եւ զօրավարքն եւ զօրաւորք թագաւորին. եւ տեսանէին զարսն զի ո́չ տիրեաց հուրն ՛ի մարմինս ն(ո)ց(ա), եւ հեր գլխոյ ն(ո)ց(ա) ո́չ խանձատեցաւ, եւ վարտիք ն(ո)ց(ա) ո́չ այլագունեցան, եւ հոտ հրոյ ո́չ գոյր ՛ի ն(ո)ս(ա)։

Verse: 93   Link to sept   Եւ երկի́ր եպագ թագաւորն առաջի ն(ո)ց(ա) տ(եառ)ն։ եւ պատասխանի ետ նաբուքոդոնոսոր՝ եւ ասէ. որհեա́լ է ա(ստուա)ծ սեդրաքայ՝ միսաքայ՝ եւ աբեդնագովի. որ առաքեաց զհրեշտակ իւր եւ փրկեա́ց զծառայս իւր զի յուսացան ՛ի նա, եւ զբան թագաւորի անարգեցին. եւ մատնեցին զմարմինս իւրեանց ՛ի հուր. զի մի́ պաշտեսցեն եւ մի́ երկիր պագանիցեն ա(մենայ)ն աստուածոց, բայց միայն ա(ստուծո)յ իւրեանց։

Verse: 94   Link to sept   Եւ արդ ե́ս տամ հրաման. ա(մենայ)ն ազգք եւ աղինք եւ լեզուք, որ խօսիցին հայհոյութի(ւն) զա(ստուծո)յ սեդրաքայ միսաքայ եւ զաբեդնագովի՝ ՛ի կորո́ւստ մատնեսցին, եւ տունք ն(ո)ց(ա) ՛ի յափշտակու(թ)ի(ւն)։ զի ո́չ գոյ ա́յլ ա(ստուա)ծ՝ որ կարօղ իցէ ա́յնպէս փրկել։

Verse: 95   Link to sept   Յայնժամ թագաւորն առաւե́լ շքեղացոյց զսեդրաք միսաք եւ զաբեդնագով յերկրին բաբելացւոց, եւ բարձրացոյց զն(ո)ս(ա). եւ աղաչեաց լինել ն(ո)ց(ա) իշխան ա(մենայ)ն հրէիցն որ էին ՛ի թագաւորութե(ան) ն(ո)ր(ա)։


Տեսիլ Հինգերորդ։


Section: 6 

Verse: 96   Link to sept   Նաբուքոդոնոսոր արքայ, առ ա(մենայ)ն ազգս եւ լեզուս որ բնակեալ են յա(մենայ)ն երկրի, խաղաղու(թ)ի(ւն) բազմասցի ձեզ։

Verse: 97   Link to sept   Զնշանս եւ զարուեստս զոր արա́ր ընդիս բարձրեալն՝ հաճո́յ թուեցաւ առաջի իմ պատմել ձեզ,

Verse: 98   Link to sept   թէ ո՞պ մեծամեծք՝ եւ զօրաւո́րք են. արքայու(թ)ի(ւն) ն(ո)ր(ա) արքայու(թ)ի(ւն) յաւիտենից, եւ իշխանութի(ւն) ն(ո)ր(ա) ազգաց յազգս։



Chapter: 4  
ԳԼ(ՈՒԽ) Դ՜.


Verse: 1   Link to sept   Ե́ս նաբուքոդոնոսոր՝ ուրա́խ էի ՛ի տան իմում եւ զուարճացեալ։

Verse: 2   Link to sept   Երա́զ տեսի՝ եւ զարհուրեցոյց զիս, եւ խռովեցայ յանկողնի իմում. եւ տեսիլ գլխոյ իմոյ տագնապեա́ց զիս։

Verse: 3   Link to sept   եւ տուաւ հրաման յինէն ածել առաջի իմ զա(մենայ)ն իմաստունս բաբելացւոց, զի զմեկնութի(ւն) երազոյն ցուցցեն ինձ։

Verse: 4   Link to sept   Եւ մտին առաջի իմ գէ́տք՝ եւ մոգք՝ եւ իղձք՝ եւ քաղդեայք. եւ զերազն իմ ասացի առաջի ն(ո)ց(ա). եւ զմեկնութի(ւն) ն(ո)ր(ա) ո́չ ցուցին ինձ։

Verse: 5   Link to sept   մինչեւ եկն դանիէլ՝ որում անուն էր բաղտասար ը(նդ)ս անուան աստուծոյ իմոյ. զի հոգի ս(ուր)բ ա(ստուծո)յ գոյ ՛ի նմա։ Ցոր եւ ասացի,

Verse: 6   Link to sept   թէ բաղտասար իշխան՝ գիտեա́ զոր ես տեսի. գիտեմ եթէ հոգի ս(ուր)բ ա(ստուծո)յ գոյ ՛ի քեզ, եւ ա(մենայ)ն խորհուրդք ո́չ ծածկին ՛ի քէն. արդ լո́ւր դու զտեսիլ երազոյն իմոյ զոր տեսի, եւ զմեկնութի(ւն) ն(ո)ր(ա) ասասցե́ս ինձ։

Verse: 7   Link to sept   Տեսանէի յանկողնի իմում, եւ ահա ծա́ռ մի ՛ի մէջ երկրի. եւ բարձրու(թ)ի(ւն) ն(ո)ր(ա) բազում յոյժ։

Verse: 8   Link to sept   մեծացաւ ծառն եւ զօրացաւ, եւ բարձրու(թ)ի(ւն) ն(ո)ր(ա) եհա́ս մինչեւ յերկինս, եւ լայնու(թ)ի(ւն) ն(ո)ր(ա) ՛ի ծագս ա(մենայ)ն երկրի։

Verse: 9   Link to sept   տերեւ ն(ո)ր(ա) գեղեցիկ, եւ պտուղ ն(ո)ր(ա) բազում. եւ կերակուր ա(մենայ)նի ՛ի նմա։ ՛ի ներքոյ ն(ո)ր(ա) բնակեալ էին գազանք վայրի. եւ յոստս ն(ո)ր(ա) հանգուցեալէին թռչունք երկնից. եւ ՛ի նմանէ կերակրէր ա(մենայ)ն մարմին։

Verse: 10   Link to sept   Տեսանէի ՛ի տեսլեան գիշերոյ յանկողնի իմում, եւ ահա զուարթուն եւ սուրբ իջանէր յերկնից։

Verse: 11   Link to sept   եւ բարբառէր զօրութ(եամ)բ՝ եւ ասէր ա́յսպէս. հատէ́ք զծառդ՝ եւ քշտեցէ́ք զոստս դորա. թօթափեցէ́ք զտերեւ դորա, եւ զպտուղ դորա ցրուեցէ́ք։ շարժեսցին գազանքդ ՛ի ներքոյ դորա, եւ թռչունքդ յոստս դորա։

Verse: 12   Link to sept   Բայց զշառաւիղ արմատոյ դորա թողէ́ք յերկրի, երկաթապատ եւ պղնձապատ ՛ի դալար վայրի՝ եւ ՛ի ցօղոյ երկնից հանգիցէ. եւ ընդ գազանս անապատի բաժին դորա, եւ ՛ի խոտ երկրի։

Verse: 13   Link to sept   սիրտ նորա ՛ի մարդկանէ փոխեսցի, եւ սիրտ գազանաց տացի նմա. եւ եւթն ժամանակք փոխեսցին ՛ի վերայ ն(ո)ր(ա)։

Verse: 14   Link to sept   Մեկնութ(եամ)բ զուարթնո́յ է բանս. եւ պատգամ սրբո́ց է հարցուածս. զի ծանիցեն կենդանիք՝ եթէ տիրէ բարձրեալն թագաւորութե(ան) մարդկան, եւ ում կամի տացէ զնա. եւ զարհամարհն ՛ի մարդկանէ յարուցանէ ՛ի վ(ե)ր(այ) ն(ո)ր(ա)։

Verse: 15   Link to sept   Ա́յս է երազն զոր տեսի ե́ս նաբուքոդոնոսոր արքայ։ Եւ դու բաղտասար՝ ասա́ ինձ զմեկնութի(ւն) ն(ո)ր(ա). զի ա(մենայ)ն իմաստունք թագաւորութե(ան) իմոյ ոչ կարացին ցուցանել ինձ զմեկնութի(ւն) ն(ո)ր(ա). այլ դու դանիէլ կարօղ ես՝ զի հոգի սուրբ ա(ստուծո)յ գո́յ ՛ի քեզ։

Verse: 16   Link to sept   Յայնժամ դանիէլ՝ որում անուն էր բաղտասար՝ հիացաւ իբրեւ ժամ մի եւ խորհուրդք ն(ո)ր(ա) խռովեցուցանէին զնա։ պատասխանի ետ թագաւորն՝ եւ ասէ ցնա. բա́ղտասար, երազն եւ մեկնու(թ)ի(ւն) ն(ո)ր(ա) մի́ տագնապեցուցանեն զքեզ։ Ետ պատասխանի բաղտասար՝ եւ ասէ. տէ́ր՝ երազն ատելեաց քոց, եւ մեկնու(թ)ի(ւն) ն(ո)ր(ա) թշնամեաց քոց։

Verse: 17   Link to sept   Ծառն զոր տեսանէիր մեծացեալ եւ զօրացեալ, որոյ բարձրութի(ւն)ն հասանէր յերկինս, եւ լայնու(թ)ի(ւն) ն(ո)ր(ա) յա(մենայ)ն երկիր.

Verse: 18   Link to sept   տերեւ ն(ո)ր(ա) գեղեցիկ, եւ պտուղ նորա բազում, եւ կերակուր ամենայնի́ ՛ի նմա. ՛ի ներքոյ նորա բնակեալ էին գազանք անապատի, եւ յոստս ն(ո)ր(ա) հանգուցեալ թռչունք երկնից։

Verse: 19   Link to sept   դո́ւ ես արքայ։ Զի մեծացար եւ զօրացար, եւ մեծութի(ւն) քո բարձրացաւ եհա́ս մինչեւ յերկինս. եւ տէրութի(ւն) քո ՛ի ծագս ա(մենայ)ն երկրի։

Verse: 20   Link to sept   Եւ զի տեսանէիր արքայ՝ զի զուարթունն եւ ս(ուր)բ՝ իջանէ́ր յերկնից՝ եւ ասէր, կտրեցէ́ք զծառդ եւ ապականեցէ́ք զդա. բայց զշառաւիղ արմատոյ դորա թողէ́ք յերկրի. երկաթապատ եւ պղնձապատ, եւ ՛ի դալա́ր վայրի՝ եւ ՛ի ցօղոյ երկնից հանգիցէ. եւ ընդ գազանս անապատի բաժին ն(ո)ր(ա), մինչեւ եւթն ժամանակք փոխեսցին ՛ի վ(ե)ր(այ) ն(ո)ր(ա)։

Verse: 21   Link to sept   Ա́յս է մեկնու(թ)ի(ւն) ն(ո)ր(ա) արքայ։ Եւ դատաստանք բարձրելոյն հասեա́լ ՛ի վ(ե)ր(այ) տեառն իմոյ արքայի։

Verse: 22   Link to sept   եւ զքեզ հալածեսցեն ՛ի մարդկանէ։ եւ ը(նդ) գազանս անապատի́ եղիցի բնակութի(ւն) քո։ եւ խոտ իբրեւ արջառոյ ջամբրեսցեն քեզ, եւ ՛ի ցօղոյ երկնից հանգիցես։ եւ եւթն ժամանակք փոխեսցին ՛ի վ(ե)ր(այ) քո, մինչեւ ծանիցես թէ տիրէ բարձրեալն թագաւորու(թ)ե(ան) մարդկան. եւ ում կամի, տացէ զնա։

Verse: 23   Link to sept   Եւ զի ասաց՝ թէ թողէ́ք զշառաւիղ արմատոյ ծառոյն. թագաւորութի(ւն) քո քե́զ մնայ, մինչեւ ծանիցես զիշխանութի(ւն) երկնաւորին։

Verse: 24   Link to sept   Վ(ա)ս(ն) այդորիկ ա́րքայ, խրա́տ իմ հաճոյ թուեսցի քեզ. եւ զմեղս քո ողորմու(թեամ)բ քաւեսջիր, եւ զանօրէնու(թ)ի(ւն)ս քո գթովք տնանկաց. թերեւս երկայնամիտ լիցի ՛ի վ(ե)ր(այ) յանցանաց քոց ա(ստուա)ծ։

Verse: 25   Link to sept   Այս ա(մենայ)ն եկն եհա́ս ՛ի վերայ նաբուքոդոնոսորայ արքայի

Verse: 26   Link to sept   յետ երկոտասան ամսոյն, մինչդեռ ՛ի վ(ե)ր(այ) տաճարի թագաւորութե(ան) իւրոյ ճեմէր ՛ի բաբելոն։

Verse: 27   Link to sept   Խօսել սկսաւ թագաւորն՝ եւ ասէ. ո՞չ այս՝ ա́յն մեծ բաբելոն է զոր ե́սն շինեցի ՛ի տուն թագաւորութե(ան) հաստատութ(եամ)բ զօրու(թ)ե(ան) իմոյ՝ ՛ի պատիւ փառաց իմոց։

Verse: 28   Link to sept   Եւ մինչդեռ բանքն ՛ի բերա́ն էին թագաւորին, ձայն եղեւ յերկնից եւ ասէ. Քե́զ ասեմ նաբուքոդոնոսոր արքայ. թագաւորու(թ)ի(ւն) քո անցեալ է ՛ի քէն.

Verse: 29   Link to sept   եւ ՛ի մարդկանէ հալածեսցեն զքեզ, եւ ընդ գազանս անապատի բնակու(թ)ի(ւն) քո, եւ խո́տ իբրեւ արջառոյ ջամբեսցեն քեզ. եւ եւթն ժամանակք փոխեսցին ՛ի վ(ե)ր(այ) քո, մինչեւ ծանիցես՝ թէ տիրէ բարձրեալն թագաւորութե(ան) մարդկան, եւ ում կամի տացէ զնա։

Verse: 30   Link to sept   ՛Ի նմին ժամու բանն կատարեցա́ւ ՛ի վ(ե)ր(այ) նաբուքոդոնոսորայ. եւ ՛ի մարդկանէ հալածեցաւ, եւ խոտ՝ իբրեւ արջա́ռ ուտէր. եւ ՛ի ցօղոյ երկնից մարմին ն(ո)ր(ա) ներկա́ւ, մինչեւ վարսք նորա իբրեւ զառիւծուց մեծացան, եւ եղնգունք ն(ո)ր(ա) իբրեւ զթռչնոց։

Verse: 31   Link to sept   Եւ յետ կատարածի աւուրցն, ե́ս նաբուքոդոնոսոր՝ զաչս իմ յերկինս համբարձի, եւ միտք իմ առ ի́ս դարձան. եւ զբարձրեալն օրհնեցի, եւ զկենդանին յաւիտենից գովեցի եւ փառաւորեցի. զի իշխանութի(ւն) ն(ո)ր(ա) իշխանու(թ)ի(ւն) յաւիտենական, եւ տէրու(թ)ի(ւն) ն(ո)ր(ա) ազգաց յազգս։

Verse: 32   Link to sept   եւ ա(մենայ)ն բնակիչք երկրի իբրեւ զոչինչ համարեցան։ Ըստ կամաց իւրոց առնէ ՛ի զօրութե(ան) երկնից, եւ ՛ի բնակու(թ)ե(ան) երկրի. եւ չի́ք որ ընդդէմ դառնայցէ ձեռին ն(ո)ր(ա) եւ ասիցէ թէ զինչ գործեցեր։

Verse: 33   Link to sept   ՛Ի նմին ժամանակի միտք իմ առ ի́ս դարձան, եւ ՛ի պատիւ թագաւորութե(ան) իմոյ եկի. եւ կերպարանք իմ առ ի́ս դարձան. եւ իշխանք իմ եւ մեծամեծք իմ խնդրեցին զիս. եւ անդրէն ՛ի թագաւորու(թ)ի(ւն) իմ հաստատեցայ. եւ մեծու(թ)ի(ւն) առաւե́լ յաւելաւ ինձ։

Verse: 34   Link to sept   Արդ ես նաբուքոդոնոսոր օրհնե́մ եւ առաւե́լ բարձրացուցանեմ, եւ փառաւո́ր առնեմ զարքայն երկնից. զի ա(մենայ)ն գործք ն(ո)ր(ա) ճշմարի́տ են, եւ շաւիղք նորա իրաւունք. եւ զամենեսին ոյք գնան ամբարտաւանութ(եամ)բ՝ կարօ́ղ է խոնարհեցուցանել։



Chapter: 5  
ԳԼ(ՈՒԽ) Ե՜.


Section: 7 

Verse: 1   Link to sept   Բաղտասա́ր արքայ՝ արա́ր ընթրիս մեծամեծաց իւրոց հազա́ր առն. եւ ըստ հազարացն նոյնպէս եւ գինի։ եւ իբրեւ ընդ գինիս եմուտ բաղտասար,

Verse: 2   Link to sept   հրամայեաց բերել զսպաս արծաթոյ եւ զոսկւոյ, զոր եհան նաբուքոդոնոսոր հայր նորա ՛ի տաճարէն որ յե(րուսաղէ)մ։ զի արբցեն նոքօք թագաւորն եւ մեծամեծք իւր, եւ հարճք եւ կանայք իւր։

Verse: 3   Link to sept   Եւ բերին զսպասսն զոսկեղէնս եւ զարծաթեղէնս, զոր բերեալէր ՛ի տաճարէն ա(ստուծո)յ՝ որ է́ր յե(րուսաղէ)մ. եւ ըմպէին նոքօք թագաւորն եւ մեծամեծք իւր, եւ հարճք ն(ո)ր(ա)՝ եւ կանայք։

Verse: 4   Link to sept   ըմպէին գինի, եւ օրհնէին զաստուածս զոսկեղէնս՝ եւ զարծաթեղէնս՝ եւ պղնձիս՝ եւ զերկաթիս, եւ զփայտեղէնս՝ եւ զքարեղէնս. եւ զա(ստուա)ծն յաւիտենից ո́չ օրհնեցին, որ ունէր իշխանութի(ւն) ոգւոց ն(ո)ց(ա)։

Verse: 5   Link to sept   ՛Ի նմին ժամու ելին մատունք ձեռին մարդոյ, եւ գրէին հանդէպ գնդին ՛ի վերայ բռելոյ որմոյ տաճարի թագաւորին։ եւ թագաւորն տեսանէր զթաթ ձեռինն որ գրէր։

Verse: 6   Link to sept   Յայնժամ հատան գոյնք թագաւորին, եւ խորհուրդք ն(ո)ր(ա) խռովեցուցանէին զնա, եւ յօդք միջոյ ն(ո)ր(ա) լուծանէին, եւ ծունկք ն(ո)ր(ա) զմիմեանս բաբախէին։

Verse: 7   Link to sept   Եւ աղաղակեաց թագաւորն զօրութ(եամ)բ՝ ածել զմոգս եւ զքաղդեայս, եւ զգէտս։ եւ ասէ ցիմաստունս բաբելացւոց. որ ոք ընթերցցի́ զգիրդ զայդ, եւ զմեկնութի(ւն) դորա ցուցանէ ինձ, ծիրանի́ս զգեցցի, եւ մանեակ ոսկի ՛ի պարանոց իւր. եւ երրորդի թագաւորութե(ան) իմում տիրեսցէ։

Verse: 8   Link to sept   Եւ մտանէին ա(մենայ)ն իմաստունք բաբելացւոց. եւ ո́չ կարէին զգիրն ընթեռնուլ, եւ ո́չ զմեկնու(թ)ի(ւն) ն(ո)ր(ա) ցուցանել թագաւորին։

Verse: 9   Link to sept   Եւ արքայ բաղտասար խռովեցա́ւ, եւ գոյն երեսաց ն(ո)ր(ա) շրջեցա́ւ. խռովեցա́ն եւ մեծամեծք ն(ո)ր(ա) ընդ նմա։

Verse: 10   Link to sept   Եւ եմուտ տիկինն ՛ի տաճարն խրախութե(ան)՝ եւ ասէ. ա́րքայ՝ յաւիտեան կեաց. մի́ խռովեցուսցեն զքեզ խորհուրդք քո, եւ գոյն երեսաց քոց մի́ եղծցի։

Verse: 11   Link to sept   զի է́ այր մի ՛ի թագաւորու(թ)ե(ան) քում, յորում գո́յ հոգի ս(ուր)բ ա(ստուծո)յ. եւ յաւուրս հօր քոյ՝ զօրութի(ւն)ք եւ իմաստու(թ)ի(ւն)ք գտանէին ՛ի նմա. եւ արքայ նաբուքոդոնոսոր հայր քո՝ իշխա́ն կացոյց զնա ՛ի վ(ե)ր(այ) գիտաց եւ մոգուց՝ եւ քաղդէից՝ եւ ըղձից։

Verse: 12   Link to sept   զի ոգի առաւել գոյ ՛ի նմա իմաստութե(ան) եւ հանճարոյ. մեկնէ զերազս՝ եւ պատմէ զառակս, եւ լուծանէ զիրս կապեալս՝ դանիէլ, եւ արքայ՝ բաղտասա́ր անուն եդ նմա. արդ կոչեսցի՝ եւ զմեկնութի(ւն) դորա պատմէ։

Verse: 13   Link to sept   Յայնժամ ածին ՛ի ներքս զդանիէլ առաջի թագաւորին։ Եւ ասէ թագաւորն ցդանիէլ. դո́ւ ես դանիէլ յորդւոց գերու(թ)ե(ա)ն հրէաստանի, զոր ա́ծ նաբուքոդոնոսոր հայր իմ.

Verse: 14   Link to sept   լուայ զքէն թէ հոգի́ ս(ուր)բ ա(ստուծո)յ է ՛ի քեզ, եւ զօրու(թ)ի(ւն)՝ եւ հանճար՝ եւ իմաստու(թ)ի(ւն) առաւե́լ գտաւ ՛ի քեզ։

Verse: 15   Link to sept   Եւ արդ՝ աւասիկ մտին առաջի իմ իմաստունք եւ մոգք եւ իղձք, զի զգիրդ զայդ ընթեռնուցուն՝ եւ զմեկնութի(ւն) դորա ցուցցեն ինձ, եւ ո́չ կարացին պատմել ինձ։

Verse: 16   Link to sept   Եւ ես լուայ զքէն՝ թէ կարօ́ղ ես մեկնել մեկնութի(ւն)ս։ եւ արդ եթէ կարիցես զգիրդ ընթեռնուլ՝ եւ զմեկնութի(ւն) դորա ցուցանել ինձ, ծիրանի́ս զգեցցիս, եւ մանեակ ոսկի ՛ի պարանոցի քում. եւ երրորդի́ թագաւորութե(ան) իմում տիրեսցես։

Verse: 17   Link to sept   Եւ ասէ դանիէլ առաջի թագաւորին. պարգեւք քո քե́զ լիցին, եւ զպատիւ տան քոյ այլո́ւմ տուր. բայց զգիրդ ե́ս ընթերցայց, եւ զմեկնու(թ)ի(ւն) դորա ցուցի́ց քեզ։

Verse: 18   Link to sept   Ա́րքայ՝ ա(ստուա)ծ բարձրեալ՝ զմեծութի(ւն)՝ եւ զթագաւորու(թ)ի(ւն)՝ եւ զպատիւ եւ զփառս ե́տ նաբուքոդոնոսորայ հօր քում։

Verse: 19   Link to sept   եւ ՛ի մեծութ(են)էն զոր ետ նմա, ա(մենայ)ն ազգք եւ ազինք եւ լեզուք զարհուրեալ դողային յերեսաց ն(ո)ր(ա)։ զորս կամէր հարկանէ́ր, զորս կամէր սպանանէ́ր, եւ զորս կամէր ի́նքն բարձրացուցանէր, եւ զորս կամէր ինքն խոնարհեցուցանէր։

Verse: 20   Link to sept   Եւ յորժամ բարձրացաւ սիրտ ն(ո)ր(ա), եւ ոգի ն(ո)ր(ա) զօրացաւ յամբարտաւանել, անկա́ւ յաթոռոյ թագաւորու(թ)ե(ան) իւրոյ. եւ պատիւն բարձա́ւ ՛ի նմանէն։

Verse: 21   Link to sept   եւ ՛ի մարդկանէ հալածեցաւ. եւ սիրտ ընդ գազա́նս տուաւ նմա, եւ ընդ ցի́ռս բնակու(թ)ի(ւն) ն(ո)ր(ա). եւ խոտ՝ իբրեւ արջառոյ ջամբէին նմա. եւ ՛ի ցօղոյ երկնից մարմին ն(ո)ր(ա) ներկա́ւ։ մինչեւ ծանեաւ թէ տիրէ́ բարձրեալն թագաւորութե(ան) մարդկան, եւ ում կամի՝ տացէ́ զնա։

Verse: 22   Link to sept   Եւ դու՝ որդի ն(ո)ր(ա) բաղտասար՝ ո́չ խոնարհեցուցեր զսիրտ քո առաջի ա(ստուծո)յ՝ ուստի զա́յդ ա(մենայ)ն գտեր։

Verse: 23   Link to sept   եւ ընդդէմ ա(ստուծո)յ երկնից հպարտացար. եւ զսպաս տան ն(ո)ր(ա) բերին առաջի քո, եւ դո́ւ եւ մեծամեծք քո՝ հարճք քո եւ կանայք քո ըմպէին նոքօք գինի. եւ զաստուածս զոսկեղէնս եւ զարծաթեղէնս՝ եւ զպղնձիս եւ զերկաթիս՝ եւ զփայտեղէնս եւ զքարեղէնս, որ ո́չ տեսանեն եւ ո́չ լսեն եւ ո́չ իմանան՝ օրհնէիր. եւ զա(ստուա)ծ՝ որոյ շունչ քո ՛ի ձեռին ն(ո)ր(ա) է՝ եւ ա(մենայ)ն ճանապարհք քո, զնա ո́չ փառաւորեցեր։

Verse: 24   Link to sept   Վ(ա)ս(ն) այսորիկ յերեսաց ն(ո)ր(ա) առաքեցաւ թա́թ ձեռինն՝ եւ զգիրդ զայդ գրեաց։

Verse: 25   Link to sept   եւ ա́յս ինչ է գիրդ որ գրեալ է. մանէ. թէկէղ. փարէս։

Verse: 26   Link to sept   Եւ ա́յս է մեկնութի(ւն) բանիդ. Մանէ, չափեաց ա(ստուա)ծ զթագաւորութի(ւն) քո՝ եւ վախճանեաց զնա։

Verse: 27   Link to sept   Թէկէղ, կշռեցա́ւ ՛ի կշիռս՝ եւ գտաւ պակասեալ

Verse: 28   Link to sept   Փարէս, բաժանեցա́ւ թագաւորու(թ)ի(ւն) քո, եւ տուաւ մարաց եւ պարսից։

Verse: 29   Link to sept   Եւ հրաման ետ բաղտասար՝ եւ զգեցուցին նմա ծիրանիս, եւ մանեա́կ ոսկի ՛ի պարանոցի ն(ո)ր(ա), եւ քարո́զ կարդայր առաջի ն(ո)ր(ա) լինել իշխան երրորդի́ թագաւորու(թ)ե(ան) ն(ո)ր(ա)։

Verse: 30   Link to sept   Եւ ՛ի նմին գիշերի սպանա́ւ բաղտասար արքայ քաղդեացւոց։
Section: 8 

Verse: 31   Link to sept   Եւ դարե́հ արքայ՝ ա́ռ զթագաւորու(թ)ի(ւն)ն, որ էր ամաց վաթսուն եւ երկուց։



Chapter: 6  
ԳԼ(ՈՒԽ) Զ՜.


Verse: 1   Link to sept   Եւ հաճո́յ թուեցաւ առաջի դարեհի, եւ կացոյց ՛ի վ(ե)ր(այ) թագաւորու(թ)ե(ա)ն նախարարս հարեւր եւ քսան. զի իցեն յա(մենայ)ն թագաւորու(թ)ե(ան) ն(ո)ր(ա)։

Verse: 2   Link to sept   եւ ՛ի վերայ ն(ո)ց(ա) երիս հրամատարս, եւ մի ՛ի նոցանէ էր դանիէլ. տալ նոցա նախարարացն հրաման, զի արքայ՝ աշխատ ինչ մի́ լիցի։

Verse: 3   Link to sept   Եւ դանիէլ առաւե́լ էր քան զն(ո)ս(ա). զի հոգի առաւե́լ գոյր ՛ի նմա։

Verse: 4   Link to sept   եւ թագաւորն կացոյց զնա ՛ի վ(ե)ր(այ) ա(մենայ)ն արքայու(թ)ե(ան) իւրոյ։ Եւ հրամատարքն եւ նախարարքն նախանձէին՝ եւ խնդրէին պատճառս զդանիելէ. եւ ամենեւին պատճառս եւ յանցանս եւ բաղբաղայս ո́չ գտանէին զնմանէ. քանզի հաւատարի́մ էր։

Verse: 5   Link to sept   Եւ ասեն հրամատարքն՝ չգտանեմք ուստեք պատճառս զդանիելէ, բայց եթէ յօրէնս ա(ստուծո)յ իւրոյ։

Verse: 6   Link to sept   Յայնժամ հրամատարքն եւ նախարարքն կացին առաջի թագաւորին՝ եւ ասեն ցնա. դարե́հ արքայ՝ յաւիտեան կեաց։

Verse: 7   Link to sept   խորհուրդ արարին ամենեքեան որ են ՛ի թագաւորութե(ան) քում, զօրավարք եւ նախարարք՝ իշխանք եւ կուսակալք, հաստատել արքունի հաստատու(թեամ)բ, եւ զօրացուցանել ուխտ մի. զի եթէ խնդրեսցէ ոք խնդրուածս յա(մենայ)ն աստուծոյ՝ կամ ՛ի մարդոյ մինչեւ յաւուրս երեսուն՝ բա́ց ՛ի քէն արքայ, անկցի́ ՛ի գուբ առիւծուց։

Verse: 8   Link to sept   արդ հաստատեա́ արքայ զուխտն, եւ գրեա́ գիր. զի մի́ եղծանիցի հրաման մարաց եւ պարսից։

Verse: 9   Link to sept   Յայնժամ դարե́հ արքայ պատուէր ետ գրել զհրամանն։

Verse: 10   Link to sept   Եւ դանիէլ իբրեւ գիտաց թէ կարգեցաւ հրամանն, եմուտ ՛ի տուն իւր, եւ պատուհանք բա́ց էին նմա ՛ի վերնատունս իւր ընդդէ́մ եմ(թ)ի(ւն). եւ երի́ս ժամս յաւուր դնէ́ր ծունր եւ կայր յաղօթս, եւ գոհանայր առաջի ա(ստուծո)յ իւրոյ. ո(ր)պ(էս) առնէր յառաջագոյն։

Verse: 11   Link to sept   Յայնժամ արքն այնոքիկ դիտեցին՝ եւ գտին զդանիէլ զի կայր յաղօթս եւ աղաչէր զա(ստուա)ծ իւր։

Verse: 12   Link to sept   Մատեա́ն եւ ասեն ցթագաւորն. ա́րքայ՝ ո՞չ ուխտ մի կարգեցեր, զի ա(մենայ)ն մարդ որ խնդրիցէ խնդրուածս յա(մենայ)ն աստուծոյ՝ կամ ՛ի մարդոյ մինչեւ յաւուրս երեսուն, բա́ց եթէ ՛ի քէ́ն արքայէ, անկցի ՛ի գուբ առիւծուց։ եւ ասէ արքայ. ճշմարի́տ է բանդ, եւ զհրաման մարաց եւ զպարսից չէ́ օրէն շրջել։

Verse: 13   Link to sept   Յւյնժամ պատասխանի ետուն արքայի՝ եւ ասեն. դանիէլ՝ որ յորդւոց գերու(թ)ե(ա)ն հրէաստանի, ո́չ հնազանդեցաւ հրամանի քում արքայ. եւ երիս ժամ խնդրէ խնդրուածս յա(ստուծո)յ իւրմէ։

Verse: 14   Link to sept   Յայնժամ թագաւորն իբրեւ լուաւ զբանն՝ տրտմեցա́ւ յոյժ վ(ա)ս(ն) դանիելի, եւ ջանայր փրկել զնա. եւ մինչեւ ցընթրեկերս ջանացաւ փրկել զնա։

Verse: 15   Link to sept   Յայնժամ արքն այնոքիկ ասեն ցթագաւորն. գիտասջի́ր արքայ, զի հրամանի մարաց եւ պարսից՝ եւ ա(մենայ)ն ուխտի եւ հաստատու(թ)ե(ան) զոր արքայ հաստատիցէ, ո́չ է օրէն շրջել։

Verse: 16   Link to sept   Յայնժամ հրաման ետ թագաւորն՝ եւ ածին զդանիէլ, եւ արկին զնա ՛ի գո́ւբն առիւծուց։ եւ ասէ արքայն ցդանիէլ. ա(ստուա)ծն զոր դո́ւն պաշտես յաճախ, նա́ փրկեսցէ զքեզ։

Verse: 17   Link to sept   Եւ բերին վէմ մի, եւ եդին ՛ի վ(ե)ր(այ) գբոյն. եւ կնքեա́ց թագաւորն մատանեաւ իւրով, եւ մատանեօք մեծամեծացն. զի մի́ այլ ազգ ինչ շրջեսցին վասն դանիելի։

Verse: 18   Link to sept   Եւ գնաց թագաւորն ՛ի տուն իւր. եւ ննջեաց առանց ընթրեաց, եւ խորտիկ ո́չ մուծին առաջի նորա. եւ քուն՝ հատա́ւ ՛ի նմանէ։ Եւ եխի́ց ա(ստուա)ծ զբերանս առիւծուցն, եւ ո́չ լլկեցին զդանիէլ։

Verse: 19   Link to sept   Յայնժամ յարեաւ արքայն ընդ առաւօտս լուսով, եւ փութո́վ եկն ՛ի գուբն առիւծուց.

Verse: 20   Link to sept   եւ իբրեւ մերձեցաւ ՛ի գուբն՝ աղաղակեաց ՛ի ձայն մեծ՝ եւ ասէ. դանիէ́լ ծառա́յ ա(ստուծո)յ կենդանւոյ. ա(ստուա)ծն քո զոր դու յաճա́խ պաշտէիր, եթէ կարա՞ց փրկել զքեզ ՛ի բերանոյ առիւծուցդ։

Verse: 21   Link to sept   Եւ ասէ դանիէլ ցարքայ. արքայ՝ յաւիտեա́ն կեաց.

Verse: 22   Link to sept   ա(ստուա)ծ իմ առաքեաց զհրեշտակ իւր եւ եխի́ց զբերանս առիւծուցս, եւ ո́չ ապականեցին զիս. զի առաջի ն(ո)ր(ա) ուղղու(թ)ի(ւն) գտաւ իմ. եւ առաջի քո արքայ վնա́ս ինչ՝ ո́չ արարի։

Verse: 23   Link to sept   Յայնժամ թագաւորն զուարճացա́ւ յանձն իւր. եւ հրաման ետ հանել զդանիէլ ՛ի գբոյ անտի։ հանա́ւ դանիէլ ՛ի գբոյ անտի, եւ ամենեւին ապականու(թ)ի(ւն) ո́չ գտաւ ՛ի նմա. զի հաւատա́ց յա(ստուա)ծ իւր։

Verse: 24   Link to sept   Եւ հրաման ետ թագաւորն՝ եւ ածին զարսն չարախօսս զդանիելէ. եւ ընկեցան ՛ի գուբն առիւծուց, ինքեանք եւ որդիք իւրեանց, եւ կանայք ն(ո)ց(ա)։ եւ չե́ւ էին յատակս գբոյն հասեալ՝ մինչեւ տիրեցին ն(ո)ց(ա) առիւծքն, եւ զա(մենայ)ն ոսկերս ն(ո)ց(ա) մանրեցին։

Verse: 25   Link to sept   Յայնժամ դարեհ արքայ գրեաց առ ա(մենայ)ն ազգս եւ ազինս եւ լեզուս, որ բնակեալէին յա(մենայ)ն երկրի։ խաղաղու(թ)ի(ւն) ձեզ բազմասցի́։

Verse: 26   Link to sept   Յերեսաց իմոց եդաւ հրամանս այս ընդ ա(մենայ)ն իշխանու(թ)ի(ւն) թագաւորութե(ան) իմում. զի երկնչիցին եւ դողայցեն յերեսաց ա(ստուծո)յն դանիելի. զի նա́ է ա(ստուա)ծ կենդանի՝ եւ կա́յ յաւիտեանս. եւ արքայու(թ)ի(ւն) ն(ո)ր(ա) ո́չ եղծանի, եւ տէրու(թ)ի(ւն) ն(ո)ր(ա) մինչեւ ցվախճան։

Verse: 27   Link to sept   օգնակա́ն լինի եւ փրկէ, եւ առնէ նշանս յերկինս եւ յերկիր. որ փրկեաց զդանիէլ ՛ի բերանոյ առիւծուցն։

Verse: 28   Link to sept   Եւ դանիելի աջողէ́ր ՛ի թագաւորու(թ)ե(ա)ն դարեհի՝ եւ կիւրոսի պարսկի։



Chapter: 7  
ԳԼ(ՈՒԽ) Է՜.


Verse: 1   Link to sept   Յամին առաջներորդի բաղտասարայ արքայի քաղդեացւոց, երա́զ ետես դանիէլ. եւ տեսիլ գլխոյ ն(ո)ր(ա) յանկողնի իւրում. եւ զերազն գրեա́ց։
Section: 9 

Verse: 2   Link to sept   Ես դանիէլ տեսանէի́ ՛ի տեսլեան գիշերոյ. եւ ահա չո́րք հողմք երկնից բախէին զծով մծ։

Verse: 3   Link to sept   եւ չորք գազանք մեծամեծք ելանէին ՛ի ծովէ անտի՝ այլակերպք միմեանց։

Verse: 4   Link to sept   Առաջինն՝ իբրեւ զմատակ առեւծ թեւաւո́ր. եւ թեւք ն(ո)ր(ա) իբրեւ արծուոյ. հայէի մինչ թափեցան թեւք ն(ո)ր(ա) եւ ջնջեցա́ւ յերկրէ։ եւ եկա́ց իբրեւ ՛ի վ(ե)ր(այ) ոտի́ց մարդոյ, եւ սիրտ մարդոյ տուաւ նմա։

Verse: 5   Link to sept   Եւ ահա երկրորդ գազանն նմա́ն արջոյ, եւ եկաց ՛ի կողմն մի. եւ կողք երեք ՛ի բերա́ն ն(ո)ր(ա)՝ ՛ի մէջ ժանեաց ն(ո)ր(ա). եւ ա́յսպէս ասէին ցնա. արի́ կե́ր զմարմինս բազմաց։

Verse: 6   Link to sept   Եւ զկնի նորա հայէի, եւ ահա ա́յլ գազան իբրեւ զինծ. եւ չորք թեւք թռչնոյ ՛ի վ(ե)ր(այ) ն(ո)ր(ա). եւ չո́րք գլուխք գազանին. եւ իշխանու(թ)ի(ւն) տուաւ նմա։

Verse: 7   Link to sept   Եւ զկնի ն(ո)ր(ա) հայէի. եւ ահա գազանն չորրորդ՝ ահե́ղ եւ զարմանալի՝ եւ հզօր առաւել. եւ ժանիք նորա երկաթիք. ուտէր եւ մանրէր, եւ զմնացորդսն առ ո́տն կոտորէր։ եւ ինքն առաւել այլակե́րպ քան զա(մենայ)ն գազանսն որ յառաջ քան զնա. եւ եղջեւրք տասն ՛ի նմա։

Verse: 8   Link to sept   պշուցեալ հայէի ընդ եւ եղջեւրս ն(ո)ր(ա). եւ ահա ա́յլ եղջեւր փոքրիկ ելանէ́ր ՛ի մէջ ն(ո)ց(ա), եւ երեք եղջեւրք յառաջնոցն ՛ի բա́ց խլէին յերեսաց նորա. եւ ահա ա́չք իբրեւ զաչս մարդոյ յեղջեւրն յայնմիկ, եւ բերան որ խօսէր զմեծամեծս։

Verse: 9   Link to sept   Տեսանէի մինչեւ աթոռք անկանէին, եւ հինաւուրցն նստէր. հանդերձ ն(ո)ր(ա) սպիտակ իբրեւ զձիւն, եւ հեր գլխոյ ն(ո)ր(ա) իբրեւ զասր սուրբ. աթո́ռ ն(ո)ր(ա) իբրեւ զբո́ց հրոյ, անի́ւք նորա իբրեւ զհուր բորբոքեալ.

Verse: 10   Link to sept   գետ հրոյ յորդեալ ելանէր առաջի ն(ո)ր(ա)։ հազարք հազարաց պաշտէին զնա, եւ բեւրք բիւրուց կային առաջի ն(ո)ր(ա). ատեա́ն նստաւ՝ եւ դպրութի(ւն)ք բացան։

Verse: 11   Link to sept   Տեսանէի յայնժամ ՛ի բարբառոյ մեծամեծ բանիցն զոր եղջեւրն այն խօսէր, մինչեւ բարձաւ գազանն եւ կորեաւ. եւ մարմին ն(ո)ր(ա) տուաւ յայրումն հրոյ։

Verse: 12   Link to sept   եւ այլոց գազանացն իշխանութի(ւն) փոփոխեցաւ. եւ երկայնութի(ւն) կենաց տուաւ ն(ո)ց(ա) մինչեւ ՛ի ժամանակ։

Verse: 13   Link to sept   Տեսանէի ՛ի տեսլեան գիշերոյ՝ եւ ահա ը(նդ) ամպս երկնից իբրեւ որդի մարդոյ գայր՝ եւ հասանէր մինչեւ ՛ի հինաւուրցն, եւ մատուցա́ւ առաջի ն(ո)ր(ա)։

Verse: 14   Link to sept   Եւ նմա տուաւ իշխանու(թ)ի(ւն) եւ պատիւ եւ արքայու(թ)ի(ւն)։ եւ ա(մենայ)ն ազգք եւ ազինք եւ լեզուք նմա́ ծառայեսցեն. եւ իշխանութի(ւն) ն(ո)ր(ա) իշխանու(թ)ի(ւն) յաւիտենական որ ո́չ անցանէ, եւ թագաւորու(թ)ի(ւն) ն(ո)ր(ա) ո́չ եղծանիցի։

Verse: 15   Link to sept   Սոսկացա́ւ մարմին իմ յանձին իմում. Ես դանիէլ՝ եւ տեսիլ գլխոյ իմոյ խռովեցո́յց զիս։

Verse: 16   Link to sept   եւ մատեայ առ մի ոմն որ կային անդ, եւ զճշմարտու(թ)ի(ւն) խնդրէի ուսանել՝ վ(ա)ս(ն) ա(մենայ)նի այնորիկ. եւ ասաց ինձ ճշմարտութի(ւն)ն, եւ զմեկնութի(ւն) բանից եցո́յց ինձ։

Verse: 17   Link to sept   Այդ գազանք մեծամեծք՝ չորք թագաւորութի(ւն)ք յարիցեն ՛ի վ(ե)ր(այ) երկրի։

Verse: 18   Link to sept   բարձցին. եւ առցեն զթագաւորութի(ւն)ն սուրբք բարձրելոյն, եւ կալցին զնա մինչեւ յաւիտեանս յաւիտենից։

Verse: 19   Link to sept   Եւ քննէի ճշմարտիւ վասն գազանին չորրորդի. զի առաւե́լ այլակերպ էր քան զա(մենայ)ն գազանսն՝ որ յառաջ քան զնա, եւ ահագի́ն յոյժ. եւ ժանիք նորա երկաթիք, եւ մագիլք ն(ո)ր(ա) պղնձիք. ուտէր եւ մանրէր՝ եւ զմնացորդսն առ ո́տն կոտորէր։

Verse: 20   Link to sept   եւ վ(ա)ս(ն) եղջերացն տասանց որ էր ՛ի գլուխ ն(ո)ր(ա). եւ վ(ա)ս(ն) միւսոյն որ ելանէր՝ եւ զերիսն ՛ի բաց թափէր։ որոյ ա́չք էին՝ եւ բերան որ խօսէր զմեծամեծս. եւ տեսիլ ն(ո)ր(ա) առաւե́լ էր քան զայլոցն։

Verse: 21   Link to sept   Տեսանէի՝ եւ եղջեւրն այն տայր պատերազմ ընդ սուրբս. եւ զօրանայր ՛ի վ(ե)ր(այ) ն(ո)ց(ա)։

Verse: 22   Link to sept   մինչեւ եկն հինաւուրցն՝ եւ ետ իրաւունս սրբոց բարձրելոյն։ ժամանա́կ եհաս, եւ զարքայու(թ)ի(ւն)ն սուրբք ըմբռնեցին։

Verse: 23   Link to sept   Եւ ասէ. գազանն չորրորդ՝ թագաւորու(թ)ի(ւն) չորրո́րդ կացցէ յերկրի, որ առաւե́լ իցէ քան զա(մենայ)ն թագաւորու(թ)ի(ւն)ս. եւ կերիցէ զա(մենայ)ն երկիր, եւ կոխիցէ եւ հարցէ զնա։

Verse: 24   Link to sept   Եւ տասն եղջեւրք ն(ո)ր(ա)՝ տա́սն թագաւորք յարիցեն։ եւ զկնի ն(ո)ց(ա) յարիցէ այլ, որ առաւել իցէ չարեօք քան զա(մենայ)ն առաջինսն. եւ երիս թագաւորս խոնարհեցուսցէ։

Verse: 25   Link to sept   եւ բանս առ բարձրեալն խօսիցի. եւ զսուրբս բարձրելոյն մոլորեցուսցէ. եւ կարծեսցէ զժամանակս եւ զօրէնս փոփոխել. եւ տացի ՛ի ձեռս ն(ո)ր(ա) մինչեւ ՛ի ժամանակ, եւ ՛ի ժամանակս, եւ ՛ի կէս ժամանակաց։

Verse: 26   Link to sept   Ատեա́ն նստցի. զիշխանու(թ)ի(ւն) ն(ո)ր(ա) փոխեսցեն, յապականել եւ ՛ի կորուսանել մինչեւ ՛ի սպառ։

Verse: 27   Link to sept   եւ թագաւորու(թ)ի(ւն) եւ մեծու(թ)ի(ւն) թագաւորաց որ ՛ի ներքոյ երկնից՝ տուաւ սրբոց բարձրելոյն. եւ արքայութի(ւն) ն(ո)ր(ա) արքայու(թ)ի(ւն) յաւիտենական, եւ ա(մենայ)ն իշխանու(թ)ի(ւն)ք նմա́ ծառայեսցեն, եւ հնազանդեսցին։

Verse: 28   Link to sept   մինչեւ ցա́յս վա́յր է վախճան բանիս։ Ե́ս դանիէլ՝ եւ խորհուրդք իմ յո́յժ խռովեցուցանէին զիս. եւ գոյն երեսաց իմոց շրջեցաւ. եւ զբանն ՛ի սրտի́ իմում պահէի։



Chapter: 8  
ԳԼ(ՈՒԽ) Ը՜.


Verse: 1   Link to sept   Յամին երրորդի թագաւորու(թ)ե(ա)ն բաղտասարայ արքայի, տեսի́լ երեւեցաւ ինձ։
Section: 10 

Verse: 2   Link to sept   Ես դանիէլ յետ տեսլեանն առաջնոյ,

Verse: 3   Link to sept   էի ՛ի շաւշ յապարանսն՝ որ է յերկրին էլամայ, եւ կայի ՛ի վ(ե)ր(այ) ուբաղայ։

Verse: 4   Link to sept   Ամբարձի զաչս իմ եւ տեսի, եւ ահա խո́յ մի կայր հանդէպ ուբաղայ. եւ եղջեւրք ն(ո)ր(ա) բարձունք, եւ մին՝ բարձրագո́յն էր քան զմեւսն. եւ որ բարձրն էր՝ յետո́յ ելանէր։

Verse: 5   Link to sept   Տեսանէի զխոյն՝ զի ոգորէր ընդ ծով եւ ը(նդ) հիւսւսի եւ ընդ հարաւ. եւ ա(մենայ)ն գազանք ո́չ կային առաջի ն(ո)ր(ա), եւ չէ́ր որ ապրէր ՛ի ձեռաց ն(ո)ր(ա). եւ առնէ́ր ըստ կամաց իւրոց՝ եւ մեծանա́յր։

Verse: 6   Link to sept   եւ ես միտ դնէի։ Եւ ահա քօշ մի այծեաց գայր յարեւմտից ընդ երեսս երկրի, եւ յերկիր ո́չ մերձենայր. եւ քօշին եղջեւր մի էր ՛ի մէջ աչաց ն(ո)ր(ա)։

Verse: 7   Link to sept   եւ եհաս մինչեւ ՛ի խոյն եղջեւրաւոր, զոր տեսանէի զի կայր հանդէպ ուբաղայ. եւ յարձակեցաւ ՛ի վ(ե)ր(այ) ն(ո)ր(ա) զօրութ(եամ)բ ուժոյ իւրոյ։

Verse: 8   Link to sept   եւ տեսանէի զնա հասեալ մինչեւ ցխոյն։ Զայրացա́ւ եւ եհար զխոյն՝ եւ խորտակեաց զերկոսին եղջեւր ն(ո)ր(ա). եւ ո́չ գոյր զօրութի(ւն) խոյին ունել զդէմ ն(ո)ր(ա), ա́րկ զնա յերկիր՝ եւ ոտից իւրոց կոխա́ն արար զնա. եւ ոչո́ք էր որ թափէր զխոյն ՛ի ձեռաց քօշին։

Verse: 9   Link to sept   Եւ քօշն այծեաց մեծացաւ մեծու(թ)ի(ւն) յոյժ. եւ ՛ի զօրանալ ն(ո)ր(ա) խորտակեցաւ եղջեւր ն(ո)ր(ա) մեծ։ եւ ելին ա́յլ չորք եղջեւրք ՛ի ներքոյ ն(ո)ր(ա) ընդ չորս հողմս երկնից։

Verse: 10   Link to sept   եւ ՛ի միոջէ ՛ի ն(ո)ց(ա)նէ ել եղջեւր մի հզօր։ եւ մեծացաւ առաւել ընդ հիւսւսի։

Verse: 11   Link to sept   եւ ա́ռ զօրութի(ւն) եւ բարձրացաւ մինչեւ ՛ի զօրու(թ)ի(ւն)ս երկնից. եւ ընկէց յերկիր ՛ի զօրու(թեն)է երկնից՝ եւ յաստեղաց, եւ կոխեաց զն(ո)ս(ա)։

Verse: 12   Link to sept   մինչեւ զօրավարն փրկեսցէ զգերու(թ)ի(ւն)ն։ եւ նովաւ պատարագք խպովեցան։ եւ եղեւ՝ եւ յաջողեցա́ւ նմա։ եւ սրբութի(ւն)ն աւերեսցի։

Verse: 13   Link to sept   եւ տուան ՛ի վ(ե)ր(այ) պատարագացն մեղք. եւ անկաւ յերկի́ր արդարութի(ւն)։ եւ արա́ր՝ եւ յաջողեցաւ։

Verse: 14   Link to sept   Եւ լուա́յ ՛ի միոջէ սրբոյ որ խօսէր. եւ ասէր սուրբ մի ցփէլմոնին որ խօսէր. մինչեւ ցե՞րբ տեսիլդ այդ կացցէ. պատարագք բարձեալք, եւ մեղքդ աւերածի տուեալք, եւ սրբու(թ)ի(ւն)դ եւ զօրու(թ)ի(ւն) կոխեսցի։

Verse: 15   Link to sept   Եւ ասէ ցնա. մինչեւ յերեկոյ եւ ՛ի վաղորդայն, աւուրս հազար երկերիւր եւ վաթսուն եւ ութ։ եւ սրբեսցի սրբութի(ւն)ն։

Verse: 16   Link to sept   Եւ եղեւ իբրեւ տեսի ե́ս դանիէլ զտեսիլն, եւ խնդրէի խելամո́ւտ լինել, եւ ահա առաջի իմ եկաց իբրեւ զտեսիլ մարդոյ։

Verse: 17   Link to sept   եւ լուայ բարբառ մարդոյ ՛ի միջոյ ուբաղայ, եւ կոչեաց՝ եւ ասէ. Գա́բրիէլ՝ իմացո́ դմա զտեսիլդ։

Verse: 18   Link to sept   եւ եկն եկաց ուր ե́սն կայի։ եւ ՛ի գալն ն(ո)ր(ա) յիմարեցայ եւ անկայ ՛ի վ(ե)ր(այ) երեսաց իմոց. եւ ասէ ցիս, ՛ի մի́տ առ որդի մարդոյ՝ զի տակաւին ՛ի ժամանակս վախճանի է տեսիլդ։

Verse: 19   Link to sept   Եւ մինչդեռ խօսէր նա ընդ իս, յիմարեցա́յ եւ անկա́յ ՛ի վ(ե)ր(այ) երեսաց իմոց յերկիր. եւ բուռն եհար զինէն՝ եւ կացոյց ՛ի վերայ ոտից իմոց։

Verse: 20   Link to sept   եւ ասէ ցիս. ահաւասիկ ե́ս ցուցից քեզ որինչ լինելոց է ՛ի վախճանի ՛ի վ(ե)ր(այ) երկրի. քանզի տակաւին ՛ի ժամանա́կս է վախճանն։

Verse: 21   Link to sept   Խոյն զոր տեսանէիր եղջեւրաւոր՝ թագաւորն պարսից եւ մարաց է։

Verse: 22   Link to sept   եւ քօշն այծեաց՝ թագաւորն յունա́ց է. եւ եղջեւրն մեծ որ էր ՛ի մէջ աչաց ն(ո)ր(ա), նո́յն ինքն է թագաւորն առաջին։

Verse: 23   Link to sept   եւ ՛ի խորտակելն ն(ո)ր(ա) ընդ որով էին այլ եղջեւրքն, չո́րք թագաւորք յազգէ ն(ո)ր(ա) յարիցեն, եւ ո́չ իւրեանց զօրութ(եամ)բ։

Verse: 24   Link to sept   Եւ յետ թագաւորութե(ան) ն(ո)ց(ա) եւ ՛ի կատարել մեղաց ն(ո)ց(ա). Յարիցէ́ թագաւոր՝ ժպիրհ երեսօք. յառակս՝ խորհրդական.

Verse: 25   Link to sept   եւ հզօր զօրութի(ւն) ն(ո)ր(ա), եւ զսքանչելիսն ապականեսցէ. եւ յաջողեսցի́. եւ արասցէ. եւ ապականեսցէ զհզօրս, եւ զժողովուրդն սուրբ։

Verse: 26   Link to sept   եւ լուծ՝ անրոյ ն(ո)ր(ա) յաջողեսցի. եւ նենգու(թ)ի(ւն) ՛ի ձեռս ն(ո)ր(ա). եւ ՛ի սրտի իւրում մեծամտեսցի́։ եւ նենգու(թեամ)բ ապականեսցէ զբազումս, եւ ՛ի կորստեան բազմաց կացցէ. եւ իբրեւ զձուս ՛ի ձեռին մանրեսցէ։

Verse: 27   Link to sept   Եւ տեսիլն երեկորին եւ առաւօտին որ ասացաւ՝ ճշմարի́տ է. եւ դու կնքեա́ զտեսիլդ՝ զի յաւուրս բազո́ւմս է։

Verse: 28   Link to sept   Եւ ես դանիէլ ննջեցի եւ խօթացա́յ, եւ յարեայ եւ գործեցի զգո́րծ արքունի, եւ զարմացեալ էի ընդ տեսիլն։ եւ ո́չոք էր որ իմացուցանէր։



Chapter: 9  
ԳԼ(ՈՒԽ) Թ՜.


Verse: 1   Link to sept   Յամին առաջնորդի դարեհի որդւոյ արշաւրայ ՛ի զաւակէ́ մարաց, որ թագաւորեաց ՛ի թագաւորութե(ա)ն քաղդեացւոց։

Verse: 2   Link to sept   Ե́ս դանիէլ խելամուտ եղէ ՛ի գրոց, թուոյ ամաց որ եղեւ բան տ(եառ)ն առ երեմիայ մարգարէ. ՛ի կատարումն աւերածոյն ե(րուսաղէ)մի յամս եւթանասուն։

Verse: 3   Link to sept   եւ դարձուցի́ զերեսս իմ առ տ(է)ր ա(ստուա)ծ իմ խնդրել աղօթիւք եւ խնդրուածովք, պահօք եւ խորգով։

Verse: 4   Link to sept   կացի յաղօթս առ տ(է)ր ա(ստուա)ծ. գոհացա́յ եւ ասեմ։ Տ(է)ր ա(ստուա)ծ մեծդ եւ սքանչելի. որ պահես զուխտ եւ զողորմու(թ)ի(ւն) սիրելեաց քոց, որոց պահեն պահեն զպատուիրանս քո։

Verse: 5   Link to sept   Մեղաք՝ անօրինեցաք՝ անիրաւեցաք՝ եւ ապստամբեցաք՝ եւ խոտորեցաք ՛ի պատուիրանաց քոց, եւ յիրաւանց քոց.

Verse: 6   Link to sept   եւ ո́չ լուաք ծառայից քոց մարգարէիցն որք խօսեցան յանուն քո առ թագաւորս մեր, եւ առ իշխանս մեր, եւ առ հարս մեր, եւ առ ա(մենայ)ն ժողովուրդս երկրին։

Verse: 7   Link to sept   Քո տ(է)ր արդարութի(ւն), եւ մեր ամօթ երեսաց իբրեւ յաւուր յայսմիկ, առն յուդայ՝ եւ բնակչաց ե(րուսաղէ)մի, եւ ա(մենայ)ն ի(սրայէ)լի մերձաւորաց եւ հեռաւորաց յա(մենայ)ն երկրի ուր ցրուեցեր զն(ո)ս(ա) անդր վ(ա)ս(ն) անհնազանդութե(ան) իւրեանց՝ զոր անհնազանդեցան քեզ տ(է)ր։

Verse: 8   Link to sept   մեր ամօթ երեսաց մերոց, եւ թագաւորաց մերոց՝ եւ իշխանաց մերոց, եւ հարցն մերոց որք մեղա́ք։

Verse: 9   Link to sept   եւ տ(եառ)ն ա(ստուծո)յ մերոյ գթութի(ւն)ք եւ քաւու(թ)ի(ւն)ք. զի ապստամբեցաք ՛ի տ(եառն)է,

Verse: 10   Link to sept   եւ ո́չ լուաք ձայնի տ(եառ)ն ա(ստուծո)յ մերոյ, գնա́լ յօրէնս ն(ո)ր(ա) զոր ետ առաջի մեր ՛ի ձեռն ծառայից իւրոց մարգարէից։

Verse: 11   Link to sept   Եւ ա(մենայ)ն ի(սրայ)էլ անցին զօրինօք քովք, եւ խոտորեցան զի մի́ լուիցեն ձայնի քում։ եւ եկին ՛ի վ(ե)ր(այ) մեր անէծն եւ երդումնն, գրեալ յօրէնս մովսիսի ծառայի քո՝ տ(է)ր. զի մեղա́ք նմա։

Verse: 12   Link to sept   եւ հաստատեաց զբանս իւր զոր խօսեցաւ ՛ի վ(ե)ր(այ) մեր, եւ ՛ի վ(ե)ր(այ) դատաւորաց մերոց որ դատէին զմեզ՝ ածե́լ ՛ի վերայ մեր չարիս մեծամեծս, որ ո́չ եղեն ՛ի ներքոյ ա(մենայ)ն երկնից՝ ըստ այնմ որ եղեն յե(րուսաղէ)մ։

Verse: 13   Link to sept   Ո(ր)պ(էս) եւ գրեալ է յօրէնսն մովսիսի. այն ա(մենայ)ն չարիք եկին ՛ի վ(ե)ր(այ) մեր, եւ ո́չ աղաչեցաք զերեսս տ(եառ)ն ա(ստուծո)յ մերոյ, դառնա́լ յանիրաւութե(ան)ց հարցն մերոց. եւ խելամո́ւտ լինել ա(մենայ)ն ճշմարտութե(ան) քում։

Verse: 14   Link to sept   եւ զարթեաւ տ(է)ր ա(ստուա)ծ մեր ՛ի վ(ե)ր(այ) չարեացն մերոց՝ եւ ա́ծ զն(ո)ս(ա) ՛ի վ(ե)ր(այ) մեր. զի արդա́ր է տ(է)ր ա(ստուա)ծ մեր ՛ի վ(ե)ր(այ) ա(մենայ)ն գործոց իւրոց զոր արա́ր ընդ մեզ։ եւ ո́չ լուաք ձայնի ն(ո)ր(ա)։

Verse: 15   Link to sept   Եւ արդ տ(է)ր ա(ստուա)ծ մեր որ հաներ զժողովուրդ քո յերկրէն եգիպտացւոց հզօր ձեռամբ, եւ արարեր քեզ անուն ո(ր)պ(էս) եւ յաւուր յայսմիկ։ մեղաք եւ անօրինեցաք։

Verse: 16   Link to sept   Տ(է)ր ա(մենայ)ն ողորմու(թեամ)բ քով դարձցի́ սրտմտու(թ)ի(ւն) քո, եւ բարձցի բարկու(թ)ի(ւն) քո ՛ի քաղաքէ քումմէ յե(րուսաղէ)մէ, եւ ՛ի լեռնէ սրբոյ քոյ։ զի մեղաք, եւ առ անօրէնութե(ան) մերում եւ հարցն մերոց՝ ե(րուսաղ)էմ եւ ա(մենայ)ն ժողովուրդ քո եղեւ ՛ի նախատինս ամենեցուն որ շուրջ զմեւք էին։

Verse: 17   Link to sept   Եւ արդ լո́ւր տ(է)ր ա(ստուա)ծ մեր աղօթից ծառայի քոյ եւ խնդրուածոց. եւ երեւեցո́ զերեսս քո վ(ա)ս(ն) քո ՛ի սրբու(թ)ի(ւն)ն որ աւերեցաւ։

Verse: 18   Link to sept   խոնարհեցո́ ա(ստուա)ծ իմ զունկն քո՝ եւ լո́ւր ինձ. բա́ց զաչս քո եւ տե́ս զապականու(թ)ի(ւն) մեր, եւ զքաղաքին քո յորոյ վ(ե)ր(այ) կոչեցեալ է անուն քո։ զի ո́չ առ արդարու(թ)ե(ան)ց մերոց արկանեմք զգութս մեր առաջի քո, այլ վ(ա)ս(ն) բազում գթու(թ)ե(ան) քոյ տ(է)ր։

Verse: 19   Link to sept   Լո́ւր տ(է)ր քաւեա́ տ(է)ր. անսա́ տ(է)ր. եւ մի́ յամեր վ(ա)ս(ն) քո՝ ա(ստուա)ծ իմ. զի անուն քո կոչեցեալ է ՛ի վ(ե)ր(այ) քաղաքին քո։

Verse: 20   Link to sept   Եւ մինչդեռ ես խօսէի եւ յաղօթս կայի, եւ խոստովա́ն լինէի զմեղս իմ, եւ զմեղս ժողովրդեանն ի(սրայէ)լի. եւ արկանէի զգութս առաջի տ(եառ)ն ա(ստուծո)յ իմոյ վ(ա)ս(ն) լերինն սրբոյ։

Verse: 21   Link to sept   եւ մինչդեռ խօսէի յաղօթսն։ Եւ ահա այրն գաբրիէլ՝ զոր տեսանէի յառաջնում տեսլեանն, թռուցեալ եւ մերձեցաւ առ իս, իբրեւ ՛ի ժամ երեկորին պատարագին։

Verse: 22   Link to sept   եւ խելամուտ արար զիս, եւ խօսեցա́ւ ը(նդ) իս՝ եւ ասէ. Դանիէլ՝ այժմ եկի խելամո́ւտ առնել զքեզ։

Verse: 23   Link to sept   Իսկզբան աղօթից քոց ե́լ պատգամ, եւ ես եկի պատմել քեզ. զի այր ցանկալի́ ես դու. արդ՝ ա́ծ զմտաւ զբանդ, եւ ՛ի միտ առ զտեսիլդ։

Verse: 24   Link to sept   Եւթանասուն եւթներորդք համառօտեցան ՛ի վ(ե)ր(այ) ժողովրդեան քոյ, եւ ՛ի վ(ե)ր(այ) քաղաքին սրբոյ։ ՛ի վախճանել մեղաց, եւ ՛ի կնքել անօրէնու(թ)ե(ան)ց, եւ ՛ի ջնջել անիրաւութե(ան)ց, եւ ՛ի քաւել ամպարշտու(թ)ե(ան)ց, եւ ՛ի գալ յաւիտենական արդարու(թ)ե(ա)ն. եւ ՛ի կնքել տեսլեան եւ մարգարէի. եւ յօծանել սրբութե(ան) սրբու(թ)ե(ան)ցն։

Verse: 25   Link to sept   եւ գիտասցես եւ խելամո́ւտ լիցիս յելի́ց բանին տալ պատասխանի։ Եւ ՛ի շինելն ե(րուսաղէ)մի մինչեւ ցօծեալն առաջնորդ՝ եւթներորդք եւթն, եւ եւթներորդ վաթսուն եւ երկու։ եւ դարձցին եւ շինեսցին հրապարակքն եւ պարիսպք, եւ նորոգեսցին ժամանակք։

Verse: 26   Link to sept   Եւ յետ վաթսուն եւ երկուց եւթներորդաց, բարձցի́ օծու(թ)ի(ւն)ն, եւ իրաւունք ո́չ իցեն ՛ի նմա. եւ քաղաքն եւ սրբու(թ)ի(ւն)ն ապականեսցին առաջնորդաւն հանդերձ որ գայցէ. եւ ջնջեսցին հեղեղաւ։ եւ մինչեւ ՛ի վախճան պատերազմին համառօտելոյ կարգեսցէ զապականութի(ւն)։ եւ զօրացուսցէ զուխտ բազմաց։ եւթներորդ մի եւ կէս եւթներորդի, դադարեցուսցէ զսեղանս եւ զպատարագս. եւ մինչեւ՛ի ծայրս անկեանն ապականու(թ)ի(ւն). եւ մինչեւ ցվախճան եւ ցտագնապ կարգեսցէ ՛ի վերայ ապականութե(ա)ն։

Verse: 27   Link to sept   եւ զօրացուսցէ զուխտ բազմաց։ Եւթներորդ մի՝ եւ կէս եւթներորդի բարձցին զոհք եւ նուէրք. եւ ՛ի վ(ե)ր(այ) տաճարին պղծու(թ)ի(ւն) աւերածո́յն կացցէ. եւ մինչեւ ՛ի վախճան ժամանակի կատարա́ծ տացի ՛ի վ(ե)ր(այ) աւերածին։



Chapter: 10  
ԳԼ(ՈՒԽ) Ժ՜.

Տեսիլ վեցերորդ։


Section: 11 

Verse: 1   Link to sept   Յամին երրորդի կիւրոսի արքայի պարսից, բանն յայտնեցաւ դանիելի՝ որոյ անուն կոչեցաւ բաղտասար. եւ ճշմարի́տ է բանն։ եւ զօրութի(ւն) մեծ եւ հանճա́ր տուաւ նմա ՛ի տեսլեանն։

Verse: 2   Link to sept   Յաւուրսն յայնոսիկ՝ ես դանիէլ էի ՛ի սուգ երիս եւթներորդս աւուրց.

Verse: 3   Link to sept   հաց ցանկու(թ)ե(ան) ո́չ կերայ, եւ միս եւ գինի ո́չ եմուտ ՛ի բերան իմ, եւ իւղով ո́չ օծայ, մինչեւ ՛ի կատարել երից եւթներորդաց աւուրց։

Verse: 4   Link to sept   Յաւուրն քսաներորդի եւ չորրորդի ամսեանն առաջնոյ. կայի ես առ ափն գետոյն մեծի՝ որ է տիգրիս դկլաթ։

Verse: 5   Link to sept   Ամբարձի զաչս իմ, եւ ահա այր մի զգեցեալ փառս. եւ ընդ մէջ իւր ածեալ կամար յոսկւոյն ոփազայ։

Verse: 6   Link to sept   եւ մարմին ն(ո)ր(ա) ծովագոյն. եւ երեսք ն(ո)ր(ա) իբրեւ զտեսիլ փայլատական, եւ աչք ն(ո)ր(ա) իբրեւ ճառագայթք հրոյ. բազուկք եւ բարձք նորա իբրեւ զտեսիլ փայլուն պղնձոյ. եւ բարբառ բանից ն(ո)ր(ա) իբրեւ զբարբառ զօրու։

Verse: 7   Link to sept   Եւ տեսի ես դանիէլ միա́յն զտեսիլն. եւ արքն որ ընդիս էին՝ ո́չ տեսին զտեսիլն, այլ ա́հ մեզ անկաւ ՛ի վ(ե)ր(այ) նոցա, եւ փախեան զրհուրեալք։

Verse: 8   Link to sept   եւ ես միայն մնացի, եւ տեսի զտեսիլն զայն մեծ. եւ ոչ մնա́ց յիս զօրութի(ւն). եւ փառք իմ յապականու(թ)ի(ւն) դարձան, եւ չհանդարտեցի զօրու(թ)ե(ա)ն։

Verse: 9   Link to sept   Եւ լուայ զբարբառ բանից ն(ո)ր(ա). եւ ՛ի լսելն իմում զբարբառ բանից նորա՝ կայի հիացեալ, եւ երեսք իմ յերկիր խոնարհեալ։

Verse: 10   Link to sept   Եւ ահա ձեռն ձգեալ առ իս՝ կանգնեաց զիս ՛ի ծունգս իմ եւ ՛ի թաթս ձեռաց իմոց։

Verse: 11   Link to sept   եւ ասէ ցիս. դանիէ́լ ա́յր ցանկալի, խելամո́ւտ լեր բանիցս զոր խօսեցայց ընդ քեզ, եւ կա́ց ՛ի կայի քում՝ զի այժմ առաքեցայ առ քեզ։ եւ ՛ի խօսել ն(ո)ր(ա) ընդ իս զբանս զայս՝ յոտն կացի դողու(թեամ)բ։

Verse: 12   Link to sept   Եւ ասէ ցիս. մի́ երկնչիր դանիէլ. զի յօրէ յորմէ ետուր զսիրտ քո խելամո́տ լինել, եւ վշտանալ առաջի ա(ստուծո)յ քոյ, լսելի́ եղեն բանք քո, եւ ես եկի ընդ բանից քոց։

Verse: 13   Link to sept   Եւ իշխան թագաւորութե(ա)ն պարսից կայր հակառա́կ ինձ զքսան եւ զմի օր. եւ ահա միքայէլ՝ մի յառաջին իշխանացն եկն օգնել ինձ։ եւ թողի́ զնա անդ ընդ իշխանի թագաւորութե(ա)ն պարսից։

Verse: 14   Link to sept   եւ եկի խելամուտ առնել զքեզ որչափ ինչ ա́նցք անցանելոց իցեն ընդ ժողովուրդ քո յաւուրս յետինս. զի տեսիլդ յաւո́ւրս է։

Verse: 15   Link to sept   Եւ ՛ի խօսելն ն(ո)ր(ա) ընդիս ըս(տ) բանիցս այսոցիկ, անկա́յ ՛ի վ(ե)ր(այ) երեսաց իմոց յերկիր՝ եւ կայի հիացեալ։

Verse: 16   Link to sept   Եւ ահա իբրեւ ՛ի նմանութի(ւն) որդւոյ մարդոյ մերձենայր ՛ի շրթունս իմ. բացի զբերան իմ եւ խօսեցայ. եւ ասեմ ցայրն որ կայր յանդիման ինձ. տ(է)ր՝ յերեւելդ քո ինձ՝ խռովեցա́ւ փոր իմ յիս, եւ ո́չ գոյ յիս զօրութի(ւն)։

Verse: 17   Link to sept   եւ զիա՞րդ կարիցէ ծառայ քո տ(է)ր խօսել ընդ տ(եառ)ն իմում. եւ ո́չեւս է յիս զօրութի(ւն) կալոյ, եւ շունչ ո́չ մնաց յիս։

Verse: 18   Link to sept   Եւ յաւե́լ եւս մերձեցաւ յիս իբրեւ զտեսիլ մարդոյ, եւ զօրացոյց զիս,

Verse: 19   Link to sept   եւ ասէ. մի́ երկնչիր ա́յր ցանկալի. խաղաղութի(ւն) ընդ քեզ. զօրացի́ր եւ քա́ջ լեր։ եւ ՛ի խօսել ն(ո)ր(ա) ընդ իս՝ զօրացա́յ եւ ասեմ. խօսեսցի́ տ(է)ր՝ զի զօրացուցեր զիս։

Verse: 20   Link to sept   Եւ ասէ՝ եթէ գիտիցե՞ս վ(ա)ս(ն) էր եկի առ քեզ. եւ արդ դառնամ անդրէն տա́լ պատերազմ ընդ իշխանին պարսից. եւ ես երթայի՝ եւ իշխանն յունաց գայր։

Verse: 21   Link to sept   Բայց պատմեցի́ց քեզ զինչ կարգեալ է ՛ի գիրս ճշմարտու(թ)ե(ան). եւ ո́չ ոք է ինձ օգնական այսոցիկ, բայց միքայէլ իշխանն ձեր։



Chapter: 11  
ԳԼ(ՈՒԽ) Ժ՜Ա.


Verse: 1   Link to sept   Եւ ես յառաջնում ամին կիւրոսի՝ կայի ՛ի հաստատու(թ)ե(ան) եւ ՛ի զօրութե(ան)։

Verse: 2   Link to sept   Եւ արդ պատմեցի́ց քեզ զճշմարտութի(ւն)ն. ահա երե́ք թագաւորք յարիցեն յերկրիդ պարսից, եւ չորրորդն մեծասցի մեծու(թ)ի(ւն) մեծ քան զամենեսեան. եւ յետ զօրանալոյ ն(ո)ր(ա) ՛ի մեծու(թ)ե(ան) իւրում. յարիցէ ՛ի վ(ե)ր(այ) թագաւորու(թ)ե(ան)ցն յունաց։

Verse: 3   Link to sept   Եւ յարիցէ թագաւոր հզօր, եւ տիրեսցէ տէրութ(եամ)բ բազմաւ. եւ արասցէ ըստ կամս իւր։

Verse: 4   Link to sept   եւ իբրեւ յարիցէ՝ թագաւորութի(ւն) ն(ո)ր(ա) փշրեսցի, եւ բաժանեսցի ՛ի չորս հողմս երկնից. եւ ո́չ ըստ վախճանի ն(ո)ր(ա), եւ ո́չ ըստ տէրութե(ան) ն(ո)ր(ա) զոր տիրեաց. զի խլեսցի թագաւորու(թ)ի(ւն) ն(ո)ր(ա), եւ այլոց՝ թո́ղ զնոցայն։

Verse: 5   Link to sept   Եւ զօրասցի թագաւորն հարաւոյ. եւ մի յիշխանացն զօրասցի ՛ի վ(ե)ր(այ) ն(ո)ր(ա), եւ տիրեսցէ տէրութի(ւն) մեծ։

Verse: 6   Link to sept   եւ յետ ամացն իւրեանց խառնակեսցին ընդ միմեանս։ Եւ դուստր արքային հարաւոյ մտցէ առ արքայն հիւսւսոյ, առնել դաշինս ընդ նմա. եւ ո́չ հանդարտեսցէ զօրու(թ)ե(ան) բազկին. եւ ո́չ կացցէ զաւակ ն(ո)ր(ա). եւ մատնեսցի ինքն եւ ածելիքն իւր. եւ օրւորդն, եւ որ զօրացուցանէր զնա ՛ի ժամանակին։

Verse: 7   Link to sept   Եւ յարիցէ ՛ի ծաղկէ արմատոյ ն(ո)ր(ա) ՛ի վերայ պատրաստու(թ)ե(ան) իւրոյ. եւ եկեսցէ առ զօրու(թ)ի(ւն)ն. եւ մտցէ ՛ի հաստատութի(ւն)ս թագաւորութե(ա)ն հիւսւսոյ. եւ արասցէ ընդ ն(ո)ս(ա), եւ զօրասցի։

Verse: 8   Link to sept   Եւ զաստուածս ն(ո)ց(ա) կործանեսցէ́ հանդերձ ձուլածոյիւք ն(ո)ց(ա). եւ զա(մենայ)ն սպաս ցանկալիս ն(ո)ց(ա)՝ զոսկւոյ եւ զարծաթոյ գերի́ առեալ բերիցէ յեգիպտոս. եւ ինքն հաստատեսցի քան զթագաւորն հիւսւսոյ։

Verse: 9   Link to sept   եւ մտցէ ՛ի թագաւորու(թ)ի(ւն) արքային հարաւոյ. եւ դարձցի́ անդրէն յերկիր իւր։

Verse: 10   Link to sept   Եւ որդիք ն(ո)ր(ա) ժողովեսցեն ամբոխ զօրաց բազմաց. եւ մտցէ դիմեալ, եւ հեղեղատեսցէ. եւ անցցէ եւ դադարեսցէ, եւ գրգռեսցի մինչեւ ՛ի զօրութի(ւն) ն(ո)ր(ա)։

Verse: 11   Link to sept   Եւ գազանասցի թագաւորն հարաւոյ, եւ ելցէ եւ տացէ պատերազմ ընդ թագաւորին հիւսւսոյ. եւ գումարեսցէ զօր բազում, եւ մատնեսցի զօրն ՛ի ձեռս նորա։

Verse: 12   Link to sept   եւ առցէ զամբոխն՝ եւ բարձրասցի սիրտ ն(ո)ր(ա). եւ կործանեսցէ զբիւրաւորս, եւ ո́չ զօրասցի։

Verse: 13   Link to sept   եւ դարձցի արքայն հիւսւսոյ, եւ ածցէ զօր բազում քան զառաջինն. եւ ՛ի վախճանի ժամանակաց եկեսցէ մտանել զօրաւ մեծաւ եւ բազում ստացուածովք։

Verse: 14   Link to sept   Եւ ՛ի ժամանակսն յայնոսիկ բազումք յարիցեն ՛ի վերայ թագաւորին հարաւոյ. եւ որդիք մնացելոց ժողովրդեան քոյ բարձրասցին ՛ի հաստատել զտեսիլն, եւ տկարասցին։

Verse: 15   Link to sept   Եւ մտցէ թագաւորն հարաւոյ, եւ կուտեսցէ հող՝ եւ առցէ զքաղաքս ամուրս. եւ բազուկք արքային ոչ հաստատեսցին. եւ յարիցեն ընտրեալք ն(ո)ր(ա), եւ ո́չ իցէ զօրութի(ւն) կալոյ։

Verse: 16   Link to sept   եւ արասցէ ՛ի մտանելն իւրում առ նա զկամս իւր. եւ ո́չ ոք իցէ որ ունիցի զդէմ ն(ո)ր(ա). եւ կացցէ յերկրին սաբիմայ, եւ վախճանեսցի ՛ի ձեռս ն(ո)ր(ա)։

Verse: 17   Link to sept   Եւ դիցէ զերեսս իւր մտանել զօրութ(եամ)բ իւրով յա(մենայ)ն թագաւորու(թ)ի(ւն)ս ն(ո)ր(ա), եւ զա(մենայ)ն ուղղութի(ւն)ս առնիցէ ընդ նմա. եւ զդուստր կանանց տացէ նմա յապականութի(ւն). եւ մի́ յամրասցի, եւ մի́ եղիցի նա ն(ո)ր(ա)։

Verse: 18   Link to sept   եւ դարձուսցէ զերեսս իւր ՛ի կղզիս, եւ առցէ զբազումս. եւ այրեսցէ զիշխանսն որ նախատեցին զն(ո)ս(ա). եւ զնախատինս ն(ո)ց(ա) դարձուսցէ յերեսս նոցա։

Verse: 19   Link to sept   եւ դարձցի զօրու(թեամ)բ յերկիր իւր, եւ տկարասցի́ եւ անկցի, եւ ո́չ գտանիցի։

Verse: 20   Link to sept   Եւ յարիցէ յարմատոյ ն(ո)ր(ա) տունկ թագաւորու(թ)ե(ան) ՛ի վ(ե)ր(այ) պատրաստութե(ան) ն(ո)ր(ա), եւ բռնադատիցէ առնել շուք թագաւորու(թ)ե(ան)։ եւ յաւուրսն յայնոսիկ խորտակեսցի. եւ ո́չ երեսօք եւ պատերազմաւ

Verse: 21   Link to sept   կացցէ ՛ի վ(ե)ր(այ) պատրաստութե(ան) իւրոյ, զի արհամարհեցաւ. եւ ո́չ ետուն նմա փառս թագաւորու(թ)ե(ան)։ եւ եկեսցէ յաջողու(թեամ)բ, եւ բռնադատեսցի թագաւորու(թ)ե(ան)ց գայթագղու(թեամ)բք։

Verse: 22   Link to sept   եւ բազուկք այնր որ հեղեղատիցեն, եւ հեղեղատեսցին յերեսաց ն(ո)ր(ա). եւ խորտակեսցի եւ առաջնորդ ուխտին։

Verse: 23   Link to sept   եւ այնոցիկ որ խառնիցինն ՛ի նա արասցէ նենգու(թ)ի(ւն)։ Եւ ելցէ եւ զօրասցի ՛ի վերայ ն(ո)ց(ա) սակա́ւ ազգաւ։

Verse: 24   Link to sept   եւ յաջողու(թեամ)բ բազում աշխարհօք եկեսցէ՝ եւ արասցէ զոր ո́չ արարին հարք ն(ո)ր(ա), եւ ո́չ հարք հարց ն(ո)ր(ա). եւ զաւար եւ զկապուտ եւ զստացուածս բաշխեսցէ ն(ո)ց(ա)։ եւ ՛ի վ(ե)ր(այ) եգիպտացւոց խորհուրդ խորհեսցի մինչեւ ՛ի ժամանակ։

Verse: 25   Link to sept   եւ զարթիցէ զօրութի(ւն) ն(ո)ր(ա), եւ սիրտ ն(ո)ր(ա) ՛ի վ(ե)ր(այ) թագաւորին հարաւոյ զօրութ(եամ)բ մեծաւ։ Եւ թագաւորն հարաւոյ խմբեսցէ պատերազմ զօրաւ մեծաւ եւ հզօրա́ւ յոյժ, եւ ո́չ հանդարտեսցէ. զի խորհեսցին ՛ի վ(թ)ե(ան) ն(ո)ր(ա) խորհուրդս։

Verse: 26   Link to sept   եւ կերիցեն որինչ նմա ա́նկ իցէ. եւ խորտակեսցեն զնա, եւ զզօրսն այրեսցեն, եւ անկցին վիրաւորք բազումք։

Verse: 27   Link to sept   Եւ երկոցունց թագաւորացն սիրտք իւրեանց ՛ի չարութե(ան). եւ ՛ի միում սեղան սուտ խօսեսցին, եւ մի́ յաջողեսցի. զի վախճանն ՛ի ժամանակս է։

Verse: 28   Link to sept   եւ դարձցի յերկիր իւր մեծութ(եամ)բ բազմաւ. եւ սիրտ ն(ո)ր(ա) ՛ի վ(ե)ր(այ) ուխտի սրբոյ. եւ արասցէ եւ դարձցի յերկիր իւր։

Verse: 29   Link to sept   ՛ի ժամանակի դարձցի՝ եւ եկեսցէ ՛ի վ(ե)ր(այ) հարաւոյ. եւ ո́չ եղիցի իբրեւ զառաջինն վերջինն։

Verse: 30   Link to sept   Եւ մտցեն ՛ի նա բանակք կիտացւոց, եւ խոնարհեսցին. եւ դարձցի եւ բարկասցի ՛ի վ(ե)ր(այ) ուխտին սրբոյ. եւ արասցէ եւ դարձցի եւ գումարեսցի ՛ի վ(ե)ր(այ) այնոցիկ ոյք թողին զուխտն սուրբ։

Verse: 31   Link to sept   եւ յարիցեն զաւակք ՛ի նմանէ, եւ պղծիցեն զսրբու(թ)ի(ւն)ն բռնու(թեամ)բ. եւ փոխեսցեն զհանապազորդութի(ւն)ն, եւ տացեն պղծու(թ)ի(ւն) ապականու(թ)ե(ան)։

Verse: 32   Link to sept   եւ ապականիչք ուխտին ածցեն ՛ի վերայ իւրեանց զգայթագղութի(ւն)։ Եւ ժողովուրդ որ ճանաչէ զա(ստուա)ծ իւր՝ զօրասցին՝ եւ արասցեն։

Verse: 33   Link to sept   եւ հանճարեղք ժողովրդեանն բազում իմիք խելամուտ եղիցին. եւ տկարասցին սրով եւ հրով՝ եւ գերու(թեամ)բ եւ յափշտակու(թեամ)բ զաւուրս։

Verse: 34   Link to sept   Եւ ՛ի տկարանալ ն(ո)ց(ա)՝ օգնականութի(ւն) ինչ սակա́ւ գտցեն. եւ յաւելցին ՛ի ն(ո)ս(ա) բազումք գայթագղութ(եամ)բք։

Verse: 35   Link to sept   Եւ ՛ի հանճարեղացն տկարասցին ՛ի փորձել զն(ո)ս(ա) եւ ընտրել, եւ յայտնել մինչեւ ՛ի վախճան ժամանակի. զի տակաւին ժամանա́կ է։

Verse: 36   Link to sept   եւ արասցէ ըստ կամաց իւրոց։ Եւ բարձրասցի թագաւորն, եւ հպարտասցի ՛ի վերայ ա(մենայ)ն աստուածոց, եւ ՛ի վերայ ա(ստուծո)յն աստուծոց խօսեսցի ամբարտաւանս. եւ յաջողեսցի մինչեւ վախճանեսցի բարկութի(ւն), քանզի ՛ի վախճան լինելոց է։

Verse: 37   Link to sept   Եւ ՛ի վ(ե)ր(այ) աստուծոց հարց իւրեանց զմտաւ ածցէ, եւ վ(ա)ս(ն) ցանկութե(ան) կանանց. եւ զա(մենայ)ն դիս զմտաւ ո́չ ածցէ. եւ ՛ի վ(ե)ր(այ) ա(մենայ)նի հպարտասցի։

Verse: 38   Link to sept   եւ զա(ստուա)ծ հզօր ՛ի տեղւոջէ իւրմէ փառաւորեսցէ. եւ զա(ստուա)ծ զոր ո́չ ծանեան հարք ն(ո)ր(ա)՝ փառաւորեսցէ, ոսկւով եւ արծաթով եւ ակամբք պատուականօք եւ ցանկալեօք։

Verse: 39   Link to sept   Եւ անցցէ յամուրս փախստականաց ըստ աստուծոյ օտարի, եւ յաճախեսցէ փառս. եւ հնազանդեցուսցէ նմա զբազումս, եւ զերկիրն բաժանեսցէ ՛ի պարգեւի։

Verse: 40   Link to sept   Եւ ՛ի ժամանակի վախճանի ոգորեսցի́ ընդ արքային հարաւոյ։ եւ զօրաժողով լիցի ՛ի վ(ե)ր(այ) ն(ո)ր(ա) արքայն հիւսւսոյ, կառօք եւ հեծելովք եւ նաքօք բազմօք, եւ մտցէ յերկիրն՝ եւ խորտակեսցէ. եւ անցցէ́

Verse: 41   Link to sept   եւ մտցէ յերկիրնսաբայիմ. եւ բազումք տկարասցին։ Եւ սոքա իցեն որ ապրիցեն ՛ի ձեռաց ն(ո)ր(ա). եդովմ, եւ մովաբ, եւ իշխանութի(ւն) որդւոցն ամովնայ։

Verse: 42   Link to sept   եւ ձգեսցէ զձեռն իւր յերկիրն. եւ երկիրն եգիպտացւոց ո́չ եղիցի ՛ի փրկու(թ)ի(ւն)։

Verse: 43   Link to sept   եւ տիրեսցէ ՛ի վ(ե)ր(այ) գաղտնեաց ոսկւոյ եւ արծաթոյ, եւ ՛ի վ(ե)ր(այ) ա(մենայ)ն ցանկալեացն եգիպտացւոց՝ եւ լիբեացւոց, եւ եթւովպացւոց յամուրս ն(ո)ց(ա)։

Verse: 44   Link to sept   Եւ ապա համբաւք եւ տագնապք ճեպեսցեն զնա յարեւելից, եւ ՛ի հիւսւսոյ եկեսցէ սրտմտութ(եամ)բ բազմաւ ապականել զբազումս։

Verse: 45   Link to sept   եւ հարցէ զխորան իւր յեփադնոն, ՛ի մէջ ծովուցն ՛ի լեառն սաբային սուրբ, եւ եկեսցէ մինչեւ ՛ի կողմն մի ն(ո)ր(ա). եւ ո́չ ոք իցէ որ փրկիցէ։



Chapter: 12  
ԳԼ(ՈՒԽ) Ժ՜Բ.


Verse: 1   Link to sept   Եւ ՛ի ժամանակին յայնմիկ յարիցէ միքայէլ իշխա́ն մեծ, որ կայ ՛ի վ(ե)ր(այ) որդւոց ժողովրդեան քո. եւ եղիցի ժամանակ նեղութե(ան). նեղութի(ւն) որպիսի ո́չ եղեւ յորմէ հետէ եղեւ ա́զգ ՛ի վ(ե)ր(այ) երկրի մինչեւ ՛ի ժամանակն յայն։ եւ ՛ի ժամանակին յայնմիկ ապրեսցի ժողովուրդ քո, ա(մենայ)ն որ գտցի գրեալ ՛ի դպրութե(ան)։

Verse: 2   Link to sept   Եւ բազումք ՛ի ննջեցելոյց ՛ի հող երկրի՝ յարիցե́ն, ոմանք ՛ի կեանսն յաւիտենականս, եւ ոմանք ՛ի նախատինս եւ յամօթ յաւիտենական։

Verse: 3   Link to sept   եւ իմաստունք ծագեսցեն իբրեւ զլուսաւորու(թ)ի(ւն) ՛ի հաստատու(թ)ե(ան). եւ բազումք յարդարոց իբրեւ զաստե́ղս յաւիտեանս՝ եւ եւս։

Verse: 4   Link to sept   Եւ դու դանիէլ փակեա́ զբանսդ, եւ կնքեա զգիրդ՝ մինչեւ ՛ի ժամանակ վախճանի. մինչեւ սրբեսցին բազումք, եւ բազմասցի գիտութի(ւն)։

Verse: 5   Link to sept   Եւ տեսի ես դանիէլ, եւ ահա երկո́ւ կային յա́յսկոյս եւ յա́յնկոյս գետոյն.

Verse: 6   Link to sept   եւ ասեն ցայրն որ զգեցեալն էր զբադէնն, եւ կայր ՛ի վ(ե)ր(այ) ջուրց գետոյն. մինչեւ ցե՞րբ իցէ վախճան սքանչելեացդ զոր ասացեր։

Verse: 7   Link to sept   Եւ լուայ յառնէն որ զգեցեալնէր զբադէնն, եւ կայր ՛ի վ(ե)ր(այ) ջուրց գետոյն. ամբարձ զա́ջ իւր եւ զձախ իւր յերկինս, եւ երդուաւ ՛ի կենդանին յաւիտենից, թէ ՛ի ժամանակ՝ եւ ՛ի ժամանակս՝ եւ ՛ի կէս ժամանակի։ եւ ՛ի կատարել ցրման ձեռին ժողովրդեանն սրբեցելոյ, ծանիցեն զայս ա(մենայ)ն։

Verse: 8   Link to sept   Եւ ես լուայ՝ եւ ո́չ առի ՛ի միտ. եւ ասեմ, տէ́ր զի՞նչ է վախճան այդոցիկ։

Verse: 9   Link to sept   Եւ ասէ. ե́րթ դանիէլ. զի արգելեալ եւ կնքեալ են բանքս մինչեւ ցժամանակ վախճանի։

Verse: 10   Link to sept   Ընտրեսցին՝ եւ սպիտակասցին՝ եւ փորձեսցին՝ եւ սրբեսցին բազումք, եւ անօրինեսցին անօրէնք, եւ ո́չ առնուցուն ՛ի միտ ամպարիշտք. եւ իմաստունք, եւ ո́չ առնուցուն ՛ի միտ ամպարիշտք. եւ իմաստունք իմասցին

Verse: 11   Link to sept   ՛ի ժամանակէ փոփոխմանն յաճախութե(ան)։ Եւ տացի պղծութի(ւն) աւերածին աւուրս հազար երկերիւր երեսուն եւ հինգ։

Verse: 12   Link to sept   եւ երանի́ որ համբերեսցէ՝ եւ հասցէ յաւուրս հազար երեք հարեւր երեսուն եւ հինգ։

Verse: 13   Link to sept   Եւ դու ե́կ հանգի́ր, զի տակաւին են աւուրք՝ եւ ժամք ՛ի կատարումն վախճանի, եւ հանգիցես. եւ յարիցես ՛ի ժամանակի քում ՛ի վախճանի աւուրց։



Chapter: 14  
ԳԼ(ՈՒԽ) Ժ՜Դ.


Verse: 65   Link to sept   Եւ թագաւորն աստիագէս յաւելաւ առ հարս իւր, եւ ա́ռ կիւրոս պարսիկ զթագաւորութի(ւն) նորա։

Verse: 1   Link to sept   եւ դանիէլ էր կենաց կցորդ թագաւորին. եւ փառաւո́ր քան զա(մենայ)ն բարեկամս ն(ո)ր(ա)։
Section: 12 

Verse: 2   Link to sept   Եւ էին կուռք մի բաբելացւոց անուն բէ́լ. եւ ելանէր ՛ի նմա ռոճիկ՝ աւուր միոջ, նաշիհ՝ երկոտասան արդու. եւ քառասուն ոչխար. եւ գինի վեց մար։

Verse: 3   Link to sept   եւ թագաւորն պաշտէր զնա. եւ երթայր հանապազ երկի́ր պագանէր նմա։ Բայց դանիէլ պագանէր երկիր ա(ստուծո)յ իւրոյ։ եւ ասէ ցնա թագաւորն՝ դու ընդէ՞ր ո́չ երկիր պագանես բելայ։

Verse: 4   Link to sept   Եւ նա ասէ. քանզի ո́չ պաշտեմ զկուռս ձեռագործս, այլ զա(ստուա)ծ կենդանի զարարիչն երկնի եւ երկրի, որ ունի իշխանու(թ)ի(ւն) ա(մենայ)ն մարմնոյ։

Verse: 5   Link to sept   Եւ ասէ ցնա թագաւորն. իսկ բէլ ո՞չ թուի քեզ թէ իցէ ա(ստուա)ծ կենդանի. եթէ ո՞չ տեսիցես՝ որչափ ուտէ եւ ըմպէ հանապազ։

Verse: 6   Link to sept   Եւ ասէ դանիէլ ծիծաղելով. մի́ խաբիր արքայ, զի դա է ՛ի ներքոյ կաւեա́յ, եւ արտաքոյ պղնձի. ո́չ կերեալ դորա երբէք՝ եւ ո́չ արբեալ։

Verse: 7   Link to sept   Եւ բարկացեալ թագաւորն, կոչեաց զքուրմսն նորա, եւ ասէ ցնոսա թագաւորն. եթէ ոչ ասիցէք ինձ, ո́վ ուտէ զսեղանն զայն՝ մահո́ւ մեռանիցիք.

Verse: 8   Link to sept   ապա եթէ յա́յտ առնիցէք՝ թէ զայն ա(մենայ)ն բէլ ուտէ՝ մեռանիցի դանիէլ՝ զի հայհոյեաց զբէլ։ եւ ասէ դանիէլ ցթագաւորն, եղիցի́ ըստ բանի քում։

Verse: 9   Link to sept   Եւ էին քուրմք բելայ եւթանաւուն, թո́ղ զկանայս եւ զմանկտի։ եւ եկն թագաւորն դանիելիւ հանդերձ ՛ի տուն բելայ։

Verse: 10   Link to sept   եւ ասեն քուրմք բելայ, ահաւասիկ մեք արտա́քս ելցուք. եւ դու ա́րքայ՝ դի́ր առաջի դորա զկերակուրսդ եւ զգինիդ խառնեալ դիցես. եւ փակեա́ զդուրսդ, եւ կնքեա́ մատանեաւ քով։

Verse: 11   Link to sept   եւ եկեալ ընդ առաւօտս, եթէ ոչ գտցի այդ ա(մենայ)ն կերեալ ՛ի բելայ, մեռցո́ւք մեք. ապա թէ ոչ՝ դանիէլ որ սո́ւտ խօսեցաւ զմէնջ։

Verse: 12   Link to sept   եւ նոքա վստա́հ էին, զի արարեալ էին ընդ սեղանովն մուտ անյայտ. եւ ընդ ա́յն մտանէին հանապազ եւ ուտէին զայն։

Verse: 13   Link to sept   Եւ եղեւ ելին արտաքս, եւ թագաւորն ե́դ զկերակուրսն առաջի բելայ։ եւ հրաման ետ դանիէլ իւրում մանկտւոյ, եւ բերին մոխիր, եւ ցանեցին ընդ ա(մենայ)ն մեհեանն առաջի թագաւորին միայնոյ։ եւ ելեալ արտաքս փակեցին զդուռնն, եւ կնքեցին մատանեաւ թագաւորին՝ եւ գնացին։

Verse: 14   Link to sept   Եւ քուրմքն մտին գիշերի ըստ սովորութե(ան) իւրեանց, կանա́մբք եւ որդւովք իւրեանց. կերան զա(մենայ)ն եւ արբին՝ եւ ո́չ ինչ թողին։

Verse: 15   Link to sept   Եւ կանխեաց թագաւորն ընդ առաւօտն դանիելիւ հանդերձ։

Verse: 16   Link to sept   եւ ասէ, ո՞ղջ են կնիքդ դա́նիէլ։ եւ նա ասէ. ո́ղջ են արքայ։

Verse: 17   Link to sept   Եւ եղեւ ընդ բանալ դրանցն՝ հայեցաւ թագաւորն ՛ի սեղանն, ՛ի ձա́յն մեծ աղաղակեաց՝ եւ ասէ, մե́ծ ես բէլ, եւ ո́չ գոյ նենգու(թ)ի(ւն) ՛ի քեզ՝ եւ ո́չ մի։

Verse: 18   Link to sept   Եւ ծիծաղեցաւ դանիէլ։ եւ կալաւ զթագաւորն զի մի́ մտցէ ՛ի ներքս, եւ ասէ՝ աղէ՝ հայեա́ց ընդ ատակսդ, եւ տես ո՞յր է հետդ այդ։

Verse: 19   Link to sept   եւ ասէ թագաւորն. տեսանեմ հետ արանց՝ կանանց՝ եւ մանկտւոյ։

Verse: 20   Link to sept   Յայնժամ բարկացեալ թագաւորն կալաւ զքուրմսն, եւ զկանայս եւ զորդիս ն(ո)ց(ա). եւ ցուցին նմա զգաղտնի դրունս՝ ընդ որ մտանէին՝ եւ ծախէին զսեղանն։

Verse: 21   Link to sept   եւ կոտորեաց զնոսա թագաւորն, եւ զբէլ ետ ՛ի ձեռս դանիելի, եւ կործանեաց զնա՝ եւ զմեհեան ն(ո)ր(ա)։

Verse: 22   Link to sept   Եւ է́ր վիշապ մի մեծ, եւ պաշտէին զնա բաբելացիքն։

Verse: 23   Link to sept   եւ ասէ թագաւորն ցդանիէլ. միթէ եւ զդմանէ՞ ասիցես թէ պղնձի է. ահաւադիկ կենդանի́ է, ուտէ́ եւ ըմպէ. եւ ո́չ կարես ասել թէ չիցէ դա ա(ստուա)ծ կենդանի. արդ ե́կ պագ դմա երկիր։

Verse: 24   Link to sept   Եւ ասէ ցնա դանիէլ. ես՝ տ(եառ)ն ա(ստուծո)յ իմոյ երկիր պագանեմ, զի նա́ է ա(ստուա)ծ կենդանի։

Verse: 25   Link to sept   բայց դու ա́րքայ՝ տո́ւր իշխանու(թ)ի(ւն), եւ սպանի́ց զվիշապդ առաջի քո առա́նց սրոյ եւ գաւազանի։ եւ ասէ թագաւորն. տուեա́լ քեզ։

Verse: 26   Link to sept   Եւ ա́ռ դանիէլ՝ եւղ, ձիւթ, եւ ճարպ. եւ մազ. եւ եփեա́ց ՛ի միասին՝ եւ արար գնդակս, եւ եհար ՛ի բերան վիշապին։ եւ իբրեւ կերաւ՝ պայթեաց վիշապն։ եւ ասէ՝ տեսէ́ք զպաշտամունսդ ձեր։

Verse: 27   Link to sept   Եւ եղեւ իբրեւ լուան բաբելացիքն՝ բարկացա́ն յոյժ, եւ կուտեցան ՛ի վերայ թագաւորին՝ եւ ասեն. հրեա́յ եղեւ թագաւորն։ զբէլ կործանեա́ց, եւ զվիշապն սպա́ն, զքուրմսն կոտորեա́ց։

Verse: 28   Link to sept   Եւ իբրեւ եկին, ասեն ցթագաւորն. տո́ւր մեզ ՛ի ձեռս զդանիէլ. ապա թէ ոչ՝ սոանանե́մք զքեզ եւ զտուն քո։

Verse: 29   Link to sept   Եւ իբրեւ ետես թագաւորն՝ եթէ կարի́ տագնապեն զնա, հարկաւ ՛ի ձե́ռս ետ ն(ո)ց(ա) զդանիէլ։

Verse: 30   Link to sept   Եւ նոքա արկին զնա ՛ի գուբն առիւծուց. եւ անդ էր զվեց օր։

Verse: 31   Link to sept   եւ էին ՛ի գբին եւթն առեւծք. եւ տային ն(ո)ց(ա) հանապազ երկո́ւս մարդս, եւ երկուս պատրուճակս. բայց յայնժամ ո́չ ինչ արկին ն(ո)ց(ա), զի վաղվաղակի կերիցեն զդանիէլ։

Verse: 32   Link to sept   Եւ էր ամբակո́ւմ մարգարէ ՛ի հրէաստանի. եւ եփեաց թան, եւ բրդեաց հաց ՛ի կուր. եւ երթայր յանդ՝ տանել մշակաց իւրոց։

Verse: 33   Link to sept   Եւ ասէ հրեշտակ տ(եառ)ն ցամբակում. տա́ր զճաշդ զոր ունիս՝ ՛ի բաբելոն դանիելի՝ ՛ի գուբն առիւծուց։

Verse: 34   Link to sept   Եւ ասէ ամբակում, տ(է)ր՝ զբաբելոն՝ իմ չի́ք տեսեալ, եւ զգուբն ո́չ գիտեմ ո́ւր իցէ։

Verse: 35   Link to sept   Եւ բուռն եհար հրեշտակն զգագաթանէ ն(ո)ր(ա), եւ կալաւ զվարսից գլխոյ ն(ո)ր(ա), եւ ե́դ զնա ՛ի բաբելոն ՛ի վերայ գբոյն սաստկու(թեամ)բ հոգւոյ իւրոյ։

Verse: 36   Link to sept   Եւ աղաղակեաց ամբակում՝ եւ ասէ́. դանիէ́լ դանիէլ՝ արի́ ա́ռ զճաշդ զոր առաքեաց քեզ ա(ստուա)ծ։

Verse: 37   Link to sept   Եւ ասէ դանիէլ. յիշեցեր զիս ա(ստուա)ծ, եւ ո́չ ընդ վայր հարեր զսիրելիս քո։

Verse: 38   Link to sept   եւ յարեաւ դանիէլ՝ եւ եկեր։ եւ հրեշտակ ա(ստուծո)յ տարաւ զամբակում նոյնժամայն անդրէն ՛ի տեղի իւր։

Verse: 39   Link to sept   Եւ թագաւորն եկն յաւուրն եւթներորդի աշխարե́լ զդանիէլ. եւ իբրեւ եկն ՛ի բերան գբոյն, եւ հայեցաւ, եւ ետես զի նստէր դանիէլ.

Verse: 40   Link to sept   աղաղակեաց ՛ի ձայն մեծ՝ եւ ասէ. մե́ծ ես տ(է)ր ա(ստուա)ծ դանիելի. եւ չի́ք այլ ոք բա́ց ՛ի քէն։ եւ առ զնա ՛ի վեր։

Verse: 41   Link to sept   Եւ զվնասակարս կորստեան ն(ո)ր(ա) արկին ՛ի գուբն։ եւ գէշ գէշ պատառեցան նոյնժամայն առաջի ն(ո)ր(ա)։
Section:  




Book: Ez. 
Ezechiel

entered by N. Čanṭlaʒe,
Tbilisi 2004;
TITUS version by J. Gippert,
Frankfurt a/M, 3.10.2004

ՄԱՐԳԱՐԷՈՒԹԻՒՆ
ԵԶԵԿԻԵԼԻ


Chapter: 1 
ԳԼ(ՈՒԽ) Ա՜.

Տեսիլ եզեկիելի քահանայի որդւոյ բուզեայ. զոր ետես յերկրին քաղդեացւոց ՛ի վ(ե)ր(այ) քովբար գետոյ։


Section: 1 

Verse: 1   Link to sept   ԵՒ ԵՂԵՒ ՅԱՄԻՆ երեսներորդի, յամսեանն չորրորդի, որ օր հինգ էր ամսոյն. եւ էի ես ՛ի մէջ գերութե(ա)ն առ ափն քովբար գետոյ։ եւ բացան երկինք, եւ տեսի զտեսիլ ա(ստուծո)յ.

Verse: 2   Link to sept   որ օր հինգ էր ամսոյն. ա́յն ամ հինգերորդ էր գերութե(ա)ն յովաքիմայ արքայի։

Verse: 3   Link to sept   Եւ եղեւ բա́ն տ(եառ)ն առ եզեկիէլ քահանայ՝ որդի բուզեայ, յերկրին քաղդեացւոց ՛ի վ(ե)ր(այ) քովբար գետոյ։ Եւ ա́նդ եղեւ ՛ի վ(ե)ր(այ) իմ ձեռն տ(եառ)ն։

Verse: 4   Link to sept   եւ տեսի՝ եւ ահա հողմ վերացեալ գայր ՛ի հիւսւսոյ, եւ ամպ մեծ ՛ի կողման ն(ո)ր(ա). եւ լոյս շուրջ զնովաւ, եւ հուր փայլատակէր ՛ի նմանէ. եւ ՛ի մէջ ն(ո)ր(ա) իբրեւ զտեսիլ բազմագունի ականց, եւ ճառագայթք ՛ի նմա։

Verse: 5   Link to sept   Եւ ՛ի մէջ ն(ո)ր(ա) կերպարանք չորից կենդանեաց։ եւ ա́յս տեսիլ նոցա. կերպարանք մարդոյ ՛ի վ(ե)ր(այ) ն(ո)ց(ա)։

Verse: 6   Link to sept   եւ չորք դէմք միոյ, եւ չորք թեւք միոյ միոյ ՛ի նոցանէ։

Verse: 7   Link to sept   եւ բարձք ն(ո)ց(ա) բարձք ուղո́րդք. եւ ոտք ն(ո)ց(ա) թեւաւորք էին, եւ կճղակք նոցա իբրեւ զկճղակս որթուց. եւ կայծակունք թօթափէին ՛ի նոցանէ իբրեւ ՛ի փայլատականց պղնձոյ։ Եւ թեւք իւրեանց երագո́ւնք էին.

Verse: 8   Link to sept   եւ ձեռն մարդոյ ՛ի ներքոյ թեւոց ն(ո)ց(ա) ՛ի չորեսին կողմանս ն(ո)ց(ա)։ եւ երեսք ն(ո)ց(ա)

Verse: 9   Link to sept   եւ թեւք չորեցունց ընդ միմեանս թեւակից էին խառնեալ։ եւ զերեսս իւրեանց ՛ի գնալն յետս ընդդէմ ո́չ դարձուցանէին։ իւրաքանչիւր հանդէպ երեսաց իւրեանց գնային։

Verse: 10   Link to sept   Եւ կերպարանք երեսաց նոցա՝ կերպարանք մարդոյ՝ եւ կերպարանք առիւծու յաջմէ չորեցունց. եւ կերպարանք եզին, եւ կերպարանք արծուոյ ՛ի ձախմէ չորեցունց։

Verse: 11   Link to sept   ա́յս կերպարանք ն(ո)ց(ա)։ Եւ թեւք ն(ո)ց(ա) տարածեալ ՛ի վերուստ չորեցունց. իւրաքանչիւր երկու երկու խառնեալ ընդ միմեանս, եւ երկու երկու ծածկէին ՛ի վերուստ զմարմինս իւրեանց։

Verse: 12   Link to sept   Եւ իւրաքանչիւր հանդէպ երեսաց իւրեանց գնային։ յոր կողմն դիմէր հողմնն՝ գնային, եւ յետս ընդդէմ ո́չ դառնային ՛ի գնացս իւրեանց։

Verse: 13   Link to sept   Եւ ՛ի մէջ գազանացն տեսիլ իբրեւ զկայծականց հրոյ բորբոքելոյ. եւ իբրեւ զտեսիլ ղամբարաց խառնելոց ՛ի մէջ գազանացն, եւ լոյս հրոյ. եւ ՛ի հրոյ անտի փայլատակունք հատանէին։

Verse: 14   Link to sept   եւ գազանքն երագս ընթանային, եւ թեթեւս դառնային ՛ի նմանութի(ւն) արեգական։

Verse: 15   Link to sept   Եւ տեսանէի եւ ահաւասիկ անիւ մի յերկրի զհետ գազանացն չորեցունց. եւ կերպարանք անուոցն եւ արա́ր ն(ո)ց(ա)՝ իբրեւ զտեսիլ ականց թարշշի։

Verse: 16   Link to sept   եւ կերպարանք չորեցունց՝ եւ տեսիլ ն(ո)ց(ա), եւ գործւած իւրեանց, ո(ր)պ(էս) թէ շրջիցի անիւ ՛ի մէջ անուոյ։

Verse: 17   Link to sept   ՛ի չորեսին կողմանս իւրեանց գնային, եւ յետս ընդդէմ ո́չ դառնային ՛ի թիկունս իւրեանց.

Verse: 18   Link to sept   եւ բարձունք էին։ Հայէի ընդ ն(ո)ս(ա)՝ եւ տեսանէի զի լի էին աչօք թիկունք ն(ո)ց(ա) շուրջ զչորեքումբք.

Verse: 19   Link to sept   եւ ՛ի գալ գազանացն, գնային եւ անիւքն ը(նդ) նոսա, եւ ՛ի վերանալ գազանացն յերկրէ՝ վերանային եւ անիւքն։

Verse: 20   Link to sept   ընդ որ կողմ դիմէր ամպն եւ հողմն, երթային գազանքն՝ եւ անիւքն ընդ նոսին վերանային. զի ոգի կենդանի́ գոյր յանիւսն։

Verse: 21   Link to sept   ՛ի գնալն ն(ո)ց(ա) գնային, եւ ՛ի կալն ն(ո)ց(ա)՝ զտեղի առնուին, եւ ՛ի վերանալ ն(ո)ց(ա) յերկրէ, եւ անիւքն ընդ նոսին վերանային. զի ոգի կենդանի́ գոյր յանիւսն։

Verse: 22   Link to sept   Եւ նմանու(թ)ի(ւն) հաստատութե(ան) ՛ի վ(ե)ր(այ) գլխոյ գազանացն իբրեւ զտեսի́լ ական վանի՝ տարածեալ ՛ի վ(ե)ր(այ) թեւոց ն(ո)ց(ա) ՛ի վերուստ։

Verse: 23   Link to sept   Եւ ՛ի ներքոյ հաստատու(թ)ե(ա)ն թեւք իւրեանց տարածեալ սաւառնէին ընդ միմեանս. եւ իւրաքանչիւր երկու երկու ծածկէին զմարմինս իւրեանց։

Verse: 24   Link to sept   Եւ լսէի զձայն թեւոց ն(ո)ց(ա) ՛ի սաւառնելն իբրեւ զձայն ջուրց բազմաց, եւ իբրեւ զձայն ա(ստուծո)յ սադայի։ եւ ՛ի գնալն իւրեանց ձայն պատգամաց իբրեւ զձայն բանակի. եւ ՛ի կալն իւրեանց յանկչէին թեւք իւրեանց։

Verse: 25   Link to sept   Եւ ահա բարբառ ՛ի վերուստ քան զհաստատութի(ւն)ն որ է́ր ՛ի վ(ե)ր(այ) գլխոց ն(ո)ց(ա) ՛ի կալն իւրեանց, եւ յամբառնալն զթեւս իւրեանց։

Verse: 26   Link to sept   եւ ՛ի վերոյ քան զհաստատութի(ւն)ն որ ՛ի վ(ե)ր(այ) գլխոց ն(ո)ց(ա) իբրեւ զտեսիլ ական չափիղայ. եւ նմանութի(ւն) աթոռոյ ՛ի վ(ե)ր(այ) ն(ո)ր(ա)։ եւ ՛ի վ(ե)ր(այ) աթոռոյն՝ նմանութի(ւն) կերպարանաց մարդոյ։

Verse: 27   Link to sept   Եւ տեսանէի իբրեւ զտեսիլ ական բազմագունի, եւ իբրեւ զտեսիլ հրոյ ՛ի ներքոյ քան զնա շուրջանակի։ միջովք չափ ՛ի վեր՝ նմանու(թ)ի(ւն) արեգական, եւ միջովք չափ ՛ի խոնարհ՝ նմանութի(ւն) հրոյ։ եւ լոյսն որ շուրջ զնովաւ բա́կ ունէր,

Verse: 28   Link to sept   իբրեւ տեսիլ աղեղանդ որ ձգի յամպս յաւուրս անձրեւաց։ եւ ա́յսպէս ահագին տեսիլ լուսոյ շուրջ զնովաւ։



Chapter: 2  
ԳԼ(ՈՒԽ) Բ՜.


Verse: 1   Link to sept   Եւ ա́յս տեսիլ նմանութի(ւն) փառացն տ(եառ)ն։ Իբրեւ տեսի՝ անկա́յ ՛ի վ(ե)ր(այ) երեսաց իմոց, եւ լուայ բարբառ որ խօսէր ընդ իս՝ եւ ասէր. որդի́ մարդոյ՝ կա́ց ՛ի վ(ե)ր(այ) ոտից քոց եւ խօսեցա́յց ը(նդ) քեզ։

Verse: 2   Link to sept   Եւ եկն ՛ի վ(ե)ր(այ) հոգի, վերացոյց եւ կանգնեաց կացո́յց ՛ի վերայ ոտից իմոց. եւ լսէի զի խօսէր նա ընդ իս,

Verse: 3   Link to sept   եւ ասէր՝ որդի́ մարդոյ՝ ես առաքեցից զքեզ առ դառնացուցիչ տունդ ի(սրայէ)լի. որք դառնացուցին զիս, ինքեանք եւ հա́րք իւրեանց, անարգեցին զիս մինչեւ ցա́յսօր։

Verse: 4   Link to sept   Որդիք եղջերիկք եւ խոտասիրտք են առ որս առաքեմն զքեզ, եւ ասասցես ցն(ո)ս(ա). ա́յսպէս ասէ տ(է)ր տ(է)ր։

Verse: 5   Link to sept   եթէ իցէ լուիցե՞ն կամ սարսեսցե՞ն, զի տուն դառնացողա́ց են. եւ կամ բնաւ ծանիցեն թէ մարգարէ́ ես դու ՛ի մէջ ն(ո)ց(ա)։

Verse: 6   Link to sept   Եւ դո́ւ որդի մարդոյ՝ մի́ երկնչիցիս ՛ի նոցանէ, եւ մի́ զանգիտիցես յերեսաց ն(ո)ց(ա). զի զայրանալով զայրասցին եւ յարիցեն ՛ի վ(ե)ր(այ) քո. զի ՛ի մէջ կարճա́ց բնակեալ ես դու՝ մի́ երկնչիցիս ՛ի բանից ն(ո)ց(ա), եւ յերեսաց ն(ո)ց(ա) մի́ զանգիտիցես, զի տուն դառնացողա́ց են։

Verse: 7   Link to sept   Եւ խօսեսցիս ը(նդ) ն(ո)ս(ա) զբանս զայսոսիկ. եթէ իցէ լուիցե՞ն կամ սարսեսցե՞ն, զի տուն դառնացողա́ց են։

Verse: 8   Link to sept   Եւ դո́ւ որդի մարդոյ՝ լո́ւր բանից զոր խօսիմ ը(նդ) քեզ. մի́ լինիր դառնացօղ իբրեւ զտուն դառնացողաց, բա́ց զբերան քո եւ կե́ր զոր ջամբեցից քեզ։

Verse: 9   Link to sept   Տեսի՝ եւ ահա ձեռն ձգեալ առ իս, եւ ՛ի նմա մատեան մի գրոյ, եւ պարզեաց առաջի իմ. եւ էր գրեալ ՛ի նմա ներքո́յ եւ արտաքոյ՝ ո́ղբս, եւ ձա́յնս, եւ վա́յս։



Chapter: 3  
ԳԼ(ՈՒԽ) Գ՜.


Verse: 1   Link to sept   Եւ ասէ ցիս, որդի́ մարդոյ՝ զորինչ գտանե́ս ՛ի դմա՝ կե́ր։ կե́ր մանր զմատեանդ զայդ. եւ գնա́ եւ խօսեա́ց ընդ որդիսն ի(սրայէ)լի։

Verse: 2   Link to sept   Եբաց զբերան իմ, եւ ջամբեաց զմատեանն։

Verse: 3   Link to sept   եւ ասէ ցիս, որդի́ մարդոյ՝ բերան քո կերիցէ, եւ որովայն քո լցցի ՛ի մատենէ այտի որ տուաւ քեզ։ կերա́յ զայն, եւ եղեւ ՛ի բերան իմ իբրեւ զքաղցրութի(ւն) մեղու։

Verse: 4   Link to sept   Եւ ասէ ցիս, որդի́ մարդոյ՝ գնա́ դու եւ մո́ւտ ՛ի տունն ի(սրայէ)լի, եւ խօսեսցի́ս ընդ ն(ո)ս(ա) զպատգամս իմ։

Verse: 5   Link to sept   զի ո́չ եթէ առ ժողովուրդ խորախօս ծանրալեզու առաքեսցիս առ տունն ի(սրայէ)լի։

Verse: 6   Link to sept   եւ ո́չ առ ժողովուրդս բազումս այլազգիս կամ այլալեզուս. եւ ո́չ առ թանձրալեզուս, զորոց ո́չ լսիցես զբանս ն(ո)ց(ա)։ զի թէ առ այնպիսիսն առաքէի զքեզ. սակայն եւ նոքա́ լսէին քեզ։

Verse: 7   Link to sept   այլ տունն ի(սրայէ)լի ո́չ հաւանին լսե́լ քեզ, քանզի ո́չ կամին լսել ինձ. զի ա(մենայ)ն տունն ի(սրայէ)լի հակառակօղք եւ խստասիրտք են։

Verse: 8   Link to sept   Եւ ահաւասիկ արարի զդէմս քո հաստատուն առաջի երեսաց ն(ո)ց(ա). եւ զյաղթու(թ)ի(ւն) քո զօրացուցից առաջի հակառակու(թ)ե(ան) ն(ո)ց(ա)։

Verse: 9   Link to sept   եւ եղիցի յա(մենայ)ն ժամ հաստատուն իբրեւ զվէմ յաղթու(թ)ի(ւն) քո։ Մի́ երկնչիր ՛ի նոցանէ, եւ մի́ զանգիտիցես յերեսաց ն(ո)ց(ա). զի տո́ւն դառնացողաց են։

Verse: 10   Link to sept   Եւ ասէ ցիս տ(է)ր. որդի́ մարդոյ՝ զա(մենայ)ն զբանս զոր խօսեցայ ը(նդ) քեզ, լո́ւր ակընջովք քովք, եւ դիր ՛ի սրտի քում։

Verse: 11   Link to sept   եւ ե́րթ մո́ւտ ՛ի մէջ գերու(թ)ե(ա)ն առ որդիս ժողովրդեանն քո. խօսեսցիս ընդ ն(ո)ս(ա)՝ եւ ասասցես։ ա́յսպէս ասէ տ(է)ր տ(է)ր՝ եթէ իցէ լուիցե՞ն եւ անսայցե՞ն։

Verse: 12   Link to sept   Եւ վերացո́յց զիս ոգի. եւ լուայ զկնի իմ ձայն շարժման մեծի՝ որ ասէին. օրհնեա́լ են փառք տ(եառ)ն ՛ի տեղւոջէ իւրմէ։

Verse: 13   Link to sept   եւ տեսի ձայն թեւոց գազանացն սաւառնելոց ընդ միմեանս, եւ ձայն անուոցն զհետ ն(ո)ց(ա), եւ ձայն շարժման։

Verse: 14   Link to sept   Եւ հոգի տ(եառ)ն վերացո́յց զիս եւ բարձրացոյց, եւ երթայի́ համբարձեալ ՛ի դիմել հոգւոյն իմոյ։ Եւ ձեռն տ(եառ)ն եղեւ ՛ի վ(ե)ր(այ) իմ զօրութ(եամ)բ։

Verse: 15   Link to sept   եւ մտի վերամբարձ ՛ի մէջ գերու(թ)ե(ա)ն, եւ շրջեցայ առ բնակչօքն քոբար գետոյ որ էին անդ. եւ նստայ աւուրս եւթն դադարեալ ՛ի մէջ ն(ո)ց(ա)։

Verse: 16   Link to sept   Եւ եղեւ յետ եւթն աւուրն, եղեւ բան տ(եառ)ն առ իս՝ եւ ասէ.

Verse: 17   Link to sept   որդի́ մարդոյ, գէտ կացուցի զքեզ տանն ի(սրայէ)լի. լուիցես յինէն զպատգամս՝ եւ սպառնասցես ն(ո)ց(ա) իբրեւ յինէն։

Verse: 18   Link to sept   Յորժամ ասիցե́մ ցանօրէնն, թէ մահո́ւ մեռանիցիս. եւ դու ո́չ զգուշացուցանիցես նմա, եւ ո́չ խօսեսցիս զգուշանալ անօրինին, եւ դառնալ ՛ի չա́ր ճանապարհաց իւրոց եւ կեալ. անօրէնն այն յանօրէնութե(ան) իւրում մեռցի, եւ զարիւն ն(ո)ր(ա) ՛ի ձեռաց քոց խնդրեցից։

Verse: 19   Link to sept   Իսկ եթէ դու զգուշացուցանիցես անօրինին, եւ նա ո́չ դարձցի յանօրէնութ(են)է իւրմէ՝ եւ ՛ի ճանապարհէ իւրմէ, անօրէնն այն՝ յանօրէնու(թ)ե(ան) իւրում մեռցի. եւ դու զանձն քո ապրեցուսցես։

Verse: 20   Link to sept   Եւ յորժամ դարձցի́ արդարն յարդարութե(ան)ց իւրոց՝ եւ արասցէ յանցանս, արկից տանջանս զգլխով ն(ո)ր(ա). ինքն մեռցի. քանզի ո́չ եթէ յիշեսցին արդարութի(ւն)ք ն(ո)ր(ա) զոր արար։ բայց քանզի դու ո́չ զգուշացուցեր նմա՝ զարիւն ն(ո)ր(ա) ՛ի ձեռաց քոց խնդրեցից։

Verse: 21   Link to sept   Ապա եթէ դու զգուշացուցանիցես զարդարն զի մի́ մեղիցէ, արդարն կելով լեցցէ. զի դու զգուշացուցեր նմա. եւ դու զանձն քո ապրեցուսցե́ս։
Section: 2 

Verse: 22   Link to sept   Եւ եղեւ ՛ի վ(ե)ր(այ) իմ անդ ձեռն տ(եառ)ն, եւ ասէ ցիս. արի́ եւ ե́լ դու ՛ի դաշտ անդր, եւ ա́նդ խօսեցա́յց ընդ քեզ։

Verse: 23   Link to sept   յարեայ եւ ելի ՛ի դաշտ անդր. եւ ահա իջեալ կային անդ փառքն տ(եառ)ն, իբրեւ զտեսիլն եւ զփառսն՝ զոր տեսի առ ափն քոբար գետոյ. եւ անկայ ՛ի վ(ե)ր(այ) երեսաց իմոց։

Verse: 24   Link to sept   Եւ եկն ՛ի վ(ե)ր(այ) իմ հոգի, եւ կացոյց ՛ի վ(ե)ր(այ) ոտից իմոց. եւ խօսեցա́ւ ընդիս՝ եւ ասէ. մո́ւտ՝ եւ արգելի́ր ՛ի մէջ տան քոյ։

Verse: 25   Link to sept   Եւ դու որդի մարդոյ, ահաւադիկ տուեալ են ՛ի վ(ե)ր(այ) քո կապանք, եւ կապեսցեն զքեզ նոքօք. եւ ո́չ ելցես ՛ի միջոյ ն(ո)ց(ա)։

Verse: 26   Link to sept   Եւ զլեզու քո կապեցից ՛ի քի́մս քո, եւ եղիջիր դու հա́մր. եւ ո́չ եղիցիս դու ն(ո)ց(ա) իբրեւ զայր մի յանդիմանիչ, զի տուն դառնացողա́ց են։

Verse: 27   Link to sept   Եւ յորժամ խօսիցիմ ընդ քեզ՝ բա́ց զբերան քո, եւ ասասցես ցն(ո)ս(ա)։ ա́յսպէս ասէ ադոնայի տ(է)ր տ(է)ր. որ լսելոցն է՝ լուիցէ, եւ որ արհամարհելոցն՝ արհամարհեսցէ. քանզի տուն դառնացողա́ց են։



Chapter: 4  
ԳԼ(ՈՒԽ) Դ՜.


Verse: 1   Link to sept   Եւ դո́ւ որդի մարդոյ, ա́ռ դու քեզ աղիւս մի, եւ դիցես զնա առաջի երեսաց քոց. եւ նկարեսցես ՛ի նմա զքաղաքն ե(րուսաղէ)մի.

Verse: 2   Link to sept   եւ տացես շուրջ զնովաւ պաշարումն. եւ շինեսցես շուրջ զնովաւ մարտկոցս. եւ պատեսցես շուրջ զնովաւ պատնէշ. եւ տացես շուրջ զնովաւ բանա́կս, եւ ածցես շուրջ զնովաւ նետակա́լս։

Verse: 3   Link to sept   Եւ առցես դու քեզ տապա́կ երկաթի, եւ կանգնեսցես զնա իբրեւ զպարի́սպ երկաթի ընդ քեզ եւ ընդ քաղաքն. եւ պատրաստեսցես զերեսս քո ՛ի վ(ե)ր(այ) ն(ո)ր(ա), եւ եղիցի ՛ի պաշարումն, եւ պաշարեսցես զնա. զի ա́յն նշանակ է որդւոցն ի(սրայէ)լի։

Verse: 4   Link to sept   Եւ դու ննջեսցես ՛ի ձախակողմն քո, եւ դիցես զանիրաւու(թ)ի(ւն)ս տանն ի(սրայէ)լի ՛ի վերայ դորա. ըստ թուոյ աւուրց զոր ննջեսցես ՛ի վ(ե)ր(այ) դորա հարե́ւր եւ յիսուն օր։ եւ առցես զանիրաւու(թ)ի(ւն)ս ն(ո)ց(ա)։

Verse: 5   Link to sept   Եւ ես ետու քեզ զերկուս անիրաւութի(ւն)ս ն(ո)ց(ա) ՛ի թիւ աւուրց՝ հարեւր եւ իննսո́ւն օր։ եւ առցես զանիրաւու(թ)ի(ւն)ս տանն ի(սրայէ)լի,

Verse: 6   Link to sept   եւ բովանդակեսցես ՛ի միասին զա(մենայ)ն։ Եւ դարձեալ ննջեսցես յաջակողմն քո, եւ առցես զանիրաւու(թ)ի(ւն) տանն յուդայ զքառասուն օր. զի օր ընդ տարւոյ եդի́ քեզ։

Verse: 7   Link to sept   Եւ ՛ի պաշարումն ե(րուսաղէ)մի պատրաստեսցես զերեսս քո, եւ զօրացուսցես զբազուկս քո, եւ մարգարէասցի́ս ՛ի վ(ե)ր(այ) ն(ո)ր(ա)։

Verse: 8   Link to sept   եւ ես ահա ետու ՛ի վ(ե)ր(այ) քո կապանս, եւ մի́ փոխեսցես կողմն ՛ի կողմանէ մինչեւ կատարեսցին աւուրք արգելանին քոյ։

Verse: 9   Link to sept   Եւ դո́ւ ա́ռ քեզ ցորեան, եւ դարի, ոսպն, եւ ոլոռն, եւ կորեակ, եւ հաճար, եւ արկցես զայն յամա́ն մի խեցեղէն, եւ արասցես դու զայն քեզ հաց. եւ ըս(տ) թուոյ աւուրցն զոր ննջեսցես դու ՛ի կողմն քո, հարեւր եւ իննսուն օր կերիցես զայն։

Verse: 10   Link to sept   Եւ զկերակուրն քո կերիջիր կշռո́վ. քսան սիկղ յաւուր, ժամէ ՛ի ժամ կերիջիր անտի։

Verse: 11   Link to sept   եւ ջուր չափո́վ արբջիր. զվեցերորդ մասն դորակի միոյ՝ ժամէ́ ՛ի ժամ արբջիր։

Verse: 12   Link to sept   Եւ նկան գարեղէն արկեալ կերիցես անտի. յա́զբ մարդոյ եփեսջիր զայն առաջի երեսաց ն(ո)ց(ա)։

Verse: 13   Link to sept   Եւ ասասցես։ ա́յսպէս ասէ տ(է)ր ա(ստուա)ծ ի(սրայէ)լի. ա́յսպէս կերիցեն որդիքն ի(սրայէ)լի զհաց իւրեանց պղծութ(եամ)բ ՛ի մէջ ազգա́ց ուր ցրուեցից զն(ո)ս(ա) անդր։

Verse: 14   Link to sept   Եւ ասեմ, քա́ւ լիցի տ(է)ր ա(ստուա)ծ ի(սրայէ)լի, եթէ պղծեալ իցէ երբէք անձն իմ ՛ի պղծութի(ւն)ս. եւ մեռելոտի՝ եւ ՛ի գազանաբեկ ո́չ երբէք կերայ ՛ի ծննդենէ իմմէ մինչեւ ցայժմ. եւ ո́չ եմուտ ՛ի բերան իմ ա(մենայ)ն միս պիղծ։

Verse: 15   Link to sept   Եւ ասէ ցիս. ահա ետու քեզ քակոր արջառոյ փոխանակ աղբոյն մարդոյ, եւ նովա́ւ արասցես զհաց քո։

Verse: 16   Link to sept   Եւ ասէ ցիս տ(է)ր. որդի́ մարդոյ, ահաւանիկ ես բեականեմ զհաստատու(թ)ի(ւն) հացի յե(րուսաղէ)մ. եւ կերիցեն հաց կշռով՝ եւ կարօտանաց, եւ ջուր չափով՝ եւ կարօտու(թեամ)բ արբցեն։

Verse: 17   Link to sept   զի եղիցին կարօտեալք ՛ի հացէ եւ ՛ի ջրոյ. եւ ապականեսցի մարդ եւ եղբայր իւր, եւ հաշեսցին յանիրաւութի(ւն)ս իւրեանց։



Chapter: 5  
ԳԼ(ՈՒԽ) Ե՜.


Verse: 1   Link to sept   Եւ դու որդի մարդոյ՝ ա́ռ քեզ սուսեր յեսանաւոր սո́ւր քան զսուսեր վարսավիրայից. ստանայցես զայն քեզ, եւ ածիցես զայն զգլխով քով՝ եւ զմօրուօք. եւ առցես կշիռս՝ եւ կշռեսցես զն(ո)ս(ա)։

Verse: 2   Link to sept   Զչորրորդ մասնն հրո́վ այրեսցես ՛ի մէջ քաղաքին, ըստ լրու(թ)ե(ան) աւուրցն արգելանին. եւ զչորրորդ մասնն կոտորեսցես սրով շուրջ զնովաւ. եւ զչորրորդ մասն հոսեսցես հողմոյ, եւ սուր արձակեցից զկնի ն(ո)ր(ա)։

Verse: 3   Link to sept   Եւ առցես անտի սակա́ւ ինչ թուով, եւ ծրարեսցես ՛ի մեկնոցի քում։

Verse: 4   Link to sept   եւ դարձեալ առցես անտի, եւ ընկեսցես ՛ի մէջ հրոյ, եւ այրեսցես զնոսա ՛ի հուր, եւ անտի ելցէ հուր։

Verse: 5   Link to sept   եւ ասասցես ա(մենայ)ն տանն ի(սրայէ)լի. Ա́յսպէս ասէ ադովնայի տ(է)ր. ա́յս ա́յն ե(րուսաղ)էմ է զոր եդի ՛ի մէջ հեթանոսաց զդա, եւ որ շուրջ զդովաւ դաւառք։

Verse: 6   Link to sept   զի փոխեցին զիրաւունս իմ ընդ անիրաւութե(ա)ն հեթանոսաց. եւ զօրէնս իմ ընդ օրէնս աշխարհացն, որ շուրջ էին զնովաւ. զի զիրաւունս իմ մերժեցին, եւ յօրէնս իմ ո́չ գնացին։

Verse: 7   Link to sept   Վասն այսորիկ ա́յսպէս ասէ ադովնայի տ(է)ր. փոխանակ զի պատճառք ձեր յազգացդ են որ շո́ւրջ են զձեւք. եւ յօրէնս իմ ո́չ գնացէք, եւ զիրաւունս իմ ո́չ արարէք. այլեւ ո́չ ըստ իրաւանցն հեթանոսաց՝ որ շո́ւրջ են զձեւք արարէք։

Verse: 8   Link to sept   Վ(ա)ս(ն) այսորիկ ա́յսպէս ասէ ադովնայի տ(է)ր. ահաւասիկ ես ՛ի վ(ե)ր(այ) քո, եւ արարից ՛ի միջի քում դատաստան առաջի ազգացդ։

Verse: 9   Link to sept   եւ արարից ընդ քեզ՝ զոր ո́չ երբէք արարի. եւ ո́չ ա́յլեւս նմին նման արարից ըս(տ) ա(մենայ)ն պղծութե(ան)ցն քոց։

Verse: 10   Link to sept   վ(ա)ս(ն) այնորիկ հարք կերիցեն զորդիս ՛ի միջի քում, եւ որդիք կերիցեն զհարս. եւ արարից ՛ի քեզ դատաստանս, եւ ցրուեցից զա(մենայ)ն մնացորդս քո ընդ ա(մենայ)ն հողմս։

Verse: 11   Link to sept   Վ(ա)ս(ն) այդորիկ կենդանի́ եմ ես՝ ասէ ադովնայի տ(է)ր. փոխանակ զի զսրբութի(ւն)ս իմ պղծեցեր ա(մենայ)ն գարշելեօքն քովք, եւ ա(մենայ)ն պղծալից պաշտամամբքն քովք. եւ ես մերժեցի́ց զքեզ, եւ ո́չ խնայեսցէ ՛ի քեզ ակն իմ. եւ ո́չ ողորմեցայց քեզ։

Verse: 12   Link to sept   Չորիր մասն քո մահո́ւ սպառեսցի. եւ չորիր մասն քո սովով վախճանեսցի ՛ի միջի քում. եւ զչորիր մասն քո ընդ ա(մենայ)ն հողմս ցրուեցից. եւ չորրորդ մասն քո շուրջ զքեւ ՛ի սուր անկցի, եւ սո́ւր արձակեցից զկնի ն(ո)ց(ա)։

Verse: 13   Link to sept   Եւ կատարեսցի սրտմտութի(ւն) բարկութե(ան) իմոյ ՛ի վ(ե)ր(այ) ն(ո)ց(ա), եւ մխիթարեցա́յց. եւ ծանիցեն զի ե́ս տ(է)ր խօսեցայ նախանձո́ւ իմով ՛ի կատարել ինձ զբարկու(թ)ի(ւն) իմ ՛ի վ(ե)ր(այ) ն(ո)ց(ա)։

Verse: 14   Link to sept   Եւ եդից զքեզ յանապա́տ եւ ՛ի նախատինս հեթանոսաց որ շուրջ զքե́ւ իցեն. եւ զդստերս քո շուրջ զքեւ առաջի ա(մենայ)ն անցաւորաց ճանապարհի։

Verse: 15   Link to sept   եւ եղիցես հեծեծելի́ եւ եղկելի, ծաղր եւ երեւոյթ ՛ի մէջ ազգացն որ շուրջ զքե́ւ իցեն. յառնե́լ ինձ ՛ի քեզ դատաստանս բարկութ(եամ)բ, եւ սրտմտու(թեամ)բ եւ վրէժխնդրու(թեամ)բ ցասման։

Verse: 16   Link to sept   Եւ տ(է)ր խօսեցայ, ՛ի յարձակել ինձ զչարաչար զնետս իմ սովոյ ՛ի վ(ե)ր(այ) ն(ո)ց(ա), եւ եղիցին ՛ի սատակումն. արձակեցից զայս ՛ի վ(ե)ր(այ) ն(ո)ց(ա). եւ սով գումարեցից ՛ի վ(ե)ր(այ) ձեր. եւ խորտակեցից զհաստատութի(ւն) հացի քոյ։

Verse: 17   Link to sept   եւ առաքեցից ՛ի վ(ե)ր(այ) քո սով՝ եւ գազանս չա́ս, եւ պատժեցից զքեզ. եւ մահ եւ արիւն անցցեն ՛ի քեզ, եւ ածից շուրջ զքեւ սո́ւր. զի ես տ՝ր խօսեցայ։



Chapter: 6  
ԳԼ(ՈՒԽ) Զ՜.


Section: 3 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 2   Link to sept   որդի́ մարդոյ՝ հաստատեա́ զերեսս քո ՛ի վ(ե)ր(այ) լերանցդ ի(սրայէ)լի. մարգարէա́ց ՛ի վ(ե)ր(այ) դոցա,

Verse: 3   Link to sept   եւ ասասցես. լերի́նք ի(սրայէ)լի՝ լուարո́ւք զպատգամս ադովնայի տ(եառ)ն. Ա́յսպէս ասէ ադովնայի տ(է)ր ցլերինս եւ ցբլուրս՝ եւ ցձորս եւ ցդաշտս. ահաւադիկ ես ածե́մ ՛ի վ(ե)ր(այ) ձեր սուր, եւ ապականեսցին բարձունք ձեր.

Verse: 4   Link to sept   եւ կործանեսցին սեղանք ձեր. եւ խորտակեսցին մեհեանք ձեր. եւ տապա́ստ արկից զվիրաւորս ձեր առաջի կռոց ձերոց։

Verse: 5   Link to sept   Եւ դի́ թաւա́լ կացուցից վիրաւորս զորդիսդ ի(սրայէ)լի առաջի պատկերաց ձերոց. եւ ցրուեցից զոսկերս ձեր շուրջ զսեղանօք ձերովք

Verse: 6   Link to sept   յա(մենայ)ն բնակու(թ)ե(ան) ձերում. քաղաքք աւերեսցին, եւ բարձունք ապականեսցին։ զի ջնջեսցին եւ պակասեսցին սեղանք ձեր, եւ խորտակեսցին՝ եւ դադարեսցեն կուռք ձեր. եւ բարձցին մեհեանք ձեր. եւ ջնջեսցին գործք ձեռաց ձերոց.

Verse: 7   Link to sept   եւ անկցին վիրաւորք ՛ի միջի ձերում. եւ ծանիջիք թէ ե́ս եմ տ(է)ր։

Verse: 8   Link to sept   Եւ թողից ՛ի ձէնջ ապրեալս ՛ի սրոյ ՛ի մէջ ազգաց, եւ ՛ի վարատման ձերում ՛ի մէջ աշխարհաց.

Verse: 9   Link to sept   եւ յիշեսցեն զիս ապրեալքն ձեր ՛ի մէջ ազգաց ուր գերեցան ՛ի ն(ո)ս(ա)։ զի երդուայ ես սրտի ն(ո)ց(ա) շնացելոյ եւ ապստամբելոյ յինէն, եւ աչաց ն(ո)ց(ա) պոռնկացելոց զհետ գնացից իւրեանց. եւ կոծեսցին յերեսս իւրեանց, վ(ա)ս(ն) չարեացն զոր արարին յա(մենայ)ն գարշելիսն իւրեանց եւ յամ ՛ի գնացս իւրեանց։

Verse: 10   Link to sept   Եւ ծանիցեն թէ ես եմ տ(է)ր, եւ ո́չ ՛ի զուր ինչ խօսեցայ առնել ընդ ն(ո)ս(ա) զայս ա(մենայ)ն չարիս։

Verse: 11   Link to sept   Ա́յսպէս ասէ ադովնայի տ(է)ր. ծա́փս հար ձեռամբ, եւ դոփեա́ ոտամբ, եւ ասասցես՝ վա́շ վա́շ ՛ի վ(ե)ր(այ) գարշելեացն եւ չարեաց տանն ի(սրայէ)լի. զի սրով եւ մահուամբ եւ սովով անկցին։

Verse: 12   Link to sept   հեռաւորն՝ մահո́ւ վախճանեսցի, եւ մերձաւորն՝ սրո́վ անկցի, եւ մնացեալն եւ պաշարեալն սովով սատակեսցին. եւ կատարեցից զբարկութի(ւն) իմ ՛ի վ(ե)ր(այ) ն(ո)ց(ա)։

Verse: 13   Link to sept   Եւ ծանիցեն թէ ե́ս եմ տ(է)ր, յորժամ անկցին վիրաւորքն ձեր ՛ի մէջ կռոցն ձերոց, շուրջ զսեղանովքն ձերովք. ՛ի վ(ե)ր(այ) ա(մենայ)ն բլրոցն բարձանց, եւ յա(մենայ)ն գլուխս լերանց, եւ ՛ի ներքոյ ա(մենայ)ն վարսաւոր ծառոց, եւ ՛ի ներքոյ ամուր կաղնեաց՝ ուր արկանէին խունկս ա(մենայ)ն կռոցն իւրեանց։

Verse: 14   Link to sept   Եւ ձգեցից զձեռն իմ ՛ի վ(ե)ր(այ) ն(ո)ց(ա), եւ եդից զերկիրն յապականութի(ւն) եւ ՛ի սատակումն. յանապատէն դեբղաթայ յա(մենայ)ն բնակութե(ան) ն(ո)ց(ա)։ եւ ծանիջիք թէ ե́ս եմ տ(է)ր։



Chapter: 7  
ԳԼ(ՈՒԽ) Է՜.


Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   եւ դո́ւ որդի մարդոյ ասասցես. ա́յսպէս ասէ ադովնայի տ(է)ր. երլրի́դ ի(սրայ)էլացւոց վախճան հասեալ է. հասեա́լ է վախճան ՛ի վ(ե)ր(այ) չորեցունց կողմանց երկրիդ։

Verse: 3   Link to sept   ահաւասիկ հասեալ է ՛ի վ(ե)ր(այ) քո վախճան։ Եւ առաքեցից ՛ի վերայ քո, եւ խնդրեցից ՛ի քէն վրէժս ըս(տ) ճանապարհաց քոց. եւ հատուցից քեզ ըստ ա(մենայ)ն գարշելեացն քոց։

Verse: 4   Link to sept   եւ ո́չ խնայեսցէ ակն իմ ՛ի քեզ, եւ ո́չ ողորմեցայց. զի ըստ գնացից քոց հատուցից քեզ, եւ գարշելիքն քո ՛ի միջի քում եղիցին. եւ ծանիցես թէ ե́ս եմ տ(է)ր։

Verse: 5   Link to sept   Քանզի ա́յսպէս ասէ տ(է)ր տ(է)ր. չարիք մի ահաւասիկ՝ չարիք մի հասեալ են։

Verse: 6   Link to sept   եհաս վախճան. զարթեաւ ՛ի վ(ե)ր(այ) քո։

Verse: 7   Link to sept   Ահաւադիկ հասեալ է զըմբա́ղ ՛ի վ(ե)ր(այ) քո որ բնակեալդ էք յերկրիդ. հասեալ է ժամանակ, մերձեցաւ օր՝ եւ ոչ աղմկաւ եւ ո́չ երկամբք։

Verse: 8   Link to sept   Այլ այժմ ՛ի մօտո́յ հեղից զբարկու(թ)ի(ւն) իմ ՛ի վ(ե)ր(այ) քո, եւ կատարեցից ՛ի քեզ զսրտմտութի(ւն) իմ. եւ դատեցայց զքեզ ըստ ճանապարհաց քոց, եւ տաց ՛ի վ(ե)ր(այ) քո զա(մենայ)ն պղծու(թ)ի(ւն)ս պաշտամանց քոց։

Verse: 9   Link to sept   Եւ մի́ խնայեսցէ ակն իմ ՛ի քեզ, եւ ո́չեւս ողորմեցայց. զի ըստ ճանապարհաց քոց հատուցից քեզ, եւ գարշելիքդ քո՝ ՛ի միջի քում եղիցին։ եւ ծանիցես թէ ե́ս եմ տ(է)ր որ հարկանեմ զքեզ։

Verse: 10   Link to sept   Ահաւասիկ օր տ(եառ)ն, ահա հասեալ է վախճան. ե́կն զըմբաղն, ծաղկեցաւ գաւազանն. յարեա́ւ ամբարտաւանու(թ)ի(ւն)ն.

Verse: 11   Link to sept   եւ խորտակեսցե́ս զհաստատութի(ւն) անօրինին. ո́չ աղմկաւ եւ ո́չ փութով. ո́չ են ՛ի միտս իւրեանց գեղեցկութի(ւն) ՛ի ն(ո)ս(ա)։

Verse: 12   Link to sept   Հասեալ է ժամանակ. ահա եկն օր. ստացօղն՝ մի́ խնդասցէ, եւ որ վաճառէն՝ մի́ ողբասցի. զի բարկու(թ)ի(ւն) ՛ի վ(ե)ր(այ) ա(մենայ)ն անիրաւու(թ)ե(ան) մարդկան, եւ ՛ի վ(ե)ր(այ) ա(մենայ)ն բազմու(թ)ե(ան) ն(ո)ց(ա)։

Verse: 13   Link to sept   Զի որ ստանայն, ՛ի վաճառական անդր այլ մի́ դարձցի, եւ ո́չ եւս է՝ կեա́լ ՛ի կենդանու(թ)ե(ան) ն(ո)ց(ա). զի տեսիլս ՛ի վ(ե)ր(այ) ա(մենայ)ն բազմու(թ)ե(ան) ն(ո)ց(ա) ո́չ դարձցի. եւ մարդ յաչս կենաց իւրոց՝ մի́ հաստատեսցի։

Verse: 14   Link to sept   Փո́ղ հարէք եւ ընտրեցէ́ք զա(մենայ)ն. եւ ո́չոք իցէ որ երթայցէ ՛ի պատերազմ, զի բարկութի(ւն) ՛ի վ(ե)ր(այ) բազմու(թ)ե(ան) ն(ո)ր(ա)։

Verse: 15   Link to sept   Պատերազմ սրոյ արտաքուստ, եւ սով եւ մահ ՛ի ներքուստ. եւ որ ՛ի բացի́ իցեն, սրո́վ վախճանեսցին, եւ որ ՛ի քաղաքի իցեն, սովով եւ մահուա́մբ վախճանեսցին։

Verse: 16   Link to sept   Եւ ապրեսցին որք ապրելոց իցեն ՛ի ն(ո)ց(ա)նէ. եւ եղիցին ՛ի վ(ե)ր(այ) լերանց իբրեւ զաղաւնիս անձանձրո́յթ մնչել։ Զամենեսեան կոտորեցից՝ զիւրաքանչիւրոք յանիրաւութե(ան) իւրում։

Verse: 17   Link to sept   Ա(մենայ)ն ձեռք լքցին, եւ ա(մենայ)ն երանք գարշասցին խոնաւութ(եամ)բ։

Verse: 18   Link to sept   սփածցին քուրձս, եւ ծածկեսցեն զն(ո)ս(ա) ցնո́րք։ յա(մենայ)ն երեսս ամօթ, եւ յա(մենայ)ն գլուխս կնդու(թ)ի(ւն)։

Verse: 19   Link to sept   արծաթ ն(ո)ց(ա) անկեալ կայցէ ՛ի հրապարակս, եւ ոսկի ն(ո)ց(ա) արհամարհեսցի́։ Արծաթ ն(ո)ց(ա) եւ ոսկի ն(ո)ց(ա) ո́չ կարասցէ փրկել զն(ո)ս(ա) յաւուր բարկութե(ան) տ(եառ)ն. եւ անձինք ն(ո)ց(ա) մի́ յագեսցին, եւ որովայնք ն(ո)ց(ա) մի́ լցցին. զի տանջանք եղեն անիրաւութե(ան)ց ն(ո)ց(ա)։

Verse: 20   Link to sept   Զընտիր ընտիր զարդուցն եդին ՛ի հպարտութի(ւն). եւ պատկերս գարշելեաց պաշտամանցն իւրեանց արարին ՛ի ն(ո)ց(ա)նէ. վ(ա)ս(ն) այնորիկ տաց զայն ն(ո)ց(ա) ՛ի պղծու(թ)ի(ւն),

Verse: 21   Link to sept   եւ մատնեցից ՛ի ձեռս օտարաց յափշտակել զն(ո)ս(ա). եւ ժանտագործաց երկրի յաւա́ր, եւ պղծեսցեն զն(ո)ս(ա)։

Verse: 22   Link to sept   եւ դարձուցից զերեսս իմ ՛ի նոցանէ՝ եւ զոր արարէք ձե́զ ինքեանց պէսպէս զարդս, եւ պղծեսցեն զն(ո)ս(ա)։ Եւ պղծեսցեն զայցելութի(ւն)ս իմ, եւ մտցեն ՛ի ն(ո)ս(ա) անխտի́ր. եւ պղծեսցեն զն(ո)ս(ա),

Verse: 23   Link to sept   եւ արասցեն խառնակութի(ւն). զի լցա́ւ երկրի ՛ի դատաստանաց արեանց ն(ո)ց(ա), եւ քաղաքք լի́ եղեն անօրէնութ(եամ)բք։

Verse: 24   Link to sept   Եւ ածից զչարս ազգաց՝ եւ ժառանգեսցեն զտունս ն(ո)ց(ա). եւ կործանեցից զամբարտաւանու(թ)ի(ւն) բռնու(թ)ե(ան)ց ն(ո)ց(ա). եւ պղծեսցին սրբութի(ւն)ք ն(ո)ց(ա)։

Verse: 25   Link to sept   եկեսցէ քաւութի(ւն), եւ խնդրեսցէ զխաղաղութի(ւն)՝ եւ ո́չ գտանիցէ։

Verse: 26   Link to sept   Վա́յ ՛ի վայի́ վ(ե)ր(այ) եղիցի, եւ գո́յժ ՛ի գուժի. խնդրեսցին տեսիլք ՛ի մարգարէից, եւ օրէնք դիւրիչք ՛ի քահանայէ, եւ խորհուրդք ՛ի ծերոց. եւ ո́չ գտանիցին։

Verse: 27   Link to sept   Թագաւորն սգասցի, եւ իշխանն զգեցցի զապականու(թ)ի(ւն), եւ ձեռք ժողովրդեան երկրին լքցի́ն։ ըստ ճանապարհաց ն(ո)ց(ա) արարի́ց ն(ո)ց(ա). եւ ըս(տ) դատաստանաց նոցա առից վրէ́ժ ՛ի նոցանէն։ եւ ծանիցեն թէ ե́ս եմ տ(է)ր։



Chapter: 8  
ԳԼ(ՈՒԽ) Ը՜.


Section: 4 

Verse: 1   Link to sept   Եւ եղեւ յամին վեցերորդի յամսեանն հինգերորդի, որ օր հինգ էր ամսոյն. եւ նստէի ՛ի տա́ն իմում, եւ ծերքն յուդայ նստէին առաջի իմ։ Եւ եղեւ ՛ի վերայ իմ անդ ձեռն ադովնայի տ(եառ)ն։

Verse: 2   Link to sept   եւ տեսանէի՝ եւ ահա նմանու(թ)ի(ւն) առն, ՛ի միջոյն եւ ՛ի խոնարհ՝ հո́ւր, եւ ՛ի միջոյն եւ ՛ի վեր՝ իբրեւ զտեսիլ փայլական. իբրեւ զգոյն բազմագունի ականն։

Verse: 3   Link to sept   Եւ ձգեաց նմանու(թ)ի(ւն) ձեռին՝ եւ ա́րկ զգագաթա́մբ գլխոյ իմոյ, եւ վերացո́յց զիս ոգի ը(նդ) երկինս եւ ընդ երկիր. եւ տարաւ զիս յե(րուսաղէ)մ ՛ի տեսլեանն ա(ստուծո)յ, եւ կացոյց զիս ՛ի նախադուռն դրանն ներքնոյ որ հայի ը(նդ) հիւսւսի. ուր էր արձան պատկերին նախանձու ստացողին։

Verse: 4   Link to sept   եւ ա́նդ էին փառք ա(ստուծո)յ ի(սրայէ)լի, ըս(տ) տեսլեանն զոր տեսի ՛ի դաշտի անդ։

Verse: 5   Link to sept   Եւ ասէ ցիս, որդի մարդոյ՝ հայեա́ց աչօք քովք ՛ի կողմն հիւսւսոյ։ համբարձի́ զաչս իմ ՛ի կողմն հիւսւսոյ, եւ ահա ՛ի հիւսւսոյ կողմանէ ՛ի վ(ե)ր(այ) դրան սեղանոյն ուր կա́յր պատկերն նախանձու ՛ի մուտս դրանն որ հայէ́ր ընդ արեւելս։

Verse: 6   Link to sept   Եւ ասէ ցիս. որդի մարդոյ՝ տեսանե՞ս զի́նչ գործեն դոքա աստ անօրէնու(թ)ի(ւն) մեծ տունդ ի(սրայէ)լի, հեռանա́լ ՛ի սրբութե(ան)ց իմոց։ դարձեալ եւս մեծամեծս քան զայս տեսցես անօրէնու(թ)ի(ւն)ս։

Verse: 7   Link to sept   Եւ եմո́յծ զիս առաջի դրաց սրահին. եւ տեսի եւ ահա ծա́կ մի յորմն։

Verse: 8   Link to sept   Եւ ասէ́ ցիս.որդի մարդոյ բրեա́ զորմդ. եւ բրեցի́ զորմն, եւ ահա դուռն մի։

Verse: 9   Link to sept   եւ ասէ ցիս, որդի մարդոյ՝ մո́ւտ տե́ս զանօրէնութի(ւն)սդ՝ եւ զչարիսդ զոր գործեն դոքա այդր։

Verse: 10   Link to sept   Մտի́ եւ տեսի, եւ ահա ա(մենայ)ն նմանու(թ)ի(ւն) սողնոց եւ անասնոց, սնոտի գարշելիք. եւ տեսի զա(մենայ)ն կուռս տանն ի(սրայէ)լի նկարեա́լ շուրջ զնոքօք։

Verse: 11   Link to sept   եւ եւթանասուն այր ՛ի ծերոց անտի տանն ի(սրայէ)լի, եւ յեզոնիա որդի սափանայ ՛ի մէջ ն(ո)ց(ա) կայր առաջի ն(ո)ց(ա). եւ իւրաքանչիւր բուրուառ ՛ի ձեռին իւրում, եւ ծուխ խնկոյն ելանէ́ր դիզանէր իբրեւ զամպ։

Verse: 12   Link to sept   Եւ ասէ ցիս տ(է)ր. որդի մարդոյ՝ տեսանե՞ս զինչ ծերք տանդ ի(սրայէ)լի գործեն այդր ընդ խաւար, իւրաքանչի́ւր ՛ի ծածուկ ՛ի սենեկի իւրում. զի ասեն՝ եթող տ(է)ր, եւ ո́չ հայի յերկիր։

Verse: 13   Link to sept   Եւ ասէ ցիս. դարձեալ եւս մեծամեծ անօրէնու(թ)ի(ւն)ս տեսցես՝ զոր գործեն դոքա։

Verse: 14   Link to sept   եւ եմոյծ զիս առաջի դրան տանն տ(եառ)ն, որ հայէր ընդ հիւսւսի. եւ ահա նստէին անդ կանայք՝ եւ ողբային ըղթամուզ։

Verse: 15   Link to sept   Եւ ասէ ցիս, տեսանե՞ս զայդ որդի մարդոյ. դարձեալ ե́ւս մեծամեծ գործս քան զայդ տեսանիցես։

Verse: 16   Link to sept   Եւ եմո́յծ զիս ՛ի ներքին սրահ տանն տ(եառ)ն, եւ ահա ՛ի վ(ե)ր(այ) դրաց տաճարին տ(եառ)ն ընդ սեղանն եւ ընդ վանդակն՝ իբրեւ արք քսանեւհինգ, որոց զթիկունս ՛ի տաճա́րն տ(եառ)ն դարձուցեալ էր, եւ զերեսս ընդ արեւելս, եւ երկի́ր պագանէին արեգական։

Verse: 17   Link to sept   Եւ ասէ ցիս. տեսե՞ր զայդ որդի մարդոյ. միթէ փո՞քր ինչ իցէ անօրէնու(թ)ի(ւն) տանդ ի(սրայէ)լի զոր գործեն աստ. զի լցին զերկիրդ անօրէնութ(եամ)բք. եւ դարձան ՛ի բարկացուցանել զիս. եւ ահա ձգեն զբազուկ որթուն ը(նդ) արհամարհանս։

Verse: 18   Link to sept   Եւ ես արարից ընդ դոսա բարկու(թեամ)բ, եւ ո́չ խնայեսցէ ակն իմ, եւ ո́չ ողորմեցայց ն(ո)ց(ա)։ եւ աղաղակեսցեն յականջս իմ մեծաձայն, եւ ո́չ լուայց ն(ո)ց(ա)։



Chapter: 9  
ԳԼ(ՈՒԽ) Թ՜.


Verse: 1   Link to sept   Եւ աղաղակեա́ց յականջս իմ մեծաձայն եւ ասէ. մերձեա́լ է վրէժխնդրութի(ւն) քաղաքիդ. եւ իւրաքանչիւր ոք զգործի սատակման ՛ի ձեռին իւրում ունէր։

Verse: 2   Link to sept   Եւ ահա արք վե́ց գային ընդ ճանապարհ բարձո́ւ դրանն՝ որ հայի ը(նդ) հիւսւսի, եւ իւրաքանչիւր տապար ՛ի ձեռին իւրում. եւ ա́յր մի ՛ի մէջ ն(ո)ց(ա) զգեցեալ պճղնաւոր, եւ կամար ականակապ յականց շափիղայ ընդ մէջ իւր. եւ մտին կացին առաջի պղնձի սեղանոյն։

Verse: 3   Link to sept   եւ փառք ա(ստուծո)յ ի(սրայէ)լի վերացան ՛ի քրովբէիցն յօդն որ ՛ի մէջ տաճարին։ Եւ կոչեաց զայրն որ զգեցեալ էր զպճղնաւորն. եւ ունէր զկամարն ընդ մէջ իւր։

Verse: 4   Link to sept   Եւ ասէ ցնա տ(է)ր. ա́նց ընդ մէջ քաղաքիդ ե(րուսաղէ)մի, եւ դի́ր նշան ՛ի ճակատ արանցդ որ հեծեն եւ յոգոց հանեն ՛ի վ(ե)ր(այ) անօրէնու(թ)ե(ան)ցն գործելոց ՛ի մէջ դոցա։

Verse: 5   Link to sept   Եւ ցնոսա ասէ՝ ինձ լու ՛ի լո́ւ. գնացէ́ք զհետ ն(ո)ր(ա) ՛ի քաղաքն՝ եւ կոտորեցէ́ք. եւ մի́ խնայեսցեն աչք ձեր, եւ մի́ ողորմեսջիք,

Verse: 6   Link to sept   ծերոյն եւ տղայոյն, կուսին եւ երիտասարդին. եւ զկանայս կոտորեսջիք ՛ի սատակումն։ բայց յորոյ վ(ե)ր(այ) նշանն իցէ՝ մի́ մերձենայցէք. եւ սկիզբն՝ ՛ի սրբութե(ան)ց իմոց արասջիք։ եւ սկսան յարանց ծերոց որ էին ՛ի ներքս ՛ի տաճարին։

Verse: 7   Link to sept   Եւ ասէ ցնոսա. պղծեցէ́ք զտունդ, եւ լցէ́ք զտունդ դիակամբք. եւ ելէ́ք կոտորեցէ́ք եւ հարէ́ք զքաղաքդ։

Verse: 8   Link to sept   Եւ եղեւ ՛ի կոտորելն զն(ո)ս(ա), հայեցայ՝ եւ տեսի, եւ անկայ ՛ի վ(ե)ր(այ) երեսաց իմոց, աղաղակեցի́ եւ ասեմ. վա́յ ինձ ադովնայի տ(է)ր, ջնջե́ս դու աւադիկ զմնացորդս տանդ ի(սրայէ)լի, ՛ի հեղուլ զսրտմտութի(ւն) քո ՛ի վ(ե)ր(այ) ե(րուսաղէ)մի։

Verse: 9   Link to sept   Եւ ասէ ցիս. անիրաւու(թ)ի(ւն) տանդ ի(սրայէ)լի եւ յուդայ մեծացա́ւ յոյժ յոյժ. զի լցա́ւ երկիրդ ժողովրդովք բազմօք, եւ քաղաքդ լի́ եղեւ անօրէնութ(եամ)բ եւ պղծու(թեամ)բ. զի ասացին եթէ եթո́ղ տ(է)ր զերկիրն, եւ ո́չ եւս հայի տ(է)ր։

Verse: 10   Link to sept   եւ արդ ո́չ խնայեսցէ ակն իմ ՛ի նա, եւ ո́չ ողորմեցայց, այլ ըս(տ) ճանապարհաց ն(ո)ց(ա) տա́լ ՛ի գլուխ ն(ո)ց(ա)։

Verse: 11   Link to sept   Եւ ահա այրն որ զգեցեալն էր զպճղնաւորն, եւ ունէր զկամարն ը(նդ) մէջ իւր, պատասխանի ետ եւ ասէ. արարի ո(ր)պ(էս) եւ հրամայեցեր ինձ։



Chapter: 10  
ԳԼ(ՈՒԽ) Ժ՜.


Verse: 1   Link to sept   Եւ տեսանէի ահա ՛ի վ(ե)ր(այ) հաստատութե(ա)ն որ էր ՛ի վ(ե)ր(այ) գլխոց քերովբէիցն իբրեւ զվէմն շափիղայ ական, եւ ՛ի վ(ե)ր(այ) ն(ո)ր(ա) նմանու(թ)ի(ւն) աթոռոյ։

Verse: 2   Link to sept   Եւ ասէ ցայրն՝ որ զգեցեալն էր զպատմուճանն սուրբ. մո́ւտ ՛ի մէջ անուոցդ եւ ՛ի ներքոյ քրովբէիցդ՝ եւ լի́ց զագուռս քո կայծակամբք հրոյ ՛ի միջոյ քրովբէիցդ. եւ ցանեա́ ՛ի վ(ե)ր(այ) քաղաքին, եւ եմուտ այրն առաջի իմ։

Verse: 3   Link to sept   եւ քերովբէքն կային ընդ զսրահն ներքին։

Verse: 4   Link to sept   Եւ փառքն տ(եառ)ն վերացան ՛ի քրովբէից անտի յօդն որ ՛ի մէջ տաճարին. եւ տաճարն լի́ եղեւ ամպով, եւ սրահն լի́ եղեւ լուսով փառացն տ(եառ)ն։

Verse: 5   Link to sept   եւ ձայն թեւոց քրովբէիցն լսելի լինէր մինչեւ ՛ի սրահն արտաքին. իբրեւ զձայն ա(ստուծո)յ սադայի՝ որ խօսէր։

Verse: 6   Link to sept   Եւ եղեւ մինչդեռ տա́յր զպատուէր առնն որ զգեցեալէր զպատմուճանն սուրբ, եւ ասէր. ա́ռ հուր ՛ի միջոյ անուո́ցդ ՛ի միջոյ քրովբէիցդ. եւ եմուտ եւ եկաց ՛ի մէջ անուոցն։

Verse: 7   Link to sept   եւ ձգեաց քերոբ մի զձեռն իւր ՛ի միջոյ քերովբէիցն ՛ի մէջ հրոյն որ էր ՛ի մէջ քրովբէիցն, ա́ռ եւ ե́տ ՛ի ձեռս նորա. եւ որ զգեցեալէր զպատմուճանն սուրբ, ա́ռ եւ ե́լ անտի։

Verse: 8   Link to sept   Հայէի ընդ քերովբէսն, եւ տեսանէի նմանութի(ւն) ձեռաց մարդոյ ՛ի ներքոյ թեւոց ն(ո)ց(ա)։

Verse: 9   Link to sept   Տեսանէի՝ եւ ահա անիւք չորք կային մե́րձ առ քերովբէսն. մի մի անիւ զհետ միոյ միոյ քերովբէի. եւ տեսիլ անուոցն իբրեւ զտեսիլ ակա́ն կարկեհանի։

Verse: 10   Link to sept   եւ տեսիլ ն(ո)ց(ա) եւ նմանութի(ւն) չորեցունց, ո(ր)պ(էս) զի իցէ տեսանել անիւ ընդ մէջ անուոյ։

Verse: 11   Link to sept   Եւ ՛ի գնալն իւրեանց՝ ՛ի չորեսի́ն կողմանս իւրեանց գնային, եւ յետս ը(նդ)դէմ ո́չ դառնային. զի յոր կողմն հայէր մի առաջն, զհետ ն(ո)ր(ա) երտային եւ յետս ընդդէմ ո́չ դառնային։

Verse: 12   Link to sept   Եւ ա(մենայ)ն մարմինք իւրեանց, եւ ձեռք, եւ թեւք ն(ո)ց(ա), եւ անիւք լի́ էին աչօք՝ շուրջ զչորեքումբք անուովք ն(ո)ց(ա)։

Verse: 13   Link to sept   Եւ անուոցն անուն՝ կոչեցաւ գեղ գեղ, իմո́վ իսկ լսելով։

Verse: 14   Link to sept   Եւ չորք դէմք միոյ. դէմք միոյն՝ դէմք եզին. դէմք երկրորդին՝ դէմք մարդոյ. եւ դէմք երրորդին՝ դէմք առիւծու. եւ դէմք չորրորդին՝ դէմք արծուոյ։

Verse: 15   Link to sept   եւ վերացան քերովբէքն։ Ա́յս ա́յն գազան է՝ զոր տեսի ՛ի վ(ե)ր(այ) քոբա́ր գետոյ։

Verse: 16   Link to sept   Եւ ՛ի գնա́լ քերովբէիցն, գնային եւ անիւքն զհետ ն(ո)ց(ա). եւ յամբառնալ քերովբէիցն զթեւս իւրեանց ՛ի վերանալն յերկրէ, ո́չ դառնային յետս անիւքն. քանզի զհետ ն(ո)ց(ա) էին։

Verse: 17   Link to sept   ՛ի կալն նոցա դադարէին, եւ յամբառնալ ն(ո)ց(ա)՝ ընդ նոսի́ն վերանային. զի ոգի կենդանութե(ան) էր ՛ի ն(ո)ս(ա)։

Verse: 18   Link to sept   Եւ ելին փառքն տ(եառ)ն ՛ի միջնօգոյ տաճարին, եւ նստան ՛ի վ(ե)ր(այ) քերովբէիցն։

Verse: 19   Link to sept   եւ ամբարձին քերովբէքն զթեւս իւրեանց, եւ վերացան յերկրէ առաջի իմ, յելանելն ն(ո)ց(ա) եւ անիւքն զհետ ն(ո)ց(ա). եւ կացին առաջի դրանդեաց դրան տանն տ(եառ)ն որ հայէ́ր ընդ արեւելս. եւ փառքն ա(ստուծո)յ ի(սրայէ)լի ՛ի վ(ե)ր(այ) ն(ո)ց(ա)։

Verse: 20   Link to sept   Ա́յս ա́յն գազան է զոր տեսի ՛ի ներքոյ ա(ստուծո)յ ի(սրայէ)լի ՛ի վ(ե)ր(այ) քոբար գետոյ, եւ գիտացի թէ այն քերովբէք են։

Verse: 21   Link to sept   Չորք չորք դէմք միոյ, եւ ութ թեւք միոյ միոյ. եւ նմանութի(ւն) ձեռաց մարդոյ ՛ի ներքոյ թեւոց ն(ո)ց(ա).

Verse: 22   Link to sept   եւ նմանութի(ւն) երեսաց ն(ո)ց(ա)։ Ա́յս դէմք են զոր տեսի ՛ի ներքոյ փառաց ա(ստուծո)յ ի(սրայէ)լի ՛ի վ(ե)ր(այ) քոբա́ր գետոյ. զտեսիլ ն(ո)ց(ա) եւ զն(ո)ս(ա)։ զի ըստ իւրաքանչի́ւր դիմաց գնային։



Chapter: 11  
ԳԼ(ՈՒԽ) Ժ՜Ա.


Section: 5 

Verse: 1   Link to sept   Եւ ամբա́րձ զիս հոգի, եւ ա́ծ զիս յանդիման դրան տանն տ(եառ)ն որ հայէ́ր ընդ արեւելս. եւ ահա առաջի դրան սրահին արք իբրեւ քսանեւհինգ, եւ տեսի ՛ի մէջ ն(ո)ց(ա) զյեզոնիա զորդի յազերայ՝ եւ զփաղտիա բանեայ՝ զառաջնորդս ժողովրդեանն։

Verse: 2   Link to sept   Եւ ասէ́ ցիս տ(է)ր. որդի մարդոյ, ա́յս ա́րք են որ խորհին սնոտիս, եւ տան խրատ չար ՛ի քաղաքիդ յայդմիկ.

Verse: 3   Link to sept   եւ ասեն՝ ո́չ եթէ նորո́գ ինչ շինեալ են տունքս, այլ սա́ է կաթսա՝ եւ մեք մի́ս։

Verse: 4   Link to sept   վ(ա)ս(ն) այդորիկ մարգարեա́ց ՛ի վ(ե)ր(այ) նոցա. մարգարեա́ց որդի մարդոյ։

Verse: 5   Link to sept   Եւ եհաս ՛ի վ(ե)ր(այ) իմ ոգի տ(եառ)ն՝ եւ ասէ. ա́յսպէս ասէ ադովնայի տ(է)ր. ա́յդպէս ասացէք տո́ւնդ ի(սրայէ)լի, եւ զխորհուրդ ոգւոց ձերոց ես գիտե́մ։

Verse: 6   Link to sept   յաճախեցէք զդիակունս ձեր ՛ի քաղաքիդ յայդմիկ, եւ լցէք զճանապրհս դորա վիրաւորօք։

Verse: 7   Link to sept   Վ(ա)ս(ն) այդորիկ ա́յսպէս ասէ ադովնայի տ(է)ր. զի դիակունս ձեր զոր կոտորէիք ՛ի մէջ դորա, նոքա մի́սն են, եւ կաթսայն դա́ է. եւ զձեզ հանից ՛ի միջոյ դորա։

Verse: 8   Link to sept   ՛Ի սրոյ երկնչէիք՝ սո́ւր ածից ՛ի վ(ե)ր(այ) ձեր՝ ասէ ադովնայի տ(է)ր։

Verse: 9   Link to sept   եւ հանից զձեզ ՛ի միջոյ դորա, եւ մատնեցից զձեզ ՛ի ձեռս օտարաց. եւ արարից ՛ի ձեզ դատաստանս՝

Verse: 10   Link to sept   զի անկանիցիք ՛ի սուր։ եւ ՛ի վ(ե)ր(այ) լերանց ի(սրայէ)լի դատեցայց զձեզ. եւ ծանիջիք թէ ես եմ տ(է)ր։

Verse: 11   Link to sept   եւ դա́ չիցէ́ ձեզ կաթսա, եւ դուք չլինիցիք ՛ի դմա միս։ ՛Ի վ(ե)ր(այ) լերանցն ի(սրայէ)լի դատեցայց զձեզ,

Verse: 12   Link to sept   եւ գիտասջիք թէ ես եմ տ(է)ր։ զի ըստ արդարու(թ)ե(ան)ց իմոց դուք ո́չ գնացէք, եւ զիրաւունս իմ դուք ո́չ արարէք։ այլ եւ ոչ ըստ կրօնից ազգացն որ շուրջ զձեւք էին՝ արարէք։

Verse: 13   Link to sept   Եւ եղեւ մինչդեռ մարգարէանայի, մեռաւ փաղտիա որդի բանեայ։ անկա́յ ՛ի վ(ե)ր(այ) երեսաց իմոց, եւ ՛ի ձայն մեծ աղաղակեցի՝ եւ ասեմ. վա́յ ինձ՝ վա́յ ինձ ադովնայի տ(է)ր. զի ՛ի կատարա́ծ հասուցեր զմնացորդս ի(սրայէ)լի։

Verse: 14   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 15   Link to sept   որդի մարդոյ, եղբարք քո՝ եւ արք գերու(թ)ե(ան) քոյ՝ եւ ա(մենայ)ն տունդ ի(սրայէ)լի հասեալ են ՛ի վախճան. որոց ասացին բնակիչքն ե(րուսաղէ)մի, ՛ի բա́ց մերժեցարուք ՛ի տ(եառն)է. զի մե́զ տուեալ է զերկիրդ ՛ի ժառանգութի(ւն)։

Verse: 16   Link to sept   Վ(ա)ս(ն) այնորիկ ասա́. ա́յսպէս ասէ ադովնայի տ(է)ր, թէ մերժեցից զն(ո)ս(ա) յազգս, եւ ցրուեցից զն(ո)ս(ա) ընդ ա(մենայ)ն երկիր. եւ եղէ́ց ն(ո)ց(ա) փոքր մի ՛ի սրբու(թ)ի(ւն) ՛ի գաւառսն յոր մտանիցեն ՛ի ն(ո)ս(ա)։

Verse: 17   Link to sept   վ(ա)ս(ն) այնորիկ ասա́. Ա́յսպէս ասէ ադովնայի տ(է)ր. եւ ընկալա́յց զն(ո)ս(ա) յազգացն, եւ ժողովեցից զն(ո)ս(ա) ՛ի գաւառացն ուր ցրուեցից զն(ո)ս(ա) ՛ի ն(ո)ս(ա)։ եւ տա́ց նոցա զերկիրն ի(սրայէ)լի։

Verse: 18   Link to sept   եւ մտցեն անդր, եւ բարձցեն զա(մենայ)ն գարշելիս ն(ո)ր(ա), եւ զա(մենայ)ն զանօրէնու(թ)ի(ւն)ս ն(ո)ր(ա) ՛ի նմանէ։

Verse: 19   Link to sept   Եւ տաց ն(ո)ց(ա) սիրտ այլ. եւ ոգի նո́ր նորոգեցից ն(ո)ց(ա)։ եւ հանի́ց զսիրտն քարեղէն ՛ի մարմնոց ն(ո)ց(ա), եւ տա́ց նոցա սիրտ մարմնեղէն։

Verse: 20   Link to sept   զի ըստ հրամանաց իմ գնասցեն, եւ զիրաւունս իմ պահեսցեն, եւ արասցեն զն(ո)ս(ա). եւ եղիցին ինձ ՛ի ժողովուրդ՝ եւ ես եղէց ն(ո)ց(ա) ա(ստուա)ծ։

Verse: 21   Link to sept   Եւ ըստ գարշելեաց սրտից ն(ո)ց(ա), եւ ըստ անօրէնու(թ)ե(ան)ցն ն(ո)ց(ա) զոր արարին, եւ ըստ ճանապարհացն յոր գնային՝ հատուցից ՛ի գլուխս ն(ո)ց(ա)՝ ասէ ադովնայի տ(է)ր։
Section: 6 

Verse: 22   Link to sept   Եւ ամբարձին քերովբէքն զթեւս իւրեանց, եւ անիւքն զհետ ն(ո)ց(ա). եւ փառքն ա(ստուծո)յ ի(սրայէ)լի ՛ի վ(ե)ր(այ) ն(ո)ց(ա)։

Verse: 23   Link to sept   եւ ամբարձան փարքն տ(եառ)ն ՛ի միջոյ քաղաքին. եւ կացին ՛ի վ(ե)ր(այ) լերինն որ էր յանդիման քաղաքին։

Verse: 24   Link to sept   Եւ վերացոյց զիս ոգի, եւ ա́ծ ՛ի յերկիրն քաղդեացւոց ՛ի մէջ գերու(թ)ե(ա)ն, տեսլեամբ հոգւոյն ա(ստուծո)յ։ Եւ յարեայ ՛ի տեսլենէ անտի զոր տեսի.

Verse: 25   Link to sept   եւ խօսեցայ առ գերու(թ)ե(ա)ն զա(մենայ)ն բանս տ(եառ)ն զոր եցոյց ինձ։



Chapter: 12  
ԳԼ(ՈՒԽ) Ժ՜Բ.


Verse: 1   Link to sept   Եւ եղեւ բան տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ ՛ի մէջ անօրէնու(թ)ե(ան)ց ն(ո)ց(ա) բնակեալ ես դու. որ աչս ունին տեսանելոյ՝ եւ ո́չ տեսանեն, եւ ականջս լսելոյ՝ եւ ո́չ լսեն. զի տուն դառնացողա́ց են։

Verse: 3   Link to sept   Եւ դու որդի մարդոյ՝ արա́ դու քեզ հանդերձ գերու(թ)ե(ան), եւ վարեա́ց ՛ի գերու(թ)ի(ւն) զաւուրս առաջի ն(ո)ց(ա). եւ գերեսջի́ր ՛ի տեղւոջէ քումմէ յա́յլ տեղի առաջի դոցա՝ զի տեսցեն. քանզի տուն դառնացողաց են։

Verse: 4   Link to sept   Եւ մերկասցի́ս զհանդերձս քո, իբրեւ զհանդերձ գերու(թ)ե(ան)

Verse: 5   Link to sept   առաջի աչաց ն(ո)ց(ա)։ Եւ դու ելցես ընդ երեկոյս առաջի ն(ո)ց(ա), ո(ր)պ(էս) ելանիցէ գերի, առաջի աչաց ն(ո)ց(ա)։ ծակեա́ դու քեզ որմ, եւ ելցես ընդ այն

Verse: 6   Link to sept   առաջի ն(ո)ց(ա). կորակո́ր գնասցես՝ գաղտագողի́ ելանիցես. ձորձ զգլխով պատիցես, եւ մի́ տեսանիցես զերկիրն. զի նշանա́կ ետու զքեզ տանն ի(սրայէ)լի։

Verse: 7   Link to sept   Եւ արարի այնպէս ըստ ա(մենայ)նի զոր պատուիրեաց ինձ տ(է)ր, եւ արկայ հանդերձ գերութե(ան) զաւուրս. եւ փորեցի ընդ երեկոյս զորմն ձեռամբ իմով, եւ երթայի գաղտագողի́ կորակո́ր առաջի նոցա։

Verse: 8   Link to sept   Եւ եղեւ բան տ(եառ)ն ընդ առաւօտն ՛ի վ(ե)ր(այ) իմ՝ եւ ասէ։

Verse: 9   Link to sept   որդի մարդոյ՝ ո՞չ ասացին քեզ տունդ ի(սրայէ)լի տուն դառնացողաց, թէ զի՞նչ է զոր գործեսդ։

Verse: 10   Link to sept   Եւ արդ ասա́ ցն(ո)ս(ա). ա́յսպէս ասէ տ(է)ր տ(է)ր ցիշխանսդ՝ եւ ցառաջնորդս ե(րուսաղէ)մի՝ եւ ցա(մենայ)ն տունդ ի(սրայէ)լի որ են ՛ի մէջ դոցա.

Verse: 11   Link to sept   թէ ես նշանա́կ արարից ՛ի մէջ դորա. ո(ր)պ(էս) արարիդ՝ այնպէս եղիցի դմա. զի ՛ի պանդխտութի(ւն) եւ ՛ի գերու(թ)ի(ւն) երթիցեն։

Verse: 12   Link to sept   եւ իշխանն ՛ի մէջ ն(ո)ց(ա) կորակո́ր գնասցէ, գաղտագողի́ շրջեսցի, զորմն հատեա́լ ելցէ, զերեսս ծածկեա́լ գնասցէ. եւ մի́ տեսցէ զերկիրդ։

Verse: 13   Link to sept   Եւ արկից զցա́նց իմ զնովաւ՝ եւ պատեսցի ուռկանաւ ՛ի պաշարումն. եւ ածից զնա ՛ի բաբելոն յերկիրդ քաղդեացւոց. եւ զդա մի́ տեսցէ, եւ այդր վախճանեսցի։

Verse: 14   Link to sept   Եւ զա(մենայ)ն օգնականս ն(ո)ր(ա) որ շուրջ զնովաւ իցեն, եւ զա(մենայ)ն պաշտպանս ն(ո)ր(ա) ընդ ա(մենայ)ն հողմս ցրուեցից, եւ սուր զկնի ն(ո)ց(ա) արձակեցից։

Verse: 15   Link to sept   եւ ծանիցես թէ ե́ս եմ տ(է)ր. ՛ի ցրուել իմ զն(ո)ս(ա) ընդ ա(մենայ)ն ազգս, եւ ցանել զնոսա ընդ գաւառս։

Verse: 16   Link to sept   Եւ թողից ՛ի ն(ո)ց(ա)նէ արս թուով՝ ՛ի սովոյ, եւ ՛ի սրոյ, եւ ՛ի մահուանէ. զի պատմեսցեն զա(մենայ)ն անօրէնու(թ)ի(ւն)ս ն(ո)ց(ա) ՛ի մէջ ազգացն՝ յորս մտանիցեն անդր։ եւ ծանիցեն թէ ես եմ տ(է)ր։
Section: 7 

Verse: 17   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 18   Link to sept   որդի մարդոյ՝ զհաց քո կարօտութ(եամ)բ կերիջի́ր, եւ զջուր քո՝ տանջանօք եւ նեղութ(եամ)բ արբջի́ր.

Verse: 19   Link to sept   եւ ասասցես ցժողովուրդ երկրին։ Ա́յսպէս ասէ ադովնայի տ(է)ր ցբնակիչս ե(րուսաղէ)մի յերկիրն ի(սրայէ)լի. զհա́ց իւրեանց կարօտութ(եամ)բ կերիցեն, եւ զջուր իւրեանց ապականութ(եամ)բ արբցեն. զի ապականեսցի երկիր լրիւ իւրով, զի յամպարշտու(թ)ե(ան) են ա(մենայ)ն բնակիչք ն(ո)ր(ա)։

Verse: 20   Link to sept   եւ քաղաքք ն(ո)ց(ա) բնակեալք՝ աւերեսցին. եւ երկիր ն(ո)ց(ա) յապականութի(ւն) եղիցի։ եւ ծանիջիք թէ ե́ս եմ տ(է)ր։

Verse: 21   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 22   Link to sept   որդի մարդոյ, զի՞նչ է ձեզ առակդ այդ յերկրիդ ի(սրայ)էլացւոց՝ զոր ասեն. հեռի́ են աւուրքն, եւ կորեան տեսիլք ա(մենայ)ն։

Verse: 23   Link to sept   Վ(ա)ս(ն) այդորիկ ասա́ ցն(ո)ս(ա). ա́յսպէս ասէ ադովնայի տ(է)ր. դարձուցի́ց զառակդ զայդ՝ եւ մի́ եւս ասասցեն տունդ ի(սրայէ)լի զառակդ զայդ. զի խօսեսցիս առ ն(ո)ս(ա), թէ հասեալ են աւուրք՝ եւ պատգամք ա(մենայ)ն տեսլեանց։

Verse: 24   Link to sept   զի ո́չ եւս եղիցի ա(մենայ)ն տեսիլ սուտ, եւ որ խօսիցի ըղձու(թեամ)բ եւ շնորհուկս ՛ի մէջ որդւոցն ի(սրայէ)լի։

Verse: 25   Link to sept   Քանզի ե́ս տ(է)ր խօսեցայ զբանս իմ, խօսեցայ եւ արարից, եւ ո́չ եւս յերկարեցից։ զի յաւուրս ձե́ր տուն դառնացողաց խօսեցայ զբանն, եւ արարից ասէ ադովնայի տ(է)ր։

Verse: 26   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 27   Link to sept   որդի́ մարդոյ՝ ահաւադիկ տունդ ի(սրայէ)լի տուն դառնացողաց ասեն. տեսիլդ զոր տեսանէ́ դա՝ յաւուրս բազումս եւ ՛ի ժամանակս հեռաւորս լինելոց է այդ զոր գա́յդ մարգարէանայ։

Verse: 28   Link to sept   Վ(ա)ս(ն) այդորիկ ասա́ ցն(ո)ս(ա). ա́յսպէս ասէ ադովնայի տ(է)ր. ո́չ եւս յերկարեսցին ա(մենայ)ն բանք իմ զոր խօսեցայց, այլ զոր խօսեցայց՝ արարի́ց ասէ ադովնայի տ(է)ր։



Chapter: 13  
ԳԼ(ՈՒԽ) Ժ՜Գ.


Section: 8 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   որդի մարդոյ՝ մարգարէա́ց ՛ի վ(ե)ր(այ) մարգարէիցդ ի(սրայէ)լի որ մարգարէանան անդ, եւ ասասցես ցմարգարէսդ որ մարգարէանան ՛ի սրտից իւրեանց. մարգարէանայցե́ս եւ ասասցե́ս ցն(ո)ս(ա). լուարո́ւք զպատգամս տ(եառ)ն։

Verse: 3   Link to sept   Ա́յսպէս ասէ ադովնայի տ(է)ր. վա́յ դոցա որ մարգարէանանդ ՛ի սրտից իւրեանց, որ երթա́ն զհետ ոգւոց իւրեանց, եւ ամենեւին ո́չ տեսանեն։

Verse: 4   Link to sept   Իբրեւ աղուեսք յաւերա́կս էին մարգարէք քո ի(սրայ)էլ.

Verse: 5   Link to sept   եւ ո́չ կացին ՛ի հաստատու(թ)ե(ան). եւ ժողովեցին հօտս ՛ի վ(ե)ր(այ) տանդ ի(սրայէ)լի, եւ ո́չ հաստատեցան ոյք խօսէին յանուն տ(եառ)ն։

Verse: 6   Link to sept   որ տեսանէին զստութի(ւն), եւ պատմէին զըղձութի(ւն) սնոտի։ որք ասէին, ա́յսպէս ասէ տ(է)ր. եւ ես տ(է)ր ո́չ առաքեցի զն(ո)ս(ա), եւ սկսան յարուցանել բանս։

Verse: 7   Link to sept   Ոչ ապաքէն տեսիլս սո́ւտ տեսէք, եւ ըղձութի(ւն)ս սնոտիս պատմէիք. եւ ասէիք, ա́յսպէս ասէ տ(է)ր, եւ ես տ(է)ր ո́չ խօսեցայ։

Verse: 8   Link to sept   Վ(ա)ս(ն) այդորիկ ասա́. ա́յսպէս ասէ ադովնայի տ(է)ր. փոխանակ զի բանք ձեր սո́ւտ են, եւ ըղձութի(ւն)ք ձեր սնոտի́ք. վ(ա)ս(ն) այնորիկ ե́ս ՛ի վ(ե)ր(այ) ձեր՝ ասէ ադովնայի տ(է)ր։

Verse: 9   Link to sept   եւ ձգեցից զձեռն իմ ՛ի վ(ե)ր(այ) մարգարէիցն, որ տեսանէին ստու(թ)ի(ւն)ս, եւ խօսէին սնոտիս։ ՛ի խրատու ժողովրդեան իմոյ մի́ կացցեն. եւ մի́ ՛ի գիրս տանն ի(սրայէ)լի գրեսցին, եւ յերկիրն ի(սրայէ)լի մի́ մտցեն։ եւ ծանիցեն թէ ե́ս եմ ադովնայի տ(է)ր։

Verse: 10   Link to sept   Փոխանակ զի մոլորեցուցանէին զժողովուրդ իմ, եւ ասէին. խաղաղու(թ)ի(ւն)՝ խաղաղութի(ւն), եւ ո́չ գոյր խաղաղութի(ւն)։ եւ ինքն շինէր որմ, եւ նոքա ծեփէին, զի փլցի։

Verse: 11   Link to sept   ասէ ցն(ո)ս(ա) որ ծեփէինն, թէ անզգամութի(ւն) է այդ, քանզի փլանելոց է. եկեսցէ անձրեւ՝ եւ ողողեսցէ, եւ տաց քարինս ռըմբաքարաց ՛ի պահանկս ն(ո)ց(ա)՝ եւ կործանեսցին. հողմ յարիցէ՝ եւ տապալեսցէ։

Verse: 12   Link to sept   եւ ահա կործանեցաւ որմն. եւ ո́չ եւս ասասցեն ցձեզ, թէ ուր է ծեփն ձեր՝ զոր ծեփեցէքն։

Verse: 13   Link to sept   Զի ա́յսպէս ասէ ադովնայի տ(է)ր. արձակեցից հողմս որ բառնայցէ սրտմտութ(եամ)բ իմով, եւ եկեսցէ անձրեւ ողողանել բարկութ(եամ)բ իմով. եւ զվէմս ռըմբաքարացն ածից ցասմամբ ՛ի վ(ե)ր(այ) ն(ո)ր(ա) ՛ի վախճան.

Verse: 14   Link to sept   եւ յատակեցից զորմն զոր ծեփէիք՝ եւ կործանեսցի. եւ ընկեցից զնա յերկիր, եւ յայտնեսցին հիմունք ն(ո)ր(ա), եւ անկցի եւ վախճանեսցի յանդիմանութ(եամ)բ։ Եւ գիտասջիք թէ ե́ս եմ տ(է)ր։

Verse: 15   Link to sept   եւ կատարեցից զսրտմտու(թ)ի(ւն) իմ ՛ի վ(ե)ր(այ) որմոյն, եւ ՛ի վ(ե)ր(այ) ծեփողաց ն(ո)ր(ա). եւ կործանեսցի։ Եւ ասացից ցձեզ՝ թէ չի́ք ուրեք որմ, եւ ո́չ ծեփօղք ն(ո)ր(ա)

Verse: 16   Link to sept   մարգարէքն ի(սրայէ)լի՝ որ մարգարէանային ՛ի վ(ե)ր(այ) ե(րուսաղէ)մի. եւ տեսանէին նմա խղաղութի(ւն), եւ ո́չ գոյր խաղաղու(թ)ի(ւն). ասէ ադովնայի տ(է)ր։

Verse: 17   Link to sept   Եւ դու որդի մարդոյ՝ հաստատեա́ զերեսս քո ՛ի վ(ե)ր(այ) դստերաց ժողովրդեան քոյ, որ մարգարէանային ՛ի սրտից իւրեանց. մարգարէա́ց ՛ի վ(ե)ր(այ) ն(ո)ց(ա),

Verse: 18   Link to sept   եւ ասասցես։ Ա́յսպէս ասէ ադովնայի տ(է)ր. վա́յ այնոցիկ որ կարե́ն կարկատեն զբարձկնեարդ ՛ի ներքոյ ա(մենայ)ն արմկան ձեռին. եւ առնեն գլխադիրս գլխոյ ա(մենայ)ն հասակաց թիւրել զանձինս. զի թիւրեցան անձինք ժողովրդեան իմոյ։ եւ ապշեցուցանէին զանձինս,

Verse: 19   Link to sept   եւ բամբասէին զիս առաջի ժողովրդեան իմոյ վ(ա)ս(ն) ափո́յ միոյ գարւոյ՝ եւ կոտորո́յ միոյ հացի, սպանանել զանձինս որ ո́չ էին մահապարտք։ եւ ապրեցուցանել զանձինս որոց ո́չ էր պարտ կեալ, ՛ի բարբառելն ձեր յականջս ժողովրդեանն, որ ախորժէ զբարբառ նանրու(թ)ե(ան)։

Verse: 20   Link to sept   Վ(ա)ս(ն) այսորիկ ա́յսպէս ասէ տ(է)ր տ(է)ր. ահաւասիկ ես ՛ի վերայ բարձկներոյդ ձերոյ, յոր դուք ժողովէիք զանձինս, եւ պատառեցից զայդ ՛ի բազկաց ձերոց. եւ առաքեցից զանձինս զոր դուքն թիւրէիք ՛ի ցրումն։

Verse: 21   Link to sept   եւ պատառեցից զգլխադիրսն ձեր. եւ ապրեցուցից զժողովուրդ իմ՝ ՛ի ձեռաց ձերոց, եւ ո́չ եւս եղիցին ՛ի ձեռս ձեր ՛ի ժողովս։ Եւ ծանիջիք թէ ես եմ տ(է)ր։

Verse: 22   Link to sept   փոխանակ զի խոտորէիք զսիրտ արդարոյն անիրաւութ(եամ)բ, եւ իմ ո́չ էր թիւրեալ զնա. եւ զօրացուցանէիք զձեռս անօրինին չդառնա́լ ամենեւին յանօրէնութ(են)է իւրմէ, եւ ՛ի ճանապարհաց իւրոց չարաց՝ եւ կեալ։

Verse: 23   Link to sept   Վ(ա)ս(ն) այնորիկ զստու(թ)ի(ւն)սն մի́ եւս տեսանիցէք, եւ ըղձութի(ւն)ս այլ ո́չ եւս ըղձանայցէք. եւ ապրեցուցից զժողովուրդ իմ ՛ի ձեռաց ձերոց։ եւ ծանիջիք թէ ե́ս եմ տ(է)ր։



Chapter: 14  
ԳԼ(ՈՒԽ) Ժ՜Դ.


Section: 9 

Verse: 1   Link to sept   Եւ եկին առ իս արք ՛ի ծերոցն ի՝լի, եւ նստա́ն առաջի իմ։

Verse: 2   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 3   Link to sept   որդի մարդոյ, արքդ այդոքիկ եդին զխորհուրդս իւրեանց ՛ի սիրտս իւրեանց, եւ զտանջանս անիրաւութե(ան)ց իւրեանց եդին առաջի երեսաց իւրեանց. թէ իցէ տալով տա́ց դոցա պատասխանի։

Verse: 4   Link to sept   Վ(ա)ս(ն) այնորիկ խօսեա́ց ընդ դոսա եւ ասասցես. ա́յսպէս ասէ ադովնայի տ(է)ր։ այր ոք այր՝ ՛ի տանէդ ի(սրայէ)լի, որ դիցէ զխորհուրդս իւր ՛ի սրտի իւրում. եւ զտանջանս անիրաւու(թ)ե(ան) իւրոյ կարգեսցէ առաջի աչաց իւրոց, եւ եկեսցէ առ մարգարէ հարցանել նովաւ յինէն. ե́ս տ(է)ր՝ պատասխանի տաց նմա ըստ այնմ զոր ՛ի մտի́ ունիցի։

Verse: 5   Link to sept   զի մի́ խոտորեցուսցեն զտունդ ի(սրայէ)լի ըս(տ) օտարացելոց սրտից իւրեանց յինէ́ն ՛ի գնացս իւրեանց։

Verse: 6   Link to sept   Վ(ա)ս(ն) այնորիկ ասա́ տանդ ի(սրայէ)լի. այսպէս ասէ տ(է)ր՝ տ(է)ր ա(ստուա)ծ. դարձա́յք եւ դարձարո́ւք ՛ի գնացից ձերոց, եւ յա(մենայ)ն ամպարշտու(թ)ե(ան)ց ձերոց, եւ դարձուցէ́ք զերեսս ձեր առ իս։

Verse: 7   Link to sept   Քանզի այր ոք՝ այր ՛ի տանէդ ի(սրայէ)լի, եւ յեկաց եւ պանդխտացդ ի(սրայէ)լի, որ օտարասցի յինէն, եւ դիցէ զխորհուրդս իւր ՛ի սրտի իւրում, եւ զտանջանս անիրաւութե(ան) իւրոյ կարգեսցէ առաջի երեսաց իւրոց. եւ եկեսցէ առ մարգարէ հարցանել նովաւ զիս. ե́ս տ(է)ր պատասխանի́ տաց նմա ըս(տ) այնմ զոր ՛ի մտին ունիցի։

Verse: 8   Link to sept   եւ հաստատեցից զերեսս իմ ՛ի վ(ե)ր(այ) մարդոյն այնորիկ. եդից զնա ՛ի նշան եւ յապականութի(ւն), եւ բարձից զնա ՛ի միջոյ ժողովրդեան իմոյ։ եւ ծանիջիք զի ես եմ տ(է)ր։

Verse: 9   Link to sept   Եւ մարգարէ́ ոք թէ խաբեսցի՝ եւ խօսեսցի բա́ն ինչ. ե́ս տ(է)ր մոլորեցուցի զմարգարէն զայն. եւ ձգեցից զձեռն իմ ՛ի վ(ե)ր(այ) ն(ո)ր(ա), եւ սատակեցից զնա ՛ի միջոյ ժողովրդեան իմոյ ի(սրայէ)լի։

Verse: 10   Link to sept   Եւ ընկալցին զանիրաւութի(ւն) իւրեանց ըստ անիրաւութ(են)է հարցողին. նո́յնպէս եւ անիրաւութի(ւն) մարգարէին եղիցի։

Verse: 11   Link to sept   զի մի́ եւս մոլորեսցի տունն ի(սրայէ)լի յինէն. եւ զի մի́ եւս պղծեսցին յա(մենայ)ն յանցանս իւրեանց։ եւ եղիցին ինձ ՛ի ժողովուրդ, եւ ես եղէց ն(ո)ց(ա) յա(ստուա)ծ՝ ասէ ադովնայի տ(է)ր։
Section: 10 

Verse: 12   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 13   Link to sept   որդի մարդոյ, երկիր մի որ յանցանիցէ ինչ ինձ յանցանս. եւ ձգեցից զձեռն իմ ՛ի վ(ե)ր(այ) ն(ո)ր(ա), եւ խորտակեցի́ց զհաստատու(թ)ի(ւն) հացի ն(ո)ր(ա), եւ արձակեցից ՛ի վ(ե)ր(այ) ն(ո)ր(ա) սով. եւ բարձից ՛ի նմանէ զմարդ եւ զանասուն։

Verse: 14   Link to sept   Եւ եթէ իցեն արքն այն երեքին ՛ի միջի ն(ո)ր(ա), նոյ, եւ յովբ, եւ դանիէլ. նոքա արդարութ(եամ)բն իւրեանց ապրեսցին՝ ասէ ադովնայի տ(է)ր։

Verse: 15   Link to sept   Եւ եթէ գազանս չարս ածից ՛ի վ(ե)ր(այ) երկրին՝ եւ պատժեցից զնա, եւ եղիցի յապականու(թ)ի(ւն). մինչեւ անց ո́չ լինիցի ը(նդ) նա յերեսաց գազանաց։

Verse: 16   Link to sept   Եւ այն արք ՛ի միջի ն(ո)ր(ա) իցեն. կենդանի́ եմ ես՝ ասէ ադովնայի տ(է)ր, եթէ իցէ ուստերք ն(ո)ց(ա) եւ դստերք՝ ապրեսցին, այլ ինքեանք ապրեսցին, եւ երկիրն եղիցի́ ՛ի սատակումն։

Verse: 17   Link to sept   Եւ եթէ սուր ածից յերկիրն յայն, եւ ասացից սրոյն անցանել ը(նդ) երկիրն, եւ բարձից ՛ի նոցանէ զմարդ եւ զանասուն։

Verse: 18   Link to sept   Ե արքն այն երեքեան ՛ի միջի ն(ո)ր(ա) իցեն. կենդանի́ եմ ես՝ ասէ ադովնայի տ(է)ր, ո́չ ապրեցուսցեն դուստերս եւ զդստերս, բայց եթէ ինքեանք միայն ապրեսցին։

Verse: 19   Link to sept   Եւ եթէ մա́հ առաքեցից յերկիրն յայն, եւ հեղից զսրտմտու(թ)ի(ւն) իմ ՛ի վ(ե)ր(այ) ն(ո)ր(ա)՝ արեամբ սատակել ՛ի նմանէ զմարդ եւ զանասուն։

Verse: 20   Link to sept   Եւ նոյ, եւ յովբ, եւ դանիէլ ՛ի միջի ն(ո)ր(ա) իցեն. կենդանի́ եմ ես ասէ ադովնայի տ(է)ր, եթէ իցէ ուստերք եւ դստերք ն(ո)ց(ա) մնասցեն. այլ նոքա արդարու(թեամ)բ իւրեանց զանձինս իւրեանց ապրեցուսցեն։

Verse: 21   Link to sept   Այսպէս ասէ ադովնայի տ(է)ր. եւ եթէ զչորեսին իսկ զանհնարին վրէժսն արձակեցից, զսուր, եւ զսով, եւ զգազանս չարս, եւ զմահ ՛ի վ(ե)ր(այ) ե(րուսաղէ)մի, սատակե́լ ՛ի նմանէ զմարդ եւ զանասուն.

Verse: 22   Link to sept   սինլքորքն ապրեալքն ՛ի նմա հանցեն զուստերս եւ զդստերս իւրեանց։ Ահաւասիկ ընդ ն(ո)ս(ա) ելցեն առ ձեզ, եւ տեսջիք զճանապարհս ն(ո)ց(ա) եւ զխորհուրդս ն(ո)ց(ա). եւ զղջանայցէք ՛ի վերայ չարեացն զոր ածի ՛ի վ(ե)ր(այ) ե(րուսաղէ)մի, զա(մենայ)ն զչարիսն զոր ածի ՛ի վ(ե)ր(այ) ն(ո)ր(ա)։

Verse: 23   Link to sept   Եւ մխիթարեսցեն զձեզ. եւ տեսանիցէք զճանապարհս ն(ո)ց(ա) եւ զխորհուրդս ն(ո)ց(ա), եւ ՛ի միտ առնուցուք՝ թէ ո́չ տարապարտուց արարի զամենայնն զոր ինչ արարի ընդ ն(ո)ս(ա)՝ ասէ ադովնայի տ(է)ր։



Chapter: 15  
ԳԼ(ՈՒԽ) Ժ՜Ե.

Վասն փայտէ́ Որթուն։


Section: 11 

Verse: 1   Link to sept   Եւ եղեւ բան տ(եառ)ն առ իս՝ եւ ասէ։

Verse: 2   Link to sept   որդի մարդոյ, զի՞նչ լինիցի փայտ որթուն՝ յա(մենայ)ն փայտից ոստոց որ են ՛ի փայտս անտառի։

Verse: 3   Link to sept   Միթէ առնուցո՞ւն ՛ի նմանէ փայտ մի առնել գիրծի ինչ, կամ առնուցո՞ւն ՛ի նմանէ ցի́ց մի կախել զնմանէ անօթ ինչ։

Verse: 4   Link to sept   Բայց զի ՛ի հրո́յ ծախս տուեալ է. զի ամ ՛ի յամէ զյա́ւտ ն(ո)ր(ա) ծախէ հուր, եւ պակասէ ՛ի սպառ։ միթէ պիտանացո՞ւ ինչ իցէ ՛ի գործ.

Verse: 5   Link to sept   թէպէտ եւ նոյնպէս ողջոյն հատանիցէ, չէ́ ինչ պիտոյ ՛ի գործ. բայց թէ հրո́յ ճարակ լինիցի ՛ի սպառ. եւ ո́չինչ ամենեւին պիտանացու ՛ի գործ։

Verse: 6   Link to sept   Վ(ա)ս(ն) այնորիկ ասա́. այսպէս ասէ ադովնայի տ(է)ր. ո(ր)պ(էս) զփայտ որթուն ՛ի փայտս անտառի ետու ճարա́կ հրոյ, ա́յնպէս տաց զբնակիչսդ ե(րուսաղէ)մի.

Verse: 7   Link to sept   եւ հաստատեցից զերեսս իմ ՛ի վ(ե)ր(այ) ն(ո)ց(ա). ՛ի հրոյ ելցեն՝ եւ հուր կերիցէ զն(ո)ս(ա)։ եւ ծանիցեն թէ ես եմ տ(է)ր։ ՛Ի հաստատել ինձ զերեսս իմ ՛ի վ(ե)ր(այ) ն(ո)ց(ա),

Verse: 8   Link to sept   եւ տաց զերկիրն յապականու(թ)ի(ւն), փոխանակ զի անկան ը(նդ) յանցանօք՝ ասէ ադովնայի տ(է)ր։



Chapter: 16  
ԳԼ(ՈՒԽ) Ժ՜Զ.


Section: 12 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 2   Link to sept   որդի մարդոյ, դի́ր վկայու(թ)ի(ւն) ե(րուսաղէ)մի զանօրէնու(թ)ե(ան)ց ն(ո)ր(ա),

Verse: 3   Link to sept   եւ ասասցես։ Ա́յսպէս ասէ ադովնայի տ(է)ր ցե(րուսաղէ)մ. արմատ քո եւ ծնունդ քո յերկրէն քանանացւոց. եւ հայր քո ամովրհացի, եւ մայր քո քետացի։

Verse: 4   Link to sept   եւ ծնունդ քո յորում աւուր ծնար՝ ո́չ ոք եհար զպորտ քո, եւ ո́չ պնդեցին զստինս քո. եւ ջրով ո́չ լուացար ՛ի փրկու(թ)ի(ւն), եւ աղիւ ո́չ յաղեցար, եւ ՛ի խանձարուրս ո́չ պատեցար։

Verse: 5   Link to sept   Եւ ո́չ խնայեաց ՛ի քեզ ակն իմ, եւ ո́չ արարի քեզ ինչ մի յայսմ ա(մենայ)նէ զգուշանալ, թէ գուցէ́ անցանիցէ ինչ ընդ քեզ։ եւ ընկեցեալ դնէիր ընդ երեսս դաշտին վ(ա)ս(ն) խոտորնակ մտաց քոց։ յաւուրն յորում ծնար

Verse: 6   Link to sept   անցի́ առ քեւ, եւ տեսի արեամբ թաթաւեալ. եւ ասացի ցքեզ՝ կենդանասջի́ր յարենէ քումմէ, եւ կեանք քո յարենէ բազմասջի́ր.

Verse: 7   Link to sept   քանզի իբրեւ զբո́յս ագարակի ետու զքեզ։ եւ բազմացար՝ եւ մեծացար, եւ եկիր մտե́ր դու ՛ի քաղաքս քաղաքաց։ ստինք անկան քո՝ եւ մազք արձակեցան. եւ դու էիր մե́րկ խայտառակ։

Verse: 8   Link to sept   Եւ եկի հասի ՛ի վ(ե)ր(այ) քո, եւ տեսի զքեզ զի հասեալէր ժամանակ քո, եւ ժամանակ խախտողաց քոց։ տարածեցի զթեւս իմ ՛ի վ(ե)ր(այ) քո եւ ծածկեցի́ զխայտառակութի(ւն) քո։ եւ երդուայ քեզ երդումն, եւ յուխտ մտի ը(նդ) քեզ. ասէ ադովնայի տ(է)ր. Եւ եղեր ինձ։

Verse: 9   Link to sept   եւ լուացի զքեզ ջուրբ, եւ սրբեցի զքեզ յարենէ քումմէ, եւ օծի զքեզ իւղով։

Verse: 10   Link to sept   եւ զգեցուցի զքեզ պէսպէսս, եւ ագուցի քեզ զերկնագոյնն, եւ ածի ընդ մէջ քո բեհեզ, եւ արկի զքեւ սնդուս։

Verse: 11   Link to sept   եւ զարդարեցի զքեզ զարդու, եւ եդի ապարանջանս ՛ի ձեռս քո, եւ քառամանեա́կ ՛ի պարանոց քո։

Verse: 12   Link to sept   եդի քեզ գինդս, եւ գորշապահանգս յականջս քո. եւ պսակ պարծանաց ՛ի գլուխ քո։

Verse: 13   Link to sept   եւ զարդարեցար ՛ի զարդ ոսկւոյ եւ արծաթոյ։ Եւ հանդերձ քո բեհեզ եւ զառնաւուխտ եւ ճաճանչանաւուխտ։ եւ կերար նաշիհ եւ եւղ եւ մեղր, եւ եղեր գեղեցիկ յոյժ յոյժ. եւ գրգեցար ՛ի գրգանս թագաւորութե(ան)։

Verse: 14   Link to sept   Եւ ել անուն գեղեցկու(թ)ե(ան) քոյ ընդ ա(մենայ)ն ազգս. զի է́ր կատարեալ վայելչութի(ւն) գեղոյ քոյ զոր յօրինեցի ՛ի վ(ե)ր(այ) քո։ ասէ ադովնայի տ(է)ր։

Verse: 15   Link to sept   Եւ դու գեղապա́նծ եղեր ՛ի գեղ քո, եւ պոռնկեցար ՛ի հոմանիսն քո. եւ տարածեցեր զպոռնկութի(ւն) քո առ ա(մենայ)ն անցաւորս, որոց ո́չ լինէր այնպիսի ինչ։

Verse: 16   Link to sept   Եւ առեր ՛ի հանդերձիցն քոց եւ արարեր քեզ կուռս կարկատունս, եւ պոռնկեցար ընդ ն(ո)ս(ա). եւ մի́ մտցես անդր, զի ո́չ էին՝ եւ ո́չ լիցին։

Verse: 17   Link to sept   եւ առեր զսպաս պարծանացն քոց յոսկւոյն իմոյ եւ յարծաթոյն զոր ետու քեզ, եւ արարեր քեզ պատկերս արուականս, եւ պոռնկեցար ը(նդ) ն(ո)ս(ա)։

Verse: 18   Link to sept   Եւ առեր զհանդերձն գեղե́ցիկ քո՝ եւ արկե́ր զնոքօք. եւ զեւղսն իմ եւ զխունկսն եդիր առաջի երեսաց ն(ո)ց(ա)։

Verse: 19   Link to sept   եւ զհացն իմ զոր ետու քեզ՝ եւ զնաշիհն եւ զեւղ եւ զմեղր զոր ջամբեցի քեզ՝ եդիր առաջի երեսա́ց ն(ո)ց(ա) ՛ի հոտ անուշից։ Եւ եղեւ յետ այնորիկ՝ ասէ ադովնայի տ(է)ր,

Verse: 20   Link to sept   առեր զուստերսն քո եւ զդստերս զոր ինձ ծնար՝ զոհեցեր ն(ո)ց(ա) ՛ի սատակումն։ Իբրեւ զփոքր ինչ համարեցար զպոռնկու(թ)ի(ւն)ն։

Verse: 21   Link to sept   եւ զեներ զորդիսն իմ, եւ արարեր զն(ո)ս(ա) նոցա ջնջոցս։

Verse: 22   Link to sept   եւ այն անհնարի́ն եղեւ քան զա(մենայ)ն պոռնկու(թ)ի(ւն)ս եւ պղծու(թ)ի(ւն)ս քո. եւ ո́չ յիշեցեր զաւուրս տղայու(թ)ե(ան) քոյ, ՛ի ժամանակի յորում էիր մերկ եւ խայտառակեալ, եւ թաւալեալ յարեան քում, ուստի կենդանացարն.

Verse: 23   Link to sept   եւ եղեւ յետ ա(մենայ)ն չարեացն քոց՝ վա́յ վա́յ քեզ՝ ասէ ադովնայի տ(է)ր։

Verse: 24   Link to sept   Եւ շինեցե́ր դու քեզ տուն պոռնկու(թ)ե(ան), եւ արարեր քեզ բագինս յա(մենայ)ն հրապարակս քո։

Verse: 25   Link to sept   եւ ՛ի գլուխս ա(մենայ)ն ճանապարհաց քոց շինեցեր զպոռնկոցս քո, եւ ապականեցեր զգեղ երեսաց քոց, եւ լայնեցա́ր ա(մենայ)ն անցաւորաց ճանապարհի՝ եւ յաճախեցեր զպոռնկու(թ)ի(ւն)ս քո։

Verse: 26   Link to sept   եւ պոռնկեցար ընդ որդիսն եգիպտացւոց սահմանակիցս քո ընդ մեծանգամս. եւ բազմապատիկ պոռնկեցար՝ զի զի́ս բարկացուսցես։

Verse: 27   Link to sept   Արդ՝ եւ ձգեցից զձեռն իմ ՛ի վ(ե)ր(այ) քո եւ բարձի́ց զիրաւունս քո, եւ մատնեցից զքեզ ՛ի ձեռս ատելեաց քոց դստերաց այլազգեացն, որք թիւրէին զքեզ ՛ի ճանապարհէ քումմէ։

Verse: 28   Link to sept   Ամպարշտեցար եւ պոռնկեցար ընդ որդիսն ասորեստանեայց, սակայն եւ ա́յնպէս ո́չ յագեցար։ յաճախեցեր ՛ի պոռնկութի(ւն)ս քո, սակայն եւ ա́յնպէս ո́չ յագեցար։

Verse: 29   Link to sept   յաճախեցեր դաշինս ընդ երկիրն քանանու եւ քաղդեացւոց, համայն եւ ա́յնպէս ո́չ յագեցար։

Verse: 30   Link to sept   Զի՞նչ արարից ը(նդ) դստերս քո. ասէ ադովնայի տ(է)ր. յետ գործելոյ քո զայդ ա(մենայ)ն գործս կնոջ պոռնկի. զի պոռնկեցար բազմապատի́կ ընդ դստերսն քո։

Verse: 31   Link to sept   Եւ շինեցե́ր զպոռնկոցս ՛ի գլուխս ա(մենայ)ն ճանապարհաց, եւ կոթո́ղս կոթողէիր յա(մենայ)ն հրապարակս. եւ ո́չ եղեր իբրեւ զկին մի պոռնիկ որ ժողովէ զկապէնս։

Verse: 32   Link to sept   զի ա(մենայ)ն կին պոռնիկ նմանօղ քո, որ շնայցէ ընդ արամբ իւրով, ո́չ առնու գանձս յառնէ իւրմէ՝ եւ տայ վարձս հոմանեա́ց իւրոց։

Verse: 33   Link to sept   Ամենայն պոռնիկք կապէ́նս առնուն անձանց իւրեանց, եւ դու տայիր վա́րձս սիղեխաց քոց, եւ աւղերձէիր զն(ո)ս(ա) գա́լ առ քեզ յա(մենայ)ն կողմանց ՛ի պոռնկութի(ւն)ս քո։

Verse: 34   Link to sept   եւ եղեւ քեզ ՛ի խոտորնակի քան զա(մենայ)ն կանանց ՛ի պոռնկու(թ)ե(ան) քում. եւ յե́տ քո ո́չ պոռնկեցան։ զի նոքա կապէ́նս առնուն յարանց, եւ դու տայիր վարձս սիղեխաց. եւ եղեւ քեզ այն ՛ի խոտորնակի։

Verse: 35   Link to sept   Վ(ա)ս(ն) այդորիկ պոռնիկ՝ լո́ւր զպատգամս տ(եառ)ն։

Verse: 36   Link to sept   Ա́յսպէս ասէ ադովնայի տ(է)ր. փոխանակ զի հեղեր արկեր զպղինձ քո. եւ յայտնեսցի ամօթ պոռնկութե(ան) քոյ առաջի հոմանեաց քոց. եւ յա(մենայ)ն խորհուրդս անօրէնու(թ)ե(ան)ց քոց, եւ յարիւնս որդւոց քոց զորս տայիր ն(ո)ց(ա)։

Verse: 37   Link to sept   Վ(ա)ս(ն) այնորիկ ահաւասիկ ես ժողովեցի́ց ՛ի վ(ե)ր(այ) քո զա(մենայ)ն հոմանիս քո, ը(նդ) որս դո́ւ խառնակէիր. եւ յարուցից ՛ի վ(ե)ր(այ) քո զա(մենայ)ն սիրելիս եւ զատելիս քո. եւ ժողովեցի́ց պատեցից զնոսա շուրջ զքեւ. եւ յայտնեցից զչարիս քո առաջի ն(ո)ց(ա), եւ տեսցեն զա(մենայ)ն խայտառակու(թ)ի(ւն)ս քո։

Verse: 38   Link to sept   եւ խնդրեցի́ց ՛ի քէն զվրէժ շնացելոյ եւ արիւնահեղի. եւ եդից զքեզ յարիւն քո, եւ եդից զքեզ յարիւն սրտմտու(թ)ե(ան) եւ նախանձու։

Verse: 39   Link to sept   Եւ մատնեցից զքեզ ՛ի ձեռս ն(ո)ց(ա). եւ կործանեսցեն զպոռնկոցս քո, եւ քակեսցեն զկոթողս քո, եւ մերկասցեն ՛ի քէն զհանդերձս քո, եւ առցեն զպսակս պարծանաց քոց. եւ թողցեն զքեզ մե́րկ խայտառակեալ։

Verse: 40   Link to sept   եւ ածցեն ՛ի վ(ե)ր(այ) քո ամբոխ, եւ քարկոծեսցեն զքեզ վիմօք. եւ կոտորեսցեն զքեզ սրով իւրեանց։

Verse: 41   Link to sept   եւ այրեսցեն զտունս քո հրով՝ եւ արասցեն ՛ի քեզ վրէժխնդրութի(ւն) առաջի կանանց բազմաց։ եւ դարձուցից զքեզ ՛ի պոռնկութ(են)է քումմէ, եւ վարձս ո́չ եւս տացես ն(ո)ց(ա)։

Verse: 42   Link to sept   Եւ արձակեցի́ց զսրտմտութի(ւն) իմ ՛ի վ(ե)ր(այ) քո, եւ բարձցի նախանձ իմ ՛ի քէն. եւ հանգեա́յց՝ եւ ո́չ եւս հոգացայց.

Verse: 43   Link to sept   փոխանակ զի ո́չ եւս յիշեցեր զօր տղայութե(ան) քոյ։ եւ տրտմեցուցանէիր զիս ՛ի վ(ե)ր(այ) ա(մենայ)նի այդորիկ. եւ ես ահաւասիկ ըստ ճանապարհացն քոց ետու ՛ի գլուխ քո. ասէ ադովնայի տ(է)ր։ եւ ա́յնպէս արարեր ամպարշտութի(ւն)ս ՛ի վ(ե)ր(այ) ա(մենայ)ն անօրէնու(թ)ե(ան)ց քոց։

Verse: 44   Link to sept   Ա́յս ա(մենայ)ն է զոր մրմնջէին զքէն առակօք՝ եւ ասէին, եթէ ո(ր)պ(էս) մայրն՝ նո́յնպէս եւ դուստրն։

Verse: 45   Link to sept   Արդ՝ դուստր մօրն դո́ւ ես, որ մերժեաց զայր իւր եւ զորդիս իւր, եւ քոյր քերցն քոց որք մերժեցին զարս իւրեանց՝ եւ զորդիս իւրեանց։ Մայր ձեր քետացի, եւ հայր ձեր ամովրահցի.

Verse: 46   Link to sept   եւ քոյր ձեր երէց շամրնի, ինքն եւ դստերք իւր, որ բնակեալէ ՛ի ձախմէ քումմէ. եւ քոյր քո կրսեր, որ բնակեալ է ընդաջմէ քումմէ, սոդոմ եւ դստերք իւր։

Verse: 47   Link to sept   Սակայն ո́չ եւս ըստ ճանապարհաց ն(ո)ց(ա) գնացեր, եւ ո́չ ըստ անօրէնու(թ)ե(ան)ց ն(ո)ց(ա) արարեր. զի փոքր մի առաւե́լ գտար քան զն(ո)ս(ա) յա(մենայ)ն ճանապարհս քո։

Verse: 48   Link to sept   Կենդանի́ եմ ես՝ ասէ ադովնայի տ(է)ր՝ եթէ արար ինչ աւելի սոդոմ քոյրն քո, ի́նքն եւ դստերք իւր, քան զոր արարեր դո́ւ եւ դստերք քո։

Verse: 49   Link to sept   Բայց ա́յս է անօրէնու(թ)ի(ւն) սոդոմայ քեռ քոյ. ամբարտաւանու(թ)ի(ւն), ՛ի լիու(թ)ե(ան) հացի եւ յըղփու(թ)ե(ան) գինւոյ՝ փափկանայր ինքն եւ դստերք իւր. այնո́ւ առաւել էր ինքն եւ դստերք իւր։ Եւ ձեռն յաղքատն եւ ՛ի տնանկն ո́չ կարկառէին.

Verse: 50   Link to sept   մեծամտէին եւ գործէին զանօրէնութի(ւն) առաջի իմ։ իբրեւ զայն տեսի՝ բարձի զնոսա։

Verse: 51   Link to sept   Նա՝ եւ շամրին զկէս յանցանաց քոց ո́չ յանցեաւ. եւ յաճախեցեր զանօրէնու(թ)ի(ւն)ս քո առաւել քան զն(ո)ս(ա), եւ արդարացուցեր զքորս քո յա(մենայ)ն անօրէնու(թ)ի(ւն)ս քո զոր արարեր։

Verse: 52   Link to sept   Եւ արդ ընկա́լ զտանջանս քո որ ապականեցեր զքորսն քո, անօրէնութ(եամ)բքն զոր անօրինեցար առաւել քան զն(ո)ս(ա). եւ արդարացուցեր զն(ո)ս(ա) յո́յժ քան զքեզ։ եւ արդ յամօ́թ լեր եւ կրեա́ զանարգանս ՛ի յարդարացուցանել զքորսն քո քան զքեզ։

Verse: 53   Link to sept   Եւ դարձուցից զդարձուածս ն(ո)ց(ա), զդարձուածս սոդոմայ՝ եւ զդստերաց իւրոց։ եւ դարձուցից զդարձուածս շամրնի, եւ զդստերաց ն(ո)ր(ա)։ եւ դարձուցից զդարձուածս քո ՛ի միջի քո։

Verse: 54   Link to sept   զի ընկալցիս զտանջանս քո, եւ անարգեսցես յա(մենայ)նէ զոր արարեր ՛ի բարկացուցանե́լ զիս։

Verse: 55   Link to sept   Եւ քոյր քո սոդոմ, եւ դստերք իւր անդրէ́ն հաստատեսցին, որպէս եւ էինն իսկզբանէ։ եւ շամրին՝ եւ դստերք իւր հաստատեսցին անդրէն ո(ր)պ(էս) եւ էինն իսկզբանէ։ եւ դու եւ դստերք քո հաստատեսջիք ՛ի նոյն՝ ո(ր)պ(էս) եւ էիք իսկզբանէ։

Verse: 56   Link to sept   Եւ եթէ ո́չ էր սոդոմ քոյր քո համբաւ ՛ի բերան քո՝ յաւուրս հպարտու(թ)ե(ան) քոյ.

Verse: 57   Link to sept   մինչչեւ յայտնեալէին չարիքն քո, ո(ր)պ(էս) այժմդ նախա́տ եղեր դստերացն ասորւոց, եւ ամենեցուն որ շուրջ զնովաւ էին դստերք այլազգեաց, եւ պատեալ շուրջ զքեւ։

Verse: 58   Link to sept   Արդ՝ կրեա́ զամպարշտութի(ւն)ս քո եւ զանօրէնութի(ւն)ս քո՝ ասէ տ(է)ր։

Verse: 59   Link to sept   Զի ա́յսպէս ասէ ադովնայի տ(է)ր, եւ արարից ը(նդ) քեզ՝ ո(ր)պ(էս) արարե́րն, ո(ր)պ(էս) անարգեցեր զայն ա(մենայ)ն անցանել զուխտիւ իմով։

Verse: 60   Link to sept   եւ յիշեցի́ց զուխտն իմ որ ը(նդ) քե́զն էր յաւուրս տղայութե(ան) քոյ. եւ կանգնեցից ինձ ուխտ յաւիտենական։

Verse: 61   Link to sept   եւ յիշեցից զճանապարհսն քո՝ եւ անարգեսցիս, յորժամ զմտա́ւ ածիցես զքորսն քո՝ զերիցունսն հանդերձ կրսերօքն. եւ տաց զն(ո)ս(ա) քեզ ՛ի փորձ, եւ ո́չ ՛ի դաշնաւորս։

Verse: 62   Link to sept   Եւ կանգնեցի́ց ես զուխտ իմ որ ընդ քեզ, եւ ծանիցես թէ ե́ս եմ տ(է)ր։

Verse: 63   Link to sept   զի յիշեսցես՝ եւ ամաչեսցես, եւ մի́ եւս լիցի քեզ բանալ զբերան քո առաջի անարգանաց քոց, ՛ի քաւել ինձ զա(մենայ)ն գործս քո զոր գործեցեր. ասէ ադովնայի տ(է)ր։



Chapter: 17  
ԳԼ(ՈՒԽ) Ժ՜Է.

Առակ վ(ա)ս(ն) Արծուեացն։


Section: 13 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 2   Link to sept   որդի́ մարդոյ՝ պատմեա́ պատմու(թ)ի(ւն), եւ խօսեա́ց առակ առ տունդ ի(սրայէ)լի,

Verse: 3   Link to sept   եւ ասասցես։ Ա́յսպէս ասէ ադովնայի տ(է)ր. արծուին մեծ՝ մեծաթե́ւ երկայնատարած՝ լի́ լիամագիլ որ խորհեցաւ մտանել ՛ի լիբանան, եւ ա́ռ զընտիր ընտիր մայրիցն։

Verse: 4   Link to sept   եւ եհան զմատաղատունկն՝ եւ տարաւ յերկիրն քանանացւոց, եւ տնկեաց զնա ՛ի պարսպաւոր քաղաքին։

Verse: 5   Link to sept   Եւ ա́ռ ՛ի սերմանէ երկրին, եւ ցանեաց ընդ երես դաշտին՝ տունկ մանրատունկ, ընդ առատութ(եամ)բ ջրոյ երեւելի́ առնել կարգեաց զնա։

Verse: 6   Link to sept   եւ բուսա́ւ՝ եւ եղեւ յորթ տկար. եւ փոքր տեսութ(եամ)բ, յերեւե́լ ուռոց իւրոց ՛ի նմա. եւ արմատք ն(ո)ր(ա) ՛ի ներքոյ ն(ո)ր(ա) էին. եւ եղեւ յորթ մեծ. եւ եհան անդ ողկոյզս, եւ արձակեաց զբարունակս իւր։

Verse: 7   Link to sept   Եւ երեւեցաւ ա́յլ արծուի մեծ, մեծաթեւ՝ բազմամագիլ, եւ ահա որթս այս պատեալ է զնովաւ, եւ արմատք սորա ՛ի նմա, եւ ուռք ն(ո)ր(ա) ՛ի ներքոյ ն(ո)ր(ա). եւ առաքեաց արբուցանե́լ զնա հանդերձ բուսով տնկո́յ ն(ո)ր(ա)։ ՛ի գեղեցիկ դաշտին

Verse: 8   Link to sept   ը(նդ) բազում ջրով պարարեսցի, արձակել շառաւիղս, եւ բերել պտո́ւղս, եւ լինել յո́րթ մեծ։

Verse: 9   Link to sept   Վ(ա)ս(ն) այսորիկ ասա́. ա́յսպէս ասէ ադովնայի տ(է)ր, եթէ իցէ աջողեսցի. ոչ ապաքէն արմատք փափկութե(ան) ն(ո)ր(ա), եւ պտուղ ն(ո)ր(ա) նեխեսցին. եւ չորասցին ա(մենայ)ն շառաւիղք ն(ո)ր(ա). եւ ո́չ բազկաւ մեծաւ՝ եւ ո́չ ազգաւ բազմաւ՝ բուռն հարկանել եւ խլե́լ զնա յարմատոց իւրոց։

Verse: 10   Link to sept   Եւ արդ պարարեսցի՞, մի́ յաջողեսցի։ ո՞չ ապաքէն ընդ մերձեալն հողմոյ խորշակի՝ ցամաքեսցի հանդերձ բուսովն եւ շառաւիղօք իւրովք։

Verse: 11   Link to sept   Եւ եղեւ բան տ(եառ)ն առիս՝ եւ ասէ. որդի մարդոյ,

Verse: 12   Link to sept   ասա́ ցտունդ ի(սրայէ)լի տուն դառնացողաց. ո́չ գիտէք զի՞նչ է այդ զոր ասացիդ. յորժամ եկեսցէ թագաւորն բաբելացւոց յե(րուսաղէ)մ, առցէ զթագաւոր ն(ո)ր(ա) եւ զիշխանս, եւ տարցի զն(ո)ս(ա) առ ինքն ՛ի բաբելովն։

Verse: 13   Link to sept   Եւ առցէ ՛ի զաւակէ թագաւորութե(ա)ն, եւ դիցէ ընդ նմա ուխտ, եւ անցուսցէ ընդ նզովս. եւ զիշխանս երկրին առցէ,

Verse: 14   Link to sept   լինել ՛ի թագաւորու(թ)ի(ւն) տկար, ամենեւին ո́չ բարձրանալ. պահե́լ զուխտ ն(ո)ր(ա)՝ եւ կա́լ ՛ի նմին։

Verse: 15   Link to sept   Եւ սա՝ ապստամբեսցի́ ՛ի նմանէ առաքել հրեշտակս յեգիպտոս, տա́լ նմա երիվարս եւ զօրս բազումս։ եթէ իցէ աջողեսցի՞, եթէ իցէ ապրեսցի՞. որ առնէ իրս հակառակս, եւ անցանէ ըս(տ) ուխտ. եթէ իցէ ապրեսցի՞։

Verse: 16   Link to sept   Կենդանի́ եմ ես՝ ասէ ադովնայի տ(է)ր. եթէ ոչ ՛ի տեղւոջ յորում թագաւորն թագաւորեցո́յց զնա. որ անարգեաց զնզովսն իմ, եւ ա́նց ըստ ուխտն իմ որ ընդ նմա. ՛ի մէջ բաբելոնի վախճանեսցի։

Verse: 17   Link to sept   Եւ ո́չ զօրութ(եամ)բ մեծաւ, եւ ո́չ գնդաւ բազմաւ տացէ ընդ նմա պատերազմ փարաւոն. պատնէշս եւ նետակա́լս շինեսցէ սատակել զանձինս բազմաց։

Verse: 18   Link to sept   զի անարգեաց զերդումն, եւ ա́նց զուխտիւն։ եւ ահա ետու ՛ի ձեռս ն(ո)ր(ա), եւ արարի զայս ա(մենայ)ն ընդ նմա, միթէ ապրեսցէ՞։

Verse: 19   Link to sept   Վ(ա)ս(ն) այսորիկ ասա́, ա́յսպէս ասէ ադովնայի տ(է)ր կենդանի́ եմ ես ասէ ադովնայի տ(է)ր՝ եթէ ոչ ըստ ուխտին իմում զորով ա́նց, եւ ըստ երդմանն իմոյ զոր անարգեաց, հատուցից ՛ի գլո́ւխ ն(ո)ր(ա)։

Verse: 20   Link to sept   Եւ սփռեցից ՛ի վ(ե)ր(այ) ն(ո)ր(ա) զվա́րմ իմ, եւ ըմբռնեսցի ընդ պաշարմամբ իմով. եւ ածից զնա ՛ի բաբելոն, եւ անդ դատեցայց ընդ նմա ըստ անիրաւութե(ան) ն(ո)ր(ա) զոր անիրաւեցաւ առ իս.

Verse: 21   Link to sept   եւ ըստ ա(մենայ)ն խուսափանաց ն(ո)ր(ա)։ յա(մենայ)ն պատերազմունս ն(ո)ր(ա) սրո́վ անկցին, եւ զմնացորդս ն(ո)ր(ա) ընդ ա(մենայ)ն հողմս ցրուեցից։ եւ ծանիջիք զի ե́ս տ(է)ր խօսեցայ։

Verse: 22   Link to sept   Վ(ա)ս(ն) այնորիկ ա́յսպէս ասէ ադովնայի տ(է)ր, եւ առից ես յընտիր ընտիր մայրից բարձուսնգակին. եւ տա́ց ես ՛ի գլխոյ շարաւիղացն ն(ո)ր(ա) ՛ի սիրտս ն(ո)ց(ա). քշտեցից եւ տնկեցից ՛ի վ(ե)ր(այ) լերինն բարձու.

Verse: 23   Link to sept   եւ կախեցից զնա զբարձրացեալ լեռնէն ի(սրայէ)լի. տնկեցից՝ եւ ոստս արձակեսցէ եւ պտուղ բերցէ, եւ եղիցի ՛ի մայր մեծ. եւ հանգիցեն ը(նդ) նովաւ ա(մենայ)ն գազանք, եւ ա(մենայ)ն հաւք թռչունք ընդ հովանեա́ւ ն(ո)ր(ա) դադարեսցին. եւ բարունակք ն(ո)ր(ա) ՛ի նմի́ն հաստատեսցին։

Verse: 24   Link to sept   Եւ ծանիցեն ա(մենայ)ն փայտք դաշտի՝ թէ ե́ս եմ տ(է)ր. որ խոնարհեցուցանե́մ զփայտ բարձրացեալ, եւ բարձրացուցանեմ զփայտ խոնարհեալ. ցամաքեցուցանեմ զփայտ դալար, եւ դալարացուցանեմ զփայտ գօսացեալ։ ե́ս տ(է)ր խօսեցայ՝ եւ արարից։



Chapter: 18  
ԳԼ(ՈՒԽ) Ժ՜Ը.


Section: 14 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ զի՞նչ է ձեզ առակդ այդ՝ ՛ի մէջ որդւոցդ ի(սրայէ)լի զոր ասեն. թէ հարք աղո́խ կերան, եւ որդւո́ց ատամունք առան։

Verse: 3   Link to sept   Կենդանի́ եմ ես՝ ասէ ադովնայի տ(է)ր, եթէ լինիցի առակդ այդ որ ասի ՛ի մէջ ի(սրայէ)լի։

Verse: 4   Link to sept   զի ա(մենայ)ն անձինք ի́մ են. ո(ր)պ(էս) անձն հօր՝ նո́յնպէս եւ անձն որդւոյ։ անձն որ մեղիցէ՝ նո́յն եւ մեռցի։

Verse: 5   Link to sept   Այլ մարդն որ արդա́ր իցէ, եւ առնիցէ զիրաւունս եւ զարդարու(թ)ի(ւն)։

Verse: 6   Link to sept   ՛ի վ(ե)ր(այ) լերանց զոհեալ՝ ո́չ ուտիցէ. եւ զաչս իւր ՛ի կուռս տանն ի(սրայէ)լի ո́չ արձակիցէ. եւ զկին ընկերի իւրոյ ո́չ ապականիցէ. եւ ՛ի կին իւր ապարահ ո́չ մերձենայցէ։

Verse: 7   Link to sept   Եւ մարդոյ՝ բուռն ո́չ լինիցի. զգրաւ պարտապանի դարձուցանիցէ. յափշտակու(թ)ի(ւն) ո́չ յափշտակիցէ. զհաց իւր տացէ քաղցելոց, եւ զմերկն զգեցուցանիցէ։

Verse: 8   Link to sept   զարծաթ իւր ՛ի վարձու ո́չ տացէ, եւ տոկոսեօք անդրէն ո́չ պահանջիցէ. յանիրաւու(թեն)է զձեռս իւր դաարձուցանիցէ. դատաստան արդար առնիցէ ընդ այր եւ ընդ ընկեր իւր։

Verse: 9   Link to sept   Ըստ հրամանաց իմոց գնայցէ, զիրաւունս իմ պահիցէ եւ առնիցէ զն(ո)ս(ա). արդա́ր է նա՝ կելով կեցցէ, ասէ ադովնայի տ(է)ր։

Verse: 10   Link to sept   Եւ եթէ ծնանիցի որդի խառնագնաց, արիւնահեղ, եւ առնիցէ զմեղս։

Verse: 11   Link to sept   ՛ի ճանապարհս հօրն իւրոյ արդարոյ՝ ո́չ գնաց. եւ ՛ի վ(ե)ր(այ) լերանց եկեր զոհեալ. եւ զկին ընկերի իւրոյ պղծեաց.

Verse: 12   Link to sept   եւ զաղքատն եւ զտնանկն յաղթահարեաց, եւ յափշտակութի(ւն) յափշտակեաց, եւ զգրաւ ո́չ դարձոյց, եւ ՛ի պաշտօն դից զաչս իւր արձակեաց, անօրէնութի(ւն) գործեաց։

Verse: 13   Link to sept   զարծաթ իւր ՛ի վարձո́ւ ետ, եւ վաշխիւ եւ տոկոսեօք պահամջեաց. նա՝ մի́ կեցցէ որ զայն ա(մենայ)ն անօրէնու(թ)ի(ւն)ս արար՝ մահո́ւ մեռցի. եւ արիւն ն(ո)ր(ա) ՛ի վ(ե)ր(այ) նորի́ն եղիցի։

Verse: 14   Link to sept   Եւ եթէ ծնանիցի որդի՝ եւ տեսանիցէ զա(մենայ)ն մեղս հօր իւրոյ զոր գործեաց. եւ երկիցէ՝ եւ ո́չ արասցէ զնոյնս։

Verse: 15   Link to sept   ՛Ի վ(ե)ր(այ) լերանց զոհեալ ո́չ եկեր. եւ զաչս իւր ՛ի խորհուրդս տանն ի(սրայէ)լի ո́չ արձակեաց. եւ զկին ընկերի իւրոյ ո́չ ապականեաց։

Verse: 16   Link to sept   եւ զմարդ ոք ո́չ յաղթահարեաց. եւ զգրաւ ո́չ գրաւեաց. եւ յափշտակութի(ւն) ո́չ յափշտակեաց։ զհաց իւր ետ քաղցելոց, եւ զմերկն զգեցոյց։

Verse: 17   Link to sept   եւ յանիրաւութ(են)է դարձո́յց զձեռս իւր. վաշխս եւ տոկոսին ո́չ առ։ արդարութի(ւն) գործեաց. եւ ըստ հրամանաց իմոց գնաց. նա՝ մի́ վախճանեսցի յանիրաւութի(ւն)ս հօր իւրոյ, այլ կելո́վ կեցցէ։

Verse: 18   Link to sept   Բայց հայրն ն(ո)ր(ա) թէ նեղելով նեղիցէ, եւ յափշտակելով յափշտակիցէ զեղբայր իւր, հակառակու(թ)ե(ան) գործս գործեաց ՛ի մէջ ժողովրդեան իմոյ. մեռցի́ յանիրաւու(թ)ե(ան) իւրում։

Verse: 19   Link to sept   Եւ ասէք թէ զի՞ է զի ո́չ եհաս անիրաւու(թ)ի(ւն) հօրն՝ որդւոյն։ զի որդին ողորմու(թ)ի(ւն) եւ արդարու(թ)ի(ւն) արար. զա(մենայ)ն օրէնս իմ պահեաց եւ արար զն(ո)ս(ա), կելո́վ կեցցէ։

Verse: 20   Link to sept   Անձն որ մեղիցէ, նոյն եւ մեռցի։ եւ որդի զհօր մեղս մի́ առցէ. եւ մի́ հայր առցէ զանիրաւութի(ւն)ս որդւոյ իւրոյ։ Արդարութի(ւն) արդարոյն՝ ՛ի վ(ե)ր(այ) նորին եղիցի, եւ անօրէնութի(ւն) անօրինին ՛ի վ(ե)ր(այ) նորին եղիցի։

Verse: 21   Link to sept   եւ անօրէնն եթէ դարձցի յա(մենայ)ն անօրէնութե(ան)ց իւրոց զոր արար. եւ պահիցէ զա(մենայ)ն պատուիրանս իմ, եւ արասցէ արդարու(թ)ի(ւն) եւ ողորմու(թ)ի(ւն), կելով կեցցէ, եւ մի́ մեռանիցի։

Verse: 22   Link to sept   ա(մենայ)ն յանցանք ն(ո)ր(ա) զոր գործեալ իցէ, եւ ա(մենայ)ն անիրաւու(թ)ի(ւն)ք ն(ո)ր(ա) զոր անիրաւեալ իցէ՝ մի́ յիշեսցին. այլ արդարու(թեամ)բ իւրով զոր արար՝ կեցցէ։

Verse: 23   Link to sept   Միթէ կամելով կամիցի՞մ զմահ մեղաւորին ասէ տ(է)ր տ(է)ր՝ ո(ր)պ(էս) զդառնալ ն(ո)ր(ա) ՛ի չար ճանապարհէ՝ եւ կեալ։

Verse: 24   Link to sept   ՛Ի դառնալ արդարոյն յարդարու(թեն)է իւրմէ, եւ առնել զանիրաւու(թ)ի(ւն), ըստ ա(մենայ)ն անօրէնու(թ)ե(ան)ց՝ զոր առնիցէ անօրէնն. ա(մենայ)ն արդարու(թ)ի(ւն)ք ն(ո)ր(ա) զոր արար՝ մի́ յիշեսցին։ ՛ի յանցանսն իւր յոր անկաւ, եւ ՛ի մեղս իւր զոր մեղաւ՝ ՛ի նոսին մեռցի։

Verse: 25   Link to sept   Եւ ասէք՝ թէ ո́չ աջո́ղ է ճանապարհ տ(եառ)ն։ արդ լուարո́ւք տունդ ի(սրայէ)լի. միթէ ի՞մ ճանապարհ չիցէ աջող, ոչ ապաքէն ձեր ճանապարհք չե́ն աջող։

Verse: 26   Link to sept   Եւ ՛ի դառնա́լ արդարոյն յարդարու(թեն)է իւրմէ, եւ առնել զանիրաւութի(ւն) մեռցի յանօրէնութե(ա)ն զոր գործեաց։

Verse: 27   Link to sept   Եւ ՛ի դառնալ անօրինին յանօրէնութ(են)է իւրմէ զոր արար, եւ առնիցէ իրաւունս եւ արդարու(թ)ի(ւն), ինքն զանձն իւր ապրեցոյց։

Verse: 28   Link to sept   զի ետե́ս եւ դարձաւ յա(մենայ)ն ամպարշտու(թ)ե(ան)ց իւրոց զոր արար. կելով կեցցէ եւ մի́ մեռցի։

Verse: 29   Link to sept   Եւ ասեն տունդ ի(սրայէ)լի, ո́չ ուղիղ է ճանապարհ տ(եառ)ն։ միթէ ի՞մ ճանապարհ չիցէ ուղիղ տո́ւնդ ի(սրայէ)լի, ոչ ապաքէն ձեր ճանապարհք չեն ուղիղ։

Verse: 30   Link to sept   Վ(ա)ս(ն) այսորիկ զիւրաքանչիւրոք ըստ իւրում ճանապարհի դատեցայց զտունդ ի(սրայէ)լի. ասէ ադովնայի տ(է)ր։ Դարձա́յք եւ դարձարուք յա(մենայ)ն ամպարշտութե(ան)ց ձերոց. եւ ո́չ լինիցի ձեզ ՛ի տանջանս անիրաւութե(ան)։

Verse: 31   Link to sept   ընկեցէ́ք յանձանց ձերոց զա(մենայ)ն ամպարշտու(թ)ի(ւն)ս ձեր զոր ամպարշտեցայք յիս։ եւ արարէ́ք ձեզ սիրտ՝ նոր, եւ ոգի́ նոր. եւ արարէ́ք զա(մենայ)ն զպատուիրանս իմ։ եւ ընդէ՞ր մեռանիք տունդ ի(սրայէ)լի, ասէ տ(է)ր։

Verse: 32   Link to sept   Զի ո́չ կամիմ զմահ մեղուցելոյն՝ ասէ ադովնայի տ(է)ր. այլ զի դարձցի ՛ի ճանապարհաց իւրոց չարեաց, եւ կեցուսցէ զանձն իւր։ արդ՝ եկա́յք դարձարո́ւք՝ եւ կեցէ́ք։



Chapter: 19  
ԳԼ(ՈՒԽ) Ժ՜Թ.

Ողբ ՛ի վերայ իշխանին Իսրայէլի։


Section: 15 

Verse: 1   Link to sept   Եւ դու որդի մարդոյ, ո́ղբս առ ՛ի վ(ե)ր(այ) իշխանին ի(սրայէ)լի.

Verse: 2   Link to sept   եւ ասասցես։ Զի՞ է զի եղեւ մայր քո ՛ի մէջ առիւծուց. կորիւնդ ՛ի մէջ առիւծուց բազմացոյց զկորիւնս իւր.

Verse: 3   Link to sept   եւ զարգացաւ կորիւն մի ՛ի կորեանց ն(ո)ր(ա). եւ առիւծացա́ւ, եւ ուսաւ յափշտակել զյափշտակու(թ)ի(ւն), եւ եղեւ մարդախա́նձ։

Verse: 4   Link to sept   լուա́ն զնմանէ ազգք, ըմբռնեցին զնա յապականութի(ւն). եւ տարան զնա գայլիբերա́ն յերկիրն եգիպտացւոց։

Verse: 5   Link to sept   Եւ ետես զի անջատեցաւ ՛ի նմանէ, եւ կորեա́ւ յոյս ն(ո)ր(ա)։ եւ նա մի́ւս եւս ա́յլ կորիւն ՛ի կորեանց իւրոց առիւծացոյց։

Verse: 6   Link to sept   եւ շրջէր ՛ի մէջ առիւծուց։ Առիւծացաւ, եւ ուսաւ յափշտակել յափշտակութի(ւն), եւ եղեւ մարդախա́նձ։

Verse: 7   Link to sept   որսայր յանդգնութ(եամ)բ իւրով. զքաղաքս կործանէր, եւ զերկիրն լրիւ իւրով ապականէր մռնչելով բարբառոյ իւրոյ։

Verse: 8   Link to sept   Եւ յարեան ՛ի վ(ե)ր(այ) ն(ո)ր(ա) ազգք յիւրաքանչիւր աշխարհաց շուրջանակի, եւ պատեցին զնա թակարդօք յապականու(թ)ի(ւն)։

Verse: 9   Link to sept   գայլիբերա́ն հարին, եւ տարան գայռագղիւ առ արքայն բաբելացւոց, եւ արկին զնա ՛ի բանտ. զի մի́ եւս լուիցի բարբառ ն(ո)ր(ա) ՛ի վերայ լերանցն ի(սրայէ)լի։

Verse: 10   Link to sept   Մայր քո իբրեւ զորթ, եւ իբրեւ զծաղիկ նռնենեաց տնկեալ ՛ի գնացս ջուրց. բոյս ն(ո)ր(ա) եւ պտուղ ն(ո)ր(ա) եղեւ ՛ի ջուրց բազմաց։

Verse: 11   Link to sept   եւ եղեւ ն(ո)ր(ա) գաւազան զօրու(թ)ե(ան) ՛ի վ(ե)ր(այ) ազգին իշխանաց, եւ բարձրացաւ մեծու(թեամ)բ ՛ի մէջ դարաստանաց։ եւ ետե́ս զմեծու(թ)ի(ւն) իւր ՛ի բազմութե(ան) ուռոց իւրոց.

Verse: 12   Link to sept   եւ բեկա́ւ ՛ի բարկութե(ան)՝ եւ յերկիր կործանեցաւ, եւ հողմ խորշակի ցամաքեցոյց զշառաւիղս ն(ո)ր(ա). խնդրեցաւ ՛ի նմանէ վրէ́ժ, եւ ցամաքեցաւ գաւազան զօրութե(ան) ն(ո)ր(ա). եւ հուր մաշեաց զնա։

Verse: 13   Link to sept   Եւ անդ տնկեցին զնա յանապատի յերկրի յանջրդին.

Verse: 14   Link to sept   եւ ել հուր յընտիր ընտիր գաւազանաց նորա՝ եւ եկեր զնա. եւ ո́չ գոյր ՛ի նմա գաւազան զօրու(թ)ե(ան)։ ա́զգ յառակս ողբոց եւ յո́ղբս եղիցի։



Chapter: 20  
ԳԼ(ՈՒԽ) Ի՜.

Առ Ծերս տանն իսրայէլի։


Section: 16 

Verse: 1   Link to sept   Եւ եղեւ յամին եւթներորդի, յամսեանն հինգերորդի որ օր տասն էր ամսոյն. եկին ա́րք ՛ի ծերոց տանն ի(սրայէ)լի հարցանել ՛ի տ(եառ)նէ՝ եւ նստան առաջի իմ։

Verse: 2   Link to sept   Եւ եղեւ բան տ(եառ)ն առիս՝ եւ ասէ.

Verse: 3   Link to sept   որդի մարդոյ՝ խօսեա́ց ընդ ծերսդ տանդ ի(սրայէ)լի՝ եւ ասասցե́ս ցդոսա։ Ա́յսպէս ասէ ադովնայի տ(է)ր. եթէ հարցանե՞լ գայք դուք առ իս. կենդանի́ եմ ես եթէ տաց ինչ ձեզ պատասխանի՝ ասէ ադովնայի տ(է)ր։

Verse: 4   Link to sept   Եթէ իցէ խնդրեցից զվրէժ ն(ո)ց(ա) որդի մարդոյ։ զմեղաց հարց դոցա դի́ր դոցա վկայու(թ)ի(ւն).

Verse: 5   Link to sept   եւ ասասցես ցդոսա։ Ա́յսպէս ասէ տ՝ր տ(է)ր ա(ստուա)ծ. յօրէ յորմէհետէ ցանկացայ ես տանդ ի(սրայէ)լի, եւ ծանուցայ զաւակի տանդ յակոբու. եւ ծանուցայ ն(ո)ց(ա) յերկրին եգիպտացւոց, ձե́ռն ետու ն(ո)ց(ա) եւ ասեմ. ե́ս եմ տ(է)ր ա(ստուա)ծ ձեր։

Verse: 6   Link to sept   յաւուր յայնմիկ ես ձեռն ետու ն(ո)ց(ա) հանել զն(ո)ս(ա) յերկրէն եգիպտացւոց, յերկիրն զոր պատրաստեցի ն(ո)ց(ա). երկիր որ բղխէ զկաթն եւ զմեղր, քա́ղցր քան զա(մենայ)ն երկիր։

Verse: 7   Link to sept   Եւ ասացի ցն(ո)ս(ա). իւրաքանչիւրոք զգարշելիս իւր յաչաց իւրոց ՛ի բա́ց ընկեսցէ, եւ ՛ի գնացսն եգիպտացւոց մի́ պղծիք. ե́ս եմ տ(է)ր ա(ստուա)ծ ձեր։

Verse: 8   Link to sept   Եւ ապստամբեցա́ն յինէն, եւ ո́չ կամեցան լսել ինձ. իւրաքանչիւրոք զգարշելիս իւր յաչաց իւրոց ո́չ ընկէց ՛ի բաց, եւ զգնացսն եգիպտացւոց՝ ո́չ թողին։ եւ ասացի հեղուլ զսրտմտութի(ւն) իմ ՛ի վ(ե)ր(այ) ն(ո)ց(ա), կատարել զբարկութի(ւն) իմ ՛ի ն(ո)ս(ա) ՛ի մէջ եգիպտացւոցն։

Verse: 9   Link to sept   բայց ոչ արարի, զի մի անուն իմ ամենեւին մի́ պղծեսցի առաջի ազգացն յորոց միջի իցեն նոքա. յորս ծանուցայ ն(ո)ց(ա) առաջի ն(ո)ց(ա), հանել զն(ո)ս(ա) յերկրէն եգիպտացւոց։

Verse: 10   Link to sept   Եւ հանի́ զն(ո)ս(ա) յերկրէն եգիպտացւոց՝ եւ ածի զն(ո)ս(ա) յանապատն.

Verse: 11   Link to sept   եւ ետու ն(ո)ց(ա) զհրամանս իմ. եւ զիրաւունս իմ ցուցի ն(ո)ց(ա), զոր առնիցէ մարդ՝ եւ կեցցէ ՛ի ն(ո)ս(ա)։

Verse: 12   Link to sept   եւ զշաբաթս իմ ետու ն(ո)ց(ա) լինել նշանակ ընդ իս եւ ընդ ն(ո)ս(ա). ճանաչե́լ ն(ո)ց(ա) թէ ե́ս եմ տ(է)ր որ սրբեմ զն(ո)ս(ա)։ Եւ ասացի ցտունն ի(սրայէ)լի յանապատի անդ՝ թէ ՛ի հրամանս իմ գնացէ́ք, եւ ո́չ գնացին. եւ զիրաւունս իմ պահեցէ́ք, առնել զն(ո)ս(ա). զոր թէ առնիցէ մարդ՝ կեցցէ նոքօք։

Verse: 13   Link to sept   Եւ դառնացուցին զիս տունն ի(սրայէ)լի յանապատին. ըստ հրամանաց իմոց ո́չ գնացին, եւ զիրաւունս իմ մերժեցի́ն. զոր թէ առնիցէ մարդ՝ կեցցէ նոքօք։ եւ զշաբաթս իմ պղծեցին յոյժ։ Եւ ասացի հեղուլ զսրտմտու(թ)ի(ւն) իմ յանապատին սատակե́լ զն(ո)ս(ա)։

Verse: 14   Link to sept   եւ արարի զի անուն իմ ամենեւին մի́ պղծեսցի առաջի ազգացն յորոց հանի զնոսա յանդիման ն(ո)ց(ա)։

Verse: 15   Link to sept   Եւ ես համբարձի զձեռս իմ ՛ի վ(ե)ր(այ) ն(ո)ց(ա) յանապատին, համօրէն չտանե́լ զն(ո)ս(ա) յերկրին՝ զոր ետու ն(ո)ց(ա). երկիր որ բղխէ զկաթն եւ զմեղր. քա́ղցր քան զա(մենայ)ն երկիր։

Verse: 16   Link to sept   փոխանակ զի զիրաւունս իմ մերժեցին, եւ ըստ հրամանաց իմոց ո́չ գնացին, եւ զշաբաթս իմ պղծեցին։

Verse: 17   Link to sept   Եւ խնայեա́ց ՛ի ն(ո)ս(ա) ակն իմ ջնջել զն(ո)ս(ա). եւ ո́չ արար զնոսա ՛ի վախճան յանապատին։

Verse: 18   Link to sept   եւ ասացի ցնոսա յանապատին. ըստ կրօնից հարցն ձերոց մի́ գնայք, եւ զիրաւունս ն(ո)ց(ա) մի́ պահէք. եւ ՛ի գնացս ն(ո)ց(ա) մի́ խառնակիք եւ մի́ պղծիք։

Verse: 19   Link to sept   Ե́ս եմ տ(է)ր ա(ստուա)ծ ձեր, ըստ հրամանաց իմո́ց գնացէք, եւ զիրաւունս իմ պահեցէ́ք՝ եւ արարէ́ք զն(ո)ս(ա)։

Verse: 20   Link to sept   եւ զշաբաթս իմ սրբեցէ́ք. եւ եղիցի նշանա́կ ընդ իս եւ ընդ ձեզ, ճանաչել ձեզ թէ ես եմ տ(է)ր ա(ստուա)ծ ձեր։

Verse: 21   Link to sept   Դառնացուցին զիս եւ որդիք ն(ո)ց(ա), ըստ հրամանաց իմոց ո́չ գնացին, եւ օրինաց իմոց ո́չ զգուշացան առնել զն(ո)ս(ա)։ զոր թէ առնիցէ մարդ՝ կեցցէ́ նոքօք. եւ զշաբաթս իմ պղծեցին։ եւ ասացի հեղուլ զսրտմտութի(ւն) իմ ՛ի վ(ե)ր(այ) ն(ո)ց(ա) յանապատին, կատարել զբարկու(թ)ի(ւն) իմ ՛ի վ(ե)ր(այ) ն(ո)ց(ա)։

Verse: 22   Link to sept   Եւ դարձուցի զձեռն իմ ՛ի նոցանէ. եւ արարի զի անուն իմ ամենեւին մի́ պղծեսցի առաջի ազգացն՝ յորոց հանի զն(ո)ս(ա) յանդիման ն(ո)ց(ա)։

Verse: 23   Link to sept   Եւ ես ամբարձի զձեռն իմ ՛ի վ(ե)ր(այ) ն(ո)ց(ա) յանապատի անդ, ցրուե́լ զն(ո)ս(ա) ընդ ազգս, եւ ցանե́լ զն(ո)ս(ա) ընդ գաւառս.

Verse: 24   Link to sept   փոխանակ զի զիրաւունս իմ ո́չ արարին, եւ զհրամանս իմ մերժեցին, եւ զշաբաթս իմ պղծեցին. եւ զհետ խորհրդոց հարցն իւրեանց էին աչք ն(ո)ց(ա)։

Verse: 25   Link to sept   Եւ ես ետու ն(ո)ց(ա) հրամանս անբարիս, եւ իրաւունս՝ որովք ո́չ կեցցեն։

Verse: 26   Link to sept   եւ պղծեցից զն(ո)ս(ա) ՛ի պատարագս իւրեանց. ընդ անցանե́լ ինձ ընդ ա(մենայ)ն՝ որ բանայ զարգանդ, զի սատակեցից զն(ո)ս(ա)։ եւ ծանիցեն եթէ ե́ս եմ տ(է)ր։

Verse: 27   Link to sept   Վ(ա)ս(ն) այդորիկ խօսեա́ց ընդ ծերս տանդ ի(սրայէ)լի, որդի մարդոյ՝ եւ ասասցես ցդոսա. Ա́յսպէս ասէ ադովնայի տ(է)ր. մինչեւ ցա́յսչափ բարկացուցին զիս հարքն ձեր յանցանօքն իւրեանց զոր յանցեան առ իս։

Verse: 28   Link to sept   եւ տարայ զն(ո)ս(ա) յերկիրն յոր ամբարձի զձեռն իմ տալ ն(ո)ց(ա) զնա. եւ տեսին անդ զա(մենայ)ն բլուրս բարձր, եւ զա(մենայ)ն ծառ վարսաւոր, եւ զոհեցին անդ դիցն իւրեանց. եւ կարգեցին անդ զոհս պատարագաց իւրեանց. եւ արկին զխունկս անուշու(թ)ե(ան) իւրեանց, եւ նուիրեցին անդ զնուէրս իւրեանց։

Verse: 29   Link to sept   Եւ ասացի ցն(ո)ս(ա). զի՞նչ է աբբանա́յդ այդ յոր դուքդ մտանէք. եւ կոչեցին զանուն ն(ո)ր(ա) աբբանա, մինչեւ ցայսօր ժամանակի։

Verse: 30   Link to sept   Վ(ա)ս(ն) այնորիկ ասա́ ցտունն ի(սրայէ)լի. ա́յսպէս ասէ տ(է)ր տ(է)ր ա(ստուա)ծ, եթէ յանօրէնու(թ)ի(ւն) հարցն ձերոց պղծիք, եւ զհետ գարշելեացն ն(ո)ց(ա) պոռնկիք.

Verse: 31   Link to sept   եւ ՛ի պտուղս պատարագացն ձերոց, եւ յընծայս որդւոցն ձերոց. եւ ՛ի զատուցանել որդւոցն ձերոց ածել զբոցով. պղծիք յա(մենայ)ն խորհուրդս ձեր մինչեւ ցա́յսօր ժամանակի. եւ ես տայցե́մ ձեզ պատասխանի՞ տունդ ի(սրայէ)լի։ Կենդանի́ եմ ես՝ ասէ ադովնայի տ(է)ր, եթէ տաց ձեզ պատասխանի։

Verse: 32   Link to sept   եւ եթէ անկցի յոգիս ձեր այդ, եւ ոչ լիցի ո(ր)պ(էս) դուքդ ասէք, եթէ եղիցուք մեք իբրեւ զհեթանոսս, եւ իբրեւ զազգս երկրի պաշտել զփայտս՝ եւ զքարինս.

Verse: 33   Link to sept   Վ(ա)ս(ն) այդորիկ կենդանի́ եմ ես՝ ասէ ադովնայի տ(է)ր, եթէ ոչ հզօր ձեռամբ եւ բարձրացեալ բազկաւ. եւ հեղեալ ցասմամբ թագաւորեցից ՛ի վերայ ձեր։

Verse: 34   Link to sept   եւ հանից զձեզ յազգաց, եւ ընկալայց զձեզ յաշխարհաց ուր ցրուեալ իցէք ՛ի ն(ո)ս(ա), հզօ́ր ձեռամբ եւ բարձրացեալ բազկաւ, եւ հեղեալ ցասմամբ.

Verse: 35   Link to sept   եւ ածից զձեզ յանապատ ազգացն. եւ դատեցից ընդ ձեզ անդ դէմ յանդիման։

Verse: 36   Link to sept   զոր օրինակ եդի դատ ընդ հարսն ձեր յանապատի անդ՝ յորժամ հանի զն(ո)ս(ա) յերկրէն եգիպտացւոց. ա́յնպէս դատեցայց ընդ ձեզ՝ ասէ տ(է)ր տ(է)ր ա(ստուա)ծ։

Verse: 37   Link to sept   Եւ անցուցից զձեզ ընդ ցպո́վ իմով, եւ մուծից զձեզ ընդ թուով ուխտի իմոյ։

Verse: 38   Link to sept   եւ որոշեցից ՛ի ձէնջ զամպարիշտս եւ զապստամբս. զի ՛ի բնակութ(են)է ն(ո)ց(ա) հանից զնոսա, եւ յերկիրն ի(սրայէ)լի ո́չ մտցեն։ եւ ծանիջիք թէ ե́ս եմ տ(է)ր ա(ստուա)ծ։

Verse: 39   Link to sept   Եւ դուք տունդ ի(սրայէ)լի՝ ա́յսպէս ասէ տ(է)ր տ(է)ր ա(ստուա)ծ. նախ՝ ՛ի բա́ց ընկեցէք զիւրաքանչիւր զգնացս ձեր. եւ ապա թէ լսիցէք ինձ, եւ զանուն իմ ս(ուր)բ ո́չ պղծիցէք պատարագօք ձերովք՝ եւ գնացիւք ձերովք։

Verse: 40   Link to sept   զի ՛ի վերայ լերին սրբոյ իմոյ, եւ ՛ի վ(ե)ր(այ) լերին բարձու ի(սրայէ)լի՝ ասէ տ(է)ր տ(է)ր. ա́նդ ծառայեսցեն ինձ ա(մենայ)ն տունդ ի(սրայէ)լի ՛ի սպառ. եւ անդ ընկալայց, եւ անդ ա́յց արարից ընծայից ձերոց. եւ զպտուղս երախայրեաց ձերոց յա(մենայ)ն սրբութի(ւն)ս ձեր.

Verse: 41   Link to sept   ՛ի հոտ անուշից ընկալայց, հանել զձեզ ՛ի ժողովրդոց, եւ ընդունել զձեզ յաշխարհաց ուր ցրուեալն էիք ՛ի ն(ո)ս(ա). եւ սո́ւրբ եղէց ՛ի ձեզ յանդիման ժողովրդոց։

Verse: 42   Link to sept   Եւ ծանիջիք թէ ես եմ տ(է)ր, ՛ի տանել զձեզ յերկիրն ի(սրայէ)լի, յերկիրն յոր ամբարձի զձեռն իմ տա́լ զնա հարցն ձերոց։

Verse: 43   Link to sept   եւ յիշեսջիք անդ զճանապարհս ձեր եւ զգնացս ձեր, որովք պղծեցայք ՛ի ն(ո)ս(ա). եւ կոծեսջիք զերեսս ձեր ՛ի վ(ե)ր(այ) ա(մենայ)ն անիրաւու(թ)ե(ան)ցն զոր արարէք։

Verse: 44   Link to sept   Եւ ծանիջիք թէ ե́ս եմ տ(է)ր, առնել ձեզ զայն ա́յնպէս. զի մի́ անուն իմ պղծեսցի ըստ ճանապարհաց ձերոց չարաց. եւ ըս(տ) ապականեալ գնացից ձերոց. ասէ ադովնայի տ(է)ր։
Section: 17 

Verse: 45   Link to sept   Եւ եղեւ բան տ(եառ)ն առ իս՝ եւ ասէ.

Verse: 46   Link to sept   որդի մարդոյ՝ հաստատեա́ զերեսս քո ՛ի թեման, եւ հայեա́ց ՛ի դագովն. եւ մարգարեա́ ՛ի վ(ե)ր(այ) անտառի իշխանին նագեբայ։

Verse: 47   Link to sept   եւ ասասցես ցանտառն նագեբայ. լո́ւր զպատգամս տ(եառ)ն. Ա́յսպէս ասէ տ(է)ր տ(է)ր ա(ստուա)ծ, ահաւասիկ ես հարից զքէն հուր, եւ կերիցէ ՛ի քեզ զա(մենայ)ն փայտ դալար եւ զա(մենայ)ն փայտ չոր, եւ ո́չ շրջիցի բոցն բորբոքեալ. եւ այրեսցին ՛ի նմա ա(մենայ)ն դէմք յարեւելից մինչեւ ՛ի հիւսւսի։

Verse: 48   Link to sept   Եւ ծանիցէ ա(մենայ)ն մարմին, եթէ ե́ս տ(է)ր վառեցի զնա՝ եւ ո́չ շիջցի։

Verse: 49   Link to sept   Եւ ասեմ. քա́ւ լիցի տ(է)ր տ(է)ր. եւ նոքա ասեն ցիս, ո՞չ ապաքէն առա́կ է ա́յդ որ ասիդ։



Chapter: 21  
ԳԼ(ՈՒԽ) Ի՜Ա.


Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 2   Link to sept   վ(ա)ս(ն) այդորիկ մարգարեա́ որդի մարդոյ, եւ հաստատեա́ զերեսս քո ՛ի վ(ե)ր(այ) ե(րուսաղէ)մի. եւ հայեա́ց ՛ի սրբու(թ)ի(ւն)ս ն(ո)ց(ա), եւ մարգարէասցիս ՛ի վերայ երկրին ի(սրայէ)լի,

Verse: 3   Link to sept   եւ ասասցե́ս ցերկիրն ի(սրայէ)լի։ Ա́յսպէս ասէ տ(է)ր տ(է)ր ա(ստուա)ծ. ահաւասիկ ես ՛ի վերայ քո, եւ մերկացի́ց զվաղակաւորն իմ ՛ի պատենից իւրոց, եւ սատակեցից ՛ի միջոյ քումմէ զանիրաւն եւ զանօրէնն։

Verse: 4   Link to sept   փոխանակ զի սատակեցից ՛ի քէն զանիրաւն եւ զանօրէնն։ Վ(ա)ս(ն) այնորիկ ելցէ́ վաղակաւորն իմ ՛ի պատենից իւրոց ՛ի վ(ե)ր(այ) ա(մենայ)ն մարմնոյ, յարեւելից մինչեւ ՛ի հիւսւսի։

Verse: 5   Link to sept   եւ ծանիցէ ա(մենայ)ն մարմին թէ ես տ(է)ր մերկացի զվաղակաւորն իմ ՛ի պատենից իւրոց. եւ անդրէն ո́չ եւս դարձցի։

Verse: 6   Link to sept   Եւ դու որդի մարդոյ՝ հեծեծեսջիր բեկեալ միջովք քով, եւ հեծեծեսջիր ցաւովք յանդիման ն(ո)ց(ա)։

Verse: 7   Link to sept   եւ եղիցի թէ ասիցեն ցքեզ՝ վ(ա)ս(ն) է՞ր հեծես, ասասցես՝ զի բօթ լուայ՝ եւ գալոց է. եւ բեկցին ա(մենայ)ն սիրտք, եւ ա(մենայ)ն ձեռք լքցին. եւ ցամաքեսցի ա(մենայ)ն մարմին եւ ա(մենայ)ն շունչ, եւ ա(մենայ)ն երանք ապականեսցին գիջու(թեամ)բ. ահաւասիկ գայ եւ եղիցի, ասէ տ(է)ր տ(է)ր ա(ստուա)ծ։

Verse: 8   Link to sept   Եւ եղեւ բան տ(եառ)ն առ իս՝ եւ ասէ.

Verse: 9   Link to sept   որդի մարդոյ մարգարէա́ց եւ ասասցես. ա́յսպէս ասէ ադովնայի տ(է)ր. եւ ասասցես, սո́ւր սո́ւր՝ սրեա́ց եւ զայրացի́ր,

Verse: 10   Link to sept   զի սպանցես զսպանումն. սրեա́ց՝ ջի́նջ լեր. պատրաստեա́ց ՛ի հաշումն, կոտորեա́. արհամարհեա́ որդեակ իմ. յապաւեա́ զա(մենայ)ն ծառ։

Verse: 11   Link to sept   եւ ետ զնա ՛ի պատրաստ, ունել ՛ի ձեռին իւրում։ սրեցաւ պատրա́ստ է սուրն տալ ՛ի ձեռս կոտորչի։

Verse: 12   Link to sept   Ձա́յն առ, ճի́չ բարձ որդի մարդոյ. զի եկն՝ եհաս այն ՛ի վ(ե)ր(այ) ժողովրդեան իմոյ, եւ ՛ի վ(ե)ր(այ) իշխանացն ի(սրայէ)լի։ պանդուխտք եղիցին, քանզի եհաս սուրն ՛ի վ(ե)ր(այ) ժողովրդեան իմոյ։ վ(ա)ս(ն) այնորիկ ծա́փս հար ձեռամբ քով,

Verse: 13   Link to sept   զի արդարացաւ. եւ զի՞նչ է, ապրիցի՞ ազգն. ո́չ եղիցի՝ ասէ տ(է)ր տ(է)ր։

Verse: 14   Link to sept   Եւ դու որդի մարդոյ մարգարէա́ց, ծա́փս հար ձեռամբ. կրկնեա́ զսուրն, զի երրորդ սուրն վիրաւորա́ց է. սուր վիրաւորացն սաստկացեալ է. եւ զարհուրեցուսցէ զնոսա,

Verse: 15   Link to sept   զի բեկցին սիրտք իւրեանց. բազմասցին տկարացեալք յա(մենայ)ն դրունս ն(ո)ց(ա), զի մատնեցան ՛ի սպանումն սրոյ. գեղեցկացաւ ՛ի փայլիւն, պիտանի եղեւ ՛ի սպասումն։

Verse: 16   Link to sept   Շրջեա́ց յածեա́ց սրեա́ց յաջմէ եւ յահեկէ. զի ուր քո́ երեսք զարթիցեն,

Verse: 17   Link to sept   եւ ես անդ ծա́փս հարից, եւ կայթեցից, եւ արձակեցից զբարբառ իմ. ե́ս տ(է)ր խօսեցայ։
Section: 18 

Verse: 18   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 19   Link to sept   Եւ դու որդի մարդոյ՝ պատրաստեա́ դու քեզ երկուս ճանապարհս, մտանե́լ սրոյ արքային բաբելացւոց. զի ՛ի միոջէ աշխարհէ ելցեն երկու առաջք, եւ ձեռնպատրաստ՝ ե́լ ՛ի գլուխ ճանապարհի քաղաքին։

Verse: 20   Link to sept   Իսկզբան ճանապարհին կարգեսցիս. եւ դու պատրաստեա́ եւ յարդարեա́ ճանապարհ մտանել որոյն ընդ ռաբովթ որդւոցն ամովնայ ՛ի վ(ե)ր(այ) հրէաստանի եւ ՛ի վ(ե)ր(այ) ե(րուսաղէ)մի ՛ի մէջ նորա։

Verse: 21   Link to sept   Զի եկեսցէ կացցէ արքայն բաբելացւոց ՛ի վ(ե)ր(այ) հին ճանապարհին, ՛ի գլուխ երկուց ճանապարհաց, հմա́յս հմայել՝ գաւազանս ընկենուլ. հարցո́ւմն հարցանել ՛ի դրօշելոց, լերդահմա́յ լինել։

Verse: 22   Link to sept   Ընդ աջմէ իւրմէ ելին նմա հմայքն ՛ի վերայ ե(րուսաղէ)մի, արկանել պատնէշ, բերանալի́ր գոչել, բարձրացուցանել զձայն աղաղակի. արկանել խի́ց ՛ի վ(ե)ր(այ) դրանց ն(ո)ր(ա), եւ արկանել հո́ղ եւ շինել նետակալս։

Verse: 23   Link to sept   Եւ նա ն(ո)ց(ա) ա́յնպէս թուիցի՝ ո(ր)պ(էս) հմայիցէ ոք հմա́յս առաջի ն(ո)ց(ա), եւ եւթներորդիցէ նոցա եւթներորդս. եւ ինքն յուշ արասցէ զանիրաւութի(ւն)ս ն(ո)ց(ա) յիշել։

Verse: 24   Link to sept   Վասն այնորիկ ա́յսպէս ասէ տ(է)ր տ(է)ր ա(ստուա)ծ. փոխանակ զի յո́ւշ արարէք զանիրաւու(թ)ի(ւն)ս ձեր, ՛ի յայտնել ամպարշտութե(ան)ցն ձերոց, յերեւել մեղացն ձերոց՝ յա(մենայ)ն ամպարշտութի(ւն)ս ձեր եւ ՛ի գնացս ձեր. փոխանակ զի դուք ինքնի́ն յիշեցուցէք, ՛ի նոսին սատակեսջիք։

Verse: 25   Link to sept   Եւ դու պի́ղծ եւ անօրէն իշխանդ ի(սրայէ)լի, որոյ եկեա́լ է օր վախճանի ՛ի ժամանակի անիրաւութե(ան)։

Verse: 26   Link to sept   Ա́յսպէս ասէ տ(է)ր տ(է)ր. ՛ի բա́ց առ ՛ի քէն զխոյրդ, եւ հա́ն զպսակդ. զի այդ՝ ո́չ այդպէս վճարեսցի. խոնարհեցուցեր զբարձրացեալն, եւ բարձրացուցեր զխոնարհեալն։

Verse: 27   Link to sept   արդ՝ անիրաւութի(ւն) յանիրաւութե(ան)ց վերայ եդից զնա. եւ այդ՝ ո́չ այդպէս եղիցի, մինչեւ եկեսցէ որում անկն է, եւ տա́ց ՛ի ձեռս ն(ո)ր(ա)։


Verse: 28   Link to sept Առ որդիսն Ամովնայ։


   Եւ դո́ւ որդի մարդոյ՝ մարգարէա́ց եւ ասասցես. ա́յսպէս ասէ տ(է)ր տ(է)ր ա(ստուա)ծ ցորդիսն ամովնայ. եւ վ(ա)ս(ն) նախատանացն նոցա ասասցես. սո́ւր՝ սո́ւր հանեալ ՛ի սպասումն, մերկացեալ ՛ի վախճան։

Verse: 29   Link to sept   Զարթի́ր զի փայլեսցես տեսլեամբ նանրու(թ)ե(ան), եւ ՛ի հմայել հմայս ստու(թ)ե(ան). մատնել զնա քեզ, ՛ի պարանոցս վիրաւորացն անօրինացն, որոց եկեալ հասեալ է օր վախճանի ՛ի ժամանակի անիրաւութե(ան)։

Verse: 30   Link to sept   Դա́րձ անդրէն, մի́ աստէն լուծանիր ՛ի տեղւոջ յորում ծնեալդ ես. անդրէն յերկրին քում դատեցա́յց զքեզ։

Verse: 31   Link to sept   եւ հեղից ՛ի վ(ե)ր(այ) քո զբարկութի(ւն) իմ. հրով բարկութե(ան) իմոյ փչեցից ՛ի քեզ, եւ մատնեցից զքեզ ՛ի ձեռս արանց բարբարոսաց՝ որ գործեն զապականութի(ւն)։

Verse: 32   Link to sept   Եւ եղիցես կերակուր հրոյ, եւ արիւն քո եղիցի ՛ի մէջ երկրի քոյ, եւ յիշատակ քո մի́ գտցի. զի ե́ս տ(է)ր խօսեցայ։



Chapter: 22  
ԳԼ(ՈՒԽ) Ի՜Բ.

Առ որդիսն Իսրայէլի։


Section: 19 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   Եւ դո́ւ որդի մարդոյ, եթէ դատիցես՝ դատեսջի́ր զքաղաքն արեանց.

Verse: 3   Link to sept   եւ խայտառակեսցես զա(մենայ)ն զանօրէնութի(ւն)ս ն(ո)ր(ա)՝ եւ ասասցես. Ա́յսպէս ասէ տ(է)ր տ(է)ր ա(ստուա)ծ. ո́ քաղաք որ հեղու զարիւն ՛ի միջի իւրում, ՛ի հասսանել ժամանակի իւրոյ. եւ խորհի խորհուրդ զանձնէ՝ պղծել զանձն իւր

Verse: 4   Link to sept   յարիւնս ն(ո)ց(ա)։ Զո́ւր հեղեր՝ թաթաւեցար, եւ ՛ի խորհուրդսն քո զոր խորհեցար՝ պղծեցար, եւ մերձեցուցեր զաւուրս քո, եւ ածեր զժամանակ ամաց քոց։ վասն այնորիկ ետու զքեզ ՛ի նախատինս ազգաց, եւ յայպն ա(մենայ)ն աշխարհաց։

Verse: 5   Link to sept   որ մօտ ՛ի քեզ էին՝ եւ հեռի́ ՛ի քէն, այպանեսցեն զքեզ՝ եւ ասասցեն, թէ անուանիդ ՛ի պղծութի(ւն) մատնեցար. քանզի յաճախեցեր յանօրէնութի(ւն)ս։

Verse: 6   Link to sept   Ահաւասիկ առաջնորդք տանդ ի(սրայէ)լի, իւրաքանչիւր ընդ մերձաւորս ազգի իւրեանց խառնակէին ՛ի քեզ՝ զի հեղցե́ն արիւն։

Verse: 7   Link to sept   զհայր եւ զմայր անարգէին ՛ի քեզ, եւ ընդ պանդխտին՝ անիրաւու(թեամ)բ գնային ՛ի քեզ. զորբն եւ զայրին բռնադատէին ՛ի քեզ.

Verse: 8   Link to sept   զսրբութի(ւն)ս իմ արհամարհէին, եւ զշաբաթս իմ պղծէին ՛ի քեզ։

Verse: 9   Link to sept   Արք աւազակք կային ՛ի միջի քում զի հեղուցուն ՛ի քեզ արիւն. եւ ՛ի վ(ե)ր(այ) լերանց զոհէին ՛ի քեզ, եւ գործս անսուրբս գործէին ՛ի միջի քում։

Verse: 10   Link to sept   զամօթ հօր յայտնէին ՛ի քեզ, եւ պղծու(թեամ)բ զդաշտանն լլկէին ՛ի քեզ։

Verse: 11   Link to sept   եւ իւրաքանչիւր ՛ի կին ընկերի́ իւրում պղծէին, եւ իւրաքանչիւր զնու իւր պղծէին ամպարշտութ(եամ)բ, եւ իւրաքանչիւր զքոյր իւր զդուստր հօր իւրոյ լլկէին ՛ի քեզ։

Verse: 12   Link to sept   Կաշառս առնուին ՛ի միջի քում զի հեղուցուն արիւն, վաշխս եւ տոկոսիս առնուին ՛ի միջի քում. եւ ածից կատարեցից զվախճան չարեաց քոց ըստ բռնու(թ)ե(ան) քում. քանզի մոռացար զիս՝ ասէ տ(է)ր տ(է)ր։

Verse: 13   Link to sept   Ահաւասիկ հարից ծա́փս զծափի ՛ի վ(ե)ր(այ) գործոցն քոց զոր արարեր, եւ ՛ի վ(ե)ր(այ) արեանցն գործելոց ՛ի միջի քում։

Verse: 14   Link to sept   Եւ եթէ ժուժկալեսցի սիրտ քո. եթէ զօրասցին ձեռք քո յաւուրսն յորս ե́ս արարից ընդ քեզ. ե́ս տ(է)ր խօսեցայ՝ եւ արարից։

Verse: 15   Link to sept   եւ ցրուեցից զքեզ ընդ ազգս՝ եւ ցանեցի́ց զքեզ ընդ գաւառս, եւ պակասեսցէ պղծու(թ)ի(ւն) քո ՛ի քէն։

Verse: 16   Link to sept   ե́ւ ժառանգեցից ՛ի քեզ յանդիման ազգացն։ եւ ծանիջիք թէ ե́ս եմ տ(է)ր։

Verse: 17   Link to sept   Եւ եղեւ բան տ(եառ)ն առ իս՝ եւ ասէ.

Verse: 18   Link to sept   որդի մարդոյ, աւասիկ եղեն ինձ տունդ ի(սրայէ)լի խառնակեալ, ո(ր)պ(էս) խառնակեալ իցէ պղինձ եւ երկաթ, եւ անագ, եւ կապար, եւ արծաթ ՛ի հալոցի։

Verse: 19   Link to sept   Վ(ա)ս(ն) այնորիկ ասա́, ա́յսպէս ասէ տ(է)ր տ(է)ր. փոխանակ զի եղերուք դուք ամենեքեան ՛ի մի խառնակութի(ւն), վ(ա)ս(ն) այնորիկ ես ընկալայց զձեզ ՛ի մէջ ե(րուսաղէ)մի,

Verse: 20   Link to sept   ո(ր)պ(էս) ընդունիցի ոք զարծաթ եւ զպղինձ, զերկաթ եւ զկապար՝ ՛ի մէջ հալոցի փչե́լ ՛ի նա հուր եւ ձուլել. նո́յնպէս ընկալայց զձեզ բարկութ(եամ)բ իմով,

Verse: 21   Link to sept   եւ հաւաքեցից եւ ձուլեցի́ց զձեզ. եւ փչեցից ՛ի ձեզ հոգւով բարկու(թեամ)բ իմով. եւ ձուլեսջիք ՛ի մէջ ն(ո)ր(ա),

Verse: 22   Link to sept   զոր օրինակ ձուլեսցի արծաթ ՛ի մէջ բովոյ, ա́յնպէս ձուլեսջիք ՛ի միջի դորա։ եւ ծանիջիք, թէ ես տ(է)ր հեղի զսրտմտու(թ)ի(ւն) իմ ՛ի վերայ ձեր։
Section: 20 

Verse: 23   Link to sept   Եւ եղեւ բան տ(եառ)ն առ իս՝ եւ ասէ։

Verse: 24   Link to sept   որդի մարդոյ ասա́ ցդա. Դու՝ ա́յն երկիր ես որ ո́չ թանաս. եւ ո́չ եկն անձրեւ ՛ի վ(ե)ր(այ) քո յաւուրս բարկութե(ան)։

Verse: 25   Link to sept   որոյ իշխանք իւր ՛ի միջի իւրում իբրեւ զարիւծունս գոչէին յափշտակել զյափշտակու(թ)ի(ւն)ս. ուտեն զանձինս տնանկաց բռնութ(եամ)բ, եւ առնուն պատիւս անիրաւու(թեամ)բ. եւ բազմացան այրիք ՛ի միջի քում։

Verse: 26   Link to sept   Եւ քահանայք ն(ո)ր(ա) անարգէին զօրէնս իմ եւ պղծէին զսրբու(թ)ի(ւն)ս իմ. եւ զսուրբն ՛ի պղծոյն ո́չ ընտրէին, եւ զարատաւորն յանարատէ անտի ո́չ զատուցանէին. եւ ՛ի շաբաթուց իմոց ծածկէին զաչս իւրեանց, եւ զշաբաթս իմ պղծէին ՛ի միջի նոցա։

Verse: 27   Link to sept   Իշխանք ն(ո)ր(ա) ՛ի միջի նորա իբրեւ զգայլք յափշտակօղք, յափշտակել յափշտակու(թ)ի(ւն)ս, հեղուլ զարիւնս. կորուսանել զանձինս, զի ագահու(թ)ի(ւն) յոյժ ստասցին։

Verse: 28   Link to sept   Եւ մարգարէք ն(ո)ր(ա)՝ որ ծափէին զն(ո)ս(ա) անկցի́ն. որք տեսանէին սնոտիս. ըղձային ն(ո)ց(ա) ստու(թ)ի(ւն), եւ ասէին՝ ա́յսպէս ասէ ադովնայի տ(է)ր. եւ տ(եառ)ն չէ́ր խօսեցեալ։

Verse: 29   Link to sept   զժողովուրդ երկրին տառապեցուցանէին անիրաւու(թեամ)բ, եւ յափշտակէին յափշտակու(թ)ի(ւն)ս. զաղքատն եւ զտնանկն բռնադատէին, ընդ պանդխտին իրաւամբք ո́չ գնային։

Verse: 30   Link to sept   Եւ խնդրեցի ՛ի նոցանէ այր մի որ ուղի́ղ գնայցէ, եւ կայցէ առաջի իմ մտադիւր ՛ի ժամանակի բարկութե(ան)՝ զի մի́ ջնջեցից զն(ո)ս(ա), եւ ո́չ գտի։

Verse: 31   Link to sept   եւ հեղի ՛ի վ(ե)ր(այ) ն(ո)ց(ա) զսրտմտու(թ)ի(ւն) իմ հրով բարկու(թ)ե(ան) իմոյ կատարել ՛ի ն(ո)ս(ա). ըստ ճանապարհաց ն(ո)ց(ա) ետո́ւ ՛ի գլուխս ն(ո)ց(ա) ասէ տ(է)ր տ(է)ր։



Chapter: 23  
ԳԼ(ՈՒԽ) Ի՜Գ.


Section: 21 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի́ մարդոյ. կանայք երկո́ւ էին՝ դստերք միո́յ մօր.

Verse: 3   Link to sept   եւ պոռնկեցան յեգիպտոս ՛ի մանկու(թ)ե(ան) իւրեանց. ա́նդ անկան ստինք իւրեանց. ա́նդ արկան ՛ի կուսու(թեն)է իւրեանց։

Verse: 4   Link to sept   Անուն դստերն երիցու ոողա, եւ քե́ռ ն(ո)ր(ա) ոողիբա։ եւ եղեն ինձ՝ եւ ծնան ուստերս եւ դստերս, եւ անուն ն(ո)ց(ա)՝ անուն շամրնի ոողա, եւ ե(րուսաղէ)մի ոողիբա։

Verse: 5   Link to sept   Եւ պոռնկեցա́ւ ոողայն յինէն. եւ արձակեաց զաչս իւր զհետ հոմանեաց իւրոց, յասորեստանեա́յսն որ մե́րձ էին առ նա.

Verse: 6   Link to sept   ՛ի զգեցեալ հի́րս եւ կարմիրս, յիշխանս եւ ՛ի զօրագլուխս, յերիտասարդս, յընտրեալս յամենեսին, ՛ի սպառազէնս ՛ի հեծեալս յերիվարս։

Verse: 7   Link to sept   Եւ տարածեաց զպոռնկութի(ւն) առ ն(ո)ս(ա), առ ա(մենայ)ն ընտրեալս որդիսն ասորեստանեայց. եւ առ ամենեսին զորոց չոգաւ զկնի ա(մենայ)ն խորհրդովք իւրովք՝ եւ պղծեցաւ։

Verse: 8   Link to sept   Եւ զպոռնկու(թ)ի(ւն) իւր յերկրէն եգիպտացւոց ո́չ եթող. զի ը(նդ) ն(ո)ս(ա) պղծէր ՛ի մանկութ(են)է իւրմէ. եւ նոքա արկին զնա ՛ի կուսու(թեն)է, եւ հեղին ՛ի վ(ե)ր(այ) ն(ո)ր(ա) զպոռնկու(թ)ի(ւն)ս իւրեանց։

Verse: 9   Link to sept   Վ(ա)ս(ն) այնորիկ մատնեցին զնա ՛ի ձեռս հոմանեաց իւրեանց, ՛ի ձեռս որդւոցն ասորեստանեայց զորոց զհետ երթայր։

Verse: 10   Link to sept   Նոքա յայտնեցին զխայտառակու(թ)ի(ւն) ն(ո)ր(ա). զուստերս եւ զդստերս ն(ո)ր(ա) առին, եւ զնա սրով սպանին։ եւ եղեւ խօսք կանանց, եւ խնդրեցին վրէ́ժ ՛ի նմանէ ՛ի դստերս իւր։

Verse: 11   Link to sept   Եւ ետես քոյր ն(ո)ր(ա) ոողիբա. եւ առաւել զանցոյց զաչարձակութի(ւն) ապականու(թ)ե(ան) իւրոյ քան զնորայն. եւ զպոռնկու(թ)ի(ւն) իւր քան զպոռնկու(թ)ի(ւն) քեռ իւրոյ։

Verse: 12   Link to sept   Զի չոգաւ զհետ որդւոցն ասորեստանեայց. իշխանաց եւ զօրավարաց, որ մե́րձ էին առ նա, զգեցելոց հանդերձս ծիրանիս ազնուականս. սպառազինաց հեծելո́ց յերիվարս, երիտասարդաց՝ ընտրելոց ամենեցուն։

Verse: 13   Link to sept   Եւ տեսի զի պոռնկեցան՝ եւ մի ճանապարհ էր երկոցունց։

Verse: 14   Link to sept   Եւ յաւե́լ ՛ի պոռնկութի(ւն)ս իւր. եւ ետես արս նկարեալս յորմս պատկերս քաղդեացւոց՝ նկարեալս գրչաւ ՛ի նկարս.

Verse: 15   Link to sept   ածեալ պէսպէս կամարս ը(նդ) մէջ իւրեանց, եւ խոյրս ներկեալս ՛ի գլուխս իւրեանց. երփն երփն հարկանէր յամենեցունց ՛ի նմանութի(ւն) որդւոցն բաբելացւոց՝ յերկրին քաղդեացւոց՝ յաշխարհն իւրեանց։

Verse: 16   Link to sept   Եւ ակն ե́տ ն(ո)ց(ա) հայեցուածովք աչաց իւրեանց. եւ առաքեաց հրեշտակս առ նոսա յերկիրն քաղդեացւոց։

Verse: 17   Link to sept   եւ եկին առ նա որդիքն բաբելացւոց յանկողինս օթի, եւ պղծեցին զնա ՛ի պոռնկութե(ան) իւրում. եւ պղծեցա́ւ ընդ ն(ո)ս(ա), եւ յափրացա́ւ անձն ն(ո)ր(ա) ՛ի ն(ո)ց(ա)նէ։

Verse: 18   Link to sept   եւ յայտնեաց զպոռնկու(թ)ի(ւն) իւր, եւ առակեաց զամօթ իւր։ Եւ մեկնեցաւ անձն իմ ՛ի նմանէ. ո(ր)պ(էս) եւ մեկնեցաւ անձն իմ ՛ի քեռէ́ ն(ո)ր(ա)։

Verse: 19   Link to sept   Եւ յաճախեցեր զպոռնկութի(ւն) քո յիշեցուցանել զաւուրս մանկու(թ)ե(ան) քոյ յորս պոռնկէիրն յեգիպտոս։

Verse: 20   Link to sept   եւ արձակեցեր զաչս քո առ քաղդեացիսն՝ յիշանդամս եւ ՛ի ձիանդամս։

Verse: 21   Link to sept   Եւ ա́յց արարից անօրէնու(թ)ե(ան) մանկու(թ)ե(ան) քոյ՝ զոր գործէիրն յերկրին եգիպտացւոց յօթեվանս քո. ուր անկա́ն ստինք քո եւ լուծա́ւ կուսութի(ւն) քո։

Verse: 22   Link to sept   Վ(ա)ս(ն) այնորիկ ո́ողիբա՝ այսպէս ասէ ադովնայի տ(է)ր. Ահաւասիկ ես յարուցից ՛ի վ(ե)ր(այ) քո զհոմանիսն յորոց յափրացա́ւ անձն քո, եւ ածից պատեցից զն(ո)ս(ա) զքեւ

Verse: 23   Link to sept   զորդիսն բաբելացւոց, եւ զա(մենայ)ն քաղդեացիսն, զփակուդ եւ զսուէ եւ զկուէ, եւ զա(մենայ)ն որդիսն ասորեստանեայց ընդ ն(ո)ս(ա). զերիտասարդս ընտիրս, զիշխանս, զզօրավարս, զսպառազէնս զանուանիս՝ զհեծեալս յերիվարս։

Verse: 24   Link to sept   Ամենեքին եկեսցեն ՛ի վ(ե)ր(այ) քո ՛ի հիւսւսոյ. կառք եւ անիւք ազգաց բազմու(թ)ե(ան). սաղաւարտաւորք եւ վահանաւորք. եւ արկցեն շուրջ զքեւ պահ. եւ տաց առաջի երեսաց ն(ո)ց(ա) դատաստանս, եւ խնդրեսցեն ՛ի քէն վրէժս դատաստանօք իւրեանց։

Verse: 25   Link to sept   եւ տաց զնախանձ իմ ՛ի քեզ, եւ արասցեն ընդ քեզ ըստ բարկութե(ան) սրտմտու(թ)ե(ան) իմոյ. եւ զունչս եւ զականջս քո կտրեսցեն. եւ զմնացորդս քո սրով կոտորեսցեն, եւ զուստերս քո եւ զդստերս քո առցեն, եւ զմնացորդս քո հրով սատակեսցեն։

Verse: 26   Link to sept   եւ մերկասցեն ՛ի քէն զհանդերձս քո, եւ առցեն զզարդ պարծանաց քոց։

Verse: 27   Link to sept   Եւ դարձուցից զամպարշտութի(ւն)ս քո ՛ի քեզ, եւ զպոռնկութի(ւն)ս քո որ յերկրին եգիպտացւոց. եւ ո́չ ամբառնայցես զաչս քո ՛ի նա, եւ ո́չ եւս յիշեսցես զեգիպտոս։

Verse: 28   Link to sept   Վ(ա)ս(ն) այդորիկ ա́յսպէս ասէ տ(է)ր տ(է)ր. Ահաւադիկ ե́ս մատնեցից զքեզ ՛ի ձեռս ատելեաց յորոց յարփացաւ անձն քո ՛ի նոցանէ։

Verse: 29   Link to sept   եւ գնասցեն ընդ քեզ ատելու(թեամ)բ, եւ առցեն զա(մենայ)ն վաստակս քո եւ զերկս քո. եւ եղիցես մե́րկ եւ խայտառակեալ. եւ յայտնեսցի ամօթ պոռնկու(թ)ե(ան) քոյ. ամպարշտու(թ)ի(ւն)ն քո եւ պոռնկու(թ)ի(ւն) քո

Verse: 30   Link to sept   արարին քեզ զայդ, ՛ի պոռնկելն քում զհետ ազգաց, ուր պղծէիր ՛ի խորհուրդս ն(ո)ց(ա)։

Verse: 31   Link to sept   զճանապարհս քեռ քո գնացեր. եւ տա́ց զբաժակ նորա ՛ի ձեռս քո։

Verse: 32   Link to sept   Ա́յսպէս ասէ տ(է)ր տ(է)ր, զբաժակն քեռ քո արբցես, զխորն եւ զլայնն. եւ եղիցես ՛ի ծաղր եւ ՛ի կատականս. յաճախել կատարել զարբեցութի(ւն)։

Verse: 33   Link to sept   եւ լցցիս լքմամբ։ զբաժակն ապականութե(ան), զբաժակն քեռ քո շամրնի,

Verse: 34   Link to sept   արբցես՝ եւ քամեսցես. եւ զհերս քո խզեսցես, եւ զստինս քո կոծեսցես։ եւ զտօնս քո եւ զամսագլուխս քո դարձուցից ՛ի քէն. զի ե́ս խօսեցայ՝ ասէ ադովնայի տ(է)ր։

Verse: 35   Link to sept   Վ(ա)ս(ն) այդորիկ ա́յսպէս ասէ ադովնայի տ(է)ր. փոխանակ զի մոռացա́ր զիս, եւ ընկեցեր զիս զկնի մարմնոյ քոյ. եւ դու ընկա́լ զամպարշտութի(ւն)ս քո եւ զպոռնկութի(ւն)ս քո։

Verse: 36   Link to sept   Եւ ասէ ցիս տ(է)ր. որդի մարդոյ, եթէ դատեսցիս զոողայն եւ զոողիբայն, եւ պատմեսցես ն(ո)ց(ա) զանօրէնու(թ)ի(ւն)ս իւրեանց։

Verse: 37   Link to sept   զի շնացան՝ եւ արի́ւն է ՛ի ձեռս ն(ո)ց(ա) եւ ՛ի խորհուրդս ն(ո)ց(ա)։ շնային՝ եւ զորդիս իւրեանց զոր ինձ ծնան՝ ածէին զբոցով։

Verse: 38   Link to sept   Մինչ ցաւնչափ եւս արարին ինձ. զի զսրբութի(ւն)ս իմ պղծէին ՛ի նմին աւուր, եւ զշաբաթսն իմ ապականէին՝

Verse: 39   Link to sept   ՛ի զոհե́լ նոցա զորդիս իւրեանց կռոցն իւրեանց։ եւ մտանէին ՛ի նմին աւուր ՛ի սրբութի(ւն)ս իմ եւ պղծէին զնոսա. եւ այսպէս առնէին ՛ի մէջ տան իմոյ։

Verse: 40   Link to sept   Զի եւ արանց եկելոց ՛ի հեռաստանէ, առ որս հրեշտակս արձակէին. իսկ եւ իսկ իբրեւ գային, ՛ի բաղանիս մտանէիր. ՛ի ծանիր եւ ՛ի սնգոյր շպարէիր. եւ զարդարէիր զարդու,

Verse: 41   Link to sept   եւ նստէիր ՛ի գահոյս զարդարեալս. եւ սեղա́ն յօրինեալ՝ եւ դնէիր առաջի. եւ զխունկս իմ եւ զեւղսն առնուիր՝ եւ ուրա́խ լինէիր ը(նդ) ն(ո)ս(ա)։

Verse: 42   Link to sept   եւ ՛ի ձայն արուեստականաց նուագէին։ Եւ առ այն արամբք, ա́յլեւս բազմու(թ)ի(ւն) արանց գինեմոլաց եկելոց յանապատէ, տայի́ր ապարանջանս ՛ի ձեռս ն(ո)ց(ա) եւ պսակ պարծանաց ՛ի գլուխս ն(ո)ց(ա)։

Verse: 43   Link to sept   Եւ ասացի՝ թէ մի́ շնասցի ը(նդ) ն(ո)ս(ա) զգո́րծ պոռնկու(թ)ե(ան). եւ նա պոռնկէր։

Verse: 44   Link to sept   եւ մտանէին առ նա՝ ո(ր)պ(էս) մտանիցեն առ կի́ն պոռնիկ. նոյնպես մտանէին առ ոողայն եւ առ ոողիբայն՝ գործել զանօրէնութի(ւն)։

Verse: 45   Link to sept   Եւ արք արդարք էին նիքա, եւ խնդրեսցեն վրէ́ժս ՛ի նոցանէ, զվրէժ շնացելոց եւ զվրէժ արեան. զի շնացօղք էին, եւ արիւն ՛ի ձեռս ն(ո)ց(ա)։

Verse: 46   Link to sept   Զի՝ ա́յսպէս ասէ տ(է)ր տ(է)ր, ա́ծ ՛ի վ(ե)ր(այ) զօր՝ եւ ա́րկ զնոքօք խռովու(թ)ի(ւն) եւ յափշտակու(թ)ի(ւն)։

Verse: 47   Link to sept   եւ քարաձի́գ լեր ՛ի ն(ո)ս(ա) քարամբք զօրաց, եւ խոցոտեա́ զն(ո)ս(ա) սրովք ն(ո)ց(ա). ոեստերք ն(ո)ց(ա) եւ դստերք կոտորեսցին, եւ զտունս նոցա հրձի́գ արասցեն։

Verse: 48   Link to sept   Եւ դարձուցից զամպարշտութի(ւն)ս յերկրէ. եւ խրատեսցին ա(մենայ)ն կանայք, եւ մի́ եւս արասցեն ըս(տ) ամպարշտութե(ան) ն(ո)ց(ա)։

Verse: 49   Link to sept   Եւ տացի ամպարշտութի(ւն) ձեր ՛ի վերայ ձեր, եւ ըստ խորհրդոց ձերոց ընկալջիք։ եւ ծանիջիք թէ ե́ս եմ տ(է)ր տ(է)ր։



Chapter: 24  
ԳԼ(ՈՒԽ) Ի՜Դ.


Section: 22 

Verse: 1   Link to sept   Եւ եղեւ բան տ(եառ)ն առ իս՝ յամին իններորդի, յամսեանն տասներորդի, որ օր տասն էր ամսոյն։

Verse: 2   Link to sept   Եւ ասէ՝ որդի մարդոյ, գրեա́ դու քեզ զնշան աւուրն, յորմէհետէ եհաս արքայն բաբելացւոց ՛ի վ(ե)ր(այ) ե(րուսաղէ)մի։

Verse: 3   Link to sept   յօրէ յայնմանէ առակեսցես տանն դառնացողաց զառակս զայս, եւ ասասցես ցն(ո)ս(ա). Ա́յսպէս ասէ տ(է)ր տ(է)ր. կառո́ զկաթսայդ, կառո́՝ եւ արկցես ՛ի դմա ջուր։

Verse: 4   Link to sept   եւ դիցես զանդամաթիւդ, զա(մենայ)ն յօշուած գեղեցիկ, զազդր՝ եւ զերի, քանցեալ յոսկերաց,

Verse: 5   Link to sept   առեալ յընտիր ընտիր անասնոց. եւ զոսկերսն ՛ի ներքոյ կաթսային այրեսջիք։ եռա́ց՝ զեղաւ՝ քա́ջ եռաց, եփեցան ոսկերնք ՛ի միջի ն(ո)ց(ա)։

Verse: 6   Link to sept   Վասն այնորիկ ա́յսպէս ասէ ադովնայի տ(է)ր. ո́վ քաղաք արեանց, կաթսա լի ժանգով. եւ ժանգն ՛ի նմանէ ո́չ պարզեցաւ. անդամ անդամ եհան ՛ի նմանէ, եւ վիճակ ո́չ անկաւ ՛ի վ(ե)ր(այ) ն(ո)ր(ա)։

Verse: 7   Link to sept   զի արիւն ն(ո)ր(ա) ՛ի միջի ն(ո)ր(ա) է. ՛ի սալաքարի́ վ(ե)ր(այ) եդի զնա, եւ ո́չ հեղի զնա յերկիր ծածկել զնա հողով։

Verse: 8   Link to sept   մինչեւ ելցէ սրտմտութի(ւն) իմ ՛ի վրէժխնդրութի(ւն) պահանջել զվրէժս. եւ ետու զարիւն ն(ո)ր(ա) ՛ի վ(ե)ր(այ) սալաքարին զի մի ծածկեսցի։

Verse: 9   Link to sept   Վ(ա)ս(ն) այդորիկ այսպէս ասէ ադովնայի տ(է)ր՝ վա́յ քաղաք արեանց. եւ ես զփայտն բազմացուցից, եւ յաճախեցից

Verse: 10   Link to sept   զխանձողն. եւ հուր բորբոքեցից զի միսն հալեսցի, եւ արգանակն նուաղեսցի, եւ ոսկերքն փխրեսցին,

Verse: 11   Link to sept   եւ կացցէ ՛ի վ(ե)ր(այ) կայծականց իւրոց։ Բորբոքեցաւ զի վառեսցի́ ջեռցի́, եւ պղինձ ն(ո)ր(ա) հալեսցի́, եւ ՛ի միջի ն(ո)ր(ա) պղծութի(ւն) ն(ո)ր(ա). եւ պակասեսցի ժանգ ն(ո)ր(ա).

Verse: 12   Link to sept   եւ նուաղեսցի ժանգ ն(ո)ր(ա), եւ մի́ ելցէ ՛ի միջոյ նորա բազում ժանգ ն(ո)ր(ա).. եւ յամօթ լիցի ժանգ ն(ո)ր(ա) պղծու(թեամ)բ արգանակին։

Verse: 13   Link to sept   փոխանակ զի պղծէիր դու, ո́չ սրբեսցիս ՛ի պղծու(թեն)է քումմէ։ եւ զի՞նչ իցէ զի ո́չ սրբեսցի տակաւին, մինչեւ կատարեցից զսրտմտութի(ւն) իմ ՛ի նմա։

Verse: 14   Link to sept   Եւ տ(է)ր խօսեցայ, եւ եկեսցէ եւ արարից՝ եւ ո́չ խորմեցայց, եւ ո́չ ողորմեցայց, եւ ո́չ մխիթարեցայց. այլ ըստ ճանապարհաց քոց՝ եւ ըստ գնացից քոց դատեցայց զքեզ, ասէ ադովնայի տ(է)ր։ Վասն այդորիկ ե́ս դատեցայց զքեզ ըստ արեանց քոց. եւ ըս(տ) խորհրդոց քոց դատեցայց զքեզ պիղծդ եւ անուանարկ, որ յաճախեցեր ՛ի դառնութի(ւն)ս։
Section: 23 

Verse: 15   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 16   Link to sept   որդի մարդոյ, ահաւադիկ ե́ս բառնամ ՛ի քէն զցանկալիս աչաց քոց պատերազմաւ, եւ ո́չ կոծեսցիս, եւ ո́չ լայցես, եւ ո́չ ելանիցէ արտօսր ՛ի քէն։

Verse: 17   Link to sept   Զի հեծու(թ)ի(ւն) արեան միջոյ եւ սգոյ է, եւ ո́չ հիւսցին գէսք քո, եւ կօմիկք քո այդրէն յոտս քո. եւ մի́ մխիթտարեսցիս ՛ի շրթանց ն(ո)ց(ա), եւ զհաց արանց մի́ կերիցես։

Verse: 18   Link to sept   Եւ խօսեցայ ժողովրդեանն ընդ առօաւօտս, ո(ր)պ(էս) հրամայեաց ինձ տ(է)ր։ եւ մեռա́ւ կիոնն իմ յերեկորեայ. եւ արարի ընդ առաւօտն ո(ր)պ(էս) հրամայեցաւ ինձ։

Verse: 19   Link to sept   եւ ասէ ցիս ժողովուրդն. ո́չ պատմես մեզ՝ զի՞նչ է այդ զոր գործեսդ։

Verse: 20   Link to sept   Եւ ասե́մ ցն(ո)ս(ա). բա́ն տ(եառ)ն եղեւ առ իս՝ եւ ասէ.

Verse: 21   Link to sept   ասա́ ցտունդ ի(սրայէ)լի, այսպէս ասէ տ(է)ր տ(է)ր. ահաւադիկ ես պղծեցից զսրբու(թ)ի(ւն)ս իմ, զհպարտու(թ)ի(ւն)Ի զօրու(թ)ե(ան) ձերոյ, զցանկալիս աչաց ձերոց, եւ յորս խնայենն անձինք ձեր. ուստերքն ձեր եւ դստերք ձեր որ ՛ի ձէնջ մնացեալ են՝ ՛ի սո́ւր անկցին։

Verse: 22   Link to sept   եւ արասջիք նո́յնպէս ո(ր)պ(էս) ես արարի. ՛ի բերանոց նոցա մի́ մխիթարիցիք, եւ զհաց արանց ո́չ ուտիցէք։

Verse: 23   Link to sept   եւ վարսք ձեր ՛ի վ(ե)ր(այ) գլխոց ձերոց, եւ կօշիկք ձեր յոտս ձեր։ ո́չ կոծիցիք, եւ ո́չ լայցէք. եւ համեսջիք յանիրաւու(թ)ի(ւն)ս ձեր, եւ ո́չ մխիթարեսցէ իւրաքանչիւրոք զեղբայր իւր։

Verse: 24   Link to sept   Եւ եղիցի ձեզ Եզեկիէլ ՛ի նշան. ըստ ա(մենայ)նի զոր ինչ արար, առնիցէ́ք յորժամ հասանիցէ այդ։ եւ ծանիջիք թէ ե́ս եմ ադովնայի տ(է)ր։

Verse: 25   Link to sept   Եւ դու որդի մարդոյ, ոչ ապաքէն յաւուր յայնմիկ յորժամ բարձի́ց ՛ի նոցանէ զզօրութի(ւն) ն(ո)ց(ա), եւ զհպարտու(թ)ի(ւն) պարծանաց ն(ո)ց(ա), եւ զցանկալիս աչաց ն(ո)ց(ա), եւ զհպարտու(թ)ի(ւն) անձանց ն(ո)ց(ա), զուստերս եւ զդստերս ն(ո)ց(ա)։

Verse: 26   Link to sept   յաւուրն յայնմիկ գայցէ ապրեալն առ քեզ՝ տալ գոյժ յականջս քո։

Verse: 27   Link to sept   Յաւուր յայնմիկ բացցի́ բերան քո առ ապրեալն. խօսեսցիս եւ մի́ եւս համրասցիս, եւ եղիցիս ն(ո)ց(ա) ՛ի նշան։ եւ ծանիցեն եթէ ե́ս եմ տ(է)ր։



Chapter: 25  
ԳԼ(ՈՒԽ) Ի՜Ե.

՛Ի վերայ որդւոցն Ամովնայ։


Section: 24 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 2   Link to sept   Որդի́ մարդոյ՝ հաստատեա́ զերեսս քո ՛ի վ(ե)ր(այ) որդւոցն ամովնայ. մարգարէա́ց ՛ի վ(ե)ր(այ) ն(ո)ց(ա),

Verse: 3   Link to sept   եւ ասասցես ցորդիսն ամովնայ. լուարո́ւք զպարգամս ադովնայի տ(եառ)ն։ Ա́յսպէս ասէ ադովնայի տ(է)ր. փոխանակ զի ոտնհա́ր եղերուք ՛ի վ(ե)ր(այ) սրբու(թ)ե(ան)ց իմոց որ պղծեցան, եւ ՛ի վ(ե)ր(այ) երկրին ի(սրայէ)լի որ ապականեցաւ, եւ ՛ի վ(ե)ր(այ) տանն յուդայ որ գնաց ՛ի գերութի(ւն)։

Verse: 4   Link to sept   Վ(ա)ս(ն) այնորիկ ահաւադիկ ե́ս մատնեմ զձեզ որդւոցն կեդեմայ ՛ի ժառանգու(թ)ի(ւն), եւ բնակեսցեն մեղօքն իւրեանց ՛ի քեզ, եւ կանգնեսցեն զխորանս իւրեանց ՛ի քեզ. նոքա կերիցեն զպտուղ քո, եւ նոքա արբցեն զպարարտութի(ւն) քո։

Verse: 5   Link to sept   եւ տաց զքաղաքն ամովնացւոց յարօտս ուղտուց, եւ զորդիսն ամովնայ յարօտս հօտից։ եւ ծանիցեն թէ ես եմ տ(է)ր։

Verse: 6   Link to sept   Զի ա́յսպէս ասէ տ(է)ր տ(է)ր. փոխանակ զի կայթեցե́ր դու ձեռամբ քով, եւ տոփեցեր ոտամբ քով, եւ ուրա́խ եղեր անձամբ քով ՛ի վ(ե)ր(այ) երկրին ի(սրայէ)լի։

Verse: 7   Link to sept   վ(ա)ս(ն) այնորիկ ահաւադիկ ե́ս ձգեցից զձեռն իմ ՛ի վ(ե)ր(այ) քո, եւ տաց զքեզ ՛ի յափշտակու(թ)ի(ւն) ՛ի մէջ ազգաց, եւ սատակեցի́ց զքեզ ՛ի ժողովրդոց, եւ կորուսից զքեզ ՛ի գաւարաց կորստեմբ։ եւ ծանիցես թէ ե́ս եմ տ(է)ր։


Verse: 8   Link to sept ՛Ի վերայ Մովաբու։


   Ա́յսպէս ասէ ադովնայի տ(է)ր. փոխանակ զի ասացին մովաբ եւ սէիր, թէ ահա ո(ր)պ(էս) ա(մենայ)ն ա́զգ են, նո́յնպէս եւ տունն ի(սրայէ)լի եւ յուդայ։

Verse: 9   Link to sept   Վ(ա)ս(ն) այդորիկ ահաւադիկ ես քակեցի́ց զթիկունս մովաբու ՛ի բարձուանդակաց քաղաքաց իւրոց, զընտիր ընտիր երկիրն՝ զտո́ւն բեթայ եւ զասերովթայ, ՛ի վերոյ քան զաղբեւր քաղաքին առ ծովեզերբն։

Verse: 10   Link to sept   զորդիսն կեդեմայ ՛ի վ(ե)ր(այ) որդւոցն ամոնայ՝ ետու նմա ՛ի ժառանգութի(ւն). զի մի́ եղիցի յիշատակ որդւոցն ամովնայ ՛ի մէջ ազգաց։

Verse: 11   Link to sept   եւ ՛ի մովաբայ վրէ́ժ խնդրեցից։ Եւ ծանիցեն թէ ե́ս եմ տ(է)ր։


Verse: 12   Link to sept ՛Ի վերայ Եդոմայ։


   Ա́յսպէս ասէ ադովնայի տ(է)ր. փոխանակ զի խնդրեաց վրէ́ժ եդոմ ՛ի տանէն յուդայ, եւ ոխակալ եղեն՝ եւ պահանջեցին վրէժս։

Verse: 13   Link to sept   Վ(ա)ս(ն) այդորիկ ա́յսպէս ասէ ադովնայի տ(է)ր. ձգեցից զձեռն իմ ՛ի վ(ե)ր(այ) եդովմայ, եւ սատակեցից ՛ի նմանէ զմա́րդ եւ զանասուն, եւ եդից զնա անապատ. եւ հալածեալք ՛ի թեմանայ անկիցն ՛ի սուր։

Verse: 14   Link to sept   Եւ խնդրեցից վրէժս յեդովմայ ՛ի ձեռն ժողովրդեան իմոյ ի(սրայէ)լի. եւ արասցեն ընդ եդովմ ըստ բարկու(թ)ե(ան) սրտմտու(թ)ե(ան) իմոյ։ Եւ ծանիցեն զվրէժխնդրութի(ւն) իմ, ասէ ադովնայի տ(է)ր։


Verse: 15   Link to sept ՛Ի վերայ Փղղտացւոցն։


   Վ(ա)ս(ն) այդորիկ ա́յսպէս ասէ ադովնայի տ(է)ր. փոխանակ զի ոխակալ եղեն այլազգիքն, եւ յարուցին վրէժխնդրութի(ւն) սրտի մտօք յոտնահարութի(ւն)՝ սատակե́լ մինչեւ յաւիտեան։

Verse: 16   Link to sept   Վ(ա)ս(ն) այնորիկ ա́յսպէս ասէ ադովնայի տ(է)ր. ահաւադիկ ես ձգեցի́ց զձեռն իմ ՛ի վ(ե)ր(այ) այլազգեացդ, եւ սատակեցից զկրետացիսդ, եւ կորուսից զմնացորդս ծովեզերեայցդ։

Verse: 17   Link to sept   եւ խնդրեցից ՛ի նոցանէ վրէժս մեծամեծս կշտամնբութ(եա́մ)բ եւ բարկու(թեամ)բ։ Եւ ծանիցեն թէ ե́ս եմ ադովնայի տ(է)ր, ՛ի պահանջՋել զվրէժխնդրու(թ)ի(ւն) իմ ՛ի նոցանէ։



Chapter: 26  
ԳԼ(ՈՒԽ) Ի՜Զ.

՛Ի վերայ Տիւրոսի։


Section: 25 

Verse: 1   Link to sept   Եւ եղեւ յամին մետասաներորդի որ օր մի էր ամսոյն. եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի մարդոյ, փոխանակ զի ոտնհար եղեւ տիւրոս ՛ի վ(ե)ր(այ) ե(րուսաղէ)մի, եւ ասէ՝ վա́շ վա́շ, զի բեկաւ կորեաւ. առ իս դարձցին ազգքն, որովհետեւ լի́ն աւերեցաւ։

Verse: 3   Link to sept   Վասն այսորիկ ա́յսպէս ասէ ադովնայի տ(է)ր. ահաւադիկ ես ՛ի վ(ե)ր(այ) քո՝ տիւրոս, եւ հանից ՛ի վ(ե)ր(այ) քո ազգս բազումս, ո(ր)պ(էս) ելանէ ծովդ ալեօք իւրովք.

Verse: 4   Link to sept   եւ կործանեսցես զպարիսպս տիւրոսի, եւ կործանեսցեն զաշտարակս ն(ո)ր(ա). եւ հոսեցից զհող նորա ՛ի նմանէ, եւ արարից զնա յապառաժ։

Verse: 5   Link to sept   եւ ձգանք ուռկանաց եղիցի ՛ի մէջ ծովուն։ զի ե́ս խօսեցայ՝ ասէ տ(է)ր տ(է)ր. եւ եղիցի յաւա́ր ազխգացն,

Verse: 6   Link to sept   եւ դստերք ն(ո)ր(ա) ՛ի դաշտի սրով սպանցին։ եւ ծանիցեն թէ ե́ս եմ տ(է)ր։

Verse: 7   Link to sept   Զի ա́յսպէս ասէ ադովնայի տ(է)ր. ահաւադիկ ես ածից ՛ի վ(ե)ր(այ) քո տիւրոս՝ զնաբուքոդոնոսոր արքայ բաբելացւոց ՛ի հիւսւսոյ, որ է արքա́յ արքայից. կառօք եւ երիվարօք, գունդագունդ հեծելօք ազգաց բազմաց յոյժ։

Verse: 8   Link to sept   Նա զդստերս քո ՛ի դաշտի սրո́վ կոտորեսցէ. եւ շուրջ զքեւ պա́հ դիցէ, եւ փո́ս փորեսցէ, եւ պատնէշ կանգնեսցէ. եւ զամրու(թ)ի(ւն) զինուց,

Verse: 9   Link to sept   եւ զգեղարդունս իւր յանդիման քո կանգնեսցէ. եւ զպարիսպ քո եւ զաշտարակս կործանեսցէ սրով իւրով։

Verse: 10   Link to sept   Եւ ՛ի բազմու(թեն)է հեծելոց նորա՝ ծածկեսցէ́ զքեզ փոշի ն(ո)ց(ա)։ ՛ի ձայնէ հեծելոց՝ եւ յանուոց կառաց նոցա շարժեսցին պարիսպք քո ՛ի մտանելն նորա ՛ի դրունս քո, ո(ր)պ(էս) որ մտանիցէ ՛ի դաշտէ ՛ի քաղաք։

Verse: 11   Link to sept   սմբակօք երիվարաց իւրեանց կոխեսցեն զհրապարակս քո, եւ զազգդ քո սրո́վ սատակեսցեն, եւ զհաստատու(թ)ի(ւն) զօրու(թ)ե(ան) քոյ յերկի́ր կործանեսցէ։

Verse: 12   Link to sept   Եւ աւա́ր առցէ զզօրութի(ւն)ս քո, եւ կողոպտեսցէ զիոնչս քո, եւ կործանեսցէ զպարիսպս քո, եւ զցանկալի ապարանս քո տաեպալեսցէ. եւ զքարինս եւ զփայտս եւ զհողն ՛ի ծովն ամասցէ։

Verse: 13   Link to sept   եւ քակտեսցէ զբազմու(թ)ի(ւն) արուեստականաց քոց, եւ ձայն երգոց մի́ եւս լուիցի ՛ի քեզ։

Verse: 14   Link to sept   Եւ արարից զքեզ յապառաժ, եւ եղիցիս ՛ի ձգանս ուռկանաց. եւ մի́ եւս շինեսցիս. զի ես խօսեցայ՝ ասէ ադովնայի տ(է)ր։

Verse: 15   Link to sept   Զի ա́յսպէս ասէ տ(է)ր տ(է)ր ցտիւրոս. ոչ ապաքէն ՛ի ձայնէ կործանման քոյ, ՛ի հեծելոյ վիրաւորաց քոց, ՛ի մերկանալոյ սրոյ ՛ի միջի քում, շարժեսցի́ն կղզիք քո։

Verse: 16   Link to sept   եւ իջցեն յաթոռոց իւրեանց ա(մենայ)ն իշխանք ազգաց ծովուդ, եւ վերացուսցեն զխոյրս իւրեանց ՛ի գլխոց իւրեանց, եւ զպէսպէս հանդերձս իւրեանց մերկասցին, տագնապելո́վ տագնապեսցին. յերկիր կործանեսցին, եւ զարհուրեսցին ՛ի կորստեան իւրեանց, եւ յոգոց հանցեն ՛ի վ(ե)ր(այ) քո։

Verse: 17   Link to sept   ողբս առցեն ՛ի վ(ե)ր(այ) քո՝ եւ ասասցեն. Զիա՞րդ կորեար, քակտեցար ՛ի մէջ ծովու քաղաքդ հոյակապ։ որ եղեր զօրացեալ ՛ի մէջ ծովու՝ դո́ւ եւ բնակիչք քո, որ զարհուրեցուցանէիր զա(մենայ)ն բնակիչս քո։

Verse: 18   Link to sept   եւ երկիցեն կղզիք յօրէ կործանման քո։ եւ խռովեսցին կղզիք ծովուդ ՛ի հերքելոյն քումմէ։

Verse: 19   Link to sept   Զի ա́յսպէս ասէ տ(է)ր տ(է)ր. յորժամ տա́ց զքեզ քաղաքդ յաւերակ, իբրեւ զքաղաքս որ բնա́ւ չիցեն բնակեալ, ՛ի հանել ինձ ՛ի վ(ե)ր(այ) քո զանդունդսն, եւ ծածկեսցեն զքեզ ջուրք բազումք։

Verse: 20   Link to sept   եւ իջուցից զքեզ առ իջեալսն ՛ի խորխորատ, առ ժողովն յաւիտենից. եւ բնակեցուցից զքեզ ՛ի խորս երկրի, իբրեւ զաւերակսն յաւիտենից, ընդ իջեալսն յաւիտենից ՛ի խորխորատ։ Զի մի́ եւս բնակեսցես, եւ մի́ կանգնեսցիս յերկիր կենաց։

Verse: 21   Link to sept   ՛ի կորո́ւստ մատնեցից զքեզ՝ եւ ո́չ եւս իցես. եւ խնդրեսցիս՝ եւ ո́չ գտանիցիս յաւիտեան։



Chapter: 27  
ԳԼ(ՈՒԽ) Ի՜Է.

Ողբք ՛ի վերայ Տիւրոսի։


Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ ո́ղբս առ ՛ի վ(ե)ր(այ) տիւրոսի։

Verse: 3   Link to sept   եւ ասասցես ցտիւրոս. որ բնակեալդ ես ՛ի մուտս ծովուդ վաճառաշահ ազգաց ՛ի կղզեաց բազմաց։ Ա́յսպէս ասէ տ(է)ր տ(է)ր ցտիւրոս. դու ասէիր՝ ե́ս զարդարեցի զիս ՛ի զարդ գեղո́յ իմոյ՝

Verse: 4   Link to sept   ՛ի սիրտ ծովու բէէլիմայ։ Սահմանակիցք քո որդիքն քո զարդարէցին զքեզ։

Verse: 5   Link to sept   մայրք ՛ի սանայր լեռնէ շինեցան քեզ պահանդք, եւ տախտակք նոճիք ՛ի լիբանանէ առան, առնել քեզ կայմս եղեւնափայտեայս։

Verse: 6   Link to sept   ՛ի բասանէ արարին զղեկս նաւաց քոց։ եւ զմեհեանս քո շինեցին ՛ի փղոսկրէից։ ապարանս անտառախիտս ՛ի կղզեաց քետիմացւոց։

Verse: 7   Link to sept   բեհեղ ընդ դիպակի գործեցաւ քեզ. ՛ի պաստառս յեգիպտոսէ՝ արկանելիք քեզ ՛ի փառս, եւ հանդերձ ծիրանի եւ կապուտակ ՛ի կղզեացն յելիմացւոց եղեն ՛ի զարդ պաճուճանաց քոց։

Verse: 8   Link to sept   Եւ իշխանք քո բնակիչք սիդովնացւոց. եւ եղեն արագացիք նաւավարք քո, եւ իմաստունք քո տիւրոս որ եղեն ՛ի քեզ. նոքա եղեն քեզ նաւապւտք։

Verse: 9   Link to sept   եւ ծերքն մատենագէտք, եւ իմաստունք նոցա որ էԵին ՛ի քեզ, նոքա զօրացուցանէին զխորհուրդս քո։ եւ ա(մենայ)ն նաւք ծովուն եւ նաւավարք ն(ո)ց(ա) եղեն քեզ երթալ յարեւմուտս արեւմտից։

Verse: 10   Link to sept   Լիգացիք եւ լիբէացիք թիկունք զօրու(թ)ե(ան) քոյ՝ ա́րք ընտիրք պատերազմօղք, որ կախեցին զվահանս եւ սաղաւարտս իւրեանց ՛ի քեզ, եւ նոքա փառաւորեցին զքեզ։

Verse: 11   Link to sept   Որդիքն արաբգացւոց զօրու(թեամ)բք իւրեանց զպարսպօք քովք պատեալ կային՝ եւ պահէին զաշտարակս քո, զկապարճս իւրեանց կախէին շուրջանակի ՛ի պարիսպս քո. եւ նոքա իսկ բովանդակեցին զգեղեցկու(թ)ի(ւն) քո։

Verse: 12   Link to sept   Կարքեդովնացիք վաճառականք քո ՛ի բազմու(թեն)է ա(մենայ)ն զօրու(թ)ե(ան) քոյ. զարծաթ եւ զոսկի եւ զպղինձ՝ եւ զերկաթ եւ զանագ՝ եւ զկապար ետուն ՛ի վաճառս քո։

Verse: 13   Link to sept   յո́յնք եւ ա(մենայ)ն որ շուրջ զնովաւ էին մարդավաճառք քո, եւ անօթս պղնձիս ետուն ՛ի վաճառս քո։

Verse: 14   Link to sept   Եւ ՛ի տանէ թորգոմայ ձիովք եւ հեծելովք եւ ջորւովք լցին զվաճառս քո։

Verse: 15   Link to sept   որդիքն հռոգացւոց վաճառականք քո յաճախեցին ՛ի կղզեաց զվաճառս քո, ժանեօք փղոսկրէիւք. եւ երթեւեկացն մարդի́կ տայիր ՛ի գինս։

Verse: 16   Link to sept   եւ վաճառք քո բազմացեալք յաղխամաղխէ քումմէ. յափեկայ զտաշխն, եւ երփն երփն նարօտուց ՛ի թարշշայ։ եւ հռամովթ եւ կարքովդ լցի́ն զվաճառս քո։

Verse: 17   Link to sept   Հրէաստան եւ որդիքն ի(սրայէ)լի՝ վաճառականք քո ցորենով՝ եւ խնկովք՝ եւ կասեաւ՝ եւ ընտիր ընտիր մեղու, եւ իւղով, եւ ռետամբ լցին զաղխամաղխեայ վաճառաց քոց։

Verse: 18   Link to sept   դամասկոս վաճառականք քո. եւ բազբաղխի́ եւ ՛ի բազում զօրութ(են)է քումմէ. գինի ՛ի քեզբովնայ, եւ ասր ՛ի միլիտեայ։

Verse: 19   Link to sept   Գան՝ եւ յաւան ՛ի մէովղենա́յ բերէին քեզ գինի ՛ի վաճառս քո։ յասելայ երկա́թ գործեալ անի́ւս պատրաստեալս ՛ի վաճառս քո։

Verse: 20   Link to sept   դեդանացիք վաճառականք քո, ածէին կառս ընտիրս ջորւովք հանդերձ։

Verse: 21   Link to sept   արաբացիք՝ եւ ա(մենայ)ն իշխանք կեդարու, եւ նոքա վաճառականք ընդ ձեռամբ քով՝ ուղտս, եւ խոյս, եւ որոջս՝ վաճառէին ՛ի քեզ։

Verse: 22   Link to sept   Սաբա եւ հռեգմա, եւ նոքա վաճառականք քո. եւղս անուշունս, եւ ականս պատուականս, եւ ոսկի, ետո́ւն ՛ի վաճառս քո։

Verse: 23   Link to sept   խառան, եւ քանան, եւ դադան, եւ նոքա վաճառականք քո։ սաբա, եւ ասուր, եւ քաղման վաճառականք քո։

Verse: 24   Link to sept   որք բերեն քեզ վաճառս ընդ մաքղիմ, եւ ընդ դալիմ՝ հիր, եւ կարմիր, եւ կապուտակ, եւ երփն երփն նարօտուց. եւ գանձս ընտիրս վանդակեալս չուանօք։

Verse: 25   Link to sept   ՛ի նաւս նոճիս, որովք էր վաճառն քո։ նաւք ՛ի բազմութե(ան) վաճառաց քոց, եւ ՛ի յաճախութ(են)է աղխամաղխի քոյ, լցա́ր ծանրացար յոյժ։ ՛Ի սիրտ ծովու

Verse: 26   Link to sept   ՛ի ջուրս բազումս վարեցին զքեզ նաւավարք քո։ հողմ հարաւոյ խորտակեաց զքեզ ՛ի սիրտ ծովու։

Verse: 27   Link to sept   եւ զօորու(թ)ի(ւն)Ի քո, եւ վարձք քո, եւ խառնաղանջիցն քոց, եւ նաւավարք քո, եւ նաւապետք քո, եւ խորհրդականք քո, եւ խառնաղանջք խառնաղանճից քոց. եւ ա(մենայ)ն արք պատերազմօղք քո որ ՛ի քեզ, եւ ա(մենայ)ն ժողովք որ ՛ի միջի քում անկցին ՛ի սիրտ ծովու՝ յաւուր կործանման քոյ։

Verse: 28   Link to sept   ՛Ի ձայնէ բարբառոյ քոյ նաւավարք քո երկիւղիւ զարհուրեսցին.

Verse: 29   Link to sept   եւ իջցեն ՛ի նաւաց իւրեանց. ա(մենայ)ն նաւավարք քո եւ նաւամուտք քո առաջապահք նաւաց, յափն ծովուն կացցեն։

Verse: 30   Link to sept   եւ աղաղակեսցեն ՛ի վ(ե)ր(այ) քո, եւ փոխեսցեն զձայնս իւրեանց. գուժեսցին դառնապէս, հող ՛ի գլո́ւխ լիցին.

Verse: 31   Link to sept   ընդ մոխիր թաւալեսցին. գերծցեն զգլուխս ՛ի կնդութի(ւն), եւ քրձազգածք լիցին, եւ լացցեն ՛ի վ(ե)ր(այ) քո դառնացեալ սրտիւք։

Verse: 32   Link to sept   Կոծ դառնու(թ)ե(ան) առցեն որդիք ն(ո)ց(ա) ՛ի վ(ե)ր(այ) քո, ո́ղբս առցեն եւ ողնբասցեն. Ո́վ էր իբրեւ զտիւրոս որ լռեաց դադարեաց ՛ի մէջ ծովուն։

Verse: 33   Link to sept   որչափ ինչ գտեր քեզ վարձս ՛ի ծովէ այտի. լցուցեր զազգս ՛ի բազմութ(են)է քումմէ, եւ յաղխամաղխէ վաճառաց քոց մեծացուցեր զա(մենայ)ն թագաւորս երկրի։

Verse: 34   Link to sept   Արդ բեկա́ր ՛ի ծովուդ ՛ի խորս ջուրց վաճառք քո. եւ ա(մենայ)ն ժողովք քո ՛ի միջի քում, անկան ա(մենայ)ն նաւավարք քո։

Verse: 35   Link to sept   ա(մենայ)ն բնակիչք կղզեաց տրտմեցան ՛ի վ(ե)ր(այ) քո. եւ թագաւորք ն(ո)ց(ա) զարհուրելով զարհուրեցան. եւ հեղին արտասուք զերեսօք իւրեանց ՛ի վերայ քո։

Verse: 36   Link to sept   վաճառականք ազգաց շչեցին ՛ի վ(ե)ր(այ) քո. ՛ի կորուստ մատնեցար, եւ այլ ո́չ եւս իցես յաւիտեան՝ ասէ́ տ(է)ր ա(ստուա)ծ։



Chapter: 28  
ԳԼ(ՈՒԽ) Ի՜Ը.

՛Ի վերայ Իշխանին Տիւրոսի։


Verse: 1   Link to sept   Եւ եղեւ բա́ն տ(եառ)ն՝ն առ իս՝ եւ ասէ։

Verse: 2   Link to sept   եւ դու որդի մարդոյ՝ ասա́ ցիշխանդ տիւրոսի։ Այսպէս ասէ տ(է)ր տ(է)ր. փոխանակ զի հպարտացաւ սիրտ քո, եւ ասացեր՝ թէ ա(ստուա)ծ եմ ես, եւ զբնակու(թ)ի(ւն)Ի ա(ստուծո)յ բնակեցի ՛ի սիրտ ծովու. մա́րդ ես դու՝ եւ ո́չ ա(ստուա)ծ. եւ ետուր զսիրտ քո իբրեւ զսիրտն ա(ստուծո)յ։

Verse: 3   Link to sept   Միթէ իմաստնագո՞յն իցես քան զդանիէլ, կամ իմաստունք խրատեցին զքեզ հանճարովն իւրեանց։

Verse: 4   Link to sept   միթէ իմաստութ(եամ)բ քով կամ խորհրդով՝ արարեր դու քեզ զօրու(թ)ի(ւն), եւ ստացար ոսկի եւ արծաթ ՛ի գանձս քո։

Verse: 5   Link to sept   կամ բազմութ(եամ)բ իմաստու(թ)ե(ան) քոյ եւ վաճառաց՝ յաճախեցեր զզօրու(թ)ի(ւն) քո, եւ բարձրացա́ւ սիրտ քո զօրու(թեամ)բն քով։

Verse: 6   Link to sept   Վ(ա)ս(ն) այսորիկ ա́յսպէս ասէ տ(է)ր տ(է)ր. վ(ա)ս(ն) զի ետուր զսիրտ քո իբրեւ զսիրտն ա(ստուծո)յ.

Verse: 7   Link to sept   փոխանակ այնորիկ ահաւադիկ ես ածից ՛ի վ(ե)ր(այ) քո օտարս ժանտագործս յազգաց, եւ թափեսցեն զսո́ւր իւրեանց ՛ի քեզ, եւ ՛ի վ(ե)ր(այ) գեղո́յ իմաստութե(ան) քոյ, եւ տարածեսցեն զգեղ քո ՛ի կորտուստ.

Verse: 8   Link to sept   եւ կործանեսցեն զքեզ՝ եւ մեռանիցիս մահու վիրաւորաց ՛ի սիրտ ծովու։

Verse: 9   Link to sept   Միթէ ասելով ասիցես՝ ա(ստուա)ծ եմ ես՝ առաջի վիրագացն քոց. բայց դու մա́րդ ես՝ եւ ո́չ ա(ստուա)ծ. եւ ՛ի բազմու(թ)ե(ան) վիրաւորաց քոց

Verse: 10   Link to sept   մեռելոց անթլփատից մեռանիցիս ՛ի ձեռաց օտարաց. զաի ես խօսեցայ ասէ ադովնայի տ(է)ր։

Verse: 11   Link to sept   Եւ եղեւ բան տ(եառ)ն առ իս՝ եւ ասէ. որդի մարդոյ՝ ո́ղբս առ ՛ի վ(ե)ր(այ) իշխանին տիւրոսի,

Verse: 12   Link to sept   եւ ասասցես ցնա. Այսպէս ասէ տ(է)ր տ(է)ր. դո́ւ ես կնիք նմանութե(ան) լի́ իմաստու(թեամ)բ՝ եւ պսակ գեղեցկութե(ան).

Verse: 13   Link to sept   ՛ի գրգանս դրախտին ա(ստուծո)յ եղեր, եւ զա(մենայ)ն ականս պատուականս ՛ի քե́զ կապեցեր. Զսոարդիոնն. եւ զտպազիոն. եւ զղմրուխտ. եւ զկարկեհան. եւ զշափիղայ. եւ զյասպիսն. զարծաթ եւ զոսկի. եւ զգդոճազմն. զակատն. զմելեսիկն. զոսկեքարն. զբիւրեղն. զեղեգնաքարն։ եւ ոսկւով լցուցեր զգանձս քո, եւ զշտեմարանս քո ՛ի քեզ. յօրէ յորմէ հաստատեցար եւ հանդերձեցար

Verse: 14   Link to sept   ընդ օծելոյ քրոբէին, ետու զքեզ ՛ի լեառն սուրբ ա(ստուծո)յ, եւ եղեր ՛ի մէջ հրեղէն վիմացն։

Verse: 15   Link to sept   Եղյ́եր անարա́տ յաւուրսն քո, յօրէ յորմէ հաստատեցար դու, մինչեւ գտան անիրաւութի(ւն)ք ՛ի քեզ։

Verse: 16   Link to sept   ՛ի բազմութ(են)է վաճառաց քոց լցեր զշտեմարանս քո անիրաւութ(եամ)բք. մեղա́ր՝ վիրաւորեցար։ ՛Ի լեռնէն ա(ստուծո)յ իջոյց զքեզ քերովբն վարսաւոր, ՛ի միջոյ հրրեղէն վիմաց։

Verse: 17   Link to sept   եւ բարձրացաւ սիրտ քո ՛ի գեղեցկու(թ)ե(ան) քում, եւ ապականեցաւ հանճար քո հանդերձ գեղովն քո։ Վ(ա)ս(ն) բազմութե(ան) մեղաց քոց ընկեցի զքեզ յերկիր. յանդիման թագաւորաց ետու զքեզ ՛ի խայտառակու(թ)ի(ւն)։

Verse: 18   Link to sept   վ(ա)ս(ն) բազմու(թ)ե(ան) մեղաց քոց, եւ խարդախու(թ)ե(ան) վաճառաց քոց՝ պղծեցեր զսրբու(թ)ի(ւն)ս քո։ հանից հուր ՛ի միջոյ քումմէ՝ եւ նոյն կերիցէ զքեզ. եւ տա́ց զքեզ ՛ի մոխիր յերկրին քում առաջի ա(մենայ)ն տեսողացն քոց։

Verse: 19   Link to sept   եւ ամենեքին որ ճանաչիցեն զքեզ ՛ի մէջ ազգաց տրտմեսցին վ(ա)ս(ն) քո. զի եղեր ՛ի կորուստ, եւ ո́չ եւս իցես յաւիտեան։

Verse: 20   Link to sept   ՛Ի վերայ Սեդոնի։
   Եւ եղեւ բան տ(եառ)ն առ իս՝ եւ ասէ։

Verse: 21   Link to sept   որդի մարդոյ՝ հաստատեա́ զերեսս քո ՛ի վ(ե)ր(այ) սեդովնի. մարգարէա́ց ՛ի վ(ե)ր(այ) ն(ո)ր(ա),

Verse: 22   Link to sept   եւ ասասցես։ Ա́յսպէս ասէ ադովնայի տ(է)ր. ահաւասիկ ես ՛ի վ(ե)ր(այ) քո սիդոն, եւ փառաւորեցա́յց ես ՛ի քեզ։ եւ ծանիցես թէ ես եմ տ(է)ր յառնել ինձ ՛ի քեզ դատաստանս, եւ ս(ուր)բ եղէց ես ՛ի քեզ։

Verse: 23   Link to sept   Եւ առաքեցից ՛ի վ(ե)ր(այ) քո մահ, եւ արիւն ՛ի հրապարակս քո. եւ անկցին վիրաւորք ՛ի միջի քում, պատեսցին շուրջ զքեւ սրովք։ եւ ծանիցեն թէ ես եմ տ(է)ր։

Verse: 24   Link to sept   Եւ ո́չ եւս եղիցիս տանն ի(սրայէ)լի խո́չ դառնու(թ)ե(ան), եւ փո́ւլշ ցաւոց յամենեցունց որ շուրջանակի անարգեցին զն(ո)ս(ա)։ եւ ծանիցես թէ ես եմ ադովնայի տ(է)ր։

Verse: 25   Link to sept   Ա́յսպէս ասէ ադովնայի տ(է)ր. եւ ժողովեցից զտունն ի(սրայէ)լի յազգաց ուր ցրուեցան անդր. եւ սուրբ եղէց ՛ի նոսա առաջի ազգաց եւ ժողովրդոց. եւ բնակեսցեն յերկրին իւրեանց զոր ետու ծառային իմում յակովբու,

Verse: 26   Link to sept   եւ բնակեսցծեն ՛ի նմա յուսով. շինեսցեն տունս, եւ տնկեսցեն այգիս՝ եւ բնակեսցեն յուսով. յորժամ արարից դատաստան յամենեսին որ շուրջանակի անարգեցին զն(ո)ս(ա)։ Եւ ծանիցեն թէ ե́ս եմ տ(է)ր ա(ստուա)ծ ն(ո)ց(ա), եւ ա(ստուա)ծ հարց ն(ո)ց(ա)։



Chapter: 29  
ԳԼ(ՈՒԽ) Ի՜Թ.

՛Ի վ(ե)ր(այ) Եգիպտոսի, եւ փարաւոնի արքային եգիպտացւոց։


Section: 26 

Verse: 1   Link to sept   Յամին տասներորդի՝ յամսեանն տասներորդի՝ որ օր մի էր ամսոյն, եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ հաստատեա́ զերեսս քո ՛ի վ(ե)ր(այ) փարաւովնի արքային եգիպտացւոց. մարգարէա́ց ՛ի վ(ե)ր(այ) ն(ո)ր(ա)՝ եւ ՛ի վ(ե)ր(այ) ա(մենայ)ն եգիպտոսի,

Verse: 3   Link to sept   խօսեա́ց՝ եւ ասասցես։ Ա́յսպէս ասէ տ(է)ր տ(է)ր, ահաւասիկ ես ՛ի վ(ե)ր(այ) քո փարաւովն արքայ եգիպտացւոց վիշա́պ մեծ՝ որ նստիս ՛ի մէջ գետոց. որ ասես թէ ի́մ են գետքս՝ եւ ե́ս արարի զսոսա։

Verse: 4   Link to sept   Եւ ե́ս արկից գանդանաւանդ ՛ի կզակս քո, եւ մածուցից զձկունս գետոյդ ՛ի թեւս քո, եւ հանից ՛ի միջոյ քումմէ զգետսդ քո. եւ ա(մենայ)ն ձկունք գետոյդ կցեսցին ՛ի թեւս քո։

Verse: 5   Link to sept   եւ կործանեցից զքեզ արագ արա́գ, եւ զա(մենայ)ն ձկունս գետոյդ քոյ։ ընդ երեսս դաշտին անկանիցիս, եւ մի́ ժողովեսցիս, եւ մի́ եւս աւաքեսցիս. զի գազանա́ց երկրի՝ եւ թռչնոց երկնից ետո́ւ զքեզ ՛ի կերակուր։

Verse: 6   Link to sept   Եւ ծանիցեն ա(մենայ)ն բնակչքդ եգիպտացւոց թէ ե́ս եմ տ(է)ր. փոխանակ զի եղեր գաւազան եղեգնեայ տանդ ի(սրայէ)լի.

Verse: 7   Link to sept   եւ յորժամ յենուին ՛ի քեզ՝ ելանէիր ընդ ձեռս ն(ո)ց(ա), եւ յորժամ բուռն հարկանէր զքէն ա(մենայ)ն ձեռն, եւ յորժ2ամ յենուին ՛ի քեզ՝ խորտակէիր եւ բեկաննակէիր զամ(ենայն) մէջս ն(ո)ց(ա)։

Verse: 8   Link to sept   Վ(ա)ս(ն) այնորիկ ա́յսպէս ասէ տ(է)ր տ(է)ր. ահաւադիկ ե́ս ածեմ ՛ի վ(ե)ր(այ) քո սուր, եւ կորուսից ՛ի քէն զմարդ եւ զանասուն։

Verse: 9   Link to sept   եւ եղիցի երկիրդ եգիպտացւոց ՛ի կորուստ՝ եւ յաւերակ. եւ ծանիցես թէ ե́ս եմ տ(է)ր։ փոխանակ զի ասէիր՝ թէ գետքս ի́մ են, եւ ես արարի զնոսա.

Verse: 10   Link to sept   վ(ա)ս(ն) այդորիկ ահաւադիկ ես ՛ի վ(ե)ր(այ) քո՝ եւ ՛ի վ(ե)ր(այ) ա(մենայ)ն գետոցդ քոց, եւ տաց զերկիրդ եգիպտացւոց յաւերակ՝ եւ ՛ի սուր, եւ ՛ի կորուստ, ՛ի մակդովղայ՝ եւ ՛ի սուհենայ մինչեւ ՛ի սահմանս եթւովպացւոց։

Verse: 11   Link to sept   Եւ մի́ անցցէ ընդ նա ոտն մարդոյ. եւ կճղակ անասնոյ մի́ գնասցէ ընդ նա. եւ մի́ բնակսեսցէ ամս քառասուն։

Verse: 12   Link to sept   եւ տաց զերկիրն նորա ՛ի կորուստ ՛ի մէջ աւերակ երկրին. եւ քաղաքք նոցա ՛ի մէջ աւերեալ քաղաքաց. եւ եղիցին յապականու(թ)ի(ւն) ամս քառասուն։ եւ ցրուեցից զեգիպտոս ՛ի մէջ ազգաց. եւ հոսեցից զնոսա ընդ գաւառս։

Verse: 13   Link to sept   Զի ա́յսպէս ասէ տ(է)ր տ(է)ր, յետ ամացն քառասնից ժողովեցից զեգիպտացիս յազգաց ուր ցրուեցան ՛ի ն(ո)ս(ա)։

Verse: 14   Link to sept   եւ դարձուցից զգերութի(ւն) եգիպտացւոցն, եւ բնակեցուցից զն(ո)ս(ա) յերկրին պաթուրէս՝ յերկրին ուստի առան։ եւ եղիցի անդ իշխանու(թ)ի(ւն) մի՝ տառապեալք քան զա(մենայ)ն իշխանու(թ)ի(ւն)ս։

Verse: 15   Link to sept   Եւ եղիցի խոնարհագոյն, եւ մի եւս բարձրասցի ՛ի վ(ե)ր(այ) ազգաց։ եւ սակաւաւո́րս արարից զն(ո)ս(ա), զի մի́ բազմասցին ՛ի մէջ ազգաց։

Verse: 16   Link to sept   եւ մի́ եւս եղիցին տանն ի(սրայէ)լի յոյս յիշատակի անօրէնու(թ)ե(ան), երթալ զհետ սրտից ն(ո)ց(ա)։ եւ ծանիցեն թէ ե́ս եմ ադոնայի տ(է)ր։

Verse: 17   Link to sept   Դարձեալ ՛Ի վերայ Եգիպտոսի։

Verse: 18   Link to sept   Եւ եղեւ ՛ի քսաներորդի եւ յեւթներորդի ամին, որ օր մի էր ամսոյն առաջնոյ. եղեւ բան տ(եառ)ն առ իս՝ եւ ասէ։

Verse: 19   Link to sept   Որդի մարդոյ, նաբուքոդոնոսոր արքայ բաբելացւոց աշխատեցո́յց զզօրս իւր աշխատութ(եամ)բ մեծաւ ՛ի վ(ե)ր(այ) տիւրոսի։ Ա(մենայ)ն գլուխք կնգացեալք՝ եւ ա(մենայ)ն ուսք գերծեալք. եւ վարձք նմա եւ զօրաց ն(ո)ր(ա) ո́չ եղեն առ ՛ի տիւրոսէ ծառայութե(ան)ն՝ զոր ծառայեցին ինձ ՛ի նմա։

Verse: 20   Link to sept   Վ(ա)ս(ն) այնորիկ ա́յսպէս ասէ տ(է)ր տ(է)ր, ահաւասիկ տաց նաբուքոդոնոսորայ արքայի բաբելացւոց զերկիրն եգիպտացւոց։ եւ առցէ զբազմու(թ)ի(ւն) ն(ո)ր(ա), եւ աւարեսցէ զաւար ն(ո)ր(ա), եւ կողոպտեսցէ զկապուտ ն(ո)ր(ա), եւ եղիցի վա́րձ զօրաց ն(ո)ր(ա)։

Verse: 21   Link to sept   փոխանակ հարկին յորում ծառայեաց ինձ ՛ի տիւրոս, ետու նմա զերկիրն եգիպտացւոց ընդ ա(մենայ)նի զոր արարին ինձ։ Ա́յսպէս ասէ տ(է)ր տ(է)ր։

Verse: 22   Link to sept   յաւուր յայնմիկ ծագեսցէ եղջիւր յա(մենայ)ն տանն ի(սրայէ)լի. եւ քեզ տաց բերան բա́ց ՛ի մէջ ն(ո)ց(ա). եւ ծանիցեն թէ ե́ս եմ տ(է)ր։



Chapter: 30  
ԳԼ(ՈՒԽ) Լ՜.


Verse: 1   Link to sept   Եւ եղեւ բա́ն տ(եառ)ն առիս՝ եւ ասէ.

Verse: 2   Link to sept   որդի մարդոյ՝ մարգարեա́ց՝ եւ ասասցես։ Ա́յսպէս ասէ ադովնայի տ(է)ր տ(է)ր. ո́հ ո́հ, օր։

Verse: 3   Link to sept   զի մե́րձ է օր տ(եառ)ն, օր միգի. զի հասեալ է վախճան ազգաց։

Verse: 4   Link to sept   Եւ եկեսցէ́ սուր ՛ի վ(ե)ր(այ) եգիպտացւոց, եւ եղիցի խռովու(թ)ի(ւն) ՛ի կողմանս եթւովպացւոց. եւ անկցին վիրաւորք յեգիպտոս, եւ առցեն զբազմութի(ւն) ն(ո)ր(ա), եւ տապալեսցին հիմունք նորա։

Verse: 5   Link to sept   պարսիկք, եւ կրետացիք, եւ լիդացիք, եւ լիբեացիք, եւ ա(մենայ)ն խառնաղանճքն. եւ յորդւոց ուխտին իմոյ ՛ի նմա սրո́վ կոտորեսցին։

Verse: 6   Link to sept   Ա́յսպէս ասէ ադովնայի տ(է)ր. կործանեսցին մո́յթքն եգիպտացւոց, եւ իջցէ հպարտու(թ)ի(ւն) զօրու(թ)ե(ան) ն(ո)ր(ա), ՛ի մակդովղայ մինչեւ ցսուհէն սրո́վ անկցին ՛ի նմա, ասէ ադովնայի տ(է)ր։

Verse: 7   Link to sept   եւ աւերեսցի ՛ի մէջ ապականեալ աշխարհաց, եւ քաղաքք ն(ո)ց(ա) ՛ի մէջ քաղաքաց աւերելոց։

Verse: 8   Link to sept   Եւ ծանիցեն՝ թէ ե́ս եմ տ՝ր, յորժամ արկից հուր ՛ի վ(ե)ր(այ) եգիպտացւոցն. եւ խորտակեսցին ա(մենայ)ն օգնականք ն(ո)ր(ա)։

Verse: 9   Link to sept   Յաւուրն յայնմիկ ելցեն հրեշտակք յերեսաց իմոց տագնապաւ՝ ապականել զսնոտի յոյսն եթտւովպացւոց, եւ եղիցի խռովու(թ)ի(ւն)Ի ՛ի ն(ո)ս(ա) յաւուրն եգիպտացւոց. քանզի ահաւասիկ հասեալ է։

Verse: 10   Link to sept   Ա́յսպէս ասէ տ(է)ր տ(է)ր. եւ կորուսից զբազմու(թ)ի(ւն) եգիպտացւոցն, ՛ի ձեռն նաբուքոդոնոսորայ արքային բաբելացւոց.

Verse: 11   Link to sept   զնա՝ եւ զազգ ն(ո)ր(ա) ընդ նմա. ժանտագործք յազգաց առաքեսցին կործանել զերկիրն, եւ թափեսցեն զա(մենայ)ն սուրս իւրեանց ՛ի վ(ե)ր(այ) եգիպտոսի, եւ լցցի երկիրն վիրաւորօք։

Verse: 12   Link to sept   Եւ տաց զգետս ն(ո)ր(ա) յանապատ, եւ մատնեցից զերկիրն ՛ի ձեռս չարաց. եւ կորուսից զերկիրն լրիւ իւրով ձեռօք այլազգեաց. զի ես տ(է)ր խօսեցայ։

Verse: 13   Link to sept   Այսպէս ասէ տ(է)ր տ(է)ր. կորուսից զգարշելիսն, եւ դադարեցուցից զմեծամեծս ՛ի մեմփացւոց, եւ զիշխանս յերկրէն եգիպտացւոց, եւ ո́չ եւս լինիցին. եւ արկից ա́հ ՛ի վ(ե)ր(այ) երկրին եգիպտացւոց.

Verse: 14   Link to sept   եւ կորուսից զերկիրն պաթուրէս, եւ արկից հուր զտայանու, եւ խնդրեցից զվրէ́ժ ՛ի դիոսպոլացւոց։

Verse: 15   Link to sept   եւ հեղից զսրտմտու(թ)ի(ւն) իմ ՛ի վ(ե)ր(այ) սասիսայ զօրու(թ)ե(ա)ն եգիպտացւոց, եւ կորուսից զբազմութի(ւն) մեմփացծւոց։

Verse: 16   Link to sept   եւ տաց հուր յեգիպտոս, եւ խռովու(թեամ)բ խպռովեսցի սայիս։ եւ եղիցի քաղաքն դիոսպոլացւոց յերգիծո́ւմն. եւ բղխեսցեն ջուրք։

Verse: 17   Link to sept   Երիտասարդք արեդ քաղաքի եւ բուբաստայ՝ անկցին սրով, եւ կանայք ն(ո)ց(ա) ՛ի գերութի(ւն) վարեսցին։

Verse: 18   Link to sept   եւ խաւարեսցի́ տիւ ՛ի տափնաս, ՛ի փշրել ինձ անդ զգաւազան իշխանու(թ)ե(ան) եգիպտացւոցն։ եւ կորիցէ անդ հպարտութի(ւն) զօրու(թ)ե(ան) ն(ո)ր(ա), եւ զնոյն մէ́գ ծածկեսցէ. եւ դստերք ն(ո)ր(ա) ՛ի գերու(թ)ի(ւն) վարեսցին։

Verse: 19   Link to sept   Եւ արարից դատաստան յեգիպտոս. եւ ծանիցեն թէ ե́ս եմ տ(է)ր։

Verse: 20   Link to sept   Դարձեալ ՛ի վերայ Եգիպտոսի։

Verse: 21   Link to sept   Եւ եղեւ ՛ի մետասաներորդի ամի անդ՝ յամսեանն առաջնում, որ օր եւթն էր ամսոյն. եղեւ բան տ(եառ)ն առ իս եւ ասէ։

Verse: 22   Link to sept   Որդի մարդոյ, զբազուկս փարաւովնի արքային եգիպտացւոց խորտակեցից, եւ ահա ո́չ եւս պատեսցի ՛ի բժշկու(թ)ի(ւն). եւ ո́չ տացին ՛ի վ(ե)ր(այ) ն(ո)ր(ա) դեղք, կամ թէ զօրանայցէ առնուլ սուր ՛ի ձեռին։

Verse: 23   Link to sept   Վ(ա)ս(ն) այսորիկ ա́յսպէս ասէ տ(է)ր տ(է)ր. ահաւասիկ ես ՛ի վ(ե)ր(այ) փարաւոնի արքային եգիպտացւոց, եւ խորտակեցից զբազուկս ն(ո)ր(ա) հզօրս, զնեարդապատս եւ զաճառապատս. եւ ընկեցից զսուրն ՛ի ձեռանէ նորա։

Verse: 24   Link to sept   եւ ցրուեցից զեգիպտոս ընդ ազգս, եւ հոսեցի́ց զն(ո)ս(ա) ընդ գաւառս։

Verse: 25   Link to sept   Եւ զօրացուցից զբազուկս արքային բաբելացւոց, եւ տա́ց զսուր իմ ՛ի ձեռս ն(ո)ր(ա). եւ ածցէ զայն ՛ի վ(ե)ր(այ) երկրին եգիպտացւոց, եւ աւարեսցէ զաւար ն(ո)ր(ա), եւ կողոպտեսցէ զկապուտ ն(ո)ր(ա)։

Verse: 26   Link to sept   եւ զօրացուցից զբազուկս արքային բաբելացւոց. եւ բազուկքն փարաւոնի լքցին։ Եւ ծանիցեն թէ ե́ս եմ տ(է)ր, ՛ի տալն ինձ զսուրն իմ ՛ի ձեռս արքային բաբելացւոց, եւ ձգեցից զնա ՛ի վ(ե)ր(այ) արքային եգիպտացւոց։

Verse: 27   Link to sept   Եւ ցրուեցից զեգիպտոս ընդ ազգիս, եւ հոսեցից զնոսա ընդ գաւառս։ եւ ծանիցեն ա(մենայ)ն եգիպտացիքն թէ ե́ս եմ տ(է)ր։



Chapter: 31  
ԳԼ(ՈՒԽ) Լ՜Ա.


Verse: 1   Link to sept   Եւ եղեւ յամին մետասաներորդի՝ յամսեանն երրորդի, որ օր մի էր ամսոյն. եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ ասա́ ցարքայն եգիպտացւոց ցփարաւովն եւ ցզօրս իւր. Ո՞ւմ նմանեցուցեր զքեզ ՛ի հպարտութե(ան)դ քում.

Verse: 3   Link to sept   ահաւանիկ ասո́ւր իբրեւ նոճ մի ՛ի լիբանան գեղեցիկ շառաւիղօք եւ խիտ ոստովք՝ եւ բարձր մեծութ(եամ)բ։ ՛ի մէջ ամպոց եղեւ գլուխ ն(ո)ր(ա),

Verse: 4   Link to sept   եւ ջուր սնոյց զնա, եւ անդունդք բարձրացուցին զնա. եւ զգետս ն(ո)ր(ա) ա́ծ շուրջ զտնկոիվք իւրովք, եւ զանտառախիտս իւր արձակեաց ընդ ա(մենայ)ն փայտս դաշտին։

Verse: 5   Link to sept   Վ(ա)ս(ն) այնորիկ բարձրացաւ մեծու(թ)ի(ւն) ն(ո)ր(ա) քան զա(մենայ)ն ծառս դաշտին, եւ տարածեցան ոստք ն(ո)ր(ա). եւ բարձրացան շառաւիղք ն(ո)ր(ա) ՛ի ջուրց բազմաց։

Verse: 6   Link to sept   ՛ի տարածանել իւրում ՛ի շառաւիղս ն(ո)ր(ա) բնակեցին ա(մենայ)ն թռչունք երկնից, եւ ՛ի ներքոյ ոստոցն ն(ո)ր(ա) ծնան ա(մենայ)ն գազանք դաշտի, եւ ընդ հովանեաւ ն(ո)ր(ա) բնակեցին ա(մենայ)ն բազմու(թ)ի(ւն)ք ազգաց։

Verse: 7   Link to sept   եւ եղեւ գեղեցիկ բարձրութ(եամ)բ իւրով, վ(ա)ս(ն) երկայնու(թ)ե(ան) ոստոց իւրոց. զի եղեն արմատք նորա ՛ի ջուրս բազումս։

Verse: 8   Link to sept   Սա́րդն եւ սարոյն եւ նոճ ՛ի դրախտին ա(ստուծո)յ, եւ ո́չ հաւասարեցին շառաւիղաց ն(ո)ր(ա) մայրքն եւ սաւսոյք՝ ո́չ նմանեցին ոստոց ն(ո)ր(ա)։ Ա(մենայ)ն փայտ ՛ի դրախտին ա(ստուծո)յ ո́չ նմանեցին նմա գեղեցկու(թեամ)բ՝

Verse: 9   Link to sept   վ(ա)ս(ն) անտառախիտ ոստոց ն(ո)ր(ա)։ եւ նախանձեցան ընդ նմա ա(մենայ)ն ծառք դրախտին փափկութե(ան) ա(ստուծո)յ։

Verse: 10   Link to sept   Վ(ա)ս(ն) այսորիկ ա́յսպէս ասէ տ(է)ր տ(է)ր. փոխանակ զի մեծացար մեծութ(եամ)բ, եւ հասին ծայրք քո յամպս. եւ տեսի զհպարտու(թ)ի(ւն) քո,

Verse: 11   Link to sept   մատնեցից զքեզ ՛ի ձեռս իշխանին ազգաց, եւ արարին զնա ՛ի կորուստ։

Verse: 12   Link to sept   Եւ հանին զնա, եւ սատակեցին զնա օտարք ժանտագործք յազգաց, եւ տապալեցին զնա ՛ի վ(ե)ր(այ) լերանց։ յա(մենայ)ն ձորս անկան ոստք ն(ո)ր(ա), եւ խորտակեցաւ ստեղն ն(ո)ր(ա) ընդ ա(մենայ)ն դաշտս երկրի. եւ իջին ՛ի հովանւոյ ն(ո)ր(ա) ա(մենայ)ն ազգք ազանց, եւ յատակեցին զնա։

Verse: 13   Link to sept   Եւ ՛ի գլորելն ն(ո)ր(ա)՝ հանգի́ստ եղեւ ա(մենայ)ն թռչնոց երկնից, եւ ՛ի ստեղն ն(ո)ր(ա) հասին ա(մենայ)ն գազանք վայրի։

Verse: 14   Link to sept   զի մի́ եւս հպարտասցին ՛ի մեծութե(ան) իւրեանց ա(մենայ)ն փայտք ջրասունք, եւ ո́չ արձակեսցեն զծայրս իւրեանց ընդ ամպս, եւ մի́ կացցեն ՛ի հպարտութե(ան) իւրեանց իբրեւ զնա որ ըմպեցէն ջուր. ամենեքին ՛ի մի մահ մատնեցան ՛ի խորս երկրի՝ ՛ի մէջ որդւոց մարդկան իջելոց ՛ի խորխորատ։

Verse: 15   Link to sept   Ա́յսպէս ասէ տ(է)ր տ(է)ր. յաւուր յորում էջ ՛ի դժոխս՝ սո́ւգ առին ՛ի վ(ե)ր(այ) ն(ո)ր(ա) անդունդք. եւ արգելի զգետս նորա, եւ խի́ց արկի ջուրց բազմաց. եւ տխրեցա́ւ ՛ի վ(ե)ր(այ) ն(ո)ր(ա) լիբանան, եւ ա(մենայ)ն ծառք դաշտի լքան վ(ա)ս(ն) ն(ո)ր(ա)։

Verse: 16   Link to sept   ՛Ի ձայնէ կործանման ն(ո)ր(ա) դղրդեցա́ն ազգք, յորժամ իջուցի զնա ՛ի դժոխս ընդ իջեալսն ՛ի գուբ։ եւ մխիթտարէին զնա ՛ի սանդարամետսն ա(մենայ)ն ծառք փափկու(թ)ե(ան). եւ ընտիր ընտիր գեղեցիկքն լիբանանու որ էին ջրարբիք։

Verse: 17   Link to sept   Քանզի նոքա իջին ընդ նմա վիրաւորօք սրոյ ՛ի դժոխս. եւ զաւակք ն(ո)ր(ա) որ բնակեալէին ընդ հովանեաւ ն(ո)ր(ա), յընդմիջել կենաց իւրեանց սատակեցան։

Verse: 18   Link to sept   Ո՞ւմ նմանեցար զօրութ(եամ)բ եւ փառօք եւ մեծու(թեամ)բ՝ ՛ի ծառս փափկութե(ան). է́ջ՝ եւ զիջի́ր հանդերձ ծառովք փափկու(թ)ե(ան) քոյ ՛ի խորս երկրի, ՛ի մէջ անթլփատից ննջեցելոց ընդ վիրաւորս սրոյ. ա́յնպէս փարաւոն եւ ա(մենայ)ն բազմու(թ)ի(ւն) զօրութե(ան) իւրոյ՝ ասէ տ(է)ր տ՝ր։



Chapter: 32  
ԳԼ(ՈՒԽ) Լ՜Բ.


Verse: 1   Link to sept   Եւ եղեւ յամին երկոտասաներորդի՝ յամսեանն երկոտասաներորդի, որ օր մի էր ամսոյն. եղեւ բան տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ ո́ղբս առ ՛ի վերայ փարաւովնի արքային եգիպտացւոց՝ եւ ասասցծես ցնա. առիւծացար ՛ի մէջ ազգաց, եւ նմանեցար վիշապի́ ՛ի մէջ ծովու. եւ ոդգորէիր ընդ գետս քո, եւ առ սմբակ պղտորէիր զջուրսն, եւ առաթո́ւր կոխան առնէիր զգետս քո։

Verse: 3   Link to sept   Ա́յսպէս ասէ տ(է)ր տ(է)ր. պատեցից զքեզ թակարդօք իմովք, եւ ժողովովք զօրաց բազմաց. եւ հանից զքեզ կարթիւ իմով.

Verse: 4   Link to sept   տախտապարեցի́ց զքեզ ՛ի վ(ե)ր(այ) երկրի, եւ լցցին քեւ դաշտք. եւ իջուցի́ց ՛ի վ(ե)ր(այ) քո զա(մենայ)ն թռչունս երկնից, եւ յագեցուցից ՛ի քէն զա(մենայ)ն գազանս երկրի։

Verse: 5   Link to sept   եւ տաց զմարմինս քո ՛ի վ(ե)ր(այ) լերանց, եւ լցուցից զձորս յարենէ քումմէ։

Verse: 6   Link to sept   եւ արբեսցի երկիր յապաւառէ քումմէ՝ ՛ի բազմութե(ան) քոյ ՛ի վ(ե)ր(այ) լերանց, զձորս լցից ՛ի քէն։

Verse: 7   Link to sept   եւ պատրուակեցից զերկինս ՛ի շիջանե́լ քում, եւ խաւարեցուցից զաստեղս ն(ո)ր(ա)։ զարեգակն ամպով ծածկեցից, եւ լուսին մի́ տացէ զլոյս իւր.

Verse: 8   Link to sept   եւ զա(մենայ)ն լուսաւորս խաւարեցուցից ՛ի վ(ե)ր(այ) քո. եւ տաց խաւա́ր ՛ի վ(ե)ր(այ) քո՝ ասէ տ(է)ր տ(է)ր։

Verse: 9   Link to sept   Եւ զայրացուցից զսիրտս ազգաց բազմաց, ՛ի ժամանակի իբրեւ հանից զգերութի(ւն) քո ընդ ա́զգս յերկիր զոր ո́չ գիտիցես։

Verse: 10   Link to sept   եւ տրտմեսցին ՛ի վ(ե)ր(այ) քո ազգք բազումք, եւ թագաւորք նոցա զարհուրելո́վ զարհուրեսցին, ՛ի թռչե́լ սրոյ իմոյ առաջի երեսաց ն(ո)ց(ա) ա́կն ունել կործանման իւրեանց յօրէ կործանման քոյ։

Verse: 11   Link to sept   Զի ա́յսպէս ասէ տ(է)ր տ(է)ր. սո́ւր արքային բաբելացւոց եկեսցէ ՛ի վ(ե)ր(այ) քո

Verse: 12   Link to sept   հանդերձ սրով սկայից, եւ կործանեցից զզօրու(թ)ի(ւն) քո. եկեսցեն ա(մենայ)ն ժանտագո́րծք ազգաց՝ եւ կորուսցեն զհպարտու(թ)ի(ւն) եգիպտացւոց. եւ խորտակեսցի́ ա(մենայ)ն զօրութի(ւն) ն(ո)ր(ա)։

Verse: 13   Link to sept   եւ կորուսից զա(մենայ)ն անասունս ն(ո)ր(ա) ՛ի ջուրց բազմաց. եւ մի́ պղտորեսցէ զնա ոտն մարդոյ, եւ կճղակ անասնոյ մի́ կոխեսցէ զնա։

Verse: 14   Link to sept   Եւ ապա դադարեսցեն ջուրք ն(ո)ց(ա), եւ գետք ն(ո)ց(ա) նման իւղոյ գնասցեն. ասէ ադովնայի տ(է)ր։

Verse: 15   Link to sept   Յորժամ տաց զեգիպտոս ՛ի կորուստ. եւ աւերեսցի́ երկիրն լրիւ իւրով։ յորժամ ցրուեցից զա(մենայ)ն բնակիչսն ՛ի նմանէ, եւ ծանիցեն թէ ես եմ տ(է)ր տ(է)ր։

Verse: 16   Link to sept   Ո́ղբք են՝ եւ ողբասցեն զնա, եւ դստե́րք ազգաց ողբասցեն զնա. ՛ի վ(ե)ր(այ) եգիպտոսի եւ ՛ի վ(ե)ր(այ) ա(մենայ)ն զօրու(թ)ե(ան) ն(ո)ր(ա) ողբասցեն զնա ասէ տ(է)ր տ(է)ր։

Verse: 17   Link to sept   Ողբք ՛ի վ(ե)ր(այ) Փարաւոնի եւ Եգիպտոսի։

Verse: 18   Link to sept   Եւ եղեւ յամին երկոտասաներորդի՝ յամսեանն առՉաջնում, որ օր հնգետասան էր ամսոյն. եղեւ բա́ն տ(եառ)ն առ իս՝ եւ ասէ։

Verse: 19   Link to sept   Որդի մարդոյ ո́ղբս առ ՛ի վ(ե)ր(այ) զօրութե(ա)ն եգիպտոսի, եւ իջուսցեն զդստերս ն(ո)ր(ա) ազգքն՝ զմեռպեալս ՛ի խորս երկրի, առ իջեալսն ՛ի խորխորատս՝

Verse: 20   Link to sept   ՛ի ջուրց վայելչութե(ան). է́ջ ննջեա́ ընդ անթլփատս

Verse: 21   Link to sept   ՛ի մէջ վիրաւորաց.սրո́վ անկցին ընդ նմա, եւ դադարեսցէ ա(մենայ)ն զօրութի(ւն) ն(ո)ր(ա)։

Verse: 22   Link to sept   Եւ ասասցեն ցքեզ սկայքն. ե́կ է́ջ ՛ի խորս խորինս, զի քան զո՞վ լաւ էիր դու. էջ եւ դադարեա́ ը(նդ) անթլփատս ՛ի մէջ վիրաւորաց սրոյ։

Verse: 23   Link to sept   Ա́նդ ասուր եւ ա(մենայ)ն ժողովուրդք ն(ո)ր(ա)՝ ամենեքին վիրաւորք։ անդ

Verse: 24   Link to sept   տուաւ գերեզման նոցա ՛ի խորս խորխորատին, եւ եղեն ժողովուրդք ն(ո)ց(ա) շոերջ զշիրմօք ն(ո)ր(ա)։ ա(մենայ)ն վիրաւորք անկան սրով. որ արարին զգերեզմանս իւրեանց ՛ի յատակս գբոց, եւ եղեն ժողովք շուրջ զգերեզմանօք ն(ո)ր(ա)։ ամենեքին վիրաւորք անկեալք ՛ի սրոյ, որ ետուն զահ իւրեանց ՛ի վ(ե)ր(այ) երկրին կենդանութե(ան)։

Verse: 25   Link to sept   Ա́նդ էղամ, եւ ա(մենայ)ն զօրութի(ւն) ն(ո)ր(ա) շուրջ զգերեզմանաւ ն(ո)ր(ա). ամենեքին վիրաւորք անկեալք ՛ի սրոյ իջին անթլփատք ՛ի խորս երկրի. որ ետուն զահ իւրեանց ՛ի վ(ե)ր(այ) երկրին կենդանութե(ան), եւ ընկալան զտանջանս իւրեանց ընդ իջեալսն ՛ի խորխորատ

Verse: 26   Link to sept   ՛ի մէջ վիրաւորաց։

Verse: 27   Link to sept   Ա́նդ տուան մոսոք՝ եւ թոբէլ, եւ ա(մենայ)ն զօրու(թ)ի(ւն)ք ն(ո)ց(ա) շուրջ զգերեզմանաւ ն(ո)ր(ա). ա(մենայ)ն վիրաւորք ն(ո)ր(ա) ամենեքեան անթլփատք վիրաւորք անկեալք ՛ի սրոյ, որ ետուն զահ իւրեանց ՛ի վ(ե)ր(այ) երկրին կենդանութե(ան)։

Verse: 28   Link to sept   եւ ննջեցին ընդ հսկայսն անկեալսն յաւիտենից. որ իջին ՛ի դժոխս պատերազմօղ զինուքն իւրեանց, եւ եդան անօրէնու(թ)ի(ւն)ք ն(ո)ց(ա) ՛ի վ(ե)ր(այ) ոսկերաց իւրեանց. զի զարհուրեցուցին զհսկայս ՛ի կենդանու(թ)ե(ան) իւրեանց։

Verse: 29   Link to sept   եւ դու ՛ի մէջ անթլփատիցն խորտակեսցիս, եւ ննջեսցես ՛ի մէջ վիրաւորացն սրոյ։

Verse: 30   Link to sept   Անդ եդով եւ թագաւորք իւր եւ ա(մենայ)ն իշխանք ն(ո)ր(ա), որ ետուն զզօրու(թ)ի(ւն) իւրեանց ՛ի հարուածս սրոյ. եւ նոքա ընդ վիրաւորս ննջեցին ընդ իջեալսն ՛ի խորխորատ։

Verse: 31   Link to sept   Ա́նդ ա(մենայ)ն իմխանք հիւսւսոյ, եւ ամենեքեան նոքա զօրավարք ասորեստանւոյն, իջեալք վիրաւորք հանդերձ ահիւն զօրութ(եամ)բ իւրանց. ամօթտալի́ց ննջեցին անթլփատք ընդ վիրաւիրս սուսերաց, եւ տարան զտանջանս իւրեանց ընդ իջեալսն ՛ի խորխորատ։

Verse: 32   Link to sept   Զն(ո)ս(ա) տեսցէ փարաւոն եւ մխիթարեսցի ՛ի վ(ե)ր(այ) ա(մենայ)ն զօրու(թ)ե(ան) ն(ո)ց(ա)։ Վիրաւորք փարաւոնի ՛ի սրոյ, եւ ա(մենայ)ն զօրութի(ւն) ն(ո)ր(ա)՝ ասէ տ(է)ր տ(է)ր։

Verse: 33   Link to sept   զի ետ զահ իւր յերկիրն կենդանու(թ)ե(ան), եւ ննջեսցէ ՛ի մէջ անթլփատիցն վիրաւորելոց սրոյ, փարաւոն՝ եւ ա(մենայ)ն բազմու(թ)ի(ւն) իւր ընդ նմին՝ ասէ տ(է)ր տ(է)ր։



Chapter: 33  
ԳԼ(ՈՒԽ) Լ՜Գ.

Առ որդիսն Յակովբու։


Section: 27 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   Որդի մարդոյ՝ խօսեա́ց ընդ որդիսդ ժողովրդեան քոյ, եւ ասասցես ցնոսա։ երկիր մի յորոյ վ(ե)ր(այ) ածիցեմ ես սուր. եւ առնուցուն ազգք երկրին այր մի յինքեանց, եւ կացուցանիցեն զնա դէտ։

Verse: 3   Link to sept   եւ տեսանիցէ սուր եկեալ յերկիրն, եւ փո́ղ հարկանիցէ՝ եւ ա́զդգ առնիցէ ժողովրդեանն։

Verse: 4   Link to sept   Եւ լսելով լսիցէ́ զձայն փողոյն՝ եւ ո́չ զգուշասցի. եւ հասանիցէ սուրն՝ եւ ըմբռնեսցէ զնա, արիւն ն(ո)ր(ա) ՛ի գլո́ւխ նորին եղիցի։

Verse: 5   Link to sept   զի զձայն լուաւ զփողոյն եւ ո́չ զգուշացաւ, արիւն ն՝ր ՛ի վ(ե)ր(այ) նորին եղիցի. եւ նա՝ զի զգուշացոյց, զա́նձն իւր ապրեցոյց։

Verse: 6   Link to sept   Եւ եթէ տեսանիցէ դէտն զսուրն եկեալ՝ եւ ո́չ նշանակիցէ փողով, եւ ազգն ո́չ զգուշանայցէ. եւ եկեալ սուրն ըմբռնիցէ ՛ի ն(ո)ց(ա)նէ անձն մի. նա վ(ա)ս(ն) անօրէնու(թ)ե(ան) իւրում ըմբռնեցաւ, եւ զարիւն ն(ո)ր(ա) ՛ի ձեռա́ց դիտին խնդրեցից։

Verse: 7   Link to sept   Եւ դու որդի մարդոյ, դէ́տ կացուցի զքեզ տանդ ի(սրայէ)լի, եւ լուիցես բանից բերանոյ իմոյ, եւ զգուշացուսջիր զն(ո)ս(ա) իբրեւ յինէն։

Verse: 8   Link to sept   Յասե́լ ինձ ցմեղաւորն թէ մահու մեռանիցիս. եւ դու ո́չ խօսիցիս զգուշացուցծանել զամպարիշտն ՛ի ճանապարհէ իւրմէ. ինքն անօրէնն յանօրէնութե(ան) իւրում մեռցի, եւ զարիւն ն(ո)ր(ա) ՛ի ձեռաց քոց խնդրեցից։

Verse: 9   Link to sept   Ապա թէ դու յառաջագոյն պատմեսցես ամպարշտին զճանապարհս իւր՝ դառնա́լ նմա ՛ի նմանէ, եւ ո́չ դարձցի ՛ի ճանապարհէ իւրմէ. ինքն յամպարշտութե(ան) իւրում մեռպցի, եւ դու զանձն քո ապրեցուսցես։

Verse: 10   Link to sept   Եւ դու որդի մարդոյ՝ ասա́ ցտունդ ի(սրայէ)լի։ ա́յսպէս խօսեցարուք եւ ասացէ́ք, եթէ մոլորու(թ)ի(ւն)ք մեր եւ անօրէնու(թ)ի(ւն)ք մեր ՛ի մե́զ են, եւ մեք ՛ի նոսին մաշիմք. եւ զիա՞րդ ապրեսցուք։

Verse: 11   Link to sept   Ասա́ ցն(ո)ս(ա). կենդանի́ եմ ես՝ ասէ ադովնայի տ(է)ր. ո́չ կամիմ զմահ ամպարշտին, ո(ր)պ(էս) զդառնա́լ ամպարշտին ՛ի չար ճանապարհէ իւրմէ՝ եւ կեալ։ դառնալով դարձարո́ւք ՛ի ճանապարհաց ձերոց չարաց. եւ ընդէ՞ր մեռպանիք տունդ ի(սրայէ)լի։

Verse: 12   Link to sept   Եւ դու որդի մարդոյ՝ ասա́ ցորդիս ժողովրդեան քոյ։ արդարութի(ւն) արդարոյն ո́չ փրկեսցէ զնա՝ յաւուր յորում մոլորեսցի. եւ անօրէնու(թ)ի(ւն) անօրինին ո́չ չարչարեսցէ զնա՝ յաւուր յորում դառնայցէ յա(մենայ)ն անօրէնութ(են)է իւրմէ։ Եւ արդարն ո́չ կարասցէ ապրել յաւուր մեղաց իւրոց։

Verse: 13   Link to sept   յասել ինձ ցարդարն՝ թէ կելով կեցցես, եւ նա յուսացեալ յարդարու(թ)ի(ւն) իւր՝ առնիցէ անօրէնութի(ւն). ա(մենայ)ն արդարու(թ)ի(ւն)ք ն(ո)ր(ա) մի́ յիշեսցին, այլ անօրէնութ(եամ)բն իւրով զոր արար՝ նովին մեռցի։

Verse: 14   Link to sept   Եւ յասե́լ ինձ ցամպարիշտն թէ մահո́ւ մեռջիր. եւ դարձցի ՛ի մեղաց իւրոց, եւ արասցէ իրաւունս եւ արդարու(թ)ի(ւն)։

Verse: 15   Link to sept   եւ զգրաւ պարտապանին ՛ի բա́ց տացէ, եւ զյափշտակու(թ)ի(ւն)ն դարձուցանիցէ, ՛ի հրամանս կենաց գնասցէ չառնե́լ զանիրաւութի(ւն). կելո́վ կեցցէ՝ եւ մի մեռցի։

Verse: 16   Link to sept   ա(մենայ)ն մեղք իւր զոր մեղաւ՝ մի́ յիոշեսցին. զի իրաւունս եւ արդարու(թ)ի(ւն) արար, նոքիմբք կեցցէ։

Verse: 17   Link to sept   Եւ ասեն որդիք ժողովրդեան քոյ. ո́չ ուղիղ են ճանապարհք տ(եառ)ն. նա՝ ն(ո)ց(ա) ճանապրհն չէ́ ուղիղ։

Verse: 18   Link to sept   ՛Ի դառնալն արդարոյն յարդարու(թեն)է իւրմէ եւ առնել անիրաւու(թ)ի(ւն)ս՝ նոքի́մբք մեռցի։

Verse: 19   Link to sept   Եւ ՛ի դառնալ մեղաւորին յանօրէնու(թեն)է իւրմէ՝ եւ առնիցէ իրաւունս եւ արդարութի(ւն)՝ նոքի́մբք կեցցէ։

Verse: 20   Link to sept   Եւ ա՞յս է զոր ասացէքն թէ ո́չ ուղիղ է ճանապարհ տ(եառ)ն։ զիւրաքանչիւրոք ըստ ճանապարհաց ձերոց դատեցայց զձեզ տունդ ի(սրայէ)լի։
Section: 28 

Verse: 21   Link to sept   Եւ եղեւ յամին երկոտասաներորդի՝ ՛ի տասներորդ ամսեանն, որ օր հիոնգ էր ամսոյն գերու(թ)ե(ան) մերոյ, եհաս առ իս ոմն զերծեալ յե(րուսաղէ)մէ, եւ ասէ. առա́ւ քաղաքն։

Verse: 22   Link to sept   Եւ ձեռն տ(եառ)ն եղեալ ՛ի վ(ե)ր(այ) իմ յերեկորեայն՝ մինչչե́ւ եկեալ էր ն(ո)ր(ա), եւ եբա́ց զբերան իմ մինչչե́ւ եկեալ էր ընդ առաւօտն. եւ ՛ի բանալ բերանոյ իմոյ՝ ո́չ եւս ամփոփեցաւ անդրէն։

Verse: 23   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 24   Link to sept   որդի մարդոյ՝ բնակիչք աւերակաց երկրին ի(սրայէ)լի ասեն. մի մա́րդ էր աբրահամ՝ եւ կալաւ զերկիրն. եւ արդ մեք բազումք եմք, եւ մե́զ տուեալ է երկկիրն ՛ի ժառանգու(թ)ի(ւն). ո՞չ ժառանգիցեմք զնա։

Verse: 25   Link to sept   վ(ա)ս(ն) այսորիկ ասա́ ցն(ո)ս(ա)։ Ա́յսպէս ասէ ադովնայի տ(է)ր. որովհետեւ ՛ի վ(ե)ր(այ) արեան ուտէք, եւ զաչս ձեր արձակեցէք ՛ի կուռս, եւ արիւն հեղուք, եւ կամիք զերկիրն ժառանգերլ։

Verse: 26   Link to sept   եղիցի դա ձեզ ՛ի սո́ւր, զի արարէք պղծու(թ)ի(ւն)ս, իւրաքանչի́ւր զկին ընկերի իւրոյ պղծվէիք. եւ արդ այտի՞ւ ժառանգիցէք զերկիրն։

Verse: 27   Link to sept   Վ(ա)ս(ն) այդորիկ ասա́ ցնոսա։ ա́յսպէս ասէ տ(է)ր տ(է)ր. կենդանի́ եմ ես տ(է)ր, եթէ ոչ որ յաւերակսն իցեն՝ սրով անկցին. եւ որ ընդ երեսս դաշտին իցեն՝ գազանաց անապատի́ տացին ՛ի կերակուր. եւ որ ընդ պարսպօքն եւ այսր իցեն՝ մահու կոտորեցից։

Verse: 28   Link to sept   եւ տաց զերկիրն յաւերակ եւ յապականու(թ)ի(ւն). եւ կորիցէ́ հպարտութի(ւն) զօրու(թ)ե(ան) ն(ո)ր(ա). եւ աւերեսցին լերինք ի(սրայէ)լի, զի մի́ ոք իցէ որ գնայցէ ընդ ն(ո)ս(ա)։

Verse: 29   Link to sept   Եւ ծանիցեն թէ ե́ս եմ տ(է)ր։ եւ արարից զերկիր ն(ո)ր(ա) աւրակ. եւ աւերեսցի վ(ա)ս(ն) ա(մենայ)ն գարշելեաց իւրեանց զոր արարին։
Section: 29 

Verse: 30   Link to sept   Եւ դու որդի մարդոյ, որդիք ժողովրդեան քոյ շրջին, քրթտմնջեն զքէն առ պարսպօքն եւ ՛ի դրունս ապարանիցն, եւ ասեն մի ցմի՝ այր ցեղբայր իւր. ժողովեսցուք երթիցուք լուիցուք զպատգամսն որ ելին ՛ի տ(եառն)է։

Verse: 31   Link to sept   եւ արդ՝ գա́ն առ քեզ ո(ր)պ(էս) ժողովեալք ՛իԻ ժողովուրդ. եւ նստին առաջի քոյ ժողովուրդն իմ, լսել զբանս քո՝ եւ ո́չ առնեն զն(ո)ս(ա). զի ստու(թ)ի(ւն) է ՛ի բերանս ն(ո)ց(ա), եւ զհետ պղծութե(ան) իւրեանց գնան սիրտք իւրեանց։

Verse: 32   Link to sept   Եւ դու լինիցիս ն(ո)ց(ա) իբրեւ զձայն երգոյ քաղցրաբարբառ յօրինելոյ. եւ լուիցեն զբանս քո՝ եւ ո́չ արասցեն։

Verse: 33   Link to sept   եւ յորժամ գայցէ՝ ասասցեն, թէ ահա́ւասիկ եհաս։ եւ ծանիցեն թէ մարգարէութի(ւն) գո́յ ՛ի մէջ ն(ո)ց(ա)։



Chapter: 34  
ԳԼ(ՈՒԽ) Լ՜Դ.

Առ հովիւսն իսրայէլի։


Section: 30 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ։

Verse: 2   Link to sept   որդի մարդոյ՝ մարգարեա́ց ՛ի վ(ե)ր(այ) հովուացդ ի(սրայէ)լի, մարգարեա́ց՝ եւ ասասցես ցհովիւսդ. Ա́յսպէս ասէ տ(է)ր տ(է)ր. ո́ հովիւք ի(սրայէ)լի. միթէ հովիւք զանձի՞2նս արածեն. ո՞չ հովիւք զխաշինս արածեն։

Verse: 3   Link to sept   Արդ՝ աւասիկ զկաթնդ ուտէք, եւ զասրդ ագանիք. զպարարտսն զենուք. եւ զխաշն իմ ո́չ արածէք։

Verse: 4   Link to sept   զտկարացեալն ո́չ զօրացուցանէք, եւ զհիւանդացեալն ո́չ բժշկեցէք, զչարչարեալն ո́չ յանձանձեցէք, եւ զբեկեալն ո́չ պատեցէք. զմոլորեալն ո́չ դարձուցիք, եւ զկորուսեալն ո́չ խնդրեցիք. զհաստահարուստն աշխա́տ արարի́ք։

Verse: 5   Link to sept   Եւ ցրուեցա́ն խաշինք իմ, քանզի ո́չ գոյն ն(ո)ց(ա) հովիւք. եւ եղեն կերակուր գազանաց անապատի. եւ ցրուեցան,

Verse: 6   Link to sept   եւ մոլորեցան խաշինքն իմ ընդ ա(մենայ)ն լերինս, եւ ը(նդ) ամ(ենայն) բլուրս բարձունս, եւ ընդ ա(մենայ)ն երեսս երկրի ցրուեցան խաշինքն իմ. եւ ո́չոք էր որ խնդրէր, եւ ո́չ այն որ դարձուցանէր։

Verse: 7   Link to sept   Վասն այնորիկ հովիւք լուարո́ւք զպատգամս տ(եառ)ն։

Verse: 8   Link to sept   կենդանի́ եմ ես ասէ ադովնայի տ(է)ր տ(է)ր. եթէ ոչ փոխանակ զի եղեն խաշինք իմ յաւար, եւ մատնեցան խաշինք իմ ՛ի կերակուր գազանաց անապատի. վ(ա)ս(ն) զի ո́չ գոյին հովիւք, եւ ո́չ խնդրեցին հովիւք զխաշինս իմ. եւ բուծին հովիւքն զանձինս իւրեանց, եւ զխաշինս իմ ո́չ արածէին։

Verse: 9   Link to sept   փոխանակ այնորիկ լուարո́ւք հովիւք զպատգամսն տ(եառ)ն։

Verse: 10   Link to sept   Ա́յսպէս ասէ տ(է)ր տ(է)ր. ահաւասիկ ե́ս ՛ի վ(ե)ր(այ) հովուացդ. եւ պահանջեցի́ց զխաշինս իմ ՛ի ձեռաց դոցա, եւ դադարեցուցից զդոսա յարածելոյ զխաշինս իմ, եւ ո́չ եւս արածեսցեն զնոսա. եւ փրկեցի́ց զխաշինս իմ ՛ի ձեռաց դոցա, եւ ո́չ եւս եղիցին դոցա ՛ի կերակուր։

Verse: 11   Link to sept   Զի ա́յսպէս ասէ տ(է)ր տ(է)ր. ահաւասիկ ես ինքնին խնդրեցից զխաշինս իմ, եւ ա́յց արարից դոցա։

Verse: 12   Link to sept   զոր օրինակ խնդրիցէ հովիւ զհօտ իւր, յաւուր յորում իցէ մէգ եւ մառախուղ ՛ի մէջ խաշանց իւրոց վատնելոց. ա́յսպէս խնդրեցից զխաշինս իմ, եւ ժողովեցից զն(ո)ս(ա) յա(մենայ)ն տեղեաց ուր ցրուեցան ՛ի ն(ո)ս(ա) յաւուր միգի́ եւ մառախղի։

Verse: 13   Link to sept   Եւ հանի́ց զն(ո)ս(ա) յազգաց, եւ ժողովեցից զն(ո)ս(ա) ՛ի գաւառաց, եւ տարա́յց զն(ո)ս(ա) յերկիրն իւրեանց, եւ արածեցի́ց զնոսա ՛ի վ(ե)ր(այ) լերանց ի(սրայէ)լի,

Verse: 14   Link to sept   եւ ՛ի ձորս՝ եւ յա(մենայ)ն բնակութե(ան) երկրին։ յարօտս փափկու(թ)ե(ան) արածեցից զն(ո)ս(ա) ՛ի լերինն բարձու ի(սրայէ)լի. եւ անդ եղիցին մակաղատեղք ն(ո)ց(ա), ա́նդ դադարեսցեն՝ եւ ա́նդ հանգիցեն ՛ի գրգութե(ան) բարու(թ)ե(ան)ց. եւ յարօտս պարարտութե(ան) արածեսցին ՛ի վ(ե)ր(այ) լերանցն ի(սրայէ)լի։

Verse: 15   Link to sept   Ե́ս արածեցից զխաշինս իմ, եւ ե́ս հանգուցից զն(ո)ս(ա). եւ ծանիցեն թէՏԵ ե́ս եմ տ(է)ր։ Ա́յսպէս ասէ տ(է)ր տ(է)ր.

Verse: 16   Link to sept   զկորուսեալն՝ խնդրեցից, եւ զմոլորեալն՝ դարձուցից, զբեկեալն՝ պատեցից, եւ ղվտեալն՝ զօրացուցից, զգէրն եւ զհզօրն՝ պահեցից. եւ արածեցից զն(ո)ս(ա) իրաւամբք։

Verse: 17   Link to sept   Եւ դուք խաշինք իմ, ա́յսպէս ասէ տ(է)ր տ(է)ր. ահաւասիկ ես՝ ոչխար առ ոչխա́ր դատեցայց, եւ խոյ՝ առ խո́յ։

Verse: 18   Link to sept   չիցէ՞ ձեզ բաւական զգեղեցիկ արօտսն յառաջագոյն արածել. այլ եւ զմնացեալ ճարակն ՛ի ձէնջ առ ո́տն կոտորէիք, եւ զջուրսն յստակ ըմպէիք, եւ զմնացեալն առոտն պղտորէիք։

Verse: 19   Link to sept   եւ խաշինք իմ զկոխան ոտից ձերոց ճարակէին. եւ զջուրսդն պղտորեալ ՛ի կճղակաց ձերոց ըմպէին։

Verse: 20   Link to sept   Վ(ա)ս(ն) այդորիկ ա́յսպէս ասէ տ(է)ր տ(է)ր. ահաւադիկ ե́ս դատեցայց ՛ի մէջ հարուստ եւ անաւագ ոչխարաց։

Verse: 21   Link to sept   փոխանակ զի կողա́մբք եւ ուսովք ձերովք գրթցէիք եւ ոգորէիք, եւ եղջերովք ձերովք խեթկէիք զա(մենայ)ն անաւագն. եւ ՛ի բա́ց մերժէիք զն(ո)ս(ա), մինչեւ ցրուեցան խաշինք իմ։

Verse: 22   Link to sept   Եւ փրկեցից զխաշինս իմ, եւ ո́չ եւս լինիցին ՛ի յափշտակութի(ւն). դատեցայց խայ՝ առ խո́յ։

Verse: 23   Link to sept   եւ կացուցից ՛ի վ(ե)ր(այ) ն(ո)ց(ա) հովիւ մի զծառայ իմ զդաւիթ, եւ նա հովուեսցէ զն(ո)ս(ա)։ նա́ եղիցի ն(ո)ց(ա) հովիւ.

Verse: 24   Link to sept   եւ ես տ(է)ր եղէց նոցա յա(ստուա)ծ. եւ դաւիթ ծառայ իմ իշխան ՛ի մէջ ն(ո)ց(ա)։ Ե́ս տ(է)ր խօսեցայ։

Verse: 25   Link to sept   եւ եդից ընդ դաւթի ո́ւխտ խաղաղութե(ան), եւ ապականեցից զգազանս չար յերկրէ, եւ բնակեսցին յանապատին յուսով, եւ ննջեսցեն յանտառս։

Verse: 26   Link to sept   Եւ տա́ց ն(ո)ց(ա) շուրջ զլերամբ իմով օրհնու(թ)ի(ւն). եւ տաց ձեզ անձրեւ, եւ եղիցին անձրեւք օրհնութե(ան)։

Verse: 27   Link to sept   ծառք ագարակի տացեն զպտուղս իւրեանց, եւ երկիր տացէ զզօրու(թ)ի(ւն) իւր. եւ բնակեսցե́ն յերկրի իւրեանց յուսո́վ խաղաղութե(ան)ց։ եւ ծանիցեն թէ ե́ս եմ տ(է)ր. ՛ի խորտակել ինձ զլուծ պարանոցի ն(ո)ց(ա)։ Եւ փրկեցից զն(ո)ս(ա) ՛ի ձեռաց ծառայեցուցչա́ց։

Verse: 28   Link to sept   եւ ո́չ եւս եղիցին յաւա́ր ՛ի մէջ ազգաց. եւ գազանք երկրի մի́ եւս կերիցեն զն(ո)ս(ա)։ եւ բնակեսցեն յուսով, եւ ո́չոք իցէ որ զարհուրեցուցանիցէ զնոսա։

Verse: 29   Link to sept   եւ կանգնեցից ն(ո)ց(ա) տունկ խաղաղու(թ)ե(ան). եւ ո́չեւս վատեսցին ՛ի սովոյ ՛ի վ(ե)ր(այ) երկրի, եւ նախատինս յազգաց ո́չեւս կրեսցեն։

Verse: 30   Link to sept   Եւ ծանիցեն թէ ե́ս տ(է)ր ա(ստուա)ծ ն(ո)ց(ա)՝ ընդ նոսա́ եմ. եւ նոքա ժողովուրդ իմ՝ տունն ի(սրայէ)լի, ասէ տ(է)ր տ(է)ր։

Verse: 31   Link to sept   Եւ դուք խաշինք իմ ոչխա́րք արօտի իմոյ՝ մարդիկ էք, եւ ես տ(է)ր ա(ստուա)ծ ձեր, ասէ տ(է)ր տ(է)ր։



Chapter: 35  
ԳԼ(ՈՒԽ) Լ՜Ե.

՛Ի վերայ Եդովմայեցւոցն։


Section: 31 

Verse: 1   Link to sept   Եւ եղեւ բան տ(եառ)ն առ իս՝ եւ ասէ։

Verse: 2   Link to sept   որդի մարդոյ՝ դարձո́ զերեսս քո ՛ի վ(ե)ր(այ) լերինդ սէիրայ. մարգարեա́ց ՛ի վ(ե)ր(այ) դորա՝ եւ ասասցես ցդա։

Verse: 3   Link to sept   Ա́յսպէս ասէ տ(է)ր տ(է)ր, ահաւասիկ ե́ս ՛ի վ(ե)ր(այ) քո լեառնդ սէիր, եւ ձգեցից զձեռն իմ ՛ի քեզ, եւ տաց զքեզ յանապատ՝ եւ աւերեսցիս.

Verse: 4   Link to sept   եւ զքաղաքս քո յաւե́ր դարձուցից, եւ եղիցիս աւերակ. եւ ծանիցես թէ ե́ս եմ տ(է)ր։

Verse: 5   Link to sept   Փոխանակ զի եղեր ՛ի թշնամութի(ւն) յաւիտենից, եւ դարանակալ նստէիր նենգութ(եամ)բ տանն ի(սրայէ)լի, ՛ի ձեռն թշնամեաց սրոյ ՛ի ժամանակի նեղու(թ)ե(ան), ՛ի ժամանակի անիրաւութե(ան) յետին վախճանի։

Verse: 6   Link to sept   Վ(ա)ս(ն) այնորիկ կենդանի́ եմ ես՝ ասէ տ(է)ր տ(է)ր. եթէ ոչ յարիւն մեղար՝ եւ արիւն հալածեսցէ զքեզ, եւ զարիւնն զոր ատեցեր՝ նոյն արտիւն հալածեսցէ զքեզ։

Verse: 7   Link to sept   Եւ տաց զլեառնդ սէիր յաւերակ եւ յանապատ. եւ կորուսից ՛ի դմանէ զմարդ եւ զանասուն։

Verse: 8   Link to sept   եւ լցից զլերինս վիրաւորօք քովք, զբլուրս քո եւ զձորս քո. եւ յա(մենայ)ն դաշտս քո՝ վիրաւոիրեալք ՛ի սրոյ անկցին ՛ի քեզ։

Verse: 9   Link to sept   յաւերակ յաւիտենից եդից զքեզ. եւ քաղաք քո ո́չ եւս շինեսցին։ եւ ծանիցես թէ ե́ս եմ տ(է)ր։

Verse: 10   Link to sept   փոխանակ ասելոյն թէ երկու ազգն եւ երկու աշխարհք ի́մ եղիցին. եւ ժառանգեցից զն(ո)ս(ա). եւ տ(է)ր ա́նդ էր։

Verse: 11   Link to sept   Վասն այնորիկ կենդանի́ եմ ես՝ ասէ տ(է)ր տ(է)ր. եւ արարից ընդ քեզ ըստ թշնամու(թ)ե(ան) քում, եւ ըստ նախանձուն քում զոր արարեր ատել զն(ո)ս(ա). եւ ծանուցայց քեզ յորժամ դատեցայց զքեզ։

Verse: 12   Link to sept   եւ ծանիցես թէ ե́ս եմ տ(է)ր։ Լուայ զձայն հայհոյութե(ան)ց քոց զի ասէիր, թէ լերինք ի(սրայէ)լի աւերակք՝ մե́զ տուեալ են ՛ի կերակուր։

Verse: 13   Link to sept   եւ մեծաբանեցեր ՛ի վ(ե)ր(այ) իմ բերանովք քովք. եւ հնչեցէք առ իս զբանս ձեր, եւ ես լուայ։

Verse: 14   Link to sept   Ա́յսպէս ասէ տ(է)ր տ(է)ր, յուրախութի(ւն) ա(մենայ)ն երկրի արարից զքեզ յաւերակ.

Verse: 15   Link to sept   փոխանակ զի ոտնահա́ր եղեր ժառանգութե(ան) տանն ի(սրայէ)լի՝ զի ապականեցաւ.

Verse: 16   Link to sept   նոյնպէս արարից զքեզ, եւ եղիցիս աւերակ լեառնդ սէիր, եւ ա(մենայ)ն իդովմա սատակեսցի։ եւ ծանիցես թէ ե́ս եմ տ(է)ր ա(ստուա)ծ ն(ո)ց(ա)։



Chapter: 36  
ԳԼ(ՈՒԽ) Լ՜Զ.

՛Ի վերայ Լերանցն ի(սրայէ)լի։


Section: 32 

Verse: 1   Link to sept   Եւ դու որդի մարդոյ մարգարեա́ց ՛ի վ(ե)ր(այ) լերանցն ի(սրայէ)լի, եւ ասասցես ցլերինսն ի(սրայէ)լի. լուարո́ւք զպատգամս տ(եառ)ն։

Verse: 2   Link to sept   Ա́յսպէս ասէ տ(է)ր տ(է)ր. փոխանակ զի ասաց թշնամին ՛ի վ(ե)ր(այ) ձեր՝ վա́շ վա́շ. աւերակք յաւիտենից ՛ի ժառանգու(թ)ի(ւն) եղեն մեզ.

Verse: 3   Link to sept   վ(ա)ս(ն) այդորիկ մարգարեա́՝ եւ ասասցես։ Ա́յսպէս ասէ տ(է)ր տ(է)ր. փոխանակ զի եղէք յանարգու(թ)ի(ւն) ա(մենայ)ն ազգաց որ շուրջ զձեւք են. եւ վտարանգի́ եղէք ազգաց բազմաց, խօսք լեզուաց եւ նախատինք ազգաց։

Verse: 4   Link to sept   վ(ա)ս(ն) այդորիկ լերինք ի(սրայէ)լի՝ նլուարո́ւք զպատգամս ադովնայի տ(եառ)ն. Ա́յսպէս ասէ ադովնայի տ(է)ր տ(է)ր ցլերինս եւ ցբլուրս եւ ցխորս եւ ցձորս եւ ցաւերակս ապականեալս եւ ցքաղաքս լքեալս՝ որ եղեն յաւեր եւ ՛ի կոխումն մնացելոց ազգացդ որ շուրջ զՃձեւք են։

Verse: 5   Link to sept   Վ(ա)ս(ն) այդորիկ ա́յսպէս ասէ տ(է)ր տ(է)ր. եթէ ոչ հրով բարկութե(ան) իմոյ խօսեցայց ՛ի վ(ե)ր(այ) այլոց ազգացն, եւ ՛ի վ(ե)ր(այ) ա(մենայ)ն եդովմայեցւոցն, զի արարին զերկիրն իմ իւրեանց ՛ի վտարանգի. ոտնհարու(թեամ)բ անարգեցին զանձինս ապականե́լ աւարաւ։

Verse: 6   Link to sept   Վ(ա)ս(ն) այնորիկ մարգարեա́ց ՛ի վ(ե)ր(այ) երկրին ի(սրայէ)լի, եւ ասասցես ցլերինս եւ ցբլուրս եւ ցձորս եւ ցդաշտս. ա́յսպէս ասէ տ(է)ր տ(է)ր. ահաւասիկ ես նախանձո́ւ իմով եւ բարկու(թեամ)բ խօսեցայ. փոխանակ կրելոյն ձերոյ նախատինս ՛ի հեթանոսաց։

Verse: 7   Link to sept   Վ(ա)ս(ն) այնորիկ ա́յսպէս ասէ ադվնայի տ(է)ր. ամբարձից զձեռն իմ ՛ի վ(ե)ր(այ) ազգացդ որ շուրջ զձեւքդ են. նոքա ընկալցին զանարգանս իւրեանց։

Verse: 8   Link to sept   Բայց զձեր լե́րինքդ ի(սրայէ)լի՝ զխաղող եւ զարդիւնս կերիցէ ժողովուրդ իմ ի(սրայ)էլ. զի ա́կն ունին դառնալոյ։

Verse: 9   Link to sept   Ահաւասիկ ես հայեցայց ՛ի ձեզ, եւ անկանիցիք ՛ի գործ. եւ սերմանիցիք,

Verse: 10   Link to sept   եւ բազմացուցից ՛ի ձեզ մարդիկ, եւ համօրէն զտունն ի(սրայէ)լի ՛ի սպառ. եւ բնակեսցին քաղաքք, եւ աւերակք շինեսցին։

Verse: 11   Link to sept   եւ բազմացուցից ՛ի ձեզ զմա́րդ եւ զանասուն. բազմասցին եւ աճեսցեն, եւ բնակեցուցից զձեզ ո(ր)պ(էս) իսկզբանէն, եւ բարի́ արարից ձեզ ո(ր)պ(էս) եւ յառաջագոյն։ եւ ծանիջիք թէ ես եմ տ(է)ր։

Verse: 12   Link to sept   Եւ տիրեցուցի ձեզ մարդիկ զժողովուրդն ին ի(սրայ)էլ. ժառանգեսցեն զձեզ, եւ եղիջիք ն(ո)ց(ա) ՛ի բնակու(թ)ի(ւն), եւ ո́չ եւս լինիցիք անզաւա́կ ՛ի նոցանէն։

Verse: 13   Link to sept   Ա́յ սպէս ասէ տ(է)ր տ(է)ր. փոխանակ զի ասացին ցքեզ թէ երկիր մարդավա́ր ես դու, եւ անզաւա́կ յազգէ քումմէ եղեր.

Verse: 14   Link to sept   վ(ա)ս(ն) այնորիկ ո́չ եւս լինիցիս մարդավար, եւ զազգդ քո անզաւակ ո́չ եւս արասցես, ասէ տ(է)ր տ(է)ր։

Verse: 15   Link to sept   Եէւ անարգանք ազգաց ՛ի ձեզ ո́չ եւս լինիցին. եւ նախատինս ՛ի ժողովրդոց՝ այլ ո́չ եւս կրեսցես, եւ ազգդ քո այլ ո́չ եւս անզաւակեսցի՝ ասէ տ(է)ր տ(է)ր։

Verse: 16   Link to sept   Եւ եղեւ բան տ(եառ)ն առ իս եւ ասէ,

Verse: 17   Link to sept   որդի մարդոյ՝ տունդ ի(սրայէ)լի բնակեցան յերկրին իւրեանց, եւ պղծեցին զնա ճանապարհօք իւրեանց՝ եւ կռովք իւրեանց՝ եւ պղծու(թեամ)բք իւրեանց, ըստ պղծու(թ)ե(ան) ապարահի. եւ եղեւ ճանապարհ դոցա առաջի իմ։

Verse: 18   Link to sept   Եւ հեղի́ զսրտմտութի(ւն) իմ ՛ի վ(ե)ր(այ) դոցա վ(ա)ս(ն) արեանն զոր հեղին յերկրին, եւ կռովք իւրեանց պղծեցին զնա։

Verse: 19   Link to sept   եւ ցրուեցի զդոսա ընդ ազգս, եւ հոսեցից զդոսա ընդ գաւառս. ըստ ճանապարհաց դոցա, եւ ըստ մեղաց իւրեանց դատեցա́յ զդոսա։

Verse: 20   Link to sept   Եւ մտին յազգս. եւ ուր մտինն, եւ ա́նդ պղծեցին զանուն իմ ս(ուր)բ, յասելն ցն(ո)ս(ա) թէ ժողովուրդ տ(եառ)ն են դոքա, եւ յերկրէն ն(ո)ր(ա) ելին։

Verse: 21   Link to sept   եւ խնայեցի ՛ի դոսա վ(ա)ս(ն) անուան իմոյ սրբոյ, զոր պղծեցին տունդ ի(սրայէ)լի ՛ի մէջ ազգացդ յոր մտին ՛ի նոսա։

Verse: 22   Link to sept   Վ(ա)ս(ն) այդորիկ ասա́ ցտունդ ի(սրայէ)լի. ա́յսպէս ասէ տ(է)ր տ(է)ր, ո́չ ձեզ ինչ առնեմ տունդ ի(սրայէ)լի, այլ վ(ա)ս(ն) անուան իմոյ սրբոյ զոր պղծեցէք ՛ի մէջ ազգացդ յորս մտէք ՛ի դոսա։

Verse: 23   Link to sept   եւ սրբեցից զանուն իմ մե́ծ որ պղծեցաւ ՛ի մէջ ազգացդ՝ զորս դուք պղծեցէք ՛ի մէջ դոցա։ եւ ծանիցեն ազգքդ եթէ ե́ս եմ տ(է)ր, ասէ ադովնայի տ(է)ր. ՛ի սրբելն իմում ՛ի ձեզ յանդիման դոցա։

Verse: 24   Link to sept   Եւ առից զձեզ ՛ի հեթանոսաց, եւ ժողովեցից զձեզ յա(մենայ)ն ազգաց, եւ տարայց զձեզ յերկիրն ձեր։

Verse: 25   Link to sept   Եւ ցանեցից ՛ի վ(ե)ր(այ) ձեր ջուր սուրբ, եւ սրբեսջիք յա(մենայ)ն պղծութե(ան)ց ձերոց, եւ յա(մենայ)ն կռոց ձերոց սրբեցից զձեզ։

Verse: 26   Link to sept   եւ տա́ց ձեզ սիրտ նո́ր, եւ ոգի նո́ր նորոգեցից ՛ի ձեզ. եւ հանից զսիրտն քարեղէն ՛ի մարմնոց ձերոց, եւ տա́ց ձեզ սիրտ մարմնեղէն.

Verse: 27   Link to sept   եւ զոգի իմ տաց ՛ի ձեզ։ Եւ արարից, զի յարդարու(թ)ի(ւն)ս գնայցէք, եւ զիրաւունս իմ պահիցէք, եւ առնիցէք զն(ո)ս(ա)։

Verse: 28   Link to sept   եւ բնակիցէք յերկրին՝ զոր ետու հարցն ձերոց. եւ եղիջիք ինձ ՛ի ժողովուրդ, եւ ես եղէց ձեզ յա(ստուա)ծ։

Verse: 29   Link to sept   Եւ զերծուցից զձեզ յա(մենայ)ն պղծութե(ան)ց ձերոց։ եւ կոչեցից զցորեան եւ բազմացուցից զնա, եւ ո́չ ածից ՛ի վ(ե)ր(այ) ձեր սով։

Verse: 30   Link to sept   եւ բազմացուցից զպտուղ ծառոց, եւ զարդիւնս անդոց, զի մի́ եւս ընդունիցիք զնախատինս սովոյ ՛ի մէջ ազգաց։

Verse: 31   Link to sept   Եւ յիշեսջի́ք զճանապարհսն ձեր չարս եւ զգնացս ձեր զանբարիս. եւ տաղտկասջիք յերեսաց անօրէնութե(ան)ցն ձերոց, եւ ՛ի գարշելեացն ձերոց։

Verse: 32   Link to sept   Ո́չ վ(ա)ս(ն) ձեր ինչ առնեմ զայս՝ ասէ́ տ(է)ր տ(է)ր, այլ յայտնի́ լիցի ձեզ. ամաչեցէ́ք եւ պատկառեցէք ՛ի ճանապարհաց ձերոց տունդ ի(սրայէ)լի։

Verse: 33   Link to sept   Ա́յսպէս ասէ տ(է)ր տ(է)ր. յաւուր յորում սրբեցից զձեզ յա(մենայ)ն անօրէնու(թ)ե(ան)ցն ձերոց, եւ շինեսցին աւերակք, եւ բնակեցուցից զքաղաքս.

Verse: 34   Link to sept   եւ երկիրն ապականեալ՝ գործեսցի́։ փոխանակ զի ապականեցաւ յանդիման ա(մենայ)ն անցաւորաց։

Verse: 35   Link to sept   Եւ ասասցեն, երկիրն ապականեալ՝ եղեւ իբրեւ զպարտէ́զ փափկու(թ)ե(ան). եւ քաղաքքն աւերակք՝ ապականեալք եւ քանդեալք՝ ամրացեալք նստա́ն։

Verse: 36   Link to sept   եւ ծանիցեն ազգք որ միանգամ շուրջ զձեւք մնացեալք իցեն, թէ ե́ս եմ տ(է)ր, որ շինեցի զաւերեալսն, եւ հաստատեցի զապականեալսն։ ե́ս տ(է)ր խօսեցայ՝ եւ արարից։

Verse: 37   Link to sept   Ա́յսպէս ասէ տ(է)ր տ(է)ր. զա́յս եւս ա́յց արարից տանդ ի(սրայէ)լի առնել դոցա. եւ բազմացուցից զմարդիկ դոցա իբրեւ զխաշինս,

Verse: 38   Link to sept   եւ իբրեւ զոչխարս սուրբս. եւ իբրեւ զոչխարս ե(րուսաղէ)մի ՛ի տունս իւրեանց՝ ա́յնպես եղիցին քաղաքքն աւերեալք, լի́ խաշամբք եւ մարդկաւ։ եւ ծանիցեն թէ ե́ս եմ տ(է)ր։



Chapter: 37  
ԳԼ(ՈՒԽ) Լ՜Է.

Վասն Յարութեան։


Section: 33 

Verse: 1   Link to sept   Եւ եղեւ ՛ի վ(ե)ր(այ) իմ ձեռն տ(եառ)ն. եւ եհան զիս հոգւովն տ(եառ)ն, եւ եդ զիս ՛ի մէջ դաշտին. եւ այն լի́ էր ոսկերօք մարդկան։

Verse: 2   Link to sept   եւ շրջեցոյց զիս շուրջ զոսկերօքն. եւ ահա բազո́ւմ յոյժ էին ՛ի վերայ երեսաց դաշտին, եւ ցամաքեա́լք յոյժ։

Verse: 3   Link to sept   Եւ ասէ ցիս՝ որդի́ մարդոյ՝ իցէ՞ թէ կենդանի լինիցին ոսկերքդ այդոքիկ։ եւ ասեմ, տ(է)ր տ(է)ր դո́ւ գիտես զայդ։

Verse: 4   Link to sept   Եւ ասէ ցիս. որդի մարդոյ մարգարեա́ց ՛ի վ(ե)ր(այ) ոսկերացդ այդոցիԷկ՝ եւ ասասցե́ս ցդոսա. ոսկե́րք ցամաքեալք՝ լուարո́ւք զպատգամս տ(եառ)ն։

Verse: 5   Link to sept   Ա́յսպէս ասէ տ(է)ր տ(է)ր ցոսկերսդ ցայդոսիկ. ահաւասիկ ե́ս ածից ՛ի վ(ե)ր(այ) ձեր շո́ւնչ կենդանի.

Verse: 6   Link to sept   եւ տաց ՛ի ձեզ ջիլս, եւ ածից ՛ի վ(ե)ր(այ) ձեր մարմինս, եւ ձգեցից ՛ի վերայ ձեր մորթ. եւ տաց զոգի իմ ՛ի ձեզ, եւ լինիջիք կենդանի։ եւ ծանիջիք թէ ես եմ տ(է)ր։

Verse: 7   Link to sept   եւ մարգարէացայ որպէս եւ հրաման ետ ինձ տ(է)ր։ Եւ եղեւ բարբառ ՛ի մարգարէանալն իմում, եւ ահա շարժո́ւմն. եւ մերձեցաւ ոսկր առ ոսկր առ իւրաքանչիւր յօդս.

Verse: 8   Link to sept   եւ տեսի եւ ահա ջիլք եւ մարմինք պատէին, եւ ձգէր ՛ի վ(ե)ր(այ) ն(ո)ց(ա) մորթ. եւ շունչ ո́չ գոյր ՛ի նոսա։

Verse: 9   Link to sept   Եւ ասէ ցիս, մարգարեա́ց որդի մարդոյ, մարգարեա́ց ՛ի վ(ե)ր(այ) շնչոյն, եւ ասասցես ցշունչն. ա́յսպէս ասէ տ(է)ր տ(է)ր, ե́կ շունչ ՛ի չորից հողմոց, եւ փշեա́ ՛ի մեռեալս յայսոսիկ՝ եւ կեցցեն։

Verse: 10   Link to sept   եւ մարգարէացայ ո(ր)պ(էս) եւ հրամա́ն ետ ինձ տ(է)ր. եւ եմուտ ՛ի ն(ո)ս(ա) շունչն, եւ եղեն կենդանի. եւ կանգնեցան՝ կացի́ն ՛ի վ(ե)ր(այ) ոտից իւրեանց, ժողովուրդ բազում յոյժ յոյժ։

Verse: 11   Link to sept   Եւ խօսեցաւ ընդ իս տ(է)ր՝ եւ ասէ. որդի մարդոյ, ոսկերքդ այդոքիկ ա(մենայ)ն տունդ ի(սրայէ)լի է. եւ դոքա ասեն, չորացան ոսկերք մեր՝ հատա́ւ յոյս մեր՝ եւ մեռաք։

Verse: 12   Link to sept   Վ(ա)ս(ն) այդորիկ մարգարեա́՝ եւ ասասցես ցդոսա. ա́յսպէս ասէ տ(է)ր տ(է)ր. ահաւասիկ ես բացի́ց զգերեզմանս ձեր, եւ հանի́ց զձեզ ՛ի գերեզմանաց ձերոց ժողովուրդ իմ. եւ տարայց զձեզ յերկիրն ի(սրայէ)լի։

Verse: 13   Link to sept   Եւ ծանիջիք՝ եթէ ե́ս եմ տ(է)ր, ՛ի բանա́լ ինձ զգերեզմանս ձեր՝ եւ հանել ինձ զձեզ ՛ի գերեզմանաց ձերոց ժողովուրդ իմ։

Verse: 14   Link to sept   եւ տաց զոգի իմ ՛ի ձեզ, եւ լինիջիք կենդանի։ եւ եդի́ց զձեզ յերկրին ձերում. եւ ծանիջիք թէ ե́ս եմ տ(է)ր։ եւ խօսեցա́յ եւ արարից, ասէ տ(է)ր տ(է)ր։
Section: 34 

Verse: 15   Link to sept   Եւ եղեւ բան տ(եառ)ն առ իս՝ եւ ասէ.

Verse: 16   Link to sept   եւ դու որդի մարդոյ՝ առ դու քեզ գաւազան մի, եւ գրեա́ ՛ի նմա զյուդա եւ զորդիսն ի(սրայէ)լի զմերձաւորս ն(ո)ր(ա)։ Եւ առցես քեզ գաւազան երկրորդ, եւ գրեսցես ՛ի նմա զյովսէփ՝ եւ զգաւազանն եփրեմի. եւ զա(մենայ)ն որդիսն ի(սրայէ)լի զյաւելեալսն ՛ի ն(ո)ս(ա)։

Verse: 17   Link to sept   եւ կցեսցես զն(ո)ս(ա) ընդ միմեանս կապեալ լինել ՛ի գաւազան մի. եւ եղիցի ՛ի ձեռին քում։

Verse: 18   Link to sept   Եւ եղիցի յորժամ ասասցեն ցքեզ որդիք ժողովրդեան քոյ. ո՞չ պատմես մեզ զինչ է ա́յդ ՛ի քեզ։

Verse: 19   Link to sept   եւ ասասցես ցն(ո)ս(ա). Ա́յսպէս ասէ տ(է)ր տ(է)ր. ահաւասիկ ես առից զազգդ յովսեփու՝ որ է́ ՛ի ձեռին եփրեմայ, եւ զազգդ ի(սրայէ)լի զմերձաւորս դորա. եւ տա́ց զդոսա յազգն յուդայ, եւ եղիցին ՛ի մի գաւազան. եւ եղիցին մի́ ՛ի ձեռին յուդայ.

Verse: 20   Link to sept   եւ եղիցին գաւազանքդ յորս դու գրեցեր ՛ի ձեռին քում առաջի ն(ո)ց(ա)։

Verse: 21   Link to sept   եւ ասասցես ցն(ո)ս(ա)։ Ա́յսպէս ասէ տ(է)ր տ(է)ր. ահաւաասիկ ես առնում զտունդ ի(սրայէ)լի ՛ի միջոյ ազգացդ յորս մտին ՛ի ն(ո)ս(ա). եւ ժողովեցից զդոսա յա(մենայ)ն ազգաց որ շուրջ զդոքօք են, եւ տարայց զդոսա յերկիրն ի(սրայէ)լի,

Verse: 22   Link to sept   եւ տա́ց զդոսա յազգ մի յերկրին իմում ՛ի լերինսն ի(սրայէ)լի. եւ մի իշխան եղիցի ՛ի վ(ե)ր(այ) ամենեցուն դոցա ՛ի թագաւոր։ եւ ո́չ եւս եղիցին յերկուս ազգս, եւ ո́չ եւս բաժանեսցին յերկուս թագաւորու(թ)ի(ւն)ս։

Verse: 23   Link to sept   Զի մի́ եւս պղծեսցին ՛ի կուռս իւրեանց եւ ՛ի գարշելիս իւրեանց, եւ յա(մենայ)ն ամպարշտու(թ)ի(ւն)ս իւրեանց, եւ փրկեցից զդոսա յա(մենայ)ն անօրենու(թ)ե(ան)ց դոցա զոր մեղան ՛ի ն(ո)ս(ա), եւ սրբեցից զդոսա։ եւ եղիցին ինձ ՛ի ժողովուրդ, եւ ես եղէց դոցա յա(ստուա)ծ։

Verse: 24   Link to sept   Եւ ծառայ իմ դաւիթ՝ իշխա́ն ՛ի մէջ դոցա. եւ մի հովիւ եղիոցի ամենեցուն դոցա. զի ըստ հրամանաց իմոց գնասցեն եւ զիրաւունս իմ պահեսցեն, եւ արասցեն զն(ո)ս(ա)։

Verse: 25   Link to sept   Եւ բնակեսցեն յերկրին իւրեանց զոր ետու ես ծառային իմում յակովբայ ուր բնակեցին հարք իւրեանց. եւ բնակեսցեն դոքա ՛ի նմա, եւ որդիք դոցա, եւ որդիք որդւոց դոցա մինչեւ յաւիտեան։ Եւ դաւիթ ծառայ իմ եղիցի իշխա́ն դոցա յաւիտեան։

Verse: 26   Link to sept   եւ եդից դոցա ո́ւխտ խաղաղու(թ)ե(ան), եւ ուխտ յաւիտենական եղիցի ընդ նոսա։ եւ տա́ց դոցա՝ եւ բազմացուցից զդոսա, եւ եդից զսրբու(թ)ի(ւն)ս իմ ՛ի մէջ դոցա յաւիտեան։

Verse: 27   Link to sept   եւ եղիցի բնակութի(ւն) իմ ՛ի դոսա. եւ եղէց դոցա յա(ստուա)ծ, եւ դոքա եղիցին ինձ ՛ի ժողովուրդ։

Verse: 28   Link to sept   Եւ ծանիցեն ազգք թէ ե́ս եմ տ(է)ր որ սրբեցի զդոսա, ՛ի լինե́լ սրբութե(ան)ց իմոց ՛ի միջի դոցա յաւիտեան։



Chapter: 38  
ԳԼ(ՈՒԽ) Լ՜Ը.

՛Ի վերայ Գովգայ՝ եւ Մագովգայ։


Section: 35 

Verse: 1   Link to sept   Եւ եղեւ բա́ն տ(եառ)ն առ իս՝ եւ ասէ.

Verse: 2   Link to sept   որդի մարդոյ՝ հաստատեա́ զերեսս քո ՛ի վ(ե)ր(այ) գովգայ, եւ երկրին մագովգայ, իշխանին ռովսմեսովքայ եւ թոբելայ։ եւ մարգարեա́ ՛ի վ(ե)ր(այ) ն(ո)ր(ա),

Verse: 3   Link to sept   եւ ասասցես ցնա։ Ա́յսպէս ասէ տ(է)ր տ(է)ր. ահաւասիկ ես ՛ի վ(ե)ր(այ) քո իշխանդ ռովսմեսովքայ եւ թոբելայ։

Verse: 4   Link to sept   եւ պաշարեցից զքեզ, եւ արկից դանդանաւանդ ՛ի կզղակս քո, եւ ժողովեցից զքեզ եւ զա(մենայ)ն զօրու(թ)ի(ւն)ս քո. զհեծեալս եւ զերիվարս, զվառեալս եւ զսպառազէնս ազգաց բազմաց. վահանաւորս եւ սաղաւարտաւորս, եւ սուսերաւորս։ եւ ամենեքին սոքա ընդ նոսա։

Verse: 5   Link to sept   Պարսիկք եւ եթւովպացիք՝ լիբէացիք եւ լիդացիք, ամենեքին սաղաւարտեալք՝ եւ վահանաւորք։

Verse: 6   Link to sept   դոմեր՝ եւ ամենեքին որ շո́ւրջ են զնովաւ. եւ տունն թորգոմայ ՛ի ծագացն հիւսւսոյ, եւ ամենեքին որ շուրջ զնովաւ, եւ ազգք բազումք ընդ քեզ։

Verse: 7   Link to sept   Պատրաստեա́ց, պատրաստեա́ զանձն քո՝ դո́ւ եւ ա(մենայ)ն ժողովք որ ժողովեալ են ընդ քեզ. եւ եղիցես ինձ յառաջապահ։

Verse: 8   Link to sept   յաւուրց բազմաց պատրաստեսցի, եւ ՛ի վախճան ժամանակաց եկեսցէ́ եւ հասցէ յերկիրն յապահով ՛ի սրոյ. ժողովեալ յազգաց բազմաց յերկիրն ի(սրայէ)լի, որ եղեւ աւերակ համօրէն. եւ նոյն յազգաց ժողովեալ՝ եւ բնակեն խաղաղու(թեամ)բ ամենեքին։

Verse: 9   Link to sept   Եւ ելցես իբրեւ զանձրեւ, եւ հասցես իբրեւ զամպ եւ ծածկեսցես զերկիրն. եւ եղիցես դու՝ եւ ա(մենայ)ն ազգք բազումք՝ որ շուրջ զքե́ւ իցեն ընդ քեզ։

Verse: 10   Link to sept   Ա́յսպէս ասէ տ(է)ր տ(է)ր. եւ եղիցի յաւուր յայնմիկ անկանիցին բանք ՛ի սիրտ քո, եւ խորհեսցիս խորհուրդս չարս.

Verse: 11   Link to sept   եւ ասասցես, ելի́ց ՛ի վերայ յապահով երկրին. հասի́ց ՛ի վ(ե)ր(այ) հանդարտացելոցն յանհոգու(թ)ե(ան), եւ բնակեցելոցն ՛ի խաղաղութե(ան), ամենեցուն որ բնակեալ են յերկրին. որոց ո́չ պարիսպք եւ ո́չ նիգք եւ ո́չ դրունք,

Verse: 12   Link to sept   աւարել զաւար, կողոպտել զկապուտ ն(ո)ց(ա). արկանել զձեռն իմ ՛ի վ(ե)ր(այ) երկրին աւերելոյ՝ եւ բնակեցելոյ, եւ ՛ի վերայ ազգին ժողովելոյ յազգաց բազմաց. ստացելոց ինչս եւ դաստակերտս, բնակելոց ՛ի սիրտ երկրի։

Verse: 13   Link to sept   Սաբա եւ դեդան, եւ վաճառականք կարքեդովնացւոց, եւ ա(մենայ)ն աւանք ն(ո)ր(ա) ասիցեն ցքեզ, յա́ռ յաւա́ր արշաւեալ գաս. ժողովեցեր զժողովս քո առնուլ զարծաթ եւ զոսկի, վարե́լ ՛ի գերութի(ւն) զստացուածս, եւ կողոպտել զկապուտ մեծ։

Verse: 14   Link to sept   Վասն այնորիկ մարգարեա́ց որդի մարդոյ, եւ ասասցես ցգովգ։ ա́յսպէս ասէ տ(է)ր տ(է)ր. ոչ ապաքէն յաւուր յայնմիկ յորում բնակեսցէ ժողովուրդ իմ ի(սրայ)էլ խաղաղու(թեամ)բ, զարթիցես

Verse: 15   Link to sept   եւ եկեսցես ՛ի տեղւոջէ քումմէ ՛ի ծագաց հիւսւսոյ, դո́ւ եւ բազում ազգք ընդ քեզ հեծեալ յերիվարս. ամենեքին ընդ գունդս բազումս զօրաց բազմաց։

Verse: 16   Link to sept   Եւ ելանիցես ՛ի վերայ ժողովրդեան իմոյ ի(սրայէ)լի՝ իբրւե զա́մպ ծածկեալ զերկիրն։ ՛ի յետին ժամանակի եղիցի այն. եւ ածից զքեզ յերկիր իմ, զի ծանիցեն զիս ա(մենայ)ն ազգք, ՛ի լինել ինձ ս(ուր)բ ՛ի միջի քում առաջի ն(ո)ց(ա)։

Verse: 17   Link to sept   Ա́յսպէս ասէ տ(է)ր տ(է)ր ցգովգ. դո́ւ ես վ(ա)ս(ն) որոյ խօսեցայ յաւուրցն առաջնոց ՛ի ձեռն ծառայիցն իմոց մարգարէիցն ի(սրայէ)լի յաւուրսն յայնոսիկ՝ եւ յամսն, ածել զքեզ ՛ի վ(ե)ր(այ) ն(ո)ց(ա)։

Verse: 18   Link to sept   Եեւ եղիցի յաւուր յայնմիկ յորում եկեսցէ գովգ ՛ի վ(ե)ր(այ) երկրի ի(սրայէ)լի՝ ասէ տ(է)ր տ(է)ր. ելցէ սրտմտու(թ)ի(ւն)Ի իմ բարկութ(եամ)բ,

Verse: 19   Link to sept   եւ նախա́նձ իմ հրով բարկութե(ան) իմոյ. խօսեցայ թէ ո́չ յաւուր յայնմիկ եղիցի շարժումն մեծ ՛ի վ(ե)ր(այ) երկրին ի(սրայէ)լի.

Verse: 20   Link to sept   եւ խռովեսցին յերեսաց իմոց ձկունք ծովու, եւ թռչունք երկնից, եւ գազանք դաշտաց, եւ ա(մենայ)ն սողունք երկրի, եւ ա(մենայ)ն մարդիկ որ ՛ի վ՝ր երեսաց երկրի։ լերինք պատառեսցին, եւ ձորք տապալեսցին, եւ ա(մենայ)ն պարիսպք երկրին կործանեսցին։

Verse: 21   Link to sept   Եւ կոչեցից զա́հ սրոյ ՛ի վ(ե)ր(այ) ն(ո)ր(ա)՝ ասէ տ(է)ր տ(է)ր. սո́ւ առն ՛ի վ(ե)ր(այ) եղբօր իւրոյ լինիցի.

Verse: 22   Link to sept   եւ դատեցայց զնա արեամբ եւ մահու. եւ հեղեղօք անձրեւաց, եւ վիմօք կարկտի. եւ հուր եւ ծծումբ տեղացից ՛ի վ(ե)ր(այ) ն(ո)ր(ա), եւ ՛ի վ(ե)ր(այ) ամենեցուն որ ընդ նմա իցեն, եւ ՛ի վ(ե)ր(այ) ազգաց բազմաց որ ընդ նմա։

Verse: 23   Link to sept   եւ մեծացա́յց եւ ս(ուր)բ եղէց, եւ փառաւորեցայց եւ ծանուցայց առաջի ազգաց բազմաց։ եւ ծանիցեն թէ ե́ս եմ տ(է)ր։



Chapter: 39  
ԳԼ(ՈՒԽ) Լ՜Թ.


Verse: 1   Link to sept   Եւ դու որդի մարդոյ մարգարեա́ ՛ի վ(ե)ր(այ) գովգայ՝ եւ ասասցես. Ա́յսպէս ասէ տ(է)ր տ(է)ր. ահաւասիկ ե́ս ՛ի վ(ե)ր(այ) քո գովգ՝ իշխանդ ռովսմեսովքայ եւ թոբելայ։

Verse: 2   Link to sept   եւ ժողովեցից զքեզ եւ առաջնորդեցից քեզ. եւ հանից զքեզ ՛ի ծագաց հիւսւսոյ, եւ ածից զքեզ ՛ի վ(ե)ր(այ) լերանցն ի(սրայէ)լի։

Verse: 3   Link to sept   Եւ կորուսից զաղեղն քո ՛ի ձախմէ ձեռանէ քումմէ. եւ կործանեցից զքեզ

Verse: 4   Link to sept   ՛ի վ(ե)ր(այ) լերանցն ի(սրայէ)լի. եւ անկանիցիս դո́ւ եւ ամենեքին որ զքեւ իցեն. եւ ազգքն որ ըւնդ քեզ իցեն, մատնեսցին ՛ի կերակուր հաւո́ւց եւ ա(մենայ)ն թռչնոց. եւ ա(մենայ)ն գազանաց անապատի ետու զքեզ ՛ի կերակուր։

Verse: 5   Link to sept   ընդ երեսս դաշտին անկցիս. զի ե́ս խօսեցայ՝ ասէ տ(է)ր տ(է)ր։

Verse: 6   Link to sept   Եւ առաքեցից հո́ւր ՛ի վ(ե)ր(այ) մագովգայ. եւ բնակեսցեն կղզիք ՛ի խաղաղութե(ան)։ եւ ծանիցեն թէ ե́ս եմ տ(է)ր տ(է)ր։

Verse: 7   Link to sept   եւ անուն իմ ս(ուր)բ ծանիցի ՛ի մէջ ժողովրդեան իմոյ ի(սրայէ)լի. եւ մի́ եւս պղծեսցի անուն իմ ս(ուր)բ։ եւ ծանիցեն ա(մենայ)ն ազգք երկրի՝ թէ ե́ս եմ տ(է)ր ս(ուր)բն ի(սրայէ)լի։

Verse: 8   Link to sept   Ահաւասիկ հասեալ է. եւ ծանիցես թէ լինիցի՝ ասէ տ(է)ր տ(է)ր։ այս է օրն զորմէ խօսեցայ։

Verse: 9   Link to sept   Եւ ելցեն բնակիչք քաղաքաց ի(սրայէ)լի. եւ այրեսցեն զզէնս, զնիզակաբեկս, զասպարաբեկս, զնետս, զբեկորս աղեղացն, զտիգաբունս, զսըւնակոթս, եւ արասցեն իւրեանց այրելիս եւթն ամի.

Verse: 10   Link to sept   եւ մի́ առցեն փայտ ՛ի վայրաց, եւ յատցեն փայտ յանտառաց. այլ զզէնսն այրեսցեն ՛ի կրակի· եւ առցեն յաւարի զաւարառուս իւրեանց, եւ կողոպտեսցեն զկողոպտիչս իւրեանց՝ ասէ տ(է)ր տ(է)ր։

Verse: 11   Link to sept   եւ մի́ առցեն փայտ ՛ի վայրաց, եւ յատցեն փայտ յանտառաց. այլ զզէնս այրեսցեն ՛ի կրակի։ եւ առցեն յաւարի զաւարառուս իւրեանց՝ ասէ տ(է)ր տ(է)ր։

Verse: 12   Link to sept   Եւ եղիցի յաւուր յայնմիկ՝ տաց գովգայ տեղի անուանի գերեզման յիսրայէլի. զշիրիմ եկելոցն ՛ի կողմանց ծովուն, եւ շինեսցեն շուրջ զափամբք ձորոյն եւ թաղեսցեն անդ զգովգ, եւ զա(մենայ)ն ժողովս ն(ո)ր(ա)։ եւ կոչեսցի գե́հ գերեզման գովգայ։

Verse: 13   Link to sept   եւ թաղեսցեն զն(ո)ս(ա) տուն ի(սրայէ)լի, զի սրբեսցի երկիրն։ զեւթն ամիս

Verse: 14   Link to sept   թաղեսցեն զն(ո)ս(ա) ա(մենայ)ն ժողովուրդք երկրին։ եւ եղիցի ն(ո)ց(ա) անուանի օրն յորում փառաւորեցայց՝ ասէ տ(է)ր տ(է)ր։

Verse: 15   Link to sept   Եւ ա́րս նմին իրի գումարեսցեն երթալ շրջել ընդ երկիրն, եւ թաղե́լ զմնացորդս ՛ի վ(ե)ր(այ) երեսաց երկրին. եւ սրբել զնա յետ եւթն ամսոյ։

Verse: 16   Link to sept   Եւ խնդրեսցէ ա(մենայ)ն որ անցանիցէ ընդ երկիրն. եւ յորժամ տեսանիցէ ոսկր մարդոյ՝ շինեսցէ առ նովաւ նշանակ ինչ, մինչեւ թաղեսցեն զայն որք թաղենն ՛ի գեհ ՛ի գերեզմանին գովգայ.

Verse: 17   Link to sept   զի եւ անուն քաղաքին գերեզման կոչեսցի. եւ սրբեսցի երկիրն։

Verse: 18   Link to sept   Եւ դու որդի մարդոյ՝ ա́յսպէս ասեէ տ(է)ր տ(է)ր. ասա́ դու ցա(մենայ)ն հաւս թռչունս, եւ ցա(մենայ)ն գազանս դաշտի. ժողովեցարո́ւք եւ եկա́յք, ժողովեցարո́ւք յա(մենայ)ն կողմանց երկրի ՛ի զենումն իմ զոր ես զենի ձեզ՝ զենումն մեծ ՛ի վ(ե)ր(այ) լերանցն ի(սրայէ)լի. կերէ́ք միս եւ արբէ́ք արիւն.

Verse: 19   Link to sept   կերէք զմիս սկայից, եւ արբէ́ք զարիւն իշխանաց երկրին, զխոյս՝ եւ զզուարակս՝ զնոխազս։ զի զուրակք պարարեալք են ամենեքեան.

Verse: 20   Link to sept   եւ կերիջիք ճարպ ցյագ, եւ արբջիք արիւն ցարբենալ ՛ի ղզենլեաց իմոց զոր զենի ձեզ.

Verse: 21   Link to sept   եւ յագեսջիք ՛ի սեղանոյ իմմէ. ՛ի հեծելոց, եւ յերիվարաց, եւ ՛ի սկայից, եւ յա(մենայ)ն արանց պատերազմողաց՝ ասեէ տ(է)ր տ(է)ր։

Verse: 22   Link to sept   Եւ տաց զփառս իմ ՛ի ձեզ. եւ տեսցեն ա(մենայ)ն ազգք զդատաստանն իմ զոր արարի, եւ զձեռն իմ զոր ածից ՛ի վ(ե)ր(այ) ն(ո)ց(ա)։

Verse: 23   Link to sept   եւ ծանիցեն տունն ի(սրայէ)լի թէ ե́ս եմ տ(է)ր ա(ստուա)ծ ն(ո)ց(ա), յօորէ յայնմանէ եւ առ յապայ։

Verse: 24   Link to sept   Եւ ծանիցեն ա(մենայ)ն ազգք, թէ վ(ա)ս(ն) մեղաց իւրեանց գերեցան տունն ի(սրայէ)լի. փոխանակ զի անարգեցին զիս, դարձուցի զերեսս իմ ՛ի նոցանէ, եւ մատնեցի զն(ո)ս(ա) ՛ի ձեռս թշնամեաց իւրեանց. եւ անկան ամենեքեան ՛ի սուր.

Verse: 25   Link to sept   վ(ա)ս(ն) պղծութե(ան) ն(ո)ց(ա)՝ եւ անօրէնութե(ան)ց՝ արարի ն(ո)ց(ա) զայն. եւ դարձան երեսք իմ ՛ի նոցանէ։

Verse: 26   Link to sept   Վ(ա)ս(ն) այնորիկ ա́յսպէս ասէ տ(է)ր տ(է)ր. ա́րդ դարձուցից զգերութի(ւն)ն յակովբայ, եւ ողորմեցայց տանն ի(սրայէ)լի, եւ նախանձեցայց վ(ա)ս(ն) անուան իմոյ ս(ր)բ(ո)յ։

Verse: 27   Link to sept   եւ ընկալցին զանարգանս իւրեանց եւ զանիրաւու(թ)ի(ւն)ս զոր անիրաւեցան։ ՛ի բնակեցուցանել զն(ո)ս(ա) յերկրին իւրեանց խաղաղու(թեամ)բ. եւ ո́չոք իցէ որ զարհուրեցուցանիցէ՝

Verse: 28   Link to sept   ՛ի դարձուցանել ինձ զն(ո)ս(ա) յազգաց, եւ ժողովել զն(ո)ս(ա) ՛ի գաւառաց հեթանոսաց։ Եւ ս(ուր)բ եղէ́ց ՛ի ն(ո)ս(ա) առաջի ազգաց.

Verse: 29   Link to sept   եւ ծանիցեն թէ ես եմ տ(է)ր ա(ստուա)ծ նոցա, յերեւել ինձ ն(ո)ց(ա) ՛ի մէջ ազգաց։ եւ ժողովեցից զն(ո)ս(ա) յերկրին իւրեանց, եւ ո́չ եւս թողից ՛ի նոցանէ ուրեք.

Verse: 30   Link to sept   եւ ո́չ եւս դարձուցից զերեսս իմ ՛ի նոցանէ. փոխանակ հեղլոյ զսրտմտութի(ւն) իմ ՛ի վ(ե)ր(այ) տանն ի(սրայէ)լի. ասէ տ(է)ր տ(է)ր։



Chapter: 40  
ԳԼ(ՈՒԽ) Խ՜.

Վասն Շինեածոյ Տաճարին։


Section: 36 

Verse: 1   Link to sept   Եւ եղեւ ՛ի քսաներորդի եւ ՛ի հինգերորդի ամի գերութե(ան) մերոյ, յամսեանն առաջնում որ օր մետասան էջր ամսոյն. ՛ի չորեքտասաներորդի ամի առնլոյ քաղաքին. յաւո́ւր յայնմիկ եղեւ ՛ի վերայ իմ ձեռն տ(եառ)ն։

Verse: 2   Link to sept   Եւ ա́ծ զիս ՛ի տեսլեան ա(ստուծո)յ յերկիրն ի(սրայէ)լի, եւ եդ զիս ՛ի վ(ե)ր(այ) լերին միոյ բարձու յոյժ։ եւ ՛ի վ(ե)ր(այ) ն(ո)ր(ա) իբրեւ զշինուած քաղաքի դէ́մ յանդիման.

Verse: 3   Link to sept   եւ տարաւ զիս ՛ի ներքս։ Եւ ահա ա́յր մի, եւ տեսիլ ն(ո)ր(ա) իբրեւ զտեսիլ փայլուն պղնձոյ. եւ ՛ի ձեռին ն(ո)ր(ա) էր լա́ր շինողաց, եւ ձո́ղ չափոյ. եւ ինքն կա́յր ՛ի վերայ դրանն։

Verse: 4   Link to sept   Եւ ասէ ցիս այրն. տեսե́ր որդի մարդոյ. արդ՝ հայեա́ց աչօք քովք, եւ լո́ւր ակընջօք քովք, եւ հաստատեա́ ՛ի մտի քում զա(մենայ)ն զոր ես ցուցից քեզ։ զի վ(ա)ս(ն) ցուցանելո́յ քեզ եկի այսր. եւ ցուցցե́ս զա(մենայ)ն զոր դո́ւդգ տեսանես՝ տանն ի(սրայէ)լի։

Verse: 5   Link to sept   Եւ ահա շուրջ զտաճարաւն փողոցս. եւ ՛ի ձեռին առն՝ ձո́ղ չափոյ ՛ի վե́ց կանգնոյ եւ թզաւ։ եւ չափեաց զլայնու(թ)ի(ւն) պարսպացն հաւասար ձողոյն, եւ զբարձրու(թ)ի(ւն) ն(ո)ր(ա) հաւասար ձողոյն։

Verse: 6   Link to sept   Եւ եմո́ւտ ընդ դուռնն որ հայէր ըւնդ արեւելս՝ զե́ւթն աստիճանօք. եւ չափեաց զկոզակսն վեց վեց զկամարօք դրանն հաւասար ձողոյն. եւ զերկայնութի(ւն) կոզակին հաւասար ձողոյն, եւ զլայնու(թ)ի(ւն) նորին հաւասար ձողոյն։ եւ կամարս ՛ի մէջ կոզակացն ՛ի վեց կանգնոյ։

Verse: 7   Link to sept   եւ կոզակն երկրորդ հաւասա́ր ձոիղոյն ՛ի լայնութի(ւն), եւ հաւասար ձողոյն յերկայնութի(ւն). եւ կամարն ՛ի հինգ կանգնոյ։

Verse: 8   Link to sept   Եւ կոզակն երրորդ հաւասար ձողոյն յերկայնու(թ)ի(ւն), եւ հաւասար ձողոյն ՛ի լայնութի(ւն). եւ կամարք դրանն

Verse: 9   Link to sept   մերձ ՛ի կոնք դրանն յութ կանգնոյ. եւ կամարք յերկուց կանգնոց, եւ կամարք ներքին դրանն։

Verse: 10   Link to sept   եւ կոզակք դրանն՝ դէմ յանդիման միմեանց երե́ք աստի եւ երեք անտի. եւ չափ մի էր երեցուն. եւ չա́փ մի կամարացն՝ աստի եւ անտի։

Verse: 11   Link to sept   Եւ չափեաց զլայնութի(ւն) մտից դրանն ՛ի տասն կանգնոյ, եւ զերկայնու(թ)ի(ւն) դրանն յերեքտասան կանգնոյ։

Verse: 12   Link to sept   եւ ՛ի մի կանգուն բովանդակեալ դէմ յանդիման կոզակացն՝ ՛ի մի կանգուն սահմանեալ յայս կոյս յայն կոյս. եւ կոզակքն աստի եւ անտի ՛ի վեց վեց կանգնոյ։

Verse: 13   Link to sept   Եւ չափեաց զդուռնն ՛ի պարսպէ կոզակին մինչեւ յո́րմ կոզակին, ՛ի լայնութի(ւն) քսան եւ հինգ կանգուն. եւ ա́յն էր դուռն ՛ի դրան վ(ե)ր(այ)։

Verse: 14   Link to sept   եւ զմիջոց կամարի դրանն, եւ զկոզակս նորին ՛ի վաթսուն կանգնոյ շուրջ զդրամբն. եւ զմիջոց սրահին արտաքնոյ,

Verse: 15   Link to sept   եւ զմիջոց կամարի դրանն ներքնոյ, ՛ի յիսուն կանգնոյ։

Verse: 16   Link to sept   եւ պատուհանք ծածուկ էին ՛ի կոզակսն, եւ ՛ի կամարսն ներքուստ դրան սրահին շո́ւրջ շրջանակաւ։ նոյնպէս եւ կամարացն, եւ պատուհանք շուրջ ներքոյ եւ արտաքոյ. եւ ՛ի վ(ե)ր(այ) կամարացն արմաւենիք աստի եւ անտի։ Եւ տարաւ զիս ՛ի ներքին սրահն.

Verse: 17   Link to sept   եւ ահա դահլիճք, եւ սի́ւնք շրջանակօք, շուրջ զսրահիւքն յօրինեալք. երեսուն դահլիճք ՛ի մէջ սեանցն շրջանակաց։

Verse: 18   Link to sept   եւ սիւնք դէմ յանդիման դրանցն ըստ երկայնու(թ)ե(ան) դրանցն,

Verse: 19   Link to sept   եւ սիւնք շրջանակաւ ՛ի ներքոյ։ Եւ չափեաց զլայնութի(ւն) սրահին ՛ի միջոցէ դրանն արտաքնոյ մինչեւ ցմնիջոց դրանն ներքնոյ որ հայէր ը(նդ) արեւելս. հարե́ւր կանգուն։

Verse: 20   Link to sept   Եւ տարաւ ցիս ՛ի կողմն հիւսւսոյ, եւ ահա դուռն մի որ հայէր ըւնդ հիւսւսի սրահին արտաքնոյ. եւ չափեաց զնա յերկայնու(թ)ի(ւն) եւ ՛ի լայնութի(ւն).

Verse: 21   Link to sept   եւ կոզակս ն(ո)ր(ա) աստի եւ անտի, եւ զկամարն, եւ զկոնքն, եւ զարմաւենիս։ Եւ եղեւ ըստ չափոյ դրանն որ հայէր ըւնդ արեւելս, յիսուն կանգուն յերկայնու(թ)ի(ւն), եւ քսան եւ հինգ կանգուն ՛ի լայնութի(ւն)։

Verse: 22   Link to sept   եւ պատուհանք ն(ո)ր(ա), եւ կամարք. եւ արմաւենիք ըստ դրանն որ հայէր ընդ արեւելս։ եւ ընդ եւթն սանդուխս ելանէին ՛ի նա. եւ էր կամարակապ ՛ի ներքոյ։

Verse: 23   Link to sept   եւ դուռն ներքին սրահին հայէր ընդ դուռն հիւսւսոյ, ըստ օրինակի դրանն որ հայէր ը(նդ) արեւելս. եւ չափեաց զսրահն դրանէ ՛ի դուռն՝ հարեւր կանգուն։

Verse: 24   Link to sept   Եւ տարաւ զիս ընդ կողմն հարաւոյ, եւ ահա դուռն մի որ հայէր ընդ հարաւ. եւ չափեաց զնա եւ զկոզակս ն(ո)ր(ա), եւ կոնքս, եւ զկամարս ըստ նմին չափոյ։

Verse: 25   Link to sept   եւ պատուհանք նորա եւ կամարք շրջանակաւ, ըստ օրինակի պատուհանիցն եւ կամարացն առաջնոցն, յիսուն կանգուն յերկայնութի(ւն)՝ եւ քսան եւ հինգ կանգուն ՛ի լայնութի(ւն)։

Verse: 26   Link to sept   եւ եւթն սանդուխք ՛ի նմա. եւ կամարք ՛ի ներքս, եւ արմաւենիք աստի եւ անտի ՛ի վ(ե)ր(այ) կոնքիցն։

Verse: 27   Link to sept   եւ դուռն ներքոյ հանդէպ դրան սրահին՝ որ հայէր ընդ հարաւ։ Եւ չափեաց զսրահն դրանէ ՛ի դուռն ՛ի լայնութի(ւն)՝ հարեւր կանգուն ՛ի կողմն հարաւոյ։

Verse: 28   Link to sept   Եւ տարաւ զիս ՛ի սրահն ներքին դրանն որ հայէր ըւնդ կողմն հարաւոյ. եւ չափեաց զդուռնն որ ընդ հարաւ ըստ նմին չափոյ։

Verse: 29   Link to sept   եւ զկոզակսն, եւ զկամարս եւ զկոնքս նովին չափով. եւ պատուհանք նորա եւ կամարք շուրջ շրջանակաւ. յիսուն կանգուն յերկայնութի(ւն), եւ քսան եւ հինգ ՛ի լայնու(թ)ի(ւն)։

Verse: 30   Link to sept   եւ շուրջ զնովաւ կամարք՝ յիսուն կանգուն յերկայնու(թ)ի(ւն) եւ քսան եւ հինգ ՛ի լայնութի(ւն)։

Verse: 31   Link to sept   եւ կամարք ՛ի յարտաքնում սրահին, եւ արմաւենի́ք ՛ի կամարսն. եւ եւթն սանդուխք ելանելիք նորա։

Verse: 32   Link to sept   Եւ տարաւ զիս ՛ի դուռնն որ հայէր ընդ ճանապարհ արեւելից, եւ չափեաց զնա ըստ առաջին չափոյն.

Verse: 33   Link to sept   զկոզակսն, եւ զկամարսն, եւ զկոնքսն՝ ըստ նմին չափոյ. եւ պատուհանք ՛ի նմա, եւ կամարք շուրջանակի. յիսուն կանգուն յերկայնութի(ւն), եւ քսան եւ հինգ ՛ի լայնութի(ւն)։

Verse: 34   Link to sept   եւ կամարք ՛ի ներքումն սրահին, եւ արմաւենիք ՛ի վ(ե)ր(այ) կամարացն աստի եւ անտի, եւ եւթն սանդուխք ՛ի նմա։

Verse: 35   Link to sept   Եւ տարաւ զիս ՛ի դուռնն որ ընդ հիւսւսի. եւ չափեաց ըստ նմին չափոյ,

Verse: 36   Link to sept   զկոզակսն եւ զկամարսն եւ զկոնքս. եւ պատուհա́նք ՛ի նմա շուրջանակի, եւ կամարք յիսուն կանգուն յերկայնութի(ւն), եւ քսան եւ հինգ կանգուն ՛ի լայնութի(ւն)։

Verse: 37   Link to sept   եւ կամարք արտաքոյ դրանն. եւ արմաւենիք կամարացն աստի եւ անտի, եւ ութ սանդուխտք ՛ի նմա։

Verse: 38   Link to sept   եւ դահլիճք ն(ո)ր(ա)՝ եւ լայնու(թ)ի(ւն)ք ն(ո)ր(ա)՝ եւ կամարք նորա հանդէպ երկրորդ դրանն՝ ուր լուանային զողջակէզսն։

Verse: 39   Link to sept   Եւ ՛ի կամարի դրանն երկու սեղանք յայսկոյս, եւ երկու սեղանք յա́յնկոյս. զի զենուցուն ՛ի նմա զողջակէզսն՝ եւ զվ(ա)ս(ն) մեղացն՝ եւ զվ(ա)ս(ն) անգիտու(թ)ե(ա)ն։

Verse: 40   Link to sept   Եւ ը(նդ) հարաւակողմն խողուակի ողջակիզացն ՛ի մուտս դրանն որ հայէր ընդ հիւսւսի, երկու սեղանս որ հայէր ընդ արեւելս։ եւ ՛ի հարաւակողմ կուսէ երկրորդի դրանն՝ հանդէպ կամարաց դրանն երկու սեղանք։ Եւ ընդ արեւելս ութ սեղանք։

Verse: 41   Link to sept   չորք սեղանք յայսկոյս, եւ չորք սեղանք յայնկոյս, հանդէպ հարաւոյ դրանն։ եւ անդ զենուցուն զզոհսն եւ զողջակէզսն, յանդիման ութից սեղանոց ողջակիզացն։

Verse: 42   Link to sept   Եւ չորք սեղանք ողջակիզացն քարեղէնք կոփածոյք. կանգնա́ւ եւ կիսով երկայնու(թ)ի(ւն), եւ կանգնաւ եւ կիսով ՛ի լայնու(թ)ի(ւն), եւ կանգնաւ եւ կիսով ՛ի բարձրութի(ւն). զի ՛ի վ(ե)ր(այ) ն(ո)ց(ա) դիցեն զգործիսն՝ որով զենուցուն անդ զողջակէզսն եւ զզոհսն։

Verse: 43   Link to sept   Եւ ծնօտս ուղկեանս քանդակագործս ունիցին ՛ի ներքուստ շուրջանակի։ եւ ՛ի վերայ սեղանոյն յա́րկ առ ՛ի ծածկել յանձրեւոյ եւ յերաշտութ(են)է։

Verse: 44   Link to sept   Եւ տարաւ զիս ՛ի սրահին ներքին. եւ ահա երկու պատշգամք ՛ի ներքոյ սրահին, մի ընդ հարաւո́յ դրանն որ հայէր ընդ հիւսւսի, եւ հանէր ընդ հարաւ. եւ մի ընդ հիւսւսոյ դրանն որ հայէր ընդ հարաւ, եւ հանէր ընդ հիւսւսի։

Verse: 45   Link to sept   Եւ ասէ ցիս՝ ա́յս պատշգամ, որ հայի ընդ կողմանս հարաւոյ՝ քահանայիցն եղիցի որ պահեն զպահպանու(թ)ի(ւն)ս տանն։

Verse: 46   Link to sept   Եւ պատշգամն որ հայի ընդ հիւսւսի՝ քահանյիցն եղիցի որ պահեն զպահպանութի(ւն) սեղանոյն. նոքա են որդիք սադովկայ՝ որ մերձենան ՛ի ղեւտացւոց անտի պաշտել զտ(է)ր։

Verse: 47   Link to sept   Եւ չափեաց զսրահն յերկայնու(թ)ի(ւն) հարեւր կանգուն, եւ ՛ի լայնու(թ)ի(ւն)Ի հարեւր կանգուն, զչորեսին կողմանս ն(ո)ր(ա), եւ ՛ի սեղան՝ յանդիման տաճարին։

Verse: 48   Link to sept   Եւ տարաւ զիս ՛ի կո́նք տաճարին, եւ չափեաց զլայնու(թ)ի(ւն) կոնքին, ՛ի միոջէ կողմանէ հինգ կանգուն, եւ ՛ի միւսմէ կողմանէ հինգ կանգուն, եւ զլայնու(թ)ի(ւն) մտին՝ չորեքտասան կանգուն. եւ զխոյակս ուսոց դրան կոնքին յա́յսկոյս յայնկոյս՝ երիս երիս կանգունս։

Verse: 49   Link to sept   եւ զբարձրու(թ)ի(ւն) կոնքին քսա́ն կանգուն. եւ զլայնու(թ)ի(ւն)Ի նորին՝ մետասան կանգուն. եւ ընդ տասն աշտիճան ելանէին ՛ի նա։ եւ սիւնք երկո́ւ էին աստի եւ անտի։



Chapter: 41  
ԳԼ(ՈՒԽ) Խ՜Ա.


Verse: 1   Link to sept   Եւ տարա́ւ զիս ՛ի տաճարն զորոյ չափեաց զկամարն, վեց կանգուն զլայնու(թ)ի(ւն) ՛ի միոջէ կողմանէ. եւ վեց կանգուն զերկայնութի(ւն) կամարին ՛ի միւսմէ կողմանէ։։

Verse: 2   Link to sept   եւ զլայնու(թ)ի(ւն)Ի դրանն տասն կանգուն. եւ զխոյակս կոճոց դրանն յայսկոյս յայնկոյս հինգհինգ կանգուն. եւ չափեաց զերկայնու(թ)ի(ւն) ն(ո)ր(ա) քառասուն կանգուն, եւ զլայնու(թ)ի(ւն)սն քսան կանգուն։

Verse: 3   Link to sept   Եւ եմուտ ՛ի ներքին սրահն՝ եւ չաֆփեաց զլայնութի(ւն) մտին երկուս կանգունս, եւ զմուտսն վեց կանգուն, եւ զխոյակս կոճոց մտիցն յայսկոյս յայնկոյս հինգ հինգ կանգուն։

Verse: 4   Link to sept   եւ չափեաց զերկայնութի(ւն) դրանն՝ քառասուն կանգուն, եւ զլայնու(թ)ի(ւն)ն քսան կանգուն՝ առաջի տաճարին. եւ ասէ ցիս, ա́յս է սրբու(թ)ի(ւն) սրբու(թ)ե(ան)ցն։

Verse: 5   Link to sept   Եւ չափեաց զորմ տաճարին ՛ի վեց կանգնոյ. եւ զլայնութի(ւն) կողման տանն, ՛ի չորից կանգնոց շուրջ շրջանակաւ.

Verse: 6   Link to sept   եւ ՛ի կողմանէ ՛ի կողմ երեսուն եւ երիս կանգունս կրկին։ եւ անջրպետ ՛ի մէջ որմոց տաճարին շուրջանակի շուրջ զկողմամբքն. զի լինիցի ա́յնոցիկ որք անկանիցին զնոքօք հայել. եւ ամենեւին մի́ մերձենայցեն յորմ տաճարին։

Verse: 7   Link to sept   Եւ զլայնութի(ւն) կողմանց վերին դրանն, ըստ առանցից կողմանց յորմոցն առ ՛ի վերին կողմն շուրջ զտամբն. զի ընդ արձակու(թ)ի(ւն) լինիցի տանն ՛ի վերուստ եւ ՛ի ներքուստ, որոց ելանիցենն ՛ի վերնայարկացն, եւ ՛ի միջնայարկացն յերրո́րդ յարկսն։

Verse: 8   Link to sept   Եւ ձեղուան տանն բարձրու(թ)ի(ւն) շուրջ շրջանակաւ զանջրպետօք կողմանցն, հաւասար ձողոյն ՛ի վէեց կանգնոյ անջրպետ մի։

Verse: 9   Link to sept   եւ լայնու(թ)ի(ւն) որմոյ արտաքին կողմանն ՛ի հինգ կանգնոյ. եւ առանցք ՛ի մէջ կողմանց տանն.

Verse: 10   Link to sept   եւ ՛ի մէջ պատշգամացն ՛ի լայնութի(ւն) քսան կանգուն, եւ շրջանակաւ շրջանակք տանն։

Verse: 11   Link to sept   Եւ դուրք պատշգամացն յառանցս՝ դրան միոյ ընդ հիւսւսի, եւ դուռն մի որ ընդ հարաւ. եւ լայնու(թ)ի(ւն) տեղւոյն ընդարձակու(թ)ե(ան) վ(ա)ս(ն) լուսոյ առանցիցն, հինգ կանգուն ՛ի լայնութի(ւն) շուրջանակի։

Verse: 12   Link to sept   եւ անջրպետ ՛ի մէջ առանցիցն ՛ի ծովակողմ ճանապարհին, յերկայնութի(ւն) ութսուն կանգուն, եւ լայնութի(ւն) որմոյն անջրպետի հինգ կանգուն, եւ երկայնու(թ)ի(ւն) ն(ո)ր(ա) իննսուն կանգուն։

Verse: 13   Link to sept   Եւ չափեաց առաջի տանն յերկայնու(թ)ի(ւն) հարեւր կանգուն. եւ խորշքն եւ անջրպեւտք եւ որմք ն(ո)ց(ա)՝ երկայնու(թ)ի(ւն) հարեւր կանգուն.

Verse: 14   Link to sept   եւ լայնու(թ)ի(ւն) առաջի տանն, եւ խորշքն յանդիման նորին՝ հարեւր կանգուն։

Verse: 15   Link to sept   Եւ չափեաց զերկայնութի(ւն) անհրպետին ընդդէմ խորշիցն ՛ի թիկանց տանն. եւ զխորշսն աստի եւ անտի հարեւր կանգուն յերկայնու(թ)ի(ւն)։ Եւ տաճարն արտաքին, եւ անկիւնքն, եւ կամարքն,

Verse: 16   Link to sept   եւ յարկքն, եւ պատուհանքն վանդակապատքն, լուսանցոյցք շուրջ զերեքումբք վ(ա)ս(ն) հայելոյ։ եւ տունն՝ եւ որ զնովաւ յարկքն առհասարակ շուրջ շրջանակաւ տախտակամա́ծ ՛ի յատակացն մինչեւ ՛ի պատուհանսն։ եւ պատուհանք բացեալք երեքկին առ ՛ի հայել.

Verse: 17   Link to sept   ո(ր)պ(էս) եւ ՛ի ներքոյ կողմանն մինչեւ յարտաքինն։ Եւ ՛ի վ(ե)ր(այ) ա(մենայ)ն տանն շուրջ շրջանակաւ, եւ ՛ի վ(ե)ր(այ) ա(մենայ)ն տանն շուրջանակի ներքոյ եւ արտաքոյ,

Verse: 18   Link to sept   քերովբ քանդակեալ՝ եւ արմաւենիք. եւ արմաւենի մի ՛ի մէջ քերովբէիցն, եւ երկու քերովբէքն հանդէպ միմեանց։ միոյ քերովբէին

Verse: 19   Link to sept   դէմքն մարդոյ՝ ՛ի միոջէ́ կողմանէ արմաւենւոյն. եւ դէմք առիւծու՝ ՛ի միւսմէ կողմանէ արմաւենւոյն։ եւ ա́յսպէս քանդակեալ էր ա(մենայ)ն տաճարն շուերջանակի,

Verse: 20   Link to sept   յատակաց մինչեւ ցյարկսն քերովբէք եւ արմաւենիք քանդակեալք։ եւ սրբութի(ւն)ն՝ եւ տաճարն՝ թռուցեալ

Verse: 21   Link to sept   եւ բացեալ չորեքկուսի։ Եւ դէմ հյանդիման սրբու(թ)ե(ան)ցն տեսիլ,

Verse: 22   Link to sept   իբրեւ նմանու(թ)ի(ւն) փայտեղէն սեղանոյ՝ երեք կանգուն ՛ի բարձրու(թ)ի(ւն), եւ երկու կանգուն յերկայնու(թ)ի(ւն), եւ երկու կանգուն ՛ի լայնու(թ)ի(ւն)՝ եւ եղջեւրք ՛ի նմա. եւ յատա́կքն ն(ո)ր(ա) եւ որմք փայտեղէնք։ Եւ ասէ ցիս. ա́յս է սեղան երեսաց տ(եառ)ն։

Verse: 23   Link to sept   Եւ երկու մուտք տաճարին, եւ երկու մուտք սրբու(թ)ե(ան)ցն. երկոցունց շրջանակաւ մտիցն՝

Verse: 24   Link to sept   երկու մուտք միոյ, եւ երկու մուտք միւսոյ դրանն։

Verse: 25   Link to sept   եւ քանդակագործք ՛ի վ(ե)ր(այ) ն(ո)ց(ա)։ եւ ՛ի վ(ե)ր(այ) մտից տաճարին քերովբէք եւ արմաւենիք քանդակեալք ըստ քանդակի սրբու(թ)ե(ան)ցն։ եւ փֆայտակերտ ազնիւ դէմ յանդիման կամարին արտաքուստ կողմանէ։

Verse: 26   Link to sept   եւ պատուհանք ծածուկք։ Եւ չափեաց յայսկոյս յայնկոյս զյա́րկս կամարին, եւ զկողմանս տանն խառնեալ ընդ միմեանս։



Chapter: 42  
ԳԼ(ՈՒԽ) Խ՜Բ.


Verse: 1   Link to sept   Եւ եհա́ն զիս ՛ի սրահն արտաքին ընդ արեւելս դէմ յանդիման դրանն հիւսւսոյ։ եւ տարաւ զիս ՛ի ներքս։ Եւ ահա պատշգամք հինգ առանցիւք եւ խորշիւք ընդ կո́ղմ հիւսւսոյ.

Verse: 2   Link to sept   հարեւր կանգուն յերկայնութի(ւն), եւ յիսուն կանգուն ՛ի լայնու(թ)ի(ւն).

Verse: 3   Link to sept   նկարեալք ըւստ օրինակի դրան սրահին ներքնոյ, եւ ըստ օրինակի շրջանակիւ սեանցն սրահին արտաքնոյ. դէ́մ ընդդէմ կարգեալ երեք սրահեա́ն։

Verse: 4   Link to sept   Եւ դէմ ընդդէմ պատյշգամացն գնացք ՛ի տասն կանգնոյ լայնու(թ)ի(ւն), եւ հարեւր կանգուն յերկայնու(թ)ի(ւն). եւ ներքսագոյն կողմ ճանապարհին կանգուն մի. եւ դրունք նոցա ընդ հիւսւսի

Verse: 5   Link to sept   Եւ գնացք ՛ի վերնատունսն նոյնպէս, զի խառնեալ էին սիւնքն շրջանակաւ ՛ի ներքուստ մինչեւ ՛ի վեր։ եւ անջրապետն նոյնպէս. եւ սիւնքն շրջանակօք, եւ անջրպետք եւ մոյթք.

Verse: 6   Link to sept   քանզի երեքսրահեանք էին. եւ սիւնք ո́չ գոյին իբրեւ զսիւնս պատշգամացն. վասն այնորիկ առանցք էին ՛ի ներքոյ կողմանէն։ եւ ՛ի միջնայարկացն ՛ի գետնոյ կողմանէ յիսուն։

Verse: 7   Link to sept   Եւ լոյս արտաքուստ, ո(ր)պ(էս) եւ պատշգամք սրահին արտաքնոյ որ հային դէմ յանդիման պատշգամացն՝ որ ընդ հիւսւսոյ՝ յերկայնութի(ւն) յիսուն կանգուն։

Verse: 8   Link to sept   քանզի երկայնու(թ)ի(ւն) պատշգամացն որ հայէին ՛ի սրահն արտաքին՝ է́ր ՛ի յիսուն կանգնոյ. եւ նոքա էին դէմ յանդիման միմեանց. ընդ ա(մենայ)ն հարեւր կանգուն։

Verse: 9   Link to sept   Եւ դրունք պատշգամացն որ ընդ մուտս արեւելից՝ վ(ա)ս(ն) մտանելոյ ընդ նոսա յարտաքին սրահին անտի.

Verse: 10   Link to sept   ըստ լուսամտին առաջի́ն գնացին որ ընդ կողմն հարաւոյ՝ դէմ յանդիման հարաւոյ, եւ ընդդէմ անջրպետացն, եւ հանդէպ խորշիցն։ Եւ պատշգամքն,

Verse: 11   Link to sept   եւ գնացն հանդէպ նոցուն ըստ չափոյ պատշգամացն ճանապարհին՝ որ ընդ հիւսւսի. եւ ըստ երկայնութե(ան) ն(ո)ց(ա)՝ եւ ըստ լայնու(թ)ե(ան) ն(ո)ց(ա)՝ եւ ըստ ելից ն(ո)ց(ա). եւ ըստ շրջանակաց նոցին, եւ ըստ լուսանցուցաց։

Verse: 12   Link to sept   եւ ըստ մտից պատշգամացն՝ որ ընդ հիւսւս, եւ ըստ մտից պատշգամացն որ ընդ հարաւ։ եւ ըստ մտից առաջին գնացիցն առ ՛ի զլոյսն տալոյ անջրպետու(թ)ե(ան) ձողոյն, եւ հանդէպ արեւելից գնա́լ ընդ ն(ո)ս(ա)։

Verse: 13   Link to sept   Եւ ասէ ցիս. պատշգամք որ են ընդ հիւսւսի, եւ պատշգամքդ որ են ընդ հարաւ՝ հանդէպ բացատանցն, դոքա են պատշգամք սրբու(թ)ե(ա)ն ուր ուտեն քահանայքն որդիքն սադովկայ մերձաւորք տանն զսրբութի(ւն) սրբու(թ)ե(ան)ցն։ եւ ա́նդ դիցեն զսրբութի(ւն) սրբու(թ)ե(ան)ցն, եւ զզոհսն, եւ զվ(ա)ս(ն) մեղացն, եւ զվ(ա)ս(ն) անգիտութե(ա)ն. քանզի սո́ւրբ է տեղին։

Verse: 14   Link to sept   եւ մի́ ոք մտցէ անդր. բա́ց ՛ի քահանայիցն։ Եւ ո́չ ելանիցեն ՛ի սրբու(թեն)է անտի ՛ի սրահն արտաքին. զի յա(մենայ)ն ժամանակի որ մերձենանն՝ սո́ւրբ կացցեն. եւ մի́ մատչիցին ՛ի պատմուճանս իւրեանց որով պաշտիցինն, զի սո́ւրբ է այն։ եւ զգեցցին ա́յլ հանդերձ յորժամ մերձենայցեն ՛ի ժողովուրդն։

Verse: 15   Link to sept   Եւ կատարեցաւ չափ տաճարին ներքնոյ։ Եւ եհան զիս ընդ ճանապարհ դրանն որ հայէր ընդ արեւելս. եւ չափեաց զձեւ տանն շուրջանակի ըստ յօրինուածոյ։

Verse: 16   Link to sept   եւ եկն եկաց առ հարաւային դրանն որ հայէր ընդ արեւելս, եւ չափեաց հինգ հարեւր չափով ձողոյն։ Եւ դարձաւ ՛ի կողմ հիւսւսոյ.

Verse: 17   Link to sept   եւ չափեաց հանդէպ հիւսւսոյ, հինգ հարեւր չափով ձողոյն։

Verse: 18   Link to sept   Եւ դարձաւ ՛ի ծովակողմն, եւ չափեաց հանդէպ ծովուն, հինգ հարեւր չափով ձողոյն։

Verse: 19   Link to sept   Եւ դարձաւ ՛ի կողմն հարաւոյ, եւ չափեաց հանդէպ հարաւոյ հինգ հարեւր չափով ձոիղոյն։

Verse: 20   Link to sept   Եւ զփողոցս ն(ո)ր(ա) շուրջանակի ՛ի չորեսին կողմանսն նովին չափով։ եւ յօրինեաց զնա եւ զփողոցս ն(ո)ր(ա) շուրջանակի, ՛ի հինգ հարեւր կանգնոյ հանդէպ արեւելից, եւ ՛ի հինգ հարեւր կանգնոյ զլայնութի(ւն)ն անջրպետել ՛ի մէջ սրբու(թ)ե(ան)ցն, եւ ՛ի մէջ պարսպացն յորինուածոյ տաճարին։



Chapter: 43  
ԳԼ(ՈՒԽ) Խ՜Գ.


Verse: 1   Link to sept   Եւ ա́ծ զիս ՛ի դուռնն որ հայէր ընդ արեւելս, եւ եհա́ն զիս ընդ այն։

Verse: 2   Link to sept   Եեւ ահա փառքն ա(ստուծո)յ ի(սրայէ)լի գային ընդ ճանապարհն արեւելից, եւ ձայն բանակին իբրեւե զձայն կրկնելո́յ բազմաց. եւ երկիրն լուսաւորեցաւ ՛ի նմանու(թ)ի(ւն) լուսաւորաց ՛ի փառացն շուրհջանակի։

Verse: 3   Link to sept   եւ տեսիլն զոր տեսանէի, է́ր ըստ տեսլեանն զոր տեսի ՛ի ժամանակի իբրեւե մտանէի օծանել զքաղաքն։ Եւ տեսիլ կառացն զոր տեսի, է́ր ըստ տեսլեանն զոր տեսանէի ՛ի վ(ե)ր(այ) քովբար գետոյ. եւ անկայ ՛ի վ(ե)ր(այ) երեսաց իմոց։

Verse: 4   Link to sept   եւ փֆառքն տ(եառ)ն մտին ՛ի տաճարն ընդ ճանապարհ դրանն՝ որ հայէ́ր ընդ արեւելս։

Verse: 5   Link to sept   Եւ համբա́րձ զիս հոգին, եւ տարաւ զիս ՛ի սրահն ներքին. եւ ահա լի́ եէր փառօք տ(եառ)ն տաճարն, եւ կայի անդ։

Verse: 6   Link to sept   եւ ահա ձայն ՛ի տաճարէ անտի որ խօսէր ընդիս։ Եւ այր մի կայր մօտ առ իս,

Verse: 7   Link to sept   եւ ասէ ցիս. որդի մարդոյ՝ տեսե՞ր զտեղի աթտոռոյ իմոյ, եւ զտեղի հետոց ոտից իմոց. որովք բնակեսցէ անուն իմ ՛ի մէջ տանն ի՝լի յաւիտեան։ եւ մի́ եւս պղծեսցեն տունն ի(սրայէ)լի զանուն իմ ս(ուր)բ, ինքեանք եւ առաջնորդք իւրեանց պոռնկութ(եամ)բ իւրեանց, եւ սպանութ(եամ)բ իշխանացն որ ՛ի մէջ ն(ո)ց(ա)։

Verse: 8   Link to sept   ՛ի դնել ինձ զդրանդս իմ ՛ի մէջ դրանդեաց ն(ո)ց(ա), եւ զսեամս իմ առ սեամս նոցա։ Եւ արկին զպարիսպս նեղել ընդ իս եւ ընդ ն(ո)ս(ա). եւ պղծեցին զանուն իմ ս(ուր)բ անօրէնութ(եամ)բ իւրեանց զոր առնէին. եւ խորտակեցից զնոսա բարկու(թեամ)բ իմով եւ սպանմամբ։

Verse: 9   Link to sept   Գգոնեայ արդ մերժեսցեն զպոռնկու(թ)ի(ւն)ս իւրեանց, եւ զսպանու(թ)ի(ւն)ս իշխանաց ն(ո)ց(ա) յինէն. եւ բնակեցայց ՛ի մէջ ն(ո)ց(ա) յաւիտեան։

Verse: 10   Link to sept   Եւ դու որդի մարդոյ՝ ցո́յց տանդ ի(սրայէ)լի զտաճարդ, եւ դադարեսցեն ՛ի մեղաց իւրեսնց, զտեսիլ դորաւ եւ զձեւ եւ զյօրինուած։

Verse: 11   Link to sept   եւ նոքա ընկալցին զտանջանս իւրեանց վ(ա)ս(ն) ա(մենայ)նի զոր արարին։ Եւ նկարեսցեն զտունդ եւ զպատրաստու(թ)ի(ւն)դ իւր, եւ զել եւ զմուտ դորա, եւ զկահ եւ զա(մենայ)ն հրամանս դորա. եւ զա(մենայ)ն օրէենս եւ զիրաւունս դորա ցուցցես ն(ո)ց(ա). եւ գրեսցես առաջի ն(ո)ց(ա). եւ պահեսցեն զա(մենայ)ն իրաւունս եւ զհրամանս իմ, եւ արասցեն զն(ո)ս(ա)։

Verse: 12   Link to sept   եւ նկարագիր տանն ՛ի վ(ե)ր(այ) գլխոյ լերինն, եւ ա(մենայ)ն սահմանք ն(ո)ր(ա) շուրջանակի. սրբու(թ)ի(ւն) սրբութե(ան)ց են։ Ա́յս օրէն է տաճարին։

Verse: 13   Link to sept   եւ ա́յս չափ սեղանոյն. կանգուն մի ՛ի կանգնոց, եւ կանգուն մի եւ ուղուկ գոգա́ծ խորութե(ան) ն(ո)ր(ա). եւ կանգուն մի լայնութի(ւն). եւ պսակ շուրջ զծնօտիւք ն(ո)ր(ա) շուրջանակի թզա́ւ մի։ Եւ ա́յս բարձրութի(ւն) սեղանոյն

Verse: 14   Link to sept   ՛ի խորու(թեն)է սկզբան փորուածոյն մինչեւ ՛ի մեծ քաւութի(ւն)ն, կանգունք երկուք ՛ի ներքուստ, եւ ՛ի լայնու(թ)ի(ւն) կանգուն մի. եւ փոքր քաւութ(են)էն մինչեւ ՛ի մեծ ՛ի մեծ քաւու(թ)ի(ւն)ն կանգունք չորք, եւ ՛ի լայնութի(ւն) կանգուն մի։

Verse: 15   Link to sept   եւ բունն ՛ի չորից կանգնոց. եւ ՛ի բնէն ՛ի վեր ցեղջեւրսն՝ կանգուն մի։

Verse: 16   Link to sept   եւ բունն յերկոտասան կանգնոյ, առ երկոտասան կանգուն ՛ի լայնութի(ւն), չորեքկուսի ՛ի չորեսին կողմանս իւր։

Verse: 17   Link to sept   Եւ քաւութի(ւն)ն չորեքտասան կանգուն յերկայնու(թ)ի(ւն), եւ չորեքտասան կանգուն ՛ի լայնութի(ւն)Ի, հասարակ ՛ի չորեցունց կողմանց։ եւ ծնօտքն պատուածոյք շուրջանակի պատեալ զնովաւ ՛ի կէս կանգնոյ, եւ բոլորակն ն(ո)ր(ա) շուերջանակի կանգուն մի. եւ աշտիճանքն ն(ո)ր(ա) ընդ արեւելս։

Verse: 18   Link to sept   Եւ ասէ ցիս տ(է)ր. որդի մարդոյ՝ ա́յսպէս ասէ տ(է)ր տ(է)ր. ա́յս հրամանք են սեղանոյն. յաւուր գործուածոյ իւրոյ մատուցանել ՛ի վ(ե)ր(այ) ն(ո)ր(ա) ողջակէեզս, եւ հեղուլ առ նովաւ արիւն։

Verse: 19   Link to sept   Եւ տացես քահանայիցն ղեւտացւոց որք ՛ի զաւակէ սադովկայ մերձեսցին առ իս՝ ասէ տ(է)ր տ(է)ր պաշտել զիս, զուարակ մի յանգդւոյ վ(ա)ս(ն) մեղաց։

Verse: 20   Link to sept   եւ առցեն յարենէ ն(ո)ր(ա), եւ դիցեն ՛ի վ(ե)ր(այ) չորեցունց եղջերաց սեղանոյն, եւ ՛ի վ(ե)ր(այ) չորեցունց անկեանց քաւու(թ)ե(ա)ն. եւ շուրջ զյատակաւն, եւ ցանեսցեն՝ եւ քաւեսցեն։

Verse: 21   Link to sept   Եւ առցեն զզուարակն զվ(ա)ս(ն) մեղացն՝ եւ այրեսցի ՛ի զատեալ տեղւոջ տաճարին՝ արտաքոյ սրբութե(ան)ցն։

Verse: 22   Link to sept   Եւ յաւուրն երկրորդի առցեն նոխազս երկուս յայծեաց անարատից վ(ա)ս(ն) մեղաց, եւ քաւեսցեն զսեղանն՝ ո(ր)պ(էս) քաւեցին զուարակաւն։

Verse: 23   Link to sept   Եւ յետ վախճանելոյ զքաւութի(ւն)ն, մատուսցեն զուարակ յարջառոց անարատ՝ եւ խո́յ ՛ի հօտից անարատ։

Verse: 24   Link to sept   եւ մատուսցին առաջի տ(եառ)ն, եւ ցանեսցեն ՛ի վ(ե)ր(այ) ն(ո)ր(ա) քահանայքն աղ. եւ հանցեն զն(ո)ս(ա) յողջակէզս տ(եառ)ն։

Verse: 25   Link to sept   Զեւթն օր արասցեն նոխազ մի վ(ա)ս(ն) մեղաց հանապազ, եւ զուարակ մի յարջառոց, եւ խոյ մի ՛ի հօտից անարատ արասցեն

Verse: 26   Link to sept   զեւթտն օր, եւ քաւեսցեն զսեղանն՝ եւ սրբեսցեն զնա։ Եւ կատարեսցեն զձեռս իւրեանց։

Verse: 27   Link to sept   եւ վախճանեսցեն զաւուրսն։ եւ եղիցի յօրէն ութերորդէ եւ անդր՝ արասցեն քահանայքն ՛ի վ(ե)ր(այ) սեղանոյն զողջակէզս ձեր, եւ զվ(ա)ս(ն) փրկու(թ)ե(ան) ձերոյ, եւ ընկալայց զձեզ՝ ասէ տ(է)ր տ(է)ր։



Chapter: 44  
ԳԼ(ՈՒԽ) Խ՜Դ.


Verse: 1   Link to sept   Եւ դարձոյց զիս ընդ ճանապարհ արտաքին դրա́ն սրբութե(ան)ցն՝ որ հայէր յարեւելս. եւ այն էր փակեալ։

Verse: 2   Link to sept   Եւ ասէ ցիս տ(է)ր. ա́յդ դուռն փակեալ կացցէ՝ եւ մի բացցի՝ եւ մի́ ոք անցցէ ընդ դա, զի տ(է)ր ա(ստուա)ծ ի(սրայէ)լի մտցէ ընդ դա. եւ եղիցի փակեալ։

Verse: 3   Link to sept   քանզի առաջնորդ իշխանն նա́ նստցի ՛ի դմա ուտել հաց առաջի տ(եառ)ն, ընդ ճանապարհ կամարի դրանն մտցէ, եւ ը(նդ) նո́յն ճանապարհ ելցէ։
Section: 37 

Verse: 4   Link to sept   Եւ տարաւ զիս ընդ ճանապարհ դրանն որ ը(նդ) հիւսւսի յանդիման տաճարին. տեսանէի եւ ահա փառօք տ(եառ)ն լի́ էր տունն տ(եառ)ն. եւ անկա́յ ՛ի վ(ե)ր(այ) երեսաց իմոց։

Verse: 5   Link to sept   Եւ ասէ ցիս տ(է)ր. որդի մարդոյ, դի́ր ՛ի սրտի քում, եւ տե́ս աչօք քովք, եւ լո́ւր ակընջօք քովք զա(մենայ)ն ինչ զոր ես ընդ քեզ խօսեցայց, ըստ ա(մենայ)ն հրամանաց տանդ տ(եառ)ն, եւ ըստ ա(մենայ)ն իրաւանց դորա. եւ կարգեսցես ՛ի սրտի քում զմուտ տանդ ըստ ա(մենայ)ն ելից դորա, եւ ըս(տ) ա(մենայ)ն սրբու(թ)ե(ան)ցն։

Verse: 6   Link to sept   Եւ ասասցես ցտունդ ի(սրայէ)լի տուն դառնացողաց. ա́յսպէս ասէ տ(է)ր տ(է)ր. շա́տ լիցի ձեզ առ ա(մենայ)ն անօրէնու(թեամ)բք ձերովք տունդ ի(սրայէ)լի,

Verse: 7   Link to sept   մուծանել ձեզ զորդիս այլազգիս անթլփատս սրտիւ՝ եւ անթլփատս մարմնով՝ լինել ՛ի սրբուեթիս իմ եւ պղծել զնոսա, ՛ի մատուցանել ձեզ զհացդ իմ ճարպով եւ արեամբ, եւ անցանէք զուխտիւ իմով ա(մենայ)ն անօրէնու(թեամ)բք ձերովք։

Verse: 8   Link to sept   եւ ո́չ պահեցէք զպահպանու(թ)ի(ւն)ս սրբութե(ան)ց իմոց. եւ կարգեցէք զն(ո)ս(ա) պահել զպահպանութի(ւն) սրբու(թ)ե(ան) սրբութե(ան)ց իմոց։

Verse: 9   Link to sept   Վ(ա)ս(ն) այդորիկ ա́յսպէս ասէ տ(է)ր ա(ստուա)ծ. ա(մենայ)ն որդի օտարածին անթլփատ սրտաիւ եւ անթլփատ մարմնով, մի́ մտցէ ՛ի սրբութի(ւն)ս իմ. յա(մենայ)ն որդւոց այլազգեացն որ իցեն ՛ի տանդ ի(սրայէ)լի։

Verse: 10   Link to sept   այլեւ ղեւտացիքն որք հեռացան յինէն ՛ի մոլորել ժողովրդեանն. որ մոլորեցան յինէն զհետ խորհրդոցն իւրեանց, եւ ընկալցին ըստ անօրէնութե(ան)ց իւրեանց։

Verse: 11   Link to sept   Եւ եղիցին ՛ի սրբութի(ւն)ս իմ պաշտօնեայք բարապանք դրանց տանդ, եւ սպասաւորք տաճարիդ. ննքա զենուցուն զողջակէզղս եւ զզոհս ժողովրդեանն. եւ նոքա կացցեն առաջի ժողովրդեանն լինել նոցա ՛ի սպասաւորս.

Verse: 12   Link to sept   փոխանակ զի էին նոքա սպասաւորք առաջի կռոցն ն(ո)ց(ա). եւ եղեւ տանն ի(սրայէ)լի այն ՛ի տանջանս անիրաւութե(ան)։ Վ(ա)ս(ն) այնորիկ ամբարձի զձեռն ի(ւրու)մ ՛ի վ(ե)ր(այ) ն(ո)ց(ա) ասէ տ(է)ր ա(ստուա)ծ. եւ ընկալցին ըստ անօրէնութե(ան) իւրեանց։

Verse: 13   Link to sept   եւ մի́ մերձեսցին առ իս քահանայանալ ինձ, եւ մի́ հպել յա(մենայ)ն որբու(թ)ի(ւն)ս որդւոցն ի(սրայէ)լի, եւ մի́ յա(մենայ)ն սրբութի(ւն) սրբու(թ)ե(ան)ց իմոց. եւ ընկալցին զանարգանս իւրեանց մոլորութ(եամ)բն զոր մոլորեցան։

Verse: 14   Link to sept   եւ կարգեսցեն զն(ո)ս(ա) պահել զպահպանութի(ւն)ս տանն. յա(մենայ)ն ՛ի գործս ն(ո)ր(ա), եւ յա(մենայ)ն ինչ զոր գործեսցեն անդ։

Verse: 15   Link to sept   Եւ քահանայքն ղեւտացիք որդիք սադովկայ որք պահեցին զպահպանութի(ւն)ս սրբութե(ան)ց իմոց ՛ի մոլորել տանն ի(սրայէ)լի յինէն նոքա́ մերձեսցին առ իս պաշտել զիս. եւ կացցեն առաջի երեսաց իմոց մատուցծանել ինձ զոհս եւ ճարպ եւ արիւն՝ ասէ տ(է)ր ա(ստուա)ծ։

Verse: 16   Link to sept   նոքա մտցեն ՛ի սրբութի(ւն)ս իմ, եւ նոքա մերձեսցին ՛ի սեղան իմ պաշտել զիս. եւ պահեսցեն զպահպանութի(ւն)ս իմ։

Verse: 17   Link to sept   Եւ եղիցի ՛ի մտանելն ն(ո)ց(ա) ընդ դուռն սրահին ներքնոյ, զգեցցին զպատմուճանս կտաւիս. եւ մի́ զգենուցուն ասուիս ՛ի պաշտամանն իւրեանց, ՛ի դրանէ ներքին սրահին։

Verse: 18   Link to sept   Եւ խոյրս կտաւիս ունիցին ՛ի գլուխս իւրեանց, եւ անդրավարտիս կտաւիս յերանս իւրեանց, եւ ո́չ զգենուցուն բռնութի(ւն)։

Verse: 19   Link to sept   Եւ յելանելն իւրեանց յարտաքին սրահն առ ժողովուրդն, մերկասցին զպատմուճանս իւրեանց որով պաշտիցենն. եւ դիցեն զն(ո)ս(ա) ՛ի սենեակն սրբութե(ան)ց, եւ զգեցցին ա́յլ պատմուճանս. եւ մի́ սրբեսցեն զժողովուրդն պատմուճանօք իւրեանց։

Verse: 20   Link to sept   Եւ զգլուխս իւրեանց մի́ գերծցեն, եւ զվարսս իւրեանց մի́ անօսրացուսցեն. ծածկելով ծածկեսցեն զգլուխս իւրեանց։

Verse: 21   Link to sept   Եւ գինի մի́ արբցեն ա(մենայ)ն քահանայքն ՛ի մտանե́լն իւրեանց ՛ի ներքին սրահն։

Verse: 22   Link to sept   եւ զայրի, եւ զհանեալ մի́ առնուցուն իւրեանց ՛ի կանայս, այլ զկոյսս ՛ի զաւակէ տանն ի(սրայէ)լի. եւ այրի թէ իցէ ՛ի քահանայէ մնացեալ՝ առցեն։

Verse: 23   Link to sept   Եւ զժողովուրդն իմ ուսուսցեն ընտրե́լ ՛ի մէջ սրբոյն եւ պղծոյն. եւ ՛ի մէջ անարատին եւ արատաւորին։

Verse: 24   Link to sept   Եւ ՛ի վ(ե)ր(այ) դատաստանի արեան նոքա́ կացցեն քննել. զարդարու(թ)ի(ւն)ս իմ արդարացուսցեն, եւ զիրաւունս իմ իրաւացուսցեն. եւ զօրէնս իմ, եւ զհրամանս իմ յա(մենայ)ն տօնս պատմեսցեն, եւ զշաբաթս իմ սրբեսցե́ն։

Verse: 25   Link to sept   Եւ ՛ի դի́ մարդոյ մի́ մտցեն պղծիլ. բայց թէ ՛ի հօր կամ ՛ի մօր՝ եւ յուստերս եւ ՛ի դստերս՝ եւս յեղբօր եւ ՛ի քեռ՝ որ առն չիցէ տուեալ՝ պղծեսցին։

Verse: 26   Link to sept   եւ յետ սրբելոյն նորա՝ եւթն օր թուեսցէ իւր։

Verse: 27   Link to sept   եւ յորում աւուր մտանիցէ ՛ի սրոբութի(ւն) սրահին ներքնոյ պաշտե́լ ՛ի սրբութե(ա)ն՝ մատուցանէ քաւու(թ)ի(ւն)՝ ասէ տ(է)ր ա(ստուա)ծ։

Verse: 28   Link to sept   Եւ ո́չ եղիցի ն(ո)ց(ա) ժառանգութի(ւն), զի ես եմ ն(ո)ց(ա) ժառանգութի(ւն). եւ կալուածք մի́ տացին ն(ո)ց(ա) ՛ի մէջ որդւոցն ի(սրայէ)լի, զաի ե́ս եմ ն(ո)ց(ա) ժառանգու(թ)ի(ւն)։

Verse: 29   Link to sept   Եւ զզօհսն, եւ զվ(ա)ս(ն) մեղացն, եւ զվ(ա)ս(ն) անգիտութե(ա)ն՝ նոքա́ կերիցեն. եւ ա(մենայ)ն նուէրք ի(սրայէ)լի՝ ն(ո)ց(ա) լիցին։

Verse: 30   Link to sept   պտուղ ա(մենայ)նի եւ անդրանիկք ամենեցուն, եւ երախայրիք յամենայն պտղոց ձերոց՝ քահանայի́ցն եղիցի։ Եւ զառաջին մուտ արդեանց ձերոց տաջի́ք քահանային՝ դնել օրհնութի(ւն) ՛ի վերայ տանց ձերոց։

Verse: 31   Link to sept   Զամենայն զմեռելոտի եւ զգազանաբեկ, ՛ի թռչնոց եւ յանասնոց, մի́ ուտիցեն քահանայիքմն։



Chapter: 45  
ԳԼ(ՈՒԽ) Խ՜Ե.


Verse: 1   Link to sept   Եւ ՛ի վիկակել ձեզ զերկիրն ՛ի ժառանգու(թ)ի(ւն), զատուսջի́ք պտուղ տ(եառ)ն սուրբ ՛ի յերկրէն. քսանեւհինգ հազար յերկայնու(թ)ի(ւն), եւ տասն հազար ՛ի լայնու(թ)ի(ւն), նուիրեալ եղիցի յա(մենայ)ն սահմանս ն(ո)ր(ա) շուրջանակի։

Verse: 2   Link to sept   Եւ եղիցի յայնմանէ ՛ի սրբու(թ)ի(ւն)։ հինգ հարեւր առ հինգ հարեւր չորեքկուսի շուրջանակի. եւ յիսուն կանգուն բացծատացն շուրջանակի։

Verse: 3   Link to sept   եւ յայսմ չափոյ չափեսցի քսան եւ հինգ հազար յերկայնութի(ւն), եւ տասն հազա́ր ՛ի լայնութի(ւն)։ եւ ՛ի նմա́ եղիցի սրբութի(ւն) սրբու(թ)ե(ան)ցն

Verse: 4   Link to sept   նուիրեալ յերկրէն. եւ եղիցի քահանայիցն որ պաշտիցեն ՛ի սրբու(թ)ե(ա)ն, եւ այնոցիկ որ մերձենան պաշտել զտ(է)ր։ Եւ եղիցի ն(ո)ց(ա) տեղի մի զատեալ ՛ի տուն սրբու(թ)ե(ան) իւրեանց,

Verse: 5   Link to sept   քսան եւ հինգ հազար յերկայնութի(ւն), եւ տասն հազար ՛ի լայնու(թ)ի(ւն)։ Եւ ղեւտացւոցն որ պաշտեն ՛ի տաճարին, եղիցի ՛ի կալուածս քաղաքի ՛ի բնակու(թ)ի(ւն).

Verse: 6   Link to sept   ըստ բնակութե(ան) քաղաքի տացես, հինգ հազար ՛ի լայնու(թ)ի(ւն), եւ քսան եւ հինգ հազար յերկայնու(թ)ի(ւն) ըստ երախտեաց սրբութե(ան)ցն. յա(մենայ)ն տանէն ի(սրայէ)լի եղիցի։

Verse: 7   Link to sept   Եւ առաջնորդին յայնմանէ եւ անտի յերախայրիս սրբոցն ՛ի նիստ քաղաքին յանդիման երախայւրեաց սրբու(թ)ե(ան)ցն, ընդդէմ բնակութե(ան) քաղաքին ընդ կողմ ծովու. եւ ՛ի ծովէն ընդ արեւելս. եւ երկայնու(թ)ի(ւն) ըստ միոյ վիճակաց ՛ի սահմանացն որ ընդ ծովակողմն, եւ լայնու(թ)ի(ւն) ըստ սահմանաց երկրին որ ընդ արեւելս։

Verse: 8   Link to sept   եւ եղիցի նմա ՛ի կալուածս ՛ի մէջ ի(սրայէ)լի։ Եւ ո́չ եւս բուռն լիցին իշխանք որդւոցն ի(սրայէ)լի ժողովրդեան իմում. եւ զերկիրն վիճակեալ ժառանգեսցեն տունն ի(սրայէ)լի ըստ ազգս իւրեանց։
Section: 38 

Verse: 9   Link to sept   Ա́յսպէս ասէ տ(է)ր տ(է)ր. շա́տ լիցի ձեզ իշխանքդ ի(սրայէ)լի.արդ ՛ի բաց արարէք զապիրատութի(ւն)Ի եւ զչուառութի(ւն). իրաւունս եւ արդարութի́(ւն) արարէք. ՛ի բաց մերժեցէք զբռնու(թ)ի(ւն) ՛ի ժողովրդենէ իմմէ՝ ասէ տ(է)ր ա(ստուա)ծ։

Verse: 10   Link to sept   Կշիռք արդա́ր, եւ չափ արդա́ր, եւ կապիճ արդա́ր եղիցի չափոց ձերոց։

Verse: 11   Link to sept   եւ կապիճ նո́յն լիցի տալոյ եւ առնլոյ. տասներորդն գրուի եղիցի կապիճ. եւ տասներորդ գրուի կապիճն, կշի́ռ ըստ գրուին, եւ ըստ արդուին եղիցի։

Verse: 12   Link to sept   եւ կշիռն քսան դանգ, եւ քսա́ն սիկղ, եւ քսան եւ հինգ սիկղ, եւ ՛ի քսան եւ ՛ի հինգ սկեղէ՝ եղիցիծ ձեզ մնաս մի։

Verse: 13   Link to sept   Եւ ա́յս պտուղ իցէ զոր զատանիցէք. զվեցերորդ չափոյն ՛ի գրուէ ցորենոյ, եւ զվեցծերորդ արդուի ՛ի քոռէ գարւոյ։

Verse: 14   Link to sept   Եւ հրաման ձիթոյ, քսէստ մի իւղոյ, տասներորդ սափորոյն. զի տասն քսէստն՝ է́ սափոր մի։

Verse: 15   Link to sept   Եւ ոչխար մի ՛ի տասն ոչխարէ, նուէրք յա(մենայ)ն ազգացն ի(սրայէ)լի, ՛ի զոհս եւ յողջակէզս քաւութե(ան) եւ փֆրկութե(ան) ձերոյ՝ ասէ տ(է)ր ա(ստուա)ծ։

Verse: 16   Link to sept   Եւ ա(մենայ)ն ժողովուրդ երկրիդ՝ տացէ́ զերախայրիսն ցառաջնորդս ի(սրայէ)լի։

Verse: 17   Link to sept   եւ ՛ի ձեռն առաջնորդին եղիցին ողջակեզքն՝ եւ զօհքն՝ եւ սպանդքն, ՛ի տօնս եւ յամսագլուխս եւ ՛ի շաբաթս. եւ յա(մենայ)ն տօնս տանդ ի(սրայէ)լի նա մատուսցէ զվ(ա)ս(ն) մեղացն, եւ զզոհսն՝ եւ զողջակէզսն, եւ զվ(ա)ս(ն) փրկութե(ա)ն քաւե́լ զտունդ ի(սրայէ)լի։

Verse: 18   Link to sept   Ա́յսպէս ասէ տ(է)ր ա(ստուա)ծ, յառպաջնում ամսեանն որ օր մի իցէ ամսոյն, առնուցո́ւք զուարակ մի յանգւոյ անարատ՝ քաւել զսրբութի(ւն)ն։

Verse: 19   Link to sept   եւ առցէ քահանայն յարենէ քաւու(թ)ե(ա)ն, եւ ցանեսցէ ՛ի վերայ սեմոց տանն, եւ ՛ի վ(ե)ր(այ) չորեցունց անկեանց տաճարին, եւ ՛ի վ(ե)ր(այ) սեղանոյն, եւ ՛ի վ(ե)ր(այ) սեմոց դրանն ներքին սրահին։

Verse: 20   Link to sept   եւ ա́յսպէս արասցէ, որ օր եւթն իցէ ամսոյն, յա(մենայ)ն յանգէտս յանցանաւորէ եւ ՛ի տղայոց քաւել զտունն։

Verse: 21   Link to sept   Եւ յամսեանն առաջնում, որ օր չորեքտասան իցէ ամսոյն, եղիցի ձեզ տօնն պասէք, զեւթն օր բաղա́րջ կերիջիք։

Verse: 22   Link to sept   եւ արասցէ առաջնորդն յաւուրն յայնմիկ վասն իւր՝ եւ վ(ա)ս(ն) տանն՝ եւ վ(ա)ս(ն) ա(մենայ)ն ժողովրդեան երկրին, զուարակ մի յարջառոց վ(ա)ս(ն) մեղաց։

Verse: 23   Link to sept   եւ զեւթն օր տօնին արասցեն ողջակէզս տ(եառ)ն, եւթն զուարակ՝ եւ եւթն խոյ. անարատ աւուր աւուր զեւթն օր. եւ վ(ա)ս(ն) մեղաց նոխազ մի յայծեաց աւուր աւուր։

Verse: 24   Link to sept   եւ զոհ եւ նաշիհ գործեալ ըստ զուարակին, եւ հաց գործեալ ըս(տ) խոյին. եւ քսէստ մի եւղ ըստ հացին։

Verse: 25   Link to sept   Եւ յամսեանն երրորդի որ օր հինգետասան իցէ ամսոյն արասցեն տօն ըս(տ) օրինակի եւթանց աւուրց. ո(ր)պ(էս) վ(ա)ս(ն) մեղացն՝ եւ վ(ա)ս(ն) ողջակիզացն. եւ ըստ նաշհւոյն՝ եւ ըստ ձիթոյն։



Chapter: 46  
ԳԼ(ՈՒԽ) Խ՜Զ.


Verse: 1   Link to sept   Ա́յսպէս ասէ տ(է)ր ա(ստուա)ծ, դուռնն որ ՛ի ներքնում սրահին հայի ընդ արեւելս. եղիցի փակեալ զվե́ց աւուրսն արգոյս, եւ յաւուրն շաբաթու բացցի, եւ յաւուրն ամսագլխոցն բացցի։

Verse: 2   Link to sept   եւ մտցէ առաջնորդն ը(նդ) ճանապարհ կամարի դրանն արտաքնոյ, եւ կացցէ ՛ի վ(ե)ր(այ) սեմոց դրանն. եւ արասցեն վ(ա)ս(ն) նորա ողջակէեզս քահանայիքն. եւ զփրկու(թ)ե(ան)ցն վ(ա)ս(ն) ն(ո)ր(ա). եւ երկի́ր պագցէ ՛ի վ(ե)ր(այ) սեմոց դրանն՝ եւ ելցէ։ եւ դուռն մի́ փակեսցի մինչեւ ցերեկոյ։

Verse: 3   Link to sept   եւ երկի́ր պագանիցէ ժողովուրդ երկրին առաջի մտից դրանն յաւուր շաբաթուց՝ եւ յամսագլուխս՝ առաջի տ(եառ)ն։

Verse: 4   Link to sept   Եւ զողջակէզս զոր մատուցնէ տ(եառ)ն առաջնորդն յաւուր շաբաթուց, վե́ց որոջ անարատ՝ եւ խոյ մի անարատ։

Verse: 5   Link to sept   եւ մաննա եփեալ առ խոյն եւ առ որոջսն եւ զոհս եւ տուրս ըստ ձեռին ն(ո)ր(ա), եւ քսէստ իւղոյ ըւստ հացին։

Verse: 6   Link to sept   Եւ յաւուրն ամսամտից զուարակ մի՝ որդի պառակամօր՝ անարատ. եւ վեց որոջղքն եւ խոյն, անարա́տք եղիցին։

Verse: 7   Link to sept   եւ նաշիհ ըստ զուարակին, եւ նաշիհ եւ մաննա ըստ խոյին՝ եւ ըստ որոջացն. ո(ր)պ(էս) եւ պատրաստեցի ՛ի ձեռս իւր. եւ եւղ ըւստ նաշհւոյն։

Verse: 8   Link to sept   եւ ՛ի մտանել առաջնորդին՝ ըւնդ ճանապարհ կամարի դրա́նն մտցէ, եւ ընդ նոյն ճանապարհ դրա́նն ելցէ։

Verse: 9   Link to sept   Եւ յորժամ մտանիցէ ժողովուրդ երկրին առաջի տ(եառ)ն ՛ի տօնս. որ մտանիցէ ընդ ճանապարհ դրանն հիւսւսոյ երկի́ր պագանել ելցէ ըւնդ ճանապարհ դրանն հարաւոյ. եւ որ մտցէ ընդ ճանապարհ դրանն հարաւոյ, ելցէ ընդ ճանապարհ դրանն հիւսւսոյ. եւ մի́ դարձցի ընդ ճանապարհ դրանն ընդ որ եմուտ. այլ ուղորդ ընդ նո́յն ելցէ։

Verse: 10   Link to sept   եւ առաջնորդն ՛ի մէջ ն(ո)ց(ա), ՛ի մտանելն ն(ո)ց(ա)՝ ընդ նոսին մտցէ, եւ ընդ ելանելն ն(ո)ց(ա)՝ ը(նդ) նոսին ելցէ։

Verse: 11   Link to sept   Եւ ՛ի տօնս եւ ՛ի ժողովս՝ եղիցի մաննա եփֆեալ ըւստ զուարակին, եւ մաննա ըստ խոյին եւ ըս(տ) որոջացն, ո(ր)պ(էս) պատրաստեսցի ՛ի ձեռս ն(ո)ր(ա) եւ քսէստ մի իւղոյ ըւստ հացին։

Verse: 12   Link to sept   Ապա թէ առնիցէ առաջնորդն զխոստովանու(թ)ե(ան) ողջակէզս, եւ զկամաւն փրկու(թ)ե(ան) տ(եառ)ն. բացցէ իւր զդուռնն որ հայի ըւնդ արեւելս, եւ արասցէ զողջակէզս՝ եւ զվասն փրկու(թ)ե(ա)ն, ըստ օրինակին ո(ր)պ(էս) առնիցէ յաւուր շաբաթուցն. եւ ելցէ եւ փակեսցէ զդրունսն յե́տ ելանելոյն իւրոյ։

Verse: 13   Link to sept   Եւ բուծ մի տարեւոր անարատ արասցէ յողջակէզ տ(եառ)ն, հանապազօր այգո́ւն այգուն արասցէ զայն

Verse: 14   Link to sept   եւ մաննա ը(նդ) նմին այգո́ւն այգուն, զվեցերորդ մասն չափոյն. եւ երրորդ մասն քսէստի եւղ խառնեալ ՛ի նաշիհն. մաննա տ(եառ)ն՝ հրաման յաւիտենական։

Verse: 15   Link to sept   հանապազ մատուցանիցէ զգառնն եւ զմաննայն, եւ զեւղն արասցէ այգո́ւն այգուն ողջակէզ հանապազորդ։

Verse: 16   Link to sept   Ա́յսպէս ասէ տ(է)ր տ(է)ր. եւ եթէ տացէ առաջնորդն պարգեւ միում յորդւոց իւրոց ՛ի ժառանգութ(են)է իւրմէ. եղիցի այն որդւոց ն(ո)ր(ա) ՛ի կալուածս ժառանգութե(ան)։

Verse: 17   Link to sept   Եւ եթէ տացէ պարգեւ ՛ի ժառանգութ(են)է իւրմէ միում ՛ի ծառայից իւրոց, եղիցի նմա այն մինչեւ ցտարին թողու(թ)ե(ան), եւ ապա դարձցի անդրէն առ առաջնորդն։ բայց ժառանգութի(ւն) որդւոց ն(ո)ր(ա)՝ նոցին եղիցի։

Verse: 18   Link to sept   Եւ մի́ առցէ առաջնորդն ՛ի ժառանգու(թեն)է ժողովրդեանն իւրոյ բռնադատե́լ զն(ո)ս(ա). այլ յիւրմէ կալուածոց եւ յիւրմէ ժառանգութ(են)է ժառանգեցուսցէ որդւոց իւրոց. զի մի́ ցրուեսցի ժողովուրդ իմ ՛ի յիւրաքանչիւր բնակու(թեն)է։

Verse: 19   Link to sept   Եւ տարաւ զիս ընդ կանապարհ դրանն հարաւոյ. ՛ի պատշգամ սրբու(թ)ե(ան)ց քահանայիցն որ հայէր ը(նդ) հիւսւսի, եւ ահա անդ տեղի զատեալ։

Verse: 20   Link to sept   եւ ասէ ցիս, ա́յս է տեղի յորում եփիցեն քահանայքն զվ(ա)ս(ն) անգիտու(թ)ե(ա)ն՝ եւ զվ(ա)ս(ն) մեղացն. ա́նդգ եփեսցեն եւ զմաննայն, ամենեւին մի́ ելանել ՛ի սրահն արտաքին սրբել զժողովուրդն։

Verse: 21   Link to sept   Եւ եհան զիս ՛ի սրահն արտաքին, եւ շրհջեցոյց զիս ը(նդ) չորս կողմանս սրահին. եւ ահա գաւիթ առ գաւիթս.

Verse: 22   Link to sept   ընդ չորս կողմանս սրահին. Գաւիթին փոքու՝ քառասուն կանգուն երկայնու(թ)ի(ւն). եւ երեսուն կանգուն լայնութի(ւն). մի չափ էր չորեցունց։

Verse: 23   Link to sept   եւ պատշգամք շուերջանակի զչորեքումբք. եւ խոհակերոցք շինեալք ՛ի ներքոյ պատշգամացն շուրջանակի։

Verse: 24   Link to sept   Եւ ասէ ցիս, ա́յս տունք են խոհակերաց, ուեր հատուցանիցեն պաշտօնեայքն տանն զզենլիս ժողովրդեանն։



Chapter: 47  
ԳԼ(ՈՒԽ) Խ՜Է.


Section: 39 

Verse: 1   Link to sept   Եւ եմոյծ զիս առաջի դրան տաճարին, եւ ահա ելանէր ջուր ՛ի ներքոյ վարագուրաց տաճարին ը(նդ) արեւելս. զի երեսք տաճարին հայէին ընդ արեւելս. եւ ջուրն հոսէր յաջմէ կողմանէ տաճարին հիւսւսոյ՝ ՛ի սեղանն կոյս։

Verse: 2   Link to sept   Եւ եհան զիս ընդ ճանապարհ դրանն հիւսւսոյ, եւ շրջեցոյց զիս ընդ ճանապարհ դրանն արտաքնոյ առ դրամբն արտաքնով, որ հայէր ընդ արեւելս. եւ ահա ջուրն հոսէր յաջմէ կողմանէ։

Verse: 3   Link to sept   Եւ իբրեւ զելս առն դէմ յւանդիման, եւ չափ ՛ի ձեռին իւրում։ Եւ չափեաց հազա́ր, չափովն՝ եւ անց ընդ ջուրն յորդութե(ան)ց։

Verse: 4   Link to sept   եւ չափեաց հազա́ր, չափովն՝ եւ անց ընդ ջուրն, եւ հարկանէր ջուրն մինչեւ ցերանսն։ եւ չափեաց հազա́ր, չափովն՝ եւ անց ը(նդ) ջուրն. եւ հարկանէր ջուրն մինչեւ ցդօտին։

Verse: 5   Link to sept   եւ չափեաց հազա́ր, չափովն զուխսն՝ եւ ո́չ կարէր անցանել. զի յորդեաց ջուրն իբրեւ զցյորձանս հեղեղաց ը(նդ) որ ո́չ ոք անցանիցէ։

Verse: 6   Link to sept   Եւ ասէ ցիս, տե́ս որդի մարդոյ։ եւ դարձոյց զիս եւ տարաւ յափն գետոյն։

Verse: 7   Link to sept   եւ ՛ի շրջելն անդ իմում, եւ ահա յափն գետոյն ծառատունկ բազում յոյժ յա́յսկոյս յա́յնկոյս։

Verse: 8   Link to sept   Եւ ասէ ցիս. ջուրս այս որ ելանէ ՛ի կողմ գալիլեացւոց ը(նդ) արեւելս, եւ իջանէ յարաբիա, եւ գայ մինչեւ ցծով ՛ի ջուրց ելիցն, եւ բժշկեսցէ զջուրս։

Verse: 9   Link to sept   եւ եղիցի ա(մենայ)ն շունչ անասնոց թքելոց. յա(մենայ)նի յորոց վ(ե)ր(այ) եկեսցէ գետն՝ կենդանասցին։ Եւ եղիցի անդ ձուկն բազում յոյժ, զի հասեալ անդր ջրոյս այսորիկ՝ բժշկեսցէ. եւ կենդանասցին յորոց վ(ե)ր(այ) հասցէ գետն՝ եւ կեցցէ́։

Verse: 10   Link to sept   Եւ կացցեն ՛ի նմա որսորդք յենգադեայ մինչեւ ցենգադիս. ձգանք ուռկանաց առանձինն եղիցին. եւ ձկունք նորա իբրեւ զձկունս ծովուն մեծի, եւ բազմութի(ւն) բազում յոյժ։

Verse: 11   Link to sept   յելս ն(ո)ր(ա)՝ եւ ՛ի դարձս նորին, եւ ՛ի համբառնալ նորին մի́ սրբեսցին. այլ յայլս մատնեսցին։

Verse: 12   Link to sept   Եւ առ գետովն ելցեն զափամբն յայսկոյս՝ ա(մենայ)ն ծա́ռ ուտելի, եւ մի́ հնասցի շուրջ զնովաւ, եւ մի́ պակասեսցի պտուղ ն(ո)ր(ա), եւ զդալարու(թ)ի(ւն) իւր յառաջագոյն արձակեսցէ. զի ջուրք նորա ՛ի սրբութե(ան)ց ելանիցեն. եւ եղիցի պտուղ ն(ո)ց(ա) ՛ի կերակուր, եւ ելք ն(ո)ց(ա) ՛ի բժշկութի(ւն)։
Section: 40 

Verse: 13   Link to sept   Ա́յսպէս ասէ տ(է)ր ա(ստուա)ծ. ա́յս են սահմանք ժառանգութե(ան) երկրին, զոր ժառանգեցուցանիցեն երկոտասան ազգացն որդւոցն ի(սրայէ)լի յաւելուած վիճակաց։

Verse: 14   Link to sept   եւ ժառանգեսցեն զնա իւրաքանչիւրոք՝ ո(ր)պ(էս) եւ եղբայրն իւր, յոր ամբարձի զձեռն իմ տալ հարցն ն(ո)ց(ա). եւ անկցի երկիրն այն ձեզ ՛ի վիճակ ժառանգութե(ան)։

Verse: 15   Link to sept   Եւ ա́յս են սահմանք երկրին որ ընդ կողմ հիւսւսոյ։ ՛Ի ծովէն մեծէ, որ իջանէ եւ մեկնէ ՛ի մուտս եղղադայ

Verse: 16   Link to sept   եւ եմաթայ, եւ բերովթայ, սաբարսիմայ. ՛ի մէջ սահմանացն դամասկոսի, եւ ՛ի մէջ սահմանացն եմաթայ՝ բնակու(թ)ի(ւն)ք աւնանայ որ են ՛ի սահմանս աւրանացւոց։

Verse: 17   Link to sept   Ա́յս են սահամանք ՛ի ծովէ ՛ի հանդրուանէ աւնանայ՝ սահմանք դամասկոսի. եւ ՛ի կողմ հիւսւսոյ ըստ հիւսւսոյ, եւ սահմանն եմաթայ սահման հիւսւսոյ,

Verse: 18   Link to sept   դէմ յանդիման արեւելից ՛ի մէջ աւրանացւոցն եւ ՛ի մէջ դամասկոսի. ՛ի մէջ գաղաադացւոցն եւ ՛ի մէջ երկրին ի(սրայէ)լի, յորդանան մեկնէ ընդ ծովակողմ արեւելից ը(նդ) արմաւաստանն։ այս ընդ արեւելս,

Verse: 19   Link to sept   եւ ընդ հարա́ւ. եւ առ հարաւով ՛ի թեմանայ եւ յարմաւաստանէ՝ մինչեւ ՛ի ջուրն մարիբովթկադէս որ ձգի ՛ի ծովն մեծ։ Ա́յս բաժին հարաւային՝ եւ առ հարաւո́վ։

Verse: 20   Link to sept   եւ սոյն բաժին ծովուն մեծի, որ որոշէ մինչեւ հանդէպ մտիցն եմաթայ, մինչե́ւ ՛ի մուտս նորին. ա́յս ինքն են ընդ ծովակողմն եմաթայ։

Verse: 21   Link to sept   Եւ բաժանեսջիք զերկիրն զայն ն(ո)ց(ա), եւ ազգացն ի(սրայէ)լի

Verse: 22   Link to sept   արկջիք զնա ՛ի վիճակս. ձե́զ եւ եկացն, եւ պանդխտացն որ ՛ի միջի ձերում, որք ծնան որդիս ՛ի միջի ձերում. եւ եղիցին ձեզ իբրեւ այդրենածինք ՛ի մէջ որդւոցն ի(սրայէ)լի. եղիցին ընդ ձեզ. կերիցեն ժառանգութ(եամ)բ ՛ի մէջ ազգացդ ի(սրայէ)լի։

Verse: 23   Link to sept   Եւ եղիցին յազգ պանդխտաց ՛ի մէջ պանդխտաց՝ որ իցեն ՛ի ձեզ. ա́նդ տաջիք ն(ո)ց(ա) ժառանգութի(ւն)՝ ասէ տ(է)ր ա(ստուա)ծ։



Chapter: 48  
ԳԼ(ՈՒԽ) Խ՜Ը.


Verse: 1   Link to sept   Եւ ա́յս են սահմանք ցեղիցն. իսկզբանէ կողմանն հիւսւսոյ ըստ կողման զառիթափին, որ զատանէ ընդ մուտս էմաթու հանդրուանին աւնանու. սահման դամասկոսի առ հիւսւսով ըստ կողման բնակութե(ա)ն եմաթայ։ Եւ եղիցի ն(ո)ց(ա) արեւելակողմ մինչեւ ՛ի ծովակողմ՝ դանայ բաժին մի։

Verse: 2   Link to sept   Եւ ՛ի սահմանց անտի դանայ յարեւելակողմ մինչեւ ՛ի ծովակողմ՝ ասերայ բաժին մի։

Verse: 3   Link to sept   Եւ ՛ի սահմանաց ասերայ յարեւելից կուսէ մինչեւ ցծովակողմ՝ նեփթաղիմայ բաժին մի։

Verse: 4   Link to sept   Եւ ՛ի սահմանացն նեփթաղիմայ յարեւելից կուսէ մինչեւ ցծովակողմ՝ մանասէի բաժին մի։

Verse: 5   Link to sept   Եւ ՛ի սահմանացն մանասէի յարեւելից կուսէ մինչեւ ցծովակողմ՝ եփրեմի բաժին մի։

Verse: 6   Link to sept   Եւ ՛ի սահմանացն եփրեմի յարեւելից կուսէ մինչեւ ՛ի ծովակողմ՝ ռոբինի բաժին մի։

Verse: 7   Link to sept   Եւ ՛ի սահմանացն ռոբինի յարեւելից կուսէ մինչեւ ցծովակողմ՝ յուդայի բաժին մի։

Verse: 8   Link to sept   Եւ ՛ի սահմանացն յուդայի յարեւելից կողմանէ մինչեւ ցծովակողմ. եւ եղիցի պտուղ նուիրաց քսան եւ հինգ հազար յերկայնու(թ)ի(ւն), եւ տասնհազար ՛ի լայնութի(ւն). իբրեւ զմի ՛ի վիճակաց ՛ի կողմանցն արեւելից մինչեւ ցծովակողմն։ Եւ եղիցի ս(ուր)բ ՛ի մէջ ն(ո)ց(ա).

Verse: 9   Link to sept   պտուղ զոր նուիրիցեն տ(եառ)ն, յերկայնու(թ)ի(ւն) քսան եւ հինգ հազար կանգուն, եւ ՛ի լայնու(թ)ի(ւն) տասնհազար։

Verse: 10   Link to sept   Եղիցի պտուղ սրբու(թ)ե(ան)ց քահանայիցն. ընդ հարաւակողմ յերկայնու(թ)ի(ւն) քսան եւ հինգ հազար, եւ ընդ ծովակողմ ՛ի լայնութի(ւն) տա́սնհազար, եւ ընդ արեւելս ՛ի լայնութի(ւն) տասն հազար, եւ ընդ հիւսակողմ յերկայնու(թ)ի(ւն) քսան եւ հինգ հազար։ Եւ եղիցի սահման սրբու(թ)ե(ան)ցն ՛ի միջի ն(ո)ց(ա),

Verse: 11   Link to sept   քահանայիցն սրբեցելոց որդւոցն սադովկայ, որք պահեն զպահպանութի(ւն)ս տանն տ(եառ)ն. որք ո́չ մոլորեցան ՛ի մոլորու(թ)ի(ւն) որդւոցն ի(սրայէ)լի՝ ո(ր)պ(էս) մոլորեցան ղեւտացիք։

Verse: 12   Link to sept   Եւ եղիցի ն(ո)ց(ա) պտուղ տուեալ ՛ի պտղոյ երկրին սրբութի(ւն) սրբու(թ)ե(ան)ցն, ՛ի սահմանաց ղեւտացւոցն։

Verse: 13   Link to sept   եւ ղեւտացւոցն որ զհետ սահմանաց քահանայիցն, եղիցի յերկայնութի(ւն) քսան եւ հինգ հազար՝ եւ ՛ի լայնու(թ)ի(ւն) տասնհազար։

Verse: 14   Link to sept   ո́չ վակառեսցի ՛ի ն(ո)ց(ա)նէն, եւ ո́չ չափեսցի, եւ ո́չ առցի առաջին արդեանց երկրին. զի սրբութի(ւն) տ(եառ)ն է։

Verse: 15   Link to sept   Բայց հոնգհազարն աւելո́րդ լայնութ(եամ)բ առ քսան եւ հինգ հազարին, պատուար արտաքոյ քաղաքին լիցին ՛ի բնակու(թ)ի(ւն) եւ յարձակավայրս նորին. եւ եղիցի քաղաքն ՛ի միջի ն(ո)ր(ա)։

Verse: 16   Link to sept   Եւ ա́յս է չափ նորա. ՛ի կողմանէ հիւսւսո́յ՝ չո́րք հազար եւ հինգ հարեւր. եւ ՛ի կողմանէ հարաւոյ՝ չորք հազար եւ հինգ հարեւր. եւ ՛ի կողմանէ արեւելից՝ չորքհազար եւ հինգ հարեւր. եւ ՛ի կողմանէ ծովուն՝ չորքհազար եւ հինգ հարեւր։

Verse: 17   Link to sept   Եւ եղիցի բացատ քաղաքին ընդ հիւսւսի՝ երկերիւր եւ յիսուն. եւ ընդ հարաւ՝ երկերիւր եւ հիսուն. եւ ընդ արեւելս՝ երկերիւր եւ յիսուն. եւ ընդ ծով՝ երկերիւր եւ յիսուն։

Verse: 18   Link to sept   Եւ աւելորդ երկայնու(թ)ե(ա)ն մերձ առ երախայրեօք սրբու(թ)ե(ան)ցն տասն հազար ընդ արեւելս, եւ տասն հազար ընդ ծով։ եւ եղիցին երախայրիք ՛ի սրբու(թ)ե(ա)ն. եւ եղիցին արդիւնք ն(ո)ր(ա) ՛ի հաց գործաւորի քաղաքին.

Verse: 19   Link to sept   եւ գործաւորք քաղաքին գործեսցեն զնա ա(մենայ)ն ցեղիցն ի(սրայէ)լի։

Verse: 20   Link to sept   Եւ ա(մենայ)ն պտուղ քսան եւ հինգ հազար՝ առ քսան եւ հինգ հազար. չորեքկուսի զատանիջիք զպտուղ սրբութե(ա)ն ՛ի բնակու(թեն)է քաղաքին։

Verse: 21   Link to sept   եւ աւելորդ նորուն՝ գլխաւորի́ն եղիցի. եւ անտի ՛ի պտուղ սրբութե(ան), եւ ՛ի նիստ քաղաքին յանդիման նորին, քսան եւ հինգ հազար երկայնութի(ւն)՝ մինչեւ ՛ի սահմանս արեւելից կողմանն։ եւ ՛ի ծովակողմ դէմ յանդիման նմին, քսան եւ հինգ հազար մինչեւ ՛ի սահմանս ծովակողմանն մե́րձ առ վիճակ գլխաւորին։ եւ եղիցի պտուղ սրբութե(ան)ցն, եւ սրբու(թ)ի(ւն) տաճարին ՛ի մէջ ն(ո)ր(ա)։

Verse: 22   Link to sept   եւ ժառանգութի(ւն) ղեւտացւոցն։ Եւ ՛ի բնակութ(են)է քաղաքին, միջոցն գլխաւորացն եղիցի. եւ ՛ի մէջ սահմանացն յուդայ. եւ ՛ի մէջ սահմանացն բենիամինի՝ գլխաւորին եղիցի։

Verse: 23   Link to sept   Եւ աւելորդ ցեղիցն՝ ՛ի կողմանցն արեւելից մինչեւ ցծովակողմ բենիամինի բաժին մի։

Verse: 24   Link to sept   Եւ ՛ի սահմանացն բենիամինի՝ ՛ի կողմանցն արեւելից մինչեւ ՛ի ծովակողմ շմաւոնի բաժին մի։

Verse: 25   Link to sept   Եւ ՛ի սահմանացն շմաւոնի ՛ի կողմանցն արեւելից մինչեւ ՛ի ծովակողմ իսաքարայ բաժին մի։

Verse: 26   Link to sept   Եւ ՛ի սահմանացն իսաքարայ ՛ի կողմանցն արեւելից մինչեւ ՛ի ծովակողմ զաբուղոնի բաժին մի։

Verse: 27   Link to sept   Եւ ՛ի սահմանացն զաբուղոնի ՛ի կողմանցն արեւելից մինչեւ ՛ի ծովակողմ գադայ բաժին մի։

Verse: 28   Link to sept   Եւ ՛ի սահմանացն գադայ մինչեւ ցհարա́ւ եղիցի սահմանք ն(ո)ր(ա)՝ ՛ի թեմանայ եւ ՛ի ջրոցն ռաբովթկադէս՝ ժառանգու(թ)ի(ւն) մի մինչեւ ցծովն մեծ։

Verse: 29   Link to sept   Ա́յս երկիր է զոր բաժանիցէք վիճակաւ ազգացն ի(սրայէ)լի. եւ ա́յս բաժինք ն(ո)ց(ա) ասէ տ(է)ր ա(ստուա)ծ։

Verse: 30   Link to sept   Եւ ա́յս ելամուտ քաղաքին. ընդ կողմ հիւսւսոյ չորքհազար եւ հինգ հարեւր չափովն։

Verse: 31   Link to sept   Եւ դրունք քաղաքին ըստ անուանց ազգացն ի(սրայէ)լի։ դրունք երեք ընդ կողմ հիւսւսոյ. դուռն մի ռոբինի, եւ դուռն մի յուդայ, եւ դուռն մի ղեւեայ։

Verse: 32   Link to sept   Եւ ընդ կողմ արեւելից չորքհազարք՝ եւ հինգհարեւր չափովն։ եւ դրունք երեք. դուռն մի յովսեփայ, եւ դուռն մի բենիամինի, եւ դուռն մի դանայ։

Verse: 33   Link to sept   Եւ ընդ կողմ հարաւոյ չորքհազարք՝ եւ հինգհարեւր չափովն, եւ դրունք երեք. դուռն մի շմաւոնի, եւ դուռն մի իսաքարայ, եւ դուռն մի զաբուղոնի։

Verse: 34   Link to sept   Եւ ընդ կողմն ծովու չորքհազար՝ եւ հինգհարեւր չափովն. եւ դրունք երեք. դուռն մի գադայ, եւ դուռն մի ասերայ, եւ դուռն մի նեփթաղիմայ։

Verse: 35   Link to sept   Շուրջ շրջանակաւ՝ ութուտասն հազար։ եւ անուն քաղաքին յորմէհետէ եղիցի անդ տ(է)ր տ(է)ր եղիցի անուն ն(ո)ր(ա)։
Section:  


ՎԱԽՃԱՆ ՀԻՆ ԿՏԱԿԱՐԱՆԱՑ։


Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.